رواية المهندس 🔞 الجزء السابع
للكاتبة زينب علي
.
ﺻﺎﻓﻦ ﺑﺪﻭﻥ ﻛﻼﻡ ﺣﺴﻴﺖ ﺍﻟﻜﻠﻤﺎﺕ ﻛﻮﻭﻭﻟﻬﺎ ﻃﺎﺭﺕ ﻣﻦ ﺩﻣﺎﻏﻲ ﺣﺴﻴﺖ ﺍﻓﻜﺎﺭﻱ ﺟﻦ ﻣﺸﻮﺷﻪ ﻣﺎ ﺣﺴﻴﺖ ﺳﻤﻌﺖ ﺍﻟﻲ ﻛﺎﻟﺘﻪ .
ﻣﺸﺘﺎﻗﺘﻠﻚ ....
ﻛﺮﺭﺕ ﻣﺮﻩ ﺛﺎﻧﻴﻪ ﺍﻟﻲ ﻛﺎﻟﺘﻪ .
ﻣﻨﻮ ﺍﻧﺘﻲ .
ﺟﺎﻧﺖ ﺑﺲ ﺗﺒﺎﻭﻋﻠﻲ ﻭﻋﻴﻮﻧﻬﺎ ﻣﻐﺮﻏﺮﻩ .
ﻣﻨﻮ ﺍﻧﺘﻲ .
ﺻﺎﻓﻨﻪ ﻣﺠﺎﻭﺑﺘﻨﻲ .
ﺯﻳﻦ ﺷﻨﻮ ﺍﺳﻤﺞ ؟
ﺣﻮﺭﺍﺀ ....
ﻛﻠﺖ ﺑﻜﻠﺒﻲ ﺳﺒﺤﺎﻥ ﺍﻟﻬﺎﻟﻖ ﺻﺪﻙ ﺣﻮﺭﺍﺀ ﺍﺳﻢ ﻋﻠﻰ ﻣﺴﻤﻰ .. ﻟﺒﺴﻲ ﺣﺠﺎﺑﺞ ....
ﻟﻴﺶ ؟ ...
ﺷﻨﻮ ﻟﻴﺶ ﺍﻧﺘﻲ ﻛﺎﻋﺪﻩ ﺑﺸﺎﺭﻉ . ﻟﺒﺴﻲ ﻳﺒﺖ ﺍﻟﻨﺎﺱ ...
ﻭﻳﻦ ﺟﻨﺖ ﻛﻞ ﻫﺎﻱ ﺍﻟﻔﺘﺮﻩ ؟؟؟
ﻋﻨﺪﻱ ﺷﻐﻞ !!!!! ﻟﻴﺶ ؟؟؟؟
ﻳﻮﻣﻴﻪ ﺍﻧﺰﻝ ﺍﺷﻮﻓﻚ ﺑﻠﻜﻲ ﺍﺟﻴﺖ ....
ﺷﺘﺮﺩﻳﻦ ﻣﻨﻲ ...
ﺷﺘﺮﻳﺪ ﺍﻟﻤﺮﻩ ﻣﻦ ﺍﻟﺮﺟﺎﻝ ؟؟؟؟ ...
ﻫﻬﻬﻬﻪ ﺣﺎﺳﺒﻪ ﻧﻔﺴﺞ ﻣﺮﻩ ﻳﻌﻨﻲ ....
ﻭﻟﻴﺶ ﻻ ﺷﻨﻬﻮ ﺍﻟﻌﺎﻳﺰﻧﻲ ....
ﺭﻭﺣﻲ ﻳﺒﺖ ﺍﻟﻌﺎﻟﻢ ﻻ ﺍﻓﻴﺪﺝ ﻭﻻ ﺗﻔﻴﺪﻳﻨﻲ ...
ﺑﺲ ﺍﻧﻪ ﺍﺣﺒﻚ ...
ﺍﻧﺘﻲ ﻣﺮﺍﻫﻘﻪ ﺷﻨﻮ ﺍﺣﺒﻚ ﺭﻭﺣﻲ ﻣﻨﺎ ﻻ ﻭﺍﺣﺪ ﻳﺸﻮﻓﺞ ...
ﻻ ﺗﺨﺎﻑ ﻣﺤﺪ ﻳﺸﻮﻓﻨﻲ ﻛﻠﻬﺎ ﻃﺎﻟﻌﻪ ....
ﻣﺎ ﺍﺧﺎﻑ ﺑﺲ ﺭﻭﺣﻲ ﺍﻧﺘﻲ ﺑﻌﻤﺮ ﺑﻨﺎﺕ ﺍﺧﻮﻳﻪ ﻣﺜﻞ ﻣﺎ ﺍﺧﺎﻑ ﻋﻠﻴﻬﻦ ﺍﺧﺎﻑ ﻋﻠﻴﺞ ﺭﻭﺣﻲ ﻭﺑﻌﺪ ﻟﺘﺠﻴﻦ ...
ﻭﺍﻟﻠﻪ ﻫﺎﻭﻳﺘﻚ ﻭﻛﻠﺒﻲ ﻃﺎﻳﻒ ﻃﻮﺍﻑ ﻋﻠﻴﻚ ....
ﺧﺰﺭﺗﻬﺎ ﻭﻛﺘﻠﻬﺎ ﺑﻨﺘﺮ ﺗﺮﺣﻴﻦ ﻟﻮ ﺍﻛﻞ ﻟﻬﻠﺞ ...
......
ﺧﺎﻓﺖ ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﺭﺍﺣﺖ ﺗﺮﻛﺾ . ﺍﻭﻝ ﻣﺮﻩ ﻫﻴﺞ ﺟﺰﺕ ﻛﻠﺒﻲ ﻣﻨﻬﺎ ﺣﺴﻴﺘﻬﺎ ﻫﻴﻪ ﻃﻔﻠﻪ ﻭﺗﺤﺠﻲ ﺣﺠﻲ ﺍﻛﺒﺮ ﻣﻦ ﺣﺠﻤﻬﺎ ﻭﺷﻲ ﺛﺎﻧﻲ ﺑﺬﺍﻙ ﺍﻟﻮﻗﺖ ﺍﻟﻲ ﺟﻨﻪ ﺍﺣﻨﻪ ﺑﻲ ﺟﺎﻧﻦ ﺍﻟﺒﻨﺎﺕ ﻳﺨﺎﻓﻦ ﻣﻦ ﺧﻴﺎﻟﻬﻦ ﻳﻌﻨﻲ ﺍﻟﻲ ﺗﺤﺠﻲ ﻫﻴﺞ ﺍﻣﺎ ﻋﺎﺷﻘﻪ ﻟﺪﺭﺟﻪ ﺍﻟﻮﻟﻪ ﺑﺤﻴﺚ ﺗﺘﻨﺎﺯﻝ ﺣﺘﻪ ﻋﻦ ﻛﺮﺍﻣﺘﻬﺎ ﻟﻮ ﻧﺤﻂ ﻋﻠﻴﻬﺎ ﻋﻼﻣﻪ ﺍﻛﺲ . ﻭﻛﻮﻟﺘﻨﻪ ﻋﻠﻴﻬﺎ ( ﻣﺎ ﺿﻠﺖ ﺑﻨﻔﺲ ﻭﺍﺣﺪ ) ﺍﻧﻲ ﺍﻛﺮﻩ ﻫﻴﺞ ﺻﻨﻒ ﻣﻦ ﺍﻟﻨﺴﻮﺍﻥ ....
. ﺭﺍﺣﺖ ﻭﺿﻠﻴﺖ ﺍﻓﻜﺮ ﺑﺤﺠﺎﻳﺘﻬﺎ ﻣﺸﺘﺎﻗﺘﻠﻚ ، ﺍﺣﺒﻚ ،ﻫﺎﻭﻳﺘﻚ ، ﻭﻛﻠﺒﻲ ﻃﺎﻳﻒ ﻋﻠﻴﻚ . ﺿﺤﻜﺖ ﺗﺬﻛﺮﺕ ﻓﺘﺮﻩ ﺍﻟﻤﺮﺍﻫﻘﻪ ﺍﻟﻲ ﻣﺮﻳﺖ ﺑﻴﻬﺎ ﻓﺘﺮﻩ ﺟﺎﻧﺖ ﺻﻌﺒﻪ ﻛﻠﺶ ﻫﻬﻬﻬﻬﻬﻪ .
ﺭﺟﻌﺖ ﻟﻠﺒﻴﺖ ﻛﺎﻋﺪ ﺍﻓﻜﺮ ﺑﻴﻬﺎ ﻭﻋﻘﻠﻲ ﻳﺨﺒﻂ ﺍﻓﻜﺎﺭ ﺍﻟﻌﻴﻮﻥ ﺍﻟﺸﺎﻳﻠﺘﻬﻦ ﻣﺸﺎﻳﻠﺘﻬﻦ ﻣﺮﻩ ﺿﺮﺑﺖ ﺻﻔﻨﻪ ﻭﺭﺣﺖ ﺑﻐﻴﺮ ﻋﺎﻟﻢ . ﺍﻣﻴﺮ ﻳﺴﻮﻟﻒ ﻭﻳﺎﻱ ﻭﺍﻧﻲ ﻭﻻ ﻛﻠﻤﻪ ﺳﻤﻌﺘﻬﺎ ﻣﻨﻪ ﺑﺲ ﺻﺪﻯ ﺻﻮﺗﻪ ﻳﺮﻥ ﺑﺬﺍﻧﻲ ﻟﺤﺪ ﻣﺎ ﻛﺎﻝ ﺍﺑﻦ ﺍﻣﻴﺮ ﻋﻼﻭﻱ ﻛﺎﻝ ﻳﻤﻪ ﻫﺎﻱ ﺍﺧﺖ ﺍﻣﺠﺪ ﺑﻠﺒﺎﺏ ..
ﺭﻛﺰﺕ ﻣﻨﻮ ﻫﺎﻱ ﺍﺧﺖ ﺍﻣﺠﺪ . ﻛﻠﺖ ﺍﻛﻴﺪ ﻫﻴﻪ ﺧﻞ ﺍﻃﻠﻊ .
ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﺭﻓﻌﺖ ﺣﺎﺟﺒﻲ ﺍﻟﻬﺎ . ﺷﺎﻓﺘﻨﻲ ﻧﺰﻟﺖ ﺭﺍﺳﻬﺎ ﺑﺪﻭﻥ ﻛﻼﻡ . ﺷﺘﺮﺩﻳﻦ ؟
.....
ﺍﺭﻳﺪﻥ ﺍﻡ ﺍﻳﻬﺎﺏ ..
ﺷﺘﺮﺩﻳﻦ ﻣﻨﻬﺎ ....
ﺳﻮﻳﻨﻪ ﺩﻭﻟﻤﻪ ﻭﻋﻤﺘﻲ ﺩﺯﺗﻬﺎ ﺍﻟﻬﺎ ....
ﻳﺎﻫﻴﻪ ﻋﻤﺘﺞ ....
ﻣﺠﺎﻭﺑﺘﻨﻲ . ﺷﻮﻳﻪ ﻭﺍﺟﺘﻲ ﻣﺮﻩ ﺍﻣﻴﺮ . ﻫﻼ ﺣﻮﺭﻳﻪ ﺣﺒﻴﺒﺘﻲ ﺗﻔﻀﻠﻲ . ﻳﺎﺍﺍﺍ ﻫﺎﻱ ﺷﺒﻴﻬﻦ ﻋﻴﻮﻧﺞ .
ﺛﺎﺭﻣﻪ ﺑﺼﻞ ﺧﺎﻟﻪ ﻳﺤﺮﻛﻨﻲ ...
ﺑﻌﺪﺭ ﺭﻭﺣﻲ ﻟﻴﺶ ﻫﻴﺞ ﻋﻴﻮﻧﺞ ﺍﻟﺤﻠﻮﻩ ﺗﺮﻭﺡ . ﻛﻮﻟﻲ ﻟﻌﻤﺘﺞ ﺻﺎﺭﺕ ﺯﺣﻤﻪ ﺧﻄﻴﻪ ﻭﺍﻟﻠﻪ ﻣﺰﺣﻤﻪ ﺭﻭﺣﻬﺎ ....
ﺷﻨﻮ ﺍﻟﻘﺼﻪ ﺧﺎﻟﻪ ﻫﻮ ﻣﺎﻋﻮﻥ ﻫﺬﺍ ﺍﻧﻲ ﻃﺒﺨﺘﻪ ....
( ﺷﺎﻟﺖ ﻋﻴﻮﻧﻬﺎ ﺑﺎﻭﻋﺘﻠﻲ ﻭﻧﺰﻟﺖ ﺭﺍﺳﻬﺎ ﺍﺷﺎﺭﻩ ﺍﻧﻮ ﺍﻻﻛﻞ ﺍﻟﻲ ﺟﺒﺘﻪ ﻃﺒﺨﻲ )
ﺿﺤﻜﺖ ﻭﻋﻔﺘﻬﺎ ﻭﺭﺣﺖ . ﻭﺿﻠﺖ ﻣﺮﻩ ﺍﻣﻴﺮ ﺗﺴﻮﻟﻒ ﻭﻳﺎﻫﺎ ﺧﻤﺲ ﺩﻗﺎﻳﻖ ﻭﺳﺪﺕ ﺍﻟﺒﺎﺏ ﻭﺭﺍﺣﺖ . ﺍﻭﻝ ﻣﺎ ﺭﺍﺣﺖ ﺭﺣﺖ ﺿﻜﺘﻬﺎ ﻛﻠﺶ ﻃﻴﺒﻪ . ﻫﻠﻜﻄﻤﻪ ﻳﻄﻠﻊ ﻣﻨﻬﺎ ﻛﻞ ﻫﺬﺍ ﺍﻟﺒﻠﻪ .
ﺻﺒﺖ ﺍﻻﻛﻞ ﻣﺮﻩ ﺍﻣﻴﺮ ﻭﺗﻐﺪﻳﺖ ﻭﻳﺎﻫﻢ ﻭﺍﻓﻜﺮ ﺑﻠﺪﻭﻟﻤﻪ ﻛﻞ ﺳﺎﻉ ﺍﺭﻳﺪ ﺍﻛﻠﻬﻢ ﺗﺮﻩ ﻫﺎﻱ ﺍﻟﻴﻪ ﻟﺤﺪ ﻳﺎﻛﻠﻬﺎ ﻫﻬﻬﻪ .
ﻣﺮﻩ ﺍﻣﻴﺮ : ﻭﺍﻟﻠﻪ ﻫﺬﻧﻲ ﺑﻨﺎﺕ ﺣﺠﻲ ﺣﺴﻦ ﺍﺑﻮ ﺍﻣﺠﺪ ﻳﻌﻨﻲ ﺣﺒﺎﺑﺎﺕ ﻭﻳﻨﺤﻄﻦ ﺑﻠﻜﻠﺐ .
ﺍﻭﻝ ﻣﺮﻩ ﺑﺤﻴﺎﺗﻲ ﺍﺿﻞ ﺍﺳﺘﻤﻊ ﻟﺤﺠﻲ ﻳﺠﻴﺐ ﻃﺎﺭﻱ ﻣﺮﻩ ﻛﺪﺍﻣﻲ ﻭﻛﺎﻧﻮ ﺟﻨﺖ ﻣﻨﺘﻈﺮ ﺗﻜﻤﻞ ﺣﺠﻲ ﻋﻨﻬﺎ ﺑﺪﻭﻥ ﻣﺎ ﺍﻋﺮﻑ ﺍﻟﺴﺒﺐ .
ﻭﻛﻤﻠﺖ ﺳﺤﺮ ﺗﻜﻮﻝ : ﺍﻧﻲ ﺑﺮﺃﻳﻲ ﺍﻛﻞ ﻻﻡ ﺍﻳﻤﻦ ﻣﺮﻩ ﺣﺴﻦ ﺗﺠﻲ ﺗﺸﻮﻓﻬﺎ ﻫﻴﻪ ﻭﺑﺖ ﻋﻤﻬﺎ ...
ﻣﻨﻮ ﻫﻴﻪ ...
ﻫﺎﻱ ﺣﻮﺭﻳﻪ ﺑﻌﺪﻫﺎ ﺻﻐﻴﺮﻩ ﻫﻴﻪ ﻭﺑﺖ ﻋﻤﻬﺎ ﺛﻨﻴﻨﻬﻦ ﺣﻠﻮﺍﺕ ﻭﺣﺪﻩ ﻻﻳﻤﻦ ﻭﺣﺪﻩ ﻟﻌﺒﺎﺱ ﺍﻟﺠﺒﻴﺮﻩ ﻻﻳﻤﻦ ﺧﺪﻳﺠﻪ ﻫﻢ ﺧﻮﺵ ﺑﻨﻴﻪ ﻭﺣﻠﻮﻩ ﺗﺨﺒﻞ ﻭﻫﺎﻱ ﻟﻌﺒﻮﺳﻲ ....
ﺷﻨﻮ ﻫﻠﺰﻋﺎﻃﻴﻂ ﻫﺬﻭﻟﻪ ﺍﻧﻲ ﺍﺗﻌﺠﺐ ﻋﻠﻰ ﺣﺴﻦ ﻳﺮﻳﺪ ﻳﺰﻭﺟﻬﻢ ﻭﻳﻨﻬﻢ ﻭﻳﻦ ﺍﻟﻌﺮﺱ . ﺑﻌﺪﻳﻦ ﺷﺘﻌﺮﻓﻴﻦ ﻋﻨﻬﻦ ﻭﺗﺮﻛﻀﻴﻦ ﺍﻟﻬﻦ ﻳﻤﻌﻮﺩﻩ ﺳﺪﻱ ﻣﻮﺿﻮﻋﻬﻦ ...
ﻟﻴﺶ ﺧﻮﻳﻪ ﺍﻟﻮﻟﺪ ﻫﻤﻪ ﻃﻠﺒﻮ ﺯﻭﺍﺝ ﻭﻛﻠﻤﻦ ﺑﻴﺪﻩ ﺷﻐﻠﻪ ﺍﺷﻮ ﺻﻠﻮﺍﺕ ﺍﻳﻤﻦ ﻭﻱ ﺍﺑﻮ ﻳﺸﺘﻐﻞ ﻭﻋﺒﺎﺱ ﻧﺠﺎﺭ ﻭﺭﺩﻩ ﻣﺎ ﻋﺎﻳﺰ .....
ﺣﺘﻠﻮ ﺧﻮﻳﻪ ﺧﻠﻴﻬﻢ ﻳﺸﻮﻓﻮﻥ ﻧﺴﻮﺍﻥ ﻋﻠﻰ ﺫﻭﻗﻬﻢ ﺍﺣﺴﻦ ﻣﺎ ﺑﻌﺪﻳﻦ ﺍﻧﺘﻲ ﺍﻟﻲ ﺗﻼﻣﻴﻦ ....
ﻭﻟﻴﺶ ﺍﻧﻼﻡ ﺍﻟﺮﺟﺎﻝ ﺍﻟﻲ ﺟﻮﻩ ﺍﻳﺪﻩ ﻣﺮﻩ ﻭﺣﻠﻮﻩ ﻭﻧﺎﺩﺭﻩ ﻭﺍﻡ ﺑﻴﺖ ﺷﻴﺮﻳﺪ ﻣﻦ ﺍﻟﺪﻧﻴﺎ ﺑﻌﺪ ....
ﻣﻴﺨﺎﻟﻒ ﺧﻮﻳﻪ ﺍﻟﺒﻨﺎﺕ ﻣﺘﻌﺮﻓﻴﻦ ﻗﺎﺑﻞ ﻋﺎﻳﺸﻪ ﻭﻳﺎﻫﻨﻦ ....
ﻭﺍﻟﻠﻪ ﻳﺨﻮﻳﻪ ﺷﺰﻳﻨﺎﺗﻬﻦ . ﻛﻤﻠﺖ ﺑﻠﺤﺠﻲ ﻭﺍﻧﻲ ﺗﻀﺎﻳﻘﺖ ﻣﻦ ﺣﺠﻴﻬﺎ ﻋﻔﺘﻬﺎ ﻭﻛﻤﺖ ﻫﻴﻪ ﺍﺫﺍ ﻣﺮﻩ ﻛﺎﻣﺖ ﺗﻨﻐﻂ ﻋﻠﻰ ﺷﻐﻠﻪ ﺗﺴﻮﻳﻬﺎ ﺗﺴﻮﻳﻬﺎ .
ﺣﺴﻴﺖ ﺍﻟﺪﻧﻴﺎ ﺣﺎﺭﻩ ﻣﻮﺕ ﺣﺮ ﺭﺣﺖ ﻃﺒﻴﺖ ﺳﺒﺤﺖ ﺿﻠﻴﺖ ﺍﺿﻦ ﺳﺎﻋﻪ ﺑﻠﺤﻤﺎﻡ ﺍﺷﻴﻞ ﻣﺎﻱ ﻣﻦ ﺍﻟﻄﺸﺖ ﻭﺍﺫﺏ ﻋﻠﻰ ﺭﺍﺳﻲ . ﻣﻨﻴﻦ ﻃﻠﻌﺖ ﻫﺎﻱ ﻳﺮﺑﻲ . ﻣﻨﻴﻦ ﺍﺟﺘﻨﻲ ﻫﻠﻄﻼﺑﻪ . ﻭﺳﺎﻋﻪ ﺍﻓﻜﺮ ﺑﻴﻬﺎ ﻭﺳﺎﻋﻪ ﺍﻓﻜﺮ ﺑﻌﺒﺎﺱ ﺍﻟﻲ ﺗﻔﻜﺮ ﺣﻈﺮﺕ ﺳﺤﺮ ﺗﺰﻭﺟﻬﻴﺎ . ﻟﻤﻦ ﺣﺴﻴﺖ ﻋﻠﻰ ﺭﻭﺣﻲ ﺍﺿﻦ ﺻﺎﺭﻟﻲ ﺳﺎﻋﺘﻴﻦ ﺑﻠﺤﻤﺎﻡ . ﻟﺒﺴﺖ ﻣﻼﺑﺴﻲ ﻭﻃﻠﻌﺖ .
ﺭﻋﺪ ﺗﻌﺎﻝ ﺍﺷﺮﺏ ﺟﺎﻱ ﺧﻮﻳﻪ ...
ﺍﻱ ﺟﺎﻱ . ﺷﺮﺑﺖ ﺍﻟﺠﺎﻱ ﻭﻃﻠﻌﺖ . ﺿﻠﻴﺖ ﺍﺑﺎﻭﻉ ﻟﺒﻴﺘﻬﻢ ﻫﺴﻪ ﺗﻄﻠﻊ ﻫﺴﻪ ﺗﻄﻠﻊ ﻫﺴﻪ ﺗﻄﻠﻊ ﻫﺴﻪ ﺗﻄﻠﻊ ﻣﺎﻛﻮ . ﺧﻠﺺ ﻫﻠﻴﻮﻡ ﻭﺍﻧﻲ ﻣﻜﺎﺑﻞ ﺍﻟﺒﻴﺖ ﻣﺎﻟﺘﻬﻢ ﻣﻨﺘﻈﺮ ﺷﻮﻛﺖ ﺗﻄﻠﻊ ﻭﻣﺎﻛﻮ . ﺭﺟﻌﺖ ﺑﻠﻠﻴﻞ ﻟﻤﻦ ﺍﻳﺴﺖ ﻣﻦ ﻃﻠﻌﺘﻬﺎ . ﺭﺣﺖ ﺗﻌﺸﻴﺖ ﻛﻮﻩ ﺍﻛﻠﺖ ﺍﺻﻼ ﻣﺎ ﺍﺷﺘﻬﻲ ﻣﺜﻞ ﻭﺍﺣﺪ ﺑﺎﻟﻪ ﻣﺸﻐﻮﻝ ﺑﺸﻲ ﺑﺤﻴﺚ ﺣﺘﻪ ﻣﺎ ﺣﺴﻴﺖ ﺑﺮﻭﺣﻲ ﺟﻮﻋﺎﻥ . ﻛﻮﻩ ﻟﻔﻴﺖ ﺭﺍﺳﻲ ﻭﻧﻤﺖ . ﺍﻟﺪﻧﻴﺎ ﺻﻴﻒ ﻭﺣﺎﺭﻩ ﻭﺭﻭﺣﻲ ﺗﺘﻜﻠﺐ ﻣﻨﺎ ﻭﺗﺠﻲ ﻣﻨﺎ ﻭﻻ ﻟﺤﻀﻀﻀﻀﻪ ﻏﺎﺏ ﻃﻴﻒ ﺷﻜﻠﻬﺎ ﻣﻦ ﺑﺎﻟﻲ ﺷﺎﻳﻔﻴﻦ ﻣﻦ ﻭﺍﺣﺪ ﻳﻠﻬﺞ ﺑﺸﻲ ﻣﻌﻴﻦ ﺻﺎﺭ ﻭﺿﻌﻲ ﻧﻔﺲ ﻫﻠﻮﺿﻊ ﺑﻠﻀﺒﻄﻄﻂ . ﺍﻭﻝ ﻣﺎ ﻏﻤﻀﺖ ﻋﻴﻮﻧﻲ . ﺣﻠﻤﺖ ﺑﻴﻬﺎ ﺷﺎﺑﻜﺘﻨﻲ ﻭﻧﺎﻳﻤﻪ ﻭﺍﻧﻲ ﻛﺎﻋﺪ ﻳﻤﻜﻦ ﻋﺎﻳﺶ ﺩﻭﺭ ﺍﻟﺮﻭﻣﺎﻧﺴﻴﻪ ﻭﻳﺎﻫﺎ ﻣﺎ ﺧﻠﻴﺖ ﺷﻲ ﻣﺴﻮﻳﺘﻪ ﻧﻬﺎﺋﻴﺎﺍﺍﺍﺍ . ﻓﺰﻳﺖ ﻋﻠﻰ ﺭﻭﺣﻲ ﻟﻜﻴﺖ ﺭﻭﺣﻲ ﻣﺠﻨﺐ .
ﻛﻌﺪﺕ ﻣﺘﺨﺒﻞ ﻣﺘﻬﺴﺘﺮ ﺑﺎﺟﺮ ﻣﻦ ﺍﻟﺼﺒﺢ ﺍﻧﺰﻝ ﺍﺟﻴﺐ ﺍﺣﻼﻡ ﻭﻏﺼﺒﺎ ﻋﻨﻬﺎ ﺍﺫﺍ ﻣﺎ ﺍﺟﺘﻲ ﺍﻋﻮﻓﻬﺎ ﻻﻥ ﻭﺿﻌﻲ ﺑﻌﺪ ﻣﻴﺘﺤﻤﻞ . ﻛﻮﻩ ﻧﻤﺖ ﻛﻮﻭﻭﻩ ﻋﻠﻰ ﺍﻋﺼﺎﺑﻲ ﻛﻌﺪﺕ ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﻏﺴﻠﺖ ﻭﻏﺴﻠﺖ ﻣﻼﺑﺴﻲ ﻭ ﺗﺮﻳﻜﺖ ﺑﺴﺮﻋﻪ ﻭﺟﻬﻲ ﻣﻜﻠﻮﺏ ﻣﺎ ﻳﻜﺼﻪ ﺍﻟﻄﺒﺮ . ﻭﻃﻠﻌﺖ ﻃﺎﻳﺮ ﺍﻣﺸﻲ ﺷﻮﻳﻪ ﻭﺍﺷﻮﻑ ﺛﻨﻴﻦ ﻧﺴﻮﺍﻥ ﻳﻤﺸﻦ ﻋﺮﻓﺖ ﻣﺸﻴﺘﻬﺎ ﻫﻴﻪ ﻭﺑﻌﺪ ﻣﺮﻩ ﻭﻳﺎﻫﺎ . ﻭﻛﻔﺖ ﺍﺭﻳﺪ ﺍﺷﻮﻓﻬﻦ ﻭﻳﻦ ﻳﺮﺣﻦ . ﺷﻮﻳﻪ ﺑﺎﻭﻋﺘﻠﻲ ﺟﻦ ﺧﺎﻳﻔﻪ ﻻﻥ ﻭﻛﻔﺖ ﻛﺎﻣﺖ ﻛﻮﻩ ﺗﻤﺸﻲ ﻋﺒﺎﻟﻬﺎ ﺭﺍﺡ ﺍﻛﻞ ﻟﻠﻤﺮﻩ ﺍﻟﻲ ﻭﻳﺎﻫﺎ . ﻛﺎﻣﺖ ﺗﻤﺸﻲ ﻭﻭﺗﻌﺜﺮ
...
ﺷﻮﻳﻪ ﻭﻃﺒﺖ ﺍﻟﻤﺮﻩ ﻟﻠﺒﻴﺖ ﻣﺎﻟﺖ ﺍﻣﻴﺮ ﻭﺳﻠﻤﺖ ﻭﺣﻮﺭﺍﺀ ﻋﻴﻮﻧﻬﺎ ﺩﻡ ﺣﻤﺮﺭﺭ ﻛﻠﺶ .
ﻣﺪﺭﻱ ﺷﻌﺪﻫﺎ ﻭﻱ ﺳﺤﺮ ﺑﺲ ﺑﻌﺪﻳﻦ ﺍﻓﺘﻬﻤﺖ ﺟﺎﻳﻪ ﻋﻠﻰ ﺣﺴﺎﺏ ﺍﻟﺨﻴﺎﻁ ﺗﺮﻳﺪ ﺗﺎﺧﺬ ﻗﻴﺎﺱ ﺍﻟﺪﺷﺎﺩﻳﺶ ﺍﻟﻲ ﺧﻴﻄﺘﻬﻦ ﺍﻟﻬﻦ ﺳﺤﺮ .
ﺷﻮﻳﻪ ﻭﻃﻠﻌﻦ ﻭﺣﻮﺭﺍﺀ ﺗﺒﺎﻭﻋﻠﻲ ﻭﻣﺎﻛﻮ . ﺿﻠﻴﺖ ﻣﻨﺘﻈﺮﻫﺎ ﺷﻮﻳﻪ ﻭﺍﺟﺘﻲ .
ﺍﻧﺘﻲ ﺷﻨﻮ ﺗﺮﺩﻳﻦ ؟؟؟ ...
ﻳﻮﻣﻴﻪ ﺍﻧﻲ ﺍﻋﻴﺪ ﺍﻟﺤﺠﻲ ...
ﺍﻱ ﺍﺭﻳﺪ ﺍﻋﺮﻑ ﺷﺘﺮﺩﻳﻦ ...
ﺍﺭﻳﺪﻙ ﺍﻟﻴﻪ ...
ﺑﺲ ﺍﻧﻲ ﻣﺘﺰﻭﺝ ...
ﻣﺎﻛﻮ ﻣﺮﻩ ﺗﺎﻛﻞ ﻣﺮﻩ . ﻻ ﻫﻴﻪ ﺗﺎﻛﻠﻨﻲ ﻭﻻ ﺍﻧﻪ ﺍﻛﻠﻬﺎ ....
ﺑﺲ ﺍﻧﻲ ﺍﺣﺒﻬﺎ ....
ﻣﺜﻞ ﻣﺎ ﺗﺤﺒﻬﺎ ﺗﺤﺒﻨﻲ ....
ﺫﻳﺞ ﺣﺒﻴﺒﺘﻲ ﺷﻨﻮ ﻣﺜﻞ ﻣﺎ ﺍﺣﺒﺞ ﺍﺣﺒﻬﺎ ....
ﻣﺎ ﺗﺤﺒﻬﺎ ....
ﺷﻨﻮﻭﻭ ....
ﻣﺎ ﺗﺤﺒﻬﺎ ﺻﺪﻛﻨﻲ ....
ﻭﺍﻧﺘﻲ ﺷﻤﻔﻬﻤﺞ ﻭﺷﻤﻌﺮﻓﺞ . ﻫﺎﻃﻮﻟﺞ ﺷﻤﻌﺮﻓﺞ ﺑﻬﻠﺴﻮﺍﻟﻒ ....
ﺍﻟﻲ ﻳﺤﺐ ﻣﺎ ﻳﻔﻜﺮ ﺑﻐﻴﺮ ﺍﻟﻲ ﻳﺤﺒﻪ ....
ﻣﺎ ﻣﻔﻜﺮ ﺑﻐﻴﺮﻫﺎ ....
ﻟﭽﻦ ﻟﻴﺶ ﻧﺎﻃﺮﻧﻲ ﻫﻨﺎ .....
ﻫﻴﺞ ﺑﺪﻭﻥ ﺳﺒﺐ .....
ﺭﻓﻌﺖ ﺣﺎﺟﺒﻬﺎ ﺍﻟﻴﻪ ﺷﻠﻮﻥ ﺗﻜﻠﻲ ﺣﺠﻴﻚ ﻣﺎ ﻣﻘﺘﻨﻌﻪ ﺑﻲ ﻣﻨﺎ ﻟﺤﺪ ﺷﺒﺮ . ﻭﺻﺪﻙ ﻛﻼﻣﻲ ﻛﻠﻪ ﺧﻄﺄ . ﻭﺍﻧﺘﻲ ﺣﻈﺮﺗﺞ ﺷﺒﻴﻬﺎ ﻋﻴﻮﻧﺞ ﻣﻮﺭﻣﻪ ؟ ....
ﻫﻴﺞ ﺑﺪﻭﻥ ﺳﺒﺐ . ( ﻋﺎﺩﻩ ﻋﻠﻴﻪ ﻧﻔﺲ ﺣﺠﺎﻳﺘﻲ ﺣﺘﻪ ﺗﺒﻴﻦ ﺍﻧﻮ ﺍﻧﻲ ﺟﺬﺑﺖ ﻭﻫﻴﻪ ﻫﻢ ﺟﺬﺑﺖ )
ﺿﻠﻴﺖ ﺻﺎﻓﻦ ﻻ ﺍﻧﻲ ﺍﻟﻲ ﺭﺍﻳﺢ ﻭﻻ ﺍﻧﻲ ﺍﻟﻲ ﺣﺎﺟﻲ ﻛﻠﻤﻪ ﻣﻔﻴﺪﻩ ﻣﺴﻄﻮﻝ . ﻟﻤﻦ ﻫﻴﻪ ﻋﺎﻓﺘﻨﻲ ﻭﺭﺍﺣﺖ . ﺣﺴﻴﺖ ﻋﻠﻰ ﺭﻭﺣﻲ . ﺑﻼ ﺻﺪﻙ ﻫﺎﻱ ﺍﻟﻄﻔﻠﻪ ﻫﻴﺞ ﺳﻮﺕ ﺑﺤﺎﻟﻲ ﻣﺜﻞ ﺍﻟﻤﺮﺍﻫﻖ ﺍﺗﺨﺘﻞ . ﻳﺎ ﻭﻛﻌﺘﻲ ﻛﺪﺍﻡ ﺍﻟﺰﻟﻢ ﺍﺫﺍ ﻭﺍﺣﺪ ﻟﻜﻔﻨﻲ ﻭﺍﻛﻒ ﻳﻤﻬﺎ ﺷﻜﻮﻝ ﺍﻟﻬﻢ .
ﺭﺟﻌﺖ ﻟﻠﺒﻴﺖ ﺣﺴﺮﻩ ﺗﺠﺮ ﺣﺴﺮﻩ . ﺷﺎﻓﺘﻨﻲ ﺳﺤﺮ . ﻫﺎ ﻟﺴﺎﻙ ﻣﺎ ﻧﺰﻟﺖ .
ﺍﻱ ﻭﺍﻟﻠﻪ ﻣﺎﻟﻲ ﺧﻠﻚ ﺗﻌﺒﺎﻥ ﻭﺧﺎﻑ ﺍﺭﻭﺡ ﻭﺍﺭﺟﻊ ﻓﺎﺿﻲ .
ﻻ ﺧﻮﻳﻪ ﻟﻴﺶ ﺷﺘﺮﻳﺪ ﺑﻌﺪ ﻗﺎﺑﻞ ﺷﻌﺪﻫﺎ ﻫﻨﺎﻙ ﺿﺎﻟﻪ ﻗﺎﺑﻞ .
ﻣﺎﻟﻲ ﺧﻠﻚ ﻭﺍﻟﻠﻪ ﺧﻮﻳﻪ ﻣﺴﺎﻓﻪ ﺍﻟﻄﺮﻳﻖ ﻃﻮﻳﻠﻪ ...
ﺍﻱ ﺑﻜﻴﻔﻚ ...
ﻟﻠﻌﺼﺮ ﺗﻀﺎﻳﻘﺖ ﻣﻦ ﻭﺿﻌﻲ ﻛﻤﺖ ﺻﻠﻴﺖ ﻭﻛﻠﺖ ﺧﻞ ﺍﺗﻮﻛﻞ ﻋﻠﻰ ﺍﻟﻠﻪ ﻭﺍﺭﻭﺡ . ﻭﺻﺪﻙ ﻃﻠﻌﺖ ﺍﻓﻜﺮ ﺑﺤﻮﺭﺍﺀ ﻭﺍﺣﻼﻡ ﻭﻛﻞ ﺳﺎﻉ ﺍﻓﻜﺮ ﺷﻜﻞ . ﻭﺻﻠﺖ ﻟﺒﻴﺖ ﻋﻤﻲ . ﻃﺒﻴﺖ ﺳﻠﻤﺖ ﻛﻠﻬﺎ ﺳﻠﻤﺖ ﻋﻠﻴﻪ ﻭﺗﻌﺸﻴﻨﻪ ﻳﻤﻬﻢ .
ﻫﺎ ﺍﺣﻼﻡ ﺷﻨﻮ ﻣﺎ ﺷﺒﻌﺘﻲ ﻛﻌﺪﻩ .
ﺍﻱ ﺷﺒﻌﺖ .
ﻧﺮﻭﺡ ﺍﻧﻲ ﺗﺮﻩ ﺍﺧﺘﻨﻜﺖ ﻭﻛﻠﺒﻲ ﻃﻚ ﻣﻦ ﻫﻠﻮﺿﻊ .
ﻳﺎ ﻭﺿﻊ ﺭﻋﺪ .
ﺍﻛﻠﺞ ﺷﻮﻓﻲ ﺍﻧﻲ ﺣﻞ ﻭﺍﺣﺪ ﻳﻌﺠﺒﺞ ﻳﻌﺠﺒﺞ ﻣﻴﻌﺠﺒﺞ ﺑﺮﺍﺣﺘﺞ .
ﺍﻱ ﻭﺷﻨﻮ ﻫﺬﺍ ﺍﻟﺤﻞ .
ﺗﺠﻴﻦ ﻭﻳﺎﻱ ﻭﺑﺲ ....
ﺍﻱ ﺻﻠﻮﺍﺕ ﻣﻮ ﻛﺘﻠﻚ ﺍﻱ ﺷﻨﻮ ﺑﻌﺪ ﻫﻠﺤﺠﻲ ﺷﻨﻮ ﻣﻨﺎﺳﺒﺘﻪ .
ﻣﺎ ﺍﻟﻪ ﻣﻨﺎﺳﺒﻪ ﺑﺲ ﺍﻧﻲ ﺗﻌﺒﺖ ﻭﺍﻧﺘﻲ ﻛﻞ ﺍﺣﺴﺎﺱ ﻣﺎ ﻋﻨﺪﺝ .
ﺷﻨﻮ ﺍﺣﺴﺎﺱ ﻣﺎ ﻋﻨﺪﻱ . ﺍﺫﺍ ﺣﺴﻦ ﻣﻔﺮﻍ ﺍﻟﺒﻴﺖ ﻋﻠﻴﺶ ﻧﺮﻭﺡ ﻟﻬﻨﺎﻙ ﻛﻞ ﺳﺒﻮﻉ ﻳﻼ ﺗﺠﻲ ﺍﻟﻜﻬﺮﺑﺎﺀ ﺳﺎﻋﻪ ﻋﻠﻴﺶ ﻧﺘﻀﻌﻀﻊ ﻣﺪﺍﻡ ﺻﺎﺭﺕ ﺳﻨﻪ ﺗﻜﺪﺭ ﺗﻨﻘﻞ ﺩﻭﺍﻣﻚ .
ﺷﻨﻮ ﺍﻧﻘﻞ ﺩﻭﺍﻣﻲ ﺍﻧﻲ ﺑﻴﺖ ﻣﺎ ﻋﻨﺪﻱ ﻭﺍﻟﺮﺟﺎﻝ ﻳﺮﻳﺪ ﻳﺰﻭﺝ ﻭﻟﺪﻩ ﺷﻨﻮ ﺫﻧﺒﻪ ﻭﺷﻨﻮ ﺫﻧﺒﻬﻢ ﻭﺛﺎﻧﻲ ﺷﻲ ﺑﺴﺒﺒﺞ ﺑﻌﺖ ﺍﻟﺒﻴﺖ ﺗﻌﺐ ﻋﻤﺮﻱ ﻫﺬﺍ .....
ﻭﺍﻧﻲ ﻭﺣﺪ ﻣﻮ ﺑﻌﺖ ﺍﻟﻌﻨﺪﻱ ﻭﺍﻟﻤﺎﻋﻨﺪﻱ ....
ﻳﻌﻨﻲ ﺑﻌﺘﻲ ﺫﻫﺐ ﺑﻌﺘﻲ ﻣﻼﺑﺲ ﺿﺎﻣﻪ ﻓﻠﻮﺱ ﺑﺲ ﺍﻟﺒﻴﺖ ﺷﻴﻌﻮﺿﻪ ﻣﺘﻜﻠﻴﻲ ﻣﻨﻴﻦ ﺍﺣﺼﻠﻪ ﻣﻨﻴﻦ ﺍﺣﺼﻞ ﻣﻜﺎﻥ ﺑﻌﺪ ...
ﺧﻮ ﺑﻴﻊ ﺣﺼﺘﻚ ﻻﻣﻴﺮ ﻭﺗﻌﺎﻝ ﻫﻨﺎ ....
ﺍﻭﻝ ﻣﺎ ﻛﺎﻟﺖ ﻫﻴﺞ ﻋﻔﺘﻬﺎ ﻭﻃﻠﻌﺖ .
........ ﺍﻟﺘﻔﺴﻴﺮ ﺍﻟﻲ ﻓﺴﺮﺗﻪ ﻟﺮﻭﺣﻲ ﻣﺎ ﻟﻜﻴﺘﻠﻪ ﺗﻔﺴﻴﺮ ﻟﻼﺳﻒ .
ﻭﺍﻟﻤﺼﻴﺒﻪ ﺍﻟﺠﺒﻴﺮﻩ ﻣﺎ ﻟﻜﻴﺖ ﺗﻔﺴﻴﺮ ﻟﺮﺟﻌﺘﻲ .
ﻛﻠﺸﻲ ﺟﺎﻥ ﻋﻨﺪﻱ ﺑﻮﻗﺘﻬﺎ ﺻﻌﺐ ﻳﻌﻨﻲ ﺣﺘﻪ ﻣﻦ ﺭﺟﻌﺖ ﺟﻨﺖ ﻭﺍﺻﻞ ﺩﺭﺟﻪ ﻣﻦ ﺍﻟﻘﻬﺮ ﺑﺤﻴﺚ ﻓﺎﺗﻜﻪ ﺑﻴﻪ ﺍﺭﻳﺪ ﺷﻲ ﻭﺷﻨﻮ ﻫﺬﺍ ﺍﻟﺸﻲ ﻣﺎ ﺍﻋﺮﻑ ﻭﺍﺭﻳﺪ ﺷﻐﻠﻪ ﻭﺷﻨﻮ ﻫﺬﺍ ﺍﻟﻲ ﻣﻘﻬﻮﺭ ﻣﻨﻪ ﻫﻢ ﻣﺎ ﺍﻋﺮﻓﻪ . ....
ﺭﺟﻌﺖ ﻟﻠﺒﻴﺖ ﺑﻨﻔﺲ ﺍﻟﻴﻮﻡ . ﻭﺻﻠﺖ ﻭﺫﺑﻴﺖ ﺭﻭﺣﻲ ﭼﻨﻲ ﻣﻴﺖ . ﺗﻌﺒﺎﻥ ﻭﻣﺴﺎﻓﻪ ﺍﻟﻄﺮﻳﻖ . ﺣﻠﻤﺖ ﺑﺤﻤﺎﻣﻪ ﺑﻴﻀﻪ ﻭﺗﻤﺸﻲ ﻭﺍﻧﻲ ﻛﺎﻋﺪ ﺣﺎﻃﻬﺎ ﺑﺄﻳﺪﻱ ﻓﺰﻳﺖ ﻣﻦ ﺍﻟﻨﻮﻡ . ﺍﺍﺍﺍﺍﺥ ﻳﺎ ﺭﺑﻲ ﺳﺎﻋﺪﻧﻲ ﻭﺍﻟﻠﻪ ﺗﻌﺒﺖ .
.
ﻣﺮﺕ ﺍﻻﻳﺎﻡ
ﻣﺪﻩ ﺷﻬﺮﻳﻦ ﻛﺎﻣﻼﺕ ﺍﻧﺰﻝ ﻻﺣﻼﻡ ﻭﺍﺣﻼﻡ ﺭﺍﻓﻀﻪ ﺍﻟﺠﻴﻪ ﻭﻳﺎﻱ . ﻣﻮ ﻓﺪ ﺷﻲ ﻣﻌﻴﻦ ﺑﺲ ﺍﻧﻲ ﺑﺬﺍﻙ ﺍﻟﻮﻗﺖ ﻣﺎ ﻣﺴﺘﻘﺮ ﻳﻌﻨﻲ ﺍﻛﻮ ﻧﻘﺺ ﺑﺤﻴﺎﺗﻲ ﺍﺣﺲ ﺭﻭﺣﻲ ﻣﺎ ﻛﺎﻣﻞ . ﻳﻌﻨﻲ ﻭﺻﻠﺖ ﺑﻴﻪ ﺍﻟﻤﺮﺣﻠﻪ ﻛﻤﺖ ﺍﻓﻜﺮ ﺍﺫﺍ ﻣﺎ ﺍﺟﺖ ﻭﻳﺎﻱ ﺍﺣﻼﻡ ﺍﺳﺤﺒﻬﺎ ﻣﻦ ﺷﻌﺮﻫﺎ ﺑﺲ ﻭﻳﻦ ﺍﺳﺤﻠﻬﺎ ﺍﺫﺍ ﻫﻴﻪ ﻛﺎﻋﺪﻩ ﻳﻢ ﺍﻫﻠﻬﺎ .
ﻓﻬﺬﺍ ﺍﻟﻲ ﺧﻼﻧﻲ ﻗﺮﺭﺕ ﻣﺎﻛﻮ ﻧﺰﻟﻪ ﺑﻌﺪ . ﻭﺍﻛﺘﻔﻲ ﺑﻬﺎﻱ ﺍﻟﻲ ﻛﻞ ﺳﺎﻉ ﻧﺎﻃﺘﻠﻲ ﺻﻔﺢ ﻭﺗﻜﻠﻲ ﻣﺸﺘﺎﻗﺘﻠﻚ .
ﺑﻤﺮﻭﺭ ﺍﻟﻮﻗﺖ ﺿﻠﻴﺖ ﺍﺭﺍﻗﺒﻬﺎ ﻭﺍﺭﺍﻗﺐ ﺣﺮﻛﺎﺗﻬﺎ . ﺛﻜﻠﺖ ﺭﻭﺣﻲ ﻋﻠﻴﻬﺎ ﻫﻮﻭﻭﻭﻭﺍﻱ ﻭﻛﻠﻤﺎ ﺗﺠﻴﻨﻲ ﺍﻛﻠﻬﺎ ﺍﻣﺸﻲ ﺑﺎﺑﺎ ﺍﻧﺘﻲ ﺑﻌﻤﺮ ﻣﺮﻳﻢ ﻭﻧﻮﺭ ﺑﻨﺎﺕ ﺍﺧﻮﺗﻲ .
ﺍﺷﻮﻓﻬﺎ ﺗﻔﻮﺭ ﻭﺗﻀﻞ ﺑﺲ ﺍﻃﻔﺮ .
ﻭﺍﺫﺍ ﻳﻌﻨﻲ ﺑﻌﻤﺮ ﻣﺮﻳﻢ ﻭﻧﻮﺭ ﺍﺩﺭﻱ ﻗﺎﺑﻞ ﺻﻐﺎﺭ ...
ﻭﺍﻟﻠﻪ ﺍﻧﻲ ﺟﺎﻱ ﺍﺷﻮﻓﺞ ﺻﻐﻴﺮﻩ ﻋﻠﻴﻪ ﻭﻳﻨﺞ ﻭﺍﻟﻤﺴﺆﻟﻴﻪ ...
ﺧﻠﻞ ﺑﻠﻨﻈﺮ ﻋﻨﺪﻙ ﻣﺪﺍﻡ ﺟﺎﻱ ﺗﺸﻮﻓﻨﻲ ﺻﻐﻴﺮﻩ ...
ﺭﻭﺣﻲ ﺑﺎﺑﺎ ﺭﻭﺣﻲ ...
ﻟﺘﻜﻮﻝ ﺑﺎﺑﺎ ..
ﺧﺰﺭﺗﻬﺎ ﺣﻴﻞ ﻟﺞ ﺭﻭﺣﻲ ﻳﻼ ﻟﺘﺠﻴﻦ ﺑﻌﺪ ...
ﺿﺤﻜﺖ ﻭﺭﻓﻌﺖ ﺣﺎﺟﺒﻬﺎ ﻭﺻﺤﺠﺖ ﺑﺼﻮﺕ ﻧﺎﺻﻲ . ﻣﺎﺍﺍﺍﺍ ﺍﻋﻮﻓﻚ .
....
ﺍﻟﺸﻲ ﺍﻟﻲ ﺧﻠﻪ ﺣﻮﺭﺍﺀ ﺗﺪﺧﻞ ﺑﻌﻘﻠﻲ ﺣﺴﻴﺘﻬﺎ ﺗﺤﺒﻨﻲ ﻣﻦ ﺻﺪﻙ ﻭﻋﺪﻫﺎ ﺍﻫﺘﻤﺎﻡ ﺑﻴﻪ ﻳﻌﻨﻲ ﻣﺎ ﺍﻋﺮﻑ ﺑﻌﺪ ﻫﺎﻱ ﻻﻥ ﺑﻌﻴﺪﻩ ﻋﻨﻲ ﻭﻣﺮﺍﻫﻘﻪ ﻣﺎ ﺍﺩﺭﻱ
.
.
.
.
* ﺍﺫﺍ ﺍﺗﺨﺬﺕ ﻣﻮﻗﻒ ﻋﻠﻴﻚ ﺍﻥ ﺗﺘﺤﻤﻞ ﺍﻟﻨﺘﺎﺋﺞ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء