رواية أساور الفضة ج2 الجزء الرابع عشر
للكاتبة نهى
.......
ﻫﺪﻯ
ﻛﻌﺪﺕ ﻣﻦ ﺍﻟﻨﻮﻡ ﻟﻜﻴﺖ ﻗﺎﺳﻢ ﺭﺍﻳﺢ ﻣﻤﻮﺟﻮﺩ .
ﺑﺲ ﻣﺜﻞ ﺍﻟﻤﻌﺘﺎﺩ ﺣﺎﻁ ﺑﻨﺘﻪ ﻋﻠﻰ ﺍﻟﺴﺮﻳﺮ ﺑﻴﻨﻨﺎ
ﻭﻻ ﻳﺒﻄﻞ ﻣﻦ ﻫﺎﻱ ﺍﻟﺤﺎﻟﺔ .
ﻛﻢ ﻣﺮﺓ ﺍﻧﺒﻪ ﻋﻠﻴﻪ ﻭﺍﻛﻮﻟﻪ ﻣﻴﺼﻴﺮ ﺗﻌﻠﻢ ﺍﻟﺒﻨﻴﺔ ﺗﻨﺎﻡ ﻳﻤﻨﺎ ﻋﻠﻰ ﺍﻟﺴﺮﻳﺮ
ﻳﻜﻠﻲ ﺍﻱ ﻣﻴﺨﺎﻟﻒ ﺑﺲ ﺑﻌﺪﻳﻦ ﺍﻟﻜﺎﻩ ﺑﺎﻟﻠﻴﻞ
ﻳﻜﻮﻡ ﻳﺘﺴﺤﺐ ﻣﺜﻞ ﺍﻟﺤﺮﺍﻣﻲ ﻭﻳﺮﻭﺡ ﻳﻢ ﺑﻨﺘﻪ ﻳﺠﻴﺒﻬﺎ
ﻳﺴﻮﻟﻒ ﻭﻳﺎﻫﺎ ﻳﻌﻨﻲ ﺣﺘﻰ ﻟﻮ ﺍﻟﺒﻨﻴﺔ ﻧﺎﻳﻤﺔ ﺍﻟﻠﻪ ﻫﺎﺩﻳﻬﺎ
ﻫﻮ ﻳﻜﻌﺪﻫﺎ ﻭﺍﻟﻠﻪ ﻃﻠﻊ ﻋﻴﻨﻬﺎ
ﻟﺤﺪ ﻣﺎ ﺻﺎﺭﺕ ﺗﻜﺮﻩ ﺳﺮﻳﺮﻫﺎ . ﻭﻻ ﺑﻜﻞ ﺻﻼﻓﺔ
ﻣﻨﻮﻣﻬﺎ ﺑﻮﺳﻂ ﺍﻟﺴﺮﻳﺮ
ﺑﺴﻴﻄﺔ ﺍﻧﺎ ﻟﻪ . ﺑﺲ ﺧﻠﻲ ﻳﺼﺒﺮﻟﻲ
ﺑﺎﻭﻋﺖ ﻋﻠﻴﻬﺎ . ﺍﺑﺘﺴﻤﺘﻠﻲ ﻭﻋﻴﻮﻧﻬﺎ ﻭﺭﻣﻮﺷﻬﺎ
ﺗﺨﻠﻲ ﺍﻟﺤﺠﺮ ﻏﺼﺐ ﻋﻨﻪ ﻳﻠﻴﻦ ﻛﺪﺍﻡ ﺍﺑﺘﺴﺎﻣﺘﻬﺎ
ﻧﺰﻟﺖ ﻣﻦ ﻓﻮﻙ ﺍﻧﻲ ﻭﺑﻨﺘﻲ
ﻭﺍﺗﻌﻮﺩﺕ ﻛﻠﻤﺎ ﻧﻨﺰﻝ ﺍﻟﺼﺒﺢ ﻧﺴﻤﻊ ﺍﺻﻮﺍﺕ ﺗﺮﺣﻴﺐ ﺍﻟﺠﻤﺎﻫﻴﺮ ﺍﻟﻌﺎﺷﻘﺔ . ﻟﻠﺴﺖ ﺍﺳﻮ
ﻭﻓﻌﻼ ﺍﻭﻝ ﻣﺪﺧﻠﺖ ﻟﻠﻤﻄﺒﺦ ﻫﻲ ﺑﺲ ﺷﺎﻓﺘﻬﻢ ﻣﻠﺘﻤﻴﻦ ﺩﻳﺘﺮﻳﻜﻮﻥ .
ﻛﺎﻣﺖ ﺗﺼﻴﺢ ﺑﺼﻮﺕ ﻋﺎﻟﻲ . ﻭﻋﻠﻨﺖ ﻋﻦ ﻭﺟﻮﺩﻫﺎ
ﻭﻛﻌﺪﺕ ﺗﻮﺯﻉ ﺍﺑﺘﺴﺎﻣﺎﺕ .
ﻣﻜﺸﺮﺓ ﻋﻦ
ﺍﺛﻨﻴﻦ ﺍﺳﻨﺎﻥ ﺑﺎﻟﻤﻘﺪﻣﺔ ﻣﻔﺘﺨﺮﺓ ﺑﻴﻬﻢ . ﻭﻋﻴﻮﻧﻬﺎ ﺗﻠﻤﻊ ﺑﻮﻛﺎﺣﺔ
ﻭﺑﺪﺓ ﺍﻻﺳﺘﻘﺒﺎﻝ ﻣﻦ ﺍﻭﻝ ﺍﻟﻤﻌﺠﺒﻴﻦ
ﺑﻴﺒﻴﺘﻬﺎ ﺍﻡ ﻗﺎﺳﻢ
ﺧﺎﻟﺘﻲ ﻟﻮﺣﺪﻫﺎ ﻗﺼﺔ
ﺑﺲ ﺗﻨﺰﻝ ﺍﺳﻮ ﺍﺳﻤﻊ ﺧﺎﻟﺘﻲ ﺗﻨﺸﺪ
ﻗﺼﺎﻳﺪ ﺗﻐﻨﻴﻬﺎ . ﻷﺳﻮ
ﻭﻫﻲ ﺗﺼﻔﻚ ﻭﺍﺳﻮ ﺗﻜﻤﺰ ﺑﺤﻀﻨﻲ ﻓﺮﺣﺎﻧﺔ
( ﻳﻤﺔ ﺍﺳﻮ ﻣﻦ ﺣﻼﻫﺎ .. ﻛﺼﺎﻳﺒﻬﺎ ﻭﺭﺍﻫﺎ
ﺍﺟﺔ ﺍﻟﺨﺎﻃﺐ ﻳﺨﻄﺒﻬﺎ .. ﻭﺍﺑﻮﻫﺎ ﻣﺎ ﻧﻄﺎﻫﺎ .. ﻭﻗﺴﺎﻡ ﻣﺎ ﻧﻄﺎﻫﺎ )
ﻳﻤﺔ ﺍﻟﺒﻨﺎﺕ ﻋﺸﺮﺓ ﻭﺍﻛﻮﻝ ﮔﻠﻴﻼﺍﺍﺕ
ﻳﻤﺔ ﺍﻟﺒﻨﺎﺕ ﺻﺎﻏﻬﻦ ﺍﻟﺼﺎﻳﻎ ﻭﻣﺎﺕ )
ﻫﻲ ﺧﺎﻟﺔ ﺗﻬﻮﺳﻠﻬﺎ ﻭﺍﺳﻮ . ﺗﺤﺮﻙ ﺑﺄﻳﺪﻳﻬﺎ ﻭﺗﻀﺤﻚ
ﻟﺒﻴﺒﺘﻬﺎ ﺑﻠﻬﻔﺔ ﻋﺒﺎﻟﻚ ﺩﺗﺮﻛﺼﻠﻬﺎ
ﻭﺗﻤﻴﻞ ﺟﺴﻤﻬﺎ ﻛﺪﺍﻡ ﺗﺮﻳﺪ ﺑﻴﺒﺘﻬﺎ ﺗﺎﺧﺬﻫﺎ ﻣﻨﻲ
ﻫﺎﻟﺔ .. ﻳﻤﺔ ﺧﻔﻲ ﻋﻠﻴﻨﺎ ﺷﻮﻳﺔ ﺍﻧﺘﻲ ﻭﺣﻔﻴﺪﺗﺞ
ﻭﺍﻟﻠﻪ ﺍﻟﻲ ﻳﺴﻤﻌﺞ ﻳﻜﻮﻝ ﺻﺪﻙ ﻋﻨﺪﻫﺎ ﻛﺼﺎﻳﺐ
ﻭﻫﻨﺔ ﺷﻌﺮﺍﻳﺘﻴﻦ ﻭﺍﻛﻔﺎﺕ ﻣﺜﻞ ﺍﻟﻨﺨﻠﺔ
ﺟﻨﻬﺎ ﺗﻮﻳﺘﻲ
ﺍﻡ ﻗﺎﺳﻢ .. ﻣﻮﺗﻲ ﻣﻦ ﺍﻟﻐﻴﺮﺓ . ﻟﺞ ﻫﺎﻟﺔ ﺍﻧﻄﻴﺞ ﻋﻴﻮﻧﻲ ﺗﺸﻮﻓﻴﻬﺎ ﺑﻴﻬﻦ .
ﺗﺸﻮﻓﻴﻬﺎ ﺷﻠﻮﻥ ﺣﻠﻮﺓ ﻭﻣﺎﻛﻮ ﺍﺣﺪ . ﺑﺤﻼﺗﻬﺎ
ﻫﺎﻟﺔ .. ﻭﺍﻟﻠﻪ ﺍﻧﺎ ﻣﻦ ﻳﻮﻡ ﻛﻠﺘﻲ ﻋﻠﻰ ﻗﺴﺴﺎﻡ ﻣﺤﺪ ﺑﺠﻤﺎﻟﻪ
ﺍﻧﻲ ﻋﺮﻓﺖ ﻧﻈﺮﺝ ﺍﻧﻀﺮﺏ ﻓﺎﻳﺮﻭﺱ
ﻭﺻﺎﺭ ﻋﻨﺪﺝ ﺍﻟﺘﺒﺎﺱ
ﺍﻡ ﻗﺎﺳﻢ .. ﻭﻟﻲ ﻫﺎﻟﺔ . ﺍﻟﻤﺎﻳﻠﻮﺡ ﺍﻟﻌﻨﺐ ﻳﻜﻮﻝ ﻋﻠﻴﻪ ﺣﺎﻣﺾ
ﺷﻔﺎﻳﺘﻠﺞ ﻟﻮ ﻭﺍﺣﺪ ﻣﺜﻞ ﻗﺎﺳﻢ ﻳﺒﺎﻭﻉ ﻋﻠﻴﺞ ﻭﻳﺘﺰﻭﺟﺞ
ﻣﺪﺕ ﺍﻳﺪﻳﻬﺎ ﺛﻨﻴﻨﻬﻢ ﺣﺘﻰ ﺗﺎﺧﺬﻫﺎ ﻣﻨﻲ
.. ﺗﻌﺎﻟﻲ ﺣﺒﻴﺒﺔ ﮔﻠﺒﻲ ﺍﺷﺘﺎﻗﻴﺘﻠﺞ
.. ﻫﺎﺝ ﺧﺎﻟﺔ ﺍﺧﺬﻳﻬﺎ ﻭﻓﻜﻴﻨﻲ ﻣﻨﻬﺎ ﺍﻟﺒﺎﻏﺤﺔ ( ﺍﻟﺒﺎﺭﺣﺔ )
ﻣﺨﻠﺖ ﺍﺑﻮﻫﺎ ﻳﻨﺎﻡ ﺑﺲ ﺗﺒﺠﻲ
.. ﻳﺎ ﺧﻄﻴﺔ ﺍﺷﻮﻓﻪ ﺍﻟﻴﻮﻡ ﻧﺰﻝ ﻭﻋﻴﻮﻧﻪ ﺣﻤﺮ
ﻭﻃﻠﻊ ﺑﺪﻭﻥ ﺭﻳﻮﻙ ﺍﺛﺎﺭﻱ ﺧﻄﻴﺔ ﻣﻨﺎﻳﻢ
ﻛﻠﺘﻠﻪ ﺍﻧﺘﻈﺮﻧﻲ ﺍﺳﻮﻳﻠﻚ ﺭﻳﻮﻙ ﻛﻠﻲ
ﻻ ﺍﻧﺎ ﻃﺎﻟﻊ ﺍﺗﺄﺧﺮﺕ ﻋﺎﻟﺸﻐﻞ
ﺍﺗﻌﻮﺩﺕ ﻋﻠﻴﺞ ﺗﻜﻌﺪﻳﻦ ﻭﻳﺔ ﺭﺟﻠﺞ ﻭﺗﺮﻳﻜﻴﻪ
.. ﻭﺍﻟﻠﻪ ﺧﺎﻟﺔ ﻛﻌﺪﺕ ﻭﻳﺎﻩ ﺑﺲ ﻫﻮ ﻛﻠﻲ ﻏﺠﻌﻲ ( ﺭﺟﻌﻲ ) ﻧﺎﻣﻲ .
......
ﻫﺎﻟﺔ .. ﺷﺒﻴﻬﺎ ﺍﻟﺴﺖ ﺍﺳﺎﻭﺭ ﻣﺴﻬﺮﺓ ﺍﺑﻮﻫﺎ
.. ﻋﻠﻤﻮﺩ ﺍﺳﻨﺎﻧﻬﺎ ﺗﻠﺞ ﺍﻟﺒﺎﻏﺤﺔ ( ﺍﻟﺒﺎﺭﺣﺔ ) ﻛﻠﻪ
ﻭﻗﺎﺳﻢ ﺍﻧﻜﻠﺐ ﻛﺎﻇﻢ ﺍﻟﺴﺎﻫﺮ ﻋﻠﻤﻮﺩ ﺑﻨﺘﻪ
ﺣﺎﻃﻬﺎ ﺑﺤﻈﻨﻪ ﻭﻳﻜﻠﻠﻬﺎ ﺑﺎﺑﺎ ﻭﻳﻦ ﺍﺧﺬﺝ ﻭﻳﻦ ﺍﻧﻬﺰﻡ ﺑﻴﺞ
ﺑﻌﻴﻮﻧﻲ ﻟﻮ ﺑﻐﻮﺣﻲ ( ﺑﺮﻭﺣﻲ ) ﺍﺧﻠﻴﺞ
ﻫﺎﻟﺔ .. ﺍﻧﺎ ﻛﻢ ﻣﺮﺓ ﻛﺎﻳﻠﺘﻠﺞ ﺍﺫﺍ ﺍﺳﻮ ﻣﻌﺎﺟﺒﻬﺎ ﺗﻨﺎﻡ ﺷﻤﺮﻭﻫﺎ
ﻋﻠﻴﺔ ﺍﻟﻌﺐ ﻋﻠﻴﻬﺎ
.. ﻻ ﺣﺒﻴﺒﻲ ﻣﺸﻜﻮﻏﻴﻦ ( ﻣﺸﻜﻮﺭﻳﻦ )
ﻣﺎﻣﺴﺘﻌﺪﻳﻦ ﻗﺎﺳﻢ ﻳﻨﺠﻠﻂ ﻣﻦ ﻭﻗﺖ ﻭﻫﻮ ﺷﺎﺏ ﻣﻦ ﺳﻮﺍﻟﻔﻜﻢ
ﻫﻮ ﻟﺤﺪ ﺍﻟﻴﻮﻡ ﺑﻌﺪﻩ ﻣﺎ ﻧﺎﺳﻲ ﺍﻟﻬﺒﻄﺔ ﻭ ﺳﻮﺍﻳﺘﺞ ﺍﻧﺘﻲ ﻭﻫﺸﺎﻡ ﺑﺄﺳﻮ
ﻫﺎﻟﺔ ﻋﻀﺘﻠﻲ ﺷﻔﺔ ﻭﺑﺎﻭﻋﺖ ﻻﻣﻬﺎ ﺣﺘﻰ ﺍﺳﻜﺖ
ﺍﻡ ﻗﺎﺳﻢ .. ﺷﻨﻮ ﻋﻠﻰ ﻳﺎﻫﺒﻄﺔ . ﺩﺗﺤﺠﻴﻦ
ﻫﺎﻟﺔ .. ﻫﻬﻬﻬﻬﻪ ﻭﺍﻟﻠﻪ ﻋﻠﻴﺞ ﺳﻮﺍﻟﻒ ﻳﺎﻫﺪﻯ
ﻫﻮ ﺍﻧﻲ ﻭﻳﻦ ﺷﺎﻳﻔﺔ ﺍﺳﺎﻭﺭﻭﻑ ﺣﺘﻰ ﺍﺳﻮﻳﻠﻬﺎ ﺷﻲ
ﺍﻡ ﻗﺎﺳﻢ ﺧﺰﺭﺗﻬﺎ .. ﻫﺪﻯ ﺍﺣﺠﻲ ﺷﻤﺴﻮﻳﻦ
ﺑﺎﻭﻋﺖ ﻟﻬﺎﻟﺔ ﺍﻟﻲ ﻋﻀﺘﻠﻲ ﺷﻔﺔ
ﻭﺳﻜﺘﺖ ﻣﺤﺠﻴﺖ ﺷﻲ
ﺑﺲ ﻫﺪﻳﻞ ﺣﺠﺖ ﻣﻦ ﻳﻤﻬﺎ
.. ﻣﺎﻣﺎ ﻫﺪﻯ ﺩﺗﻘﺼﺪ ﻋﻠﻰ ﻣﻮﻗﻒ ﻗﺎﺳﻢ
ﺑﻴﻮﻡ ﺷﺎﻑ ﺻﻮﺭﺓ ﺑﻨﺘﻪ ﻣﻨﺸﻮﺭﺓ ﺑﺎﻟﻔﻴﺲ ﻋﻠﻰ ﺻﻔﺤﺔ
ﻫﺸﺎﻡ ﺟﺎﻧﻮﺍ ﻣﺎﺧﺬﻳﻠﻬﺎ ﺻﻮﺭﺓ ﺑﺎﻟﻨﻘﺎﻝ ﻻﺳﻮ
ﻫﻢ ﻻﻋﺒﻴﻦ ﺑﻴﻬﺎ ﻟﻌﺐ ﻣﺼﺨﻤﻴﻦ ﺧﺪﻭﺩﻫﺎ ﺑﺼﺨﺎﻡ ﺍﺳﻮﺩ .
ﻭﻋﻴﻮﻧﻬﺎ ﻣﺪﻣﻌﺔ ﺩﺗﺒﺠﻲ ﻭﺍﻟﺨﺪﻭﺩ ﺳﻤﺎﻥ ﻭﻣﺒﺮﻃﻤﺔ ﺷﻔﺎﻳﻔﻬﺎ
ﻭﻛﺎﺗﺒﻴﻦ ﺟﻮﺓ ﺍﻟﻤﻨﺸﻮﺭ
ﺗﻢ ﺍﻟﻌﺜﻮﺭ ﻋﻠﻰ ﻃﻔﻠﺔ ﺿﺎﺋﻌﺔ ﻗﺮﺏ ﺑﺎﺏ ﺍﻟﺠﺎﻣﻊ
ﻋﻠﻰ ﻣﻦ ﻳﻌﺮﻑ ﺫﻭﻳﻬﺎ
ﺍﻻﺗﺼﺎﻝ ﺑﻨﺎ ﻓﻠﻪ ﺍﻻﺟﺮ ﻭﺍﻟﺜﻮﺍﺏ
ﺑﻴﻮﻣﻬﺎ ﻗﺎﺳﻢ ﻟﻌﺐ ﻃﻮﺑﺔ ﺑﻬﺸﺎﻡ ﻭﻫﺎﻟﺔ
ﺧﻼﻫﻢ ﻭﺍﺣﺪ . ﻳﺪﻋﻢ ﺑﺎﻟﺜﺎﻧﻲ
ﺣﺘﻰ ﺯﻋﻞ ﻋﻠﻴﻬﻢ . ﻳﻜﻠﻠﻬﻢ ﺷﻠﻮﻥ ﺗﺴﻮﻭﻥ ﺑﺤﺒﻴﺒﺔ ﺍﺑﻮﻫﺎ ﻫﺸﻜﻞ ﻭﻫﺎﺿﻤﻴﻨﻬﺎ .
ﻭﺍﻟﻠﻪ ﺑﻌﺪ ﺗﺤﻠﻤﻮﻥ ﺍﺧﻠﻴﻜﻢ ﺗﻘﺮﺑﻮﻥ ﻋﻠﻴﻬﺎ
ﺍﻡ ﻗﺎﺳﻢ ﻣﺘﻔﺎﺟﺌﺔ . .. ﺍﻟﻠﻪ ﻳﻄﻴﺢ ﺣﻈﻜﻢ ﻋﻠﻰ ﻫﺎﻱ ﺍﻟﺴﻮﺍﻳﺔ
ﻟﺞ ﻫﺎﻟﺔ ﺍﻟﺜﻮﻟﺔ ﺍﻛﻴﺪ ﻫﺎﻱ ﺳﻮﺍﻟﻔﺞ
ﻫﺎﻟﺔ .. ﺍﻧﻲ ﻣﻮ ﻟﻮﺣﺪﻱ . ﺣﺘﻰ ﺍﺑﻨﺞ ﻫﺸﺎﻡ . ﻋﻮﺩ ﻣﺎ ﺍﻭﺻﻴﺞ
ﻫﻢ ﻣﻦ ﻳﺮﺟﻊ ﺍﺧﺬﻱ ﺑﺎﻻﺣﻀﺎﻥ ﻭﺍﻧﺎ ﺑﻨﺖ ﺍﻟﺒﻄﺔ ﺍﻟﺴﻮﺩﺓ
ﺍﻛﻞ ﺍﻟﺮﺯﺍﻳﻞ ﻟﻮﺣﺪﻱ
ﺍﻡ ﻗﺎﺳﻢ .. ﻫﺴﺔ ﻫﻲ ﻟﻮ ﺗﺴﻜﺖ ﻓﻮﻙ ﺳﻮﺍﻳﺘﻬﺎ
ﻓﻮﻛﺎﻫﺎ ﻟﻬﺎ ﻋﻴﻦ ﺗﺤﺠﻲ
ﺍﺑﺎﻭﻉ ﻟﻬﺎﻟﺔ ﺍﺿﺤﻚ ﻋﻠﻴﻬﺎ
.. ﺍﺣﺴﻦ ﺗﺴﺘﺎﻫﻠﻴﻦ
ﺣﺘﻰ ﺗﺒﻄﻠﻴﻦ ﺗﺴﻮﻳﻦ ﺑﺄﺳﻮ . ﺷﻐﻼﺗﺞ ﻣﺎﻝ ﺍﻟﻤﺨﺎﺑﻴﻞ
ﻳﺎ ﺍﺧﺘﻲ ﻋﻠﻰ ﺍﻻﻗﻞ ﺣﺎﻭﻟﻲ ﺗﻤﻬﺪﻳﻦ ﺍﻟﻄﻐﻴﻖ ( ﺍﻟﻄﺮﻳﻖ ) ﻷﻃﻔﺎﻟﺞ . ﺍﻟﻤﺴﺘﻘﺒﻠﻴﻴﻦ
ﻟﻴﺶ ﺧﻄﻴﺔ ﻗﺒﻞ ﻟﻴﺠﻮﻥ ﻟﻠﺪﻧﻴﺎ ﺩﻣﻬﻢ ﻣﻬﺪﻭﻍ ( ﻣﻬﺪﻭﺭ )
ﻭﻛﻠﻬﺎ ﻣﺘﺤﻠﻔﺔ ﺑﺠﻬﺎﻟﺞ ﻣﻦ ﻭﻏﺎﺝ ( ﻭﺭﺍﺝ )
ﻫﺎﻟﺔ .. ﻋﻤﻲ ﻫﻤﺔ ﺧﻠﻲ ﻳﺠﻮﻥ ﺑﺎﻻﻭﻝ ﻭﺑﻴﻜﻢ ﺧﻴﺮ ﻭﺗﺪﻟﻠﻮﺍ
ﻋﻀﻮﺍ ﻭﺳﺤﻠﻮﺍ ﺑﺮﺍﺣﺘﻜﻢ .
ﺑﺲ ﻏﻴﺮ ﺑﺎﻻﻭﻝ ﺍﺑﻮﻫﻢ ﻳﺸﺮﻑ ﻭﻳﺸﺪ ﺍﻟﻬﻤﺔ
ﺟﺎﻧﺖ ﺗﺤﺠﻲ ﺑﺼﻮﺕ ﻧﺎﺻﻲ ﺗﺨﺎﻑ ﻻ ﺧﺎﻟﺔ ﺗﺴﻤﻌﻬﺎ ﻭﺗﻄﻴﺢ ﺣﻈﻬﺎ
ﻗﺎﻃﻌﻨﺎ ﺻﻮﺕ ﺧﺎﻟﺔ
.. ﺍﻛﻮﻝ ﻫﺪﻯ . ﺍﻟﻴﻮﻡ ﺑﻴﺶ ﺍﻟﺴﺎﻋﺔ ﺗﺮﺣﻴﻦ ﻟﺒﻴﺖ ﺍﺧﺘﺞ
.. ﻭﺍﻟﻠﻪ ﻣﺎ ﺍﻋﻐﻒ ( ﻣﺎﺍﻋﺮﻑ ) ﻗﺎﺳﻢ ﻛﺎﻝ ﻣﻦ ﺍﻏﺠﻊ ( ﺍﺭﺟﻊ ) ﻣﻦ ﺍﻟﺸﻐﻞ ﺍﻭﺩﻳﻜﻢ
ﻫﺎﻟﺔ . ﺣﺠﺖ ﻣﻦ ﻳﻤﻬﺎ ﻭﻋﻴﻮﻧﻬﺎ ﻋﻠﻰ ﺍﺳﻮ
.. ﺷﻨﻮ ﺗﺒﺎﺗﻴﻦ ﻋﻨﺪﻫﻢ
.. ﻭﺍﻟﻠﻪ ﺍﺗﻤﻨﻰ . ﺍﺑﺎﺕ ﻳﻤﻬﻢ ﺧﻄﻴﺔ ﺷﻴﻤﺎﺀ ﺍﻛﻴﺪ ﺗﺤﺘﺎﺟﻨﺎ
ﻻﻥ ﻣﺒﻘﻰ ﺷﻲ ﻋﻠﻰ ﻋﻐﺴﻬﺎ ( ﻋﺮﺳﻬﺎ )
ﺑﺲ ﺗﻌﺎﻱ ﺷﻴﻘﻨﻊ ﺍﺧﻮﺝ ﻭﻳﺨﻠﻴﻨﻲ ﺍﺑﺎﺕ ﺑﺒﻴﺖ ﺍﺧﺘﻲ
......
ﺍﻡ ﻗﺎﺳﻢ .. ﻭﺍﻟﻠﻪ ﺷﻮﻣﺔ ﺗﺴﺘﺎﻫﻞ ﻛﻞ ﺍﻟﺨﻴﺮ
ﺻﺒﺮﺕ ﻭﻋﺎﻧﺖ ﻭﺍﺗﺤﻤﻠﺖ . ﻫﻮﺍﻱ ﻋﻠﻤﻮﺩﻛﻢ
ﺍﺫﺍ ﺗﺮﺩﻳﻦ ﺍﺣﺠﻴﻠﺞ ﻭﻳﺔ ﻗﺎﺳﻢ ﺣﺘﻰ ﻳﺒﻘﻴﺞ
ﻳﻢ ﺧﻮﺍﺗﺞ
.. ﻭﺍﻟﻠﻪ ﻳﺎﺭﻳﺖ ﺧﺎﻟﺔ ﺗﻘﻨﻌﻴﻨﻪ
ﻻﻥ ﺷﻴﻤﺎﺀ ﺻﺤﻴﺢ ﻫﻲ ﺍﻛﺒﻐﻨﺎ ﺑﺎﻟﻌﻤﻎ ( ﺍﻛﺒﺮﻧﺎ ﺑﺎﻟﻌﻤﺮ )
ﺑﺲ ﺍﺣﻨﺎ ﻣﺘﺰﻭﺟﺎﺕ ﻗﺒﻠﻬﺎ ﻭﻋﺪﻧﺎ ﺧﺒﻐﺔ ﺍﻛﺜﻎ ( ﺧﺒﺮﺓ ﺍﻛﺜﺮ ) ﻣﻨﻬﺎ
ﻭﻟﺤﺪ ﻫﺴﺔ ﻣﻤﻜﻤﻠﺔ ﺟﻬﺎﺯﻫﺎ
ﻭﻛﺎﺿﻴﺘﻬﺎ ﻛﻠﻪ ﺑﺎﻟﺸﻐﻞ ﻭﻳﺔ ﻣﻐﻮﺓ . ( ﻣﺮﻭﺓ )
ﻳﻌﻨﻲ ﺍﺗﺨﻴﻠﻲ ﺑﻌﺪ ﻳﻮﻣﻴﻦ ﻋﻐﺴﻬﺎ ( ﻋﺮﺳﻬﺎ ) . ﻫﻲ ﺍﻟﻴﻮﻡ ﻣﺪﺍﻭﻣﺔ
ﻭﺩﺗﺸﺘﻐﻞ ﻋﺎﺩﻱ ﻭﺗﺴﺎﻋﺪ ﻣﻐﻮﺓ ( ﻣﺮﻭﺓ )
.. ﺍﻟﻠﻪ ﻛﺮﻳﻢ ﺧﻠﻲ ﻳﺮﺟﻊ ﻗﺎﺳﻢ ﻣﻦ ﺍﻟﺸﻐﻞ ﻭﺍﻧﺎ ﺍﺣﺠﻲ ﻭﻳﺎﻩ
ﺍﺑﺘﺴﻤﺖ ﻣﻦ ﻛﻞ ﻛﻠﺒﻲ ﻭﻛﻠﺘﻠﻬﺎ
.. ﺗﺴﻠﻤﻴﻦ ﺧﺎﻟﺔ ﺍﻟﻠﻪ ﻳﺤﻔﻈﻠﺞ ﺍﺳﻮ ﻭﺍﺑﻮﻫﺎ
ﻛﻤﺖ ﻣﻦ ﻣﻜﺎﻧﻲ ﺑﻌﺪﻣﺎ ﺳﻠﻤﺖ ﺍﺳﺎﻭﺭ ﻟﺨﺎﻟﺔ ﻭﺍﺗﺮﻳﻜﺖ
ﻭﺧﺎﻟﺔ ﺭﻳﻜﺖ ﺍﺳﻮ ﺳﻴﺮﻻﻙ
ﺑﻠﺸﺖ ﺑﺸﻐﻠﻲ ﺣﺘﻰ ﺍﻛﻤﻠﻪ ﻭﺍﻏﺴﻞ ﻣﻼﺑﺲ ﻗﺎﺳﻢ ﻭﺍﻛﻮﻳﻬﻢ
ﺍﺭﻳﺪ ﻣﺎ ﻳﺒﻘﻰ ﻋﻨﺪﻱ ﺷﻲ ﻣﻦ ﺍﺭﻭﺡ ﻟﺒﻴﺖ ﻣﺮﻭﺓ
ﺟﺒﺖ ﺍﻟﻨﻘﺎﻝ ﻭﺣﻄﻴﺖ ﺍﻟﺴﻤﺎﻋﺎﺕ ﻭﺍﺗﺼﻠﺖ ﻋﻠﻰ ﺿﺤﻰ
ﺭﺩﺕ ﻋﻠﻴﺔ
.. ﻫﻠﻮ ﺿﺤﺎﻭﻱ ﺷﻠﻮﻧﺞ ﺣﺒﻴﺒﺘﻲ
ﺿﺤﻰ .. ﻫﻼ ﻫﺪﻭﺵ ﻭﺍﻟﻠﻪ ﺑﻨﺖ ﺣﻼﻝ ﺟﻨﺖ ﺍﺭﻳﺪ ﺍﺗﺼﻞ ﻋﻠﻴﺞ .
.. ﻛﻮﻟﻲ ﺷﻨﻮ ﺗﻐﺪﻳﻦ ( ﺗﺮﺩﻳﻦ )
.. ﻛﻠﺖ ﺍﺗﺼﻞ ﻋﻠﻴﺞ ﺣﺘﻰ ﺍﺫﺍ ﺗﻜﺪﺭﻳﻦ ﺗﻔﺮﻏﻴﻦ ﻧﻔﺴﺞ
ﻭﺗﺮﺣﻴﻦ ﻟﺒﻴﺖ ﻣﺮﻭﺓ ﻭﺗﺮﺗﺒﻴﻦ ﺟﻨﻂ ﺟﻬﺎﺯ ﺷﻴﻤﺎﺀ
ﺣﺘﻰ ﺗﻜﻮﻥ ﺟﺎﻫﺰﺓ ﻣﻦ ﺗﻄﻠﻊ ﺑﻴﻮﻡ ﻋﺮﺳﻬﺎ
ﻻﻥ ﺍﻧﻲ ﻣﺎ ﺍﻛﺪﺭ ﺍﺭﻭﺡ ﻭﺧﻄﻴﺔ ﺷﻮﻣﺔ ﻟﻮﺣﺪﻫﺎ
ﻭﻣﺮﻭﺓ ﻣﺎ ﻓﺎﺭﻏﺔ ﻭﻣﺮﻳﻢ ﺍﻣﺘﺤﺎﻧﺎﺕ ﺳﺎﺩﺱ ﻭﺩﺭﺍﺳﺔ ﻭﻣﺘﻠﺤﻚ
.. ﺍﻱ ﺍﻧﻲ ﺍﻏﻮﺡ ( ﺍﺭﻭﺡ ) ﺍﻟﻴﻮﻡ ﻗﺎﺳﻢ ﻛﻠﻲ ﺍﻭﺩﻳﺞ
ﺑﺲ ﺍﺣﺘﻤﺎﻝ ﻣﺎ ﺍﻛﺪﻍ ( ﻣﺎﺍﻛﺪﺭ ) ﺍﺑﺎﺕ . ﻻﻥ ﻣﻴﻘﺒﻞ ﺗﻌﻐﻔﻴﻦ ( ﺗﻌﺮﻓﻴﻦ ) ﻗﺎﺳﻢ
ﻫﺴﺔ ﻛﻠﻔﺖ ﺍﻟﻮﺍﺳﻄﺎﺕ ﻭﻧﺸﻮﻑ ﺍﻟﻠﻪ ﻛﻐﻴﻢ ( ﻛﺮﻳﻢ )
ﺑﻠﻜﻲ ﺍﻟﻠﻪ ﻳﻮﺍﻓﻖ
.. ﻳﺎﺭﻳﺖ ﻳﻮﺍﻓﻖ ﻻﻥ ﺍﻧﻲ ﺍﻫﻞ ﺿﺎﻓﺮ ﻣﺴﻮﻳﻦ ﻋﻠﻴﺔ ﺩﻭﺭﻳﺎﺕ
ﻭﺍﺧﻮﺍﺗﻪ ﻋﺎﻗﺠﺎﺕ ﺍﻟﻮﺟﻪ ﻋﻠﻴﺔ
.. ﻳﺎﺍﺍﺍ ﺷﺒﻴﻬﻦ ﺍﺧﻮﺍﺗﻪ ﻟﻴﺶ ﺷﻜﻮ
.. ﻫﻨﺔ ﻣﻦ ﺍﻟﻌﺮﺱ ﻛﺎﻟﺒﺎﺕ ﺍﻟﻮﺟﻪ ﻋﻠﻴﺔ
ﻭﺍﻟﻠﻪ ﺷﻠﻮﻥ ﺿﺎﻓﺮ ﻳﺴﻮﻱ ﻋﺮﺱ ﻭﺟﺪﻫﻢ ﺑﻌﺪﻩ ﻣﺎ ﺩﺍﺭﺕ ﺳﻨﺔ ﻋﻠﻰ ﻭﻓﺎﺗﻪ .
.. ﺍﻱ ﺑﺲ ﺍﻧﺘﻮﺍ ﺍﺟﻠﺘﻮﺍ ﺍﻟﻌﻐﺲ ( ﺍﻟﻌﺮﺱ )
ﺍﺗﺰﻭﺟﺘﻮﺍ ﺑﻌﺪ ٨ ﺍﺷﻬﺮ ﺑﻌﺪ ﺷﻜﻮ . ﺷﺒﻴﻬﻢ ﺯﻋﻼﻧﻴﻦ
.. ﻻ ﺯﻋﻼﻧﺎﺕ ﻳﻜﻮﻟﻮﻥ ﻣﻴﺼﻴﺮ ﻳﺴﻮﻱ ﻋﺮﺱ
ﻛﺎﻥ ﻻﺯﻡ ﻳﻨﺘﻈﺮ ﺑﻌﺪ ﺍﻟﻰ ﺍﻥ ﺗﺪﻭﺭ ﺍﻟﺴﻨﺔ
ﻳﻜﻮﻟﻮﻥ ﻫﻴﺞ ﻋﻴﺐ ﻣﻦ ﺍﻟﻨﺎﺱ
.. ﺯﻳﻦ ﺍﻧﺘﻲ ﺷﻨﻮ ﺑﻴﺪﺝ ﻋﻠﻰ ﺷﻨﻮ ﻛﺎﻟﺒﺎﺕ ﺍﻟﻮﺟﻪ ﻋﻠﻴﺞ
ﻫﻮ ﺍﻟﺼﻮﺝ ﻣﻨﺞ ﻟﻮ ﻣﻦ ﺍﺧﻮﻫﻢ
.. ﻳﻜﻮﻟﻦ ﻛﻠﻪ ﻣﻨﺞ ﺧﻠﻴﺘﻲ ﺍﺧﻮﻧﺎ ﻳﺴﺘﻌﺠﻞ ﺑﺎﻟﻌﺮﺱ
ﻛﻠﺘﻠﻬﻢ ﺍﻧﻲ ﻣﺎﻟﻲ ﺩﺧﻞ ﻃﻠﺒﺖ ﻣﻦ ﺍﺧﻮﻛﻢ ﻳﺄﺟﻞ ﺍﻟﻌﺮﺱ ﻭ
ﻭﻫﻮ ﺗﺨﺒﻞ ﻛﻠﻲ ﻻﺗﻜﻮﻟﻴﻠﻲ ﻋﻠﻰ ﺗﺄﺟﻴﻞ
ﺍﻧﻲ ﻭﺻﻠﺖ ﺣﺪﻱ ﻭﻃﻜﺖ ﺭﻭﺣﻲ
ﻫﻮ ﺍﻧﻲ ﺟﻨﺖ ﺑﺎﻟﻜﻮﺓ ﺍﻧﺘﻈﺮﺗﺞ ﻋﻠﻰ ﺍﻋﺼﺎﺑﻲ ﺗﺨﻠﺼﻴﻦ ﺍﻣﺘﺤﺎﻧﺎﺕ ﺍﻟﺴﺎﺩﺱ .
ﻭﺭﺍﻫﺎ ﻃﻠﻌﺘﻠﻲ ﺳﺎﻟﻔﺔ ﻭﻓﺎﺓ ﺟﺪﻱ ﺻﻔﺢ
ﻣﻮ ﺯﻳﻦ ﻣﻦ ﻋﻨﺪﻱ ﺻﺒﺮﺕ ٨ ﺍﺷﻬﺮ ﺧﻠﻲ ﻳﺤﻤﺪﻭﻥ ﺭﺑﻬﻢ ﻭﻳﺸﻜﺮﻭﺍ
ﻣﺎ ﺗﺰﻭﺟﺖ ﺑﻌﺪ ﻣﺎ ﻃﻠﻌﺖ ﺍﻻﺭﺑﻌﻴﻦ
.. ﻫﺴﺔ ﻫﻮ ﺍﻟﻌﻐﺲ ( ﺍﻟﻌﺮﺱ ) ﻭﻳﻦ ﻭﺍﻧﺘﻮﺍ ﻭﻳﻦ ﻫﺬﻭﻟﺔ ﺷﻨﻮ ﻣﻦ ﻛﻞ ﻋﻘﻠﻬﻢ ﻳﺤﺠﻮﻥ
ﺻﺎﻏﻠﻜﻢ ﺷﻬﻐﻴﻦ ( ﺻﺎﺭﻟﻜﻢ ﺷﻬﺮﻳﻦ ) ﻣﻦ ﺍﺗﺰﻭﺟﺘﻮﺍ
ﻳﻌﻨﻲ ﻣﺎﻟﻬﺎ ﺩﺍﻋﻲ ﻳﻜﻠﺒﻮﻥ ﻭﺟﻬﻬﻢ ﻭﻳﻌﺘﺒﻮﻥ ﻋﻠﻴﺞ
......
ﺟﻨﺖ ﺍﺣﺠﻲ ﻭﻳﺔ ﺿﺤﻰ ﺑﺎﻟﻨﻘﺎﻝ ﻭﺍﻧﻈﻒ
.. ﺯﻳﻦ ﻋﻤﺘﺞ ﻭﻋﻤﺞ ﺷﻨﻮ ﻣﻮﻗﻔﻬﻢ ﻣﻦ ﺍﻟﻤﻮﺿﻮﻉ
.. ﻋﻤﺘﻲ ﻭﻋﻤﻲ . ﻛﻠﺶ ﺣﺒﺎﺑﻴﻦ ﻋﻠﻮﺍﻩ ﻋﻠﻴﻬﻢ
ﺑﺲ ﺣﻤﺎﺗﻲ ﺍﻟﺠﺒﻴﺮﺓ ﻭﺍﻟﻮﺳﻄﺎﻧﻴﺔ ﻫﻨﺔ ﺍﻟﻲ ﻛﺎﻟﺒﺎﺕ
ﺍﻟﺪﻧﻴﺎ .
.. ﺯﻳﻦ . ﻭﻇﺎﻓﻎ ( ﻇﺎﻓﺮ ) ﻣﻦ ﻳﺸﻮﻓﻬﻢ ﻳﺤﺠﻮﻥ ﻭﻳﺎﺝ ﻫﻴﺞ ﻣﻴﻜﻮﻝ ﺷﻲ
.. ﻫﻨﺔ ﻧﺬﻻﺕ ﻋﺒﺎﻟﺞ ﻳﺤﺠﻮﻥ ﻛﺪﺍﻣﻪ ﻳﺨﺎﻓﻮﻥ ﻣﻨﻪ
ﺑﺲ ﻣﻦ ﻳﺸﻮﻓﻮﻧﻲ ﻟﻮﺣﺪﻱ ﻳﻨﺰﻟﻮﻥ ﺑﻜﻼﻣﻬﻢ ﺍﻟﻄﻴﺐ
ﻟﺞ ﻫﺪﻯ ﻣﻦ ﺩﺧﻠﻮﺍ ﻟﺒﻴﺘﻲ ﻭﺷﺎﻓﻮﺍ ﺍﻻﺛﺎﺙ
ﻫﺎﻱ ﺳﻤﺎﺡ ﺍﺟﺘﻲ ﺗﻨﺠﻠﻂ .
.. ﻋﻤﺔ ﺣﺘﻰ ﺍﻗﻐﻲ ( ﺍﻗﺮﻱ ) ﺍﻟﻤﻌﻮﺫﺍﺕ ﻣﻦ ﺗﺠﻲ ﻟﺒﻴﺘﺞ
.. ﻟﺞ ﺍﻧﻲ ﺗﻌﺮﻓﻴﻦ ﺷﻨﻮ ﺍﻟﻲ ﻗﺎﻫﺮﻧﻲ
ﻫﺴﺔ ﻟﻮ ﻓﻘﻴﺮﺓ ﻭﻣﺎﻋﻨﺪﻫﺎ ﺟﺎﻥ . ﻛﻠﺖ ﻣﻌﺬﻭﺭﺓ
ﺑﺲ ﻫﻲ ﻣﻬﻨﺪﺳﺔ . ﻭﺭﺋﻴﺴﺔ ﻗﺴﻢ
ﻭﻟﻮﺗﺸﻮﻓﻴﻦ ﺑﻴﺘﻬﺎ ﻳﺠﻨﻦ . ﻋﺒﺎﻟﻚ ﺗﺤﻔﺔ
ﺑﺲ ﻟﻴﺶ ﻫﺎﻱ ﺍﻻﻧﺎﻧﻴﺔ ﺍﻟﻲ ﻋﻨﺪﻫﺎ ﻣﺎ ﺍﻋﺮﻑ
.. ﻧﺎﺱ ﻋﻨﺪﻫﻢ ﻣﻐﺾ ( ﻣﺮﺽ ) ﺍﺳﻤﻪ ﺍﻟﺤﺴﺪ ﻭﺍﻟﺤﻘﺪ
ﻫﺴﺔ ﻋﻮﻓﺞ ﻣﻦ ﺣﻤﻮﺍﺗﺞ
ﺳﻮﻟﻔﻴﻠﻲ ﺍﻧﺘﻲ ﺷﻠﻮﻧﺞ ﻭﻳﺔ ﻇﺎﻓﺮ ( ﻇﺎﻓﺮ ) ﻭﺍﻭﻻﺩﻩ ﺷﻠﻮﻧﻬﻢ ﻭﻳﺎﺝ
ﺗﻐﺔ ( ﺗﺮﺓ ) ﺍﻧﻲ ﻋﺎﻳﻔﺘﺞ ﻫﺎﻱ ﺻﺎﻍ ﺷﻬﻐﻴﻦ ﺑﻐﺎﺣﺘﺞ ( ﺻﺎﺭ ﺷﻬﺮﻳﻦ ﺑﺮﺍﺣﺘﺞ )
ﺍﺗﺼﻞ ﺑﻴﺞ ﻋﻠﻰ ﻛﺪ ﺍﻟﺴﻼﻡ ﺣﺘﻰ ﺗﺎﺧﺬﻳﻦ ﻏﺎﺣﺘﺞ ( ﺭﺍﺣﺘﺞ )
ﻭﻳﺔ ﺿﻔﻮﺭﻱ ﺍﻛﻮﻝ ﺑﻌﺪﻛﻢ ﻋﻐﺴﺎﻥ ( ﻋﺮﺳﺎﻥ )
ﺿﺤﻰ ﺿﺤﻜﺖ ﻭﻛﺎﻟﺖ .
. ﻟﺞ ﺳﻜﺘﻲ ﻟﺘﺬﻛﺮﻳﻨﻲ
ﺧﺒﻠﻨﻲ ﺿﺎﻓﺮ ﻭﻃﻠﻊ ﻋﻴﻨﻲ . ﺑﺄﻭﻝ ﺍﺳﺒﻮﻉ
ﺍﺭﻳﺪ ﺍﺧﻠﺺ ﺭﻭﺣﻲ ﻣﺎ ﺍﻛﺪﺭ . ﻋﺒﺎﻟﻚ ﻋﻨﺪﻩ ﻣﺴﺎﺑﻘﺔ
ﺍﺑﻦ ﺍﻻﻭﺍﺩﻡ
ﺑﺲ ﻭﺭﺓ ﺍﻻﺳﺒﻮﻉ ﻣﻦ ﺍﺟﻮﻱ ﺍﻻﻃﻔﺎﻝ ﺟﻮﺩ ﻭﻳﺎﺳﺮ
ﺍﺧﺘﺞ ﺿﺤﺎﻭﻱ ﻛﺪﺭﺕ ﺍﺻﻘﻠﻪ ﻭﺧﻔﻒ ﻣﻦ ﻭﻛﺎﺣﺘﻪ
ﺻﺮﺕ ﺍﻧﻄﻴﻪ ﻣﺤﺎﻇﺮﺍﺕ ﻋﻠﻰ ﺍﻟﺘﺼﺮﻓﺎﺕ ﺍﻟﻼﺋﻘﺔ
ﺍﻣﺎﻡ ﺍﻻﻃﻔﺎﻝ
.. ﻫﻬﻬﻬﻬﻬﻬﻪ ﺧﻐﺐ ( ﺧﺮﺏ ) ﻳﻮﻣﺞ ﺿﺤﻰ
ﺷﻨﻮ ﺻﻐﺘﻲ ( ﺻﺮﺗﻲ ) ﻣﻌﻠﻤﺔ ﺑﻐﺎﺳﻪ ( ﺑﺮﺍﺳﻪ . )
ﺧﻄﻴﺔ ﻋﻮﻓﻲ ﺑﻐﺎﺣﺘﻪ ( ﺑﺮﺍﺣﺘﻪ ) ﻟﻴﺶ ﺗﻜﺴﻐﻴﻦ ( ﺗﻜﺴﺮﻳﻦ ) ﺑﻤﻮﺍﻫﺒﻪ ﺍﻟﻔﻨﻴﺔ
.. ﻟﺞ ﻻ ﻫﺪﻯ ﻫﻮ ﻣﺮﺍﺕ ﻳﻨﺴﻰ ﻧﻔﺴﻪ . ﻭﻳﻔﺎﺟﺌﻨﻲ ﺑﺎﻟﻤﻄﺒﺦ
ﺑﺤﺮﻛﺎﺗﻪ ﺍﻟﻮﻛﺤﺔ . ﻭﻳﻨﺴﻰ ﻭﺟﻮﺩ
ﺍﻃﻔﺎﻟﻪ . ﻫﻬﻬﻬﻬﻬﻬﻪ
ﻟﺞ ﻣﺮﺓ ﻣﻦ ﺍﻟﻤﺮﺍﺕ
ﻛﻠﺘﻠﻪ ﻫﺴﺔ ﺍﻧﻲ ﺍﻛﻌﺪ ﺍﻋﻠﻢ ﻭﺍﺭﺑﻲ ﺍﻻﻃﻔﺎﻝ ﻟﻮ ﺍﺑﻮﻫﻢ
ﺍﻟﻮﻛﺢ .
ﻫﻮ ﻣﺎ ﻳﻀﻴﻊ ﻓﺮﺻﺔ ﻳﻜﻠﻲ
.. ﻋﺎﺩﻱ ﺗﻌﺎﻱ ﻋﻠﻤﻴﻨﻲ . ﺑﺲ ﻣﻮ ﻫﻨﺎ ﺑﺎﻟﻐﺮﻓﺔ ﻻﻥ ﺍﻧﺎ ﻃﺎﻟﺐ ﻭﻛﻴﺢ .
.. ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺧﻐﺐ ( ﺧﺮﺏ ) ﻭﺍﻟﻠﻪ ﺿﺤﻜﺖ
ﻟﺞ ﻫﺬﺍ ﻇﺎﻓﻎ ( ﻇﺎﻓﺮ ) ﻃﻠﻊ ﺩﺍﻫﻴﺔ .
.. ﺍﻧﻲ ﻋﺎﺫﺭﺗﻪ . ﻻﻥ ﺣﺴﺐ ﻛﻼﻣﻪ ﺍﻏﻠﺐ ﺣﻴﺎﺗﻪ ﺧﻠﺼﻬﺎ
ﺑﺎﻟﺨﺎﺭﺝ ﺑﻤﺠﺘﻤﻊ ﻏﺮﺑﻲ . ﻋﻨﺪﻫﻢ ﺣﺮﻳﺔ ﺍﻟﺘﺼﺮﻑ ﻭﻋﺪﻡ ﺍﻟﺘﻘﻴﻴﺪ ﺷﻲ ﻋﺎﺩﻱ
ﻭﻫﻮ ﺍﻋﺘﻤﺪ ﻋﻠﻰ ﺍﻣﻪ ﻭﺍﺑﻮﻩ ﺑﺘﺮﺑﻴﺔ ﺍﻃﻔﺎﻟﻪ
ﻟﺬﻟﻚ ﻣﺎ ﻋﻨﺪﻩ . ﺍﻧﻀﺒﺎﻁ
ﺑﺲ ﻫﺎ ﻟﺘﻨﺴﻴﻦ ﺍﻧﻲ ﺍﺧﺘﺞ ﺿﺤﺎﻭﻱ ﺍﻟﺠﺪﻳﺪﺓ
ﻭﺩﺍﻋﺘﺞ ﺑﻬﺎﻱ ﺍﻟﺸﻬﺮﻳﻦ . ﺳﻮﻳﺘﻪ ﺍﺑﻮ ﺑﻴﺖ ﻋﺮﺍﻗﻲ ﻣﻌﺪﻝ
ﻣﺎﻛﻮ ﺷﻲ ﺧﺎﺭﺝ ﻋﻦ ﺍﻟﻤﺄﻟﻮﻑ ﻣﺤﻄﻴﺘﻠﻪ ﺣﺪ ﻣﺼﺮﻑ ﻭﺗﺒﺬﻳﺮ ﻭﺣﻠﻞ .
ﻭ ﺍﻻﻃﻔﺎﻝ ﺳﺤﺒﺖ ﻣﻨﻬﻢ ﺍﻻﺟﻬﺰﺓ ﺍﻻﻟﻜﺘﺮﻭﻧﻴﺔ
ﻭﺍﺷﺘﺮﻳﺘﻠﻬﻢ ﺍﻟﻌﺎﺏ ﻣﻴﻜﺎﻧﻮ . ﻋﻠﻰ ﻟﻌﺎﺑﺎﺕ ﺑﺎﺭﺑﻲ ﻭﺑﻴﻮﺕ ﻟﻌﺎﺏ
ﻭﺳﻴﺎﺭﺍﺕ ﻭﻣﻮﻗﻒ ﺳﻴﺎﺭﺍﺕ ﻟﻴﺎﺳﺮ
......
ﺑﺎﻟﻨﺴﺒﺔ ﻟﺒﻨﺘﻪ ﺟﻮﺩ . ﺻﺎﺭﺕ ﻣﺜﻞ ﺿﻠﻲ ﻭﻳﻦ ﺍﺭﻭﺡ ﻭﺭﺍﻱ
ﺍﺻﻼ ﺍﺗﻮﻟﻌﺖ ﺑﻴﺔ .
ﺑﺎﻟﺤﻘﻴﻘﺔ ﻫﻲ ﻫﻢ ﻃﻔﻠﺔ ﺻﻐﻴﺮﺓ ﻭﺣﻠﻮﺓ
ﺍﻧﻲ ﺗﻠﻘﺎﺋﻴﺎً ﻟﻜﻴﺖ ﺭﻭﺣﻲ ﻣﺘﻌﻠﻘﺔ ﺑﻴﻬﺎ
ﺻﺮﺕ ﻛﻞ ﻳﻮﻡ ﺍﺳﻮﻱ ﺷﻌﺮﻫﺎ ﻓﻴﻜﺔ ﻭﺣﺮﻛﺎﺕ ﻗﺒﻞ ﻻ ﺗﺮﻭﺡ ﻟﻠﻤﺪﺭﺳﺔ
ﻭﻣﺮﺍﺕ ﺍﻟﻌﺐ ﻭﻳﺎﻫﺎ ﺑﺒﻴﺖ ﺍﻟﻠﻌﺎﺏ ﻳﻌﻨﻲ ﻛﺪﺭﺕ ﺍﻛﺴﺒﻬﺎ
ﺑﺲ ﺷﻮﻳﺔ ﻳﺎﺳﺮ ﻧﺤﺲ ﻭﺻﻌﺐ ﻳﻤﻜﻦ ﻻﻥ ﻭﻟﺪ
.. ﻳﺎﻟﻠﻪ ﻫﻮ ﺑﻤﻐﻮﻍ ( ﺑﻤﺮﻭﺭ ) ﺍﻻﻳﺎﻡ ﻳﺒﺪﻱ ﻳﺘﻘﺒﻠﺞ .. ﺍﻥ ﺷﺎﺀﺍﻟﻠﻪ
.. ﺍﻱ ﻫﻮ ﻫﻢ ﻫﻴﺞ ﻭﺭﺍﻩ ﻭﺭﺍﻩ ﺷﻌﻨﺪﻱ ﻏﻴﺮﻫﻢ
.. ﻫﺴﺔ ﺷﻨﻮ ﺣﻤﻮﺍﺗﺞ ﻧﺎﻭﻳﺎﺕ ﻳﻄﻮﻟﻮﻥ ﻳﻤﻜﻢ
.. ﺍﻟﻤﺸﻜﻠﺔ ﺍﺳﺘﺤﻲ ﺍﺳﺄﻟﻬﻢ ﺯﺣﻤﺔ
ﺑﻌﺪ ﺑﻘﺖ ﺍﻧﻲ ﻭﺣﻈﻲ
ﻧﻬﻴﺖ ﺍﻻﺗﺼﺎﻝ ﻣﻦ ﺿﺤﻰ ﻭﻟﻜﻴﺖ ﻫﺪﻳﻞ
ﻣﺎﺧﺬﺓ ﺍﺳﻮ ﻣﻦ ﺧﺎﻟﺔ ﻭﺻﺎﻋﺪﺓ ﺑﻴﻬﺎ ﻓﻮﻙ
ﺻﻌﺪﺕ ﻭﺑﺪﻳﺖ ﺍﺣﻀﺮ ﻧﻔﺴﻲ ﺍﻧﻲ ﺍﺳﻮ
ﺍﺗﺼﻞ ﻋﻠﻴﺔ ﻗﺎﺳﻢ ﻭﻛﺎﻝ ﺍﻧﺎ ﺟﺎﻱ ﺑﺎﻟﻄﺮﻳﻖ ﺣﻀﺮﻱ ﻧﻔﺴﺞ ﺣﺘﻰ ﺍﺧﺬﺝ ﻟﺒﻴﺖ ﺍﺧﺘﺞ
ﺟﻨﺖ ﺍﺗﺤﺮﻙ ﻋﻠﻰ ﺭﺍﺣﺘﻲ ﺑﺎﻟﻐﺮﻓﺔ ﺑﺲ ﺑﻌﺪ ﺍﻻﺗﺼﺎﻝ
ﺻﺮﺕ ﺍﻫﺮﻭﻝ ﺑﺴﺮﻋﺔ ﻻﻥ ﻗﺎﺳﻢ
ﺍﺫﺍ ﻛﺎﻝ ﺍﺟﻴﺖ ﻭﻣﺎ ﻟﻜﺎﻧﻲ ﺟﺎﻫﺰﺓ . ﻳﻄﻨﻜﺮ ﺑﻲ ﻃﺒﻊ
ﻣﺎ ﻋﻨﺪﻩ ﺻﺒﺮ ﺍﻭ ﺧﻠﻚ ﻳﻨﺘﻈﺮ ﻭﻳﻜﺮﻩ ﺳﺎﻟﻔﺔ ﺍﻟﺠﺮﺟﺮﺓ
ﻣﺮﺓ ﺻﺎﺭﺕ ﻭﻳﺎﻱ . ﻭﺍﺗﺄﺧﺮﺕ ﻋﻠﻴﻪ ﻻﻥ
ﺍﺳﻮ ﻗﺒﻞ ﻻ ﻧﻄﻠﻊ ﺑﺸﻮﻳﺔ . ﻃﻠﻌﺖ ﺑﻄﻮﻻﺗﻬﺎ ﻛﻠﻬﺎ
ﺳﻮﺕ ﻛﻞ ﻓﻌﺎﻟﻴﺎﺗﻬﺎ ﺑﻬﺬﺍ ﺍﻟﻮﻗﺖ ﺃﺗﻘﻴﺄﺕ . ﻭﺗﻠﻔﺖ ﻧﻔﺴﻬﺎ . ﻭﻃﻠﻌﺖ ﺑﻄﻨﻬﺎ
ﻭﺍﻛﻴﺪ ﺻﺎﺭ ﻻﺯﻣﻠﻬﺎ ﺗﺒﺪﻳﻞ ﻛﺎﻣﻞ . ﻭﺍﺳﺘﺎﺫ ﻗﺎﺳﻢ ﻣﻨﺘﻈﺮﻧﻲ ﺑﺎﻟﺴﻴﺎﺭﺓ
ﻭﺍﻧﻲ ﺍﻟﺘﻬﻴﺖ ﺑﺎﻟﺸﺤﺮﻭﺭﺓ ﺑﻨﺘﻪ
ﺍﺷﻮ ﻫﺬﺍ ﻃﻔﻰ ﺍﻟﺴﻴﺎﺭﺓ ﻭﻧﺰﻝ ﻣﻨﻬﺎ ﻭﻛﺎﻝ ﻣﺎﻛﻮ ﺭﻭﺣﺔ
ﻟﺒﻴﺖ ﺍﺧﺘﺞ ﺧﻼﺹ ﻫﺎﻱ ﻫﻲ
ﻳﺎﺑﺔ ﻳﻤﻌﻮﺩ ﺍﺑﻮ ﺍﻟﻐﻴﺮﺓ . ﺑﻨﺘﻚ ﺍﺧﺮﺗﻨﻲ ﺍﻧﻲ ﻣﺎﻟﻲ ﺩﺧﻞ
ﻣﺎﻛﻮ ﻗﺎﺳﻢ ﺭﻛﺐ ﺭﺍﺳﻪ . ﻭﺭﻓﺾ ﻳﺎﺧﺬﻧﻲ ﻭﺑﻴﻮﻣﻬﺎ ﺧﺎﻟﺘﻲ
ﺣﺠﺖ ﻭﻳﺎﻩ ﺭﺍﺩﺕ ﺗﻘﻨﻌﻪ ﻻﻥ ﺻﺪﻙ ﺍﻧﻘﻬﺮﺕ ﻣﻦ
ﻃﻠﻌﺘﻪ ﻭﻳﺎﻱ . ﺷﺪﻋﻮﺓ ﺷﺼﺎﺭ ﻫﻴﺞ ﻣﺎﻋﻨﺪﻩ ﺻﺒﺮ ﻭﻳﺎﻳﺔ
ﻭﻟﻮ ﻫﻮ ﻣﻮ ﺑﺲ ﻭﻳﺎﻳﺔ ﺣﺘﻰ ﻭﻳﺔ ﺍﻣﻪ ﻭﺧﻮﺍﺗﻪ ﻫﻴﺞ ﻃﺒﻌﻪ
ﻭﻫﻤﺔ ﻣﺎﺧﺬﻳﻦ ﺣﺬﺭﻫﻢ ﻣﻨﻪ .
ﺑﺲ ﺍﻟﺤﻘﻴﻘﺔ ﻫﻮ ﻻﺯﻡ ﻳﻐﻴﺮ ﻣﻦ ﻧﻔﺴﻪ ﻻﻥ ﻫﻮ ﺻﺎﺭ ﺍﺏ
ﻭﻻﺯﻡ ﻳﺘﺄﻗﻠﻢ ﻭﻳﺔ ﻫﺬﺍ ﺍﻟﻮﺿﻊ
ﻻﻥ ﺍﻟﻄﻔﻞ ﻣﻴﻌﺮﻑ ﻗﻮﺍﻋﺪ ﻭﻣﺰﺍﺝ
ﺍﻧﺘﺒﻬﺖ ﻟﺮﻭﺣﻲ ﺍﻟﻬﺚ ﺍﻧﻔﺎﺳﻲ ﺳﺮﻳﻌﺔ ﻣﻦ ﺍﻟﺮﻛﺾ
ﺣﻄﻴﺖ ﺍﺳﻮ ﺑﺎﻟﻜﺎﻉ ﻭﺑﻴﺪﻫﺎ ﻟﻌﺒﺔ
ﻭﺑﺪﻳﺖ ﺍﺑﺪﻝ . ﻭﺍﻧﺘﺒﻬﺖ ﻟﻠﻘﻤﻴﺺ
ﺻﺎﻳﺮ ﺿﻴﻖ ﻣﻦ ﻳﻢ ﺻﺪﺭﻱ
ﻣﻌﻘﻮﻟﺔ ﺍﻧﻲ ﺳﻤﻨﺎﻧﺔ . ﻟﻮ ﻫﺎﻱ ﻻﻥ ﺍﺭﺿﻊ
ﻫﻴﺞ ﺻﺎﺭ ﻭﻳﺎﻱ
ﺍﻭﻭﻭﻑ
ﺩﺧﻞ ﻗﺎﺳﻢ ﻟﻠﻐﺮﻓﺔ ﻭﻫﻮ ﺿﺎﻳﺞ
ﻭﺍﺳﻮ ﺷﺎﻓﺘﻪ ﺭﺍﺣﺖ ﺗﺰﺣﻒ ﻻﺑﻮﻫﺎ ﻫﻮ ﺩﻧﻚ ﻭﺷﺎﻟﻬﺎ ﻭﻫﻲ
ﻫﺪﺗﻠﻪ ﺍﺣﻠﻰ ﺍﺑﺘﺴﺎﻣﺔ
ﻭﻛﻌﺪﺕ ﺗﺼﻴﺢ ﻭﺗﺤﺠﻲ ﻭﻳﺎﻩ
ﻫﻮ ﻋﻴﻮﻧﻪ ﻋﻠﻴﺔ ﺳﺄﻟﻨﻲ
.. ﺧﻠﺼﺘﻲ ﻟﻮ ﺑﻌﺪﺝ
ﺟﺎﻭﺑﺘﻪ ﺑﻌﺠﻞ .. ﺍﻱ ﻫﻴﺎﺗﻨﻲ ﺧﻠﺼﺖ ﻣﺎﻋﻨﺪﻱ ﺑﺲ ﺍﻟﺒﺲ ﺷﺎﻟﻲ
.. ﺍﻛﻮﻝ ﺍﻧﺘﻲ ﺩﺍﺯﺓ ﺍﻣﻲ ﻋﻠﻤﻮﺩ ﺗﺘﻮﺳﻄﻠﺞ ﻳﻤﻲ ﺣﺘﻰ ﺗﺒﺎﺗﻴﻦ ﺑﺒﻴﺖ ﺍﺧﺘﺞ ﻣﺮﻭﺓ
ﺍﺗﻮﻗﻔﺖ ﻋﻦ ﺍﻟﺤﺮﻛﺔ ﻭﻛﻠﺘﻠﻪ
.. ﺍﻱ . ﻛﻠﺘﻠﻬﺎ ﺗﻘﻨﻌﻚ ﻻﻥ ﺍﻧﺖ ﻣﺘﻘﺒﻞ ﺍﺑﺎﺕ
ﺍﺑﺎﻭﻉ ﻋﻠﻴﻪ ﺍﻟﻐﻀﺐ ﺍﺣﺘﻞ ﻛﻞ ﻣﻌﺎﻧﻲ ﻭﺟﻬﻪ ﻭﻛﺎﻝ
.. ﺧﻼﺹ ﻣﺎ ﺩﺍﻡ ﺍﻧﺘﻲ ﻫﻴﺞ ﻛﺎﺗﻠﺔ ﺭﻭﺣﺞ ﺗﺒﺎﺗﻴﻦ ﻳﻢ ﺍﺧﻮﺍﺗﺞ
ﻋﺎﺩﻱ ﺭﻭﺣﻲ ﺍﻟﻠﻪ ﻭﻳﺎﺝ
ﺑﺎﺗﻲ ﻋﻨﺪ ﺑﻴﺖ ﺍﺧﺘﺞ ﺷﻜﺪ ﻣﺘﺮﺩﻳﻦ
ﻋﺴﻰ ﻣﺘﺒﻘﻴﻦ ﺷﻬﺮ ﺣﺮﺍﻡ ﺍﺫﺍ ﺍﺳﺄﻝ ﻋﻠﻴﺞ
ﺍﻧﺎ ﺍﻫﻢ ﺷﻲ ﻋﻨﺪﻱ ﺍﺳﻮ ﺗﺒﺎﺕ ﺑﺤﻀﻨﻲ
......
ﻫﻮ ﻳﺤﺠﻲ ﻭﺍﻧﻲ ﻭﺍﻛﻔﺔ ﻣﺼﺪﻭﻣﺔ . ﺑﻜﻼﻣﻪ ﻫﺬﺍ ﺻﺪﻙ ﻳﺤﺠﻲ
ﻣﻌﻘﻮﻟﺔ ﻟﻬﺎﻱ ﺍﻟﺪﺭﺟﺔ ﺍﻧﻲ ﻣﻮ ﻣﻬﻤﺔ ﻋﻨﺪﻩ
ﺭﻓﻌﺖ . ﺭﺍﺳﻲ ﻭﺑﺎﻭﻋﺖ ﺑﻌﻴﻮﻧﻪ ﻛﺎﻥ ﺑﻴﻬﺎ ﻧﻈﺮﺓ
ﻧﺼﺮ ﻭﺗﺤﺪﻱ
ﻫﻤﺴﺖ ﺑﻐﻴﺾ .. ﺧﻼﺹ ﻫﺎﻱ ﻫﻲ ﺍﻧﻲ ﺍﺑﺎﺕ ﺑﺒﻴﺖ
ﺍﺧﺘﻲ ﻭﺍﻧﺖ ﺗﻌﺎﻝ ﺍﺧﺬ ﺑﻨﺘﻚ ﻧﻮﻣﻬﺎ ﺑﺤﻀﻨﻚ
ﺍﻟﺤﻤﺪﻟﻠﻪ ﺍﺳﻮ ﻫﻲ ﺑﺪﺕ . ﺗﻌﺘﻤﺪ ﻋﺎﻟﻤﻤﻴﺔ ﻭﺍﻥ ﺷﺎﺀ ﺍﻟﻠﻪ
ﻣﺘﺤﺘﺎﺟًﻮﻥ . ﻟﻠﺨﺪﺍﻣﺔ ﻫﺪﻯ
ﺷﻴﻤﺎﺀ
ﻣﺎ ﺑﻘﻰ ﺷﻲ ﻋﻠﻰ ﺩﺧﻮﻟﻲ ﻟﺤﻴﺎﺗﻲ ﺍﻟﺠﺪﻳﺪﺓ
ﺑﺲ ﻭﺍﻟﻠﻪ ﺷﺎﻳﻠﺔ ﻫﻢ ﻭﺧﺎﻳﻔﺔ ﺍﻋﻮﻑ ﺍﺧﻮﺍﺗﻲ ﻭﺭﺍﻳﺔ
ﻭﺑﻨﻔﺲ ﺍﻟﻮﻗﺖ ﻣﺘﻠﻬﻔﺔ ﻟﺤﻴﺎﺗﻲ ﻭﻳﺔ ﺣﻴﺪﺭ
ﻟﻬﺬﺍ ﺳﻮﻳﺖ ﺟﺮﺩ ﺷﺎﻣﻞ ﻭﻛﻤﻠﺖ ﻫﻮﺍﻳﺔ ﺷﻐﻼﺕ
ﺍﻭﺑﻌﺾ ﺍﻻﻣﻮﺭ ﺍﻟﻲ ﻛﺎﻧﺖ ﻣﺘﻌﻠﻘﺔ ﺑﺎﻟﻤﺮﻛﺰ
ﻻﻥ ﻣﺒﻘﻰ ﺷﻲ ﻋﻠﻰ ﺯﻭﺍﺟﻲ
ﻭﻋﻠﻰ ﻃﺎﺭﻱ ﺯﻭﺍﺟﻲ ﻭﺯﻭﺟﻲ
ﺑﻌﺪ ﺍﻟﺨﻄﻮﺑﺔ ﺑﺪﻳﺖ ﺍﺗﻌﺮﻑ ﻋﻠﻰ ﺷﺨﺼﻴﺔ ﺣﻴﺪﺭ ﺍﻛﺜﺮ
ﻭ ﻫﻨﺎ ﺗﻮﺿﺤﺘﻠﻲ ﻫﻮﺍﻳﺔ ﺍﻣﻮﺭ ﺟﻨﺖ ﻏﺎﻓﻠﺔ ﻋﻨﻬﺎ
ﻭﺑﻤﺴﺎﻋﺪﺓ ﺣﻴﺪﺭ ﻭﺗﺼﺮﻓﺎﺗﻪ ﻛﺪﺭﺕ ﺍﻓﺘﻬﻤﻪ
ﻭﺍﺗﻌﻠﻢ ﻋﻠﻴﻪ
ﺍﻛﺘﺸﻔﺖ ﺑﻲ ﺍﻥ ﻫﻮ ﺟﺪﺍً ﺣﺮﻳﺺ ﻋﻠﻴﺔ
ﺍﺗﺬﻛﺮ ﺍﻭﻝ ﺍﻳﺎﻡ ﻣﻦ ﺧﻄﻮﺑﺘﻨﺎ ﺍﺟﺔ
ﻟﻠﻤﺮﻛﺰ ﻭﻃﻠﺐ ﻣﻨﻲ ﺍﺟﻬﺰ ﻧﻔﺴﻲ
ﻻﻥ ﻋﺎﺯﻣﻨﻲ ﻋﻠﻰ ﻏﺪﺍ
ﺟﻨﺖ ﻣﺘﻠﻬﻔﺔ . ﻭﻣﺘﻔﺎﺋﻠﺔ
ﻭﺻﻞ ﺣﻴﺪﺭ ﻭﺷﺎﻓﻨﻲ ﻭﺍﻛﻔﺔ ﻣﻨﺘﻈﺮﺗﻪ
ﻛﺼﻨﻲ ﺑﻨﻈﺮﺍﺗﻪ ﻣﻦ ﻓﻮﻙ ﻟﻴﺠﻮﺓ
ﺟﻨﺖ ﻻﺑﺴﺔ ﺑﻨﻄﻠﻮﻥ ﻗﻤﺎﺵ ﻭ ﻗﻤﻴﺺ ﻣﻘﻠﻢ ﺍﺑﻴﺾ ﻭﺍﺳﻮﺩ ﺣﺼﺮ ﻭﻗﺼﻴﺮ
ﻻﺑﺴﺔ ﻋﻠﻴﻪ ﺳﺘﺮﺓً . ﻃﻮﻳﻠﺔ ﺗﻐﻄﻲ ﺍﻟﻮﺭﻙ
ﺟﺎﻧﺖ ﻣﻼﺑﺴﻲ ﺭﺳﻤﻴﺔ . ﻣﻨﺎﺳﺒﺔ ﻟﻠﻤﺮﻛﺰ
ﻭﺟﺎﻥ ﺷﻌﺮﻱ ﻳﻮﺻﻞ ﻻﻛﺘﺎﻓﻲ ﺟﻨﺖ
ﻣﺴﻮﻳﺔ ﺷﻌﺮﻱ ﺻﺒﻎ ﻣﻮﺩﻳﻞ ﺍﻭﻣﺒﺮﻱ
ﻭﻫﺬﺍ ﺍﻟﺸﻲ ﺿﺎﻑ ﺟﻤﺎﻟﻴﺔ ﻭﺟﺎﻥ ﺍﻗﺘﺮﺍﺡ ﻫﺪﻯ
ﻣﻦ ﺟﻨﺎ ﺑﺎﻟﺼﺎﻟﻮﻥ ﺑﻴﻮﻡ ﺍﻟﻤﻬﺮ
ﺟﻠﻰ ﺻﻮﺗﻪ ﻭﻛﺎﻝ
.. ﻫﺎ ﺟﺎﻫﺰﺓ ﻧﺮﻭﺡ
ﺍﺑﺘﺴﻤﺖ ﻟﻪ .. ﺍﻱ ﺟﺎﻫﺰﺓ ﻣﺎﻋﻨﺪﻱ ﺷﻲ
ﺍﺧﺬﻧﻲ ﻟﺴﻴﺎﺭﺗﻪ ﻭﺻﻌﺪﺕ ﻭﻳﺎﻩ ﻭﻛﻠﺒﻲ
ﺻﺎﺭ ﻳﻌﺰﻑ ﻟﺤﻦ ﺍﻟﺘﺮﻗﺐ
ﻛﻞ ﺷﻮﻳﺔ ﻳﻠﺘﻔﺖ ﻳﺒﺎﻭﻉ ﻋﻠﻴﺔ
ﻭﺍﻧﻲ ﺍﺻﻼ ﻧﻈﺮﺍﺗﻲ ﺛﺎﺑﺘﺔ ﻋﻠﻴﻪ
ﺭﺩﺕ ﺍﻓﺘﺢ ﻭﻳﺎﻩ ﻣﻮﺿﻮﻉ ﺣﺘﻰ ﻧﺴﻮﻟﻒ ﻣﻤﺘﻌﻮﺩﺓ
ﺍﺳﻜﺖ ﺍﺷﻮ ﺑﺎﻟﻨﻘﺎﻝ ﻧﺤﺠﻲ ﺍﻛﺜﺮ ﻫﺴﺔ ﻟﻴﺶ ﺍﺛﻨﻴﻨﺎ ﺳﺎﻛﺘﻴﻦ
.. ﺷﻨﻮ ﻭﻳﻦ ﺭﺍﺡ ﻧﺘﻐﺪﺓ
ﺟﺎﻭﺑﻨﻲ ﻭﻛﺎﻝ
.. ﺟﺒﺖ ﺍﻛﻞ ﺳﻔﺮﻱ ﻻﻥ ﺍﺭﻳﺪ ﻧﺘﻐﺪﺓ ﺑﺒﻴﺘﻲ
ﺍﻥ ﺷﺎﺀﺍﻟﻠﻪ ﻣﺎ ﻳﺰﻋﺠﺞ ﻫﺬﺍ . ﺍﻟﺘﺮﺗﻴﺐ
.. ﻻ ﻋﺎﺩﻱ ﺑﺎﻟﻌﻜﺲ ﻫﺎﻱ ﻓﺮﺻﺔ ﺍﻟﻲ
ﺣﺘﻰ ﺍﺷﻮﻑ ﺳﺮﻯ ﻭﺍﻻﻭﻻﺩ ﻭﺍﺗﻌﺮﻑ ﻋﻠﻴﻬﻢ ﺍﻛﺜﺮ ﻭﻫﻤﺔ
ﺑﺒﻴﺘﻬﻢ ﻭﻳﺘﺼﺮﻓﻮﻥ ﺑﺮﺍﺣﺘﻬﻢ
ﺑﺎﻭﻉ ﻋﻠﻴﺔ ﻭﺍﺑﺘﺴﻢ
ﻭﺻﻠﻨﺎ ﻟﻠﺒﻴﺖ ﻛﺎﻧﺖ ﻫﺎﻱ ﺍﻭﻝ ﻣﺮﺓ ﺍﺷﻮﻑ ﺑﻴﺘﻪ
ﺑﻴﺖ ﺣﻠﻮ ﻭﻣﺮﺗﺐ
ﺑﻤﻨﻄﻘﺔ ﺣﻠﻮﺓ
ﻧﺰﻝ ﻣﻦ ﺍﻟﺴﻴﺎﺭﺓ ﻭﻧﺰﻝ ﻋﻼﻟﻴﻚ ﺍﻻﻛﻞ
ﺍﻧﻄﺎﻧﻲ ﻛﻢ ﻋﻼﻛﺔ ﻭﺑﺪﺓ ﻳﻔﺘﺢ ﺑﺎﺏ ﺍﻟﺒﻴﺖ ﺑﺎﻟﺴﻮﻳﺞ ﻣﺎﻟﺖ ﺍﻟﺴﻴﺎﺭﺓ
ﻭﺑﻌﺪﻫﺎ ﻓﺘﺢ ﺍﻟﺒﺎﺏ ﺍﻟﻤﻮﺻﻞ ﻟﺪﺍﺧﻞ ﺍﻟﺒﻴﺖ
ﻋﻘﺪﺕ ﺣﻮﺍﺟﺒﻲ ﻭﺳﺄﻟﺘﻪ
ﻭﺍﻧﻲ ﺍﺑﺎﻭﻉ ﻣﻨﺎ ﻭﻣﻨﺎ
.. ﻫﺎﻱ ﺷﻨﻮ ﻣﺤﺪ ﺑﺎﻟﺒﻴﺖ ؟؟
.. ﺍﻱ ﻣﺤﺪ ﺑﺎﻟﺒﻴﺖ ﺍﻻﻭﻻﺩ ﻭﺳﺮﻯ ﻭﻋﻤﺘﻬﻢ ﻣﻌﺰﻭﻣﻴﻦ ﻋﻨﺪ ﺑﻴﺖ ﺍﺧﻮﻳﺔ .
ﻫﻨﺎ ﻗﺮﻳﺐ ﻋﻠﻰ ﺑﻴﺘﻲ . ﻭﺍﻧﺎ ﺍﺳﺘﻐﻠﻴﺖ ﺍﻟﻔﺮﺻﺔ ﺣﺘﻰ ﺍﺟﻴﺒﺞ ﻟﻬﻨﺎ
.......
ﻭﺍﺭﺍﻭﻳﺞ ﺑﻴﺘﺞ ﻭﻧﺴﻮﻟﻒ ﺑﺎﻻﺷﻴﺎﺀ ﺍﻟﻲ ﺗﺤﺘﺎﺟﻴﻬﺎ ﻟﻠﺒﻴﺖ
ﺍﺭﻳﺪ ﻧﺎﺧﺬ ﺭﺍﺣﺘﻨﺎ ﺑﺎﻟﻜﻼﻡ
ﺑﺎﻟﺤﻘﻴﻘﺔ ﺍﻧﺘﺒﻬﺖ ﺍﻧﻲ ﻭﺍﻧﺘﻲ . ﺍﺑﺪ ﻣﻜﺎﻋﺪﻳﻦ
ﻟﻮﺣﺪﻧﺎ ﻛﻞ ﻣﺮﺓ ﻧﻜﻮﻥ ﻭﻳﺔ . ﺍﺷﺨﺎﺹ
ﻭﻻ ﻣﺮﺓ ﺗﻘﺎﺑﻠﻨﺎ ﻣﻨﻔﺮﺩﻳﻦ
ﻧﻬﺾ ﻛﻠﺒﻲ ﺑﻨﺒﻀﺎﺗﻪ ﻭﺍﺭﺗﺒﻜﺖ ﺍﻭﻝ ﻣﺮﺓ
ﺍﻛﻮﻥ ﻭﻳﺔ ﺭﺟﺎﻝ ﺑﺒﻴﺖ ﻟﻮﺣﺪﻧﺎ ﺣﺘﻰ ﻭﻳﺔ ﻟﻴﺚ
ﻣﺎ ﺑﻘﻴﺖ ﻭﻳﺎﻩ ﺑﻤﻜﺎﻥ ﻟﻮﺣﺪﻧﺎ ﺷﻜﺪ ﺣﺎﻭﻝ ﺍﺭﻭﺡ ﻭﻳﺎﻩ ﻟﻠﺸﻘﺔ
ﺑﺲ ﺟﻨﺖ ﺩﺍﺋﻤﺎً ﺍﺭﻓﺾ
ﻟﻜﻦ ﺷﻤﻌﻨﺎ ﻳﻢ ﺣﻴﺪﺭ ﺍﻟﺴﺎﻧﻲ ﺍﻧﺮﺑﻂ ﻣﺎ ﺍﻋﺮﻑ ﻟﻴﺶ
ﺍﺑﺎﻭﻉ ﻋﻠﻴﻪ ﻣﺸﻰ ﻛﺪﺍﻣﻲ ﻭﻛﺎﻝ
.. ﺗﻌﺎﻱ ﻓﻮﺗﻲ ﺧﻠﻲ ﺍﺭﺍﻭﻳﺞ ﺍﻟﻤﻄﺒﺦ
ﺩﺧﻞ ﻟﻠﻤﻄﺒﺦ ﻭﺍﻧﻲ ﺭﺣﺖ ﻭﺭﺍﻩ ﻭﺷﺎﻳﻠﺔ ﺑﻴﺪﻱ ﺍﻟﻌﻼﻟﻴﻚ
ﻭﻫﻮ ﻧﻔﺲ ﺍﻟﺸﻲ ﻛﺎﻥ ﻣﺤﻤﻞ ﺑﺎﻟﻌﻼﻟﻴﻚ
ﺣﻄﻬﻢ ﻋﻠﻰ ﻣﻴﺰ ﻃﻌﺎﻡ ﺻﻐﻴﺮ ﺣﺠﻢ ﺳﺖ ﺍﺷﺨﺎﺹ
ﻳﺘﻮﺳﻂ ﺍﻟﻤﻄﺒﺦ ﻭﺟﺎﻥ ﺍﻟﻤﻄﺒﺦ ﺑﺴﻴﻂ ﻭﻣﺮﺗﺐ ﺑﺲ ﺧﺎﻟﻲ
ﻣﻦ ﺍﻟﻠﻤﺴﺎﺕ ﺍﻭ ﺍﻻﻟﻔﺔ
ﻭﻛﺄﻧﻤﺎ ﻣﻄﺒﺦ ﺷﺮﻛﺔ . ﺣﺘﻰ ﺍﻟﺒﻴﺖ ﻛﺎﻥ ﺑﻨﻘﺼﻪ ﻫﻮﺍﻱ ﻟﻤﺴﺎﺕ .
ﺣﻴﺪﺭ ﺷﺨﺺ ﻋﻤﻠﻲ . ﻣﻮﻓﺮ ﻓﻘﻂ ﺍﻻﺷﻴﺎﺀ ﺍﻟﻀﺮﻭﺭﻳﺔ ﻟﻼﺳﺘﺨﺪﺍﻡ
ﻧﺰﻉ ﺳﺘﺮﺗﻪ ﻭﻋﻠﻜﻬﺎ ﻋﻠﻰ ﻇﻬﺮ ﺍﻟﻜﺮﺳﻲ
ﺑﺎﻭﻉ ﻋﻠﻴﺔ ﻭﻛﺎﻝ
.. ﺍﺧﺬﻱ ﺭﺍﺣﺘﺞ ﻭﻧﺰﻋﻲ ﺳﺘﺮﺗﺞ ﺗﺮﺓ ﺍﻟﺒﻴﺖ ﺑﻴﺘﺞ
ﻭﺍﻧﺎ ﺭﺟﻠﺞ ﻣﻮ ﻏﺮﻳﺐ ﻻ ﺗﺘﻘﻴﺪﻳﻦ
ﻫﻮ ﻳﺤﺠﻲ ﻭﺍﻧﻲ ﻛﻠﺒﻲ ﻳﺮﺟﻒ ﻭﻭﺟﻬﻲ ﺻﺎﺭ . ﻧﺎﺭ
ﻧﺰﻋﺖ ﺳﺘﺮﺗﻲ ﻭﻋﻠﻜﺘﻬﺎ ﻣﺜﻠﻪ ﻋﻠﻰ ﻇﻬﺮ ﺍﻟﻜﺮﺳﻲ
ﻭﺑﺪﻳﺖ ﺍﻓﺘﺢ ﺍﻟﻌﻼﻟﻴﻚ ﻭﺍﻃﻠﻊ ﺍﻟﻐﺮﺍﺽ
ﺍﻧﺘﺒﻬﺖ ﻟﻨﻈﺮﺍﺕ ﺣﻴﺪﺭ ﻭﻋﻴﻮﻧﻪ
ﺍﻟﻲ ﺑﺪﺕ ﺗﺮﺳﻢ ﺗﻘﺎﺳﻴﻢ ﺟﺴﻤﻲ
ﺍﻧﺨﺒﺼﺖ ﻣﻦ ﻧﻈﺮﺍﺗﻪ ﻭﺑﺎﻭﻋﺖ ﻟﻤﻼﺑﺴﻲ ﺟﺎﻥ ﺍﻟﻘﻤﻴﺺ
ﺿﻴﻖ ﻭﻗﺼﻴﺮ ﻭﻣﻠﻔﺖ ﻟﻼﻧﺘﺒﺎﻩ
ﻣﺎ ﺍﻫﺘﻤﻴﺖ ﻟﻘﺼﺮﻩ ﻻﻥ ﺟﻨﺖ ﻻﺑﺴﺔ ﺳﺘﺮﺓ ﻃﻮﻳﻠﺔ ﻋﻠﻴﻪ
ﻭﺍﺩﺭﻱ ﺑﺮﻭﺣﻲ ﻣﺎ ﺭﺍﺡ ﺍﻧﺰﻉ ﺍﻟﺴﺘﺮﺓ ﻟﺬﻟﻚ ﻣﺸﻠﺖ ﻫﻢ ﺍﺣﺪ ﻳﺸﻮﻓﻪ ﻋﻠﻴﺔ
ﻣﺠﻨﺖ ﻣﺴﻮﻳﺔ ﺣﺴﺎﺏ ﻧﻈﺮﺍﺕ ﺣﻴﺪﺭ
ﻃﻠﻊ ﺍﻟﺼﺤﻮﻥ ﻭﺍﻟﻨﺎﻳﻠﻮﻥ ﺍﻟﺴﻔﺮﻱ
ﻭﺑﺪﻳﻨﺎ ﻧﺼﺐ ﺍﻻﻛﻞ
ﻭﻛﻌﺪﻧﺎ ﻋﺎﻟﻤﻴﺰ ﻧﺎﻛﻞ
ﺷﻮﻳﺔ ﺑﺪﻳﺖ ﺍﺳﺘﺮﺧﻲ ﻻﻥ ﺣﻴﺪﺭ ﺑﺪﺓ ﻳﺴﻮﻟﻒ ﺑﺄﻣﻮﺭ
ﻋﺎﺋﻠﺘﻪ ﻭﺷﻐﻠﻪ ﺟﺎﻥ ﻳﺤﺎﻭﻝ ﻳﺨﻠﻴﻨﻲ ﺍﺳﺘﺮﺧﻲ
ﻭﺍﺗﻨﺎﺯﻝ ﻋﻦ ﺍﻟﺤﺬﺭ .
ﻭﻓﻌﻼ ﺑﺪﻳﺖ ﺍﺧﺬ ﺭﺍﺣﺘﻲ ﻭﻳﺎﻩ
ﺣﻴﺪﺭ .. ﺷﻴﻤﺎﺀ . ﺍﺭﻳﺪ ﺍﺳﺄﻟﺞ ﺳﺆﺍﻝ ﺑﺎﻗﻲ ﻳﺤﻮﻡ ﺑﻜﻠﺒﻲ
ﺍﺭﻳﺪﺝ ﺗﺠﺎﻭﺑﻴﻨﻲ ﻭﺑﺼﺮﺍﺣﺔ
.. ﺍﺗﻔﻀﻞ ﺍﺳﻤﻌﻚ . ﺍﻧﺖ ﻋﻠﻤﺘﻨﻲ ﻋﺎﻟﺼﺮﺍﺣﺔ ﻭﻳﺎﻙ ﻓﺄﺳﺎﻝ
.. ﺣﺒﻴﺖ ﺍﻋﺮﻑ ﺍﺛﺎﺭ ﺧﻄﻮﺑﺔ ﻟﻴﺚ . ﺑﻌﺪﻫﺎ ﺑﻜﻠﺒﺞ . ﻟﻮ ﻛﺪﺭ ﺍﻟﺰﻣﻦ ﻳﻤﺤﻴﻬﺎ
.. ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ
.. ﺣﻴﺪﺭ ﺍﻧﻲ ﻣﻦ ﺣﺠﻴﺖ ﻭﻳﺎﻙ ﻋﻦ ﻣﻮﺿﻮﻉ ﻟﻴﺚ
ﺟﻨﺖ ﺍﻗﺼﺪ ﻛﻞ ﻛﻠﻤﺔ ﻛﻠﺘﻬﺎ ﻋﻨﻪ
ﻣﺎ ﺍﻧﻜﺮ ﻓﻲ ﻓﺘﺮﺓ ﻛﺎﻥ ﺑﺎﻟﻨﺴﺒﺔ ﺍﻟﻲ ﺣﻠﻢ ﻋﻤﺮﻱ ﻣﺜﻞ ﺍﻱ ﺑﻨﻴﺔ ﻣﻦ ﺗﻨﺨﻄﺐ
ﻭﺗﺒﻨﻲ ﺍﻣﺎﻟﻬﺎ . ﻋﻠﻰ ﺭﺟﻞ
ﺑﺲ ﺻﺪﻛﻨﻲ ﺑﻌﺪﻣﺎ ﻇﻬﺮﺕ ﺣﻘﻴﻘﺘﻪ ﻭﺷﻔﺖ ﺍﻟﻮﺟﻪ ﺍﻟﺜﺎﻧﻲ ﻟﻠﻴﺚ
ﺧﻼﻧﻲ ﺍﻋﻴﺪ ﺣﺴﺎﺑﺎﺗﻲ . ﺑﻬﺬﺍ ﺍﻟﺸﺨﺺ
ﻣﺠﺮﺩ ﻣﻌﺮﻓﺘﻲ ﺍﻥ ﻫﻮ ﺍﺏ ﻭﺯﻭﺝ
ﻭﻛﺪﺭ ﺑﻜﻞ ﺑﺮﻭﺩ . ﮔﻠﺐ ﻳﺘﺤﺎﻭﺯﻫﻢ ﻭﻳﺘﺮﻛﻬﻢ ﻭﺭﺍﻩ ﻓﻲ ﺳﺒﻴﻞ ﻳﺮﺿﻲ ﻧﻔﺴﻪ .
ﺳﻘﻂ ﻣﻦ ﻧﻈﺮﻱ . ﻭﻓﻘﺪ ﺍﺣﺘﺮﺍﻣﻪ .
ﻭﻫﻮ ﺑﺘﺼﺮﻓﺎﺗﻪ ﻫﺎﻱ ﺳﺎﻋﺪﻧﻲ ﺍﻃﻠﻊ ﺣﺒﻪ ﻣﻦ ﻛﻠﺒﻲ ﻭﺍﻧﺘﺰﻋﻪ . ﺑﺎﻟﻘﻮﺓ
ﺑﺪﻭﻥ ﻣﺎ ﻳﺮﻓﻠﻲ ﺟﻔﻦ ﻻﻥ ﺍﻟﻲ ﻣﺎ ﻟﻪ ﺍﻭﻝ ﻣﺎ ﻟﻪ ﺗﺎﻟﻲ
.......
ﻓﻼ ﺗﺸﻐﻞ ﻧﻔﺴﻚ ﺑﻤﻮﺿﻮﻉ ﺧﻄﻮﺑﺘﻲ ﻣﻦ ﻟﻴﺚ
ﻻﻥ ﻓﻌﻼ ﻛﺎﻥ ﻣﺎﺿﻲ ﻭﺭﺍﺡ . ﺧﻼﺹ
ﺟﻨﺖ ﺍﺣﺠﻲ ﻭﻫﻮ ﻳﺒﺎﻭﻉ ﻋﻠﻴﺔ ﻭﻳﺪﺭﺱ ﻭﺟﻬﻲ
ﺻﺮﺕ ﺍﻋﺮﻑ ﺣﻴﺪﺭ ﺍﻛﺜﺮ ﻣﻦ ﻧﻔﺴﻲ
ﺷﻜﻠﺔ ﻣﺎ ﺍﻛﺘﻔﻰ ﺑﻜﻼﻣﻲ ﻋﻦ ﺍﻟﻤﻮﺿﻮﻉ ﺑﺎﻟﻨﻘﺎﻝ
ﺣﺐ ﻳﺘﺄﻛﺪ ﻣﻨﻲ ﺑﺼﻮﺕ ﻭﺻﻮﺭﺓ ﺣﺘﻰ ﻳﺮﺗﺎﺡ ﻛﻠﺒﻪ
ﺍﺑﺘﺴﻢ ﻭﻛﺎﻡ ﻣﻦ ﻣﻜﺎﻧﻪ ﻭﻛﺎﻝ
.. ﺍﻫﻮﻭﻭﻭ ﺷﻮﻑ ﺷﻠﻮﻥ ﻧﺴﻴﺘﻴﻨﻲ ﺑﺎﻟﺴﻮﺍﻟﻒ
ﻋﻨﺪﻱ ﻫﺪﻳﺔ ﺍﻟﺞ ﺟﻨﺖ ﺿﺎﻣﻬﺎ ﻣﻦ ﺯﻣﺎﻥ ﻭﺣﺎﻟﻒ
ﻣﻦ ﺗﺼﻴﺮﻳﻦ ﺣﻼﻟﻲ ﺍﻫﺪﻳﻬﺎ ﺍﻟﺞ
ﺍﻧﺘﺒﻬﺖ ﻋﻠﻴﻪ ﺭﺍﺡ ﻳﻐﺴﻞ ﺍﻳﺪﻳﻪ
ﻛﻤﺖ ﻣﻦ ﻣﻜﺎﻧﻲ ﻭﺑﺪﻳﺖ ﺍﻟﻤﻠﻢ ﺍﻻﻛﻞ
ﺍﻗﺘﺮﺏ ﻣﻨﻲ ﻭﻛﺎﻝ ﺗﺮﻛﻲ ﻛﻠﺸﻲ ﻣﻦ ﺍﻳﺪﺝ .
ﺍﻟﻴﻮﻡ ﺍﻧﺘﻲ ﺧﻄﺎﺭ ﻋﻨﺪﻱ .
ﻏﺴﻠﻲ ﻭﺗﻌﺎﻱ ﻭﺭﺍﻱ
ﺑﺎﻭﻋﺖ ﻋﻠﻴﻪ ﻃﻠﻊ ﻣﻦ ﺍﻟﻤﻄﺒﺦ
ﻭﺍﻧﻲ ﺭﺣﺖ ﻏﺴﻠﺖ
ﻭﻃﻠﻌﺖ ﻣﻦ ﺍﻟﻤﻄﺒﺦ ﺍﺩﻭﺭ ﻋﻠﻴﻪ
ﻟﻜﻴﺘﻪ ﻛﺎﻋﺪ ﺑﺎﻟﻬﻮﻝ
ﺑﺲ ﺷﺎﻓﻨﻲ ﻛﺎﻡ ﻣﻦ ﻣﻜﺎﻧﻪ ﻭﺍﺟﺔ ﺍﻗﺘﺮﺏ ﻋﻠﻴﺔ
ﻭﺷﺒﻚ ﺍﺻﺎﺑﻊ ﺍﻳﺪﻳﻪ ﺑﺄﺻﺎﺑﻊ ﺍﻳﺪﻳﺔ
ﻭﻣﺸﻰ ﻭﻣﺸﻴﺖ ﻭﺭﺍﻫﺎ ﻭﺍﻳﺪﻧﺎ ﺑﺄﻳﺪﻳﻦ ﺑﻌﻀﻨﺎ
ﺳﺤﺒﻨﻲ ﻭﺭﺍﻫﺎ ﻭﻓﺘﺢ ﺑﺎﺏ ﻏﺮﻓﺔ
ﻭﺩﺧﻠﻨﻲ ﺑﻴﻬﺎ ﺟﻨﺖ ﻣﺘﺮﺩﺩﺓ ﺍﺩﺧﻞ ﻻﻥ
ﺟﺎﻧﺖ ﻏﺮﻓﺔ ﻧﻮﻡ .
ﺟﺎﻥ ﻳﺤﺜﻨﻲ ﻋﺎﻟﻤﺸﻲ
ﺍﺗﻮﻗﻒ ﻛﺪﺍﻡ . ﻣﺮﺍﻳﺎ ﻃﻮﻳﻠﺔ ﺩﺍﺭﻧﻲ ﻋﻠﻴﻬﺎ
ﻭﺻﺮﺕ ﺍﺑﺎﻭﻉ ﻟﺮﻭﺣﻲ ﻭﻫﻮ ﻭﺍﻛﻒ ﻭﺭﺍﻱ
ﻛﻠﻲ ﺍﺑﻘﻲ ﻭﺍﻛﻔﺔ ﺑﻤﻜﺎﻧﺞ ﻻ ﺗﺘﺤﺮﻛﻴﻦ
ﺍﺑﺘﺴﻤﺖ ﻣﻦ ﻃﻠﺒﻪ .
ﻭﺑﻘﻴﺖ ﻭﺍﻛﻔﺔ ﺍﻧﺘﻈﺮﻩ ﺷﻨﻮ ﻳﺮﻳﺪ
ﻟﺤﻈﺎﺕ ﻭﺟﺎﻥ ﺍﺷﻮﻑ ﺷﺎﻝ ﻃﻮﻳﻞ
ﺣﻄﻪ ﻋﻠﻰ ﺭﺍﺳﻲ ﺑﻮﺿﻊ ﻣﺜﻞ ﺍﻛﻠﻴﻞ ﺍﻟﻌﺮﻭﺱ
ﺟﺎﻥ ﻭﺍﻛﻒ ﻭﺭﺍﻱ ﺍﻗﺘﺮﺏ ﻋﻠﻴﺔ ﻭﺣﻂ ﺍﻳﺪﻳﻪ ﻋﻠﻰ ﺍﻛﺘﺎﻓﻲ
ﻭﺍﺣﻨﺎ ﻧﺘﺒﺎﺩﻝ ﺍﻟﻨﻈﺮﺍﺕ ﻭﺍﺣﺪ ﻳﺒﺎﻭﻉ ﻋﺎﻟﺜﺎﻧﻲ ﺑﺎﻟﻤﺮﺍﻳﺎ
ﻭﻫﻤﺲ
.. ﺷﻴﻤﺎﺀ
ﺑﻤﺎ ﺍﻥ ﺍﻧﺘﻲ ﺣﻼﻟﻲ ﻓﺎﻧﺎ ﺍﺣﺐ ﺍﺣﺎﻓﻆ ﻋﻠﻰ ﺣﻼﻟﻲ
ﻣﻦ ﻋﻴﻮﻥ ﺍﻟﻨﺎﺱ
ﺟﻨﺖ ﻛﻠﻤﺎ ﺍﺷﻮﻑ ﺷﻌﺮﺝ ﻛﻠﺒﻲ ﻳﺤﺘﺮﻙ ﻭﻳﻨﻜﻮﻱ ﺑﻨﺎﺭﻳﻦ
ﻧﺎﺭ ﻟﻬﻔﺘﻲ ﻟﻪ ﻭﻧﺎﺭ . ﻏﻴﺮﻱ ﻳﺒﺎﻭﻉ ﻋﻠﻴﻪ
ﻓﺄﺧﺬﺕ ﻋﻬﺪ ﻋﻠﻰ ﻧﻔﺴﻲ ﺍﺫﺍ ﺍﻟﻠﻪ ﻛﺘﺒﻠﻲ ﻭﺻﺮﺗﻲ
ﻣﻦ ﻧﺼﻴﺒﻲ .
ﻛﻮﻥ ﺍﻟﺒﺴﺞ ﺑﻴﺪﻱ . ﺍﻟﺤﺠﺎﺏ
ﺑﺎﻭﻋﺖ ﻋﻠﻴﻪ ﻭﻟﻔﻴﺖ ﺍﻟﺤﺠﺎﺏ .
ﻛﺎﻧﺖ ﺣﺮﻛﺘﻲ ﻛﻔﻴﻠﺔ ﺑﺮﺩ ﺍﻟﺠﻮﺍﺏ ﻭﺍﻟﻘﺒﻮﻝ ﺑﻄﻠﺒﻪ
ﺍﺑﺘﺴﻢ ﺑﻔﺨﺮ ﻭﺩﺍﺭﻧﻲ ﻋﻠﻴﻪ
ﻭﻋﻴﻮﻧﻪ ﺗﻠﻤﻊ
ﻭﻫﻤﺲ .. ﺟﻨﺖ ﻣﺘﻮﻗﻊ ﺭﺍﺡ ﺗﻌﺎﺭﺿﻴﻦ .
.. ﺑﺎﻟﺤﻘﻴﻘﺔ ﺣﺮﺻﻚ ﻋﻠﻴﺔ ﻭﺣﻤﺎﻳﺘﻚ
ﻛﺎﻧﻮﺍ ﻛﻔﻴﻠﻴﻦ ﺑﺄﻗﻨﺎﻋﻲ
ﺍﻟﻴﺤﺐ ﻳﺴﻮﻱ ﻛﻞ ﺷﻲ ﻻﺭﺿﺎﺀ ﻣﺤﺒﻮﺑﻪ
ﺩﻧﻚ ﺭﺍﺳﻪ ﻭﺑﺎﺳﻨﻲ ﻣﻦ ﻛﺼﺘﻲ
.. ﻛﻞ ﻳﻮﻡ ﻳﺰﻳﺪ ﺣﺒﺞ ﺑﻜﻠﺒﻲ ﻭﻳﺘﻮﻏﻞ ﺑﺜﻨﺎﻳﺎﻩ
ﻟﻤﻨﻲ ﻟﺤﻀﻨﻪ ﻭﺟﺎﻧﺖ ﻫﺎﻱ ﺍﻭﻝ ﻣﺮﺓ ﺍﺳﺘﺮﻳﺢ ﻋﻠﻰ ﺻﺪﺭ
ﺭﺟﺎﻝ ﻭﺍﺣﺲ ﺑﺎﻻﻣﺎﻥ
ﻭﺑﻴﻮﻣﻬﺎ ﺣﻴﺪﺭ ﺭﺍﻭﺍﻧﻲ ﺍﻟﺒﻴﺖ . ﻭﻏﺮﻓﺘﻲ ﻭﻛﻠﻲ
ﺍﺧﺬﺝ ﺑﻌﺪ ﻛﻢ ﻳﻮﻡ ﺣﺘﻰ ﻧﺨﺘﺎﺭ ﺍﻟﻐﺮﻓﺔ ﻋﻠﻰ ﺫﻭﻗﺞ
ﻭﺑﻌﺪﻫﺎ ﺻﺎﺭ ﻛﻼﻡ ﺣﻴﺪﺭ ﺍﻛﺜﺮ ﺧﺼﻮﺻﻴﺔ
ﻭﻣﻴﺎﻧﺔ . ﺍﺣﺲ ﺍﻧﻠﻐﺖ ﺍﻟﺤﺪﻭﺩ ﻭﺻﺮﻧﺎ ﺷﺨﺺ ﻭﺍﺣﺪ
ﻟﺪﺭﺟﺔ ﻛﻞ ﺷﻮﻳﺔ ﺍﺷﻬﻚ ﻣﻦ ﻳﺤﺠﻲ ﻛﻠﻤﺔ
ﺟﺮﻳﺌﺔ ﺗﺨﺺ ﺣﻴﺎﺗﻨﺎ ﺍﻟﺰﻭﺟﻴﺔ .
.....
ﻫﻤﺴﺖ ﺧﺠﻼﻧﺔ .. ﺣﻴﺪﺭ ﻛﺎﻓﻲ ﻋﻴﺐ ﻫﺬﺍ ﺍﻟﻜﻼﻡ
ﻛﻮﻡ ﺭﺟﻌﻨﻲ ﻟﻠﺒﻴﺖ ﺍﻟﻈﺎﻫﺮ ﻧﺴﻴﺖ ﻧﻔﺴﻚ ﻭﻛﻠﺶ ﺍﺧﺬﺕ ﺭﺍﺣﺘﻚ
ﺍﺑﺎﻭﻉ ﻋﻠﻴﻪ ﺿﺤﻚ ﻋﻠﻰ ﺷﻜﻠﻲ ﺍﻟﻤﺘﻌﺠﺐ ﻭﻛﺎﻝ
.. ﻳﺎﺑﺔ ﺑﻌﺪﻧﺎ ﻣﺎ ﺣﺠﻴﻨﺎ ﺍﻱ ﺷﻲ ﻭﺍﻧﺘﻲ ﺧﻠﺼﺘﻴﻬﺎ ﻋﻠﻴﺔ
ﻓﺎﺗﺤﺔ ﻋﻴﻮﻧﺞ ﻋﻠﻰ ﻭﺳﻌﻬﻦ ﻣﺘﻌﺠﺒﺔ
ﺣﺴﺴﺘﻴﻨﻲ ﻋﺒﺎﻟﻚ ﺩﻧﺴﺖ ﺑﺮﺍﺋﺘﺞ ﺑﻜﻼﻣﻲ
ﺍﻧﺨﺒﺼﺖ ﻭﻛﻤﺖ ﻣﻦ ﻣﻜﺎﻧﻲ ﻭﻫﻮ ﻛﺎﻡ ﻭﺭﺍﻱ
.. ﻳﺎﻟﻠﻪ ﺣﻴﺪﺭ ﺭﺟﻌﻨﻲ ﻟﻠﺒﻴﺖ
ﺍﺑﺘﺴﻢ ﻭﻛﺎﻝ
.. ﺻﺎﺭ ﺍﺭﺟﻌﺞ ﻟﻠﺒﻴﺖ ﺑﺲ ﺑﺎﻻﻭﻝ ﺍﺭﻳﺪ ﺍﺧﺘﻢ ﻫﺬﻧﻲ
...
ﺩﻧﻚ ﺭﺍﺳﻪ . ﻭﻏﻠﻒ . ﺷﻔﺎﻳﻔﻲ
ﻭﺳﺤﺐ ﻣﻨﻲ ﺍﻧﻔﺎﺳﻲ . ﻭﺍﺳﺘﻐﻞ ﺻﺪﻣﺘﻲ
ﺣﺴﻴﺖ ﺑﻀﻌﻒ ﻭﺣﻴﺮﺓ ﺑﻌﺪﻫﺎ
ﺻﺎﺭﺕ ﺍﺳﺘﺠﺎﺑﺔ ﻭﺣﻴﺎﺀ
ﺟﻨﺖ ﺻﺎﻓﻨﺔ ﻭﺭﺍﻳﺤﺔ ﺑﻐﻴﺮ ﻭﺍﺩﻱ ﻭﻳﺔ ﺍﻓﻜﺎﺭﻱ
ﻗﺎﻃﻌﻨﻲ ﺻﻮﺕ ﻣﺮﻭﺓ
.. ﺷﻴﻤﺎﺀ ﻳﺎﻟﻠﻪ ﺷﻮ ﻋﻮﻓﻲ ﻛﻞ ﺷﻲ . ﻣﻦ ﺍﻳﺪﺝ
ﺑﺎﻭﻋﺖ ﻋﻠﻴﻬﺎ ﻟﻜﻴﺘﻬﺎ ﺷﺎﻳﻠﺔ ﺟﻨﻄﺘﻬﺎ ﻭﻣﺴﺘﻌﺪﺓ
ﺗﺮﻳﺪ ﺗﻄﻠﻊ
.. ﺷﻨﻮ ﻭﻳﻦ ﻃﺎﻟﻌﺔ
.. ﺍﺭﻳﺪ ﺍﺧﺬ ﺍﺧﺘﻲ ﻭﺍﻃﻠﻊ ﺑﻴﻬﺎ ﻟﻠﺒﻴﺖ
ﻻﻥ ﺍﻟﻈﺎﻫﺮ ﻧﺴﺖ ﻧﻔﺴﻬﺎ ﺑﻌﺪ ﻳﻮﻣﻴﻦ ﺭﺍﺡ ﺗﺘﺰﻭﺝ
ﻛﻮﻣﺘﻨﻲ ﻣﻦ ﺍﻟﻜﺮﺳﻲ ﻭﺣﻀﻨﺖ ﺫﺭﺍﻋﻲ ﻭﺍﻧﻄﺘﻨﻲ ﺟﻨﻄﺘﻲ
ﻣﻦ ﻋﺎﻟﻤﻜﺘﺐ ﻭﺍﺧﺬﺗﻨﻲ ﻣﺘﻮﺟﻬﺔ ﻋﻠﻰ ﺑﺎﺏ ﺍﻟﻤﺮﻛﺰ
ﺍﺑﺘﺴﻤﺖ .. ﺑﺮﺑﺞ ﻫﻮ ﺍﻧﻲ ﺍﻛﺪﺭ ﺍﻧﺴﻰ ﺣﺒﻴﺐ ﺍﻟﺮﻭﺡ
.. ﺯﻳﻦ ﻣﺎ ﺩﺍﻡ ﻫﻴﺞ ﺗﺘﺬﻛﺮﻳﻦ ﻟﻌﺪ ﺍﻣﺸﻲ ﺧﻠﻲ ﻧﻠﺤﻚ
ﺳﺄﻟﺘﻬﺎ ﻭﺍﻧﻲ ﺍﺻﻌﺪ ﺑﺴﻴﺎﺭﺗﻬﺎ
.. ﻋﻠﻰ ﺷﻨﻮ ﻧﻠﺤﻚ
ﺷﻐﻠﺖ ﺍﻟﺴﻴﺎﺭﺓ ﻭﻛﺎﻟﺖ .. ﻧﻮﺻﻞ ﻟﻠﺒﻴﺖ ﻭﺍﻧﺘﻲ ﺗﻌﺮﻓﻴﻦ
ﻭﺻﻠﻨﺎ ﻟﻠﺒﻴﺖ ﻭﻣﺸﻤﺶ ﻓﺘﺤﺖ ﺍﻟﺒﺎﺏ ﻗﺒﻞ ﻻ ﻧﺪﻙ ﺍﻟﺠﺮﺱ ﻭﻛﺎﻟﺖ
.. ﺧﺎﻟﺘﻮﺍ . ﺟﺎﺑﻮﺍ ﺑﺪﻟﺔ ﺍﻟﻌﻐﺲ ﺍﻟﺒﻴﻀﺔ
ﺍﻱ ﺧﻄﻴﺔ ﺣﻴﺪﺭ ﻛﺎﻝ ﺭﺍﺡ ﺍﺟﻴﺒﻬﺎ
ﺑﺎﻟﺤﻘﻴﻘﺔ ﺍﻧﻲ ﻓﻀﻠﺖ ﺍﺍﺟﺮ ﻓﺴﺘﺎﻥ ﺍﻟﻌﺮﺱ
ﻻﻥ ﻛﺎﻥ ﻛﻠﺶ ﻣﻜﻠﻒ ﻭﻣﺎ ﺣﺒﻴﺖ ﺍﺑﺬﺭ ﺍﻟﻔﻠﻮﺱ ﻋﻠﻤﻮﺩ ﺑﺪﻟﺔ
ﺭﺍﺡ ﺍﻟﺒﺴﻬﺎ ﻣﺠﺮﺩ ﺳﺎﻋﺎﺕ ﻭﻣﺎ ﺭﺍﺡ ﺍﻟﺒﺴﻬﺎ ﻣﺮﺕ ﺛﺎﻧﻴﺔ
ﺑﺎﻟﺮﻏﻢ ﺍﻧﻲ ﻣﺘﺄﻛﺪﺓ ﺍﻥ ﺣﻴﺪﺭ ﻣﻴﻜﻮﻝ ﺷﻲ ﺍﺫﺍ ﺍﺭﻳﺪ ﺍﺷﺘﺮﻳﻬﺎ
ﺑﺲ ﻣﻮ ﺑﻴﺪﻱ ﺍﺑﻮ ﻃﺒﻊ ﻣﺎ ﻳﻐﻴﺮ ﻃﺒﻌﻪ
ﺩﺧﻠﺖ ﻟﻠﺒﻴﺖ
ﻭﺟﺎﻥ ﺍﺷﻮﻑ ﺍﺣﻠﻰ ﻣﻔﺎﺟﺌﺔ . ﻭﺍﻛﻔﺔ . ﻛﺪﺍﻣﻲ
ﺻﺪﻳﻘﺘﻲ ﻭﺭﻓﻴﻘﺔ ﺩﺭﺑﻲ . ﺑﺎﻟﺤﻠﻮﺓ ﻭﺍﻟﻤﺮﺓ . ﺭﺑﺎﺏ
ﺟﺎﻧﺖ ﻭﺍﻛﻔﺔ ﻭﺷﺎﻳﻠﺔ ﺑﻴﺪﻫﺎ ﺍﺑﻨﻬﺎ ﺍﻧﻄﺘﻪ ﻟﻀﺤﻰ
ﻭﺍﺟﺘﻲ ﻋﻠﻴﺔ
ﺍﺧﺬﺗﻬﺎ ﻟﺤﻀﻨﻲ ﻭﺻﺮﺕ ﺍﺑﺠﻲ ﻭﻣﺎ ﺍﻋﺮﻑ ﻟﻴﺶ ﺍﺑﺠﻲ
ﺻﺎﺭﻟﻲ ﻛﻮﻣﺔ ﻣﺸﺎﻳﻔﺘﻬﺎ ﺻﺤﻴﺢ ﺍﺣﻨﺎ ﻧﺘﻮﺍﺻﻞ
ﺑﺎﻟﺘﻠﻔﻮﻥ ﺑﺲ ﺍﻟﺰﻣﻦ ﻭﻣﺸﺎﻏﻞ ﺍﻟﺤﻴﺎﺓ ﺷﻐﻠﺘﻨﺎ ﻋﻦ ﺑﻌﻀﻨﺎ
ﻫﻲ ﺍﻧﺸﻐﻠﺖ ﺑﺪﻭﺍﻣﻬﺎ ﺑﺎﻟﻤﺴﺘﺸﻔﻰ ﻭﻋﺎﺋﻠﺘﻬﺎ
ﻭﺍﻧﻲ ﺍﻧﻘﻠﺖ ﻭﺍﻧﺸﻐﻠﺖ ﺑﺤﻴﺎﺗﻲ ﻭﻳﺔ ﺍﺧﻮﺍﺗﻲ
.. ﺟﻨﺖ ﺧﺎﻳﻔﺔ ﻣﺘﻜﺪﺭﻳﻦ ﺗﺠﻴﻦ
ﺭﺑﺎﺏ .. ﻟﺞ ﺷﻠﻮﻥ ﻣﺎ ﺍﺟﻲ ﻭﺍﻧﻲ ﻧﺎﺫﺭﺓ
ﺍﺳﻮﻳﻠﺞ ﺷﻴﺮﺓ ﻋﺮﺳﺞ ﺑﻴﺪﻳﺔ
ﺿﺤﻜﺖ ﻭﺍﻧﻲ ﺍﻣﺴﺢ ﺩﻣﻮﻋﻲ
.. ﺍﻫﻮﻭﻭﻭﻭ ﺧﺮﺏ ﻳﻮﻣﺞ ﺭﺑﺎﺏ ﺑﻌﺪﺝ ﺗﺘﺬﻛﺮﻳﻦ
.. ﻟﻴﺶ ﻫﻮ ﺍﻧﻲ ﺷﻮﻛﺖ ﻧﺴﻴﺖ
ﻟﻜﺰﺗﻨﻲ ﻭﻏﻤﺰﺗﻠﻲ ﺑﻌﻴﻨﻬﺎ ﻭﻛﺎﻟﺖ
.. ﺗﺘﺬﻛﺮﻳﻦ ﺍﻳﺎﻡ ﺍﻟﺘﺨﻄﻴﻂ ﻭﺍﻟﺘﻨﻘﻴﺐ ﻋﻦ ﺍﻻﺳﺘﺎﺫ ﺣﻴﺪﺭ
.. ﺟﺎﻧﺖ ﺍﺣﻠﻰ ﺍﻳﺎﻡ ﻭﺍﻟﻠﻪ
....
ﺩﺧﻠﻨﺎ ﺟﻮﺓ ﻭﺻﺮﺕ ﺍﺗﺒﺎﺩﻝ ﺍﻻﺧﺒﺎﺭ ﻭﻳﺔ ﺭﺑﺎﺏ ﻋﻦ ﺍﺣﻮﺍﻝ ﺍﻟﻤﻤﺮﺿﺎﺕ ﺻﺪﻳﻘﺎﺗﻨﺎ
ﻭﻫﻲ ﻛﻌﺪﺕ ﺗﺴﻮﻟﻔﻠﻲ ﻋﻠﻴﻬﻦ ﻭﺣﺪﺓ ﻭﺣﺪﺓ
ﺑﺎﻭﻋﺖ ﻟﺨﻮﺍﺗﻲ ﺟﺎﻧﻮﺍ ﻛﻠﻬﻢ ﻣﻮﺟﻮﺩﺍﺕ ﻳﻔﺘﺮﻭﻥ ﺣﻮﻟﻲ
ﻫﺎﻱ ﺗﺤﻀﺮ ﺑﺠﻨﻂ ﺍﻟﺠﻬﺎﺯ ﻣﺎﻟﺘﻲ ﻭﻫﺎﻱ ﺍﻟﻲ ﺩﺗﻜﻮﻱ
ﺑﻴﻬﻢ
ﻫﺪﻯ ﻭﺿﺤﻰ ﻭﻣﺮﻳﻢ
.. ﻫﺎ ﺿﺤﺎﻭﻱ ﺍﺷﻮ ﺍﺟﻴﺘﻲ ﻭﺣﻤﻮﺍﺗﺞ ﻣﻨﻮ ﺑﻘﻰ ﻳﻤﻬﻢ
ﺿﺤﻰ .. ﺳﻜﺘﻲ ﺍﻟﺤﻤﺪﻟﻠﻪ . ﺿﺎﻓﺮ ﺍﺟﺔ ﻭﻛﻠﻲ ﻛﺪﺍﻣﻬﻢ
ﺟﻬﺰﻱ ﻧﻔﺴﺞ ﺣﺘﻰ ﺍﺧﺬﺝ ﻟﺒﻴﺖ ﺍﺧﺘﺞ ﻣﺮﻭﺓ ﺍﺗﺼﻠﺖ ﻋﻠﻴﻪ
ﻭﻛﺎﻟﺖ ﻣﺤﺘﺎﺟﻴﻦ ﺿﺤﺎﻭﻱ ﺑﺎﻟﺒﻴﺖ
ﻭﺍﻧﻲ ﺳﺄﻟﺘﻪ ﻣﺴﺘﺤﻴﺔ ﻣﻦ ﺧﻮﺍﺗﻪ ﻻﻥ ﻛﺎﻋﺪﺍﺕ ﻭﺳﻤﻌﻮﺍ ﻛﻼﻣﻪ
ﻛﻠﺘﻠﻪ . ﻋﻴﺐ ﺷﻠﻮﻥ ﺍﻋﻮﻑ ﺧﻮﺍﺗﻚ ﻟﻮﺣﺪﻫﻢ ﺑﺎﻟﺒﻴﺖ
ﺯﺣﻤﺔ
ﻛﻠﻲ ﺍﻱ ﻭﺷﻨﻮ ﻳﻌﻨﻲ ﻗﺎﺑﻞ ﻫﻤﺔ ﺧﻄﺎﺭ ﻫﻮ ﺍﻟﺒﻴﺖ ﺑﻴﺘﻬﻢ
ﻭﺍﻧﺘﻲ ﻋﻨﺪﺝ ﻭﺍﺟﺐ
ﻫﻤﺔ ﺑﺲ ﺳﻤﻌﻮﺍ ﻇﺎﻓﺮ ﻛﺎﻝ ﻫﻴﺞ
ﻛﺒﻞ ﻣﻦ ﻳﻤﻬﻢ ﻛﺎﻟﻮﺍ ﺍﺻﻼ ﺍﺣﻨﺎ ﻃﺎﻟﻌﺎﺕ
ﻫﺪﻯ .. ﺯﻳﻦ ﻳﺴﻮﻱ ﺑﻴﻬﻢ
ﺍﺑﺎﻭﻉ ﻟﻤﺸﻤﺶ ﻣﻨﺪﻣﺠﺔ ﻭﻳﺔ ﺟﻮﺩ ﺑﻨﺖ ﻇﺎﻓﺮ
ﻫﺴﺔ ﻣﺎ ﻛﻠﺘﻲ ﺗﺒﺎﺗﻴﻦ ﺍﻟﻴﻮﻡ ﻟﻮ ﻻ
ﺿﺤﻰ .. ﻭﺍﻟﻠﻪ ﻣﺎ ﺍﻋﺮﻑ ﻻﻥ ﺍﻻﺥ ﻛﻞ ﺷﻮﻳﺔ ﻳﺘﺼﻞ
ﻋﻠﻴﺔ ﻳﻜﻠﻲ ﻋﺒﺎﻟﻚ ﻣﻀﻴﻊ ﺷﻲ
ﻫﺪﻯ .. ﺍﻟﺤﻤﺪﻟﻠﻪ ﺍﻧﺎ ﺍﺑﻮﻧﺎ ﻭﺍﻓﻖ ﺍﺑﺎﺕ ﻭﻛﺎﻝ
ﺑﺎﺗﻲ ﺷﻜﺪ ﻣﺎ ﺗﺮﺩﻳﻦ ﺑﺒﻴﺖ ﺍﺧﺘﺞ
ﺍﻧﺎ ﺍﻫﻢ ﺷﻲ ﻋﻨﺪﻱ ﺍﺳﻮ ﺍﺟﻲ ﺍﺧﺬﻫﺎ ﺗﻨﺎﻡ ﺑﺤﻀﻨﻲ
ﺟﺎﻧﺖ ﻫﺪﻯ ﺗﺤﺠﻴﻬﺎ ﺑﻐﻴﺾ ﻋﺮﻓﺖ ﺍﺧﺘﻲ ﻣﺸﺘﻐﻠﺔ ﺍﻃﺒﺎﻛﺎﺗﻬﺎ ﻋﻠﻰ ﻗﺎﺳﻢ .
ﺻﺤﺖ ﻫﻲ ﻭﻳﻨﻬﺎ ﺍﺳﻮ
ﻫﺪﻯ .. ﻋﻨﺪ ﻣﻐﻴﻢ ( ﻣﺮﻳﻢ ) ﺑﺎﻟﻐﺮﻓﺔ .
ﻫﺪﻯ
ﺑﻌﺪﻫﺎ ﺍﺟﺔ ﻋﻠﻴﻨﺎ ﺣﻴﺪﺭ ﻭﺍﺧﺬﻧﺎ ﺍﻧﻲ ﻭﺿﺤﻰ
ﻛﻤﻠﻨﺎ ﺗﺮﺗﻴﺐ ﺟﻬﺎﺯ ﺷﻮﻣﺔ
ﺑﻜﻨﺘﻮﺭﻫﺎ . ﻭﺷﻮﻣﺔ ﻭﻣﺮﻭﺓ ﺑﻘﻮﺍ ﺑﺎﻟﺒﻴﺖ ﻳﻢ ﺭﺑﺎﺏ ﺗﺴﻮﻳﻠﻬﺎ ﺗﻨﻈﻴﻒ ﻟﻠﺠﺴﻢ
ﻭﺭﺓ ﺳﺎﻋﺘﻴﻦ ﺭﺟﻌﻨﺎ ﻟﻠﺒﻴﺖ ﻭﻟﻜﻴﻨﺎ ﺭﺑﺎﺏ ﻣﺨﻠﺼﺔ ﺷﻴﻤﺎﺀ
ﻭﺍﺳﺘﻠﻤﺘﻨﺎ ﻭﺣﺪﺓ ﻭﺭﺓ ﺍﻟﺜﺎﻧﻴﺔ .
ﻭﺑﻠﺸﻨﺎ ﺑﺎﻟﺴﻮﺍﻟﻒ ﻭﺍﻟﻀﺤﻚ
ﻭﻃﻠﻌﻨﺎ ﻣﺮﻳﻢ ﻣﻦ ﺍﻟﻐﺮﻓﺔ ﻭﻛﻌﺪﻧﺎ ﻛﻠﻨﺎ ﻧﺤﺠﻲ ﺑﺮﺍﺱ ﺷﻴﻤﺎﺀ
ﻋﻦ ﻟﻴﻠﺔ ﺍﻟﻌﺮﺱ
ﻭﻫﻲ ﺍﻟﻮﺟﻪ ﻛﺎﻡ ﻳﻨﻄﻲ ﺍﻟﻮﺍﻥ
ﺷﻴﻤﺎﺀ .. ﻋﺰﺓ ﺑﻌﻴﻨﻜﻢ ﻭﺍﻧﺎ ﺍﻛﻮﻝ ﻋﻦ ﻧﻔﺴﻲ ﻛﻞ ﺷﻲ ﺍﻓﺘﻬﻢ
ﻭﻣﺎ ﺍﺣﺘﺎﺝ ﻭﺣﺪﺓ ﺗﻌﻠﻤﻨﻲ
ﺍﺛﺎﺭﻱ ﻃﻠﻌﺖ ﻳﻤﻜﻢ ﻛﻠﺸﻲ ﻣﺎﻛﻮ
ﺑﺎﻭﻋﺖ ﻭﻫﻲ ﺗﻀﺤﻚ ﻣﺘﻌﺠﺒﺔ
.. ﻟﺞ ﻋﻮﺑﺔ ﻫﺪﻳﻮﺓ ﻭﺍﻟﻠﻪ ﻃﺎﻟﻌﺔ ﻋﻴﻨﺞ ﻭﺻﺎﻳﺮﺓ ﻭﻛﺤﺔ
ﻭﺍﻧﻲ ﺍﺷﻮﻓﺞ ﺑﻌﻴﻨﻲ ﺑﺮﻳﺌﺔ ﻭﺍﻟﻠﻪ ﻃﻠﻌﺖ ﻣﺎﻛﻮ ﻭﺣﺪﺓ ﺑﺮﻳﺌﺔ ﺑﻴﻜﻢ
ﺑﺲ ﺍﻧﻲ
.. ﻭﺍﻟﻠﻪ ﻗﺎﺳﻢ ﻃﻠﻊ ﻋﻴﻨﻲ . ﺍﻧﻲ ﻋﻨﻲ ﺟﻨﺖ ﻓﻘﻴﺮﺓ ﻭﺣﺒﺎﺑﺔ
ﻭﻋﻠﻰ ﻃﺎﺭﻱ ﻗﺎﺳﻢ
ﺩﻙ ﻧﻘﺎﻟﻲ ﺑﺎﻭﻋﺖ ﻟﻠﺴﺎﻋﺔ ﺟﺎﻧﺖ ﺑﺎﻟﺴﺒﻌﺔ
ﺑﺪﻟﺖ ﺻﻮﺗﻲ ﺭﺩﻳﺖ ﻋﻠﻴﻪ ﺑﺜﮕﻞ
.. ﺍﻟﻮ
.. ﻫﺪﻯ ﻳﺎﻟﻠﻪ ﺟﻬﺰﻭﺍ ﺭﻭﺣﻜﻢ ﺍﻧﻲ ﻗﺮﻳﺐ ﻋﻠﻴﻜﻢ
ﺍﺑﺘﺴﻤﺖ ﺷﻮﻑ ﺷﻠﻮﻥ ﻟﻮﺗﻲ ﻏﻴﺮ ﻛﻼﻣﻪ .
ﺟﺎﻭﺑﺘﻪ
.. ﻗﺼﺪﻙ ﺍﺣﻀﻐﻠﻚ . ( ﺍﺣﻀﺮﻟﻚ ) ﺑﻨﺘﻚ ﺣﺘﻰ ﺗﺎﺧﺬﻫﺎ ﻭﻳﺎﻙ
ﻻﻥ ﺍﻧﻲ ﺍﺑﺎﺕ ﺑﺒﻴﺖ ﺍﺧﺘﻲ
ﺍﻧﺘﺒﻬﺖ ﻋﻠﻴﻪ ﺳﻜﺖ ﻭﺑﻌﺪﻫﺎ ﺟﺎﻭﺑﻨﻲ ﺑﻨﺘﺮﺓ
.. ﺑﺮﺍﺣﺘﺞ . ﻫﺎﻱ ﺑﻘﺖ ﻳﻤﺞ ﺗﺮﺩﻳﻦ ﺗﺒﻘﻴﻦ ﻋﻨﺪ ﺍﺧﺘﺞ ﺗﺮﺩﻳﻦ ﺗﺮﺟﻌﻴﻦ
ﺍﻧﻲ ﻣﺎ ﻳﻬﻤﻨﻲ ﺍﻫﻢ ﺷﻲ ﻋﻨﺪﻱ
ﺑﻨﺘﻲ ﻳﺎﻟﻠﻪ ﺟﻬﺰﻳﻬﺎ ﺍﻧﺎ ﻭﺻﻠﺖ ﺑﺎﻟﺒﺎﺏ
......
ﺟﺎﻥ ﻳﺤﺠﻲ ﻭﻳﺎﻱ ﻣﻦ ﻭﺭﺓ ﺧﺸﻤﻪ
ﺧﻼﺹ ﻫﺎﻱ ﻫﻲ ﺑﺎﺕ ﺍﻟﻤﺤﺒﺲ
ﺷﻠﻮﻥ ﻭﺍﺣﺪ ﻋﺒﺎﻟﻪ ﺭﺍﺡ ﺍﻧﺴﻰ ﻛﻼﻣﻪ ﺍﻟﻴﻮﻡ ﻭﻳﺎﻳﺔ
ﺩﻙ ﻧﻘﺎﻟﻲ ﻗﺎﺳﻢ ﻣﻌﻨﺎﻫﺎ ﻭﺻﻞ ﺑﺎﻟﺒﺎﺏ
ﺍﻧﻄﻴﺖ ﺍﺳﻮ ﻟﻤﺮﻭﺓ
.. ﺣﺒﻴﺒﺘﻲ ﻣﻐﻮﺓ ( ﻣﺮﻭﺓ ) ﺍﻧﻄﻲ ﺍﺳﻮﺍ ﻭﺟﻨﻄﺘﻬﺎ ﻟﻘﺎﺳﻢ
ﻣﺎ ﺍﻛﺪﻍ ( ﻣﺎﺍﻛﺪﺭ ) ﺍﻃﻠﻊ ﻻﻥ ﻣﻌﺼﺐ ﺑﺲ ﻳﺸﻮﻓﻨﻲ ﻳﺨﻤﻄﻨﻲ ﻭﺍﻟﻠﻪ
ﻣﺮﻭﺓ .. ﺩﻳﺎﻟﻠﻪ ﺟﻴﺒﻬﺎ ﺧﻠﻲ ﺍﻭﺩﻳﻬﺎ ﻻﺑﻮﻫﺎ
ﻭﺍﻟﻠﻪ ﺧﺎﺑﺼﻨﺎ ﺑﻴﻬﺎ ﺧﺒﺺ ﻋﺒﺎﻟﻚ ﺑﺲ ﻫﻮ ﻋﻨﺪﻩ ﺑﻨﻴﺔ
ﺟﺎﻧﺖ ﺗﺤﺠﻲ ﻭﺗﺒﻮﺱ ﺑﺨﺪﻭﺩ ﺍﺳﻮ
ﻭﻧﻮﺏ ﺑﻨﺖ ﻣﺮﻭﺓ ﻣﺸﻤﺶ ﻋﺎﺿﺘﻬﺎ ﻣﻦ ﺧﺪﻫﺎ ﻭﺻﺎﻳﺮ ﺍﺣﻤﺮ .
ﻫﺴﺔ ﺍﺳﺘﺎﺫ ﻗﺎﺳﻢ ﺑﺲ ﻳﺸﻮﻓﻬﺎ ﻳﺤﺮﻙ ﺍﻟﺪﻧﻴﺎ ﻋﻠﻰ ﺭﺍﺳﻲ
ﺭﺍﺣﺖ ﻣﺮﻭﺓ ﻭﻭﺩﺗﻬﺎ ﻟﻘﺎﺳﻢ
ﻭﺭﺟﻌﺖ
ﺟﻨﺖ ﻭﺍﻛﻔﺔ ﺍﺑﺎﻭﻉ ﻣﻦ ﺍﻟﻜﺎﻣﻴﺮﺍﺕ ﺷﻠﻮﻥ ﺍﺧﺬ ﺑﻨﺘﻪ ﻭﺍﻏﺮﺍﺿﻬﺎ
ﻭﺭﺍﺡ ﻫﻴﺞ ﺑﻜﻞ ﺳﻬﻮﻟﺔ
ﻣﺎ ﺍﻋﺮﻑ ﻟﻴﺶ ﺍﻧﻘﻬﺮﺕ ﻣﻦ ﺗﺼﺮﻓﻪ
ﺩﺧﻠﺖ ﻣﺮﻭﺓ ﻭﺳﺄﻟﺘﻬﺎ .. ﻫﺎ ﺷﻨﻮ ﺑﺸﻐﻲ ( ﺑﺸﺮﻱ )
.. ﻭﺍﻟﻠﻪ ﺍﺳﺘﺎﺫ ﻗﺎﺳﻢ ﻣﺪﺧﻦ
ﻫﺴﺔ ﺟﺎﻥ ﺭﺟﻌﺘﻲ ﻭﻳﺎﻩ ﺑﻼﻫﺎ ﻫﺎﻱ ﺍﻟﻤﺸﺎﻛﻞ ﺍﻟﻲ ﻣﺎﻟﻬﺎ ﺩﺍﻋﻲ
.. ﻭﺍﻟﻠﻪ ﻫﻮ ﻟﻮ ﻃﺎﻟﺐ ﻣﻨﻲ ﺑﺄﺳﻠﻮﺏ ﻟﻄﻴﻒ ﺍﻏﺠﻊ ( ﺍﺭﺟﻊ ) ﻭﻳﺎﻩ
ﻋﺎﺩﻱ ﻛﺎﻥ ﻏﺠﻌﺖ ( ﺭﺟﻌﺖ ) ﺑﺲ ﺍﻻﺳﺘﺎﺫ
ﻳﻤﻜﻦ ﺍﻟﺴﺎﻧﻪ ﻳﺼﻎ ( ﻳﺼﻴﺮ ) ﺑﻲ ﺷﻠﻞ
ﺍﺫﺍ ﻛﺎﻝ ﻏﺠﻌﻲ ( ﺭﺟﻌﻲ ) ﻭﻳﺎﻳﺔ ﺍﺿﻮﺝ ﻣﻦ ﺍﻧﺘﻲ ﻣﺎﻛﻮ ﻭﺗﺒﻘﻴﻦ ﺑﻌﻴﺪ ﻋﻨﻲ
ﻣﺮﻭﺓ .. ﻛﻞ ﺷﺨﺺ ﻭﻋﻨﺪﻩ ﻃﺮﻳﻘﺘﻪ ﺑﺮﺩﺓ ﻓﻌﻠﻪ
ﻟﺘﻀﻮﺟﻴﻦ ﻳﻠﺔ
ﺩﺧﻠﻨﺎ ﻟﻠﻬﻮﻝ ﻳﻢ ﺍﻟﺒﻨﺎﺕ ﻭﻟﻜﻴﻨﺎ ﺭﺑﺎﺏ ﻣﺴﺘﻌﺪﺓ ﺗﺮﻳﺪ ﺗﻄﻠﻊ
ﻣﺮﻭﺓ .. ﻫﺎ ﻭﻳﻦ ﺑﻌﺪ ﻭﻛﺖ ﺍﺑﻘﻲ ﺍﺗﻌﺸﻲ ﻭﻃﻠﻌﻲ
ﺭﺑﺎﺏ ﺷﺎﻟﺖ ﺍﺑﻨﻬﺎ ﻭﻛﺎﻟﺖ .. ﻻ ﺑﻨﺎﺕ ﻫﻮﺍﻱ ﺍﺗﺄﺧﺮﺕ ﻭﻫﻮ ﻫﺎﻟﻴﻮﻡ ﻗﺒﻞ ﺍﺟﻲ .
ﺧﻠﻴﻨﻲ ﺍﺻﻴﺮ ﺣﺒﺎﺑﺔ ﺣﺘﻰ ﻳﻮﺍﻓﻖ
ﻳﺠﻴﺒﻨﻲ ﺑﻴﻮﻡ ﺍﻟﻌﺮﺱ ﺍﺷﻮﻑ ﺷﻮﻣﺔ ﻭﻫﻲ ﺑﺎﻟﺒﺪﻟﺔ ﺍﻟﺒﻴﻀﺔ
ﻣﺮﻭﺓ .. ﺍﻥ ﺷﺎﺀ ﺍﻟﻠﻪ
ﺭﺍﺣﺖ ﺭﺑﺎﺏ ﺑﻌﺪﻣﺎ ﺍﺟﺔ ﻋﻠﻴﻬﺎ ﺯﻭﺟﻬﺎ
ﻛﺎﻋﺪﺓ ﺍﺳﻮﻟﻒ ﻭﻳﺔ ﺷﻴﻤﺎﺀ ﻭﺿﺤﻰ ﻭﻣﺮﻭﺓ
ﻭﺍﻧﺘﺒﻬﺖ ﻟﻤﺮﻳﻢ ﻛﺎﻋﺪﺓ ﺗﻜﻠﺐ ﺑﻨﻘﺎﻟﻲ
ﻣﺎ ﺍﻫﺘﻤﻴﺖ
ﺳﺄﻟﺖ ﺷﻴﻤﺎﺀ
.. ﻫﺴﺔ ﺍﺗﻔﻘﺘﻮﺍ ﻋﻠﻰ ﺍﻟﻌﻐﺲ ﻏﺎﺡ ﻳﺼﻴﻎ ( ﺍﻟﻌﺮﺱ ﺭﺍﺡ ﻳﺼﻴﺮ ) ﺑﺲ ﺯﻓﺔ
ﻛﺒﻞ ﻟﻠﻔﻨﺪﻕ
.. ﺍﻱ ﺑﺲ ﻗﺒﻠﻬﺎ ﻧﺎﺧﺬ ﺻﻮﺭ ﺑﺎﻻﺳﺘﺪﻳﻮ
ﻭﺑﻌﺪﻳﻦ ﻧﺮﻭﺡ ﻟﻠﻔﻨﺪﻕ
.. ﺍﻟﻠﻪ ﻳﺴﻬﻞ ﻋﻠﻴﻜﻢ
ﺻﺎﺭﺕ ﺍﻟﺴﺎﻋﺔ ﺏ١١ ﻭﺧﻮﺍﺗﻲ ﻛﻞ ﻭﺣﺪﺓ ﺑﺪﺕ ﺗﺪﺧﻞ ﻟﻐﺮﻓﺘﻬﺎ
ﻭﺑﻘﻴﻨﺎ ﺍﻧﻲ ﻭﺿﺤﻰ ﻭﻣﺮﻳﻢ
ﻓﺮﺷﻨﺎ ﺑﺎﻟﻬﻮﻝ ﻭﻛﻌﺪﻧﺎ ﻧﺴﻮﻟﻒ
ﻣﺮﻳﻢ .. ﺍﻛﻮﻝ ﻫﺪﻯ ﺗﺪﺭﻳﻦ ﻫﺎﻱ ﺍﻻﻳﺎﻡ ﺩﺍ ﺍﺷﻮﻑ
ﺣﻤﺎﺝ ﻫﺸﺎﻡ ﻳﻤﺮ ﺑﺴﻴﺎﺭﺗﻪ ﻣﻦ ﻳﻢ ﻣﺪﺭﺳﺘﻨﺎ
ﺣﺠﻴﺖ .. ﺧﺎﻑ ﺑﺎﻟﺼﺪﻓﺔ . ﻻﻥ ﻣﻐﺎﺕ ( ﻣﺮﺍﺕ ) ﻗﺎﺳﻢ ﻳﺪﺯﻩ ﻋﻠﻰ . ﺷﻐﻼﺕ
ﻗﺮﻳﺐ ﻣﻦ ﻣﻜﺎﻥ ﻣﺪﻏﺴﺘﻜﻢ ( ﻣﺪﺭﺳﺘﻜﻢ )
.. ﻣﺎ ﺍﻋﺮﻑ . ﺑﺲ ﺟﺎﻥ ﻳﺒﺎﻭﻉ ﻋﺎﻟﺒﻨﺎﺕ
ﻭﻣﺮﺍﺕ ﻳﺒﺎﻭﻉ ﻋﻠﻴﺔ
ﺣﺘﻰ ﺍﻟﺒﻨﺎﺕ ﺍﻧﺘﺒﻬﻮﺍ ﻛﺎﻟﻮﺍ ﻫﺬﺍ ﺷﻨﻮ ﺗﻌﺮﻓﻴﻪ
ﺍﺷﻮ ﻛﻞ ﻳﻮﻡ ﻳﻤﺮ ﻳﺒﺎﻭﻉ ﻋﻠﻴﺞ ﻭﻳﺮﻭﺡ
ﻣﺮﻳﻢ ﺟﺎﻧﺖ ﺗﺤﺠﻲ ﺑﺤﻴﺮﺓ ﻭﻣﺘﺮﺩﺩﺓ
ﻭﺍﻧﻲ ﺍﺿﺤﻚ ﻋﻠﻰ ﺳﻮﺍﻟﻒ ﻫﺸﺎﻡ ﻭﺧﺒﺎﻻﺗﻪ
ﻭﺍﻟﻠﻪ ﻫﻮ ﻗﺒﻞ ﺍﺳﺒﻮﻉ ﺑﺎﻟﺼﺪﻓﺔ ﺳﺄﻟﻨﻲ ﻋﻦ ﻣﻜﺎﻥ ﻣﺪﺭﺳﺔ
ﻣﺮﻳﻢ ﻭﺍﻧﻲ ﺟﻮﺍﺑﺘﻪ ﻭﻛﻠﺘﻠﻪ ﻟﻴﺶ ﺗﺴﺄﻝ ﻫﻮ ﺑﻮﻛﺘﻬﺎ ﻛﺎﻝ
ﺍﺭﻳﺪ ﺍﻃﻤﻦ ﻋﻠﻰ ﺣﻼﻟﻲ
......
ﻭﺧﺎﻟﺔ ﺑﻴﻮﻣﻬﺎ ﺭﺯﻟﺘﻪ ﻭﻛﺎﻟﺘﻠﻪ ﻋﻴﺐ ﺷﻨﻮ ﻫﺬﺍ ﺍﻟﺤﺠﻲ
ﺑﺲ ﻫﻮ ﻫﺸﺎﻡ ﻣﺎ ﻳﻬﻤﺘﻢ ﺍﻟﻲ ﺑﻜﻠﺒﻪ ﻋﻠﻰ ﺍﻟﺴﺎﻧﻪ
ﻣﻴﺨﺎﻑ ﻭﻻ ﻳﺘﺮﺩﺩ
ﻛﻞ ﺷﻮﻳﺔ ﺍﺑﺎﻭﻉ ﻟﻠﺴﺎﻋﺔ ﺑﺪﺓ ﻛﻠﺒﻲ ﻳﺤﻮﻡ ﻋﻠﻰ ﺍﺳﻮ
ﻭﻭﺟﻬﻲ ﺻﺎﺭ ﻓﺎﻫﻲ
ﻗﺒﻞ ﺷﻮﻳﺔ ﺣﺠﻴﺖ ﻭﻳﺔ ﻫﺎﻟﺔ ﻭﺳﺄﻟﺘﻬﺎ ﺑﺎﻟﻮﺍﺗﺲ ﺍﺏ ﻋﻦ ﺍﺳﻮ
ﻭﻛﺎﻟﺖ ﻫﺴﻪ ﻗﺒﻞ ﺷﻮﻳﺔ ﻧﺎﻣﺖ
ﻭ ﺍﺧﺬﺗﻠﻬﺎ ﺻﻮﺭﺓ ﻭﻫﻲ ﻧﺎﻳﻤﺔ ﻭﺭﺍﻳﺤﺔ ﺑﺴﺎﺑﻊ ﻧﻮﻣﺔ
ﻭﺭﺓ ﺳﺎﻋﺔ
ﻭﺍﻧﻲ ﻣﺘﻤﺪﺩﺓ ﺑﻔﺮﺍﺷﻲ ﻭﻛﺎﻋﺪﺓ ﺍﺗﻜﻠﺐ ﻣﺜﻞ ﺍﻟﺴﻤﺠﺔ
ﻣﻤﺘﻌﻮﺩﺓ ﺍﺑﺎﺕ ﺑﻌﻴﺪ ﻋﻦ ﺑﻴﺘﻲ ﻭﻏﺮﻓﺘﻲ ﻭﺯﻭﺟﻲ ﻭﺑﻨﺘﻲ
ﻭﺍﻟﻠﻪ ﺍﺣﺲ ﺑﺎﻟﻮﺣﺸﺔ ﺷﻌﻮﺭ ﺻﻌﺐ
ﺩﻙ ﻧﻘﺎﻟﻲ ﻭﻛﻤﺰﺕ ﻣﻦ ﻣﻜﺎﻧﻲ ﺑﺎﻭﻋﺖ ﻋﺎﻟﻤﺘﺼﻞ ﺟﺎﻥ ﻗﺎﺳﻢ ﻛﻠﺒﻲ ﻭﻛﻊ ﺑﺎﻟﻜﺎﻉ
ﻳﻤﺔ ﺑﺲ ﻻ ﺍﺳﻮ ﺑﻴﻬﺎ ﺷﻲ
ﺟﺎﻭﺑﺖ ﺑﺨﻮﻑ
.. ﺍﻟﻮ ﻫﺎ ﻗﺎﺳﻢ ﺷﻨﻮ
ﻗﺎﺳﻢ .. ﺍﻧﺎ ﻭﺍﻛﻒ ﺑﺎﻟﺒﺎﺏ ﻃﻠﻌﻴﻠﻲ
ﻧﺰﻟﺖ ﺍﻟﻨﻘﺎﻝ ﺍﺑﺎﻭﻉ ﻋﻠﻴﻪ ﻭﺭﺟﻌﺖ ﺳﺄﻟﺘﻪ
.. ﺷﻜﻮ ﺻﺎﻳﻎ ( ﺻﺎﻳﺮ ) ﺷﻲ
ﺣﺠﺔ ﺑﻐﻴﺾ .. ﺑﻨﺘﺞ ﻣﺮﻳﻀﺔ ﻭﻣﺼﺨﻨﺔ
ﺣﺮﺍﺭﺗﻬﺎ ﺻﺎﻳﺮﺓ ﻧﺎﺭ . ﻭﺍﻧﺘﻲ ﺣﻀﺮﺗﺞ ﻛﺎﺿﻴﺘﻬﺎ ﺩﻳﺎﺣﺔ
ﻭﺳﻮﺍﻟﻒ ﻣﻠﺘﻬﻴﺔ ﺑﺮﻭﺣﺞ ﻭﻧﺎﺳﻴﺘﻨﺎ
ﻫﻮ ﻳﺤﺠﻲ ﻭﺍﻧﻲ ﻃﻔﺮﺕ ﻣﻦ ﻓﺮﺍﺷﻲ
ﻣﺜﻞ ﺍﻟﻤﺨﺒﻠﺔ
ﻭﻟﺒﺴﺖ ﺷﺎﻟﻲ ﻭﻟﻤﻴﺖ ﻏﺮﺍﺿﻲ ﻭﻛﻌﺪﺕ ﺿﺤﻰ ﺣﺘﻰ ﺗﻜﻮﻡ ﺗﺴﺪ ﻭﺭﺍﻱ ﺍﻟﺒﺎﺏ
ﺟﻨﺖ ﺍﺗﺤﺮﻙ ﺍﺟﻤﻊ ﺑﻤﻼﺑﺴﻲ ﻭﻏﺮﺍﺿﻲ
ﻭﺍﺭﺟﻒ ﻣﻦ ﺍﻟﺨﻮﻑ ﻋﻠﻰ ﺑﻨﺘﻲ
ﺳﺪ ﺍﻟﻨﻘﺎﻝ
ﺭﺣﺖ ﻃﻠﻌﺖ ﻭﺿﺤﻰ ﺳﺪﺕ ﺍﻟﺒﺎﺏ ﻭﺭﺍﻱ ﻭﺗﻜﻮﻝ
.. ﻣﻮ ﺗﻨﺴﻴﻦ ﺗﻄﻤﻴﻨﻴﻨﺎ ﻋﻠﻰ ﺍﺳﻮ
.. ﺍﻥ ﺷﺎﺀ ﺍﻟﻠﻪ
ﻟﻜﻴﺘﻪ ﻣﻨﺘﻈﺮ ﺑﺎﻟﺴﻴﺎﺭﺓ ﻻﺑﺲ ﺍﺗﺮﺍﻙ ﻭﺷﻌﺮﻩ ﻣﻬﻮﺱ
ﺻﻌﺪﺕ ﺑﺎﻟﺴﻴﺎﺭﺓ ﻭﺳﻠﻤﺖ
ﺭﺩ ﺍﻟﺴﻼﻡ ﻭﺳﺄﻟﺘﻪ
.. ﺷﻨﻮ ﺷﺒﻴﻬﺎ ﺍﺳﻮ
ﺍﻟﻴﻮﻡ ﺍﺧﺬﺗﻬﺎ ﻣﻨﻲ ﻛﻮﻟﺸﻲ ﻣﺎ ﺑﻴﻬﺎ
.. ﻟﻴﺶ ﻫﻴﺞ ﺗﻬﻤﺞ ﺍﺳﻮ ﺟﺎﻳﺘﻨﻲ ﻫﺴﻪ ﻣﻠﻬﻮﻓﺔ ﺗﺴﺄﻟﻴﻦ ﻋﻠﻴﻬﺎ
.. ﺷﻠﻮﻥ ﻣﺎ ﺗﻬﻤﻨﻲ ﻏﻴﻎ ( ﻏﻴﺮ ) ﺑﻨﺘﻲ ﻭﺍﺧﺎﻑ ﻋﻠﻴﻬﺎ
ﻭﺻﻠﻨﺎ ﻟﻠﺒﻴﺖ
ﻭﺟﺎﻧﻮﺍ ﺍﻟﻜﻞ ﻧﺎﻳﻤﻴﻦ
ﺗﺮﻛﺘﻪ . ﻭﺻﻌﺪﺕ ﻓﻮﻙ ﻟﻠﻐﺮﻓﺔ ﺍﺩﻭﺭ ﻋﻠﻰ ﺑﻨﺘﻲ
ﺩﺧﻠﺖ ﺭﺣﺖ ﻛﺒﻞ ﻋﻠﻰ ﺳﺮﻳﺮﻫﺎ ﻣﺎ ﻟﻜﻴﺘﻬﺎ
ﺳﻤﻌﺖ ﺻﻮﺕ . ﺍﻟﺒﺎﺏ
ﺩﺭﺕ ﺷﻔﺖ ﻗﺎﺳﻢ ﺩﺧﻞ ﻟﻠﻐﺮﻓﺔ ﻭﺳﺪ ﺍﻟﺒﺎﺏ ﻭﺭﺍﻩ
ﻋﻴﻮﻧﻪ ﺗﻠﻤﻊ ﺑﻮﻛﺎﺣﺔ ﻭﻏﻴﺾ
.. ﺷﻨﻮ ﻭﻳﻦ ﺍﺳﻮ
ﺍﻗﺘﺮﺏ ﻣﻦ ﻋﻨﺪﻱ ﻭﻛﺎﻝ . ﺍﺳﻮ ﻧﺎﻳﻤﺔ ﻳﻢ ﻫﺎﻟﺔ ﻛﻮﻟﺸﻲ ﻣﺎ ﺑﻴﻬﺎ
ﻫﺴﺔ ﻋﻮﻓﺞ ﻣﻦ ﺍﺳﻮ ﻭﺗﻌﺎﻱ . ﻟﺤﻜﻲ ﻋﻠﻰ ﺍﺑﻮ ﺍﺳﻮ
ﺣﻴﻞ ﺗﻌﺒﺎﻥ ﻭﺣﺮﺍﺭﺗﻪ . ﻣﺮﺗﻔﻌﺔ
ﺍﺗﺴﻌﺖ ﻋﻴﻮﻧﻲ . ﻭﺑﻘﻴﺖ ﻭﺍﻛﻔﺔ ﺑﻤﻜﺎﻧﻲ ﻣﺘﻔﺎﺟﺌﺔ . ﺑﻜﻼﻣﻪ
ﻭﻧﻈﺮﺍﺗﻪ ﻟﻠﺤﻈﺔ ﺷﻔﺖ ﺫﺍﻙ ﻗﺎﺳﻢ ﺍﻟﻤﺸﺎﻏﺐ
.. ﻭﺍﻟﻠﻪ ﺍﻧﺖ ﻣﻮ ﻃﺒﻴﻌﻲ
ﺍﻗﺘﺮﺏ ﻣﻨﻲ ﻭﺳﺤﺐ ﺷﺎﻟﻲ ﻣﻦ ﻋﻠﻰ ﺷﻌﺮﻱ ﻭﺩﻧﻚ ﺭﺍﺳﻪ
ﻭﻛﺎﻝ
.. ﻭﺍﻟﻠﻪ ﻣﺘﺤﻠﻒ ﺑﻴﺞ ﺍﻟﻠﻴﻠﺔ ﻛﻮﻥ ﺍﺧﻠﻲ
ﺑﻴﺞ ﺍﺛﺮ ﺣﺘﻰ ﺗﺘﺬﻛﺮﻳﻨﻲ ﻛﻠﻤﺎ ﺗﺸﻮﻓﻴﻪ
ﻭﺗﺒﻄﻠﻴﻦ . ﺗﻌﺎﻧﺪﻳﻨﻲ
ﺍﻟﻒ ﻣﺮﺓ ﻛﻠﺘﻠﺞ . ﻣﻜﺎﻧﺞ ﻫﻨﺎ
ﺍﺷﺮ ﻋﻠﻰ ﺻﺪﺭﻩ
ﻣﺎ ﺗﻐﻤﻀﻠﻲ ﻋﻴﻦ ﻭﺍﻧﺘﻲ ﺑﻌﻴﺪﺓ . ﻋﻨﻲ
ﻟﻤﻴﺖ ﺣﻠﻜﻲ ﻭﺣﺠﻴﺖ ﺑﺪﻟﻊ
.. ﻟﻌﺪ ﻟﻴﺶ ﺗﺤﻐﻚ ( ﺗﺤﺮﻙ ) ﺑﻜﻠﺒﻲ ﻭﺗﻜﻮﻟﻲ . ﺍﻫﻢ ﺷﻲ ﻋﻨﺪﻙ ﺍﺳﻮ
ﺗﻨﺎﻡ ﺑﺤﻀﻨﻚ
.. ﻭﺍﻟﻠﻪ ﻭﺩﺍﻋﺘﺞ ﻣﻌﺰﺕ ﺍﺳﺎﻭﺭ ﻣﻦ ﻣﻌﺰﺗﺞ ﺑﻜﻠﺒﻲ
ﺍﻟﻤﻔﺮﻭﺽ ﻻﺯﻡ ﺗﻔﺮﺣﻴﻦ . ﻣﻦ ﺍﺣﺠﻲ ﻫﻴﺞ
ﺿﺮﺑﺘﻪ ﻋﻠﻰ ﺻﺪﺭﻩ ﻭﻫﻮ ﻳﻠﻤﻨﻲ ﺑﺜﻨﻴﻦ ﺍﻳﺪﻳﻪ
.. ﺣﺘﻰ ﻟﻮ
ﺍﻧﻲ ﺍﺑﻘﻰ ﺑﻨﺘﻚ ﺍﻻﻭﻟﻰ ﻭﺍﻏﺎﻍ ( ﺍﻏﺎﺭ ) ﻭﺩﺍﻋﺘﻚ ﺍﻏﺎﻍ ﻋﻠﻴﻚ
ﺣﺘﻰ ﻣﻦ . ﺑﻨﺘﻚ ﻭﻣﻦ ﺣﻀﻦ ﺍﻣﻚ
.. ﺣﻨﻰ ﻋﻠﻰ ﺣﺎﻟﻲ ﺗﺮﺓ ﻛﻠﺒﻲ ﻣﺎ ﻳﺘﺤﻤﻞ ﺩﻟﻌﺞ ﻳﺠﻨﻴﺔ
ﺗﻌﺎﻱ ﻧﻮﻣﻴﻨﻲ ﻭﺍﻟﻠﻪ ﻣﻴﺖ ﻧﻌﺎﺱ
.. ﺍﻭﻛﻒ ﻟﺤﻈﺔ ﺍﻧﺘﻈﻎ ( ﺍﻧﺘﻈﺮ ) ﺧﻠﻲ ﺍﺟﻴﺐ ﺍﺳﻮ ﻣﻦ ﻳﻢ ﻫﺎﻟﺔ
.. ﺍﻱ ﺩﺗﻌﺎﻱ ﻣﻮ ﺣﺮﻛﺘﻲ ﻋﺸﻴﺮﺓ ﺍﺑﻮ ﺍﺳﻮ
ﺳﺤﺒﻨﻲ ﻋﻠﻴﻪ .
ﻭﻫﻤﺲ ﻭﻫﻮ ﻳﻘﺮﺏ ﺭﺍﺳﻪ ﻋﻠﻰ ﺭﻛﺒﺘﻲ
.. ﻋﻮﻓﻴﻬﺎ ﻧﺎﻳﻤﺔ ﻳﻢ ﻫﺎﻟﺔ ﺍﻟﻴﻮﻡ
ﺧﻠﻴﺞ ﻳﻢ ﺍﺑﻮ ﺍﺳﻮ ﻭﺷﻮﻓﻲ ﺷﺒﻴﻬﺎ ﺣﺮﺍﺭﺗﻪ
ﺍﺑﺘﺴﻤﺖ ﻭﻋﻴﻮﻧﻲ ﻟﻤﻌﺖ ﺑﻤﻌﺮﻓﺔ .
ﻭﺻﺎﺭﺕ ﻟﻤﺴﺎﺗﻪ ﺗﺤﺎﻛﻲ ﻏﻀﺒﻪ . ﻭﺗﺜﺒﺖ
ﻭﺟﻮﺩﻱ ﺑﻴﻦ ﺍﻳﺪﻳﻪ
ﻭﺑﻠﻴﻠﺘﻬﺎ ﻧﻤﺖ ﻟﻠﺼﺒﺢ ﻋﻠﻰ ﺫﺭﺍﻋﻪ
ﺷﻴﻤﺎﺀ
ﻛﺎﻋﺪﺓ ﺍﻣﺴﺪ ﻋﻠﻰ ﻓﺴﺘﺎﻧﻲ ﺍﻻﺑﻴﺾ .
ﺑﺪﻭﺍ ﺍﻟﻤﻌﺎﺯﻳﻢ ﺑﺎﻟﻮﻓﻮﺩ ﻋﻠﻰ ﺑﻴﺖ ﻣﺮﻭﺓ
ﻋﻴﺎﻝ ﻫﺪﻯ ﻭﺣﻤﻮﺍﺗﻬﺎ ﻭﺿﺤﻰ ﻭﻋﻴﺎﻟﻬﺎ
ﻭﺧﺎﻟﺔ ﺍﻡ ﻓﺮﺯﺩﻕ ﺍﺟﺘﻲ ﻭﻭﻳﺎﻫﺎ ﺍﻡ ﺻﻬﻴﺐ
ﻭﺭﺑﺎﺏ ﻭﺻﺪﻳﻘﺎﺗﻲ
ﻣﺮﻭﺓ ﻗﺮﺭﺕ ﺗﺴﻮﻳﻠﻲ ﺣﻔﻠﺔ ﺑﺴﻴﻄﺔ ﻗﺒﻞ ﻻ ﺗﺠﻲ ﺍﻟﺰﻓﺔ
ﺑﺎﻭﻋﺖ ﻟﺨﻮﺍﺗﻲ ﻣﺮﻭﺓ ﺳﻨﺪﻱ . ﻫﺪﻯ ﺭﻭﺣﻲ ﻭﺿﺤﻰ ﺍﻣﻲ ﻭﻣﺮﻳﻢ ﺑﻨﺘﻲ
ﻟﻜﻞ ﻭﺣﺪﺓ ﺍﻟﻬﺔ ﺑﻜﻠﺒﻲ ﻣﻌﺰﺓ ﺧﺎﺻﺔ
ﺍﺑﺎﻭﻉ ﻟﻤﺮﻳﻢ ﻛﺎﻋﺪﺓ ﻋﻠﻰ ﺻﻔﺤﺔ ﻭﺩﻣﻮﻋﻬﺎ ﻣﻌﻠﻜﺔ ﺑﻌﻴﻮﻧﻬﺎ . ﺗﺤﺎﻭﻝ ﺗﺪﺍﺭﻱ ﺑﻴﻬﺎ ﺣﺘﻰ ﻣﺎ ﺍﺷﻮﻓﻬﺎ ﻭﺍﻧﻘﻬﺮ
ﻣﺘﺪﺭﻱ ﺍﻧﻲ ﺍﺣﺲ ﺑﻜﻞ ﻭﺣﺪﺓ ﺑﻴﻬﻢ ﻣﻦ ﺗﻜﻮﻥ ﺣﺰﻳﻨﺔ
ﺑﺪﻭﻥ ﻣﺎ ﺍﺷﻮﻓﻬﻢ
ﺩﻧﻜﺖ ﺭﺍﺳﻲ ﻭﺑﺎﻭﻋﺖ ﻟﺴﻮﺍﺭ ﺍﻣﻲ ﺟﻨﺖ ﻻﺑﺴﺘﻪ ﺑﻴﺪﻱ ﺍﺟﺘﻤﻌﺖ ﺍﻟﺪﻣﻮﻉ ﻭﺻﺮﺕ ﺍﻧﺎﺷﺪ ﺳﻮﺍﺭ ﺍﻣﻲ ﻭﺍﺣﺎﻛﻴﻪ
ﻳﺎ ﺳﻮﺍﺭﻱ . ﻛﻦ ﻣﻌﻲ ﻓﻲ ﻟﺤﻈﺔ ﻭﺻﺎﻟﻲ ﻣﻊ ﺍﻟﺤﺒﻴﺐ
ﻓﺄﻣﻲ ﺍﻣﻨﺘﻨﻲ . ﻟﺪﻳﻚ . ﻓﻜﻦ ﺭﺣﻴﻤﺎً . ﻭﻣﻮﺍﺳﻴﺎ ﻭﻋﻄﻮﻓﺎً . ﺑﻲ
ﻓﺎﻟﻴﻮﻡ ﺍﻧﺎ ﺑﺄﻣﺲ ﺍﻟﺤﺎﺟﺔ . ﻟﻮﺟﻮﺩ ﺍﻣﻲ ﻣﻌﻲ
ﺍﻧﺎ ﺑﺤﺎﺟﺔ ﺳﻤﺎﻉ ﻫﻤﺴﺎﺕ ﺩﻋﻮﺍﺕ ﺍﻣﻲ ﻟﻲ
ﺍﻧﺘﺒﻬﺖ ﻟﺨﺎﻟﺔ ﺍﻡ ﻓﺮﺯﺩﻕ ﺍﻗﺘﺮﺑﺖ ﻣﻨﻲ ﻭﺣﻄﺖ
ﻛﺘﺎﺏ ﻗﺮﺍﻥ ﺑﻴﻦ ﺍﻳﺪﻳﺔ ﻭﺻﺎﺭﺕ ﺗﺒﺎﺭﻙ ﻭﺗﻬﻠﻲ
ﻭﺗﺪﻋﻴﻠﻲ ﻭﺯﺍﺩﺕ ﺩﻣﻮﻋﻲ
ﻣﺮﻭﺓ ﺩﺧﻠﺖ ﻟﻼﺳﺘﻘﺒﺎﻝ ﻭﻛﺎﻟﺖ
.. ﺑﻨﺎﺕ ﺟﻬﺰﻭﺍ ﺷﻴﻤﺎﺀ ﻭﺻﻠﻮﺍ
ﻛﺎﻣﺖ ﺭﺑﺎﺏ ﻭﺿﺤﻰ ﻳﺴﺎﻋﺪﻭﻧﻲ ﺍﻟﺒﺲ
ﺍﻟﺒﺮﻧﺺ .
ﺳﻤﻌﺖ ﺍﺻﻮﺍﺕ ﺍﻟﻬﻮﺭﻧﺎﺕ ﺍﻟﺴﻴﺎﺭﺕ ﻭﺍﻟﺮﺟﺎﻝ ﻭﻫﻮﺳﺎﺗﻬﻢ
ﻳﻢ ﺑﺎﺏ ﺑﻴﺖ ﻣﺮﻭﺓ
ﻛﻠﺒﻲ ﺍﻧﺘﻔﺾ ﻭﺻﺎﺭ ﻳﺮﻋﺪ ﻣﻦ ﻣﻜﺎﻧﻪ
ﺩﺧﻞ ﺣﻴﺪﺭ ﺑﻜﻞ ﻫﻴﺒﺔ ﻭﻭﻗﺎﺭ ﺟﺎﻥ ﻻﺑﺲ ﻗﺎﻁ ﺍﺳﻮﺩ
ﻭﺩﺧﻠﺖ ﻭﻳﺎﻩ . ﻛﻢ ﻭﺣﺪﺓ ﻣﻦ ﻗﺮﺍﻳﺒﻬﻢ
ﻭﺳﺮﻯ ﻭﺯﻭﺟﺔ ﺍﺧﻮﻩ ﻭﺍﺧﺘﻪ . ﺑﺪﻭﺍ ﻳﻬﻠﻬﻠﻮﻥ
ﻭﻛﻌﺪﻭﺍ ﻳﻬﻮﺳﻮﻥ ﻟﺤﻴﺪﺭ ﻓﺮﺣﺎﻧﺎﺕ
ﻛﻌﺪ ﻳﻤﻲ ﻭﻗﺮﺏ ﺭﺍﺳﻪ ﻳﻢ ﺍﺫﻧﻲ ﻭﺣﺠﺔ ﺑﺼﻮﺕ ﻧﺎﺻﻲ
ﺣﻴﺪﺭ .. ﻣﺒﺮﻭﻙ ﻳﺎ ﻧﺒﻌﺔ ﺭﻳﺤﺎﻥ ﻣﺰﺭﻭﻋﺔ ﺑﻜﻠﺐ ﺣﻴﺪﺭ
ﻫﻤﺴﺖ ﺑﺨﺠﻞ .. ﺍﻟﻠﻪ ﻳﺒﺎﺭﻙ ﺑﻴﻚ
ﻳﺎﺣﻴﺪﺭﺓ ﮔﻠﺐ ﺷﻴﻤﺎﺀ
ﺍﺑﺘﺴﻢ
ﻟﺰﻡ ﻛﻒ ﺍﻳﺪﻱ ﻭﺷﺒﻚ ﺍﺻﺎﺑﻊ ﺍﻳﺪﻳﻪ ﺑﻴﻦ ﺍﺻﺎﺑﻊ ﺍﻳﺪﻳﺔ
ﺍﺑﺘﺴﻤﺖ ﻣﺮﺗﺒﻜﺔ ﻭﺭﻓﻌﺖ ﺭﺍﺳﻲ ﺍﺩﻭﺭ ﺑﻌﻴﻮﻧﻲ ﻋﻠﻰ ﺧﻮﺍﺗﻲ
ﻣﺜﻞ ﺍﻟﻀﺎﻳﻌﺔ ﻭﺍﺭﻳﺪﻫﻢ ﻳﻤﻲ ﻗﺮﻳﺒﺎﺕ ﻋﻠﻴﺔ
ﺑﻬﺎﻱ ﺍﻟﻠﺤﻈﺎﺕ
ﺑﺎﻭﻋﺖ ﻟﻤﺮﻳﻢ ﺍﻟﻲ ﺟﺎﻧﺖ ﻗﺒﻞ ﺷﻮﻳﺔ ﺗﺪﺍﺭﻱ ﺑﺪﻣﻮﻋﻬﺎ
ﺟﺎﻧﺖ ﺗﺒﺠﻲ ﻣﻨﻬﺎﺭﺓ ﻣﺜﻞ ﺍﻟﻄﻔﻠﺔ ﺍﻟﻲ ﺭﺍﺡ ﻳﺎﺧﺬﻭﻥ ﺍﻣﻬﺎ ﻣﻨﻬﺎ . ﺟﺎﻧﺖ ﻫﺪﻯ ﺣﺎﺿﻨﺘﻬﺎ ﻭﺗﻮﺍﺳﻲ ﺑﻴﻬﺎ ﻭﻫﻢ ﺗﺒﺠﻲ ﻣﺜﻠﻬﺎ ﻣﺮﻳﻢ ﻭﺿﺤﻰ . ﻻﺯﻣﺘﻬﺎ ﻣﻦ ﻛﺘﻔﻬﺎ ﻭﺗﺒﺠﻲ
ﺍﺍﺗﻤﻨﻴﺖ ﺍﻛﻮﻡ ﻭﺍﺭﻭﺡ ﻋﻠﻴﻬﻦ ﺍﻣﺴﺢ ﺩﻣﻮﻋﻬﻦ ﻣﺎ ﻳﻬﻠﻲ ﺍﺷﻮﻑ ﻳﺒﺠﻦ
ﻋﻴﻮﻧﻲ ﺑﻘﺖ ﺗﺤﻮﻡ ﻭﺗﺪﻭﺭ ﺑﻴﻦ ﺍﻟﻮﺟﻮﻩ
ﻭ ﻫﻨﺎﺍﺍﺍﻙ ﻭﺟﺎﻥ ﺍﺷﻮﻑ ﺳﺮ ﻗﻮﺗﻲ ﺑﺎﻟﺤﻴﺎﺓ
ﺍﺧﺘﻲ ﻣﺮﻭﺓ ﺟﺎﻧﺖ ﻭﺍﻛﻔﺔ . ﻋﻠﻰ ﺻﻔﺤﺔ ﺭﺍﻓﻌﺔ ﺭﺍﺳﻬﺎ ﺗﺒﺎﻭﻉ ﻋﻠﻴﺔ . ﻭﺍﻟﻌﻴﻮﻥ ﺟﺎﻣﺪﺓ ﺍﻟﻮﺣﻴﺪﺓ ﻣﻦ ﺧﻮﺍﺗﻲ . ﺟﺎﻧﺖ
ﻣﺤﺎﻓﻈﺔ ﻋﻠﻰ ﺗﻤﺎﺳﻜﻬﺎ
ﺟﺎﻧﺖ ﻻﺯﻣﺔ ﺑﻴﺪﻫﺎ ﻣﺸﻤﺶ ﺍﺟﺘﻲ ﻋﻴﻮﻧﻬﺎ ﺑﻌﻴﻮﻧﻲ
ﻧﻈﺮﺍﺗﻬﺎ . ﺑﻴﻬﻢ ﺭﺳﺎﻟﺔ ﻏﺮﻳﺒﺔ ﻳﻤﻜﻦ ﻟﻮ ﺍﻛﻮﻝ
ﻛﺎﻧﺖ ﻛﻔﻴﻠﺔ ﺑﺘﻔﺘﻴﺖ ﻛﻠﺒﻲ . ﻟﻘﻄﻊ ﺻﻐﻴﺮﺓ
ﺧﻠﺘﻨﻲ ﺍﻧﺪﻝ ﻣﻜﺎﻥ ﻛﻠﺒﻲ .
ﻣﻦ ﺍﻟﺴﻬﻞ ﺍﻥ ﺗﺒﻜﻲ ﻭﺗﻌﺒﺮ ﻋﻦ ﻣﺸﺎﻋﺮﻙ
ﻟﻜﻦ ﻛﻢ ﻫﻮ ﺻﻌﺐ ﺍﻥ ﺗﺤﺎﻭﻝ ﺍﻟﺘﺼﻨﻊ ﺑﺎﻟﻘﻮﺓ . ﻭﺍﻟﺘﻤﺎﺳﻚ
ﺍﻣﺎﻡ . ﻣﻦ ﺗﺤﺒﻬﻢ
...........
ﺷﻴﻤﺎﺀ
ﺑﻌﺪ ﺳﺎﻋﺎﺕ ﻣﺸﺤﻮﻧﺔ ﺑﺎﻟﺘﻮﺗﺮ ﺣﺎﻧﺖ ﻟﺤﻈﺔ ﺍﻟﻠﻘﺎﺀ
ﺑﻌﺪﻣﺎ ﺯﻓﻮﻧﺎ ﻟﻠﻔﻨﺪﻕ . ﺭﺑﺎﺏ ﻭﺿﺤﻰ
ﺩﺧﻠﻮﺍ ﻭﻳﺎﻳﺔ ﻟﻠﻐﺮﻓﺔ . ﻭﺳﺎﻋﺪﻭﻧﻲ ﺍﻧﺰﻉ ﺍﻟﺒﺪﻟﺔ ﺣﺘﻰ ﻳﺎﺧﺬﻭﻧﻬﺎ ﻭﻳﺎﻫﻢ . ﺍﺭﻳﺪ ﺍﺩﺧﻞ ﻟﻠﺤﻤﺎﻡ ﻭﺿﺤﻰ ﺍﻧﻄﺘﻨﻲ
ﺛﻮﺏ ﺍﺑﻴﺾ ﺧﻔﻴﻒ ﻭﻭﻳﺎﻩ ﺭﻭﺏ ﻣﺎﻟﺘﻪ
ﺿﺤﻰ .. ﺷﻮﻣﺔ ﺣﺒﻴﺒﺘﻲ ﺳﺒﺤﻲ ﺑﻤﺎﻱ ﺩﺍﻓﻲ ﺣﺘﻰ ﻳﺴﺎﻋﺪﺝ ﻋﺎﻻﺳﺘﺮﺧﺎﺀ
ﺭﺑﺎﺏ .. ﻫﺎ ﻭﻻ ﺗﻨﺴﻴﻦ ﺣﻄﻴﺘﻠﺞ ﺍﻟﻐﺴﻮﻝ ﻭﺍﻟﻤﻨﺎﺷﻒ
ﺑﺎﻟﺠﻨﻄﺔ
ﺑﺎﻭﻋﺖ ﻟﻀﺤﻰ ﻃﻠﻌﺖ ﺷﺮﺷﻒ ﺍﺑﻴﺾ ﻭﻓﺮﺷﺘﻪ ﻋﺎﻟﺴﺮﻳﺮ
ﺭﺑﺎﺏ ﺗﻔﺘﺢ ﺑﺘﺴﺮﻳﺤﺘﻲ ﻭﺳﺄﻟﺖ ﺿﺤﻰ ﻣﺴﺘﻐﺮﺑﺔ
.. ﻫﺎﻱ ﺷﻨﻮ ﺩﺗﺴﻮﻳﻦ
ﺿﺤﻰ .. ﺍﻓﺮﺷﻠﻬﻢ ﻓﺮﺷﺔ ﻣﺎ ﻣﺪﺷﻨﺔ ﺍﻧﻈﻒ ﻭﺍﺣﺴﻦ
ﺟﺎﻧﺖ ﺿﺤﻰ ﺗﺤﺠﻲ ﺑﺼﻔﺤﺔ ﻭﺭﺑﺎﺏ ﺑﺼﻔﺤﺔ ﻣﻨﺎ ﺍﻟﻰ ﺍﻥ
ﺧﻠﺼﻮﺍ ﺷﻐﻼﺗﻬﻢ ﺍﻧﻲ ﺩﺧﻠﺖ ﺍﻟﺤﻤﺎﻡ ﻭﺳﺒﺤﺖ ﻭﺑﺪﻟﺖ
ﻟﻜﻴﺘﻬﻢ ﻃﺎﻟﻌﺎﺕ .
ﺣﺴﻴﺖ ﺑﺎﻟﻬﺪﻭﺀ ﻭﺍﻟﺴﻜﻴﻨﺔ . ﺟﺎﻥ ﺣﻴﺪﺭ ﺣﺎﺟﺰ ﺳﻮﻳﺖ
ﻛﺎﻣﻞ
ﺑﻌﺪ ﻳﻮﻡ ﻃﻮﻳﻞ ﻣﺤﻤﻞ ﺑﺎﻟﻤﺸﺎﻋﺮ ﺍﻟﻤﺨﺘﻠﻄﺔ
ﻭﺍﻟﻘﻴﺎﻡ ﺑﻤﺮﺍﺳﻴﻢ ﺍﻟﺰﻭﺍﺝ ﻣﻦ ﺻﺎﻟﻮﻥ ﻭﺑﺪﻟﺔ ﻭﺗﺼﻮﻳﺮ
ﻭﻣﻌﺎﺯﻳﻢ ﻭﺯﻓﺔ ﻭﺍﻧﺘﻈﺎﺭ ﻭﺗﺮﻗﺐ ﻛﻞ ﻫﺎﻱ ﺍﻻﻣﻮﺭ
ﻭﻟﺪﺕ ﺿﻐﻂ ﻋﻠﻴﺔ .
ﻓﻌﻼ ﺍﻟﺤﻤﺎﻡ ﺍﻟﺪﺍﻓﻲ ﺟﺎﻥ ﻟﻪ ﺩﻭﺭ ﺑﺘﺨﻔﻴﻒ ﺍﻟﺘﻮﺗﺮ
ﺟﻨﺖ ﻭﺍﻛﻔﺔ ﻛﺪﺍﻡ ﺍﻟﻤﺮﺍﻳﺎ ﺍﻋﺪﻝ ﺑﺸﻌﺮﻱ
ﻫﻤﺰﻳﻦ ﺍﻟﺒﻨﺎﺕ ﺳﺎﻋﺪﻭﻧﻲ ﺑﻔﺘﺢ ﺍﻟﺘﺴﺮﻳﺤﺔ
ﻭﺍﻻ ﺟﺎﻥ ﺍﻧﺤﺠﺖ ﺣﺠﺎﻳﺘﻲ
ﻟﻮ ﻋﺎﻳﻔﻴﻨﻲ ﻟﻮﺣﺪﻱ ﺟﺎﻥ ﻣﻮ ﺑﻌﻴﺪ ﺍﻃﻠﺐ ﻣﻦ ﺣﻴﺪﺭ
ﻳﻜﻌﺪ ﻳﺤﻞ ﻭﻳﺎﻱ ﺍﻟﻠﻐﺰ ﺍﻟﻤﺘﺸﺎﺑﻚ ﺑﺸﻌﺮﻱ ﺍﻟﻤﺴﻤﻰ ﺗﺴﺮﻳﺤﺔ
ﺩﺧﻞ ﺣﻴﺪﺭ ﻟﻠﻐﺮﻓﺔ
ﻭﺟﺎﻥ ﻧﺎﺯﻉ ﺍﻟﺴﺘﺮﺓ ﻭﺍﻟﺮﺑﺎﻁ ﺍﺗﻮﻗﻒ ﺑﻤﻜﺎﻧﻪ
ﻭﺑﺎﻭﻋﻠﻲ ﺑﻨﻈﺮﺍﺕ . ﻛﻠﻬﺎ ﻟﻬﻔﺔ ﻭﺭﺿﻰ
ﺣﻴﺪﺭ .. ﻫﺎ ﺳﺒﺤﺘﻲ
.. ﺍﻱ ﺳﺒﺤﺖ
.. ﻟﻴﺶ ﻣﺎ ﺍﻧﺘﻈﺮﺗﻴﻨﻲ
ﺍﺗﺴﻌﺖ ﻋﻴﻮﻧﻲ ﻭﺍﻟﺨﺪﻭﺩ ﺻﺨﻨﺖ
.. ﻫﺎ ﺣﻴﺪﺭ ﺍﻧﻲ ﺷﻨﻮ ﻛﻠﺖ
ﺣﻴﺪﺭ ﺑﻀﺤﻜﺔ .. ﻟﺘﺨﺎﻓﻴﻦ ﺟﻨﺖ ﺍﺗﺸﺎﻗﺔ
ﺑﺲ ﺧﻠﻲ ﺑﺒﺎﻟﺞ . ﺍﻧﺎ ﻧﺎﻭﻱ ﻭﺣﺎﻟﻒ
ﺍﺟﺮﺏ ﻛﻠﺸﻲ ﻭﻳﺎﺝ ﻭﻣﺎ ﺍﺧﻠﻲ ﺷﻲ ﺑﻨﻔﺴﻲ
ﻓﻌﻔﻴﺔ ﺣﺒﺎﺑﺔ ﻣﻦ ﻫﺴﺔ ﺍﺭﻳﺪ ﺗﺘﻌﻮﺩﻳﻦ ﻋﻠﻴﺔ
ﻣﻮ ﻛﻞ ﺷﻮﻳﺔ ﻭﻛﺎﻣﺰﺗﻠﻲ ﻭﺗﻜﻮﻟﻴﻦ ﻫﺎ ﺣﻴﺪﺭ ﺷﻨﻮ ﻛﻠﻨﺎ
ﺟﺎﻥ ﻳﺤﺠﻲ ﻭﻳﺘﻨﻘﻞ ﺑﺎﻟﻐﺮﻓﺔ ﻃﻠﻌﻠﻪ ﻣﻼﺑﺲ
ﻭﻓﺘﺢ ﺩﻛﻢ ﺍﻟﻘﻤﻴﺺ ﻭﺷﻤﺮﻩ ﻋﺎﻟﺴﺮﻳﺮ ﻭﻋﻴﻮﻧﻪ ﻋﻠﻴﺔ ﻭﺍﻧﻲ ﺍﺭﺍﻗﺒﻪ
.. ﺍﻧﺎ ﺩﺍﺧﻞ ﺍﺳﺒﺢ ﺗﺮﺩﻳﻦ ﺗﻔﻮﺗﻴﻦ ﻭﻳﺎﻱ
ﺍﺑﺘﺴﻤﺖ ﻭﺩﻧﻜﺖ .. ﻻ ﺷﻜﺮﺍ ﺍﺧﺬ ﺭﺍﺣﺘﻚ
ﺿﺤﻚ .. ﺷﻔﺘﻲ ﺍﻧﺎ ﺷﻠﻮﻥ ﺣﺒﺎﺏ ﻭﺍﻓﻜﺮ ﺑﻴﺞ
ﺧﺎﻑ ﺗﺒﻘﻴﻦ ﻟﻮﺣﺪﺝ
.. ﻭﺍﻟﻠﻪ ﺍﻟﻲ ﻳﺸﻮﻑ ﻧﻈﺮﺍﺕ ﻋﻴﻮﻧﻚ ﻣﻴﻜﻮﻝ ﺣﺒﺎﺏ
ﻻﻥ ﻧﻈﺮﺍﺗﻚ ﺑﻌﻴﺪﺍﺕ ﻛﻞ ﺍﻟﺒﻌﺪ ﻋﻦ ﺍﻟﺤﺒﺎﺏ ﺍﺑﻮ ﺍﻟﻨﻴﺔ ﺍﻟﺼﺎﻓﻴﺔ
.. ﺍﻣﻮﺕ ﻋﻠﻰ ﺍﻟﻴﻔﻬﻤﻨﻲ
ﺿﺤﻚ ﻭﺩﺧﻞ ﻟﻠﺤﻤﺎﻡ ﻭﻛﻠﻲ ﻣﺎ ﺭﺍﺡ ﺍﺗﺄﺧﺮ ﺍﻧﺘﻈﺮﻳﻨﻲ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﺍﺿﺤﻚ ﻋﻠﻰ ﻛﻼﻣﻪ ﻭﻳﺎﻳﺔ
ﺭﺣﺖ ﻟﻠﺼﺎﻟﺔ
.....
ﺟﺎﻥ ﺍﻛﻮ ﻃﺒﻠﺔ ﺑﺰﻭﺍﻳﺔ ﺍﻟﺼﺎﻟﺔ ﻭﻛﺮﺳﻴﻴﻦ
ﻭﺟﺎﻧﺖ ﺻﻴﻨﻴﺔ ﺩﺍﺋﺮﻳﺔ ﺑﻴﻬﺎ ﺍﻛﻞ ﻣﻐﻄﻴﻬﺎ
ﺭﺣﺖ ﻛﻌﺪﺕ ﻋﺎﻟﻜﺮﺳﻲ ﻭﺻﺮﺕ
ﺍﻛﺸﻒ ﺍﻟﺼﺤﻮﻥ ﺟﺎﻥ ﻋﺸﺎ ﻋﺮﺳﺎﻥ ﺩﺳﻢ
ﻗﻮﺯﻱ ﻋﻠﻰ ﺗﻤﻦ ﻭﻟﺒﻦ ﻭﺳﻠﻄﺎﺕ ﺑﺄﻧﻮﺍﻋﻬﺎ ﻭﺑﻴﺒﺴﻲ
ﺩﻧﻜﺖ ﺍﺷﻢ ﺭﻳﺤﺔ ﺍﻻﻛﻞ ﺍﻟﺰﻛﻴﺔ
.. ﻫﺬﺍ . ﻣﻦ ﻃﺒﺨﻨﺎ . ﺍﻧﻲ ﺍﻟﻴﻮﻡ
ﺫﺑﺤﺖ ﻭﺟﺒﻨﺎ ﻃﺒﺎﺥ ﻣﻌﺪﻝ ﻭﻃﺒﺨﻨﺎ . ﻟﻠﻤﻌﺎﺯﻳﻢ ﻋﺎﺯﻣﻴﻬﻢ ﻋﻠﻰ ﺍﻟﻌﺸﺎ
ﺍﺧﻮﻱ ﻛﺎﻝ ﻧﺰﻓﻚ ﺍﻧﺖ ﻭﻣﺮﺗﻚ ﻭﺑﻌﺪﻳﻦ ﻧﻌﺸﻲ ﺍﻟﻤﻌﺎﺯﻳﻢ
ﻣﻦ ﻧﺮﺟﻊ ﺍﻧﺎ ﻭﻭﻟﺪﻱ ﻭﻭﻟﺪ ﻋﻤﻚ
ﺑﺎﻟﺤﻘﻴﻘﺔ ﻣﻌﺎﺭﻓﻨﺎ ﻫﻮﺍﻱ . ﻭﺯﺣﻤﺔ ﻣﺎ ﺍﺳﻮﻳﻠﻬﻢ ﻋﺸﺎ
ﻓﻬﺴﺔ ﻫﻮ ﺩﺍﺯﻟﻨﺎ ﻋﺸﺎ ﺑﻴﺪ ﺍﺑﻨﻪ . ﺣﺴﻴﻦ
ﻫﻮ ﺟﺎﻥ ﻳﺤﺠﻲ ﻭﺍﻧﻲ ﺍﺑﺎﻭﻉ ﻋﻠﻴﻪ ﺟﺎﻥ ﻻﺑﺲ ﺩﺷﺪﺍﺷﺔ ﺑﻴﻀﺔ .
ﻻﻳﻜﺔ ﻋﻠﻴﻪ ﺍﺣﻠﻰ ﻣﻦ ﺍﻟﺰﻱ ﺍﻟﺮﺳﻤﻲ
ﺭﺟﻌﺖ ﺑﺎﻭﻋﺖ ﻟﻠﺼﻴﻨﻴﺔ
.. ﺍﻱ ﺑﺲ ﺧﻄﻴﺔ ﻟﻴﺶ ﻫﻴﺞ ﻣﻜﻠﻒ ﺭﻭﺣﻪ ﻭﺩﺍﺯ ﺍﻛﻞ ﻫﻮﺍﻱ
ﻋﺒﺎﻟﻚ ﺭﺍﺡ ﻳﻌﺸﻲ ﻣﻌﺴﻜﺮ ﻣﻮ ﺛﻨﻴﻦ ﻋﺮﺳﺎﻥ
ﺍﻗﺘﺮﺏ ﻭﻛﺎﻝ ﺗﻌﺎﻱ ﺧﻠﻲ ﻧﻨﺰﻝ ﺍﻟﺼﻴﻨﻴﺔ ﻭﻧﻜﻌﺪ ﻧﺎﻛﻞ ﺑﺎﻟﻜﺎﻉ .
ﻻﻥ ﻫﻴﺞ ﺍﻛﻞ ﻣﺎ ﻳﻨﻮﻛﻞ ﻋﺎﻟﻤﻴﺰ
ﻧﺰﻝ ﺍﻟﺼﻴﻨﻴﺔ ﻭﺍﻧﻲ ﻛﻌﺪﺕ ﺑﺎﻟﻜﺎﻉ ﻭﻛﻞ ﺷﻮﻳﺔ ﺍﺳﺪ
ﻓﺘﺤﺘﺔ ﺍﻟﺮﻭﺏ ﺍﻻﺑﻴﺾ ﻃﻮﻳﺖ ﺭﺟﻠﻴﺔ ﺗﺤﺘﻲ ﺣﺘﻰ ﺍﺳﻴﻄﺮ
ﻭﺣﻴﺪﺭ ﺍﺗﺮﺑﻊ ﻳﻤﻲ ﺑﺎﻟﻜﺎﻉ
ﻭﺷﻨﻒ ﺍﺭﺩﺍﻧﻪ
ﻭﻛﺎﻝ .. ﺑﺴﻢ ﺍﻟﻠﻪ
ﺷﺎﻝ ﺍﻟﻐﻄﺎ ﻋﻦ ﺍﻻﻛﻞ ﻭﺑﺪﺓ . ﻳﻔﺮﻁ ﺍﻟﻠﺤﻢ ﻋﺎﻟﺘﻤﻦ .
ﻭﻳﺤﻂ ﺑﻤﺎﻋﻮﻧﻲ ﻭﺍﻧﻲ ﻟﺰﻣﺖ ﺍﻟﺨﺎﺷﻮﻛﺔ
ﺍﻧﺘﺒﻬﺖ ﻋﻠﻴﻪ ﺑﺪﺓ ﻳﺎﻛﻞ ﺑﻴﺪﻩ
ﺑﺎﻭﻉ ﻋﻠﻴﺔ ﻭﻛﺎﻝ
.. ﺍﻟﻘﻮﺯﻱ ﺍﺣﻨﺎ ﻫﻨﺎﻙ ﺑﺎﻟﺴﻠﻒ ﻧﺴﻤﻴﻪ ﺍﻟﻤﻔﻄﺢ ﻧﺎﻛﻠﻪ ﺑﻴﺪﻧﺎ
ﻫﻴﺞ ﻃﺮﻳﻘﺘﻨﺎ ﺑﺎﻻﻛﻞ ﺟﺮﺑﻲ ﻭﺷﻮﻓﻲ ﺷﻠﻮﻥ ﺭﺍﺡ ﺗﺴﺘﻠﺬﻳﻦ
ﻻﻥ ﺍﻟﻤﻔﻄﺢ ﻣﺎ ﻳﻨﻔﻊ ﻳﻨﺄﻛﻞ ﺑﺎﻟﺨﺎﺷﻮﻛﺔ
ﺍﺑﺘﺴﻤﺖ ﻣﺘﻌﺠﺒﺔ .. ﻻ ﻳﺎﺑﺔ ﻭﻳﻦ ﺍﻋﺮﻑ ﺍﻛﻞ ﺑﻴﺪﻱ
ﺣﺘﻰ ﺗﺸﻮﻑ ﻧﺺ ﺍﻟﻠﻜﻤﺔ ﺑﺤﻠﻜﻲ ﻭﺍﻟﻨﺺ ﺍﻟﺒﺎﻗﻲ ﻭﺍﻛﻊ ﺑﺤﻀﻨﻲ
ﻭﺩﺍﻋﺘﻚ ﻣﺎ ﺍﺩﺑﺮﻫﺎ
.. ﺭﺍﻗﺒﻴﻨﻲ ﺷﻠﻮﻥ ﺍﻛﻞ ﺑﻴﺪﻱ ﻭﺳﻮﻱ ﻣﺜﻠﻲ
ﻗﺪﻡ ﺭﺍﺳﻪ ﻭﻣﺪ ﺍﻳﺪﻩ ﺟﺎﻧﺖ ﺍﻟﻄﺮﻳﻘﺔ ﺳﻠﺴﺔ ﻭﻣﺴﻴﻄﺮ
ﺟﺎﻣﻊ ﺍﻟﺨﻤﺲ ﺍﺻﺎﺑﻊ ﻣﻠﺘﻤﺎﺕ ﻋﻠﻰ ﻣﺴﻚ ﺍﻟﻠﻜﻤﺔ
ﺑﺪﻳﺖ ﺍﻛﻞ ﺑﺎﻟﺨﺎﺷﻮﻛﺔ ﻭﺍﻧﻲ ﺍﺭﺍﻗﺒﻪ
ﺑﺲ ﺑﺎﻟﺤﻘﻴﻘﺔ ﻃﺮﻳﻘﺔ ﺍﻛﻠﻪ ﺍﻏﺮﺗﻨﻲ ﻭﺣﺒﻴﺖ ﺍﺟﺮﺏ ﺍﻛﻞ ﻣﺜﻠﻪ
ﻋﻔﺖ ﺍﻟﺨﺎﺷﻮﻛﺔ . ﻭﻣﺪﻳﺖ ﺍﻳﺪﻱ ﻭﺻﺮﺕ ﺍﺗﺼﺎﺭﻉ ﺑﻴﺪﻱ
ﻭﻳﺔ ﺍﻟﻠﻜﻤﺔ ﺣﺘﻰ ﺍﺩﺑﺮﻫﺎ
ﺟﺎﻧﺖ ﻣﺤﺎﻭﻟﺔ ﺗﺼﻴﺐ ﻭﻣﺤﺎﻭﻟﺔ ﺗﺨﻴﺐ
ﻭﻛﻌﺪﺕ ﺍﻛﺮﺭ ﺍﻟﻤﺤﺎﻭﻻﺕ ﻟﺤﺪﻣﺎ ﺍﺗﻘﻨﺖ ﺍﻟﻄﺮﻳﻘﺔ
ﻭﺍﺑﺘﺴﻤﺖ ﺑﻨﺼﺮ ﻭﺑﺪﻳﺖ ﺍﻛﻞ ﻭﻏﻤﻀﺖ ﻋﻴﻮﻧﻲ
ﺣﺘﻰ ﺍﺗﺬﻭﻕ
.. ﺍﻣﻤﻤﻤﻤﻤﻤﻤﻤﻢ ﻭﺍﻟﻠﻪ . ﻋﻨﺪﻙ ﺣﻖ . ﺻﺪﻙ ﻃﻴﺐ
ﺭﻓﻌﺖ ﺭﺍﺳﻲ ﻭﺍﻧﻲ ﺍﺑﺘﺴﻢ ﺑﺎﻧﺘﺼﺎﺭ
ﻟﻜﻴﺖ ﺣﻴﺪﺭ ﻛﺎﻋﺪ ﻳﻤﻲ ﻭ ﻣﺘﺠﻲ ﻋﺎﻟﻨﻘﺔ ﺍﻟﻮﺭﺍﻩ ﻳﺒﺎﻭﻉ ﻋﻠﻴﺔ
ﺍﺭﺗﺒﻜﺖ ﻣﻦ ﻧﻈﺮﺍﺕ ﻋﻴﻮﻧﻪ
ﻭﺣﺠﻴﺖ ﺍﺿﻴﻊ ﺍﻻﺭﺗﺒﺎﻙ
.. ﺷﻜﻮ ﻟﻴﺶ ﺗﺒﺎﻭﻉ ﻋﻠﻴﺔ ﺷﻨﻮ ﻣﺎ ﺷﺎﻳﻒ ﻋﺮﻭﺳﺔ
ﺗﺎﻛﻞ ﻗﻮﺯﻱ ﺑﺄﻳﺪﻳﻬﺎ
ﺗﻘﺮﺏ ﻋﻠﻴﺔ ﻭﻛﺎﻝ .. ﻻ ﻭﺍﻟﻠﻪ ﻣﺎ ﺷﺎﻳﻒ ﻏﺰﺍﻟﺔ ﺗﺮﻓﺔ
ﺗﺎﻛﻞ ﺑﺄﻧﺎﻣﻠﻬﺎ .
ﻳﺤﺠﻲ ﻭﻋﻴﻮﻧﻪ ﺗﺮﻳﺪ ﺗﺎﻛﻠﻨﻲ
ﺍﺣﻠﻔﺞ ﺑﺎﻟﻠﻪ ﻣﺎ ﺗﺤﻨﻴﻦ ﻋﻠﻴﻨﺎ ﻭﺗﺄﻛﻠﻴﻨﻲ ﺑﺄﻳﺪﺝ
ﺍﺭﻳﺪ ﺍﺟﺮﺏ ﻃﻌﻢ ﺍﻻﻛﻞ ﺷﻠﻮﻥ ﻳﻜﻮﻥ ﻣﻦ ﺍﻳﺪﺝ
......
ﺿﺤﻜﺖ .. ﻫﻮ ﺍﻧﻲ ﻛﻮﺓ ﺩﺑﺮﺗﻬﺎ ﻭﻛﺪﺭﺕ ﺍﺍﻛﻞ ﻧﻔﺴﻲ
ﺑﻴﺪﻱ
.. ﺟﺮﺑﻲ ﻣﺎ ﺧﺴﺮﺍﻧﺔ . ﺷﻲ
ﻣﺪﻳﺖ ﺍﻳﺪﻱ
ﻭﻟﻤﻴﺖ ﺍﻟﻠﻜﻤﺔ ﺑﺄﺻﺎﺑﻊ ﺍﻳﺪﻳﺔ . ﻭﻗﺮﺑﺘﻬﺎ ﻋﻠﻴﻪ ﻭﻋﻴﻮﻧﻲ ﺑﻌﻴﻮﻧﻪ .
ﻗﺮﺏ ﺭﺍﺳﻪ ﻭﻓﺘﺢ ﺣﻠﻜﻪ ﻭﺍﻛﻞ ﺍﻟﻠﻜﻤﺔ . ﻭﻋﺾ
ﺻﺒﻌﻲ ﻭﻛﻤﺰﺕ .
ﻣﺼﺪﻭﻣﺔ .. ﻋﺒﺎﺗﻠﻚ ﺣﻴﺪﺭ ﻋﻀﻴﺖ ﺍﺻﺒﻌﻲ
ﺍﺑﺘﺴﻢ ﻭﻫﻮ ﻳﺒﺎﻭﻉ ﻋﻠﻴﺔ ﺑﻤﻜﺮ
.. ﺑﻌﺪﻧﺎ ﻣﺎ ﺳﻮﻳﻨﺎ ﺷﻲ ﻳﺎﺩﻭﺏ ﻛﻠﻨﺎ ﺑﺴﻢ ﺍﻟﻠﻪ
ﻫﺎﻱ ﻋﻀﺔ ﻃﺮﻑ ﺍﺻﺒﻊ ﻫﻴﺞ . ﻛﻤﺰﺗﻲ
ﺷﻠﻮﻥ ﺑﻴﺞ ﻳﺎﺣﻠﻮﺓ ﺑﺎﻟﺒﺎﻗﻲ
ﺍﻫﻮﻭ ﻫﺬﺍ ﻣﺎ ﻧﺎﻭﻱ ﻳﺴﻬﻞ ﻋﻠﻴﺔ ﺍﻻﻣﺮ
ﻧﻔﻀﺖ ﺍﻳﺪﻱ ﻣﻦ ﺍﻻﻛﻞ ﻣﺮﺗﺒﻜﺔ ﻭﻛﻤﺖ ﻣﻦ ﻣﻜﺎﻧﻲ
ﺑﺴﺮﻋﺔ ﻭﻫﻮ ﺍﺗﻔﺎﺟﻲﺀ
ﺭﻓﻊ ﺭﺍﺳﻪ ﻳﺒﺎﻭﻉ ﻋﻠﻴﺔ
.. ﻫﺎﻱ ﺷﻨﻮ ﻟﻴﺶ ﻛﻤﺘﻲ ﺑﻌﺪﺝ ﻣﺎ ﺍﺗﻌﺸﻴﺘﻲ
.. ﻻ ﺍﻟﺤﻤﺪﻟﻠﻪ ﺷﺒﻌﺖ
ﺭﺣﺖ ﺩﺧﻠﺖ ﻟﺤﻤﺎﻡ ﺍﻟﻐﺮﻓﺔ ﺣﺘﻰ ﺍﻏﺴﻞ ﺍﻳﺪﻱ
ﺍﺟﺔ ﻭﺭﺍﻱ ﻟﻠﺤﻤﺎﻡ ﻭﻛﺎﻝ
.. ﺍﺗﻮﺿﻲ ﻭﻳﺎﺝ ﺣﺘﻰ ﻧﺼﻠﻲ
ﺭﻛﻌﺘﻴﻦ ﺍﻟﺰﻭﺍﺝ
ﺍﺗﻮﺿﻴﺖ ﻭﻃﻠﻌﺖ ﻭﺭﺣﺖ ﻟﻜﻴﺖ ﻣﺤﺮﻡ ﻣﺎﻝ ﺻﻼﺓ
ﺣﺎﻃﺎﺗﻪ ﺍﻟﺒﻨﺎﺕ ﺍﻟﻲ ﺑﺎﻟﺠﻨﻄﺔ
ﻃﻠﻊ ﺣﻴﺪﺭ ﻣﻦ ﺍﻟﺤﻤﺎﻡ ﻣﺘﻮﺿﻲ
ﻭﺭﺓ ﻓﺘﺮﺓ ﺑﻌﺪﻣﺎ ﺧﻠﺼﻨﺎ ﺍﻟﺼﻼﺓ . ﻭﺷﺎﻓﻨﻲ ﺑﻌﺪﻧﻲ
ﺧﺎﻳﻔﺔ ﻭﻣﺮﺗﺒﻜﺔ ﻣﻨﻪ .
ﺍﻧﻄﺎﻧﻲ ﻓﺮﺻﺔ ﻭﻛﺎﻝ ﺗﻌﺎﻱ ﺧﻠﻲ ﻧﻜﻌﺪ ﺑﺎﻟﺼﺎﻟﺔ
ﻧﺸﻐﻞ ﺗﻠﻔﺰﻳﻮﻥ ﻭﻧﺒﺎﻭﻋﻠﻨﺎ ﻓﻠﻢ ﺍﻭ ﻧﺴﻮﻟﻒ
ﺍﻓﺘﻬﻤﺖ ﻋﻠﻴﻪ ﻳﺮﻳﺪ ﻳﻄﻤﻨﻲ
ﻭﺻﺪﻙ ﺷﻐﻠﻨﺎ ﺍﻟﺘﻠﻔﺰﻳﻮﻥ ﻭﻛﻌﺪﻧﺎ ﻧﺒﺎﻭﻉ
ﺻﺎﺩﻑ ﺍﻟﻔﻠﻢ ﺟﺎﻥ ﺭﻋﺐ ﺍﻭﻳﻠﻲ ﺷﻠﻮﻥ ﻋﻨﺪﻱ ﺣﻆ ﻳﺎﺭﺑﻲ
ﻫﻮ ﺍﻧﻲ ﻋﻠﻰ ﺍﻻﺳﺎﺱ ﻧﺎﻗﺼﺔ ﺭﻋﺐ
ﻭﻳﺠﻲ ﺍﻟﻔﻠﻢ ﺍﻻﺟﻨﺒﻲ ﻳﻜﻤﻠﻬﺎ ﻋﻠﻴﺔ
ﺟﺎﻥ ﺍﻟﻔﻠﻢ ﻋﺒﺎﺭﺓ ﻋﻦ ﺑﻨﻴﺔ ﺷﻌﺮﻫﺎ ﻃﻮﻳﻞ ﺍﺳﻮﺩ
ﻧﺎﺯﻝ ﻋﻠﻰ ﻭﺟﻬﻬﺎ ﻭﻛﻮﻟﺸﻲ ﻣﻤﺒﻴﻦ ﻣﻨﻬﺎ
ﻭﺗﻈﻬﺮ ﻟﻼﺑﻄﺎﻝ ﺑﻌﺪﺓ ﺻﻮﺭ
ﻣﺮﺓ ﺗﺰﺣﻒ ﺑﺎﻟﻜﺎﻉ ﻭﻣﺮﺓ ﺗﺰﺣﻒ ﻋﺎﻟﺪﺭﺝ
ﻭﻳﺼﺪﺭ ﻣﻨﻬﺎ ﺻﻮﺕ ﺷﻬﻜﺔ ﻃﻮﻳﻠﺔ ﻣﺨﻴﻔﺔ
ﺟﻨﺖ ﻣﺮﻛﺰﺓ ﻭﻳﺔ ﺍﻟﻔﻠﻢ ﻭﺍﻟﺒﻄﻠﺔ ﻭﺧﻮﻓﻬﺎ ﻟﺪﺭﺟﺔ
ﻛﻤﺰﺕ ﻣﻦ ﻣﻜﺎﻧﻲ ﺍﻭﻝ ﻣﺎ ﻇﻬﺮﺕ ﻓﺠﺎﺀﺓ ﺻﻮﺭﺗﻬﺎ ﻋﻠﻰ ﺍﻟﺸﺎﺷﺔ
ﻫﺎﻱ ﺍﻡ ﺷﻌﺮﺍﻻﺳﻮﺩ ﺍﻟﻤﺮﻋﺒﺔ
ﺍﺣﻠﻰ ﺷﻲ ﺑﺎﻟﻤﻮﺿﻮﻉ
ﺍﻧﻲ ﻣﻦ ﻛﻤﺰﺕ ﺣﻴﺪﺭ ﺣﻀﻨﻲ ﻭﻛﻌﺪ ﻳﻘﺮﺍ ﻋﻠﻴﺔ ﺍﻳﺎﺕ ﻭﻳﻜﻠﻲ
.. ﺍﺳﻢ ﺍﻟﻠﻪ .. ﺍﺳﻢ ﺍﻟﻠﻪ ﺷﺒﻴﺞ ﺧﻔﺘﻲ
ﻛﻤﺖ ﺍﺑﺠﻲ
ﺣﺠﺔ .. ﻫﺎ ﺧﻴﺮ ﻋﻠﻰ ﺷﻨﻮ ﺍﻟﺒﺠﻲ
.. ﻭﺍﻟﻠﻪ ﻫﻮﺍﻱ ﻋﻠﻴﺔ ﻫﻮ ﻛﺎﻓﻲ ﻋﻠﻴﺔ
ﺭﻋﺐ ﺍﻟﻠﻴﻠﺔ ﻭﺧﻮﻓﻲ ﻣﻨﻚ
ﻭﻓﻮﻛﺎﻫﺎ ﺣﺎﻃﻴﻠﻲ ﻓﻠﻢ ﺭﻋﺐ ﻳﺮﻳﺪﻭﻥ ﻳﺸﻠﻮﻧﻲ
ﻫﺴﺔ ﺣﺮﺕ ﺍﺧﺎﻑ ﻣﻨﻚ ﻟﻮ ﻣﻦ ﺍﻟﻔﻠﻢ
.. ﻋﻔﻮ ﻋﻠﻴﺞ ﺗﺨﺎﻓﻴﻦ ﻣﻨﻲ ﺍﻧﺎ ﺍﻣﺎﻧﺞ ﺷﻠﻮﻥ ﺗﺤﺠﻴﻦ ﻫﻴﺞ
ﺑﺎﻟﻠﻪ ﺷﻮ ﺗﻌﺎﻱ ﻛﻮﻣﻲ ﻧﺎﻣﻲ ﺍﻧﺘﻲ ﺷﻜﻠﺞ ﻣﻦ ﺍﻟﺘﻌﺐ
ﺍﻧﻬﺎﺭﻳﺘﻲ ﻭﻛﻤﺘﻲ ﻣﺘﻌﺮﻓﻴﻦ ﺷﺘﺤﺠﻴﻦ
ﻛﻮﻣﻨﻲ ﻭﻟﺰﻡ ﻛﻒ ﺍﻳﺪﻱ ﻭﻣﺸﻴﻨﺎ ﻟﻐﺮﻓﺘﻨﺎ
ﺟﻨﺖ ﺍﻣﺸﻲ ﻣﺘﺮﺩﺩﺓ
ﺑﺎﻭﻉ ﻋﻠﻴﺔ .. ﻟﺘﺨﺎﻓﻴﻦ ﺍﻟﻴﻮﻡ ﻣﺎ ﺭﺍﺡ ﺍﺳﻮﻳﻠﺞ ﺷﻲ
ﺭﺍﺡ ﺍﻋﺘﻘﺞ ﻓﻲ ﺳﺒﻴﻞ ﺍﻟﻠﻪ ﺑﺲ ﺍﻟﻴﻮﻡ
ﺍﺗﻨﻔﺴﺖ ﺑﻌﻤﻖ ﻣﺮﺗﺎﺣﺔ .
ﻭﺍﺗﻄﻤﻨﺖ ﺷﻮﻳﺔ ﻋﻠﻰ ﺍﻻﻗﻞ ﻣﺎ ﺍﺷﻴﻞ ﻫﻢ ﺫﻳﺞ ﺍﻟﻠﺤﻈﺔ
ﻣﻨﺎ ﻟﺒﺎﺟﺮ ﺑﻠﻜﻲ ﺍﻛﻮﻥ ﺷﻮﻳﺔ ﻣﺮﺗﺎﺣﺔ ﻭﻣﺴﺘﻌﺪﺓ
ﻃﻔﻰ ﺍﻟﻀﻮﺓ ﻭﺳﺪ ﺍﻟﺒﺎﺏ ﻭﺣﺠﺔ ﺑﺼﻮﺕ ﻧﺎﺻﻲ
.. ﺍﺧﺬﻱ ﺭﺍﺣﺘﺞ ﻭﻧﺎﻣﻲ
ﺑﺎﻭﻋﺖ ﻟﻠﻐﺮﻓﺔ ﺟﺎﻧﺖ ﻇﻠﻤﻪ ﻭﺑﻴﻬﺎ ﺿﻮﺓ ﺿﻌﻴﻒ ﻋﺎﺑﺮ ﻣﻦ ﺟﻮﺓ ﺍﻟﺒﺎﺏ ﻧﺰﻋﺖ ﺍﻟﺮﻭﺏ ﻭﺩﺧﻠﺖ ﺗﺤﺖ ﺍﻟﻐﻄﺎ
ﻭﺍﺗﻤﺪﺩﺕ ﻋﻠﻰ ﻃﺮﻑ ﺍﻟﺴﺮﻳﺮ
.....
ﺣﺴﻴﺖ ﻋﻠﻰ ﺣﺮﻛﺔ ﺑﻄﺮﻑ ﺍﻟﺴﺮﻳﺮ
ﻛﻌﺪ ﻋﻠﻴﻪ ﻭﺑﻌﺪﻫﺎ ﺍﺗﻤﺪﺩ
ﻭﺍﺗﻐﻄﺎ ﺟﻨﺖ ﺑﻌﺪﻧﻲ ﻣﺘﺸﻨﺠﺔ ﻭﻻﺯﻣﺔ ﻣﻜﺎﻧﻲ ﺣﺴﻴﺖ ﻋﻠﻰ ﺣﺮﻛﺘﻪ .
ﻭﻛﻤﺰﺕ ﻣﻦ ﻃﺮﻑ ﺭﺟﻠﻪ ﻃﺦ ﻃﺮﻑ ﺭﺟﻠﻲ ﺑﻌﺪﺕ ﺭﺟﻠﻲ ﻋﻨﻪ
ﺩﺍﺭ ﻋﻠﻴﺔ ﻭﻛﺎﻝ
.. ﺍﻧﺎ ﺟﻨﺖ ﺳﺎﻣﻊ ﻗﺒﻞ ﺑﻠﻴﻞ ﺍﻟﻌﺎﺷﻜﻴﻦ ﻃﻮﻳﻞ
ﺑﺲ ﻣﺎ ﺟﻨﺖ ﺍﻓﺘﻬﻢ ﺷﻨﻮ ﻣﻌﻨﺎﻩ
ﻫﺴﺔ ﻳﺎﻟﻠﻪ ﻋﺮﻓﺖ . ﺍﺛﺎﺭﻱ ﺍﻟﻌﺎﺷﻚ ﻳﻈﻞ ﻳﺘﻠﻮﻉ
ﻟﻮﺣﺪﻩ ﻋﻠﻤﻮﺩ ﻳﻮﺻﻞ ﻟﺤﻈﻦ ﻣﺤﺒﻮﺑﻪ
ﻫﻤﺴﺖ ﺑﺼﻮﺕ ﻳﺮﺟﻒ ﻭﺍﻟﻐﺮﻓﺔ ﻇﻠﻤﺔ
.. ﻫﺎ ﺣﻴﺪﺭ ﻭﻳﻦ ﺍﻟﻮﻋﺪ ﺍﻧﺖ ﻣﻮ ﻛﻠﺖ ﺍﻟﻴﻮﻡ ﺭﺍﺡ ﺍﺧﻠﻴﺞ ﺑﺮﺍﺣﺘﺞ
.. ﺍﻱ ﺻﺤﻴﺢ ﺍﻧﺎ ﻛﻠﺖ ﺍﻟﻴﻮﻡ ﺍﻋﻮﻓﺞ ﺑﺮﺍﺣﺘﺞ ﺑﺲ ﻣﺎ ﻛﻠﺖ
ﺑﻌﺪ ﻣﺎ ﺍﺣﺠﻲ ﻭﻳﺎﺝ ﻟﻮ ﺣﺘﻰ ﻫﺎﻱ ﻫﻢ ﻻﺯﻡ ﺗﺤﺮﻣﻴﻨﺎ ﻣﻨﻬﺎ
ﺍﺳﺘﺤﻴﺖ ﻣﻨﻪ ﺍﻟﻈﺎﻫﺮ ﺍﻧﻲ ﻛﻠﺶ ﻣﺼﺨﺘﻬﺎ
.. ﻫﺎ ﻻ ﻋﺎﺩﻱ ﺍﺣﺠﻲ ﺑﺮﺍﺣﺘﻚ
.. ﺗﻌﺎﻱ ﺧﻠﻲ ﺍﺳﻮﻟﻔﻠﺞ ﻋﻠﻰ ﺩﻳﺮﺗﻨﺎ ﻭﺍﻫﻠﻨﺎ
ﻛﻌﺪ ﻳﺴﻮﻟﻔﻠﻲ ﻋﻦ ﺣﻴﺎﺗﻪ ﻫﻨﺎﻙ ﻭﺷﻠﻮﻥ ﻫﻮ ﻭﺍﺧﻮﺍﻧﻪ ﻭﺍﻭﻻﺩ ﻋﻤﻪ
ﻣﻦ ﺟﺎﻧﻮﺍ ﺻﺒﻴﺎﻥ ﺷﻠﻮﻥ ﻣﻐﺎﻣﺮﺍﺗﻬﻢ
ﺟﺎﻥ ﺳﺎﻋﺔ ﻳﻔﺎﺟﺌﻨﻲ ﻭﺳﺎﻋﺔ ﻳﻀﺤﻜﻨﻲ ﺑﻤﻮﺍﻗﻔﻪ
ﺣﻴﺪﺭ .. ﻣﺮﺓ ﻣﻦ ﺍﻟﻤﺮﺍﺕ ﻭﺍﺣﻨﺎ ﺑﺎﻟﺒﺮ
ﺟﺎﻥ ﺟﺪﻱ ﺍﻟﻠﻪ ﻳﺮﺣﻤﻪ ﻳﺎﺧﺬﻧﺎ ﻭﻳﻌﻠﻤﻨﺎ ﺷﻠﻮﻥ ﻧﺴﺘﺨﺪﻡ ﺍﻟﺴﻼﺡ ﻭﻧﺮﻣﻲ ﺑﻲ .
ﺍﺗﺬﻛﺮ ﺍﻧﺎ ﺍﺻﻐﺮ ﻭﺍﺣﺪ ﺑﻴﻦ ﺍﺧﻮﺗﻲ ﻭﻭﻟﺪ ﻋﻤﻲ
ﻛﻠﻬﻢ ﺟﺎﻧﻮﺍ ﻳﻌﺮﻓﻮﻥ ﻳﻨﺸﻨﻮﻥ ﻋﻠﻰ ﺍﻟﻬﺪﻑ ﺍﻻ ﺍﻧﻲ
ﻭﻻ ﻣﺮﺓ ﺻﺒﺘﻪ
ﺟﻨﺖ ﻛﻠﻤﺎ ﺍﺭﺟﻊ ﺍﺧﻮﺗﻲ ﻳﻜﻮﻟﻮﻥ ﻷﻣﻲ ﺍﺧﻮﻧﺎ ﻣﺎ ﻓﻠﺢ
ﻣﺎ ﻳﻌﺮﻑ ﻳﻘﻨﺺ
ﻫﻲ ﺗﺒﺘﺴﻢ ﻭﺑﻮﺟﻬﻲ ﻭﺗﻜﻮﻝ
ﻻﺗﻀﻮﺝ ﺑﺎﺟﺮ ﺗﻌﺮﻑ ﺗﻘﻨﺺ
ﺑﻌﺪﻙ ﺻﻐﻴﺮ ﻣﻦ ﻳﻘﻮﻯ ﻋﻮﺩﻙ ﺭﺍﺡ . ﺗﻜﺪﺭ ﺗﻠﺰﻡ ﺍﻟﺒﻨﺪﻗﻴﺔ ﻭﺗﻨﻴﺸﻦ ﺻﺢ
ﺟﺎﻥ ﺟﺪﻱ ﺍﻟﻴﻔﺸﻞ ﺑﺎﻟﻘﻨﺺ
ﻳﺨﻠﻴﻪ ﻳﺮﻛﺾ ﻋﺎﻟﺼﻴﺪﺓ ﻭﻳﻦ ﻣﺎ ﺗﻮﻛﻊ ﻳﺮﻭﺡ ﻳﺠﻴﺒﻬﺎ ﻭﻳﺠﻲ
ﻭﻫﺎﻱ ﺍﻟﻤﻬﻤﺔ ﻛﻠﺶ ﺗﻌﻴﺴﺔ ﻳﻌﻨﻲ ﺍﺫﺍ ﻭﻛﻌﺖ ﺑﻮﺣﻞ
ﺍﺭﻭﺡ ﺍﺟﻴﺒﻬﺎ ﺑﺎﻟﻤﺎﻱ ﺑﺄﻱ ﻣﻜﺎﻥ ﺍﺭﻭﺡ ﺍﺟﻴﺒﻬﺎ ﻏﺼﺒﺎ ﻋﻨﻲ ﻭﺍﻧﺎ ﺍﻟﻤﻤﻨﻮﻥ
ﻟﻴﺶ ﻣﺎ ﻣﺮﺓ ﻣﻦ ﺍﻟﻤﺮﺍﺕ ﻭﺻﻠﻨﻲ ﺍﻟﺪﻭﺭ
ﺣﺘﻰ ﺍﻗﻨﺺ . ﺭﻓﻌﺖ ﺍﻟﺒﻨﺪﻗﻴﺔ ﻭﺟﺎﻧﻮﺍ ﺻﺎﻓﻴﻦ ﺑﻄﺎﻟﺔ ﻭﻗﻮﺍﻃﻲ ﻫﻨﺔ ﺍﻟﻬﺪﻑ
ﻟﻴﺶ ﻣﺎ ﺣﺎﻭﻟﺖ ﻭﺍﺧﺬﺕ ﻭﺿﻊ ﺍﻻﺳﺘﻌﺪﺍﺩ
ﻭﺳﻮﻳﺖ ﻛﻞ ﺍﻟﺨﻄﻮﺍﺕ ﺍﻟﻤﻄﻠﻮﺑﺔ
ﻭﻏﻤﻀﺖ ﻋﻴﻦ ﻭﺑﻘﻴﺖ ﺍﻋﺎﻳﻦ ﺑﺘﻚ ﻋﻴﻦ
ﻣﻦ ﺟﺎﻧﺐ ﺍﻟﺸﺎﻳﻞ ﺑﻴﻬﺎ ﺑﻨﺪﻗﻴﺔ ﺍﻟﺼﻴﺪ
ﺑﻠﻌﺖ ﺭﻳﻜﻲ ﻭﺭﻣﻴﺖ .
ﻭﺟﺎﻥ ﻧﺴﻤﻊ ﺻﻮﺕ ﺣﻴﻮﺍﻥ ﻛﺎﻡ ﻳﻌﻮﻱ
ﺷﻤﺮﺕ ﺍﻟﺒﻨﺪﻗﻴﺔ ﻭﺭﺣﻨﺎ ﺍﻧﺎ ﻭﺍﺧﻮﺗﻲ ﻭﻭﻟﺪ ﻋﻤﻲ ﻧﺮﻛﺾ ﺑﻴﻦ ﺍﻟﻜﺼﺐ
ﻧﺮﻳﺪ ﻧﺸﻮﻑ ﺷﻨﻮ ﻫﺬﺍ ﺍﻟﺼﻮﺕ
ﺍﻧﺎ ﺷﻐﻠﺖ ﺭﻭﺣﻲ ﺧﺎﻳﻒ ﻣﻦ ﺭﺯﺍﻟﺔ ﺟﺪﻱ
ﻻﻥ ﻣﺎ ﺩﺑﺮﺗﻬﺎ ﻣﺜﻞ ﻛﻞ ﻣﺮﺓ ﻭﻣﺎ ﺻﺒﺖ ﺍﻟﻬﺪﻑ .
ﺑﺲ ﺷﻜﻠﻲ ﻣﻦ ﺭﻣﻴﺖ ﺻﻮﺑﺖ ﺣﻴﻮﺍﻥ
ﻭﺟﺎﻥ ﻫﺬﺍ ﺍﻟﺤﻴﻮﺍﻥ ﺛﻌﻠﺐ ﻭﺻﺎﺩﻑ ﺟﺎﻥ ﺧﺎﻣﻄﻠﻪ ﻃﻴﺮﺓ
ﻣﻦ ﺍﻟﻲ ﺻﺪﻧﺎﻫﻢ
ﺍﺟﻴﻨﺎ ﻟﺠﺪﻱ ﻭﺑﻴﺪﻧﺎ ﺍﻟﺜﻌﻠﺐ ﺍﻟﺼﻮﺑﺘﻪ ﻭﺍﻟﻄﻴﺮﺓ ﺍﻟﻲ ﻟﺤﻜﻨﺎ ﻋﻠﻴﻬﺎ ﺯﻳﻦ ﻣﺎ ﺍﻛﻠﻬﺎ
ﺍﺑﻦ ﻋﻤﻲ ﺟﺎﻥ ﺗﻘﺮﻳﺒﺎً ﺑﻌﻤﺮﻱ . ﻭﺩﺍﺋﻤﺎ ﺍﻧﺎ ﻭﻳﺎﻩ ﻋﻠﻰ ﻣﻨﺎﻓﺴﺔ
ﻛﺎﻝ ﻟﺠﺪﻱ .. ﺟﺪﻱ ﺗﺮﺓ ﺣﻴﺪﺭ ﻣﺎ ﻧﻴﺸﻦ ﻋﻠﻰ ﺍﻟﻬﺪﻑ
ﻣﺎ ﺩﺑﺮﻫﺎ
ﺍﻧﺎ ﻛﻤﺖ ﻋﻠﻴﻪ ﻭﺑﺴﺮﻋﺔ ﻗﺒﻞ ﻻ ﻳﺤﺠﻲ ﺟﺪﻱ
ﻛﻠﺘﻠﻪ .. ﺍﻧﺎ ﺍﺟﻴﺖ ﺍﻧﻴﺸﻦ ﺑﺲ ﻣﻦ ﺷﻔﺖ ﺍﻟﺜﻌﻠﺐ ﻭﺷﺎﻳﻞ ﺍﻟﻄﻴﺮﺓ ﺑﺤﻜﻠﻪ
ﺗﺮﻛﺖ ﺍﻟﻬﺪﻑ ﻭﺭﻣﻴﺘﻪ
.....
ﺟﺪﻱ ﺑﺎﻭﻉ ﻋﻠﻴﺔ ﻣﺘﻌﺠﺐ ﻭﻛﺎﻝ
.. ﻭﺍﻟﻠﻪ ﻛﻔﻮ ﻳﺎﻟﺬﻳﺐ . ﻃﻠﻌﺖ ﻣﻮ ﻫﻴﻦ ﻳﺎﺣﻮﻳﺪﺭ
ﺍﺛﺎﺭﻳﻚ ﺳﺒﻊ ﻭﺍﻧﺎ ﻇﻠﻤﺘﻚ ﻳﺎﺑﻌﺪ ﺟﺪﻙ
ﺍﻟﺘﻔﺖ ﻋﻠﻰ ﺍﺧﻮﺗﻲ ﻭﺍﻭﻻﺩ ﻋﻤﻲ ﻭﻛﺎﻝ
ﺣﻮﻳﺪﺭ ﺍﺣﺴﻦ ﻭﺍﺣﺪ ﺑﻴﻜﻢ ﺑﺎﻟﻘﻨﺺ
ﻭﻣﻦ ﻳﻮﻣﻬﺎ ﺟﺪﻱ ﺍﻋﻠﻦ ﺍﻧﺎ ﺍﺣﺴﻦ ﻭﺍﺣﺪ ﺑﻴﻬﻢ ﺑﺎﻟﻘﻨﺺ
ﻭﻃﺒﻌﺎ ﻛﻠﻬﻢ ﺍﻋﺘﺮﺿﻮﺍ ﺷﻠﻮﻥ ﻭﻟﻴﺶ ﺣﻴﺪﺭ ﺍﺣﺴﻨﺎ
ﻛﻠﻠﻬﻢ ﺟﺪﻱ
.. ﻳﺎﺑﻌﺪ ﺟﺪﻛﻢ ﺗﺮﺓ ﺍﺧﻮﻛﻢ ﺻﻮﺏ ﺍﻟﺜﻌﻠﺐ ﻭﻫﻮ ﻳﺮﻛﺾ
ﻭﻫﺎﻱ ﻭﺣﺪﺓ ﻣﻦ ﺻﻔﺎﺕ ﺍﻟﺼﻴﺎﺩ ﺍﻟﻤﺎﻫﺮ
ﻻﻥ ﺍﻟﺘﺼﻮﻳﺐ ﻋﻠﻰ ﺍﻟﻬﺪﻑ ﺍﻟﻤﺘﺤﺮﻙ
ﻳﻜﻮﻥ ﺍﺻﻌﺐ ﺑﻬﻮﺍﻱ ﻣﻦ ﺍﻟﺘﺼﻮﻳﺐ ﻋﻠﻰ ﺍﻟﻬﺪﻑ ﺍﻟﺜﺎﺑﺖ ﺑﺎﻟﺼﻴﺪ
ﻭﺑﻴﻮﻣﻬﺎ ﻣﻦ ﺭﺟﻌﺖ ﻟﻠﺒﻴﺖ ﻭﺍﻣﻲ ﺳﻤﻌﺖ ﺑﺎﻟﺨﺒﺮ
ﺧﻄﻴﺔ ﻛﺎﻣﺖ ﺗﻬﻠﻬﻞ ﻭﻭﺯﻋﺖ ﺧﺒﺰ ﻭﺧﻀﺮﺓ
ﻋﺎﻟﺠﻮﺍﺭﻳﻦ ﻋﺒﺎﻟﻚ ﺣﺮﺭﺕ ﻓﻠﺴﻄﻴﻦ ﻣﻮ ﺻﺪﺕ ﺛﻌﻠﺐ
ﻫﻤﺔ ﻣﺎ ﻳﺪﺭﻭﻥ ﺍﻧﺎ ﻭﺍﻟﺜﻌﻠﺐ ﺟﻨﺎ ﺧﻮﺍﻥ ﺑﺎﻟﻤﻜﺮ
ﻃﺒﻌﻲ ﻣﺜﻞ ﻃﺒﻌﻪ . ﻛﺪﺭﺕ ﺍﻗﻨﻌﻬﻢ ﺍﻧﻄﻠﺖ ﻋﻠﻴﻬﻢ ﺍﻟﺤﻴﻠﺔ
ﺟﺎﻥ ﺣﻴﺪﺭ ﻳﺴﻮﻟﻒ ﻭﻳﻀﺤﻚ ﻭﺍﻧﻲ ﺍﺗﺨﻴﻞ ﺷﻜﻠﻪ ﻭﻫﻮ ﺻﺒﻲ
ﻭﺍﺿﺤﻚ ﻭﻳﺎﻩ
ﻫﻤﺴﺖ .. ﺻﺪﻙ ﺣﻴﺎﻝ
ﺣﻴﺪﺭ ﻫﻤﺲ ﻳﻢ ﺍﺫﻧﻲ .. ﻭﻋﻠﻰ ﻃﺎﺭﻱ ﺍﻟﺤﻴﻠﺔ . ﺩﺧﻴﻞ ﺭﺑﺞ
ﺷﻜﺪ ﺗﺮﻓﺔ
ﻋﺰﺯﺓ ﻫﺎﻱ ﺷﻨﻮ
ﺍﻧﺘﺒﻬﺖ ﻋﻠﻰ ﺭﻭﺣﻲ ﺍﻧﻲ ﻣﻠﻔﻮﻓﺔ ﺑﻴﻦ ﺫﺭﺍﻋﻪ ﻭﻧﺎﻳﻤﺔ ﺑﺤﻀﻨﻪ
ﻋﺰﺓ ﻫﺬﺍ ﺷﻮﻛﺖ ﺍﻗﺘﺮﺏ ﻣﻨﻲ . ﻭﺻﺮﺕ ﺑﺤﻀﻨﻪ
ﺍﺷﻮ ﻣﺎ ﺣﺴﻴﺖ ﻋﻠﻴﻪ
ﺍﺗﻮﺗﺮﺕ ﻭﻫﻤﺴﺖ ﺑﺨﻮﻑ .. ﻫﺎ ﺣﻴﺪﺭ ﻭﻳﻦ ﺍﻟﻮﻋﺪ
ﻣﻮ ﻛﻠﺖ ﺍﻟﻴﻮﻡ ﺍﺧﻠﻴﺞ ﺑﺮﺍﺣﺘﺞ
.. ﺍﻫﻮﻭﻭﻭ ﺍﻧﺖ ﺷﻜﺪ ﻓﻘﻴﺮﺓ ﺩﺧﻴﻞ ﺍﻟﻠﻪ ﻭﻋﻠﻰ ﻧﻴﺘﺞ
ﺷﻜﻠﺞ ﺑﻌﺪﺝ ﻣﺎ ﺗﻌﻠﻤﺘﻲ
ﺗﺮﺓ ﻭﺩﺍﻋﺘﺞ ﺣﻴﺪﺭ ﺍﻟﻲ ﺻﺎﺩ ﺍﻟﺜﻌﻠﺐ ﻭﻛﺪﺭ ﻳﻘﻨﻊ ﺟﺪﻩ
ﺑﺎﻟﺤﻴﻠﺔ . ﻫﻮ ﻧﻔﺴﻪ ﺣﻴﺪﺭ ﺍﻟﻨﺎﻳﻢ ﻳﻤﺞ ﻭﺍﻧﺘﻲ ﺑﻴﻦ ﺍﻳﺪﻳﻪ
ﺣﺠﻴﺖ ﺧﺎﻳﻔﺔ .. ﻳﻌﻨﻲ ﺷﻨﻮ ﺟﻨﺖ ﺗﺴﺘﺪﺭﺟﻨﻲ ﻭﺗﻀﺤﻚ ﻋﻠﻴﺔ
.. ﻣﺎ ﻋﺎﺵ ﺍﻟﻴﻀﺤﻚ ﻋﻠﻴﺞ
ﺑﺲ ﺟﻨﺖ ﻣﺴﻮﻳﻠﺞ ﻛﻤﻴﻦ ﺭﺩﺕ ﺍﺟﻴﺒﺞ ﻟﻠﺪﺭﺏ ﺑﺎﻟﺤﻴﻠﺔ
.. ﺣﻴﺪﺭ ﺻﺪﻙ ﺣﻴﺎﻝ ﻭﻣﺎﻟﻚ ﺍﻣﺎﻥ ﻭﺍﻟﻠﻪ ﺯﻋﻠﺘﻨﻲ ﻣﻨﻚ
.. ﻋﻔﻮ ﻋﻠﻴﺞ ﻛﻠﺸﻲ ﻭﻻ ﺯﻋﻠﺞ
ﺗﻌﺎﻟﻲ ﺍﺻﺎﻟﺤﺞ ﺧﻠﻴﻨﻲ ﺍﺣﺒﻨﺞ .
ﺣﺠﺎﻫﺎ ﺑﺼﻮﺕ ﻫﺎﻣﺲ ﻭﺧﺘﻢ ﻛﻼﻣﻪ ﻋﻠﻰ ﺷﻔﺎﻳﻔﻲ
ﻭﺑﻌﺪﻫﺎ ﺻﺎﺭ ﺍﻟﺜﻌﻠﺐ ﺣﻴﺪﺭ ﻳﻄﺒﻖ ﻛﻞ ﺍﻟﺤﻴﻞ
ﻋﻠﻴﺔ ﻭﺷﻮﻳﺔ . ﺷﻮﻳﺔ ﻟﺤﺪ ﻣﺎ ﺻﺎﺩﻧﻲ ﻭﻣﻠﻜﻨﻲ .
ﻭﻭﺷﻤﻨﻲ ﺑﺤﺒﻪ .
ﻭﺻﺮﺕ ﻣﺮﺗﻪ ﻗﻠﺒﺎً ﻭﻗﺎﻟﺒﺎً
ﻫﺪﻯ
ﻣﺮﺕ ﺍﻻﻳﺎﻡ ﻭﺻﺎﺭﺕ ﺍﻣﺘﺤﺎﻧﺎﺕ ﻣﺮﻳﻢ
ﻭﻫﺸﺎﻡ ﻛﻞ ﻳﻮﻡ ﻳﺠﻴﻨﻲ ﺟﺎﻳﺐ ﻣﺮﺷﺤﺎﺕ ﺍﻟﻤﻮﺍﺩ
ﻭﻳﻜﻮﻟﻲ .. ﻫﺬﻧﻲ ﺍﻟﻤﺮﺷﺤﺎﺕ ٣٠ﺑﺎﻟﻤﻴﺔ ﺭﺍﺡ ﻳﺠﻴﺒﻮﻥ ﻣﻨﻬﺎ
ﺑﺎﻻﻣﺘﺤﺎﻧﺎﺕ
ﺧﻄﻴﺔ ﻫﺸﺎﻡ ﺟﺎﻥ ﺷﺎﻳﻞ ﻫﻢ ﻣﺮﻳﻢ
ﻭﻣﺜﻞ ﻛﻞ ﻳﻮﻡ ﺍﺟﺎﻧﻲ ﻫﺸﺎﻡ ﻭﻛﻌﺪ ﻳﻜﻠﻲ ﻋﺎﻟﻤﺮﺷﺤﺎﺕ ﺣﺘﻰ ﺍﺭﺳﻠﻬﻢ
ﻟﻤﺮﻳﻢ . ﺟﻨﺖ ﺍﺷﺘﻐﻞ ﺑﺎﻟﻤﻄﺒﺦ ﻭﻫﻮ ﻳﻔﺘﺮ ﻓﻮﻙ ﺭﺍﺳﻲ
ﻭﺷﺎﻳﻞ ﺍﺳﻮ ﻭﻳﻬﺰ ﺑﻴﻬﺎ
ﺑﺎﻭﻋﺖ ﻋﻠﻴﻪ ﻭﺍﺗﺬﻛﺮﺕ ﺳﺆﺍﻝ ﻣﺮﻳﻢ ﻋﻨﻪ ﻭﺳﺎﻟﻔﺔ ﻣﺮﻭﺭﻩ ﻋﻠﻰ ﺍﻟﻤﺪﺭﺳﺔ
.. ﺍﻛﻮﻝ ﺍﺳﺘﺎﺫ ﻫﺸﺎﻡ ﺍﻧﺖ ﺷﻌﻨﺪﻙ ﻛﻞ ﻳﻮﻡ ﻏﺎﻳﺢ ( ﺭﺍﻳﺢ )
ﻓﺎﻳﺖ ﻣﻦ ﻳﻢ ﻣﺪﻏﺴﺔ ﻣﻐﻴﻢ ( ﻣﺪﺭﺳﺔ ﻣﺮﻳﻢ )
ﻫﺸﺎﻡ ﺿﺤﻚ ﻭﻛﺎﻝ
.. ﻋﻤﻲ ﻣﻮ ﻛﻠﻨﺎ ﺑﻄﻠﻨﺎ ﺗﻮﺑﺔ ﺑﻌﺪ ﻣﺎ ﻧﻌﻴﺪﻫﺎ
ﻣﻦ ﺫﺍﻙ ﺍﻟﻴﻮﻡ ﺭﺳﻠﺘﻴﻠﻲ ﺭﺳﺎﻟﺔ ﻋﺎﻟﻮﺍﺗﺴﺎﺏ ﺷﻄﻮﻟﻬﺎ
ﻭﺷﻌﺮﺿﻬﺎ
ﻭﺳﺄﻟﺘﻴﻨﻲ ﺑﻮﻛﺘﻬﺎ ﻭﺟﺎﻭﺑﺘﺞ ﻛﻠﺘﻠﺞ ﻭﺍﻟﻠﻪ ﻣﺎ ﺭﺍﻳﺪ . ﺷﻲ
ﻭﻻ ﻣﻔﻜﺮ ﺑﺸﻲ ﻏﻴﺮ ﺑﺲ ﺍﺗﻄﻤﻦ ﻋﻠﻰ ﻣﺮﻳﺘﻲ
ﻭﺧﻼﺹ ﻭﺩﺍﻋﺘﺞ ﺑﻌﺪ ﻣﺎ ﺭﺣﺖ
.....
ﻇﻠﻴﺖ ﻣﺼﻔﺼﻔﺔ ﻫﺬﺍ ﻳﺤﺠﻲ ﻋﻠﻰ ﺷﻨﻮ
ﺟﺎﻭﺑﺘﻪ ﺑﺪﻭﻥ ﻣﺎ ﺍﻓﺘﻬﻢ ﺷﻲ
.. ﺍﻱ ﻋﻔﻴﺔ ﻋﻠﻴﻚ ﺯﻳﻦ ﺗﺴﻮﻱ
ﻫﺸﺎﻡ .. ﺍﻱ ﺗﻌﺎﻱ ﺻﺪﻙ . ﺷﻨﻮ ﺣﻀﺮﺗﺞ ﺟﻨﺘﻲ ﺗﺴﺘﺨﻔﻴﻦ ﺩﻣﺞ
ﺷﻨﻮ ﻓﻠﻤﺞ ﺑﻴﻮﻡ ﺗﺪﺯﻳﻠﻲ ﺭﺳﺎﻟﺔ ﻭﺗﺴﺄﻟﻨﻲ
( ﻣﻨﻮ ﻗﺼﺪﻙ . ﻋﻦ ﺍﻱ ﻣﺮﺓ ﺩﺗﺤﺠﻲ )
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ﺣﺜﻴﺘﻪ ﺣﺘﻰ ﻳﻜﻤﻞ ﻛﻼﻣﻪ
.. ﺍﻱ ﻛﻤﻞ
.. ﺑﻌﺪ ﺷﻜﻤﻞ ﻣﺘﺬﻛﺮﻳﻦ ﻣﻦ ﺟﺎﻭﺑﺘﺞ ﻣﺴﺘﻐﺮﺏ ﻣﻦ ﺳﺆﺍﻟﺞ
ﻭﻛﻠﺘﻠﺞ ﻫﺪﻯ ﺷﻨﻮ ﺍﻟﺴﺎﻟﻔﺔ ﺍﻛﻮ ﻏﻴﺮﻫﺎ ﻣﺮﻳﻢ ﺍﺧﺘﺞ .
ﻭﺍﻧﺘﻲ ﻛﻤﺘﻲ ﺗﺴﺄﻟﻨﻲ ﺳﺆﺍﻝ ﺍﻏﺮﺏ ﻣﻦ ﺍﻟﺜﺎﻧﻲ
ﻛﺘﺒﺘﻴﻠﻲ ﺷﻨﻮ ﺷﻔﺖ ﺑﻴﻬﺎ ﻭﻟﻴﺶ ﺗﺤﺒﻬﺎ ﻭﺷﻤﻌﻨﺎ ﻫﻲ ﺑﺎﻟﺬﺍﺕ
ﻭﺍﻧﻲ ﺍﻛﻮﻝ ﻫﺎﻱ ﻫﺪﻯ ﺷﺒﻴﻬﺎ ﺳﺎﻣﻌﺔ ﺷﻲ
ﺑﺲ ﻫﻢ ﻛﻠﺖ ﺣﻘﺞ ﺍﻧﺘﻲ ﺍﺧﺘﻬﺎ ﻭﺍﻛﻴﺪ ﺗﺮﻳﺪﻳﻦ ﺗﻄﻤﻨﻴﻦ ﻋﻠﻴﻬﺎ
ﺍﻟﻤﻬﻢ ﺑﻄﻠﺖ ﻟﺨﺎﻃﺮﺝ ﻻﻥ ﻛﻠﺘﻴﻠﻲ . ﻣﺮﻳﻢ ﺯﻋﻼﻧﺔ
ﻭﺗﻜﻮﻝ ﺑﻌﺪ ﻻ ﻳﺠﻲ ﻟﻠﻤﺪﺭﺳﺔ ﻭﻳﻜﻌﺪ ﻳﺴﺘﻌﺮﺽ ﻛﺪﺍﻡ ﺍﻟﺒﻨﺎﺕ ﺻﺪﻳﻘﺎﺗﻬﺎ
ﺍﺑﻮ ﻋﻴﻮﻥ ﺯﺍﻳﻐﺔ
ﺷﻜﻠﻪ ﻣﺘﻮﻧﺲ ﻋﻠﻴﻬﻦ
ﻫﻮ ﻳﺤﺠﻲ ﻭﺍﻧﻲ ﺍﺗﺬﻛﺮﺕ ﻣﺮﻳﻢ ﻋﺰﺓ ﺑﻌﻴﻨﻬﺎ
ﺍﻟﻌﻮﺑﺔ ﺍﻧﺎ ﺍﻋﻠﻤﻬﺎ
ﻫﺸﺎﻡ .. ﻋﻠﻴﺞ ﺍﻟﻠﻪ ﻛﻠﺘﻴﻠﻬﺎ ﺟﻮﺍﺑﻲ ﺍﻟﻲ ﺭﺳﻠﺘﻪ ﻭﺣﻠﻔﺘﺞ ﺗﻜﻮﻟﻲ ﻟﻬﺎ
ﺑﻠﻌﺖ ﺭﻳﻜﻲ ﻭﺍﻧﻲ ﻛﻮﻟﺸﻲ ﻣﺎ ﻣﻔﺘﻬﻤﺔ ﺑﺲ ﻣﺘﺄﻛﺪﺓ ﻭﺭﺓ ﻫﺬﺍ
ﺍﻻﺷﻜﺎﻝ ﺍﻟﻲ ﺻﺎﺭ ﻣﺮﻳﻢ ﺍﺧﺘﻲ
ﺟﺎﻭﺑﺘﻪ
.. ﺑﺲ ﺫﻛﻐﻨﻲ ( ﺫﻛﺮﻧﻲ ) ﺍﻧﺖ ﺷﻨﻮ ﻛﺘﺒﺘﻠﻲ ﺑﻮﻛﺘﻬﺎ ﻻﻥ ﻭﺩﺍﻋﺘﻚ
ﺍﻧﻲ ﺫﺍﻛﻐﺘﻲ ﺻﺎﻳﻐﺔ ﺻﻔﻎ ( ﺫﺍﻛﺮﺗﻲ ﺻﺎﻳﺮﺓ ﺻﻔﺮ )
.. ﻛﺘﺒﺘﻠﺞ
ﻣﻮ ﻫﺸﺎﻡ ﺍﻟﻴﻠﻌﺐ ﻋﻠﻰ ﺑﻨﺎﺕ ﺍﻟﻌﺎﻟﻢ ﻭﻋﻴﻮﻧﻪ ﺯﺍﻳﻐﺔ
ﺧﻠﻲ ﺗﺤﺎﺳﺐ ﻋﻠﻰ ﺍﻟﺴﺎﻧﻬﺎ
ﻫﺎ ﻫﺴﺔ ﺍﺗﺬﻛﺮﺗﻲ
.. ﻫﺎ ﺍﻱ ﺍﺗﺬﻛﻐﺖ ( ﺍﺗﺬﻛﺮﺕ ) ﻫﺴﻪ ﺷﻠﻮﻥ ﻣﺎ ﺍﺗﺬﻛﻎ ( ﻣﺎﺍﺍﺗﺬﻛﺮ )
.. ﻋﻠﻴﺞ ﺍﻟﻠﻪ ﻭﺻﻠﺘﻴﻠﻬﺎ ﻫﺬﺍ ﺍﻟﺤﺠﻲ
.. ﺍﻱ ﺍﻛﻴﺪ ﻭﺻﻠﺘﻠﻬﺎ ﻫﺬﺍ ﺍﻟﺤﺠﻲ
.. ﺷﻨﻮ ﻛﺎﻟﺖ ﻣﻦ ﺳﻤﻌﺘﻪ
.. ﺑﻌﺪ ﺷﻨﻮ ﺗﻜﻮﻝ ﺑﻠﻌﺖ ﺍﻟﺴﺎﻧﻬﺎ ﻭﺳﻜﺘﺖ
ﺩﺧﻞ ﻗﺎﺳﻢ ﻟﻠﺒﻴﺖ ﻭﺟﺎﻥ ﻫﺴﺔ ﺟﺎﻱ ﻣﻦ ﺍﻟﺸﻐﻞ
ﺍﺳﻮ ﺑﺲ ﺷﺎﻓﺘﻪ ﺟﺎﻧﺖ ﺑﻴﺪ ﻫﺸﺎﻡ
ﻛﺒﻞ ﺑﺮﻃﻤﺖ ﺷﻔﺎﻳﻔﻬﺎ ﻭﻛﻌﺪﺕ ﺗﺸﺘﻜﻲ ﻻﺑﻮﻫﺎ
ﻗﺎﺳﻢ ﺍﺧﺬﻫﺎ ﻣﻦ ﻫﺸﺎﻡ ﻭﺣﻀﻨﻬﺎ
.. ﻫﺎ ﻭﻟﻚ ﺷﻤﺴﻮﻱ ﻟﺤﺒﻴﺒﺔ ﺍﺑﻮﻫﺎ
ﺷﻜﻠﻚ ﻣﺎ ﺍﺗﻮﺏ ﺍﻻ ﺍﺳﺤﻠﻚ ﻛﺪﺍﻣﻬﺎ
ﻭﻛﺎﻡ ﻗﺎﺳﻢ ﻳﺴﻮﻱ ﻧﻔﺴﻪ ﻳﻀﺮﺏ ﺑﻬﺸﺎﻡ
ﻭﻫﻲ ﺗﺒﺎﻭﻉ ﻋﻠﻴﻪ . ﻳﻀﺮﺏ ﺗﻤﺜﻴﻞ
ﻭﻫﻲ ﻣﺼﺪﻛﺔ ﺍﻟﺴﺎﻟﻔﺔ . ﺗﻤﺪ ﺍﻳﺪﻫﺎ ﺗﺸﺎﺭﻙ ﺍﺑﻮﻫﺎ .
ﻭﺗﻀﺮﺏ ﺑﺄﻳﺪﻫﺎ ﺍﻟﺼﻐﺎﺭ ﻋﻠﻰ ﻃﻬﺮ ﻫﺸﺎﻡ
ﻫﺸﺎﻡ .. ﺑﺴﻴﻄﺔ ﻭﻳﻦ ﺗﺮﺣﻴﻦ ﻣﻨﻲ ﺍﻧﺎ ﺍﻟﺞ
ﺍﺫﺍ ﻣﺎ ﺍﻛﻠﺞ ﺭﺍﺡ ﻭﺩﺧﻠﻮﺍ ﻫﻮ ﻭﻗﺎﺳﻢ ﻟﻠﻬﻮﻝ
ﻭﺍﻧﻲ ﺑﻘﻴﺖ ﺑﺎﻟﻤﻄﺒﺦ ﺍﻛﻤﻞ ﺷﻐﻠﻲ
ﺟﻨﺖ ﺍﺳﻮﻱ ﻛﺒﺎﺏ ﻋﺮﻭﻙ
ﻭﺩﺍﺛﺮﻡ ﺑﺎﻟﻤﻮﺍﺩ
ﺗﺮﻛﺖ ﺍﻟﺴﻜﻴﻨﺔ
ﻭ ﺳﺤﺒﺖ ﺍﻟﻨﻘﺎﻝ ﻭﺭﺣﺖ ﺩﺧﻠﺖ ﻋﺎﻟﻮﺍﺗﺴﺎﺏ
ﻭﺩﺧﻠﺖ ﻋﻠﻰ ﻣﺤﺎﺩﺛﺘﻲ ﻭﻳﺔ ﻫﺸﺎﻡ
ﻭﻃﺒﻌﺎ ﻣﺎ ﻟﻜﻴﺖ ﺍﻱ ﻛﻼﻡ ﻣﻦ ﻫﺬﺍ ﺍﻟﻲ ﻛﺎﻟﻪ
ﻻﻥ ﺍﻧﻲ ﻣﻜﺎﺗﺒﺘﻠﻪ ﻫﺬﺍ ﺍﻟﺸﻲ ﺍﻟﻲ ﻳﻜﻮﻟﻪ ﺍﻛﻴﺪ ﻫﺎﻱ ﻣﺮﻳﻢ
......
ﻭﺻﺎﺭﺕ ﻛﺪﺍﻣﻲ ﺻﻮﺭﺗﻬﺎ ﻣﻦ ﺭﺣﺖ ﺍﺑﺎﺕ ﻋﻨﺪﻫﻢ
ﻧﻘﺎﻟﻲ ﺟﺎﻥ ﻋﻨﺪﻫﺎ ﺗﻜﻠﺐ ﺑﻲ
ﺍﺑﺘﺴﻤﺖ ﻭﺍﻧﻲ ﺍﺗﺬﻛﺮ ﺳﺆﺍﻟﻬﺎ ﻭﺍﻫﺘﻤﺎﻣﻬﺎ
ﻭﺗﺒﻴﻦ ﻛﺪﺍﻣﻨﺎ ﻫﻲ ﻣﺎ ﻣﻬﺘﻤﺔ ﺑﻨﺖ ﺍﻟﻠﺬﻳﻦ .
ﻳﻌﻨﻲ ﻣﺮﻳﻢ ﻭﺍﻛﻌﺔ ﺑﺤﺐ ﻫﺸﺎﻡ . ﺧﻄﻴﺔ ﻭﺗﻐﺎﺭ ﻋﻠﻴﻪ ﻣﻦ
ﻋﻴﻮﻥ ﺍﻟﺒﻨﺎﺕ ﻫﻬﻬﻬﻬﻪ ﻭﺍﻟﻠﻪ ﺷﻠﻮﻥ ﺩﺍﺧﻠﺘﻠﻪ
ﻭﻟﻮ ﻫﻲ ﻫﺴﺔ ﺍﻛﻴﺪ ﺍﺭﺗﺎﺡ ﻛﻠﺒﻬﺎ ﺑﻌﺪﻣﺎ ﻗﺮﺕ ﺭﺳﺎﺋﻞ ﻫﺸﺎﻡ ﻭﻋﺮﻓﺖ ﺑﺤﺒﻪ
ﺧﻠﺼﺖ ﺍﻟﻜﺒﺎﺏ ﻭﻋﺠﻨﺘﻪ ﻭﺣﻄﻴﺘﻪ ﻋﻠﻰ ﺻﻔﺤﺔ ﻭﻏﺴﻠﺖ ﺍﻳﺪﻱ .
ﻣﺮ ﻣﻦ ﻳﻤﻲ ﻫﺸﺎﻡ ﻭﻃﻠﻊ ﻭﻗﺒﻞ ﻻ ﻳﻄﻠﻊ ﻛﺎﻝ
ﻣﻮ ﺗﻨﺴﻴﻦ ﺗﺮﺳﻠﻴﻦ ﺍﻟﻤﺮﺷﺤﺎﺕ ﻟﻤﺮﻳﻢ
.. ﺍﻱ ﺍﻥ ﺷﺎﺀ ﺍﻟﻠﻪ ﻣﺸﻜﻮﺭ ﻣﺎ ﺗﻘﺼﺮ
ﺍﺑﺘﺴﻢ ﻭﻛﺎﻝ .. ﻫﺬﺍ ﻭﺍﺟﺒﻲ
ﻃﻠﻊ ﻭﺳﺪ ﺍﻟﺒﺎﺏ ﻭﺭﺍﻩ
ﺭﺣﺖ ﺩﺧﻠﺖ ﻟﻠﻬﻮﻝ ﻟﻜﻴﺖ ﻫﺎﻟﺔ ﻭﺧﺎﻟﺔ ﻭﻗﺎﺳﻢ ﻭﻫﺪﻳﻞ
ﻛﺎﻋﺪﻳﻦ
ﻗﺎﺳﻢ ﺟﺎﻥ ﻳﺤﺠﻲ ﻭﻳﺔ ﺧﺎﻟﺔ
ﺭﺣﺖ ﻛﻌﺪﺕ ﻳﻢ ﻫﺎﻟﺔ ﺍﺳﻮ ﺟﺎﻧﺖ ﺗﺰﺣﻒ ﺑﺎﻟﻜﺎﻉ ﺑﺲ ﺷﺎﻓﺘﻨﻲ
ﺍﺟﺘﻲ ﺗﺰﺣﻒ ﺑﺴﺮﻋﺔ ﻋﻠﻴﺔ ﻋﺒﺎﻟﻚ ﻋﻨﺪﻫﺎ ﻟﻌﺒﺔ ﻣﻤﺼﺪﻛﺔ ﺗﺰﺣﻒ
ﻫﺎﻟﺔ ﺳﺄﻟﺘﻨﻲ ﻋﻠﻰ ﻣﺮﻳﻢ ﺷﻠﻮﻧﻬﺎ ﺑﺎﻻﻣﺘﺤﺎﻧﺎﺕ ﻭﺍﻧﻲ
ﻛﻠﺘﻠﻬﺎ ﻣﺮﻳﻮﻣﺔ ﺳﺒﺎﻋﻴﺔ ﻭﺗﻜﻮﻝ ﺍﻥ ﺷﺎﺀ ﺍﻟﻠﻪ ﻣﺠﺎﻭﺑﺔ
ﺑﻴﻦ ﻣﺎ ﺟﻨﺎ ﺩﻧﺤﺠﻲ
ﻟﻔﺖ ﺍﻧﺘﺒﺎﻫﻨﺎ ﻛﻼﻡ . ﻗﺎﺳﻢ ﻭﻳﺔ ﺧﺎﻟﺔ
ﻗﺎﺳﻢ .. ﺣﺠﻴﺔ ﺍﻟﻴﻮﻡ ﺑﺎﻟﺸﻐﻞ ﺍﺟﺔ ﻋﻠﻴﺔ ﻭﻟﺪ ﻫﻮ ﻭﺍﺑﻮﻩ ﻃﻠﺒﻮ ﺍﻳﺪ ﻫﺎﻟﺔ
ﺍﻡ ﻗﺎﺳﻢ .. ﻣﻨﻮ ﻫﺬﺍ ﺍﻟﻮﻟﺪ ﻧﻌﺮﻓﻪ ﻟﻮ ﻻ
ﻗﺎﺳﻢ ﺍﻟﺘﻔﺖ ﻋﻠﻰ ﻫﺎﻟﺔ ﻭﻛﺎﻝ .. ﻳﻜﻮﻝ ﺟﻨﺖ ﻃﺎﻟﺐ ﻭﻳﺔ ﻫﺎﻟﺔ ﺑﻨﻔﺲ ﺍﻟﻜﻠﻴﺔ
ﺍﻡ ﻗﺎﺳﻢ .. ﺍﻥ ﺷﺎﺀ ﺍﻟﻠﻪ ﺑﻴﻬﺎ ﺍﻟﺨﻴﺮ
ﻭﺍﻧﺖ ﺷﻨﻮ ﺭﺃﻳﻚ ﺑﺎﻟﻮﻟﺪ
ﺑﺎﻭﻋﺖ ﻟﻬﺎﻟﺔ ﻭﺟﻬﺔ ﻛﺎﻡ ﻳﻨﻄﻲ ﺍﻟﻮﺍﻥ
ﺻﺎﺭﺕ ﺍﻟﻌﻴﻮﻥ ﻛﻠﻬﺎ ﻋﻠﻴﻬﺎ
ﺧﻄﻴﺔ ﻫﻲ ﺍﺭﺗﺒﻜﺖ ﻭﺍﻧﺨﺒﺼﺖ ﻭﻛﺎﻣﺖ ﻣﻦ ﻣﻜﺎﻧﻬﺎ ﻭﺭﺍﺣﺖ
ﻭﺍﻧﻲ ﻛﻤﺖ ﺭﺣﺖ ﻭﺭﺍﻫﺎ
ﻣﺘﻔﺎﺟﺌﺔ ﻣﻦ ﻫﺬﺍ ﺍﻟﻜﻼﻡ
ﻟﻜﻴﺘﻬﺎ . ﺑﺎﻟﺤﺪﻳﻘﺔ ﻭﻛﺎﻋﺪﺓ ﺑﺎﻟﻤﺮﺟﻮﺣﺔ
ﺭﺣﺖ ﻛﻌﺪﺕ ﻳﻤﻬﺎ ﻭﺑﺤﻀﻨﻲ ﺍﺳﻮ
.. ﻫﺎﻟﺔ ﻋﻦ ﺍﻱ ﻭﻟﺪ ﻗﺎﺳﻢ ﺩﻳﻘﺼﺪ
ﻫﺎﻟﺔ ﺑﺼﻮﺕ ﻧﺎﺻﻲ .. ﺗﺘﺬﻛﺮﻳﻦ ﺍﻟﻮﻟﺪ ﺍﻟﻲ ﻭﻳﺎﺝ ﺑﺎﻟﻘﺴﻢ
ﺑﻴﻮﻡ ﺍﺟﺔ ﻭﺣﺠﺔ ﻭﻳﺎﻱ ﻭﻃﻠﺐ ﺍﻳﺪﻱ
.. ﺍﻱ ﺍﻋﻐﻔﻪ ( ﺍﻋﺮﻓﻪ ) ﺑﺲ ﺍﻧﺘﻲ ﺑﻮﻛﺘﻬﺎ ﻣﻮ ﻧﻬﻴﺘﻲ ﺍﻟﻤﻮﺿﻮﻉ
.. ﺍﻱ ﺑﺲ ﺭﺟﻊ ﻣﺮﺓ ﺛﺎﻧﻴﺔ ﻭﺣﺠﺔ ﻭﻳﺎﻱ ﺑﺎﻟﻤﻮﺿﻮﻉ
ﻣﻦ ﺭﺣﺖ ﺍﺳﺘﻠﻢ ﺍﻟﻨﺘﺎﺋﺞ ﻣﺎﻟﺘﺞ
ﻓﻜﺮﺕ ﺑﺎﻟﻤﻮﺿﻮﻉ ﻭﺷﻔﺖ ﻣﺎ ﻋﻨﺪﻱ ﺳﺒﺐ ﻳﺨﻠﻴﻨﻲ ﺍﺭﻓﻀﻪ
ﻟﺬﻟﻚ ﺟﺎﻭﺑﺘﻪ ﻭﻛﻠﺘﻠﻪ ﺍﻧﻲ ﻋﻨﻲ ﺍﻣﺮﻱ ﺑﻴﺪ ﺍﻫﻠﻲ
ﻭﺑﻴﻮﻣﻬﺎ ﻃﻠﺐ ﻣﻨﻲ ﻋﻨﻮﺍﻥ ﺑﻴﺘﻨﺎ ﻭﻋﻨﻮﺍﻥ ﺷﻐﻞ ﺍﺧﻮﻱ ﻗﺎﺳﻢ
ﻭﺍﻧﻲ ﺍﻧﻄﻴﺘﻪ ﻭﻋﻔﺘﻪ ﻭﺭﺣﺖ
ﺟﺎﻧﺖ ﺗﺤﺠﻲ ﺑﺪﻭﻥ ﺭﻭﺡ ﺑﺎﻫﺘﺔ
ﺳﺄﻟﺘﻬﺎ .. ﺯﻳﻦ ﻭﺣﺒﺞ ﻟﻌﺰﺍﻡ . ﻭﺍﺻﻐﺎﻏﺞ ( ﺍﺻﺮﺍﺭﺝ ) ﻋﻠﻴﻪ
.. ﻫﺪﻯ ﺧﻠﻴﻨﺎ ﺻﺮﻳﺤﻴﻦ ﺍﻧﺎ ﻭﺍﻧﺘﻲ ﻧﻌﺮﻑ ﻛﻠﺶ ﺯﻳﻦ
ﻋﺰﺍﻡ ﺍﻧﺘﻬﻰ ﺍﻣﺮﻩ
ﺧﺼﻮﺻﺎً . ﺑﻌﺪﻣﺎ ﺳﻤﻊ ﻛﻼﻣﻲ ﻭﻋﺮﻑ ﻣﺸﺎﻋﺮﻱ ﺍﺗﺠﺎﻫﻪ
ﺻﺎﺭ ﻛﻠﺸﻲ ﻭﺍﺿﺢ ﺟﺎﻥ ﺭﺩﻩ ﺍﻻﺑﺘﻌﺎﺩ ﻭﺍﻟﺘﻐﻠﻴﺲ
ﻋﺮﻓﺖ ﺑﻮﻛﺘﻬﺎ ﺍﻧﻲ ﻣﺎﻟﻲ ﻓﺮﺻﺔ ﺍﻛﻮﻥ
ﺯﻭﺟﺘﻪ ﺣﺘﻰ ﺍﻥ ﺟﺎﻥ ﻫﻮ ﺣﻠﻢ ﺣﻴﺎﺗﻲ
ﺑﺲ ﻣﻮ ﻣﻌﻨﺎﻫﺎ ﻫﻮ ﻻﺯﻡ
ﻳﺒﺎﺩﻟﻨﻲ ﺍﻟﻤﺸﺎﻋﺮ ﻭﺍﻛﻮﻥ ﺣﺒﻴﺒﺘﻪ
ﺧﻼﺹ ﺍﻧﻲ ﺍﺳﺘﺴﻠﻤﺖ ﻭﺭﺿﻴﺖ ﺑﺎﻻﻣﺮ ﺍﻟﻮﺍﻗﻊ
ﻭﻫﺬﺍ ﺍﻟﻮﻟﺪ ﺧﻮﺵ ﻭﻟﺪ ﻣﺎ ﻳﻨﺮﻓﺾ
......
ﺍﺑﺎﻭﻉ ﻋﻠﻴﻬﺎ ﺩﻣﻮﻋﻬﺎ ﻛﺎﻣﺖ ﺗﺮﻗﺮﻕ ﺑﻌﻴﻮﻧﻬﺎ
ﺍﻧﻘﻬﺮﺕ ﻋﻠﻴﻬﺎ ﺭﻓﻌﺖ ﻏﻄﺖ ﻭﺟﻬﻬﺎ ﺑﻜﻔﻮﻑ ﺍﻳﺪﻳﻬﺎ
ﻭﺷﻬﻜﺖ ﻭﻛﺎﻣﺖ ﺗﺒﺠﻲ ﻣﻦ ﻛﻞ ﻛﻠﺒﻬﺎ
ﻭﻫﻤﺴﺖ ﻣﻦ ﺑﻴﻦ ﺩﻣﻮﻋﻬﺎ
.. ﻟﺞ ﻫﺪﻯ ﺍﺣﺒﻪ ﻭﺍﻟﻠﻪ ﻣﻮ ﺑﻴﺪﻱ ﺍﻣﻮﺕ ﻋﻠﻴﻪ
ﻫﺴﺔ ﻟﻮ ﺍﻟﻮﺍﺣﺪ ﻳﻤﻠﻚ ﺍﻟﺴﻠﻄﺔ ﻋﻠﻰ ﻣﺸﺎﻋﺮﻩ ﻭﻳﺘﺤﻜﻢ ﺑﻴﻬﺎ
ﺟﺎﻥ ﻫﺴﻪ ﺍﻧﻲ ﺍﺳﻌﺪ ﺑﻨﻴﺔ ﻭﻻ ﻫﺬﺍ ﺍﻟﻘﻬﺮ ﻭﺍﻟﺬﻝ
ﻟﺰﻣﺖ ﺍﻳﺪﻳﻬﺎ ﻭﻧﺰﻟﺘﻬﺎ . ﻭﺑﺎﻭﻋﺖ ﺧﺪﻭﺩﻫﺎ ﻣﻠﻴﺎﻧﺔ ﺩﻣﻮﻉ
.. ﻛﺎﻓﻲ ﻫﺎﻟﺔ ﻟﺘﺒﺠﻴﻦ ﺍﻟﺨﻴﻎ ﻓﻲ ﻣﺎ ﺍﺧﺘﺎﻏﻪ ﺍﻟﻠﻪ ( ﺍﻟﺨﻴﺮ ﻓﻲ ﻣﺎ ﺍﺧﺘﺎﺭﻫﺎ ﺍﻟﻠﻪ )
ﺍﻧﺘﺒﻬﺖ ﻷﺳﻮ ﺑﻨﺘﻲ ﺑﺮﻃﻤﺖ ﺷﻔﺎﻳﻔﻬﺎ
ﻭﺗﺒﺎﻭﻉ ﻟﻬﺎﻟﺔ ﺷﻠﻮﻥ ﺗﺒﺠﻲ ﻭﻫﻲ ﻛﺎﻣﺖ ﺗﺒﺠﻲ
.. ﻟﺞ ﻫﺎﻟﺔ ﺍﺳﻮ ﻛﺎﻣﺖ ﺗﺒﺠﻲ ﻋﻠﻴﺞ ﺷﻠﻮﻥ ﻳﺎ ﺍﻟﻠﻪ
ﺟﻨﺖ ﺑﻮﺣﺪﺓ ﺻﻐﺖ ( ﺻﺮﺕ ) ﺑﺜﻨﻴﻦ ﻫﺴﺔ ﺍﺳﻜﺖ ﻣﻨﻮ ﺑﻴﻜﻢ
ﻫﺎﻟﺔ ﺗﺒﺘﺴﻢ ﻣﻦ ﺑﻴﻦ ﺩﻣﻮﻋﻬﺎ ﺍﺧﺬﺗﻬﺎ ﻣﻦ ﻋﻨﺪﻱ
.. ﻟﺞ ﻓﺪﻳﺖ ﺣﺒﻴﺒﺔ ﻋﻤﺘﻬﺎ ﺣﻨﻴﻨﺔ ﺟﺎﻧﺖ ﺗﺤﺠﻲ ﻣﻦ ﺑﻴﻦ ﺩﻣﻮﻋﻬﺎ
ﻛﻤﺖ ﻣﻦ ﺍﻟﻤﺮﺟﻮﺣﺔ
.. ﺩﻛﻮﻣﻲ ﻻ ﻳﺠﻲ ﻗﺎﺳﻢ ﻭﻳﺸﻮﻓﺞ ﺩﺗﺒﺠﻴﻦ ﻭﻳﻜﻌﺪ ﻳﺤﻘﻖ
ﺍﻧﻲ ﻏﺎﻳﺤﺔ ( ﺭﺍﻳﺤﺔ ) ﺍﺳﻮﻱ ﺍﻟﻌﺸﺎ
ﺩﺧﻠﺖ ﺟﻮﺓ ﻭﺳﻮﻳﺖ ﺍﻟﻌﺸﺎ ﻭﻗﺎﺳﻢ ﻭﺍﻛﻒ ﻓﻮﻙ ﺭﺍﺳﻲ
ﻛﻞ ﺷﻮﻳﺔ ﻣﺎﺧﺬﻟﻪ ﻛﺒﺎﺑﺔ ﻳﻜﻠﻲ ﺗﺼﺒﻴﺮﺓ
ﺧﻠﺼﺖ ﺍﻟﻌﺸﺎ
ﻭﻛﻠﺘﻠﻪ
.. ﺍﺗﺼﻞ ﻋﻠﻰ ﻫﺸﺎﻡ ﺧﻠﻲ ﻳﺠﻲ ﻳﺘﻌﺸﺎ
ﻃﻠﻊ ﺍﻟﻨﻘﺎﻝ ﻭﺍﺗﺼﻞ ﻋﻠﻴﻪ ﻭﻛﻠﻪ ﺍﻧﺎ ﺟﺎﻱ ﻭﺻﻠﺖ ﻳﻢ ﺑﺎﻟﺒﻴﺖ
ﺟﻨﺖ ﻳﻢ ﻋﺰﺍﻡ
ﺳﺪ ﺍﻟﻨﻘﺎﻝ ﻭﺑﺎﻭﻉ ﻋﻠﻴﺔ ﻭﻛﺎﻝ
.. ﺍﻛﻮﻝ ﻫﺪﻯ ﻛﻠﺘﻲ ﻻﺧﻮﺍﺗﺞ ﺍﺣﻨﺎ ﺭﺍﺡ ﻧﺨﻄﺐ ﻣﺮﻳﻢ ﺍﻭﻝ ﻣﺘﺨﻠﺺ ﺍﻣﺘﺤﺎﻧﺎﺗﻬﺎ
.. ﺍﻱ ﻛﻠﺘﻠﻬﻢ ﺑﺲ ﻣﻐﻮﺓ ( ﻣﺮﻭﺓ ) ﻭﺷﻴﻤﺎﺀ ﻛﺎﻟﻮﺍ
ﺍﺣﻨﺎ ﻣﻨﺤﺠﻲ ﻭﻳﺎﻫﺎ ﺍﻱ ﺷﻲ ﺗﺨﻠﺺ ﺍﻣﺘﺤﺎﻧﺎﺕ ﻳﺎﻟﻠﻪ ﻧﻔﺎﺗﺤﻬﺎ ﺑﺎﻟﻤﻮﺿﻮﻉ
ﺑﺲ ﻗﺎﺳﻢ ﺧﻠﻲ ﺷﻐﻠﺔ ﺑﺒﺎﻟﻚ ﺗﻐﺔ ﺍﻟﻐﺄﻱ ( ﺗﺮﺓ ﺍﻟﺮﺃﻱ ) ﺍﻻﻭﻝ ﻭﺍﻻﺧﻴﻎ ( ﻭﺍﻻﺧﻴﺮ )
ﺑﻴﺪ ﺻﺎﺣﺒﺔ ﺍﻟﺸﺄﻥ ﻳﻌﻨﻲ . ﻣﺎ ﺑﻴﻬﺎ ﺯﻋﻞ ﻣﻦ ﻫﺴﻪ ﺍﻛﻮﻟﻚ
ﺍﺫﺍ ﻫﻲ ﻏﻔﻀﺖ ( ﺭﻓﻀﺖ ) ﻭﻛﺎﻟﺖ ﺍﻏﻴﺪ ( ﺍﺭﻳﺪ ) ﺍﻛﻤﻞ
ﺍﺣﻨﺎﺑﺎﻟﻨﺴﺒﺔ ﺍﻟﻨﺎ ﺍﺧﻮﺍﺗﻬﺎ ﻭﻳﺎﻫﺎ ﻭﻣﻨﺠﺒﻐﻬﺎ ( ﻭﻣﻨﺠﺒﺮﻫﺎ ) ﻋﻠﻰ ﺷﻲ
.. ﺍﻱ ﻃﺒﻌﺎً ﺷﻲ ﺍﻛﻴﺪ ﻫﻮ ﻛﻠﺸﻲ ﻗﺴﻤﺔ ﻭﻧﺼﻴﺐ ﻭﺍﺧﻮﻱ
ﻣﺎ ﻧﺎﻗﺼﻪ ﺷﻲ ﺍﻟﻒ ﻣﻦ ﺗﺘﻤﻨﺎﻩ .
ﺍﺫﺍ ﻫﻲ ﻣﻮ ﻣﻦ ﻗﺴﻤﺘﻪ ﺭﺑﻲ ﻳﻌﻮﺿﻪ ﺑﺄﺣﺴﻦ ﻣﻨﻬﺎ
ﺑﺎﻭﻋﺖ ﻋﻠﻴﻪ ﻭﻟﻤﻴﺖ ﺣﻠﻜﻲ ﻭﺍﻧﻲ ﺍﺻﺐ ﺍﻟﻌﺸﺎ ﻋﺎﻟﻤﻴﺰ
.. ﻋﻠﻰ ﻛﻴﻔﻚ ﻋﻴﻨﻲ ﺍﻛﻠﺘﻨﻲ ﺑﻜﺸﻮﻏﻲ ( ﺑﻜﺸﻮﺭﻱ )
ﺳﺤﺐ ﺍﻟﻜﺮﺳﻲ ﻭﺻﺎﺡ ﺑﺼﻮﺕ ﻋﺎﻟﻲ
.. ﻋﺸﺎﺍﺍﺍﺍﺍﺍﺍﺍﺍ
ﺍﺟﺘﻲ ﺧﺎﻟﺔ ﻭﻫﺪﻳﻞ
ﻭﻫﺎﻟﺔ ﺩﺧﻠﺖ ﻣﻦ ﺍﻟﺤﺪﻳﻘﺔ ﻭﺑﻴﺪﻫﺎ ﺍﺳﻮ
ﻫﺪﻳﻞ ﻣﻦ ﻳﻮﻡ ﺍﻟﺼﺎﺭ ﻭﻳﺎﻫﺎ ﺑﺴﺎﻟﻔﺔ ﺍﻳﻤﻦ
ﻭﺍﻧﺴﺤﺐ ﺍﻟﻨﻘﺎﻝ ﻣﻨﻬﺎ ﻭﺧﺎﻟﺘﻲ ﺯﻋﻠﺖ ﻋﻠﻴﻬﺎ
ﻛﺎﻣﺖ ﻣﺘﺮﺍﻭﻱ ﻭﺟﻬﺔ ﻟﻘﺎﺳﻢ ﺍﻻ ﺑﻌﺪ ﻣﺎ ﻣﺮﺕ ﻓﺘﺮﺓ ﻃﻮﻳﻠﺔ .
ﻛﺎﻣﺖ ﺗﻨﺰﻝ ﻭﺗﻜﻌﺪ ﻳﻤﻬﻢ ﻭﺍﻧﺘﺒﻬﺖ ﻟﻘﺎﺳﻢ ﻟﺤﺪ ﺍﻟﻴﻮﻡ
ﺍﺑﺪ ﻣﺎ ﻳﻮﺟﻬﻠﻬﺎ ﻛﻼﻡ ﻣﺒﺎﺷﺮ
ﻛﺎﻣﺖ ﺗﻐﻴﺮ ﻣﻦ ﺗﺼﺮﻓﺎﺗﻬﺎ
ﺍﻧﻲ ﻋﻨﻲ ﺑﺎﻟﻨﺴﺒﺔ ﺍﻟﻲ ﻣﺎ ﺍﺣﺘﻚ ﺑﻴﻬﺎ ﻻﻥ ﻣﺎ ﺍﺣﺰﺭ ﻣﻮﻗﻔﻬﺎ
ﺍﺗﺠﺎﻫﻲ
ﻭﻣﻦ ﺍﺟﻮﻱ ﺑﻴﺖ ﻋﻤﻬﻢ ﻣﺤﻤﺪ ﻋﻠﻤﻮﺩ ﻳﺼﻠﺢ ﺍﻻﻣﻮﺭ ﻭﻃﻠﺐ ﺍﻳﺪﻫﺎ ﻣﻦ ﻗﺎﺳﻢ ﻻﺑﻨﻪ ﺍﻳﻤﻦ
ﻭﻗﺎﺳﻢ ﻭﺍﻡ ﻗﺎﺳﻢ ﺭﻓﻀﻮﺍ ﻛﺎﻟﻮﺍ ﺑﻌﺪﻫﺎ ﺻﻐﻴﺮﺓ ﻣﺎ ﻧﺮﻳﺪ ﻧﺰﻭﺟﻬﺎ .
ﻳﻌﻨﻲ ﺭﻓﻀﻮﻫﻢ ﺑﺲ ﺑﺄﺩﺏ
.......
ﺩﺧﻞ ﻫﺸﺎﻡ
ﻭﻛﻌﺪ ﻳﺎﻛﻞ ﻭﻳﺎﻧﺎ ﻋﻠﻰ ﺍﻟﻌﺸﺎ ﻭﻛﺎﻝ
.. ﺍﻛﻮﻝ ﻗﺎﺳﻢ ﻳﻜﻮﻟﻮﻥ ﺍﻟﻤﺨﺘﺎﺭ ﺍﺑﻮ ﺭﺍﺋﺪ ﺩﻳﻨﺎﺯﻉ
ﻭﺣﺎﻟﺘﻪ ﻛﻠﺶ ﻣﻮ ﺯﻳﻨﺔ ﻋﻠﻰ ﺍﻱ ﺳﺎﻋﺔ ﻳﻤﻮﺕ
ﻗﺎﺳﻢ .. ﺍﻱ ﻭﺍﻟﻠﻪ ﺍﺩﺭﻱ ﻟﺤﺪ ﻗﺒﻞ ﺷﻮﻳﺔ ﺍﺗﺼﻠﺖ ﻋﻠﻰ ﺭﺍﺋﺪ
ﻭﺳﻤﻌﺖ ﺍﻻﺧﺒﺎﺭ ﻣﻨﻪ . ﺧﻄﻴﺔ ﺭﺍﺋﺪ
ﻛﻮﻟﺶ ﺍﻧﻜﺴﺮ ﻇﻬﺮﻩ . ﺑﺄﺑﻮﻩ . ﻣﺎﺧﻠﺔ ﺩﻭﻟﺔ ﻣﺎ ﺳﻔﺮﻩ ﻟﻬﺎ
ﺣﺘﻰ ﻳﻌﺎﻟﺠﻪ ﺑﺲ ﻣﺎﻛﻮ ﺷﻜﻞ ﺍﻟﻤﺮﺽ ﺍﻟﺨﺒﻴﺚ ﺍﻧﺘﺸﺮ ﺑﺠﺴﻤﻪ
ﻭﻣﺎ ﻣﻨﻪ ﺟﺎﺭﺓ
ﻗﺎﺳﻢ .. ﻳﻤﺔ ﻣﺎ ﺍﻭﺻﻴﺞ ﺍﺭﻳﺪﺝ ﺗﺎﺧﺬﻳﻦ ﺍﻟﺒﻨﺎﺕ ﻭﺗﺮﺣﻴﻦ ﻟﺒﻴﺘﻬﻢ
ﺗﻮﺍﺳﻮﻥ ﺍﻣﻪ ﻭﺍﺧﺘﻪ . ﺧﻄﻴﺔ ﺣﻴﻞ ﻣﺘﺄﺫﻳﻦ
ﺍﻡ ﻗﺎﺳﻢ .. ﻳﺎﻳﻤﺔ ﻣﻦ ﻏﻴﺮ ﻣﺎ ﺗﻜﻮﻝ
ﺍﻧﻲ ﺍﻟﺒﺎﺭﺣﺔ ﻋﻨﺪﻫﻢ ﺑﺲ ﺍﻟﺼﺪﻙ ﻣﺎ ﺍﺧﺬﺕ ﺍﻟﺒﻨﺎﺕ ﻭﻳﺎﻳﺔ
ﺍﺷﻮﻑ ﺑﻠﻜﻲ ﻫﺎﻟﻴﻮﻣﻴﻦ ﺍﺭﻭﺡ ﻭﺍﺧﺬﻫﻢ
ﺷﺒﻊ ﻗﺎﺳﻢ ﻭﻛﺎﻡ ﻭﺍﺧﺬ ﺍﺳﻮ ﻣﻦ ﻫﺎﻟﺔ ﻭﻃﻠﻊ ﺑﻴﻬﺎ ﺑﺎﻟﺒﺎﺏ
ﻫﺎﻱ ﺻﺎﺭﺕ ﻋﻨﺪﻩ ﻭﺍﺟﺐ ﻻﻥ ﺍﺳﻮ ﻭﺍﻟﺸﺎﺭﻉ ﺍﺻﺪﻗﺎﺀ
ﺍﻱ ﻭﺍﺣﺪ ﺗﺸﻮﻓﻪ ﻣﺘﻬﻴﺄ ﻟﻠﻄﻠﻌﺔ ﻭﺷﺎﻓﺘﻪ ﻻﺑﺲ ﻫﺪﻭﻡ ﻃﻠﻌﺔ
ﺍﻭ ﺑﺲ ﺗﺴﻤﻊ ﻭﺍﺣﺪ ﻛﺎﻝ ﺑﺎﻱ
ﺍﺳﻮ ﻛﺒﻞ ﻣﻦ ﻳﻤﻬﺎ ﺗﺸﻤﺮ ﺭﻭﺣﻬﺎ ﻋﻠﻴﻪ
ﺗﺮﻳﺪ ﻳﺎﺧﺬﻫﺎ ﻭﻳﺎﻩ
ﺣﺘﻰ ﺧﺎﻟﺔ ﺍﻡ ﻗﺎﺳﻢ ﻣﺮﺍﺕ ﺑﻴﻬﺎ ﺣﻴﻞ ﻭﺗﺎﺧﺬﻫﺎ ﻭﻳﺎﻫﺎ ﻭﻣﺮﺍﺕ ﻻ ﻣﺘﻜﺪﺭ
ﺑﻌﺪ ﺳﺎﻋﺔ ﺩﺧﻞ ﻗﺎﺳﻢ ﻣﺤﻤﻞ ﺣﻠﻮﻳﺎﺕ
ﻭﻃﻠﺒﺎﺕ ﺍﻧﻲ ﺩﺯﻳﺘﻬﻢ ﻟﻪ ﺑﺮﺳﺎﻟﺔ
ﺣﻔﺎﻇﺎﺕ ﻭﺣﻠﻴﺐ ﻭﻛﻢ ﺷﻐﻠﺔ ﻗﺎﺋﻤﺔ ﺍﻟﻤﺮﺃﺀﺓ ﺍﻟﻌﺮﺍﻗﻴﺔ
ﺍﺧﺬﺗﻬﻢ ﻣﻦ ﻋﻨﺪﻩ ﻭﻛﻌﺪ ﺑﺎﻟﻬﻮﻝ ﻭﻳﺔ ﻫﺸﺎﻡ
ﺟﺎﻧﺖ ﻫﺎﻟﺔ ﻓﻮﻙ ﻫﻲ ﻭﻫﺪﻳﻞ
ﺳﻤﻌﺖ ﻫﺸﺎﻡ ﻳﻜﻠﻪ .. ﻗﺎﺳﻢ ﺷﻨﻮ ﺻﺪﻙ ﺟﺎﻳﻴﻦ ﺧﻄﺎﺑﺔ
ﻋﻠﻰ ﻫﺎﻟﺔ
ﺟﺎﻭﺑﻪ ﻗﺎﺳﻢ .. ﺍﻱ ﺻﺪﻙ
ﻫﺸﺎﻡ ﻣﺴﺘﻐﺮﺏ .. ﺯﻳﻦ ﻭﻋﺰﺍﻡ . ﺷﻨﻮ ﻧﺴﻴﺘﻪ
ﻗﺎﻃﻊ ﻋﻠﻴﻬﻢ ﺍﻟﻜﻼﻡ ﺻﻮﺕ
ﻧﻘﺎﻝ ﻗﺎﺳﻢ . ﻃﻠﻊ ﺍﻟﻨﻘﺎﻝ ﻭﺑﺎﻭﻉ ﻋﺎﻟﻤﺘﺼﻞ ﻭﻛﺎﻡ ﻣﻦ ﻳﻤﻨﺎ
ﻭﻃﻠﻊ ﺑﺮﺓ ﻳﺤﺠﻲ ﺑﺎﻟﻨﻘﺎﻝ ﻫﺎﻱ ﺩﺍﺋﻤﺎً ﻣﺘﻌﻮﺩﻳﻦ ﻻﻥ ﻫﻮﺳﺔ
ﺍﺳﻮ ﻭﺍﺻﻮﺍﺗﻨﺎ ﻟﺬﻟﻚ ﻳﻄﻠﻊ ﺑﺮﺓ ﺣﺘﻰ ﻳﺎﺧﺬ ﺭﺍﺣﺘﻪ ﺑﺎﻟﺤﺠﻲ
ﺑﺎﻭﻋﺖ ﻟﻬﺸﺎﻡ ﻛﺎﻋﺪ ﻳﺒﺎﻭﻉ ﺑﺘﻠﻔﻮﻧﻪ
ﻭﺍﻧﻲ ﻛﻠﺒﻲ ﻇﻞ ﻳﺤﻮﻡ ﻣﻦ ﺍﻟﻔﻀﻮﻝ ﺧﺮﺏ ﻫﺴﺔ ﻏﻴﺮ ﻳﻜﻤﻞ
ﻛﻼﻣﻪ ﻭﻧﻔﺘﻬﻢ ﺷﻨﻮ ﺷﺒﻲ ﻋﺰﺍﻡ
ﻭﺷﺪﺧﻠﻪ ﺑﻤﻮﺿﻮﻉ ﺧﻄﻮﺑﺔ ﻫﺎﻟﺔ
ﺷﻠﻮﻥ ﻳﺎﺭﺑﻲ ﺍﻟﻔﻀﻮﻝ ﻳﻘﺮﺓ ﻋﻨﺪﻱ ﺍﻟﻒ
ﻣﺎﻟﻲ ﻏﻴﺮ ﺩﺭﺏ ﺍﻟﻬﺪﺍﻭﻱ
ﺣﺘﻰ ﻧﺴﺤﺐ ﺍﻟﻜﻼﻡ ﻣﻦ ﻗﺎﺳﻤﻮﻑ
ﻛﻤﻠﺖ ﺗﺮﺗﻴﺐ ﺍﻟﻤﺸﺘﺮﻳﺎﺕ
ﻭﺻﻌﺪﺕ ﻓﻮﻙ ﺍﻧﻲ ﻭﺍﺳﻮ
ﺟﻬﺰﺗﻬﺎ ﻟﻠﻨﻮﻡ ﻭﺍﺧﺬﺗﻬﺎ ﻫﻲ ﻭﺍﻟﻌﺎﺑﻬﺎ ﻭﺣﻠﻴﺒﻬﺎ ﻭﻣﻤﻴﺘﻬﺎ
ﻟﺨﺎﻟﺘﻬﺎ ﻫﺎﻟﺔ
ﺩﺧﻠﺖ ﻟﻠﻐﺮﻓﺔ ﻟﻜﻴﺖ ﻫﺎﻟﺔ ﻋﺎﺑﺴﺔ ﺍﻟﻮﺟﻪ
ﻭﺗﺴﻤﻊ ﺍﻏﺎﻧﻲ ﺣﺐ ﺣﺰﻳﻨﺔ . ﻣﺎﻝ ﻭﺍﺣﺪ
ﻣﻀﺮﻭﺏ ﺑﻮﺭﻱ ﻋﻠﻰ ﺭﺍﺳﻪ ﻭﻣﺎﻛﻞ ﺗﺒﻦ ﻣﻦ ﻭﺭﺓ ﺍﻟﺤﺐ
ﺍﺑﺘﺴﻤﺖ ﻭﻛﻠﺘﻠﻬﺎ
.. ﻟﺞ ﻫﺎﻟﺔ ﻭﺍﻟﻠﻪ ﻣﺎ ﻳﻠﻮﻛﻠﺞ ﺗﺰﻋﻠﻴﻦ
ﺻﺪﻛﻴﻨﻲ ﺻﺎﻳﻐﺔ ( ﺻﺎﻳﺮﺓ ) ﺗﺨﻮﻓﻴﻦ
ﻭﺍﻟﻠﻪ ﺟﻨﺞ ﻏﺠﺎﻝ ( ﺭﺟﺎﻝ ) ﺷﺎﻳﺐ ﻛﺎﻋﺪ ﻳﺴﻤﻊ ﺍﻏﺎﻧﻲ
ﺗﺠﻴﺐ ﺍﻟﻬﻢ
ﻫﺎﻟﺔ .. ﻫﺪﻯ ﻋﻔﻴﺔ ﺭﺣﻤﺔ ﻋﻠﻰ ﻭﺍﻟﺪﻳﺞ ﻋﻮﻓﻴﻨﻲ ﺑﺤﺎﻟﻲ
ﻫﺴﺔ ﺍﻧﻲ ﺍﺧﺮ ﻫﻤﻲ ﺷﻜﻠﻲ .
.. ﺑﺎﻟﺤﻘﻴﻘﺔ ﺍﻧﻲ ﻣﻮ ﻋﻠﻤﻮﺩﺝ ﺍﻛﻠﺞ ﻋﺪﻟﻲ ﺧﻠﻔﺘﺞ
ﺑﺲ ﺧﻄﻴﺔ ﻋﻠﻤﻮﺩ ﺍﺳﻮ ﺑﻨﺘﻲ ﻻ ﺗﺨﺘﻐﻊ ( ﺗﺨﺘﺮﻉ ) ﻣﻨﺞ
ﺍﻧﺘﻲ ﻭﻫﺬﺍ ﺷﻜﻠﺞ
ﻋﺎﻳﺰﺝ ﺑﺲ ﺗﺪﺧﻨﻴﻦ ﺟﻜﺎﺭﺓ ﻭﺗﻮﻛﻔﻴﻦ ﺑﻐﺎﺱ ﺍﻟﻔﻐﻊ ( ﺑﺮﺍﺱ ﺍﻟﻔﺮﻉ )
ﺗﻄﻜﻴﻬﺎ ﺻﻔﻨﺎﺕ
ﻭﺗﻜﺘﺒﻴﻦ ﻋﻠﻰ ﺍﻟﺤﺎﻳﻂ . ﺣﺒﻴﺒﻲ ﻋﺰﺍﻡ ﺫﻛﻐﻰ ﺍﻧﻬﻴﺎﻍ ( ﺫﻛﺮﻯ ﺍﻧﻬﻴﺎﺭ )
ﺟﺒﻞ ﺣﺒﻨﺎ ﺍﻟﻐﻴﻎ ( ﺍﻟﻐﻴﺮ ) ﻣﻌﻠﻦ
.....
ﻫﺎﻟﺔ ﻛﺎﻣﺖ ﺗﻨﺎﻓﺦ ﺑﻀﺠﺮ
.. ﺍﻫﻮﻭﻭ ﻫﺪﻯ ﻛﻮﻟﻲ ﻣﻦ ﺍﻻﺧﻴﺮ ﺍﻟﻤﻦ ﺟﺎﻳﺘﻨﻲ ﺍﻧﺘﻲ ﻭ ﺑﻨﺘﺞ
ﻛﺎﻋﺪﻳﻦ ﺗﻐﻮﻏﻮﻥ ﺑﺮﺍﺳﻲ ﻣﺜﻞ ﺍﻟﺬﺑﺎﻧﺎﺕ
ﺭﻣﺸﺖ ﺑﻌﻴﻮﻧﻲ ﻭﻛﻠﺘﻠﻬﺎ ﺑﻜﻞ ﻟﻄﺎﻓﺔ
ﻛﻠﻤﺎﺕ ﺟﻤﻠﻴﺔ ﻣﻄﻌﻤﺔ ﺑﺎﻟﻠﻮﺍﻛﺔ
.. ﺣﺒﻴﺒﺘﻲ ﻫﻴﻼﻧﺔ . ﺧﻠﻲ ﺍﺳﻮ ﺍﻟﻴﻮﻡ ﺗﺒﺎﺕ ﻋﻨﺪﺝ .
ﺣﺘﻰ ﺗﻮﻧﺴﺞ ﻭﺗﻐﻴﻎ ﻋﻠﻴﺞ ﺍﻟﺠﻮ ﻭﺗﺒﻌﺪ ﻋﻨﺞ ﺍﻟﻮﺣﺸﺔ
ﻫﺎﻟﺔ ﻣﺪﺕ ﺍﻳﺪﻫﺎ ﻭﻫﻲ ﺗﮕﻠﺐ ﺑﻌﻴﻮﻧﻬﺎ
.. ﺟﻴﺒﻲ ﺍﻣﺮﻱ ﻟﻠﻪ . ﺑﺲ ﻛﺎﻓﻲ ﻻ ﺗﺤﺠﻴﻦ ﺑﺎﻓﻀﺎﻝ ﺑﻨﺘﺞ
ﻋﻠﻴﻨﺎ
ﻻ ﻧﻮﺏ ﺗﺴﻮﻳﻬﺎ ﺑﺮﺍﺳﻲ ﺍﻡ ﺑﻴﺖ ﻭﺗﺼﺮﻑ ﻋﻠﻴﻨﺎ
ﻭﻛﻠﻨﺎ ﻋﺎﻳﺸﻴﻦ ﺑﺠﺎﻫﺎ
ﺟﺎﻧﺖ ﺍﺳﻮ ﺗﻀﺤﻚ ﻟﻬﺎﻟﺔ ﻭﻫﻲ ﺗﺤﺠﻲ ﻋﻠﻴﻬﺎ
ﻃﻠﻌﺖ ﻭﺍﻧﻲ
ﻣﺒﻴﺘﺔ ﺍﻟﻨﻴﺔ ﺧﻠﻲ ﺍﺭﻭﺡ ﺍﻟﺤﻚ ﺍﺟﻬﺰ ﻧﻔﺴﻲ
ﺩﺧﻠﺖ ﻟﻠﻐﺮﻓﺔ ﻭﺑﺪﻳﺖ
ﺍﺣﻀﺮ ﻧﻔﺴﻲ . ﻭﺍﺟﻮﺍﺀ ﻭﺣﺮﻛﺎﺕ ﻭﻛﺬﺍ
ﻭﻃﻠﻌﺖ ﻣﻦ ﺍﻟﺜﻼﺟﺔ ﻣﺎﻋﻮﻥ ﻓﻮﺍﻛﻪ
ﺩﺧﻞ ﻗﺎﺳﻢ ﻟﻠﻐﺮﻓﺔ ﻭﺭﻓﻊ ﺣﺎﺟﺒﻪ
ﻭﻫﻮ ﻳﺒﺎﻭﻉ ﻣﻨﺎ ﻭﻣﻨﺎ ﻳﺪﻭﺭ ﻋﻠﻰ ﺷﻲ
ﺭﺣﺖ ﺍﻗﺘﺮﺑﺖ ﻋﻠﻴﻪ ﻭﻛﻠﺖ
.. ﻫﺎ ﺣﺒﻴﺒﻲ . ﻣﻮ ﻋﻠﻰ ﺑﻌﻀﻚ ﺍﺣﺴﻚ
ﺍﻟﻲ ﺩﺗﺪﻭﻍ ( ﺩﺗﺪﻭﺭ ) ﻋﻠﻴﻬﺎ . ﻳﻢ ﻫﺎﻟﺔ
ﺍﻟﻴﻮﻡ ﻣﺎﻛﻮ ﺑﺲ ﺍﻣﻬﺎ
ﻗﺎﺳﻢ . ﺑﺎﻭﻉ ﻋﻠﻴﺔ ﺍﺑﺘﺴﻢ ﻭﻏﻤﺰﻟﻲ
ﻭﻫﻮ ﻳﻤﺴﺢ ﺑﺜﻨﻴﻦ ﺍﻳﺪﻳﻪ ﻣﺜﻞ ﺍﻟﻲ ﻋﻨﺪﻩ ﻭﻟﻴﻤﺔ
.. ﻣﺎ ﺩﺍﻡ ﺑﺘﻨﻲ ﺍﺗﺴﻔﺮﺕ ﻣﻦ ﻏﺮﻓﺘﻨﺎ ﻣﻌﻨﺎﻫﺎ
ﺍﻟﻴﻮﻡ ﻳﻮﻡ ﺍﻟﺘﺤﺮﻳﺮ
ﻳﺤﻴﺎ ﺍﻟﻌﺪﻝ ﻭﻧﻌﻢ ﻟﻠﺤﺮﻳﺔ
ﺳﺪ ﺍﻟﺒﺎﺏ
ﻓﺎﺕ ﻟﻠﻐﺮﻓﺔ ﻭﺑﺪﺓ ﻳﺒﺪﻝ
ﻣﻼﺑﺴﻪ ﺍﺑﺎﻭﻉ ﻟﻈﻬﺮﻩ ﻭﻭﺷﻢ ﺍﻟﺼﻘﺮ ﻳﺘﺤﺪﺍﻧﻲ
ﺭﺣﺖ ﺍﺣﻀﺮ ﺻﻴﻨﻴﺔ ﺍﻟﺴﻬﺮﺓ
ﻣﻦ ﻋﺼﻴﺮ ﻭﻛﺮﺯﺍﺕ ﻭﻓﻮﺍﻛﻪ ﻟﺰﻭﻡ ﺟﻠﺴﺔ ﺍﻟﺘﺤﻘﻴﻖ
ﻟﻜﻴﺘﻪ ﻛﺎﻋﺪ ﻋﺎﻟﺴﺮﻳﺮ ﻭﺳﺎﻧﺪ ﻇﻬﺮﻩ ﻋﻠﻰ ﺗﺎﺝ ﺍﻟﺴﺮﻳﺮ
ﺭﺣﺖ ﺍﺧﺬﺕ ﺍﻟﺼﻴﻨﻴﺔ
ﻭﻏﻤﺰﺗﻠﻪ ﻭﺍﻧﻲ ﺷﺎﻳﻠﺔ ﺍﻟﺼﻴﻨﻴﺔ . ﺍﺗﻤﺎﻳﻞ ﺑﻤﺸﻴﺘﻲ
ﻛﺪﺍﻡ ﻋﻴﻮﻧﻪ ﻭﻫﻮ ﻳﺒﺎﻭﻉ ﻭﻳﻤﺴﺢ ﻋﻠﻰ ﻟﺤﻴﺘﻪ ﺍﻟﺨﻔﻴﻔﺔ
ﺣﻄﻴﺖ ﺍﻟﺼﻴﻨﻴﺔ ﻋﺎﻟﺴﺮﻳﺮ
ﻭﺍﺗﺮﺑﻌﺖ . ﻭﺍﺗﻌﻤﺪﺕ ﺍﺿﻬﺮ ﺍﻟﺴﻴﻘﺎﻥ
ﺟﺎﻥ ﻳﻜﻠﺐ ﺑﺎﻟﻨﻘﺎﻝ ﻋﻴﻦ ﻋﺎﻟﻨﻘﺎﻝ ﻭﻋﻴﻦ ﻋﻠﻴﺔ
ﻟﺰﻣﺖ ﺍﻟﺴﻜﻴﻨﺔ ﻭﺑﺪﻳﺖ ﺍﻛﺸﺮ ﺑﺎﻟﺘﻔﺎﺣﺔ
ﻭﻗﻄﻌﺘﻬﺎ ﻗﻄﻊ ﺻﻐﻴﺮﺓ ﻭﺑﺪﻳﺖ ﺍﺗﻠﺤﻠﺢ
ﺍﻗﺘﺮﺑﺖ ﻋﻠﻴﻪ ﻭﺍﺳﺘﻨﺪﺕ ﻋﻠﻰ ﻛﺘﻔﻪ ﻭﺣﻄﻴﺖ
ﻗﻄﻌﺔ ﺍﻟﺘﻔﺎﺣﺔ . ﺑﺤﻠﻜﻪ . ﺟﺎﻥ ﻳﺮﺍﺳﻞ ﺑﺎﻟﻮﺍﺗﺴﺎﺏ
.. ﺍﻛﻮﻭﻭﻭﻭﻝ ﻗﺴﺎﺍﺍﺍﺍﺍﺍﺍﺍﺍﻡ ﺣﺒﻴﺒﻲ
.. ﻫﻤﻤﻢ ﻛﻮﻟﻲ
.. ﻗﺒﻞ ﺷﻮﻳﺔ ﻣﻦ ﺟﻨﺖ ﺗﺤﺠﻲ ﻭﻳﺔ ﻫﺸﺎﻡ ﻋﻦ ﺧﻄﻮﺑﺔ
ﻫﺎﻟﺔ ﺳﻤﻌﺘﻪ ﻛﻠﻚ ﻭﻋﺰﺍﻡ ﺷﻨﻮ ﻧﺴﻴﺘﻪ
ﺟﺎﻭﺑﻨﻲ ﻭﻫﻮ ﻋﻴﻨﻪ ﺑﺎﻟﻨﻘﺎﻝ
.. ﺍﻱ ﻣﻮ ﺍﺳﺘﺎﺫ ﻋﺰﺍﻡ . ﻗﺒﻞ ﻓﺘﺮﺓ ﻃﻮﻳﻠﺔ
ﺟﺎﻧﺖ ﻫﺎﻟﺔ ﺑﻤﺮﺣﻠﺔ ﺍﺧﻴﺮﺓ
ﻃﻠﺐ ﺍﻳﺪﻫﺎ ﻣﻨﻲ ﻭﻛﻠﻲ ﻃﺎﻟﺐ ﺍﻟﻘﺮﺏ ﻣﻨﻚ ﺑﺄﺧﺘﻚ ﻫﺎﻟﺔ
ﻭﻫﻮ ﻋﻠﻰ ﺣﻈﻪ ﺍﻟﻔﻜﺮ . ﺍﺟﺎﻧﻲ ﺑﻔﺘﺮﺓ
ﺟﻨﺖ ﻣﺘﺨﺒﻞ ﻣﻦ ﺳﺎﻟﻔﺔ ﻫﺪﻳﻞ ﻭﻣﻮﻗﻒ ﺍﻳﻤﻦ . ﺍﺑﻦ ﻋﻤﻲ
ﺑﺤﻴﺚ ﻣﻦ ﻓﺘﺢ ﻭﻳﺎﻱ ﺍﻟﻤﻮﺿﻮﻉ
ﻛﺒﻞ ﻛﻠﺘﻠﻪ ﻣﺎ ﻋﻨﺪﻱ ﺍﺧﺖ ﻟﻠﺰﻭﺍﺝ ﻣﻨﺎ
ﻟﺤﺪ ﻣﺎ ﺗﺘﺨﺮﺝ ﻫﺎﻟﺔ ﻳﺎﻟﻠﻪ ﺗﻌﺎﻝ ﻛﻠﻲ ﻋﻠﻰ ﺧﻄﻮﺑﺔ
ﻋﺰﺍﻡ ﻛﻠﻲ ﻫﺴﺔ ﻳﻌﻨﻲ ﺍﻓﺘﻬﻢ ﻣﻨﻚ ﺍﻧﺘﻈﺮ ﺍﺧﺘﻚ ﺗﺘﺨﺮﺝ
ﻳﺎﻟﻠﻪ ﺍﺟﻴﺐ ﺍﻫﻠﻲ ﺍﺧﻄﺐ
ﺟﺎﻭﺑﺘﻪ ﻭﻛﻠﺘﻠﻪ ﺍﻱ ﺍﻧﺘﻈﺮﻫﺎ
ﻭﺍﻻﺥ ﻇﻞ ﻳﻨﺘﻈﺮ ﻭﻫﺎﻟﺔ ﺍﺗﺨﺮﺟﺖ ﻭﺍﻧﺎ ﺍﻧﺸﻐﻠﺖ
ﺑﺸﻐﻠﻲ ﻭﺳﺎﻟﻔﺔ ﻋﻤﺎﻣﻲ ﻭﻣﻨﺘﻀﺮ ﺍﻟﻨﺎﻗﺺ
ﻭﺍﻧﺎ ﻫﻤﻴﻦ ﺷﻔﺘﻪ ﺑﻌﺪ ﻣﺎ ﻓﺘﺢ ﻭﻳﺎﻱ ﺍﻟﻤﻮﺿﻮﻉ
ﻭﺍﻧﺎ ﺟﻨﺖ ﻣﻨﺘﻈﺮﻩ ﻳﺘﻠﺤﻠﺢ ﻭﻳﺤﺠﻲ ﻭﻳﺎﻱ ﻣﺮﺓ ﺍﻟﺜﺎﻧﻴﺔ ﻋﻦ ﺍﻟﺨﻄﻮﺑﺔ
ﺑﺲ ﻫﻮ ﻣﻄﻔﻲ ﺣﺎﻃﻪ ﻋﻠﻰ ﺍﻟﺼﺎﻣﺖ
ﻗﺎﺳﻢ ﻳﺤﺠﻲ ﻭﺍﻧﻲ ﺍﻟﻄﻢ ﻋﻠﻰ ﺧﺪﻭﺩﻱ ﻭﺍﻛﻮﻝ
ﺍﻣﺪﺍ ﺣﻈﺞ ﻳﺎ ﻫﺎﻟﺔ
ﺳﺄﻟﺘﻪ .. ﻳﻌﻨﻲ ﻗﺎﺳﻢ ﺗﻐﻴﺪ ( ﺗﺮﻳﺪ ) ﺍﻟﺼﺪﻙ ﻭﺣﻖ ﺍﻟﻠﻪ ﻻﺯﻡ ﺗﻜﻮﻝ ﻟﻌﺰﺍﻡ
ﻻﻥ ﻫﻮ ﻓﺎﺗﺤﻚ ﻭﺍﺟﺎﻙ ﻗﺒﻞ ﺍﻟﻮﻟﺪ
ﻣﻴﺼﻴﻎ ( ﻣﻴﺼﻴﺮ ) ﺯﺣﻤﺔ ﺍﻻﺻﻮﻝ ﺗﻜﻮﻝ ﻫﻴﺞ ﺗﺴﻮﻱ
ﻗﺎﺳﻢ ﺿﺤﻚ ﻭﻛﻠﻲ .. ﻣﺎ ﻳﺤﺘﺎﺝ ﺍﻛﻠﻪ . ﺍﻻﺥ ﺑﺲ ﺳﻤﻊ
ﺑﺎﻟﺴﺎﻟﻔﺔ . ﻛﺒﻞ ﺍﺟﺎﻧﻲ ﻭﻟﻜﻴﺘﻪ ﺯﺍﺭﻉ ﺭﻭﺣﻪ
ﻛﺪﺍﻡ ﺑﺎﺏ ﺑﻴﺘﻨﺎ ﺑﻜﻞ ﺻﻼﻓﺔ ﻳﻜﻠﻲ
.. ﻗﺎﺳﻢ . ﺧﻴﺮ ﺍﻛﻮ ﺷﻲ ﺳﺎﻟﻤﻴﻦ ﺳﻤﻌﺖ ﺟﺎﻳﻴﻦ ﺧﻄﺎﺑﺔ ﻋﻠﻰ ﻣﺮﺗﻲ
........
ﻫﺪﻯ
ﺟﻨﺎ ﻧﺤﺠﻲ ﺍﻧﻲ ﻭﻗﺎﺳﻢ ﺑﺨﺼﻮﺹ ﻣﻮﺿﻮﻉ ﻋﺰﺍﻡ ﻭﻫﺎﻟﺔ
ﻭﻣﺴﻮﻳﺘﻠﻲ ﻛﻌﺪﺓ ﻣﺮﺗﺒﺔ ﻭﺍﻗﻄﻊ ﺑﺎﻟﻔﺎﻛﻬﺔ ﻭﺍﻭﻛﻠﻪ
ﻭﻛﻠﺘﻠﻪ
.. ﺍﻱ ﺑﺲ ﻗﺎﺳﻢ ﻣﻴﺼﻴﻎ ( ﻣﻴﺼﻴﺮ )
ﻣﺎﺩﺍﻡ ﻋﺰﺍﻡ ﻃﻠﺒﻬﺎ ﺑﺎﻻﻭﻝ ﻛﺎﻥ ﻻﺯﻡ ﺗﻨﻄﻴﻪ ﺧﺒﻎ ( ﺧﺒﺮ )
ﻗﺎﺳﻢ ﺿﺤﻚ ﻭﻛﻠﻲ .. ﻣﺎ ﻳﺤﺘﺎﺝ ﺍﻛﻠﻪ . ﺍﻻﺥ ﺑﺲ ﺳﻤﻊ
ﺑﺎﻟﺴﺎﻟﻔﺔ . ﻛﺒﻞ ﺍﺟﺎﻧﻲ ﻭﻟﻜﻴﺘﻪ ﺯﺍﺭﻉ ﺭﻭﺣﻪ
ﻛﺪﺍﻡ ﺑﺎﺏ ﺑﻴﺘﻨﺎ ﺑﻜﻞ ﺻﻼﻓﺔ ﻳﻜﻠﻲ
.. ﻗﺎﺳﻢ . ﺧﻴﺮ ﺍﻛﻮ ﺷﻲ ﺳﺎﻟﻤﻴﻦ ﺳﻤﻌﺖ ﺟﺎﻳﻴﻦ ﺧﻄﺎﺑﺔ ﻋﻠﻰ ﻣﺮﺗﻲ
ﻳﻤﺔ ﺍﻧﻲ ﺳﻤﻌﺖ ﻫﺎﻱ ﺍﻟﺤﺠﺎﻳﺔ ﻭﺍﻧﺎ ﻃﻔﺮﺕ ﻣﻦ ﻣﻜﺎﻧﻲ ﻋﻠﻰ ﻗﺎﺳﻢ .
ﻭﻫﻮ ﻛﻤﺰ ﻣﻦ ﺣﺮﻛﺘﻲ
.. ﺍﺣﻠﻒ ﻛﻮﻝ ﻭﺍﻟﻠﻪ
ﻳﻌﻨﻲ ﻋﺰﺍﻡ ﺧﺎﻃﺐ ﻫﺎﻟﺔ ﻣﻨﻚ
ﻋﻜﺪ ﺣﻮﺍﺟﺒﻪ ﻭﺿﻞ ﻳﺒﺎﻭﻉ ﻋﻠﻴﺔ ﺑﺸﻚ ﻭﻟﺰﻣﻨﻲ ﻣﻦ ﺯﻧﺪﻱ
ﻭﺳﺤﺒﻨﻲ ﺣﻴﻞ ﻭﻭﻛﻌﺖ ﻋﻠﻴﻪ ﻭﻛﺎﻝ
.. ﺍﻧﺘﻲ ﺷﻨﻮ ﺳﺎﻟﻔﺘﺞ ﺻﺎﺭﻟﺞ ﺳﺎﻋﺔ ﻧﺎﺯﻟﺔ ﻋﻠﻴﺔ ﺍﺳﺌﻠﺔ
ﻋﻦ ﻋﺰﺍﻡ ﻣﺘﻜﻠﻴﻠﻲ ﻭﻳﻦ ﺗﺮﺩﻳﻦ ﺗﻮﺻﻠﻴﻦ
ﺍﺣﺠﻴﻠﻲ ﺷﻨﻮ ﺍﻟﻤﻮﺿﻮﻉ
ﺑﻠﻌﺖ ﺭﻳﻜﻲ ﺑﺎﺭﺗﺒﺎﻙ
ﺑﺎﻟﻠﻪ ﻫﺎﻱ ﺷﻠﻮﻥ ﺭﺍﺡ ﺍﻟﺰﻛﻬﺎ ﻟﻠﺴﺎﻟﻔﺔ
ﺳﺒﻠﺖ ﻋﻴﻮﻧﻲ ﻭﺍﻧﻲ ﻣﺴﺘﻨﺪﺓ
ﻋﻠﻴﻪ ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻩ ﻭﻗﺮﺑﺖ ﺷﻔﺘﻲ ﻭﺑﺴﺘﻪ ﻣﻦ ﺣﻨﻜﻪ
ﺍﻧﺘﺒﻬﺖ ﻷﻳﺪﻩ ﺭﺧﺖ ﻋﻦ ﺯﻧﺪﻱ
ﺣﺠﻴﺖ ﺑﺼﻮﺕ ﻣﻨﻌﻮﺹ
.. ﺍﻛﻮﻭﻭﻭﻭﻭﻝ ﺣﺒﻴﺒﻲ ﻗﺴﺎﻡ ﺷﻨﻮ ﺷﺒﻴﻚ
ﻏﺎﺡ ( ﺭﺍﺡ ) ﺗﺨﻠﺺ ﻋﻠﻴﺔ ﺍﻟﻠﻴﻠﺔ ﺑﺎﻟﺤﺠﻲ ﺑﺲ ﺗﺴﻮﻟﻒ
ﺭﻓﻊ ﺣﺎﺟﺒﻪ ﺑﺎﺳﺘﻐﺮﺍﺏ ﻭﻛﺎﻝ
.. ﻫﻮ ﻣﻨﻮ ﺍﻟﻲ ﺻﺎﺭﻟﻬﺎ ﺳﺎﻋﺔ ﺗﻐﻮﻏﻮ ﺑﺮﺍﺳﻲ .
ﺍﺣﺠﻴﻠﻲ ﺷﻨﻮ ﻓﻠﻤﺞ ﺍﻟﻴﻮﻡ ﻣﺎ ﻣﺮﺗﺎﺡ ﻷﺳﺄﻟﺘﺞ ﺍﺣﺲ ﻭﺭﺍﻫﺎ ﺷﻲ
ﺧﺮﺏ ﺑﺎﻟﺤﻆ ﻫﺬﺍ ﻣﻴﻌﺒﺮ ﻋﻠﻴﻪ ﺷﻲ ﻫﺴﻪ ﺷﻠﻮﻥ ﺷﺴﻮﻱ
ﺍﺑﺘﺴﻤﺖ ﻭﺭﺟﻌﺖ ﺣﻮﻃﺖ ﺭﻛﺒﺘﻪ ﺑﺜﻨﻴﻦ ﺍﻳﺪﻳﺔ ﻭﺩﻧﻜﺖ ﻋﻠﻴﻪ
ﻭﻛﻠﺘﻠﻪ .. ﻫﺎ ﺷﻔﺖ ﺷﻠﻮﻥ ﺗﺬﺑﻬﺎ ﺑﻐﺎﺳﻲ ( ﺑﺮﺍﺳﻲ )
ﻭﺍﻧﺖ ﺑﻌﺪﻙ ﺑﺲ ﺗﺴﻮﻟﻒ ﺑﻨﻔﺲ ﺍﻟﻤﻮﺿﻮﻉ
ﻭﻣﻀﻴﻊ ﻋﻠﻴﻨﺎ ﺍﺣﺘﻔﺎﻟﻴﺔ ﻳﻮﻡ ﺍﻟﺘﺤﻐﻴﻎ ﻭﺍﻟﻨﺼﻎ ( ﺍﻟﺘﺤﺮﻳﺮ ﻭﺍﻟﻨﺼﺮ )
ﺑﺎﻭﻉ ﺑﻌﻴﻮﻧﻲ ﻭﻓﺠﺎﺀﺓ ﺍﻧﻘﻠﺐ ﻭﺗﺒﺎﺩﻟﻨﺎ ﺑﺎﻻﻣﺎﻛﻦ ﻭﻭﺩﻧﻚ ﺭﺍﺳﻪ ﻋﻠﻴﺔ ﻭﻗﺮﺑﻪ ﻭﻛﺎﻝ
.. ﺗﺮﺩﻳﻦ ﺗﺤﺘﻔﻠﻴﻦ ﺗﻌﺎﻱ ﺍﺣﺘﻔﻠﻲ ﺍﻛﻮ ﺍﺣﺪ ﻻﺯﻣﺞ
ﺍﺑﺘﺴﻤﺖ ﺑﺪﻻﻝ . ﻭﺍﻧﻲ ﺑﻴﻦ ﺍﻳﺪﻳﻪ
ﺑﻌﺪﻫﺎ ﺍﺗﺸﺎﺭﻛﻨﺎ ﺑﺎﺣﻠﻰ ﻟﺤﻈﺎﺕ
ﺷﻴﻤﺎﺀ
ﺣﻴﺎﺓ ﺟﺪﻳﺪﺓ ﻭﺑﻴﺖ ﻭﺯﻭﺝ ﻭﻋﺎﺋﻠﺔ .
ﺻﺮﺕ ﻛﻞ ﻳﻮﻡ ﺍﻛﻌﺪ ﻣﺘﻠﻬﻔﺔ ﺣﺘﻰ ﺍﺗﻌﺮﻑ ﺍﻛﺜﺮ ﻋﻠﻰ
ﻋﺎﺋﻠﺘﻲ ﺍﻟﺠﺪﻳﺪﺓ
ﺣﻴﺪﺭ ﺻﺎﺭ ﻫﻮ ﺍﺑﻮﻳﺔ ﻭﺍﺧﻮﻳﺔ ﻭﺳﻨﺪﻱ
ﻭﻛﺮﻳﻢ ﺑﺤﻨﻴﺘﻪ ﻋﻠﻴﺔ .
ﺍﻣﺎ ﺍﻭﻻﺩﻩ
ﺳﺮﻯ ﻭﺣﺴﺎﻡ ﻭﻛﺮﺍﺭ . ﻓﺠﺎﻧﻮﺍ ﻛﻮﻟﺶ ﻣﺤﺮﻭﻣﻴﻦ
ﻣﻦ ﺣﻨﺎﻥ ﺍﻻﻡ ﻭﺩﻭﺭﻫﺎ ﻭﺣﺮﺻﻬﺎ ﺻﺤﻴﺢ ﺟﺎﻧﺖ ﻋﻤﺘﻬﻢ
ﺻﻤﻮﺩ ﻣﻮﺟﻮﺩﺓ . ﻗﺒﻞ ﺯﻭﺍﺟﻨﺎ ﺗﺪﺍﺭﻳﻬﻢ
ﺑﺲ ﻛﺎﻧﺖ ﻣﺠﺮﺩ ﺗﺆﺩﻱ ﻭﺍﺟﺒﻬﺎ ﻭ ﺩﻭﺭﻫﺎ ﺑﻌﻨﺎﻳﺘﻬﻢ .
ﻭﻛﺄﻧﻤﺎ ﺗﺴﻘﻴﻂ ﻓﺮﺽ .
......
ﺣﺴﺐ ﻛﻼﻡ ﺳﺮﻯ
ﻣﺎﻛﻮ ﺑﻴﻨﻬﻢ ﻭﺑﻴﻦ ﻋﻤﺘﻬﻢ ﻣﻮﺩﺓ ﻭﺍﻟﻔﺔ
ﺍﻧﻲ ﺑﺎﻟﺤﻘﻴﻘﺔ ﻋﺮﻓﺖ ﺑﻌﻤﺘﻬﻢ ﻋﻼﻗﺘﻬﺎ ﻭﻳﺎﻫﻢ ﻣﻮ ﻫﻠﻜﺪ
ﻻﻥ ﻣﻦ ﻳﻮﻡ ﺍﻟﻲ ﺻﺎﺭ ﺑﺴﺮﻯ
ﺣﻴﺪﺭ ﻓﻀﻞ ﻳﺠﻴﺒﻬﺎ ﺍﻟﻨﺎ ﻟﻠﺒﻴﺖ ﻭﻣﺎ ﺣﺎﻭﻝ
ﻳﺴﺘﻌﻴﻦ ﺑﺄﺧﺘﻪ ﺻﻤﻮﺩ ﺣﺘﻰ ﺗﺴﺎﻋﺪﻩ ﺑﻌﻼﺝ ﺑﻨﺘﻪ
ﻋﺮﻓﺖ ﺍﻥ ﻭﺟﻮﺩ ﺍﺧﺘﻪ ﺑﻴﻦ ﻋﺎﺋﻠﺘﻪ . ﻣﻮ ﻛﺎﻓﻲ
ﻟﺤﺘﻰ ﻳﺨﻠﻴﻬﻢ ﺍﻭ ﻳﻌﻮﺿﻬﻢ ﺣﺮﻣﺎﻧﻬﻢ ﻣﻦ ﺣﻨﺎﻥ ﺍﻻﻡ
ﻟﺬﻟﻚ ﻗﺮﺭﺕ ﻭﺍﺧﺬﺕ ﻋﻬﺪ ﻋﻠﻰ ﻧﻔﺴﻲ ﺍﻥ
ﺍﺣﻴﻄﻬﻢ ﺑﺄﻫﺘﻤﺎﻣﻲ ﻭﻋﻨﺎﻳﺘﻲ
ﺑﺎﻟﺤﻘﻴﻘﺔ ﻣﻦ ﺩﺧﻠﺖ ﻟﻠﺒﻴﺖ ﻛﻌﺮﻭﺳﺔ
ﺟﻨﺖ ﻛﻠﺶ ﻣﺘﺨﻮﻓﺔ ﻣﻦ ﻫﺎﻱ ﺍﻟﺨﻄﻮﺓ
ﺧﺎﻳﻔﺔ ﻣﻦ ﺗﻘﺒﻞ ﺍﻻﻭﻻﺩ
ﺑﺲ ﺍﻟﺤﻤﺪﻟﻠﻪ .
ﺍﻭﻝ ﻣﺎ ﺑﺪﻳﺖ ﺍﺑﺎﺩﺭ ﺑﺪﻭﺭﻱ ﻛﺄﻡ ﻭﻳﺎﻫﻢ
ﻟﻜﻴﺘﻬﻢ ﻣﺘﻠﻬﻔﻴﻦ ﻭﻣﺴﺘﻌﺪﻳﻦ ﻟﺘﻘﺒﻠﻲ ﺑﺤﻴﺎﺗﻬﻢ
ﺣﺴﺎﻡ ﺟﺎﻥ ﺧﺠﻮﻝ ﻭﺑﻨﻔﺲ ﺍﻟﻮﻗﺖ ﻣﺤﺘﺮﻡ
ﻛﺮﺍﺭ ﻛﺎﻥ ﻳﺒﺎﻭﻉ ﻋﻠﻴﺔ ﻭﻛﺄﻧﻪ ﻣﻤﺼﺪﻙ ﺻﺎﺭ ﻋﻨﺪﻩ ﺍﻡ
ﻣﺒﺎﺩﺭﺍﺗﻪ ﺑﺘﻘﺪﻳﻢ ﺍﻟﻤﺴﺎﻋﺪﺓ ﺑﺎﻟﺒﻴﺖ
ﻛﻞ ﺷﻮﻳﺔ ﻳﺠﻴﻨﻲ ﻭﻳﺴﺄﻟﻨﻲ ﺗﺮﺩﻳﻦ ﺍﺷﺘﺮﻳﻠﺞ ﺷﻲ
ﺳﺮﻯ ﺿﺤﻜﺖ ﻋﻠﻴﻪ ﻭﻛﺎﻟﺖ
.. ﻛﺮﺍﺭ ﻣﺘﻌﻮﺩ ﻫﻮ ﻳﻄﻠﻊ ﻳﺸﺘﺮﻳﻠﻲ ﻣﻦ ﺍﺭﻳﺪ ﺷﻐﻼﺕ ﺍﻭﺣﻠﻮﻳﺎﺕ
ﻭﺍﻧﻲ ﺍﻛﻮﻝ ﻟﻪ ﺩﺍﺋﻤﺎ ﺍﻧﺖ ﺍﺣﺴﻦ ﺍﺥ ﺑﺎﻟﻌﺎﻟﻢ
ﻓﻬﺴﺔ ﻫﻮ ﺩﻳﺘﺒﻊ ﺍﻟﻄﺮﻳﻘﺔ ﻭﻳﺎﺝ
ﺣﺘﻰ ﻳﻜﺴﺐ ﻭﺩﺝ
ﺑﺎﻭﻋﺖ ﻋﻠﻴﻪ . ﻭﺍﺑﺘﺴﻤﺖ ﻭﻛﻠﺘﻠﻪ
.. ﺍﻛﻴﺪ ﺍﻧﺖ ﺗﺸﺘﺮﻳﻠﻲ ﻻﻥ ﺍﻧﺖ ﺭﺟﺎﻝ ﺍﻟﺒﻴﺖ ﻣﻦ ﻳﻄﻠﻊ ﺍﺑﻮﻙ
ﺍﻭﺍﻓﻖ ﺗﺸﺘﺮﻱ ﺑﺲ ﺑﺸﺮﻁ ﺍﺭﻳﺪﻙ ﺗﻜﻮﻟﻲ ﻣﺎﻣﺎ
ﻣﺎ ﺍﺭﻳﺪ ﺍﺳﻤﻌﻚ ﺗﻜﻮﻟﻲ ﺧﺎﻟﺔ
ﺍﻟﺘﻔﺘﺖ ﻋﻠﻰ ﺳﺮﻯ ﻭﺣﺴﺎﻡ ﻭﻃﻠﺒﺖ ﻣﻨﻬﻢ ﻫﺬﺍ ﺍﻟﻄﻠﺐ
ﺍﺣﺐ ﺍﺳﻤﻊ ﻫﺎﻱ ﺍﻟﻜﻠﻤﺔ
ﻛﺮﺍﺭ ﻟﻔﻆ ﺍﻟﻜﻠﻤﺔ ﻭﺻﺎﺭ ﻳﻜﺮﺭﻫﺎ ﺍﻛﺜﺮ ﻣﻦ ﻣﺮﺓ ﻣﺴﺘﻐﺮﺏ ﻟﻔﻈﻬﺎ
ﻛﺮﺍﺭ ﺍﺻﻐﺮ ﻭﺍﺣﺪ ﺑﻴﻬﻢ ﻛﺎﻧﺖ ﺳﻬﻠﺔ ﻋﻠﻴﻪ
.. ﻣﺎﻣﺎ ﺣﻠﻮﺓ ﻛﻠﻤﺔ ﻣﺎﻣﺎ
ﺍﻣﺎ ﺳﺮﻯ ﻓﻜﺎﻥ ﺟﻮﺍﺑﻬﺎ
.. ﺍﻧﺎ ﺍﺣﺐ ﻛﻠﻤﺔ ﺍﻣﻲ
ﻛﺎﻟﺘﻬﺎ ﻣﺘﺮﺩﺩﺓ
ﺑﺲ ﻫﻲ ﺍﻟﺤﻘﻴﻘﺔ ﺑﻴﻦ ﻛﻠﻤﺔ ﻭﻛﻠﻤﺔ ﺗﻨﺴﻰ ﻧﻔﺴﻬﺎ ﻭﺗﻜﻠﻲ ﺧﺎﻟﺔ
ﺍﻣﺎ ﺣﺴﺎﻡ
ﺍﺻﻼ ﻣﺎ ﺭﺩ ﻋﻠﻴﺔ ﺿﻞ ﻳﺘﻬﺮﺏ ﺑﻌﻴﻮﻧﻪ
ﻭﻛﺎﻝ ﺍﻧﺎ ﻛﺒﺮﺕ ﻋﻠﻰ ﻛﻠﻤﺔ ﻣﺎﻣﺎ
ﺳﺮﻯ ﻟﺰﻣﺖ ﻛﻒ ﺍﻳﺪﻱ ﻭﻛﺎﻟﺖ
ﻻﺗﺰﻋﻠﻴﻦ ﻋﻠﻰ ﺣﺴﺎﻡ . ﻫﻮ ﻳﺤﺒﺞ
ﺍﻭﻝ ﻭﺍﺣﺪ ﻭﺍﻓﻖ ﻋﻠﻰ ﺯﻭﺍﺝ ﺑﺎﺑﺎ
ﺍﺑﺘﺴﻤﺖ .. ﺣﺒﻴﺒﺘﻲ ﺳﺮﻯ ﻣﺎﻛﻮ ﺍﻡ ﺗﺰﻋﻞ ﻋﻠﻰ ﺍﻭﻻﺩﻫﺎ
ﺍﻧﻲ ﻣﺎ . ﻃﻠﺒﺖ ﻣﻨﻜﻢ ﺗﺼﻴﺤﻮﻧﻲ ﻣﺎﻣﺎ ﻟﻮ ﻣﺎ ﻛﻨﺖ ﺍﻋﻨﻴﻬﺎ
ﻟﻠﻜﻠﻤﺔ
ﺑﻌﺪﻫﺎ
ﻭﺻﺮﺕ ﺍﺣﺎﻭﻝ ﺍﺗﻘﺮﺏ ﻣﻨﻬﻢ ﻭﺍﺧﻠﻖ ﺍﻻﻟﻔﺔ ﺑﺒﻴﺘﻲ ﺣﺘﻰ ﺍﻗﻮﻱ ﻋﻼﻗﺘﻲ ﺑﻌﺎﺋﻠﺘﻲ
ﻛﻤﺖ ﺍﻓﺮﺽ ﻋﻠﻴﻬﻢ ﺍﻥ ﻛﻞ ﻳﻮﻡ ﻧﻜﻌﺪ ﺳﻮﻳﺔ ﺳﺎﻋﺘﻴﻦ ﺑﺎﻟﻠﻴﻞ
ﻧﺘﺎﺑﻊ ﻓﻠﻢ ﻛﻮﻟﻨﺎ ﺣﺘﻰ ﺣﻴﺪﺭ
ﺟﻨﺖ ﺍﺣﻀﺮﻟﻬﻢ ﺷﺎﻣﻴﺔ ﻭﺣﺐ ﺷﻤﺴﻲ ﻭﻋﺼﻴﺮ ﻟﺰﻭﻡ ﺍﻟﺴﻬﺮﺓ .
ﺟﺎﻥ ﺣﺴﺎﻡ ﺍﺧﺘﺼﺎﺹ ﺍﻓﻼﻡ ﻭﺩﺍﺋﻤﺎ ﻳﻘﺘﺮﺣﻠﻨﺎ ﺍﻓﻼﻡ ﻋﺎﺋﻠﻴﺔ
ﻧﻜﺪﺭ ﻧﺸﻮﻓﻬﺎ ﻛﻠﻨﺎ
ﺍﺣﻠﻰ ﻣﺎ ﻓﻲ ﺍﻟﻤﻮﺿﻮﻉ ﺍﻥ ﻣﻦ ﻧﺒﺪﻱ ﺍﻟﺴﻬﺮﻯ ﻭﻧﻄﻔﻲ ﺍﻟﻀﻮﺓ
ﻧﻜﻌﺪ ﻧﺒﺎﻭﻉ ﻭﺣﻴﺪﺭ ﻛﺎﻥ ﺩﺍﺋﻤﺎً ﻳﻔﻀﻞ
ﻧﻜﻌﺪ ﻋﺎﻟﻘﻨﻔﺔ . ﻭﺍﻟﺠﻬﺎﻝ ﻳﺘﻮﺯﻋﻮﻥ ﺑﺎﻟﻜﺎﻉ
ﺷﻲ ﻣﺘﻤﺪﺩ ﻋﺎﻟﻜﺎﻉ ﻭﻳﺸﺎﻫﺪ ﻭﺷﻲ ﻛﺎﻋﺪ ﻭﻳﺎﻛﻞ
ﺍﻟﻤﻬﻢ ﻛﻮﻟﻨﺎ ﻧﺸﻮﻑ ﺍﻟﻔﻠﻢ
ﺑﺲ ﻃﻮﻝ ﻣﺎ ﺍﺣﻨﺎ ﻧﺒﺎﻭﻉ ﺍﻟﻔﻠﻢ ﺣﻴﺪﺭ ﺑﻐﻴﺮ ﻭﺍﺩﻱ
ﻣﺴﺘﻐﻞ ﺍﻻﺟﻮﺍﺀ ﺍﻟﻈﻠﻤﺔ ﺍﻟﻤﻬﻴﺌﺔ ﻟﻠﺴﻬﺮﺓ
ﻭﻛﻞ ﺷﻮﻳﺔ ﺍﻻﺥ ﻣﺪﻧﻚ ﺭﺍﺳﻪ ﻋﻠﻰ ﺭﻛﺒﺘﻲ
........
ﺣﻴﺪﺭ .. ﺍﻛﻮﻝ ﺷﻨﻮ ﺭﺃﻳﺞ ﻧﻜﻮﻡ ﻭﻧﻌﻮﻓﻬﻢ ﻟﻮﺣﺪﻫﻢ
ﻳﺒﺎﻭﻋﻮﻥ ﻓﻠﻢ ﺍﻟﺪﻳﻨﺎﺻﻮﺭﺍﺕ
ﻋﻨﺪﻱ ﺍﻟﺞ ﺣﺎﺟﺔ ﺑﺎﻟﻐﺮﻓﺔ ﺍﺣﻠﻰ ﻣﻦ ﺍﻟﻔﻠﻢ .
ﻫﻤﺴﺖ ﻳﻢ ﺍﺫﻧﻪ .
.. ﺧﻄﻴﺔ ﺍﻻﻭﻻﺩ ﺷﻮﻓﻬﻢ ﺷﻠﻮﻥ ﻣﺘﻮﻧﺴﻴﻦ
ﻋﻠﻰ ﺍﻟﻠﻤﺔ . ﻋﻔﻴﺔ ﺍﺻﺒﺮ ﻭﺻﻴﺮ ﺣﺒﺎﺏ
ﻭﺍﻭﻋﺪﻙ ﺍﻋﻮﺿﻚ . ﺑﻌﺪﻳﻦ
.. ﺍﻣﺮﻱ ﻟﻠﻪ . ﺧﻼﺹ ﻧﺒﺎﻭﻉ ﺍﻟﻔﻠﻢ ﻭﺍﻟﻠﻪ ﻛﺮﻳﻢ
ﻟﺤﺪ ﻣﺎ ﺍﻧﻘﺮﺽ ﻣﺜﻞ ﺍﻟﺪﻳﻨﺼﻮﺭﺍﺕ ﻭﺍﻧﺘﻲ ﺗﺮﺗﺎﺣﻴﻦ
ﺍﺑﺘﺴﻤﺖ ﻭﻫﻤﺴﺖ ﻳﻢ ﺍﺫﻧﻪ .. ﺍﺷﺸﺸﺶ ﺧﻠﻴﻨﺎ ﻧﺘﺎﺑﻊ
ﺟﻨﺖ ﺍﺣﺠﻲ ﻭﺍﻛﻞ ﺑﺎﻟﺸﺎﻣﻴﺔ ﻭﺑﻜﻠﺒﻲ ﻳﺮﻳﺪ ﻳﻄﻴﺮ ﻋﻠﻰ ﺷﻜﻞ ﺣﻴﺪﺭ ﺍﻟﻤﺎﻋﻨﺪﻩ ﺻﺒﺮ
ﺍﻟﺤﻤﺪﻟﻠﻪ ﻭﺍﻟﺸﻜﺮ
ﺍﻧﻲ ﻣﺤﺮﻭﻣﺔ ﻣﻦ ﺍﻟﺠﻮ ﺍﻟﻌﺎﺋﻠﻲ ﻭﺍﻻﻭﻻﺩ ﻣﺜﻠﻲ ﻫﻢ ﻣﺤﺮﻭﻣﻴﻦ ﺍﻟﻠﻪ ﺟﻤﻌﻨﺎ
ﺣﺘﻰ ﻭﺍﺣﺪﻧﺎ ﻳﻜﻤﻞ ﺍﻟﺜﺎﻧﻲ . ﻭﻧﻌﻮﺽ ﺑﻌﻀﻨﺎ ﻋﻦ ﺍﻟﺤﺮﻣﺎﻥ
ﻫﻤﺔ ﻳﺮﺩﻭﻥ ﺣﻨﺎﻥ ﺍﻻﻡ
ﻭﺍﻧﻲ ﺍﺭﻳﺪ ﺣﻤﺎﻳﺔ ﺍﻟﻌﺎﺋﻠﺔ ﻭﺗﻜﺎﺗﻔﻬﺎ
ﺻﺎﺭﻟﻲ ﻳﻮﻣﻴﻦ ﻣﺨﺒﻮﺻﺔ ﺑﺎﻟﺒﻴﺖ ﻻﻥ ﺣﻴﺪﺭ ﻛﺎﻝ
ﻫﺎﻱ ﺍﻟﻴﻮﻣﻴﻦ ﺍﺑﻮﻱ ﻭﺍﺧﻮﺍﻧﻲ ﻭﺧﻮﺍﺗﻲ ﺭﺍﺡ
ﻳﺠﻮﻥ ﻳﺒﺎﺭﻛﻮﻧﻠﻨﺎ
ﺑﺎﻭﻋﺖ ﻋﻠﻴﻪ ﺑﺨﻮﻑ ﻣﺎ ﺍﻋﺮﻑ ﻟﻴﺶ ﻣﻦ ﻳﺠﻴﺐ ﻃﺎﺭﻱ
ﺍﻫﻠﻪ . ﻛﻠﺒﻲ ﻳﻜﻮﻡ ﻳﺪﻙ ﺣﻴﻞ ﺧﺼﻮﺻﺎً
ﺍﺑﻮﻩ ﻭﺍﺧﻮﻩ ﺍﻟﺠﺒﻴﺮ
ﺍﺗﺬﻛﺮ ﺷﻜﻠﻬﻢ ﺑﻴﻮﻡ ﺍﺟﻮﻱ ﻟﻠﻤﺮﻛﺰ ﻣﺎﻝ ﻣﺮﻭﺓ
ﺟﺎﻧﻮﺍ ﺣﻴﻞ ﻣﺘﺸﺪﺩﻳﻦ
ﺣﻴﺪﺭ ﺍﻧﺘﺒﻪ ﻋﻠﻴﺔ ﻭﺷﺎﻑ ﺧﻮﻓﻲ ﻭﻛﺎﻝ
.. ﺷﻴﻤﺎﺀ ﺍﺩﺭﻱ ﺑﻴﺞ ﺧﺎﻳﻔﺔ ﻣﻦ ﺍﻫﻠﻲ ﻭﺍﻧﺎ ﻣﺘﺄﻛﺪ
ﻣﻦ ﺍﻫﻠﻲ ﻣﺎ ﺭﺍﺡ ﻳﺴﻬﻠﻮﻥ ﻋﻠﻴﺞ ﺍﻟﻮﺿﻊ
ﻻﻥ ﻫﻤﺔ ﺻﻌﺒﻴﻦ
ﻟﺬﻟﻚ ﺍﻃﻠﺐ ﻣﻨﺞ ﺍﻥ ﺗﺘﺤﻤﻠﻴﻬﻢ ﻟﺨﺎﻃﺮﻱ
ﺣﺘﻰ ﻟﻮ ﻳﺴﻤﻌﻮﻧﺞ . ﻛﻼﻡ ﻳﺴﺘﻔﺰﻭﻧﺞ ﺑﻲ
ﺍﻧﺘﻲ ﻻ ﺗﺮﺩﻳﻦ ﻋﻠﻴﻬﻢ ﺑﺲ ﻛﻠﻴﻠﻲ ﻭﺍﻧﺎ ﺍﺷﻮﻑ
ﺷﻐﻠﻲ ﻭﻳﺎﻫﻢ
ﺍﺑﺘﺴﻤﺖ ﻭﺍﻗﺘﺮﺑﺖ ﻋﻠﻴﻪ ﻭﺣﻄﻴﺖ ﺭﺍﺣﺔ ﺍﻳﺪﻱ ﻋﻠﻰ ﺻﺪﺭﻩ ﻭﺍﺗﺒﻌﻬﺎ ﺭﺍﺳﻲ ﺍﺗﻮﺳﺪ ﺻﺪﺭﻩ
ﻭﻛﻠﺖ .. ﻣﺎ ﺩﺍﻡ ﺍﻧﺖ ﻭﺍﻭﻻﺩﻱ ﻭﺑﻨﺘﻲ ﻭﻳﺎﻱ
ﺗﺴﺎﻧﺪﻭﻧﻲ ﺧﻼﺹ ﺍﻧﺎ ﺍﺗﺤﻤﻞ ﺍﻟﻜﻞ ﻋﻠﻤﻮﺩﻛﻢ
ﻟﻤﻨﻲ ﻟﺤﻈﻨﻪ ﻭﻛﺎﻝ .. ﺍﺩﺭﻱ ﺑﻴﺞ ﺍﻧﺘﻲ ﻛﺪﻫﺎ ﻭﻛﺪﻭﺩ
ﻭﺭﺍﺡ ﺗﺮﻓﻌﻴﻦ ﺭﺍﺳﻲ
ﺍﻧﺘﺒﻬﺖ ﻣﻦ ﺻﻔﻨﺘﻲ
ﺧﻠﺺ ﺍﻟﻔﻠﻢ ﻭﻟﻜﻴﺖ ﻛﺮﺍﺭ . ﻭﺣﺴﺎﻡ ﻧﺎﻳﻤﻴﻦ . ﻭﺳﺮﻯ ﺍﻟﺘﻔﺘﺖ ﻋﻠﻴﻨﺎ ﻭﺍﺑﺘﺴﻢ ﻭﻛﺎﻟﺖ
.. ﺧﺎﻟﺔ ﺷﻴﻤﺎﺀ . ﺣﺘﻰ ﺑﺎﺑﺎ ﻧﺎﻡ
ﺍﻟﺘﻔﺘﺖ ﻭﻟﻜﻴﺖ ﺣﻴﺪﺭ ﺭﺍﻳﺢ ﺑﺴﺎﺑﻊ ﻧﻮﻣﺔ
.. ﺳﺮﻯ ﻛﻌﺪﻱ ﺍﺧﻮﺍﻧﺞ ﺣﺘﻰ ﻳﺮﺣﻮﻥ ﻳﻨﺎﻣﻮﻥ ﺑﻐﺮﻓﺘﻢ
.. ﺍﻥ ﺷﺎﺀ ﺍﻟﻠﻪ
ﺭﺍﺣﺖ ﻛﻌﺪﺕ ﺍﺧﻮﺍﻧﻬﺎ
ﻭﺍﻧﻲ ﻭﺻﺮﺕ ﺍﻧﺪﻩ ﺑﺤﻴﺪﺭ
ﻛﻌﺪ ﻣﻦ ﺍﻟﻨﻮﻡ ﻭﺑﺎﻭﻉ ﻣﻨﺎ ﻭﻣﻨﺎ ﻳﺸﻮﻑ ﻭﻳﻦ ﻣﻜﺎﻧﻪ
.. ﻛﻮﻡ ﻧﺎﻡ ﺑﻐﺮﻓﺘﻚ
ﺣﺠﺔ ﺑﺼﻮﺕ ﻧﻌﺴﺎﻥ ﻭﻛﺎﻝ
.. ﻫﺎ ﺍﻻﻭﻻﺩ ﻭﻳﻦ ﺷﻨﻮ ﺧﻠﺺ ﺍﻟﻔﻠﻢ
.. ﺍﺑﺘﺴﻤﺖ ﻋﻠﻰ ﺷﻜﻠﻪ ﺍﻟﻨﻌﺴﺎﻥ ﻣﺪﻳﺘﻠﻪ ﺍﻳﺪﻱ
ﺣﺘﻰ ﺍﺳﺎﻋﺪﻩ ﻳﻜﻮﻡ ﻣﻦ ﻣﻜﺎﻧﻪ
ﻟﺰﻡ ﺍﻳﺪﻱ ﻭﻧﻬﺾ ﻣﻦ ﺍﻟﻘﻨﻔﺔ
ﺗﺮﻛﺘﻪ ﺭﺍﺡ ﻳﻘﻔﻞ ﺍﻟﺒﻴﺒﺎﻥ
ﻭﺍﻧﻲ ﺭﺣﺖ ﺩﺧﻠﺖ ﻟﻠﻐﺮﻓﺔ .
ﺑﺪﻟﺖ ﻭﺭﺣﺖ ﺍﺧﺬﺕ ﻧﻘﺎﻟﻲ ﺍﺗﻌﻮﺩﺕ ﻛﻞ ﻳﻮﻡ
ﺑﺎﻟﻠﻴﻞ ﺍﺗﺼﻞ ﻋﻠﻰ ﻣﺮﻭﺓ .
ﻭﺍﻛﻌﺪ ﺍﺳﻮﻟﻒ ﻭﻳﺎﻫﺎ ﻭﺍﺳﺄﻟﻬﺎ ﻋﻦ ﻭﺿﻌﻬﺎ
ﻭﺣﺎﻝ ﻣﺮﻳﻢ ﺑﺎﻻﻣﺘﺤﺎﻧﺎﺕ
ﺻﺤﻴﺢ ﺍﺗﺰﻭﺟﺖ . ﺑﺲ ﺑﻌﺪﻧﻲ ﻛﻠﺒﻲ ﻳﻢ ﺧﻮﺍﺗﻲ
.......
ﺍﻛﻮﻝ ﻣﺮﻭﺓ ﺳﻤﻌﺖ ﺑﺎﺟﺮ ﺭﺍﺡ ﻳﻌﻠﻨﻮﻥ ﻋﻦ ﻧﺘﺎﺋﺞ ﺍﻟﺴﺎﺩﺱ
.. ﺍﻱ ﺑﺎﺟﺮ ﺍﻋﻼﻥ ﺍﻟﻨﺘﺎﺋﺞ ﻭﻣﺮﻳﻢ ﻛﻠﺶ ﻣﺘﻮﺗﺮﺓ ﺧﻄﻴﺔ
.. ﺣﻘﻬﺎ ﻻﻥ ﻟﺤﻈﺎﺕ ﺍﻻﻧﺘﻈﺎﺭ ﻭﺍﻟﺘﺮﻗﺐ ﺗﺤﻄﻢ ﺍﻻﻋﺼﺎﺏ ﺍﻥ ﺷﺎﺀ ﺍﻟﻠﻪ ﺗﻨﺠﺢ ﻭﺗﺮﻓﻊ ﺭﺍﺳﻨﺎ
.. ﺍﻟﻠﻬﻢ ﺍﻣﻴﻦ
ﺍﻛﻮﻝ ﺷﻮﻣﺔ . ﻣﺎ ﺍﻟﻠﻪ ﻳﻬﺪﻳﺞ ﻭﺗﺮﺟﻌﻴﻦ ﺗﺪﺍﻭﻣﻴﻦ
ﻭﻳﺎﻱ ﻭﺍﻟﻠﻪ ﻣﺤﺘﺎﺟﺘﺞ ﺑﺎﻟﻤﺮﻛﺰ ﻭﺻﺎﻳﺮﺓ ﺧﺮﺑﻄﺔ ﺑﺎﻟﻨﻈﺎﻡ
ﻋﻔﻴﺔ ﺣﺘﻰ ﻟﻮ ﺗﻔﺮﻏﻴﻦ ﻧﻔﺴﺞ ﻳﻮﻣﻴﻦ ﺑﺎﻻﺳﺒﻮﻉ
ﺍﺑﺘﺴﻤﺖ .. ﺍﺩﺭﻱ ﺑﺮﻭﺣﻲ ﻃﻮﻟﺖ ﻋﻠﻴﺞ ﻭﻣﺼﺨﺘﻬﺎ
ﺑﺲ ﺍﻥ ﺷﺎﺀ ﺍﻟﻠﻪ ﺑﻨﻬﺎﻳﺔ ﻫﺬﺍ ﺍﻟﺸﻬﺮ ﻋﻠﻤﺎ ﺍﺑﺪﻱ ﺍﺭﺗﺐ ﺍﻣﻮﺭﻱ ﺑﺎﻟﺒﻴﺖ .
.. ﺷﻮﻣﺔ ﺍﻧﻲ ﻋﺎﺫﺭﺗﺞ ﺧﺼﻮﺻﺎ ﺍﻧﺘﻲ ﻣﺼﺎﺭﻟﺞ
ﺷﻬﺮ ﻣﻦ ﺍﺗﺰﻭﺟﺘﻲ . ﻭﻳﺎﺩﻭﺏ ﺗﺘﻌﻮﺩﻳﻦ ﻋﻠﻰ ﺣﻴﺎﺗﺞ
ﺍﻟﺠﺪﻳﺪﺓ . ﺑﺲ
ﺑﻨﻔﺲ ﺍﻟﻮﻗﺖ ﻣﺎ ﺍﺭﻳﺪﺝ ﺗﺘﻨﺎﺯﻟﻴﻦ ﻋﻦ ﻋﻤﻠﺞ ﻭﻭﻇﻴﻔﺘﺞ
ﻃﺒﻌﺎً ﺍﻧﻲ ﺍﺣﺠﻲ ﻭﻳﺎﺝ ﻫﺸﻜﻞ ﻣﻮ ﻋﻠﻤﻮﺩ ﺗﺠﻴﻦ ﺗﺴﺎﻋﺪﻳﻨﻲ . ﺑﺎﻟﺸﻐﻞ
ﺻﺤﻴﺢ ﺑﻐﻴﺎﺑﺞ ﺻﺎﺭ ﻋﻠﻴﺔ ﻟﻮﺩ ﺑﺎﻟﻌﻤﻞ
ﺑﺲ ﻣﺎﻛﻮ ﺷﻲ ﻳﺒﻘﻰ ﻋﻠﻰ ﺣﺎﻟﻪ
ﺍﻛﺪﺭ ﺑﻤﺮﻭﺭ ﺍﻟﻮﻗﺖ ﺍﻭﻇﻒ ﻭﺣﺪﺓ ﺗﺴﺎﻋﺪﻧﻲ
ﻟﻜﻦ ﺍﻧﺎ ﻋﻠﻤﻮﺩﺝ ﺍﻧﺘﻲ ﻣﺎ ﺍﺭﻳﺪﺝ ﺗﻨﺴﻴﻦ ﻧﻔﺴﺞ
ﻭﻇﻴﻔﺘﺞ ﻭﻋﻤﻠﺞ . ﻫﻤﺔ ﻛﻴﺎﻧﺞ
ﻣﺎ ﺍﺭﻳﺪﺝ ﺗﺘﻨﺎﺯﻟﻴﻦ ﻋﻨﻬﻢ ﺣﺘﻰ ﻟﻮ ﻛﺎﻥ ﺣﻴﺪﺭ ﻣﻤﻘﺼﺮ ﻭﻳﺎﺝ .
ﺍﺑﺘﺴﻤﺖ ﻭﻛﻠﺘﻠﻬﺎ
.. ﻣﻦ ﻏﻴﺮ ﻣﺎ ﺗﻜﻮﻟﻴﻦ ﺍﻧﻲ ﻭﺣﻴﺪﺭ ﻣﺘﻔﻘﻴﻦ
ﻋﻠﻰ ﺍﺳﺘﻤﺮﺍﺭﻱ ﺑﻮﻇﻴﻔﺘﻲ
.. ﻋﻔﻴﺔ ﻋﻠﻴﺞ
.. ﺍﻱ ﻣﺮﻭﺓ ﺻﺪﻙ ﻗﺒﻞ ﻻ ﺍﻧﺴﻰ ﻫﺪﻯ ﺍﺗﺼﻠﺖ ﻋﻠﻴﺔ .
ﺗﻜﻮﻝ ﺷﻮﻛﺖ ﺗﺎﺧﺬﻭﻥ ﺭﺃﻱ ﻣﺮﻳﻢ ﻋﻠﻰ ﺍﻟﺨﻄﻮﺑﺔ
ﻻﻥ ﻋﻴﺎﻟﻬﺎ ﻛﻞ ﺷﻮﻳﺔ ﻳﺴﺄﻟﻮﻧﻬﺎ . ﻳﺮﺩﻭﻥ ﻳﻌﺮﻓﻮﻥ ﺍﻟﺠﻮﺍﺏ
ﺣﺘﻰ ﻳﺤﺪﺩﻭﻥ ﺍﻟﺨﻄﻮﺑﺔ
ﻣﺮﻭﺓ ﺍﺑﺘﺴﻤﺖ ﻭﻛﺎﻟﺖ
.. ﻭﺍﻟﻠﻪ ﻳﺎ ﺣﻠﻮﺓ
ﺍﻧﻲ ﺍﻟﻴﻮﻡ ﺑﺎﻟﺼﺪﻓﺔ ﻣﻦ ﺟﻨﺖ ﺍﺣﺠﻲ ﻭﻳﺎﻫﺎ
ﻭﺟﺒﺖ ﺳﻴﺮﺓ ﻋﻠﻰ ﺍﻟﺰﻭﺍﺝ ﻭﺍﻟﺤﻴﺎﺓ ﺍﻟﺰﻭﺟﻴﺔ . ﻭﺍﻟﺒﻨﻴﺔ
ﻣﻦ ﺗﺘﺰﻭﺝ
ﺣﺒﻴﺖ ﺍﺟﺲ ﻧﺒﻀﻬﺎ ﻭﺍﺷﻮﻑ ﺷﻨﻮ ﺭﺃﻳﻬﺎ
ﻋﺮﻓﺖ ﻣﻦ ﺧﻼﻝ ﻛﻼﻣﻬﺎ ﺍﻥ ﻫﻲ ﻛﺄﻱ ﺑﻨﻴﺔ
ﺗﺤﻠﻢ ﺑﺎﻟﺰﻭﺍﺝ . ﻭﺑﻨﻔﺲ ﻟﻠﻮﻗﺖ ﺗﺮﻳﺪ ﺍﻟﺸﻬﺎﺩﺓ
ﻭﻣﻦ ﺳﺄﻟﺘﻬﺎ ﻋﻦ ﺭﺃﻳﻬﺎ . ﺑﻬﺸﺎﻡ
ﺍﺑﺘﺴﻤﺖ ﻭﺻﺎﺭﺕ ﺧﺪﻭﺩﻫﺎ ﺣﻤﺮ ﻭﻛﺎﻟﺖ ﺑﻜﻴﻔﻜﻢ
ﺍﻧﺘﻲ ﻭﺷﻴﻤﺎﺀ ﺷﻨﻮ ﺭﺃﻳﻜﻢ .
ﻛﻠﺘﻠﻬﺎ .. ﺍﻧﻲ ﻭﺷﻴﻤﺎﺀ ﺍﻟﻨﺎ ﺣﻖ ﺑﺘﺤﺪﻳﺪ ﻣﺼﻴﺮﺝ ﻟﺤﺪ ﻣﺎ ﺗﺎﺧﺬﻳﻦ ﺷﻬﺎﺩﺓ ﺍﻟﺴﺎﺩﺱ
ﻟﻜﻦ ﺑﻌﺪ ﺍﺳﺘﻼﻡ ﺍﻟﺸﻬﺎﺩﺓ
ﺭﺍﺡ ﺗﻜﻮﻥ ﺍﻟﻜﻠﻤﺔ ﺍﻻﻭﻟﻰ ﻭﺍﻻﺧﻴﺮﺓ ﺭﺍﺟﻌﺔ ﺍﻟﺞ
ﺍﻧﺘﻲ ﺻﺎﺣﺒﺔ ﺍﻟﻘﺮﺍﺭ
.. ﺷﻨﻮ ﺟﺎﻭﺑﺘﺞ
.. ﻛﺎﻟﺖ ﺍﻧﻲ ﻣﻮﺍﻓﻘﺔ ﻋﻠﻰ ﻫﺸﺎﻡ ﺑﺲ ﻋﻨﺪﻱ ﺷﺮﻁ
.. ﻭﺷﻨﻮ ﻫﺬﺍ ﺍﻟﺸﺮﻁ
.. ﻛﺎﻟﺖ ﺍﺭﻳﺪ ﺍﻛﻤﻞ ﺩﺭﺍﺳﺘﻲ . ﻣﺎ ﺍﺭﻳﺪ ﺍﺑﻄﻞ ﻭﺍﻛﻌﺪ ﺑﺎﻟﺒﻴﺖ
.. ﺑﺎﻟﺤﻘﻴﻘﺔ ﻣﻦ ﺩﻭﻥ ﻣﺎﺗﻄﻠﺐ ﻫﻮ ﻫﺬﺍ ﻛﺎﻥ ﺷﺮﻃﻨﺎ ﻣﻦ ﺍﻟﺒﺪﺍﻳﺔ
.. ﻫﻮ ﺣﺘﻰ ﺍﻧﻲ ﻛﻠﺘﻠﻬﺎ ﻣﻦ ﻏﻴﺮ ﻣﺘﻜﻮﻟﻴﻦ .
ﺍﺣﻨﺎ ﻣﻨﻘﺒﻞ ﻧﺰﻭﺟﺞ ﺍﺫﺍ ﻣﺎ ﻧﻈﻤﻦ ﺍﻥ ﻳﺨﻠﻴﺞ ﺗﻜﻤﻠﻴﻦ . ﻛﻠﻴﺘﺞ
.. ﻳﻌﻨﻲ ﻫﺴﺔ ﺍﻓﺘﻬﻢ ﻣﻦ ﻛﻼﻣﺞ ﺍﻥ ﻣﺮﻳﻢ ﻣﻮﺍﻓﻘﺔ
.. ﺍﻱ ﻣﻮﺍﻓﻘﺔ
.. ﻟﻌﺪ ﺍﻥ ﺷﺎﺀ ﺍﻟﻠﻪ ﺍﺗﺼﻞ ﻋﻠﻰ ﻫﺪﻯ ﻭﺍﻧﻄﻴﻬﺎ ﺍﻟﺨﺒﺮ ﺣﺘﻰ
ﺗﻜﻮﻝ ﻟﻌﻴﺎﻟﻬﺎ .
......
ﺍﻥ ﺷﺎﺀ ﺍﻟﻠﻪ .
ﻳﺎﻟﻠﻪ ﺣﺒﻴﺒﺘﻲ . ﺍﺧﺬﻱ ﺭﺍﺣﺘﺞ ﺗﺮﺓ ﺍﻟﻮﻗﺖ ﺍﺗﺄﺧﺮ
ﻋﻴﺐ ﻣﻦ ﺯﻭﺟﺞ
ﻧﻬﺖ ﺍﻻﺗﺼﺎﻝ .
ﺍﻟﺘﻔﺘﺖ ﻟﻜﻴﺖ ﺣﻴﺪﺭ ﻧﺎﻳﻢ ﺍﺑﺘﺴﻤﺖ
ﻭ ﺭﺣﺖ ﺍﺗﻤﺪﺩﺕ ﻳﻤﻪ ﻭﻟﻤﻴﺘﻪ ﻟﺤﻀﻨﻲ
ﻭﺩﻧﻜﺖ ﻭﺍﺳﺘﻨﺸﻘﺖ ﻋﻄﺮ ﺻﺪﺭﻩ
ﻭﻏﻔﻴﺖ ﺑﺪﻓﻮ ﺍﺣﻀﺎﻧﻪ
ﻫﺪﻯ
ﻛﻌﺪﺕ ﻣﻦ ﺍﻟﻨﻮﻡ . ﻭﻳﺔ ﻗﺎﺳﻢ
ﻟﻜﻴﺘﻪ ﺟﺎﻳﺐ ﺍﺳﻮ ﻣﻦ ﻏﺮﻓﺔ ﻫﺎﻟﺔ
ﻭﺣﺎﻃﻬﺎ ﺑﺴﺮﻳﺮﻫﺎ ﻭﻧﺎﻳﻤﺔ ﺍﻻﺧﺖ
ﺑﺎﻭﻋﺖ ﻋﻠﻴﻪ ﻭﻫﻮ ﻳﺒﺪﻝ ﻣﻼﺑﺴﻪ
ﻭﺳﺄﻟﺘﻪ
.. ﻫﺎﻱ ﺷﻮﻛﺖ ﺟﺒﺘﻬﺎ
.. ﺍﻟﺒﺎﺭﺣﺔ ﺳﻤﻌﺘﻬﺎ ﺩﺗﺒﺠﻲ ﻭﺍﻟﺴﺖ ﻫﺎﻟﺔ
ﻧﺎﻳﻤﺔ . ﻭﻻﻳﻤﻬﺎ
ﻛﻤﻠﺖ ﺗﺤﻀﻴﺮ ﺷﻐﻼﺕ ﻗﺎﺳﻢ ﺍﺭﻳﺪ ﺑﺲ ﺍﻧﺰﻝ
ﻛﻮﺓ ﻻﺯﻣﺔ ﺭﻭﺣﻲ ﺍﺭﻳﺪ ﺍﻛﻮﻝ ﻟﻬﺎﻟﺔ ﻋﻦ ﺍﻟﺨﺒﺮ
ﺍﻟﺤﻠﻮ
ﺣﻄﻴﺘﻠﻪ ﺳﺎﻋﺘﻪ ﻋﻠﻰ ﻣﻴﺰ ﺍﻟﻤﺮﺍﻳﺎ
ﺟﺎﻥ ﻭﺍﻛﻒ ﻛﺪﺍﻡ ﺍﻟﻤﺮﺍﻳﺎ ﻳﻤﺸﻂ ﺑﺸﻌﺮﻩ
ﻛﻠﺘﻠﻪ ﻣﺴﺘﻌﺠﻠﺔ
.. ﻗﺴﻮﻣﻲ ﺍﻧﻲ ﻧﺎﺯﻟﺔ . ﺍﺟﻬﺰﻟﻚ ﺍﻟﻐﻴﻮﻙ ( ﺍﻟﺮﻳﻮﻙ ) ﺣﺒﻴﺒﻲ ﺑﻴﻦ ﻣﺎ ﺗﺨﻠﺺ
ﺗﺮﻛﺘﻪ ﻭﺭﺍﻱ ﻭﺍﺧﺬﺕ ﺷﺎﻟﻲ
ﺭﺣﺖ ﻋﻠﻰ ﻏﺮﻓﺔ ﻫﺎﻟﺔ ﻟﻜﻴﺘﻬﺎ ﻣﺎﻛﻮ ﺑﻐﺮﻓﺘﻬﺎ
ﻣﻌﻨﺎﻫﺎ ﻛﺎﻋﺪﺓ ﻭﻧﺎﺯﻟﺔ ﺟﻮﺓ
ﻧﺰﻟﺖ ﻟﻠﻤﻄﺒﺦ ﻟﻜﻴﺖ . ﺧﺎﻟﺔ ﻭﻫﺸﺎﻡ
ﻭﻫﺎﻟﺔ ﺩﺗﺴﻮﻱ ﺍﻟﺮﻳﻮﻙ ﺑﺎﻟﻤﻄﺒﺦ ﺍﻟﺤﺎﺭ
ﺳﻠﻤﺖ ﻋﻠﻴﻬﻢ ﻭﺭﺣﺖ ﻛﺒﻞ ﺩﺧﻠﺖ ﻋﺎﻟﻤﻄﺒﺦ ﺍﻟﺤﺎﺭ
ﺩﺍﺭﺕ ﻭﺟﻬﺔ ﻭﺑﺎﻭﻋﺘﻠﻲ ﻭﻛﺎﻟﺖ
.. ﺩﻳﺮﻱ ﺑﺎﻟﺞ ﺑﻌﺪ ﺗﻜﻮﻟﻴﻦ ﺧﻠﻲ ﺑﻨﺘﻲ ﺍﺳﻮ ﻳﻤﺞ
ﺧﻼﺹ ﺑﻄﻠﺖ ﺑﻌﺪ ﺭﺍﺡ ﺍﻋﺰﻝ ﺍﻟﺤﻀﺎﻧﺔ
ﺍﻧﺘﻮﺍ ﺍﺑﺘﻠﻮﺍ . ﺑﺒﻨﺘﻜﻢ
ﺭﻓﻌﺖ ﺣﺎﺟﺒﻲ ﻭﻛﻠﺘﻠﻬﺎ
.. ﺍﻣﺪﺍﺝ ﻋﻮﺑﺔ . ﻣﻮ ﺻﻮﺟﺞ ﺻﻮﺟﻲ ﺍﻧﻲ
ﺍﻟﻲ ﻛﺎﻋﺪﺓ ﺍﺧﻄﻂ ﻭﺍﺳﻮﻱ ﺷﻐﻼﺕ ﻭﻣﺘﻌﺒﺔ ﺭﻭﺣﻲ
ﻭﺍﺳﺤﺐ ﺍﻟﻜﻼﻡ ﺑﺎﻟﻜﻮﺓ ﻣﻦ ﻗﺎﺳﻢ
ﺍﺻﻼ ﺍﻧﻲ ﺣﻄﻴﺖ ﺑﻨﺘﻲ ﻳﻤﺞ ﻋﻠﻤﻮﺩ ﺣﻀﻐﺘﺞ ﺣﻀﺮﺗﺞ
ﻛﻠﺖ ﺍﻟﺒﻴﺾ ﻭﺣﻄﺘﻪ ﺑﺎﻟﺼﺤﻦ
ﻭﻛﺎﻟﺖ .. ﺷﻌﻨﺪﻫﺎ ﺍﻟﺴﻠﻄﺎﻧﺔ ﻫﻮﻳﺎﻡ
ﺗﺨﻄﻂ
.. ﻭﺍﻟﻠﻪ ﻟﻮ ﺗﻌﻐﻔﻴﻦ ﺍﻟﺒﺎﻏﺤﺔ ( ﺗﻌﺮﻓﻴﻦ ﺍﻟﺒﺎﺭﺣﺔ ) ﺷﻨﻮ ﺳﻤﻌﺖ
ﺟﺎﻥ ﻫﺴﺔ ﺗﺠﻴﻦ ﺑﻮﺳﻴﻨﻲ ﻣﻦ ﻏﺎﺳﻲ ( ﺭﺍﺳﻲ )
ﺟﻨﺎ ﻧﺤﺠﻲ ﻭﺳﻤﻌﻨﺎ ﺻﻮﺕ ﺍﻡ ﻗﺎﺳﻢ ﺗﺼﻴﺢ ﻟﻬﺎﻟﺔ ﺗﺴﺘﻌﺠﻠﻬﺎ
ﻋﺎﻟﺮﻳﻮﻙ
ﻫﺎﻟﺔ ﺷﺎﻟﺖ ﺍﻟﺼﺤﻮﻥ
ﻛﻠﺘﻠﻬﺎ .. ﻭﺩﻱ ﺍﻟﺼﺤﻮﻥ ﻭﺗﻌﺎﻱ ﺑﺴﻐﻌﺔ ( ﺑﺴﺮﻋﺔ ) ﺣﺘﻰ ﺍﺣﺠﻴﻠﺞ
ﺷﻨﻮ ﻋﻐﻔﺖ ( ﻋﺮﻓﺖ )
ﺭﺍﺣﺖ ﻫﺎﻟﺔ ﻭﺍﻧﻲ ﺑﻠﺸﺖ ﺍﺳﻮﻱ ﺭﻳﻮﻙ ﻟﻘﺎﺳﻢ
ﻛﻤﻠﺘﻪ ﻋﺎﻟﺴﺮﻳﻊ ﻭﺭﺣﺖ ﺍﺧﺬﺗﻪ ﻟﻪ
ﻟﻜﻴﺘﻪ ﻛﺎﻋﺪ . ﺣﻄﻴﺘﻪ ﻛﺪﺍﻣﻪ
ﻟﻜﻴﺖ ﻫﺎﻟﺔ ﻛﺎﻋﺪﺓ ﺗﺘﺮﻳﻚ ﺭﺣﺖ ﻛﻌﺪﺕ ﻳﻤﻬﺎ
ﻭﺻﺒﻴﺘﻠﻲ ﺟﺎﻱ . ﺍﻧﺘﻈﺮ ﺍﻟﻠﺤﻈﺔ ﺍﺣﺠﻲ ﻟﻬﺎﻟﺔ ﻋﻦ ﺳﺎﻟﻔﺔ ﻋﺰﺍﻡ
ﻗﺎﺳﻢ ﺑﺎﻭﻉ ﻋﻠﻰ ﺍﻣﻪ . ﻭﺳﺄﻝ ﺍﻣﻪ
.. ﻫﺎ ﻳﻤﺔ ﺣﺠﻴﺘﻲ ﻭﻳﺔ ﻫﺎﻟﺔ ﻋﻦ ﻣﻮﺿﻮﻉ ﺍﻟﺨﻄﻮﺑﺔ
ﺍﻡ ﻗﺎﺳﻢ .. ﻻ ﻭﺍﻟﻠﻪ ﺑﻌﺪﻧﻲ . ﻫﻮ ﻭﻳﻦ ﻟﺤﻜﺖ ﺍﺳﺄﻟﻬﺎ
ﺍﺫﺍ ﺍﻧﺖ ﺑﺎﻟﻠﻴﻞ ﻳﺎﻟﻠﻪ ﻛﻠﺘﻠﻲ ﻭﻫﻲ ﺟﺎﻧﺖ ﻧﺎﻳﻤﺔ
ﺍﺑﺎﻭﻉ ﻟﻬﺎﻟﺔ ﺍﺭﺗﺒﻜﺖ ﻭﻣﻦ ﺧﺒﺼﺘﻬﺎ ﺍﻧﻜﻠﺐ ﻛﻮﺏ ﺍﻟﺸﺎﻱ ﻋﺎﻟﻤﻴﺰ
ﻗﺎﺳﻢ ﺑﺎﻭﻉ ﻋﻠﻴﻬﺎ ﻭﺍﺑﺘﺴﻢ ﻭﻛﺎﻡ ﻭﺣﺠﺔ ﻭﻳﺔ ﻫﺸﺎﻡ
ﻳﺎﻟﻠﻪ ﻫﺸﺎﻡ ﻛﻮﻡ ﻫﻢ ﻳﺎﻟﻠﻪ ﻧﺮﻭﺡ ﺍﻟﻴﻮﻡ ﺍﻟﻤﺮﺣﻠﺔ ﺍﻟﻨﻬﺎﺋﻴﺔ
ﻟﻼﺗﻔﺎﻕ ﻭﺍﻟﻤﻜﺎﺗﺒﺔ
.......
ﺑﺎﻭﻉ ﻻﻣﻪ ﻭﻛﺎﻝ
.. ﻳﻤﺔ ﻣﻮ ﺗﻨﺴﻴﻦ ﺍﺩﻋﻠﻴﻨﺎ
.. ﺭﻭﺡ ﻳﻤﺔ ﺍﻟﻠﻪ ﻳﺴﻬﻠﻬﺎ ﻋﻠﻴﻚ . ﻭﻳﺪﻓﻊ ﻋﻨﻚ ﺷﺮ ﺍﻭﻻﺩ ﺍﻟﺤﺮﺍﻡ
ﻃﻠﻌﻮﺍ ﺍﻟﻮﻟﺪ ﻭﺍﻧﻲ ﺧﻠﺼﺖ ﺭﻳﻮﻛﻲ ﻭﻛﻤﺖ ﻣﻦ ﻣﻜﺎﻧﻲ
ﻭﺷﻠﺖ ﺍﻟﺼﺤﻮﻥ ﻭﻏﻤﺰﺕ ﻟﻬﺎﻟﺔ ﺗﻠﺤﻜﻨﻲ ﻋﺎﻟﻤﻄﺒﺦ ﺍﻟﺤﺎﺭ
ﺷﺎﻟﺖ ﺍﻟﻜﻮﺍﺑﺔ
ﻭﺍﺟﺘﻲ ﺗﻜﻮﻡ ﻣﻦ ﻣﻜﺎﻧﻬﺎ ﻭﺍﺳﺘﻮﻗﻔﺘﻬﺎ
ﺍﻡ ﻗﺎﺳﻢ ﻭﻛﻠﺘﻠﻬﺎ
.. ﻟﺤﻈﺔ ﻫﺎﻟﺔ ﻻ ﺗﺮﺣﻴﻦ . ﻋﻨﺪﻱ ﻣﻮﺿﻮﻉ
ﺍﺭﻳﺪ ﺍﺣﺠﻲ ﻭﻳﺎﺝ
ﺭﺟﻌﺖ ﻫﺎﻟﺔ ﻛﻌﺪﺕ ﺑﻤﻜﺎﻧﻬﺎ ﻭﺑﺎﻭﻋﺖ ﻋﻠﻴﺔ
ﻭﺭﺟﻌﺖ ﻧﻈﺮﻫﺎ ﺑﺎﻭﻋﺖ ﻋﻠﻰ ﺍﻣﻬﺎ
ﺍﻧﮕﻠﺐ ﻭﺟﻬﺎ ﺍﺻﻔﺮ
ﻋﺒﺎﻟﻬﺎ ﺍﻣﻬﺎ ﺭﺍﺡ ﺗﺴﺄﻟﻬﺎ ﻋﻦ ﺍﻟﻮﻟﺪ ﺍﻟﻲ ﺍﺗﻘﺪﻣﻠﻬﺎ ﺑﺎﻟﻜﻠﻴﺔ
ﺍﻡ ﻗﺎﺳﻢ .. ﻫﺎﻟﺔ ﺍﻧﺘﻲ ﻛﺒﺮﺗﻲ
ﻭﺻﺎﺭﻭﺍ ﺍﻟﻌﺮﺳﺎﻥ ﻳﺘﻘﺪﻣﻮﻟﺞ
ﻭﺍﻛﻴﺪ ﺳﻤﻌﺘﻲ ﺍﺗﻘﺪﻣﻠﺞ ﺍﻟﻮﻟﺪ ﺍﻟﻲ ﻭﻳﺎﺝ ﺑﺎﻟﻜﻠﻴﺔ
ﻫﺎﻟﺔ ﺣﺠﺖ ﺑﺼﻮﺕ ﻧﺎﺻﻲ
.. ﺍﻱ ﺳﻤﻌﺖ ﻣﻦ ﻗﺎﺳﻢ ﺍﻟﺒﺎﺭﺣﺔ ﺟﺎﻳﻴﻦ ﻋﻠﻴﻪ ﻫﻮ ﻭﺍﺑﻮﻩ
ﺍﻡ ﻗﺎﺳﻢ .. ﺷﻮﻓﻲ ﻳﻤﺔ ﻫﺎﻟﺔ .
ﺻﺤﻴﺢ ﺍﻟﻮﻟﺪ ﺍﻟﻲ ﺍﺗﻘﺪﻣﻠﺞ ﺣﺒﺎﺏ ﻭﺍﺩﺭﻱ ﻛﻠﺶ ﺯﻳﻦ
ﻣﺎ ﺩﺍﻡ ﻫﻮ ﺯﻣﻴﻠﺞ ﺑﺎﻟﻜﻠﻴﺔ . ﻣﻌﻨﺎﻫﺎ ﺑﻴﻨﻜﻢ ﻛﻼﻡ ﻭﻭﻋﻮﺩ
ﻭﺗﺒﺎﺩﻟﻴﻨﻪ ﺍﻻﻋﺠﺎﺏ .
ﻫﺎﻟﺔ ﻓﺘﺤﺖ ﺣﻠﻜﻬﺎ ﻣﺼﺪﻭﻣﺔ
.. ﻻ ﻣﺎﻣﺎ ﻣﻮ ﻫﻴﺞ ﺍﻟﺤﺠﻲ ﺍﻧﺘﻲ ﻓﺎﻫﻤﺔ ﺍﻟﺴﺎﻟﻔﺔ ﻏﻠﻂ ﻫﻮ ﺍﺟﺔ ﻋﻠﻴﺔ ﻭﺳﺄﻟﻨﻲ ﻭﺍﻧﻲ ﺟﺎﻭﺑﺘﻪ ﻣﺎ ﺑﻴﻨﺎ ﺍﻱ ﺷﻲ ﻻ ﻳﺮﻭﺡ ﺗﻔﻜﻴﺮﺝ ﺑﻌﻴﺪ
.. ﺣﺒﻴﺒﺘﻲ ﻣﺎﻟﻪ ﺩﺍﻋﻲ ﺗﺴﺘﺤﻴﻦ ﻣﻨﻲ ﺍﻧﻲ ﺍﻣﺞ
ﻭﻫﻴﺞ ﺍﻣﻮﺭ ﻣﺘﻌﺒﺮ ﻋﻠﻴﺔ ﺑﺎﻟﺤﻘﻴﻘﺔ ﺍﻧﻲ ﻣﺪﺍ ﺍﻟﻮﻣﺞ
ﺍﻭﺍﻋﺘﺐ ﻋﻠﻴﺞ ﺑﺲ ﻻﺯﻡ ﺗﻌﺮﻓﻴﻦ ﺗﺮﺓ ﺍﺧﻮﺍﻧﺞ
ﺭﻓﻀﻮﺍ ﺯﻣﻴﻠﺞ
ﻫﺎﻟﺔ .. ﻳﺎﺍ ﻟﻴﺶ ﺭﻓﻀﻮﻩ
.. ﺑﺎﻟﺤﻘﻴﻘﺔ ﺍﻛﻮ ﻧﺎﺱ ﻃﻠﺒﻴﻨﺞ ﻣﻦ ﻗﺎﺳﻢ ﻗﺒﻞ ﻫﺬﺍ ﺍﻟﻮﻟﺪ
ﻭﻗﺎﺳﻢ ﻛﺎﻳﻠﻠﻬﻢ ﺍﻧﺘﻈﺮﻭﺍ ﺗﺘﺨﺮﺝ ﻭﺑﻌﺪﻫﺎ
ﻫﻮ ﺍﺗﺮﺩﺩ ﻳﻔﺎﺗﺢ ﺍﺧﻮﺝ ﻣﻨﺘﻈﺮ ﻣﻨﻪ ﺍﻻﺷﺎﺭﺓ
ﻫﺎﻟﺔ ﻋﺎﻛﺪﺓ ﺍﻟﺤﻮﺍﺣﺐ .. ﻭﻣﻨﻮ ﻫﺬﺍ . ﺍﻋﺮﻓﻪ ﻟﻮ ﻻ
ﺍﻡ ﻗﺎﺳﻢ .. ﺍﻱ ﻳﻤﺔ ﻫﺎﻟﺔ ﺗﻌﺮﻓﻴﻨﻪ ﺻﺪﻳﻖ
ﺍﺧﻮﺍﻧﺞ . ﻋﺰﺍﻡ
ﺍﺑﺎﻭﻉ ﻟﻬﺎﻟﺔ ﺍﺗﺼﻨﻤﺖ ﺑﻤﻜﺎﻧﻬﺎ ﻋﻴﻮﻧﻬﺎ ﻣﺘﺴﻌﺔ
ﻭﺣﻠﻜﻬﺎ ﻣﻔﺘﻮﺡ . ﻛﻞ ﻋﻼﻣﺎﺕ ﺍﻟﺼﺪﻣﺔ ﻣﺮﺳﻮﻣﺔ ﻋﻠﻰ ﻭﺟﻬﺎ
ﺍﻡ ﻗﺎﺳﻢ ﺣﺠﺖ ﺑﺨﻮﻑ
.. ﻳﻤﺔ ﺍﺳﻢ ﺍﻟﻠﻪ ﺑﻨﻴﺘﻲ ﺷﺒﻴﻬﺎ .
ﺍﻟﺘﻔﺘﺖ ﻋﻠﻴﺔ ﻭﻛﺎﻟﺖ
.. ﻟﺞ ﺧﺎﻟﺔ ﻫﺪﻯ ﺑﺘﻲ ﺷﺒﻴﻬﺎ
ﺍﻗﺘﺮﺑﺖ ﻋﻠﻴﻬﺎ ﻭﺍﻧﻲ ﺍﺿﺤﻚ ﻋﻠﻰ ﻣﻨﻈﺮ ﺍﻟﺨﺒﻠﺔ
ﻟﻜﺰﺗﻬﺎ ﻭﺣﺠﻴﺖ
.. ﻫﻬﻬﻪ ﺧﺎﻟﺔ ﻟﺘﺨﺎﻓﻴﻦ ﻋﻠﻴﻬﺎ
ﺗﻠﻜﻴﻬﺎ ﻋﻠﮕﺖ ﻣﺜﻞ ﺍﻟﻨﻘﺎﻝ ﻣﻦ ﻳﺤﻤﺔ .
ﻳﺼﻔﻦ ﺍﻟﺼﻔﻨﻪ ﺍﻟﻌﺠﻴﺒﺔ ﺍﻻ ﻧﺴﻮﻳﻠﻪ ﺍﻋﺎﺩﺓ ﺗﺸﻐﻴﻞ ﻳﻠﺔ ﻳﺴﺎﻋﺪﻝ ﻭ ﻳﺸﺘﻐﻞ ﻋﺎﺩﻱ
ﺭﺟﻌﺖ ﻟﻜﺰﺗﻬﺎ ﺑﻘﻮﺓ ﻣﺮﺓ ﺍﻟﺜﺎﻧﻴﺔ ﺣﻴﻞ ﺣﺘﻰ ﺗﺘﻼﺣﻚ ﻟﺮﻭﺣﻬﺎ
ﻛﻤﺰﺕ ﻣﻦ ﻣﻜﺎﻧﻬﺎ ﻭﻫﺰﺕ ﺭﺍﺳﻬﺎ
ﺗﺠﻠﻲ ﺍﻻﻓﻜﺎﺭ ﻣﻦ ﻋﻘﻠﻬﺎ ﻭﻛﺎﻟﺖ ﺗﺴﺄﻟﻨﻲ
.. ﺍﻛﻠﺞ ﻫﺪﻯ ﻋﻴﺪﻱ ﺍﻟﻜﻼﻡ ﺍﻟﻲ ﺍﻣﻲ ﺣﺠﺘﻪ ﻗﺒﻞ
ﺷﻮﻳﺔ
ﺿﺤﻜﺖ ﻋﻠﻰ ﺷﻜﻠﻬﺎ ﻭﻛﻠﺘﻬﺎ
.. ﺷﺒﻴﺞ ﻣﺨﺒﻠﺔ .
ﻋﺰﺍﻡ ﺻﺪﻳﻖ ﺍﻟﻮﻟﺪ ﻃﺎﻟﺐ ﺍﻳﺪﺝ ﻗﺒﻞ ﻣﺪﺓ ﻃﻮﻳﻠﺔ
ﺑﺲ ﻗﺎﺳﻢ ﻛﺎﻳﻠﻪ ﺑﻌﺪ ﻣﺎ ﺗﺘﺨﻐﺞ ( ﺗﺘﺨﺮﺝ )
.......
ﻫﺎﻟﺔ ﻟﻠﺘﺄﻛﻴﺪ .. ﻋﺰﺍﻡ !! ﻋﺰﺍﻡ !!
ﻏﻤﺰﺗﻠﻬﺎ ﻭﺍﺷﺮﺕ ﺑﻌﻴﻮﻧﻲ ﺑﺘﺠﺎﻩ ﺧﺎﻟﺘﻲ ﻻ ﺗﻨﺘﺒﻪ ﻋﻠﻴﻬﺎ
.. ﺍﻱ ﻋﺰﺍﻡ !! ﻋﺰﺍﻡ
ﺍﺷﻮ ﻫﺎﻱ ﻛﻮﻣﻲ ﻋﻠﻰ ﺣﻴﻠﺞ
ﻭﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﺭﻛﻌﺘﻬﺎ ﻫﻠﻬﻮﻟﺔ
.. ﻛﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻮﻭﻭﻭﻭﻭﻭﻭﺷﺸﺸﺸﺸﺸﺸﺶ
ﺿﺤﻜﺖ ﻋﻠﻰ ﺧﺒﺎﻟﻬﺎ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻛﺘﻢ ﺿﺤﻜﺘﻲ
ﺍﺑﺎﻭﻉ ﻟﺨﺎﻟﺔ ﺗﺒﺎﻭﻉ ﻟﺒﻨﺘﻬﺎ ﺑﺲ ﺗﺮﻣﺶ ﺑﻌﻴﻮﻧﻬﺎ ﻋﺒﺎﻟﻬﺎ
ﺑﻴﻬﺎ ﺍﻧﻔﺼﺎﻡ ﺑﺎﻟﺸﺨﺼﻴﺔ
ﻫﺎﻟﺔ ﺍﻧﺘﺒﻬﺖ ﻟﺮﻭﺣﻬﺎ ﻭﺑﻠﻌﺖ ﻫﻠﻬﻮﻟﺘﻬﺎ ﻭﺳﺪﺕ ﺣﻠﻜﻬﺎ ﺑﺜﻨﻴﻦ ﺍﻳﺪﻳﻬﺎ
ﺍﻡ ﻗﺎﺳﻢ .. ﻃﺎﺡ ﺣﻈﺞ ﻳﺎ ﺛﻮﻟﺔ ﻋﻠﻰ ﻫﺎﻟﻄﻠﻌﺔ
ﻓﻀﺤﺘﻴﻨﺎ . ﺍﻧﺎ ﺍﻋﻠﻤﺞ
ﺩﻙ ﻧﻘﺎﻝ ﺧﺎﻟﺔ
ﻭﻛﺎﻣﺖ ﻣﻦ ﻣﻜﺎﻧﻬﺎ . ﻭﻃﻠﻌﺖ ﻣﻦ ﺍﻟﻤﻄﺒﺦ
ﻭﻫﺎﻟﺔ ﺍﻟﺘﻔﺘﺖ ﻋﻠﻴﺔ ﻭﺑﺎﻭﻋﺘﻠﻲ . ﻭﻫﻲ ﺗﻀﺤﻚ ﺑﻮﻛﺎﺣﺔ
ﻭﺍﻟﻌﻴﻮﻥ ﺗﻠﻤﻊ ﻭﺻﻔﻜﺖ ﺑﺜﻨﻴﻦ ﺍﻳﺪﻳﻬﺎ
.. ﻃﻢ ﻃﻢ ﻃﻢ ﻃﺦ ﻃﻢ ﻃﺦ ﻃﺦ . ﻫﻠﺔ ﻭﻫﻠﺔ
ﻣﺒﺎﺭﻙ ﻋﺮﺳﻚ ﻳﺎﻟﻬﻴﺒﺔ ﺍﻣﺒﺎﺭﻙ ﻋﺮﺳﻚ ﻳﺎﻟﻬﻴﺒﺔ
ﺟﺎﻧﺖ ﺗﺮﻛﺺ ﻭﺗﺴﻮﻱ ﺣﺮﻛﺎﺕ ﺑﺄﻛﺘﺎﻓﻬﺎ
.. ﻭﻋﺮﺱ ﻫﺎﻟﺔ ﻫﻴﻞ ﻭﻃﺶ ﺑﺎﻟﻮﻻﻳﺔ ﻋﺮﺱ ﻫﺎﻟﺔ
ﻭﻫﻼ ﻭﻫﻼ . ﺯﻓﻮﻧﻲ ﻣﺎ ﺍﺭﻳﺪ ﺍﻟﻌﺸﺎ ﻭﺯﻓﻮﻧﻲ
ﻣﺎ ﺣﺴﻴﻨﺎ ﺍﻻ ﻭﺍﻧﻘﺼﻔﻨﺎ ﺑﺼﻮﺕ ﺧﺎﻟﺔ ﺍﻡ ﻗﺎﺳﻢ ﺍﻟﻐﺎﺿﺐ
.. ﻫﺎﺍﺍﺍﺍﺍﺍﺍﻟﺔ
ﻛﻤﺰﻧﺎ ﺛﻨﻴﻨﺎ
ﻭﺧﺎﻟﺘﻲ ﺣﺠﺖ ﻣﻌﺼﺒﺔ
.. ﻫﺎﻱ ﺍﻟﺒﻨﻴﺔ ﺭﺍﺡ ﺗﻔﻀﺤﻨﺎ . ﻭﺍﻟﻠﻪ ﺍﺣﺴﻦ ﺷﻲ ﻣﺎ ﺍﺯﻭﺟﻬﺎ
ﻻﻥ ﺭﺍﺡ ﺗﻔﺸﻠﻨﺎ ﻭﻳﺔ ﺍﻟﻨﺎﺱ ﻫﺴﺔ ﻋﺒﺎﻟﻬﻢ ﻣﻘﺸﻤﺮﻳﻬﻢ
ﻫﺎﻟﺔ ﻻﻣﺔ ﺣﻠﻜﻬﺎ ﻭﺻﺎﻓﺔ ﻳﻤﻲ ﺧﺎﻳﻔﺔ
ﻭﺍﻧﻲ ﻭﻳﺎﻫﺎ ﻭﺍﻛﻔﺎﺕ ﻛﺪﺍﻡ ﺧﺎﻟﺔ ﻣﺜﻞ ﺍﻟﻄﺎﻟﺒﺎﺕ ﺍﻟﻤﺸﺎﻏﺒﺎﺕ
ﻭﺣﺪﺓ ﺗﺒﺎﻭﻉ ﻋﺎﻟﺜﺎﻧﻴﺔ
ﺍﻡ ﻗﺎﺳﻢ ﻛﻤﻠﺖ ﻛﻼﻣﻬﺎ ﻭﻛﺎﻟﺖ
.. ﺍﻧﺎ ﺍﻟﺞ ﺻﺒﺮﻳﻠﻲ ﺍﻻ ﺍﻛﻮﻝ ﻷﺧﻮﺝ ﻗﺎﺳﻢ
ﻋﻠﻴﺞ ﻭﺍﺧﻠﻴﻪ ﻳﺒﻄﻞ ﺍﻟﺨﻄﻮﺑﺔ ﻭﻳﺮﻓﺾ ﺍﻟﻨﺎﺱ
ﻭﻧﺮﺟﻊ ﻧﺮﺑﻴﺞ ﻣﻦ ﺍﻭﻝ ﻭﺟﺪﻳﺪ
ﺍﻟﻈﺎﻫﺮ ﺑﻌﺪﺝ ﻣﺨﺒﻠﺔ ﻻﻥ ﻫﺎﻱ ﺣﺮﻛﺎﺗﺞ ﻣﻮ ﻣﺎﻝ ﻭﺣﺪﺓ ﺻﺎﻟﺤﺔ ﻟﻠﺰﻭﺍﺝ ﻭﺗﻔﺘﺤﻠﻬﺎ ﺑﻴﺖ
ﻫﺎﻟﺔ ﺷﻬﻜﺖ ﺑﺤﺴﺮﺓ ﻭﺧﻴﺒﺔ
.. ﻻ ﻋﻠﻰ ﺑﺨﺘﺞ ﻳﻤﺔ ﻫﻮ ﺍﻧﺎ ﻣﺎ ﺻﺪﻛﺖ
ﺍﺍﺍﺍﺍﺍﺍﻗﺼﺪ ﻳﻤﺔ ﻋﻴﺐ ﺯﺣﻤﺔ ﻣﻦ ﺍﺧﻮﻱ ﻗﺎﺳﻢ ﺍﻧﻄﻰ
ﻛﻠﻤﺔ ﻻ ﺗﻔﺸﻠﻲ ﻛﺪﺍﻡ ﺍﻟﻌﺎﻟﻢ
ﺍﻡ ﻗﺎﺳﻢ ﺑﺎﻭﻋﺖ ﻋﻠﻴﻬﺎ ﺑﻄﺮﻑ ﻋﻴﻨﻬﺎ ﻭﻛﺎﻟﺘﻠﻬﺎ ﺑﻌﺼﺒﻴﺔ
.. ﻣﺘﻜﻮﻟﻴﻦ ﻟﺮﻭﺣﺞ . ﺑﺎﻻﻭﻝ
ﻫﻲ ﻫﺎﻱ ﺣﺮﻛﺎﺕ ﻣﺎﻝ ﺑﻨﻴﺔ ﻋﺎﻗﻠﺔ ﻭﺭﺯﻧﺔ
ﺍﻧﺎ ﺷﺎﻳﻔﺔ ﺍﻟﺒﻨﻴﺔ ﻣﻦ ﻳﺠﻴﺒﻮﻥ ﻃﺎﺭﻱ ﺍﻟﺰﻭﺍﺝ ﻳﻤﻬﺎ
ﺗﺪﻧﻚ ﻭﺗﺴﺘﺤﻲ ﻭﺧﺪﻭﺩﻫﺎ ﻳﺼﻴﺮﻭﻥ ﺣﻤﺮ
ﺍﺷﻮ ﺍﻧﺘﻲ . ﺑﻜﻞ ﻋﻴﻦ ﺻﻠﻔﺔ ﺗﻜﻤﺰﻳﻦ ﻭﺗﻬﻠﻬﻠﻴﻦ
ﺟﻨﺞ ﻣﻤﺼﺪﻛﺔ ﺍﺟﺎﺝ ﻋﺮﻳﺲ
ﺍﻧﺘﺒﻬﺖ ﻟﻬﺎﻟﺔ ﺩﻧﻜﺖ ﺭﺍﺳﻬﺎ ﻭﻟﻤﺖ ﺣﻠﻜﻬﺎ ﻭﺗﻠﻌﺐ ﺑﻴﺪﻳﻬﺎ ﺧﺠﻼﻧﺔ
ﺍﻡ ﻗﺎﺳﻢ .. ﻳﺎﻟﻠﻪ ﻭﻧﻮﺏ ﻫﺎﻱ ﺷﻨﻮ ﺍﻟﺤﺮﻛﺔ
ﺷﻨﻮ ﺣﻀﺮﺗﺞ ﺩﺗﺼﻨﻔﻴﻦ
ﻫﺎﻟﺔ .. ﺷﻨﻮ ﺣﺠﻴﺔ ﻭﺣﺪﻱ ﻣﻮﺟﺔ
ﺗﺮﺓ ﻭﺍﻟﻠﻪ ﺣﻴﺮﺗﻴﻨﺎ . ﻻ ﺑﻔﺮﺣﻨﺎ ﻋﺠﺒﻨﺎﺝ ﻭﻻ ﺑﺨﺠﻠﻨﺎ ﺭﺿﻴﻨﺎﺝ
ﻫﺴﺔ ﻛﻠﻴﻠﻲ ﺷﻨﻮ ﺍﻻﺳﻮﻳﻪ
ﺍﻡ ﻗﺎﺳﻢ .. ﻭﻟﻜﻢ ﻭﺧﺮﻭﺍ ﻫﺎﻱ ﺍﻟﺒﻨﻴﺔ ﻣﻦ ﻛﺪﺍﻣﻲ ﺭﺍﺡ ﺗﺠﻠﻄﻨﻲ ﺑﺘﺼﺮﻓﺎﺗﻬﺎ
ﻫﺎﻟﺔ ﺣﻄﻴﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﺭﺍﺣﺖ ﺗﺮﻳﺪ ﺗﻄﻠﻊ ﻣﻦ ﺑﺎﺏ ﺍﻟﻤﻄﺒﺦ ﻭﻛﺎﻟﺖ
.. ﻻﻻ ﻫﺎﻱ ﻫﻲ ﺣﺠﻴﺔ ﺭﺍﺡ ﻧﺴﻜﺖ ﺑﻌﺪ ﻣﺎ ﻧﺤﺠﻲ ﻛﻠﺸﻲ
ﻭﻻ ﻳﺼﻴﺮ ﺑﻴﺞ ﺷﻲ . ﺧﻠﻴﻨﻲ ﺍﺣﺎﻓﻆ ﻋﻠﻰ ﺻﺤﺘﺞ
ﻻﻥ ﻭﺭﺍﻳﺔ ﻋﺮﺱ
ﺭﺍﺡ ﻭﺗﺮﻛﺖ ﺍﻡ ﻗﺎﺳﻢ ﺗﻬﺰ ﺑﺮﺍﺳﻬﺎ ﺑﻌﺪﻡ ﺗﺼﺪﻳﻖ
ﻣﻦ ﻭﺭﺓ ﺳﻮﺍﻟﻒ ﻫﺎﻟﺔ ﺍﻟﻲ ﺍﻧﻔﺘﺤﺖ ﻣﺸﺎﻋﺮﻫﺎ
ﻭﺻﺎﺭ ﻋﻨﺪﻫﺎ ﺗﺪﺍﺧﻞ ﺑﺎﻟﻤﺸﺎﻋﺮ ﻣﻊ ﺑﻌﻀﻬﺎ
ﺍﻡ ﻗﺎﺳﻢ .. ﻭﺍﻟﻠﻪ ﻫﺎﻱ ﺍﻟﺒﻨﻴﺔ ﺳﺎﻟﻔﺘﻬﺎ ﻣﻮ ﺧﺎﻟﻴﺔ
ﺣﺠﺖ ﻭﺑﺎﻭﻋﺘﻠﻲ ﻋﺮﻓﺖ ﻣﻦ ﻧﻈﺮﺗﻬﺎ ﺭﺍﺡ ﺗﺴﺘﻠﻤﻨﻲ ﺗﺤﻘﻴﻖ
ﺍﻧﻲ ﻛﺒﻞ ﺳﻮﻳﺖ ﻧﻔﺴﻲ ﺍﻧﻘﻞ ﺑﺎﻟﺼﺤﻮﻥ ﻭﺭﻛﺾ ﻋﺎﻟﻤﻄﺒﺦ ﺍﻟﺤﺎﺭ
ﻭﻛﻌﺪﺕ ﺍﻏﺴﻞ ﺍﻟﻤﻮﺍﻋﻴﻦ . ﻭﺍﺷﺘﻐﻞ ﺑﻬﻤﺔ ﺣﺘﻰ ﻣﺎ ﺗﻜﻌﺪ ﻭﻳﺎﻱ ﻭﺗﺴﺘﺠﻮﺑﻨﻲ
ﻻﻥ ﺧﺎﻟﺔ ﺍﻡ ﻗﺎﺳﻢ . ﻋﻨﺪﻫﺎ ﻃﺮﻳﻘﺔ . ﺑﺴﺤﺐ ﺍﻟﻤﻌﻠﻮﻣﺎﺕ ﻭﺍﻟﻜﻼﻡ ﻣﻦ ﺍﻟﻄﺮﻑ ﺍﻟﻤﻘﺎﺑﻞ ﻛﺴﺮﺕ ﻋﻠﻰ ﺍﻻﺳﺘﺨﺒﺎﺭﺍﺕ
ﺟﻨﺖ ﺍﺷﺘﻐﻞ ﺑﺎﻟﺒﻴﺖ ﺳﻤﻌﺖ ﻫﺎﻟﺔ ﺻﺎﺣﺘﻨﻲ ﻣﻦ ﻓﻮﻙ ﻭﻛﺎﻟﺖ .. ﻫﺪﻯ ﺑﺘﺞ ﻛﻌﺪﺕ
ﺑﺎﻭﻋﺖ ﻟﺮﻭﺣﻲ ﺩﺍﻏﺴﻞ ﻣﻼﺑﺲ ﻭﻏﺮﻛﺎﻧﺔ ﺑﺎﻟﺸﻐﻞ
ﻛﻠﺘﻠﻬﺎ .. ﻫﺎﻟﺔ . ﻋﻔﻴﺔ ﺍﺳﺘﻠﻤﻴﻬﺎ ﻭﻏﺴﻠﻴﻠﻬﺎ ﻭﺑﺪﻟﻴﻬﺎ ﻭﻧﺰﻟﻴﻬﺎ
ﻫﺎﻟﺔ .. ﺍﻛﻠﺞ ﺍﻛﻮ ﻭﺍﺣﺪ ﻛﻠﺞ ﺍﻧﺎ . ﺧﺪﺍﻣﺔ . ﻋﻨﺪﺝ ﻭﻋﻨﺪ ﺑﻨﺘﺞ
ﺣﺠﻴﺖ .. ﺍﻧﺘﻲ ﻋﻤﺘﻬﺎ ﻭﺍﻥ ﺷﺎﺀ ﺍﻟﻠﻪ ﻧﺮﺩﻟﺞ ﺍﻳﺎﻫﺎ ﺑﺎﻻﻓﺮﺍﺡ
ﻫﺎﻟﺔ .. ﻭﺍﻟﻠﻪ ﺧﺎﻳﻔﺔ ﻻ ﺍﻧﻲ ﺑﺒﺪﻟﺔ ﻋﺮﺳﻲ . ﻭﻗﺎﺳﻢ ﻳﺠﻴﻨﻲ
ﻭﻳﻜﻮﻟﻲ . ﺧﻠﻲ ﺍﺳﻮ ﺍﻟﻴﻮﻡ ﻋﻨﺪﺝ ﻻﻥ ﻣﺎﺟﺎﻳﻬﺎ ﻧﻮﻡ
.. ﺣﺒﻴﺒﺘﻲ ﺗﻐﺔ ( ﺗﺮﺓ ) ﺑﻌﺪﻫﺎ ﺷﻐﻠﺘﺞ ﻳﻢ ﺍﺑﻮ ﺍﺳﻮ ﻭﻳﻢ ﺳﻠﻄﺎﻧﺔ ﻗﻠﺒﻪ
ﺍﻧﻲ ﺍﺷﻮﻑ ﺗﻨﺘﺒﻬﻴﻦ ﻋﻠﻰ ﺑﻨﺘﻲ ﺍﺣﺴﻠﺞ
ﻳﺘﺒﻊ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﻫﻮﺍﺍﺍﺍﻱ
ﺍﺧﺘﻜﻢ ﻧﻬﻰ ﺍﻟﺤﺴﻮﻥ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء