رواية أساور الفضة ج1 الجزء السادس
للكاتبة نهى
.....
ﻫﺪﻯ
ﺟﻨﺎ ﻛﺎﻋﺪﻳﻦ ﻧﻀﺮﺏ ﺍﺧﻤﺎﺱ ﺑﺄﺳﺪﺍﺱ
ﺑﻌﺪﻣﺎ ﻋﻤﻮ ﺍﻣﺠﺪ ﺍﺗﺼﻞ ﻋﻠﻰ ﺑﻴﺒﻲ
ﻭﺣﺠﺔ ﻭﻳﺎﻫﺎ ﺑﻴﺒﻲ ﻇﻠﺖ ﺗﺪﻙ ﻭﺗﻠﻄﻢ
ﺷﻴﻤﺎﺀ _. ﺑﻴﺒﻲ ﺷﻜﻮ ﺷﻨﻮ ﺷﺼﺎﻳﺮ
_ ﻭﻟﻜﻢ ﺍﺑﻮﻛﻢ ﻣﻮﻗﻮﻑ ﺑﺎﻟﺴﺠﻦ ﻣﻦ ﺍﻟﻈﻬﺮ ﻟﺤﺪ ﻫﺴﺔ
.. ﻳﺎ ﻟﻴﺶ ﺷﻤﺴﻮﻱ
.. ﻭﺍﻧﺎ ﺷﻤﺪﺭﻳﻨﻲ ﺷﻤﺴﻮﻱ ﺳﻮﺩﺓ ﻋﻠﻴﺔ ﻃﻠﻊ ﻣﻦ ﺍﻟﺒﻴﺖ ﺩﺍﻳﺦ ﻣﻦ ﻭﺭﺍﻛﻢ ﻫﻢ ﻳﺎﻟﻠﻪ ﻳﻜﺪﺭ ﻳﻠﺤﻚ ﻋﺎﻟﻌﻴﺸﺔ
ﻫﺪﻯ _ ﺍﺳﻐﻔﻎ ﺍﻟﻠﻪ ( ﺍﺳﻨﻐﻔﺮﺍﻟﻠﻪ ) ﻫﺴﺔ ﻫﻲ ﻏﻴﻎ ( ﻏﻴﺮ ) ﺗﻜﻌﺪ ﻏﺎﺣﺔ ( ﺭﺍﺣﺔ ) ﺍﻡ ﺍﻟﺴﻠﻄﺎﻥ ﺳﻠﻴﻤﺎﻥ ﺳﻠﻴﻤﺔ ﺧﺎﻧﻢ
_ ﺳﻮﺩﺓ ﻋﻠﻴﺔ ﻳﻤﺔ ﺍﺛﻴﺮ ﺍﺑﻮ ﻃﻮﻝ ﺍﻟﺤﻠﻮ ﻳﺎﻟﺘﺮﻑ
ﻳﺎﺑﻮ ﺣﺠﻲ ﺍﻟﺤﻠﻮ ﻳﺎﻟﺤﻨﻴﻦ ﻳﻤﺔ ﺍﻟﺴﺠﻦ ﻣﻮ ﺍﻟﻚ
ﻳﻤﺔ ﺍﺑﻨﻲ ﻣﻮ ﺣﻤﻞ ﺗﻌﺐ ﺍﻟﺴﺠﻦ ﻭﻟﻴﺪﻱ ﺭﻭﺣﻪ ﺧﺼﺮﺓ
_ ﻭﺍﻟﻠﻪ ﻏﺎﺡ ( ﺭﺍﺡ ) ﻳﻄﻜﻮﻧﺎ ﺑﻌﻴﻦ ﻣﻦ ﻭﻏﺔ ( ﻭﺭﺓ ) ﺣﺠﻴﻬﺎ ﻋﻦ ﺑﺎﺑﺎ
ﺷﻜﻜﺘﻨﻲ ﺑﻨﻔﺴﻲ ﻣﻌﻘﻮﻟﺔ ﻫﻲ ﺩﺗﻘﺼﺪ ﻋﻠﻰ ﺑﺎﺑﺎ ﻧﻔﺴﻪ ﺍﺛﻴﺮ ﻣﻮ ﻏﻴﺮﻩ ﺑﻬﺬﺍ ﻛﻼﻣﻬﺎ ﻟﺞ ﺷﻴﻤﺎﺀ ﺍﺧﺎﻑ ﺑﻴﺒﻲ ﻃﺒﻜﻦ ﻭﺍﻳﻐﺎﺗﻬﺎ ( ﻭﺍﻳﺮﺍﺗﻬﺎ )
ﻭﺻﺎﻍ ( ﺻﺎﺭ ) ﻋﻨﺪﻫﺎ ﺍﻟﺘﺒﺎﺱ ﻭﺩﺗﺒﺠﻲ ﻋﺎﻟﻤﻐﺤﻮﻡ ( ﺍﻟﻤﺮﺣﻮﻡ ) ﺟﺪﻱ
ﻭﺍﻛﻔﺔ ﻳﻢ ﺿﺤﻰ ﺍﻟﻲ ﻧﺴﻴﻨﺎ ﺳﺎﻟﻔﺘﻬﺎ ﻭﺍﻟﺘﻬﻴﻨﺔ ﺑﺎﺑﻮﻧﺎ ﺍﻟﻐﺎﻟﻲ ﺍﺑﻮ ﺩﻭﺍﻟﻲ
ﺍﺗﺼﻞ ﻋﻤﻮ ﺍﻣﺠﺪ ﻋﻠﻰ ﺑﻴﺒﻲ ﻭﻛﺎﻝ ﻃﻠﻌﻨﺎﻩ ﺑﻜﻔﺎﻟﺔ
ﻭﻫﺴﺔ ﺍﺣﻨﺎ ﺭﺍﺟﻌﻴﻦ ﺑﺎﻟﻄﺮﻳﻖ
ﺳﻠﻴﻤﺔ _ ﻳﺎﻳﻤﺔ ﺭﺍﻳﺔ ﺍﻟﻠﻪ ﺑﻴﻀﺔ
ﻭﻟﻜﻢ ﻛﻮﻣﻮ ﺧﻠﻲ ﻭﺣﺪﺓ ﺗﺤﻀﺮﻟﻪ ﺍﻟﺤﻤﺎﻡ ﻭﺣﺪﺓ ﺗﺤﻀﺮﻟﻪ ﺍﻟﻌﺸﺎ ﺧﻄﻴﺔ ﻫﺴﺔ ﻳﺠﻲ ﺗﻌﺒﺎﻥ
ﻫﺪﻯ .. ﺍﻛﻮﻝ ﺑﻌﺪ ﻣﺎ ﺗﻐﺪﻳﻦ ( ﺗﺮﺩﻳﻦ ) ﻧﺸﻴﻞ ﺳﻌﻒ ﻭﻧﻮﻛﻔﻠﻪ ﺑﺎﻟﺒﺎﺏ ﻧﻨﺘﻈﻐﻪ ( ﻧﻨﺘﻈﺮﻩ ) ﻭﺑﺲ ﻳﺠﻲ ﻧﻐﻨﻲ ﻟﻪ ( ﻃﻠﻌﺔ ﺍﻟﺒﺪﺭ ﻋﻠﻴﻨﺎ )
ﻣﺎ ﺣﺴﻴﺖ ﺍﻻ ﻭﻫﻲ ﻧﺎﺯﻋﺔ ﻧﻌﺎﻟﻬﺎ
ﻭﺷﻤﺮﺗﻪ ﻋﻠﻴﺔ ﺑﺎﻟﻬﻮﻯ ﻟﻜﻔﺘﻪ ﺑﻴﺪﻱ
ﻭﻟﺒﺴﺖ ﻓﺮﺩﺓ ﺍﻟﻨﻌﺎﻝ ﺑﺮﺟﻠﻲ
ﺻﺤﺖ .. ﻳﺎﻟﻠﻪ ﺑﻴﺒﻲ ﻭﻳﺎﺝ ﻓﺪ ﻣﻐﺔ ﺍﻟﻔﻐﺪﺓ ( ﻓﺪ ﻣﺮﺓ ﺍﻟﻔﺮﺩﺓ ) ﺍﻟﺜﺎﻧﻴﺔ ﺍﻏﻴﺪ ﺍﻏﻮﺡ ( ﺍﺭﻳﺪ ﺍﺭﻭﺡ ) ﻟﻠﺤﻤﺎﻡ
_ ﻭﻟﺞ ﺷﻴﻤﺎﺀ ﺗﻮﺧﺮﻳﻦ ﻫﺎﻱ ﺍﻟﺒﻜﻌﺔ ﻣﻦ ﻭﺟﻬﻲ ﻻ ﺍﺟﻲ ﺍﻧﺘﻒ ﺷﻌﺮﻫﺎ
_ ﻫﺪﻯ ﻛﺎﻓﻲ ﻣﻮ ﻭﻛﺘﺞ ﺗﺮﺓ
_ ﻳﺎﻟﻠﻪ ﺳﻜﺘﻨﺎ ﺍﻣﻐﻨﺎ ﻟﻠﻪ ( ﺍﻣﺮﻧﺎ ﻟﻠﻪ )
ﻭﺣﺠﻴﺖ ﺑﺼﻮﺕ ﻧﺎﺻﻲ
ﺗﻬﻲ ﺑﻬﻲ ﺗﻐﻴﺪ ) ﺗﺮﻳﺪ ) ﺗﻨﺘﻒ ﺷﻌﻐﻲ ( ﺷﻌﺮﻱ ) ﻣﻮ ﻋﻠﻰ ﺍﻻﺳﺎﺱ ﺍﻧﻲ ﺩﺟﺎﺟﺔ ﻭﺗﻨﺘﻔﻨﻲ
ﺭﺑﻊ ﺳﺎﻋﺔ ﻭﺟﺎﻥ ﻳﺪﺧﻞ ﻋﻤﻮ ﺍﻣﺠﺪ ﻭﻭﻳﺎﻩ
ﺣﻀﺮﺓ ﺍﻟﻮﺍﻟﺪ ﺍﻟﻤﺘﻬﻢ ﺩﺧﻞ ﻳﻌﺮﺝ ﻭﻋﻤﻮ ﺍﻣﺠﺪ ﻣﺘﺠﻴﻠﻪ
ﺩﺧﻞ ﻭﺍﺣﻨﺔ ﺟﻤﺪﻧﺎ ﺑﻤﻜﺎﻧﺎ ﻛﻠﻨﺎ ﻣﺼﺪﻭﻣﻴﻦ
_ ﻫﺬﺍ ﻣﻨﻮ
ﺳﻠﻴﻤﺔ ﺷﺎﻓﺘﻪ ﻭﺷﻬﻜﺖ
_ ﻳﻤﺔ ﺻﺨﺎﻡ ﺍﺛﻴﺮ ﻳﻤﺔ ﻫﺬﺍ ﻳﺎﻫﻮ ﻣﺴﻮﻱ ﺑﻴﻚ ﻫﺸﻜﻞ
ﺍﻣﺠﺪ _ ﻫﺴﺔ ﻳﻤﺔ ﻣﻮ ﻛﺖ ﺍﺳﺄﻟﺔ ﺧﻠﻲ ﻳﻔﻮﺕ ﻳﺴﺒﺢ ﻭﻳﺮﺗﺎﺡ
ﺍﻧﻲ ﻭﺷﻴﻤﺎﺀ ﻭﺿﺤﻰ ﻭﺍﻛﻔﺎﺕ ﻓﺎﺗﺤﺎﺕ ﺣﻠﻜﻨﺎ
ﻣﻦ ﺍﻟﻤﻨﻈﺮ ﺍﻟﻜﺪﺍﻣﻨﺎ
ﺟﺎﻥ ﺑﺎﺑﺎ ﺍﻭ ﺑﺎﻻﺣﺮﻯ ﺑﻘﺎﻳﺎ ﺑﺎﺑﺎ
ﺟﺎﻥ ﻋﺒﺎﺭﺓ ﻟﻮﺣﺔ ﻓﻨﻴﺔ ﻣﻠﻮﻧﺔ ﺑﺲ ﺍﻟﻮﺍﻧﻬﺎ ﻏﺎﻣﻘﻪ ﺷﻮﻳﺔ ﺍﺯﺭﻙ ﻋﻠﻰ ﺑﻨﻔﺴﺠﻲ ﻋﻠﻰ ﺍﺣﻤﺮ ﻭﻋﻴﻦ ﻣﻄﻔﻴﺔ ﺷﻔﺔ ﻣﺸﻜﻮﻛﺔ ﻣﻼﺑﺲ ﻣﻜﻄﻌﺔ ﻓﻜﻪ ﺩﺍﻳﺮ
ﻭﻋﻠﻴﻬﻦ ﻛﻠﻬﻦ ﻣﺰﻳﻨﻴﻨﻪ ﺻﻔﺮ ( ﺍﻛﺮﻉ )
ﻭﺍﻟﻠﻪ ﻛﺎﻥ ﺷﻜﻠﻪ ﻳﺨﻮﻑ ﻋﺒﺎﻟﻚ ﻃﺎﻟﻊ ﻣﻦ ﺟﻮﺓ ﺍﻳﺪ ﺯﻭﻣﺒﻲ
ﺻﺎﺣﺖ ﻋﻠﻴﻨﺎ ﺳﻠﻴﻤﺔ
_ ﻳﺎﻟﻠﻪ ﺍﺗﺤﺮﻛﻮﺍ ﻻﺗﺒﻘﻮﻥ ﻫﻴﺞ ﻓﺎﺗﺤﺎﺕ ﺍﻟﺤﻠﻚ
ﺧﻔﺖ ﺍﻗﺘﺮﺏ ﻣﻨﻪ ... ﺷﻜﻠﻪ ﻳﺨﻮﻑ ﻣﻦ ﻛﺪ ﺍﻟﻜﺪﻣﺎﺕ ﻭﺍﻟﺪﻡ ﺍﻟﻲ ﺑﻮﺟﻬﻪ
ﺭﺍﺣﺘﻠﻪ ﺷﻴﻤﺎﺀ
ﻭﺍﺧﺬﺗﻪ ﺑﺪﻭﻥ ﻣﺘﺤﺠﻲ ﺍﻱ ﻛﻠﻤﺔ ﻭﺩﺗﻪ ﻟﻠﺤﻤﺎﻡ
ﻭﺿﺤﻰ ﻛﺎﻣﺖ ﺗﺼﺒﻠﻪ ﻋﺸﺎ
ﻭﺍﻧﻲ ﻛﻌﺪﺕ ﻣﻜﺎﺑﻠﺔ ﺳﻠﻴﻤﺔ
....
ﺑﻌﺪ ﺳﺎﻋﺘﻴﻦ
ﻛﻌﺪ ﺑﺎﺑﺎ ﻳﻢ ﺳﻠﻴﻤﺔ ﻭﻋﻤﻮ ﺍﻣﺠﺪ
ﺑﻌﺪﻣﺎ ﺧﻠﺺ ﻋﺸﺎﻩ ﻭﺳﺒﺢ
ﺍﻣﺠﺪ .. ﻣﺘﻜﻠﻲ ﺍﻧﺖ ﺷﻨﻮ ﺳﺎﻟﻔﺘﻚ ﺷﻮﻛﺖ ﺿﺮﺑﺖ ﺍﻟﻤﺮﻳﺔ
ﻭﺷﻌﻨﺪﻙ ﻭﻳﺎﻫﺎ
ﺳﻠﻴﻤﺔ .. ﻋﺰﺓ ﺑﻌﻴﻨﻚ ﺍﺛﻴﺮ ﻛﻤﺖ ﺗﻀﺮﺏ ﻧﺴﻮﺍﻥ
ﻣﻮ ﻋﻴﺐ ﻋﻠﻴﻚ
ﻫﻤﺴﺖ
.. ﻟﻌﺪ ﺷﻴﻤﺎﺀ ﻣﻦ ﺍﻧﻀﻐﺒﺖ ( ﺍﻧﻀﺮﺑﺖ ) ﻛﺪﺍﻣﺞ ﺷﻨﻮ ﺟﺎﻧﺖ
ﺻﺨﻠﺔ ﻟﻮ ﺷﻨﻮ ﺍﻛﻠﻜﻢ ﻫﺎﻱ ﺑﻴﺒﻴﺘﻜﻢ ﻳﻤﻜﻦ ﺑﻴﻬﺎ ﺍﻧﻔﺼﺎﻡ ﺑﺎﻟﺸﺨﺼﻴﺔ
ﺍﺛﻴﺮ _ ﻻ ﻳﻤﺔ ﻭﺍﻟﻠﻪ ﻣﺎ ﻣﺎﺩ ﺍﻳﺪﻱ ﻋﻠﻴﻬﺎ
_ ﻟﻌﺪ ﺷﻠﻮﻥ ﺍﺧﻮﻙ ﻳﻜﻮﻝ ﻫﺸﻜﻞ ﻋﻠﻴﻚ
_ ﺍﻧﺎ ﺍﻛﻠﺞ ﻳﻤﺔ ﺷﻠﻮﻥ ﺻﺎﺭﺕ ﺍﻟﺴﺎﻟﻔﺔ
ﺟﻨﺖ ﻛﺎﻋﺪ ﺑﺎﻟﻜﻬﻮﺓ ﻭﻳﺔ ﺟﻤﺎﻋﺘﻲ ﺍﻟﻈﻬﺮ
ﻭﻣﺎ ﺍﺷﻮﻓﻠﻚ ﺍﻻ ﻣﻔﺮﺯﺓ ﻣﺎﻝ ﺷﺮﻃﺔ ﺩﺧﻠﺖ ﻋﻠﻴﻨﺎ
ﻭﻟﻤﻮﺍ ﺷﻜﻮ ﻭﺍﺣﺪ ﺑﺎﻟﻜﻬﻮﺓ
ﻭﺍﺧﺬﻭﻧﺎ ﻛﻠﻨﺎ ﻟﻠﻤﺮﻛﺰ ﻣﺎ ﻧﻔﺘﻬﻢ ﻟﻴﺶ ﺍﺧﺬﻭﻧﺎ
ﻛﻞ ﺳﺎﻋﺔ ﺍﺳﺄﻝ ﺍﻟﻀﺎﺑﻂ ﺍﻛﻠﻪ ﺳﻴﺪﻱ ﻟﻴﺶ ﺍﺧﺬﺗﻮﻧﺎ
ﺑﺲ ﻣﺤﺪ ﻳﺠﺎﻭﺑﻨﻲ
ﻫﻨﺎﻙ ﻭﺩﺯﻭ ﻋﻠﻴﻨﺎ ﻟﻠﺘﺤﻘﻴﻖ
ﺍﺧﺬﻭﻧﺎ ﻛﻠﻨﺎ ﺟﺎﻥ ﺑﻴﻨﺎ ٧ ﺍﺷﺨﺎﺹ
ﻭﻛﻔﻨﺎ ﻛﻠﻨﺎ ﻣﺜﻞ ﺍﻟﺴﻄﺮ ﻭﺍﺣﺪ ﺑﺼﻒ ﺍﻟﺜﺎﻧﻲ
ﺟﺎﻧﻮﺍ ﺿﺒﺎﻁ ﺛﻨﻴﻦ
ﻭﺍﺣﺪ ﻛﺎﻋﺪ ﻋﺎﻟﻤﻜﺘﺐ ﻭﺍﻟﻼﺥ ﻛﺎﻋﺪ ﻳﻤﻪ ﻋﻠﻰ ﺟﻬﺔ
ﻟﺤﻈﺎﺕ ﻭﺩﺧﻞ ﺿﺎﺑﻂ ﺛﺎﻟﺚ ﺿﺨﻢ ﺟﺎﻧﺖ ﺍﻳﺪﻩ ﻻﻓﻴﻨﻬﺎ ﺑﺤﺎﻣﻞ ﻳﺪ ﻋﻠﻰ ﺭﻛﺒﺘﻪ ﻣﺎ ﺍﻋﺮﻑ ﺷﺒﻲ
ﻛﺎﻡ ﻳﺒﺎﻭﻉ ﻋﻠﻰ ﻭﺍﺣﺪ ﻭﺍﺣﺪ ﺑﻴﻨﺎ ﺑﻐﻀﺐ ﻭﻧﺎﺭ ﻭﺷﺮﺍﺭ
ﺍﺣﺲ ﻳﺮﻳﺪ ﻳﺎﻛﻠﻨﺔ ﺑﺴﻨﻮﻧﻪ
ﺷﺎﻓﻮﻩ ﺍﻟﻀﺒﺎﻁ ﻭﻭﻛﻔﻮﺍ ﻣﺒﻴﻦ ﻋﻠﻴﻪ ﻫﺬﺍ ﺟﺒﻴﺮﻫﻢ
ﺣﺠﺔ ﻭﻋﻴﻨﻪ ﻋﻠﻴﻨﺎ ﺑﺨﺰﺭﺓ
.. ﺩﺧﻠﻮ ﺍﻟﻤﺠﻨﻲ ﻋﻠﻴﻬﺎ ﻭﺍﻟﺸﻬﻮﺩ
ﺷﻮﻳﺔ ﻭﺩﺧﻠﺖ ﻋﻠﻴﻨﺎ ﻣﺮﻳﺔ ﺳﺎﻓﺮﺓ ﻳﺠﻲ ﻋﻤﺮﻫﺎ ﺑﺎﻝ ٤٠ﺳﻨﺔ
ﺷﻜﻞ ﺍﻟﻤﺮﻳﺔ ﻟﻔﺖ ﺍﻧﺘﺒﺎﻫﻲ ﺟﺎﻥ ﻭﺟﻬﻬﺎ ﻣﻀﺮﻭﺏ ﻣﺒﻴﻦ ﻋﻠﻴﻬﺎ ﻣﻜﺘﻮﻟﺔ ﻭﻋﻴﻨﻬﺎ ﺯﺭﻛﺔ
ﺣﺠﺔ ﺍﻟﻀﺎﺑﻂ
.. ﺍﺗﻔﻀﻠﻲ ﺍﺧﺘﻲ ﺍﺳﺘﺮﻳﺤﻲ
ﺍﻟﺘﻔﺖ ﻋﻠﻴﻨﺎ ﺍﻟﻀﺎﺑﻂ ﻭﻛﻌﺪ ﻳﺴﺄﻝ ﻛﻞ ﻭﺍﺣﺪ ﺑﻴﻨﺎ ﻋﻦ ﺍﺳﻤﻪ ﺍﻟﺜﻼﺛﻲ ﻭﺻﻠﻨﻲ ﺍﻟﺪﻭﺭ ﻭﻛﻠﺖ ﺍﺳﻤﻲ ﻣﺎ ﺍﺷﻮﻑ ﺍﻻ ﺍﻟﻀﺎﺑﻂ ﺍﻟﻀﺨﻢ ﺍﻟﻤﺼﻮﺏ ﺍﺗﻘﺪﻡ ﻋﻠﻴﺔ ﻭﺟﻤﻊ ﺍﻳﺪﻩ ﺑﻘﺒﻀﺔ
ﺍﻟﻀﺎﺑﻂ ﺍﻻﻭﻝ ﻛﻠﻪ
.. ﻟﺤﻈﺔ ﺳﻴﺪﻱ ﺧﻠﻲ ﻧﻜﻤﻞ ﺍﻟﺘﺤﻘﻴﻖ ﻻ ﺗﺴﺘﻌﺠﻞ ﻋﻠﻰ ﺭﺯﻗﻚ
ﻣﺎ ﺍﻓﺘﻬﻤﺖ ﺷﻴﻘﺼﺪﻭﻥ ﺑﻬﺬﺍ ﺣﺠﻴﻬﻢ ﻭﻫﺬﺍ ﺷﻌﻨﺪﻩ ﻭﻳﺎﻱ
ﺳﺤﺐ ﻧﻔﺲ ﻋﻤﻴﻖ ﺑﺤﻴﺚ ﺻﺪﺭﻩ ﺍﺭﺗﻔﻊ ﻋﺒﺎﻟﻚ ﻳﺮﻳﺪ ﻳﻄﻚ ﻇﻠﻴﺖ ﺍﺑﻠﻌﻢ ﻫﺬﺍ ﺷﺒﻲ ﻭﻳﺎﻱ ﺭﺟﻊ ﻟﻠﺨﻠﻒ
ﻭﺣﺠﺔ ﻭﻳﺔ ﺍﻟﻤﺮﻳﺔ
ﺍﺧﺘﻲ ﻛﻮﻣﻲ ﺷﻮﻓﻲ ﻣﻨﻮ ﺑﻴﻬﻢ ﺍﺗﻌﺪﺓ ﻋﻠﻴﺞ ﻭﺍﻧﺘﻲ ﻣﺎﺭﺓ ﻣﻦ ﻳﻢ ﺍﻟﻜﻬﻮﺓ
ﺍﻟﻲ ﺍﻓﺘﻬﻤﺘﻪ ﺍﻥ ﺍﻟﻤﺮﻳﺔ ﻋﻠﻰ ﺍﻻﺳﺎﺱ ﺟﺎﻧﺖ ﻓﺎﻳﺘﺔ ﻣﻦ ﻳﻢ ﺍﻟﻜﻬﻮﺓ ﻭﻭﺍﺣﺪ ﻣﺘﻌﺮﺿﻠﻬﺎ ﻭﺿﺎﺭﺑﻬﺎ ﻭﻫﻲ ﺷﺎﻓﺘﻪ ﺩﺧﻞ ﻟﻠﻜﻬﻮﺓ
ﻛﺎﻣﺖ ﺍﻟﻤﺮﻳﺔ ﻣﻦ ﻣﻜﺎﻧﻬﺎ ﻭﺻﺎﺭﺕ ﺗﺒﺎﻭﻉ ﻋﻠﻰ ﻭﺍﺣﺪ ﻭﺍﺣﺪ ﺑﻴﻨﺎ ﺑﺲ ﺍﺷﻮ ﻫﺎﻱ ﻭﻛﻔﺖ ﻛﺪﺍﻣﻲ ﻭﺻﺎﺣﺖ
ﺳﻴﺪﻱ ﻫﻮ ﻫﺬﺍ ﺍﻟﻲ ﻣﺪ ﺍﻳﺪﻩ ﻭﻛﻌﺪ ﻳﻀﺮﺑﻨﻲ
ﺍﻟﻀﺎﺑﻂ .. ﺗﻜﺪﺭﻳﻦ ﺗﻌﻴﺪﻳﻦ ﻛﻼﻣﺞ ﻣﺮﺓ ﺛﺎﻧﻴﺔ ﻭﺗﻜﻮﻟﻴﻦ ﺷﻠﻮﻥ ﺿﺮﺑﺞ ﻛﺪﺍﻣﻪ
_ ﺳﻴﺪﻱ ﺟﺎﻥ ﺍﻟﻮﻗﺖ ﻇﻬﺮ ﻭﺟﻨﺖ ﻫﺴﻪ ﻃﺎﻟﻌﺔ ﻣﻦ ﺍﻟﺪﻭﺍﻡ
ﻣﺜﻠﻤﺎ ﺗﻌﺮﻑ ﺳﻴﺪﻱ ﺍﻧﻲ ﻣﻮﻇﻔﺔ
ﻭﺻﻠﺖ ﻗﺮﻳﺐ ﻋﺎﻟﻜﻬﻮﺓ ﺍﺷﻮ ﻫﺬﺍ ﺍﻋﺘﺮﺽ ﻃﺮﻳﻘﻲ
ﻭﻛﺎﻡ ﻳﺬﺑﻠﻲ ﺣﺠﻲ ﻭﺻﺎﺭ ﻳﺘﺤﺎﺭﺵ ﺑﻴﺔ
ﺍﻧﻲ ﺑﻮﻗﺘﻬﺎ ﺧﻔﺖ ﻻﻥ ﺟﻨﺖ ﻟﻮﺣﺪﻱ ﺑﺎﻟﺸﺎﺭﻉ ﻭﺍﻟﺪﻧﻴﺎ ﻇﻬﺮ
ﺣﺠﻴﺖ ﻭﻳﺎﻩ ﻭﺭﺯﻟﺘﻪ ﺍﺷﻮ ﻫﺬﺍ ﺍﺗﻬﺠﻢ ﻋﻠﻴﺔ ﻭﻛﻌﺪ ﻳﻀﺮﺏ ﺑﻴﺔ ﺑﺲ ﺭﺑﻚ ﻣﺎ ﻳﻌﻮﻑ ﻋﺒﺪﻩ ﻃﻠﻊ ﻭﻟﺪ ﺷﺎﺏ ﻭﻫﻮ ﻭﺍﺑﻮﻩ ﺷﺎﻓﻮﻧﺎ ﻣﻦ ﻳﻢ ﺑﻴﺘﻬﻢ ﻭﺭﻛﻀﻮﺍ ﺑﺄﺗﺠﺎﻫﻨﺎ ﻭﻛﻌﺪﻭ ﻳﺼﻴﺤﻮﻥ
......
ﻣﻦ ﺑﻌﻴﺪ ﻫﻮ ﺷﺎﻓﻬﻢ ﻭﺍﻧﻬﺰﻡ ﻭ ﺭﺍﺡ ﻳﺮﻛﺾ ﺍﻧﻲ ﺍﻧﺘﺒﻬﺖ ﻋﻠﻴﻪ ﺟﺎﻥ ﻳﺮﻛﺾ ﻭ ﻛﺒﻞ ﺩﺧﻞ ﻟﻠﻜﻬﻮﺓ
ﺍﺟﺎﻧﻲ ﻭﻟﺪ ﺷﺎﺏ ﻭﺍﺑﻮﻩ ﻳﺮﻛﻀﻮﻥ ﺍﺟﻮﻱ ﻳﺪﺧﻠﻮﻥ ﻭﺭﺍﻩ ﻟﻠﻜﻬﻮﺓ ﺑﺲ ﺍﻧﻲ ﻛﻠﺘﻠﻬﻢ ﺍﺭﻭﺡ ﻟﻠﻤﺮﻛﺰ ﻭﺍﺷﺘﻜﻲ ﻋﻠﻴﻪ
ﻫﻲ ﺗﺤﺠﻲ ﻭﺍﻧﺎ ﺍﺻﻴﺢ .. ﺳﻴﺪﻱ ﻭﺍﻟﻠﻪ ﺟﺬﺍﺑﺔ ﺍﺻﻼ ﺍﻧﺎ ﺑﺤﻴﺎﺗﻲ ﻣﺎ ﺷﺎﻳﻔﻬﺎ
ﺯﻣﺦ ﺑﻴﺔ ﻫﺬﺍ ﺍﻟﻀﺨﻢ ﺑﺼﻮﺕ ﺑﻠﻌﻨﻲ ﺍﻟﺴﺎﻧﻲ ﻣﺎ ﺍﺩﺭﻱ ﻫﺬﺍ ﻳﺎﻫﻮ ﻣﺴﻠﻄﻪ ﻋﻠﻴﺔ
ﺍﻟﺘﻔﺖ ﺍﻟﻀﺎﺑﻂ ﺍﻟﺜﺎﻧﻲ ﻟﻠﺸﺮﻃﻲ ﺍﻟﻲ ﺩﺧﻠﻨﺎ ﻭﻛﺎﻝ
_ ﺭﻭﺡ ﺻﻴﺢ ﺍﻟﺸﻬﻮﺩ
ﺷﻮﻳﺔ ﻭﺩﺧﻠﻮ ﻋﻠﻴﻨﺎ
.. ﻭﻟﺪ ﺷﺎﺏ ﻭﺭﺟﺎﻝ ﺟﺒﻴﺮ ﻳﺠﻲ ﻋﻤﺮﻩ ﺑﺎﻝ٦٠ﺳﻨﺔ
ﺍﻟﺘﻔﺖ ﻋﺎﻟﺸﻬﻮﺩ ﻭﺳﺄﻟﻬﻢ
ﻭﻫﻮ ﻳﺄﺷﺮ ﻋﻠﻴﻨﺎ ﻛﻠﻨﺎ
.. ﺑﺎﻟﻠﻪ ﺗﻌﺎﻟﻮﺍ ﺷﻮﻓﻮﺍ ﺍﻱ ﻭﺍﺣﺪ ﺑﻴﻬﻢ ﻣﻦ ﻫﺬﻭﻟﻲ
ﻟﺤﻈﺎﺕ ﻭﺍﻟﻮﻟﺪ ﺍﺷﺮ ﻋﻠﻴﺔ ﻭﻛﺎﻝ ﺳﻴﺪﻱ ﻫﺬﺍ
ﺍﻟﺮﺟﺎﻝ ﺍﻟﻲ ﺷﻔﺘﻪ ﻣﻦ ﺑﻌﻴﺪ ﺷﻠﻮﻥ ﻳﻀﺮﺏ ﺑﺎﻟﻤﺮﻳﺔ
ﻭﺍﻧﻬﺰﻡ
ﻭﺳﺄﻟﻮ ﺍﻟﺮﺟﺎﻝ ﺍﻟﺤﺒﻴﺮ ﻫﻢ ﻧﻔﺲ ﺍﻻﻗﻮﺍﻝ
ﺍﻟﻀﺎﺑﻂ .. ﻫﺴﺔ ﺗﻜﺪﺭﻭﻥ ﺗﺘﻔﻀﻠﻮﻥ ﺗﻄﻠﻌﻮﻥ ﺑﺮﺓ
ﻭﺍﺣﻨﺎ ﺭﺍﺡ ﻧﺴﻮﻱ ﺍﻻﺟﺮﺍﺀﺍﺕ ﺍﻟﻲ ﻋﻠﻴﻨﺎ ﻭﻧﺸﻮﻑ ﺷﻐﻠﻨﺎ ﻭﻳﺔ ﺍﻻﺳﺘﺎﺫ ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻴﺔ ﺑﺘﻮﻋﺪ
ﻇﻠﻴﺖ ﺍﺻﻴﺢ .. ﻳﺎ ﻧﺎﺱ ﻳﺎﻋﺎﻟﻢ ﻭﺍﻟﻠﻪ ﻣﺎﺿﺎﺭﺑﻬﺎ ﻭﻫﺬﻭﻟﻲ ﻳﺘﺒﻠﻮﻥ ﻋﻠﻴﺔ
ﺳﻴﺪﻱ ﺑﻴﻤﻦ ﺗﺮﺩﻳﻨﻲ ﺍﻟﺤﻠﻒ ﻟﻚ
.. ﻛﺎﻟﻮ ﻟﻠﺤﺮﺍﻣﻲ ﺍﺣﻠﻒ ﻛﺎﻝ ﺟﺎﻧﻲ ﺍﻟﻔﺮﺝ
ﺍﻧﺖ ﺗﺴﻜﺖ ﻭﺗﺎﻛﻞ ﺗﺒﻦ
ﺑﻌﺪﻣﺎ ﻃﻠﻌﻮﺍ ﺍﻟﻤﺸﺘﺒﻪ ﺑﻴﻬﻢ ﻭﺍﻟﻤﺮﻳﺔ ﻭﺍﻟﺸﻬﻮﺩ
ﺿﻠﻴﺖ ﺑﺲ ﺍﻧﻲ ﻭﻫﺬﺍ ﺍﻟﻀﺎﺑﻂ
ﺍﻟﻀﺎﺑﻂ ﺍﻟﻲ ﻳﻤﻪ ﻛﻠﻪ
.. ﻫﺎ ﻟﻴﺚ ﺷﻨﻮ ﻗﺮﺭﺕ
ﺑﺎﺑﺎ ﺫﻛﺮ ﺍﻻﺳﻢ ﻭﺷﻴﻤﺎﺀ ﺷﻬﻜﺖ ﻭﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻣﺼﺪﻭﻣﺔ ﺑﺎﻭﻋﻮﺍ ﻋﻠﻴﻬﺎ ﻭﻫﻲ ﺑﺴﺮﻋﺔ ﺍﺗﻼﺣﻜﺖ ﻟﻨﻔﺴﻬﺎ
ﺷﻴﻤﺎﺀ .. ﺍﻱ ﺑﺎﺑﺎ ﻛﻤﻞ ﻭﺗﺎﻟﻲ ﺷﺼﺎﺭ
.. ﺑﻌﺪ ﺷﺼﺎﺭ ﻫﺬﺍ ﺍﻟﻲ ﺍﺳﻤﻪ ﻟﻴﺚ ﺍﻟﻠﻪ ﻳﺎﺧﺬﻩ
ﻛﺎﻝ ﺍﺧﺬﻭﻩ ﻭﺿﻴﻔﻮﻩ ﻭﻛﻮﻣﻮﺍ ﺑﺎﻟﻮﺍﺟﺐ ﻭﻳﺎﻩ
ﺩﺍﺭ ﻋﺎﻟﻀﺎﺑﻂ ﺻﺪﻳﻘﻪ ﻛﻠﻪ ﻟﻮﻣﺎ ﺍﻳﺪﻱ
ﺟﺎﻥ ﻋﻠﻤﺘﻪ ﺍﻟﻠﻪ ﺣﻖ ﻭﺍﺧﻠﻴﻪ ﺑﻌﺪ ﻳﺒﻄﻞ
ﻳﻤﺪ ﺍﻳﺪﻩ ﻋﻠﻰ ﻣﺮﺓ
ﺟﺎﻭﺑﻪ ﺻﺪﻳﻘﻪ .. ﻻ ﺗﻮﺻﺦ ﺍﻳﺪﻙ ﺑﻴﻪ ﺧﻠﻴﻪ ﻋﻠﻴﻨﺎ ﺍﺣﻨﺔ
ﻧﻀﻴﻔﻪ
ﻫﻤﺔ ﻳﺤﺠﻮﻥ ﻭﺍﻧﺎ ﻛﻠﺒﻲ ﻭﻛﻊ ﺑﻴﻦ ﺭﺟﻠﻴﺔ ﺍﺗﺬﻛﺮﺕ
ﺍﻳﺎﻡ ﺍﻟﺴﺠﻦ ﻭﺍﻟﺘﻌﺬﻳﺐ ﺍﻭﻳﻠﻲ ﻳﺎﻟﻠﻪ
ﻫﺎﻱ ﻭﻳﻦ ﺟﺎﻧﺘﻠﻲ
.. ﺳﻴﺪﻱ ﺩﺧﻴﻞ ﺍﻟﻠﻪ ﻭﺩﺧﻴﻠﻚ ﻻ ﺗﺎﺧﺬﻧﻲ ﻟﻠﻀﻴﺎﻓﺔ
ﺟﺎﻭﺑﻨﻲ ﻭﻋﻴﻮﻧﻪ ﺗﺠﺪﺡ .. ﺍﻟﻈﺎﻫﺮ ﻫﻨﺎ ﺍﻻﺳﺘﺎﺫ ﻋﻨﺪﻩ
ﺧﺒﺮﺓ ﺑﺪﺍﺭ ﺍﻟﻀﻴﺎﻓﺔ
ﺟﺎﻭﺑﻪ ﺻﺎﺣﺒﺔ .. ﻫﻮ ﻣﺒﻴﻦ ﻣﻦ ﺷﻜﻠﻪ ﺧﺮﻳﺞ ﺳﺠﻮﻥ
ﺻﺎﺡ ﻟﻠﻌﺮﻳﻒ ﺍﻟﻲ ﻭﺍﻛﻒ ﺑﺮﺓ ﺍﻟﻐﺮﻓﺔ
ﻭﻛﻠﻪ ﺍﺧﺬﻩ
ﺑﻮﻳﺔ ﻫﻤﺔ ﺍﺧﺬﻭﻧﻲ ﻭﺩﺧﻠﻮﻧﻲ ﻟﻐﺮﻓﺔ ﻇﻠﻤﺔ ﻭﺍﻧﺎ ﻇﻞ ﺟﺴﻤﻲ ﻛﻠﻪ ﻳﻨﻜﺖ ﻣﻦ ﺍﻟﺒﺮﺩ
ﻇﻠﻴﺖ ﻛﺎﻋﺪ ﻭﺣﺎﻁ ﻛﻠﺒﻲ ﺑﺸﻴﺸﺔ
ﺩﻗﺎﻳﻖ ﻭﺩﺧﻠﻮ ﻋﻠﻴﺔ ﺍﺭﺑﻌﺔ ﻣﻠﺜﻤﻴﻦ ﻣﺎ ﻳﺒﻴﻦ ﺷﻲ ﻣﻦ ﻭﺟﻬﻬﻢ ﻭﺍﺳﺘﻠﻮﻣﻨﻲ ﺩﻙ ﺑﺎﻟﺼﻮﻧﺪﺓ
ﺻﺮﺕ ﻣﺎ ﺍﻋﺮﻑ ﺍﻟﻀﺮﺑﺔ ﻣﻨﻴﻦ ﺗﺠﻴﻨﻲ
ﻛﻞ ﺳﺎﻋﺔ ﺍﺳﻤﻌﻬﻢ ﻳﻜﻮﻟﻮﻥ
.. ﺑﻌﺪ ﺗﻤﺪ ﺍﻳﺪﻙ ﻋﻠﻰ ﻣﺮﻳﺔ
ﺍﻧﺎ ﻣﻦ ﺣﻼﺕ ﺭﻭﺣﻲ ﺍﺻﻴﺢ .. ﺍﺗﻮﺑﺔ ﺳﻴﺪﻱ ﻭﺍﻟﻠﻪ ﺑﻌﺪ ﻣﺎ ﺍﻣﺪ ﺍﻳﺪﻱ ﻋﻠﻰ ﻣﺮﻳﺔ
.. ﺣﺘﻰ ﻟﻮ ﺟﺎﻧﺖ ﺯﻭﺟﺘﻚ
.. ﺣﺘﻰ ﻟﻮ ﺟﺎﻧﺖ ﻣﺮﺗﻲ
ﻭﺭﺟﻌﻮﺍ ﻳﻀﺮﺑﻮﻧﻲ ﻭﺻﺎﺡ
.. ﻛﻮﻝ ﺣﺘﻰ ﻟﻮ ﺟﺎﻧﺖ ﺑﻨﺘﻲ
.. ﻛﻠﺘﻠﻪ ﻭﺍﻟﻠﻪ ﻫﺎﻱ ﻫﻲ ﺗﻮﺑﺔ ﺣﺮﻣﺖ ﺑﻌﺪ ﻣﺎ ﺍﻣﺪ ﺍﻳﺪﻱ ﻋﻠﻰ ﻣﺮﻳﺔ ﺣﺘﻰ ﻟﻮ ﺟﺎﻧﺖ ﺑﻨﺘﻲ
ﺳﺤﺐ ﺍﻳﺪﻱ ﻭﺻﺎﺭ ﻳﻀﺮﺏ ﻋﻠﻴﻬﺎ ﻣﺜﻞ ﺍﻟﻄﺎﻟﺐ
ﻫﺎﻱ ﺍﻻﻳﺪ ﺍﻟﻲ ﺗﻨﻤﺪ ﻋﻠﻰ ﻣﺮﻳﺔ ﺿﻌﻴﻔﺔ ﺗﺴﺘﺤﻖ
ﺗﺘﻜﺴﺮ
.......
ﻻ ﺩﺧﻴﻠﻚ ﺳﻴﺪﻱ ﺍﺑﻮﺱ ﺍﻳﺪﻙ
ﺑﺲ ﻫﻤﺔ ﻭﻳﻦ ﺣﺎﺩﻳﻦ ﺳﻨﻮﻧﻬﻢ ﻋﻠﻴﺔ
ﻭﺻﺎﻭﺭﺍ ﻳﻀﺮﺑﻮﻧﻲ ﻭﻳﻌﻴﺪﻭﻥ ﻋﻠﻴﺔ ﻧﻔﺲ ﺍﻟﻜﻼﻡ ﻭﺍﻧﺎ ﺍﺭﺩﺩ ﻭﺭﺍﻫﻢ ﺑﺨﻮﻑ ﻣﻔﺰﻭﻉ
ﺍﺭﻳﺪ ﺑﺲ ﺍﺧﻠﺺ ﺭﻭﺣﻲ ﻣﻨﻬﻢ
ﻭﺑﺎﻻﺧﻴﺮ ﻣﻦ ﻛﺜﺮ ﺍﻟﺪﻙ ﺍﻏﻤﻰ ﻋﻠﻴﺔ
ﻭﺭﺓ ﻓﺘﺮﺓ ﺟﻨﺖ ﻧﺎﻳﻢ ﻭﻭﺍﺣﺪ ﺩﻓﺮﻧﻲ ﻭﻛﺎﻝ ﻳﺎﻟﻠﻪ ﻛﻮﻡ
ﺭﺍﺡ ﻧﻔﺮﺝ ﻋﻨﻚ ﺍﺟﺔ ﺍﺧﻮﻙ ﻭﺩﻓﻊ ﻛﻔﺎﻟﺔ ﺣﺘﻰ ﻳﻄﻠﻌﻚ ﻭﺍﻟﻤﺮﻳﺔ ﺍﺗﻨﺎﺯﻟﺖ ﻋﻦ ﺍﻟﻘﻀﻴﺔ
ﺍﺧﺬﻧﻲ ﻭﺭﺣﺖ ﺩﺧﻠﺖ ﻋﻠﻴﻬﻢ ﺑﺎﻟﻐﺮﻓﺔ ﻭﺷﻔﺖ ﺍﻣﺠﺪ ﺍﻟﻲ ﺷﺎﻑ ﺷﻜﻠﻲ ﻭﻛﺎﻡ ﻣﻔﺰﻭﻉ ﻣﻦ ﻣﻜﺎﻧﻪ
ﺑﺲ ﻣﺎﻛﺪﺭ ﻳﺤﺠﻲ ﺍﻱ ﻛﻠﻤﺔ
ﻣﺎ ﻟﻜﻴﺖ ﺫﺍﻙ ﺍﻟﻀﺎﺑﻂ ﺍﻟﻲ ﺍﺳﻤﻪ ﻟﻴﺚ ﻟﻜﻴﺖ ﺑﺲ ﺻﺎﺣﺒﻪ
ﺭﻓﻌﺖ ﺍﻳﺪﻱ ﺍﺭﻳﺪ ﺍﺣﻚ ﺭﺍﺳﻲ ﻭﺍﻧﺼﺪﻣﺖ
.. ﻫﺎﻱ ﺷﻨﻮ ﻣﺰﻳﻨﻴﻦ ﺷﻌﺮﻱ
ﺟﺎﻭﺑﻨﻲ ﺍﻟﻀﺎﺑﻂ .. ﺍﻱ ﺯﻳﻨﺎﻩ ﻋﻨﺪﻙ ﺍﻋﺘﺮﺍﺽ
ﺟﺎﻭﺑﺘﻪ ﺑﺨﻮﻑ .. ﻻ ﺳﻴﺪﻱ ﺭﺣﻤﺔ ﺍﻟﻠﻪ ﻭﺍﻟﺪﻳﻜﻢ
ﺍﺻﻼ ﺍﻧﺎ ﺟﻨﺖ ﻧﺎﻭﻱ ﺍﺯﻳﻨﻪ
ﺣﺠﻴﺘﻬﺎ ﻭﺍﻧﺎ ﺍﺑﻠﻊ ﺑﺮﻳﻜﻲ ﺍﺭﻳﺪ ﺑﺲ ﺍﻃﻠﻊ ﻣﻦ ﻳﻤﻬﻢ
ﺍﻭﻻﺩ ﺍﻟﻜﻠﺐ ﻣﻮﺗﻮﻧﻲ ﻛﺘﻞ
ﺟﺎﻥ ﺑﺎﺑﺎ ﻳﺤﺠﻲ ﻭﺷﻴﻤﺎﺀ ﻋﻠﻰ ﻧﻔﺲ ﻭﺿﻌﻬﺎ ﻣﺼﺪﻭﻣﺔ
ﺧﻠﺘﻨﻲ ﺍﺷﻚ ﺑﺎﻟﺴﺎﻟﻔﺔ
ﻛﻤﻨﺎ ﻭﺭﺣﻨﺎ ﻧﻨﺎﻡ ﻻﻥ ﺍﺗﺄﺧﺮ ﺍﻟﻮﻗﺖ
ﻧﻤﺖ ﺑﺤﻀﻨﻬﺎ ﻣﺜﻠﻤﺎ ﺍﺗﻌﻮﺩﺕ ﻛﻞ ﻳﻮﻡ
ﻭﺿﺤﻰ ﻧﺎﻣﺖ ﺑﻔﺮﺍﺷﻬﺎ ﻋﻠﻰ ﺻﻔﺤﺔ ﻣﺎ ﺍﻋﺮﻑ ﺷﺒﻴﻬﺎ
ﺟﻨﺎ ﻛﻠﻨﺎ ﻣﺨﺒﻮﺻﻴﻦ ﺑﺤﻀﺮﺕ ﺍﻟﻮﺍﻟﺪ ﺍﻟﻤﺘﻬﻢ ﻭﻫﻲ
ﺟﺎﻧﺖ ﻓﺎﺻﻠﺔ ﺑﻐﻴﺮ ﻋﺎﻟﻢ ﻣﻮ ﻳﻤﻨﺎ
ﺩﺭﺕ ﻭﺟﻬﻲ ﻋﻠﻰ ﺷﻮﻣﺔ ﻭﺣﺠﻴﺖ ﺑﺼﻮﺕ ﻧﺎﺻﻲ
.. ﺍﻛﻮﻝ ﺷﻮﻣﺔ ﻗﺒﻞ ﺷﻮﻳﺔ ﻣﻦ ﺟﺎﻥ ﺑﺎﺑﺎ ﻳﺤﺠﻲ ﻟﻴﺶ ﺷﻬﻜﺘﻲ ﻣﺼﺪﻭﻣﺔ
ﺷﻴﻤﺎﺀ .. ﻟﺞ ﻫﺪﻯ ﺗﺪﺭﻳﻦ ﻣﻨﻮ ﻭﺭﺓ ﺩﺧﻮﻝ ﺑﺎﺑﺎ ﻟﻠﺴﺠﻦ
.. ﻣﻨﻮ
.. ﻟﺞ ﻫﺬﺍ ﻟﻴﺚ ﻧﻔﺴﻪ ﺍﻟﻲ ﺟﻨﺖ ﺍﺣﺠﻴﻠﺞ ﻋﻨﻪ
.. ﺣﻠﻔﻲ ﻭﺍﻟﻠﻪ ﺍﻟﺤﺠﻎ ( ﺍﻟﺤﺠﺮ ) ﻣﺎ ﻏﻴﻐﻪ ( ﻣﺎﻏﻴﺮﻩ )
.. ﺍﻱ ﻭﻟﺞ ﻫﻮ ﻧﻔﺴﻪ
.. ﻭﺍﻟﻠﻪ ﻋﺎﺷﺖ ﺍﻳﺪﻳﻪ ﻭﺍﻟﻒ ﻏﺤﻤﺔ ( ﺭﺣﻤﺔ ) ﻋﻠﻰ ﺑﻄﻦ ﺍﻟﺤﻤﻠﺘﻪ
ﻭﺍﻟﻠﻪ ﻟﻮ ﻣﻮ ﻋﻴﺐ ﻣﻦ ﺑﺎﺟﻎ ﺍﻏﻮﺡ ( ﺑﺎﺟﺮ ﺍﺭﻭﺡ ) ﺍﺣﻨﻲ ﺍﻳﺪﻩ ﻭﺍﺗﺸﻜﻎ ( ﺍﺗﺸﻜﺮ ) ﻣﻨﻪ
.. ﻻ ﻫﺪﻯ ﺍﻧﻲ ﻋﻜﺴﺞ
ﻣﺎ ﺍﻋﺮﻑ ﻟﻴﺶ ﺧﻔﺖ ﻣﻦ ﻋﺮﻓﺖ ﺑﻠﻴﺚ ﻫﻮ ﻭﺭﺓ ﺳﺎﻟﻔﺔ ﺑﺎﺑﺎ ﺗﺼﺮﻓﻪ ﻫﺬﺍ ﺣﺴﺴﻨﻲ ﺑﺎﻟﺘﻬﺪﻳﺪ ﻭﺯﺍﺩ ﺧﻮﻓﻲ ﻣﻨﻪ
.. ﺧﺎﺏ ﻣﺎ ﺗﻄﻴﻐﻴﻦ ( ﺗﻄﻴﺮﻳﻦ ) ﻫﻲ ﻫﺎﻱ ﺍﻟﺰﻟﻢ ﺍﻟﺤﻮﻙ
ﺷﻴﻤﺎﺀ ﺍﻧﻲ ﻟﻮ ﻣﻨﺞ ﺍﻏﺎﺟﻊ ( ﺍﺭﺍﺟﻊ ) ﺣﺴﺎﺑﺎﺗﻲ ﺑﺨﺼﻮﺹ
ﻟﻴﺚ ﻭﺍﻏﺠﻊ ﺍﻓﻜﻎ ( ﺍﺭﺟﻊ ﺍﻓﻜﺮ ) ﻣﻦ ﺟﺪﻳﺪ
ﻻﻥ ﺍﻟﻐﺠﺎﻝ ( ﺍﻟﺮﺟﺎﻝ ) ﺍﻟﻲ ﻳﺪﺍﻓﻊ ﻋﻦ ﺑﻨﻴﺔ ﻣﻈﻠﻮﻣﺔ ﻭﻳﺎﺧﺬ ﺑﺤﻘﻬﺎ
ﻣﺴﺘﺤﻴﻞ ﻳﻄﻠﺐ ﻣﻨﻬﺎ ﺗﺒﻴﻊ ﺷﻐﻔﻬﺎ ( ﺷﺮﻓﻬﺎ )
.. ﺷﻨﻮ ﻗﺼﺪﺝ ﻳﻌﻨﻲ ﺗﺮﺩﻳﻦ ﺗﻜﻠﻴﻠﻲ ﺍﻧﻲ ﻓﻬﻤﺖ ﺍﻟﻤﻮﺿﻮﻉ ﻏﻠﻂ ﻭﺍﺗﺒﻠﻴﺖ ﻋﻠﻴﻪ ﺑﺬﺍﻙ ﺍﻟﻴﻮﻡ
.. ﻻ ﻣﻮ ﻫﻴﺞ ﺍﻟﺤﺠﻲ
ﺑﺲ ﻳﻤﻜﻦ ﻫﻮ ﺩﻳﺨﺘﺒﻐﺞ ( ﻳﺨﺘﺒﺮﺝ ) ﻭﻋﻐﺾ ( ﻋﺮﺽ ) ﻋﻠﻴﺞ ﺍﻟﻔﻠﻮﺱ ﻣﻘﺎﺑﻞ
ﺗﻨﻄﻴﻨﻪ ﻧﻔﺴﺞ
.. ﻻ ﻣﺴﺘﺤﻴﻞ ﻣﺎﻛﻮ ﻫﻴﺞ ﺣﺠﻲ
ﻭﺷﻨﻮ ﺭﺍﺡ ﻳﺤﺼﻞ ﻣﻦ ﻳﺨﺘﺒﺮﻧﻲ
.. ﺷﻠﻮﻥ ﺑﻴﺞ ﻟﺞ ﺷﻮﻣﺔ ﺍﺣﺘﻤﺎﻝ ﻫﻮ ﺣﺒﺞ ﻭﻏﺎﺩ ﻳﺨﺘﺒﻎ ( ﺭﺍﺩ ﻳﺨﺘﺒﺮ ) ﺍﺧﻼﻗﺞ ﻭﻳﺠﻐﺒﺞ ( ﻳﺠﺮﺑﺞ ) ﻗﺒﻞ ﻻ ﻳﺘﻘﺪﻣﻠﺞ
.. ﻫﺎﻱ ﺷﻨﻮ ﻭﻳﻦ ﻛﺎﻋﺪﻳﻦ ﺧﻮ ﻳﺮﻭﺡ ﻳﺴﺄﻝ ﻋﻨﻲ
ﺑﺎﻟﻤﺴﺘﺸﻔﻰ ﻭﺑﻤﻨﻄﻘﺘﻨﺎ ﻭﻫﻤﺔ ﺭﺍﺡ ﻳﻜﻠﻮﻟﻪ ﻣﻨﻮ ﺷﻴﻤﺎﺀ ﻭﺷﻨﻮ ﺍﺧﻼﻗﻬﺎ ﺍﻟﻤﻦ ﻫﺬﺍ ﺍﻟﻠﻒ ﻭﺍﻟﺪﻭﺭﺍﻥ
.. ﺍﻱ ﺑﺲ ﻫﻮ ﺣﺠﻎ ( ﺣﺠﺮ ) ﻳﺨﺘﻠﻒ ﻳﻐﻴﺪ ﻳﺨﺘﺒﻎ ( ﻳﺮﻳﺪ ﻳﺨﺘﺒﺮ ) ﻓﻴﺲ ﺗﻮ ﻓﻴﺲ
......
ﻣﺎ ﺍﻋﺮﻑ ﻭﺍﻟﻠﻪ ﻋﺎﻟﻌﻤﻮﻡ ﺍﻟﻤﻮﺿﻮﻉ ﺍﻧﺴﺪ
ﻭﺍﺣﺘﻤﺎﻝ ﺑﻌﺪ ﻣﺎ ﻧﺘﺸﺎﻭﻑ ﻭ ﻃﺮﻗﻨﺎ ﻣﺘﻠﺘﻘﻲ
ﻻﻥ ﺑﻌﺪ ﻃﻠﻊ ﻣﻦ ﺍﻟﻤﺴﺘﺸﻔﻰ
.. ﺍﻟﻠﻪ ﻛﻐﻴﻢ ( ﻛﺮﻳﻢ ) ﺍﻧﻲ ﻋﻨﺪﻱ ﺣﺪﺱ ﻟﻴﺚ ﻳﺤﺒﺞ
.. ﺩﻧﺎﻣﻲ ﺍﻟﻈﺎﻫﺮ ﺷﻜﻠﺞ ﻧﻌﺴﺘﻲ ﻭﻛﻤﺘﻲ ﺗﺨﺒﺼﻴﻦ
ﻧﻤﺖ ﻭﺍﻧﻲ ﺍﺩﻋﻲ ﺑﻜﻠﺒﻲ ﻛﻮﻥ ﺭﺑﻲ ﻳﺴﻌﺪ ﺷﻴﻤﺎﺀ ﺍﺧﺘﻲ
ﻳﻮﻡ ﺛﺎﻧﻲ ﺍﻟﺼﺒﺢ ﻛﻌﺪﺕ ﻣﺜﻞ ﻛﻞ ﻳﻮﻡ
ﺻﻠﻴﺖ ﻭﺟﻬﺰﺕ ﺭﻭﺣﻲ ﻟﻠﻤﺪﺭﺳﺔ ﻭﻟﻜﻴﺖ ﺣﻀﺮﺕ ﺍﻟﻮﺍﻟﺪ
ﻛﺎﻋﺪ ﻣﻦ ﺍﻟﺼﺒﺢ ﻭﺷﻴﻤﺎﺀ ﺩﺗﺴﻮﻱ ﺭﻳﻮﻙ
ﺷﺎﻭﺭﺕ ﺷﻴﻤﺎﺀ .. ﺷﻌﺠﺐ ﺍﺑﻮﺝ ﻛﺎﻋﺪ ﻣﻦ ﺍﻟﺼﺒﺢ ﺷﻨﻮ ﻳﺮﻳﺪ ﻳﻤﻮﺕ
.. ﺍﻧﺠﺒﻲ ﻟﺘﺤﺠﻴﻦ ﻫﺸﻜﻞ
ﺍﻟﺒﺎﺭﺣﺔ ﻋﻤﻮ ﺍﻣﺠﺪ ﻻﻛﻲ ﺷﻐﻞ ﻟﺒﺎﺑﺎ ﻭﻛﻠﻪ ﺑﺎﺟﺮ ﺗﻌﺎﻝ
ﻣﻦ ﺍﻟﺼﺒﺢ ﺍﺧﺬﻙ ﻟﺼﺎﺣﺒﻲ
.. ﻣﺎ ﺍﺻﺪﻙ ﻣﻌﻘﻮﻟﺔ ﻭﺍﺧﻴﻐﺎ ﻗﻐﻎ ( ﺍﺧﻴﺮﺍ ﻗﺮﺭ ) ﻳﺸﺘﻐﻞ
.. ﺍﻟﻠﻪ ﻳﻬﺪﻳﻪ
.. ﺑﺲ ﺷﻜﻞ ﺍﻟﻀﻐﺒﺔ ( ﺍﻟﻀﺮﺑﺔ ) ﺟﺎﺑﺖ ﻧﺘﻴﺠﺔ ﻭﻳﺎﻩ
ﺍﻛﻠﺞ ﻣﺎ ﺗﻨﻄﻴﻨﻲ ﻏﻘﻢ ( ﺭﻗﻢ ) ﻫﺬﺍ ﻟﻴﺚ
ﺧﺰﺭﺗﻨﻲ .. ﻟﻴﺶ ﺷﺘﺴﻮﻳﻦ ﺑﺮﻗﻤﻪ
.. ﺍﺣﺘﺎﺟﻪ ﻛﻠﻤﺎ ﺍﺑﻮﻧﺎ ﻳﺼﻴﺈ ( ﻳﺼﻴﺮ ) ﻭﻛﺢ ﺍﻫﺪﺩﻩ ﺍﺗﺼﻞ ﺑﻠﻴﺚ ﻭﺍﻛﻠﻪ ﻏﺎﺡ ﺍﺧﺎﺑﻎ ( ﺭﺍﺡ ﺍﺧﺎﺑﺮ ) ﻋﻠﻰ ﺷﻐﻄﺔ ( ﺷﺮﻃﺔ ) ﺍﻻﻃﻔﺎﻝ ﺗﺠﻲ ﻋﻠﻴﻚ ﻭﺗﺎﺧﺬﻙ ﺍﺫﺍ ﻣﺎ ﺗﺼﻴﻎ ( ﺗﺼﻴﺮ ) ﻋﺎﻗﻞ
ﺷﻴﻤﺎﺀ .. ﻫﻬﻬﻬﻪ ﺍﻟﻠﻪ ﻳﻠﻌﻦ ﺑﻠﻴﺴﺞ ﺩﺭﻭﺣﻲ ﻻ ﺗﺘﺄﺧﺮﻳﻦ
ﻋﻠﻰ ﺍﻟﺨﻂ
ﻭﺻﻠﺖ ﻟﻠﻤﺪﺭﺳﺔ ﻭﺟﺎﻥ ﺍﺷﻮﻑ ﻟﻴﺎﻥ ﻧﺰﻟﺖ ﻣﻦ ﺳﻴﺎﺭﺓ ﻋﺎﻟﻴﺔ ﺣﺪﻳﺜﺔ ﻭﺟﺎﻥ ﻭﻳﺎﻫﺎ ﺷﺎﺏ ﻛﻠﺶ ﻣﺮﺗﺐ ﻭﺣﻠﻮ
ﻧﺰﻟﺖ ﻭﺳﻠﻤﺖ ﻋﻠﻴﻪ ﻭﺩﺧﻠﺖ ﻟﻠﻤﺪﺭﺳﺔ ﺩﺧﻠﻨﺎ ﻭﺭﺍﻫﺎ
ﻭﺍﻟﺘﻬﻴﻨﺎ ﻧﺪﺭﺱ ﻭﺑﺎﻟﺪﺭﺱ ﺍﻟﺮﺍﺑﻊ ﺻﺎﺩﻑ ﻋﺪﻧﺎ ﺷﺎﻏﺮ ﻻﻥ ﻣﺪﺭﺳﺔ ﺍﻻﺣﻴﺎﺀ ﻣﺠﺎﺯﺓ
ﺟﻨﺎ ﻣﺘﺠﻤﻌﺎﺕ
ﻭﻧﺴﻮﻟﻒ ﻭﺍﺟﺔ ﻋﻠﻰ ﺑﺎﻟﻲ ﺍﺳﺄﻝ ﻟﻴﺎﻥ
.. ﺍﻛﻮﻝ ﻟﻴﺎﻥ ﺍﻟﻴﻮﻡ ﻣﻨﻮ ﻭﺻﻠﺞ ﻟﻠﻤﺪﻏﺴﺔ ( ﻟﻠﻤﺪﺭﺳﺔ )
.. ﻫﺬﺍ ﺍﺧﻮﻳﺔ ﻟﺆﻱ ﻭﺻﻠﻨﻲ ﻛﻠﺘﻠﻪ ﻭﺻﻠﻨﻲ ﺑﻄﺮﻳﻘﻚ
.. ﺍﺧﻮﺝ ﻳﺸﺒﻬﺞ ﻫﻢ ﺣﺎﺗﺔ
.. ﻳﻤﺔ ﻓﺪﻳﺖ ﺍﺧﻮﻳﺔ ﺍﻟﻠﻪ ﻳﺨﻠﻴﻪ ﺍﻟﻲ ﻫﻮ ﺍﻟﻲ ﻳﻄﻌﻠﻨﻲ
ﻟﻠﻤﻮﻻﺕ ﻭﺍﻟﻤﻄﺎﻋﻢ ﻣﺒﺘﻠﻲ ﺑﻴﺔ
ﻫﺎﻟﺔ .. ﺷﻜﺪ ﺣﻠﻮ ﻋﻜﺲ ﺍﺧﻮﻱ ﻗﺎﺳﻢ
ﻟﻴﺎﻥ .. ﻫﺎﻱ ﺷﻨﻮ ﻋﻨﺪﺝ ﺍﺧﻮ ﺍﺳﻤﻪ ﻗﺎﺳﻢ
ﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻭﺭﺣﺖ ﻛﻌﺪﺕ ﺑﻴﻨﻬﺎ ﻭﺑﻴﻦ ﻫﺎﻟﺔ
ﻭﺣﺠﻴﺖ .. ﺍﻱ ﻭﻟﺞ ﻋﻨﺪﻫﺎ ﺍﺧﻮ ﺍﺳﻤﻪ ﻗﺎﺳﻢ
ﻏﻴﺮ ﻳﻤﻮﺕ ﻟﺞ ﻟﻮ ﺗﺪﺭﻳﻦ ﺑﻴﻪ ﺳﺎﺣﻞ ﻧﺺ ﺑﻨﺎﺕ ﺍﻟﻤﻨﻄﻘﺔ ﺳﺤﻞ ﺑﻮﻛﺎﺣﺘﻪ ﺍﺍﺍﺍ ﺍﻗﺼﺪ ﺑﺠﻤﺎﻟﻪ
ﻭﺍﻗﺪﻣﻠﺞ ﻧﻔﺴﻲ ﺍﻧﻲ ﻭﺣﺪﺓ ﻣﻦ ﺍﻟﻤﺴﺤﻮﻻﺕ
ﺑﺲ ﺣﻐﺎﻣﺎﺕ ( ﺣﺮﺍﻣﺎﺕ ) ﺷﻠﻨﺎ ﻣﻦ ﺍﻟﻤﻨﻄﻘﺔ ﻭﺑﻌﺪ ﻣﺎ ﺍﺷﻮﻑ
ﺟﻤﻴﻞ ﺍﻟﻄﻠﺔ ﻭﺍﻛﺤﻞ ﻋﻴﻮﻧﻲ ﺑﺸﻮﻓﺘﻪ
ﺟﻨﺖ ﺍﺣﺠﻲ ﻭﺍﺣﻀﻚ ﺑﻜﻠﺒﻲ ﻋﻠﻰ ﺍﻟﺼﺒﻎ ﺍﻟﺼﺒﻐﺘﻪ
ﻟﻘﺎﺳﻢ ﺟﻨﺖ ﺍﺿﺤﻚ ﻭﺍﺗﺨﻴﻞ ﻗﺎﺳﻢ ﺍﻟﻮﻛﺢ ﺍﻻﺟﻠﺢ ﺍﻻﻣﻠﺢ
ﻫﺎﻟﺔ .. ﻛﻮﻟﻲ ﻣﺎ ﺷﺎﺀ ﺍﻟﻠﻪ . ﻻ ﺗﻄﻜﻴﻦ ﺍﺧﻮﻱ ﺑﻌﻴﻦ
ﺧﻤﺴﺔ ﻭﺧﻤﻴﺴﺔ ﺑﻌﻴﻦ ﺍﻟﻤﺎﻳﺼﻠﻲ ﻋﺎﻟﻨﺒﻲ ﻛﻮﻥ ﺗﺴﻤﻌﺞ ﺍﻣﻲ ﺟﺎﻥ ﺭﺍﺣﺖ ﺗﺮﻛﺾ ﺗﺠﻴﺐ ﺣﺮﻣﻞ ﻭﺗﻄﻜﻄﻜﻪ ﻛﺪﺍﻣﺞ ﺣﺘﻰ ﻻ ﺗﺤﺴﺪﻳﻨﻪ
ﺍﻧﻔﺠﺮﺕ ﻣﻦ ﺍﻟﻀﺤﻚ ﻣﺎ ﻛﺪﺭﺕ ﺍﺗﺤﻤﻞ ﺍﺳﻜﺖ ﺑﻌﺪ
ﺷﻮﻑ ﻫﺎﻱ ﻣﺼﺪﻛﺔ ﺍﺧﻮﻫﺎ ﺣﻠﻮ ﻫﻬﻬﻬﻬﻬﻬﻪ
ﺑﺲ ﻳﺎﻟﻠﻪ ﺧﻠﻴﻬﺎ ﺗﺤﺠﻲ ﺗﺨﺪﻡ ﺍﻟﺨﻄﺔ
.. ﺍﻱ ﻋﻤﻲ ﺣﻘﻬﺎ ﺍﻣﺞ ﺗﺨﺎﻑ ﻋﻠﻴﻪ ﻣﻦ ﺍﻟﻌﻴﻦ ﻫﻮ ﺑﺲ ﻃﻮﻟﻪ ﻳﺴﻮﺓ ﻋﺸﻎ ( ﻋﺸﺮ ) ﺭﺟﺎﻝ
ﻫﺎﻟﺔ .. ﺍﻱ ﻭﺍﻟﻠﻪ ﻓﺪﻳﺖ ﻃﻮﻝ ﺍﺧﻮﻱ
ﻟﻴﺎﻥ .. ﺍﻛﻮﻝ ﻫﺎﻟﺔ ﺷﻮﻛﺖ ﺗﻌﺰﻣﻴﻨﻲ ﺑﺒﻴﺘﻜﻢ ﻋﺎﻟﻐﺪﺓ ﺍﻧﺘﻲ ﻣﻮ ﻛﻠﺘﻲ ﺫﺍﻙ ﺍﻟﻴﻮﻡ ﺭﺍﺡ ﺍﻋﺰﻣﺞ
_ ﻫﻬﻬﻬﻬﻪ ﺑﺪﺓ ﺍﻟﺰﺣﻒ ﺧﻐﺐ ( ﺧﺮﺏ ) ﻫﺎﻱ ﺍﻟﺒﻨﻴﺔ ﻣﺎ ﺗﻀﻴﻊ ﺍﻱ ﻓﺮﺻﺔ
ﻫﺎﻟﺔ .. ﺍﻥ ﺷﺎﺀ ﺍﻟﻠﻪ ﺍﻛﻮﻝ ﻷﻣﻲ ﻭﺍﻋﺰﻣﻜﻢ
ﺍﻛﻮﻝ ﻟﻴﺎﻥ ﺻﺪﻙ ﺍﺧﻮﺝ ﻳﻄﻠﻌﺞ ﻟﻠﻤﻮﻻﺕ ﻭﻳﻔﺘﺮ ﻭﻳﺎﺝ ﻋﺎﺩﻱ
_ ﺍﺻﻼ ﻣﺎ ﺍﺣﺐ ﺍﻟﻄﻠﻌﺔ ﺍﻻ ﻭﻳﺎﻩ ﻋﻜﺲ ﺑﺎﺑﺎ ﻭﻣﺎﻣﺎ ﻣﺎﻟﻬﻢ ﺧﻠﻜﻲ
......
ﻫﺎﻟﺔ .. ﻫﻴﻨﻴﺎﻟﺞ ﻟﻌﺪ ﺍﻧﺎ ﺷﺒﻲ ﺣﻈﻲ ﺍﺧﻮﻱ ﻗﺎﺳﻢ
ﺟﻨﺔ ﻋﺘﺮﻳﺲ ﻧﺒﺘﻠﻲ ﻋﻠﻰ ﻋﻤﺮﻧﺎ ﻣﻦ ﻧﻜﻠﻪ
ﺗﻌﺎﻝ ﻭﺻﻠﻨﺎ ﻟﻜﺬﺍ ﻣﻜﺎﻥ
ﻳﻜﻮﻝ ﺍﺗﺨﺒﻞ ﻣﻦ ﻃﻠﻌﺔ ﺍﻟﻨﺴﻮﺍﻥ
ﺫﺑﺤﻮﻧﻲ ﻛﺘﻠﻮﻧﻲ ﻭﻻ ﺗﻜﻠﻮﻟﻲ ﺍﻃﻠﻊ ﻭﻳﺔ ﻣﺮﺓ
.. ﻳﺎﺍ ﻟﻴﺶ ﻳﺤﺠﻲ ﻫﺸﻜﻞ
.. ﻭﻻ ﻣﺮﺓ ﻃﻠﻌﻨﺎ ﻭﻳﺔ ﻗﺎﺳﻢ ﺍﺫﺍ ﻣﺎ ﺳﻮﺍﻟﻪ ﻋﺮﻛﺔ
ﺷﻜﺪﻫﺎ ﻭﺷﻜﺒﺮﻫﺎ ﻭﻳﺔ ﺍﻟﻌﺎﻟﻢ
ﻗﺒﻞ ﺳﻨﺘﻴﻦ ﺟﺎﻧﺖ ﺍﺧﺮ ﻃﻠﻌﺔ ﺍﻟﻨﺔ ﻭﻳﺎﻩ
ﺗﻮﺑﻨﺎ ﻭﻟﻠﻪ ﺍﺗﺬﻛﺮ ﺑﻮﻛﺘﻬﺎ ﺟﻨﺎ ﺍﻧﻲ ﻭﻛﻮﺛﺮ ﺍﺧﺘﻲ ﻣﺤﺘﺎﺟﺎﺕ
ﺷﻐﻼﺕ ﻟﺤﻔﻠﺔ ﺑﻨﺖ ﻋﻤﻲ
ﻃﻠﺒﻨﺎ ﻣﻦ ﺑﺎﺑﺎ ﻳﺎﺧﺬﻧﺎ ﻟﻠﻤﻮﻝ ﺑﺲ ﺟﺎﻥ ﺑﻮﻛﺘﻬﺎ ﺗﻌﺒﺎﻥ ﻭﻛﺎﻝ ﻟﻘﺎﺳﻢ ﻳﺎﺧﺬﻧﺎ
ﺑﺲ ﻳﻤﺔ ﺟﺎﻧﺖ ﺳﺎﻋﺔ ﺍﻟﺴﻮﺩﺓ ﺑﻴﻮﻡ ﺍﻟﻲ ﻃﻠﻌﻨﺎ ﺑﻴﻬﺎ ﻭﻳﺎﻩ
ﺍﻱ ﻏﻴﺮ ﺧﻄﻴﺔ ﻭﺍﺣﺪ ﺩﺍﻋﻴﺔ ﻋﻠﻴﻪ ﺍﻣﻪ ﺣﺠﺔ ﻭﻳﺔ ﻛﻮﺛﺮ ﺑﺎﻟﻐﻠﻂ ﻋﺒﺎﻟﻪ ﺍﺧﺘﻪ
ﻭﻛﻠﻠﻬﺎ ﺍﺳﻒ ﺧﻴﺘﻲ ﻭﺭﺑﻲ ﺣﺴﺒﺎﻟﻲ ﺍﺧﺘﻲ
ﻭﺍﻋﺘﺬﺭ ﻭﻛﻮﺛﺮ ﺍﻟﻔﻄﻴﺮﺓ ﺍﺑﺘﺴﻤﺖ ﻛﻠﺘﻠﻪ
.. ﻋﺎﺩﻱ ﺧﻮﻳﺔ ﻣﺼﺎﺭ ﺷﻲ
ﻭﻗﺎﺳﻢ ﻟﺠﺤﻬﺎ ﻳﻤﺔ ﻭﻫﻮ ﺍﺟﺔ ﻳﺮﻛﺾ ﻋﺎﻟﻮﻟﺪ
ﻣﺎ ﺍﺷﻮﻑ ﺑﺲ ﺍﻟﻮﻟﺪ ﻳﻄﻴﺮ ﺑﺎﻟﻬﻮﻯ ﺳﻮﺍﻩ
ﻛﺮﺓ ﺳﻠﺔ
ﻭﻫﻮ ﻗﺎﺳﻢ ﻣﻨﺎ ﻃﻮﻳﻞ ﻭﺿﺨﻢ ﻭﻫﺬﺍﻙ ﺍﻟﻤﻜﺮﻭﺩ
ﻓﺼﻤﺔ ﻧﺎﻋﻢ ﻭﺑﺎﻟﻒ ﻳﺎﻋﻠﻲ ﻛﺪﺭﻭﺍ ﻳﺨﻠﺼﻮﻥ ﺍﻟﻮﻟﺪ ﻣﻦ ﺍﻳﺪﻩ
ﺭﻛﺒﻨﺎ ﺑﺎﻟﺴﻴﺎﺭﺓ
ﺳﺐ ﻭﻏﻠﻂ ﻳﻤﻌﻮﺩ ﺍﺑﻮ ﺍﻟﻐﻴﺮﺓ ﺗﺮﺓ ﺻﺎﺭ ﺍﻟﺘﺒﺎﺱ ﺑﺎﻟﻤﻮﺿﻮﻉ
ﺑﺲ ﻫﻮ ﻭﻳﻦ ﻗﺎﺳﻢ ﻗﺎﻓﻞ
ﺑﺲ ﺣﺘﻰ ﻣﺎ ﺍﻇﻠﻢ ﺍﺧﻮﻱ ﻫﻮ ﺣﻴﻞ ﺣﻨﻴﻦ ﻋﻠﻴﻨﺎ
ﻳﻌﻨﻲ ﺻﺤﻴﺢ ﻣﺎ ﻳﻄﻠﻌﻨﺎ ﺑﺲ ﺑﺎﻟﻤﻘﺎﺑﻞ ﻛﻠﻤﺎ ﻳﺴﺎﻓﺮ ﺍﻭ ﻳﻄﻠﻊ
ﻣﺎ ﻳﺮﺟﻊ ﻭﺍﻳﺪﻩ ﻓﺎﺭﻏﺔ ﻛﻮﻥ ﻳﻐﺮﻛﻨﺎ ﺑﺎﻟﻬﺪﺍﻳﺔ
ﻟﻴﺎﻥ .. ﻳﺒﻮﻭﻭﻭ ﻓﺪﻳﺘﻪ ﺍﻣﻮﺕ ﻋﺎﻟﺮﺟﺎﻝ ﺍﻟﺤﻤﺶ ﻭﺑﻨﻔﺲ ﺍﻟﻮﻛﺖ ﺣﻨﻴﻦ
ﻫﺪﻯ .. ﺷﻮﻓﻲ ﻫﻮ ﻣﻦ ﻧﺎﺣﻴﺔ ﺍﻟﺤﻨﻴﺔ
ﻓﻬﻮ ﻛﻠﺶ ﺣﻨﻴﻦ ﺍﺳﺄﻟﻲ ﺍﻟﻤﺠﻐﺐ ( ﺍﻟﻤﺠﺮﺏ )
ﺍﻫﻮﻭﻭ ﻳﺎﻣﺎ ﻭﻳﺎﻣﺎ ﺳﻘﺎﻧﻲ ﻣﻦ ﻣﻨﺒﻊ ﺣﻨﺎﻧﻪ
ﻭﺍﻟﻠﻪ ﺗﻜﻮﻟﻴﻦ ﻗﻠﺐ ﻭﺍﻟﺪﺓ ﺍﻟﻲ ﺑﻴﻦ ﺿﻠﻮﻋﻪ
ﺟﻨﺖ ﻻﺯﻣﺔ ﺷﻌﺮﻱ ﻭﺍﺣﺠﻲ
ﻭﺍﺗﺬﻛﺮ ﺷﻠﻮﻥ ﺟﺎﻥ ﻳﺠﺮﻧﻲ ﻣﺜﻞ ﺍﻟﺨﺮﻭﻑ ﻣﻦ ﻛﺼﺎﻳﺒﻲ
ﻭﻳﺘﻮﻋﺪﻟﻲ ﺍﻟﻠﻪ ﻳﻠﻌﻨﻚ ﻳﺎ ﻟﺴﺎﻧﻲ ﻫﺴﺔ ﻏﻴﺮ ﺍﻛﻌﺪ ﻭﺍﺳﻜﺖ
ﻟﻴﺎﻥ .. ﺍﻟﻠﻪ ﺍﺗﻤﻨﻰ ﺍﺷﻮﻓﻪ
.. ﺗﺪﻏﻴﻦ ( ﺗﺪﺭﻳﻦ ) ﻭﺍﻧﺘﻲ ﻣﺎ ﻣﺤﻠﻔﺘﻨﻲ
ﺍﻧﻲ ﺑﺲ ﺷﻔﺘﺞ ﻛﻠﺖ ﻭﺍﻟﻠﻪ ﻣﺎ ﺗﻠﻮﻙ ﻟﻘﺎﺳﻢ ﻭﺣﺪﺓ ﻏﻴﻐﺞ ( ﻏﻴﺮﺝ ) ﺍﻧﺘﻲ
ﻻﻳﻜﻴﻦ ﻋﻠﻰ ﺑﻌﺾ
ﻓﻌﻼ ﺗﺸﻜﻠﻮﻥ ﺛﻨﺎﺋﻲ ﺗﺤﻔﺔ ﺗﻜﺴﻐﻮﻥ ( ﺗﻜﺴﺮﻭﻥ ) ﻋﻠﻰ ( ﺷﺎﻛﻴﻐﺎ ﻭﺯﻭﺟﻬﺎ ﺑﻴﻜﻴﻪ ) ﺑﺎﻟﺘﻨﺎﺳﻖ
ﻟﻴﺎﻥ .. ﺣﻠﻔﻲ ﻫﺪﻯ ﺻﺪﻙ ﻫﻮ ﻫﺸﻜﻞ ﻭﺳﻴﻢ
.. ﻭﻏﻮﺡ ( ﺭﻭﺡ ) ﺑﻴﺒﻲ ﺳﻠﻴﻤﺔ ﺍﻟﻲ ﻣﺎ ﺍﺣﻠﻒ ﺑﻴﻬﺎ ﺟﺬﺏ
ﺍﻥ ﺷﺎﺀ ﺍﻟﻠﻪ ﻳﺼﻴﺈ ( ﻳﺼﻴﺮ ) ﺑﻴﻬﺎ ﺷﻠﻞ ﺍﺫﺍ ﺍﻧﻲ ﻣﺠﺬﺑﺔ ﻋﻠﻴﺞ
ﺍﺣﺠﻲ ﻣﻨﻄﻠﻘﺔ ﻭﻫﺎﻟﺔ ﺗﻜﺮﺹ ﺑﻴﺔ
ﺑﺲ ﺍﻧﺎ ﺳﻮﻳﺖ ﺭﻭﺣﻲ ﻣﺎ ﺍﻋﺮﻑ ﻋﻠﻰ ﺷﻨﻮ ﺗﻜﺮﺹ ﺑﻴﺔ
ﻫﺎﻟﺔ .. ﺍﻛﻠﺞ ﻫﺪﻯ ﺍﻧﺘﻲ ﻭﻳﻦ ﺷﺎﻳﻔﺔ ﺍﺧﻮﻱ ﻗﺎﺳﻢ
ﺍﻧﺘﻲ ﻣﻮﺯﺫﺍﻙ ﺍﻟﻴﻮﻡ ﻛﻠﺘﻲ ﺻﺎﺭﻟﻲ ﺷﻜﺪ ﻣﺎ ﺷﺎﻳﻔﺔ ﻗﺎﺳﻢ ﻣﻦ ﻋﻬﺪ ﺟﻨﺖ ﺻﻐﻴﺮﺓ
ﻋﺮﻙ ﻭﺟﻬﻲ ﻭﺣﺴﻴﺖ ﺍﻧﺤﺸﺮﺕ ﺑﺰﺍﻭﻳﺔ
ﻋﺎﻳﺰ ﺑﺲ ﻭﺍﺣﺪ ﻳﻐﻨﻴﻠﻲ ( ﻛﻞ ﻳﻮﻡ ﺻﺪﻣﺔ ﺍﻗﻮﻯ ﻣﻦ ﺍﻟﻜﺒﻠﻬﺎ ) ﺑﺲ ﻓﺠﺎﺀﺓ
.. ﺍ ﺍﻱ ﺻﺪﻙ ﻧﺴﻴﺖ ﺍﻛﻠﺞ ﺍﻧﺎ ﻣﻦ ﺑﻌﺪ ﻣﺎ ﻛﻠﺘﻠﺞ
ﻭﺭﺓ ﻓﺘﺮﺓ ﺷﻔﺘﻪ ﻋﻨﺪ ﺑﻴﺖ ﻛﻐﺎﻳﺒﻜﻢ ﺍﻡ ﻓﻐﺰﺩﻕ ( ﻛﺮﺍﻳﺒﻜﻢ ﺍﻡ ﻓﺮﺯﺩﻕ ) ﺑﺎﻟﺼﺪﻓﺔ
ﻫﺎﻟﺔ ﺻﺎﻓﻨﺔ ﺗﺘﺬﻛﺮ .. ﺍﻱ ﺻﺪﻙ ﻫﻮ ﻣﺮﺍﺕ ﻳﺮﻭﺡ ﻟﺒﻴﺖ ﺍﻡ ﻓﺮﺯﺩﻕ ﻻﻥ ﺻﻬﻴﺐ ﺻﺪﻳﻘﻪ ﻭﺩﺍﺋﻤﺎ ﻳﻄﻠﻊ ﻭﻳﺎﻩ
.....
ﻳﻤﺔ ﺍﻟﺤﻤﺪﻟﻠﻪ ﺭﺑﻲ ﺯﻳﻦ ﻣﺎ ﺍﻧﻔﻀﺤﺖ ﺟﺬﺑﺘﻲ ﺟﻨﺖ ﺣﺎﺑﺴﺔ ﺍﻧﻔﺎﺳﻲ
ﺑﺎﻟﺤﻠﺔ ﻓﺎﻃﻤﺔ ﺧﺮﺑﺎﻧﺔ ﺿﺤﻚ
.. ﻭﺍﻟﻠﻪ ﺍﻧﺘﻲ ﻓﻠﻢ ﻭﻟﺞ ﻣﺎ ﺷﺎﻳﻔﺔ ﺷﻜﻠﺞ ﻭﺍﻧﺘﻲ ﻛﺎﻋﺪﺓ ﺗﺠﺬﺑﻴﻦ
ﻋﻠﻰ ﻟﻴﺎﻥ ﻭﻫﻲ ﻣﺼﺪﻛﺔ ﺍﻟﻔﻄﻴﺮﺓ
.. ﻣﻦ ﻛﺜﺮﺓ ﺍﻟﺠﺬﺏ ﺍﺣﺲ ﻛﺴﺮﺕ ﺣﺘﻰ ﻋﻠﻰ ﻣﺴﻠﻴﻤﺔ
ﺍﻟﻜﺬﺍﺏ .
ﻋﻤﺔ ﺣﺘﻰ ﻋﻤﺔ ﻛﻄﻌﺖ ﻛﻠﺒﻲ ﻟﺤﺪ ﻣﺎ ﺻﺮﻓﺖ ﺍﻧﺘﺒﺎﻫﺔ ﻋﻦ ﻏﺎﺋﺪ
.. ﻟﺞ ﻣﺎ ﻳﻔﻴﺪ ﻫﺎﻱ ﻣﺒﻴﻦ ﻋﻠﻴﻬﺎ ﻣﺘﻌﺪﺩﺓ ﺍﻻﺗﺠﺎﻫﺎﺕ
ﻣﺴﺘﻌﺪﺓ ﺗﻜﺒﻞ ﻭﻳﺔ ﻋﺸﺮﺓ ﻋﺎﺩﻱ ﻋﻨﺪﻫﺎ ﻣﺴﻤﻌﺘﻴﻬﺎ
ﺷﻠﻮﻥ ﺗﺤﺠﻲ ﺑﻤﻐﺎﻣﺮﺍﺗﻬﺎ ﻭﻳﺔ ﺍﻟﻜﺒﻞ
.. ﺍﻱ ﻭﻟﺞ ﺳﻤﻌﺘﻬﺎ ﺷﻜﺪ ﺟﺮﻳﺌﺔ ﺑﺲ ﻣﻮ ﺻﻮﺟﻬﺎ ﺻﻮﺝ ﺍﻫﻠﻬﺎ ﻋﺎﻳﻔﻴﻨﻬﺎ ﻋﻠﻰ ﺣﻞ ﺷﻌﺮﻫﺎ ﻭﺑﺮﺍﺣﺘﻬﺎ ﺗﻄﻠﻊ ﻭﺗﻄﺐ
ﻟﻠﺒﻴﺖ
ﺍﺟﺔ ﺍﻟﺨﻂ ﻭﺭﺍﺋﺪ ﻣﺎ ﺑﻴﻦ ﺍﻟﻴﻮﻡ
ﻇﻞ ﺑﺎﻟﻲ ﻋﻨﺪﻩ
ﻭﺻﻠﺖ ﻟﻠﻤﻨﻄﻘﺔ ﻭﺍﺷﻮﻑ ﻋﻼﻭﻱ ﻣﻨﺘﻈﺮﻧﻲ
ﻭﻛﺎﻟﻌﺎﺩﺓ ﻳﺎﺧﺬ ﺟﻨﻄﺘﻲ ﻭﻳﻜﻌﺪ ﻳﺤﺠﻴﻠﻲ ﻣﻮﺟﺰ ﺍﻻﺧﺒﺎﺭ
ﻋﻦ ﺍﻫﻞ ﺍﻟﻤﻨﻄﻘﺔ
ﺑﺲ ﺍﻗﻮﻯ ﺧﺒﺮ ﻣﻦ ﻛﺎﻝ ﻫﺎﻱ ﺑﻨﺖ ﺍﻡ ﺍﺣﻤﺪ ﺟﺎﺑﺖ ﻭﻟﺪ
ﻭﺭﺍﺡ ﺗﺴﻤﻴﻪ ﻋﻠﻰ ﺍﺳﻤﻲ ﻋﻼﻭﻱ
.. ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ
.. ﺍﻱ ﻟﻌﺪ ﺷﻌﺒﺎﻟﺞ ﺍﻧﺎ ﻋﻼﻭﻱ ﻣﻮ ﺍﻱ ﻭﺍﺣﺪ
.. ﺍﻱ ﺍﻧﺖ ﻋﻼﻭﻱ ﺍﻟﺒﻄﻞ
ﺷﻮﻑ ﺍﻧﺖ ﺍﺫﺍ ﻛﺒﺮﺕ ﻭﺻﺮﺕ ﺭﺟﺎﻝ ﺣﻮﻙ ﻭﺻﺎﺣﺐ ﻏﻴﺮﺓ ﻋﻠﻰ ﻋﺮﺿﻚ
ﺗﻜﻮﻡ ﻛﻞ ﺑﻨﺎﺕ ﺍﻟﻤﻨﻄﻘﺔ ﻳﺮﻛﻀﻦ ﻭﺭﺍﻙ
ﻫﺎﻱ ﺍﺫﺍ ﻣﺎ ﺗﺸﻮﻑ ﻧﺼﻬﻦ ﻛﺎﻋﺪﺍﺕ ﻳﻢ ﺍﻣﻚ ﻳﺨﺪﻣﻨﻬﺎ ﺣﺘﻰ
ﺗﺨﺘﺎﺭ ﻭﺣﺪﺓ ﺑﻴﻬﻦ ﺗﺰﻭﺟﻬﺎ ﺍﻟﻚ
ﺍﻧﻲ ﺍﺣﺠﻲ ﻭﺍﻧﻔﺦ ﺑﻲ ﻭﻫﻮ ﻳﺮﻓﻊ ﺑﻴﺎﺧﺘﻪ
.. ﻻ ﻻ ﺧﻠﻲ ﻳﻮﻟﻦ ﻣﺎ ﺍﺭﻳﺪﻫﻦ ﺣﺘﻰ ﻟﻮ ﻳﺘﻠﻮﻛﻮﻥ ﻷﻣﻲ
ﻛﻮﺓ ﻻﻣﺔ ﺣﻠﻜﻲ ﻻ ﺍﻧﻔﺠﺮ ﻣﻦ ﺍﻟﻀﺤﻚ
.. ﻳﺎ ﺧﻄﻴﺔ ﻟﻴﺶ ﻳﺎ ﻗﺎﻫﺮ ﻗﻠﻮﺏ ﺍﻟﻌﺬﺍﺭﻯ
.. ﺍﻧﺎ ﺍﺣﺐ ﺑﺲ ﻭﺣﺪﺓ . ﻭﻫﻲ ﺍﻟﻲ ﺑﺎﻟﻜﻠﺐ
.. ﻫﻼ ﻫﻠﺔ ﺣﺮﻛﺎﺕ ﻫﺎﻱ ﺷﻨﻮ ﺗﺤﺐ ﻣﻦ ﻭﺭﺍﻱ ﻭﺍﻧﺎ ﻣﺎ ﺍﻋﺮﻑ
ﺻﺎﺭ ﻭﺟﻬﻪ ﺍﺣﻤﺮ ﺍﺑﻦ ﺍﻻﻭﺍﺩﻡ ﺑﻜﺪ ﺍﻟﻔﺼﻤﺔ
ﻭﻣﺎﻛﺎﻋﺪ ﺭﺍﺣﺔ . ﺟﻨﺎ ﻧﻤﺸﻲ ﻭﻧﺤﺠﻲ
.. ﺍﻱ ﺻﺪﻙ ﺷﺴﻤﻬﺎ ﺳﻌﻴﺪﺓ ﺍﻟﺤﻆ ﺍﻟﻲ ﻛﺪﺭﺕ ﺗﺎﺧﺬ ﻛﻠﺐ ﻋﻼﻭﻱ
.. ﺍﺳﻤﻬﺎ ﻫﺪﻯ
ﺍﺗﺴﻌﺖ ﻋﻴﻮﻧﻲ .. ﻭﻟﻚ ﻣﻨﻮ ﻫﺎﻱ ﻫﺪﻯ
.. ﺍﻧﺘﻲ ﻫﻮ ﺍﻛﻮ ﻏﻴﺮﺝ ﺍﺳﻤﻬﺎ ﻫﺪﻯ
ﻳﻤﺔ ﻫﻮ ﻛﺎﻝ ﺍﻧﺘﻲ
ﻭﺍﻧﻲ ﺧﺮﺑﺖ ﻣﻦ ﺍﻟﻀﺤﻚ ﻭﺍﻟﻠﻪ ﻟﻮ ﻣﺎ ﺑﺎﻟﺸﺎﺭﻉ ﺟﺎﻥ ﻛﻌﺪﺕ ﺑﺎﻟﻜﺎﻉ ﻣﻦ ﺍﻟﻀﺤﻚ ﻳﺎﻳﺎﺑﺔ ﺍﺭﻳﺪ ﺍﺳﻜﺖ ﻣﺎ ﻛﺪﺭﺕ
.. ﻫﻬﻬﻬﻬﻬﻬﻪ ﺍﺥ ﻳﻤﺔ ﺑﻄﻨﻲ ﻭﻟﻚ ﻋﻼﻭﻱ ﺍﻧﺖ ﻣﺘﺄﻛﺪ ﺍﻧﺎ
ﻫﻮ ﺷﺎﻳﻞ ﺟﻨﻄﺘﻲ ﻭﻳﺒﺎﻭﻉ ﻋﻠﻴﺔ ﻣﺘﻌﺠﺐ ﻟﻴﺶ ﺍﺿﺤﻚ
.. ﺍﻱ ﺷﺒﻴﺞ ﻣﺎ ﻣﺼﺪﻛﺔ ﺍﺣﺒﺞ
ﺗﺮﺓ ﺍﻧﺘﻲ ﻛﻠﺶ ﺣﻠﻮﺓ
ﻫﻬﻬﻬﻬﻬﻪ ﻻ ﻭﻭﺍﺛﻖ ﻣﻦ ﻧﻔﺴﻪ ﺑﻌﺪ ﻣﺴﻮﻱ ﺑﺮﺍﺳﻲ ﻓﻀﻞ
ﻭﺣﺎﺑﻨﻲ
.. ﻭﻣﻮ ﺑﺲ ﻫﺸﻜﻞ ﺭﺍﺡ ﺍﻛﻠﺞ ﺑﻌﺪ ﺧﺒﺮ ﺛﺎﻧﻲ ﺑﺲ ﺗﺴﻤﻌﻴﻨﻪ
ﺗﻄﻴﺮﻳﻦ ﻣﻦ ﺍﻟﻔﺮﺡ
.. ﻫﻬﻬﻬﻪ ﺷﻨﻮ ﻛﻠﻲ ﺧﻠﻴﻨﻲ ﺍﻃﻴﺮ
.. ﺍﻧﺎ ﺍﻟﺒﺎﺭﺣﺔ ﻛﻠﺖ ﻻﻣﻲ ﻣﻦ ﺍﻛﺒﺮ ﺍﺗﺰﻭﺝ ﻫﺪﻯ ﻭﺍﻣﻲ ﻛﺎﻣﺖ ﺗﻀﺤﻚ ﻭﺗﻜﻮﻝ ﻳﻤﺔ ﺳﺎﻋﺔ ﺍﻟﻤﺒﺎﺭﻛﺔ
ﻫﺪﻯ ﺗﺼﻴﺮ ﺟﻨﺘﻲ ﻫﺎ ﺑﻌﺪ ﺷﺘﺮﻳﺪﻳﻦ
.. ﻫﻼ ﻫﻠﺔ ﺑﻌﺪ ﻣﺎ ﺍﺗﺤﺎﺟﺔ
ﻣﻨﻮ ﺑﻜﺪﻱ ﻋﻼﻭﻱ ﻭﺍﻣﻪ ﻳﺤﺒﻮﻧﻲ
.. ﺷﻮﻓﻲ ﻣﻦ ﻫﺴﺔ ﺍﻛﻠﺞ ﺣﺘﻰ ﺍﺑﻘﻰ ﺍﺣﺒﺞ
ﻭﻣﺎ ﺍﻏﻴﺮ ﺭﺃﻳﻲ ﻭﺍﺗﺰﻭﺝ ﻏﻴﺮﺝ
ﺍﺭﻳﺪﺝ ﺗﺼﻴﺮﻳﻦ ﺣﺒﺎﺑﺔ ﺗﺴﻤﻌﻴﻦ ﻛﻼﻣﻲ
ﻫﻮ ﻳﺤﺠﻲ ﻭﺍﻧﺎ ﺧﺮﺑﺎﻧﺔ ﺿﺤﻚ
ﻋﻘﺪ ﺣﻮﺍﺟﺒﻪ .. ﺷﻨﻮ ﺷﺒﻴﺞ ﻟﻴﺶ ﺗﻀﺤﻜﻴﻦ
.. ﻭﻟﻚ ﺩﺍﺿﺤﻚ ﻣﻦ ﺍﻟﻔﺮﺣﺔ ﻣﺎ ﻣﺼﺪﻛﺔ ﺍﻧﺖ ﺗﺤﺒﻨﻲ
ﻭﺻﻠﺖ ﻟﻠﺒﻴﺖ ﻭﺩﻋﺘﻪ ﻭﻫﻮ ﻋﺎﻳﺶ ﺍﻟﻠﺤﻈﺔ ﻣﺼﺪﻙ ﺭﻭﺣﻪ
ﺍﻟﻠﻪ ﻳﻠﻌﻦ ﺍﺑﻮ ﺍﻟﺜﻘﺔ ﺍﻟﻌﻨﺪﻩ
ﺩﺧﻠﺖ ﻟﻠﺒﻴﺖ ﻭﺍﻧﻲ ﻓﺎﻃﺴﺔ ﻣﻦ ﺍﻟﻀﺤﻚ ﻭﺷﻔﺖ ﺧﺎﻟﺔ ﺍﻡ ﻓﺮﺯﺩﻕ ﻋﻨﺪﻧﺎ ﺑﺎﻟﺒﻴﺖ ﻭﺍﻟﺒﻨﺎﺕ ﺿﺤﻰ ﻭﺷﻴﻤﺎﺀ ﻭﺳﻠﻴﻤﺔ
ﻛﺎﻋﺪﻳﻦ ﻳﻤﻬﺎ
ﺳﻠﻤﺖ ﻋﻠﻴﻬﻢ
......
ﺍﻡ ﻓﺮﺯﺩﻕ .. ﺩﻭﻡ ﺍﻟﻀﺤﻜﺔ ﺧﺎﻟﺔ ﻫﺪﻫﺪ
ﺟﻨﺖ ﺍﺿﺤﻚ ﻭﺍﺣﺠﻲ
ﺷﻴﻤﺎﺀ .. ﻫﺴﺔ ﺷﻔﺘﻬﻤﻨﺎ ﻣﻨﺞ ﺑﺲ ﺗﻀﺤﻜﻴﻦ
ﻛﻌﺪﺕ ﺍﺳﻮﻟﻔﻠﻬﻢ ﻋﻠﻰ ﻋﻼﻭﻱ ﻭﻫﻤﺔ ﻫﻢ ﺧﺮﺑﻮﺍ ﻣﻦ ﺍﻟﻀﺤﻚ
ﺑﺲ
ﺳﻠﻴﻤﺔ .. ﻫﻲ ﻫﺎﻱ ﺗﺎﻟﻴﺘﺞ ﻗﺰﻣﺔ ﻭﺍﻟﺰﻋﺎﻃﻴﻂ ﺗﺘﻘﺪﻣﻠﺞ
ﺍﻡ ﻓﺮﺯﺩﻕ .. ﺧﺎﻟﺔ ﻣﻦ ﻓﺪﻭﺓ ﺭﺣﺖ ﺍﻟﻄﻮﻟﻬﺎ
ﻫﻲ ﺣﻼﺕ ﺍﻟﺒﻨﻴﺔ ﺗﻜﻮﻥ ﻧﺎﻋﻤﺔ ﻫﺎﻱ ﻣﺎ ﻳﺴﻤﻮﻧﻬﺎ ﻗﺰﻣﺔ
ﻫﺎﻱ ﻳﻜﻠﻮﻟﻬﺎ ﻧﺒﻌﺔ ﺭﻳﺤﺎﻥ ﻻﻥ ﻧﺎﻋﻤﺔ
ﻫﺪﻯ .. ﺍﺣﻢ ﺍﺣﻢ ﺍﺷﻜﻐﺞ ﺧﺎﻟﺔ ﺍﻡ ﻓﻐﺰﺩﻕ
ﺍﻱ ﻫﺬﺍ ﺍﻟﺤﺠﻲ ﺍﻟﻲ ﻳﻔﺘﺢ ﺍﻟﻨﻔﺲ
ﺩﺧﻠﺖ ﺑﺪﻟﺖ ﻭﻛﻌﺪﺕ ﻳﻤﻬﻢ
ﻭﺻﺮﺕ ﺍﺳﺄﻟﻬﺎ ﻋﻦ ﻋﻤﻮ ﻓﺮﺯﺩﻕ
ﻭﺍﻧﺘﺒﻬﺖ ﻋﻠﻰ ﺿﺤﻰ ﺗﺤﻮﻡ ﻣﺜﻞ ﻋﻨﺪﻫﺎ ﻭﻻﺩﺓ ﻋﺮﻓﺖ ﺗﺮﻳﺪ ﺗﺴﺄﻟﻬﺎ ﻋﻠﻰ ﺻﻬﻴﺐ ﻭﻣﺴﺘﺤﻴﺔ ﻣﺎ ﺗﻌﺮﻑ ﺷﻠﻮﻥ ﺗﻔﺘﺢ ﺍﻟﻤﻮﺿﻮﻉ ﺧﺎﻑ ﺗﻠﻔﺖ ﺍﻧﺘﺒﺎﻩ ﺳﻠﻴﻤﺔ
ﺍﻧﻲ ﻫﺎﺩﻱ ﻣﺎ ﻳﺮﺩﻋﻨﻲ ﺷﻲ
.. ﺍﻛﻮﻝ ﺧﺎﻟﺔ ﺻﺪﻙ ﺷﺨﺒﺎﻍ ( ﺷﺨﺒﺎﺭ ) ﺻﻬﻴﺐ ﺍﺑﻦ ﻋﻤﻮ ﻓﻐﺰﺩﻕ ( ﻓﺮﺯﺩﻕ )
ﺣﺘﻰ ﺗﻌﺮﻑ ﺑﻴﺒﻲ ﻋﻠﻰ ﻣﻨﻮ ﺩﺍ ﺍﺳﺄﻝ ﻻﻥ ﻫﻲ ﺗﺮﺍﻗﺒﻨﺎ ﺑﺎﻟﻤﺮﺻﺎﺩ ﻭﺍﻛﻔﺘﻠﻨﺎ ﻣﺜﻞ ﺍﻟﻌﻈﻤﺔ ﺑﺎﻟﺒﻠﻌﻮﻡ
ﺍﻡ ﻓﺮﺯﺩﻕ .. ﻭﺍﻟﻠﻪ ﺧﺎﻟﺔ ﺍﻟﺤﻤﺪﻟﻠﻪ
ﺻﻬﻴﺐ ﺑﺨﺒﺮ ﻭﺩﺍﻳﺪﺭﺱ ﻭﺍﻭﻟﺖ ﺍﻟﺒﺎﺭﺣﺔ ﺍﺗﺼﻞ ﻋﻠﻰ ﺍﺑﻮﻩ
ﻭﻛﻠﻪ ﺑﻌﺪ ﺭﺍﺡ ﻳﺒﻘﻰ ﺳﻨﺔ ﺛﺎﻧﻴﺔ
ﺍﻧﺘﺒﻬﺖ ﻋﻠﻰ ﺿﺤﻰ ﺣﺎﺻﺮﺗﻬﺎ ﺍﻟﺒﺠﻴﺔ
.. ﻳﺎ ﻟﻴﺶ ﺧﺎﻟﺔ ﺧﻄﻴﺔ ﻏﺎﺡ ( ﺭﺍﺡ ) ﻳﺒﻘﻰ ﺳﻨﺔ ﺛﺎﻧﻴﺔ
.. ﻭﺍﻟﻠﻪ ﺧﺎﻟﺔ ﺍﻧﺎ ﻣﺎ ﺍﻓﺘﻬﻢ ﺑﻬﺎﻱ ﺍﻟﺴﻮﺍﻟﻒ ﺑﺲ ﺍﻟﻲ ﻋﺮﻓﺘﻪ
ﺭﺍﺡ ﻳﺘﺄﺧﺮ ﻋﻠﻤﻮﺩ ﻳﺪﺭﺱ ﻭﻳﺎﺧﺬ ﺷﻬﺎﺩﺓ ﺍﻋﻠﻰ
ﺧﻄﻴﺔ ﺿﺤﻰ ﻣﺎ ﺍﺗﺤﻤﻠﺖ ﻛﺒﻞ ﻛﺎﻣﺖ ﻣﻦ ﻳﻤﻨﺎ
ﻭﺻﺮﻧﺎ ﻧﺴﻮﻟﻒ ﺍﺣﻨﺎ ﻭﺍﻡ ﻓﺮﺯﺩﻕ ﻻﻥ ﻫﻮﺍﻱ ﻣﺸﺘﺎﻗﻴﻦ ﻟﻬﺎ
ﻭﺳﺄﻟﺘﻨﺎ ﻋﻦ ﺍﺧﺒﺎﺭ ﻣﺮﻭﺓ
ﺷﻴﻤﺎﺀ .. ﻭﺍﻟﻠﻪ ﺧﺎﻟﺔ ﺫﺍﻙ ﺍﻻﺳﺒﻮﻉ ﻛﻠﻔﺖ ﻭﺍﺣﺪ ﻣﻦ ﺯﻣﻼﺀ
ﺯﻭﺟﻬﺎ ﺭﺍﻓﺪ ﺩﻛﺘﻮﺭ ﻭﻳﺎﻩ
ﻭﻛﻠﺘﻠﻪ ﺍﺫﺍ ﺗﻜﺪﺭ ﺗﺪﺑﺮﻟﻲ ﺭﻗﻤﻪ ﻻﻥ ﻫﻮ ﺭﺟﻞ ﺍﺧﺘﻲ
ﻭﺍﻟﻠﻪ ﻭﺍﻟﺒﺎﺭﺣﺔ ﺟﺎﻥ ﻳﺠﻴﺒﻠﻲ ﺍﻟﺮﻗﻢ
ﺑﺲ ﻫﻮ ﺭﻗﻢ ﺩﻭﻟﻲ ﻭﻛﻠﻲ ﺗﻜﺪﺭﻳﻦ ﺗﺘﺼﻠﻴﻦ ﻋﻠﻴﻪ
.. ﺍﻱ ﻭﻫﺴﺔ ﺷﻨﻮ ﺍﺗﺼﻠﺘﻲ ﻟﻮ ﺑﻌﺪ
.. ﺧﺎﻟﺔ ﺑﻌﺪﻧﻲ ﻻﻥ ﺍﻟﻤﻜﺎﻟﻤﺔ ﺍﻟﺪﻭﻟﻴﺔ ﻏﺎﻟﻴﺔ
ﻭﺻﺪﻳﻘﺘﻲ ﺭﺑﺎﺏ ﻛﺎﻟﺖ ﺍﻛﻮ ﺑﺮﻧﺎﺝ ﺍﺳﻤﻪ ﻓﺎﻳﺒﺮ
ﻫﺬﺍ ﻳﺸﺘﻐﻞ ﻋﺎﻻﻧﺘﺮﻧﻴﺖ
ﺗﻜﺪﺭﻳﻦ ﺗﺘﺼﻠﻴﻦ ﺑﻴﻬﺎ ﻣﺠﺎﻧﺎً ﺑﺪﻭﻥ ﻣﺎ ﻳﺎﺧﺬ ﻣﻨﺞ ﻓﻠﺲ ﺍﺣﻤﺮ
ﻫﺪﻯ .. ﺍﻱ ﺻﺪﻙ ﻫﺬﺍ ﺍﻟﺒﺮﻧﺎﻣﺞ ﺻﺪﻳﻘﺎﺗﻲ ﻛﻠﻪ ﻳﺤﺠﻮﻥ ﺑﻲ
ﺑﺲ ﻫﺬﺍ ﻳﺤﺘﺎﺝ ﻧﻘﺎﻝ ﺣﺪﻳﺚ ﻣﻮ ﺻﺮﺻﻮﺭ
ﺍﻡ ﻓﺮﺯﺩﻕ .. ﺷﻮﻓﻲ ﻳﻤﺔ ﺍﻧﻄﻴﻨﻲ ﺭﻗﻤﻬﺎ ﻭﺍﻧﺎ ﺍﺧﻠﻲ
ﻓﺮﺯﺩﻕ ﺍﺑﻨﻲ ﻳﺘﺼﻞ ﻋﻠﻴﻬﺎ ﻭﺍﻧﻲ ﺍﺣﺠﻲ ﻭﻳﺎﻫﺎ
ﻻﻥ ﻫﻮ ﻫﻢ ﺟﺎﻱ ﻳﺘﺼﻞ ﻋﻠﻰ ﺻﻬﻴﺐ ﺑﺎﻟﺨﺎﺭﺝ
ﺷﻲ ﺍﻛﻴﺪ ﻳﻌﺮﻑ ﻫﺬﺍ ﺍﻟﺒﺮﻧﺎﻣﺞ ﺍﻟﻜﻠﺘﻲ ﻋﻠﻴﻪ
.. ﺍﻱ ﻭﺍﻟﻠﻪ ﺧﺎﻟﺔ ﺗﺴﻮﻳﻦ ﻓﻀﻞ
ﺍﺣﻨﺎ ﻧﺤﺠﻲ ﻭﺳﻴﻠﻤﺔ ﻻﻣﺔ ﺷﻔﺎﻳﻔﻬﺎ ﻭﺗﺤﺮﻙ ﺑﻴﻬﻢ ﻣﻨﺎ ﻭﻣﻨﺎ ﻭﺗﻬﺰ ﺑﻴﺪﻫﺎ
ﺍﺩﺭﻱ ﺑﻴﻬﺎ ﻛﺎﻋﺪﺓ ﻋﻠﻰ ﻧﺎﺭ ﻭﻣﻨﺘﻈﺮﺓ ﺧﺎﻟﺔ ﺍﻡ ﻓﺮﺯﺩﻕ ﺗﻄﻠﻊ ﻭﺗﻬﺪ ﺑﻴﻨﺎ ﻻﻥ ﻧﺤﺠﻲ ﺑﻄﺎﺭﻱ ﻣﺮﻭﺓ
ﻭﺍﺧﻴﺮﺍ ﻃﻠﻌﺖ ﻋﻨﺪﻫﺎ ﺻﻔﺔ ﺯﻳﻨﺔ ﺗﺴﺘﺤﻲ ﻣﻦ ﺍﻟﺨﻄﺎﺭ
ﺭﺟﻊ ﺑﺎﺑﺎ ﺑﻬﺬﺍ ﺍﻟﻴﻮﻡ ﻓﺮﺣﺎﻥ ﻭﺟﺎﻳﺐ ﻭﻳﺎﻩ ﻛﺒﺎﺏ
ﺷﻮﻱ ﺑﻤﻨﺎﺳﺒﺔ ﺍﺳﺘﻼﻡ ﺍﻟﻮﻇﻴﻔﺔ
ﻛﻠﻨﺎ ﻓﺮﺣﻨﺎ ﺑﻠﻜﻲ ﺍﻟﻠﻪ ﻭﻫﺎﻱ ﺍﻟﻮﻇﻴﻔﺔ ﺗﻐﻴﻴﺮ ﻣﻦ ﺣﺎﻝ ﺑﺎﺑﺎ
ﺿﺤﻰ .. ﺑﺎﺑﺎ ﺷﻨﻮ ﺍﺗﻌﻴﻨﺖ
.. ﺍﺗﻌﻴﻨﺖ ﻛﺎﺗﺐ ﺑﺎﻻﺳﺘﻌﻼﻣﺎﺕ ﺑﻤﺴﺘﺸﻔﻰ ﺍﻝ ..... ﺍﻟﻲ ﺑﺎﻟﻜﺮﺍﺩﺓ
ﺍﺗﻌﺸﻴﻨﺎ ﻭﺟﻨﺖ ﻓﺮﺣﺎﻧﺔ ﺑﺎﻟﻜﺒﺎﺏ
ﺍﻧﻄﻮﻧﻲ ﺷﻴﺶ ﻛﺒﺎﺏ
ﺍﻛﻠﺖ ﻭﻳﺎﻩ ﻛﻮﺻﺘﻴﻦ ﺧﺒﺰ ﻣﻦ ﻫﺎﻱ ﺍﻟﻜﺒﺎﺭ ﺷﻠﻮﻥ ﺩﺑﺮﺗﻬﺎ ﻣﺎ ﺍﺩﺭﻱ ﺑﺲ ﺍﻟﻤﻬﻢ ﺍﻟﻄﻌﻢ ﻣﻮ ﺍﻟﻜﻤﻴﺔ
ﺍﻧﺘﺒﻬﺖ ﻟﺴﻠﻴﻤﺔ ﺗﺎﻛﻞ ﻭﺗﺒﺎﻭﻉ ﻋﻠﻴﺔ ﻭﺗﻬﺰ ﺑﻴﺪﻫﺎ
ﻛﺎﻡ ﺑﺎﺑﺎ ﻳﻐﺴﻞ ﺍﻳﺪﻩ ﻭﻫﻲ ﺍﻧﻬﺪﺕ ﻋﻠﻴﺔ
ﺳﻠﻴﻤﺔ .. ﺷﻜﺪ ﺗﺎﻛﻠﻴﻦ ﺑﻌﺪ ﺗﻌﺎﻟﻲ ﺍﻛﻠﻴﻨﻲ
.. ﻻ ﺑﻴﺒﻲ ﺍﻧﺎ ﺍﺳﺘﺤﻐﻢ ( ﺍﺳﺘﺤﺮﻡ ) ﻣﺎ ﺍﻛﻞ ﻟﺤﻢ ﺍﻟﺨﻨﺰﻳﻎ ( ﺍﻟﺨﻨﺰﻳﺮ )
ﺣﺠﻴﺘﻬﺎ ﻟﺨﻮﺍﺗﻲ ﺑﺼﻮﺕ ﻧﺎﺻﻲ
ﻳﻤﺔ ﺍﻧﻲ ﺣﺠﻴﺖ ﻫﺸﻜﻞ
ﻭﺷﻴﻤﺎﺀ ﻏﺼﺖ ﺑﻠﻜﻤﺘﻬﺎ ﻭﻛﻌﺪﺕ ﺗﻜﺢ
ﻭﺿﺤﻰ ﻛﺎﻣﺖ ﺗﻀﺮﺏ ﻋﻠﻰ ﺿﻬﺮﻫﺎ ﻭﻫﻲ ﺧﺮﺑﺎﻧﺔ ﺿﺤﻚ
ﺳﻠﻴﻤﺔ .. ﻫﺎ ﺷﻨﻮ ﻛﻠﺘﻲ ﺗﺮﺓ ﻣﻮ ﻋﺒﺎﻟﺞ ﻣﺎ ﺍﻋﺮﻑ ﺩﺗﺤﺠﻴﻦ ﻋﻠﻴﺔ ﺍﻟﻘﺰﻣﺔ ﺍﻟﺒﻜﻌﺔ
ﻛﻤﺖ ﺳﺤﺒﺖ ﻧﻔﺴﻲ ﻣﻦ ﻳﻤﻬﻢ ﻭﺭﺣﺖ ﻋﻠﻰ ﻏﺮﻓﺘﻲ
ﺍﺧﺎﻑ ﺳﻠﻴﻤﺔ ﺗﺮﻭﺡ ﺗﻮﺯ ﺍﺑﻨﻬﺎ ﻋﻠﻴﺔ ﻭﺗﻄﻠﻊ ﺍﻛﻠﺔ ﺍﻟﻜﺒﺎﺏ ﻣﻦ ﺧﺸﻤﻲ ﺍﻟﻲ ﻫﺴﻪ ﺍﺳﺘﻤﻌﺖ ﺑﻴﻬﺎ
ﺍﺧﻴﺮﺍ ﻣﻦ ﺟﺪ ﺍﺑﻨﻬﺎ ﺍﻟﻐﺎﻟﻲ
ﺭﺣﺖ ﻟﻠﻐﺮﻓﺔ ﻭﻃﻠﻌﺖ ﻛﺘﺒﻲ ﻭﺍﺗﺬﻛﺮﺕ ﺭﺍﺋﺪ ﺍﻟﻴﻮﻡ ﻣﺎ ﺍﺟﺎﻧﻲ ﻟﻠﻤﺪﺭﺳﺔ ﺷﻌﺠﺐ ﻣﻮ ﻣﻦ ﻋﻮﺍﻳﺪﻩ
ﻋﺴﻰ ﺍﻟﻤﺎﻧﻊ ﺧﻴﺮ ﻳﺎﺭﺑﻲ
ﻛﻌﺪﺕ ﺍﻛﻠﺐ ﺑﺎﻟﻜﺘﺎﺏ ﻣﺒﻘﺔ ﺷﻲ ﻋﻠﻰ ﺍﻣﺘﺤﺎﻧﺎﺕ ﺍﺧﻴﺮ ﺍﻟﺴﻨﺔ ﻻﺯﻡ ﺍﺷﺪ ﺣﻴﻠﻲ ﺣﺘﻰ ﺑﺲ ﺍﺧﻠﺺ ﺍﻟﺴﺎﺩﺱ ﻛﺒﻞ ﺍﺩﻭﺭﻟﻲ ﻋﻠﻰ ﺷﻐﻞ ﻫﺴﺔ ﻣﺎ ﺍﻛﺪﺭ ﻻﻥ ﻣﺤﺪ ﺭﺍﺡ ﻳﻘﺒﻞ ﺍﺷﺘﻐﻞ
ﻭﺧﺼﻮﺻﺎ ﺷﻴﻤﺎﺀ ﺭﺍﺡ ﺗﻜﻠﻲ ﺍﻧﺘﺒﻬﻲ ﻟﺪﺭﺍﺳﺘﺞ ﻭﻣﺎ ﻋﻠﻴﺞ
ﻃﻠﻌﺖ ﺍﺳﻮﻳﻠﻲ ﺟﺎﻱ ﺭﺣﺖ ﻟﻠﻤﻄﺒﺦ ﻭﻓﺘﺖ ﻣﻦ ﻳﻢ ﺳﻠﻴﻤﺔ ﻭﺿﺤﻰ ﻭﺑﺎﺑﺎ ﺟﺎﻧﻮﺍ ﻛﺎﻋﺪﻳﻦ ﺳﻮﻳﺔ
ﻭﺷﻴﻤﺎﺀ ﺟﺎﻧﺖ ﺗﻜﺘﺮ ﺑﺎﻟﻤﻄﺒﺦ
.. ﺷﻜﻮ ﺷﺒﻴﻬﻢ ﺑﺎﺑﺎ ﻭﺑﻴﺒﻲ ﻛﺎﺭﺻﻴﻦ ﺑﻀﺤﻰ
ﺟﻨﻬﻢ ﻋﻨﺪﻫﻢ ﺍﺟﺘﻤﺎﻉ
ﺷﻴﻤﺎﺀ ﺍﻟﺘﻔﺘﺖ ﻋﻠﻴﺔ .. ﺻﺪﻙ ﺩﺗﺤﺠﻴﻦ ﺷﻴﺮﻳﺪﻭﻥ ﻣﻨﻬﺎ ﻫﺎﺝ ﺑﺎﻟﻠﻪ ﻟﺰﻣﻲ
ﺍﻧﻄﺘﻨﻲ ﺍﻟﺠﻼﻓﺔ ﻭﻧﺸﻔﺖ ﺍﻳﺪﻫﺎ ﻭﺭﺍﺣﺖ ﻳﻤﻬﻢ ﺗﺸﻮﻑ ﺷﻨﻮ ﺟﺎﻱ ﻳﺼﻴﺮ
ﺭﺣﺖ ﻓﺘﺤﺖ ﺍﻟﻘﻮﺭﻱ ﻭﻟﻜﻴﺖ ﺑﻲ ﺟﺎﻱ ﺣﻤﻴﺘﻪ
ﺣﻀﺮﺕ ﺍﻟﻜﻮﺏ
ﻭﺟﺎﻥ ﺍﺳﻤﻊ ﺻﻮﺕ ﺑﺎﺑﺎ ﺻﺎﺭ ﻋﺎﻟﻲ
ﻳﺘﻮﻋﺪ
ﻫﺎ ﺧﻴﺮ ﻳﺎ ﻃﻴﺮ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﺭﺣﺖ ﻳﻤﻬﻢ
ﺷﻔﺖ ﺷﻴﻤﺎﺀ ﺣﺎﺿﻨﺔ ﺿﺤﻰ ﺍﻟﻲ ﺟﺎﻱ ﺗﺒﺠﻲ
.. ﺑﺎﺑﺎ ﺑﻌﺪﻧﻲ ﺻﻐﻴﺮﺓ ﻣﺎ ﺍﺭﻳﺪ ﺍﺗﺰﻭﺝ
ﺳﻠﻴﻤﺔ .. ﺷﻨﻮ ﺑﻌﺪﺝ ﺻﻐﻴﺮﺓ ﺍﻟﻲ ﺑﻌﻤﺮﺝ ﻋﻨﺪﻫﻦ ﻛﻮﻣﺔ
ﺟﻬﺎﻝ ﻻ ﺗﻜﻌﺪﻳﻦ ﺗﺘﻌﺎﻳﺮﻳﻦ
.....
ﻫﺪﻯ
ﺩﺧﻠﺖ ﻋﻠﻴﻬﻢ ﻭﺷﻔﺖ ﺿﺤﻰ ﺩﺗﺒﺠﻲ ﺑﺤﻀﻦ ﺷﻴﻤﺎﺀ
ﻭﺑﻴﺒﻲ ﺳﻠﻴﻤﺔ ﺗﺤﺠﻲ ﻭﻳﺎﻫﺎ
ﺳﻠﻴﻤﺔ _ ﺍﺛﻴﺮ ﺍﺣﺠﻴﻠﻚ ﻛﻠﻤﺔ ﻭﻳﺔ ﺑﻨﺘﻚ ﺷﺒﻴﻚ
ﺗﺮﺓ ﺍﻟﻌﺮﻳﺲ ﺍﻟﻲ ﺟﺎﻳﻬﺎ ﻣﻦ ﻛﺮﺍﻳﺒﻲ ﻭﺧﻮﺵ ﻧﺎﺱ ﺭﺟﺎﻝ ﻣﺎﻳﺘﻌﻴﺐ
ﺍﺛﻴﺮ _ ﻳﻤﺔ ﻣﻨﻮ ﻫﺬﻭﻟﻲ ﻛﺮﺍﻳﺒﺞ ﺍﺷﻮ ﺍﻧﺎ ﺍﻟﻲ ﺍﻋﺮﻓﻬﻢ ﻛﻠﻬﻢ
ﺗﻌﺒﺎﻧﻴﻦ ﻣﺎ ﻻﻛﻴﻦ ﻋﺸﺎ ﻳﺘﻌﺸﻮﻥ ﻣﻮ ﻧﻮﺏ ﻳﺘﺰﻭﺟﻮﻥ
_ ﺷﺒﻴﻬﻢ ﻳﻤﺔ ﻛﺮﺍﻳﺒﻲ ﺧﻮﺵ ﻧﺎﺱ ﻣﺴﺘﻮﺭﻳﻦ ﻻﻋﻨﺪﻫﻢ ﺍﺑﻮ ﺳﻜﻴﺮ ﻭﻻ ﻋﻨﺪﻫﻢ ﺑﻨﻴﺔ ﺍﺗﺰﻭﺟﺖ ﺑﺪﻭﻥ ﻋﻠﻢ ﺍﻫﻠﻬﺎ
ﺟﺎﻧﺖ ﺗﻘﺼﺪ ﺗﺒﺴﻤﺮ ﺑﺎﺑﺎ
ﺿﺤﻰ _ ﺣﺘﻰ ﻟﻮ ﺧﻮﺵ ﻧﺎﺱ ﺍﻧﻲ ﻣﺎ ﺍﺭﻳﺪ ﺍﺗﺰﻭﺝ
_ ﻋﻠﻰ ﺷﻨﻮ ﺗﺮﻓﻀﻴﻦ ﻳﺎﺣﻈﻲ ﺍﺷﻮ ﻣﺪﺭﺳﺔ ﻭﻣﺎ ﻓﻠﺤﺘﻲ ﺑﻴﻬﺎ ﻭﻛﺎﻋﺪﺓ ﺑﺎﻟﺒﻴﺖ ﻻ ﺷﻐﻞ ﻭﻻ ﻣﺸﻐﻠﺔ ﻛﻞ ﺧﻴﺮ ﻣﺎ ﺑﻴﺞ ﺩﺧﺎﻧﺞ ﻳﻌﻤﻲ ﻛﺎﻋﺪﺓ ﺑﺲ ﺗﺎﻛﻠﻴﻦ ﻭﺗﻨﺎﻣﻴﻦ
ﺧﻠﻲ ﻧﺰﻭﺟﺞ ﻭﻧﺮﺗﺎﺡ ﻋﻠﻰ ﺍﻻﻗﻞ ﻳﺨﻒ ﺍﻟﺤﻤﻞ ﻋﻦ ﺍﺑﻮﺝ
ﺍﺛﻴﺮ .. ﻳﻤﺔ ﻣﻨﻮ ﻫﺬﻭﻟﻲ ﻛﺮﺍﻳﺒﺞ ﻣﻜﻠﺘﻴﻠﻲ ﻭﻭﻳﻦ ﻳﻌﺮﻓﻮﻥ ﺿﺤﻰ
_ ﺷﻨﻮ ﺍﻟﺴﺎﻟﻔﺔ ﻳﻤﺔ ﺍﺛﻴﺮ ﺗﺴﻮﻱ ﺭﻭﺣﻚ ﻣﺎ ﺗﻌﺮﻓﻬﻢ
ﻫﺬﻭﻟﻲ ﺑﻴﺖ ﺍﺑﻮ ﺳﻌﺪ ﺑﻴﺖ ﻋﻤﺘﻲ ﺭﺍﺳﻘﻴﺔ
_ ﻫﺎﺍﺍﺍ ﺍﻱ ﻋﺮﻓﺘﻬﻢ
_ ﺍﻱ ﻳﻤﺔ ﻳﺮﺩﻭﻥ ﻳﺰﻭﺟﻮﻥ ﺃﺑﻨﻬﻢ ﺣﺴﻴﻦ
ﻭﺷﺎﻓﻮﺍ ﺿﺤﻰ ﻭﻳﺎﻱ ﺫﺍﻙ ﺍﻟﻴﻮﻡ ﻣﻦ ﺭﺣﺖ ﻟﻠﻤﻀﻤﺪ
ﻭﺍﻟﻤﺮﺓ ﺍﺗﺨﺒﻠﺖ ﻋﻠﻴﻬﺎ ﻭﻛﺎﻟﺖ ﻣﺎ ﺗﻨﻄﻮﻧﻬﺎ ﻻﺑﻨﻲ
ﺍﺭﻳﺪ ﺍﺯﻭﺟﻪ ﻭﺍﺩﻭﺭﻟﻪ ﻋﻠﻰ ﺑﻨﺖ ﺍﻟﺤﻼﻝ
ﻛﻠﺘﻠﻬﺎ ﻛﺒﻌﻲ ﻭﺍﺧﺬﻱ ﻭﻳﻦ ﻧﻠﻜﺔ ﺍﺣﺴﻦ ﻣﻨﻜﻢ
.. ﻭﺍﻟﻠﻪ ﻳﻤﺔ ﻣﺎ ﺍﻋﺮﻑ ﺷﻨﻮ ﺍﻛﻠﺞ ﺧﻠﻲ ﺍﺷﻮﻓﻬﻢ
ﻭﺍﺳﺄﻝ ﻋﻨﻬﻢ ﻫﻤﺔ ﺻﺤﻴﺢ ﻛﺮﺍﻳﺒﺞ ﺑﺲ ﺍﻧﺎ ﻣﺎ ﻣﻠﺘﻘﻲ ﻭﻳﺎﻫﻢ
.. ﻣﻦ ﻏﻴﺮ ﻣﺎ ﺗﺴﺄﻝ ﻋﻨﻬﻢ ﺍﻧﺎ ﺍﻛﻔﻠﻬﻢ ﺍﻟﻚ
ﺍﻧﻄﻲ ﻭﻋﻠﻰ ﻣﺴﺆﻟﻴﺘﻲ
ﺿﺤﻰ .. ﻭﺍﻟﻠﻪ ﺍﻣﻮﺕ ﺭﻭﺣﻲ ﻭﻣﺎ ﺍﺗﺰﻭﺝ
ﺷﻨﻮ ﺑﻌﺪﻧﻲ ﺻﻐﻴﺮﺓ ﻋﺎﻟﺰﻭﺍﺝ
ﺧﻄﻴﺔ ﺟﺎﻧﺖ ﺗﺤﺠﻲ ﻭﺗﺒﺠﻲ
ﺑﺎﺑﺎ ﻛﺎﻝ .. ﻫﺴﺔ ﺍﻧﺘﻲ ﻋﻠﻰ ﺷﻨﻮ ﺗﺒﺠﻴﻦ ﺳﻄﺮﺗﻲ ﺭﺍﺳﻨﺎ
ﻭﻟﺞ ﺍﺣﻨﺎ ﺑﻌﺪﻧﺎ ﻣﺎ ﺷﻔﻨﺎ ﺍﻟﻨﺎﺱ ﻭﻻ ﻋﺮﻓﻨﺎ ﻋﻨﻬﻢ
ﺷﻲ ﺍﻧﺘﻲ ﻛﺒﻞ ﻛﻠﺒﺘﻴﻬﺎ ﻣﻨﺎﺣﺔ
ﻛﺎﻣﺖ ﺿﺤﻰ ﻣﻦ ﻳﻤﻬﻢ ﻭﻫﻲ ﺗﺪﺭﺩﻡ ﻭﺗﺤﺠﻲ ﺑﺎﻟﻐﺮﻓﺔ ﺭﺍﺣﺖ ﻭﺭﺍﻫﺎ
ﺷﻴﻤﺎﺀ .. ﻟﺘﺒﺠﻴﻦ ﺿﺤﺎﻭﻱ ﻣﺎ ﻋﻠﻴﺞ ﻣﺤﺪ ﻳﻜﺪﺭ ﻳﺠﺒﺮﺝ
ﻋﺎﻟﺰﻭﺍﺝ ﺍﺫﺍ ﻣﺎ ﺗﺮﺩﻳﻦ ﺗﺘﺰﻭﺟﻴﻦ
.. ﺷﻠﻮﻥ ﻣﺤﺪ ﻳﺠﺒﺮﻧﻲ ﻭﻫﺎﻱ ﺑﻴﺒﻲ ﻛﺎﻋﺪﺓ ﺗﺤﺶ ﺑﺮﺍﺱ ﺑﺎﺑﺎ ﺍﺧﺎﻑ ﺗﻘﻨﻌﻪ ﻳﺰﻭﺟﻨﻲ
.. ﺷﻨﻮ ﻭﻳﻦ ﻛﺎﻋﺪﻳﻦ ﻳﺰﻭﺟﺞ ﻏﺼﺐ ﻋﻨﺞ
ﺍﻧﺘﻲ ﺑﺲ ﻻ ﺗﻜﻌﺪﻳﻦ ﺗﺒﺠﻴﻦ ﻭﺧﻠﻴﻬﺎ ﻋﻠﻴﺔ ﺍﻧﻲ ﺍﺣﺠﻲ ﻭﻳﺔ ﺑﺎﺑﺎ
...............
ﻭﺭﺓ ﻳﻮﻣﻴﻦ
ﺍﺣﻨﺎ ﻇﻠﻴﻨﺎ ﺑﺎﻟﺒﻴﺖ ﻧﺼﺒﺢ ﻭﻧﺎﻡ ﻋﻠﻰ ﻧﻔﺲ ﺍﻟﻤﻮﺿﻮﻉ
ﻭﻫﻮ ﺯﻭﺍﺝ ﺿﺤﻰ ﺍﻭ ﺑﺎﻻﺣﺮﻯ ﻫﻮ ﻣﺤﺪ ﺧﺎﺑﺼﻨﺔ
ﺑﺴﺎﻟﻔﺔ ﺍﻟﺰﻭﺍﺝ ﺍﻻ ﺳﻠﻴﻤﺔ
ﺍﻛﻠﺖ ﻛﻠﺐ ﺿﺤﻰ ﻋﻠﻤﻮﺩ ﺗﻮﺍﻓﻖ ﻋﻠﻰ ﻫﺬﺍ ﻛﺮﺍﻳﺒﻬﺎ ﻭﺑﺎﺑﺎ ﻟﺤﺪ ﺍﻻﻥ ﻣﺎ ﻣﻌﺮﻭﻑ ﺷﻨﻮ ﻣﻮﻗﻔﻪ
ﺑﺲ ﻣﺮﺓ ﺷﻔﺖ ﺷﻴﻤﺎﺀ ﺩﺗﺤﺠﻲ ﻭﻳﺎﻩ ﺑﺨﺼﻮﺹ ﺿﺤﻰ
ﺍﻟﻲ ﺍﻓﺘﻬﻤﺘﻪ ﺍﻥ ﺷﻴﻤﺎﺀ ﺗﻜﻮﻝ ﻟﺒﺎﺑﺎ ﻻ ﻳﻀﻐﻂ ﻋﻠﻰ ﺿﺤﻰ ﻛﻠﺸﻲ ﺑﺎﻻﺟﺒﺎﺭ ﺍﻻ ﺍﻟﺰﻭﺍﺝ ﻫﺬﺍ ﺍﻟﺸﻲ ﺧﻂ ﺍﺣﻤﺮ
ﺑﻄﻠﺘﻬﺎ ﻣﻦ ﺍﻟﻤﺪﺭﺳﺔ ﻻﻥ ﻫﻲ ﻛﺴﻮﻟﻲ
ﻭﻛﻠﺖ ﺣﻘﻚ ﻫﺬﺍ ﻫﻲ ﻣﺎ ﺍﻫﺘﻤﺖ ﺑﺪﺭﺍﺳﺘﻬﺎ
ﺑﺲ ﻣﺎﻝ ﺗﺠﺒﺮﻫﺎ ﻋﺎﻟﺰﻭﺍﺝ ﻻ ﻣﺎ ﺍﻭﺍﻓﻘﻚ ﻋﺎﻟﻘﺮﺍﺭ ﻭﻻ ﺭﺍﺡ
ﺍﻛﻌﺪ ﺍﺭﺍﻗﺒﻜﻢ ﺷﻠﻮﻥ ﺗﺠﺒﺮﻭﻧﻬﺎ ﻋﺎﻟﺰﻭﺍﺝ ﺑﺴﺎﻋﺘﻬﺎ ﻟﻮ ﺍﻋﺮﻑ ﻳﺼﻴﺮ ﻣﻮﺗﻲ ﻋﻠﻰ ﻫﺎﻟﺴﺎﻟﻔﺔ ﻣﺎ ﺍﺧﻠﻴﻜﻢ ﺗﺰﻭﺟﻨﻮﻧﻬﺎ ﻏﺼﺐ ﻋﻨﻬﺎ
....
ﻻ ﻣﻦ ﻫﺴﺔ ﺗﻜﻌﺪﻥ ﺗﺴﺘﺒﻘﻴﻦ ﺍﻻﺣﺪﺍﺙ ﺍﻧﻲ ﺑﻌﺪﻧﻲ ﻣﺎ ﻭﺍﻓﻘﺖ ﻋﺎﻟﻨﺎﺱ ﺍﺭﻳﺪ ﺍﺳﺄﻝ ﻋﻨﻬﻢ ﻫﺬﺍ ﺯﻭﺍﺝ ﻣﻮ ﻟﻌﺒﺔ
ﺍﺭﻳﺪ ﺍﺳﺄﻝ ﻋﻨﻬﻢ ﻭﺍﻋﺮﻑ ﺷﻨﻮ ﺷﻐﻠﻪ ﻭﺣﺎﻟﺘﻪ ﺍﻟﻤﺎﺩﻳﺔ
ﻣﺎ ﺑﻴﺔ ﺣﻴﻞ ﺍﺯﻭﺟﻬﺎ ﻟﺮﺟﺎﻝ ﺗﻌﺒﺎﻥ ﻭﺣﺎﻓﻲ ﻣﻨﺘﻒ
ﻭﺗﺎﻟﻲ ﺗﺘﻄﻠﻚ ﻭﺗﺮﺟﻊ ﺗﻜﻌﺪ ﻋﻠﻰ ﻛﻠﺒﻲ
ﻭﺗﻌﺎﻝ ﻳﺎ ﺍﺛﻴﺮ ﺍﺑﺘﻠﻲ ﺑﻴﻬﺎ
ﺷﻴﻤﺎﺀ .. ﺑﺮﺍﺣﺘﻚ ﺑﺲ ﺍﻧﻲ ﻛﻠﺖ ﺍﻧﻄﻴﻚ ﺧﺒﺮ ﺣﺘﻰ ﻻﺗﻜﻮﻝ
ﺷﻴﻤﺎﺀ ﻣﺎﻛﺎﻟﺖ
ﻃﻠﻌﺖ ﻣﻦ ﺍﻟﺪﻭﺍﻡ ﻭﻟﻜﻴﺖ ﺳﻠﻴﻤﺔ ﻣﻄﻠﻌﺔ ﺷﻐﻞ ﺍﻟﺒﻴﺖ
ﻛﻠﻪ ﻏﺴﻞ ﻓﺮﺍﺷﺎﺕ ﻭﺑﺮﺩﺍﺕ ﻭﻣﺴﻮﻳﺔ ﺣﻤﻠﺔ ﺷﺎﻣﻠﺔ
ﻭﺣﺎﻃﺘﻪ ﻛﻠﻪ ﺑﺮﺍﺱ ﺍﻟﻤﻜﺮﻭﺩﺓ ﺿﺤﻰ
ﺍﺩﺭﻱ ﺑﻴﻬﺎ ﻫﺎﻱ ﺧﻄﺔ ﻣﻨﻬﺎ ﺣﺘﻰ ﺗﻀﻐﻂ ﻋﻠﻰ ﺿﺤﻰ ﺑﺎﻟﺰﻭﺍﺝ ﺗﻜﺮﻫﺎ ﻋﻴﺸﺘﻬﺎ
_ ﻫﺎ ﺿﺤﺎﻭﻱ ﺍﻟﻠﻪ ﻳﺴﺎﻋﺪﺝ
_ ﻫﻼ ﻫﺪﻯ ﻋﻔﻴﺔ ﺭﻭﺣﻲ ﺑﺪﻟﻲ
ﻭﺗﻌﺎﻟﻲ ﺳﺎﻋﺪﻳﻨﻲ ﻭﺍﻟﻠﻪ ﺍﻛﻠﺖ ﺗﺒﻦ ﺑﺜﻨﻴﻦ ﺍﻳﺪﻳﺔ
ﻣﻦ ﻭﺭﺓ ﺑﻴﺒﻴﺘﺞ
.. ﺍﻧﺘﻈﻐﻴﻨﻲ ( ﺍﻧﺘﻈﺮﻳﻨﻲ ) ﻫﺴﺔ ﺍﺑﺪﻝ ﻭﺍﺟﻲ ﺍﺳﺎﻋﺪﺝ
ﺑﺪﻟﺖ ﻭﺭﺣﺖ ﺑﻠﺸﺖ ﺍﺷﺘﻐﻞ ﻭﻳﺔ ﺿﺤﻰ ﻭﻧﺴﻮﻟﻒ
.. ﻭﺍﻟﻠﻪ ﺯﻳﻦ ﺑﻌﺪﺝ ﻣﻘﺎﻭﻣﺔ ﻣﺎ ﺧﻨﻜﺘﻴﻬﺎ ﻟﺴﻠﻴﻤﺔ ﺧﺎﻧﻢ
ﻭﺍﻟﻠﻪ ﺣﺎﺑﻨﻲ ﻋﻨﺪﻱ ﺩﻭﺍﻡ ﻭﻣﻠﺘﻬﻴﺔ ﺑﻲ
ﺟﺎﻥ ﻭﺍﻟﻠﻪ ﺍﻧﻔﻀﺤﺖ ﻓﻀﻴﺤﺔ ﺍﺑﺴﻂ ﺷﻲ ﺗﻠﻜﻴﻨﻲ
ﺍﻧﻲ ﻭﺳﻠﻴﻤﺔ ﻛﻞ ﻳﻮﻡ ﻣﺴﻴﺮﺍﺕ ﻋﻠﻰ ﻣﺮﻛﺰ ﺍﻟﺸﺮﻃﺔ ﻳﻔﻜﻮﻧﺎ ﻳﺎﺿﺎﺭﺏ ﻳﺎﻣﻀﺮﻭﺏ
ﺿﺤﻰ .. ﻫﻬﻬﻬﻪ ﻃﺒﻌﺎ ﺷﻲ ﺍﻛﻴﺪ ﺍﻧﺘﻲ ﺍﻟﻀﺎﺭﺑﺔ
ﺍﻧﺘﻲ ﻫﺪﻯ ﺗﻌﻠﻴﻤﻴﻨﻲ ﺑﻴﺞ
ﺟﻨﺎ ﻧﺤﺠﻲ ﻭﻧﻐﺴﻞ ﺑﺎﻟﻔﺮﺍﺵ ﺑﻌﺪﻣﺎ ﺧﻠﺼﻨﺎ ﻏﺴﻞ ﺍﻟﻔﺮﺍﺵ
ﺿﺤﻰ .. ﻫﺪﻯ ﻋﻔﻴﺔ ﻛﻤﻠﻲ ﻏﺴﻞ ﺍﻟﻄﺎﺭﻣﺔ ﺍﻧﺎ ﺍﻓﻮﺕ ﺍﻛﻤﻞ ﺍﻟﻐﺪﺓ ﻫﺴﺔ ﺷﻴﻤﺎﺀ ﻋﻠﻰ ﻭﺻﻮﻝ
.. ﻏﻮﺣﻲ ﺭﻭﺣﻲ ) ﺍﻧﺎ ﺍﻛﻤﻞ
ﺍﻏﺴﻞ ﺑﺎﻟﻄﺎﺭﻣﺔ ﻣﻨﺪﻣﺠﺔ
ﻭﺍﻓﻜﺮ ﺏ ﺭﺍﺋﺪ
ﺍﻟﻴﻮﻡ ﺍﺟﺎﻧﻲ ﺑﻨﻬﺎﻳﺔ ﺍﻟﺪﻭﺍﻡ
ﺑﻌﺪ ﻏﻴﺎﺏ ﻳﻮﻣﻴﻦ ﻋﻨﻲ ﻣﺸﺎﻳﻔﺘﻪ
ﺑﺲ ﺷﺎﻓﻨﻲ ﺑﺎﻟﻄﻠﻌﺔ ﻛﺒﻞ
ﺍﺷﺮﻟﻲ ﺑﻌﻴﻮﻧﻪ ﻋﺎﻟﻤﺤﻞ ﺍﻟﻘﺮﻳﺐ ﻋﺎﻟﻤﺪﺭﺳﺔ
ﺍﻓﺘﻬﻤﺖ ﻗﺼﺪﻩ
ﺩﺧﻠﺖ ﻟﻠﻤﺤﻞ ﺳﻮﻳﺖ ﻧﻔﺴﻲ ﺍﺷﺘﺮﻱ ﻭﺩﺧﻞ ﺭﺍﺋﺪ ﻭﺭﺍﻱ
ﻳﺎﺭﺑﻲ ﺷﻜﺪ ﻣﺸﺘﺎﻗﺘﻠﻪ ﻭﺑﻨﻔﺲ ﺍﻟﻮﻛﺖ ﺯﻋﻼﻧﺔ ﻣﻨﻪ
ﺭﺍﺋﺪ .. ﻟﺞ ﻣﺎ ﺗﺪﺭﻳﻦ ﺷﻜﺪ ﻣﺸﺘﺎﻕ ﺍﺳﻤﻊ ﺻﻮﺗﺞ
ﺍﺣﺲ ﺍﻟﺸﻮﻑ ﻣﺎ ﻳﺮﻭﻱ ﻋﻄﺸﻲ ﺍﻟﺞ
.. ﺍﻱ ﻣﺒﻴﻦ ﻛﻠﺶ ﻣﺸﺘﺎﻗﻠﻲ ﻭﺍﻟﺪﻟﻴﻞ ﻳﻮﻣﻴﻦ ﻣﺎﻛﻮ ﻣﺘﺠﻲ ﺗﺸﻮﻓﻨﻲ ﺍﻟﻈﺎﻫﻎ ( ﺍﻟﻈﺎﻫﺮ ) ﺍﻛﻮ ﻣﻦ ﺍﺧﺬ ﻣﻜﺎﻧﻲ ﺑﻜﻠﺒﻚ
.. ﻟﻴﺶ ﻫﻮ ﺍﻧﻲ ﺍﻛﺪﺭ ﺍﺣﺐ ﻣﻦ ﺑﻌﺪﺝ ﺍﺷﻮ ﻛﻠﺒﻲ ﻣﻦ ﺣﺒﺞ ﺻﺎﺭ ﺍﻋﻤﻰ ﻭﻛﺎﻡ ﻛﻠﺸﻲ ﻣﻴﺸﻮﻑ ﺑﺲ ﺍﻧﺘﻲ
.. ﺻﺪﻙ ﻏﺎﺋﺪ ﺗﺤﺒﻨﻲ
.. ﻛﻠﻤﺔ ﺍﺣﺒﺞ ﺍﺷﻮﻓﻬﺎ ﺗﺎﻓﻬﺔ ﺑﺤﻘﺞ
ﻟﺞ ﺍﻧﺘﻲ ﻣﺘﻌﺮﻓﻴﻦ ﻫﺬﺍ
ﻭﻳﺄﺷﺮ ﻋﻠﻰ ﻛﻠﺒﻪ
ﺍﺣﺲ ﻣﺨﻠﻮﻕ ﺑﺲ ﺍﻟﺞ
ﺍﺑﺘﺴﻤﺖ ﻭﻋﻴﻮﻧﻲ ﻟﻤﻌﺖ ﺍﻧﺘﺒﻬﺖ ﻋﻠﻰ ﻓﻜﻪ ﺑﻲ ﻟﻮﻥ ﺍﺯﺭﻙ ﻣﺨﻀﺮ
.. ﻏﺎﺋﺪ ﻫﺎﻱ ﺷﻨﻮ ﺷﺒﻲ ﻭﺟﻬﻚ ﻣﻨﻮ ﺿﺎﻏﺒﻚ ( ﺿﺎﺭﺑﻚ )
.. ﺍﻫﻮﻭﻭ ﻟﺞ ﺳﻜﺘﻲ ﺻﺎﺭ ﺑﻴﺔ ﻓﻠﻢ ﺍﻭﻟﺖ ﺍﻟﺒﺎﺭﺣﺔ
.. ﺷﻨﻮ ﺷﺼﺎﻍ ﺑﻴﻚ
.. ﺍﻭﻟﺖ ﺍﻟﺒﺎﺭﺣﺔ ﺟﻨﺖ ﻛﺎﻋﺪ ﺑﺎﻟﻜﻮﻓﻲ ﻟﻮﺣﺪﻱ ﺍﻧﺘﻈﺮ ﺟﻤﺎﻋﺘﻲ
ﻭﺑﻌﺪﻳﻦ ﺩﺧﻠﻮ ﻣﺠﻤﻮﻋﺔ ﻭﻟﺪ ﺍﻋﺮﻓﻬﻢ
ﻭﻳﺎﻱ ﺑﺎﻟﺸﻐﻞ ﻭﺍﺣﺪ ﻣﻨﻬﻢ ﺍﺳﻤﻪ ﺣﻴﺪﺭ ﻫﺬﺍ ﺍﻟﻮﻟﺪ
ﺍﻧﻲ ﻭﻳﺎﻩ ﻣﻮ ﻋﻠﻰ ﺻﻠﺢ ﻭﺑﻴﻨﺎ ﺍﺷﻜﺎﻝ
ﻟﺪﺭﺟﺔ ﻭﺻﻠﺖ ﺑﻲ ﻛﺎﻡ ﻳﺒﺴﻤﺮﻧﻲ ﻭﻳﻬﺪﺩ
ﻻﻥ ﻣﺮﺓ ﺍﺗﻘﺪﻡ ﻟﻠﻴﻠﻰ ﺍﺧﺘﻲ ﻭﺍﻧﺎ ﺭﻓﻀﺘﻪ
ﺍﻟﻤﻬﻢ ﻣﺎ ﺍﻃﻮﻝ ﻋﻠﻴﺞ ﺍﻟﺴﺎﻟﻔﺔ ﻻﻥ ﻭﺭﺍﺝ ﺧﻂ
ﺟﻨﺖ ﻛﺎﻋﺪ ﻭﻫﻮ ﺷﺎﻓﻨﻲ ﺍﺟﺔ ﻋﻠﻴﺔ ﻫﻮ ﻭ ﺟﻤﺎﻋﺘﻪ
ﺣﻴﺪﺭ .. ﺍﻛﻠﻚ ﺍﻧﺖ ﺷﻠﻮﻥ ﺍﻟﺒﺎﺭﺣﺔ ﺣﺎﺟﻲ ﻋﻠﻴﺔ
ﻳﻢ ﺍﻟﻤﺪﻳﺮ ﻣﺎﻝ ﺍﻟﺘﺪﺭﻳﺐ
ﻭﺗﻄﻌﻦ ﺑﺸﻐﻠﻲ ﻛﺪﺍﻣﻪ ﺷﻨﻮ ﻋﺒﺎﻟﻚ ﺍﻟﺤﺠﻲ ﻣﺎ ﻳﻮﺻﻞ
......
ﺍﻧﺖ ﻣﺘﻮﻫﻢ ﺍﻧﺎ ﻣﺎ ﺣﺎﺟﻲ ﻳﻢ ﺍﻟﻤﺪﻳﺮ ﺍﻱ ﺷﻲ
ﻭﺍﻟﻲ ﺑﻌﺒﻪ ﺧﺮﻭﻑ ﻳﻤﻌﻤﻊ ﺍﻧﺖ ﻟﻮ ﻣﺎ ﺗﺸﻮﻑ ﻧﻔﺴﻚ ﺻﺪﻙ ﻣﻘﺼﺮ ﺑﺸﻐﻠﻚ ﺟﺎﻥ ﻣﺎ ﺍﺟﻴﺖ ﺗﺤﺎﺳﺒﻨﻲ ﻫﻨﺎ
ﺟﺎﻥ ﺭﺣﺖ ﺭﺍﺳﺎ ﻫﻨﺎﻙ ﻛﺪﺍﻡ ﺍﻝ ﻣﺪﻳﺮ ﺗﺪﺯ ﻋﻠﻴﺔ ﻭﺗﺤﺠﻲ ﻭﻳﺎﻱ ﺑﺲ ﺍﻟﺒﺎﻃﻞ ﻻﺑﺪ ﻭﺍﻥ ﻳﺠﻴﻪ ﻳﻮﻡ ﻭﻳﻈﻬﺮ ﻋﻠﻴﻪ ﺍﻟﺤﻖ
ﺍﺷﻮ ﻫﺬﺍ ﺍﻧﺎ ﺣﺠﻴﺖ ﻫﺸﻜﻞ ﻭﻣﺎ ﺍﺷﻮﻑ ﺍﻻ ﻫﺬﺍ ﺯﻧﻜﻨﻲ ﻣﻦ ﺍﻟﻘﻤﻴﺺ ﻭﻛﻌﺪ ﻳﺴﺐ ﻭﻳﻐﻠﻂ ﻋﻠﻰ ﻋﺮﺿﻲ
ﻣﺎ ﺍﺗﺤﻤﻠﺖ ﺍﺳﻜﺖ ﺑﻌﺪ ﺍﻛﺜﺮ ﻭﺻﻠﺖ ﻟﻠﻌﻈﻢ
.. ﻋﺰﺯﺓ ﺑﻌﻴﻨﻪ ﻭﺍﻧﺖ ﺷﺴﻮﻳﺖ
.. ﺑﻌﺪ ﺷﺴﻮﻳﺖ ﺑﻌﺪﻧﻲ ﻣﺎ ﺭﺍﻓﻊ ﺍﻳﺪﻱ ﺍﺭﻳﺪ ﺍﺿﺮﺏ ﻣﺎ ﺣﺴﻴﺖ ﺍﻻ ﻫﻮ ﻭﺟﻤﺎﻋﺘﻪ ﺍﻟﺘﻤﻮ ﻋﻠﻴﺔ ﻭﻣﺎ ﻋﺮﻓﺖ ﺍﻟﻀﺮﺑﺔ
ﻛﺎﻣﺖ ﻣﻨﻴﻦ ﺗﺠﻴﻨﻲ
ﻫﺬﺍ ﺍﻟﺤﺠﻲ ﻫﻤﺔ ﻳﻀﺮﺑﻮﻥ ﻭﺍﻧﺎ ﺟﻠﺒﺖ ﺏ ﺣﻴﺪﺭ ﺻﺎﺭ ﻫﻮ ﺣﺼﺘﻲ ﻛﻌﺪﺕ ﺍﺿﺮﺏ ﺑﻴﻪ ﺑﺲ ﻫﻤﺔ ﻫﻮﺍﻱ
ﺍﺑﺎﻭﻉ ﻭﻻ ﻭﺍﺣﺪ ﺍﺧﻮ ﺧﻴﺘﻪ ﺍﺟﺔ ﻭﻛﺎﻝ ﺧﻠﻲ ﺍﻓﻜﻬﻢ
ﻭﺑﺄﺛﻨﺎﺀ ﻣﺎ ﺟﻨﺎ ﻧﺘﺪﺍﻓﻊ ﻭﻛﻌﺖ ﺑﺎﻟﻜﺎﻉ ﻋﻠﻰ ﻇﻬﺮﻱ ﻭﻫﺬﺍ ﺣﻴﺪﺭ ﺻﺎﺭ ﻓﻮﻛﺎﻱ ﻭﺻﺮﻧﺎ ﺗﻨﻀﺎﺭﺏ
ﺟﻤﺎﻋﺘﻪ ﺍﺳﺘﻠﻤﻮﻧﻲ ﺩﻓﺮﺍﺕ
ﻛﻠﺖ ﻫﻮ ﻟﻮ ﺑﺎﻟﻬﺪﻑ ﻟﻮ ﺑﺎﻟﻨﺠﻒ ﺍﺿﻞ ﺍﺗﻌﺎﺭﻙ ﻟﺤﺪ ﻣﺎ
ﺍﻧﺴﺤﻞ
ﻋﻠﻴﺔ ﻭﻋﻠﻰ ﺍﻋﺪﺍﺋﻲ ﺑﺲ ﺍﻭﻻﺩ ﺍﻟﻜﻠﺐ
ﻧﻬﻮﻧﻲ ﻣﻦ ﺍﻟﻀﺮﺏ ﺍﺣﺲ ﺑﺮﻭﺣﻲ ﻓﻄﺴﺖ
ﺑﺲ ﺭﻏﻢ ﻫﺬﺍ ﻛﻠﻪ ﻣﺎ ﻫﺪﻳﺖ ﺣﻴﺪﺭ
ﻭﺍﻟﻠﻪ ﻭﻟﺤﻈﺎﺕ ﻭﻣﺎ ﺍﺣﺲ ﺍﻻ ﻋﺎﻟﺠﻤﺎﻋﺔ ﻛﺎﻣﻮ ﻳﺘﻄﺎﻳﺮﻭﻥ
ﺍﻧﺘﺒﻬﺖ ﻋﻠﻰ ﻭﺍﺣﺪ ﺍﺳﻤﺮﺍﻧﻲ ﺿﺨﻢ ﻛﺎﻡ ﻳﻠﺰﻡ ﺍﻟﻮﺍﺣﺪ ﻣﻨﻬﻢ
ﻳﺰﻧﻜﻪ ﻣﻦ ﻗﻤﻴﺼﻪ ﻭﻳﻨﻄﻴﻪ ﺑﻮﻛﺴﻲ ﻳﻄﺸﺮ ﺩﻣﺔ ﺑﻮﺟﻬﻪ
ﻭﺍﺳﺘﻠﻤﻬﻢ ﺍﻛﺲ ﻭﻣﺮﺑﻊ
ﺍﻟﻠﻪ ﻭﺍﻧﺎ ﺷﻔﺘﻪ ﺍﺳﺘﻠﻢ ﺍﻟﺠﻤﺎﻋﺔ ﻭﺍﻧﺎ ﺍﺗﻔﺮﻏﺖ ﻟﺤﻴﺪﻭﺭﻱ ﺍﻟﻮﺭﺩﺓ
ﺍﺍﺍﺍﺍﺥ ﻳﺎﺑﺔ ﺍﺣﺲ ﻫﺬﺍ ﺍﻟﺮﺟﺎﻝ ﺍﻟﻠﻪ ﺩﺯﻩ ﺍﻟﻲ ﻣﻼﻙ ﻣﻦ ﺍﻟﺴﻤﺎ
.. ﺍﻱ ﻣﻼﻙ ﺍﺳﻤﺮ
.. ﺍﺳﻤﺮ .. ﺍﺣﻤﺮ ﺍﻫﻢ ﺷﻲ ﻟﺤﻚ ﻋﻠﻴﺔ ﻗﺒﻞ ﻻ ﺍﺗﻜﻄﻊ ﻭﺻﻞ
ﺧﻠﺼﺖ ﻣﻦ ﺣﻴﺪﺭ ﻭﻛﻤﺖ ﻣﻦ ﻋﻨﺪﻩ ﻭﺍﻧﺎ ﻣﻜﺴﺮ ﺗﻜﺴﺮ ﻣﻦ ﺍﻟﻀﺮﺏ
ﺩﺭﺕ ﻭﺟﻬﻲ ﺍﺩﻭﺭ ﻋﻠﻰ ﺻﺎﺣﺒﻨﺎ ﻭﻳﻦ
ﺍﺑﺎﻭﻉ ﻟﻜﻴﺘﻪ
ﺟﺎﻱ ﻳﺼﻮﻝ ﻭﻳﺠﻮﻝ ﺑﻴﻬﻢ ﻋﺒﺎﻟﻚ ﻋﻨﺪﻩ ﻟﻌﺒﺔ ﻣﺘﻮﻧﺲ ﻳﻀﺮﺏ ﺑﻴﻬﻢ
ﻭﺑﻌﺪﻣﺎ ﺧﻠﺼﺖ ﺍﻟﻌﺮﻛﺔ ﺍﺑﻮ ﺍﻟﻜﻮﻓﻲ ﺍﻟﻔﺎﻫﻲ
ﺍﺟﺔ ﻳﺮﻛﺾ ﺳﺘﻮﺓ ﻳﺘﺤﺰﻡ
ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﻭﻛﻌﺪ ﻫﻮ ﻭﻛﻢ ﻭﺍﺣﺪ ﺑﺎﻟﻜﻮﻓﻲ ﻳﺤﺠﻮﻥ ﻭﻳﻬﺪﻭﻥ ﺑﻴﻦ ﺍﻟﻄﺮﻓﻴﻦ
ﺗﺎﻟﻲ ﻫﺬﺍ ﺍﻻﺳﻤﺮﺍﻧﻲ ﺻﺎﺡ ﺑﺤﻴﺪﺭ ﻭﺑﺠﻤﺎﻋﺘﻪ ﻳﺘﺤﻠﻒ ﺑﻴﻬﻢ
.. ﺧﻠﻲ ﺍﺷﻮﻑ ﺭﺟﺎﻝ ﺑﻴﻜﻢ ﻣﻌﺘﺐ ﻫﻨﺎ
ﻗﺴﻤﺎً ﺑﺬﺍﺕ ﺍﻟﻠﻪ ﺍﻻ ﺍﻛﺴﺮ ﺭﺟﻠﻴﻪ ﻭﺍﺣﺴﺐ ﺍﻟﻠﻪ ﻣﺎ ﺧﻠﻘﻪ
ﻃﻠﻌﻮﻫﻢ ﻣﻦ ﺍﻟﻜﻮﻓﻲ ﻭﺍﻧﺎ ﺭﺣﺖ ﺍﺗﺸﻜﺮ ﻣﻦ ﻋﻨﺪﻩ
ﻋﻠﻰ ﻭﻛﻔﺘﻪ ﻭﻳﺎﻱ
ﻟﻮ ﻣﺎ ﻋﻴﺐ ﺟﺎﻥ ﺑﺴﺘﻪ ﻣﻦ ﺯﻧﺪﻩ ﻋﻠﻰ ﻧﺨﻮﺗﻪ
ﺑﺲ ﻓﺎﺟﺌﻨﻲ ﻗﺒﻞ ﻻ ﺍﺣﺠﻲ ﺿﺤﻚ ﺑﺼﻮﺕ ﻋﺎﻟﻲ
.. ﻭﻟﻚ ﺭﺍﺋﺪ ﺷﻨﻮ ﺳﺎﻟﻔﺘﻚ ﺷﻮﻛﺖ ﻣﺎ ﺍﺟﻴﻚ ﺍﻟﻜﺎﻙ ﺗﺤﺘﺎﺝ ﻟﻠﻔﺰﻋﺔ
ﻋﻘﺪﺕ ﺣﻮﺍﺟﺒﻲ ﻣﺘﻔﺎﺟﻲﺀ ﺍﻱ ﺍﻧﺎ ﻫﺬﺍ ﺍﻟﺼﻮﺕ ﺳﺎﻣﻌﻪ
ﺑﺲ ﻭﻳﻦ ﻳﺎﺭﺑﻲ
ﺍﺗﺴﻌﺖ ﻋﻴﻮﻧﻲ ﻣﺼﺪﻭﻡ ﻭﺍﻧﻲ ﺍﺣﺠﻲ
.. ﻗﺎﺍﺍﺍﺍﺍﺍﺍﺍﺍﺳﻢ !!!!!
ﺿﺤﻚ .. ﺍﻱ ﻗﺎﺳﻢ ﺷﻨﻮ ﻣﺎ ﻋﺮﻓﺘﻨﻲ
ﺣﻘﻲ ﻣﺎ ﺍﻋﺮﻓﻪ
ﻻﻥ ﺍﺧﺮ ﻣﺮﺓ ﺷﻔﺘﻪ ﻗﺒﻞ ﻟﻴﺴﺎﻓﺮ ﻟﻠﺨﺎﺭﺝ ﻳﺪﺭﺱ ﺻﺎﺭ ﺳﻨﻴﻦ ﻭﻣﺎﻛﻮ ﺑﻴﻨﺎ ﺍﻱ ﺗﻮﺍﺻﻞ
ﺍﺑﻦ ﺍﻟﻠﺬﻳﻦ ﺣﻴﻞ ﻣﺘﻐﻴﺮ ﺻﺎﻳﺮ ﻛﻠﺶ ﺿﺨﻢ
ﺍﺧﺎﻑ ﺍﻧﺎ ﻣﻦ ﺗﻮﻛﻔﻴﻦ ﻳﻤﻲ ﺗﻜﻮﻟﻴﻦ ﻋﻠﻴﺔ ﺳﺎﺭﻳﺔ ﻋﻠﻢ
ﺍﺣﺘﻤﺎﻝ ﻗﺎﺳﻢ ﻣﻦ ﺗﻮﻛﻔﻴﻦ ﻳﻤﻪ ﺗﺼﻴﺮﻳﻦ ﻋﺒﺎﻟﻚ ﻭﺍﻛﻔﺔ ﻳﻢ
ﻋﻤﻼﻕ
.....
ﻫﺪﻯ .. ﻋﺎﺍﺍﺍ ﻋﻠﻰ ﺍﻻﺳﺎﺱ ﺍﻧﺎ ﻧﺎﻗﺼﺔ ﺧﻮﻑ ﻭﺍﻧﺖ ﻛﺎﻋﺪ
ﺗﺴﻮﻟﻔﻠﻲ ﻓﻠﻢ ﻏﻌﺐ ( ﺭﻋﺐ ) ﻫﺴﺔ ﺑﺎﻟﻠﻪ ﺍﻧﺎ ﺍﻟﻴﻮﻡ ﺷﻐﺎﺡ ( ﺷﺮﺍﺡ ) ﻳﻨﻮﻣﻨﻲ
ﻫﺴﺔ ﺍﻛﻌﺪ ﺍﺣﻠﻢ ﺑﻜﻮﺍﺑﺲ ﻛﻠﻬﺎ ﻣﻦ ﻭﻏﺎﻙ ( ﻭﺭﺍﻙ )
.. ﻫﻬﻬﻬﻬﻬﻬﻪ ﻟﺞ ﻻ ﺗﺨﺎﻓﻴﻦ ﻭﺍﻟﻠﻪ ﺻﺎﻳﺮ ﺣﺒﺎﺏ
ﺑﺲ ﺻﺪﻕ ﺍﻭ ﻻ ﺗﺼﺪﻕ ﻫﺪﻯ ﺗﺨﺎﻑ
.. ﺍﻱ ﻫﻮ ﻟﻜﻞ ﺍﻧﺴﺎﻥ ﻋﻨﺪﻩ ﻧﻘﻄﺔ ﺿﻌﻒ ﺑﺎﻟﺤﻴﺎﺓ
ﺍﻛﻮ ﻧﺎﺱ ﺗﺨﺎﻑ ﻣﻦ ﺍﻟﺠﻼﺏ ﻭﺍﻛﻮ ﻧﺎﺱ ﺗﺨﺎﻑ ﻣﻦ ﻣﺸﻌﻞ ﺍﻟﻤﺨﺒﻞ ﺧﺎﻑ ﻳﻔﺸﺨﻬﻢ ﺍﻣﺎ ﺍﻧﻲ ﺍﺧﺎﻑ ﻣﻦ ﻗﺎﺳﻢ
ﺧﺎﻑ ﻳﻄﻠﻌﻠﻲ ﺑﺎﻟﺸﺎﻏﻊ ﻳﺠﺮﻏﻨﻲ ( ﺑﺎﻟﺸﺎﺭﻉ ﻳﺠﺮﻧﻲ ) ﻣﻦ ﻛﺼﺎﻳﺒﻲ ﺍﻟﻠﻪ ﻳﻜﻔﻴﻨﺎ ﺷﻐﻪ ( ﺷﺮﻩ )
ﺿﺤﻚ ﻭﻋﺾ ﺷﻔﺘﻪ
.. ﺑﺎﻟﻠﻪ ﺗﻌﺎﻱ ﺷﻮ ﺧﻠﻲ ﺍﺷﻮﻑ
ﺍﺷﻮ ﺣﻠﻴﺎﻧﺔ ﺑﻨﺖ ﺍﻟﻠﺬﻳﻦ ﻋﻠﻰ ﻓﺮﺍﻛﻲ ﻭﺍﻟﻐﻮﻏﻪ ﺯﺍﻳﺪﻩ
.. ﺍﺳﻜﺖ ﻻ ﺗﺨﺠﻠﻨﻲ
.. ﺍﻱ ﺻﺪﻙ ﺑﺎﺭﻛﻴﻠﻲ ﺻﺪﻙ ﺛﺒﺘﻮﻧﻲ ﺑﺎﻟﻮﻇﻴﻘﻪ .. ﺍﻟﺤﻤﺪﻟﻠﻪ ﺍﺭﺗﺎﺣﻴﺖ
ﺻﺎﺭ ﻋﻨﺪﻱ ﺍﺳﺎﺱ ﻗﺒﻞ ﺟﻨﺖ ﻣﻬﻨﺪﺱ ﺑﻌﻘﺪ
ﻣﺎﺑﻘﻰ ﺑﺲ ﺍﻧﺘﻲ ﺗﺸﺪﻳﻦ ﺣﻴﻠﺞ ﻭﺗﺨﻠﺼﻴﻦ ﺍﻟﺴﺎﺩﺱ ﻭﺍﺩﺯ ﺍﻫﻠﻲ ﻳﺨﻄﺒﻮﺝ ﻭﻧﺘﺰﻭﺝ
.. ﺍﺣﻠﻒ ﻛﻮﻝ ﻭﺍﻟﻠﻪ ﺍﺍﺍﺍﺍﺍﺍﻗﺼﺪ ﻋﻴﺐ ﺷﻨﻮ ﻫﺬﺍ ﺍﻟﺤﺠﻲ
ﺷﻜﺪ ﻣﺎ ﺗﺴﺘﺤﻲ
.. ﺍﺭﻭﺡ ﻓﺪﻭﺓ ﻟﻠﺨﺠﻼﻥ ﺍﻛﻠﺞ ﻣﺎ ﺗﻨﻄﻴﻨﻲ ﻋﻀﺔ ﻣﻦ ﻫﺎﻱ ﺍﻟﺨﺪﻭﺩ ﻭﺍﻟﻠﻪ ﺻﺎﺭﺕ ﺣﺼﺮﺓ ﺑﻜﻠﺒﻲ ﺍﺭﻳﺪ ﺑﺲ ﺍﺿﻮﻛﻬﻢ ﻭﺍﺿﻮﻙ ﺍﻟﺸﻔﺎﻳﻒ ﺍﻟﻲ ﺗﻐﻮﻍ
ﻟﺰﻣﺖ ﺧﺪﻭﺩﻱ ﻭﺍﻧﻲ ﻛﻠﺒﻲ ﻳﺪﻙ ﺣﻴﻞ
ﻓﺰﻳﺖ ﻣﻦ ﺗﻔﻜﻴﺮﻱ ﻋﻠﻰ ﺻﻮﺕ ﺳﻠﻴﻤﺔ
.. ﺧﻴﺮ ﻭﻳﻦ ﺻﺎﻓﻨﺔ ﻳﺎﻟﻌﻮﺑﺔ ... ﺍﻟﺒﺎﺏ ﺻﺎﺭﻟﻪ ﺳﺎﻋﺔ ﻳﺪﻙ
ﺟﺎﻧﺖ ﺗﺤﺠﻲ ﻋﻠﻴﺔ ﻭﻫﻲ ﺗﻔﺘﺢ ﺍﻟﺒﺎﺏ
ﺣﺠﻴﺖ ﺑﺼﻮﺕ ﻧﺎﺻﻲ
.. ﻋﻤﺔ ﻭﺍﻟﻠﻪ ﺣﺘﻰ ﻋﻤﺔ ﺷﻠﻮﻥ ﻛﻤﺰﺗﻨﻲ
ﺩﺧﻠﺖ ﺍﺧﺘﻲ ﺷﻴﻤﺎﺀ ﺭﺍﺟﻌﺔ ﻣﻦ ﺍﻟﻤﺴﺘﺸﻔﻰ
ﺳﻠﻤﺖ ﻭﺩﺧﻠﺖ ﻟﻠﺒﻴﺖ
ﺣﺠﻴﺖ ﻭﻳﺎﻫﺎ ﺟﺎﻱ ﺍﻛﻠﻠﻬﺎ ﻋﻠﻰ ﺍﻣﺘﺤﺎﻧﻲ
ﺑﺲ ﺍﺷﻮ ﻫﺎﻱ ﺩﺧﻠﺖ ﻭﻣﺎ ﺍﻧﺘﺒﻬﺘﻠﻲ
ﻛﻤﻠﺖ ﻏﺴﻞ ﺍﻟﻄﺎﺭﻣﺔ ﻭﺩﺧﻠﺖ ﻭﺭﺍﻫﺎ
ﺭﺣﺖ ﺩﺧﻠﺖ ﻋﻠﻴﻬﺎ ﺑﺎﻟﻐﺮﻓﺔ ﺟﺎﻧﺖ ﺗﺒﺪﻝ
.. ﺷﻨﻮ ﺷﻮﻣﺔ ﺷﺒﻴﺞ
.. ﻫﺪﻯ ﻃﻠﻌﻲ ﻭﺳﺪﻱ ﺍﻟﺒﺎﺏ ﻭﺭﺍﺝ ﻣﺎ ﺑﻴﺔ ﺷﻲ
.. ﺷﻴﻤﺎﺀ ﻭﺍﻟﻠﻪ ﺑﻴﺞ ﺷﻲ
.. ﻫﺪﻯ ﻛﻠﺘﻠﺞ ﻣﺎﺑﻴﻪ ﺷﻲ ﺑﺲ ﺷﻮﻳﺔ ﺗﻌﺒﺎﻧﺔ
ﻫﺪﻯ ﺑﺼﻮﺕ ﻭﺍﻫﻦ .. ﻫﺬﺍ ﻫﻮ ﺑﻐﺎﺣﺘﺞ ( ﺑﺮﺍﺣﺘﺞ )
ﺑﺲ ﺍﺫﺍ ﺗﺸﻮﻓﻴﻦ ﻧﻔﺴﺞ ﻣﺤﺘﺎﺟﺔ ﺗﺤﺠﻴﻦ ﺗﻌﺎﻟﻲ ﺍﻧﻲ ﻣﻮﺟﻮﺩﺓ ﺍﺳﻤﻌﺞ
ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻳﻪ
ﺷﻴﻤﺎﺀ
ﺍﺑﺎﻭﻉ ﻋﺎﻟﺒﺎﺏ ﺍﻟﻤﺴﺪﻭﺩ
ﺍﺣﺲ ﺑﻲ ﻳﺸﺒﻪ ﺍﺑﻮﺍﺏ ﺣﻴﺎﺗﻲ ﻛﻠﻬﺎ ﻣﺴﺪﻭﺩﺓ ﺑﻮﺟﻬﻲ
ﺧﺎﻳﻔﺔ ﻭﻣﺤﺘﺎﺭﺓ ﺍﻟﻴﻮﻡ ﻟﻴﺚ ﻗﻠﺐ ﺣﻴﺎﺗﻲ
ﺧﻼﻧﻲ ﻛﻼﻣﻪ ﺑﺤﻴﺮﺓ
ﺑﺎﻟﻤﺴﺸﺘﻔﻰ ﻣﺜﻞ ﻣﺎ ﺍﺗﻌﻮﺩﺕ ﻋﻠﻰ ﺭﻭﺗﻴﻦ ﺣﻴﺎﺗﻲ
ﻛﻠﻤﺎ ﺍﺧﻠﺺ ﺷﻐﻠﻲ ﺍﺭﻭﺡ ﻳﻢ ﺭﺑﺎﺏ ﺍﺟﺔ ﺍﻟﻔﺮﺍﺵ ﻭﻛﺎﻝ
.. ﺷﻮﻣﺔ ﺍﻟﺪﻛﺘﻮﺭ ﻓﻼﺡ ﻳﺮﻳﺪﺝ ﺑﻐﺮﻓﺔ ﺍﻟﻤﺮﺍﺟﻌﻴﻦ ﺍﻟﺨﺎﺻﺔ ﺑﻲ
.. ﺍﻱ ﻫﺴﺔ ﺟﺎﻳﺔ
ﺑﺲ ﻟﺤﻈﺔ ﻗﺒﻞ ﻟﺘﺮﻭﺡ
.. ﺍﺗﻔﻀﻠﻲ
.. ﻣﺎ ﺗﻌﺮﻑ ﺷﻨﻮ ﻳﺮﻳﺪ ﻣﻨﻲ
.. ﻻ ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﻳﺮﻳﺪ ﺑﺲ ﻛﺎﻝ ﺻﻴﺤﻠﻲ ﺷﻴﻤﺎﺀ ﺑﻄﺮﻳﻘﻚ
.. ﺍﻫﺎﺍﺍ ﺷﻜﺮﺍ ﻫﺴﺔ ﺍﺭﻭﺡ
ﻛﻤﺖ ﻣﻦ ﻳﻢ ﺭﺑﺎﺏ ﺟﺎﻧﺖ ﻣﻠﺘﻬﻴﺔ ﺑﺎﻟﺴﻮﺍﻟﻒ ﻭﻳﺔ
ﺍﻡ ﺭﺣﻤﺎﻥ
ﺭﺣﺖ ﻟﻐﺮﻓﺔ ﺍﻟﻤﺮﺍﺟﻌﻴﻦ ﻭﺩﻛﻴﺖ ﺍﻟﺒﺎﺏ ﻭﺩﺧﻠﺖ
ﺭﻓﻌﺖ ﺭﺍﺳﻲ ﻭﻭﻛﻔﺖ ﺑﻤﻜﺎﻧﻲ ﻣﺼﺪﻭﻣﺔ
ﻟﻴﺚ !!!
ﺍﻧﻲ ﺷﻔﺘﻪ ﻭﻛﻠﺒﻲ ﻓﻘﺪ ﺍﻧﺘﻈﺎﻡ ﻧﺒﻀﺎﺗﻪ
ﻳﺎﺭﺏ ﺭﺣﻤﺘﻚ ﻭﺍﻧﻲ ﺍﻛﻮﻝ ﺍﻟﺤﻤﺪﻟﻠﻪ ﻧﺴﻴﺖ ﺷﻲ ﺍﺳﻤﻪ ﻟﻴﺚ
ﺍﺛﺎﺭﻱ ﺟﻨﺖ ﺍﺟﺬﺏ ﻋﻠﻰ ﻧﻔﺴﻲ
ﻭﺍﻟﺪﻟﻴﻞ ﺩﻛﺎﺕ ﻛﻠﺒﻲ ﻭﺭﺟﻔﺔ ﺟﺴﻤﻲ
ﺍﺗﻼﺣﻜﺖ ﻟﻨﻔﺴﻲ ﻭﺟﻠﻴﺖ ﺻﻮﺗﻲ
ﻭﺳﻠﻤﺖ ﻋﻠﻴﻬﻢ
.. ﺷﻠﻮﻧﻚ ﺍﺳﺘﺎﺫ ﻟﻴﺚ ﻳﺎﺭﺏ ﺗﻜﻮﻥ ﺑﺨﻴﺮ
ﺟﺎﻥ ﻳﺒﺎﻭﻋﻠﻲ ﻭﻋﻴﻮﻧﻪ ﺗﺤﺠﻲ ﻋﻜﺲ ﻛﻼﻣﻪ
.. ﺑﺨﻴﺮ ﺍﻟﺤﻤﺪﻟﻠﻪ
....
ﺑﺎﻭﻉ ﻋﻠﻰ ﺩﻛﺘﻮﺭ ﻓﻼﺡ ﻭﻛﺄﻧﻪ ﺍﻧﻄﺎﻩ ﺍﺷﺎﺭﺓ
ﻓﻼﺡ .. ﺷﻮﻣﺔ ﺍﺳﺘﺎﺫ ﻟﻴﺚ ﻳﺮﻳﺪ ﻳﺤﺠﻴﻪ ﻭﻳﺎﺝ ﺑﻤﻮﺿﻊ ﺧﺎﺹ ﻭﺍﻧﺎ ﺩﺯﻳﺖ ﻋﻠﻴﺞ ﻫﻨﺎ ﺣﺘﻰ ﺗﺎﺧﺬﻭﻥ ﺭﺍﺣﺘﻜﻢ ﺑﺎﻟﻜﻼﻡ
ﻇﻠﻴﺖ ﻓﺎﺗﺤﺔ ﺣﻠﻜﻲ ﺷﻠﻮﻥ ﻃﺮﻳﻖ ﻣﻠﺘﻮﻱ ﺣﺘﻰ ﻳﺤﺠﻲ ﻭﻳﺎﻱ ﺻﺤﻴﺢ ﺍﻧﻲ ﺻﺪﻳﺘﻪ ﺍﻛﺜﺮ ﻣﻦ ﻣﺮﺓ
ﻭﺣﺘﻰ ﻣﻦ ﺣﺎﻭﻝ ﻳﺘﺼﻞ ﺑﻴﺔ
ﺑﺪﻟﺖ ﺍﻟﺸﺮﻳﺤﺔ ﻣﻦ ﻭﺭﺍﻩ
ﻻﻥ ﺍﻛﺜﺮ ﻣﻦ ﻣﺮﺓ ﺣﻀﺮﺕ ﺑﺲ ﻫﻮ ﻣﺼﺮ ﻳﺘﺼﻞ
ﺍﻭﻝ ﻣﻜﺎﻟﻤﺔ ﺟﻮﺍﺑﺘﻪ ﻋﺮﻓﺘﻪ ﻣﻦ ﺻﻮﺗﻪ ﻣﺎ ﺍﻧﻄﻴﺘﻪ ﻣﺠﺎﻝ ﻳﺤﺠﻲ ﻛﺒﻞ ﺣﺠﻴﺖ ﻋﻠﻴﻪ ﻭﺳﺪﻳﺖ ﺍﻟﻨﻘﺎﻝ
ﺑﺲ ﺑﻌﺪﻫﺎ ﺻﺮﺕ ﺑﺲ ﺍﺷﻮﻑ ﺭﻗﻢ ﻏﺮﻳﺐ ﻛﺒﻞ ﺍﻧﻄﻴﻪ ﺣﻀﺮ ﻣﺎ ﺑﻴﺔ ﺣﻴﻞ ﺍﺑﺪﻝ ﺷﺮﻳﺤﺔ ﻣﺮﺓ ﺛﺎﻧﻴﺔ
ﺟﻨﺖ ﺻﺎﻓﻨﺔ ﺍﻓﻜﺮ ﺷﻴﺮﻳﺪ ﻣﻨﻲ
ﻓﺰﻳﺖ ﻋﻠﻰ ﺻﻮﺕ ﺑﺎﺏ ﺍﻟﻐﺮﻓﺔ ﺍﻧﻔﺘﺢ ﻭﺍﻟﺪﻛﺘﻮﺭ ﻓﻼﺡ
.. ﻳﺎﻟﻠﻪ ﺍﻧﺎ ﺍﺗﺮﺧﺺ ﻋﻨﺪﻱ ﻭﺍﺟﺐ ﺍﻛﻤﻠﻪ ﻭﺍﺭﺟﻌﻠﻜﻢ
ﺭﺍﺩ ﻳﺴﺪ ﺍﻟﺒﺎﺏ ﺣﺠﻴﺖ ﺗﻠﻘﺎﺋﻴﺎ
.. ﺩﻛﺘﻮﺭ ﻋﻮﻑ ﺍﻟﺒﺎﺏ ﻣﻔﺘﻮﺡ ﻻ ﺗﺴﺪﻩ
ﺍﺑﺎﻭﻉ ﻟﻠﻴﺚ ﺭﻓﻊ ﺣﺎﺟﺒﻪ
ﺍﻟﻈﺎﻫﺮ ﻣﺎ ﻋﺠﺒﻪ ﺍﻟﺤﺠﻲ
ﺍﺷﺮ ﻟﻠﺪﻛﺘﻮﺭ ﺑﻴﺪﻩ ﻳﻌﻨﻲ ﺭﻭﺡ ﻭﺳﺪ ﺍﻟﺒﺎﺏ ﻭﺭﺍﻙ
ﻋﺒﺎﻟﻚ ﺍﻧﻲ ﺯﻋﻄﻮﻃﺔ ﻛﺪﺍﻣﻪ
ﺑﺎﻭﻉ ﻋﻠﻴﺔ
.. ﺷﻨﻮ ﻟﻬﺎﻱ ﺍﻟﺪﺭﺟﺔ ﻣﺎ ﻋﻨﺪﺝ ﺛﻘﺔ ﺑﻨﻔﺴﺞ ﺗﺒﻘﻴﻦ
ﻟﻮﺣﺪﺝ ﻭﻳﺎﻱ
ﺗﺮﺓ ﺍﺣﻨﺎ ﻛﺒﺎﺭ ﻣﻮ ﻣﺮﺍﻫﻘﻴﻦ ﺍﻟﻤﻔﺮﻭﺽ ﺗﻜﻮﻥ ﺷﺨﺼﻴﺘﺞ ﺍﻗﻮﻯ ﻣﻦ ﺍﻥ ﻳﻬﺰﺝ ﺑﺎﺏ ﻣﺴﺪﻭﺩ
.. ﻣﻮ ﺷﻐﻠﺔ ﺑﺎﺏ ﻣﺴﺪﻭﺩ
ﺍﻧﺖ ﺗﺸﻮﻓﻬﺎ ﺍﻧﻲ ﺧﺎﻳﻔﺔ ﻣﻨﻚ ﻭﻣﺎ ﺍﺭﻳﺪ ﺍﺑﻘﻰ ﻟﻮﺣﺪﻱ ﻭﻳﺎﻙ
ﺑﻴﻨﻤﺎ ﺍﻧﻲ ﺍﺷﻮﻑ ﺍﻟﺒﺎﺏ ﻋﻴﺐ ﻳﻨﺴﺪ ﻻﻥ ﺍﺣﻨﺎ ﺑﻤﻜﺎﻥ ﻋﺎﻡ ﻭﺍﻟﻪ ﺍﺣﺘﺮﺍﻣﻪ ﻭﺍﻟﻨﺎﺱ ﺍﻟﻬﺔ ﺍﻟﻈﺎﻫﺮ ﻣﺎ ﻳﻜﻮﻟﻮﻥ
ﻋﻠﻴﺔ ﻭﻋﻠﻴﻚ ﻛﺒﺎﺭ ﻟﻮﺣﺪﻫﻢ ﻭﻣﺤﺘﺮﻣﻴﻦ
ﺭﺍﺡ ﻳﺤﺘﺎﺭﻭﻥ ﺷﻠﻮﻥ ﻳﻄﻠﻌﻮﻥ ﺍﻟﺤﺠﻲ ﻣﻦ ﺟﻮﺓ ﺍﻟﻜﺎﻉ
ﻭﺍﻧﺖ ﻣﺒﻴﻦ ﻋﻠﻴﻚ ﺍﺑﻦ ﺍﺻﻮﻝ ﻣﺎﻳﺤﺘﺎﺝ ﺍﻋﻠﻤﻚ
ﺟﻨﺖ ﺍﺣﺠﻲ ﻭﻫﻮ ﺳﺎﺭﺡ ﺑﻮﺟﻬﻲ
ﺳﻜﺘﺖ ﺍﻧﺘﻈﺮﻩ ﻳﺤﺠﻲ ﺑﺲ ﺍﺷﻮ ﻫﺬﺍ ﺑﻌﺪﻩ ﺻﺎﻓﻦ ﺑﻮﺟﻬﻲ
.. ﺍﺣﻢ ﺍﺗﻔﻀﻞ ﺷﻨﻮ ﺭﺩﺕ ﻣﻦ ﻋﻨﺪﻱ
ﺭﺟﻌﺖ ﺧﺼﻠﺔ ﻣﻦ ﺷﻌﺮﻱ ﻭﺣﻄﻴﺘﻬﺎ ﻭﺭﺓ ﺍﺫﻧﻲ
ﺍﻧﺘﺒﻪ ﻋﻠﻰ ﺣﺮﻛﺘﻲ ﻭﻋﻴﻮﻧﻪ ﻣﺎ ﻃﺎﺣﺖ ﻣﻦ ﻋﻠﻰ ﺷﻌﺮﻱ
ﻋﺒﺎﻟﻚ ﺩﻳﺤﺠﻲ ﻭﻳﺎﻩ
ﻫﻤﺲ ﺑﺼﻮﺕ ﻧﺎﺻﻲ
.. ﺍﻧﺘﻲ ﻛﺘﻠﺔ ﺍﻧﻮﺛﺔ ﻣﺘﻨﻘﻠﺔ ﻛﻔﺮ ﻣﻜﺎﻧﺞ ﻫﻨﺎ
ﺍﻟﻤﻔﺮﻭﺽ ﺣﻖ ﺍﻟﻠﻪ ﻣﻜﺎﻧﺞ ﺑﻴﻦ ﺍﻳﺪﻳﺔ
ﻓﺘﺤﺖ ﻋﻴﻮﻧﻲ ﺑﺲ ﺳﻮﻳﺖ ﺭﻭﺣﻲ ﻣﺎ ﺳﻤﻌﺘﻪ
ﺑﺪﻝ ﻛﻼﻣﻪ .. ﺷﻴﻤﺎﺀ ﺷﻠﻮﻧﻪ ﺍﺑﻮﺝ ﻭﻳﺎﻛﻢ
ﺳﺆﺍﻟﻪ ﻛﺎﻥ ﻣﺜﻞ ﺍﻟﻀﺮﺑﺔ ﻋﺎﻟﺨﺎﺻﺮﺓ ﻫﻴﺞ ﺍﺗﺄﻟﻤﺖ ﻣﻦ ﺳﺆﺍﻟﻪ
ﻣﻦ ﺍﺗﺬﻛﺮﺕ ﻣﻮﻗﻔﻪ ﻭﻳﺔ ﺑﺎﺑﺎ
_ ﻟﻴﺚ ﺍﻓﻀﻞ ﻣﺎ ﺍﺗﻜﻠﻢ ﺑﻬﺬﺍ ﺍﻟﻤﻮﺿﻮﻉ ﻻﻥ ﺍﺫﺍ ﺍﻧﻔﺘﺢ ﺍﻟﻤﻮﺿﻮﻉ ﺣﻖ ﺍﻟﻠﻪ ﺍﻟﻤﻔﺮﻭﺽ ﻣﻨﻲ ﻣﺎ ﺍﻛﻌﺪ ﻭﻻ ﺍﺣﺠﻲ ﻭﻳﺎﻙ ﻋﺎﻟﺴﻮﻳﺘﻪ ﻭﻳﺔ ﺑﺎﺑﺎ
ﺍﺑﺎﻭﻉ ﻋﻠﻴﻪ ﻓﺘﺢ ﺣﻠﻜﻪ ﻣﺼﺪﻭﻡ
.. ﻣﺠﻨﺖ ﻣﺘﻮﻗﻊ ﺭﺍﺡ ﻳﻜﻮﻥ ﻫﺬﺍ ﺭﺩﺝ ﺍﻟﻲ
.. ﺷﻨﻮ ﺟﻨﺖ ﺗﺘﻮﻗﻊ ﺍﺧﺬﻙ ﺑﺎﻻﺣﻀﺎﻥ ﻭﺍﻛﻠﻚ ﻋﺎﺷﺖ ﺍﻳﺪﻙ ﻋﺎﻟﺴﻮﻳﺘﻪ ﻭﻳﺔ ﺑﺎﺑﺎ
ﺍﺳﻤﻌﻬﺎ ﺯﻳﻦ ﺍﻛﻠﻚ .. ﺍﺳﺘﺎﺫ ﺍﻧﺖ ﺍﺗﻌﺪﻳﺖ ﻋﻠﻰ ﻭﺍﺣﺪ ﻣﻦ ﺍﻫﻠﻲ
.. ﺷﻴﻤﺎﺀ ﻣﻮ ﻫﻴﺞ ﺍﻟﺤﺠﻲ ﺍﻧﺎ ﺳﻮﻳﺖ ﻫﺸﻜﻞ ﺭﺩﺕ ﺍﺧﺬ ﺣﻘﺞ
.. ﻟﺤﻈﺔ ﻟﻴﺚ ﺻﺤﻴﺢ ﺟﺎﻧﺖ ﻧﻴﺘﻚ ﺗﺎﺧﺬ ﺑﺤﻘﻲ ﻣﻦ ﺍﺑﻮﻱ ﺑﺲ ﻏﻠﻄﺎﻥ ﺍﺫﺍ ﺗﻌﺘﻘﺪ ﺍﻥ ﺑﻬﺎﻱ ﻃﺮﻳﻘﺘﻚ ﺭﺍﺡ ﺗﻜﺪﺭ ﺗﻜﺴﺒﻨﻲ ﺧﻠﻲ ﺍﺻﺤﺢ ﻓﻜﺮﺗﻚ ﻋﻨﻲ
ﺗﺮﺓ ﺍﻧﻲ ﺍﺗﻌﺪﻳﺖ ﻣﺮﺣﻠﺔ ﺍﻟﻤﺮﺍﻫﻘﺔ ﻣﻦ ﺯﻣﺎﻥ
ﻫﺎﻱ ﺍﻟﺤﺮﻛﺔ ﺍﻟﺴﻮﻳﺘﻬﺎ
ﺗﻜﺪﺭ ﺗﻤﻠﻚ ﺑﻴﻬﺎ ﻋﻘﻞ ﻭﺣﺪﺓ ﻣﺮﺍﻫﻘﺔ ﺭﺍﺡ ﺗﺸﻮﻓﻚ ﺑﺴﺎﻋﺘﻬﺎ ﺍﻟﺒﻄﻞ ﺍﻟﻲ ﺍﺧﺬ ﺑﺤﻘﻬﺎ ﻣﻦ ﺍﻟﻈﺎﻟﻢ
.....
ﺑﺲ ﺍﻧﻲ ﺍﺷﻮﻓﻬﺎ ﻗﻠﺔ ﺍﺣﺘﺮﺍﻡ
ﺍﻱ ﻟﺘﺒﺎﻭﻉ ﻋﻠﻴﺔ ﻣﺘﻌﺠﺐ
ﺍﻧﻲ ﺍﺣﺘﺮﺍﻣﻲ ﻣﻦ ﺍﺣﺘﺮﺍﻡ ﺍﻫﻠﻲ
ﻭﺍﻧﺖ ﻫﻨﺖ ﻛﺮﺍﻣﺘﻲ ﺑﻬﺬﺍ ﺗﺼﺮﻓﻚ
.. ﻭﻳﻦ ﺟﺎﻧﺖ ﻛﺮﺍﻣﺘﺞ ﻣﻦ ﺍﺑﻮﺝ ﺷﻮﻩ ﻭﺟﻬﺞ ﻭﻛﺺ ﺷﻌﺮﺝ
.. ﻫﺬﺍ ﺍﺑﻮﻱ ﺍﻧﺖ ﻛﻠﺘﻬﺎ ﺍﺑﻮﻱ ﻣﻨﻲ ﻭﺑﻴﺔ ﻣﺎ ﺑﻴﻦ ﺍﻟﺒﻨﺖ ﻭﺍﺑﻮﻫﺎ ﻛﺮﺍﻣﺔ ﺣﺘﻰ ﻟﻮ ﻛﺎﻥ ﺍﺳﻮﺀ ﺍﻟﻨﺎﺱ
ﺑﺲ ﺧﻠﻲ ﺍﺳﺄﻟﻚ ﺑﺎﻟﻌﻘﻞ
ﻟﻮ ﻛﺎﻧﺖ ﺍﻻﺩﻭﺍﺭ ﻣﻘﻠﻮﺑﺔ
ﻭﺍﺷﻮﻑ ﺍﺑﻮﻙ ﺍﻭ ﺍﻣﻚ ﻳﻀﺮﺑﻮﻧﻚ ﻭﻳﻬﻴﻨﻮﻥ ﻛﺮﺍﻣﺘﻚ ﻛﺪﺍﻣﻲ
ﺗﻘﺒﻞ ﺍﻧﻲ ﺍﺭﻭﺡ ﺍﻟﺰﻡ ﺍﻣﻚ ﺍﻭ ﺍﺑﻮﻙ ﻭﺍﻛﻌﺪ ﺍﻣﺜﻞ ﺑﻴﻬﻢ
ﺑﺎﻟﻀﺮﺏ
.. ﺍﻧﺎ ﺍﺧﺘﻠﻒ ﺍﺑﻮﻱ ﺍﻭ ﺍﻣﻲ ﺣﺘﻰ ﻟﻮ ﻳﻤﺪﻭﻥ ﺍﻳﺪﻫﻢ ﻋﻠﻴﺔ ﺍﻓﺘﺨﺮ ﻋﻠﻰ ﺍﻻﻗﻞ ﺍﻧﺎ ﺭﺟﺎﻝ ﻭﺍﺗﺤﻤﻞ
.. ﻣﺎ ﺟﺎﻭﺑﺘﻨﻲ ﻋﻠﻰ ﺳﺆﺍﻟﻲ ﻟﺘﺘﻬﺮﺏ
ﺩﺍﻛﻠﻚ ﺗﺮﺿﺎﻫﺎ ﺍﺩﺯ ﻧﺎﺱ ﻋﻠﻴﻬﻢ ﻳﻤﺜﻠﻮﻥ ﺑﻴﻬﻢ ﺑﺎﻟﻀﺮﺏ
ﺟﺎﻭﺑﻨﻲ ﺑﻐﻀﺐ
.. ﻻ ﻣﺴﺘﺤﻴﻞ ﻭﺍﻛﺴﺮ ﺍﻳﺪﻩ ﺍﻟﻲ ﻳﻔﻜﺮ ﻳﻤﺪﻫﺎ ﻋﻠﻰ ﻭﺍﺣﺪ ﻣﻦ ﺍﻫﻠﻲ
.. ﺷﻔﺖ ﺷﻠﻮﻥ ﺍﻧﻔﻌﻠﺖ ﻣﺠﺮﺩ ﺗﺨﻴﻠﻚ ﻟﻠﻤﻮﺿﻮﻉ ﻋﺼﺒﻚ ﻟﻌﺪ ﻟﻴﺶ ﺗﺮﺿﺎﻫﺎ ﻋﻠﻴﺔ
ﺷﻨﻮ ﺗﺘﻮﻗﻊ ﺗﻜﻮﻥ ﺭﺩﺕ ﻓﻌﻠﻲ ﻣﻦ ﻳﺪﺧﻞ ﻋﻠﻴﺔ ﺍﺑﻮﻳﺔ
ﻣﻄﺒﺮ ﺗﻄﺒﺮ
ﺗﻄﻦ ﺭﺍﺡ ﺍﻓﺮﺡ ﻭﺍﻛﻮﻝ ﺷﻜﺮﺍ ﻟﻴﺚ ﻋﺎﻟﺴﻮﻳﺘﻪ ﺑﺄﺑﻮﻳﺔ
ﺧﻠﻲ ﺑﺒﺎﻟﻚ ﻟﻮ ﻣﻬﻤﺎ ﺻﺎﺭ ﺑﻴﻨﻲ ﻭﺑﻴﻦ ﺍﺑﻮﻳﺔ ﻣﺴﺘﺤﻴﻞ ﺍﻏﻀﺐ ﻋﻠﻴﻪ ﺍﻭ ﺍﺗﻤﻨﺎﻟﻪ ﺍﻻﺫﻳﺔ
.. ﻟﻮ ﻳﺮﺟﻊ ﺑﻴﺔ ﺍﻟﺰﻣﻦ ﻭﻳﻨﻌﺎﺩ ﺍﻟﻤﻮﻗﻒ ﻭﻳﻤﺪ ﺍﻳﺪﻩ ﻋﻠﻴﺞ
ﻫﻢ ﺍﺭﺟﻊ ﺍﻣﺴﺢ ﺑﻴﻪ ﺍﻟﻜﺎﻉ
ﻣﺎ ﺍﻛﺪﺭ ﺍﺷﻮﻓﻪ ﻳﻤﺲ ﺷﻲ ﻳﺨﺼﻨﻲ ﻭﻳﺄﺫﻳﻪ
ﻣﺎ ﺍﺗﺤﻤﻞ ﺍﺷﻮﻑ ﻳﻤﺪ ﺍﻳﺪﻩ ﻋﻠﻰ ﺷﻌﺮﺝ ﺍﻟﻲ ﻳﺎﻣﺎ ﺟﻨﺖ ﺍﺗﺤﻠﻢ ﺍﺗﻮﺳﺪ ﻋﻠﻴﻪ ﺑﺘﺎﻟﻲ ﺍﻟﻠﻴﻞ
ﻳﻜﺼﻪ ﺑﺪﻭﻥ ﻣﺎ ﻳﻮﺟﻌﻪ ﻛﻠﺒﻪ
.. ﻟﻴﺚ ﺗﻌﺮﻑ ﺷﻨﻮ ﻣﺸﻜﻠﺘﻚ ﺍﻧﺖ ﻋﺎﻗﺒﺖ ﺑﺎﺑﺎ
ﻻﻥ ﺷﻮﻩ ﻭﺧﺮﺏ ﻟﻌﺒﺔ ﺣﻠﻮﺓ ﻋﻨﺪﻙ ﺍﻭ ﺳﻴﺎﺭﺓ ﺟﺪﻳﺪﺓ
ﺗﺨﺎﻑ ﻋﻠﻴﻬﺎ ﻻ ﺗﺨﺮﺏ ﻭﺗﻀﺮﺭ
.. ﺷﻴﻤﺎﺀ ﺍﻧﺘﻲ ﻏﻠﻄﺎﻧﺔ ﺍﻧﺎ ﺍﺟﻴﺖ ﺍﻟﻴﻮﻡ ﺣﺘﻰ ﺍﺣﺠﻲ ﻭﻳﺎﺝ ﺑﺨﺼﻮﺹ ﻫﺬﺍ ﺍﻟﻤﻮﺿﻮﻉ ﺍﻧﻲ ﻣﺎ ﺍﺷﻮﻓﺞ ﻛﺴﻠﻌﺔ ﻟﻮ ﻟﻌﺒﺔ ﻣﺜﻠﻤﺎ ﺗﻜﻮﻟﻴﻦ
ﺑﺎﻟﻌﻜﺲ ﺍﻧﺎ ﻣﻦ ﺍﻭﻝ ﻳﻮﻡ ﺩﺧﻠﺘﻲ ﺑﻴﻬﺎ ﻟﻐﺮﻓﺘﻲ
ﺑﻮﻛﺘﻬﺎ ﺍﻧﺘﻲ ﻣﻮ ﺑﺲ ﺩﺧﻠﺘﻲ ﻟﻠﻐﺮﻓﺔ ﻻ ﺍﻧﺘﻲ ﺑﺪﺍﺧﻠﻲ
ﺟﻮﺓ ﺑﻜﻠﺒﻲ ﺑﺪﻭﻥ ﻣﺎ ﺗﺴﺘﺄﺫﻧﻴﻦ
ﺻﺮﺕ ﻣﺎﻟﻲ ﺳﻠﻄﺔ ﻋﻠﻰ ﻣﺸﺎﻋﺮﻱ
ﻭﺗﺼﺮﻓﺎﺗﻲ ﻭﻳﺎﺝ ﺣﺎﻭﻟﺖ ﺍﻣﻠﻚ ﺍﻟﺴﻠﻄﺔ ﻋﻠﻰ
ﻛﻠﺒﻲ ﺑﺤﻀﻮﺭﺝ ﻭﺍﺗﺼﺮﻑ ﺻﺢ
ﺑﺲ ﻏﺼﺐ ﻋﻨﻲ ﺗﺼﺮﻓﺎﺗﻲ ﺗﺨﻮﻧﻲ ﻣﻦ ﻛﺪ ﺍﻟﻠﻬﻔﺔ ﻭﺍﺳﺘﻌﺠﺎﻟﻲ ﺧﻼﺝ ﺗﺒﺘﻌﺪﻳﻦ ﻋﻨﻲ ﻭﺗﺨﺎﻓﻴﻦ ﻣﻨﻲ
.. ﺣﻘﻲ ﻣﻦ ﺍﺧﺎﻑ ﻣﻨﻚ ﻭﺍﻧﺖ ﻛﻞ ﻣﻮﺍﻗﻔﻚ ﻭﻳﺎﻱ
ﺗﺤﺬﺭﻧﻲ ﻣﻨﻚ ﺍﻧﺖ ﻧﺎﺭ
.. ﺑﺲ ﻳﻤﺞ ﺍﻧﻄﻔﻲ ﻭﺍﺻﺒﺢ ﺭﻣﺎﺩ
ﺷﻮﻓﻲ ﺷﻴﻤﺎﺀ ﺍﻧﺎ
ﺭﻏﻢ ﺍﻟﺤﻮﺍﺟﺰ ﻭﺍﻟﻘﻴﻮﺩ ﺍﻟﻤﻮﺟﻮﺩﺓ ﺑﺤﻴﺎﺗﻲ
ﺍﺗﺤﺪﻳﺖ ﻛﻠﺸﻲ ﻭﺿﺮﺑﺖ ﻛﻞ ﺍﻓﻜﺎﺭﻱ ﺑﻌﺮﺽ ﺍﻟﺤﺎﻳﻂ
ﻭﺍﺟﻴﺖ ﺣﺘﻰ ﺍﺣﺠﻲ ﻭﻳﺎﺝ
.. ﺑﺸﻨﻮ ﺗﺤﺠﻲ ﻭﻳﺎﻱ
.. ﺷﻴﻤﺎﺀ ﺍﻧﺎ ﺍﺭﻳﺪﺝ ﺗﺼﻴﺮﻳﻦ ﺯﻭﺟﺘﻲ
ﻛﻤﺖ ﻣﻦ ﻣﻜﺎﻧﻲ ﻣﺜﻞ ﺍﻟﻤﻜﺮﻭﺻﺔ
ﻃﺎﺭ ﺍﻟﺤﺠﻲ ﻣﻦ ﻋﻘﻠﻲ ﻛﻌﺪﺕ ﺑﺲ ﺍﺭﻣﺶ ﺑﻌﻴﻮﻧﻲ
ﺍﻓﺘﺢ ﺣﻠﻜﻲ ﻭﺍﺭﺟﻊ ﺍﺳﺪﻩ
.. ﻣﺎ ﺍﺭﻳﺪﺝ ﻫﺴﺔ ﺗﺮﺟﻌﻴﻠﻲ ﺍﻟﺠﻮﺍﺏ
ﺭﻭﺣﻲ ﻟﻠﺒﻴﺖ ﻭﺍﺧﺬﻱ ﺭﺍﺣﺘﺞ ﻭﺑﺎﺟﺮ ﺍﻧﺎ ﺍﺟﻲ ﻭﺍﺭﻳﺪ ﺍﺳﻤﻊ ﻣﻨﺞ ﺍﻟﺮﺩ
.. ﻻﺍﺍﺍ ﺑﺎﺟﺮ ﺷﻨﻮ ﻣﺎ ﺍﻛﺪﺭ ﺍﻓﻜﺮ ﻫﺸﻜﻞ
ﺍﻧﻄﻴﻨﻲ ﻣﻬﻠﺔ ﺍﻓﻜﺮ ﺑﻴﻬﺎ ﺑﺮﺍﺣﺘﻲ
ﺟﻨﺖ ﺍﺣﺠﻲ ﻭﺣﻴﻞ ﺧﺎﻳﻔﺔ ﻣﺎ ﺍﻋﺮﻑ ﺷﺒﻴﺔ ﻣﻌﺪﺗﻲ ﺍﻧﻌﻘﺪﺕ
ﻭﻛﻠﺒﻲ ﻳﺮﻳﺪ ﻳﻜﻤﺰ ﻣﻦ ﺻﺪﺭﻱ
.. ﺗﺮﺓ ﻣﺎ ﻳﺤﺘﺎﺟﻠﻬﺎ ﺗﻔﻜﻴﺮ
ﻫﻲ ﻛﻠﻤﺔ ﻭﺣﺪﺓ ﻟﻮ ﺍﻱ ﻟﻮ ﻣﻮﺍﻓﻘﺔ
.....
ﺍﺗﺴﻌﺖ ﻋﻴﻮﻧﻬﺎ .. ﻻ ﺗﺠﺮﺏ ﺣﻈﻚ
ﻭﺗﻜﻮﻥ ﻭﺍﺛﻖ ﻣﻦ ﻧﻔﺴﻚ ﻫﺸﻜﻞ
ﺗﺮﺓ ﺍﻧﻲ ﺑﻌﺪﻧﻲ ﻣﺎﻏﻴﺮﺕ ﻧﻈﺮﺗﻲ ﻋﻨﻚ
ﻭﻫﺬﺍ ﺍﻟﺸﻲ ﺑﺤﺪ ﺫﺍﺗﻪ ﻳﺨﻠﻴﻨﻲ ﺍﻃﻠﺐ ﻣﻨﻚ ﻭﻛﺖ
ﺍﻓﻜﺮ
ﺍﺑﺎﻭﻉ ﻋﻠﻴﻪ ﺑﺪﺓ ﻳﺎﻛﻠﻨﻲ
.. ﻭﺍﻟﻠﻪ ﻟﻌﺒﺘﻲ ﺑﺄﻋﺼﺎﺑﻲ ﻋﻤﺮﻱ ﻣﺎ ﻋﺎﻧﻴﺖ ﻭﻳﺔ ﻣﺮﺓ
ﻭﻻ ﻛﺎﻋﺪ ﺑﺤﻴﺎﺗﻲ ﺍﻓﻜﺮ ﺑﺮﺩﺓ ﺑﻔﻌﻞ ﺍﻱ ﻭﺣﺪﺓ
ﺍﻻ ﺍﻧﺘﻲ ﺧﻠﻴﺘﻨﻲ ﺍﻣﺸﻲ ﻭﺍﺣﺠﻲ ﻭﻳﺔ ﺭﻭﺣﻲ
ﻋﺎﻟﻌﻤﻮﻡ ﻧﻨﻄﻴﺞ ﻓﺮﺻﺔ ﺗﻔﻜﺮﻳﻦ
ﺑﺲ ﻻ ﺗﺘﺄﺧﺮﻳﻦ ﺑﺎﻟﺮﺩ ﻻﻥ ﺍﻟﺘﺄﺧﻴﺮ ﻣﻮ ﻣﻦ ﺻﺎﻟﺤﺞ
.. ﻟﻴﺶ ﻳﺎﺑﺔ
.. ﻻﻥ ﺍﺫﺍ ﻣﻮﺍﻓﻘﺔ ﻭﺗﺘﺄﺧﺮﻳﻦ ﺑﺎﻟﺠﻮﺍﺏ ﺍﻃﻠﻊ ﺣﻴﻔﻲ ﻣﻨﺞ ﺑﺎﻟﺨﻄﻮﺑﺔ
ﻭﺍﺫﺍ ﻛﺎﻥ ﺟﻮﺍﺑﺞ ﺭﻓﺾ ﻭﻣﺘﺄﺧﺮﺓ ﻋﻠﻴﺔ ﺑﺎﻟﺮﺩ
ﻭﺍﻟﻠﻪ ﺍﻣﺞ ﺩﺍﻋﻴﺔ ﻋﻠﻴﺞ ﺑﺴﺎﻋﺔ ﻣﻐﺮﺑﻴﺔ ﺑﻴﻮﻡ ﺍﻟﻮﻛﻌﺘﻲ ﺑﻴﺪﻱ
.. ﻫﻢ ﺭﺟﻌﻨﺎ ﻟﻠﻐﺔ ﺍﻟﺘﻬﺪﻳﺪ
.. ﻻ ﻫﺬﺍ ﻣﻮ ﺗﻬﺪﻳﺪ ﻫﺬﺍ ﻳﺴﻤﻮﻧﻪ ﺗﺤﺬﻳﺮ
ﺭﺣﺖ ﻧﻤﺖ ﻋﺎﻟﻔﺮﺍﺵ ﺍﻓﻜﺮ ﺑﻲ ﻭﺑﻬﻴﺒﺘﻪ
ﻭﺑﻜﻼﻣﻪ ﻭﺑﻐﻀﺒﻪ ﻭﺑﻜﻠﺸﻲ
ﺣﺘﻰ ﻣﻦ ﺍﺭﻳﺪ ﺍﻋﺪﺩ ﻋﻴﻮﺑﻪ ﺗﺼﻴﺮ ﺑﻌﻴﻨﻲ ﺗﺎﻓﻬﺔ
ﻭﻳﺸﻔﻌﻠﻪ ﺣﺒﻪ ﺍﻟﻤﻮﺟﻮﺩ ﺑﻜﻠﺒﻲ ﻭﻳﺨﻠﻴﻨﻲ ﺍﺗﻐﺎﺿﺔ ﻋﻨﻬﺎ
........
ﺿﺤﻰ .. ﺍﻛﻮﻝ ﻫﺪﻯ ﺍﻧﺘﻲ ﻻﺣﻈﺘﻲ ﺷﻮﻣﺔ ﺍﻟﻴﻮﻡ ﻛﺎﻋﺪﺓ ﻛﻠﻪ ﺑﺎﻟﻐﺮﻓﺔ
ﺣﺘﻰ ﻣﺎ ﻃﻠﻌﺖ ﺍﺗﻐﺪﺕ ﻭﻳﺎﻧﺔ ﺷﻨﻮ ﺷﺒﻴﻬﺎ ﻣﺮﻳﻀﺔ
.. ﻭﺍﻟﻠﻪ ﻋﻠﻤﻲ ﻋﻠﻤﺞ ﺑﺎﻟﻠﻪ ﺧﻠﻲ ﺍﻏﻮﺡ ﺍﺷﻮﻓﻬﺎ
ﺷﺒﻴﻬﺎ
ﺭﺣﺖ ﻓﺘﺤﺖ ﺍﻟﺒﺎﺏ ﻋﻠﻰ ﻛﻴﻒ ﻭﺩﺧﻠﺖ ﻋﻠﻰ ﺍﻃﺮﺍﻑ ﺍﺻﺎﺑﻴﻌﻲ
ﺟﺎﻧﺖ ﺍﻟﺴﺖ ﻣﺘﻤﺪﺩﺓ ﻋﻠﻰ ﺑﻄﻨﻬﺎ ﻭﺳﺮﺣﺎﻧﺔ ﺑﻐﻴﺮ ﻋﺎﻟﻢ
ﺭﺣﺖ ﺭﻛﺾ ﻋﻠﻴﻬﺎ ﻭﻋﻄﺖ ﺑﺼﻮﺕ ﻋﺎﺍﺍﺍﺍﺍﻟﻲ
.. ﺑﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭ
ﻃﻔﺮﺕ ﻣﻦ ﻣﻜﺎﻧﻬﺎ ﻣﻔﺰﻭﻋﺔ
.. ﺷﻜﻮ ﺟﻨﻴﺔ ﻛﻤﺰﺗﻴﻨﻲ
.. ﺍﺧﺘﻲ ﺷﻴﻤﺎﺀ ﻣﺎ ﺍﻋﻐﻒ ( ﺍﻋﺮﻑ ) ﺷﺒﻴﻬﺎ ﺍﻣﺎﻧﺔ ﻣﺘﻜﻠﻴﻠﻲ ﺍﺧﺘﻲ
ﺷﺒﻴﻬﺎ ﻟﻴﺶ ﺳﻐﺤﺎﻧﻪ ( ﺳﺮﺣﺎﻧﻪ )
ﻛﺎﻣﺖ ﻣﻦ ﻣﻜﺎﻧﻬﺎ
.. ﺍﻣﺸﻲ ﻣﻨﺎ ﺍﺭﻳﺪ ﺍﻃﻠﻊ ﺧﻠﻲ ﺍﺭﻭﺡ ﺍﻛﻞ
ﺟﻮﻋﺎﻧﺔ
.. ﺍﻧﺎ ﺍﺻﺒﻠﺞ ﺍﻛﻞ ﻭﺍﻧﺘﻲ ﺍﺣﺠﻴﻠﻲ ﻟﻴﺶ ﻫﺸﻜﻞ ﺩﺍﻳﺨﺔ ﻭﻏﺎﻳﺤﺔ ﺑﻌﺎﻟﻢ ﺛﺎﻧﻲ
.. ﻭﺍﻟﻠﻪ ﺍﻧﺘﻲ ﻟﺰﻛﺔ ﺑﻌﺪﻳﻦ ﺍﺣﺠﻴﻠﺞ ﺑﺎﻟﻠﻴﻞ ﻣﻮ ﻫﺴﺔ
ﺟﺎﻧﺖ ﺷﻴﻤﺎﺀ ﺗﻀﺤﻚ ﻭﻋﻴﻮﻧﻬﺎ ﺗﻠﻤﻊ
ﺍﻭﻝ ﻣﺮﺓ ﺍﺷﻮﻑ ﺍﺧﺘﻲ ﺗﻀﺤﻚ ﺑﻔﺮﺣﺔ
.. ﻳﺎﺭﺏ ﺩﻭﻡ ﺍﻟﻀﺤﻜﺔ ﻭﺍﻟﻠﻪ ﺗﻠﻮﻛﻠﺞ
.. ﻳﺎﻟﻠﻪ ﺍﻣﺸﻲ ﻣﺎ ﺗﻘﺸﻤﺮﻳﻨﻲ ﺑﻬﺎﻱ ﺍﻟﻜﻠﻤﺘﻴﻦ ﻣﺎ ﺭﺍﺡ ﺍﺣﺠﻲ ﻫﺴﺔ ﺍﻻ ﺑﺎﻟﻠﻴﻞ
ﻃﻠﻌﻨﺎ ﻭﺻﺒﺘﻠﻬﺎ ﻏﺪﺓ ﻭﺍﻧﻲ ﺍﻓﺘﺮ ﻭﺭﺍﻫﺎ ﻣﺜﻞ ﺫﻳﻠﻬﺎ
ﺍﺗﻌﻮﺩﺕ ﺍﺻﻼ ﻣﻮ ﺟﺪﻳﺪﺓ ﻋﻠﻴﺔ
ﻛﻌﺪﺕ ﺗﺎﻛﻞ ﻭﺍﺟﺔ ﺑﺎﺑﺎ ﺭﺍﺣﺖ ﺿﺤﻰ ﺻﺒﺘﻠﻪ ﻏﺪﺓ
ﻭﻛﻌﺪ ﻳﺎﻛﻞ ﻭﻳﺔ ﺷﻴﻤﺎﺀ
ﻳﺎﻛﻞ ﻭﻳﺤﺠﻴﻠﻨﺎ ﻋﻦ ﻳﻮﻣﻪ ﺑﺎﻟﺸﻐﻞ
ﻭﺷﻴﻤﺎﺀ ﺑﺤﻜﻢ ﺧﺒﺮﺗﻬﺎ ﺑﻨﻈﺎﻡ ﺍﻟﻤﺴﺘﺸﻔﻴﺎﺕ
ﻛﻌﺪﺕ ﺗﻨﻄﻴﻪ ﺑﻌﺾ ﺍﻟﻤﻌﻠﻮﺍﻣﺎﺕ
ﺟﻨﺔ ﻛﺎﻋﺪﻳﻦ ﻋﻠﻰ ﺣﺐ ﺍﻟﻠﻪ
ﻭﺟﺎﻥ ﺗﺪﺧﻞ ﻋﻠﻴﻨﺎ ﺳﻠﻴﻤﺔ ﺍﻡ ﺍﻟﻌﻠﻮﻡ ﻭﺍﻟﻤﺼﺎﺋﺐ
ﻛﻌﺪﺕ ﻳﻢ ﺑﺎﺑﺎ
.. ﺍﻛﻠﻚ ﺍﻟﻴﻮﻡ ﺍﻟﻨﺎﺱ ﺍﺟﻮﻱ ﻳﺮﺩﻭﻥ ﻳﻌﺮﻓﻮﻥ ﺷﻨﻮ
ﺟﻮﺍﺑﻚ ﻋﻦ ﻣﻮﺿﻮﻉ ﺿﺤﻰ
ﺿﺤﻰ ﻛﻤﺰﺕ ﻣﻦ ﻣﻜﺎﻧﻬﺎ
.. ﺑﻴﺒﻲ ﻣﺎ ﺍﺭﻳﺪ ﺍﺗﺰﻭﺝ
.. ﺍﻧﺘﻲ ﺍﻧﺠﺒﻲ ﻭﺍﻛﻠﻲ ﺗﺒﻦ ﻭﺧﻠﻲ ﺍﺑﻮﺝ ﻳﺤﺠﻲ
ﺟﺎﻭﺑﻬﺎ ﺍﺛﻴﺮ .. ﻳﻤﺔ ﻛﻠﻴﻠﻬﻢ ﻣﺎﻋﻨﺪﻱ ﺑﻨﻴﺔ ﻟﻠﺰﻭﺍﺝ
.. ﻫﺎ ﻳﻤﺔ ﺍﺛﻴﺮ ﻛﻌﺪﻥ ﻳﻤﻚ ﺷﻮﻳﺔ ﻭﺍﻛﻠﻦ ﺭﺍﺳﻚ ﺑﺎﻟﺤﺠﻲ
ﻭﺑﺪﻟﻮﺍ ﺭﺃﻳﻚ ﻋﻠﻰ ﺍﻣﻚ
.. ﻻ ﻳﻤﺔ ﺍﻟﺒﻨﺎﺕ ﻣﺎﻟﻬﻢ ﺩﺧﻞ ﺑﺮﻓﻀﻲ ﻟﻠﻨﺎﺱ ﺍﻧﺎ ﺭﺣﺖ
ﺳﺄﻟﺖ ﻋﻦ ﺍﻟﻮﻟﺪ ﻃﻠﻊ ﻭﺍﺣﺪ ﺣﺎﻓﻲ ﻣﻨﺘﻒ ﻳﻮﻡ ﻳﺸﺘﻐﻞ ﻭﻋﺸﺮﺓ ﻣﺎﻛﻮ ﺷﻐﻞ
ﻣﺎﻝ ﺷﻨﻮ ﺍﻧﻄﻴﻪ ﺿﺤﻰ
.. ﻫﺴﺔ ﺍﻟﻲ ﻳﺴﻤﻌﻚ ﻳﻜﻮﻝ ﺑﻨﺘﻪ ﺳﺖ ﺍﻟﺤﺴﻦ ﻭﺍﻟﺠﻤﺎﻝ
ﻣﻮ ﺯﻳﻦ ﻭﻟﻜﻴﺘﻠﻚ ﻭﺍﺣﺪ ﻳﺪﻙ ﺑﺎﺑﻚ ﻭﻳﺮﻳﺪ ﻳﺨﻄﺐ
ﻭﺣﺪﺓ ﻣﻦ ﺑﻨﺎﺗﻚ
ﺍﺑﺎﻭﻉ ﻟﻀﺤﻰ ﺷﻠﻮﻥ ﻋﻴﻮﻧﻬﺎ ﻛﺎﻣﺖ ﺗﻠﻤﻊ ﻣﻦ ﺍﻟﻔﺮﺣﺔ
ﻣﺮﺕ ﺍﻻﻳﺎﻡ ﻭﺑﺪﺕ ﺍﻣﺘﺤﺎﻧﺎﺕ ﺍﺧﻴﺮ ﺍﻟﺴﻨﺔ
ﻭﺍﻟﺘﻬﻴﺖ ﺑﺮﺍﺳﺘﻲ ﺑﺤﻴﺚ ﻛﻤﺖ ﻣﺎ ﺍﺷﻮﻑ ﺍﺣﺪ
ﻭﻻ ﺍﺩﺭﻱ ﺷﻨﻮ ﺍﻟﻮﺿﻊ ﺑﺎﻟﺒﻴﺖ
ﺑﺲ ﺍﻟﺸﻲ ﺍﻟﻲ ﻟﻔﺖ ﺍﻧﺘﺒﺎﻫﻲ
ﺿﺤﻰ ﺍﻟﻲ ﻛﺜﺮﺓ ﺻﻔﻨﺎﺗﻬﺎ ﻭﺩﺧﻠﺖ ﺣﺎﻟﺔ ﺍﻛﺘﺌﺎﺏ
ﻣﺮﺓ ﺳﻤﻌﺘﻬﺎ ﺗﺘﻌﺎﺭﻙ ﻭﻳﺔ ﺑﻴﺒﻲ ﺳﻠﻴﻤﺔ ﺍﻟﻲ ﻧﺸﺒﺔ ﻭﻳﺎﻫﺎ
ﻣﻦ ﺫﺍﻙ ﺍﻟﻴﻮﻡ ﻋﻠﻤﻮﺩ ﺭﻓﻀﺖ ﺍﺑﻦ ﻛﺮﺍﻳﺒﻬﺎ
ﻭﺻﺎﺭﺕ ﺗﻄﻠﻌﻠﻬﺎ ﺍﻟﺸﻐﻞ ﻣﻦ ﺟﻮﺓ ﺍﻟﻜﺎﻉ
ﺍﻟﺒﺎﺭﺣﺔ ﺧﻄﻴﺔ ﺧﻠﺘﻬﺎ ﺗﻐﺴﻞ ﺍﻟﺴﻄﺢ
ﻭﺍﻟﻴﻮﻡ ﻛﻠﺘﻠﻬﺎ ﺗﻨﻈﻒ ﺍﻟﺒﻨﻜﺎﺕ
ﻭﻫﺴﺔ ﺧﻄﻴﺔ ﻃﻠﻌﻠﺘﻠﻬﺎ ﺍﻟﻤﻮﺍﻋﻴﻦ ﺍﻟﻘﺪﻳﻤﺔ ﻣﻦ ﻋﻬﺪ ﺟﺪﻱ
ﻛﺎﻟﺖ ﻛﻠﻬﻢ ﻏﺴﻠﻴﻬﻢ ﺑﻴﺖ ﺟﻮﺍﺭﻳﻨﺎ ﻋﻨﺪﻫﻢ ﻋﺮﺱ ﻭﻳﺮﺩﻭﻥ
ﻳﺎﺧﺬﻭﻫﻢ
ﺧﻄﻴﺔ ﻫﻲ ﺿﺤﻰ ﺳﺎﻛﺘﺔ ﻣﺘﻜﻮﻝ ﺷﻲ ﺑﺲ ﻣﺮﺍﺕ
ﻫﺎﻱ ﺳﻠﻴﻤﺔ ﻣﻦ ﻧﺎﻣﺖ ﻋﻠﻴﻬﺎ ﺳﻠﻴﻤﺔ
ﺗﺴﺘﻔﺰ ﺍﻟﻮﺍﺣﺪ ﺍﻟﻠﻪ ﻻ ﻳﺴﻠﻄﻬﺎ ﻋﻠﻰ ﺍﺣﺪ ﺗﺸﺮﺩﻩ ﺑﻠﻴﻠﺔ ﻇﻠﻤﺔ
ﺿﺤﻰ ﺟﺎﻧﺖ ﺗﻐﺴﻞ ﺑﺎﻟﻤﻮﺍﻋﻴﻦ
ﻭﺳﻠﻴﻤﺔ ﺗﺤﻮﻡ ﻓﻮﻙ . ﺭﺍﺳﻬﺎ
ﺳﻠﻴﻤﺔ .. ﺍﻣﺪﺍﺝ ﻳﺎﻟﻐﻤﺔ ﺗﺎﻟﻴﺘﺞ ﺭﺍﺡ ﺗﻌﻨﺴﻴﻦ ﻣﺜﻞ ﺍﺧﺘﺞ ﺍﻟﺠﺒﻴﺮﺓ . ﻭﺗﻈﻠﻴﻦ ﺑﺤﺼﺮﺓ ﺍﻟﺮﺟﺎﻝ
ﻫﺴﺔ ﻟﻮ ﻣﻮﺍﻓﻘﺔ ﻋﻠﻰ ﻫﺬﺍ ﺍﺑﻦ ﻛﺮﺍﻳﺒﻲ ﺟﺎﻥ ﻫﺴﺔ ﺍﻧﺖ
ﻣﻠﺘﻬﻴﺔ ﺗﺠﻬﺰﻳﻦ ﻟﻌﺮﺳﺞ ﻭﺷﺤﻼﺗﺞ
ﺑﺲ ﺍﻧﺘﻲ ﻣﻮ ﻭﺟﻪ ﻧﻌﻤﺔ ﺗﺒﻘﻴﻦ ﻓﻜﺮ ﺑﻨﺖ ﻓﻜﺮ
ﺑﻌﺪ ﻣﻨﻮ ﺍﻣﺞ ﻣﺸﻬﻮﺩﺗﻠﻬﺎ ﺑﺎﻟﻔﺎﻝ ﺍﻟﺸﻴﻦ
ﺿﺤﻰ ﻭﺻﻞ ﺣﺪﻫﺎ
ﻣﺴﺤﺖ ﺍﻳﺪﻫﺎ ﻭﺷﻤﺮﺕ ﺍﻟﺠﺪﺭﻭﺓ ﻣﻦ ﺍﻳﺪﻫﺎ ﺑﺎﻟﻜﺎﻉ ﻭﺻﺎﺩﻑ ﺟﺎﻧﺖ ﺍﻛﻮ ﺳﺠﻴﻨﺔ . ﻋﺎﻟﺴﻨﻚ ﻭﻳﺔ ﺍﻟﻤﻮﺍﻋﻴﻦ
ﻟﺰﻣﺘﻬﺎ ﻭﻫﻲ ﺗﻜﻠﺐ ﺑﻴﻬﺎ ﺑﺼﻮﺭﺓ ﻋﺎﺩﻳﺔ ﻭﺣﺠﺖ ﺑﺼﻮﺕ ﻧﺎﺻﻲ ﻳﻌﻠﻦ ﻋﻦ ﺍﻻﻧﻔﺠﺎﺭ
.. ﺷﻮﻓﻲ ﺍﻧﺎ ﻛﻠﺸﻲ ﺍﺗﺤﻤﻞ ﺑﺲ ﻣﺎﻝ ﺗﻐﻠﻄﻴﻦ ﻋﻠﻰ ﺍﻣﻲ ﻭﻫﻲ ﻣﻴﺘﺔ ﻻ ﻟﻬﻨﺎ ﻭﺣﺪﺝ
ﺟﺎﻧﺖ ﺗﺤﺠﻲ ﻭﺍﻟﺴﺠﻴﻨﺔ ﺑﻴﺪﻫﺎ ﻭﺳﻠﻴﻤﺔ ﺍﻧﺨﻠﺴﺖ
ﺑﻤﻜﺎﻧﻬﺎ ﺗﺒﺎﻭﻉ ﻋﺎﻟﺴﺠﻴﻨﺔ
ﻭﺍﻧﺎ ﺧﺮﺑﺎﻧﺔ ﺿﺤﻚ ﻋﻠﻰ ﺷﻜﻠﻬﺎ
ﺳﻠﻴﻤﺔ .. ﻫﺎ ﻭﻟﺞ ﺷﻨﻮ ﺗﺮﺩﻳﻦ ﺗﺬﺑﺤﻴﻨﻲ
ﺑﺎﻟﻠﻪ ﺷﻮ ﻋﻮﻓﻲ ﺍﻟﺴﺠﻴﻦ ﻣﻦ ﺍﻳﺪﺝ ﺗﺮﺓ ﺍﻟﺸﻴﻄﺎﻥ ﺷﺎﻃﺮ
.. ﻭﺍﻟﻠﻪ ﻣﻮ ﺍﺷﻄﺮ . ﻣﻨﺞ
ﺍﻟﺸﻴﻄﺎﻥ ﻳﻤﺞ ﻃﻔﻞ ﺑﺎﻟﺮﻭﺿﺔ ﻟﻰ ﺳﻮﺍﻟﻔﺞ
ﻋﺪﺓ ﻫﺬﺍ ﺍﻟﻴﻮﻡ ﻭﺻﺎﺭﺕ ﺍﻻﻳﺎﻡ ﺗﺠﺮ ﻭﺿﺤﻰ ﺻﺎﺭﺕ ﺣﺎﻟﺘﻬﺎ ﺍﻟﻨﻔﺴﻴﺔ ﺻﻔﺮ
ﻛﻞ ﻳﻮﻡ ﺍﺳﻤﻌﻬﺎ ﺗﺒﺠﻲ ﺑﺎﻟﻠﻴﻞ
ﺟﻮﺓ ﺍﻟﻐﻄﻰ ﺍﺩﺭﻱ ﺑﺄﺧﺘﻲ ﺩﺗﻌﺎﻧﻲ ﻣﻦ ﺍﻟﻮﺣﺪﺓ
ﻻﻥ ﻛﻠﻨﺎ ﻣﺸﻐﻮﻟﻴﻦ ﻋﻨﻬﺎ ﻭﻫﻲ ﻛﺎﻋﺪﺓ ﻟﻮﺣﺪﻫﺎ ﺑﻴﻦ ﺍﺭﺑﻊ ﺣﻴﻄﺎﻥ
ﺻﺮﺕ ﺍﺩﻋﻴﻠﻬﺎ ﺑﻜﻠﺒﻲ ﺭﺑﻲ ﻛﻮﻥ ﻳﺮﺟﻊ ﺻﻬﻴﺐ
ﻟﻠﻌﺮﺍﻕ ﻭﻳﺨﻄﺒﻬﺎ ﺑﺲ ﻫﺬﺍ ﺍﻟﺜﺎﻧﻲ ﻛﻠﺶ ﺍﻧﺄﺧﺮ ﻭﻻ ﺑﻌﺪ ﻫﻢ ﺍﺟﻞ ﺭﺟﻮﻋﻪ ﺳﻨﺔ ﺛﺎﻧﻴﺔ
ﻳﻮﻡ ﺛﺎﻧﻲ ﻭﺟﺎﻥ ﺍﺧﺮ ﻳﻮﻡ ﺑﺎﻻﻣﺘﺤﺎﻧﺎﺕ
ﺑﺎﻟﻤﺪﺭﺳﺔ ﺧﻠﺼﻨﺎ ﺍﻻﻣﺘﺤﺎﻧﺎﺕ ﻭﻛﺎﻟﻌﺎﺩﺓ ﺍﺟﺘﻤﻌﺖ ﻭﻳﺔ ﺍﻟﺒﻨﺎﺕ
ﻭﺻﺎﺩﻑ ﻫﺎﻟﺔ ﻋﺰﻣﺘﻨﺎ ﻣﻠﻨﺎ ﻋﻠﻰ ﻋﺮﺱ ﺍﺧﺘﻬﺎ
ﻣﻨﻰ
ﻫﺎﻟﺔ .. ﻫﺪﻯ ﺩﻋﻮﻯ ﺧﺎﺻﺔ ﻣﻦ ﺍﻣﻲ ﻛﺎﻟﺖ
ﻛﻮﻟﻲ ﻟﻬﺪﻯ ﺧﻠﻲ ﺗﺠﻲ ﻫﻲ ﻭﺧﻮﺍﺗﻬﺎ ﻟﻌﺮﺱ ﻣﻨﻰ
ﺍﺯﻋﻞ ﻋﻠﻴﻬﻢ ﺍﺫﺍ ﻣﺎ ﺍﺟﻮﻱ
ﻓﺮﺣﺖ ﻭﻛﻠﺖ ﻣﻦ ﺍﺭﺟﻊ ﺍﻓﺮﺡ ﺿﺤﻰ ﺣﺘﻰ ﺗﺤﻀﺮ ﺭﻭﺣﻬﺎ ﻋﻠﻤﻮﺩ ﺗﻐﻴﻴﺮ ﺟﻮ
ﺭﺟﻌﺖ ﻟﻠﺒﻴﺖ ﻭﺷﻔﺖ ﺷﻬﺪ ﺻﺪﻳﻘﺔ ﺿﺤﻰ ﻋﺪﻧﺎ ﺑﺎﻟﺒﻴﺖ
ﻻﺣﻈﺖ ﻫﺎﻱ ﺍﻟﻔﺘﺮﺓ ﻛﺜﺮﺓ ﺟﻴﺎﺕ ﺷﻬﺪ ﻟﻀﺤﻰ
ﺑﺎﻟﺼﺪﻓﺔ ﺟﻨﺖ ﻣﺎﺭﺓ ﻣﻦ ﻳﻤﻬﻢ
ﺳﻤﻌﺘﻬﺎ ﺗﺤﺠﻲ ﻭﻳﺔ ﺿﺤﻰ
ﺗﻜﻠﻠﻬﺎ .. ﻭﻟﺞ ﻭﺍﻟﻠﻪ ﻣﻮ ﻻﻥ ﺍﺧﻮﻳﺔ ﺍﻛﻠﺞ ﻭﺍﻓﻘﻲ ﻋﺎﻟﺰﻭﺍﺝ ﻣﻨﻪ
ﺑﺲ ﻋﺎﺟﺒﺘﺞ ﻫﺎﻱ ﺍﻟﻌﻴﺸﺔ ﺍﻟﻲ ﺍﻧﺘﻲ ﺑﻴﻬﺎ ﻻ ﻃﻠﻌﺔ ﻭﻻ ﻣﺸﻴﺔ ﻭﻓﻮﻙ ﻫﺬﺍ ﻛﻠﻪ ﺑﻴﺒﺘﺞ ﻧﺎﺷﺒﺔ ﻭﻳﺎﺝ ﻭﻣﻄﻠﻌﺔ ﻋﻴﻨﺞ
ﺿﺤﻰ .. ﺍﻱ ﻣﻴﺨﺎﻟﻒ ﺍﺗﺤﻤﻞ ﻣﺎ ﻣﺴﺘﻌﺪﺓ ﻟﻠﺰﻭﺍﺝ ﻫﺴﺔ
ﺻﺪﻛﻴﻨﻲ
ﺷﻬﺪ .. ﺑﺮﺍﺣﺘﺞ ﺑﺲ ﻭﺍﻟﻠﻪ ﺍﺧﻮﻱ ﻣﺎ ﻳﺘﻔﻮﺕ ﺣﻠﻮ ﻭﻛﺸﺨﺔ
ﻭﻫﻮ ﺍﻟﺠﺒﻴﺮ ﻳﻌﻨﻲ ﺍﻟﻜﻞ ﺑﺎﻟﻜﻞ
ﺗﺪﺭﻳﻦ ﻫﻮ ﺷﺎﻳﻔﺞ ﻣﺮﺓ ﻭﺳﺄﻟﻨﻲ ﻋﻠﻴﺞ
.. ﻭﻳﻦ ﺷﺎﻳﻔﻨﻲ
.. ﻳﻜﻮﻝ ﺷﻔﺘﻬﺎ ﻣﻦ ﺟﺎﻧﺖ ﺑﺎﻟﻤﺪﺭﺳﺔ ﺟﺎﻧﺖ ﺗﻤﺸﻲ ﻫﻲ ﻭﺍﺧﺘﻬﺎ ﺍﻟﺠﻨﻴﺔ ﺍﻡ ﻟﺴﺎﻥ
ﻫﺪﻯ
ﻋﻤﺔ ﺣﺘﻰ ﻋﻤﺔ ﻫﺎﻱ ﺷﺘﺮﻳﺪ ﻣﻦ ﺿﺤﻰ ﻟﻴﺶ ﺗﺤﻮﻡ ﻋﻠﻴﻬﺎ
ﻭﻟﻴﺶ ﺿﺤﻰ ﻣﺎ ﻛﺎﻟﺘﻠﻨﺎ . ﻋﻦ ﻣﻮﺿﻮﻉ ﺍﺧﻮﻫﺎ
.......
ﻓﻲ ﺍﻟﻠﻴﻞ
ﺣﻴﻦ ﺗﻨﺎﻡ ﺍﻋﻴﻦ ﺍﻟﻨﺎﺱ ﺍﺟﻤﻌﻬﺎ
ﻫﻨﺎﻙ ﻋﻴﻮﻥ ﻟﻢ ﻳﻐﻤﺾ ﻟﻬﺎ ﺟﻔﻦ
ﺳﺎﻫﺮﺓ ﻟﻴﻠﻬﺎ ﺗﺨﺎﻃﺐ ﺍﻟﻐﺪ ﺑﺄﻣﻞ
ﺍﻳﺎﻏﺪ
ﺍﻣﺎ ﺁﻥَ . ﺍﻻﻭﺍﻥ ﻟﻜﻲ ﻳﻨﺠﻠﻲ ﻟﻴﻠﻚ
ﻭﻳﺬﻫﺐ ﻇﻼﻣﻪ ﺍﻟﺪﺍﻣﺲ
ﻭﺗﺄﺗﻲ ﺷﻤﺴﻚ ﺑﻨﻮﺭﻫﺎ ﺍﻟﺴﺎﻃﻊ
ﻓﺘﺸﺮﻕ ﺑﺎﻟﻔﺮﺡ ﻋﻠﻰ ﺣﻴﺎﺗﻨﺎ
ﻫﺪﻯ
ﻧﺎﻳﻤﺔ ﺑﺤﻀﻦ ﺷﻮﻣﺔ ﺍﻟﺪﺍﻓﻲ
ﺍﻟﻌﺐ ﺑﺸﻌﺮﻫﺎ
.. ﺍﻛﻮﻝ ﺷﻮﻣﺔ
.. ﺍﻣﻤﻢ
.. ﺍﻧﺘﻲ ﻣﻼﺣﻈﺔ ﺿﺤﻰ ﺑﺄﺧﻎ ( ﺍﺧﺮ ) ﺍﻳﺎﻡ ﺷﻜﺪ ﻣﺘﻐﻴﻐﺔ ( ﻣﺘﻐﻴﺮﺓ )
.. ﺍﻱ ﻣﻨﺘﺒﻬﺔ ﻋﻠﻴﻬﺎ ﺻﺎﻳﺮﺓ ﻫﻮﺍﻱ ﺗﺸﺘﻜﻲ
ﻣﻦ ﺍﻟﻮﺣﺪﺓ ﻭﺍﻟﻀﻮﺟﺔ
.. ﺧﻄﻴﺔ ﺍﻟﻠﻪ ﻳﺴﺎﻋﺪﻫﺎ ﻫﻲ ﺍﻛﺜﺈ ( ﺍﻛﺜﺮ ) ﻭﺣﺪﺓ ﺑﻴﻨﺎ ﺍﻧﺤﺒﺴﺖ ﺑﺎﻟﺒﻴﺖ ﻋﺎﻻﻗﻞ ﺍﻧﻲ ﺍﺩﺍﻭﻡ ﻣﺪﻏﺴﺔ ( ﻣﺪﺭﺳﺔ ) ﺍﺷﻮﻑ ﻧﺎﺱ
ﺍﻧﺘﻲ ﻭﻛﺬﻟﻚ ﺑﺲ ﻫﻲ ﺧﻄﻴﺔ
.. ﺷﺒﻴﺪﻱ ﻋﻠﻴﻬﺎ ﺍﻧﺎ ﺍﻟﻌﻠﻴﺔ ﺳﻮﻳﺘﻪ ﻭﺟﻨﺖ ﺍﺭﻛﺾ ﻭﺭﺍﻫﺎ ﺣﺘﻰ ﺗﺪﺭﺱ
ﻛﻠﻪ ﻣﻦ ﺍﻳﺪﻫﺎ ﻫﻲ ﻫﻤﻠﺖ ﺩﺭﺍﺳﺘﻬﺎ
ﻭﺧﻠﺖ ﺍﻟﺤﻖ ﻋﻠﻴﻬﺎ
ﺣﻘﻪ ﺑﺎﺑﺎ ﻳﺒﻄﻠﻬﺎ
ﺗﺘﺬﻛﺮﻳﻦ ﺭﺍﺩ ﻳﺒﻄﻞ ﻣﺮﻭﺓ
ﻭﻣﻦ ﺣﺠﻴﺖ ﻭﻳﺎﻩ ﻣﺎﻛﺪﺭ
ﻳﻌﺘﺮﺽ ﻻﻥ ﻣﺮﻭﺓ ﺷﺎﻃﺮﺓ
.. ﺍﻱ ﺻﺤﻴﺢ
.. ﺍﺗﺬﻛﺮ ﻋﻠﻰ ﺍﻣﻲ ﺍﻟﻠﻪ ﻳﺮﺣﻤﻬﺎ ﺷﻜﺪ ﺟﺎﻧﺖ . ﺣﺮﻳﺼﺔ ﻋﻠﻰ ﺩﺭﺍﺳﺘﻨﺎ
ﻭﺍﻟﻠﻪ ﺣﺠﺎﻳﺘﻬﺎ ﻟﺤﺪ ﻫﺴﺔ ﺗﺮﻥ ﺑﺄﺫﻧﻲ ﺗﻜﻮﻝ
ﻫﺎﻟﻠﻪ ﻫﻠﻠﻪ ﺑﺪﺭﺍﺳﺘﻜﻢ
ﺍﻟﻌﻠﻢ ﺗﺎﺝ ﺭﺍﺱ ﺍﻟﻤﺮﺍﺀﺓ ﻣﻦ ﺑﻌﺪ ﺍﻟﺸﺮﻑ
.. ﺍﻱ ﻭﺍﻟﻠﻪ ﺻﺪﻙ ﻛﻼﻣﻬﺎ ﻫﺴﺔ ﻫﺎﻱ ﻣﻐﻮﺓ ( ﻣﺮﻭﺓ ) . ﻏﻐﻢ ﺍﻟﺼﺎﻍ ( ﺭﻏﻢ ﺍﻟﺼﺎﺭ ) ﺑﻴﻬﺎ ﺑﺲ ﻛﺪﻏﺖ ( ﻛﺪﺭﺕ ) ﺗﻨﻔﺬ ﺑﺠﻠﺪﻫﺎ ﻭﺗﻌﻴﺶ ﺑﻌﻴﺪ ﻋﻨﺎ ﻋﻦ ﻃﻐﻴﻖ ( ﻃﺮﻳﻖ ) ﺷﻬﺎﺩﺗﻬﺎ . ﻣﺎ ﺍﺣﺘﺎﺟﺖ ﻣﺴﺎﻋﺪﺓ ﻣﻦ ﺍﺣﺪ
.. ﺍﺍﺍﺍﺍﺍﺍﺥ ﺳﺎﻟﻔﺔ ﻣﺮﻭﺓ ﺭﺍﺡ ﺗﻈﻞ ﻏﺼﺔ ﺑﻜﻠﺒﻲ ﻣﺎ ﻳﻬﻠﻲ ﺍﺭﺗﺎﺡ ﻭﻫﻲ ﺑﻌﻴﺪ ﻋﻨﺎ ﺯﻋﻼﻧﺔ
ﻣﺎ ﺍﻧﺴﻰ ﺷﻜﻠﻬﺎ ﺑﻴﻮﻡ ﺣﻠﻔﺘﻨﻲ ﺑﺄﻣﻲ ﺍﻭﻛﻒ ﻭﻳﺎﻫﺎ ﻣﺎ ﺗﺪﺭﻳﻦ ﺷﻠﻮﻥ ﻳﻨﻤﺮﺩ ﻛﻠﺒﻲ ﻋﻠﻴﻬﺎ ﻣﻦ ﺍﺗﺬﻛﺮﻫﺎ
ﺗﺪﺭﻳﻦ
ﺍﻟﺒﺎﺭﺣﺔ ﺧﺎﻟﺔ ﺍﻡ ﻓﺮﺯﺩﻕ ﺍﺟﺘﻲ ﻭﻛﺎﻟﺖ
ﺍﺗﺼﻠﺖ ﻋﻠﻰ ﺭﺟﻞ ﻣﺮﻭﺓ ﺭﺍﻓﺪ ﻭﺣﺎﺟﻲ ﻭﻳﺎﻩ ﻋﻤﻮ ﻓﺮﺯﺩﻕ ﻭﻣﺴﻠﻢ ﻋﻠﻴﻪ ﻭﻛﺎﻳﻠﻪ ﺍﺣﻨﺔ ﺟﻮﺍﺭﻳﻨﻬﻢ ﺑﻴﺖ ﺍﻡ ﻓﺮﺯﺩﻕ ﻫﻲ ﺗﻌﺮﻓﻨﺎ ﺧﻮﺍﺗﻬﺎ ﻳﺮﺩﻭﻥ ﻳﺘﻄﻤﻨﻮﻥ ﻋﻠﻴﻬﺎ
ﻓﺰﻭﺟﻬﺎ ﻣﻨﻄﻴﻪ ﺭﻗﻢ ﻣﺮﻭﺓ ﻭﻛﻠﻪ ﺍﻧﺎ ﺣﺎﻟﻴﺎ ﺑﺎﻟﺸﻐﻞ
ﻫﺬﺍ ﺭﻗﻤﻬﺎ ﺍﻟﺨﺎﺹ ﺗﻜﺪﺭﻭﻥ ﺗﺘﻮﺍﺻﻠﻮﻥ ﻭﻳﺎﻫﺎ
. ﻣﺎﺧﺬﻩ ﻭﻣﺘﺼﻞ ﻋﻠﻴﻬﺎ ﻭﺍﻟﺤﻤﺪﻟﻠﻪ ﺗﻜﻮﻝ ﺍﻡ ﻓﺮﺯﺩﻕ ﺳﻤﻌﺖ ﺻﻮﺗﻬﺎ ﻣﺒﻴﻦ ﻋﻠﻴﻬﺎ ﺑﺨﻴﺮ
ﻭﺗﻜﻮﻝ ﻫﺴﺔ ﻫﻲ ﺣﺎﻣﻞ ﺑﺸﻬﺮ ﺍﻟﺜﺎﻟﺚ
ﻭﺩﺗﺪﺭﺱ ﻭﺗﺸﻐﺘﻞ ﺑﻘﺴﻢ ﺍﻟﻄﻮﺍﺭﻱ ﺗﻜﻮﻝ ﺍﻟﻮﻇﻴﻔﺔ ﻣﻮ ﺍﺧﺘﺼﺎﺻﻲ ﺑﺲ ﺍﺣﺴﻦ ﻣﻦ ﻣﺎﻛﻮ ﺑﻌﺪﻳﻦ ﻣﻦ ﺗﻜﻤﻞ ﺩﺭﺍﺳﺘﻬﺎ
ﺗﺘﻌﻴﻦ ﻋﻠﻰ ﺍﺧﺘﺼﺎﺻﻬﺎ
.. ﺍﺍﺍﻭﻱ ﺳﻮﺩﺓ ﻋﻠﻴﺔ ﻣﺮﻭﺓ ﺷﻠﻮﻥ ﻣﺪﺑﻐﺘﻬﺎ ( ﻣﺪﺑﺮﺗﻬﺎ )
.. ﺍﺳﺄﻝ ﺍﻟﻠﻪ ﻣﺎ ﻳﻀﻴﻊ ﺗﻌﺒﻬﺎ
.. ﺍﻣﻴﻦ ﻳﺎﻏﺒﻲ ( ﻳﺎﺭﺑﻲ )
ﺍﻱ ﺻﺪﻙ ﺍﺗﺬﻛﻌﺖ ( ﺗﺬﻛﺮﺕ ) ﺷﻬﺪ ﺻﺪﻳﻘﺔ ﺿﺤﻰ ﺷﻌﻨﺪﻫﺎ
ﺗﺤﻮﻡ ﻋﻠﻴﻨﺎ ﻫﺎﻱ ﺍﻻﻳﺎﻡ
.. ﺩﻋﻮﻓﻴﻬﺎ ﺍﻟﻠﻪ ﻫﺎﺩﻳﻬﺎ ﻟﻀﺤﻰ
ﺧﻄﻴﺔ ﻣﺪﺍﺗﺸﻮﻓﻴﻬﺎ ﺷﻠﻮﻥ ﻣﺨﻨﻮﻛﺔ ﻣﻦ ﻛﻌﺪﺓ ﺍﻟﺒﻴﺖ
ﻳﻤﻜﻦ ﺍﻟﻠﻪ ﺩﺯﻫﺎ ﻟﻬﺎﻱ ﺻﺪﻳﻘﺘﻬﺎ ﺣﺘﻰ ﺗﻐﻴﺮ ﻋﻠﻴﻬﺎ ﺟﻮ
......
ﻻ ﺷﻮﻣﺔ ﻫﺎﻱ ﺷﻬﺪ ﻣﻮ ﺣﺒﺎً ﻟﻠﻪ ﺩﺗﺠﻲ ﻋﻠﻰ ﺿﺤﻰ
.. ﻟﻌﺪ ﺷﻌﻨﺪﻫﺎ ﻭﻳﺔ ﺿﺤﻰ ﻣﻦ ﻣﺼﻠﺤﺔ
ﺣﺠﻴﺖ ﻟﺸﻴﻤﺎﺀ ﻋﻦ ﻛﻼﻡ ﺷﻬﺪ ﻭﻳﺔ ﺿﺤﻰ
.. ﻳﺎ ﻫﺎﻱ ﺷﻨﻮ ﺍﺷﻮ ﺿﺤﻰ ﻣﺎ ﻛﺎﻟﺖ
.. ﺍﻧﻲ ﻫﻢ ﻣﺴﺘﻐﻐﺒﺔ ( ﻣﺴﺘﻐﺮﺑﺔ ) ﺣﺘﻰ ﺍﻟﻲ ﻣﺎ ﺍﺟﺘﻲ ﻛﻠﺘﻠﻲ ﻣﺜﻞ ﻛﻞ ﻣﻐﺔ ( ﻣﺮﺓ ) ﻣﺘﻌﻮﺩﺓ ﺗﺴﻮﻟﻔﻠﻲ ﻛﻠﺸﻲ
.. ﻭﺍﻟﻠﻪ ﺍﺣﺲ ﺑﺮﻭﺣﻲ ﻫﻮﺍﻱ ﻣﻘﺼﺮﺓ ﻭﻳﺔ ﺿﺤﻰ ﺍﺭﻳﺪ ﺑﺲ ﺍﻓﺮﻍ ﻭﻳﻜﻮﻥ ﻋﻨﺪﻱ ﺍﻭﻑ ﺍﺧﺬﻛﻢ ﺍﻃﻠﻌﻜﻢ
.. ﺍﻱ ﻋﻔﻴﺔ ﺷﻮﻣﺔ ﻃﻠﻌﻴﻨﺎ ﺑﺎﺟﻊ ( ﺑﺎﺟﺮ ) ﺣﺘﻰ ﻧﺸﺘﻐﻲ ( ﻧﺸﺘﺮﻱ ) ﻣﻼﺑﺲ
ﻋﻠﻰ ﺣﻔﻠﺔ ﻣﻨﻰ ﺑﻨﺖ ﺍﻡ ﻗﺎﺳﻢ
.. ﺍﻧﻲ ﺍﺣﺘﻤﺎﻝ ﻣﺎ ﺍﻛﺪﺭ ﺍﺭﻭﺡ ﻭﻳﺎﻛﻢ ﻟﻠﻌﺮﺱ
.. ﻻ ﻻ ﻋﻔﻴﺔ ﺷﻮﻣﺔ ﺧﺎﻟﺔ ﺍﻡ ﻗﺎﺳﻢ ﻃﻠﺒﺘﻨﺎ ﺑﺎﻻﺳﻢ
ﺗﻜﻮﻝ ﺍﻣﺎﻧﺔ ﺗﺠﻲ ﺷﻴﻤﺎﺀ ﻭﺧﻮﺍﺗﻬﺎ
.. ﺍﻻ ﺗﺤﺮﺟﻴﻨﻲ ﻫﺴﺔ
ﺗﻌﺎﻟﻲ ﻳﺎ ﺷﻴﻤﺎﺀ ﺍﺷﺘﺮﻱ ﻣﻼﺑﺲ ﻟﻠﻌﺮﺱ ﻋﻠﻤﻮﺩ ﻛﻢ ﺳﺎﻋﺔ ﻭﺍﻟﻠﻪ ﻣﺼﺮﻑ ﺯﺍﻳﺪ ﻣﺎ ﻣﺴﻮﻳﺔ ﺣﺴﺎﺑﻪ
.. ﺷﻮﻓﻲ ﺷﻮﻣﺔ ﺍﻧﻲ ﻋﻨﻲ ﻻ ﺗﺸﺘﻐﻴﻠﻲ ( ﺗﺸﺘﺮﻳﻠﻲ )
ﻣﺎ ﻋﻠﻴﺞ ﺑﻴﺔ ﻏﺎﺡ ﺍﺧﺬ ﻣﻦ ﻓﺎﻃﻤﺔ ﺻﺪﻳﻘﺘﻲ ﻋﻨﺪﻫﺎ ﻫﻮﺍﻱ ﻓﺴﺎﺗﻴﻦ ﻣﺎ ﺗﻜﻮﻝ ﺷﻲ
.. ﺍﻱ ﺻﺪﻙ ﺫﻛﺮﺗﻴﻨﻲ ﺑﺮﺑﺎﺏ ﺑﺎﻟﻠﻪ ﺧﻠﻲ ﺍﺗﺼﻞ ﻋﻠﻴﻬﺎ ﻭﺍﺷﻮﻑ ﺷﻌﻨﺪﻫﺎ ﻣﻦ ﺑﺪﻻﺕ ﺑﻠﻜﻲ ﻋﻨﺪﻫﺎ ﺣﺘﻰ ﺗﻮﻓﺮﻟﻲ
.. ﺗﺒﻘﻰ ﻋﻨﺪﺝ ﺑﺲ ﺿﺤﻰ ﻧﺎﺧﺬﻫﺎ ﻧﺸﺘﻐﻴﻠﻬﺎ ( ﺗﺸﺘﺮﻳﻠﻬﺎ )
ﺟﻨﺎ ﻧﺤﺠﻲ ﻭﺩﻙ ﻧﻘﺎﻝ ﺷﻴﻤﺎﺀ
ﺑﺎﻭﻋﺖ ﻋﻠﻴﻬﺎ ﺍﺭﺗﺒﻜﺖ ﻣﻦ ﺷﺎﻓﺖ ﺭﻗﻢ ﻟﻠﻤﺘﺼﻞ
ﺑﺎﻭﻋﺖ ﻋﺎﻟﺮﻗﻢ ﻛﺎﻥ ﻏﺮﻳﺐ ﻣﺎ ﻣﺴﺠﻞ
ﺳﻜﺖ ﺍﻟﻨﻘﺎﻝ ﻭﺭﺍﻫﺎ ﻭﺻﻠﺘﻬﺎ ﺭﺳﺎﻟﺔ ﻣﺎ ﻟﺤﻜﺖ ﺍﺷﻮﻑ
ﺑﺲ ﻛﻠﻤﺘﻴﻦ
.. ﻟﻴﺶ ﺍﻟﺘﺄﺧﻴﺮ ........
ﺍﻟﻠﻪ ﻳﺤﻔﻈﻬﺎ ﺑﻌﺪﺗﻬﺎ ﻋﻦ ﻣﺴﺎﺣﺔ ﻧﻈﺮﻱ
ﻭﺻﺮﺕ ﺣﻮﻟﺔ ﻣﻦ ﺍﻟﻔﻀﻮﻝ
ﻗﺮﺕ ﺍﻟﺮﺳﺎﻟﺔ ﻭﺿﺤﻜﺖ
ﺍﻧﺎ ﻫﻲ ﺿﺤﻜﺖ ﻭﺍﻧﺎ ﺍﻟﻔﻀﻮﻝ ﻋﻨﺪﻱ ﺻﺎﺭ ﻳﻘﺮﺓ ﺍﻟﻒ
ﺣﺠﻴﺖ ﺑﺼﻮﺕ ﺑﻴﻪ ﻟﺤﻦ ﺍﻟﻠﻮﺍﻛﺔ ﺍﺟﺮ ﺑﺎﻟﻜﻠﻤﺎﺕ ﺟﺮ
.. ﺍﻛﻮﻭﻭﻭﻭﻭﻭﻭﻝ ﺷﻮﻭﻭﻭﻭﻭﻭﻣﺔ ﺣﺒﻴﺘﺒﻲ ﻭﻧﻮﻍ ( ﻧﻮﺭ ) ﻋﻴﻮﻧﻲ
.. ﻛﻮﻟﻲ ﻓﻀﻴﻬﺎ ﺷﻨﻮ ﺗﺮﺩﻳﻦ ﻟﺘﻀﻠﻴﻦ ﺗﻠﻮﻛﻴﻦ
ﺻﺮﺕ ﺍﻋﺮﻑ ﻫﺬﺍ ﺍﻟﺼﻮﺕ ﺗﺴﺘﺨﺪﻣﻴﻨﻪ ﻣﻦ ﺗﺮﺩﻳﻦ ﺷﻲ ﻣﻦ ﺷﻮﻭﻭﻭﻭﻭﻭﻭﻣﺔ ﺣﺒﻴﺒﺘﻲ
.. ﻳﺎﻋﻤﻐﻲ ( ﻳﺎﻋﻤﺮﻱ ) ﻣﺤﺪ ﻳﻌﻐﻔﻨﻲ ﻏﻴﻐﺞ ( ﻳﻌﺮﻓﻨﻲ ﻏﻴﺮﺝ )
ﺍﻟﻠﻪ ﻋﻠﻴﺞ ﻛﻠﻴﻠﻲ ﺷﻨﻮ ﺿﺎﻣﺔ ﻋﻠﻴﺔ ﻫﺎﻱ ﺍﻻﻳﺎﻡ ﺍﺣﺲ ﺑﻴﺞ
ﻋﻨﺪﺝ ﺷﻲ ﺟﺪﻳﺪ ﺑﺤﻴﺎﺗﺞ ﻭﺧﺎﻳﻔﺔ ﺗﻜﻮﻟﻴﻦ ﻋﻨﻪ
.. ﺷﻜﻠﺞ ﺣﺎﻓﻈﺔ ﺷﻮﻣﺔ ﺍﻛﺜﺮ ﻣﻦ ﻧﻔﺴﻬﺎ
.. ﻫﻮ ﺍﻧﻲ ﺷﻌﻨﺪﻱ ﻏﻴﻐﻬﺎ ( ﻏﻴﺮﻫﺎ ) ﺍﺫﺍ ﻫﻲ ﺍﻣﻲ ﻭﻫﻲ ﻛﻞ ﻋﺎﻟﻤﻲ
ﺍﻟﻲ ﺗﺪﻭﻍ ( ﺗﺪﻭﺭ ) ﺣﻮﻟﻪ ﻛﻞ ﺣﻴﺎﺗﻲ
.. ﺗﻌﺎﻟﻲ ﻣﺴﺘﺮ ﻓﻀﻮﻝ
ﺧﻠﻲ ﺍﺣﺠﻴﻠﺞ
ﺗﻌﺮﻓﻴﻦ ﺻﺎﺣﺒﻨﺎ ﺍﻟﺤﺠﺮ
.. ﻭﻫﻞ ﻳﺨﻔﻰ ﺍﻟﻘﻤﻊ ( ﺍﻟﻘﻤﺮ ) ﺷﻠﻮﻥ ﻣﺎ ﺍﻋﻐﻔﻪ ( ﻣﺎﺍﻋﺮﻓﻪ )
.. ﺍﺗﻘﺪﻣﻠﻲ ﻳﺮﻳﺪ ﻳﺘﺰﻭﺟﻨﻲ
ﻛﻤﺖ ﻣﻦ ﻣﻜﺎﻧﻲ ﻣﺼﺮﻭﻋﺔ
.. ﻋﺎﺍﺍﺍﺍﺍﺍﺍﺍﺍ ﺣﺠﻎ .. ﺣﺠﻎ ( ﺣﺠﺮ ) ﻃﻠﺒﺞ ﻟﻠﺰﻭﺍﺝ ﻭﺍﻧﺘﻲ
ﻛﺎﻋﺪﺓ ﻭﺳﺎﻛﺘﺔ ﻳﻤﻲ
.. ﻫﻬﻬﻬﻬﻬﻬﻬﻬﻬﻬﻪ ﺷﻨﻮ ﺗﺮﺩﻳﻨﻲ ﺍﺳﻮﻱ
.. ﻟﺞ ﻏﻮﺣﻲ ﺷﻤﻐﻲ ﻏﻮﺣﺞ ( ﺭﻭﺣﻲ ﺷﻤﺮﻱ ﺭﻭﺣﺞ ) ﻣﻦ ﻓﻮﻙ ﺍﻟﺴﻄﺢ
ﻻﻥ ﻣﻮ ﻛﻞ ﻣﻐﺔ ( ﻣﺮﺓ ) ﺍﻟﻮﺣﺪﺓ ﻳﺠﻴﻬﺎ ﻭﺍﺣﺪ ﻣﺜﻞ ﺻﺎﺣﺒﻨﺎ ﺍﻟﺤﺠﻎ ( ﺍﻟﺤﺠﺮ )
.. ﻫﻮﻭﻭﺏ ﻫﻮﻭﺏ ﻋﻠﻰ ﻛﻴﻔﺞ ﺳﻮﻳﺘﻴﻪ ﻋﻠﻴﺔ ﺑﺲ ﻫﻮ ﻭﺑﺲ
ﻟﺞ ﻫﺪﻯ ﺍﻧﺘﻲ ﺑﻌﺪﺝ ﺻﻐﻴﺮﺓ ﻋﺒﺎﻟﺞ ﺍﻟﻌﺮﺱ ﺑﺲ ﺑﺪﻟﺔ ﺑﻴﻀﺔ ﻭﻣﻮﺳﻴﻘﻰ ﻭﻃﺮﺑﻜﺔ
.. ﻋﻤﻲ ﺩﻏﻮﺣﻲ ﻳﺎ ﺻﻐﻴﻐﺔ ( ﺩﺭﻭﺣﻲ ﻳﺎ ﺻﻐﻴﺮﺓ ) ﻭﺍﻧﺎ ﻏﺎﺡ ﺍﺩﺧﻞ ﺏ ١٨ﺳﻨﺔ ﺯﻳﻦ ﻣﺘﺸﻮﻓﻴﻦ ﻣﻌﺎﻟﻢ ﺟﺴﻤﻲ ﺑﻐﺒﺞ ( ﺑﺮﺑﺞ ) ﺍﺧﺒﻞ ﻟﺘﻜﻮﻟﻴﻦ ﻻ ﺑﺲ ﺷﻮﻳﺔ ﻗﺰﻣﺔ
ﻋﺪﺍ ﻛﻮﻧﻲ ﻗﺰﻣﺔ ﺍﻛﻮ ﺷﻲ ﺑﻴﺔ ﻳﻮﺣﻲ ﺑﺎﻟﻄﻔﻮﻟﺔ
.. ﻫﻬﻬﻬﻬﻬﻬﻬﻬﻪ ﺍﻟﻠﻪ ﻳﻠﻌﻦ ﺑﻠﻴﺴﺞ ﺍﻛﻠﺘﻴﻨﻲ ﺑﻜﺸﻮﺭﻱ
ﻋﻤﻲ ﺍﻧﻲ ﺍﻟﻄﻔﻠﺔ ﻣﻮ ﺍﻧﺘﻲ
ﻳﺎ ﺷﻴﺨﺔ ﻫﺪﻯ ﺑﺲ ﻛﻔﻴﻨﺎ ﺍﻟﺴﺎﻧﺞ ﻫﺴﺔ ﺗﺨﻠﻴﻨﻲ ﺍﺣﺠﻲ ﻟﻮ ﺍﻛﻮﻡ ﻭﺍﻋﻮﻓﺞ
.. ﻻ ﻻ ﻳﺎﻟﻠﻪ ﺍﺣﺠﻲ ﻫﺬﺍ ﻫﻮ ﺳﻜﺘﺖ
.. ﺍﺟﺔ ﻭﺣﺠﺔ ﻭﻳﺎﻱ ﺑﻤﻮﺿﻮﻉ ﺍﻟﺰﻭﺍﺝ ﻭﻛﻠﻲ ﺍﺭﻳﺪ ﺍﺳﻤﻊ ﺭﺩﺝ
ﻭﺍﻧﻲ ﻃﻠﺒﺖ ﻣﻨﻪ ﻳﻨﻄﻴﻨﻲ ﻓﺘﺮﺓ ﺍﻓﻜﺮ ﻭﺍﺭﺩ ﻟﻪ ﺍﻟﺠﻮﺍﺏ ﺑﺲ ﻫﻮ ﺩﻳﻀﻐﻂ ﻋﻠﻴﺔ
ﺑﺎﻻﺗﺼﺎﻝ ﻭﺍﻟﺮﺳﺎﺋﻞ ﻭﻫﺬﺍ ﺍﻟﺤﺎﺣﻪ ﻳﺨﻮﻓﻨﻲ
.. ﻋﻤﻲ ﻣﺎ ﺗﻄﻴﻐﻴﻦ ( ﺗﻄﻴﺮﻳﻦ )
ﻫﻮ ﺍﺣﻨﺔ ﺑﺎﻟﻒ ﻳﺎﻋﻠﻲ ﻣﺤﺼﻠﻴﻦ ﻏﺠﺎﻝ ( ﺭﺟﺎﻝ )
ﻭﺍﻧﺘﻲ ﻛﺎﻋﺪ ﺗﺒﻴﻌﻴﻦ ﺛﻜﻞ ﺑﻐﺎﺳﻲ ( ﺑﺮﺍﺳﻲ )
ﻳﺎﺑﺔ ﺍﻧﻲ ﺍﻛﻠﺞ ﻭﺍﻓﻘﻲ ﻭﺑﻬﺎﻟﻐﻜﺒﺔ . ( ﺍﻟﺮﻛﺒﺔ )
.. ﺷﻨﻮ ﺣﺒﻴﺒﺔ ﺻﺮﺗﻲ ﺍﻡ ﺍﺣﻤﺪ ﺍﻟﺨﻄﺎﺑﺔ ﻭﻛﺎﻋﺪﺓ
ﺗﺘﻮﺳﻄﻴﻦ
.. ﻻ ﻭﻟﺞ ﻣﺎ ﺍﻋﻐﻒ ( ﻣﺎﺍﻋﺮﻑ ) ﻫﺬﺍ ﺍﻟﻮﻟﺪ ﺍﻟﻠﻪ ﺯﻏﻊ ( ﺯﺭﻉ ) ﻣﺤﺒﺘﻪ
ﺑﻜﻠﺒﻲ ﺑﻐﻮﺡ ( ﺑﺮﻭﺡ ) ﺳﻠﻴﻤﺔ ﻭﺍﻧﺘﻲ ﻣﺎ ﻣﺤﻠﻔﺘﻨﻲ
ﺿﺮﺑﺘﻨﻲ ﺑﺎﻟﻤﺨﺪﺓ
.. ﺍﻧﺠﺒﻲ ﻭﻟﺞ ﺍﺷﻮ ﻋﻴﻨﻚ ﻋﻴﻨﻚ ﺗﻜﻮﻟﻴﻦ ﺍﺣﺒﻪ
.. ﻻ ﻭﻟﺞ ﺍﺣﺒﻪ ﻣﺜﻞ ﺍﺧﻮﻱ ﻃﺒﻌﺎ
ﺍﻧﺎ ﻣﺎ ﺍﺣﺐ ﺍﺧﺬ ﺣﺠﺎﻍ ( ﺣﺠﺎﺭ )
ﺍﻧﻲ ﺍﻓﻀﻞ ( ﺍﻟﺒﻘﻼﻭﺍﺕ )
ﻏﺎﺍﺍﺍﺍﺋﺪ ﺍﻏﻮﻭﻭﻭﻭﻭﺡ ( ﺍﺭﻭﺡ )
ﺳﺒﻊ ﻓﺪﻭﺍﺕ ﻷﺳﻤﻪ
ﺗﺪﻏﻴﻦ ( ﺗﺪﺭﻳﻦ ) ﻫﻮ ﺫﺍﻙ ﺍﻟﻴﻮﻡ ﺛﺒﺘﻮﻩ ﺑﺎﻟﻮﻇﻴﻔﺔ
ﻭﻛﺎﻝ ﺑﺲ ﺗﺨﻠﺼﻴﻦ ﺍﻟﺴﺎﺩﺱ ﺍﺩﺯ ﺍﻫﻠﻲ ﻳﺨﻄﺒﻮﻧﺞ
ﻣﻦ ﺍﺑﻮﺝ
.. ﻫﺎ ﻫﺪﻯ ﺗﻠﺘﻘﻴﻦ ﺑﻴﻪ ﻣﻦ ﻭﺭﺍﻱ ﺭﺟﻌﻨﺎ
.. ﻻ ﻭﺍﻟﻠﻪ ﺑﺲ ﻣﻦ ﺑﻌﻴﺪ ﻧﺘﺸﺎﻭﻑ
.....
ﻭﺑﺎﻟﺴﻨﺔ ﺣﺴﻨﺔ ﻳﺼﺪﻑ ﺍﻧﻲ ﺍﺷﺘﻐﻲ ( ﺍﺷﺘﺮﻱ ) ﻣﻦ ﺍﻟﻤﺤﻞ ﺍﻟﻲ ﺑﺼﻒ ﺍﻟﻤﺪﻏﺴﺔ ( ﺍﻟﻤﺪﺭﺳﺔ ) ﻭﻧﻠﺘﻘﻲ
.. ﺍﻫﺎﺍﺍﺍﺍ ﺍﻧﺘﻲ ﻣﺘﺄﻛﺪﺓ ﺑﺎﻟﺼﺪﻓﺔ ﻟﻮ ﻓﻌﻞ ﻓﺎﻋﻞ
.. ﻫﺎﺍﺍ ﻻ ﻣﻮ ﻓﻌﻞ ﻓﺎﻋﻞ ﻭﻻ ﻣﻔﻌﻮﻝ ﺑﻪ ﺑﺲ ﺗﻜﺪﺭﻳﻦ ﺗﻜﻮﻟﻴﻦ ﺟﺎﻍ ﻭﻣﺠﻐﻮﻍ ( ﺟﺎﺭ ﻭﻣﺠﺮﻭﺭ ) ﻭﺍﻟﺼﻔﺔ ﺗﺘﺒﻊ ﺍﻟﻤﻮﺻﻮﻑ ﺗﻤﺸﻲ ﻭﺭﺍﻩ ﻣﺜﻞ ﺍﻻﻋﻤﻰ
ﺷﻨﻮ ﺷﻮﻣﺔ ﻛﻠﺒﺘﻴﻬﺎ ﻋﻠﻴﺔ ﻗﻮﺍﻋﺪ ﻟﻐﺔ ﻋﻐﺒﻴﺔ ( ﻋﺮﺑﻴﺔ )
.. ﻫﻬﻬﻬﻬﻬﻪ ﻋﻤﺔ ﺑﻌﻴﻨﺞ
.. ﻫﺴﺔ ﻣﺎ ﻛﻠﺘﻲ ﻟﻴﺶ ﻣﺘﺄﺧﻐﺔ ( ﻣﺘﺄﺧﺮﺓ ) ﻋﻠﻴﻪ ﺑﺎﻟﺠﻮﺍﺏ
ﺷﻨﻮ ﻣﻨﺘﻈﻐﺔ ( ﻣﻨﺘﻈﺮﺓ )
.. ﻣﺎ ﻣﻨﺘﻈﺮﺓ ﺷﻲ ﺑﺲ ﻋﻨﺪﻱ ﻣﺨﺎﻭﻑ ﺗﻌﻴﻘﻨﻲ
ﺭﺍﺡ ﺗﻜﻮﻟﻴﻦ ﻋﻠﻴﺔ ﻫﺎﻱ ﻭﺍﻟﻠﻪ ﺑﻄﺮﺍﻧﺔ ﻭﻣﺘﻌﺎﻓﻴﺔ
ﺩﺗﺮﻓﺲ ﺍﻟﻨﻌﻤﺔ ﺑﺮﺟﻠﻴﻬﺎ
.. ﻣﻨﻴﻦ ﺧﺎﻳﻔﺔ
.. ﺍﻭﻝ ﺷﻲ ﺧﺎﻳﻔﺔ ﻣﻦ ﻟﻴﺚ
.. ﻟﻴﺶ ﺧﺎﻳﻔﺔ ﻣﻦ ﺣﺠﻎ
.. ﻻﻥ ﻣﺼﺎﺭﻟﻲ ﻫﻮﺍﻱ ﻣﻦ ﺍﺗﻌﺮﻓﺖ ﻋﻠﻴﻪ ﻛﻠﺸﻲ ﻣﺎ ﺍﻋﺮﻑ ﻋﻨﻪ ﻏﻴﺮ ﺑﺲ ﻫﻮ ﺿﺎﺑﻂ ﻭﺑﻌﺾ ﺍﻟﻤﻌﻠﻮﻣﺎﺕ ﺍﻟﻘﻠﻴﻠﺔ ﺍﻟﻲ ﻣﺘﺴﺎﻋﺪ ﺣﺘﻰ ﺍﺗﺨﺬ ﺍﻟﻘﺮﺍﺭ
.. ﺍﻫﻮﻭﻭ ﻫﺎﻱ ﺍﻻﻣﻮﻍ ( ﺍﻻﻣﻮﺭ ) ﻋﺎﺩﻳﺔ ﺗﻐﺔ ( ﺗﺮﺓ ) ﻛﻞ ﺑﻨﻴﺔ ﺗﻔﻜﻎ ( ﺗﻔﻜﺮ ) ﻫﻴﺞ ﻣﺜﻠﺞ ﻭﺗﺘﺨﻮﻑ
.. ﻻ ﺍﻧﻲ ﺍﺧﺘﻠﻒ
ﻻﻥ ﻣﻮﻗﻒ ﻟﻴﺚ ﻭﻳﺔ ﺑﺎﺑﺎ ﺻﺎﺭﺕ ﻫﻮﺍﻱ ﺣﻮﺍﺟﺰ ﺑﻴﻨﻲ ﻭﺑﻴﻨﻪ
.. ﻟﺞ ﺷﻴﻤﺎﺀ ﺍﺷﻚ ﻫﺪﻭﻣﻲ ﻟﻮ ﺍﺧﻨﻜﺞ ﺍﻧﺘﻲ ﺷﻜﺎﻋﺪ ﺗﺤﺠﻴﻦ
ﻟﻴﺶ ﺗﺸﻮﻓﻴﻦ ﺑﺴﺎﻟﻔﺔ ﺑﺎﺑﺎ ﺣﺎﺟﺰ ﺑﻴﻨﺞ ﻭﺑﻴﻨﻪ
.. ﻫﺪﻯ ﺗﺮﺓ ﻫﺬﺍ ﺯﻭﺍﺝ ﻣﻮ ﻟﻌﺒﺔ
ﺍﻧﻲ ﺧﺎﻳﻔﺔ ﻣﻦ ﻫﺬﺍ ﺍﻟﻤﻮﻗﻒ ﺑﺎﻟﺬﺍﺕ ﻻﻥ ﻋﻠﻴﻪ ﺭﺍﺡ ﺗﻨﺒﻨﻲ ﺣﻴﺎﺗﻲ
.. ﻣﺎ ﺍﻓﺘﻬﻤﺖ ﻋﻠﻴﺞ
.. ﺍﻧﻲ ﺍﻛﻠﺞ ﻳﻌﻨﻲ ﺍﺷﻮﻓﻬﺎ ﺻﻌﺒﺔ ﻟﻴﺚ
ﺍﻟﻲ ﺫﺍﻙ ﺍﻟﻴﻮﻡ ﻋﺎﻗﺐ ﺑﺎﺑﺎ
ﻳﺠﻲ ﻳﺘﺰﻭﺟﻨﻲ
ﻣﺎ ﻓﻜﺮﺗﻲ ﺑﺎﺟﺮ ﻋﻜﺒﺔ ﻟﻮ ﺻﺎﺭ ﺑﻴﻨﻲ ﻭﺑﻴﻨﻪ ﻣﺸﺎﻛﻞ
ﻣﻨﻮ ﺭﺍﺡ ﻳﻮﻛﻒ ﺑﻮﺟﻬﻪ ﻟﻮ ﻣﻬﻤﺎ ﻛﺎﻥ ﺍﻟﺒﻨﻴﺔ
ﺗﻈﻞ ﺗﺤﺘﺎﺝ ﺳﻨﺪ ﻣﻦ ﺍﻫﻠﻬﺎ ﺑﺎﻟﺬﺍﺕ ﺍﺑﻮﻫﺎ ﺍﻻﻫﻞ ﺑﺎﻟﻨﺴﺒﺔ ﻟﻠﺒﻨﻴﺔ ﻣﺜﻞ ﺑﻄﺎﻗﺔ ﺍﻻﺋﺘﻤﺎﻥ ﺗﻨﻔﻌﻬﺎ ﺑﻮﻗﺖ ﺍﻟﺸﺪﺓ
ﺯﻳﻦ ﺍﺫﺍ ﺑﺎﺑﺎ ﺑﻜﺒﺮﻩ ﺍﻧﻬﺎﻥ ﻭﺍﻧﻀﺮﺏ ﻋﻠﻰ ﺍﻳﺪ ﺭﺟﻠﻲ
ﺯﻳﻦ ﺑﺬﺍﻙ ﺍﻟﻮﻛﺖ ﻟﻮ ﺟﺎﺭ ﻋﻠﻴﺔ ﺍﻟﺰﻣﻦ ﻻ ﺳﺎﻣﺢ ﺍﻟﻠﻪ ﻭﻟﻴﺚ ﺍﻧﻘﻠﺐ ﻋﻠﻴﺔ ﺍﻧﻲ ﺑﻤﻨﻮ ﺍﺣﺘﻤﻲ ﻭﺑﻴﺎ ﻇﻬﺮ ﺍﺗﺠﻲ ﺍﺫﺍ ﻫﻮ ﺑﻬﺎﻱ ﺳﻮﺍﻳﺘﻪ ﻛﺴﺮ ﻇﻬﺮﻱ
ﺑﻌﺪ ﺷﻠﻮﻥ ﻳﺴﻮﻱ ﺣﺴﺎﺏ ﻭﺯﻥ ﻟﺨﺎﻃﺮ ﺍﺑﻮﻱ ﻭﻫﻮ ﻫﺎﻧﻪ
ﺷﻴﻤﺎﺀ ﺟﺎﻧﺖ ﺗﺤﺠﻲ ﻭﺍﻧﻲ ﻓﺎﺗﺤﺔ ﺣﻠﻜﻲ
ﻣﺘﻌﺠﺒﺔ ﻋﻠﻰ ﺗﻔﻜﻴﺮ ﺷﻴﻤﺎﺀ
ﻫﻮﺍﻱ ﺗﺘﺤﺴﺐ ﻟﻠﺒﻌﻴﺪ ﻭﻣﺎﻋﻨﺪﻫﺎ ﺷﻲ ﺍﺳﻤﻪ ﺍﺣﺒﻚ ﻭﺗﺤﺒﻨﻲ ﻭﻛﻠﺸﻲ ﻳﻬﻮﻥ ﻻﺟﻞ ﺣﺒﻨﺎ
ﺷﻴﻤﺎ ﺗﻔﻜﺮ ﺑﻌﻘﻠﻬﺎ
.. ﻣﺎ ﺍﻋﻐﻒ ( ﻣﺎﺍﻋﺮﻑ ) ﺷﻨﻮ ﺍﻛﻠﺞ ﺣﻴﻐﺘﻴﻨﻲ ( ﺣﻴﺮﺗﻴﻨﻲ ) ﺑﻜﻼﻣﺞ ﻭﺻﻐﺖ ( ﺻﺮﺕ ) ﺍﻋﻴﺪ ﺣﺴﺎﺑﺎﺗﻲ
.. ﻫﺪﻯ ﺍﻧﺘﻲ ﺟﻨﺘﻲ ﺻﻐﻴﺮﺓ ﻭﻣﺘﺘﺬﻛﺮﻳﻦ ﻋﻦ ﺣﻴﺎﺓ ﺑﺎﺑﺎ ﻭﻣﺎﻣﺎ
ﺑﺲ ﺍﻧﻲ ﻛﺒﺮﺕ ﻭﺷﻔﺖ ﺷﻠﻮﻥ ﺍﺑﻮﻱ ﻳﺘﻌﺎﻣﻞ ﻭﻳﺔ ﺍﻣﻲ ﺑﻈﻠﻢ
ﻻﻥ ﻣﺎ ﻋﻨﺪﻫﺎ ﺳﻨﺪ ﻳﻮﻛﻔﻪ ﻋﻨﺪ ﺣﺪﻩ
ﺍﻧﺎ ﻫﺬﺍ ﺍﻟﻲ ﻣﺨﻮﻓﻨﻲ
.. ﻳﻌﻨﻲ ﺷﻨﻮ ﻏﺎﺡ ﺗﻐﻔﻀﻴﻨﻪ ( ﺭﺍﺡ ﺗﺮﻓﻀﻴﻨﻪ )
.. ﻻ ﺍﻧﻲ ﻣﺎ ﻛﻠﺖ ﺭﺍﺡ ﺍﺭﻓﻀﻪ ﺍﻧﻲ ﻛﻠﺖ ﺧﺎﻳﻔﺔ ﻣﻨﻪ
ﺍﺧﺎﻑ ﺍﻭﺍﻓﻖ ﻭﺍﺗﻨﺪﻡ
.. ﻭﺍﻟﻠﻪ ﺣﻴﻐﺘﻴﻨﻲ ( ﺣﻴﺮﺗﻴﻨﻲ ) ﻭﻳﺎﺝ ﻫﺴﺔ ﺷﻨﻮ ﺍﻱ ﻟﻮ ﻻ
.. ﻟﺞ ﻃﺒﻌﺎ ﺍﻭﺍﻓﻖ ﻻﻥ ﺍﻧﻲ ﺍﺣﺒﻪ ﻟﻠﻴﺚ
ﻭﺣﺒﻪ ﻳﺪﻓﻌﻨﻲ ﺍﻭﺍﻓﻖ
.. ﻳﻤﺔ ﺍﻟﻠﻪ ﻳﻄﻤﻨﺞ ﻭﻛﻌﺘﻲ ﻛﻠﺒﻲ
ﺍﻟﻠﻪ ﻳﺴﺎﻋﺪ ﻟﻴﺚ ﻋﻠﻴﺞ ﺷﻠﻮﻥ ﻣﺘﺤﻤﻠﺞ
ﻫﻮ ﻫﺴﺔ ﺍﻧﻲ ﺍﺧﺘﺞ ﻟﻌﺒﺘﻲ ﺑﺎﻋﺼﺎﺑﻲ ﻟﻌﺐ
ﺷﺤﺎﻟﻪ ﻫﻮ ﺍﻟﻠﻪ ﻳﺴﺎﻋﺪﻩ ﻛﺎﻋﺪ ﻳﻨﺘﻈﻎ ( ﻳﻨﺘﻈﺮ ) ﻣﻨﺞ ﺧﺒﻎ ( ﺧﻴﺮ )
.. ﻫﻬﻬﻬﻬﻬﻬﻬﻪ ﻟﺞ ﺣﺘﻰ ﻫﻮ ﻳﻜﻮﻟﻲ ﻟﻌﺒﺘﻲ ﺑﺄﻋﺼﺎﺑﻲ ﻟﻌﺐ
ﺍﻟﻠﻪ ﻳﻠﻌﻨﺞ ﻫﺪﻯ ﺷﻮﻑ ﺑﻴﺶ ﺍﻟﺴﺎﻋﺔ ﺻﺎﺭﺕ ﻭﺍﺣﻨﺎ ﻣﺎ ﻧﺎﻳﻤﻴﻦ
.. ﻋﺪﻧﺎ ﻋﻄﻠﺔ ﺧﻠﻴﻨﺎ ﻧﺴﻬﻎ ( ﻧﺴﻬﺮ ) ﺷﻌﺪﻧﺎ
.. ﻟﺞ ﻧﺎﻣﻲ ﺑﺎﺟﺮ ﻭﺭﺍﻱ ﻛﻌﺪﺓ ﺣﺘﻰ ﺍﺧﺬﻛﻢ ﻭﺍﺷﺘﺮﻳﻠﻲ ﻟﻀﺤﻰ ﻣﻼﺑﺲ ﻭﺍﻧﺘﻲ ﺍﺷﻮﻑ ﺷﻨﻮ ﺍﺷﺘﺮﻳﻠﺞ
ﻃﻔﻴﺖ ﺍﻟﻀﻮﺓ ﻭﺭﺟﻌﺖ ﺍﺗﻤﺪﺩﺕ ﻳﻢ ﺷﻮﻣﺔ ﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﻭﺍﻧﻲ ﺟﺎﻱ ﺍﺗﺨﻴﻞ ﺭﻭﺣﻲ ﺍﺭﻭﺡ ﻟﺤﻔﻠﺔ . ﺍﻟﻌﺮﺱ
ﺍﻭﻝ ﻣﺮﺓ ﺑﺤﻴﺎﺗﻲ ﺭﺍﺡ ﺍﺣﻀﺮ ﻋﺮﺱ ﺑﻘﺎﻋﺔ ﺍﻋﺮﺍﺱ ﻣﺎﻝ ﺑﻨﺎﺕ
ﺍﺗﻤﻨﻰ ﺍﺷﻮﻑ ﺍﻟﺒﻨﺎﺕ ﺷﻨﻮ ﻳﺴﻮﻥ ﻭﺷﺮﺍﺡ ﻳﻠﺒﺴﻮﻥ ﺟﻨﺖ ﻣﻦ ﺍﺳﻤﻊ ﺍﻟﺒﻨﺎﺕ ﻳﺤﺠﻮﻥ ﻋﻦ ﺣﻔﻼﺗﻬﻢ ﺍﻇﻞ
ﺍﺗﺤﺴﺮ ﺑﻴﻨﻲ ﻭﺑﻴﻦ ﻧﻔﺴﻲ ﺍﺗﻤﻨﻰ ﺑﺲ ﺍﺷﻮﻑ ﻫﺎﻱ ﺍﻻﺟﻮﺍﺀ ﺍﻟﻲ ﻳﺴﻮﻟﻔﻮﻥ ﺑﻴﻬﺎ
ﺟﻨﺖ ﺳﺮﺣﺎﻧﺔ ﺑﺎﻻﻋﺮﺍﺱ ﻭﺍﻟﺒﺪﻻﺕ ﻭﺍﻟﺒﻨﺎﺕ
ﻓﺠﺎﺀﺓ ﺍﺗﺬﻛﺮﺕ ﺍﺫﺍ ﺷﻴﻤﺎﺀ ﻋﺮﺳﺖ ﺷﻠﻮﻥ ﺑﻴﺔ
ﻭﺟﺎﻥ ﻳﻮﻛﻊ ﻛﻠﺒﻲ ﺑﻴﻦ ﺭﺟﻠﻴﺔ ﻛﻤﺰﺕ ﻣﻦ ﻣﻜﺎﻧﻲ
ﻣﻔﺰﻭﻋﺔ
.. ﻳﺒﻮﻭﻭﻭﻭ
ﻛﻤﺰﺕ ﺷﻴﻤﺎﺀ ﻭﻳﺎﻱ ﻭﻧﺰﻟﺖ ﺍﻟﻐﻄﺎ ﻣﻦ ﻋﻠﻰ ﺭﺍﺳﻬﺎ ﻭﻛﻌﺪﺕ
.. ﻋﻤﺔ ﺣﺘﻰ ﻋﻤﺔ ﺷﺒﻴﺞ
.. ﻭﻟﺞ ﺷﻮﻣﺔ ﺍﻧﺘﻲ ﺻﺎﻏﻠﺞ ( ﺻﺎﺭﻟﺞ ) ﺳﺎﻋﺔ ﺗﺘﻨﻌﻮﺻﻴﻦ ﻓﻮﻙ ﻏﺎﺳﻲ ( ﺭﺍﺳﻲ )
ﺣﺎﻳﻐﺔ ( ﺣﺎﻳﺮﺓ ) ﺑﻨﺺ ﺍﻟﺪﻏﺐ ﻣﺤﺘﺎﻏﺔ ( ﺍﻟﺪﺭﻱ ﻣﺤﺘﺎﺭﺓ )
ﻣﺘﻌﻐﻔﻴﻦ ( ﻣﺘﻌﺮﻓﻴﻦ ) ﻫﺬﺍ ﺍﻟﻌﺸﻚ ﻭﺍﺳﻐﺎﻏﻪ ( ﺍﺳﺮﺍﺭﻩ )
ﻭﻣﺘﻐﺪﺩﺓ ( ﻣﺘﺮﺩﺩﺓ ) ﺍﻭﺍﻓﻖ ﻋﻠﻰ ﻟﻴﺚ ﻟﻮ ﻻ
ﺑﺲ ﺍﻧﺘﻲ ﻧﺴﻴﺘﻲ ﺍﻫﻢ ﻧﻘﻄﺔ
.. ﺷﻨﻮ ﻫﻲ
.. ﻭﻟﺞ ﻭﺍﺑﻮﻭﻭﻭﻭﻭﻭﻭﻭﻭﺝ ﺷﻠﻮﻥ ﺑﻴﺞ .. ﺷﻠﻮﻥ ﻳﻮﺍﻓﻖ
.......
ﺷﻤﺎﺀ ﺳﻜﺘﺖ ﺳﻨﻄﺔ
ﺟﺎﻧﺖ ﺍﻟﻐﺮﻓﺔ ﻇﻠﻤﺔ ﻣﺎ ﻛﺪﺭﺕ ﺍﺷﻮﻑ ﻭﺟﻬﺎ ﺣﺘﻰ ﺍﻋﺮﻑ ﺑﺸﻨﻮ ﺗﻔﻜﺮ .. ﺧﺮﺏ ﻳﻮﻣﺞ ﻫﺪﻯ ﻣﻨﻴﻦ ﻃﻠﻌﺘﻴﻠﻲ ﻋﻠﻰ ﺍﻻﺳﺎﺱ ﺍﻧﻲ ﻧﺎﻗﺼﺔ ﻭﺍﻧﺘﻲ ﺟﻤﻠﺘﻴﻨﻲ
ﺩﻧﺎﻣﻲ ﻧﺎﻣﻲ ﻭﺍﻟﻠﻪ ﻛﺮﻳﻢ ﺭﺑﺞ ﻳﺤﻠﻬﺎ
..........................
ﻣﺮﺕ ﺍﻻﻳﺎﻡ ﻭﻣﺎ ﺑﻘﺔ ﺷﻲ ﻋﻠﻰ ﻋﺮﺱ ﺍﺧﺖ ﻫﺎﻟﺔ
ﻭﺣﻀﺮﻧﺎ ﺍﻟﻔﺴﺎﺗﻴﻦ ﺑﺲ ﺧﻼﻝ ﻫﺎﻱ ﺍﻟﻔﺘﺮﺓ
ﺍﺗﻘﺪﻣﻮﺍ ﺛﻨﻴﻦ ﻋﺮﺳﺎﻥ ﻟﻀﺤﻰ ﻭﻫﻲ ﺭﻓﻀﺘﻬﻢ ﻛﺎﻟﻌﺎﺩﺓ ﻭﺑﺎﺑﺎ ﻳﻜﻮﻝ ﻣﺎ ﺑﻴﻬﻢ ﺧﻴﺮ ﺧﻠﻲ ﻳﻮﻟﻮﻥ
ﻭﺑﻴﺒﻲ ﺳﻠﻴﻤﺔ ﻃﻠﻌﺖ ﺍﺷﺎﻋﺔ ﻋﻠﻰ ﺿﺤﻰ
ﻭﻛﺎﻣﺖ ﺗﺤﺠﻲ ﻳﻢ ﺭﺍﺱ ﺑﺎﺑﺎ
ﺗﻜﻠﻪ .. ﺷﻌﻨﺪﻫﺎ ﺑﻨﺘﻚ ﺗﺮﻓﺾ ﺍﻟﻌﺮﺳﺎﻥ ﺑﺲ ﻻ ﻋﺎﺷﻜﺘﻠﻬﺎ ﻭﺍﺣﺪ
ﺷﻴﻤﺎﺀ .. ﺑﻴﺒﻲ ﻋﻴﺐ ﺷﻠﺞ ﺑﻬﺬﺍ ﺍﻟﺤﺠﻲ
ﺍﻟﻤﻜﺮﻭﺩﺓ ﻻ ﻃﺎﻟﻌﺔ ﻭﻻ ﻣﺎﺷﻴﺔ ﻭﻳﻦ ﺗﻠﻜﺎﻩ ﻭﺗﺤﺒﻪ ﻫﺬﺍ ﺍﻟﻮﺍﺣﺪ
ﺑﺎﺑﺎ ﻛﺎﻝ .. ﻳﻤﺔ ﻋﻮﻓﺞ ﻣﻨﻬﺎ ﻭﺧﻠﻴﻬﺎ ﻋﻠﻴﺔ ﺍﻧﻲ ﺍﻋﺮﻑ ﺑﻤﺼﻠﺤﺘﻬﻢ
ﺩﺍﺭ ﻭﺟﻬﻪ ﻋﻠﻰ ﺷﻴﻤﺎﺀ .. ﺍﻛﻮﻝ ﺷﻴﻤﺎﺀ ﻣﺎﻋﻨﺪﺝ ﺟﻮﺓ ﺍﻳﺪﺝ ﻛﻢ ﻓﻠﺲ ﺗﺪﺍﻳﻨﻴﻨﻲ
ﻣﻨﺎ ﻋﻠﻤﺎ ﺍﻗﺒﺾ ﺭﺍﺗﺒﻲ ﺍﻧﻄﻴﺞ
.. ﺑﺎﺑﺎ ﺑﺲ ﺍﺭﻳﺪ ﺍﻋﺮﻑ ﺍﻧﺖ ﻭﻳﻦ ﺗﻮﺩﻱ ﺭﺍﺗﺒﻚ
ﺍﺷﻮ ﻣﺘﺼﺮﻑ ﻋﺎﻟﺒﻴﺖ
.. ﺍﻫﻮﻭﻭﻭ ﻛﻌﺪﺕ ﺗﺤﻘﻖ ﻭﻳﺎﻱ ﻫﺴﺔ ﻛﻮﻟﻲ ﻋﻨﺪﺝ ﺟﻮﺓ ﺍﻳﺪﺝ ﻓﻠﻮﺱ ﺍﻱ ﻟﻮﻻ ؟؟
.. ﻻ ﻣﺎ ﻋﻨﺪﻱ ﺧﻠﺼﺖ ﺑﻘﺔ ﺑﺲ ﺷﻮﻳﺔ ﻳﺎﺩﻭﺏ ﻳﻮﺻﻠﻮﻧﻲ ﻟﻨﻬﺎﻳﺔ ﺍﻟﺸﻬﺮ ﻣﺼﺮﻑ ﻟﻠﺒﻴﺖ
.. ﺷﻮﻛﺖ ﻣﺎ ﺍﺟﻴﺞ ﺗﺒﺠﻴﻦ ﺑﻮﺟﻪ ﺍﻟﻠﻪ
ﻫﺪﻯ
ﺍﻣﺎ ﻫﺎﻱ ﺷﻬﺪ ﺻﺪﻳﻘﺔ ﺿﺤﻰ ﻛﻠﺶ ﺻﺪﻙ ﻣﺼﺨﺘﻬﺎ
ﺻﺎﺭﺕ ﺗﺠﻲ ﻣﻦ ﺍﻟﺼﺒﺢ ﺗﻄﻠﻊ ﺑﺎﻟﻠﻴﻞ
ﻛﻠﻪ ﻭﻳﺔ ﺿﺤﻰ ﺳﻮﺍﻟﻒ ﻭﺿﺤﻚ ﻭﻧﻮﺏ ﻋﻨﺪﻫﺎ
ﻧﻘﺎﻝ ﺣﺪﻳﺚ ﻣﺎ ﺑﻲ ﺩﻛﻢ ﻣﺎ ﺍﻋﺮﻑ ﺷﻠﻮﻥ ﺗﺘﺤﻜﻢ ﺑﻲ
ﻭﺿﺤﻰ ﺩﺍﻳﺨﺔ ﺑﺎﻻﺷﻴﺎﺀ ﺍﻟﻲ ﺗﺮﺍﻭﻳﻬﺎ ﺷﻬﺪ
ﻭﻣﺮﺓ ﺍﻟﻔﻀﻮﻝ ﺍﻟﻬﺪﺍﻭﻱ ﺧﻼﻧﻲ ﺍﺑﺎﻭﻉ ﺷﻨﻮ ﻳﺒﺎﻭﻋﻮﻥ
ﻭﺍﻟﻠﻪ ﻭﻟﺠﺤﺘﻬﺎ ﺗﺮﺍﻭﻳﻬﺎ ﺻﻮﺭ ﺍﺧﻮﻫﺎ ﻭﻓﺪﻳﻮﻫﺎﺕ
ﻫﻮ ﻟﻼﻣﺎﻧﺔ ﻛﻠﺶ ﺣﻠﻮ ﻭﻣﺒﻴﻦ ﻋﻤﺮﻩ ﺑﺎﻝ٣٧ﻫﺸﻜﻞ
ﺟﺒﻴﺮﺓ ﻋﻠﻰ ﺿﺤﻰ ﻭﻫﻲ ﻫﺴﺔ ﻋﻤﺮﻫﺎ ﻳﺎﻟﻠﻪ ١٩ﺳﻨﺔ
ﻭﺍﺧﺘﻲ ﺿﺤﻰ ﺗﺒﺎﻭﻉ ﻋﻠﻴﻪ ﺑﺼﻔﻨﺔ
ﻭﻛﻠﺘﻠﻬﺎ ﺍﻟﻠﻪ ﻳﺤﻔﻈﻪ ﺍﻟﻜﻢ
ﺷﻬﺪ .. ﺍﻣﻴﻦ ﻳﺎﺭﺏ
ﺍﻱ ﺻﺪﻙ ﻫﻮ ﻫﺴﺔ ﻣﺴﺎﻓﺮ ﻟﺘﺮﻛﻴﺎ ﺑﺸﻐﻞ ﻛﻠﻲ ﺳﺄﻟﻴﻬﺎ ﺷﻨﻮ ﺗﺮﻳﺪ ﺍﺟﻴﺒﻠﻬﺎ ﻭﻳﺎﻱ ﻫﺪﻳﺔ
ﺑﺎﻭﻋﺖ ﻟﻀﺤﻰ ﺍﺭﺗﺒﻜﺖ
.. ﻻ ﺷﻜﺮﺍ ﻣﺎﻝ ﺷﻨﻮ ﻳﺠﻴﺒﻠﻲ ﻫﺪﻳﺔ
.. ﻟﺞ ﺷﺒﻴﺞ ﻫﻮ ﻣﺘﻌﻮﺩ ﻛﻠﻤﺎ ﻳﺴﺎﻓﺮ ﻳﺠﻴﺒﻠﻨﺎ ﻫﺪﺍﻳﺎ ﺍﻧﻲ ﻭﺧﻮﺍﺗﻲ
ﺩﺧﻠﺖ ﻋﻠﻴﻬﻢ . ﻭﺍﻧﻲ ﺿﺎﻳﺠﺔ ﻣﻦ ﺷﻬﺪ ﻣﺎ ﺍﻋﺮﻑ ﻟﻴﺶ ﻣﺎ ﺍﺣﺒﻬﺎ
.. ﺿﺤﻰ ﺑﻴﺒﻲ ﺗﻐﻴﺪﺝ ﺗﻜﻮﻝ ﻋﺪﻧﺎ ﺷﻐﻞ ﻫﻢ ﻳﺎﻟﻠﻪ ﺗﻜﻮﻡ
ﻭﺍﻟﻈﺎﻫﺮ ﺷﻬﺪ ﺗﺒﺎﺩﻟﻨﻲ ﻧﻔﺲ ﺍﻟﺸﻌﻮﺭ ﻫﻢ ﺗﻀﻮﺝ ﻣﻨﻲ
ﺑﺎﻭﻋﺘﻠﻲ ﺑﻨﻈﺮﺓ ﻭﺣﺪﻩ ﺿﺎﻳﺠﺔ ﻭﻧﻔﺨﺖ ﻭﻛﺎﻟﺖ ﻟﻀﺤﻰ
_ ﻳﻠﻪ ﺣﺒﻴﺒﺘﻲ ﺿﺤﺎﻭﻱ ﺍﻧﻲ ﺭﺍﻳﺤﺔ .. ﺑﺎﻱ
ﻳﻮﻡ ﺛﺎﻧﻲ ﺍﻟﺼﺒﺢ
ﺍﻟﻴﻮﻡ ﻧﺮﻭﺡ ﻟﻠﻌﺮﺱ
ﻛﻌﺪﺕ ﻣﻦ ﺍﻟﻨﻮﻡ ﻭﺍﻟﺸﻌﺮ ﻣﻨﻜﻮﺵ ﺍﺗﺜﺎﻭﺑﺖ ﻭﺍﺗﻤﻐﻄﺖ ﻭﺣﻜﻴﺖ ﺭﺍﺳﻲ ﻭ ﺑﺎﻭﻋﺖ ﻋﻠﻰ ﺧﻮﺍﺗﻲ ﺷﻔﺘﻬﻢ ﻧﺎﻳﻤﺎﺕ
ﻛﻤﺖ ﻣﻦ ﻣﻜﺎﻧﻲ ﻭﻟﻤﻴﺖ ﺷﻌﺮﻱ ﻭﺍﻧﻲ ﻛﻠﻲ ﻧﺸﺎﻁ ﻣﺘﺤﻤﺴﺔ
ﺭﺣﺖ ﻏﺴﻠﺖ ﻭﺍﺗﻮﺿﻴﺖ ﻭ ﺻﻠﻴﺖ
ﺩﺧﻠﺖ ﻋﺎﻟﻤﻄﺒﺦ ﻭﺷﺒﻴﻚ ﻳﺎﻣﻄﺒﺦ ﻃﻠﻌﺖ ﺍﻟﻘﻮﺭﻱ ﻭﺣﻄﻴﺘﻪ ﻋﺎﻟﻨﺎﺭ ﻭﺳﻮﻳﺖ ﺭﻳﻮﻙ ﺍﻧﺘﺒﻬﺖ ﻟﺒﺎﺑﺎ ﻣﺎ ﻣﻮﺟﻮﺩ ﺑﺎﻟﺒﻴﺖ
ﻭﺳﻠﻴﻤﺔ ﻛﺎﻟﻌﺎﺩﺓ ﺗﻜﻌﺪ ﻣﻦ ﺍﻟﻐﺒﺸﺔ ﺗﺴﻴﺮ ﻋﻠﻰ ﺍﻟﻤﻜﺮﻭﺩﺍﺕ ﺻﺎﺣﺒﺎﺗﻬﺎ
ﺭﺣﺖ ﻟﻠﻐﺮﻓﺔ ﻭﻓﺘﺤﺖ ﺍﻟﺒﺎﺏ ﺑﻘﻮﺓ ﻭﺣﺠﻴﺖ ﺑﺼﻮﺕ ﻋﺎﻟﻲ
.. ﻳﺎﻟﻠﻪ ﺑﻨﺎﺕ ﻛﻌﺪﻭﺍ ﺍﺗﻐﻴﻜﻮﺍ ( ﺗﺮﻳﻜﻮﺍ ) ﻫﻢ ﻳﺎﻟﻠﻪ ﺗﻜﻌﺪﻭﻥ ﻭﻏﺎﻧﺎ
ﻋﻐﺲ ( ﻭﺭﺍﻧﺎ ﻋﺮﺱ )
ﻭﻛﻌﺪﺕ ﺍﻃﺒﻞ ﻋﺎﻟﺒﺎﺏ ﻋﺒﺎﻟﻚ ﺍﺑﻮﻱ ﻣﻌﺮﺱ
.. ﻳﻤﺔ ﻛﻐﺼﺘﻨﻲ ﻋﻜﻐﺮﺑﺔ ( ﻳﻤﺔ ﻛﺮﺻﺘﻨﻲ ﻋﻜﺮﺑﺔ )
ﻳﺎﻳﻤﺔ ﻟﻮ ﺷﻔﺘﻴﻬﺎ ﺳﺒﺤﺎﻥ ﺍﻟﻤﺴﻮﻭﻭﻭﻭﻭﻭﻳﻬﺎ
ﺍﺍﺍﺍﺍﺍﺍﺥ
ﺍﺟﺘﻨﻲ ﻣﺨﺪﺓ ﻃﺎﻳﺮﺓ ﻣﻦ ﺿﺤﻰ ﻟﻜﻔﺘﻬﺎ ﻗﺒﻞ ﻻ ﺗﻀﺮﺑﻨﻲ
.....
ﻛﻮﻣﻲ ﺍﻟﻌﻮﺑﺔ . ﻣﺎ ﺗﻨﻼﻡ ﺑﻴﺞ ﺳﻠﻴﻤﺔ ﺧﺎﻧﻢ ﻣﻦ ﺗﻜﻮﻝ ﻋﻠﻴﺞ ﺍﻛﻞ ﻭﻧﻮﻡ
ﺿﺤﻰ ﺑﺼﻮﺕ ﺧﺸﻦ ﻣﻦ ﺍﺛﺮ ﺍﻟﻨﻮﻡ
.. ﺷﻜﻮ ﻣﻦ ﺍﻟﺼﺒﺢ ﻣﻜﻌﺪﺗﻨﺎ ﺷﻌﻨﺪﺝ
ﺷﻴﻤﺎﺀ ﺗﻀﺤﻚ .. ﻭﺭﺍﻫﺎ ﻋﺮﺱ ﺍﻟﻤﺨﺒﻠﺔ
.. ﻫﻼ ﻭﻫﻼ ﻭﻫﻼ ﺍﻟﻴﻮﻡ ﺍﻏﻜﺺ ( ﺍﺭﻛﺺ ) ﺑﺎﻟﻌﻐﺲ ( ﺑﺎﻟﻌﺮﺱ )
ﺗﻠﻜﻮﻧﻲ ﺑﺎﻟﻨﺺ ﺍﺫﺏ ﻟﺤﻢ ﻣﻦ ﺍﻟﻐﻜﺺ
ﻭﺍﺧﻠﻲ ﺍﻟﻨﺎﺱ ﻛﻠﻬﺎ ﻣﺼﻔﺼﻔﺔ ﻣﺤﺘﺎﻏﻴﻦ ( ﻣﺤﺘﺎﺭﻳﻦ ) ﻳﻜﻮﻟﻮﻥ ﻫﺎﻱ ﻣﻨﻮ
ﺷﺘﺼﻴﻊ ﻟﻠﻌﻐﻮﺱ ( ﺷﺘﺼﻴﺮ ﻟﻠﻌﺮﻭﺱ )
ﺗﺎﻟﻲ ﺍﻟﻔﻀﻮﻝ ﻳﻜﺘﻠﻬﻢ ﻭﻳﺠﻮﻥ ﻳﺴﺄﻟﻮﻧﻲ ﻭﺍﻧﻲ ﺍﻏﻜﺺ ﺍﻫﺰ ﺑﻜﺘﺎﻓﻲ ﻭﻏﺎﺳﻲ ﻣﻨﺪﻣﺠﺔ
.. ﻳﺎﺑﺔ ﺍﻧﺘﻲ
ﺑﻨﺖ ﻋﻢ ﺍﻟﻌﻐﻴﺲ ( ﺍﻟﻌﺮﻳﺲ ) ؟؟ .. ﻻ ﻋﻴﻨﻲ ﻻ
ﺑﻨﺖ ﻋﻢ ﺍﻟﻌﻐﻮﺱ؟؟ .. ﻻ ﻋﻴﻨﻲ ﻻ
ﻭﺍﻧﻲ ﺍﺻﻴﺢ .. ﺩﻭﻙ ﻋﻴﻨﻲ .. ﺩﻭﻭﻭﻭﻭﻭﻙ
ﺗﺎﻟﻲ ﺍﻃﻠﻊ ﺑﻨﺖ ﻋﻢ ﺍﻟﺨﻴﺎﻁ ﺍﻟﻲ ﺧﻴﻂ ﺑﺪﻟﺔ ﺍﻟﻌﻐﺲ ( ﺍﻟﻌﺮﺱ )
ﺿﺤﻰ .. ﻫﻬﻬﻬﻬﻬﻬﻬﻬﻬﻪ ﺍﻟﻠﻪ ﻳﻠﻌﻨﺞ ﺍﺥ ﺑﻄﻨﻲ ﺧﺮﺏ ﻳﻮﻣﺞ ﻭﺍﻟﻠﻪ ﺩﺍ ﺍﺗﺨﻴﻞ ﺷﻜﻠﺞ ﻳﻠﻌﻦ ﺍﺑﻮ ﺷﻜﻠﺞ ﻗﺰﻣﺔ ﻭﺗﻄﻔﺮ ﺑﻴﻦ ﺍﻟﻨﺴﻮﺍﻥ ﻭﺗﻐﻮﻏﻮﻳﻦ ﻓﻮﻛﺎﻫﺎ ﻫﻬﻬﻬﻬﻬﻪ
ﺷﻴﻤﺎﺀ .. ﻭﺍﻟﻠﻪ ﺍﺷﻚ ﺣﻠﻜﻬﺎ ﺍﺫﺍ ﺍﺷﻮﻓﻬﺎ ﺗﺮﻛﺺ
.. ﺷﻮﻣﺔ ﻋﻮﺩ ﻫﺎﻱ ﺍﺫﺍ ﻛﺪﺭﻏﺘﻲ ( ﻛﺪﺭﺗﻲ ) ﺗﻠﺰﻣﻴﻨﻲ
.. ﻫﺪﻯ ﺍﻧﺠﺒﻲ ﻭﺍﻟﻠﻪ ﺍﻃﻴﺢ ﺣﻈﺞ ﺍﺫﺍ ﺍﺳﻤﻊ ﺑﻴﺞ ﺭﺍﻛﺼﺔ ﻣﻮ ﻋﺒﺎﻟﺞ ﺑﻌﺮﺱ ﻭﻣﺎ ﺍﻛﺪﺭ ﺍﺻﻴﺢ ﻋﻠﻴﺞ
ﺿﺤﻰ .. ﻫﻬﻬﻬﻬﻬﻬﻪ ﺷﻴﻤﺎﺀ ﺗﺘﺬﻛﺮﻳﻦ ﺑﻴﻮﻡ ﻋﺮﺳﻮﺍ ﺑﻴﺖ ﺟﻮﺍﺭﻳﻨﺎ ﺑﻴﺖ ﺍﺑﻮ ﻗﺘﻴﺒﺔ ﺑﺎﻟﻤﻨﻄﻘﺔ ﻭﺣﻄﻮ ﻛﺮﺍﺳﻲ ﺑﺎﻟﺸﺎﺭﻉ ﻭﺟﺎﺑﻮ ﻣﻄﺮﺏ
.. ﺍﻱ ﺷﻠﻮﻥ ﻣﺎ ﺍﺗﺬﻛﺮ ﺣﺘﻰ ﺑﻴﻮﻣﻬﺎ ﺍﻣﻲ ﺟﺎﻧﺖ ﺭﺍﻳﺤﺔ ﻋﻨﺪﻫﻢ ﻭﺑﻌﺪﻫﺎ ﺧﻄﻴﺔ ﺍﺟﺘﻲ ﻣﻔﺰﻭﻋﺔ ﺗﺪﻭﺭ ﻋﻠﻰ ﻫﺪﻯ ﺗﻜﻮﻝ ﺍﺧﺘﻜﻢ ﺿﺎﻋﺖ
.. ﻫﻬﻬﻬﻬﻬﻬﻪ ﺧﺮﺏ ﺧﻠﺘﻨﺎ ﻛﻠﻨﺎ ﻧﻄﻠﻊ ﻧﺪﻭﺭ ﻋﻠﻴﻬﺎ
ﻳﺎﻧﺎﺱ ﻳﺎﻋﺎﻟﻢ ﺍﺧﺘﻨﺎ ﻫﺪﻯ ﻇﺎﻋﺖ
ﺍﺗﺬﻛﺮ ﺧﻠﻴﻨﺎ ﺍﻟﻜﻞ ﻳﺪﻭﺭ ﻭﻳﺎﻧﺎ
ﺧﻄﻴﺔ ﻣﺮﻭﺓ ﻟﺰﻣﺖ ﻭﺍﺣﺪ ﻣﻦ ﺍﻟﺠﻬﺎﻝ
ﻭﻛﻌﺪﺕ ﺗﻮﺻﻔﻠﻪ ﺷﻜﻞ ﻫﺪﻯ
ﺗﻜﻠﻪ .. ﻣﺎ ﺷﺎﻳﻒ ﺑﻨﻴﺔ ﺻﻐﻴﺮﺓ ﻗﺰﻭﻣﺔ ﺟﻨﻬﺎ ﻓﻠﻢ ﺍﻟﻠﻌﺒﺔ
ﻋﻬﻬﻬﻬﻬﻬﻪ ﺧﺮﻋﺖ ﺍﻟﻮﻟﺪ
ﺍﻟﻮﻟﺪ .. ﻫﺎﻱ ﺍﻟﻲ ﻋﻴﻮﻧﻬﺎ ﺳﻮﺩ ﻛﺒﺎﺭ ﻭﻓﺎﺗﺤﺔ ﺷﻌﺮﻫﺎ ﻃﻮﻳﻞ ﺍﻃﻮﻝ ﻣﻨﻬﺎ
ﻣﺮﻭﺓ .. ﻋﻤﺔ ﺑﻌﻴﻨﻪ ﻫﺬﺍ ﻛﺎﺹ ﻫﺪﻳﻮﺓ ﻛﺺ
ﻛﻠﺘﻠﻪ .. ﺍﻱ ﻋﻔﻴﺔ ﻫﻲ
ﻛﺎﻝ .. ﺭﻭﺣﻲ ﺗﻠﻜﻴﻬﺎ ﻫﻨﺎﻙ ﺩﺗﺮﻛﺺ ﺑﺎﻟﻨﺺ
ﻭﺍﺷﺮ ﻋﻠﻰ ﻣﻜﺎﻥ ﺍﻟﻌﺮﺱ
ﺭﺍﺣﺖ ﻣﺮﻭﺓ ﺭﻛﺾ ﻻﻣﻲ ﻭﺷﻴﻤﺎﺀ
.. ﻫﺎ ﺑﺸﺮﻭ ﻟﻜﻴﺘﻮﻫﺎ
ﻣﺮﻭﺓ .. ﻳﻤﺔ ﻟﺤﻜﻲ ﺑﺘﺞ ﺍﻧﻜﻠﺒﺖ ﻓﻴﻔﻲ ﻋﺒﺪﺓ ﻭﺭﺍﺡ ﺗﺠﻴﺒﻠﻨﺎ ﺍﻟﻌﺎﺭ
ﻭﺟﺎﻥ ﺍﻣﻲ ﺗﺮﻭﺡ ﺗﺪﺧﻞ ﻳﻢ ﺍﻟﻨﺎﺱ ﺑﻨﺺ ﺍﻟﻌﺮﺱ ﺗﺪﻭﺭ ﻋﻠﻴﻬﺎ
ﻭﻣﺎ ﻧﺸﻮﻑ ﺍﻻ ﻧﺎﺱ ﻣﺘﺠﻤﻬﺮﻳﻦ
ﻭﺧﺮﺑﺎﻧﻴﻦ ﺿﺤﻚ ﻋﻠﻰ ﺷﻨﻮ ﻣﺎ ﻧﻌﺮﻑ
ﺍﻣﻲ ﻛﻠﺘﻠﻲ ﺭﻭﺣﻲ ﺩﺧﻠﻲ ﺍﺳﺘﺤﻲ ﺍﻓﻮﺕ ﺑﻴﻦ ﺍﻟﺮﻳﺎﺟﻴﻞ ﺭﺣﺖ ﺍﺗﻮﻏﻠﺖ ﺑﻴﻨﻬﻢ ﻭﺍﻧﺤﺸﺮﺕ ﺑﺎﻻﺯﺩﺣﺎﻡ
ﺍﺭﻳﺪ ﺍﺷﻮﻑ ﺷﻜﻮ
ﻭﺍﻟﻠﻪ ﻭﻭﺻﻠﺖ ﻭﻣﺎ ﺍﺷﻮﻓﻠﻜﻢ ﺍﻻ ﻭﺍﺧﺘﻲ ﻫﺪﻯ
ﻣﺤﺘﻠﺔ ﺍﻟﺴﺎﺣﺔ ﻭﻛﺎﻋﺪﺓ ﺗﺮﻛﺺ
( ﺭﻗﺼﻨﻲ ﻳﺎﮔﺪﻉ )
ﻋﻤﺔ ﺑﻌﻴﻨﻬﺎ ﻣﻮ ﻋﺒﺎﻟﻚ ﻫﺎﻱ ﺍﻟﻔﺼﻤﺔ
ﺑﺤﻴﺚ ﺍﻟﺤﻠﻮﻙ ﻛﻠﻬﺎ ﻣﻔﺘﺤﺔ ﻋﻠﻴﻬﺎ ﺷﻠﻮﻥ ﻭﺣﺪﺓ ﺑﻬﻴﺞ ﻋﻤﺮ ﺗﻌﺮﻑ ﺗﺮﻛﺺ ﻫﺸﻜﻞ ﺟﺎﻥ ﻋﻤﺮﺝ ﺗﻘﺮﻳﺒﺎ ﺧﻤﺲ ﺳﻨﻮﺍﺕ ﻟﻮ ﺍﺭﺑﻌﺔ
ﻭﺍﻧﺎ ﻣﻦ ﺷﻔﺘﻬﺎ ﺗﺮﻛﺺ ﻓﺪ . ﻓﺮﺣﺖ
ﺑﺲ ﻫﺎ ﻓﺮﺣﺘﻲ ﻣﻮ ﻻﻥ ﻋﺜﺮﺕ ﻋﻠﻰ ﺍﺧﺘﻲ ﺍﻟﻀﺎﻳﻌﺔ ﻻ
ﻓﺮﺣﺘﻲ ﺟﺎﻧﺖ ﻋﻠﻤﻮﺩ ﺍﺧﺘﻲ ﺻﺎﺭﺕ ﺻﺎﻳﻌﺔ
ﺭﺣﺖ ﺭﻛﻀﺖ ﻋﻠﻴﻬﺎ ﺑﻨﺺ ﺍﻟﺴﺎﺣﺔ ﻭﺍﻧﺎ ﻣﻔﺘﺨﺮﺓ ﻭﺍﻛﻠﻠﻬﻢ ﻫﺎﻱ ﺍﺧﺘﻲ ﻭﺍﻧﺎ ﺍﺧﺘﻬﺎ ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻟﺰﻣﺘﻬﺎ ﻣﻦ ﺍﻳﺪﻫﺎ ﺍﺟﺮﻫﺎ ﺍﺭﻳﺪ ﺍﺧﺬﻫﺎ ﻻﻣﻲ
ﺍﺷﻮ ﻫﺎﻱ ﺫﺑﻲ ﺭﻭﺣﺞ ﺑﺎﻟﻜﺎﻉ ﺗﺮﻳﺪ ﺗﻜﻤﻞ ﺭﻛﺺ ﻣﺎ ﺗﻘﺒﻞ ﺗﺠﻲ ﻭﻳﺎﻱ ﻭﺍﻟﻠﻪ ﻭﺗﺎﻟﻲ ﻃﻠﻌﺘﻬﺎ ﺑﺎﻟﻜﻮﺓ
ﺟﺮﻳﺘﻬﺎ ﺳﺤﻞ ﻣﻦ ﻧﺺ ﺍﻟﻌﺮﺱ ﻭﻭﺩﻳﺘﻬﺎ ﻻﻣﻲ
ﻭﺍﺳﻤﻊ ﺍﻟﻨﺎﺱ ﺗﻜﻠﻲ ﻋﻮﻓﻴﻬﺎ ﺧﻄﻴﺔ
ﻭﺍﻧﺎ ﺍﺟﺎﻭﺑﻬﻢ ﺧﻠﻲ ﺗﻮﻟﻲ ﺍﺧﺖ ﺍﻟﻤﻄﻴﺔ
ﺟﻨﺖ ﺑﻮﻛﺘﻬﺎ ﺣﺎﻓﻈﺔ ﻫﺎﻱ ﺍﻟﻜﻠﻤﺘﻴﻦ
ﻣﺎﻝ ﻳﺎﺧﻄﻴﺔ ﻭﺍﺧﺖ ﺍﻟﻤﻄﻴﺔ
ﺑﻮﻛﺘﻬﺎ ﻣﺎ ﺍﺩﺭﻱ ﺑﺮﻭﺣﻲ ﺟﻨﺖ ﺍﻏﻠﻂ ﻋﻠﻰ ﻧﻔﺴﻲ ﻃﻠﻌﺖ ﺍﻧﺎ ﺍﻟﻤﻄﻴﺔ ﻭﺍﻟﻠﻪ ﺟﻨﺖ ﻋﻠﻰ ﻧﻴﺘﻲ
ﻭﻫﺪﻯ ﺍﻟﺨﻄﻴﺔ ﻭﻛﻊ ﻣﻨﻬﺎ ﻃﻮﻗﻬﺎ ﻣﺎﻝ ﺷﻌﺮﻫﺎ ﻣﻦ ﻛﺪﻣﺎ ﻧﺎﻓﺤﺔ ﺑﺸﻌﺮﻫﺎ ﺑﻨﺖ ﺍﻟﻠﺬﻳﻦ ﻣﺼﺪﻛﺔ ﺭﻭﺣﻬﺎ
ﺍﻟﺮﺍﻗﺼﺔ ﻣﻼﻳﻴﻦ
......
ﺑﻴﻮﻣﻬﺎ ﻭﺩﻳﺘﺞ ﻻﻣﻲ ﻭﻛﺎﻣﺖ ﺗﺤﺠﻲ ﻋﻠﻴﺞ
ﻭﻣﻦ ﻋﻬﺪﻫﺎ ﺍﻣﻲ ﺗﺨﺎﻑ ﻋﻠﻴﺞ ﻣﻦ ﺍﻟﻌﻴﻦ
ﻻﻥ ﺟﻨﺘﻲ ﻣﺘﻤﻴﺰﺓ ﺑﺨﺼﻠﺘﻴﻦ ﺗﻠﻔﺖ ﺍﻻﻧﺘﺒﺎﻩ
ﺷﻌﺮﺝ ﺍﻃﻮﻝ ﻣﻨﺞ ﻭﺍﻟﺒﺆﺑﺆ ﻣﺎﻝ ﻋﻴﻮﻧﺞ ﻛﻠﺶ ﺟﺒﻴﺮ ﻳﻠﻔﺖ ﺍﻻﻧﺘﺒﺎﻩ
ﻫﺪﻯ .. ﻳﻤﺔ ﻓﺪﻳﺘﻨﻲ ﺍﺧﺒﻞ
ﺿﺤﻰ .. ﺷﻮﻑ ﻫﺎﻱ ﻣﺼﺪﻛﺔ ﺭﻭﺣﻬﺎ ﺗﺮﺓ ﺍﻟﺸﺎﺫﻱ ﺑﻌﻴﻦ ﺍﻣﻪ ﻏﺰﺍﻝ
ﺻﺤﻴﺢ ﺟﺎﻥ ﺷﻌﺮﺝ ﺍﻃﻮﻝ ﻣﻨﺞ
ﺑﺲ ﺍﺷﻮ ﻫﺴﺔ ﻛﺒﺮﺗﻲ ﺻﺎﺭ ﺣﺘﻰ ﻟﺴﺎﻧﺞ ﺍﻃﻮﻝ ﻣﻨﺞ ﻳﻨﺮﺍﺩﻟﻪ ﺣﺶ
ﺟﺎﻧﺖ ﺿﺤﻰ ﺗﺤﺠﻲ ﻭﺍﻧﻲ ﻭﺷﻴﻤﺎﺀ ﺧﺮﺑﺎﻧﺎﺕ ﻣﻦ ﺍﻟﻀﺤﻚ
...
ﺍﻟﻈﻬﺮ ﺭﺍﺟﻌﻴﻦ ﻣﻦ ﺍﻟﺴﻮﻙ
ﺷﻴﻤﺎﺀ .. ﻋﻔﻴﺔ ﻫﺪﻯ ﺟﻴﺒﻠﻲ ﺩﻭﻟﻜﺔ ﻣﺎﻱ ﻓﺮﺕ ﺭﻭﺣﻲ ﻣﻦ ﺍﻟﻌﻄﺶ ﻳﻤﺔ ﺷﻨﻮ ﻫﺬﺍ ﺍﻟﺴﻮﻙ ﻭﻻ ﻳﻨﺪﺧﻠﻪ
ﺣﺎﺭﺓ
ﺿﺤﻰ .. ﺍﻱ ﺣﺘﻰ ﺍﻧﻲ ﻧﻄﺖ ﺭﻭﺣﻲ
ﻫﺪﻯ .. ﻫﻮ ﺍﺑﺎﻭﻉ ﻟﺨﺪﻭﺩﺝ ﺻﺎﺭﻭ ﺣﻤﺮ
ﺷﻴﻤﺎﺀ .. ﻳﺎﻟﻠﻪ ﺑﻨﺎﺕ ﺧﻔﻮﺍ ﺍﻳﺪﻛﻢ ﺣﺘﻰ ﻫﻢ ﻳﺎﻟﻠﻪ
ﻧﺘﻐﺪﺓ ﻭﺗﺮﺗﺒﻮﻥ ﻧﻔﺴﻜﻢ ﻟﻠﻌﺮﺱ
ﻫﺪﻯ .. ﻋﻔﻴﺔ ﺷﻮﻣﺔ ﺣﺒﺎﺑﺔ ﺧﻠﻲ ﺿﺤﻰ ﺗﺎﺧﺬﻟﻲ ﺧﻴﻂ ﻟﺤﻮﺍﺟﺒﻲ ﺑﺲ ﺗﻨﻈﻴﻒ
.. ﺍﻧﺠﺒﻲ ﺍﺷﻮ ﺻﺎﻳﺮﺓ ﻛﻠﺶ ﺻﻠﻔﺔ ﺟﺎﻳﺔ ﻋﻴﻨﻚ ﻋﻴﻨﻚ
ﻭﻟﺞ ﻫﻮ ﺍﻧﻲ ﺑﻜﺒﺮﻱ ﺫﺍﻙ ﺍﻟﻴﻮﻡ ﻳﺎﻟﻠﻪ ﺍﺗﺠﺮﺍﺀﺕ ﺣﻔﻴﺖ ﻭﺟﻬﻲ ﻭﺣﻮﺍﺟﺒﻲ ﻣﻮ ﺍﻧﺘﻲ ﺍﻟﻔﺼﻤﺔ
ﺳﻤﻌﺘﻬﻢ ﺳﻠﻴﻤﺔ ﻭﺩﺧﻠﺖ ﻟﻠﻤﻄﺒﺦ
ﺳﻠﻴﻤﺔ .. ﻫﺎﻳﻤﺔ ﺗﺮﺩﻳﻠﺞ ﺭﺟﻞ
.. ﺑﻴﺒﻲ ﻏﺤﻤﺔ ( ﺭﺣﻤﺔ ) ﻋﻠﻰ ﻭﺍﻟﺪﻳﺞ ﺷﻨﻮ ﺍﻟﻐﺒﻂ ( ﺍﻟﺮﺑﻂ ) ﺑﻴﻦ ﺍﻟﺤﻔﺎﻓﺔ ﻭﺍﻟﻐﺠﺎﻝ ﺑﺲ ﺍﻓﺘﻬﻢ
ﺗﺮﺓ ﻫﺎﻱ ﺑﺰﻣﻨﻜﻢ ﺍﻧﺘﻮ ﺍﺫﺍ ﺍﻟﻮﺣﺪﺓ ﺣﻔﺖ ﻣﻌﻨﺎﻫﺎ ﺗﻐﻴﺪ ( ﺗﺮﻳﺪ ) ﺗﺘﺰﻭﺝ ﻣﻮ ﺍﺣﻨﺔ ﺗﻌﺎﻟﻲ ﺷﻮﻓﻲ ﺑﻨﺎﺕ ﻣﺪﻏﺴﺘﻨﺎ ( ﻣﺪﺭﺳﺘﻨﺎ ) ﺷﻠﻮﻥ ﻛﺎﻟﺒﺎﺕ ﺩﻗﻠﺔ ﺣﺘﻰ ﺗﺎﺗﻮ ﻳﺴﻮﻭﻥ
.. ﻳﺎ ﻳﺎ ﻳﻤﺔ ﻣﻨﺞ ﺍﻟﻘﺰﻣﺔ ﺍﻛﻠﺘﻴﻨﻲ ﺑﻜﺸﻮﺭﻱ
ﻫﺪﻯ ﻋﻔﺴﺖ ﺧﺸﻤﻬﺎ ﻭﺗﻬﻔﻲ ﻋﻠﻰ ﻭﺟﻬﻬﺎ ﺑﻴﺪﻫﺎ
.. ﺍﻳﻴﻴﻴﻴﻴﻴﻴﻊ
ﺷﻴﻤﺎﺀ .. ﺷﻨﻮ ﺷﺒﻴﺞ ﻟﻌﺒﺎﻧﺔ ﻧﻔﺴﺞ
.. ﻣﻮ ﺍﻛﻠﺖ ﺳﻠﻴﻤﺔ ﻫﻲ ﻭﻛﺸﻮﻏﻬﺎ ( ﻛﺸﻮﺭﻫﺎ ) ﻏﺎﺡ ﺍﺗﻘﻲﺀ ﺗﺴﻤﻤﺖ
ﺿﺤﻰ ﻛﺎﺗﻤﺔ ﺿﺤﻜﺘﻬﺎ .. ﻫﻬﻪ ﺍﻟﻠﻪ ﻳﻠﻌﻨﺞ ﺳﺘﺮﻱ ﻋﻠﻴﻨﺎ ﺧﻠﻴﻨﺎ ﻧﺮﻭﺡ ﻟﻠﻌﺮﺱ
ﻟﻠﻌﺼﺮ
ﻛﻌﺪﻧﺎ ﻧﺒﺪﻝ ﻭﻧﻌﺪﻝ ﻭﻧﺴﻮﻱ ﺷﻌﺮﻧﺎ
ﺍﻧﻲ ﻧﺰﻟﺘﻪ ﻻﻥ ﻫﻮ ﺟﻤﺎﻟﻪ ﺑﻄﻮﻟﻪ
ﻭﺷﻴﻤﺎﺀ ﺳﻮﻳﺘﻠﻬﺎ ﺷﻌﺮﻫﺎ ﺑﺎﻟﻤﻘﺺ ﺍﻟﻨﺎﺭﻱ
ﻧﺤﻄﻪ ﻋﺎﻟﻄﺒﺎﺥ ﻳﺤﻤﻰ ﻭﺍﺑﺮﻡ ﺍﻟﺨﺼﻞ
ﺻﺎﺭ ﺷﻌﺮﻫﺎ ﻛﻴﺮﻟﻲ ﻛﻠﺶ ﺣﻠﻮ ﻭﺿﺤﻰ ﻧﺰﻟﺘﻪ ﻋﻠﻰ ﻃﻮﻟﻪ . ﻭﺑﺮﻣﺖ ﺑﺲ ﺍﻻﻃﺮﺍﻑ
ﺑﻌﺪﻣﺎ ﺍﺧﺬﺕ ﻣﻦ ﻓﺎﻃﻤﺔ ﻓﺴﺘﺎﻥ ﻗﺼﻴﺮ ﻳﺼﻴﺮ ﻟﻮﻧﻪ ﻭﺭﺩﻱ
ﻭﺷﻴﻤﺎﺀ ﻟﺒﺴﺖ ﻓﺴﺘﺎﻥ ﻃﻮﻳﻞ ﺑﺴﻴﻂ ﻣﺨﺼﺮ ﻋﺎﻟﺠﺴﻢ ﻟﻮﻧﻪ ﺍﺳﻮﺩ
ﻭﺿﺤﻰ ﻓﺴﺘﺎﻥ ﺫﻫﺒﻲ ﺑﺤﻴﺚ ﻟﻮﻥ ﻋﻴﻮﻧﻬﺎ ﺻﺎﺭﻭﺍ ﻋﺴﻠﻲ
ﻃﻠﻌﻨﺎ ﺑﻌﺪ ﻣﺎ ﺷﻴﻤﺎﺀ ﺍﺗﺼﻠﺖ ﻋﻠﻰ ﺭﺑﺎﺏ ﺗﺪﺯ ﺍﺧﻮﻫﺎ ﻻﻥ ﻫﻮ ﺳﺎﻳﻖ ﺗﻜﺴﻲ ﻳﺠﻲ ﻋﻠﻴﻨﺎ ﻟﻠﺒﺎﺏ
ﻳﺎﺧﺬﻧﺎ
ﻭﺻﻠﻨﺎ ﻟﻠﻘﺎﻋﺔ ﻭﺟﺎﻥ ﺍﺳﻤﻊ ﺻﻮﺕ ﺍﻟﺪﻳﺠﻲ ﺍﻟﻌﺎﻟﻲ ﻣﻦ ﺑﺎﺏ ﺍﻟﻘﺎﻋﺔ
ﻳﻤﺔ .. ﻳﻤﺔ .. ﻛﻠﺒﻲ ﻳﺮﻳﺪ ﻳﻄﻚ
ﺭﺣﻨﺎ ﻟﻐﺮﻓﺔ ﺍﻟﺘﺒﺪﻳﻞ ﻧﺰﻋﻨﺎ ﺍﻟﻌﺒﻲ ﻭﺣﻄﻴﻨﺎﻫﻢ ﺑﻌﻼﻛﺔ ﻫﻮ ﺍﺣﻨﺎ ﻣﻮ ﻣﺤﺠﺒﺎﺕ ﺑﺲ ﺷﻴﺨﻠﺼﻨﺎ ﻣﻦ ﺳﻠﻴﻤﺔ ﺍﺫﺍ ﻃﻠﻌﻨﺎ ﻫﻴﺞ
.. ﺷﻴﻤﺎﺀ ﻛﻠﻬﻢ ﻣﻌﻠﻜﻴﻦ ﻋﺒﻴﻬﻢ ﻋﻴﺐ ﻧﺎﺧﺬﻫﻢ ﻭﻳﺎﻧﺔ
.. ﻣﺎﻋﻠﻴﺞ ﺑﻴﻬﻢ ﻫﻤﺔ ﺍﺫﺍ ﺿﺎﻋﺖ ﻋﺒﻴﻬﻢ ﻋﻨﺪﻫﻢ ﺍﻟﻒ ﻋﺒﺎﻳﺔ
ﺑﻤﻜﺎﻧﻬﺎ
.. ﺑﺲ ﺍﻧﺘﻲ ﺍﺫﺍ ﺿﺎﻋﺖ ﻋﺒﺎﺗﺞ ﺍﺳﻮﻳﺞ ﻋﺒﺎﻳﺔ
ﻳﺎﻟﻠﻪ ﺍﻣﺸﻲ ﻛﺪﺍﻣﻲ ﻣﺎ ﺍﻭﺻﻴﺞ ﺛﻜﻠﻲ
ﺣﺠﻴﺖ ﺑﻬﻤﺲ .. ﺧﻴﺔ ﺷﻴﺜﻜﻠﻨﻲ ﻭﻳﺔ ﻫﺎﻱ ﺍﻏﺎﻧﻲ ﺍﻟﺪﻳﺠﻲ
ﺗﺮﻛﺺ ﺣﺘﻰ ﺑﻴﺒﻲ ﺳﻠﻴﻤﺔ ﺑﻜﺒﺮﻫﺎ
ﺩﺧﻠﻨﺎ ﻟﻠﻘﺎﻋﺔ
ﻋﺎﺍﺍﺍﺍﺍﺍﺍﺍﺍﺍﺍﺍﺍﺍﺍ ﻋﺒﺎﻟﻚ ﺩﺍﺧﻠﻴﻦ ﺑﻌﺎﻟﻢ ﺍﻟﻤﺸﺎﻫﻴﺮ ﺑﺴﺎﻁ ﺍﺣﻤﺮ ﻭﺍﺿﻮﻳﺔ ﻭﻛﺮﺍﺳﻲ ﻭﻃﺒﻼﺕ ﻋﻠﻰ ﻃﻮﻝ ﺟﺎﻧﺒﻴﻦ ﺍﻟﺒﺴﺎﻁ
ﺭﻓﻌﺖ ﺭﻭﺣﻲ ﻭﺭﺍﺳﻲ ﻭﻓﺮﺩﺕ ﺍﻛﺘﺎﻓﻲ ﻭﻗﺪﻣﺖ ﺻﺪﺭﻱ ﻭﺍﺧﺮﺕ ﺍﻟﻤﺆﺧﺮﺓ ﺣﺘﻰ ﺍﺑﻴﻦ ﻃﻮﻳﻠﺔ ﻫﻬﻬﻬﻪ ﻋﺎﻳﺸﺔ ﺍﻟﺪﻭﺭ ﺍﺑﺎﻭﻉ ﻟﻄﻮﻝ ﺧﻮﺍﺗﻲ ﺧﺮﺏ ﺷﻠﻮﻥ ﺣﻠﻮ ﺍﻻ ﺍﻧﻲ
...
ﻛﻤﻠﺖ ﻣﺸﻴﺘﻲ ﻭﻋﻴﻮﻧﻲ ﺗﺪﻭﺭ ﻋﻠﻰ ﺻﺪﻳﻘﺎﺗﻲ ﺍﻭ ﻫﺎﻟﺔ
ﺍﺭﻳﺪ ﺑﺲ ﺍﺷﻮﻑ ﻭﺣﺪﺓ ﻣﻨﻬﻢ ﺍﺣﺲ ﺑﺮﻭﺣﻲ ﻣﺼﻠﺨﺔ
ﻣﺎ ﻋﺮﻓﺖ ﻭﻻ ﻭﺣﺪﺓ ﻣﻦ ﺍﻟﻤﻌﺎﺯﻳﻢ ﻋﺒﺎﻟﻲ ﺭﺍﺡ ﺍﻟﻜﺔ ﻧﺴﻮﺍﻥ ﻣﻨﻄﻘﺘﻨﺎ ﻛﻠﻬﺎ ﻣﺜﻠﻤﺎ ﺟﻨﺖ ﻣﺘﺨﻴﻠﺔ
ﺩﻙ ﺍﻟﺪﻳﺠﻲ ﺑﺄﻏﻨﻴﺔ ﺭﺍﻗﺼﺔ ﻫﺰﺍﺯﺓ ﺭﺟﺎﺟﺔ
ﺣﺴﻴﺖ ﺑﺮﻭﺣﻲ ﺭﺍﺡ ﺍﺭﻛﺺ ﻏﺼﺒﺎً ﻋﻨﻲ
ﺣﺠﻴﺖ ﻭﻳﺔ ﺿﺤﻰ
.. ﻟﺞ ﺿﺤﻰ ﻟﺰﻣﻴﻨﻲ ﻻ ﺍﺭﻭﺡ ﺍﺭﻛﺺ ﻭﺍﻓﻀﺤﻜﻢ
ﺗﺮﺓ ﺍﻧﺎ ﻣﺎ ﻋﻠﻴﺔ
ﺿﺤﻰ ﻓﺎﺗﺤﺔ ﺣﻠﻜﻬﺎ ﻭﺗﺒﺎﻭﻉ ﺑﻌﻴﻮﻧﻬﺎ ﺑﺪﻭﻥ ﻣﺎ ﺗﺮﻣﺶ ﻭﺭﺍﻳﺤﺔ ﺑﻐﻴﺮ ﻋﺎﻟﻢ ﻋﺒﺎﻟﻚ ﻣﺪﺧﻠﻴﻨﻬﺎ ﻟﻘﺼﺮ ﺍﻟﻤﻠﻚ ﺳﻠﻴﻤﺎﻥ
ﺍﻣﺎ ﺷﻴﻤﺎﺀ ﻋﺎﺩﻳﺔ ﻣﺎ ﻣﺒﻴﻦ ﻋﻠﻰ ﻭﺟﻬﺎ ﺍﻱ ﺷﻲ ﺑﺲ ﺗﻮﺯﻉ ﺍﺑﺘﺴﺎﻣﺎﺕ ﻭﻛﺄﻧﻤﺎ ﻣﺘﻌﻮﺩﺓ ﺗﺤﻀﺮ ﻫﻴﺞ ﺍﻋﺮﺍﺱ
ﺳﻤﻌﺖ ﻭﺣﺪﺓ ﺗﺼﻴﺢ ﺑﺄﺳﻤﻲ ﺍﻟﺘﻔﺘﺖ ﺍﺟﺘﻲ ﻭﺣﺪﺓ ﻻﺑﺴﺔ ﺑﺪﻟﺔ ﻣﺸﺨﻠﻌﺔ
.. ﻭﺍﺧﻴﺮﺍً ﻭﺻﻠﺘﻲ ﺟﻨﺖ ﻣﻨﺘﻈﺮﺗﻜﻢ ﺗﺠﻮﻥ ﺍﻧﺘﻲ ﻭﺧﻮﺍﺗﺞ
ﺟﺎﻭﺑﺘﻬﺎ ﻣﺼﺪﻭﻣﺔ
.. ﻭﻟﺞ ﻫﺎﻱ ﺍﻧﺘﻲ ﻫﺎﻟﺔ ﺧﺮﺏ ﻭﻻ ﻋﺮﻓﺘﺞ ﺷﻄﺎﻟﻌﺔ ﺗﺨﺒﻠﻴﻦ ﻋﻤﻲ ﺻﺪﻙ ﻟﻮ ﻛﺎﻟﻮ ﺍﻟﻤﻜﻴﺎﺝ ﻻ ﺩﻳﻦ ﻟﻪ
ﻫﺎﻟﺔ .. ﻋﺎﺑﺘﻠﺞ ﺗﺮﺓ ﺍﻧﻲ ﺣﻠﻮﺓ ﻣﻦ ﻛﺎﻋﻲ ﻣﺎ ﺍﺣﺘﺎﺝ ﻣﻴﻚ ﺍﺏ
.. ﺍﻱ ﻭﺍﺿﺢ ﻭﺍﻟﺸﺎﻫﺪ ﻋﻠﻴﺞ ﺻﺪﺭﻳﺔ ﺍﻟﻤﺪﺭﺳﺔ ﻭﺍﻟﺸﺎﻝ ﺍﻻﺑﻴﺾ ﺗﻄﻠﻌﻴﻦ ﺑﻴﻬﻢ ﺟﻨﺞ ﻣﺮﺓ ﻋﺠﻮﺯ ﺣﺎﺟﺔ ﺑﻴﺖ ﺍﻟﻠﻪ ﻋﺸﺮ ﻣﺮﺍﺕ
.. ﺩﻳﺎﻟﻠﻪ ﺑﺲ ﺑﻴﺞ ﺗﻌﻴﺒﻴﻦ ﻟﻮ ﺑﻴﺞ ﺧﻴﺮ ﻟﺒﺴﻲ ﺍﻟﺸﺎﻝ ﺍﻻﺑﻴﺾ ﻭﺧﻠﻲ ﺍﺷﻮﻓﻪ ﻋﻠﻴﺞ
ﺗﺮﺓ ﺻﻮﺭﺗﻲ ﺑﺎﻟﻤﺪﺭﺳﺔ ﻻ ﺗﻤﺜﻠﻨﻲ ﺍﻃﻼﻗﺎً ﺍﻧﺎ ﻏﻴﺮ ﻣﺴﺆﻟﺔ ﻋﻨﻬﺎ
ﻟﺰﻣﺘﻨﻲ ﻣﻦ ﺍﻳﺪﻱ ﻭﺍﺧﺬﺗﻨﺎ ﺍﻧﻲ ﻭﺧﻮﺍﺗﻲ ﻳﻢ ﺍﻣﻬﺎ ﺟﺎﻧﺖ ﻭﺍﻛﻔﺔ ﺍﺳﻠﻢ ﻋﻠﻰ ﻧﺴﻮﺍﻥ ﻛﺎﻋﺪﺍﺕ ﻋﻠﻰ ﻣﻴﺰ ﻃﻌﺎﻡ ﻳﺼﻴﺮ ﺑﺎﻟﻤﻘﺪﻣﺔ ﻗﺮﻳﺐ ﻋﺎﻟﻜﻮﺷﺔ
ﺟﺎﻧﻮ . ﻛﻠﺶ ﻣﺘﻤﻴﺰﻳﻦ ﺑﻠﺒﺴﻬﻢ
ﻫﺎﻟﺔ ﺣﺠﺖ ﻭﻳﺔ ﺍﻣﻬﺎ ﻭﺍﻟﺘﻔﺘﺖ ﻋﻠﻴﻨﺎ ﻛﺎﻟﺖ
.. ﻭﻳﻨﻬﻢ ﺻﻴﺤﻴﻬﻢ ﻭﺍﻟﻠﻪ ﻣﺸﺘﺎﻗﺘﻠﻬﻦ
ﻫﺎﻟﺔ .. ﻫﺬﻧﻲ ﻛﺪﺍﻣﺞ
ﺷﻴﻤﺎﺀ ﺍﺗﻘﺪﻣﺖ ﻭﺳﻠﻤﺖ ﻋﻠﻴﻬﺎ ﻭﺑﻌﺪﻫﺎ ﺿﺤﻰ ﻭﺍﻧﻲ ﺑﻌﺪﻫﺎ
ﻫﺎﻟﺔ ﻻﺯﻣﺔ ﺍﻳﺪﻱ
ﺍﻡ ﻗﺎﺳﻢ .. ﻻ ﺗﻜﻮﻟﻴﻦ ﺍﻧﺘﻲ ﻫﺪﻯ
ﻫﺎﻟﺔ .. ﺍﻱ ﻣﺎﻣﺎ ﻫﺎﻱ ﻫﺪﻯ ﺷﻔﺘﻲ ﺷﻠﻮﻥ ﻛﺒﺮﺍﻧﺔ ﻭﻣﺘﻐﻴﺮﺓ
ﺭﺣﺖ ﺳﻠﻤﺖ ﻋﻠﻴﻬﺎ ﻭﺍﻧﻲ ﺧﺠﻼﻧﺔ
ﺍﻡ ﻗﺎﺳﻢ .. ﻫﺎﻟﺔ ﻣﺎﻛﻠﺔ ﺭﺍﺳﻲ ﺑﺲ ﺗﺴﻮﻟﻒ ﺑﻴﺞ
ﻫﺪﻯ ﺣﺠﺖ ﻫﺪﻯ ﺳﻮﺕ ﻫﺪﻯ ﻛﺎﻟﺖ
ﺑﺲ ﻣﺎ ﺷﺎﺀ ﺍﻟﻠﻪ ﺻﺎﻳﺮﺓ ﻋﺮﻭﺳﺔ
ﺣﺠﻴﺖ ﺑﺼﻮﺕ ﻧﺎﺻﻲ ﻣﺪﻧﻜﺔ .. ﺍﺷﻜﻐﺞ ﺧﺎﻟﺔ
ﻫﺎﻟﺔ ﺿﺮﺑﺘﻨﻲ ﺑﻜﻮﻋﻬﺎ .. ﻫﻬﻬﻪ ﺷﻮﻑ ﻣﻨﻮ ﻳﺴﺘﺤﻲ ﻭﻳﺨﺠﻞ ﻭﺍﻟﻠﻪ ﺣﺘﻰ ﻣﺎ ﻻﻳﻜﺘﻠﺞ
ﻋﻀﻴﺖ ﺷﻔﺘﻲ .. ﺍﻧﺎ ﺍﻟﺞ ﻋﻮﺑﺔ ﺑﻌﺪﻳﻦ ﺍﻧﻲ ﺍﻋﻠﻤﺞ ﺑﺎﻟﻤﺪﺭﺳﺔ
ﺍﻧﺘﺒﻬﺖ ﻋﻠﻰ ﻭﺣﺪﺓ ﻛﺎﻣﺖ ﻣﻦ ﻳﻢ ﻫﺬﻭﻟﻲ ﺍﻟﻨﺎﺱ ﺍﻟﻲ ﺟﺎﻧﺖ ﺗﺴﻠﻢ ﻋﻠﻴﻬﻢ ﺍﻡ ﻗﺎﺳﻢ ﻭﺍﺟﺘﻲ ﻳﻤﻨﺎ
.. ﺍﻭﻱ ﻻ ﻫﻠﺔ ﻭﻻ ﻣﺮﺣﺒﺎ ﺍﺟﺘﻲ ﺍﻟﺤﺎﻣﻀﺔ ﺷﻜﺪ ﺍﻛﺮﻫﺎ
ﺛﻘﻴﻠﺔ ﻋﻠﻰ ﻛﻠﺒﻲ
ﺍﺣﺲ ﺑﻴﻬﺎ ﺑﻤﻨﺰﻟﺔ ﺑﻴﺒﻲ ﺳﻠﻴﻤﺔ ﻋﻠﻰ ﻗﻠﺒﻲ
ﻫﺎﻟﺔ .. ﻟﺞ ﻋﻴﺐ ﻟﺘﺴﻤﻌﺞ
.. ﺷﺘﻘﺮﺑﻠﻜﻢ
.. ﺑﻨﺖ ﺟﻮﺍﺭﻳﻨﺎ ﺑﻴﺖ ﺍﻡ . ﺳﻴﻒ
ﺍﻫﺎ
ﺍﻧﺘﺒﻬﺖ ﻋﻠﻰ ﺷﻬﺪ ﺳﺤﺒﺖ ﺿﺤﻰ ﻣﻦ ﺍﻳﺪﻫﺎ ﻭﺍﺧﺬﺗﻬﺎ ﻳﻢ ﻣﻴﺰ ﺍﻫﻠﻬﺎ ﻭﻛﻌﺪﺕ ﺗﻌﺮﻓﻬﺎ ﻋﻠﻴﻬﻢ ﺑﺎﻭﻋﺖ ﻻﻣﻬﺎ
ﻳﻤﺔ .. ﻳﻤﺔ .. ﻋﺒﺎﻟﻚ ﻣﻔﺨﺨﺔ
ﻟﺒﺴﻬﺎ ﻭﺷﻜﻠﻬﺎ ﻣﺒﻴﻦ ﻣﺮﺳﻮﻡ ﻋﻠﻰ ﺧﺘﻢ ﺩﻭﻻﺭ
. ﻣﻦ ﺍﻟﻔﺨﻔﺨﺔ
ﺍﻟﺒﻘﻴﺔ ﻛﺎﻣﻮﺍ ﻳﺴﻠﻤﻮﻥ ﻋﻠﻰ ﺿﺤﻰ
ﻛﻠﺒﻲ ﺍﺑﺪ ﻣﺎ ﻣﺮﺗﺎﺡ ﺍﻟﺘﻔﻮﺍ ﻋﻠﻰ ﺍﺧﺘﻲ
......
ﺍﺧﺬﺗﻨﻲ ﻫﺎﻟﺔ ﺍﻧﻲ ﻭﺷﻮﻣﺔ
ﻭﻫﻨﺎﻙ ﺷﻔﻨﺎ ﺧﺎﻟﺔ ﺍﻡ ﻓﺮﺯﺩﻕ ﻭﺳﻠﻤﻨﺎ ﻋﻠﻴﻬﺎ
ﻭﻋﻠﻰ ﺟﻨﺘﻬﺎ ﻭﺍﻡ ﺻﻬﻴﺐ ﺯﻭﺟﺔ ﻋﻤﻮ ﻓﺮﺯﺩﻕ ﻭﻣﺠﻤﻮﻋﺔ ﺑﻨﺎﺕ
ﺍﻡ ﻓﺮﺯﺩﻕ .. ﺷﻨﻮ ﻭﻳﻦ ﺿﺤﺎﻭﻱ ﺍﺷﻮ ﻣﺎ ﺷﻔﺘﻬﺎ
ﺷﻴﻤﺎﺀ .. ﺩﺗﺴﻠﻢ ﻋﻠﻰ ﺍﻫﻞ ﺻﺪﻳﻘﺘﻬﺎ
.. ﺧﻠﻲ ﺗﺠﻲ ﺍﺳﻠﻢ ﻋﻠﻴﻬﺎ
ﺗﻌﺎﻱ ﺧﺎﻟﺔ ﺷﻮﻣﺔ ﻟﺘﺒﻘﻴﻦ ﻭﺍﻛﻔﺔ
ﺟﺒﻨﺎ ﻛﺮﺍﺳﻲ ﻭﻛﻌﺪﻧﺎ ﻳﻤﻬﻢ ﻭﻋﻴﻨﻲ ﻋﻠﻰ ﺍﺧﺘﻲ
ﺍﺷﻮ ﻫﺎﻱ ﺳﺖ ﺷﻬﻮﺩﺓ ﻛﻌﺪﺕ ﺿﺤﻰ ﻳﻤﻬﻢ ﻋﺎﻟﻤﻴﺰ ﻭﺍﻡ ﺳﻴﻒ ﻛﻌﺪﺕ ﺗﺒﻴﺘﺴﻢ ﻭﺗﺤﺠﻲ ﻭﻳﺔ ﺿﺤﻰ
ﺍﻧﻲ ﻛﻠﺒﻲ ﺿﻞ ﻳﺤﻮﻡ ﻋﻠﻰ ﺿﺤﻰ ﻣﺎ ﺍﻋﺮﻑ ﺷﺒﻴﺔ
ﻫﺴﺔ ﻗﺎﺑﻞ ﺭﺍﺡ ﻳﺎﻛﻠﻮﻧﻬﺎ ﺍﻫﻮﻭﻭ ﺑﻌﺪ ﻣﺎ ﺍﺗﺤﻤﻞ
ﻛﻤﺖ ﻣﻦ ﻣﻜﺎﻧﻲ
ﺷﻴﻤﺎﺀ .. ﻫﺎ ﻋﻠﻰ ﻭﻳﻦ
.. ﻏﺎﻳﺤﺔ ( ﺭﺍﻳﺤﺔ ) ﺍﺻﻴﺢ ﻟﻀﺤﻰ ﺗﺠﻲ ﺗﺴﻠﻢ ﻋﻠﻰ ﺧﺎﻟﺔ ﺍﻡ ﻓﻐﺰﺩﻕ
.. ﻳﺎﻟﻠﻪ ﺑﺴﺮﻋﺔ ﺻﻴﺤﻴﻬﺎ ﻭﺗﺠﻴﻦ ﺗﻜﻌﺪﻳﻦ ﺑﻤﻜﺎﻧﺞ
ﺟﻨﺖ ﺍﻣﺸﻲ ﻭﺷﻔﺖ ﻓﻄﻮﻣﺔ ﺻﺪﻳﻘﺘﻲ ﻭﺍﻣﻬﺎ
ﺑﺪﻟﺖ ﺍﺗﺠﺎﻫﻲ ﻭﺭﺣﺖ ﻳﻤﻬﻢ ﻭﺳﻠﻤﺖ ﻋﻠﻰ ﺍﻡ ﻓﺎﻃﻤﺔ ﻭﺍﺧﺬﺗﻨﻲ ﻟﺤﻀﻨﻬﺎ
ﺍﻡ ﻓﺎﻃﻤﺔ .. ﻫﻼ ﺑﻬﺪﻭﺷﺔ . ﺣﺒﻴﺒﺘﻲ ﻣﺸﺘﺎﻗﺘﻠﺞ ﻟﻴﺶ ﻃﻮﻟﺘﻲ ﺍﻟﻐﻴﺒﺔ ﻋﻠﻴﻨﺎ
.. ﺧﺎﻟﺔ ﺣﻘﺞ ﻋﻠﻴﺔ ﺑﺲ ﺍﻟﺘﻬﻴﺖ ﻭﻳﺔ ﺩﻏﺎﺳﺘﻲ ( ﺩﺭﺍﺳﺘﻲ ) ﻭﺑﻌﺪﺕ ﺍﻟﻤﺴﺎﻓﺔ ﻋﻠﻴﺔ ﺑﺲ ﺻﺪﻛﻲ ﺍﻧﺘﻲ ﺩﺍﺋﻤﺎ ﻋﻠﻰ ﺑﺎﻟﻲ ﻭ ﻛﻠﻤﺎ ﺍﺻﻠﻲ ﺍﺗﺬﻛﻐﺞ ( ﺍﺗﺬﻛﺮﺝ )
.. ﻋﻔﻴﺔ ﺑﺎﻟﺴﺒﺎﻋﻴﺔ
.. ﺧﺎﻟﺔ ﺍﻛﺪﻍ ( ﺍﻛﺪﺭ ) ﺍﺧﺬ ﻓﺎﻃﻤﺔ ﻭﻳﺎﻱ ؟؟
.. ﺍﻱ ﺣﺒﻴﺒﺘﻲ ﺍﺧﺬﻳﻬﺎ ﺍﻧﻲ ﻫﻨﺎ ﻛﺎﻋﺪﺓ ﻳﻢ ﺟﺎﺭﺗﻲ
ﺍﺧﺬﺕ ﻓﻄﻮﻣﺔ ﻭﺭﺣﺖ ﻋﻠﻰ ﺿﺤﻰ ﻭﺳﻠﻤﺖ ﻋﻠﻰ ﺍﻡ ﺳﻴﻒ ﻭﺷﻬﺪ ﺳﻼﻡ ﻋﺎﺑﺮ ﻭﺩﻧﻜﺖ ﺷﺎﻭﺭﺕ ﺿﺤﻰ ﻛﻠﺘﻠﻬﺎ
ﺧﺎﻟﺔ ﺍﻡ ﻓﺮﺯﺩﻕ ﻭﺍﻡ ﺻﻬﻴﺐ ﻳﻐﻴﺪﻭﻥ ( ﻳﺮﻳﺪﻭﻥ ) ﻳﺴﻠﻤﻮﻥ ﻋﻠﻴﺞ
ﻫﻲ ﻃﻔﺮﺕ ﻭﻛﻔﺖ ﻣﻦ ﻣﻜﺎﻧﻬﺎ ﺑﻜﻞ ﻟﻬﻔﺔ ﻋﺒﺎﻟﻚ ﻛﻠﺘﻠﻬﺎ
ﺻﻬﻴﺐ ﺍﺟﺔ
ﺧﻄﻴﺔ ﺿﺤﻰ ﻋﺎﻳﺸﺔ ﻋﻠﻰ ﺍﻻﻃﻼﻝ
ﺭﺍﺣﺖ ﻳﻤﻬﻢ ﻭﺍﻟﻌﻴﻮﻥ ﺗﻠﻤﻊ ﻭﺍﻧﻲ ﻏﻠﺴﺖ ﻣﺎ ﺭﺟﻌﺖ ﻟﻠﻤﻴﺰ ﺍﺩﺭﻱ ﺑﺸﻴﻤﺎﺀ ﺭﺍﺡ ﺗﺤﺒﺴﻨﻲ ﻣﺎ ﺗﺨﻠﻴﻨﻲ ﺍﺗﺤﺮﻙ ﻣﻦ ﻣﻜﺎﻧﻲ
ﺗﺨﺎﻑ ﺍﺟﻴﺒﻠﻬﺎ ﻣﺼﻴﺒﺔ
ﺷﻐﻠﻮ ﺍﻻﻏﺎﻧﻲ ﻭﻛﻠﺒﻲ ﻛﺎﻡ ﻳﺮﻛﺺ ﻭﻳﺔ ﺍﻻﻏﺎﻧﻲ ﺍﺑﺎﻭﻉ ﻋﺎﻟﺒﻨﺎﺕ ﻧﺰﻟﻮ ﻋﺎﻟﺴﺘﻴﺞ ﻳﺮﻛﺼﻮﻥ
.. ﻟﺞ ﻓﺎﻃﻤﺔ ﺑﺎﻭﻋﻲ ﻭﻳﺎﻱ ﺧﻠﻲ ﻧﻠﻄﻢ ﺳﻮﻳﺎً
ﺧﻐﺐ ( ﺧﺮﺏ ) ﺣﻈﻲ ﻭﻻ ﻭﺣﺪﺓ ﺑﻴﻬﻢ ﺗﻌﻐﻒ ﺗﻐﻜﺺ ( ﺗﻌﺮﻑ ﺗﺮﻛﺺ )
ﺗﻜﻮﻟﻴﻦ ﻋﺒﺎﻟﻚ ﺑﻴﻬﻢ ﻛﺴﺎﺡ
ﺷﻠﻮﻥ ﺍﻏﻴﺪ ﺍﻏﻜﺺ
.. ﺍﻧﺠﺒﻲ ﺗﺮﺓ ﻭﺍﻟﻠﻪ ﺍﻓﺘﻦ ﻋﻠﻴﺞ ﻋﻨﺪﺝ ﺷﻴﻤﺎﺀ ﻛﻌﺪﻱ ﻭﺳﻜﺘﻲ
ﺻﺮﺕ ﺍﻓﺘﺮ ﺑﺎﻟﻘﺎﻋﺔ ﻭﺍﺑﺎﻭﻉ ﻭﺭﺣﺖ ﻳﻢ ﻛﻮﺷﺔ ﺍﻟﻌﺮﻭﺳﺔ ﺑﻌﺪﻫﺎ ﻣﺎ ﻭﺍﺻﻠﺔ ﻣﺒﻘﺔ ﺷﻲ ﻭﻳﻮﺻﻠﻮﻥ
ﺷﻐﻠﻮ ﻏﻨﻴﺘﻲ ﺍﻟﻤﻔﻀﻠﺔ ﻭﺍﻧﻲ ﺍﺟﻴﺖ ﺍﺑﺠﻲ ﺍﺧﺬﺕ ﻓﺎﻃﻤﺔ ﻭﺭﺣﺖ ﻟﻤﻴﺰﻧﺎ
.. ﺷﻮﻣﺔ ﻋﻔﻴﺔ ﺧﻠﻲ ﺍﻏﻜﺺ
.. ﺍﻧﺠﻲ ﻭﺍﻟﻠﻪ ﺍﻃﻴﺢ ﺣﻈﺞ
.. ﺍﻱ ﻟﻴﺶ ﻛﻠﻴﻠﻲ ﻟﻴﺶ ﻫﺴﺔ ﻣﻮ ﻫﺬﻧﻲ ﺍﻟﺒﻨﺎﺕ ﻛﻠﻬﻢ ﺩﻳﻐﻜﺼﻮﻥ ﺍﺷﻤﻌﻨﺎ ﺍﻧﻲ
.. ﻻﻥ ﺍﻧﺘﻲ ﺟﻨﻴﺔ ﻭﺍﻋﺮﻑ ﺭﺍﺡ ﺗﻜﻠﺒﻴﻦ ﻋﺎﻟﻴﻬﺎ ﻭﺍﻃﻴﻬﺎ
ﻭﺗﺨﻠﻴﻦ ﺍﻟﻨﺴﻮﺍﻥ ﺗﻔﺘﺢ ﺣﻠﻜﻬﺎ ﻋﻠﻴﺞ
ﻭﺷﻮﻓﻲ ﺍﻟﻨﻘﺎﻻﺕ ﺷﻠﻮﻥ ﻛﻞ ﻭﺣﺪﺓ ﻻﺯﻣﺔ ﻧﻘﺎﻟﻬﺎ ﻭﺗﺼﻮﺭ
ﻛﻌﺪﻱ ﻭﺳﺘﺮﻱ ﻋﻠﻴﻨﺎ
.. ﻛﻌﺪﺕ ﺿﺎﻳﺠﺔ ﻭﺍﻧﻲ ﺍﺗﺤﺮﻛﺺ ﻋﻠﻰ ﺍﻟﺒﻨﺎﺕ ﺍﻟﻲ ﻣﺎ ﻳﻌﺮﻓﻮﻥ ﻳﺮﻛﺼﻮﻥ
_ ﻫﺴﺔ ﺷﺪﻋﻮﺓ ﻳﺎﺷﻮﻣﺔ ﻫﻲ ﺑﺲ ﻏﻜﺼﺎﻳﺔ ﺻﻐﻴﻐﻮﻧﺔ ( ﺭﻛﺼﺎﻳﺔ ﺻﻐﻴﺮﻭﻧﻪ )
ﺷﻴﻤﺎﺀ ﺣﺎﺻﺮﺗﻬﺎ ﺍﻟﻀﺤﺔ .. ﻣﺎﻛﻮ ﻭﻻ ﺭﻛﺼﺎﻳﺔ
ﻋﻠﻰ ﺍﻻﺳﺎﺱ ﻣﻦ ﺗﺼﻐﺮ ﺍﻟﻜﻠﻤﺔ ﻳﺘﻐﻴﺮ ﺍﻟﻤﻀﻤﻮﻥ
ﺿﻠﻴﺖ ﻛﺎﻋﺪﺓ ﺍﺑﺎﻭﻉ ﺑﻌﻴﻮﻧﻲ ﻭﺿﺤﻰ ﺳﺮﺣﺎﻧﺔ ﻋﻴﻮﻧﻬﺎ ﻋﻠﻰ ﻣﻴﺰ ﺑﻴﺖ ﺍﻫﻞ ﺷﻬﺪ
.....
ﺷﻮﻛﺖ ﻳﺼﺒﻮﻥ ﺍﻟﻌﺸﺎ ﺟﻌﺖ
.. ﻟﺞ ﻧﺼﻲ ﺻﻮﺗﺞ ﻓﻀﺤﺘﻴﻨﺎ
ﺷﻮﻳﺔ ﻭﺷﻔﺖ ﺍﻡ ﺭﺍﺋﺪ ﻣﺮﺕ ﺍﻟﻤﺨﺘﺎﺭ ﺍﺟﺘﻲ ﺳﻠﻤﺖ ﻋﻠﻰ ﺍﻡ ﻓﺮﺯﺩﻕ
ﻭﺍﻧﻲ ﻛﻤﺖ ﺍﺗﻠﺤﻠﺢ ﻳﻤﻬﺎ ﺍﻡ ﺍﻟﻌﺰﻳﺰ ﺍﻟﻐﺎﻟﻲ
ﻫﺎﻱ ﻋﻤﺘﻲ ﺍﻟﺤﺒﺎﺑﺔ
ﺳﻠﻤﺖ ﻋﻠﻴﻨﺎ ﻭﺭﺍﺣﺖ ﻛﻌﺪﺕ ﻳﻢ ﻣﻴﺰﻫﺎ
ﻫﻲ ﻭﻟﻴﻠﻰ ﺍﻟﻲ ﺍﺻﻼ ﻣﺎ ﻛﻠﻔﺖ ﻧﻔﺴﻬﺎ ﻭﺍﺟﺘﻲ ﺗﺴﻠﻢ ﻋﻠﻴﻨﺎ
ﺍﺟﺘﻲ ﻫﺎﻟﺔ ﻳﻤﻨﺎ
.. ﻭﺍﺧﻴﺮﺍً ﻟﻜﻴﺘﺞ ﺗﻌﺎﻟﻲ ﻛﻠﺶ ﻣﺤﺘﺎﺟﺘﺞ
ﺟﺮﺗﻨﻲ ﻣﻦ ﺍﻳﺪﻱ ﻭﻛﻮﻣﺘﻨﻲ
.. ﺷﻜﻮ ﺧﻴﻎ ﺷﺘﻐﻴﺪﻳﻦ ( ﺧﻴﺮ ﺷﺘﺮﻳﺪﻳﻦ )
.. ﻫﺎﻟﺔ ﺗﻌﺎﻟﻲ ﻫﺪﻯ ﺍﻧﺘﻲ ﺷﻮﻳﺔ ﺳﺒﺎﻋﻴﺔ
ﺍﺭﻳﺪﺝ ﺑﺲ ﺗﺠﻴﻦ ﻭﻳﺎﻱ ﻧﺴﺄﻝ ﺫﻳﺞ ﺍﻟﺒﻨﻴﺔ ﻋﻦ ﻣﻮ ﺍﻟﺪﻳﻬﺎ
ﺍﻣﻲ ﺍﻟﻠﻪ ﻳﺤﻔﻈﻬﺎ ﺗﺮﻳﺪ ﺗﺨﻄﺐ ﻟﻘﺎﺳﻢ
ﻭﻛﻞ ﺳﺎﻋﺔ ﺩﺍﺯﺗﻨﻲ ﻋﻠﻰ ﻭﺣﺪﺓ ﻭﺍﻧﻲ ﺍﺳﺘﺤﻲ
ﻣﺎ ﺍﻋﺮﻑ ﺷﻠﻮﻥ ﺍﺧﺬ ﻣﻨﻬﺎ ﺍﻟﻤﻌﻠﻮﻣﺎﺕ ﺍﻟﻲ ﺗﺮﻳﺪﻫﺎ ﺍﻣﻲ
ﻭﻛﻠﺖ ﻣﺎ ﺭﺍﺡ ﺗﺪﺑﺮﻫﺎ ﻏﻴﺮ ﺑﺲ ﻫﺪﻯ
.. ﻋﻔﻮ ﻋﻠﻴﺞ ﻣﻦ ﻫﺎﻱ ﺍﻟﻌﻴﻦ ﻛﺒﻞ ﻫﺎﻱ ﺍﻟﻌﻴﻦ
ﻣﺤﺴﻮﺑﺘﺞ ﺍﻡ ﺍﺣﻤﺪ ﺍﻟﺨﻄﺎﺑﺔ ﺑﻐﺴﻢ ( ﺑﺮﺳﻢ ) ﺍﻟﺨﺪﻣﺔ ﺍﻧﺘﻲ ﺑﺲ ﺍﺷﻐﻴﻠﻲ ( ﺍﺷﺮﻳﻠﻲ ) ﻋﻠﻴﻬﺎ ﻭﺍﻧﻲ ﺍﺟﻴﺒﻠﺞ ﺍﺳﻢ ﺳﺎﺑﻊ ﺟﺪ ﺍﻟﻬﺎ
ﺭﺣﻨﺎ ﻧﺪﻭﺭ ﻋﺎﻟﺒﻨﻴﺔ ﻭﻫﺎﻟﺔ ﺧﺮﺑﺎﻧﺔ ﺿﺤﻚ
ﻭﺻﺮﻧﺎ ﺍﻧﻲ ﻭﻫﺎﻟﺔ ﻧﺸﺘﻐﻞ ﺧﻄﺎﺑﺎﺕ
ﻛﻞ ﺷﻮﻳﺔ ﺍﻣﻬﺎ ﺩﺍﺯﺗﻨﺎ ﻋﻠﻰ ﻭﺣﺪﺓ ﺣﺎﺗﺔ ﻭﺍﺣﻨﺎ ﻧﺮﻭﺡ ﻧﺴﺄﻟﻬﺎ ﺷﻨﻮ ﺍﺳﻤﺞ ﺷﻜﺪ ﻋﻤﺮﺝ
.. ﺍﻛﻠﺞ ﻫﺎﻟﺔ ﻻﺯﻡ ﻧﺴﺄﻟﻬﺎ ﺑﻄﺮﻳﻘﺔ ﺫﻛﻴﺔ ﻛﻮﻥ ﻣﺎ ﺗﻮﺣﻴﻠﻬﺎ
ﺍﺣﻨﺎ ﻧﺮﻳﺪ ﻧﺨﻄﺒﻬﺎ ﺣﺘﻰ ﺗﺘﺼﺮﻑ ﻭﻳﺎﻧﺎ ﻋﻠﻰ ﻃﺒﻴﻌﺘﻬﺎ ﻭﺗﻨﻄﻴﻨﺎ ﺍﻟﻤﻌﻠﻮﻣﺎﺕ ﺍﻟﺼﺤﻴﺤﺔ
.. ﺍﻱ ﻭﺍﻟﻠﻪ ﻋﻔﻴﺔ ﻋﻠﻴﺞ
ﻭﺻﻠﻨﺎ ﻳﻢ ﺍﻟﺒﻨﻴﺔ ﺟﺎﻧﺖ ﺻﺪﻙ ﺣﻠﻮﺓ
ﻫﻤﺴﺖ ﻟﻬﺎﻟﺔ .. ﺍﻧﺎ ﺍﺣﺠﻲ ﻭﺍﻧﺘﻲ ﺳﺠﻠﻲ ﻋﻨﺪﺝ ﺍﻟﻤﻌﻠﻮﻣﺎﺕ
.. ﺗﻤﺎﻡ
.. ﺍﻟﻌﻔﻮﺍ ﺑﻼ ﺯﺣﻤﺔ ﻣﻤﻜﻦ ﺳﺆﺍﻝ
ﺩﺭﺍﺕ ﻋﻠﻴﻨﺎ .. ﺍﺗﻔﻀﻠﻲ ﺣﺒﻴﺒﺘﻲ
.. ﺍﻧﺘﻲ ﺍﺳﻤﺞ ﻫﺪﻯ
.. ﻻ ﺍﻧﻲ ﺍﺳﻤﻲ ﺳﻠﺮ
ﺍﻫﺎ ﺍﻧﻲ ﻣﺎ ﺍﺩﺭﻱ ﻭﻳﻦ ﺷﺎﻳﻔﺘﺞ
ﺍﻧﺘﻲ ﺗﺪﺍﻣﻴﻦ ﺑﻤﺪﺭﺳﺔ ﺍﻝ ......
.. ﻻ ﺍﻧﻲ ﺑﺎﻟﻜﻠﻴﺔ
.. ﻣﺒﻴﻦ ﻋﻠﻴﺞ ﺻﻐﻴﺮﺓ ﻣﺎﺷﺎﺀ ﺍﻟﻠﻪ ﺷﻜﺪ ﻣﻮﺍﻟﻴﺪﺝ
.. ﻣﻮﺍﻟﻴﺪ ٨٩
.. ﺍﻫﺎ ﻟﻌﺪ ﻳﻤﻜﻦ ﻫﺎﻱ ﺍﺧﺘﺢ ﻭﺍﻧﻲ ﻣﺸﺒﻬﺔ ﻋﻠﻴﻬﺎ
.. ﻻ ﺍﻧﻲ ﻣﺎ ﻋﻨﺪﻱ ﺍﺧﺖ
ﺩﺭﺕ ﻭﺟﻬﻲ ﻋﻠﻰ ﻫﺎﻟﺔ ﺑﺼﻮﺕ ﻧﺎﺻﻲ
.. ﺳﺠﻠﻲ ﻋﻨﺪﺝ ﻭﺣﻴﺪﺓ ﻋﻨﺪ ﺍﻫﻠﻬﺎ
.. ﻟﻴﺶ ﺍﻧﺘﻲ ﺑﻴﺘﻜﻢ ﻣﻮ ﻳﻢ ﺍﻟﻤﻨﻄﻘﺔ
.. ﻻ ﺍﺣﻨﺎ ﺑﻴﺘﻨﺎ ﺑﺎﻟﻜﺮﺍﺩﺓ
.. ﺍﺳﻔﺔ ﺣﺒﻴﺒﺘﻲ ﻟﻌﺪ ﺷﺒﻬﺖ ﻋﻠﻴﺞ ﻋﺒﺎﻟﻲ ﺻﺪﻳﻘﺘﻲ ﺟﻨﺎ ﺍﻧﻲ ﻭﻳﺎﻫﺎ ﺻﻐﺎﺭ
ﺍﺑﺘﺴﻤﺖ .. ﻻ ﻋﺎﺩﻱ ﺣﺒﻴﺒﺘﻲ ﻣﺼﺎﺭ ﺷﻲ
ﻫﺎﻟﺔ .. ﻫﻬﻬﻬﻬﻬﻪ ﺍﺥ ﻳﻤﺔ ﺑﻄﻨﻲ ﺧﺮﺏ ﻳﻮﻣﺞ ﻫﺪﻯ
ﺭﺣﻨﺎ ﻳﻢ ﺧﺎﻟﺔ ﺍﻡ ﻗﺎﺳﻢ ﻭﺣﺠﺘﻠﻬﺎ ﻫﺎﻟﺔ ﻋﻦ ﺍﻟﺼﺎﺭ
ﻭﺧﺎﻟﺔ ﺍﻡ ﻗﺎﺳﻢ ﺑﺎﻭﻋﺘﻠﻲ
.. ﻭﺍﻟﻠﻪ ﻛﻮﻥ ﻋﻨﺪﻱ ﻣﻨﺞ ﺍﺛﻨﻴﻦ ﺟﺎﻥ ﺍﻧﺎ ﺑﺨﻴﺮ
ﺩﺍﺭﺕ ﻭﺟﻬﻬﺎ ﻋﻠﻰ ﻫﺎﻟﺔ
.. ﺷﻮﻓﻲ ﻳﺎ ﺣﻈﻲ ﻭﺍﺗﻌﻠﻤﻲ ﺷﻮﻳﺔ ﻭﻳﻦ ﻣﺎ ﺍﻭﺩﻳﺞ
ﻣﺎ ﻓﺎﻟﺤﺔ
ﺭﺟﻌﺖ ﺗﺒﺎﻭﻉ ﻋﻠﻴﺔ ﺍﻡ ﻗﺎﺳﻢ ﺍﺷﻮ ﻫﺎﻱ ﺻﻔﻨﺖ ﺑﻮﺟﻬﻲ
.. ﺍﻛﻮﻝ ﺧﺎﻟﺔ ﻫﺪﻯ ﺍﺷﻮ ﻭﺍﻟﻠﻪ ﺣﻠﻴﺎﻧﺔ
ﺍﻧﺘﻲ ﻳﺎ ﻣﻮﺍﻟﻴﺪ
ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻣﺼﺪﻭﻣﺔ . ﺍﺷﻮ ﻫﺎﻱ ﺩﺍﺭﺕ ﻋﻠﻴﺔ ﺍﺣﺲ ﺑﺮﻭﺣﻲ ﻣﺜﻞ ﺍﻟﻲ ﻭﻗﻌﺖ ﺑﺎﻟﻔﺦ
ﻋﺰﺓ ﺑﻌﻴﻨﻲ ﻻﻳﻜﻮﻥ ﺗﻔﻜﺮ ﺗﺨﻄﺒﻨﻲ
ﺿﺤﻜﺖ ﺿﺤﻜﺔ ﺻﻔﺮﺓ ﻣﺎﻝ ﻭﺣﺪﺓ ﻋﺮﻛﺖ ﺑﻬﺪﻭﻣﻬﺎ ﻭﺗﺮﻳﺪ ﺗﺘﻬﺮﺏ
.. ﺧﺎﻟﺔ ﺍﻧﻲ ﻣﻮﺍﻟﻴﺪ ٩١
ﺍﻟﺘﻔﺘﺖ ﻭﻟﻴﻜﺖ ﻭﺣﺪﺓ ﺷﺎﻳﻠﺔ ﺻﻴﻨﻴﺔ ﺑﻄﺎﻟﺔ ﻣﺎﻱ ﻣﻔﺘﻮﺣﺔ ﺟﺎﻣﻌﺘﻬﻢ ﻣﻦ ﻋﻠﻰ ﺍﻟﻄﺒﻼﺕ ﺟﺎﻧﺖ ﻗﺮﻳﺒﺔ ﻋﻠﻴﺔ
ﺩﺭﺕ ﻭﺟﻬﻲ ﻭﺩﻋﻤﺖ ﺑﻴﻬﺎ ﻭﻭﻛﻌﺖ ﺍﻟﻤﺎﻱ
ﻭﺧﺮﺑﻄﺖ ﺍﻻﻣﺔ ﺍﻟﻌﺮﺑﻴﺔ ﻭﺧﻠﻴﺖ ﻋﻴﺎﻁ ﺍﻟﺒﻨﺎﺕ ﺑﻔﻠﺲ
ﺧﻠﻴﺖ ﺍﻡ ﻗﺎﺳﻢ ﺗﻜﻠﻲ ﻻ ﺍﺭﺍﺩﻳﺎً .. ﻳﺎ ﺷﺒﻴﺞ ﺧﺎﻟﺔ ﻣﺎ ﺗﺸﻮﻓﻴﻦ
.. ﺍﻱ ﺧﺎﻟﺔ ﺍﻧﻲ ﻋﻨﺪﻱ ﺑﻌﺪ ﻣﻤﺰﻭﺝ ﻭﻳﺎﻩ ﻗﺼﺮ ﻧﻈﺮ
ﻋﻤﻴﺎﻭﻱ
ﺧﻠﻴﺖ ﺍﻟﻤﺮﻳﺔ ﻭﻛﻔﺖ ﺻﺎﻓﻨﺔ ﺟﻨﻬﺎ ﺭﺍﺡ ﺗﻌﻴﺪ ﺍﻟﺘﻔﻜﻴﺮ ﺑﺎﻟﻤﻮﺿﻮﻉ
ﻫﻬﻬﻬﻬﻬﻬﻪ ... ﻫﻬﻬﻬﻬﻬﻬﻬﻪ
.....
ﺍﺟﺘﻲ ﺍﻟﻌﺮﻭﺳﺔ ﻭﺩﺧﻠﺖ ﻋﻠﻰ ﺍﻟﻤﻮﺳﻴﻘﻰ ﺍﻻﻓﺘﺘﺎﺣﻴﺔ
ﻭﺟﺎﻧﺖ ﺍﻟﻐﻨﻴﺔ ﺍﻟﻤﺨﺘﺎﺭﻳﻬﺎ ﻛﻠﺶ ﺣﻠﻮﺓ
ﺧﻠﺺ ﺍﻟﻮﻛﺖ ﻭﻣﺎ ﺣﺴﻴﻨﺎ ﺑﻲ
ﻻﻥ ﺟﺎﻥ ﺍﻟﻌﺮﺱ ﻛﻠﺶ ﺣﻠﻮ
ﻭﺍﺣﻠﻰ ﻓﻘﺮﺓ ﻣﻦ ﻛﺎﻣﺖ ﻣﻨﻰ ﻫﻲ ﻭﺯﻭﺟﻬﺎ ﻳﺮﻛﺼﻮﻥ ﻋﻠﻰ ﻣﻮﺳﻴﻘﻰ ﻫﺎﺩﺋﺔ ﺍﻭﻟﻲ ﻳﺎﺑﺔ ﻏﻴﺮ ﺿﺤﻰ ﺳﺎﺣﺖ ﺭﻭﺣﻬﺎ ﻣﻦ ﺍﻟﻐﻮﻣﺎﻧﺴﻴﺔ
ﺷﻜﻞ ﺍﻻﺧﺖ ﺩﺗﺘﺨﻴﻞ ﺭﻭﺣﻬﺎ ﻫﻲ ﻭﺻﻬﻴﺐ ﺩﻳﺮﻛﺼﻮﻥ ﺳﻠﻮ
ﺧﻠﺺ ﺍﻟﻌﺮﺱ
ﻭﻓﺮﻏﺖ ﺍﻟﻘﺎﻋﺔ
ﻭﺍﺗﺄﺧﺮ ﺍﻟﻮﻗﺖ ﻭﺍﻡ ﻓﺮﺯﺩﻕ ﺭﺍﺣﺖ ﺑﺒﺪﺍﻳﺔ ﺍﻟﻌﺮﺱ ﻻﻥ ﻣﺮﺓ ﺟﺒﻴﺮﺓ ﻣﻮ ﺣﻤﻞ ﻫﻮﺳﺔ ﺍﻟﻌﺮﺱ
ﻭﺷﻴﻤﺎﺀ ﺍﺗﺼﻠﺖ ﻋﻠﻰ ﺭﺑﺎﺏ
ﺣﺘﻰ ﺗﺪﺯ ﺍﺧﻮﻫﺎ ﻳﺠﻲ ﻳﺎﺧﺬﻧﺎ ﻟﻠﺒﻴﺖ
ﺑﺲ ﻃﻠﻊ ﻋﻨﺪﻩ ﺷﻐﻞ ﻭﻣﺎﺧﺬ ﻛﺮﻭﺓ ﻟﻠﻨﺠﻒ
ﺍﺑﺎﻭﻉ ﻋﻠﻰ ﺷﻴﻤﺎﺀ ﻭﺟﻬﻬﺎ ﻓﻬﺔ
ﺍﻧﺘﺒﻬﺖ ﻋﻠﻴﻨﺎ ﺍﻡ ﻗﺎﺳﻢ
.. ﻫﺎ ﺧﺎﻟﺔ ﺷﻨﻮ ﺗﻨﺘﻈﺮﻭﻥ
ﺷﻴﻤﺎﺀ .. ﺧﺎﻟﺔ ﺩﻛﻴﺖ ﻋﺎﻟﺴﺎﻳﻖ ﺑﺲ ﻃﻠﻊ ﻣﺴﺎﻓﺮ
ﻭﻣﺎﺍﻋﺮﻑ ﻏﻴﺮﻩ ﻭﺑﺎﺑﺎ ﻋﻨﺪﻩ ﺧﻔﺎﺭﺓ
.. ﻳﺎ ﺧﺎﻟﺔ ﺻﺪﻙ ﺟﺬﺏ ﻫﺴﺔ ﺍﺧﺎﺑﺮﻟﺞ ﻋﻠﻰ ﻗﺎﺳﻢ ﻳﺠﻲ ﻳﻮﺻﻠﻜﻢ ﻫﺴﺔ ﻫﻮ ﺑﺎﻟﻄﺮﻳﻖ ﺟﺎﻱ ﺣﺘﻰ ﻳﺎﺧﺬﻧﻲ ﺍﻧﻲ ﻭﺧﻮﺍﺗﻪ
ﺍﺗﺼﻠﺖ ﻋﻠﻴﻪ ﻭﻛﻠﻠﻬﺎ ﺍﻟﺒﻨﺎﺕ ﺭﺍﺡ ﻳﺠﻴﻬﻢ ﺭﺍﺋﺪ ﺻﺎﺣﺒﻲ ﻫﻮ ﻛﺎﻝ ﻳﻨﺪﻝ ﺑﻴﺘﻬﻢ ﻭﺍﻧﻲ ﺭﺍﺡ ﺍﺟﻲ ﻋﻠﻴﻜﻢ
ﺟﻬﺰﻭﺍ ﻧﻔﺴﻜﻢ ﻣﻮ ﺗﺨﻠﻮﻧﻲ ﺍﻧﺘﻈﺮ ﺳﺎﻋﺔ
.. ﺷﻮﻣﺔ ﺧﺎﻟﺔ ﺟﻬﺰﻭﺍ ﻧﻔﺴﻜﻢ ﺭﺍﺋﺪ ﺍﺑﻦ ﺍﻟﻤﺨﺘﺎﺭ ﺟﺎﺭﻛﻢ ﺍﻟﻘﺪﻳﻢ ﺟﺎﻱ ﻋﻠﻴﻜﻢ ﻫﻮ ﺻﺪﻳﻖ ﻗﺎﺳﻢ
.. ﺍﺷﻜﺮﺝ ﺧﺎﻟﺔ ﺗﺴﻠﻤﻴﻦ ﺍﻳﺎﺭﺏ ﺗﻔﺮﺣﻴﻦ ﺑﻘﺴﻮﻣﻲ ﻭﻫﺎﻟﺔ
.. ﺍﻣﻴﻦ ﻳﺎﺭﺏ
ﺍﺷﻮ ﻫﺎﻱ ﺗﺄﻣﻦ ﻭﺗﺒﺎﻭﻉ ﻋﻠﻴﺔ
ﻳﻤﺔ ﺩﺧﻴﻠﻚ ﻛﺶ ﻛﺶ ﻓﺎﻟﺔ ﺍﻟﻠﻪ ﻭﻻ ﻓﺎﻟﻜﻢ
ﻋﺎﻳﺰﺓ ﺧﻠﺼﻮﺍ ﺭﺟﺎﻝ ﺍﻟﻌﺮﺍﻕ ﻭﻣﺎ ﺑﻘﻰ ﺑﺲ ﻗﺎﺳﻢ
............
ﺷﻴﻤﺎﺀ
ﺍﻟﻴﻮﻡ ﻣﺘﻮﺟﻬﺔ ﻧﺤﻮ ﺍﺗﺨﺎﺫ ﺍﻟﻘﺮﺍﺭ
ﻟﻴﺚ
.. ﺷﻴﻤﺎﺀ
ﻟﻴﺚ ﺩﺯﻟﻲ ﺭﺳﺎﻟﺔ
ﻛﺎﺗﺐ ( ﺍﻟﻴﻮﻡ ﺭﺍﺡ ﺍﺟﻲ ﻟﻠﻤﺴﺘﺸﻔﻰ ﺣﺘﻰ ﺍﺳﻤﻊ ﺟﻮﺍﺑﺞ
ﻻﻥ ﻭﺻﻞ ﺣﺪﻫﺎ ﻭﺻﺒﺮﺕ ﻋﻠﻴﺞ ﻫﻮﺍﻱ )
ﺍﻟﻈﺎﻫﺮ ﺍﻻﺳﺘﺎﺫ ﻃﻔﺢ ﺑﻴﻪ ﺍﻟﻜﻴﻞ
ﺩﺍﻭﻣﺖ ﺑﺎﻟﻤﺴﺘﺸﻔﻰ ﻭﺍﻟﺘﻬﻴﺖ ﺑﺎﻟﻌﻤﻞ
ﻻﻥ ﻋﺎﻟﻢ ﺍﻟﻤﺴﺘﺸﻔﻰ ﻋﺎﻟﻢ ﺍﻟﻤﻔﺎﺟﺌﺎﺕ ﻭﺍﻟﻘﺼﺺ ﺍﻟﻐﺮﻳﺒﺔ
ﻭﺍﻟﺴﻌﻴﺪﺓ ﻭﺍﻟﻤﺤﺰﻧﺔ ﻋﺎﻟﻢ ﻭﺍﺳﻊ
ﻣﺴﺤﺖ ﻛﺼﺘﻲ ﻣﻦ ﺍﻟﻌﺮﻙ ﺟﻨﺖ ﻛﻠﺶ ﺗﻌﺒﺎﻥ
ﺻﺤﻴﺢ ﺟﻨﺖ ﻣﺸﻐﻮﻟﺔ ﻭﻫﻠﻜﺖ ﻧﻔﺴﻲ ﺑﺎﻟﺸﻐﻞ
ﺑﺲ ﻫﺬﺍ ﻛﻠﻪ ﻣﺎ ﻛﺪﺭ ﻳﺸﻐﻠﻨﻲ ﻋﻦ ﻟﻴﺚ ﺟﻨﺖ ﺍﺷﺘﻐﻞ ﻭﻛﻞ ﺳﺎﻋﺔ ﺍﺑﺎﻭﻉ ﺍﺧﺎﻑ ﻳﺠﻲ ﻟﻴﺚ ﻭﺍﻧﻲ ﻣﺎ ﺍﺩﺭﻱ
ﻭﺍﺑﻦ ﺍﻟﺤﻼﻝ ﺑﺬﻛﺮﻩ ﻋﻠﻰ ﻃﺎﺭﻳﻪ ﺍﺟﺖ ﺭﺑﺎﺏ
ﻛﺎﻟﺖ ﺷﻮﻣﺔ ﺍﻟﺪﻛﺘﻮﺭ ﻓﻼﺡ ﻳﺮﻳﺪﺝ ﺑﻐﺮﻓﺔ ﺍﻟﻜﺸﻒ
ﺭﺣﺖ ﻟﻠﻐﺮﻓﺔ ﻭﺍﻧﻲ ﺍﻗﻮﻱ ﻛﻠﺒﻲ
ﺍﺗﺨﺬﺕ ﺍﻟﻘﺮﺍﺭ ﻭﺍﻥ ﺷﺎﺀ ﺍﻟﻠﻪ ﺍﻛﻮﻥ ﻋﻠﻰ ﺣﻖ ﺑﻘﺮﺍﺭﻱ
ﺩﺧﻠﺖ ﻭﺻﺎﺭﺕ ﻋﻴﻨﻲ ﺑﻌﻴﻮﻥ ﻟﻴﺚ
ﺍﻟﻲ ﺟﺎﻥ ﻋﺎﻗﺪ ﺍﻟﺤﻮﺍﺟﺐ ﻭﻣﻌﺼﺐ
ﺍﻟﺪﻛﺘﻮﺭ ﺑﺲ ﺷﺎﻓﻨﻲ ﺍﺗﺮﺧﺺ ﻣﻦ ﻋﺪﻧﺎ ﻭﻃﻠﻊ
ﺭﺟﻠﻴﺔ ﺗﺮﺟﻒ ﻣﺎ ﺍﻋﺮﻑ ﻟﻴﺶ ﺧﺎﻳﻔﺔ
ﺑﺎﻭﻉ ﻋﻠﻴﺔ ﻣﻦ ﻓﻮﻙ ﻟﻴﺠﻮﺓ ﻭﻛﺄﻧﻤﺎ ﺭﺍﺡ ﻳﺴﻮﻳﻠﻲ ﺍﺳﺘﻨﺴﺎﺥ
ﻣﺴﺢ ﻋﻠﻰ ﻟﺤﻴﺘﻪ ﻭﻏﻤﺾ ﻋﻴﻮﻧﻪ ﺑﻨﻔﺎﺫ ﺻﺒﺮ
ﻭﺣﺠﺔ ﺑﺼﻮﺗﻪ ﺍﻟﺨﺸﻦ
.. ﺳﻤﻌﻴﻨﺎ ﺻﻮﺗﺞ
.. ﺍﺍﺍﺍﺍﺍﺍﺍﺍ ﻟﻴﺚ ﺍﻧﺖ ﺍﻧﺴﺎﻥ .....
.. ﺑﺪﻭﻥ ﻟﻒ ﻭﺩﻭﺭﺍﻥ ﺷﻨﻮ ﺍﻟﺮﺩ
.. ﺑﺲ ﻟﺤﻈﺔ ﺍﺭﻳﺪ ﺍﻓﻬﻤﻚ
.. ﺷﻴﻤﺎﺀ ﺍﻟﺠﻮﺍﺏ
ﺍﺣﺲ ﺑﻲ ﻧﺎﺭ ﻳﺮﻳﺪ ﻳﻜﻮﻡ ﻋﻠﻴﺔ ﻳﺎﻛﻠﻨﻲ
ﺑﻠﻌﺖ ﺭﻳﻜﻲ ﻭﺳﺤﺒﺖ ﻧﻔﺲ ﻋﻤﻴﻖ ﻭﺩﻧﻜﺖ
ﻣﺎ ﺍﻛﺪﺭ ﺍﺣﻂ ﻋﻴﻨﻲ ﺑﻌﻴﻨﻪ ﻭﺣﺠﻴﺖ
.. ﻟﻴﺚ ﺍﻧﻲ ﻣﻮﺍﻓﻘﺔ
ﻣﺎ ﺣﺴﻴﺖ ﺍﻻ ﻋﻠﻰ ﻟﻴﺚ ﻛﺎﻡ ﻣﻦ ﻣﻜﺎﻧﻪ ﺑﺨﻔﺔ
ﻭﻭﻛﻒ ﻛﺪﺍﻣﻲ
ﺍﺭﺗﺪﻳﺖ ﻟﻴﻮﺭﺓ ﻣﻦ ﺍﻟﻤﻔﺎﺟﺌﺔ
ﻣﺎ ﻟﺤﻜﺖ ﺍﺭﺟﻊ ﻛﺒﻞ ﺳﺤﺒﻨﻲ ﻋﻠﻴﻪ
ﺍﺭﺗﺒﻜﺖ ﻭﺍﻧﺨﺒﺼﺖ ﻋﺒﺎﻟﻚ ﻫﺒﺖ ﻋﻠﻴﺔ ﻋﺎﺻﻔﺔ
ﻣﺎ ﺣﺴﻴﺖ ﻋﻠﻰ ﻧﻔﺴﻲ ﺍﻻ ﻭﺍﻧﻲ ﺑﻴﻦ ﺍﻳﺪﻳﻪ
ﻭﺷﻔﺘﻪ ﻗﺮﻳﺒﺔ ﻋﻠﻰ ﺷﻔﺎﻳﻔﻲ
ﻭﺣﺠﺔ ﺑﺼﻮﺕ ﻫﺎﻣﺲ ﺣﺎﺭ
.. ﺷﻴﻤﺎﺀ ﻣﻦ ﺍﺣﺘﺮﻛﺖ ﻋﺸﻴﺮﺗﺞ ﺩﻣﺮﺗﻲ ﺍﻋﺼﺎﺑﻲ
ﺧﻤﻂ ﺷﻔﺎﻳﻔﻲ ﻋﻠﻰ ﻏﻔﻠﺔ
ﻭﺍﻧﻲ ﻣﺜﻞ ﺍﻟﻲ ﺩﺧﻠﻮ ﻋﻠﻴﻬﺎ ﺳﻼﺑﺔ
ﻟﻴﺚ ﺑﺤﺮﻛﺘﻪ ﻫﺎﻱ ﺳﻠﺐ ﻣﻨﻲ ﺍﺭﺍﺩﺗﻲ ﻭﺻﺮﺕ ﺑﻴﻦ ﺍﻳﺪﻳﻪ ﻣﺜﻞ ﺍﻟﻤﺎﻱ
ﺣﺴﻴﺖ ﻋﻠﻰ ﻋﻀﺔ ﺑﺸﻔﺘﻲ ﺍﻟﺘﺤﺘﻴﺔ
ﺩﻓﻌﺘﻪ ﺧﺎﻳﻔﺔ
ﺣﺠﻴﺖ ﻣﺼﺪﻭﻣﺔ .. ﻝ .. ﻝ .. ﻳﺚ ﻋﻠﻰ ﻛﻴﻔﻚ ﺍﻧﻄﻴﻨﻲ ﻓﺮﺻﺔ ﺍﺣﺠﻲ
ﺍﺑﺘﻌﺪ ﻋﻨﻲ ﻭﺭﻓﻊ ﺷﻌﺮﻩ ﺑﻴﺪﻩ
ﻭﻋﺪﻝ ﺷﻌﺮﻱ ﻭﺧﻠﺔ ﺍﻟﺨﺼﻠﺔ ﻭﺭﺓ ﺍﺫﻧﻲ
ﻭﻟﺰﻡ ﻭﺟﻬﻲ ﺑﻴﻦ ﺍﻳﺪﻳﻪ ﺍﻟﺨﺸﻨﺔ ﺍﻟﻜﺒﻴﺮﺓ
.. ﻋﻠﻰ ﻓﻜﺮﺓ ﻫﺬﺍ ﺍﻟﺼﺎﺭ ﻗﺒﻞ ﺷﻮﻳﺔ ﺟﺎﻥ ﻧﺬﺭ ﻋﻠﻴﺔ
ﺍﺫﺍ ﻭﺍﻓﻘﺘﻲ ﻛﻮﻥ ﺍﻛﻄﻊ ﻫﺬﻧﻲ
ﻟﺰﻣﻨﻲ ﻣﻦ ﺷﻔﺎﻳﻔﻲ
ﺑﺲ ﻛﻠﺖ ﺧﻄﻴﺔ ﺷﻔﺘﺞ ﻛﻤﺘﻲ ﺗﺮﺟﻔﻴﻦ ﻣﻦ ﺍﻟﺨﻮﻑ
ﻃﻠﻌﺖ ﺷﻴﻤﺎﺀ ﺍﻟﻘﻮﻳﺔ ﺗﺨﺒﻲ ﺟﻮﺍﻫﺎ ﺍﻣﺮﺍﺀﺓ
ﺭﻗﻴﻘﺔ ﻫﺸﺔ ﻭﻣﺜﻴﺮﺓ ﻭﺑﺴﺮﻋﺔ ﺗﺬﻭﺏ ﺑﻴﻦ ﺍﻳﺪﻳﺔ
ﺻﺎﺭﻭﺍ ﺧﺪﻭﺩﻱ ﺣﻤﺮ ﺍﺑﺘﻌﺪﺕ ﻋﻨﻪ ﻭﺧﻠﻴﺖ ﺑﻴﻨﺎ ﻣﺴﺎﻓﺔ ﻭﺣﺠﻴﺖ
.. ﻫﻮﺏ ﻫﻮﺏ ﺗﺮﺓ ﻫﺬﺍ ﺍﻟﻜﺎﻋﺪ ﻳﺼﻴﺮ ﻛﻠﺶ ﻫﻮﺍﻱ
ﻋﻠﻴﺔ ﻋﻔﻴﺔ ﻟﻴﺚ ﺍﻧﺖ ﺩﺗﺮﺑﻜﻨﻲ
ﻋﻠﻰ ﻛﻴﻒ ﻭﻳﺎﻱ ﻭﺣﺪﺓ ﻭﺣﺪﺓ
ﺍﺑﺘﺴﻢ .. ﻟﺞ ﺷﻴﻤﺎﺀ ﻣﺎ ﺗﻌﺮﻓﻴﻦ ﻫﺬﺍ ﺷﻨﻮ ﻛﺎﻋﺪ ﻳﺼﻴﺮ ﺑﻲ
ﻭﻳﺎﺷﺮ ﻋﻠﻰ ﻋﻘﻠﺔ
ﻭﺭﺑﻲ ﻟﻮﺗﻌﺮﻓﻴﻦ ﺑﺸﻨﻮ ﺟﺎﻱ ﺍﻓﻜﺮ
ﺟﺎﻥ ﺑﺴﺮﻋﺔ ﺷﺮﺩﺗﻲ ﻭﻣﺎ ﺍﺷﻮﻑ ﺑﺲ ﻏﺒﺎﺭﺝ
ﻓﺤﻤﺪﻱ ﺭﺑﺞ ﺍﻧﺎ ﻟﺤﺪ ﻫﺴﺔ ﺻﺎﺑﺮ ﻭﻣﺤﺎﻓﻆ ﻋﻠﻰ ﺧﻄﻮﺍﺗﻲ ﻭﻳﺎﺝ
.. ﺣﻀﺮﻱ ﺭﻭﺣﺞ ﺑﺎﺟﺮ ﺟﺎﻳﻜﻢ ﺧﻄﺎﺑﺔ
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
ﺍﺧﺘﻜﻢ ﻧﻬﻰ ﻋﺎﺩﻝ ️♥️♥️♥️♥️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء