رواية أنثى في معتقل الحب الجزء الأول
للكاتبة زينب (عطر الورد)
ﺩﻳﻤﺔ : ﺍﻟﺴﻼﻡ ﻋﻠﻴﻜﻢ ﺍﺳﻤﻲ ﺩﻳﻤﺔ ﺭﺍﺡ ﺍﻛﻮﻥ ﻭﻳﺎﻛﻢ ﻃﻴﻠﺔ ﺍﻻﻳﺎﻡ ﺍﻟﻘﺎﺩﻣﺔ ﺭﺍﺡ ﺍﺣﺠﻴﻠﻜﻢ ﻉ ﻗﺼﺘﻲ ﺑﻔﺮﺣﻬﺎ ﻭﺣﺰﻧﻬﺎ ﺭﺍﺡ ﺗﺒﺪﻱ ﻣﻦ ﻋﻤﺮ ١٢ ﻭﺗﻨﺘﻬﻲ ﺍﻵﻥ ﻭﻗﺪ ﺷﺎﺭﻓﺖ ﻉ ﻋﻤﺮ ﺍﻟﺜﻼﺛﻴﻦ
ﺳﻮﻑ ﺗﻌﻴﺸﻮﻥ ﻣﻌﻲ ﻓﻲ ﻣﺤﻄﺎﺕ ﺣﻴﺎﺗﻲ ﻣﻨﻬﺎ ﺍﻟﺤﺐ ﻭﻣﻨﻬﺎ ﺍﻟﻜﺮﻩ،ﺍﻟﻈﻠﻢ ،ﺍﻟﻘﺴﻮﺓ،ﻭﻛﺜﻴﺮ ﻣﻦ ﺍﻟﻤﻮﺍﻗﻒ
ﺗﻌﺎﻟﻮ ﻣﻌﻲ ﻻﺧﺬﻛﻢ ﺇﻟﻰ ﻋﺎﻟﻤﻲ .....
.......... ﺩﻳﻤﺔ .....
ﻃﻠﻌﺖ ﺭﻛﺾ ﻣﻦ ﺍﻟﻤﺪﺭﺳﺔ ﻓﺮﺣﺎﻧﻪ ... ﻭﺍﻧﻲ ﺍﻋﺒﺮ ﺍﻟﺸﺎﺭﻉ
ﺑﻴﺪﻱ ﺷﻬﺎﺩﺓ ﺍﻻﻭﻝ ﻣﺘﻮﺳﻂ .... ﻧﺎﺟﺤﺔ ﺍﻻﻭﻟﻰ
ﻭﻛﻔﺖ ﻣﻨﺘﻈﺮﺓ ﺍﻟﺴﻴﺎﺭﺍﺕ .... ﺍﺭﻳﺪ ﺍﻋﺒﺮ
ﺍﺭﻳﺪ ﺍﻭﺻﻞ ﺑﺴﺮﻋﺔ .. ﻭﺍﻓﺮﺡ ﺍﻣﻲ ﻭﺍﺑﻮﻱ
ﻃﺎﻟﻌﺔ ﺍﻻﻭﻟﻰ ... ﺍﻛﻴﺪ ﻫﺴﺔ ﻣﻨﺘﻈﺮ ﻭﻣﺼﻄﻔﻰ ﺍﺧﻮﺍﻧﻲ ﻧﺎﺟﺤﻴﻦ ﺑﺲ ﻧﺠﺎﺡ ﻋﺎﺩﻱ ... ﺍﻧﻲ ﺃﺷﻄﺮ ﻣﻨﻬﻢ
ﻭﺻﻠﺖ ﻟﻠﺒﻴﺖ .... ﺷﻤﺮﺕ ﺟﻨﻄﺘﻲ ﺑﻜﺎﻉ
ﻭﺭﺣﺖ ﻟﻐﺮﻓﻪ ﻣﺎﻣﺎ .... ﺩﺧﻠﺖ ﻟﻜﻴﺘﻬﺎ ﻛﺎﻋﺪﺓ ﺑﺰﺍﻭﻳﺔ ﺣﺎﻇﻨﺔ ﺭﺟﻠﻴﻬﺎ ﻭﻣﺨﻠﻴﺔ ﺭﺍﺳﻬﺎ ﻉ ﺭﺟﻠﻴﻬﺎ ﺍﺟﻴﺖ ﺭﻛﻈﺖ ﺑﺤﻈﻨﻬﺎ ﻭﺍﻧﻲ ﺍﺻﻴﺢ ﻣﺎﻣﺎ ﻃﻠﻌﺖ ﺍﻻﻭﻟﻰ ﻭﺷﺒﻜﺘﻬﺎ ﺷﺒﻜﺘﻨﻲ ﻭﻛﻠﺘﻠﻲ
ﺳﻤﻴﺔ : ﺑﺼﻮﺕ ﺣﺰﻳﻦ ﻭﻋﻴﻮﻥ ﺫﺑﻼﻧﻪ ﺍﻟﻒ ﻣﺒﺮﻭﻙ ﻳﻌﻤﺮﻱ ﺇﻧﺸﺎﺀ ﺍﻟﻠﻪ ﺍﺷﻮﻓﺞ ﺍﺣﻠﻰ ﺩﻛﺘﻮﺭ
ﺩﻳﻤﺔ : ﻭﻫﻲ ﺗﺒﺎﻭﻉ ﺑﻮﺟﻪ ﺍﻣﻬﺎ ﺍﻟﺸﺎﻓﺘﻪ ﺣﺰﻳﻦ
ﻣﺎﻣﺎ ﺷﺒﻴﺞ ﻣﻨﻮ ﻣﻀﻮﺟﺞ ﻟﻴﺶ ﻋﻴﻮﻧﺞ ﺣﻤﺮ ﺷﻨﻮ ﺑﺎﺟﻴﺔ ﺍﻛﻴﺪ ﻫﺎﻱ ﻋﻤﺎﺗﻲ ﻟﻮ ﺑﻴﺒﺘﻲ ﻋﺎﺭﻛﻨﺞ
ﺳﻤﻴﺔ : ﻻﻣﺎﻣﺎ ﻣﺤﺪ ﻣﻀﻮﺟﻨﻲ
ﺩﻳﻤﺔ : ﻟﻌﺪ ﺷﻨﻮ ﺿﺎﻳﺠﺔ ﻣﻦ ﺍﺧﻮﺍﻧﻲ ﺧﺎﻑ ﻣﺎﻧﺎﺟﺤﻴﻦ
ﺳﻤﻴﺔ : ﺗﻌﺎﻟﻲ ﻣﺎﻣﺎ ﺍﻛﻌﺪﻱ ﺧﻠﻴﻨﻲ ﺍﻓﻬﻤﺞ
ﺍﺗﻨﻬﺪﺕ ﺷﻮﻓﻲ ﻣﺎﻣﺎ ﺍﺑﻮﺝ ﺭﺍﺡ ﻳﺴﺎﻓﺮ ﺍﺭﻳﺪ ﻣﻨﺞ ﺍﻧﺘﻲ ﻭﺍﺧﻮﺍﻧﺞ ﺍﺗﻜﻠﻮﻟﻪ ﻻﺳﺎﻓﺮ ﺣﺎﻭﻟﻲ ﺍﺗﻘﻨﻌﻮ
ﺩﻳﻤﺔ : ﻭﻫﻲ ﺍﺗﻜﻮﻡ ﻣﻦ ﺣﻈﻦ ﺍﻣﻬﺎ ﻭﻣﺼﺪﻣﺔ ﻣﻦ ﺍﻟﺘﺴﻤﻌﻪ ﺍﻭﻝ ﻣﺮﺓ ﺃﺑﻮﻫﺎ ﺭﺍﺡ ﻳﺮﻭﺡ ﻟﻠﺨﺎﺭﺝ ﻣﺎﻣﺴﻮﻳﻬﺎ ﻣﻦ ﻗﺒﻞ ...
ﻟﻴﺶ ﻣﺎﻳﺎﺧﺬﻧﻪ ﻭﻳﺎﻩ ﻣﺎ ﺍﺭﻳﺪ ﺍﺑﻘﻰ ﺍﻫﻨﺎ ﺍﺭﻳﺪ ﺍﺭﻭﺡ ﻭﻳﺎﻩ ﺍﺷﻠﻮﻥ ﻳﻌﻮﻓﻨﻪ
ﻭﻃﻠﻌﺖ ﻣﻦ ﻏﺮﻓﺔ ﺭﻛﺾ ﺭﺍﺣﺖ ﻟﻜﺖ ﺍﺑﻮﻫﺎ ﻧﺎﻳﻢ ﻉ ﺗﺨﻢ ﻭﻣﺨﻠﻲ ﺍﺩﻳﻪ ﻉ ﻋﻴﻨﺔ ﻭﻳﻤﻪ ﻣﻨﺘﻈﺮ ﻭﻣﺼﻄﻔﻰ ﻳﺘﻮﺳﻠﻮﻥ ﺑﻴﻪ
ﺩﻳﻤﺔ ﻭﺩﻣﻮﻉ ﺑﻌﻴﻨﻬﺎ ﻭﺑﺼﻮﺕ ﻋﺎﻟﻲ
ﺑﺎﺑﺎ ﺻﺪﻙ ﺭﺍﺡ ﺍﺗﺨﻠﻴﻨﻪ ﻭﺗﺮﻭﺡ ﻟﻴﺶ ﻣﺎﺗﺎﺧﺬﻧﻪ ﻭﻳﺎﻙ ﺍﻧﻲ ﻣﺎ ﺍﺭﻳﺪ ﺍﺑﻘﻰ ﻫﻨﺎ ﺧﻠﻴﻨﻪ ﻧﺮﻭﺡ ﺍﻧﻲ ﻭﺍﻣﻲ ﻭﺍﺧﻮﺍﻧﻲ ﻭﻳﺎﻙ ﺍﻧﺘﻪ ﻣﻮ ﺍﻛﻮﻝ ﺍﻧﺘﻮ ﺍﻋﺰ ﺷﻲ ﻟﻴﺶ ﻟﻌﺪ ﺭﺍﺡ ﺗﺘﺮﻛﻨﻪ
ﻧﻌﻴﻢ ... ﻭﺧﺮ ﺍﺩﻳﻪ ﻋﻦ ﻭﺟﻬﺔ ﻭﻛﻌﺪ ﻭﻫﻮ ﻳﺸﻮﻑ ﺑﻨﺘﻪ ﺍﺷﻠﻮﻥ ﻋﺼﺒﻴﻪ ﻭﺻﺎﻳﺮﺓ ﺣﻤﺮﺓ ﻣﻦ ﻋﺼﺒﻴﻪ ﻭﻋﻴﻮﻧﻬﺎ ﺣﻤﺮ ﻛﺎﻟﻠﻬﺎ
ﺗﻌﺎﻟﻲ ... ﺗﻌﺎﻟﻲ ﺍﻫﻨﺎ ﺧﻠﻴﻨﻲ ﺍﻓﻬﻤﺞ ﺍﺑﻨﻴﺘﻲ
ﺩﻳﻤﺔ : ﻣﺎ ﺍﺭﻳﺪ ﺍﻓﺘﻬﻢ ﺍﻧﺘﻪ ﺭﺍﺡ ﺍﺗﺮﻭﺡ ﻭﺍﺗﺨﻠﻴﻨﻪ ﻫﻨﺎ ﺷﻔﺘﻬﻢ
ﻧﻌﻴﻢ : ﻭﺑﺼﻮﺕ ﻫﺎﺩﺉ ﺍﺷﻠﻮﻥ ﺗﻔﺘﻬﻤﻴﻦ ﻭﺍﻧﺘﻲ ﻣﺎﺗﺨﻠﻴﻨﻲ ﺍﺣﺠﻲ ﺗﻌﺎﻟﻲ ﺍﻛﻌﺪﻱ ﻳﻤﻲ ﻭﺧﻠﻴﻨﻲ ﺍﻓﻬﻤﺞ
ﺩﻳﻤﺔ : ﻣﺸﻴﺖ ﺑﺨﻄﻮﺍﺕ ﻣﺘﺜﺎﻗﻠﺔ ﻭﺻﻠﺖ ﻭﻛﻌﺪﺕ ﻳﻤﺔ ﻭﻛﻌﺪﻭ ﻳﻤﻲ ﺍﺧﻮﺍﻧﻲ ﻭﺑﺪﺀ ﺍﺑﻮﻳﺔ ﻳﺤﺠﻴﻠﻲ ﻭﻳﻔﻬﻤﻨﻲ ﻋﺒﺎﻟﺔ ﺍﻧﻲ ﺍﺯﻏﻴﺮﺓ ﻭﻳﻘﻨﻌﻲ
ﻧﻌﻴﻢ : ﺍﺳﻤﻌﻮﻧﻲ ﺍﻧﻲ ﺭﺍﺡ ﺍﺭﻭﺡ ﺍﺳﺎﻓﺮ ﻓﺘﺮﺓ ﻭﺍﺭﺟﻊ ﺍﻟﻜﻢ ﻣﺎ ﺭﺍﺡ ﺍﻃﻮﻝ ﺑﺲ ﺍﺧﻠﺺ ﺷﻐﻠﻲ ﻭﺍﺭﺟﻊ
ﻣﻨﺘﻈﺮ : ﺑﺎﺑﺎ ﺍﺭﻳﺪ ﺍﺭﻭﺡ ﻭﻳﺎﻙ
ﺩﻳﻤﺔ : ﻭﺍﻧﻲ ﻫﻤﻴﻦ ﻣﺎ ﺍﺭﻳﺪ ﺍﺑﻘﻰ ﺍﻫﻨﺎ
ﻧﻌﻴﻢ : ﻻ ﺑﺎﺑﺎ ﻣﺎﻳﺼﻴﺮ ﺍﻧﻲ ﺭﺍﺡ ﺍﺭﻭﺡ ﻣﺎ ﺍﺗﺄﺧﺮ ﻋﻠﻴﻜﻢ
ﺩﻳﻤﺔ : ﻭﺿﻠﻴﺖ ﺍﺗﻮﺳﻞ ﺑﻴﻪ ﺍﻧﻲ ﻭﻣﻨﺘﻈﺮ ﻭﻧﺒﺠﻲ ﺑﺲ ﻣﺎﻓﺎﺩ ﺍﺗﻮﺳﻠﻨﻪ ﻋﻠﻤﻮﺩ ﻣﺎ ﻳﺮﻭﺡ ﺑﺲ ﻫﻮ ﻗﺎﻓﻞ ﻉ ﺭﻭﺣﺔ
ﺭﺍﺡ ﻟﻠﻐﺮﻓﺔ ﻳﻄﻠﻊ ﺍﻟﺠﻨﻂ ﻭﺍﻣﻲ ﻭﺍﻛﻔﺔ ﺑﺲ ﺗﺒﺎﻭﻉ ﺍﺣﺲ ﺑﻴﻬﺎ ﻣﻘﻬﻮﺭﺓ ﺑﺲ ﻣﺎﺗﺮﻳﺪ ﺍﺗﺒﻴﻦ ﻫﺬﺍ ﺍﻟﺸﻲ
ﻭﺍﺳﻤﻊ ﻋﻤﺘﻲ ﻧﻀﺎﻝ ﻭﺑﻴﺒﺘﻲ ﻳﺤﺠﻦ
ﻧﻀﺎﻝ : ﺧﻠﻲ ﻳﺮﻭﺡ ﻳﺸﻮﻑ ﺣﻴﺎﺗﻪ ﺍﻟﻤﻦ ﺑﺎﻗﻲ ﺍﻫﻨﺎ ﺑﺲ ﻟﻤﺸﺎﻛﻞ ﺑﻠﻜﻲ ﺍﻫﻨﺎﻙ ﻳﺰﻭﺝ ﺷﻲ ﺍﺷﻮ ﺧﻠﺺ ﻋﻤﺮﻩ ﻭﻫﻮ ﻣﺎﺷﺎﻳﻒ ﺷﻲ
ﺩﻳﻤﺔ : ﻭﺍﻧﻲ ﺍﺑﺠﻲ ﺷﻔﺘﻪ ﻃﻠﻊ ﻳﺴﺤﺐ ﺑﺠﻨﻂ ﺭﺣﺖ ﻟﺰﻣﺖ ﺍﻳﺪﻩ ﺍﺗﻮﺳﻞ ﺑﻴﻪ ﻣﺎ ﻳﺮﻭﺡ ﻭﻣﻨﺘﻈﺮ ﻫﻤﻴﻦ
ﺑﺎﺑﺎ ﻓﺪﻭﺓ ﻻﺗﺮﻭﺡ ﻣﺎ ﺍﺭﻳﺪ ﺍﺑﻘﻰ ﻫﻨﺎ ﻭﺍﻟﻠﻪ ﻋﻤﺎﺗﻲ ﺍﻳﻜﺘﻠﻨﻪ ﺣﺘﻰ ﻣﺎﻣﺎ ﻳﻜﺘﻠﻨﻬﺎ ﻻﺗﺨﻠﻴﻨﺔ ﺍﻫﻨﺎ
ﻧﻌﻴﻢ : ﻻﺑﺎﺑﺎ ﻣﺎﺭﺍﺡ ﻳﺼﻴﺮ ﺷﻲ ﺍﻟﻜﻢ ﻭﻫﺎﻱ ﺃﻣﻜﻢ ﻳﻤﻜﻢ ﻻﺗﺨﺎﻓﻮﻥ ....
ﻭﺧﺮ ﺍﻳﺪﻱ ﻭﺑﺎﺳﻨﻪ ﻭﺑﺎﺱ ﺭﺍﺱ ﺑﻴﺒﻲ ﻭﺳﻠﻢ ﻉ ﻋﻤﺎﺗﻲ ﺑﺎﻭﻉ ﻉ ﺍﻣﻲ ﻭﻃﻠﻊ ﻭﺿﻠﻴﺖ ﺍﺑﺎﻭﻉ ﻋﻠﻴﻪ ﻻﺧﺮ ﺃﺛﺮ ....
ﻣﻨﺎ ﺑﺪﺕ ﻣﻌﻨﺎﺗﻨﻪ ﻣﻮ ﺑﺲ ﻣﻌﻨﺎﺗﻲ ﻻ ﻣﻌﻨﺎﺓ ﺍﻣﻲ ﻇﻠﻢ ﻭﻗﺴﻮﺓ ﻋﻤﺎﺗﻲ ﻭﺑﻴﺒﺘﻲ ﻉ ﺍﻣﻲ
ﺧﻠﻴﻨﻲ ﺍﺣﺠﻴﻠﻜﻢ ﻋﻦ ﺣﻴﺎﺓ ﺍﻣﻲ
ﺍﻧﻲ ﻣﻦ ﻭﻋﻴﺖ ﻉ ﺩﻧﻴﺎ ﻭﺍﻧﻲ ﺍﺷﻮﻑ ﻋﻤﺎﺗﻲ ﻳﺤﺎﺭﺑﻦ ﺑﺎﻣﻲ ﺻﺤﻴﺢ ﺍﻧﻲ ﺍﺯﻏﻴﺮﺓ ﺑﺲ ﻛﻠﺸﻲ ﺍﻓﺘﻬﻢ ﻣﺎﺧﻠﻦ ﺷﻲ ﻣﺎﺳﻮﻧﻪ ﺍﻣﻲ ﻣﻌﻠﻤﺔ ﻭﻫﻲ ﺑﻨﺖ ﻋﻤﻬﻢ ﺟﺪﻱ ﺍﻧﻄﺎﻫﺎ ﻟﺨﻮﻩ ﻫﻲ ﻭﺧﺎﻟﺘﻲ ﻟﻌﻤﻲ ﻃﺒﻌﺎ ﺍﻣﻲ ﻣﻦ ﺳﻜﻨﻪ ﺑﻐﺪﺍﺩ ﻭﺑﺎﺑﺎ ﻣﻦ ﺍﻟﻌﻤﺎﺭﻩ ﺑﺲ ﺭﻏﻢ ﻫﺬﺍ ﻳﻜﺮﻫﻨﺎ ﻻﻥ ﺟﺪﻱ ﺍﺑﻮ ﺍﻣﻲ ﻛﻠﺶ ﻏﻨﻲ ﻭﺣﺎﻟﺘﻪ ﺯﻳﻨﻪ ﻭﺃﻫﻞ ﺍﺑﻮﻳﺔ ﺟﺎﻧﺖ ﻋﻴﺸﺘﻬﻢ ﻣﺘﻮﺳﻄﺔ ﺧﺎﻟﺘﻲ ﻛﻠﻬﻦ ﻭﺍﺻﻼﺕ ﻓﻌﻤﺎﺗﻲ ﻳﻐﺎﺭﻥ ﻣﻦ ﺍﻣﻲ ﻣﺎﺧﻠﻦ ﻣﺸﻜﻠﺔ ﻣﺎﺳﻮﻧﻬﺎ ﺑﻴﻬﺎ ﻭﻫﻲ ﺗﺴﻜﺖ ﻣﺎﺗﺮﻳﺪ ﺍﺗﻮﺻﻠﻪ ﻟﺠﺪﻱ ﻭﺧﺎﻟﻲ ﻋﻨﺪﻱ ﺑﺲ ﺧﺎﻝ ﻭﺍﺣﺪ ﻭﺧﺼﻮﺻﺎ ﺑﻌﺪ ﻣﺎﻣﺎﺕ ﺟﺪﻱ ﻭﺻﺎﺭﻥ ﻋﻤﺎﺗﻲ ﻳﺸﻤﺘﻦ ﺑﺎﻣﻲ ﺍﻳﻜﻠﻮﻟﻬﺎ ﺭﺍﺡ ﻫﻴﺒﺘﻜﻢ ﻣﺎ ﺻﺎﺭ ﻋﻨﺪ ﺍﻣﻲ ﺳﻨﺪ ﻗﻮﻱ ﻭﺧﺎﻟﻲ ﺍﻧﺴﺎﻥ ﻣﺴﺎﻟﻢ ﻭﻣﺮﻳﺾ ﻓﻀﻠﺖ ﺍﻟﺴﻜﻮﺕ ﺍﺑﻮﻳﺔ ﻛﻠﺶ ﻃﻴﺐ ﺑﺤﻴﺚ ﺣﺘﻰ ﺭﺍﺗﺐ ﻣﻦ ﻳﺴﺘﻠﻤﻪ ﻳﺨﻠﻴﻪ ﺑﻴﺪ ﺑﻴﺒﺘﻲ ﻭﻫﻲ ﺗﻮﺯﻋﻪ ﻣﻞ ﻣﻦ ﺍﻟﻤﺸﺎﻛﻞ ﻭﺍﻟﻀﻐﻂ ﻓﻀﻞ ﺍﻟﻬﺮﻭﺏ ﻣﻦ ﺍﻟﻮﺍﻗﻊ ﻭﺑﻌﺪ ﻣﺎﻗﺮﻥ ﺑﺮﺍﺳﻪ ﻋﻤﺎﺗﻲ ﻭﺑﻴﺒﺘﻲ ﻭﻳﻮﻡ ﺳﺎﻓﺮ ﻛﻞ ﺃﻣﻠﻲ ﺑﻴﻪ ﻳﺮﺟﻊ ﺑﺲ ﺑﻤﺮﻭﺭ ﺍﻻﻳﺎﻡ ﺑﺪﺀ ﻫﺬﺍ ﺍﻷﻣﻞ ﻳﺨﺘﻔﻲ ﻭﺻﺮﺕ ﻣﺘﻌﻮﺩﺓ ﻉ ﻏﻴﺎﺑﻪ
ﺑﻌﺪ ﻣﺮﻭﺭ ﺍﺳﺒﻮﻉ ﻣﻦ ﺳﻔﺮ ﺍﺑﻮﻳﺔ ﻭﺍﺣﻨﺎ ﻛﺎﻋﺪﻳﻦ ﺑﻐﺮﻓﺔ ﺍﺫﻛﺮ ﺍﺷﻠﻮﻥ ﺣﺎﺟﻴﺖ ﻋﻤﺎﺗﻲ ﻣﻦ ﺭﺍﺡ
ﺩﻳﻤﺔ : ﻭﻋﻴﻮﻥ ﻣﺪﻣﻌﺔ ﻭﺻﻮﺕ ﻣﺒﺤﻮﺡ ﻣﻦ ﺍﻟﺒﺠﻲ
ﻛﻠﻪ ﻣﻦ ﻭﺭﺍﺟﻦ ﺍﻧﺘﻦ ﺧﻠﻴﺘﻦ ﺑﺎﺑﺎ ﻳﺮﻭﺡ ﻭﻳﻌﻮﻓﻨﻪ
ﻧﻀﺎﻝ : ﻭﻟﺞ ﺷﻨﻮ ﻣﻦ ﻭﺭﺍﻧﻪ ﻫﻮ ﻣﻞ ﻣﻦ ﺍﻣﺞ ﻭﻣﺸﺎﻛﻠﻬﺎ ﺧﻠﻲ ﻳﺮﻭﺡ ﺍﻫﻨﺎﻙ ﻳﺸﻮﻑ ﺣﻴﺎﺗﻪ ﺍﻛﻴﺪ ﻫﺎﻱ ﺍﻣﺞ ﺗﻘﺮﺍ ﺑﺮﺍﺳﺞ
ﺩﻳﻤﺔ : ﺍﻣﻲ ﻣﺎﻧﻘﺮﺍ ﺑﺮﺍﺳﻲ ﺑﺲ ﺍﻧﻲ ﺍﻋﺮﻓﺠﻦ ﺍﻧﺘﻦ ﺍﻛﺮﻫﻨﺎ ﻻﻣﻲ ﻭﺗﻔﺮﺣﻦ ﻣﻦ ﺍﺷﻮﻓﻨﻬﺎ ﻫﻴﺞ ﻣﻜﺴﻮﺭﺓ
ﻧﻀﺎﻝ : ﺍﺳﻜﺘﻴﻦ ﻻ ﻭﺍﻟﻠﻪ ﺍﻧﻲ ﺍﺭﺑﻴﺞ ﻣﻦ ﺟﺪﻳﺪ
ﺩﻳﻤﺔ : ﺍﻣﻲ ﺣﺎﻭﻟﺖ ﺍﺗﻬﺪﻱ ﺍﻟﻮﺿﻊ ﻭﺍﺧﺬﺗﻨﻲ ﺩﺧﻠﺘﻨﻲ ﺑﻐﺮﻓﺔ ﻭﺩﺧﻠﻮ ﺍﺧﻮﺍﻧﻲ ﻇﻠﻴﻨﻪ ﺑﺲ ﻧﺒﺠﻲ ﺣﻈﺘﻨﻪ ﻭﺿﻠﺖ ﺍﺗﻬﺪﻱ ﺑﻴﻨﻪ ﻉ ﺭﻏﻢ ﻫﻲ ﻛﻠﺒﻬﺎ ﻣﺤﺮﻭﻙ
ﺭﺟﻌﺖ ﻟﻮﺍﻗﻊ
ﻭﺍﻧﻲ ﺍﻛﺘﺐ ﻋﻨﺪﻱ ﺗﻤﺎﺭﻳﻦ ﻣﺎﻝ ﺭﻳﺎﺿﻴﺎﺕ ﻭﺍﺳﻤﻊ ﻋﻤﻲ ﻳﺼﻴﺢ ﺑﻌﻠﻮ ﺻﻮﺗﻪ ﺭﺝ ﺍﻟﺒﻴﺖ ﺭﺝ
ﺛﺎﻣﺮ : ﻣﻨﻮ ﺍﻟﺸﺎﻳﻒ ﺍﻓﻠﻮﺳﻲ ﺭﺍﺗﺐ ﻭﻳﻦ ﺭﺍﺡ ﺍﺧﺘﻔﻰ ﻣﻨﻮ ﺍﻻﺧﺬﻫﻦ
ﻧﻀﺎﻝ : ﻳﺎﺍ ﻭﻫﻮ ﻣﻨﻮ ﻣﻴﺖ ﻉ ﻓﻠﻮﺳﻚ ﺷﻮﻓﻬﻦ ﻭﻳﻦ ﺿﺎﻳﻌﺎﺕ
ﺛﺎﻣﺮ : ﻫﺴﺔ ﻓﻠﺸﺖ ﺍﻟﻐﺮﻓﺔ ﻣﺎﻛﻮ ﻃﺎﺭﻥ
ﺍﻟﺤﺠﻴﺔ : ﺍﻧﺘﻪ ﺍﺫﺍ ﻣﺨﻠﻲ ﻣﺮﻳﺘﻚ ﻳﻢ ﺍﻫﻠﻬﺎ ﻣﺎ ﺍﺟﻴﺒﻬﺎ ﺍﻫﻨﺎ ﻳﻮﻣﻴﺔ ﺿﺎﻳﻌﺘﻠﻚ ﺷﻲ ﻭﺗﺠﻲ ﻋﻠﻴﻨﻪ ﺍﺻﻴﺢ
ﺛﺎﻣﺮ : ﻳﻤﺔ ﺭﺣﻢ ﻟﻬﻠﺞ ﻣﻌﻠﻴﺞ ﺑﻤﺮﺗﻲ ﻫﺴﺔ ﻓﻠﻮﺳﻲ ﻭﻳﻨﻬﻦ
ﻧﻀﺎﻝ : ﺧﺎﻑ ﺳﻤﻴﺔ ﺍﺧﺬﺗﻬﻦ ﺗﻌﺮﻑ ﻧﻌﻴﻢ ﻭﺭﺍﺡ ﻣﻨﻮ ﺑﻌﺪ ﻳﺼﺮﻑ ﻋﻠﻴﻬﺎ
ﺩﻳﻤﺔ : ﻛﺎﻋﺪﻳﻦ ﻭﻧﺴﻤﻊ ﺍﻟﺤﺠﻲ ﺍﺣﻨﺎ ﻣﻦ ﺭﺍﺡ ﺍﺑﻮﻳﺔ ﺍﻣﻲ ﺍﻭﻝ ﻣﺎﺗﺠﻲ ﻣﻦ ﺩﻭﺍﻡ ﺗﺨﻠﺺ ﺍﻟﺸﻐﻞ ﻟﻌﻠﻴﻬﺎ ﻭﺗﺪﺧﻞ ﻟﻐﺮﻓﻪ ﻋﻠﻤﻮﺩ ﺗﺠﻨﺐ ﺍﻟﻤﺸﺎﻛﻞ ....
ﻣﻦ ﺳﻤﻌﺖ ﺑﺎﺳﻤﻬﺎ ﻃﻠﻌﺖ
ﺳﻤﻴﺔ : ﻧﻀﺎﻝ ﺷﻨﻮ ﻫﺬﺍ ﺍﻟﺤﺠﻲ ﺍﻧﻲ ﻣﻴﺘﻪ ﻉ ﻓﻠﻮﺳﻜﻢ ﻋﻨﺪﻱ ﺧﻴﺮ ﻣﻦ ﺍﻟﻠﻪ ﻋﻴﻨﻲ ﻣﻠﻴﺎﻧﻪ ﺍﺣﻨﺎ ﺍﻫﻞ ﺍﻟﺨﻴﺮ
ﺛﺎﻣﺮ : ﻭﺑﺤﻘﺎﺭﻩ ﻭﺍﻟﻠﻪ ﻛﻠﺸﻲ ﻳﺼﻴﺮ ﺍﻧﺘﻲ ﻻﺭﺟﺎﻝ ﻳﻤﺞ ﻭﻻﻓﻠﻮﺱ ﺍﻛﻴﺪ ﻭﺷﻔﺘﻴﻬﻦ ﻛﺪﺍﻣﺞ ﺣﺎﻇﺮﺍﺕ ﻭﺍﺧﺬﺗﻴﻬﻦ
ﺳﻤﻴﺔ : ﺷﻮﻑ ﻻ ﺣﺴﺒﺎﻟﻜﻢ ﺍﻧﻲ ﺳﺎﻛﺘﻠﻜﻢ ﺍﺧﺎﻑ ﻣﻦ ﻳﻤﻜﻢ ﺍﻧﺘﻪ ﻣﺎﻛﻔﺎﻙ ﺍﺧﺘﻲ ﺍﺧﺬﺕ ﻛﻞ ﺍﻓﻠﻮﺳﻬﺎ ﻭﺫﻫﺒﻬﺎ ﺣﺘﻰ ﺭﺍﺗﺒﻬﺎ ﺗﺎﺧﺬﻩ ﻣﻨﻬﺎ ﻫﺴﺔ ﺍﻟﺤﺮﺍﻣﻴﺔ ﻣﻨﻮ
ﺛﺎﻣﺮ : ﻭﺑﻌﺼﺒﻴﺔ ﺷﺎﻝ ﺍﻟﻤﻨﻔﻈﺔ ﺭﻛﻌﻬﺎ ﺑﺮﺍﺱ ﺍﻣﻲ
ﻭﺍﻧﻲ ﺍﺷﻮﻑ ﺍﺷﻠﻮﻥ ﺩﻡ ﻳﺠﺮﻱ ﻣﻦ ﺭﺍﺳﻬﺎ ﻛﻨﺖ ﺍﻋﻴﻂ ﺍﺧﻮﻳﺔ ﻣﻨﺘﻈﺮ ﻋﻤﺮﻩ ١٥ ﻣﻦ ﺣﺮﻛﺔ ﻛﻠﺒﻪ ﺭﺍﺡ ﺷﺨﻂ ﺳﻴﺎﺭﺓ ﻋﻤﻲ ﻣﺎﻳﻜﺪﺭ ﻳﺴﻮﻱ ﺷﻲ ﻋﻤﻲ ﻃﻠﻊ ﻭﻟﻜﻪ ﺳﻴﺎﺭﺗﻪ ﻣﺸﺨﻮﻃﺔ ﻭﻛﺘﻞ ﻣﻨﺘﻈﺮ ﺍﻧﻲ ﻟﺰﻣﺖ ﺍﻳﺪ ﺍﻣﻲ ﻭﺩﺧﻠﺘﻬﺎ ﺿﻠﻴﺖ ﺍﺻﻴﺢ ﻉ ﻋﻤﺘﻲ ﻧﻀﺎﻝ ﺧﻄﻴﺔ ﻋﻤﺘﻲ ﺍﻟﺰﻏﻴﺮﺓ ﺑﻠﻘﻴﺲ ﻛﻠﺶ ﺣﺒﺎﺑﺔ ﻭﻳﺎﻧﻪ ﺳﺎﻋﺪﺗﻨﻲ ﻭﺿﻤﺪﺕ ﺟﺮﺡ ﺍﻣﻲ
ﺩﻳﻤﺔ : ﻣﺎﻣﺎ ﻣﺎ ﺍﺭﻳﺪ ﺍﻧﻀﻞ ﺍﻫﻨﺎ ﺧﻠﻴﻨﻪ ﻧﺮﻭﺡ ﻟﺒﻴﺖ ﺟﺪﻭ ﻋﻔﻴﺔ ﻣﺎﻣﺎ ﺷﻮﻓﻲ ﺍﺳﻮﻩ ﺑﻴﺞ ﺣﺘﻰ ﻣﻨﺘﻈﺮ ﻛﺘﻠﻮ
ﺳﻤﻴﺔ : ﺷﻮﻓﻲ ﺍﺧﻮﺝ ﻭﻳﻨﻪ ﺷﺴﻮﻩ ﺑﻴﻪ ﻋﻤﺞ
ﺩﻳﻤﺔ : ﻭﺑﺤﻘﺪ ﻫﺬﻭﻟﺔ ﻣﻮ ﻋﻤﺎﻣﻲ ﺍﻧﻲ ﺍﻛﺮﻫﻢ ﺑﺴﺒﻬﻢ ﻛﻠﺸﻲ ﻛﺎﻋﺪ ﻳﺼﻴﺮ ﺑﻴﻨﺎ ﻣﻦ ﻭﺭﺍﻫﻢ ﺣﺮﻣﻮﻧﻪ ﻣﻦ ﺍﺑﻮﻧﺎ ﻭﻫﺴﺔ ﻛﺎﻋﺪ ﺍﻳﺌﺬﻭﺝ ﻣﺎ ﺍﺭﻳﺪ ﺍﺑﻘﻰ ....
ﻭﺩﺧﻞ ﻣﻨﺘﻈﺮ ﻋﻠﻴﻨﻪ
ﻣﻨﺘﻈﺮ : ﻫﺎ ﻳﻤﻪ ﺑﻴﺞ ﺷﻲ ﺍﺧﺬﺝ ﻟﺪﻛﺘﻮﺭ
ﺳﻤﻴﻪ : ﻭﺑﺼﻮﺕ ﻣﺘﻌﻮﺏ ﻻﻳﻤﻪ ﻣﺎﺑﻴﻪ ﺷﻲ ﻭﺍﻧﺘﻪ ﻟﻴﺶ ﻫﻴﺞ ﺳﻮﻳﺖ ﺑﺴﻴﺎﺭﺓ ﻋﻤﻚ ﺷﻮﻑ ﺷﺴﻮﻩ ﺑﻴﻚ ﻣﺎ ﺍﺭﻳﺪ ﻛﻢ ﺗﺘﺎﺫﻭﻥ ﺑﺴﺒﻲ
ﻣﻨﺘﻈﺮ : ﺍﺷﻠﻮﻥ ﻳﻤﺪ ﺍﻳﺪﻩ ﻋﻠﻴﺞ ﺍﻧﻲ ﻻﺗﺨﺎﻓﻴﻦ ﻋﻠﻴﻪ ﺍﻻﺷﻮﻓﻪ ﺑﺲ ﻳﻠﻤﺴﺞ ﺍﻛﺴﺮﻩ ﻟﻮ ﻣﻮ ﻋﻤﻲ ﻫﺬﻭﻟﺔ ﻳﻜﺮﻫﻮﻧﻪ ﺧﻠﻴﻨﻪ ﻧﺮﻭﺡ ﻣﻨﻬﻢ
ﺳﻤﻴﺔ : ﺍﻟﻠﻪ ﻳﺨﻠﻴﻜﻢ ﺍﻟﻠﻪ ﻫﻮ ﺍﻧﻲ ﺍﻟﻤﺼﺒﺮﻧﻲ ﻉ ﻫﺎﻱ ﺍﻟﻌﻴﺸﺔ ﺍﻧﺘﻮ ﺑﺲ ﺍﺻﺒﺮﻭﻟﻲ ﻭﺍﺣﻨﺎ ﺭﺍﺡ ﻧﺨﻠﺺ
ﺩﻳﻤﺔ : ﺣﻈﻨﻪ ﺍﻣﻨﺎ ﻧﺎﺧﺬ ﻣﻨﻬﺎ ﺍﻻﻣﺎﻥ ﺣﻈﻨﻬﺎ ﺩﺃﻓﻲ ﻭﺍﻧﻲ ﻣﺎ ﺍﻋﺮﻑ ﺷﻨﻮ ﺍﻟﺘﻔﻜﺮ ﺑﻴﻪ ﻭﺍﺷﻠﻮﻥ ﺭﺍﺡ ﺗﺨﻠﺼﻨﻪ ﻣﻦ ﻫﺎﻱ ﺍﻟﻌﻴﺸﺔ ﺍﻻﻳﺎﻡ ﺭﺍﺡ ﺗﺒﻴﻦ ﻫﺬﺍ ﺍﻟﺸﻲ
....
ﺩﻳﻤﺔ .........
ﻣﺮ ٣ ﺍﺷﻬﺮ ﻉ ﺳﻔﺮ ﺍﺑﻮﻳﺔ ﻭﺍﺣﻨﺎ ﻳﻮﻣﻴﻪ ﻣﺸﻜﻠﺔ ﻋﻤﺎﺗﻲ
ﻳﺪﺭﻭﻥ ﺍﻟﺰﻟﺔ ﻉ ﺍﻣﻲ ﺑﺤﻴﺚ ﺷﻮﻓﻨﻪ ﻧﺠﻮﻡ ﺍﻟﻀﻬﺮ ﻭﻛﻞ
ﻣﺎ ﺍﻛﻮﻝ ﻟﻤﺎﻣﺎ ﻳﻤﺘﻪ ﻧﺮﻭﺡ ﻟﺒﻴﺖ ﺟﺪﻱ ﺍﺗﻜﻮﻝ ﺍﺻﺒﺮﻱ
ﺍﻣﺎ ﺑﻨﺴﺒﺔ ﺍﻟﻴﻪ ﺍﻧﻲ ﻧﺴﻴﺖ ﺷﻲ ﺍﺳﻤﻪ ﺃﺏ ﺻﺎﺭ ﺑﻨﺴﺒﺔ
ﺍﻟﻴﻪ ﺷﺨﺺ ﻋﺎﺩﻱ ﺑﻠﺒﺪﺍﻳﺔ ﺟﻨﺖ ﻳﻮﻣﻴﺔ ﺑﻠﻴﻞ ﺍﺑﺠﻲ ﻉ
ﻓﺮﺍﻛﻪ ﺑﺲ ﺑﻌﺪﻳﻦ ﺻﺎﺭ ﺍﻟﻮﺿﻊ ﻋﺎﺩﻱ ﺣﺘﻰ ﻣﺮﺍﺕ ﺍﺣﻘﺪ
ﻋﻠﻴﻪ ﻻﻥ ﺗﺮﻛﻨﻪ ﺑﻴﻦ ﻧﺎﺱ ﺍﺫﻳﺎﺑﻪ ﻣﺎﺗﺨﺎﻑ ﺍﻟﻠﻪ ﻣﻦ
ﺍﺷﻮﻑ ﺻﺪﻳﻘﺎﺗﻲ ﻳﺤﺠﻦ ﻉ ﺍﺑﻮﻫﻦ ﺍﺿﻞ ﻏﺼﺔ ﻋﻨﺪﻱ
ﺍﺣﺎﻭﻝ ﻣﺎ ﺍﺑﻴﻦ ﻫﺬﺍ ﺍﻟﺸﻲ ﺟﻨﺖ ﺩﺍﺋﻤﺎ ﺍﻇﺎﻫﺮ ﺑﻘﻮﺓ ﺑﺲ ﺑﺪﺍﺧﻠﻲ ﺍﻧﻜﺴﺎﺭ ﺧﺎﻻﺗﻲ ﺩﺍﺋﻤﺎ ﻳﺠﻦ ﻉ ﺍﻣﻲ ﺑﺪﻭﺍﻡ ﺣﺘﻰ ﻓﻠﻮﺱ ﻳﻨﻄﻨﻬﺎ ﻻﻥ ﺟﺎﻥ ﻣﺎ ﻳﻜﻔﻲ ﺭﺍﺗﺐ ﺍﻣﻲ ﻭﺍﺣﻨﺎ ﻃﻠﺒﺎﺗﻨﻪ ﻫﻮﺍﻱ ﻭﻣﺤﺪ ﻳﻨﻄﻴﻨﻲ ﻓﻠﻮﺱ ...
ﺭﺟﻌﺖ ﻣﻦ ﺍﻟﺪﻭﺍﻡ ﺻﺎﺩﻓﺖ ﺍﻣﺘﺤﺎﻧﺎﺕ ﺃﺧﻴﺮ ﺳﻨﺔ ﺍﻟﺠﻮﺀ ﺣﺎﺭ ﻭﺍﻟﻴﻮﻡ ﺍﻭﻝ ﺍﻣﺘﺤﺎﻥ ﺟﺎﻭﺑﺖ ﻭﻃﻠﻌﺖ ﻣﻦ ﻭﻛﺖ ...
ﻭﺻﻠﺖ ﻟﺒﻴﺖ ﻟﻜﻴﺖ ﺧﻄﺎﺭ ﻳﻤﻨﻪ ﻭﺷﻔﺖ ﻋﻤﺘﻲ ﻧﻀﺎﻝ ﻭﻋﻤﺘﻲ ﻧﻬﺊ ﻛﺎﻋﺪﺍﺕ ﻳﺴﻮﻟﻔﻦ ﻭﺍﺻﻮﺍﺗﻬﻦ ﻳﻤﻜﻦ ﺍﻟﺸﺎﺭﻉ ﻛﻠﻪ ﺳﻤﻊ ﻣﺎ ﺍﻫﺘﻤﻴﺖ ﺑﺎﻭﻋﺖ ﻋﻠﻴﻬﻦ ﻭﻃﻠﻌﺖ ....
ﺑﺲ ﻋﻤﺘﻲ ﻧﻀﺎﻝ ﺣﺠﺖ
ﻧﻀﺎﻝ : ﻣﺎﺳﺎﻟﻤﻴﻦ ﺑﻠﺴﺎﻧﺞ ﻋﻈﻢ
ﺩﻳﻤﺔ : ﻣﺎ ﺍﺭﻳﺪ ﺍﺟﺎﺩﻟﻬﺎ ﻻﻥ ﺍﻋﺮﻑ ﺭﺍﺡ ﺍﺳﻮﻳﻬﺎ ﻋﺮﻛﺔ
ﻋﻤﺔ ﻣﺎﺷﻔﺘﺞ ﺗﻌﺒﺎﻧﻪ ﻭﺩﺍﺧﻴﻪ ﻣﻦ ﺍﻟﺸﻤﺲ
ﻧﻀﺎﻝ : ﺷﻄﻮﻟﻨﻲ ﻭﺷﻌﺮﺿﻨﻲ ﻭﻣﺎﺷﻴﻔﺘﻴﻨﻲ ﺧﺎﻑ ﺻﺮﺗﻲ ﻋﻤﻴﺔ
ﺩﻳﻤﺔ : ﺑﻜﻠﺒﻬﺎ ﺍﻱ ﻭﺍﻟﻠﻪ ﺟﻨﺞ ﺑﺮﻣﻴﻞ ﻣﺎﻝ ﻧﻔﻂ
ﻋﻤﺔ ﻣﻮ ﻛﻠﻴﺘﻠﺞ ﺷﻤﺲ ﺑﻌﻴﻮﻧﻲ ﻣﺎﺷﻔﺘﺞ ﻫﺴﺔ ﺷﺼﺎﺭ
ﻭﺧﻠﻴﺖ ﻭﻣﺸﻴﺖ ﻟﻐﺮﻓﻪ ﺍﻣﻲ .....
ﺩﺧﻠﺖ ﻟﻜﻴﺘﻬﺎ ﻧﺎﻳﻤﺔ ﺷﺎﺩﺓ ﺭﺍﺳﻬﺎ ﺑﻌﻠﻚ ﺍﺧﻀﺮ ﺭﺣﺖ ﻳﻤﻬﺎ ﺍﻛﻌﺪ ﺑﻴﻬﺎ ﺧﻔﺖ ﺻﺎﻳﺮﻟﻬﺎ ﺷﻲ
ﺩﻳﻤﺔ : ﻣﺎﻣﺎ ﺍﻛﻌﺪ ﺷﺒﻴﺞ ﻟﻴﺶ ﻫﻴﺞ ﺷﺎﺩﺓ ﺭﺍﺳﺞ ﺷﻨﻮ ﻣﺮﻳﻀﺔ
ﺳﻤﻴﺔ : ﻭﻫﻲ ﻛﻮﻩ ﺗﻔﺘﺢ ﻋﻴﻮﻧﻬﺎ ﺭﺍﺳﻬﺎ ﻣﻮﺗﻬﺎ ﻻﻥ ﺑﻴﻬﺎ ﺷﻘﻴﻘﺔ ﻣﺎﺗﻜﺪﺭ ﺗﺘﺤﺮﻙ ﻣﻦ ﺍﻻﻟﻢ ...
ﻭﺑﺼﻮﺕ ﺗﻌﺒﺎﻥ .... ﻫﺎ ﺣﺒﻴﺒﺘﻲ ﺭﺟﻌﺘﻲ ﺍﺷﻠﻮﻧﺞ ﺑﻼﻣﺘﺤﺎﻧﺎﺕ
ﺩﻳﻤﺔ : ﻣﺎﻣﺎ ﺍﻧﻲ ﺯﻳﻨﻪ ﺑﺲ ﺍﻧﺘﻲ ﻟﻴﺶ ﻫﻴﺞ ﻭﺿﻌﺞ ﺷﺼﺎﻳﺮﻟﺞ ... ﻭﺍﺣﺪ ﻣﺤﺎﺟﻴﺞ ﻛﻠﻴﻠﻲ
ﺳﻤﻴﺔ : ﻻﺣﺒﻴﺘﻲ ﻣﺤﺪ ﻣﺤﺎﺟﻴﻨﻲ ﺑﺲ ﺭﺍﺳﻲ ﻣﻮﺗﻨﻲ ﺣﺘﻰ ﺍﺧﺬﺕ ﺍﺟﺎﺯﺓ ﻭﺍﺟﻴﺖ ﻟﺒﻴﺖ ﻫﺴﺔ ﺷﻮﻱ ﺍﻧﺎﻡ ﺍﺭﺗﺎﺡ ﻹﻳﻀﻞ ﺑﺎﻟﺞ ﻋﻠﻴﻪ ......
ﺩﻳﻤﺔ : ﺍﻣﻲ ﺑﻌﺪ ﻣﺎﻧﺎﻣﺖ ﺍﻧﻲ ﺑﺪﻟﺖ ﻣﻼﺑﺴﻲ ﺭﺣﺖ ﻏﺴﻠﺖ ﻭﺭﺟﻌﺖ ﻃﻠﻌﺖ ﻛﺘﺒﻲ ﻟﺜﺎﻧﻲ ﻳﻮﻡ ﻻﻣﺘﺤﺎﻥ ﻭﺍﺳﻤﻊ ﺍﻟﺴﻮﺍﻟﻒ ﺻﻮﺗﻬﻦ ﻋﺎﻟﻲ ﺑﺎﺫﻧﻲ ﻛﻮﻩ ﺍﻗﺮﺍ ....
ﺷﻮﻱ ... ﻭﺻﺎﺭ ﻫﺪﻭﺀ 😥 ﻛﻠﺖ ﺍﻛﻴﺪ ﺭﺍﺣﻦ ﺭﺟﻌﺖ ﺃﻗﺮﺃ
ﻭﻣﺎ ﺍﺣﺲ ﺍﻻ ﺍﻟﺒﺎﺏ ﺍﻧﺪﻓﺮ ....... ﺑﺤﻴﺚ ﻓﺰﺯﻧﻲ
ﻧﻀﺎﻝ : ﻋﻴﻨﻲ ﺍﻟﻴﻮﻡ ﻣﺴﻌﺪﺓ ﻛﻠﺸﻲ ﻣﺎ ﻣﺴﻮﻳﺔ ﺷﻨﻮ ﺍﺗﺮﻳﺪﻳﻦ ﺍﺣﻨﺎ ﻧﺨﺪﻣﺞ ﻣﻦ ﺍﺟﻴﺘﻲ ﻟﺤﺪ ﻫﺴﺔ ﻧﺎﻳﻤﺔ
ﺷﻨﻮ ﻓﺎﺗﺤﻴﻬﺎ ﻓﻨﺪﻕ
ﺩﻳﻤﺔ : ﻭﺍﻧﻲ ﺍﺷﻮﻑ ﺍﻣﻲ ﻛﻮﻩ ﺗﺤﺠﻲ ﻣﻦ ﺍﻻﻟﻢ ....
ﺭﺩﻳﺖ ﻋﻠﻴﻬﺎ ....
ﻭﺑﺼﻮﺕ ﻋﺎﻟﻲ ... ﺍﻧﺘﻲ ﺷﻨﻮ ﻣﺎﺗﺨﺎﻓﻴﻦ ﻣﻦ ﺍﻟﻠﻪ ﻣﺎﺷﻮﻓﻴﻬﺎ ﺍﺷﻠﻮﻥ ﺍﻣﻲ ﻣﺮﻳﻀﺔ ...
ﻧﻀﺎﻝ : ﺷﺒﻴﻬﺎ ﻣﻦ ﺍﺟﺖ ﻣﻦ ﺍﻟﺪﻭﺍﻡ ﻣﺨﻠﺼﺘﻬﺎ ﻧﻮﻡ ....
ﺩﻳﻤﺔ : ﻭﺍﻧﺘﻲ ﺷﻨﺎﻗﺼﺞ ﺍﺷﻮ ﺑﺲ ﺑﺴﻮﺍﻟﻒ ﺻﻮﺗﺞ ﻭﺍﺻﻞ ﻻﺧﺮ ﺍﻟﺸﺎﺭﻉ ..... ﻭﻣﺎ ﺍﺣﺲ ﻏﻴﺮ ﺭﺍﺟﺪﻱ ﺑﺤﻴﺚ ﻓﺮﻧﻲ ﻓﺮ ﺧﺪﻱ ... ﻋﻤﺘﻲ ﺿﺨﻤﺔ ﻛﻠﺶ ﻭﺍﺳﻤﻴﻨﻪ ﻭﺍﻧﻲ ﻧﺎﻋﻤﺔ ﻛﻤﺖ ﻣﺎ ﺍﺣﺲ ﺑﻴﻪ ﺍﺣﺲ ﺍﻛﻮ ﺷﻲ ﺩﺃﻓﻲ ﻳﻨﺰﻝ ﻣﻦ ﺧﺸﻤﻲ ﻛﺎﻡ ﻳﺠﺮﻱ ﺩﻡ ..... ﺍﻧﻲ ﺩﺧﺖ ﺍﺳﻤﻊ ﻋﻤﺘﻲ ﺗﻐﻠﻂ ﻭﺍﺳﺐ ﻛﺎﻣﺘﻠﻬﺎ ﺍﻣﻲ ....
ﺳﻤﻴﺔ : ﻭﻟﺞ ﺍﻧﺘﻲ ﺍﺷﻠﻮﻥ ﺍﻛﺘﻠﻴﻬﺎ ﻣﺎ ﺗﺨﺎﻓﻴﻦ ﻣﻦ ﺍﻟﻠﻪ ﻭﻟﺞ ﻟﻮ ﻣﺎ ﻫﻲ ﺑﻨﺖ ﺍﺧﻮﺝ ﻫﻴﺞ ﺍﺗﻌﺎﻣﻠﻴﻬﺎ ﺍﻟﻠﻪ ﻭﺍﻛﺒﺮ ﻋﻠﻴﻜﻢ ﻣﻮ ﺑﺸﺮ ....
ﻧﻀﺎﻝ : ﺷﻮﻓﻲ ﺑﻨﺘﺞ ﺍﺷﻠﻮﻥ ﻣﺎ ﻣﺘﺮﺑﺎﻳﺔ ﻭﺗﺠﺎﻭﺯ ﻋﻠﻴﻨﻪ ... ﻫﺎﻱ ﺍﻧﺘﻲ ﻣﻌﻠﻤﺘﻬﺎ ﻫﻴﺞ ﺍﻟﺴﺎﻧﻬﺎ ﻣﺘﺒﺮﻱ ﻣﻨﻬﺎ
ﺳﻤﻴﺔ : ﺑﻨﺘﻲ ﻣﺘﺮﺑﺎﻳﺔ ﺍﺣﺴﻦ ﺗﺮﺑﻴﻪ ﺑﺲ ﺍﻧﺘﻮ ﺳﺒﺐ ﺧﻠﻴﺘﻮﻫﺎ ﻫﻴﺞ ﻋﺪﺍﺋﻴﺔ ﻓﻮﻙ ﻣﺎ ﺧﻠﻴﺘﻦ ﺃﺑﻮﻫﺎ ﻳﺮﻭﺡ ... ﻭﻫﻢ ﺟﻬﺎﻟﻲ ﺑﺎﻣﺲ ﺍﻟﺤﺎﺟﻪ ﻻﺑﻮﻫﻢ ﺟﺎﻳﺔ ﺍﻧﺘﻲ ﺗﻌﻠﻤﻨﻲ ﺍﺷﻠﻮﻥ ﺍﺭﺑﻲ ... ﻭﺍﻟﻠﻪ ﺍﻧﺘﻲ ﺍﻟﻤﺎﻋﻨﺪﺝ ﺗﺮﺑﻴﻪ ﻣﻮ ﺑﻨﺘﻲ
...
ﺩﻳﻤﺔ : ﻣﺎ ﺍﻛﺪﺭ ﺍﺣﺠﻲ ﺍﺣﺲ ﺍﻟﺴﺎﻧﻲ ﺧﺪﺭ ﺷﻔﺖ ﻋﻤﺘﻲ ﺍﺷﻠﻮﻥ ﺗﺤﺎﺟﻲ ﺍﻣﻲ ﻭﺑﻌﺪﻳﻦ ﺍﺟﺖ ﺑﻴﺒﺘﻲ ﻭﻋﻤﺘﻲ ﺍﻟﺜﺎﻧﻴﺔ ﻧﻬﺊ ﻛﻤﻠﺖ ﺍﻟﺴﺒﺤﺔ ﻭﺍﻣﻲ ﺑﻮﺣﺪﻫﺎ ﻭﻣﺮﻳﻀﺔ ﻛﻮﺓ ﺗﺤﺠﻲ ﻭﻫﻨﺔ ﺍﺳﺘﻠﻤﻨﻬﺎ ﺑﺤﺠﻲ ﻭﻏﻠﻂ ﺧﻄﻴﺔ ﻋﻤﺘﻲ ﺑﻠﻘﻴﺲ ﺍﺟﺖ ﺍﺷﻮﻑ ﻭﺟﻬﻲ ﻻﻥ ﺻﺎﺭ ﻛﻠﺶ ﺍﺣﻤﺮ .....
ﻋﻤﺔ ﻓﺪﻭﺓ ﺷﻮﻓﻲ ﺍﻣﻲ ﻻﺗﺨﻠﻴﻬﺎ ﺑﻮﺣﺪﻫﺎ ﻣﺮﻳﻀﺔ ﻣﺎﺗﻜﺪﺭ ﺗﺤﺠﻲ
ﻧﻀﺎﻝ : ﺍﻧﻲ ﻣﺎ ﻣﺘﺮﺑﺎﻳﺔ ﺍﻟﻴﻮﻡ ﺍﻋﻠﻤﺞ ﺍﻟﺘﺮﺑﻴﺔ ﺍﻟﺼﺤﻴﺤﺔ ﺍﻧﺘﻲ ﻟﻮ ﺑﻴﺞ ﺧﻴﺮ ﻣﺎ ﻫﺠﺠﺘﻲ ﺍﻟﺮﺟﺎﻝ .... ﻭﺧﻠﻴﺘﻲ ﻳﺴﺎﻓﺮ
ﺳﻤﻴﺔ : ﻫﻮ ﺍﻧﺘﻮ ﻣﻦ ﻭﺭﺍﻛﻢ ﺭﺍﺡ ... ﻏﻴﺮ ﺍﻧﺘﻦ ﺗﻘﺮﺍ ﺑﺮﺍﺳﻪ .
ﻭﻳﻮﻣﻴﺔ ﻋﺮﻛﺔ .. ﺑﺴﺒﻜﻢ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﺴﺠﻦ
ﻭﺍﺷﻮﻑ ﻋﻤﺘﻲ ﻭﺑﻴﺘﻲ ﺍﺷﻠﻮﻥ ﺍﺩﻓﻊ ﺑﺎﻣﻲ ﺍﺗﺮﻳﺪ ﺍﻃﻠﻌﻬﺎ ﻣﻦ ﺍﻟﺒﻴﺖ
ﻧﻀﺎﻝ : ﺍﻟﻴﻮﻡ ﻟﻮ ﺍﻧﻲ ﻟﻮ ﺍﻧﺘﻲ ﺑﻠﺒﻴﺖ ﺭﻭﺣﻲ ﻻﻫﻠﺞ ﻳﻼ ﺍﻃﻠﻌﻲ ﻣﻨﺎ ...
ﺩﻳﻤﺔ : ﺷﻔﺖ ﺧﻄﻴﺔ ﺍﻣﻲ ﺍﺷﻠﻮﻥ ﻃﻠﻌﺘﻬﺎ ﻭﺍﻧﻲ ﺍﺳﻤﻊ ﺍﺻﻴﺢ ....
ﺳﻤﻴﺔ : ﺧﻠﻮﻧﻲ ﺍﺭﻭﺡ ﺍﻧﻲ ﻭﺟﻬﺎﻟﻲ ﻣﺎ ﺍﺭﻳﺪ ﺍﺧﻠﻲ ﺟﻬﺎﻟﻲ ﻳﻤﻜﻢ ﻳﺎﺿﺎﻟﻤﻴﻦ ﺣﺮﺍﻡ ﻋﻠﻴﻜﻢ ... ﺍﻓﺘﺤﻮ ﺍﻟﺒﺎﺏ ..
ﻭﺻﺎﺭﺕ ﺍﺩﻙ ﺑﻠﺒﺎﺏ ﻭﺍﻟﻨﺎﺱ ﺍﻟﺘﻤﺖ ...
ﺭﺍﺣﺖ ﻳﻢ ﺍﻟﺠﻮﺍﺭﻳﻦ ﻛﻌﺪﺕ ....
ﺩﻳﻤﺔ : ﻣﻦ ﺷﻔﺖ ﺍﻟﻮﺿﻊ ﻫﻴﺠﻲ ... ﺍﺧﺬﺕ ﻣﻮﺑﺎﻳﻞ ﺍﻣﻲ ...
ﺑﻘﻰ ﺑﻐﺮﻓﻪ ... ﺧﺎﺑﺮﺕ ﻋﻤﻲ ﺣﺎﺗﻢ ﻫﺬﺍ ﺍﺣﺴﻦ ﻭﺍﺣﺪ ﺑﻌﻤﺎﻣﻲ ... ﻛﻠﺶ ﺯﻳﻦ ﺍﻟﻨﺎ ... ﻭﺩﺍﺋﻤﺎ ﻳﺴﺎﻋﺪﻧﺎ .. ﻫﻮ ﻣﺎﻣﺰﻭﺝ ﺑﺲ ﻃﺎﻟﺐ ﻳﺪﺭﺱ ﻣﺎ ﻋﻠﻴﻪ ﺑﺸﻲ .... ﻳﻄﺐ ﻭﻳﻄﻠﻊ ﺑﺪﻭﻥ ﺻﻮﺕ
ﺩﻳﻤﺔ : ﻭﻫﻲ ﺗﺒﺠﻲ ﻋﻤﻮ ﻓﺪﻭﺓ ﺗﻌﺎﻝ ﻫﺎﻱ ﻋﻤﺎﺗﻲ ﻭﺑﻴﺒﺘﻲ ﻃﺮﺩﺕ ﺍﻣﻲ ﻭﻫﻲ ﻣﺮﻳﻀﺔ ... ﺗﻌﺎﻝ ﺭﺟﻌﻬﺎ ﻓﺪﻭﺓ
ﺣﺎﺗﻢ : ﻫﺴﺔ ﺟﺎﻱ ﺑﺴﺮﻋﺔ ... ﺍﻧﺘﻲ ﺍﻛﻌﺪﻱ ﺑﻠﻐﺮﻓﺔ ﻭﺍﻧﻲ ﺟﺎﻳﺞ ..
ﺩﻳﻤﺔ : ﺳﺪﻳﺖ ﺍﻟﻤﻮﺑﺎﻳﻞ ﺿﻠﻴﺖ ﻛﺎﻋﺪﺓ ﺑﻐﺮﻓﺔ ﺍﺳﻤﻊ ﺑﻴﺒﺘﻲ ﻭﻋﻤﺎﺗﻲ ﻳﻐﻠﻄﻦ ﻭﻳﺪﻋﻦ ﻉ ﺍﻣﻲ ... ﻋﻤﻲ ﺍﻟﺠﺒﻴﺮ ﻣﺎ ﻣﻮﺟﻮﺩ ﻭﺍﺧﻮﺍﻧﻲ ﺩﻭﺍﻣﻬﻢ ﺿﻬﺮﻱ .... ﺍﻧﻲ ﻣﺎ ﺑﻴﺪﻱ ﺷﻲ ﺍﺳﻮﻳﻪ ... ﺍﺧﺎﻑ ﻣﻨﻬﻦ ﻻﻥ ﺍﻛﻴﺪ ﺭﺍﺡ ﻳﻜﺘﻠﻮﻧﻲ ...
ﺿﻠﻴﺖ ﻛﺎﻋﺪﺓ ﻣﻨﺘﻈﺮﺓ ﻋﻤﻲ .... ﺷﻮﻱ ﻭﺳﻤﻌﺖ ﺻﻮﺗﻪ
ﺣﺎﺗﻢ : ﻧﻀﺎﻝ ﻭﻟﺞ ﺍﻧﺘﻲ ﻣﺎ ﻧﺨﻠﺺ ﻣﻦ ﻣﺸﺎﻛﻠﺞ ......
ﻧﻀﺎﻝ : ﺍﻧﻲ ﺷﻌﻠﻴﻪ ... ﻫﻲ ﻣﺮﺕ ﺍﺧﻮﻙ ﺿﺎﻟﻪ ﺗﻐﻠﻂ ﻭﺍﺳﺐ ﻋﻠﻴﻨﻪ ﻭﻉ ﺍﻣﻲ
ﺩﻳﻤﺔ : ﺳﻤﻌﺖ ﺻﻮﺕ ﻋﻤﻲ ﻃﻠﻌﺖ ﺍﺭﻛﻀﻠﻪ
ﻻ ﻋﻤﻲ ﺟﺬﺏ ﻫﻨﻪ ﻋﻤﺎﺗﻲ ﺻﻮﺝ ﺑﻴﻬﻦ ...
ﻭﺣﺠﻴﺘﻠﻪ ﺍﻟﺼﺎﺭ ......
ﺷﻔﺖ ﻋﻤﺘﻲ ﺍﺷﻠﻮﻥ ﺍﺗﺒﺎﻭﻋﻠﻲ ﻭﺗﺨﺰﺭ ﺑﻴﻪ ...
ﻣﺎ ﺍﻫﺘﻤﻴﺖ ﺍﻫﻢ ﺷﻲ ﺍﻣﻲ ... ﺷﻴﺴﻮﻥ ﺧﻠﻲ ﻳﺴﻮﻥ
ﺷﻮﻱ ... ﻭﺭﺟﻊ ﻋﻤﻲ ﻭﺟﺎﺏ ﺍﻣﻲ ﻭﻳﺎﻩ ﺷﻔﺘﻬﺎ ﺭﺣﺖ ﺭﻛﻀﻠﺘﻬﺎ ﻭﺣﻈﻨﺘﻪ ......
ﺣﺎﺗﻢ : ﻳﻼ ﺍﻡ ﻣﻨﺘﻈﺮ ﺭﻭﺣﻲ ﻟﻐﺮﻓﺘﺞ ﺍﻛﻴﺪ ﺗﻌﺒﺎﻧﻪ
ﻭﺍﻧﺘﻮ ﻣﺎ ﺍﺭﻳﺪ ﺍﺳﻤﻊ ﺍﻱ ﺻﻮﺕ .... ﻛﺎﻓﻲ ﻳﻮﻣﻴﺔ ﻣﺸﻜﻠﺔ .
ﻧﻀﺎﻝ : ﻫﺴﺔ ﻳﺠﻲ ﺛﺎﻣﺮ ... ﻭﻫﻮ ﺍﻟﻪ ﺷﻐﻞ ﻭﻳﺎﻙ
ﺣﺎﺗﻢ : ﺑﺎﻭﻉ ﻉ ﻧﻀﺎﻝ ﺻﻔﺢ ﻭﻫﺰ ﺍﻳﺪﻩ ﻭﺭﺍﺡ
ﺩﻳﻤﺔ : ﺍﺧﺬﺕ ﺍﻣﻲ ﻭﺩﺧﻠﺘﻬﺎ ﻟﻐﺮﻓﻪ ﺧﻄﻴﺔ ﺗﻌﺒﺎﻧﻪ ﻭﺟﻬﺎ ﺣﺎﺭ ﻣﻦ ﺍﻟﺤﺮ ﻭﻋﻴﻮﻧﻬﺎ ﺗﻌﺒﺎﻧﺔ ....
ﻳﻤﺔ ﺑﻌﺪ ﻣﺎ ﻧﻀﻞ ﺍﻫﻨﺎ ﺧﻠﻴﻨﻴﻪ ﻧﺮﻭﺡ ..
ﺳﻤﻴﺔ : ﻭﺑﺼﻮﺕ ﻣﺘﻌﻮﺏ ... ﻫﻮ ﺍﻧﻲ ﺑﺲ ﺍﺧﻠﺺ ﺍﻣﺘﺤﺎﻧﺎﺗﻜﻢ ﻧﺮﻭﺡ ﻫﻨﺎﻙ ﺑﻐﺪﺍﺩ ... ﺧﺎﻻﺗﺞ ﻧﻀﻔﻦ ﺍﻟﺒﻴﺖ ﻭﻃﻠﻌﻦ ﺍﻟﻤﺆﺟﺮ ﻣﻨﻪ ... ﻧﺮﺟﻊ ﻟﺒﻴﺘﻲ
ﻫﻮ ﺍﻧﻲ ﺍﻟﻤﺼﺒﺮﻧﻲ ﺍﻧﺘﻮ ... ﻣﺎ ﺍﺭﻳﺪ ﺍﺿﻴﻊ ﻣﻨﻜﻢ ﺳﻨﻪ ﻫﺬﺍ ﻣﺴﺘﻘﺒﻠﻜﻢ ....
ﺩﻳﻤﺔ : ﺍﻧﺘﻲ ﺍﺣﺴﻦ ﺍﻡ ﺑﺪﻧﻴﺎ ﺷﺴﻮﻱ ﻣﺎ ﺭﺍﺡ ﻧﺠﺎﺯﻳﺞ
ﺑﻌﺪ ﻣﺎ ﺧﻠﺼﺖ ﺍﻻﻣﺘﺤﺎﻧﺎﺕ ﺍﻟﻴﻮﻡ ﻭﺩﻋﺖ ﺻﺪﻳﻘﺎﺗﻲ ﻻﻥ ﻣﺎ ﺍﻋﺮﻑ ﺍﻳﺠﻮﺯ ﺑﻌﺪ ﻣﺎ ﺍﺷﻮﻓﻬﻦ .....
ﺭﺟﻌﺖ ﻟﺒﻴﺖ .... ﺩﺧﻠﺖ ﻟﻐﺮﻓﻪ ﻟﻜﻴﺖ ﺍﻣﻲ ﻭﻣﻨﺘﻈﺮ ﻭﻣﺼﻄﻔﻰ ﻛﺎﻋﺪﻳﻦ ... ﻳﻠﻤﻮﻥ ﺑﻐﺮﺍﺽ ﺑﺠﻨﻂ
ﻣﻨﺘﻈﺮ : ﻭﻟﺞ ﺩﻳﻤﻪ ﺳﺪﻱ ﺍﻟﺒﺎﺏ ... ﻻﻳﺠﻲ ﻭﺍﺣﺪ ﻳﺸﻮﻓﻨﻪ
ﺩﻳﻤﺔ : ﺭﺟﻌﺖ ﺳﺪﻳﺖ ﺍﻟﺒﺎﺏ .. ﻭﺍﻧﻲ ﺍﺣﺎﺟﻲ ﻣﻨﺘﻈﺮ ..
ﺷﻜﻮ ﺍﺷﺼﺎﻳﺮ .. ﻟﻴﺶ ﻫﻴﺞ ﻣﻔﻠﺸﻴﻦ ﺍﻟﻤﻼﺑﺲ ...
ﻣﺼﻄﻔﻰ : ﻧﻠﻮﺡ ﺑﻴﺖ ﺟﺪﻱ ( ﺑﻌﺪﺓ ﺑﻼﻭﻝ ﺍﺑﺘﺪﺍﺋﻲ ﻧﺺ ﺍﻻﺣﺮﻑ ﻳﻄﻴﺮﻫﻦ )
ﺩﻳﻤﺔ : ﻭﻫﻲ ﺗﻮﺟﻪ ﺍﻟﺴﻮﺍﻝ ﻻﻣﻬﺎ ...
ﺻﺪﻙ ﺭﺍﺡ ﻧﺮﺟﻊ ﻟﺒﻐﺪﺍﺩ
ﺳﻤﻴﺔ : ﺍﻱ ﻳﻤﻪ ﺑﺲ ﻫﺴﺔ ﻣﺤﺪ ﻳﺪﺭﻱ .... ﺍﻧﺘﻮ ﻻﺗﻜﻮﻟﻮﻥ ﻟﻮﺍﺣﺪ ... ﻻﻥ ﺍﺫﺍ ﻫﺴﺔ ﺩﺭﺕ ﺑﻴﺒﺘﺞ .. ﻣﺎﺭﺍﺡ ﺍﺗﺨﻠﻴﻜﻢ ﻭﻳﺎﻱ ... ﺗﺮﻭﺣﻮﻥ ..
ﺩﻳﻤﺔ : ﻭﻫﻲ ﺍﻟﻔﺮﺣﺎﻧﺔ ﻣﻦ ﺍﻟﺨﺒﺮ ﻭﺃﺧﻴﺮﺍ ﺭﺍﺡ ﺗﺨﻠﺺ ﻣﻨﻬﻢ ... ﻳﺎﻱ ﺻﺪﻙ ﺧﻠﻴﻨﻲ ﺍﻃﻠﻊ ﺷﻐﻼﺗﻲ ﻛﻠﻬﻦ
ﺳﻤﻴﺔ : ﻣﺎﻣﺎ ﺩﻳﻤﺔ ﻣﺎﺭﺍﺡ ﺍﺧﺬ ﻫﻮﺍﻱ ﺍﺷﻴﺎﺀ ﺑﺲ ﺍﻟﻤﻬﻤﺔ ....
ﺩﻳﻤﺔ : ﺍﻱ ﻣﺎﻣﺎ ... ﻭﺻﺮﺕ ﺍﺭﺗﺐ ﺑﻤﻼﺑﺴﻲ ﺍﺧﺬﺕ ﺍﻻﺣﺘﺎﺟﻬﻦ ... ﻭﺷﻐﻼﺗﻲ ﺷﻔﺖ ﺻﻮﺭﺓ ﺑﺎﺑﺎ .... ﺿﻠﻴﺖ ﺍﺑﺎﻭﻋﻠﻬﺎ ... ﺧﻠﻴﺘﻬﺎ ﺑﺠﻨﻄﻲ ﻫﻤﻴﻦ ... ﺑﻌﺪﻳﻦ ﺍﻣﻲ ﺣﺠﺖ
ﺳﻤﻴﺔ : ﺭﻭﺣﻮ ﺍﻃﻠﻌﻮ ﺧﺎﻑ ﻫﺴﺔ ﻳﺸﻜﻮﻥ ... ﺑﺸﻲ
ﺩﻳﻤﺔ : ﻃﻠﻌﻨﻪ ﻭﻛﻌﺪﻧﻪ ... ﻭﻣﺮ ﺍﻟﻴﻮﻡ ﺑﺴﻼﻡ ...
ﺛﺎﻧﻲ ﻳﻮﻡ ﺍﻟﺼﺒﺢ ﻛﻌﺪﻧﻪ ﻣﻦ ﻭﻛﺖ ﻭﺍﺣﻨﺎ ﻓﺮﺣﺎﻧﻴﻦ ﻻﻥ ﺭﺍﺡ ﻧﺨﻠﺺ ﻣﻦ ﺍﻟﺴﺠﻦ ﻻﻥ ﺻﺪﻙ ﺍﺣﺴﻪ ﺳﺠﻦ ﻫﺬﺍ ﺍﻟﺒﻴﺖ ... ﻭﺍﻟﺴﺠﺎﻥ ﻋﻤﺎﺗﻲ😂
ﺍﻣﻲ ﻛﻌﺪﺕ
ﺩﻳﻤﺔ : ﺻﺒﺎﺡ ﺍﻟﺨﻴﺮ ﻣﺎﻣﺎ ﻭﺑﺴﺘﻬﺎ
ﺳﻤﻴﺔ : ﺻﺒﺎﺡ ﺍﻟﻨﻮﺭ ﻳﺮﻭﺡ ﺍﻟﻤﺎﻣﺎ
ﻣﺼﻄﻔﻰ : ﻭﺧﺮﻱ ﺍﻧﻲ ﻫﻤﻴﻦ ﺍﺑﻮﺳﻬﺎ
ﺩﻳﻤﺔ : ﻫﻬﻬﻬﻪ ﺗﻐﺎﺭ ﻫﻲ ﺗﺤﺒﻨﻲ ﺍﻛﺜﺮ ﻣﻨﻚ
ﻣﺼﻄﻔﻰ : ﻻ ﺍﻧﻲ ﺗﺤﺒﻨﻲ ﺍﻛﺜﺮ ﺍﻧﻲ ﻋﻨﻮﻥ
ﺩﻳﻤﺔ : ﻣﺎﻣﺎ ﻣﻨﻮ ﺗﺤﺒﻴﻪ ﺍﻛﺜﺮ
ﺳﻤﻴﺔ : ﻛﻠﻜﻢ ﺍﺣﺒﻜﻢ ﺍﻧﺘﻮ ﺭﻭﺣﻲ ﻣﻦ ﺍﻟﺪﻧﻴﺎ ﻛﻠﻬﺎ ﺍﻧﺘﻮ ﻓﺮﺣﺘﻲ ...
ﺩﻳﻤﺔ : ﻣﺎﻣﺎ ﻳﻤﺘﻪ ﻧﺮﻭﺡ ﻟﺒﻐﺪﺍﺩ
ﺳﻤﻴﺔ : ﻫﺴﺔ ﺭﺍﺡ ﺍﻃﻠﻊ ﺍﻛﻠﻠﻬﻢ ﺷﻮﻓﻮ ﺍﻧﺘﻮ ﺗﺒﻘﻮﻥ ﺑﻐﺮﻓﻪ ﻣﺎ ﺍﺭﻳﺪﻛﻢ ﺍﻃﻠﻌﻮﻥ ﻟﻮ ﺍﻱ ﺷﻲ ﺻﺎﺭ ﻻﺗﻄﻠﻌﻮﻥ
ﺩﻳﻤﺔ : ﺍﻱ ﻣﺎﻣﺎ .... ﻭﻃﻠﻌﺖ ﺍﻣﻲ ﻭﺍﺣﻨﺎ ﺧﻠﻴﻨﻪ ﺍﺫﺍﻧﺎ ﻉ ﺑﺎﺏ ﻧﺴﻤﻊ ﺷﻴﺤﺠﻮﻥ .. ﻣﻮ ﺑﺪﻳﻨﺎ ﻓﻀﻮﻟﻴﻦ 🤣
ﺳﻤﻴﺔ : ﺻﺒﺎﺡ ﺍﻟﺨﻴﺮ
ﺭﺩﺕ ﺑﺲ ﺑﻠﻘﻴﺲ
ﻫﻼ ﺍﻡ ﻣﻨﺘﻈﺮ ﺻﺒﺎﺡ ﺍﻟﻨﻮﺭ
ﺳﻤﻴﺔ : ﻋﻤﺔ ﺍﺭﻳﺪ ﺍﺭﻭﺡ ﻟﺒﻐﺪﺍﺩ
ﺍﻟﺤﺠﻴﺔ : ﺍﻱ ﺟﺎ ﻣﺎ ﺗﺮﻭﺣﻴﻦ ﻣﻨﻮ ﺍﻻﺯﻣﺞ
ﺳﻤﻴﺔ : ﺑﺲ ﻣﻮ ﺑﻮﺣﺪﻱ ﺍﺭﻳﺪ ﺍﺧﺬ ﺍﻟﺠﻬﺎﻝ ..
ﺍﻟﺤﺠﻴﺔ : ﺍﺗﺮﻳﺪﻳﻦ ﺍﺗﺮﻭﺣﻴﻦ ﺭﻭﺣﻲ ﺑﻮﺣﺪﺝ ﻣﺎ ﻣﺎﻧﻌﻴﺞ ﺑﺲ ﺍﻟﺠﻬﺎﻝ ﻳﺒﻘﻮﻥ ﻳﻤﻨﺎ ﺍﺣﻨﺎ ﺍﻫﻠﻬﻢ ... ﺭﻭﺣﻲ ﺷﻜﺪ ﻣﺎ ﺗﺮﺩﻳﻦ ﻭﻋﺴﺎﺝ ﻣﺎ ﺭﺟﻌﺘﻲ
ﺳﻤﻴﺔ : ﻋﻤﺔ ﻟﻮ ﺑﺲ ﺍﻓﻬﻢ ﺍﻧﻲ ﺷﻤﺴﻮﻳﺘﻜﻢ ﺍﺷﻮ ﻣﻦ ﺑﺪﺍﻳﺖ ﻋﺮﺳﻲ ﻭﺍﻧﻲ ﺷﻔﺖ ﺍﻟﻀﻴﻢ ﻭﺍﻛﻮﻝ ﻣﻴﺨﺎﻟﻒ ﻣﺎ ﺍﺣﺠﻲ ﻳﺒﻘﻮﻥ ﺑﻴﺖ ﻋﻤﻲ ﻭﺍﺣﻨﺎ ﺍﻫﻞ ... ﺑﺲ ﻣﺎ ﻫﺴﺔ ﺍﺗﻤﻨﻮﻋﻮﻧﻲ ﻋﻦ ﺟﻬﺎﻟﻲ .... ﻻ ﻭﺍﻟﻠﻪ ﻫﺎﻱ ﻣﺎ ﺍﻗﺒﻠﻬﺎ
ﺛﺎﻣﺮ : ﺷﻨﻮ ﻣﻦ ﺍﻟﺼﺒﺢ ﻫﺬﺍ ﺍﻟﺼﻴﺎﺡ ﻳﻌﻨﻲ ﺍﻟﻮﺍﺣﺪ ﻣﺎﻳﻨﺎﻡ ﺑﻬﺬﺍ ﺍﻟﻤﻬﻴﻮﻡ ﺍﺷﻠﻮﻥ
ﺍﻟﺤﺠﻴﺔ : ﻭﺍﻟﻠﻪ ﻫﺎﻱ ﺷﻮﻑ ﻣﺮﻳﺖ ﺍﺧﻮﻙ ﻣﺘﺤﺰﻣﻪ ﻣﻦ ﺍﻟﺼﺒﺢ ﺍﺗﺮﻳﺪ ﺗﺎﺧﺬ ﺟﻬﺎﻝ ﻭﺗﺮﻭﺡ
ﺳﻤﻴﺔ : ﺍﻱ ﻏﻴﺮ ﻋﻄﻠﺔ ﻫﺴﺔ ﺍﺭﻳﺪ ﺍﻭﻧﺴﻬﻢ ﺍﻫﻨﺎﻙ ﻟﻮ ﺣﺮﺍﻡ
... ﺩﺧﻠﺖ ﻧﻀﺎﻝ
ﻫﻼ ﻫﻼ ﻫﺴﺔ ﺷﻔﺖ ﺍﻟﺠﻨﻂ ﺍﻣﺤﻤﻠﺘﻬﻦ ﺍﻫﺪﻭﻡ ﺍﺗﺮﻳﺪ ﺗﺎﺧﺬﻫﻢ ﻭﺍﺗﻬﺞ ...
ﺛﺎﻣﺮ : ﺷﻮﻓﻲ ﺳﻤﻴﺔ ﺍﺗﺮﻳﺪﻥ ﺍﺗﺮﻭﺣﻴﻦ ﺭﻭﺣﻲ ﻣﺤﺪ ﻻﺯﻣﺞ ﺑﺲ ﺍﻟﺠﻬﺎﻝ ﻳﺒﻘﻮﻥ ﻳﻤﻨﻪ ﻣﺤﺪ ﻳﺎﺧﺬﻫﻢ ...
ﺳﻤﻴﺔ : ﺷﻨﻮ ﻫﺬﺍ ﺍﻟﺤﺠﻲ ﺣﺮﺍﻡ ﻋﻠﻴﻜﻢ ﺍﺗﻤﻨﻌﻮﻧﻲ ﻣﻦ ﺟﻬﺎﻟﻲ ﺍﻟﻠﻪ ﻳﻘﺒﻠﻬﺎ
ﺛﺎﻣﺮ : ﺑﻮﻳﺔ ﻣﻨﻮ ﺍﻟﻤﺎﻧﻌﺞ ﺍﻧﺘﻲ ﺍﺗﺮﻳﺪﻳﻦ ﺍﺗﺮﻭﺣﻴﻦ ﻻﻫﻠﺞ ﺭﻭﺣﻲ ﺷﻮﻓﻴﻬﻢ ﻭﺍﺭﺟﻌﻲ ... ﻣﺤﺪ ﻣﻨﻌﺞ
ﺩﻳﻤﺔ : ﻭﺍﺣﻨﺎ ﻭﺍﻛﻔﻴﻦ ﻭﻧﺴﻤﻊ ﺍﻟﺼﻴﺎﺡ ... ﺻﺮﺕ ﺍﺭﺟﻒ ﺧﺎﻑ ﺍﺗﺮﻭﺡ ﺍﻣﻲ ﻭﺍﺗﺨﻠﻴﻨﻪ ... ﺍﻧﻲ ﺍﻋﺮﻑ ﻣﺎﺗﺨﻠﻴﻨﻪ ..
ﺑﺲ ﺍﺷﻠﻮﻥ ﺍﺫﺍ ﻣﺎﻳﻘﺒﻠﻮﻥ .. ﻣﻌﻨﺎﺗﻪ ﻧﺒﻘﻰ ﺍﻫﻨﺎ ﻭﻧﺘﺤﻤﻞ ﺍﻟﺬﻝ ﻭﺍﻻﻫﺎﻧﺔ ﻭﺍﻟﻀﺮﺏ ...
ﺳﻤﻴﺔ : ﻫﻤﻪ ﻛﺒﺎﺭ ﻭﻳﻔﺘﻤﻬﻮﻥ ﻭﻣﺎﻳﺮﻳﺪﻭﻥ ﻳﺒﻘﻮﻥ ﺍﻫﻨﺎ ﻳﻤﻜﻢ
ﺛﺎﻣﺮ : ﻭﺑﺼﻮﺕ ﻋﺎﻟﻲ ﺩﻳﻤﺔ ﻣﻨﺘﻈﺮ ﺗﻌﺎﻟﻮ
ﺍﻧﺘﻮ ﻣﺎﺗﺮﻳﺪﻭﻥ ﺍﺗﻌﻴﺸﻮﻥ ﺍﻫﻨﺎ ...
ﻣﻨﺘﻈﺮ : ﻋﻤﻲ ﺍﺣﻨﺎ ﻧﺮﻳﺪ ﻧﺮﻭﺡ ﺑﻴﺖ ﺟﺪﻱ ﻭﺍﻫﻨﺎﻙ ﺑﻴﺖ ﺍﻣﻲ ﺑﻮﺣﺪﻧﻪ ﻣﻠﻴﻨﻪ ﻳﻮﻣﻴﺔ ﻣﺸﻜﻠﻪ
ﺩﻳﻤﺔ : ﻋﻤﻲ ﻭﺍﻧﻲ ﻫﻤﻴﻦ ﻣﺎ ﺍﺭﻳﺪ ﺍﺑﻘﻰ ﺍﻫﻨﺎ
ﻉ ﺍﻗﻞ ﺍﻧﺮﻭﺡ ﻟﺒﻴﺖ ﺟﺪﻭ ﺍﻫﻨﺎﻙ ... ﻧﺸﻮﻑ ﺣﻴﺎﺗﻨﻪ ﺑﻌﺪ ﺍﺑﻮﻳﺔ ﺳﺎﻓﺮ ﻭﺧﻼﻧﻪ ﻫﻨﺎ ... ﻭﺑﻌﺪ ﻣﺎ ﻳﺮﺟﻊ
ﺛﺎﻣﺮ : ﺿﻞ ﻳﻔﻜﺮ ﺍﺫﺍ ﻳﺮﻭﺣﻮﻥ ﻫﻤﻴﻦ ﻳﺮﺗﺎﺡ ﻣﻦ ﺍﻟﻤﺸﺎﻛﻞ ﻭﻫﻤﻴﻦ ﻳﻘﻞ ﺍﻟﻤﺼﺮﻑ ﺍﻟﺒﻴﺖ ﻻﻥ ﻛﻠﻪ ﻋﻠﻴﻪ ...
ﺛﺎﻣﺮ : ﺭﻭﺣﻮ ﺑﺲ ﻳﺎ ﺳﻤﻴﺔ ﺍﺫﺍ ﺻﺎﺭ ﻋﻠﻴﻬﻢ ﺷﻲ ﻻﺗﻮﺭﺍﺭﻳﻨﻲ ﻭﺟﻬﺞ
ﺳﻤﻴﺔ : ﺍﻧﻲ ﺍﻛﺜﺮ ﻭﺣﺪﺓ ﺍﺧﺎﻑ ﻋﻠﻴﻬﻢ ﺧﻠﻴﻚ ﻣﻄﻤﺌﻦ ﻣﻦ ﻫﺎﻱ ﺍﻟﻨﺎﺣﻴﺔ ....
ﺩﻳﻤﺔ : ﻭﺧﻠﻴﻨﻪ ﻭﻃﻠﻌﻨﻪ ﻭﺍﻧﻲ ﺍﺳﻤﻊ ﺍﻟﺪﻋﺎﻭﻱ ﻣﻦ ﻋﻤﺎﺗﻲ ﻭﺑﻴﺒﺘﻲ ..... ﺧﻄﻴﺔ ﻋﻤﻲ .. ﺣﺎﺗﻢ .. ﻭﺻﻠﻨﻪ ﻟﻜﺮﺍﺝ ﻭﺩﻓﻊ ﺍﻟﺘﻜﺴﻲ ﻣﺎﻛﺪﺭ ﻳﺮﻭﺡ ﻭﻳﺎﻧﻪ ﻟﺒﻐﺪﺍﺩ ....
ﻭﻫﻴﺞ ﺭﺍﺡ ﺗﺒﺪﻱ ﺻﻔﺤﺔ ﺟﺪﻳﺪﺓ ﻣﻦ ﺣﻴﺎﺗﻲ ...
ﻭﺍﻧﻲ ﺑﺴﻴﺎﺭﺓ ﻭﺍﺷﻮﻑ ﺍﻟﻄﺮﻳﻖ ﻭﺍﺷﻮﻑ ﺍﻟﻤﺤﺎﻓﻈﺔ ﺍﻟﻌﺸﺖ ﺑﻴﻬﺎ .... ﻃﻔﻮﻟﺘﻲ ﻛﻠﻬﺎ ﻛﺎﻧﺖ ﺍﻫﻨﺎ ...
ﻃﻠﻌﺖ ﻣﻨﻬﺎ ﻭﺍﻧﻲ ﻣﻜﺴﻮﺭﺓ .... ﻻ ﺃﺏ ﻻ ﻋﻤﺎﻡ ﺯﻳﻨﻴﻦ
ﺑﺲ ﺣﻈﻦ ﺍﻻﻡ ﻫﻮ ﺍﻟﻤﻮﺟﻮﺩ ﻭﻫﺬﺍ ﺍﻟﺸﻲ ﺑﻨﺴﺒﺔ ﺍﻟﻴﻪ ﻛﺎﻓﻲ ... ﺧﻠﻴﺖ ﺭﺍﺳﻲ ﻉ ﺟﺘﻒ ﺍﻣﻲ ﻭﺍﻧﻲ ﺍﺑﺎﻭﻋﻠﻬﺎ
ﺍﺳﺘﻤﺪ ﻣﻨﻬﺎ ﺍﻟﻘﻮﺓ ... ﻻﻥ ﻟﻮ ﻭﺣﺪﺓ ﺑﺪﺍﻟﻬﺎ ﻣﻦ ﺯﻣﺎﻥ ﺍﺗﺨﻠﺖ ﻋﻨﻪ ﻭﻣﺎﺳﺎﻟﺖ ﺑﺲ ﻫﻲ ﺍﺗﻤﺴﻜﺖ ﺑﻴﻨﻪ ﻉ ﺍﺧﺮ ﺩﻗﻴﻘﺔ .
...
ﺩﻳﻤﺔ .......
ﺍﻟﻄﺮﻳﻖ ﻃﻮﻳﻞ ﺍﺑﺎﻭﻉ ﻣﻦ ﺟﺎﻣﺔ ﺍﻟﺴﻴﺎﺭﺓ ﺍﺫﻛﺮ ﺍﺷﻠﻮﻥ ﺿﻠﻤﻮﻧﻪ ﺑﻴﺖ ﺟﺪﻱ ﺧﻠﻮﻧﻪ ﻧﺘﺮﻙ ﻛﻠﺸﻲ ﻧﺤﺒﻪ ﺗﺮﻛﻨﺎ ﻣﺪﺍﺭﺍﺳﻨﻪ ﺍﺻﺪﻗﺎﺀﻧﺔ ﺣﺮﻣﻮﻧﻪ ﻣﻦ ﺣﻨﺎﻥ ﺍﻻﺏ ...
ﻣﺮﺍﺕ ﺍﻟﻐﺮﻳﺐ ﺍﺭﺣﻢ ﻳﺼﻴﺮ .....
ﺍﺑﺎﻭﻉ ﻉ ﺍﻣﻲ ﺍﺷﻮﻑ ﻭﺟﻬﺎ ﺍﺻﻔﺮ ﺍﺩﺭﻱ ﺑﻴﻬﺎ ﻣﺮﻳﻀﺔ ﻭﺗﻌﺒﺎﻧﻪ ﺑﺲ ﺗﺤﺎﻭﻝ ﺗﺒﻴﻦ ﻗﻮﻳﺔ ﻛﺪﺍﻣﻨﻪ .....
ﺩﺍﺭﺍﺕ ﻭﺟﻬﺎ ﺍﻟﻨﺎ
ﺳﻤﻴﺔ : ﻣﺎﻣﺎ ﺟﻮﻋﺎﻧﻴﻦ ﺗﻨﺰﻟﻮﻥ ﺗﺎﻛﻠﻮﻥ
ﺩﻳﻤﺔ : ﻭﺍﺣﻨﺎ ﻣﺎﻣﺎﻛﻠﻴﻦ ﻣﻦ ﺍﻟﻠﻴﻞ ﻭﻃﻠﻌﻨﻪ ﺑﺪﻭﻥ ﻏﺪﺓ ﺑﻴﻮﻣﻬﺎ ﺣﺘﻰ ﺑﻄﻨﻲ ﻛﺎﻣﺖ ﺍﻃﻠﻊ ﺍﺻﻮﺍﺕ 😂
ﻣﺼﻄﻔﻰ : ﻣﺎﻣﺎ ﺭﺍﺡ ﺍﻣﻮﺕ ﻣﻦ ﺍﻟﺠﻮﻉ
ﺩﻳﻤﺔ : ﺍﻧﻲ ﺑﻌﺪ ﻣﺎ ﺍﺗﺤﻤﻞ ﺍﻱ ﺷﻲ ﺍﻛﻠﻪ ﺣﺘﻰ ﻟﻮ ﺧﺒﺰ ﻳﺎﺑﺲ
ﺳﻤﻴﺔ : ﻳﻤﺔ ﻋﻤﺖ ﻋﻴﻨﻲ ﻋﻠﻴﻜﻢ ﺟﻮﻋﺎﻧﻴﻦ
ﺧﻮﻳﺔ ﺍﻭﻛﻒ ﻳﻢ ﻫﺬﺍ ﺍﻟﻤﻄﻌﻢ ....
ﺩﻳﻤﺔ : ﻭﻛﻒ ﺍﻟﺴﺎﻳﻖ ﻳﻢ ﺍﻟﻤﻄﻌﻢ ... ﻧﺰﻟﻨﻪ ﺍﻧﻲ ﻭﺍﻣﻲ ﻭﻣﻨﺘﻈﺮ ﻭﻣﺼﻄﻔﻰ ...
ﻭﺍﻧﻲ ﺍﺷﻢ ﺭﻳﺤﺔ ﺍﻟﻜﺒﺎﺏ ﺷﻮﻱ .... ﺩﺧﻠﻨﻪ ﻃﻠﺒﺘﻨﻪ ﻛﺒﺎﺏ ﻭﺧﺒﺰ ... ﺷﻮﻱ ﻭﺍﺟﻪ 😍 ﻣﺎﺧﻠﻴﻨﻪ ﺷﻲ ﺑﻴﻪ ﻣﻦ ﻛﺪ ﻣﺎﺟﻨﻪ ﺟﻮﻋﺎﻧﻴﻦ ... ﻭﺑﻨﻔﺲ ﺍﻟﻮﻗﺖ ﻓﺮﺣﺎﻧﻴﻦ ﻻﻥ ﺧﻠﺼﻨﻪ ﻣﻦ ﺗﺤﻜﻢ ﻋﻤﺎﺗﻲ .... ﺍﺷﻮﻑ ﺍﻣﻲ ﻣﺎ ﺍﻛﻠﺖ ... ﻗﻠﻴﻞ ﺗﺒﺎﻭﻉ ﻋﻠﻴﻨﻪ ﻭﺗﺒﺘﺴﻢ ... ﺍﻧﻲ ﺍﻋﺮﻓﻬﺎ ﻣﻦ ﺍﺿﻮﺝ ﻣﺎﺗﺎﻛﻞ
ﺑﻌﺪ ﻣﺎﺧﻠﺼﻨﻪ ﻃﻠﻌﻨﻪ ﺭﺣﻨﻪ ﻟﺴﻴﺎﺭﺓ ﻛﻤﻠﻨﻪ ﺍﻟﻄﺮﻳﻖ ﻧﻌﺴﺖ ﻭﻧﻤﺖ ﻣﺎ ﺍﺩﺭﻱ ﺑﺮﻭﺣﻲ .....
ﺳﻤﻴﺔ : ﻣﺎﻣﺎ ﺩﻳﻤﺔ ﺍﻛﻌﺪﻱ ﻭﺻﻠﻨﻪ ﻟﺒﻴﺖ ﺟﺪﺝ
ﺩﻳﻤﺔ : ﺍﻣﻤﻢ ﺧﻠﻴﻨﻲ ﻧﺎﻳﻤﺔ ..
ﺳﻤﻴﺔ : ﻣﺎﻣﺎ ﺍﺣﻨﺎ ﻣﻮ ﺑﻠﺒﻴﺖ ﺍﻛﻌﺪﻱ ﻭﺻﻠﻨﻪ ﻟﺒﻐﺪﺍﺩ
ﺩﻳﻤﺔ : ﻓﺰﻳﺖ ﻣﻦ ﺳﻤﻌﺖ ﺑﻐﺪﺍﺩ ... ﻛﻌﺪﺕ ﻭﺑﻌﺪﻳﻦ ﺍﺫﻛﺮﺕ ﺍﻧﻲ ﻭﻳﻦ .... ﺍﻟﺴﺎﻳﻖ ﻧﺰﻝ ﺍﻟﺠﻨﻂ ﺍﺧﻮﻱ ﺷﺎﻝ ﺟﻨﻄﺔ ﻭﻣﺎﻣﺎ ﺟﻨﻄﺔ .... ﻭﺻﻠﻨﻪ ﻟﺒﺎﺏ ﺩﻛﺖ ﻣﺎﻣﺎ ﺍﻟﺒﺎﺏ
ﺟﺎﻥ ﺑﻴﺘﻬﻢ ﻛﻠﺶ ﺍﺟﺒﻴﺮ ... ﻃﺎﺑﻘﻴﻦ ﻭﺣﺪﻳﺚ ...
ﺷﻮﻱ ﻭﻃﻠﻊ ﻣﻬﻨﺪ ﺍﺑﻦ ﺧﺎﻟﻲ ....
ﻣﻬﻨﺪ : ﻳﺎﺍ ﻋﻤﺔ ﻫﻼ ﺑﻴﺞ ﺍﺷﻠﻮﻧﺞ ﻋﻤﺔ ﻭﺍﻟﻠﻪ ﻣﺸﺘﺎﻗﻴﻠﺞ ...
ﺑﺎﺱ ﻣﺎﻣﺎ ﻭﺳﻠﻢ ﻉ ﺍﺧﻮﺍﻧﻲ ﻭﺑﺎﺳﻬﻢ ﻭﺻﻞ ﻳﻤﻲ ﻛﺎﻻﻟﻲ
ﻣﻬﻨﺪ : ﻫﺎﻱ ﺍﻧﺘﻲ ﺩﻳﻤﺔ ﻳﻤﺘﻪ ﻛﺒﺮﺗﻲ ﺷﻮ ﺻﺎﻳﺮﺓ ﺣﻠﻮﺓ
ﺩﻳﻤﺔ : ﺑﺎﺭﺣﺔ ﻛﺒﺮﺕ ...
ﻣﻬﻨﺪ : ﻭﺻﺎﻳﺮﺓ ﺗﺤﺸﻴﺸﻴﻦ
ﺩﻳﻤﺔ : ﺷﻨﻮ ﻣﺎﻧﺎﻭﻱ ﺗﺨﻠﻴﻨﻪ ﻧﺪﺧﻞ
ﻣﻬﻨﺪ : ﻻ ﻛﻞ ﻫﻼ ﺑﻴﺞ ﺳﺖ ﺩﻳﻤﺔ
ﺩﺧﻠﻨﻪ ﻟﺒﻴﺖ ﺟﺪﻭ ﺟﺎﻧﺖ ﺍﻟﻄﺮﻣﺔ ﺟﺒﻴﺮﺓ ﻭﺑﻴﻬﺎ ﺣﺪﻳﻘﺔ ﻭﺻﻠﻨﻪ ﻟﺒﺎﺏ ﺍﻟﻤﻄﺒﺦ ... ﻟﻜﻴﺖ ﺧﺎﻟﺘﻲ ﻧﺪﻯ ﺍﻟﺰﻏﻴﺮﺓ .. ﻭﺍﻛﻔﺔ ﻉ ﺳﻨﻚ ﺗﻐﺴﻞ ﺍﻣﻮﺍﻋﻴﻦ ... ﺧﻄﻴﺔ ﻣﻦ ﺷﺎﻓﺘﻨﻪ ﺍﺟﺖ ... ﺣﻈﻨﺖ ﻣﺎﻣﺎ .. ﺧﻄﻴﺔ ﻣﺎﻣﺎ ﻣﻦ ﺣﻈﻨﺘﻬﺎ
ﺍﻃﻠﻘﺖ ﺍﻟﻌﻨﺎﻥ ﻻﺩﻣﻮﻋﻬﺎ ... ﺍﻟﺠﺎﻧﺖ ﻣﺤﺒﻮﺳﺔ ...
ﻉ ﺻﻮﺕ ﺍﺟﺖ ﺑﻴﺒﺘﻲ ... ﻭﺧﺎﻟﻲ ﻭﻣﺮﺗﻪ ﻭﺧﺎﻟﺘﻲ ﺍﻟﺠﺒﻴﺮﺓ .. ﺃﺭﻣﻠﺔ .. ﻭﻋﺎﻳﺸﺔ ﻳﻢ ﺑﻴﺖ ﺟﺪﻭ ... ﺣﺘﻰ ﻣﺮﺕ ﻋﻤﻲ ﺍﻟﻲ ﻫﻲ ﺧﺎﻟﺘﻲ ....
ﺧﺎﻟﻲ ﺣﻈﻨﺔ .. ﻭﻛﺎﻝ ﺍﻟﻨﻪ
ﺳﻼﻡ : ﻫﻼ ﺑﻮﻟﺪﻱ ﻭﺑﻨﻴﺘﻲ ﺗﻌﺎﻟﻮ ... ﻭﻓﻚ ﺍﻟﻨﺎ ﺍﺩﻳﻪ
ﺣﻈﻨﻪ ﺧﺎﻟﻲ .. ﺻﺪﻙ ﻟﻮ ﻛﺎﻟﻮ ﺍﻟﺨﺎﻝ ﻭﺍﻟﺪ ...
ﻭﻫﻮ ﻳﺒﻮﺱ ﺑﻴﻨﻪ ... ﻭﻳﻜﻮﻟﻨﻪ ﺍﺣﺴﺒﻮﻧﻲ ﺍﻧﻲ ﺍﺑﻮﻛﻢ ﻭﻋﻤﻜﻢ ﻭﺧﺎﻟﻜﻢ .... ﺍﻱ ﺷﻲ ﺗﺤﺘﺎﺟﻮﻧﻪ ﺍﻧﻲ ﻳﻤﻜﻢ
ﺍﻧﺸﺎﺀ ﺍﻟﻠﻪ ﻣﺎ ﺭﺍﺡ ﺍﻗﺼﺮ ﻭﻳﺎﻛﻢ ...
ﺑﻴﺒﺘﻲ ﺍﺟﺖ ﻫﻤﻴﻦ ﺗﺒﻮﺱ ﺑﻴﻨﻪ .....
ﻭﻣﺎﻣﺎ ﺧﻄﻴﺔ ﺑﺎﺳﺖ ﺭﺍﺱ ﺑﻴﺒﺘﻲ .... ﻭﺑﻌﺪﻳﻦ ﺣﻈﻨﺘﻬﺎ ﻭﺿﻠﺖ ﺗﺒﺠﻲ .... ﻭﺍﻛﻮﻟﻠﻬﺎ ﺿﺮﺑﻮﻧﻲ ... ﻭﺭﺍﺩﻭ ﻳﺎﺧﺬﻭﻥ ﺟﻬﺎﻟﻲ ... ﻭﺣﺘﻰ ﺑﻠﺒﻮﻙ ﺗﻬﻤﻮﻧﻲ ... ﻭﺍﻧﻲ ﺍﻡ ﺍﻟﻌﺰ ﻭﺍﻟﺪﻻﻝ ﺷﻔﺖ ﺍﻟﻀﻴﻢ ...
ﺑﻴﺘﻲ ﺍﺗﻬﺪﻱ ﺑﻴﻬﺎ ..... ﻭﺗﻜﺎﻻﻟﻬﺎ
ﻻﺑﺎﺭﻙ ﺍﻟﻠﻪ ﺑﻴﻬﻢ ... ﺧﻠﻲ ﻳﻮﻟﻮﻥ ﻫﺬﺍ ﺑﻴﺘﺞ ﻭﺍﻋﺘﺒﺎﺭﺝ ﻭﻣﺤﺪ ﻳﺤﺎﺟﻴﺞ .... ﻭﻻ ﻳﻜﻠﺞ ﻉ ﻋﻴﻨﺞ ﺣﺎﺟﺐ ...
ﺧﺎﻻﺗﻲ ﺣﺎﻇﻨﺘﻨﻪ .... ﺍﻻ ﺧﺎﻟﺘﻲ ﺍﻟﺠﺒﻴﺮﺓ ﺻﻔﻴﺔ ... ﻣﺎ ﺍﻋﺮﻑ ﺍﺷﻠﻮﻥ .. ﺗﺒﺎﻭﻉ ﻋﻠﻴﻨﻪ ﺟﺎﻥ ﺗﺤﺠﻲ
ﺻﻔﻴﺔ : ﺍﻱ ﺟﺎ ﺍﻧﺘﻮ ﺗﺒﻘﻮﻥ ﺍﻫﻨﺎ ﺷﻮ ﺍﻫﻠﻜﻢ ﻭﺗﺒﺎﺭﻭ ﻣﻨﻜﻢ ﻭﻫﺴﺔ ﺧﻄﻴﺔ ﺭﺍﺡ ﺍﻃﻴﺢ ﻛﻠﻬﺎ ﺑﺮﺍﺱ ﺳﻼﻡ ...
ﻭﺍﻟﻠﻪ ﻧﺎﺱ ﺗﺎﻛﻞ ﺩﺟﺎﺝ ﻭﻧﺎﺱ ﺗﺘﻠﻜﻰ ﺍﻟﻌﺠﺎﺝ ( ﻫﺬﺍ ﺟﺎﻥ ﻣﺜﻠﻬﺎ ) ... ﺭﺩﺕ ﻋﻠﻴﻬﺎ ﺑﻴﺒﺘﻲ ....
ﻭﻟﻚ ﺍﻧﺘﻲ ﻳﻤﺘﻪ ﺗﺒﻘﻴﻦ ﻫﻴﺞ ﺍﻧﺎﻧﻴﺔ ﺗﺤﺒﻴﻦ ﺑﺲ ﻧﻔﺴﺞ ﻻﺑﺎﺭﻙ ﺍﻟﻠﻪ ﺑﻴﺞ ... ﺍﺧﺘﺞ ﺟﺎﻳﺔ ﻭﺗﻌﺒﺎﻧﻪ ﻭﻓﻮﻙ ﺿﻴﻤﻬﺎ ﺍﻧﺘﻲ ﺍﺯﻳﺪﻳﻦ ﻋﻠﻴﻬﺎ ...
ﺻﻔﻴﺔ : ﻳﺎ ﻭﺍﻧﻲ ﺷﺤﺎﺟﻴﻪ ... ﻫﻲ ﻣﺎ ﻋﺮﻓﺖ ﺍﺷﻠﻮﻥ ﺗﺤﺎﻓﻆ ﻉ ﺯﻭﺟﻬﺎ ... ﻫﺴﺔ ﻫﻮ ﺑﺨﺎﺭﺝ ﻭﻣﺎ ﻫﻤﻪ ... ﻭﺍﺣﻨﺎ ﻧﻄﻴﺢ ﺑﻴﻬﺎ ...
ﺍﻟﺤﺠﻴﺔ : ﻭﻟﺞ ﻟﻮ ﻣﺎ ﻫﺎﻱ ﺍﺧﺘﺞ ... ﺭﻭﺣﻲ ﻣﺎ ﺍﺭﻳﺪ ﺍﺷﻮﻑ ﻭﺟﻬﺞ ...
ﺭﺍﺣﺖ ﻭﺍﺑﺎﻭﻉ ﻉ ﺍﻣﻲ ﺩﻣﻌﺘﻬﺎ ﺑﻌﻴﻨﻬﺎ ... ﻣﺎﺗﻜﺪﺭ ﺗﺤﺠﻲ .. ﺧﻄﻴﺔ ﺑﻴﺒﺘﻲ ﺭﺍﺩﺕ ﺗﻬﺪﺉ ﻋﻠﻴﻬﺎ ..
ﻛﻠﺘﻠﻬﺎ .....
ﻣﻌﻠﻴﺞ ﺑﻴﻬﺎ ﻫﻲ ﻣﻦ ﻣﺎﺕ ﺭﺟﻠﻬﺎ ﻟﺤﺪ ﺍﻻﻥ ﻣﺘﻐﻴﺮﺓ .. ﻻﺗﺎﺧﺬﻳﻦ ﺑﺨﺎﻃﺮﺝ ﻣﻨﻬﺎ .....
ﺍﺟﺖ ... ﺍﺳﺮﺍﺀ ﺯﻭﺟﺖ ﺧﺎﻟﻲ ... ﺳﻠﻤﺖ ﻋﻠﻴﻨﻪ .... ﺑﺲ ﺍﺣﺴﻬﺎ ﻭﺟﻬﺎ ﺛﻜﻴﻞ .. ﺻﺤﻴﺢ ﺭﺣﺒﺖ ﺑﻴﻨﻪ ... ﺑﺲ ﻣﻮ ﻣﻦ ﻛﻞ ﻛﻠﺒﻬﺎ ... ﺣﻘﻬﺎ ﺍﺫﺍ ﻫﻲ ﺧﺎﻟﺘﻲ ﺍﺧﺖ ﺍﻣﻲ ﻭﻫﻴﺞ ﺗﺤﺠﻲ ... ﺑﻘﺖ ﻋﻠﻴﻬﺎ
..
ﺭﺍﺣﺖ ﺍﻣﻲ ... ﺍﺗﻐﺴﻞ .. ﻭﺟﺎﻥ ﺗﺴﻤﻊ ... ﺧﺎﻟﺘﻲ ﺍﺳﺮﺍﺀ
ﺍﺳﺮﺍﺀ : ﺍﻛﻮﻟﻚ ﺳﻼﻡ ﺷﻨﻮ ﺳﻤﻴﺔ ﺗﺒﻘﻰ ﻫﻨﺎ ... ﻭﺟﻬﺎﻟﻬﺎ ﻫﻨﺎ ﻳﺒﻘﻮﻥ ... ﻭﻫﻲ ﻋﻨﺪﻫﺎ ﻭﻟﺪ ﺟﺒﻴﺮ .. ﻭﺑﻨﻴﺔ ﺣﺘﻰ ﺭﺍﺡ ﻳﺎﺛﺮﻭﻥ ﻉ ﺟﻬﺎﻟﻲ ... ﺑﺪﺭﺍﺳﺔ ﻫﻲ ﺧﺎﻟﺘﻲ ﺟﺎﻥ ﻋﻨﺪﻫﺎ
( ﺍﺛﻨﻴﻦ ﻭﻟﺪ ﻣﻬﻨﺪ ﺑﻜﺪ ﻣﻨﺘﻈﺮ ﻭﻋﻠﻲ ﺃﻛﺒﺮ ﻣﻨﻪ ﻭﺍﺛﻨﻴﻦ ﺑﻨﺎﻥ ﺣﻨﻴﻦ ﺍﺯﻏﺮ ﻣﻨﻲ ﺑﺴﻨﻪ ﻭﺳﺎﺭﺓ ﺍﺯﻏﺮ ﻣﻦ ﻣﻨﺘﻈﺮ ﺑﺴﻨﻪ )
ﺳﻼﻡ : ﺷﻜﺪ ﻣﺎﻳﺒﻘﻮﻥ ﺧﻠﻲ ﻳﺒﻘﻮﻥ ﺑﻴﺖ ﺑﻴﺘﻬﻢ ﻣﺎ ﺍﺭﻳﺪ ﺍﺳﻤﻊ ﻣﻨﺞ ﺑﻌﺪ ﻛﻠﻤﺔ ...
ﺍﺳﺮﺍﺀ : ﺑﺲ ﺍﻧﻲ ﻣﻮ ﻗﺼﺪﻱ
ﺳﻼﻡ : ﺍﺵ ﻗﺼﺪﺝ ﻣﻮ ﻗﺼﺪﺝ ﻫﺎﻱ ﺍﺧﺘﻲ ﺍﻻ ﻣﺎﻳﺸﻴﻠﻬﺎ ﺍﻟﺒﻴﺖ ﺍﺷﻴﻠﻬﺎ ﻋﻴﻮﻧﻲ ...
ﺍﺟﺖ ﻋﻠﻴﻨﻪ ﺍﻣﻲ ...
ﺳﻤﻴﺔ : ﻳﻼ ﺣﻈﺮﻭ ﻧﻔﺴﻜﻢ ﺧﻠﻴﻨﻪ ﻧﺮﻭﺡ ﻟﺒﻴﺖ ...
ﺍﻟﺤﺠﻴﺔ : ﻳﺎ ﺳﻨﺔ ﻭﻳﻦ ﺗﺮﻭﺣﻴﻦ ﺿﻠﻲ ﺍﻫﻨﺎ .... ﻭﻳﻦ ﺍﻫﻨﺎﻙ ﺑﻮﺣﺪﺝ ...
ﺳﻤﻴﺔ : ﻻﻳﻤﺔ ﺑﻴﺘﻲ ﺍﺣﺴﻦ ﺍﺭﻳﺪ ﺍﺧﺬ ﺭﺍﺣﺘﻲ .. ﻭﺍﻧﻲ ﺍﺑﻨﻲ ﺟﺒﻴﺮ ﻣﺎﻋﻠﻴﻨﻪ ﺷﻲ ﻫﻮ ﻳﻤﻜﻢ .. ﺍﺫﺍ ﻧﺤﺘﺎﺝ ﺷﻲ ﻣﻮ ﺑﻌﺪﻳﻦ ( ﺑﻤﻨﺎﺳﺒﺔ ﻫﺬﺍ ﺍﻟﺒﻴﺖ ﺍﺷﺘﺮﺍﻩ ﺍﺑﻮ ﺳﻤﻴﺔ ﻭﺟﺎﻥ ﻣﺄﺟﺮ ﻣﻦ ﺭﺍﺡ ﺍﺑﻮﻳﺔ ﺍﻣﻲ ﻃﻠﺒﺖ ﻣﻦ ﺧﺎﻟﺘﻲ ﺍﻃﻠﻊ ﺍﻟﻤﻮﺟﺮ ﻭﺗﻨﻈﻔﺔ ﻭﺧﻄﻴﺔ ﺧﺎﻟﺘﻲ ﺟﻬﺰﺗﻪ ﺍﻟﻨﺎ ﻛﺎﻣﻞ )
ﺩﻳﻤﺔ ﻭﻣﺼﻄﻔﻰ : ﻣﺎﻣﺎ ﺧﻠﻴﻨﻪ ﺍﻫﻨﺎ ﺍﺭﻳﺪ ﻧﻠﻌﺐ
ﺳﻤﻴﺔ : ﻭﺑﺼﻮﺕ ﻋﺎﻟﻲ ﻣﺎﻛﻮ ﻟﻌﺐ ﺗﻌﺎﻟﻮ ﻭﻳﺎﻱ ﻳﻼ
ﺩﻳﻤﺔ : ﺍﻭﻝ ﻣﺮﺓ ﻣﺎﻣﺎ ﺍﺻﻴﺢ ﻋﻠﻴﻪ .. ﺍﺟﻴﺖ ﺍﺑﺠﻲ ﻭﺧﺼﻮﺻﺎ ﻛﺪﺍﻡ ﻭﻟﺪ ﻭﺑﻨﺎﺕ ﺧﺎﻟﻲ ....
ﻃﻠﻌﻨﺎ ﻭﺍﻧﻲ ﻣﺎ ﺍﺣﺎﺟﻲ ﺍﻣﻲ ...
ﻭﺻﻠﻨﻪ ﻟﺒﻴﺖ ... ﺟﺎﻥ ﺯﻏﻴﺮ ﻣﻮ ﻣﺜﻞ ﺑﻴﺖ ﺟﺪﻱ .. ﻓﺘﺤﺖ ﺍﻟﻘﻔﻞ ﺟﺎﻥ ﻣﻘﻔﻮﻝ ... ﻭﺩﺧﻠﻨﻪ ﺑﺪﺍﻳﺘﻪ ... ﻃﺮﻣﺔ ﺯﻏﻴﺮﺓ ﺑﺲ ﺑﻴﻪ ﺣﺪﻳﻘﺔ ﺑﺲ ﻫﻤﻴﻦ ﺍﺯﻏﻴﺮﺓ ﺍﻭﻝ ﻣﺎ ﺩﺧﻠﻨﻪ ﻣﻄﺒﺦ ﻭﺑﻴﻪ ﻫﻮﻝ ﺯﻏﻴﺮ ﺧﺎﻟﺘﻲ ﻣﺨﻠﻴﻪ ﺑﻴﻪ ﺗﺨﻢ ﻭﻏﺮﻓﻪ ﻧﻮﻡ ﻭﻓﻮﻙ ﻏﺮﻓﺘﻴﻦ ﻧﻮﻡ ﻭﺍﺳﺘﻘﺒﺎﻝ .... ﻛﻌﺪﻧﻪ ﺑﻬﻮﻝ ..
ﺍﺟﺖ ﺍﻣﻲ ﻛﻌﺪﺕ ﻳﻤﻲ ....
ﺳﻤﻴﺔ : ﻳﻤﺔ ﺩﻳﻤﻪ ﺍﺩﺭﻱ ﺑﻴﺞ ﺯﻋﻠﺘﻲ ﺑﺲ ﻭﺍﻟﻠﻪ ﻣﺎ ﺭﺩﺕ ﺍﺻﻴﺢ ﻋﻠﻴﻜﻢ ﺑﺲ ﺻﺎﺭ ﻋﻠﻴﻪ ﺿﻐﻂ ﻭﻣﻨﺎ ﺣﺠﻲ ﺧﺎﻟﺘﺞ ﻣﺎﺳﻴﻄﺮﺕ ﻉ ﺍﻋﺼﺎﺑﻲ .. ﺍﻧﺘﻲ ﺃﻣﻴﺮﺗﻲ ﻣﺎﻳﻬﻮﻥ ﻋﻠﻴﻪ ﺯﻋﻠﺞ ﻭﺑﺎﺳﺘﻨﻲ ....
ﺩﻳﻤﺔ : ﻻﻣﺎﻣﺎ ﻣﺎﺯﻋﻼﻧﻪ ﺍﻫﻢ ﺷﻲ ﺍﻧﺘﻲ ﻣﻮﺟﻮﺩﺓ ﻳﻤﻲ ﻭﺣﻈﻨﺘﻪ ﺍﺟﺔ ﻣﻨﺘﻈﺮ ﻭﻣﺼﻄﻔﻰ ﻭﺣﻈﻨﻮﻫﺎ ... ﺟﺎﻧﺖ ﻋﺎﺋﻠﺘﻲ ﻣﻜﺘﻤﻠﺔ ... ﻧﺎﻗﺼﻬﺎ ﺑﺲ ﻭﺟﻮﺩ ﺑﺎﺑﺎ ☹...
ﻣﺮﺕ ﺍﻻﻳﺎﻡ ﻭﺍﺣﻨﺎ ﻉ ﻧﻔﺲ ﺍﻟﺤﺎﻝ ﺟﺎﻧﺖ ﺩﺍﺋﻤﺎ ﺧﺎﻟﺘﻲ ﻳﺠﻦ ﻋﺪﻧﻪ ﻟﻮ ﺍﺣﻨﺎ ﺍﻧﺮﻭﺣﻠﻬﻢ ﺑﻴﺖ ﺟﺪﻭ ﻛﻠﺶ ﻗﺮﻳﺐ ﻋﻠﻴﻨﻪ ﺑﻨﻔﺲ ﺍﻟﺸﺎﺭﻉ ﺳﺎﺭﺓ ﻭﺣﻨﻴﻦ ﺻﺎﺭﻥ ﻣﺜﻞ ﺍﺧﻮﺍﺗﻲ .. ﺑﺲ ﻣﻬﻨﺪ ﺷﻜﺪ ﻏﺜﻴﺚ ﺟﺎﻥ ﻣﻦ ﻳﺠﻲ ﻋﺪﻧﻪ ﻟﻮ ﻳﻠﺰﻡ ﺷﻌﺮﻱ ﻭﻳﻜﻔﺸﻪ ﻟﻮ ﻳﻀﻞ ﻳﺸﺎﻗﻪ ﻭﻳﺎﻱ .. ﺍﻧﻲ ﺷﻌﺮﻱ ﻛﻠﺶ ﺍﻃﻮﻳﻞ .. ﻭﻋﻴﻮﻧﻲ ﺻﻔﺮ ﻭﺭﻣﻮﺵ ﻃﻮﺍﻝ ﻛﻞ ﻳﺸﻮﻓﻨﻲ ﻳﻨﻌﺠﺐ ﺑﻴﻪ ... ﻉ ﺭﻏﻢ ﺍﻧﻲ ﺯﻏﻴﺮﺓ ﺑﺲ ﺑﺪﺕ ﻣﻼﻣﺢ ﺍﻻﻧﻮﺛﺔ ﺗﺒﺮﺯ ﻋﻨﺪﻱ ... ﺩﺍﺋﻤﺎ ﻣﺎﻣﺎ ﺍﺗﻜﻮﻟﻲ ... ﺧﻠﻲ ﻋﻼﻗﺘﺞ ﺑﻮﻟﺪ ﺧﺎﻟﺞ ﻣﺤﺪﻭﺩﺓ ... ﺍﻧﺘﻲ ﺑﻌﺪ ﺻﺮﺗﻲ ﺟﺒﻴﺮﺓ
ﺍﺑﻮﻳﺔ ﻳﺘﺼﻞ ﺑﻴﻨﻪ ﺑﻴﻦ ﻓﺘﺮﺓ ﻭﻓﺘﺮﺓ ﺑﺲ ﻣﺎ ﻳﺤﺎﺟﻲ ﺍﻣﻲ ﻻﻥ ﻃﻠﻌﺖ ﻣﻦ ﺑﻴﺖ ﺟﺪﻭ ... ﺷﻮﻱ ﻳﺨﺎﺑﺮﻧﻪ ﻭﺑﻌﺪﻳﻦ ﻳﺴﺪﻩ ....
ﺟﻨﻪ ﻛﺎﻋﺪﻳﻦ ﻉ ﻣﻴﺰ ﻃﻌﺎﻡ ﺑﻤﻄﺒﺦ ... ﻭﻣﺎﻣﺎ ﻣﺴﻮﻱ ﺩﻭﻟﻤﺔ ... ﺻﺒﺘﻬﺎ ﻭﺭﺩﻧﺎ ﻧﺎﻛﻞ ﺳﻤﻌﻨﻪ ﺍﻟﺒﺎﺏ ﺗﻨﺪﻙ ﻣﺤﺪ ﻳﺠﻲ ﻋﻨﺪﻧﻪ ﺑﻬﻴﺞ ﻭﻗﺖ ﺧﺎﻻﺗﻲ ﻟﻮ ﺑﻠﻴﻞ ﻟﻮ ﺍﻟﻌﺼﺮ
ﻭﺍﺣﻨﺎ ﻣﺎﻋﻨﺪﻧﻪ ﻋﻼﻗﺎﺕ ﻭﻱ ﺍﻟﺠﻮﺍﺭﻳﻦ ...
ﻛﺎﻡ ﻣﻨﺘﻈﺮ ﻳﻔﺘﺢ ﺍﻟﺒﺎﺏ ....
ﻭﺍﺳﻤﻌﻪ ﻳﺼﻴﺢ ﺑﺎﺑﺎ ﺍﻧﺘﻪ ﺍﺟﻴﺖ ...
ﺍﻧﻲ ﺍﻧﺼﺪﻣﺖ ﻣﻌﻘﻮﻟﺔ ﺑﺎﺑﺎ ﺍﺟﻪ ﺍﺷﻮﻑ ﺍﻣﻲ ﻭﻛﻌﺖ ﺧﺎﺷﻮﻛﺔ ﻣﻦ ﺍﻳﺪﻳﻬﺎ ... ﺭﺣﺖ ﻃﻠﻌﺖ ﻭﺷﻔﺖ ﻣﻨﺘﻈﺮ ﺣﺎﻇﻦ ﺑﺎﺑﺎ ﻭﻳﺒﻮﺱ ﺑﻴﻪ ...
ﻳﻌﻨﻲ ﺻﺤﻴﺢ ﺍﻧﻲ ﻣﺎ ﺍﺣﻠﻢ ﺑﺎﺑﺎ ﺭﺟﻌﻠﻨﻪ .... ﻣﺎﺗﺮﻛﻨﻪ
ﺑﻌﺪ ﻣﻨﺘﻈﺮ ﻣﻦ ﻋﻨﺪﺓ ... ﻭﻫﻮ ﻳﺒﺎﻭﻋﻠﻲ .... ﻓﺘﺢ ﺍﺩﻳﻪ
ﺍﻧﻲ ﺑﻌﺪ ﻣﺎ ﺍﺗﺤﻤﻠﺖ ... ﺭﻛﻀﺖ ﺑﺤﻈﻨﻪ ... ﻭﻛﻤﺖ ﺍﺑﺠﻲ ﻭﺍﻛﻮﻟﻪ ﻟﻴﺶ ﺗﺮﻛﺘﻨﻪ ... ﻟﻴﺶ ﻣﺎ ﺍﺧﺬﺗﻨﻪ ﻭﻳﺎﻙ ﻫﻮ ﻳﻬﺪﺉ ﺑﻴﻪ .... ﺩﺧﻞ ... ﺷﺎﻑ ﻣﺼﻄﻔﻰ ﻭﺑﺎﺳﺔ ....
ﺿﻞ ﻳﺒﺎﻭﻉ ... ﻉ ﺍﻣﻲ ﻣﺎ ﺣﺠﻪ ﺷﻲ ....
ﺑﺲ ﺳﻠﻢ ﻋﻠﻴﻬﺎ ﺑﺒﺮﻭﺩ .... ﺍﺟﺖ ﻛﻌﺪ ﻭﻳﺎﻧﻪ ﻭﺿﻞ ﻳﺴﻮﻟﻒ
ﺷﻮﻱ ﻭﻛﺎﻡ ﻭﺻﺎﺡ ﻉ ﺍﻣﻲ ...
ﻣﺎﻣﺎ ﺭﺍﺣﺖ ﺑﻮﺭﺍﻩ ﺑﻐﺮﻓﻪ .... ﺑﻠﺒﺪﺍﻳﺔ ﺟﺎﻥ ﺻﻮﺗﻬﻢ ﻣﺎﻳﻨﺴﻤﻊ ﺑﺲ ﺑﻌﺪﻳﻦ ﺷﻮﻱ ﺷﻮﻱ ﻋﻼ ﻭﺍﺳﻤﻌﻪ ﻳﻜﻮﻝ
ﻧﻌﻴﻢ : ﺍﻧﺘﻲ ﺍﺷﻠﻮﻥ ﺍﻃﻠﻌﻴﻦ ﻣﻦ ﺍﻟﺒﻴﺖ ﻭﻣﺎ ﺍﻛﻮﻟﻴﻠﻲ
ﺳﻤﻴﺔ : ﻫﻮ ﺍﻧﺘﻪ ﻭﻳﻦ ﻭﺍﻛﻮﻟﻚ ﻗﺎﺑﻞ ﺑﻮﺭﺍﻩ ﺍﻟﺒﻴﺖ ﺍﺷﻮ ﺭﺣﺖ ﻭﺣﺘﻰ ﻣﺎﻛﻠﻔﺖ ﻧﻔﺴﻚ ﺍﺳﻠﻢ ﻋﻠﻴﻪ ﻭﺧﻠﻴﺘﻨﻲ ﺍﻧﻲ ﺑﻴﻦ ﺍﻫﻠﻚ ﺣﻘﻚ ﻣﺎﺷﻔﺘﻬﻢ ﺍﺷﻠﻮﻥ ﻳﻌﺎﻣﻠﻮﻧﻲ ..
ﻧﻌﻴﻢ : ﻫﻮ ﺍﻧﺘﻲ ﻣﻦ ﻳﻮﻡ ﻳﻮﻣﺞ ﺗﻜﺮﻫﻴﻦ ﺍﻫﻠﻲ ﺍﻧﻲ ﻫﺠﻴﺖ ﻭﺭﺣﺖ ﻣﻦ ﺍﻟﻤﺸﺎﻛﻞ ﻳﻮﻣﻴﻪ ﻣﺸﻜﻠﻪ ﺍﺭﻳﺪ ﺑﺲ ﻳﻮﻡ ﺍﺟﻲ ﺑﻴﻪ ﻣﺮﺗﺎﺡ ﻣﺎﻛﻮ ﺍﻻ ﺗﻼﻛﻴﻨﻲ ﻣﺸﻜﻠﺔ ...
...
ﻭﺍﺳﻤﻊ ﺃﺻﻮﺍﺗﻬﻢ ﻋﻠﺖ ﺍﺣﻨﺎ ﻛﻌﺪﻧﻪ ﺑﻬﻮﻝ ... ﺷﻮﻱ ﻭﻓﺘﺢ ﺍﻟﺒﺎﺏ ... ﺑﺎﺑﺎ ﻭﺟﺎﻥ ﻋﺼﺒﻲ ... ﻛﻼﻟﻲ ﺩﻳﻤﺔ ﻛﻮﻣﻲ ﺳﻮﻳﻠﻲ ﺟﺎﻱ ... ﺭﺣﺖ ﺳﻮﻳﺘﻠﻪ ... ﺑﻌﺪﻳﻦ ﺍﻧﻄﻴﺘﻪ ﺍﻟﻪ .. ﺿﻞ ﻳﺤﺠﻲ ﻭﻱ ﻣﻨﺘﻈﺮ ... ﺣﺠﻴﻨﻪ ﻭﻳﺎﻩ ﻋﻠﻤﻮﺩ ﻳﺼﺎﺣﺐ ﺍﻣﻲ ... ﻭﻣﺎ ﻳﻀﻞ ﺯﻋﻼﻧﻴﻦ ... ﻭﺣﺠﻴﻨﻪ ﺍﺳﻮﻭ ﺑﻴﻨﻪ ﻋﻤﺘﻲ ﻭﻋﻤﻲ ...
ﺑﻠﻴﻞ ﺍﻧﻲ ﻛﺎﻋﺪﺓ ﻉ ﺗﻠﻔﺰﻳﻮﻥ ﺍﻧﻲ ﻭﻣﻨﺘﻈﺮ ... ﻭﻣﺼﻄﻔﻰ ﻳﻠﻌﺐ .. ﺑﻠﺒﺎﻳﺴﻜﻞ ﺍﺷﺘﺮﺍﻩ ﺍﻟﻪ ﺧﺎﻟﻲ ...
ﻃﻠﻌﺖ ﻣﺎﻣﺎ ﻭﻉ ﻭﺟﻬﺎ ﺍﺑﺘﺴﺎﻣﻪ ... ﻋﺮﻓﺘﻬﺎ ﺑﺎﺑﺎ ﺻﺎﺣﺒﻬﺎ ﺟﺎﻥ ﺑﺎﺑﺎ ﻳﻜﻮﻟﻨﻪ
ﻧﻌﻴﻢ : ﻳﻼ ﺣﻈﺮﻭﻩ ﻧﻔﺴﻜﻢ ﺍﺧﺬﻛﻢ ﻟﻤﻄﻌﻢ
ﺩﻳﻤﺔ : ﺻﺪﻙ ﺑﺎﺑﺎ
ﻧﻌﻴﻢ : ﺍﻱ ﺣﺒﻴﺒﺘﻲ ﻳﻼ ﺍﺳﺘﻌﺠﻠﻮ ﺑﺴﺮﻋﺔ
ﺭﺣﺖ ﺑﺪﻟﺖ ﻟﺒﺴﺖ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﺍﺣﻤﺮ ﺷﻌﺮﻱ ﺭﻓﻌﺘﻪ ﻻﻥ ﺍﻧﻲ ﻣﺎ ﺍﻟﺒﺲ ﺣﺠﺎﺏ ﻭﺑﻮﺗﻴﻦ ﺍﺑﻴﺾ ﻭﺑﻴﻪ ﺍﺣﻤﺮ ... ﻭﻃﻠﻌﻨﻪ ﺍﺗﻮﻧﺴﻪ ﺭﺣﻨﻪ ﻟﻤﻄﻌﻢ ﻭﻣﺘﻨﺰﺍﻫﺎﺕ ﺻﺪﻙ ﺟﺎﻥ ﻳﻮﻡ ﺣﻠﻮ ﺭﺟﻌﻨﻪ ﺏ١١ ﺑﻠﻴﻞ ﺗﻌﺒﺎﻧﻴﻦ ...
ﻣﻦ ﻛﺪ ﺍﻟﺘﻌﺐ ﻧﻤﺖ ﺑﻤﻼﺑﺴﻲ ....
ﺿﻞ ﺑﺎﺑﺎ ﻳﻤﻨﻪ ٥ ﺍﻳﺎﻡ ﺑﺼﺒﺢ ﻛﺎﻋﺪﻳﻦ ﻧﺘﺮﻳﻚ ﻭﺍﺳﻤﻊ ﻣﻮﺑﺎﻳﻞ ﺑﺎﺑﺎ ﻳﻨﺪﻙ ﻃﻠﻌﺖ ﺑﻴﺒﺒﻲ
ﻧﻌﻴﻢ : ﻫﺎ ﻳﻤﻪ ﻫﻼ ﺍﺷﻠﻮﻧﺞ
ﺳﻤﻌﺖ ﺑﻴﻚ ﺟﺎﻱ ﺟﺎ ﻭﻳﻨﻚ ﺿﻞ ﺑﺎﻟﻲ ﻋﻠﻴﻚ
ﻧﻌﻴﻢ : ﻳﻤﺔ ﺍﻧﻲ ﻧﺰﻟﺖ ﻣﻦ ﻣﻄﺎﺭ ﺑﻐﺪﺍﺩ ﻛﻠﺖ ﺍﺷﻮﻑ ﺍﻟﺠﻬﺎﻝ ﻭﺍﺟﻴﻜﻢ
ﺍﻟﺤﺠﻴﺔ : ﻭﺑﺼﻮﺕ ﻋﺎﻟﻲ ﺍﻟﺠﻬﺎﻝ ﺍﺷﻮﻓﻬﻢ ﻟﻮ ﻫﺎﻱ ﺍﻟﺤﻴﺔ ﺭﺍﺣﺖ ﻭﻻ ﺑﻌﻴﻨﻬﺎ ﻭﺍﺣﺪ ﻭﺍﻧﺘﻪ ﺍﻭﻝ ﻣﺎ ﺍﺟﻴﺖ ﺭﺣﺘﻠﻬﺎ ﻣﺎﻳﺴﻮﻩ ﺍﻟﺘﻌﺐ ﺍﻟﺒﻴﻚ ﺍﻧﻲ ﺍﺭﺑﻲ ﻭﺍﺗﻌﺐ ﻭﺗﺠﻲ ﻉ ﺟﺎﻫﺰ ﺗﺎﺧﺬ ﻭﻟﻚ ﺍﻧﻲ ﺍﻣﻚ ﻭﺻﺎﻟﻚ ﺷﻜﺪ ﻳﻤﻬﻢ ﺣﺘﻰ ﻣﺎﺧﺎﺑﺮﺗﻨﻪ ﻭﻛﻠﺒﻲ ﻧﺎﺭ ﻋﻠﻴﻚ
ﻧﻌﻴﻢ : ﻳﻤﻪ ﺷﻌﻠﻴﻪ ﻗﺎﺑﻞ ﺍﺯﻏﻴﺮ
ﺍﻟﺤﺠﻴﺔ : ﺍﻱ ﺭﺣﺘﻠﻬﺎ ﻟﻌﺒﺖ ﺍﻟﺒﻌﻘﻠﻚ ﻭﺧﻠﺘﻚ ﺍﺻﻴﺢ ﻉ ﺍﻣﻚ ﻻﺑﺎﺭﻙ ﺍﻟﻠﻪ ﺑﻴﻚ ﺍﻧﺘﻪ ﻭﻟﺪ ﻋﺎﻕ
ﺩﻳﻤﺔ ﻭﺍﺳﻤﻌﻬﺎ ﺍﺷﻠﻮﻥ ﺗﺤﺠﻲ ﺍﺷﻮﻑ ﺍﻣﻲ ﻣﺎ ﺣﺠﺖ ﺷﻲ ... ﺩﺍﺋﻤﺎ ﻓﺮﺣﺘﻨﻪ ﻣﺎﺗﻜﺘﻤﻞ ﻫﺴﺔ ﺍﺣﻨﺎ ﺍﺑﻌﺎﺩ ﻋﻨﻬﻢ ﻭﻣﺨﻠﺼﺎﻧﻴﻦ ﻣﻦ ﻣﺸﺎﻛﻠﻬﻢ ﻭﻫﺎﻱ ﺑﻴﺒﺘﻲ ﺭﺟﻠﻬﺎ ﻭﺍﻟﻜﺒﺮ ﺟﻤﺎﻋﺘﻬﺎ ﺷﺒﻌﻮ ﻣﻲ ﻭﺭﺩ ....
ﻭﻫﻲ ﺗﻔﺘﺮ ﻋﻠﻴﻨﻪ ... ﻣﺎﺗﺨﻠﻴﻨﻪ ﻣﺮﺗﺎﺣﻴﻦ
ﺳﺪ ﺍﻟﻤﻮﺑﺎﻳﻞ ... ﻛﺎﻝ ﻻﻣﻲ ﺗﺤﻈﺮ ﺍﻟﻤﻼﺑﺲ
ﺳﻤﻴﺔ : ﺭﺍﺡ ﺍﺗﺮﻭﺡ
ﻧﻌﻴﻢ : ﺗﻨﻬﺪ ﻭﻳﻔﺮﻙ ﺑﺮﺍﺳﺔ ﺍﻱ ﺭﺍﺡ ﺍﺭﻭﺡ ﻟﻠﻌﻤﺎﺭﺓ
ﺳﻤﻴﺔ : ﻭﺗﺮﺟﻊ ﺍﻟﻨﺎ
ﻧﻌﻴﻢ : ﺑﺎﻭﻋﻠﻬﺎ ... ﺍﻳﻲ ﺍﺭﺟﻊ
ﺭﺍﺡ ﺍﺑﻮﻳﺔ ﺑﻌﺪ ﻣﺎ ﻭﺩﻋﻨﻪ ﺿﻞ ﺍﺳﺒﻮﻉ ﺍﻫﻨﺎﻙ ....
ﺷﻔﺖ ﺧﺎﻟﺘﻲ ﺗﺘﺼﻞ ﻉ ﺍﻣﻲ ﺧﺎﻟﺘﻲ ﺯﻭﺟﺖ ﻋﻤﻲ ...
ﻣﺎ ﺳﻤﻌﺖ ﻣﻨﻬﺎ ﺷﻲ ... ﺑﺲ ﻋﺮﻓﺖ ﺻﺎﻳﺮ ﺷﻲ ﺑﻴﺖ ﺟﺪﻭ ﺍﺑﻮ ﺍﺑﻮﻳﺔ ... ﻻﻥ ﻫﻲ ﻫﻨﺎﻙ ...
ﺷﻔﺖ ﻭﺟﻪ ﺍﻣﻲ ﺍﻧﻜﻠﺐ ....
ﻛﻠﺘﻬﺎ .... ﻣﺎﻣﺎ ﺷﺼﺎﻳﺮ
ﺳﻤﻴﺔ : ﻻﻣﺎﻣﺎ ﻣﺎﺻﺎﻳﺮ ﺷﻲ
ﺩﻳﻤﺔ : ﻟﻌﺪ ﻟﻴﺶ ﻫﻴﺞ ﻭﺟﻬﺞ ﺧﺎﻟﺘﻲ ﺷﻜﺎﻟﺘﻠﺞ
ﺳﻤﻴﺔ : ﻣﺎ ﻛﻠﺘﻠﻲ ﺷﻲ ﻹﻳﻀﻞ ﺑﺎﻟﺞ ﻳﻤﻲ ... ﺭﻭﺣﻲ ﺷﻮﻓﻲ ﺍﺧﻮﺝ ﻣﺼﻄﻔﻰ ... ﻻ ﻳﻄﻠﻊ ﺑﺸﺎﺭﻉ ﻭﻣﻨﺎ ﺍﻟﺴﻴﺎﺭﺍﺕ
ﻟﻠﻌﺼﺮ ﻭﺍﺟﻪ ﺑﺎﺑﺎ ﺑﺲ ﺷﻨﻮ ﻋﻴﻮﻧﻪ ﺣﻤﺮ ﻣﻦ ﺍﻟﻌﺼﺒﻴﺔ ﺣﺘﻰ ﻣﻦ ﺩﺧﻞ ﻣﺎﺳﻠﻢ ﻋﻠﻴﻪ .... ﻛﺎﻡ ﻳﺼﻴﺢ ﺑﺼﻮﺕ ﻋﺎﻟﻲ ...
ﺳﻤﻴﺔ ... ﺳﻤﻴﺔ ﻭﻟﺞ ﻭﻳﻨﺞ
ﺳﻤﻴﺔ : ﻫﺎ ﺷﻜﻮ ﻟﻴﺶ ﻫﻴﺞ ﺍﺻﻴﺢ
ﻧﻌﻴﻢ : ﻭﺑﺼﻮﺕ ﻋﺎﻟﻲ ﺍﻧﺘﻲ ﺍﺷﻠﻮﻥ ﺗﺠﺎﻭﺯﻳﻦ ﻉ ﺍﻣﻲ ﻭﺍﺿﺮﺑﻴﻦ ﺍﺧﺘﻲ ﻭﻓﻮﻛﺎﻫﺎ ﻉ ﻉ ﺍﺧﻮﻱ ﻏﺎﻟﻄﺔ ... ﻣﺎ ﺍﺳﺘﺤﻴﺘﻲ ... ﻭﻃﺎﻟﻌﺔ ﺑﻀﻬﺎﺭﻱ ... ﻭﻣﺎﻛﺎﻳﻠﺘﻠﺞ ﻻﺣﺪ ... ﺍﺷﻠﻮﻥ ﺗﺼﺮﻓﻴﻦ ﻫﻴﺞ ...
ﺳﻤﻴﺔ : ﻫﺎ ﻗﺮﻥ ﺑﺮﺍﺳﻚ ﻭﺍﺟﻴﺖ ﻋﻠﻴﻪ ﺭﺟﻌﺖ
ﻧﻌﻴﻢ : ﺍﻧﺘﻮ ﺷﻮ ﻣﺎﺗﻌﺮﻓﻴﻦ ﺗﺤﺠﻴﻦ ﺷﻨﻮ ﻗﺮﻥ ﺑﺮﺍﺳﻲ ...
ﻭﺿﻞ ﻳﺼﻴﺢ ﻭﻳﻐﻠﻂ ﻭﻳﺴﺐ ﺣﺘﻰ ﻛﺴﺮ ﺍﻟﺘﺤﻔﻴﺎﺕ ...
ﺍﻧﻲ ﺿﻠﻴﺖ ﺍﺭﺟﻒ ... ﻣﻦ ﺷﻔﺖ ﻫﻴﺞ ﺑﺎﺑﺎ ... ﺍﻟﻠﻪ ﻻﻳﻨﻄﻴﻬﻦ ﺍﺷﻠﻮﻥ ﻛﻠﺒﻦ ﺑﺎﺑﺎ ﻋﻠﻴﻨﻪ .... ﻣﺎﺗﻤﺖ ﻓﺮﺣﺘﻨﻪ ..
ﺻﺎﺭ ﺍﻟﻠﻴﻞ .. ﺑﺎﺑﺎ ﻧﺎﻡ ﻉ ﺍﻟﺘﺨﻢ .. ﺑﻬﻮﻝ ... ﺍﻣﻲ ﺧﻄﻴﺔ ﺑﻐﺮﻓﺘﻬﺎ ﺗﺒﺠﻲ ... ﺍﺣﻨﺎ ﺻﻌﺪﻧﻪ ﻓﻮﻙ ﻛﻠﻤﻦ ﺑﻐﺮﻓﺘﻪ
ﻛﻌﺪﺕ ﺍﻟﺼﺒﺢ .. ﻧﺰﻟﺖ ﻣﻦ ﺍﻟﺪﺭﺝ .. ﺷﻔﺖ ﻣﺎﻣﺎ ﺑﻤﻄﺒﺦ ﺍﺳﻮﻱ ﺑﻴﺾ ...
ﺩﻳﻤﺔ : ﺻﺒﺎﺡ ﺍﻟﺨﻴﺮ
ﺳﻤﻴﺔ : ﺻﺒﺎﺡ ﺍﻟﻨﻮﺭ ﻳﻼ ﺍﻏﺴﻠﻲ ﻭﺟﻬﺞ ﻭﺗﻌﺎﻟﻲ ﺍﺗﺮﻳﻜﻲ
ﺩﻳﻤﺔ : ﺑﺎﺑﺎ ﺭﺍﺡ
ﺳﻤﻴﺔ : ﺑﺒﺮﻭﺩ ﺍﻱ ﺭﺍﺡ
ﺩﻳﻤﺔ : ﺭﺟﻊ ﻟﺒﻴﺖ ﺟﺪﻭ
ﺳﻤﻴﺔ : ﻻ ﺳﺎﻓﺮ ﻳﻼ ﻛﺎﻓﻲ ﺍﺳﺌﻠﺔ ﺭﻭﺣﻲ ﻛﻌﺪﻱ ﺍﺧﻮﺍﻧﺞ ﻉ ﺭﻳﻮﻙ ﺧﻠﻲ ﻳﺘﺮﻳﻜﻮﻥ ....
ﺩﻳﻤﺔ : ﺑﻮﻗﺘﻬﺎ ﺷﻜﺪ ﺣﻘﺪﺕ ﻉ ﻋﻤﺎﺗﻲ ﻣﺮﺓ ﺛﺎﻧﻴﺔ ﻭﺑﺴﺒﺒﻬﻦ ﺑﺎﺑﺎ ﺭﺍﺡ .... ﺑﺲ ﻫﻠﻤﺮﺓ ﻣﻮ ﻣﺜﻞ ﺍﻻﻭﻝ ﻣﺎ ﺍﻫﺘﻤﻴﺖ ﺻﺤﻴﺢ ﺍﻧﻘﻬﺮﺕ .. ﺑﺲ ﻋﺎﺩﻱ ... ﻳﻤﻜﻦ ﺻﺮﺕ ﻣﻌﺘﺎﺩﺓ ﻉ ﻭﺿﻊ .....
ﻣﺮ ﺷﻬﺮﻳﻦ ﻉ ﺭﻭﺣﺔ ﺑﺎﺑﺎ ﻭﺍﺣﻨﺎ ﺣﻴﺎﺗﻨﻪ ﻋﺎﺩﻳﺔ ﻣﺎﺑﻴﻬﺎ ﺷﻲ ﻣﻤﻤﻴﺰ ﺍﻻ ﺑﻴﻮﻡ ﻛﺎﻋﺪﻳﻦ ﺑﻠﺒﻴﺖ ....
ﻭﺍﺳﻤﻊ ﺻﺮﻳﺦ ... ﻣﻦ ﺑﻴﺖ ﺟﺪﻭ ...
ﺍﻣﻲ ... ﻟﺒﺴﺖ ﻋﺒﺎﻳﺘﻬﺎ ... ﻭﺭﺍﺣﺖ ﻣﻦ ﺳﻤﻌﺖ ﺍﻟﻌﻴﺎﻁ
...
ﺩﻳﻤﺔ .........
ﻣﻦ ﺳﻤﻌﻨﻪ ﺍﻟﻌﻴﺎﻁ .... ﺟﺎﻥ ﺑﻴﺖ ﺟﺪﻭ ﻛﻠﺶ ﻗﺮﻳﺐ ﻋﻠﻴﻨﻪ ..... ﺍﻧﻲ ﻃﻠﻌﺖ ﺍﻧﻲ ﻭﺍﺧﻮﻳﻪ ﻣﻨﺘﻈﺮ ﻧﺮﻛﺾ ﻗﺒﻞ ﺍﻣﻲ ... ﺧﻄﻴﺔ ﺍﻣﻲ ﺿﻠﺖ ﺍﺩﻭﺭ ﻉ ﻋﺒﺎﻳﺘﻬﺎ ﺳﺪﺕ ﺍﻟﺒﺎﺏ ... ﻭﺍﺟﺖ ﺑﻮﺭﺍﻧﻪ ... ﻫﻲ ﻭﻣﺼﻄﻔﻰ ...
ﺩﺧﻠﺖ ... ﻟﻜﻴﺖ ﺑﻴﺒﻲ ﻛﻮﺓ ﺗﺘﻨﻔﺲ ﻭﺧﺎﻟﺘﻲ ... ﻳﺒﺠﻦ ﻭﺧﺎﻟﻲ .... ﻳﺼﻴﺢ ﻭﺧﺮﻥ ﻋﻨﻬﺎ .....
ﺍﻣﻲ ﺍﺻﻴﺢ ....
ﺳﻤﻴﺔ : ﻟﻴﺶ ﻭﻛﻌﺖ ... ﺷﺼﺎﺭﻟﻬﺎ .. ﺍﻧﻲ ﺍﻟﺒﺎﺭﺣﺔ ﺗﺮﻛﺘﻬﺎ ﻛﻠﺸﻲ ﻣﺎﻛﻮ ...
ﻧﺪﻯ : ﺻﻌﺪ ﺿﻐﻄﻬﺎ .... ﻫﺴﺔ ﻣﻦ ﺩﺭﺕ ﺑﺴﻼﻡ
ﺳﻤﻴﺔ : ﻭﺩﻛﺖ ﻉ ﺻﺪﺭﻫﺎ ﻳﺎﺍ ﻣﻨﻮ ﻛﻼﻟﻬﺎ ... ﻣﻮ ﻛﻠﺘﻠﻜﻢ ﻻﺗﻜﻮﻟﻠﻬﺎ ﺿﻐﻄﻬﺎ ﻳﺼﻌﺪ ... ﻣﺎﺗﺘﺤﻤﻞ
ﻧﺪﻯ : ﻭﺍﻟﻠﻪ ﻫﻲ ﻫﺴﺔ ﺩﺭﺕ ﺳﻤﻌﺖ ﺻﻔﻴﺔ ﺗﺨﺎﺑﺮ ﻋﻠﻤﻮﺩ ﻳﻄﻠﻊ ﻟﻠﺨﺎﺭﺝ ﻟﻠﻌﻼﺝ .... ﻭﻋﺮﻓﺖ ﺑﺴﻼﻡ ﺑﻴﻪ ﻣﺮﺽ ... ﻣﺎﺗﺤﻤﻠﺖ ... ﻃﺎﺣﺖ ....
ﺳﻤﻴﺔ : ﻳﻤﻪ ﺳﻮﺩﺓ ﻋﻠﻴﻪ ...
ﺳﻼﻡ : ﻟﺒﺴﻨﻬﺎ ﻋﺒﺎﻳﺔ ﺧﻠﻴﻨﻲ ... ﺍﺧﺬﻫﺎ ﻟﻤﺴﺘﺸﻔﻰ ... ﻭﺍﻧﺘﻲ ﺧﻮﻳﺔ .. ﺳﻤﻴﺔ ﺗﻌﺎﻟﻲ ... ﻭﻳﺎﻱ ﺧﺎﻑ ﻫﻨﺎﻙ ... ﻧﺒﻘﻰ ﺍﻟﻠﻴﻠﻪ .... ﺍﺭﻳﺪ ﻣﺮﺓ ﻭﻳﺎﻱ ...
ﺳﻤﻴﺔ : ﺍﻱ ﺧﻮﻳﺔ ... ﻫﺴﺔ ﺍﺟﻲ ﻭﻳﺎﻙ ...
ﻭﻟﺞ ﺩﻳﻤﺔ ﻳﻤﻪ ﺑﺎﻟﺞ ﻉ ﺍﺧﻮﺍﻧﺞ ... ﻭﺍﻧﺘﻮ ﺍﺑﻘﻮ ﻳﻢ ﺑﻴﺖ ﺟﺪﻛﻢ ... ﺧﺎﻑ ﺍﻫﻨﺎﻙ ﺍﺑﺎﺕ ﺑﻤﺴﺘﺸﻔﻰ ... ﻭﻫﺬﺍ ﻣﻔﺘﺎﺡ ﺍﻟﺒﻴﺖ ....
ﺭﺍﺣﺖ ﺍﻣﻲ ﻭﻱ ﺧﺎﻟﻲ ﻟﻤﺴﺘﺸﻔﻰ ( ﺧﻄﻴﺔ ﺧﺎﻟﻲ .. ﺑﻴﻪ ﻣﺮﺽ ﺧﺒﻴﺚ ... ﻛﻠﻨﺎ ﻧﺪﺭﻱ ﺑﺲ ﺑﻴﺒﺘﻲ ﻣﺎ ﺗﺪﺭﻱ ﻧﺨﺎﻑ ﻋﻠﻴﻬﺎ ... ﻭﺿﻤﻴﻨﻪ ﻋﻠﻴﻬﺎ ... ﺍﻟﺨﺒﺮ ﺑﺲ ﺑﻌﺪ ﺩﺭﺕ )
ﺧﺎﻟﺘﻲ ﻧﺪﻯ ﺩﺧﻠﺘﻨﻪ ... ﺑﻘﻴﻨﻪ ﻟﻠﻴﻞ ﺧﺎﺑﺮﺕ ﺍﻣﻲ ... ﻉ ﺧﺎﻟﺘﻲ ﻛﺎﻟﺘﻠﻬﺎ ... ﺭﺍﺡ ﻧﺒﺎﺕ ﺑﻤﺴﺘﺸﻔﻰ ... ﺿﻐﻄﻬﺎ ﻣﺎ ﻳﻨﺰﻝ ... ﺑﺎﻟﺞ ﻉ ﺟﻬﺎﻝ .... ﺧﻄﻴﺔ ﺧﺎﻟﺘﻲ ... ﺿﻠﺖ ﺗﺒﺠﻲ .. ﺍﻧﻲ ﻫﻤﻴﻦ ﺑﻴﺒﺘﻲ ﺟﺎﻧﺖ ﻃﻴﺒﺔ ﻭﻱ ﺍﻟﻜﻞ ﻣﺎﺳﻤﻌﺘﻨﻪ ﺣﺠﺎﻳﺔ ... ﺣﺘﻰ ﻣﻦ ﺍﺟﻴﻨﻪ ﻫﻲ ﺍﺩﺍﻓﻊ ﻋﻨﻪ ... ﺧﺎﻟﺘﻲ ﺳﻮﺕ ﻋﺸﺊ ... ﻣﺤﺪ ﺍﻛﻞ ... ﻛﻠﻬﺎ ﻣﻘﻬﻮﺭﺓ ﻉ ﺑﻴﺒﺘﻲ ... ﺑﺲ ﻣﺼﻄﻔﻰ ... ﻻﻥ ﻫﻮ ﺟﺎﻥ ﺑﻮﻗﺘﻬﺎ ﺯﻏﻴﺮ ...
ﺭﺣﺖ ﻧﻤﺖ ﻳﻢ ﺍﻟﺒﻨﺎﺕ ... ﺣﻨﻴﻦ ﻭﺳﺎﺭﺓ ... ﺧﻄﻴﺔ ﺿﻠﻦ ﻳﺒﺠﻦ ﻻﻥ ﺣﻴﻞ ﻣﺘﻌﻠﻘﺎﺕ .. ﺑﻴﺒﺘﻲ ﻭﺧﺼﻮﺻﺎ ﺣﻨﻴﻦ
ﺻﻠﻴﺖ ﺍﻟﻬﺎ ﻭ ﺩﻋﻴﺖ ﺍﻟﻠﻪ ﻳﻜﻮﻣﻬﺎ ... ﺑﺴﻼﻣﺔ ...
ﺛﺎﻧﻲ ﻳﻮﻡ ... ﺍﻟﺼﺒﺢ ﻛﻌﺪﻧﻪ ... ﺷﻔﺖ ﺧﺎﻟﺘﻲ ﺗﻀﺤﻚ .. ﺍﺟﻴﺖ ﺭﻛﻀﺖ ﻋﻠﻴﻬﺎ
ﺩﻳﻤﺔ : ﻫﺎ ﺧﺎﻟﺔ ﺑﻴﺒﻲ ﺻﺎﺭﺕ ﺯﻳﻨﻪ ...
ﻧﺪﻯ : ﺍﻱ ﻫﺴﺔ ﺧﺎﺑﺮﻧﻲ ﺧﺎﻟﺞ ﻛﻼﻟﻲ ﺍﺳﺘﻘﺮﺕ ﺣﺎﻟﺘﻬﺎ ...
ﺑﺲ ﺑﻌﺪﻫﺎ ﺑﻌﻨﺎﻳﺔ
ﺩﻳﻤﺔ : ﺍﻳﻲ ﺍﻟﺤﻤﺪ ﻟﻠﻪ ﺍﻟﻤﻬﻢ ﺻﺎﺭﺕ ﺯﻳﻨﻪ ...
ﺍﺟﻦ ﺳﺎﺭﺓ ﻭﺣﻨﻴﻦ ﻭﺍﻟﺘﻤﺖ ... ﻭﺑﺸﺮﻧﺎﻫﻢ ﺧﻄﻴﺔ ﻛﻠﻬﺎ ﻓﺮﺣﺖ .... ﺍﻧﻲ ﻣﺎ ﺟﺎﻳﺒﻪ ﻭﻳﺎﻱ ﻣﻼﺑﺲ ... ﺍﺧﺬﺕ ﻣﻦ ﺣﻨﻴﻦ ... ﺩﺷﺪﺍﺷﺔ ﺑﺲ ﻗﺼﻴﺮﺓ ... ﻭﺷﻮﻱ ﺩﻟﻌﺔ ...
ﺭﺣﺖ ﻟﺤﺪﻳﻘﺔ ﺍﻟﻌﺐ ﺑﻴﻬﺎ ﺍﻧﻲ ... ﻭﺣﻨﻴﻦ ﻛﺎﻟﺖ ﺧﻠﻴﻨﻪ .. ﻧﺸﻠﻊ ﻧﺒﻚ ... ﺟﺎﻧﺖ ﺍﻟﺤﺪﻳﻘﺔ ﻛﻠﺶ ﺟﺒﻴﺮﺓ ﻣﺎﻟﺖ ﺑﻴﺖ ﺟﺪﻭ ... ﻭﻣﻌﺘﻨﻴﻦ ﺑﻴﻬﺎ ... ﺑﻴﻬﺎ ﺑﺮﺗﻘﺎﻝ ﻭﻧﺒﻚ ... ﻭﺭﺩ ﺍﻟﻮﺍﺣﺪ ﻣﻦ ﻳﺸﻮﻓﻬﺎ ... ﺗﺮﺗﺎﺡ ﻧﻔﺴﻴﺘﻪ .....
ﺣﻨﻴﻦ : ﺍﺑﻘﻲ ﺍﻫﻨﺎ ﺍﻧﻲ ﻫﺴﺔ ﺍﺟﻲ ..
ﺩﻳﻤﺔ : ﺍﻱ ﻣﻮ ﺗﺘﺄﺧﺮﻳﻦ ﺍﻣﻞ ﺑﻮﺣﺪﻱ ...
ﺣﻨﻴﻦ : ﻻ ﻣﺎ ﺍﺗﺄﺧﺮ ...
ﺿﻠﻴﺖ ﺍﺷﻠﻊ ﻧﺒﻚ ﻣﻦ ﺍﻟﺸﺠﺮﺓ ... ﻭﺍﺳﻤﻊ ﺻﻮﺕ ﺑﻮﺭﺍﻱ
ﻣﻬﻨﺪ : ﻫﺎ ﻳﺎ ﺣﻠﻮ ﺷﺴﻮﻱ ﺍﻫﻨﺎ
ﺩﻳﻤﺔ : ﺍﺷﻠﻊ ﻧﺒﻚ ﺍﻧﻲ ﻭﺣﻨﻴﻦ
ﻣﻬﻨﺪ : ﻟﻌﺪ ﻭﻳﻦ ﺭﺍﺣﺖ ﺣﻨﻴﻦ
ﺩﻳﻤﺔ : ﻫﺴﺔ ﺗﺠﻲ ... ﻟﻴﺶ ﺭﺍﻳﺪ ﻣﻨﻬﺎ ﺷﻲ ...
ﻣﻬﻨﺪ : ﻻ ﺑﺲ ﻣﺎ ﺍﺟﻴﺒﻠﻲ ﺑﺮﺗﻘﺎﻟﺔ .. ﻣﻦ ﻫﺎﻱ ﺍﻟﺸﺠﺮﺓ
ﺩﻳﻤﺔ : ﻫﺴﺔ ﺍﺟﻴﺒﻠﻚ ﺍﺳﺘﺎﺫ ﻣﻬﻨﺪ ﻭﺿﺤﻜﺖ ... ﺻﻌﺪﺕ ﻉ ﻛﺮﺳﻲ ﻻﻥ ﻣﺎ ﺍﻟﻮﺡ .... ﺍﺧﺬﺕ ﺑﺮﺗﻘﺎﻟﺔ ... ﺩﺭﺕ ﻭﺟﻬﻲ ﻭﺍﺷﻮﻑ ﻣﻬﻨﺪ ﻳﺒﺎﻭﻋﻠﻲ ... ﺑﻨﻀﺮﺍﺕ ﻣﻮﺣﻠﻮﺓ ... ﻧﺰﻟﺖ ﺑﺴﺮﻋﺔ .. ﺭﺩﺕ ﺍﺭﻭﺡ ﻟﺰﻣﻨﻲ ﻣﻦ ﺍﻳﺪﻱ ..
ﻣﻬﻨﺪ : ﻭﻳﻦ ﻳﺎ ﺣﻠﻮ ﺭﺍﻳﺢ ...
ﺩﻳﻤﺔ : ﻭﺑﺨﺰﺭﺓ ﻫﺎﻱ ﺷﺒﻴﻚ ﻣﻬﻨﺪ ﺍﻳﺪﻱ ﺷﻨﻮ ﻫﺎﻱ ﺍﻟﺘﺼﺮﻓﺎﺕ ...
ﻣﻬﻨﺪ : ﻟﻴﺶ ﺍﻧﻲ ﺷﻤﺴﻮﻳﻠﺞ ... ﺑﺲ ﺍﻧﻲ ﻣﻦ ﺷﻔﺖ ﻟﺤﺪ ﺍﻻﻥ ... ﻣﺎ ﺭﺣﺘﻲ ﻣﻦ ﺑﺎﻟﻲ ... ﺣﺘﻰ ﺑﻼﺣﻼﻣﻲ ﺍﺷﻮﻓﺞ ... ﺩﻳﻤﺔ .. ﺍﻧﻲ ﺍﺣﺒﺞ ...
ﺩﻳﻤﺔ : ﻭﻫﻮ ﺻﺎﺭ ﻗﺮﻳﺐ .. ﻋﻠﻴﻪ ﺍﻧﻲ ﺧﻔﺖ ﻻ ﻭﺍﺣﺪ ﻳﺸﻮﻓﻨﻪ ... ﻭﺻﺮﺕ ﺍﺭﺟﻒ ﻣﺎ ﺍﻋﺮﻑ ﺷﺴﻮﻱ ﻭﻫﻮ ﻛﻠﺶ ﺿﺎﻏﻂ ﻉ ﺍﻳﺪﻱ ... ﻭﻋﻴﻮﻧﻪ ﺍﻛﻠﺘﻨﻲ .. ﺍﻛﻞ ... ﺧﻔﺖ ﻣﻦ ﻧﻀﺮﺍﺗﻪ ... ﺭﺩﺕ ﺑﺲ ﻭﺍﺣﺪ ﻳﻨﻘﺬﻧﻲ ﻣﻨﻪ ..
ﺷﻮﻱ ﻭﺳﻤﻌﺖ ... ﺻﻮﺕ ﺣﻨﻴﻦ .. ﺗﺮﻙ ﺍﻳﺪﻱ ... ﻭﺍﻧﻲ ﺭﻛﻀﺖ .. ﻳﻤﻬﺎ ..
ﺣﻨﻴﻦ : ﺷﺒﻴﺞ ﺩﻳﻤﺔ ﺷﻮ ﻭﺟﻬﺞ ﺍﺻﻔﺮ ﻭﺟﻨﺞ ﺧﺎﻳﻔﻪ ..
ﺩﻳﻤﺔ : ﻭﻫﻲ ﺗﺘﻨﻔﺲ ﺳﺮﻳﻊ ﻭﺧﺎﻑ ﺷﺎﻓﺘﻬﻢ ﺣﻨﻴﻦ ...
ﻻ ﻣﺎﺑﻴﻪ ﺷﻲ ... ﺑﺲ ﻣﻠﻴﺖ ﻭﺍﻧﺘﻲ ﻟﻴﺶ ﺍﺗﺎﺧﺮﺗﻲ
ﺣﻨﻴﻦ : ﺍﻣﻲ ﺻﺎﺣﺘﻨﻲ .. ﻉ ﺷﻐﻞ ﻭﺍﺗﺎﺧﺮﺕ ﺗﻌﺎﻟﻲ ﺍﺩﺧﻠﻲ
...
ﺩﺧﻠﺖ ﻭﺍﻧﻲ ﺑﻌﺪﻧﻲ ﺍﺭﺟﻒ ﻣﻦ ﺍﻟﺼﺎﺭ ... ﻣﺎ ﺍﺗﻮﻗﻌﺘﻪ ﻫﻴﺞ ﻳﺘﻤﺎﺩﻯ ... ﻭﻳﺎﻱ ﻳﻤﻜﻦ ﻟﻮ ﻣﻮ ﺣﻨﻴﻦ ... ﻣﺎ ﺍﻋﺮﻑ ﺷﻴﺴﻮﻱ ... ﺑﻴﻪ ... ﺑﺎﻭﻋﺖ .. ﻫﻤﺰﻳﻦ ﻃﻠﻊ ... ﺻﺮﺕ ﺍﺧﺎﻑ ﻣﻨﻪ ﺭﺩﺕ ﺍﻣﻲ ... ﺑﻬﺬﺍ ﺍﻟﻮﻗﺖ ﺍﺭﻳﺪ ﺍﺭﺟﻊ ﻟﻠﺒﻴﺖ ... ﺷﻔﺖ ﺧﺎﻟﺘﻲ ... ﻛﺎﻋﺪﺓ
ﺩﻳﻤﺔ : ﺧﺎﻟﺔ ﻳﻤﺘﻰ ﺗﺠﻲ ﺍﻣﻲ ...
ﻧﺪﻯ : ﻣﺎ ﺍﻋﺮﻑ ﺑﻌﺪ ﻣﺎ ﺧﺎﺑﺮﺗﻨﻪ ... ﺑﻌﺪ .. ﻭﺿﻠﻴﺖ ﻗﻠﻘﻪ ﻋﻠﻴﻬﻢ ... ﻫﺎﻱ ﻟﻴﺶ ﻫﻴﺞ ﻭﺟﻬﺞ ... ﺍﺻﻔﺮ ﻭﺗﺘﻼﻓﺘﻴﻦ .. ﺣﺒﻴﺒﺘﻲ ﻣﻨﻴﻦ ﺧﺎﻳﻔﺔ ...
ﺩﻳﻤﺔ : ﺍﺟﻴﺖ ﺍﺣﺠﻴﻠﻪ ... ﺑﺲ ﺧﻔﺖ ﺍﺻﻴﺮ ﻣﺸﺎﻛﻞ ... ﻟﻮ ﻣﺎﻳﺼﺪﻛﻮﻧﻲ ... ﻓﻀﻠﺖ ﺍﻟﺴﻜﻮﺕ .. ﻭﻣﺎ ﺍﺣﺠﻲ
ﻻ ﺧﺎﻟﺔ .. ﺑﺲ ﺍﺷﺘﺎﻗﻴﺖ ﻻﻣﻲ ﻣﺎﻣﺘﻌﻮﺩﺓ ﻉ ﻏﻴﺎﺑﻬﺎ ...
ﻧﺪﻯ : ﺷﻨﻮ ﺣﺒﻲ ﺍﻧﺘﻲ ﺯﻏﻴﺮﺓ ... ﺷﻮﻓﻲ ﻣﺼﻄﻔﻰ ﺍﺷﻠﻮﻥ ﻳﻠﻌﺐ ... ﻭﻫﻮ ﺍﺯﻏﺮ ﻣﻨﺞ ... ﺑﻌﺪ ﻳﻮﻣﻴﻦ .. ﺗﺰﻭﺟﻴﻦ ﺍﺷﻠﻮﻥ ﺑﻴﺞ ...
ﺩﻳﻤﺔ : ﻣﺎ ﺍﺯﻭﺝ ﺍﺭﻳﺪ ﺍﺑﻘﻰ ﻳﻢ ﺍﻣﻲ ...
ﻧﺪﻯ : ﻛﻠﻬﺎ ﺍﺗﻜﻮﻝ ﻫﻴﺞ ... ﻭﺑﻌﺪﻳﻦ ﺗﺰﻭﺟﻴﻦ ﻭﺭﺍﺡ ﺗﺬﻛﺮﻳﻦ ﺣﺠﻲ ... ﻫﻮ ﺯﻭﺍﺝ ﺳﺘﺮ ﻻﺑﻨﻴﺔ .... ﻭﺍﺳﺘﻘﺮﺍﺭ
ﺩﻳﻤﺔ : ﺍﻭﻱ ﺧﺎﻟﺔ ﻫﺴﺔ ﺍﻧﻲ ﺑﻌﺪﻧﻲ ﺯﻏﻴﺮﺓ ... ﻭﻛﺖ ﻫﺎﻱ ﺍﻟﺴﻮﺍﻟﻒ ﻫﺴﺔ ﺍﻫﻢ ﺷﻲ ﺩﺭﺍﺳﺘﻲ ...
ﻧﺪﻯ : ﺍﻱ ﺻﺤﻴﺢ ﺍﻫﻢ ﺷﻲ ﻫﺴﺔ ﺗﻬﺘﻤﻴﻦ ﺑﺪﺭﺍﺳﺘﺞ ...
ﺭﺣﺖ ﺩﺧﻠﺖ ﻟﻐﺮﻓﻪ ... ﺣﻨﻴﻦ ﺭﺩﺕ ﺷﻲ ﺍﻃﻮﻳﻞ ... ﻻﻥ ﺑﻌﺪ ﺍﺧﺎﻑ ﺍﻟﺒﺲ ﻗﺼﻴﺮ ... ﻫﺬﺍ ﻣﻬﻨﺪ ﻣﺎ ﺭﺍﺡ ﺍﺧﻠﺺ ... ﻣﻨﻪ ﻭﺍﻧﻲ ﺍﺩﺭﺩﺩﻡ ﻉ ﺍﻣﻲ ﺍﺷﻠﻮﻥ ﺧﻠﺘﻨﻪ ...
ﺷﻮﻱ ﻭﺍﺳﻤﻊ ﺻﻮﺕ ﻋﻴﺎﻁ ﺧﺎﻟﺘﻲ ...
ﻧﺪﻯ : ﺑﻌﻴﺎﻁ ﻭﺻﺮﻳﺦ ... ﻳﺎﻳﻤﺔ ﺍﺷﻠﻮﻥ ﺧﻠﻴﺘﻨﻪ ... ﺑﻌﺪ ﻣﻨﻮ ﺍﻟﻨﺎ ﺳﻨﺪ ... ﺑﻌﺪﻧﻲ ﻣﺎ ﺷﺒﻌﺎﻧﻪ ﻣﻦ ﺣﻈﻨﺞ ... ﻭﻟﺞ ﻳﻤﻪ ...
ﻋﺮﻓﺖ ﺑﻴﺒﺘﻲ ﻣﺎﺗﺖ ﺑﻮﻗﺘﻬﺎ ﺻﺎﻋﺪ ﺿﻐﻂ ﻭﺻﺎﻳﺮﺓ ﻋﻨﺪﻫﺎ ﺟﻠﻄﺔ ... ﻭﻣﺎﺗﺖ .. ﺻﺎﺭ ﺍﻟﺒﻴﺖ ﻛﻠﻪ ﺻﺮﺍﺥ ﻭﻛﻠﻬﺎ ﺗﺒﺠﻲ ... ﺍﻟﺠﻮﺍﺭﻳﻦ ﻉ ﺍﻟﺼﻮﺕ ﺍﺟﻮﻧﻪ ... ﻭﺻﺎﺭﺕ ﻫﻮﺳﺔ ... ﺍﻧﻲ ﺍﺑﺠﻲ ... ﻭﺑﺎﻟﻲ ﻳﻢ ﺍﻣﻲ ... ﺍﻛﻴﺪ ﻫﺴﺔ ﻣﻮﺯﻳﻨﻪ ﺣﺎﻟﺘﻬﺎ .. ﻻﻥ ﻫﻲ ﻛﻠﺶ ﻣﺘﻌﻠﻘﺔ ... ﺑﻴﺒﺘﻲ ... ﻭﺑﺲ ﻫﻲ ﺑﻘﺎﻟﻬﺎ ... ﺷﻮﻱ ﻭﺍﺟﻪ ... ﺧﺎﻟﻲ ... ﻭﻋﻴﻮﻧﻪ ﺣﻤﺮ ... ﻭﻣﺎﻣﺎ ﻛﻮﺓ ... ﺗﻤﺸﻲ ... ﺍﺷﻮﻑ ﺍﺷﻠﻮﻥ ﻋﻴﻮﻧﻬﺎ ﻳﺼﺒﻦ ﺩﻣﻊ .. ﺑﺪﻭﻥ ﺻﻮﺕ ... ﻭﺟﻬﺎ ﻣﺨﺮﻣﺶ ﺑﺎﺿﺎﻓﻴﺮﻫﺎ ... ﺷﻔﺘﻬﺎ ﻛﻮﻩ ﺗﻤﺸﻲ ... ﺭﺣﺖ ﺭﻛﻀﺘﻠﻬﺎ ... ﻃﺎﺣﺖ ... ﺑﺤﻈﻨﻲ ﻛﻤﺖ .. ﺍﺻﻴﺢ ﺧﻔﺖ ﻻ ﺻﺎﺭ ﺑﻴﻬﺎ ﺷﻲ ... ﺟﺎﺑﻮ ﻣﺎﻱ ... ﺭﺍﺷﻮ ﻉ ﻭﺟﻬﺎ ... ﺻﺤﺖ ... ﺑﺲ ﻣﻦ ﻛﻌﺪﺕ ... ﻛﺎﻣﺖ ﺗﻌﻴﻂ
ﺳﻤﻴﺔ : ﻳﻤﻪ ﻟﻴﺶ ﺧﻠﻴﺘﻨﻲ ﺑﻮﺣﺪﻱ ﺑﻌﺪ ﻣﻨﻮ ﺍﻟﻲ ﻏﻴﺮﺝ ﻟﻴﺶ ﻋﻔﺘﻴﻨﻲ ... ﺻﺮﺕ ﻳﺘﻴﻤﻪ ﺑﺨﻼﻓﺞ ﻻ ﺍﺑﻮ ﻻ ﺯﻭﺝ ... ﻟﻮ ﻣﺎﺧﺬﺗﻨﻲ ﻭﻳﺎﺝ ... ﻳﻤﻪ ... ﺑﻌﺪ ﻭﻳﻦ ﺍﻟﻜﻪ ﺍﻟﺤﻈﻦ ﺍﻟﺪﺍﻓﺊ .. ﻳﻤﻪ ﺑﻌﺪﻧﻲ ﻣﺤﺘﺎﺟﺘﺞ ....
ﺟﺎﻧﺖ ﺍﻟﻜﻠﻤﺎﺕ ﺍﺗﻘﻄﻊ ﺍﻟﻜﻠﺐ .. ﺑﺤﻴﺚ ﻛﻠﻬﺎ ... ﻛﺎﻣﺖ ﺗﺒﺠﻲ ... ﻉ ﺣﺎﻝ ﺍﻣﻲ .. ﺟﺎﻧﺖ ﻛﻠﺶ ﻣﺘﺎﺛﺮﺓ .. ﻭﺧﺼﻮﺻﺎ ﻫﻲ ... ﻭﻳﺎﻩ ﻣﻦ ﻣﺎﺗﺖ ﻛﺎﻣﺖ ﺍﺗﻌﻴﻂ ... ﻭﺗﻤﻠﺦ ﺑﺮﻭﺣﻬﺎ ... ﻛﻮﺓ ﻟﺰﻣﻨﻬﺎ .... ﺍﻟﻨﺴﻮﺍﻥ ... ﺍﻧﻲ ﺍﺑﺎﻭﻉ ﺑﺲ ﺩﻣﻮﻋﻲ ﺍﺻﺐ ... ﺟﺎﺑﻮ ﺍﻟﺠﻨﺎﺯﺓ .. ﺧﺎﻟﺘﻲ ﻣﻠﺨﻦ ﺷﻌﺮﻫﻦ ﻭﺟﻬﻦ ... ﺻﺤﻴﺢ ﺍﻧﻲ ﺑﻌﻤﺎﺭﺓ ... ﺑﺲ ﺍﺑﺪ ﻣﺎ ﺭﺍﻳﺤﺔ ﻓﻮﺍﺗﺢ ﻟﻮ ﻭﺍﺣﺪ ﻣﻴﺘﻨﻪ ... ﺍﻭﻝ ﻣﺮﺓ ﺍﺻﻴﺮ ﺑﻬﻴﺞ ... ﻣﻮﻗﻒ .... ﻭﺧﺼﻮﺻﺎ ﻣﻦ ﻓﺘﺤﻦ ﺍﻟﺘﺎﺑﻮﺕ ..... ﺍﻧﻲ ﺍﺑﺘﻌﺪﺕ ﻣﺎ ﺍﺭﻳﺪ ﺍﺷﻮﻓﻬﺎ .... ﺻﺮﺕ ﺍﺧﺎﻑ ... ﻭﻛﻤﺖ ﺍﺭﺟﻒ ... ﻣﺎ ﺍﻋﺮﻑ ﺷﺼﺮﻑ .. ﻭﻛﻠﻤﻦ ﺣﺎﻳﺮ ﺑﺮﻭﺣﺔ ... ﻛﻮﺓ ﻛﻮﻣﻮ ﺍﻟﻨﺴﻮﺍﻥ ... ﻭﺭﺍﺣﻮ ﺷﻴﻌﻮﻫﺎ ... ﺑﻌﺪﻳﻦ ﻃﻠﻌﺖ ﺳﻴﺎﺭﺍﺕ ﻟﻠﻨﺠﻒ ... ﺍﺣﻨﺎ ﺑﻨﺎﺕ ﻣﺎ ﺭﺣﻨﻪ ... ﻻﻥ ﻛﺎﻟﻮ ﺑﻠﻴﻞ ﻭﻣﻮﺯﻳﻦ .. ﺍﻳﺸﻮﻓﻦ ﺍﻟﻤﻘﺒﺮﺓ .... ﺑﻘﻴﺖ ﺍﻧﻲ ﻭﺣﻨﻴﻦ ﻭﺳﺎﺭﺓ ﻭﺯﻭﺟﺖ ﺧﺎﻟﻲ ... ﻛﻠﻬﺎ ﺭﺍﺣﺖ ﻫﻤﺰﻳﻦ ﻣﻬﻨﺪ ﺭﺍﺡ ...
ﺍﻷﺟﻮﺍﺀ ﺻﺎﺭﺕ ﺣﺰﻳﻨﻪ ... ﻋﻤﺎﻣﻲ ﻛﻠﻬﻢ ﺩﺭﻭ ...
ﺛﺎﻧﻲ ﻳﻮﻡ ﺍﻟﻔﺎﺗﺤﺔ ... ﻛﻠﻬﺎ ﺍﺟﺖ ﻣﺎﻧﻠﺤﻚ ﺟﺎﻱ ﻭﻣﺎﻱ ﻭﺟﻮﺀ ﺣﺎﺭ ﺟﺎﻥ .... ﺧﺎﻟﺘﻲ ﻣﺎﻳﻜﺪﺭﻥ ﻳﺴﻮﻥ ﺷﻲ ﻣﻜﺴﻮﺭﺍﺕ ﺑﺎﻣﻬﻢ .... ﻋﻤﺎﺗﻲ ﺍﺟﻨﻲ ... ﻭﻫﻤﻴﻦ ﻛﺎﻣﻦ ﻳﻌﻄﻦ ... ﺷﻔﺘﻬﻦ .. ﻣﺎﺳﻠﻤﻦ ﻉ ﺍﻣﻲ ... ﻭﻫﻲ ﺍﺻﻼ ﻣﻮ ﺑﺤﺎﻟﻬﻦ ... ﺷﻔﺖ ﻋﻤﺘﻲ ﻧﻀﺎﻝ ... ﺍﺟﺖ ﻋﻠﻴﻪ ...
ﻭﺑﺎﺳﺘﻨﻲ ...
ﻧﻀﺎﻝ : ﻛﻠﻪ ﻣﻦ ﻭﺭﺍﺀ ﺃﻣﻜﻢ ... ﺣﺮﻣﺘﻨﻪ ﻣﻨﻜﻢ ﻭﻣﻦ ﺭﻳﺤﺘﻜﻢ
ﺩﻳﻤﺔ : ﻣﺤﺪ ﺣﺮﻣﻨﻪ ﻣﻨﻜﻢ ﺑﺲ ﺍﻧﺘﻮ ﺍﻟﺴﺒﺐ ...
ﻭﺟﺎﻥ ﺗﻜﺮﺻﻨﻲ ... ﻭﺑﻌﺪﻳﻦ ﺩﻓﻌﺘﻨﻲ
ﻧﻀﺎﻝ : ﻭﻟﻲ ﻟﺞ ﺍﻟﺴﺎﻧﺞ ... ﺍﺷﻄﻮﻟﻪ .. ﺷﻜﺪ ﺻﻠﻔﺔ ... ﺑﺲ ﻋﻠﻴﻤﻦ .. ﻃﺎﻋﺔ ﺍﻛﻴﺪ ﻉ ﺍﻣﺞ ...
ﺩﻳﻤﺔ : ﻭﺑﻜﻠﺒﻲ .. ﻻ ﺍﻧﺘﻲ ﺍﻟﻔﻘﻴﺮﺓ ﻭﻧﺎﻗﺼﻪ ﺍﻟﺴﺎﻥ ..
ﻫﺰﻳﺖ ﺍﻳﺪﻱ .... ﻭﺭﺣﺖ ﻛﻌﺪﺕ ﻳﻢ ... ﺍﻣﻲ ..
.....
ﻣﺮﺕ ﺍﻳﺎﻡ ﺍﻟﻔﺎﺗﺤﺔ ... ﺑﻴﺖ ﺟﺪﻱ ﺧﻴﻢ ﻋﻠﻴﻬﻢ ﺍﻟﺤﺰﻥ ﺟﺎﻧﺖ ﺑﻴﺒﺘﻲ ... ﺷﻤﻌﺖ ﺍﻟﺒﻴﺖ ... ﺻﺎﺭ ﺣﺘﻰ ﺍﻟﺒﻴﺖ ﻣﺎ ﻳﻨﻄﺎﻕ ﺑﺪﻭﻧﻬﺎ ...
ﺍﻧﻲ ﺻﺎﺭﺕ ﻋﻨﺪﻱ ﻣﺮﺽ ﺍﻟﺤﺼﺒﺔ .. ﺍﻧﻌﺪﻳﺖ ﻣﻦ ﻭﺣﺪﺓ ﺍﺑﻠﻔﺎﺗﺤﺔ ... ﺷﻔﺖ ﺍﻟﻤﻮﺕ ... ﺧﻄﻴﺔ ﺧﺎﻟﻲ ﻣﺎ ﻗﺼﺮ ﺣﺎﻳﺮ ﺑﻴﻪ ... ﻟﺤﺪ ﻣﺎﻃﺒﺖ ... ﺍﺑﻮﻳﺔ ﺟﺎﻥ ﻳﺘﺼﻞ ﻛﻞ ﺷﻬﺮ ﻣﻦ ﺗﻠﻔﻮﻥ ﺟﻨﻪ ﺍﻧﺴﻤﻴﻪ( ﺛﺮﻳﺎ ) ﻣﺎ ﻳﺤﺼﻞ ﻛﻮﻩ ﺍﻻ ﺑﺴﻄﺢ ﺍﻻ ﻳﺤﺼﻞ ...
ﺟﺎﻧﺖ ﺑﻮﻗﺖ ﺩﺧﻮﻝ ﺍﻻﻣﺮﻳﻜﺎﻥ ﻟﻠﻌﺮﺍﻕ ... ﻭﺳﻘﻮﻁ ﺻﺪﺍﻡ ﺍﻷﻭﺿﺎﻉ ﻛﻠﺶ ﺍﺗﺎﺯﻣﺖ ... ﻭﺧﺼﻮﺻﺎ ﺑﻐﺪﺍﺩ ....
ﺍﻣﻲ ... ﻭﺧﺎﻟﺘﻲ ... ﻣﺎﺑﻄﻠﻦ ﺣﺰﻥ ﻉ ﺑﻴﺒﺘﻲ ﻭﺧﺼﻮﺻﺎ ﺍﻣﻲ ﻛﻞ ﺧﻤﻴﺲ ﺍﺗﺮﻭﺡ ﻟﻠﻨﺠﻒ ... ﻭﺗﺨﻠﻴﻨﻲ ﻳﻢ ﺑﻴﺖ ﺟﺪﻭ ... ﺟﻨﺖ ﺍﻛﻮﻟﻠﻬﺎ .. ﻣﺎ ﺍﺭﻳﺪ ﺍﺑﻘﻰ ... ﺍﺗﻜﻠﻲ ﻭﻳﻦ ﻣﺨﻠﻴﺘﺞ . ﻋﻨﺪ ﻏﺮﻳﺐ ... ﻭﺑﻨﺎﺕ ﺧﺎﻟﺞ ﻳﻤﺞ .... ﻣﺎﻋﻨﺪﻱ ﺟﺮﺍﺀﺓ ﺍﻛﻮﻟﻠﻬﺎ ﻉ ﻣﻬﻨﺪ .. ﻭﺧﺼﻮﺻﺎ ﺑﻠﻔﺘﺮﺓ ﺍﻻﺧﻴﺮﺓ ... ﺻﺎﺭ ﻳﻼﺣﻜﻨﻲ ... ﻭﺩﺍﺀﻣﺎ ﻳﺠﻲ ﺑﻠﺒﻴﺖ .. ﺑﺤﺠﺔ ﻣﻨﺘﻈﺮ ... ﺑﺲ ﺍﻧﻲ ﻣﺎ ﺍﺑﻘﻰ ﺻﺮﺕ ﺍﺟﻨﺒﻪ ﺍﺭﻭﺡ ﻟﻠﻐﺮﻓﺘﻲ ... ﻣﻦ ﻳﺮﻭﺡ ﺍﻃﻠﻊ ...
ﻣﺮﺓ ﺍﻣﻲ ﺭﺍﺣﺖ ﻟﻠﻨﺠﻒ ... ﻭﺍﻧﻲ ﺍﺟﻴﺖ ﻟﺒﻴﺖ ﺟﺪﻱ ... ﺟﺎﻧﻦ ﻛﻞ ﺧﺎﻟﺘﻲ ﺭﺍﻳﺤﺎﺕ ... ﺑﺲ ﺧﺎﻟﺘﻲ ﺍﻟﺰﻏﻴﺮﺓ ﺑﺎﻗﻴﺔ .... ﺭﺣﺖ ﻛﻌﺪﺕ ﺑﻐﺮﻓﻪ ﺑﻴﺒﺘﻲ ... ﻭﺟﺎﻥ ﺍﻛﻮ ﺗﻠﻔﺰﻳﻮﻥ ﺑﻴﻬﺎ ... ﻛﻌﺪﺕ ﺍﺷﺘﺮﻳﺖ ﺣﺐ ﻭﺟﺒﺲ ... ﺣﻨﻴﻦ ﻭﺳﺎﺭﺓ ﺭﺍﺣﻮ ﻟﺨﻮﺍﻟﻬﻦ ... ﺑﻘﻴﺖ ﺑﻮﺣﺪﻱ .... ﺟﻨﺖ ﻻﺑﺴﺔ ﺃﺗﺮﺍﻙ ﺍﺳﻮﺩ ... ﻭﺷﻌﺮﻱ ﻓﺎﺗﺤﺘﻪ .. ﻫﻮ ﻃﻮﻳﻞ ﻣﺎ ﺍﺳﻮﻱ ﺿﻔﻴﺮﺓ ﻻﻥ ﺍﺻﻴﺮ ﺑﻴﻪ ﻛﺴﺮﺓ ... ﻣﺘﻤﺪﺩﺓ ﺑﻜﺎﻉ ﻭﻣﻨﺪﻣﺠﺔ ... ﻭﻱ ﻓﻠﻢ ﺍﺟﻨﺒﻲ ... ﻣﺎ ﺍﺷﻮﻑ ﺍﻻ ﻭﺍﺣﺪ ﻭﺍﻛﻒ ﻓﻮﻙ ﺭﺍﺳﻲ ... ﺍﻧﺼﺪﻣﺖ ﻣﻦ ﺷﻔﺘﻪ ﻣﻬﻨﺪ ...
ﻣﻬﻨﺪ : ﻭﺍﻛﻮﻝ ﺍﻟﺒﻴﺖ ﺍﻟﻴﻮﻡ ﻣﻨﻮﺭ ﺍﺛﺎﺭﻱ ﺍﻟﺤﺐ ﻣﻮﺟﻮﺩ
ﺩﻳﻤﺔ : ﺍﻧﺘﻪ ﻣﺎﺗﺒﻄﻞ ﻣﻨﻲ ﻟﻚ ﺍﻓﻬﻢ ﺍﻧﻲ ﻭﻳﺎﻙ ﺍﺧﻮﺍﻥ ... ﻋﻴﺐ ﻋﻠﻴﻚ ﻫﺬﺍ ﺍﻟﺤﺠﻲ ... ﻭﺻﺎﺭ ﻳﺘﻘﺮﺏ ﻣﻨﻲ ... ﻟﺰﻡ ﺷﻌﺮﻱ ﻭﻟﻔﻪ ﻉ ﺍﻳﺪﻳﻪ ... ﻭﺍﻧﻲ ﺍﺭﺟﻒ ... ﺷﻴﺴﻮﻱ ﺑﻴﻪ ﺧﺎﻟﺘﻲ ... ﺑﻘﺎﻁ ﺍﻟﺜﺎﻧﻲ ... ﻭﻧﺎﻳﻤﺔ ... ﻭﺑﺲ ﺍﻧﻲ ﺑﻠﺒﻴﺖ ... ﺣﺎﻭﻟﺖ ﺃﺑﻌﺪ ﺍﻳﺪﻳﻪ ﻋﻦ ﺷﻌﺮﻱ ...
ﻣﻬﻨﺪ : ﻭﺑﺼﻮﺕ ﻫﺎﻣﺲ .. ﺃﻭﻑ ﺭﻳﺤﺖ ﺷﻌﺮﺝ ﺭﺩﺕ ﺭﻭﺣﻲ ﻣﺎﺗﺤﻨﻴﻦ ﻋﻠﻴﻪ ﺑﻨﻀﺮﺓ .. ﻭﻟﺞ ﻳﻮﻣﻴﻪ ﺍﺟﻲ ﻋﻠﻤﻮﺩ ﺍﺷﻮﻑ ﺑﺲ ﻋﻴﻮﻧﺞ .. ﻭﺍﻧﺘﻲ ﺗﺘﻬﺮﺑﻴﻦ ... ﻣﻨﻲ ﺑﺲ ﺍﻟﻴﻮﻡ ﺍﻧﺘﻲ ﺣﺼﺘﻲ ...
ﺍﻧﻲ ﻣﻦ ﺷﻔﺘﻪ ﻫﻴﺞ ﺍﺭﻳﺪ ﺑﺲ ﻳﻮﺧﺮ ﺻﺎﺭ ﻛﻞ ﻣﺎﻳﺰﻳﺪ ﺑﻘﺮﺑﻪ ﻭﺍﻧﻲ ﺍﺑﺘﻌﺪ ... ﺻﺎﺭ ﺿﻬﺮﻱ ﻉ ﺍﻟﺤﺎﻳﻂ ﻫﻮ ﺧﻠﻪ ﺍﺩﻳﻪ ﻉ ﺧﺼﺮﻱ ... ﺟﻔﻠﺖ ... ﻋﻴﻮﻧﻲ ﻛﺎﻣﺖ ﺍﺻﺐ ﺩﻣﻊ .. ﺍﻧﻲ ﺍﺗﻮﺳﻞ ﺑﻴﻪ ﺑﺲ ﻳﺒﺘﻌﺪ ﻋﻨﻲ ... ﻣﻮﻗﻒ ﻻ ﺍﺣﺴﺪ ﻋﻠﻴﻪ ...
ﻣﺎ ﺍﺳﻤﻊ ﺑﺲ ﺻﻮﺕ ﺧﺎﻟﺘﻲ ... ﻭﻫﻲ ﺍﺻﻴﺢ ﺍﺑﺼﻮﺕ ﻋﺎﻟﻲ ...
ﻧﺪﻯ : ﻫﺎﻱ ﺷﺴﻮﻭﻭﻥ ... ﻭﻟﻜﻢ .. ﺷﻨﻮ ﻫﺎﻱ
ﺩﻳﻤﺔ : ﻣﻦ ﺷﻔﺘﻬﺎ ... ﻣﺎ ﺿﻞ ﺩﻡ ﺑﻴﻪ ﺻﺮﺕ ﺍﺗﻨﻔﺲ ﺳﺮﻳﻊ ﺟﺴﻤﻲ ﻛﻠﻪ ﻳﺮﺟﻒ ﺭﺩﺕ ﺍﺣﺠﻲ ﻭﻣﺎ ﺍﺣﺲ ﻏﻴﺮ ﺭﺍﺟﺪﻱ ﻉ ﻭﺟﻬﻲ ... ﻟﺰﻣﺖ ﺧﺪﻱ ﻭﺍﻧﻲ ﻋﻴﻮﻧﻲ ﻣﺪﻣﻌﺔ ..
ﺧﺎﻟﺔ ... ﻭﺍﻟﻠﻪ ﻣﻮ ﺍﻧﻲ ﻫﻮ ﺍﺟﻪ ﻋﻠﻴﻪ ... ﺟﻨﺖ ﻛﺎﻋﺪﺓ ﺑﻐﺮﻓﻪ ﻭﻫﻮ ﺩﺧﻞ ...
ﺭﺍﺩ ﻣﻬﻨﺪ ﻳﺤﺠﻲ ... ﻭﻫﻤﻴﻦ ﺿﺮﺑﺘﻪ ﺭﺍﺟﺪﻱ ... ﻭﻛﻠﺘﻠﻪ ﺍﻃﻠﻊ ﺑﺮﺓ ... ﻃﻠﻊ ... ﺭﺟﻌﺖ ﺑﺎﻭﻋﺘﻠﻲ ...
ﻧﺪﻯ : ﻫﺬﺍ ﺍﻟﺸﻔﺘﻪ ﻣﺎ ﺍﺭﻳﺪ ﺟﻨﺲ ﻣﺨﻠﻮﻕ ﻳﺪﺭﻱ ... ﺑﻴﻪ ﺗﺠﻲ ﺍﻣﺞ ﻭﺍﻧﻲ ﺍﻓﻬﻤﻬﺎ ... ﺧﻠﺖ ﻭﻃﻠﻌﺖ ...
ﺍﻧﻲ ﺍﻫﻨﺎ ﺍﻧﻬﺎﺭﻳﺖ ... ﺻﺮﺕ ﺍﺑﺠﻲ ﻭﺍﺷﻬﻚ ..
ﻟﻴﺶ ﺍﻧﻲ ﺩﺍﺋﻤﺎ ... ﺍﻳﺼﻴﺮ ﺑﻴﻪ ﻫﻴﺞ .... ﻣﺎ ﺍﻋﺮﻑ ﺷﺴﻮﻱ ﺧﺎﻟﺘﻲ ﺻﺤﻴﺢ ﻫﻲ ﺗﺤﺒﻨﻲ ... ﺑﺲ ﺍﻟﺸﺎﻓﺘﻪ ﻣﺎﻳﻨﺴﻜﺖ ﻋﻠﻴﺔ ﻭﺧﻔﺖ ... ﺗﻜﻮﻝ ﻻﻣﻲ ...
ﻧﻤﺖ ﻭﺍﻧﻲ ﺩﻣﻮﻉ ﺑﻌﻴﻮﻧﻲ ... ﻭﻓﻜﺮﺓ ﺗﺎﺧﺬﻧﻲ ﻭﺟﻴﺒﻨﻲ ...
ﻣﺎ ﺣﺴﻴﺖ ﻏﻴﺮ ﺍﻟﺼﺒﺢ ﺍﺳﻤﻊ ﺻﻮﺕ ﺍﻣﻲ ﻭﺧﺎﻟﺘﻲ ﻫﺴﺔ ﺟﺎﻳﺎﺕ ... ﻣﻦ ﺍﻟﻨﺠﻒ ... ﺭﺍﺳﻲ ﻣﻮﺗﻨﻲ ﻣﻦ ﺍﻟﺒﺠﻲ ... ﺩﺧﻠﺖ ﻋﻠﻴﻪ ﺍﻣﻲ ﻭﺷﺎﻓﺘﻨﻲ ...
ﺳﻤﻴﺔ : ﻳﻤﻪ ﻫﺎﻱ ﺷﺒﻴﺞ .. ﻟﻴﺶ ﻫﻴﺞ ﻋﻴﻮﻧﺞ ﻣﻨﺘﻔﺨﺔ ..
ﺩﻳﻤﺔ : ﻭﻣﺎ ﺍﺭﻳﺪ ﺍﺑﺠﻲ ﻛﺪﺍﻡ ﺍﻣﻲ .... ﻻﻥ ﻣﺎ ﺍﻋﺮﻑ ﺷﻜﻮﻝ
ﺭﺍﺳﻲ ﻳﻮﺟﻌﻨﻲ ... ﻭﻧﺎﺯﻝ ﻉ ﻋﻴﻮﻧﻲ .. ﺍﻷﻟﻢ
ﻧﺪﻯ : ﺗﻌﺎﻟﻲ ﺳﻤﻴﺔ ﺍﺭﻳﺪﺝ ﺑﻤﻮﺿﻮﻉ ...
ﺩﻳﻤﺔ : ﺍﻧﻲ ﺟﻔﻠﺖ ... ﻛﻠﺖ ﺍﻛﻴﺪ ﺭﺍﺡ ﺍﺗﻜﻮﻟﻠﻬﺎ ... ﺍﻋﻴﻮﻧﻲ ﺗﺘﻮﺳﻞ .. ﺑﺨﺎﻟﺘﻲ .. ﻣﺎﺗﻜﻮﻟﻠﻬﺎ ...
ﺭﺍﺣﺖ ... ﻭﻱ ﺧﺎﻟﺘﻲ ﻭﺍﻧﻲ ﺍﻳﺪﻱ ﻉ ﻛﻠﺒﻲ ... ﻭﺍﺩﻋﻲ ﺷﺴﻮﻱ ﺑﻴﻪ ﺍﺫﺍ ﻋﺮﻓﺖ .. ﻳﻤﻜﻦ ﺑﻮﻗﺘﻬﺎ ﻣﺎ ﺑﻘﺖ ﺃﻳﻪ ... ﻣﺎ ﻗﺮﻳﺘﻬﺎ ...
ﺷﻔﺖ ﺍﻣﻲ ﻃﻠﻌﺖ ... ﻭﺿﺤﻜﺔ ﻉ ﻭﺟﻬﺎ .. ﺿﻠﻴﺖ ﺻﺎﻓﻨﻪ .. ﺷﻨﻮ ﺍﻟﺴﺎﻟﻔﺔ ... ﻣﻌﻘﻮﻟﺔ ﻣﺎ ﻛﻠﺘﻠﻬﺎ ... ﺍﻱ ﺍﻛﻴﺪ ﻟﻮ ﻛﺎﻟﺘﻬﺎ ﻫﺴﺔ ﻗﺎﻣﺖ ﺍﻟﻘﻴﺎﻣﺔ .. ﺻﺎﺣﺖ ﻋﻠﻴﻪ ..
ﺳﻤﻴﺔ : ﺍﻟﺞ ﺩﻳﻤﺔ ﻳﻼ ﺗﻌﺎﻟﻲ ﻧﺮﺟﻊ ﻟﻠﺒﻴﺖ ... ﻭﺻﻴﺤﻲ ﺍﺧﻮﺝ ﻣﺼﻄﻔﻰ ... ﻳﻼ ﺗﻌﺒﺎﻧﻪ ﺍﺭﻳﺪ ﺍﺭﺗﺎﺡ
ﺩﻳﻤﺔ : ﻃﻠﻌﻨﻪ ﻭﺍﻧﻲ ﺍﻓﻜﺮ ... ﺷﻨﻮ ﻛﺎﻟﺘﻠﻬﺎ ﺧﺎﻟﺘﻲ ﻭﻫﻴﺞ ﺗﻀﺤﻚ ... ﺃﻭﻑ ﻫﺴﺔ ﺍﻫﻢ ﺷﻲ ﻣﺎ ﻛﻠﺘﻬﺎ ﺍﺭﺗﺎﺣﻴﺖ
ﻣﻦ ﻫﺎﻱ ﺍﻟﺸﻐﻠﺔ ...
...
ﺑﺪﺀ ﺍﻟﺪﻭﺍﻡ ﻭﺩﺍﻭﻣﺖ ﺑﻤﺪﺭﺳﺘﻲ ... ﺍﻟﺠﺪﻳﺪﺓ .. ﺭﺟﻌﺖ ﻣﻦ ﺍﻟﺪﻭﺍﻡ ... ﺗﻌﺒﺎﻧﻪ ﺳﻤﻌﺖ ﺻﻮﺕ ﺯﻭﺟﺖ ﺧﺎﻟﻲ ﻭﺧﺎﻟﺘﻲ ﻳﺤﺎﺟﻦ ﺍﻣﻲ ...
ﺍﺳﺮﺍﺀ : ﺍﻟﺒﻨﻴﺔ ﻛﺒﺮﺕ ﻭﻫﺴﺔ ﺍﻟﻌﻴﻮﻥ ﻋﻠﻴﻬﺎ ... ﻭﺷﻮﻓﻴﻦ ﺍﻟﻮﺿﻊ ﻣﻮﺯﻳﻦ ... ﺑﺒﻐﺪﺍﺩ ﻭﺧﺎﻑ ﻋﻤﺎﻣﻬﺎ ﻳﺠﻮﻥ ﻳﺎﺧﺬﻭﻫﺎ ...
ﺳﻤﻴﺔ : ﺑﺲ ﻣﻮ ﻫﺴﺔ ﺯﻏﻴﺮﺓ ..
ﺍﺳﺮﺍﺀ : ﺟﺎ ﺍﺣﻨﺎ ... ﺑﺴﺮﻋﺔ ﻧﺰﻭﺟﻬﻦ .. ﻧﻄﻮﻝ ﺍﻟﺨﻄﻮﺑﺔ ﻣﻦ ﺗﺨﻠﺺ ﻣﻦ ﺍﻟﺜﺎﻟﺚ ﺍﻧﺰﻭﺟﻬﻢ ... ﻭﺍﺧﻮﺝ ﻓﺮﺣﺎﻥ ﺍﻳﻜﻮﻝ ﻭﻳﻦ ﺍﻟﻜﻰ ﺍﺣﺴﻦ ﻣﻦ ﺩﻳﻤﻪ ﻟﻤﻬﻨﺪ ﻭﻛﺎﻝ ﺍﺭﻳﺪ ﺍﺷﻮﻓﻬﻢ ﻣﺴﺘﻘﺮﻳﻦ ﻗﺒﻞ ﻻ ﺍﻣﻮﺕ ﻭﻣﻬﻨﺪ ﺭﺍﺿﻲ ..
ﺳﻤﻴﺔ : ﻳﻤﺔ ﺍﺳﻢ ﺍﻟﻠﻪ ﻋﻠﻴﻪ
ﺩﻳﻤﺔ : ﺍﻧﺼﺪﻣﺖ ... ﻣﻦ ﺳﻤﻌﺖ ﺍﻟﺤﺠﻲ .. ﻣﺴﺘﺤﻴﻞ ﺍﺯﻭﺟﻪ ﺍﻧﻲ ﺍﻛﺮﻩ ... ﻫﺬﺍ ﻣﺘﻮﺣﺶ ... ﺣﺘﻰ ﻋﺮﻓﺖ ﺑﻴﻪ ﻳﺸﺮﺏ ...
ﻣﻦ ﺩﺧﻠﺖ ... ﺳﻜﺘﻮ .. ﺳﻠﻤﺖ ﻋﻠﻴﻬﻢ .. ﻭﺻﻌﺪﺕ ﻟﻐﺮﻓﺘﻲ ... ﺷﻮﻱ ... ﻭﺻﻌﺪﺗﻠﻲ ﺍﻣﻲ
ﺳﻤﻴﺔ : ﺳﻨﺔ ﺍﺭﻳﺪ ﺍﺣﺠﻲ ﻭﻳﺎﺝ
ﺩﻳﻤﺔ : ﻭﺍﻧﻲ ﺍﻋﺮﻑ ﺷﺘﺮﻳﺪ ﺗﺤﺠﻲ ﺑﺲ ﺳﻮﻳﺖ ﺭﻭﺣﻲ ﻣﺎ ﺍﺩﺭﻱ ....
ﺳﻤﻴﺔ : ﺷﻮﻓﻲ ﻳﻤﻪ ﺍﻧﺘﻲ ﻛﺒﺮﺗﻲ ﻭﺍﻟﻌﻴﻦ ﻋﻠﻴﺞ .. ﺍﻧﻲ ﺍﺭﻳﺪ ﺍﺷﻮﻓﺞ ﻣﺴﺘﻘﺮﺓ .. ﻭﺧﺼﻮﺻﺎ ﺑﻬﺬﺍ ﺍﻟﻮﺿﻊ ﻣﺎ ﻳﺒﺸﺮ ﺑﺨﻴﺮ ﺍﻟﻴﻮﻡ ﺍﺟﺖ ﺧﺎﻟﺘﺞ ﻭﺭﺍﺩﺗﺞ ﻻﺑﻨﻬﺎ ... ﻣﻬﻨﺪ ..
ﻭﺍﻧﻲ ﺑﻠﺒﺪﺍﻳﺔ ﻓﺎﺗﺤﺘﻨﻲ .. ﺧﺎﻟﺘﺞ ﻧﺪﻯ ﺑﻤﻮﺿﻮﻉ .. ﻭﺻﺮﺍﺣﺔ ﻓﺮﺣﺖ ... ﻭﻫﻲ ﻛﺎﻳﻠﻪ ﻟﺨﺎﻟﺞ ... ﻭﻣﻮﺍﻓﻖ
ﺩﻳﻤﺔ : ﻋﺮﻓﺖ ﺧﺎﻟﺘﻲ ﻫﻲ ﺍﻟﻜﺎﻟﺘﻬﺎ .. ﻣﻦ ﻳﻮﻡ ﻣﻦ ﺭﺟﻌﺖ ﻟﻠﻨﺠﻒ .. ﻫﺴﺔ ﻋﺮﻓﺖ ﻟﻴﺶ ﺍﻣﻲ ﺟﺎﻧﺖ ﺗﻀﺤﻚ .. ﻭﺧﺎﻟﺘﻲ ﻣﺎﻛﺎﻟﺘﻬﺎ ﻉ ﺷﻐﻠﺔ ... ﻻﻥ ﺧﻠﺖ ﺑﺎﻟﻬﺎ ﺍﻟﺰﻭﺍﺝ .... ﻣﺎﺗﺪﺭﻱ ﺑﻴﻪ ﻫﻮ ﺷﻨﻮ ..
ﻳﻤﺔ ﺍﻧﺘﻲ ﺷﺘﺤﺠﻴﻦ ... ﺍﻧﻲ ﺑﻌﺪﻧﻲ ﺯﻏﻴﺮﺓ ﻭﻣﺎ ﺍﺭﻳﺪ ﺍﺯﻭﺝ ﻫﺴﺔ ﻻ ﻣﻬﻨﺪ ﻭﻻ ﻏﻴﺮﻩ ...
ﻭﺻﺮﺕ ﺍﺻﻴﺢ ... ﻭﻣﺎ ﺍﻋﺮﻑ ﺷﺤﺠﻲ
ﺳﻤﻴﺔ : ﻫﺎﻱ ﻫﻲ ﻣﺎ ﺗﺮﻳﺪﻳﻦ ﻣﺎ ﺍﺭﻳﺪ ﺍﺿﻐﻂ ﻋﻠﻴﺞ ﺍﻟﺘﺮﻳﺪﻱ ﻳﺼﻴﺮ ...
ﺭﺍﺣﺖ ﺍﻣﻲ ... ﻭﺍﻧﻲ ﺿﻠﻴﺖ ﺣﺎﻳﺮﺓ ... ﺻﺤﻴﺢ ﻫﻲ ﻫﺪﺋﺘﻨﻲ ﺑﺲ ﺍﻧﻲ ﻣﺎ ﻣﻄﻤﺌﻨﺔ ... ﻭﺧﺎﻳﻔﺔ ﻣﻦ ﻣﻬﻨﺪ ﺑﻨﻔﺲ ﺍﻟﻮﻗﺖ ...
ﺛﺎﻧﻲ ﻳﻮﻡ ﺻﺎﺩﻑ ﺟﻤﻌﺔ ... ﺍﻣﻲ ﺭﺍﺣﺖ ﻟﺒﻴﺖ ﺟﺪﻭ ﺍﻛﻮﻟﻠﻬﻢ ﻉ ﺍﻟﺠﻮﺍﺏ .. ﺍﻧﻲ ﺿﻠﻴﺖ ﺍﻧﻈﻒ ﺑﻠﺒﻴﺖ ...
ﺷﻮﻱ ﻭﻣﺎﻣﺎ ﺭﺟﻌﺖ .. ﻛﺎﻟﺘﻠﻲ .. ﺗﻌﺎﻟﻲ ﺍﻛﻌﺪﻱ ﻳﻤﻲ ..
ﺧﻠﻴﺖ ﺍﻟﻤﺎﺳﺤﺔ .. ﻉ ﺻﻔﺤﺔ . ﺳﺪﻳﺖ ﺍﻟﻤﺎﻱ ... ﺍﺟﻴﺖ ﻛﻌﺪﺕ ﻳﻢ ﻣﺎﻣﺎ ... ﺍﺭﻳﺪ ﺍﻓﻬﻢ ﻣﻨﻬﺎ ﺷﻜﺎﻟﻮ ...
ﺳﻤﻴﺔ : ﻣﺎﻣﺎ ﺩﻳﻤﺔ ﺍﻧﺘﻲ ﻋﺰﻳﺰﺓ ﻋﻠﻴﻪ ﻭﺗﻌﺮﻓﻴﻦ ﺷﻜﺪ ﺍﺣﺒﺞ ﻳﺎﻳﻤﻪ ﺍﻧﻲ ﻣﻦ ﺍﺣﺠﻲ ﻟﻤﺼﻠﺤﺘﺞ ... ﻫﺴﺔ ﻣﻦ ﺭﺣﺖ ﻟﺨﺎﻟﺞ ... ﺧﻄﻴﺔ ﺿﺎﺝ .. ﻭﻫﻮ ﻣﺮﻳﺾ ﺷﻮﻓﻲ ﻳﻤﻪ ﺍﻧﺘﻲ ﺑﺲ ﺍﻗﺒﻠﻲ .. ﺍﻧﻲ ﺍﻭﻋﺪﺝ ﻣﻮ ﻫﺴﺔ ... ﺍﻟﺰﻭﺍﺝ ﺑﻌﺪ ﺍﻟﺜﺎﻟﺚ ... ﺍﻧﺘﻲ ﻣﺴﺆﻭﻟﻴﺘﻲ ... ﻭﺍﻧﻲ ﺷﺎﻳﻠﻪ ﻫﻤﻜﻢ .. ﻭﺍﺑﻮﺝ ﺳﺎﺣﺐ ﺍﻳﺪﻳﻪ ﻣﻦ ﺍﻟﻤﺴﻮﻭﻟﻴﺔ ... ﻭﻫﺴﺔ ﺍﻟﻮﺿﻊ ﺗﻌﺒﺎﻥ ﺍﻧﻲ ﺍﺧﺎﻑ ﻋﻠﻴﺞ ... ﻭﺻﺪﻛﻴﻨﻲ ﺭﺍﺡ ﺗﺘﺪﻟﻴﻦ ﻫﻨﺎﻙ ... ﺍﺫﺍ ﺑﻘﻴﺘﻲ .. ﺍﻳﺠﻮﺯ ﺣﺘﻰ ﻋﻤﺎﻣﺞ ﻳﺎﺧﺬﻭﺝ ... ﻭﺧﺎﻟﺞ ﺧﻄﻴﺔ ...
ﺩﻳﻤﺔ : ﺑﺲ ﻳﻤﻪ ...
ﺳﻤﻴﺔ : ﺣﺒﻴﺒﺘﻲ ﺍﻧﻲ ﺃﻛﺒﺮ ﻣﻨﺞ .. ﻭﺍﻋﺮﻑ ﺑﺤﻴﺎﺓ ﺻﺪﻛﻴﻨﻲ ﺍﺳﻮﻳﻪ ﻟﻤﺼﻠﺤﺘﺞ ...
ﺩﻳﻤﺔ " ﺍﻣﻲ ﺿﻠﺖ ﺗﺤﺠﻲ ﻭﺗﻘﻨﻊ ﺑﻴﻪ ... ﻭﺑﻌﺪﻳﻦ ﺍﺟﺖ ﺧﺎﻟﺘﻲ ﻭﻣﺮﺕ ﺧﺎﻟﻲ ... ﻭﻳﺤﺠﻦ ﻭﻳﺎﻱ ... ﺍﻧﻲ ﺟﻨﺖ ﻣﺮﺍﻫﻘﺔ ... ﻭﻛﺪﺭﻥ ﻳﻘﻨﻌﻨﻲ ... ﻭﺧﺼﻮﺻﺎ ﻣﻦ ﻋﺮﻓﺖ ﺧﺎﻟﻲ ﻛﻠﺶ ﻣﺮﻳﺾ ... ﺧﻄﻴﺔ ﺧﺎﻑ ﻳﻤﻮﺕ ... ﻭﺍﻧﻲ ﻛﻠﺘﻬﻦ ﺍﻳﻲ .. ﺑﺲ ﻣﺎ ﻣﻘﺘﻨﻌﻪ ﺍﻳﺠﻮﺯ ﻣﻦ ﺍﻟﻀﻐﻂ ﺍﻟﺼﺎﺭ ﻋﻠﻴﻪ .. ﺭﺩﺕ ﺑﺲ ﺍﺧﻠﺺ ﻣﻦ ﺍﻟﺴﺎﻟﻔﺔ .. ﻣﻦ ﻭﺍﻓﻘﺖ
ﺳﻤﻴﺔ : ﻳﻤﻪ ﺃﻣﻴﺮﺗﻲ ﺭﺍﺡ ﺍﺻﻴﺮ ﻋﺮﻭﺱ ... ﻣﺒﺮﻭﻙ ﻳﺮﻭﺣﻲ ... ﺑﺎﺳﻨﻲ ﺧﺎﻟﺘﻲ ...
ﺍﻧﻲ ﻣﺜﻞ ﻭﺣﺪﺓ ﺑﺪﻭﻥ ﻭﻋﻲ ... ﻣﺎ ﺍﻋﺮﻑ ﺷﺴﻮﻱ ﺭﺍﺣﻮ ﻳﺒﺸﺮﻭﻥ ﺧﺎﻟﻲ ... ﺿﻠﻴﺖ ﺑﻮﺣﺪﻱ ... ﺑﻠﺒﻴﺖ
ﺩﻣﻮﻋﻲ ﻳﺠﺮﻥ ﻉ ﺧﺪﻱ .. ﺍﻛﻮ ﻏﺼﺔ ﺑﻜﻠﺒﻲ ﺿﻠﻴﺖ ﺍﺑﺠﻲ ... ﺭﺩﺕ ﺑﻮﻛﺘﻬﺎ ﺑﺎﺑﺎ .. ﻳﻤﻜﻦ ﻟﻮ ﺟﺎﻥ ﻳﻤﻲ ﻣﺎ ﺻﺎﺭ ﺑﻴﻪ ﻫﻴﺞ .... ﺷﻮﻱ ﻭﻧﻔﺘﺢ ﺍﻟﺒﺎﺏ .. ﻭﺩﺧﻠﺖ ﺣﻨﻴﻦ ﻭﺳﺎﺭﺓ
ﺣﻨﻴﻦ : ﻫﻼ ﻫﻼ ﺭﺍﺡ ﻳﺼﻴﺮ ﻋﻨﺪﻧﻪ ﻋﺮﺱ ﻳﻤﻪ ﻓﺪﻭﺓ ﻟﻤﺮﺕ ﺍﺧﻮﻳﺔ ...
ﺳﺎﺭﺓ : ﺣﺒﻴﺒﺘﻲ ﻣﺒﺮﻭﻙ ﻓﺮﺣﺘﻴﻨﻪ ﻭﺍﻟﻠﻪ
ﺑﺎﺳﻨﻲ ﻭﺍﻧﻲ ﺑﺎﻟﻲ ﻣﻮ ﻳﻤﻬﻦ ﺍﺑﺘﺴﻤﺖ ﻣﺠﺎﻣﻠﺔ ... ﻭﺍﻧﻲ ﺑﺪﺍﺧﻠﻲ ﻣﻜﺴﻮﺭ ﺍﺭﻳﺪ ... ﺑﺲ ﺍﺧﻠﺺ ﻣﻦ ﻫﺎﻱ ﺍﻟﻤﺴﺮﺣﻴﺔ ... ﺧﻄﻴﺔ ﺷﻮﻱ ﻭﺍﺟﻪ ﻋﻠﻴﻪ ﺧﺎﻟﻲ ... ﻓﺮﺣﺎﻥ ﻭﺍﻧﻲ ﺍﺷﻮﻑ ﻋﻴﻮﻧﻪ ﺍﺷﻠﻮﻥ ﻓﺮﺣﺎﻧﻪ ... ﺑﺎﺳﻨﻲ ﺑﺮﺍﺳﻲ ﻭﺑﺎﺭﻛﻠﻲ ...
ﺧﺎﻟﻲ ﺍﻧﺴﺎﻥ ﻛﻠﺶ ﻃﻴﺐ ..... ﺍﺣﺴﻪ ﻣﺜﻞ ﺍﺑﻮﻳﻪ ﻭﺣﺘﻰ ﺍﺣﺴﻦ .... ﻣﻦ ﻳﺴﻤﻊ ﺑﻴﻪ ﻣﺮﻳﻀﺔ ﻟﻮ ﺷﻲ ﻳﺤﻴﺮ ﺷﻴﺴﻮﻱ ﺍﻳﺠﻮﺯ ﺍﻧﻲ ﺑﻴﻮﻣﻬﺎ ﻣﻦ ﻗﺒﻠﺖ ﺑﺲ ﻋﻠﻤﻮﺩﺓ ...
ﻣﺮ ﺍﺳﺒﻮﻉ ﻭﺧﺎﻟﺘﻲ ﻳﺤﻀﺮﻥ ﻟﺤﻔﻠﺔ ﺍﻟﺨﻄﻮﺑﻪ ... ﺍﻧﻲ ﺍﻱ ﺭﻏﺒﺔ ﻣﺎﻋﻨﺪﻱ .... ﺻﺎﺭ ﻣﻬﻨﺪ ﻳﻮﺻﻠﻨﻲ ﻟﻤﺪﺭﺳﺔ ... ﻻﻥ ﺻﺎﺭ ﻭﺿﻊ ﻛﻠﺶ ﻳﺨﻮﻑ ... ﺍﻣﺮﻳﻜﺎﻥ ﻭﻳﻦ ﻣﺎﺟﺎﻥ ... ﺑﺲ ﻣﺎ ﺍﺭﺗﺎﺡ ﻭﻳﺎﻩ ... ﻻﻥ ﻳﻀﻞ ﻳﺤﺠﻲ ... ﻭﻳﺘﻐﺰﻝ ﻣﻦ ﻏﻴﺮ ﻧﻀﺮﺍﺗﻪ ﺍﺗﻜﺼﻨﻲ .. ﻛﺺ
ﻣﻦ ﺳﻤﻊ ﻋﻠﻲ ﺑﺨﻄﻮﺑﺔ .... ﻣﺎ ﻗﺒﻞ ﺑﻴﻬﺎ ﻭﻛﺎﻝ ﺷﻨﻮ ﺑﻌﺪﻫﻢ ﺯﻏﺎﺭ ﻭﻣﻦ ﻫﺬﺍ ﺍﻟﺤﺠﻲ ...
ﻋﺮﻓﺖ ﺑﻌﺪﻳﻦ ﻫﻮ ﺣﺎﻁ ﻋﻴﻨﻪ ﻋﻠﻴﻪ ....
ﻗﺮﺭﺕ ﺍﺑﻄﻞ ﻣﻦ ﺍﻟﻤﺪﺭﺳﺔ ... ﺟﻨﺖ ﺑﻬﺬﻳﺞ ﺍﻟﻔﺘﺮﺓ ﻛﻠﺸﻲ ﺍﻻﺳﻮﻳﻪ ﺑﺪﻭﻥ ﺗﻔﻜﻴﺮ ... ﺍﻣﻲ ﻛﺎﻣﺖ ﺗﺤﺠﻲ ﻋﻠﻴﻪ ﻭﺧﺎﻟﺘﻲ .... ﺻﺎﺭﺕ ﻋﻨﺪﻱ ﻛﺎﺀﺑﺔ ...
ﺟﻨﺖ ﻛﺎﻋﺪﺓ ﺑﻐﺮﻓﻪ ....
ﺍﺟﺖ ﺍﻣﻲ ﺍﻧﻄﺘﻨﻲ ﺍﻟﻤﻮﺑﺎﻳﻞ ﻛﺎﻟﺖ ﻫﺬﺍ ﻣﻬﻨﺪ ...
ﻭﺍﻧﻲ ﺍﺭﻳﺪ ﺑﺲ ﻭﺍﺣﺪ ﺍﺗﻌﺎﺭﻙ ﻭﻳﺎﻩ ﺍﺧﺬﺗﻪ ﻣﻨﻬﺎ ... ﻫﻲ ﺭﺍﺣﺖ ...
ﺩﻳﻤﻪ : ﺍﻟﻮ ﻫﺎ
ﻣﻬﻨﺪ : ﺍﻛﻮ ﻭﺣﺪﺓ ﺍﺗﻜﻮﻝ ﺍﺯﻭﺟﻬﺎ ﻫﺎ
ﺩﻳﻤﺔ : ﻟﻌﺪ ﺷﻜﻠﻚ ﺍﺳﺘﺎﺫ ﺍﻛﻠﻚ
ﻣﻬﻨﺪ : ﻛﻠﻴﻠﻲ ﺣﺒﻴﺒﻲ ﻋﻤﺮﻱ ﺣﻴﺎﺗﻲ ﻫﺎﻱ ﺍﻟﻜﻠﻤﺎﺕ ...
ﺩﻳﻤﺔ : ﺣﺒﻴﺘﻚ ﺣﻴﺔ ... ﺗﺪﺭﻱ ﺷﻜﺪ ﺍﻛﺮﻫﻚ
ﻣﻬﻨﺪ : ﺍﻟﺞ ﺍﻟﺴﺎﻧﺞ ﻻ ﺍﺟﻲ ﺍﻛﺼﺔ ... ﺑﻄﻠﻲ ﻫﺬﺍ ﺍﺳﻠﻮﺑﺞ ﺗﺮﻯ ﺍﺭﺑﻴﺞ ﻣﻦ ﺟﺪﻳﺪ
ﺩﻳﻤﺔ : ﻣﺘﺮﺑﺎﻳﺔ ﺍﺣﺴﻦ ﻣﻨﻚ ....
ﺍﺷﻮ ﻫﺬﺍ ﺳﺪﻩ ... ﺑﻮﺟﻬﻲ ﺣﺘﻰ ﻣﺎﺧﻼﻧﻲ ﺍﺣﺠﻲ ..
ﺍﻣﻲ ﺍﺧﺬﺕ ﺍﻟﻤﻮﺑﺎﻳﻞ ... ﻣﻨﻲ
ﺳﻤﻴﺔ : ﻫﺎ ﺷﺤﺠﻴﺘﻮ .. ﻣﺎﻗﻨﻌﺞ ﺗﺮﺟﻌﻴﻦ ﻟﻤﺪﺭﺳﺔ
ﺩﻳﻤﺔ : ﺍﺻﻼ ﺍﻧﻲ ﺭﺍﺡ ﺍﺭﺟﻊ ﻣﺎﻛﻮ ﺩﺍﻋﻲ ﻫﻮ ﻳﻘﻨﻌﻨﻲ ﻉ ﺷﻨﻮ ﺧﺴﺮﺍﻧﻪ ﻣﺴﺘﻘﺒﻠﻲ ...
ﺳﻤﻴﺔ : ﺍﻱ ﻫﻴﺞ ﺍﺭﻳﺪﺝ ... ﻋﻔﻴﺔ ﺑﺒﻨﻴﺘﻲ ...
ﺑﺪﺕ ﺗﺤﻀﻴﺮﺍﺕ ﺍﻟﺨﻄﻮﺑﻪ ﺧﺎﻟﺘﻲ ﺣﻀﺮﻥ ﻛﻠﺸﻲ ﺍﻧﻲ ﻛﻞ ﺍﻟﻴﻜﻮﻟﻦ ﻋﻠﻴﻪ ﺍﻛﻠﻠﻬﻦ ﺍﻳﻲ ... ﺍﺑﺪ ﻣﺎﺟﺎﻧﺖ ﻋﻨﺪﻱ ﻓﺮﺣﺔ ... ﻭﺍﻧﻲ ﻣﺠﺮﺩ ﺗﻔﻜﻴﺮ ﺍﻧﻮ ﺍﺻﻴﺮ ﻭﻳﺎﻩ ﺑﻐﺮﻓﺔ ﻭﺣﺪﺓ .... ﺗﺮﻋﺐ ﺷﻴﺴﻮﻱ ﺑﻴﻪ ... ﺍﺟﺖ ﺧﺎﻟﺘﻲ ﺍﺳﺮﺍﺀ ﻋﻠﻴﻪ
ﺍﺳﺮﺍﺀ : ﻫﺎ ﺣﺒﻴﺒﺘﻲ .. ﺗﻌﺎﻟﻲ ﺷﻮﻓﻲ ﺟﺒﺘﻠﺞ ﺍﺭﻳﺪﺝ ﺍﺗﻨﺰﻋﻴﻦ ﺍﻷﺳﻮﺩ ﺑﺎﺟﺮ ﺧﻄﻮﺑﺘﺞ .. ﻣﺎﻳﺼﻠﺢ ﺑﻼﺳﻮﺩ
ﺩﻳﻤﺔ : ﺍﻧﻲ ﺑﻘﻴﺖ ﻉ ﺑﻴﺒﺘﻲ ﻻﺑﺴﺔ ﺍﺳﻮﺩ ...
ﻃﻠﻌﺖ ﺟﺎﻳﺒﺘﻠﻲ ... ﻓﺴﺘﺎﻥ ﺍﺑﻴﺾ ﻗﺼﻴﺮ ﻟﻠﺮﻛﺒﺔ ﻭﻣﻦ ﻓﻮﻙ ﺑﻴﻪ ﺧﺮﺯ .. ﻭﺍﺭﺩﺍﻧﻪ ﻭﺻﺪﺭﺓ ﺷﻔﺎﻓﻪ ﻛﻠﺶ ﺣﻠﻮﻭ .. ﺍﺣﻨﺎ ﺑﻌﺪﺍﺗﻨﺎ ﺑﻌﻘﺪ ﻧﻠﺒﺲ ﺍﺑﻴﺾ ﻋﻮﺩ ﺍﺻﻴﺮ ﺣﻴﺎﺗﻬﺎ ﻛﻠﻬﺎ ﺣﻠﻮﺓ ... ﻣﺎﻳﺪﺭﻭﻥ ﺍﻧﻲ ﺣﻴﺎﺗﻲ ﺍﺻﻼ ﺻﺎﺭﺕ ﺳﻮﺩﺓ ...
ﺭﺍﺣﻮ ﻛﻠﻬﻢ ... ﺻﻌﺪﺕ ﻟﻐﺮﻓﺘﻲ ﺧﻠﻴﺖ ﻓﺴﺘﺎﻥ ﺑﻜﻨﺘﻮﺭ ...
ﺍﺗﻤﺪﺩﺕ ﻭﺍﻧﻲ ﺍﻓﻜﺮ ... ﻣﻌﻘﻮﻟﺔ ﺭﺍﺡ ﺍﻧﺨﻄﺐ ... ﺍﺗﻤﻨﻴﺖ ﻟﻮ ﻫﺬﺍ ﺣﻠﻢ ﻭﺍﺻﺤﻰ ﻣﻦ ﻳﻤﻪ ﺍﺣﺲ ﻭﺭﻃﺖ ﺭﻭﺣﻲ ... ﻓﻜﺮﺕ ﺑﻜﻞ ﺍﻟﻨﺎﺱ ﺑﺲ ﻣﺎ ﻓﻜﺮﺕ ﺑﻨﻔﺴﻲ ﺍﺷﻠﻮﻥ ﺍﻋﻴﺶ ﻭﻱ ﻭﺍﺣﺪ ﺍﻧﻲ ﻣﺎ ﺍﺣﺒﻪ ﻭﺍﻛﺮﻫﻪ ...
ﺍﺗﻤﻨﻴﺖ ﻟﻮ ﺍﺻﻴﺮ ﻣﻌﺠﺰﺓ ﺗﻠﻐﻲ ﻛﻞ ﻫﺬﺍ ﺍﻟﺸﻲ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء