رواية طريقي نحو النار الجزء الأول
.
للكاتبة
.
ليلان حكمت
.
رواية طريقي نحو النار الجزء الأول
للكاتبة
ﻟﻴﻼﻥ ﺣﻜﻤﺖ
...
ﺣﻨﻴﻦ ﻳﻤﺰﻕ ﺻﺪﺭﻱ ﻻ ﺍﺩﺭﻱ ﻛﻴﻒ ﻫﻮ ﺍﺭﺍﻙ ﻓﻲ ﻛﻞ ﺍﻟﺤﺮﻭﻑ ﺃﺃﺣﺒﺒﺖ ﺳﺮﺍﺑﺎ ... ﺃﻡ .. ﺭﺟﻼ ﺧﺎﺭﺟﺎ ﻋﻦ ﺍﻟﻤﺄﻟﻮﻑ ..
ﻃﺮﻳﻘﻲ ﻧﺤﻮ ﺍﻟﻨﺎﺭ
.
ﻣﻦ ﻭﺍﻧﻲ ﺯﻏﻴﺮﻩ ﺍﺣﺐ ﺍﻟﺮﻗﺺ ﻭﺍﻟﻐﻨﺎﺀ ﻭﺧﺼﻮﺻﺎ ﻣﻦ
ﻳﺼﻴﺮ ﻋﺮﺱ ﺑﻤﻨﻄﻘﺘﻨﻪ ﻭﻳﻌﺰﻣﻮﻧﻪ ﺍﺭﻭﺡ ﺭﻛﺾ ﻭﻳﻪ
ﺍﻣﻲ ﺣﺘﻰ ﻟﻮ ﻣﺎﻋﺰﻣﻮﻧﻪ ﺍﺭﻭﺡ ﻭﺣﺪﻱ ﻟﻠﻌﺮﺱ
ﻳﻌﻨﻲ ﻣﺜﻞ ﻣﻴﻜﻮﻟﻮﻥ ﻋﻠﻰ ﺧﻒ ﺍﻟﻄﺒﻞ ﺧﻔﻦ ﻳﺎﺭﺟﻠﻴﻪ .
ﺍﻣﻲ ﻛﺎﻧﺖ ﻣﺘﻘﺒﻞ ﺍﺭﻭﺡ ﺍﺭﻛﺺ ﻭﺍﻏﻨﻲ ﻛﺪﺍﻡ ﺍﻟﻨﺎﺱ
ﻭﻣﻦ ﺗﺸﻮﻓﻨﻲ ﺍﺭﻳﺪ ﺍﻛﻮﻡ ﻟﻠﺮﻛﺺ ﺗﻜﺮﺻﻨﻲ ﺗﺸﻠﻊ ﺭﺟﻠﻲ ﺷﻠﻊ
ﺑﺎﻟﻜﺮﺹ ﺍﺣﺲ ﺭﻭﺣﻲ ﺗﻄﻠﻊ .. ﻟﻮ ﺗﺨﺰﺭﻧﻲ ﻟﻮ ﺗﻌﺾ ﺷﻔﺘﻬﺎ .
ﺑﺲ ﺷﺴﻮﻱ ﺍﻟﻲ ﺑﻴﻪ ﻣﺎﻳﺨﻠﻴﻨﻲ ﺣﺘﻰ ﻟﻮ ﺍﻃﻠﻊ ﺑﺎﻟﻄﺮﻣﻪ
ﻫﻢ ﺍﺧﺬﻟﻲ ﻫﺰﻩ ﺷﻮﻳﻪ ﻣﺎ ﺍﺗﺤﻤﻞ ﺍﺳﻤﻊ ﻣﻮﺳﻴﻘﻰ ﻭﻣﺎ ﺍﺭﻛﺺ
ﻣﺎﺟﻨﺖ ﻣﻨﺘﺒﻬﻪ ﻉ ﺍﻟﻨﺴﻮﺍﻥ ﻭﻫﻨﻪ ﻳﺘﺨﺎﺯﺭﻥ ﻭﻳﺒﺎﻭﻋﻦ ﻋﻠﻴﻪ
ﻟﻮ ﻭﻫﻨﻪ ﻳﻬﺰﻥ ﺑﺎﻳﺪﻳﻬﻦ ﻭﻳﻌﻴﺒﻦ ...
ﻟﻮ ﻣﻦ ﻳﻜﻮﻟﻦ ﻻﻣﻲ ﺑﺘﺞ ﺷﺒﻴﻬﺎ ﻣﺴﺘﺨﻔﻪ ﻉ ﺍﻟﺮﻛﺺ
ﺍﻛﺮﺻﻲ ﺑﺘﺞ ﺧﻠﻲ ﺗﺎﺧﺬ ﺛﻜﻞ ...
ﻣﺎﻛﻨﺖ ﺍﻧﺘﺒﻪ ﻷﻥ ﻃﻔﻠﻪ ﻭﻣﺎ ﺍﻋﺮﻑ ﺑﺲ ﻣﻦ ﻛﺒﺮﺕ ﺷﻮﻳﻪ
ﻭﺻﺎﺭ ﻋﻤﺮﻱ ﻋﺸﺮﻳﻦ ﺳﻨﻪ ﺍﻓﺘﻬﻤﺖ ﻭﻋﺮﻓﺖ ﺍﻟﻲ ﺍﺳﻮﻱ ﻋﻴﺐ
ﺑﺲ ﻣﺎ ﺍﻧﻜﺮ ﺣﺒﻲ ﻟﻠﺮﻛﺺ ...
ﺍﺑﻮﻳﻪ ﺟﺎﻥ ﻣﻮﻇﻒ ﺑﺴﻜﺔ ﺍﻟﻘﻄﺎﺭ ﻭﺍﻣﻲ ﺧﻴﺎﻃﻪ ﺑﺲ ﺷﻠﻮﻥ
ﺧﻴﺎﻃﻪ ﺗﺤﻔﻪ ﻣﻦ ﺫﻧﻲ ﺍﻟﻲ ﻳﺼﻤﻤﻦ ﻣﻮﺩﻳﻼﺕ ...
ﻭﻛﺎﻧﺖ ﺍﻟﻨﺴﻮﺍﻥ ﺗﺘﻜﺎﺗﻞ ﻋﻠﻰ ﺧﻴﺎﻃﻬﺎ ﻭﺧﺼﻮﺻﺎ ﻟﻠﻲ ﻳﺼﻤﻤﻦ ﻧﻔﺎﻧﻴﻒ ﻟﻠﻤﻨﺎﺳﺒﺎﺕ /.... ﻟﻴﻼﻥ ﺣﻜﻤﺖ /
ﻳﺤﺠﺰﻥ ﺳﺮﻩ ﻋﻠﻴﻬﺎ ... ﻣﻦ ﻳﻜﻮﻥ ﺯﺧﻢ ﺑﺎﻟﺸﻐﻞ ﺍﻧﻲ ﺍﻟﺰﻡ ﺍﻟﺒﻴﺖ
ﺗﻨﻈﻴﻒ ﻭﻃﺒﺦ ﻭﺍﻏﺴﻞ ﻣﻼﺑﺲ ﺍﺧﻮﺗﻲ ﻃﺒﻌﺎ ﺍﻧﻲ ﻛﺒﻴﺮﺗﻬﻢ
ﻭﻣﻦ ﺑﻌﺪﻱ ﺍﺭﺑﻊ ﺍﺧﻮﺍﻥ ... ﺭﺿﺎ ﻭﻫﺬﺍ ﻣﻮ ﺑﺲ ﺍﺧﻮﻳﻪ ﺻﺪﻳﻘﻲ
ﻭﺳﻤﻴﺮ ﺍﻻﻧﻌﺰﺍﻟﻲ ﻭﺍﻣﻴﺮ ﺍﻟﻮﻛﺢ ﻭﺳﻌﻮﺩﻱ ﺍﻟﻤﺪﻟﻞ ﺍﺧﺮ ﺍﻟﻌﻨﻘﻮﺩ ..
ﺟﻴﺮﺍﻧﻪ ﻛﺎﻥ ﺑﻴﺖ ﻋﻤﻲ ﻭﺣﻴﺪ ﻣﺮﺕ ﻋﻤﻲ ﻛﺎﻧﺖ ﺗﻜﺮﻫﻨﻲ ﺗﻤﻮﺕ
ﻣﻨﻲ ﻣﺎ ﺍﻋﺮﻑ ﻟﻴﺶ ...
ﺑﺲ ﻋﻤﻲ ﺟﺎﻥ ﻳﻤﻮﺕ ﻋﻠﻴﻪ ﻭﻛﻠﻤﺎ ﻳﺴﺎﻓﺮ ﻭﻳﺮﺟﻊ ﻳﺠﻴﺒﻠﻲ
ﻫﺪﺍﻳﺎ ﺍﻛﺜﺮ ﻣﻦ ﺍﺧﻮﺍﻧﻲ ﻭﺑﻨﺎﺗﻪ ﻭﻭﻟﺪﻩ ....
ﻭﻣﻴﺼﻴﺤﻠﻲ ﺑﺎﺳﻤﻲ ﺍﺯﻫﺎﺭ ... ﻳﺼﻴﺤﻠﻲ ﺯﻫﻮﺭﻩ ....
ﻭﺟﺎﻥ ﻛﻠﻤﺎ ﻳﺤﺠﻲ ﻳﻜﻠﻲ ﺍﻧﺘﻲ ﺍﻧﺘﻲ ﺟﻨﺘﻲ ﻣﺮﺕ ﺍﺑﻨﻲ
ﻣﻘﺪﺍﺩ .....
ﺟﻨﺖ ﺍﻓﺮﺡ ﺑﺪﺍﺧﻠﻲ ﻣﻦ ﻳﻜﻮﻝ ﺍﻧﺘﻲ ﺟﻨﺘﻲ ﻻﻥ ﻣﻘﺪﺍﺩ
ﻫﻮ ﺍﻟﺤﺐ ﻫﻮ ﺍﻟﻌﺸﻖ ﻫﻮ ﺍﻟﻬﻮﻯ ﺍﻟﻲ ﺍﺗﻨﻔﺴﻪ ...
ﺟﺎﻥ ﻳﺤﺒﻨﻲ ﻭﺍﺣﺒﻪ ﻭﺩﺍﺋﻤﺎ ﻳﻜﻮﻟﻲ ﺷﻮﻛﺖ ﺍﺧﻠﺺ
ﺩﺭﺍﺳﻪ ﻭﻧﺘﺰﻭﺝ ... ﻭﻣﺮﺍﺕ ﻧﻠﺘﻘﻲ ﻓﻮﻙ ﺍﻟﺴﻄﺢ ﻣﻦ ﺍﺻﻌﺪ ﺍﻏﺴﻞ
ﺍﻟﺴﻄﺢ ﻭﺍﻧﻈﻒ ﻟﻮ ﻣﻦ ﺍﻓﺮﺵ ﺍﻟﻤﻐﺮﺏ ...
ﻧﺒﻘﻰ ﻧﺴﻮﻟﻒ ﺍﻧﻲ ﻭﻳﺎﻩ ﻻ ﺳﺎﻋﻪ ﻭﻻ ﺍﺛﻨﻴﻦ ﻧﺨﻄﻂ ﻟﺰﻭﺍﺟﻨﺎ
ﻭﻷﺳﻤﺎﺀ ﺍﻭﻻﺩﻧﺎ ﻭﺣﺘﻰ ﺧﺮﻳﻄﺔ ﺑﻴﺘﻨﺎ ...
ﺑﻨﺎﺕ ﻋﻤﻲ ﻭﺣﻴﺪ ﺗﻼﺛﻪ ﺭﺟﺎﺀ ﻭﺳﻌﺎﺩ ﻭﺍﺑﺘﺴﺎﻡ ﻭﻋﻨﺪﻩ ﻭﻟﺪ ﺗﻼﺛﻪ ﻣﻘﺪﺍﺩ .. ﻭﻣﺤﻤﺪ .. ﻭﻋﻤﺎﺭ ....
ﻛﻠﻬﻢ ﻳﺤﺒﻮﻧﻲ ﻭﻋﻼﻗﺘﻲ ﺑﻴﻬﻢ ﻋﻼﻗﺔ ﺻﺪﺍﻗﻪ ﻭﺍﺧﻮﻩ ﻭﺍﺣﺘﺮﺍﻡ
ﺑﺲ ﺍﻣﻬﻢ ﺟﺎﻧﺖ ﺗﻜﺮﻫﻨﻲ ﺗﻤﻮﺕ ﻣﻨﻲ ....
ﻣﻦ ﻧﺮﻭﺡ ﻳﻤﻬﻢ ﺗﺴﻤﻤﻨﻲ ﺑﺎﻟﺤﺠﻲ ﻫﻲ ﻭﻋﻤﺘﻲ ﺧﻴﺮﻳﻪ
ﺳﻤﻬﻦ ﻳﻨﻜﻂ ﻣﺜﻞ ﺍﻟﺜﻌﺎﺑﻴﻦ ﻳﻠﺪﻏﻦ ﺑﺲ ﻣﻴﻬﻤﻨﻲ ﺍﻫﻢ ﺷﻲ
ﻛﺎﻥ ﻋﻨﺪﻱ ﻣﻘﺪﺍﺩ ... ﻣﺜﻞ ﻣﺎ ﻳﻜﻮﻟﻦ ﺍﻣﻬﺎﺗﻨﺎ ...
ﺍﺫﺍ ﺍﻟﻜﻤﺮ ﻭﻳﺎﻱ ﺷﺴﻮﻱ ﺑﺎﻟﻨﺠﻮﻡ ....
ﻣﺮﺍﺕ ﻋﻤﻲ ﻳﻌﺰﻣﻨﺎ ﺑﻴﺘﻬﻢ ﻣﻦ ﻳﺴﻮﻱ ﺛﻮﺍﺏ ﻟﻮ ﻣﻦ ﻳﺠﻲ ﻣﻦ .
ﺍﻟﺴﻔﺮ ﻭﻳﺴﻮﻥ ﻋﺸﻪ ﻟﻮ ﻏﺪﻩ ﻳﺠﻤﻌﻮﻥ ﺑﻲ ﺍﻟﻌﺎﺋﻠﻪ ...
ﻛﻨﺎ ﻧﺠﺘﻤﻊ ﻛﻠﻨﺎ
ﻉ ﺍﻟﺴﻔﺮﻩ ﺿﺤﻚ ﻭﺍﻛﻞ ﻭﺳﻮﺍﻟﻒ ﻭﺷﻘﻪ ﺑﻴﻨﺎﺗﻨﺎ ..
ﺍﻟﻜﺒﺎﺭ ﻳﺠﺘﻤﻌﻮﻥ ﺑﻮﺣﺪﻫﻢ ﻭﺍﺣﻨﻪ ﺍﻟﺸﺒﺎﺏ ﻧﺠﺘﻤﻊ ﻭﺣﺪﻧﺎ
ﻧﻀﺤﻚ ﻭﻧﺴﻮﻟﻒ ....
ﻭﻧﺴﻮﻱ ﺣﺰﻭﺭﺍﺕ ﻭﻣﺮﺍﺕ ﻧﻐﻨﻲ ﻭﻧﺮﻛﺺ ﺑﻴﻨﺎﺗﻨﺎ ....
ﻳﻌﻨﻲ ﺑﺤﻜﻢ ﺍﻟﻤﻴﺎﻧﻪ ﻭﺍﻟﻘﺮﺍﺑﻪ ....
ﺍﺫﻛﺮ ﺑﻴﻮﻡ ﻛﻨﺎ ﻣﺠﺘﻤﻌﻴﻦ ﻧﻐﻨﻲ ﻭﺍﻧﻲ ﺍﺭﻛﺺ ﺑﻴﻨﺎﺗﻨﺎ
ﺟﺎﻥ ﺗﺠﻲ ﻣﺮﺕ ﻋﻤﻲ ﻭﺗﺼﻴﺢ ﻋﻠﻴﻪ ...
= ﺍﻧﻜﺮﺻﻲ ﺑﺖ ﺍﻻﻭﺍﺩﻡ ﻟﻮ ﺩﻡ ﺍﻟﻜﺎﻭﻟﻴﺎﺕ ﻳﺠﺮﻱ ﺑﻴﺞ ..
= ﻟﻴﺶ ﻋﻤﻪ ﺍﺩﻛﻮﻟﻴﻦ ﻫﻴﺞ .. ﺍﻧﻲ ﻣﻤﺴﻮﻳﻪ ﺷﻲ ...
= ﺍﺳﻜﺘﻲ ﻭﻻ ﺗﺠﺎﺩﻟﻴﻦ ﻭﺍﺧﺬﻱ ﺛﻜﻞ ﺍﻓﺘﻬﻤﺘﻲ ...
= ﻋﻤﻪ ....
= ﻭﻣﺮﺽ ﻳﻼ ﻓﻮﺗﻲ ﺍﻛﻌﺪﻱ ﻳﻢ ﺍﻣﺞ ....
ﺍﻧﻲ ﺍﻧﻬﻀﻤﺖ ﻭﺍﺳﺘﺤﻴﺖ ﺧﺼﻮﺻﺎ ﻫﻲ ﻫﺎﻧﺘﻨﻲ ﻛﺪﺍﻡ ﺑﻨﺎﺗﻬﺎ
ﻭﻭﻟﺪﻫﺎ ﻭﻣﻘﺪﺍﺩ ﻭﻻ ﺟﺎﻭﺑﻬﺎ ﻭﻻ ﺭﺩ ﻋﻠﻴﻬﺎ ﻭﻻ ﺣﺘﻰ ﺑﻨﺎﺗﻬﺎ ..
ﺍﻧﻬﻀﻤﺖ ﺣﻴﻞ ﻭﺻﺎﺭﺕ ﺩﻣﻌﺘﻲ ﺑﻌﻴﻨﻲ ﻭﺭﺣﺖ ﻛﻌﺪﺕ ﻳﻢ
ﺍﻣﻲ ﻣﻦ ﺭﺟﻌﻨﺎ ﻭﺻﻴﺖ ﺍﺧﻮﺗﻲ ﻣﻴﺴﻮﻟﻔﻮﻥ ﻻﻣﻲ ﻭﺍﺑﻮﻳﻪ
ﻻﻥ ﻣﺎ ﺍﺭﻳﺪ ﺍﺧﻠﻖ ﻣﺸﺎﻛﻞ ﺑﻴﻨﻬﻢ ﻭﺑﻴﻦ ﺑﻴﺖ ﻋﻤﻲ ...
ﺑﺲ ﺣﻠﻔﺖ ﻛﻠﻤﺎ ﻳﻌﺰﻣﻮﻧﻪ ﺑﻌﺪ ﻣﺎ ﺍﺭﻭﺡ ﻭﻻ ﺍﺩﺧﻞ ﺑﻴﺘﻬﻢ
ﻻﻥ ﻣﺎ ﺍﺭﻳﺪ ﺍﻧﻬﺎﻥ ﻭﺍﻧﺠﺮﺡ ﻣﻮ ﺣﻠﻮﻩ ﺑﺤﻘﻲ ﺍﻧﻲ ﺟﺒﻴﺮﻩ
ﻭﻓﻌﻼ ﻛﻠﻤﺎ ﻳﻌﺰﻣﻮﻧﻪ ( ﻟﻴﻼﻥ ﺣﻜﻤﺖ ) ﺍﺧﻠﻖ ﻋﺬﺭ ﻭﻣﺎ ﺍﺭﻭﺡ ...
ﺍﺑﻘﻰ ﺑﺎﻟﺒﻴﺖ ﻟﺤﺪ ﻣﺎ ﻳﺮﺟﻌﻮﻥ ﺍﻫﻠﻲ ﺣﺘﻰ ﻣﻘﺪﺍﺩ ﺑﻌﺪ
ﻣﺎ ﺍﺻﻌﺪ ﻓﻮﻙ ﻭﺍﺳﻮﻟﻒ ﻭﻳﺎﻩ ﻻﻥ ﻣﺎ ﺭﺩ ﻋﻠﻰ ﺍﻣﻪ ﻻﻥ ﻫﻮ ﺍﻟﺠﺒﻴﺮ
ﻭﺣﺒﻴﺒﻲ ﺑﻨﻔﺲ ﺍﻟﻮﻗﺖ ....
ﻣﺎ ﺍﻧﻜﺮ ﺍﺷﺘﺎﻗﻠﻪ ﻭﺍﺗﻤﻨﻰ ﺍﺷﻮﻓﻪ ﺑﺲ ﻣﻮ ﻋﻠﻰ ﺣﺴﺎﺏ ﻛﺮﺍﻣﺘﻲ
ﻭﻧﻔﺴﻲ ....
ﺻﺮﺕ ﺍﻟﻬﻲ ﻧﻔﺴﻲ ﺑﺎﻟﺨﻴﺎﻁ ﻭﻳﻪ ﺍﻣﻲ ﻭﻣﺮﺍﺕ ﺑﺘﻄﺮﻳﺰ ﺍﻟﻜﻮﺷﺎﺕ
ﻭﻣﺮﺍﺕ ﺑﺎﻟﺤﻴﺎﻛﻪ ....
ﻭﻣﺮﻩ ﻭﺍﻧﻲ ﺍﻃﺮﺯ ﺩﺧﻠﺖ ﺍﻻﺑﺮﻩ ﺑﺎﺻﺒﻌﻲ ﺻﺤﺖ ﺍﺥ ﺍﻣﻲ ﺍﻧﺘﺒﻬﺖ
ﺟﺎﻥ ﺗﺼﻴﺢ ...
= ﺷﺠﺎﺝ ﻳﺎﻳﻤﻪ ﺟﺮﺣﺘﻲ ﺍﺻﺒﻌﺞ ..
= ﻳﻤﻪ ﻭﺍﻟﻠﻪ ﺩﺍﻳﺨﻪ ﻭﻣﺎ ﺍﺩﺭﻱ ﺑﻨﻔﺴﻲ ..
= ﺣﻘﺞ ﻳﻤﻪ ﺍﻟﺤﺐ ﻳﺪﻭﺥ ﻭﻣﻘﺪﺍﺩ ﻣﺎﺧﺬ ﻛﻞ ﻋﻘﻠﺞ ﻭﻣﺪﻭﺧﺞ ..
= ﻻ ﻳﻤﻪ ﻳﺎ ﻣﻘﺪﺍﺩ ﺍﺻﻼ ﻛﺮﻫﺘﻪ ..
= ﻳﺎﺍﺍ ﻭﻟﺞ ﻟﻴﺶ ... ﺷﺒﻴﻜﻢ ﺑﺲ ﻻ ﺗﺨﺎﺭﺑﺘﻮﺍ ... ﺍﺣﺠﻴﻠﻲ .. ﺷﺼﺎﻳﺮ ..
= ﻣﻦ ﻭﺭﻩ ﺍﻣﻪ ﻏﻴﺮ ﻛﻠﻤﺎ ﺗﺸﻮﻓﻨﻲ ﺗﺴﻤﻤﻨﻲ ﺑﺎﻟﺤﺠﻲ ﺗﻜﺮﻫﻨﻲ ﻛﺮﻩ ﺍﻟﻤﻮﺕ ﻣﺎﺗﺤﺒﻨﻲ ...
= ﺍﻱ ...
= ﻗﺒﻞ ﻣﺪﻩ ﻣﻦ ﺭﺣﻨﺎ ﻧﺘﻐﺪﻩ ﻳﻤﻬﻢ ﻛﻌﺪﻧﺎ ﻧﺴﻮﻟﻒ ﻭﻧﻀﺤﻚ
ﻣﺤﻤﺪ ﻳﻐﻨﻲ ﻭﺍﻟﺒﻨﺎﺕ ﻳﺼﻔﻜﻦ ﻭﺍﻧﻲ ﺭﻛﺼﺖ ﺟﺎﻥ ﺗﺼﻴﺢ ﺑﻴﻪ
ﺍﻧﻜﺮﺻﻲ ﻭﺍﻛﻌﺪﻱ ﻟﻮ ﻣﺘﻜﺪﺭﻳﻦ ﻟﺮﻭﺣﺞ ﺩﻡ ﺍﻟﻜﺎﻭﻟﻴﻪ ﻳﺠﺮﻱ ﺑﻴﺞ ..
= ﻳﺎﺍﺍﺍ ﻋﺰﻩ ﺍﻟﻌﺰﺍﻧﻲ ﻭﻟﻴﺶ ﺳﺎﻛﺘﻪ ﻣﺎﺣﺠﻴﺘﻲ ﺍﻟﻲ ﻟﺒﻮﺝ ..
= ﻳﻤﻪ ﻣﺎ ﺭﺩﺕ ﺍﺳﻮﻱ ﻣﺸﺎﻛﻞ ﺑﻴﻦ ﺍﺑﻮﻳﻪ ﻭﻋﻤﻲ ...
= ﺑﺴﻴﻄﻪ ﺍﻧﻲ ﺍﻋﻠﻤﺞ ﺑﺪﺭﻳﻪ ﺍﺻﺒﺮﻱ ..
ﺻﺤﺖ ﺑﺄﻣﻲ ﺣﺎﻭﻟﺖ ﺍﻫﺪﺃﻫﺎ ﻣﺎ ﻛﺪﺭﺕ ﺍﻣﻲ ﻋﺼﺒﺖ ﻭﺻﺎﺭﺕ ﻧﺎﺭ
ﻟﺤﺪ ﻣﺎ ﺍﺟﻪ ﺍﺑﻮﻳﻪ ﻭﺳﻮﻟﻔﺘﻠﻪ .. ﻟﻴﻼﻥ ﺣﻜﻤﺖ ..... ﺍﺑﻮﻳﻪ ﻛﻠﻠﻬﺎ ﺑﺴﻴﻄﻪ
ﺍﻧﻲ ﺍﺗﺼﺮﻑ ﻭﻳﺎﻫﺎ .....
ﺛﺎﻧﻲ ﻳﻮﻡ ﺍﻟﻈﻬﺮ ﺳﻤﻌﻨﺎ ﺻﻮﺕ ﺻﻴﺎﺡ ﻭﻋﻴﺎﻁ ﺑﻴﺖ ﻋﻤﻲ ﺻﻌﺪﻧﺎ ﻛﻠﻨﺎ ﻓﻮﻙ ... ﺷﻔﺖ ﺳﻌﺎﺩ ﺗﺒﺠﻲ ﺳﺄﻟﻨﺎﻫﺎ ﺷﻜﻮ ﺷﺼﺎﻳﺮ
ﻛﺎﻟﺖ ﻣﺎ ﺍﺩﺭﻱ ﺷﺼﺎﻳﺮ ﺑﻴﻦ ﺍﺑﻮﻳﻪ ﻭﺍﻣﻲ ﺍﺟﻪ ﻣﻦ ﺍﻟﺪﻭﺍﻡ ﻋﻴﻮﻧﻪ ﺑﻜﺼﺘﻪ ﻭﺻﺎﻳﺮ ﻧﺎﺭ ﻭﺻﺎﺡ ﻻﻣﻲ ﻟﻠﻐﺮﻓﻪ ﺣﺠﺎﻳﻪ ﻣﻨﻪ ﻭﺣﺠﺎﻳﻪ ﻣﻨﻬﺎ .... ﺷﺒﺖ ﻋﺮﻛﻪ ﺑﻴﻨﺎﺗﻬﻢ ...
ﺍﺑﻮﻳﻪ ﺻﺎﺡ ﻋﻠﻴﻨﺎ ﻧﻨﺰﻝ ﻟﺠﻮﻩ ﻣﻘﺒﻞ ﻧﺼﻨﺖ ﻋﻠﻴﻬﻢ ... ﻭﻻ ﻗﺒﻞ ﺍﺣﺪ ﻳﺤﺠﻲ ﺑﺎﻟﻤﻮﺿﻮﻉ ....
ﻧﺰﻟﻨﺎ ﻣﻦ ﺍﻟﺴﻄﺢ ﻛﻠﻨﺎ ﻭﺍﺣﻨﻪ ﺳﺎﻛﺘﻴﻦ ﻻﻥ ﺍﺑﻮﻳﻪ ﺟﺎﻥ ﻋﺼﺒﻲ
ﻭﻣﺘﻬﺴﺘﺮ ﻣﻨﻌﺮﻑ ﻟﻴﺶ ....
ﺭﺿﺎ ﺳﻮﻟﻔﻠﻲ ﺳﺎﻣﻊ ﺍﻣﻲ ﻭﺍﺑﻮﻳﻪ ﻳﺴﻮﻟﻔﻮﻥ ﺍﺑﻮﻳﻪ ﻳﻜﻮﻝ ﻻﻣﻲ
ﻫﺎﻱ ﻣﺠﻮﺯ ﻣﻦ ﺳﻮﺍﻟﻔﻬﺎ ﺍﻻ ﺗﺴﻮﻳﻠﻨﻪ ﻣﺼﻴﺒﻪ ﺗﺴﺒﻲ ﺍﻟﺒﻴﺖ
ﻭﻃﺸﺮﻧﻪ ... ﻭﺍﻣﻲ ﻣﺠﺎﻭﺑﺘﻪ ﻛﻠﻪ ﺻﻮﺟﻚ ﺍﻧﺖ ﺍﻟﻲ ﺭﺣﺖ ﺳﻮﻟﻔﺖ
ﺍﻟﺴﺎﻟﻔﻪ ﺑﻜﻞ ﺗﻔﺎﺻﻴﻠﻬﺎ .... ﻭﺧﻠﻴﺖ ﻫﺎﻟﻌﺎﻳﻘﻪ ﺗﺴﻮﻟﻒ ﺑﻴﻬﺎ
.
ﺍﺳﺘﻤﺮﺕ ﺍﻟﻘﻄﻴﻌﻪ ﺑﻴﻨﺎ ﻭﺑﻴﺖ ﻋﻤﻲ ﻭﺣﻴﺪ ﺳﻨﺘﻴﻦ
ﻻ ﻫﻤﻪ ﻳﺠﻮﻥ ﻭﻻ ﺍﺣﻨﻪ ﻧﺮﻭﺡ ﻭﻻ ﺳﻼﻡ ﻭﻻ ﻛﻼﻡ
ﻭﻣﺮﺍﺕ ﻣﻦ ﺍﺳﻤﻊ ﺻﻮﺕ ﻣﻘﺪﺍﺩ ﺍﺗﻤﻨﻰ ﺍﺭﻭﺡ ﺍﺳﻠﻢ ﻋﻠﻴﻪ
ﻣﻦ ﻓﻮﻙ ﺍﻟﺴﻄﺢ .... ﻭﻧﺴﻮﻟﻒ ﺷﻮﻳﻪ ﻻﻥ ﺍﻧﻲ ﻣﺮﺍﺕ ﺍﺷﺘﺎﻗﻠﻪ
ﻭﻛﻠﺒﻲ ﻳﺮﻓﺮﻑ ﻋﻠﻴﻪ ﺑﺲ ﺍﻟﻤﺸﻜﻠﻪ ﻛﻠﺒﻲ ﻣﺎﺭﺍﺿﻲ ﻋﻠﻴﻪ
ﻻﻥ ﻣﺎ ﺩﺍﻓﻌﻠﻲ ﻛﺪﺍﻡ ﺍﻣﻪ ....
ﻭﻣﻴﺼﻴﺮ ﺍﺣﺠﻲ ﻭﻳﺎﻩ ﻭﺍﻻﻫﻞ ﻣﺘﺨﺎﺻﻤﻴﻦ ...
ﺑﺲ ﻣﺮﻩ ﺍﻧﻲ ﻓﻮﻙ ﺍﻓﺮﺵ ﺳﻤﻌﺘﻪ ﻳﺼﻴﺤﻠﻲ
ﺩﺭﺕ ﻭﺟﻬﻲ ﻭﺭﺩﺕ ﺍﻧﺰﻝ ...
ﺳﻤﻌﺘﻪ ﻳﺤﻠﻔﻨﻲ ﺑﻤﻌﺰﺓ ﺍﺑﻮﻳﻪ ﻣﺎ ﺍﻧﺰﻝ ﻭﺍﺑﻘﻰ ...
ﻣﺎ ﺍﻧﻜﺮ ﺷﻜﺪ ﺟﻨﺖ ﻣﺘﻠﻬﻔﻪ ﺑﺲ ﻣﻊ ﺫﻟﻚ ﺿﺒﻄﺖ ﺍﻋﺼﺎﺑﻲ ﻭﺗﺤﻤﻠﺖ ﻋﻠﻰ ﺭﻭﺣﻲ ...
ﺭﺣﺖ ﻭﺑﺎﻭﻋﺖ ﻋﻠﻴﻪ ... ﺳﻠﻢ ﻋﻠﻴﻪ ...
= ﺷﻠﻮﻧﺞ ﺣﺒﻴﺒﺘﻲ ...
= ﺯﻳﻨﻪ
= ﻫﻴﺞ ﺍﺩﻛﻮﻟﻴﻬﺎ ﻣﻦ ﻭﺭﻩ ﺧﺸﻤﺞ ...
= ﻟﻌﺪ ﺷﻠﻮﻥ ﺍﻛﻮﻟﻬﺎ ...
= ﺍﺩﻛﻮﻟﻴﻦ ﻫﻠﻮ ﺣﺒﻴﺒﻲ ﺷﻠﻮﻧﻚ ﻣﺸﺘﺎﻗﺘﻠﻚ ... ﻫﻴﺞ ﺷﻲ ﺗﺤﺠﻴﻨﻪ ﻣﺜﻞ ﺍﻻﻭﺍﺩﻡ ...
= ﺷﻠﻮﻧﻚ ﺍﻧﺖ ﺑﺎﻟﻠﻪ ﻋﻴﺪﻫﺎ ﻻﻥ ﺍﺫﺍﻧﺎﺗﻲ ﻣﺴﺪﻭﺩﻩ ﻭﻣﺎ ﺳﻤﻌﺘﻬﺎ ﺯﻳﻦ ..
= ﻫﺎﻱ ﺷﺒﻴﺞ ﻋﺼﺒﻴﻪ ﻫﺎﺍﺍ ... ﻟﺞ ﺍﻧﺘﻲ ﻣﺎ ﻣﺸﺘﺎﻗﺘﻠﻲ ..
= ﺟﺮﻳﺖ ﺍﻳﺪﻱ ﻭﺧﺮﺗﻬﺎ ﻋﻨﻪ ﻻ ﻣﺸﺘﺎﻗﻪ ﻭﻻ ﺻﺨﺎﻡ ....
= ﺷﺒﻴﺞ ﺯﻫﻮﺭﻩ ﻭﺍﻟﻠﻪ ﻣﻴﺖ ﻋﻠﻴﺞ ﺷﻮ ﻣﺘﻐﻴﺮﻩ ....
= ﺷﻨﻮ ﺣﻀﺮﺗﻚ ﻣﺘﺪﺭﻱ ﻟﻮ ﺗﺤﺐ ﺍﺫﻛﺮﻙ ﺍﻣﻚ ﺷﺴﻮﺕ ﺑﻴﻪ ..
= ﻳﺎﻋﻴﻨﻲ ﻳﺎﻋﻤﺮﻱ ﺗﺪﺭﻳﻦ ﺑﻴﻬﺎ ﺷﻮﻳﻪ ﻋﺼﺒﻴﻪ ﻭﺗﺤﺐ ﻛﻮﻟﺸﻲ ﺑﻨﻈﺎﻡ ....
= ﻟﻴﺶ ﻋﻴﻨﻲ ﻻﺯﻡ ﺗﺨﻠﺨﻞ ﻧﻈﺎﻡ ﺑﻴﺘﻜﻢ ﺑﺴﺒﺒﻲ .. ﺍﻧﺖ ﺣﺘﻰ ﻣﺎ ﺍﻋﺘﺬﺭﺕ ... ﻫﺎﻱ ﺑﻌﺪﻧﺎ ﻻ ﻣﺘﺰﻭﺟﻴﻦ ﻭﻻ ﺍﺑﺪ ﻭﻫﻴﺞ ﻻﺗﺤﻞ
ﻭﻻ ﺗﺮﺑﻂ ﺍﺫﺍ ﺗﺰﻭﺟﻨﺎ ﺷﻠﻮﻥ ...
= ﻭﺩﺍﻋﺘﺞ ﺍﻧﺘﻲ ﺑﺲ ﺻﻴﺮﻱ ﺑﺤﻈﻨﻲ ﻭﻛﻮﻟﺸﻲ ﻳﻬﻮﻥ ﻟﻌﻴﻮﻧﺞ ..
= ﺍﻛﻠﻨﻲ ﺑﺎﻟﺴﺎﻧﻚ ﻭﻋﻴﺸﻨﻲ ﺍﻟﺤﺐ ﻭﺍﻟﻐﺮﺍﻡ ...
= ﻭﻫﻮ ﺍﻟﺤﺐ ﻳﻠﻮﻙ ﺍﻟﻤﻦ ﺍﺫﺍ ﻣﻮ ﺍﻟﺞ ...
= ﻟﻮ ﺗﺤﺒﻨﻲ ﻣﻮ ﺳﻨﺘﻴﻦ ﻻﺗﺠﻲ ﻭﻻ ﺗﺴﺎﻝ ﻭﻻ ﺗﺴﻠﻢ ﻭﻻ ﺣﺘﻰ ﺭﺳﺎﻟﻪ ... ﻭﺍﺣﻨﻪ ﺍﻟﺤﺎﻳﻂ ﻉ ﺍﻟﺤﺎﻳﻂ ﻟﻮ ﺑﻐﻴﺮ ﻣﺤﺎﻓﻈﻪ ﺷﺴﻮﻳﺖ ﺑﻴﻪ ...
= ﺣﺒﻴﺒﺘﻲ ﺯﻫﺮﺓ ﻋﻤﺮﻱ ﺗﺪﺭﻳﻦ ﺍﻧﻲ ﻣﺎ ﺍﺭﻳﺪ ﺍﺳﻮﻱ ﻣﺸﺎﻛﻞ ﻭﻳﻪ ﺍﻣﻲ ﻻﻥ ﻫﻲ ﻋﺼﺒﻴﻪ ﻭﻣﺎ ﺍﻋﺮﻑ ﻟﻴﺶ ﺩﺍﺋﻤﺎ ﺗﺤﺠﻲ ﻋﻠﻴﺞ
ﻭﻣﺘﺮﻳﺪﺝ ...
= ﺍﺳﺄﻟﻬﺎ ﻟﻴﺶ ﺗﻜﺮﻫﻨﻲ ... ﻟﻴﻼﻥ ﺣﻜﻤﺖ ... ﻣﻘﺪﺍﺩ ﺍﺣﻨﻪ ﺑﺪﻭﻥ ﺯﻭﺍﺝ ﺍﻣﻚ ﺗﻜﺮﻫﻨﻲ ﺍﺫﺍ ﺗﺰﻭﺟﻨﺎ ﺷﻠﻮﻥ ﺷﻴﺼﻴﺮ ﺑﻴﻪ ....
= ﻛﻮﻟﺸﻲ ﻭﺍﻟﻪ ﺣﻞ ﻟﺘﺨﺎﻓﻴﻦ ﺧﻠﻲ ﻧﺰﻭﺝ ﻭﺍﻧﻲ ﺍﺳﻮﻱ ﺍﻟﻤﺴﺘﺤﻴﻞ ﻋﻠﻤﻮﺩﺝ ...
ﺍﻭﻭﻭﻑ ﺑﻘﻴﺖ ﺳﺎﻋﻪ ﺍﺳﻮﻟﻒ ﻭﻳﺎﻩ ﻭﺍﺿﺤﻚ ﻭﻧﺘﺸﺎﻗﻪ
ﻭﻳﻮﻡ ﺑﻌﺪ ﻳﻮﻡ ﺑﻘﻴﺖ ﺍﻟﺘﻘﻲ ﺑﻲ ﻉ ﺍﻟﺴﻄﺢ ﻭﻣﺮﺍﺕ ﻣﻦ ﻳﺼﻌﺪﻭﻥ ﺍﻫﻠﻲ ﻳﻨﺎﻣﻮﻥ ﺍﺳﻤﻌﻪ ﻳﺼﻴﺢ ﻋﻠﻰ ﺍﺧﺘﻪ ﺳﻌﺎﺩ
ﻧﺎﻣﻲ ﺯﻳﻦ ﻭﺗﻐﻄﻲ ﺯﻳﻦ ﺧﺼﻮﺻﺎ ﺍﻟﻔﺠﺮ ﺗﺮﻩ ﺑﺎﺭﺩﻩ ﻋﻠﻴﺞ ...
ﺭﺟﻠﻴﺞ ﻣﻜﺸﻔﻪ ﻛﺪﺍﻣﻨﺎ ....
ﺍﻧﻲ ﺿﺤﻜﺖ ﻭﻋﺮﻓﺖ ﻫﻮ ﻳﺮﺍﻗﺐ ﻣﻦ ﺍﻟﺤﺎﻳﻂ ﺍﻟﻔﺠﺮ
ﻭﻳﺒﺎﻭﻉ ﻋﻠﻴﻨﺎ ﻭﺍﺣﻨﻪ ﻧﺎﻳﻤﻴﻦ ....
ﺑﻘﻴﺖ ﻛﻞ ﻳﻮﻡ ﺍﺳﻮﻟﻒ ﻭﻳﺎﻩ ﺑﻌﻠﻢ ﺍﻣﻲ ﻭﺍﺑﻮﻳﻪ ﻻﻥ ﻛﻠﺘﻠﻬﻢ
ﻫﻮ ﺍﺟﻪ ﻭﺳﻠﻢ ﻋﻠﻴﻪ ﻭﺍﻋﺘﺬﺭ ﻋﻦ ﺗﺼﺮﻓﺎﺕ ﺍﻣﻪ ...
ﺍﻫﻠﻲ ﻓﻘﺮﻩ ﻭﻣﻴﺤﻘﺪﻭﻥ ﻣﺎ ﺍﻋﺘﺮﺿﻮﺍ ﻋﻠﻰ ﻋﻼﻗﺘﻲ ﺍﻧﻲ
ﻭﻣﻘﺪﺍﺩ ....
ﺍﺑﻮﻳﻪ ﻛﻞ ﻫﻤﻪ ﻣﺎﻳﺨﺴﺮ ﺍﺧﻮﻩ ﻻﻥ ﻣﺘﻌﻠﻖ ﺑﻲ ﻭﺍﺑﻮﻳﻪ ﺍﻟﻜﺒﻴﺮ
ﻭﻳﺤﺐ ﺍﻫﻠﻪ ﻳﺤﺲ ﻧﻔﺴﻪ ﺍﺑﻮﻫﻢ ....
ﺍﺟﻪ ﺷﻬﺮ ﺍﻟﺨﻴﺮ ﻭﺍﻟﺒﺮﻛﻪ ﺷﻬﺮ ﺭﻣﻀﺎﻥ ﺍﺑﻮﻳﻪ ﺑﻠﻎ ﺍﻣﻲ
ﻳﺮﻭﺡ ﻟﺒﻴﺖ ﻋﻤﻲ ﺣﺘﻰ ﻳﻜﺴﺮ ﺍﻟﻘﻄﻴﻌﻪ ﻭﻳﺘﺼﺎﻟﺢ ﻫﻮ ﻭﺍﺧﻮﻩ
ﻭﺣﺘﻰ ﻳﺘﻔﻘﻮﻥ ﻋﻠﻰ ﺯﻭﺍﺟﻨﺎ ﺍﻧﻲ ﻭﻣﻘﺪﺍﺩ ... ....
ﺍﻣﻲ ﻣﺎ ﺍﻋﺘﺮﺿﺖ ﻭﻻ ﻧﺎﻗﺸﺖ ﻭﻛﻠﺘﻠﻪ ﺍﻟﻲ ﺑﻲ ﺻﺎﻟﺢ ﺳﻮﻱ
ﻛﻠﻠﻬﺎ ﺍﻭﻝ ﻳﻮﻡ ﺍﻟﻌﻴﺪ ﺳﻮﻱ ﻏﺪﻩ ﻭﻧﻌﺰﻣﻬﻢ ﻭﻧﻌﺰﻡ ﺭﺟﺎﺀ ﻭﻳﺎﻫﻢ
ﺍﻣﻲ ﺟﺎﻭﺑﺘﻪ ﺻﺎﺭ ﺗﺪﻟﻞ ﻣﻦ ﻋﻴﻮﻧﻲ ...
ﺻﺎﺭ ﺍﻟﻌﻴﺪ ﻭﻋﺰﻣﻨﺎ ﺑﻴﺖ ﻋﻤﻲ ﻭﺍﻧﻲ ﻟﺒﺴﺖ ﻧﻔﻨﻮﻑ ﻳﺨﺒﻞ
ﺑﺎﻟﻌﻴﺪ ﺧﻴﻄﺘﻪ ﺍﻣﻲ ﺍﻟﻲ ﻣﻔﺼﻞ ﻋﻠﻰ ﺟﺴﻤﻲ ...
ﻭﺳﻮﻳﺖ ﺗﺴﺮﻳﺤﺔ ﺍﻟﻔﻴﻮﻧﻜﻪ ﺟﻌﺪﺕ ﻛﻞ ﺷﻌﺮﻱ ﻭﺧﻠﻴﺖ ﻣﻜﻴﺎﺝ
ﻭﻋﻄﺮ ﻭﻟﺒﺴﺖ ﻛﻼﺩﻩ ﺧﻨﺎﻛﻲ ﻋﻠﻰ ﻛﺪ ﺭﻛﺒﺘﻲ ﻭﺑﻴﻬﺎ ﺧﺮﺯﻩ ﺯﺭﻛﻪ ..
ﻛﻤﻠﻨﺎ ﺍﻟﻐﺪﻩ ﻭﺍﺟﻮ ﺑﻴﺖ ﻋﻤﻲ ﻭﻋﻤﺘﻲ ﺭﺣﺒﻨﺎ ﺑﻴﻬﻢ ﺍﻧﻲ ﻭﺍﻣﻲ
ﺑﻨﺎﺕ ﻋﻤﻲ ﻣﻦ ﺷﺎﻓﻦ ﻧﻔﻨﻮﻓﻲ ﺗﺨﺒﻠﻦ ﻭﺗﻌﺠﺒﻦ ﺑﺸﻜﻠﻲ ﻭﺟﻤﺎﻟﻲ
ﻭﻋﻄﺮﻱ ( ﻟﻴﻼﻥ ﺣﻜﻤﺖ ) ... ﺑﺲ ﻣﺮﺕ ﻋﻤﻲ ﺍﻟﻠﻪ ﻻ ﻳﻮﻓﻘﻬﺎ ﺳﻤﻤﺘﻨﻲ ﺑﺤﺠﻴﻬﺎ
ﺷﻌﻨﺪﺝ ﻻﺑﺴﻪ ﺧﺮﺯﻩ ﺯﺭﻛﻪ ﻗﺎﺑﻞ ﻧﺤﺴﺪﺝ ﻟﻮ ﻗﺤﻂ ﺑﻨﺎﺕ
ﻋﻤﺘﻲ ﺿﺤﻜﺖ ﺑﺼﻮﺕ ﻋﺎﻟﻲ ﺍﺑﻮﻳﻪ ﺻﺎﺡ ﺑﻴﻬﺎ ﺭﺟﺎﺀ ﻭﻻ ﻧﻔﺲ
ﻫﻲ ﺳﻜﺘﺖ ﺧﻠﻴﻨﺎ ﺍﻟﻐﺪﻩ ﻭﺗﺠﻤﻌﻨﺎ ﻛﻠﻨﺎ ﻭﺍﻧﻲ ﻛﻌﺪﺕ ﻳﻢ ﻣﻘﺪﺍﺩ
ﺟﺎﻥ ﻳﻜﻮﻝ ﺻﺎﻳﺮﻩ ﺣﻠﻮﻩ ﻛﻞ ﻫﺬﺍ ﺍﻟﺠﻤﺎﻝ ﺍﻟﻲ ﺷﻮﻛﺖ ﻳﺼﻴﺮ ﺑﺤﻀﻨﻲ ....
ﺍﻧﻲ ﺿﺤﻜﺖ .. ﻋﻤﺘﻲ ﺍﻧﺘﺒﻬﺖ ﺻﺎﺣﺖ ﺿﺤﻜﻮﻧﻪ ﻭﻳﺎﻛﻢ ...
ﻣﻘﺪﺍﺩ ﻛﻠﻠﻬﺎ ﻣﺎﻛﻮ ﺷﻲ ...
ﻛﻤﻠﻨﺎ ﻏﺪﺍﻧﻪ ﺍﺑﻮﻳﻪ ﺍﺧﺬ ﻋﻤﻲ ﻭﺭﺍﺡ ﻟﻠﻐﺮﻓﻪ ﺍﻟﺜﺎﻧﻴﻪ ﻛﻌﺪﻭﺍ ﺑﻴﻬﺎ
ﻭﺳﺪﻭﺍ ﺍﻟﺒﺎﺏ ﻋﻠﻴﻬﻢ ...
ﻭﺍﺣﻨﻪ ﺍﻟﺸﺒﺎﺏ ﻛﻌﺪﻧﺎ ﺑﻮﺣﺪﻧﺎ ﻭﺍﻣﻲ ﻭﻋﻤﺘﻲ ﻭﻣﺮﺕ ﻋﻤﻲ ﻛﻌﺪﻥ ﻳﺴﻮﻟﻔﻦ ... ﻭﺑﺸﺮﺑﻦ ﺟﺎﻱ ....
ﻓﺠﺎﻩ ﻃﻠﻌﻮﺍ ﺍﺑﻮﻳﻪ ﻭﻋﻤﻲ .... ﻳﻀﺤﻜﻮﻥ ﻭﺻﺎﺣﻮﺍ ﻋﻠﻴﻨﺎ ﻛﻠﻨﺎ
ﺟﻤﻌﻮﻧﺎ ﺑﻐﺮﻓﻪ ﻭﺣﺪﻩ ...
ﻋﻤﻲ ... ﻛﺎﻝ ... ﻣﻦ ﺭﺧﺼﺔ ﺍﺑﻮ ﺭﺿﺎ ﺍﻧﻲ ﺭﺍﺡ ﺍﺳﻮﻟﻒ ﺑﻤﻜﺎﻧﻪ ..
ﺻﺎﺡ ﻋﻠﻴﻪ ﻭﻋﻠﻰ ﻣﻘﺪﺍﺩ ...
ﻛﻌﺪﻧﻪ ﻛﺒﺎﻟﻪ ﺍﺟﺘﻲ ﺍﻣﻲ ﻗﺪﻣﺖ ﺟﺎﻱ ﻟﻠﻜﻞ ﻛﻠﻠﻬﺎ ﺍﻛﻌﺪﻱ ﺍﻡ ﺭﺿﺎ ...
= ﺍﻧﺘﻢ ﻛﻠﻜﻢ ﺗﺪﺭﻭﻥ ﻣﻦ ﺍﻟﺰﻏﺮ ﻣﻘﺪﺍﺩ ﻭﺍﺯﻫﺎﺭ ﻣﺨﻄﻮﺑﻴﻦ ﻟﺒﻌﻈﻬﻢ
ﻭﻫﻤﻪ ﻭﺍﺣﺪ ﻳﺤﺐ ﺍﻟﺜﺎﻧﻲ ﻭﺍﻧﻲ ﻭﺍﺑﻮ ﺭﺿﺎ ﺣﺪﺩﻧﺎ ﻣﻮﻋﺪ ﺯﻭﺍﺟﻬﻢ
ﺑﻌﻴﺪ ﺍﻻﺿﺤﻰ ﺍﻟﻤﺒﺎﺭﻙ ﺍﻥ ﺷﺎﺀ ﺍﻟﻠﻪ ...
ﻣﺮﺕ ﻋﻤﻲ ﺷﺮﻛﺖ ﺑﺎﻟﺠﺎﻱ ﻭﻓﺘﺤﺖ ﻋﻴﻮﻧﻬﺎ ﻋﻠﻰ ﻛﺒﺮﻫﻢ
ﻭﺍﻣﻲ ﻫﻠﻬﻠﺖ ﻭﺑﻨﺎﺕ ﻋﻤﻲ ﻭﺍﺧﻮﺍﻧﻲ ﺧﺒﺼﻮﻧﻪ ﺑﺎﻟﻬﻼﻫﻞ ﻭﺍﻟﻀﺤﻚ ﺍﻧﻲ ﻣﻦ ﺍﻟﺨﺠﻞ ﺭﻛﻀﺖ ﻟﻠﻐﺮﻓﻪ ﺧﺘﻠﺖ
ﺿﺤﻜﻮﺍ ﻋﻠﻴﻪ ... ﺑﺲ ﻛﻨﺖ ﻃﺎﻳﺮﻩ ﻣﻦ ﺍﻟﻔﺮﺣﻪ ..
ﻣﻦ ﺍﻟﺨﺠﻞ ﻣﺎ ﻃﻠﻌﺖ ﻣﻦ ﻏﺮﻓﺘﻲ ﻟﺤﺪ ﺍﻟﻌﺼﺮ ﻣﻦ ﺻﺎﺣﻨﻲ ﺍﺑﻮﻳﻪ ﺍﺳﻮﻳﻠﻪ ﺟﺎﻱ ...
ﻛﻨﺖ ﻣﺴﺘﺤﻴﻪ ﺣﻴﻞ ﻛﺪﺍﻡ ﺍﺑﻮﻳﻪ ﺳﻮﻳﺘﻠﻪ ﺍﻟﺠﺎﻱ
ﻭﻗﺪﻣﺘﻪ ﻛﺪﺍﻣﻪ ﻭﺍﻧﻲ ﻣﺪﻧﻜﻪ ....
ﺭﺩﺕ ﺍﺭﻭﺡ ﺻﺎﺡ ﺗﻌﺎﻱ ﺑﺎﺑﺎ ﺍﺭﻳﺪ ﺍﺳﻮﻟﻒ ﻭﻳﺎﺝ ...
= ﺷﻮﻓﻲ ﺑﺎﺑﺎ ﺍﻧﺘﻲ ﺑﻌﺪ ﺗﻠﺚ ﺷﻬﻮﺭ ﺭﺍﺡ ﺗﺮﺣﻴﻦ ﻟﺒﻴﺖ ﻋﻤﺞ
ﺗﺰﻭﺟﻴﻦ ﻳﻌﻨﻲ ﻟﺤﻴﺎﺓ ﺗﺨﺘﻠﻒ ﻭﻃﺒﻊ ﻳﺨﺘﻠﻒ ﺍﺭﻳﺪﺝ ﺗﺼﻴﺮﻳﻦ
ﺑﺖ ﺣﻤﻮﻟﻪ ﻭﺗﺒﻴﻀﻴﻦ ﻭﺟﻬﻲ ..
= ﺍﻧﻲ ﺑﺨﺠﻞ ﻭﻭﺟﻬﻲ ﺍﺣﻤﺮ ﻭﺻﻮﺕ ﺧﺠﻼﻥ ﻛﻮﺗﻠﻪ ﺻﺎﺭ ﺑﺎﺑﺎ
= ﺍﺭﻳﺪﺝ ﺷﺘﺴﻤﻌﻴﻦ ﺷﺘﺸﻮﻓﻴﻦ ﻣﻴﻄﻠﻊ ﺑﺮﻩ ﺑﻴﺘﻬﻢ
ﺍﻱ ﻣﺸﻜﻠﻪ ﺍﻱ ﻋﺮﻛﻪ ﺗﺒﻘﻰ ﺑﻴﺘﻬﻢ .. ﻫﺎﻱ ﺍﺳﺮﺍﺭ ﻭﻋﻴﺐ ﺗﻄﻠﻊ
ﻭﻻ ﻣﻦ ﺍﺧﻼﻗﻨﺎ ﻭﺗﺮﺑﻴﺘﻨﺎ ﻧﻄﻠﻌﻬﺎ ...
= ﻻ ﺑﺎﺑﺎ ﺍﻟﻠﻪ ﻳﻜﺺ ﺍﻟﺴﺎﻧﻲ ﺍﺫﺍ ﺍﻃﻠﻊ ﻛﻠﻤﻪ ...
= ﻋﻔﻴﻪ ﺑﻨﺘﻲ ﻭﺍﻥ ﺷﺎﺀ ﺍﻟﻠﻪ ﻣﻨﻘﺼﺮ ﻭﻳﺎﺝ ﺍﻧﻲ ﻭﺍﻣﺞ ...
ﺻﺎﺡ ﻋﻠﻰ ﺍﻣﻲ ﻭﻛﻠﻠﻬﺎ ﺷﺘﺤﺘﺎﺝ ﺍﺯﻫﺎﺭ ﻻ ﺗﻘﺼﺮﻳﻦ ﻭﻳﺎﻫﺎ
ﺍﺭﻳﺪﻫﺎ ﺍﺣﻠﻰ ﻭﺣﺪﻩ ﻭﺍﺭﻳﺪ ﻋﺮﺳﻬﺎ ﺍﻟﻨﺎﺱ ﻛﻠﻬﺎ ﺗﺴﻮﻟﻒ ﺑﻲ
ﺍﻣﻲ ﻛﻠﺘﻠﻪ ﻣﻦ ﻫﺎﻱ ﺍﻟﻌﻴﻦ ﻭﻫﺎﻱ ﺍﻟﻌﻴﻦ ﺗﺪﻟﻞ ﺍﺯﻫﺎﺭ ﻭﺍﺑﻮﻫﺎ ...
ﺛﺎﻧﻲ ﻳﻮﻡ ﺍﻣﻲ ﻛﺎﻟﺖ ﺧﻠﻲ ﻧﻈﻒ ﺍﻟﺒﻴﺖ ﻭﻧﻄﺒﺦ ﺍﻟﻐﺪﻩ ﻭﺍﻟﻌﺸﻰ ﺳﻮﻩ ﻣﻦ ﻭﻗﺖ ﻻﻥ ﺍﻟﻌﺼﺮ ﻧﻄﻠﻊ ﻟﻠﻜﺎﻇﻤﻴﻪ ... ﻭﻣﻨﺎﻙ ﻧﺰﻭﺭ
ﻭﻧﺎﺧﺬﻟﻨﺎ ﻓﺮﻩ ﺑﺎﻟﺴﻮﻙ ..
ﻛﻤﻠﻨﺎ ﺷﻐﻠﻨﺎ ﻭﻃﺒﺨﻨﺎ ﻭﺗﻐﺪﻳﻨﺎ ﺳﺒﺤﻨﺎ ﻭﻃﻠﻌﻨﺎ ﺍﻟﺴﺎﻋﻪ ﺑﺎﻻﺭﺑﻌﻪ
ﺭﺣﻨﺎ ﻉ ﺍﻟﺴﻮﻙ ﺍﻣﻲ ﺍﺷﺘﺮﺕ ﺍﻗﻤﺸﻪ ﻭﺧﺎﻭﻟﻴﺎﺕ ﻭﻣﺮﻳﻨﺎ ﻉ ﺍﻟﺼﺎﻳﻎ ﺍﺷﺘﺮﺕ ﺫﻫﺐ ﻭﺑﻌﺪﻫﺎ ﺍﺷﺘﺮﺕ ﺟﺮﺍﺟﻒ ﻭﻣﻜﻴﺎﺝ
ﻭﺍﺣﺬﻳﻪ ﻭﻣﻼﺑﺲ ﺩﺍﺧﻠﻴﻪ ﻭﻋﻄﻮﺭ ﻭﻣﻼﺑﺲ ﻧﻮﻡ ...
ﻭﺭﺟﻌﻨﺎ ﻉ ﺍﻟﺒﻴﺖ .... ﺳﺎﻟﺖ ﺍﻣﻲ ﻟﻤﻨﻮ ﺫﻧﻲ ﺍﻟﻐﺮﺍﺽ
ﻛﻠﺘﻠﻲ ﺍﻟﺞ ﺫﻧﻲ ..
ﻛﻠﺘﻠﻬﺎ ﺷﺴﻮﻱ ﺑﻴﻬﻦ ﻛﻠﻬﻦ ﻫﻮﺍﻱ ﺫﻧﻲ ....
ﻛﺎﻟﺖ ﻣﻴﺨﺎﻟﻒ ﻣﻨﺮﻳﺪ ﻣﺮﺕ ﻋﻤﺞ ﺗﻀﺤﻚ ﻋﻠﻴﺞ ﺑﻤﻜﺎﻥ ﺍﻟﺠﻨﻄﻪ ﺍﺣﻤﻠﺞ ﻋﺸﺮﻩ .... ﻭﺍﻻﺳﺒﻮﻉ ﺍﻟﺠﺎﻱ ﺍﺷﺘﺮﻳﻠﺞ ﻗﺎﻁ ﻓﺮﺍﺵ
ﻭﺯﻭﺍﻟﻲ ﻭﺗﻠﻔﺰﻳﻮﻥ ﺯﻏﻴﺮ .... ﻭﻏﻴﺮﻫﺎ ﻣﻦ ﺍﻻﺣﺘﻴﺎﺟﺎﺕ
ﻻﺯﻡ ﺍﻃﻠﻌﻴﻦ ﻛﺎﻣﻠﻪ ﻣﻜﻤﻠﻪ ﻣﻦ ﺑﻴﺖ ﺍﺑﻮﺝ
.
ﺧﻼﻝ ﺍﺳﺒﻮﻋﻴﻦ ﻛﻤﻠﻨﺎ ﻛﻮﻟﺸﻲ ﻣﻼﺑﺲ ﻭﺗﺠﻬﻴﺰﺍﺕ
ﻣﺎ ﺧﻠﻴﻨﺎ ﺷﻲ ..
ﻭﺍﻣﻲ ﺧﻴﻄﺘﻠﻲ ﻣﻼﺑﺲ ﻛﻮﻣﻪ ﻭﻧﻔﺎﻧﻴﻒ ﺣﻠﻮﻩ ﻣﺎﻝ ﺣﻔﻼﺕ
ﻭﻧﻮﻡ ﻭﺣﺘﻰ ﺛﻴﺎﺏ ﻗﺼﻴﺮﻩ ﻣﺎﻝ ﻋﺼﺎﺭﻱ ""
ﺍﺑﻮﻳﻪ ﺍﺷﺘﺮﺍﻟﻲ ﺗﺨﻢ ﺫﻫﺐ ﻭﺍﺛﻨﻴﻦ ﺣﺠﻮﻝ ﻳﻌﻨﻲ ﻛﻤﻠﺖ ﻣﻦ ﻛﺎﻓﺔ ﺍﻻﻣﻮﺭ ...
ﻋﻤﻲ ﺩﺯ ﺧﺒﺮ ﺑﻴﺪ ﺍﺑﻮﻳﻪ ﺍﻧﻮ ﺭﺍﺡ ﻳﺠﻮﻥ ﻋﻠﻤﻮﺩ ﺍﻟﻨﻴﺸﺎﻥ
ﻭﻳﺘﻔﻘﻮﻥ ﻋﻠﻰ ﻣﺴﺄﻟﺔ ﺍﻟﻌﻘﺪ ﻭﺑﺎﻗﻲ ﺍﻻﻣﻮﺭ ......
ﻗﺒﻞ ﺍﻟﻌﻴﺪ ﺑﻌﺸﺮﻳﻦ ﻳﻮﻡ ﺟﺎﺑﻮﺍ ﺳﻴﺮﻭﺍ ﻋﻠﻴﻨﺎ ﺑﺎﻟﻠﻴﻞ
ﻭﺟﺎﺑﻮﺍ ﺍﻟﻨﻴﺸﺎﻥ ﺟﻨﻄﻪ ﻭﺣﺪﻩ ﻭﻭﻳﺎﻫﺎ ﺻﻨﺪﻗﺠﻪ ﺑﻴﻬﺎ ﻗﺮﺍﻥ
ﻭﺗﺨﻢ ﺫﻫﺐ ﻣﻦ ﻫﺬﺍ ﺍﻟﻤﻄﻜﻄﻚ ... ﻭﺣﻠﻘﻪ ﻳﻤﻜﻦ ﺑﺲ ﺍﻟﺰﻣﻬﺎ
ﺗﺘﻌﻔﺲ ﺑﺎﻳﺪﻱ ... ﻭﻛﻢ ﻗﻄﻌﺔ ﻗﻤﺎﺵ ﻭﻣﻼﺑﺲ ﺷﺤﺎﻟﻬﺎ ﻋﺒﺎﻟﻚ ﻣﺎﻝ ﻭﺣﺪﻩ ﻓﻜﺮ ﻭﺍﻟﻠﻪ ﺣﺘﻰ ﺍﻟﻔﻜﺮ ﻣﺘﻠﺒﺲ ﻭﻻ ﺗﻘﻨﻊ ﺑﻬﻴﺞ ﺷﻲ
= ﺍﻣﻲ ﺻﺎﺣﺖ ﺷﻨﻮ ﻫﺬﺍ ﻣﻦ ﻧﻴﺸﺎﻥ ﺍﻡ ﻣﻘﺪﺍﺩ ﻫﻮ ﻫﻴﺞ ﺍﻟﺤﺠﻲ
= ﺷﺒﻴﺞ ﻋﻴﻨﻲ ﺍﻡ ﺭﺿﺎ ﺷﺒﻲ ﻳﺨﺒﻞ ﺍﺻﻼ ﻣﺎﻝ ﺑﻨﺎﺕ ﻣﻠﻮﻙ ..
= ﻳﺎﺧﻴﻪ ﺑﻨﺎﺕ ﻣﻠﻮﻙ ﺷﻨﻮ ﺟﺮﻭﺩ ﺗﻔﺸﻞ ﻭﺍﻟﺬﻫﺐ ﻟﺼﺎﻓﺎﺕ ﺻﻔﺮ
ﺷﺠﺎﺝ ﻋﻴﻨﻲ ﺍﺫﺍ ﻣﺎﻋﺪﻛﻢ ﺟﺎﻥ ﻛﻠﺘﻮﻟﻨﻪ ﻭﺍﺣﻨﻪ ﻧﺠﻬﺰ ﺑﻨﻴﺘﻨﺎ
= ﻟﻴﺶ ﻋﻴﻨﻲ ﻣﺎﻋﺪﻧﻪ ﺧﻴﺮﻧﺎ ﻳﻔﻴﺾ ﻭﻳﺘﺒﺪﻩ ... ﻣﻌﺮﻭﻓﻴﻦ ﺑﺲ ﻫﻨﻪ ﺫﻧﻲ ﻫﻢ ﻫﺎﻱ ﻫﻴﻪ ﻭﻳﻪ ﺑﻨﺘﺞ ... ﻛﺎﻓﻲ ﻭﺯﺍﻳﺪ ﻋﻠﻴﻬﺎ ﺍﺻﻼ ..
= ﻟﻴﺶ ﻳﻤﻪ ﺷﺒﻴﻬﺎ ﺑﺘﻨﺎ .... ﻫﻨﺎ ﻣﺮﺕ ﻋﻤﻲ ﻗﺎﻃﻌﺖ
ﺍﻣﻲ ﻭﺻﺎﺣﺖ ﺗﻌﺮﻓﻴﻦ ﺷﺒﻴﻬﺎ ﺣﺒﻴﺒﺘﻲ ﻟﻮ ﺍﻻ ﻧﺤﺠﻲ ﺑﺼﻮﺕ ﻋﺎﻟﻲ ﻭﻧﻄﻠﻊ ﺍﻟﻤﺴﺘﻮﺭ ....
ﺍﺑﻮﻳﻪ ﺍﻧﺘﺒﻪ ﻋﻠﻰ ﻛﻼﻡ ﻣﺮﺕ ﻋﻤﻲ ﻭﺻﺎﺡ ﺍﻡ ﺭﺿﺎ ﺟﻴﺒﻲ
ﺍﻟﻌﺼﻴﺮ ﻭﺍﻧﺘﻲ ﺍﺯﻫﺎﺭ ﻛﻮﻣﻲ ﺟﻴﺒﻲ ﺍﻟﺤﻠﻮﻳﺎﺕ ﻭﻳﺎﺝ ..
ﺿﺠﺖ ﻻﻥ ﺍﺑﻮﻳﻪ ﻗﻄﻊ ﻛﻼﻡ ﺍﻣﻲ ﻭﻣﺮﺕ ﻋﻤﻲ
ﻻﻥ ﺭﺩﺕ ﺍﻋﺮﻑ ﺷﻨﻮ ﻗﺼﺪﻫﺎ ﻣﺮﺕ ﻋﻤﻲ ﺑﺤﺠﺎﻳﺘﻬﺎ ﺍﻧﺘﻲ
ﺗﻌﺮﻓﻴﻦ ﺷﺒﻴﻬﺎ ....
ﺍﻟﺤﺠﺎﻳﻪ ﺗﺎﻛﻞ ﻭﺗﺸﺮﺏ ﻭﻳﺎﻱ ﺑﻘﻴﺖ ﻟﻠﺼﺒﺢ ﻣﺎﻧﻤﺖ
ﻛﻌﺪﺕ ﻉ ﺍﻟﺮﻳﻮﻙ ﻣﺎ ﻛﺪﺭﺕ ﺍﺣﺠﻲ ﻭﻻ ﻛﻠﻤﻪ ﻻﻥ ﺍﺑﻮﻳﻪ
ﻛﺎﻋﺪ ﻭﺍﺳﺘﻌﺠﻠﻨﺎ ﻧﺮﻭﺡ ﻟﻠﻤﺤﻜﻤﻪ ﺣﺘﻰ ﻧﻌﻘﺪ ...
ﺳﺒﺤﺖ ﺑﺴﺮﻋﻪ ﻭﻟﺒﺴﺖ ﻣﻼﺑﺴﻲ ﻭﻋﺒﺎﺗﻲ ﻭﻃﻠﻌﻨﺎ ﻟﻜﻴﻨﺎ ﻋﻤﻲ ﻭﻣﻘﺪﺍﺩ ﻣﻨﺘﻈﺮﻳﻨﺎ ﺑﺎﻟﺒﺎﺏ ...
ﺻﻌﺪﻧﺎ ﺑﺴﻴﺎﺭﺓ ﻋﻤﻲ ﻭﺭﺣﻨﺎ ﻟﻠﻤﺤﻜﻤﻪ ﺑﺎﻟﻄﺮﻳﻖ
ﻣﻘﺪﺍﺩ ﺟﺎﻥ ﻳﺒﺎﻭﻉ ﻋﻠﻴﻪ ﻭﻳﻀﺤﻚ ﺑﺲ ﺍﻧﻲ ﺟﻨﺖ ﻋﺼﺒﻴﻪ ﺣﻴﻞ
ﻭﺍﺧﺰﺭ ﺑﻲ ﺍﺭﻳﺪ ﺍﻓﺘﻬﻢ ﺍﻣﻪ ﺷﺒﻴﻬﺎ ﻭﺷﺘﻘﺼﺪ ﺑﻜﻼﻣﻬﺎ
ﺑﺲ ﻣﺎﺣﺼﻠﺖ ﻓﺮﺻﻪ ﺍﺣﺠﻲ ﻻﻥ ﺑﺴﺮﻋﻪ ﺑﺴﺮﻋﻪ ﺑﻘﻴﻨﺎ ﻧﺮﻛﺾ
ﻋﻠﻤﻮﺩ ﺍﻟﻌﻘﺪ ﻭﻣﻘﺪﺍﺩ ﺟﺎﻥ ﻣﺨﺒﻮﺹ ....
ﺭﺟﻌﻨﺎ ﻟﻜﻴﻨﺎ ﻣﺮﺕ ﻋﻤﻲ ﻣﺴﻮﻳﻪ ﻏﺪﻩ ﺗﻐﺪﻳﻨﺎ ﻳﻤﻬﻢ
ﻃﺒﻌﺎ ﻫﻲ ﻣﺘﻜﺪﺭ ﺗﺴﻜﺖ ﺍﻟﺴﺎﻧﻬﺎ ﻣﻮ ﺍﻟﻬﺎ ﻛﻞ ﺷﻮﻳﻪ ﺗﺬﺏ ﻛﻠﻤﻪ ﺗﺴﻤﻤﻨﻲ ﺑﻴﻬﺎ ....
ﺭﺣﺖ ﻟﻠﻤﻄﺒﺦ ﺍﻏﺴﻞ ﺍﺟﻪ ﻭﺭﺍﻱ ﻣﻘﺪﺍﺩ ﻳﻀﺤﻚ ﻭﻳﺸﺎﻗﻨﻲ
ﻭﺍﻧﻲ ﻣﺒﻮﺯﻩ ﻫﻮ ﺍﺳﺘﻐﺮﺏ ﺳﺄﻟﻨﻲ ﺷﺒﻴﺞ ﺍﻟﻴﻮﻡ ﻋﻘﺪﻧﺎ ﻭﺍﻟﻌﺮﺱ
ﺻﺎﺭ ﻗﺮﻳﺐ ﺭﺍﺡ ﻧﻨﺠﻤﻊ ﺍﻧﻲ ﻭﻳﺎﺝ ﺑﻴﺖ ﻭﺍﺣﺪ ﺍﻟﻤﻔﺮﻭﺽ ﺗﻔﺮﺣﻴﻦ
ﻣﻮ ﺿﺎﻳﺠﻪ ...
ﺑﺎﻭﻋﺖ ﻋﻠﻴﻪ ﻭﻛﺘﻠﻪ ﺍﻟﻌﺼﺮ ﺍﺻﻌﺪ ﻟﻠﺴﻄﺢ ﻭﺍﻧﻲ ﺍﻛﻮﻟﻚ ﺷﺒﻴﻪ
ﺑﻌﺪ ﺍﻟﻐﺪﻩ ﺭﺟﻌﻨﺎ ﻟﻠﺒﻴﺖ ﻭﺑﻜﻠﺒﻲ ﻧﺎﺭ
ﺍﻟﻌﺼﺮ ﻟﻜﻴﺖ ﻣﻘﺪﺍﺩ ﻣﻨﺘﻈﺮﻧﻲ ... ﻭﻋﺼﺒﻲ ...
= ﺷﺒﻴﺞ ﺍﺯﻫﺎﺭ ﺧﻮﻓﺘﻴﻨﻲ ﺷﺼﺎﻳﺮ ...
= ﻣﻘﺪﺍﺩ ﺍﻣﻚ ﺷﺘﻘﺼﺪ ﺑﻜﻼﻣﻬﺎ ﻭﻳﻪ ﺍﻣﻲ ...
= ﻳﺎﻛﻼﻡ ...
= ﺳﻤﻌﺘﻪ ﻟﻮ ﺍﺫﻛﺮﻙ ...
= ﺍﺷﺸﺸﺸﺶ ﺳﻤﻌﺘﻪ ﻭﻣﺎ ﺍﺭﻳﺪ ﺗﻜﺮﺭﻱ ﻋﻠﻴﻪ ﺍﻧﺘﻲ ﻓﺎﻫﻤﻪ
ﻭﻣﻦ ﻫﺎﻱ ﺍﻟﻠﺤﻈﻪ ﻻ ﻧﺪﺧﻞ ﺑﺤﻴﺎﺗﻨﺎ ﺍﻟﻘﻴﻞ ﻭﺍﻟﻘﺎﻝ ...
= ﺑﺲ ﺍﻣﻚ ﻣﺘﺮﻳﺪﻧﻲ ....
= ﻟﻮ ﻣﺘﺮﻳﺪﺝ ﻣﺎ ﻗﺒﻠﺖ ﺗﺼﻴﺮﻳﻦ ﻣﺮﺗﻲ ..
= ﻟﻌﺪ ﻟﻴﺶ ﻫﻴﺞ ﺗﻌﺎﻣﻠﻨﻲ ﻭﻛﺎﻧﻪ ﺟﺎﻳﻪ ﻣﻦ ﻏﻴﺮ ﻛﻮﻛﺐ ﺩﺧﻴﻠﻪ ﻋﻠﻴﻜﻢ ...
= ﻳﺎﺭﻭﺣﻲ ﻭﻋﻤﺮﻱ ﺍﻧﺘﻲ ﺗﻌﺮﻓﻴﻬﺎ ﻭﺗﻌﺮﻓﻴﻦ ﻃﺒﻌﻬﺎ ﻫﻲ ﻫﻴﺞ
ﻛﻼﻣﻬﺎ ﺣﺎﺩ ﺷﻮﻳﻪ ﻟﺘﻨﺰﻋﻠﻴﻦ ﻣﻨﻬﺎ ﻟﺨﺎﻃﺮﻱ ...
= ﻻ ﻣﺎ ﺯﻋﻼﻧﻪ ﺑﺲ ﻣﻐﺜﻮﺛﻪ ...
= ﺷﻌﻠﻴﺞ ﺑﺎﻟﻨﺠﻮﻡ . ﺍﻟﻤﻬﻢ ﺍﻟﻘﻤﺮ ﻭﻳﺎﺝ
.
ﻭﺑﺪﻩ ﻳﺘﻐﺰﻝ ﺑﻴﻪ ﻭﻳﻨﺴﻴﻨﻲ ﺍﻟﺴﺎﻟﻔﻪ ﺑﺲ
ﻣﺎﻧﺴﻴﺖ ﺑﻘﺖ ﺗﺎﻛﻞ ﺑﻜﻠﺒﻲ ﺑﺲ ﻣﺎ ﺭﺩﺕ ﺍﻃﻴﺮ ﺍﻟﻔﺮﺣﻪ ﻋﻠﻴﻪ
ﻧﺰﻟﺖ ﻻﻣﻲ ﻟﻜﻴﺘﻬﺎ ﻛﺎﻋﺪﻩ ﺗﺨﻴﻂ ﺑﺎﻟﻤﻜﻴﻨﻪ ﻭﺍﺑﻮﻳﻪ ﻳﻘﺮﻩ
ﻛﺘﺎﺏ ﻟﻠﻜﺎﺗﺐ ﺍﻟﻤﻌﺮﻭﻑ ﻋﻠﻲ ﺍﻟﻮﺭﺩﻱ ...
ﺭﺣﺖ ﻳﻤﻬﺎ ﺳﺄﻟﺘﻬﺎ .... ﻟﻴﻼﻥ ﺣﻜﻤﺖ ... ﻳﻤﻪ ﺍﺭﻳﺪ ﺍﺳﺄﻟﺞ ﺑﺲ ﻣﻮ ﺗﻀﻮﺟﻴﻦ ﻣﻨﻲ
ﺿﺤﻜﺖ ﺑﻮﺟﻬﻲ ﻭﻛﺎﻟﺖ ﻫﻮ ﺍﻛﻮ ﻭﺍﺣﺪ ﻳﻀﻮﺝ ﻣﻦ ﺭﻭﺣﻪ
ﻳﻤﻪ ... ﻣﺮﺕ ﻋﻤﻲ ﺷﺘﻘﺼﺪ ﺑﻜﻼﻣﻬﺎ ﻣﻦ ﻛﺎﻟﺖ ﺍﻧﺘﻲ ﺗﻌﺮﻓﻴﻦ ﺷﺒﻴﻬﺎ ...
ﺍﻣﻲ ﺭﻓﻌﺖ ﺭﺍﺳﻬﺎ ... ﺻﻔﻨﺖ ﺑﺲ ﺭﺍﺳﺎ ﺿﺤﻜﺖ ﻛﺎﻟﺖ ﻳﻤﻪ
ﺍﻧﺘﻲ ﺗﻌﺮﻓﻴﻬﺎ ﺧﻴﺮﻳﻪ ﻣﺴﻤﻮﻣﻪ ﻭﺣﺎﻗﺪﻩ ﻭﺗﻐﺎﺭ
ﻣﻦ ﻋﺪﻧﻪ ﺷﺴﻮﻱ ﺣﺘﻰ ﺗﺴﻤﻤﻨﺎ ﺑﻜﻼﻣﻬﺎ ﺗﺬﺏ ﻫﻴﺞ ﺣﺠﻲ
ﺧﺘﻮﻟﻲ ﻣﻌﻠﻴﺞ ﺑﻴﻬﺎ ﺍﺻﻼ ﻫﻲ ﻫﻴﺞ ﻃﺒﻌﻬﺎ ﺗﻐﺎﺭ ﻭﺗﺮﻳﺪ ﻛﻮﻟﺸﻲ ﺍﻟﻬﺎ ....
ﻃﺒﻌﺎ ﻛﻼﻡ ﺍﻣﻲ ﻣﺎ ﻗﻨﻌﻨﻲ ﺑﺲ ﻣﺎ ﺭﺩﺕ ﺍﻛﺒﺮ ﺍﻟﻤﻮﺿﻮﻉ
ﺳﻜﺘﺖ ﻭﻛﻠﺖ ﻛﻮﻟﺸﻲ ﻳﺒﻴﻦ ﺑﻌﺪﻳﻦ ﻭﺑﻮﻗﺘﻪ ﺍﻟﻠﻪ ﻛﺮﻳﻢ
ﺑﺪﻳﻨﺎ ﻧﺪﻭﺭ ﻋﻠﻰ ﻏﺮﻓﻪ ﺯﻳﻨﻪ ﻭﻗﺒﻞ ﻣﻨﺸﺘﺮﻳﻬﺎ ﻋﻤﻲ ﻭﻣﻘﺪﺍﺩ
ﻃﻠﺐ ﻧﺎﺟﻞ ﺍﻟﺰﻭﺍﺝ ﺳﺖ ﺷﻬﻮﺭ ﻻﻥ ﺟﺎﻳﻪ ﺩﻭﺭﻩ ﻣﺎﻝ ﺿﺒﺎﻁ
ﻭﻣﻘﺪﺍﺩ ﻗﺪﻡ ﻋﻠﻴﻬﺎ ﺣﺘﻰ ﻳﻨﻄﻮﻩ ﻗﻄﻌﺔ ﺍﺭﺽ ﻭﺳﻴﺎﺭﻩ ﻭﻓﻠﻮﺱ ﺑﻨﺎﺀ ...
ﺍﻧﻲ ﻃﺒﻌﺎ ﺭﻓﻀﺖ ﺑﺲ ﺍﻣﻲ ﻛﺎﻟﺖ ﺧﻠﻲ ﺍﻟﺰﻭﺍﺝ ﻳﺘﺎﺟﻞ
ﻟﻌﺪ ﺍﺣﺴﻦ ﻳﺼﻴﺮ ﺿﺎﺑﻂ ﻭﻳﺼﻴﺮ ﺑﻴﺘﺞ ﻭﺣﺪﺝ ﻭﺗﺨﻠﺼﻴﻦ ﻣﻦ ﺧﻴﺮﻳﻪ ﻭﺿﻴﻤﻬﺎ ﻭﺣﺮﺏ ﻣﺎﻛﻮ ﺣﺘﻰ ﺗﺨﺎﻓﻴﻦ ﻋﻠﻴﻪ ...
ﺑﺲ ﺍﻧﻲ ﻛﻨﺖ ﺣﺎﺳﻪ ﺑﻐﻴﺮ ﺷﻲ ﻭﻻ ﻓﺮﺣﺖ ﻭﺑﻘﻴﺖ
ﻣﺼﺮﻩ ﻋﻠﻰ ﺭﺍﻳﻲ ... ﻭﺑﻴﻮﻡ ﺍﺟﻮ ﻋﻠﻴﻨﻪ ﺑﻴﺖ ﻋﻤﻲ ﻛﻠﻬﻢ
ﻭﻓﺘﺤﻮﺍ ﺍﻟﻤﻮﺿﻮﻉ ... ﻭﺳﺄﻟﻮﻧﻲ ... ﻛﻠﺘﻠﻬﻢ ﺷﺪﻋﻮﻩ ﻫﺴﻪ
ﺗﺴﺎﻟﻮﻧﻲ ﻭﺗﺴﺘﺸﻴﺮﻭﻧﻲ ﻣﻦ ﻗﺪﻡ ﻭﺍﻧﻘﺒﻞ ...
ﻣﺮﺕ ﻋﻤﻲ ﻛﺎﻟﻌﺎﺩﻩ ﻣﺘﺴﻜﺖ ﻛﺎﻟﺖ ﻻﺗﺨﺎﻓﻴﻦ ﻻﻳﻄﻴﺮ ﻭﻻ ﻳﺬﺑﻞ
ﺑﻘﻦ ﻛﻢ ﺷﻬﺮ ﻭﺗﺰﻭﺟﻮﻥ ﻭﺗﺸﺒﻌﻴﻦ ﻣﻨﻪ ﺍﻟﻠﻪ ﻭﻛﻴﻠﺞ ﻣﻴﺨﻠﺺ
ﺍﺻﻼ ﺗﻤﻠﻴﻦ ﻣﻨﻪ ... ﺑﻨﺎﺗﻬﺎ ﺿﺤﻜﻦ ﺑﺼﻮﺕ ﻋﺎﻟﻲ ﺍﻧﻲ ﻋﻔﺘﻬﻦ
ﻭﺭﺣﺖ ﻟﻐﺮﻓﺘﻲ ﻻﻥ ﺍﺳﺘﺤﻴﺖ ﻣﻦ ﻛﻼﻣﻬﺎ
ﺑﺲ ﻫﻲ ﻣﺎ ﺳﻜﺘﺖ ﺻﺎﺣﺖ ﻭﺭﺍﻱ ﺧﻮﺵ ﻭﺍﻟﻠﻪ ﻣﻦ ﺗﺎﻟﻲ ﻭﻛﺖ ﺻﺎﺭﺕ ﺍﻝ ..... ﻳﺴﺘﺤﻦ ....
ﻣﺎﻛﺎﻟﺖ ﺍﻟﻜﻠﻤﻪ ﺿﻤﺘﻬﺎ ﺑﺤﻠﻜﻬﺎ ... ﺍﻣﻲ ﺻﺎﺣﺖ ﺍﻛﻮﻟﺞ ﻋﻴﻨﻲ ﺍﺫﺍ
ﻣﻦ ﻫﺴﻪ ﻫﻴﺞ ﺑﺎﺟﺮ ﺑﻴﺘﻜﻢ ﺷﺘﺴﻮﻭﻥ ﺑﻴﻬﺎ ...
ﻣﺮﺕ ﻋﻤﻲ ﻻﻓﺖ ﺍﻟﻤﻮﺿﻮﻉ ﻋﻠﻰ ﺍﻣﻲ ﻭﺿﻴﻌﺘﻪ
ﻃﺒﻌﺎ ﺍﻣﻲ ﻓﻘﻴﺮﻩ ﻭﻃﻴﺒﻪ ﻭﻣﺘﺮﻳﺪ ﺗﺨﺮﺏ ﺯﻭﺍﺟﻲ ﻭﻫﻲ ﺗﺪﺭﻱ
ﺍﻧﻲ ﻭﻣﻘﺪﺍﺩ ﻭﺍﺣﺪ ﻳﺤﺐ ﺍﻟﺜﺎﻧﻲ ...
ﺗﻠﺚ ﺷﻬﻮﺭ ﻣﺎ ﺷﻔﺖ ﻣﻘﺪﺍﺩ ﺑﺲ ﺭﺳﺎﺋﻞ ﻭﺑﺮﻗﻴﺎﺕ ﻻﻥ ﺑﺎﻟﻤﻌﺴﻜﺮ
ﻭﺗﺪﺭﻳﺐ .... ﻧﺰﻟﻮﺍ ﻣﺠﺎﺯ ﺍﺳﺒﻮﻉ ... ﺷﻔﺘﻪ ﺑﺲ ﻣﺮﻩ ﻭﺣﺪﻩ
ﻛﺎﻥ ﺗﻌﺒﺎﻥ ﻭﻳﺮﻳﺪ ﺑﺲ ﻳﻨﺎﻡ ... ﻭﻳﺮﺗﺎﺡ ...
ﺍﻧﻲ ﻫﻢ ﻣﺎ ﺿﺎﻳﻘﺘﻪ ﺑﺎﻟﻌﻜﺲ ﺟﻨﺖ ﺍﻃﻠﺐ ﻣﻨﻪ ﻳﺮﺗﺎﺡ
ﻻﻥ ﺍﺩﺭﻱ ﺍﺫﺍ ﻧﺒﻘﻰ ﻧﺴﻮﻟﻒ ﺍﻧﻲ ﻭﻳﺎﻩ ﺭﺍﺡ ﺍﺫﻛﺮﻩ ﺑﻜﻼﻡ ﺍﻣﻪ
ﻭﺧﻄﻴﻪ ﻫﻮ ﻣﺎ ﺍﻟﻪ ﺫﻧﺐ ...
ﺑﻘﻴﺖ ﺍﻟﺘﻬﻲ ﺑﺎﻟﺨﻴﺎﻁ ﻭﺍﻟﺤﻴﺎﻛﻪ ﻭﻳﻪ ﺍﻣﻲ ﻭﻋﻤﻲ
ﺍﺷﺘﺮﺍﻟﻲ ﻏﺮﻓﻪ ﻭﻃﻠﺐ ﻣﻨﻲ ﺍﺷﻮﻓﻬﺎ ..
ﺍﻟﺼﺮﺍﺣﻪ ﺍﻟﻐﺮﻓﻪ ﻋﺠﺒﺘﻨﻲ ﻛﺎﻧﺖ ﺣﻠﻮﻩ ﻟﻮﻧﻬﺎ ﺑﻴﺬﻧﺠﺎﻧﻲ
ﻭﺍﺑﻴﺾ ﻭﻧﺎﺯﻛﻪ ﻭﺟﺎﺑﻠﻲ ﻫﺪﻳﻪ ﻟﻠﻐﺮﻓﻪ ﺛﺮﻳﺎﺕ ﻛﺒﺎﺭ ...
ﻗﺒﻞ ﻻ ﻳﺘﺨﺮﺝ ﻣﻘﺪﺍﺩ ﻣﻦ ﺩﻭﺭﺓ ﺍﻟﻀﺒﺎﻁ ﺑﺄﺳﺒﻮﻋﻴﻦ
ﺑﺪﻳﺖ ﺍﻧﻘﻞ ﻏﺮﺍﺿﻲ ﺷﻮﻳﻪ ﺷﻮﻳﻪ ﻭﺍﺭﺗﺐ ﺍﻟﻐﺮﻓﻪ
ﻭﺳﺎﻋﺪﻭﻧﻲ ﺑﻨﺎﺕ ﻋﻤﻲ ﻭﺭﺗﺒﻦ ﻭﻳﺎﻱ ﺍﻟﻐﺮﻓﻪ ﻭﻛﻞ ﺷﻮﻳﻪ
ﻳﻬﻠﻬﻠﻦ ﻭﻳﻀﺤﻜﻦ ... ﻃﺒﻌﺎ ﻓﺮﺣﺘﻲ ﻣﺎﻛﺎﻧﺖ ﺗﻨﻮﺻﻒ
ﻻﻥ ﺭﺍﺡ ﺍﺻﻴﺮ ﺑﺤﻀﻦ ﺣﺒﻴﺒﻲ ﺳﺖ ﺷﻬﻮﺭ ﻣﺮﺕ ﻣﺜﻞ ﺍﻟﺜﻠﺞ
ﻋﻠﻴﻪ ﺛﻘﻴﻼﺕ ﺍﻟﻴﻮﻡ ﺑﺴﻨﻪ .... ﻟﻴﻼﻥ ﺣﻜﻤﺖ
ﺗﺨﺮﺝ ﻣﻘﺪﺍﺩ ﻭﺍﺳﺘﻠﻢ ﺍﻟﻌﺮﺻﻪ ﻭﺍﻟﺴﻴﺎﺭﻩ ﻭﺍﺳﺘﻠﻢ ﻓﻠﻮﺱ ﺑﻨﺎﺀ ﺍﻟﻌﺮﺻﻪ ....
ﻛﻠﻲ ﺑﻌﺪ ﺍﻟﺰﻭﺍﺝ ﺍﺑﻨﻲ ﺍﻟﺒﻴﺖ ﻭﻧﻄﻠﻊ ﻣﺎﺗﺒﻘﻴﻦ ﻭﻳﻪ ﺍﻫﻠﻲ
ﺍﻭﻭﻭﻑ ﻣﺘﺼﻮﺭﺕ ﻓﺮﺣﺘﻲ ﺷﻜﺪ ﻛﺎﻧﺖ ﺟﺒﻴﺮﻩ ﺍﻟﻠﻪ
ﻣﺎﻛﻄﻊ ﺑﻴﻪ ﻻﻥ ﺟﻨﺖ ﻫﺎﻣﻪ ﺷﻠﻮﻥ ﺍﻋﻴﺶ ﻭﻳﻪ ﺍﻣﻲ
ﺣﺪﺩﻧﺎ ﻳﻮﻡ ﺍﻟﺰﻭﺍﺝ ﻭﻛﺎﻥ ﻳﻮﻡ٨٠ ٥ /٣٠ /١٩
ﻛﻤﻠﻨﺎ ﻋﻘﺪ ﺍﻟﻤﺎﺫﻭﻥ ﻭﺑﺎﻗﻲ ﺍﻟﻤﺴﺘﻠﺰﻣﺎﺕ ﻭﺍﻟﻨﻮﺍﻗﺺ
ﻭﺣﺘﻰ ﻣﻘﺪﺍﺩ ﻛﻤﻞ ﻗﺎﻁ ﺍﻟﻌﺮﺱ ﻭﻣﻼﺑﺴﻪ ﻭﻣﺎ ﺑﻘﻰ ﺍﻱ ﻧﻘﺺ
ﻋﺪﻧﻪ .....
ﻗﺒﻞ ﺍﻟﻌﺮﺱ ﺑﻴﻮﻣﻴﻦ ﺍﺑﻮﻳﻪ ﻛﺎﻥ ﺿﺎﻳﺞ ﻭﺣﺘﻰ ﺍﻛﻞ ﻣﻴﺎﻛﻞ ﻗﻠﻴﻞ
ﻛﻮﻟﺶ ﺻﺎﺡ ﻋﻠﻴﻪ ﺭﺣﺖ ﻋﻠﻴﻪ ﻟﻠﻐﺮﻓﻪ ...
= ﺗﻌﺎﻟﻲ ﺑﺎﺑﺎ ﺍﺩﺧﻠﻲ ...
= ﻧﻌﻢ ﺑﺎﺑﺎ ...
= ﺷﻮﻓﻲ ﺑﻨﺘﻲ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﻳﺨﺺ ﺣﻴﺎﺗﺞ ﺑﺲ ﻫﺎﺍﺍ ﺍﺭﻳﺪﺝ ﺗﺴﻤﻌﻴﻨﻲ ﺯﻳﻦ ..
= ﺗﻔﻀﻞ ﺑﺎﺑﺎ ... ﺍﻥ ﺷﺎﺀ ﺍﻟﻠﻪ ﺑﺎﺑﺎ ﺍﺳﻤﻌﻚ ...
= ﺷﻮﻓﻲ ﺑﻨﺘﻲ ﺍﻧﺘﻲ ﺭﺍﺡ ﺗﺰﻭﺟﻴﻦ ﻭﺭﺍﺡ ﺍﺩﺧﻠﻴﻦ ﻋﺎﻟﻢ ﺍﻟﺰﻭﺟﻴﻪ
ﻋﺎﻟﻢ ﺟﺪﻳﺪ ﺑﻲ ﻣﺴﺆﻭﻟﻴﻪ ﻭﺑﻲ ﻣﺸﺎﻛﻞ
ﺭﺍﺡ ﺗﺴﻜﻨﻴﻦ ﻭﻳﻪ ﻧﺎﺱ ﺗﻌﺘﺒﺮﻳﻬﻢ ﺍﻫﻠﺞ ...
= ﺻﺎﺭ ﺑﺎﺑﺎ .
= ﺭﺍﺡ ﺗﺴﻤﻌﻴﻦ ﻛﻼﻡ ﻣﻴﻌﺠﺒﺞ ﻭﻛﻼﻡ ﻳﻌﺠﺒﺞ ﺗﺸﻮﻓﻴﻦ ﺍﻣﻮﺭ
ﻣﺎ ﺷﻔﺘﻴﻬﺎ ﺑﻴﺖ ﺍﻫﻠﺞ ﻣﺎ ﺍﺭﻳﺪﻫﺎ ﺗﻮﺻﻞ ﺍﻟﻨﻪ ﺍﻭ ﻟﻤﻘﺪﺍﺩ
ﺍﻟﻠﻪ ﺍﻧﻄﺎﺝ ﺍﺛﻨﻴﻦ ﺍﺫﺍﻥ ﻭﺣﺪﻩ ﺗﺴﻤﻌﻴﻦ ﺑﻴﻬﺎ
ﻭﻭﺣﺪﻩ ﺍﻃﻠﻌﻴﻦ ﺍﻟﻜﻼﻡ ﺑﻴﻬﺎ ...
= ﺍﻥ ﺷﺎﺀ ﺍﻟﻠﻪ ﺑﺎﺑﺎ ... ﺍﻃﺒﻖ ﻛﻞ ﻛﻼﻣﻚ ...
= ﻭﻣﻮ ﺑﺲ ﻫﺎﻱ ﺍﺭﻳﺪﺝ ﺗﺮﻓﻌﻴﻦ ﺭﺍﺳﻲ ﻭﺗﻐﻠﺴﻴﻦ ﻋﻦ ﻣﺮﺕ ﻋﻤﺞ
ﻻﻥ ﻫﺎﻱ ﻭﺣﺪﻩ ﻟﻐﻮﻳﻪ ﻭﺷﺎﻳﻔﻪ ﻧﻔﺴﻬﺎ ﺳﻮﻱ ﻧﻔﺴﺞ ﻣﺘﺴﻤﻌﻴﻬﺎ ﺍﻱ ﻛﻠﻤﻪ ﺍﻱ ﺷﻲ ﻳﻄﻠﻊ ﻣﻨﻬﺎ ﻻ ﺗﺼﺪﻛﻴﻦ ﺑﻲ ... ﻫﺎﻱ ﻛﺬﺍﺑﻪ ﻭﻣﻨﺎﻓﻘﻪ
ﻭﺗﺤﺐ ﺗﺨﺮﺏ ﻭﺗﻬﺠﻢ ﺑﻴﻮﺕ ...
ﺍﺳﺘﻐﺮﺑﺖ ﻛﻼﻡ ﺍﺑﻮﻳﻪ ﻻﻭﻝ ﻣﺮﻩ ﻳﺤﺠﻲ ﻭﻳﺎﻱ ﺑﻬﺎﻱ ﺍﻟﻄﺮﻳﻘﻪ
ﻭﻛﺎﻧﻪ ﻣﻴﻌﺮﻓﻨﻲ ﺍﻧﻲ ﺑﻨﺘﻪ ﻭﺗﺮﺑﻴﺘﻪ
ﻭﻣﺴﺘﺤﻴﻞ ﺍﺧﻠﻖ ﻣﺸﻜﻠﻪ ﺑﻴﻨﻪ ﻭﺑﻴﻦ ﺑﻴﺖ ﻋﻤﻲ
..
ﺑﻴﻮﻡ ﺍﻟﺤﻨﻪ ﻛﻨﺖ ﻣﻤﺮﺗﺎﺣﻪ ﻭﺣﺘﻰ ﻣﺎ ﺍﺷﺘﻬﻲ ﺍﻻﻛﻞ ﻣﺎ ﺍﻋﺮﻑ
ﺷﺒﻴﻪ ﺍﻣﻲ ﺟﺎﻧﺖ ﻣﺨﺒﻮﺻﻪ ﻭﺑﻴﺖ ﻋﻤﻲ ﻫﻢ ﻣﺨﺒﻮﺻﻴﻦ
ﺑﻴﻦ ﺍﻟﺘﺤﻀﻴﺮﺍﺕ ﻭﺑﻴﻦ ﺗﻌﺰﻡ ...
ﻣﻦ ﺍﻛﻮﻡ ﺍﺷﺘﻐﻞ ﻭﻳﻪ ﺍﻣﻲ ﻣﺘﻘﺒﻞ ﺍﺩﻛﻮﻝ ﺍﻧﺘﻲ ﻛﻤﻠﻲ ﻧﻔﺴﺞ
ﺍﻧﻲ ﺍﻛﻤﻞ ﺍﻟﺸﻐﻞ ... ﺍﺟﺘﻲ ﻋﻠﻴﻨﺎ ﺑﺖ ﻋﻤﻲ ﺳﻌﺎﺩ ...
ﺣﺘﻰ ﺗﺴﺎﻋﺪﻧﺎ ﺑﺎﻟﺘﺤﻀﻴﺮﺍﺕ ﻭﻋﻤﺘﻲ ﻭﺭﺍﻫﺎ ﺑﻨﺺ
ﺳﺎﻋﻪ ﺍﺟﺖ ﺑﺲ ﺷﻜﻠﻬﺎ ﻣﻐﺜﻮﺙ
ﻋﺒﺎﻟﻚ ﻣﺘﻌﺎﺭﻛﻪ
..
ﺳﻌﺎﺩ ﻣﻦ ﺷﺎﻓﺖ ﻋﻤﺘﻲ ﻛﺎﻋﺪﻩ ﺑﻮﺣﺪﻫﺎ ﺑﺎﻟﺼﺎﻟﻪ
ﺭﺍﺣﺖ ﻋﻠﻴﻬﺎ ﻭﺍﺧﺬﺗﻠﻬﺎ ﻋﺼﻴﺮ ﻭﻛﻠﻴﺠﻪ ..
ﺑﺎﺛﻨﺎﺀ ﻣﺎ ﺭﺍﺩﺕ ﺗﻄﻠﻊ ﻋﻤﺘﻲ ﺻﺎﺣﺘﻠﻬﺎ
ﻛﻠﺘﻠﻬﺎ ﺗﻌﺎﻟﻲ ﺍﺭﻳﺪﺝ ﺑﺴﺎﻟﻔﻪ .... ﺳﻌﺎﺩ ﻛﻌﺪﺕ ﻳﻤﻬﺎ ﺑﺲ ﻗﺒﻞ
ﻣﺘﻜﻌﺪ ﺳﺪﺕ ﻋﻠﻴﻬﻦ ﺍﻟﺒﺎﺏ ...
ﺻﺎﺭ ﻋﻨﺪﻱ ﻓﻀﻮﻝ ﺍﺳﻤﻌﻬﻦ ﺷﻴﺴﻮﻟﻔﻦ ﻭﻟﻴﺶ ﺳﺪﻥ ﺍﻟﺒﺎﺏ
ﻭﻛﻔﺖ ﻭﺭﻩ ﺍﻟﺒﺎﺏ ﻭﺗﺼﻨﺘﺖ ﻋﻠﻴﻬﻦ ...
ﺍﻣﻲ ﺷﺎﻓﺘﻨﻲ ﺻﺎﺣﺖ ﻳﺎﺍﺍ ﻭﻟﺞ ﺷﺠﺎﻱ ﺗﺴﻮﻳﻦ ﻋﻴﺐ
ﺗﺼﻨﺘﻴﻦ ﻋﻠﻴﻬﻦ ....
ﺟﺮﺗﻨﻲ ﻭﻛﺎﻟﺖ ﺭﻭﺣﻲ ﻟﻐﺮﻓﺘﺞ ﺟﻬﺰﻱ ﻧﻔﺴﺞ ﺳﺎﻋﺔ
ﺯﻣﺎﻥ ﻭﺗﺠﻲ ﺍﻟﻨﺴﻮﺍﻥ ﻭﺍﻧﺘﻲ ﻟﺴﻪ ﻻ ﺳﺒﺤﺘﻲ ﻭﻻ ﻟﺒﺴﺘﻲ
ﻭﻻ ﻣﻜﻴﺎﺝ .... ﻳﻼ ﻓﻮﺗﻲ ﻛﺪﺍﻣﻲ ...
ﺻﻌﺪﺕ ﻟﻐﺮﻓﺘﻲ ﻭﺑﻌﺪﻫﺎ ﺩﺧﻠﺖ ﻟﻠﺤﻤﺎﻡ ﻣﻦ ﻃﻠﻌﺖ ﺭﺣﺖ
ﻟﻠﻤﻄﺒﺦ ﺍﺷﻮﻑ ﺍﻣﻲ ﺷﺴﻮﺕ ﻣﺎ ﺳﻮﺕ ....
ﻣﺎ ﻟﻜﻴﺘﻬﺎ ﺍﻓﺘﺮﻳﺖ ﻟﻠﻐﺮﻓﻪ ﻣﺎﻛﻮ ﺍﻣﻲ ... ﻭﻳﻦ ﺭﺍﺣﺖ ﺭﺩﺕ ﺍﻃﻠﻊ
ﻟﻠﻄﺮﻣﻪ ﺍﺷﻮﻓﻬﺎ ﺻﺎﺭﺕ ﻃﻠﻌﺘﻲ ﻣﻦ ﺍﻟﺒﺎﺏ ﺍﻟﻲ ﺟﻮﻩ ﺍﻟﺪﺭﺝ
ﺍﻓﺘﺮﻳﺖ ﻋﻠﻰ ﺷﺒﺎﻙ ﺍﻻﺳﺘﻘﺒﺎﻝ ﺩﺭﺕ ﻭﺟﻬﻲ ﺷﻔﺖ ﺍﻣﻲ
ﻭﻋﻤﺘﻲ ﻭﺳﻌﺎﺩ ﻛﺎﻋﺪﺍﺕ ﻭﺑﻴﻨﺎﺗﻬﻦ
ﺣﺴﺒﻪ ﻫﺎﻣﺎﺕ ﻳﺴﻮﻟﻔﻦ ﺑﻴﻬﺎ ...
ﺍﻗﺘﺮﺑﺖ ﻣﻦ ﺍﻟﺸﺒﺎﻙ ﻣﻦ ﻏﻴﺮ ﻣﺎ ﻳﺪﺭﻥ ﺳﻤﻌﺖ ﻋﻤﺘﻲ ﺍﺩﻛﻮﻝ ﻻﻣﻲ ...
ﻭﺍﻟﻠﻪ ﺧﻮﺵ ﻟﻔﻠﻔﺘﻲ ﻧﺴﻴﺐ ﺍﻟﺒﺘﺞ ... ﺷﻬﺎﺩﻩ ﻭﺟﻤﺎﻝ ﻭﺍﻫﻞ
ﺍﻣﻲ ﺟﺎﻭﺑﺘﻬﺎ ﻛﻠﺘﻠﻬﺎ ﻭﺷﺒﻴﻬﺎ ﺑﺘﻲ ﻫﻢ ﺍﻫﻞ ﻭﺟﻤﺎﻝ ﻭﻣﺮﺑﺎﻳﻪ ﺍﺣﺴﻦ ﺗﺮﺑﻴﻪ ﺑﺲ ﻗﺴﻤﺘﻬﺎ ﻣﺎ ﺧﻠﺘﻬﺎ ﺗﻜﻤﻞ ﻣﺪﺭﺳﻪ ...
ﻋﻤﺘﻲ ﻛﻠﺘﻠﻬﺎ ﺧﻠﻴﻨﺎ ﺳﺎﻛﺘﻴﻦ ﺍﻡ ﺭﺿﺎ ﺗﺮﻩ ﺗﻌﺮﻓﻴﻦ ﺑﺘﺞ
ﺷﻨﻮ ﻣﺎ ﺷﻨﻮ ﻭﺍﻧﻲ ﻭﺍﻡ ﻣﻘﺪﺍﺩ ﻣﺎ ﺭﺍﺿﻴﻦ ﺑﻬﺎﻟﻌﺮﺱ
ﺑﺲ ﺷﻨﺴﻮﻱ ﻟﻤﻘﺪﺍﺩ ﻋﺎﺷﻚ ﻭﻣﻠﻄﻮﻡ ﻋﻠﻰ ﻋﻴﻨﻪ ....
ﻟﻴﻼﻥ ﺣﻜﻤﺖ
ﺍﻣﻲ ﺭﺩﺗﻬﺎ ... ﻭﺍﻟﻠﻪ ﻳﺎﺧﻴﻪ ﻣﺤﺪ ﻟﻄﻢ ﻋﻠﻰ ﻋﻴﻨﻪ ﻭﻫﻮ ﻋﺮﻑ
ﻭﺿﻊ ﺑﺖ ﺣﺴﺐ ﻛﻼﻡ ﺍﺑﻮ ﺭﺿﺎ ﻣﺴﻮﻟﻔﻠﻪ ﺍﻟﺴﺎﻟﻔﻪ
ﺑﻌﺪ ﻟﻴﺶ ﺍﺩﻛﻴﻦ ﻉ ﺍﻟﻮﺗﺮ ﺍﻟﺤﺴﺎﺱ ﺍﺫﺍ ﺍﻟﻘﺎﺿﻲ ﺭﺍﺿﻲ ...
ﺑﺲ ﺑﺎﺟﺮ ﺍﺫﺍ ﺧﻠﻒ ﻣﻨﻬﺎ .. ﺍﻣﻲ ﻃﻔﺮﺕ ﻋﻠﻴﻬﺎ ﻭﻛﺎﻟﺘﻠﻬﺎ
ﺍﻟﺤﺠﻲ ﻣﺎﻝ ﺑﺎﺟﺮ ﺧﻠﻲ ﺍﻟﻮﻛﺘﻪ ﻣﻮ ﻫﺴﻪ ﺗﻌﺘﻴﻦ ﺑﻲ
ﻛﻮﻟﺸﻲ ﺑﺴﺎﻋﺘﻪ ﺣﻠﻮ .... ﻋﻴﻮﻧﻲ ﺍﺷﺮﺑﻲ ﻋﺼﻴﺮ ﻭﺑﺮﺩﻱ
ﻧﺎﺭﺝ ....
ﻋﻔﺘﻬﻦ ﻭﺻﻌﺪﺕ ﺍﻟﻐﺮﻓﺘﻲ ﻛﻌﺪﺕ ﻉ ﺍﻟﺠﺮﺑﺎﻳﻪ ﺍﺳﻮﻟﻒ ﻭﻳﻪ
ﻭﺳﺎﻋﻪ ﺍﺑﺎﻭﻉ ﺍﻟﺮﻭﺣﻲ ﺑﺎﻟﻤﺮﺍﻳﻪ ﺍﻛﻮﻝ ﺷﺒﻴﻪ ﺍﻧﻲ
ﺷﻨﻮ ﺳﺎﻟﻔﺘﻲ ﻭﺷﻨﻮ ﺩﻙ ﺍﻟﺒﺴﺎﻣﻴﺮ ﻫﺬﺍ ﻣﻦ ﻋﻤﺘﻲ ...
ﻭﺍﻟﺴﺎﻟﻔﻪ ﺍﻟﻲ ﺗﺨﺼﻨﻲ ﺷﻨﻮ ﻭﻣﻘﺪﺍﺩ ﻳﻌﺮﻓﻬﺎ ﻭﺭﺍﺿﻲ ﺑﻴﻬﺎ
ﻻﺯﻡ ﺍﻛﻮ ﺍﻥ ﺑﺎﻟﻤﻮﺿﻮﻉ ﻭﻻﺯﻡ ﺍﻋﺮﻓﻬﺎ ....
ﺍﺧﺬﺕ ﺍﻟﻤﺸﻂ ﺣﺘﻰ ﺍﻣﺸﻂ ﺷﻌﺮﻱ ﺍﻣﻲ ﻓﺘﺤﺖ ﺍﻟﺒﺎﺏ
ﻭﺩﺧﻠﺖ ﺻﺒﻴﺤﻪ ﺍﻟﺤﺎﻓﻮﻓﻪ ...
ﺳﻠﻤﺖ ﻋﻠﻴﻪ ﻭﺷﺎﻗﺘﻨﻲ ﺑﺲ ﺍﻧﻲ ﺟﻨﺖ ﺑﺲ ﺍﺑﺘﺴﻢ ﻻﻥ
ﻋﻘﻠﻲ ﻳﻔﻜﺮ ﺑﻐﻴﺮ ﺷﻲ ...
ﻛﻤﻠﺖ ﻭﺟﻬﻲ ﻭﺧﻠﺘﻠﻲ ﻣﻜﻴﺎﺝ ﻭﻟﺒﺴﺘﻨﻲ ﻧﻔﻨﻮﻑ ﻧﻔﺶ
ﺍﻣﻲ ﺧﻴﻄﺘﻪ ﻭﻟﺒﺴﺘﻨﻲ ﺍﻟﺬﻫﺐ .. ﻭﻧﺰﻟﺘﻨﻲ ﻟﻠﺼﺎﻟﻪ
ﻭﻛﻌﺪﻭﻧﻲ ﻋﻠﻰ ﻛﺮﺳﻲ ﺍﻭ ﺳﻜﻤﻠﻲ ﻣﺜﻞ ﻣﺎ ﻧﺴﻤﻲ ﺍﺣﻨﻪ ﻗﺒﻞ
.
ﻟﻜﻴﺖ ﺍﻟﻨﺴﻮﺍﻥ ﻣﺎﻟﻴﺎﺕ ﺍﻟﺼﺎﻟﻪ ﻭﺭﺯﻳﻘﻪ ﺩﻣﺒﻜﻪ ﻭﺑﻨﺎﺗﻬﺎ ﻳﻐﻨﻦ ﻭﻳﺮﻛﺼﻦ
ﻣﻦ ﺷﺎﻓﻨﻲ ﺍﺷﺘﻐﻠﺖ ﺍﻟﻬﻼﻫﻞ ﻭﺍﻟﺮﻛﺺ ﻭﺍﻟﻬﻮﺳﺎﺕ
ﻭﺳﻮﺍﻟﻒ ﻭﺿﺤﻚ ﺍﻣﻲ ﻣﺨﻠﻴﻪ ﺻﻴﻨﻴﻪ ﺑﺎﻟﻨﺺ ﺑﻴﻬﺎ
ﺷﻤﻮﻉ ﻭﻳﺎﺱ ﻭﺣﻨﻪ ﻭﺳﺒﻊ ﺑﻴﺎﺿﺎﺕ ﻭﻗﺮﺍﻥ ﻭﻓﻠﻮﺱ
ﻭﺣﻔﻨﻪ ﺗﻤﻦ ﺍﺑﻴﺾ ﻣﺎ ﻣﻄﺒﻮﺥ .....
ﺑﻨﺺ ﺍﻟﺤﻔﻠﻪ ﺍﻟﻨﺴﻮﺍﻥ ﻛﻮﻣﻮﻧﻲ ﺣﺘﻰ ﺍﺭﻛﺺ ﻭﺍﻏﻨﻲ
ﺑﺎﻭﻋﺖ ﻻﻣﻲ ﺍﺷﺮﺗﻠﻲ ﻛﻮﻣﻲ ...
ﻛﻤﺖ ﺍﺭﻛﺺ ﻭﺍﻏﻨﻲ ﺍﺟﺘﻲ ﻣﺮﺕ ﻋﻤﻲ ﻛﻌﺪﺕ ﻳﻤﻲ
ﻭﺑﺼﻔﻬﺎ ﺍﻣﻲ ﻛﺎﻟﺖ ﺧﻮﺵ ﻭﺍﻟﻠﻪ ﺗﺘﻤﺮﻛﺼﻴﻦ ﺍﺧﺬﻱ ﺛﻜﻞ
ﻭﺍﺳﺘﺤﻲ ﺑﺎﺟﺮ ﻋﺮﺳﺞ ﻛﻮﻥ ﻫﺴﻪ ﺍﻧﺘﻲ ﻋﻴﻨﺞ ﻣﺎ ﺗﺸﻴﻠﻴﻬﺎ ﻣﻦ ﺍﻟﻜﺎﻉ ...
ﺷﺎﻃﺖ ﺭﻭﺣﻲ ﻭﻓﺎﺭ ﺩﻣﻲ ﺑﺲ ﺍﻣﻲ ﻛﺎﻟﺘﻠﻬﺎ ﺷﺒﻴﺞ ﺍﻡ ﻣﻘﺪﺍﺩ
ﺟﺎﻳﺘﻨﻪ ﻣﻨﻔﻮﺧﻪ ﺷﻨﻮ ﺍﻟﺒﻴﺞ ﻣﺎ ﻳﺨﻠﻴﺞ ﺗﺮﻩ ﺑﻌﺪﻧﻪ ﺑﺎﻭﻟﻬﺎ ﺍﺫﺍ
ﺗﺮﺩﻳﻦ ﻫﺴﻪ ﺍﺩﺯ ﻋﻠﻰ ﺍﺑﻮ ﻣﻘﺪﺍﺩ ﻭﺍﺑﻮ ﺭﺿﺎ ﻭﻧﻔﻠﺸﻬﺎ ...
ﻣﺎ ﺷﺎﻣﺮﻳﻦ ﺑﺘﻨﺎ ﺍﺣﻨﻪ ...
ﺟﺎﻥ ﺗﺒﺴﺒﺲ ﻳﻢ ﺍﻣﻲ ﻭﺍﺩﻛﻮﻟﻠﻬﺎ ... ﺷﻨﻮ ﺗﻔﻠﺸﻴﻬﺎ ﻣﺎ ﺗﺨﺎﻓﻴﻦ
ﺍﻟﻌﺎﻟﻢ ﺗﺎﺧﺬ ﻭﺗﻨﻄﻲ ﺑﺴﻤﻌﺔ ﺑﺘﺞ ﺷﺒﻴﻬﺎ ﻭﻟﻴﺶ ﻋﺎﻓﻬﺎ ﺑﻴﻮﻡ ﺍﻟﺤﻨﻪ
ﺍﻣﻲ ﻛﻠﺘﻠﻬﺎ ... ﻋﻴﻨﻲ ﻟﺤﻢ ﺍﻟﺨﺮﻭﻑ ﻣﻌﺮﻭﻑ ﻻﺗﺒﻘﻴﻦ ﺗﻤﻌﻤﻌﻴﻦ
ﻣﺎﻋﺎﺟﺒﺞ ﺍﺧﺼﻤﻴﻬﺎ ﺍﻧﻲ ﻫﺴﻪ ﺭﺍﻳﺤﻪ ﻋﻠﻰ ﺍﺑﻮ ﻣﻘﺪﺍﺩ ﺍﺻﻴﺤﻪ
ﻭﺍﻛﻮﻟﻪ ....
ﻋﻤﺘﻲ ﻫﺪﺍﺕ ﺍﻟﻤﻮﻗﻒ ﻭﻃﻤﻄﻤﺖ ﺍﻟﺴﺎﻟﻔﻪ ﻛﺎﻓﻲ ﻭﻋﻴﺐ ﻭﺍﻟﻴﻮﻡ ﻓﺮﺣﺘﻬﻢ ﻭﺷﻨﻮ ﺍﻧﺤﺴﺪﺗﻦ ﻭﻣﻦ ﻫﺬﺍ ﺍﻟﺤﺠﻲ ...
ﺍﻧﻲ ﺗﺴﻤﻤﺖ ﺑﻬﺬﺍ ﺍﻟﺤﺠﻲ ﺗﻤﻨﻴﺖ ﺍﻟﺤﻔﻠﻪ ﺗﺨﻠﺺ ﻭﺍﻟﻨﺎﺱ
ﺗﺮﻭﺡ ﺣﺘﻰ ﺍﻓﺘﻬﻢ ﺷﻨﻮ ﺍﻟﺴﺎﻟﻔﻪ ﻭﺷﻨﻮ ﺳﺎﻟﻔﺘﻲ ﺍﻧﻲ ...
ﺭﺍﺣﺖ ﺍﻟﻨﺎﺱ ﺭﺣﺖ ﻋﻠﻰ ﺍﻣﻲ ﻭﺳﺄﻟﺘﻬﺎ ﺷﺒﻴﻬﺎ ﺍﻡ ﻣﻘﺪﺍﺩ
ﻟﻴﺶ ﺗﻜﺮﻫﻨﻲ ﺷﻨﻮ ﺳﺎﻟﻔﺘﻲ ﺟﺎﻥ ﺍﻣﻲ ﺍﺩﻛﻮﻟﻲ ﺍﺑﻮﺝ ﺷﻨﻮ ﻭﺻﺎﺝ
ﻣﻮ ﻛﺎﻝ ﺷﺘﺴﻤﻌﻴﻦ ﺗﻌﺒﺮﻱ ....
ﺍﺍﺍﺍﺍﺥ ﻋﻀﻴﺖ ﺍﺻﺒﻌﻲ ﻭﻳﺎﺭﻳﺖ ﻣﻔﺘﻬﻤﻪ ﺳﺎﻟﻔﺘﻲ ﻭﻣﺎ ﺷﻔﺖ ﺍﻟﻲ ﺷﻔﺘﻪ ﺑﻌﺪ ﺍﻟﻌﺮﺱ ﺍﺍﺍﺍﺍﻩ ﻭﺍﻟﻒ ﺃﺍﺍﺍﺍﺍﻩ ....
ﺛﺎﻧﻲ ﺍﻟﺼﺒﺢ ﺍﻗﺮﺑﺎﺋﻨﺎ ﺍﺟﻮﻱ ﻋﻠﻴﻨﺎ ﻭﺧﺎﻻﺗﻲ ﻭﺑﻨﺎﺗﻬﻢ ﻭﺍﻟﺠﻴﺮﺍﻥ
ﻭﺻﺒﻴﺤﻪ ﺍﻟﺤﺎﻓﻮﻓﻪ ﺍﺟﺘﻲ ﺧﻠﺘﻠﻲ ﻣﻜﻴﺎﺝ ﻭﻟﺒﺴﺘﻨﻲ ﺍﻟﺒﺪﻟﻪ
ﻭﺳﻮﺕ ﺗﺴﺮﻳﺤﻪ ( ﻟﻴﻼﻥ ﺣﻜﻤﺖ ) ﺑﺸﻌﺮﻱ ﺣﻠﺘﻪ ﻋﻠﻰ ﻃﻮﻟﻪ ﺻﺢ ﻫﻮ ﻣﺠﻌﺪ ﺷﻮﻳﻪ ﺑﺲ ﻫﻲ ﻋﺪﻟﺘﻪ ﺍﻟﻲ ﻭﻃﻠﻌﺘﻠﻲ ﻛﺬﻟﻪ ﻭﻓﺮﺗﻬﺎ ﺑﺎﻭﻋﺖ ﻋﻠﻰ ﺭﻭﺣﻲ
ﻣﺎﻋﺮﻓﺖ ﻧﻔﺴﻲ ﺍﻧﻲ ﻣﻮ ﺍﺯﻫﺎﺭ ﺍﻧﻲ ﻭﺣﺪﻩ ﺛﺎﻧﻴﻪ ....
ﺑﻘﻴﻨﺎ ﻧﺤﺘﻔﻞ ﺣﻮﺍﻟﻲ ﻟﻠﺴﺎﻋﻪ ﻋﺸﺮﻩ ﺑﺎﻟﻠﻴﻞ ...
ﺍﺟﻪ ﻋﻤﻲ ﻭﻳﺎﻩ ﻣﻘﺪﺍﺩ ﻭﺍﻟﺰﻓﻪ ﻛﻠﻬﺎ ﻭﻳﺎﻩ ﺟﺎﺑﻮﺍ ﻣﻘﺪﺍﺩ ﻛﻌﺪﻭﺍ ﺑﺼﻔﻲ ﻭﻏﻨﺎﻭﻱ ﻭﻫﻼﻫﻞ ...
ﺻﺎﺭﺕ ﻋﻴﻨﻲ ﺑﻌﻴﻦ ﻣﻘﺪﺍﺩ ﺿﺤﻜﻠﻲ ﻭﻏﻤﺰ ... ﺻﺢ ﺍﻧﻲ ﺍﺳﺘﺤﻴﺖ
ﻭﺩﻧﻜﺖ ﺑﺲ ﻋﻘﻠﻲ ﻣﺸﻐﻮﻝ ﺑﺎﻟﺴﺎﻟﻔﻪ ﺍﻟﻲ ﻳﻌﺮﻓﻬﺎ ﻋﻨﻲ
ﻭﺭﺍﺿﻲ ﺑﻴﻬﺎ ....
ﺑﻘﻴﻨﺎ ﺣﻮﺍﻟﻲ ﻧﺺ ﺳﺎﻋﻪ ﺑﺎﻟﺤﻔﻠﻪ ﻳﻢ ﺑﻴﺖ ﺍﻫﻠﻲ ﺑﻌﺪﻳﻦ ﺍﺧﺬﻭﻧﺎ ﻋﻠﻰ ﺑﻴﺖ ﻋﻤﻲ ﺣﻮﺍﻟﻲ ﺍﻟﺴﺎﻋﻪ ﺑﺎﻟﻌﺸﺮﻩ ﻭﻧﺺ ﺑﺎﻟﻠﻴﻞ
ﻫﻢ ﺭﻛﺼﻮﺍ ﺷﻮﻳﻪ ﻭﻫﻠﻬﻠﻮﺍ ﻭﺑﻌﺪﻫﺎ ﺯﻓﻮﻧﺎ ﻋﻠﻰ ﻏﺮﻓﺘﻨﺎ ...
ﺑﻘﻴﻨﺎ ﺍﻧﻲ ﻭﻳﺎﻩ ﺑﻐﺮﻓﺘﻨﺎ ﻭﻟﻮﺣﺪﻧﺎ ﻣﻘﺪﺍﺩ ﺑﻜﺪ ﻣﺎ ﺍﻧﻲ ﻛﻨﺖ
ﺧﺠﻼﻧﻪ ﻫﻮ ﺧﺠﻼﻥ ﻟﻜﻦ ﻣﺎﺑﻴﻦ ﺑﺎﻟﻌﻜﺲ ﺭﻓﻊ ﺍﻟﻄﺮﺣﻪ
ﻣﻦ ﻋﻠﻰ ﻭﺟﻬﻲ ﻭﻛﻠﻲ ﺍﻳﻴﻴﻴﻪ ﻭﺍﺧﻴﺮﺍ ﺻﺮﺗﻲ ﺍﻟﻲ ﻭﺻﺮﻧﺎ ﺑﻐﺮﻓﻪ ﻟﻮﺣﺪﻧﺎ ...
ﺑﺎﺳﻨﻲ ﻋﻠﻰ ﻛﺼﺘﻲ ﻭﺍﻧﻄﺎﻧﻲ ﻛﻼﺩﻩ ﺫﻫﺐ ﻣﻜﺘﻮﺏ ﺑﻴﻬﺎ ﺍﺳﻤﻪ ﻭﺍﺳﻤﻲ ...
ﺧﻠﺼﺖ ﻟﻴﻠﺔ ﺍﻟﻌﺮﺱ ﺍﻟﻲ ﻫﻲ ﻟﻴﻠﺔ ﺍﻟﻌﻤﺮ ﻭﺍﺣﻠﻰ ﺍﻟﻠﻴﺎﻟﻲ
ﺍﻟﺼﺒﺢ ﺍﺟﺘﻲ ﺍﻣﻲ ﺗﻬﻠﻬﻞ ﻭﺑﻴﺪﻫﺎ ﺻﻴﻨﻴﺔ ﺍﻟﻜﺎﻫﻲ ﻭﺍﻟﻜﻴﻤﺮ
ﻓﺘﺤﺘﻠﻬﺎ ﺑﺎﺏ ﺍﻟﻐﺮﻓﻪ ﻭﻫﻲ ﺗﻬﻠﻬﻞ ﺗﺒﺎﺭﻛﺖ ﺍﻟﻨﻪ ﻭﺧﻠﺖ ﺍﻟﺮﻳﻮﻙ
ﻭﻃﻠﻌﺖ ...
ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ ﻭﺧﻠﻴﺖ ﻣﻜﻴﺎﺝ
ﻭﻣﻘﺪﺍﺩ ﺳﺒﺢ ﻭﺗﺮﻳﻜﻨﺎ ﺍﻧﻲ ﻭﻳﺎﻩ ﻭﺭﺍﺡ ﻋﻠﻰ ﺍﻻﺳﺘﻘﺒﺎﻝ ﻳﻢ ﺍﻟﺮﻳﺎﺟﻴﻞ ....
ﺍﻳﺎﻡ ﺍﻟﻌﺮﺱ ﺣﻠﻮﻩ ﺧﺼﻮﺻﺎ ﺍﺫﺍ ﻛﺎﻧﺖ ﻣﻊ ﺍﻟﺸﺨﺺ ﺍﻟﻲ ﺗﺤﺒﻪ ﻭﺗﺮﻳﺪﻩ ... ﺍﺣﻠﻰ ﻟﺤﻈﺎﺕ ﻭﺍﺣﻠﻰ ﺳﺎﻋﺎﺕ ....
..
ﻳﻮﻡ ﺍﻟﺜﺎﻟﺚ ﻛﻌﺪﺕ ﺍﻟﺼﺒﺢ ﺻﺎﺣﺖ ﻣﺮﺕ ﻋﻤﻲ ...
ﻛﻮﻣﻲ ﻳﺎﺣﻠﻮﻩ ﺧﻠﻲ ﻧﺸﻮﻑ ﺷﻐﻠﺞ ﺧﻠﻲ ﻧﺸﻮﻑ ﻃﻮﻟﺞ ﻛﺎﻓﻲ ﻋﺮﺱ ....
ﺭﻭﺣﻲ ﺷﻮﻓﻲ ﺍﻟﺒﻴﺖ ﺷﺒﻲ ﻣﺎﺑﻲ ﺭﻭﺣﻲ ﻟﻠﻤﻄﺒﺦ ﺳﺎﻋﺪﻱ ﺳﻌﺎﺩ
ﻣﺎ ﺟﺎﺩﻟﺘﻬﺎ ﻭﻛﻠﺘﻠﻬﺎ ﺻﺎﺭ ﻋﻤﻪ ....
ﺭﺣﺖ ﻟﻠﻤﻄﺒﺦ ﺷﻮﻳﻪ ﺻﺎﺣﺖ ﻋﻠﻰ ﺳﻌﺎﺩ ﻭﻋﺎﻓﺘﻨﻲ ﻭﺣﺪﻱ ﺍﺷﺘﻐﻞ ﻧﻈﻔﺖ ﻭﻃﺒﺨﺖ ﻏﺪﻩ ... ﻭﻃﻠﻌﺖ ﻟﻼﺳﺘﻘﺒﺎﻝ ﻧﻈﻔﺘﻪ
ﻭﻋﺪﻟﺘﻪ ﺳﻤﻐﺖ ﺻﻮﺕ ﻣﻘﺪﺍﺩ ﻳﺼﻴﺢ ﺍﺯﻫﺎﺭ ﺭﺣﺖ ﻋﻠﻴﻪ
ﺳﺄﻟﻨﻲ ﻭﻳﻦ ﺭﺣﺘﻲ ﻛﺘﻠﻪ ﻋﻤﺘﻲ ﻃﻠﺒﺖ ﻣﻨﻲ ﺍﺳﺎﻋﺪﻫﻢ ﺑﺎﻟﺸﻐﻞ
ﺍﺳﺘﻐﺮﺏ ﻭﻛﺎﻝ ﺑﺴﻢ ﺍﻟﻠﻪ ﺑﻌﺪﻧﻪ ﺍﺳﻢ ﺍﻟﻠﻪ ﺑﺎﻟﻄﺒﻚ ...
ﺍﻧﻲ ﻛﺘﻠﻪ ﻣﻴﺨﺎﻟﻒ ﺷﻜﻮ ﺑﻴﻬﺎ ﺑﻌﺪﻳﻦ ﺍﻟﻜﻌﺪﻩ ﻣﻮ ﺣﻠﻮﻩ
ﺍﺳﺘﻤﺮﺕ ﻣﺮﺕ ﻋﻤﻲ ﺗﻀﺎﻳﻘﻨﻲ ﻛﻠﻤﺎ ﺗﺸﻮﻓﻨﻲ ﻛﺎﻋﺪﻩ
ﺗﺨﻠﻖ ﺍﻟﺸﻐﻞ ﻣﻦ ﺟﻮﻩ ﺍﻟﻜﺎﻉ ﺍﻟﻈﻬﺮ ﻣﺎﻛﻮ ﻧﻮﻡ ...
ﺍﺧﺒﺰ ﻭﺍﻃﺒﺦ ﻭﺍﻧﻈﻒ ﻭﻫﻲ ﻭﺑﻨﺎﺗﻬﺎ ﻧﺎﻳﻤﺎﺕ ﺍﺫﺍ ﻭﺣﺪﻩ ﺗﺴﺎﻋﺪﻧﻲ
ﻣﺘﻘﺒﻞ ﺗﺼﻴﺢ ﻋﻠﻴﻬﺎ ﻭﺍﺩﻛﻮﻟﻠﻬﺎ ﺍﺣﻨﻪ ﺍﻟﻤﻦ ﺟﺎﻳﺒﻴﻬﺎ ﻏﻴﺮ ﺗﺨﺪﻣﻨﻪ
ﺧﻮ ﻣﻮ ﺟﺎﻳﺒﻴﻬﺎ ﺍﺣﻨﻪ ﻧﺨﺪﻣﻬﺎ ....
ﻣﺎ ﺍﺳﺘﻐﺮﺏ ﻭﻻ ﺍﻫﺘﻢ ﻟﻜﻼﻣﻬﺎ ﻻﻥ ﺍﻟﺸﻐﻞ ﻣﻮ ﻋﻴﺐ ﺑﺲ
ﺍﻟﻲ ﻣﻬﺘﻤﺘﻠﻪ ﻣﻮﻗﻒ ﻣﻘﺪﺍﺩ ﺍﻟﻲ ﻣﻴﺮﺩ ﺍﻣﻪ ﺣﺘﻰ ﻣﻦ ﺗﻐﻠﻂ
ﻭﺗﻔﺸﺮ ﻋﻠﻴﻪ ... ﻭﻣﺮﺍﺕ ﻳﺴﻤﻌﻬﺎ ﺍﺩﻭﺱ ﺑﺎﻟﺤﺠﻲ ﻋﻠﻴﻪ
ﻳﺴﻜﺖ ﻭﻳﺪﺧﻞ ﻟﻠﻐﺮﻓﻪ ...
ﺍﻧﻲ ﻣﺎ ﺍﻫﺘﻢ ﻟﻮ ﺗﺴﻮﻱ ﻣﺎ ﺗﺴﻮﻱ ﻣﻄﻴﺘﻬﺎ ﺍﺫﻥ ﺍﻟﻄﺮﺷﻪ ﺑﻌﺪ ﺷﻬﺮﻳﻦ ﻣﻦ ﺯﻭﺍﺟﻲ ﻃﻠﻌﺘﻠﻲ ﺑﺴﺎﻟﻔﻪ ﺍﻧﺘﻲ ﻋﺎﻗﺮ ﻟﻴﺶ ﻟﺴﻪ
ﻣﺎ ﺣﺒﻠﺘﻲ ... ﻭﻛﻞ ﺷﻮﻳﻪ ﺗﺘﺤﺠﺞ ﺑﺸﻲ ﻣﻘﺪﺍﺩ ﻳﺠﻲ ﺑﺎﻻﺟﺎﺯﻩ ﻳﺘﺮﺗﺎﺡ ﻭﻳﻨﺎﻡ ... ﺍﻧﻲ ﻣﺎ ﺍﺳﻮﻟﻔﻠﻪ ﺣﺘﻰ ﻣﻦ ﻳﺴﺄﻟﻨﻲ
ﺍﻏﻴﺮ ﺍﻟﻤﻮﺿﻮﻉ ﺣﺘﻰ ﻣﺎ ﺍﺿﺎﻳﻘﻪ ...
ﻟﻮ ﺗﺼﻴﺮ ﻣﺸﻜﻠﻪ ﺑﺴﺒﺒﻲ ﻭﺧﺼﻮﺻﺎ ﻫﻮ ﻣﻤﻘﺼﺮ ﻭﻳﺎﻱ
ﺑﺎﻱ ﺷﻲ ...
ﻻ ﺑﻔﻠﻮﺱ ﻭﻻ ﺑﺬﻫﺐ ﻭﻻ ﺑﻄﻠﻌﻪ ﺻﺢ ﺍﻣﻪ ﺗﺴﻤﻤﻨﺎ ﺑﻜﻼﻣﻬﺎ ﻭﺗﻐﺼﻐﺼﻨﺎ ﺑﺎﻟﻄﻠﻌﻪ ﺑﺲ ﺍﻟﻤﻬﻢ ﻧﻄﻠﻊ ﺍﻧﻲ ﻭﻳﺎﻩ ﺍﻗﻠﻬﺎ ﺍﻏﻴﺮ ﺭﻭﺗﻴﻦ ﺍﻟﺸﻐﻞ ﻭﺍﻟﺒﻴﺖ ....
ﻣﺮﺕ ﺍﺭﺑﻊ ﺷﻬﻮﺭ ﻋﻠﻰ ﺯﻭﺍﺟﻲ ... ﺻﺤﻴﻨﺎ ﻋﻠﻰ ﺧﺒﺮ ﻣﻔﺰﻉ
ﺍﻳﺮﺍﻥ ﺿﺮﺑﺖ ﺍﻟﻤﻨﺎﻃﻖ ﺍﻟﻘﺮﻳﺒﻪ ﻋﻠﻴﻬﺎ ﺑﻤﺤﺎﻓﻈﺔ ﺍﻟﺒﺼﺮﻩ
ﻭﺍﻧﻄﻮﺍ ﺍﻧﺬﺍﺭ ﻟﻠﺠﻴﺶ ﻭﺍﻟﻌﺮﺍﻕ ﺍﺳﺘﻨﻔﺮ ﻛﻞ ﻗﻮﺍﺗﻪ ﺣﺘﻰ
ﻳﺮﺩ ﻋﻠﻰ ﺍﻟﻌﺪﻭﺍﻥ ﺍﻻﻳﺮﺍﻧﻲ ... ﻭﻃﺒﻌﺎ ﻣﻘﺪﺍﺩ ﻣﺎﻧﺰﻝ ﺑﺎﺟﺎﺯﻩ
ﺑﻘﻰ ﻫﻨﺎﻙ ﻻﻥ ﺍﻧﺬﺍﺭ ﻭﻣﻮ ﺑﻴﺪﻩ ﺍﻟﻨﺰﻭﻝ ...
ﺍﻣﻪ ﺯﺍﺩﺕ ﺑﻄﺒﻌﻬﺎ ﻭﺧﺼﻮﺻﺎ ﺑﻐﻴﺎﺏ ﻣﻘﺪﺍﺩ ﻭﻋﻤﻲ ﺻﺎﺭﺕ ﻓﺮﺻﺘﻬﺎ ﺍﻟﺬﻫﺒﻴﻪ ﺗﻔﺸﺮ ﻭﺗﻐﻠﻂ ﻭﻭﺻﻠﺖ ﺣﺪ ﺍﻟﺸﺘﺎﺋﻢ ﻭﻓﻮﻛﺎﻫﺎ ﺗﺴﻤﻴﻨﻲ ﺍﻟﻘﺬﺭﻩ
ﺍﻟﻔﺎﻫﻴﻪ ﺗﻌﻴﺐ ﻋﻠﻰ ﺗﻨﻈﻴﻔﻲ ﻭﻃﺒﺨﻲ ﻭﺗﺤﺠﻲ ﻋﻠﻰ ﺍﻣﻲ
ﺍﻣﺞ ﻣﺎ ﻣﻌﻠﻤﺘﺞ ﺍﻣﺞ ﻛﺬﺍ ﻭﺍﻟﻠﻪ ﻟﻮ ﻣﻮ ﺍﺑﻮ ﻣﻘﺪﺍﺩ ﻭﺍﻛﻒ
ﺑﻌﻴﻨﻲ ﻣﻦ ﺯﻣﺎﻥ ﺭﺟﻌﺘﺞ ﻻﻫﻠﺞ ﻻ ﻓﺎﻟﺤﻪ ﺑﻄﺒﺦ
ﻭﻻ ﺗﻨﻈﻴﻒ ﺣﻲ ﺍﻟﻠﻪ ﻓﺎﻟﺤﻪ ﺗﻔﺘﺤﻴﻦ ﺭﺟﻠﻴﺞ ﺑﺎﻟﻠﻴﻞ ... ﻛﻞ ﻫﺬﺍ ﺻﺎﺭ ﺑﻴﻮﻡ ﻧﺰﻭﻝ ﻣﻘﺪﺍﺩ ﺍﺟﺎﺯﻩ ﻛﺎﻥ ﻧﺎﻳﻢ ﺑﺎﻟﻐﺮﻓﻪ ..
ﺍﻧﻲ ﺍﻧﻔﺠﺮﺕ ﺑﺠﻴﺖ ﻭﺭﺣﺖ ﻋﻠﻰ ﻏﺮﻓﺘﻲ ﺳﺎﻟﻨﻲ ﺷﺒﻴﺞ
ﺟﺎﻭﺑﺘﻪ ﻣﺎﺑﻴﻪ ﺷﻲ ﺩﺧﻞ ﺑﻌﻴﻨﻲ ﺗﺮﺍﺏ ﻣﻦ ﺍﻟﺘﻨﻈﻴﻒ
ﻫﻮ ﺳﻜﺖ ﻭﻃﻠﻊ ﺭﺍﺡ ﻋﻠﻰ ﺍﻣﻪ ... ﻣﺎ ﺳﻤﻌﺘﻪ ﺷﺴﻮﻟﻒ ﻭﻳﺎﻫﺎ
ﺑﺲ ﺳﻤﻌﺘﻬﺎ ﺗﺼﻴﺢ ...
ﻫﺎﺍ ﺣﺎﻟﺘﻚ ﻭﻭﺩﺗﻚ ﻋﻠﻴﻪ ﻧﺎﻓﺦ ﺭﻭﺣﻚ ﻳﻤﻪ ﻳﻤﻪ ﻣﻦ ﻧﺴﻮﺍﻥ ﻫﺎﻟﻮﻛﺖ ﻣﺪﺑﺮﺍﺕ ...
ﻓﺠﺎﻩ ﺳﻤﻌﺘﻪ ﻳﺼﻴﺢ ﺑﺼﻮﺕ ﻋﺎﻟﻲ ﺷﺘﺮﺩﻳﻦ ﻣﻨﻬﺎ ﻋﻮﻓﻴﻬﺎ
ﺍﺑﺘﻠﺖ ﺑﻠﻮﻩ ﺑﻴﺞ ﺗﻨﻈﻒ ﻭﺗﻄﺒﺦ ﻛﺘﻠﺘﻲ ﺍﻻﺑﻨﻴﻪ ﺑﻠﻴﺘﻬﺎ ﺑﻠﻮﻩ ﻣﻮ ﺫﻧﺒﻬﺎ ﺑﺎﻟﻲ ﺻﺎﺭ ﻭﺍﻧﻲ ﺭﺍﺿﻲ ﻣﻌﻠﻴﺞ ﺑﻴﻬﺎ ﻭﻏﻴﺮﻫﺎ ﻣﻦ ﺍﻟﺤﺠﻲ ... ﻫﺪﺩﻫﺎ ﺑﺎﺟﺎﺯﺗﻪ ﺍﻟﺜﺎﻧﻴﻪ ﻳﺄﺟﺮ ﺑﻴﺖ ﻭﻧﻄﻠﻊ
ﻋﻠﻰ ﻣﺎ ﻳﻜﻤﻞ ﺑﻴﺘﻨﺎ ﺑﻨﺎﺀ ...
ﻭﺭﺟﻊ ﻉ ﺍﻟﻐﺮﻓﻪ ﻭﻛﻠﻲ ﺑﻌﺪ ﻻ ﻃﺒﺦ ﻭﻻ ﺗﻨﻈﻴﻒ ﺧﻠﻴﻬﺎ ﺗﻄﺒﺦ ﻫﻲ ﻭﺑﻨﺎﺗﻬﺎ ...
ﺑﻘﻪ ﻛﻢ ﻳﻮﻡ ﻣﻴﺤﺠﻲ ﻭﻳﻪ ﺍﻣﻪ ﻭﻫﻲ ﺧﺎﻳﻔﻪ ﻻ ﻳﻮﺻﻞ ﻟﻜﻼﻡ ﻟﻌﻤﻲ ﻭﺗﻜﺒﺮ ﺍﻟﻤﺸﻜﻠﻪ ...
ﺣﺴﻴﺖ ﺑﻴﻬﺎ ﺧﺎﻳﻔﻪ ﻭﺗﺮﻳﺪ ﺍﻃﻤﻄﻢ ﺍﻟﺴﺎﻟﻔﻪ ﺧﺼﻮﺻﺎ ﻣﻦ ﻋﻤﻲ ﺍﻧﺘﺒﻪ ﻟﻤﻘﺪﺍﺩ ﻭﻋﺼﺒﻴﺘﻪ ....
ﺑﻴﻮﻡ ﺍﻟﺘﺤﺎﻕ ﻣﻘﺪﺍﺩ ﺍﻟﻔﺠﺮ ﺍﺑﻮﻩ ﻛﺎﻋﺪ ﻭﺍﻣﻪ ﻛﻠﻠﻬﻢ ﺍﻧﻲ ﺍﺫﺍ ﺭﺟﻌﺖ ﻣﺎ ﺍﺑﻘﻰ ﺑﻌﺪ ﻫﻨﺎ ﺣﺼﻠﺖ ﺑﻴﺖ ﻭﺍﺟﺮﺗﻪ ﺑﺲ ﺍﺭﺟﻊ
ﺍﻧﺘﻘﻞ ....
ﻭﺩﺧﻞ ﻟﻠﻐﺮﻓﻪ ﻛﻠﻲ ﺗﺮﻭﺣﻴﻦ ﻋﻠﻰ ﺍﻫﻠﺞ ﻣﻮ ﺗﺒﻘﻴﻦ ﺧﺪﺍﻣﻪ
ﺍﻟﻬﻢ ﺍﻧﻲ ﻫﺎﻟﻤﺮﻩ ﻣﻨﻘﻮﻝ ﻟﻠﺸﻤﺎﻝ ﻭﺍﺣﺘﻤﺎﻝ ﺍﺗﺎﺧﺮ ﻻﻥ ﺍﻧﺬﺍﺭ ﻭﺍﻏﻠﺐ ﺍﻟﻀﺒﺎﻁ ﻣﺎﺗﻨﺰﻝ ﺑﺎﺟﺎﺯﺗﻬﺎ ... ﺣﻠﻔﺘﻪ ﻣﺎ ﺍﻃﻠﻊ ﻣﻦ ﺍﻟﺒﻴﺖ ﻭﺍﺗﺤﻤﻞ ﻛﻮﻟﺸﻲ ﻋﻠﻤﻮﺩﻩ .... ﺑﺎﺳﻨﻲ ﻭﺍﻧﻄﺎﻧﻲ ﻓﻠﻮﺱ ..
ﻃﻠﻊ ﻣﻦ ﻏﺮﻓﺘﻲ ﻉ ﺍﻟﺼﺎﻟﻪ ﺳﻠﻢ ﻋﻠﻰ ﺍﺑﻮﻩ ﻭﻃﻠﻊ ﻣﺎ ﺳﻠﻢ ﻋﻠﻰ ﺍﻣﻪ ﻭﻻ ﻭﺩﻋﻬﺎ ...
ﺍﻣﻪ ﺻﺎﺣﺖ ﻭﺭﺍﻩ ﻣﻘﺪﺍﺩ ﺍﻭﻛﻒ ﺧﻠﻲ ﺍﺑﻮﺳﻚ ﻣﺎ ﺍﻟﺘﻔﺖ ﺍﻟﻬﺎ
ﺍﺧﺬ ﺟﻨﻄﺘﻪ ﻭﻃﻠﻊ ...
ﻋﻤﻲ ﺗﻌﺎﺭﻙ ﻭﻳﻪ ﻣﺮﺗﻪ ﻭﻛﻠﻠﻬﺎ ﺍﺑﻨﺞ ﺭﺍﻳﺢ ﻟﻠﺤﺮﺏ ﻟﻠﻤﻮﺕ ﻭﺍﻧﺘﻲ
ﺑﺎﻗﻴﻪ ﺑﺎﻟﻤﺴﻠﻌﺎﺕ ﻣﺘﺴﺘﺤﻴﻦ ﻣﻘﺪﺍﺩ ﺳﻮﻟﻔﻠﻲ ﻭﺣﻠﻔﻨﻲ
ﻣﺎ ﺍﺗﻌﺎﺭﻙ ﻭﻳﺎﺝ ... ﺑﺲ ﺷﻮﻓﻲ ﺍﺫﺍ ﺻﺎﺭﺕ ﻣﺸﺎﻛﻞ ﺧﻂ ﻃﻼﻛﺞ ﻳﺠﻴﺞ ﻭﺍﻧﺘﻲ ﻧﺎﻳﻤﻪ
..
ﺍﻟﺘﺤﻖ ﻣﻘﺪﺍﺩ ﺭﺍﺡ ﻭﺍﺧﺬ ﺭﻭﺣﻲ ﻭﻳﺎﻩ ﺭﺍﺡ ﻭﻫﻮ ﻣﻐﺜﻮﺙ ﻣﻦ ﺍﻣﻪ
ﺷﺎﻳﻞ ﺑﻜﻠﺒﻪ ﻋﻠﻴﻬﺎ ﻣﺎ ﺍﻟﺘﻔﺖ ﺍﻟﻬﺎ ...
ﺍﻧﻘﻬﺮﺕ ﻋﻠﻴﻪ ﻭﺿﺠﺖ ﻻﻥ ﻣﺎ ﺭﺩﺕ ﺗﺼﻴﺮ ﻣﺸﺎﻛﻞ ﺑﺴﺒﺒﻲ
ﻭﻣﺎ ﺭﺩﺕ ﻳﻨﻐﺚ ﻣﻨﻬﺎ .... ﺑﺲ ﺍﻋﺮﻑ ﻗﻠﺒﻪ ﻃﻴﺐ
ﻭﻣﻴﻄﻮﻝ ﺑﺎﻟﺰﻋﻞ ﺍﻛﻴﺪ ﻣﻦ ﻳﺮﺟﻊ ﻳﺼﺎﻟﺤﻬﺎ ﻭﺍﻧﻲ ﺍﺧﻠﻲ ﻳﺼﺎﻟﺤﻬﺎ
ﺍﻋﺮﻓﻪ ﻳﺤﺒﻨﻲ ﻭﻣﻴﺮﻓﻀﻠﻲ ﻃﻠﺐ .....
ﻣﺮﻥ ﻳﻮﻡ ﻭﺍﺛﻨﻴﻦ ﻭﺗﻼﺛﻪ ﻻ ﺧﺒﺮ ﻻ ﺑﺮﻗﻴﻪ ﻭﻻ ﺍﻱ ﺷﻲ
ﻛﻠﻤﺎ ﺍﺳﻤﻊ ﻫﺠﻮﻡ ﺑﺎﻟﻤﻜﺎﻥ ﺍﻟﻲ ﺑﻲ ﻫﻮ ﺍﻟﺰﻡ ﻛﻠﺒﻲ
ﻭﺍﺩﻋﻲ ﻟﻮ ﺍﻟﺰﻡ ﺍﻟﻘﺮﺍﻥ ﻭﺍﻗﺮﻩ ﺍﻳﺎﺕ ﺍﻟﺤﻔﻆ
ﺍﺻﻌﺐ ﺷﻲ ﻳﻜﻮﻥ ﺣﺒﻴﺒﻚ ﺑﻤﻮﺍﺟﻬﺔ ﺍﻟﻤﻮﺕ ﺗﻮﺩﻋﻪ ﻣﺘﻌﺮﻑ ﻳﺮﺟﻊ ﺍﻭ ﻻ ... ﻣﺎﺗﻜﺪﺭ ﺗﺴﻮﻳﻠﻪ ﺷﻲ ﻏﻴﺮ ﺑﺲ ﺍﻟﺪﻋﺎﺀ ....
ﻣﺮﻥ ﺍﺳﺒﻮﻋﻴﻦ ﻭﻛﻞ ﺧﺒﺮ ﻣﺎﻛﻮ ﻋﺸﺮﻳﻦ ﻳﻮﻡ ﻫﻢ ﻣﺎﻛﻮ ﺧﺒﺮ
ﺗﺎﺯﻣﺖ ﻧﻔﺴﻴﺘﻲ ﻻ ﻧﻌﺮﻑ ﻋﻨﻪ ﻭﻻ ﻧﻌﺮﻑ ﺷﻠﻮﻥ ﻧﻮﺻﻠﻪ
ﻋﻤﻲ ﺣﻤﻴﺪ ﻣﻦ ﺷﺎﻓﻨﻲ ﺗﻌﺒﺎﻧﻪ ﻗﺮﺭ ﻳﺮﻭﺡ ﻟﻠﺸﻤﺎﻝ ﻳﺴﺎﻝ
ﻋﻨﻪ ﺑﺎﻟﻔﻮﺝ ﻣﺎﻟﺘﻪ ...
ﺍﺫﻛﺮ ﻛﺎﻥ ﻳﻮﻡ ﺍﺭﺑﻌﺎﺀ ﻃﻠﻊ ﻋﻤﻲ ﻣﻦ ﺍﻟﻔﺠﺮ ﺍﺧﺬ ﺳﻴﺎﺭﻩ
ﺧﺎﺻﻪ ﻣﺮﺟﻊ ﻭﺍﺧﺬ ﻭﻳﺎﻩ ﺧﺒﺰ ﻭﻛﻠﻴﺠﻪ ﻭﺍﻛﻞ ...
ﺑﻘﻴﻨﺎ ﻣﻌﺘﻤﺪﻳﻦ ﻋﻠﻰ ﺍﻟﻠﻪ ﻭﻋﻠﻰ ﻋﻤﻲ ﻳﺠﻴﺒﻠﻨﻪ ﺧﺒﺮ
ﻣﻦ ﻣﻘﺪﺍﺩ ﺍﻋﺼﺎﺑﻨﺎ ﺗﻠﻔﺖ ﻣﺘﺘﺤﻤﻞ ﺍﻱ ﺷﻲ ..
ﺍﻻﻧﺘﻈﺎﺭ ﻗﺎﺗﻞ ﻭﺻﻌﺐ ﺍﻟﺪﻗﺎﻳﻖ ﺗﻤﺮ ﻋﺒﺎﻟﻚ ﺳﻨﻮﺍﺕ
ﺣﺎﺩﻩ ﻣﺜﻞ ﺍﻟﺴﻴﻒ ﻛﻠﺒﻲ ﻭﻋﻘﻠﻲ ﻳﻢ ﻣﻘﺪﺍﺩ ...
ﺳﻤﻌﺖ ﺍﻟﺒﺎﺏ ﺍﻧﺪﻓﻌﺖ ﻭﺻﻮﺕ ﻋﻤﻲ
ﻃﻠﻌﺖ ﺍﺭﻛﺾ ﻋﻠﻴﻪ ﻣﻠﻬﻮﻓﻪ ﺑﺲ ﺍﺭﻳﺪ ﺍﻋﺮﻑ ﺧﺒﺮ ﻣﻨﻪ
ﺗﻠﻜﻴﺘﻪ ﻫﺎﺍ ﻋﻤﻲ ﻣﻘﺪﺍﺩ ﺷﻠﻮﻧﻪ ﺍﺟﺘﻲ ﻣﺮﺕ ﻋﻤﻲ ﻭﺑﻨﺎﺗﻬﺎ
ﻳﺮﻛﻀﻮﻥ ...
ﻛﻠﻬﺎ ﺗﺼﻴﺢ ﻣﻘﺪﺍﺩ ﺷﻠﻮﻧﻪ ... ﺷﻔﺘﻪ ... ﺍﺧﺒﺎﺭﻩ ﺑﺲ ﻛﻠﻬﻢ
ﻣﻮ ﻣﺜﻞ ﻟﻬﻔﺘﻲ ...
ﻛﺎﻝ ﻋﻤﻲ ... ﻣﻘﺪﺍﺩ ﺯﻳﻦ ﺑﺲ ﻣﻴﻜﺪﺭ ﻳﺠﻲ ﻫﺴﻪ
ﻻﻥ ﺍﻧﺬﺍﺭ ﻭﻫﺠﻮﻡ ﻛﻞ ﺩﻗﻴﻘﻪ ... ﻭﺑﻮﺣﺪﻩ ﻣﻦ ﺍﻟﻬﺠﻤﺎﺕ
ﺍﻧﺠﺮﺡ ﺑﺎﻳﺪﻩ ...
ﻟﻄﻤﺖ ﻋﻠﻰ ﺧﺪﻱ ﻭﺻﺤﺖ ﻳﻤﻪ ﺑﻴﻪ ﻛﻮﻥ ﺍﻟﺼﻮﺍﺏ
ﻋﻤﻲ ﻛﺎﻝ ﻟﺘﺨﺎﻓﻴﻦ ﺟﺮﺡ ﺑﺴﻴﻂ ﺑﺲ ﻻﻥ ﺍﻧﺬﺍﺭ ﻣﺎ
ﺍﻧﻄﻮﻩ ﺍﺟﺎﺯﻩ ﺍﻥ ﺷﺎﺀ ﺍﻟﻠﻪ ﻛﻢ ﻳﻮﻡ ﻭﻳﺮﺟﻊ ﻣﺠﺎﺯ ﻭﺗﺸﻮﻓﻲ ﺑﻌﻴﻨﺞ ...
ﺑﻘﻴﺖ ﺍﻟﺢ ﻋﻠﻰ ﻋﻤﻲ ﺑﺎﻻﺳﺌﻠﻪ ﺷﻠﻮﻧﻪ ﻫﻢ ﻳﺎﻛﻞ ﻋﻤﻲ ﺻﺤﻴﺢ
ﺟﺮﺣﻪ ﺑﺴﻴﻂ ....
ﻣﺮﺕ ﻋﻤﻲ ﻃﻔﺮﺕ ... ﺻﺎﺣﺖ ﺑﺴﺞ ﻛﺎﻓﻲ ﻋﺎﺩ ﻛﺼﺘﺞ ﻓﻜﺮ
ﺑﻌﺪﻧﻪ ﻣﺎ ﺍﺧﺬﻧﺎﺝ ﺻﺎﺭﺕ ﺍﻟﺤﺮﺏ ﻣﻮ ﺯﻳﻦ ﻧﻔﺴﺞ ﻭﺭﻩ ﺍﻟﻮﻟﺪ
ﻳﻼ ﻛﻮﻣﻲ ﺣﻀﺮﻱ ﺍﻟﺤﻤﺎﻡ ﺍﻟﻌﻤﺞ ....
ﺭﺣﺖ ﻟﻠﺤﻤﺎﻡ ﺍﺳﻮﻱ ﺣﻀﺮﺗﻪ ﻭﻃﻠﻌﺖ ﻓﺮﺷﺖ ﻏﺴﻠﺖ ﺍﻟﻄﺮﻣﻪ
ﻭﻓﺮﺷﺘﻬﺎ ﻭﺳﻮﻳﺖ ﺍﻟﻌﺸﻪ ﻭﺩﻣﻮﻋﻲ ﻋﻠﻰ ﺧﺪﻱ ﺍﺑﺠﻲ
ﻋﻠﻰ ﻣﻘﺪﺍﺩ ﻭﻣﺘﻠﻬﻔﻪ ﺍﻟﺸﻮﻓﺘﻪ ....
ﻣﻤﻨﺘﺒﻬﻪ ﺍﻻ ﺍﺑﻮﻳﻪ ﻭﺭﺿﺎ ﻭﺍﻣﻲ ... ﻣﺴﺤﺖ ﺩﻣﻮﻋﻲ ﻭﺳﻠﻤﺖ
ﻋﻠﻴﻬﻢ ....
ﺍﺑﻮﻳﻪ ﻛﻠﻲ ﺑﺎﺑﺎ ﺍﻟﺒﻜﺎﺀ ﻓﺎﻝ ﻣﻮﺯﻳﻦ ﺻﻠﻲ ﻭﺍﻗﺮﻱ ﻗﺮﺍﻥ
ﻭﺍﻥ ﺷﺎﺀ ﺍﻟﻠﻪ ﻳﺒﺮﺩ ﻛﻠﺒﺞ ... ﺣﻀﻨﺘﻪ ﻭﺑﺠﻴﺖ ﻛﺘﻠﻪ ﻭﺍﻟﻠﻪ
ﻣﻮ ﺑﻴﺪﻱ ﻫﻮ ﺷﻔﺘﻬﻤﺖ ﻣﻦ ﺯﻭﺍﺟﻲ ...
ﺟﺎﻥ ﻳﻜﻮﻝ ﻣﻴﺨﺎﻟﻒ ... ﺧﻠﻲ ﻋﻴﻨﺞ ﺑﻌﻴﻦ ﺍﻟﻠﻪ ... ﻭﺗﻬﻮﻥ ...
ﺻﺒﻴﺖ ﺍﻟﻌﺸﻪ ﺍﻛﻠﻨﺎ ﺑﺲ ﺣﺴﻴﺖ ﺍﻟﻠﻜﻤﻪ ﻧﺎﺭ ﺑﻤﻌﺪﺗﻲ
ﻛﻠﻤﺎ ﺍﻛﻞ ﻟﻜﻤﻪ ﺍﻏﻤﺴﻬﺎ ﺑﺎﻟﺪﻣﻊ ﻻﻥ ﻣﻘﺪﺍﺩ ﻣﻤﻮﺟﻮﺩ
ﻭﺍﺻﻌﺐ ﺷﻲ ﻣﻦ ﺍﺩﺧﻞ ﻟﻠﻐﺮﻓﻪ ﻭﻫﻮ ﻣﺎﻛﻮ ﺍﺷﻢ ﺑﺲ ﻋﻄﺮﻩ
ﻭﺍﺑﻮﺱ ﺑﻤﻼﺑﺴﻪ ... ﻟﻴﻼﻥ ﺣﻜﻤﺖ ... ﻭﺻﻠﺖ ﺑﻴﻪ ﻟﺤﺪ ﺍﺣﻀﻦ ﻗﻤﻴﺼﻪ ﻭﺍﻧﺎﻡ
..
ﺗﻼﺛﻴﻦ ﻳﻮﻡ ﻭﻣﻘﺪﺍﺩ ﻣﺎ ﻧﺰﻝ ﺣﺎﻟﺘﻲ ﺣﺎﻟﻪ ﺻﺤﻨﻲ ﺍﺩﻫﻮﺭﺕ
ﺷﺘﻪ ﻭﺑﺎﺭﺩﻩ ﺻﺪﺭﻱ ﺍﻟﺘﻬﺐ ﻭﻣﺮﺕ ﻋﻤﻲ ﻣﺘﺮﺣﻢ ﺑﺤﺎﻟﻲ
ﺗﻌﻴﺮ ﻭﺗﻔﺸﺮ ﻭﻋﻠﻰ ﺍﻗﻞ ﺷﻲ ﺍﺩﻛﻮﻝ ﺍﺣﻤﺪﻱ ﺭﺑﺞ
ﺍﺧﺬﻧﺎﺝ ﻻﺑﻨﺎ ﻟﻮ ﻧﺎﺱ ﻏﻴﺮﻧﻪ ﻣﻴﻘﺒﻠﻮﻥ ﺑﻴﺞ ...
ﺳﺎﻋﻪ ﺍﺟﺎﺩﻟﻬﺎ ﻭﺳﺎﻋﻪ ﺍﺳﻜﺖ ﻃﻔﺮﺕ ﺭﻭﺣﻲ ﻣﻦ ﺍﻧﻐﺚ
ﻣﻨﻬﺎ ﺍﺭﻭﺡ ﻟﻐﺮﻓﺘﻲ ﺍﻟﺰﻡ ﺻﻮﺭﺓ ﻣﻘﺪﺍﺩ ﻭﺍﺳﻮﻟﻒ ﻭﻳﺎﻫﺎ
ﻟﻮ ﺍﻟﻒ ﺭﺍﺳﻲ ﻭﺍﻧﺎﻡ ....
ﻭﺑﻠﻴﻠﻪ ﻭﺑﻌﺰ ﺍﻟﻤﻄﺮ ﺳﻤﻌﻨﺎ ﺻﻮﺕ ﺻﻴﺎﺡ ﻃﻠﻌﺖ ﻣﻦ
ﻏﺮﻓﺘﻲ ﻣﻔﺰﻭﻋﻪ ﻟﻜﻴﺖ ﻋﻤﻲ ﻭﻋﻤﺘﻲ ﻃﺎﻟﻌﻴﻦ ﻣﻦ ﻏﺮﻓﺘﻬﻢ
ﻳﺴﺄﻟﻮﻧﻲ ﻋﻤﻲ ﻫﺬﺍ ﺍﻟﺼﻮﺕ ﺍﻟﺞ ....
ﻛﻠﺘﻠﻬﻢ ﻻ ﻫﺬﺍ ﺑﺮﻩ ... ﺑﻌﺪﻩ ﻋﻤﻲ ﻣﻄﺎﻟﻊ ﺳﻤﻌﻨﺎ ﺍﺛﻨﻴﻦ ﺑﺎﻟﺒﺎﺏ ﻳﻜﻮﻟﻮﻥ ﺳﻌﺪﻭﻥ ﺍﺑﻦ ﺣﺠﻲ ﻧﺎﻇﻢ ﺍﺳﺘﺸﻬﺪ ...
ﻋﻤﻲ ﺻﺎﺡ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ
ﻣﺎﻳﺴﺘﺎﻫﻞ ﺧﻮﺵ ﻭﻟﺪ ﺻﺎﺡ ﻋﻠﻰ ﻋﻤﺘﻲ ﺍﻧﻄﻴﻨﻲ ﻗﻤﺼﻠﻪ ﺍﻟﻒ
ﺭﻭﺣﻲ ﺑﻴﻬﺎ ﻭﺍﺭﻭﺣﻠﻬﻢ ...
ﺍﻧﻲ ﻣﻦ ﺳﻤﻌﺖ ﺳﻌﺪﻭﻥ ﺍﺳﺘﺸﻬﺪ ﺧﻔﺖ ﻭﺑﺠﻴﺖ
ﻫﺎﻱ ﺣﺮﺏ ﺗﺎﻛﻞ ﺍﻻﺧﻀﺮ ﻭﺍﻟﻴﺎﺑﺲ ﻣﺘﺮﺣﻢ ﺩﺧﻠﺖ ﺍﻟﻐﺮﻓﺘﻲ
ﺍﺑﺠﻲ ﻋﻠﻰ ﻣﻘﺪﺍﺩ ﻭﺍﺩﻋﻲ ﻳﺎﺭﺑﻲ ﺍﺣﻔﻈﻪ ﻳﺎﺭﺑﻲ ﻻﺗﺤﺮﻣﻪ ﺷﺒﺎﺑﻪ
ﺛﺎﻧﻲ ﻳﻮﻡ ﺍﺧﺬﺗﻨﻲ ﻋﻤﺘﻲ ﻭﺍﻣﻲ ﻭﻳﺎﻫﻦ ﻟﻠﻔﺎﺗﺤﻪ ﺷﻔﺖ
ﺣﺎﻝ ﺍﻣﻪ ﻭﺣﺎﻝ ﺯﻭﺟﺘﻪ ﻳﻔﻄﺮﻥ ﺍﻟﻜﻠﺐ
ﺍﻟﻮﺣﻮﻩ ﻣﻠﺨﻪ ﻭﺍﻟﻌﻴﻮﻥ ﺯﺭﻛﻪ ﻭﺍﻟﺸﻌﺮ ﻛﻠﻪ ﺑﺎﻟﻜﺎﻉ
ﺧﻄﻴﻪ ﻣﺮﺗﻪ ﺗﺮﻣﻠﺖ ﻭﻫﻲ ﺷﺎﺑﻪ ﺯﻏﻴﺮﻩ
ﻣﺎﻋﺪﻫﺎ ﻏﻴﺮ ﺑﺲ ﻃﻔﻞ ﻭﺍﺣﺪ
. ﺑﻘﻴﺖ ﺍﺑﺠﻲ ﻋﻠﻰ ﺣﺎﻟﻬﻦ ﻭﺍﺩﻋﻲ ﺭﺑﻲ ﻳﻠﻄﻒ ﺑﺤﺎﻟﻬﻦ
ﻭﻳﺼﺒﺮﻫﻦ ... ﻭﺍﺩﻋﻲ ﻟﻤﻘﺪﺍﺩ ﺑﺎﻟﺴﻼﻣﻪ ....
ﺍﻭﻭﻭﻭﻑ ﻛﻢ ﺍﻭﻭﻭﻭﻑ ﺗﺘﺤﻤﻞ ﻳﺎﻛﻠﺒﻲ ﺗﺴﻌﻪ ﻭﺗﻼﺛﻴﻦ ﻳﻮﻡ
ﻭﻣﻘﺪﺍﺩ ﻣﺎﻛﻮ ﻋﻤﻲ ﻳﻠﻮﺝ ﺑﺲ ﻣﻴﺒﻴﻦ ﻭﺍﺑﻮﻳﻪ ﻳﻨﻔﺦ ﻣﻦ ﺻﺪﺭﻩ
ﻗﻬﺮ ﻭﺳﺎﻛﺖ ﻭﺍﻧﻲ ﺍﻻ ﺷﻮﻳﻪ ﺍﺗﺨﺒﻞ ﻣﻘﺪﺍﺩ ﻣﺎ ﺍﻋﺮﻑ ﺍﺧﺒﺎﺭﻩ
ﻣﺮﻳﺾ ﺟﻮﻋﺎﻥ ﻧﺎﻳﻢ ﺻﻮﺍﺑﻪ ﺷﻠﻮﻥ ﺻﺎﺭ ﺑﺲ ﻟﻮ ﺍﺷﻮﻓﻪ
ﺩﻗﺎﻳﻖ ﺑﺲ ﻟﻮ ﺍﺷﻤﻪ ﺑﺲ ﻭﺑﺲ ﻭﺑﺲ ﺍﺧﺬﺗﻨﻲ ﺍﻻﻓﻜﺎﺭ
ﻭﺍﻟﺘﺨﻴﻼﺕ ﻭﺍﻟﺤﻨﻴﻦ ﺍﻟﻲ ﻣﻴﺮﺣﻢ ....
ﺭﻭﺣﻲ ﻭﺻﻠﺖ ﺣﺪﻫﺎ ﺍﻟﻠﻴﻞ ﺍﻧﺎﻡ ﻣﻨﻪ ﺳﺎﻋﻪ
ﻭﺍﻛﻌﺪ ﺍﺭﺟﻒ ﻣﺎ ﺍﺩﺭﻱ ﺑﻤﻘﺪﺍﺩ ﺷﻨﻮ ﻭﺿﻌﻪ ﺷﺒﻲ ﻣﺎ ﺑﻲ
ﺑﻘﻴﺖ ﺍﺗﺤﺴﺮ ﻉ ﺍﻟﺨﺒﺮ ﻣﻨﻪ ﻣﺎ ﺍﻛﺪﺭ ﺍﻃﻠﺐ ﻣﻦ ﻋﻤﻲ ﻳﺮﻭﺣﻠﻪ
ﻻﻥ ﺫﻳﺞ ﺍﻟﻤﺮﻩ ﻛﻮﻩ ﻭﺻﻞ ﻭﻛﻮﻩ ﺳﻤﺤﻮﻟﻪ ﻳﺸﻮﻓﻪ
ﻭﻻ ﺻﺤﺘﻪ ﺗﺴﺎﻋﺪﻩ ﻋﻨﺪﻩ ﺭﺑﻮ ﻭﻧﺨﺎﻑ ﻋﻠﻴﻪ ....
ﻟﻠﻤﻐﺮﺏ ﻃﺒﺨﺖ ﻭﺻﻠﻴﺖ ﺩﻋﻴﺖ ﺭﺑﻲ ﺑﻠﻬﻔﺔ ﺍﻟﻤﻠﻬﻮﻑ
ﺑﻨﺼﺮﺓ ﺍﻟﻤﻈﻠﻮﻡ ﺑﺪﻣﻌﺔ ﺍﻟﻴﺘﻴﻢ ﻳﺤﻔﻈﻠﻲ ﻣﻘﺪﺍﺩ
ﺧﻠﺼﺖ ﺻﻼﺗﻲ ﺭﺣﺖ ﻋﻠﻰ ﻋﻤﺘﻲ ﺳﺎﻟﺘﻬﺎ ﺍﺫﺍ ﺗﺮﻳﺪ ﺷﻲ
ﻛﺎﻟﺖ ﻣﺎ ﺍﺭﻳﺪ ﺩﺧﻠﺖ ﻋﻠﻰ ﻏﺮﻓﺘﻲ ﻧﻤﺖ ﻭﺩﻣﻌﺘﻲ ﺑﻄﺮﻑ ﻋﻴﻨﻲ
ﺣﻠﻤﺖ ﺑﻤﻘﺪﺍﺩ ﻳﻜﻮﻟﻲ ﺍﺯﻫﺎﺭ ﺍﺯﻫﺎﺭ ﺍﻛﻌﺪﻱ ﺍﻧﻲ ﺍﺟﻴﺖ ﻣﺸﺘﺎﻗﻠﺞ ﻳﺎﻋﻤﺮﻱ
ﺍﺑﺘﺴﻤﺖ ﻭﻛﺘﻠﻪ ﻣﺸﺘﺎﻗﺘﻠﻚ ﻳﺎﺭﻭﺣﻲ ﻭﻳﻦ ﺍﻧﺖ .... ﻓﺰﻳﺖ ﻋﻠﻰ ﺻﻮﺕ ﺍﻟﺒﺎﺏ ﺑﺎﻭﻋﺖ ﻉ ﺍﻟﺴﺎﻋﻪ ﺑﺎﻟﺴﺘﻪ ﻭﺭﺑﻊ ﺍﻟﺼﺒﺢ
ﺍﺳﺘﻐﻔﺮﺕ ﺭﺑﻲ ﻟﻴﺶ ﻣﺎﻛﻌﺪﺕ ﻟﻠﺼﻼﻩ ﻳﺎﺭﺑﻲ ﻋﻔﻮﻙ ﻭﺳﺘﺮﻙ
ﻟﺒﺴﺖ ﺍﻟﺮﻭﺏ ﻭﻃﻠﻌﺖ ﺍﺷﻮﻑ ﻣﻨﻮ ﺑﺎﻟﺒﺎﺏ ...
ﻓﺘﺤﺖ ﺍﻟﺒﺎﺏ ﻭﻳﺎﺭﻳﺘﻨﻲ ﻣﺎﻓﺘﺤﺘﻪ ... ﻓﺘﺤﺖ ﺍﻟﺒﺎﺏ ﻭﻳﺎﺭﻳﺖ ﻋﻴﻮﻧﻲ ﺍﻧﻌﻤﻦ ﻳﺎﺭﻳﺘﻨﻲ ﻣﺘﺖ ﺑﺬﻳﺞ ﺍﻟﺴﺎﻋﻪ ....
ﻋﻤﻲ ﻭﻋﻤﺘﻲ ﻃﻠﻌﻮﺍ ﻭﺭﺍﻱ ﺷﺎﻓﻮﻧﻲ ﺻﺎﻓﻨﻪ ﻣﺘﺠﻤﺪﻩ ﺑﻤﻜﺎﻧﻲ
ﻻ ﺣﺲ ﻭﻻ ﻧﻔﺲ ... ﻋﻤﻲ ﻃﻠﻊ ﺳﻮﻟﻒ ﻭﻳﺎﻫﻢ ﺳﻴﺎﺭﻩ ﺑﻴﻜﺐ ﺑﻴﻀﻪ ﺟﺎﻳﺒﻪ ﺗﺎﺑﻮﺕ ﺷﻬﻴﺪ ﻭﺑﻲ ﻣﻘﺪﺍﺩ ﻃﺒﺒﻮﻩ ﻟﺠﻮﻩ ...
ﺟﺴﻤﻲ ﻛﻠﻪ ﻳﺮﺟﻒ ﻭﻋﻴﻮﻥ ﺗﺒﺴﻤﺮﺕ ﻣﻔﺘﻮﺣﻪ ﺍﺻﻴﺢ ﻻ ﻻ ﻋﻤﻲ
ﻫﺬﺍ ﻣﻮ ﻣﻘﺪﺍﺩ ﺍﻟﺘﻤﺖ ﺍﻟﻨﺎﺱ ﻋﻠﻰ ﺻﻴﺎﺣﻨﻪ ﻋﻤﻲ ﻛﻌﺪ ﻋﻠﻰ ﺻﻔﺤﻪ ﻳﺒﺠﻲ ﺍﻧﻲ ﻧﻤﺖ ﻉ ﺍﻟﺘﺎﺑﻮﺕ ﺑﺲ ﺍﺑﺠﻲ ﻣﻦ ﺍﻟﺼﺪﻣﻪ ﺻﺮﺕ ﺍﻛﺴﺮ ﺑﺎﺏ ﺍﺭﻳﺪ ﺍﻓﺘﺤﻪ .... ﻓﺘﺤﺘﻪ ﻭﺷﻔﺖ
ﻭﺟﻪ ﻣﻘﺪﺍﺩ ﻣﻔﺤﻢ ﺣﻀﻨﺘﻪ ﺍﺻﺮﺥ ﻣﺜﻞ ﺍﻟﻤﺨﺒﻠﻪ ﻻ ﻣﻘﺪﺍﺩ ﺩﺧﻴﻠﻚ ﻻﺗﻌﻮﻓﻨﻲ ﻳﺮﺩﻭﻥ ﻳﺠﺮﻭﻩ ﻣﻨﻲ ﻣﻴﻜﺪﺭﻭﻥ ﻳﻮﺧﺮﻭﺍ ﻋﻨﻲ
ﺍﻧﺘﺒﻬﺖ ﺑﺪﻟﺘﻪ ﻣﺎﺑﻴﻬﺎ ﺭﺗﺒﻪ ﻭﻣﻮ ﻧﻔﺲ ﻣﻼﺑﺴﻪ
ﻛﻠﺒﺘﻪ ﻫﺬﺍ ﻣﻮ ﻣﻘﺪﺍﺩ ﺑﺎﻭﻋﺖ ﻋﻠﻰ ﺍﻳﺪﻩ ﻣﻘﺪﺍﺩ ﻣﺎﻳﻠﺒﺲ ﻣﺤﺒﺲ
ﻭﻳﻦ ﺍﻟﺸﺎﻣﻪ ﺍﻟﻲ ﺑﻜﻔﻪ ﻫﺬﺍ ﻣﻮ ﻣﻘﺪﺍﺩ ﺑﺪﻳﺖ ﺍﺿﺤﻚ
ﻭﺍﺻﻴﺢ ﻫﺬﺍ ﻣﻮ ﻣﻘﺪﺍﺩ ﻭﺍﻟﻠﻪ ﻣﻮ ﻣﻘﺪﺍﺩ ....
ﺍﻟﻨﺴﻮﺍﻥ ﺍﻧﺘﺒﻬﺖ ﻭﺣﺪﻩ ﺗﺼﻴﺢ ﺗﺨﺒﻠﺖ ﻭﺍﻟﺜﺎﻧﻴﻪ ﺗﺼﻴﺢ ﺧﻄﻴﻪ
ﺗﺴﻮﺩﻧﺖ ﻋﻠﻰ ﺭﺟﻠﻬﺎ ﻭﺍﻟﻲ ﺗﻠﻤﻊ ﺍﻟﻜﻠﻤﻪ ﻭﺍﺩﻛﻮﻝ ﺗﻬﺴﺘﺮﺕ
ﻋﻔﺘﻪ ﻭﺑﺪﻳﺖ ﺍﺯﺣﻒ ﻭﺍﺻﻴﺢ ﻭﺍﻟﻠﻪ ﻣﻮ ﻣﻘﺪﺍﺩ ﻳﺎﻧﺎﺱ ﺷﺒﻴﻜﻢ ﻫﺬﺍ ﻣﻮ ﻣﻘﺪﺍﺩ ﻫﺬﺍ ﻭﺍﺣﺪ ﻏﻴﺮﻩ ..
ﺷﺎﻟﻮﺍ ﻣﻦ ﺍﻟﺒﻴﺖ ( ﻟﻴﻼﻥ ﺣﻜﻤﺖ ) ﻭﺧﻠﻮﻩ ﺑﺴﻴﺎﺭﻩ ﺭﻛﻀﺖ ﻋﻠﻰ ﻋﻤﻲ
ﺍﻛﻮﻟﻪ ﻋﻤﻲ ﻣﻮ ﺗﻌﺮﻑ ﺍﺑﻨﻚ ﺍﻧﺖ ﻫﺬﺍ ﻣﻮ ﻣﻘﺪﺍﺩ ﻋﻤﻲ ﺷﺒﻴﻚ
ﻣﺎ ﺗﺼﺪﻛﻨﻲ ﻫﺬﺍ ﻣﻮ ﺣﺒﻴﺒﻲ ﻫﺬﺍ ﻣﻮ ﺍﺑﻨﻚ ....
ﻋﻤﻲ ﺑﺲ ﻳﺒﺠﻲ ﺍﺧﺬﻭﺍ ﻭﺭﺍﺣﻮﺍ ....
ﺍﺣﺴﺎﺱ ﻗﻮﻱ ﻳﻜﻮﻟﻲ ﻫﺬﺍ ﻣﻮ ﻣﻘﺪﺍﺩ ﻻ ﺟﺴﻤﻪ ﻭﻻ ﺷﻌﺮﻩ
ﻭﻻ ﺣﺘﻰ ﻃﻮﻝ ﻣﻘﺪﺍﺩ ....
ﺗﻬﺴﺘﺮﺕ ﺳﺎﻋﻪ ﺍﺿﺤﻚ ﻭﺳﺎﻋﻪ ﺍﺑﺠﻲ ﺳﺎﻋﻪ ﺍﺳﻜﺖ ﺳﺎﻋﻪ
ﺍﺻﻔﻚ ... ﺧﻠﺼﺖ ﺍﻟﻔﺎﺗﺤﻪ ﻭﺍﻧﻲ ﺍﺻﻴﺢ
ﺷﺒﻴﻜﻢ ﻭﺍﻟﻠﻪ ﻫﺬﺍ ﻣﻮ ﻣﻘﺪﺍﺩ ﻳﺎﻧﺎﺱ ﺍﻓﻬﻤﻮﻧﻲ ﺷﺒﻴﻜﻢ ....
ﻋﻤﻲ ﻭﺩﺍﻧﻲ ﻟﺒﻴﺖ ﺍﺑﻮﻳﻪ ﺭﺍﺩ ﻳﻄﻠﻌﻨﻲ ﻣﻦ ﺍﻟﻐﺮﻓﻪ ﻻﻥ ﻻﺯﻣﻪ ﻣﻼﺑﺲ ﻣﻘﺪﺍﺩ ﻭﺍﻓﺘﺮ ﺑﺎﻟﺒﻴﺖ ...
ﺍﻣﻲ ﻣﺎﺑﻴﺪﻫﺎ ﻏﻴﺮ ﺑﺲ ﺗﺒﺠﻲ ﻭﺍﺑﻮﻳﻪ ﺑﻌﺪ ﺷﻬﺮﻳﻦ ﺍﺧﺬﻧﻲ
ﻟﺪﻛﺘﻮﺭ ﻧﻔﺴﻲ ﻛﺘﺒﻠﻲ ﻣﻬﺪﺋﺎﺕ
ﺍﻧﻌﺰﻟﺖ ﺑﻐﺮﻓﻪ ﻭﻛﻞ ﺷﻮﻳﻪ ﺍﺻﻴﺢ ﺑﺤﺮﻛﻪ ﻣﻘﺪﺍﺩ ﺍﻧﺖ ﻭﻳﻦ
ﻣﻘﺪﺍﺩ ﻻﺗﻌﻮﻓﻨﻲ ...
ﺍﺗﺨﻴﻠﻪ ﻭﺍﻛﻒ ﻛﺪﺍﻣﻲ ﻭﺍﺳﻮﻟﻒ ﻭﻳﺎﻩ .... ﺗﻠﺚ ﺷﻬﻮﺭ ﺣﺎﻟﺘﻲ
ﺗﺤﺴﻨﺖ ﺷﻮﻳﻪ ﻣﺮﺕ ﻋﻤﻲ ﺍﺟﺘﻨﺎ ﻟﻠﺒﻴﺖ ﺗﺮﻳﺪ ﺗﻌﺮﻑ
ﻣﺼﻴﺮ ﺍﻟﺤﻘﻮﻕ ﺷﻨﻮ ﺷﻨﻮ ﺍﻟﻲ ﺍﻟﻴﻪ ﻭﺷﻨﻮ ﺍﻟﻬﻢ ..
ﺗﻌﺎﺭﻛﺖ ﻭﻳﺎﻫﺎ ﻭﻛﻠﺘﻠﻬﺎ ﺷﻠﻮﻥ ﺍﻟﺞ ﻧﻔﺲ ﺗﺎﻛﻠﻴﻦ ﻓﻠﻮﺱ ﺭﺟﺎﻝ
ﻏﺮﻳﺐ ﻣﺘﺨﺎﻓﻴﻦ ﺍﻟﻠﻪ ...
ﺻﺎﺣﺖ ﻫﺬﺍ ﺩﻡ ﺍﺑﻨﻲ ﺗﻌﻮﻳﻀﻪ ... ﺻﺮﺧﺖ ﺑﻮﺟﻬﻪ ﺍﺷﺸﺸﺶ ﻣﻘﺪﺍﺩ ﻋﺎﻳﺶ ﻣﺎ ﻣﺎﺕ ... ﺍﻧﺘﻲ ﻛﺬﺍﺑﻪ ﺍﻧﺘﻲ ﻛﺬﺍﺑﻪ ..
ﺻﺎﺣﺖ ﺑﺼﻮﺕ ﻋﺎﻟﻲ ﺍﻧﺠﺒﻲ ﺣﻘﻴﺮﻩ ... ﻭﻟﺞ ﻛﺼﺘﺞ ﻓﻜﺮ
ﻛﺘﻠﺘﻲ ﺍﺑﻨﻲ ... ﺧﻠﻲ ﺧﻠﺺ ﻣﻨﺞ ﻭﻣﻦ ﻋﺎﺭﺝ ﻣﻮ ﺯﻳﻦ ﻗﺒﻞ ﺑﻴﺞ
ﻭﺍﻧﺘﻲ ﻻ ﺍﺻﻞ ﻭﻻ ﻓﺼﻞ ....
ﻃﻔﺮ ﻋﻤﻲ ﺧﻠﻪ ﺍﻳﺪﻩ ﻋﻠﻰ ﺣﻠﻜﻬﺎ ﻭﺍﺑﻮﻳﻪ ﺻﺎﺡ ﺑﻴﻬﺎ ﺍﺳﻜﺘﻲ
ﺩﻓﻌﺖ ﻋﻤﻲ ﻭﺧﻨﻜﺘﻬﺎ ﻭﻟﺞ ﻳﺎﻋﺎﺭ ﺍﻟﻨﺴﻮﺍﻥ ﺷﺘﺤﺠﻴﻦ
ﻛﺎﻟﺖ ﺍﻧﻲ ﺍﻟﻌﺎﺭ ﻟﻮ ﺍﻣﺞ ﺍﻟﻜﺎﻭﻟﻴﻪ ﺍﻟﻲ ﺷﻤﺮﺗﺞ ﻭﺧﻠﻒ ﺍﻟﻠﻪ
ﻋﻠﻰ ﺍﺑﻮ ﺭﺿﺎ ﺟﺎﺑﺞ ﻭﺭﺑﺎﺍﺍﺍﺝ ﻣﻮ ﺍﻟﻌﺎﺭ ﺍﻧﻲ ﻟﻮ ﺍﻧﺘﻲ ...
ﻣﻦ ﺳﻤﻌﺘﻬﺎ ﺍﻓﺘﺮﺕ ﺍﻟﺪﻧﻴﺎ ﺑﻴﻪ ﺩﺧﺖ ﻭﻃﺤﺖ ﺑﺎﻟﻜﺎﻉ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء