رواية عشق وابتلاء الجزء السادس عشر | النهاية
للكاتبة شمس
...
ﮔﻀﻴﻨﺎ ﺍﻟﻠﻴﻞ ﻛﻠﻪ ﺳﻮﻳﻪ ﻧﺎﻳﻤﻪ ﺑﺤﻈﻨﻪ ﻣﻤﺼﺪﮔﺔ ..
ﻭﺍﺧﻴﺮﺍ ﺻﺮﺕ ﺑﺤﻀﻨﻪ ..
ﺻﺪﮒ ﺍﻟﺰﻭﺍﺝ ﻣﻦ ﺷﺨﺺ ﻋﻦ ﺣﺐ ﺍﻟﻪ ﻟﺬﺓ ﺗﺨﺘﻠﻒ ﻋﻦ ﺍﻟﺰﻭﺍﺝ ﺍﻟﺘﻘﻠﻴﺪﻱ ..
ﻭﺗﺤﺴﻴﻦ ﻛﺄﻧﻪ ﻣﻠﻜﺘﻲ ﺍﻟﺪﻧﻴﺎ ﻭﻣﺎﺑﻴﻬﺎ .
ﺍﻟﻤﻬﻢ ﻣﺼﻄﻔﻰ ﻟﻠﺼﺒﺢ ﻣﺎﮔﻌﺪ ﻭﻫﺪﺃ .
ﻃﻠﻊ ﻓﺮﻕ ﺍﻟﺴﻨﻴﻦ ..
ﻧﻤﻨﺎ ﻭﻱ ﺍﻻﺫﺍﻥ .
ﺑﻌﺪﻧﺎ ﺳﺎﻋﺘﻴﻦ ﻧﻤﻨﺎ .. ﻭﺳﻤﻌﺖ ﺍﻟﺒﺎﺏ ﺗﻨﺪﮒ .
ﺷﻔﺖ ﻣﺼﻄﻔﻰ ﻧﺎﻳﻢ .
ﮔﻤﺖ ﻟﺒﺴﺖ ﺭﻭﺏ ﻭﻓﺘﺤﺖ ﺍﻟﺒﺎﺏ ..
ﺷﻔﺖ ﻣﻠﻮﻛﻪ ﮔﺎﻋﺪﻩ ﺑﺎﻟﺒﺎﺏ ﻭﺗﺪﮒ ﻭﺗﺼﻴﺢ ﻋﻠﻮﺱ ﻋﻠﻮﺱ .
ﻫﻲ ﻣﺪﻧﻔﺸﻪ ﻣﺎﻝ ﻋﻆ .
ﻭﺑﺎﻟﮕﻮﻩ ﺗﻤﺸﻲ ﻋﻤﺮﻫﺎ ﺳﻨﺘﻴﻦ ﺷﻠﻮﻥ ﺻﻌﺪﺕ ﻣﺎﺍﺩﺭﻱ .
ﺷﻠﺘﻬﺎ .. ﻧﺎﻣﺖ ﻉ ﻛﺘﻔﻲ ..
ﺧﻠﻴﺘﻬﺎ ﺑﻴﻨﺎ ﺍﻧﻲ ﻭﻣﺼﻄﻔﻰ ..
ﺩﺍﺭﺕ ﻭﺟﻬﻬﺎ ﻋﻠﻴﻪ ﻭﺗﻀﺤﻚ ..
ﻭﺑﻘﺖ ﺗﺤﺠﻲ ﻭﺗﺄﺷﺮ . ﺑﺎﺑﺎ .
ﮔﻠﺘﻠﻬﺎ ﺍﻱ ..
ﺍﻟﺘﻔﺖ ﻣﺼﻄﻔﻰ ﻳﺮﻳﺪ ﻳﺤﻀﻨﻲ .
ﺗﻔﺎﺟﺄ ﺷﺎﻑ ﻣﻠﻮﻛﻪ .
ﻓﺎﺗﺢ ﻋﻴﻦ ﻭﺳﺎﺩ ﻋﻴﻦ .
ﻫﺎﻱ ﻣﻠﻮﻛﻪ ﺷﺠﺎﺑﻬﺎ ﻫﻨﺎ .
ﻫﻲ ﺻﻌﺪﺕ ..
ﺍﻧﻲ ﻣﻮ ﻣﻨﺒﻪ ﻋﻠﻴﻬﻦ ﻣﺎﻳﺨﻠﻨﻬﺎ ﺗﺼﻌﺪ ﻛﻢ ﻣﺮﻩ ﻭﮔﻌﺖ ﻣﻦ ﻓﻮﮒ .
ﻭﻫﻲ ﺗﺤﺠﻲ ﻭﺗﻀﺤﻚ ﻭﻛﻠﻤﻪ ﻧﻔﻬﻤﻬﺎ ﻭﻛﻠﻤﻪ ﻻ .
ﺗﺎﻟﻲ ﮔﺎﻟﻬﺎ . ﺟﺎ ﺍﻧﺘﻲ ﻟﺤﮕﺘﻲ ﺍﺑﻮﺝ ﺑﻴﻮﻡ ﻋﺮﺳﻪ ﻭﻭﺍﺯﻳﺘﻴﻨﻲ .
ﺷﺒﻴﻚ ﻣﺼﻄﻔﻰ ﺧﻄﻴﻪ ﺑﻌﺪﻫﻲ ﻃﻔﻠﻪ . ﻭﺗﺮﻳﺪ ﺣﻨﺎﻧﻚ ﻻﺗﺤﺮﻣﻬﺎ ..
ﺍﻱ ﺑﺲ ﻣﻮ ﺍﻟﻴﻮﻡ ..
ﺍﻱ ﺟﺎ ﻟﻮ ﻣﺨﻠﻴﻬﺎ ﻳﻢ ﺍﻣﻬﺎ ﻭﺍﻟﻴﻮﻡ ﺟﺎﻳﺒﻬﺎ . ﻻﻥ ﺧﻄﻴﻪ ﺗﻀﻞ ﻫﻴﺞ ﻳﻮﻡ ﺍﻧﺖ ﻭﻳﻮﻡ ﺍﻣﻬﺎ ﺧﻠﻴﻬﺎ ﻻﺗﺤﺲ ﻧﻘﺺ ﺑﺤﻨﺎﻧﻜﻢ ..
ﺿﺎﺝ . ﺳﺪﻱ ﺍﻟﻤﻮﺿﻮﻉ ﻣﺎﺳﻪ . ﺍﻟﻴﻮﻡ ﺻﺒﺎﺣﻴﺘﻨﺎ ﺧﻮ ﻣﺎﻧﮕﻀﻴﻬﺎ ﺳﻮﺍﻟﻒ ﻋﻠﻰ …… . ﺍﺳﺘﻐﻔﺮ ﺍﻟﻠﻪ .
ﺗﻌﺎﻟﻲ ﺑﺎﺑﺎ ﺗﻌﺎﻟﻲ .
ﺍﺧﺬﻫﺎ ﻭﻓﺘﺢ ﺍﻟﺒﺎﺏ . ﻋﻼ ﻋﻼ .
ﺍﻧﻲ ﻣﻮ ﮔﻠﺖ ﻻﺗﺨﻠﻨﻬﺎ ﺗﺼﻌﺪ .
ﻋﻼ .. ﻳﺎ ﻫﺎﻱ ﺷﺠﺎﺑﻬﺎ ﻭﺍﻟﻠﻪ ﻋﺒﺎﻟﻨﻪ ﻧﺎﻳﻤﻪ .
ﺍﺧﺬﻳﻬﺎ ﻭﺩﻳﺮﻭﺍ ﺑﺎﻟﻜﻢ ﻋﻠﻴﻬﺎ ..
ﻋﻼ .. ﮔﻌﺪﺗﻮﺍ ﻧﺴﻮﻳﻠﻜﻢ ﺭﻳﻮﮒ ..
ﻣﻮ ﻫﺴﺎ ﺑﻌﺪﻧﺎ ..
ﺭﺟﻊ ..
ﺍﻧﻲ ﺭﺟﻌﺖ ﻧﻤﺖ . ﺍﺟﻪ ﻧﺎﻡ ﻭﺣﻈﻨﻲ . ﺑﻌﺪﻩ ﻧﻌﺴﺎﻥ ﺍﻟﺤﻠﻮ .
ﺍﻣﻤﻤﻤﻢ .
ﺗﻌﺎﻱ ﻳﻤﻲ ﺧﻠﻴﻨﻲ ﺍﺷﺒﻊ .
ﺍﺗﻘﺮﺏ ﻣﻨﻲ .
ﮔﺘﻠﻪ ﺍﻧﺖ ﺷﻨﻮ ﻣﺨﺒﻲ ﻋﻠﻴﻪ . ﺍﻟﻤﻔﺮﻭﺽ ﻣﺎﺑﻴﻨﺎ ﺍﺳﺮﺍﺭ .
ﻫﺎ ﺭﺟﻌﻨﺎ ﺍﻟﻨﻔﺲ ﺍﻟﺴﺎﻟﻔﻪ . ﺧﻠﻴﻨﺎ ﻣﺮﺗﺎﺣﻴﻦ ﻣﺎﺳﻪ ﻭﻻﺗﻔﺘﺤﻴﻦ ﻣﻮﺍﺿﻴﻊ ﺗﺠﺮﺣﻨﻲ ..
ﻫﻴﺞ ﻣﻀﻮﺟﺘﻚ ..
ﺷﻮﻓﻲ . ﺍﻟﺮﺟﺎﻝ ﺣﺘﻰ ﺍﺫﺍ ﻣﻴﺤﺐ ﺍﻟﻤﺮﻩ ﺑﺲ ﻣﻦ ﺗﺨﻮﻧﻪ ﺗﺠﺮﺡ ﺭﺟﻮﻟﺘﻪ .
ﻭﺍﻧﻲ ﺻﺤﻴﺢ ﻣﺎﻛﻨﺖ ﺍﺣﺒﻬﺎ ﺑﺲ ﻣﺎﻗﺼﺮﺕ ﻋﻠﻴﻬﺎ ﻭﻣﺪﻟﻠﻬﺎ ﻭﺣﺘﻰ ﻃﺒﻴﺒﻬﺎ ﻭﻋﻼﺟﻬﺎ ﺍﺧﺬﻫﺎ ﺑﻴﺪﻱ ﻭﺍﺭﺟﻌﻬﺎ .
ﻭﺑﺂﺧﺮ ﺍﻳﺎﻡ ﺣﻤﻠﻬﺎ .
ﺍﺷﻴﻠﻬﺎ ﻟﻠﺴﻴﺎﺭﻩ ﻭﺍﺭﺟﻊ ﺷﺎﻳﻠﻬﺎ ﻻﻥ ﻣﺘﮕﺪﺭ ﺗﻤﺸﻲ ﻣﻦ . ﺍﻟﺘﻌﺐ ﻭﺍﻟﻤﺮﺽ .
ﻭﺗﺎﻟﻲ ﺗﺠﺎﺯﻳﻨﻲ ﻫﻴﺞ .
ﻫﻢ ﺍﻧﻲ ﺳﺘﺮﺗﻬﺎ ﻭﻣﺎﺣﺠﻴﺖ ﻻﻥ ﺑﻨﺖ ﺧﺎﻟﺘﻲ . ﺑﺲ ﻃﻠﮕﺘﻬﺎ ﺑﺴﺎﻋﺘﻬﺎ ﻭﻃﺮﺩﺗﻬﺎ ﻭﺣﺮﻣﺖ ﺷﻮﻓﺖ ﺑﻨﺘﻬﺎ ﻋﻠﻴﻬﺎ .
ﻣﺎﺍﺭﻳﺪ ﺑﻨﺘﻲ ﺗﺮﺑﻰ ﻭﻱ ﻫﻴﺞ ﺍﻡ .
ﻭﺧﺎﻟﺘﻲ ﻫﻢ ﺗﺪﺭﻱ ﻭﻗﺒﻠﺖ ﻉ ﻛﻞ ﺷﺮﻭﻃﻨﺎ
...
ﻭﻫﺴﺎ ﻛﺎﻓﻲ ﺳﺪﻱ ﺍﻟﻤﻮﺿﻮﻉ ﻭﻣﺎﻧﻔﺘﺤﻪ ﺑﻌﺪ .
ﺧﻠﻴﻨﺎ ﻋﺎﻳﺸﻴﻦ ﺍﻟﻠﺤﻈﻪ .
ﻣﻮ ﺗﺮﺩﻳﻦ ﺗﻨﻬﺰﻣﻴﻦ ﻣﻨﻲ ..
ﻫﻬﻬﻬﻬﻬﻬﻬﻪ ﻻ ﻣﺼﻄﻔﻰ ﻻ ﻫﻬﻬﻬﻬﻬﻬﻪ .
ﺍﻧﺪﮔﺖ ﺍﻟﺒﺎﺏ .
ﺧﺮﺏ ﺍﻫﻠﺞ .. ﻓﻀﺤﺘﻴﻨﺎ ﺑﻀﺤﻜﺘﺞ .
ﺧﻠﻲ ﺍﻓﺘﺢ ﺍﻟﺒﺎﺏ .
ﻣﻨﻮ ..
ﻋﻼ .. ﻣﺼﻄﻔﻰ ﺍﺟﻪ ﺟﺪﻭ ﻣﻬﺪﻱ ﻳﺮﻳﺪ ﻳﺸﻮﻓﻚ ..
ﻳﻠﻪ ﺟﺎﻱ ﺑﺲ ﺍﺑﺪﻝ ..
ﻫﻬﻬﻬﻬﻪ ﺣﺘﻰ ﺟﺪﻱ ﻟﺤﮕﻨﻲ ﻣﻮ ﺑﺲ ﻣﻠﻮﻛﻪ .
ﺩﮔﻮﻣﻲ ﺑﺪﻟﻲ ﺧﻠﻲ ﻧﺴﻠﻢ ﻋﻠﻴﻪ .
ﻟﺒﺴﺖ ﮔﻠﺒﻴﻪ ﺑﻴﺞ ﻭﺑﻴﻬﺎ ﺗﻄﺮﻳﺰ ﻉ ﻃﻮﻟﻬﺎ ﺫﻫﺒﻲ .
ﺧﻠﻴﺖ ﻣﻴﻚ ﺍﺏ ﺧﻔﻴﻒ ﻭﻟﻔﻴﺖ ﺍﻟﺸﺎﻝ .
ﻭﻧﺰﻟﻨﺎ .
ﺗﻠﮕﻮﻧﺎ ﺑﺎﻟﻬﻼﻫﻞ ..
ﺩﺧﻠﻨﺎ ﻟﻼﺳﺘﻘﺒﺎﻝ . ﺳﻠﻤﻨﺎ ﻋﻠﻰ ﺟﺪﻭ ﻭﺑﺴﺖ ﺍﺩﻳﻪ .
ﻭﮔﺎﻟﻪ ﻣﺼﻄﻔﻰ ﺍﺑﻮﻙ ﺳﻮﻟﻔﻠﻲ .
ﺻﺪﮒ ﻫﺬﺍ ﺍﻟﺤﺠﻲ .
ﺗﺮﺧﺼﺖ ﻭﻃﻠﻌﺖ .
ﺭﺣﺖ ﻟﻠﺼﺎﻟﻪ . ﻣﺎﻣﺎ ﮔﺎﻋﺪﻩ ﺑﻮﺳﺘﻬﺎ .
ﺗﮕﻮﻝ ﺍﻟﻠﻴﻞ ﻛﻠﻪ ﻣﺎﻧﻤﺖ ﻣﻦ ﺍﻟﺤﺮﮔﺔ ﺭﺍﺡ ﺍﻣﻮﺕ ﻣﻦ ﺍﻟﻘﻬﺮ ﺍﺫﺍ ﻣﺎﺍﺭﻭﺡ ﻭﺍﺣﺎﺳﺒﻪ ﻣﺎﺍﺭﺗﺎﺡ .
ﻣﺎﻣﺎ ﺍﻧﺘﻲ ﻣﺮﻳﻀﻪ ﻟﺘﺴﻮﻳﻦ ﺑﺮﻭﺣﺞ ﻫﻴﺞ .
ﻭﺍﻟﻠﻪ ﻣﻴﺴﻮﻩ ﺧﻠﻲ ﻳﻮﻟﻲ .
ﻭﻟﺞ ﺷﺄﻧﺴﻰ . ﺍﻣﻪ ﻭﻳﻦ ﻣﺘﮕﻌﺪ ﺗﮕﻮﻝ ﻣﺎﺳﻪ ﻋﺎﮔﺮ .
ﻓﻀﺤﺘﻨﺎ .
ﺧﻠﻲ ﻳﻮﻟﻮﻥ ﻣﺎﻣﺎ ﻟﺘﻘﻬﺮﻳﻦ ﺭﻭﺣﺞ .
ﺷﻮﻳﻪ ﻭﺍﺟﺖ ﺣﻼ .
ﮔﺎﻟﺖ ﺳﻮﻳﺘﻠﻜﻢ ﺭﻳﻮﮒ ﻭﻳﻦ ﺗﺎﻛﻠﻮﻥ .
ﮔﻠﺘﻠﻬﺎ ﺑﺄﻱ ﻣﻜﺎﻥ ﻣﺎﻛﻮ ﻓﺮﻕ ..
ﺍﺟﻪ ﻣﺼﻄﻔﻰ . ﮔﺎﻝ ﺧﻠﻲ ﻧﺘﺮﻳﮓ ﺑﻐﺮﻓﺘﻨﺎ ﻧﺎﺧﺬ ﺭﺍﺣﺘﻨﺎ .
ﺻﻌﺪﻧﺎ ..
ﻳﺎﻛﻞ ﻭﻳﺸﺘﻐﻞ ﻭﻳﺘﻠﻤﺲ ﻭﻳﺴﻮﻱ ﺷﻐﻼﺕ ﻣﺎﻳﮕﻌﺪ ﺭﺍﺣﻪ .
ﺗﺎﻟﻲ ﺍﻧﺪﮔﺖ ﺍﻟﺒﺎﺏ .
ﺍﺟﻮ ﺧﻄﺎﺭ .
ﻫﻬﻬﻬﻬﻪ ﻣﻤﻘﺴﻮﻣﻪ ﺍﺭﺗﺎﺡ ﺍﻟﻴﻮﻡ . ﮔﺎﻝ
ﻳﻠﻪ ﺣﺒﻴﺒﻲ ﺭﻭﺡ ﻋﻴﺐ ..
ﺷﻠﺖ ﺍﻟﺼﻴﻨﻴﻪ ﻭﻧﺰﻟﺘﻬﺎ .
ﮔﺎﻟﺖ ﻋﻤﺘﻲ ﺭﻭﺣﻲ ﺑﺪﻟﻲ ﺗﺠﻲ ﻧﺴﻮﺍﻥ .
ﺻﻌﺪﺕ ﻟﺒﺴﺖ ﻓﺴﺘﺎﻥ ﻃﻮﻳﻞ ﻭﺑﻲ ﺭﺩﻥ ﻭﻓﺘﺤﻪ ﻃﻮﻳﻠﻪ .
ﻭﻧﺰﻟﺖ ﺷﻌﺮﻱ .
ﻭﻛﺎﻟﻌﺎﺩﻩ ﻣﻠﻮﻛﻪ ﺑﺤﻀﻨﻲ ﻣﻔﺎﺭﻗﺘﻨﻲ .
ﻭﻛﻠﻤﺎ ﻳﺎﺧﺬﻭﻫﺎ ﺗﺒﺠﻲ .
ﻭﺟﻬﻪ ﺑﺸﻮﺵ ﺍﺑﺪ ﻣﺘﺒﺠﻲ .
ﺑﺲ ﻣﻦ ﻳﺎﺧﺬﻭﻫﺎ ﻣﻨﻲ ..
ﻣﺎﻣﺎ ﺭﺟﻌﺖ . ﻭﺳﻤﻌﺖ ﻣﺘﻌﺎﺭﻛﻪ ﻭﻱ ﻣﺮﺕ ﺧﺎﻟﻮﺍ ﻭﻓﺎﺿﺤﻪ ﺍﺣﻤﺪ .
ﻭﺍﺣﻤﺪ ﻣﻜﺬﺑﻨﻲ ﻭﻳﮕﻮﻝ ﻫﺎﻱ ﻣﺮﺗﻲ ﻭﺃﺳﺄﻟﻮﻫﺎ ﻛﻠﺸﻲ ﻣﺎﺑﻴﻪ ﺑﺲ ﻣﺎﺳﻪ ﻛﺎﻧﺖ ﻣﺘﻘﺒﻞ ﺍﺗﻘﺮﺑﻠﻬﺎ .
ﻳﻌﻨﻲ ﻣﻄﻠﻊ ﺣﺠﻲ ﻋﻠﻴﻪ ﻫﻮﺍﻱ .
ﺍﻧﻲ ﻫﻢ ﻣﺤﺠﻴﺖ ﻭﺳﻠﻤﺘﻪ ﺑﻴﺪ ﺍﻟﻠﻪ ..
ﻣﺮﺕ ﺍﻻﻳﺎﻡ ﻭﺍﻧﻲ ﻋﺎﻳﺸﻪ ﺍﺣﻠﻰ ﺍﻳﺎﻡ .
ﺧﻠﺼﺖ ﺍﺟﺎﺯﺓ ﻣﺼﻄﻔﻰ ﻭﺭﺟﻊ ﻟﻠﺪﻭﺍﻡ .
ﻭﮔﺎﻡ ﻳﺸﺘﻐﻞ ﺑﺄﻭﺭﺍﻕ ﻧﻘﻠﻪ ..
ﻟﻠﻨﺎﺻﺮﻳﻪ .
ﺑﺲ ﻛﻨﺎ ﻣﻨﻔﺘﺮﻕ ﻉ ﺍﻟﺘﻠﻔﻮﻥ .
ﻛﻞ ﺳﺎﻋﻪ ﻳﺨﺎﺑﺮ .
ﻣﻦ ﻳﺮﻭﺡ ﻣﺼﻄﻔﻰ ﻣﻠﻮﻛﻪ ﺗﻨﺎﻡ ﻳﻤﻲ ﺑﺎﻟﻐﺮﻓﻪ .
ﻭﺗﻌﻮﺩﺕ ﻋﻠﻴﻪ .
ﻭﺻﺎﺭﺕ ﻣﻦ ﻳﺠﻲ ﻣﺼﻄﻔﻰ ﻣﺘﻘﺒﻞ ﺗﻨﺎﻡ ﻳﻢ ﻋﻤﺘﻲ .
ﺗﻌﻮﺩﺕ ﻳﻤﻲ . ﻭﻳﺘﻌﺎﺭﻙ ﻫﻮ ﻭﻳﺎﻫﺎ ﻋﻠﻴﻪ .
ﻭﻳﻠﻮﻡ ﺑﻴﻪ ﻻﻥ ﻋﻮﺩﺗﻪ .
ﻟﻮ ﻳﺤﺠﻲ ﻋﻠﻰ ﺍﻣﻪ ﻳﮕﻠﻬﺎ ﺍﺧﺬﻳﻬﺎ .
ﺑﺲ ﻣﻠﻮﻛﻪ ﺗﻌﺎﻧﺪ ﻭﻣﺘﻘﺒﻞ .
ﻭﺣﻼ ﻟﻠﻨﺰﺍﻉ ﮔﺘﻠﻪ ﺍﻧﻘﻞ ﺳﺮﻳﺮﻫﺎ ﺑﻐﺮﻓﺘﻨﺎ ﺍﺣﺴﻦ .
ﻭﻓﻌﻼ ﺍﻧﺘﻘﻠﺖ ﻳﻤﻨﺎ .
ﻭﻣﻮﻧﺴﺘﻨﺎ .
ﺳﻮﻳﺘﻠﻬﺎ ﻧﻈﺎﻡ ﺑﺎﻟﻨﻮﻡ .
ﺣﺪﻫﺎ ﺗﺴﻌﻪ ﻭﺗﻨﺎﻡ .
ﻋﻠﻤﺘﻬﺎ ﻉ ﻛﻠﺸﻲ .
ﺣﺘﻰ ﻣﺼﻄﻔﻰ ﻣﻴﺘﻀﺎﻳﻖ ﻣﻦ ﻭﺟﻮﺩﻫﺎ .
ﺑﺲ ﻫﻮ ﻳﻐﺎﺭ ﻣﻨﻬﺎ .
ﻳﮕﻮﻝ ﻣﺸﺎﺭﻛﺘﻨﻲ ﺑﻴﺞ .
ﻣﻴﺪﺭﻱ ﺍﻧﻲ ﺍﺣﺲ ﺭﻭﺣﻲ ﻣﻦ ﻛﻨﺖ ﺻﻐﻴﺮﻩ ﺑﻴﻬﺎ .
ﻭﺧﺎﺻﻪ ﺍﻣﻬﺎ ﻣﻮ ﻳﻤﻬﺎ .
ﻭﻛﻢ ﻣﺮﻩ ﮔﻠﺖ ﺍﻟﻌﻤﺘﻲ ﺗﺎﺧﺬﻫﺎ ﺍﻻﻣﻬﺎ ﺧﻄﻴﻪ .
ﺗﺸﻮﻓﻬﺎ .
ﺑﺲ ﺗﮕﻮﻝ ﻣﺼﻄﻔﻰ ﻣﺤﻠﻔﻨﻲ ﻣﺎﺗﺸﻮﻓﻬﺎ ﺣﻨﻴﻦ .
ﺍﻳﺎﻣﻲ ﺣﻠﻮﻩ ﻭﻱ ﺑﻴﺖ ﻋﻤﺘﻲ ﻭﻋﻤﺘﻲ ﺯﻳﻨﻪ ﻭﻳﺎﻱ .
ﻭﻣﺘﻜﻠﻔﻨﻲ ﻫﻮﺍﻱ ﺑﺎﻟﺸﻐﻞ .
ﺣﻴﺎﺗﻲ ﻣﻘﺘﺼﺮﻩ ﻋﻠﻰ ﻣﺼﻄﻔﻰ ﻭﻣﻠﻮﻛﻪ .
ﺑﻴﻮﻡ ﺳﻤﻌﺖ ﻋﻤﺘﻲ ﺗﺴﻮﻟﻒ ﺑﺎﻟﺘﻠﻔﻮﻥ .
ﻭﮔﺎﻟﺖ ﺣﻨﻴﻦ ﺗﺮﻛﺖ ﺍﻟﻐﺴﻞ ﻣﺎﻝ ﻛﻠﻪ ﻭﺣﺎﻟﺘﻬﺎ ﺳﺎﺀﺕ .
ﺍﻧﻘﻬﺮﺕ ﻋﻠﻴﻬﺎ ..
ﻭﮔﻠﺖ ﺍﻟﻌﻤﺘﻲ . ﺗﺎﺧﺬ ﻣﻠﻮﻛﻪ ﺍﻟﻬﺎ .
ﺑﺲ ﻋﻤﺘﻲ ﺗﺨﺎﻑ ﻣﻦ ﻣﺼﻄﻔﻰ ..
ﺍﺗﺼﻠﺖ ﻋﻠﻰ ﺟﺪﻭ ﻣﻬﺪﻱ . ﻭﮔﻠﺘﻠﻪ ﻳﺨﻠﻲ ﻣﺼﻄﻔﻰ ﻳﻮﺍﻓﻖ ﺗﺮﻭﺡ ﻣﻠﻮﻛﻪ ﻳﻢ ﺍﻣﻬﺎ ﻛﻢ ﻳﻮﻡ ..
ﺟﺪﻭ ﻗﺒﻞ ﻭﮔﺎﻝ ﺑﺎﺭﻙ ﺍﻟﻠﻪ ﺑﻴﺞ ﺑﻨﻴﺘﻲ .
ﻭﻓﻌﻼ ﺍﺗﺼﻞ ﻋﻠﻴﻪ ﺑﺎﻟﺪﺍﻭﻡ ﻭﻣﺎﺍﻋﺮﻑ ﺷﻠﻮﻥ ﻗﻨﻌﻪ .
ﻭﻭﺍﻓﻖ ﻋﻤﺘﻲ ﺗﺎﺧﺬ ﻣﻠﻮﻛﻪ ﺍﻻﻣﻬﺎ
...
ﺃﺍﺗﺼﻞ ﻣﺼﻄﻔﻰ ﻋﻠﻰ ﻋﻤﺘﻲ ..
ﮔﺎﻟﻬﺎ ﺍﺧﺬﻱ ﻣﻠﻮﻛﺔ ﺳﺎﻋﻪ ﻭﺭﺟﻌﻴﻬﺎ . ﻣﻮ ﺗﺒﻘﻴﻬﺎ ﻫﻨﺎﻙ
ﮔﻠﺘﻠﻲ ﻋﻤﺘﻲ ﺣﻈﺮﺗﻬﺎ ﻭﺑﺪﻟﺘﻠﻬﺎ ..
ﮔﻠﺘﻠﻬﺎ ﺍﻟﻌﻤﺘﻲ ﺍﺭﻭﺡ ﻭﻳﺎﺝ ﺍﺷﻮﻓﻬﺎ ..
ﻋﻤﺘﻲ .. ﻳﻤﻪ ﻣﺎﺍﺭﻳﺪﺝ ﺗﺴﻤﻌﻴﻦ ﻛﻠﻤﻪ ﺗﻐﺜﺞ ..
ﺍﺩﺭﻱ ﺑﻴﺞ ﻃﻴﺒﻪ ﻭﻣﺎﺗﺸﻴﻠﻴﻦ ﺣﻘﺪ ﻋﻠﻰ ﻭﺍﺣﺪ ..
ﺑﺲ ﻳﻤﻪ ﻣﻮ ﻛﻠﻬﺎ ﻣﺜﻞ ﮔﻠﺒﺞ ..
ﺑﺲ ﺍﻧﻲ ﻫﻢ ﺍﮔﻠﻬﺎ ﺍﻟﻌﻤﺘﺞ ﺭﺩﺗﻲ ﺗﺠﻴﻦ ﻭﻳﺎﻱ ..
ﻋﺎﺩﻱ ﻋﻤﻪ ﻣﻴﺨﺎﻟﻒ . ﺑﺲ ﺳﻠﻤﻴﻠﻲ ﻋﻠﻴﻬﻢ ..
ﺍﺧﺬﺕ ﻋﻤﺘﻲ ﻣﻠﻮﻛﻪ ﻭﻃﻠﻌﺖ ..
ﺷﻮﻳﻪ ﺍﺟﺖ ﺣﻼ ﻭﺳﺠﺎﺩ ..
ﺳﻠﻤﺖ ﻭﺩﺧﻠﺖ .
ﮔﺎﻟﺖ ﻭﻳﻦ ﺍﻣﻲ ..
ﻋﻤﺘﻲ ﺍﺧﺬﺕ ﻣﻠﻮﻛﻪ ﻭﺭﺍﺣﺖ ﺗﺸﻮﻑ ﺣﻨﻴﻦ ﺣﺎﻟﺘﻬﺎ ﻛﻠﺶ .
- ﻳﺎﺍﺍﺍ ﻭﺷﻌﺠﺐ ﻣﺼﻄﻔﻰ ﻗﺒﻞ ﺗﺮﻭﺡ ﻣﻠﻮﻛﻪ ..
- ﻭﻟﻴﺶ ﻣﻴﻘﺒﻞ ﺍﻣﻬﺎ ﻭﻣﺮﻳﻀﻪ ﻭﺻﺎﺭﻟﻬﺎ ﺷﮕﺪ ﻣﺸﺎﻳﻔﻪ ﺑﻨﺘﻬﺎ ﻣﻮ ﺣﺮﺍﻡ ..
- ﻣﺎﺳﻪ ﺍﻧﺘﻲ ﻣﺘﻌﺮﻓﻴﻦ ﺷﻲ .. ﺣﻨﻴﻦ ﻣﺎﺣﻤﺪﺕ ﺭﺑﻬﺎ ﻭﮔﻌﺪﺕ ﺑﻘﺖ ﺗﺤﻮﺱ ﻉ ﺍﻟﻤﺸﺎﻛﻞ .
ﻭﺍﺧﺮ ﺷﻲ ﺧﺎﻧﺘﻪ ﻭﺑﻌﻴﻦ ﻭﻛﺤﺔ ﺗﮕﻠﻪ ﻣﺜﻞ ﻣﺎﺍﻧﺖ ﺗﺨﻮﻧﻲ ﻭﻱ ﻣﺎﺳﻪ ﺍﻧﻲ ﻫﻢ ﺍﺧﻮﻧﻚ ..
- ﺍﻱ ﮔﻠﻲ ﻣﺼﻄﻔﻰ ﺑﺲ ﻣﺎﻓﻬﻤﺖ ﺷﻲ . ﺷﻠﻮﻥ ﺧﺎﻧﺘﻪ .
- ﺑﺲ ﻋﻠﻴﺞ ﺍﻟﻠﻪ ﻟﺘﮕﻮﻟﻴﻦ ﺍﻧﻲ ﮔﺘﻠﺞ .
- ﻻ ﻭﺍﻟﻠﻪ ..
- ﻣﺼﻄﻔﻰ ﺍﺷﺘﺮﺍﻟﻬﺎ ﻣﻮﺑﺎﻳﻞ ﻳﮕﻮﻝ ﺧﻄﻴﻪ ﺗﺨﺎﺑﺮ ﺍﻣﻬﺎ ﻟﻮ ﺗﺤﺘﺎﺝ ﺷﻲ ..
ﺗﺎﻟﻲ ﻫﻮ ﻳﺮﻭﺡ ﻟﻠﺪﻭﺍﻡ ﻭﻫﻲ ﺑﻐﺮﻓﺘﻬﺎ ﺍﻟﻠﻴﻞ ﻛﻠﻪ ﺗﺴﻬﺮ ﺗﺴﻮﻟﻒ ﻭﻱ ﻭﺍﺣﺪ .
ﺣﺘﻰ ﺑﻨﺘﻬﺎ ﺫﺍﺑﺘﻬﺎ ﻋﻠﻰ ﺍﻣﻲ ..
ﻭﺑﺎﻟﻨﻬﺎﺭ ﺗﻨﺎﻡ . ﻻﺷﻐﻞ ﻭﻻﻋﻤﻞ ..
ﻭﺑﻴﻮﻡ ﺍﻟﻠﻪ ﺳﻠﻂ ﺍﻣﻲ ﻋﻠﻴﻬﺎ . ﻭﺳﻤﻌﺖ ﺣﺠﻴﻬﺎ .
ﻭﻣﺎﺣﺠﺖ . ﺭﺍﺣﺖ ﮔﺎﻟﺖ ﺍﻟﺨﺎﻟﺘﻲ .
ﻭﺧﺎﻟﺘﻲ ﻣﺎﺻﺪﮔﺖ ﺍﻣﻲ ﻭﺗﻌﺎﺭﻛﺖ ﻭﻳﺎﻫﺎ .
ﺗﺎﻟﻲ ﻣﻦ ﺍﺟﻪ . ﻣﺼﻄﻔﻰ ﺳﻤﻊ ﻣﻮﺑﺎﻳﻠﻬﺎ ﻳﺮﻥ ﺑﺎﻟﻠﻴﻞ ﻣﺴﻮﻳﺘﻪ ﻫﺰﺍﺯ .
ﻭﺍﺧﺬﺗﻪ ﻭﻃﻠﻌﺖ ﺑﻲ . ﮔﺎﻡ ﻭﺭﺍﻫﺎ .
ﻟﮕﺎﻫﺎ ﺑﺎﻟﺤﻤﺎﻡ ﺗﮕﻠﻪ ﺍﻟﻴﻮﻡ ﻫﺬﺍ ﻫﻨﺎ ﻣﺎﺍﮔﺪﺭ ﺍﺣﺠﻲ ﻭﻳﺎﻙ .
ﻋﺎﺩ ﺩﻓﺮ ﺍﻟﺒﺎﺏ ﻭﺩﺧﻠﻠﻬﺎ ﺳﺤﺐ ﺍﻟﻤﻮﺑﺎﻳﻞ . ﺑﺲ ﮔﺎﻝ ﺍﻟﻮﻟﺪ ﻏﻠﻘﻪ ﻭﺑﻌﺪ ﻣﺎﻓﺘﺤﻪ ..
ﻭﻟﮕﻴﻨﺎ ﺭﺳﺎﺋﻞ ﺍﺷﻜﺎﻝ ﺍﻟﻮﺍﻥ ﻭﺳﻮﺍﻟﻒ ﻣﺎﺗﺴﻮﻟﻒ .
ﮔﻌﺪ ﺍﻣﻲ ﻭﺍﺑﻮﻱ . ﻭﻫﻲ ﻣﺎﻧﺪﻣﺎﻧﻪ ﺑﻌﻴﻦ ﻭﻛﺤﻪ ﺗﺤﺠﻲ ﻭﺗﮕﻠﻪ ﻣﺜﻞ ﻣﺘﺨﻮﻧﻲ ﺍﺧﻮﻧﻚ
ﮔﺎﻟﻬﺎ ﻭﻟﺞ ﺳﻼﻡ ﻣﺎﺗﺴﻠﻢ ﻋﻠﻴﻪ ﻣﺎﺳﻪ . ﻭﺍﻧﺘﻲ ﻫﻴﺞ ﺗﺤﺠﻴﻦ ﻻﻥ ﺍﺷﺮﻑ ﻣﻨﺞ ﻭﻣﺎﺗﺪﻭﺭ ﻭﻟﺪ .
ﻫﻲ ﺗﺤﺒﻨﻲ ﻭﺍﺧﺬﻫﺎ ﺍﺑﻦ ﺧﺎﻟﻬﺎ . ﻭﻣﺎﺣﺠﺖ ﻭﻳﺎﻱ ﻭﻻ ﺭﺍﺳﻠﺖ .
ﻭﺍﻧﺘﻲ ﻋﻠﻰ ﺫﻣﺘﻲ ﻭﻫﻴﺞ ﺗﺴﻮﻳﻦ . ﻃﻠﮕﻬﺎ ﺑﻴﻮﻣﻬﺎ .
ﻭﺍﺟﺘﻤﻌﻮﺍ ﺍﺑﻮﻱ ﻭﺟﺪﻭ ﻣﻬﺪﻱ ﻭﺍﺑﻮﻫﺎ ﻭﺭﺍﻭﺍﻫﻢ ﺍﻟﻤﺤﺎﺩﺛﺎﺕ .
ﺍﺑﻮﻫﺎ ﺷﺒﻌﻬﺎ ﺿﺮﺏ ﻭﻟﻮ ﻣﻤﺘﻼﺣﮕﻴﻪ ﺟﺎﻥ ﻣﻴﺘﻪ ﺑﻴﺪﻩ .
- ﺍﻭﻭﻭﻭﻑ ﺍﻟﻠﻪ ﻳﺴﺎﻋﺪﻩ ﺍﻟﻤﺼﻄﻔﻰ ﺷﻠﻮﻥ ﺗﺤﻤﻞ .
ﺍﻟﺨﻴﺎﻧﻪ ﺻﻌﺒﻪ .
ﺑﺲ ﺣﻨﻴﻦ ﺗﺤﺒﻪ ﺍﻟﻤﺼﻄﻔﻰ ﺍﻧﻪ ﺍﺩﺭﻱ ﺑﻴﻬﺎ .
ﻳﻌﻨﻲ ﻣﺘﺴﻮﻱ ﻫﻴﺞ ﺍﻻ ﺍﺫﺍ ﻗﻄﻌﺖ ﺍﻻﻣﻞ ﻣﻦ ﻣﺼﻄﻔﻰ .
- ﻳﻮﻭﻭﻩ ﻣﺎﺳﻪ ﺗﺮﻯ ﺭﺍﺡ ﺗﺨﺒﻠﻴﻨﻲ . ﻟﻮ ﺍﻧﺘﻲ ﻃﻴﺒﻪ ﺯﻳﺎﺩﻩ ﻋﻦ ﺍﻟﻠﺰﻭﻡ ﻟﻮ ﺛﻮﻟﻪ ﻭﻣﺎﺗﻔﻬﻤﻴﻦ ﺍﻟﺤﺠﻲ .
- ﻳﺎﺍﺍﺍ ﻟﺞ ﺷﻨﻮ ﺛﻮﻟﻪ ..
- ﺍﻱ ﻭﺍﻟﻠﻪ ﻣﻮﺗﻴﻨﻲ . ﺗﺪﺍﻓﻌﻴﻦ ﻟﻠﺮﺍﻳﺢ ﻭﺍﻟﺠﺎﻱ ﻛﺎﻓﻲ .
- ﻫﻬﻬﻪ ﺩﮔﻮﻣﻲ ﺧﻠﻲ ﻧﺸﻮﻑ ﺷﻨﺴﻮﻱ ﻋﺸﺎ
....
ﺍﺟﺖ ﻋﻤﺘﻲ ﻫﻲ ﻭﻣﻠﻮﻛﻪ ﻭﻋﻴﻮﻧﻬﺎ ﻭﺍﺭﻣﺎﺕ ﻣﻦ ﺍﻟﺒﺠﻲ .
ﺗﮕﻮﻝ ﻣﺎﺗﺒﻘﻰ ﺑﺎﺟﺮ ﻋﮕﺒﻪ ﺗﻤﻮﺕ ﻣﺎﺗﻄﻮﻝ ..
ﻭﻫﺎﻱ ﺑﻨﺘﻬﺎ ﻣﺎﺗﻘﺒﻞ ﺗﺮﻭﺣﻠﻬﺎ ﺗﺒﺠﻲ ﻣﺎﺗﺮﻳﺪﻫﺎ .
- ﺩﻣﻌﺖ ﻋﻴﻮﻧﻲ . ﻋﻤﻪ ﻟﻴﺶ ﻫﻴﺞ ﻣﻴﺎﺧﺬﻭﻫﺎ ﺍﻟﺪﻛﺘﻮﺭ ﻳﻄﻠﻌﻮﻫﺎ ﺑﺮﻩ .
- ﻋﻤﻪ ﺍﺑﻮﻫﺎ ﻉ ﮔﺪ ﺣﺎﻟﻪ . ﻭﻣﺎﻋﻨﺪﻩ . ﻭﺍﻟﻐﺴﻞ ﻫﻮﺍﻱ ﻳﻜﻠﻒ ﻭﺍﻟﻌﻼﺝ ﻫﻢ .
ﺑﺲ ﺍﻟﻐﺴﻞ ﻣﺎﻳﻔﻴﺪ ﻳﮕﻠﻬﻢ ﺍﻻ ﻳﺒﺪﻟﻮﻥ ﺍﻟﻜﻠﻴﻪ .
- ﺍﻭﻭﻭﻑ ﺭﺑﻲ ﻳﺒﺎﻭﻋﻠﻬﺎ ﺍﻥ ﺷﺎﺀ ﺍﻟﻠﻪ .
ﻭﺍﻟﻠﻪ ﺑﺤﻴﺎﺗﻲ ﻣﺎﺍﺗﻤﻨﻴﺖ ﺍﻟﺸﺮ ﺍﻟﻬﺎ ﻭﺗﻜﺴﺮ ﮔﻠﺒﻲ ﻻﻥ ﻫﻲ ﺣﺒﺖ ﺷﺨﺺ ﻣﻴﺤﺒﻬﺎ . ﻭﺍﻛﻴﺪ ﻋﺎﻧﺖ ﻭﺗﻤﺮﺿﺖ ﺑﺴﺒﺐ ﺣﺰﻧﻬﺎ .
ﺻﺤﻴﺢ ﻫﻲ ﻣﺮﻳﻀﻪ ﻣﻦ ﻫﻲ ﺑﻨﻴﻪ ﻭﺗﺸﻜﻲ ﻣﻦ ﻛﻼﺗﻬﺎ .
ﺑﺲ ﻛﺎﻧﺖ ﺯﻳﻨﻪ ﻣﻮ ﻫﻴﺞ .
ﺛﺎﻧﻲ ﺍﺟﻪ ﻣﺼﻄﻔﻰ . ﻭﻛﻠﻨﺎ ﻣﺠﻤﻮﻋﻴﻦ ﻭﺳﻬﺮﺍﻧﻴﻦ ﻭﻋﻤﺘﻲ ﺳﻮﻟﻔﺘﻠﻪ ﻉ ﻣﻠﻮﻛﻪ ﻭﺷﻠﻮﻥ ﻣﺘﻌﺮﻑ ﺍﻣﻬﺎ .
- ﻣﺼﻄﻔﻰ .. ﺍﺣﺴﻦ ﻣﺎﺗﻌﺮﻓﻬﺎ ﺷﺘﺴﻮﻱ ﺑﻬﻴﺞ ﺍﻡ .
- ﻣﺎﺳﻪ .. ﺗﺮﻯ ﺯﻭﺩﺗﻬﺎ ﻣﺼﻄﻔﻰ ﺍﻟﺒﻨﻴﻪ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻭﺍﻧﺖ ﻫﻴﺞ ﺗﺤﺠﻲ . ﻓﻬﻤﻨﺎ ﺟﺮﺣﺘﻚ ﺑﺲ ﻣﻮ ﻫﻴﺞ .
- ﻣﺎﺳﻪ ﺍﻟﺨﺎﻃﺮ ﺭﺑﺞ ﻟﺘﺘﺪﺧﻠﻴﻦ .
ﺑﻴﻮﻣﻬﺎ ﺗﻌﺎﺭﻛﻨﺎ ﺍﻧﻲ ﻭﻳﺎﻩ . ﻭﻫﺎﻱ ﺍﻭﻝ ﻣﺮﻩ ﻧﺘﻌﺎﺭﻙ ﺑﻴﻬﺎ .
ﺑﺎﻟﻠﻴﻞ ﺿﺠﺖ ﻣﻦ ﻛﻼﻣﻪ ﻭﺷﻠﻮﻥ ﻳﺼﻴﺢ ﻋﻠﻴﻪ ﮔﺪﺍﻡ ﺍﻫﻠﻪ .
ﻧﻤﺖ ﻭﻧﻄﻴﺘﻪ ﻇﻬﺮﻱ .
ﺣﺴﻴﺖ ﺑﻲ ﺍﺟﻪ ﻣﻦ ﻭﺭﺍﻱ ﻭﺣﻈﻨﻲ .
ﻣﺎﻣﺎﻧﻌﺖ ﺑﺎﻟﻌﻜﺲ ﻛﻨﺖ ﻣﺸﺘﺎﻗﺘﻠﻪ . ﻭﻓﺮﺣﺖ ﻣﻦ ﺗﻘﺮﺑﻠﻲ .
ﺩﺭﺕ ﺍﻟﻪ ﻭﺧﻠﻴﺖ ﻭﺟﻬﻲ ﺑﺼﺪﺭﻩ ﻭﻏﻔﻴﺖ .
ﻭﻣﺎﺣﺴﻴﺖ ﺍﻻ ﻋﻠﻰ ﺻﻮﺕ ﻋﻴﺎﻁ . ﻭﺑﺠﻲ .
ﻃﻔﺮ ﻣﺼﻄﻔﻰ ﻣﻦ ﻣﻜﺎﻧﻪ .
ﻃﻠﻌﺖ ﻭﺭﺍﻩ . ﮔﺎﻝ ﻭﻳﻦ ﺍﺳﺘﺮﻱ ﺭﻭﺣﺞ .
ﻟﺒﺴﺖ ﺭﻭﺏ ﻭﻃﻠﻌﺖ ..
ﺷﻔﺖ ﻋﻤﺘﻲ ﺗﻤﻠﺦ ﺑﺮﻭﺣﻬﺎ .
ﻧﺰﻟﻨﺎ . ﻫﺎﻱ ﻳﻤﻪ ﺷﻜﻮ ﺷﺒﻴﺞ . ﺟﺪﻱ ﺑﻴﺒﻴﺎﺗﻲ ﺑﻴﻬﻦ ﺷﻲ .
ﻋﻤﺘﻲ .. ﻭﻟﻚ ﻳﻤﻪ ﺣﻨﻴﻦ ﺭﺍﺣﺖ ﺑﻌﺰ ﺷﺒﺎﺑﻬﺎ ﺭﺍﺣﺖ .
ﺳﻮﺩﻩ ﻋﻠﻴﻪ ﺣﺎﻟﺘﻬﺎ ﻛﻠﺶ ﺣﻀﻨﺖ ﺑﻨﺘﻬﺎ ﻭﺗﻮﺻﻴﻨﻲ ..
ﺗﺪﺭﻱ ﺑﺮﻭﺣﻬﺎ ﻣﻴﺘﻪ .
ﮔﺎﻝ ﻋﻤﻮ .. ﻳﻠﻪ ﺣﻈﺮﻱ ﺭﻭﺣﺞ ﺍﻧﺘﻲ ﻭﺍﻟﺒﻨﺎﺕ ﺍﺧﺬﺟﻦ .
ﮔﻠﺘﻠﻬﺎ ﻋﻤﻪ ﺍﻧﻲ ﺍﺭﻭﺡ ﻭﻳﺎﺝ .
ﻣﺼﻄﻔﻰ .. ﺍﻧﺘﻲ ﻭﻳﻦ ﺭﺍﻳﺤﻪ . ﺍﮔﻌﺪﻱ ﻫﻨﺎ . ﺍﻟﻒ ﻭﺍﺣﺪ ﻳﺴﻤﻌﺞ ﺣﺠﻲ ﻭﻣﺎﺗﺘﺤﻤﻠﻴﻦ .
- ﻭﺍﻟﻠﻪ ﻋﺠﻴﺒﻪ ﺍﻧﺘﻮ ﺍﻟﻤﺎﺗﺖ ﺑﻨﺖ ﻋﻤﺘﻲ ﻭﺍﻟﻲ ﻳﺤﺠﻲ ﺧﻠﻲ ﻳﺤﺠﻲ ﺍﻧﻲ ﻭﺍﺛﻘﻪ ﺑﺮﻭﺣﻲ .
ﺧﻠﺺ .
- ﻋﻠﻤﻮﺩﺝ ﻭﺍﻟﻠﻪ ﺍﻧﻲ ﻣﺎﺍﺭﻳﺪﺝ ﺗﻨﻘﻬﺮﻳﻦ .
ﺻﻌﺪﺕ ﺑﺪﻟﺖ ﻭﻫﻮ ﻳﺤﺠﻲ ﻭﺭﺍﻱ .
- ﮔﺘﻠﻪ ﺧﻠﺺ ﺑﻌﺪ ﺑﺪﻟﺖ ﻭﺭﺍﺡ ﺍﺭﻭﺡ ﻟﺘﻤﻨﻌﻨﻲ ﻣﺼﻄﻔﻰ .
ﻫﻢ ﺍﺫﺍ ﻣﺎﺍﺭﻭﺡ . ﻳﮕﻮﻟﻮﻥ ﻣﺎﺍﺟﺖ ﻭﻓﺮﺣﺎﻧﻪ ﺍﻟﻤﻮﺗﻬﺎ .
ﻫﻲ ﺑﺎﻟﺤﺎﻟﺘﻴﻦ ﻳﺤﺠﻮﻥ ﺧﻠﻴﻨﻲ ﺍﺭﻭﺡ ﺍﻟﺨﺎﻃﺮ ﻋﻤﺘﻲ ﻭﺑﻴﺒﺘﻲ ﻭﺧﻠﻲ ﺍﻟﻲ ﻳﺤﺠﻲ ﻳﺤﺠﻲ .
- ﻳﻠﻪ ﻳﻌﻤﻲ ﺭﻭﺣﻲ ﻫﻮ ﺍﻧﻲ ﺍﮔﺪﺭ ﺍﺣﺠﻲ ﺍﺫﺍ ﻋﺎﻧﺪﺗﻲ ..
- ﻳﻤﻪ ﻓﺪﻭﻩ ﻟﻠﺤﻨﻴﻦ ﺑﻮﺳﺘﻪ ﻭﺣﻈﺮﺕ ﻣﻼﺑﺴﻪ .
ﻟﺒﺲ ﺩﺷﺪﺍﺷﻪ ﻭﺳﺘﺮﻩ ﻭﺧﻠﻪ ﻏﺘﺮﺓ ﻉ ﻛﺘﻔﻪ .
ﻭﻧﺰﻟﻨﺎ .
ﺷﻠﺖ ﻣﻠﻮﻛﻪ ﻭﻣﺼﻄﻔﻰ ﺷﺎﻝ ﻏﺮﺍﺿﻬﺎ .
ﻭﻋﻤﻮ ﻭﺍﻟﺒﻨﺎﺕ . ﻃﻠﻌﻨﺎ ﻭﻗﻔﻠﻨﺎ ﺍﻟﺒﺎﺏ .
ﻭﺻﻠﻨﺎ ﺍﻟﺴﺎﻋﻪ ﺧﻤﺴﻪ ﺍﻟﻔﺠﺮ .
ﺍﻟﺰﻟﻢ ﻛﻠﻬﺎ ﺭﺍﺣﺖ ﻟﻠﻤﺴﺘﺸﻔﻰ ﻭﺻﻠﻮﻧﺎ ﻟﻠﺒﻴﺖ ﻭﺭﺍﺣﻮﺍ .
ﺩﺧﻠﺖ ﻋﻤﺘﻲ ﺗﻌﻴﻂ ﮔﺪﺍﻣﻲ .
ﻭﺍﻧﻲ ﺷﺎﻳﻠﻪ ﻣﻠﻮﻛﻪ .
ﺩﺧﻠﺖ ﻭﺷﻔﺘﻬﺎ ﻛﻠﻬﺎ ﺗﻌﻴﻂ . ﻧﺰﻟﺖ ﺩﻣﻮﻋﻲ ﺑﻴﻦ ﺭﻫﺒﻪ ﻭﺧﻮﻑ ﻣﻦ ﺷﻔﺘﻬﺎ ﻛﻠﻬﺎ ﺗﻌﻴﻂ ﺍﻗﺸﻌﺮ ﺟﺴﻤﻲ .
ﺗﻠﮕﺘﻨﺎ ﺍﺧﺖ ﺣﻨﻴﻦ ﺍﻟﻮﺳﻄﺎﻧﻴﻪ ﺭﺅﻯ .. ﺳﺤﺒﺖ ﻣﻨﻲ ﻣﻠﻮﻛﻪ .
ﻭﮔﺎﻟﺖ . ﺷﻌﻨﺪﺝ ﺟﺎﻳﻪ . ﺗﻘﺘﻞ ﺍﻟﻘﺘﻴﻞ ﻭﺗﻤﺸﻲ ﺑﺠﻨﺎﺯﺗﻪ .
ﻣﺤﺠﻴﺖ ﺷﻲ ﺑﺲ ﺣﻼ ﻭﻋﻼ ﻣﺎﺳﻜﺘﻦ ﺭﺩﻧﻬﺎ ..
ﺭﺣﺖ ﺣﻀﻨﺖ ﻋﻤﺘﻲ ﺍﻧﺘﺼﺎﺭ . ﺗﺒﺠﻲ ﻭﺗﮕﻠﻲ ﻣﺎﺳﻪ ﻳﻤﻪ ﻣﺎﺗﺖ ﻭﺗﮕﻮﻝ ﻫﺎﻱ ﺣﻮﺑﺔ ﻣﺼﻄﻔﻰ ﻭﻣﺎﺳﻪ .
ﻳﻤﻪ ﺍﺑﺮﻳﻠﻬﺎ ﺍﻟﺬﻣﻪ ﺧﻠﻲ ﺗﺮﺗﺎﺡ ﺑﮕﺒﺮﻫﺎ .
ﻳﻤﻪ ﺑﻨﻴﺘﻲ ﺷﺎﺑﻪ ﻭﺭﺍﻋﺖ ﻣﻨﻲ ﺑﻌﺰ ﺷﺒﺎﺑﻬﺎ .
ﺣﻀﻨﺘﻬﺎ ﻭﺍﺷﻬﮓ ﻣﻦ ﺍﻟﺒﺠﻲ
...
ﺧﻨﮕﺘﻨﻲ ﺍﻟﻌﺒﺮﺓ ﻭﻋﻤﺘﻲ ﺗﺤﺠﻲ .
ﮔﻠﺘﻠﻬﺎ ﻋﻤﻪ ﻣﺒﺮﻳﻪ ﺍﻟﺬﻣﻪ ﺍﻟﻬﺎ . ﻭﻟﻠﻴﻮﻡ ﻣﺎﺣﻘﺪﺕ ﻭﻻ ﻛﺮﻫﺘﻬﺎ .
ﻫﻲ ﻣﺜﻞ ﺍﺧﺘﻲ ﻭﺍﻟﻠﻪ ..
ﻭﺑﺤﻴﺎﺗﻲ ﻣﺎﺭﺩﺕ ﺗﻌﺎﺳﺘﻬﺎ ﻭﺍﺑﺘﻌﺪﺕ ﻋﻦ ﺍﻟﻨﺎﺻﺮﻳﻪ ﻋﻠﻤﻮﺩﻫﺎ .
ﻋﻤﺘﻲ ﺍﻧﺘﺼﺎﺭ .. ﺍﺩﺭﻱ ﻳﻤﻪ ﺍﺩﺭﻱ .
ﮔﻠﺒﺞ ﻣﺜﻞ ﮔﻠﻮﺑﻨﺎ ﻣﺎﺗﺸﻴﻞ ﺣﻘﺪ .
ﺑﺲ ﻣﺎﺍﻭﺻﻴﺞ ﺑﺒﻨﻴﺘﻬﺎ . ﺻﺎﺭﺕ ﺍﻣﺎﻧﻪ ﺑﺮﮔﺒﺘﺞ .
- ﻣﻠﻮﻛﻪ ﺑﻌﻴﻮﻧﻲ ﻋﻤﻪ .
ﻋﻤﺘﻲ ﺗﻜﺴﺮ ﺍﻟﮕﻠﺐ . ﻣﻮﺗﺖ ﺭﻭﺣﻬﺎ ﻃﻮﻝ ﻓﺘﺮﺓ ﺍﻟﻔﺎﺗﺤﻪ .
ﺑﻨﺎﺗﻬﺎ ﺣﺎﻗﺪﺍﺕ ﻋﻠﻴﻪ ﻭﻳﺴﻤﻌﻨﻲ ﺣﺠﻲ .
ﻣﻠﻮﻛﻪ ﻛﺎﻧﺖ ﻣﺘﺮﻳﺪ ﺑﺲ ﺍﻧﻲ ﻭﺗﺒﺠﻲ .
ﻭﻫﻨﻪ ﻣﻴﺨﻠﻨﻬﺎ ﺗﺠﻲ ﺍﻟﻲ .
ﺍﻟﻰ ﺍﻥ ﻋﻤﺘﻲ ﺍﻓﺮﺍﺡ ﮔﺎﻣﺖ ﺗﺤﺠﻲ ﻋﻠﻴﻬﻦ ﻫﻲ ﻭﺑﻴﺒﻲ ﻣﺎﺳﻪ .
ﻛﻨﺎ ﻧﺮﻭﺡ ﺍﻟﺼﺒﺢ ﻭﻧﺮﺟﻊ ﺑﺎﻟﻠﻴﻞ ﺗﻌﺒﺎﻧﻴﻦ ﻭﻣﺎﻣﺎ ﻭﻳﺎﻱ ﻫﻲ ﻭﺑﺎﺟﻲ ﺍﺣﻼﻡ . ﻋﺪﻧﻪ ﻳﺒﻘﻦ ..
ﺍﺣﺲ ﻧﻀﺮﺍﺕ ﺍﻟﻨﺎﺱ ﺗﺎﻛﻠﻨﻲ . ﻭﺧﺎﺻﻪ ﻣﻦ ﻳﺸﻮﻓﻮﻥ ﻣﻠﻮﻛﻪ ﺑﺤﻀﻨﻲ . ﻳﮕﻮﻟﻮﻥ ﻣﻮﺗﺘﻬﺎ ﻭﺍﺧﺬﺕ ﺭﺟﻠﻬﺎ ﻭﺑﻨﺘﻬﺎ .
ﻭﻣﺎﻣﺎ ﻣﻦ ﺗﺴﻤﻊ ﻣﺎﺗﺴﻜﺖ ﺗﺒﻘﻰ ﺗﺤﺠﻲ .
ﺍﺿﻮﺝ ﺑﺪﺍﺧﻠﻲ ﻭﺍﻣﻮﺕ ﻗﻬﺮ . ﺑﺲ ﺍﺗﺤﻤﻞ .
ﻻﻥ ﺍﻟﻨﺎﺱ ﻋﻠﻴﻬﺎ ﺍﻟﻈﺎﻫﺮ .
ﺧﻠﺼﺖ ﺍﻟﻔﺎﺗﺤﻪ .. ﺭﺟﻌﻨﺎ ﻟﻠﺒﻴﺖ .
ﻋﻤﺘﻲ ﺑﻘﺖ ﻫﻨﺎﻙ ﻻﻥ ﻧﺎﺱ ﺗﺮﻭﺡ ﻭﺗﺮﺟﻊ .
ﺑﻘﺖ ﻣﻠﻮﻛﻪ ﻋﻨﺪﻱ . ﺍﻛﻠﻬﺎ ﻭﻟﺒﺴﻬﺎ ﻭﺍﺻﻌﺪ ﺷﺎﻳﻠﺘﻬﺎ ﻭﺍﻧﺰﻝ ﺷﺎﻳﻠﺘﻬﺎ .
ﻏﻴﺮ ﺍﻟﻌﺮﻙ ﺍﻟﻲ ﺑﻴﻨﻬﺎ ﻭﺑﻴﻦ ﻣﺼﻄﻔﻰ ..
ﺍﻭﻝ ﻣﺮﺓ ﺍﺷﻮﻑ ﺍﺑﻮ ﻳﻐﺎﺭ ﻣﻦ ﺑﻨﺘﻪ .
ﻣﺮ ﺍﻻﻳﺎﻡ ﻭﺍﻻﺷﻬﺮ ﻭﻃﻠﻊ ﺍﺭﺑﻌﻴﻦ ﺍﻟﻤﺮﺣﻮﻣﻪ .
ﻭﺍﻧﻲ ﺍﺣﺴﺐ ﻛﻞ ﺷﻬﺮ ﻭﻣﺎﻛﻮ ..
ﺍﺳﺘﺤﻲ ﺍﺣﺠﻲ ..
ﺑﻴﻮﻡ ﮔﺘﻠﻪ ﻣﺼﻄﻔﻰ ﺍﺭﻳﺪ ﺍﺭﻭﺡ ﻟﻠﺤﻠﻪ ﺍﺷﺘﺎﻗﻴﺖ ﺍﻟﻤﺎﻣﺎ .
ﮔﺎﻝ ﻣﻦ ﺍﺭﻭﺡ ﻟﻠﺪﻭﺍﻡ ﺍﺧﺬﺝ ﻭﻣﻨﺎﻙ ﺍﺭﻭﺡ .
ﻭﻣﻦ ﺍﺟﻲ ﺍﺧﺬﺝ .
ﻓﺮﺣﺖ . ﺭﺣﺖ ﺍﻟﻤﺎﻣﺎ . ﻭﻃﻠﺒﺖ ﻣﻨﻬﺎ ﺗﺎﺧﺬﻧﻲ .
ﺍﺧﺬﺗﻨﻲ ﻟﻠﺪﻛﺘﻮﺭﻩ ﺳﻮﺗﻠﻲ ﺗﺤﺎﻟﻴﻞ .
ﮔﺎﻟﺖ ﻣﺎﻋﻨﺪﺝ ﺷﻲ ﺑﺲ ﺭﺍﺡ ﺍﻧﻄﻴﺞ ﻣﻨﺸﻄﺎﺕ ﻭﻣﺴﺎﻋﺪﺍﺕ ﻟﻠﺤﻤﻞ .
ﻭﮔﺎﻟﺖ ﺗﺒﻠﺸﻮﻥ ﻣﻦ ﻳﻮﻡ 15 ﻭﺍﻥ ﺷﺎﺀ ﺍﻟﻠﻪ ﻳﺼﻴﺮ ﺣﻤﻞ ..
ﺭﺟﻌﻨﺎ ﻣﻦ ﺍﻟﺪﻛﺘﻮﺭﻩ .
ﺻﺎﺭ ﺍﺣﻤﺪ ﺑﻮﺟﻬﻲ .
ﺧﻠﻴﺖ ﻣﺎﻣﺎ ﺗﺪﺧﻞ .
ﻫﻮ ﻳﻀﺤﻚ ﺑﻤﻜﺮ . ﻭﻳﮕﻮﻝ ﺣﻠﻴﺎﻧﻪ ﻉ ﺍﻟﺰﻭﺍﺝ .
ﻣﺎﺣﺠﻴﺖ ﺷﻲ . ﺑﺲ ﮔﺘﻠﻪ ﺗﻒ 💦 ﺑﻮﺟﻬﻚ ..
ﺍﺭﻳﺪ ﺍﻟﻠﻪ ﻟﻴﺴﻌﺪﻙ ﻣﺜﻞ ﻣﺎﺟﺒﺮﺗﻨﻲ ﺍﺗﺰﻭﺟﻚ ﺑﻜﺬﺑﻪ ﻭﺧﻠﻴﺘﻨﻲ ﺗﻌﻴﺴﻪ .
ﺍﻟﻠﻪ ﻟﻴﻨﻄﻴﻚ .
ﻭﺗﺮﻛﺘﻪ ﻭﺩﺧﻠﺖ ﺣﺴﻴﺖ ﺭﻭﺣﻲ ﺍﺭﺗﺎﺣﻴﺖ .
ﻣﺮﻥ ﻛﻢ ﻳﻮﻡ ﻭﺍﺟﻪ ﻣﺼﻄﻔﻰ ﺍﺧﺬﻧﻲ ﻭﺭﺟﻌﻨﺎ .
ﺍﻟﺘﺰﻣﺖ ﺑﺎﻟﻲ ﮔﺎﻟﺘﻪ ﺍﻟﺪﻛﺘﻮﺭﻩ .
ﻭﻓﻌﻼ ﺳﻮﻳﺖ ﻉ ﺍﻟﺠﺪﻭﻝ .
ﻭﺍﻟﺤﻤﺪ ﻟﻠﻪ ﻃﻠﻌﺖ ﺣﺎﻣﻞ .
ﺍﻟﻔﺮﺣﻪ ﻣﺎﺳﺎﻳﻌﺘﻨﻲ .
ﻭﻣﺼﻄﻔﻰ ﺷﺎﻟﻨﻲ ﻭﻳﻌﻴﻂ ﻓﻀﺤﻨﺎ .
ﻋﻤﺘﻲ ﻓﺮﺣﺖ .
ﻭﮔﺎﻟﺖ ﺍﻟﻠﻪ ﻻﻳﻨﻄﻴﻨﻲ ﺍﻟﻔﺮﻗﺘﻜﻢ .
ﻛﻠﻤﺎ ﺍﺷﻮﻑ ﻓﺮﺣﺘﻜﻢ ﻭﺳﻌﺎﺩﺗﻜﻢ ﺍﻣﻮﺕ ﻗﻬﺮ .
ﺍﻭﻭﻭﻑ ﻋﻤﻪ ﺍﻟﻔﺎﺕ ﻣﺎﺕ ﻟﺘﺸﻴﻠﻴﻦ ﻫﻢ .
ﺑﺪﺁ ﺍﻟﺪﻭﺍﻡ . ﺳﻮﻳﺖ ﺍﺳﺘﻀﺎﻓﻪ ﻟﻠﻨﺎﺻﺮﻳﻪ .
ﻭﮔﻤﺖ ﺍﺩﺍﻭﻡ ﺑﺠﺎﻣﻌﻪ ﺫﻱ ﻗﺎﺭ .
ﺍﺟﺮﺕ ﻭﻱ ﺧﻂ .
ﺻﺤﻴﺢ ﺍﺷﺘﺎﻕ ﺍﻟﺤﻴﺎﺗﻲ ﻫﻨﺎﻙ ﻭﻱ ﺳﺎﺭﺓ ﻭﻭﺳﻦ .
ﺑﺲ ﻭﺳﻦ ﮔﺎﻟﺖ ﺑﺲ ﻳﺘﺰﻭﺟﻮﻥ ﻫﻢ ﻳﺴﻮﻭﻥ ﺍﺳﺘﻀﺎﻓﻪ ﻭﻳﺠﻮﻥ ﻟﻠﻨﺎﺻﺮﻳﻪ
....
ﺍﻟﺪﻭﺍﻡ ﻭﺍﻟﻄﺮﻳﻖ ﺗﻌﺒﻮﻧﻲ ﻭﺍﻧﻲ ﺣﺎﻣﻞ .
ﺑﻄﻨﻲ ﻛﺒﻴﺮﻩ ﻭﺍﺩﺍﻭﻡ .
ﺑﺲ ﻻﺑﺴﻪ ﺟﺒﻪ ﺍﻭ ﻋﺒﺎﻳﻪ ﺍﺳﻼﻣﻴﻪ .
ﺣﺘﻰ ﻣﺎﺍﺯﻋﻞ ﻣﺼﻄﻔﻰ . ﻳﻐﺎﺭ ﺣﻴﻞ .
ﻣﻠﻮﻛﻪ ﺑﺪﺕ ﺗﻜﺒﺮ ﻭﺗﺤﺠﻲ .
ﻭﺗﮕﻠﻲ ﻣﺎﻣﺎ . ﻫﺬﺍ ﺍﻟﺸﻲ ﻳﻘﻬﺮﻧﻲ ﻻﻥ ﺍﻧﺤﺮﻣﺖ ﻣﻦ ﺍﻣﻬﺎ ﺑﺲ ﻳﻔﺮﺣﻨﻲ .
ﻻﻥ ﺍﻟﻠﻪ ﺭﺯﻗﻨﻲ ﺑﺒﻨﻴﻪ ﻭﻭﺍﺣﺪ ﺟﺎﻱ ﺑﺎﻟﻄﺮﻳﻖ ..
ﮔﻤﺖ ﺍﺣﺴﺐ ﻳﻮﻡ ﻳﻮﻡ ﺣﺘﻰ ﺍﻭﻟﺪ ..
ﻭﻻﺩﺗﻲ ﻛﺎﻧﺖ ﺻﻌﺒﻪ . ﺍﻟﻤﻲ ﻣﺨﻠﺺ ﻭﺍﻟﻄﻔﻞ ﻗﻠﻴﻞ ﻧﺒﻀﻪ .
ﻭﻣﺼﻄﻔﻰ ﺗﺨﺒﻞ .
ﮔﺎﻝ ﻫﺴﺎ ﺗﺴﻮﻳﻦ ﻋﻤﻠﻴﻪ .
ﺣﻮﻟﻮﻧﻲ ﻟﻼﻫﻠﻲ .
ﻭﺍﺟﺎﻧﺎ . ﻗﺴﻮﺭ ..
ﺍﺻﺮ ﻣﺼﻄﻔﻰ ﻳﺴﻤﻴﻪ ﻗﺴﻮﺭ .. ﻳﮕﻮﻝ ﻣﻦ ﺯﻣﺎﻥ ﺍﺣﺐ ﻫﺬﺍ ﺍﻻﺳﻢ .
ﻭﺻﺎﺭ ﺍﺑﻮ ﻗﺴﻮﺭ .
ﻭﺻﺮﻧﺎ ﺣﺰﺑﻴﻦ .
ﻫﻮ ﻭﺍﺑﻨﻪ ﻭﺍﻧﻲ ﻭﺑﻨﻮﺗﻲ .
ﻣﻠﻮﻛﻪ ﺗﻐﺎﺭ ﻫﻮﺍﻱ ﻣﻦ ﻗﺴﻮﺭ . ﻭﻣﺎﺗﺨﻠﻴﻪ ﻳﺘﻘﺮﺑﻠﻲ .
ﻭﻣﻦ ﺍﺭﺿﻌﻪ ﻟﻮ ﺍﻧﻴﻤﻪ ﺑﺤﻀﻨﻲ .
ﺗﺪﻓﻌﻪ ﻭﺗﻨﺎﻡ ﺑﻤﻜﺎﻧﻪ ..
ﻛﺒﺮﺕ ﻋﺎﺋﻠﺘﻨﺎ . ﻭﺻﺎﺭﺕ ﻣﻠﻴﺎﻧﻪ ﺳﻌﺎﺩﻩ .
ﺭﻏﻢ ﺩﻭﺍﻣﻲ ﻣﺎﺧﻠﻴﺖ ﺷﻲ ﻳﺄﺛﺮ ﻋﻠﻰ ﺣﻴﺎﺗﻨﺎ . ﺍﻭ ﻳﺨﻠﻴﻨﻲ ﺍﻫﻤﻞ ﺍﻭﻻﺩﻱ ﻭﺯﻭﺟﻲ ﻭﺑﻴﺘﻲ .
ﻣﺼﻄﻔﻰ ﻳﺮﻳﺪ ﺑﻌﺪ ﻃﻔﻞ .
ﺑﺲ ﺍﻧﻲ ﻣﺎﻗﺒﻠﺖ . ﮔﺘﻠﻪ ﺍﻛﻤﻞ ﺟﺎﻣﻌﻪ ﻳﻠﻪ .
ﻭﻓﻌﻼ ﻛﻤﻠﺖ ﺟﺎﻣﻌﻪ .
ﻭﻛﺒﺮﻭﺍ ﺍﻭﻻﺩﻱ .
ﻗﺴﻮﺭ ﺳﻨﻪ ﻭﻧﺺ . ﻭﻣﻠﻮﻛﻪ ﺭﺍﺡ ﺗﺪﺧﻞ ﺑﺎﻟﺴﻨﻪ ﺍﻟﺮﺍﺑﻌﻪ .
ﻧﺎﺩﺭﻩ ﺗﺨﺒﻞ . ﻓﻠﻔﻞ ﺗﺸﺘﻐﻞ ﻭﻳﺎﻱ .
ﻭﺗﺴﻜﺖ ﺍﺧﻮﻫﺎ ﺍﺫﺍ ﺑﺠﻰ .
ﻣﺼﻄﻔﻰ ﺍﻓﻨﺪﻱ . ﻣﺨﻼﻧﻲ ﺍﺗﻨﻔﺲ ﮔﺒﻞ ﺳﻮﻩ ﺍﻟﻄﻔﻞ ﻻﺥ .
ﻭﻳﮕﻮﻝ ﻻﺯﻡ ﺍﺳﻮﻱ ﻓﺮﻳﻖ ﺿﺪﺟﻦ .
ﻭﺑﺪﺃﺕ ﻣﻌﺎﻧﺎﺓ ﺍﻟﺤﻤﻞ ﻭﺍﻟﺘﻌﺐ .
ﺑﺲ ﻫﺎﻟﻤﺮﻩ ﺍﺣﻨﻪ ﻛﺒﺮ ﻓﺮﻳﻘﻨﺎ . ﻭﺍﺟﺘﻨﺎ ﺟﻨﺔ .
ﺻﺎﺭﺕ ﻣﻠﻮﻛﻪ ﻭﺟﻨﺔ ﺣﻴﺎﺗﻲ ﻛﻠﻬﺎ .
ﻣﻠﻮﻛﻪ ﺍﺑﺪ ﻣﻐﺎﺭﺕ ﻣﻨﻬﺎ .
ﻭﺗﮕﻮﻝ ﺍﺣﺐ ﺍﻟﺒﻨﻴﺎﺕ ﻧﺎﺍﺣﺐ ﺍﻟﻮﻟﻴﺪﺍﺕ .
ﻫﻬﻬﻬﻬﻪ ﻋﻨﺼﺮﻳﻪ ﻣﺜﻞ ﺍﺑﻮﻫﺎ ..
ﺷﮕﺪ ﺣﺎﻭﻝ ﻣﺼﻄﻔﻰ ﻳﻌﻴﻨﻲ . ﻭﺑﺴﺒﺐ ﻣﻌﺎﺭﻓﻪ ﻭﻣﻮﻗﻌﻪ .
ﺗﻌﻴﻨﺖ ﺑﻌﺪ ﺳﻨﺘﻴﻦ ﻣﻦ ﺗﺨﺮﺟﻲ . ﻣﻌﻠﻤﻪ ﺟﺎﻣﻌﻴﻪ
ﺍﻭﻻﺩﻱ ﻋﻨﺪﻱ ﻋﻤﺘﻲ .
ﻭﻣﻠﻮﻛﻪ ﺑﺎﻟﺮﻭﺿﻪ .. ﺍﺧﺬﻫﺎ ﻭﺍﺟﻴﺒﻬﺎ ﻭﻳﺎﻱ .
ﺑﻨﻔﺲ ﺍﻟﺴﻨﻪ ﺍﻟﻲ ﺗﻌﻴﻨﺖ ﺑﻴﻬﺎ .
ﺗﻮﻓﺖ ﺑﻴﺒﻲ ﻫﺪﻳﻪ ..
ﺭﺣﺖ ﻛﻢ ﻳﻮﻡ ﻟﻠﺤﻠﻪ .
ﻣﺎﻣﺎ ﺧﻄﻴﻪ ﺑﻘﺖ ﻭﺣﺪﻫﺎ ..
ﺷﻔﺖ ﻣﺮﺕ ﺍﺣﻤﺪ ﺑﻴﺪﻫﺎ ﻃﻔﻞ . ﺗﻌﺠﺒﺖ ﻫﺎﻱ ﺷﻮﻛﺖ ﺣﻤﻠﺖ ﺷﻮﻛﺖ ﺟﺎﺑﺖ .
ﺳﺄﻟﺖ ﺑﺎﺟﻲ .
ﮔﺎﻟﺖ ﻻ ﻫﺬﺍ ﺍﺑﻦ ﺍﺧﻮﻫﺎ . ﺗﺒﻨﻮﻩ
ﻻﻥ ﻣﻴﺼﻴﺮ ﻋﻨﺪﻫﻢ .
- ﻟﻴﺶ ﺍﻟﺴﺒﺐ ﺑﻤﻨﻮ .
- ﻣﺮﺕ ﻣﺎﻫﺮ ﺗﮕﻮﻝ ﻣﻨﻬﺎ ﺍﻟﺴﺒﺐ ﺑﺲ ﺍﺣﻤﺪ ﻳﺤﺒﻬﺎ ﻭﻣﺎﻳﮕﺪﺭ ﻳﺴﺘﻐﻨﻰ ﻋﻨﻬﺎ .
- ﻫﻬﻬﻬﻬﻪ ﻋﻠﻴﻨﺎ ﻋﻤﻪ . ﺍﻛﻴﺪ ﺗﮕﻮﻝ ﻫﻴﺞ ﻣﺜﻞ ﻣﺎﻛﺎﻧﺖ ﺗﮕﻮﻝ ﻋﻠﻴﻪ .
ﻣﺒﻴﻦ ﺍﻟﺴﺒﺐ ﺑﺄﺑﻨﻬﺎ ..
ﻣﺮﺕ ﺍﻟﻔﺎﺗﺤﻪ .
ﻭﻣﺎﻣﺎ ﻓﺎﺗﺤﺘﻨﻲ ﺑﻤﻮﺿﻮﻉ .
ﮔﺎﻟﺖ ﺍﻧﻲ ﻭﺣﺪﻱ .
ﻣﺎﺗﺠﻮﻥ ﺗﮕﻌﺪﻭﻥ ﻭﻳﺎﻱ ﺍﻧﺘﻲ ﻭﻣﺼﻄﻔﻰ ﻭﺍﻟﺠﻬﺎﻝ .
- ﻣﺎﻣﺎ ﻣﺎﺍﺩﺭﻱ ﺍﺷﻮﻑ ﻣﺼﻄﻔﻰ ﺑﺲ ﻣﺎﺍﻋﺘﻘﺪ ﻳﻮﺍﻓﻖ .
ﻻﻥ ﺗﺪﺭﻳﻦ ﺑﻤﺼﻄﻔﻰ ﻭﺗﻔﻜﻴﺮﻩ ﻣﺴﺘﺤﻴﻞ ﻳﮕﻌﺪ ﻋﻨﺪ ﻭﺍﺣﺪ .
- ﺍﻧﺘﻲ ﺷﻮﻓﻴﻪ ﻭﮔﻠﻴﻠﻲ ..
ﺳﺄﻟﺖ ﻣﺼﻄﻔﻰ ﮔﺎﻝ . ﺍﻧﺴﻲ ﺍﻟﻤﻮﺿﻮﻉ ﻣﺎﺳﻪ ..
ﻣﺴﺘﺤﻴﻞ ﺍﺭﻭﺡ ﻟﻬﻨﺎﻙ ﻭﻋﺎﻳﻒ ﻧﺎﺳﻲ ﻭﺍﻫﻠﻲ .
ﺗﺮﻳﺪ ﺍﻣﺞ ﺗﺠﻲ ﻟﻬﻨﺎ ﻭﺍﺧﻠﻴﻬﺎ ﻋﻠﻰ ﺭﺍﺳﻲ .
- ﺗﺪﺭﻱ ﺑﻤﺎﻣﺎ ﻣﺘﺮﺗﺎﺡ ﻋﻨﺪ ﺍﺣﺪ .
- ﻋﺎﺩﻱ ﺃﺍﺟﺮﻟﻬﺎ ﺑﻴﺖ ﻫﻨﺎ ﻳﻤﻨﺎ ..
ﻭﺗﻜﻮﻥ ﻗﺮﻳﺒﻪ ﻋﻠﻴﻨﺎ ..
ﺑﺲ ﻣﺎﻣﺎ ﻣﻘﺒﻠﺖ . ﻭﺍﺻﺮﺕ ﺗﺒﻘﻰ ﺑﺎﻟﺤﻠﻪ .
ﺑﻌﺪ ﻓﺘﺮﺓ ﺧﻮﺍﻟﻲ ﻃﺎﻟﺒﻮﺍ ﺑﺒﻴﻊ ﺍﻟﺒﻴﺖ .
ﻭﻛﻞ ﻭﺍﺣﺪ ﻳﺎﺧﺬ ﺣﺼﺘﻪ .
ﺍﻟﺒﻴﺖ ﻛﺎﻥ ﻛﺒﻴﺮ ﻭﻣﻮﻗﻌﻪ ﺣﻠﻮ . ﻛﺎﻥ ﺳﻌﺮﻩ ﻏﺎﻟﻲ .
ﺍﺧﺬﺕ ﻣﺎﻣﺎ ﺣﺼﺘﻬﺎ .
ﻭﻻﻥ ﻫﻨﺎﻙ ﺍﻟﺒﻴﻮﺕ ﻏﺎﻟﻴﻪ ﻣﺠﺎﺑﺖ ﺳﻌﺮ .
ﻓﺄﺗﺼﻞ ﻋﻠﻴﻬﺎ ﻣﺼﻄﻔﻰ ﻭﮔﻠﻪ ﺍﻛﻮ ﺑﻴﺖ ﻳﻤﻨﺎ ﻧﻀﻴﻒ ﻭﺑﻨﺎﺀ ﺣﺪﻳﺚ ﻭﺻﺎﺣﺒﻪ ﺍﻋﺮﻓﻪ .
ﺗﻌﺎﻟﻲ ﻳﻤﻨﺎ ﻭﻫﻨﺎ ﻣﺎﺳﻪ ﻳﻤﺞ . ﺍﺣﺴﻦ ﻣﻤﺎﺗﺒﻘﻴﻦ ﻭﺣﺪﺝ .
ﻭﻓﻌﻼ ﺑﻌﺪ ﻣﺎ ﺍﻟﻜﻞ ﺿﻐﻂ ﻋﻠﻴﻬﺎ ﻭﺍﻓﻘﺖ ﻭﻗﺪﻣﺖ ﻧﻘﻞ ﻟﻠﻨﺎﺻﺮﻳﻪ .
ﻭﺍﺧﻴﺮﺍ ﺭﺍﺡ ﺗﻜﻮﻥ ﻣﺎﻣﺎ ﻗﺮﻳﺒﻪ ﻋﻠﻴﻪ
...
ﺍﺷﺘﺮﻳﻨﺎﻟﻬﺎ ﺑﻴﺖ ﻳﺒﻌﺪ ﻋﻨﻪ ﻛﻢ ﺑﻴﺖ ..
ﺑﻲ ﻏﺮﻓﻪ ﻭﺻﺎﻟﻪ ﻭﺍﺳﺘﻘﺒﺎﻝ ﻭﻣﻄﺒﺦ ﻭﺻﺤﻴﺎﺕ ..
ﻭﺣﺪﻳﻘﻪ ﺻﻐﻴﺮﻩ .
ﺣﻠﻮ ﻭﻣﺮﺗﺐ .
ﻧﻀﻔﺘﻪ ﺍﻧﻲ ﻭﺣﻼ .
ﻭﻣﺼﻄﻔﻰ ﺍﺧﺬ ﺳﺠﺎﺩ ﻭﺭﺍﺣﻮﺍ ﻟﻠﺤﻠﻪ ﺍﻟﻤﺎﻣﺎ .
ﺟﺎﺑﻮ ﻏﺮﺍﺿﻬﺎ ﻭﺟﺎﺑﻮﻫﺎ ﻭﻳﺎﻫﻢ ..
ﻳﻮﻣﻴﻦ ﺍﺣﻨﻪ ﻧﺮﺗﺐ ﺑﺎﻟﺒﻴﺖ ﻭﻋﺪﻟﻨﺎﻫﺎ .
ﺻﺎﺭ ﻳﺨﺒﻞ ..
ﺻﺎﺭﺕ ﻭﻧﺴﺘﻲ ﻳﻤﻬﺎ . ﺍﺿﻮﺝ ﺍﺧﺬ ﺍﻭﻻﺩﻱ ﻭﺍﺭﻭﺡ .
ﺑﺎﻟﻠﻴﻞ ﻧﺮﻭﺡ ﻳﻤﻬﺎ .
ﺍﺫﺍ ﻣﺼﻄﻔﻰ ﺑﺎﻟﺪﻭﺍﻡ . ﺍﻧﻲ ﺍﺑﺎﺕ ﻳﻤﻬﺎ ..
ﺣﺘﻰ ﻣﺎﺍﺣﺴﺴﻬﺎ ﺑﺎﻟﻮﺣﺪﻩ .
ﻣﺎﻣﺎ ﺻﺎﺭ ﻭﺍﻫﺴﻬﺎ ﺑﺎﻟﺤﺪﻳﻘﻪ . ﺑﺪﺍﺕ ﺗﺰﺭﻉ ﻭﺗﺮﺗﺐ ﺑﻴﻬﺎ ﻛﻠﺶ ﺣﻠﻮﻩ ﻃﻠﻌﺖ .
ﺑﺤﻴﺚ ﻣﻦ ﻧﺮﻭﺣﻠﻬﻢ ﻧﻔﻀﻞ ﻧﮕﺪ ﺑﻴﻬﺎ ﻉ ﺍﻟﺘﺮﺗﻴﺐ ..
ﺣﻴﺎﺗﻨﺎ ﺣﻠﻮﻩ ﻭﻛﻞ ﺍﻟﻲ ﺍﺣﺒﻬﻢ ﻳﻤﻲ ..
ﻧﻄﻠﻊ ﺯﻳﺎﺭﺍﺕ ﻛﺮﺑﻠﻪ ﺍﻭ ﻧﺠﻒ ﺳﻮﻳﻪ .
ﻧﺎﺧﺬ ﺳﻴﺎﺭﺓ ﻛﺒﻴﺮﻩ ﻭﻧﺮﻭﺡ ..
ﻭﺍﻟﻤﻘﺎﺑﺮ ﻫﻢ ﻣﺎﻧﻔﻮﺕ ﺯﻳﺎﺭﺗﻬﺎ .. ﻻﻥ ﻋﺪﻧﺎ ﺍﺣﺒﺎﺏ ﻫﻮﺍﻱ ﻫﻨﺎﻙ ..
ﻣﺼﻄﻔﻰ ﺷﮕﺪ ﻳﺤﺎﻭﻝ ﻳﺮﻳﺪ ﺍﻃﻔﺎﻝ ﺑﻌﺪ . ﺑﺲ ﺍﻧﻲ ﻣﺎﺍﺭﻳﺪ .
ﻫﻢ ﻋﻤﻠﻴﺎﺕ ﻭﻫﻮ ﺑﻌﺪﻫﻢ ﺻﻐﺎﺭ ..
ﻭﻋﺪﺗﻪ ﻣﻦ ﺗﺪﺧﻞ ﺟﻨﺔ ﻣﺪﺭﺳﻪ ﺍﺳﻮﻱ ﻫﻬﻬﻬﻪ .
ﻣﺎﻣﺎ ﻃﻠﻌﺖ ﺗﻘﺎﻋﺪ .. ﻭﺍﺭﺗﺎﺣﺖ ﺑﺎﻟﺒﻴﺖ ﺑﺴﺒﺐ ﻣﺮﺿﻬﺎ ﻭﻣﺎﺗﮕﺪﺭ .
ﻓﮕﻤﺖ ﺍﺧﻠﻲ ﺍﻻﻭﻻﺩ ﻳﻤﻬﺎ ﻣﻦ ﺍﺭﻭﺡ ﻟﻠﻤﺪﺭﺳﻪ .
ﺑﺲ ﻣﻠﻮﻛﻪ . ﻭﻳﺎﻱ ﺑﺎﻻﻭﻝ ..
ﺍﺑﺪ ﻣﺤﺴﺴﺖ ﺍﺣﺪ ﺍﻧﻪ ﻣﻠﻮﻛﻪ ﻣﻮ ﺑﻨﺘﻲ .
ﻛﺎﻥ ﺍﻫﺘﻤﺎﻣﻲ ﺍﻛﺜﺮ ﺑﻴﻬﺎ .
ﺍﻛﻮ ﺑﻌﺾ ﺍﻟﻤﻌﻠﻤﺎﺕ ﻭﻳﺎﻱ . ﻳﮕﻮﻟﻦ ﺍﻟﻲ ﻳﺸﻮﻓﺞ ﻳﮕﻮﻝ ﺍﻧﺘﻲ ﺍﻣﻬﺎ .
ﮔﻠﺘﻠﻬﻦ ﻓﻌﻼ ﺍﻧﻲ ﺍﻣﻬﺎ ..
ﺩﺭﺍﺳﺘﻬﺎ ﺍﻛﻠﻬﺎ ﻣﻼﺑﺴﻬﺎ ﻛﻠﻪ ﺍﻧﻲ ﺍﺳﻮﻳﻪ ﺍﻟﻬﺎ .
ﻋﻤﺘﻲ ﺍﻓﺮﺍﺡ ﻣﺘﮕﺪﺭ .
ﻭﻫﻢ ﻭﻳﺎﻱ ﺑﺎﻟﺒﻴﺖ ﺗﺴﺎﻋﺪﻧﻲ ﻣﻦ ﺍﺩﺍﻭﻡ ﻻﻥ ﺍﻟﺒﻨﺎﺕ ﻛﻠﻬﺎ ﺗﺰﻭﺟﺖ .
ﻭﺑﻘﻰ ﺍﻟﺒﻴﺖ ﺍﻟﻨﺎ .
ﺑﺲ ﺍﺧﻮﺍﻥ ﻣﺼﻄﻔﻰ ﺍﺛﻨﻴﻦ ﺑﺎﻟﻤﺘﻮﺳﻄﻪ ﻭﺑﺎﻻﻋﺪﺍﺩﻳﻪ ﻛﺒﺮﻭﺍ .
ﻭﻫﻢ ﺍﻟﻬﻢ ﻣﺘﻄﻠﺒﺎﺕ .
ﺍﻻﻳﺎﻡ ﻭﺍﻟﺴﻨﻴﻦ ﺗﺮﻛﺾ ﺑﺴﺮﻋﻪ ..
ﺑﺲ ﻫﺬﺍ ﺍﻟﺸﻲ ﻣﺎﺃﺛﺮ ﻋﻠﻴﻨﺎ .
ﻧﻀﻮﺝ ﻧﺮﻭﺡ ﺍﻟﺒﻐﺪﺍﺩ ﻧﺘﻮﻧﺲ ﻛﻢ ﻭﻧﺠﻲ .
ﻭﺍﻭﻝ ﻣﺪﺧﻞ ﺍﻟﻔﻴﺲ .
ﺳﻮﺍﻟﻲ ﻓﻴﺲ ﻭﻣﺨﻼﻩ ﺑﻨﻔﺴﻲ .
ﻭﻋﻮﺩ ﻋﻤﺎﻣﻪ ﻫﻨﺎﻙ ﻣﻴﻘﺒﻠﻮﻥ ﻭﺟﺪﻭ ﻣﻬﺪﻱ ﻫﻢ .
ﺑﺲ ﻫﻮ ﮔﻠﻲ ﺍﻧﻲ ﻭﺍﺛﻖ ﺑﻴﺞ . ﺍﺗﺼﻔﺤﻲ ﺑﻲ ﻭﺍﺳﺘﺨﺪﻣﻴﻪ ﺑﺲ ﻟﺘﮕﻮﻟﻴﻦ ﺍﻻﺣﺪ ﺳﻮﻳﺖ ..
ﻋﻠﻲ ﺍﺧﻮ ﻣﺼﻄﻔﻰ ﺑﺎﻻﻋﺪﺍﺩﻳﻪ . ﺣﺐ ﺭﺅﻯ ﺑﻨﺖ ﻋﻤﺘﻲ ﺍﻧﺘﺼﺎﺭ ﺍﺧﺖ ﺣﻨﻴﻦ .
ﻭﻳﺮﻳﺪ ﻳﺨﻄﺒﻬﺎ .
ﻣﺼﻄﻔﻰ ﻋﺎﺭﺽ ﻳﮕﻮﻝ ﻭﻛﺤﻪ ..
ﻭﺻﺎﺭﺕ ﻣﺸﺎﺣﻨﺎﺕ ﺑﻴﻨﻪ ﻭﺑﻴﻦ ﺍﺧﻮﻩ .
ﻋﻠﻲ .. ﺍﻧﺖ ﺷﻬﺎﻣﻚ ﺍﺧﺬﺕ ﺍﻟﻲ ﺗﺤﺒﻬﺎ ﻭﻋﻨﺪﻙ ﺍﻭﻻﺩ ﻣﻨﻬﺎ . ﻭﺍﺣﻨﻪ ﻳﻄﺒﻨﺎ ﻣﺮﺽ .
ﺑﻴﻮﻣﻬﺎ ﺻﺎﺭﺕ ﻣﺸﻜﻠﻪ ﻛﺒﻴﺮﻩ ..
ﻭﻣﺎﺍﻧﺤﻠﺖ ﺍﻻ ﺑﻌﺪ ﻣﺎﺟﺪﻭ ﻣﻬﺪﻱ . ﮔﻠﻪ ﻋﻮﺩ ﺧﻠﺺ ﺍﻋﺪﺍﺩﻳﻪ ﻭﻳﺼﻴﺮ ﺧﻴﺮ .
ﺭﺅﻯ ﻓﻌﻼ ﻭﻛﺤﻪ ﻭﺣﺘﻰ ﻋﻤﺘﻲ ﻣﺘﺮﻳﺪﻫﺎ . ﺗﮕﻮﻝ ﺍﻧﻲ ﺿﮕﺖ ﻣﺮﻩ ﻣﻨﻬﻢ ﻭﻣﺎﺍﺭﻳﺪ ﺍﻛﺮﺭ ﺍﻟﻐﻠﻂ .
ﺑﺲ ﺑﻌﺪ ﺍﻟﺤﺐ ﺍﻋﻤﻰ ﻭﻣﺎﻧﮕﺪﺭ ﻧﺤﺠﻲ .
ﺍﻟﻜﺒﺮ ﻣﺎﺃﺛﺮ ﻋﻠﻰ ﺣﺒﻴﺒﻲ ﺑﺎﻟﻌﻜﺲ ﺯﺍﺩﻩ ﻭﺳﺎﻣﻪ .
ﺍﻧﻲ ﻳﻮﻡ ﻋﻦ ﻳﻮﻡ ﺍﺣﺒﻪ ﻭﺍﺗﻌﻠﻖ ﺑﻲ .
ﺍﺣﺴﻪ ﺍﺑﻮﻱ ﻭﺍﺧﻮﻱ ﻣﻮ ﺑﺲ ﺯﻭﺟﻲ ﻭﺣﺒﻴﺒﻲ ..
ﻃﺒﻌﺎ ﺑﻌﺪ ﻣﺎﻛﺒﺮﺕ ﻣﻠﻮﻛﻪ ..
ﮔﺎﻝ ﮔﺎﻣﺖ ﺗﻔﺘﻬﻢ ﻻﺯﻡ ﻧﺴﻮﻱ ﻏﺮﻓﻪ ﺍﻟﻬﻢ ﺑﺼﻒ ﻏﺮﻓﺘﻨﺎ ﻭﻧﺨﻠﻴﻬﻢ ﺑﻴﻬﺎ ﻫﻲ ﻭﻗﺴﻮﺭ .
ﻭﺟﻨﻪ ﺗﺒﻘﻰ ﻳﻤﻨﺎ
...
ﺑﺲ ﺍﺟﻪ ﺑﺎﻻﺟﺎﺯﺓ ﺑﻠﺶ . ﻃﻠﻊ ﻋﻤﺎﻝ . ﻭﺳﻮﺍﻟﻬﻢ ﻏﺮﻓﻪ .
ﻫﻤﺰﻳﻦ ﺍﺣﻨﻪ ﻣﻌﻄﻠﻴﻦ ﻧﺼﻒ ﺍﻟﺴﻨﻪ . .
ﻭﺭﺗﺒﻬﺎ ﻭﺳﻮﺍﻟﻬﻢ ﺭﺳﻮﻣﺎﺕ .
ﺍﺷﺘﺮﺍﻟﻬﻢ ﻏﺮﻓﻪ .
ﻣﻠﻮﻛﻪ ﺍﺧﺘﺎﺭﺕ ﻏﺮﻓﻪ ﺑﺎﺭﺑﻲ ﻉ ﺫﻭﻗﻬﺎ .
ﻭﺍﻟﺸﻴﺦ ﺍﻟﺼﻐﻴﺮ .
ﺧﺒﻠﻨﺎ . ﻛﻞ ﺳﺎﻋﻪ ﻣﺨﺘﺎﺭ ﺷﻲ .
ﻭﻣﺼﻄﻔﻰ ﻭﻳﺎﻩ ﻣﻴﺮﻓﻀﻠﻪ ﻃﻠﺐ .
ﺍﻟﻰ ﺍﻥ ﺻﻔﻰ ﻭﺍﺧﻴﺮﺍ ﻉ ﻏﺮﻓﻪ ﺍﻟﺴﻴﺎﺭﺓ .
ﺭﺗﺒﻨﺎﻟﻬﻢ ﺍﻟﻐﺮﻑ .
ﻭﺍﻭﻝ ﻳﻮﻡ ﻧﺎﻣﻮﺍ ﺑﻴﻬﺎ .. ﺧﺒﺼﻮﻧﻲ .
ﻛﻞ ﺳﺎﻋﺔ ﻭﺍﺟﻮﻧﺎ . ﻭﮔﻄﻌﻮﺍ ﺳﻮﺍﻟﻔﻨﺎ ﻫﻬﻬﻬﻬﻪ
ﺳﺎﻋﻪ ﻣﻲ . ﺳﺎﻋﻪ ﺍﻫﺎﻑ . ﻋﻮﺩ ﺍﺧﺎﻑ . ﻫﺬﺍ ﻗﺴﻮﺭ .
ﺳﺎﻋﻪ ﻣﻠﻮﻛﻪ . ﺗﮕﻮﻝ ﻣﻴﺨﻠﻴﻨﻲ ﺍﻧﺎﻡ ﻗﺴﻮﺭ .
ﻭﺍﻧﻲ ﺑﺎﻗﻴﻪ ﺑﻴﻨﻬﻢ .
ﺗﺎﻟﻲ ﻋﺎﻁ ﺑﻴﻬﻢ ﻣﺼﻄﻔﻰ ﺭﺟﻌﻮﺍ ﻟﻠﻐﺮﻓﻪ .
ﮔﺎﻝ ﺍﻟﻤﻦ ﺳﻮﻳﺘﻠﻬﻢ ﻏﺮﻓﻪ ﻏﻴﺮ ﺍﺭﺗﺎﺡ ﻭﻱ ﻣﺮﻳﺘﻲ .
ﻭﺳﺤﺒﻨﻲ ﺍﻟﻪ ﻭﻫﺎﻱ ﻛﺎﻥ ﺍﻭﻝ ﻣﺮﻩ ﻣﺎﺍﺷﻠﻊ ﮔﻠﺒﻪ .
ﻛﻨﺖ ﺍﮔﻠﻪ ﺍﻻﻭﻻﺩ ﻟﻴﺸﻮﻓﻮﻧﺎ .
ﻣﺎﺍﺳﻮﻱ ﺷﻲ ﺍﻻ ﻟﻤﻦ ﺍﺗﺄﻛﺪ ﻧﺎﻣﻮﺍ ﻧﻬﺎﺋﻲ .
ﻣﺎﺍﺭﻳﺪ ﻳﺼﻴﺮ ﺑﻴﻬﻢ ﺍﻟﻲ ﺻﺎﺭ ﺑﻴﻪ ﻭﺍﻧﻲ ﺻﻐﻴﺮﺓ .
ﺻﺎﺭ ﻭﻫﻮﺍﺱ ﻋﻨﺪﻱ .
ﺣﺘﻰ ﻣﺎﺍﺧﻠﻲ ﻣﻠﻮﻛﻪ ﺗﻐﻴﺐ ﻋﻨﻲ .
ﺳﻮﺍﺀ ﺑﺎﻟﺒﻴﺖ ﺍﻭ ﺑﺎﻟﻤﺪﺭﺳﻪ .
ﻭﺧﺎﺻﻪ ﺑﻌﺪ ﺍﻟﻌﺠﺎﻳﺐ ﺍﻟﻲ ﮔﻤﺖ ﺍﺷﻮﻓﻬﺎ ﺑﺎﻟﻨﺖ ﻭﺍﻟﻔﻴﺲ .
ﺑﺎﺑﺎ ﻫﺬﺍ ﻛﺒﺮﺓ ﻭﻫﻮ ﻣﺎﻗﻄﻊ ﺍﻻﻣﻞ ﺍﻧﻪ ﻳﺮﺟﻊ ﻣﺎﻣﺎ .
ﺑﺲ ﻣﺎﻣﺎ ﻣﺎﻗﺒﻠﺖ ﻭﮔﺎﻟﺖ ..
ﺍﻧﻲ ﻣﺎﻗﺒﻠﺖ ﺑﻲ ﻣﻦ ﻛﻨﺖ ﺷﺎﺑﻪ ﻫﺴﺎ ﺍﻗﺒﻞ ﺑﻲ .
ﻫﺬﺍ ﻭﻛﺖ ﺯﻳﺎﺭﺍﺗﻲ ﻭﻋﻤﺮﺗﻲ ﻭﺣﺠﺘﻲ .
ﻣﺎﻟﻲ ﺧﻠﮓ ﺑﻌﺪ ﻟﺴﻮﺍﻟﻒ ﺍﺑﻮﺝ ﻭﻣﺮﺍﻫﻘﺘﻪ ﻫﻬﻬﻬﻬﻪ .
ﻭﻓﻌﻼ . ﻣﺨﻠﺖ ﺯﻳﺎﺭﺓ ﺗﻌﺘﺐ ﻋﻠﻴﻬﺎ .
ﺍﻻﻳﺮﺍﻥ ﻭﺍﻟﻌﻤﺮﻩ ﻭﺣﺘﻰ ﺣﺠﺔ ﺣﺠﺖ ..
ﺍﺧﻮﺍﻧﻲ ﻛﺒﺮﻭﺍ . ﻭﺻﺎﺭﺕ ﺭﻭﺣﻬﻢ ﺑﻴﻪ ﻓﺪﻳﺘﻬﻢ .
ﺷﮕﺪ ﺍﻣﻬﻢ ﺣﺎﻭﻟﺖ ﺗﺒﻌﺪﻫﻢ ﻋﻨﻲ .
ﺑﺲ ﻫﻤﻪ ﻛﻞ ﻳﻮﻡ ﺍﻟﻌﺼﺮ ﻳﺠﻮﻥ ﻳﺸﻮﻓﻮﻧﻲ .
ﻭﻣﺮﺍﺕ ﺍﺧﺬﻫﻢ ﻭﻧﺮﻭﺡ ﺍﻟﻤﺎﻣﺎ ﻧﺘﻌﺸﺎ ﻳﻤﻬﺎ .
ﻭﻣﺎﻣﺎ ﺗﻔﺮﺡ ﻻﻥ ﻭﺣﺪﻫﺎ ﺧﻄﻴﻪ .
ﺣﺘﻰ ﻫﻲ ﺗﻌﻮﺩﺕ ﻋﻠﻴﻬﻢ ﻭﺣﺒﺘﻬﻢ .
ﻭﻣﻦ ﻭﺣﺪﺗﻬﺎ ﺟﺎﺑﺖ ﺑﻴﺒﻲ ﻣﺎﺳﻪ ﻳﻤﻬﺎ .
ﮔﺎﻟﺘﻠﻬﺎ ﻣﻦ ﺍﺷﻮﻑ ﺍﻣﻲ ﺍﺷﻮﻓﺞ ﻭﺍﻧﻲ ﻭﺣﺪﻱ .
ﺑﻴﺒﻲ ﻫﻢ ﻓﺮﺣﺖ . ﺗﮕﻮﻝ ﻭﺍﺧﻴﺮﺍ ﺭﺍﺡ ﺍﺧﻠﺺ ﻣﻦ ﺑﺘﻮﻝ ﻭﺑﻼﻭﻳﻬﺎ .
ﻣﻦ ﺑﻌﺪ ﻣﺎﺍﻧﺘﻘﻠﺖ ﺑﻴﺒﻲ ﻋﻨﺪ ﻣﺎﻣﺎ .
ﺑﻴﺖ ﻣﺎﻣﺎ ﻣﺎﻓﺮﻍ ﻣﻦ ﺍﻟﻨﺎﺱ .
ﺍﻟﺮﺍﻳﺢ ﻭﺍﻟﺠﺎﻱ ﻳﻤﺮ ﺑﻴﻬﻢ ﻋﻤﻮﺩ ﺑﻴﺒﻲ .
ﻭﻫﺬﺍ ﺍﻟﺸﻲ ﻓﺮﺡ ﻣﺎﻣﺎ .
ﻭﺧﻼﻫﺎ ﺗﺮﺗﺎﺡ ﻣﻦ ﺍﻟﻮﺣﺪﻩ ﺍﻟﻲ ﻛﺎﻧﺖ ﺑﻴﻬﺎ .
ﻋﻤﺎﺗﻲ ﻭﺍﻫﻠﻨﺎ ﻭﺍﺣﻨﻪ ﻭﺍﺧﻮﺍﻧﻲ ﻭﺣﺘﻰ ﺑﺎﺑﺎ .
ﺍﻟﺒﻴﺖ ﺩﺍﻳﻤﺎ ﻣﻠﻴﺎﻥ .
ﻭﺑﻴﻮﻡ ﺍﻟﺠﻤﻌﻪ .
ﻛﻞ ﺑﻴﺖ ﻳﺴﻮﻳﻠﻪ ﻃﺒﺨﻪ ﻭﻧﺠﺘﻤﻊ ﺑﻴﺖ ﻣﺎﻣﺎ .
ﻭﺿﺤﻚ ﻭﺳﻮﺍﻟﻒ ﻭﻟﻤﻪ .
ﻭﺍﻳﺎﻡ ﺣﻠﻮﻩ ﻣﺎﺗﻨﺴﻰ .. ﺍﻟﻰ ﺳﻨﺔ 2014 ﺍﻟﻤﺸﺆﻭﻣﻪ .
ﺍﻱ ﺍﻛﺜﺮ ﺳﻨﻪ ﻣﺸﺆﻭﻣﺔ ﺑﺎﻟﻨﺴﺒﻪ ﺍﻟﻲ .
ﺍﺧﺬﺕ ﻓﺮﺣﺘﻲ ﻭﺣﻴﺎﺗﻲ ﻭﺿﻴﻌﺘﻨﻲ ﺑﺄﻳﺎﻣﻬﺎ .
ﺑﻬﺬﻱ ﺍﻟﺴﻨﻪ ﺩﺧﻞ ﺩﺍﻋﺶ ﻭﺍﻟﻮﺿﻊ ﺗﺄﺯﻡ . ﻭﺻﺎﺭﺕ ﻣﺠﺰﺭﺓ ﺳﺒﺎﻳﻜﺮ ﺍﻟﻲ ﺭﺍﺡ ﺑﻴﻬﺎ ﺁﻵﻑ ﺍﻟﺸﺒﺎﺏ ﺍﻟﺤﻠﻮﺓ .
ﻭﻣﻨﻬﻢ ﺍﻗﺎﺭﺑﻨﺎ ﺧﻄﻴﻪ ﺍﺛﻨﻴﻦ .
ﺍﻣﻬﻢ ﻣﺎﺗﺖ ﻋﻠﻴﻬﻢ ..
ﺯﺍﺩ ﺧﻮﻓﻲ ﻋﻠﻰ ﻣﺼﻄﻔﻰ .
ﻭﮔﻤﺖ ﺍﺗﻮﺳﻞ ﺑﻲ ﻣﻴﺮﻭﺡ ﺍﻟﺒﻐﺪﺍﺩ ﺑﻌﺪ ﻟﻮ ﺍﻻﻱ ﻣﻜﺎﻥ .
ﻻﻥ ﻛﺎﻥ ﺩﻭﺍﻣﻪ ﺑﺎﻻﻓﻮﺍﺝ . ﻭﻛﻞ ﻳﻮﻡ ﻳﺎﺧﺬﻭﻫﻢ ﺍﻟﻤﻜﺎﻥ .
ﺑﺲ ﻣﺼﻄﻔﻰ ﻋﻨﻴﺪ ﺑﺸﻐﻠﻪ .. ﻭﻳﮕﻮﻝ ﺍﻟﻌﻤﺮ ﻭﺍﺣﺪ ﻭﻛﻞ ﻳﻮﻡ ﻳﻤﻮﺕ ﺑﻴﻮﻣﻪ ﻟﻮ ﺍﻫﻠﻲ ﺭﻭﺣﻲ ﺑﻘﻮﻃﻴﻪ .
ﺍﻟﺒﻠﺪ ﻣﮕﻠﻮﺏ ﺑﺴﺎﻟﻔﻪ ﺩﺍﻋﺶ .
ﺍﻛﺜﺮ ﻣﻦ ﺣﺮﺏ ﺑﻮﺵ .. ﻛﺎﻥ ﺩﺍﻋﺶ ﻭﺑﺎﺀ ﻭﺳﻴﻄﺮ ﻉ ﺍﻟﺒﻠﺪ .
ﻫﻮﺍﻱ ﻣﺤﺎﻓﻀﺎﺕ ﺳﻘﻄﻮﻫﺎ .
ﻛﺎﻥ ﻣﻦ ﻳﺮﻭﺡ ﻣﺼﻄﻔﻰ ﻟﻠﺪﻭﺍﻡ ﻉ ﺍﻟﺪﻗﺎﻳﻖ ﺍﺗﺼﻞ ﻋﻠﻴﻪ .
ﻭﻫﻮ ﺭﻏﻢ ﺧﻮﻓﻲ ﻋﻠﻴﻪ ﻭﻗﻠﻘﻲ .
ﻛﺎﻥ ﻳﺤﺐ ﻳﺘﻐﺰﻝ ﺑﻴﻪ ﻭﻳﺴﻤﻌﻨﻲ ﻛﻼﻡ ﺣﻠﻮ ﺣﺘﻰ ﻣﺎﺍﻧﻘﻬﺮ .
...
ﻣﻠﻮﻛﻪ ﻧﺠﺤﺖ ﻣﻦ ﺍﻟﺜﺎﻧﻲ . ﻭﻗﺴﻮﺭ ﺑﺎﻟﺮﻭﺿﻪ .
ﻭﺟﻨﻮ ﺻﻐﻴﺮﻩ ﺑﻌﺪﻫﻲ .
ﻛﻨﺖ ﺍﺑﺎﻭﻋﻠﻬﻢ ﻭﺍﺧﺎﻑ ﻳﺠﻲ ﻳﻮﻡ ﺍﻟﻲ ﻳﺒﻘﻮﻥ ﺑﻼ ﺍﺏ .
ﺑﺴﺒﺐ ﻋﻨﺎﺩ ﺍﺑﻮﻫﻢ . ﺍﮔﻠﻪ ﺑﻄﻞ ﻣﻦ ﺍﻟﺪﻭﺍﻡ .. ﻳﮕﻠﻲ ﻗﺎﺑﻞ ﺍﻧﻲ ﺟﺒﺎﻥ .
ﺍﻟﺸﻬﺎﺩﻩ ﻟﻼﺑﻄﺎﻝ .
ﻳﺤﺮﮒ ﺑﺮﻭﺣﻲ .
ﻭﺗﺎﻟﻲ ﻳﻀﺤﻚ . ﻳﮕﻠﻲ ﻭﻟﺞ ﺍﺫﺍ ﻣﺎﺍﺷﻮﻑ ﻭﺟﻬﺞ ﻭﻭﺟﻪ ﺍﻭﻻﺩﻱ ﻣﺎﺍﺭﺗﺎﺡ .
ﻭﻣﺴﺘﺤﻴﻞ ﻳﺠﻲ ﻳﻮﻡ ﺍﺭﻭﺡ ﻭﺍﺗﺮﻙ ﻫﺬﻱ ﺍﻟﻮﺟﻮﻩ .
ﺑﺲ ﺍﻧﺘﻲ ﺷﺪﻱ ﺣﻴﻠﺞ ﻭﻳﺎﻱ ﻭﺳﻮﻳﻠﻲ ﺑﻌﺪ ﺿﺮﻏﺎﻡ ﺣﺘﻰ ﺍﺭﺗﺎﺡ .
ﻫﻬﻬﻬﻬﻬﻪ ﻫﻮ ﺍﺩﺭﻱ ﺑﻴﻚ ﺗﺮﻳﺪ ﺗﻮﺻﻞ ﺍﻟﻬﺎﻱ ﺍﻟﻨﻘﻄﻪ .
ﻭﻟﺞ ﻣﺎﺳﻪ ﻟﺘﻌﺎﻧﺪﻳﻨﻲ ﻣﻮ ﺍﺳﻮﻳﻪ ﻏﺼﺐ ﻋﻨﺞ .
ﻫﻬﻬﻬﻪ ﻣﺘﮕﺪﺭ ..
ﺩﺗﻌﺎﻱ ﺍﺭﻳﺪ ﺍﺷﻮﻑ ﺷﻠﻮﻥ ﻣﺎﺍﮔﺪﺭ .. ﻭﻭﻭﻭﻭ 💑
ﻋﻴﺸﻨﻲ ﻟﻴﻠﻪ ﺗﺨﺒﻞ ﻋﺒﺎﻟﻚ ﻟﻴﻠﺔ ﺯﻭﺍﺟﻨﺎ ..
ﻭﻛﺎﻧﺖ ﻫﺎﻱ ﺍﺧﺮ ﻟﻴﻠﻪ ﻧﻌﻴﺸﻬﺎ ﺳﻮﻳﻪ ..
ﻃﻠﺒﻮﻫﻢ ﺑﺎﻟﺪﻭﺍﻡ ﺛﺎﻧﻲ ﻳﻮﻡ ﻭﺭﺍﺡ ..
ﻭﻳﻤﻜﻦ ﻣﻨﺎﻙ ﻧﺎﻗﻠﻴﻦ ﺍﻟﻔﻮﺝ ﻣﺎﻟﺘﻬﻢ ﺍﻟﻐﻴﺮ ﻣﻜﺎﻥ ﻻﻥ ﻣﻦ ﺍﺗﺼﻞ .
ﮔﺎﻝ ﺍﺣﺘﻤﺎﻝ ﺍﻃﻮﻝ ﻳﻠﻪ ﺍﺟﻲ ﺍﻟﻮﺿﻊ ﻣﺘﺄﺯﻡ ﻭ ﻣﺎﻛﻮ ﻧﺰﻭﻝ .
ﺑﻘﻰ ﻓﺘﺮﺓ ﻣﻨﺎﺯﻝ .
ﻭﻛﻞ ﺳﺎﻋﻪ ﺍﺗﺼﻞ ﻋﻠﻴﻪ ﻣﺮﺍﺕ ﻳﺮﺩ ﻭﻣﺮﺍﺕ ﻣﻴﺮﺩ .
ﻻﻥ ﻳﮕﻮﻝ ﻃﻠﻌﻨﺎ ﺑﻜﻤﻴﻦ .
ﺷﻨﻮ ﻛﻤﻴﻦ ﻟﻌﺪ ﺍﻧﺘﻮ ﻭﻳﻦ .
ﺍﺣﻨﻪ ﺑﺎﻟﺼﻘﻼﻭﻳﻪ ﻣﺎﺳﻪ ..
ﺷﻨﻮ 😲 . ﻣﻦ ﺷﻮﻛﺖ ﻭﻟﻴﺶ ﺭﺣﺖ ﻣﻮ ﮔﺘﻠﻚ ﻻﺗﻌﺮﺽ ﺭﻭﺣﻚ ﻟﻠﺨﻄﺮ ﻋﻤﻮﺩﻧﺎ ﻭﻳﻨﻪ ﻭﻋﺪﻙ ﺍﻟﻲ ﻣﺼﻄﻔﻰ .
ﻫﺎﻱ ﺷﺒﻴﺞ ﻳﻌﻤﺮﻱ ﮔﻮﻟﻲ ﻳﻠﻪ . ﻭﺍﻟﻠﻪ ﺳﺤﮕﻨﺎﻫﻢ ﺳﺤﮓ ﻭﺑﻌﻮﻥ ﺍﻟﻠﻪ ﻣﻴﮕﺪﺭﻭﻟﻨﺎ .
ﺧﻠﻲ ﻋﻴﻨﺞ ﺑﻌﻴﻦ ﺍﻟﻠﻪ . ﻭﺍﺩﻋﻴﻠﻨﺎ .
ﺑﻴﻮﻣﻬﺎ ﮔﻠﺒﻲ ﺍﻧﻘﺒﺾ ﻭﺍﻟﻨﻬﺎﺭ ﻛﻠﻪ ﻣﺎﻧﺸﻔﺖ ﺩﻣﻌﺘﻲ .
ﻛﻠﻤﺎ ﺗﺴﺄﻟﻨﻲ ﻋﻤﺘﻲ .
ﺍﮔﻠﻬﺎ ﻣﺎﺑﻴﻪ ﺷﻲ ﺑﺲ ﻣﺨﺘﻨﮕﺔ .
ﺛﺎﻧﻲ ﻳﻮﻡ ﺍﺗﺼﻞ ﺑﻴﻪ ﻣﺼﻄﻔﻰ . ﻛﺎﻥ ﺷﻬﺮ ﺍﻟﺘﺎﺳﻊ ﺑﺴﻨﻪ ..2014
ﮔﻌﺪ ﻳﻮﺻﻲ ﺑﻴﻪ ﻉ ﺍﻻﻭﻻﺩ ﻭﻉ ﺭﻭﺣﻲ . ﻭﻋﻠﻰ ﺍﻣﻪ .
ﻣﺼﻄﻔﻰ ﺷﺒﻴﻚ ﻟﻴﺶ ﺗﺨﺒﻠﻨﻲ .
ﻣﺎﺑﻴﻪ ﺷﻲ ﺣﺒﻴﺒﻲ . ﺑﺲ ﻫﺎﻱ ﺩﻧﻴﺎ ﻭﻣﺎﺗﻨﺤﺰﺭ .
ﻭﻫﺴﺎ ﺍﺣﻨﻪ ﻃﺎﻟﻌﻴﻦ ﺑﻮﺍﺟﺐ ﺭﺩﺕ ﺍﺳﻤﻊ ﺻﻮﺗﺞ ﻭﺍﺳﻤﻊ ﻛﻼﻣﺞ ﺍﻟﺤﻠﻮ .
ﺣﺘﻰ ﺍﺗﻘﻮﻯ ﻭﺍﺗﺸﺠﻊ ..
ﻳﺎﻛﻼﻡ ﺣﻠﻮ ﻣﺼﻄﻔﻰ ﺩﻣﻲ ﻧﺸﻒ .
ﺍﻋﺘﺒﺮﻳﻨﺎ ﻣﺨﻄﻮﺑﻴﻦ ﻭﻧﺴﻮﻟﻒ .
ﺗﺘﺬﻛﺮﻳﻦ ﻣﻦ ﻧﮕﻌﺪ ﺳﻮﻳﻪ ﻳﻢ ﻧﻬﺮ ﺍﻟﻐﺮﺍﻑ .
ﺷﻠﻮﻥ ﺑﺎﻟﺒﺪﺍﻳﺔ ﻧﺘﻨﺎﮔﺮ . ﻭﺗﮕﻮﻟﻴﻦ ﻋﻠﻴﻪ ﻣﻌﻘﺪ .
ﻭﻟﺞ ﻣﺎﺍﺻﺪﮒ ﻳﻮﻡ ﻭﺍﺣﺪ ﺣﺐ ﻭﺣﺪﻩ ﻣﺜﻞ ﺣﺐ ﻣﺼﻄﻔﻰ ﺍﻟﻤﺎﺳﻪ .
ﺍﻧﺘﻲ ﻣﺎﺳﺘﻲ ﻭﺟﻮﻫﺮﺗﻲ .
ﻫﻬﻬﻬﻬﻪ ﻟﻮ ﻣﻦ ﺍﺟﻮ ﺧﻄﺒﻮﺝ ﺍﻟﻲ ﻭﺍﻧﻲ ﻣﺎﺍﺩﺭﻱ .
ﻣﺼﻄﻔﻰ ??
ﻋﻴﻮﻧﻪ 😍
ﺍﺣﺒﻚ
ﺍﻣﻮﺕ ﻋﻠﻴﺞ
ﺩﻳﺮ ﺑﺎﻟﻚ ﻋﻠﻰ ﺭﻭﺣﻚ ﺍﻟﺨﺎﻃﺮﻱ .
ﻣﺪﺍﻡ ﺍﻧﺘﻲ ﺑﮕﻠﺒﻲ ﻣﻴﺼﻴﺮ ﻋﻠﻴﻪ ﺷﻲ .
ﺑﻮﺳﻴﻠﻲ ﺍﻟﺠﻬﺎﻝ ﻭﺩﻳﺮﻱ ﺑﺎﻟﺞ ﻋﻠﻴﻬﻢ .
ﺍﺭﻳﺪﺝ ﻗﻮﻳﻪ ﻳﻌﻤﺮﻱ ..
ﻻﺗﮕﻮﻝ ﻫﻴﺞ ﻣﺼﻄﻔﻰ ﺗﺨﺒﻠﻨﻲ . ﺍﻧﺖ ﻗﻮﺗﻲ ﺍﻧﻲ ﺑﻠﻴﺎﻙ ﻣﺎﺍﺳﻮﻩ ﺷﻲ . ﺧﻠﻲ ﻫﺬﺍ ﺍﻟﺸﻲ ﺑﺒﺎﻟﻚ .
ﻭﻟﺘﺬﺏ ﺭﻭﺣﻚ ﻟﻠﺨﻄﺮ .
ﻓﻜﺮ ﺑﻴﻨﺎ ﻳﻌﻤﺮﻱ .
....
ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ . ﺍﻧﻄﻴﻨﻲ ﺑﻮﺳﻪ ﺣﺘﻰ ﺍﺗﻮﻛﻞ .
ﺍﻣﻮﻭﻭﻭﺍﺍﺍﺍﻩ 😘😘 ﻳﻌﻤﺮﻱ .
ﻣﻮﺩﻉ ﺑﺎﻟﻠﻪ ﻭﻣﺤﻤﺪ ﻭﻋﻠﻲ ..
ﻫﺬﺍ ﻛﺎﻥ ﺍﺧﺮ ﺍﺗﺼﺎﻝ ﺑﻴﻨﺎ .
ﺑﻌﺪﻫﺎ ﻛﻠﻤﺎ ﺍﺗﺼﻞ ﻳﻄﻠﻊ ﻣﻐﻠﻖ
ﺍﻟﺨﻮﻑ ﻛﺘﻠﻨﻲ ﻭﺩﻣﻮﻋﻲ ﻣﺎﻧﺸﻔﺖ .
ﻛﻨﺖ ﺍﺻﻠﻲ ﻭﺍﻗﺮﺃ ﻗﺮﺁﻥ ﺣﺘﻰ ﺍﻫﻮﻥ ﻋﻦ ﻧﻔﺴﻲ .
ﺗﺎﻟﻲ ﻣﺎﺗﺤﻤﻠﺖ . ﺭﺣﺖ ﺍﻟﻌﻤﺘﻲ ﮔﻠﺘﻠﻬﺎ . ﻭﺑﻴﻮﻣﻬﺎ ﮔﺐ ﺍﻟﻌﻴﺎﻁ ﺑﺎﻟﺒﻴﺖ .
ﺟﺪﻭ ﻣﻬﺪﻱ ﺑﺄﺗﺼﺎﻻﺗﻪ ﻭﻣﻌﺎﺭﻓﻪ .
ﻋﺮﻑ ﺍﻛﻮ ﻣﺠﻤﻮﻋﻪ ﻣﺎﺧﺬﻳﻬﻢ ﻣﻦ ﺍﻟﺼﻘﻼﻭﻳﻪ ﻭﻣﺤﺠﻮﺯﻳﻦ ﻋﻨﺪ ﺩﺍﻋﺶ .
ﻭﺍﻛﻮ ﺟﻤﺎﻋﻪ ﻣﺤﺎﺻﺮﻩ ﻫﻢ ﺛﺎﻧﻴﻪ . ﻭﻃﺎﻟﺒﻴﻦ ﻣﺴﺎﻋﺪﻩ ﻭﺍﻧﻘﺎﺫ ﺑﺲ ﻣﻮﺍﺻﻠﺘﻬﻢ . ﻭﻳﻤﻜﻦ ﺩﺍﻋﺶ ﻗﺎﺗﻠﻬﻢ .
ﺍﻟﻜﻞ ﺑﺠﻰ ﻭﻋﻴﻂ ﻭﻋﻤﺘﻲ ﺍﺳﺘﺴﻠﻤﺖ ﻭﻟﺒﺲ ﺍﺳﻮﺩ .
ﻭﮔﺎﻟﺖ ﺧﻠﺺ ﺍﺑﺘﻲ ﻣﺎﺕ .
ﺑﺲ ﺍﻧﻲ ﻛﺎﻥ ﻋﻨﺪﻱ ﺍﻣﻞ ﺑﻴﻮﻡ ﻳﺮﺟﻊ .
ﻣﺴﺘﺤﻴﻞ ﻳﺘﺮﻙ ﺍﻭﻻﺩﻩ ﻭﻳﺘﺮﻛﻨﻲ ﻭﻳﺮﻭﺡ ..
ﺑﺲ ﻣﻦ ﺍﺗﺬﻛﺮ ﺳﻮﺍﻟﻒ ﻭﺷﻠﻮﻥ ﻳﻮﺻﻴﻨﻲ .
ﺍﮔﻮﻡ ﺍﺩﮒ ﻭﺍﻟﻄﻢ ﻭﺍﺑﺠﻲ .
ﺑﺤﻴﺚ ﻣﺤﺪ ﻳﮕﺪﺭ ﻳﻠﺰﻣﻨﻲ .
ﻋﺸﺖ ﺑﺘﻨﺎﻗﻀﺎﺕ .
ﺳﺎﻋﻪ ﺍﺣﺠﻲ ﻋﻠﻰ ﻋﻤﺘﻲ ﻭﺍﮔﻠﻬﺎ ﻟﺘﺒﺠﻴﻦ ﺍﻥ ﺷﺎﺀ ﺍﻟﻠﻪ ﻋﺎﻳﺶ .
ﻭﺳﺎﻋﺔ ﺍﻧﻲ ﺍﺳﻮﻱ ﺍﻛﺜﺮ ﻣﻨﻬﺎ ﻭﺍﻣﻠﺦ ﺷﻌﺮﻱ .
ﺍﮔﻠﻬﻢ ﺣﺒﻴﺒﻲ ﻭﺍﺭﻳﺪﻩ .
ﺍﻟﻠﻪ ﺍﻟﻲ ﺟﻤﻌﻨﺎ ﺑﻌﺪ ﻛﻞ ﺍﻟﻌﻮﺍﺋﻖ ﻭﺭﺯﻗﻨﺎ ﺑﺎﻭﻻﺩ .
ﻣﺴﺘﺤﻴﻞ ﻳﺎﺧﺬﺓ ﻣﻨﻲ .
ﺍﺫﺍ ﺍﻧﻄﺎﻧﻴﺎﻩ ﻭﺍﺧﺬﻩ . ﻟﻴﺶ ﺧﻼﻧﺎ ﻧﺠﺘﻤﻊ ﻟﻴﺶ ﻣﺨﻼﻧﺎ ﻣﻔﺘﺮﻗﻴﻦ .
ﻭﻛﻠﻬﺎ ﺗﮕﻠﻲ ﻻﺗﺤﺠﻴﻦ ﻫﻴﺞ ﻫﺬﺍ ﻛﻔﺮ .
ﺑﺲ ﺍﻧﻲ ﺑﻼﻭﻋﻲ ﻭﻣﺎﻋﻨﺪﻱ ﻭﻋﻲ ﺍﻓﻜﺮ ﺑﺎﻟﻲ ﺍﺣﺠﻴﻪ .
ﺍﻭﻻﺩﻱ ﻳﺤﺴﻮﻭﻥ ﺍﺑﻮﻫﻢ ﻏﺎﻳﺐ ﻭﺻﺎﺭﻟﻪ ﺍﻛﺜﺮ ﻣﻦ ﺷﻬﺮ .
ﻳﺴﺌﻠﻮﻥ ﻋﻠﻴﻪ ﻭﻳﺸﺘﺎﻗﻮﻟﻪ .
ﻭﺍﻧﻲ ﺍﺣﺎﻭﻝ ﺍﺻﺒﺮﻫﻢ ﺑﺲ ﺍﻧﻲ ﺷﻨﻮ ﺍﻟﻲ ﻳﺼﺒﺮﻧﻲ .
ﻣﺎﻣﺎ ﮔﺎﻟﺖ ﺗﻌﺎﻟﻲ ﻋﻨﺪﻱ ﻻﺗﺒﻘﻴﻦ ﻫﻨﺎﻙ ﻭﺗﺘﺬﻛﺮﻳﻪ .
ﺑﺲ ﺍﻧﻲ ﺭﻓﻀﺖ ﻣﻜﺎﻧﻲ ﻫﻨﺎ ﺑﺒﻴﺖ ﺯﻭﺟﻲ .
ﺍﺧﺎﻑ ﻳﺠﻲ ﻳﻮﻡ ﻭﻣﺎﻳﻠﮕﻴﻨﻲ .
ﻭﻋﻤﺘﻲ ﻫﻢ ﺧﻄﻴﻪ ﺗﻮﺍﺳﻲ ﺭﻭﺣﻬﺎ ﺑﻮﺟﻮﺩﻫﻢ .
ﻛﻠﻬﺎ ﮔﻄﻌﺖ ﺍﻻﻣﻞ . ﺍﻻ ﺍﻧﻲ ﺻﺤﻴﺢ ﺍﺑﺠﻲ ﻭﺍﺷﺘﺎﻕ ﻭﺍﻃﻠﻊ ﺻﻮﺭﻩ ﻭﻣﺴﺠﺎﺗﻪ .
ﺑﺲ ﺑﻘﻴﺖ ﺍﻧﺘﻈﺮﻩ ﺍﻟﻰ ﻳﻮﻣﻨﺎ ﻫﺬﺍ ..
ﻛﻞ ﻳﻮﻡ ﺍﺑﺠﻲ ﺩﻡ ﻣﻦ ﺍﻻﻧﺘﻀﺎﺭ .
ﻟﺒﺴﻮﻧﻲ ﺍﺳﻮﺩ .
ﻭﺍﻧﻲ ﻣﺎﺍﻋﺮﻓﻪ ﺍﺫﺍ ﻣﻴﺖ ﺍﻭ ﻋﺎﻳﺶ .
ﻫﺴﺎ ﻟﻮﺍﻋﺮﻑ ﻉ ﺍﻻﻗﻞ ﺍﺭﺗﺎﺡ .
ﻉ ﺍﻻﻗﻞ ﺍﺭﻭﺡ ﺍﻟﮕﺒﺮﺓ ﻭﺍﺑﺠﻲ ﻭﺍﺭﺗﺎﺡ ﻭﺍﺯﻭﺭﻩ .
ﺑﺲ ﺍﻧﻲ ﻋﺎﻳﺸﻪ ﺑﻀﻴﺎﻉ .
ﺍﺷﺘﺎﻗﻠﻪ ﻭﻣﺎﺍﻋﺮﻑ ﻭﻳﻦ ﺍﺭﻭﺣﻠﻪ ﻭﻭﻳﻦ ﺍﻟﮕﻴﻪ .
ﻛﻞ ﻣﺎﻳﻨﻔﺘﺢ ﺍﻟﺒﺎﺏ ﺍﺑﺎﻭﻉ ﺍﮔﻮﻝ ﺑﻠﻜﻲ ﻫﻮ ﺍﻟﻲ ﺩﺧﻞ .
ﻣﺎﻗﺼﺮﺕ ﻋﻦ ﺍﻭﻻﺩﻱ ﺑﺸﻲ .
ﻭﺭﺑﻴﺘﻬﻢ ﻭﻛﺒﺮﻭﺍ .
ﻭﺩﺍﺋﻤﺎ ﻳﺴﺌﻠﻮﻥ ﻋﻦ ﺍﺑﻮﻫﻢ .
ﻛﺒﺮﺕ ﺻﻮﺭﻩ ﻛﻠﻬﺎ ﻭﺗﺮﺳﺖ ﺍﻟﻐﺮﻓﻪ ﺑﻴﻬﻦ .
ﺣﺘﻰ ﺟﻨﻮ ﺗﻌﺮﻑ ﺍﺑﻮﻫﺎ ﻭﻣﺎﻳﻨﺴﻮﻩ .
ﻭﺑﻴﻮﻡ ﺍﻟﻢ ﻛﺘﻠﻨﻲ ﺑﺎﻟﻠﻴﻞ .
ﻣﻦ ﺍﻟﻘﻬﺮ ﮔﻠﺖ ﺍﺣﺘﻤﺎﻝ ﻏﺎﺑﺖ .
ﺑﺲ ﻣﺎﺍﺩﺭﻱ ﺑﺮﻭﺣﻲ ﺣﺎﻣﻞ .
ﻭﺳﻘﻄﺖ ﺑﻴﻮﻣﻬﺎ .
ﻣﻦ ﮔﺪ ﺍﻟﻘﻬﺮ ﻭﺍﻟﺘﻌﺐ .
ﻣﺎﺍﺗﺤﻤﻠﺖ .
ﺍﻭﻭﻭﻑ ﻳﺎﻣﺼﻄﻔﻰ ﺣﺘﻰ ﺍﻟﻄﻔﻞ ﺍﻟﻲ ﻛﻨﺖ ﺗﺘﻤﻨﺎﻩ
ﻣﺎﺭﺍﺩ ﻳﺠﻲ ﻉ ﺍﻟﺪﻧﻴﺎ ﻭﺍﻧﺖ ﻣﺎﺑﻴﻬﺎ .
ﻋﺎﻓﻨﻲ ﻭﺭﺍﺡ ﻫﻢ ..
ﻣﺘﺖ ﺑﻴﻮﻣﻬﺎ ﻣﻦ ﺍﻟﺒﺠﻲ .
ﻛﺎﻥ ﻫﺎﻱ ﺍﺧﺮ ﺷﻲ ﺗﺮﻛﻪ ﻣﺼﻄﻔﻰ ﺑﻴﻪ ﻭﺭﺍﺡ .
ﻭﺗﺎﻟﻲ ﺧﺴﺮﺗﻪ ﺑﻘﻴﺖ ﺍﻟﻮﻡ ﺑﺮﻭﺣﻲ ﻭﺍﺑﺠﻲ ..
ﺍﻟﻰ ﻳﻮﻣﻨﺎ ﻫﺬﺍ ﻣﺎﻧﺴﻴﺘﻪ ﻭﻻﺍﻋﺘﺒﺮﺗﻪ ﻣﻴﺖ .
ﺻﺤﻴﺢ ﺍﺷﺘﺎﻗﻠﻪ ﺑﺲ ﺍﻧﺘﻀﺮﻩ .
ﺍﺻﻠﻲ ﺍﻟﻪ ﻭﺍﻗﺮﺍﻟﻪ ﻗﺮﺁﻥ .
ﺑﺲ ﻣﺎﺻﺪﮔﺖ ﻳﻤﻜﻦ ﻳﻤﻮﺕ ﻭﻳﺘﺮﻛﻨﺎ ..
ﺍﻟﻨﺎﺱ ﺍﻋﺘﺒﺮﺗﻪ ﻣﺎﺕ ﻭﺍﺧﻮﻩ ﻧﺴﻰ ﻭﺍﺗﺰﻭﺝ .
ﻭﻃﺎﻟﺐ ﺑﻐﺮﻓﺘﻨﺎ ﺍﻟﻔﻮﮒ ﻭﻃﻠﻌﻨﺎ ﻣﻨﻬﺎ .
ﺍﻧﺘﻘﻠﺖ ﻳﻢ ﻣﺎﻣﺎ ﺑﻌﺪ ﺍﻟﻤﺸﺎﻛﻞ .
ﻭﻋﻤﺘﻲ ﺣﺠﺖ ﻭﻳﺎﻩ ﻭﻣﺎﻓﺎﺩ .
ﻳﮕﻮﻝ ﺭﺟﻠﻬﺎ ﻭﻣﺎﺕ ﺷﻌﻨﺪﻫﺎ ﺑﻌﺪ ﻫﻨﺎ .
ﺣﺴﻴﺖ ﺑﺬﻟﻪ ﺑﻌﺪﻙ ﻳﺎﻣﺼﻄﻔﻰ ﻭﻳﻨﻚ ﺗﻌﺎﻝ ﺷﻮﻑ ﺣﺎﻟﻲ ﻭﺣﺎﻝ ﻭﻟﺪﻙ .
ﺑﻴﺒﻲ ﻣﺎﺳﻪ ﺑﻌﺪ ﻏﻴﺎﺏ ﻣﺼﻄﻔﻰ ﻛﺘﻠﻬﺎ ﺍﻟﻘﻬﺮ ﻭﺗﻮﻓﺖ ﻣﺎﺍﺗﺤﻤﻠﺖ ﻛﺎﻧﺖ ﺗﺤﺒﻪ ﻛﻠﺶ .
ﻟﻌﺪ ﻟﻴﺶ ﺍﻧﻲ ﻣﺎﺍﻣﻮﺕ ﻣﻦ ﺍﻟﻘﻬﺮ ﻋﻔﻴﻪ ﮔﻠﺐ ﻋﻨﺪﺝ ﻣﺎﺳﻪ .
ﺑﺲ ﺑﻌﺪﻳﻦ ﺍﺗﺮﺍﺟﻊ ﻭﺍﮔﻮﻝ ﺍﻧﻲ ﻋﺸﺖ ﻣﻦ ﻗﻬﺮ ﺍﻟﻘﻬﺮ ﺷﻨﻮ ﺫﻧﺐ ﺍﻭﻻﺩﻱ ﺧﻄﻴﻪ .
ﻳﺘﻴﺘﻤﻮﻥ ﻣﻦ ﺍﻻﺑﻮ ﻭﺍﻻﻡ .
ﺍﺳﺘﻤﺮﺕ ﺍﻟﺤﻴﺎﺓ ﻋﻨﺪ ﺍﻟﻜﻞ . ﺍﻻ ﻋﻨﺪﻱ ﺗﻮﻗﻔﺖ ﻣﻦ ﺍﺧﺮ ﺍﺗﺼﺎﻝ ﺍﻟﻪ .
ﻭﺻﺎﺭ ﻃﻴﻒ ﺑﺤﻴﺎﺗﻲ ﻣﻴﻔﺎﺭﮔﻨﻲ ﺍﺣﺠﻲ ﻭﻳﺎﻩ ﻟﻴﻞ ﻭﻧﻬﺎﺭ .
ﻛﻨﺖ ﺍﻟﺘﻬﻲ ﺑﺎﻟﺪﻭﺍﻡ ﻭﺩﺭﺍﺳﻪ ﺍﻻﻭﻻﺩ ﺑﺎﻟﻨﻬﺎﺭ .
ﺑﺲ ﺍﻟﻠﻴﻞ ﺍﻭﻭﻭﻭﻑ ﻫﻨﻴﺎﻝ ﺍﻟﻲ ﻳﻨﺎﻡ ﺍﻟﻠﻴﻞ ..
ﻗﺪ ﻃﺎﻝ ﻏﻴﺎﺑﻚ ﻭﻣﺎﺯﻟﺖ ﺍﻧﺘﻈﺮﻙ ﻓﻲ ﻛﻞ ﻭﻗﺖ ﻃﺎﻝ ﺍﻟﻐﻴﺎﺏ ﻭﺍﻧﺎ ﻓﺎﻗﺪﺓ ﻛﻞ ﺷﺊ ﻣﻦ ﺩﻭﻧﻚ ﻓﺄﻧﺖ ﺭﻭﺣﺎ ﻟﻲ ﻭﻗﻠﺐ ﻟﻲ ﻳﻀﻴﺊ ﻟﻲ ﺍﻟﺤﻴﺎﺓ ﺍﻟﻰ ﻣﺘﻰ ﺳﻴﻈﻞ ﻏﻴﺎﺑﻚ ﻭﺍﻟﻰ ﻣﺘﻰ ﺗﻨﺰﻑ ﺩﻣﻮﻋﻲ ﺧﻮﻓﺎ ﻋﻠﻴﻚ ..
ﻃﺎﻝ ﻏﻴﺎﺑﻚ ﻳﺎ ﺣﺐ ﺍﻟﻌﻤﺮ ﻛﻠﺔ ﺍﻧﺘﻈﺮ ﻫﻤﺴﺎﺕ ﺻﻮﺗﻚ ﻭﺍﻧﺘﻈﺮ ﺿﺤﻜﺎﺗﻚ ﺍﻧﺘﻈﺮ ﻛﻞ ﺟﻤﻴﻞ ﻓﻴﻚ .
ﻃﺎﻝ ﻏﻴﺎﺑﻚ ﺣﺒﻴﺒﻲ ﻭﺍﻧﺎ ﺍﺷﺘﺎﻕ ﺍﻟﻴﻚ ﻓﺎﻗﺪﺓ ﻟﻠﺤﻴﺎﺓ ﻣﻦ ﺩﻭﻧﻚ .. ﺍﻧﺘﻈﺮ ﻣﺠﻴﺌﻚ ﻛﻲ ﻧﻌﻮﺩ ﺑﺎﻟﺬﻛﺮﻳﺎﺕ ﺿﺤﻜﺎﺗﻚ ﻛﻠﻤﺎﺗﻚ ﺻﻮﺗﻚ ﺻﺪﻯ ﻳﻼﺯﻡ ﺣﻴﺎﺗﻲ ..
ﻳﺎﺣﺐ ﻋﻤﺮﻱ ﺍﻟﻜﺒﻴﺮ . ﺍﺭﺟﻊ ﻣﻦ ﺟﺪﻳﺪ ﻗﺪ ﻃﺎﻝ ﺍﻟﻐﻴﺎﺏ
ﻭﺍﻧﺎ ﻓﺎﻗﺪﺓ ﻟﺤﺒﻚ ﻭﻟﺤﻀﻨﻚ ﻭﻫﻤﺴﺎﺗﻚ ﻳﺎﻋﻤﺮﻱ ..
ﺍﻟﻨﻬﺎﻳﺔ ️☹️☹
ﻟﻠﻜﺎﺗﺒﻪ ﺷﻤﺲ ❤
……… …………….....
ﺍﺣﺒﺘﻲ ﺍﺗﻤﻨﺎﻟﻜﻢ ﻣﺘﺎﺑﻌﻪ ﻣﻤﺘﻌﻪ ﻭﻳﺎﺭﺏ ﻋﺠﺒﺘﻜﻢ .
ﺻﺤﻴﺢ ﺍﻟﻜﻞ ﻃﻠﺐ ﻣﺘﻜﻮﻥ ﺍﻟﻨﻬﺎﻳﻪ ﻣﺄﺳﺎﻭﻳﻪ ﻟﻜﻦ ﻫﺬﺍ ﺍﻟﺸﻲ ﻣﻮ ﺑﻴﺪﻱ .
ﻭﻣﺎﺍﮔﺪﺭ ﺍﻏﻴﺮ ﺍﻟﻨﻬﺎﻳﻪ ﻣﻦ ﻛﻴﻔﻲ .
ﻣﺎﺍﻋﺮﻑ ﺍﺫﺍ ﻛﺎﻥ ﻣﺼﻄﻔﻰ ﻋﺎﻳﺶ ﺍﻭ ﻣﻴﺖ .
ﻟﻜﻦ ﺍﻟﺮﺣﻤﻪ ﻟﻠﻌﺪﻝ ﻭﺍﻟﻤﻴﺖ .
ﻭﺭﺑﻲ ﻳﺮﺣﻤﻪ ﺍﻳﻨﻤﺎ ﻛﺎﻥ .
ﺭﺑﻲ ﻳﺼﺒﺮ ﻗﻠﺐ ﺯﻭﺟﺘﻪ ﻭﻳﺤﻔﻆ ﺍﻭﻻﺩﻩ ﻭﻳﺠﻌﻠﻬﻢ ﺑﺄﺣﺴﻦ ﺍﻟﻤﺮﺍﺗﺐ ﻭﻳﻜﻮﻧﻮﺍ ﻓﺨﺮ ﺍﻻﺑﻮﻫﻢ ..
ﻭﺍﻣﻬﻢ ﺍﻟﻲ ﺗﻌﺒﺖ ﺑﺤﻴﺎﺗﻬﺎ ﻫﻮﺍﻳﻪ ﻭﺗﺤﻤﻠﺖ ﺍﻟﻲ ﻣﻴﮕﺪﺭ ﻳﺘﺤﻤﻠﻪ . ﺍﻟﻠﻪ ﻳﻌﻴﻨﻬﺎ ﻭﻳﺼﺒﺮﻫﺎ .
ﻭﺗﺴﻠﻤﻮﻥ ﻉ ﺍﻟﻤﺘﺎﺑﻌﻪ ﺣﺒﺎﻳﺐ
......
.....
....
ﺗﻔﺎﺻﻴﻞ ﻋﻦ ﻗﺼﻪ ﻋﺸﻖ ﻭﺇﺑﺘﻼﺀ
..
ﻣﺴﺎﺀ ﺍﻟﻔﻞ ﻭﺍﻟﻴﺎﺳﻤﻴﻦ ﻋﻠﻴﻜﻢ ﺣﺒﺎﻳﺐ ..
ﺍﻋﺮﻑ ﺍﻟﻨﻬﺎﻳﻪ ﻣﺎﻛﺎﻧﺖ ﻣﺘﻮﻗﻌﻪ ..
ﻭﺣﺰﻳﻨﻪ ﺍﻟﻲ ﺍﻛﺜﺮ ﻻﻥ ﺍﻧﻲ ﺍﻟﻲ ﺩﺍﺍﻛﺘﺐ ﻭﺍﻟﻠﻪ ﻳﺸﻬﺪ ﻛﻨﺖ ﺍﻛﺘﺐ ﻭﺍﺑﺠﻲ .
ﻻﻥ ﻣﺂﺳﺎﺓ ﻏﻴﺮ ﻃﺒﻴﻌﻴﻪ .
ﺍﻟﺒﻨﻴﻪ ﻣﺮﺍﺳﻠﺘﻨﻲ ﻣﻦ ﺯﻣﺎﻥ ﻉ ﺍﻟﻤﺎﺳﻨﺠﺮ .
ﻭﻛﺎﻧﺖ ﺑﻄﻠﺒﺎﺕ ﺍﻟﻤﺮﺍﺳﻠﻪ ﻣﺸﻔﺖ ﻣﺮﺍﺳﻠﺘﻬﺎ .
ﺍﻻ ﺑﻌﻄﻠﻪ ﻧﺼﻒ ﺍﻟﺴﻨﻪ ..
ﻛﺎﻧﺖ ﻃﺎﻟﺒﻪ ﺍﻛﺘﺐ ﻗﺼﺘﻬﺎ ..
ﻫﻮﺍﻱ ﺗﺠﻴﻨﻲ ﻫﻴﺞ ﺭﺳﺎﺋﻞ ﺑﺲ ﻣﺮﺍﺕ ﺍﻓﺘﺤﻬﻦ ﻭﻣﺮﺍﺕ ﻻ .
ﻻﻥ ﺍﺫﺍ ﺍﻓﺘﺢ ﺍﻟﻤﺮﺍﺳﻠﻪ ﻭﺗﻜﺘﺒﻠﻲ ﺍﻟﺒﻨﻴﻪ ﻗﺼﺘﻬﺎ .
ﻭﻣﻌﺠﺒﺘﻨﻲ . ﺍﺧﺠﻞ ﺍﺭﻓﻀﻬﺎ . ﻭﺍﺿﻮﺝ ﺍﺫﺍ ﺭﻓﻀﺘﻬﺎ .
ﺑﺲ ﺍﻟﻲ ﺟﺬﺑﻨﻲ ﺑﻘﺼﻪ ﻣﺎﺳﻪ ..
ﻛﺎﻧﺖ ﻛﺎﺗﺒﻪ ﻧﺒﺬﻩ ﻋﻦ ﻗﺼﺘﻬﺎ ﺑﺸﻜﻞ ﻣﻮﺟﺰ .
ﺷﻠﻮﻥ ﻛﺎﻧﺖ ﻃﻔﻠﻪ ﻭﺍﺫﺍﻫﺎ ﺍﺑﻦ ﺧﺎﻟﻬﺎ .
ﻭﻣﻦ ﻛﺒﺮﺕ ﺣﺒﺖ ﺍﺑﻦ ﻋﻤﺘﻬﺎ .
ﻭﺍﻓﺘﺮﻗﻮﺍ ﺟﺒﺮﻭﻫﺎ ﺗﺘﺰﻭﺝ ﺍﺑﻦ ﺧﺎﻟﻬﺎ .
ﻭﺑﺎﻻﺧﻴﺮ ﺍﺟﺘﻤﻌﻮﺍ .
ﻣﻦ ﻗﺮﺃﺗﻬﺎ ﺑﻬﺬﺍ ﺍﻟﺸﻜﻞ ﺟﺬﺑﺘﻨﻲ .
ﻭﻓﺘﺤﺖ ﺍﻟﻤﺮﺍﺳﻠﻪ .
ﻭﻛﻠﺘﻠﻬﺎ ﺍﻧﻄﻴﻨﻲ ﺍﻟﺘﻔﺎﺻﻴﻞ .
ﻗﺮﺃﺗﻬﺎ .
ﻭﻛﺘﺒﺘﻬﺎ .
ﻭﻛﻞ ﻇﻨﻲ ﺍﻟﻨﻬﺎﻳﻪ ﻣﻦ ﻳﺠﺘﻤﻌﻮﻥ .
ﺑﻌﺪﻳﻦ ﻛﻤﻠﺖ ﺍﻟﻘﺼﻪ ﻭﺍﻛﺘﺸﻔﺖ ﻳﺮﻭﺡ ﻭﻣﻴﺮﺟﻊ ﺍﻧﻘﻬﺮﺕ ﺣﻴﻞ .
ﻭﮔﻠﺘﻠﻬﺎ ﻣﺎﺍﻛﺘﺐ ﻧﻬﺎﻳﻪ ﺣﺰﻳﻨﻪ . ﺭﺍﺡ ﺍﻏﻴﺮ ﺑﻴﻬﺎ .
ﺑﺲ ﻫﻲ ﻣﻘﺒﻠﺖ . ﻭﮔﺎﻟﺖ ﺍﺭﻳﺪ ﺍﻟﻨﺎﺱ ﺗﺘﺮﺣﻢ ﻋﻠﻴﻪ ﺍﺫﺍ ﻣﻴﺖ .
ﻭﻳﺪﻋﻮﻟﻪ ﻳﺮﺟﻊ ﺍﺫﺍ ﻋﺎﻳﺶ .
ﻟﻬﺬﺍ ﻭﺍﻓﻘﺖ . ﻭﻛﻤﻠﺘﻬﺎ .
ﺍﻟﻜﻞ ﺑﻘﻰ ﻳﻠﻮﻡ ﻭﻳﮕﻮﻝ ﻟﻮ ﻧﺪﺭﻱ ﻫﻴﺞ ﺍﻟﻨﻬﺎﻳﻪ ﺟﺎﻥ ﻣﺎﻗﺮﻳﻨﻬﺎ ﺍﺭﻳﺪ ﺍﮔﻠﻜﻢ . ﻣﻮ ﻛﻞ ﺍﻟﻨﻬﺎﻳﺎﺕ ﺳﻌﻴﺪﻩ .
ﻭﺍﻟﻘﺼﻪ ﺑﻴﻬﺎ ﻋﺒﺮ ﻭﻣﻮﺍﻋﻆ ﻫﻮﺍﻳﻪ .
ﻭﺍﻻﻫﻢ ﺣﺒﻬﺎ ﺍﻟﻪ ﻭﺍﻧﺘﻈﺎﺭﻫﺎ .
ﺍﺫﺍ ﻛﺎﻧﺖ ﺍﻟﻨﻬﺎﻳﻪ ﺿﻮﺟﺘﻜﻢ . ﻓﺄﻋﺘﺬﺭ . ﻻﻥ ﺍﻧﻲ ﺍﻧﻘﻬﺮﺕ ﺍﻛﺜﺮ ﻣﻨﻜﻢ ﻭﺍﻧﻲ ﺩﺍ ﺍﻛﺘﺐ ﺑﻴﻬﺎ .
ﺗﺤﻴﺎﺗﻲ ﻟﻜﻞ ﻣﻦ ﺷﺠﻌﻨﻲ ﻭﺳﺎﻧﺪﻧﻲ ﻭﺍﻧﺘﻮ ﺍﻟﺴﺒﺐ ﻃﺒﻌﺎ ﻟﻮﺻﻮﻝ ﺍﻟﻘﺼﻪ ﻟﻬﺬﺍ ﺍﻟﻤﺴﺘﻮﻯ .
ﺍﺷﻜﺮﻛﻢ ﻣﻦ ﻛﻞ ﻗﻠﺒﻲ ﻭﺍﺣﺒﻜﻢ 😘😘
ﺍﻟﻜﺎﺗﺒﻪ ﺷﻤﺲ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء