رواية ضحية غلطت شيخ الجزء الثاني
للكاتبة نور غدرني الزمن
.
ﺳﻤﺎﺀ : ﻣﻦ ﺑﻌﺪﺕ ﻋﻦ ﺍﻃﻔﺎﻟﻲ ﻟﻠﻴﻮﻡ ﻭﻧﻔﺲ ﺍﻟﻨﺎﺭ ﺑﻘﻠﺒﻲ ﻣﺸﺘﻌﻠﻪ ﺍﺷﺘﺎﻗﻠﻬﻢ ﺑﻜﻞ ﺛﺎﻧﻴﻪ ﻭﻫﻢ ﺑﻌﺎﺩ ﻋﻨﻲ ﺍﻓﻜﺮ ﺑﻌﺒﻮﺩﻱ ﻳﻤﻜﻦ ﻟﻮ ﻣﺎﺧﺬﺗﻪ ﻭﻳﺎﻳﻪ ﺟﺎﻥ ﻣﺴﻮﻩ ﺳﻮﺍﻳﺘﻪ ﺍﻟﺤﻘﻴﺮﻩ ﺗﻨﺪﻣﺖ ﻻﻥ ﺿﺮﺑﺘﻪ ﻭﺧﺎﻳﻔﻪ ﻋﻠﻴﻪ ﻣﻦ ﻳﻄﻠﻊ ﻳﺴﺒﺢ ﻻﻳﺮﻭﺡ ﻳﻐﺮﻙ ﻭﺯﻫﻮﺭﻩ ﺑﻨﻴﻪ ﻭﺣﺴﺎﺳﻪ ﻭﺍﺧﺎﻑ ﻋﻠﻴﻬﻪ ﺗﻨﻀﺮﺏ ﻭﺗﺘﺎﺫﻯ ﻭﺍﺑﻨﻲ ﺍﻟﺰﻏﻴﺮ ﺍﻭﻭﻑ ﻣﺎﺍﺩﺭﻱ ﺑﺤﺎﻟﻪ ﻳﺮﺍﺩﻟﻪ ﻋﻨﺎﻳﻪ ﻭﻣﺪﺍﺭﺍﺓ ﻭﺣﻠﻴﺐ ﺟﻨﺖ ﺍﺭﺿﻌﻪ ﻣﺎﺍﻧﻄﻲ ﻣﻤﻪ ﻣﺎﺍﻋﺮﻑ ﺑﺤﺎﻟﻪ ﺑﺲ ﻫﺴﻪ ﻧﺸﻒ ﺣﻠﻴﺐ ﺍﻟﺒﺼﺪﺭﻱ ﺣﺘﻰ ﻟﻮ ﺍﻛﻮ ﺍﻣﻞ ﺑﻘﺪﺭﺓ ﻗﺎﺩﺭ ﺍﻟﻠﺘﻘﻲ ﺑﻲ ﻫﻢ ﺭﺍﺡ ﻳﻌﺮﻓﻨﻲ 😢 ﺍﻟﺘﻔﻜﻴﺮ ﺍﺧﺬ ﻣﻦ ﺣﻴﺎﺗﻲ ﺟﺎﻧﺐ ﻛﻠﺶ ﺟﺒﻴﺮ ﺷﻠﻮﻥ ﺍﺫﺍ ﺑﻌﺪ ﻣﺎﺍﺷﻔﺘﻬﻢ ﻭﻛﺒﺮﻭ ﻭﻛﺒﺮﻭ ﻭﺍﻟﻠﺘﻘﻴﻨﺎ ﻫﻢ ﺭﺍﺡ ﻳﻌﺮﻓﻮﻧﻲ ﻣﻦ ﺍﺟﻮ ﺍﺧﻮﺍﻧﻲ ﻳﻄﻤﺎﻧﻮﻥ ﻉ ﺍﻟﻌﻘﺪ ﺗﻢ ﺍﻭ ﻻ ﺗﻤﻨﻴﺖ ﺍﻃﻠﻊ ﺍﺳﺌﻠﻬﻢ ﻋﻦ ﺍﻃﻔﺎﻟﻲ ﻋﻦ ﺍﻣﻲ ﺷﻨﻮ ﺣﺎﻟﻬﻪ ﺑﺲ ﻣﺎﺷﻔﺘﻬﻢ ﺍﻣﺎ ﺍﻳﻬﻢ ﻭﺳﺒﺐ ﺗﻌﻠﻘﻲ ﺑﻲ ﺟﻨﺖ ﻭﺣﻴﺪﻩ ﺑﺲ ﺑﺎﻟﻠﻴﻞ ﺍﻃﻠﻊ ﻣﻦ ﺍﻟﻠﺘﻘﻴﺖ ﺑﻲ ﺻﺪﻓﻪ ﺟﺎﻧﺖ ﺑﻌﺪﻫﻪ ﺍﺳﺘﻤﺮﺕ ﻟﻘﺎﺋﺎﺗﻨﺎ ﺣﺴﻴﺖ ﺑﺤﺎﺟﻪ ﺍﻟﻪ ﺧﺎﺻﺔ ﻣﻦ ﺍﻧﻄﺎﻧﻲ ﺍﻳﺪﻩ ﺍﻃﻠﻊ ﻣﻦ ﺍﻟﻤﺎﻱ ﻭﻣﻦ ﺟﺎﻥ ﻳﻜﻮﻟﻲ ﺍﻟﻤﻲ ﺑﺎﺭﺩ ﻟﺘﺘﻤﺮﺿﻴﻦ ﺗﻔﺎﺟﺌﺖ ﺑﺎﻫﺘﻤﺎﻣﻪ ﺭﻳﺎﺽ ﺟﺎﻥ ﻋﻨﺪﻩ ﺍﻟﻤﺮﻩ ﺗﺸﺘﻐﻞ ﻭﺗﺮﺑﻲ ﺍﻻﻭﻻﺩ ﻓﻘﻂ ﻋﻤﺮﻱ ﻣﺎﺳﻤﻌﺖ ﻣﻨﻪ ﻛﻠﻤﻪ ﺣﻠﻮﻩ ﻭﻻ ﺣﺘﻰ ﺣﺒﻲ ﺍﺣﺒﺞ ﻫﻲ ﺍﻟﻜﻠﻤﺎﺕ ﻣﺴﺎﻣﻌﺘﻬﻦ ﺑﺤﻴﺎﺗﻲ ﺍﻟﻤﻬﻢ ﺟﺖ ﻣﺮﺕ ﺍﻟﺸﻴﺦ ﻭﻛﺎﻟﺖ ﻣﻨﺎ ﻭﺟﺎﻱ ﺗﺸﺘﻐﻠﻴﻦ ﺑﺎﻟﻤﻄﺒﺦ ﻃﻠﻌﺖ ﺍﺷﺘﻐﻞ ﺑﺎﻟﻤﻄﺒﺦ ﻭﺟﺎﻧﻦ ﻭﺳﻦ ﻭﺍﻣﻬﺎ ﺑﺎﻟﻤﻄﺒﺦ . ﺩﺧﻠﺖ ﻣﺮﻳﻢ ﻫﻲ ﺗﺼﻴﺮ ﺍﺧﺖ ﺍﺑﺮﺍﻫﻴﻢ ﻳﻌﻨﻲ ﺑﻨﺖ ﺍﻟﺸﻴﺦ ﻣﺘﺰﻭﺟﻪ
ﻣﺮﻳﻢ : ﺍﻱ ﻣﺎﺷﺎﺀ ﺍﻟﻠﻪ ﻋﺮﻭﺳﺔ ﺧﻠﻴﻔﺔ ﺍﻟﺸﻴﺦ ﺣﻠﻮﻩ
ﻫﻬﻬﻬﻬﻪ ﻭﺳﻦ ﻻﻋﺒﺎﻟﺞ ﻋﻠﻴﺞ ﻋﻠﻰ ﺍﻟﻌﺮﻭﺳﻪ ﺍﻟﺠﺪﻳﺪﻩ
ﻭﺳﻦ : ﺍﻱ ﻋﻴﻨﻲ ﻋﺸﻴﻘﺔ ﺍﺧﻮﺝ
ﻣﺮﻳﻢ : ﻫﻬﻬﻬﻬﻬﺎ ﻻ ﻋﻴﻨﻲ ﻣﻮ ﻫﻲ ﺍﻟﻌﺸﻴﻘﻪ ﻏﻴﺮ ﻧﺎﺱ
ﺍﻡ ﻭﺳﻦ : ﻣﺮﻳﻢ ﺷﻮ ﺫﺍﻛﺮﺗﻨﻪ
ﻣﺮﻳﻢ : ﻣﺮﺕ ﺍﺑﻮﻱ ﻣﺎﺫﺍﻛﺮﺗﺞ ﺍﺟﻴﺖ ﺍﺷﻮﻑ ﺍﺑﻮﻱ
ﺳﻤﺎﺀ : ﺍﺟﺖ ﻃﺒﻄﺒﺖ ﻋﻠﻴﻪ ﻭﻛﺎﻟﺖ ﺍﻟﻠﻪ ﻳﻬﻨﻴﺞ ﻭﺭﺍﺣﺖ
ﺍﺑﺘﺴﻤﺖ ﺍﻟﻬﻪ ﺍﻧﻪ
ﺗﻤﺮﺭ ﺍﻻﻳﺎﻡ ﺍﺷﻮﻑ ﺍﻳﻬﻢ ﻣﻦ ﺑﻌﻴﺪ ﺑﺲ ﻧﻀﺮﺍﺕ ﺑﻴﻨﻪ ﺍﺷﻮﻓﻪ ﻳﻢ ﻭﺳﻦ ﻧﻬﺎﺭ ﻛﻠﻪ ﺳﻮﺍﻟﻒ ﻭﺿﺤﻚ ﻭﺗﺤﺸﻴﺶ ﺍﺳﻤﻌﻪ ﻳﻀﺤﻚ ﺻﻮﺗﻪ ﻳﺠﻨﻦ ﺑﺲ ﺑﺪﺍﺧﻠﻲ ﺍﻏﺎﺭ ﺍﺣﺴﺪﻫﻪ ﺷﺒﻲ ﺣﻈﻲ ﺍﻧﻪ ﻫﻴﺞ ﺻﺎﺭﻟﻲ ﻣﺮﺕ ﺍﻻﻳﺎﻡ ﺍﺷﺘﺎﻗﻠﻪ ﺣﻴﻴﻞ ﺍﺣﺲ ﺍﺭﻳﺪﻩ ﻭﺑﺪﺍﺧﻠﻲ ﺍﻛﺮﻩ ﻭﺳﻦ ﺑﺲ ﻣﺎﺑﻴﺪﻱ ﺷﻲ ﻣﺮﻩ ﺷﻔﺘﻪ ﺑﺎﻭﻉ ﻋﻠﻴﻪ ﺍﺗﻌﻤﺪﺕ ﺍﺑﺘﺴﻢ ﺍﻟﻪ ﺍﺑﺘﺴﻢ ﻫﻮ ﻫﻢ ﺻﺎﺭ ﺍﻟﻠﻴﻞ ﺩﺧﻠﺖ ﻟﻐﺮﻓﺘﻲ ﺍﻧﻪ ﺍﻟﻠﻴﻞ ﻣﻮ ﻫﺎﻟﻜﺪ ﺍﻧﺎﻡ ﺍﻟﻲ ﻣﺜﻠﻲ ﺿﻨﺎﻫﻪ ﺑﻌﻴﺪ ﻋﻨﻬﻪ ﺷﻠﻬﻪ ﺑﺎﻟﻨﻮﻡ ﻭﺍﻟﺮﺍﺣﻪ ﻣﻮ ﺍﻟﻲ ﻟﻠﺒﺎﻟﻬﻢ ﺻﺎﻓﻲ ﻭﻣﺮﺗﺎﺡ ﺷﻔﺖ ﺍﻟﺒﺎﺏ ﺍﻧﻔﺘﺤﺖ ﺷﻔﺘﻪ ﺍﻳﻬﻢ ﻓﺮﺡ ﮔﻠﺒﻲ ﻭﺗﻤﻨﻴﺖ ﺍﻃﻔﺮ ﻋﻠﻲ ﻭﺍﺷﺒﻜﻪ ﺑﺲ ﺑﻘﻴﺖ ﻛﺎﻋﺪﻩ ﺍﺟﻪ ﻛﻌﺪ ﻳﻤﻲ
ﺍﻳﻬﻢ : ﺍﺷﻮ ﻫﺎﻻﻳﺎﻡ ﻣﺎﺗﻄﻠﻌﻴﻦ ﻉ ﺷﻂ
ﺳﻤﺎﺀ 😊: ﺍﻱ
ﺍﻳﻬﻢ : ﺷﻨﻮ ﺑﺮﺩﺗﻲ ﺳﺤﺒﺖ ﺍﻳﺪﻫﻪ ﺍﻣﺸﻲ ﻧﻄﻠﻊ ﺷﻨﻮ ﺭﺍﻳﺞ
ﺳﻤﺎﺀ : ﻣﻮ ﺧﺎﻑ ﻳﺸﻮﻓﻨﻪ ﺍﺣﺪ
ﺍﻳﻬﻢ : ﺍﻣﻢ ﻗﺒﻞ ﻣﺠﻨﺘﻲ ﺗﺨﺎﻓﻴﻦ ﻳﺸﻮﻓﻨﻪ ﺍﺣﺪ ﻫﺴﻪ ﻭﺍﻧﺖ ﺯﻭﺟﺘﻲ ﺗﺨﺎﻓﻴﻦ
ﺳﻤﺎﺀ : ﺍﻧﻲ ﻣﺎﺍﺭﻳﺪ ﺍﺳﻮﻳﻠﻚ ﻣﺸﺎﻛﻞ
ﺍﻳﻬﻢ : ﺍﻋﺮﻑ ﻳﻠﻪ ﻛﻮﻣﻲ ﺍﻟﻜﻞ ﻧﺎﻳﻢ
ﻃﻠﻌﻨﻪ ﺍﻧﻲ ﻭﻳﺎ ﻉ ﺍﻟﺸﻂ ﻛﺎﻝ ﻳﻠﻪ ﻧﻨﺰﻝ ﺑﺎﻟﻤﻲ ﻧﺰﻟﻨﻪ ﺭﺟﻠﻴﻨﺎﺗﻨﻪ
ﺳﻤﺎﺀ : ﺍﻳﻬﻢ ﺍﻧﺖ ﻣﺼﺪﮔﻨﻲ ؟
ﺍﻳﻬﻢ : ﺑﺸﻨﻮ ؟
ﺳﻤﺎﺀ : ﺍﻟﺤﺠﻴﺘﻠﻚ ﻋﻨﻪ
ﺍﻳﻬﻢ : ﺍﻣﻤﻢ ﻣﻴﻬﻢ ﻫﺎﻟﺸﻲ ﺍﻧﺘﻬﻰ ﻭﺻﺎﺭ
ﺳﻤﺎﺀ : ﺍﻧﻪ ﻳﻬﻤﻨﻲ ﺗﺼﺪﻛﻨﻲ
ﺍﻳﻬﻢ : ﻭﺍﺫﺍ ﺍﻛﻮﻟﺞ ﺍﻧﻲ ﻣﻦ ﺍﻟﺒﺪﺍﻳﻪ ﻣﻦ ﺷﻔﺖ ﻋﻴﻮﻧﺞ ﺣﺴﻴﺖ ﺑﻴﻬﻪ ﺣﺰﻥ ﻭﺍﻧﺖ ﻣﻈﻠﻮﻣﻪ
ﺳﻤﺎﺀ : ﺍﻭﻑ ﺻﺪﻙ ﻓﺮﺣﺘﻨﻲ ﻭﺍﻧﻪ ﻣﻔﺎﺭﮔﻨﻲ ﺍﻟﻔﺮﺡ
ﺍﺣﻨﻪ ﺑﺎﻟﻤﺎﻱ ﻭﻭﺍﺣﺪ ﻛﺒﺎﻝ ﺍﻟﺜﺎﻧﻲ ﻭﻻﺯﻣﻨﻲ ﻣﻦ ﺍﻳﺪﻱ
ﻣﺸﺘﺎﻗﻪ ﻻﻃﻔﺎﻟﻲ ﻣﺸﺘﺎﻗﻪ ﺍﻋﺮﻑ ﺷﻨﻮ ﺍﺧﺒﺎﺭﻫﻢ
ﻭﺑﺪﻳﺖ ﺍﺑﺠﻲ
ﺍﻳﻬﻢ : ﺗﻌﺎﻟﻲ
ﺧﻠﻴﺖ ﺭﺍﺳﻲ ﻉ ﺻﺪﺭﻩ ﻛﻠﻪ ﺣﻨﺎﻥ ﻭﺩﻓﻮ
ﺍﻳﻬﻢ ؛ﺍﺑﺠﻲ ﻫﻨﺎ ﻉ ﺻﺪﺭﻱ ﻳﻤﻜﻦ ﺗﺮﺗﺎﺣﻴﻦ
ﺳﻤﺎﺀ : ﺻﺪﻙ ﺍﻳﻬﻢ ﺍﻧﺖ ﺣﺎﺱ ﺑﻴﻪ ﻭﺑﺎﻟﻤﻲ
ﺍﻳﻬﻢ : ﻟﻴﺶ ﻣﺎﺍﺣﺲ ﺑﻴﺞ ﻣﻮ ﺑﺸﺮ
ﺳﻤﺎﺀ : ﺑﺲ ﺍﻧﻪ ﻣﺎﺍﺷﻮﻑ ﺍﺣﺪ ﺣﺎﺱ ﺑﻴﻪ
ﺍﻳﻬﻢ : ﻭﻳﻦ ﺑﻴﺖ ﺍﻫﻠﺞ ﺍﻭ ﺑﻴﺖ ﻋﻤﺞ ﺍﻧﻲ ﺍﺩﺯ ﻧﺎﺱ ﻳﺴﺄﻟﻮﻥ ﻋﻦ ﺍﻃﻔﺎﻟﺞ
ﺳﻤﺎﺀ : ﺻﺪﻙ ﺍﻳﻬﻢ ؟
ﺍﻳﻬﻢ : ﺍﻱ ﻭﺍﻟﻠﻪ
ﺳﻤﺎﺀ : ﻫﻢ ﻣﻮ ﻫﻨﺎ ﺑﻐﻴﺮ ﻣﻜﺎﻥ ﺑﺲ ﺍﺑﻦ ﻋﻤﻚ ﺟﺎﻥ ﻳﺠﻲ ﻟﻜﺮﺍﻳﺒﻪ ﻣﺎﺍﻋﺮﻑ ﻋﺪﻫﻢ ﻫﻨﺎﻙ ﻣﻠﻚ ﻣﺎﺍﻋﺮﻑ ﺑﺎﻟﻀﺒﻂ ﻭﺟﺎﻥ ﻳﺒﺎﻭﻉ ﻋﻠﻴﻪ
ﺍﻳﻬﻢ : ﻣﺎﺷﻲ ﺍﺩﺯ ﻧﺎﺱ ﻳﺴﺎﻟﻮﻥ ﺗﻌﺎﻟﻲ ﻧﻄﻠﻊ ﻧﻜﻌﺪ ﻫﻨﺎﻙ
ﻃﻠﻌﻨﻪ ﻛﻌﺪﻧﻪ ﺧﻠﻴﺖ ﺭﺍﺳﻬﻪ ﻉ ﺻﺪﺭﻱ
ﺗﻌﺮﻓﻴﻦ ﺗﻘﺮﻳﻦ ﻭﺗﻜﺘﺒﻴﻦ ﺳﻤﺎﺀ
ﺳﻤﺎﺀ : ﻻ ﻣﺎﺍﺗﻌﻠﻤﺖ ﻣﺎﺩﺧﻠﺖ ﻣﺪﺭﺳﻪ ﻣﺎﻗﺒﻠﻮ ﺍﻫﻠﻲ
ﺍﻳﻬﻢ : ﺍﻭﻛﻲ ﺍﻧﻲ ﺍﻋﻠﻤﺞ
ﺳﻤﺎﺀ : ﺷﻮﻥ ﺭﺍﺡ ﺗﻌﻠﻤﻨﻲ ﻭﺍﺣﻨﻪ ﻧﻠﺘﻘﻲ ﺑﺲ ﺑﺎﻟﻠﻴﻞ
ﺍﻳﻬﻢ : ﻋﺎﺩﻱ ﺍﻋﻠﻤﺞ ﺑﺎﻟﻠﻴﻞ
ﻭﻫﺴﻪ ﻳﻠﻪ ﻧﺪﺧﻞ ﻻﻥ ﺑﺮﺩ
ﺩﺧﻠﻨﻪ ﻭﺻﻠﻨﻲ ﻟﻐﺮﻓﺘﻲ ﺗﻤﻨﻴﺖ ﺍﺑﻘﻪ ﻭﻳﺎ ﺍﻛﺜﺮ ﺑﺲ ﺩﺧﻠﻨﻲ ﻟﻠﻐﺮﻓﻪ ﺣﺴﻴﺘﻪ ﻳﺮﻳﺪﻧﻲ ﺑﺲ ﻟﺰﻡ ﻧﻔﺴﻪ ﻭﺭﺍﺡ ﻭﻛﻠﻲ ﺗﺼﺒﺤﻴﻦ ﻋﻠﻰ ﺧﻴﺮ
ﺍﻳﻬﻢ : ﻭﺳﻦ ﺗﻠﺢ ﻋﻠﻴﻪ ﻋﻠﻤﻮﺩ ﺍﻟﺰﻭﺍﺝ ﺧﺎﺑﺮﺕ ﺍﻣﻲ ﻛﺎﻟﺖ ﺟﺪﻙ ﻣﺮﻳﺾ ﻣﺎﺍﻛﺪﺭ ﻫﺴﻪ ﺍﺟﻲ ﺍﺟﻠﻪ ﺷﻮﻳﻪ ﻃﺒﻌﺎ ﻭﺳﻦ ﻋﺼﺒﺖ ﻭﻣﻦ ﺗﻌﺼﺐ ﻣﺎﺗﻠﺰﻡ ﻧﻔﺴﻬﻪ ﻛﻠﺸﻲ ﺗﺤﺠﻲ ﻫﺎﻟﺸﻲ ﻳﻀﻮﺟﻨﻲ ﺷﻠﻮﻥ ﺭﺍﺡ ﺍﺗﻌﺎﻣﻞ ﻭﻳﺎﻫﻪ ﺍﺣﺲ ﺍﺳﺘﻌﺠﻠﺖ ﺑﺎﻟﺨﻄﻮﺑﻪ
ﺩﺯﻳﺖ ﻭﺍﺣﺪ ﻟﺒﻴﺖ ﻋﻢ ﺳﻤﺎﺀ ﻋﻠﻤﻮﺩ ﻳﺸﻮﻓﻠﻲ ﺍﺧﺒﺎﺭﻫﻢ ﻭﻛﺬﺍ ﻛﻠﻮﻟﻲ ﺭﺟﻠﻬﻪ ﺗﺰﻭﺝ ﻭﺍﺑﻨﻬﻪ ﺍﻟﺠﺒﻴﺮ ﺍﺑﻮ ﺭﺍﻛﺾ ﻭﺭﺍ ﻭﻃﺎﻟﻊ ﺑﺎﻟﺸﺎﺭﻉ ﻭﺩﺍﻋﻤﺘﻪ ﺳﻴﺎﺭﻩ ﻭﻣﺎﺕ ﻭﺍﺑﻨﻬﻪ ﺍﻟﺰﻏﻴﺮ ﻧﺎﻃﻴﻨﻪ ﺍﻟﻨﺎﺱ ﻣﺎﻳﺼﻴﺮ ﻋﺪﻫﻢ ﻃﻔﻞ ﻳﻤﻜﻦ ﺍﺧﺖ ﺯﻭﺟﻬﻪ ﻣﺎﺧﺬﺗﻪ ﺑﺲ ﺍﻟﺒﻨﻴﻪ ﻋﻨﺪ ﺍﺑﻮﻫﺎ ؛ﺣﻴﻞ ﺍﻧﻘﻬﺮﺕ ﻋﻠﻴﻬﻢ ﻭﻋﻠﻰ ﺍﺑﻨﻬﻪ ﻗﺮﺭﺕ ﻣﺎﺍﻛﻮﻟﻠﻬﻪ ﻛﻠﺒﻲ ﻣﻴﻨﻄﻴﻨﻲ ﺭﺣﺖ ﺍﻟﻬﻪ ﺑﺎﻟﻠﻴﻞ ﻫﺎ ﺗﺮﺣﻴﻦ ﻉ ﺷﻂ ﻟﻮ ﺑﺮﺩ
ﺳﻤﺎﺀ : ﻛﻴﻔﻚ
ﺭﺣﻨﻪ ﻉ ﺷﻂ ﺗﻤﺸﻴﻨﻪ ﻭﺳﻮﻟﻔﻨﻪ ﻭﺑﻌﺪﻳﻦ ﺩﺧﻠﻨﻪ ﻻﺯﻣﻴﻦ ﺍﻳﺪ ﺑﺎﻳﺪ ﺍﺭﻳﺪ ﺍﻣﺸﻲ ﺻﻮﺏ ﻏﺮﻓﺘﻲ ﺍﻟﻲ ﺟﻮﻩ ﺍﻟﺪﺭﺝ ﺳﺤﺒﻨﻲ ﺻﻮﺏ ﺍﻟﺪﺭﺝ ﻭﻫﻤﺲ ﺑﺄﺫﻧﻲ ﺍﻣﺸﻲ ﺍﻋﻠﻤﺞ ﺍﻻﺣﺮﻑ ﻓﻮﻙ ﻳﻤﻲ ﺑﻐﺮﻓﺘﻲ ﺍﻟﻔﻮﻙ ﺭﺣﺖ ﻭﻳﺎ ﺑﺲ ﺧﺎﻳﻔﻪ ﺍﺣﺪ ﻳﺸﻮﻓﻨﻪ ﺑﺲ ﻫﻮ ﻛﺎﻝ ﻟﺘﺨﺎﻓﻴﻦ ﺻﻌﺪﻧﻪ ﻓﻮﻙ ﺑﺎﻻﻭﻝ ﺷﻮﻓﻨﻲ ﺻﻮﺭ ﺍﻣﻪ ﻭﺻﻮﺭﻩ ﺑﺎﻟﻜﻠﻴﻪ ﺍﺑﺎﻭﻉ ﺍﻟﻪ ﻫﻮ ﺷﻜﺪ ﺣﻠﻮ ﻛﻠﻪ ﺭﺟﻮﻟﻪ
ﻏﻠﻄﺔ 4
ﻛﻠﻪ ﻭﺳﺎﻣﻪ ﻭﺭﺟﻮﻟﻪ ﻋﻴﻮﻧﻪ ﻋﺴﻠﻲ ﻛﺒﺎﺭ ﻳﺴﺤﺮﻥ ﺍﻗﺎﺭﻧﻪ ﻭﻱ ﺭﻳﺎﺽ ﺷﻮﻥ ﺟﺎﻥ ﻳﻠﻌﺐ ﺍﻟﻨﻔﺲ ﺷﻮﺍﺭﺑﻪ ﻣﻐﻄﻴﺎﺕ ﺣﻠﻜﻪ ﻛﻠﻪ ﻣﺎﻳﺒﻴﻦ ﻭﺷﻌﺮﻩ 24 ﺳﺎﻋﻪ ﻣﻜﻮﻭﺵ ﻭﺯﻟﻮﻓﻪ ﻃﺎﻓﺮﻩ ﻭﺳﺒﺢ ﻛﻮﻩ ﻳﺴﺒﺢ
ﺍﻳﻬﻢ : ﺷﺒﻴﺞ ﻭﻳﻦ ﺻﻔﻨﺘﻲ
ﺳﻤﺎﺀ : ﻣﺎﻛﻮ ﻫﻪ ﻫﻴﺞ ﺣﻠﻮﺍﺕ ﺍﻟﺼﻮﺭ ﻭﺍﻣﻚ ﺣﻴﻴﻞ ﺣﻠﻮﻩ ﺍﻟﻠﻪ ﻳﺤﻔﻈﻬﺎ
ﺍﻳﻬﻢ : ﺣﺘﻰ ﺍﻧﺖ ﻫﻢ ﺣﻠﻮﻩ
ﺳﻤﺎﺀ 😊:
ﺍﻳﻬﻢ : ﻳﻠﻪ ﻟﺰﻣﻲ ﺍﻟﻘﻠﻢ ﺍﻭﻝ ﺣﺮﻑ ﻫﻮ ﺣﺮﻓﻲ ﺭﺍﺡ ﺗﺘﻌﻠﻤﻲ ﺃ
ﺳﻤﺎﺀ : ﺻﺪﻙ ﻳﺨﺒﻞ ﻟﻌﺪ ﻳﻜﺘﺒﻪ ﺍﻟﻲ ﺑﺲ ﺍﻧﻪ ﻣﺎﺍﻋﺮﻑ ﺍﻛﺘﺐ ﺍﻟﻬﻤﺰﻩ ﺻﻌﺒﻪ ﻋﻠﻴﻪ ﻟﺰﻡ ﺍﻳﺪﻱ ﻭﻫﻮ ﻇﻞ ﻳﺤﺮﻛﻬﺎ ﺣﺘﻰ ﺍﻛﺘﺒﻬﻪ
ﺍﻳﻬﻢ : ﺍﻣﻤﻢ ﻣﺒﻴﻦ ﺭﺍﺡ ﺗﺸﻠﻌﻴﻦ ﻗﻠﺒﻲ
ﺳﻤﺎﺀ : ﻻﺀ ﺍﺳﻢ ﺍﻟﻠﻪ
ﺍﺧﺬ ﺍﻳﺪﻱ ﻭﻇﻞ ﻳﺒﻮﺱ ﺑﻴﻬﻪ ﻳﻤﻪ 🙈 ﺧﺠﻠﺖ ﺣﻴﻴﻞ ﻣﻨﻪ
ﺍﻳﻬﻢ : ﺍﺑﺎﻭﻉ ﻟﻌﻴﻮﻧﻬﻪ ﺷﻮﻥ ﺭﺍﺡ ﺍﻛﻮﻟﻠﻬﻪ ﺍﺑﻨﺞ ﻣﺎﺕ ﺍﻭﻑ ﺳﺤﺒﺘﻬﻪ ﻣﻦ ﺍﻳﺪﻫﻪ ﺣﻴﻞ ﻛﻠﻬﻪ ﺍﺟﺖ ﺍﻟﻲ ﻟﻔﻴﺘﻬﻪ ﻟﻒ ﺑﺎﻳﺪﻱ ﻭﺑﺪﻳﺖ ﺍﺑﻮﺱ ﺑﻴﻬﻪ ﻣﻦ ﺷﻔﺘﻬﻪ ﻭﻳﻠﻲ ﺗﺨﺒﻞ ﻣﺎﻝ ﺍﻛﻞ
ﺗﻘﺮﺑﺖ ﻣﻨﻬﺎ ﺍﻭﻝ ﻣﺮﻩ ﺑﺤﻴﺎﺗﻲ ﺍﺗﻘﺮﺏ ﻟﻤﺮﻩ ﻛﻠﻬﻪ ﺍﻧﻮﺛﻪ ﻭﺭﻭﻣﺎﻧﺴﻴﻪ ﺗﺘﻌﺎﻣﻞ ﻭﻳﺎﻳﻪ ﺑﺤﺐ ﻋﺒﺎﻟﻚ ﺻﺎﺭ ﺍﻟﻨﻪ ﺳﻨﻴﻦ ﻧﺤﺐ ﺑﻌﺾ ﻟﻢ ﺧﻠﺼﻨﻪ ﻧﻮﻣﺘﻬﻪ ﻉ ﺻﺪﺭﻱ
ﺗﺪﺭﻳﻦ ﺍﻭﻝ ﻣﺮﻩ ﺍﺗﻘﺮﺏ ﻟﻤﺮﻩ ﺍﻧﻲ ﻭﻫﻲ ﺍﻧﺖ
ﺳﻤﺎﺀ : ﺻﺪﻙ ﻳﻌﻨﻲ ﻣﺎﺣﺒﻴﺖ ﻣﻦ ﻗﺒﻞ ﺍﺑﺪ
ﺍﻳﻬﻢ : ﺣﺒﻴﺖ ﺑﺲ ﻣﺎﻭﺻﻠﺖ ﻟﻬﺎﻟﺸﻲ ﺍﻟﻌﻼﻗﻪ
ﺳﻤﺎﺀ : ﺍﻧﻪ ﻣﺎﺣﺒﻴﺖ ﻣﻦ ﻗﺒﻞ ﺍﻧﺖ ﺍﻭﻝ ﺣﺐ ﺍﻟﻲ
ﺍﻳﻬﻢ : ﻳﻌﻨﻲ ﻣﺘﻌﺎﺩﻟﻴﻦ ﻣﻮ ﺧﻠﻴﺖ ﺭﺍﺳﻬﻪ ﻉ ﺍﻟﻤﺨﺪﻩ ﻭﺻﺮﺕ ﻋﻠﻴﻬﻪ ﻭﻛﺘﻠﻬﻪ ﺍﻧﺖ ﻣﺘﺎﻛﺪﻩ ﻣﺨﻠﻔﻪ ﺗﻼﺛﻪ
ﺳﻤﺎﺀ : ﺍﻱ ﻟﻴﺶ 😁
ﺍﻳﻬﻢ : ﻳﺎﺑﻪ ﺟﺴﻤﺞ ﻳﻤﻮﺕ ﻳﺨﺒﻞ
ﺳﻤﺎﺀ 😊😊:
ﺍﻳﻬﻢ : ﻟﺞ ﻭﺍﻟﻠﻪ ﻣﻴﻨﺸﺒﻊ ﻣﻨﺞ ﺗﻌﺎﻟﻲ ﺍﻟﻲ ﺍﺣﺒﺞ
ﺑﻘﻴﻨﻪ ﺍﻟﻠﻴﻞ ﻛﻠﻪ ﺳﻬﺮﺍﻧﻴﻦ ﻟﺤﺪ ﻣﺎﻏﻔﻴﻨﻪ ﻭﺍﺣﻨﻪ ﻭﺍﺣﺪ ﺣﺎﻇﻦ ﺍﻟﺜﺎﻧﻲ
ﻃﻠﻌﺖ ﺍﻟﺸﻤﺲ ﻧﺴﻴﻨﻪ ﻧﻔﺴﻨﻪ
ﺍﻳﻬﻢ : ﻛﻌﺪﺕ ﺷﻔﺘﻬﻪ ﻧﺎﻳﻤﻪ ﻉ ﺻﺪﺭﻱ ﻭﺍﻳﺪﻱ ﺑﺎﻳﺪﻱ ﻭﺍﻟﻠﻪ ﺍﺗﻤﻨﻰ ﻣﺎﺍﻋﻮﻓﻬﻪ ﺑﺲ ﺍﺧﺎﻑ ﻋﻠﻴﻬﻪ ﺳﻤﺎﺀ ﺳﻤﺎﺀ
ﺳﻤﺎﺀ : ﻛﻌﺪﺕ ﺷﻔﺖ ﺍﻟﺸﻤﺲ ﻃﺎﻟﻌﻪ ﻭﺍﻧﻲ ﻳﻢ ﺍﻳﻬﻢ ﻭﺑﺪﻭﻥ ﻣﻼﺑﺲ 🙈 ﺧﺮﺭﺏ ﻧﺰﻳﺖ ﻛﻤﺖ ﺑﺴﺮﻋﻪ ﺍﻳﻬﻢ ﺷﻮﻥ ﺭﺍﺡ ﺍﻧﺰﻝ ﺧﺮﺏ ﺷﺮﺍﺡ ﻳﺼﻴﺮﻟﻲ ﻫﺴﻪ ﻭﻟﻔﻴﺖ ﺟﺴﻤﻲ ﺑﺎﻟﻐﻄﻪ
ﺳﺤﺒﻨﻲ ﻭﺣﻈﻨﻲ ﺣﻴﻴﻞ ﻭﺑﺎﺳﻨﻲ ﻣﻦ ﺷﻔﺘﻲ ﻭﻛﺎﻝ
ﺍﻳﻬﻢ : ﻟﺞ ﺗﻌﺎﻟﻲ ﺷﺒﻴﺞ ﺧﺎﻳﻔﻪ ﺍﻧﺖ ﻣﻮ ﻣﺮﺗﻲ ﺑﻌﺪ ﻋﻠﻴﺶ ﻫﺎﻟﺨﻮﻑ
ﺳﻤﺎﺀ : ﺻﻔﻨﺖ ﺑﻮﺟﻬﻪ ﺍﻭﻑ ﻳﺮﺑﻲ ﺧﻠﻲ ﺍﻟﻲ ﻭﻻﺗﺤﺮﻣﻨﻲ ﻣﻨﻪ ﺍﺣﺒﻪ ﻣﺎﺷﻔﺖ ﺍﺣﺪ ﺣﻦ ﻋﻠﻴﻪ ﻣﺜﻠﻪ ﺑﺲ ﺍﻳﻬﻢ ﺍﻧﺖ ﺗﻌﺮﻑ ﺯﻭﺍﺟﻨﻪ ﻣﺠﺮﺩ ﺍﺭﻳﺪ ﺍﻛﻤﻞ ﻛﻼﻣﻲ ﺍﻳﺪﻩ ﺧﻼﻫﻪ ﻋﻠﻰ ﺷﻔﺘﻲ ﻭﺟﺮﻫﻪ ﺑﺎﺻﺒﻌﻪ ﺍﺷﺶ ﻟﺘﻜﻤﻠﻴﻦ ﻭﻛﺎﻓﻲ ﺑﻌﺪ ﻭﻳﻠﻪ ﻛﻮﻣﻲ ﻭﻟﻮ ﻣﺎﺍﺭﻳﺪﺝ ﺗﻜﻮﻣﻴﻦ ﺑﺲ ﻛﺎﻓﻲ ﺑﻌﺪ
ﺭﺍﺡ ﻗﺒﻠﻲ ﻫﻮ ﻟﺒﺲ ﻣﻼﺑﺴﻪ ﻭﺟﻴﻚ ﺍﻟﻮﺿﻊ ﻭﺍﻧﻲ ﻫﻢ ﻟﺒﺴﺖ ﻭﻧﺰﻟﺖ ﻣﺸﻔﺖ ﺍﺣﺪ
ﺭﺣﺖ ﺳﺒﺤﺖ ﻭﺧﻠﺼﺖ ﻭﻛﻤﺖ ﻉ ﺍﻟﺸﻐﻞ ﺍﺷﺘﻐﻠﺖ ﻭﻛﻤﻠﺖ ﻃﺒﻴﺖ ﻟﻠﻐﺮﻓﻪ ﺍﺭﺗﺎﺡ ﻃﺒﺖ ﻭﺭﺍﻱ ﻭﺳﻦ
ﻭﺳﻦ : ﺷﻮﻓﻲ ﺣﺒﺎﺑﻪ ﻣﻮ ﻋﺒﺎﻟﺞ ﺗﺎﺧﺬﻳﻦ ﺍﻳﻬﻢ ﺍﻟﺞ ﻣﺜﻞ ﻣﺎﺍﺧﺬﺗﻲ ﺍﺑﺮﺍﻫﻴﻢ ﻣﻨﻲ ﺧﺎﻧﻲ ﻭﻳﺎﺝ ﻭﺧﻠﻴﺘﻲ ﻳﺸﺮﺩ ﻣﻨﻲ ﺗﺮﻩ ﻋﻴﻮﻧﺞ ﺍﻃﻠﻌﻬﺎ ﻭﺍﺫﺑﻬﻪ ﺑﺎﻟﻄﺮﺷﻲ ﺻﻴﺮﻱ ﺍﺩﻣﻴﻪ ﺣﺒﺎﺑﻪ
ﺳﻤﺎﺀ 😳😳😳: ﺍﻧﺼﺪﻣﺖ
.
ﺳﻤﺎﺀ ﺧﻮﻓﺘﻨﻲ ﺣﻴﻴﻞ ﻭﺍﻧﻘﻬﺮﺕ ﻉ ﺍﻳﻬﻢ ﺷﻮﻥ ﺭﺍﺡ ﻳﺘﺰﻭﺟﻬﻪ ﻭﻫﻲ ﻋﺪﻫﻪ ﺳﺎﺑﻖ ﻋﻼﻗﻪ ﻭﻱ ﺍﺑﻦ ﻋﻤﻪ ﺍﻟﺤﻘﻴﺮ ﻭﺍﻟﻠﻪ ﻳﻌﻠﻢ ﺍﻟﻲ ﺑﻴﻨﻬﻢ ﻫﻒ ﺷﺒﻴﺞ ﺳﻤﺎﺀ ﻟﻴﺶ ﺗﺸﻜﻴﻦ ﺑﺸﻲ ﻣﺸﺎﻳﻔﺘﻪ ﺍﻧﻲ ﺷﻤﻌﺮﻓﻨﻲ ﺷﻨﻮ ﺑﻴﻨﻬﻢ ﺍﻟﻤﻬﻢ ﺍﻳﻬﻢ ﻭﺳﻌﺎﺩﺗﻪ ﺑﻠﻜﻲ ﺗﺴﻌﺪﻩ ﻭﻣﻦ ﺻﺪﻙ ﺗﺤﺒﻪ ﺍﻟﻤﻬﻢ ﺑﺎﻟﻲ ﻛﻠﺶ ﻣﺸﻐﻮﻝ ﻋﻠﻰ ﺍﻃﻔﺎﻟﻲ ﻣﺮﺕ ﺍﻻﻳﺎﻡ ﺍﻳﻬﻢ ﻣﺎﺟﺎﺏ ﺍﻟﻲ ﺧﺒﺮ ﻋﻨﻬﻢ ﺭﺣﺖ ﺷﻔﺘﻪ ﺩﻳﻐﺴﻞ
ﺳﻤﺎﺀ : ﺍﻳﻬﻢ ﺷﻨﻮ ﺍﻻﺧﺒﺎﺭ ﻣﺎﺩﺯﻳﺖ ﺍﺣﺪ ﻳﻌﺮﻑ ﻋﻦ ﺍﻃﻔﺎﻟﻲ ﺷﻲ
ﺍﻳﻬﻢ : ﺍﻭﻭﻑ ﺑﺎﻭﻋﺖ ﺑﻌﻴﻮﻧﻬﻪ ﺷﻮﻥ ﺭﺍﺡ ﺍﻛﻮﻟﻠﻬﻪ ﺍﺫﺍ ﺍﻛﻮﻝ ﻫﺴﻪ ﺭﺍﺡ ﻳﺒﻘﻰ ﺑﺎﻟﻬﻪ ﻣﺸﻐﻮﻝ ﻉ ﺍﻟﺒﻘﻴﻪ ﻻ ﺣﺒﻴﺒﻲ ﺩﺯﻳﺖ ﻭﺍﺣﺪ ﻭﻛﺎﻝ ﻋﺎﺩﻱ ﻋﺎﻳﺸﻴﻦ ﻭﻱ ﺍﺑﻮﻫﻢ
ﺳﻤﺎﺀ : ﻫﺎ ﺑﺎﻟﻲ ﻣﺸﻐﻮﻝ ﻋﻠﻰ ﻋﺒﺪ ﻳﺴﺒﺢ ﺑﺎﻟﺸﻂ ﺧﺎﻑ ﻳﻐﺮﻙ ﻣﺤﺪ ﻳﺪﻳﺮﻟﻪ ﺑﺎﻝ
ﺍﻳﻬﻢ : ﺣﺒﻲ ﻳﺎﺍﺳﺒﺢ ﺍﻟﺠﻮ ﺑﺎﺭﺩ ﻫﺴﻪ
ﺳﻤﺎﺀ : ﺍﻱ ﺻﺢ ﺑﺲ ﻃﻜﻴﺘﻪ ﺍﺧﺮ ﻣﺮﻩ ﺍﻭﻑ ﻧﺪﻣﺎﻧﻪ ﻫﻮﺍﻱ ﻻﻥ ﺿﺮﺑﺘﻪ ﻟﻮ ﻣﺎﺧﺬﺗﻪ ﻭﻳﺎﻱ ﺍﺥ ﮔﻠﺒﻲ ﻃﺎﻙ ﻋﻠﻴﻪ ﺍﺣﻠﻢ ﺣﻠﻢ ﺍﺷﻮﻓﻪ ﻣﺮﻩ ﺛﺎﻧﻴﻪ
ﺍﻳﻬﻢ : ﺍﻭﻑ ﺳﻤﺎﺀ ﻣﺮﺍﺡ ﺗﺸﻮﻓﻲ 👉 ﺑﻘﻠﺒﻲ ﺣﺠﻴﺖ
ﺍﺟﺖ ﻭﺳﻦ ﻭﺍﻧﻪ ﺟﻨﺖ ﻭﺍﻛﻔﻪ ﻳﻢ ﺍﻳﻬﻢ ﻭﻗﺮﻳﺒﻪ ﻋﻠﻴﻪ ﺩﻓﻌﺘﻨﻲ
ﻭﺳﻦ : ﺷﻌﻨﺪﺝ ﻫﺎ ﺷﻌﻨﺪﺝ ﺗﺒﺴﺒﺴﻴﻦ ﺷﻜﺘﻠﺞ ﺍﻧﻪ
ﺳﻤﺎﺀ : ﻣﺎﻋﻨﺪﻱ ﺷﻲ ﺑﺲ ﺭﺍﻳﺪﺗﻪ ﻳﻌﺮﻑ ﺷﻲ ﻋﻦ ﺍﻃﻔﺎﻟﻲ ﻭﺳﻦ : ﻣﺪﺍﻡ ﺗﺤﺒﻴﻨﻬﻢ ﻟﻴﺶ ﺳﻮﻳﺘﻲ ﻋﻤﻠﺘﺞ ﺍﻟﺴﻮﺩﻩ ﻫﺎ
ﺍﻳﻬﻢ : ﺍﻫﻮﻭﻭ ﻭﺳﻦ ﺗﻌﺎﻟﻲ ﺍﻣﺸﻲ ﻭﻳﺎﻳﻪ ﺍﻣﺸﻲ
ﺭﺍﺣﻮ ﺍﺧﺬﻫﻪ ﻣﻦ ﺍﻳﺪﻫﻪ ﻭﺭﺍﺣﻮ ﻳﺎﺭﺑﻲ ﺷﻮﻥ ﻭﻱ ﺍﻟﻐﻴﺮﻩ ﺗﺎﻛﻞ ﺑﮕﻠﺒﻲ ﺍﻛﻞ ﺍﻭﻑ
ﺍﻳﻬﻢ : ﻭﺳﻦ ﺷﺒﻴﺞ ﺍﻋﺼﺎﺑﺞ ﺷﺪﻋﻮﺍﺝ ﻫﻴﺞ ﻋﺼﺒﻴﻪ ﺍﻧﺖ
ﻭﺳﻦ : ﺍﻳﻬﻢ ﻃﻠﻜﻬﻪ ﻭﺷﻤﺮﻫﺎ ﺑﺎﻟﺸﺎﺭﻉ ﻫﺎﻟﺴﺎﻗﻄﻪ
ﺍﻳﻬﻢ : ﻭﺳﻦ ﻋﻴﺐ ﻫﺎﻟﺤﺠﻲ ﺧﻮﺵ ﻣﻴﺼﻴﺮ ﻫﻴﺞ ﺗﻜﻮﻟﻴﻦ
ﺍﻧﻲ ﺍﺭﻳﺪ ﺯﻭﺟﺘﻲ ﻣﺆﺩﺑﻪ ﻣﻮ ﻫﻴﺞ ﻣﺎﺷﻲ ﻭﻛﺮﺻﺘﻬﻪ ﻣﻦ ﺧﺪﻭﺩﻫﻪ ﺑﻠﻜﻲ ﺗﺠﻲ ﺑﺎﻟﺴﻴﺎﺳﻪ
ﺑﻬﺎﻻﻳﺎﻡ ﻋﻤﻲ ﻭﻓﻪ ﺑﻮﻋﺪﻩ ﻭﺳﻮﺍﻟﻲ ﻭﻛﺎﻟﻪ ﻭﻧﻘﻞ ﻣﻠﻜﻴﻪ ﻋﻦ ﻛﻞ ﺍﻻﻣﻼﻙ
ﺍﻣﻲ ﻛﺎﻟﺖ ﺟﺪﻱ ﺗﺤﺴﻨﺖ ﺣﺎﻟﺘﻪ ﻭﺭﺍﺡ ﺗﺠﻲ ﺣﺘﻰ ﻧﺘﺰﻭﺝ ﺳﻤﺎﺀ ﺑﻬﺎﻟﻔﺘﺮﻩ ﺍﺑﺘﻌﺪﺕ ﻋﻨﻬﺎ ﻛﻠﻤﺎ ﺍﺷﻮﻓﻬﻪ ﺍﻧﻘﻬﺮ
ﻭﺻﻠﺖ ﺍﻣﻲ ﻭﺧﺎﻟﺘﻲ ﻭﺯﻭﺝ ﺧﺎﻟﺘﻲ ﻭﺧﻮﺍﻟﻲ ﺍﺛﻨﻴﻦ ﻭﺭﺍﺡ ﻳﺤﻀﺮﻭﻥ ﺍﻟﻌﺮﺱ ﻭﺟﻬﺰﻧﻪ ﻛﻞ ﺷﻲ ﻭﺟﻨﺖ ﻣﺸﻐﻮﻝ ﺑﻬﺎﻟﻔﺘﺮﻩ ﻣﺎﺳﺌﻠﺖ ﻋﻦ ﺳﻤﺎﺀ ﻭﺑﻘﻴﻨﻪ ﺑﻌﺎﺩ ﻋﻦ ﺑﻌﺾ
ﺳﻤﺎﺀ : ﺍﻳﻬﻢ ﻫﺎﻟﻔﺘﺮﻩ ﻛﻠﺶ ﻣﺒﺘﻌﺪ ﻋﻨﻲ ﺣﻴﻴﻞ ﺍﻧﻘﻬﺮﺕ ﺍﻧﻪ ﻭﺍﺷﻮﻓﻪ ﻳﺤﻀﺮ ﻭﻣﻬﺘﻢ ﺍﺭﻳﺪﻩ ﺑﺲ ﺍﻟﻲ ﺑﺲ ﻫﺬﺍ ﺣﻘﻪ ﻭﺍﻧﻪ ﻣﻮ ﻣﻦ ﺣﻘﻲ ﺍﺑﺪ ﺍﻥ ﺍﻃﺎﻟﺒﻪ ﺑﺄﻱ ﺷﻲ
ﺑﺲ ﮔﻠﺒﻲ ﻣﻬﻤﻮﻡ ﻭﺍﺣﺲ ﺑﺨﻨﮕﻪ ﺍﺗﻮﻗﻊ ﺍﻟﺠﻬﺎﻝ ﺑﻴﻬﻢ ﺷﻲ ﻭﻫﻢ ﺑﻌﺎﺩ ﻋﻨﻲ ﺍﻛﻴﺪ ﻣﺎﻣﺮﺗﺎﺣﻴﻦ ﻭﺍﻛﻴﺪ ﺭﻳﺎﺽ ﺗﺰﻭﺝ ﻫﺴﻪ
ﻭﺳﻦ : ﺍﻳﻬﻢ ﻗﺒﻞ ﻟﻨﺘﺰﻭﺝ ﻃﻠﮕﻬﻪ
ﺍﻳﻬﻢ : ﺷﻮﻥ ﺍﻃﻠﮕﻬﻪ ﻣﻴﺼﻴﺮ ﺗﺮﻩ
ﻭﺳﻦ : ﻃﻠﮕﻬﻪ ﻭﻧﺨﻠﻴﻬﻪ ﻋﺪﻧﻪ ﺧﺪﺍﻣﻪ ﻭﺷﻨﻮ ﻳﻌﻨﻲ
ﺍﻳﻬﻢ : ﺷﻬﺎﻟﺤﺠﻲ ﻭﺳﻦ ﻃﻼﻙ ﻣﺎﺍﻃﻠﻜﻬﻪ ﻭﻋﺪﺕ ﻋﻤﻲ ﺍﻧﻲ ﺍﺗﺼﺪﻩ ﻟﻬﺎﻟﻤﺸﻜﻠﻪ ﻭﺧﻼﺹ ﺑﻌﺪ ﻻﺗﻌﻴﺪﻳﻦ ﺑﺎﻟﻤﻮﺿﻮﻉ
ﻭﺳﻦ : ( ﻣﺎﺭﺍﺡ ﺍﺧﻠﻲ ﻭﺣﺪﻩ ﺗﺸﺎﺭﻛﻨﻲ ﺑﺎﻟﻮﺭﺙ ) ﺍﻳﻬﻢ ﻃﻠﻜﻬﻪ ﻟﻮ ﺗﺸﻮﻑ ﺷﻲ ﺗﻨﺪﻡ ﻋﻠﻴﻪ
ﺍﻳﻬﻢ : ﺷﻨﻮ ﺗﻬﺪﺩﻳﻨﻲ ﺷﺘﻘﺼﺪﻳﻦ ؟؟
ﻭﺳﻦ ؛ﺷﻮﻥ ﺗﺸﻮﻓﻬﻪ ﺷﻮﻓﻬﻪ ﺑﺲ ﻣﺎﺭﺍﺡ ﺍﺳﻜﺖ ﻛﻠﻪ ﻣﻦ ﻋﻤﻚ ﻣﺎﻳﻤﻮﺕ ﻭﻧﺨﻠﺺ ﻣﻨﻪ
ﺍﻳﻬﻢ : ﻣﻌﻘﻮﻟﻪ ﺍﻧﺖ ﻭﻟﺞ ﺗﺒﻨﺎﺝ ﻭﺍﻧﺖ ﺯﻏﻴﺮﻩ ﻭﺭﺑﺎﺝ ﻫﺬﺍ ﺭﺩ ﺍﻟﺠﻤﻴﻞ
ﻭﺳﻦ : ﺍﻱ ﻛﻠﻪ ﻣﻨﻪ ﻫﻒ
****
ﺍﻳﻬﻢ : ﺍﺧﺬﺕ ﺳﻤﺎﺀ ﻭﻋﺮﻓﺘﻬﻪ ﻉ ﺍﻫﻠﻲ ﺍﻧﻲ ﺟﻨﺖ ﺣﺎﺟﻲ ﻭﻱ ﺍﻣﻲ ﺑﺎﻟﺘﻠﻴﻔﻮﻥ ﻋﻨﻬﻪ ﻭﺍﻣﻲ ﻋﺎﺭﺿﺖ ﻫﺎﻟﺸﻲ ﺑﺲ ﺑﻌﺪﻳﻦ ﺍﻗﺘﻨﻌﺖ ﺗﻌﺎﺭﻓﻮ ﻉ ﺑﻌﻀﻬﻢ
ﺻﺎﺭ ﻳﻮﻡ ﺍﻟﻌﺮﺱ ﻭﺳﻮﻳﻨﻪ ﺣﻔﻠﻪ ﻭﻣﻌﺎﺯﻳﻢ ﻭﻣﻦ ﻫﺎﻟﺤﺠﻲ ﺑﺲ ﻭﺳﻦ ﻣﺎﺗﺮﺑﻄﻨﻲ ﺑﻴﻬﻪ ﻣﺸﺎﻋﺮ ﺍﺑﺪ ﻋﺼﺒﻴﻪ ﻭﻟﺴﺎﻧﻬﻪ ﻃﻮﻳﻴﻞ ﻛﻠﺶ ﺑﺲ ﺑﻌﺪ ﻫﻲ ﺻﺎﺭﺕ ﻭﺗﺰﻭﺟﻨﺎ
ﺳﻤﺎﺀ : ﺑﻴﻮﻡ ﺍﻟﻌﺮﺱ ﺍﺧﺘﻨﮕﺖ ﻛﻠﺶ ﺭﺍﺣﻮ ﺍﻟﻨﺎﺱ ﻭﻓﺮﻍ ﺍﻟﺒﻴﺖ ﺗﺨﻴﻠﺘﻪ ﻳﻤﻬﻪ ﻫﺴﻪ ﻭﺗﺬﻛﺮﺕ ﻣﻦ ﻳﻜﻠﻲ ﺍﻧﺖ ﺍﻭﻝ ﻣﺮﻩ ﺑﺤﻴﺎﺗﻲ ﺍﻟﺰﻣﻬﻪ ﺗﻤﻨﻴﺖ ﺍﺑﻘﻲ ﺑﺲ ﺍﻧﻪ ﺑﺲ ﻫﺬﺍ ﺍﻟﻲ ﻣﻘﺴﻮﻡ ﻳﺴﺘﺎﻫﻞ ﺍﺗﻤﻨﺎﻟﻪ ﻳﻌﻴﺶ . ﺳﻌﻴﺪ ﻭﻳﺎﻫﻪ ﺍﺧﺘﻨﻜﺖ ﻛﻠﺶ ﻃﻠﻌﺖ ﺑﺮﻩ ﻉ ﺷﻂ ﺍﺷﻢ ﻫﻮﺍ ﻛﻌﺪﺕ ﺍﺑﺠﻲ ﺍﻭﻑ ﺷﻜﺪ ﺍﺭﻳﺪ ﺍﺑﺠﻲ ﺑﻌﺪ ﻭﻳﺎﺭﻳﺖ ﻳﻔﻴﺪ
ﺍﻳﻬﻢ : ﻛﻤﻠﺖ ﻟﻴﻠﺘﻨﻪ ﻭﺳﻦ ﻧﺎﻣﺖ ﻭﺭﺍﺣﺖ ﺑﺴﺎﺑﻊ ﻧﻮﻣﻪ ﻃﻠﻌﺖ ﺍﺩﺧﻦ ﻉ ﺍﻟﺒﻠﻜﻮﻥ ﺷﻔﺖ ﺳﻤﺎﺀ ﻉ ﺍﻟﺸﻂ ﻧﺰﻟﺖ ﻳﻤﻬﻪ
ﺍﻳﻬﻢ : ﺷﻨﻮ ﺣﻨﻴﺘﻲ ﻟﻠﺸﻂ
ﺳﻤﺎﺀ : ﺷﻔﺘﻪ ﺍﺟﻪ ﺭﺍﺳﺎ ﻣﺴﺤﺖ ﺩﻣﻮﻋﻲ ﺍﻧﺖ ﺷﺘﺴﻮﻱ ﻫﻨﺎ ﺭﻭﺡ ﻳﻢ ﻋﺮﻭﺳﺘﻚ
ﺍﻳﻬﻢ : ﻓﺪﻳﺖ ﺍﻟﻐﻴﺮﻩ ﻭﺍﻟﻠﻪ
ﺳﻤﺎﺀ : ﻻ ﻣﺎﺍﻏﺎﺭ ﺑﺲ ﻣﻴﺼﻴﺮ ﺗﻌﻮﻓﻬﺎ ﻭﺣﺪﻫﻪ ﻭﺑﻬﺎﻟﻴﻠﻪ
ﺍﻳﻬﻢ : ﻟﻴﺶ ﻳﺼﻴﺮ ﺑﻴﻬﻪ ﺟﻨﻲ ﺍﺷﻮ ﻫﻲ ﺟﻨﻴﻪ ﺍﺷﻮ ﺗﻌﺎﻟﻲ ﻧﻄﻴﻨﻲ ﺍﻳﺪﺝ
ﺳﻤﺎﺀ : ﺍﻳﻬﻢ ﺭﻭﺡ ﺍﻟﻠﻪ ﻳﺨﻠﻴﻚ ﻣﺨﻨﻮﻛﻪ ﺍﺭﻳﺪ ﺍﺑﻘﻪ ﻭﺣﺪﻱ
ﺍﻳﻬﻢ : ﺍﻣﻤﻢ ﺍﻋﺮﻑ ﻟﻴﺶ ﻣﺨﻨﻮﻛﻪ ﺍﺷﻮ ﺗﻌﺎﻟﻲ ﺳﺤﺒﺘﻬﻪ ﻗﻮﻱ ﺣﻈﻨﺘﻬﻪ ﺣﻴﻴﻞ ﻭﻫﻲ ﺗﺤﺎﻭﻝ ﺗﺒﺘﻌﺪ ﻋﻨﻲ ﺑﺪﻳﺖ ﺍﻋﻀﻌﻀﻬﻪ ﺑﺮﮔﺒﺘﻬﻪ ﻭﺍﺑﻮﺳﻬﻪ ﻫﻲ ﺍﺳﺘﺴﻠﻤﺖ ﺣﻈﻨﺘﻬﻪ ﻃﻜﺖ ﺑﺠﻲ ﺑﺼﻮﺕ ﻣﺴﻤﻮﻉ ﻭﺗﻨﺸﻖ
ﺍﻳﻬﻢ : ﺍﻭﻑ ﻳﺒﻌﺪ ﺭﻭﺣﻲ ﺍﺑﺠﻲ ﺗﺮﺗﺎﺣﻴﻦ
ﺳﻤﺎﺀ : ﺍﻭﻑ ﻣﺎﺍﻋﺮﻑ ﺍﺑﺠﻲ ﻋﻠﻴﻚ ﺍﺑﺠﻲ ﻉ ﺍﻃﻔﺎﻟﻲ ﻟﻮ ﻉ ﻣﺼﻴﺮﻱ ﺍﻟﻤﺠﻬﻮﻝ ﺍﻟﻤﺎﻋﺮﻑ ﺷﻲ ﻋﻨﻪ ﻫﺎﻟﻜﻼﻡ ﺟﺎﻥ ﺑﮕﻠﺒﻲ
ﺍﻳﻬﻢ : ﺷﻔﺘﻬﻪ ﺳﻜﺘﺖ ﺍﺭﺗﺎﺣﺖ ﺣﺒﻲ ﺍﺭﻳﺪﺝ ﺗﺮﻭﺣﻴﻦ ﻭﻱ ﺍﻫﻠﻲ ﺍﻟﺒﻐﺪﺍﺩ
ﺳﻤﺎﺀ : ﺷﻠﺖ ﺭﺍﺳﻲ ﻣﻦ ﻉ ﺻﺪﺭﻩ ﺑﺎﻭﻋﺖ ﺍﻟﻪ ﻟﻴﺶ ؟
ﺍﻳﻬﻢ : ﺍﺣﺴﻦ ﺣﺒﻲ ﺍﻣﺎﻥ ﺍﻟﺞ ﻫﻨﺎﻙ ﻭﺑﻴﻦ ﻓﺘﺮﻩ ﻭﻟﺦ ﺍﺟﻲ ﺍﺷﻮﻓﺞ
ﺳﻤﺎﺀ : ﺍﻳﻬﻢ ﻣﺎﺍﻛﺪﺭ ﺍﺑﺘﻌﺪ ﻋﻦ ﺍﻃﻔﺎﻟﻲ
ﺍﻳﻬﻢ : ﺍﻧﺖ ﻫﻴﺞ ﻭﻟﻪ ﻫﻴﺞ ﺑﻌﻴﺪﻩ ﻋﻨﻬﻢ ﺣﻴﺎﺗﻲ
ﺳﻤﺎﺀ : ﺍﻳﻬﻢ ﺍﻧﺖ ﻣﺎﺣﺎﺱ ﺑﻴﻪ ﺍﺑﺪ ﺑﺲ ﻣﻮ ﻫﺎﻟﻜﺪ ﻣﺴﺎﻓﻪ ﻣﺎﺍﻛﺪﺭ ﺍﻳﻬﻢ ﻣﺎﺍﻛﺪﺭ ﺍﻛﻮ ﺍﻣﻞ ﺍﻟﻠﺘﻘﻲ ﺑﻴﻬﻢ ﻣﺘﺎﻛﺪﻩ ﺍﻧﻲ
ﺍﻳﻬﻢ : ﻟﻤﺼﻠﺤﺘﺞ ﻫﻲ ﻭﻗﺮﺭ ﻗﺒﻠﻞ ﻟﻴﺮﻭﺣﻮﻥ
ﺳﻤﺎﺀ : ﻣﺎﻛﻮ ﻣﺎﺍﺭﻭﺡ ﻣﺎﺍﺭﻳﺪ ﻭﺗﺼﺒﺢ ﻋﻠﻰ ﺧﻴﺮ ﻳﺎﻋﺮﻳﺲ
ﺳﺤﺒﻨﻲ ﻣﻦ ﺍﻳﺪﻱ ﻟﺞ ﺗﻌﺎﻟﻲ ﻟﻤﺼﻠﺤﺘﺞ ﻭﺍﻟﻠﻪ
ﺳﻤﺎﺀ : ﻣﺼﻠﺤﺘﻲ ﺍﺟﻤﻊ ﺍﻃﻔﺎﻟﻲ ﻭﻳﻠﺘﻢ ﺷﻤﻠﻲ ﺑﻴﻬﻢ
ﺭﺣﺖ ﻓﺘﺖ ﺟﻮﻩ ﻣﺎﺍﺩﺭﻱ ﺷﻴﻘﺼﺪ ﻳﺮﻳﺪ ﻳﺒﻌﺪﻧﻲ ﻋﻨﻪ ﻟﻮ ﻋﻦ ﺍﻃﻔﺎﻟﻲ ﻣﺎﺍﺩﺭﻱ ﻳﺎﺭﺑﻲ
ﻣﺸﺖ ﺍﻻﻳﺎﻡ ﻳﻠﺢ ﻋﻠﻴﻪ ﺍﺭﻭﺡ ﻭﻳﺎﻫﻢ ﻗﺒﻞ ﻟﻴﺮﻭﺣﻮﻥ ﺍﻧﻲ ﺍﺭﻓﺾ ﺯﻋﻞ ﻋﻠﻴﻪ ﻭﻣﻴﺤﺎﺟﻴﻨﻲ ﻣﻮﺑﻴﺪﻱ ﺍﻧﻪ ﻣﺎﺍﻛﺪﺭ ﻭﺯﻋﻠﻪ ﻋﻠﻴﻪ ﻳﻀﻮﺟﻨﻲ ﻭﻧﻮﺏ ﻳﻌﻴﺮﻧﻲ ﺑﻮﺳﻦ ﻳﻜﻌﺪ ﻳﻤﻬﻪ ﻳﻐﺎﺯﻟﻪ
ﺍﻧﻪ ﺍﻫﺘﻢ ﺑﺲ ﺑﺪﺍﺧﻠﻲ ﺭﺍﺣﻮ ﺍﻫﻠﻪ ﻭﻇﻞ ﺯﻋﻼﻥ ﻋﻠﻴﻪ ﻣﺮﻩ ﺟﻨﺖ ﺑﺎﻟﻤﻄﺒﺦ ﺍﺷﺘﻐﻞ ﻭﺍﺟﺖ ﺍﻟﻨﻪ ﻣﺮﻳﻢ ﺑﻨﺖ ﺍﻟﺸﻴﺦ ﺳﻠﻤﺖ ﻋﻠﻴﻪ ﻭﻛﻠﺘﻠﻲ ﺍﻧﻪ ﺟﻮﺍﺭﻳﻦ ﺑﻴﺖ ﻋﻤﺞ ﻣﻦ ﺟﺎﻥ ﺍﺑﺮﺍﻫﻴﻢ ﻳﺠﻲ ﻳﻤﻲ ﻭﺻﺎﺭﺕ ﺍﻟﺤﺎﺩﺛﻪ
ﺳﻤﺎﺀ : ﺍﻱ ﺍﻧﻪ ﻣﺎﺟﻨﺖ ﺍﻃﻠﻊ ﻫﻨﺎﻙ ﻭﻣﺎﺍﻋﺮﻑ ﺍﺣﺪ
ﻣﺎﺗﻌﺮﻓﻴﻦ ﻋﻦ ﺟﻬﺎﻟﻲ ﺷﻲ
ﻣﺮﻳﻢ : ﻫﺬﺍ ﺍﻟﻲ ﺍﺭﻳﺪ ﺍﺣﺠﻴﻠﺞ ﻋﻨﻪ
ﺳﻤﺎﺀ : ﮔﻠﺒﻲ ﻇﻞ ﻳﺪﮒ ﺣﻴﻴﻞ ﺣﺴﻴﺖ ﺍﻛﻮ ﺷﻲ ﻣﻮﺯﻳﻦ
ﻣﺮﻳﻢ : ﺍﺑﻨﺞ ﺍﻟﺠﺒﻴﺮ ﻣﺎﺕ ﺻﺎﺭﻟﻪ ﺷﻬﺮ
ﺳﻤﺎﺀ : ﺍﻭﻭﻭﻭﻑ ﻳﻤﻪ ﻋﺒﻮﺩ ﻻﻻﻻﻻ ﻳﻤﻪ ﻻ ﻟﻴﺶ ﺗﻌﻮﻑ ﺍﻣﻚ ﻣﺎﺍﺻﺪﻙ ﻳﺎﺭﺑﻲ ﻣﺎﺍﺻﺪﻙ ﺍﻧﻬﺎﺭﻳﺖ ﺑﺪﻳﺖ ﺍﻟﻄﻢ ﻭﺍﺧﺮﻣﺶ ﺭﻭﺣﻲ ﻣﺎﺍﺭﺣﻤﺖ ﻧﻔﺴﻲ ﻓﻘﺪﺕ ﻣﺎﺻﺪﻙ ﻣﺎﺕ ﻻ ﻣﺎﺻﺪﻙ ﻟﻴﺶ ﻳﺮﺑﻲ ﻟﻴﺶ ﺷﺴﻮﻳﺖ ﺍﻧﻪ ﻣﺎﺧﻨﺖ ﻭﻣﺎﺫﻧﺒﺖ ﻭﻻ ﺑﮕﺖ ﻭﻻﺟﺬﺑﺖ ﻣﺎﺷﻴﻪ ﺑﺪﺭﺑﻲ ﻋﻤﺮﻱ ﻣﺎﺍﺫﻳﺖ ﺍﺣﺪ ﻫﻴﺞ ﻳﺼﻴﺮﻟﻲ ﻟﻴﺶ ﺍﺧﺦ ﻭﺍﻟﻤﺸﻜﻠﻪ ﺍﺧﺮ ﻣﺮﻩ ﺟﻨﺖ ﺍﻃﻚ ﺑﻲ ﻓﻘﺪﺕ ﺑﻘﻴﺖ ﺍﻃﻚ ﺑﺮﻭﺣﻲ ﻭﺍﺧﺮﻣﺶ ﻉ ﺻﻮﺗﻲ ﺍﺟﻮ ﺍﻳﻬﻢ ﻭﻭﺳﻦ ﻭﺍﻣﻬﺎ ﻟﺰﻣﻨﻲ ﺍﻳﻬﻢ ﻣﻦ ﺍﻳﺪﻱ ﺣﺘﻰ ﻻﺍﺫﻱ ﻧﻔﺴﻲ
ﺍﻳﻬﻢ : ﻛﺎﻓﻲ ﺳﻤﺎﺀ ﻛﺎﻓﻲ ﻫﺬﺍ ﺍﻣﺮ ﺍﻟﻠﻪ ﺍﻧﺖ ﺗﻌﺘﺮﺿﻴﻦ ﻋﻠﻴﻪ
ﺳﻤﺎﺀ : ﺍﻳﻬﻢ ﺟﻨﺖ ﺗﺪﺭﻱ ﺣﺮﺍﻡ ﻋﻠﻴﻚ ﻟﻴﺶ ﻣﺎﮔﺘﻠﻲ ﺍﻳﻬﻢ
ﻭﺳﻦ ؛ﻧﺠﺒﻲ ﻫﻮ ﺷﻌﻠﻲ ﺍﻧﺖ ﺍﻟﺴﺒﺐ ﺍﻧﺖ ﺟﻨﻴﺘﻲ ﻋﻠﻰ ﻧﻔﺴﺞ ﻭﺑﺪﺕ ﺗﺪﻓﺮ ﺑﻴﻪ ﺑﺮﺟﻠﻴﻬﻪ ﻣﺮﻳﻢ ﺳﺤﺒﺘﻬﻪ ﻣﻨﻲ ﻭﻛﻠﺘﻠﻬﻪ ﺣﺮﺍﻡ ﻋﻠﻴﺞ ﻭﻫﻲ ﻣﺎﻛﻮ ﺗﻐﻠﻂ ﻋﻠﻴﻪ ﻻﻥ ﺍﻳﻬﻢ ﻻﺯﻣﻨﻲ ﺍﻳﻬﻢ ﻛﻮﻣﻨﻲ ﻣﻦ ﺍﻟﻜﺎﻉ ﻭﺣﻈﻨﻲ ﺣﻴﻴﻞ ﻭﺩﺍﻧﻲ ﻟﻐﺮﻓﺘﻲ ﻭﺳﺪ ﺍﻟﺒﺎﺏ ﺩﺧﻠﻨﻪ ﻟﻠﻐﺮﻓﻪ . ﺑﻘﻪ ﺣﺎﻇﻨﻲ ﻭﻻﺯﻡ ﺍﻳﺪﻳﻪ
ﺳﻤﺎﺀ : ﻋﻮﻓﻨﻲ ﺍﻳﻬﻢ ﻋﻮﻓﻨﻲ
ﺍﻳﻬﻢ : ﺍﺑﺠﻲ ﺑﺲ ﻟﺘﺄﺫﻳﻦ ﻧﻔﺴﺞ
ﺳﻤﺎﺀ : ﻫﻲ ﻫﺎﻱ ﺛﻘﺘﻲ ﺑﻴﻚ ﻫﺎ ﻟﻴﺶ ﻣﻜﺘﻠﻲ ﺍﺗﺮﻛﻨﻲ ﻭﺧﺮ ﻋﻨﻲ
ﻫﻮ ﻻﺯﻡ ﺍﻳﺪﻱ ﻗﻮﻱ ﻭﻣﺤﻮﻃﻨﻲ ﺑﺎﻳﺪﻱ ﻣﺎﻳﺨﻠﻴﻨﻲ ﺍﻟﻄﻢ ﻭﺍﺿﺮﺏ ﻧﻔﺴﻲ
ﺍﻳﻬﻢ : ﻛﺎﻓﻲ ﺣﺒﻴﺒﻲ ﻣﺎﺭﺩﺗﺞ ﺗﻌﺮﻓﻴﻦ ﺣﺘﻰ ﻟﺘﺒﻘﻴﻦ ﺗﻔﻜﺮﻳﻦ ﺑﺎﻟﺒﻘﻴﻪ
ﺳﻤﺎﺀ : ﺍﺭﻳﺪﻫﻢ ﺍﻳﻬﻢ ﺍﺭﻳﺪ ﺍﺷﻮﻓﻬﻢ ﺍﺭﻳﺪ ﺍﺭﻭﺡ ﻫﺴﻪ ﻋﻔﻴﻪ
ﺍﻳﻬﻢ : ﺣﺒﻴﺒﻲ ﺍﻫﺪﻱ ﺍﻧﺖ ﻟﻮ ﺗﻄﻴﻌﻴﻨﻲ ﻭﺗﺎﺧﺬﻳﻦ ﻛﻼﻣﻲ ﺟﺎﻥ ﻛﻞ ﺍﻟﻲ ﺗﺮﺩﻱ ﻳﺼﻴﺮ
ﺳﻤﺎﺀ : ﻳﻌﻨﻲ ﺷﻮﻥ ﺍﻳﻬﻢ ﺍﺧﺬﻫﻢ ﺍﻟﻲ
ﺍﻳﻬﻢ : ﺍﻱ ﺣﺒﻴﺒﻲ ﺑﺲ ﺍﻧﺖ ﺍﺻﺒﺮﻱ ﻛﻠﺸﻲ ﺑﺎﻟﺼﺒﺮ
ﺳﻤﺎﺀ : ﺍﻳﻬﻢ ﺍﺧﺬﻧﻲ ﺍﺷﻮﻓﻬﻢ
ﺍﻳﻬﻢ : ﺗﺪﻟﻠﻴﻦ ﺣﺒﻴﺒﻲ ﺍﺧﺬﺝ
ﻣﺮ ﻛﻢ ﻳﻮﻡ ﻋﺬﺍﺏ ﻭﺍﻟﻢ ﺍﺧﺬ ﻣﻨﻲ ﺣﻴﻞ ﻭﻗﻮﻩ ﻧﺪﻡ ﻭﺣﻴﺮﻩ ﺍﻳﻬﻢ ﻛﺎﻝ ﺗﺤﻀﺮﻱ ﺭﺍﺡ ﻧﻄﻠﻊ ﻧﺮﻭﺡ ﻧﺸﻮﻑ ﺟﻬﺎﻟﺞ ﺑﻴﻦ ﻓﺮﺣﻪ ﻭﺍﻟﻢ ﺷﻌﻮﺭ ﻻﻳﻮﺻﻒ ﻃﻠﻌﻨﻪ ﻭﺍﻟﻄﺮﻳﻖ ﻛﻠﻪ ﺧﺎﻳﻔﻪ ﺧﺎﻑ ﻻﺍﻣﺎﺍﺷﻮﻓﻬﻢ ﻭﻣﺎﺍﻳﺴﻤﺤﻮﻟﻲ ﺍﺷﻮﻓﻬﻢ
ﻭﺳﻦ : ﺷﻔﺘﻪ ﻣﺼﻤﻢ ﻣﺎﻳﻌﻮﻓﻬﺎ ﻭﺑﺪﻩ ﻳﻬﺘﻢ ﺑﻴﻬﻪ ﺍﻛﺜﺮ ﺩﺯﻳﺖ ﺭﺳﺎﻟﻪ ﻻﺑﺮﺍﻫﻴﻢ ﻭﻛﺘﻠﻪ ﻉ ﻧﻘﻠﺔ ﺍﻟﻮﺭﺙ ﻭﺍﻟﻮﻛﺎﻟﻪ ﻻﻳﻬﻢ ﺣﺘﻰ ﺍﻧﺘﻘﻢ ﻣﻨﻪ ﻻﻥ ﻣﺎﺍﺧﺬ ﺣﺠﺎﻳﺘﻲ ﻭﻫﻢ ﻣﺸﺘﺎﻗﻪ ﻻﺑﺮﺍﻫﻴﻢ ﻫﻮﺍﻱ ﻭﺑﻘﻴﺖ ﺍﻧﺘﻈﺮ ﻣﻨﻪ ﺍﻟﺮﺩ
.
ﻭﺳﻦ : ﺟﺎﻧﺖ ﺗﺤﺐ ﺍﺑﺮﺍﻫﻴﻢ ﺑﺠﻨﻮﻥ ﻭﻫﻮ ﺟﺎﻥ ﻳﮕﻀﻲ ﻭﻛﺖ ﻭﻳﺎﻫﻪ ﻻﺍﻛﺜﺮ ﻣﻦ ﺳﻮﻩ ﻋﻤﻠﺘﻪ ﺍﻟﺴﻮﺩﻩ ﻭﺭﺍﺩ ﻳﻨﻬﺰﻡ ﻛﻠﺘﻠﻪ ﺍﺭﻭﺡ ﻭﻳﺎﻙ ﺭﻓﺾ ﻫﻮ ﻭﻋﺎﻓﻬﻪ ﻭﺭﺍﺡ ﻣﻦ ﺩﺯ ﺍﻟﺸﻴﺦ ﻋﻠﻰ ﺍﻳﻬﻢ ﻭﻛﻠﻪ ﺭﺍﺡ ﻳﺎﺧﺬ ﺍﻟﺸﻴﺨﻪ ﻣﻨﻪ ﺗﻮﺩﺩﺕ ﺍﻟﻪ ﺣﺘﻰ ﻳﺼﻴﺮ ﻣﻦ ﻧﺼﻴﺒﻬﻪ ﺍﻳﻬﻢ ﻭﺍﻟﻤﻠﻚ ﻭﻛﻠﺸﻲ ﻣﻦ ﺩﺧﻠﺖ ﺳﻤﺎﺀ ﺣﻴﺎﺓ ﺍﻳﻬﻢ ﺧﺎﻓﺖ ﻫﻲ ﻻﻳﺘﻌﻠﻖ ﺑﻴﻬﻪ ﺍﻳﻬﻢ ﻭﺗﺼﻴﺮ ﺯﻭﺟﺘﻪ ﻭﻣﻦ ﺻﺪﻙ ﻭﺗﺸﺎﺭﻛﻬﻪ ﺑﻜﻞ ﺷﻲ ﻭﻫﻲ ﺗﻜﺮﻩ ﺳﻤﺎﺀ ﻻﻥ ﺗﻌﺘﻘﺪ ﻫﻲ ﺍﻟﺴﺒﺐ ﺑﺒﻌﺪﺩ ﺣﺒﻴﺒﻬﻪ ﻋﻨﻬﻪ
ﻓﻘﺮﺭﺕ ﺗﺼﺮﻑ ﻣﻦ ﻳﻤﻬﻪ
ﺍﺑﺮﺍﻫﻴﻢ : ﺍﻧﻲ ﻋﻤﺮﻱ 30 ﺳﻨﻪ ﺍﺑﻦ ﺍﻟﺸﻴﺦ ﻣﺤﻤﺪ ﺍﺑﻮﻳﻪ ﻣﻦ ﺗﻤﺮﺽ ﺍﺳﺘﻠﻤﺘﻬﻪ ﺍﻧﻲ ﻋﻨﻪ ﺑﺲ ﺍﻟﻜﻞ ﻣﺎﺟﺎﻥ ﺭﺍﺿﻲ ﻋﻠﻰ ﺗﺼﺮﻓﺎﺗﻲ ﻣﺮﻩ ﺭﺣﺖ ﻳﻢ ﺍﺧﺘﻲ ﻭﻧﺰﻟﺖ ﺍﺳﺒﺢ ﺑﺎﻟﺸﻂ ﺷﻔﺖ ﻭﺣﺪﻩ ﺣﻠﻮﺓﺓﺓ ﺣﻴﻴﻞ ﻋﺠﺒﺘﻨﻲ ﻭﻋﺠﺒﻨﻲ ﺍﺳﻮﻱ ﻭﻳﺎﻫﻪ ﻋﻼﻗﻪ ﺑﻌﺪﻫﻪ ﻃﻠﻌﺖ ﻣﺘﺰﻭﺟﻪ ﺑﻘﻴﺖ ﺍﺭﺍﻗﺒﻬﻪ ﺍﻟﻤﺤﻠﻬﻪ ﻭﻫﻲ ﻉ ﺍﻟﺸﻂ ﺍﺍﺷﺮﻟﻬﻪ ﻣﺘﻬﺘﻢ ﺗﺨﻠﻲ ﻭﺗﺮﻭﺡ ﻣﺮﻩ ﻇﻬﺮﻳﻪ ﻧﺰﻟﺖ ﺍﺳﺒﺢ ﺷﻔﺘﻬﻪ ﺍﺟﺖ ﻫﻲ ﻣﺸﺎﻓﺘﻨﻲ ﺟﻨﺖ ﺑﻌﻴﺪ ﻋﻨﻬﻪ ﺑﺪﻳﺖ ﺍﻏﻮﺹ ﻭﺍﻃﻠﻊ ﻭﻣﺎﺍﺧﻠﻴﻬﻪ ﺗﻨﺘﺒﻪ ﻋﻠﻴﻪ ﺍﻟﻰ ﺍﻥ ﻭﺻﻠﺖ ﺍﻟﻬﻪ ﻭﻫﺠﻤﺖ ﻋﻠﻴﻬﻪ ﺍﺟﻪ ﺯﻭﺟﻬﻪ ﺍﻧﻬﺰﻣﺖ ﺍﻧﻪ ﺍﻫﻠﻬﻪ ﺳﺎﺋﻠﻴﻦ ﻋﻠﻴﻪ ﻭﻋﺎﺭﻓﻴﻨﻪ ﻭﻋﺎﺭﻓﻴﻦ ﺍﻧﻪ ﺍﺑﻦ ﺷﻴﺦ ﻭﻣﺴﺘﻠﻢ ﺍﻟﺸﻴﺨﻪ ﻣﻦ ﺍﺑﻮﻱ ﺍﺟﻮ ﻭﺭﺍﺩﻭﻧﻲ ﺍﺗﺰﻭﺟﻬﻪ ﻻﻥ ﺭﺟﻠﻬﻪ ﻃﻠﻜﻬﻪ ﺍﻧﻪ ﺍﻧﻬﺰﻣﺖ ﺭﺍﺳﺎ ﻭﻣﺎﻭﺍﺟﻬﺖ ﺍﺣﺪ ﺑﻘﻴﺖ ﺑﺎﻭﺭﻭﺑﺎ ﻳﻢ ﺍﺧﻮﺗﻲ ﺍﻻ ﺍﻥ ﺍﺟﺘﻨﻲ ﺭﺳﺎﻟﻪ ﻣﻦ ﻭﺳﻦ ﺗﻌﺎﻝ ﺍﻟﻤﻠﻚ ﻛﻠﻪ ﺑﺎﺳﻢ ﺍﻳﻬﻢ ﻭﺗﺰﻭﺟﻨﻲ ﺍﻳﻬﻢ ﻭﺗﺰﻭﺝ ﺳﻤﺎﺀ ﻭﻫﺴﻪ ﻋﻼﻗﺘﻬﻢ ﺩﺍﺗﺘﺤﺴﻦ ﻓﺤﺒﻴﺖ ﺍﺑﻠﻐﻚ
ﺍﺑﺮﺍﻫﻴﻢ ﺍﻧﻲ ﺟﻔﻠﺖ ﻣﻌﻘﻮﻟﻪ ﻛﻞ ﻫﺬﺍ ﻻﻳﻬﻢ ﻭﺧﺎﺻﺔ ﺍﻧﻲ ﻭﻳﺎ ﻣﺎﻧﻮﺍﻃﻦ ﺑﻌﺾ ﻣﻦ ﻗﺒﻞ ﺟﻨﻪ ﺍﻃﻔﺎﻝ
ﻗﺮﺭﺕ ﺍﺗﺨﺬ ﺍﻻﺟﺮﺃﺃﺕ ﺑﺎﺳﺮﻉ ﻭﻗﺖ ﻭﺍﺭﺟﻊ ﻭﺍﺷﻮﻑ ﺷﻨﻮ ﺍﻟﻔﻠﻢ
ﺳﻤﺎﺀ : ﻭﺻﻠﻨﻪ ﻟﺒﻴﺖ ﻋﻤﻲ ﺩﻛﻴﻨﻪ ﺍﻟﺒﺎﺏ ﻃﻠﻊ ﺭﻳﺎﺽ ﺑﺎﻭﻋﺘﻠﻪ ﺑﮕﻠﺒﻲ ﺍﻟﻪ ﺣﻘﺪ ﻭﻛﺮﻩ ﺍﻟﺪﻧﻴﻪ ﻛﻠﻬﻪ ﺷﻮﻳﻪ ﻛﺮﻫﺘﻪ ﻛﺮﻩ ﺍﻟﻌﻤﻪ ﺣﺮﻣﻨﻲ ﻣﻦ ﺍﻃﻔﺎﻟﻲ ﻭﺣﻴﺎﺗﻲ ﻭﺳﻤﻌﺘﻲ ﻭﺍﻫﻠﻲ ﻭﺍﻣﻲ ﻭﺍﻧﻪ ﺍﻟﺒﺮﻳﺌﻪ ﺑﺲ ﺍﺗﻤﻨﻴﺖ ﻟﻮ ﻋﻨﺪﻱ ﻗﻮﻩ ﺑﺴﺎﻋﺘﻬﻪ ﺍﻫﺠﻢ ﻋﻠﻴﻪ ﻭﺍﻗﺘﻠﻪ ﺧﻼﺹ ﻣﻦ ﺍﻟﺤﻘﺪ ﺍﻟﻲ ﺑﻘﻠﺒﻲ ﺍﻟﻪ ﺑﺲ ﺍﻟﻠﺘﻔﺖ ﻟﻠﺴﻤﻪ ﻭﻛﻠﺖ ﺭﺑﻲ ﺍﻟﻚ ﺣﻜﻤﻪ ﺑﻴﻬﻪ ﻭﺍﻧﻪ ﺻﺎﺑﺮﻩ ﻋﻠﻰ ﺑﻼﺋﻚ ﺑﺲ ﺍﻧﻄﻴﻨﻲ ﺭﺣﻤﻪ ﻣﻦ ﺭﺣﻤﺘﻚ ﺍﻟﻮﺍﺳﻌﻪ ﻭﺧﻠﻴﻨﻲ ﺍﻛﺤﻞ ﻧﻀﺮﻱ ﺑﺸﻮﻓﺔ ﺟﻬﺎﻟﻲ ﻻﺛﻨﻴﻦ ﻭﺣﻨﻦ ﮔﻠﺒﻪ ﻭﺧﻠﻲ ﻳﺨﻠﻴﻨﻲ ﺍﺷﻮﻓﻬﻢ
ﺍﻳﻬﻢ ﺣﺠﻪ ﻭﻳﺎ ﻭﻗﻨﻌﻪ ﺍﻳﻬﻢ ﻋﻨﺪﻩ ﺍﺳﻠﻮﺏ ﻭﻣﺜﻘﻒ ﺣﻴﻴﻞ ﻭﺷﺨﺼﻴﺘﻪ ﻛﻠﺶ ﻗﻮﻳﻪ ﻭﻳﻌﺮﻑ ﻳﺘﻌﺎﻣﻞ ﻭﻱ ﺍﺷﻜﺎﻝ ﺍﻟﻨﺎﺱ ﻛﻠﻤﻦ ﺣﺴﺐ ﻣﻌﺪﻧﻪ ﻭﺍﻓﻖ ﺭﻳﺎﺽ ﻭﻛﺎﻝ ﺩﺧﻠﻮ ﺩﺧﻠﻨﻪ ﺷﻔﺖ ﻋﻤﺘﻲ ﺳﻠﻤﺖ ﻋﻠﻴﻬﻪ ﺭﺩﺕ ﺳﻼﻣﻬﻪ ﺟﺎﺑﺖ ﺍﻟﻲ ﺯﻫﺮﺍﺀ ﺑﻨﺘﻲ 😢 ﺍﻭﻭﻑ ﺷﻔﺘﻬﻪ ﺍﻧﻜﺴﺮ ﮔﻠﺒﻲ ﻟﻴﺶ ﻫﺎﻟﺒﻌﺪ ﻳﺮﺑﻲ ﻣﻮ ﺍﻧﻪ ﺍﻣﻬﺎ ﻟﻴﺶ ﻣﺎﻟﻲ ﺣﻖ ﺍﻛﻮﻥ ﻗﺮﻳﺒﻪ ﻣﻨﻬﺎ ﺣﻈﻨﺘﻬﻪ ﺑﺎﻭﻋﺖ ﻋﻠﻴﻪ ﺷﻮﻳﻪ ﺻﻔﻨﺖ ﺑﻮﺟﻬﻲ ﺗﺬﻛﺮﺗﻨﻲ ﻇﻠﺖ ﺗﻤﺸﻲ ﺍﻳﺪﻫﻪ ﻉ ﺧﺪﻱ ﻭﺗﻤﺴﺢ ﺩﻣﻮﻋﻲ ﺯﻫﺮﺍﺀ ﻳﻤﻪ ﺗﺬﻛﺮﻳﻨﻲ ﻫﺰﺕ ﺭﺍﺳﻬﻪ ﺍﻱ ﻣﺒﺘﺴﻤﻪ ﻣﻨﻮ ﺍﻧﻪ ﺍﻧﺖ ﺍﻧﺖ ﻣﻲ ﻛﻮﻩ ﺗﻠﻔﻆ ﺍﻟﻜﻼﻡ ﺣﺎﻟﺘﻬﻪ ﺣﺎﻟﻪ ﺷﻌﺮﻫﻪ ﺟﺎﻥ ﻃﻮﻳﻞ ﻭﺣﻠﻮ ﻣﻜﺼﻮﺹ ﻭﻣﻜﺮﻃﻒ ﻭﺿﻌﻔﺎﻧﻪ ﻛﻠﺶ ﺍﺧﺦ ﺷﺒﻜﺘﻬﻪ ﺟﺎﻥ ﺗﻜﻮﻝ ﺗﻌﺎﻱ ﻛﺘﻠﻬﻪ ﻭﻳﻦ ﻛﺎﻟﺖ ﻫﻨﺎ ﻭﺍﺷﺮﺕ ﻉ ﻏﺮﻓﺘﻲ ﻛﺒﻞ ﻛﺘﻠﻬﻪ ﻣﺎﺍﻛﺪﺭ ﺑﻌﺪ ﻭﻃﻠﻌﺖ ﻭﺣﺪﻩ ﻣﻦ ﺍﻟﻐﺮﻓﻪ ﺗﻌﻠﺞ ﻭﺑﻄﻨﻬﻪ ﺟﺒﻴﺮﻩ ﻣﺒﻴﻨﻪ ﺣﺎﻣﻞ ﺣﻈﻨﺖ ﺯﻫﺮﺍﺀ ﺣﻴﻴﻞ ﻭﺷﺎﻭﺭﺗﻬﻪ ﺻﻴﺮﻱ ﻗﻮﻳﻪ ﻭﻋﺎﻗﻠﻪ ﻭﻳﺠﻲ ﻳﻮﻡ ﺍﺧﺬﺝ ﻳﻤﻲ ﻫﻲ ﻓﺮﺣﺖ ﻫﺰﺕ ﺭﺍﺳﻬﻪ ﺍﻱ ﻛﻤﺖ ﻟﺰﻣﺖ ﺍﻳﺪﻱ ﺑﺎﻭﻋﺖ ﻟﻌﻤﺘﻲ ﻛﺘﻠﻬﻪ ﻭﻳﻦ ﺣﺴﻦ ؟ﻛﺎﻟﺖ ﺣﺴﻦ ﻧﻄﻴﻨﺎ ﻟﺒﺸﺮﻯ ﻋﻤﺘﻪ ﺗﺪﺭﻳﻦ ﻣﺎﺗﺨﻠﻒ ﺍﺣﺴﻦ ﺍﻟﻪ ﻫﻢ ﺍﻧﻪ ﮔﻠﺒﻲ ﻓﻮﮒ ﺍﻟﺠﺮﻭﺡ ﺍﻟﺒﻲ ﺍﺣﺲ ﺻﺎﺭ ﻣﺎﺍﻛﻮ ﻣﻜﺎﻥ ﻟﺠﺮﺡ ﺛﺎﻧﻲ ﺍﻧﻘﻬﺮﺕ ﻧﻬﺎﺭﻳﺖ ﺑﺠﻲ ﻟﻴﺶ ﻋﻤﻪ ﻟﻴﺶ ﺗﺒﻌﺪﻭﻧﻪ ﻋﻦ ﺍﺧﺘﻪ ﻣﻮ ﻛﺎﻓﻲ ﻋﺒﻮﺩ ﺭﺍﺡ ﻟﻴﺶ ﺟﻴﺒﻮ ﺍﻟﻲ ﺍﻧﻪ ﺧﻮ ﺍﻧﻪ ﺍﻭﻟﻰ ﺑﻲ ﻣﻮ ﺍﻣﻪ ﻣﻮ ﺳﺤﺒﻮ ﺭﻭﺣﻪ ﻣﻦ ﺭﻭﺣﻲ ﻫﺰﺕ ﺑﻴﺪﻫﻪ ﻭﻛﺎﻟﺖ ﻭﺍﻟﺞ ﻋﻴﻦ ﺗﺤﺠﻴﻦ ﺷﺤﺠﻲ ﺑﻌﺪ
ﻃﻠﻌﺖ ﺑﺮﻩ ﺯﻫﺮﺍﺀ ﻻﺯﻣﻪ ﺍﻳﺪﻱ ﻭﺻﻠﺖ ﻻﻳﻬﻢ ﻭﻫﻲ ﻻﺯﻣﻪ ﺑﻴﺪﻱ ﺑﺲ ﻫﺎﺩﺋﻪ ﻣﺎﺗﺒﺠﻲ ﺍﺣﺲ ﺑﻴﻬﻪ ﺷﻲ ﻣﺠﺮﻭﺣﻪ ﺣﻘﻬﺎ ﺷﺎﻓﺖ ﺍﻣﻬﺎ ﺗﺘﺪﻣﻪ ﻛﺒﺎﻝ ﻋﻴﻨﻬﻪ ﻭﺍﺧﻮﻫﺎ ﻣﺎﺕ ﻭﻧﺤﺮﻣﺖ ﻣﻨﻪ ﻭﺍﻟﺰﻏﻴﺮ ﻫﻢ ﻣﻮ ﻳﻤﻬﻪ ﻭﺍﻣﻬﺎ ﻣﺎﺗﻨﻮﻣﻬﺎ ﺑﺤﻈﻨﻬﻪ ﺣﺎﻟﻪ ﻣﻦ ﺣﺎﻟﻲ ﺯﻫﻮﺭﻱ ﺍﻭﻑ ﻳﻤﻪ ﺷﺒﻴﺪﻱ ﻋﻠﻴﺞ ﻟﺰﻣﻬﻪ ﺍﺑﻮﻫﻪ ﻭﺧﺬﺍﻫﺎ ﻭﺷﺎﻟﻬﻪ ﻃﻠﻌﺖ ﺍﺑﺎﻭﻋﻠﻬﻪ ﺩﻣﻮﻋﻲ ﻣﺎﺗﺸﻔﻌﻠﻲ ﻭﻟﻮ ﺍﺑﺠﻲ ﺩﻡ ﻇﻠﺖ ﺗﺤﺎﻭﻝ ﺗﻨﻬﺰﻡ ﻣﻦ ﺍﺑﻮﻫﻪ ﺗﺮﻳﺪ ﺗﺠﻲ ﺍﺍﻟﻲ ﺑﺲ ﻣﺎﺗﺴﻮﻱ ﺻﻮﺕ ﻟﺴﺎﻧﻬﻪ ﺛﻜﻴﻞ ﻭﺻﻮﺕ ﻣﺎﻳﻄﻠﻊ ﺍﻟﻬﻪ ﻭﺩﻣﻮﻉ ﻣﺎﻛﻮ ﺳﻮﺩﻩ ﻋﻠﻴﻪ ﻳﻤﻪ ﺍﺣﺲ ﺑﻴﺞ ﺑﺲ ﺷﺒﻴﺪﻱ ﻋﺎﺟﺰﻩ ﺑﻜﻞ ﻣﻌﻨﻰ ﺍﻟﻜﻠﻤﻪ ﺑﺎﻭﻋﺖ ﻟﺮﻳﺎﺽ ﻣﺎﺷﻔﺖ ﺑﺮﻭﺣﻲ ﺷﻮﮒ ﺍﻟﻪ ﺣﺴﻴﺖ ﺑﻜﺮﻩ ﺍﺗﺠﺎﻫﻪ ﺣﻘﺪ ﺭﻏﺒﻪ ﺑﺎﻻﻧﺘﻘﺎﻡ ﮔﺘﻠﻪ ﺑﮕﻠﺒﻲ ﻭﺣﺘﻰ ﺑﻌﻴﻮﻧﻲ ﺭﺍﺟﻌﻪ ﺍﻟﻚ ﻭﺭﺍﺡ ﺍﺧﺬ ﺣﻘﻲ ﻭﺣﻖ ﻋﺒﻮﺩ ﻭﺭﺟﻊ ﺟﻬﺎﻟﻲ ﻭﻋﺪ ﻫﺬﺍ ﻟﻮ ﺑﻌﺪ ﺷﻜﺪ ﺣﺎﻟﺔ ﺯﻫﺮﺍﺀ ﻛﺴﺮﺕ ﮔﻠﺒﻲ ﻭﻣﻨﻀﺮﻫﻪ ﻣﺎﻓﺎﺭﻙ ﻋﻴﻮﻧﻲ ﺣﺘﻰ ﻣﻦ ﻃﻠﻌﺖ ﻭﺻﻌﺪﺕ ﺑﺎﻟﺴﻴﺎﺭﻩ ﻭﺍﺟﺖ ﻉ ﺑﺎﻟﻲ ﺫﻛﺮﻳﺎﺗﻲ ﻛﻠﻬﺎ ﻫﻨﺎﻙ ﺟﺎﻧﺖ ﺣﻴﺎﺓ ﻃﺒﻴﻌﻴﻪ ﻣﺸﻴﻨﺎﻫﻪ ﺑﺎﻟﻄﺎﻋﻪ ﻧﻄﻴﻊ ﻋﻤﺘﻲ ﻭﺍﻃﻴﻊ ﺭﻳﺎﺽ ﻭﻻﻳﻮﻡ ﻛﻠﺖ ﻻ ﻋﻠﻰ ﺷﻲ ﺗﺬﻛﺮﺕ ﻣﻦ ﺟﻨﺖ ﻫﻨﺎ ﺍﺷﺮ ﻫﺪﻭﻡ ﻫﻨﺎ ﺍﻛﻨﺲ ﻫﻨﺎ ﺍﻧﻀﻒ ﻏﺮﻓﺘﻲ ﻋﻔﺘﻬﻪ ﻭﻋﻔﺖ ﻣﻼﺑﺴﻲ ﻭﻣﻜﻴﺎﺟﻲ ﻭﺣﺎﺟﺎﺗﻲ ﻛﻠﻬﻪ ﻣﺎﺍﺧﺬﺕ ﻣﻨﻬﻪ ﺍﻱ ﺷﻲ ﻃﻠﻌﻨﻪ ﻭﺑﻴﺖ ﺑﺸﺮﻯ ﺍﻧﺪﻟﻪ ﺑﻨﻔﺲ ﺍﻟﻤﻨﻄﻘﻪ ﻭﺻﻠﻨﻪ ﺍﻟﻪ ﺩﻛﻴﺖ ﺍﻟﺒﺎﺏ ﻃﻠﻌﺖ ﻋﻤﺘﻬﺎ ﻭﺭﺍﺣﺖ ﺻﺎﺣﺖ ﺍﻟﻬﻪ ﺍﺟﺖ ﺑﺸﺮﻯ ﻃﺒﻴﺖ ﻭﻳﺎﻫﻪ ﺍﻧﻪ ﺑﻘﻰ ﺍﻳﻬﻢ ﻳﻨﺘﻈﺮﻧﻲ ﺟﺎﺑﺘﻠﻲ ﺣﺴﻦ ﺍﺑﻨﻲ ﺟﺎﻥ ﻳﺒﺠﻲ ﺧﺎﻟﺘﻪ ﺑﺼﻨﺪﻭﮒ ﻭﺟﺎﻱ ﺗﺸﺘﻐﻞ ﺍﻧﻄﺘﻨﻴﺎ ﺑﺎﻭﻋﺖ ﺍﻟﻪ ﻣﺘﻐﻴﺮ ﺷﻠﺘﻪ ﺑﻴﻦ ﺍﻳﺪﻳﻪ ﻳﺒﺎﻭﻉ ﺍﻟﻲ ﻭﺩﻣﻮﻋﻪ ﻧﺎﺯﻟﻪ ﻭﺻﺎﻓﻦ ﺑﻮﺟﻬﻲ ﺣﻈﻨﺘﻪ ﺷﻤﻴﺘﻪ ﺑﻮﺳﺘﻪ ﻣﺎﻳﻄﻔﻲ ﻧﺎﺭ ﺍﻟﺒﺮﻭﺣﻲ ﻫﺬﺍ ﻛﻠﻪ ﺭﺑﻪ ﺍﺭﺑﻊ ﺍﺷﻬﺮ ﺑﻌﻴﺪ ﻋﻨﻲ ﻣﺎﺷﺒﻊ ﻣﻦ ﺣﻠﻴﺒﻲ ﻭﻻﻧﺎﻡ ﻳﻤﻲ ﺍﻭﻭﻭﻑ ﺍﺷﻤﻪ ﺍﺷﻤﻪ ﺍﺭﻳﺪ ﺍﺷﺒﻊ ﻣﻨﻪ ﻣﺎﺍﻛﻮ ﺗﺬﻛﺮﺕ ﻣﺮﻩ ﺳﺎﻣﻌﻪ ﺍﺫﺍ ﺍﻟﻄﻔﻞ ﺷﺎﻑ ﺍﻣﻪ ﻣﻦ ﺍﻟﻮﻻﺩﻩ ﻣﺎﺭﺍﺡ ﻳﻨﺴﻪ ﺭﻳﺤﺘﻬﻪ ﺑﻌﺪ ﺣﺴﻮﻧﻲ 15 ﻳﻮﻡ ﺑﺲ ﺑﻘﻪ ﻭﻳﺎﻱ ﻭﻓﺮﮔﻮﻧﻪ ﻛﺘﻠﻬﻪ ﺑﺸﺮﻩ ﺍﻧﻄﻴﻨﻲ ﺍﻳﺎﻩ ﻋﻔﻴﻪ ﺍﺑﻨﻲ ﻫﺬﺍ ﻛﻠﺖ ﻫﺬﺍ ﺍﻟﻜﻼﻡ
ﻣﻦ ﻻﺟﺎﺭﻩ ﺍﺩﺭﻱ ﻣﺎﻳﻨﻄﻮ ﺍﻟﻲ ﺑﺲ ﻫﻴﺞ ﺭﺩﺕ ﻟﻤﺤﺔ ﺍﻣﻞ ﺷﻲ ﻛﺎﻟﺖ ﻻﻋﻴﻨﻲ ﻻ ﺟﻴﺒﻲ ﺟﻴﺒﻲ ﺍﺧﻮﻱ ﻳﻜﻠﺐ ﺍﻟﺪﻧﻴﻪ ﻋﻠﻴﻪ ﻛﺘﻠﻬﻪ ﻟﻌﺪ ﻣﻦ ﻳﻜﺒﺮ ﮔﻠﻴﻠﻪ ﻫﻲ ﺍﻣﻚ ﻋﻠﻴﻪ ﻋﻔﻴﻪ ﻫﺰﺕ ﺑﻴﺪﻫﻪ ﻭﺩﺧﻠﺖ ﺑﻐﺮﻓﺘﻬﻪ ﻋﻤﺘﻬﻪ ﻣﺴﺤﺖ ﻋﻠﻴﻪ ﻭﻛﺎﻟﺖ ﺍﻛﻮ ﺍﻟﻠﻪ ﺍﻟﻲ ﻳﺎﺧﺬ ﺣﮓ ﻛﻞ ﻣﻈﻠﻮﻡ ﻻﺗﺄﻳﺴﻴﻦ ﻣﻦ ﺭﺣﻤﺘﻪ ﺍﻟﻲ ﻭﺳﻌﺖ ﻛﻞ ﺷﻲ ﻋﻤﺘﻬﻪ ﻣﺮﻩ ﺟﺒﻴﺮﻩ ﺧﻠﻴﺖ ﺭﺍﺳﻲ ﻋﻠﻰ ﺟﺘﻔﻬﻪ ﺑﺠﻴﺖ ﻭﻛﺘﻠﻬﻪ ﻣﺸﻜﻮﺭﻩ ﻃﻠﻌﺖ ﻛﺘﻠﻪ ﺍﺭﻳﺪ ﺍﺭﻭﺡ ﺍﺷﻮﻑ ﺍﻣﻲ ﻭﺍﺑﻮﻱ ﻫﻢ ﺭﺣﻨﻪ ﺍﺧﻮﺍﻧﻲ ﻛﻮﻩ ﺩﺧﻠﻮﻧﻲ ﺭﺣﺖ ﺷﻔﺖ ﺍﺑﻮﻱ ﻣﺠﺒﻠﻴﻨﻪ ﺍﻟﻘﺒﻠﻪ ﺍﺧﺮ ﺍﻳﺎﻣﻪ ﺷﻔﺖ ﺍﻣﻲ ﻛﺎﻟﺖ ﻫﻢ ﺯﻳﻦ ﺟﻴﺘﻲ ﺗﺸﻮﻓﻴﻨﻪ ﺣﻈﻨﺘﻬﻢ ﻭﺑﻮﺳﺘﻬﻢ ﻓﺮﺍﻛﻬﻢ ﻣﺎﻳﻘﻞ ﺍﻟﻢ ﻭﻋﺬﺍﺏ ﻋﻦ ﻓﺮﺍﻙ ﺟﻬﺎﻟﻲ ﺍﺟﻪ ﺍﺧﻮﻱ ﻛﺎﻝ ﺷﻮﻓﻲ ﻣﻮ ﺗﺨﻒ ﺭﺟﻠﺞ ﻉ ﺟﻴﻪ ﻫﻨﺎ ﺍﻧﻪ ﺑﺎﻭﻋﺘﻠﻪ ﺷﺠﺎﻭﺏ ﺷﺒﻜﺖ ﺍﻣﻲ ﻭﺑﻮﺳﺘﻬﻪ ﻭﺍﺑﻮﻱ ﻫﻢ ﻭﻃﻠﻌﺖ ﺑﺎﻭﻋﺖ ﻻﺑﻮﻱ ﺍﺩﺭﻱ ﻫﻲ ﺍﺧﺮ ﻣﺮﻩ ﺍﺷﻮﻓﻪ ﺷﻲ ﻳﻘﻬﺮ ﻭﻛﻠﻤﺔ ﻗﻬﺮ ﻣﺎﺗﻜﻔﻲ ﻭﻃﻠﻌﺖ
ﺍﺧﺬﻧﻲ ﺍﻳﻬﻢ ﻟﺒﻴﺖ ﻣﺮﻳﻢ ﻛﺎﻟﺖ ﺍﺑﻘﻮ ﻉ ﺍﻟﻐﺪﻩ ﺑﻘﻴﻨﻪ ﻃﻠﻌﺖ ﻉ ﺍﻟﺸﻂ ﺍﺑﺎﻭﻉ ﺍﻟﻤﻜﺎﻥ ﺍﻟﺠﻨﺖ ﺍﻏﺴﻞ ﺑﻲ ﻣﻼﺑﺲ ﻭﻫﻨﺎ ﻋﺒﻮﺩﻱ ﺟﺎﻥ ﻳﺴﺒﺢ ﻭﻳﻠﻌﺐ ﺟﻨﺖ ﺭﺍﺿﻴﻪ ﺑﻌﻴﺸﺘﻲ ﺑﻜﻞ ﺷﻲ ﺭﺍﺿﻴﻪ
ﻃﺸﺮﻧﻪ ﺍﻟﻮﻛﺖ ﻣﻮ ﺟﻨﻪ ﻣﻠﻤﻮﻣﻴﻦ
ﻳﺎﻫﻮ ﺍﻟﻲ ﺣﺴﺪﻧﻪ ﻭﺻﺎﺑﻨﻪ ﺑﻌﻴﻨﻪ
ﻣﺎ ﺍﺫﻳﻨﻪ ﺍﺣﺪ ﻻ ﺣﺴﺪﻧﻪ ﺍﻟﻨﺎﺱ
ﺭﺍﺿﻴﻦ ﺑﻮﺿﻌﻨﻪ ﺑﺮﻏﻢ ﻣﺎﺑﻴﻨﻪ
ﺣﻠﻢ ﺻﺎﺭ ﺍﻟﻤﻼﻛﻪ ﻭﺷﻮﻓﺔ ﺍﻻﺣﺒﺎﺏ
ﻳﺎﺩﻧﻴﺎ ﻋﻠﻴﺞ ﺍﻟﻠﻪ ﺩ ﻟﻤﻴﻨﻪ
ﻛﺎﻟﺖ ﺗﻌﺎﻱ ﻓﻮﺗﻲ ﻳﻤﻲ ﻭﺣﺪﻩ ﺗﻘﺮﻩ ﻓﻨﺠﺎﻥ ﺭﺣﺖ ﻳﻤﻬﻪ ﻣﻦ ﻻﺟﺎﺭﻩ ﺍﺷﻮﻑ ﺗﺎﻟﻴﻬﻪ ﺷﻨﻮ ﺑﺎﻭﻋﺖ ﺍﻟﻔﻨﺠﺎﻧﻲ ﻛﺎﻟﺖ ﺍﻭﻭﻭ ﺩﺭﺑﺞ ﻃﻮﻳﻴﻞ ﻭﻣﻈﻠﻢ ﻭﺑﻲ ﻓﺮﺍﻙ ﻭﺭﺍﻫﺎ ﻳﻠﻪ ﺗﺸﻮﻓﻴﻦ ﺍﻟﻨﻮﺭ ﺑﺲ ﺍﻛﻮ ﺭﺯﻕ ﺟﺎﻳﻠﺞ ﻣﻮ ﺷﺮﻁ ﻓﻠﻮﺱ ﺑﺲ ﺍﻧﻪ ﺍﺷﻮﻑ ﺭﺍﺡ ﺗﺤﺼﻠﻴﻦ ﺷﻲ ﻣﻦ ﺷﺨﺺ ﺗﺤﺒﻴﻨﻪ ﺑﺲ ﺑﻌﺪﻩ ﺩﺭﺑﺞ ﻃﻮﻭﻳﻞ ﺍﻟﻤﻬﻢ ﻣﺎﺍﻫﺘﻤﻴﺖ ﻭﺍﺣﺲ ﺭﻭﺣﻲ ﻋﻤﻴﻪ ﻛﻠﺸﻲ ﻣﺎﻣﻔﺘﻬﻤﻪ ﻣﻦ ﺍﻟﺪﻳﺼﻴﺮ
ﺭﺟﻌﻨﻪ ﻟﻠﺒﻴﺖ ﺑﻄﺒﺘﻨﻪ ﻭﺳﻦ ﺗﺮﻓﻌﻠﻲ ﺗﻚ ﺣﺎﺟﺐ ﺍﻱ ﺷﺮﻓﺘﻮ ﻭﺍﺧﻴﺮﺍ ﺍﻧﻪ ﻣﺎﻟﻲ ﺧﻠﮕﻬﺎ ﺭﺣﺖ ﻟﻠﻐﺮﻓﻪ ﺑﺲ ﻣﺒﻴﻦ ﻳﺮﺩﻭﻥ ﻳﻄﻠﻌﻮﻥ ﻣﺒﺪﻟﻴﻦ
ﺭﺣﺖ ﻧﺰﻋﺖ ﻭﺩﺍﺑﺪﻝ ﺑﻘﻴﺖ ﺑﺲ ﺑﺎﻟﻜﻴﻤﻮﻧﻪ ﺍﻟﻲ ﺗﻨﻠﺒﺲ ﺟﻮﻩ ﺍﻟﺪﺷﺪﺍﺷﻪ ﻃﺐ ﺍﻳﻬﻢ ﺍﺟﻪ ﻳﻤﻲ
ﺍﻳﻬﻢ : ﻫﺎ ﺣﺒﻴﺒﻲ ﺷﻮﻧﺞ ﻫﺴﻪ
ﺳﻤﺎﺀ : ﺍﻭﻭﻑ ﺷﻮﻧﻲ ﺑﻌﺪ ﻧﻔﺲ ﺍﻟﺸﻲ ﺍﻳﻬﻢ ﺩﺭﺕ ﺍﺭﻳﺪ ﺍﺧﺬ ﻣﻦ ﺍﻟﺪﻭﻻﺏ ﻣﻼﺑﺲ ﺣﻈﻨﻲ ﻣﻦ ﻭﺭﻩ ﻭﺑﻌﺪ ﺷﻌﺮﻱ ﻭﻇﻞ ﻳﺒﻮﺱ ﺑﺮﻛﺒﺘﻲ ﻭﺧﺪﻱ ﺍﻳﻬﻢ : ﻭﻟﺞ ﻣﺸﺘﺎﻗﻠﺞ ﺣﻴﻴﻞ ﻳﺎﺍﻟﻠﻪ ﺳﻤﺎﺀ : ﺣﺴﻴﺘﻪ ﻳﺮﻳﺪ ﺷﻲ ﻣﻢ ﻛﺘﻠﻪ ﺍﻳﻬﻢ ﻋﻔﻴﻪ ﺗﻌﺒﺎﻧﻪ ﺍﻳﻬﻢ : ﺍﻭﻛﻲ ﺣﺒﻴﺒﻲ ﺍﺳﻒ ﻉ ﺭﺍﺣﺘﺞ
ﻋﺎﻓﻨﻲ ﻭﺭﺍﺡ ﺭﺣﺖ ﺳﺒﺤﺖ ﻭﻣﺸﻄﺖ ﺗﺬﻛﺮﺗﻪ ﺧﻄﻴﻪ ﺗﻌﺐ ﻭﻳﺎﻳﻪ ﻭﻳﺮﻳﺪﻧﻲ ﺭﺣﺖ ﺍﻟﻪ ﺍﻟﻔﻮﻙ ﺷﻔﺘﻪ ﻣﺘﻤﺪﺩ ﻉ ﺟﺮﺑﺎﻳﻪ ﺳﻤﺎﺀ : ﺍﺟﻴﺖ ﺗﻜﺪﺭ ﺗﻨﺴﻴﻨﻲ ﻫﻤﻲ 😉😔
ﺍﻳﻬﻢ : ﺍﻧﻲ ﻣﺎﺍﻧﺴﻴﺞ ﻫﻤﺞ ﺗﻌﺎﻟﻲ ﺍﺷﻮ ﺍﻟﻲ
ﺳﻤﺎﺀ : ﺭﺣﺖ ﺍﻟﻪ ﻭﺗﻤﺪﺩﺕ ﻋﻠﻴﻪ ﻭﺑﻮﺳﻪ 💋 ﻃﻮﻳﻴﻠﻪ ﺍﻣﺸﻲ ﺟﻮﻩ ﻟﺘﺠﻲ ﻭﺳﻦ
ﺍﻳﻬﻢ : ﻣﺘﺠﻲ ﺗﺘﺎﺧﺮ ﺭﺍﺣﺖ ﻟﻠﺴﻮﻙ ﻭﺩﻛﺘﻮﺭﻩ ﻭﻳﻠﻌﺐ ﺑﺸﻌﺮﻱ ﻭﻳﻜﺮﺹ ﺧﺪﻱ ﻭﻳﺒﻮﺱ
ﺳﻤﺎﺀ : ﻟﻴﺶ ﺷﺒﻴﻬﻪ ﺣﺎﻣﻞ
ﺍﻳﻬﻢ : ﻟﺞ ﻻ ﻣﻮ ﺣﺎﻣﻞ ﺑﺲ ﺳﻮﺍﻟﻔﻜﻢ ﺍﻟﺘﻌﺒﺎﻧﻪ
ﺳﻤﺎﺀ : ﻣﺎﺍﺭﺗﺎﺡ ﻫﻨﺎ ﺍﻣﺸﻲ ﺟﻮﻩ
ﺍﻳﻬﻢ : ﺩﺗﻌﺎﻟﻲ ﻫﻮ ﻛﻠﻪ ﻧﻔﺲ ﺍﻟﺸﻲ
ﻧﻮﺏ ﻫﻮ ﺻﺎﺭ ﻋﻠﻴﻪ ﺑﻌﺪ ﺷﻌﺮﻱ ﻋﻦ ﻭﺟﻬﻲ ﻭﺑﻮﺳﻨﻲ ﻣﻦ ﺧﺪﻱ ﻭﺭﻛﺒﺘﻲ 💋 ﺍﻣﻮﻭﻭﺕ ﻋﻠﻰ ﺭﻣﻮﺷﺞ
ﺳﻤﺎﺀ : ﻫﻲ ﻛﻠﻬﻪ ﺑﺲ ﺭﻣﻮﺷﻲ ﺟﺎ ﺍﻧﻪ ﺍﺣﺒﻚ ﻛﻠﻚ ﺍﺷﻮ
ﺍﻳﻬﻢ : ﺍﻱ ﺑﺲ ﺭﻣﻮﺷﺞ ﺷﻲ ﺧﻴﺎﻟﻲ ﺳﺤﺮ
ﺍﺣﺒﺞ ﻣﻤﻤﻢ 💏💏💏💏🙈
ﻣﺸﺖ ﺍﻻﻳﺎﻡ ﻭﺻﻞ ﺍﺑﺮﺍﻫﻴﻢ ﻭﺍﻭﻝ ﺟﻴﺘﻪ ﮔﻠﺒﻬﺎ ﻋﺮﻛﻪ ﻭﻱ ﺍﺑﻮ ﻟﺤﺪ ﻣﺎﺗﻤﺮﺽ
ﻭﺳﻦ : ﺍﻳﻬﻢ ﺍﺑﺮﺍﻫﻴﻢ ﺷﺠﺎﺑﻪ
ﺍﻳﻬﻢ : ﺷﻤﻌﺮﻓﻨﻲ
ﻭﺳﻦ : ﺍﺫﺍ ﻣﺎﺟﺎﻱ ﻉ ﺳﻤﺎﺀ ﻣﺎﻃﻠﻊ ﺍﻧﻲ ﺍﺻﻼ ﻫﻲ ﻋﺸﻴﻘﺘﻪ ﺟﺎﻧﺖ
ﺍﻳﻬﻢ : ﺷﻬﺎﻟﺤﺠﻲ
ﻭﺳﻦ : ﻭﺍﺫﺍ ﺍﺛﺒﺖ ﺍﻟﻚ ﻫﺎﻟﺸﻲ !!! ؟ﺗﻄﻠﻜﻬﺎ ؟؟
ﺍﻳﻬﻢ : ﺷﻮﻥ ﺗﺜﺒﺘﻴﻨﻪ
ﻭﺳﻦ : ﺑﺎﻻﻳﺎﻡ ﺍﻟﺠﺎﻳﻪ ﺍﺛﺒﺘﻠﻚ ﺑﺲ ﻫﺎ ﺗﻄﻠﻜﻬﺎ
ﺍﻳﻬﻢ : ﻣﻤﻤﻤﻢ
ﻭﺳﻦ : ﻣﺎﺷﻲ ﻧﺸﻮﻑ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء