رواية صرخات أنثى الجزء الخامس | النهاية

رواية صرخات أنثى الجزء الخامس  |النهاية 

للكاتبة شمس 

. 

. 

ﺍﺧﺬﻧﻲ ﺍﻟﻐﺮﻓﻪ ﻋﺎﺩﻳﻪ ﺑﺲ ﺑﻴﻬﺎ ﺳﺮﻳﺮ ﻭﺗﻮﺍﻟﻴﺖ ﻭﻧﻀﻴﻔﻪ ﺍﻧﻀﻒ ﻣﻦ ﺫﻳﺞ ..

ﮔﺎﻝ ﻫﺎﻱ ﺍﻟﺘﻮﺻﻴﻪ ﻣﻦ ﺍﺑﻮ ﻣﻬﻨﺪ ..

ﻃﻔﺮﺕ ﻣﻦ ﺳﻤﻌﺖ ﻫﻴﺞ ..

ﻗﻔﻞ ﺍﻟﺒﺎﺏ ﻭﺷﻤﺮﻧﻲ ﻉ ﺍﻟﺴﺮﻳﺮ .

ﮔﺎﻝ ﺣﺘﻰ ﻧﺎﺧﺬ ﺭﺍﺣﺘﻨﺎ ﻭﺷﻮﻛﺖ ﻣﺎﻳﻌﺠﺒﻨﻲ ﺍﺟﻲ ..

ﻛﺎﻟﻌﺎﺩﻩ ﺍﻋﻴﻂ ﻭﺍﺑﺠﻲ ﻣﺤﺪ ﻳﺴﻤﻌﻨﻲ ..

ﺍﺩﻓﻊ ﻭﺍﺿﺮﺏ ﺑﻲ ﻭﺍﺑﺠﻲ ﻭﺍﻋﻴﻂ ﺑﺲ ﻣﻐﻤﻀﻪ ﻋﻴﻮﻧﻲ ﻣﺎﺍﺭﻳﺪ ﺍﺷﻮﻑ ﺷﻜﻠﻪ ﺍﻟﻘﺬﺭ ..

ﻭﻫﻮ ﺷﺒﻌﻨﻲ ﺿﺮﺏ . # ﺷﻤﺲ

ﻭﻳﮕﻠﻲ ﺍﺫﺍ ﺳﻤﻌﺖ ﺻﻮﺕ .

ﺍﺧﻠﻲ ﻏﻴﺮﻱ ﻳﻜﻤﻞ .. ﻭﺍﺻﻼ ﻣﺎﺑﻘﻰ ﺻﻮﺕ ﻋﻨﺪﻱ ..

ﮔﺎﻣﺖ ﺑﺲ ﺩﻣﻮﻋﻲ ﺗﺠﺮﻱ .

ﺧﻠﺺ ﺍﻟﻜﻠﺐ ﻭﺑﺪﻝ ﻭﮔﺎﻡ ﻭﺍﻧﻲ ﺑﻘﻴﺖ ﺑﻤﻜﺎﻧﻲ ﺍﺑﺠﻲ ..

ﺍﺟﻪ ﻫﻤﺲ ﺑﺄﺫﻧﻲ .. ﮔﺎﻝ ﺷﻌﺮﺝ ﻳﺨﺒﻞ

ﻭﻳﺘﻠﻤﺲ ﺑﻲ ﺩﻓﻌﺖ ﺍﻳﺪﻩ ..

ﻣﻠﺨﻨﻲ ﻣﻦ ﺷﻌﺮﻱ ﮔﺎﻝ ﺍﺫﺍ ﻋﺪﺗﻴﻬﺎ ﻣﺮﻩ ﺛﺎﻧﻴﻪ ﺍﻛﺴﺮﻫﺎ ﺍﻻﻳﺪﺝ ..

ﺑﻘﻴﺖ ﺑﻤﻜﺎﻧﻲ ﺍﺑﺠﻲ ﻭﺍﻭﻥ ﻭﺍﺻﺮﺥ ﻭﻣﺤﺪ ﻳﺴﻤﻊ ﺻﺮﺧﺎﺗﻲ

ﺛﺎﻧﻲ ﻳﻮﻡ ﺟﺎﺑﻮ ﻏﺮﺍﺿﻲ ..

ﻭﺷﻮﻳﻪ ﻭﺍﺟﻪ ﺍﻟﺸﺮﻃﻲ ﮔﺎﻟﻮﺍ ﻳﺮﺩﻭﺝ

ﺧﻔﺖ .. ﺍﻣﺸﻲ ﺑﺎﻟﮕﻮﻩ ﻣﺎﻛﻮ ﺣﻴﻞ ﺑﻴﻪ ..

ﺩﺧﻠﺖ ﻟﮕﻴﺖ ﺍﻟﻀﺎﺑﻂ ﻗﺼﻲ ﻭﻋﺒﺪ ﺍﻟﻠﻪ ﻭﻧﺴﺮﻳﻦ ..

ﺍﺟﻴﺖ ﺍﺭﻛﺾ ﺣﻀﻨﺖ ﻧﺴﺮﻳﻦ ﻭﺍﺑﺠﻲ ﻭﻫﻲ ﺗﺒﺠﻲ

ﮔﺎﻟﺖ ﻟﻴﺶ ﻫﻴﺞ ﺳﻮﻳﺘﻲ ﺑﺮﻭﺣﺞ ..

ﮔﻠﺘﻠﻬﺎ ﺭﺩﺕ ﺍﻧﺘﻘﻢ ﺑﺲ ﺍﺗﺒﺎﻭﻋﺖ ﺍﻟﺬﺍﻙ ﺍﻟﻲ ﻳﺨﻮﻑ ﺧﺰﺭﻧﻲ

ﺧﻔﺖ ..

ﮔﻠﺘﻠﻬﺎ ﺍﻣﻲ ﺩﻓﻨﺘﻮﻫﺎ ﻭﺷﮕﺎﻟﺖ ﺍﺩﺭﻱ ﺑﻴﻬﺎ ﻣﺎﺭﺍﺿﻴﻪ ﻋﻨﻲ ﺣﻠﻤﺖ ﺑﻴﻬﺎ .

ﻧﺴﺮﻳﻦ .. ﻟﺞ ﺍﻣﻲ ﺍﻟﺤﺪ ﻣﺎﻣﺎﺗﺖ ﺗﺼﻴﺢ ﺑﺄﺳﻤﺞ ..

ﺗﮕﻮﻝ ﺟﻴﺒﻮﻫﺎ ﺍﻟﻲ ..

ﺍﺧﻮﺍﻧﻲ ﻃﻠﻌﻮﺍ ﻣﻦ ﺍﻟﺴﺠﻦ ﺑﺲ ﻣﻌﺬﺑﻴﻬﻢ ..

ﻭﻣﺤﺮﻣﻴﻦ ﺍﻟﺠﻴﻪ ﺍﻟﺞ ..

ﺑﺲ ﺍﻧﻲ ﺗﺮﺟﻴﺖ ﻋﺒﺪ ﺍﻟﻠﻪ ﻭﺭﺣﻨﺎ ﺳﺄﻟﻨﺎ ﻋﻠﻴﺞ ﺑﺎﻟﺘﺴﻔﻴﺮﺍﺕ ﺍﻟﻀﺎﺑﻂ ﻗﺼﻲ ﺍﻟﻠﻪ ﻳﻨﻄﻴﻪ ﺟﺎﺑﻨﺎ ﻟﻬﻨﺎ ..

ﮔﻠﺘﻠﻬﺎ ﻭﺍﺑﻮﻳﻪ .. # ﺷﻤﺲ

ﻧﺴﺮﻳﻦ .. ﺍﺑﻮﻱ ﻟﺴﺎ ﻣﺴﺠﻮﻥ ﻭﻳﻤﻜﻦ ﻳﻔﺼﻠﻮﻩ ﻣﻦ ﻭﺿﻴﻔﺘﻪ ﻭﺣﺎﻟﺘﻪ ﺻﻌﺒﻪ ﻋﻠﻰ ﺍﻣﻲ ..

ﺑﺎﻭﻋﺘﻠﻬﺎ .. ﮔﻠﺘﻠﻬﺎ ﺍﻧﺘﻲ ﻣﺼﺪﮔﺘﻨﻲ ﻧﺴﺮﻳﻦ

ﺣﻀﻨﺘﻨﻲ ﻭﮔﺎﻟﺖ ﻟﻮ ﻣﺎ ﻣﺼﺪﮔﺘﺞ ﻣﺎﺍﺟﻴﺖ ﻟﻬﻨﺎ ﻭﻟﻼﻣﻦ ﻭﺗﺪﺭﻳﻦ ﺍﺣﻨﺎ ﻣﺎﻋﺪﻧﺎ ﻣﺮﻩ ﺗﺪﺧﻞ ﺍﻟﻬﻴﺞ ﻣﻜﺎﻥ ..

ﻫﻤﺴﺖ ﺑﺄﺫﻧﻬﺎ ﻭﺍﻧﻲ ﺣﺎﺿﻨﺘﻬﺎ ..

ﺧﻠﺼﻴﻨﻲ ﻧﺴﺮﻳﻦ ﻣﻨﺎ .. ﺍﻧﻄﻴﻨﻲ ﺍﻱ ﺷﻲ ﺑﺠﻨﻄﺘﺞ ﻣﻮﺱ ﻣﮕﺮﺍﺿﻪ ..

ﺍﺫﺍ ﺗﺤﺒﻴﻨﻲ ﺍﻧﻄﻴﻨﻲ ﻻﺯﻡ ﺍﻣﻮﺕ .. ﻻﻥ ﻫﻨﺎ ﺟﺎﻱ ﺍﻣﻮﺕ ﺍﻟﻒ ﻣﻮﺗﻪ .. # ﺷﻤﺲ

ﻫﻲ ﺍﻧﺨﻄﻒ ﻟﻮﻧﻬﺎ ﻭﻟﻔﺘﺖ ﺍﻻﻧﺘﺒﺎﻩ ..

ﮔﺎﻝ ﺍﻟﻀﺎﺑﻂ ﻳﻠﻪ ﺷﻔﺘﻮﻫﺎ ﺭﻭﺣﻮﺍ ﻛﺎﻓﻲ ..

ﺍﻟﻀﺎﺑﻂ ﻗﺼﻲ .. ﺳﻴﺪﻱ ﺷﻮﻛﺖ ﻣﺤﺎﻛﻤﺘﻬﺎ ..

ﮔﺎﻟﻪ ﺍﻧﺖ ﻣﻌﻠﻴﻚ ﻫﺬﺍ ﺷﻐﻠﻨﺎ ..

ﺭﺍﺩﻭﺍ ﻳﻄﻠﻌﻮﻥ .. ﺭﺣﺖ ﻉ ﺍﻟﻀﺎﺑﻂ ﻗﺼﻲ ﮔﺘﻠﻪ ﺍﺭﻳﺪ ﺍﺣﺠﻲ ﻭﻳﺎﻙ .

ﮔﺎﻝ ﻏﻴﺮ ﻣﺮﻩ ﺍﺟﻲ ﻭﺍﻗﺎﺑﻠﺞ ﻫﺴﺎ ﻣﺎﺍﮔﺪﺭ ..

ﺭﺍﺣﻮﺍ ﻭﺍﺧﺬﻭ ﺭﻭﺣﻲ ﻭﻳﺎﻫﻢ ..

ﺑﻘﻴﺖ ﻉ ﻫﺬﻱ ﺍﻟﺤﺎﻟﻪ ﺍﻻﻳﺎﻡ . ﻛﻞ ﻣﺎﺗﺠﻲ ﺍﻟﺴﺎﻋﻪ 3 ﺍﺑﻘﻰ ﺍﺭﺟﻒ ﻭﺍﺑﺠﻲ ..

ﻭﮔﺎﻡ ﻣﻮ ﺑﺲ ﻫﺬﺍ ﺍﻟﺤﻴﻮﺍﻥ ﻳﺠﻲ ..

ﻛﻞ ﺿﺎﺑﻂ ﻋﻨﺪﻩ ﺧﻔﺎﺭﻩ ﻳﺠﻲ ﻳﮕﻀﻴﻬﻬﺎ ﺑﻐﺮﻓﺘﻲ ..

ﻭﺍﻧﻲ ﺍﻣﻮﺕ ﺍﻟﻒ ﻣﻮﺗﻪ ..

ﺟﺴﻤﻲ ﺑﻌﺪ ﻣﺎﻳﺘﺤﻤﻞ ..

ﻋﻴﻮﻧﻲ ﺧﻠﺼﻦ ﺩﻣﻮﻉ ..

ﺻﻮﺗﻲ ﺭﺍﺡ ..

ﻫﺬﺍ ﻛﺎﻥ ﺍﻛﺒﺮ ﻋﻘﺎﺏ ﻭﺗﻌﺬﻳﺐ ﺍﻟﻲ ﻟﻮ ﻳﻘﺘﻠﻮﻧﻲ ﺍﺣﺴﻦ

ﺣﺴﻴﺖ ﺍﻟﺘﻀﺤﻴﻪ ﺍﻟﻲ ﺳﻮﻳﺘﻬﺎ ﻣﺎﻟﻬﺎ ﻓﺎﻳﺪﻩ ..

ﻟﻮ ﺣﺎﺟﻴﻪ ﺍﻻﻫﻠﻲ ﻭﻗﺎﺗﻠﻴﻨﻲ ﺍﺣﺴﻦ

ﻭﻻ ﻫﺬﺍ ﺍﻟﻲ ﺩﻳﺼﻴﺮ ..

ﺧﺴﺮﺕ ﺍﻣﻲ ﻭﺍﺑﻮﻳﻪ ﻭﺍﺧﻮﺍﻧﻲ ..

ﻋﺎﺋﻠﺘﻲ ﺗﻔﻜﻜﺖ .. ﻭﺗﺪﻣﺮﺕ ﺑﺴﺒﺒﻲ

ﺑﻴﻮﻡ ﺍﺟﻪ ﺍﻟﻀﺎﺑﻂ ﻗﺼﻲ ﺑﺸﻐﻠﻪ ﻟﻼﻣﻦ ﻭﻃﻠﺐ ﻳﺸﻮﻓﻨﻲ

ﻣﻦ ﮔﺎﻟﻮﻟﻲ ﺍﺟﻪ ﺍﺧﺬﺕ ﺍﻟﺪﻓﺘﺮ ﻣﺎﻟﺘﻲ

ﻭﺭﺣﺖ ..

ﻗﺎﺑﻠﻨﻲ ﻟﻤﺪﻩ ﻋﺸﺮ ﺩﻗﺎﻳﻖ ..

ﮔﺎﻝ ﺍﺩﺭﻱ ﺍﻟﻲ ﻳﺼﻴﺮ ﺑﻴﺞ ﻫﻨﺎ . ﺑﺲ ﺍﺻﺒﺮﻱ ﺟﺎﻱ ﺍﻗﺪﻡ ﻃﻠﺐ ﺣﺘﻰ ﻳﺤﺎﻛﻤﻮﺝ ..

ﺍﺻﻼ ﻣﺎﺍﻫﺘﻤﻴﺖ ﺍﻟﻜﻼﻣﻪ ﻻﻥ ﺑﻌﺪ ﻣﻴﻔﻴﺪ ﺍﻟﺤﺠﻲ ﺣﻴﺎﺗﻲ ﺗﺪﻣﺮﺕ ﺟﺴﻤﻲ ﻛﻠﻪ ﻳﻮﺟﻌﻨﻲ . .

ﺻﺮﺕ ﻫﺰﻳﻠﻪ ﻭﻭﺟﻬﻲ ﺍﺻﻔﺮ ﻭﺗﻌﺒﺎﻥ ﺑﻬﺬﻱ ﺍﻟﻔﺘﺮﻩ ﺍﻧﺘﻬﻰ ﻛﻠﺸﻲ ﺑﺤﻴﺎﺗﻲ ..

ﻣﺎﺣﺠﻴﺖ ﺷﻲ ﻭﻳﺎﻩ ..

ﺑﺲ ﺍﻧﻄﻴﺘﻪ ﺍﻟﺪﻓﺘﺮ .. ﻭﮔﺘﻠﻪ ﺍﻧﻄﻴﻪ ﺍﻟﻨﺴﺮﻳﻦ ..

ﻭﺧﻠﻲ ﺍﻫﻠﻲ ﻳﺴﺎﻣﺤﻮﻧﻲ ..

ﻗﺼﻲ .. ﺣﻨﻴﻦ ﻻﺗﺨﻮﻓﻴﻨﻲ

ﺣﻨﻴﻦ .. ﺍﺑﺘﺴﻤﺖ ﻭﺩﺭﺕ ﻭﺟﻬﻲ ﻭﺭﺣﺖ ..

ﺭﺟﻌﺖ ﺍﻟﻘﺒﺮﻱ ﻭﻟﻠﻤﻜﺎﻥ ﺍﻟﻘﺬﺭ ..

ﺍﺣﺲ ﻧﻔﺴﻲ ﻧﮕﺴﻪ ﻭﻭﺳﺨﻪ ﻣﺎﺍﺳﺘﺤﻖ ﺍﻋﻴﺶ ..

ﻗﺮﺭﺕ ﺍﺧﻠﻲ ﻧﻬﺎﻳﻪ ﺍﻟﺤﻴﺎﺗﻲ ﻻﺯﻡ ﺍﺳﻮﻱ ﺷﻲ ..

ﺍﺟﻪ ﺍﻟﻀﺎﺑﻂ ﺍﻟﻲ ﻳﺨﻮﻑ ﻭﻟﺤﺪ ﺍﻻﻥ ﻣﺎﺍﻋﺮﻑ ﺍﺳﻤﻪ

ﻭﺍﻭﻝ ﻣﺸﻔﺘﻪ ﻟﻌﺒﺖ ﻧﻔﺴﻲ ﻭﺣﺴﻴﺖ ﺑﻐﺜﻴﺎﻥ ..

ﺻﺎﺡ ﻟﻠﺸﺮﻃﻲ .. ﮔﺎﻟﻪ ﺧﻠﻲ ﺗﻐﺴﻞ ﻭﺗﺒﺪﻝ .. ﻭﺟﻴﺒﻬﺎ ﺍﻟﻐﺮﻓﺘﻲ

……… ............................................

ﻧﺴﺮﻳﻦ ﺍﺟﻪ ﺍﻟﻮﻗﺖ ﺍﻟﻲ ﺍﺳﻮﻟﻔﻠﻜﻢ ﺑﻲ ﺷﺼﺎﺭ ﺑﺒﻴﺘﻨﺎ ﻣﻦ ﺑﻌﺪ ﺳﺠﻦ ﺣﻨﻴﻦ ..

ﺍﻧﻲ ﻛﻨﺖ ﺑﺎﻳﺘﻪ ﻋﻨﺪ ﺍﻫﻠﻲ ﻻﻥ ﺣﻨﻴﻦ ﻣﺮﻳﻀﻪ ..

ﻛﺎﻧﺖ ﻗﺒﻞ ﻳﻮﻡ ﺗﻌﺒﺎﻧﻪ ﻭﻣﺮﻳﻀﻪ ..

ﻭﻛﻼﻣﻬﺎ ﺑﻲ ﻭﺩﺍﻉ .. # ﺷﻤﺲ

ﻧﻤﻨﺎ ﻭﮔﻌﺪﺕ ﺍﻟﺼﺒﺢ .. ﺷﻔﺖ ﺣﻨﻴﻦ ﻣﺎﻛﻮ ﺑﻤﻜﺎﻧﻬﺎ ..

ﺳﺄﻟﺖ ﻣﺎﻣﺎ ﮔﺎﻟﺖ ﻋﻨﺪﻫﺎ ﺍﻣﺘﺤﺎﻥ ﻭﺭﺍﺣﺖ ..

ﮔﻠﺘﻠﻬﺎ ﻟﻌﺪ ﺍﻧﻲ ﺍﺭﻭﺡ ..

ﮔﺎﻟﺖ ﻻ ﺗﻐﺪﻱ ﻭﺭﻭﺣﻲ ﺍﻟﻌﺼﺮ ..

ﺑﻘﻴﺖ ﻳﻤﻬﻢ ..

ﻭﻣﺎﻣﺎ ﺳﻮﺕ ﺳﺒﺰﻱ ﻻﻥ ﺣﻨﻴﻦ ﺗﺤﺒﻪ ..

ﺑﺲ ﺑﻴﻮﻣﻬﺎ ﻣﺎﺍﻛﻠﺘﻪ ️☹

ﻟﻠﻈﻬﺮ ﺻﺒﻴﻨﺎ ﻏﺪﺍ ﻭﺟﺎﻱ ﻧﺘﻐﺪﺍ ..

ﺗﻜﺴﺮﺕ ﺍﻟﺒﺎﺏ ﻭﺩﺧﻠﻮ ﻣﺴﻠﺤﻴﻦ ﺷﺮﻃﻪ ..

ﺳﺄﻟﻮﺍ ﻉ ﺑﺎﺑﺎ ..

ﻭﺍﺧﺬﻭﻩ ﺑﺪﺷﺪﺍﺷﺘﻪ ﻭﻣﺸﻮﺍ ..

ﻣﺎﻧﻌﺮﻑ ﺍﻟﺴﺎﻟﻔﻪ ﺷﻨﻮ ..

ﺍﻟﺪﻧﻴﺎ ﺍﻟﺘﻤﺖ ﻋﺪﻧﺎ ﺍﺧﻮﺍﻧﻲ ﻟﺤﻜﻮﻩ ..

ﺷﻮﻳﻪ ﻭﺍﺟﺖ ﻋﻠﻴﺎﺀ ﺗﺒﺠﻲ ﻭﺗﻠﻄﻢ ﻣﺎﻓﻬﻤﻨﺎ ﺷﻲ ﻣﻨﻬﺎ ..

ﮔﺎﻟﺖ ﺣﻨﻴﻦ ﻳﮕﻮﻟﻮﻥ ﻛﺎﺗﻠﻪ ﻭﺍﺣﺪ ﻭﺍﺧﺬﻭﻫﺎ ﺍﻟﺸﺮﻃﻪ

ﺍﻣﻲ ﺑﺴﺮﻋﻪ ﻭﮔﻌﺖ ..

ﺍﺗﻔﺎﺟﺄﺕ ﺣﺴﻴﻦ ﻭﺍﮔﻒ ﻭﺳﻤﻊ ﻛﻼﻡ ﻋﻠﻴﺎﺀ ..

ﮔﺎﻟﻬﺎ ﻣﻨﻮ ﻫﻮ ..

ﮔﺎﻟﺘﻠﻪ ﻭﺍﺣﺪ ﺩﻭﻡ ﻳﺘﺤﺎﺭﺵ ﺑﻴﻬﺎ ﻭﻳﻀﻮﺟﻬﺎ .

ﺑﺲ ﺍﺑﻦ ﻣﺴﺆﻭﻝ ﺟﺒﻴﺮ ﻭﺷﺎﻳﻒ ﻧﻔﺴﻪ

ﻫﻮ ﻋﻴﻮﻧﻪ ﺻﺎﺭﺕ ﻧﺎﺭ ﺍﺧﺬﻧﺎ ﺍﻣﻲ ﻭﺭﺣﻨﺎ ﻟﻠﻤﺴﺘﺸﻔﻰ

..

ﺍﺟﻮ ﺍﺧﻮﺍﻧﻲ .. ﻋﺎﺭﻓﻴﻦ ﻣﻦ ﺍﻟﺠﻴﺮﺍﻥ ﺍﺣﻨﻪ ﺑﺎﻟﻤﺴﺘﺸﻔﻰ

ﻳﻬﺪﻭﻥ ﻭﻳﻨﻔﻠﺘﻮﻥ ﺍﻻ ﻧﻘﺘﻠﻬﺎ ..

ﻣﺎﺧﺬﻩ ﻣﺴﺪﺱ ﺍﺑﻮﻱ ﻭﻛﺎﺗﻠﻪ ﺑﺲ ﻭﺍﺣﺪ ﺻﺎﺣﺒﻬﺎ ﻣﺎﺍﺩﺭﻱ ﻣﻨﻮ

ﺣﺴﻴﻦ ﻭﺍﮔﻒ .. ﻣﺎﺍﺗﺤﻤﻞ ﺿﺮﺑﻪ ..

ﮔﺎﻟﻪ ﻭﻟﻚ ﻫﺎﻱ ﺷﺮﻓﻚ ﺷﻠﻮﻥ ﺗﺤﺠﻲ ﻫﻴﺞ ..

ﺍﻧﻲ ﺭﺍﺡ ﺍﺧﺬ ﻣﺤﺎﻣﻲ ﻭﺍﺭﻭﺡ ..

ﻣﺤﻤﺪ ﮔﻠﻪ ﺍﻧﻲ ﺍﺭﻭﺡ ﻭﻳﺎﻙ ﺍﺭﻳﺪ ﺍﻋﺮﻑ ﺍﻟﺴﺎﻟﻔﻪ ﺷﻨﻮ ﻭﻟﻴﺶ ﻗﺘﻠﺘﻪ ..

ﺭﺍﺣﻮ ﻭﺍﻣﻲ ﺣﺎﻟﺘﻬﺎ ﻛﻠﺶ ﺿﻐﻄﻬﺎ ﻣﺎﻳﻨﺰﻝ ﻭﺑﺲ ﺗﺒﺠﻲ ﻭﺗﺼﻴﺢ ﺣﻨﻴﻦ ﺟﻴﺒﻮﻟﻲ ﺣﻨﻴﻦ ..

ﺍﻧﻲ ﺍﻟﺪﻣﻮﻉ ﻣﺎﻓﺮﻛﺘﻨﻲ ﺣﻨﻮﻧﻪ ﺗﺨﺎﻑ ﺗﻜﺘﻞ ﺩﻭﺩﻩ ﻟﻴﺶ ﻭﺷﻠﻮﻥ ﻗﺘﻠﺘﻪ ..

ﺷﻮﻳﻪ ﻭﺍﺟﻪ ﻣﺤﻤﺪ ﻭﺣﺴﻴﻦ .. ﻣﺤﻤﺪ ﻳﻌﻴﻂ ﻭﻳﻜﻮﻝ ﻣﻐﺘﺼﺒﻬﺎ ﻭﻣﺎﺣﺠﺖ ﻭﺍﺳﺘﻐﻔﻠﺘﻨﺎ

ﻭﺣﺴﻴﻦ ﻳﮕﻮﻝ ﺍﻧﻲ ﻃﻠﮕﺘﻬﺎ ﻣﺎﺍﺗﺤﻤﻞ ﺍﻟﻨﺎﺱ ﺗﺤﺠﻲ ﻋﻠﻴﻪ ﻟﻮ ﮔﺎﻳﻠﻪ ﺑﻴﻨﻲ ﻭﺑﻴﻬﺎ ﺟﺎﻥ ﺳﺘﺮﺗﻬﺎ ..

ﺑﺲ ﻫﺴﺎ .. ﻭﺳﻜﺖ ..

ﻣﺤﻤﺪ .. ﻟﻴﺶ ﺳﻜﺘﺖ ﺍﺧﺘﻨﺎ ﺻﺎﺭﺕ ﻋﺎﺭ .. ﻭﺍﺻﻼ ﺍﻧﻲ ﻣﺘﺒﺮﻱ ﻣﻨﻬﺎ ﻭﻻﻋﻨﺪﻱ ﺍﺧﺖ ﻣﺜﻠﻬﺎ ﻭﻟﺤﺪ ﻳﺮﻭﺣﻠﻬﺎ ..

ﻭﻳﺴﺄﻝ ﻋﻠﻴﻬﺎ ﻧﺘﺒﺮﺍ ﻣﻨﻪ ﺍﻟﻲ ﻳﻮﺻﻠﻬﺎ

. 

ﺍﻣﻲ ﮔﺎﻣﺖ ﺗﻔﺮﻓﺢ ﻣﺎﺍﺗﺤﻤﻠﺖ ﻭﮔﺎﻟﺘﻠﻪ ﻭﻟﻚ ﻫﺎﻱ ﻋﺮﺿﻚ

ﻃﻠﻌﻮﻫﺎ ﻣﻨﺎﻙ ﻟﻮ ﻣﺎﻣﻈﻠﻮﻣﻪ ﻣﺎﺳﻮﺕ ﻫﻴﺞ ..

ﺗﺮﺑﻴﺘﻲ ﻭﺍﻋﺮﻓﻬﺎ ﻣﺎﺗﺴﻮﻱ ﺍﻟﻐﻠﻂ ..

ﺑﺎﻟﮕﻮﻩ ﺗﺤﺠﻲ ..

ﻭﻣﺤﻤﺪ ﻳﻌﻴﻂ ﻋﻠﻴﻬﺎ . ﻳﮕﻠﻬﺎ ﺣﺘﻰ ﺍﺫﺍ ﻃﻠﻌﻮﻫﺎ ﻭﻟﻮ ﻣﺎﺗﻄﻠﻊ

ﻫﻢ ﺍﻛﺘﻠﻬﺎ ﺑﻴﺪﻱ ﻭﺍﻏﺴﻞ ﻋﺎﺭﻫﺎ ..

ﺍﻣﻲ ﻣﺎﺗﺤﻤﻠﺖ ﺍﻟﻰ ﺍﻥ ﺷﺨﺮﺕ ﻭﻣﺎﺗﺖ .

ﺑﻘﻴﻨﺎ ﻧﻌﻴﻂ .. ﻭﺍﺿﺮﺏ ﺑﻤﺤﻤﺪ ﮔﺘﻠﻪ ﺍﻧﺖ ﻣﻮﺗﺘﻬﺎ ﻣﻮ ﺣﻨﻴﻦ

ﺍﺟﻪ ﻋﻠﻲ ﻟﻠﻤﺴﺘﺸﻔﻰ ﺳﻤﻌﻨﺎ ﻧﻌﻴﻂ ﻭﻧﺒﺠﻲ

ﺣﻈﻦ ﺍﻣﻲ .. ﻭﻧﺒﺠﻲ ..

ﺳﻮﻭ ﺍﻻﺟﺮﺍﺋﺎﺕ ﺍﻧﻲ ﺍﺧﺬﻧﻲ ﻋﺒﺪ ﺍﻟﻠﻪ ﻟﻠﺒﻴﺖ ..

ﺩﺧﻠﺖ ﺍﻟﺒﻴﺖ ﻭﺷﻔﺖ ﻛﻠﻬﺎ ﻫﻨﺎﻙ . ﺟﺎﺑﻮﺍ ﺍﻣﻲ ﻟﻠﺒﻴﺖ ﻭﺧﺎﻻﺗﻲ ﺍﻟﺘﻤﻦ ﻳﺒﺠﻦ ..

ﻭﺍﻧﻲ ﻣﺘﺖ ﺑﺎﻟﺒﺠﻲ ﻭﺍﻟﻌﻴﺎﻁ ..

ﺑﻘﻴﺖ ﻭﺣﻴﺪﻩ ..

ﺍﺧﺘﻲ ﻣﺎﺍﻋﺮﻑ ﻣﺼﻴﺮﻫﺎ

ﻭﺍﺑﻮﻳﻪ ﻣﺎﻛﻮ

ﻭﺍﻣﻲ ﺭﺍﺣﺖ ﻭﺗﺮﻛﺘﻨﻲ ﻭﺣﺪﻱ ..

ﻣﺎﺍﺗﺤﻤﻠﺖ ﻓﺮﺍﮒ ﺣﻨﻴﻦ ..

ﺍﺫﺍ ﺳﻤﻌﺘﻲ ﻳﺎﺣﻨﻴﻦ ﺷﻴﺼﻴﺮ ﺑﻴﺞ .. # ﺷﻤﺲ

ﺍﺟﻮ ﺍﻟﺸﺮﻃﻪ ﻣﺎﺍﻋﺮﻑ ﺷﻨﻮ ﻣﺴﻠﺤﻴﻦ ﻛﺘﻔﻮﺍ ﺍﺧﻮﺍﻧﻲ ﻭﺍﺧﺬﻭﻫﻢ ..

ﺣﺘﻰ ﻣﺎﺧﻠﻮﻫﻢ ﻳﺸﻴﻠﻮﻥ ﺟﻨﺎﺯﻩ ﺍﻣﻬﻢ ..

ﺷﺎﻟﻮﻫﺎ ﺧﻮﺍﻟﻲ ﻭﻋﺒﺪﺍﻟﻠﻪ .

ﻣﻠﺨﺖ ﺭﻭﺣﻲ ﻭﻟﻄﻤﺖ ﻉ ﺣﻈﻨﺎ ﻭﺑﻴﺘﻨﺎ ﺍﻟﻲ ﺗﻔﻜﻚ ..

ﻭﺍﻻﺳﻮﺀ .. ﺍﻟﺤﺠﻲ ﺍﻟﻲ ﺍﺳﻤﻌﻪ ..

ﻋﻤﺎﺗﻲ ﻳﮕﻮﻟﻦ ﻫﺎﻱ ﺗﺮﺑﺎﺕ ﺣﻨﺎﻥ ..

ﻭﺍﻟﻲ ﺗﮕﻮﻝ ﺍﻟﻠﻪ ﻟﻴﻨﻄﻴﻬﺎ ﺿﻴﻌﺖ ﺍﻫﻠﻬﺎ ..

ﺍﻟﻜﻞ ﺟﺎﻱ ﻳﺤﺠﻲ ﻭﻳﺘﺸﻤﺖ ..

ﻣﺤﺪ ﺟﺎﻱ ﻳﺒﺠﻲ ..

ﻣﺎﺍﺗﺤﻤﻠﺖ ﻋﻴﻄﺖ ﻭﮔﻤﺖ ﺍﺣﺠﻲ ﻋﻠﻴﻬﻦ ..

ﮔﻠﺘﻠﻬﻦ ﺍﻟﻲ ﻣﺘﻌﺠﺒﻬﺎ ﺗﻄﻠﻊ ﻭﺍﻟﻲ ﺗﺒﻘﻰ ﺗﺴﻜﺖ ..

ﺍﺧﺘﻲ ﺑﺮﻳﺌﻪ ﻭﻣﻀﻠﻮﻣﻪ ..

ﻭﻫﺎﻱ ﺻﺪﻳﻘﺘﻬﺎ ﺍﺳﺄﻟﻮﻫﺎ ﻭﺍﺷﺮﺕ ﻋﻠﻰ ﻋﻠﻴﺎﺀ ﺍﻟﻲ ﺫﺑﻠﺖ ﻭﺗﺒﺤﻲ ﻉ ﺣﻨﻴﻦ ﺍﻛﺜﺮ ﻣﻦ ﺍﻫﻠﻬﺎ ..

ﻭﻫﺎﻱ ﺍﻟﺠﻴﺮﺍﻥ ﻫﻢ ﺗﺸﻬﺪ ..

ﺗﺮﻛﺘﻬﻢ ﻭﺩﺧﻠﺖ ﺑﻐﺮﻓﻪ ﺍﻫﻠﻲ .. ﺍﺑﺠﻲ ﻭﺍﻭﺍﺳﻲ ﺭﻭﺣﻲ ﺑﺮﻳﺤﺘﻬﻢ ..

ﻣﺮﺕ ﺍﻳﺎﻡ ﻭﺍﺧﻮﺍﻧﻲ ﻣﺎﺍﻋﺮﻑ ﻋﻨﻬﻢ ﺷﻲ ..

ﺑﻨﻴﻦ ﺗﺮﻛﺖ ﺍﻟﺒﻴﺖ ﻭﺭﺍﺣﺖ .. ﮔﺎﻟﺖ ﻣﺎﻳﺸﺮﻓﻨﻲ ﺍﺑﻘﻰ ﺑﻬﻴﺞ ﻋﺎﺋﻠﻪ ..

ﻣﻦ ﻳﻄﻠﻊ ﺍﺧﻮﺝ ﺧﻠﻲ ﻳﻄﻠﮕﻨﻲ ..

ﺍﺧﺬﺕ ﺫﻫﺒﻬﺎ ﻭﻣﻼﺑﺴﻬﺎ ﻭﺭﺍﺣﺖ ..

ﺑﻘﻴﺖ ﻭﺣﺪﻱ . ﺑﺒﻴﺖ ﻣﺎﺑﻲ ﺍﺣﺪ ﺑﻌﺪ ﻣﺎﺟﺎﻧﻮﺍ ﻣﺎﻟﻴﻴﻦ ﺍﻟﺒﻴﺖ ﺑﺤﺴﻬﻢ ﻭﻟﻤﺘﻨﺎ ﺍﻟﺤﻠﻮﻩ ﻣﺎﺑﻘﻰ ﺑﺲ ﺭﻳﺤﺘﻬﻢ ..

ﺍﮔﻌﺪ ﺍﺑﺠﻲ ﻭﺣﺪﻱ ﺍﻟﻰ ﺍﻥ ﺍﺭﺗﺎﺡ .

ﻣﺮﺍﺕ ﺗﺠﻲ ﻋﻠﻴﺎﺀ ﻭﺍﻣﻬﺎ ﻭﻳﻮﺍﺳﻨﻲ ..

ﻭﻣﺎﺗﺮﻛﻨﻲ ﺍﺑﺪ ﺣﺘﻰ ﻃﺒﺦ ﻳﻄﺒﺨﻦ ﻭﻳﻮﺩﻥ ..

ﺍﺟﻪ ﻋﺒﺪ ﺍﻟﻠﻪ ﺑﻌﺪ ﺍﻳﺎﻡ ..

ﻭﻋﺒﺎﻟﻲ ﻫﻢ ﺗﺮﻛﻨﻲ ﻭﺭﺍﺡ ﻣﺜﻞ ﺑﻨﻴﻦ ..

ﮔﺎﻝ ﺍﻧﻲ ﺍﺗﺮﻛﺞ ﻣﺴﺘﺤﻴﻞ .. ﺍﻧﻲ ﺣﺘﻰ ﺣﻨﻴﻦ ﺍﻋﺮﻓﻬﺎ ﺑﺮﻳﺌﻪ ﻭﻣﺎﻟﻬﺎ ﺫﻧﺐ ..

ﺑﺠﻴﺖ ﺑﺤﻈﻨﻪ ﻭﮔﺘﻠﻪ .. ﻣﺸﺘﺎﻗﺘﻠﻬﺎ ﻭﻣﺎﺍﻋﺮﻑ ﺷﻨﻮ ﻣﺼﻴﺮﻫﺎ ..

ﮔﺎﻝ ﺭﺍﺡ ﺍﺭﻭﺡ ﺍﺳﺄﻝ ﺑﺎﻟﺘﺴﻔﻴﺮﺍﺕ ..

ﮔﺘﻠﻪ ﻭﺗﺮﺟﻴﺘﻪ ﺍﺭﻭﺡ ﻭﻳﺎﻩ ..

ﺑﺎﻟﮕﻮﻩ ﻗﺒﻞ .. ﻻﻥ ﻣﺎﻋﺪﻧﺎ ﺑﻨﻴﻪ ﺗﺪﺧﻞ ﻫﻴﺞ ﺍﻣﺎﻛﻦ ..

ﺭﺩﻧﺎ ﻧﻄﻠﻊ .. ﺷﻔﺖ ﺍﺧﻮﺗﻲ ﺍﺟﻮ ﺑﺲ ﺣﺎﻟﺘﻬﻢ ﺣﺎﻟﻪ ﻣﻌﺬﺑﻴﻬﻢ ﻭﻭﺟﻬﻢ ﺍﺯﺭﮒ ..

ﺣﻀﻨﺘﻬﻢ ﻭﺍﺑﺠﻲ ﻭﻳﺒﺠﻮﻥ ..

ﮔﻠﺖ ﺍﻟﻌﻼﻭﻱ ﻉ ﺑﻨﻴﻦ ..

ﮔﺎﻝ ﺧﻠﻲ ﺗﻮﻟﻲ . ﺍﻟﻲ ﻣﺎﺗﻮﮔﻒ ﻭﻱ ﺭﺟﻠﻬﺎ ﻣﺎﺍﺭﻳﺪﻫﺎ ﻣﺮﻩ

ﮔﺎﻟﻮﺍ ﺍﻧﺘﻮ ﻭﻳﻦ ﺭﺍﻳﺤﻴﻦ ..

ﺑﻘﻴﻨﻪ ﻧﺘﺼﻔﻦ ﻭﻣﺎﻧﻌﺮﻑ ﻧﺤﺠﻲ .

ﻻﻥ ﺍﺫﺍ ﻋﺮﻓﻮﺍ ﻣﺎﻳﻘﺒﻠﻮﻥ ﻭﻳﺴﻮﻥ ﻣﺸﻜﻠﻪ ..

ﮔﻠﺘﻠﻬﻢ ﺍﺭﻭﺡ ﺗﺠﻴﺐ ﻏﺮﺍﺿﻲ ﻣﻦ ﺑﻴﺖ ﺧﺎﻟﻲ ﻭﺍﺟﻲ ﻫﻨﺎ ﻳﻤﻜﻢ

. 

ﺭﺣﻨﺎ ﻟﻠﺘﺴﻔﻴﺮﺍﺕ ﻭﺳﺄﻟﻨﺎ ﺍﺧﺬﻭﻧﺎ ﺍﻟﻀﺎﺑﻂ ﺍﺳﻤﻪ ﻗﺼﻲ ﺣﺒﺎﺏ ﻣﺒﻴﻦ ﻭﺍﺑﻦ ﻧﺎﺱ ﺳﺎﻋﺪﻧﺎ ﻭﺍﺧﺬﻧﺎ ﺍﻟﻬﺎ ..

ﺷﻔﺘﻬﺎ ﺍﺳﺘﻐﺮﺑﺖ ﺳﻮﺩﻩ ﻋﻠﻴﻪ

ﺿﻌﻔﺎﻧﻪ ﻭﺫﺑﻼﻧﻪ ﻭﻋﺒﺎﻟﻚ ﻣﺮﻳﻀﻪ ..

ﺣﻀﻨﺘﻨﻲ ﻭﺗﺒﺠﻲ ..

ﺑﺲ ﺧﻮﻓﺘﻨﻲ ﻣﻦ ﻃﻠﺒﺖ ﺗﻨﺘﺤﺮ .. ﻟﻴﺶ ﻻﺯﻡ ﺍﻛﻮ ﺷﻲ

ﻫﻲ ﻣﻦ ﺍﻋﺘﺪﻯ ﻋﻠﻴﻬﺎ ﻣﻬﻨﺪ ﻣﺎ ﺍﻧﺘﺤﺮﺕ

ﻟﻴﺶ ﻫﺴﺎ ..

ﺑﻌﺪﻳﻦ ﮔﻠﺖ ﻳﻤﻜﻦ ﻣﺎﺗﺘﺤﻤﻞ ﺍﻟﺴﺠﻦ ﻭﺗﻌﺒﺖ ..

ﻣﻦ ﻃﻠﻌﻨﺎ ﺳﻮﻟﻔﺖ ﻟﻠﻀﺎﺑﻂ ﻗﺼﻲ ﮔﺎﻝ ﻟﺘﺨﺎﻓﻴﻦ ﺍﻧﻲ ﺭﺍﺡ ﺍﻗﺪﻡ ﻃﻠﺐ ﺣﺘﻰ ﻳﺤﺎﻛﻤﻮﻫﺎ ﻭﺗﺨﻠﺺ ﻣﻦ ﺍﻻﻣﻦ ..

ﺑﻴﻮﻣﻬﺎ ﺑﺲ ﺍﺑﺠﻲ ﻭﺍﺩﻋﻴﻠﻬﺎ ..

ﺍﺑﻮﻳﻪ ﻣﺮﻳﺾ ﻭﺑﺎﻟﺴﺠﻦ ..

ﻭﺍﺧﻮﺍﻧﻲ ﻣﺎﻳﻄﻠﻌﻮﻥ ﻣﻦ ﺍﻟﺒﺎﺏ ﻣﻦ ﺍﻟﻨﺎﺱ ..

ﺗﺎﻟﻲ ﻋﺒﺪ ﺍﻟﻠﻪ ﺷﺎﻓﻠﻨﺎ ﺑﻴﺖ ﺑﻐﻴﺮ ﻣﻨﻄﻘﻪ ﻭﺷﻠﻨﺎ ..

ﺣﺘﻰ ﻋﻤﺎﻣﻲ ﻭﺍﻫﻞ ﺍﻣﻲ ﺧﻔﺖ ﺭﺟﻠﻴﻬﻢ ﻣﻦ ﻋﺪﻧﺎ ﻭﻣﺎﻳﺬﻛﺮﻭﻧﺎ ..

ﺍﻟﻠﻪ ﻳﻨﻄﻲ ﻋﺒﺪ ﺍﻟﻠﻪ ﻭﺍﻛﻒ ﻭﻳﺎﻧﻪ ..

ﻭﻣﺎﺗﺮﻛﻨﻲ ﻭﻻ ﺗﺮﻙ ﺍﺧﻮﺍﻧﻲ ..

ﻣﺮﺕ ﺍﻳﺎﻡ ﻭﺍﺳﺎﺑﻴﻊ ﺭﺣﻨﺎ ﺍﻻﻣﻲ ﻭﺷﻔﻨﺎﻫﺎ ﺑﻌﺪ ﻣﺎﻃﻠﻊ ﺍﺭﺑﻌﻴﻨﻬﺎ ..

ﺭﺟﻌﺖ ﻟﻠﺒﻴﺖ ﺭﻭﺣﻲ ﻣﺸﺘﺎﻗﻪ ﺍﻟﺤﻨﻴﻦ ﻭﺧﺎﻳﻔﻪ ﺍﺭﻭﺡ

ﺫﺍﻙ ﺍﻟﻤﻜﺎﻥ ﻳﺨﻮﻑ ..

ﻧﻤﺖ ﺗﻌﺒﺎﻧﻪ ﻣﻦ ﺍﻟﻄﺮﻳﻖ ..

ﺣﻠﻤﺖ ﺑﺤﻨﻴﻦ ﮔﺎﻋﺪﻩ ﻳﻢ ﺍﻣﻲ ﻭﻣﺘﺤﺎﺿﻨﺎﺕ ﻭﻳﺒﺘﺴﻤﻦ ﺍﻟﻲ ..

ﺍﺭﻳﺪ ﺍﺣﻈﻦ ﺣﻨﻴﻦ ﺗﺒﺘﻌﺪ ﻋﻨﻲ ﺍﻟﻰ ﺍﺧﺘﻔﺖ .

ﺍﺟﻪ ﻋﺒﺪ ﺍﻟﻠﻪ ﮔﻌﺪﻧﻲ ..

ﮔﺎﻝ ﻧﺴﺮﻳﻦ ﺍﺟﻪ ﺍﻟﻀﺎﺑﻂ ﻗﺼﻲ ﺗﺬﻛﺮﺗﻲ ..

ﻭﻳﺮﻳﺪ ﻳﺤﺠﻲ ﻭﻳﺎﻧﺎ ..

ﺍﻧﻘﺒﺾ ﮔﻠﺒﻲ .. ﻟﺒﺴﺖ ﻋﺒﺎﺗﻲ ﻭﺭﺣﻨﺎ ..

ﺍﺧﻮﺍﻧﻲ ﻧﺎﻳﻤﻴﻦ ﻣﺎﺭﺩﺕ ﺍﮔﻌﺪﻫﻢ

ﻻﻥ ﻣﻴﺤﺒﻮﻥ ﺳﻴﺮﺓ ﺣﻨﻴﻦ ..

ﺍﻭﻝ ﻣﺸﺎﻓﻨﻲ .. ﺳﻠﻢ .. ﻭﮔﺎﻝ ﺧﻮﻳﻪ ﺍﺳﺘﺮﻳﺤﻲ .

ﺍﻧﻲ ﻫﻮﺍﻳﻪ ﺩﻭﺭﺕ ﺑﻴﺘﻜﻢ ﻭﻣﺎﻟﮕﻴﺘﻢ ﺍﻟﻴﻮﻡ ﻳﻠﻪ ﻟﮕﻴﺖ ﺍﻟﻌﻨﻮﺍﻥ

ﻭﺍﻟﻴﻮﻡ ﺍﺟﺎﻧﻲ ﺧﺒﺮ ﻣﺆﺳﻒ .

ﺍﺻﻔﺮ ﻭﺟﻬﻲ .. ﮔﺘﻠﻪ ﺣﻨﻴﻦ ﺷﺒﻴﻬﺎ ..

ﻃﻠﻊ ﺩﻓﺘﺮ ﮔﺎﻝ ﺩﺯﺕ ﻫﺬﺍ ﺍﻟﺞ ﻗﺒﻞ ﻓﺘﺮﻩ ﻭﻟﮕﻴﺘﻜﻢ ﺷﺎﻳﻠﻴﻦ ﻭﺗﺴﻠﻢ ﻋﻠﻴﻜﻢ ..

ﺍﺧﺬﺕ ﺍﻟﺪﻓﺘﺮ ﻭﺍﺑﻮﺱ ﺑﻲ ﻫﺬﺍ ﺩﻓﺘﺮﻫﺎ .. ﺍﻟﻲ ﺗﻜﺘﺐ ﻭﺗﺮﺳﻢ

ﻛﻤﻞ ﻛﻼﻣﻪ .. ﮔﺎﻝ ﺍﻟﻴﻮﻡ ﻭﺻﻠﻨﻲ ﺧﺒﺮ ﺣﻨﻴﻦ ﻗﺎﺗﻠﻪ ﻧﻔﺴﻬﻬﺎ

ﺍﻧﻲ ﻫﻨﺎ ﻣﺎﺍﺗﺤﻤﻠﺖ ﮔﻤﺖ ﺍﻋﻴﻂ ﺑﻼ ﻭﻋﻲ ..

ﺍﻱ ﺣﻠﻤﺖ ﺑﻴﻬﺎ ﺍﻟﻴﻮﻡ . ﻭﺩﻋﺘﻨﻲ ﻭﺭﺍﺣﺖ ﺍﻻﻣﻲ ..

ﺣﺴﻴﺖ ﻋﻠﻴﻬﺎ ﺗﺮﻳﺪ ﺗﻨﺘﺤﺮ ﻭﮔﻠﺘﻠﻜﻢ ﻭﻣﺎﺳﻮﻳﺘﻮﺍ ﺷﻲ ..

ﻭﮔﻤﺖ ﺍﺩﮒ ﻭﺍﻟﻄﻢ ..

ﺍﺟﻮ ﺍﺧﻮﺍﻧﻲ ﮔﺎﻟﻮﺍ ﺷﻜﻮ ..

ﮔﺎﻟﻬﻢ ﻋﺒﺪ ﺍﻟﻠﻪ ﺣﻨﻴﻦ ﺗﻮﻓﺖ

ﻋﻠﻲ ﺣﻀﻨﻲ ﻭﻳﺒﺠﻲ ﮔﻠﺒﻪ ﺣﻨﻴﻦ

ﺍﻻ ﻣﺤﻤﺪ .. ﺻﺢ ﺷﻜﻠﻪ ﺿﺎﺝ ﺑﺲ ﮔﺎﻝ ﺣﻴﻞ ﺗﺴﺘﺎﻫﻞ

ﺣﺴﻴﺖ ﺭﻭﺣﻲ ﺗﺎﻳﻬﻪ ..

ﮔﺎﻝ ﻗﺼﻲ ﻫﺴﺎ ﻫﻲ ﺑﺎﻟﻄﺐ ﺍﻟﻌﺪﻟﻲ ﺍﺫﺍ ﺗﺮﺩﻭﻥ ﺗﺎﺧﺬﻭﻫﺎ ﺑﺲ ﻻﺯﻡ ﺗﻌﺮﻓﻮﻥ ﺷﻲ ..

ﺍﺧﺘﻜﻢ ﺑﺮﻳﺌﻪ .. ﻭﺭﺍﺩﺕ ﺗﺪﺍﻓﻊ ﻋﻦ ﺷﺮﻓﻬﺎ ﻭﺍﻟﺪﻟﻴﻞ

ﺍﻭ ﺍﻟﺸﻐﻠﻪ ﺍﻟﻲ ﻣﺘﻌﺮﻓﻮﻫﺎ ..

ﺍﻧﻪ ﺍﻟﻀﺎﺑﻂ ﺍﻏﺘﺼﺒﻬﺎ ..

ﺍﺧﻮﺍﻧﻲ ﻫﻨﺎ ﺻﻔﻨﻮﺍ ﻭﻋﻠﻲ ﻟﻄﻢ ﻉ ﻭﺟﻬﺎ ..

ﻻﺗﺴﺘﻐﺮﺑﻮﻥ ..

ﻟﻴﺶ ﺷﺘﺘﻮﻗﻌﻮﻥ ﻣﻦ ﻋﻔﺘﻮﺍ ﺍﺧﺘﻜﻢ ﻫﻨﺎﻙ ﻭﻣﺎﺣﺮﻛﺘﻮﺍ ﺳﺎﻛﻦ

ﺗﻌﺬﺑﺖ ﻭﺗﺪﻣﺮﺕ ﻓﻲ ﺳﺒﻴﻠﻜﻢ ﺑﺲ ﺍﻧﺘﻮ ﺫﺑﻴﺘﻮﺍ ﺍﻟﺴﺒﺐ ﻛﻠﻪ ﺑﻴﻬﺎ ..

ﺍﻧﻲ ﺿﺎﺑﻂ ﻭﺷﺎﻳﻒ ﻫﻮﺍﻱ ﺑﻨﺎﺕ ﺑﺲ ﻫﻲ ﺍﺛﺮﺕ ﺑﻴﻪ ﺑﺮﺍﺋﺘﻬﺎ ﻭﺧﻮﻓﻬﺎ ..

ﻭﺍﻟﺪﻟﻴﻞ ﺍﻟﺒﺎﺭﺣﻪ ﻧﺺ ﺍﻟﻠﻴﻞ .. ﺍﻟﻀﺎﺑﻂ ﺭﺍﺩ ﻳﻌﺘﺪﻱ ﻋﻠﻴﻬﺎ ﻗﺘﻠﺘﻪ ﺑﻤﺴﺪﺳﻪ ﻭﻗﺘﻠﺖ ﻧﻔﺴﻬﺎ ..

ﻣﺎﺍﺗﺤﻤﻠﺖ ﺗﻌﻴﺶ ﻫﻴﺞ ..

ﻭﻟﮕﻮﺍ ﺍﻟﻀﺎﺑﻂ ﺷﺒﻪ ﻋﺎﺭﻱ ..

ﻭﻫﻲ ﺍﺳﺘﻐﻠﺖ ﻭﺟﻮﺩ ﺍﻟﻤﺴﺪﺱ ﻭﻗﺘﻠﺘﻪ ..

ﺍﻟﻠﻪ ﻳﺮﺣﻤﻬﺎ ..

ﺍﺧﺬﻭﺍ ﺍﺧﺘﻜﻢ ﺍﺩﻓﻨﻮﻫﺎ ﻭﺗﺮﺣﻤﻮﻟﻬﺎ ﺗﻌﺬﺑﺖ ﻫﻮﺍﻱ ﻭﻻﺯﻡ ﺗﺮﺗﺎﺡ ..

ﻭﺍﻧﻲ ﻭﻳﺎﻛﻢ ﻣﺎﺍﺗﺮﻛﻢ ﻭﺭﺍﺡ ﺍﺳﺎﻋﺪﻛﻢ ﺑﺎﻻﺟﺮﺁﺕ ..

ﺣﺴﻴﺖ ﺍﻟﺪﻧﻴﺎ ﺳﻮﺩﺕ ﺑﻌﻴﻨﻲ ..

ﺍﻭﻭﻭﻭﻑ ﻳﺎﺣﻨﻮﻧﻪ ﻫﺬﺍ ﻛﻠﻪ ﺻﺎﺭ ﺑﻴﺞ . ﺷﻠﻮﻥ ﺗﺤﻤﻠﺘﻴﻪ

ﺍﺑﺎﻭﻉ ﺍﻻﺧﻮﺍﻧﻲ ﻳﺒﺠﻮﻥ ﻭﻳﻠﻄﻤﻮﻥ ﻉ ﻭﺟﻬﻬﻢ ..

ﺣﺴﻮﻭ ﺑﺎﻟﻨﺪﻡ ..

ﺑﻤﺴﺎﻋﺪﻩ ﺍﻟﻀﺎﺑﻂ ﻗﺼﻲ ﺍﻟﻠﻪ ﻳﻨﻄﻴﻪ ﻭﻳﺠﺎﺯﻳﻪ ﻭﻳﻦ ﻣﺎﻛﺎﻥ ﺣﺎﻟﻴﺎ ..

ﺩﻓﻨﺎ ﺣﻨﻴﻦ ﻳﻢ ﺍﻧﻲ .. ﺣﺘﻰ ﻳﺸﺒﻌﻦ ﻣﻦ ﺑﻌﻈﻬﻦ ..

ﺳﻮﻳﻨﺎ ﺍﻟﻬﺎ ﻓﺎﺗﺤﻪ ﻗﻠﻴﻠﻴﻦ ﺍﻟﻲ ﺍﺟﻮ ..

ﺑﺲ ﻣﺎﻳﻬﻢ ﺍﻟﻤﻬﻢ ﺍﺭﺗﺎﺣﺖ ﻣﻦ ﺍﻟﺪﻧﻴﺎ ﺍﻟﺴﻮﺩﻩ ..

ﻛﻞ ﻳﻮﻡ ﺍﻗﺮﺃﻟﻬﺎ ﻗﺮﺁﻥ ..

ﻭﺍﺣﻠﻢ ﺑﻴﻬﺎ ﺍﺣﻼﻡ ﺣﻠﻮﻩ ..

ﺍﻟﻠﻪ ﻳﺠﺎﺯﻱ ﻛﻞ ﺍﻟﻲ ﻛﺎﻥ ﺳﺒﺐ ﺿﻴﺎﻉ ﺍﺧﺘﻲ ﻭﻣﻮﺗﻬﺎ ﺑﻬﺬﺍ ﺍﻟﺸﻜﻞ ..

ﺍﺑﻮﻳﻪ ﻃﻠﻌﻮﻩ ﻭﺣﺎﻟﺘﻪ ﺣﺎﻟﻪ ﺻﺎﺑﺘﻪ ﺟﻠﻄﻪ ﻭﻣﺸﻠﻮﻝ ﻭﻣﺎﻳﺤﺠﻲ ﺑﺲ ﺩﻣﻮﻋﻪ ﺗﻨﺰﻝ ..

ﺍﻟﻰ ﺍﻥ ﻣﺎﺕ ﺑﻌﺪ ﺳﻨﻪ ﻣﻦ ﻭﻓﺎﺓ ﺍﻣﻲ ﻭﺣﻨﻴﻦ .. ﺧﻼﻝ ﺳﻨﻪ ﻣﺎﻛﻮ ﺷﻲ ﻣﺎﺷﻔﻨﺎﻩ .. ﺳﻨﻪ ﻭﺣﺪﻩ ﺩﻣﺮﺕ ﺣﻴﺎﺗﻨﺎ ﺑﻌﺪ ﻣﺎﻛﻨﺎ ﻋﺎﻳﺸﻴﻦ ﺑﺴﻌﺎﺩﻩ ..

ﺣﻴﺎﺗﻨﺎ ﺻﺎﺭﺕ ﻣﻮ ﻣﺜﻞ ﻗﺒﻞ .. ﺑﺲ ﺣﻨﻮﻧﻪ ﺍﻟﺼﻐﻴﺮﻩ ﻣﻠﺖ ﺣﻴﺎﺗﻨﺎ ..

ﻣﺮﺕ ﺧﺎﻟﻲ ﻣﺎﻗﺒﻠﺖ ﺍﺳﻤﻴﻬﺎ ﺣﻨﻴﻦ ﺑﺲ ﺍﻧﻲ ﺍﺻﺮﻳﺖ ﺗﮕﻠﻲ ﺧﺎﻑ ﺗﻄﻠﻊ ﻣﺜﻞ ﺧﺎﻟﺘﻬﺎ ..

ﺑﺲ ﻋﺒﺪ ﺍﻟﻠﻪ ﻋﺎﻁ ﺑﻴﻬﺎ .. ﻭﻋﺸﻨﺎ ﺑﻴﺖ ﻣﺴﺘﻘﻞ ..

ﺍﺧﻮﺍﻧﻲ ﺑﻌﺪ ﺳﻨﻴﻦ ﻳﻠﻪ ﺗﺰﻭﺟﻮﺍ ﻭﺍﺳﺘﻘﺮﻭﺍ ..

ﺩﺍﻳﻤﺎ ﺍﺳﻮﻱ ﺛﻮﺍﺏ ﺍﻟﺤﻨﻴﻦ .. ﻻﻥ ﻣﺤﺪ ﻳﺴﻮﻳﻠﻬﺎ

ﻻﻥ ﺍﺧﻮﺍﻧﻲ ﻣﻤﻘﺼﺮﻳﻦ ﺩﺍﻳﻤﺎ ﻳﺴﻮﻭﻥ ﺍﻻﻫﻠﻲ ﺑﺲ ﺍﺧﺎﻑ ﻣﻴﺬﻛﺮﻭﻥ ﺣﻨﻴﻦ ..

ﺣﺴﻴﻦ ﺗﺰﻭﺝ ﻭﺻﺎﺭ ﻋﻨﺪﻩ ﺍﻭﻻﺩ ﻭﻋﺎﻳﺶ ﺣﻴﺎﺗﻪ ..

ﻟﺤﺪ ﺍﻻﻥ ﻣﺎﻧﺴﻴﺖ ﺣﻨﻴﻦ . ﻭﺳﻮﺍﻟﻔﻬﺎ ﻭﺿﺤﻜﺘﻬﺎ ﺍﻟﺤﻠﻮﻩ

ﺻﺤﻴﺢ ﻋﺎﻳﺸﻪ ﺣﻴﺎﺗﻲ ﻭﺻﺎﺭ ﻋﻨﺪﻱ ﺑﻌﺪ ﺍﺛﻨﻴﻦ ﻭﻟﺪ ﻭﺑﻨﻴﻪ ﺑﺲ ﺣﺴﺮﺓ ﻭﻗﻬﺮ ﺣﻨﻴﻦ ﻟﺴﺎ ﺑﺪﺍﺧﻠﻲ ..

ﺍﺩﻋﻮﻟﻬﺎ ﺑﺎﻟﺮﺣﻤﻪ ﻭﺍﻟﻤﻐﻔﺮﻩ ..

ﺍﺭﻳﺪ ﺍﻟﻨﺎﺱ ﺍﻟﻀﻠﻤﺘﻬﺎ ﻛﻠﻬﺎ ﺗﻌﺮﻑ ﺍﺧﺘﻲ ﺑﺮﻳﺌﻪ ﻭﺳﻮﺕ ﻫﻴﺞ ﻋﺒﺎﻟﻬﺎ ﺗﻨﺘﻘﻢ ﺍﻟﺸﺮﻓﻬﺎ ﻣﻦ ﻏﻴﺮ ﻣﺘﺄﺫﻱ ﺍﻫﻠﻬﺎ ..

ﺗﺼﺮﻓﺖ ﺑﻠﺤﻈﻪ ﺟﻬﻞ ..

ﺑﺲ ﻣﺎﺗﺪﺭﻱ ﺍﻧﻘﻠﺒﺖ ﺣﻴﺎﺗﻬﺎ ﺭﺃﺳﺎ ﻋﻠﻰ ﻋﻘﺐ ..

ﻭﻫﻲ ﺍﻟﻀﺤﻴﻪ ﺍﻻﻭﻟﻰ ﻭﺍﻻﺧﻴﺮﻩ ..

ﺣﺒﺎﻳﺒﻲ ﻫﺬﻱ ﻧﻬﺎﻳﺔ ﻗﺼﺘﻨﺎ .. ﺗﺤﻴﺎﺗﻲ ﻟﻜﻢ ﺍﺣﺒﺘﻲ ❤

ﻟﻠﺘﻨﻮﻳﻪ .. ﻗﻀﻴﻪ ﺍﻻﻏﺘﺼﺎﺏ ﻭﺍﻟﺘﻌﺬﻳﺐ ﺑﺎﻟﺴﺠﻮﻥ ﻣﺴﺘﻤﺮﻩ ﺍﻟﻰ ﺍﻻﻥ .. ﻳﻌﻨﻲ ﻣﻮ ﺑﺲ ﺑﺎﻟﻨﻈﺎﻡ ﺍﻟﺴﺎﺑﻖ ..

ﻛﻞ ﺍﻟﺴﺠﻮﻥ ﺍﻟﻌﺮﺍﻗﻴﻪ ﺗﻌﺎﻧﻲ ﺑﻴﻬﺎ ﺍﻟﻨﺴﺎﺀ ﻣﻦ ﺍﺑﺸﻊ ﻃﺮﻳﻘﻪ ﻟﻠﺘﻌﺬﻳﺐ .. ﻭﺫﻟﻚ ﻟﻌﺪﻡ ﻭﺟﻮﺩ ﺭﻗﺎﺑﻪ ﻟﻠﺴﺠﻮﻥ ..

ﺍﻭ ﺍﻟﺘﻐﺎﺿﻲ ﻋﻨﻬﺎ ﻟﻼﺳﻒ

.... 

..... 

استطيهون معرفة موعد التحديث + معرفة موعد النشر القادم للروايات + غلاف الرواية كيف يكون قبل النشر ومعرفة  مقدمة عن الروايات + مناقشتهاا فقط على حساب الانستقرام الخاص بنا 

.. 

إضغط هنا للمتابعة

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤