رواية بيت الطاعة الجزء الخامس | النهاية
للكاتبة حزن العيون
.
.
ﻟﻤﻴﻌﻪ ﻗﺎﺑﻞ ﺳﺎﻟﻔﺘﻚ ﺗﻨﻈﻢ ﻳﺎﺭﺩﻱ .. ﺍﻟﻠﻲ ﻣﺜﻠﻚ ﻳﺴﺘﺤﻲ ﻳﺨﺠﻞ ﻭﻟﻚ ﺗﺘﺰﻭﺝ ﻭﺣﺪﻩ ﻣﻦ ﻭﺭﺍﻧﻪ ﻭﻳﺎﺭﻳﺖ ﻭﺣﺪﻩ ﺷﺮﻳﻔﻪ ﻭﺣﺪﻩ ﺳﺎﻗﻄﻪ ﺍﺗﺒﻴﻊ ﺭﻭﺣﻪ ﻉ ﺍﻟﻔﻠﻮﺱ ﻭﺧﺬﺗﻚ ﻉ ﻃﻤﻊ .. ﻭﻋﻠﻤﻮﺩ ﺛﺮﻭﺗﻚ ﺍﺑﻮﻙ .. ﺍﻟﺮﺟﺎﻝ ﺟﺎﻥ ﻳﻜﻠﻲ ﺍﺑﻨﺞ ﺍﻫﻮﺍﻱ ﻳﺼﺮﻑ ﻭﻳﻦ ﻳﻮﺩﻱ ﺍﻓﻠﻮﺳﻪ ﻓﻮﻙ ﺭﺍﺗﺒﻚ ﻭﺗﺎﺧﺬ ﺍﻟﺰﻭﺩ ﻣﻦ ﺍﺑﻮﻙ … ﻭﺍﻧﻲ ﺍﻛﻮﻟﻪ ﺷﺎﺏ ﺧﻠﻴﻪ ﻟﻴﺶ ﺑﺨﻴﻞ ﻋﻠﻴﻪ .. ﺗﺎﻟﻲ ﻣﺘﺎﻟﻲ ﻃﻠﻌﺖ ﻣﺘﺰﻭﺝ ﻭﺣﺪﻩ ﻋﺒﺎﻟﻚ ﻛﺎﻭﻟﻴﻪ ﺑﺸﻌﺮﻫﻪ ﺍﻻﺻﻔﺮ .. ﻭﺗﻠﻌﺐ ﺍﻟﻨﻔﺲ ﻻ ﺧﻠﻖ ﻭﻻ ﺍﺧﻼﻕ
ﺟﺎﺳﺮ / ﻳﻮﻡ ﻛﺎﻓﻲ .. ﻣﻼﻣﻪ .. ﺍﻡ ﻏﺴﻖ ﺗﺮﻳﺪ ﺗﺎﺧﺬ ﻏﺴﻖ ﻣﻨﻲ ..
ﻟﻤﻴﻌﻪ / ﺣﻘﻬﻪ ﻟﻮ ﺍﺧﺘﻚ ﻳﺼﻴﺮ ﺑﻴﻬﻪ ﻫﻴﺞ ﻣﺎﺍﻋﻮﻓﻬﻪ ﻳﻢ ﺭﺟﻠﻬﻪ ﻟﺤﻈﻪ .. ﻭﻟﻚ ﺍﺷﻠﻮﻥ ﺍﻧﻄﺎﻙ ﻛﻠﺒﻚ ﺗﺘﻔﻖ ﻭﻱ ﺍﻝ …… ﻉ ﺯﻭﺟﺘﻚ .. ﺍﻧﺖ ﻣﻦ ﻛﻞ ﻋﻘﻠﻚ .. ﻭﻟﻚ ﻫﺎﻱ ﻋﺮﺿﻚ ﺍﺷﻠﻮﻥ ﺗﺘﺎﻣﺮ ﻋﻠﻴﻬﺎ .. ﻻ ﻭﺗﺮﻳﺪ ﺗﺎﺧﺬ ﺣﻼﻟﻬﺎ ..
ﺟﺎﺳﺮ … ﻣﻮ ﻛﺘﻠﺞ ﻳﻤﻪ ﻛﺎﻓﻲ ﻣﻼﻣﻪ .. ﻭﺍﻟﻠﻪ ﺑﺎﻭﻝ ﺷﻬﺮ ﺍﺗﻨﺪﻣﺖ ﻭﺻﺪﻛﻲ ﻛﻠﺸﻲ ﻣﺎﺍﺧﺬﺕ ﻣﻨـِْﻬـ ̨̐♡ ـِْﺎ .. ﻭﻻ ﺭﺍﺡ ﺍﺧﺬ ﺑﺲ ﺍﺭﻳﺪﻫﻪ ﺗﺮﺟﻌﻠﻲ ..
ﻟﻤﻴﻌﻪ / ﻫﺴﻪ ﺍﻟﺤﺪﻳﺪﻩ ﺣﺎﻣﻴﻪ .. ﺍﺗﺮﻙ ﺍﻡ ﻏﺴﻖ ﺗﺒﺮﺩ ﻧﺎﺭﻫﻪ ﻭﺑﻌﺪﻳﻦ ﻧﻠﻜﺎﻟﻚ ﺣﻞ ..
ﺟﺎﺳﺮ / ﻳﻮﻭﻭﻡ ﺍﺗﺮﻳﺪ ﺗﺎﺧﺬﻫﻪ
ﻟﻤﻴﻌﻪ / ﺧﻠﻲ ﺗﺎﺧﺬﻫﻪ ﻓﺘﺮﻩ ﺗﺮﺗﺎﺡ ﻳﻢ ﺍﻫﻠﻬﺎ .. ﻭﺑﻌﺪﻳﻦ ﺍﻟﻬﺎ ﺣﻞ ..
ﺑﻘﺖ ﻏﺴﻖ ﺍﺭﺑﻊ ﺍﻳﺎﻡ ﺑﺎﻟﻤﺴﺘﺸﻔﻰ ﺑﻌﺪﻳﻦ ﻃﻠﻌﺖ ﻭﺳﺎﻓﺮﺕ ﺟﺎﺳﺮ ﻃﺒﻌﺎ ﻣﻴﺪﺭﻱ ﺑﺴﻔﺮﻫﻢ .. ﻻﻥ ﻭﺍﻟﺪﺗﻬﻪ ﺍﺧﺬﺗﻬﻪ ﻗﺒﻞ ﻣﻮﻋﺪ ﺍﻟﺨﺮﻭﺝ .. ﻭﻉ ﻣﺴﺆﻭﻟﻴﺘﻬﻢ ..
ﻣﺮﺕ ﺍﻻﻳﺎﻡ ﻭﺟﺎﺳﺮ ﮔﻠﺒﻪ ﻣﺜﻞ ﺍﻟﻨﺎﺭ ﻉ ﻏﺴﻖ .. ﺣﺎﻭﻝ ﻳﻠﺘﻘﻲ ﺑﺎﺑﻮﻩ .. ﺑﺲ ﺣﺠﻲ ﺣﺴﻦ ﻛﺎﻥ ﺭﺍﻓﺾ ﻳﺸﻮﻓﻪ
ﻭﺍﻛﺜﺮ ﻣﻦ ﻣﺮﻩ ﺗﺤﺠﻲ ﻭﻳﺎﻩ ﻟﻤﻴﻌﻪ ﻭﻫﻮ ﻣﻴﻘﺒﻞ ..
ﺟﺎﺳﺮ ﺍﻭﺿﺎﻋﻪ ﺍﺩﻫﻮﺭﺕ ﻃﻠﻌﺎﺗﻪ ﻣﻦ ﺍﻟﺒﻴﺖ ﻗﻠﺖ ..
ﻭﻗﺮﺭ ﻳﺮﻭﺡ ﺍﻟﺨﻮﺍﻟﻪ ﻭﻳﺤﺠﻲ ﻭﻳﺎﻫﻢ ﺣﺘﻰ ﻳﺮﺟﻌﻮﻫﻪ ﺍﻟﻪ ﻭﺑﺎﻟﻔﻌﻞ ﺳﺎﻓﺮﻭ ﺧﻮﺍﻝ ﺟﺎﺳﺮ .. ﺍﻟﺒﻴﺖ ﺟﺪ ﻏﺴﻖ ﻭﺍﻡ ﻏﺴﻖ ﺭﻓﻀﺖ ﺭﺟﻌﺖ ﺑﺘﻬﻪ ﺍﻟﺠﺎﺳﺮ ﻭﻃﻠﺒﺖ ﻣﻨﻬﻢ ﺍﻟﻄﻼﻕ
ﻭﺭﺟﻌﺖ ﺍﻟﺰﻟﻢ ﻓﺸﻼﻧﻪ .. ﻭﺧﻼﻝ ﺳﻨﻪ ﻛﺎﻣﻠﻪ ﺟﺎﺳﺮ ﻳﺪﺯ ﻉ ﺯﻭﺟﺘﻪ ﻧﺎﺱ ﻭﺳﺎﺩﻩ ﻭﺍﻣﻬﻪ ﺍﻟﻐﺴﻖ . . ﻗﺎﻓﻠﻪ ﻉ ﺍﻟﻄﻼﻕ ..
ﺣﺎﻭﻝ ﺟﺎﺳﺮ ﻳﺘﺼﻞ ﺑﻴﻬﻪ ﺍﻛﺜﺮ ﻣﻦ ﻣﺮﻩ ﺟﺎﻧﺖ ﺍﻻﻡ ﺍﺗﺠﺎﻭﺏ ﻟﻮ ﺗﺴﺪﻩ ﺑﻮﺟﻬﻪ ﻟﻮ ﺗﺴﻤﻌﻪ ﻛﻼﻡ ﻣﺆﺫﻱ . ﺍﻟﻰ ﺍﻥ ﺑﺪﻟﻮ ﺷﺮﺍﻳﺤﻬﻢ ﻛﻠﻬﻢ ﻭﺍﻧﻘﻄﻊ ﺍﺗﺼﺎﻝ ﺟﺎﺳﺮ ﺑﻴﻬﻢ .. ﻭﺍﺟﻪ ﻣﻮﻋﺪ ﻋﻴﺪ ﺯﻭﺍﺟﻬﻢ ﺟﺎﺳﺮ ﺩﺧﻞ ﻟﻠﺒﻴﺖ ﺿﺎﻳﺞ .. ﻭﺩﺧﻞ ﻏﺮﻏﺔ ﺍﻟﻨﻮﻡ ﻭﺷﻤﺮ ﺭﻭﺣﻪ ﻉ ﺍﻟﺴﺮﻳﺮ ﻭﻫﺎﺟﺖ ﺑﻴﻪ ﺍﻟﻤﻮﺍﺟﻊ ﺍﺗﺬﻛﺮ ﻣﻦ ﻏﺴﻖ ﺟﺎﻧﺖ ﺗﺒﺠﻲ ﻭﺧﺎﻳﻔﻪ ﻣﻨﻪ .. ﻭﻣﻦ ﺟﺎﻧﺖ ﺍﺗﺼﻴﺤﻠﻪ ﻋﻤﻮﻭ ﺍﺗﺬﻛﺮ ﻣﻦ ﺟﺎﻧﺖ ﺗﺼﺮﺥ ﺧﺎﻳﻔﻪ ﻣﻦ ﺍﻟﻔﺎﺭﻩ ﻭﺣﻈﻨﺘﻪ ﻭﻣﺎﻗﺒﻠﺖ ﻳﻄﻠﻊ ﺍﻻ ﻳﻨﺎﻡ ﻳﻤﻬﻪ .. ﺍﺗﺬﻛﺮ ﺍﻟﻠﻴﻠﻪ ﺍﻟﺠﻤﻴﻠﻪ ﺍﻟﻠﻲ ﺟﻤﻌﺘﻬﻢ ﻭﺻﺎﺭ ﻭﻳﺎﻫﻪ ﺭﻭﺡ ﻭﺣﺪﻩ ﺑﺠﺴﺪﻳﻦ
ﺍﻟﺪﻧﻴﺎ ﻇﺎﮔﺖ ﺑﻌﻴﻨﻪ .. ﻭﻇﻞ ﻳﻠﻮﻡ ﺑﻨﻔﺴﻪ ﻛﻠﻪ ﻣﻨﻲ ﺍﻧﻲ ﻇﻴﻌﺘﻬﻪ ﻣﻦ ﺍﻳﺪﻱ .. ﻣﺎﻋﺮﻓﺖ ﻗﻴﻤﺘﻬﻪ ﻓﻀﻠﺖ ﺑﺖ ﺷﻮﺍﺭﻉ ﻋﻠﻴﻬﻪ ..
ﺍﺷﻮﻳﻪ ﻭﺑﻬﺎﻻﺛﻨﺎﺀ ﺩﺧﻠﺖ ﺍﻡ ﺟﺎﺳﺮ ﻟﻤﻴﻌﻪ ..
ﻟﻤﻴﻌﻪ / ﻟﺸﻮﻛﺖ ﺍﺗﻈﻞ ﻫﻴﺞ .. ﺍﻧﺖ ﺷﺎﻳﻒ ﺷﻜﻠﻚ ﺑﺎﻟﻤﺮﺍﻳﻪ
ﺟﺎﺳﺮ … ﻳﻤﻪ ﺧﻠﻴﻨﻲ ﻫﻴﺞ ﺍﻧﻲ ﻗﺎﺑﻞ ﺑﺸﻜﻠﻲ
ﻟﻤﻴﻌﻪ / ﻻﻥ ﺍﺛﺒﺘﺖ ﺍﻧﺖ ﻓﺎﺷﻞ ﻭﻣﺎﺑﻴﻚ ﺧﻴﺮ
ﺟﺎﺳﺮ .. ﻳﻤﻪ ﻓﻮﻙ ﻇﻴﻢ ﺍﻟﺪﻧﻴﺎ ﻫﻢ ﺍﻧﺘﻲ ﻋﻠﻴﻪ
ﻟﻤﻴﻌﻪ / ﺍﻟﻠﻲ ﻣﻴﺤﻄﻚ ﺗﺎﺝ ﻉ ﺭﺍﺳﻪ ﻟﺘﻠﺒﺴﻪ ﺍﻧﻌﺎﻝ ﺑﺮﺟﻠﻚ
ﺟﺎﺳﺮ ﻳﻌﻨﻲ ﺍﺷﻠﻮﻥ
ﻳﻌﻪ .. ﻳﻌﻨﻲ ﻋﻮﻓﻬﻪ ﻃﻠﻜﻬﻪ ﻭﺍﺯﻭﺟﻚ ﺍﺣﺴﻦ ﻣﻨـِْﻬـ ̨̐♡ ـِْﺎ
ﺟﺎﺳﺮ … ﺍﻧﻲ ﺍﻛﻮﻝ ﻟﻮ ﺗﻨﺰﻟﻴﻦ ﻳﻢ ﺍﺑﻮﻱ ﺍﺣﺴﻦ
ﻟﻤﻴﻌﻪ / ﺑﺖ ﺧﺎﻝ ﺯﻭﺝ ﺍﺧﺘﻚ ﺍﺳﻤﻬﻪ ﻫﻨﺪ ﻭﺍﺗﺨﺒﻞ ﻭﺧﻮﺵ ﺍﺑﻨﻴﻪ ..
ﺟﺎﺳﺮ .. ﻳﻤﻪ ﺍﻧﻲ ﻏﻴﺮ ﻏﺴﻖ ﻣﺎﺍﺗﺰﻭﺝ .. ﻳﻤﻪ ﻏﺴﻖ ﺍﻣﺮﻳﺘﻲ ..
ﻟﻤﻴﻌﻪ / ﻭﺍﻣﻬﻪ ﻣﺘﺮﻳﺪﻙ .. ﻭﺍﻧﻲ ﺳﻤﻌﺖ ﻣﻦ ﺍﺑﻮﻙ ﻭﺳﻜﺘﺖ
ﺟﺎﺳﺮ ﻳﻤﻪ ﺷﻨﻮ ﺳﻤﻌﺘﻲ
ﻟﻤﻴﻌﻪ / ﻻ ﻣﺎﺳﻤﻌﺖ ﺷﻲ ﻟﻴﻈﻞ ﺑﺎﻟﻚ ..
ﺟﺎﺳﺮ ﻳﻤﻪ ﺭﺣﻤﻪ ﺍﻟﻮﺍﻟﺪﻳﺞ ﺍﺣﺠﻲ
ﻟﻤﻴﻌﻪ / ﺍﺑﻦ ﻋﻢ ﺍﻣﻬﻪ ﺩﻛﺘﻮﺭ .. ﻭﻣﻦ ﺭﺍﺣﺖ ﻏﺴﻖ ﻣﻨﺎ ﻫﻮ ﻛﻤﻞ ﻋﻼﺟﻬﻪ .. ﻭﺣﺎﻁ ﻋﻴﻨﻪ ﻋﻠﻴﻬﺎ ﻭﻣﻨﺘﻈﺮﻳﻚ ﺍﻃﻠﻚ ﻭﻳﺎﺧﺬﻫﻪ ..
ﺟﺎﺳﺮ .. ﻳﺎﺧﺬﻫﻪ .. ﺍﺷﻠﻮﻥ
ﻟﻤﻴﻌﻪ / ﻳﻌﻨﻲ ﻳﺘﺰﻭﺟﻬﻪ
ﺟﺎﺳﺮ / ﺍﻗﺘﻠﻪ ﻭﺍﻟﻠﻪ ﻭﺍﻗﺘﻠﻬﻪ ﻭﺍﻗﺘﻞ ﺍﻣﻬﻪ ..
ﻟﻤﻴﻌﻪ / ﻋﻔﻴﻪ ﻋﻠﻴﻚ ﻭﻇﻴﻊ ﻣﺴﺘﻘﺒﻠﻚ ..
ﺟﺎﺳﺮ ﺍﻧﻌﻞ ﺍﺑﻮ ﻣﺴﺘﻘﺒﻠﻲ .. ﻳﻮﻭﻭﻡ ﻏﺴﻖ ﻻﺯﻡ ﺗﺮﺟﻌﻠﻲ ..
ﻻﺯﻡ ﺗﺮﺟﻌﻠﻲ ﺑﻌﺪ ﻣﺎﺍﺗﺤﻤﻞ ﺍﻓﺮﺍﮒ .. ﺍﺣﺠﻲ ﻭﻱ ﺍﺑﻮﻱ ﻳﺮﻭﺡ ﻋﻠﻴﻬﻢ ..
ﻟﻤﻴﻌﻪ / ﺍﺑﻮﻙ ﻣﻴﺮﻭﺡ ﻣﺎﻳﻘﺒﻞ ..
ﺟﺎﺳﺮ ﺍﺷﻠﻮﻥ ﻟﻌﺪ ﺩﺑﺮﻳﻨﻲ ﺍﻧﻄﻴﻨﻲ ﺍﻟﺤﻞ .. ﺍﺗﺴﺪﺩﺕ ﺍﻟﺒﻴﺒﺎﻥ ﻛﻠﻬﺎ ﺑﻮﺟﻬﻲ
ﻟﻤﻴﻌﻪ / ﻋﻨﺪﻱ ﺍﻟﺤﻞ ﺍﻟﻠﻲ ﻳﺨﻠﻲ ﻏﺴﻖ ﺗﺮﺟﻌﻠﻚ
ﺟﺎﺳﺮ .. ﻉ ﺑﺨﺘﺞ ﻳﻤﻪ ﺍﺣﺠﻴﻪ ﺑﺴﺮﻋﻪ
ﻟﻤﻴﻌﻪ / ﻋﻨﺪﻱ ﺍﻟﺤﻞ ﺍﻟﻠﻲ ﻳﺨﻠﻲ ﻏﺴﻖ ﺗﺮﺟﻌﻠﻚ
ﺟﺎﺳﺮ .. ﻉ ﺑﺨﺘﺞ ﻳﻤﻪ ﺍﺣﺠﻴﻪ ﺑﺴﺮﻋﻪ
ﻣﺎﺍﺣﺠﻲ ﻭﺭﺍﺡ ﺍﻧﺰﻝ ﺟﻮﻩ ﻳﻢ ﺍﺑﻮﻙ ﻭﺍﻟﺴﺎﻋﻪ ٧ﺑﺎﻟﻠﻴﻞ ﺍﺻﻌﺪ ﻭﺍﻟﻜﺎﻙ ﻏﻴﺮ ﺷﻜﻞ ..
ﺗﺮﻭﺡ ﻟﻠﺤﻼﻕ ﻭﺗﻈﺒﻂ ﺭﻭﺣﻚ .. ﻉ ﺍﻻﺧﺮ ﻭﺗﺮﺟﻊ ﺗﺴﺒﺢ ﺍﺭﻳﺪ ﺍﺷﻮﻓﻚ ﻋﺮﻳﻴﻴﺲ ﻭﺍﻧﻲ ﺍﻛﻮﻟﻚ ﺷﻨﻮ ﺍﻟﺤﻞ ..
ﺟﺎﺳﺮ ﻳﻮﻡ ﻟﺘﻠﻌﺒﻴﻦ ﺑﻌﺼﺎﺑﻲ
ﻟﻤﻴﻌﻪ / ﻫﺬﺍ ﺍﻟﻠﻲ ﻋﻨﺪﻱ ﺍﻧﻲ ﻧﺎﺯﻟﻪ ﺟﻮﻩ …
ﺟﺎﺳﺮ ﺍﻭﻛﻔﻲ ﻳﻮﻡ ..
ﻟﻤﻴﻌﻪ ﺍﻟﻠﻪ ﻭﻳﺎﻙ ..
ﺟﺎﺳﺮ ﻣﻦ ﻃﻠﻌﺖ ﺍﻣﻪ .. ﺍﺧﺬ ﺍﻟﺴﻮﻳﺞ ﻭﺭﺍﺡ ﻟﻠﺤﻼﻕ ﻭﻛﻤﻞ ﺍﻣﻮﺭﻩ ﻭﺭﺟﻊ ﻟﻠﺒﻴﺖ ﺳﺒﺢ ﻭﻟﺒﺲ ﺍﺗﺮﺍﻙ .. ﻭﺭﺗﺐ ﺍﻓﺮﺍﺵ ﺍﻟﺠﺮﺑﺎﻳﻪ .. ﻭﻛﻔﻜﻒ ﺍﻟﺒﻴﺖ .. ﻫﻴﺞ ﻣﻦ ﻓﻮﻙ ﺍﻟﻔﻮﻙ ..
ﻭﻇﻞ ﻣﻨﺘﻈﺮ ﺍﻟﺴﺎﻋﻪ ﻭﺷﻴﺠﻴﺐ ﺍﻟﺴﺒﻌﻪ ..
ﻫﺴﻪ ﺑﺎﻟﺴﺘﻪ .. ﻭﻇﻞ ﺟﺎﺳﺮ ﻳﺘﺼﻞ ﺑﺎﻣﻪ ﻭﺍﻣﻪ ﺍﺗﺮﻓﻀﻪ .. ﺟﺎﺳﺮ ﻣﺎﻳﻜﺪﺭ ﻳﻨﺰﻝ ﺟﻮﻩ ﻻﻥ ﺍﻻﺏ ﺭﺍﻓﺾ ﻳﺸﻮﻓﻪ ..
ﻣﻦ ﺍﻟﻤﺸﻜﻠﻪ ﺍﻟﻠﻲ ﺻﺎﺭﺕ ﻗﺒﻞ ﺳﻨﻪ ..
ﺻﺎﺭﺕ ﺑﺎﻟﺴﺒﻌﻪ ﻭﺻﻌﺪﺕ ﺍﻡ ﺟﺎﺳﺮ ..
ﻟﻤﻴﻌﻪ / ﻫﺬﺍ ﻣﻨﻮ . . ﺍﻟﺮﺟﺎﻝ ﺍﻟﻐﺮﻳﺐ ﺻﺪﻙ ﻣﻦ ﺷﻔﺘﻚ ﻣﻌﺮﻓﺘﻚ
ﺟﺎﺳﺮ … ﺑﺪﻭﻥ ﻣﺠﺎﻣﻼﺕ ﺍﺣﺠﻲ ﺍﻟﻠﻲ ﻋﻨﺪﺝ
ﻟﻤﻴﻌﻪ / ﻻ ﻭﺍﻟﻠﻪ ﻣﻮ ﻣﺠﺎﻣﻼﺕ ﻟﻮ ﺷﺎﻳﻒ ﻭﺟﻬﻚ ﺍﻟﺼﺒﺢ ﻋﺒﺎﻟﻚ ﻗﻨﻔﺬ
ﺟﺎﺳﺮ ﺭﺣﻢ ﺍﻟﻠﻪ ﻭﺍﻟﺪﻳﺞ
ﻟﻤﻴﻌﻪ / ﻇﻠﺖ ﺗﻀﺤﻚ
ﺟﺎﺳﺮ ﻳﻤﻪ ﻻ ﺗﻠﻌﺒﻴﻦ ﺑﻌﺼﺎﺑﻲ ﺍﺣﺠﻲ
.
ﻟﻤﻴﻌﻪ / ﺍﺳﻤﻊ ﺟﺎﺳﺮ .. ﺍﻧﺖ ﺍﺗﺤﺐ ﻣﺮﺗﻚ ﻭﺍﺗﺮﻳﺪﻫﻪ ﻭﺩﺯﻳﺖ ﻋﻠﻴﻬﺎ ﺍﻣﺔ ﻻ ﺍﻟﻪ ﺍﻟﻪ ﺍﻻ ﺍﻟﻠﻪ ﻭﺍﻣﻬﺎ ﺭﺍﻓﻀﻪ ..
ﻭﻗﺎﻓﻠﻪ ﻉ ﺍﻟﻄﻼﻕ ..
ﺑﺎﺟﺮ ﺗﺘﻄﻠﻊ ﺍﻟﺼﺒﺢ ﺍﺗﺴﺎﻓﺮ ﺍﻟﻤﺤﺎﻓﻈﺘﻬﻢ ﻭﺗﺮﻭﺡ ﺍﻟﻤﺤﻜﻤﺘﻬﻢ ﻭﺗﻮﻛﻞ ﻣﺤﺎﻣﻲ .. ﻳﺮﻓﻊ ﺩﻋﻮﻩ ﺑﺎﺳﻤﻚ
ﺟﺎﺳﺮ … ﺩﻋﻮﺓ ﺷﻨﻮ ..
ﻟﻤﻴﻌﻪ / ﺩﻋﻮﻩ ﻉ ﺯﻭﺟﺘﻚ ﻏﺴﻖ .. ﺍﺳﻤﻬﻪ ﺑﻴﺖ ﺍﻟﻄﺎﻋﻪ
ﺟﺎﺳﺮ ﻣﺘﻌﺠﺐ ﺑﻴﺖ ﺍﻟﻄﺎﻋﻪ
ﻟﻤﻴﻌﻪ / ﺍﻱ ﺑﻴﺖ ﺍﻟﻄﺎﻋﻪ ﻣﺎﺳﺎﻣﻊ ﺑﻴﻪ
ﺟﺎﺳﺮ ﺳﺎﻣﻊ ﺑﺲ ﻣﺪﺍﺧﻞ ﺑﺘﻔﺎﺻﻴﻞ
ﻟﻤﻴﻌﻪ / ﺑﻌﺾ ﺍﻻﺣﻴﺎﻥ ﺍﻛﻮ ﺯﻭﺟﺎﺕ ﺗﺘﻄﻠﺐ ﻧﻔﻘﻪ ﻭﺗﻜﺎﻟﻴﻒ ﻣﻦ ﺍﻟﺰﻭﺝ ﻭﺍﻟﺰﻭﺝ ﻣﺎﻳﻘﺒﻞ ﻳﻨﻄﻲ .. ﻳﻘﻴﻢ ﻋﻠﻴﻬﺎ ﺩﻋﻮﺓ ﻣﻄﺎﻭﻋﻪ ..
ﺟﺎﺳﺮ ﺑﺲ ﻏﺴﻖ ﻣﺎﻃﻠﺒﺖ ﻧﻔﻘﻪ ﻣِڼـّﻲ
ﻟﻤﻴﻌﻪ / ﻭﺑﻌﺾ ﺍﻻﺣﻴﺎﻥ ﺍﻛﻮ ﺯﻭﺝ ﻳﺮﻳﺪ ﺯﻭﺟﺘﻪ ﻣﺜﻞ ﺣﺎﻟﺘﻚ ﺑﺲ ﻣﺎﺗﻘﺒﻞ ﺗﺮﺟﻊ ﻳﻘﻴﻢ ﻋﻠﻴﻬﺎ ﺩﻋﻮﺓ ﻣﻄﺎﻭﻋﻪ ..
ﺟﺎﺳﺮ ﺍﻱ ﻛﻤﻠﻲ .. ﻭﺻﺎﻓﻦ ﺑﻜﻼﻡ ﺍﻣﻪ
ﻟﻤﻴﻌﻪ / ﺍﻟﻤﺤﻜﻤﻪ ﺗﺠﺒﺮﻫﻪ ﻉ ﺍﻟﺮﺟﻌﻪ ..
ﺟﺎﺳﺮ .. ﻭﺍﺫﺍ ﺍﻡ ﻏﺴﻖ ﻣﺎﻗﺒﻠﺖ ﺗﺮﺟﻊ ﺑﺘﻬﻪ
ﻟﻤﻴﻌﻪ ﻣﻮ ﺑﻜﻴﻔﻬﻪ ﻫﺬﺍ ﻗﺮﺍﺭ ﻣﺤﻜﻤﻪ ﻭﺣﻜﻢ ﻗﺎﺿﻲ ..
ﺟﺎﺳﺮ … ﻧﻔﺮﺽ ﻣﺎﻗﺒﻠﺖ
ﻟﻤﻴﻌﻪ ﺍﻟﻘﺎﺿﻲ ﺭﺍﺡ ﻳﺼﺪﺭ ﺣﻜﻢ ﺑﺎﻟﻨﺸﻮﺯ ..
ﺟﺎﺳﺮ / ﻧﺸﻮﻭﻭﺯ ؟؟
ﻟﻤﻴﻌﻪ / ﺍﻱ
ﺟﺎﺳﺮ ﻳﻌﻨﻲ ﺷﻨﻮ
ﻟﻤﻴﻌﻪ / ﻳﻌﻨﻲ ﺗﺴﻘﻂ ﻧﻔﻘﺘﻬﻪ ﻭﻣﺎﻟﻬﺎ ﺍﻱ ﺣﻖ ﺍﻃﺎﻟﺐ ﺑﺸﻲ ﻻ ﻭﻓﻮﻙ ﻫﺬﺍ ﻛﻠﻪ ﻣﺎﺗﺘﺰﻭﺝ ﻭﺗﻈﻞ ﻣﺜﻞ ﺍﻟﺒﻴﺖ ﺍﻟﻮﺍﻗﻒ ﻟﻤﺪﺓ ٧ﺳﻨﻮﺍﺕ ..
ﺟﺎﺳﺮ ﻃﺎﺭ ﻣﻦ ﺍﻟﻔﺮﺡ .. ﺍﻟﻔﻜﺮﻩ ﺭﺍﻗﺖ ﺍﻟﻪ ﺍﻫﻮﺍﻱ .. ﻭﻗﺮﺭ ﻳﻨﻔﺬﻫﻪ ﺑﺎﺟﺮ ﻻﺯﻡ ﻳﺴﺎﻓﺮ ﻭﻳﻮﻛﻞ ﻣﺤﺎﻣﻲ ﺷﺎﻃﺮ .. ﻳﺴﺘﻠﻢ ﺍﻟﻘﻀﻴﻪ .. ﻭﺍﻧﻲ ﺍﻟﺞ ﺍﻡ ﻏﺴﻖ ﺗﺮﺩﻳﻦ ﺍﺗﺰﻭﺟﻴﻬﻪ ﺍﻟﺪﻛﺘﻮﺭ
ﻭﻫﻲ ﻉ ﺫﻣﺘﻲ ..
ﺟﺎﺳﺮ .. ﺍﻟﻄﺎﻋﻪ ﺍﻟﻄﺎﻋﻪ ﺍﻻ ﺍﻃﻠﻊ ﺭﻭﺣﺞ ﻭﺭﻭﺡ ﺑﻨﺘﺞ ﺑﺴﻴﻄﻪ ..
ﺭﻛﺐ ﺟﺎﺳﺮ ﺍﻟﺼﺒﺢ ﺳﻴﺎﺭﺗﻪ ﻭﺍﺗﻮﺟﻪ ﻟﻠﻤﺤﺎﻓﻈﻪ ﻣﺎﻟﺘﻬﻢ ﻭﻭﺻﻞ ﻟﻠﻤﺤﻜﻤﻪ ﻭﻭﻛﻞ ﻣﺤﺎﻣﻲ ﻭﺣﺠﺎﻟﻪ ﻛﻠﺸﻲ ﻭﻛﺎﻟﻪ ﺷﻐﻠﺘﻚ ﺑﺴﻴﻄﻪ .. ﻭﻻﺗﺨﺎﻑ ﻭﺍﺧﺬ،ﻧﺺ ﺍﻟﻤﺒﻠﻎ ﻭﺍﻟﻨﺺ ﺍﻟﺜﺎﻧﻲ ﺑﻌﺪ ﺍﻟﺤﻜﻢ ..
ﺭﺟﻊ ﺟﺎﺳﺮ ﺍﻟﻤﺤﺎﻓﻈﺘﻪ .. ﻭﺑﻌﺪ ﻛﻢ ﻳﻮﻡ ﺍﻧﺪﻙ ﺑﺎﺏ ﺑﻴﺖ ﻏﺴﻖ ﻭﺑﺎﻟﺒﺎﺏ ﺍﻛﻮ ﻣﺤﻈﺮ .. ﻭﻃﻠﺐ ﺍﻟﺴﻴﺪﻩ ﻏﺴﻖ ﺟﺎﺳﻢ ﻻﺯﻡ ﺍﺗﻮﻗﻊ ﻉ ﺍﻻﻭﺭﺍﻕ ..
ﻭﺑﺎﻟﻔﻌﻞ ﻭﻗﻌﺖ ﻏﺴﻖ ﻉ ﺍﻻﻭﺭﺍﻕ .. ﻭﺑﻌﺪﻣﺎ ﻗﺮﺕ ﺍﻻﻭﺭﺍﻕ ﺍﻧﺼﺎﺑﺖ ﺑﺼﺪﻣﻪ ..
ﻏﺴﻖ … ﺗﻌﺎﻟﻲ ﻣﺎﻣﺎ ﺷﻮﻓﻲ ..
ﺍﻡ ﻏﺴﻖ ﺧﻴﺮ ﺑﻨﺘﻲ
ﻏﺴﻖ ﺍﻗﺮﻱ ﻣﺎﻣﺎ
ﺍﻡ ﻏﺴﻖ / ﺍﻟﻠﻪ ﻻﻳﻨﻄﻴﻪ ﺍﻟﻜﻠﺐ ﺍﻟﺤﻘﻴﺮ ﺍﻟﺠﺒﺎﻥ ﺭﺍﻓﻊ ﺩﻋﻮﻩ ﻋﻠﻴﺞ ﻳﻄﻠﺒﺞ ﺑﻴﻬﻪ ﺍﻟﺒﻴﺖ ﺍﻟﻄﺎﻋﻪ ..
ﻏﺴﻖ ﻣﺎﻣﺎ ﻳﻌﻨﻲ ﺍﺷﻠﻮﻥ ﺍﻟﺒﻴﺖ ﺍﻟﻄﺎﻋﻪ
ﺍﻡ ﻏﺴﻖ ﻳﻌﻨﻲ ﺍﺗﺮﺟﻌﻴﻦ ﻭﻳﺎﻩ ﻟﻠﺒﻴﺖ ﻭﺗﺼﻴﺮﻳﻦ ﺯﻭﺟﺘﻪ ﺑﺎﻟﻘﻮﻩ ﻭﺍﻟﺠﺒﺮ ..
ﻏﺴﻖ ﻣﺎﻣﺎ ﻣﺎﺍﺭﻳﺪ ﺍﺭﺟﻊ ﺍﺭﻳﺪ ﺍﺑﻘﻰ ﻳﻤﺞ
ﺍﻡ ﻏﺴﻖ ﻳﻮﻭﻭﻭﻡ ﻣﺮﺍﺡ ﺍﺗﺮﺟﻌﻴﻦ ﺑﺎﺟﺮ ﺍﻧﺮﻭﺡ ﻟﻠﻤﺤﻜﻤﻪ ﻭﺍﻭﻛﻞ ﻣﺤﺎﻣﻲ ﺍﻟﺞ ..
ﺻﺎﺭ ﺍﻟﺼﺒﺢ ﻏﺴﻖ ﺭﺍﺣﺖ ﻟﻠﻤﺤﻜﻤﻪ ﻫﻲ ﻭﺍﻣﻬﻪ ﻭﺍﻟﺘﻘﻮ ﺑﻤﺤﺎﻣﻲ ﺷﺎﻃﺮ ﻭﺑﻠﻐﻮﻩ ﺑﺎﻟﺪﻋﻮﻩ ﺍﻟﻤﺮﻓﻮﻋﻪ ﻇﺪﻫﻢ
ﺍﻟﻤﺤﺎﻣﻲ .. ﺍﺫﺍ ﺗﺮﺩﻳﻦ ﺑﻨﺘﺞ ﻣﺎﺗﺮﺟﻊ ﺑﻼﺯﻡ ﻧﻄﻌﻢ ﺑﺎﻟﺪﻋﻮﻩ
ﺍﻡ ﻏﺴﻖ ﺍﺷﻠﻮﻥ ﻧﻄﻌﻦ ﺍﺳﺘﺎﺫ
ﺍﻟﻤﺤﺎﻣﻲ .. ﻫﻮ ﺟﺎﻥ ﻳﻈﺮﺑﻬﻪ ﻗﺒﻞ
ﺍﻡ ﻏﺴﻖ ﻻ
ﺍﻟﻤﺤﺎﻣﻲ ﻋﻨﺪﻩ ﻗﺼﻮﺭ ﻭﻳﺎﻫﻪ ﻣﻦ ﻧﺎﺣﻴﻪ ﺍﻟﻤﻌﻴﺸﻪ
ﺍﻡ ﻏﺴﻖ ﻻ
ﺍﻟﻤﺤﺎﻣﻲ ﺍﻟﺒﻴﺖ ﺍﻟﻠﻲ ﻃﺎﻟﺒﻬﻪ ﺗﻜﻌﺪ ﺑﻴﻪ .. ﻛﺎﻣﻞ ﻟﻠﻤﻮﺍﺻﻔﺎﺕ ﻟﻮ ﺑﻴﺖ ﻋﺎﺩﻱ ﻭﻣﺎﺑﻴﻪ ﻣﺴﺘﻠﺰﻣﺎﺕ ﺍﻟﺮﺍﺣﻪ
ﺍﻡ ﻏﺴﻖ ﺑﻴﺘﻬﻪ ﻛﻮﻟﺶ ﺣﻠﻮ
ﺍﻟﻤﺤﺎﻣﻲ ﻣﻦ ﻫﺴﻪ ﺍﻛﻮﻟﺞ ﻗﻀﻴﺘﺞ ﺧﺴﺮﺍﻧﻪ ..
ﺍﻡ ﻏﺴﻖ ﻻ ﻉ ﺑﺨﺘﻚ ﺍﺳﺘﺎﺫ ﺍﺷﻠﻮﻥ ﺧﺴﺮﺍﻧﻪ
ﺍﻟﻤﺤﺎﻣﻲ .. ﺍﺫﺍ ﺍﻟﺰﻭﺝ ﻣﺎﻋﻨﺪﻩ ﺍﻱ ﻗﺼﻮﺭ ﻣﻦ ﻧﺎﺣﻴﻪ ﺍﻟﺰﻭﺟﻪ ﻭﺗﻮﺍﻓﺮﺕ ﺷﺮﻭﻁ ﺑﻴﺖ ﺍﻟﻄﺎﻋﻪ ﺭﺍﺡ ﻳﻜﻮﻥ ﺍﻟﺤﻜﻢ ﻟﻠﺰﻭﺝ ﺑﺴﺮﻋﻪ …
ﺍﻟﻤﺤﺎﻣﻲ ﻳﻌﻨﻲ ﻫﻮ ﺑﻬﺎﻱ ﺍﻟﻔﺘﺮﻩ ﺩﺯ ﻧﺎﺱ ﻟﻠﺼﻠﺢ
ﺍﻡ ﻏﺴﻖ ﻣﺎﺧﻠﻪ ﻭﺍﺣﺪ ﻣﺎﺩﺯﻩ ﻛﻠﺴﺎﻉ ﻭﺩﺍﺯ ﺍﻟﻨﻪ .. ﺑﺲ ﺑﻨﺘﻲ ﻣﺘﺮﻳﺪ ﺗﺮﺟﻊ ..
ﺍﻟﻤﺤﺎﻣﻲ ﺍﺫﺍ ﺗﺮﺩﻳﻨﻲ ﺍﻃﻌﻦ ﺑﺎﻟﺪﻋﻮﻩ ﻻﺯﻡ ﺍﺣﺠﻲ ﻛﻼﻡ ﻣﻦ ﻳﻤﻲ
ﺍﻡ ﻏﺴﻖ ﻳﻌﻨﻲ ﺍﺷﻠﻮﻥ
ﺍﻟﻤﺤﺎﻣﻲ ﺍﻛﻮﻝ ﺟﺎﻥ ﻳﻈﺮﺑﻬﻪ ﻭﺟﺎﻥ ﻣﻘﺼﺮ ﻭﻳﺎﻫﻪ ﻣﻦ ﻧﺎﺣﻴﻪ ﺍﻟﻤﺼﺮﻑ ﻭﺍﻟﺒﻴﺖ ﺍﻟﻠﻲ ﻃﺎﻟﺒﻪ ﺑﻴﻪ ﻟﻠﻄﺎﻋﻪ ﻏﻴﺮ ﻣﻄﺎﺑﻖ ﻟﻠﻤﻮﺍﺻﻔﺎﺕ ..
ﺍﻡ ﻏﺴﻖ … ﻫَـ (⊙﹏⊙) ــﺎﺁ ﻭﺍﻟﻠﻪ ﺍﺳﺘﺎﺫ ﺍﻟﻠﻲ ﺍﺗﺸﻮﻓﻪ ﺑﺲ ﺍﻟﻤﻬﻢ ﻧﻜﺴﺐ ﺍﻟﻘﻀﻴﻪ ..
ﻣﺤﺎﻣﻲ ﻏﺴﻖ ﻃﻌﻦ ﺑﺎﻟﺪﻋﻮﻩ .. ﻭﻗﺪﻡ ﺍﻻﺳﺒﺎﺏ ﺍﻟﻠﻲ ﻋﻨﺪﻩ
ﻭﻣﺤﺎﻣﻲ ﺟﺎﺳﺮ ﻗﺪﻡ ﺍﺩﻟﻪ ﻋﻨﺪﻩ ﻭﻃﻠﺐ ﻟﻠﺸﻬﻮﺩ ﺧﺎﻝ ﻏﺴﻖ ﻭﻏﺴﻖ ﻭﺍﻣﻬﻪ ﻭﺟﺎﺳﺮ
ﺣﻈﺮﻭ ﺍﻟﻤﺠﻤﻮﻋﻪ ﻛﻮﻟﻬﻢ ﻟﻠﺪﻋﻮﻩ ﻭﺻﺎﺣﻮ ﻉ ﺍﻟﻘﻀﻴﻪ ﻭﺩﺧﻠﺖ ﻏﺴﻖ ﻭﺟﺎﺳﺮ .. ﻭﺍﻟﻘﺎﺿﻲ ﻃﻠﺐ ﻣﻦ ﻏﺴﻖ ﺍﻧﻮ ﺍﺗﺤﻂ، ﺍﻳﺪﻫﻪ ﻉ ﺍﻟﻴﻤﻴﻦ ﻭﺗﻘﺴﻢ ﺍﻧﻮ ﺗﺤﺠﻲ ﺍﻟﺤﻖ ..
ﻏﺴﻖ ﺧﻠﺖ ﺍﻳﺪﻫﻪ ﻉ ﻛﺘﺎﺏ ﺍﻟﻠﻪ ﻭﻫﻲ ﺗﺮﺟﻒ ﻣﻦ ﺍﻟﻴﻤﻴﻦ ..
ﻭﻛﺎﻟﺖ ﻭﺍﻟﻠﻪ ﺍﻗﻮﻝ ﺍﻟﺤﻖ ..
ﺍﻟﻘﺎﺿﻲ .. ﺻﺤﻴﺢ ﻛﺎﻥ ﺯﻭﺟﺞ ﺍﻟﻤﺪﻋﻮ ﺟﺎﺳﺮ ﺣﺴﻦ ﻳﻈﺮﺑﺞ ﻭﻣﻘﺼﺮ ﻭﻳﺎﺝ ﻣﻦ ﻧﺎﺣﻴﻪ ﺍﻟﻤﻌﻴﺸﻪ ..
ﻏﺴﻖ ﻻ ﺳﻴﺪﻱ .. ﺟﺎﺳﺮ ﻋﻤﺮﻩ ﻣﺎﻇﺮﺑﻨﻲ ﺍﻭ ﻗﺼﺮ ﻣﻦ ﻧﺎﺣﻴﺘﻲ ..
ﺍﻟﻘﺎﺿﻲ .. ﻭﺍﻟﺒﻴﺖ ﺍﻟﻠﻲ ﻛﻨﺘﻲ ﺳﺎﻛﻨﻪ ﺑﻴﻪ .. ﻳﺨﻀﻊ ﻟﺸﺮﻭﻁ ﺍﻻﻗﺎﻣﻪ ﺍﻭ ﻛﺎﻥ ﻣﻨﺰﻝ ﺭﺩﻱﺀ
ﻏﺴﻖ ﻻ ﺑﺎﻟﻌﻜﺲ ﺟﺎﻥ ﻛﻮﻟﺶ ﺣﻠﻮ ﻭﺑﻨﺎﺀﻩ ﺣﺪﻳﺚ
ﻃﻠﺐ ﺍﻟﻘﺎﺿﻲ ﻣﻦ ﺧﺎﻝ ﻏﺴﻖ ﺍﻟﺸﻬﺎﺩﻩ ﻭﺑﻌﺪ ﺍﻟﺤﻠﻒ ﻭﺍﻟﻴﻤﻴﻦ ﺍﻛﺪ ﺍﻧﻮ ﺑﻴﺖ ﻏﺴﻖ ﻛﺎﻥ ﺑﻴﺖ ﺟﻤﻴﻞ ﻭﺍﻧﻮ ﺟﺎﺳﺮ
ﻗﺎﻳﻢ ﺑﻮﺍﺟﺐ ﺯﻭﺟﺘﻪ ﻣﻦ ﺟﻤﻴﻊ ﺍﻟﻨﻮﺍﺣﻲ ..
ﻭﻟﻠﻌﻠﻢ ﺑﻌﺪﻣﺎ ﺣﻈﺮﺕ ﺍﻡ ﻏﺴﻖ .. ﻭﺣﻠﻔﺖ ﻉ ﺍﻟﻴﻤﻴﻦ ﺑﺪﻟﺖ ﺍﻓﺎﺩﺗﻬﻪ
ﻭﺍﺧﻴﺮﺍ ﺍﻟﻘﺎﺿﻲ ﺍﺻﺪﺭ ﺣﻜﻤﻪ
.
ﺍﻧﻲ ﺍﻟﻘﺎﺿﻲ ﻫﺰﺍﻉ ﺟﻮﺍﺩ ﻏﺎﻟﺐ ﻣﻦ ﻣﺤﻜﻤﻪ ﺍﻻﺣﻮﺍﻝ ﺍﻟﺸﺨﺼﻴﻪ ﻓﻲ ﻣﺤﺎﻓﻈﺔ .... ﻭﺑﻌﺪ ﺳﻤﺎﻉ ﺍﻟﺸﻬﻮﺩ ﻭﺭﺅﻳﻪ ﺍﺩﻟﻪ ﺍﻟﺤﻜﻢ ﺍﻟﻤﻄﻌﻮﻥ ﻓﻴﻪ ﺑﺈﻟﻐﺎﺀ ﺍﻟﺤﻜﻢ ﺍﻟﻤﺴﺘﺄﻧﻒ ﻭﻋﺪﻡ ﺍﻻﻋﺘﺪﺍﺩ ﺑﺈﻧﺬﺍﺭ ﺍﻟﻄﺎﻋﺔ ﻭﺍﻋﺘﺒﺎﺭﻩ ﻛﺄﻥ ﻟﻢ ﻳﻜﻦ ﻋﻠﻰ ﻣﺎ ﺃﻭﺭﺩﻩ ﺑﺄﺳﺒﺎﺑﻪ ﺗﺒﻴﻦ ﻣﻦ ﺃﻗﻮﺍﻝ ﺷﺎﻫﺪﻯ ﺍﻟﻤﻄﻌﻮﻥ ﺿﺪﻫﺎ ﻭﺗﻘﺮﻳﺮ ﺍﻹﺧﺼﺎﺋﻴﻴﻦ ﺍﻻﺟﺘﻤﺎﻋﻴﻴﻦ ﺃﻥ ﻣﺴﻜﻦ ﺍﻟﻄﺎﻋﺔ ﻏﻴﺮ ﺷﺮﻋﻰ ﻻ ﺗﺄﻣﻦ ﻓﻴﻪ ﺍﻟﺰﻭﺟﺔ ﻋﻠﻰ ﻧﻔﺴﻬﺎ ﻭﻣﺎﻟﻬﺎ ﻓﻘﺪ ﺗﻌﺮﺿﺖ ﻟﻠﻀﺮﺏ ﺃﺛﻨﺎﺀ ﺇﻗﺎﻣﺘﻬﺎ ﻓﻴﻪ ، ﻭﺃﻥ ﺍﻟﻄﺎﻋﻦ ﻏﻴﺮ ﺃﻣﻴﻦ ﻋﻠﻴﻬﺎ ﻟﻌﺪﻡ ﺇﻧﻔﺎﻗﻪ ﻋﻠﻴﻬﺎ ﻭﺣﺼﻮﻟﻬﺎ ﻋﻠﻰ ﺣﻜﻢ ﻧﻔﻘﺔ ﻋﻠﻴﻪ . ﻓﻲ ﺣﻴﻦ ﺃﻥ ﺃﻗﻮﺍﻝ ﺷﺎﻫﺪﻳﻬﺎ ﻗﺪ ﺧﻠﺖ ﻣﻤﺎ ﻳﻨﺒﺊ ﻋﻤﺎ ﺍﺳﺘﺪﻝ ﻋﻠﻴﻪ ﺍﻟﺤﻜﻢ ﻓﺎﻟﺸﺎﻫﺪ ﺍﻷﻭﻝ ﻭﻫﻲ ﺍﻟﻤﺪﻋﻮﻩ ﻏﺴﻖ ﺟﺎﺳﻢ ﻭﺍﻟﺸﺎﻫﺪ ﺍﻟﺜﺎﻧﻲ ﻋﻤﺎﺩ ﺍﺣﻤﺪ ﺣﺎﻣﺪ ( ﺧﺎﻝ ﺍﻟﺰﻭﺟﻪ ) ﻭﺍﻟﺸﺎﻫﺪﻩ ﺍﻟﺜﺎﻟﺜﻪ ﻭﺍﻟﺪﺓ ﺍﻟﺰﻭﺟﻪ . ﻭﻣﻦ ﺗﻘﺮﻳﺮ ﺍﻹﺧﺼﺎﺋﻴﻴﻦ ﺍﻻﺟﺘﻤﺎﻋﻴﻦ ﺃﻥ ﻣﺴﻜﻦ ﺍﻟﻄﺎﻋﺔ ﺧﺎﻝٍ ﻣﻦ ﺳﻜﻦ ﺍﻟﻐﻴﺮ ﻣﻼﺋﻢ ﻟﻠﺤﻴﺎﺓ ﺍﻟﺰﻭﺟﻴﺔ ، ﻭﻛﺎﻥ ﻋﺪﻡ ﺍﻹﻧﻔﺎﻕ ﻻ ﻳﻌﺘﺒﺮ ﻣﻦ ﺍﻷﻭﺟﻪ ﺍﻟﻤﻘﺒﻮﻟﺔ ﻟﻼﻋﺘﺮﺍﺽ ﻋﻠﻰ ﺇﻧﺬﺍﺭ ﺍﻟﻄﺎﻋﺔ ، ﻭﻣﻦ ﺛﻢ ﻓﺈﻥ ﺍﻟﺤﻜﻢ ﺍﻟﻤﻄﻌﻮﻥ ﻓﻴﻪ ﻳﻜﻮﻥ ﻗﺪ ﺧﺮﺝ ﺑﺄﻗﻮﺍﻝ ﺍﻟﺸﻬﻮﺩ ﻋﻤﺎ ﻳﺆﺩﻯ ﺇﻟﻴﻪ ﻣﺪﻟﻮﻟﻬﺎ ﻭﺧﺎﻟﻒ ﺍﻟﺜﺎﺑﺖ ﺑﺎﻷﻭﺭﺍﻕ ﻭﺷﺎﺑﻪ ﺍﻟﻔﺴﺎﺩ ﻓﻲ ﺍﻻﺳﺘﺪﻻﻝ .. ﻭﻋﻠﻴﻪ ﺗﻤﺖ ﻣﻮﺍﻓﻘﻪ ﺍﻟﻤﺤﻜﻤﻪ ﻉ ﺍﻟﻄﻠﺐ ﺍﻟﺬﻱ ﻗﺪﻣﻪ ﺍﻟﺰﻭﺝ ﺟﺎﺳﺮ ﺣﺴﻦ ﺑﺎﻟﺰﺍﻡ ﺯﻭﺟﺘﻪ ﺑﺤﻜﻢ ﺍﻟﻄﺎﻋﻪ ﻭﺗﻨﻔﻴﺬ،ﺍﻟﺤﻜﻢ ﺧﻼﻝ ٢٤ﺳﺎﻋﻪ ﻭﺧﻼﻑ ﺫﻟﻚ ﺗﻌﺘﺒﺮ ﺍﻟﺰﻭﺟﻪ ﻧﺎﺷﺰ ﻭﺗﺴﻘﻂ ﻣﻨﻬﺎ ﻛﺎﻓﻪ ﺣﻘﻮﻗﻬﺎ ﺍﻟﺸﺮﻋﻴﻪ ..
ﺟﺎﺳﺮ ﺍﻟﻔﺮﺣﻪ ﺍﺧﺬﺕ ﺭﻭﺣﻪ .. ﻭﺍﺧﻴﺮﺍ ﺭﺍﺡ ﻳﻨﺠﻤﻊ ﻭﻱ ﻏﺴﻖ .. ﺍﺑﻴﺖ ﻭﺍﺣﺪ ﻃﺎﻋﻪ ﻣﻮ ﻃﺎﻋﻪ ﺍﻟﻤﻬﻢ ﻳﻠﺰﻡ ﻏﺴﻖ ﺑﻴﺪﻫﻪ ..
ﺧﺎﻝ ﻏﺴﻖ ﻣﻦ ﺷﺎﻑ ﺟﺎﺳﺮ ﻛﺴﺐ ﺍﻟﻘﻀﻴﻪ ﻇﻞ ﻳﺠﺮ ﻧﺎﻋﻢ .. ﻭﻃﻠﺐ ﻣﻦ ﺟﺎﺳﺮ ﺗﺒﻘﻰ ﻏﺴﻖ ﻳﻮﻣﻴﻦ ﻭﻫﻮ ﺭﺍﺡ ﻳﺠﻴﺒﻬﻪ ﺑﻨﻔﺴﻪ ﻟﻠﺒﻴﺖ .. ﺑﺎﻟﺒﺪﺍﻳﻪ ﺟﺎﺳﺮ ﺭﻓﺾ ﺑﺲ ﺑﻌﺪﻳﻦ ﻓﻜﺮ ﻭﻛﺎﻝ ﺧﻠﻲ ﺗﺒﻘﻲ ﻳﻮﻣﻴﻦ ﻭﺑﺲ .. ﻭﺑﻌﺪﻫﻪ ﺍﻟﻠﻪ ﻛﺮﻳﻢ
ﻏﺴﻖ ﺑﻌﺪ ﺍﻟﺤﻜﻢ ﺑﻘﺖ ﻳﻮﻣﻴﻦ ﻳﻢ ﺍﻫﻠﻬﺎ .. ﻃﺒﻌﺎ ﺍﺳﺘﻠﻤﺘﻬﺎ ﺍﻣﻬﻪ ﺗﻮﺻﻴﺎﺕ ﻭﻧﺴﻮﺍﻥ ﺧﻮﺍﻟﻬﺎ ﻣﺎﻗﺼﺮﻥ ﻣﻦ ﻛﻞ ﻭﺣﺪﻩ ﺣﻜﻤﻪ ﻭﻣﻮﻋﻈﻪ ..
ﻭﻫﻲ ﺳﺎﻛﺘﻪ ﻭﺗﺴﺘﻘﺒﻞ ﺩﺭﻭﺱ ﻃﺒﻌﺎ ﺍﻟﺪﺭﻭﺱ ﻛﻮﻟﻬﺎ ﻇﺪ ﺟﺎﺳﺮ ..
ﻭﺑﻌﺪ ﻋﻤﺮﻱ ﺭﺟﻌﺖ ﻏﺴﻖ ﺍﻟﺒﻴﺖ ﺍﻟﻄﺎﻋﻪ ﻭﺧﺎﻟﻬﺎ ﻭﻣﺮﺷﺪ ﺍﺟﺘﻤﺎﻋﻲ ﻭﻳﺎﻫﻪ ﻳﻌﺎﻳﻨﻮﻥ ﺍﻟﺒﻴﺖ ﻭﻳﺸﻮﻓﻮﻫﻪ ﻣﻄﺎﺑﻖ ﻟﻠﻤﻮﺍﺻﻔﺎﺕ ..
ﻭﺍﻟﺤﻤﺪﻟﻠﻪ ﺟﺎﺳﺮ ﻣﺮﺗﺐ ﺍﻟﺒﻴﺖ ﺑﻤﺴﺎﻋﺪﺗﻪ ﺍﻣﻪ ﻭﺍﺧﺘﻪ ﺳﻌﺎﺩ ﻭﺑﺪﻝ ﺍﻟﻘﻨﻔﺎﺕ ﻭﺍﻟﺒﺮﺩﺍﺕ .. ﺑﺲ ﻏﺮﻓﺔ ﺍﻟﻨﻮﻡ ﺑﻘﺖ ﻣﺜﻠﻤﺎ ﻫﻲ ..
ﺍﺷﻮﻳﻪ … ﻭﺍﺟﻪ ﺟﺎﺳﺮ ﻭﺍﺧﺬ ﺧﺎﻝ ﻏﺴﻖ ﺟﻮﻩ ﻟﻠﻈﻴﺎﻓﻪ .. ﻭﺑﻘﻪ ﻛﺎﻋﺪ ﻳﻤﻪ .. ﻭﺑﺪﺍﺧﻠﻪ ﻓﺮﺣﻪ ﻃﻔﻞ ﺍﺷﻮﻛﺖ ﻳﺼﻌﺪ ﻓﻮﻙ ﻭﻳﺸﻮﻑ ﻏﺴﻖ ..
ﺣﺠﻲ ﺣﺴﻦ ﻓﺮﺣﺎﻥ ﺑﺮﺟﻌﺖ ﺑﻨﺖ ﺍﺧﻮﻩ ﻭﺍﻟﻈﺎﻫﺮ ﻓﻜﺮﻩ ﺑﻴﺖ ﺍﻟﻄﺎﻋﻪ ﺟﺎﻧﺖ ﻣﻦ ﻋﻨﺪﻩ .. ﻫﻮ ﺍﻟﻠﻲ ﺧﻼﻫﻪ ﺑﺮﺍﺱ ﻟﻤﻴﻌﻪ ﻭﺧﻠﻪ ﻟﻤﻴﻌﻪ ﺗﺤﺠﻲ ﻭﻱ ﺍﺑﻨﻬﻪ ﺟﺎﺳﺮ ..
ﺟﺎﺳﺮ ﻛﻤﻞ ﺍﻟﺴﻬﺮﺕ ﻭﻱ ﺧﺎﻝ ﻏﺴﻖ ﻭﺻﻌﺪ ﻟﻠﺸﻘﻪ ﻣﺘﺎﺧﺮ .. ﻭﺷﺎﻑ ﻏﺴﻖ ﻧﺎﻳﻤﻪ ﻭﻣﻐﻄﻴﻪ ﺭﻭﺣﻬﻪ ﻋﺒﺎﻟﻚ ﺟﻨﺎﺯﻩ ﻛﻮﻟﺸﻲ ﻣﻄﺎﻟﻊ ﻣﻨـِْﻬـ ̨̐♡ ـِْﺎ ..
ﺟﺎﺳﺮ .. ﻗﺮﺭ ﻣﻴﻜﻌﺪﻫﻪ ﻣﻮ ﺍﻟﺨﺎﻃﺮﻫﻪ ﺑﺲ ﻻﻥ ﺧﺎﻟﻬﺎ ﺑﻌﺪﻩ ﻣﻮﺟﻮﺩ ﻭﺧﺎﻑ ﻳﺴﻮﻱ ﺍﻱ ﺣﺮﻛﻪ ﻏﻠﻂ .. ﻭﺛﺎﻧﻲ ﻳﻮﻡ ﺗﺮﺟﻊ ﻭﻱ ﺧﺎﻟﻬﺎ ﻭﺗﻨﻌﺎﺩ ﺍﻟﻤﺎﺳﺎﻩ ﻣﻦ ﺟﺪﻳﺪ .. ﺟﺎﺳﺮ ﻇﻞ ﻳﺼﺒﺮ ﺑﻨﻔﺴﻪ ﻫﺴﻪ ﺍﻧﺎ ﺻﺒﺮﺕ ﺳﻨﻪ ﻣﺎﺍﺻﺒﺮ ﻫﺬﺍ ﺍﻟﻴﻮﻡ .. ﻭﺍﻧﺎ ﺍﻟﺞ ﺑﺎﺟﺮ ﻳﺎﻏﺴﻖ ﺑﺎﺟﺮ ﻭﻳﻦ ﺗﺮﺣﻴﻦ ﻣِڼـّﻲ ..
ﺟﺎﺳﺮ ﺍﺗﻤﺪﺩ ﺑﺎﻟﻐﺮﻓﻪ ﺍﻟﺜﺎﻧﻴﻪ ﻭﻇﻞ ﻟﻠﻔﺠﺮ ﻳﺎﻟﻠﻪ ﻧﺎﻡ .. ﻛﻌﺪ ﺍﻟﺼﺒﺢ ﻟﻜﻪ ﺧﺎﻝ ﻏﺴﻖ ﺭﺍﻳﺢ ﻣﻮﺻﻠﻪ ﺳﺎﻳﻖ ﺍﻟﺤﺠﻲ ﻟﻠﻜﺮﺍﺝ ..
ﻫﻤﺰﻳﻦ ﺭﺍﺡ ﺧﻔﻪ ﻣﺜﻞ ﺛﮕﻞ .. ﺭﺍﺡ ﻻ ﺭﺩ .. ﻃﺒﻌﺎ ﻫﺬﺍ ﻛﻼﻡ ﺟﺎﺳﺮ ﺍﻟﻨﻔﺴﻪ ..
ﻛﻌﺪ ﺟﺎﺳﺮ .. ﺻﺎﺡ ﻉ ﻏﺴﻖ ﺣﻈﺮﻳﻠﻲ ﺍﻟﺮﻳﻮﻙ
ﻏﺴﻖ ﺳﺎﻛﺘﻪ ..
ﺟﺎﺳﺮ ﻣﺎﻛﻮ ﻛﻠﻤﻪ ﻧﻌﻢ ﺍﻭ ﺍﻥ ﺷﺎﻟﻠﻪ ﺍﻭ ﺣﺎﻇﺮ ..
ﻏﺴﻖ ﺑﻨﺮﻓﺰﻩ ﺣﺎﻇﺮ ..
ﺟﺎﺳﺮ .. ﺍﻟﻠﻪ ﻳﺤﻈﺮﻟﺞ ﺍﻟﺨﻴﺮ ﺣﺒﻲ
ﻏﺴﻖ ﺧﻠﺖ ﺍﻟﺮﻳﻮﻙ ﻉ ﺍﻟﻤﺎﺋﺪﻩ ﻭﺻﺎﺣﺖ ﺍﻟﺠﺎﺳﺮ ﺍﺗﻔﻈﻞ ..
ﻭﻫﻲ ﺭﺍﺣﺖ ﻉ ﺍﻟﻤﻄﺒﺦ ﺍﺗﺮﻳﺪ ﺗﺘﻄﺒﺦ .. ﺍﻟﻐﺪﺍ
ﺻﺎﺡ ﻋﻠﻴﻬﺎ ﺟﺎﺳﺮ ﻏﺴﺴﺴﻖ ﻭﻳﻨﺞ ﻭﻟﺞ ﻏﺴﺴﻖ
ﻏﺴﻖ ﻧﻌﻢ
ﺟﺎﺳﺮ ﺗﻌﺎﻟﻲ ﻛﻌﺪﻱ
ﻏﺴﻖ ﻣﺘﺮﻳﻜﻪ ﺳﺒﻘﺘﻚ ﺑﺎﻟﺮﻳﻮﻙ
ﺟﺎﺳﺮ ﻭﻣﻨﻮ ﻛﺎﻟﺞ ﺗﻌﺎﻟﻲ ﺍﺗﺮﻳﻜﻲ
ﻏﺴﻖ ﻟﻌﺪ
ﺟﺎﺳﺮ ﺍﻳﺪﻳﻪ ﺗﻮﺟﻌﻨﻲ ﺗﻌﺎﻟﻲ ﻃﻌﻤﻴﻨﻲ
ﻏﺴﻖ ﺷﻨﻮﻭ
ﺟﺎﺳﺮ ﺷﻨﻮ ﺍﻧﻄﺮﺷﺘﻲ ﺗﻌﺎﻟﻲ ﻃﻌﻤﻴﻨﻲ ﺳﻮﻱ ﻟﻘﻤﻪ ﻭﺭﻩ ﻟﻘﻤﻪ ﻭﻃﻌﻤﻴﻨﻲ .. ﺍﻳﺪﻳﻪ ﺗﻮﺟﻌﻨﻲ ﺻﺎﺭﻟﻲ ﺳﻨﻪ ﺍﻃﻌﻢ ﺑﺮﻭﺣﻲ ﺗﻌﺒﺖ ..
ﻏﺴﻖ ﻛﻌﺪﺕ ﻉ ﺍﻟﻜﺮﺳﻲ ﻭﺑﺪﺕ ﺍﻃﻌﻢ ﺟﺎﺳﺮ
ﺟﺎﺳﺮ ﺍﻟﻜﺮﺳﻲ ﻣﺎﻟﺘﺞ ﺑﻌﻴﺪ ﻫﻴﺞ ﻣﺘﺴﻴﻄﺮﻳﻦ
ﻏﺴﻖ ﻻ ﻣﺴﻴﻄﺮﻩ
ﺟﺎﺳﺮ ﺍﻗﺘﺮﺑﻲ
ﻏﺴﻖ ﻻ ﺧﻠﻴﻨﻲ ﻫﻴﺞ
ﺟﺎﺳﺮ ﻟﻌﺪ ﺍﻧﺎ ﺭﺍﺡ ﺍﻗﺘﺮﺏ ..
ﻭﺍﺧﺬ ﺟﺎﺳﺮ ﻛﺮﺳﻴﻪ ﻭﺧﻼﻩ ﺑﺼﻒ ﺍﻟﻜﺮﺳﻲ ﻣﺎﻟﺖ ﻏﺴﻖ ﻟﺼﻖ ﻭﺟﺎﺏ ﺍﻳﺪﻩ ﻭﺧﻼﻫﻪ ﻉ ﺧﺼﺮﻫﻪ ..
ﻏﺴﻖ ﻓﺘﺤﺖ ﺍﻋﻴﻮﻧﻬﻪ ﻋﻠﻴﻪ
ﺟﺎﺳﺮ ﻫﺎﻱ ﺍﺷﺒﻴﺞ ﻫﻲ ﺍﻋﻴﻮﻧﺞ ﺟﺒﻴﺮﻩ ﻭﺗﻔﺘﺤﻴﻬﻪ ﺑﺎﻟﺰﺍﻳﺪ ﺍﺗﺼﻴﺮﻳﻦ ﻋﺒﺎﻟﻚ ﺑﻮﻭﻭﻣﻪ ..
ﻏﺴﻖ ﺩﻳﺮ ﺑﺎﻟﻚ ﻻ ﺗﺘﻄﻠﻌﻠﻚ ﺑﺎﻟﻠﻴﻞ ..
ﺟﺎﺳﺮ ﻣﻨﻮ ﺍﻟﻠﻲ ﺗﺘﻄﻠﻌﻠﻲ
ﻏﺴﻖ / ﺍﻟﺒﻮﻣﻪ
ﺟﺎﺳﺮ ﻭﺍﻟﻠﻪ ﻳﺎﺭﻳﺖ ﺗﺘﻄﻠﻌﻠﻲ ﺑﺎﻟﻠﻴﻞ .. ﺣﺘﻰ ﺍﻛﻠﻬﻪ ﻻﻥ ﻛﻮﻟﺶ ﻣﺸﺘﺎﻕ ﺍﻧﺎﻡ ﻉ ﺻﺪﺭﻫﻪ
.
ﻏﺴﻖ … ﺍﻭﻭﻭﻭﻑ .. ﺍﻟﻈﺎﻫﺮ ﺍﻧﺖ ﻣﻮ ﺟﻮﻋﺎﻥ ﻭﺍﻧﻲ ﻋﻨﺪﻱ ﺷﻐﻞ ..
ﺟﺎﺳﺮ ﺑﺼﺮﺍﺣﻪ ﺟﻨﺖ ﺟﻮﻋﺎﻥ ﺑﺲ ﻫﺴﻪ ﺷﺒﻌﺖ .. ﺍﻧﻲ ﻧﺎﺯﻝ ﻟﻠﺴﻮﻙ ﻣﺤﺘﺎﺟﻪ ﻣﺴﻮﺍﻙ .. ﺍﻭ ﺍﻱ ﺷﻲ ﺗﺮﺩﻳﻦ
ﻏﺴﻖ / ﻻ ﺷﻜﺮﺍ
ﺟﺎﺳﺮ ﺍﻭﻛﻲ ..
ﻃﻠﻊ ﺟﺎﺳﺮ ﻟﻠﺴﻮﻙ ﻭﺑﻘﺖ ﻏﺴﻖ ﻓﺘﺤﺖ ﺍﻟﺠﻨﻂ ﻭﺭﺗﺒﺖ ﻣﻼﺑﺴﻬﻪ ..
ﺑﻌﺪ ﺳﺎﻋﺘﻴﻦ ﺭﺟﻊ ﺟﺎﺳﺮ .. ﻭﺩﺧﻞ ﺑﺪﻭﻥ ﻣﻴﻄﻠﻊ ﺻﻮﺕ ﺳﻤﻊ ﻏﺴﻖ ﺗﺤﺠﻲ ﻭﻱ ﺍﻣﻬﻪ ..
ﺍﻱ ﻣﺎﻣﺎ .. ﺣﺎﻇﺮ ﻣﺎﻣﺎ .. ﻣﺜﻠﻤﺎ ﻭﺻﻴﺘﻴﻨﻲ .. ﻻ ﻣﺎﻣﺎ .. ﺍﺷﻠﻮﻥ ﻣﺎﻣﺎ ..
ﺟﺎﺳﺮ ﺍﻓﺘﻬﻢ ﺍﻟﻔﻠﻢ ﺍﻡ ﻏﺴﻖ ﻣﻦ ﺑﻌﻴﺪ ﺍﺗﻮﺟﻪ ﺑﺘﻬﻪ ..
ﺩﺧﻞ ﺟﺎﺳﺮ ﻏﺴﻖ ﻧﻬﺖ ﺍﻟﻤﻜﺎﻟﻤﻪ ..
ﺟﺎﺳﺮ ﻭﻳﺎﻣﻦ ﺗﺤﺠﻴﻦ
ﻏﺴﻖ ﻭﻱ ﻣﺎﻣﺎ
ﺟﺎﺳﺮ ﻭﺍﺷﻠﻮﻧﻬﻪ ﺍﻟﻤﺎﻣﺎ
ﻏﺴﻖ ﺍﻟﺤﻤﺪﻟﻠﻪ ﺗﻤﺎﻡ
ﺟﺎﺳﺮ ﻳﻌﻨﻲ ﺻﺤﺘﻬﻪ ﺍﺷﻠﻮﻧﻬﺎ
ﻏﺴﻖ ﺍﻟﺤﻤﺪﻟﻠﻪ
ﺟﺎﺳﺮ ﺍﻧﻄﻴﻨﻲ ﺍﻟﻤﻮﺑﺎﻳﻞ
ﻏﺴﻖ ﻟﻴﺶ ..
ﺟﺎﺳﺮ ﺍﻧﻄﻴﻨﻲ ﺍﻟﻤﻮﺑﺎﻳﻞ ..
ﻏﺴﻖ … ﺍﻧﻄﺖ ﺍﻟﻤﻮﺑﺎﻳﻞ ﺍﻟﺠﺎﺳﺮ
ﺟﺎﺳﺮ ﻃﻠﻊ ﺍﻟﺸﺮﻳﺤﻪ ﻭﻛﺴﺮﻫﻪ
ﺑﻌﺪﻳﻦ ﻗﻔﻞ ﺍﻟﻤﻮﺑﺎﻳﻞ ﻭﺧﻼﻩ ﺑﺠﻴﺒﻪ
ﻏﺴﻖ ﻫﺎﻱ ﺷﻨﻮ ﺳﻮﻳﺖ
ﺟﺎﺳﺮ ﺍﻟﺤﻤﺪﻟﻠﻪ ﺍﻣﺞ ﺗﻤﺎﻡ ﺻﺤﺘﻬﻪ ﻭﺍﺧﺒﺎﺭﻫﻪ ﺯﻳﻨﻪ ﻣﺎﻛﻮ ﺩﺍﻋﻲ ﺑﻌﺪ ﺍﺗﺨﺎﺑﺮﻳﻬﻪ ..
ﻏﺴﻖ .. ﻇﻠﺖ ﺗﺒﺠﻲ ﺍﺷﻠﻮﻥ ﺗﺤﺮﻣﻨﻲ ﻣﻦ ﺻﻮﺕ ﺍﻣﻲ .. ﻛﺎﻓﻲ ﺣﺮﻣﺘﻨﻲ ﻣﻦ ﺣﻈﻨﻬﻪ .
ﺟﺎﺳﺮ ﺍﻣﺞ ﻣﺎﺳﻮﺕ ﻃﻴﺐ ﻭﻳﺎﻱ ﺳﻨﻪ ﻛﺎﻣﻠﻪ ﻣﻨﻌﺘﻨﻲ ﺍﺗﺼﻞ ﺑﻴﺞ .. ﻭﺍﻧﻲ ﻫﺴﻪ ﺍﺭﺟﻊ ﺍﻟﺼﺎﻉ ﺻﺎﻋﻴﻦ . ﻭﻉ ﺍﻟﻌﻤﻮﻡ ﻣﺎﺭﺍﺡ ﺍﺣﺮﻣﺞ
ﻣﻨـِْﻬـ ̨̐♡ ـِْﺎ ﻛﻠﺶ ﺍﺷﻮﻛﺖ ﻣﺎﺗﺮﺩﻳﻦ ﺍﺗﺨﺎﺑﺮﻳﻬﻪ .. ﻛﻠﻴﻠﻲ ﻭﺍﻧﻲ ﺍﺧﺎﺑﺮﻟﺞ ﻉ ﺧﺎﻟﺞ ﻭﺗﺤﺠﻴﻦ ﻭﻳﺎﻫﻪ ﺑﺲ ﺑﺤﻈﻮﺭﻱ ﻭﺑﻮﺟﻮﺩﻱ .. ﻭﺍﻟﻤﻜﺎﻟﻤﻪ ﻛﺪﺍﻣﻲ .
ﻏﺴﻖ / ﺑﻘﺖ ﺗﺒﺠﻲ .. ﻟﻮ ﺗﻌﺮﻑ ﺍﺷﻜﺪ ﺍﻛﺮﻫﻚ ﺧﻠﻴﻨﻲ ﺍﺭﺟﻊ ﻟﺒﻴﺘﻲ ﻟﺤﻴﺎﺗﻲ
ﺟﺎﺳﺮ / ﻟﻠﺪﻛﺘﻮﺭ ﺍﻗﺎﺭﺏ ﻣﺎﻣﺎ … ﺗﺮﺩﻳﻦ ﺍﺗﺴﻮﻳﻦ ﺍﻧﺘﻲ ﻭﺍﻣﺞ ﻋﻼﻗﺎﺕ ﺑﺮﺍﺳﻲ
ﻏﺴﻖ … ﺍﺣﺘﺮﻡ ﻧﻔﺴﻚ ﺍﻧﻲ ﺍﺷﺮﻑ ﻣﻨﻚ .. ﻭﺑﻌﺪﻳﻦ ﺣﺘﻰ ﻟﻮ ﺍﻟﻠﻲ ﺍﺩﻛﻮﻟﻪ ﺻﺤﻴﺢ .. ﻓﺤﺎﻟﻲ ﺣﺎﻟﻚ ﺍﻧﺖ ﻫﻤﻴﻦ ﺳﻮﻳﺖ ﻋﻼﻗﻪ ﺑﺮﺍﺳﻲ .. ﻟﻮ ﺍﻧﺎ ﻣﺜﻠﻤﺎ ﻣﺎﺍﺩﻛﻮﻝ ﺭﻳﻢ ﺍﻟﺤﻤﺎﺭﻩ ﻣﺎﻟﺘﻚ
ﺟﺎﺳﺮ … ﻏﺴﻖ ﻟﺰﻣﻲ ﺍﻟﺴﺎﻧﺞ ﻭﻻﺗﺨﻠﻴﻨﻲ ﺍﻣﺪ ﺍﻳﺪﻱ ﻋﻠﻴﺞ
ﻏﺴﻖ / .. ﻣﻮ ﺣﺴﺒﺎﻟﻚ ﺍﻧﻲ ﻏﺴﻖ ﺍﻟﻔﻘﻴﺮﻩ ﺍﻟﻠﻲ ﺟﻨﺖ ﺗﻀﺤﻚ ﻋﻠﻴﻬﺎ ﻗﺒﻞ .. ﻭﺭﻭﺡ ﺑﺎﺑﺎ ﺍﺫﺍ ﺗﻀﺮﺑﻨﻲ ﺍﻻ ﺍﻧﺘﺤﺮ ﻭﺍﺧﻠﻴﻬﻢ ﻳﺬﺑﻮﻙ ﺑﺎﻟﺴﺠﻦ ﻫﺎﻟﻤﺮﻩ ..
ﻏﺴﻖ ﻛﺎﻟﺖ ﻫﺬﺍ ﺍﻟﺤﺠﻲ ﻭﺩﺧﻠﺖ ﻟﻠﻐﺮﻓﻪ ﻣﺎﻟﺘﻬﺎ
ﻭﺟﺎﺳﺮ ﻇﻞ ﻣﺘﻌﺠﺐ ﻉ ﻏﺴﻖ ﺍﻟﺠﺪﻳﺪﻩ ﻭﺗﺼﺮﻓﺎﺗﻬﻪ ﻭﻳﺎﻩ
ﺟﺎﺳﺮ ﺑﺴﻴﻄﻪ ﻏﺴﻖ ﺍﻧﻲ ﻭﺭﺍﺝ ﻭﺭﺍﺝ ﻟﺤﺪﻣﺎ ﺍﺭﻭﺿﺞ ﻭﺍﺭﺟﻌﺞ ﺍﻟﺴﻴﻄﺮﺗﻲ ..
ﻏﺴﻖ ﺑﻘﺖ ﻣﺤﺒﻮﺳﻪ ﺑﻐﺮﻓﺘﻬﻪ ﻭﻣﺘﻘﺒﻞ ﺗﺘﻄﻠﻊ .. ﺟﺎﺳﺮ ﻃﻠﻊ ﺍﺗﻌﺸﻰ ﺑﺮﻩ ﻭﺭﺟﻊ ﻟﮕﻪ ﻏﺴﻖ ﻧﺎﻳﻤﻪ ..
ﻭﻫﻤﻴﻦ ﻣﻐﻄﻴﻪ ﺭﻭﺣﻬﻪ ﻛﻠﺸﺸﺶ ﻭﻛﻠﺸﻲ ﻣﺎﺑﺎﻳﻦ ﻣﻨـِْﻬـ ̨̐♡ ـِْﺎ ..
ﺟﺎﺳﺮ ﺍﺧﺬ ﺷﺎﻭﺭ ﻭﺗﻌﻄﺮ ﻭﻣﺸﻂ ﺷﻌﺮﻩ ﻭﺗﻤﺪﺩ ﺑﺼﻒ
ﻏﺴﻖ .. ﻃﺒﻌﺎ ﺟﺎﺳﺮ ﻣﺘﺎﻛﺪ ﻏﺴﻖ ﻣﻨﺎﻳﻤﻪ ﻭﻏﺴﻖ ﺑﺎﻟﻔﻌﻞ ﺟﺎﻧﺖ ﻣﻨﺎﻳﻤﻪ ..
ﺟﺎﺳﺮ / ﻫﻤﺴﻠﻬﺎ ﻏﺴﻖ ﻏﺴﻖ
ﻏﺴﻖ ﺳﺎﻛﺘﻪ ..
ﺟﺎﺳﺮ ﻏﺴﻖ ﺍﺩﺭﻱ ﻧﺎﻳﻤﻪ ﻟﻮ ﻣﻴﺘﻪ
ﻏﺴﻖ ﺟﺎﻭﺑﺘﻪ ﺑﺤﺪﻩ ﻣﻴﺘﻪ
ﺟﺎﺳﺮ ﺍﻟﻠﻬﻢ ﺻﻞ ﻉ ﻣﺤﻤﺪ ﻭﺍﻝ ﻣﺤﻤﺪ ﻟﻌﺪ ﺍﻛﺮﺍﻡ ﺍﻟﻤﻴﺖ ﺩﻓﻨﻪ ﻭﺭﺍﺩ ﻳﺮﻓﻊ ﺍﻟﻐﻄﺎ ﺑﺲ ﻏﺴﻖ ﻻﺯﻣﻪ ﺍﻟﻐﻄﺎ
ﺟﺎﺳﺮ .. ﻳﻌﻨﻲ ﻣﻦ ﻛﻞ ﻋﻘﻠﺞ ﺗﺘﺼﻮﺭﻳﻦ ﻫﺬﺍ ﺍﻟﻐﻄﺎﺀ ﺭﺍﺡ ﻳﺤﻤﻴﺞ ﻣِڼـّﻲ
ﻏﺴﻖ .. ﺍﺗﺼﻮﺭ ﺍﻧﻲ ﻭﻳﺎﻙ ﻣﺎﺑﻴﻨﺎ ﻛﻼﻡ .. ﺍﺧﺬ ﺍﻓﺮﺍﺷﻚ ﻭﺭﻭﺡ ﻧﺎﻡ ﺑﺮﻩ ..
ﺟﺎﺳﺮ .. ﻳﻌﻨﻲ ﺑﺼﺮﺍﺣﻪ ﻋﻨﺪﺝ ﻗﺮﺍﺭﺍﺕ ﻭﺗﺼﺮﻳﺤﺎﺕ ﻛﻮﻟﺶ ﺧﻄﻴﺮﻩ ..
ﺟﺎﺳﺮ ﺭﻓﻊ ﺍﻟﻐﻄﺎ ﺑﻘﻮﻩ ﻭﺷﻤﺮﻩ ﻉ ﺍﻻﺭﺽ ﻭﺍﺧﺬ ﺯﻭﺟﺘﻪ ﺑﺎﻻﺣﻈﺎﻥ ﺑﺎﻟﺒﺪﺍﻳﻪ ﺍﺗﻤﻨﻌﺖ ﻣﻨﻪ .. ﺑﺲ ﺟﺎﺳﺮ ﺟﺎﻥ ﻣﺸﺘﺎﻕ ﺍﻟﻐﺴﻖ ﺻﺎﺭﻟﻪ ﺳﻨﻪ ﻣﻔﺎﺭﻗﻬﻪ ..
ﻏﺴﻖ ﺍﺷﻜﺪ ﻣﻜﺮﻭﻩ ﻭﻣﻤﻞ .. ﻭﻫﺴﻪ ﺍﺧﺬﺕ ﺷﻐﻠﺘﻚ ﺭﻭﺡ ﻧﺎﻡ ﺑﻐﺮﻓﺘﻚ ..
ﺟﺎﺳﺮ ﻫﺎﻱ ﻏﺮﻓﺘﻲ
ﻏﺴﻖ ﻟﻌﺪ ﺍﻧﻲ ﺭﺍﺡ ﺍﺭﻭﺡ ﻟﻠﻐﺮﻓﻪ ﺍﻟﺜﺎﻧﻲ
ﺟﺎﺳﺮ ﻧﺎﻣﻲ ﻫﺴﻪ ﻭﻋﻮﻓﻲ ﻗﺮﺍﺭﺍﺗﺞ ﺍﻟﺒﺎﺟﺮ ..
ﺟﺎﺳﺮ ﺣﻈﻦ ﻣﺮﺗﻪ ﺑﺎﻟﻘﻮﻩ ﻭﺟﺒﺮﻫﻪ ﻉ ﺍﻟﻨﻮﻡ ﻭﻳﺎﻩ ﻭﺑﻨﻔﺲ ﺍﻟﺴﺮﻳﺮ ..
ﺻﺎﺭ ﺍﻟﺼﺒﺢ ﺟﺎﺳﺮ ﻛﻌﺪ ﻣﻦ ﻭﻗﺖ ﻻﻥ ﻣﺮﺗﺒﻂ،ﺑﻤﻮﻋﺪ ﻋﻤﻞ ﻏﺴﻖ ﺑﻘﺖ ﻧﺎﻳﻤﻪ ..
ﻛﻌﺪﺕ ﻏﺴﻖ ﻣﺎﻟﻜﺖ ﺟﺎﺳﺮ ﺳﺒﺤﺖ ﻭﺭﺗﺒﺖ ﺍﻟﺒﻴﺖ ﻃﺒﺨﺖ ﺍﻟﻐﺪﺍ .. ﻭﺍﺷﻮﻳﻪ ﻭﺭﺟﻊ ﺟﺎﺳﺮ ..
ﺟﺎﺳﺮ ﻏﺴﻖ ﺭﺟﻠﻴﻪ ﺗﻮﺟﻌﻨﻲ ﺟﻴﺒﻲ ﻃﺸﺖ ﻣﺎﻱ ﻭﻏﺴﻠﻲ ﺭﺟﻠﻴﻪ
ﻏﺴﻖ … ﻫﺴﻪ ﻋﻠﻴﻤﻦ ﻃﺸﺖ ﺍﺩﺧﻞ ﺍﺳﺒﺢ
ﺟﺎﺳﺮ .. ﻭﺍﻟﻠﻪ ﺧﻮﺵ ﻓﻜﺮﻩ ﻳﺎﻟﻠﻪ ﺗﻌﺎﻟﻲ ﺳﺒﺤﻴﻨﻲ
ﻏﺴﻖ ﻳﻌﻨﻲ ﻫﻮ ﻛﻠﺸﻲ ﻻﺯﻡ ﺍﻧﻲ ﺑﻴﻪ ﻣﺘﻌﺮﻑ ﺍﺗﺴﻮﻱ ﺷﻲ ﺍﻟﻮﺣﺪﻙ
ﺟﺎﺳﺮ ﺻﺎﺭﻟﻲ ﺳﻨﻪ ﺍﻟﻮﺣﺪﻩ ﻣﻔﺎﺻﻠﻲ ﻛﻠﻬﺎ ﺍﺗﻔﻜﻜﺖ ﻋﻴﺪﻱ ﺗﺮﻣﻴﻤﻲ ﻣﻦ ﺟﺪﻳﺪ ..
ﻏﺴﻖ ﺍﻱ ﻃﺒﻴﺒﺔ ﻣﻔﺎﺻﻞ ﺍﻧﻲ
ﺟﺎﺳﺮ .. ﺑﺲ ﺍﺗﺼﻮﺭ ﺍﺗﺤﺒﻴﻦ ﺍﻟﻄﺐ ﻭﺍﻟﺪﻛﺎﺗﺮﻩ ﺍﻛﻴﺪ ﻣﺘﻌﻠﻤﻪ ﺷﻲ ﻣﻨﻬﻢ ..
ﻏﺴﻖ .. ﺍﻧﺼﺤﻚ ﺑﻄﺒﻴﺐ ﻧﻔﺴﻲ ..
ﺟﺎﺳﺮ .. ﻫﻬﻬﻬﻬﻬﻬﻬﻬﻬﻪ ﺍﻟﺒﺰﻭﻧﻪ ﻣﺎﻟﺘﻲ ﺻﺎﻳﺮﻩ ﺗﺨﺮﻣﺶ
ﻏﺴﻖ ﻭﺗﻌﺾ ﻫﻤﻴﻦ …
ﺟﺎﺳﺮ ﺗﻌﺎﻟﻲ ﻋﻀﻴﻨﻲ ..
ﻏﺴﻖ ﺗﺮﻛﺘﻪ ﻭﺩﺧﻠﺖ ﻟﻠﻤﻄﺒﺦ
ﻣﺮﺕ ﺍﻻﻳﺎﻡ ﻭﻏﺴﻖ ﺑﻌﺪﻫﻪ ﺗﻌﺎﻧﺪ ﺟﺎﺳﺮ .. ﻭﺟﺎﺳﺮ ﺑﻌﺪﻩ ﻣﻄﻮﻝ ﺑﺎﻟﻪ ﻉ ﻏﺴﻖ ..
ﻭﺑﻴﻮﻡ ﻣﻦ ﺍﻻﻳﺎﻡ ﺟﺎﺳﺮ ﺭﺟﻊ ﺍﻟﺒﻴﺖ ﻭﺩﺧﻞ ﺑﻬﺪﻭﺀ ﻛﺎﻟﻌﺎﺩﻩ ﻏﺴﻖ ﺟﺎﻧﺖ ﺑﺎﻟﻐﺮﻓﻪ ﻣﻦ ﺩﺧﻞ ﺟﺎﺳﺮ ﻫﻲ ﻃﻔﺮﺕ ﻭﺻﺎﺭ ﻋﺪﻫﻪ ﺍﺭﺗﺒﺎﻙ .. ﺟﺎﺳﺮ ﺍﻗﺘﺮﺏ ﻣﻨـِْﻬـ ̨̐♡ ـِْﺎ ..
ﺟﺎﺳﺮ ﻏﺴﻖ ﺑﻴﺞ ﺷﻲ
ﻏﺴﻖ ﻻ .. ﻣﺎﻛﻮ ﺷﻲ
ﺟﺎﺳﺮ ﺷﻨﻮ ﻇﺎﻣﻪ ﻭﺭﺍﺝ
ﻏﺴﻖ ﻣﺎﻇﺎﻣﻪ ﺷﻲ
ﺟﺎﺳﺮ ﺭﺍﻭﻳﻨﻲ ﺧﻞ ﺍﺷﻮﻑ
ﻏﺴﻖ ﺟﺎﺳﺮ ﻛﺎﻓﻲ ﺷﻚ ﻭﻣﺮﺍﻗﺒﻪ ﺟﺎﻱ ﺍﻛﻮﻟﻚ ﻣﺎﻛﻮ ﺷﻲ
ﺟﺎﺳﺮ ﺍﻗﺘﺮﺏ ﻣﻦ ﻏﺴﻖ … ﻭﺳﺤﺐ ﺍﻳﺪﻫﻪ ﻣﻦ ﻭﺭﻩ ﻇﻬﺮﻫﻪ ﻭﻟﮕﻪ ﻋﺪﻫﻪ ﺣﺒﻮﺏ .. ﻭﻟﻠﻤﺼﺎﺩﻓﻪ ﻫﺎﻱ ﺍﻟﺤﺒﻮﺏ ﻧﻔﺴﻬﻪ ﺟﺎﻥ ﻳﺸﻮﻓﻬﻪ ﻋﻨﺪ ﺭﻳﻢ .. ﺣﺒﻮﺏ ﻣﻨﻊ ﺍﻟﺤﻤﻞ
ﺟﺎﺳﺮ ﻏﺴﻖ ﺗﺎﺧﺬﻳﻦ ﺣﺒﻮﺏ ﻣﻨﻊ ﺣﻤﻞ .. ﺟﺎﺳﺮ ﺻﺎﺭ ﻋﺼﺒﻲ ﻭﻋﻴﻮﻧﻪ ﺍﺷﺘﻌﻠﻦ ﻧﺎﺭ ﻭﺑﺮﻛﺎﻥ ﻣﻦ ﺍﻟﻐﻀﺐ ﻛﺴﺮ ﺍﻟﻤﺮﺍﻳﻪ ﻭﻛﺴﺮ ﺍﻻﻏﺮﺍﺽ .. ﺍﺣﺠﻲ ﻣﻦ ﺍﺷﻮﻛﺖ ﺗﺎﺧﺬﻳﻦ ﺣﺒﻮﺏ … ﺍﻛﻴﺪ ﻫﺬﺍ ﺗﺪﺭﻳﺲ ﺍﻣﺞ ..
ﻏﺴﻖ ﺍﻣﻲ ﻣﺎﻟﻬﺎ ﻋﻼﻗﻪ
ﺟﺎﺳﺮ ﻟﺰﻣﻬﻪ ﻣﻦ ﺍﻳﺪﻫﻪ ﻛﻢ ﻃﺒﻘﻪ ﺣﺒﻮﺏ ﻋﻨﺪﺝ
ﻏﺴﻖ ﻣﺎﻋﻨﺪﻱ ﺑﺲ ﻫﺎﻱ ﺍﻟﻠﻲ ﺑﻴﺪﻙ
ﺟﺎﺳﺮ ﻛﺬﺍﺑﻪ
ﻏﺴﻖ ﺻﺪﻛﻨﻲ،ﺟﺎﺳﺮ
ﺟﺎﺳﺮ … ﻏﺴﻖ ﺍﺫﺍ ﻟﻜﻴﺖ ﻋﻨﺪﺝ ﺣﺒﻮﺏ ﻣﺎﺍﺭﺣﻤﺞ ﻭﺍﻟﻠﻪ
ﻏﺴﻖ ﺑﻘﺖ ﺗﺒﺠﻲ ﻭﺟﺎﺳﺮ ﻓﺘﺢ ﺍﻟﻜﻨﺘﻮﺭ ﻭﻃﺸﺮ ﺍﻟﻤﻼﺑﺲ ﻛﻮﻟﻬﺎ ﻭﺑﻌﺪﻳﻦ ﻇﻞ ﻳﻘﻠﺒﻬﻦ ﻗﻄﻌﻪ ﻗﻄﻌﻪ
ﻭﻣﻠﺨﺺ ﺍﻟﻜﻼﻡ ﺟﺎﺳﺮ ﻟﮕﻪ ١١ﻃﺒﻘﻪ ﺣﺒﻮﺏ ﻣﻨﻊ ﺍﻟﺤﻤﻞ
ﻭﻣﻮﺑﺎﻳﻞ ﻋﺎﺩﻱ ﺑﺪﻭﻥ ﻛﺎﻣﻴﺮﺍ ..
ﺟﺎﺳﺮ ﻓﺘﺢ ﺍﻟﻤﻮﺑﺎﻳﻞ ﻣﺎﻟﮕﻪ ﺑﺲ ﺭﻗﻢ ﺍﻣﻬﻪ ﺍﻟﻐﺴﻖ ﺍﺗﺼﻞ ﻋﻠﻴﻬﺎ ﺟﺎﺳﺮ ﻭﻫﻮ ﻋﺼﺒﻲ .. ﺟﺎﻭﺑﺖ ﺍﻡ ﻏﺴﻖ
ﻫَـ (⊙﹏⊙) ــﺎﺁ ﻏﺴﻖ ﻣﺎﻣﺎ ..
ﺟﺎﻭﺑﻬﻪ ﺟﺎﺳﺮ … ﺍﻧﻲ ﺟﺎﺳﺮ .. ﻫَـ (⊙﹏⊙) ــﺎﺁ ﺍﻟﺤﻴﻪ ﺍﻡ ﺭﺍﺳﻴﻦ .. ﺍﻧﻲ ﻧﺴﻴﺒﺞ ﺍﻟﻌﺰﻳﺰ ..
ﺍﻡ ﻏﺴﻖ ﺧﻴﺮ ﻭﺷﺮﺍﻳﺪ
ﺟﺎﺳﺮ ﺍﻧﺴﻲ ﻋﻨﺪﺝ ﺍﺑﻨﻴﻪ ﺑﻌﺪ .. ﻻ ﻭﺍﻟﻠﻪ ﺍﺫﺑﺞ ﺑﻄﺮﻛﺎﻋﻪ ﻣﺎﺍﻃﻠﻌﻴﻦ
ﻣﻨـِْﻬـ ̨̐♡ ـِْﺎ .. ﻃﻠﻌﻲ ﻣﻦ ﺣﻴﺎﺗﻨﻪ ﻧﻬﺎﺋﻲ ..
ﺍﻡ ﻏﺴﻖ .. ﻭﺍﻧﻲ ﺷﻠﻲ ﻋﻼﻗﻪ ﺑﺤﻴﺎﺗﻚ
ﺟﺎﺳﺮ ﺍﻛﻼﻭﺍﺗﺞ ﻫﺎﻱ ﻣﻮ ﻋﻠﻴﻪ ﺍﺫﺍ ﺳﻤﻌﺖ ﻋﻨﺪﺝ ﺍﺗﺼﺎﻝ ﺑﻐﺴﻖ ﻣﻦ ﺑﻌﻴﺪ ﺍﻭ ﻣﻦ ﻗﺮﻳﺐ ﺍﺣﺮڰ ﺑﻴﺘﺞ ﻋﻠﻴﺞ ..
ﺟﺎﺳﺮ ﻏﻠﻖ ﺍﻟﻤﻮﺑﺎﻳﻞ .. ﻭﺑﻌﺪﻳﻦ ﺭﮔﻌﻪ ﺑﺎﻟﺤﺎﻳﻂ،ﻭﺻﺎﺭ ﻧﺼﻴﻦ .. ﻏﺴﻖ،ﺑﻘﺖ ﺧﺎﻳﻔﻪ ﻣﻨﻪ ﺍﻗﺘﺮﺏ ﻣﻨﻬﺎ ﺟﺎﺳﺮ ﻭﺭﺍﺩ ﻳﻈﺮﺑﻬﻪ ﺑﺲ ﺑﻴﻨﻪ ﻭﺑﻴﻦ ﻧﻔﺴﻪ ﻣﺎﻛﺪﺭ ﻳﻤﺪ ﺍﻳﺪﻩ ﻋﻠﻴﻬﺎ ..
ﺩﻣﻮﻋﻬﻪ ﻭﺧﻮﻓﻬﻪ ﻣﻨﻪ .. ﺧﻠﻨﻪ ﻳﺘﺮﺍﺟﻊ ﻋﻦ ﺍﻟﻈﺮﺏ ..
ﻏﺴﻖ ﻛﺎﻋﺪﻩ ﺑﺎﻟﺰﻭﻳﻪ ﻭﻻﻣﻪ ﺭﺟﻠﻴﻬﻪ ﺍﻟﺤﻈﻨﻪ ﻭﺗﺒﺠﻲ ..
ﺟﺎﺳﺮ ﺍﻗﺘﺮﺏ ﻣﻨـِْﻬـ ̨̐♡ ـِْﺎ .. ﻟﻴﺶ،ﺍﺧﺬﺗﻲ ﺍﻟﺤﺒﻮﺏ
ﻏﺴﻖ ﺳﺎﻛﺘﻪ
ﺟﺎﺳﺮ ﺍﺣﺠﻲ ﻣﺎﺭﻳﺪﺝ ﺍﺗﺴﻜﺘﻴﻦ .. ﻫﺎﻟﻜﺪ ﺍﺗﻜﺮﻫﻴﻨﻲ ﻭﺣﺎﻗﺪﻩ ﻋﻠﻴﻪ
ﻏﺴﻖ .. ﻭﻫﻲ ﺗﺒﺠﻲ ﻣﺎﺍﻛﺮﻫﻚ
.
ﺟﺎﺳﺮ .. ﺑﻬﺪﻭﺀ ﻟﺰﻣﻬﻪ ﻣﻦ ﺍﻳﺪﻫﻪ ﻭﺍﺧﺬﻫﻪ ﻭﻛﻌﺪﻫﻪ ﻉ ﺍﻟﺴﺮﻳﺮ ... ﻭﺳﺄﻟﻬﺎ .. ﻟﻌﺪ ﻟﻴﺶ ﻣﺎﺗﺮﺩﻳﻦ ﻣﻨﻲ ﻃﻔﻞ
ﻏﺴﻖ ﺑﻘﺖ ﺳﺎﻛﺘﻪ
ﺟﺎﺳﺮ ﺍﻛﻴﺪ ﺍﻣﺞ ﻛﺎﻟﺘﻠﺞ ﺍﺧﺬﻱ ﺣﺒﻮﺏ ﻭﺳﻮﻱ ﻭﻳﺎﻩ ﻣﺸﺎﻛﻞ ﺣﺘﻰ ﻳﻄﻠﻜﺞ ﻭﺗﺮﺟﻌﻴﻦ ﺍﻟﻲ ﻭﺗﺘﺰﻭﺟﻴﻦ ﺍﻟﺪﻛﺘﻮﺭ ﺍﻗﺎﺭﺑﻲ ..
ﻏﺴﻖ ﻛﺘﻠﻚ ﻣﺎﻣﺎ ﻣﺎﻟﻬﺎ ﻋﻼﻗﻪ ..
ﺟﺎﺳﺮ ﺍﻧَـ ỲǑŲ ـْﺘﻲ ﺑﻴﻮﻡ ﻣﻦ ﺍﻻﻳﺎﻡ ﺑﻜﻴﺘﻲ ﻋﻠﻤﻮﺩ ﺍﻃﻔﺎﺍﻝ ﺗﺘﺬﻛﺮﻳﻦ ﻣﻦ ﻋﺮﻓﺘﻲ ﺳﻌﺎﺩ ﺣﺎﻣﻞ ﺍﺷﻠﻮﻥ ﺍﻧﻘﻬﺮﺗﻲ ..
ﻏﺴﻖ … ﻻﻥ ﺟﻨﺖ ﺑﻮﻗﺘﻬﻪ ﺍﺡّ ـّـٌٍ ❣ ـٍّﺒّﻚَ ﻭﻓﺮﺣﺎﻧﻪ ﺑﻴﻚ ﻭﺑﺤﻴﺎﺗﻲ ﻭﻳﺎﻙ .. ﻣﺎﺟﻨﺖ ﻣﺘﻮﻗﻌﺘﻚ ﻣﺘﺤﺒﻨﻲ ﻭﺗﻠﻌﺐ ﺑﻤﺸﺎﻋﺮﻱ ..
ﺟﺎﺳﺮ .. ﺍﻧﻲ ﻣﺎﻟﻌﺒﺖ ﺑﻤﺸﺎﻋﺮﺝ ﺍﺟﻤﻞ ﺍﺣﺴﺎﺱ ﻋﺸﺘﻪ ﻭﻳﺎﺝ .. ﺍﻧﻲ ﺍﺗﻐﻴﺮﺕ ﻋﻠﻤﻮﺩﺝ ﺑﺮﺍﺋﺘﺞ ﻗﺘﻠﺖ ﺍﻟﺸﻴﻄﺎﻥ ﺍﻟﻠﻲ ﺑﺪﺍﺧﻠﻲ ..
ﻏﺴﻖ … ﺩﺧﻠﺖ ﻭﻱ ﺭﻳﻢ ﺑﻤﺆﺍﻣﺮﻩ ﺣﺘﻰ ﺗﺎﺧﺬ،ﺍﻣﻼﻛﻲ
ﺟﺎﺳﺮ .. ﻏﺴﻖ ﺍﻧﻲ ﻣﺎﺍﺧﺬﺕ ﻣﻨﺞ ﺷﻲ .. ﺍﻣﻼﻛﺞ ﻣﺜﻠﻤﺎ ﻫﻲ ﻭﺣﺘﻰ ﺫﻫﺒﺞ ﺍﺧﺬﺗﻪ ﻭﺭﺟﻌﺘﻪ .. ﻉ ﺍﻟﺮﻏﻢ ﻣﻦ ﺍﺻﺮﺍﺭﺝ ﻋﻠﻴﻪ ..
ﻏﺴﻖ ﺍﻧﺖ ﺍﺧﺬﺕ ﻛﻮﻟﺸﻲ ﺣﻠﻮ ﺑﺤﻴﺎﺗﻲ .. ﺍﻧﺖ ﺩﻣﺮﺗﻨﻲ ﺩﻣﺮﺕ ﺍﻟﺜﻘﻪ ﺍﻟﻠﻲ ﺑﺪﺍﺧﻠﻲ .. ﻇﻠﻴﺖ ﺍﺑﺪ ﻣﺎﺍﺛﻖ ﺍﺑﺸﺮ ..
ﺑﻘﺖ ﻏﺴﻖ ﺗﺒﺠﻲ .. ﺍﺫﺍ ﻣﺮﺗﺒﻂ ﻭﻣﺘﺰﻭﺝ ﻟﻴﺶ ﺍﺗﺰﻭﺟﺘﻨﻲ ﻭﻛﺴﺮﺗﻨﻲ .. ﻟﻴﺶ ﻣﺎﺑﻘﻴﺖ ﻉ ﺯﻭﺟﺘﻚ ..
ﺟﺎﺳﺮ .. ﻋﻤﺮﻱ ﻣﺎﺍﻋﺘﺒﺮﺗﻬﻪ ﺯﻭﺟﺘﻲ .. ﻳﻤﻜﻦ ﺍﻧﺴﺎﻧﻪ ﻛﻨﺖ ﺍﺗﻤﺘﻊ ﻭﻳﺎﻫﻪ ..
ﻏﺴﻖ ﻟﻴﺎﻟﻲ ﺟﻨﺖ ﺍﺗﻌﻮﻓﻨﻲ ﺍﻟﻮﺣﺪﻱ ﻭﺍﻧﻲ ﻋﺮﻭﺱ ﻭﺍﻧﺖ ﺗﻘﻀﻴﻬﻦ ﻳﻤﻬﻪ ﻭﺍﺩﻛﻮﻝ ﻣﺎﻣﻌﺘﺒﺮﻫﻪ ﺯﻭﺟﺘﻲ ..
ﺟﺎﺳﺮ ﻏﺴﻖ ﺍﺣﺴﺎﺱ ﺍﻟﺤﺐ ﻣﺎﻋﺸﺘﻪ ﺍﻻ ﻭﻳﺎﺝ .. ﺻﺤﻴﺢ ﺍﻧﻲ ﺑﺰﻭﺍﺟﻨﺎ ﻣﺘﻘﺮﺑﺖ ﻣﻨﺞ ﺑﺲ ﻣﺮﻩ ﻭﺣﺪﻩ .. ﺑﺲ ﺑﺰﻋﻠﺞ ﻋﺸﺖ ﻟﻴﺎﻟﻲ ﻉ ﻫﺎﻱ ﺍﻟﺬﻛﺮﻯ .. ﺍﻧﺎﻡ ﻭﺍﻛﻌﺪ ﻭﻫﻲ ﻭﻳﺎﻱ
ﺍﺑﺪ ﻣﺎﺭﺍﺣﺖ ﻣﻦ ﺑﺎﻟﻲ .. ﻭﻛﻠﺸﻲ ﻳﺨﺼﺞ ﺍﻓﻜﺮ ﺑﻴﻪ ﻃﻮﻟﺞ ﻭﻣﺸﻴﺘﺞ ﻭﺿﺤﻜﺘﺞ ﻭﺍﺑﺘﺴﺎﻣﺘﺞ ﻭﺧﺠﻠﺞ .. ﺭﺟﻔﺘﺞ ﻭﺍﻧﺘﻲ ﺍﺑﻴﻦ ﺍﻳﺪﻳﻪ .. ﻃﻴﺒﺘﺞ ﻭﺭﻗﺘﺞ ﻭﺧﻮﻓﺞ ﻋﻠﻴﻪ ..
ﺗﻌﺮﻓﻴﻦ ﻏﺴﻖ؟؟ .. ﻣﻦ ﺍﺗﻤﺮﺿﺖ ﻭﺳﻬﺮﺗﻲ ﻭﻳﺎﻱ ﺻﺪﻛﻲ ﻫﺎﻱ ﺍﻭﻝ ﻣﺮﻩ ﺍﺣﺪ ﻳﺴﻬﺮ ﻭﻳﺎﻱ ﻭﻳﺪﺍﺭﻳﻨﻲ ﻭﻳﺨﺎﻑ ﻋﻠﻴﻪ ..
ﻭﻳﺎﺝ ﻋﺮﻓﺖ ﺷﻨﻮ ﻣﻌﻨﻰ ﺍﻟﺰﻭﺟﻪ ﻭﺍﻟﺰﻭﺍﺝ …
ﺍﻟﺰﻭﺟﻪ ﺍﻟﻠﻲ ﺗﺴﻬﺮ ﻉ ﺭﺍﺣﺔ ﺯﻭﺟﻬﻪ ﻭﺗﻀﺤﻲ ﺑﺮﺍﺣﺘﻬﻪ ﻣﻦ ﺍﺟﻠﻪ ﻫﺬﺍ ﺍﻻﺣﺴﺎﺱ ﻣﺎﺣﺴﻴﺘﻪ ﻭﻱ ﺭﻳﻢ
ﺭﻳﻢ ﺟﺎﻧﺖ ﺍﺗﺤﺐ ﺍﻓﻠﻮﺳﻲ ﺍﻛﺜﺮ ﻣﻨﻲ ﺣﻴﺎﺗﻬﺎ ﻭﻳﺎﻱ ﻛﻮﻟﻪ ﺟﻴﺐ ﺟﻴﺐ ﻭﻣﺎﺗﻨﻄﻲ ﺷﻲ ﺍﻻ ﺑﻤﻘﺎﺑﻞ .. ﺻﺪﻛﻴﻨﻲ ﺍﻧﻲ ﺗﺮﻛﺘﻬﻪ ﻣﻦ ﻗﺒﻞ ﻻ ﺍﺗﻘﺮﺑﻠﺞ ﺭﺩﺕ ﺍﺑﺪﻱ ﻭﻳﺎﺝ ﺑﺪﺍﻳﻪ ﻧﻈﻴﻔﻪ .. ﻣﺎﺑﻴﻬﻪ ﻏﺶ ﻭﺧﺪﺍﻉ ..
ﺟﺎﺳﺮ ﻟﺰﻡ ﺍﻳﺪ ﻏﺴﻖ
ﻏﺴﻖ ﺳﺤﺒﺖ ﺍﻳﺪﻫﻪ ﻣﻦ ﺟﺎﺳﺮ
ﺟﺎﺳﺮ ﻫﺬﺍ ﺍﻟﺤﺠﻲ ﻛﻮﻟﻪ ﺍﻟﺤﺠﻴﺘﻪ .. ﻭﺑﻌﺪﺝ ﻣﻤﺼﺪﻛﺘﻨﻲ ..
ﻏﺴﻖ ﺍﻱ ﻣﻤﺼﺪﻛﺘﻚ ﻻﻥ ﻣﺎﻋﻨﺪﻱ ﺛﻘﻪ ﺑﻴﻚ .. ﻛﺘﻠﻚ ﺍﻟﺜﻘﻪ ﺍﻟﻠﻲ ﺑﺪﺍﺧﻠﻲ ﻣﺎﺗﺖ ﻭﻇﻠﻴﺖ ﻣﺎﺍﺣﺲ ﻭﻳﺎﻙ ﺑﺄﻣﺎﻥ ..
ﺟﺎﺳﺮ ﻭﻛﻒ ﺳﻤﻌﻴﻨﻲ ﻏﺴﻖ ﺭﺑﻲ ﻳﺸﻬﺪ ﻋﻠﻴﻪ ﺍﻧﻮ ﻛﻞ ﻛﻠﻤﻪ ﺣﺠﻴﺘﻬﻪ ﻣﻦ ﮔﻠﺐ ﮔﻠﺒﻲ ﻃﻠﻌﺖ .. ﻭﻣﺎﻋﻨﺪﻱ ﺍﻱ ﻏﺶ ﻭﻳﺎﺝ .. ﻭﻻﻥ ﺍﺳﺎﺱ ﺍﻱ ﻋﻼﻗﻪ ﻫﻲ ﺍﻟﺜﻘﻪ . ﻓﺂﻧﻲ ﺭﺍﺡ ﺍﺑﺘﻌﺪ ﻋﻨﺞ .. ﻭﺍﻭﻋﺪﺝ ﻣﺎﺭﺍﺡ ﺍﺗﻘﺮﺑﻠﺞ ﻭﺭﺍﺡ ﺍﻧﻌﻴﺶ ﻣﺜﻞ ﺍﻱ ﻏﺮﻳﺒﻴﻦ ☟ ﺗٌَﺤَـﺖْ ☟ ﺳﻘﻒ ﻭﺍﺣﺪ
ﻃﻠﻊ ﺟﺎﺳﺮ ﻣﻦ ﺍﻟﻐﺮﻓﻪ .. ﻭﻣﺮﺕ ﺍﻻﻳﺎﻡ ﺍﺑﻴﻨﻬﻢ ﺑﺜﻘﻞ ﺟﺎﺳﺮ ﻻ ﻳﺎﻛﻞ ﻭﻻ ﻳﺸﺮﺏ ﺑﺎﻟﺒﻴﺖ ﻳﺠﻲ ﻭﻗﺖ ﺍﻟﻨﻮﻡ .. ﻏﺴﻖ ﺍﺗﻨﺪﻣﺖ ﻉ ﺍﻟﻜﻼﻡ ﺍﻟﻠﻲ ﻛﺎﻟﺘﻪ ﺍﻟﺠﺎﺳﺮ ﻫﻲ ﺍﺗﺤﺐ ﺟﺎﺳﺮ ﻣﻮﻭﺕ ﻭﺍﻫﻤﺎﻝ ﺟﺎﺳﺮ ﺍﻟﻬﺎ ﻛﺴﺮ ﻛﺒﺮﻳﺎﺋﻬﻪ ﻣﺮﺍﺕ ﻳﻠﺘﻘﻮﻥ ﻳﻢ ﺍﻟﺤﻤﺎﻡ … ﺟﺎﺳﺮ ﻳﺪﻧﻚ ﺭﺍﺳﻪ ﻭﻳﺪﺧﻞ ﺍﻟﻐﺮﻓﺘﻪ .. ﺣﺘﻰ ﻣﻼﺑﺴﻪ ﻳﺎﺧﺬﻫﻦ ﻭﻳﺎﻩ ﺑﻌﻼﻛﻪ ﻟﻠﺒﺨﺎﺭ .. ﻭﻻ ﻳﺨﻠﻲ ﻏﺴﻖ ﺗﻠﻤﺲ ﺍﻱ ﺣﺎﺟﻪ ﺍﻟﻪ ..
ﻏﺴﻖ ﺑﺪﺕ ﺍﺗﺤﻮﺹ ﺍﺷﻠﻮﻥ ﻳﺎﺭﺑﻲ ﺍﻟﺤﮕﺮﺍﻥ ﻳﮕﻄﻊ ﺍﻟﻤﺼﺮﺍﻥ ﻭﺍﻧﻲ ﻭﻣﺼﺮﺍﻧﻲ ﺍﺗﮕﻄﻌﻨﻪ ﻣﻦ ﺗﺠﺎﻫﻞ ﺟﺎﺳﺮ ﻗﺮﺭﺕ ﺗﻠﺒﺲ ﺑﺮﻣﻮﺩﺍﺕ ﺿﻴﻘﻪ ﻭﺩﺷﺎﺩﻳﺶ ﻗﺼﻴﺮﻩ ﻭﺟﺎﺳﺮ ﻣﺜﻠﻤﺎ ﻫﻮ .. ﻣﺎﻳﺤﺮﻙ ﺳﺎﻛﻦ ﻳﺠﻲ ﻭﻳﻔﻮﺕ ﻟﻠﻐﺮﻓﻪ ..
ﻣﺎﺑﻘﻰ ﺍﻇﻔﺮ ﺑﻴﺪﻫﻪ ﻣﺎﺍﻛﻠﺘﻪ ﻣﻦ ﮔﺪ ﺍﻟﺘﻔﻜﻴﺮ ﻣﺮﺕ ١٦ ﻳﻮﻡ ﻭﺟﺎﺳﺮ ﺟﺎﻱ ﻳﺰﻳﺪ ﻣﺎﻳﻨﻘﺺ ..
ﻏﺴﻖ ﻗﺮﺭﺕ ﺗﺴﺘﺨﺪﻡ ﻛﻴﺪ ﺍﻟﻨﺴﺎ ﻭﻱ ﺟﺎﺳﺮ .. ﻭﺭﺗﺒﺖ ﺍﻟﻬﺎ ﺧﻄﻪ ﻣﺤﻜﻤﻪ .. ﻉ ﻛﻮﻟﺖ ﺍﻟﻤﺼﺮﻳﻴﻦ ( ﻣﺎﺗﺨﺮﺵ ﺍﻟﻤﻴﻪ )
ﻭﺑﺎﻟﻠﻴﻞ ﻟﺒﺴﺖ ﺭﻭﺏ ﺍﺑﻴﺾ ﻗﺼﻴﺮ ﻭﺭﺗﺒﺖ ﺍﻟﻐﺮﻓﻪ ﻭﻓﺮﺷﺖ ﻓﺮﺷﻪ ﻉ ﺍﻟﺠﺮﺑﺎﻳﻪ ﻣﺎﻟﺘﻬﺎ ﻭﺭﺷﺖ ﻋﻄﺮ ﺑﻜﻞ ﻣﻜﺎﻥ ﻭﺧﻠﺖ ﻣﻜﻴﺎﺝ ﺧﻔﻴﻒ .. ﻭﺍﻧﺘﻈﺮﺕ ﺟﺎﺳﺮ ﻳﺠﻲ ..
ﺻﺎﺭﺕ ﺍﻟﺴﺎﻋﻪ ﺏ١٢ﺑﺎﻟﻠﻴﻞ ﻭﺟﺎﺳﺮ ﻣﺎﻛﻮﻭ .. ﻭﺭﺑﻊ .. ﻭﻧﺺ ﻭﺍﺧﻴﺮﺍ ﻭﺻﻞ ﺟﺎﺳﺮ ﻃﺒﻌﺎ ﺍﻻﻧﺘﻈﺎﺭ ﺻﻌﺐ ﻉ ﻏﺴﻖ
ﺩﺧﻞ ﺟﺎﺳﺮ ﺍﻟﻐﺮﻓﺘﻪ ﻭﻏﺴﻖ ﺗﺴﻤﻊ ﻣﻦ ﻭﺭﻩ ﺍﻟﺒﺎﺏ ﻭﺗﺤﺠﻲ ﻭﻱ ﻧﻔﺴﻬﻪ ﺍﻛﻴﺪ ﻫﺴﻪ ﻧﺰﻉ ﻣﻼﺑﺴﻪ ﻭﻟﺒﺲ ﺍﺗﺮﺍﻙ .. ﺍﻛﻴﺪ ﻫﺴﻪ ﺭﺍﺡ ﻟﻠﺤﻤﺎﻡ .. ﻭﻃﻠﻊ ﻣﻦ ﺍﻟﺤﻤﺎﻡ .. ﻳﻤﻜﻦ ﻫﺴﻪ ﺍﺗﻤﺪﺩ ﻉ ﺍﻟﺴﺮﻳﺮ .. ﺧﻞ ﺍﻧﻄﻴﻪ ﺑﻌﺪ ٥ﺩﻗﺎﻳﻖ ..
ﻏﺴﻖ ﻭﻛﻔﺖ ﻉ ﺍﻟﻤﺮﺍﻳﻪ ﻭﺭﺗﺒﺖ ﻧﻔﺴﻬﻪ ﻭﺭﺷﺖ ﻋﻄﺮ ﻟﻠﻤﺮﻩ ﺍﻟﻌﺎﺷﺮﻩ ﻭﻓﺘﺤﺖ ﺷﻌﺮﻫﻪ ﻭﺭﺟﻌﺖ ﺻﻌﺪﺕ ﻉ ﺍﻟﺠﺮﺑﺎﻳﻪ ﻭﻇﻠﺖ ﺗﺼﺮﺥ .. ﺟﺎﺳﺮ ﺍﻟﺤﻜﻨﻲ ﺟﺎﺳﺮﺭﺭﺭﺭﺭ ﺍﻟﺤﻜﻨﻲ …
ﺟﺎﺳﺮ ﻃﻔﺮ ﻣﻦ ﻣﻜﺎﻧﻪ ﻭﺩﻓﻊ ﺍﻟﺒﺎﺏ ﻭﺩﺧﻞ ﻉ ﻏﺴﻖ
ﻏﺴﻖ ﺍﺷﺒﻴﺞ ﺍﺣﺠﻲ ..
ﻏﺴﻖ ﺑﻘﺖ ﺗﺼﺮﺥ ﻭﺗﺒﺠﻲ ﺑﺪﻭﻥ ﺩﻣﻮﻉ ﺍﻟﺤﻜﻨﻲ ﺟﺎﺳﺮ .. ﻭﻭﺍﻛﻔﻪ ﻉ ﺍﻟﺠﺮﺑﺎﻳﻪ ﻭﺗﻜﻤﺰ ..
ﺟﺎﺳﺮ ﻛﺎﻓﻲ ﻻ ﺍﻃﻔﺮﻳﻦ ﻛﻮﻟﻲ ﺍﺷﺒﻴﺞ
ﻏﺴﻖ … ﻓﺎﺭﻩ ﺑﺎﻟﻐﺮﻓﻪ
ﺟﺎﺳﺮ ﺳﺎﻟﻬﺎ ﺑﺘﻌﺠﺐ .. ﻓﺎﺭﻩ
ﻏﺴﻖ ﻻ ﻣﻮ ﻓﺎﺭﻩ .. ﻓﺎﺭﺗﻴﻦ ﻭﺣﺪﻩ ﺍﺟﺖ ﻣﻨﺎ ﻭﻭﺣﺪﻩ ﺭﺍﺣﺖ ﻣﻨﺎ ..
ﺟﺎﺳﺮ ﻭﻳﻦ ﺑﺎﻟﻈﺒﻂ
ﻏﺴﻖ ﺟﻮﻩ ﺍﻟﻤﺮﺍﻳﻪ .. ﺭﺍﺡ ﺟﺎﺳﺮ ﻳﺒﺤﺚ ﻭﻛﻠﺸﻲ ﻣﺎﻟﮕﻪ
ﺟﺎﺳﺮ / ﻣﺎﻛﻮ ﻳﺘﻬﻴﺄﻟﺞ
ﻏﺴﻖ ﻇﻠﺖ ﺗﺒﺠﻲ ﻭﺗﺼﺮﺥ ﺍﻧﻲ ﺷﻔﺘﻬﻪ ﺑﻌﻴﻨﻲ ﻟﻴﺶ ﻣﺘﺼﺪﻛﻨﻲ ..
ﺟﺎﺳﺮ ﻛﺎﻓﻲ ﻻﺗﺒﺠﻴﻦ ﻫﺴﻪ ﺍﺩﻭﺭ ﺑﻌﺪ
ﻭﺭﺍﺍﺟﻊ ﺟﺎﺳﺮ ﺍﻳﺪﻭﺭ ﻭﻣﺎﻟﮕﻪ .. ﻫﻤﻴﻦ ﺷﻲ
ﻏﺴﻖ ﺍﻛﻴﺪ ﻟﺒﺪﺕ ﺑﻤﻜﺎﻥ ﺑﺎﻟﻐﺮﻓﻪ .. ﻭﺭﺍﺣﺖ ﻏﺴﻖ ﻭﺣﻈﻨﺖ ﺟﺎﺳﺮ .. ﺍﻛﻴﺪ ﺭﺍﺡ ﺗﺘﻄﻠﻌﻠﻲ ﻣﻦ ﺗﺮﻭﺡ ..
ﺟﺎﺳﺮ .. ﺟﺎﻱ ﺍﻛﻮﻟﺞ ﻣﺎﻛﻮ ..
ﻏﺴﻖ ﺑﻘﺖ ﺣﺎﻇﻨﻪ ﺟﺎﺳﺮ ﻓﺪﻭﻩ ﻻﺗﻌﻮﻓﻨﻲ ﺟﺎﺳﺮ ﺍﻣﺎ ﺗﺎﺧﺬﻧﻲ ﻳﻤﻚ ﺍﻭ ﺗﻨﺎﻡ ﻳﻤﻲ ﻭﺍﻻﻓﻀﻞ ﺍﺗﻨﺎﻡ ﻳﻤﻲ ﻻﻥ ﻣﺎﻋﺮﻑ ﺍﻧﺎﻡ ﺑﺮﻩ ﻏﺮﻓﺘﻲ ..
ﺟﺎﺳﺮ ﺍﻭﻛﻲ ﺭﺟﻌﻲ ﻧﺎﻣﻲ .. ﻉ ﺍﻟﺴﺮﻳﺮ ﺭﺍﺡ ﺍﺟﻴﺐ ﻣﻮﺑﺎﻳﻠﻲ ﻭﺍﺟﻲ
ﻏﺴﻖ .. ﻣﺎ … ﺍﺭﻭﺡ ﻭﻳﺎﻙ ﺍﺧﺎﻑ ﺍﺑﻘﻲ ﺍﻟﻮﺣﺪﻱ ﻭﻱ ﺍﻟﻔﺎﺭﻩ
ﺟﺎﺳﺮ ﻭﺍﻟﻠﻪ ﺗﺴﻮﻱ ﻓﻈﻞ ﻟﻮ ﺗﺎﻛﻠﺞ ..
ﻏﺴﻖ ﻳﻌﻨﻲ ﺍﻟﻔﺎﺭﻩ ﺗﺎﻛﻞ .. ﻭﻳﻨﺞ ﻣﺎﻣﺎ ﻟﺤﮕﻴﻨﻲ
ﺟﺎﺳﺮ ﺭﺍﺡ ﻟﻠﻐﺮﻓﻪ ﺟﺎﺏ ﻣﺨﺪﻩ ﻭﺍﻓﺮﺍﺵ ﻭﺑﻄﺎﻧﻴﻪ .. ﻭﻓﺮﺷﻬﻦ ﺑﺎﻻﺭﺽ .. ﻭﻏﺴﻖ ﻛﺎﻋﺪﻩ ﻉ ﺍﻟﺠﺮﺑﺎﻳﻪ
ﻓﺮﺵ ﺟﺎﺳﺮ ﺍﻓﺮﺍﺷﻪ ﺑﺎﻻﺭﺽ .. ﻭﻃﻔﻰ ﺍﻻﻧﺎﺭﻩ ﻭﺍﻧﻄﻰ ﺍﻟﻐﺴﻖ ﻇﻬﺮﻩ .. ﻭﻧﺎﻡ ..
ﻃﺒﻌﺎ ﻏﺴﻖ ﻣﺎﺍﺳﺘﺴﻠﻤﺖ ﻃﻔﺮﺕ ﻣﻦ ﺳﺮﻳﺮﻫﺎ ﻭﺩﺣﺴﺖ ﺭﻭﺣﻬﻪ ﺩﺍﺧﻞ ﺑﻄﺎﻧﻴﻪ ﺟﺎﺳﺮ ﻭﺧﻠﺖ ﺭﺍﺳﻬﻪ ﺑﺼﺪﺭﻩ ﺍﻟﻌﺎﺭﻱ .. ﺟﺎﺳﺮ ﻓﺪﻭﻩ ﻻﺗﺨﻠﻴﻨﻲ ﺍﻧﺎﻡ ﺍﻟﻮﺣﺪﻱ ﺍﺧﺎﻑ ﺗﺎﻛﻠﻨﻲ ﺍﻟﻔﺎﺭﻩ ﻣﻦ ﺻﺪﻙ ..
ﺟﺎﺳﺮ ﺍﺗﻤﻨﻲ ﺗﺠﻲ ﻫﺴﻪ ﺍﻟﻔﺎﺭﻩ ﻭﺗﺎﻛﻞ ﻫﺬﺍ ﺍﻟﻠﺴﺎﻥ ﺍﻟﻄﻮﻳﻞ
ﻏﺴﻖ ﻭﺗﻬﻮﻥ ﻋﻠﻴﻚ ﻏﺴﻖ
ﺟﺎﺳﺮ ﻇﻞ ﺳﺎﻛﺖ ﺍﺗﻘﺮﺑﺖ ﻏﺴﻖ ﺍﻛﺜﺮ ﻭﻟﺼﻘﺖ ﺑﻴﻪ ﻭﺧﻠﺖ ﺍﻳﺪﻳﻬﻪ ﻭﺭﻩ ﺭﻗﺒﺔ ﺟﺎﺳﺮ
ﻏﺴﻖ ﺑﺪﻟﻊ ﻣﺎﻛﺘﻠﻲ ﺍﺗﻬﻮﻥ ﻋﻠﻴﻚ ﻏﺴﻖ
ﺟﺎﺳﺮ ﺻﻮﺗﻪ ﺍﻧﺤﺒﺲ ﻣﻦ ﺍﻻﺛﺎﺭﻩ ﻭﺍﻟﺸﻬﻮﻩ .. ﻛﻤﻠﺖ ﻏﺴﻖ ﻛﻼﻣﻬﺎ .. ﺍﺗﺮﻳﺪ ﺍﻟﻔﺎﺭﻩ ﺗﺠﻲ ﻭﺗﻌﺾ ﺍﻟﻠﺴﺎﻥ ﻏﺴﻖ ﻭﺷﻔﺎﻳﻒ ﻏﺴﻖ .. ﺍﻟﻠﻲ ﻣﺸﺘﺎﻗﻪ ﺍﻟﺸﻔﺎﻳﻒ ﺟﺎﺳﺮﺭﺭﺭﺭﺭ
ﺟﺎﺳﺮ ﻣﺎﺗﺤﻤﻞ ﻣﻴﺎﻋﻪ ﻏﺴﻖ ﻭﺩﻻﻋﺘﻪ ﻭﺍﻧﻮﺛﺘﻬﻪ ﻭﻧﻮﻣﺘﻪ ﺷﺒﻪ ﻋﺎﺭﻳﻪ ﺑﺤﻈﻨﻪ .. ﺍﺧﺬ ﺷﻔﺎﻳﻔﻬﻪ ﺑﺎﻟﻘﺒﻼﺕ ﻭﺑﻘﻰ ﻳﻤﺘﺺ ﺭﺣﻴﻘﻬﻦ ﻭﺍﻳﺪﻳﻪ ﻟﻤﺴﺖ ﻛﻞ ﻣﻜﺎﻥ ﺑﺠﺴﻤﻬﻪ .. ﺟﺎﺳﺮﺭ ﻭﺍﻟﺸﻬﻮﻩ ﺍﻟﻤﻜﺒﻮﺗﻪ ﺑﺪﺍﺧﻠﻪ ... ﻣﺸﺘﺎﻗﻠﺞ ﻏﺴﻖ ﺭﺍﺡ ﺍﻣﻮﺕ ﻣﻦ ﺍﻻﺷﺘﻴﺎﻕ ﺑﺎﻟڰﻮﻩ ﻣﺼﺒﺮ ﻧﻔﺴﻲ ..
ﻏﺴﻖ ﺑﺪﺍﺧﻠﻬﺎ ﺣﺴﺖ ﺑﺎﻻﻧﺘﺼﺎﺭ .. ﻭﺍﻟﺮﺍﺣﻪ ﺑﻨﻔﺲ ﺍﻟﻮﻗﺖ ﻻﻥ ﺍﺑﺘﻌﺎﺩ ﺟﺎﺳﺮ ﻋﻨﻬﺎ ﻛﺎﻥ ﻣﻮ ﺗﺠﺎﻫﻞ ﻭﻛﺮﻩ ﺍﻟﻬﺎ ﻭﺍﻧﻤﺎ ﺑﺴﺒﺐ ﺍﻟﻮﻋﺪ ﺍﻟﻠﻲ ﻗﻄﻌﻪ ..
ﻋﺎﺷﺖ ﻏﺴﻖ ﺑﺤﻈﻦ ﺟﺎﺳﺮ ﺍﺟﻤﻞ ﺍﻟﻠﺤﻈﺎﺕ ﻏﺴﻖ ﻣﺘﻌﺖ ﺟﺎﺳﺮ ﻭﻫﻮ ﻫﻤﻴﻦ ﻣﺘﻌﻬﻪ ..
ﻛﻌﺪﺕ ﺍﻟﺼﺒﺢ ﻏﺴﻖ ﻓﺮﺣﺎﻧﻪ ﻛﻮﻟﺶ ﺍﺗﻤﻐﻄﺖ ﻭﻫﻲ ﺑﺎﻟﻔﺮﺍﺵ ﻭﺩﺍﺭﺕ ﻉ ﺟﺎﺳﺮ . ﻣﺎﻛﺎﻥ ﻧﺎﻳﻢ ﻳﻤﻬﻪ .. ﻛﻌﺪﺕ ﺩﻭﺭﺕ ﺑﺎﻟﺒﻴﺖ .. ﻋﺮﻓﺖ ﺍﻧﻮ ﻃﺎﻟﻊ ..
ﺭﺟﻌﺖ ﺑﺎﻟﻐﺮﻓﻪ ﺷﺎﻓﺖ ﻗﺼﺎﺻﺔ ﻭﺭﻕ ﻉ ﺍﻟﻤﺮﺍﻳﻪ ﻣﻦ ﺟﺎﺳﺮ
ﺍﻧﻲ ﺍﺳﻒ ﻉ ﺍﻟﻠﻲ ﺻﺎﺭ ﺑﺎﻻﻣﺲ ﻭﺍﻭﻋﺪﺝ ﻫﺬﺍ ﺍﻟﺸﻲ ﻣﺮﺍﺡ ﻳﺘﻜﺮﺭ
.
ﻏﺴﻖ ﻟﺰﻣﺖ ﺍﻟﻘﺼﺎﺻﻪ ﻭﺑﻘﺖ ﺗﺒﺠﻲ .. ﻟﻴﺶ ﻫﻴﺠﻲ ﺟﺎﺳﺮ ﻛﻠﻤﺎ ﺍﺗﻘﺪﻣﻠﻚ ﺧﻄﻮﻩ ﺗﺒﺘﻌﺪ ﺧﻄﻮﺗﻴﻦ .. ﺣﺴﺖ ﺑﺎﻻﻫﺎﻧﻪ ﻣﻦ ﺗﺼﺮﻓﺎﺕ ﺟﺎﺳﺮ ﻭﻳﺎﻫﺎ ﻭﻛﺮﺍﻣﺘﻬﻪ ﺍﻧﺠﺮﺣﺖ ﻻﻥ ﺭﻓﻀﻬﻪ ﻭﺍﺗﻨﺪﻡ ﻻﻥ ﺍﺗﻘﺮﺏ
ﻣﻨـِْﻬـ ̨̐♡ ـِْﺎ .. ﻗﺮﺭﺕ ﻏﺴﻖ ﺍﻥ ﺗﺘﺠﺎﻫﻞ ﺟﺎﺳﺮ ﻭﺍﺑﺪ ﻣﺎﺗﻠﺘﻘﻲ ﺑﻴﻪ ﻭﺗﻌﺎﻣﻠﻪ ﻣﺜﻠﻤﺎ ﻳﻌﺎﻣﻠﻬﺎ .. ﻭﻇﻠﺖ ﺍﺗﻤﺮ ﺍﻳﺎﻡ ﻭﺟﺎﺳﺮ ﻭﻏﺴﻖ ﺷﻲ ﻣﻴﺸﻮﻑ ﺷﻲ ﻭﻣﺮﺍﺕ ﻳﻠﺘﻘﻮﻥ ﺑﺎﻟﺼﺪﻑ ﻭﻏﺴﻖ ﺑﺴﺮﻋﻪ ﺗﺘﺪﺧﻞ ﺍﻟﻐﺮﻓﺘﻬﻪ ..
ﻫﻮ ﻳﺎﻛﻞ ﺑﺮﻩ ﻭﻫﻲ ﺗﺎﻛﻞ ﺷﻲ ﺑﺴﻴﻂ ﻭﻣﺮﺍﺕ ﻣﺘﺎﻛﻞ ﻻﻥ ﺑﺪﺕ ﺷﻬﻴﺘﻬﻪ ﺍﺗﻘﻞ ﻭﻟﻌﺒﺎﻥ ﻧﻔﺲ ﻭﺩﻭﺧﻪ .. ﻭﻣﺮﺍﺕ ﺗﺘﻘﻴﺄ ﻭﺟﺎﺳﺮ ﻣﺎﻳﻌﺮﻑ ﺑﺎﻟﻮﺿﻊ ﻭﺍﻟﺤﺎﻟﻪ ﺍﻟﻠﻲ ﻏﺴﻖ ﺑﻴﻬﻪ ﺑﺪﺕ ﺗﺬﺑﻞ ﻭﻋﻴﻮﻧﻬﻪ ﻓﺎﺗﺮﻩ .. ﻭﺑﻴﻮﻡ ﻣﻦ ﺍﻻﻳﺎﻡ ﺟﺎﺳﺮ ﺭﺟﻊ ﺑﺎﻟﻠﻴﻞ ﻭﺩﺧﻞ ﻟﻠﺸﻘﻪ ﺷﺎﻑ ﻏﺴﻖ ﻣﺘﻤﺪﺩﻩ ﻭﻭﺍﻛﻌﻪ ﻳﻢ ﺑﺎﺏ ﺍﻟﻐﺮﻓﻪ .. ﺭﻛﺾ ﻋﻠﻴﻬﺎ ﻭﻇﺮﺑﻬﻪ ﻉ ﺧﺪﻫﻪ ﺣﺘﻲ ﺗﻨﺘﺒﻪ ﺑﺲ ﻏﺴﻖ ﻛﺎﻧﺖ ﻋﺒﺎﺭﻩ ﻋﻦ ﺷﺒﻪ ﺟﺜﻪ .. ﻭﺷﻔﺎﻳﻔﻬﺎ ﺻﻔﺮ .. ﺟﺎﺳﺮ ﺍﺗﻮﻗﻊ ﻏﺴﻖ ﻣﻨﺘﺤﺮﻩ .. ﺍﺧﺬﻫﻪ ﻭﺭﻛﺾ ﻟﻠﻤﺴﺘﺸﻔﻲ .. ﻭﻫﻨﺎﻙ ﺍﺧﺬﻭﻟﻬﺎ ﺗﺤﺎﻟﻴﻞ ﻭﻓﺤﻮﺻﺎﺕ ﻭﺷﺪﻭﻟﻬﺎ ﻣﻐﺬﻱ ..
ﺍﺟﺖ ﺍﻟﺪﻛﺘﻮﺭﻩ ﻭﻛﻠﻤﺖ ﺟﺎﺳﺮ ﺣﻈﺮﺗﻚ ﺷﻨﻮ ﺗﻘﺮﺑﻠﻬﺎ
ﺟﺎﺳﺮ ﺍﻧﻲ ﺯﻭﺟﻬﻪ .. ﺧﻴﺮ ﺩﻛﺘﻮﺭﻩ ﺍﻛﻮ ﺷﻲ ..
ﺍﻟﺪﻛﺘﻮﺭﻩ ﻣﺒﺮﻭﻙ ﺯﻭﺟﺘﻚ ﺣﺎﻣﻞ ..
ﺟﺎﺳﺮ … ﻇﻞ ﺻﺎﻓﻦ ﺣﺎﻣﻞ
ﺍﻟﺪﻛﺘﻮﺭﻩ ﺍﻱ ﻧﻌﻢ
ﺟﺎﺳﺮ ﻃﺎﺭ ﻣﻦ ﺍﻟﻔﺮﺡ ﻏﺴﻖ،ﺣﺎﻣﻞ ﻭﺍﺧﻴﺮﺍ ﻃﻠﻊ ﺍﻟﻤﻮﺑﺎﻳﻞ ﻭﺧﺎﺑﺮ ﻭﺍﻟﺪﺗﻪ ﻳﻤﻪ ﺍﻧﻲ ﺑﺎﻟﻤﺴﺘﺸﻔﻰ ﻫﺴﻪ ..
ﻟﻤﻴﻌﻪ / ﺧﻴﺮ ﻳﻤﻪ ﺷﻜﻮ ﺍﺷﺒﻴﻚ
ﺟﺎﺳﺮ ﻳﻤﻪ ﻏﺴﻖ ﺣﺎﻣﻞ ..
ﻟﻤﻴﻌﻪ / ﺻﻼﻭﺍﺕ ﻳﻤﻪ ﺻﻼﻭﺍﺕ .. ﺍﻟﺤﺠﻲ ﻣﻦ ﺳﻤﻊ ﻃﻔﺮ ﻣﻦ ﻣﻜﺎﻧﻪ ﺍﻧﻲ ﺟﺎﻱ ﻋﻠﻴﻜﻢ ﻫﺴﻪ ..
ﺟﺎﺳﺮ .. ﻳﻮﻭﻭﻭﻡ ﮔﻠﻲ ﻻﺑﻮﻱ ﻻ ﻳﺠﻲ ﺍﻟﻮﻗﺖ ﻣﺘﺎﺧﺮ ﻫﺴﻪ ﺍﺟﻴﺒﻬﻪ ﻭﺍﺟﻲ
ﻟﻤﻴﻌﻪ ﻛﺎﻟﺖ ﻟﻠﺤﺠﻲ ﻣﻴﺮﻭﺡ ﺑﺲ ﻫﻮ ﺍﺻﺮ ﻳﺮﻭﺡ ﻋﻠﻴﻬﻢ ﻟﻠﻤﺴﺘﺸﻔﻰ ﻭﻟﻤﻴﻌﻪ ﺍﺟﺖ ﻭﻳﺎﻩ ..
ﻓﺘﺤﺖ ﻏﺴﻖ ﺍﻋﻴﻮﻧﻬﻪ ﻟﻜﺖ ﺍﻟﻜﻞ ﻭﺍﻛﻔﻴﻦ ﻉ ﺭﺍﺳﻬﻪ ﻭﻳﺒﺘﺴﻤﻮﻥ ..
ﻏﺴﻖ / ﺍﻧﻲ ﻭﻳﻦ ﻭﻟﻴﺶ 0 ﺍﺟﻴﺖ ﺍﻫﻨﺎ
ﺣﺠﻲ ﺣﺴﻦ / ﺑﻮﻳﻪ ﻏﺴﻖ ﺍﻧﺘﻲ ﺣﺎﻣﻞ
ﻏﺴﻖ / ﺣﺎﻣﻞ
ﺟﺎﺳﺮ / ﺍﻱ ﺣﺎﻣﻞ ﻭﺭﺍﺡ ﺍﺗﺠﻴﺒﻴﻦ ﺟﺎﺳﻢ ﺍﺯﻏﻴﺮﻭﻥ
ﻏﺴﻖ / ﻣﺎﺍﺣﺐ ﺭﻳﺤﺔ ﺍﻟﻤﺴﺘﺸﻔﻲ ﺭﺟﻌﻨﻲ ﻟﻠﺒﻴﺖ
ﺟﺎﺳﺮ / ﻻﺯﻡ ﺗﺮﺗﺎﺣﻴﻦ ﺍﺷﻮﻳﻪ ..
ﻏﺴﻖ / ﺍﺧﺬﻧﻲ ﺍﻟﺒﻴﺖ ..
ﺍﻟﺠﻤﺎﻋﻪ ﺍﺧﺬﻭ ﻏﺴﻖ ﻭﺣﺠﻲ ﺣﺴﻦ ﻭﻟﻤﻴﻌﻪ ﻓﺮﺣﺎﻧﻴﻦ ﺑﺎﻟﺨﺒﺮ .. ﺟﺎﺳﺮ ﺍﺧﺬ ﺯﻭﺟﺘﻪ ﻭﺻﻌﺪﻫﻪ ﻓﻮﻙ ..
ﺟﺎﺳﺮ ﺭﺍﺡ ﺍﺳﻮﻳﻠﺞ ﻋﺼﻴﺮ ﺑﺮﺗﻘﺎﻝ
ﻏﺴﻖ / ﻣﺎﺭﻳﺪ ﺷﻲ ﺍﻛﻌﺪ ﺍﺭﻳﺪ ﺍﺣﺠﻲ ﻭﻳﺎﻙ
ﺟﺎﺳﺮ / ﻧﻌﻢ ﻏﺴﻖ
ﻏﺴﻖ / ﺍﻧﻲ ﻣﺎﺭﻳﺪ ﻫﺬﺍ ﺍﻟﻄﻔﻞ
ﺟﺎﺳﺮ / ﻏﺴﻖ ﺍﻧﺘﻲ ﺍﺗﺨﺒﻠﺘﻲ
ﻏﺴﻖ ﻻ ﻋﻘﻠﺖ ﺍﻟﻌﻼﻗﻪ ﺍﻟﻠﻲ ﺑﻴﻨﺎ ﻣﻘﻄﻮﻋﻪ .. ﻭﻣﺴﺘﺤﻴﻞ ﻳﺮﺟﻌﻬﻪ ﻃﻔﻞ ..
ﻏﺴﻖ ﺑﻘﺖ ﺗﺒﺠﻲ ﻭﺗﺼﺮﺥ ﻣﺎﺍﺭﻳﺪﻩ ﻣﺎﺍﺭﻳﺪﻩ ﻣﺎﺭﻳﺪ ﺷﻲ ﻳﺠﻤﻌﻨﻲ ﺑﻴﻚ …
ﺣﻈﻨﻬﺎ ﺟﺎﺳﺮﺭ ﻭﻇﻞ ﻳﻬﻤﺴﻠﻬﺎ ﺍﻫﺪﻱ ﺣﺒﻴﺒﺘﻲ ﺍﻫﺪﻱ ﻟﺘﺄﺫﻳﻦ ﺭﻭﺣﺞ ..
ﻏﺴﻖ ﻣﺎﺍﺣﺒﻚ ﺍﻛﺮﻫﻚ ﻭﻛﻮﻟﺸﻲ ﻣﺎﺭﻳﺪ ﻣﻨﻚ ﻻ ﻃﻔﻞ ﻭﻻ ﺍﻱ ﺷﻲ .. ﺭﺟﻌﻨﻲ ﺍﻟﻤﺎﻣﺎ
ﺟﺎﺳﺮ ﺍﻧﻲ ﻣﺎﻣﺎ ﻭﺍﻧﻲ ﺑﺎﺑﺎ ﻭﺍﻧﻲ ﺩﺍﺩﺍ ﻭﺍﻧﻲ ﺑﻴﺒﻲ ﻣﺴﺘﻌﺪ ﻛﻮﻟﺸﻲ ﺍﺻﻴﺮﻟﺞ ﺑﺲ ﻫﺪﻱ ﺍﻋﺼﺎﺑﺞ ..
ﻏﺴﻖ ﺍﺳﺘﻤﺮﺕ ﺗﺒﺠﻲ ﻭﺗﺼﺮﺥ ﻭﻳﻦ ﻫﺬﺍ ﺍﻟﺤﺠﻲ ﻗﺒﻞ ﺷﻬﺮ ﻣﻦ ﺍﺟﻴﺖ ﻭﻧﻤﺖ ﺑﺤﻈﻨﻚ ﻭﺳﻠﻤﺘﻚ ﻧﻔﺴﻲ ﻭﺭﺩﺕ ﺍﺑﺪﻱ ﻭﻳﺎﻙ ﺻﻔﺤﻪ ﺟﺪﻳﺪﻩ .. ﻭﺑﻌﺪ ﻣﺎ ﻓﺮﻏﺖ ﻏﺮﻳﺰﺗﻚ ﺻﺪﻳﺘﻨﻲ ﻭﺭﻓﻀﺘﻨﻲ .. ﻭﺗﺠﺎﻫﻠﺘﻨﻲ ﻭﺍﻋﺘﺒﺮﻧﻲ ﻣﺜﻞ ﺍﻱ ﻗﻄﻌﻪ ﺍﺛﺎﺙ ﺍﺑﻴﺘﻚ ..
ﺟﺎﺳﺮ .. ﻻ ﺗﻔﻬﻤﻴﻨﻲ ﻏﻠﻂ ﺑﻮﻗﺘﻬﻪ .. ﺍﺗﺼﻮﺭﺕ ﺍﻧﺘﻲ ﺍﻧﺜﺎﺭﻳﺘﻲ ﻻﻥ ﺑﺤﻈﻨﻲ .. ﻭﺧﻔﺖ ﻣﻦ ﺗﻜﻌﺪﻳﻦ ﺍﻟﺼﺒﺢ ﺗﺘﻨﺪﻣﻴﻦ ﻉ ﺍﻟﻠﺤﻈﻪ ﺍﻟﻠﻲ ﺻﺎﺭﺕ ﻛﺘﺒﺘﻠﺞ ﻗﺼﺎﺻﻪ ﻭﻛﻠﺖ ﺧﻞ ﺍﺷﻮﻑ ﺭﺩﺕ ﻓﻌﻠﻬﺎ .. ﺍﺗﻮﻗﻌﺘﺞ ﺗﺠﻴﻦ ﻭﺗﺤﺠﻴﻦ ﻭﻳﺎﻱ ﻭﻧﺘﻌﺎﺗﺐ ﻭﻳﺮﻭﺡ ﺍﻟﺰﻋﻞ .. ﺑﺲ ﺍﻧَـ ỲǑŲ ـْﺘﻲ ﺍﺗﺠﺎﻫﻠﺘﻴﻨﻲ ﻭﻇﻠﻴﺘﻲ ﺍﻳﺎﻡ ﻣﻄﻠﻌﻴﻦ ﻣﻦ ﻏﺮﻓﺘﺞ .. ﺍﺗﺎﻛﺪﺕ ﺍﻧﻮ ﺍﻧﺘﻲ ﺍﺗﻨﺪﻣﺘﻲ ﻉ ﺍﻟﻠﺤﻈﻪ ﺍﻟﻠﻲ ﻣﺮﺕ ..
ﻏﺴﻖ ﺗﺒﺠﻲ
ﺟﺎﺳﺮ ﻻ ﺗﺒﺠﻴﻦ ﺍﺩﻣﻮﻋﺞ .. ﺗﻮﺟﻊ ﮔﻠﺒﻲ
ﻏﺴﻖ ﺍﺑﺠﻲ ﻣﻘﻬﻮﺭﻩ ﻉ ﺭﻭﺣﻲ ﻻﻥ ﻫﺬﺍ ﺍﻟﻜﻼﻡ ﻣﺎﺳﻤﻌﺘﻪ ﻣﻨﻚ ﺍﻻ ﻣﻦ ﻋﺮﻓﺖ ﺑﻴﻴﻪ ﺣﺎﻣﻞ .
ﺟﺎﺳﺮ ﺻﺤﻴﺢ ﻓﺮﺣﺎﻥ ﺑﺎﻟﺤﻤﻞ .. ﺑﺲ ﺍﻟﻠﻲ ﻣﻔﺮﺣﻨﻲ ﺍﻛﺜﺮ ﺍﻧﻮ ﻫﺬﺍ ﺍﻟﻄﻔﻞ ﻣﻨﺞ .. ﻏﺴﻖ ﺣﺒﻴﺒﺘﻲ ﺣﺎﻣﻞ ﺑﺄﺑﻨﻲ .. ﻗﻄﻌﻪ ﻣﻨﻲ ﺑﺪﺍﺧﻠﺞ ..
ﻏﺴﻖ ﻣﺎﺗﺤﺒﻨﻲ ﺗﺤﺐ ﺍﻟﻄﻔﻞ ﺍﻛﺜﺮ ﻣﻨﻲ
ﺟﺎﺳﺮ ﻣﻦ ﻫﺴﻪ ﺑﺪﻳﻨﺎ ﺍﻧﻐﺎﺭ .. ﻳﺎﺑﻪ ﻭﺩﺍﻋﺖ ﺣﺠﻲ ﺣﺴﻦ ﻭﺭﻭﺡ ﻋﻤﻲ ﺟﺎﺳﻢ ﺍﺣﺒﺞ ﺍﻣﻮﺕ ﻋﻠﻴﺞ ﺍﻋﺸﻘﺞ
ﻏﺴﻖ ﺑﺪﻟﻊ .. ﻣﻤﺼﺪﻛﺘﻚ ﻛﻮﻝ ﻭﺍﻟﻠﻪ ﺛﻼﺙ ﻣﺮﺍﺕ
ﺟﺎﺳﺮ ﻭﺍﻟﻠﻪ ﻭﺍﻟﻠﻪ ﻭﺍﻟﻠﻪ ﺍﺣﺒﺞ .. ﺍﻱ ﻣﻮ ﺭﺍﺡ ﺍﻣﻮﺕ ﻣﻦ ﻛﺪﻣﺎ ﺍﺣﻠﻒ ..
ﺟﺎﺳﺮ ﺣﻈﻦ ﻏﺴﻖ … ﻫَـ (⊙﹏⊙) ــﺎﺁ ﻃﺎﺡ ﺍﻟﺤﻄﺐ
ﻏﺴﻖ ﻻ ﺑﻌﺪﻩ ﻣﺎﻃﺎﺡ ..
ﺟﺎﺳﺮ ﻫَـ (⊙﹏⊙) ــﺎﺁ ﺷﻜﻮ ﺑﻌﺪ
ﻏﺴﻖ ﻣﺎﻣﺎ
ﺟﺎﺳﺮ ﺍﺷﺒﻴﻬﻪ ﺍﻣﺞ
ﻏﺴﻖ ﺍﺗﺨﺎﺑﺮ ﻣﺎﻣﺎ ﺑﺎﻟﻤﻮﺑﺎﻳﻞ ﻭﺗﺎﺧﺬ ﻣﻦ ﺧﺎﻃﺮﻫﻪ
ﺟﺎﺳﺮ ﺑﺲ ﻫﺎﻱ ﻏﺎﻟﻴﻪ ﻭﺍﻟﻄﻠﺐ ﺭﺧﻴﺺ ﺍﻥ ﺷﺎﻟﻠﻪ ﺑﺎﺟﺮ ﺍﺧﺎﺑﺮﻫﻪ ﻭﺍﺗﺼﺎﻓﻰ ﻭﻳﺎﻫﻪ .. ﻭﻫﺴﻪ ﺻﻔﻴﻨﺎ
ﻏﺴﻖ ﺍﺑﺘﺴﻤﺖ ﺻﻔﻴﻨﺎﺍ
ﺟﺎﺳﺮﺭ ﻓﺘﺢ ﻋﻴﻨﻪ ﻭﺻﺎﺡ ﻓﺎﺭﻩ ﺷﻔﺖ ﻓﺎﺭﻩ
ﻏﺴﻖ ﺣﻈﻨﺖ ﺟﺎﺳﺮ ﺑﺴﺮﻋﻪ ﻭﻧﺎﻣﺖ ﺑﺤﻈﻨﻪ .. ﺍﻟﺪﻛﺘﻮﺭﻩ ﻣﻮ ﻛﺎﻟﺖ ﻻ ﺗﺘﻘﺮﺏ ﻣﻨﻬﺎ ﺑﺎﻻﺷﻬﺮ ﺍﻻﻭﻟﻲ
ﺟﺎﺳﺮ ﺑﺲ ﻫﺎﻟﻤﺮﻩ ﻳﻌﺬﺭﻧﻲ ﺍﺑﻨﻲ .. ﻣﺎﺍﺻﺒﺮ ﺑﻌﺪ
ﺟﺎﺳﺮ ﺣﻂ،ﺍﻳﺪﻩ ﻉ ﺑﻄﻦ ﻏﺴﻖ ﻭﺣﺠﻪ ﻭﻱ ﺍﺑﻨﻪ ﺑﺎﺑﺎ ﺣﺒﻴﺒﻲ ﻣﻦ ﺭﺧﺼﺘﻚ ﻛﻮﻟﺶ ﻣﺸﺘﺎﻕ ﺍﻻﻣﻚ ..
ﺑﻌﺪ ﻛﻢ ﺳﻨﻪ ﺟﺎﺳﺮ ﻭﻏﺴﻖ ﺻﺎﺭ ﻋﺪﻫﻢ ﺍﺭﺑﻊ ﺍﻭﻻﺩ ﻭﺣﺠﻲ ﺣﺴﻦ ﺍﺗﻮﻓﻰ .. ﻭﻏﺴﻖ ﻧﺰﻟﺖ ﺟﻮﻩ ﻳﻢ ﺧﺎﻟﺘﻬﺎ ﻟﻤﻴﻌﻪ ..
ﻭﻟﻤﻴﻌﻪ ﻣﺘﻔﺎﺭﻙ ﺍﻟﺠﻬﺎﻝ .. ﻭﻏﺴﻖ ﺑﻌﺪﻫﻪ ﻫﻲ ﻫﻲ ﺟﻤﻴﻠﻪ ﻭﻣﺨﺒﻠﻪ ﺟﺎﺳﺮ ﺑﺴﻮﺍﻟﻔﻬﺎ ﺍﻣﺎ ﺟﺎﺳﺮ ﻓﺎﻟﺸﻴﺐ ﻣﻠﻰ ﺷﻌﺮﻩ .. ﻭﺻﺎﺭ ﻣﻠﺘﺰﻡ ﺩﻳﻨﻴﺎ ﻭﻗﺮﺭ ﻳﺤﺞ ﺑﻴﺖ ﺍﻟﻠﻪ .. ﻭﺍﻫﻨﺎ ﺗﻨﺘﻬﻲ ﺍﺣﺪﺍﺙ ﻗﺼﺘﻨﻪ ﻭﺍﺗﻤﻨﻰ ﺍﻥ ﺗﻜﻮﻥ ﻧﺎﻟﺖ ﺭﺿﺎﻛﻢ ﻭﺍﺳﺘﺤﺴﺎﻧﻜﻢ .. ﺩﻣﺘﻢ ﺳﺎﻟﻤﻴﻦ
ﺍﻟﻨﻬﺎﻳﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء