رواية الخذلان ج2 الجزء الثالث
للكاتبة شمس
.
.
ﻭﺻﻠﻨﺎ ﺍﻟﺒﻴﺖ ﺍﺑﻮﻳﻪ ..
ﻭﻛﻨﺖ ﻣﺘﺮﺩﺩﺓ ﺍﺩﺧﻞ . ﻣﺎﺍﻋﺮﻑ ﻟﻴﺶ ﻛﻨﺖ ﺧﺎﻳﻔﻪ ..
ﺑﻮﺳﺖ ﻫﺎﻟﻪ ﻭﺳﻴﻮﻓﻲ ﻓﺪﻳﺘﻪ ﻳﺨﺒﻞ ﺻﺎﻳﺮ ..
ﮔﺎﻟﺖ ﻛﻢ ﻣﺮﻩ ﮔﻠﺖ ﻟﻤﺤﻤﺪ ﻧﺠﻴﻜﻢ ﻧﺸﻮﻓﻜﻢ ..
ﺑﺲ ﻣﺤﻤﺪ ﻳﮕﻮﻝ ﻣﻴﻘﺒﻠﻦ ﻳﻨﻄﻦ ﺍﻟﻌﻨﻮﺍﻥ ..
ﺳﻜﺘﺖ ﻓﻌﻼ ﺍﻧﻲ ﻧﺒﻬﺖ ﻉ ﻭﺳﺎﻡ ﻣﻴﻌﺮﻓﻮﻥ ﺍﻟﻌﻨﻮﺍﻥ ..
ﻭﺣﺘﻰ ﺍﻣﻲ ﻣﺎﺍﺗﺼﻠﻮﺍ ﻋﻠﻴﻬﺎ ﻭﺳﺄﻟﻮﺍ ..
ﻳﻌﻨﻲ ﺍﺫﺍ ﻋﺮﻓﻮﺍ ﺍﻟﻌﻨﻮﺍﻥ ﻫﻢ ﻣﻴﺠﻮﻥ ﻭﺍﺫﺍ ﺍﺟﻮ ﻓﻴﺴﻮﻭﻥ ﻣﺸﺎﻛﻞ ..
ﻟﻬﺬﺍ ﺑﻘﻴﻨﺎ ﺑﻌﻴﺪﻳﻦ ﺍﺣﺴﻦ ..
ﺩﺧﻠﺖ ﻟﻼﺳﺘﻘﺒﺎﻝ ..
ﻭﻛﻠﻬﺎ ﺗﺨﺰﺭ ﺑﻴﻪ ..
ﻭﺍﻧﻲ ﺧﺎﺗﻠﻪ ﻭﺭﻩ ﺍﻣﻲ ﻣﻦ ﺍﻟﺨﻮﻑ ..
ﺻﺎﺭﺕ ﻋﻴﻨﻲ ﻉ ﻏﺮﻓﺘﻨﺎ ﺍﻟﻘﺪﻳﻤﻪ ..
ﻧﻬﻠﻪ ﻣﻨﺰﻟﻪ ﻏﺮﻓﺘﻬﺎ ﺑﻴﻬﺎ ..
ﻭﻗﺎﺳﻤﻴﻦ ﺍﻟﺒﻴﺖ ..
ﻧﻬﻠﻪ ﻣﺎﺧﺬﻩ ﺍﻟﻄﺎﺑﻖ ﺍﻟﺠﻮﻩ ..
ﻭﻋﻠﻴﺎﺀ ﺍﻟﻔﻮﮒ ..
ﻳﻌﻨﻲ ﻣﻨﺘﻈﺮﻳﻦ ﻃﻠﻌﺘﻨﺎ ﺣﺘﻰ ﻳﻘﺴﻤﻮﻥ ﺍﻟﺒﻴﺖ ..
ﻭﺍﻟﻤﺸﻜﻠﻪ ﻣﻦ ﺩﺧﻠﺖ ﻣﺎﺣﺴﻴﺖ ﻧﻔﺴﻲ ﻣﺸﺘﺎﻗﻪ ﻟﻠﺒﻴﺖ ..
ﻭﻻﺿﺠﺖ ﻣﻦ ﺷﻔﺘﻬﻢ ﻗﺎﺳﻤﻴﻪ ..
ﺻﺤﻴﺢ ﻋﻨﺪﻱ ﺫﻛﺮﻳﺎﺕ ﺑﻲ ..
ﺑﺲ ﺍﻏﻠﺒﻬﺎ ﺣﺰﻳﻨﻪ ﻭﻣﺆﻟﻤﻪ ..
ﻋﻤﻮ ﺣﺠﺔ ﻭﻱ ﺍﻣﻴﺮ ..
ﻭﮔﺎﻟﻪ ﻫﺎﻱ ﺍﺧﺘﻚ ﻭﻣﻦ ﻟﺤﻤﻚ ﻭﻛﺬﺍ ..
ﺍﺷﻮ ﻫﻮ ﻃﻔﺮ ﻭﮔﺎﻝ ﻣﺎﻋﻨﺪﻱ ﺍﺧﺖ ﻋﺎﺭ ﻣﺜﻞ ﻫﺎﻱ ..
ﺗﻄﻠﮕﺖ ﺣﺘﻰ ﺗﻠﻌﺐ ﺑﻜﻴﻔﻬﺎ ..
ﻭﺧﺎﺻﻪ ﻫﺴﺎ ﮔﺎﻋﺪﻩ ﻭﺣﺪﻫﺎ ﻭﺍﻟﻠﻪ ﺍﻟﻴﻌﻠﻢ ﻣﻨﻮ ﻳﺪﺧﻞ ﻭﻣﻨﻮ ﻳﻄﻠﻊ ..
ﻭﻳﺒﺎﻭﻉ ﺍﻟﻮﺳﺎﻡ ..
ﺍﻧﻲ ﻣﺎﺍﺗﺤﻤﻠﺖ ﻭﺍﺫﺍ ﻋﺼﺒﺖ ﺍﮔﻮﻡ ﺍﺟﻔﺺ ﺑﺎﻟﺤﺠﻲ ..
ﮔﺘﻠﻪ ﺍﻧﻲ ﺍﺷﺮﻑ ﻣﻨﻚ ﻭﻣﻦ ﻣﺮﺗﻚ ﺍﻡ ﺍﻟﺴﺤﻮﺭﻩ ﻭﺍﺧﺘﻬﺎ ﺍﻡ ﺍﻟﺮﺟﻮﻟﻪ ..
ﻓﻘﺪﺕ ..
ﺍﻣﻴﺮ ﻋﺼﺐ ﻣﻦ ﺣﺠﻴﺖ ..
ﻛﺎﻧﺖ ﻳﻤﻪ ﻧﻔﺎﻇﻪ ﺭﮔﻌﻨﻲ ﺑﻴﻬﺎ ..
ﻣﺎﺣﺴﻴﺖ ﺍﻻ ﺣﻨﻔﻴﻪ ﺩﻡ ﻣﻦ ﺭﺍﺳﻲ ..
ﮔﺘﻠﻪ ﻭﺭﺑﻲ ﻣﺎﺍﺳﻜﺖ ﻋﻦ ﺣﻘﻲ ﻭﺗﻨﻄﻮﻧﻴﺎﻩ ..
ﻭﺳﺎﻡ ﻳﻌﻴﻂ ﻋﻠﻴﻪ ..
ﻭﻟﺞ ﺳﻜﺘﻲ ﻛﺎﻓﻲ ..
ﺭﺍﺳﺞ ﻣﻔﺘﻮﺡ ﻭﺍﻧﺘﻲ ﺗﻬﺪﺩﻳﻦ ..
ﺑﺴﺮﻋﻪ ﺟﺎﺏ ﺧﺎﻭﻟﻲ ﺧﻼﻩ ﻉ ﺭﺍﺳﻲ ﻭﺍﺧﺬﻧﻲ ﺑﺴﺮﻋﻪ ..
ﺑﻘﻮﺍ ﻋﻤﻮ ﻭﺍﻧﻲ ﻳﻄﺎﻟﺒﻮﻥ ..
ﺍﺧﺬﻭﻧﻲ ﻟﻠﻤﺴﺘﺸﻔﻰ ..
ﮔﺎﻝ ﺍﻟﻄﺒﻴﺐ ﺍﻟﻤﻘﻴﻢ ..
ﻫﺎﻱ ﺷﻠﻮﻥ ﻫﻴﺞ ﺍﻧﺠﺮﺣﺘﻲ ..
ﮔﺘﻠﻪ ﺍﺧﻮﻳﻪ ﺍﻟﻈﺎﻟﻢ ﻇﺮﺑﻨﻲ ﻭﺍﺑﺠﻲ ..
ﮔﺎﻝ ﺷﻨﻮ ﺍﻟﺴﺒﺐ .
ﮔﺘﻠﻪ ﻻﻥ ﻃﺎﻟﺒﺖ ﺑﺤﻘﻲ ﻣﻦ ﻭﺭﺙ ﺍﺑﻮﻳﻪ ..
ﺑﻘﻰ ﺍﻟﻄﺒﻴﺐ ﻳﺴﺄﻝ ﻭﺍﻧﻲ ﺍﺟﺎﻭﺏ ﻭﻃﻠﻊ ﻳﺎﺧﺬ ﻛﻼﻡ ﻣﻨﻲ ..
ﻭﺳﺎﻡ ﻣﻮ ﻳﻤﻲ ﺭﺍﺡ ﻳﺠﻴﺐ ﻣﻦ ﺍﻟﺼﻴﺪﻟﻴﻪ ﻋﻼﺝ ﻭﻟﻔﺎﻑ .
ﻭﻫﺬﺍ ﺍﻟﻄﺒﻴﺐ ﺍﺳﺘﻐﻞ ﺍﻟﻮﺿﻊ ﻭﻳﺴﺄﻝ ..
ﺗﺎﻟﻲ ﮔﺎﻝ ﻫﺴﺎ ﺍﺟﻲ ..
ﺷﻮﻳﻪ ﻭﺍﺟﻪ ﻭﻭﻳﺎﻩ ﺷﺮﻃﻪ ..
ﺍﺳﺘﻐﺮﺑﺖ ..
ﮔﺎﻟﻮﺍ ﺍﺧﻮﺝ ﻭﻳﻦ ﺟﺎﻱ ﻭﻳﺎﺝ ..
ﮔﻠﺘﻠﻬﻢ ﻻ ﺑﺲ ﺍﺑﻦ ﻋﻤﻲ ..
ﺍﺟﻪ ﻭﺳﺎﻡ ﺑﺪﻭﺍ ﻳﺤﻘﻘﻮﻥ ﻭﻳﺎﻩ ..
ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﻪ ..
ﮔﺎﻝ ﻫﺎﻱ ﺷﺴﻮﻳﺘﻲ ..
ﮔﺘﻠﻪ ﺷﺴﻮﻳﺖ ..
ﮔﺎﻝ ﻛﺘﺒﻮﺍ ﺑﺎﻟﺘﺤﻘﻴﻖ ﻣﺘﻌﺮﺿﻪ ﻟﻤﺤﺎﻭﻟﻪ ﻗﺘﻞ ..
ﻭﺍﺧﻮﺝ ﺣﺎﻭﻝ ﻳﻘﺘﻠﺞ ﻻﻥ ﻃﺎﻟﺒﺘﻲ ﺑﺤﻘﺞ ..
ﺍﻧﻲ ﺑﺴﺎﻋﺘﻬﺎ ﻣﻌﺼﺒﻪ ..
ﮔﺘﻠﻪ ﺍﺣﺴﻦ ﺧﻠﻲ ﻳﺎﺧﺬﻭﻥ ﺣﻘﻲ ﻣﻨﻬﺮﺍﻟﻈﺎﻟﻢ ..
ﻓﺘﺢ ﺭﺍﺳﻲ ..
ﮔﺎﻝ ﺍﻧﻲ ﮔﻠﺘﻠﻬﻢ ﻣﺸﺎﻛﻞ ﻋﺎﺋﻠﻴﻪ ﺑﺲ ﻣﺎﻳﺼﺪﮔﻮﻥ ..
ﺍﺟﻮ ﮔﺎﻟﻮﺍ ﻭﻗﻌﻲ ﻉ ﺍﻗﻮﺍﻟﺞ ..
ﺍﻧﻲ ﻭﻗﻌﺖ ﺑﻜﻞ ﻓﺨﺮ ..
ﻋﺒﺎﻟﻲ ﺍﺧﺬﺕ ﺍﻻﻭﺳﻜﺎﺭ ..
ﮔﺎﻟﻮﺍ ﺍﻧﻄﻴﻨﺎ ﺍﻟﻌﻨﻮﺍﻥ ..
ﻧﻄﻴﺘﻬﻢ ﻋﻨﻮﺍﻥ ﺍﻫﻠﻲ ..
ﻭﻭﺳﺎﻡ ﻳﺨﺰﺭ ﻭﺍﻧﻲ ﻭﻻﻋﺒﺎﻟﻚ ..
ﻭﺍﻟﺸﺮﻃﻪ ﺗﺒﺎﻭﻋﻠﻪ ﻭﻣﺎﻗﺒﻠﻮﺍ ﻋﻠﻴﻪ ﻳﮕﻠﻮﻟﻪ ﻻﺗﻀﻐﻂ ﻋﻠﻴﻬﺎ ..
ﺣﻮﻟﻮﻧﻲ ﻉ ﺍﻟﻤﻔﺮﺍﺯ ..
ﺑﻌﺪ ﻣﺎﺧﻴﻄﻮﺍ ﺭﺍﺳﻲ ﻭﺍﺑﺠﻲ ﻭﺍﻋﻴﻂ ﻣﻦ ﺍﻻﻟﻢ .
ﻭﺑﻜﻞ ﻭﺟﻊ ﺍﺩﻋﻲ ﻉ ﺍﻣﻴﺮ #.. ﺷﻤﺲ
ﺷﻮﻳﻪ ﻭﺍﺟﺖ ﺍﻣﻲ ﻭﻋﻤﻮ ..
ﺳﻮﻟﻔﻠﻬﻢ ﻭﺳﺎﻡ ..
ﺍﻣﻲ ﮔﺎﻣﺖ ﺗﺤﺠﻲ .. ﻋﺰﺍ ﺍﻟﻌﺰﺍﺝ ﺷﻠﻮﻥ ﺗﺸﺘﻜﻴﻦ ﻋﻠﻰ ﺍﺧﻮﺝ ﻫﺴﺎ ﻳﺴﺠﻨﻮﻩ ..
ﮔﻠﺘﻠﻬﺎ ﻭﻣﻦ ﻫﻮ ﺿﺮﺑﻨﻲ ﺑﻼ ﺭﺣﻤﻪ .. ﻣﺎﺧﻔﺘﻲ ﺍﻣﻮﺕ ﻟﻮ ﻳﺼﻴﺮ ﺷﻲ ﻋﻠﻴﻪ ..
ﮔﻀﻪ ﻋﻤﺮﻩ ﻳﻐﻠﻂ ﻭﻳﺴﺐ ﻭﻳﻀﺮﺏ ﺑﺴﺒﺐ ﻣﺮﺗﻪ ..
ﻭﺍﻧﻲ ﺳﺎﻛﺘﻪ ﻭﻣﺎﺍﺣﺠﻲ ﺍﻟﺨﺎﻃﺮﺝ ..
ﺍﻧﻲ ﻣﺎﺍﺷﺘﻜﻴﺖ ﻫﻤﻪ ﺳﺄﻟﻮﻧﻲ ﻭﺍﻧﻲ ﺟﺎﻭﺑﺖ ..
ﺍﻣﻲ ﮔﺎﻣﺖ ﺗﺒﺠﻲ ﻭﺗﺪﻋﻲ ﻉ ﻧﻔﺴﻬﺎ ..
ﻭﺍﻧﻲ ﻫﻢ ﺍﺑﺠﻲ ..
ﻻﻥ ﻣﺤﺪ ﻳﻔﻬﻤﻨﻲ ﻭﻳﺤﺲ ﺑﻴﻪ ..
ﺭﺟﻌﻨﺎ ﻟﻠﺒﻴﺖ ﺑﻌﺪ ﻣﺎﺳﻮﻳﻨﺎ ﻣﻔﺮﺍﺯ ﻭﺧﻠﻮﻧﻲ ﺗﺤﺖ ﺍﻟﻤﺮﺍﻗﺒﻪ .
ﻭﺍﻟﺤﻤﺪ ﻟﻠﻪ ﻣﺎﻛﻮ ﺷﻲ ﺧﻄﻴﺮ ..
ﺑﺲ ﮔﺎﻝ ﺭﺍﻗﺒﻮﻫﺎ ﺧﺎﻑ ﺗﺴﺨﻦ ﻟﻮ ﺗﺘﻘﻴﺄ ..
ﺍﻟﺼﺮﺍﺣﻪ ﺍﻟﻄﺒﻴﺐ ﺍﻟﺨﻔﺮ ﺯﺍﺣﻒ ..
ﮔﺎﺑﻠﻨﻲ ﻭﮔﻌﺪ ..
ﻭﻭﺳﺎﻡ ﺷﺎﻃﺖ ﺭﻭﺣﻪ ﻫﻬﻬﻬﻬﻪ ..
ﻳﮕﻠﻲ ﻋﻠﻰ ﻳﻮﻡ ﺍﺻﻴﺮ ﻣﺠﺮﻡ ﺑﺴﺒﺒﺞ ..
ﺭﺟﻌﻨﺎ ﻟﻠﺒﻴﺖ ﺍﺗﺼﻞ ﻋﻠﻲ ﻉ ﺍﻣﻲ . ﻭﻳﻌﻴﻂ ﻭﻳﻬﺪﺩ .
ﻭﺍﻣﻲ ﺗﻔﺮﻓﺢ ﻭﮔﺎﻟﺘﻠﻪ ..
ﺍﻟﻤﺴﺘﺸﻔﻰ ﺷﻜﻮ ﻭﺳﺄﻟﻮﻫﺎ ﻫﻲ ﻻﺍﺷﺘﻜﺖ ﻭﻻﺣﺠﺖ ..
ﺳﺪﺕ ﺍﻣﻲ ﺍﻟﺘﻠﻔﻮﻥ ﺑﻮﺟﻪ ﻋﻠﻲ ..
ﮔﺎﻟﺖ ﺩﺍﺯﻳﻦ ﺗﺒﻠﻴﻎ ﺍﻻﻣﻴﺮ ..
ﻭﺭﺍﻳﺢ ﻟﻠﻤﺮﻛﺰ ﻭﻣﺴﻮﻳﻦ ﺍﻟﻘﺎﺀ ﻗﺒﺾ ﻋﻠﻴﻪ ..
ﺑﺎﻭﻋﺘﻠﻲ ﻭﻟﺞ ﻳﻤﻪ ﻟﻴﺶ ﻫﻴﺞ .. ﺗﺮﺩﻳﻦ ﺍﻟﻌﺎﻟﻢ ﺗﺎﻛﻞ ﻭﺟﻬﻨﺎ ﺍﺧﺖ ﺍﺷﺘﻜﺖ ﻉ ﺍﺧﻮﻫﺎ ..
ﻳﻤﻪ ﻻﺗﺨﺎﻓﻴﻦ ﺑﺎﺟﺮ ﺍﺭﻭﺡ ﺍﺗﻨﺎﺯﻝ .. ﺑﺲ ﺧﻠﻲ ﻳﻨﻄﻴﻨﻲ ﺣﻘﻲ ﻣﻦ ﺍﻟﻤﺤﻼﺕ ..
ﻛﺎﻓﻲ ﻭﺍﻟﻠﻪ ﺗﻌﺒﺖ ﺧﻠﻲ ﻳﻨﻄﻮﻧﻲ ﺣﻘﻲ ﻭﻳﺘﺒﺮﺃﻭﻥ ﻣﻨﻲ ﻣﺎﺍﺭﻳﺪﻫﻢ ﻣﺎﻋﻨﺪﻱ ﺍﺧﻮﻩ ..
ﻫﻤﻪ ﺑﺠﻬﻪ ﻭﺍﻧﻲ ﺑﺠﻬﻪ ..
ﺍﻧﻲ ﺍﺣﺠﻲ ﻭﻳﺎﻩ ﻭﺍﮔﻠﻪ ﺑﺲ ﺍﺗﻨﺎﺯﻟﻲ ..
ﺍﻱ ﻣﻮ ﻋﺴﺎﺱ ﺭﻛﺾ ﺭﺍﺡ ﻳﺴﻤﻊ ﻛﻼﻣﺞ .. ﻫﻮ ﺍﻧﺘﻲ ﻭﻋﻤﻲ ﻭﻣﺎﺍﺣﺘﺮﻣﻜﻢ .. ﻭﺿﺮﺑﻨﻲ ﻭﻓﺘﺢ ﺭﺍﺳﻲ ..
ﺍﻭﻭﻭﻭﻑ ﻳﺄﻭﻻﺩ ﻋﺒﺪ ﺍﻟﻠﻪ .. ﺭﺍﺡ ﻭﻋﺎﻓﻜﻢ ﻉ ﮔﻠﺒﻲ ..
ﻟﻤﻦ ﺗﻤﻮﺗﻮﻧﻲ ﻳﻠﻪ ﺗﺮﺗﺎﺣﻮﻥ .
ﺗﺮﻛﺘﻬﺎ ﺗﺤﺠﻲ ﻭﺩﺧﻠﺖ ﺍﻧﺎﻡ ﻻﻥ ﻣﺎﺭﺩﺗﻬﺎ ﺗﻀﻮﺝ ﺍﻛﺜﺮ ﻭﺗﺤﺠﻲ ﻻﻥ ﺍﻧﻲ ﻣﺎﺍﺳﻜﺖ ﻭﻫﻲ ﻣﺎﺗﺴﻜﺖ ..
ﺑﻘﻰ ﻋﻤﻲ ﻳﻤﻨﺎ ﻫﻮ ﻭﻭﺳﺎﻡ ..
ﻭﻭﺳﺎﻡ ﻛﻞ ﺳﺎﻋﻪ ﻳﺪﺧﻞ ﻳﺸﻮﻑ ﺣﺮﺍﺭﺗﻲ ..
ﻭﻳﻄﻠﻊ ..
ﻋﺒﺎﻟﻪ ﻣﺎﺍﺣﺲ ﺑﻲ ..
ﻳﺠﻲ ﻳﮕﻌﺪ ﻣﻘﺎﺑﻴﻠﻲ ﻭﻳﺘﻠﻤﺲ ﺧﺪﻱ ..
ﻳﺨﻠﻲ ﺟﺴﻤﻲ ﻛﻮﻟﻪ ﻳﺮﺗﻌﺶ ﻭﻳﺮﺟﻒ ﺑﻠﻤﺴﺘﻪ ..
ﻟﻤﺴﺎﺗﻪ ﺗﻼﻣﺲ ﮔﻠﺒﻲ ﻣﺒﺎﺷﺮﺓ ..
ﺳﺎﻋﺘﻬﺎ ﺣﺴﻴﺖ ﺍﺣﺴﺎﺳﻲ ﺍﺗﺠﻪ ﺍﻟﻪ ..
ﺑﺲ ﻣﺎﺭﺩﺕ ﺍﺗﺴﺮﻉ ﻭﺧﻔﺖ ﺍﻛﺮﺭ ﺍﻟﻐﻠﻂ ﺍﻟﻲ ﻏﻠﻄﺘﻪ ..
ﻣﺸﻴﺖ ﻣﺮﻩ ﻭﺭﻯ ﻋﻮﺍﻃﻔﻲ ..
ﻭﻣﺎﺣﺼﻠﺖ ﻏﻴﺮ ﺑﺲ ﺍﻻﻟﻢ ﻭﺍﻟﻌﺬﺍﺏ ..
ﻭﺍﺧﺎﻑ ﺍﺧﻄﻮ ﻧﻔﺲ ﺍﻟﺨﻄﻮﻩ ﻣﺮﻩ ﺛﺎﻧﻴﻪ ﻭﺍﻧﺪﻡ ..
ﻫﺎﻟﻤﺮﻩ ﺍﺭﻳﺪ ﺍﻓﻜﺮ ﺑﻌﻘﻠﻲ ﻗﺒﻞ ﻗﻠﺒﻲ . ﻭﺧﺎﺻﻪ ﺍﻧﻲ ﻣﺼﺎﺭ ﻫﻮﺍﻳﻪ ﻣﻦ ﺗﻄﻠﮕﺖ ..
ﮔﻌﺪﺕ ﺑﺎﻟﻠﻴﻞ ﻋﺮﮔﺎﻧﻪ ﻣﻦ ﺍﻟﺴﺨﻮﻧﻪ ..
ﮔﻤﺖ ﻏﺴﻠﺖ ﻭﺟﻬﻲ ..
ﻭﺟﻮﻋﺎﻧﻪ .
ﻓﺘﺤﺖ ﺍﻟﺜﻼﺟﻪ ..
ﺣﺴﻴﺖ ﺍﺣﺪ ﻭﺭﺍﻱ ﺧﻔﺖ ..
ﺩﺭﺕ ﻭﺟﻬﻲ ﺷﻔﺖ ﻭﺳﺎﻡ ﻭﺍﮔﻒ ..
ﺍﻭﻭﻭﻑ ﺧﻮﻓﺘﻨﻲ ﻋﺒﺎﻟﻲ ﺣﺮﺍﻣﻲ ﻭﺭﺍﻱ .
ﻫﻬﻬﻬﻪ ﺍﺳﻢ ﺍﻟﻠﻪ ﻋﻠﻴﺞ . ﻻﺯﻡ ﺟﻮﻋﺎﻧﻪ
ﺍﻱ ﻭﺍﻟﻠﻪ ﺟﻌﺖ ..
ﺷﻠﻮﻧﻪ ﺭﺍﺳﺞ ..
ﺯﻳﻦ ﺑﺲ ﺍﻟﻢ ﻗﻠﻴﻞ ..
ﺩﻳﻠﻪ ﺍﻛﻠﻲ ﺷﻲ ﺣﺘﻰ ﺗﺎﺧﺬﻳﻦ ﻋﻼﺟﺞ ..
ﺍﻭﻙ ﻫﺴﺎ ..
ﺍﻧﻲ ﻫﻢ ﺟﻮﻋﺎﻥ ﺳﻮﻳﻠﻲ ﻟﻔﻪ ﻭﻳﺎﺝ ..
ﺍﻣﻤﻤﻢ ﻫﻮ ﺷﻨﻮ ﻋﺸﺎﻧﺎ ..
ﺟﺒﺖ ﻛﺒﺎﺏ ﺑﺎﻟﺜﻼﺟﻪ ﺧﻠﺘﻪ ﻋﻤﺘﻲ .. ﺣﻤﻲ ﻭﺧﻠﻴﻨﺎ ﻧﺎﻛﻞ ..
ﺍﻭﻙ ..
ﻃﻠﻌﺖ ﺍﻟﻜﺒﺎﺏ ﺣﻤﻴﺘﻪ ﻭﺳﻮﻳﺖ ﺧﻴﺎﺭ ﻭﻃﻤﺎﻃﻪ ﻭﻃﻠﻌﺖ ﺍﻟﺼﻤﻮﻥ ﺣﻤﻴﺘﻪ ﻫﻢ .. ﻭﺗﻌﺸﻴﻨﺎ ﺳﻮﻳﻪ ﺑﺎﻟﻤﻄﺒﺦ ﮔﻌﺪﻧﺎ ..
ﺳﺄﻟﻨﻲ ﻭﺳﺎﻡ .. ﻣﻴﺎﺭ
...
ﮔﻌﺪﻧﺎ ﺍﻧﻲ ﻭﻭﺳﺎﻡ ﺑﺎﻟﻤﻄﺒﺦ ﻧﺎﻛﻞ ..
ﮔﺎﻝ ﺍﺭﻳﺪ ﺍﺳﺄﻟﺞ ﺳﺆﺍﻝ ??
ﺟﻮﺍﺏ !!
ﺍﻧﻲ ﺷﻨﻮ ﺑﺎﻟﻨﺴﺒﻪ ﺍﻟﺞ .. # ﺷﻤﺲ
ﺑﺎﻟﮕﻮﻩ ﺑﻠﻌﺖ ﺍﻟﻜﻞ ﻣﻦ ﺳﺄﻟﻨﻲ .. ﻣﺎﺍﺗﻮﻗﻌﺖ ﻫﻴﺞ ﻳﺴﺄﻝ ..
ﺳﻜﺘﺖ ﻭﺍﺑﺘﺴﻤﺖ ..
ﺍﺷﻮ ﺳﻜﺘﻲ ..
ﻣﺎﺍﻋﺮﻑ ﺷﻨﻮ . ﺍﮔﻠﻚ ﺍﻭ ﺍﺭﺩ ﻋﻠﻴﻚ ..
ﺑﺲ ﺍﻟﻲ ﺍﮔﺪﺭ ﺍﮔﻮﻟﻪ .. ﺍﻧﺖ ﺷﺨﺺ ﻏﺎﻟﻲ ﻋﻨﺪﻱ .
ﻭﺑﺲ .. # ﺷﻤﺲ
ﺍﻭﻭﻭﻭﻑ ﻭﺳﺎﻡ ﻋﻔﻴﺔ ﻻﺗﻀﻐﻂ ﻋﻠﻴﻪ ..
ﺍﻧﻲ ﻣﺼﺎﺭ ﻫﻮﺍﻳﻪ ﻣﻦ ﻃﺎﻟﻌﻪ ﻣﻦ ﺗﺠﺮﺑﺔ ﻓﺎﺷﻠﻪ ..
ﻭﻣﺎﺍﮔﺪﺭ ﺍﻓﻜﺮ ﺣﺎﻟﻴﺎ ﺑﺲ ﺑﺪﺭﺍﺳﺘﻲ ..
ﺧﻠﻲ ﻛﻮﻟﺸﻲ ﻟﻼﻳﺎﻡ ﻭﻫﻲ ﻭﺣﺪﻫﺎ ﺗﺼﻔﻰ ..
ﺍﻣﻤﻤﻢ ﺑﺮﺍﺣﺘﺞ ..
ﺗﻤﻨﻴﺖ ﺗﺮﺩ ﻋﻠﻴﻪ ﺑﺸﻲ ﺛﺎﻧﻲ ..
ﺗﻤﻨﻴﺖ ﺗﺤﺒﻨﻲ ﻣﺜﻞ ﻣﺎﺍﻧﻲ ﺍﺣﺒﻬﺎ ..
ﻣﺎﺍﺭﻳﺪ ﻳﻮﻡ ﻳﻤﺮ ﻭﻫﻲ ﻣﻮ ﺍﻟﻲ ..
ﺍﺧﺎﻑ ﺗﻀﻴﻊ ﻣﻨﻲ ﻣﺜﻞ ﻗﺒﻞ ..
ﻛﻤﻠﻨﺎ ﺍﻛﻞ .. ﺍﺧﺬﺕ ﺩﻭﺍﻱ ﻭﺭﺣﺖ ﻟﻠﻐﺮﻓﻪ ﻭﻭﺳﺎﻡ ﺭﺍﺡ ﻟﻼﺳﺘﻘﺒﺎﻝ ﻳﻢ ﻋﻤﻮ ﻧﺎﻡ ..
ﺍﻟﺼﺒﺢ ﺍﺗﺄﺧﺮﺕ ﻳﻠﻪ ﮔﻌﺪﺕ ﻭﻛﺎﻧﺖ ﻣﺎﻛﻮ ﺩﻭﺍﻡ ..
ﻟﮕﻴﺖ ﺍﻣﻲ ﺗﺒﺠﻲ ..
ﺑﺎﻭﻋﺖ ﻟﻼﺳﺘﻘﺒﺎﻝ ﻋﻤﻮ ﻭﻭﺳﺎﻡ ﻣﺎﻛﻮ ..
ﮔﻠﺘﻠﻬﺎ ﺷﺒﻴﺞ ﻳﻮﻡ .
ﮔﺎﻟﺖ ﺍﻟﻴﻮﻡ ﺟﻤﻌﻪ ﻭﺑﺎﺟﺮ ﺳﺒﺖ .. ﻭﻣﺎﻛﻮ ﻗﺎﺿﻲ ﻟﻼﺣﺪ ﻳﺒﻘﻰ ﺍﺧﻮﺝ ﺑﺎﻟﺴﺠﻦ ..
ﮔﻠﺘﻠﻬﺎ ﻳﻌﻨﻲ ﻣﻌﻘﻮﻟﻪ ﻫﻴﺞ ﺗﺨﺎﻓﻴﻦ ﻉ ﺍﻟﻲ ﻃﺮﺩﻧﻲ ﻭﺩﻣﺮ ﺣﻴﺎﺗﻲ ..
ﻭﻣﺎﺑﺠﻴﺘﻲ ﻉ ﺍﻟﻲ ﺳﻮﻭﻩ ﺑﻴﻪ ﻣﻊ ﺍﻻﺳﻒ ..
ﺭﻭﺣﻲ ﺍﻟﻬﻢ ﻳﻮﻡ ﺍﺫﺍ ﺗﺮﺩﻳﻦ ﻭﺧﻠﻴﻨﻲ ﻭﺣﺪﻱ ..
ﺍﻧﺠﺒﻲ ﻭﻟﺞ ﺍﻧﻲ ﺍﻡ .. ﻣﻦ ﻳﺼﻴﺮ ﻋﻨﺪﺝ ﺟﻬﺎﻝ ﺗﺤﺴﻴﻦ ﺑﻴﻪ
ﻭﺑﻠﻮﻋﻪ ﺍﻻﺑﻦ ..
ﺍﻧﺘﻲ ﻣﻮ ﻫﻴﻨﻪ ﻋﻠﻴﻪ .. ﻭﺣﺘﻰ ﺍﻟﻌﻤﺞ ﻭﺍﻟﻮﺳﺎﻡ ﮔﻠﺘﻠﻬﻢ ﺭﻭﺣﻮﺍ ﻭﺧﻮﻓﻮﺍ ..
ﮔﻮﻟﻮﻟﻪ ﻣﺎﺗﺘﻨﺎﺯﻝ ﺍﺫﺍ ﻣﺎﺗﻨﻄﻮﻫﺎ ﺣﻘﻬﺎ ..
ﻟﻮ ﻣﺎﺍﻓﻜﺮ ﺑﻴﺞ ﻭﺑﺤﻘﺞ ﻣﺎﺍﺳﺎﻭﻡ ﺍﺑﻨﻲ ﻫﺎﻟﺸﻜﻞ ..
ﻳﻤﻪ ﻋﺒﺎﻟﺞ ﻫﻴﻨﻪ ﻋﻠﻴﻪ ﺍﺧﻮﻱ ﺑﺎﻟﺴﺠﻦ ..
ﺍﺗﻤﻨﻰ ﻋﻨﺪﻱ ﺍﺧﻮﻩ ﻳﺼﻴﺮﻭﻥ ﺍﻟﻲ ﺳﻨﺪ .. ﻣﻦ ﺍﺑﺠﻲ ﻳﻤﺴﺤﻮﻥ ﺩﻣﻌﺘﻲ ..
ﻳﺨﺎﻓﻮﻥ ﻋﻠﻴﻪ ﻭﻳﺪﺍﻓﻌﻮﻥ ﺍﻟﻲ ﺍﺫﺍ ﻣﺴﻨﻲ ﺷﻲ .
ﺑﺲ ﺍﺧﻮﺍﻧﻲ ﻣﺎﺷﻔﺖ ﺍﻟﺤﻨﻴﻪ ﻣﻨﻬﻢ ..
ﺩﻣﺮﻭﻧﻲ ﻭﺩﻣﺮﻭﺍ ﺣﻴﺎﺗﻲ ﻭﺍﻧﺘﻲ ﺷﺎﻫﺪﻩ ..
ﻛﺎﻓﻲ ﻳﻠﻪ . ﺍﻟﻲ ﺻﺎﺭ ﺻﺎﺭ .. ﺭﻭﺣﻲ ﺗﺮﻳﮕﻲ ﻭﺍﺧﺬﻱ ﺩﻭﺍﺝ
ﺣﺘﻰ ﺗﺴﺎﻋﺪﻳﻨﻲ ﺑﺎﻟﻐﺪﺍ ..
ﻋﻤﺞ ﻫﻨﺎ ﻏﺪﺍﻩ ﻋﻴﺐ ﻣﻨﻪ ..
ﺍﻣﻤﻤﻢ ﺷﺮﺍﺡ ﺗﺴﻮﻳﻦ ﻏﺪﺍ ..
ﺑﺮﻳﺎﻧﻲ ﻭﺗﺸﺮﻳﺐ ﺩﺟﺎﺝ .. # ﺷﻤﺲ
ﺍﻭﻙ ﻟﻌﺪ ﺑﺲ ﺍﺗﺮﻳﮓ ﻭﺍﺳﺎﻋﺪﺝ ..
ﺧﻠﺼﺖ ﺭﻳﻮﮒ ﺍﺧﺬﺕ ﻋﻼﺟﻲ ﻭﻧﻀﻔﺖ ..
ﻛﻤﻠﺖ ﻭﻛﻤﻠﻨﺎ ﺍﻟﻐﺪﺍ ..
ﺑﺲ ﺟﺎﻱ ﺍﺛﺮﻡ ﺑﺎﻟﺰﻻﻃﻪ ..
ﺍﻧﺪﮔﺖ ﺍﻟﺒﺎﺏ ..
ﺍﺟﻮ ﻋﻤﻮ ﻭﻭﺳﺎﻡ ..
ﺩﺧﻠﻮﺍ ..
ﻋﻤﻮ ﮔﺎﻝ ﺣﺠﻴﻨﺎ ﻭﻳﺎﻩ .. ﻭﮔﻠﻨﺎﻟﻪ ﺍﺧﻠﺺ ﻣﻦ ﺍﻟﻤﺸﺎﻛﻞ ﻭﺍﻧﻄﻴﻬﺎ ﺣﻘﻬﺎ ..
ﻭﺍﻓﻖ ﺑﺲ ﺑﺸﺮﻁ ﺗﺘﻨﺎﺯﻟﻴﻦ ﻋﻦ ﺣﺼﺘﺞ ﺑﺒﻴﺖ ﺍﺑﻮﺝ ..
ﺍﻱ ﻣﻮﺍﻓﻘﻪ ﻣﺎﺍﺭﻳﺪ ﺣﺼﺘﻲ ﻫﻨﺎﻙ ..
ﻫﺬﺍ ﺍﻟﺒﻴﺖ ﻛﺎﻓﻲ ﻋﻨﺪﻱ ..
ﺧﻠﺺ .. ﺍﻻﺣﺪ ﺗﺮﺣﻴﻦ ﺗﺘﻨﺎﺯﻟﻴﻦ .. ﻭﻫﻮ ﻳﺴﻮﻱ ﺗﻌﻬﺪ ﻣﺎﻳﺘﻌﺮﺽ ﺍﻟﺞ ..
ﻭﻧﺸﻮﻑ ﺣﺼﺘﺞ ﺷﮕﺪ ﺗﺴﺎﻭﻱ ..
ﻳﻠﻤﻮﻫﺎ ﺑﻴﻨﻬﻢ ﻭﻳﻨﻄﻮﺝ ..
ﺍﻣﻲ .. ﺍﺣﺴﻦ ﺧﻠﻮﻧﻲ ﺍﺭﺗﺎﺡ ﺗﻌﺒﺖ ﻭﺍﻟﻠﻪ ﻣﻦ ﺍﻟﻤﺸﺎﻛﻞ ..
ﻭﺑﻌﺪ ﻣﻮ ﺣﻤﻞ ﻣﻌﺎﺭﻙ ﺑﻴﻨﻬﻢ ..
ﻋﻤﻮ ﺍﺑﻮ ﻭﺳﺎﻡ .. ﻻ ﺍﻥ ﺷﺎﺀ ﺍﻟﻠﻪ ﻣﺎﺍﺭﻭﺡ ﺍﺫﺍ ﻣﺎﺍﺣﻠﻬﺎ ..
ﮔﻤﺖ ﺣﻀﻨﺖ ﻋﻤﻮ ﻭﺑﻮﺳﺘﻪ ..
ﻣﺎﺍﻋﺮﻑ ﻟﻴﺶ ﺣﺴﻴﺖ ﺍﺑﻮﻳﻪ ﻣﻘﺎﺑﻴﻠﻲ ﻭﻳﺤﺠﻲ ..
ﺫﻛﺮﺗﻪ ﺍﻟﻠﻪ ﻳﺮﺣﻤﻪ ﻧﻔﺲ ﺍﻟﻠﻬﺠﺔ ﻭﺍﻟﻄﺮﻳﻘﻪ ﺑﺎﻟﻜﻼﻡ ..
ﮔﺎﻝ ﺍﻡ ﻭﺳﺎﻡ ﺗﺮﻳﺪ ﺗﺠﻲ ﻫﻨﺎ .. ﺗﺸﻮﻓﻜﻢ ﻭﺗﺰﻭﺭ ﺻﺎﺭ ﻫﻮﺍﻳﻪ ﻣﺎﺟﺎﻳﻪ ..
ﺍﻣﻲ .. ﻫﻼ ﺑﻴﻬﺎ ﺍﻟﺒﻴﺖ ﺑﻴﺘﻬﺎ ..
ﻭﺧﺎﺻﻪ ﺍﺣﻨﺎ ﺑﻴﺘﻨﺎ ﻗﺮﻳﺐ ﻉ ﺍﻻﻣﺎﻡ .. ﻳﻌﻨﻲ ﺻﺎﺭ ﻛﻞ ﺍﻟﻲ ﻳﺠﻲ ﻳﻤﺮ ﺑﻴﻨﺎ ..
ﺣﺘﻰ ﺧﻮﺍﻟﻲ ﻭﺧﺎﻻﺗﻲ ﮔﺎﻣﻮﺍ ﻳﺠﻮﻧﺎ ﺑﺄﺳﺘﻤﺮﺍﺭ ﻷﻥ .
ﻗﺒﻞ ﻣﻦ ﻭﺭﻯ ﺍﺧﻮﺍﻧﻲ ﻣﺎﻳﺠﻮﻥ ..
ﺻﺎﺭ ﻳﻮﻡ ﺍﻻﺣﺪ .. ﻭﺭﺣﺖ ﺍﻧﻲ ﻭﻭﺳﺎﻡ ﻭﻋﻤﻮ ﻭﺗﻨﺎﺯﻟﺖ ..
ﻭﺳﻮﻩ ﺗﻌﻬﺪ ..
ﺑﺲ ﺩﺍﻳﺮ ﻭﺟﻬﻪ ﻋﻨﻲ ﻫﻮ ﻭﻋﻠﻲ ﻭﻣﻴﺤﺠﻮﻥ ﻭﻳﺎﻱ ..
ﺧﻠﺼﺖ ﻣﻦ ﺍﻟﻤﺤﻜﻤﻪ ..
ﻭﺻﻠﻨﻲ ﻭﺳﺎﻡ ﻟﻠﺠﺎﻣﻌﻪ ﻭﺭﺟﻊ ..
ﺩﺍﻭﻣﺖ ﺭﻏﻢ ﺭﺍﺳﻲ ﻳﺄﺫﻳﻨﻲ .. ﺑﺲ ﻋﻨﺪﻱ ﺍﻣﺘﺤﺎﻧﺎﺕ ..
ﺍﻣﺘﺤﻨﺖ ﻭﺩﺍ ﺍﻃﻠﻊ ..
ﺍﺟﻪ ﺍﺳﺘﺎﺫ ﻋﻤﺎﺭ ..
ﮔﺎﻝ ﺷﻠﻮﻧﺞ ﻣﻴﺎﺭ ..
ﻫﻠﻮ ﺍﺳﺘﺎﺫ ﺍﻟﺤﻤﺪ ﻟﻠﻪ ﺗﻤﺎﻡ ..
ﺷﻠﻮﻧﺞ ﺑﺎﻻﻣﺘﺤﺎﻥ . # ﺷﻤﺲ
ﺯﻳﻨﻪ ﺍﻟﺤﻤﺪ ﻟﻠﻪ
ﺍﻣﻤﻢ ﺍﻱ ﺷﻲ ﺗﺤﺘﺎﺟﻴﻪ ﺍﻧﻲ ﺣﺎﻇﺮ
ﺷﻜﺮﺍ ﺍﺳﺘﺎﺫ ﺗﺴﻠﻢ
ﻻﺗﺘﺮﺩﺩﻳﻦ ﺑﺄﻱ ﺷﻲ ﺍﻧﺘﻲ ﻃﺎﻟﺒﻪ ﻣﻤﻴﺰﺓ ﻭﺗﺴﺘﺤﻘﻴﻦ ﺍﻻﺣﺘﺮﺍﻡ
ﺑﻘﻴﺖ ﻣﺴﺘﻐﺮﺑﻪ ﺍﻟﻜﻼﻣﻪ ..
ﺭﻏﻢ ﺍﻧﻪ ﻛﺎﻧﺖ ﻧﻀﺮﺍﺗﻪ ﻓﺎﺿﺤﺘﻪ ..
ﺑﺲ ﻫﺴﺎ ﮔﺎﻡ ﻳﺘﺠﺮﺃ ﻭﻳﺠﻲ ﻳﺤﺠﻲ ﻭﻳﺎﻱ ..
ﺣﺎﻭﻟﺖ ﻣﺎﺍﻧﻄﻴﻪ ﻣﺠﺎﻝ ﻳﺘﻤﺎﺩﻯ ﺑﺎﻟﻜﻼﻡ ..
ﻭﺍﺗﺮﺧﺼﺖ ﻭﺗﺮﻛﺘﻪ ..
ﺳﻮﻟﻔﺖ ﺍﻻﺑﺘﻬﺎﻝ ..
ﻭﻛﺎﻧﺖ ﻃﺎﻳﺮﻩ .. ﺍﻱ ﻭﻟﺞ ﻳﺨﺒﻞ ﻫﻨﻴﺎﻟﺞ .. ﺍﺷﻮ ﺍﻧﻲ ﻻﻃﺎﻟﺐ ﻭﻻﺍﺳﺘﺎﺫ ﻳﺠﻴﻨﻲ 😂
ﻟﺞ ﻭﻟﻲ .. ﻫﻮ ﻳﺎﻫﻮ ﺍﻻﺟﺎﻧﻲ ﺑﻲ ﺣﻆ ..
ﻗﻴﺼﺮ ﻭﺷﻔﺘﻲ ﺷﻨﻮ ﺳﻮﻩ ﺑﻴﻪ ..
ﻭﻫﺬﺍ ﻫﻢ ﻣﺎﺍﻋﺮﻑ ﺷﻲ ﻋﻨﻪ ..
ﺿﺮﺑﻪ ﺑﺎﻟﺮﺍﺱ ﺗﻜﻔﻲ ﻣﺎﻋﺎﻳﺰﻩ ﺿﺮﺑﺘﻴﻦ ﻫﻬﻬﻬﻬﻪ
ﻭﻓﻮﮔﺎﻫﺎ ﺿﺮﺑﺔ ﺍﻣﻴﺮ .
ﻫﻬﻬﻬﻪ ﺻﺪﮒ ﻣﮕﻠﺘﻴﻠﻲ ﺷﻠﻮﻧﻪ ﺭﺍﺳﺞ ﻫﺴﺎ
ﺯﻳﻦ ﺍﺣﺴﻦ ﺷﻮﻳﻪ ..
ﻟﻮ ﺷﺎﻳﻔﻪ ﺍﻟﺪﻡ ﺷﮕﺪ ﻧﺰﻓﺖ ..
ﻭﮔﻤﺖ ﺍﻫﻠﻮﺱ ﻭﺳﻮﻟﻔﺖ ﻗﺼﻪ ﺣﻴﺎﺗﻲ ﻟﻠﺪﻛﺘﻮﺭ
ﺗﺨﺒﻞ ﻫﻬﻬﻬﻬﺔ
ﻭﺟﺎﺏ ﺍﻟﺸﺮﻃﻪ ﻭﺳﻮﻭﻫﺎ ﻗﻀﻴﻪ ﻭﺳﺠﻨﻮ ﺍﻣﻴﺮ ..
ﻫﻬﻬﻬﻪ ﺧﺮﺭﺭﺏ ﺟﺎﻥ ﻛﻤﻠﺘﻴﻬﺎ ﻭﺍﺷﺘﻜﻴﺘﻲ ﻉ ﻗﻴﺼﺮ ﺣﺘﻰ ﻳﺎﺧﺬﻭﻫﻢ ﺳﻮﻳﻪ ..
ﻫﻬﻬﻬﻬﻪ ﺍﻱ ﻭﺭﺑﻲ ﺷﻠﻮﻥ ﻓﺎﺗﺘﻨﻲ .. ﻭﻫﻴﺞ ﺍﻧﺘﻘﻢ ﻣﻨﻪ
ﻫﻬﻬﻬﻬﻬﻪ ﺩﻳﻠﻪ ﮔﻮﻣﻲ ﺧﻠﻲ ﻧﺎﻛﻞ ﺷﻲ ﺟﻌﺖ ..
ﺧﻠﺺ ﺍﻟﺪﻭﺍﻡ ﻭﻃﻠﻌﻨﺎ .. # ﺷﻤﺲ
ﺭﺟﻌﺖ ﻟﮕﻴﺖ ﻣﺮﺕ ﻋﻤﻮ ﺍﻡ ﻭﺳﺎﻡ ﺟﺎﻳﻪ ﻫﻲ ﻭﺍﺧﻮﻩ ﺍﻟﺼﻐﻴﺮ
ﺳﻠﻤﺖ ﻋﻠﻴﻬﺎ ﻟﮕﻴﺘﻬﻢ ﺑﻌﺪﻫﻢ ﻣﻤﺘﻐﺪﻳﻦ ..
ﺍﻣﻲ ﻣﺤﻈﺮﻩ ﻛﻮﻟﺸﻲ ﺑﺲ ﺻﺒﻴﺖ ..
ﻭﻭﺳﺎﻡ ﻭﻳﺎﻱ ﻳﺸﻴﻞ ﻭﻳﺮﺗﺐ ﺑﺎﻟﺴﻔﺮﻩ ..
ﻭﺍﻧﻲ ﻭﻳﺎﻫﺎ ﻧﻀﺤﻚ ﻭﻧﺘﻤﺎﺯﺡ ..
ﺑﺲ ﻻﺣﻈﺖ ﻣﺮﺕ ﻋﻤﻮ ﺗﺨﺰﺭ ﻋﻠﻴﻪ ﻭﻣﻌﺎﺟﺒﻬﺎ ﺍﻟﻮﺿﻊ ..
ﻛﺎﻧﺖ ﺗﺤﺒﻨﻲ ﻭﺗﻤﺪﺡ ﺑﻴﻪ ﺩﺍﻳﻤﺎ ..
ﺑﺲ ﻫﺴﺎ ﻣﺘﻐﻴﺮﻩ ..
ﻭﻛﻠﻤﺎ ﻭﺳﺎﻡ ﻳﺼﻴﺢ ﻣﻴﻮﺭﻩ ﺟﻴﺒﻲ ﻫﻴﺞ ﺷﻐﻠﻪ ..
ﺗﮕﻮﻡ ﺗﺄﻓﺄﻑ ..
ﺑﻘﻴﺖ ﻣﺮﺍﻗﺒﻪ ﺗﺼﺮﻓﺎﺗﻬﺎ .. ﻭﺣﺎﻭﻟﺖ ﺍﺗﺠﻨﺐ ﻭﺳﺎﻡ ﻭﻫﻲ ﮔﺎﻋﺪﻩ ..
ﺍﻋﺘﻘﺪ ﺿﺎﻳﺠﻪ ﻣﻨﻲ ..
ﻷﻥ ﺭﻓﻀﺖ ﻭﺳﺎﻡ ﻭﻗﺒﻠﺖ ﺑﻘﻴﺼﺮ ..
ﻭﻫﺴﺎ ﻣﻦ ﺗﻄﻠﮕﺖ ﺧﺎﻓﺖ ﺍﺧﺬ ﺍﺑﻨﻬﺎ ..
ﺣﻘﻬﺎ ﻛﺄﻡ ﺗﺮﻳﺪ ﺗﺰﻭﺝ ﺍﺑﻨﻬﺎ ﺍﻟﻮﺣﺪﻩ ﻣﻤﺘﺰﻭﺟﻪ ﻭﺑﻌﺪﻫﻲ ﺑﻨﻴﻪ ..
ﻭﺍﻟﻲ ﺍﻛﺪ ﻛﻼﻣﻲ ..
ﻛﻼﻣﻬﺎ ﻭﻱ ﺍﻣﻲ ﻭﻫﻲ ﻣﺘﻘﺼﺪﺓ ﺗﺴﻤﻌﻨﻲ ..
ﻣﻦ ﺟﺒﺖ ﺍﻟﺠﺎﻱ ..
ﺳﻤﻌﺘﻬﺎ ﺗﺴﻮﻟﻒ ..
ﺗﺮﻳﺪ ﺗﺨﻄﺒﻠﻪ ﻣﻦ ﺑﻨﺎﺕ ﺧﻮﺍﻟﻪ ..
ﺗﮕﻮﻝ ﺑﻌﺪﻫﻦ ﺻﻐﺎﺭ ﻭﺑﻨﻴﺎﺕ ﺑﻴﺖ ﻭﺣﻠﻮﺍﺕ ..
ﻭﺑﻠﻜﻲ ﺍﺫﺍ ﺗﺰﻭﺝ ﻳﻌﻮﻑ ﺑﻐﺪﺍﺩ ﻭﻳﺮﺟﻊ ﻟﻠﻌﻤﺎﺭﺓ ..
ﺍﺣﺲ ﺍﺑﻨﻲ ﺑﻐﺮﺑﺔ ﻋﻨﻲ ..
ﻭﻫﻮ ﺍﺑﻨﻲ ﺍﻟﻜﺒﻴﺮ ﻭﺍﺭﻳﺪ ﺍﻓﺮﺡ ﺑﻲ ﻭﺑﺠﻬﺎﻟﻪ ..
ﺧﻮ ﻣﺎﻳﮕﻀﻲ ﻋﻤﺮﻩ ﺑﺒﻐﺪﺍﺩ ..
ﺑﺴﺎﻋﺘﻬﺎ ﻣﺎﺍﺩﺭﻱ ﻟﻴﺶ ﺣﺴﻴﺖ ﺑﻀﻮﺟﻪ ﻭﺑﻨﻔﺲ ﺍﻟﻮﻗﺖ ﻧﻄﻴﺘﻬﺎ ﺍﻟﺤﻖ .
.
ﺳﺌﻤﺖ ﻣﻦ ﺗﺨﺒﻄﺎﺕ ﻗﻠﺒﻲ ﻭﻋﻘﻠﻲ ..
ﺑﺪﺃﺕ ﺃﺧﺸﻰ ﻣﻦ ﺛﻮﺭﺓ ﺭﻭﺣﻲ ... ﻻﺃﻋﺮﻑ ﻣﺎﺫﺍ ﺍﺭﻳﺪ ﻭﻛﻴﻒ ﺍﺷﻌﺮ ..
ﺍﺣﺘﺮﺕ ﺑﻴﻦ ﻭﺟﻮﺩﻙ ﻭﻻ ﻭﺟﻮﺩﻙ ﺑﻴﻦ ﺍﻟﻤﻤﻜﻦ ﻭﺍﻟﻤﺤﺎﻝ ﻣﻌﻚ
ﺟﻌﻠﺖ ﻧﺒﻀﺎﺗﻲ .. ﺍﺭﺟﻮﺣﺔ ﻳﻠﻬﻮ ﺑﻬﺎ ﻛﻴﺎﻧﻚ ﺣﻴﻦ ﺍﺳﺘﻌﻤﺮ ﻛﻴﺎﻧﻲ .. ﺗﻌﺒﺖ ﻣﻦ ﻫﺬﻱ ﺍﻟﺘﺨﺒﻄﺎﺕ ﺍﻟﻤﺠﻨﻮﻧﻪ ،
ﺗﻌﺒﺚ ﺑﻜﻠﻲ ﻓﺘﻨﺜﺮﻧﻲ ﺑﻴﻦ ﺍﺣﻼﻣﻲ ﺑﻚ ﻭﺍﻟﻴﻘﻀﺔ ....
ﻟﺤﻈﺔ ﺍﺷﻌﺮ ﺑﺮﻏﺒﺔ ﺍﺗﺠﺎﻫﻚ .. ﻭﻟﺤﻈﺔ ﺍﺧﺮﻯ ﺍﺻﺤﻮ ﻟﻮﺍﻗﻌﻲ ﻓﺘﺒﺪﻭ ﻟﻲ ﻣﺤﺎﻝ ..
ﻭﺍﻻﺟﺘﻤﺎﻉ ﺑﻚ ﻣﺴﺘﺤﻴﻞ ..
ﺣﻘﺎ ﺳﺌﻤﺖ ﻫﺬﻱ ﺍﻟﺘﺨﺒﻄﺎﺕ ﺍﻟﻤﺠﻨﻮﻧﺔ .. # ﺷﻤﺲ
ﺻﺮﺕ ﺍﻋﻴﺶ ﺑﺪﻭﺍﻣﺔ ..
ﻭﻗﺮﺭﺕ ﺍﺑﺘﻌﺪ ﻋﻦ ﻭﺳﺎﻡ .. ﻭﻣﺎﺍﺿﻠﻤﺔ ﻭﻳﺎﻱ ﻭﺍﻧﻄﻴﻪ ﻓﺮﺻﻪ ﻳﺸﻮﻑ ﺣﻴﺎﺗﻪ ..
ﺑﺲ ﻻﺯﻡ ﻳﻘﻄﻊ ﺍﻻﻣﻞ ﻣﻨﻲ ..
ﻣﺮﺕ ﺍﻻﻳﺎﻡ ..
ﻭﻋﻤﻮ ﻭﻣﺮﺕ ﻋﻤﻮ ﺑﻌﺪﻫﻢ ﺑﺒﻐﺪﺍﺩ ﺑﺲ ﺑﺒﻴﺖ ﻭﺳﺎﻡ ..
ﻻﻥ ﻋﻤﻮ ﻭﻋﺪﻧﻲ ﻣﻴﺮﻭﺡ ﺍﻻ ﻟﻤﻦ ﻳﻨﻄﻴﻨﻲ ﺣﻘﻲ ..
ﻭﻓﻌﻼ ..
ﺍﺧﻮﺍﻧﻲ ﻣﺠﻤﻌﻴﻦ ﻓﻠﻮﺱ ﻭﻣﺨﺒﺮﻳﻦ ﻋﻤﻮ ..
ﺍﺳﻮﻳﻠﻬﻢ ﺗﻨﺎﺯﻝ ﻋﻦ ﺍﻟﻤﺤﻼﺕ ﻭﺍﻟﺒﻴﺖ ﻭﻳﻨﻄﻮﻧﻲ 15 ﻣﻠﻴﻮﻥ ﻭﺍﻓﻘﺖ ..
ﻣﺒﻠﻎ ﺍﮔﺪﺭ ﺍﻓﺘﺢ ﺑﻲ ﻣﺸﺮﻭﻉ ..
ﻣﻊ ﺍﻧﻪ ﺍﻋﺮﻑ ﺣﺼﺘﻲ ﺍﻛﺜﺮ ﻣﻦ ﻫﻴﺞ ..
ﻻﻥ ﺍﻟﻤﺤﻼﺕ ﺑﺲ ﺍﻟﺒﻀﺎﻋﻪ ﺍﻟﺒﻴﻬﺎ ﺗﻮﺻﻞ ﻟﻠﻤﺌﺔ ﻣﻠﻴﻮﻥ ..
ﻭﻏﻴﺮ ﺍﻟﻤﺤﻼﺕ ﺍﻟﻲ ﻣﺨﻠﻴﻦ ﺑﻴﻬﺎ ﺻﻨﺎﻉ ﻫﺬﺍ ﻛﻼﻡ ﻭﺳﺎﻡ ﻃﺒﻌﺎ ﺍﻧﻲ ﻣﺎﻛﻨﺖ ﺍﻋﺮﻑ ﻫﺬﺍ ﺍﻟﺸﻲ ..
ﺑﺎﺑﺎ ﻛﺎﻥ ﺗﺎﺟﺮ ﻗﺪﻳﻢ .
ﻭﺍﻟﻠﻪ ﻓﺎﺗﺤﻬﺎ ﻋﻠﻴﻪ ..
ﻭﺑﻌﺪﻩ ﺍﺧﻮﺍﻧﻲ ﻟﺰﻣﻮﺍ ﺍﻟﺸﻐﻞ ﻭﻛﺒﺮﻭﻩ ..
ﺑﺲ ﺣﻼ ﻟﻠﻨﺰﺍﻉ ﻭﺭﺩﺕ ﺍﺧﻠﺺ .. ﻭﺍﻓﻘﺖ ..
ﻭﺍﻟﺤﻤﺪ ﻟﻠﻪ ﺑﺎﺑﺎ ﻣﺎﻧﺴﺎﻧﻲ ﻭﻛﺘﺐ ﻫﺬﺍ ﺍﻟﺒﻴﺖ ﺑﺄﺳﻤﻲ .
ﺟﺎﻥ ﻫﺴﺎ ﺍﻧﻲ ﺑﺎﻟﺸﺎﺭﻉ ﮔﺎﻋﺪﻩ ..
ﻭﺏ 15 ﻣﻠﻴﻮﻥ ﻛﻮﻟﺸﻲ ﻣﺘﺠﻴﺐ ..
ﻃﻠﺒﺖ ﻣﻦ ﻭﺳﺎﻡ ﻳﺎﺧﺬﻫﻦ ﻭﻳﺸﻐﻠﻬﻦ ﺍﻟﻲ ..
ﮔﺎﻝ ﺍﺫﺍ ﺗﺮﺩﻳﻦ ﺍﺣﺠﻲ ﻭﻱ ﺻﺪﻳﻘﻲ ..
ﻋﻨﺪﻩ ﻣﻌﺮﺽ ..
ﺍﻧﻄﻴﻬﻴﺎ ﻭﺗﺪﺧﻠﻴﻦ ﻭﻳﺎﻩ ﺷﺮﻳﻜﻪ ﻭﺍﻻﺭﺑﺎﺡ ﺗﺠﻴﺞ ﺟﺎﻫﺰﻩ ..
ﺭﻓﻀﺖ ﮔﺘﻠﻪ ﺍﻧﺖ ﺗﺒﻴﻊ ﻭﺗﺸﺘﺮﻱ ﺑﺎﻟﻌﻘﺎﺭﺍﺕ ..
ﺷﻐﻠﻬﻦ ﻭﻳﺎﻙ ﻫﻴﺞ ﺃﻃﻤﺄﻥ ﺍﻛﺜﺮ ..
ﻣﺮﺕ ﻋﻤﻮ ﮔﺎﻟﺖ .. ﻭﻫﻴﺞ ﺿﺎﻣﻨﻪ ﻭﺳﺎﻡ ﻳﺒﻘﻰ ﻫﻨﺎ ..
ﺍﻛﻴﺪ ﻳﺘﺰﻭﺝ ﻭﻳﺘﺮﻙ ﺑﻐﺪﺍﺩ ﻻﺗﻌﺘﻤﺪﻳﻦ ﻋﻠﻴﻪ ﺑﻜﻠﺸﻲ ..
ﺻﺪﮒ ﻗﻬﺮﺗﻨﻲ .. ﻭﻣﺎﺣﺠﺖ ﻫﺬﺍ ﺍﻟﻜﻼﻡ ﻳﻢ ﻭﺳﺎﻡ ..
ﺣﺠﺘﻪ ﻭﺍﻣﻲ ﮔﺎﻋﺪﻩ ﺑﺲ ..
ﺍﻣﻲ ﻏﻤﺰﺗﻠﻲ . ﻣﻌﻨﺎﻫﺎ ﻟﺘﺤﺠﻴﻦ ﺷﻲ ..
ﺍﻣﻲ ﮔﺎﻟﺘﻠﻬﺎ .. ﺍﻡ ﻭﺳﺎﻡ ﻳﻮﻡ ﺍﻟﻬﻨﺎ ﺍﻟﻲ ﺍﺷﻮﻑ ﻭﺳﺎﻡ ﻣﺘﺰﻭﺝ ﻭﺑﺒﻴﺘﻪ ..
ﺑﺲ ﻫﻲ ﻻﻥ ﺗﻌﺘﺒﺮﻩ ﺍﺧﻮﻫﺎ ﻭﺗﻤﻮﻥ ﻋﻠﻴﻪ ..
ﻭﻣﻦ ﻳﺘﺰﻭﺝ ﻛﻞ ﻭﺍﺣﺪ ﻳﺎﺧﺬ ﺣﻘﻪ ﻭﻳﺮﻭﺡ ﺑﻄﺮﻳﻘﻪ ..
ﺍﻭﻝ ﻣﺮﻩ ﺍﺷﻮﻑ ﺍﻣﻲ ﻫﻴﺞ ..
ﻛﺎﻧﺖ ﻗﺒﻞ ﺩﺍﻳﻤﺎ ﺗﺸﺠﻌﻨﻲ ﻉ ﻭﺳﺎﻡ ..
ﻫﺴﺎ ﻫﻲ ﺍﻟﻲ ﺗﺒﻌﺪﻧﻲ ..
ﻟﻴﺶ ﻣﻦ ﻛﻨﺖ ﻣﺎﺍﺣﺲ ﺑﺄﻱ ﺷﻲ ﺍﺗﺠﺎﻫﺎ ..
ﺍﻟﻨﺎﺱ ﻛﻠﻬﺎ ﺗﺮﻳﺪﻧﻲ ﺍﻟﻪ ..
ﻭﻣﻦ ﺑﺪﻳﺖ ﺍﻫﻮﺍﻩ .. ﻛﻠﻬﺎ ﺍﺗﻔﻘﺖ ﺗﺒﻌﺪﻧﻲ ﻋﻨﻪ ..
ﺍﻭﻭﻭﻭﻑ ﻳﺎﺭﺑﻲ ﺷﻮﻛﺖ ﻳﮕﻌﺪ ﺣﻈﻲ ﺑﺎﻟﺤﺐ ..
ﻣﺸﺖ ﺍﻻﻳﺎﻡ ﻋﺎﺩﻱ ..
ﺑﻴﺖ ﻋﻤﻮ ﺭﺟﻌﻮﺍ ﻟﻠﻌﻤﺎﺭﻩ ..
ﻭﺍﻧﻲ ﺗﻐﻴﺮﺕ ﻭﻱ ﻭﺳﺎﻡ .. ﺻﺎﺭ ﺍﻟﺴﻼﻡ ﻭﺑﺲ ﺑﻴﻨﺎ ..
ﻫﻮ ﺩﺍﻳﻤﺎ ﻳﻠﻤﺢ ﻉ ﺍﻟﺘﻐﻴﻴﺮ ..
ﺑﺲ ﺍﻧﻲ ﺍﺳﻮﻱ ﻧﻔﺴﻲ ﻣﺎﻓﻬﻤﺖ ﺷﻲ ..
ﺍﻣﻲ ﺭﺟﻌﺖ ﻋﻼﻗﺘﻬﺎ ﺑﺄﺧﻮﺍﻧﻲ ..
ﻭﻣﺮﺍﺕ ﺗﺮﻭﺡ ﻳﻢ ﺑﻴﺖ ﻣﺤﻤﺪ ﻭﻫﺎﻟﻪ .. ﻣﺘﺮﻭﺡ ﺍﻻﻣﻴﺮ ﻭﻫﻲ ﺍﺻﻼ ﻧﻬﻠﻪ ﻣﺘﺮﻳﺪﻧﺎ ﻧﺪﺧﻞ .
ﻣﺮﺍﺕ ﺍﺭﻭﺡ ﺍﻧﻲ ﻭﻳﺎﻫﻢ ﺍﺑﻘﻰ ﻳﻢ ﻫﺎﻟﻪ ﻭﺳﻴﻮﻓﻲ ﻧﺘﻮﻧﺲ ﻭﻧﺮﺟﻊ ﺍﻟﻌﺼﺮﻳﺎﺕ ..
ﻫﺎﻟﻪ ﻭﻣﺤﻤﺪ ﻫﻢ ﺑﻴﻦ ﻓﺘﺮﻩ ﻭﻓﺘﺮﻩ ﻳﺠﻮﻧﺎ ..
ﻻﻥ ﺍﻣﻲ ﺗﻀﻮﺝ ﻭﺗﺘﻌﺐ ﻣﻦ ﺗﺮﻭﺡ ﻟﻬﻨﺎﻙ ﻭﺗﺤﺲ ﻧﻔﺴﻬﺎ ﺧﻄﺎﺭ ﺑﺒﻴﺘﻬﺎ ..
ﻭﻫﻤﻪ ﺍﺻﻼ ﺍﺧﻮﺍﻧﻲ ﻣﻴﺮﺩﻭﻧﻲ ﺍﺟﻲ ..
ﻓﮕﻠﺖ ﺍﻟﻬﺎﻟﻪ ﻳﺠﻮﻥ ﻫﻤﻪ ﺑﺲ ﻻﻳﻨﻄﻮﻥ ﺍﻟﻌﻨﻮﺍﻥ ﺍﻟﻨﻬﻠﻪ ﻭﺍﻣﻴﺮ ﺍﻟﺼﺮﺍﺣﻪ ﺍﺧﺎﻑ ﻣﻨﻬﻢ ..
ﺧﻔﺖ ﺗﺮﺟﻊ ﻧﻬﻠﻪ ﻭﺗﺴﻮﻱ ﺳﺤﺮﻫﺎ ﻭﺗﺨﺮﺏ ﺣﻴﺎﺗﻲ ..
ﻭﻫﻲ ﺻﻠﻔﻪ ﺗﺠﻲ ﻭﺗﺪﺧﻞ ﺑﺤﺠﺔ ﺗﻌﺘﺬﺭ ﺣﺘﻰ ﺗﻨﻔﺬ ﺧﻄﻄﻬﺎ ..
ﺑﻴﻮﻡ ﺩﺍ ﺍﻣﺸﻲ ﺑﺎﻟﺠﺎﻣﻌﻪ ..
ﺻﺎﺭ ﺍﺳﺘﺎﺫ ﻋﻤﺎﺭ ﻣﻘﺎﺑﻴﻠﻲ ..
ﮔﻠﻲ ﻣﻴﺎﺭ ﺍﺫﺍ ﻋﻨﺪﺝ ﻭﻗﺖ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ..
ﺗﻔﻀﻞ ﺍﺳﺘﺎﺫ ..
ﻻ ﻣﻮﻫﻨﺎ ﺗﻌﺎﻟﻲ ﺍﻟﻐﺮﻓﺘﻲ ..
ﺭﺣﺖ ﻭﻳﺎﻩ ﻟﻠﻐﺮﻓﻪ ﻛﺄﻱ ﺍﺳﺘﺎﺫ ﻋﺎﺩﻱ ..
ﻣﻜﻨﺖ ﺍﻋﺮﻑ ﺷﻨﻮ ﻳﺮﻳﺪ ..
ﮔﻌﺪﺕ . ﻃﻠﻊ ﺑﻄﻞ ﻣﻲ ﻣﻦ ﺍﻟﺜﻼﺟﻪ ﻣﺎﻟﺘﻪ ﻧﻄﺎﻧﻲ .
ﺷﻜﺮﺍ ﺍﺳﺘﺎﺫ ..
ﻣﻴﺎﺭ ﺍﻧﻲ ﺍﻭﻝ ﻣﺪﺧﻠﺖ ﺍﻟﻜﻢ ﻟﻠﻤﺤﺎﻇﺮﻩ .
ﻋﺠﺒﺘﻴﻨﻲ ﺑﻨﻘﺎﺷﺞ ﻭﺫﻛﺎﺋﺞ ..
ﻭﺩﺍﻳﻤﺎ ﻣﻮﺍﺿﺒﻪ ﻭﻣﺘﻔﺎﻋﻠﻪ ﺑﺎﻟﻤﺤﺎﻇﺮﻩ ﻫﺬﺍ ﺍﻟﺸﻲ ﻟﻔﺖ ﺍﻧﺘﺒﺎﻫﻲ ﻛﻄﺎﻟﺒﻪ ﻣﺠﺘﻬﺪﻩ ..
ﻭﺑﺪﻳﺖ ﺍﻋﺠﺐ ﺑﺄﺳﻠﻮﺑﺞ ﻭﻃﺮﻳﻘﻪ ﻛﻼﻣﺞ ..
ﻭﻋﺠﺒﻨﻲ ﺍﻛﺜﺮ ﺑﺴﺎﻃﺘﺞ ﻭﻋﻴﻮﻧﺞ ..
ﺍﻧﻲ ﻣﻦ ﮔﺎﻝ ﻫﻴﺞ ﻣﺘﺖ ﺧﺠﻞ ..
ﻳﻌﻨﻲ ﻟﻴﺶ ﺍﻧﻲ . ﻭﺣﺘﻰ ﺍﻛﻮ ﺍﺣﻠﻰ ﻣﻨﻲ ﻭﺍﺟﻤﻞ
ﺍﻧﻲ ﺍﻧﺴﺎﻧﻪ ﻋﺎﺩﻳﻪ ..
ﺑﺲ ﺫﻛﺮﻧﻲ ﺑﻮﺳﺎﻡ ﻣﻦ ﻳﮕﻠﻲ ﻋﻴﻮﻧﺞ ﻭﻧﻀﺮﺍﺗﺞ ﻳﻄﻴﺤﻦ ﺍﻛﺒﺮ ﻭﺍﺣﺪ ..
ﻭﺭﺑﻲ ﺣﺘﻰ ﺍﺳﺘﺤﻲ ﺍﺑﺎﻭﻉ ﺍﻻﺳﺘﺎﺫ ﻋﻤﺎﺭ ﻭﻣﻦ ﺍﺷﻮﻓﻪ ﻳﺒﺎﻭﻋﻠﻲ ﺍﻧﺼﻲ ﺭﺍﺳﻲ ..
ﺑﻌﺪ ﻭﻋﻴﻦ ﺷﺎﻑ ﻋﻴﻮﻧﻲ .
ﺗﻤﻨﻴﺖ ﺍﻟﮕﺎﻉ ﺗﻨﻔﺘﺢ ﻭﺗﺎﺧﺬﻧﻲ ..
ﺍﺳﺘﺎﺫ ﻋﻤﺎﺭ ﻣﻦ ﺍﻟﻨﻮﻉ ﺍﻟﺠﺮﺉ ..
ﺣﺘﻰ ﺑﻤﺤﺎﻇﺮﺍﺗﻪ ﻭﻣﻦ ﻳﺤﺠﻲ ﻭﻱ ﺍﻟﻄﻼﺏ ﻭﺍﺫﺍ ﺍﻛﻮ ﻣﻮﺍﺿﻴﻊ ﻣﺤﺮﺟﻪ ﻳﺤﺠﻴﻬﺎ ﺑﻄﻼﻗﻪ ﻭﻣﻦ ﻏﻴﺮ ﺍﺭﺗﺒﺎﻙ ..
ﺍﻧﻲ ﺑﻘﻴﺖ ﻣﻨﺼﻴﺔ ﺭﺍﺳﻲ ﻭﻫﻮ ﻳﺤﺠﻲ ..
ﮔﺎﻝ .. ﺑﻌﺪ ﺍﺟﻪ ﺯﻭﺟﺞ ﻭﻋﺮﻓﺖ ﻣﺘﺰﻭﺟﻪ .. ﺿﺠﺖ ﺣﻴﻞ
ﻭﻓﺮﺣﺖ ﺑﻨﻔﺲ ﺍﻟﻮﻗﺖ ﻣﻦ ﮔﻠﺘﻲ ﺭﺍﺡ ﻧﻨﻔﺼﻞ ﻭﻣﻦ ﺍﻧﻔﺼﻠﺘﻮﺍ ﺭﺟﻊ ﺍﻻﻣﻞ ﺍﻟﻲ ..
ﺍﻟﺼﺮﺍﺣﻪ ﺗﻌﺠﺒﺖ ﻻﻥ ﻣﺘﺰﻭﺟﻪ ﺑﻬﻴﺞ ﻋﻤﺮ ﻭﺧﺎﺻﻪ ﺍﻧﺘﻲ ﺷﺎﻃﺮﻩ ﻭﺍﻟﻤﺴﺘﻘﺒﻞ ﮔﺪﺍﻣﺞ ..
ﮔﺘﻠﻪ .. ﻛﻮﻟﺸﻲ ﻗﺴﻤﻪ ﻭﻧﺼﻴﺐ ﺍﺳﺘﺎﺫ .. ﻭﺯﻭﺍﺟﻲ ﻛﺎﻥ ﻗﺪﺭﻱ ﻭﻳﻤﻜﻦ ﺧﻄﺄﻱ ﺍﻟﻲ ﺗﻌﻠﻤﺖ ﻣﻨﻪ ..
ﻭﺣﺎﻟﻴﺎ ﻣﺎﺍﻓﻜﺮ ﺑﺲ ﺑﺪﺭﺍﺳﺘﻲ ﻭﻣﺴﺘﻘﺒﻠﻲ ..
ﺻﺤﻴﺢ ﺍﻧﻲ ﻭﻳﺎﺝ .. ﺍﻧﺘﻲ ﻣﺮﻳﺘﻲ ﺑﺘﺠﺮﺑﺔ ﻓﺎﺷﻠﻪ ﻭﻫﺬﺍ ﺍﻟﺸﻲ ﻳﺨﻠﻴﺞ ﺗﻌﻴﺪﻳﻦ ﺣﺴﺎﺑﺎﺗﺞ ..
ﺑﺲ ﺍﻟﻲ ﺍﻃﻠﺒﻪ ﻣﻨﺞ ﺗﻌﻴﺪﻳﻦ ﺍﻟﺘﻔﻜﻴﺮ ﻣﺮﻩ ﺛﺎﻧﻴﻪ ..
ﻣﺎﺍﮔﻠﺞ ﻫﺴﺎ .. ﻻﻥ ﺍﻻﻣﺘﺤﺎﻧﺎﺕ ﻉ ﻭﺷﻚ ﺍﻥ ﺗﺒﺪﺃ
ﻭﻣﺎﺍﺭﻳﺪ ﺍﺷﻐﻠﺞ ﻋﻨﻬﺎ ..
ﺑﺲ ﺍﻥ ﺷﺎﺀ ﺍﻟﻠﻪ ﺍﺭﻳﺪ ﺟﻮﺍﺏ ﺑﻌﺪ ﺍﻻﻣﺘﺤﺎﻧﺎﺕ ..
ﻳﻜﻮﻥ ﻓﻜﺮﺗﻲ ﺯﻳﻦ ..
ﻭﺍﻧﻲ ﻣﺴﺘﻌﺪ ﺑﺲ ﺗﺮﺟﻌﻴﻠﻲ ﺧﺒﺮ ..
ﺍﺭﺗﺒﻂ ﺭﺳﻤﻲ ..
ﻻﻥ ﺍﻧﻲ ﻣﻮ ﻣﻦ ﺍﻟﻨﻮﻉ ﺍﻟﻲ ﻳﺮﺍﻭﻍ ﺑﺎﻟﻌﻼﻗﺎﺕ ﺍﻧﻲ ﺍﻧﺴﺎﻥ ﺟﺪﻱ ..
ﻭﻧﻴﺘﻲ ﺟﺎﺩﻩ ﻭﻳﺎﺝ ..
ﺑﺲ ﺍﺳﺘﺎﺫ ..
ﺭﺟﺎﺀ ﻣﻴﺎﺭ ﻻﺗﺴﺘﻌﺠﻠﻴﻦ ﻭﺗﺮﺩﻳﻦ ..
ﻓﻜﺮﻱ ﻭﺍﻋﺮﻓﻴﻨﻲ ﺯﻳﻦ ﻭﺑﻌﺪﻳﻦ ﺭﺩﻱ ..
ﻃﺒﻌﺎ ﺍﺳﺘﺎﺫ ﻋﻤﺎﺭ ﻏﻠﻖ ﻋﻠﻴﻪ ﺍﻟﻨﻮﺍﻓﺬ ﻣﻦ ﺟﻤﻴﻊ ﺍﻟﺠﻬﺎﺕ ﻭﻣﺎﻧﻄﺎﻧﻲ ﻓﺮﺻﻪ ﺍﺭﺩ ﺍﻭ ﺍﺣﺠﻲ ..
ﺍﺳﺘﺄﺫﻧﺖ ﺑﺴﺮﻋﻪ ﻭﻃﻠﻌﺖ ..
ﻭﺍﻻﻓﻜﺎﺭ ﺗﺎﻛﻠﻨﻲ ﻣﻦ ﻛﻞ ﺟﻬﻪ ..
ﺍﻭﻭﻭﻭﻑ ﻳﺎﺍﻟﻬﻲ ﺍﺧﻠﺺ ﻣﻦ ﻣﺸﻜﻠﻪ ﺍﻭﮔﻊ ﺑﺜﺎﻧﻴﻪ ..
ﺍﻟﻤﺸﻜﻠﻪ ﻫﻮ ﺍﺳﺘﺎﺫﻱ ﻣﻮ ﻃﺎﻟﺐ ﺍﻭ ﺷﺨﺺ ﻋﺎﺩﻱ ﻭﺍﮔﻮﻟﻪ ﺍﺳﻔﻪ ﻭﺍﺩﻭﺭ ﻭﺟﻬﻲ ﻭﺍﻣﺸﻲ
.
ﻭﻋﺎﺩﺕ ﺗﺨﺒﻄﺎﺕ ﻗﻠﺒﻲ ﻭﻋﻘﻠﻲ ..
ﻟﻜﻦ ﻫﺬﻩ ﺍﻟﻤﺮﻩ ﺑﻴﻦ ﺷﺨﺼﻴﻦ ﻻﺷﺨﺺ ﻭﺍﺣﺪ ..
ﻫﻨﺎﻙ ﻣﻦ ﻗﻠﺒﻲ ﻳﻬﻮﺍﻩ .. ﻭﺍﻻﺧﺮ ﻋﻘﻠﻲ ﻭﺍﻟﻤﻨﻄﻖ ﻫﻢ ﺍﻟﺤﺎﻛﻤﻴﻦ ﻟﻪ ..
ﺭﺟﻌﺖ ﻟﻠﺒﻴﺖ ﺣﺎﻳﺮﻩ ﻭﺿﺎﻳﺠﻪ ..
ﺣﺎﻳﺮﻩ ﺑﺎﻟﻮﺿﻊ ﺍﻟﻲ ﺻﺮﺕ ﺑﻲ ..
ﻟﮕﻴﺖ ﻣﺎﻣﺎ ﮔﺎﻋﺪﻩ ﺑﻮﺳﺘﻬﺎ ﻭﺗﻐﺪﻳﺖ ﺑﺲ ﺳﺎﻛﺘﻪ ﻣﺤﺠﻴﺖ ﺷﻲ ..
ﮔﺎﻟﺖ ﻣﺎﻣﺎ ..
ﻫﺎ ﻣﻴﻮﺭﻩ ﺑﻴﺞ ﺷﻲ .. ﺍﺷﻮ ﺑﺲ ﺳﺎﻛﺘﻪ ..
ﻣﻮ ﻋﻮﺍﻳﺪﺝ .. ﻛﻞ ﻳﻮﻡ ﺗﺨﺒﺼﻴﻨﻲ ﺑﺎﻟﺴﻮﺍﻟﻒ ..
ﺍﻣﻤﻤﻢ ﺍﻟﻴﻮﻡ ﺍﻛﻮ ﺷﺨﺺ ﺧﻄﺒﻨﻲ ..
ﻭﻣﻨﻮ ﻫﺬﺍ ﻃﺎﻟﺐ ﻭﻳﺎﻛﻢ ..
ﻻ ﺍﺳﺘﺎﺫ ﻋﺪﻧﺎ ..
ﻳﺎ ﻭﺍﻻﺳﺘﺎﺫ ﻳﻌﺮﻓﺞ ﻣﺘﺰﻭﺟﻪ ﻭﻣﻄﻠﮕﺔ ..
ﺍﻱ ﻳﻌﺮﻑ ﻛﻮﻟﺸﻲ ﻋﻨﻲ ﺣﺘﻰ ﻣﻦ ﺍﺟﻪ ﻗﻴﺼﺮ ﻭﺗﻌﺎﺍﺭﻙ ﻭﻳﺎﻳﻪ ﻗﺒﻞ ﻣﻨﺘﻄﻠﮓ ..
ﺍﺳﺘﺎﺫ ﻋﻤﺎﺭ ﻛﺎﻥ ﺣﺎﻇﺮ ﻭﺿﺎﺝ ﻭﺩﺯ ﻋﻠﻴﻪ ﻭﮔﺎﻡ ﻳﺤﺠﻲ ..
ﻭﺣﺴﻴﺘﻪ ﻛﺎﻥ ﻣﺨﻠﻲ ﻋﻴﻨﺔ ﻋﻠﻴﻪ ..
ﻭﻣﻦ ﻋﺮﻑ ﻣﺘﺰﻭﺟﺔ ﺿﺎﺝ ..
ﻭﺑﻌﺪﻳﻦ ﻣﻦ ﺗﻄﻠﮕﺖ ﮔﺎﻡ ﻳﻠﻤﺢ .. ﺍﻟﻰ ﺍﻥ ﺻﺎﺭﺣﻨﻲ ﺍﻟﻴﻮﻡ ﺑﺲ ﮔﻠﻲ ﻓﻜﺮﻱ ﻭﻟﺘﺴﺘﻌﺠﻠﻴﻦ ﺑﻌﺪ ﺍﻻﻣﺘﺤﺎﻧﺎﺕ ﻳﺮﻳﺪ ﺍﻟﺠﻮﺍﺏ
ﻭﺍﻧﺘﻲ ﺷﻨﻮ ﺭﺃﻳﺞ ﻳﻌﻨﻲ ﻣﻘﺘﻨﻌﻪ ﺑﻲ ﻟﻮ ﻣﺜﻞ ﻗﻴﺼﺮ ﻗﺸﻤﺮﺝ ﺑﻜﻠﻤﺘﻴﻦ ﻭﻛﺘﻠﺘﻲ ﺭﻭﺣﺞ ﻋﻠﻴﻪ ..
ﻳﻤﻪ ﺷﻨﻮ ﻫﺬﺍ ﺍﻟﺤﺠﻲ ﻗﺎﺑﻞ ﻫﻮ ﺧﻴﺎﺭﺓ ﻭﺍﺿﻮﮔﻬﺎ ﻭﺍﻋﺮﻑ ﺷﻨﻮ ﻧﻴﺘﻪ ..
ﻻﻳﻤﻪ ﻣﻮ ﺟﺎﻥ ﺍﺑﻦ ﻋﻤﺞ ﮔﺒﺎﻟﺞ ﻭﺷﺎﺭﻳﺞ ﻭﺍﻟﻘﺮﻳﺐ ﺍﺣﺴﻦ ﻣﻦ ﺍﻟﻐﺮﻳﺐ ..
ﺑﺲ ﺍﻧﺘﻲ ﺧﺒﺼﺘﻲ ﺭﻭﺣﺞ ﺍﺧﻮﻱ ﻭﺍﺧﻮﻱ ..
ﺷﻤﺪﺭﻳﻨﻲ ﻳﻤﻪ ﻋﺒﺎﻟﻲ ﻛﻠﻬﺎ ﻣﺜﻞ ﺑﺎﺑﺎ ..
ﻣﻦ ﺷﺎﻓﺞ ﻭﺣﺒﺞ ﺗﺮﻙ ﺍﻟﻌﻤﺎﺭﻩ ﻭﺍﻫﻠﻬﺎ ﻭﮔﻌﺪ ﻫﻨﺎ ..
ﺭﺩﺕ ﻭﺍﺣﺪ ﻳﺤﺒﻨﻲ ﻣﺜﻞ ﺣﺐ ﺍﺑﻮﻱ ﺍﻟﺞ ..
ﺍﻟﺤﺪ ﻣﺎﻣﺎﺕ ..
ﻳﺼﻴﺢ ﺑﺄﺳﻤﺞ ..
ﺣﺒﻴﺖ ﻗﻴﺼﺮ ﻋﺒﺎﻟﻲ ﻳﻄﻠﻊ ﻣﺜﻞ ﺑﺎﺑﺎ ﺗﺎﻟﻲ ﻣﻦ ﺍﻭﻝ ﻣﺸﻜﻠﻪ ﺩﺍﺭ ﻭﺟﻬﻪ ﻋﻨﻲ ﻭﻣﺸﻰ ﻭﻱ ﺭﻏﺒﺎﺗﻪ ..
ﻣﻦ ﻫﺎﻱ ﺍﮔﻠﺞ ﻳﻤﻪ ﻓﻜﺮﻱ ﺯﻳﻦ ﻭﻻﺗﺴﺘﻌﺠﻠﻴﻦ ..
ﺑﻌﺪ ﺍﻣﻲ ﻭﺍﺑﻮﻳﻪ ﺍﻧﺘﻲ ..
ﺍﻧﻲ ﻣﺎﺩﺍﻳﻤﺘﻠﺞ ﻳﻮﻡ ﻭﺍﺭﻳﺪ ﺍﻃﻤﺄﻥ ﻋﻠﻴﺞ ..
ﻣﺎﺍﺿﻐﻂ ﻋﻠﻴﺞ .. ﺑﺲ ﺍﻛﻠﺞ ﻓﻜﺮﻱ ﺯﻳﻦ ..
ﺣﺘﻰ ﻭﺳﺎﻡ ﻣﺎﺍﺿﻐﻂ ﻭﺍﮔﻠﺞ ﻋﻠﻴﻪ ..
ﻷﻥ ﺷﻔﺘﻲ ﺍﻣﻪ ﻭﻣﻮﻗﻔﻬﺎ ﻭﻳﺎﺝ ﺑﻌﺪ ﻣﺎﺗﺮﻳﺪﺝ ..
ﻭﺣﻘﻬﺎ ﻣﺎﺗﺮﻳﺪ ﺍﺑﻨﻬﺎ ﺍﻟﻜﺒﻴﺮ ﻳﺘﺰﻭﺝ ﻭﺣﺪﻩ ﻣﻄﻠﮕﺔ ﻭﺭﻓﻀﺘﻪ ﺑﺎﻟﺒﺪﺍﻳﻪ .. ﺣﻘﻬﻢ ﻳﺮﺩﻭﻥ ﺍﻻﺑﻨﻬﻢ ﺑﻨﺖ ﺑﻴﺖ ..
ﻳﻤﻪ ﻭﺍﻧﻲ ﺑﻨﺖ ﺷﺎﺭﻉ ﺷﻨﻮ ﻫﺬﺍ ﺍﻟﺘﻔﻜﻴﺮ ..
ﻭﺛﺎﻧﻲ ﺷﻐﻠﻪ ﺍﻧﻲ ﺗﺪﺭﻳﻦ ﺑﻤﻮﻗﻔﻲ ﻣﻦ ﻭﺳﺎﻡ ﻣﻦ ﺍﻟﺒﺪﺍﻳﺔ .
ﻟﺞ ﻣﻴﻮﺭﺓ ﺍﻧﻲ ﺍﻣﺞ ﻭﺍﺣﺲ ﺑﻴﺞ ..
ﻭﺍﺷﻮﻑ ﻛﻠﺸﻲ ﻭﺣﺘﻰ ﺍﻫﺘﻤﺎﻣﺞ ﺑﻮﺳﺎﻡ ﺷﺎﻳﻔﺘﻪ
ﺑﺲ ﻣﺎﺍﺭﻳﺪﺝ ﺗﻤﺸﻴﻦ ﻭﺭﻯ ﻋﻮﺍﻃﻔﺞ ﻭﺗﺪﻣﺮﻳﻦ ﺍﻟﻮﻟﺪ
ﻳﻤﻪ ﻣﻌﺰﺓ ﻭﺳﺎﻡ ﻋﻨﺪﻱ ﻣﺎﺗﻨﻮﺻﻒ .. ﺍﻋﺰ ﻣﻦ ﻭﻟﺪﻱ ﺍﺣﺴﻪ
ﻭﻣﺎﺍﺭﻳﺪ ﺗﻌﺸﻤﻴﻪ ﻭﺗﻀﺤﻜﻴﻦ ﻋﻠﻴﻪ ..
ﻭﺍﻟﻲ ﻣﻌﺠﺒﻨﻲ ﺣﺒﻪ ﺍﻟﺞ ﻟﺴﺎ ..
ﺭﻏﻢ ﺍﻧﺘﻲ ﺗﺰﻭﺟﺘﻲ ﻭﺗﻄﻠﮕﺘﻲ ﻭﻫﻮ ﺣﺒﻪ ﻳﺰﻳﺪ ﻣﺎﻳﻨﻘﺺ
ﻣﻦ ﺍﺷﻮﻓﻪ ﺍﺷﻮﻑ ﺍﺑﻮﺝ ﻭﺷﻠﻮﻥ ﺟﺎﻥ ﻳﺤﺒﻨﻲ ..
ﺍﻭﻭﻭﻭﻑ ﻳﻤﻪ ﻭﺍﻟﻠﻪ ﻣﺮﺍﺕ ﺍﺣﺴﺞ ﺗﺤﺒﻴﻦ ﻭﺳﺎﻡ ﺍﻛﺜﺮ ﻣﻨﻲ
ﻭﻟﻲ ﻟﺞ ﺍﺛﻨﻴﻨﻜﻢ ﺍﻭﻻﺩﻱ .. ﺑﺲ ﻣﺎﺍﻋﺮﻑ ﺍﻇﻠﻢ ﻭﺍﺳﻜﺖ ﻋﻦ ﺍﻟﺤﻖ ..
ﻭﻭﺳﺎﻡ ﻳﺴﺘﺎﻫﻞ ﻭﺣﺪﻩ ﺍﻟﻲ ﺗﺤﺒﻪ ﻭﺗﺪﻟﻠﺔ ..
ﻭﺍﻧﺘﻲ ﻳﻤﻪ ﻣﺰﺍﺟﻴﻪ .. ﺗﻤﺸﻴﻦ ﻭﺭﻯ ﮔﻠﺒﺞ ..
ﻋﻘﻠﺞ ﺑﻤﻜﺎﻥ ﻭﮔﻠﺒﺞ ﺑﻤﻜﺎﻥ ﺛﺎﻧﻲ ..
ﻭﺍﻟﺤﺐ ﻻﺯﻡ ﺗﺨﺘﺎﺭﻳﻪ ﺑﺎﻻﺛﻨﻴﻦ ﺣﺘﻰ ﻣﺎﻳﺼﻴﺮ ﺗﻨﺎﻗﺾ ..
ﮔﻤﺖ ﺣﻀﻨﺖ ﺍﻣﻲ .. ﻳﻤﻪ ﻓﺪﻳﺖ ﺍﻟﻔﻠﺴﻔﻪ ﻭﺭﺑﻲ ﺍﻧﺘﻲ ﺍﺣﺴﻦ ﻣﻦ ﺍﻛﺒﺮ ﺑﺎﺣﺚ ﺍﺟﺘﻤﺎﻋﻲ ﺑﺘﻔﻜﻴﺮﺝ ..
ﺗﺨﻠﻴﻦ ﺍﻟﻮﺍﺣﺪ ﻳﺎﺧﺬ ﻗﺮﺍﺭﻩ ﺑﺴﻬﻮﻟﻪ ..
ﻟﺘﺨﺎﻓﻴﻦ ﻳﻮﻡ .. ﺷﻤﺲ
ﻣﺴﺘﺤﻴﻞ ﻳﺠﻲ ﻳﻮﻡ ﻭﺍﺿﻠﻢ ﻭﻭﺳﺎﻡ ﻭﺍﻗﺒﻞ ﺑﻲ ﺍﺫﺍ ﻣﺎﺍﻗﺘﻨﻊ .
ﻭﺍﺳﺘﺎﺫ ﻋﻤﺎﺭ ﻫﻢ ..
ﻣﺴﺘﺤﻴﻞ ﺍﺗﺰﻭﺟﻪ ﻭﺍﻧﻲ ﻣﺎﺍﺣﺲ ﺑﻄﻤﺄﻧﻴﻨﻪ ﺍﺗﺠﺎﻫﻪ ..
ﻻﻥ ﻣﺎﺍﺭﻳﺪ ﺍﻛﺮﺭ ﺍﻟﺨﻄﺄ ﻣﺮﺗﻴﻦ ..
ﻭﻻﻥ ﺩﺍ ﺍﺣﺲ ﺑﺪﺍﺧﻠﻲ ﺍﺳﺘﺎﺫ ﻋﻤﺎﺭ ﻭﻗﻴﺼﺮ ﻭﺟﻬﺎﻥ ﻟﻌﻤﻠﻪ ﻭﺍﺣﺪﻩ ﻣﺎﺍﻋﺮﻑ ﻟﻴﺶ ﺍﺣﺴﻬﻢ ﻳﺘﺸﺎﺑﻬﻮﻥ ..
ﻳﻌﻨﻲ ﺷﺮﺍﺡ ﺗﮕﻮﻟﻴﻠﻪ ..
ﻣﺎﺭﺍﺡ ﺍﮔﻮﻟﻪ ﺷﻲ .. ﺣﺎﻟﻴﺎ ﺧﻠﻴﻨﻲ ﺑﺄﻣﺘﺤﺎﻧﺎﺗﻲ ﺍﻻﺳﺒﻮﻉ ﺍﻟﺠﺎﻱ ..
ﺧﻠﻲ ﺗﺨﻠﺺ ﻭﺍﮔﻮﻟﻪ ﻣﺎﺍﻓﻜﺮ ﺑﺎﻟﺰﻭﺍﺝ ﻧﻬﺎﺋﻴﺎ ..
ﺣﺘﻰ ﺍﺧﺘﻤﻬﺎ ﻓﺪ ﻣﺮﻩ ..
ﻭﺍﺫﺍ ﺳﺄﻟﻨﻲ ﻫﺎﻱ ﺍﻟﻔﺘﺮﻩ ﻫﻢ ﺑﻌﺪ ﺍﺣﺴﻦ .. ﺍﺭﺟﻌﻠﻪ ﺍﻟﺠﻮﺍﺏ ﻭﺍﺭﺗﺎﺡ ..
ﺍﻧﻲ ﺣﺘﻰ ﻣﻦ ﺻﺎﺭﺣﻨﻲ ﻣﺎﺣﺴﻴﺖ ﺑﺸﻲ ﺍﺗﺠﺎﻫﺔ ..
ﻭﻣﻦ ﺣﺠﻴﺖ ﻭﻳﺎﺝ ﺗﻨﻮﺭ ﻃﺮﻳﻘﻲ ﻭﻋﺮﻓﺖ ﺷﻨﻮ ﺍﺭﻳﺪ ..
ﺑﻮﺳﺖ ﻣﺎﻣﺎ ﻭﮔﻤﺖ ..
ﺣﻀﺮﺕ ﻟﻠﻌﺸﺎ ﻭﻧﻀﻔﺖ ﻭﻏﺴﻠﺖ ﻣﻮﺍﻋﻴﻦ ..
ﻣﺮ ﻛﻢ ﻳﻮﻡ ﻭﻭﺳﺎﻡ ﻣﺎﻛﻮ ﻣﺎﺍﺟﻪ ﺍﻟﻨﺎ ..
ﺣﺴﻴﺖ ﺑﻮﺣﺸﻪ ﻭﺍﺷﺘﻴﺎﻕ ..
ﺑﺲ ﺷﻨﻮ ﺍﻟﺴﺒﺐ .. ﺍﺧﺎﻑ ﺑﻲ ﺷﻲ ﻭﻫﻮ ﻭﺣﺪﻩ ﻫﻨﺎﻳﻪ ﻭﻣﺤﺪ ﺍﻟﻪ ..
ﮔﻠﺖ ﺍﻟﻤﺎﻣﺎ ﺗﺘﺼﻞ ﻭﺗﺴﺄﻝ ﻋﻠﻴﻪ ..
ﻷﻥ ﺍﺣﻨﺔ ﻋﻼﻗﺘﻨﺎ ﺗﻮﺗﺮﺕ ﺑﺎﻟﻔﺘﺮﺓ ﺍﻻﺧﻴﺮﻩ ..
ﺍﺗﺼﻠﺖ ﻋﻠﻴﻪ ﻣﺎﻣﺎ ﻭﺳﺄﻟﺖ ﺍﺗﺤﺠﺞ ﺑﺎﻟﺸﻐﻞ ﻭﻣﻴﻠﺤﮓ ..
ﻭﮔﺎﻝ ﺍﻥ ﺷﺎﺀ ﺍﻟﻠﻪ ﺍﻣﺮ ﻋﻠﻴﻜﻢ ..
ﻭﻓﻌﻼ ﻗﺒﻞ ﻳﻮﻡ ﺍﻣﺘﺤﺎﻧﺎﺗﻲ ﺍﺟﻪ ..
ﺍﺗﻔﺎﺟﺄﺕ ﻭﺑﺼﻮﺭﻩ ﻻ ﺍﺭﺍﺩﻳﺔ .. ﺍﺑﺘﺴﻤﺖ ﻣﻦ ﺷﻔﺘﻪ ﻣﻘﺎﺑﻴﻠﻲ ﺍﻭ ﺍﻻﺻﺢ ﻓﺘﺤﺖ ﺣﻠﮕﻲ 180 ﺩﺭﺟﺔ 😂😂
ﻫﻮ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻭﺳﺎﻡ ﻋﺎﺩﻱ ﺑﺲ ﻫﺎﻟﻤﺮﻩ ﺑﺜﮕﻞ
ﺿﺠﺖ ﻳﺎﺭﺑﻲ ﻫﺎﻱ ﺷﻨﻮ ..
ﺻﺮﺕ ﺍﻧﻲ ﺍﺭﻛﺾ ﻭﺭﺍﻩ ﻣﻮ ﻫﻮ ..
ﺍﺗﻌﺠﺒﺖ ﻉ ﺗﺼﺮﻓﺎﺗﻪ .. ﻛﺎﻥ ﻣﺎﻳﻤﺮ ﻳﻮﻡ ﺍﺫﺍ ﻣﺎﻳﺴﺄﻝ
ﺍﻭ ﻳﺠﻲ ..
ﻭﻣﻦ ﻳﺠﻲ ﻳﻀﺤﻚ ﻭﻳﺘﻤﺎﺯﺡ ﻭﻳﺴﻤﻌﻨﻲ ﻛﻼﻡ ﻭﻳﺴﺄﻝ ﻋﻦ ﺍﻟﺪﻭﺍﻡ ﻭﻣﺴﺘﻮﺍﻱ ..
ﻫﺎﻟﻤﺮﺓ ﺿﻮﺟﻨﻲ ﺣﻴﻞ ..
ﻭﮔﻄﻌﺖ ﺍﻻﻣﻞ ﻣﻨﻪ .. ﺍﻛﻴﺪ ﺍﻣﻪ ﻗﺮﺍﺕ ﺑﺮﺍﺳﻪ ﻭﺣﻴﺨﻄﺐ ﺑﻨﺖ ﺧﺎﻟﻪ ..
ﻭﻫﺎﻱ ﻏﻴﺒﺘﻪ ﻣﻮ ﺧﺎﻟﻴﺔ ..
ﻭﺍﻟﻲ ﺿﻮﺟﻨﻲ ﺍﻛﺜﺮ .. ﻛﻠﻤﺎ ﺍﺳﺄﻟﺔ ﻓﺪ ﺷﻲ ..
ﻳﺠﻮﺍﺏ ﺑﻜﻠﻤﺘﻴﻦ .. ﻭﻳﺮﺟﻊ ﻳﺴﻮﻟﻒ ﻭﻱ ﻣﺎﻣﺎ ..
ﺿﺠﺖ ﻣﻦ ﺗﺼﺮﻓﻪ .. ﻭﺣﺴﻴﺖ ﻧﻔﺴﻲ ﺧﺴﺮﺗﻪ ..
ﻭﺍﻛﻴﺪ ﻫﺎﻱ ﺍﻧﺎﻧﻴﻪ ﻣﻨﻲ ﻻﻥ ﻭﻗﺖ ﻣﺎﻫﻮ ﻛﺎﻥ ﻣﺸﺘﺮﻳﻨﻲ ﺍﻧﻲ ﺭﻓﻀﺘﻪ ..
ﻭﻫﺴﺎ ﻭﻗﺖ ﻣﺎﺧﺴﺮﺗﻪ .. ﺿﺠﺖ ﻭﺻﺮﺕ ﺍﻧﺎﻧﻴﻪ ﻭﺍﺭﻳﺪ ﺍﺳﺘﺮﺟﻊ ﺍﻫﺘﻤﺎﻣﻪ ﺭﻏﻢ ﺍﻧﻪ ﻣﺸﺎﻋﺮﻱ ﻣﺎﻛﺎﻧﺖ ﺛﺎﺑﺘﻪ ﺑﺲ ﻳﻤﻜﻦ ﻻﻥ ﺗﻌﻮﺩﺕ ﻉ ﺍﻫﺘﻤﺎﻣﻪ ﺍﻟﻲ ..
ﺣﺒﻴﺖ ﺍﺷﻮﻓﻪ ﺍﻭ ﺍﺧﺘﺒﺮﻩ ﺑﻌﺪﻩ ﻳﻬﺘﻢ ﺍﻟﻲ ﻟﻮ ﻻ ..
ﻫﻮ ﺩﻳﺤﺠﻲ ﻭﻱ ﻣﺎﻣﺎ ﮔﺘﻠﻪ ﻭﺳﺎﻡ ﺍﺭﻳﺪ ﺍﺧﺬ ﺭﺃﻳﻚ ﺑﺸﻲ ..
ﻫﻮ ﺑﺎﻭﻋﻠﻲ ..
ﮔﺘﻠﻪ ﺍﻛﻮ ﺍﺳﺘﺎﺫ ﻋﺪﻧﺎ ﺑﺎﻟﻘﺴﻢ .. ﻃﻠﺒﻨﻲ ﻟﻠﺰﻭﺍﺝ .
ﺣﺴﻴﺖ ﻭﺟﻬﻪ ﺻﺎﺭ ﺍﺻﻔﺮ ﻣﻦ ﺍﻟﺼﺪﻣﺔ ..
ﻭﺍﻣﻲ ﺗﺨﺰﺭ ﺑﻴﻪ ﻭﺗﻌﻆ ﺑﺸﻔﺘﻬﺎ ..
ﮔﺎﻝ .. ﺍﻱ ﻭﺍﻟﻤﻄﻠﻮﺏ ..
ﺍﺳﺘﻐﺮﺑﺖ ﻣﻦ ﮔﺎﻝ ﻫﻴﺞ ..
ﮔﺘﻠﻪ ﻏﻴﺮ ﺍﺑﻦ ﻋﻤﻲ ﻭﺍﺧﺬ ﺭﺃﻳﻚ .. ﺣﺘﻰ ﺗﺴﺄﻝ ﻋﻠﻴﻪ ﻭﻉ ﺍﻫﻠﻪ ..
ﺍﻣﻤﻤﻢ ﺍﺳﺄﻝ ﻋﻠﻴﻪ .. ﻻﺯﻡ ﺧﻠﺺ ﻭﺍﻓﻘﺘﻲ ﻋﻠﻴﻪ ..
ﻣﺜﻞ ﻣﺎﻭﻓﻘﺘﻲ ﻉ ﺍﻟﻲ ﻗﺒﻠﻪ .. ﻭﻃﻠﻊ ﻣﺎﺷﺎﺀ ﺍﻟﻠﻪ ..
ﺳﻜﺘﺖ ﻣﺎﻋﺮﻓﺖ ﺷﻨﻮ ﺍﺟﺎﻭﺑﻪ .. ﺻﺪﻣﻨﻲ ﺑﺮﺩﻩ ﻭﺣﺴﻴﺘﻪ ﻳﺸﻤﺖ ﺑﻴﻪ
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء