رواية جسد أنثى ج2 الجزء السادس | نهاية الجزء الثاني

رواية جسد أنثى ج2 الجزء السادس | نهاية الجزء الثاني

للكاتبة زينب علي 

. 

ﺗﺪﺭﻱ ﺧﺎﻟﺪ ﻣﻦ ﻟﻤﻪ ﻋﺮﻓﺘﻚ ﻋﺮﻓﺖ ﻣﻌﻨﻰ ﺍﻟﺤﺐ ...

ﺍﻳﺒﺎﺍﺍﺍ ...

ﻫﻬﻬﻪ ﻭﺍﻟﻠﻪ ﺧﺎﻟﺪ ﻣﺮﻳﺖ ﺑﻔﺘﺮﻩ ﻣﺮﺍﻫﻘﻪ ﻭﻛﻤﺖ ﻳﺎﻫﻮ ﺍﻟﻲ ﺍﺷﻮﻓﻪ ﺍﻧﻌﺠﺐ ﺑﻲ ﻣﺜﻼ ﺑﺮﺍﺩ ﺑﺖ ﺗﻮﻡ ﻛﺮﻭﺯ ...

ﻳﺎﻫﻮ ﺫﻭﻟﻲ ...

ﻣﻤﺜﻠﻴﻦ ....

ﻫﺎ ﺍﻱ ﺍﻧﺰﻳﻦ ﺫﻛﺮﻳﻨﻲ ﺍﻓﺼﻞ ﺍﻟﻔﻴﺸﻪ ﻣﺎﻝ ﺍﻟﺘﻠﻔﺰﻳﻮﻥ ....

ﻫﻬﻬﻪ ﻟﻚ ﺧﺎﻟﺪ ﻭﺍﻟﻌﺒﺎﺱ ﺍﺣﺒﻚ ...

ﻋﺠﻞ ﻳﻮﻟﻲ ﺍﻧﻪ ﺷﻜﺎﻳﻠﺞ ﺳﺤﺐ ﺭﺍﺳﻲ ﻭﺧﻼ ﺑﻴﻦ ﺍﺩﻳﻪ ﻣﻮ ﻛﺎﻳﻠﺞ ﻻ ﺗﻜﻮﻟﻴﻦ ﻟﻚ ﻣﺮﻩ ﺛﺎﻧﻴﻪ ﻭﺍﻟﻠﻪ ﺍﺩﻓﺴﺞ ﺩﻓﺲ ....

ﻫﻬﻬﻪ ﻣﺎﺷﻲ ....

ﻭﺍﻟﺸﻲ ﺍﻟﺜﺎﻧﻲ ﻻ ﺗﻀﻠﻴﻦ ﺗﺤﻠﻔﻴﻦ ﻫﻴﺞ ...

ﻫﺎﺍﺍﺍ ﻋﺮﻓﺖ ﻗﺼﺪﻙ . ﺍﺷﺘﻐﻠﺖ ﺍﻟﻄﺎﺋﻔﻴﻪ ...

ﺑﻮﻳﻪ ﻣﻮ ﻃﺎﺋﻔﻴﻪ ﺑﺲ ﻣﺎ ﻳﺼﻴﺮ ﺗﻔﺘﻬﻤﻴﻦ ﻳﻮ ﻻ ﺍﻟﺤﻠﻒ ﺑﻐﻴﺮ ﺍﻟﻠﻪ ﻭﺍﻟﻘﺴﻢ ﺍﻟﺸﻌﺮﻱ ﺛﻼﺛﻪ ﺑﻠﻠﻪ ﻭﺍﻟﻠﻪ ﺗﺎﻟﻠﻪ ﻏﻴﺮﻫﻦ ﻣﺎ ﻳﺼﻴﺮ . ﻭﺍﻧﻪ ﻣﺎ ﻛﺎﻳﻠﺞ ﻋﻠﻰ ﺷﺨﺺ ﻣﻌﻴﻦ ﺍﻛﻠﺞ ﺍﻟﺤﻠﻒ ﻣﻮ ﺯﻳﻦ ﻣﺎ ﻳﺼﻴﺮ ...

ﻫﻌﻌﻊ ﻣﺪﺍﻡ ﻫﻴﺞ ﺍﻟﻪ ﺍﺟﻴﺐ ﻭﻟﻴﺪ ﻭﺍﺳﻤﻲ ﺍﻟﻌﺒﺎﺱ ﺑﻌﻨﺎﺩﻙ ...

ﺑﻮﻳﻪ ﻣﺎ ﺗﺴﻤﻴﻦ ﻣﻨﻮ ﻛﺎﺿﺒﺞ . ﻭﺍﺯﻳﺪﺝ ﻣﻦ ﺍﻟﺸﻌﺮ ﺑﻴﺖ ﺍﻧﻪ ﻣﻦ ﺍﺷﺪ ﺍﻟﻤﻌﺠﺒﻴﻦ ﺑﻌﻠﻲ ﺍﺑﻦ ﺍﺑﻲ ﻃﺎﻟﺐ ﻭﺍﻋﺘﺒﺮﻩ ﻭﻟﻲ ﻣﻦ ﺍﻭﻟﻴﺎﺀ ﺍﻟﻠﻪ ﺍﻟﺼﺎﻟﺤﻴﻦ ﻭﻗﺎﺭﻱ ﺧﻄﺒﻪ ﻫﻮﺍﻱ . ﻭﺯﺍﻳﺮﻩ ﺿﺮﻳﺤﻪ ﺍﻧﻪ ﻣﺎﻧﻲ ﺭﺟﺎﻝ ﻣﺘﻌﺼﺐ ﺩﻳﻨﻴﺎ ﺑﺲ ﺍﻧﻪ ﺍﻛﻠﺞ ﺍﻟﺤﻠﻔﺎﻥ ﺑﻄﻠﻲ ...

ﻳﻤﻪ ﻓﺪﻳﺖ ﺭﺟﻠﻲ ﺍﻟﺨﻴﺮ . ﺍﺫﺍ ﺍﻧﺖ ﻣﻮ ﻣﺘﻌﺼﺐ ﺍﻟﻤﺘﻌﺼﺐ ﺷﻠﻮﻥ . ﻣﺪﺍﻡ ﺍﻧﺖ ﻋﻨﺪﻙ ﻫﻠﻬﻤﻪ ﻫﺎﻱ ﻣﺎ ﺗﺨﻠﻴﻨﻲ ﺍﺭﻭﺡ ﺍﺯﻭﺭ ﻓﺪﻭﻩ ﺍﻟﻌﻴﻨﻚ ...

ﻭﺍﻟﻠﻪ ﺍﻧﺘﻲ ﻣﺮﻩ ﺷﻴﻄﺎﻧﻪ ﻫﻴﺞ ﺑﺴﺮﻋﻪ ﺗﺴﺘﻐﻠﻴﻨﻲ . ﻭﺍﻧﻪ ﺟﺎﻱ ﺍﺷﺮﺣﻠﺞ ﻫﻬﻬﻬﻪ ...

ﻓﺪﻭﻩ ﻭﺍﻟﻠﻪ ﻣﻦ ﻛﻌﺪﺕ ﺑﻠﺤﻠﻪ ﻟﺴﻪ ﻣﺎ ﺯﺍﻳﺮﻩ ﺭﺍﺡ ﺍﻣﻮﺕ ....

ﺑﺸﺮﻁ ....

ﻫﺎ ﻛﻤﺖ ﺗﺸﺮﻁ ...

ﺍﻱ ﻋﺠﻞ ﺷﻠﻮﻥ ﺍﺧﺬﺝ ﻫﻴﺞ ﺑﻠﻮﺷﻲ ....

ﺗﺮﻳﺪ ﻓﻠﻮﺱ ﻳﻌﻨﻲ ....

ﻣﺎ ﺗﻨﺠﺒﻴﻦ ﺍﻧﺘﻲ ...

ﺍﻱ ﺷﺘﺮﻳﺪ ....

ﺗﻌﻮﻓﻴﻦ ﺩﻭﺍﻣﺞ ﺳﺒﻮﻉ ﻛﺎﻣﻞ ﻭﺭﻩ ﺍﻟﺮﻭﺣﻪ ....

ﻫﺎﻱ ﺷﻨﻮ ﻏﻴﺮ ﺷﺮﻁ ﻫﺬﺍ ....

ﻫﺬﺍ ﺍﻟﻲ ﻋﻨﺪﻱ ....

ﻣﻴﺨﺎﻟﻒ ﻗﺎﺑﻠﻪ ....

ﺍﻟﻠﻪ ﻛﺮﻳﻢ ﻳﺼﻴﺮ ﺧﻴﺮ .

ﺭﺣﻨﻪ ﺯﺭﻧﻪ ﺍﻧﻲ ﻃﺒﻴﺖ ﻭﻫﻮ ﻃﺐ ﻫﻢ ﺯﺍﺭ ﺍﺑﺎﻭﻋﻠﻪ ﻣﺘﺠﺘﻒ ﻭﻳﺼﻠﻲ ﻣﻦ ﺑﻌﻴﺪ ﻳﻀﺤﻚ ﻭﺍﻟﻨﺎﺱ ﻋﺒﺎﻟﻬﺎ ﻣﺪﺭﻱ ﺷﻨﻮ ﻫﻬﻬﻬﻬﻪ .

ﺻﻠﻴﻨﻪ ﻭﻛﻤﻠﻨﻪ ﻭﻃﻠﻌﻨﻪ ﺭﺟﻌﻨﻪ . ﺭﺟﻌﺖ ﻫﻠﻜﺎﻧﻪ ﻣﻴﺘﻪ ﺗﻌﺐ . ﺗﺬﻛﺮﺕ ﻣﺮﻩ ﻣﻦ ﺍﺟﻴﻨﻪ ﻻﻫﻞ ﺣﻴﺪﺭ ﻭﺗﺨﺮﺑﻂ ﻛﺮﺍﺭ ﺧﻔﺖ ﻋﻠﻰ ﺑﺘﻲ ﻛﻠﺖ ﺑﺴﻼ ﺗﺘﻤﺮﺽ ﻭﻫﺬﺍ ﺑﻌﺪ ﻋﻜﺮﻩ ﺍﻛﺜﺮ ﻣﻦ ﺣﻴﺪﺭ ﺷﻴﺨﻠﺼﻨﻪ . ﻭﺍﻟﺤﻤﺪ ﻟﻠﻪ ﻋﺪﺕ ﻋﻠﻰ ﺧﻴﺮ ﻭﺳﻼﻣﻪ . ﻭﻣﺎ ﺻﺎﺭ ﺷﻲ ...

ﺭﺟﻌﺖ ﻛﺒﻞ ﺑﻮﺟﻬﻲ ﻟﻠﻔﺮﺍﺵ ﺑﺤﻴﺚ ﺣﺘﻪ ﺗﺒﺪﻳﻞ ﻣﺎ ﺑﺪﻟﺖ .

ﺣﺴﻴﺖ ﻋﻠﻰ ﻭﺍﺣﺪ ﻳﻔﺮﻙ ﺑﺨﺼﺮﻱ . ﺧﺎﻟﺪ ﻋﻮﻓﻨﻲ ﻭﺍﻟﻠﻪ ﺗﻌﺒﺎﻧﻪ ...

ﻣﺎﻛﻮ ﺗﻌﺒﺎﻧﻪ ....

ﺣﺒﺎﺏ ﺧﺎﻟﺪ ...

ﻳﻌﻨﻲ ﺷﻨﻮ ﺍﻧﺎﺍﺍﺍﺍﻡ ....

ﺍﺷﺒﻜﻨﻲ ﻭﻧﺎﻡ ...

ﺷﺒﻜﻨﻲ ﻭﻧﺎﻡ ﺑﺲ ﺣﺴﻴﺖ ﺑﻲ ﻣﺎ ﻧﺎﻳﻢ ﺑﺲ ﻳﺤﻮﺹ . ﺍﺧﺮ ﺷﻲ ﻛﺎﻡ ﺍﻧﻲ ﻧﻌﺴﺎﻧﻪ ﺍﺷﺘﻐﻞ ﻫﻮﻩ ﻭﺍﻧﻲ ﻣﺴﻠﻤﺘﻪ ﻧﻔﺴﻲ ....

ﺍﺧﺮ ﺷﻲ ﺧﻠﺺ . ﻛﺎﻝ ﻃﺎﺣﺞ ﻋﻠﻰ ﻫﺎﻱ ﺍﻟﻨﻮﻣﻪ ...

ﺍﺑﺘﺴﻤﺘﻠﻪ ﻳﻼ ﺗﻌﺎﻝ ﺍﺷﺒﻜﻨﻲ .

ﺭﺟﻊ ﺷﺒﻜﻨﻲ ﻭﻧﺎﻡ .

ﻛﻌﺪﺕ ﻣﻦ ﺍﻟﻨﻮﻡ ﻟﻜﻴﺘﻪ ﻃﺎﻟﻊ ﻳﺒﻮﻭﻭ ﺧﻄﻴﻪ ﻭﻻ ﺣﺴﻴﺖ ﺑﻲ ﻣﻦ ﻛﻌﺪ ...

ﻟﻠﻀﻬﺮ ﺍﺟﻪ . ﻫﺎ ﺷﻠﻮﻧﺞ ﻳﻮﻟﻲ ...

ﺍﻧﺖ ﺷﻠﻮﻧﻚ ....

ﺍﻛﻠﺞ ﻫﺬﺍ ﺑﻜﺮ ﺷﺎﻳﻔﻠﻮ ﻭﺣﺪﻩ ﻣﻌﻠﻤﻪ ﻭﻳﺮﻳﺪ ﻳﺎﺧﺬﻫﺎ ﻭﺍﻟﻴﻮﻡ ﺍﻟﻤﻠﺠﻪ ﻣﺎﻟﺘﻮ ....

ﻣﻦ ﻳﻮﻣﻪ ﻳﺪﻭﺭ ﻓﻠﻮﺱ ....

ﺷﺨﺼﺞ ﺑﻠﻌﺎﻟﻢ ﺍﻧﺘﻲ . ﺗﺮﺣﻴﻦ ﻳﻮ ﻻ ...

ﻻ ...

ﻟﻴﺶ ﻳﺎﺏ ﻓﺸﻠﻪ ﻣﺎ ﺗﺮﻫﻢ

... 

ﺍﺫﻛﺮ ﻣﺮﻩ ﻣﻦ ﺭﺍﺩ ﻳﺎﺧﺬﻧﻲ ﻳﻜﻠﻲ ...

ﺍﻧﺘﻲ ﺻﺪﻙ ﻣﺎ ﺗﺴﺘﺤﻴﻦ ﻭﻟﺞ ﺍﻧﺘﻲ ﺷﻨﻮ ﻣﻦ ﺑﺸﺮ ﺗﺤﺠﻴﻦ ﺟﺪﺍﻣﻲ ﻫﻴﺞ ﻋﺠﻞ ﻳﺎﺏ ﺍﺫﺍ ﺍﻣﻮﺕ ﺷﺘﺴﻮﻳﻦ ﺛﺎﻧﻲ ﻳﻮﻡ ﺗﻌﺮﺳﻴﻦ ...

ﺧﺎﻟﺪ ﺷﺒﻴﻚ ﺟﺎﻱ ﺍﺱ ...

ﻭﺧﺮﻱ ﻋﻨﻲ ﻣﺮﻩ ﺻﻠﻔﻪ ....

ﻃﻠﻊ ﺯﻋﻼﻥ ﻳﺒﻮﻭﻭﻭ ﻭﺍﻟﻠﻪ ﻣﺎﻟﻲ ﺧﻠﻚ ﻫﺴﻪ ﺍﻧﻲ ﻭﻻ ﺍﺑﻄﻞ ﺗﺠﻔﺺ ﻭﺗﺎﻟﻴﻴﻴﻴﻲ . ﺧﺎﺑﺮﺗﻪ ﻣﺎ ﺭﺩ ﺧﺎﺑﺮﺗﻪ ﻣﺎ ﺭﺩ . ﺩﺯﻳﺘﻠﻪ ﻣﺴﺞ . ﺍﺳﻔﻪ ...

ﻣﺎ ﺭﺩ ﻋﻠﻴﻪ . ﺭﺩﻭﺩ ﺍﺗﺼﻠﺖ ﺑﻲ ﻣﺎ ﺷﺎﻟﻪ . ﻭﺿﻞ ﻋﻠﻰ ﺯﻋﻠﻪ ﻳﻮﻣﻴﻦ ﻣﺎ ﺟﺎﻱ ﻟﻠﺒﻴﺖ . ﺍﻧﻲ ﺑﻮﻗﺘﻬﺎ ﺟﻦ ﺟﻨﻮﻧﻲ . ﺍﻭﻝ ﻣﺎ ﺷﻔﺘﻪ ﻃﺐ ﻟﻠﺒﻴﺖ ﻭﺳﻤﻌﺖ ﺻﻮﺕ ﺳﺪﻩ ﺍﻟﺒﺎﺏ ﺭﺣﺘﻠﻪ ﺍﺭﻛﺾ ﻭﺷﺒﻜﺘﻪ ﺟﺎﻥ ﺟﺎﻳﺐ ﻛﻮﻣﻪ ﻣﺴﻮﺍﻙ . ﺣﻮﺍﺟﺒﻪ ﻣﻌﻜﻮﺩﺍﺕ ﻭﻋﻴﻮﻧﻪ ﻣﺨﻨﺰﺭﻩ ﻭﺧﺮﻱ ﻋﻨﻲ ...

ﻭﺍﻟﻠﻪ ﺍﺣﺒﻚ ...

ﻣﺮﻳﻢ ﻭﺧﺮﻱ ﺍﻳﺪﻱ ﻧﻜﺴﺮﺕ ﻣﻦ ﺍﻟﻤﺴﻮﺍﻙ ...

ﺍﺳﻔﻪ ﻭﺍﻟﻠﻪ ﺑﻌﺪ ﻣﺎ ﺍﻋﻴﺪﻫﺎ ...

ﻭﻟﺞ ﻣﺮﻳﻢ ﺍﻧﺘﻲ ﺟﺎﻱ ﺗﻌﺮﻓﻴﻦ ﻭﻳﺎﻣﻦ ﺗﺤﺠﻴﻦ ﻟﻮ ﺷﻨﻮ . ﺍﻧﻪ ﺟﺪﺍﻣﻲ ﻫﻴﺞ ﺗﺤﺠﻴﻦ ...

ﺍﺳﻔﻪ ﻳﺎﺑﻪ ﻭﺍﻟﻠﻪ ﺍﺳﻔﻪ ...

ﺍﻧﻪ ﺍﺧﺬﺕ ﺍﻧﻤﺎﺭ ﺑﺖ ﻋﻤﻲ ﺟﺪﺍﻡ ﻋﻴﻮﻧﻲ ﻭﻋﻤﺮﻱ ﻛﻠﻪ ﺍﻧﻪ ﺍﺭﺍﻗﺒﻬﺎ ﻭﺟﻴﻒ ﻣﺤﺪ ﺧﻄﺒﻬﺎ ﻛﺘﻠﻬﻢ ﺧﻄﺒﻮﻫﺎ ﺍﻟﻲ ﻭﺍﻧﺘﻲ ﺗﺴﻮﻟﻔﻴﻦ ﺑﺨﻮﺍﻃﻴﺒﺞ ﺟﺪﺍﻣﻲ . ﺍﻧﻪ ﺍﺧﻮﻱ ﻣﺎ ﺍﺭﻳﺪ ﻳﻤﺮ ﻋﻠﻰ ﻋﻜﻠﻲ ﻭﺍﻓﻜﺮ ﺑﻲ ﻳﻮﻡ ﺍﻧﻮ ﺷﺎﻓﺞ . ﺍﻧﺴﻪ ﻛﻼﻣﻪ ﻭﻳﺎﻱ ﻣﻦ ﻳﻜﻠﻲ ﺟﺎﻥ ﻳﺤﺒﺞ ﺍﻏﺼﺐ ﻧﻔﺴﻲ ﻭﺍﻧﺴﻪ ﺗﻜﻮﻣﻴﻦ ﺍﻧﺘﻲ ﺗﺤﺠﻴﻦ ﻫﻴﺞ ﺟﺪﺍﻣﻲ ...

ﺿﺮﺏ ﺣﻠﻜﻲ ﻭﻛﺘﻠﻪ ﻫﺎ ﺍﺫﺍ ﺣﺠﻴﺖ ﺑﻌﺪ ﺍﻓﺮﻙ ﺣﻠﻜﻲ ﻓﺮﻙ ﻭﺭﻭﺡ ﺍﺑﻮﻱ ﺑﻌﺪ ﻻ ﺍﺣﺠﻲ ﻭﻻ ﺍﻓﻚ ﺣﻠﻜﻲ ....

ﺷﻴﺨﻠﻴﺞ . ﺍﻟﺒﻴﺞ ﻣﺎ ﻳﺨﻠﻴﺞ ...

ﺧﺎﻟﺪ ﻭﺍﻟﻠﻪ ﺍﺣﺒﻚ ...

ﻣﺎ ﺟﺎﻭﺑﻨﻲ ﻃﺐ ﺷﻤﺴﻮﻳﻪ ﻏﺪﻩ ...

ﺳﻮﻳﺖ ﺑﻴﺘﺰﺍ ...

ﻭﺍﻧﻪ ﺍﻛﻞ ﺑﻴﺘﺰﺍ ...

ﺍﻱ ﺷﺒﻴﻬﺎ ﺍﻟﺒﻴﺘﺰﺍ ﺗﻜﺮﺹ ....

ﻣﺎ ﺗﻜﺮﺹ ﺑﺲ ﻣﺎ ﺍﻛﻠﻬﺎ ...

ﻟﻴﺶ ﻫﻢ ﺍﻧﺪﻭﻣﻲ ﻫﺎﻱ ﻭﻣﺴﺮﻃﻦ ...

ﻣﺮﻳﻢ ﻻ ﺗﺨﻠﻴﻨﻲ ﺍﺗﺨﺒﻞ ﻋﻠﻴﺞ ﺟﺎﻱ ﺍﻛﻠﺞ ﻣﺎ ﺍﻛﻠﻬﺎ ...

ﺍﻱ ﻟﻴﺶ ....

ﺍﻧﺘﻲ ﻏﺒﻴﻪ ﻟﻮ ﺷﻨﻬﻮ . ﻛﻮﻣﻲ ﺍﻃﺒﺨﻲ ﺗﻤﻦ ﻭﻣﺮﻙ ...

ﺗﻤﻦ ﻭﻣﺮﻙ ﺷﻄﺒﺦ ﻫﺴﻪ ...

ﺍﻱ ﺷﻲ ....

ﺍﻭﻭﻭﻭﻑ ...

ﻛﻤﺖ ﻃﺒﺨﺖ ﺗﻤﻦ ﻭﻣﺮﻙ ﻭﻟﻼﺭﺑﻌﻪ ﻳﻼ ﺍﺳﺘﻮﻩ ﺍﻟﻄﺒﺦ ﻭﻛﻤﻞ . ﺿﻞ ﺑﺲ ﻫﻮﻩ ﻣﺎ ﻣﺘﻐﺪﻱ . ﺣﻄﻴﺖ ﺍﻻﻛﻞ ﻛﺪﺍﻣﻪ ﻭﻫﻮ ﻛﺎﻝ ﺑﻌﺪ ﻭﻛﺖ ﻟﻮ ﻣﺨﻠﻴﺘﻪ ﻟﺜﺎﻧﻲ ﻳﻮﻡ .

ﻛﻮﻡ ﺧﺎﻟﺪ ﻟﺘﺼﻴﺮ ﻋﻜﺮﻩ ﺷﻨﻮ ﻫﺎﻱ ....

ﻛﺎﻳﻢ ﺍﻣﺮﻱ ﻟﻠﻪ . ﻫﺬﺍ ﺣﻈﻚ ﻳﺒﻮ ﺍﻟﻮﻟﻴﺪ ﺗﺘﻤﺠﻌﺺ ﺑﺮﺍﺳﻚ ﺍﻟﻨﺴﻮﺍﻥ ...

ﺍﻟﻨﺴﻮﺍﻥ ؟؟؟؟؟

ﺍﻟﺘﻔﺖ ﺍﻟﻴﻪ ﻳﻌﻨﻲ ﺍﻧﺘﻲ ....

ﻻ ﺍﻧﺖ ﺟﻤﻌﺖ ﻳﻌﻨﻲ ﻋﻨﺪﻙ ﺍﻛﺜﺮ ﻣﻦ ﺛﻨﻴﻦ ....

ﻻ ﺍﻟﻪ ﺍﻻ ﺍﻟﻠﻪ ﻫﻢ ﻟﻜﻤﻪ ﻫﺎﻱ ﻳﺮﺑﻲ ﻣﺤﺴﻮﺑﻪ ﻋﻠﻴﻪ . ﺑﻮﻱ ﻓﻮﺗﻲ ﺣﺎﻟﻲ ﻻ ﺍﺑﺘﻠﻲ ﺑﻴﺞ ﻫﺴﻪ ....

ﻛﻠﺒﺖ ﺧﻠﻘﺘﻲ ﺑﺲ ﺍﻧﻲ ﺍﺩﺭﻱ ﻣﺎ ﻋﻨﺪﻩ ﺷﻲ ﺑﺲ ﺭﺩﺕ ﺍﺩﻟﻞ ﺣﺘﻪ ﻣﺎ ﻳﻠﺒﺴﻨﻲ ﺑﻌﺪ ﻭﻳﻌﻮﻓﻨﻲ ﻳﻮﻣﻴﻦ ﻣﺎ ﺳﺎﺋﻞ ﻋﻨﻲ .

ﻫﺎ ﺷﺒﻴﺞ ...

ﻣﺎ ﺑﻴﻪ ...

ﻋﺠﻞ ﺷﺒﻴﺞ ﻭﺟﻬﺞ ﻣﺎ ﻳﻜﺼﻪ ﺍﻟﻄﺒﺮ ...

ﺑﻮﻳﻪ ﻣﺎ ﺑﻴﻪ ﺷﻲ ...

ﺿﻠﻴﺖ ﺍﻏﻨﻲ ﺷﻮﻓﻲ ﺍﻟﻤﺼﺎﻳﺐ ﻭﻳﻠﻲ ﺟﺎﺑﻮﻟﻲ ﺷﺎﻳﺐ ﻭﻳﻠﻲ ﻣﺎ ﻳﺮﺿﻪ ﺍﻟﻪ ﻋﻜﺎﺯﻩ ﺑﻴﺪﻩ ...

ﻟﺰﻡ ﺍﻳﺪﻱ . ﺗﻌﺎﻱ ﺧﻞ ﺍﺳﻮﻟﻔﻠﺞ ﺳﺎﻟﻔﻪ ...

ﻣﺎ ﺍﺣﺠﻲ ﻭﻳﺎﻙ ﺍﻧﻲ ...

ﺗﻌﺎﻱ ﻳﺠﻮﺯ ﺗﺎﺧﺬﻳﻦ ﺣﻜﻤﻪ ﻣﻦ ﻫﻠﺸﺎﻳﺐ ﺍﻟﻤﺎﻋﺎﺟﺒﺞ ....

ﺍﻱ ﻛﻮﻝ ....

ﺍﻟﺮﺟﺎﻝ ﻣﻮ ﻣﺜﻞ ﺍﻟﻤﺮﻩ . ﺍﻟﻤﺮﻩ ﺍﺫﺍ ﻋﻜﺒﺖ ﺍﻝ٤٥ ﺻﺎﺭﺕ ﺍﻛﺲ ﺑﺎﻳﺮ ﻭﺍﻟﺮﺟﺎﻝ ﻳﻀﻞ ﺑﻲ ﻗﻮﻩ . ﻓﺄﻧﺘﻲ ﺍﺫﺍ ﻣﺎ ﻋﺎﺟﺒﺞ ﻫﻠﺸﺎﻳﺐ ﻋﻮﻓﻲ ﻳﺠﻮﺯ ﺍﻛﻮ ﻭﺣﺪﻩ ﺍﺻﻐﺮ ﻣﻨﺞ ﺗﺮﻳﺪﻩ ....

.. 

ﺍﻟﻤﻦ ﺗﻘﺼﺪ ؟ ﻣﻨﻮ ﻫﺎﻱ ﺍﻟﻲ ﺗﺮﻳﺪﻙ ...

ﻫﺴﻪ ﺍﻧﻪ ﺍﻛﻮﻝ ﻳﺠﻮﺯ ...

ﻻ ﺍﻧﺖ ﻛﻠﺖ ﻋﻮﻓﻲ ﻳﻌﻨﻲ ﺣﺎﻃﻠﻚ ﻭﺣﺪﻩ ﺟﻮﻩ ﺍﻳﺪﻙ . ﻭﺍﺫﺍ ﻣﺎ ﻋﺮﻓﺖ ﺷﻨﻮ ﻗﺼﺪﻙ ﻣﺎ ﻳﺼﻴﺮ ﺧﻴﺮ ....

ﻣﺎ ﺩﺍﻣﻨﻲ ﻣﺎ ﻋﺎﺟﺒﺞ ﻭﺗﻜﻄﻔﻴﻦ ﺑﻬﻠﺒﺴﺎﻣﻴﺮ ﻫﺎﻱ ﻭﺗﺼﻴﺤﻦ ﻣﺎ ﻳﻤﺸﻲ ﺍﻟﻪ ﻋﻜﺎﺯﻩ ﺑﻴﺪﻩ . ﺑﻮﻳﻪ ﻣﻜﺮﻡ ﺍﻧﻪ ﻭﻣﺎ ﺍﺩﺭﻱ . ﻃﺎﻙ ﺍﻟﺸﻴﺐ ﺑﺮﺍﺳﻲ ﻭﺍﻧﻪ ﻣﺎ ﺍﺩﺭﻱ ﺻﺤﺘﻴﻠﻲ ﻳﻮﻡ ﻣﻦ ﺍﻻﻳﺎﻡ ﻭﻗﺼﺮﺕ ﻭﻳﺎﺝ . ﻋﻠﻴﺶ ﻫﻠﺤﺠﻲ ﺍﻟﻤﺎﺻﺦ ﻟﻮ ﺍﻧﺘﻲ ﻣﺤﺘﺎﺟﻪ ﺟﺘﻠﻪ ﺗﻜﻌﺪﺝ ﻭﺯﻥ ..

ﻻ ﺍﺩﻟﻞ ﺣﺮﺍﻡ ....

ﻻ ﺑﻮﻳﻪ ﺍﺩﻟﻠﻲ ﺑﺲ ﺍﻧﻪ ﺭﺟﺎﻝ ﺷﺎﻳﺐ ﻣﺎ ﻳﻔﻴﺪ ﻭﻳﺎﻱ ﺍﻟﺪﻻﻝ . ﻛﻀﻲ ﻣﻮﺑﺎﻳﻠﺞ ﻭﺍﺩﻟﻠﻲ ﻋﻠﻰ ﺭﺍﺣﺘﺞ ...

ﺷﻨﻮﻭﻭ ....

ﺍﺳﺄﻟﻲ ﺭﻭﺣﺞ ﺷﻨﻮ ﻭﺍﻧﺘﻲ ﺗﻌﺮﻓﻴﻦ ﻛﻠﺶ ﺯﻳﻦ ....

ﺍﻱ ﺍﻋﺮﻑ ﻟﻴﺶ ﻣﺎ ﺍﻋﺮﻑ ....

ﻋﻔﺘﻪ ﻭﻃﺒﻴﺖ ﻛﺘﻠﺖ ﺭﻭﺣﻲ ﺑﻠﺒﺠﻲ ﻣﻠﺨﺖ ﺭﻭﺣﻲ ﺗﻤﻠﻴﺦ . ﺑﻌﺪﻩ ﻟﺴﻪ ﺫﺍﻛﺮﻫﺎ ﻭﻣﺎ ﺭﺍﻳﺤﻪ ﻣﻦ ﺑﺎﻟﻪ ....

ﻭﺭﻩ ﺭﺑﻊ ﺳﺎﻋﻪ ﺍﺟﻪ ﻳﻤﻲ . ﻛﻮﻣﻲ ﺳﻮﻳﻠﻲ ﺟﺎﻱ . ﻣﺎ ﺣﺎﺟﻴﺘﻪ ﻭﺿﻠﻴﺖ ﻣﻐﻄﻴﻪ ﺭﺍﺳﻲ ﺑﻠﺒﻄﺎﻧﻴﻪ ﻭﺍﺑﺠﻲ ﻭﻛﻮﻩ ﺣﺎﺻﺮﻩ ﺭﻭﺣﻲ . ﺟﺮ ﺍﻟﺒﻄﺎﻧﻴﻪ ﻛﻮﻣﻲ .

ﻏﻄﻴﺖ ﻭﺟﻬﻲ ﺑﺄﻳﺪﻱ ﻭﺷﺒﻌﺖ ﺑﺠﻲ

ﻛﻌﺪﻧﻲ ﺷﻮ ﻭﺧﺮﻱ ﺧﻞ ﺍﺷﻮﻓﺞ . ....

ﻣﺤﺎﺟﻴﺘﻪ

ﻭﺧﺮﻱ ﺑﻮﻳﻪ ﻭﺧﺮﻱ ﺧﻞ ﺍﺣﺠﻲ ﻭﻳﺎﺝ ....

ﺿﺮﺑﺘﻪ ﻋﻠﻰ ﺻﺪﺭﻩ ﻭﺍﻧﻔﺠﺮﺕ . ﻭﺍﻟﻠﻪ ﻭﻻ ﺍﺣﺒﻚ ﻭﻻ ﺍﺭﻳﺪﻙ ﻭﺍﻛﺮﻫﻚ ﻭﺍﻣﻮﺕ ﻣﻨﻚ ﻋﺴﻰ ﺍﻟﻠﻪ ﻳﺎﺧﺬ ﻋﻤﺮﻱ ﻭﻳﻤﻮﺗﻨﻲ ﻭﺍﺧﻠﺺ ﻭﺗﺨﻠﺺ ﻣﻨﻲ ﻳﻮﻣﻴﻪ ﺗﻀﻞ ﺗﻌﻴﺮﻧﻲ ﺷﻨﻮ ﻣﻌﺼﻮﻣﻪ ﺍﻧﻲ ﻣﺎ ﺍﻏﻠﻂ ﻣﻮ ﺑﺸﺮ ﻭﺧﺮ ﻋﻨﻲ ﻭﺧﺮﺭﺭ ﻭﻫﻮ ﻳﺠﺮ ﺑﻴﺪﻱ ﻭﺍﻧﻲ ﺍﺟﺮﻫﻦ ﻭﺧﺮ ﻟﺰﻣﻬﻦ ﺑﻜﻞ ﻗﻮﺗﻪ ﻭﺍﻧﻲ ﺍﺟﺮ ﺑﻮﻳﻪ ﻭﺧﺮ ﻣﺎ ﺍﺭﻳﺪﻙ ﻫﺪﻧﻲ ﺗﻮﺭﻃﺖ ﺗﺰﻭﺟﺘﻚ ﺳﻮﺩﻩ ﺑﻮﺟﻬﻲ ﻋﻠﻰ ﻫﻠﺠﻬﺎﻝ ﻭﺍﻟﻠﻪ ﻟﻮ ﺍﺩﺭﻱ ﻣﻦ ﺯﻣﺎﻥ ﻛﺎﻳﻠﺘﻠﻜﻢ ﺍﺧﺬﻭﻫﻢ ﻭﺧﻠﺼﻮﻧﻲ ﺟﺎﻥ ﻫﺴﻪ ﺍﻧﻲ ﺑﺄﻣﺮﻳﻜﺎ ﻭﺻﻴﺪﻻﻧﻴﻪ ﻭﻻ ﻫﺬﺍ ﺣﺎﻟﻲ ﺍﻻﻏﺒﺮ ...

ﻛﺎﺍﺍﺍﻓﻲ . ﺷﺒﻜﻨﻲ ﻭﺍﻧﻲ ﺍﺭﺍﻓﺲ ﻭﺧﺮﺭﺭ ﻣﺎ ﺍﺭﻳﺪﻙ ﻛﻮﻡ ﻣﻦ ﻳﻤﻲ ﻣﺎ ﺍﺭﻳﺪﻡ ﻛﻮﻩ ﻫﻴﻪ ...

ﺭﺍﺡ ﺍﺿﺮﺑﺞ ﺗﺮﻩ ...

ﻓﻮﻛﺎﻫﺎ ﻳﻌﻨﻲ ﻓﻮﻙ ﺣﻜﻪ ﺩﻛﻪ ﻓﻮﻙ ﺣﻼﻟﻪ ﻓﻮﻙ ﺣﻞ ﺟﺘﺎﻟﻪ . ﺑﻮﻳﻪ ﻣﺎ ﺍﺭﻳﺪﻙ ..

ﺻﺎﺡ ﺑﺼﻮﺕ ﻋﺎﻟﻲ ﻫﺴﻪ ﻏﻴﺮ ﺗﺴﻤﻤﻤﻤﻤﻊ ...

ﻣﺎ ﺍﺭﻳﺪ ﺍﺳﻤﻊ ...

ﻭﺗﺎﻟﻲ ﻭﻳﺎﺝ ﺍﻧﺘﻲ ﺍﻧﺠﺒﻲ ﻭﺍﺳﻜﺘﻲ ...

ﺍﻧﻪ ﻏﻠﻄﺎﻥ ﻭﺍﻧﻪ ﺍﺳﻒ ﻭﻫﺎﻱ ﺭﺍﺳﺞ ﺍﺑﻮﺳﻬﺎ ....

ﻻ ﺍﻧﻲ ﻣﺎ ﺍﺭﻳﺪ ﻫﻴﺞ ﻫﺎﻱ ﻣﺨﻠﻴﺘﻠﻚ ﻋﻘﺪﻩ ﻧﻔﺴﻴﻪ . ﻋﻤﻲ ﺍﻟﻮﻟﺪ ﺟﺎﻥ ﻳﺤﺒﻨﻲ ﻭﻣﺎ ﺻﺎﺭﺕ ﺍﻟﻘﺴﻤﻪ ...

ﻟﺘﺴﻮﻟﻔﻴﻦ ﺍﺳﻜﺘﻲ ...

ﻻ . ﻭﺭﺟﻊ ﺧﺎﺑﺮﻧﻲ ﺩﺍﺧﻞ ﻉ ﺍﻟﻔﻴﺲ ﻭﺳﺎﺣﺐ ﺭﻗﻤﻲ ﻻﻥ ﻧﺎﺷﺮﺗﻪ ﻣﻦ ﺟﻨﺖ ﻣﺴﻮﻳﻪ ﻓﻴﺲ ﻋﺒﺎﻟﻪ ﻳﺮﺟﻊ ﻳﺨﻄﺒﻨﻲ ﻛﺘﻠﻪ ﺍﻧﻲ ﻣﺰﻭﺟﻪ . ﻋﻠﻴﺶ ﻫﺎﻱ ﻛﺎﻋﺪ ﺗﺬﻟﻨﻲ ﺑﻴﻬﺎ ...

ﻋﺠﻞ ﺍﻧﺘﻲ ﻣﺎ ﻛﻠﺘﻲ ﻟﺮﻭﺣﺞ ﺗﻜﻮﻟﻴﻦ ﺍﻟﻴﻪ ﺷﺎﻳﺐ ..

ﺍﺷﻮ ﺍﻧﻲ ﻣﺎ ﺍﺯﻋﻞ ﻣﻦ ﺗﻜﻠﻲ ﺯﻋﻄﻮﻃﻪ ﻟﻮ ﺑﺲ ﺍﻧﺖ ﺗﻨﺒﻌﺺ ....

ﺻﻔﻦ ﺗﻀﺎﻳﻖ ﻣﻦ ﺍﻟﺤﺠﺎﻳﻪ ﺍﻟﻲ ﺣﺠﻴﺘﻬﺎ . ﻧﺰﻝ ﺭﺍﺳﻪ ﻋﺎﻓﻨﻲ ﻭﻛﺎﻡ .

ﺳﻤﻌﺖ ﺻﻮﺕ ﺍﻟﺴﻴﺎﺭﻩ ﻳﺸﺘﻐﻞ ﻃﻠﻊ .

ﺿﻠﻴﺖ ﻣﻴﺘﻪ ﻗﻬﺮ ﻭﻣﻔﺮﻓﺤﻪ ﻏﻠﻄﻪ ﺳﻨﺘﻴﻦ ﺩﻓﻌﺖ ﺛﻤﻨﻬﺎ ﻣﺎ ﻳﻘﺎﺭﺏ ١٠ ﺳﻨﻮﺍﺕ ﻗﻬﺮ ﻭﺍﻟﻢ ﻭﺣﻴﺎﺗﻲ ﻛﻠﻬﺎ ﺍﺩﻣﺮﺕ ﻣﻦ ﻭﺭﺍﻫﺎ . ﺷﻜﺪ ﺑﺠﻴﺖ ﺑﻬﺬﺍ ﺍﻟﻴﻮﻡ ﺷﺒﻌﺖ .

ﻟﻠﻴﻞ ﺍﺟﻪ ﺑﺎﺳﻨﻲ ﺍﻭﻝ ﻣﺎ ﺑﺎﺳﻨﻲ ﺍﻧﻲ ﺷﺒﻜﺘﻪ ﻭﺿﻠﻴﺖ ﺍﺑﺠﻲ ...

ﻛﺎﻓﻲ ﻣﺮﻳﻢ ﻭﺍﻟﻠﻪ ﺗﻌﺒﺘﻲ ﻛﻠﺒﻲ ﻣﻦ ﻭﺭﺍﺝ . ﻻ ﺍﻧﻪ ﺍﻟﻤﺮﺗﺎﺡ ﻭﻻ ﺍﻧﺘﻲ ﺍﻟﺘﺴﻜﺘﻴﻦ ﻭﺗﺮﻳﺤﻴﻨﻲ ...

ﺍﻧﺖ ﺗﺸﻚ ﺑﻴﻪ ﻭﺑﺪﻟﻴﻞ ﻟﺴﻪ ﻓﻴﺲ ﻣﺘﻘﺒﻞ ﺗﺨﻠﻴﻨﻲ ﺍﻧﺰﻝ ....

ﻣﺎ ﺍﺷﻚ ﺑﻴﺞ ﺑﺲ ﺍﻧﻪ ﺍﺧﺎﻑ ﻋﻠﻴﺞ ﻳﻮﻟﻲ . ﺍﻧﺘﻲ ﺻﻐﻴﺮﻩ ﻭﺻﻴﺪﻻﻧﻴﻪ . ﺍﺧﺎﻑ ﻭﺍﺣﺪ ﻳﻔﺮ ﻋﻘﻠﺞ ...

ﻳﻔﺮ ﻋﻘﻠﻲ ﻟﻤﻦ ﻛﻠﺒﻲ ﺧﺎﻟﻲ ﺑﺲ ﻫﺴﻪ ﺷﻠﻮﻥ ﻭﺍﻧﻲ ﺍﺣﺒﻚ ...

ﻫﻮ ﺍﻟﻲ ﻳﺤﺐ ﻳﻜﻞ ﻟﺤﺒﻴﺒﻪ ﺷﺎﻳﺐ ...

ﺍﺷﺎﻗﻪ ﺣﺮﺍﻡ ﻫﻴﺞ ﺍﺭﻳﺪ ﺍﻗﻬﺮﻙ ...

ﻣﻮ ﻣﺎ ﺗﺤﺒﻴﻨﻲ ﻟﻮ ﺗﺤﺒﻴﻨﻲ ﺟﺎﻥ ﻣﺎ ﺗﻜﻮﻟﻴﻦ ﺍﻗﻬﺮﻙ ﺍﻟﻴﺤﺐ ﻣﺎ ﻳﺨﻠﻲ ﺣﺒﻴﺒﻪ ﻳﻨﻘﻬﺮ ﻭﺍﻧﻪ ﻣﻦ ﺍﻟﻤﻐﺮﺏ ﻟﺴﻪ ﺍﻓﺮﻓﺢ ﻋﻠﻴﺞ ....

ﺷﺒﻜﻨﻲ ﻭﻧﻴﻤﻨﻲ ﺑﻬﺬﺍ ﺍﻟﻴﻮﻡ ﺣﺴﻴﺖ ﻛﺄﻧﻮ ﺍﻟﻜﻠﺐ ﺗﺼﺎﻓﻪ ﻫﻮ ﻃﻠﻌﻬﺎ ﻭﺍﻧﻲ ﻭﺿﺤﺘﻠﻪ ﺻﺢ ﻣﺎ ﻛﺘﻠﻪ ﺍﻧﻮ ﺟﺎﻥ ﻳﺤﺒﻨﻲ ﻟﻤﺪﻩ ﺳﻨﺘﻴﻦ ﻻﻥ ﺍﺩﺭﻱ ﻳﻤﻮﺕ ﻣﻦ ﻭﺭﺍﻫﺎ ....

.

.

ﺑﻌﺪ ﻣﺮﻭﺭ ﻓﺘﺮﻩ ﻋﻠﻰ ﻫﺬﺍ ﺍﻟﻤﻮﻗﻒ ﺭﺣﺖ ﻟﺒﻴﺖ ﺍﻫﻠﻲ ﻭﺟﺎﻥ ﻋﻠﻰ ﺯﻳﺎﺭﻩ ﺑﺴﻴﻄﻪ ﻻﻥ ﺭﺳﻞ ﻭﺣﻴﺪﺭ ﺟﺎﻳﻴﻦ . ﻓﻀﻠﻮ ﺳﺒﻮﻉ ﻭﺭﺟﻌﻮ ﻭﺍﻧﻲ ﺭﺟﻌﺖ ﻟﺒﻴﺖ ﺍﻫﻠﻲ ﻭﺍﺧﺬﺕ ﻣﻮﺑﺎﻳﻠﻲ ﻣﻦ ﺟﻮﺍﺭﻳﻨﻪ ﺧﻄﻴﻪ ﺿﺎﻣﺘﻪ ﻋﻠﻰ ﺣﻄﺘﻬﺎ ﻭﺍﻟﺒﻴﺖ ﻗﺎﻓﻠﻴﻨﻪ ﻭﺍﺗﻔﻘﺖ ﺍﻧﻲ ﻭﺭﺳﻞ ﻧﺒﻴﻌﻪ . ﺑﺲ ﺭﺳﻞ ﻣﺎ ﻗﺒﻠﺖ ﻛﺎﻟﺖ ﻛﻠﺸﻲ ﻳﺼﻴﺮ ﻫﺬﺍ ﺯﻣﻦ ﻉ ﺍﻻﻗﻞ ﻋﺪﻧﻪ ﺑﻴﺖ ﺍﻫﻞ ﻳﻠﻤﻨﻪ . ﺑﺲ ﺍﻧﻲ ﺿﻠﻴﺖ ﺍﻟﺢ ﻻﻥ ﺍﻟﺒﻴﺖ ﺗﻌﺒﺎﻥ ﻭﺻﺪﻙ ﺑﻌﻨﺎ . ﻭﺍﺣﻨﻪ ﻛﻞ ﻭﺣﺪﻩ ﺣﺼﺘﻬﺎ ﺍﺷﺘﺮﺕ ﺑﻴﻬﺎ . ﺭﺳﻞ ﺧﺬﺕ ﺣﺼﺘﻬﺎ ﻭﺧﻠﺘﻬﻦ ﺑﻠﺒﻨﻚ ﻭﺍﻧﻲ ﺟﻤﻠﺖ ﻓﻠﻮﺳﻲ ﻭﺑﻌﺖ ﺳﻴﺎﺭﺗﻲ ﻻﻥ ﺿﻠﺖ ﺑﻠﺒﺎﺏ ﻣﺎ ﻳﻘﺒﻞ ﺧﺎﻟﺪ ﺍﺻﻌﺪ ﺑﻴﻬﺎ . ﺍﺷﺘﺮﺍﻫﺎ ﺧﺎﻟﺪ ﻻﻳﻬﻢ ﺍﺑﻨﻪ ﻃﺒﻌﺎ ﺑﻌﺘﻠﻬﻴﺎ ﺑﺴﻌﺮ ﺍﻋﻠﻰ ﻣﻦ ﺍﻟﺴﻮﻙ ﻫﻬﻌﻬﻬﻪ ﻭﻫﻮ ﺧﺎﻟﺪ ﻳﺪﺭﻱ ﺑﺲ ﻫﻮ ﺣﺐ ﻳﺠﻤﻠﻨﻲ ﺑﻄﺮﻳﻘﻪ ﻣﺒﺎﺷﺮﻩ ﺣﺘﻪ ﻣﻴﺤﺴﺴﻨﻲ ﺑﻔﻀﻠﻪ ﻋﻠﻴﻪ . ﺍﺷﺘﺮﻳﺖ ﺑﻴﺖ ﻗﺮﻳﺐ ﻋﻠﻰ ﺑﻴﺖ ﺭﺳﻞ ﺍﺧﺘﻲ .

.

ﻣﺮﻩ ﻣﻦ ﺍﻟﻤﺮﺍﺕ ﺷﻔﺖ ﺍﻳﻬﺎﺏ ﺑﻮﺣﺪﻩ ﻣﻦ ﺍﻟﻤﺴﺘﺸﻔﻴﺎﺕ ﺑﻠﺤﻠﻪ ﺑﻤﺮﻛﺰ ﺍﻣﺮﺍﺽ ﺍﻟﺴﺮﻃﺎﻥ ﺑﻮﻛﺘﻬﺎ ﻛﻠﺶ ﺍﻧﻘﻬﺮﺕ ﻋﻠﻴﻪ . ﺗﻘﺮﺑﺖ ﻋﻠﻴﻪ ﺳﻠﻤﺖ ﻋﻠﻴﻪ . ﺷﻌﻨﺪﻙ ﻫﻨﺎ .

ﻛﺎﻝ ﺯﻭﺟﺘﻲ ﺑﻴﻬﺎ ﺳﺮﻃﺎﻥ ﺑﻠﺪﻡ . ﻣﺠﺎﻥ ﻏﻴﺮ ﻛﺘﻠﻪ ﺍﻟﻠﻪ ﻳﺸﺎﻓﻴﻬﺎ ﺍﺫﺍ ﺗﺤﺘﺎﺝ ﺷﻲ ﺍﻧﻲ ﻣﻮﺟﻮﺩﻩ ﻭ ﺻﻴﺖ ﻋﻠﻴﻪ ﻛﻢ ﺩﻛﺘﻮﺭ ﻭﻃﻠﻌﺖ .

ﻫﺬﺍ ﺍﻻﻧﺴﺎﻥ ﺍﻟﻲ ﺟﻨﺖ ﻛﻠﻤﺎ ﺍﺷﻮﻓﻪ ﻛﻠﺒﻲ ﻳﺮﻑ ﺟﻨﺖ ﻛﻠﻤﺎ ﺍﺫﻛﺮ ﺍﺷﺒﻊ ﺿﻴﻢ ﻭﻗﻬﺮ . ﻳﻤﻜﻦ ﺟﺎﻥ ﺍﻳﻬﺎﺏ ﺍﻟﻤﺎﺿﻲ ﻭﺍﺣﺘﻤﺎﻝ ﺟﺎﻥ ﺑﻮﻗﺘﻪ ﺍﺳﻌﺪ ﻣﺎﺿﻲ ﺷﺎﻓﺘﻪ ﺣﺒﻴﺒﻪ ﻣﻦ ﺣﺒﻴﺒﻬﺎ ﻭﻣﺘﺄﻛﺪﻩ ﻫﻮ ﺣﺒﻨﻲ ﻣﻦ ﺻﺪﻕ ﻭﺍﺧﻼﺹ ﺑﺲ ﺍﻛﻮ ﻋﺎﺋﻖ ﺍﻟﻲ ﺧﻼ ﻳﺒﺘﻌﺪ ﻭﻣﻊ ﻫﺬﺍ ﺑﻤﺮﻭﺭ ﺍﻟﻮﻗﺖ ﺍﻋﺘﺒﺮﺗﻪ ﺍﻛﺒﺮ ﺟﺮﻳﻤﻪ ﻣﻤﻜﻦ ﺗﺮﺗﻜﺒﻬﺎ ﺍﻟﻤﺮﻩ ﻫﻴﻪ ﺍﻟﺤﺐ ﺑﺲ ﺗﻐﻴﺮ ﻣﻔﻬﻮﻣﻲ ﻣﻦ ﺷﻔﺖ ﺧﺎﻟﺪ . ﺣﺴﻴﺖ ﺑﺤﺒﻪ ﻭﺍﻫﺘﻤﺎﻣﻪ ﻭﺻﺪﻗﻪ ﻭﻣﺸﺎﻋﺮﻩ ﺍﺗﺠﺎﻫﻲ ﻭﺑﻬﺬﺍ ﺍﻟﻴﻮﻡ ﺍﻟﻮﺣﻴﺪ ﺍﻟﻲ ﻣﺎ ﺭﻑ ﻛﻠﺒﻲ ﻋﻠﻰ ﺍﻳﻬﺎﺏ . ﻋﺮﻓﺖ ﻣﻨﻮ ﺍﻟﻲ ﻣﺘﺮﺑﻊ ﻋﻠﻰ ﻋﺮﺵ ﻛﻠﺒﻲ ...

.

ﺍﻟﻠﻪ ﻋﻮﺿﻨﻲ ﺑﺨﺎﻟﺪ ﻭﻋﻮﺽ ﺭﺳﻮﻟﻪ ﺑﺤﻴﺪﺭ ﺻﺢ ﺛﻨﻴﻨﻬﻢ ﻋﻜﺮ ﺑﺲ ﺍﻧﻲ ﻋﻦ ﻧﻔﺴﻲ ﺍﻣﻮﺕ ﻋﻠﻰ ﺧﺎﻟﺪ ﻭﻣﺘﺄﻛﺪﻩ ﺭﺳﻞ ﺗﻤﻮﺕ ﻋﻠﻰ ﺍﻟﺘﺮﺍﺏ ﺍﻟﻴﻤﺸﻲ ﻋﻠﻴﻪ ﺣﻴﺪﺭ .

ﻣﻤﻜﻦ ﺍﻻﻧﺴﺎﻥ ﻳﺨﻄﺊ ﺑﺲ ﺍﻟﻠﻪ ﻏﻔﻮﺭ ﻭﺭﺣﻴﻢ . ﻭﺣﺘﻠﻮ ﺍﻟﻠﻪ ﺍﺑﺘﻼﻙ ﺑﻠﻤﺼﺎﻳﺐ ﺍﺣﺘﻤﺎﻝ ﻳﻔﺘﺤﻠﻚ ﺑﺎﺏ ﻳﻐﻨﻴﻚ ﻋﻦ ﻛﻞ ﺍﻻﺑﻮﺍﺏ ﺍﻟﻲ ﺗﻄﺮﻗﻬﺎ . ﻓﻘﻂ ﻛﻦ ﻋﻠﻰ ﻭﻓﺎﻕ ﻣﻊ ﺍﻟﻠﻪ ...

ﻫﺎ ﻟﻠﻌﻠﻢ ﻻ ﺯﻟﺖ ﺍﻟﻰ ﺍﻻﻥ ﻛﻞ ﺟﻔﺼﻪ ﻭﻻ ﺍﺧﺘﻬﺎ ﻭﺍﻛﻠﻲ ﻋﺮﻛﻪ ﻣﻌﺪﻟﻪ ﻣﻦ ﺧﺎﻟﺪ .

.

.

ﺩﻣﺖ ﻓﻲ ﺍﻣﺎﻥ ﺍﻟﻠﻪ ♡☆♡☆♡

.

# ﺯﻳﻨﺐ ﻋﻠﻲ

ﻫﺬﻱ ﺍﻟﻘﺼﻪ ﻛﺘﺒﺖ ﻭﺗﻌﻤﺪﺕ ﺍﺿﻴﻒ ﺍﻟﺤﻮﺍﺭ ﺍﻋﻼﻩ ﺍﻟﻲ ﺗﻀﻤﻦ ﺍﻟﻄﺎﺋﻔﺘﻴﻦ . ﺑﺲ ﺣﺘﻪ ﺍﻧﻮ ﺍﻧﻮ ﻟﻮ ﺷﻤﻬﻤﺎ ﺍﺧﺘﻠﻔﺖ ﺍﻻﺭﺍﺀ ﻭﺍﻻﻓﻜﺎﺭ ﻭﺍﻟﻤﻌﺘﻘﺪﺍﺕ ﻳﻀﻞ ﺍﻟﺤﺐ ﻫﻮ ﺍﻟﺮﺍﺑﻂ ﺍﻟﻮﺣﻴﺪ ﺍﻟﻲ ﻳﺠﻤﻊ ﺍﻟﺒﺸﺮ . ﻭﺻﺪﻛﻮﻧﻲ ﻣﺴﺘﻤﺮ ﺍﻱ ﺣﻴﺎﺓ ﺑﺪﻭﻥ ﺣﺐ ...

.... 

النهاية 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤