رواية الخذلان ج2 الجزء الأول

رواية الخذلان ج2 الجزء الأول 

للكاتبة شمس 

. 

ﻳﺎ ﻣﻦ ﺧﻨﺖ ﻧﺒﺾ ﻗﻠﺒﻲ ﺍﻟﺬﻱ ﺃﻭﺍﻙ ...

ﺫﺍﻙ ﺍﻟﻮﺟﻊ ﻭﺣﺪﻱ ﻟﺒﺴﺘﻪ ... ﻭﻛﺎﻥ ﺍﻟﻮﺭﺩ ﻏﻄﺎﻙ ...

ﺍﻷﻥ ﺃﺣﺮﻗﺖ ﺇﺳﻤﻚ .... ﻭﻣﺴﺤﺖ ﻣﻦ ﻋﻠﻰ ﺍﻟﺮﻣﻞ ﺧﻄﺎﻙ ...

ﻓﺈﻣﻀﻲ ﺑﻌﻴﻴﻴﻴﻴﺪﺍ .... ﻓﻜﻢ ﺧﺬﻟﻨﻲ ﻫﻮﺍﻙ ..

ﻓﺘﺤﺖ ﻋﻴﻮﻧﻲ .. ﻭﺍﺣﺲ ﻧﻔﺴﻲ ﺑﻌﺎﻟﻢ ﺛﺎﻧﻲ ..

ﻣﺎﺷﻔﺖ ﺑﺲ ﺍﻣﻲ ﻳﻤﻲ ..

ﻳﻮﻭﻭﻡ ﺍﺭﻳﺪ ﻣﻲ .. ﺷﻤﺲ

ﮔﺎﻣﺖ ﺍﻣﻲ ﺗﺠﻴﺐ ﻣﻲ ﺑﺴﺮﻋﻪ ..

ﮔﻤﺖ ﺍﺭﻳﺪ ﺍﺷﺮﺏ ﻣﻲ .. ﺣﺴﻴﺖ ﺍﻟﻢ ﺑﺒﻄﻨﻲ ﻣﻮﺗﻨﻲ ..

ﺁﺥ .. ﻳﻮﻡ ﺷﻨﻮ ﻣﺴﻮﻳﻠﻲ ﻋﻤﻠﻴﻪ ..

ﺍﺑﻨﻲ ﻭﻳﻦ .. ﺻﺎﺭ ﺷﻲ ﺍﻻﺑﻨﻲ .. ﻳﻤﻪ ﺍﺣﺠﻲ ﺍﺑﻨﻲ ﻭﻳﻦ

ﺑﻄﻨﻲ ﻣﻠﻔﻮﻓﻪ ﻭﻓﺎﺭﻏﻪ .. ﺍﺑﻨﻲ ﻭﻭﻭﻭﻭﻳﻦ ﻭﺍﻋﻴﻂ ﻭﺍﺑﺠﻲ

ﺩﺧﻠﻮﺍ ﺍﻣﻴﺮ ﻭﻭﺳﺎﻡ ﻭﻗﻴﺼﺮ ..

ﺍﻣﻲ ﺗﻬﺪﻱ ﺑﻴﻪ .. ﻳﻤﻪ ﺍﻫﻢ ﺷﻲ ﺍﻧﺘﻲ ﺑﺨﻴﺮ ﻭﻋﺪﺕ ﺳﻼﻣﺎﺕ ﺑﻌﺪﻛﻢ ﺻﻐﺎﺭ ﺍﻟﻠﻪ ﻳﻌﻮﺿﻜﻢ ..

ﺑﺎﻭﻋﺖ ﺍﻟﻘﻴﺼﺮ .. ﺍﻧﺖ ﺍﻟﺴﺒﺐ ﺍﻧﺖ ﺍﻟﻲ ﻣﻮﺗﺖ ﺍﺑﻨﻲ

ﺍﻛﺮﻫﻚ ﻣﺎﺍﺭﻳﺪﻙ ﺍﻃﻠﻊ ﺑﺮﻩ ..

ﺍﻣﻴﺮ .. ﺷﻜﻮ ﻗﻴﺼﺮ ﺷﻨﻮ ﺩﺧﻠﻪ .. ﺷﻤﺲ

ﺑﺎﻭﻋﺘﻠﻪ ﻳﻌﻨﻲ ﻣﺎﮔﻠﺘﻠﻬﻢ .. ﺿﻤﻴﺖ ﺟﺮﻳﻤﺘﻚ ﻭﺧﻴﺎﻧﺘﻚ ..

ﻣﺎﮔﻠﺘﻠﻬﻢ ..

ﺍﻣﻴﺮ .. ﺷﻮﻳﻪ ﺍﺣﺘﺮﻣﻲ ﺷﻨﻮ ﺗﺤﺠﻴﻦ ﻫﻴﺞ ﻭﻱ ﺯﻭﺟﺞ

ﺯﻭﺟﻲ ﻫﻬﻬﻬﻪ .. ﺍﻧﺖ ﻭﻣﺮﺗﻚ ﺍﻟﺴﺒﺐ ﺑﺪﻣﺎﺭﻱ ..

ﻣﺮﺗﻚ ﺣﻄﻤﺖ ﺣﻴﺎﺗﻲ ﺑﺴﺤﺮﻫﺎ ..

ﻣﺴﻮﻳﺘﻚ ﻃﻠﻲ ﻋﻨﺪﻫﺎ ..

ﻭﺑﻌﺪﻳﻦ ﺩﺯﺕ ﺍﺧﺘﻬﺎ ﺗﺪﻣﺮ ﺣﻴﺎﺗﻲ ﻭﺗﺎﺧﺬ ﺯﻭﺟﻲ ..

ﺍﻧﺠﺒﻲ ﻟﺞ ﻻ ﻫﺴﺎ ﺍﻣﻮﺗﺞ ﻉ ﺍﻳﺪﻱ . ﺷﻨﻮ ﻃﻠﻲ ﻭﻟﺞ

ﺳﺤﺒﻪ ﻭﺳﺎﻡ ﻣﻦ ﻣﻼﺑﺴﻪ ..

ﺍﻧﻲ ﻭﻋﻤﺘﻲ ﺷﺎﻫﺪﻳﻦ ﻣﺮﺗﻚ ﻣﺴﻮﻳﺘﻠﻬﺎ ﺳﺤﺮ ﻭﺍﻟﻚ ﻫﻢ ﻣﺘﺸﻮﻑ ﺻﺎﻳﺮ ﺍﻋﻤﻰ ..

ﺍﻣﻴﺮ .. ﻭﺳﺎﻡ ﺍﻧﺖ ﻟﺘﺘﺪﺧﻞ ..

ﻭﺳﺎﻡ ﺍﺗﺪﺧﻞ ﻭﻏﺼﺐ ﻋﻨﻚ .. ﻟﻚ ﺍﻧﺘﻢ ﻳﺎﻳﻮﻡ ﺍﻋﺘﺒﺮﺗﻮﻫﺎ ﺍﺧﺖ ﺍﻟﻜﻢ ﻭﺷﻔﺘﻮ ﺷﻨﻮ ﺑﻴﻬﺎ ..

ﻗﻴﺼﺮ .. ﺍﻧﺖ ﻻﺗﺘﺪﺧﻞ ﻓﺎﻫﻢ .. ﻫﻲ ﺯﻭﺣﺘﻲ ﻭﺫﻭﻟﻲ ﺍﺧﻮﺍﻧﻬﺎ ﺍﻧﺖ ﺷﻨﻮ .

ﻭﺳﺎﻡ .. ﺍﻧﻲ ﺍﮔﻠﻚ ﺍﻧﻲ ﺷﻨﻮ ..

ﻭﺳﺎﻡ ﻓﻘﺪ ﻣﻦ ﺣﺠﻪ ﻫﻴﺢ ﻗﻴﺼﺮ ﺿﺮﺑﻪ ﻭﺧﻠﻪ ﺧﺸﻤﻪ ﻳﻨﺰﻑ .

ﺑﻘﻮﺍ ﺍﻻﺛﻨﻴﻦ ﻳﺘﻀﺎﺭﺑﻮﻥ .. ﺷﻤﺲ

ﻭﺍﻣﻴﺮ ﻳﻔﻚ ﺑﻴﻬﻢ ..

ﺍﻣﻲ .. ﻳﻤﻪ ﻣﻨﺎ ﻣﺴﺘﺸﻔﻰ ﻣﺎﺗﺴﺘﺤﻮﻥ ﺍﻃﻠﻌﻮﺍ ﻣﻨﺎ ﺑﻨﺘﻲ ﺗﺮﻳﺪ ﺗﻤﻮﺕ ﻭﺍﻧﺘﻮ ﺗﺘﻌﺎﺭﻛﻮﻥ ..

ﻗﻴﺼﺮ ﺍﺗﻘﺮﺏ .. ﻣﻴﻮﺭﻩ ﻋﻤﺮﻱ ﻭﺍﻟﻠﻪ ﻣﺎﺍﻋﺮﻓﻬﺎ ﻣﻨﻮ ﻭﻻ ﺍﺩﺭﻱ ﺑﻴﻬﺎ ﺍﺧﺖ ﻣﺮﺕ ﺍﻣﻴﺮ ..

ﻫﻲ ﺩﺧﻠﺖ ﺧﺎﺹ ﻭﺑﻮﺿﻊ ﻛﻨﺖ ﺗﺎﻳﻪ ﺑﻲ ﻭﺍﻧﺘﻲ ﻫﺎﻣﻠﺘﻨﻲ ..

ﺍﺳﺘﻐﻠﺖ ﺿﻌﻔﻲ ..

ﻭﻛﻢ ﻣﺮﻩ ﺍﻟﺤﺖ ﻧﺘﻘﺎﺑﻞ ﻭﺑﻜﻼﻣﻬﺎ ﻭﺳﻮﺍﻟﻔﻬﺎ ﻭﺟﺮﺃﺗﻬﺎ ﺍﻏﺮﺗﻨﻲ ..

ﺍﻓﻬﻤﻴﻨﻲ ﻭﺍﻟﻠﻪ ﺑﺲ ﺍﻧﺘﻲ ﺍﻟﻲ ﺑﮕﻠﺒﻲ ..

ﻫﻬﻬﻬﻪ ﻋﺬﺭ ﺍﻗﺒﺢ ﻣﻦ ﻓﻌﻞ .. ﻟﻚ ﺍﻧﻲ ﺧﺴﺮﺕ ﺍﺑﻨﻲ ﺑﺴﺒﺒﻚ

ﺍﺑﻨﻲ ﺍﻟﻲ ﺩﻋﻴﺖ ﻟﻴﻞ ﻭﻧﻬﺎﺭ ﺣﺘﻰ ﺍﺣﺼﻞ ﻋﻠﻴﻪ ..

ﺑﺲ ﻳﻤﻜﻦ ﺍﻟﻠﻪ ﻣﺎﺭﺍﺩ ﺷﻲ ﻳﺠﻤﻌﻨﻲ ﺑﻴﻚ ..

ﺍﻃﻠﻊ ﻗﻴﺼﺮ ﻣﺎﺍﺭﻳﺪ ﺍﺷﻮﻓﻚ ..

ﻭﺳﺎﻡ .. ﺳﻤﻌﺘﻬﺎ ﻳﻠﻪ ﺍﻃﻠﻊ ..

ﻗﻴﺼﺮ .. ﺍﻧﺖ ﺗﻔﺮﺡ ﺗﺘﺮﻛﻨﻲ ﺣﺘﻰ ﺗﺎﺧﺬﻫﺎ .. ﺑﺲ ﻫﺬﺍ ﺍﺧﺮ ﻳﻮﻡ ﺑﻌﻤﺮﻙ . ﻣﻴﺎﺭ ﻣﺮﺗﻲ ﻭﻣﺴﺘﺤﻴﻞ ﺑﻴﻮﻡ ﺗﺒﺎﻭﻋﻠﻚ

ﺑﺲ ﺭﺍﺡ ﺃﺧﻠﻴﻬﺎ ﺗﻬﺪﺃ ﻭﻧﺘﻔﺎﻫﻢ

. 

ﺩﺭﺕ ﻭﺟﻬﻲ ﻭﻧﻤﺖ ﻭﻋﻴﻮﻧﻲ ﺗﺠﺮﻱ ﺩﻡ ﻣﻮ ﺩﻣﻮﻉ ..

ﮔﻠﺘﻠﻬﺎ ﻳﻮﻡ ﻣﺎﺍﺭﻳﺪ ﺍﺣﺪ ﺧﻠﻲ ﻳﻄﻠﻌﻮﻥ ..

ﺑﻘﺖ ﺑﺲ ﺍﻣﻲ ﻳﻤﻲ ..

ﺣﻀﻨﺘﻬﺎ ﻳﻤﻪ ﮔﻠﺒﻲ ﻣﺤﺮﻭﮒ ﺍﺭﻳﺪ ﺍﻣﻮﺕ ..

ﺍﺭﺣﻤﻴﻨﻲ ..

ﻳﻤﻪ ﺷﻨﻮ ﻣﻦ ﺑﺸﺮ ﺫﻧﻲ .. ﺿﺤﻜﺖ ﻉ ﺭﺟﻠﻲ ﻭﻧﺎﻣﺖ ﺑﻔﺮﺍﺷﻲ ..

ﻣﻨﻴﻦ ﺍﻟﻠﻪ ﺑﻼﻧﺎ ﺑﻴﻬﻦ .. ﺷﻤﺲ

ﺍﻱ ﻳﻤﻪ ﻫﻨﻪ ﺑﻠﻮﻩ .. ﺑﺲ ﻻﺗﺒﺮﺭﻳﻦ ﺍﻟﺮﺟﻠﺞ ..

ﺭﺟﻠﺞ ﺻﻐﻴﺮ ﻗﺎﺑﻞ ﻭﺗﻀﺤﻚ ﻋﻠﻴﻪ ﻭﺣﺪﻩ ﻣﺜﻞ ﻣﺮﻳﻢ

ﻳﻤﻪ ﻧﺴﻴﺘﻲ ﻧﻬﻠﻪ ﺷﺴﻮﺕ ﺑﻴﻪ ﻭﺑﺎﻣﻴﺮ ﺧﻠﺘﻪ ﺧﺎﺗﻢ ﺑﺄﺻﺒﻌﻬﺎ

ﻳﻤﻪ ﺍﺭﺗﺎﺣﻲ ﻫﺴﺎ .. ﻭﺍﻟﻠﻪ ﻛﺮﻳﻢ ..

ﺷﻠﻮﻥ ﺍﺭﺗﺎﺡ ﻳﻤﻪ ﻭﺍﻟﺠﻤﺮ ﻳﻄﻠﻊ ﻣﻦ ﻛﻞ ﺟﻬﻪ ﺑﺠﺴﻤﻲ ..

ﻧﺎﺭ ﮔﻠﺒﻲ ﺷﻠﻮﻥ ﺗﻨﻄﻔﻲ ﻳﻤﻪ ..

ﺑﻴﻮﻡ ﻋﻴﺪ ﻣﻴﻼﺩﻱ ﻭﻋﻴﺪ ﺯﻭﺍﺟﻲ ﻳﺨﻮﻧﻲ ﻭﻉ ﻓﺮﺍﺷﻲ ..

ﻳﻤﻜﻦ ﻛﻞ ﻳﻮﻡ ﻣﻦ ﺍﺭﻭﺡ ﻟﻠﺪﻭﺍﻡ ﻫﻮ ﻭﻳﺎﻫﺎ ﻳﻠﺘﻘﻮﻥ ﺑﺒﻴﺘﻲ ..

ﻭﻟﺞ ﻛﺎﻓﻲ ﻳﻤﻪ ﻣﻮﺗﻲ ﺭﻭﺣﺞ ..

ﻫﻮ ﺍﻟﻲ ﻣﺎﺧﺎﻑ ﺭﺑﻪ ﻭﻳﺰﻧﻲ .. ﻗﺎﺑﻞ ﻳﺨﺎﻑ ﺍﻟﻠﻪ ﺑﻴﺞ .

ﺍﻧﺰﻋﻴﻪ ﻭﺍﺷﻤﺮﻳﻪ ﻣﺜﻞ ﺍﻟﻨﻌﺎﻝ ﻭﺧﻠﻲ ﻳﻮﻟﻲ ..

ﻣﻮ ﺑﺴﻬﻮﻟﻪ ﻫﻴﺞ ﺍﻧﺰﻋﻪ ﻭﺍﺫﺑﻪ ..

ﻭﺭﺑﻲ ﺍﻻ ﺍﺣﻄﻤﻬﻢ ..

ﻭﺍﺧﻮﺍﻧﻲ ﻫﻢ ﻣﺎﺍﺭﺣﻤﻬﻢ ﻻﻥ ﻣﺎﺭﺣﻤﻮﻧﻲ ﻭﻇﻠﻤﻮﻧﻲ ..

ﻭﻟﺞ ﻳﻤﻪ ﺍﻟﻠﻪ ﻣﻮﺟﻮﺩ ﺷﻨﻮ ﻫﺬﺍ ﺍﻟﺤﺠﻲ ..

ﻣﺎﺍﺭﺗﺎﺡ ﺍﺫﺍ ﻣﺎﺍﻃﻔﻲ ﻧﺎﺭ ﮔﻠﺒﻲ ..

ﺩﻧﺎﻣﻲ ﻫﺴﺎ ﻧﺎﻣﻲ ﻻﺗﻨﻔﺘﺢ ﻋﻤﻠﻴﺘﺞ ..

ﺭﺩﺕ ﺍﻧﺎﻡ ﻣﺎﺍﮔﺪﺭ ﻛﻞ ﺳﺎﻋﻪ ﺍﺗﺬﻛﺮ ﺍﻟﻤﻮﻗﻒ ..

ﻟﻚ ﻫﺬﺍ ﺣﺒﻲ ﺍﻟﻚ ﻗﻴﺼﺮ ..

ﻓﻀﻠﺘﻚ ﻉ ﺍﻟﻜﻞ ﻭﻉ ﻧﻔﺴﻲ ﻭﺣﺒﻴﺘﻚ ..

ﺗﺎﻟﻲ ﺑﻠﺤﻈﻪ ﻣﺮﺽ ﻛﻨﺖ ﻣﺤﺘﺎﺟﺘﻚ ﺑﻴﻬﺎ ﺗﺘﺮﻛﻨﻲ ﻭﺗﺮﻭﺡ ﺍﻟﻐﻴﺮﻱ .. ﺷﻤﺲ

ﺑﺲ ﺍﺩﺭﻱ ﻫﺬﺍ ﻛﻠﻪ ﺗﺨﻄﻴﻂ ﻧﻬﻠﻪ ..

ﻧﻬﻠﻪ ﺗﺒﻌﺪﻧﻲ ﻋﻨﻪ ﺑﺴﺤﺮﻫﺎ ﻭﺍﺧﺘﻬﺎ ﺗﺘﻘﺮﺏ ﻣﻨﻪ ﺑﺴﻮﺍﻟﻔﻬﺎ ﻭﻋﻬﺮﻫﺎ ..

ﻣﺎﺍﺩﺭﻱ ﻟﻴﺶ ﻛﻨﺖ ﺍﺣﺎﻭﻝ ﺑﻜﻞ ﺍﻟﻄﺮﻕ ﺍﺑﺮﺭ ﺍﻟﻘﻴﺼﺮ ..

ﻳﻌﻨﻲ ﻣﻌﻘﻮﻟﻪ ﺑﻌﺪﻧﻲ ﺍﺣﺒﻪ ..

ﺑﻌﺪ ﻛﻞ ﺍﻟﻲ ﺳﻮﺍﻩ ..

ﻧﻤﺖ ﺷﻮﻳﻪ ﻣﺎﺣﺴﻴﺖ ﺍﻻ ﺑﺼﻮﺕ ..

ﻟﮕﻴﺖ ﻋﻤﻲ ﻭﻣﺮﺕ ﻋﻤﻲ ﺟﺎﻳﻴﻦ ﻭﻭﺳﺎﻡ ..

ﻳﺴﻮﻟﻔﻮﻥ ﻭﻱ ﺍﻣﻲ ..

ﻓﺘﺤﺖ ﻋﻴﻨﻲ ..

ﺻﺎﺭﺕ ﺑﻌﻴﻦ ﻭﺳﺎﻡ ..

ﺍﺑﺘﺴﻢ ﻛﺎﻟﻌﺎﺩﻩ ..

ﮔﺎﻝ ﺷﻠﻮﻥ ﺻﺮﺗﻲ ..

ﻫﺰﻳﺖ ﺑﺮﺍﺳﻲ ﺍﻟﻪ ..

ﺍﺟﻪ ﻋﻤﻮ ﺑﺎﺱ ﺭﺍﺳﻲ .. ﻫﻮ ﻣﺮﺕ ﻋﻤﻲ ﻭﺗﺤﻤﺪﻭﻟﻲ ﺑﺎﻟﺴﻼﻣﻪ .. ﺷﻤﺲ

ﺍﻧﻲ ﻛﻨﺖ ﺑﺲ ﺳﺎﻛﺘﻪ ﻣﺎﺍﺣﺠﻲ ﻭﻻﺍﻋﺮﻑ ﺷﻨﻮ ﺍﺣﺠﻲ ..

ﻣﻌﻘﻮﻟﻪ ﻫﺎﻱ ﺣﻮﺑﺔ ﻭﺳﺎﻡ ﺑﻴﻪ ..

ﻟﻮ ﻫﺎﻱ ﻟﻌﻨﺔ ﺣﺒﺔ ﺍﻟﻲ .. ﻣﺎﺧﻠﺘﻨﻲ ﺍﺭﺗﺎﺡ ..

ﺛﺎﻧﻲ ﻳﻮﻡ ﻛﺘﺒﻮﻟﻲ ﺧﺮﻭﺝ ..

ﺍﺗﺼﻠﺖ ﺍﻣﻲ ﻉ ﺍﻣﻴﺮ ..

ﮔﺎﻟﻬﺎ ﺧﺘﻮﻟﻲ ﻫﺎﻱ ﺍﻟﻜﻠﺒﻪ .. ﻣﺎﺗﺴﺘﺎﻫﻞ ﻭﺍﺣﺪ ﻳﻮﮔﻒ ﻭﻳﺎﻫﺎ ﺷﻔﺘﻴﻬﺎ ﺍﻟﺒﺎﺭﺣﻪ ﺷﻠﻮﻥ ﺗﻬﻴﻦ ﺑﻴﻪ ﻭﺑﻤﺮﺗﻲ ..

ﻳﻤﻪ ﻣﻦ ﺣﺮﮔﺘﻬﺎ .. ﻣﺮﺗﻚ ﻭﺍﺧﺘﻬﺎ ﺍﺫﻧﻬﺎ ..

ﻳﻠﻪ ﻳﻤﻪ ﺍﻧﻲ ﻣﺸﻐﻮﻝ .. ﻋﻮﺩ ﺧﻠﻲ ﻭﺳﺎﻡ ﺍﻟﻌﺰﻳﺰ ﻫﻮ ﻳﺠﻴﺠﻦ ﻳﺎﺧﺬﺟﻦ ..

ﻭﻻﺗﺠﻴﺒﻬﺎ ﻟﻠﺒﻴﺖ .. ﻋﻨﺪﻫﺎ ﺑﻴﺖ ﺯﻭﺟﻬﺎ ﻧﺮﻭﺡ ﻟﻬﻨﺎﻙ ﻻﻫﻲ ﺍﻭﻝ ﻭﻻ ﺍﺧﺮ ﻭﺣﺪﻩ ﻳﺨﻮﻧﻬﺎ ﺭﺟﻠﻬﺎ ..

ﺻﻮﺕ ﺍﻟﻤﻮﺑﺎﻳﻞ ﻋﺎﻟﻲ .. ﺗﺨﺒﻠﺖ ﻣﻦ ﺳﻤﻌﺖ ﻛﻼﻣﻪ ..

ﮔﻠﺘﻠﻬﺎ ﺍﻻ ﺍﺭﺟﻊ ﺍﻟﺒﻴﺖ ﺍﺑﻮﻳﻪ ﻭﺍﺭﻳﺪ ﺍﺷﻮﻑ ﺷﻠﻮﻥ ﻳﻄﺮﺩﻧﻲ

ﺍﺗﺼﻠﺖ ﺍﻧﻲ ﻉ ﻣﺤﻤﺪ .. ﻓﺘﺢ ﺍﻟﺒﺎﺏ ﻭﺳﺎﻡ ﻭﺩﺧﻞ ..

ﮔﺎﻟﺘﻠﻪ ﺍﻣﻲ .. ﺍﻟﻠﻪ ﺟﺎﺑﻚ ﻳﻤﻪ ..

ﻫﺬﺍ ﺍﻣﻴﺮ ﻣﻌﺎﻧﺪ ﻣﺎﻳﺠﻲ .. ﻭﻣﺤﻤﺪ ﻣﻴﺠﺎﻭﺏ

ﮔﻮﻣﻲ ﻋﻤﻪ ﺍﻧﻲ ﺍﻭﺻﻠﻜﻢ ..

ﺟﻤﻌﻨﺎ ﻏﺮﺍﺿﻨﺎ ﻭﻃﻠﻌﻨﺎ ..

ﺭﺍﺡ ﻭﺳﺎﻡ ﺟﺎﺏ ﻛﺮﺳﻲ ﻣﺘﺤﺮﻙ ..

ﮔﻌﺪﻧﻲ ﻭﺩﻓﻌﻨﻲ ..

ﻭﺍﻣﻲ ﺗﻤﺸﻲ ﻭﺭﺍﻧﺎ ..

ﮔﺎﻝ ﻣﻴﺎﺭ .. ﺍﺭﻳﺪﺝ ﻗﻮﻳﻪ ﻭﻣﺘﻀﻌﻔﻴﻦ ﻭﺛﻘﻲ ﺑﺄﻱ ﻗﺮﺍﺭ ﺗﺘﺨﺬﻳﻪ ﺍﻧﻲ ﻭﺭﺍﺝ ..

ﺑﺲ ﻟﺘﻀﻮﺟﻴﻦ ..

ﮔﺘﻠﻪ ﺗﺴﻠﻢ ﻣﺎﺗﻘﺼﺮ .. ﺷﻤﺲ

ﺻﻌﺪﻧﺎ ﺑﺎﻟﺴﻴﺎﺭﻩ ﻭﻭﺻﻠﻨﺎ ﺍﻟﺒﻴﺖ ﺍﻫﻠﻲ .. ﻭﺭﺍﺡ ﻣﺎﺩﺧﻞ ..

ﻓﺘﺤﺖ ﺍﻟﺒﺎﺏ ﻫﺎﻟﻪ ﺣﻀﻨﺘﻨﻲ ﻭﺑﻮﺳﺘﻨﻲ ..

ﺗﻠﮕﺘﻨﻲ ﻧﻬﻠﻪ ..

ﺷﻮﻓﻲ ﺍﻟﻠﻪ ﺷﺴﻮﻩ ﺑﻴﺞ ﺍﻟﺨﺒﺎﺛﺘﺞ .. ﺣﺘﻰ ﻃﻔﻞ ﻣﺎﺍﺗﻬﻨﻴﺘﻲ ﺑﻲ ..

ﺗﺘﻬﻤﻴﻨﻲ ﺍﺳﻮﻱ ﺳﺤﺮ ..

ﺍﻧﻲ ﻋﻤﻠﻴﺘﻲ ﻭﺿﺎﻳﺠﻪ ..

ﮔﻠﺘﻠﻬﺎ ﻟﺞ ﺍﻟﻲ ﺑﻴﻪ ﻛﻠﻪ ﻣﻨﺞ ﻭﻣﻦ ﺍﺧﺘﺞ .. ﻳﺎﻋﺎﻫﺮﺍﺕ .

ﻋﺒﺎﻟﺞ ﻣﺎﺍﺩﺭﻱ ﺑﺴﻮﺍﻟﻔﺞ ..

ﺗﺮﺣﻴﻦ ﻭﻱ ﺍﻟﻜﻔﺮﻩ ﻭﺍﻟﻤﺎﻳﺨﺎﻓﻮﻥ ﺍﻟﻠﻪ ﺗﺘﻔﻘﻴﻦ ﻭﺗﺴﻮﻳﻦ ﺳﺤﺮ ﻭﺍﻟﻠﻪ ﺍﻟﻴﻌﻠﻢ ﺷﻨﻮ ﺍﻟﺜﻤﻦ ..

ﺷﺘﻘﺼﺪﻳﻦ ﻟﺞ

ﺗﻌﺮﻓﻴﻦ ﻗﺼﺪﻱ ..

ﻭﺍﺧﺘﺞ ﻛﻞ ﻳﻮﻡ ﻧﺎﻳﻤﻪ ﺑﺤﻈﻦ ﻭﺍﺣﺪ . ﻣﺎﺗﺴﺘﺤﻦ ﻭﻻﺫﺭﺓ ﺧﺸﻪ ﻋﻨﺪﺟﻦ ..

ﺣﺘﻰ ﻋﺸﻴﺮﺗﺠﻦ . ﺗﺒﺮﺃﺕ ﻣﻨﺠﻦ ﺑﺲ ﺍﺧﻮﻳﻪ ﺍﻻﻋﻤﻰ ﻣﻴﺸﻮﻑ ﻻﻥ ﻋﺎﻣﻴﺘﻪ ..

ﺍﻟﻈﺎﻫﺮ ﻣﺎﺗﺒﺘﻲ ..

ﻫﻬﻬﻬﻬﻪ ﻳﻌﻨﻲ ﺗﻌﺘﺮﻓﻴﻦ ﻣﺴﻮﻳﺘﻠﻲ ﺳﺤﺮ ..

ﺑﺎﻋﻲ ﻟﺞ ﺍﻧﻲ ﺍﻟﺪﻧﻴﺎ ﻛﻠﻬﺎ ﺍﻓﺮﻫﺎ ﺑﻴﺪﻱ ﻣﻮ ﻭﺣﺪﻩ ﻣﺜﻠﺞ ﺗﺠﻲ ﺗﺤﺎﺳﺒﻨﻲ .. ﻭﺭﺟﻠﺞ ﻟﻮ ﺑﻴﺞ ﺣﻆ ﺟﺎﻥ ﻣﺎﻋﺎﻓﺞ ﻭﺧﺎﻧﺞ ..

ﺑﺲ ﺍﻛﻴﺪ ﻫﺎﻣﻠﺘﻪ ﻭﻣﺎﻧﺎﻃﻴﺘﻪ ﺣﻘﻪ ..

ﺭﺩﺕ ﺍﻛﺘﻠﻬﺎ ﻭﺍﻟﻠﻪ ﻟﻮ ﻣﺎﻋﻤﻠﻴﺘﻲ .. ﺑﺲ ﻟﺰﻣﺘﻨﻲ ﺍﻣﻲ

ﺍﻣﻲ .. ﺍﻟﻠﻪ ﻻﻳﻨﻄﻴﺞ ﻳﺎﻧﻬﻠﻪ ﻛﻠﺸﻲ ﺍﺗﻮﻗﻊ ﻣﻨﺞ . ﺑﺲ ﺗﺸﺘﻐﻠﻴﻦ ﺑﺎﻟﺴﺤﺮ ﻣﺎﺻﺪﮔﺖ ﻣﻦ ﺳﻤﻌﺖ ﻭﺍﻧﻲ ﺍﮔﻮﻝ ﺷﻨﻮ ﺍﻟﺒﻴﺖ ﻛﻞ ﻳﻮﻡ ﺑﻲ ﺭﻳﺤﺔ ﺷﻌﻮﺍﻁ

ﻃﻠﻌﺘﻲ ﺗﻠﻌﺒﻴﻦ ﺟﻮﻟﻪ ﻭﺍﻧﻲ ﻧﺎﻳﻤﻪ ﻣﺎﺍﺩﺭﻱ ..

ﺍﻧﺘﻦ ﺩﻭﺍﺟﻦ ﺍﻣﻴﺮ ﺧﻠﻲ ﺍﺧﺎﺑﺮﻩ ﻭﻫﻮ ﻳﺘﺼﺮﻑ ..

ﺩﺧﻠﺘﻨﻲ ﺍﻣﻲ ﻟﻠﻐﺮﻓﻪ ﺍﺭﺗﺎﺡ ..

ﻭﺷﻮﻳﻪ ﻭﺳﻤﻌﻨﺎ ﻋﻴﺎﻁ ﺍﺧﻮﻳﻪ ﺍﻟﺸﻔﻴﻪ ﺍﻟﻜﺒﻴﺮ ..

ﺍﺟﻪ ﻳﻬﺪ ﻭﻳﻨﻔﻠﺖ ﻋﻤﻮﺩ ﻣﺮﺗﻪ

...... 

ﺍﻧﻲ ﻧﺎﻳﻤﻪ ﻭﺍﻟﻢ ﺍﻟﻌﻤﻠﻴﻪ ﻣﻮﺗﻨﻲ ..

ﺩﻓﺮ ﺍﻣﻴﺮ ﺍﻟﺒﺎﺏ ..

ﮔﺎﻝ ﻫﺎﻱ ﺷﻌﻨﺪﻫﺎ ﻫﻨﺎ ..

ﺍﻣﻲ .. ﺑﻨﻴﻪ ﻣﺮﻳﻀﻪ ﻭﻣﺴﻮﻳﻪ ﻋﻤﻠﻴﻪ .. ﻭﻳﻦ ﺗﺮﻭﺡ

ﺗﺮﻭﺡ ﺍﻟﺒﻴﺘﻬﺎ ﻭﺯﻭﺟﻬﺎ .. ﺟﺎﻳﻪ ﻟﻬﻨﺎ ﻭﺟﺎﻳﺒﻪ ﺍﻟﺸﺮ ﻭﻳﺎﻫﺎ

ﺍﻣﻲ .. ﺍﻟﺸﺮ ﻣﻨﻚ ﻭﻣﻦ ﻣﺮﺗﻚ .. ﻟﻬﻨﺎ ﻭﻛﺎﻓﻲ ﻭﻟﻚ

ﻛﻨﺖ ﺍﺳﻜﺖ ﺑﻨﺘﻲ ﺩﻭﻭﻭﻡ ﻭﺍﺳﻜﺖ ﺍﻧﻲ ..

ﻭﻣﺎﺍﻧﻄﻲ ﺑﻴﻜﻢ .. # ﺷﻤﺲ

ﺑﺲ ﺑﻌﺪ ﺍﻟﻲ ﺳﻤﻌﺘﻪ ﻋﻦ ﺳﻮﺍﻳﺎﺕ ﻣﺮﺗﻚ ﻣﺎﺍﺳﻜﺖ ..

ﺭﻭﺡ ﻋﺎﻟﺞ ﺭﻭﺣﻚ ﻣﻐﺴﻮﻝ ﻏﺴﻞ ..

ﻳﻤﻪ ﻛﺎﻓﻲ ﻟﻮ ﺑﺲ ﺍﺍﺩﺭﻱ ﻳﺎﻛﻠﺐ ﺿﺤﻚ ﻋﻠﻴﺠﻦ ﻭﺻﺪﮔﺘﻦ

ﻭﺗﺘﺒﻠﻦ ﻉ ﻣﺮﺗﻲ ..

ﺍﻣﻲ .. ﻭﺳﻮﺍﻳﺎﺕ ﺍﺧﺘﻬﺎ ﻫﻢ ﻧﺘﺒﻠﻰ ﻋﻠﻴﻬﺎ ..

ﺍﻣﻴﺮ .. ﻭﻧﻬﻠﻪ ﺷﻠﻬﺎ ﻋﻼﻗﻪ ﺑﺄﺧﺘﻬﺎ .. ﻗﺎﺑﻞ ﮔﺎﻋﺪﻩ ﻭﻳﺎﻫﺎ

ﺣﺘﻰ ﺗﮕﻮﻝ ﺑﻌﺪ ﻣﺎﺍﺣﺠﻲ ﻭﻳﺎﻫﺎ ﻻﻥ ﺳﻮﺕ ﻫﻴﺞ ﺑﻤﻴﺎﺭ ..

ﺿﺤﻜﺖ ﺍﻧﻲ .. ﻫﻬﻬﻬﻬﻬﻪ ﺍﻱ ﻋﺴﺎﺱ ﻣﻮ ﻫﻲ ﺍﻟﻲ ﺍﺧﺬﺕ ﺻﻔﺤﺔ ﻗﻴﺼﺮ ﻭﻧﻄﺘﻬﺎ ﻻﺧﺘﻬﺎ ..

ﺑﺲ ﻫﻨﻪ ﻟﻮ ﻋﻨﺪﻫﻦ ﻋﺸﻴﺮﻩ ﺟﺎﻥ ﺍﻧﻲ ﺭﺣﺖ ﻭﻓﻀﺤﺘﻬﻦ

ﺑﺲ ﺣﺘﻰ ﻋﻤﺎﻣﻬﻦ ﻣﺘﺒﺮﻳﻦ ﻣﻨﻬﻦ ..

ﻣﺎﺳﺄﻟﺖ ﻓﺪ ﻳﻮﻡ ﻟﻴﺶ ﺗﺒﺮﺃﻭ ﻣﻨﻬﻦ ..

ﻟﻮ ﺑﺲ ﺷﺎﻃﺮ ﺗﺠﻲ ﻋﻠﻴﻪ ..

ﺍﻣﻴﺮ .. ﮔﻮﻣﻲ ﺍﻃﻠﻌﻲ .. # ﺷﻤﺲ

ﺍﻣﻲ .. ﻭﻟﻚ ﻭﻳﻦ ﺗﺮﻭﺡ ﻏﻴﺮ ﺑﻴﺖ ﺍﺑﻮﻫﺎ

ﺍﻣﻴﺮ .. ﻣﺎﺍﺗﺤﻤﻠﻬﺎ .. ﻋﻨﺪﻫﺎ ﺯﻭﺟﻬﺎ ﻳﺘﺤﻤﻠﻬﺎ .

ﺍﻣﻲ .. ﺑﻨﺘﻲ ﻣﺎﺗﻄﻠﻊ ﻭﻫﺬﺍ ﺑﻴﺘﻬﺎ . ﻣﺎﻋﺎﺟﺒﻚ ﺍﻃﻠﻊ ﺍﻧﺖ ﻭﻣﺮﺗﻚ ..

ﺍﻣﻴﺮ .. ﻫﻬﻬﻬﻬﻪ ﺍﻃﻠﻊ ﺷﻨﻮ ﺍﻟﻲ ﺣﺼﻪ ﺍﻛﺜﺮ ﻣﻨﻬﺎ ..

ﻣﻴﺎﺭ .. ﺷﻮﻑ ﺍﻣﻴﺮ ﺍﻧﻲ ﻣﻮ ﻣﻴﺎﺭ ﺍﻟﺴﺎﺑﻘﻪ ..

ﻫﺴﺎ ﺍﻟﺪﻧﻴﺎ ﺿﻠﻤﻪ ﺑﻌﻴﻨﻲ .. ﺍﺑﻨﻲ ﺭﺍﺡ ﺑﺴﺒﺒﻜﻢ ﺍﻧﺖ ﻭﻣﺮﺗﻚ ﻭﺍﺧﺘﻬﺎ ﻭﻗﻴﺼﺮ ..

ﻭﺭﺑﻲ ﺍﺫﺍ ﺍﻃﻠﻊ ﻣﻨﺎ .. ﮔﺒﻞ ﺍﻻﻗﺮﺏ ﻣﺮﻛﺰ ﺍﺷﺘﻜﻲ ﻭﺍﺑﻬﺬﻟﻜﻢ ﺑﺎﻟﻤﺤﺎﻛﻢ ..

ﻭﺍﺧﺬ ﺣﺼﺘﻲ ﻭﺍﺧﻠﻲ ﺍﻟﺒﻴﺖ ﻳﻨﺒﺎﻉ ﻏﺼﺐ ﻋﻨﻜﻢ ..

ﻭﺣﺼﺘﻲ ﻣﻦ ﺍﻟﻤﺤﻼﺕ .. # ﺷﻤﺲ

ﻣﻮﻭﻋﺒﺎﻟﻚ ﺍﺿﻴﻊ ﺣﻘﻲ ..

ﻫﻬﻬﻬﻪ ﺍﻧﺘﻲ ﺑﻨﻴﻪ ﻭﺳﻮﻳﻬﺎ ﻭﺷﻮﻓﻲ ﺍﺫﺍ ﻣﺎﺍﻛﺘﻠﺞ ..

ﻭﺍﮔﻠﻬﻢ ﺩﻓﺎﻋﺎ ﻋﻦ ﺍﻟﺸﺮﻑ ..

ﺍﻣﻲ .. ﻳﺎﺷﺮﻑ ﻭﻟﻚ .. ﺍﺧﺘﻚ ﺍﺷﺮﻑ ﻣﻨﻚ ﻭﻣﻦ ﻣﺮﺗﻚ ﺍﻡ ﺍﻟﺴﺤﻮﺭﻩ ..

ﻳﻤﻪ ﻛﺎﻓﻲ ﻻﺗﺨﻠﻴﻨﻲ ﺍﺗﺼﺮﻑ ﻭﻳﺎﺝ ﻏﻴﺮ ﺗﺼﺮﻑ ..

ﺷﺘﺴﻮﻱ ﻭﻟﻚ ﺗﻀﺮﺑﻨﻲ ﻟﻮ ﺗﻄﺮﺩﻧﻲ ..

ﻣﻴﺎﺭ .. ﺍﺗﺮﻛﻲ ﻳﻤﻪ ﺑﻌﺪ ﻣﺎﻳﺄﺛﺮ ﺑﻲ ﺷﻲ .. ﻛﻠﺸﻲ ﺍﺗﻮﻗﻌﻲ ﻣﻨﻪ ..

ﺩﺧﻠﺖ ﺍﻣﻲ ﻭﺳﺪﺕ ﺍﻟﺒﺎﺏ ﻣﺎﻝ ﻏﺮﻓﻪ ..

ﻫﻮ ﺑﻘﻰ ﻳﻌﻴﻂ ﺑﺎﻟﺼﺎﻟﻪ ..

ﺍﺳﻤﻌﻲ ﻳﻤﻪ ﻣﻨﺎ ﻟﻤﻦ ﺗﻔﺘﺢ ﺧﻴﻮﻃﻬﺎ .. ﺗﺸﻮﻓﻠﻬﺎ ﻣﻜﺎﻥ ﺗﺮﻭﺣﻠﻪ ﻟﻮ ﺗﺮﺟﻊ ﺍﻟﺒﻴﺘﻬﺎ ﻣﺎﺍﺭﻳﺪﻫﺎ ﻫﻨﺎ ﻓﺎﻫﻤﻴﻦ ..

ﺍﻣﻲ ﮔﺎﻣﺖ ﺗﻠﻄﻢ ﻭﺗﺒﺠﻲ ..

ﻳﻤﻪ ﻛﺎﻓﻲ ﻻﺗﺴﻮﻳﻦ ﺑﺮﻭﺣﺞ ﻫﻴﺞ . ﻣﺎﻳﺴﺘﺎﻫﻞ ﻭﺍﻟﻠﻪ

ﻭﻟﺞ ﻣﺎﻳﺮﻳﺪﺝ ﺑﺎﻟﺒﻴﺖ ﻭﻳﻦ ﺗﺮﺣﻴﻦ ..

ﻫﻲ ﺑﻜﻴﻔﻪ .. ﻭﺍﻟﻠﻪ ﺍﺧﻠﻲ ﻭﺳﺎﻡ ﻳﺠﻴﺒﻠﻲ ﻣﺤﺎﻣﻲ ﻭﺍﺧﺬ ﺣﻘﻲ ﻣﻨﻬﻢ ..

ﻫﺴﺎ ﺩﺣﺎﺟﻴﻨﻲ ﺑﺎﻟﺪﻭﺍﻡ ﺷﻠﻮﻥ ..

ﺫﻳﺞ ﺍﻟﺴﻨﻪ ﺟﺒﺘﻬﺎ ﻛﻠﻪ ﻣﺮﺽ ﺑﻤﺮﺽ

... 

ﻭﻫﺎﻱ ﻫﻢ ﺻﺎﺭ ﻛﻢ ﻳﻮﻡ ﮔﺎﻋﺪﻩ .. ﺷﻠﻮﻥ

ﺍﻣﻲ .. ﻫﺴﺎ ﺩﺻﻴﺮﻱ ﺯﻳﻨﻪ ﻭﺑﻌﺪﻳﻦ ﻓﻜﺮﻱ ﺑﺎﻟﺪﻭﺍﻡ .. ﺧﺎﺑﺮﻱ ﺍﺑﺘﻬﺎﻝ ﺗﺠﻴﺒﻠﺞ ﺍﻟﺪﺭﻭﺱ ..

ﺍﻱ ﺍﺗﺼﻠﺖ ﻋﻠﻴﻬﺎ .. ﺍﺣﺘﻤﺎﻝ ﺍﻟﻌﺼﺮ ﺗﺠﻲ ..

ﻟﻠﻌﺼﺮ .. ﺍﺟﺖ ﺍﺑﺘﻬﺎﻝ ﺷﻮﻳﻪ ﺑﺲ ﻧﻄﺘﻨﻲ ﺍﻟﻤﺤﺎﻇﺮﺍﺕ ﻣﺴﺘﻨﺴﺨﺘﻬﻦ .. # ﺷﻤﺲ

ﻭﺭﺍﺣﺖ ..

ﻭﺭﺍﻫﺎ ﺍﺟﻪ ﻭﺳﺎﻡ .. # ﺷﻤﺲ

ﺟﺎﻳﺐ ﺍﻟﻌﻼﺝ ..

ﺳﻮﻟﻔﺘﻠﻪ ﺍﻣﻲ ﺍﻟﻲ ﺻﺎﺭ ..

ﻭﮔﺎﻟﺘﻠﻪ ﻣﺎﻳﺮﻳﺪﻫﺎ ﺑﺎﻟﺒﻴﺖ ..

ﻭﺳﺎﻡ .. ﻭﺍﻟﻠﻪ ﺍﻧﻲ ﻫﻢ ﺧﺎﻳﻒ ﻋﻠﻴﻬﺎ ﻫﻨﺎ ..

ﺍﻛﻴﺪ ﻧﻬﻠﻪ ﻣﺎﺗﺴﻜﺖ ﻭﻳﻤﻜﻦ ﺗﺴﻮﻱ ﺍﻛﺜﺮ ..

ﻳﺎﻳﻤﻪ ﻟﻴﺶ ﺗﺨﻮﻓﻨﻲ ..

ﻋﻤﻪ ﻋﻠﻴﻤﻦ ﺍﺧﻮﻓﺞ ﺍﻧﺘﻲ ﺗﻌﺮﻓﻴﻬﻦ ﺍﻛﺜﺮ ﻣﻨﻲ ..

ﻣﻴﺎﺭﺭ .. ﺷﻮﻓﻲ ﻳﻤﻪ ﺭﺟﻌﻪ ﻣﺎﺍﺭﺟﻊ ﺍﻟﻘﻴﺼﺮ ﺧﺎﻑ ﻋﻨﺪﻛﻢ ﻧﻴﻪ ..

ﻭﺳﺎﻡ .. ﻭﻣﻨﻮ ﮔﻠﺞ ﺍﺭﺟﻌﻲ ﺍﻟﺬﺍﻙ ﺍﻟﻨﺬﻝ ..

ﻟﻌﺪ ﺷﺘﻘﺼﺪ ﻭﻳﻦ ﺍﺭﻭﺡ ..

ﺗﻨﺘﻘﻠﻦ ﺍﻧﺘﻲ ﻭﻋﻤﺘﻲ ﺍﻟﺒﻴﺘﺞ ..

ﻳﺎﺑﻴﺖ ﺍﻟﻲ ﺍﻧﺖ ﮔﺎﻋﺪ ﺑﻲ ..

ﺍﻧﻲ ﺟﺎﻱ ﺍﺩﻭﺭ ﻉ ﺑﻴﺖ ﻗﺮﻳﺐ ﻋﻠﻴﻜﻢ ..

ﺑﺲ ﺍﻟﮕﻪ ﺍﻃﻠﻊ ﻣﻨﻪ ..

ﻭﺍﻧﺘﻦ ﺗﻌﺎﻟﻦ ﻫﻨﺎﻙ ﻭﺍﺧﻠﺼﻦ ﻣﻦ ﺍﻟﻤﺸﺎﻛﻞ ..

ﺍﻣﻲ .. ﻭﺍﻋﻮﻑ ﺑﻴﺘﻲ .. ﻣﺎﺍﮔﺪﺭ # ﺷﻤﺲ

ﻭﺳﺎﻡ .. ﻋﻤﻪ ﻓﻜﺮﻱ ﺑﻤﻴﺎﺭ .. ﺷﻠﻮﻥ ﺗﻌﻮﻓﻴﻬﺎ ﺗﮕﻌﺪ ﻭﺣﺪﻫﺎ ﻟﻮ ﺗﺒﻘﻰ ﻫﻨﺎ ﻭﻛﻞ ﺳﺎﻋﻪ ﻭﺍﺣﺪ ﻣﺄﺫﻳﻬﺎ ..

ﻭﺍﻛﻴﺪ ﻧﻬﻠﻪ ﺭﺍﺡ ﺗﺒﻘﻰ ﺗﻀﻐﻂ ﻋﻠﻰ ﺍﻣﻴﺮ ﺣﺘﻰ ﻣﺎﻳﺒﻘﻴﻬﺎ ﺑﺎﻟﺒﻴﺖ ..

ﻣﻴﺎﺭ .. ﺍﻃﻠﻊ ﺑﺲ ﺑﺸﺮﻁ .. ﺍﺧﺬ ﺣﺼﺘﻲ ﻣﻨﻬﻢ ..

ﺍﻣﻲ .. ﺍﻟﻌﻨﻲ ﺍﻟﺸﻴﻄﺎﻥ ﻳﻤﻪ .. ﻫﻤﻪ ﺑﺲ ﻳﺪﺭﻭﻥ ﻋﻨﺪﺝ ﺑﻴﺖ ﻳﺘﺨﺒﻠﻮﻥ ﻋﻠﻴﺞ ﻣﻮ ﺩﻭﺭ ﺗﺪﺍﻋﻴﻦ ﺑﺤﺼﺘﺞ ..

ﻣﻴﺎﺭ .. ﻟﻌﺪ ﺍﺧﻠﻲ ﺑﻴﺖ ﺍﺑﻮﻳﻪ ﻭﻣﻠﻜﻪ ﺗﻠﻌﺐ ﺑﻲ ﻧﻬﻠﻪ ﻭﻏﻴﺮﻫﺎ ﻭﺍﻟﻠﻪ ﺑﺲ ﻧﻄﻠﻊ ..

ﻣﻦ ﺑﺎﺟﺮ ﺗﺠﻴﺐ ﺍﻫﻠﻬﺎ ﻭﺍﺧﺘﻬﺎ ﻭﺗﮕﻌﺪﻫﻢ ﺑﻮﺳﻂ ﺍﻟﺒﻴﺖ

ﺍﻣﻲ .. ﺍﻭﻭﻭﻭﻭﻑ ﺍﺩﺭﻱ ﺑﻴﻜﻢ ﺗﻤﻮﺗﻮﻧﻲ ﻧﺎﻗﺼﻪ ﻋﻤﺮ ..

ﻣﻨﻴﻦ ﺍﺗﻠﮕﺎﻫﺎ ﻭﻣﻨﻴﻦ ﻳﺎﺭﺑﻲ ..

ﺩﻭﺭ ﻫﺎﻱ ﺍﻟﺼﺎﻳﺮ ﺭﺍﺳﻬﺎ ﻳﺎﺑﺲ ﻣﺎﺍﺩﺭﻱ ﺷﺒﻴﻬﺎ ..

ﻭﺳﺎﻡ .. ﻋﻤﻪ ﺩﺧﻠﻲ ﺗﻤﺮ ﻫﺎﻱ ﺍﻟﻔﺘﺮﻩ ﻭﻓﻜﺮﻥ ﻭﺭﺩﻟﻲ ﺍﻟﺠﻮﺍﺏ ..

ﺭﺍﺡ ﻭﺳﺎﻡ ﻭﺑﺎﻭﻋﺘﻠﻲ ﺍﻣﻲ .. ﻫﺎ ﻣﻴﺎﺭ ﺷﮕﻠﺘﻲ ..

ﻧﺮﻭﺡ ﻫﻨﺎﻙ ﻭﻫﻮ ﺍﺻﻼ ﻣﺤﺪ ﻳﺪﺭﻱ ﻋﻨﺪﺝ ﺑﻴﺖ ..

ﻭﻻﺗﮕﻮﻟﻴﻦ ..

ﻣﻴﺎﺭ .. ﺑﺲ ﻗﻴﺼﺮ ﻳﺪﺭﻱ ﻭﺍﻛﻴﺪ ﻳﺮﻭﺡ ﻳﺪﻭﺭ ﻋﻠﻴﻪ ﻫﻨﺎﻙ ﻭﻳﺪﺭﻱ ﻭﺳﺎﻡ ﻛﺎﻥ ﻣﺄﺟﺮﻩ .. ﻭﺍﺧﺎﻑ ﻳﺴﻮﻳﻠﻲ ﻣﺸﺎﻛﻞ ..

ﻋﺰﺍ ﺍﻟﻌﺰﺍﺝ ﺗﻮﺍﺯﻳﺘﻲ ﻭﮔﻠﺘﻲ ..

ﻳﻤﻪ ﻏﻴﺮ ﻋﻮﺩ ﺭﺟﻠﻲ ﻭﻣﺎﺍﺿﻢ ﺷﻲ ﻋﻠﻴﻪ .. ﺗﺎﻟﻲ . ﻃﻠﻊ ﺍﻭﻭﻭﻭﻑ ﻻﺗﺬﻛﺮﻳﻨﻲ ﺧﻠﻴﻨﻲ ﺍﻻﻟﻢ ﺍﻟﺒﻴﻪ ﻣﻜﻔﻴﻨﻲ ..

ﺍﺧﺬﺕ ﺩﻭﺍﻱ . ﻭﺭﺩﺕ ﺍﻧﺎﻡ .. ﺷﻤﺲ

ﺳﻤﻌﺖ ﺍﻣﻲ ﻭﻧﺴﻮﺍﻥ ﻳﺴﻮﻟﻔﻦ ..

ﺷﻮﻳﻪ ﻭﺩﺧﻠﻦ ﺍﺧﻮﺍﺕ ﻗﻴﺼﺮ ..

ﺳﻠﻤﺖ ﻋﻠﻴﻬﻦ ﻋﺎﺩﻱ .. ﻻﻥ ﻫﻨﻪ ﺣﺒﺎﺑﺎﺕ ﻭﻳﺎﻱ ﻭﻣﺎﻟﻬﻦ ﺩﺧﻞ

ﺍﺧﺘﻪ ﺍﻟﻜﺒﻴﺮﻩ .. ﺍﻟﻌﻮﺽ ﺑﺴﻼﻣﺘﺞ ﻣﻴﻮﺭﻩ ..

ﺑﺲ ﻗﻴﺼﺮ ﻣﺘﺪﻣﺮ ﻭﻣﻦ ﺍﻟﺒﺎﺭﺣﺔ ﻭﺍﻟﻴﻮﻡ ﻻﺍﻛﻞ ﻭﻻ ﺷﺮﺏ

ﻣﻴﺎﺭ .. ﺟﻴﺘﺠﻦ ﻉ ﺭﺍﺳﻲ ..

ﺑﺲ ﻃﺎﺭﻱ ﻗﻴﺼﺮ ﻣﺎﺍﺭﻳﺪﻩ .. ﻫﻮ ﺑﻴﺪﻩ ﻛﻞ ﺍﻟﻲ ﺳﻮﺍﻩ ..

ﺍﻧﻲ ﻛﻨﺖ ﻣﺮﻳﻀﻪ ﻣﺎﺍﺗﺤﻤﻠﻨﻲ ﻭﻻﺳﺄﻝ ﺷﺒﻴﺞ ﻭﻻ ﻭﮔﻒ ﻭﻳﺎﻱ ..

ﻭﺍﻭﻝ ﻭﺣﺪﻩ ﺳﻮﻟﻔﺖ ﻭﻳﺎﻩ ﺧﺎﻧﻲ ..

ﻭﺍﻧﻲ ﻛﻨﺖ ﺍﺑﺮﺭ ﺗﺼﺮﻓﺎﺗﻪ ﻭﺍﮔﻮﻝ ﺣﻘﻪ ﻭﻣﻴﺆﻣﻦ ﺑﺎﻟﺴﺤﺮ ﻭﻫﻴﺞ ﺷﻐﻼﺕ ..

ﻭﺣﺘﻰ ﺍﺗﻬﻤﻨﻲ ﺑﺎﻟﺠﻨﻮﻥ ﻭﻋﺒﺎﻟﻪ ﻭﺍﻧﻲ ﺑﻨﻴﻪ ﻋﻨﺪﻱ ﻫﺎﻱ ﺍﻟﺤﺎﻟﻪ ..

ﻭﺭﺣﺖ ﻭﺗﻌﺎﻟﺠﺖ ﻣﻦ ﻏﻴﺮ ﻣﺎﺍﮔﻮﻟﻪ .. ﺣﺘﻰ ﻣﺎﺍﺧﺴﺮﻩ ..

ﻭﺣﻤﻠﺖ ﻭﺣﻴﺎﺗﻨﺎ ﺑﺪﺕ ﺗﺘﻐﻴﺮ ..

ﺑﻌﺪ ﺷﻨﻮ ﺍﻟﻲ ﺧﻼﻩ ﻳﺨﻮﻧﻲ ﻭﻱ ﻭﺣﺪﻩ ﻭﺳﺨﻪ ﻣﺜﻞ ﻫﺎﻱ ..

ﺳﻤﻌﺖ ﻧﻬﻠﻪ ..

ﻭﻟﺞ ﻣﻨﻮ ﻭﺳﺨﻪ ﻣﺎﻛﻮ ﻏﻴﺮﺝ ﺍﻧﺘﻲ ﺍﻟﻮﺳﺨﻪ ﻭﺍﻟﻤﺎﺣﻈﺖ ﺑﺮﺟﻠﻬﺎ ﺗﺠﻲ ﺗﺬﺏ ﺍﺧﻄﺎﺋﻬﺎ ﻉ ﻏﻴﺮﻫﺎ ..

ﮔﻠﺘﻠﻬﺎ ﻳﻤﻪ ﺍﻟﺨﺎﻃﺮ ﺍﻟﻠﻪ ﺳﺪﻱ ﺍﻟﺒﺎﺏ ﻣﺎﻟﻲ ﺧﻠﮓ ﻫﺎﻱ .

ﺟﺎﻱ ﺍﺣﺠﻲ ﺩﺧﻞ ﻗﻴﺼﺮ ﻃﻠﻊ ﺟﺎﻱ ﻭﻳﺎﻫﻦ ﻭﮔﺎﻋﺪ ﺑﺎﻻﺳﺘﻘﺒﺎﻝ

..... 

 ﺑﺪﺍﺧﻠﻲ

٠ ﻭﺟﻊ ﻭﺍﻟﻢ ﻳﻤﺘﻠﻜﻨﻲ ..

٠ ﺗﻮﺍﺟﻬﻨﻲ ﻧﻔﺴﻲ ﻭﺗﺆﻟﻤﻨﻲ ..

٠ ﻛﺄﻧﻬﺎ ﺗﻘﻮﻝ ﻟﻲ ﻛﻴﻒ ﻟﻚ ﺃﻥ ﺗﺄﺗﻲ ﻭﺗﻮﺍﺟﻬﻨﻲ ..

. ﻳﺎﻣﻦ ﻛﺴﺮﺗﻨﻲ ﻭﺧﻨﺘﻨﻲ ﻭﺩﻣﺮﺗﻨﻲ …

٠ ﺗﺸﺮﺩُ ﺑﻌﻴﺪﺍً ﻋﻨﻲ ﻭﺗﻐﻴﺐُ ﻛﺜﻴﺮﺍً ﻭ ﻛﺄﻧﻚ ﻻ ﺗﻌﺮﻓُﻨﻲ ..

٠ ﻛﺮﻳﻢ ﺟﺪﺍً ﺃﻧﺖ ﻣﻊ ﺍﻵﺧﺮﻳﻦ ﻭﻓﻘﻴﺮﺍً ﻓﻲ ﻧﻔﺴﻚَ ﻭﺗﻬﻤﻠُﻨﻲ

٠ ﺗﻤﺎﺯﺡُ ﻛﻞ ﻣﻦ ﺣﻮﻟﻚ ﺑﺈﺑﺘﺴﺎﻣﺘﻚ ﻟﺘﺠﻌﻠﻬﻢ ﺳﻌﺪﺍﺀ ﻭﻻﺗﻌﺮﻑ ﺷﻴﺌﺎً ﻋﻨﻲ ..

٠ ﻭﺗﺄﺗﻲ ﺍﻻﻥ ﻟﺘﻘﻮﻝ ﺳﺎﻣﺤﻴﻨﻲ ..

ﻓﻜﻴﻒ ﻟﻲ ﺍﻥ ﺍﺳﺎﻣﺢ ﻣﻦ ﻗﺘﻠﻨﻲ ﻭﻫﺠﺮﻧﻲ ..

.. ﺩﺧﻞ ﻗﻴﺼﺮ

ﮔﺎﻝ .. ﺍﺭﻳﺪ ﺍﺣﺠﻲ ﻭﻱ ﻣﻴﺎﺭ ﻭﺣﺪﻧﺎ .. ﻣﻤﻜﻦ ﺗﺘﺮﻛﻮﻧﺎ ..

ﻃﻠﻌﻦ ﺍﺧﻮﺍﺗﻪ ﻭﺍﻣﻲ ﻣﻦ ﺍﻟﻐﺮﻓﻪ ..

ﺳﺪ ﺍﻟﺒﺎﺏ ﻭﺍﺟﻪ ﮔﻌﺪ ﻳﻤﻲ ..

ﺩﺭﺕ ﻭﺟﻬﻲ ﻋﻨﻪ .. # ﺷﻤﺲ

ﮔﺎﻝ .. ﻣﻴﺎﺭ ﺍﺩﺭﻱ ﺍﻟﻲ ﺳﻮﻳﺘﻪ ﻣﺴﺘﺤﻴﻞ ﺗﺴﺎﻣﺤﻴﻨﻲ ﻋﻠﻴﻪ

ﺑﺲ ﻭﺭﺑﻲ ﻗﺸﻤﺮﺗﻨﻲ ..

ﻭﺣﺘﻰ ﻣﺎﺍﻋﺮﻓﻬﺎ ﻣﻨﻮ ..

ﻭﺍﻧﻲ ﻛﻨﺖ ﺗﺎﻳﻪ ﻭﺣﺘﺎﺝ ﺍﺣﺪ ﻳﻐﻴﺮﺭ ﺣﻴﺎﺗﻲ ..

ﻫﻬﻬﻬﻪ ﻟﻴﺶ ﺍﻧﺖ ﻃﻔﻞ ﻭﺗﻘﺸﻤﺮﻙ ﻗﻴﺼﺮ ..

ﺍﻧﺖ ﻣﻦ ﻛﻨﺖ ﺗﺤﺒﻨﻲ ﻭﻧﺘﺮﺍﺳﻞ ﺑﺲ ﺣﺘﻰ ﻣﺎﻧﺘﻘﺎﺑﻞ ..

ﻣﺎﺧﻨﺘﻨﻲ ..

ﺷﻨﻮ ﺍﻧﺖ ﻻﺯﻡ ﻛﻞ ﺍﻟﻲ ﺗﺤﺠﻲ ﻭﻳﺎﻫﺎ ﺑﺎﻟﻤﺎﺳﻨﺠﺮ ﺗﺴﻮﻱ ﻭﻳﺎﻫﺎ ﻋﻼﻗﻪ ..

ﻣﻴﺎﺭﺭ ﺍﺳﻤﻌﻴﻨﻲ .. # ﺷﻤﺲ

ﺍﻧﺖ ﺍﻟﻲ ﺍﺳﻤﻌﻨﻲ ﻗﻴﺼﺮ ..

ﺗﺮﻳﺪﻧﻲ ﺍﺭﺟﻌﻠﻚ .. ﺭﺟﻌﻠﻲ ﺍﺑﻨﻲ ..

ﺭﺟﻌﻠﻲ ﺣﻠﻤﻲ ﻭﺍﻳﺎﻣﻲ ﺍﻟﻲ ﻛﻨﺖ ﺍﺗﻤﻨﻰ ﺍﻋﻴﺸﻬﺎ ﻭﻳﺎﻩ ..

ﺍﻧﻄﻴﻨﻲ ﻓﺮﺻﻪ ﻭﺍﻟﻠﻪ ﻳﻌﻮﺿﻨﺎ ﺑﻐﻴﺮﻩ ..

ﻣﺴﺘﺤﻴﻞ ﺍﻛﻮ ﺷﻲ ﻳﺘﻌﻮﺽ .. ﺭﺍﺡ ﺍﺑﻘﻰ ﺍﺗﺬﻛﺮ ﺧﻴﺎﻧﺘﻚ ﻭﻣﺎﺍﺗﺤﻤﻠﻬﺎ ..

ﺍﺗﻌﺬﺏ ﻭﺍﻋﺬﺑﻚ ﻭﻳﺎﻱ ﺑﺸﻜﻲ ﻭﻏﻴﺮﺗﻲ ..

ﻭﺍﻛﻴﺪ ﻣﺎﺭﺍﺡ ﺗﺘﺤﻤﻞ ﻭﺗﺮﻭﺡ ﺗﺨﻮﻧﻲ ﻣﺮﻩ ﺛﺎﻧﻴﻪ ..

ﻣﻴﺎﺭ ﻭﺍﻟﻠﻪ ﻏﻠﻄﻪ ﻏﻠﻄﺘﻬﺎ ..

ﻟﻮ ﺑﺲ ﺍﺗﺼﺎﻻﺕ ﻭﺭﺳﺎﺋﻞ .. ﺟﺎﻥ ﮔﻠﺖ ﻏﻠﻄﻪ ﻭﺍﻧﻄﻴﻚ ﻓﺮﺻﻪ ..

ﺑﺲ ﻫﺎﻱ ﺯﻧﺎ ﻭﺑﻔﺮﺍﺷﻲ ..

ﻭﺍﻟﻠﻪ ﻣﺎﺳﻮﻳﺖ ﺷﻲ ﻭﻻ ﻟﻤﺴﺘﻬﺎ ..

ﺍﻱ ﻃﺒﻌﺎﺭﻣﺎﻟﻤﺴﺘﻬﺎ ﻏﻴﺮ ﺍﻧﻲ ﺍﺟﻴﺖ ﻣﻦ ﻭﻗﺖ ﻭﺧﺮﺑﺖ ﻋﻠﻴﻜﻢ ﻭﻓﻮﮔﺎﻫﺎ ﺑﺎﻭﻝ ﻋﻴﺪ ﺯﻭﺍﺝ ﺍﻟﻨﺎ ﻭﺑﻴﻮﻡ ﻋﻴﺪ ﻣﻴﻼﺩﻱ ..

ﺻﺪﮔﻨﻲ ﺑﺤﻴﺎﺗﻲ ﻣﺤﺪ ﻧﺎﻃﻴﻨﻲ ﻫﻴﺞ ﻫﺪﻳﻪ ﺛﻤﻴﻨﻪ ﻣﺜﻠﻚ ..

ﺭﺍﺡ ﺍﺗﺬﻛﺮﻫﺎ ﻋﻤﺮﻱ ﻛﻠﻪ ﻭﻣﺎﺍﻧﺴﺎﻫﺎ ..

ﻣﻴﺎﺭ ﻛﺎﻓﻲ ﺍﻟﺨﺎﻃﺮ ﺍﻟﻠﻪ ..

ﮔﺘﻠﺞ ﺍﻋﺘﺬﺭ ﻭﻣﺴﺘﻌﺪ ﺍﺑﻮﺱ ﺍﺩﻳﺞ ﻭﺭﺟﻠﻴﺞ ﺑﺲ ﺍﺭﺟﻌﻲ ﻭﺳﺎﻣﺤﻴﻨﻲ ..

ﺩﻧﮓ ﻉ ﺭﺟﻠﻲ ..

ﺳﺤﺒﺘﻬﺎ ..

ﮔﺘﻠﻪ ﮔﻮﻡ ﻗﻴﺼﺮ ﻭﻻﺗﺮﺧﺺ ﻧﻔﺴﻚ ﺍﻛﺜﺮ ..

ﻣﺎﺍﺭﺟﻊ ﻭﻫﺬﺍ ﺍﺧﺮ ﻗﺮﺍﺭ ﺍﻟﻲ ..

ﺷﺒﻌﺖ ﻣﻦ ﺍﻧﺎﻧﻴﺘﻚ .. ﻣﺎﻭﮔﻔﺖ ﻭﻳﺎﻱ ﺑﻤﺮﺿﻲ ﻭﺍﻳﺎﻣﻲ ﺍﻟﺼﻌﺒﻪ ﻭﺧﻨﺘﻨﻲ ..

ﻭﻫﺴﺎ ﺗﺮﻳﺪ ﺍﺳﺎﻣﺤﻚ ﺑﺴﻬﻮﻟﻪ .. ﺷﮕﺪ ﺍﻧﺎﻧﻲ ﺍﻧﺖ ﻳﺎﺍﺧﻲ ..

ﮔﻮﻡ ﺍﻟﻠﻪ ﻳﺨﻠﻴﻚ ﻭﻃﻠﮕﻨﻲ ﻭﺍﻋﺘﺒﺮ ﻛﻞ ﺷﻲ ﺍﻧﺘﻬﻰ ﺑﻴﻨﺎ ..

ﻫﻬﻬﻬﻪ ﺍﻃﻠﮕﺞ .. ﻣﺴﺘﺤﻴﻞ ﻭﺍﻟﻠﻪ ﻟﻮ ﺍﻋﺮﻑ ﺍﺧﻠﻴﺞ ﻣﻌﻠﮕﻪ ﻣﺎﺍﻃﻠﮕﺞ .. # ﺷﻤﺲ

ﻟﻌﺪ ﺍﺭﻓﻊ ﺩﻋﻮﻩ ﻭﺍﺗﻄﻠﮓ ﺑﺎﻟﻘﺎﻧﻮﻥ ..

ﻭﻫﻢ ﻣﺎﺍﻃﻠﮓ .. ﺧﻠﻲ ﻋﻘﻠﺞ ﺑﺮﺍﺳﺞ ﻭﻓﻜﺮﻱ ﻭﺭﺟﻌﻴﻠﻲ ﺟﻮﺍﺏ ..

ﻓﺘﺢ ﺍﻟﺒﺎﺏ ﻭﻃﻠﻊ . ﻭﺍﺧﺬ ﻛﻞ ﺫﺭﻩ ﺣﺐ ﻭﻳﺎﻩ .

ﻣﺎﺟﺎﻱ ﺍﺣﺲ ﺑﺤﺐ ﺍﺗﺠﺎﻫﺔ ..

ﻣﻌﻘﻮﻟﻪ ﺍﻧﻲ ﺣﺒﻴﺖ ﻫﻴﺞ ﺍﻧﺴﺎﻥ ﺍﻧﺎﻧﻲ ﻭﺣﻘﻴﺮ ..

ﻃﮕﻴﺖ ﺑﺎﻟﺒﺠﻲ ﺑﻼﻭﻋﻲ ..

ﻣﻮ ﻋﻠﻴﻪ ﺍﺑﺠﻲ ﻉ ﻧﻔﺴﻲ ﻭﺍﻻﻳﺎﻡ ﺍﻟﻲ ﮔﻀﻴﺘﻬﺎ ﻭﻳﺎﻩ ..

ﺍﺟﺖ ﺍﻣﻲ .. ﻳﻤﻪ ﺍﻧﺘﻲ ﻣﻮ ﻣﺎﺗﺮﺩﻳﻪ ﻟﻴﺶ ﺗﺒﺠﻴﻦ ﻋﻤﻠﻴﺘﺞ ﻻﺗﻨﻔﺘﺢ ..

ﻭﻣﻨﻮ ﮔﻠﺞ ﺍﺑﺠﻲ ﻋﻠﻴﻪ .. ﺍﺑﺠﻲ ﻉ ﻧﻔﺴﻲ ﻭﺣﻈﻲ ..

ﺍﺗﺼﻠﻲ ﺑﻮﺳﺎﻡ ﻳﻤﻪ ..

ﺧﻠﻲ ﻳﺸﻮﻓﻠﻲ ﻣﺤﺎﻣﻲ ..

ﺷﺘﺴﻮﻳﻦ ﺑﻲ ..

ﻗﻴﺼﺮ ﻣﺎﻳﻄﻠﮓ . ﻭﻻﺯﻡ ﺍﺭﻓﻊ ﺩﻋﻮﻩ ﻭﺍﺗﻄﻠﮓ ..

ﻳﺎ ﻳﻤﻪ ﺗﺎﻟﻲ ﻋﻤﺮﻧﺎ ﺗﺪﺧﻠﻴﻦ ﻣﺤﺎﻛﻢ ..

ﻳﻤﻪ ﺷﺒﻴﺞ ﺷﻨﻮ ﺗﺪﺧﻠﻴﻦ ﻣﺤﺎﻛﻢ .. ﻗﺎﺑﻞ ﺍﻧﻲ ﺩﺍﺧﻠﻪ ﺑﺠﺮﻳﻤﺔ ﻗﺘﻞ ﻟﻮ ﺩﻋﺎﺭﻩ .. # ﺷﻤﺲ

ﺩﺍﺧﻠﻪ ﺍﺧﺬ ﺣﻘﻲ ﻭﻏﺼﺐ ﻉ ﺍﻟﻜﻞ .

ﻭﻟﺞ ﺍﺧﻮﺍﻧﺞ ﻣﺎﻳﻘﺒﻠﻮﻥ ﻳﻤﻮﺗﻮﺝ ..

ﻫﻬﻬﻬﻬﻪ ﻭﻫﻤﻪ ﻭﻳﻨﻬﻢ ﺍﺧﻮﺍﻧﻲ ﻣﺎﻳﺠﻮﻥ ﻳﻮﮔﻔﻮﻥ ﻭﻳﺎﻱ ..

ﺷﻮﻓﻲ ﺍﻻﺧﻮﻩ .. ﺍﺫﺍ ﺍﺧﺘﻬﻢ ﺍﻧﻤﺴﺖ ﺷﻌﺮﻩ ﻣﻨﻬﺎ ..

ﻳﻜﺴﺮﻭﻥ ﺍﻟﺪﻧﻴﺎ ..

ﻭﺍﻧﻲ ﺍﺧﻮﺍﻧﻲ ﻭﺩﻫﻢ ﺑﻴﺪﻫﻢ ﻳﻜﺴﺮﻭﻧﻲ ﻭﻳﺮﺟﻌﻮﻧﻲ ﺍﻟﺰﻭﺟﻲ ﺣﺘﻰ ﻣﻴﺘﺤﻤﻠﻮﻥ ﻣﺴﺆﻭﻟﻴﺘﻲ ..

ﺷﻤﺪﺭﻳﻨﻲ ﻳﻤﻪ ﺧﻠﻴﻨﻲ ﺍﺗﺼﻞ ﻋﻠﻰ ﻭﺳﺎﻡ ﻭﻧﺸﻮﻓﻪ ﺷﻴﮕﻮﻝ ..

ﺍﺗﺼﻠﺖ ﺍﻣﻲ ﻋﻠﻰ ﻭﺳﺎﻡ ..

ﻭﺣﺎﺟﺘﻪ ..

ﮔﻠﻠﻬﺎ ﺍﻧﻄﻴﻨﻲ ﻣﻴﺎﺭ ﺍﺣﺠﻲ ﻭﻳﺎﻫﺎ ..

ﺣﺠﻴﺖ ﻭﻳﺎﻩ .

ﻫﻠﻮ ﻭﺳﺎﻡ ﺷﻠﻮﻧﻚ .

ﻫﻠﻮ ﻣﻴﻮﺭﻩ ﺷﻠﻮﻥ ﺻﺮﺗﻲ ﺍﻟﻴﻮﻡ ..

ﻉ ﺍﻟﻠﻪ ﺯﻳﻨﻪ .. # ﺷﻤﺲ

ﺍﮔﻠﻚ ﻭﺳﺎﻡ ﺑﺎﺟﺮ ﺗﮕﺪﺭ ﺗﺠﻲ ﺍﺭﻳﺪ ﺍﺣﺠﻲ ﻭﻳﺎﻙ ..

ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﻟﺼﺒﺢ ﻳﻤﺞ ﺍﻧﻲ ..

ﺗﺴﻠﻢ ﻣﺎﺍﻋﺮﻑ ﺷﻠﻮﻥ ﺍﺟﺎﺯﻳﻚ ..

ﻻﺗﮕﻮﻟﻴﻦ ﻫﻴﺞ ﺍﻧﺘﻲ ﻏﺎﻟﻴﻪ ﻋﻠﻴﻪ .

ﻫﻬﻬﻪ ﻳﻠﻪ ﺑﺎﻱ ﻣﺎﺍﺍﺧﺮﻙ ..

ﻉ ﺭﺍﺣﺘﺞ ﺍﻟﻠﻪ ﻭﻳﺎﺝ ..

ﻣﺮ ﺍﻟﻴﻮﻡ ﺑﺎﻟﻢ ﺍﻟﻌﻤﻠﻴﻪ ﻭﺗﻌﺐ ﺍﻟﺒﺎﻝ ﻭﺍﻟﺘﻔﻜﻴﺮ ..

ﻭﺷﻤﺎﺗﺔ ﻧﻬﻠﻪ ﺍﻟﻲ ﻣﺎﺗﺨﻠﺺ ..

ﻭﻛﺴﺮﺓ ﺍﺧﻮﺍﻧﻲ ﻭﻛﻼﻣﻬﻢ ﺍﻟﻲ ﻳﺴﻢ ﺍﻟﺒﺪﻥ ..

ﺛﺎﻧﻲ ﻳﻮﻡ ﺍﺟﻪ ﻭﺳﺎﻡ ..

ﮔﺘﻠﻪ ﺍﺭﻳﺪ ﻣﺤﺎﻣﻲ ﺯﻳﻦ .. ﻳﺮﻓﻊ ﺩﻋﻮﺓ ﻃﻼﻕ ..

ﻫﻮ ﺭﺣﺐ ﺑﺎﻟﻔﻜﺮﻩ ﺑﺲ ﺍﻣﻲ ﻣﻤﻮﺍﻓﻘﻪ ﻭﺗﺨﺎﻑ ﻣﻦ ﺭﺩﺓ ﻓﻌﻞ ﺍﺧﻮﺍﻧﻲ .. # ﺷﻤﺲ

ﻭﺳﺎﻡ ﮔﺎﻝ ﻟﺘﻬﺘﻤﻴﻦ ﻣﺪﺍﻡ ﺍﻧﻲ ﻭﺭﺍﺝ ..

ﻫﺬﺍ ﺍﻟﺸﻲ ﻳﻘﻮﻧﻲ ﻭﻳﺮﻳﺤﻨﻲ ..

ﺍﻟﺤﻤﺪ ﻟﻠﻪ ﺍﻟﻲ ﺍﻛﻮ ﺷﺨﺺ ﻣﺜﻞ ﻭﺳﺎﻡ ﻳﻮﮔﻒ ﻭﻳﺎﻱ ﻭﻳﺴﺎﻧﺪﻧﻲ .. # ﺷﻤﺲ

ﺍﻟﻲ ﺍﺧﻮﺍﻧﻲ ﺑﺤﻴﺎﺗﻬﻢ ﻣﺎﺳﺎﻧﺪﻭﻧﻲ ﻭﻭﮔﻔﻮﺍ ﻭﻳﺎﻱ ..

ﺳﺎﻋﺎﺕ ﺍﮔﻮﻝ ﻳﻤﻜﻦ ﻻﻥ ﻳﺤﺒﻨﻲ ..

ﻭﺳﺎﻋﺎﺕ ﺍﮔﻮﻝ ﻻ ﻫﻮ ﮔﻠﺒﻪ ﻃﻴﺐ ﻭﻳﺤﺐ ﻳﺴﺎﻋﺪ ..

ﻳﻌﻨﻲ ﻣﻌﻘﻮﻟﻪ ﺍﺫﺍ ﻣﻴﺤﺒﻨﻲ ﻣﺎﻳﻮﮔﻒ ﻭﻳﺎﻱ ..

ﻭﺳﺎﻡ ﻣﻦ ﺍﻟﻨﺎﺱ ﺍﻟﻲ ﻗﻞ ﻭﺟﻮﺩﻫﻢ ﺑﺎﻟﺪﻧﻴﺎ ﺍﻭ ﺍﻧﻘﺮﺿﻮﺍ ..

ﺑﺲ ﻳﻤﻜﻦ ﻻﻥ ﺑﻴﻪ ﻏﻴﺮﺓ ﺍﻟﺠﻨﻮﺏ ﻭﻭﺷﺨﺼﻴﺘﻬﻢ ..

ﺑﻌﻜﺲ ﺍﺧﻮﺍﻧﻲ ﺍﻟﻲ ﻛﻞ ﻏﻴﺮﺓ ﻣﺎﻋﻨﺪﻫﻢ ﻋﻠﻴﺔ ..

ﻣﺮﺕ ﺍﻻﻳﺎﻡ ﻭﻗﻴﺼﺮ ﻛﻞ ﻳﻮﻡ ﻳﺘﺼﻞ ﻭﻣﺎﺍﺭﺩ ..

ﻭﻳﺪﺯ ﺭﺳﺎﺋﻞ ﻭﺍﺣﺬﻓﻬﻦ ..

ﺑﻴﻮﻡ ﺍﻟﻲ ﺭﺩﺕ ﺍﻓﺘﺢ ﺧﻴﻮﻃﻲ ..

ﺍﺟﻪ ﺍﻣﻴﺮ ﻭﻫﻮ ﻣﻦ ﻳﻮﻡ ﺍﻟﻲ ﻃﻠﻌﺖ ﺑﻴﻪ ﻣﻦ ﺍﻟﻤﺴﺘﺸﻔﻰ ﻻﺷﺎﻓﻨﻲ ﻭﻻﺳﺄﻝ ﻉ ﺣﺎﻟﻲ ..

ﻓﺮﺣﺖ ﻋﺒﺎﻟﻲ ﻳﮕﻠﻲ ﮔﻮﻣﻲ ﺍﺧﺬﺝ ﺍﻓﺘﺤﻲ ﺍﻟﺨﻴﻮﻁ ..

ﺑﺲ ﺍﺩﺭﻱ ﻭﻣﺘﺄﻛﺪﻩ ﻣﻴﺴﻮﻳﻬﺎ ..

ﻭﻓﻌﻼ ﺍﺟﻪ ﺳﻤﻌﻨﻲ ﻛﻢ ﻛﻠﻤﻪ ﻣﺜﻞ ﺍﻟﺴﻢ ﻭﻃﻠﻊ ..

.. ﺃﺳﻤﻌﻲ ﻟﺞ .. ﺍﺗﺤﻤﻠﺘﺞ ﻛﻢ ﻳﻮﻡ ﻉ ﻋﻴﻮﻧﻲ ﻭﻻﻥ ﻣﺮﻳﻀﻪ ﻭﺍﻣﻲ ﻣﺎﻗﺒﻠﺖ ﻭﺗﺮﺟﺘﻨﻲ ..

ﺗﻔﺘﺤﻴﻦ ﺧﻴﻮﻃﺞ ﺑﻮﺟﺠﻬﺞ ﺍﻟﺒﻴﺖ ﺭﺟﻠﺞ ..

ﻭﻛﺎﻓﻲ ﺩﻻﻝ ..

ﻣﺎﺍﺭﺟﻊ ﻭﺛﺎﻧﻲ ﺷﻲ ﺍﻧﻲ ﺭﺍﺡ ﺍﻃﻠﮓ ..

ﺍﻧﺘﻲ ﺑﻨﻴﻪ ﻭﺗﻄﻠﮕﻨﻲ .. ﻭﺷﻮﻓﻲ ﺷﺄﺳﻮﻱ ..

ﺷﺘﺴﻮﻱ ﻳﻌﻨﻲ .. ﻫﻲ ﺟﺒﺮ ﻣﺎﺍﺭﻳﺪﻩ ﻭﺍﺭﻳﺪ ﺍﺗﻄﻞ

ﻟﺞ ﻻﺗﺪﻭﺧﻴﻨﻲ .. ﻟﻮ ﻣﺎﻋﻤﻠﻴﺘﺞ ﻫﺴﺎ ﻋﺮﻓﺖ ﺷﻠﻮﻥ ﺍﺃﺩﺑﺞ ﺍﻟﺴﺎﻧﺞ ﻃﻮﻻﻥ ﻭﻳﺮﺍﺩﻟﻪ ﮔﺺ ..

ﻭﺭﺑﻲ ﺍﺫﺍ ﻓﻜﺮﺗﻲ ﺗﻄﻠﮕﻴﻦ ..

ﺍﺷﻤﺮﺝ ﺑﺎﻟﺸﺎﺭﻉ ﻭﻧﺘﺒﺮﺃ ﻣﻨﺞ .. ﻭﺫﻳﺞ ﺍﻟﺴﺎﻋﻪ ﺍﺭﻳﺪ ﺍﺷﻮﻑ ﺷﻠﻮﻥ ﺗﻄﻠﮕﻴﻦ ..

ﻟﻮ ﻣﻨﻮ ﻳﻠﻔﻴﺞ ..

ﺍﺭﺟﻌﻲ ﺍﻟﺮﺟﻠﺞ ﺍﺣﺴﻦ ﻭﻟﺪﺍﮔﻠﺞ ﺻﺪﺭ ﻣﻴﻔﻴﺪﺝ ﺗﺮﻯ ﺍﻓﺘﻬﻤﺘﻲ

.... 

ﺍﺧﺬﺗﻨﻲ ﺍﻣﻲ ﻭﺭﺣﻨﺎ ﻟﻠﺪﻛﺘﻮﺭﻩ .. ﻓﺘﺤﺖ ﺍﻻﺯﺭﺍﺭ ..

ﻭﮔﻠﺘﻠﻲ ﻛﻢ ﺷﻬﺮ ﺍﺭﺗﺎﺣﻲ ﻭﺗﻄﻴﺐ ﻋﻤﻠﻴﺘﺞ ﻳﻠﻪ ﺗﺴﻮﻳﻦ ﻃﻔﻞ ﺛﺎﻧﻲ ..

ﺑﺪﺍﺧﻠﻲ .. ﻣﺘﺪﺭﻱ ﺍﻟﻄﻔﻞ ﺍﻟﻲ ﻛﻨﺖ ﺍﺗﻤﻨﺎﻩ ﺭﺍﺡ ﺧﻠﺺ ﺑﻌﺪ ﺷﺄﺳﻮﻱ ﺑﻐﻴﺮﻩ ..

ﺣﺎﻟﻴﺎ ﻣﺎﺍﻓﻜﺮ ﺑﺲ ﺷﻠﻮﻥ ﺍﺧﻠﺺ ﻣﻦ ﻗﻴﺼﺮ . ﻭﺷﻠﻮﻥ ﺍﻃﻠﻊ ﻫﺬﻱ ﺍﻟﺴﻨﻪ ﺍﻣﺘﻴﺎﺯ ..

ﻫﻤﻠﺖ ﻣﺴﺘﻘﺒﻠﻲ ﻫﻮﺍﻳﻪ ..

ﺍﺗﺼﻠﺖ ﻉ ﺍﺑﺘﻬﺎﻝ ﮔﻠﺘﻠﻬﺎ ﻣﻦ ﺑﺎﺟﺮ ﺍﻟﺨﻂ ﻳﻤﺮ ﺍﻟﻲ ..

ﺍﺑﺘﻬﺎﻝ .. ﻟﺞ ﺑﻌﺪﺝ ﻣﺼﺎﺭﻟﺞ ﻫﻮﺍﻳﻪ ﻭﻋﻤﻠﻴﺘﺞ ﺗﻠﺘﻬﺐ ﺷﻠﻮﻥ ﺗﺪﺍﻭﻣﻴﻦ ..

ﻣﻴﺎﺭ .. ﻻ ﺯﻳﻨﻪ ﻣﺒﻴﻪ ﺷﻲ .. ﺍﻻﻟﻢ ﺑﮕﻠﺒﻲ ﻣﻮ ﺑﻌﻤﻠﻴﺘﻲ ﻭﻫﻮﺍﻱ ﻓﺎﺗﺘﻨﻲ ﻣﺤﺎﻇﺮﺍﺕ ﻻﺯﻡ ﺍﻋﻮﺿﻬﺎ ..

ﻗﺒﻞ ﻣﻨﺮﺟﻊ ﻟﻠﺒﻴﺖ .. ﺑﻘﻠﻤﻲ ﺷﻤﺲ

ﮔﻠﺘﻠﻬﺎ ﻳﻮﻡ ﺧﻠﻲ ﻧﺮﻭﺡ ﺍﻟﺒﻴﺖ ﻗﻴﺼﺮ ..

ﺍﻛﻴﺪ ﻫﺴﺎ ﻫﻮ ﻣﺎﻫﻮ ..

ﺍﺟﻤﻊ ﻣﻼﺑﺴﻲ ..

ﺍﺭﻳﺪ ﺍﺩﺍﻭﻡ ﻭﻛﻮﻟﺸﻲ ﻣﺎﻋﻨﺪﻱ ﺷﺄﻟﺒﺲ ..

ﺭﺣﺖ ﻟﻠﺒﻴﺖ ﻭﻛﻮﻟﺸﻲ ﻳﺬﻛﺮﻧﻲ ﺑﺄﻟﻲ ﺳﻮﺍﻩ ..

ﺍﻟﻐﺮﻓﻪ ﻉ ﻋﻴﻮﻧﻲ ﺩﺧﻠﺘﻠﻬﺎ ..

ﺟﻤﻌﺖ ﻣﻼﺑﺴﻲ ﺑﺲ ﻣﺎﺍﺭﻳﺪ ﺷﻲ ﻣﻨﻪ ..

ﻭﻃﻠﻌﺖ ﻭﺗﺮﻛﺖ ﻭﺭﺍﻱ ﺫﻛﺮﻳﺎﺕ ..

ﺍﻏﻠﺒﻬﺎ ﻣﺆﻟﻤﻪ .. ﻣﻦ ﺧﻮﻑ ﻭﺍﻟﻢ ﻭﺍﻫﻤﺎﻝ ..

ﻫﻮﺍﻳﻪ ﺍﺷﻴﺎﺀ ﻣﺤﻠﻮﻩ ﻃﻐﺖ ﻭﻏﻄﺖ ﻉ ﺍﻻﺷﻴﺎﺀ ﺍﻟﺤﻠﻮﻩ ﺍﻟﻲ ﻋﺸﺘﻬﺎ ﺑﻬﺬﺍ ﺍﻟﺒﻴﺖ ..

ﺍﻭﻭﻭﻭﻑ ﺍﻟﻠﻪ ﻟﻴﻨﻄﻴﺞ ﻳﺎﻧﻬﻠﻪ ..

ﺣﻠﻔﺘﻲ ﺗﺨﺮﺑﻴﻦ ﺣﻴﺎﺗﻲ ﻭﻓﻌﻼ ﺧﺮﺑﺘﻴﻬﺎ ..

ﺍﻟﻠﻪ ﻳﺎﺧﺬ ﺣﻘﻲ ﻣﻨﺞ ﻭﻣﻦ ﺍﺧﺘﺞ ..

ﺍﺧﺬﺕ ﻏﺮﺍﺿﻲ ﻭﻃﻠﻌﺖ ..

ﺻﺮﺕ ﻭﺟﻪ ﺑﻮﺟﻪ ﻭﻱ ﻣﺮﺕ ﺍﺧﻮﻩ ..

ﮔﺎﻟﺖ . ﻫﺎ ﺭﺟﻌﺘﻲ ﺳﻤﻌﺖ ﺻﻮﺕ ﻓﻮﮒ ﻭﺍﺳﺘﻐﺮﺑﺖ ﻣﺎﻋﺒﺎﻟﻲ ﺍﻧﺘﻲ ..

ﮔﻠﺘﻠﻬﺎ .. ﺍﺟﻴﺖ ﺍﺧﺬ ﻏﺮﺍﺿﻲ ﻭﺍﺭﺟﻊ ﻭﻫﺎﻱ ﻣﺎﻣﺎ ﺑﺎﻟﺴﻴﺎﺭﻩ ﻣﻨﺘﻀﺮﺗﻨﻲ ..

ﻳﺎﺍﺍ ﻳﻌﻨﻲ ﻣﺘﺮﺟﻌﻴﻦ .. ﺑﻠﻪ ﻫﻲ ﻫﺎﻱ ﺳﻮﺍﻳﺔ ﺗﺴﻮﻳﻬﺎ ﻋﺎﻳﻔﻪ ﺭﺟﻠﺞ ﻭﺑﻴﺘﺞ ..

ﻭﻣﻦ ﻳﺨﻮﻧﺞ ﺗﻀﻮﺟﻴﻦ ﻭﺗﺮﻛﻴﻦ ﺍﻟﺒﻴﺖ ..

ﻣﻴﺎﺭ . ﻫﻬﻬﻬﻪ ﺷﻮﻛﺖ ﺗﺮﻛﺘﻪ ﺍﻧﻲ .

ﺍﺷﻮ ﻣﻦ ﺗﺰﻭﺟﻨﺎ ﻟﺤﺪ ﺍﻟﻲ ﺳﻮﺍﻩ ﻣﺘﺮﺍﻛﺘﻪ ﻏﻴﺮ ﺑﺲ ﻳﻮﻣﻴﻦ ﻻﻥ ﻣﺮﻳﻀﻪ ..

ﻣﺮﺕ ﺍﺧﻮﻩ .. ﻫﻮ ﺍﻧﺘﻲ ﻣﻦ ﺗﺰﻭﺟﺘﻮﺍ ﻛﻠﺸﻲ ﻣﺸﺎﻑ ﻣﻨﺞ ﺧﻄﻴﻪ ﺑﺲ ﺍﻟﻤﺮﺽ ..

ﻣﻴﺎﺭ .. ﻭﻫﺴﺎ ﺗﺮﻛﺘﻠﻪ ﻛﻮﻟﺸﻲ ﺧﻠﻲ ﻳﻄﻠﮕﻨﻲ ﻭﻳﺸﻮﻑ ﺣﻴﺎﺗﻪ ﺍﻧﻲ ﻣﺎﺍﺟﻴﺐ ﺑﺲ ﺍﻟﻤﺮﺽ ﻟﻮﻳﺶ ﻣﺠﻠﺐ ﺑﻴﻪ ..

ﻏﻴﺮ ﺣﻆ ﻭﻣﺎﻳﺘﺮﻛﺞ .. ﺍﺣﻨﻪ ﻧﺸﻌﻞ ﻋﺸﺮ ﺍﺻﺎﺑﻌﻨﺎ ﻭﻣﺤﺪ ﺭﺍﺿﻲ .. ﺑﻘﻠﻤﻲ ﺷﻤﺲ

ﺑﺎﻭﻋﺘﻠﻬﺎ ﺑﻄﺮﻑ ﻋﻴﻨﻲ .. ﻫﺎﻱ ﺷﺤﺠﻲ ﻭﻳﺎﻫﺎ ﺣﺎﺳﺪﺗﻨﻲ ﻻﻥ ﺭﺟﻠﻲ ﺧﺎﻧﻲ ﻭﺍﻟﻠﻪ ﻳﺮﺑﻲ ..

ﻭﻳﻦ ﻣﺎﺍﺭﻭﺡ ﻧﻬﻠﺔ ﻭﺭﺍﻱ .. ﺍﺳﺘﻐﻔﺮ ﺍﻟﻠﻪ ..

ﺗﺮﻛﺘﻬﺎ ﻭﺭﺣﺖ ﻟﻠﺴﻴﺎﺭﻩ .. ﺍﺧﺬ ﺍﻟﻮﻟﺪ ﻣﻨﻲ ﺍﻟﺠﻨﻄﻪ ﺧﻼﻫﺎ ﺑﺎﻟﺴﻴﺎﺭﻩ .

ﻭﺭﺣﻨﺎ ..

ﮔﺎﻟﺖ ﺍﻣﻲ ﻫﺎﻱ ﺷﺒﻴﻬﺎ ﺷﺘﺤﺠﻲ ..

ﮔﻠﺘﻠﻬﺎ ﻫﻬﻬﻬﻪ ﺣﺎﺳﺪﺗﻨﻲ ﻻﻥ ﺧﺎﻧﻲ ﻗﻴﺼﺮ ﻭﺗﺮﻛﺘﻪ ﻭﻫﺴﺎ ﻳﺮﻛﺾ ﻭﺭﺍﻱ .. ﻋﻠﻰ ﻫﺎﻱ ﺣﺎﺳﺪﺗﻨﻲ ..

ﺷﻮﻓﻲ ﻭﻳﻦ ﻭﺻﻠﺖ ﺑﺎﻟﻨﺎﺱ ﺗﺤﺴﺪ ﺣﺘﻰ ﺍﻭﺟﺎﻉ ﻏﻴﺮﻫﺎ ..

ﺍﻣﻲ .. ﺍﻭﻭﻭﻑ ﻭﺍﻟﻠﻪ ﻳﻤﻪ ﻣﺎﺍﺩﺭﻱ ﺷﺄﻛﻠﺞ ..

ﻭﺻﻠﻨﺎ ﺍﻟﺒﻴﺖ ﺍﻫﻠﻲ .. ﺷﺎﻓﺖ ﺍﻟﺠﻨﻄﻪ ﻧﻬﻠﻪ ..

ﺗﺨﺒﻠﺖ .

ﺑﺴﺮﻋﺔ ﺍﺗﺼﻠﺖ ﻉ ﺍﻣﻴﺮ

. 

ﻣﺎﺍﻫﺘﻤﻴﺖ .. ﺍﺧﺬﺕ ﺟﻨﻄﺘﻲ ﻭﺩﺧﻠﺖ .. ﺑﺪﻟﺖ ..

ﻭﺭﺣﺖ ﺍﺳﻮﻱ ﻋﺸﺎ ..

ﺧﻄﻴﻪ ﻣﺎﻣﺎ ﺗﻌﺒﺖ ﻭﻳﺎﻱ ﻫﺎﻱ ﺍﻟﻔﺘﺮﻩ ..

ﺛﺮﻣﺖ ﺑﺴﺮﻋﻪ ﺑﺼﻞ ﻭﻛﺮﻓﺲ ﻭﺧﻠﻴﺖ ﻭﻳﺎﻩ ﻟﺤﻢ ﻭﺑﻬﺎﺭﺍﺕ ﻭﻣﻠﺢ ﻭﺩﺍﺍﺳﻮﻱ ﻛﺒﺎﺏ ..

ﺑﻌﺪﻧﻲ ﺑﺲ ﺷﻐﻠﺖ ﺍﻟﻄﺎﻭﻩ ..

ﺍﻧﺪﻓﺮﺕ ﺑﺎﺏ ﺍﻟﻤﻄﺒﺦ ..

ﻳﺎﺳﺘﺎﺭ ﺷﺒﺴﺮﻋﻪ ﻭﺻﻞ ..

ﮔﺎﻝ ﻭﻟﺞ ﺍﻧﻲ ﺷﺤﺠﻴﺖ ﻭﻳﺎﺝ ..

ﻣﺎﺍﻫﺘﻤﻴﺖ ﻭﻻﺭﺩﻳﺖ ﻋﻠﻴﻪ ..

ﺍﻣﻲ ﺗﺼﻠﻲ ﺟﻮﻩ ..

ﺍﺷﻮ ﻫﺬﺍ ﺩﺧﻞ ﺳﺤﺐ ﺍﻟﺠﻨﻄﻪ ﻣﺎﻟﺘﻲ ﺑﻌﺪﻧﻲ ﻣﻤﺼﻔﻴﺘﻬﺎ .

ﻭﻃﻠﻌﻬﺎ ﺑﺮﻩ .. ﺍﻧﻲ ﺑﺲ ﺍﺑﺎﻭﻉ .

ﮔﺎﻝ .. ﻳﻠﻪ ﺣﻄﻲ ﺷﻲ ﻉ ﺭﺍﺳﺞ . ﻭﺭﻭﺣﻲ ﻭﻱ ﺯﻭﺟﺞ ﺑﺎﻟﺒﺎﺏ ..

ﻭﻫﺎﻱ ﺟﻨﻄﺘﺞ ﺭﺟﻌﻴﻬﺎ ﻭﻳﺎﺝ ..

ﻣﻴﺎﺭ .. ﻣﻮ ﺑﻜﻴﻔﻚ ﺗﺤﻜﻤﻨﻲ ﻭﺗﻄﻠﻌﻨﻲ ..

ﻫﺬﺍ ﺑﻴﺖ ﺍﺑﻮﻱ ﻭﺍﻟﻲ ﺍﻟﺤﻖ ﻣﺜﻞ ﻣﺎﺍﻟﻚ ﺍﻟﺤﻖ ﺑﻲ ..

ﻳﺎﺣﻖ ﻭﻟﺞ .. ﺷﮕﺪ ﻳﻄﻠﻊ ﺣﻘﺞ ﺍﺧﺬﻳﻪ ﻭﺍﻧﻘﻠﻌﻲ ..

ﺍﺑﺘﻠﻴﻨﺎ ﺑﻴﺞ ..

ﻋﺴﺎﻧﺎ ﻻﻋﺪﻧﺎ ﺍﺧﺖ ﻭﻻﺷﻔﻨﺎﺝ ...

ﻭﻣﻨﻮ ﮔﺎﻝ ﺍﻧﺘﻮ ﺍﺧﻮﺗﻲ .. ﻣﺎﻳﻮﻡ ﺣﺴﺴﺘﻮﻧﻲ ﺍﻧﻲ ﺍﺧﺘﻜﻢ ..

ﺑﻌﺪﻧﻲ ﻣﻤﻜﻤﻠﻪ ﻭﺳﺤﺒﻨﻲ ﻣﻦ ﺍﻳﺪﻱ .. ﮔﺘﻠﺞ ﺍﻃﻠﻌﻲ ..

ﺻﺎﺡ ﻧﻬﻠﻪ ﺟﻴﺒﻲ ﺣﺠﺎﺑﻬﺎ ..

ﺍﻣﻲ ﺍﺟﺖ ﺗﺮﻛﺾ .. ﺑﻘﻠﻤﻲ ﺷﻤﺲ

ﻭﻟﻚ ﻳﻤﻪ ﻟﻴﺶ ﻫﻴﺞ .. ﻫﺎﻱ ﺍﺧﺘﻚ ﺣﺮﺍﻡ ﻋﻠﻴﻚ ..

ﺍﺳﻜﺘﻲ ﻳﻤﻪ ﺍﻧﺘﻲ ﺍﻟﻲ ﻧﻄﻴﺘﻴﻬﺎ ﻣﺠﺎﻝ ﻭﻣﺮﺩﺗﻴﻬﺎ ﻋﻠﻴﻨﺎ ..

ﺍﺟﺖ ﻧﻬﻠﻪ ﺟﺎﻳﺒﻪ ﻣﻮﺑﺎﻳﻠﻲ ﻭﺣﺠﺎﺑﻲ ﻭﻏﺮﺍﺿﻲ ﺑﻌﻼﮔﻪ ﻣﻤﺼﺪﻛﻪ ﺗﺮﻳﺪ ﺗﻄﻠﻌﻨﻲ ﻣﻦ ﺑﻴﺖ ﺍﺑﻮﻳﻪ ..

ﺳﺤﺒﻨﻲ ﻭﻃﻠﻌﻨﻲ ..

ﺑﻴﺖ ﻣﺤﻤﺪ ﻣﺎﻫﻤﻪ ﻋﻨﺪ ﺍﻫﻠﻪ ﺟﺎﻥ ﺭﺣﺖ ﻳﻤﻬﻢ ﻭﻣﺎﺍﮔﻌﺪ ﻋﻨﺪﻩ . .

ﺍﻣﻲ ﺗﺒﺠﻲ ﻭﺗﻌﻴﻂ ﻭﺭﺍﻱ . ﻭﻫﻮ ﺩﻓﻌﻬﺎ ﻭﺩﺧﻠﻬﺎ ..

ﺷﻤﺮ ﻏﺮﺍﺿﻲ ﺑﺎﻟﺸﺎﺭﻉ ..

ﻭﺍﻧﻄﺎﻧﻲ ﺣﺠﺎﺑﻲ ﻭﻣﻮﺑﺎﻳﻠﻲ ..

ﮔﺎﻝ ﺍﺫﺍ ﺍﺟﻴﺘﻲ ﺑﻌﺪ ﺍﻛﺴﺮﻫﺎ ﺍﻟﺮﺟﻠﺞ ..

ﻭﺍﺫﺍ ﻉ ﻓﻠﻮﺳﺞ ﻻﺗﺨﺎﻓﻴﻦ ﻛﻞ ﺷﻬﺮ ﺗﺎﺧﺬﻳﻬﻦ …

ﺍﺑﺠﻲ ﻭﺍﺗﻮﺳﻞ ﺍﻟﻪ .. ﻭﻟﻮ ﻣﺎﻳﺴﺘﺎﻫﻞ ﺑﺲ ﮔﻠﺖ ﺑﻠﻜﻲ ﮔﻠﺒﻪ ﻳﺤﻦ ﻭﻳﺘﺮﺍﺟﻊ ..

ﮔﻌﺪﺕ ﺑﺎﻟﺒﺎﺏ ﻉ ﺍﻟﺮﺻﻴﻒ ﻭﻏﺮﺍﺿﻲ ﻳﻤﻲ ..

ﺍﺟﻪ ﻗﻴﺼﺮ ..

ﮔﺎﻝ ﮔﻮﻣﻲ ﺍﺻﻌﺪﻱ .. ﺷﻔﺘﻲ ﺍﻫﻠﺞ ﻭﻣﺎﻳﺮﺩﻭﺝ .

ﺍﺭﺟﻌﻲ ﻣﻴﻮﺭﻩ ﻭﺧﻠﻴﻨﺎ ﻧﺒﺪﻱ ﺣﻴﺎﺗﻨﺎ ﺍﻧﻲ ﻭﻳﺎﺝ ﻣﻦ ﺟﺪﻳﺪ ..

ﻣﻘﺮﻓﺺ ﮔﺒﺎﻟﻲ ..

ﺑﻼ ﻭﻋﻲ ﺩﻓﻌﺘﻪ ﺣﻴﻞ ﻭﮔﻊ ﻟﻮﺭﻯ ..

ﮔﺘﻠﻪ ﻟﻮ ﺍﺑﻘﻰ ﺑﺎﻟﺸﺎﺭﻉ ﻧﺎﻳﻤﻪ ﻣﺎﺍﺭﺟﻌﻠﻚ ﻓﺎﻫﻢ ..

ﺍﻧﺖ ﺳﺒﺐ ﻣﺸﺎﻛﻠﻲ ..

ﺍﺩﺭﻱ ﺑﻴﻚ ﺗﺮﻭﺡ ﺗﻀﻐﻂ ﻉ ﺍﺧﻮﺍﻧﻲ ﻭﺗﺴﻮﻱ ﻧﻔﺴﻚ ﻣﺜﺎﻟﻲ ﺣﺘﻰ ﻳﺮﺟﻌﻮﻧﻲ ﺍﻟﻚ ..

ﺑﺲ ﻫﻴﻬﺎﺕ ﺍﺿﻌﻒ ﻭﺍﺭﺟﻌﻠﻚ ..

ﺷﮕﺪ ﻛﻨﺖ ﺍﺣﺒﻚ ﻭﺍﺗﻤﻨﺎﻙ ..

ﻫﺴﺎ ﺍﻛﺮﻫﻚ ﻭﻣﺎﺍﻃﻴﻘﻚ .. ﻭﺍﺗﻤﻨﻰ ﺍﺗﺮﻛﻚ ﻭﺗﺘﺮﻛﻨﻲ ﺑﺤﺎﻟﻲ ..

ﻓﺎﻫﻢ ﺍﺗﺮﻛﻨﻲ ﻃﻠﮕﻨﻲ ﺍﺫﺍ ﺑﺎﻗﻴﻪ ﻋﻨﺪﻙ ﺫﺭﺓ ﺭﺟﻮﻟﻪ ﺑﺲ ﻣﻊ ﺍﻻﺳﻒ .. ﺑﻘﻠﻤﻲ ﺷﻤﺲ

ﮔﺎﻝ ﺍﺳﻤﻌﻲ ﻟﺞ ﺍﻧﻲ ﺗﺤﻤﻠﺘﺞ ﻏﻠﻄﻪ ﺛﺎﻧﻴﻪ .. ﺍﺻﺮﻑ ﻭﻳﺎﺝ ﺗﺼﺮﻑ ﻣﺤﻠﻮ ..

ﻃﻠﻌﺘﻲ ﺑﻴﺌﺔ ﻣﺪﺭﻱ ﺷﻠﻮﻥ ﺍﻧﻐﺮﻳﺖ ﺑﻬﺪﻭﺋﺞ ﻭﺭﻗﺘﺞ ..

ﺣﺘﻰ ﺍﻫﻠﺞ ﻣﺎﻳﺮﺩﻭﺝ ﻣﻦ ﺍﻟﺴﺎﻧﺞ ..

ﻫﻬﻬﻬﻬﻪ ﻫﺎﻱ ﺍﻧﻲ ﻭﻣﺎﺍﺗﺼﻨﻊ .. ﺭﻭﺡ ﺷﻮﻑ ﻧﻔﺴﻚ ﺑﻴﻨﺖ ﻉ ﺣﻘﻴﻘﺘﻚ ﻭﻃﻠﻊ ﻣﻌﺪﻧﻚ ﺍﻟﻤﺰﻧﺠﺮ ..

ﻭﻫﺴﺎ ﺍﻟﻠﻪ ﻭﻳﺎﻙ .. ﺍﺗﺮﻛﻨﻲ ﻭﺭﻭﺡ .

ﺣﺘﻰ ﺍﺣﺘﺮﺍﻡ ﻣﺎﺑﻘﻰ ﺑﻴﻨﺎ ﺑﻌﺪ ﻟﻮﻳﺶ ﻧﺮﺟﻊ ..

ﻗﻴﺼﺮ .. ﺛﻘﻲ ﺍﻧﻲ ﺭﺍﺡ ﺍﺭﻭﺡ .. ﻭﺷﻮﻳﻪ ﻭﺗﺠﻴﻦ ﻟﻠﺒﻴﺖ ﺍﻧﺘﻀﺮﺝ ..

ﻻﻥ ﻣﺴﺘﺤﻴﻞ ﻳﻔﺘﺤﻮﻥ ﺍﻟﺒﺎﺏ ﻭﻳﺪﺧﻠﻮﺝ ﺑﻌﺪ ..

ﻭﺭﻏﻢ ﻛﻮﻟﺸﻲ ﻣﺎﺭﺍﺡ ﺍﺗﺮﻛﺞ ﻭﺭﺍﺡ ﺍﻧﺘﻈﺮﺝ ..

ﺣﺘﻰ ﺍﺫﺍ ﺗﻠﻔﻮﻥ ﻭﺍﺣﺪ ..

ﺗﻠﮕﻴﻨﻲ ﮔﺒﺎﻟﺞ ..

ﺑﺎﻭﻋﺘﻠﻪ ﺑﺄﺳﺘﻬﺰﺍﺀ . ﮔﺘﻠﻪ ﺗﺤﻠﻢ . ﻭﺩﺭﺕ ﻭﺟﻬﻲ ..

ﮔﻤﺖ ﺍﺑﺠﻲ ﻭﺍﻟﺮﺍﻳﺢ ﻭﺍﻟﺮﺍﺟﻊ ﻳﺒﺎﻭﻋﻠﻲ ..

ﺑﺪﺷﺪﺍﺷﺘﻲ ﻭﻧﻌﺎﻟﻲ ..

ﻣﻮﻗﻒ ﻣﺎﻳﺤﺴﺪ ﻋﻠﻴﻪ ..

ﻭﻳﻦ ﺍﺭﻭﺡ ﻳﺎﺭﺑﻲ ﻭﻭﻳﻦ ﺍﻧﻄﻲ ﻭﺟﻬﻲ ..

ﺗﻌﺎﻝ ﻳﺎﺑﻪ ﺷﻮﻑ ﺑﻨﺘﻚ ﺷﻤﺮﻭﻫﺎ ﺑﺎﻟﻴﻠﺔ ﻇﻠﻤﻪ ﺍﺧﻮﺍﻧﻬﺎ ..

ﻟﻴﺶ ﺗﺮﻛﺘﻨﻲ ﻭﺭﺣﺖ ﻭﺧﻠﻴﺘﻬﻢ ﻳﻨﻬﺸﻮﻥ ﺑﻴﻪ ..

ﺻﺎﺭ ﺑﺒﺎﻟﻲ ﻭﺳﺎﻡ ..

ﺍﺗﺼﻠﺖ ﻋﻠﻴﻪ

..... 

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤