رواية الخذلان ج2 الجزء الخامس | نهاية الجزء الثاني
للكاتبة شمس
.
.
ﺭﺟﻌﺖ ﻇﻬﺮﻱ ﻣﻜﺴﻮﺭ ﺍﻣﻲ ﻣﺎﻛﻮ ﻭﻳﺎﻱ ..
ﺷﻠﻮﻥ ﺭﺍﺡ ﺍﻋﻴﺶ ﻭﺣﺪﻱ ﻭﻣﻨﻮ ﺍﻟﻲ ..
ﺍﺧﻮﺍﻧﻲ ﻛﺮﻫﺘﻬﻢ ..
ﻭﻣﺴﺘﺤﻴﻞ ﺍﻋﻴﺶ ﻭﻳﺎﻫﻢ ..
ﺛﻼﺙ ﺍﻳﺎﻡ ﺍﻟﻔﺎﺗﺤﺔ ﻣﺮﻥ ﻋﻠﻴﻪ ﺑﻘﻬﺮ ﻭﺿﻴﻢ ..
ﻛﻞ ﻣﻠﺔ ﺗﺠﻲ ﺗﻬﺪ ﺣﻴﻠﻲ ﻭﺗﺮﻭﺡ ..
ﺫﺑﻠﺖ ﻭﺿﻌﻔﺖ ﺑﺬﻭﻟﻲ ﺍﻻﻳﺎﻡ .. ﺑﻘﻠﻤﻲ ﺷﻤﺲ
ﻛﻠﻤﺎ ﺍﺑﺎﻭﻉ ﺍﻟﻨﻬﻠﻪ ﺍﺩﻋﻲ ﻋﻠﻴﻬﺎ .
ﻫﻲ ﺍﻟﺴﺒﺐ ﺑﺘﺸﺘﻴﺖ ﻋﺎﺋﻠﺘﻨﺎ ..
ﻣﻦ ﻳﻮﻡ ﺍﻟﻲ ﺿﺤﻜﺖ ﻉ ﺍﻣﻴﺮ ﻭﺗﺰﻭﺟﺘﻪ ..
ﻣﺎﺷﻔﻨﺎ ﺑﺲ ﺍﻟﻤﺸﺎﻛﻞ ..
ﻭﺩﺍﻳﻤﺎ ﻫﻲ ﺍﻟﺴﺒﺐ .. ﺑﻘﻠﻤﻲ ﺷﻤﺲ
ﺣﺮﺿﺖ ﺍﻣﻴﺮ ﺣﺘﻰ ﻳﺒﻮﮒ ﺍﺧﻮﺍﻧﻲ ﻭﺗﺠﻤﻊ ﻓﻠﻮﺱ ﺗﺎﻟﻲ ﺗﻌﺎﺭﻛﻮﺍ ﺑﻴﻨﻬﻢ ﻭﻭﺻﻠﺖ ﻟﻠﻤﺴﺪﺳﺎﺕ ..
ﻭﺭﺍﺣﺖ ﺑﻴﻬﺎ ﺍﻣﻲ ﺑﺠﻠﻄﻪ ﻣﺎﺍﺗﺤﻤﻠﺖ ﺍﻭﻻﺩﻫﺎ ﻳﺘﻜﺎﺗﻠﻮﻥ ﺑﻴﻨﻬﻢ
ﻋﺴﺎﺝ ﻻﺗﺘﻬﻨﻴﻦ ﺑﻴﻬﻦ ﻭﻻﺗﺸﻮﻓﻴﻦ ﺧﻴﺮﻫﻦ ..
ﺧﻠﺼﺖ ﺍﻟﻔﺎﺗﺤﺔ ..
ﻭﺭﺟﻌﺖ ﺍﻳﺎﻣﻲ ﺍﻟﺴﻮﺩﻩ ﻭﻱ ﺍﺧﻮﺍﻧﻲ ..
ﻃﺒﻌﺎ ﻣﻴﺼﻴﺮ ﺍﮔﻌﺪ ﺑﺒﻴﺖ ﻭﺣﺪﻱ ..
ﺍﺧﻮﺍﻧﻲ ﻃﻠﻌﺖ ﻏﻴﺮﺗﻬﻢ ..
ﻭﮔﻠﻮﻟﻲ ﻻﺯﻡ ﺗﺮﺟﻌﻴﻦ ﻟﻠﺒﻴﺖ ﺍﻟﻨﺎﺱ ﺗﺎﻛﻞ ﻭﺟﻬﻨﺎ ..
ﻭﺫﺍﻙ ﺍﻟﺒﻴﺖ ﻳﻨﺴﺪ ﻟﻮ ﻳﺘﺄﺟﺮ ..
ﮔﻠﺘﻠﻬﻢ ﻻﻣﺎﻳﺘﺄﺟﺮ ..
ﻣﺤﺪ ﻳﮕﻌﺪ ﺑﻲ .. ﺭﻳﺤﺔ ﺍﻣﻲ ﻣﻮﺟﻮﺩﺓ ..
ﺍﻣﻴﺮ .. ﺧﻠﺺ ﺑﻴﻌﻲ ﻭﺍﮔﻌﺪﻱ ﻭﻳﺎﻧﺎ ..
ﺷﻨﻮ ﺗﺮﻳﺪﻧﻲ ﺍﺭﺟﻊ ﻟﻠﻀﻴﻢ ﺍﻟﻲ ﺷﻔﺘﻪ ﻣﻨﻜﻢ .
ﻟﻮ ﺇﺧﺮ ﻳﻮﻡ ﺑﺤﻴﺎﺗﻲ ﻣﺎﺍﺑﻴﻌﻪ ﻭﻻﺗﺸﻮﻓﻮﻥ ﻓﻠﺲ ﻣﻨﻪ ..
ﻟﺞ ﺍﺣﻨﻪ ﺑﺤﺎﻟﺞ ﻭﺑﺤﺎﻝ ﺑﻴﺘﺞ ..
ﺍﺧﻮﺍﻧﻲ ﻭﺍﻋﺮﻓﻜﻢ ﺍﻟﻴﻮﻡ ﺳﺎﻛﺘﻴﻦ ﺑﺎﺟﺮ ﺗﺪﺍﻋﻮﻥ ﺑﮕﻌﺪﺗﻲ ﻭﻳﺎﻛﻢ ﻭﺗﻄﺎﻟﺒﻮﻧﻲ ﺑﺈﻳﺠﺎﺭﺭ ..
ﻋﻤﻲ ﺍﺑﻮ ﻭﺳﺎﻡ .. ﻋﻤﻲ ﺍﮔﻌﺪﻱ ﻭﻱ ﺍﺧﻮﺍﻧﺞ ﻫﺴﺎ ..
ﻳﺨﻠﺺ ﺍﻻﺭﺑﻌﻴﻦ ﻭﺍﻧﻲ ﺍﺣﻠﻬﺎ ..
ﺑﺎﻭﻋﺖ ﺍﻟﻮﺳﺎﻡ ﻫﺰ ﺑﺮﺍﺳﻪ ..
ﺳﻜﺘﺖ ﺷﻨﻮ ﺍﺣﺠﻲ ﻭﺍﻧﻲ ﺧﻠﺺ ﺻﺮﺕ ﻣﻜﺴﻮﺭﻩ ﻭﺍﻣﺮﻱ ﺑﻴﺪﻫﻢ ..
ﻛﺎﻧﺖ ﺍﻣﻲ ﺳﻨﺪﻱ ﻭﺍﺣﺠﻲ ﻭﺍﻧﻲ ﻣﻄﻤﺄﻧﻪ .
ﻫﺴﺎ ﺷﻨﻮﻭ ﺍﺣﺠﻲ ﻭﻣﻨﻮ ﻳﺴﻤﻌﻨﻲ ..
ﻛﻞ ﻭﺍﺣﺪ ﺭﺍﺡ ﺍﻟﺒﻴﺘﻪ ..
ﻭﺣﺴﻴﺖ ﺑﺎﻟﻮﺣﺪﻩ ..
ﺻﺮﺕ ﺧﺪﺍﻣﻪ ﺍﻟﻨﻬﻠﻪ .. ﺍﻱ ﺧﺪﺍﻣﻪ ﺑﻤﻌﻨﻰ ﺍﻟﻜﻠﻤﻪ .. ﺍﺫﺍ ﻗﺒﻞ ﻛﻨﺖ ﺍﺣﺠﻲ ﻭﺍﺻﺪﻫﺎ ﺑﺎﻟﻜﻼﻡ ..
ﻫﺴﺎ ﻣﺎﺍﮔﺪﺭ ..
ﻛﻞ ﻣﺮﺓ ﺍﺗﺼﻞ ﺑﻮﺳﺎﻡ ﻭﺍﺑﺠﻲ .
ﻭﻫﻮ ﻳﻮﺍﺳﻴﻨﻲ ..
ﻟﺞ ﻣﻴﻮﺭﻩ ﻭﺍﻟﻠﻪ ﺣﺠﻴﺖ ﻭﻱ ﺍﺑﻮﻳﻪ ﻭﮔﺎﻝ ﺑﺲ ﻳﻄﻠﻊ ﺍﻻﺭﺑﻌﻴﻦ ﺍﻋﻘﺪ ﺍﻟﻜﻢ ..
ﻭﺗﺘﺰﻭﺟﻮﻥ ﺑﺴﻜﺘﻪ .. ﺗﺎﺧﺬﻫﺎ ﻭﺗﺮﻭﺡ ﺍﻟﺒﻴﺘﻚ ..
ﻭﺍﺧﻮﺍﻧﻲ ﺧﺎﻑ ﻣﻴﻘﺒﻠﻮﻥ ..
ﻣﻴﮕﺪﺭﻭﻥ ﻳﺤﺠﻮﻥ ﺍﺫﺍ ﺍﺑﻮﻳﻪ ﺣﺠﻰ ..
ﻭﺍﻧﺘﻲ ﻣﻮ ﻗﺎﺻﺮ ﻭﻳﺤﻜﻤﻮﺝ ..
ﻭﺳﺎﻡ ﻣﺎﺍﻋﺮﻑ ﻟﻴﺶ ﺧﺎﻳﻔﻪ ﻭﮔﻠﺒﻲ ﻣﻤﺮﺗﺎﺡ ..
ﻻﺗﺨﺎﻓﻴﻦ ﻳﻌﻤﺮﻱ .. ﻫﻮ ﺑﺲ ﺷﻬﺮ ﻭﻳﻄﻠﻊ ﺍﺭﺑﻌﻴﻦ ﻋﻤﺘﻲ .
ﻭﻧﺘﺰﻭﺝ .. ﺑﻘﻠﻤﻲ ﺷﻤﺲ
ﻛﺎﻥ ﻛﻼﻡ ﻭﺳﺎﻡ ﻣﺜﻞ ﺍﻟﺒﻠﺴﻢ ﺍﻟﻲ ..
ﻭﺩﺍﻳﻤﺎ ﻳﺮﻳﺤﻨﻲ .. ﺑﺲ ﺗﺼﺮﻓﺎﺕ ﻧﻬﻠﻪ ﻣﻮﺗﺘﻨﻲ ..
ﺗﺤﺠﻲ ﺑﺘﻌﺎﻟﻲ ..
ﻭﻣﺨﻠﻴﻪ ﺭﺟﻞ ﻉ ﺭﺟﻞ .. ﻭﺗﺘﺄﻣﺮ .
ﺣﺘﻰ ﺍﻟﻨﺘﻴﺠﺔ ﺑﺎﻟﺘﻮﺳﻞ ﻳﻠﻪ ﺧﻠﺘﻨﻲ ﺍﺭﻭﺡ ﺍﺟﻴﺒﻬﺎ ..
ﻃﻠﻌﺖ ﻧﺎﺟﺤﺔ ﻭﻣﻌﺪﻟﻲ ﻋﺎﻟﻲ ﺑﺲ ﻣﺎﻛﻮ ﻓﺮﺣﻪ .
ﺍﺣﺲ ﺭﻭﺣﻲ ﻛﺒﺮﺕ ﻋﺸﺮﻳﻦ ﺳﻨﻪ ..
ﺍﻟﻘﻬﺮ ﻭﺍﻟﺒﺠﻲ ﻉ ﺍﻣﻲ ﻋﻤﻮﻭ ﻋﻴﻮﻧﻲ ..
....
ﺣﺘﻰ ﺍﻟﺒﺤﺚ ﻧﺴﻴﺘﻪ ﻭﻧﺴﻴﺖ ﻧﻔﺴﻲ ﻭﻳﺎﻩ ..
ﻃﻠﺒﺖ ﻣﻦ ﻣﺤﻤﺪ ﺍﮔﻌﺪ ﻭﻳﺎﻫﻢ ﺑﺎﻟﻤﺸﺘﻤﻞ ..
ﻭﻛﻮﻟﺸﻲ ﺍﻧﻲ ﺍﺳﻮﻳﻪ ﺑﺲ ﻳﺨﻠﺼﻨﻲ ﻣﻦ ﻧﻬﻠﻪ ..
ﻻﻥ ﺍﻟﺼﺮﺍﺣﺔ ..
ﺧﻔﺖ ﻻﺗﺴﻮﻳﻠﻲ ﺷﻲ ..
ﺣﺘﻰ ﻋﻠﻴﺎﺀ ﺣﺎﻣﻞ ﻭﻣﺎﺗﮕﺪﺭ ﺗﺸﺘﻐﻞ ﻭﺑﻨﺘﻬﺎ ﺗﺒﺠﻲ ﺩﺍﻳﻤﺎ ..
ﺗﺨﻠﻴﻬﺎ ﻳﻤﻲ ﺣﺘﻰ ﺗﻨﺎﻡ ﻭﻳﺎﻱ ..
ﻫﺎﻱ ﻣﻦ ﻏﻴﺮ ﺍﻟﺸﻐﻞ ﺍﻟﻲ ﺍﺷﺘﻐﻠﻪ ﺍﻟﻬﺎ ..
ﺣﻴﺎﺗﻲ ﺫﻟﻪ ﻭﻇﻠﻢ ..
ﺑﻌﺪ ﻣﺎﻛﻨﺖ ﻣﺪﻟﻠﺔ ﺑﺤﻴﺎﺓ ﺍﻣﻲ ..
ﻫﺴﺎ ﻣﺬﻟﻮﻟﻪ ﻭﻣﻘﻬﻮﺭﻩ ﻭﻳﺎﻫﻮ ﺍﻟﻲ ﻳﮕﻮﻡ ﻳﺤﺠﻲ ﻋﻠﻴﻪ ﻭﻣﺎﺭﺍﺿﻲ ..
ﺣﺘﻰ ﺍﻻﻛﻞ ﻣﺎﺍﻛﻞ ..
ﺿﻌﻔﺖ ﺣﻴﻞ ..
ﻭﺳﺎﻡ ﻣﺎﻳﮕﺪﺭ ﻳﺠﻲ ﺍﺷﺘﺎﻗﻠﺔ ﻭﻳﺸﺘﺎﻗﻠﻲ ﻭﻣﺎﺑﺪﻳﻨﺎ ﺷﻲ ..
ﺍﻻﺭﺑﻌﻴﻦ ﻳﻮﻡ ﺻﺎﺭﻭ ﺍﺭﺑﻌﻴﻦ ﺳﻨﻪ ﺑﺎﻟﻨﺴﺒﻪ ﺍﻟﻲ ..
ﻭﺑﻴﻮﻡ ﮔﺎﻋﺪﻩ ﺍﻏﺴﻞ ﺑﺎﻟﻄﺎﺭﻣﻪ ..
ﺍﺟﻪ ﺍﻣﻴﺮ ..
ﺍﺷﺮﻟﻲ .. ﺍﺩﺧﻠﻲ ﺟﻮﻩ ﺑﺴﺮﻋﻪ ﺍﺟﺔ ﻭﻟﺪ ﻭﻳﺎﻱ ..
ﺩﺧﻠﺖ ﻟﻠﻤﻄﺒﺦ ..
ﺷﻮﻳﻪ ﻭﺍﺟﻪ ﺍﻣﻴﺮ ..
ﺣﻈﺮﻱ ﻧﻔﺴﺞ ﻫﻨﺎ ﻗﻴﺼﺮ ..
ﺍﺳﺘﻐﺮﺑﺖ ﻗﻴﺼﺮ ﺷﻨﻮ ﻭﺷﻌﻨﺪﻩ ..
ﺍﻟﺒﺴﻲ ﺣﺠﺎﺏ ﻭﺗﻌﺎﻟﻲ ..
ﻭﻳﻦ ﺍﺟﻲ ﻭﻫﺬﺍ ﺷﻌﻨﺪﻩ ﻫﻨﺎ ..
ﻭﺍﻧﺘﻲ ﺷﻨﻮ ﺩﻭﺭ ﺍﻟﻲ ﻳﺠﻲ ﺑﻴﺘﻲ ﺍﺧﺬ ﺭﺃﻳﺞ ..
ﻣﺎﻟﻲ ﻋﻼﻗﻪ ﺍﺫﺍ ﺍﺟﻪ ﺍﻟﻚ .. ﺑﺲ ﺍﻧﻲ ﺷﻨﻮ ﺍﺩﺧﻞ ﺍﻟﻪ
ﺍﺟﻪ ﻳﻌﺰﻳﺞ ﻭﻋﻨﺪﻩ ﺷﻐﻠﻪ ﻭﻳﺎﺝ ..
ﻣﺎﺍﺩﺧﻞ ﻳﺤﻠﻢ ﺍﺣﺠﻲ ﻭﻳﺎﻩ ..
ﻟﺰﻣﻨﻲ ﻣﻦ ﺷﻌﺮﻱ .. ﻭﺭﺑﻲ ﺍﻣﻮﺗﺞ ﻭﺍﺩﻓﻨﺞ ﻫﻨﺎ ﺍﺫﺍ ﻣﺎﺳﻤﻌﺘﻲ ﻛﻠﻤﺘﻲ ..
ﺍﻟﺰﻣﻦ ﺫﺍﻙ ﺭﺍﺡ .. ﺍﻟﻲ ﺗﺤﺠﻴﻦ ﻭﺗﺘﺒﺎﻫﻴﻦ ﺑﻲ ..
ﻫﺴﺎ ﺍﻧﺘﻲ ﻫﻨﺎ ﺑﺒﻴﺘﻲ ﻭﺗﺎﻛﻠﻴﻦ ﻭﻋﺎﻳﺸﻪ ﺑﺨﻴﺮﻱ ..
ﻏﺼﺐ ﻋﻠﻴﺞ ﺗﺴﻤﻌﻴﻦ ﻛﻠﻤﺘﻲ ..
ﻭﻫﻲ ﻫﺎﻱ ﻋﻴﺸﺔ ﻋﺎﻳﺸﺘﻬﺎ ..
ﺍﻋﻴﺶ ﻭﺣﺪﻱ ﺍﻫﻮﻥ ﻋﻠﻴﻪ ﻣﻦ ﺍﻋﻴﺶ ﻭﻳﺎﻛﻢ ..
ﻣﻮ ﻫﻲ ﺑﻜﻴﻔﺞ .. ﺗﺮﻳﺪﻥ ﺗﻠﻌﺒﻴﻦ ﻉ ﺭﺍﺣﺘﺞ ..
ﺑﺲ ﻫﺎﻱ ﺑﺄﺣﻼﻣﺞ ..
ﺍﺭﻳﺪ ﺍﺭﺑﻴﺞ ﻣﻦ ﺟﺪﻳﺪ ..
ﻭﺩﻓﻌﻨﻲ ﺣﻴﻞ ﻟﻠﮕﺎﻉ .. ﻳﻠﻪ ﻭﻟﻲ ﺍﻟﺒﺴﻲ ﺷﻲ ﻉ ﺭﺍﺳﺞ ﻭﺍﺩﺧﻠﻲ ﻭﻳﺎﻱ ﺑﺎﻻﺳﺘﻘﺒﺎﻝ ..
ﻟﺒﺴﺖ ﺣﺠﺎﺑﻲ ﻭﺩﻣﻮﻋﻲ ﺗﻨﺰﻝ ..
ﺩﺧﻠﺖ ﻣﻨﺼﻴﺔ ﺭﺍﺳﻲ ..
ﻫﻠﻮ ﻣﻴﺎﺭ ﺷﻠﻮﻧﺞ ﺍﻟﺒﻘﻴﻪ ﺑﺤﻴﺎﺗﺞ ..
ﺳﻜﺘﺖ ﻣﺮﺩﻳﺖ ﻋﻠﻴﻪ ..
ﺍﻧﻲ ﻛﻞ ﻫﺬﻱ ﺍﻻﺷﻬﺮ ﻣﺎﻧﺴﻴﺘﺞ ..
ﻭﻻﮔﺪﺭﺕ ﺍﻧﺴﺎﺝ ..
ﺑﺎﻭﻋﺘﻠﻪ ﻭﮔﺘﻠﻪ .. ﺑﺲ ﺍﻧﺼﺪﻣﺖ . ﺷﻔﺘﻪ ﺍﻧﺴﺎﻥ ﺛﺎﻧﻲ
ﻣﻮ ﺫﺍﻙ ﻗﻴﺼﺮ ﺍﻟﻲ ﺍﻋﺮﻓﻪ ﺿﻌﻔﺎﻥ ﺣﻴﻞ ..
ﺍﻟﺪﻧﻴﺎ ﻣﺜﻞ ﻣﺎﻏﻴﺮﺗﺞ ﻏﻴﺮﺗﻨﻲ ..
ﺍﺛﻨﻴﻦ ﺍﻟﻔﺮﺍﮒ ﻣﺎﻻﺋﻤﻨﺎ ..
ﺍﻧﻲ ﺗﻤﺮﺿﺖ ﻭﺻﺎﺭ ﺑﻴﻪ ﺳﻜﺮ ﻭﺿﻌﻔﺖ ﻭﺑﻌﺪﻧﻲ ﺑﻌﺰ ﺷﺒﺎﺑﻲ
ﻭﺍﻧﺘﻲ ﻫﻢ ﺿﻌﻔﺎﻧﻪ ﻭﻣﺘﻐﻴﺮﻩ ..
ﺍﺩﺭﻱ ﺑﻴﺞ ﻣﻤﺮﺗﺎﺣﻪ ﻫﻨﺎ ..
ﻭﺗﺘﺄﺫﻳﻦ ..
ﻣﻴﺎﺭ ﺧﻠﻴﻨﺎ ﻧﺮﺟﻊ ﻭﻧﻔﺘﺢ ﺻﻔﺤﺔ ﺟﺪﻳﺪﻩ ..
ﺍﻧﻲ ﺑﻌﺪﻧﻲ ﺍﺣﺒﺞ ...... ﺑﻘﻠﻤﻲ ﺷﻤﺲ
ﻭﻣﻦ ﺳﻤﻌﺖ ﺑﻌﻤﺘﻲ ﻣﺎﺗﺖ ﺗﺄﺛﺮﺕ ..
ﻭﻋﺮﻓﺖ ﺻﺮﺗﻲ ﻭﺣﻴﺪﻩ ﻭﻣﺤﺪ ﺍﻟﺞ ..
ﻟﻬﺬﺍ ﺍﺟﻴﺖ ﺍﺭﺟﻌﺞ ﻭﻧﻮﺍﺳﻲ ﺑﻌﻀﻨﺎ ..
ﺍﻧﻲ ﻭﺍﻧﺘﻲ ﻳﺘﻴﻤﻪ ﻭﻣﺎﻟﻨﺎ ﺍﻟﻪ ﺑﻌﺾ ..
ﺷﻮﻑ ﻗﻴﺼﺮ ﺗﺤﻠﻢ ﺍﺭﺟﻌﻠﻚ ﺑﻴﻮﻡ ..
ﺻﻔﺤﺘﻲ ﻭﻳﺎﻙ ﻧﻄﻮﺕ ﻭﺍﻧﺘﻬﺖ ﺧﻠﺺ ..
ﻣﺎﻛﻮ ﺷﻲ ﻳﺠﻤﻌﻨﺎ ..
ﻭﺍﻧﺖ ﻏﻠﻄﺎﻥ ﺍﻧﻲ ﺗﻌﺒﻲ ﻭﺿﻌﻔﻲ ﻭﺍﻟﻤﻲ ﻉ ﻓﺮﺍﮒ ﺍﻣﻲ ﻣﻮ ﻉ ﻓﺮﺍﮔﻚ ..
ﺍﻧﺖ ﻣﻦ ﺯﻣﺎﻥ ﺻﺮﺕ ﻣﺎﺿﻲ ﺑﺎﻟﻨﺴﺒﻪ ﺍﻟﻲ ..
ﻭﻋﻨﺪﻱ ﺍﻋﻴﺶ ﻫﻨﺎ ﺑﺎﻟﺬﻝ ﺍﻫﻮﻥ ﻣﻤﺎ ﺍﺭﺟﻌﻠﻚ ..
ﻷﻥ ﺍﻟﺜﻘﻪ ﺑﻴﻨﺎ ﺍﻧﻌﺪﻣﺖ ﻭﺍﻟﻲ ﻳﺨﻮﻥ ﻣﺮﻩ ﻳﺨﻮﻥ ﺍﻛﺜﺮ ﻣﻦ ﻣﺮﻩ ..
ﻭﻻﺗﮕﻮﻝ ﺗﻐﻴﻴﺮﺕ ﻻﻥ ﺍﺑﻮ ﻃﺒﻊ ﻣﻴﻐﻴﻴﺮ ﻃﺒﻌﻪ ..
ﻭﻛﻞ ﻋﻼﻗﻪ ﻻﺯﻡ ﺑﻴﻬﺎ ﺍﻟﺤﺐ ﻭﺍﻟﺜﻘﻪ ﺣﺘﻰ ﺗﻨﺠﺢ ..
ﻭﺍﻧﻲ ﺍﺛﻨﻴﻨﻬﻦ ﻣﻌﺪﻭﻣﺎﺕ ﻋﻨﺪﻱ ..
ﻭﻣﺎﺍﺣﺲ ﺑﺸﻲ ﺍﺗﺠﺎﻫﻚ ﻣﻮ ﺑﻴﺪﻱ ..
ﮔﻤﺖ ﻣﻦ ﻣﻜﺎﻧﻲ .. ﻭﻣﺸﻜﻮﺭ ﻉ ﺍﻟﺘﻌﺰﻳﻪ ﻭﺍﻟﻠﻪ ﻳﺴﻌﺪﻙ ﻭﻱ ﻏﻴﺮﻱ ﺍﻧﺴﺎﻧﻲ ﺍﻓﻀﻞ ﺍﻟﻚ ..
ﻃﻠﻌﺖ ﻣﻦ ﺍﻻﺳﺘﻘﺒﺎﻝ ..
ﻧﻬﻠﻪ .. ﺷﮕﻠﺘﻴﻠﻪ ﺭﺍﺡ ﺗﺮﺟﻌﻴﻦ ..
ﺍﻣﻴﺮ ﺩﺧﻞ ﺍﻟﻘﻴﺼﺮ .. ﮔﻠﺘﻠﻬﺎ ﺍﻟﺸﺨﺺ ﺍﻟﻲ ﻧﮕﺲ ﺭﻭﺣﻪ ﻭﻱ ﻭﺳﺨﻪ ﻣﺜﻞ ﺍﺧﺘﺞ ﻣﺴﺘﺤﻴﻞ ﺍﺭﺟﻌﻠﻪ ﻭﺍﺧﻠﻴﻪ ﻳﻠﻤﺴﻨﻲ ..
ﺿﺮﺑﺘﻨﻲ ﺭﺍﺷﺪﻱ ..
ﺿﺤﻜﺖ .. ﺍﺳﺘﻘﻮﻱ ﻋﻠﻴﻪ ﻳﺠﻲ ﻳﻮﻣﺞ ﻳﺎﻧﻬﻠﻪ ﻣﺎﺗﺪﻭﻡ ﻭﺭﺑﻲ
.....
ﮔﻌﺪﺕ ﺍﺑﺠﻲ ﻭﺍﻧﺪﺏ ﺣﻈﻲ ..
ﻳﺎﺭﺑﻲ ﺧﻠﺼﻨﻲ ﻟﻮ ﺗﻤﻮﺗﻨﻲ ﻟﻮ ﺗﺮﻳﺤﻨﻲ ﻣﻦ ﺍﻣﻴﺮ ﻭﻧﻬﻠﻪ ﺑﻌﺪ ﻣﺎﺍﺗﺤﻤﻞ
ﻣﺎﺣﺴﻴﺖ ﺍﻻ ﺍﺟﺘﻨﻲ ﺩﻓﺮﻩ ..
ﻟﺞ ﻫﻮ ﺑﻜﻴﻔﺞ ﺗﺮﻓﻀﻴﻦ ﻗﻴﺼﺮ .. ﻭﻳﻦ ﺗﻠﮕﻴﻦ ﻭﺍﺣﺪ ﻣﺜﻠﻪ ﺗﻄﻠﮕﺘﻲ ﻣﻨﻪ ﻭﺑﻌﺪﻩ ﻳﺮﻛﺾ ﻭﺭﺍﺝ ..
ﻭﺍﻧﺘﻲ ﻣﻄﻠﮕﺔ ﺑﻌﺪ ﻣﻨﻮ ﻳﺎﺧﺬﺝ ﺗﺮﻳﺪﻳﻦ ﺗﺒﻘﻴﻦ ﻋﺎﺭ ﻋﻠﻰ ﮔﻠﻮﺑﻨﺎ ..
ﺍﺑﺠﻲ ﻭﺍﺣﺠﻲ .. ﻭﺍﻟﻠﻪ ﻟﻮ ﻳﺒﻘﻰ ﺑﺲ ﻗﻴﺼﺮ ﻣﺎﺍﺭﺟﻌﻠﻪ
ﻭﺍﺫﺍ ﻣﻠﻴﺖ ﻣﻨﻲ ﻣﻤﺠﺒﻮﺭ ﺗﺨﻠﻴﻨﻲ ..
ﺍﺭﻭﺡ ﺍﻟﺒﻴﺘﻲ ﻭﺍﻋﻴﺶ ﻭﺣﺪﻱ ..
ﺍﻟﻠﻪ ﺍﻟﺤﺎﺭﺱ ﻭﺍﻟﺤﺎﻓﻆ ﻻﻳﻌﻮﺯﻧﻲ ﺍﻟﻜﻢ ..
ﻫﻠﻪ ﻫﻠﻪ ﻭﺑﻜﻞ ﺻﻼﻓﻪ ..
ﻏﺼﺐ ﻋﻨﺞ ﻟﻮ ﺗﺘﺰﻭﺟﻴﻦ ﻗﻴﺼﺮ ﻭﺗﺮﺣﻴﻦ ﻭﻳﺎﻩ
ﻟﻮ ﺗﺒﻴﻌﻴﻦ ﺑﻴﺘﺞ ﻭﺗﻨﻄﻴﻨﻲ ﻓﻠﻮﺳﻪ ﻭﻋﻮﺩ ﺍﻧﻄﻴﺞ ﺍﺭﺑﺎﺡ ﻭﺍﻧﺘﻲ ﻣﺎﻛﻠﻪ ﻭﻧﺎﻳﻤﻪ ﺑﺒﻼﺵ ..
ﻫﻬﻬﻬﻪ ﮔﻮﻝ ﻫﻴﺞ ﻣﻦ ﺍﻟﺒﺪﺍﻳﻪ ﻳﺎﺍﺧﻮﻱ ﻳﺎﺍﺑﻦ ﺍﻣﻲ ﻭﺍﺑﻮﻳﺔ
ﺗﺴﺎﻭﻣﻨﻲ ﻉ ﺍﻟﻌﻴﺸﻪ ﻫﻨﺎ ..
ﻋﻨﺪﻱ ﺍﻋﻴﺶ ﻳﻢ ﺍﻣﻲ ﺑﺎﻟﮕﺒﻮﺭ ﺍﻫﻮﻥ ﻣﻦ ﻋﻴﺸﺘﻲ ﻭﻳﺎﻛﻢ ﺍﻧﺖ ﻭﻣﺮﺗﻚ ﺍﻟﻈﺎﻟﻤﻪ ..
ﺍﻧﺘﻈﺮﻧﻲ ﺑﺲ ﻟﻼﺭﺑﻌﻴﻦ ﻭﺧﻠﺼﻮﺍ ﻣﻨﻲ ..
ﻭﻳﻦ ﺗﺮﺣﻴﻦ ﻟﻼﺭﺑﻌﻴﻦ ﺗﻨﻬﺰﻣﻴﻦ ﻭﻱ ﻣﻨﻮ ﮔﻮﻟﻲ ..
ﻳﺤﺠﻲ ﻭﻳﻀﺮﺏ
ﻭﻧﻬﻠﻪ ﺗﮕﻠﺔ ﺍﻱ ﺍﺩﺑﻬﺎ ﻫﺎﻱ ﻋﻤﺘﻲ ﺩﻟﻠﺘﻬﺎ ﻭﻓﻠﺘﺖ ..
ﻻﺳﺪﺍﺩ ﻭﻻﺭﺩﺍﺩ ﺍﻟﻬﺎ ..
ﺍﺳﻤﻌﻲ ﻟﺞ ﺍﻧﻲ ﺭﺍﺡ ﺍﺗﺼﻞ ﺑﻘﻴﺼﺮ ﻭﺍﮔﻠﻪ ﻣﻴﺎﺭ ﻣﻮﺍﻓﻘﻪ ﻭﺍﻟﺞ ﻣﻨﺎ ﺍﻟﺒﺎﺟﺮ ..
ﺗﻘﺮﺭﻳﻦ ﻳﺎﺗﺘﺰﻭﺟﻴﻦ ﻳﺎ ﺍﻟﺒﻴﺖ .. ﺑﻜﻴﻔﺞ ﺍﺧﺘﺎﺭﻱ ..
ﮔﻌﺪﺕ ﺍﺑﺠﻲ ﻭﺍﻟﻄﻢ .
ﺍﺗﺼﻠﺖ ﺑﻮﺳﺎﻡ ﻣﻦ ﺍﻟﺤﻤﺎﻡ ..
ﺍﺑﺠﻲ
ﺷﺒﻴﺞ ﻣﻴﺎﺭ ﻣﻨﻮ ﻭﻳﺎﺝ ﮔﻮﻟﻲ ..
ﻭﺳﺎﻡ ﺍﻟﺤﮕﻨﻲ ﺍﺑﻮﺱ ﺍﺩﻳﻚ ..
ﻣﺴﺘﻌﺪﻩ ﺍﻋﻴﺶ ﺧﺪﺍﻣﻪ ﻋﻨﺪﻙ ﺑﺲ ﺧﻠﺼﻨﻲ ﻣﻨﺎ ..
ﻟﺞ ﺷﻨﻮ ﺧﺪﺍﻣﻪ ﺍﻧﺘﻲ ﺗﺎﺝ ﻉ ﺭﺍﺳﻲ .. ﺑﺲ ﮔﻮﻟﻲ ﺷﺒﻴﺞ
ﺍﻣﻴﺮ ﺍﻟﻴﻮﻡ ﺟﺎﺏ ﻗﻴﺼﺮ ﻳﺮﻳﺪ ﻳﺮﺟﻌﻨﻲ ﺍﻟﻪ ..
ﻟﻮ ﺍﻧﻄﻴﻪ ﺍﻟﺒﻴﺖ ﻣﺎﻟﺘﻲ ..
ﺍﻟﺼﺒﺢ ﻳﺮﻳﺪ ﺍﻟﺠﻮﺍﺏ ..
ﺍﺗﺼﻞ ﺑﻌﻤﻮ ﺧﻠﻲ ﻳﺠﻲ ..
ﺗﺮﻯ ﺍﻧﻲ ﺿﻌﻔﺖ ﻭﻣﺎﺑﻴﻪ ﺣﻴﻞ ﺍﺗﺤﻤﻞ .. ﺍﻣﻮﺕ ﻧﻔﺴﻲ ﺍﻫﻮﻥ ﻋﻠﻴﻪ ..
ﻣﻴﺎﺭ ﺑﺪﺍﻋﺘﻲ ﻻﺗﺒﺠﻴﻦ ﻭﻻﺗﺘﻬﻮﺭﻳﻦ .. ﻟﺞ ﺩﻣﺮﺗﻴﻨﻲ ﺑﺪﻣﻮﻋﺞ
ﺍﻧﺘﻀﺮﻱ ﺑﺲ ﺍﻟﺒﺎﺟﺮ ..
ﺍﻧﻲ ﺑﺎﺟﺮ ﺍﺟﻲ ﻭﺍﺧﺬﺝ ..
ﻫﺴﺎ ﺭﺍﺡ ﺍﺗﺼﻞ ﺑﺎﺑﻮﻳﻪ ﻳﺠﻲ ﻣﻦ ﺍﻟﺼﺒﺢ ..
ﺑﺲ ﺍﺭﻳﺪﺝ ﺗﺼﻴﺮﻳﻦ ﻗﻮﻳﻪ ﻳﻌﻤﺮﻱ .. ﻭﻻﺗﺘﻬﻮﺭﻳﻦ
ﻭﻫﺬﺍ ﻗﻴﺼﺮ ﺍﻧﻲ ﺍﻟﻪ ..
ﺧﻠﺺ ﻭﺳﺎﻡ ﺭﺍﺡ ﺍﻧﺘﻀﺮ ﺑﺲ ﻣﻮ ﺗﺘﺄﺧﺮ ﻋﻠﻴﻪ ..
ﺷﻮﻳﻪ ﻭﺳﻤﻌﺖ ﻋﻴﺎﻁ ..
ﻣﺎﺍﻫﺘﻤﻴﺖ .. ﻳﺲ ﺯﺍﺩ ﺍﻟﺼﻮﺕ ..
ﻃﻠﻌﺖ ﺷﻔﺖ ﻧﻬﻠﻪ ﺗﻌﻴﻂ ﻭﺩﺍ ﺗﻨﺰﻑ ﻋﺒﺎﻟﻚ ﺣﻨﻔﻴﻪ ﻣﻲ ﻳﻨﺰﻝ ﺍﻟﺪﻡ ﻣﻨﻬﺎ ﻫﻴﺞ ..
ﺍﺳﺘﻐﺮﺑﺖ ..
ﻟﻔﻠﻔﻬﺎ ﺍﻣﻴﺮ ﺑﺎﻟﺒﻄﺎﻧﻴﻪ ﻭﺷﺎﻟﻬﺎ ﻫﻮ ﻭﻋﻠﻲ ﻭﻃﻠﻌﻮﻫﺎ ..
ﺷﻨﻮ ﺍﻟﺴﺎﻟﻔﻪ ﻳﺼﻴﺮ ﺣﺎﻣﻞ ..
ﻣﻌﻘﻮﻟﻪ ﺣﺎﻣﻞ ﺑﻌﺪ ﻛﻞ ﻫﺬﻱ ﺍﻟﺴﻨﻴﻦ ..
ﺑﺲ ﺍﻧﻲ ﺷﻔﺘﻬﺎ ﺗﺎﺧﺬ ﺍﺩﻭﻳﻪ ﻭﻣﻦ ﺗﺸﻮﻓﻨﻲ ﺗﻠﻔﻠﻔﻬﻦ ﻭﺗﻀﻤﻬﻦ ..
ﻭﻫﻲ ﺻﺪﮒ ﻣﺘﻐﻴﺮﻩ ﺧﺎﻑ ﻣﺮﻳﻀﻪ ..
ﺍﺳﺘﻔﻐﺮ ﺍﻟﻠﻪ ﻭﺍﺗﻮﺏ ﺍﻟﻴﻪ .. ﺍﻟﻠﻬﻢ ﻻﺷﻤﺎﺗﻪ
.
ﺑﺲ ﻣﻦ ﺷﻔﺖ ﺣﺎﻟﺘﻬﺎ ﺍﺑﺪ ﻣﺎﺗﻌﺎﻃﻔﺖ ﻭﻳﺎﻫﺎ ﻟﻮ ﻛﺴﺮﺕ ﮔﻠﺒﻲ ..
ﻣﻌﻘﻮﻟﻪ ﻫﻴﺞ ﮔﻠﺒﻲ ﺻﺎﺭ ﺣﺠﺮ ..
ﻋﻠﻴﺎﺀ ﺭﺍﺣﺖ ﻭﻳﺎﻫﻢ ﻭﺑﻘﺖ ﺑﻨﺘﻬﺎ ﻳﻤﻲ ..
ﺻﻠﻴﺖ ﻭﻗﺮﺃﺕ ﻗﺮﺁﻥ ﺍﻻﻣﻲ ﺍﺭﻳﺪ ﺍﺧﺘﻤﻠﻬﺎ ﺧﺘﻤﻪ ﻟﻼﺭﺑﻌﻴﻦ
ﺳﻮﻳﺖ ﻋﺸﺎ ﻭﺗﻌﺸﻴﻨﺎ ﺍﻧﻲ ﻭﺑﻨﺖ ﻋﻠﻲ ..
ﻧﻴﻤﺘﻬﺎ ﻭﺍﺗﺼﻠﺖ ﻉ ﻭﺳﺎﻡ ﻭﺧﺒﺮﺗﻪ ..
ﮔﺎﻝ ﺭﺍﺡ ﺍﺗﺼﻞ ﺑﺄﻣﻴﺮ ﺑﺤﺠﻪ ﺍﺳﺄﻝ ﻋﻠﻴﻜﻢ ﻭﺍﺷﻮﻑ ﺷﻨﻮ ﻭﺿﻌﻬﺎ ..
ﺑﻌﺪ ﺳﺎﻋﻪ ﺍﺟﻪ ﻋﻠﻲ .. ﻣﺒﻴﻦ ﻋﻠﻴﻪ ﺿﺎﻳﺞ ﮔﺎﻝ ﺍﻧﻄﻴﻨﻲ ﻣﻼﺑﺲ ﺍﻟﻨﻬﻠﻪ ..
ﺩﺧﻠﺖ ﺍﻟﻐﺮﻓﺘﻬﺎ ﻭﻫﺎﻱ ﺍﻭﻝ ﻣﺮﻩ ﺍﺩﺧﻞ ﺍﻟﻬﺎ .
ﻃﻠﻌﺖ ﻣﻼﺑﺲ ﻧﻄﻴﺘﻬﻦ ﺍﻟﻪ ..
ﺑﺲ ﻣﺎﺳﺄﻟﺘﻪ ﺧﻔﺖ ..
ﺷﻮﻳﻪ ﻭﺍﺗﺼﻞ ﻭﺳﺎﻡ .
ﻫﻠﻮ ﻭﺳﺎﻡ ﻫﺎ ﺍﺗﺼﻠﺖ ﺑﺄﻣﻴﺮ ..
ﺍﻱ ﺍﺗﺼﻠﺖ ﻭﻛﺎﻥ ﺿﺎﻳﺞ . ﺷﺎﻛﻴﻦ ﺑﻴﻬﺎ ﻣﺮﺽ ﻣﻮ ﺯﻳﻦ ﺑﺎﻟﺮﺣﻢ ﺻﺎﺭ ﻓﺘﺮﻩ ﺗﺘﻌﺎﻟﺞ ﻭﻣﺎﺗﮕﻮﻝ ﺣﺘﻰ ﺍﻻﻣﻴﺮ ﻣﺎﮔﺎﻳﻠﻪ ..
ﺷﻨﻮ ﻫﺎﻱ ﻣﻌﻘﻮﻟﻪ ﻣﺎﺗﮕﻮﻝ ﺍﻟﺮﺟﻠﻬﺎ ..
ﺭﺣﺖ ﺍﻟﻬﺎﻟﻪ ﺧﺒﺮﺗﻬﺎ ..
ﮔﺎﻟﺖ ﻣﻦ ﻫﻴﺞ ﻃﻠﺒﺖ ﻓﻠﻮﺱ ﻣﻦ ﺭﺟﻠﻬﺎ ﻭﺍﻧﻄﺎﻫﺎ ﻓﻠﻮﺱ ﺍﻻﺭﺑﺎﺡ ﺍﻟﻲ ﺗﻌﺎﺭﻛﻮﺍ ﻋﻠﻴﻬﻦ ..
ﺷﺘﺴﻮﻱ ﺑﻴﻬﻦ
ﮔﺎﻟﺘﻠﻪ ﺍﺳﻮﻱ ﻋﻤﻠﻴﻪ ﺣﺘﻰ ﺗﮕﺪﺭ ﺗﺤﻤﻞ ﻭﺍﻣﻴﺮ ﻓﺮﺡ ﻭﺑﺎﮒ ﺍﺧﻮﺗﻪ ﻭﺍﻧﻄﺎﻫﺎ
ﺍﻭﻭﻭﻭﻑ ﻭﺷﻴﺼﻴﺮ ﺍﺫﺍ ﮔﻠﺘﻠﻪ ﻣﻌﻘﻮﻟﻪ ﻣﺎﻳﻌﺎﻟﺠﻬﺎ ﺍﺫﺍ ﺳﻤﻊ ﻭﻫﻮ ﺍﻣﻴﺮ ﻳﺘﺨﺒﻞ ﻋﻠﻴﻬﺎ ..
ﺍﻱ ﺑﺲ ﻳﻤﻜﻦ ﺿﻤﺖ ﺍﻟﺴﺎﻟﻔﻪ ﺧﺎﻑ ﻭﺍﺣﺪ ﻳﺘﺸﻤﺖ ﺑﻴﻬﺎ ..
ﺣﺘﻰ ﻛﺎﻧﺖ ﺗﺎﺧﺬ ﺍﻣﻬﺎ ﻭﺗﺮﻭﺡ ﻟﻠﺪﻛﺘﻮﺭﻩ ﻣﺘﺎﺧﺬ ﺍﻣﻴﺮ ..
ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ .. ﻣﻨﻴﻦ ﺍﺟﺎﻫﺎ ﻫﺬﺍ .
ﻣﻦ ﺍﻟﻤﻨﺸﻄﺎﺕ ﻭﺍﻟﻌﻼﺟﺎﺕ ﺍﻟﻲ ﺗﺎﺧﺬﻫﻦ ..
ﮔﻀﺖ ﻋﻤﺮﻫﺎ ﺷﻴﻨﻄﻮﻫﺎ ﻋﻼﺝ ﺗﺎﺧﺬ ..
ﻛﻞ ﻳﻮﻡ ﺭﺍﻳﺤﻪ ﺍﻟﺪﻛﺘﻮﺭﻩ ﺗﻀﺤﻚ ﻋﻠﻴﻬﺎ ﻭﺗﺎﺧﺬ ﻓﻠﻮﺳﻬﺎ ﻭﺗﺘﺮﻛﻬﺎ ﻭﺗﺮﻭﺡ ﺍﻟﻐﻴﺮﻫﺎ ﻭﻛﻞ ﻳﻮﻡ ﻭﺣﺪﻩ ﺷﻜﻞ .
ﻭﺗﺎﻟﻲ ﻫﺎﻱ ﺍﻟﻨﺘﻴﺠﻪ .
ﺭﺣﻤﺘﻚ ﻳﺎﺍﻟﻬﻲ ﺍﻫﻢ ﺷﻲ ﺍﻟﺼﺤﻪ ..
ﺍﻱ ﻭﺍﻟﻠﻪ ﺻﺪﮒ ﺍﻫﻢ ﺷﻲ ﺍﻟﺼﺤﻪ .. ﻋﻤﺮﻫﺎ ﺍﻟﻔﻠﻮﺱ ﻣﺎﺗﻔﻴﺪ ﻭﻫﻤﻪ ﮔﻀﻮﺍ ﻋﻤﺮﻫﻢ ﻫﻮ ﻭﻣﺮﺗﻪ ﻳﻠﻤﻮﻥ ﻓﻠﻮﺱ ..
ﻭﺗﺎﻟﻲ ﮔﻀﺘﻬﻦ ﻉ ﺍﻟﻌﻼﺝ ﻭﺍﻻﻃﺒﺎﺀ ..
ﻣﺎﺍﺩﺭﻱ ﺷﻨﻮ ﺍﮔﻮﻝ ﺑﺲ ﺍﻟﻠﻪ ﻳﺸﺎﻓﻴﻬﺎ ..
ﺍﻥ ﺷﺎﺀ ﺍﻟﻠﻪ ..
ﺭﺟﻌﺖ ﻟﻠﺒﻴﺖ ﺍﺗﺼﻠﺖ ﻉ ﻭﺳﺎﻡ ..
ﮔﺎﻝ ﺍﻧﻲ ﻫﺴﺎ ﻳﻤﻬﻢ ﺑﺎﻟﻤﺴﺘﺸﻔﻰ ﻭﺣﺎﻟﺘﻬﺎ ﻛﻮﻟﺶ ..
ﻭﺭﺍﺡ ﻳﺴﻮﻭﻟﻬﺎ ﻋﻤﻠﻴﻪ .. ﺍﺣﺘﻤﺎﻝ ﻳﻘﻠﻌﻮﻥ ﺭﺣﻤﻬﺎ ..
ﺧﻄﻴﻪ ﺻﺤﻴﺢ ﺍﺫﺗﻨﻲ ﻫﻮﺍﻱ ﻭﻛﻨﺖ ﺍﺩﻋﻲ ﻋﻠﻴﻬﺎ ﺑﺲ ﻣﺎﺍﺗﻤﻨﻴﺖ ﻳﺼﻴﺮ ﺑﻴﻬﺎ ﻫﻴﺞ ﻣﺮﺽ ﻭﺗﻘﻠﻊ ﺭﺣﻤﻬﺎ ﻭﻫﻲ ﻛﺎﻧﺖ ﺗﺘﻤﻨﻰ ﺍﻟﻄﻔﻞ ..
ﻳﻤﻪ ﺍﺭﻭﺡ ﻓﺪﻭﻩ ﺍﻻﻡ ﮔﻠﺐ ﺍﻟﻄﻴﺐ .. ﺍﺧﺮ ﻭﺍﺣﺪ ﻛﻨﺖ ﺍﺗﻮﻗﻊ ﺗﺤﺠﻲ ﻉ ﻧﻬﻠﻪ ﻫﻮ ﺍﻧﺘﻲ ..
ﻟﻴﺶ ﺍﻟﻤﺮﺽ ﻣﺎﺑﻲ ﺷﻤﺎﺗﻪ
ﺍﺭﻳﺪﺝ ﺩﻭﻭﻡ ﻫﻴﺞ ﮔﻠﺒﺞ ﻃﻴﺐ ﺍﻟﻲ ﻳﺄﺫﻳﺞ ﺳﻠﻤﻴﻪ ﺑﻴﺪ ﺍﻟﻠﻪ ﻭﻫﻮ ﻳﺎﺧﺬ ﺣﻘﺞ ..
ﺭﺟﻌﺖ ﻋﻠﻴﺎﺀ ﻣﻦ ﺍﻟﻤﺴﺘﺸﻔﻰ ﻭﺿﺎﻳﺠﻪ ﺍﺧﺬﺕ ﺑﻨﺘﻬﺎ ﻭﺻﻌﺪﺕ ﺍﻣﻬﺎ ﺍﻟﻨﻬﻠﻪ ﺍﺟﺖ ﻳﻤﻬﺎ ﻭﻫﻲ ﺭﺟﻌﺖ ..
ﻛﻢ ﻳﻮﻡ ﻭﻧﻬﻠﻪ ﺑﻌﺪﻫﻲ ﺑﺎﻟﻤﺴﺘﺸﻔﻰ ..
ﺑﺲ ﺷﻮﻳﻪ ﺍﺭﺗﺎﺣﻴﺖ ﻣﻦ ﺯﻥ ﺍﻣﻴﺮ ﻉ ﺭﺍﺳﻲ ..
ﻣﺎﺑﻘﻰ ﺷﻲ ﻉ ﺍﺭﺑﻌﻴﻦ ﻣﺎﻣﺎ ..
ﻭﺍﺧﻮﺍﻧﻲ ﻣﺸﻐﻮﻟﻴﻦ ﻭﻱ ﻧﻬﻠﻪ ﻭﺍﻟﺸﻐﻞ ﻭﻧﺎﺳﻴﻦ ﻳﻤﻜﻦ ..
ﺍﺗﺼﻠﺖ ﻉ ﻭﺳﺎﻡ ﮔﺘﻠﻪ ﻣﻦ ﺍﻟﻔﻠﻮﺱ ﻣﺎﻻﺗﻲ ..
ﺍﺗﺴﻮﮒ ﺍﻟﻨﺎ ﻧﺴﻮﻱ ﻋﺸﺎ .
ﻭﺟﻬﺰ ﻟﻼﺭﺑﻌﻴﻦ ..
ﺍﺗﺼﻠﺖ ﻉ ﺧﺎﻻﺗﻲ ﻭﺧﺒﺮﺗﻬﻦ ﻳﺘﻔﻘﻦ ﻭﻱ ﻣﻼﻳﻪ ﻭﻳﺮﺗﺒﻦ ﺍﻧﻲ ﻛﻮﻟﺸﻲ ﻣﺎﺍﻋﺮﻑ ..
ﻧﻀﻔﺖ ﺍﻟﺒﻴﺖ ..
ﻭﺳﻮﻳﺖ ﺣﻼﻭﻩ ﻭﺧﻔﻴﻔﻲ ﻭﻭﺯﻋﺘﻪ ..
ﻭﺳﺎﻡ ﺍﺗﺼﻞ ﻉ ﺍﻣﻴﺮ ﻭﮔﺎﻟﻪ ﻉ ﺍﻻﻗﻞ ﻳﺤﻀﺮ ﺑﺲ ﺍﻟﻌﺸﺎ ﻋﻴﺐ ﻣﻦ ﺍﻟﻨﺎﺱ ..
ﻭﻓﻌﻼ ﻛﻠﺸﻲ ﺗﻜﻔﻞ ﺑﻲ ﻭﺳﺎﻡ ﻭﺍﻭﻻﺩﻫﺎ ﻭﻻﻋﺒﺎﻟﻚ ﺍﻣﻬﻢ ﻭﺍﺭﺑﻌﻴﻨﻬﺎ ..
ﺛﺎﻧﻲ ﻳﻮﻡ ﻃﻠﻌﻨﺎ ﻟﻠﻨﺠﻒ .. ﺭﺣﻨﺎ ﺯﺭﻧﺎ ﺍﻟﻐﺎﻟﻴﻪ .
ﺻﺎﻳﺮﻩ ﺟﻮﻩ ﺍﻟﺘﺮﺍﺏ ﻭﻓﻮﮔﺎﻫﺎ ﻣﺮﻣﺮﻩ ..
ﺣﻀﻨﺖ ﮔﺒﺮﻫﺎ ﻭﺍﺑﺠﻲ ﺑﻠﻜﻲ ﺍﺷﺘﻢ ﺭﻳﺤﺘﻬﺎ ﻭﺍﺣﺲ ﺑﺪﻓﻮ ﺣﻀﻨﻬﺎ
....
ﻏﺎﺩﺭﺗﻨﻲ .. ﻓﺄﺻﺒﺤﺖ ﺣﻴﺎﺗﻲ ﻣﻈﻠﻤﺔ ﺩﻭﻧﻬﺎ ..
ﻟﻦ ﺍﻧﺴﻰ ﺟﻤﺎﻝ ﺗﻠﻚ ﺍﻻﻳﺎﻡ ﺍﻟﺘﻲ ﻗﻀﻴﻨﺎﻫﺎ ﻣﻌﻨﺎ ..
ﺗﻤﺮ ﺑﻲ ﺍﻟﻠﻴﺎﻟﻲ ﻓﺘﺰﺩﺍﺩ ﺍﻟﺪﻧﻴﺎ ﻇﻠﻤﺔ ﺑﺪﻭﻧﻬﺎ ..
ﻗﻠﺒﻲ ﻳﺘﺬﻛﺮﻫﺎ ﻭﻳﺪﻋﻮﺍ ﻟﻬﺎ ..
ﻟﻜﻦ ﻋﻴﻨﻲ ﻭﺭﻭﺣﻲ ﺗﺤﻦ ﻟﺮﺅﻳﺘﻬﺎ ﻭﺗﺸﺘﺎﻕ ﻟﺤﻀﻨﻬﺎ ..
ﺑﻘﻠﻤﻲ ﺷﻤﺲ ..
ﺭﺟﻌﻨﺎ ﻣﻦ ﺍﻻﺭﺑﻌﻴﻦ ..
ﻟﮕﻴﺖ ﻧﻬﻠﻪ ﺑﺎﻟﺒﻴﺖ ﻣﻄﻠﻌﻴﻬﺎ ..
ﺍﻭﻝ ﻣﺪﺧﻠﺖ ﮔﻠﻲ ﺍﻣﻴﺮ ﺗﻌﺎﻟﻲ ﺳﻮﻱ ﻏﺪﺍ ﻭﺍﻏﺴﻠﻲ ﻣﻼﺑﺲ ﺗﺎﺝ ﺭﺍﺳﺞ ..
ﻫﻬﻬﻬﻪ ﺑﻠﻪ ﻫﺬﺍ ﺷﺄﺣﺠﻲ ﻭﻳﺎﻩ ..
ﺳﻜﺘﺖ ﻭﻓﻮﺿﺖ ﺍﻣﺮﻱ ﻟﻠﻪ ..
ﺳﻮﻳﺖ ﻏﺪﺍ ﻭﻛﻤﻠﺖ ﻣﻼﺑﺲ ..
ﺭﺣﺖ ﺍﺭﺗﺎﺡ ﻻﻥ ﻣﻦ ﺍﻟﻔﺠﺮ ﻃﻠﻌﻨﺎ ﻭﺭﺟﻌﻨﺎ ﺗﻌﺒﺎﻧﺔ ﻭﻻﺍﺭﺗﺎﺣﻴﺖ
ﻟﻠﻴﻞ ﺍﺗﺼﻞ ﻋﻠﻴﻪ ﺭﻗﻢ ﻏﺮﻳﺐ ﻣﺎﺭﺩﻳﺖ ..
ﻣﺎﺍﺣﺐ ﺍﺭﺩ ﻉ ﺍﺭﻗﺎﻡ ﻏﺮﻳﺒﻪ . .
ﺷﻮﻳﻪ ﻭﺍﺟﺘﻨﻲ ﺭﺳﺎﻟﻪ .
ﺍﻧﻲ ﻗﻴﺼﺮ ﺭﺩﻱ ﺿﺮﻭﺭﻱ ﻟﻮ ﺍﺟﻲ ﺍﺣﺠﻲ ﻭﻳﺎﺝ ﻭﺟﻬﺎ ﻟﻮﺟﻪ
ﺍﺳﺘﻐﻔﺮ ﺍﻟﻠﻪ ﻫﻲ ﻧﺎﻗﺼﻪ ﻫﺬﺍ ﻋﻠﻴﻪ ﻳﺘﺄﻣﺮ .. ﺷﻤﺲ
ﺍﺗﺼﻞ ﺭﺩﻳﺖ .. ﺍﻟﻮ
ﺍﻟﻮ ﻭﻣﻌﺼﺐ
ﺷﺮﺍﻳﺪ
ﺷﻨﻮ ﺍﺭﻳﺪ . ﺗﺮﻛﺘﻴﻨﻲ ﻭﺑﻬﺬﻟﺘﻴﻨﻲ ﻭﺍﺷﻜﺎﻝ ﺳﻮﻳﺘﻲ ﺑﻴﻪ ﻷﻥ ﺧﻨﺘﺞ ..
ﻭﺑﺎﻷﺻﻞ ﺍﻧﺘﻲ ﺍﻟﻲ ﻃﻠﻌﺘﻲ ﺗﺨﻮﻧﻴﻨﻲ ﻭﻣﻦ ﺯﻣﺎﻥ ..
ﺍﻧﺖ ﺷﺪﺗﺤﺠﻲ .. ﺍﻛﻴﺪ ﺗﺨﺒﻠﺖ
ﻫﻬﻬﻪ ﺍﻱ ﺍﻧﺘﻲ ﺧﺒﻠﺘﻴﻨﻲ ﻟﺞ ﺍﻟﻌﻦ ﺍﻟﻴﻮﻡ ﺍﻟﻲ ﻋﺮﻓﺘﺞ ﺑﻲ ﻭﺩﻣﺮﺗﻴﻨﻲ ..
ﻫﺎﻱ ﺷﺒﻴﻚ ﻗﻴﺼﺮ ﺍﻧﻲ ﺑﺤﻴﺎﺗﻲ ﻣﺎﺧﻨﺘﻚ ﺍﻧﺖ ﺍﻟﻲ ﺧﻨﺘﻨﻲ ﻭﺿﻴﻌﺖ ﻛﻮﻟﺸﻲ ﻻﺗﺠﻲ ﻫﺴﺎ ﻭﺗﮕﻠﺐ ﺍﻟﺴﺎﻟﻔﻪ ﻋﻠﻴﻪ ..
ﻟﻮ ﻫﺎﻱ ﺍﺧﺮ ﻣﺤﺎﻭﻻﺗﻚ ﻟﺤﺘﻰ ﺗﺮﺟﻌﻨﻲ ..
ﻟﺞ ﺷﻨﻮ ﺍﮔﻠﺐ ﺍﻟﺴﺎﻟﻔﻪ .. ﻣﻦ ﺯﻣﺎﻥ ﻭﺍﻧﻲ ﻣﺎﻣﺮﺗﺎﺡ ﺍﻟﻮﺳﺎﻡ ﻭﻛﻨﺖ ﺍﺷﻚ ﺑﻲ ﻭﺍﻧﺘﻲ ﺗﮕﻮﻟﻴﻦ ﺍﺧﻮﻳﻪ ﻭﺍﺧﻮﻳﻪ ﺧﺎﺑﺼﺘﻨﻲ ..
ﺗﺎﻟﻲ ﺍﻟﻴﻮﻡ ﻳﺠﻲ ﻭﻳﺒﻴﻦ ﻛﻠﺸﻲ ..
ﻭﺳﺎﻡ ﺍﺟﻪ ﺍﻟﻚ ﻟﻴﺶ ..
ﺍﺟﻪ ﻟﺤﺘﻰ ﻳﻬﺪﺩﻧﻲ ﺍﺫﺍ ﻣﺎﺑﻌﺪﺕ ﻋﻨﺞ ..
ﻟﺞ ﻳﮕﻠﻲ ﺍﻧﻲ ﺍﺣﺒﻬﺎ ﻭﻫﻲ ﺗﺤﺒﻨﻲ ﻭﺭﺍﺡ ﻧﺘﺰﻭﺝ ..
ﺍﻧﺴﺎﻫﺎ ﺍﺣﺴﻦ ﺍﻟﻚ ..
ﻟﺘﺸﻮﻑ ﺷﻲ ﻣﻴﻌﺠﺒﻚ ..
ﻗﻴﺼﺮ ﻻﺯﻡ ﺍﻧﺖ ﻧﺎﺳﻲ ﺍﺣﻨﻪ ﺻﺎﺭﻟﻨﺎ ﺛﻤﺎﻥ ﺍﺷﻬﺮ ﻣﻨﻔﺼﻠﻴﻦ ..
ﻭﺍﻛﺜﺮ ﻭﺍﺣﺪ ﻭﮔﻒ ﻭﻳﺎﻱ ﻭﺳﺎﻧﺪﻧﻲ ﻭﺳﺎﻡ ..
ﺷﻔﺖ ﮔﻠﺒﻪ ﻭﺣﺒﻪ ﺍﻟﻲ .. ﻛﺎﻥ ﻳﺨﺎﻑ ﻋﻠﻴﻪ ﺍﻛﺜﺮ ﻣﻦ ﺭﻭﺣﻪ ﻭﻳﻔﻜﺮ ﺑﻴﻪ ﻗﺒﻞ ﻣﻴﻔﻜﺮ ﺑﻨﻔﺴﻪ ..
ﻭﻫﺬﺍ ﺍﻟﺸﻲ ﻣﺸﻔﺘﻪ ﻣﻨﻚ ..
ﻃﻮﻝ ﻓﺘﺮﺓ ﺯﻭﺍﺟﻨﺎ ﺻﺎﺭ ﺑﻴﻪ ﻛﻮﻟﺸﻲ ..
ﻫﻢ ﻳﻮﻡ ﻭﮔﻔﺖ ﻭﻳﺎﻱ ﺍﻭ ﺳﺎﻧﺪﺗﻨﻲ ..
ﻛﻨﺖ ﺍﻧﺎﻧﻲ ﺗﺤﺐ ﻧﻔﺴﻚ ﻭﺭﻏﺒﺎﺗﻚ ﺍﻛﺜﺮ ﻣﻨﻲ ..
ﻭﺍﻟﺪﻟﻴﻞ ﺧﻨﺘﻨﻲ ﺑﺄﻗﺮﺏ ﻓﺮﺻﻪ ﺳﻤﺤﺖ ﺍﻟﻚ ..
ﻟﻚ ﻟﺘﻘﺎﺭﻥ ﻧﻔﺴﻚ ﺑﻮﺳﺎﻡ ﻷﻥ ﺍﻛﻴﺪ ﺗﻄﻠﻊ ﺍﻧﺖ ﺍﻟﺨﺴﺮﺍﻥ ..
ﻫﻴﺞ ﻳﻌﻨﻲ ﻣﻴﺎﺭ ..
ﺍﻱ ﻫﻴﺞ ﻭﻫﺬﺍ ﺍﺧﺮ ﻛﻼﻡ ﻭﺍﺧﺮ ﺍﺗﺼﺎﻝ ..
ﺷﻮﻑ ﺣﻴﺎﺗﻚ ﻳﺎﺍﺑﻦ ﺍﻟﻨﺎﺱ ﻭﺍﺗﺮﻛﻨﻲ ﺑﺤﺎﻟﻲ ..
ﺯﻭﺍﺟﻨﺎ ﺻﻔﺤﺔ ﻭﺍﻧﻄﻮﺕ ﻭﻣﺎﻣﻤﻜﻦ ﻧﺮﺟﻊ ﺳﻮﻳﻪ ..
ﺧﻠﻲ ﻫﺬﺍ ﺍﻟﺸﻲ ﺑﺒﺎﻟﻚ ..
ﻭﺍﺗﻤﻨﺎﻟﻚ ﺍﻟﺴﻌﺎﺩﻩ ﻭﻱ ﺍﻟﻲ ﺗﺨﺘﺎﺭﻫﺎ ..
ﺭﻏﻢ ﺍﻧﺖ ﺍﺫﻳﺘﻨﻲ ﻭﺩﻣﺮﺕ ﻛﻮﻟﺸﻲ ﺑﺤﻴﺎﺗﻲ
.
ﺍﺳﻤﻌﻴﻨﻲ ﻣﻴﺎﺭ …
ﺍﻟﻠﻪ ﻭﻳﺎﻙ ﻗﻴﺼﺮ .
ﻏﻠﻘﺘﻪ ﻭﻧﻄﻴﺘﻪ ﺣﻈﺮ ..
ﺭﺟﻌﺖ ﺍﺗﺼﻠﺖ ﻉ ﻭﺳﺎﻡ ..
ﻫﻠﻮ ﺣﺒﻲ ﺷﻠﻮﻧﺞ
ﻫﻠﻮ ﺑﻴﻚ ﺣﺒﻴﺒﻲ .. ﻭﻳﻦ ﺍﻧﺖ
ﺑﺎﻟﺸﺮﻛﻪ ..
ﺍﮔﻮﻟﻚ ﺷﺒﺴﺮﻋﻪ ﺭﺟﻌﻨﺎ ﻣﻦ ﺍﻟﻨﺠﻒ ﻭﺷﺒﺴﺮﻋﻪ ﺭﺣﺖ ﺍﻟﻘﻴﺼﺮ ..
ﻣﻨﻮ ﮔﻠﺞ 😡😡
ﻫﻮ ﺍﺗﺼﻞ .. ﺷﻤﺲ
ﺷﻨﻮ ﻭﻟﻴﺶ ﺗﺮﺩﻳﻦ 😡😡
ﮔﻠﻲ ﺍﺫﺍ ﻣﺘﺮﺩﻳﻦ ﺍﺟﻲ ﻟﻠﺒﻴﺖ ﻭﺧﻔﺖ ﻳﺴﻮﻳﻠﻲ ﻣﺸﻜﻠﻪ
ﻳﻌﻨﻲ ﻣﺎﻳﺘﻮﺏ 😡
ﻟﺘﺨﺎﻑ ﺣﺠﻴﺖ ﻭﻳﺎﻩ ﻭﻓﻬﻤﺘﻪ ﻣﺎﻛﻮ ﺍﺣﺪ ﺑﮕﻠﺒﻲ ﺑﺲ ﺍﻧﺖ ..
ﻭﻃﻠﻊ ﺣﺠﻪ ﺧﻴﺎﻧﺘﻪ ﺑﺄﻧﻪ ﻋﺪﻧﺎ ﻋﻼﻗﻪ ﻣﻦ ﻗﺒﻞ
ﺷﮕﺪ ﻧﺬﻝ 😡
ﻭﮔﻔﺘﻪ ﻋﻨﺪ ﺣﺪﻩ ﻭﻣﺎﻧﻄﻴﺘﻪ ﻓﺮﺻﻪ ..
ﻭﺗﺎﻟﻲ ﺣﻈﺮﺗﻪ ..
ﻓﺪﻭﻩ ﺍﻟﺤﺒﻴﺒﺘﻲ ﺍﻟﻘﻮﻳﻪ 😍😍
ﻟﻌﺪ ﺷﻌﺒﺎﻟﻚ ..
ﺑﺮﺑﺞ ﮔﻠﺘﻴﻠﻪ ﺍﻧﻲ ﺍﺣﺐ ﻭﺳﺎﻡ ..
ﺍﻣﻤﻤﻤﻢ ﻭﺍﻣﻮﺕ ﻋﻠﻴﻪ ﺑﻌﺪ 😂
ﺑﻌﺪ ﺭﻭﺣﻲ .. ﺍﻭﻭﻭﻭﻑ ﻟﻮ ﻳﻤﻲ ..
ﻭﺷﺘﺴﻮﻱ ﻳﻌﻨﻲ ..
ﻛﻠﺸﻲ ﻣﺎﺍﺳﻮﻱ ﺑﺲ ﺍﮔﻄﻊ ﺍﻟﺸﻔﺎﻳﻒ ﺍﻟﻲ ﺗﺪﺍﻓﻊ ﻋﻦ ﺣﺒﻨﺎ ﻫﻬﻬﻬﻪ ..
ﻭﺳﺎﺍﺍﺍﺍﻡ ﺷﻨﻮ ﻫﺎﻱ ﺍﺧﺠﻞ ..
ﻓﺪﻳﺖ ﺍﻟﻲ ﻳﺨﺠﻞ ..
ﻭﺳﺎﻡ ﺍﺧﺎﻑ ﻫﺬﺍ ﻳﺮﻭﺡ ﻳﺤﺠﻲ ﺍﻻﺧﻮﺍﻧﻲ ﻭﺗﺼﻴﺮ ﻣﺸﻜﻠﻪ ..
ﻟﺘﺨﺎﻓﻴﻦ ﺍﻟﻴﻮﻡ ﺑﺎﻟﻠﻴﻞ ﺣﻨﺠﻲ ﺍﻧﻲ ﻭﺍﻣﻲ ﻭﺍﺑﻮﻳﻪ ﺑﺤﺠﺔ ﻧﺸﻮﻑ ﻧﻬﻠﻪ ﻭﻧﺤﺠﻲ ﻭﻱ ﺍﺧﻮﺍﻧﺞ ..
ﻳﺎﺍﺍﺍ ﻟﻌﺪ ﻏﻴﺮ ﺗﺤﺠﻲ ﺍﺭﻭﺡ ﺍﺳﻮﻱ ﺍﻟﻌﺸﺎ ﺑﺴﺮﻋﻪ .. ﻣﻨﺘﻀﺮﺗﻜﻢ ..
ﻻ ﻳﻌﻤﺮﻱ ﻟﺘﻌﺒﻴﻦ ﻧﻔﺴﺞ .. ﻧﺘﻌﺸﺎ ﻭﻧﺠﻲ ..
ﺍﻣﻤﻤﻢ ﺧﻠﺺ ﺷﺘﺤﺐ ﺍﺳﻮﻳﻠﻚ ..
ﺍﺳﺘﻜﺎﻥ ﺟﺎﻱ ﻣﻦ ﺍﻳﺪﻳﺞ ﻳﻜﻔﻴﻨﻲ ..
ﻓﺪﻳﺘﻚ ﺍﻣﻮﺍﺍﺍﺡ ﺍﺭﻭﺡ ﺍﺳﺒﺢ ﻳﻠﻪ ﺑﺎﻱ ..
………………
ﻣﻴﻬﻮﻥ ﻋﻠﻴﻪ ﺍﻓﺮﺡ ﻭﺍﺗﺰﻭﺝ ﻭﺍﻣﻲ ﺿﻲ ﻋﻴﻮﻧﻲ ﻣﺎﻛﻮ ﻳﻤﻲ ..
ﺑﺲ ﻣﺠﺒﻮﺭﻩ ..
ﺍﺭﻳﺪ ﺍﺧﻠﺺ ﻣﻦ ﺍﺧﻮﺍﻧﻲ ﻭﻗﻬﺮﻫﻢ ﻭﻇﻠﻤﻬﻢ ..
ﻭﺍﻋﺮﻑ ﺍﻣﻲ ﺭﺍﺡ ﺗﻔﺮﺡ ..
ﻷﻥ ﻫﻲ ﻣﻦ ﺯﻣﺎﻥ ﺗﺘﻤﻨﻰ ﺍﺻﻴﺮ ﺍﻟﻮﺳﺎﻡ ..
ﻟﻠﻴﻞ ﺗﻌﺸﻴﻨﺎ ﻭﺧﻠﺼﻨﺎ .. ﻭﻫﺎﻱ ﻧﻬﻠﻪ ﻃﻠﻌﺖ ﺭﻭﺣﻲ ..
ﮔﻮﻣﻲ ﻭﺍﮔﻌﺪﻱ ..
ﻭﺷﻴﻠﻴﻨﻲ ﻭﺧﻠﻴﻨﻲ ..
ﻃﻠﺒﺎﺗﻬﺎ ﻣﺘﮕﻀﻲ .. ﺷﻤﺲ
ﺍﺟﻮ ﺑﻴﺖ ﻋﻤﻮ ﺍﺑﻮ ﻭﺳﺎﻡ ..
ﺍﺳﺘﺤﻴﺖ ﻣﻦ ﻋﻤﺘﻲ .. ﺧﻔﺖ ﺗﻌﺎﺭﺽ ..
ﺑﺲ ﻛﺎﻧﺖ ﺯﻳﻨﻪ ﻭﺳﻠﻤﺖ ﻋﺎﺩﻱ ..
ﺳﻮﻳﺖ ﺟﺎﻱ ﻭﺟﺒﺘﻪ .. ﺑﺲ ﺧﻠﻴﺖ ﻣﻠﺢ ﺑﺄﺳﺘﻜﺎﻥ ﻭﺳﺎﻡ ..
ﺣﺒﻴﺖ ﺍﺧﺘﺒﺮﻩ ..
ﻗﺪﻣﺖ ﺍﻟﻬﻢ ﻭﻭﺻﻠﺖ ﻳﻢ ﻭﺳﺎﻡ ﮔﺘﻠﻪ ﻫﺬﺍ ﺍﻟﻚ ﺍﺷﺮﺗﻠﻪ ﺑﻌﻴﻮﻧﻲ ..
ﺍﺧﺬﻩ ..
ﺍﻧﻲ ﺍﺑﺎﻭﻋﻠﻪ ﻭﺣﺎﺻﺮﺗﻨﻲ ﺍﻟﻀﺤﻜﻪ 😂😂
ﺍﻭﻝ ﻣﺎﺷﺮﺏ ﺑﻠﻌﻪ ﻉ ﻋﻴﻮﻧﻪ ..
ﺑﺎﻭﻋﻠﻲ ﺍﻧﻲ ﺻﺮﺕ ﺣﻤﺮﻩ ﻣﻦ ﺍﻟﻀﺤﻚ ..
ﻫﻮ ﺿﺤﻚ ﻭﺩﻧﮓ ..
ﻭﻋﻨﺎﺩ ﺑﻴﻪ .. ﺷﺮﺏ ﺍﻻﺳﺘﻜﺎﻥ ﺷﺮﺑﻪ ﻭﺣﺪﻩ ..
ﺍﺳﺘﻐﺮﺑﺖ ﺷﻠﻮﻥ ﺗﺤﻤﻞ ..
ﺧﻠﺺ .
ﺩﺯﻟﻲ ﺭﺳﺎﻟﻪ ..
ﻟﻮ ﺗﺨﻠﻴﻠﻲ ﺳﻢ ﺍﺷﺮﺑﻪ ..
ﺍﻭﻭﻭﻭﻑ ﻳﺎﮔﻠﺒﻲ ﻟﻴﺶ ﻫﻴﺞ ﺍﻋﻤﻰ ..
ﻣﺎﺷﻔﺖ ﻭﺳﺎﻡ ﻣﻦ ﺍﻻﻭﻝ ﻛﺎﻥ ﻫﺴﺎ ﺍﻧﻲ ﻣﺮﺗﺎﺣﺔ ﻭﻻ ﻣﺮﻳﺖ ﺑﺄﻟﻲ ﻣﺮﻳﺘﻪ ..
ﻋﻤﻲ ﻓﺎﺗﺢ ﺍﺧﻮﺍﻧﻲ .
ﮔﻠﻬﻢ ﻣﻴﺎﺭ ﺑﻘﺖ ﻭﺣﺪﻫﺎ ﻭﻣﺎﻟﻬﺎ ﺍﺣﺪ .. ﻭﺍﺑﻦ ﻋﻤﻬﺎ ﻳﺮﻳﺪﻫﺎ ..
ﻭﺍﺣﺴﻦ ﻣﻦ ﺍﻟﻐﺮﻳﺐ ..
ﻭﻫﻮ ﻳﺼﻮﻧﻬﺎ ﻭﻳﺪﻟﻠﻬﺎ ..
ﻧﻬﻠﻪ ﮔﻠﺒﺖ ﻭﺟﻬﻬﺎ ..
ﮔﺎﻟﺖ ﺍﻟﻴﻮﻡ ﻃﻠﻊ ﺍﺭﺑﻌﻴﻦ ﻋﻤﺘﻲ ﻭﻳﻦ ﺗﺘﺰﻭﺝ ﻭﺗﻔﺮﺡ ﻭﺍﻣﻬﺎ ﻣﻴﺘﻪ ..
ﻋﻤﻮ ﮔﺎﻟﻬﺎ .. ﻃﺒﻌﺎ ﻣﺎﻧﻔﺮﺡ ﻭﺍﻡ ﺍﻣﻴﺮ ﻣﻴﺘﻪ ..
ﺑﺲ ﻣﺠﺮﺩ ﻋﻘﺪ ﺳﻴﺪ ﻭﻋﻘﺪ ﻣﺤﻜﻤﻪ .. ﻭﻳﺮﺣﻮﻥ ﺍﻟﺒﻴﺘﻬﻢ ﻭﺍﻧﺘﻮ ﻛﻞ ﻭﺍﺣﺪ ﻋﻨﺪﻩ ﻣﺴﺆﻟﻴﺎﺕ ..
ﻭﻫﻲ ﺑﺲ ﺍﻟﺴﻨﻪ ﺍﻟﻲ ﺗﺠﻲ ﻭﺗﺘﺨﺮﺝ ..
ﻭﻣﺎﻟﻬﺎ ﺍﺣﺪ ..
ﺍﻣﻴﺮ ﻳﺠﻴﺐ ﻣﻨﺎ ﻭﻳﺨﻠﻲ ﻭﻛﻞ ﺳﺎﻋﻪ ﺑﻌﺬﺭ ..
ﻭﺍﺧﺮ ﻋﺬﺭ ..
ﻭﻳﻦ ﻳﮕﻌﺪ ﺍﺫﺍ ﻳﺘﺰﻭﺟﻬﺎ ﺑﺒﻴﺘﻬﺎ ..
ﻭﺳﺎﻡ .. ﺗﺮﻯ ﺍﻟﺤﻤﺪ ﻟﻠﻪ ﻋﻨﺪﻱ ﺑﻴﺖ ﻭﺷﺮﻛﻪ ﻭﻣﺘﻤﻜﻦ ﻣﻮ ﺍﻧﻲ ﺍﻟﻲ ﺍﮔﻌﺪ ﺑﺒﻴﺖ ﻣﺮﺗﻲ ..
ﻧﻬﻠﻪ .. ﺑﺲ ﻫﻲ ﺗﻌﺘﺒﺮﻙ ﺍﺧﻮﻫﺎ ..
ﻋﻤﻮ ﺍﺑﻮ ﻭﺳﺎﻡ ..
ﻫﺎﻱ ﻳﻤﻨﺎ ﻭﻧﺴﺄﻟﻬﺎ .. ﺑﻮﻳﻪ ﻣﻴﺎﺭ ﺗﻘﺒﻠﻴﻦ ﺑﺒﺄﻥ ﻋﻤﺞ ﻟﻮ ﻻ ..
ﺍﻧﻲ ﻣﺘﺖ ﺑﺪﻣﻲ ﻭﻣﺎﺍﻋﺮﻑ ﺷﻨﻮ ﺍﺟﺎﻭﺏ
.
ﻣﻦ ﺳﺄﻟﻨﻲ ﻋﻤﻮ ﺍﺭﺗﺒﻜﺖ ﻭﺍﻧﺤﺮﺟﺖ ..
ﺍﺧﻮﺍﻧﻲ ﻭﻧﻬﻠﺔ ﺗﺨﻮﺯﺭ ﺑﻴﻪ ..
ﮔﺘﻠﻪ ﻋﻤﻮ ﺑﻜﻴﻔﻜﻢ ﻭﺍﺑﻦ ﻋﻤﻲ ﺍﺣﺴﻦ ﻣﻦ ﺍﻟﻐﺮﻳﺐ ﺍﻟﻲ ﺩﻣﺮﻧﻲ ..
ﻣﺎﺍﻋﺮﻑ ﺷﻠﻮﻥ ﺗﺠﺮﺃﺕ ﻭﺣﺠﻴﺖ ..
ﻳﻤﻜﻦ ﻻﻥ ﻣﻠﻴﺖ ﻣﻦ ﺣﻜﻤﻬﻢ ﻋﻠﻴﻪ ﻭﺟﺒﺮﻭﺗﻬﻢ ..
ﺣﺴﻴﺖ ﻫﺬﻱ ﺍﺧﺮ ﻓﺮﺻﻪ ﺍﻟﻲ ﻭﻻﺯﻡ ﺍﺳﺘﻐﻠﻬﺎ ..
ﻋﻤﻮ ﮔﺎﻝ .. ﻭﺍﻟﻨﻌﻢ ﻣﻨﺞ ﺑﻨﻴﺘﻲ ..
ﺍﻟﺘﻔﺖ ﻉ ﺍﻣﻴﺮ ..
ﮔﺎﻟﻪ ﻭﻫﺎﻱ ﺍﺧﺬﻧﻪ ﻣﻮﺍﻓﻘﺔ ﺍﻟﺒﻨﻴﻪ .. ﺑﻌﺪ ﻣﺎﻛﻮ ﺣﺠﺔ ..
ﺍﺧﻮﺍﻧﻲ ﮔﺎﻟﻮﺍ ﺑﺎﻟﺨﻴﺮ .. ﺑﺲ ﺣﺴﻴﺘﻬﺎ ﻣﻮ ﻣﻦ ﮔﻠﺒﻬﻢ ..
ﺭﻏﻢ ﻣﺎﺍﻫﺘﻤﻴﺖ ..
ﮔﺎﻟﺖ ﻋﻤﺘﻲ ﺗﻌﺎﻟﻲ ﺍﺑﻮﺳﺞ .. ﺷﻤﺲ
ﺑﺎﺳﺘﻨﻲ ﻭﮔﺎﻟﺖ .. ﺍﻭﻭﻭﻑ ﻳﻤﻪ ﺷﻴﺼﻴﺮ ﻟﻮ ﻣﻦ ﺯﻣﺎﻥ ﻫﻴﺞ ﻣﻔﺮﺣﺘﻨﻪ ..
ﻻ ﺍﻧﺘﻲ ﺗﺄﺫﻳﺘﻲ ﻭﻻ ﻭﻟﻴﺪﻱ ..
ﺑﺎﻭﻋﺖ ﺍﻟﻮﺳﺎﻡ ﻳﺴﻮﻟﻒ ﻭﻱ ﺍﺑﻮﻩ ﻭﻳﻀﺤﻚ ﻣﺒﻴﻨﻪ ﺍﻟﻔﺮﺣﺔ ﻋﻠﻴﻪ ..
ﮔﻠﺘﻠﻬﺎ ﻋﻤﻪ ﻣﺮﺍﺕ ﮔﻠﺐ ﺍﻻﻧﺴﺎﻥ ﻳﺼﻴﺮ ﺍﻋﻤﻰ ﻋﻦ ﺍﻟﻲ ﻳﺤﺒﻬﺎ ﻭﻳﺴﺘﺎﻫﻠﻪ ..
ﺑﺲ ﺍﻟﺤﻤﺪ ﻟﻠﻪ ﮔﺪﺭﺕ ﺍﻓﺘﺢ ﮔﻠﺒﻲ ﻭﺍﺷﻮﻑ ﺍﻟﻲ ﻳﺴﺘﺤﻘﻨﻲ ﻗﺒﻞ ﻓﻮﺍﺕ ﺍﻻﻭﺍﻥ ..
ﺿﺤﻜﺖ ﻭﮔﺎﻟﺖ .. ﻭﻻﻳﻮﻡ ﻧﺴﺎﺝ ﻭﻛﻞ ﻣﺎﺍﺭﻳﺪ ﺍﺧﻄﺒﻠﻪ ﻳﺮﻓﺾ ﻭﻳﮕﻮﻝ ﻣﻴﺎﺭ ﻗﺴﻤﺘﻲ ﺍﻥ ﺷﺎﺀ ﺍﻟﻠﻪ
ﻟﻮ ﺍﻋﺮﻑ ﺍﺑﻘﻰ ﺑﻼ ﺯﻭﺍﺝ ﻣﺎﺍﺭﻳﺪ ﻏﻴﺮﻫﺎ .. ﺷﻤﺲ
ﺩﻣﻌﺖ ﻋﻴﻮﻧﻲ ﻭﺑﺠﻴﺖ ..
ﺣﻄﻤﺖ ﺭﻭﺣﻲ ﻭﺣﻄﻤﺘﻪ ﻭﻣﺎﺧﻠﻴﺖ ﺍﻣﻲ ﺗﺸﻮﻑ ﻫﺬﻱ ﺍﻟﻠﺤﻈﻪ ﻭﺗﻔﺮﺡ ﻭﻫﻲ ﻛﺎﻧﺖ ﺗﺘﻤﻨﺎﻫﺎ ..
ﻧﻬﻠﻪ .. ﻋﻠﻴﻤﻦ ﺗﺒﺠﻴﻦ ﺍﺷﻮ ﻗﺴﻤﻪ ﺍﺣﺴﻦ ﻣﻦ ﻗﺴﻤﻪ ..
ﺧﺰﺭﺗﻬﺎ ﻭﮔﻤﺖ ﻃﻠﻌﺖ ..
ﻋﻤﻲ ﮔﺎﻟﻬﻢ ﺍﻟﺠﻤﻌﻪ ﺍﻟﺠﺎﻳﻪ ﻧﺎﺧﺬﻫﺎ ..
ﻧﻬﻠﻪ .. ﺑﻬﺎﻱ ﺍﻟﺴﺮﻋﻪ ﺍﻧﻲ ﻣﺮﻳﻀﻪ .. ﻭﻫﻲ ﺑﻨﻴﻪ ﻻﺯﻡ ﺗﺠﻬﺰ ﺗﺸﺘﺮﻱ ..
ﻋﻤﻲ .. ﺑﻮﻳﻪ ﺍﺣﻨﻪ ﻣﺎﻧﺴﻮﻱ ﺣﻔﻠﻪ ﻭﻫﻮﺳﻪ .. ﻭﻛﺴﺮ ﻋﻴﻨﻬﺎ ﺧﻼﻟﻬﺎ 100 ﺍﻟﻒ ﺟﻮﻩ ﺭﺍﺳﻬﺎ .. ﻭﻛﻤﻞ ﻛﻼﻣﻪ
ﻫﻮ ﺍﻟﺴﻴﺪ ﻳﻌﻘﺪﻟﻬﻢ ﻭﻳﺎﺧﺬﻫﺎ ﺭﺟﻠﻬﺎ ﺍﻟﺒﻴﺘﻪ ..
ﻭﻫﺎﻱ ﺍﻻﺣﺪ ﻳﻌﻘﺪﻭﻥ ﻣﺤﻜﻤﻪ ..
ﻭﻛﻮﻟﺸﻲ ﻳﺨﻠﺺ .
ﺍﻣﻴﺮ ﺑﻘﻰ ﻳﺤﺠﻲ ﻭﻳﺘﻌﺬﺭ ﻻﻋﻤﻲ ﺟﻴﺘﻚ ﻛﺎﻓﻲ ﻭﻛﺬﺍ ﺑﺲ ﻫﻲ ﻣﺎﺍﻧﻜﺴﺮﺕ ﻋﻴﻨﻬﺎ .. ﻭﺑﺼﻼﻓﻪ ﮔﺎﻟﺖ ..
ﻳﺎ ﻟﻌﺪ ﺗﺎﺧﺬﻭﻫﺎ ﺑﻠﻮﺷﻲ ..
ﻭﺳﺎﻡ .. ﻣﻬﺮ ﻣﻴﺎﺭ ﻣﺸﺘﺮﻳﻪ ﻣﻦ ﺍﻭﻝ ﻣﺮﻩ ﺧﻄﺒﺘﻬﺎ ﺑﻲ ..
ﻭﻋﻨﺪﻫﺎ ﺍﺳﺒﻮﻉ ﻛﺎﻣﻞ ﺗﺸﺘﺮﻱ ﺍﻟﻲ ﺗﺮﻳﺪﻩ ..
ﻭﺑﻴﺖ ﻣﺄﺛﺚ ﺟﺪﻳﺪ ..
ﺑﺲ ﻏﺮﻓﺔ ﻧﻮﻡ ﻧﺨﺘﺎﺭﻫﺎ ﺳﻮﻩ ﻭﺍﻟﺤﻠﻘﻪ ..
ﺑﺎﻭﻋﺖ ﺍﻟﻌﻤﺘﻲ .. ﮔﻠﺘﻠﻬﺎ ﻋﻤﻪ ﺍﻧﻲ ﻣﺎﺍﻧﺰﻉ ﺍﻻﺳﻮﺩ ﻣﺎﺍﺭﻳﺪ ﻣﻼﺑﺲ ..
ﻻ ﻳﻌﻤﻪ ﺍﻣﺞ ﻫﻢ ﻣﺎﺗﻘﺒﻞ ﺗﺤﺰﻧﻴﻦ ﻭﺗﺒﻘﻴﻦ ﺑﺎﻟﺴﻮﺍﺩ ..
ﻭﺍﻧﺘﻲ ﻋﺮﻭﺱ ﻭﻣﺎﻳﺼﻠﺢ ..
ﺍﻟﺤﺰﻥ ﺑﺎﻟﮕﻠﺐ ﺍﻻﺳﻮﺩ ﻳﺄﺫﻱ ﺍﻟﻤﻴﺖ ..
ﺻﻠﻲ ﺍﻟﻬﺎ ﻭﺍﻗﺮﻱ ﻗﺮﺁﻥ ﻭﺳﻮﻳﻠﻬﺎ ﺛﻮﺍﺏ ..
ﺍﺣﺴﻦ ﻣﻦ ﺍﻻﺳﻮﺩ ﻭﺍﻟﺒﺠﻲ ..
ﺗﺮﺩﺩﺕ ﺑﻬﺬﺍ ﺍﻟﻤﻮﺿﻮﻉ ﻭﻣﺎﺍﻗﺘﻨﻌﺖ ..
ﻭﺑﻴﻮﻣﻬﺎ ﮔﻤﺖ ﺃﺑﺠﻲ ..
ﺷﻠﻮﻥ ﺍﻧﺰﻉ ﺍﻻﺳﻮﺩ ﻭﺍﻧﻲ ﺑﺲ ﺍﺭﺑﻌﻴﻦ ﻳﻮﻡ ﺍﻟﻬﺎ ﻣﻦ ﻣﺎﺗﺖ
ﻧﻤﺖ ﻭﺩﻣﻌﺘﻲ ﻉ ﻋﻴﻨﻲ ..
ﺣﺘﻰ ﻭﺳﺎﻡ ﮔﻠﺘﻠﻪ ﻣﺎﺍﻧﺰﻉ ﺍﻻﺳﻮﺩ ﻭﻣﺎﺍﻋﺘﺮﺽ ﻭﮔﺎﻝ ﻛﻞ ﺍﻟﻲ ﺗﺮﺩﻳﻪ ﻳﺼﻴﺮ ﺑﺲ ﻻﺗﺒﺠﻴﻦ ﻭﺧﻠﻴﻨﺎ ﻧﻔﺮﺡ ..
ﻣﻦ ﺗﻠﺒﺴﻴﻠﻲ ﺛﻮﺏ ﻧﻮﻡ ﺍﺳﻮﺩ ﻳﻜﻔﻴﻨﻲ ﺑﻌﺪ ﺷﻨﻮ ﺍﺭﻳﺪ ﻫﻬﻬﻪ
ﻣﻦ ﻧﻤﺖ ﺣﻠﻤﺖ ﺍﻣﻲ ﺗﻌﺎﺗﺒﻨﻲ ..
ﻭﺗﮕﻠﻲ ﻻﺗﻌﺬﺑﻴﻨﻲ ﻳﻤﻪ ﺑﻮﺍﺟﻴﺞ ﻭﺣﺰﻧﺞ ﻳﺄﺫﻳﻨﻲ ..
ﺍﻓﺮﺣﻲ ﺣﺘﻰ ﺍﺭﺗﺎﺡ ﺑﮕﺒﺮﻱ ..
ﻓﺰﻳﺖ ﺍﻻﺫﺍﻥ ﻳﺄﺫﻥ ﺗﻮﺿﻴﺖ ﻭﺻﻠﻴﺖ ﺍﻟﻲ ﻭﺍﻻﻣﻲ ﻭﻗﺮﻳﺖ ﺍﻟﻬﺎ ﻗﺮﺁﻥ ﺣﺴﻴﺖ ﺭﻭﺣﻲ ﺍﺭﺗﺎﺣﺖ .. ﺷﻤﺲ
ﺍﺗﺼﻠﺖ ﻉ ﻭﺳﺎﻡ ..
ﺍﻟﻮ ﻫﺎ ﺣﺒﻲ ﺷﻜﻮ ﺻﺎﻳﺮ ﺷﻲ
ﻻ ﻳﻌﻤﺮﻱ ﺑﺲ ﺣﻠﻤﺖ ﺑﻤﺎﻣﺎ ..
ﺗﻌﺎﺗﺒﻨﻲ ﻻﻥ ﺑﺲ ﺍﺑﺤﻲ ﻭﺣﺰﻧﺎﻧﻪ ..
ﺍﻟﻠﻪ ﻳﺮﺣﻤﻬﺎ .. ﺍﻧﻲ ﻣﺎﺭﺩﺕ ﺍﺿﻐﻂ ﻋﻠﻴﺞ . ﺑﺲ ﻫﻲ ﺑﻘﺖ ﻋﻴﻨﻬﺎ ﻋﻠﻴﺞ ﺍﺫﺍ ﺍﺭﺗﺎﺣﻴﺘﻲ ﻫﻲ ﺗﺮﺗﺎﺡ ﻭﺗﻔﺮﺡ ﻻﺗﺄﺫﻳﻬﺎ ..
ﻛﻼﻡ ﻭﺳﺎﻡ ﺭﻳﺤﻨﻲ ..
ﺛﺎﻧﻲ ﻳﻮﻡ ﺍﺟﻮ ﻫﻮ ﻋﻤﺘﻲ ﻭﺍﺧﺬﻭﻧﻲ ﻟﻠﺴﻮﻙ ﺍﺷﺘﺮﻳﺖ ﺣﻠﻘﻪ ﻭﺧﺎﺗﻢ ﻭﻳﺎﻫﺎ ﺣﻠﻮ .
ﻭﺍﺷﺘﺮﻳﺖ ﺍﻟﻮﺳﺎﻡ ﺣﻠﻘﻪ ..
ﻋﻤﺘﻲ ﺷﻮﻓﺘﻨﻲ ﺍﻟﺘﺨﻢ ﻣﺸﺘﺮﻳﻪ ﻭﺳﺎﻡ ﻣﻦ ﺯﻣﺎﻥ ..
ﮔﺎﻟﺖ ﺍﺫﺍ ﺗﺤﺒﻴﻦ ﻧﺒﺪﻟﻪ ..
ﮔﻠﺘﻠﻬﺎ ﻻ ﺣﻠﻮ ﻣﺪﺍﻡ ﺍﺧﺘﻴﺎﺭ ﻭﺳﺎﻡ ﻣﺎﺍﺑﺪﻟﻪ ..
ﻭﻓﻌﻼ ﻫﻮ ﺣﻠﻮ ﻭﺿﺨﻢ ﻭﻧﺎﺯﻙ ..
ﺍﺷﺘﺮﻳﺖ ﻛﻢ ﺛﻮﺏ ﻧﻮﻡ ﻭﻓﺴﺘﺎﻥ ﺍﻭﭪ ﻭﺍﻳﺖ ﻟﻠﻌﻘﺪ ﻭﻫﻮ ﻫﻢ ﻟﻠﺰﻭﺍﺝ ﻻﻥ ﺑﻨﻔﺲ ﺍﻟﻴﻮﻡ ﻳﺎﺧﺬﻭﻧﻲ ..
ﺑﺎﻭﻋﻠﻲ ﻭﺳﺎﻡ ﺑﺄﺳﺘﻐﺮﺍﺏ ..
ﺍﺑﺘﺴﻤﺖ .. ﮔﺘﻠﻪ ﻫﺎﻱ ﻭﺻﻴﺔ ﻣﺎﻣﺎ ﻭﻻﺯﻡ ﺍﻟﺒﺲ ﺍﻟﺰﻭﺟﻲ ﻫﻴﺞ ﺛﻮﺏ .. ﻫﻮ ﻧﺎﺯﻙ ﻳﺨﺒﻞ ﻣﻮ ﻓﻮﮒ ﺑﻲ ﺷﻐﻞ ﻭﻣﻦ ﺟﻮﻩ ﺳﺎﺩﻩ .. ﻳﺠﻨﻦ ..
ﻭﺍﺷﺘﺮﻳﺖ ﺷﺎﻝ ﺑﻠﻮﻧﻪ ﺣﻠﻮ ﺑﺲ ﻣﺸﺠﺮ ..
ﻭﺣﺬﺍﺀ
ﺍﺷﺘﺮﻳﺖ ﻛﻢ ﮔﻠﺒﻴﻪ ﻭﺗﺮﺍﻛﺎﺕ ..
ﻷﻥ ﺍﻧﻲ ﻣﻦ ﮔﻌﺪﻧﺎ ﺍﻧﻲ ﻭﻣﺎﻣﺎ ﺑﻴﺖ ﻭﺣﺪﻧﺎ ﻫﻮﺍﻱ ﻣﻼﺑﺲ ﻭﺗﺮﺍﻛﺎﺕ ﻣﺸﺘﺮﻳﻪ ..
ﻭﺑﺮﻣﻮﺩﺍﺕ ﻭﺩﺷﺎﺩﻳﺶ ﻗﺼﻴﺮﻩ ..
ﻛﺎﻥ ﻭﺳﺎﻡ ﻳﺠﺒﺮﻧﻲ ﺍﺷﺘﺮﻱ ﺑﻌﺪ ﺑﺲ ﻣﺎﻗﺒﻠﺖ ﻻﻥ ﻣﻮﺩﻳﻼﺕ ﺗﺘﻐﻴﺮ ﻭﺍﻧﻲ ﻋﻨﺪﻱ ﻣﻼﺑﺲ ﻫﻮﺍﻳﻪ ..
ﻃﺮﺩﻧﺎ ﻭﺳﺎﻡ ﻭﺍﺷﺘﺮﻳﺖ ﻣﻼﺑﺲ ﺩﺍﺧﻠﻴﻪ ..
ﻭﻛﺎﻧﺖ ﻋﻤﺘﻲ ﺗﺪﻓﻊ ﻭﻣﺎﺗﻬﺘﻢ ..
ﺑﻌﺪﻳﻦ ﺭﺣﻨﺎ ﺍﺧﺘﺎﺭﻳﻨﺎ ﻏﺮﻓﻪ ﺗﺮﻛﻴﻪ ﺣﻠﻮﻩ ﻭﻧﺎﺯﻛﻪ ..
ﺷﮕﺪ ﺣﺎﻭﻟﺖ ﻭﻱ ﻭﺳﺎﻡ ﻧﮕﻌﺪ ﺑﺒﻴﺘﻲ ..
ﺑﺲ ﺭﻓﺾ ﻭﮔﺎﻝ ﺍﺫﺍ ﺗﺮﺩﻳﻦ ﺍﺟﺮﻳﻪ ..
ﻭﺍﺳﺘﻔﺎﺩﻱ ﻣﻨﻪ ..
ﻣﺮﺗﻲ ﺗﮕﻌﺪ ﺑﺒﻴﺘﻲ ..
ﺑﻴﻮﻣﻬﺎ ﺭﺟﻌﺖ ﻭﺻﺎﺭﺕ ﻣﺸﻜﻠﻪ ﻻﻥ ﻧﻬﻠﻪ ﻣﺮﻳﻀﻪ ﻭﻣﻤﺘﻐﺪﺍﻳﻪ ﻭﻣﺘﺼﻠﻪ ﻉ ﺍﻣﻴﺮ ﺟﺎﺑﻠﻬﺎ ﻏﺪﺍ ..
ﻭﮔﺎﻡ ﻳﺤﺠﻲ ﻭﻳﻐﻠﻂ ﻭﻳﺴﺐ ..
ﺑﺲ ﺍﺗﺤﻤﻠﺖ ﻭﺳﻜﺘﺖ ﻭﮔﻠﺖ ﻫﻮ ﺑﺲ ﻫﺬﺍ ﺍﻻﺳﺒﻮﻉ ﻭﻳﺨﻠﺺ ﻛﻮﻟﺸﻲ ﺍﺗﺤﻤﻠﻲ ﻣﻴﺎﺭ ..
ﺑﺲ ﺍﻻﺳﺒﻮﻉ ﺻﺎﺭ ﺷﻄﻮﻟﻪ . ﻋﻘﺪﻧﻪ ﻣﺤﻜﻤﻪ ﻭﺍﻟﻔﺮﺣﺔ ﻣﺴﺎﻳﻌﻪ ﻭﺳﺎﻡ .. ﺷﻤﺲ
ﺻﺎﺭﺕ ﺍﻟﺠﻤﻌﻪ .. ﻧﺰﻋﺖ ﺍﻻﺳﻮﺩ ﺑﺎﻟﺤﻤﺎﻡ ﻫﺎﻱ ﻋﻤﺘﻲ ﮔﻠﺘﻠﻲ ..
ﻭﺳﺒﺤﺖ ﻭﻫﺎﻟﻪ ﺍﺧﺬﺗﻠﻲ ﻭﺟﻬﻲ ﻭﺭﺗﺒﺖ ﺣﻮﺍﺟﺒﻲ ..
ﻣﺨﻠﻴﺖ ﻫﻮﺍﻳﻪ ﺑﺲ ﻃﺒﻴﻌﻲ ﻭﺧﻔﻴﻒ
ﺣﺘﻰ ﺷﻌﺮﻱ ﻣﺎﺻﺒﻐﺘﻪ ﻭﻭﺳﺎﻡ ﺍﺻﻼ ﻣﻴﺤﺐ ﺍﺻﺒﻎ ﻳﺮﻳﺪﻩ ﻉ ﻃﺒﻴﻌﺘﻪ ..
ﻟﺒﺴﺖ ﺍﻟﻔﺴﺘﺎﻥ ﻭﻟﻔﻴﺖ ﺷﺎﻟﻲ ..
ﻻﻥ ﻋﻤﻲ ﻭﻋﻤﺎﺗﻲ ﻭﻭﻟﺪﻫﻢ ﺍﺟﻮ …
ﺑﻴﻮﻣﻬﺎ ﺷﺒﻌﺖ ﺑﺠﻲ ﻻﻥ ﻧﺰﻋﺖ ﺍﻻﺳﻮﺩ ﻭﻻﻥ ﺍﻣﻲ ﻣﺎﻛﻮ ﻳﻤﻲ ..
ﺍﺣﺲ ﺭﻭﺣﻲ ﻏﺮﻳﺒﻪ ﻣﺤﺪ ﻳﻔﺮﺣﻠﻲ ﻣﺜﻞ ﻣﺎﻣﺎ ..
ﺭﻏﻢ ﺑﻨﺎﺕ ﻋﻤﻮ ﻣﺎﺗﺮﻛﻮﻧﻲ ..
ﺑﺲ ﺑﻼ ﻣﺎﻣﺎ ﺍﺣﺲ ﺭﻭﺣﻲ ﻭﺣﻴﺪﻩ ..
ﺍﺟﻪ ﺍﻟﺴﻴﺪ ﻭﻋﻘﺪ ﺍﻟﻨﺎ ..
ﻭﺑﻌﺪﻳﻦ ﺍﺟﻪ ﻭﺳﺎﻡ ﺑﺎﺱ ﺭﺍﺳﻲ ﻭﺩﺧﻠﻨﻲ ﻟﻼﺳﺘﻘﺒﺎﻝ ..
ﻛﺎﻥ ﻣﺎﻛﻮ ﻻﻫﻼﻫﻞ ﻭﻻ ﺣﻔﻠﻪ ﻣﺠﺮﺩ ﮔﺎﻋﺪﻳﻦ ﺑﺎﻻﺳﺘﻘﺒﺎﻝ ﮔﻌﺪﻩ ﻋﺎﺋﻠﻴﻪ ..
ﻟﺒﺴﻨﻲ ﻭﺳﺎﻡ ﺍﻟﺤﻠﻘﻪ ﻭﺍﻟﺬﻫﺐ ..
ﺟﺎﺑﺘﻠﻨﺎ ﻧﻬﻠﻪ ﻋﺼﻴﺮ ..
ﺑﺲ ﻫﻤﺴﺖ ﺍﻟﻮﺳﺎﻡ ﻣﻴﺸﺮﺏ ..
ﺧﻔﺖ ﻣﻨﻬﺎ ﻣﻦ ﺍﻟﻲ ﺳﻮﺗﻪ ..
ﻭﺣﺘﻰ ﻣﻼﺑﺴﻲ ﺍﻟﻲ ﺍﺷﺘﺮﻳﺘﻬﻦ ﻧﻄﻴﺘﻬﻦ ﺍﻟﻮﺳﺎﻡ ﻳﺎﺧﺬﻫﻦ ﻟﻠﺒﻴﺖ ..
ﺧﻔﺖ ﺗﺴﻮﻱ ﺷﻲ ..
ﻛﻨﺖ ﺣﺬﺭﻩ ﺍﺗﺠﺎﻫﺎ ﻭﻣﺨﻠﻴﺘﻬﺎ ﺗﻠﻤﺲ ﺍﻱ ﺷﻲ ﻳﺨﺼﻨﻲ ..
ﻭﻛﻨﺖ ﺍﻧﻲ ﮔﺎﻋﺪﻩ ﺑﺎﻻﺳﺘﻘﺒﺎﻝ ..
ﻣﻦ ﻛﻨﺖ ﺍﻃﻠﻊ ﻟﻠﺤﻤﺎﻡ ﺍﻭ ﺍﻱ ﻣﻜﺎﻥ ..
ﺍﻗﻔﻞ ﺑﺎﺏ ﺍﻻﺳﺘﻘﺒﺎﻝ ﺣﺘﻰ ﻣﺎﺗﺪﺧﻞ ..
ﻋﻤﻮ ﮔﺎﻝ ﺣﺠﺰﻧﺎﻟﻜﻢ ﺑﺎﻟﻔﻨﺪﻕ ﺣﺘﻰ ﺗﺎﺧﺬﻭﻥ ﺭﺍﺣﺘﻜﻢ
.
ﻋﻤﻮ ﮔﺎﻝ ﺣﺠﺰﻧﺎ ﻏﺮﻓﻪ ﺑﺎﻟﻔﻨﺪﻕ ﺣﺘﻰ ﺗﺎﺧﺬﻭﻥ ﺭﺍﺣﺘﻜﻢ ..
ﺍﺧﺬﻧﺎ ﺍﻏﺮﺍﺿﻲ ﻭﻃﻠﻌﻨﺎ ..
ﻭﺳﺎﻡ ﺍﻟﻲ ﻳﺴﻮﻕ ..
ﻫﻮ ﻓﺮﺣﺎﻥ ﻭﻃﺎﻟﻊ ﻳﺨﺒﻞ ..
ﮔﺘﻠﻪ ﺍﺳﻔﻪ ﻭﺳﺎﻡ
ﻉ ﺷﻨﻮ ﺣﻴﺎﺗﻲ
ﻻﻥ ﺍﻧﺖ ﻣﻦ ﺣﻘﻚ ﺗﻔﺮﺡ ﻭﺗﺴﻮﻱ ﺯﻓﻪ ﻭﻋﻤﺘﻲ ﺧﻄﻴﻪ ﻫﻢ ﺍﻭﻝ ﻭﻟﺪ ﻋﻨﺪﻫﺎ ﻳﺘﺰﻭﺝ ..
ﺑﺲ ﺑﺴﺒﺐ ﻭﺿﻌﻲ ﺍﻧﺠﺒﺮﺗﻮﺍ ﺗﺘﺤﻤﻠﻮﻥ ..
ﺗﺤﺠﻴﻦ ﺻﺪﮒ ﻣﻴﻮﺭﻩ ﻋﻤﺘﻲ ﺑﻤﻌﺰﺓ ﺍﻣﻲ .. ﻭﺍﻧﻲ ﺍﻟﻲ ﻣﺎﺍﻗﺒﻞ ﺍﺳﻮﻱ ﺯﻓﻪ ..
ﻭﺛﺎﻧﻲ ﺷﻐﻠﻪ ﺍﻧﺘﻲ ﻓﺮﺣﺘﻲ ﻣﻦ ﺍﻟﺪﻧﻴﺎ .. ﺷﺄﺳﻮﻱ ﺑﺎﻟﺤﻔﻠﻪ ﻭﺍﻧﺘﻲ ﻣﻮ ﻳﻤﻲ ..
ﮔﺘﻠﻪ ﻟﻌﺪ ﺧﻠﻴﻨﻲ ﺍﺯﻭﺭ ﺍﻻﻣﺎﻡ ﻭﺑﻌﺪﻳﻦ ﻧﺮﻭﺡ ﻟﻠﻔﻨﺪﻕ ..
ﺻﺎﺭ ﻳﻌﻤﺮﻱ ﺗﺘﺪﻟﻠﻴﻦ .. ﺷﻤﺲ
ﺭﺣﻨﺎ ﻟﻼﻣﺎﻡ ﺍﺷﺘﺮﺍﻟﻲ ﻣﻠﻒ ﺻﻼﺓ ﻟﺒﺴﺘﻪ ﻭﺩﺧﻠﺖ ..
ﺍﻧﻲ ﻣﺘﻮﺿﺎﻳﺔ ﻣﻦ ﺍﻟﺒﻴﺖ .. ﺣﺎﺳﺒﻮﻧﻲ ﻉ ﺍﻟﻤﻜﻴﺎﺝ ﮔﻠﺘﻠﻬﻢ ﻋﺮﻭﺳﻪ ﻭﺗﻔﻬﻤﻮﺍ ﻭﺿﻌﻲ ﺍﻟﻤﻔﺘﺸﺎﺕ ..
ﺑﺠﻴﺖ ﻭﺯﺭﺕ ﻭﺻﻠﻴﺖ ..
ﻭﺩﻋﻴﺖ ﺣﻴﺎﺗﻲ ﺗﻜﻮﻥ ﺣﻠﻮﻩ .. ﻻﻥ ﺍﻟﺼﺮﺍﺣﻪ ﺧﺎﻳﻔﻪ ..
ﺧﺎﻳﻔﻪ ﻣﻦ ﺗﺠﺮﺑﺘﻲ ﺍﻟﺴﺎﺑﻘﻪ ﺗﺘﻜﺮﺭ ﻭﺍﺷﻮﻑ ﻧﻔﺲ ﺍﻟﻲ ﺷﻔﺘﻪ ﺑﺤﻴﺎﺗﻲ ..
ﻭﺑﻌﺪ ﻣﺎﻟﻲ ﺍﺣﺪ ﻏﻴﺮ ﻭﺳﺎﻡ ﺍﺫﺍ ﺧﺴﺮﺗﻪ ﻣﻌﻨﺎﻫﺎ ﺧﺴﺮﺕ ﺭﻭﺣﻲ ﻭﺍﻟﺪﻧﻴﺎ ﻛﻠﻬﺎ ..
ﻃﻠﻌﻨﺎ ﮔﺎﻝ ﻭﺳﺎﻡ .. ﺍﻭﻳﻠﻲ ﻫﺎﻱ ﺷﻤﺴﻮﻳﻪ ﺑﺮﻭﺣﺞ ..
ﻓﻜﺮﺕ ﻧﺎﺧﺬ ﺻﻮﺭ ﻭﺍﻟﻜﺤﻠﻪ ﻧﺎﺯﻟﻪ ﺷﺒﺮ 😂😂
ﮔﺘﻠﻪ ﻋﺎﺩﻱ ﻋﻨﺪﻱ ﻣﻴﻚ ﺑﺎﻟﺠﻨﻄﻪ ..
ﻭﺻﻠﻨﺎ ﺍﻻﺳﺘﻮﺩﻳﻮ .. ﺭﺗﺒﺖ ﻭﺟﻬﻲ ﻭﺍﺧﺬﻧﺎ ﻟﻘﻄﺎﺕ ﺣﻠﻮ .
ﻭﻓﻌﻼ ﻃﻠﻌﻦ ﻛﻮﻟﺶ ﺣﻠﻮﺍﺕ ﺭﻏﻢ ﺍﻧﻲ ﺑﺎﻟﺤﺠﺎﺏ ..
ﻭﺻﻠﻨﺎ ﻟﻠﻔﻨﺪﻕ ﻭﻛﺎﻥ ﺍﻟﺨﻮﻑ ﻛﺎﺗﻠﻨﻲ ﻭﻟﺰﻣﺘﻨﻲ ﺍﻟﺮﺟﻔﻪ ..
ﻣﻊ ﺍﻧﻪ ﺍﻟﺠﻮ ﺣﺎﺭ ..
ﻭﺳﺎﻡ ﺗﺨﺒﻞ .. ﻃﻔﻰ ﺍﻟﺴﺒﻠﺖ .. ﻭﺍﻧﻲ ﺑﻌﺪﻧﻲ ﺍﺭﺟﻒ ﻟﺰﻣﺘﻨﻲ ﺍﻟﺴﺨﻮﻧﻪ ﻣﻦ ﺍﻟﺨﻮﻑ ..
ﺧﻔﺖ ﻳﺘﻘﺮﺑﻠﻲ ﻭﺍﺷﻮﻑ ﺍﻟﻲ ﻛﻨﺖ ﺍﺷﻮﻓﻪ ..
ﺣﻴﺎﺗﻲ ﻭﻱ ﻗﻴﺼﺮ ﻛﻮﻟﻬﺎ ﺍﺟﺖ ﻣﻘﺎﺑﻴﻠﻲ ..
ﻧﻴﻤﻨﻲ ﻉ ﺍﻟﺴﺮﻳﺮ ﻭﻏﻄﺎﻧﻲ ﻭﺧﻼﻧﻲ ﺑﺤﻀﻨﻪ ..
ﺣﺴﻴﺖ ﺑﺪﻓﻮ ﻭﺣﻨﺎﻥ ﮔﻠﺒﻪ ..
ﻧﺰﻋﻨﻲ ﺣﺠﺎﺑﻲ ﻭﺑﻘﻰ ﻳﺘﻠﻤﺲ ﺷﻌﺮﻱ ﻭﺍﻧﻔﺎﺳﻪ ﺍﺧﺘﻠﻄﺖ ﺑﺄﻧﻔﺎﺳﻲ ..
ﺍﺛﻨﻴﻨﻪ ﺿﻌﻨﺎ ﺑﻌﺎﻟﻢ ﺛﺎﻧﻲ ..
ﻋﺎﻟﻢ ﺑﺲ ﺍﻧﻲ ﻭﻳﺎﻩ ﺑﻲ ..
ﻣﺎﺷﻔﺖ ﺍﻱ ﺷﻲ ﻣﻦ ﺍﻟﻲ ﻛﻨﺖ ﺍﺧﺎﻑ ﻣﻨﻪ ..
ﺑﺲ ﺟﻤﺎﻝ ﻭﺭﻗﻪ ﻭﺩﻓﻮ ﻭﺳﺎﻡ ..
ﻭﺧﺎﺻﻪ ﻣﻦ ﻧﺰﻉ ﺣﺴﻴﺖ ﺍﻭﻝ ﻣﺮﻩ ﺍﺷﻮﻑ ﻫﻴﺞ ﺭﺟﺎﻝ ﺑﺠﺴﻤﻪ ﻭﺷﺨﺼﻴﺘﻪ ..
ﻛﺎﻥ ﻳﺤﻤﻞ ﺍﺣﻠﻰ ﺟﺴﻢ ﻭﺍﺣﻦ ﮔﻠﺐ ﻭﺍﺭﻕ ﻟﻤﺴﻪ ..
ﻋﻴﺸﻨﻲ ﻟﻴﻠﻪ ﻭﻻﺍﺭﻭﻉ ﻟﻴﻠﻪ ..
ﻧﺴﻴﺖ ﻧﻔﺴﻲ ﻣﺘﺰﻭﺟﻪ ﻗﺒﻞ ﻭﺣﺴﻴﺖ ﻧﻔﺴﻲ ﺍﻭﻝ ﻣﺮﺓ ﺍﺗﺰﻭﺝ ..
ﻭﻓﻌﻼ ﻻﻥ ﻣﺎﺷﻔﺖ ﺍﻳﺎﻡ ﺣﻠﻮﻩ ﺑﺰﻭﺍﺟﻲ ﻣﻦ ﻗﻴﺼﺮ ..
ﺻﺤﻴﺢ ﺍﻟﺴﺒﺐ ﻧﻬﻠﻪ ﻭﺳﺤﺮﻫﺎ ﺑﺲ ﻫﻮ ﻫﻢ ﻛﺎﻥ ﺍﻟﻪ ﺫﻧﺐ ﻭﻳﻤﻜﻦ ﺍﻟﻠﻪ ﻳﺤﺒﻨﻲ .. ﺍﻟﻲ ﺧﻼﻧﻲ ﺍﺷﻮﻑ ﺍﻟﻲ ﺷﻔﺘﻪ
ﺣﺘﻰ ﺗﺘﻔﺘﺢ ﻋﻴﻮﻧﻲ ﻭﺍﺷﻮﻑ ﻭﺳﺎﻡ ﻭﺣﺒﻪ ﺍﻟﻲ ..
ﺍﻟﻲ ﻣﺎﺍﻧﻘﻄﻊ ﻋﻦ ﺩﻻﻟﻪ ﻭﺣﺒﻪ ﻃﻴﻠﻪ ﻫﺬﻱ ﺍﻟﺴﻨﻪ ﻭﺧﻤﺲ ﺍﺷﻬﺮ ﻭﻫﻮ ﻛﻞ ﻳﻮﻡ ﻳﺤﺴﺴﻨﻲ ﺍﺣﻨﻪ ﺑﺎﻭﻝ ﻳﻮﻡ ﺯﻭﺍﺝ ..
ﺛﺎﻧﻲ ﻳﻮﻡ ﺭﺟﻌﻨﺎ ..
ﻋﻤﻮ ﻣﺴﻮﻱ ﻏﺪﺍ ﺍﻟﻮﺟﻪ ﺍﻟﻠﻪ ..
ﺗﻐﺪﻭﺍ ﻭﻧﻀﻔﻦ ﺍﻟﺒﻴﺖ ﻭﺭﺟﻌﻮﺍ ﻟﻠﻌﻤﺎﺭﻩ ﺣﺘﻰ ﻳﺨﻠﻮﻧﺎ ﻉ ﺭﺍﺣﺘﻨﺎ ..
ﻭﻋﺰﻣﻮﻧﺎ ﺍﻻﺳﺒﻮﻉ ﺍﻟﻲ ﺟﺎﻱ ﺍﻟﺒﻴﺘﻬﻢ ﺑﺎﻟﻌﻤﺎﺭﻩ ..
ﻭﻳﻤﻜﻦ ﻫﺎﻱ ﺍﻭﻝ ﻣﺮﻩ ﺣﺮﻭﺡ ﺍﻟﻬﻢ ﻣﻦ ﻛﺎﻥ ﺑﺎﺑﺎ ﻋﺎﻳﺶ ﻧﺮﻭﺡ ﻭﻧﺰﻭﺭﻫﻢ ..
ﺑﺲ ﺑﻌﺪ ﻣﺎﻣﺎﺕ ﺍﺧﻮﺍﻧﻲ ﺣﺮﻣﻮﻧﺎ ﻣﻦ ﻋﻤﺎﻣﻨﺎ ﻭﺧﻮﺍﻟﻨﺎ
....
ﺑﻴﻮﻣﻬﺎ ﺑﻘﻴﻨﺎ ﺍﻧﻲ ﻭﻳﺎﻩ ﺑﺎﻟﺒﻴﺖ ﻭﺣﺪﻧﺎ ..
ﻣﺮﺗﺐ ﺍﻟﺒﻴﺖ ﻭﺍﻟﻐﺮﻓﻪ ﺗﺨﺒﻞ ..
ﻟﺒﺴﺖ ﺛﻮﺏ ﻧﻮﻡ ﻗﺼﻴﺮ ﻭﺍﺭﻭﺡ ﻣﻨﺎ ﻭﺍﺟﻲ ﻣﻨﺎ ..
ﻭﻫﻮ ﻳﺘﺨﺒﻞ ﻣﻦ ﻳﺸﻮﻓﻨﻲ ..
ﻭﺍﻧﻲ ﻫﻢ ﺧﺒﻴﺜﻪ ﺍﺗﺮﻧﺢ ﺑﻤﺸﻴﺘﻲ ﻭﺍﺗﺪﻟﻞ ..
ﮔﻀﻴﻨﺎ ﺍﺳﺒﻮﻉ ﻳﺨﺒﻞ ..
ﺩﻻﻝ ﻭﻃﻠﻌﻪ ﻭﻭﻧﺴﻪ .. ﻭﻛﺎﻥ ﻭﺳﺎﻡ ﻣﺘﻌﺎﻭﻥ ﺑﻜﻠﺸﻲ ﺣﺘﻰ ﺑﺸﻐﻞ ﺍﻟﺒﻴﺖ ..
ﺍﻧﻲ ﺍﺳﻮﻱ ﻋﺸﺎ ﻣﺜﻼ ﻫﻮ ﻳﺴﻮﻱ ﺳﻠﻄﻪ
ﻧﺮﺗﺐ ﺍﻟﺒﻴﺖ ﺳﻮﺍ ..
ﺷﻔﺖ ﺷﺨﺺ ﺍﺣﻠﻰ ﻣﻦ ﺍﻟﻲ ﻛﻨﺖ ﻣﺘﺨﻴﻠﺘﻪ ..
ﻧﻬﺎﻳﺔ ﺍﻻﺳﺒﻮﻉ ﺭﺣﻨﺎ ﺍﻟﺒﻴﺖ ﻋﻤﻮ ﻭﺫﺑﺢ ﺫﺑﻴﺤﻪ ﺟﻮﺍ ﺭﺟﻠﻲ .
ﻭﻣﺴﻮﻱ ﻋﺸﺎ ﻭﻟﻤﻪ ﺍﻻﻫﻞ ﻭﺍﻻﺣﺒﺎﺏ ﻭﻋﻤﺎﺗﻲ ﻭﻋﻤﺎﻣﻲ ﺍﻟﻲ ﺍﻧﺤﺮﻣﺖ ﻣﻨﻬﻢ ﻭﻣﺸﻔﺖ ﻟﻤﺘﻬﻢ ..
ﺩﻟﻠﻮﻧﻲ ﻭﻣﺤﺴﺴﻮﻧﻲ ﺑﺸﻲ .
ﺑﺎﻟﻌﻜﺲ ﺣﺴﻴﺖ ﻧﻔﺴﻲ ﺍﻧﺘﻤﻲ ﺍﻟﻬﻢ ﻭﺫﻭﻟﻲ ﺍﻫﻠﻲ ﻓﻌﻼ
ﻭﺗﻨﺪﻣﺖ ﻣﺎﻛﻨﺖ ﺍﺯﻭﺭﻫﻢ ﻭﺍﺧﺘﻠﻂ ﺑﻴﻬﻢ ..
ﻃﺒﻌﺎ ﺑﻌﺪ ﺍﻟﺰﻭﺍﺝ ﺍﺧﻮﺍﻧﻲ ﻣﺸﻔﺘﻬﻢ ﻭﻻ ﺍﺟﻮ ﺣﺘﻰ ﻣﺎﺑﺎﺭﻛﻮﺍ ﺍﻟﻲ ..
ﺭﺟﻌﻨﺎ ﺍﻟﺒﻴﺘﻨﺎ ..
ﺑﺪﺃ ﺩﻭﺍﻣﻲ .. ﻭﺍﻟﻜﻞ ﺍﺳﺘﻐﺮﺏ ﻣﻦ ﺯﻭﺍﺟﻲ ﻭﺍﻻﻛﺜﺮ ﺍﺳﺘﺎﺫ ﻋﻤﺎﺭ ﺣﺴﻴﺘﻪ ﺿﺎﺝ ﻭﺣﺘﻰ ﻳﺤﺠﻲ ﻭﻳﺎﻱ ﺑﺜﮕﻞ ..
ﻭﻫﻮ ﻣﻦ ﻧﻔﺴﻪ ﻧﺎﻗﻞ ﺑﺤﺜﻲ ﺍﻟﻐﻴﺮ ﺍﺳﺘﺎﺫ .. ﺷﻤﺲ
ﻣﺎﺍﻫﺘﻤﻴﺖ ..
ﻛﻨﺖ ﻣﻦ ﺍﻟﻜﻠﻴﻪ ﻟﻠﺒﻴﺖ .. ﺍﺭﺟﻊ ﺍﺭﺗﺐ ﺍﻟﻐﺪﺍ ﻭﺍﻟﺒﺲ ﻭﺍﺣﻈﺮ ﺍﻟﺤﺒﻴﺒﻲ ﻭﺯﻭﺟﻲ ﻳﺠﻲ ﺗﻌﺒﺎﻥ ﻭﻣﻦ ﻳﺸﻮﻓﻨﻲ ﻳﺮﺗﺎﺡ ..
ﻣﺮﺍﺕ ﻧﮕﻀﻲ ﺍﻟﻮﻗﺖ ﺑﺎﻟﺒﻴﺖ ﻭﻣﺮﺍﺕ ﻧﻄﻠﻊ ﺩﺧﻠﻨﺎ ﺳﻨﺔ 2017 ﺳﻮﻳﻪ ﻭﻛﺎﻧﺖ ﺍﺣﻠﻰ ﺳﻨﻪ ﺑﺤﻴﺎﺗﻲ ..
ﻭﺳﺎﻡ ﻳﺴﺎﻋﺪﻧﻲ ﺑﺎﻟﺒﺤﺚ ﻭﻳﺠﻴﺒﻠﻲ ﻣﺼﺎﺩﺭ ..
ﺗﻌﺐ ﻭﻳﺎﻱ ﻫﻮﺍﻳﻪ ..
ﻭﻛﻨﺖ ﻣﻮﺍﺿﺒﻪ ﻉ ﺩﺭﺍﺳﺘﻲ ﻭﻣﺎﻫﻤﻠﺘﻬﺎ ..
ﻭﻫﻮ ﻛﺎﻥ ﻣﺘﻔﻬﻢ ﻭﻣﺎﺑﻴﻮﻡ ﺷﻜﺎ ﺍﻭ ﻫﻤﻠﻨﻲ ..
ﻛﺎﻥ ﻳﺴﺎﻋﺪﻧﻲ ﻭﻳﺤﺜﻨﻲ ﻉ ﺍﻟﺪﺭﺍﺳﻪ ..
ﻣﺮﺕ ﺍﻻﺷﻬﺮ ﻭﺣﺴﻴﺖ ﻧﻔﺴﻲ ﺗﻌﺒﺎﻧﻪ ﻭﻛﻞ ﻳﻮﻡ ﻣﺮﻳﻀﻪ ..
ﺍﻧﺘﺒﻬﺖ ﺍﻟﻌﺎﺩﻩ ﻣﺘﺄﺧﺮﻩ ..
ﺍﺗﺼﻠﺖ ﻉ ﻭﺳﺎﻡ ﻭﮔﺘﻠﻪ ﻳﺠﻴﺐ ﺗﺤﻠﻴﻞ ﺑﻴﺘﻲ ..
ﻭﻫﻮ ﻃﺎﺭ ﻣﻦ ﺍﻟﻔﺮﺡ ﻭﻓﻌﻼ ﻃﻠﻊ ﺍﻳﺠﺎﺑﻲ ..
ﻭﻟﮕﻴﺖ ﻭﺳﺎﻡ ﻣﻨﺘﻀﺮ ﻣﻘﺮﻓﺺ ﻭﻣﻨﺘﻈﺮ ﺑﺒﺎﺏ ﺍﻟﺤﻤﺎﻡ ﻫﻬﻬﻬﻪ
ﻋﺒﺎﻟﻚ ﺍﻭﻟﺪ ﻣﻮ ﺍﺣﻠﻞ .. ﻭﻣﻦ ﺧﺒﺮﺗﻪ ﻃﺎﺭ ﻭﺣﻀﻨﻲ ﺣﻴﻞ ﻭﺍﺗﺼﻞ ﻉ ﺍﻫﻠﻪ ﻭﻫﻮ ﻳﮕﻤﺰ ..
ﺍﺑﺎﻭﻋﻠﻪ ﻭﻋﻴﻮﻧﻲ ﺗﺒﺠﻲ .. ﻭﺍﺩﻋﻲ ﺭﺑﻲ ﻳﺤﻔﻀﻪ ﺍﻟﻲ ..
ﻻﻥ ﻟﻮ ﺍﺩﻭﺭ ﺍﻟﻌﺎﻟﻢ ﻛﻮﻟﻪ ﻣﺎﺍﻟﮕﻲ ﻣﺜﻞ ﮔﻠﺒﻪ ..
ﻭﺳﺎﻡ ﻫﻮ ﻫﺪﻳﺔ ﺭﺑﻲ ﺍﻟﻲ ..
ﻋﻮﺿﻨﻲ ﺑﻴﻬﺎ ﺑﻌﺪ ﺗﻌﺐ ﻭﻣﺸﺎﻛﻞ ﻭﻇﻠﻢ ﺳﻨﻴﻦ ﻃﻮﻳﻠﻪ ..
ﻋﻮﺿﻨﻲ ﺑﻮﺳﺎﻡ ﻣﻮﺕ ﺃﺑﻮﻳﻪ ﻭﺍﻣﻲ ..
ﻭﺻﺎﺭ ﻫﻮ ﻛﻞ ﺍﻫﻠﻲ ..
ﻣﺎﺍﻧﻜﺮ ﺗﻌﺒﺖ ﻫﻮﺍﻱ ﺑﻴﻦ ﺣﻤﻠﻲ ﻭﺩﺭﺍﺳﺘﻲ ﺑﺲ ﻫﻮﻥ ﻋﻠﻴﻪ ﻭﺳﺎﻡ ﻭﻭﮔﻒ ﻭﻳﺎﻱ ﻭﺳﺎﻋﺪﻧﻲ ﺑﺎﻣﺘﺤﺎﻧﺎﺗﻲ ﻭﺑﺤﺜﻲ
ﻭﻃﻠﻌﺖ ﺍﻣﺘﻴﺎﺯ ﻛﺎﻟﻌﺎﺩﻩ ..
ﻭﺭﺓ ﻓﺘﺮﻩ ﻭﻃﻠﻌﺖ ﺳﻨﻪ ﺍﻣﻲ ﻭﺳﻮﻳﻨﺎﻟﻬﺎ ﻋﺸﺎ ﻭﺭﺣﻨﺎ ﺯﺭﻧﺎﻫﺎ ﻭﺑﺸﺮﺗﻬﺎ ﺑﺤﻤﻠﻲ ..
ﻣﻦ ﺧﻠﺼﺖ ﺟﺎﻣﻌﻪ ﻭﺑﻌﺪ ﻣﺎﺣﺴﻴﺖ ﺍﻧﻪ ﺑﻐﺪﺍﺩ ﺗﻌﺒﺘﻨﻲ ﻭﺍﺧﺬﺕ ﺍﻫﻠﻲ ﻭﻓﺮﻗﺘﻨﻲ ﻋﻦ ﺍﺧﻮﺍﻧﻲ ..
ﺍﻟﻲ ﺍﺑﺪ ﻣﺎﺳﺄﻟﻮﺍ ﻋﻨﻲ ﻭﻧﺴﻮﻧﻲ .. ﻣﺎﻋﺪﺍ ﺑﻴﻮﻡ ﺍﻟﻲ ﺯﺭﻧﺎ ﺍﻣﻲ ﺷﻔﺘﻬﻢ ﻭﺳﻠﻤﺖ ﻋﻠﻴﻬﻢ ﺑﺲ ﺍﺑﺪ ﻣﺎﺣﺴﺴﻮﻧﻲ ﺑﺤﻨﻴﺘﻬﻢ ﻋﺒﺎﻟﻚ ﺍﻏﺮﺍﺏ ﻋﻨﻲ ..
ﻃﻠﺒﺖ ﻣﻦ ﻭﺳﺎﻡ ﺍﺑﻴﻊ ﺑﻴﺘﻲ ..
ﻭﻫﻮ ﻋﻨﺪﻩ ﻓﻠﻮﺱ ﺑﺎﻟﻤﺼﺮﻑ ..
ﻭﻧﺸﺘﺮﻱ ﺑﻴﺖ ﻳﻢ ﺍﻫﻠﻪ ﻭﻣﺎﻧﻀﻴﻊ ﻓﺮﺣﺔ ﻋﻤﺘﻲ ﺍﻟﻲ ﻛﺎﻧﺖ ﺗﺘﻤﻨﻰ ﺗﺸﻴﻞ ﻭﺗﺮﺑﻲ ﻭﻟﺪ ﻭﺳﺎﻡ ..
ﻭﻫﻴﺞ ﺗﮕﺪﺭ ﺗﺮﺟﻊ ﻭﺗﺮﻭﺡ ﺑﺴﻬﻮﻟﻪ ..
ﻓﺮﺡ ﻭﺳﺎﻡ ﻭﺑﺎﺳﻨﻲ ﺑﺮﺍﺳﻲ .. ﻭﻳﻤﻜﻦ ﻫﻮ ﻛﺎﻥ ﻣﻨﺘﻈﺮ ﻫﻴﺞ ﻟﺤﻈﻪ ﺑﺲ ﻳﺨﺠﻞ ﻳﮕﻮﻟﻲ ﻭﻣﻦ ﮔﻮﺗﻠﻪ ﻓﺮﺡ ..
ﺑﺲ ﻗﺮﺭ ﻳﺴﺠﻞ ﺍﻟﺒﻴﺖ ﺑﺄﺳﻤﻲ ﻭﻣﺎﻗﺒﻠﺖ ﻭﺣﻼ ﻟﻠﻨﺰﺍﻉ ﮔﺘﻠﻪ ﻳﺘﺴﺠﻞ ﺑﺄﺳﻤﻨﺎ ﺍﺛﻨﻴﻨﺎ ..
ﻭﻓﻌﻼ ﺍﺷﺘﺮﻳﻨﺎ ﺑﻴﺖ ﻳﺒﻌﺪ ﺷﺎﺭﻉ ﻋﻦ ﺑﻴﺖ ﻋﻤﻮ ..
ﻭﻧﻘﻠﻨﺎ ﺍﺛﺎﺛﻨﺎ .. ﻣﺎﻝ ﺍﻟﺒﻴﺘﻴﻦ ﻻﻥ ﻛﺎﻥ ﻛﺒﻴﺮ ..
ﻭﺑﺪﻳﻨﺎ ﻧﺤﻈﺮ ﺟﻬﺎﺯ ﺍﻟﻨﻮﻧﻮ ﻭﺑﻌﺪ ﻣﺎﺍﺧﺬﻧﺎ ﺳﻮﻧﺎﺭ ﻋﺮﻓﻨﺎﻩ ﻭﻟﺪ ﻓﺮﺡ ﻭﺳﺎﻡ ﻛﺒﺮﺕ ..
ﺍﻳﺎﻣﻲ ﺍﻟﻲ ﺑﺎﻟﻌﻤﺎﺭﻩ ﻋﻮﺿﺘﻨﻲ ﻫﻮﺍﻱ ..
ﺑﻴﻦ ﺍﻫﻠﻨﺎ . ﻭﺍﻗﺮﺑﺎﺋﻨﺎ ..
ﻳﻤﻜﻦ ﺗﺤﺴﻮﻥ ﺑﺄﺳﺘﻐﺮﺍﺏ ﺍﻭ ﻣﺒﺎﻟﻐﻪ ﺑﻮﺻﻔﻲ ﺑﺲ ﻫﻤﻪ ﻓﻌﻼ ﺻﺎﺭﻭﺍ ﺍﻟﻲ ﺍﻫﻞ ﻭﺍﻫﺘﻤﻮﺍ ﺑﻴﻪ ﺍﻻﻫﺘﻤﺎﻡ ﺍﻟﻲ ﻛﻨﺖ ﺍﺗﻤﻨﺎﻩ ﺑﺤﻴﺎﺗﻲ ..
ﻧﻬﻠﻪ ﺳﺎﺀﺕ ﺣﺎﻟﺘﻬﺎ ﻭﺗﻌﺎﻧﻲ ﻟﺤﺪ ﻫﺎﻱ ﺍﻟﻠﺤﻈﻪ .
ﻭﺍﺧﻮﺍﻧﻲ ﻣﻠﻮﺍ ﻭﺻﺎﺭﺕ ﻣﺸﺎﻛﻞ ﺑﻴﻨﻬﻢ ..
ﻭﺑﺎﻋﻮﺍ ﺍﻟﺒﻴﺖ ﻭﻛﻞ ﻭﺍﺣﺪ ﮔﻌﺪ ﺑﻤﻜﺎﻥ ﻭﺍﻓﺘﺮﻗﻮﺍ ﻭﻗﺴﻤﻮﺍ ﺍﻟﻤﺤﻼﺕ ﻭﻋﺎﺵ ﻛﻞ ﻭﺍﺣﺪ ﺑﻮﺣﺪﻩ ..
ﻛﻨﺖ ﺍﺗﺼﻞ ﺑﻬﺎﻟﻪ ﺑﻴﻦ ﻓﺘﺮﻩ ﻭﻓﺘﺮﻩ ﻭﺍﻋﺮﻑ ﺍﺧﺒﺎﺭﻫﻢ ..
ﺍﻭﻝ ﺳﻨﻪ ﺍﻋﻴﺸﻬﺎ ﺑﺮﺍﺣﻪ ﻻﻣﺸﺎﻛﻞ ﻭﻻﺗﻌﺐ ﻭﺩﺧﻠﺖ ﺳﻨﻪ 2018 ..
ﻭﺍﻧﻲ ﺑﻄﻨﻲ ﻛﺒﻴﺮﻩ .. ﻭﻣﺎﺍﮔﺪﺭ ﺍﺗﺤﺮﻙ ﻫﻬﻬﻪ
ﻭﺣﺎﻟﻴﺎ ﺣﻴﺨﻠﺺ ﺷﻬﺮ ﺍﻟﺘﺎﺳﻊ ﻣﻦ ﺍﻟﺤﻤﻞ ..
ﻭﻟﺴﺎ ﻣﺎﻭﺍﻟﺪﻩ ..
ﻣﻴﻘﺒﻞ ﻳﻄﻠﻊ ﻭﻳﻔﺮﺣﻨﺎ ﻭﻟﻲ ﺍﻟﻌﻬﺪ ﻫﻬﻬﻬﻪ ﺣﺴﺐ ﻣﻴﺴﻤﻴﻪ ﻭﺳﺎﻡ ..
ﻫﺎﻱ ﻗﺼﺘﻲ ﻭﺍﺗﻤﻨﻰ ﻋﺠﺒﺘﻜﻢ ﻭﺍﺳﺘﻔﺎﺩﻳﺘﻮﺍ ﻣﻨﻬﺎ ..
ﺍﺩﻋﻮﻟﻲ ﺑﺎﻟﺮﺍﺣﻪ ﺍﻟﻲ ﻭﺍﻟﺰﻭﺟﻲ ﻭﺍﺑﻨﻲ ﻭﺍﺣﺒﺘﻲ ..
ﺍﺣﺒﻜﻢ ﻭﺍﺣﺐ ﺗﻌﻠﻴﻘﺎﺗﻜﻢ ﺍﻟﺴﻠﺒﻴﻪ ﻭﺍﻻﻳﺠﺎﺑﻴﻪ ..
ﻛﻨﺖ ﺍﺑﺎﻭﻉ ﺍﻧﻲ ﻭﻭﺳﺎﻡ ﻭﻧﺘﻮﻧﺲ ﻋﻠﻴﻬﺎ ..
ﺍﻟﻨﻬﺎﻳﻪ … .
# ﺍﻟﻜﺎﺗﺒﺔ _ ﺷﻤﺲ
………………… .
ﺣﺒﺎﻳﺐ ﺗﻌﺪﻳﻞ للجزء ..
ﻣﻴﺎﺭ ﻭﻟﺪﺕ ﺑﺴﻼﻣﻪ ﺑﻌﺪ ﻣﻌﺎﻧﺎﺓ .. ﻭﺍﺑﻨﻬﺎ ﻃﻠﻊ ﺣﺎﻟﺘﻪ ﺣﺮﺟﺔ ﺑﺲ ﺍﻟﺤﻤﺪ ﻟﻠﻪ ﻫﺴﺎ ﺍﺛﻨﻴﻨﻬﻢ ﺑﺨﻴﺮﺭ ..
ﻭﺳﻤﺖ ﺍﺑﻨﻬﺎ ﻋﺒﻮﺩﻱ ﻉ ﺍﺳﻢ ﺍﺑﻮﻫﺎ …
ﺗﺤﻴﺎﺗﻲ ﻟﻜﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء