رواية الخذلان الجزء الثاني

رواية الخذلان الجزء الثاني 

للكاتبة شمس 

. 

ﻣﻴﺎﺭ .. ﻣﺎﺍﻫﺘﻤﻴﺖ ﻭﻛﻤﻠﺖ ﺻﺐ ..

ﺑﻌﺪﻳﻦ ﺍﺟﻪ ﻣﺤﻤﺪ ﺍﺧﺬ ﺍﻟﺴﻔﺮﻩ ..

ﮔﺎﻝ ﺍﻧﺘﻦ ﻻﺗﺸﻴﻠﻦ .

ﻣﺎﺗﺪﻧﮕﻦ ﮔﺪﺍﻡ ﺍﻟﺰﻟﻢ .. ﺣﻈﺮﻥ ﺍﻟﻤﻮﺍﻋﻴﻦ ﺑﺼﻮﺍﻧﻲ ﻭﺍﺣﻨﺎ ﻧﻮﺩﻳﻬﻦ ﻟﻠﺴﻔﺮﻩ .. ﺷﻤﺲ

ﺷﺎﻟﻮﺍ ﺍﻻﻛﻞ ﻛﻠﻪ ..

ﻭﺍﺟﺖ ﻧﻬﻠﻪ .. ﺍﺳﻤﻌﻲ ﻣﻴﺎﺭ .. ﺍﻧﺘﻲ ﺳﻮﻱ ﺟﺎﻱ ﻭﺣﻈﺮﻱ ﺍﻻﺳﺘﻜﺎﻧﺎﺕ ﻻﺗﺘﻐﺪﻳﻦ ﻭﻳﺎﻫﻢ ﻋﻴﺐ ..

ﻣﻮ ﻋﺒﺎﻟﺞ ﻧﺴﻴﺖ ﺳﻮﺍﻟﻔﺞ ﻗﺒﻞ ﺷﻮﻳﻪ ﻭﻱ ﻭﺳﻴﻢ ..

ﻃﻠﻌﺖ ﻏﻤﻴﺘﻬﺎ ﻣﻦ ﻭﺭﺍﻫﺎ .. ﺷﻤﺲ

ﮔﺒﺮﺭﺭ ﻭﺍﻟﻠﻪ ﻭﺍﻧﻐﺮﺕ ﺑﻨﺖ ﺍﻟﻤﻌﻴﺪﻱ ..

ﻫﻲ ﻫﺎﻱ ﺗﺎﻟﻴﺘﻬﺎ ..

ﺑﻨﺎﺕ ﺍﻟﻔﮕﺮ ﻳﺠﻦ ﻳﺘﻜﺒﺮﻥ ﻉ ﺑﻨﺖ ﺍﻟﺪﻻﻝ ..

ﺍﻭﻭﻭﻭﻑ ﺑﺎﺑﺎ ﺧﻠﻴﺘﻨﻲ ﻭﺭﺣﺖ ﻟﻠﺬﻝ ﻭﺗﺎﻟﻲ ﺑﻨﺖ ﺍﻟﺤﺎﺭﺱ ﺗﺘﺄﻣﺮ ﻋﻠﻴﻪ ﻭﺗﻨﻬﻰ ﻭﺗﺸﻮﺭ ﺑﺎﻟﺒﻴﺖ ..

ﻧﺰﻟﺖ ﺩﻣﻮﻋﻲ .. ‏( ﻛﻮﻥ ﺍﻻﺑﻮ ﻣﻦ ﻳﻤﻮﺕ ﻳﺎﺧﺬ ﺑﻨﺎﺗﻪ ‏)

ﺍﺣﺴﻦ ﻣﻤﺎﻳﺒﻘﻦ ﺗﺤﺖ ﺭﺣﻤﺔ ﺍﻟﻲ ﻣﻴﺮﺣﻤﻮﻥ ..

ﻣﺎﺣﺴﻴﺖ ﺍﻻ ﺍﻟﺠﺎﻱ ﮔﺎﻡ ﻳﻔﻮﺭ ﻭﻃﻴﺖ ﺍﻟﻨﺎﺭ ..

ﻭﺣﻈﺮﺕ ﺍﻻﺳﺘﻜﺎﻧﺎﺕ ..

ﮔﻌﺪﺕ ﺑﺎﻟﻤﻄﺒﺦ ..

ﺍﺟﻪ ﻋﻠﻲ ﻭﻭﺳﺎﻡ ﻭﻋﻤﻮ ﺩﻳﻐﺴﻠﻮﻥ ..

ﮔﻤﺖ ﺍﺻﺐ ﺟﺎﻱ ..

ﻋﻤﻮ .. ﻟﻴﺶ،ﺑﺎﺑﺎ ﮔﺎﻋﺪﻩ ﻫﻨﺎ ﻣﺎﺍﺟﻴﺘﻲ ﺗﻐﺪﻳﺘﻲ ﻭﻳﺎﻧﺎ ..

ﻣﻴﺎﺭ .. ﻻ ﻋﻤﻮ ﻣﺎﺍﺷﺘﻬﻲ ..

ﺍﺗﺒﺎﻭﻋﺖ ﺷﻔﺖ ﻭﺳﺎﻡ ﻳﺒﺘﺴﻢ ..

ﻧﺼﻴﺖ ﺭﺍﺳﻲ ..

ﺃﻣﻴﺮ .. ﻳﻠﻪ ﻛﻤﻠﻲ ﺻﺐ ﺍﻟﺠﺎﻱ ﺣﺘﻰ ﺍﺧﺬﻩ ..

ﻭﻳﺨﺰﺭ ﻋﻠﻴﻪ ..

ﻫﺬﺍ ﺷﺒﻲ ﺍﻛﻴﺪ ﺍﻟﺤﻴﺔ ﻣﺮﺗﻪ ﻧﻘﻠﺘﻠﻪ ﻛﻼﻡ ﻋﻨﻲ ..

ﻭﺍﻟﻠﻪ ﺍﻟﻴﻌﻠﻢ ﺷﻀﺎﻓﺖ ﻣﻦ ﻣﻠﺢ ﻭﺑﻬﺎﺭﺍﺕ ﻉ ﺍﻟﺴﺎﻟﻔﻪ ..

ﺷﻮﻳﻪ ﻭﺷﺮﺑﻮﺍ ﺟﺎﻱ ..

ﻭﺳﻤﻌﺖ ﻋﻤﻮ ﻳﺤﺠﻲ ﻭﻱ ﺍﺧﻮﺍﻧﻲ ..

ﻭﺍﺧﻮﺍﻧﻲ ﻳﺤﺠﻮﻥ ..

ﺑﺲ ﻣﺎﻓﻬﻤﺖ ﺷﻲ ..

ﺷﻮﻳﻪ ﻭﺍﺟﻦ ﻧﺴﻮﺍﻥ ﺍﺧﻮﺍﻧﻲ ﻭﺭﺃﻳﺴﺘﻬﻦ ﻧﻬﻠﺔ ..

ﻭﺍﻟﻠﻪ ﻭﻋﺮﻓﺘﺞ ﻣﻮ ﺧﺎﻟﻴﻪ ..

ﻣﻴﺎﺭ .. ﺷﻨﻮ ﻗﺼﺪﺝ

ﻋﻠﻴﺎﺀ .. ﻫﻬﻬﻪ ﺧﻄﻴﻪ ﻣﺘﻌﺮﻑ ﺷﻜﻮ .. ﻋﺎﻳﺸﻪ ﺑﺪﻭﺭ ﺍﻟﺤﺐ ﻭﺍﻟﻐﺮﺍﻡ ﻭﺗﺴﻮﻳﻦ ﻧﻔﺴﺞ ﻏﺸﻴﻤﻪ .. ﺷﻤﺲ

ﻣﻴﺎﺭ .. ﻋﺎﺩ ﻛﺎﻓﻲ ﺗﺤﺠﻦ ﺑﺎﻻﻟﻐﺎﺯ ﺷﻜﻮ ..

ﻧﻬﻠﻪ .. ﻭﺳﺎﻡ ﺣﺒﻴﺐ ﺍﻟﮕﻠﺐ ﻳﺮﻳﺪ ﻳﺘﺰﻭﺟﺞ ..

ﻣﻴﺎﺭ .. 😲😲 ﺷﻨﻮ

ﻣﺴﺘﺤﻴﻞ .. ﻭﺳﺎﻡ ﻣﺜﻞ ﺍﺧﻮﻳﻪ

ﻧﻬﻠﻪ .. ﻫﻬﻬﻬﻬﻪ ﻫﻮ ﮔﺎﺿﻴﺘﻬﺎ ﻣﺜﻞ ﺍﺧﻮﻳﻪ ﻭﻃﻠﻌﺖ ﺍﻟﻤﻲ ﺗﻤﺸﻲ ﻣﻦ ﺗﺤﺘﻨﺎ .. ﻭﻳﻤﻜﻦ ﺣﺘﻰ ﺍﺗﺼﺎﻻﺕ ﻭﻏﺮﺍﻣﻴﺎﺕ ﻣﻦ ﻭﺭﺍﻧﺎ ..

ﻣﻴﺎﺭ .. ﻟﻬﻨﺎ ﻭﻛﺎﻓﻲ ﺑﻌﺪ ﻣﺎﺍﺳﻤﺤﻠﺞ ..

ﺍﻛﻴﺪ ﻋﺒﺎﻟﺞ ﺍﻟﻜﻞ ﻣﺜﻞ ﺍﺧﺘﺞ ..

ﺍﻟﻲ ﺑﺎﻋﺖ ﻧﻔﺴﻬﺎ ﺣﺘﻰ ﻟﻤﺤﻤﺪ ﺍﺧﻮﻳﻪ ﺣﺘﻰ ﻳﺘﺰﻭﺟﻬﺎ ..

ﻣﻦ ﺣﺠﻴﺖ ﻫﻴﺞ .. ﺭﻓﻌﺖ ﻧﻬﻠﻪ ﺍﻳﺪﻳﻬﺎ ﻋﻠﻴﻪ ﺑﺲ ﺍﻧﻲ ﺩﻧﮕﺖ ﺑﺴﺮﻋﻪ ﻭﻣﺮﺕ ﻣﺤﻤﺪ ﻟﺰﻣﺘﻬﺎ ..

ﻭﮔﺎﻟﺘﻠﻬﺎ ﻳﻌﻨﻲ ﺍﺧﺘﺞ ﻛﺎﻧﺖ ﺗﺮﻳﺪ ﻣﺤﻤﺪ ..

ﺍﮔﻮﻝ ﻣﻦ ﺗﺸﻮﻓﻨﻲ ﺗﺘﺨﺒﻞ ..

ﻧﻬﻠﻪ .. ﻭﻟﻲ ﺍﻧﺘﻲ ﺍﻟﺜﺎﻧﻴﻪ ﻣﻦ ﻭﺟﻬﻲ ..

ﺍﺧﺘﻲ ﺍﺷﺮﻑ ﻣﻨﺠﻦ .. ﺷﻤﺲ

ﻭﺍﻧﺘﻲ ﻳﺎﻣﻴﺎﺭ ﺑﺴﻴﻄﻪ .. ﺍﺫﺍ ﻣﺎﺣﻄﻤﺖ ﺣﻴﺎﺗﺞ ﺍﻧﻲ ﻣﻮ ﻧﻬﻠﻪ .

ﺍﻧﻲ ﻧﻬﺎﺭﻳﺖ ﻭﺑﻨﻔﺲ ﺍﻟﻮﻗﺖ ﺧﻔﺖ ..

ﺍﻣﻲ ﺩﺍﻳﻤﺎ ﺗﮕﻮﻝ ﺗﺠﻨﺒﻴﻬﺎ ..

ﻻﻥ ﺍﻟﻬﺎ ﺗﺄﺛﻴﺮ ﻗﻮﻱ ﻉ ﺃﻣﻴﺮ .. ﻭﺍﺧﺎﻑ ﻳﺒﻄﻠﻮﻧﻲ ..

ﺍﻭﻭﻭﻭﻑ ﻣﻴﺎﺭ ﺩﮔﻌﺪﻱ ﻭﺍﺳﻜﺘﻲ ..

ﺗﺠﻴﺒﻴﻦ ﺍﻟﻤﺼﺎﻳﺐ ﺍﻟﻨﻔﺴﺞ ..

* ﻗﺒﻞ ﺳﻨﻪ ﺍﺧﺖ ﻧﻬﻠﻪ ﺍﻧﻬﺰﻣﺖ ﻭﻱ ﺣﺒﻴﺒﻬﺎ ﻭﺍﺧﻮﺍﻧﻬﺎ ﻟﺰﻣﻮﻫﺎ ﻭﻣﻮﺗﻬﺎ ﺿﺮﺏ ﻭﺣﺒﺴﻮﻫﺎ ﺑﺎﻟﺒﻴﺖ ﻭﺍﻟﻮﻟﺪ ﺿﺮﺑﻮﺍ ﺑﺎﻟﺴﻜﺎﻛﻴﻦ ﺑﺲ ﻣﺎﺍﺷﺘﻜﻰ ﻋﻠﻴﻬﻢ ﺧﺎﻑ ﺑﻮﻗﺘﻬﺎ ..

ﺍﺧﺘﻬﺎ ﻣﺎﻋﻘﻠﺖ ﻭﺑﻘﺖ ﻉ ﺳﻮﺍﻟﻔﻬﺎ .. ﻭﺻﺎﺭﺕ ﺗﺘﺮﺩﺩ ﻋﻠﻴﻨﺎ ﻭﺑﻌﺪﻳﻦ ﻋﺮﻓﺖ ﺣﺎﻃﻪ ﻋﻴﻨﻬﺎ ﻉ ﻣﺤﻤﺪ ..

ﻭﻣﺮﻩ ﺳﻤﻌﻨﺎ ﻋﻴﺎﻁ ﺭﻛﻀﻨﺎ ﺍﻟﻐﺮﻓﺔ ﻣﺤﻤﺪ .. ﻟﮕﻴﻨﺎﻫﺎ ﻧﺎﻳﻤﻪ ﺑﺴﺮﻳﺮﻩ ﻭﺗﺴﻮﻳﻠﻪ ﺍﻏﺮﺍﺀ ..

ﺑﺲ ﻫﻮ ﻣﺎﻧﻄﺎﻫﺎ ﻓﺮﺻﻪ ﻭﻓﻀﺤﻬﺎ ﻭﻃﺮﺩﻫﺎ ﻣﻦ ﺍﻟﺒﻴﺖ ..

ﻭﻧﻬﻠﻪ ﺑﻮﻗﺘﻬﺎ ﺍﺗﻬﻤﺖ ﻣﺤﻤﺪ ﻳﺮﻳﺪ ﻳﻌﺘﺪﻱ ﻋﻠﻴﻬﺎ ..

ﻭﺻﺎﺭﺕ ﻣﺸﺎﻛﻞ ﻭﻣﺤﻤﺪ ﻭﺍﻣﻴﺮ ﺭﺍﺩ ﻭﺍﺣﺪ ﻳﻘﺘﻞ ﺍﻟﺜﺎﻧﻲ ﺑﺴﺒﺒﻬﺎ ..

ﻟﻮ ﻣﺎ ﺍﻟﻠﻪ ﺳﺘﺮﺭ .. ﺷﻤﺲ

ﻧﻬﻠﻪ ﻣﻴﺼﻴﺮ ﻋﻨﺪﻫﺎ ﺍﻃﻔﺎﻝ .. ﻭﺻﺎﺭﺕ ﻫﻤﺠﻴﻪ ﺑﻜﻞ ﺷﻲ ﺗﺼﺮﻓﺎﺗﻬﺎ ﻭﺗﻌﺎﻣﻠﻬﺎ ﻭﺳﻴﻄﺮﺗﻬﺎ ..

ﻛﺄﻧﻪ ﺗﺮﻳﺪ ﺗﺒﻴﻦ ﻟﻠﻨﺎﺱ ﻫﻲ ﻗﻮﻳﻪ .. ﻭﺗﺨﺒﻲ ﺍﻟﻀﻌﻒ ﺍﻟﻲ ﺑﺪﺍﺧﻠﻬﺎ ..

ﻭﺧﺎﺻﻪ ﺑﻌﺪ ﻣﺎﻣﺮﺕ ﻋﻠﻲ ﻋﻠﻴﺎﺀ ﻭﻟﺪﺕ ﺑﻨﻮﺗﻪ ..

ﺍﻧﻘﻬﺮﺕ ﻭﺿﺎﺟﺖ ﻧﻬﻠﻪ ﻭﺯﺍﺩ ﺗﻌﺼﺒﻬﺎ ﻭﻫﻤﺠﻴﺘﻬﺎ ..

ﺗﺒﻴﻦ ﺍﻧﻬﺎ ﺗﺤﺐ ﻣﺮﺕ ﻋﻠﻲ ﺑﺲ ﻫﻲ ﺣﺎﻗﺪﻩ ﻣﺴﺘﺤﻴﻞ ﺗﺤﺐ

ﺍﺣﺪ .. ﺍﻻ ﺍﺫﺍ ﻛﺎﻥ ﻋﻨﺪﻫﺎ ﻣﺼﻠﺤﻪ ..

ﻣﺮﺍﺕ ﻳﺴﻮﻥ ﺧﻄﻂ ﻉ ﻣﺮﺕ ﻣﺤﻤﺪ .. ﺣﺘﻰ ﻳﺨﻠﻨﻬﺎ ﺗﻨﻬﺰﻡ ﻭﺗﺘﺮﻙ ﻣﺤﻤﺪ ﻭﻫﻴﺞ ﺗﻨﺘﻘﻢ ﻣﻦ ﻣﺤﻤﺪ .. ﺍﻟﻲ ﻓﻀﻞ ﻫﺎﻟﻪ ﻉ ﺍﺧﺘﻬﺎ ..

ﺳﻠﻤﻨﺎ ﻉ ﺑﻴﺖ ﻋﻤﻮ ﻭﻃﻠﻌﻮﺍ .. ﻭﺳﺎﻡ ﻣﺎﻧﺰﻝ ﻋﻴﻨﻪ ﻣﻨﻲ .

ﺍﻧﻲ ﻧﻀﻔﺖ ﺍﻟﻤﻄﺒﺦ ﻭﻏﺴﻠﺖ ﺍﻟﻤﻮﺍﻋﻴﻦ ..

ﻭﺭﺩﺕ ﺍﺻﻌﺪ ﺍﻧﺎﻡ ..

ﺻﺎﺡ ﺍﻣﻴﺮ ﻋﻠﻴﻪ .. ﻣﻴﺎﺭ ﺗﻌﺎﻟﻲ ﺷﻮﻳﻪ ..

ﺍﺟﻴﺖ ﻟﮕﻴﺖ ﻧﻬﻠﻪ ﻣﺨﻠﻴﻪ ﺭﺟﻞ ﻉ ﺭﺟﻞ ﻭﺗﺒﺘﺴﻢ ..

ﻭﺍﺧﻮﺍﻧﻲ ﻫﻢ ﮔﺎﻋﺪﻳﻦ ﻭﺍﻣﻲ ..

ﺍﻣﻴﺮ .. ﻟﺞ ﺷﻌﻨﺪﺝ ﻭﻱ ﻭﺳﺎﻡ ..

ﻣﻴﺎﺭ .. ﻣﺎﻋﻨﺪﻱ ﺷﻲ ﻭﺳﺎﻡ ﻣﺜﻞ ﺍﺧﻮﻳﻪ

ﻋﺮﻓﺖ ﻧﻬﻠﻪ ﻣﻌﺒﻴﺘﻪ ﻋﻠﻴﻪ ..

ﺍﻣﻴﺮ .. ﻟﻌﺪ ﻟﻴﺶ ﺍﺟﻪ ﺧﻄﺒﺞ ﻭﺧﺎﺻﻪ ﺑﻬﺬﺍ ﺍﻟﻮﻗﺖ ..

ﻣﻴﺎﺭ .. ﻣﺴﺘﺤﻴﻞ ﺍﻓﻜﺮ ﺑﻮﺳﺎﻡ ﻛﺰﻭﺝ ﺍﻟﻲ ..

ﻻﻥ ﻣﺎﻋﻨﺪﻱ ﻣﺸﺎﻋﺮ ﺍﺗﺠﺎﻫﻪ ﻏﻴﺮ ﺍﻻﺧﻮﻩ ..

ﻭﺍﺫﺍ ﺍﺗﺼﻠﻮﺍ .. ﮔﻮﻟﻮﻟﻬﻢ ﻫﺬﺍ ﺍﻟﻜﻼﻡ ..

ﺍﻣﻴﺮ .. ﻳﻌﻨﻲ ﺭﺍﻓﻀﺘﻪ ..

ﻣﻴﺎﺭ .. ﺑﻠﻲ ﺭﺍﻓﻀﻪ .

ﻫﻮ ﺍﺗﺒﺎﻭﻉ ﺍﻟﻨﻬﻠﻪ . ﻭﻫﻲ ﺻﺎﺭﺕ ﺗﺨﺒﻂ ﺍﻟﻮﺍﻥ ..

ﺧﺮﺏ ﻣﺨﻄﻄﻬﺎ .. ﻋﺒﺎﻟﻬﺎ ﻋﻨﺪﻱ ﺷﻲ ﻭﻳﺎﻩ ﻭﺗﺨﺮﺏ ﻋﻠﻴﻪ ﺍﻟﺰﻭﺍﺝ ..

ﻣﺎﺍﻧﻜﺮ ﺍﻧﻪ ﺧﻮﺵ ﻭﻟﺪ .. ﺑﺲ ﺍﻧﻲ ﻣﺎﻋﻨﺪﻱ ﻣﺸﺎﻋﺮ ﺍﺗﺠﺎﻫﺎ ﻭﻣﺴﺘﺤﻴﻞ ﺍﺣﻄﻢ ﺣﻴﺎﺗﻲ ﻭﺣﻴﺎﺗﻪ ﻋﻤﻮﺩ ﺍﺧﻠﺺ ﻣﻦ ﺍﻫﻠﻲ ..

ﺍﻧﻲ ﻋﻨﺪﻱ ﻃﻤﻮﺡ ﺍﻛﻤﻞ ﻭﻻﺯﻡ ﺍﻛﻤﻞ ..

ﻣﺎﺍﻓﻜﺮ ﺣﺎﻟﻴﺎ ﺑﺎﻟﺰﻭﺍﺝ .. ﺷﻤﺲ

ﺭﺣﺖ ﻟﻠﻐﺮﻓﻪ ﺍﻧﺎﻡ ﺍﺟﺖ ﺍﻣﻲ ..

ﻳﻤﻪ ﻟﻴﺶ ﺭﻓﻀﺘﻲ ﻭﻭﺳﺎﻡ ﺧﻮﺵ ﻭﻟﺪ ﻭﺣﺒﺎﺏ ﻭﺭﺍﺡ ﻳﺼﻮﻧﺞ ﻭﻫﻮ ﺍﺑﻦ ﻋﻤﺞ ..

ﺭﻓﻌﺖ ﺭﺍﺳﻲ .. ﺗﺤﺠﻴﻦ ﺻﺪﮒ ﻳﻤﻪ ﺍﻧﻲ ﺍﺧﻠﺺ ﻣﻦ ﺟﺒﺮﻭﺕ ﺍﺧﻮﺍﻧﻲ ﺍﺭﻭﺡ ﻟﻠﻌﻤﺎﺭﻩ ﻭﺍﻛﻴﺪ ﺍﻟﻲ ﻣﻮﺟﻮﺩ ﺑﺨﻮﺍﻧﻲ ﻣﻮﺟﻮﺩ ﺑﻴﻬﻢ ..

ﺍﺧﻮﺍﻧﻲ ﺍﻧﻮﻟﺪﻭﺍ ﻭﻋﺎﺷﻮﺍ ﺑﺒﻐﺪﺍﺩ .. ﺑﺲ ﺑﻘﻰ ﻃﺒﻌﻬﻢ ﻭﺟﺒﺮﻭﺗﻬﻢ ﻉ ﺟﺪﻱ ﺍﺑﻮ ﺑﺎﺑﺎ ..

ﻭﺍﻧﺘﻲ ﺍﻋﺮﻑ ﺑﻲ ..

ﺭﺩﺕ ﺍﻧﺎﻡ ﺍﺗﺼﻠﺖ ﺍﺑﺘﻬﺎﻝ ..

ﮔﻌﺪﻧﺎ ﻧﺪﺭﺩﺵ ﻭﺳﻮﻟﻔﺘﻠﻬﺎ ﻉ ﺍﻟﻲ ﺻﺎﺭ ..

ﺍﻟﻰ ﺍﻥ ﻃﺎﺭﺕ ﺍﻟﻨﻮﻣﻪ ..

ﺻﺎﺭ ﺍﻟﻌﺼﺮ ..

ﺍﮔﻮﻡ ﺍﺣﻈﺮ ﻟﻠﻌﺸﺎ ..

ﻣﺮﺕ ﺍﻻﻳﺎﻡ ﻃﺒﻴﻌﻴﻪ ﺑﻴﻦ ﺗﺤﻀﻴﺮ ﻟﻠﺠﺎﻣﻌﻪ .. ﻭﺍﻛﻴﺪ ﻣﺤﺪ ﻓﺮﺣﺎﻥ ﺍﻟﻲ ﺑﺲ ﻣﺎﻣﺎ ..

ﺍﺑﺘﻬﺎﻝ ﺍﻧﻘﺒﻠﺖ ﺭﻳﺎﺿﻴﺎﺕ ﻭﻫﻲ ﻛﺎﻧﺖ ﺗﺤﺐ ﺍﻟﺮﻳﺎﺿﻴﺎﺕ ﻭﺷﺎﻃﺮﻩ ﺑﻲ ..

ﺍﺟﺮﻧﺎ ﺧﻂ ﺍﺣﻨﺎ ﻭﺑﻨﺎﺕ .. ﻭﺻﺮﻧﺎ ﻧﺮﻭﺡ ﻭﻧﺮﺟﻊ ﻟﻠﺠﺎﻣﻌﻪ ..

ﻣﺎﺍﻭﺻﻒ ﺍﺣﺴﺎﺳﻲ .. ﺣﻴﺎﺓ ﺟﺪﻳﺪﻩ ﻭﺣﻠﻮﻩ ..

ﺍﻟﺠﺎﻣﻌﻪ ﻛﺒﻴﺮﻩ ﻛﻠﺶ ﻭﺣﻠﻮﻩ ..

ﺑﻨﺎﺕ ﻭﻟﺪ ﻭﺍﺧﺘﻼﻁ ﻭﺻﺪﺍﻗﻪ ﻭﮔﺮﻭﺑﺎﺕ .

ﻭﺍﻧﻲ ﻭﺍﺑﺘﻬﺎﻝ ﺍﻟﺜﻮﻟﻪ ﺑﺲ ﻧﺘﺼﻔﻦ ..

ﻭﺑﻴﻮﻡ ﺩﺍ ﻧﻄﻠﻊ ﻣﻦ ﺍﻟﺠﺎﻣﻌﻪ ﻭﺻﺎﺭ ﻣﻘﺎﺑﻴﻠﻲ ﻭﺳﺎﻡ

ﺍﺗﻔﺎﺟﺄﺕ ..

ﻭﺳﺎﻡ .. ﻫﻠﻮ ﻣﻴﺎﺭ ﺷﻠﻮﻧﺞ

ﻣﻴﺎﺭ .. ﺍﻟﺤﻤﺪ ﻟﻠﻪ ﺗﻤﺎﻡ ﺍﻧﺖ ﺷﻠﻮﻧﻚ

ﻭﺳﺎﻡ .. ﻣﻤﻜﻦ ﺍﺣﺠﻲ ﻭﻳﺎﺝ

. 

ﺍﺗﺮﺧﺼﺖ ﺍﺑﺘﻬﺎﻝ ﻭﻫﻲ ﻋﻴﻨﻬﺎ ﻋﻠﻴﻪ .. ﻭﺗﻤﺸﻲ ﻭﺗﻐﻢ ﺑﻴﻪ ﻻﻥ ﺭﻓﻀﺘﻪ ..

ﺑﺎﻟﮕﻮﻩ ﺣﺒﺴﺖ ﺿﺤﻜﺘﻲ ..

ﺑﺲ ﺍﻟﺼﺮﺍﺣﻪ ﻭﺳﺎﻡ ﺣﻠﻮ ﻭﺍﺑﻴﺾ ﻭﺷﺨﺼﻴﻪ ﻭﻣﻬﻨﺪﺱ ﻣﺎﻳﻨﺮﻓﺾ ..

ﺑﺲ ﺷﺄﺳﻮﻱ ﻭﺍﻧﻲ ﮔﻠﺒﻲ ﻳﻌﺘﺒﺮﻩ ﺍﺥ ﺍﻟﻲ ﻻ ﺍﻛﺜﺮ ..

ﻭﺳﺎﻡ .. ﻭﺻﻠﻨﻲ ﺧﺒﺮ ﺭﻓﻀﺞ

ﻣﻴﺎﺭ .. ﻧﺼﻴﺖ ﺭﺍﺳﻲ ..

ﻭﺳﺎﻡ .. ﻣﻴﺎﺭ ﻟﺘﺨﺠﻠﻴﻦ ﺍﻧﻲ ﺭﺩﺕ ﺍﺳﺎﻋﺪﺝ ﺗﺨﻠﺼﻴﻦ ﻣﻨﻬﻢ ﻭﻣﻦ ﺿﻠﻤﻬﻢ ..

ﺍﻣﺞ ﻛﺎﻧﺖ ﺩﺍﻳﻤﺎ ﺗﺴﻮﻟﻒ ﺍﻻﻣﻲ ﻉ ﺍﺧﻮﺍﻧﺞ ﻭﺯﻭﺟﺎﺗﻬﻢ ﻭﺷﻠﻮﻥ ﻳﻌﺎﻣﻠﻮﺝ ..

ﻣﻴﺎﺭ .. ﻭﺳﺎﻡ ﺍﺷﻜﺮ ﺗﻀﻴﺤﺘﻚ ﻭﺍﻟﻲ ﺟﺎﻱ ﺗﺴﻮﻳﻪ .. ﺑﺲ ﻣﺎﺍﮔﺪﺭ . ﻣﺴﺘﺤﻴﻞ ﺍﺗﺰﻭﺝ ﺑﻬﺬﺍ ﺍﻟﺸﻜﻞ ..

ﻫﺬﺍ ﻗﺮﺍﺭ ﻣﺼﻴﺮﻱ ﻣﻮ ﺣﺘﻰ ﺍﻫﺮﺏ ﻣﻦ ﻭﺍﻗﻌﻲ ﺍﻭﮔﻊ ﺑﺨﻄﺄ

ﻭﺍﻧﺖ ﺷﻨﻮ ﺫﻧﺒﻚ ﺗﻀﺤﻲ ﻭﺗﺘﺰﻭﺝ ﺍﻧﺴﺎﻧﻪ ﻣﺎﺗﺤﺒﻚ ..

ﺷﻮﻑ ﺣﻴﺎﺗﻚ ﻭﺳﺎﻡ ﻭﺗﺰﻭﺝ ﺍﻟﻲ ﺗﺴﻌﺪﻙ ..

ﻭﺍﻛﻴﺪ ﻣﺎﺍﻧﺴﻰ ﻭﮔﻔﺘﻚ ﻭﻳﺎﻱ ..

ﻭﺳﺎﻡ . ‏( ﻟﺞ ﺍﻧﺘﻲ ﺳﻌﺎﺩﺗﻲ ﺑﺲ ﺷﻠﻮﻥ ﺍﻓﻬﻤﺞ ﻭﺍﻧﺘﻲ ﻣﻌﺘﺒﺮﺗﻨﻲ ﺍﺧﻮ ﺍﻟﺞ ‏) .. ﺍﺣﺠﻲ ﺑﺪﺍﺧﻠﻲ

ﻉ ﺍﻟﻌﻤﻮﻡ ﺍﻧﻲ ﺍﺟﺮﺕ ﺷﻘﻪ ﻫﻨﺎ .. ﻭﺭﻗﻤﻲ ﻫﺬﺍ

ﻭﺍﻱ ﺷﻲ ﺗﺤﺘﺎﺟﻴﻪ ﺍﻧﻲ ﺣﺎﻇﺮ .

ﻣﻴﺎﺭ .. ﺗﺴﻠﻢ ﺧﻮﻳﻪ ﻣﺎﺗﻘﺼﺮﺭ ..

ﺳﻠﻢ ﻭﺭﺍﺡ ﺑﺲ ﻣﺎﺍﻋﺮﻑ ﻟﻴﺶ ﻣﻦ ﺃﮔﻮﻟﻪ ﺧﻮﻳﻪ ﻳﻀﻮﺝ

ﻭﺍﻧﻲ ﺍﺗﻌﻤﺪ ﺍﮔﻮﻟﻬﺎ ﺣﺘﻰ ﻳﺸﻴﻠﻨﻲ ﻣﻦ ﺭﺍﺳﻪ .

ﻻﻥ ﻣﺴﺘﺤﻴﻞ ﺍﺭﺗﺒﻂ ﺑﺸﺨﺺ ﻣﻦ ﻏﻴﺮ ﻣﺎﺍﺣﺒﻪ ﻭﻳﺤﺒﻨﻲ ﻭﻧﻌﻴﺶ ﻗﺼﺔ ﺣﺐ ..

ﺭﺟﻌﺖ ﺍﻻﺑﺘﻬﺎﻝ ﺍﻟﻲ ﻭﺩﻫﺎ ﺗﺎﻛﻠﻨﻲ ..

ﻟﺞ ﻫﻮ ﻫﺬﺍ ﻳﻨﺮﻓـﺾ ﺷﻮﻑ ﺍﻟﺸﺨﺼﻴﻪ ﻭﺍﻟﺠﻤﺎﻝ ..

ﻣﺎﺗﺮﺩﻳﻪ ﺣﻮﻟﻴﻪ ﻋﻠﻴﻪ ..

ﻣﻴﺎﺭ .. ﻫﻬﻬﻬﻬﻪ ﻳﺎﻟﻴﺖ ﻭﺳﺎﻡ ﺣﺒﺎﺏ ﻭﺍﻧﺘﻲ ﺍﺧﺘﻲ ﻭﺍﺗﻤﻨﻰ ﺍﻟﺞ ﻫﻴﺞ ﻗﺴﻤﻪ ..

ﺍﺑﺘﻬﺎﻝ .. ﺍﻱ ﺑﺲ ﺷﻨﻮ ﻟﻠﻔﺎﺋﺪﻩ ﻟﻮ ﺷﺎﻳﻔﻪ ﻋﻴﻮﻧﻪ ﺍﻧﺘﻲ ﺗﺤﺠﻴﻦ ﻭﻫﻮ ﻣﺸﺎﻟﻬﻦ ﻣﻦ ﻋﻠﻴﺞ ..

ﻭﺍﮔﻊ ﺑﺤﺒﺞ ﻭﺍﻧﺘﻲ ﻭﻻﻋﺒﺎﻟﻚ ﻳﺎﻇﺎﻟﻤﻪ ..

ﻣﻴﺎﺭﺭ .. ﺩﻣﺸﻲ ﺧﻠﻲ ﻧﺮﻭﺡ ﻻ ﻳﺘﻠﮕﻮﻧﺎ ﺍﻫﻠﻨﺎ ﺑﺎﻟﻤﻘﺒﻼﺕ ﻣﺎﻟﺘﻬﻢ ..

ﺍﺑﺘﻬﺎﻝ .. ﻫﻬﻬﻬﻬﻪ ﺍﻧﻲ ﺍﻫﻮﻥ ﻣﻦ ﺍﻟﺤﻴﺎﻳﺎ ﺍﻟﻲ ﻋﻨﺪﺝ

ﻭﺻﻠﺖ ﺍﻟﺒﻴﺖ ﻭﻛﺎﻟﻌﺎﺩﻩ ..

ﻛﻼﻡ ﻳﺴﻢ ﺍﻟﺒﺪﻥ ..

ﻛﻞ ﻭﺣﺪﻩ ﺻﻌﺪﺕ ﻏﺮﻓﺘﻬﺎ ﻭﺗﺎﺭﻛﺎﺕ ﻛﻠﺸﻲ ﻋﻠﻴﻪ ..

ﺑﺲ ﺍﻟﻐﺪﺍ ﻳﻄﺒﺨﻨﻪ ﻳﺨﺒﺼﻨﺎ ..

ﺣﺘﻰ ﻣﻮﺍﻋﻴﻨﻬﻦ ﺍﻟﻲ ﻳﺘﻐﺪﻥ ﺑﻴﻬﻦ ﻳﺘﺮﻛﻨﻬﻦ ﻭﻳﺼﻌﺪﻥ ..

ﻛﻤﻠﺖ ﺗﻨﻀﻴﻒ ﻭﺭﺣﺖ ﻧﻤﺖ ..

ﻟﻠﻌﺼﺮ ﮔﻌﺪﺕ ﺑﻮﺳﺖ ﻣﺎﻣﺎ ﻭﻧﺴﻮﻟﻒ ﻉ ﺍﻟﺠﺎﻣﻌﻪ ﻭﺷﻨﻮ ﺻﺎﺭ ..

ﻭﮔﻠﺘﻠﻬﺎ ﻉ ﻭﺳﺎﻡ .. ﻻﻥ ﻣﺎﺍﺿﻢ ﺷﻲ ﻋﻠﻴﻬﺎ ..

ﺍﻣﻲ .. ﻳﻤﻪ ﻭﺳﺎﻡ ﺧﻮﺵ ﻭﻟﺪ ﺣﺮﺍﻡ ﺗﻀﻴﻌﻴﻪ ﻣﻦ ﺍﻳﺪﻳﺞ ..

ﻣﻴﺎﺭ .. ﻳﻮﻭﻡ ﺳﺒﻖ ﻭﺍﻥ ﮔﺘﻠﺞ ﺑﺮﺃﻱ ..

ﻧﻬﻠﻪ ﻛﺎﻧﺖ ﺗﺘﻨﺼﺖ ..

ﻻﺯﻡ ﻭﺳﺎﻡ ﻣﺎﺗﺎﺏ .. ﺷﻨﻮ ﻋﻤﻪ ﺧﺎﺑﺮﻭﺝ ﻓﺘﺤﻮﺍ ﺍﻟﻤﻮﺿﻮﻉ ﻣﺮﻩ ﺛﺎﻧﻴﻪ ..

ﺍﻣﻲ .. ﻧﻬﻠﻪ ﻳﻤﻪ ﻋﻴﺐ ﺗﺪﺧﻠﻴﻦ ﺭﻭﺣﺞ ﺑﺎﻟﺼﻐﻴﺮﻩ ﻭﺍﻟﺠﺒﻴﺮﻩ ﺍﻧﻲ ﻭﺑﻨﺘﻲ ﻭﺑﻐﺮﻓﺘﻲ ﻟﻴﺶ ﺗﺪﺧﻠﻴﻦ ..

ﻧﻬﻠﻪ .. ﻭﺍﻟﻠﻪ ﺧﻮﺵ ﻭﻃﺮﺩﻳﻨﻲ ﻣﻦ ﻏﺮﻓﺘﺞ ﺑﺴﻴﻄﻪ ..

ﻣﻮ ﺯﻳﻦ ﻣﻠﻔﻴﺘﺠﻦ ﺍﻧﺘﻲ ﻭﺑﻨﺘﺞ ..

ﻣﻴﺎﺭ .. ﻟﺞ ﺍﻧﺘﻲ ﻣﻠﻔﻴﻪ ﻣﻨﻮ ﺑﺒﻴﺖ ﻣﻨﻮ ..

ﻫﺬﺍ ﺑﻴﺖ ﺍﺑﻮﻳﻪ ﻭﻏﺼﺐ ﻋﻨﺞ ﻧﮕﻌﺪ ﺑﻲ ..

ﻧﻬﻠﻪ .. ﺗﻌﺎﻟﻲ ﻭﻟﺞ ﻫﺎﻱ ﻭﻳﺎﻣﻦ ﺗﺤﺠﻴﻦ ﻃﺎﻟﻊ ﺍﻟﺴﺎﻧﺞ ﻣﻴﺎﺭ ﺧﺎﻧﻢ ﻭﺻﺎﻳﺮﻩ ﺗﺤﺠﻴﻦ ..

ﻟﺰﻣﺘﻨﻲ ﻣﻦ ﺷﻌﺮﻱ ﻭﻟﺰﻣﺘﻬﺎ ﻣﻦ ﺷﻌﺮﻫﺎ ﻭﻧﺎﻣﺖ ﻓﻮﮔﺎﻱ ﻭﺗﻀﺮﺏ ..

ﺑﻬﺬﻱ ﺍﻟﻠﺤﻈﻪ ..

ﺩﺧﻠﻮﺍ ﺍﻣﻴﺮ ﻭﻣﺤﻤﺪ ..

ﺍﺟﻪ ﺍﻣﻴﺮ ﺭﻓﻌﻬﺎ ﻣﻦ ﻓﻮﮔﺎﻱ .. ﺷﻤﺲ

ﺷﺎﻓﺖ ﺍﻣﻴﺮ ﺻﺎﺭﺕ ﺗﺘﻤﺴﻜﻦ ..

ﻣﺤﻤﺪ ﻋﺎﻁ ﻣﺎﺗﺴﺘﺤﻦ ﺍﻧﺖ ﺻﻐﺎﺭ ﺗﺘﻌﺎﺭﻛﻦ ..

ﻧﻬﻠﻪ ﻭﻫﻲ ﺗﺒﺠﻲ .. ﻛﺎﻓﻲ ﺑﻌﺪ ﻣﺎﺍﺗﺤﻤﻞ ﺷﺎﻳﻠﻪ ﺍﻟﺒﻴﺖ ﻉ ﺭﺍﺳﻲ ﻭﺗﺠﻲ ﺣﻀﺮﺗﻬﺎ ﻣﻦ ﺍﻟﺠﺎﻣﻌﻪ ﻉ ﺍﻟﺠﺎﻫﺰ ﺗﺎﻛﻞ ﻭﺗﻨﺎﻡ

ﻭﻣﻦ ﻧﺤﺠﻲ ﺗﮕﻮﻝ ﺑﻴﺖ ﺍﺑﻮﻳﻪ ﻭﻋﻤﺘﻲ ﻣﺴﺎﻧﺪﺗﻬﺎ ..

ﺷﻮﻓﻠﻚ ﺣﻞ ﺍﻣﻴﺮ ﺗﺮﻯ ﺍﻋﻮﻑ ﺍﻟﺒﻴﺖ ﻭﺍﻃﻠﻊ ..

ﺍﻣﻴﺮ ﺗﺨﺒﻞ ..

ﺳﺤﺒﻨﻲ ﻣﻦ ﺷﻌﺮﻱ ..

ﻟﺞ ﺍﻧﺘﻲ ﻭﺣﺪﻩ ﻭﺧﺎﺑﺼﻪ ﺍﻟﺒﻴﺖ ..

ﻟﻮ ﻣﺎﺍﻣﻲ .. ﺣﺘﻰ ﺍﻟﺠﺎﻣﻌﻪ ﺍﺑﻄﻠﺞ ..

ﺻﻴﺮﻱ ﺍﺩﻣﻴﻪ ﻭﺍﺷﺘﻐﻠﻲ ﻣﻮ ﻣﺨﻠﻴﻪ ﺧﺪﻡ ﺟﻮﺍﺝ .. ﻫﺎﻱ ﺍﺫﺍ ﺗﺮﺩﻳﻦ ﺗﻜﻤﻠﻴﻦ ﻣﺎﻛﻮ ﺑﻄﻠﻲ ﻭﺍﮔﻌﺪﻱ ..

ﺍﻣﻲ .. ﻳﻤﻪ ﺧﺎﻓﻮﺍ ﺍﻟﻠﻪ ﺑﺄﺧﺘﻜﻢ ..

ﺍﻧﻲ ﻭﻳﺎﻫﺎ ﮔﺎﻋﺪﻳﻦ ﻫﻨﺎ ﻧﺴﻮﻟﻒ ﻭﻧﻬﻠﻪ ﺩﺧﻠﺖ ﻋﻠﻴﻨﻪ ﻭﺑﻌﻴﻮﻧﻬﺎ ﺍﻟﺸﺮ ..

ﺍﻣﻴﺮ .. ﻳﻤﻪ ﺍﻧﺘﻲ ﻫﻢ ﺧﺎﻓﻲ ﺍﻟﻠﻪ ﻭﻧﺼﻔﻲ ﻣﻮ ﺧﻠﻴﺘﻲ ﮔﺒﺎﻟﺘﺞ ﻭﻱ ﻧﻬﻠﻪ .. ﺭﺟﻠﻴﺞ ﻉ ﺍﻟﮕﺒﺮ ﻛﻮﻧﻲ ﻋﺎﺩﻟﻪ ﺫﻧﻲ ﻫﻢ ﺑﻨﺎﺗﺞ

ﻣﺤﻤﺪ .. ﺍﻣﻴﺮ ﺷﻠﻮﻥ ﺗﺤﺠﻲ ﻫﻴﺞ ﻭﻱ ﺍﻣﻲ ..

ﺍﻣﻴﺮ .. ﻟﻮ ﺷﺎﺩﻩ ﻭﻱ ﻣﺮﺗﻚ ﺟﺎﻥ ﻣﺎﺣﺠﻴﺖ ﻭﮔﻠﺖ ﺍﻣﻲ ..

ﺍﻣﻲ ﺑﻘﺖ ﺗﺒﺠﻲ .. ﻭﺗﮕﻮﻝ ﻳﺎﺣﻴﻒ ﺭﺑﺎﺗﻲ ﺑﻴﻜﻢ ..

ﻭﺍﻣﻴﺮ ﺭﺍﺡ ﻳﺮﺍﺿﻲ ﺍﻟﺨﺎﺗﻮﻥ ﻏﺎﺳﻠﺘﻪ ﻏﺴﻞ ..

ﻭﻣﺤﻤﺪ ﺩﺍﺭ ﻭﺟﻬﺎ ﻭﻣﺸﻰ ﺍﻟﻐﺮﻓﺘﻪ ﺣﺘﻰ ﻣﺎﺍﺧﺬ ﻣﻦ ﺧﺎﻃﺮ ﺍﻣﻲ ..

ﻣﻴﺎﺭ .. ﻳﻤﻪ ﻛﺎﻓﻲ ﻻﺗﺒﺠﻴﻦ .. ﻭﺩﺍﻋﺘﺞ ﻣﺎﺍﺣﺠﻲ ﺑﻌﺪ ﻟﻮ ﺗﻜﺴﺮ ﺭﺍﺳﻲ ﻧﻬﻠﻪ ..

ﺑﺲ ﺍﻫﻢ ﺷﻲ ﻣﺎﺗﻨﺬﻟﻴﻦ ﺍﻧﺘﻲ ..

ﺍﻣﻲ .. ﺍﻧﻲ ﻧﺬﻟﻴﺖ ﻣﻦ ﺍﻟﻴﻮﻡ ﺍﻟﻲ ﻣﺎﺕ ﺍﺑﻮﺝ ﺑﻲ ﻭﺻﺮﺕ ﺗﺤﺖ ﺭﺣﻤﺔ ﺍﻣﻴﺮ ﻭﺍﺧﻮﺍﻧﺞ ..

ﻭﻫﺴﺎ ﺗﺤﺖ ﺭﺣﻤﺔ ﻧﺴﻮﺍﻧﻬﻢ ..

ﺭﺍﺣﺖ ﺍﻣﻲ ﺗﺼﻠﻲ .. ﻭﺍﻧﻲ ﺳﻮﻳﺖ ﺍﻟﻌﺸﺎ ..

ﻛﻤﻠﺘﻪ ﻭﻓﺮﺷﺖ ﺍﻟﺴﻔﺮﻩ ﻭﺧﻠﻴﺘﻪ ﺍﻟﻬﻢ ﻭﺩﺧﻠﺖ ﺍﻟﻐﺮﻓﺘﻲ ..

ﮔﻌﺪﺕ ﺍﺗﺼﻔﺢ ﺑﺎﻟﻔﻴﺲ ﻭﺍﺑﺠﻲ ..

ﻛﺘﺒﺖ ﺧﺎﻃﺮﻩ ﺑﺎﻟﺼﺪﻓﻪ ﻭﺍﻧﻲ ﺻﺎﻓﻨﻪ ..

ﻣﻦ ﻛﻨﺖ ﺗﺨﺸﻲ ﻋﻠﻴﻬﻢ ﻣﻦ ﺍﻟﻮﺟﻊ ﻭﺍﻷﺫﻱ .. ﻫُﻢ ﺃﻭﻝ ﻣﻦ ﺃﻭﺟﻌﻮﻙ ﺑِﻘﺴـﻮﺓ ﻭﺩﻭﻥ ﺭﺣﻤﻪ .. ﺍﺣﻔﻆ ﻗﻠﺒﻚ ﻣﻦ ﺍﻟﺨﺬﻻﻥ ﻭﺍﻟﻨﺪﻡ ﻭ ﺍﺭﺗﻔﻊ ﻋﻦ ﺁﺫﺍﻫﻢ ﺑﺎﻟﺒُﻌـﺪ ﻭﺍﻟﺘﺨﻠﻲ ..

ﻛﻨﺖ ﺍﻗﺼﺪ ﺑﻴﻬﺎ ﺍﺧﻮﺍﻧﻲ .. ﺧﺬﻟﻮﻧﻲ ﺍﻧﻲ ﻭﺍﻣﻲ .. ﺷﮕﺪ ﺍﺣﺒﻬﻢ ﻭﺍﺧﺎﻑ ﻋﻠﻴﻬﻢ ﺑﺲ ﻫﻤﻪ ﻟﻼﺳﻒ ﻣﺎﻋﻨﺪﻫﻢ ﺭﺣﻤﺔ ﻭﻣﺎﻳﺤﺒﻮﻥ ﺑﺲ ﺍﻟﻔﻠﻮﺱ ﻭﻣﺼﺎﻟﺤﻬﻢ ﻭﻧﺴﻮﺍﻧﻬﻢ ..

ﺍﻣﺎ ﺍﺣﻨﻪ ﻣﺨﻠﻴﻨﻪ ﻳﻤﻬﻢ ﺣﺘﻰ ﻣﺎﻳﺠﻲ ﻳﻮﻡ ﻭﻧﺪﺍﻋﻲ ﺑﺤﻘﻨﺎ ﻭﻧﺎﺧﺬﻩ ..

ﻧﻄﻴﺖ ﺍﻟﺨﺎﻃﺮﻩ ﻧﺸﺮ ﻭﮔﻤﺖ ﺗﻮﺿﻴﺖ ﻭﺻﻠﻴﺖ ..

ﻛﻤﻠﺖ .. ﺍﺗﺼﻠﺖ ﻋﻠﻴﻪ ﺍﺑﺘﻬﺎﻝ ..

ﺍﻟﻮ

ﻫﻠﻮ ﻣﻴﻮﺭﺭﻩ ﺷﻠﻮﻧﺞ ﺍﻛﻮ ﺷﻲ ﺻﺎﻳﺮ

ﻟﻴﺶ ﺍﻧﺘﻲ ﻣﺘﻌﺮﻓﻴﻦ ﺣﻴﺎﺗﻲ ﺷﻨﻮ

ﺍﻱ ﺷﻔﺖ ﻣﻨﺸﻮﺭﺝ ﺣﺰﻳﻦ

ﻫﻲ ﻛﻞ ﻣﻨﺸﻮﺭﺍﺗﻲ ﺣﺰﻳﻨﻪ ﺑﻘﺖ ﻉ ﻫﺬﺍ

ﺍﻱ ﺑﺲ ﻣﻌﻠﻘﻠﺞ ﻭﺍﺣﺪ ﺻﺎﮒ ﻳﺨﺒﻞ

ﻫﻮ ﻣﻮ ﻣﻦ ﺍﺻﺪﻗﺎﺋﺞ ﺗﻌﺠﺒﺖ ﻣﻦ ﺷﻔﺘﻪ ﻣﻌﻠﻖ

ﻣﻨﻮ ﻫﺬﺍ ??

ﻣﺎﺍﺩﺭﻱ ﺭﻭﺣﻲ ﺷﻮﻓﻴﻪ .

ﻏﻠﻘﺘﻪ ﻣﻦ ﺍﺑﺘﻬﺎﻝ ﻭﺭﺣﺖ ﻟﻠﻔﻴﺲ ﺑﺴﺮﻋﻪ ..

ﺷﻔﺖ ﻭﺍﺣﺪ ﻭﻟﺪ ﺣﻠﻮ ﻣﻼﻣﺤﻪ ﺣﺎﺩﻩ

ﻭﺻﻮﺭﺗﻪ ﺍﺑﻴﺾ ﻭﺍﺳﻮﺩ ﻣﺴﻮﻳﻬﺎ ﻋﺒﺎﻟﻚ ﻓﻮﺗﻮ

ﺍﺳﻤﻪ .. ﺃﺳﻤﺮ ''

ﻣﺎﻋﺮﻓﺘﻪ ﻣﻨﻮ ﺍﺳﻤﻪ ﻭﻫﻤﻲ ..

ﻣﻌﻠﻖ ﻉ ﻣﻨﺸﻮﺭﻱ ﻭﻛﺎﺗﺐ .. ﺷﻤﺲ

ﻗﺪ ﻳﻜﻮﻥ # ﺍﻟﺨﺬﻻﻥ ﻧﻌﻤﺔ ﻓﻲ ﺑﻌﺾ ﺍﻻﺣﻴﺎﻥ !!

ﻓﻬﻮ # ﻳﻜﺸﻒ _ ﻟﻚ ﺣﻘﻴﻘﺔ ﺍﻟﻮﺟﻮﻩ ﺍﻟﻤﺰﻳﻔﺔ

# ﻣﻦ _ ﺣﻮﻟﻚ

ﻣﺎﺍﻋﺮﻑ ﻟﻴﺶ ﻋﺪﺕ ﻗﺮﺍﺋﺘﻬﺎ ﻛﻢ ﻣﺮﻩ ﻭﺍﻧﻲ ﺍﺑﺘﺴﻢ ..

ﺑﺲ ﺍﻟﻤﺸﻜﻠﻪ ﻣﺎﺍﻋﺮﻑ ﻣﻨﻮ ﻭﻟﻴﺶ ﻋﻠﻖ ﻉ ﺻﻔﺤﺘﻲ

ﻫﺬﺍ ﺍﻛﻴﺪ ﻳﻌﺮﻓﻨﻲ

. 

. 

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤