رواية لم تكن خطيئتنا ج2 الجزء الأول
للكاتبة نور ناصر
.
.
ﺳﻤﻴﺔ .. ﻗﺒﻞ ﻳﻮﻣﻴﻦ ﻣﻦ ﺣﻔﻠﺔ ﺻﻔﺎ ..
ﺟﻨﺖ ﻣﺘﻤﺪﺩﺓ ﻋﻠﻰ ﺍﻟﺴﺮﻳﺮ ﻭﺍﻓﻜﺮ ﻳﺮﺑﻲ ﻫﺴﻪ ﻭﻛﺘﻬﺎ ﺍﻳﺪﻱ ﻣﺠﺒﺴﺔ ﺷﻮﻥ ﺍﻟﻠﺒﺲ ﻭﺷﻮﻥ ﺍﺭﮔﺺ ﺑﺎﻟﺤﻔﻠﺔ ..
ﺍﻟﻒ ﺑﺸﻌﺮﻱ ﺑﺎﺻﺎﺑﻌﻲ ﻭﺍﻓﻜﺮ ..
ﺭﻥ ﺗﻠﻴﻔﻮﻧﻲ .. ﺑﺎﻭﻋﺖ ﻫﺬﺍ ﺍﻣﺎﻥ ! !
ﺍﺑﺘﺴﻤﺖ . ﻭﻗﻠﺒﻲ ﻧﻔﺾ . ﻣﺪﻳﺖ ﺍﻳﺪﻱ ﻟﺸﻌﺮﻱ ﺍﺣﻚ ﺑﺘﻮﺗﺮ ﺍﺧﺠﻞ ﻛﺪﺍﻣﻪ ﻛﻠﺶ ﻭﺍﺳﺘﺤﻲ ﺍﺣﺠﻲ ﻭﻳﺎ ﺻﻮﺕ
ﺍﻧﺎ ﺷﺒﻴﻪ ﮔﺪﺍﻣﻪ ﻳﺮﺑﻲ ..
ﻋﻮﺩ ﺍﻧﺎ ﺟﺮﻳﺌﺔ ﺑﺲ ﻛﺪﺍﻣﻪ ﻏﻴﺮ ..
ﺗﻨﻬﺪﺕ ﻭﻓﺘﺤﺖ ﺧﻂ ﮔﻠﺖ ﺍﻟﻮﻭ ﺑﺨﺠﻞ ./
ﮔﺎﻝ ﺷﻠﻮﻧﻬﺎ ﺣﺒﻴﺒﺘﻲ ..
ﻣﻦ ﺳﻤﻌﺖ ﻛﻠﻤﺔ ﺣﺒﻴﺒﺘﻲ ﻣﻌﺖ ﺭﺟﻌﺖ ﺍﺗﻜﻴﺖ ﻋﻠﻰ ﺗﺎﺝ ﺍﻟﺠﺮﺑﺎﻳﺔ ﻭﻧﺴﻴﺖ ﺍﻳﺪﻱ ﺍﻟﻤﺼﺎﺑﺔ ﻋﻄﺖ ﺍﻩ ..
ﻓﺰ ﻫﻮ ﮔﺎﻝ ﺷﺒﻴﺞ ﺷﺒﻴﺞ ..
ﻳﺒﻮﻭﻭ ﻣﻦ ﺍﻟﻔﺸﻠﺔ ﻣﺎﺍﺩﺭﻱ ﺷﺤﺠﻲ ..
ﮔﺘﻠﻪ ﺩﺣﭽﺖ ﺍﻳﺪﻱ ﺑﺎﻟﺤﺎﻳﻂ ..
: ﻏﻴﺮ ﻋﻠﻰ ﻛﻴﻔﺞ ﻭﻳﺎ ﻧﻔﺴﺞ ﻳﺎﻋﻴﻨﻲ ..
ﻳﺒﻮﻭﻭ ﺍﻧﺎ ﻛﺪﺍﻡ ﺍﻟﻜﻼﻡ ﺍﻟﺤﻠﻮ ﺗﺘﺨﺮﺑﻂ ﺍﻭﺿﺎﻋﻲ ﻻﻥ ﻣﺎﻣﺘﻌﻮﺩﺓ ..
ﮔﺤﻴﺖ ﻫﻤﺴﺖ ﺍﻱ ..
ﮔﺎﻝ ﺷﺒﻴﺞ ﺧﺠﻼﻧﺔ ﻣﺎﺗﻮﻗﻌﺘﺞ ﻫﻴﺞ ﺧﺠﻮﻟﻪ ..
: ﺍﻱ ﻣﻮ ﻣﺎﻣﺘﻌﻮﺩﺓ .
: ﺍﻭﻙ ﺍﻟﻤﻬﻢ ﺍﻧﻲ ﺭﺍﺡ ﺍﺟﻴﻜﻢ ﻫﺴﻪ .
ﺍﻧﺘﻔﻀﺖ ﻣﻦ ﻣﻜﺎﻧﻲ : ﺻﺪﻙ ﺗﺤﺠﻲ .
: ﺍﻱ ﺭﺍﺡ ﺍﺟﻴﺐ ﺑﻴﺒﻴﺘﻲ ﻣﺎﺗﻘﺒﻞ ﺗﺒﻘﻰ ﻳﻤﻨﻪ ﻣﺘﻌﻮﺩﺓ ﻋﻠﻴﻜﻢ ﻭﺍﺭﻳﺪ ﺍﺷﻮﻓﺞ ﻻﻥ ﺑﺎﺟﺮ ﺭﺍﺡ ﺍﺭﺟﻊ ﻷﺭﺑﻴﻞ .
ﺑﺤﺰﻥ ﮔﺘﻠﻪ : ﻟﻴﺶ ﺗﺮﺟﻊ؟
: ﻣﺒﻴﻦ ﺿﺠﺘﻲ .. ﺣﺒﻴﺒﺘﻲ ﺍﻟﻤﻬﻢ ﺛﺒﺘﺖ ﺣﺒﻲ ﺍﻟﺞ ﻭﻫﺬﺍ ﺍﺣﻠﻰ ﺷﻲ ﺻﺎﺭﻟﻲ ﺑﺮﺟﻌﺘﻲ ﻟﻬﻨﺎ ﺑﻌﺪ ﺳﻨﻴﻦ ﻭﺍﻧﺎ ﻣﺘﻐﺮﺏ ﻇﻔﺮﺕ ﺑﺤﺒﺞ ﻭﺻﺮﺗﻲ ﺍﻣﻴﺮﺓ ﻭﺗﺘﺮﺑﻊ ﻋﻠﻰ ﻋﺮﺵ ﻗﻠﺒﻲ ﻣﺎﺟﻨﺖ ﺍﺣﻠﻢ ﺑﻮﺣﺪﺓ ﻣﺜﻠﺞ ﺍﺑﺪ ﻋﺎﺟﺒﻨﻲ ﻛﻞ ﺫﺭﺓ ﺑﻴﻬﺎ .
: ﻳﺮﺑﻲ ﺷﻮﻥ ﻛﻼﻡ ﺍﺧﺠﻞ ﺍﻧﺎ ﺗﺮﻩ
ﮔﺘﻠﻪ ﻳﻌﻨﻲ ﺑﻌﺪ ﻣﺎﺗﺮﺟﻊ؟
: ﻻﺷﻮﻥ ﻣﺎﺍﺭﺟﻊ ﻫﻮ ﺍﻧﻲ ﺍﻛﺪﺭ ﻣﺎﺍﺭﺟﻊ ﻭﺣﺒﻲ ﻫﻨﺎ ﻟﻮ ﻣﻤﻠﺘﻘﻲ،ﺑﻴﺞ ﺟﺎﻥ ﺭﺍﻳﺢ ﻣﻦ ﺯﻣﺎﻥ ﻭﻣﺎﺭﺍﺟﻊ
ﺑﺲ ﻻﻥ ﻋﻤﻲ ﻭﻋﺎﺋﻠﺘﻪ ﺭﺍﺡ ﻳﺮﻭﺣﻮﻥ ﺍﺭﻭﺡ ﻭﻳﺎﻫﻢ ﻓﺪ ﻧﻮﺏ ﻫﻨﺎﻙ ﻫﻢ ﻋﻨﺪﻱ ﺷﻐﻞ ..
: ﻋﻤﻚ؟ ؟ ﻳﻌﻨﻲ ﺍﺑﻮ ﻓﺮﺡ؟ ﺭﺍﺡ ﺗﺮﻭﺡ ﻭﻳﺎﻫﻢ ..
: ﺍﻱ ﻫﻢ ..
: ﻭﺍﻟﻠﻪ ﺍﺿﻮﺝ ﻣﻨﻬﺎ ﻫﺎﻳﻪ ﻓﺮﺡ ﻳﻌﻨﻲ ﺿﺮﻭﺭﻱ ﺗﺮﻭﺡ ﻭﻳﺎﻫﻢ ..
: ﺿﺤﻚ ﮔﺎﻝ ﻟﻴﺶ ﺗﻀﻮﺟﻴﻦ ﻣﻨﻬﺎ ..
: ﻫﻮﺍﻱ ﺗﺘﻘﺮﺏ ﻣﻨﻚ ﻭﺗﻨﺪﺣﺲ ﺑﻴﻚ ..
ﺿﺤﻚ ﮔﺎﻝ ﻭﺍﻧﺖ ﺗﻐﺎﺭﻳﻦ ﻣﻨﻬﺎ ﻣﻮﻭﻭ؟
ﺑﺎﺻﺮﺍﺭ ﻛﻠﺘﻠﻪ ﺍﻱ ﺍﻏﺎﺍﺍﺭ ..
: ﺍﻭﻳﻠﻲ ... ﻟﺘﺨﺎﻓﻴﻦ ﺣﻴﺎﺗﻲ ﺍﻧﻲ ﺍﺣﺒﺞ ﻭﻣﻜﺘﻔﻲ ﺑﻴﺞ ﺧﻮ ﻟﻮ ﺍﺭﻳﺪ ﺟﺎﻥ ﺍﺭﺗﺒﻄﺖ ﺑﻴﻬﺎ ﻭﻫﻲ ﮔﺪﺍﻣﻲ ﻃﻮﻝ ﺍﻟﻮﻗﺖ ﺑﺲ ﻗﻠﺒﻲ ﺍﺧﺘﺎﺭﺝ ﺍﻧﺖ .
: ﻣﻴﺨﺎﻟﻒ ﻻﺗﺮﻭﺡ ﻭﻳﺎﻫﻢ ﺳﻮﻳﻠﻚ ﺷﻲ ﺣﺠﺔ ﻭﺧﻠﻴﻬﻢ ﻳﺮﻭﺣﻮﻥ ﻭﺣﺪﻫﻢ ﻣﻮ ﻫﻲ ﻣﺒﻴﻨﺔ ﻣﻌﺠﺒﺔ ﺑﻴﻚ ﻭﺍﻟﻠﻪ ﺍﺑﺎﻭﻋﻠﻬﺎ ﻋﻴﻮﻧﻬﺎ ﻛﻠﻪ ﻋﻠﻴﻚ ﻭﺗﺘﻌﻤﺪ ﺗﻄﺨﻚ ﻭﺗﻠﺰﻣﻚ
.
ﺿﺤﻚ ﻛﺎﻝ ﻫﺎﻱ ﺷﻮﻛﺖ ﺍﻧﺘﺒﻬﺘﻲ ﻋﻠﻴﻬﺎ ﻭﺍﻧﺖ ﺑﺲ ﻣﺮﻩ ﻭﺣﺪﺓ ﺷﻔﺘﻴﻬﺎ . ؟
: ﺍﻱ ﺍﻧﺘﺒﻬﺖ ﻋﻠﻴﻬﺎ ﻣﻦ ﺫﻳﺞ ﺍﻟﻤﺮﺓ ..
: ﻻ ﺗﺨﺎﻓﻴﻦ ﺧﻠﻲ ﺗﺼﻴﺮ ﺍﻟﺞ ﺛﻘﺔ ﺑﻴﻪ ..
: ﻭﺍﻟﻠﻪ ﺍﻇﻞ ﺍﻛﻞ ﺑﺮﻭﺣﻲ ﻫﺎ ﻛﻠﻤﻬﺎ ﻫﺎ ﺑﺎﻭﻋﺘﻠﻪ ﻫﺎ ﺑﺎﻭﻋﻠﻬﺎ .
: ﺍﺳﻢ ﺍﻟﻠﻪ ﻋﻠﻰ ﺭﻭﺣﺞ ﻳﺎﺭﻭﺣﻲ ﻭﺍﻧﻲ ﺍﻛﻮﻟﺞ ﺍﻃﻤﺌﻨﻲ ﻋﻴﻮﻧﻲ ﻣﺎﺗﺸﻮﻑ ﺍﺣﻠﻰ ﻣﻨﺞ .
: ﺍﺣﻠﻒ ﻣﺎﻛﻮ ﻭﺣﺪﺓ ﺗﺎﺭﺳﺔ ﻋﻴﻨﻚ ﻏﻴﺮﻱ .
: ﺿﺮﻭﺭﻱ ﺍﺣﻠﻒ ﻳﻌﻨﻲ،؟
: ﺍﻱ ﺍﺭﻳﺪ ﻗﻠﺒﻲ ﻳﺮﺗﺎﺡ ﻭﻳﻄﻤﺄﻥ .
: ﻭﻟﺞ ﻭﺍﻟﻠﻪ ﻭﺍﻟﻠﻪ ﺍﺣﺒﺞ ﺍﻗﺴﻢ ﺍﻋﺸﮕﺞ ﺟﻴﺒﻴﻠﻨﻪ ﺧﺒﺰﺓ ﻧﺤﻠﻒ ﻋﻠﻴﻬﺎﺍ .
: ﺿﺤﻜﺖ .. ﻻ ﻫﺬﺍ ﻫﻮ ﻣﺎﻳﺤﺘﺎﺝ ﻭﻫﺴﻪ ﻳﺎﺣﺒﻴﺒﺘﻲ .
ﺍﮔﻮﻝ ﺍﻣﺎﻥ؟
: ﮔﻮﻟﻲ ﺣﻴﺎﺗﻲ؟
: ﺍﺣﻢ ﻫﻢ ﺟﺎﻧﺖ ﻋﻼﻗﺎﺕ ﺳﺎﺑﻘﺎ؟
: ﻟﻴﺶ ﺍﺣﺴﺞ ﺗﻌﺮﻓﻴﻦ ﺷﻲ؟
: ﻣﺠﺮﺩ ﺳﺆﺍﻝ ﺍﺫﺍ ﻣﺎﺗﺤﺐ ﺗﺠﺎﻭﺏ ﻋﻠﻴﻪ ﻣﻴﻬﻢ .
: ﻭﺍﺫﺍ ﻣﺎﺟﺎﻭﺑﺖ ﻋﻠﻴﻪ ﺗﻄﻨﮕﺮﻳﻦ ﻣﻮﻭ؟ﺭﺍﺡ ﺍﺟﺎﻭﺑﺞ ﺍﻱ ﺟﺎﻥ ﻋﻨﺪﻱ ﻫﻮﺍﻱ ﻋﻼﻗﺎﺕ ﻭﺧﺘﻤﺘﻬﺎ ﺑﻴﺞ ﺣﺒﻴﺘﺞ ﻭﻣﻠﻴﺘﻲ ﻋﻴﻨﻲ ﻭﺍﻥ ﺷﺎﺀﺍﻟﻠﻪ ﺗﺘﻜﻠﻞ ﺑﺎﻟﺰﻭﺍﺝ .
ﺑﻴﺒﻲ ﺩﺗﻨﺘﻈﺮﻧﻲ ﻻﺯﻡ ﺍﺭﻭﺡ ﺍﺑﺪﻝ ﻣﻼﺑﺴﻲ ﻭﺍﺟﻴﺒﻬﺎ ﺣﺘﻰ ﻧﺘﺸﺎﻭﻑ .
: ﺍﻭﻛﻲ ﺻﺪﻙ ﻋﻮﺩ ﺗﺘﻌﺸﻪ ﻋﺪﻧﺎ . ! ؟
: ﻳﻌﻨﻲ ﺍﻧﺖ ﻋﺎ ﺯﻣﺘﻨﻲ ﻋﻠﻰ ﺍﻟﻌﺸﺎ؟
: ﺍﻱ ..
: ﻳﻠﻠﻪ ﺍﻭﻛﻲ ﻟﻌﺪ ﺍﺗﻌﺸﻪ ﻋﺪﻛﻢ ﺣﺘﻰ ﻫﻢ ﺍﺷﺒﻊ ﺷﻮﻑ ﻣﻨﺞ ﻭﻟﻮ ﻣﺘﺎﻛﺪ ﻣﺮﺍﺡ ﺍﺷﺒﻊ .
: ﻫﻬﻪ ﻳﻠﻠﻪ ﺑﺎﻱ .
ﺳﺪﻳﺘﻪ ﻭﺍﺩﻭﺭ ﻭﺭﺍﻱ ﺍﺷﻮﻑ ﺻﻔﺎ ﻭﺍﻛﻔﻪ ﺍﺧﺘﺮﻋﺖ
ﺻﺤﺖ ﻳﻤﻪ ﺍﻧﺖ ﻣﻦ ﻳﻤﺘﻪ ﻫﻨﺎ . ؟
ﻫﺰﺕ ﺑﺎﻳﺪﻫﻪ ﻗﻮﻱ ﮔﺎﻟﺖ ﺻﺎﻳﺮﺓ ﻛﻠﺶ ﺧﻔﻴﻔﺔ ﺍﺛﮕﻠﻲ ﺷﻮﻳﺔ ﺍﺛﮕﮕﮕﻠﻲ ﻋﻴﻴﺐ ﺷﺮﺍﺡ ﻳﮕﻮﻝ ﻋﻠﻴﺞ .
: ﻭﺍﻧﻪ ﺷﺴﻮﻳﺖ ﻫﺴﻪ ﺍﺷﺎﻳﻔﺘﻨﻲ ﺳﻮﻳﺖ .
ﺭﺍﺣﺖ ﮔﻌﺪﺕ ﻋﻠﻰ ﺍﻟﺴﺮﻳﺮ ﻣﺎﻟﺘﻬﺎ ﻣﻘﺎﺑﻴﻞ ﺳﺮﻳﺮﻱ .
: ﻭﺑﻌﺪﻳﻦ ﺍﻧﺖ ﻋﺰﻣﺘﻲ ﻋﻠﻰ ﺍﻟﻌﺸﺎ ﻣﻨﻮ ﺭﺍﺡ ﻳﺴﻮﻱ ﺑﻠﻠﻪ .
: ﺍﻟﺒﺮﻛﻪ ﺑﻴﺞ ﺍﻧﺖ ﻣﻨﻮ ﻏﻴﺮﺝ ﺗﺪﺭﻳﻦ ﺑﻴﻪ ﺍﻳﺪﻱ ﺟﺎﻥ ﻣﺎﻗﺼﺮﺕ ﻭﺍﻟﻠﻪ .
: ﺍﻧﺖ ﺍﺫﺍ ﺍﻟﻠﻪ ﻗﺪﺭﺝ ﻭﻛﻤﺖ ﺗﺴﻮﻳﻦ ﺍﻛﻞ ﻣﺎﻛﻮ ﻏﻴﺮ ﺍﻻﻧﺪﻭﻣﻲ ﻭﺍﻟﺒﻴﺾ ﻋﻴﻮﻥ ﻭ ﻛﻠﺶ ﻛﻠﺶ ﺍﺫﺍ ﺭﺩﺗﻲ ﺗﺒﺪﻋﻴﻦ ﺗﺴﻮﻳﻦ ﺑﻴﺬﻧﺠﺎﻥ ﻣﺤﺮﻭﮒ ﻭﺑﺘﻴﺘﻪ ﻛﻞ ﻭﺣﺪﺓ ﺑﮕﺪ ﺍﻟﻤﺨﺪﺓ ﻭﻣﺎﻣﺴﺘﻮﻳﻴﻦ .
: ﻣﻌﻠﻴﺞ ﻣﻨﻲ ﻭﻫﺴﻪ ﺷﺮﺍﺡ ﺗﺴﻮﻳﻦ ﻋﺸﺎ ..
: ﻭﺍﻟﻠﻪ ﻫﻮ ﺣﺒﻴﺒﺞ ﻣﻮ ﺣﺒﻴﺒﻲ ﻣﺎﺍﻋﺮﻑ ﺷﻨﻮ ﻳﺤﺐ .
: ﺍﻧﺖ ﻣﻮ ﺍﻟﺒﺎﺭﺣﺔ ﺳﻮﻳﺘﻲ ﻫﻤﺒﺮﮔﺮ ﻭﺯﺍﺩﺕ ﻣﻨﻬﺎ ﻭﺧﻠﻴﺘﻲ ﺑﺎﻟﻔﺮﻳﺰ ﺍﻱ ﻛﻮﻣﻲ ﺳﻮﻳﻬﺎ ﻭﻭﻳﺎﻫﺎ ﻓﻨﮕﺮ ﻭﻧﺨﺎﺑﺮ ﺍﺑﻮﻱ ﻧﻮﺻﻲ ﻋﻠﻰ ﻛﺒﺎﺏ ﻣﻦ ﺍﻟﺴﻮﮒ ..
: ﺍﻱ ﺧﺎﺑﺮﻱ ﺍﻧﺖ ﮔﻠﻴﻠﻪ ﺣﺒﻴﺒﻲ ﺣﻴﺠﻲ ﻳﺘﻌﺸﺎ ﻋﺪﻧﺎ ﺟﻴﺒﻠﻪ ﻭﻳﺎﻙ ﻛﺒﺎﺏ .
: ﻻ ﻋﺎﺩﻱ ﺍﮔﻠﻪ ﺍﻧﺎ ﻣﺸﺘﻬﻴﺔ ﻛﺒﺎﺏ ﻭﻫﻮ ﻳﺠﻴﺐ ﻣﺎﻳﮕﻮﻭﻝ ﺷﻲ ﻭﻣﻦ ﻳﺠﻲ ﺍﻣﺎﻥ ﻫﻮ ﺭﺍﺡ ﻳﻠﺰﻣﻪ ﻋﻠﻰ ﺍﻟﻌﺸﻪ .
: ﻣﺎﻋﻠﻴﻪ ﺍﻧﺎ ﻛﺎﻳﻤﻪ ﺍﺳﻮﻱ ﺍﻟﻬﻤﺒﺮﻛﺮ .. ﻭﻭﺻﻲ ﺍﺑﻮﻱ ﻋﻠﻰ ﺳﻨﺪﻭﻳﭻ ﻫﻤﺒﺮﮔﺮ ﻫﻤﻪ ..
: ﺍﻧﺖ ﻣﻮ ﻫﺬﻳﻚ ﺍﻟﻤﺮﻩ ﺳﻮﻳﺘﻴﻬﺎ ﻃﻴﺒﻪ ﺳﻮﻳﻬﺎ ﻫﺎﻟﻤﺮﻩ ﺣﺒﺎﺑﻪ ﻫﺴﻪ ﺍﺑﻮﻱ ﻳﺸﻚ
.
ﺧﻠﺖ ﺍﻳﺪﻳﻬﺎ ﻋﻠﻰ ﺭﺍﺳﻬﺎ ﻭﺻﺮﺧﺖ ﺍﺧﺨﺦ ﻭﻟﺞ ﻋﺮﻭﺱ ﺍﻧﺎ ﺍﺭﺣﻤﻴﻨﻲ ﺧﻠﻴﻨﻲ ﺍﺭﺗﺎﺡ ﺷﻮﻳﺔ ﺑﻌﺪ ﻳﻮﻣﻴﻦ ﺣﻔﻠﺔ ﺧﻄﻮﺑﺘﻲ .
: ﺍﻱ ﻣﻴﺨﺎﻟﻒ ﺍﻧﺖ ﻧﺎﺩﺭﺓ ﻭﻣﻌﺪﻟﺔ ﻭﻫﺴﻪ ﺍﻛﻴﺪ ﺗﺨﻠﺼﻴﻦ ﻛﻞ ﺷﻲ ﺑﺴﺮﻋﺔ .
ﺷﻤﺮﺕ ﻋﻠﻴﻪ ﺍﻟﻤﺨﺪﺓ ﻭﺭﺍﺣﺖ ﻛﺒﻞ ﻻﺗﻄﻠﻊ ﻭﻛﻔﺖ ﻳﻢ ﺍﻟﺒﺎﺏ ﮔﺎﻟﺖ ﺧﺎﺑﺮﻱ ﺍﺑﻮ ﻣﻮ ﻛﻠﺴﺎﻉ ﺍﻃﻠﻌﻴﻠﻲ ﺷﻐﻠﺔ ..
ﻭﺍﺧﺘﻔﺖ ﺑﺴﺮﻋﻪ
ﺿﺤﻜﺖ .. ﺧﺎﺑﺮﺕ ﺍﺑﻮﻱ ﻋﻠﻰ ﺍﻟﻜﺒﺎﺏ .. ﻛﺎﻝ ﺍﻟﻤﻐﺮﺏ ﺍﺟﻲ ﻭﺍﺟﻴﺐ ﻭﻳﺎﻱ ..
ﺳﺪﻳﺘﻪ ﻣﻨﻪ .. ﺭﺣﺖ ﻏﺴﻠﺖ ﻭﺟﻬﻲ .. ﻭﺭﺟﻌﺖ ﻟﻠﻐﺮﻓﺔ ﻓﺘﺤﺖ ﺍﻟﻜﻨﺘﻮﺭ . ﺍﮔﻠﺐ ﺑﺎﻟﻤﻼﺑﺲ ..
ﺍﺭﻳﺪ ﺷﻲ ﻣﺮﺗﺐ .. ﻛﻮﻣﺖ ﺍﻟﻤﻼﺑﺲ ﻋﻠﻰ ﺳﺮﻳﺮ ﺻﻔﺎ ﻻﻥ ﺍﻟﻜﻨﺘﻮﺭ ﺑﺼﻔﻪ .. ﺍﺳﺤﺐ ﺍﻟﻤﻼﺑﺲ ﻭﺍﺷﻤﺮﻫﻦ .
ﺣﺪ ﻣﺎ ﺻﺎﺭﻭﺍ ﻣﺜﻞ ﺍﻟﺠﺒﻞ .. ﻣﺎﻋﺠﺒﻨﻲ ﺷﻲ ..
ﺣﻮﻟﺖ ﻋﻠﻰ ﺧﺎﻧﺔ ﺻﻔﺎ .. ﻓﺘﺤﺘﻬﺎ .. ﻇﻠﻴﺖ ﺍﻗﻠﺐ ﺑﺎﻳﺪ ﻭﺣﺪﺓ ﺑﺎﻟﻤﻼﺑﺲ .. ﺻﺎﺭ ﻛﺒﺎﻟﻲ ﭼﺎﻛﻴﺖ ﺑﻬﺎﺭﻱ ﻟﻮﻧﻪ ﺗﺮﻛﻮﺍﺯﻱ ﺑﻲ ﺧﺮﻃﺔ ﻋﻠﻰ ﺍﻟﺨﺼﺮ ﻭﻭﻳﺎﻩ ﻛﺒﻮﺱ ﻟﺰﮒ ﻭﺳﺤﺎﺏ ﺫﻫﺒﻲ ﻣﻦ ﺍﻟﻮﺳﻂ .. ﻟﺤﺪ ﺍﻟﻮﺭﻙ ﻭﻭﻳﺎ ﺑﺪﻱ ﺍﺳﻮﺩ ﻭﺳﺘﺮﻳﺞ ﺛﺨﻴﻦ ﻣﻮ ﻛﻠﺶ ﺿﺎﺏ .
ﻋﺠﺒﻨﻲ .. ﺷﻤﺮﺗﻪ ﻋﻠﻰ ﺍﻟﺴﺮﻳﺮ ﻣﺎﻟﺘﻲ . ..
ﺭﺣﺖ ﻟﻠﻤﻄﺒﺦ ﺷﻔﺖ ﺻﻔﺎ ﻣﻨﻬﻤﻜﻪ ﺑﺎﻟﺸﻐﻞ ..
ﺭﺟﻌﺖ ﻟﻠﻐﺮﻓﺔ ﺣﺎﻭﻟﺖ ﺍﻟﻠﺒﺲ ﻭﺣﺪﻱ ﻣﺎﮔﺪﺭﺕ .
ﺭﺗﺒﺖ ﻭﺟﻬﻲ ﻭﺑﺎﻳﺪ ﻭﺣﺪﻩ ﺑﺲ ﺍﻟﻠﺒﺲ ﺻﻌﺒﺔ .
ﺍﺧﺬﺕ ﺍﻟﻤﻼﺑﺲ ﺍﻟﻲ ﻛﻮﻣﺘﻬﺎ ﻋﻠﻰ ﺍﻟﺴﺮﻳﺮ ﻭﺍﺭﺟﻌﻬﻦ ﻟﻠﻜﻨﺘﻮﺭ ﺑﺪﻭﻥ ﺗﺴﻔﻴﻂ ﻫﻴﺞ ﺣﺸﻚ .
ﺩﺧﻠﺖ ﺻﻔﺎ .. ﻋﻔﻴﺔ ﺑﺎﻟﻨﺎﺩﺭﺓ ﻋﻔﻴﺔ ..
ﺑﺘﻮﺳﻞ ﮔﺘﻠﻬﺎ ﻋﻔﻴﺔ ﺗﻌﺎﺍﻟﻲ ﻟﺒﺴﻴﻨﻲ ﺍﺩﺭﻱ ﺑﺮﻭﺣﻲ ﻣﻮ ﻧﺎﺩﺭﺓ .
ﻛﻌﺪﺕ ﻋﻠﻰ ﺍﻟﺴﺮﻳﺮ . ﻭﻫﻲ ﺟﻮﻩ . ﻛﻔﺖ ﺍﻟﺴﺘﺮﻳﺞ ﺑﻴﺪﻫﺎ ﻭﺩﺧﻠﺘﻪ ﺑﺮﺟﻠﻴﻪ ﺗﻠﺒﺴﻨﻴﺎ .. ﺗﺒﺎﻭﻋﻠﻲ ﻭﺗﺮﻓﻊ ﺗﻚ ﺣﺎﺟﺐ
: ﺍﻟﺤﺐ ﻏﻴﺮﺝ 180 ﺩﺭﺟﺔ ﻭﺍﻻ ﻣﻦ ﺷﻮﻛﺖ ﺳﻤﻴﺔ ﺗﻌﺪﻝ ﻭﺗﺒﺪﻝ ﻭﺗﻤﻜﻴﺞ ﺑﺎﻟﺒﻴﺖ ﻳﻮﻣﻴﺔ ﺟﻨﺞ ﺯﻋﻴﺒﻞ ..
: ﺩﻧﮕﺖ ﻋﻠﻴﻬﺎ ﮔﺘﻠﻬﺎ ﺃﻧﺎ ﻛﺎﻟﻤﺠﻨﻮﻧﺔ ﺑﺎﻟﺤﺐ ..
: ﻣﻮ ﺟﺮﺑﻨﺎ ﺍﻟﺤﺐ ﻣﺎﺳﻮﻳﻨﻪ ﻣﺜﻠﺞ ..
: ﺳﻜﺘﺖ ..
ﻛﻤﻠﺖ ﻟﺒﺴﺘﻨﻲ ﺍﻟﺴﺘﺮﻳﺞ ﮔﺎﻟﺖ ﺩﻳﺮﻱ ﺑﺎﻟﺞ ﻻﺗﻄﻴﺮﻳﻦ ﺯﺍﻳﺪ ﺗﺮﻩ ﺗﻮﻛﻌﻴﻦ .
ﻭﺍﻧﺎ ﺭﺍﻳﺤﺔ ﺍﻛﻤﻞ ﺷﻐﻞ ﺑﺎﻟﻤﻄﺒﺦ ..
ﺭﺟﻌﺖ ﮔﺎﻟﺖ ﺍﻛﻮﻝ ﻫﺬﻭﻝ ﻣﻮ ﺟﻨﻬﻦ ﻫﺪﻭﻣﻲ؟ !!!
: ﺿﺤﻜﺖ ﺍﻱ ﺟﺎﻥ ﻻﺑﺴﻬﻦ ﺍﻟﻜﻨﺘﻮﺭ ﺍﻧﺖ ﻣﺎﺗﻠﺒﺴﻴﻬﻦ .
: ﺍﻣﻲ ﺟﺎﺑﺘﻬﻦ ﺍﺧﺮ ﻣﺮﺓ ﻭﻧﺴﻴﺖ ﺍﻟﻠﺒﺴﻬﻦ ﻳﻠﻠﻪ ﺑﺎﻟﻌﺎﻓﻴﺔ ﻋﻠﻴﺞ .
: ﺍﻱ ﺍﻧﻪ ﺻﺎﻳﺮﺓ ﻋﺎﻟﺔ ﻋﻠﻴﺞ ﻫﺎﻻﻳﺎﻡ ﺗﺤﻤﻠﻴﻨﻲ ﻳﻠﻠﻪ ﺍﺭﺩﻫﻪ ﺍﻟﺞ ﺍﻥ ﺷﺎﺀﺍﻟﻠﻪ
: ﻋﺎﺑﺖ ﻟﻴﺶ ﺗﻜﻮﻟﻴﻦ ﻫﻴﺞ ﺗﻔﺎﻭﻟﻴﻦ ﻋﻠﻴﻪ ﺗﺮﺩﻳﻨﻲ ﺍﻧﻜﺴﺮ .
: ﻫﻬﻬﻪ ﻻ ﻭﻟﺞ ﻣﻮ ﻭﺭﺍﺝ ﺯﻭﺍﺝ ﻭﺣﺒﺎﻟﺔ ﻳﻤﻜﻦ ﺗﺘﻨﺴﻴﻦ ﻭﺗﺠﻴﻦ ﻋﺪﻧﻪ ﺍﻧﻪ ﺍﺩﺍﺭﻳﺞ .
: ﻫﻒ ﺍﻟﻠﻪ ﻛﺮﻳﻢ .. ﻭﻟﺞ ﺻﻮﺕ ﻫﻮﺭﻥ ﻳﻤﻜﻦ ﺍﺟﻪ ﺣﺒﻴﺐ ﺍﻟﻘﻠﺐ .
ﻃﻠﻌﺖ ﺻﻔﺎ ﻟﻠﺒﺎﺏ .. ﻭﺍﻧﺎ ﺭﻛﻀﺖ ﻋﻠﻰ ﺍﻟﻤﺠﺮ ﻓﺘﺤﺘﻪ ﻭﻃﻠﻌﺖ ﺳﻮﺍﺭﻱ ﺍﻟﺬﻫﺐ ﺍﻟﻲ ﺟﺎﺑﺘﻪ ﺍﻟﻲ ﺍﻣﻲ .
ﺻﺤﺖ ﻋﻠﻴﻬﺎ ﻭﻟﺞ ﺗﻌﺎﻱ ﻟﺒﺴﻴﻨﻴﺎ .. ﺭﺟﻌﺖ ﻛﺎﻟﺖ
ﺍﻭﻭﻭﻭ ﻫﺴﻪ ﺍﻟﻪ ﺗﻄﻠﻌﻴﻦ ﺑﻜﺎﻣﻞ ﺍﻧﺎﻗﺘﺞ ﺭﺍﺡ ﻳﺨﻄﺒﺞ ﺧﻮ ﻣﺎ ﺭﺍﺡ ﻳﺨﻄﺒﺞ .
ﺟﺮﺕ ﺍﻳﺪﻱ ﻭﺑﻠﺸﺖ ﺗﻠﺒﺴﻨﻲ .
ﮔﺘﻠﻬﺎ ﺍﻱ ﻏﻴﺮ ﻳﺘﺰﻭﺝ ﺭﺿﻮﺍﻥ ﺍﻟﻌﻠﺔ ﺣﺘﻰ ﻳﺠﻲ ﻳﺨﻄﺒﻨﻲ .
: ﻭﺭﺿﻮﺍﻥ ﺷﻌﻠﻴﻪ ..
: ﻏﻴﺮ ﺗﻤﻼ ﻋﻴﻨﻪ ﻣﺮﺗﻪ ﻭﻳﻨﺴﺎﻧﻲ .
ﻣﺎﺟﺎﻭﺑﺖ ..
ﺧﻠﺼﺖ ﻭﻃﻠﻌﻨﺎ .. ﺧﻠﻴﺖ ﺍﻟﻜﺒﻮﺱ ﻋﻠﻰ ﺭﺍﺳﻲ .
ﺷﻔﻨﺎﻫﻢ ﻳﻢ ﺍﻟﺒﺎﺏ . ﺍﺟﺖ ﻋﻴﻨﻲ ﺑﻌﻴﻨﻪ . ﻃﺎﺭ ﮔﻠﺒﻲ .. ﺍﺳﺘﺤﻴﺖ ﻛﻠﺶ .
ﮔﺎﻝ ﺳﻼﻡ ﻋﻠﻴﻜﻢ ﻭﻫﻮ ﻋﻴﻨﻪ ﻋﻠﻴﻪ ﻭﻣﺒﺘﺴﻢ .
ﺭﺩﻳﻨﻪ ﺍﻟﺴﻼﻡ ﺍﻧﺎ ﻭﺻﻔﺎ ﻭﻋﻴﻮﻧﻲ ﺗﺮﻭﺡ ﺗﺮﻭﺡ ﻭﺗﺮﺟﻊ ﻋﻠﻴﻪ ﻣﻦ ﺍﻟﺨﺠﻞ .
ﺩﻧﮕﺖ ﻋﻠﻰ ﺑﻴﺒﻴﺘﻲ ﺑﻮﺳﺘﻬﺎ ﻫﻲ ﻗﺼﻴﺮﺓ ﮔﺎﻟﺖ ﻫﺎ ﻣﮕﻤﻮﻋﻪ ﻭﻟﺞ ﺧﻮﻓﺘﻴﻨﻲ ﻋﻠﻴﺞ ﻛﻠﺒﻲ ﻓﺮﻓﺢ ﺳﻮﺩﻩ ﻋﻠﻴﻪ ﺷﻮﻑ ﺍﻳﺪﻫﻪ .
ﺳﻤﻴﺔ .. ﻻﺗﺨﺎﻓﻴﻦ ﺑﻴﺒﻲ ﺻﺮﺕ ﺯﻳﻨﻪ .
: ﺍﻟﺤﻤﺪﻟﻠﻪ ﺷﺮﻳﺪ ﺍﻧﻪ ﻏﻴﺮ ﺗﺼﻴﺮﻳﻦ ﺯﻳﻨﺔ .
.
ﺻﻔﺎ ﺍﺧﺬﺕ ﺑﻴﺒﻴﺘﻲ ﻭﺩﺧﻠﺖ .
ﺍﻣﺎﻥ ﻳﺒﺎﻭﻋﻠﻲ .. ﺑﻴﺪﺓ ﺟﻨﻄﺔ ﻣﻼﺑﺲ ﺑﻴﺒﻲ ﻭﺍﻻﻳﺪ ﺍﻟﺜﺎﻧﻴﺔ ﻋﻠﺒﺔ ﺣﻠﻮﻳﺎﺕ ﻭﻋﻼﻛﺔ ﻫﺪﺍﻳﺎ ..
ﺑﻬﻴﺎﻡ ﻭﻧﻈﺮﺍﺕ ﻣﻠﻴﺎﻧﻪ ﺣﺐ ﮔﺎﻝ : ﺷﻮﻧﺞ .
ﺑﺨﺠﻞ ﮔﺘﻠﻪ ﺯﻳﻨﻪ .
: ﻫﺎﺝ ﻫﺎﻱ ﺍﻟﻌﻼﮔﻪ ﺍﻟﺞ ..
: ﻛﺘﻠﻪ ﺑﺨﺠﻞ ﺍﻟﻲ؟
: ﺍﺧﺬﻳﻬﺎ ﻭﺭﻭﺣﻲ ﺭﻛﺾ ﺑﺲ ﻣﻮ ﺗﻮﮔﻌﻴﻦ .
: ﺿﺤﻜﺖ .. ﻻ ﻣﺎﺍﻃﻴﺢ .. ﻣﺪﻳﺖ ﺍﻳﺪﻱ ﺟﺎﻱ ﺍﺧﺬﻫﺎ ﻟﺰﻣﻨﻲ ﻣﻦ ﻛﻔﻲ ﻭﻋﻠﻜﻬﺎ ﺑﺮﺳﻐﻲ ﺑﻌﺪ ﻣﺎﺍﻧﺘﻬﻰ ﻣﻦ ﺗﻌﻠﻴﮕﻬﺎ ﺿﻐﻂ ﻋﻠﻰ ﺍﻳﺪﻱ ﻗﻮﻱ ﺭﺟﻒ ﺟﺴﻤﻲ .. ﺑﺎﻭﻋﻨﻪ ﻟﺒﻌﺾ ﺑﻬﻴﺎﻡ .
ﺍﻣﺎﻥ .. ﺑﻌﺪﻫﻪ ﺍﻳﺪﺝ ﺛﻠﺞ ﺑﺎﺭﺩﻩ
ﺳﻤﻴﻪ .. ﺍﻧﺖ ﺍﻳﺪﻙ ﺗﺠﻮﻱ ..
ﻏﻤﺰﻟﻲ ﮔﺎﻝ .. ﻳﻠﻠﻪ ﻧﻔﻮﺕ .
ﺩﺧﻞ ﺟﻮﻩ .. ﺭﺣﺖ ﻭﺩﻳﺖ ﺍﻟﻌﻼﮔﻪ ﻟﻠﻐﺮﻓﺔ .. ﺗﻤﻨﻴﺖ ﺍﻋﺮﻑ ﺷﻨﻮ ﺑﻴﻬﺎ . ﺑﺲ ﻣﺎﺍﻓﺘﺤﺘﻬﺎ . ﻛﻌﺪﺕ ﻳﻤﻬﻢ ﺷﻮﻳﻪ ﻫﻮ ﻭﺑﻴﺒﻴﺘﻲ ..
ﺍﺗﺄﻣﻞ ﻛﻞ ﺷﻲ ﺑﻲ . ﻣﻦ ﺷﻌﺮﻩ ﻟﺮﺟﻠﻴﻪ ..
ﻋﻴﻮﻧﻲ ﺗﺤﻮﻡ ﻋﻠﻰ ﻛﻞ ﺷﺒﺮ ﻣﻨﻪ .. ﺷﻜﺪ ﺟﻨﺖ ﺍﺣﻠﻢ ﺑﺎﻟﺤﺐ ﺑﺲ ﻣﺎﺗﻮﻗﻌﺖ ﻧﻔﺴﻲ ﺭﺍﺡ ﺍﻟﮕﺎﻩ ﻭﺍﻭﻛﻊ ﺑﻲ .
ﺟﺎﻥ ﺑﺎﻟﻨﺴﺒﻪ ﺍﻟﻲ ﺣﻠﻢ ﺑﻌﻴﺪ ﺍﻟﻤﻨﺎﻝ .
ﺻﺮﺕ ﻫﺴﻪ ﺍﺗﻨﻔﺴﻪ ﺍﺯﻓﺮﻩ ﻭﺍﺷﻬﮕﻪ .. ﺍﺣﺐ ﻛﻞ ﺷﻲ ﺑﻲ ..
ﺍﺣﺲ ﺭﻭﺣﻲ ﻫﺎﺩﺋﻪ ﻭﺣﻨﻴﻨﻪ ﻛﻠﺶ ﻭﻣﺎﻳﻌﻜﺮ ﺻﻔﻮﻫﺎ ﺷﻲ ﻣﺎﺩﺍﻡ ﻫﻮ ﮔﺒﺎﻟﻲ ﺗﻤﻨﻴﺖ ﻫﺎﻱ ﺍﻟﻠﺤﻈﺎﺕ ﻣﺎﺗﺨﺮﺏ ﻭﻣﺎﺗﻨﺘﻬﻲ .. ﻭﺗﺒﻘﻰ ﻋﻤﺮ .
ﺣﺴﻴﺖ ﻋﻠﻰ ﺑﻴﺒﻴﺘﻲ ﺗﻮﺯﻉ ﻧﻈﺮﺍﺗﻬﺎ ﺑﻴﻨﺎﺗﻨﺎ ﺑﺤﻴﺮﺓ ﻭﺗﻌﺠﺐ ﻣﻦ ﻳﺴﻮﻟﻒ ﻭﻳﺎﻫﺎ ﺑﺲ ﻋﻴﻨﻪ ﻋﻠﻴﻪ ..
ﺍﺳﺘﺤﻴﺖ ﻭﮔﻤﺖ .. ﺭﺣﺖ ﻳﻢ ﺻﻔﺎ ..
ﻭﻫﻴﻤﺎﻧﻪ ﺑﻲ ﺍﺭﻳﺪ ﺍﻛﻌﺪ ﻳﻤﻪ ﺑﺲ ﺍﺧﺠﻞ ﺣﻴﻴﻞ .
ﻟﺤﻈﺎﺕ ﻭﺍﺟﻪ ﺍﺑﻮﻱ .. ﺻﺒﻴﻨﻪ ﺍﻟﻌﺸﺎ
ﺍﻛﻠﻨﻪ ﻛﻠﻨﻪ ﺳﻮﻩ .. ﺳﻴﻄﺮﺕ ﻋﻠﻰ ﻧﻔﺴﻲ ﺑﻮﺟﻮﺩ ﺍﺑﻮﻱ
ﺑﺲ ﺍﺣﺲ ﻧﻔﺴﻲ ﻣﻔﻀﻮﺣﺔ ﺑﺤﺒﻪ .
ﻗﺒﻞ ﻻﻳﻄﻠﻊ ﺩﻧﮓ ﻋﻠﻰ ﺑﻴﺒﻴﺘﻲ ﺑﻮﺳﻬﺎ
ﻛﺎﻝ ﻓﻲ ﺍﻣﺎﻥ ﺍﻟﻠﻪ
ﺣﺴﻴﺘﻪ ﺟﺎﻥ ﻛﻠﺶ ﻣﺤﺘﺎﺝ ﻳﺒﺎﻭﻋﻠﻲ ﺑﺲ ﻣﺎﻛﺪﺭ ﻻﻥ ﺍﺑﻮﻱ ﻭﺍﻛﻒ ..
.. ﻭﺑﻌﺪﻫﺎ ﺭﺍﺡ ﺑﺴﺮﻋﻪ . ..
ﻃﻠﻊ ﻭﺭﺍﻩ ﺍﺑﻮﻱ .. ﺻﻔﺎ ﺍﺧﺬﺕ ﺳﺘﻜﺎﻧﺎﺕ ﺍﻟﭽﺎﻱ ﻭﺩﺗﻬﻦ ﻟﻠﻤﻄﺒﺦ .
ﻛﻀﺘﻨﻲ ﺑﻴﺒﻴﺘﻲ ﻣﻦ ﻋﻜﺴﻲ ..
ﻭﻟﺞ ﻻﺗﺴﻮﻳﻦ ﻭﻳﺎ ﻫﺬﺍ ﺳﻮﺍﺕ ﺍﺧﺘﺞ ﺗﺮﻩ ﺗﺒﺠﻴﻦ ﺩﻡ .
ﻻ ﻋﺒﺎﻟﺞ ﻫﺬﺍ ﻣﺜﻞ ﺫﺍﻛﻮﻭﻟﻲ .. ﻳﻨﺪﻣﺞ ﻭﺍﻟﻠﻪ .
ﻟﺰﻣﺘﻬﻪ ﻣﻦ ﺧﺪﻫﺎ ﮔﺘﻠﻬﺎ ﺍﻭﻭﻱ ﻓﺪﻭﻩ ﺯﻛﺰﻭﻛﻪ ﺗﻔﻬﻢ ﻟﻠﻐﺔ ﺍﻟﻌﻴﻮﻥ ﻧﺰﻟﺖ ﻋﻠﻴﻬﺎ ﺷﻤﻴﺘﻬﺎ ﻭﺍﺣﺲ،ﻋﻄﺮﻩ ﺑﻴﻬﺎ ﺗﻤﻨﻴﺖ ﻫﺎﻟﻌﻄﺮ ﺑﻴﻪ ..
ﺗﺬﻛﺮﺕ ﺍﻟﻌﻼﮔﻪ ﻧﺴﻴﺘﻬﺎ .. ﺭﺣﺖ ﺭﻛﺾ ﻟﻠﻐﺮﻓﺔ
ﻫﻢ ﺯﻳﻦ ﻣﺎﺍﺗﺪﻋﺒﻠﺖ .. ﻣﻦ ﺷﺪﺓ ﺍﻟﺴﺮﻋﺔ .
ﺩﺧﻠﺖ .. ﻭﻗﻔﻠﺖ ﺍﻟﺒﺎﺏ .. ﺟﺮﻳﺖ ﺍﻟﻌﻼﮔﻪ ..
ﻓﺘﺤﺘﻬﺎ ﻃﻠﻌﺖ ﻣﻨﻬﺎ ﺩﺑﺪﻭﺏ ﻋﻠﻰ ﺷﻜﻞ ﺳﻤﺎﻳﻞ ﻭﻋﻴﻮﻧﻪ ﻗﻠﻮﺏ ﺣﻤﺮﻩ 😍 ﻫﻴﺞ ﺷﻜﻠﻪ .
ﻇﻠﻴﺖ ﺍﻗﻠﺐ ﺑﻲ ﻭﺍﺷﻤﻪ ﻋﻨﺪﻱ ﻛﻠﺸﻲ ﻫﻮ ﻣﺪﺍﻡ ﺑﻲ ﺭﻳﺤﺔ ﺍﻟﻐﺎﻟﻲ ﺷﻠﻮﻥ ﻫﻴﺞ ﺣﺒﻴﺖ ﻳﺮﺑﻲ .
ﻭﻳﺮﺟﻊ ﺑﻴﻪ ﺍﻟﺰﻣﻦ ﻟﺤﻈﺎﺕ ﻟﻴﻮﻡ ﺧﻠﺼﻨﻲ ﻣﻦ ﻋﻤﻲ ﺣﺴﻴﺖ ﺑﻲ ﺳﻨﺪﻱ ﻣﻦ ﺫﻳﺞ ﺍﻟﻠﺤﻈﺔ ﻭﺑﺪﺃ ﻳﺘﺴﻠﻞ ﺍﻟﺤﺐ ﺍﻟﻘﻠﺒﻲ ﺷﻴﺌﺎ ﻓﺸﻴﺌﺎ ﻭﺑﻜﻞ ﻟﺤﻈﺔ ﺍﺣﺴﻪ ﻳﻜﺒﺮ ﻭﻳﻨﻤﻮ ﺍﻛﺜﺮ . ﻭﺍﻟﻴﻮﻡ ﻭﺑﺸﻮﻓﺘﻪ ﺗﺎﻛﺪﺕ ﺑﺎﻧﻪ ﻫﺬﺍ ﺍﻟﺤﺐ ﻭﺍﻟﻲ ﺍﻛﺘﺴﺢ ﻛﻞ ﻣﺸﺎﻋﺮﻱ ﺑﻌﻨﻒ ﻣﺴﺘﺤﻴﻞ ﻳﻬﺪﺃ ﻭﻣﺴﺘﺤﻴﻞ ﻳﺘﻮﻗﻒ .
ﻋﻠﻰ ﺻﻔﻨﺘﻲ ﺭﻥ ﻣﻮﺑﺎﻳﻠﻲ .. ﻓﺰﻳﺖ ﻭﺍﺧﺬﺗﻪ
ﺷﻔﺖ ﺗﻠﻴﻔﻮﻧﻲ ﻳﻀﻮﻱ ﺑﺮﻗﻢ ﺗﻠﻴﻔﻮﻧﻪ
ﺍﻧﺮﺳﻤﺖ ﻋﻠﻰ ﻭﺟﻬﻲ ﺍﺑﺘﺴﺎﻣﺔ
ﺟﺎﻭﺑﺘﻪ
ﮔﺎﻝ ﻭﺍﻟﻠﻪ ﻣﺎﺷﺒﻌﺖ ﻣﻨﺞ ﺭﺍﺡ ﺍﺷﺘﺎﻗﻠﺞ ﻣﻮ ﻣﻦ ﺣﻖ ﺍﻟﻤﺸﺘﺎﻕ ﻧﻈﺮﺓ ﻭﻋﻨﺎﻕ .
: ﺍﻱ ﻣﻦ ﺣﻘﻪ ﺑﺲ ﻛﻮﻥ ﺑﺎﻟﺤﻼﻝ .
: ﻭﺍﻟﻠﻪ ﻟﻮ ﺍﻧﺖ ﺣﻼﻟﻲ ﺟﺎﻥ ﺣﻀﻨﺘﺞ ﮔﺪﺍﻡ ﺍﺑﻮﺝ .
: ﻻ ﻋﺎﺩ ﻣﻮ ﺍﻟﻬﺎﻟﺪﺭﺟﺔ ..
: ﻻ ﺍﻟﻬﺎﻟﺪﺭﺟﺔ ﻭﻧﺺ .. ﻳﻠﻠﻪ ﻛﻮﻟﻴﻠﻲ ﺷﻔﺘﻲ ﺍﻟﻬﺪﻳﺔ؟
.
ﻫﺴﻪ ﺑﻴﺪﻱ ..
: ﺷﻔﺘﻲ ﺷﻨﻮ ﺑﻴﻬﺎ؟
: ﻻ
: ﺍﻗﻠﺒﻴﻬﺎ ﻭﺍﻛﻮ ﺯﻧﺠﻴﻞ ﺍﻓﺘﺤﻲ ﻭﺷﻮﻓﻲ ﺷﻨﻮ ﺑﻴﻬﺎ ﺍﻧﻲ ﺟﺎﻱ ﺍﺳﻮﻕ ﻫﺴﻪ .
: ﻣﺎﺷﻲ ﻳﻠﻠﻪ ..
ﺳﺪﻳﺘﻪ ﻭﻓﺘﺤﺖ ﺍﻟﺴﺤﺎﺏ ﻣﺎﻟﺔ . ﺍﻟﺴﻤﺎﻳﻞ ..
ﺑﻲ ﺑﻄﺎﻗﺔ ﺍﺧﺬﺗﻬﺎ ﻣﻜﺘﻮﺏ ﺑﻴﻬﺎ ﺑﺨﻂ ﻛﻠﺶ ﺣﻠﻮ
ﻳﺎ ﺃﻧﺖِ
ﺃُﺣﺎﻭﻝ ﺃَﻥ ﺃَﺭﺑﻂ ﺍﻟﻜﻠﻤﺎﺕ ﻭ ﺃُﻗﻠﺐ ﻓﻲ ﺍﻟﻠﻐﺎﺕ
ﻟﻌﻠﻨﻲ ﺃَﺟﺪ ﻣﺨﺮﺟﺎ ﻟﻌﺸﻘﻚ ﺍﻟﺬﻱ ﺗﻮﻏﻞ ﻓﻲ ﺍﻟﺠﺴﺪ ﻭ ﺍﻟﺮﻭﺡ
ﻭ ﻟﻜﻨﻨﻲ ﺃَﻋﻮﺩ ﻣﻦ ﺣﻴﺚ ﺑﺪﺃْﺕ ﻋﺎﺷﻘﺎ ﻳﺴﻬﺮ ﻓﻲ ﺑﺤﻮﺭ ﻋﻴﻨﻴﻚ .
ﺍﺣﺲ ﻃﺮﺕ ﺑﻬﺎﻟﻜﻠﻤﺎﺕ ﻻﻋﻠﻰ ﺳﻤﺎﺍ .
ﺍﺣﺲ ﻫﺎﻟﻜﻠﻤﺎﺕ ﻧﺰﻟﺖ ﻋﻠﻰ ﻗﻠﺒﻲ ﻣﺜﻞ ﺍﻟﻌﺴﻞ ﻣﻦ ﻛﺜﺮ ﺣﻼﻫﺎ .. ﻳﺮﺑﻲ ﺍﺣﺲ ﻧﻔﺴﻲ،ﺑﺤﻠﻢ ﻣﺎﺍﺭﻳﺪ ﺍﺻﺤﻰ ﻣﻨﻪ .
ﻭﻭﻳﺎﻫﺎ ﺍﺳﻢ ﺍﻣﺎﻥ ﺑﺎﻻﻧﻜﻠﻴﺰﻱ ﻣﺼﻮﻏﺔ ﺻﻴﺎﻏﺔ ﺫﻫﺐ
ﻣﺜﻞ ﻋﻴﻦ ﺍﻟﻘﻼﺩﺓ ..
ﺿﺤﻜﺖ ﻫﺪﻳﺘﻪ ﺗﺪﻝ ﻋﻠﻰ ﻏﺮﻭﺭﻩ ﻭﺣﺒﻪ ﻟﻨﻔﺴﻪ ﻟﺪﺭﺟﺔ ﺻﺎﻍ ﺍﺳﻤﻪ ﺻﻴﺎﻏﺔ .. ،
ﺑﻴﻦ ﺍﻓﻜﺎﺭﻱ ﻫﻢ ﺍﺗﺼﻞ .. ﺿﺤﻜﺖ ..
ﻳﺎﺭﺑﻲ ﻛﻮﻥ ﻣﺎﺗﺘﺒﺪﻝ ﻓﺮﺣﺘﻲ .. ﺩﻳﻤﻬﺎ ﻋﻠﻴﻪ ﻳﺎﺭﺑﻲ .
ﺟﺎﻭﺑﺘﻪ ﻛﺎﻝ ﺷﻔﺘﻴﻬﺎ
ﻛﻠﺖ ﺍﻱ ﻭﺑﺨﺠﻞ .. ،
ﺍﻣﺎﻥ .. ﺍﻟﻤﺮﻩ ﺍﻟﺠﺎﻳﻪ ﻭﻣﻦ ﺍﺭﺟﻊ ﺍﺻﻴﻎ ﺍﺳﻤﺞ ﻭﻳﺒﻘﻰ ﻳﻤﻲ ﺭﺍﺡ ﺍﺻﻴﻐﻪ ﺷﻤﻴﻪ ﺷﻨﻮ ﺭﺍﻳﺞ ؟
ﺿﺤﻜﺖ ..
ﻭﺧﺘﻤﺘﻬﺎ ﻭﻳﺎ ﻭﻛﻤﻠﺖ ﻟﻴﻠﺘﻲ ﻭﺍﻧﺎ ﺳﻌﻴﺪﺓ ﺑﺤﺒﻪ
ﺣﻀﻨﺖ ﺍﻟﻤﺨﺪﺓ .. ﺗﻤﻨﻴﺖ ﺍﺣﻀﻨﻪ ﻫﻮ
ﺑﺪﻝ ﻫﺎﻻﻗﻤﺸﻪ ﺍﻟﺒﺎﻟﻴﻪ ﻭ ﻳﺼﻴﺮ ﻣﺴﻨﺪ ﻟﺮﺍﺳﻲ ﺍﻟﻠﻴﻠﺔ ﻭ ﻛﻞ ﻟﻴﻠﺔ !
ﻣﺮﺕ ﻳﻮﻣﻴﻦ ﺑﺤﻔﻠﺔ ﺻﻔﺎ
ﺧﺎﺑﺮﻧﺎ ﻋﻠﻰ ﻣﻨﺎﺿﻞ ﻳﺠﻴﺐ ﺭﻗﻴﺔ ﻣﺎﻗﺒﻞ ﻛﺎﻝ ﺍﻻ ﺍﻟﻌﺼﺮ
ﺭﺩﻧﺎ ﻧﺎﺧﺬﻫﺎ ﻭﻳﺎﻧﺎ
ﻟﻠﺼﺎﻟﻮﻥ ﺗﺮﺗﺐ ﻧﻔﺴﻬﺎ ﻣﺎﻗﺒﻞ
ﻛﻮﻩ ﻟﺰﻣﺖ ﺍﻋﺼﺎﺑﻲ ﻭﻣﺎﺭﺯﻟﺘﻪ ﻧﺎﻭﻳﺘﻠﻪ ﻋﻠﻰ ﻧﻴﺔ ﮔﺸﺮﺓ
ﺑﺲ ﻣﺸﻐﻮﻟﺔ ﺑﺤﻔﻠﺔ ﺻﻔﺎ ﻭﺍﻟﺘﺠﻬﻴﺰﺍﺕ
ﺭﻭﺣﻲ ﻧﺎﺭ ﻛﺒﺮﻩ ﻋﻠﻰ ﺭﻗﻴﺔ ﺣﺎﺟﺰﻫﺎ ﺣﺠﺰ ..
ﺭﺣﺖ ﻭﻳﺎ ﺻﻔﺎ ﻟﻠﺼﺎﻟﻮﻥ .. ﺳﻮﻳﺖ ﺗﺴﺮﻳﺤﻪ . ﻟﺸﻌﺮﻱ .
ﺍﻟﻔﻮﮒ ﻛﻠﻪ ﺑﻒ ﻭﺍﻟﺠﻮﻩ ﻧﺎﺯﻝ ﺑﻴﺮﻣﻦ ..
ﻭﺻﻞ ﻟﺤﺪ ﻧﺺ ﻇﻬﺮﻱ ..
ﺍﻟﻔﺴﺘﺎﻥ ﺍﺳﻮﺩ ﻃﻮﻳﻞ .. ﺑﺮﺩﻥ ﻭﺍﺣﺪ ﻭﺍﻟﺜﺎﻧﻲ ﻣﻔﺘﻮﺣﻪ ﻭﻋﻠﻰ ﺍﻟﻜﺘﻒ ﻭﺭﺩﻩ ..
ﺻﻔﺎ ﻃﻠﻌﺖ ﺍﻳﺔ ﻣﻦ ﺍﻟﺠﻤﺎﻝ ﺍﻟﻜﻞ ﻳﺸﻬﺪ ﻋﻠﻰ ﺣﺴﻨﻬﺎ ﺟﺪﺍ ﺟﻤﻴﻠﺔ .. ﻭﻛﻞ ﺷﻲ ﻻﻳﮓ ﻋﻠﻴﻬﺎ ..
ﺍﻣﺎ ﺭﻗﻴﺔ ﺍﺟﺖ ﺗﻌﺒﺎﻧﺔ ﻛﻠﺶ
ﻭﺟﻬﺎ ﺍﺻﻔﺮ ﻭﺟﻮﻩ ﻋﻴﻮﻧﻬﺎ ﺍﺳﻮﺩ
ﻣﻤﺨﻠﻴﺔ ﻗﻄﺮﺓ ﻣﻜﻴﺎﺝ ﻭﻓﺴﺘﺎﻧﻬﺎ ﻣﺒﻬﺬﻝ
ﻣﻮ ﺭﻗﻴﺔ ﺍﻟﻤﻌﻬﻮﺩﺓ ﺍﺑﺪ .. ﺍﺧﺬﺗﻬﺎ ﺟﺮﺭ ﻟﻠﻐﺮﻓﻪ ﺍﺭﻳﺪ ﺍﻋﺪﻟﻬﺎ ﻣﺎﻗﺒﻠﺖ ﺩﻓﻌﺘﻨﻲ ﻭﺗﺴﻮﻱ ﺣﺮﻛﺎﺕ ﻣﺎﺍﻓﻬﻤﻬﺎ ..
ﺍﺟﻮ ﺍﻫﻞ ﻓﺮﺍﺱ ﻭﺍﻟﻠﺘﻬﻴﺖ ﻭﻳﺎ ﺻﻔﺎ ..
ﻭﻋﻔﺘﻬﺎ ﺍﺩﻭﺭ ﻋﻠﻰ ﻋﻤﺘﻬﺎ ﻭﺣﻤﺎﺗﻬﺎ ﻣﺎﻛﻮ ﺻﺎﺭﺕ ﻫﻮﺳﻪ .
ﺑﺲ ﺍﺭﻳﺪ ﺍﺳﺄﻟﻬﻢ ﺷﺒﻴﻬﺎ؟ !
ﺑﻌﺪﻫﺎ ﻋﺮﻓﺖ ﺷﺒﻴﻬﺎ ﻣﺘﺖ ﻗﻬﺮ ﻋﻠﻴﻬﺎﺍ
ﺑﻘﺖ ﻳﻤﻨﻪ ﻛﻢ ﻳﻮﻡ ﻭﺣﺎﻟﺘﻬﺎ ﺍﻟﻨﻔﺴﻴﺔ ﺯﻓﺖ ﻭﻣﺤﺪ ﮔﺎﺩﺭ ﻳﻄﻠﻌﻬﺎ ﻣﻦ ﺍﻟﻲ ﻫﻲ ﺑﻲ .
_______
ﺇﺳﻼﻡ .. ﺑﻌﺪ ﺷﻮﻓﺔ ﻋﻴﻮﻧﻲ ﻟﺼﻔﺎ ﻭﻫﻲ ﺑﺎﻟﺒﺪﻟﺔ
ﻓﻘﺪﺕ ﺍﻻﻣﻞ ﺑﺎﺳﺘﺮﺟﺎﻋﻬﺎ ..
ﻭﺑﻌﺪ ﺍﻟﺤﺎﺡ ﻋﻤﻲ ﺧﻄﺒﺖ ﻫﺠﺮﺍﻥ ﺑﻨﺖ ﻋﻤﺘﻲ ﺍﺷﻮﺍﻕ ﺑﺪﻭﻥ ﻗﻨﺎﻋﺔ ﺑﺪﻭﻥ ﺣﺐ ﻭﺑﺪﻭﻥ ﻣﺸﺎﻋﺮ ..
ﺧﺎﺻﺔ ﺑﻌﺪ ﻣﺎ ﺍﺗﻘﺮﺑﺖ ﻣﻨﻬﺎ ﺣﺴﺒﺘﻬﺎ ﻣﺘﻜﺒﺮﺓ .
ﻫﺠﺮﺍﻥ ﻋﻤﺮﻫﺎ 19 ﺳﻨﺔ ﻣﺮﺣﻠﺔ ﺃﻭﻟﻰ ﻛﻠﻴﺔ ﺃﺩﺍﺏ ﻗﺴﻢ ﺗﺎﺭﻳﺦ .. ﺣﻨﻄﻴﺔ ﺍﻟﺒﺸﺮﺓ ﻣﺘﻮﺳﻄﺔ ﺍﻟﻄﻮﻝ ﻣﻼﻣﺤﻬﺎ ﺣﺎﺩﺓ . ﺷﻮﻳﺔ .. ﻭﻏﻴﺮ ﺍﻟﻤﺸﺎﻛﻞ ﺍﻟﻲ ﺻﺎﺭﺕ
ﻻﻥ ﻋﻤﺘﻲ ﺍﺷﻮﺍﻕ ﺗﺪﻭﺭ ﻓﺨﻔﺨﻪ ﻭﺍﻧﺎ ﻋﻠﻰ ﮔﺪ ﺣﺎﻟﻲ ﻭﺍﺣﺐ ﺍﻟﺒﺴﺎﻃﺔ ﻭﻣﺎﺍﺣﺐ ﺍﻣﺪ ﺍﻳﺪﻱ ﻷﺣﺪ ﻭﻻﺍﺣﺐ ﺍﺣﺪ ﻳﻤﻦ ﻋﻠﻴﻪ ﺑﺸﻲ .
ﻭﻫﻲ ﺍﺻﺮﺕ ﺍﻟﻪ ﻗﺎﻋﺔ ﻭﺍﻧﺎ ﻣﻮﺿﻒ ﺑﺴﻴﻂ ﻭﺭﺍﺗﺒﻲ ﻣﻮﻫﺎﻟﮕﺪ ﻭﺷﺎﻳﻞ ﻓﻠﻮﺱ ﺑﺲ ﻋﻠﻰ ﻛﺪ ﺍﻟﻤﺼﺎﺭﻳﻒ ﺍﻟﺒﺎﻗﻴﺔ ﺻﺎﺭﺕ ﺍﺷﻜﺎﻻﺕ ﺗﺪﺧﻞ ﻋﻤﻲ ﺳﻠﻴﻤﺎﻥ ﻭﻛﺎﻝ ﻓﻠﻮﺱ ﺍﻟﻘﺎﻋﺔ ﻋﻠﻴﻪ ﻫﺎﻟﺸﻲ ﺿﻮﺟﻨﻲ ﺑﺲ ﻛﻠﺖ ﻣﻴﺨﺎﻟﻒ ﻭﻭﻋﺪﺗﻪ ﺍﺫﺍ ﺍﻟﻠﻪ ﺭﺯﻗﻨﻲ ﺍﺭﺟﻌﻬﻢ ﺍﻟﻪ ﺍﻟﻔﻠﻮﺱ .
ﺍﻟﻤﻬﻢ ﺗﻌﺪﻱ ﻋﻠﻰ ﺧﻴﺮ .
.
ﺧﺎﺑﺮﺗﻨﻲ ﻭﻃﻠﺒﺖ ﺗﻜﻮﻥ ﺍﻟﻐﺮﻓﺔ ﻋﻠﻰ ﺫﻭﻗﻬﺎ
ﻛﺘﻠﻬﺎ ﻣﺎﺷﻲ ﻭﻫﺎﻟﺸﻲ ﻣﻦ ﺣﻘﻬﺎ ﺗﺨﺘﺎﺭ ﻏﺮﻓﺘﻬﺎ ﺍﻟﻲ ﺭﺍﺡ ﺗﻌﻴﺶ ﺑﻴﻬﺎ ..
ﻳﻮﻡ ﺛﺎﻧﻲ ﺭﺣﺖ ﻋﻠﻴﻬﺎ ﻟﻠﺒﻴﺖ ﺍﻧﺎ ﻭﺃُﻣﻲ ..
ﺍﺧﺬﺗﻬﺎ ﻭﻃﻠﻌﻨﺎ .. ﺍﻭﻝ ﻣﺎﻧﺰﻟﻨﻪ ﻳﻢ ﻣﺤﻼﺕ ﺍﻻﺛﺎﺙ
ﺷﺎﻭﺭﺗﻨﻲ ﺣﺘﻰ ﻻﺗﺴﻤﻊ ﺍﻣﻲ ﮔﺎﻟﺖ
ﺇﺳﻼﻡ .. ﻣﺎﻧﺎﻭﻱ ﺗﺒﺪﻝ ﺳﻴﺎﺭﺗﻚ ﻣﻮﺩﻳﻠﻬﺎ ﻗﺪﻳﻢ .
ﺑﺎﻭﻋﺘﻠﻬﺎ ﺑﻌﺪﻡ ﺭﺿﺎ ﻭﺑﺪﺍﺧﻠﻲ ﻣﺎﻣﺮﺗﺎﺡ ﻟﺘﺼﺮﻓﻬﺎ ﻫﻲ ﺷﻨﻮ ﻭﺗﺪﺧﻞ ﺑﺴﻴﺎﺭﺗﻲ ﺑﻌﺪ؟
ﮔﺘﻠﻬﺎ .. ﻋﺎﺟﺒﺘﻨﻲ ﺍﻗﺘﺼﺎﺩﻳﺔ ﻭﻣﺎﺷﺎﻟﻌﺔ ﻗﻠﺒﻲ ﻭﻣﻮ ﺍﻟﻪ ﺍﺧﺮ ﺍﻟﻤﻮﺩﻳﻞ ﺍﻟﻤﻬﻢ ﺗﻮﺻﻠﻨﻲ ﻟﻠﻤﻜﺎﻥ ﺍﻟﻲ ﺍﺭﻳﺪﺓ .
ﺷﻔﺘﻬﺎ ﺿﺎﺟﺖ ﻭﻧﻈﺮﺍﺕ ﺍﻣﻲ ﻣﺘﺤﻴﺮﺓ
ﺳﻜﺘﺖ ﻭﺩﺧﻠﺘﻬﻦ ﻻﻗﺮﺏ ﻣﺤﻞ ﻭﻇﻠﻴﻨﺎ ﻧﺘﻔﺮﺝ ﻋﻠﻰ ﺍﻻﺛﺎﺙ .
ﺩﺧﻠﻨﻪ ﺍﻛﺜﺮ ﻣﻦ ﻋﺸﺮ ﻣﺤﻼﺕ ﻭﻛﻞ ﺷﻲ ﻣﺎﻋﺠﺒﻬﺎ
ﺍﺣﺲ ﺍﻧﻔﻘﻌﺖ ﻣﺮﺍﺭﺗﻲ ﻭﻣﺎﺍﻛﺪﺭ ﺍﺣﺠﻲ ﻣﺎﺍﺭﻳﺪ ﻣﻦ ﺍﻭﻟﻬﺎ ﺍﺯﻋﻠﻬﺎ ﻭﻭﺭﺍﻧﻪ ﺣﺼﺒﺔ ﻭﺟﺪﺭﻱ ﻉ ﻛﻮﻟﺔ ﺍﻟﻜﺎﻳﻞ .
ﺣﺘﻰ ﺍﻣﻲ ﺗﻌﺒﺖ ﺭﺟﻠﻴﻨﻬﺎ ﻭﻫﺎﻱ ﻣﺎﻧﺎﻭﻳﺔ ﺗﺼﻔﻰ ﻋﻠﻰ ﺭﺃﻱ .
ﺍﺧﺮ ﺷﻲ ﺑﺎﻭﻋﺖ ﺍﻟﻬﺎ ﺣﺠﻴﺖ
ﻫﺎﺍ ﻫﺠﺮﺍﻥ ﻣﺎﻋﺠﺒﺞ ﺷﻲ .
ﻫﺠﺮﺍﻥ .. ﻻﺀ ﻣﺎﻋﺠﺒﻨﻲ ﺃﺷﻮﻭ .
: ﺍﻭﻛﻲ ﻟﻌﺪ ﻧﺮﺟﻊ ﻟﻠﺒﻴﺖ؟
: ﺍﻱ ﻳﻠﻠﻪ .
ﺍﻡ ﺍﺳﻼﻡ .. ﺍﺭﺟﻌﻲ ﻭﻳﺎﻧﻪ ﻟﺒﻴﺘﻨﺎ ﺍﺗﻐﺪﻱ ﻭﺍﻟﻌﺼﺮ ﻳﺮﺟﻌﺞ .
: ﺍﻱ ﻣﻮ ﺍﻫﻠﻲ ﻛﻠﻬﻢ ﺩﻭﺍﻣﺎﺕ ﻣﺎﺍﻛﺪﺭ ﺍﺑﻘﻰ ﻭﺣﺪﻱ ﺑﺎﻟﺒﻴﺖ ﺍﺿﻮﺝ .
ﺭﺟﻌﻨﺎ ﻟﻠﺒﻴﺖ .. ﺍﻣﻲ ﻣﻦ ﺩﺭﺑﻬﺎ ﻟﻠﻤﻄﺒﺦ ﻭﺍﺣﻨﺎ ﺑﻘﻴﻨﺎ ﺑﺎﻟﺼﺎﻟﺔ ..
ﻫﺠﺮﺍﻥ .. ﺍﺳﻼﻡ ﻭﻳﻦ ﻏﺮﻓﺘﻨﺎ ﺍﻟﻲ ﺭﺍﺡ ﻧﺘﺰﻭﺝ ﺑﻴﻬﺎ؟
: ﻓﻮﮒ ﺗﺤﺒﻴﻦ ﺗﺸﻮﻓﻴﻬﺎ .
: ﻳﻌﻨﻲ ﻫﻲ ﻧﻔﺴﻬﺎ ﻏﺮﻓﺘﻚ .
: ﺍﻱ ﻧﻔﺴﻬﺎ
: ﺍﻭﻛﻲ ﺍﺷﻮﻓﻬﺎ .
ﺻﻌﺪﻧﺎ ﻓﻮﮒ ..
ﻫﺠﺮﺍﻥ .. ﻳﺎ ﻫﺎﻱ ﻫﻴﺞ ﺭﺍﺡ ﻧﺘﺰﻭﺝ ﺑﻴﻬﺎ ﺣﺘﻰ ﺣﻤﺎﻡ ﻣﺎﻛﻮ ﻭﺍﻧﺎ ﺷﻴﻨﺰﻟﻨﻲ ﻟﺠﻮﻩ؟
: ﺷﺴﺎﻟﻔﺔ ﺗﺮﻩ ﺍﻛﻮ ﺣﻤﺎﻡ ﻫﻨﺎ ﻓﻮﻙ ﻭﻫﺬﺍ ﻛﻠﻪ ﺭﺍﺡ ﻳﺒﻘﻰ ﺍﻟﺞ .. ﺍﺣﻨﺎ ﺷﻌﺪﻧﺎ .
: ﺯﻳﻦ ﻭﺷﻮﻥ ﺑﻌﺪﻳﻦ ﺗﺮﻩ ﺍﻟﺒﻴﺖ ﻳﺤﺘﺎﺝ ﺗﺮﻣﻴﻢ ﻭﺍﺛﺎﺙ ﺟﺪﻳﺪ ﺷﻮﻥ ﺭﺍﺡ ﻳﺠﻮﻥ ﺍﻫﻠﻨﺎ ﺍﻫﻞ ﺑﺎﺑﺎ ﻛﻠﻬﻢ ﻧﺎﺱ ﻃﺎﮔﻴﻦ ﻭﻋﻠﻰ ﻛﻞ ﺷﻲ ﻳﻌﻴﺒﻮﻥ .
: ﻛﻌﺪﺕ ﻋﻠﻰ ﺳﺮﻳﺮ ﮔﺘﻠﻬﺎ ﺷﺴﺎﻟﻔﺘﺞ ﻫﺠﺮﺍﻥ ﺗﺮﻩ ﺑﻴﺘﻨﺎ ﻣﺎﺑﻲ ﺷﻲ ﻭﺍﺛﺎﺛﻪ ﻛﻠﻪ ﺟﺪﻳﺪ ﻭﻣﺮﺗﺐ ﻭﺍﻧﺎ ﺑﻄﺒﻌﻲ ﺍﺣﺐ ﺍﻟﺒﺴﺎﻃﺔ .
: ﺍﻧﺖ ﻻﺯﻡ ﺗﻮﺳﻊ ﺍﻟﺼﺎﻟﺔ ﻭﺗﺠﻴﺐ ﺗﺨﻢ ﻣﻠﻜﻲ ﻻﻥ ﺍﻟﺼﺎﻟﺔ ﺻﻐﻴﺮﺓ ﻭﺭﺍﺡ ﻳﻀﻴﻊ ﺑﻴﻬﺎ ﻭﻳﺼﻴﺮ ﻣﺤﻠﻮ .
: ﺍﻟﻠﻪ ﻛﺮﻳﻢ ﻣﻨﺎ ﻟﺬﺍﻙ ﺍﻟﻮﻛﺖ ﺧﻠﻲ ﻧﺨﺘﺎﺭ ﺍﻟﻨﻪ ﻏﺮﻓﺔ ﻧﻮﻡ ﻭﺑﻌﺪﻳﻦ ﻧﺤﺠﻲ ﺑﻤﻮﺿﻮﻉ ﺗﺮﺗﻴﺒﺎﺕ ﺍﻟﺒﻴﺖ ﻭﺍﻛﻴﺪ ﻗﺮﻳﺐ ﺍﻟﻌﺮﺱ ﺍﻧﺎ ﺭﺍﺡ ﺍﺭﺗﺒﺔ ﻭﺍﺷﺘﺮﻱ ﺍﺛﺎﺙ ﺟﺪﻳﺪ ﺍﻧﺖ ﻻﺗﺸﻐﻠﻴﻦ ﺑﺎﻟﺞ ﺑﻬﺎﻻﺷﻴﺎﺀ .
: ﺍﺳﻼﻡ ﺍﻧﺎ ﻧﺎﺳﻴﺔ ﺗﻠﻴﻔﻮﻧﻲ ﺑﺎﻟﺒﻴﺖ ﻣﻤﻜﻦ ﺗﻠﻴﻔﻮﻧﻚ ﺍﺧﺎﺑﺮ ﻣﺎﻣﺎ؟
: ﺍﻱ ﻣﻤﻜﻦ ﻫﺎﺝ ﺧﺎﺑﺮﻱ ..
ﺩﻛﻴﺖ ﺍﻟﻬﺎ ﺍﻟﺮﻗﻢ ﻭﺍﺧﺬﺗﻪ ﻣﻨﻲ ﺩﻗﺎﻳﻖ ﻭﺻﺎﺣﺘﻨﻲ ﺍﻣﻲ ﻭﻧﺰﻟﺖ ﺟﻮﻩ ﻳﻤﻬﺎ ..
ﺷﻔﺘﻬﺎ ﻣﺤﻀﺮﺓ ﺍﻟﻨﺎ ﺻﻴﻨﻴﺔ ﺑﻴﻬﺎ ﻛﺮﺯﺍﺕ ﻭﺣﻠﻮﻳﺎﺕ ﻭﻋﺼﺎﻳﺮ ..
ﮔﺎﻟﺖ : ﻳﻤﻪ ﺍﺳﻼﻡ ﻋﻠﻰ ﻛﻴﻔﻚ ﻭﻳﺎﻫﺎ ﺷﻤﺎﺗﮕﻮﻭﻝ ﻛﻠﻠﻬﻪ ﺍﻱ .
: ﻻ ﻣﺎﺍﻛﻠﻠﻬﻪ ﺍﻱ ﻳﻤﻪ ﻣﺎﻣﺠﺒﻮﺭﺓ ﺗﻘﺒﻞ ﺑﻴﻪ ﻭﺗﺪﺭﻱ ﻋﻠﻰ ﻛﺪ ﺣﺎﻟﻲ .
: ﻳﻤﻪ ﺳﻠﻮﻣﻲ ﻣﻮ ﺍﺣﺴﻦ ﻣﻦ ﺫﻳﺞ ﺍﻟﻐﺪﺭﺗﻚ .
: ﺍﻭﻭ ﻳﻤﻪ ﻻﺗﺠﻴﺒﻴﻠﻲ ﺳﻴﺮﺗﻬﺎ ﺍﻟﻠﻪ ﻳﺨﻠﻴﺞ ﻫﻨﻪ ﺍﺛﻨﻴﻨﻬﻦ ﻣﺎﻋﻨﺪﻱ ﺣﻆ ﻭﻳﺎﻫﻦ ﻣﺒﻴﻨﺔ ﻣﻦ ﺍﻭﻟﻬﺎ .
ﺍﻧﺪﮔﺖ ﺍﻟﺒﺎﺏ ﺍﺭﻭﺡ ﺍﺷﻮﻑ ﻣﻨﻮ .
ﺧﻠﻴﺖ ﺍﻟﺼﻴﻨﻴﺔ ﻋﻠﻰ ﺍﻭﻝ ﺑﺎﻳﺔ ﻣﻦ ﺍﻟﺪﺭﺝ ﻭﻃﻠﻌﺖ ﻟﻠﺒﺎﺏ ﺷﻔﺖ ﺍﺑﻦ ﺟﻴﺮﺍﻧﻪ ﻭﻟﺪ ﺻﻐﻴﺮ ﮔﻠﻲ ﻋﻤﻮ ﻃﻮﺑﺘﻨﺎ ﻃﺎﺣﺖ ﻋﻠﻰ ﺑﻴﺘﻜﻢ ﺍﺭﻳﺪﻫﺎ .
ﺩﻭﺭﺗﻬﺎ ﺷﻔﺘﻬﺎ ﺑﺎﻟﺤﺪﻳﻘﺔ ﺍﻧﻄﻴﺘﻬﻴﺎ ﻭﺩﺧﻠﺖ
ﺍﻣﻲ ﺑﺎﻟﻤﻄﺒﺦ ﺟﺎﻱ ﺗﺴﻮﻱ ﺍﻟﻐﺪﺍﺀ .
ﺍﺧﺬﺕ ﺍﻟﺼﻴﻨﻴﺔ ﻭﺻﻌﺪﺕ .
ﺩﺧﻠﺖ ﻋﻠﻰ ﻫﺠﺮﺍﻥ ﺑﺎﻟﻐﺮﻓﺔ
ﺷﺎﻓﺘﻨﻲ ﺟﻔﻠﺖ ..
ﻭﻇﻠﺖ ﺗﺪﻭﺱ ﺑﺎﻟﺘﻠﻴﻔﻮﻥ ﻭﻛﺎﻧﻬﺎ ﺟﺎﻱ ﺗﻜﻨﺴﻞ ﺷﻲ ﺗﻄﺒﻴﻖ ..
ﺧﻠﻴﺖ ﺍﻟﺼﻴﻨﻴﻪ ﻋﻠﻰ ﺍﻟﻤﻴﺰ
ﻋﮕﺪﺕ ﺣﺎﺟﺒﻲ ﻣﺎﺍﺭﺗﺎﺣﻴﺖ ﺍﻟﺤﺮﻛﺎﺗﻬﺎ
ﮔﺘﻠﻬﺎﺍ ﺷﻜﻮﻭ؟
ﺗﺮﺟﻒ ﻣﺘﻮﺗﺮﺓ .. ﺗﺒﺎﻭﻋﻠﻲ ﻧﻈﺮﺍﺗﻬﺎ ﻣﺘﺤﻴﺮﺓ ﻭﻛﺎﻧﻬﺎ ﺗﺘﻬﻤﻨﻲ ﺑﺸﻲ ﻭﻋﻴﻮﻧﻬﺎ ﻣﺎﺛﺎﺑﺘﺔ ﻋﻠﻰ ﻣﻜﺎﻥ
.
ﻛﺮﺭﺕ ﺳﺆﺍﻟﻲ : ﺟﺎﻱ ﺍﻛﻮﻝ ﺷﻜﻮﻭ؟
ﻫﺠﺮﺍﻥ : ﻋﻨﺪﻙ ﻋﻼﻗﺔ ﻭﻱ ﺻﻔﺎ ﻟﻴﺶ ﺍﻧﺎ ﻣﺎﺍﻋﺮﻑ؟
ﺍﺳﻼﻡ .. ﺟﺮﻳﺖ ﺍﻟﺘﻠﻴﻔﻮﻥ ﻣﻦ ﺍﻳﺪﻫﺎ ﺑﻌﺪﻡ ﺭﺿﺎ
ﮔﺘﻠﻬﺎ ﻫﺬﺍ ﻣﺎﺿﻲ ﻭﻣﻮ ﻣﻦ ﺣﻘﺞ ﺗﺤﺎﺳﺒﻴﻨﻲ ﻋﻠﻴﻪ ﻭﺑﻨﻔﺲ ﺍﻟﻮﻗﺖ ﻣﻮ ﻣﻦ ﺣﻘﺞ ﺗﻔﺘﺸﻴﻦ ﺑﺘﻠﻴﻔﻮﻧﻲ .
: ﺑﺲ ﺍﻧﺎ ﻣﻦ ﻫﺴﻪ ﺻﺮﺕ ﺯﻭﺟﺘﻚ ..
.. ﺭﻓﻌﺖ ﺍﻳﺪﻱ ﮔﺘﻠﻬﺎ ﺟﺎﻱ ﺍﻛﻠﺞ ﻫﺬﺍ ﻣﺎﺿﻲ ﻭﺭﺍﺡ ﻋﻠﻴﻨﺎ ﺑﺎﻟﺠﺪﻳﺪ ﻫﺴﻪ .
: ﺍﻧﺎ ﻣﻦ ﺣﻘﻲ ﺍﻋﺮﻑ ﺑﻬﺎﻱ ﺍﻟﻌﻼﻗﺔ .
: ﺍﻭﻻ ﺍﻧﺖ ﺟﻨﺖ ﺗﻌﺮﻓﻴﻦ ﺍﻧﺎ ﺧﻄﺒﺘﻬﺎ ﺍﻛﺜﺮ ﻣﻦ ﻣﺮﺓ ﻭﻫﻲ ﺭﻓﻀﺖ .
: ﺑﺲ ﻣﺎﺟﻨﺖ ﺍﻋﺮﻑ ﺑﻴﻨﻜﻢ ﺣﺐ ﻭﻋﻼﻗﺔ ﺟﺮﻳﺌﺔ ﻭﻭﺍﺻﻠﺔ ﺍﻟﻬﺎﻟﺪﺭﺟﺔ .
: ﺧﻠﺺ ﻫﺠﺮﺍﻥ ﻛﺘﻠﺞ ﻫﺬﺍ ﻣﺎﺿﻲ ﻭﺍﻧﺘﻬﻰ ﻫﺴﻪ ﺻﻔﺎ ﻣﺨﻄﻮﺑﺔ ﻭﺍﺣﻨﺎ ﻫﻤﻴﻦ .
: ﺍﺳﻼﻡ ﻭﺩﻳﻨﻲ ﻟﺒﻴﺘﻨﺎ ﺣﺎﻻ ..
: ﻫﺠﺮﺍﻥ ﺍﻫﺪﻱ ﻣﺎﺍﻟﻪ ﺩﺍﻋﻲ ﻛﻞ ﻫﺬﺍ ﺗﺮﻩ ﻋﺎﺩﻱ ﻛﻞ ﻭﺍﺣﺪ ﻭﻣﺎﺿﻴﻪ ﺍﻧﺖ ﻟﻴﺶ ﻫﺎﻟﻜﺪ ﻣﺘﺄﺛﺮﺓ .. ﺗﻐﺪﻱ ﻫﻨﺎ ﻭﺍﻭﺩﻳﺞ ﺍﻟﻌﺼﺮ .
: ﻭﺍﻧﺎ ﻛﻞ ﺍﻟﻮﻗﺖ ﻋﺒﺎﻟﻲ ﺻﻔﺎ ﺗﺮﻓﺾ ﻋﻤﻮﺩ ﻣﺸﺎﻋﺮﻱ ﻃﻠﻌﺖ ﻏﺪﺍﺭﻩ ﻭﺧﺎﻳﻨﺔ ﺍﻟﺤﻘﻴﺮﺓ ..
: ﺷﻨﻮﻭ ﺍﻧﺖ ﺷﺠﺎﻱ ﺗﺤﺠﻴﻦ .
: ﻭﺩﻳﻨﻲ ﻟﺒﻴﺘﻨﺎ ﮔﺘﻠﻚ ..
: ﻻﺗﺼﻴﺤﻴﻦ ﻭﻛﻌﺪﻱ ﻭﺍﻫﺪﺃﻱ ﺍﻧﺖ ﻣﻮ ﻛﻠﺘﻲ ﻣﺤﺪ ﺍﺑﻴﺘﻜﻢ ﻫﺴﻪ ..
: ﺗﻮﺩﻳﻨﻲ ﻟﻮ ﺍﺧﺎﺑﺮ ﺑﺎﺑﺎ ﻳﺠﻲ ﻋﻠﻴﻪ .
ﺍﻡ ﺍﺳﻼﻡ .. ﻳﻤﻪ ﺷﺒﻴﻜﻢ ﺻﻮﺗﻜﻢ ﻃﺎﻟﻊ ﺍﺳﺘﻬﺪﻱ ﺑﺎﻟﺮﺣﻤﻦ ﺑﻨﻴﺘﻲ ..
ﻫﺠﺮﺍﻥ : ﺧﺎﻟﻪ ﺍﺳﻼﻡ ﻭﺻﻔﺎ ﻋﺪﻫﻢ ﻋﻼﻗﺔ ﺷﻔﺖ ﺍﻟﻤﺴﺠﺎﺕ ﺑﻴﻨﻬﻢ ﻛﻠﻬﺎ ﺣﺐ ﻭﻏﺮﺍﻡ ﻭﻭﻭ ...
: ﻋﻤﺮﻱ ﺍﻧﺖ ﺍﻫﺪﻱ ﻫﺬﺍ ﻣﺎﺿﻲ ﻭﺭﺍﺡ ﺗﺮﻩ ﻫﻲ ﺧﺎﻧﺘﻪ ﻭﻏﺪﺭﺗﻪ ..
: ﻣﺜﻞ ﻣﺎ ﺧﺎﻧﺘﻨﻲ ﻭﻏﺪﺭﺗﻨﻲ .. ﺍﻧﺎ ﺍﻋﻠﻤﻬﺎ ﺍﻟﻜﻠﺒﺔ
: ﻣﺎﺗﻮﺻﻞ ﻻﺿﻔﺮﺝ ﻭﺍﻟﻠﻪ ﻋﻴﻮﻧﻲ ﺍﻧﺖ ﺧﺘﻮﻟﻲ ﻋﻠﻴﻤﻦ ﺗﻄﻠﻊ ﻏﻴﺮ ﻋﻠﻰ ﺍﻣﻬﺎ ﺍﻟﻌﺮﮒ ﺩﺳﺎﺱ .
ﺍﺳﻼﻡ .. ﻳﻤﻤﻪ ﻣﺎﺍﻟﻪ ﺩﺍﻋﻲ ﻫﺎﻟﺤﺠﻲ ﺗﺮﻩ .
ﻭﺍﻧﺖ ﻫﺠﺮﺍﻥ ﺍﻫﺪﻱ ﻛﻞ ﻫﺬﺍ ﻣﺎﻳﻬﻢ ﻋﻨﺪﻱ ﻭﻛﻞ ﺷﻲ ﺍﻧﺘﻬﻰ ﻭﻳﺎﻫﺎ .
ﻫﺠﺮﺍﻥ .. ﻭﻫﺬﺍ ﺍﻛﺒﺮ ﺩﻟﻴﻞ ﻋﻠﻴﻚ ﺑﻌﺪﻙ ﻣﺎﻧﺎﺳﻴﻬﺎ ﻭﻣﺤﺘﻔﻆ ﺑﺮﺳﺎﺋﻠﻬﺎ ﻟﺤﺪ ﻫﺎﻱ ﺍﻟﻠﺤﻈﺔ .. ﻭﻣﺎﺗﻘﺒﻞ ﻳﺼﻴﺮ ﺣﺠﻲ ﻋﻠﻴﻬﺎ ﻫﻢ .
: ﻻﻥ ﺍﻧﺎ ﺍﻋﺮﻑ ﺷﻨﻮ ﺍﻟﻲ ﺻﺎﺭ ﺑﺎﻟﻀﺒﻂ ﻭﻣﻮ ﺑﻜﻴﻔﻨﺎ ﻧﺤﺠﻲ ﻋﻠﻴﻬﺎ ﺑﺪﻭﻥ ﺩﻟﻴﻞ ﺍﻟﻮﻟﺪ ﺧﻄﺒﻬﺎ ﻭﻫﻲ ﻭﺍﻓﻘﺖ ﻻﻥ ﺟﻨﺖ ﻗﺎﺳﻲ ﻭﻳﺎﻫﺎ ﻭﻫﺬﺍ ﻣﻦ ﺣﻘﻬﺎ ﻭﺧﻠﺺ ﻭﻫﺬﺍ ﺍﻟﻤﻮﺿﻮﻉ ﻣﺎﻳﻨﺤﺠﻲ ﺑﻲ ﻣﺮﺓ ﺛﺎﻧﻴﺔ .
: ﻣﺎﺍﺑﻘﻰ ﻫﻨﺎ ﺩﻗﻴﻘﺔ ﻭﺩﻳﻨﻲ ﻳﻠﻠﻪ ..
: ﺍﻣﺸﻲ ﺍﻭﺩﻳﺞ ﺍﻣﺮﻱ ﻻﻟﻠﻪ ﺑﺲ ﺍﺳﻤﻌﻲ ﻫﺠﺮﺍﻥ ﺗﻬﻮﺭ ﻣﺎﺍﺭﻳﺪ ﻭﻻﺍﺍﺭﻳﺪ ﺍﺣﺪ ﻳﺤﺠﻲ ﺑﺴﻤﻌﺔ ﺻﻔﺎ ﻭﻻ ﻳﻮﺻﻞ ﺣﺠﻲ ﻟﻌﻤﺎﻣﻲ ﺗﺮﻩ ﻳﺼﻴﺮ ﺷﻲ ﻣﺎﻳﻌﺠﺒﺞ ﻭﻧﻨﺘﻬﻲ ﺍﻧﺎ ﻭﻳﺎﺝ .
: ﺍﻟﻬﺎﻟﺪﺭﺟﺔ ﺗﺤﺒﻬﺎ؟ !!!
: ﻣﻮ ﺣﺐ ﻭﺍﻧﻤﺎ ﻫﺎﻱ ﺳﻤﻌﺔ ﻭﻫﻲ ﺑﻨﻴﺔ ﻭﻣﺨﻄﻮﺑﺔ ﻭﻣﺎﺍﺭﻳﺪ ﻳﺼﻴﺮ ﺣﺠﻲ ﻋﻠﻴﻬﺎ .
.. ﺍﺷﻮﻓﺞ ﺳﻜﺘﻲ ﻣﺎﺗﺤﺠﻴﻦ؟
.. ﻭﺩﻳﻨﻲ ﻫﺴﻪ ﺗﻌﺒﺎﻧﺔ ﺍﺭﻳﺪ ﺍﺑﻘﻰ ﺍﻟﻮﺣﺪﻱ ..
.. ﺻﺎﺭ ﻳﻠﻠﻪ ﺍﻣﺸﻲ .
--------------------
ﺳﻤﻴﺔ .. ﺟﻨﺖ ﺿﺎﻳﺠﺔ ﻛﻠﺶ ﻋﻠﻰ ﺗﺼﺮﻑ ﻣﻨﺎﺿﻞ ﻭﺭﻗﻴﺔ ﺩﻣﻮﻋﻬﺎ ﺍﻟﻲ ﻣﺎﻧﺸﻔﺖ .. ﺍﺗﺼﻞ ﺍﻣﺎﻥ ﺟﺎﻭﺑﺘﻪ
ﮔﺎﻝ ﺷﺒﻲ ﺻﻮﺗﺞ ﻟﻴﺶ ﻣﺘﻐﻴﺮ؟ ﺍﻛﻮ ﺍﺣﺪ ﻣﺰﻋﻠﺞ ﺣﺒﻴﺒﻲ؟
: ﻻ ﻣﺎﻛﻮ ﺷﻲ ﻻﻳﻀﻞ ﺑﺎﻟﻚ ..
: ﺍﻛﻴﺪ ﺍﻛﻮ ﺷﻲ ﻭﺿﺎﻣﺘﻪ ﻋﻠﻴﻪ ﻳﻠﻠﻪ ﺍﺣﺠﻲ ﺍﺷﻮﻭ ؟
ﻇﻞ ﻳﻠﺢ ﺻﻴﺤﺖ ﻫﺬﺍ ﺍﻟﻜﻠﺐ ﺍﺑﻦ ﺍﻟﻜﻠﺐ ﻣﻨﺎﺿﻞ ﺯﻭﺝ ﺭﻗﻴﺔ
ﺑﻌﺪﻧﻲ ﻣﺎﻣﻜﻤﻠﻪ ..
ﻗﺎﻃﻌﻨﻲ ﺍﺷﺶ ﺳﻤﻴﺔ ﺷﻨﻮ ﻫﺎﻻﺳﻠﻮﺏ
ﻣﻮ ﻋﻴﺐ ﺗﻐﻠﻄﻴﻦ ﻋﻠﻴﻪ ﻭﻋﻠﻰ ﺍﺑﻮ ﺍﻟﻤﻴﺖ؟
: ﺍﺣﺘﺮﻛﺖ ﺭﻭﺡ ﺍﺑﻮ ﺍﻟﻲ ﺧﻠﻒ ﻭﺍﺣﺪ ﻋﺎﺭ ﻭﻣﺎﻋﻨﺪﻩ ﺭﺟﻮﻟﺔ .
: ﺍﻣﺎﻥ ... ﻟﺞ ﺑﺎﺑﺎ ﺷﺒﻴﺞ ﺭﺟﺎﻝ ﻭﻣﺮﺗﻪ ﺍﻧﺘﻲ ﻻﺗﺪﺧﻠﻴﻦ ﻭﺗﻬﺠﻤﻴﻦ ﺑﻴﺘﻪ .
: ﺷﻨﻮﻭ ﺍﻫﺠﻢ ﺑﻴﺘﻪ ﺷﻨﻮﻭ ﻣﺮﺗﻪ ﻫﺬﻱ ﺍﺧﺘﻲ ﻭﺍﻟﻠﻪ ﺍﺣﺮﻙ ﺍﻟﺪﻧﻴﺎ ﻋﻠﺊ ﺭﺍﺳﻪ ﺷﺎﻓﻬﺎ ﺧﺮﺳﻪ ﻭﻣﺎﺗﺤﺠﻲ ﻳﺴﺘﻐﻠﻬﺎ
ﺍﻣﺎﻥ ﺑﺘﻨﻬﻴﺪﻩ ... ﺍﻧﺘﻦ ﻋﻮﻭﺩ ﻟﻴﺶ ﺗﺤﺒﻦ ﺍﻟﻤﺸﺎﻛﻞ ﻫﻤﻪ ﻳﺤﻠﻮﻥ ﺍﻣﻮﺭﻫﻢ ﺍﻟﻮﺣﺪﻫﻢ ﺍﻧﺘﻲ ﻛﻮﻧﻲ ﺑﻌﻴﺪﻩ .
ﺳﻤﻴﺔ ﺑﻨﺘﺮ .. ﻻ ﻣﺎﺍﺍﻛﻮﻭﻭﻥ ﺑﻌﻴﺪﺓ ﻭﺍﺭﻳﺪ ﺍﻃﻴﺢ ﺣﻈﻪ ﻟﻬﺬﺍ ﺍﻟﺤﻘﻴﺮ ﻣﺎﻋﻠﻴﻚ ﺍﻧﺖ ﻻﺗﺪﺧﻞ .
: ﻣﻮ ﺻﻮﺟﺞ ﺻﻮﺟﻲ ﺍﻧﻲ ﺟﺎﻱ ﺍﺣﺎﺟﻴﺞ ﻭﺍﻻ ﺍﻧﺖ ﻛﻞ ﺫﻭﻕ ﻣﺎﻋﻨﺪﺝ
ﻛﺘﻠﺞ ﺑﻼ ﻏﻠﻂ ﻣﺎﻳﻌﺠﺒﻨﻲ ﻫﺎﻻﺳﻠﻮﺏ ﺑﺲ ﻣﺠﺎﻱ ﺗﺎﺧﺬﻳﻦ ﺣﺠﻲ ﻭﻣﺴﺘﻤﺮﺓ .
: ﻻ ﺻﻮﺟﻲ ﺍﻧﺎ ﺟﺎﻱ ﺍﺷﻜﻴﻠﻚ ﻭﺧﻠﻲ ﻳﻜﻮﻥ ﻋﻨﺪﻙ ﻋﻠﻢ ﺗﺮﻩ ﺍﻧﺎ ﻫﺬﺍ ﺍﺳﻠﻮﺑﻲ ﻭﻣﺎﺭﺍﺡ ﺍﻏﻴﺮﻩ ..
: ﺍﻭﻛﻲ ﻣﺪﺍﻡ ﻫﻴﺞ ﻣﻦ ﺗﺤﺴﻨﻴﻦ ﺍﺳﻠﻮﺑﺞ ﺗﻌﺎﻱ ﺍﺣﺠﻲ ﻭﻳﺎﻳﻪ .
: ﻻﺗﻨﺘﻈﺮ ﺍﺣﺴﻦ ﺍﻟﻚ ﻻﻥ ﺍﺳﻠﻮﺑﻲ ﻋﺎﺟﺒﻨﻲ ﻭﺭﺍﺡ ﺍﺑﻘﻰ ﻫﻴﺞ ﻭﻻ ﺗﻨﺘﻈﺮ ﺍﺣﺠﻲ ﻭﻳﺎﻙ ﻫﻢ
ﻭﻳﻠﻠﻪ ﻓﻲ ﺍﻣﺎﻥ ﺍﻟﻠﻪ ..
ﺳﺪﻳﺘﻪ ﺑﻮﺟﻬﻪ ﺑﺪﻭﻥ ﻣﺎﺍﺳﻤﻌﻪ ﺷﺮﺍﺡ ﻳﮕﻮﻭﻝ .... ﺷﺒﻴﻪ ﺍﺳﻠﻮﺑﻲ ﻣﺎﻋﺎﺟﺒﻪ ﺍﻭﻭﻭﻑ ﺻﺪﻙ ﺍﺳﻠﻮﺑﻲ ﺯﻓﺖ ﺑﻨﺖ ﺍﻣﻲ ﺑﻌﺪ ﻳﺎﺭﺑﻲ ﺷﺴﻮﻱ ﺍﺧﺘﻲ ﺧﻄﻴﻪ ﻭﺍﻟﻠﻪ ﻭﻫﺬﺍ ﻣﻨﺎﻓﻖ ﺍﻟﻪ ﺍﻃﻴﺢ ﺣﻈﻪ ..
ﺑﻨﻔﺲ ﺍﻟﻴﻮﻡ ﺍﺟﺖ ﻋﻤﻪ ﺯﻳﻨﺐ ﺗﺘﻮﺳﻂ ﻟﻤﻨﺎﺿﻞ ﻳﺮﻳﺪ ﻳﺮﺟﻊ ﺭﻗﻴﺔ ﻭﻛﺎﻳﻞ ﺍﻟﻬﺎ ﻣﻮﺍﻓﻖ ﻋﻠﻰ ﻛﻞ ﺷﺮﻁ ﺗﺸﺮﻃﻮﺍ
ﺭﻗﻴﺔ ﺧﺎﻧﺴﺔ ﻭﺑﻴﻦ ﺍﻟﻘﺎﺑﻠﺔ ﺗﺮﺟﻊ ﻭﻣﻮ ﻗﺎﺑﻠﺔ ..
ﺍﺑﻮﻱ ﺍﺧﺬ ﺭﺃﻳﻬﺎ ﮔﺎﻟﺖ ﺍﺭﺟﻊ ﻣﻴﺨﺎﻟﻒ ﺑﺲ ﺣﺎﺳﻪ ﺟﺎﻱ ﻳﺪﻭﺭ ﺑﺮﺍﺳﻬﺎ ﺷﻲ ﺷﻨﻮ ﻫﻮ ﻣﺎﺍﺩﺭﻱ ..
ﺍﻣﺎ ﺍﺑﻮﻱ ﻭﺟﻪ ﻧﻈﺮﺍﺗﻪ ﻟﻌﻤﻪ ﺯﻳﻨﺐ ﻭﻛﺎﻝ ﺍﻭﻝ ﺷﺮﻁ ﻟﺮﺟﻌﺔ ﺭﻗﻴﺔ ﺍﻧﻄﻮﻧﻲ ﻣﻨﻜﻢ ﻣﺮﺓ ...
ﺑﻼ ﻫﺬﺍ ﺍﻟﺸﺮﻁ ﻓﻼ ﺗﺮﺟﻊ ﺭﻗﻴﺔ ﺣﺘﻰ ﻟﻮ ﻫﻲ ﺭﺍﻏﺒﺔ ..
ﺯﻳﻨﺐ : ﻣﺎﺍﻓﺘﻬﻤﺖ ﺍﺑﻮ ﺻﻔﺎ ﺷﺘﻘﺼﺪ ﻳﻌﻨﻲ ﺑﻌﺪﻙ ﻣﺼﺮ ﺗﺮﻳﺪ ﺗﺨﻄﺐ ﻓﺎﻃﻤﺔ .
: ﺑﻌﺪ ﻣﺎﺩﺍﻡ ﻓﻬﻤﺘﻴﻬﺎ ﻟﻴﺶ ﺗﺴﺎﻟﻴﻦ .
: ﻭﺍﺫﺍ ﺭﻓﻀﺖ؟ !
: ﺭﻗﻴﺔ ﺗﺒﻘﻰ ﻫﻨﺎ .
: ﺑﺲ ﺭﻗﻴﺔ ﺗﻜﻮﻝ ﻋﺎﺩﻱ ﺗﺮﻳﺪ ﺗﺮﺟﻊ ﻓﺘﺮﺓ ﺯﻋﻞ ﻭﻋﺪﺕ ﻭﻣﻨﺎﺿﻞ ﻳﺤﺒﻬﺎ ﻭﻣﺪﻟﻠﻬﺎ .
: ﻫﺬﺍ ﺍﺧﺮ ﻛﻼﻡ ﻋﻨﺪﻱ ﺗﻨﻄﻮﻧﻲ ﻣﺮﻩ ﺍﺭﺟﻊ ﺭﻗﻴﺔ ﻣﺎﺗﻨﻄﻮﻧﻲ ﺗﺒﻘﻰ ﻫﻨﺎ ﻣﺎﺧﺴﺮﺍﻥ ﺧﺴﺎﺭﺓ
.
ﺳﻤﻴﺔ .. ﺍﻧﺼﺪﻣﺖ ﻣﻦ ﻛﻼﻡ ﺍﺑﻮﻱ ﺷﻮﻥ ﻳﻘﺎﻳﺾ ﺭﻗﻴﺔ ﺑﻔﺎﻃﻤﺔ ﻭﺭﻗﻴﺔ ﺷﻨﻮ ﺫﻧﺒﻬﺎ ﺗﺮﺟﻊ ﺍﻟﻮﺍﺣﺪ ﻣﺜﻞ ﻣﻨﺎﺿﻞ .
ﻃﻠﻌﺖ ﻋﻤﺘﻲ ﺯﻳﻨﺐ ﻣﻦ ﺍﻟﻬﻮﻝ ﻟﻠﻤﻄﺒﺦ ﺗﻠﮕﻴﺘﻬﺎ
ﻋﻤﻪ ﻟﻴﺶ ﻫﻴﺞ ﺳﻮﻩ ﺍﺑﻦ ﺍﺧﻮﺝ؟
: ﻭﺍﻟﻠﻪ ﻳﺎﻋﻤﻪ ﻣﺎﺗﻮﻗﻌﺘﻪ ﻫﻴﺞ ﻳﺴﻮﻱ ﺷﺴﻮﻳﻠﻪ ﻗﺎﺑﻞ ﺍﻧﻪ ﻋﺎﻳﺸﻪ ﻭﻳﺎﻫﻢ ﻭﺍﺩﺭﻱ ﺷﻤﺨﻄﻂ ﻭﺷﻨﻮ ﻣﻘﺮﺭ ﺑﺲ ﺗﺮﻩ ﻣﺎﻟﺔ ﺍﻟﻠﻪ ﻫﻮ ﻳﺤﺒﻬﺎ ﻭﻣﺘﻤﺴﻚ ﺑﻴﻬﺎ ﺭﺟﻌﺖ ﻣﺮﺗﻪ ﻭﺑﻌﺪ ﻳﺮﻳﺪﻫﺎ ﻫﺎﻱ ﻋﺎﺷﺮ ﻣﺮﺓ ﻳﺪﻙ ﺑﺎﺑﻜﻢ ﻭﺍﻧﺘﻢ ﺗﺮﻓﻀﻮﻧﻪ .
ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ .
ﻃﺒﻴﺖ ﻟﻠﻬﻮﻝ ﺻﻔﺎ ﻭﺍﻛﻔﺔ ﻭﻻﺯﻣﻪ ﻣﻮﺑﺎﻳﻠﻬﺎ
ﺭﻗﻴﺔ ﻛﺎﻋﺪﺓ ﺑﺎﻟﻜﺎﻉ ﻳﻢ ﺍﺑﻮﻱ ﻭﺑﻴﺒﻴﺘﻲ ﻛﺎﻋﺪﺓ ﻛﺒﺎﻝ ﺍﻟﺘﻠﻔﺰﻳﻮﻥ ...
ﺳﻤﻴﺔ .. ﻳﺎﺑﻪ ﺍﻧﺖ ﺷﻮﻥ ﺗﻘﺎﻳﺾ ﺭﻗﻴﺔ ﺑﻔﺎﻃﻤﺔ؟
ﺍﻳﻮﺏ .. ﺳﻜﺘﻲ ﺳﻤﻴﺔ ﻣﺎﺍﺳﻤﻊ ﺍﻟﺞ ﺻﻮﺕ ﻣﻔﻬﻮﻡ .
ﻋﻔﺘﻬﻢ ﻃﺒﻴﺖ ﻟﻠﻐﺮﻓﺔ ﺍﺟﻦ ﻭﺭﺍﻱ ﺭﻗﻴﺔ ﻭﺻﻔﺎ
: ﺻﻔﺎ ﺍﺣﺠﻲ ﻭﻳﺎ ﺭﻗﻴﺔ ﻛﻠﻴﻠﻬﻪ ﻻﺗﺮﺟﻊ ﺍﻟﻤﻨﺎﺿﻞ ﻳﻮﻟﻲ ﺧﺪﻋﻬﺎ ﻭﺍﺳﺘﺨﺪﻣﻬﺎ ﻏﺎﻳﺔ ﺣﺘﻰ ﻳﺮﺟﻊ ﻣﺮﺗﻪ .
ﺣﺠﺖ ﺻﻔﺎ ﻣﺜﻠﻤﺎ ﮔﺘﻠﻬﺎ .
ﺭﻗﻴﺔ ﺑﺎﻻﺷﺎﺭﺓ .. ﻻ ﺍﺭﻳﺪ ﺍﺭﺟﻊ ﻭﺍﺷﻮﻓﻬﻢ ﻣﻨﻮ ﻫﻲ ﺭﻗﻴﺔ ﺍﻟﻲ ﺧﺪﻋﻮﻫﺎ ﻭﺍﺳﺘﻐﻠﻮﺍ ﺿﻌﻔﻬﺎ ﺍﺭﻳﺪ ﺍﻧﻄﻴﻬﻢ ﺩﺭﺱ ﻣﺎﻳﻨﺴﻮﻧﻪ .
ﺳﻤﻴﺔ .. ﺍﻱ ﻋﻔﻴﺔ ﺑﺎﺧﺘﻲ ﺍﻟﺤﺒﺎﺑﺔ ..
ﻭﮔﻌﺪﻧﺎ ﻧﺨﻄﻂ ...
-----------
ﺻﻔﺎ .. ﺧﻄﻮﺑﺔ ﺍﺳﻼﻡ ﻟﻬﺠﺮﺍﻥ ﺍﻧﺎ ﻣﺎﺣﻀﺮﺗﻬﺎ ﺟﻨﺖ ﺍﺣﺲ ﺑﺎﻧﺰﻋﺎﺝ ﻭﺷﻌﻮﺭ ﻏﺮﻳﺐ ﻣﺜﻞ ﺍﻟﻐﻴﺮﺓ ﻭﺍﺭﺟﻊ ﻭﺍﻟﻠﻮﻡ ﻧﻔﺴﻲ ﻭﺍﺷﻔﻖ ﻋﻠﻰ ﻓﺮﺍﺱ ﺧﻄﻴﺔ ﺧﻄﻴﺒﻲ ﻣﺎﻻﺯﻡ ﺍﻓﻜﺮ ﺑﻐﻴﺮﻩ .. ﻣﺮﺍﺕ ﺍﻟﻠﺰﻡ ﺍﻟﺘﻠﻴﻔﻮﻥ ﻭﺍﺷﻮﻑ ﺍﺳﻼﻡ ﻧﺸﻂ ﺍﻧﺴﻪ ﻧﻔﺴﻲ ﻭﺍﺭﻳﺪ ﺍﺭﺍﺳﻠﻪ ﺑﺲ ﺍﺗﺪﺍﺭﻙ ﺍﻟﻤﻮﻗﻒ ﻭﺍﻃﻠﻊ ﻣﻦ ﺑﺮﻭﻓﺎﻳﻠﻪ ..
ﻣﺮﺕ ﺍﻳﺎﻡ ﺧﻄﺒﺘﻲ ﻛﻠﺶ ﺣﻠﻮﻩ ﻓﺮﺍﺱ ﻛﻠﺶ ﺣﺒﺎﺏ ﻭﻣﺎﻳﻀﻐﻂ ﻋﻠﻴﻪ ﺑﺎﻱ ﺷﻲ
ﻳﺒﺎﻭﻋﻠﻲ ﺑﺤﺐ ﺩﺍﺋﻤﺎ ﻭﺍﺣﺲ ﻧﻈﺮﺍﺕ ﺍﻟﺤﺐ ﺑﻌﻴﻮﻧﻪ ﻣﺎﻟﻬﺎ ﺣﺪﻭﺩ .. ﻧﺰﻟﻨﻲ ﻳﻢ ﺑﻴﺘﻨﻪ
ﻭﻛﻔﺖ ﻳﻢ ﺟﺎﻣﺔ ﺳﻴﺎﺭﺗﻪ ﺍﺣﺠﻲ ﻭﻳﺎ
ﻳﻠﻠﻪ ﺍﻧﺰﻝ ﺍﺗﻐﺪﺍ ﻳﻤﻨﻪ؟
-- ﻻ ﺣﺒﻴﺒﺘﻲ ﻏﻴﺮ ﻣﺮﻩ .
-- ﺍﻭﻛﻲ ﻳﻠﻠﻪ ﺑﺎﻱ ..
ﺣﺮﻙ ﺳﻴﺎﺭﺗﻪ ﺩﺭﺕ ﺍﺭﻳﺪ ﺍﺩﺧﻞ ﻟﺒﻴﺘﻨﺎ ﺷﻔﺖ ﺍﺳﻼﻡ ﻭﺍﻛﻒ ﻳﻢ ﺍﻟﺒﺎﺏ ﻭﻧﻈﺮﺍﺕ ﺍﻻﻟﻢ ﺑﻌﻴﻮﻧﻪ ﺗﺬﺑﺢ .
ﻟﺰﻣﺖ ﻗﻠﺒﻲ ﺟﻔﻠﺖ ﻣﻦ ﺷﻮﻓﺘﻪ
ﺩﺧﻠﺖ ﺑﺲ ﺍﺣﺲ ﺑﺘﺄﻧﻴﺐ ﺍﻟﻀﻤﻴﺮ ﻣﻦ ﺟﻬﻪ ﻭﺟﻬﻪ ﺛﺎﻧﻴﻪ ﺍﻛﻮﻝ ﻫﻮ ﺍﺫﺍﻧﻲ ﻣﺎﺟﻨﺖ ﺍﺭﻳﺪ ﺍﻻﻣﻮﺭ ﺗﻮﺻﻞ ﺍﻟﻬﺎﻟﺤﺎﻝ ﺑﺲ ﻫﻮ ﻏﻠﻂ ﻭﻳﺎﻱ .
ﺩﻋﻴﺖ ﻣﻦ ﺍﻟﻠﻪ ﻳﻨﺴﺎﻧﻲ ﻭﻳﻨﺴﻌﺪ ﻭﻳﺎ ﻫﺠﺮﺍﻥ ﺍﻟﻲ ﺗﺤﺒﻪ ﻣﻦ ﻫﻲ ﻭﺻﻐﻴﺮﺓ ..
ﻳﻮﻡ ﻣﻨﻬﻦ ﺩﺍﻭﻣﺖ ﺍﺟﺘﻨﻲ ﻫﺠﺮﺍﻥ ﻟﻠﻜﻠﻴﺔ
ﺍﺭﻳﺪ ﺍﺳﻠﻢ ﻋﻠﻴﻬﺎ ﺯﻣﺨﺖ ﺑﻮﺟﻬﻲ
ﻫﺠﺮﺍﻥ : ﻣﺎﺗﻮﻗﻌﺘﺞ ﻫﻴﺞ ﺣﻘﻴﺮﺓ ﻭﻧﺬﻟﻪ ﻟﺞ ﺻﺪﻙ ﺍﻟﻌﺮﮒ ﺩﺳﺎﺱ ﺍﻧﺘﻢ ﻃﺒﻌﻜﻢ ﺍﻟﻐﺪﺭ ﻭﺍﻟﺨﻴﺎﻧﺔ ﺍﻣﺞ ﻣﻨﻮﻭ؟؟ .
ﺻﻔﺎ : ﺷﺒﻴﺞ ﻋﻠﻰ ﻛﻴﻔﺞ ﻫﺠﺮﺍﻥ ﻧﺰﻟﺘﻲ ﻋﻠﻴﻪ ﻧﺰﻟﺔ ﻏﻀﺐ ﺷﻤﺴﻮﻳﺔ ﺃﻧﺎ؟
: ﺗﺴﺄﻟﻴﻨﻲ ﺷﻤﺴﻮﻳﺔ ﻭﻟﺞ ﺭﺳﺎﺋﻠﺞ ﺍﻧﺖ ﻭﺍﺳﻼﻡ ﻛﻠﻬﺎ ﻳﻤﻲ ﺣﺘﻰ ﺻﻮﺭﺝ ﻭﺍﻧﺎ ﺍﻋﻠﻤﺞ .
ﻭﺩﺍﺭﺕ ﻭﺟﻬﻪ ﻋﻨﻲ ﺗﺮﻳﺪ ﺗﻤﺸﻲ .
ﺻﺮﺕ ﻣﺤﺘﺎﺭﺓ ﺑﻴﻦ ﻋﺼﺒﻴﺘﻬﺎ ﻭﻧﻈﺮﺍﺕ ﺍﻟﻄﻼﺏ ﺍﻟﻲ ﺑﺪﺃﻭ ﻳﻼﺣﻀﻮﻥ ﻭﺑﻴﻦ ﺗﻬﺪﻳﺪﺍﺗﻬﺎ ﻭﺗﺴﺎﺅﻟﻲ ﻭﺍﻟﺤﻴﺮﺓ ﺷﻮﺻﻠﻬﻢ ﺍﻟﻬﺎ؟ ؟ .
ﺻﺤﺘﻬﺎ ﺑﻬﺪﻭﺀ ﻣﺼﻄﻨﻊ ..
ﺩﺍﺧﻠﻲ ﻳﻐﻠﻲ ﺍﻛﻴﺪ ﺍﺳﻼﻡ ﻛﺎﻳﻞ ﺍﻟﻬﺎ ﻭﺍﻻ ﻣﻨﻮ ﻏﻴﺮﻩ ﺑﺲ ﺷﻮﻥ ﻳﺸﻮﻓﻬﺎ ﻣﺴﺠﺎﺗﻨﻪ ﻣﺎﺟﺎﻱ ﺍﺻﺪﮒ .
ﻫﺠﺮﺍﻥ ﺍﻭﻛﻔﻲ ﺍﻧﺖ ﺷﻨﻮ ﺗﻘﺼﺪﻳﻦ ﻫﺎﺍ؟ﺍﻓﻬﻢ ﻣﻦ ﻛﻼﻣﺞ ﺟﺎﻱ ﺗﻬﺪﺩﻳﻦ؟
.
ﺑﺲ ﻛﺘﻠﺞ ﺍﺣﺐ ﺍﺳﻼﻡ ﺭﺣﺘﻲ ﺳﻮﻳﺘﻲ ﻭﻳﺎ ﻋﻼﻗﺔ ﻟﻌﺪ ﺷﻜﺪ ﺍﺩﺏ ﺳﺰ ﺍﻧﺖ ﺍﻧﺎ ﺍﻋﻠﻤﺞ ﻣﺪﺍﻡ ﻋﻠﻘﺘﻲ ﺑﻴﺞ ﺍﻟﻪ ﺍﺩﻣﺮ ﺣﻴﺎﺗﺞ ..
: ﺍﻧﺖ ﻣﺘﻮﻫﻤﺔ ﺍﻟﺴﺎﻟﻔﺔ ﻫﺎﻱ ﻗﺪﻳﻤﺔ ﻭﺍﺛﻨﻴﻨﻪ ﻏﻠﻄﻨﺎ ﻭﻫﺴﻪ ﺍﻧﺖ ﺍﻟﻪ ﺑﻌﺪ ﻣﺎﻟﻬﺎ ﺩﺍﻋﻲ ﻛﻞ ﻫﺬﺍ .
: ﺑﻌﺪﻳﺶ ﺍﻧﺎ ﺍﻟﻪ ﻭﻟﺞ ﻟﻬﺴﻪ ﻳﺤﺒﺞ ﻭﻣﺘﻌﻠﻖ ﺑﻴﺞ ﺍﻧﺎ ﻭﻻ ﺷﻲ ﺑﺎﻟﻨﺴﺒﺔ ﺍﻟﻪ .
: ﻫﺠﺮﺍﻥ ﺑﺲ ﺍﻓﻬﻤﻴﻨﻲ ﻓﺪﻭﻩ ﺍﻟﺼﺎﺭ ﻏﺼﺒﺎ ﻋﻠﻴﻪ .
: ﺍﺷﺶ ﻭﻻ ﻛﻠﻤﺔ ﺍﻧﺎ ﻣﺎﺍﺩﺭﻱ ﺷﻠﻮﻥ ﺗﻐﺎﺿﻴﺖ ﻋﻦ ﻛﻞ ﺷﻲ ﺗﻮﺗﺮﺝ ﻣﻦ ﺗﺸﻮﻓﻴﻨﻪ ﻧﻈﺮﺍﺗﻪ ﺍﻻﺑﺘﺴﺎﻣﺎﺕ ﺑﻴﻨﻜﻢ ﻭﺑﻜﻞ ﻣﻨﺎﺳﺒﺔ ﻛﻠﻬﺎ ﻣﺎﺣﺴﺒﺖ ﺍﻟﻬﺎ ﺣﺴﺎﺏ ﻣﺎﺗﻮﻗﻌﺘﺞ ﻫﻴﺞ ﺭﺧﻴﺼﺔ ﻋﺒﺎﻟﻲ ﺍﺩﻣﻴﺔ .
: ﻫﺠﺮﺍﻥ ﻣﺎﺍﺳﻤﺢ ﺍﻟﺞ .
: ﺍﺗﺴﻤﺤﻴﻦ ﻭﻟﻪ ﻣﺎﺗﺴﻤﺤﻴﻦ ﺍﻧﺖ ﻣﺜﻞ ﻣﺎﺟﺎﻱ ﺍﻛﻮﻝ .
ﻭﺭﺍﺣﺖ .. ﻇﻠﻴﺖ ﺍﻏﻠﻲ ﻣﺎﺍﻋﺮﻑ ﺷﺴﻮﻱ ..
ﺭﺣﺖ ﻟﻠﺒﻴﺖ ﺑﻌﺪ ﻣﺎﺧﻠﺺ ﺩﻭﺍﻣﻲ . ﻛﻌﺪﺕ ﺑﺎﻟﺤﺪﻳﻘﺔ . ﺍﻧﺘﻈﺮ ﺍﺳﻼﻡ ﻳﺠﻲ ﻭﺍﺣﺎﺟﻲ ﻟﻴﺶ ﻫﻴﺞ ﺳﻮﻩ ﺑﻴﻪ . ﺭﻗﻴﺔ ﻃﺎﺑﻪ ﻭﻃﺎﻟﻌﻪ ﺗﻨﻀﻒ ﻭﺗﺤﻮﺱ ﻭﻛﻞ ﺷﻮﻳﺔ ﺗﺄﺷﺮﻟﻲ ﺗﻌﺎﻱ ﺩﺧﻠﻲ ﺧﻞ ﻧﺘﻐﺪﻩ ﺟﻌﺖ .
ﺍﺷﺮﻟﻬﺎ ﻣﺎﺍﺭﻳﺪ ﻫﺴﻪ .. ﻇﻠﻴﺖ ﺍﻋﻴﺪ ﻧﻔﺲ ﺍﻟﺨﻄﻮﺍﺕ ﺑﺎﻟﺤﺪﻳﻘﺔ ﺭﺍﻳﺤﻪ ﺟﺎﻳﺔ .. ﺍﻻ ﺍﻥ ﺳﻤﻌﺖ ﺻﻮﺕ ﺳﻴﺎﺭﺓ ﻫﺴﻪ ﻭﻗﺖ ﺟﻴﺘﻪ . ﺑﺲ ﻻ ﻳﻄﻠﻊ ﺍﺑﻮﻱ .
ﻃﻠﻌﺖ ﺷﻔﺘﻪ ﻳﺮﻳﺪ ﻳﺪﺧﻞ ﺳﻴﺎﺭﺗﻪ ﻟﻠﮕﺮﺍﺝ ﻣﺎﻝ ﺑﻴﺘﻬﻢ
ﻭﻛﻔﺖ ﻳﻢ ﺳﻴﺎﺭﺗﻪ ﺑﺎﻟﻤﻜﺎﻥ ﺍﻟﻲ ﻛﺎﻋﺪ ﺟﺎﻱ ﻳﺴﻮﻕ ﻭﺍﻃﻞ ﻋﻠﻴﻪ ﻧﺰﻝ ﺍﻟﺠﺎﻣﺔ ﻭﻳﺒﺎﻭﻋﻠﻲ ﺑﻨﻈﺮﺍﺕ ﺗﻜﺎﺩ ﺗﺨﺘﺮﻗﻨﻲ ﻣﻦ ﻗﻮﺗﻬﺎ .
ﺑﻌﺪ ﻟﺤﻈﺎﺕ ﮔﺘﻠﻪ ﻣﺎﺗﻮﻗﻌﺘﻚ ﻫﻴﺞ ﺍﺳﻼﻡ ﺑﻬﺎﻟﻄﺮﻳﻘﺔ ﺗﻨﺘﻘﻢ ﻣﻨﻲ . ؟
ﻓﺘﺢ ﺍﻟﺒﺎﺏ ﻧﺰﻝ ﻣﻦ ﺍﻟﺴﻴﺎﺭﺓ ..
ﮔﺎﻝ ﺷﻜﻮﻭ؟؛
ﺻﻔﺎ .. ﺩﺭﺕ ﻭﺟﻬﻲ ﻋﻨﻪ ﻣﺎﺍﺗﺤﻤﻠﺖ ﺍﺑﺎﻭﻋﻠﻪ ﻭﻱ ﻛﻞ ﻫﺎﻟﻜﻤﻴﺔ ﻣﻦ ﺍﻟﻤﺸﺎﻋﺮ ﻭﺍﻟﻨﻈﺮﺍﺕ ﻋﻄﺮﻩ ﻛﻔﺦ ﺑﺎﻧﻔﺎﺳﻲ ﺗﺬﻛﺮﺕ ﺍﻳﺎﻡ ﺟﻨﺖ ﻗﺮﻳﺒﺔ ﻣﻨﻪ ﻭﻫﺴﻪ ﻟﻐﻴﺮﻩ ﺍﻧﺎ ..
ﮔﺘﻠﻪ ﻭﺍﻧﺎ ﻣﺪﻧﮕﺔ ﻟﻴﺶ ﺣﺠﻴﺖ ﻟﻬﺠﺮﺍﻥ ﻋﻦ ﻋﻼﻗﺘﻨﺎ ﻭﻟﻴﺶ ﻋﺪﻫﺎ ﺳﻜﺮﻳﻨﺎﺕ ﻋﻦ ﺭﺳﺎﺋﻠﻨﺎ ؟
ﺩﺧﻠﻨﻪ ﺟﻮﻩ ﻋﻦ ﺍﻟﺸﺎﺭﻉ .
ﺇﺳﻼﻡ : ﻣﺎﻛﻮ ﻫﻴﺞ ﺷﻲ ..
: ﺑﻠﻪ ﻫﻲ ﮔﻠﺘﻠﻲ ﺍﻟﻴﻮﻡ ﻭﺳﻤﻌﺘﻨﻲ ﺍﺑﺸﻊ ﺍﻟﻜﻠﻤﺎﺕ ﻣﺎﺭﺣﻤﺘﻨﻲ ﻃﻠﻌﺘﻨﻲ ﻓﺪ ﻧﻮﺏ ﻧﻔﺴﻚ ﺑﺎﻟﻀﺒﻂ ﻣﻦ ﺗﺸﺒﻬﻨﻲ ﺑﺎﻣﻲ ﻭﻫﺪﺩﺗﻨﻲ ﺷﺮﺍﺡ ﺗﺴﻮﻱ ﺍﺳﻼﻡ؟ .
: ﻫﻮﻭﻭﻑ ﺍﻫﺪﻱ ﺻﻔﺎ ﻣﺎﺗﮕﺪﺭ ﺗﺴﻮﻱ ﺷﻲ ﻭﺍﺫﺍ ﺷﺎﻓﺘﻬﻢ .
: ﺍﻧﺖ ﻟﻴﺶ ﺗﺸﻮﻓﻬﺎ .
: ﻏﺒﻲ ﺍﻧﺎ ﻭﺍﺷﻮﻓﻬﺎ ﺍﻟﻲ ﺻﺎﺭ ﺑﺎﻟﻐﻠﻂ ﺍﺧﺬﺕ ﺗﻠﻴﻔﻮﻧﻲ ﺗﺨﺎﺑﺮ ﻭﺷﺎﻓﺘﻬﻢ .
: ﻭﺍﻧﺖ ﻟﻴﺶ ﻣﺤﺘﻔﻆ ﺑﻴﻬﻢ ﺍﻟﻬﺴﻪ ﻣﻮ ﺧﻄﺒﺖ ﺑﻌﺪ ﺷﻨﻮ .
: ﺑﻠﻠﻪ ﻫﻮ ﻫﺬﺍ ﺳﺆﺍﻝ؟ ! ﺫﻛﺮﻳﺎﺗﻲ ﻭﺣﺒﻴﺖ ﺍﺣﺘﻔﻆ ﺑﻴﻬﺎ
ﺻﻔﺎ ﺗﻮﺗﺮﺕ ﻛﻠﺶ ﺭﻓﻌﺖ ﺭﺍﺳﻲ ﺑﺎﻭﻋﺖ ﻟﻌﻴﻮﻧﻪ ﺣﺠﻴﺖ ﻭﺗﺮﻭﺡ ﺗﺮﺍﻭﻳﻬﺎ .
ﺍﺳﻼﻡ ﻛﺘﻔﺖ ﺍﺩﻳﻪ ﺛﺒﺘﺖ ﻧﻔﺴﻲ ﺣﺠﻴﺖ : ﻣﺎﻣﺤﺘﺎﺝ ﺍﺑﺮﺭ ﺍﻟﺞ ﺑﺲ ﺷﻮﻓﺔ ﻫﺠﺮﺍﻥ ﻟﻠﺮﺳﺎﺋﻞ ﺟﺎﻧﺖ ﺑﺎﻟﻐﻠﻂ .
ﻟﺤﻈﺎﺕ ﻭﻃﻠﻌﺖ ﺍﻡ ﺍﺳﻼﻡ : ﺍﻧﺖ ﺷﺠﺎﺑﺞ ﻫﻨﺎ ﻭﻟﺞ ﻋﻴﻦ ﺗﺠﻴﻦ ﺑﻌﺪ ﺍﻟﺴﻮﻳﺘﻲ ﺭﻭﺣﻲ ﻳﻠﻠﻪ ﻛﺎﻓﻲ ﺍﻧﺖ ﻣﺎﺗﻤﻠﻴﻦ .
ﺻﻔﺎ : ﻋﻤﻪ ﺍﻧﻪ !
ﺍﺳﻼﻡ ﻣﻘﺎﻃﻌﻬﺎ : ﻳﻤﻤﻤﻤﻪ ﻋﻴﺐ ﻫﺎﻟﺤﺠﻲ ﻻﺗﺤﻜﻤﻴﻦ ﺑﺪﻭﻥ ﻣﺎﺗﻌﺮﻓﻴﻦ ﻛﻞ ﺷﻲ .
ﺍﻡ ﺍﺳﻼﻡ .. ﺧﺘﻮﻟﻲ ﻳﻠﻠﻪ ﻃﻠﻌﻲ ﻣﻨﺎ ..
ﺍﺳﻼﻡ .. ﻳﻴﻴﻴﻤﻪ .
ﺻﻔﺎ . ﻛﻀﺘﻨﻲ ﺍﻟﻌﺒﺮﺓ ﮔﺘﻠﻬﻢ . ﺍﻧﻪ ﻃﺎﻟﻌﻪ ﺑﺲ ﻭﺍﻟﻠﻪ ﺣﺮﺍﻡ ﻋﻠﻴﻚ ﺍﻟﻲ ﺳﻮﻳﺘﻪ ﺑﻴﻪ
.
.
ﺍﺳﻼﻡ
ﺟﺮﻳﺘﻬﺎ ﺣﺴﺮﺓ ﺭﻓﻌﺖ ﺷﻌﺮﻱ ﻟﻴﻔﻮﮒ ﺑﻘﻬﺮ ﺑﺎﻭﻋﺖ ﻻﻣﻲ
ﻳﻤﻪ ﺗﺮﻩ ﻫﺬﺍ ﺍﻟﺤﺠﻲ ﻣﺎﻳﻔﻴﺪ .
ﺍﻡ ﺍﺳﻼﻡ .. ﺷﻌﺪﻫﻪ ﺟﺎﻳﻪ ﻫﻨﺎ ﻫﺎﺍ ﻭﺍﺫﺍ ﺳﻤﻌﺖ ﻫﺠﺮﺍﻥ ﺍﻧﺖ ﻭﺍﻛﻒ ﻳﻤﻬﺎ ﻭﺗﺪﻛﻮﻥ ﻓﺞ ﺷﺴﻮﻱ ﻧﺴﻴﺖ ﺫﺍﻙ ﺍﻟﻴﻮﻡ ﺷﻮﻥ ﺯﻋﻠﺖ؟
ﻋﻔﺖ ﺍﻣﻲ ﻭﺭﻛﻀﺖ ﻟﻠﺘﻠﻴﻔﻮﻥ ﺩﻛﻴﺖ ﺭﻗﻢ ﻫﺠﺮﺍﻥ
ﻧﺘﺮﺕ ﺑﻴﻬﺎ ﺷﻨﻮ ﺍﻟﻲ ﺳﻮﻳﺘﻲ ﺍﻟﻴﻮﻡ؟ ﻭﺍﺣﻨﺎ ﺷﮕﻠﻨﻪ ﻣﻮ ﮔﻠﻨﻪ ﺗﻨﺴﻴﻦ ﻫﺬﺍ ﺍﻟﻤﻮﺿﻮﻉ ﻟﻴﺶ ﺭﺣﺘﻲ ﻟﺼﻔﺎ .
ﻫﺠﺮﺍﻥ .. ﺣﺎﺟﺘﻚ ﺷﮕﺎﻟﺖ ﺑﻠﻠﻪ ﺑﺠﺖ ﻳﻤﻚ ﺷﻜﺘﻠﻚ ﻣﻨﻲ ﻣﻮﻭ؟ ﺷﻜﺪ ﺳﺎﻗﻄﺔ ﻭﻃﺎﻳﺤﺔ ﺣﻆ ﻭﻋﻴﻨﻬﺎ ﻣﺎﺗﻨﻜﺴﺮ ﺑﻌﺪ ﻛﻞ ﻫﺬﺍ ﻭﺭﺟﻌﺖ ﺗﺤﺎﺟﻴﻚ ﻧﺴﺖ ﻫﻲ ﻣﺨﻄﻮﺑﺔ .
ﺍﺳﻼﻡ .. " ﺑﻨﺘﺮ " ﻫﺠﺮﺍﺍﺍﻥ ﺗﺄﺩﺑﻲ ﻭﺍﻟﺴﻜﺮﻳﻨﺎﺕ ﺗﻨﺤﺬﻑ ﻣﻦ ﺟﻬﺎﺯﺝ ﻣﻔﻬﻮﻭﻡ . ؟
: ﻭﺍﺫﺍ ﻣﺎﺣﺬﻓﺘﻬﻦ ﻭﺷﺘﺮﻳﺪ ﺗﺴﻮﻱ ﻫﺎ؟ ﺍﻧﺖ ﺍﺻﻼ ﻣﺎﺗﻜﺪﺭ ﺗﻌﻮﻓﻨﻲ ﻭﻳﻦ ﺗﺤﺼﻞ ﻭﺣﺪﺓ ﻣﺜﻠﻲ ﺍﺫﺍ ﺑﻨﺖ ﺍﻟﻔﮕﺮ ﺻﻔﺎ ﺍﻟﻲ ﺳﺤﻠﺖ ﻧﻔﺴﻚ ﻋﻠﻰ ﻣﻮﺩﻫﺎ ﺭﻓﻀﺘﻚ ﻣﻮ ﺯﻳﻦ ﻣﻨﻲ ﻭﺍﻓﻘﺖ ﻋﻠﻴﻚ .
: ﻫﺎ ﻫﻴﺞ ﻟﻌﺪ ﻣﻮ ؟؟؟ﻭﻟﺞ ﺷﻌﺒﺎﻟﺞ ﻣﻴﺖ ﻋﻠﻴﺞ ﺧﻄﺒﺘﺞ ﻟﺨﺎﻃﺮ ﻋﻤﻲ ﻟﺢ ﻋﻠﻴﻪ ﺑﺲ ﺍﻧﺖ ﻣﻮ ﻣﺎﻝ ﺍﺣﺘﺮﺍﻡ ﺩﻭﻟﻲ ﻭﺍﺣﺴﺒﻲ ﻛﻠﺸﻲ ﺍﻧﺘﻬﻰ ﺻﺒﺮﺕ ﻋﻠﻴﺞ ﻫﻮﻭﺍﻱ ﺑﺲ ﺍﻧﺖ ﻭﺟﻪ ﻓﮕﺮ ﻭﻣﺎﺷﺎﻳﻔﺔ ﻣﻦ ﻫﺬﺍ ﺣﺠﻴﺞ ﻭﺍﻧﺎ ﻣﺎﻳﺸﺮﻓﻨﻲ ﺍﺭﺗﺒﻂ ﺑﻮﺣﺪﺓ ﻣﺜﻠﺞ ﻭﻳﻠﻠﻪ ﻭﻟﻲ .
---------
ﺳﻤﻴﺔ ..
ﻣﺮﺕ ﻛﻢ ﻳﻮﻡ ﻭﺍﻣﺎﻥ ﻻ ﺧﺎﺑﺮ ﻭﻻ ﺳﺄﻝ ﻭﻻﺍﻧﺎ ﻫﻤﻴﻦ ﺑﺲ ﮔﻠﺒﻲ ﻣﺜﻞ ﺍﻟﻨﺎﺭ ﻋﻠﻴﻪ ﺍﺭﻳﺪ ﺍﺣﺎﺟﻲ ﺗﻌﻠﻘﺖ ﺑﻲ ﻭﻻﺟﺎﻱ ﺍﺗﺼﻮﺭ ﺣﻴﺎﺗﻲ ﺑﺪﻭﻧﻪ ..
ﺩﺍﻭﻣﺖ ﻭﺍﺩﻭﺭﻩ ﺑﻴﻦ ﺍﻟﻄﻼﺏ ﻭﻫﻮ ﻣﺎﻛﻮ ﺍﺻﻼ ﺑﻌﺪﻩ ﻣﺎﺭﺟﻊ ﻟﻠﺒﺼﺮﺓ ..
ﺻﺮﺕ ﻛﻠﺶ ﻣﺎﺍﻃﻴﻖ ﺍﺣﺪ ﻭﺑﺲ ﺍﺗﻌﺎﺭﻙ .
ﺗﻌﺎﺭﻛﺖ ﻭﻱ ﺍﻳﺜﺎﺭ ﻭﺯﻳﻨﺔ ﻭﺯﺍﻋﻠﻮﻧﻲ ﻭﺗﻜﺘﺮﻭﺍ ﻋﻨﻲ .
ﺍﻧﺼﺎﻑ ﻭﺍﮔﻌﻪ ﺑﺎﻟﺤﺐ ﻭﻱ ﺍﻣﻴﺮ ﻭﻗﻠﻤﺎ ﻧﻠﺘﻘﻲ ..
ﺻﺮﺕ ﻣﺜﻞ ﺍﻟﻤﺨﺒﻠﺔ ﺑﺲ ﺍﻫﻮﻣﺶ ﻭﻳﺎ ﻳﺎﻫﻮﻩ ﺍﻟﺠﺎﻥ .
ﺍﺭﻳﺪ ﺑﺲ ﺣﺠﺔ ﺍﺣﺠﻲ ﻭﻳﺎ ﺍﻣﺎﻥ ﻣﺎﻛﻮ
ﻣﻴﺔ ﻣﺮﺓ ﺍﻃﺐ ﻋﻠﻰ ﻣﺤﺎﺩﺛﺎﺗﻪ ﻭﺍﻗﺮﺍﻫﻦ
ﺻﺮﺕ ﺍﻗﺮﺍﻫﻦ ﺍﻛﺜﺮ ﻣﻦ ﻣﻼﺯﻣﻲ .
ﻇﻞ ﻋﻘﻠﻲ ﻳﺨﺘﻠﻖ ﺣﻮﺍﺭﺍﺕ ﻭﻳﺎ ﻭﺍﺣﺠﻲ ﻭﻱ ﻧﻔﺴﻲ .
ﻭﺍﺣﺴﺒﻬﺎ ﻫﻮ .
ﺭﺟﻌﺖ ﻣﻦ ﺍﻟﺪﻭﺍﻡ ﻫﻠﻜﺎﻧﻪ ﺩﺧﻠﺖ ﻟﻠﺒﻴﺖ ﺷﻔﺖ ﺭﻗﻴﺔ ﺗﺄﺷﺮﻟﻲ ﺑﺪﻣﻮﻉ ﻋﻠﻰ ﺍﻟﺨﺪ ﺑﺎﻭﻋﺘﻠﻬﺎ ﻣﺎﻛﻮ ﻣﺎﺟﺎﻱ ﺗﺒﺠﻲ
ﺩﺧﻠﺖ ﻟﻠﻐﺮﻓﺔ ﺷﻔﺖ ﺻﻔﺎ ﺟﺎﻱ ﺗﺒﺠﻲ
ﺑﻠﺤﻈﺘﻬﺎ ﺍﻓﺘﻬﻤﺖ ﺍﺷﺎﺭﺍﺕ ﺭﻗﻴﺔ .
ﺗﻘﺼﺪ ﺻﻔﺎ ﺍﻟﻲ ﺟﺎﻱ ﺗﺒﺠﻲ .
ﺭﺣﺖ ﻳﻤﻬﺎ ..
ﻛﻌﺪﺕ ﺑﻌﺪﻫﺎ ﺑﻤﻼﺑﺲ ﺍﻟﺪﻭﺍﻡ
ﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻬﺎ
ﻫﺎﺍ ﺻﻔﺎﻭﻱ ﺷﺒﻴﺞ ﺧﻴﺮﺝ؟ !
ﺭﻓﻌﺖ ﺭﺍﺳﻬﺎ ﺗﻨﺤﺐ ﻭﺗﺒﺠﻲ ..
ﺻﻔﺎ : ﺣﺠﻴﺘﻠﻬﺎ ﻛﻞ ﺍﻟﻲ ﺻﺎﺭ .
ﺳﻤﻴﺔ .. ﺍﻧﺘﻔﻀﺖ ﻣﻦ ﻣﻜﺎﻧﻲ ﺍﻭﻭﻭ ﺍﺣﻨﺎ ﻣﺎﺭﺍﺡ ﻧﺨﻠﺺ ﻣﻦ ﻫﺎﻱ ﺍﻟﺴﻴﺮﺓ؟ ﻭﺑﻌﺪﻳﻦ ﺍﻧﺖ ﻟﻴﺶ ﺧﺎﻳﻔﺔ ﻭﺗﺒﺠﻲ ﺷﺘﺮﻳﺪ ﺗﺴﻮﻱ ﻣﺜﻼ؟
ﺻﻔﺎ : ﺧﺎﻑ ﺗﻮﺻﻠﻬﺎ ﺍﻟﻔﺮﺍﺱ .
ﺳﻤﻴﺔ : ﺷﻴﻮﺻﻠﻬﺎ ﺍﻟﻪ ﻣﻨﻴﻦ ﺗﻌﺮﻑ ﺭﻗﻤﻪ .
ﺻﻔﺎ : ﻳﺎﻏﺒﻴﺔ ﺗﺪﺧﻞ ﻉ ﺍﻟﻔﻴﺲ ﻭﺗﻄﻠﻌﻪ ﻣﻦ ﺍﺻﺪﻗﺎﺋﻲ .
ﺳﻤﻴﺔ .. ﺭﺣﺖ ﻋﻠﻰ ﺳﺮﻳﺮﻱ ﮔﻠﺖ ﺍﻭﻭﻭ ﻭﺗﺄﻓﺄﻓﺖ
ﻛﺘﻠﻬﺎ ﻣﻌﻘﻮﻟﺔ ﺗﺴﻮﻳﻬﺎ ﺯﻳﻦ ﺷﻮﻥ ﻃﺎﺣﺖ ﺑﺎﻟﺮﺳﺎﻳﻞ .
ﺻﻔﺎ .. ﺍﺳﻼﻡ ﻳﻜﻮﻝ ﺟﺎﻱ ﺗﺨﺎﺑﺮ ﺑﺘﻠﻴﻔﻮﻧﻪ ﻭﺷﺎﻓﺘﻬﻦ ﻣﻌﻘﻮﻟﺔ ﻳﺤﺠﻲ ﺻﺪﻙ .
.. ﺍﻱ ﻃﺒﻌﺎ ﺧﻮ ﻣﺎﻳﺮﻭﺡ ﻳﺮﺍﻭﻳﻬﺎ ﺧﺎﻑ ﻫﻲ ﺷﺎﻛﻪ ﻭﻣﺨﻄﻄﻪ ﺍﻟﻜﻞ ﺷﻲ ﺣﻘﻴﺮﺓ ﻫﺎﻱ ﻛﻞ ﺷﻲ ﺗﺴﻮﻱ .
.. ﺳﻤﻴﺔ ﺷﻠﻮﻥ ﺩﺑﺮﻳﻨﻲ ﻋﻔﻴﺔ .
ﺳﻤﻴﺔ .. ﻧﺰﻋﺖ ﺟﻮﺍﺭﻳﺒﻲ ﻭﺷﻤﺮﺕ ﻧﻔﺴﻲ ﻉ ﺍﻟﺴﺮﻳﺮ ﻋﻠﻰ ﻇﻬﺮﻱ ﺗﻤﺪﺩﺕ ﮔﺘﻠﻬﺎ ﻭﺍﻧﺖ ﺷﺒﻴﺞ ﺧﺎﻳﻔﺔ ﻋﻠﻰ ﻓﺮﻭﺳﻲ ﻻﺗﺨﺎﻓﻴﻦ ﻳﺮﻭﺡ ﻧﻌﺎﻝ ﻋﺘﻴﮓ ﻳﺠﻲ ﺍﺟﺪﺩ ﻣﻨﻪ .
.
ﻟﺞ ﻧﺠﺒﻲ ﻻﺀ ﻣﻮ ﻫﻴﺞ ﻭﺑﺲ ﺧﺎﻑ ﺗﻮﺻﻞ ﻟﻌﻤﻲ ﻭﺍﺑﻮﻱ ﻭﺗﺪﺭﻳﻦ ﺍﺣﻨﻪ ﻣﺎﻧﺎﻗﺼﻴﻦ ﺣﺠﻲ .
.. ﺍﻱ ﻋﻴﻨﻲ ﺍﻟﻤﺒﻠﻞ ﻣﺎﻳﺨﺎﻑ ﻣﻦ ﺍﻟﻤﻄﺮ ﻓﺎﺍﻧﺖ ﻻﺗﺨﺎﻓﻴﻦ ﻫﻤﻴﻨﻪ ﺍﺣﻨﻪ ﻣﺒﻠﻠﻴﻦ ﻣﻦ ﺳﻮﺍﻟﻒ ﺍﻣﻨﺎ .
.. ﺍﻧﺖ ﺷﺒﻴﺞ ﺳﻤﻴﺔ ﺷﻬﺎﻟﺒﺮﻭﺩ ﻫﺬﺍ ﺍﻟﻌﻨﺪﺝ ﻟﺞ ﺍﻧﻪ ﺻﺎﻳﺮﺓ ﻧﺎﺭ ﻛﺒﺮﺓ ﻭﺍﻧﺖ ﻗﺎﻟﺐ ﺛﻠﺞ .
ﺳﻤﻴﺔ .. ﺍﺷﺮﺗﻠﻬﺎ ﺑﺘﻌﺐ ﻭﺍﻧﻜﻠﺒﺖ ﺻﻔﺢ ﻭﺧﻠﻴﺖ ﺍﻟﻤﺨﺪﺓ ﻋﻠﻰ ﺭﺍﺳﻲ ﻭﻓﻜﺮﻱ ﻛﻠﻪ ﻳﻢ ﺍﻣﺎﻥ ﻣﺎﻛﻮ ﺷﻲ ﺷﺎﻏﻞ ﺑﺎﻟﻲ ﻏﻴﺮﻩ ﺻﺎﺭ ﻫﻮ ﻛﻞ ﺩﻧﻴﺘﻲ ﻭﮔﻠﺒﻲ ﻣﻮﺭﻡ ﻣﻦ ﻭﺭﺍﻩ ﺍﺭﻳﺪ ﺍﺷﻮﻑ ﻟﺸﻮﻛﺖ ﻳﺒﻘﻰ ﻣﺎﻳﺮﺍﺳﻠﻨﻲ ﻭﻣﻨﻮ ﻣﻦ ﻋﺪﻧﻪ ﺍﻟﻲ ﺭﺍﺡ ﻳﺘﻨﺎﺯﻝ ﻭﻳﺒﺎﺩﺭ ﻭﻳﺨﺎﺑﺮ ﻭﻳﺴﺄﻝ ﻣﻨﻮ ﻣﻦ ﻋﺪﻧﻪ ﺭﺍﺡ ﻳﻜﺴﺮ ﻏﺮﻭﺭﻩ ﻭﻛﺒﺮﻳﺎﺋﻪ .
----- ﻣﻨﺎﺿﻞ .. ﺳﻤﻌﺖ ﺷﺮﻁ ﻋﻤﻲ ﺍﻳﻮﺏ ﻣﻦ ﻋﻤﺘﻲ ﺯﻳﻨﺐ ﻭ ﮔﻌﺪﺕ ﺍﻛﻞ ﺑﺮﻭﺣﻲ ﺟﻬﺎﻟﻲ ﻛﺪﺍﻡ ﻋﻴﻨﻲ ﻳﻠﻌﺒﻮﻥ ﺍﻻﺀ ﺻﺎﻳﺮﻩ ﻧﺎﺩﺭﺓ ﻭﺣﺒﺎﺑﺔ ﺑﺲ ﻓﺮﺣﺘﻲ ﻧﺎﻗﺼﺔ ﻣﺎﺗﻜﻤﻠﻬﺎ ﺍﻻ ﺭﻗﻴﺔ
ﺍﻟﺒﺮﻳﺌﺔ ﺍﻟﻠﻄﻴﻔﺔ ﺗﻌﻮﺩﺕ ﻋﻠﻴﻬﺎ ﻛﻠﺶ ﺿﺤﻜﺘﻬﺎ ﻣﺎﺗﻔﺎﺭﮒ ﺧﻴﺎﻟﻲ ﺍﺑﺪ .
ﺍﺟﺖ ﺍﻻﺀ ﺗﻤﺴﺪ ﻋﻠﻰ ﻇﻬﺮﻱ ﻭﺗﻠﻌﺐ ﺑﺸﻌﺮﻱ
ﺣﺒﻴﺒﻲ ﻻﺗﺮﺟﻌﻬﺎ ﻟﺮﻗﻴﺔ ﻭﻻﺗﻬﺘﻢ ﻫﺎﻱ ﺍﻧﻲ ﻳﻤﻚ ﺑﻌﺪ ﺍﻟﻤﻦ ﻣﺮﺟﻌﻬﺎ ﻭﻓﻄﻮﻡ ﻣﺎﺗﺮﻳﺪﻩ ﻻﺑﻮﻫﺎ ﺷﻠﻚ ﺑﻴﻬﺎ .
ﻣﻨﺎﺿﻞ .. ﻭﺧﺮﺕ ﺍﻳﺪﻫﺎ .. ﮔﺘﻠﻬﺎ ﺻﺢ ﺗﺰﻭﺟﺘﻬﺎ ﻋﻤﻮﺩ ﻏﺎﻳﺔ ﺑﺲ ﺣﺒﻴﺘﻬﺎ ﻭﻭﺟﻮﺩﻫﺎ ﻳﻤﻲ ﻣﻬﻢ ﺭﺍﻳﺪﻫﺎ ﻣﺮﺗﻲ ﻫﺎﻱ ﻭﻣﺎﺗﺴﺪﻳﻦ ﻣﻜﺎﻧﻬﺎ ﺗﺮﻩ ﻫﺎﺍ ﻣﺎﺍﻧﺴﻰ ﺗﺮﻛﺘﻴﻨﻲ ﺑﺎﺻﻌﺐ ﺍﻟﻀﺮﻭﻑ ﻣﺎﺟﺎﻱ ﺍﮔﺪﺭ ﺍﻧﺴﻰ .
: ﻋﺪ ﻋﻴﻨﺎﻙ ﺍﻧﻲ ﺑﺲ ﮔﻮﻭﻟﻲ ﺷﺘﺮﻳﺪ ﺍﺳﻮﻳﻠﻚ ﻭﻃﻠﮕﻬﺎ ﻭﺍﻟﻠﻪ ﺍﻭﻋﺪﻙ ﺍﻣﺸﻲ ﻣﺜﻞ ﺍﻟﺴﺎﻋﺔ ﻭﻣﺎﺍﻛﺮﺭ ﺍﻟﻲ ﺳﻮﻳﺘﻪ .
ﻣﻨﺎﺿﻞ .. ﺳﻜﺘﺖ ﻋﻔﺘﻬﺎ ﻭﻃﻠﻌﺖ ﻣﻦ ﺍﻟﻐﺮﻓﺔ ﺭﺣﺖ ﻟﻠﻬﻮﻝ ﻭﻛﺖ ﻣﻐﺮﺏ ﺍﻣﻲ ﺑﻌﺪﻫﺎ ﺑﻤﻼﺑﺲ ﺍﻟﺼﻼﺓ
ﻓﺎﻃﻤﻪ ﻫﺴﻪ ﺗﻮﻫﺎ ﻣﺨﻠﺼﺔ ﺻﻼﺓ ﻭﺟﺎﻱ ﺗﻄﻮﻱ ﺍﻟﺴﺠﺎﺩﺓ .
ﻛﻌﺪﺕ ﻋﻠﻰ ﺍﻟﻜﺮﻭﻳﺘﻪ . ﮔﺘﻠﻬﺎ ﻓﺎﻃﻤﺔ ﺍﻳﻮﺏ ﺧﻮﺵ ﺯﻟﻤﺔ ﺗﺮﻩ ﻭﻣﺎﻳﺠﻴﺞ ﺍﺣﺴﻦ ﻣﻨﻪ ﺍﻧﻪ ﺟﺎﻱ ﺍﺣﺠﻲ ﺍﻟﻤﺼﻠﺤﺘﺞ ﺗﺮﻩ .
ﻓﺎﻃﻤﺔ : ﺧﻮﺵ ﻭﺍﻟﻠﻪ ﻛﻠﻤﻦ ﻳﺪﻭﺭ ﻣﺼﻠﺤﺘﻪ ﻋﻠﻰ ﺣﺴﺎﺑﻲ
ﺧﺼﻢ ﺍﻟﺤﺠﻲ ﻣﺎﺍﺭﻳﺪﻩ ﻣﺼﻠﺤﺠﻲ ﻳﺒﺪﻱ ﻣﺼﻠﺤﺘﻪ ﻋﻠﻰ ﺣﺴﺎﺏ ﺑﻨﺘﻪ ﻭﺍﻧﺖ ﻫﻢ ﻣﺜﻠﻪ ﻣﺎﺗﺨﺘﻠﻔﻮﻥ ﻋﻦ ﺑﻌﺾ .
ﺍﻡ ﻣﻨﺎﺿﻞ : ﻳﻤﻪ ﻓﻄﻮﻡ ﺗﺮﻩ ﻟﻬﺴﻪ ﻣﺤﺪ ﺍﺟﺎﺝ ﺍﺣﺴﻦ ﻣﻨﻪ
ﻻ ﻋﻨﺪﻩ ﺟﻬﺎﻝ ﺗﺤﺘﺎﺭﻳﻦ ﺑﻴﻬﻢ ﻭﺗﺮﺑﻴﻨﻬﻢ ﻭﺗﻌﺒﻴﻦ ﻋﻠﻴﻬﻢ ﺑﻨﺎﺗﻪ ﻛﺒﺎﺭ ﻭﺫﻳﺞ ﻫﻢ ﺭﺍﺡ ﺗﺘﺰﻭﺝ ﺗﺒﻘﻰ ﺑﺲ ﻭﺣﺪﻩ ﻭﻫﻢ ﻳﺠﻴﻬﺎ ﻧﺼﻴﺐ ﻭﺗﻄﻠﻊ ﺍﺣﺴﻦ ﻣﻦ ﺍﻟﻲ ﺧﻄﺒﻮﺝ ﻋﺪﻫﻢ ﺩﺭﺍﺯﻥ ﺟﻬﺎﻝ ﻫﺬﺍ ﺍﺣﺴﻨﻠﺞ ﻳﻤﻪ .
ﻓﺎﻃﻤﺔ : ﻫﻴﻪ ﻣﻮ ﻣﺴﺄﻟﺔ ﺟﻬﺎﻝ ﻭﺍﺗﻌﺐ ﻭﺍﺭﺑﻲ ﺍﻧﻪ ﺣﻀﻲ ﻓﻜﺮ ﻭﻧﺤﺲ ﻭﻋﺎﺛﺮ ﻭﺍﺩﺭﻱ ﺑﻲ .
ﺍﻡ ﻣﻨﺎﺿﻞ : ﻳﻤﻪ ﻟﻴﺶ ﺗﻨﺪﺑﻴﻦ ﺣﻀﺞ ﺍﻟﻲ ﺻﺎﺭ ﻛﻠﻪ ﻗﻀﺎﺀ ﻭﻗﺪﺭ ﺷﺴﻮﻳﻦ ﺑﻌﺪ ﺫﺍﻙ ﻣﺎﺕ ﺍﻟﻠﻪ ﻳﺮﺣﻤﻪ ﻣﻜﺘﻮﺑﻠﻪ ﻳﻤﻮﺕ ﺑﻬﺎﻟﻴﻮﻡ ﻭﺍﻟﻤﻜﺘﻮﺏ ﻋﻠﻰ ﺍﻟﺠﺒﻴﻦ ﻻﺯﻡ ﺗﺸﻮﻓﻪ ﺍﻟﻌﻴﻦ ﺍﺗﺰﻭﺟﻲ ﻳﺒﻨﻴﺘﻲ ﻣﺤﺪ ﺩﺍﻳﻢ ﺍﻟﺞ ﻻﺍﻧﻪ ﻭﻻﺍﺧﻮﺝ ﻭﻻﺍﺣﺪ ﺍﺗﺰﻭﺟﻲ ﺧﻠﻔﻴﻠﺞ ﻃﻔﻞ ﻃﻔﻠﻴﻦ ﻳﻔﻴﺪﻭﻧﺞ ﻟﻜﺒﺮﺗﺞ .
ﻓﺎﻃﻤﺔ ﺑﺤﺰﻥ : ﻣﺎﺍﺭﻳﺪ ﺍﻋﻢ ﻉ ﺍﻟﺮﺟﺎﻝ ﻭﺍﻣﻮﺗﻪ ﻭﺑﻨﺎﺗﻪ ﻣﺤﺘﺎﺟﺎﺕ ﺍﻟﻪ .
ﻣﻨﺎﺿﻞ : ﺷﺴﺎﻟﻔﺔ ﺗﻤﻮﺗﻴﻨﻪ ﻗﺎﺑﻞ ﺍﻧﺖ ﻋﺰﺭﺍﺋﻴﻞ .
ﺍﻡ ﻣﻨﺎﺿﻞ : ﻣﺎﻳﺪﻭﻡ ﺍﻟﻪ ﻭﺟﻬﻪ ﺳﺒﺤﺎﻧﻪ ﻭﺗﻌﺎﻟﻰ ﻣﺤﺪ ﻣﺎﻳﻤﻮﺕ ﺑﺲ ﻛﻠﻤﻦ ﺑﻴﻮﻣﻪ ﻻﻳﺘﻘﺪﻡ ﻭﻻﻳﺘﺄﺧﺮ ﻭﺍﻧﺖ ﻣﺆﻣﻨﺔ ﻭﺩﺍﺭﺳﺔ ﻭﻣﺜﻘﻔﺔ ﻭﺗﻌﺮﻓﻴﻦ ﻫﺎﻟﺸﻲ ﺍﻛﺜﺮ ﻣﻨﻲ ﺍﻧﺎ ﺍﻻﻣﻴﺔ ﺍﻟﺠﺎﻫﻠﺔ ﺧﻮ ﻣﺎﺍﻛﻌﺪ ﺍﻋﻠﻤﺞ .
: ﻻ ﺣﺸﺎﺝ ﻳﻤﻪ ﺷﻜﺪ ﻣﺎﺍﺩﺭﺱ ﻭﺍﻛﺒﺮ ﺗﺒﻘﻴﻦ ﺍﻧﺖ ﺍﻓﻬﻢ ﻣﻨﻲ ﺑﺲ ﺗﺪﺭﻳﻦ ﺑﻴﻪ ﺷﻜﺪ ﺗﻌﺒﺖ ﻣﻦ ﻣﺎﺕ ﺻﺒﺎﺡ ﻭﺷﻜﺪ ﺣﺼﻠﺖ ﺣﺠﻲ ﻭﺷﻜﺪ ﺳﻤﻌﺖ ﻭﺑﻠﻌﺖ ﻭﻛﺘﻤﺖ ﺣﺪ ﻣﺎ ﺍﺛﺮﺕ ﻋﻠﻰ ﻧﻔﺴﻴﺘﻲ .
ﻣﻨﺎﺿﻞ : ﻳﺎﺧﻮﻳﺔ ﻟﻌﺪ ﺍﻧﺖ ﺷﻮﻥ ﻣﻌﻠﻤﺔ ﻭﻣﺮﺑﻴﺔ ﺍﺟﻴﺎﻝ ﺍﻟﻤﻔﺮﻭﺽ ﺍﻟﻤﻔﺮﻭﺽ ﺗﺄﻣﻨﻴﻦ ﺑﺎﻟﻘﻀﺎﺀ ﻭﺍﻟﻘﺪﺭ ﻭﻣﺎﺗﻬﺘﻤﻴﻦ ﻟﻜﻼﻡ ﺍﻟﻨﺎﺱ ﻭﺍﻟﺠﻬﻼﺀ ﻣﻨﻬﻢ ﺧﺎﺻﺔ .
ﺑﻌﺪ ﻟﺤﻈﺎﺕ ﺻﻤﺖ ..
ﻓﺎﻃﻤﺔ ﻭﺑﺎﺳﺘﺴﻼﻡ .. ﺧﻮﻳﻪ ﺍﺑﻮ ﺳﺮﻯ ﺭﺟﻊ ﻣﺮﺗﻚ ﺗﺴﺘﺎﻫﻞ ﺭﻗﻴﺔ ﻻﻥ ﺍﺩﺭﻱ ﺑﻴﻚ ﺗﺤﺒﻬﺎ ﻭﺩﺯﻟﻬﻢ ﺧﺒﺮ ﻣﻮﺍﻓﻘﺘﻲ ﻋﻠﻰ ﺍﻟﺨﻄﻮﺑﺔ .
-------
ﺻﻔﺎ .. ﺻﺎﺩﻑ ﻳﻮﻡ ﺟﻤﻌﺔ ﻭﻣﺎﻛﻮ ﺩﻭﺍﻡ ﺧﺎﺑﺮﻧﻲ ﻓﺮﺍﺱ ﻭﺻﻮﺗﻪ ﻏﺮﻳﺐ ﻣﺰﻋﻮﺝ ﻭﻣﺘﻮﺗﺮ .
ﮔﺎﻝ ﺻﻔﺎ ﺍﺭﻳﺪ ﺍﺷﻮﻓﺞ ﺗﮕﺪﺭﻳﻦ ﺗﻄﻠﻌﻴﻦ .
ﺧﻴﺮ ﻓﺮﺍﺱ ﺷﺼﺎﻳﺮ .
ﺍﺭﻳﺪ ﺍﺷﻮﻓﺞ ﻋﻨﺪﻱ ﻣﻮﺿﻮﻉ ﻭﻳﺎﺝ .
ﺻﻔﺎ .. ﻗﻠﺒﻲ ﻇﻞ ﻳﻠﻌﺐ ﺍﻭﻝ ﻣﺮﺓ ﻳﺤﺎﺟﻴﻨﻲ ﺑﻬﻴﺞ ﻟﻬﺠﺔ .
ﺑﺲ ﻻﺯﻡ ﺍﺭﻭﺡ ﺍﺷﻮﻑ ﺷﻜﻮ .
ﺧﺎﺑﺮﺕ ﺍﺑﻮﻱ ﻃﻠﺒﺖ ﻣﻨﻪ ﺍﻻﺫﻥ
ﻛﺎﻝ ﺭﻭﺣﻲ ﺑﺲ ﻻﺗﺘﺄﺧﺮﻳﻦ .
ﺭﺣﺖ ﺑﺪﻟﺖ ﻣﻜﻴﺠﺖ ﻭﻃﻠﻌﺖ ﺑﺎﻟﻄﺎﺭﻣﺔ ﺍﻧﺘﻈﺮ ﻓﺮﺍﺱ
ﺳﻤﻌﺖ ﻫﻮﺭﻥ ﻭﺗﺮﻣﻴﺸﺔ ﻋﻠﻰ ﻣﻮﺑﺎﻳﻠﻲ
ﺗﺎﻛﺪﺕ ﻣﻨﻪ ﺍﺟﻪ .
ﺭﺣﺘﻠﻪ ﺑﺮﻩ .. ﺷﻔﺘﻪ ﺟﺎﻱ ﺑﺴﻴﺎﺭﺓ ﺍﺧﻮ ﺻﻐﻴﺮﺓ ﻛﻮﺭﻻ .
ﺻﻌﺪﺕ ﻭﻳﺎ ﺳﻠﻤﺖ ﻋﻠﻴﻪ ﺭﺩ ﺑﺜﮕﻞ .
ﺣﺮﻙ ﺍﻟﺴﻴﺎﺭﺓ .
ﺳﺄﻟﺘﻪ ﺑﺤﻴﺮﺓ ﻭﺗﻮﺗﺮ ﮔﻠﺒﻲ ﺣﺎﺱ ﺑﺸﻲ
: ﺧﻴﺮ ﻓﺮﺍﺱ ﺻﺎﻳﺮ ﺷﻲ ﺳﺎﻣﻊ ﺷﻲ .
ﻣﺎﺣﺠﻪ ﺳﺤﺐ ﺗﻠﻴﻔﻮﻧﻪ ﻣﻦ ﺟﻴﺒﻪ ﻓﺘﺤﻪ ﻭﻇﻞ ﻳﺪﻭﺱ ﺑﻲ ﻫﻮ ﻭﻳﺴﻮﻕ
ﺧﻼﻩ ﻋﻠﻰ ﺭﺟﻠﻴﻪ
ﻛﺎﻝ ﻫﺎﺝ ﺷﻮﻓﻲ ﻫﺎﻱ ﺍﻟﺴﻜﺮﻳﻨﺎﺕ ﺍﻟﻲ ﻭﺻﻠﺘﻨﻲ ﻋﻨﺞ ..
ﺍﻧﺼﺪﻣﺖ ﻳﻌﻨﻲ ﺳﻮﺗﻬﺎ ﻫﺠﺮﺍﻥ ﻭﻭﺻﻠﺘﻠﻪ ﻳﺎﺭﺑﻲ ﺷﺴﻮﻱ ﻫﺴﻪ ..
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق