رواية غرام وانتقام ج2 الجزء الثالث
للكاتب كرار الكرادي
.
.
ﺍﺯﻝ ﻓﻲ ﺑﻴﺘﻬﺎ ﻣﻊ ﺍﺑﻨﻬﺎ ﺗﻼﻋﺒﻪ ﻓﻲ ﺍﻟﻌﺎﺑﻪ ﻳﺮﻥ ﻫﺎﺗﻔﻬﺎ ﺯﻭﺟﻬﺎ ﻳﺘﺼﻞ ....
ﺗﺮﺩ ﻗﺎﺋﻠﻪ : ﻧﻌﻢ ﺣﺒﻴﺒﻲ
ﺯﻭﺟﻬﺎ : ﺍﻧﺘﻲ ﺑﺎﻟﺒﻴﺖ
ﺍﺯﻝ : ﺍﻱ ﺣﺒﻴﺒﻲ ﺧﻴﺮ
ﺯﻭﺟﻬﺎ : ﻣﺎﺍﻋﺮﻑ ﺷﻜﻠﺞ
ﺍﺯﻝ ﻋﻼﻣﺎﺕ ﺍﻟﻘﻠﻖ ﻭﺍﻟﺨﻮﻑ ﺗﻈﻬﺮ ﻋﻠﻰ ﺻﻮﺗﻬﺎ : ﺍﺣﻤﺪ ﻛﻮﻝ ﺷﻜﻮ ﺻﺎﻳﺮ ﺗﺮﻯ ﻗﻠﻘﺖ
ﺯﻭﺟﻬﺎ : ﺍﺑﻮﺝ
ﺍﺯﻝ : ﺷﺒﻲ ﺑﺎﺑﺎ
ﺯﻭﺟﻬﺎ : ﻟﻜﻮﺍ ﻛﺪﺍﻡ ﺑﺎﺏ ﺍﻟﻤﺴﺘﺸﻔﻰ ﻣﻘﺘﻮﻝ
ﺍﺯﻝ : ﺷﻨﻮﻭﻭﻭ ﺑﺎﺑﺎ ( ﻳﺴﻘﻂ ﺍﻟﻬﺎﺗﻒ ﻣﻦ ﻳﺪﻫﺎ ﻭﺗﺴﻘﻂ ﺍﺭﺿﺎ ﺣﺎﺋﺮﻩ ﻭﻣﺼﺪﻭﻣﻪ )
ﺯﻭﺟﻬﺎ : ﺍﻟﻮ ﺍﺯﻝ ﺍﺯﻝ ﺍﻟﻮ ، ﺍﻧﻲ ﺭﺍﺡ ﺍﺭﻭﺡ ﻟﻠﺒﻴﺖ ﻭﺍﻧﺘﻪ ﻛﻤﻞ ﺍﻹﺟﺮﺍﺀﺍﺕ ( ﺗﺤﺪﺙ ﻣﻊ ﺍﺣﺪ ﺍﻟﺤﺮﺱ )
( ﺑﻴﺖ ﻓﺎﺩﻳﻪ )
ﻓﺎﺩﻳﻪ : ﻛﺎﻥ ﺍﻟﻤﺮﻭﺽ ﻣﺘﻠﻄﺦ ﺍﻳﺪﻙ ﺑﺎﻟﺪﻡ ﻭﺟﺎﻥ ﺍﺗﻔﺎﻗﻨﻪ ﻋﻠﻰ ﻫﺬﺍ ﺍﻷﺳﺎﺱ
ﺳﺠﺎﺩ : ﺻﺎﺭ ﺍﻟﻲ ﺻﺎﺭ ﻭﻣﺎﺗﻤﺎﻟﻜﺖ ﻧﻔﺴﻲ ﻻﻥ ﺷﻔﺖ ﻋﺬﺍﺑﻲ ﻭﻗﻬﺮﻱ ﻭﺩﻣﻮﻋﻲ ﻭﻣﻮﺕ ﺍﻣﻲ ﺑﻌﻴﻮﻧﻪ
ﻓﺎﺩﻳﻪ : ﺍﺯﻝ ، ﺷﻠﻮﻥ ﺣﺎﻟﻬﺎ ﻫﺴﻪ
ﺳﺠﺎﺩ : ﻋﺎﺩﻱ ﺗﻜﺪﺭ ﺗﻄﻠﻊ ﻣﻨﻬﺎ ﻭﺗﻌﻴﺶ ﺍﻧﺴﺎﻧﻪ ﻗﻮﻳﻪ ﺗﻜﺪﺭ ﺗﺼﺒﺮ ﻋﻠﻰ ﻓﺮﺍﻙ ﺍﺑﻮﻫﺎ ﺍﻟﻤﻬﻢ ﺧﻠﺼﻨﻪ ﺍﻟﻨﺎﺱ ﻣﻦ ﺷﺮﻩ ﻭﻣﻦ ﺑﻄﺸﻪ
ﻓﺎﺩﻳﻪ : ﺳﺠﺎﺩ
ﺳﺠﺎﺩ : ﻧﻌﻢ
ﻓﺎﺩﻳﻪ : ﺍﻧﺘﻪ ﻣﻜﺎﻳﻠﻲ ﻋﻠﻰ ﺷﺮﻛﻪ ﻭﻱ ﺷﺮﻛﻪ ﺍﻟﻤﺮﺣﻮﻡ ﻭﺍﻻﺗﻔﺎﻕ ﺍﻟﻲ ﺻﺎﻳﺮ ﺍﺑﻴﻨﻜﻢ
ﺳﺠﺎﺩ : ﺍﻋﻤﺎﻝ ﺗﺠﺎﺭﻩ ﻫﺎﻱ ﻣﻮ ﻣﻬﻤﻪ ﺍﻟﺞ
ﻓﺎﺩﻳﻪ ( ﺑﻠﻐﻪ ﺍﻟﺘﺤﺬﻳﺮ ) ﻗﺎﺋﻠﻪ : ﺩﻳﺮﺑﺎﻟﻚ ﺗﺘﻘﺮﺏ ﻣﻦ ﺍﺯﻝ ﻭﺗﺤﺎﻭﻝ ﺍﺗﺌﺬﻳﻬﺎ ﺗﺮﻯ ﺍﺷﻮﻓﻨﻲ ﺑﻮﺟﻬﻚ ﺍﻓﺘﻬﻤﺖ
ﺳﺠﺎﺩ : ﺍﻃﻤﺌﻨﻲ ﻣﺮﺍﺡ ﺍﺗﻘﺮﺏ ﻋﻠﻴﻬﺎ ﻭﻻ ﻳﻤﺲ ﺿﺮ ﻣﺠﺮﺩ ﺗﻌﺎﻣﻞ ﺗﺠﺎﺭﻱ ﺣﻴﺼﻴﺮ ﺍﺑﻴﻨﻪ ﻻ ﻏﻴﺮ
( ﻓﻲ ﺍﻟﻤﺸﻔﻰ )
ﺍﺯﻝ ﺗﻘﻒ ﺑﺠﺎﻧﺐ ﺟﺜﻪ ﺍﺑﻴﻬﺎ ﺗﺒﻜﻲ ﺗﺪﺍﻋﺐ ﺷﻌﺮﻩ ﺍﻻﺑﻴﺾ ﻭﻟﺤﻴﺘﻪ ﺍﻟﺒﻴﻀﺎﺀ ﻭﺗﻘﺒﻠﻪ ﻣﻦ ﺭﺍﺳﻪ ﻗﺎﺋﻼ : ﺍﻟﻲ ﺳﻮﺍ ﺑﻴﻚ ﻫﻴﺞ ﻭﺧﻼﻙ ﺗﻨﺎﻡ ﻫﺎﻱ ﺍﻟﻨﻮﻣﻪ ﺍﻟﻲ ﺍﻗﺘﻠﻪ ﺑﻴﺪﻱ ﻭﻋﺪ ﻣﻨﻲ ﺍﻟﻚ ﺑﺎﺑﺎ ﺣﺒﻴﺒﻲ ﺣﺴﻴﺖ ﺿﻬﺮﻱ ﺍﻧﻜﺴﺮ ﺑﻤﻮﺗﻚ ﻭﻓﺠﻌﻮﻧﻲ ﺑﻴﻚ ( ﺗﺒﻜﻲ )
( ﺑﻴﺖ ﺳﺠﺎﺩ )
ﺗﺘﻠﻘﺎﻩ ﺍﺑﻨﺘﻪ ﺭﻫﻒ ﻣﻦ ﺍﻟﺒﺎﺏ ﺗﺮﻛﺾ ﻗﺎﺋﻠﻪ : ﺑﺎﺑﺎ ﺣﺒﻴﺒﻲ
ﺳﺠﺎﺩ : ﻳﺎﺍﺭﻭﺡ ﺑﺎﺑﺎ ( ﻳﺮﻓﻌﻬﺎ ﻣﻦ ﺍﻻﺭﺽ ﻭﻳﻘﺒﻠﻬﺎ )
ﺯﻭﺟﺘﻪ : ﺍﻟﻠﻪ ﻳﺴﺎﻋﺪﻙ ﺣﺒﻴﺒﻲ ﺍﻟﻴﻮﻡ ﻣﺘﺎﺧﺮ ﺟﺎﻱ ﺩﻧﻴﺎ ﺍﺿﻠﻤﺖ ﻭﻳﻦ ﺟﻨﺖ
ﺳﺠﺎﺩ : ﻭﺍﻟﻠﻪ ﺣﺒﻴﺒﻲ ﺭﺣﺖ ﻣﺮﻳﺖ ﻋﻠﻰ ﺍﻟﻤﺨﺰﻥ ﻣﺎﻝ ﺍﻟﺒﻀﺎﺋﻊ ﻭﺷﻔﺖ ﺍﻟﻌﻤﺎﻝ ﻫﻨﺎﻙ ﺧﺎﻑ ﻣﺤﺘﺠﻴﻦ ﺷﻲ ﻭﺍﺟﻴﺖ
ﺯﻭﺟﺘﻪ : ﺍﺣﻀﺮﻟﻚ ﻋﺸﻪ
ﺳﺠﺎﺩ : ﻻ ﺣﺒﻴﺒﻲ ﺑﺲ ﺍﺭﺩ ﺍﻃﺐ ﻟﻠﺤﻤﺎﻡ ﻭﺍﻧﺎﻡ ﺗﻌﺒﺎﻥ
ﺯﻭﺟﺘﻪ : ﻣﺎﺷﻲ ﺣﺒﻴﺒﻲ ، ﻫﺴﻪ ﺍﺣﻀﺮﻟﻚ ﺍﻟﺤﻤﺎﻡ
( ﻓﻲ ﺍﻟﺠﻨﺎﺯﻩ )
ﺍﺯﻝ ﺗﺮﺗﺪﻱ ﺛﻮﺏ ﺍﻟﺴﻮﺍﺩ ﺑﻌﻴﻮﻥ ﻣﺤﻤﺮﻩ ﻭﻣﻦ ﺑﻌﻴﺪ ﺳﺠﺎﺩ ﻭﻓﺎﺩﻳﻪ ﻓﻲ ﺍﻟﺴﻴﺎﺭﺓ ﻳﺮﺍﻗﺒﻮﻥ ﻭﻟﻜﻦ ﻫﻨﺎﻙ ﻋﻼﻣﺎﺕ ﻣﻦ ﺍﻟﻨﺪﻡ ﻋﻠﻰ ﻭﺟﻮﻫﻬﻢ
ﻓﺎﺩﻳﻪ : ﻣﺎﺍﺩﺭﻱ ﺍﻟﺸﻲ ﺍﻟﻲ ﺳﻮﺍﻧﻪ ﻏﻠﻂ ﻟﻮ ﺻﺢ ﺻﺤﻴﺢ ﺍﺭﺗﺎﺡ ﻗﻠﺒﻲ ﻭﻧﺎﺭﻩ ﻃﻔﺖ ﺑﺲ ﺩﺍﺍﺣﺲ ﺑﺬﻧﺐ
ﺳﺠﺎﺩ : ﺫﻧﺒﻴﺶ
ﻓﺎﺩﻳﻪ : ﺧﻠﻴﻨﻪ ﺍﺯﻝ ﻭﺣﺪﻫﺎ ﺑﻼ ﺍﻡ ﺍﻭ ﺍﺏ
ﺳﺠﺎﺩ : ﺍﻧﻲ ﻋﻜﺴﺞ ﻣﺎﺍﺣﺲ ﺑﺬﻧﺐ ﻻﻥ ﺍﻟﻌﺪﺍﻟﻪ ﻻﺯﻡ ﺗﺎﺧﺬ ﻣﺠﺮﺍﻫﺎ ( ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ = ﺍﻳﻪ ﻗﺮﺍﻧﻴﻪ )
( ﺑﻌﺪ ﻣﺮﻭﺭ ﺷﻬﺮ )
ﺍﺯﻝ ﻓﻲ ﺷﺮﻛﻪ ﻭﺍﻟﺪﻫﺎ ﺟﺎﻟﺴﻪ ﻓﻲ ﻣﻜﺘﺒﻪ ﻓﻘﺪ ﺗﺴﻠﻤﺖ ﻣﻨﺼﺐ ﺭﺋﺎﺳﺔ ﺍﻟﺸﺮﻛﺔ ﺑﻌﺪ ﻣﻘﺘﻞ ﻭﺍﻟﺪﻫﺎ ﻳﺪﺧﻞ ﻋﻠﻴﻬﺎ ﺯﻭﺟﻬﺎ ﺍﺣﻤﺪ
ﺍﺣﻤﺪ : ﺻﺒﺎﺡ ﺍﻟﺨﻴﺮ ﺳﺖ ﺍﺯﻝ
ﺍﺯﻝ : ﺻﺒﺎﺡ ﺍﻟﻨﻮﺭ ﺣﺒﻴﺒﻲ ﺑﻼ ﺳﺖ ﻣﺎﻛﻮ ﺍﺣﺪ ﺑﺲ ﺍﺣﻨﻪ
ﺍﺣﻤﺪ : ﺍﻭﻙ ، ﺟﺎﻫﺰﻩ ﻟﺒﺎﺟﺮ ﻻﻋﻼﻥ ﺍﻟﺸﺮﺍﻛﺔ ﻟﻮ ﻻ
ﺍﺯﻝ : ﺟﺎﻫﺰﻩ ﺑﺲ ﻣﻮ ﻫﻮﺍﻱ ﻧﺺ ﺍﻟﺮﺑﺢ ﺍﻟﻬﻢ
ﺍﺣﻤﺪ : ﺣﺒﻴﺒﻲ ﻻﺯﻡ ﺍﻟﻨﺺ ﺍﻟﺮﺑﺢ ﺍﻟﻬﻢ ﻻﻥ ﻫﻤﻪ ﺭﺍﺡ ﻳﺴﺎﻫﻤﻮﻥ ﺑﺎﻻﻧﺘﺎﺝ ﻭﺍﺣﻨﻪ ﺑﺎﻟﺘﺴﻮﻳﻖ ﻭﺑﻌﺪﻳﻦ ﺍﻻﻧﺘﺎﺝ ﻳﺎﺩﻟﻪ ﺭﺍﺱ ﻣﺎﻝ ﻭﻣﻮﺍﺩ ﻫﻮﺍﻱ ﻋﻜﺲ ﺍﻟﺘﺴﻮﻳﻖ ﻳﺤﺘﺎﺟﻠﻪ ﺑﺲ ﻣﻨﺪﻭﺑﻴﻦ ﻭﺑﻌﺾ ﺍﻟﺸﺮﻛﺎﺀ ﺍﻟﻲ ﻳﺮﻭﺟﻮﻥ ﻟﻠﻤﻮﺍﺩ ﻭﺑﻌﺪﻳﻦ ﺷﺮﻛﺘﻲ ﻋﻠﻰ ﻭﺷﻚ ﺍﻻﻓﻼﺱ ﻭﺍﺑﻮﺝ ﺍﻟﻠﻪ ﻳﺮﺣﻤﻪ ﺩﺧﻠﻬﺎ ﻭﻳﺎﻩ ﺣﺘﻰ ﻳﺴﺎﻫﻢ ﺑﻤﻨﻊ ﺍﻻﻓﻼﺱ ﻭﻳﺼﻴﺮ ﺍﻟﻬﺎ ﻭﺍﺭﺩ ﻭﺍﻛﺪﺭ ﺍﺭﺟﻊ ﺍﺷﺘﻐﻞ ﻣﻦ ﺟﺪﻳﺪ
ﺍﺯﻝ : ﻣﺎﺷﻲ ﺣﺒﻴﺒﻲ ﺍﺫﺍ ﻫﻴﺞ ﺍﻻﺗﻔﺎﻕ ﻭﻣﺎﺑﻲ ﺿﺮﺭ ﺍﻟﻨﻪ ﺍﻧﻲ ﻣﺴﺘﻌﺪ ﻟﻠﻌﻼﻥ ، ﺍﻛﻮﻝ ﺣﺒﻴﺒﻲ ﻭﻳﻦ ﻭﺻﻠﺘﻮﺍ ﺑﺎﻟﺒﺤﺚ ﻋﻦ ﻗﺎﺗﻞ ﺍﺑﻮﻳﻪ
ﺍﺣﻤﺪ : ﺣﺒﻴﺒﺘﻲ ﺍﺑﻮﺝ ﺟﺎﻥ ﻋﻨﺪﻩ ﺍﻋﺪﺍﺀ ﻫﻮﺍﻱ ﻳﻌﻨﻲ ﺷﻠﻮﻥ ﻧﻌﺮﻓﻬﻢ ﻛﻠﻬﻢ ﻭﺑﻌﺪﻳﻦ ﻳﺠﻮﺯ ﺍﺷﺨﺎﺹ ﻣﻦ ﺍﻟﺤﻜﻮﻣﻪ ﻻﻥ ﻫﻮﻩ ﻋﻨﺪﻩ ﻣﻌﺎﺭﻑ
ﺍﺯﻝ : ﺑﺲ ﺍﻷﺷﺨﺎﺹ ﺍﻟﻲ ﺑﺎﻟﺤﻜﻮﻣﺔ ﺍﺟﻮ ﻟﻠﺠﻨﺎﺯﻩ
ﺍﺣﻤﺪ : ﻣﺎ ﻋﺮﻑ ﺑﻌﺪ
ﺍﺯﻝ : ﻻ ﻻﺯﻡ ﺗﻌﺮﻑ ﺩﻡ ﺍﺑﻮﻳﻪ ﻣﻴﺮﻭﺡ ﻫﺪﺭ
ﺍﺣﻤﺪ : ﺣﺎﺿﺮ ﺑﺲ ﺍﻫﺪﺋﻲ ﻻ ﺗﺘﻌﺼﺒﻴﻦ ﻭﻛﻠﺸﻲ ﻳﻨﺤﻞ
( ﺷﺮﻛﺔ ﺳﺠﺎﺩ )
ﻳﺠﻠﺲ ﺳﺠﺎﺩ ﻣﻊ ﺷﺎﻛﺮ ﻭﻣﻨﻴﺮ ﻭﺷﺬﻯ ﻓﻲ ﻣﻜﺘﺒﻪ
ﺷﺬﻯ : ﺑﺎﺣﺮ ﺭﺍﺡ ﻳﻜﻮﻥ ﺍﻋﻼﻥ ﺍﻟﺸﺮﺍﻛﺔ ﻭﺭﺍﺡ ﻳﺤﻀﺮﻭﻥ ﺻﺤﻔﻴﻴﻦ ﻭﺭﺟﺎﻝ ﺃﻋﻤﺎﻝ ﻛﺬﻟﻚ ﻭﺍﻟﺴﺖ ﺍﺯﻝ ﻫﻲ ﻃﻠﺒﺖ ﻫﺬﺍ ﺍﻟﺸﻲ
ﺳﺠﺎﺩ : ﻭﺍﺿﺢ ﺣﺘﻰ ﺧﺎﻑ ﻳﺠﻲ ﻳﻮﻡ ﻭﻧﻜﻠﺐ ﻋﻠﻴﻬﻢ ﺗﻔﻀﺤﻨﻪ ﻛﺪﺍﻣﻬﻢ
ﺷﺎﻛﺮ : ﺍﺳﺘﺎﺫ ﺑﺎﺟﺮ ﺭﺍﺡ ﺗﺠﻲ ﻟﻺﻋﻼﻥ
ﺳﺠﺎﺩ : ﻧﻌﻢ ﺭﺍﺡ ﺍﺟﻲ
ﻣﻨﻴﺮ : ﺷﻌﺪﻙ ﺟﺎﻱ
ﺳﺠﺎﺩ : ﺷﺎﻛﺮ ﺭﺍﺡ ﻳﻘﺪﻣﻨﻲ ﻛﺮﺋﻴﺲ ﺷﺮﻛﻪ ﺍﻟﺮﻫﻒ ﻭﺍﻟﺪﺍﻋﻢ ﺍﻟﻤﺎﻟﻲ ﻟﻠﻤﺼﻨﻊ ﻭﺑﻬﺎﻱ ﺍﻟﺸﺮﺍﻛﺔ ﺭﺍﺡ ﻳﻘﻮﻩ ﻧﻔﻮﺫﻧﻪ ﺑﺎﻟﺴﻮﻙ ﻭﻧﺼﻴﺮ ﺭﻗﻢ ﻭﺍﺣﺪ ﺑﺎﻟﻌﺮﺍﻕ
( ﺑﻴﺖ ﺍﺯﻝ )
ﻓﻲ ﺍﻟﻤﺴﺎﺀ ﺍﺯﻝ ﺟﺎﻟﺴﻪ ﻣﻊ ﻋﺎﺋﻠﺘﻬﺎ ﻳﺮﻥ ﺟﺮﺱ ﺍﻟﺒﺎﺏ ﻳﺬﻫﺐ ﺍﺣﺪ ﺍﻟﺨﺪﻡ ﻟﻔﺘﺤﻪ ﺛﻢ ﻳﺄﺗﻲ ﺍﻟﻰ ﺩﺍﺧﻞ ﺍﻟﺒﻴﺖ ﻗﺎﺋﻼ : ﻣﺪﺍﻡ ﺍﻛﻮ ﻣﺮﺍﻩ ﺗﺮﻳﺪﺝ ﻋﻠﻰ ﺍﻟﺒﺎﺏ
ﺍﺯﻝ : ﻣﺮﺍﻩ
ﺍﻟﺨﺎﺩﻣﻪ : ﻧﻌﻢ ﻣﺪﺍﻡ
ﺗﻨﻬﺾ ﺍﺯﻝ ﻣﻦ ﻣﻜﺎﻧﻪ ﻭﺗﺬﻫﺐ ﺍﻟﻰ ﺭﺅﻳﻪ ﺍﻟﻤﺮﺃﺓ ﻓﺎﺫﺍ ﺑﻬﺎ ﺗﺘﻔﺎﺟﺎ ﺑﻮﺟﻮﺩ ﻓﺎﺩﻳﻪ ﻭﺍﻗﻔﻪ ﻓﻲ ﺑﺎﺏ ﺑﻴﺘﻬﺎ
ﺍﺯﻝ ( ﻣﻨﺼﺪﻣﻪ ) : ﻓﺎﺩﻳﻪ !!! ؟
ﻓﺎﺩﻳﻪ : ﺭﺍﺡ ﺗﺨﻠﻴﻨﻲ ﻭﺍﻛﻔﻪ ﺑﺎﻟﺒﺎﺏ
ﺍﺯﻝ ﺗﻘﻮﻡ ﺑﺎﺣﺘﻀﺎﻧﻬﺎ ﻭﺗﻘﺒﻴﻠﻬﺎ ﻭﺗﺒﻜﻲ : ﻭﻳﻦ ﺟﻨﺘﻲ ﻏﺎﻳﺒﺔ ﻋﻨﻲ ﻣﺸﺘﺎﻗﺘﻠﺞ ﻳﺎﺍﻣﻲ ﺍﻟﺜﺎﻧﻴﺔ
ﻓﺎﺩﻳﻪ : ﻫﺎﻱ ﺍﻧﻲ ﺟﻴﺖ ﻫﺴﻪ ﻭﺻﺮﺕ ﻛﺪﺍﻡ ﻋﻴﻨﺞ
ﺍﺯﻝ : ﺗﻌﺎﻱ ﺗﻌﺎﻱ ﻃﺒﻲ ﻭﺳﻮﻟﻔﻴﻠﻲ ﻛﻠﺸﻲ
ﺑﻌﺪ ﺍﻥ ﺍﺧﺬﺕ ﻗﺴﻂ ﻣﻦ ﺍﻟﺮﺍﺣﺔ ﻭﺑﺪﺍﺕ ﺍﻟﺤﺪﻳﺚ ﻣﻊ ﺍﺯﻝ ﻓﻲ ﺗﻔﺎﺻﻴﻞ ﺣﻴﺎﺗﻬﺎ ﻭﺍﻟﺴﻨﻴﻦ ﺍﻟﺘﻲ ﻣﻀﺖ ﻋﻨﺪ ﻏﻴﺎﺑﻬﺎ
ﻓﺎﺩﻳﻪ : ﻭﺳﺠﺎﺩ ﺣﺎﻟﻴﺎ ﺻﺎﺣﺐ ﻓﻀﻞ ﻋﻠﻴﻪ
ﺍﺯﻝ : ﻳﻌﻨﻲ ﺳﺠﺎﺩ ﻫﻮ ﺍﻟﻲ ﺳﻔﺮﺝ ﻭﻋﺎﻟﺠﺞ
ﻓﺎﺩﻳﻪ : ﺍﻱ ﻫﻮ
ﺍﺯﻝ : ﺍﻧﻲ ﺷﻔﺘﻪ ﻗﺒﻞ ﻓﺘﺮﻩ ﻣﺘﻐﻴﺮ ﻛﻠﺶ
ﻓﺎﺩﻳﻪ : ﻗﺼﺪﺝ ﺻﺎﻳﺮ ﺭﺟﻞ ﺍﻋﻤﺎﻝ
ﺍﺯﻝ : ﺭﺟﻞ ﺍﻋﻤﺎﻝ
ﻓﺎﺩﻳﻪ : ﺍﻱ ﻋﻨﺪﻩ ﺷﺮﻛﻪ ﻣﺎﺷﺎ ﺍﻟﻠﻪ ﻋﻠﻴﻬﺎ ﺷﻜﺒﺮﻫﺎ ﻭﻣﻮﻇﻔﻴﻦ
ﺍﺯﻝ : ﻣﻨﻴﻦ ﺟﺎﺏ ﻛﻞ ﻫﻠﺜﺮﻭﻩ
ﻓﺎﺩﻳﻪ : ﻣﻦ ﺯﻭﺟﺘﻪ ﺍﺯﻭﺝ ﻭﺣﺪﻩ ﺑﻨﺖ ﺍﻛﺎﺑﺮ ﻭﺑﺤﺼﺘﻬﺎ ﺍﺷﺘﻐﻞ ﻭﻃﻮﺭ ﻣﻦ ﻧﻔﺴﻪ ﺍﻟﻰ ﺍﻥ ﻭﺻﻞ ﺍﻟﻰ ﻫﺎﻱ ﺍﻟﺤﺎﻟﺔ ﻭﻋﻨﺪﻩ ﻃﻔﻠﻪ ﺍﺳﻤﻬﺎ ﺭﻫﻒ
ﺍﺯﻝ : ﺍﻱ ﺍﻋﺮﻑ ﺍﺗﻌﺮﻓﺖ ﻋﻠﻴﻬﺎ ﻭﻋﻠﻰ ﺍﻣﻬﺎ ﻭﺍﺑﻨﻲ ﻳﺼﻴﺮ ﺻﺪﻳﻘﻬﺎ ﺑﺮﻭﺿﻪ
ﻓﺎﺩﻳﻪ : ﺍﺑﻨﺞ
ﺍﺯﻝ : ﺍﻱ ﺍﺑﻨﻲ ﺗﻌﺎﻱ ﺍﻭﺩﻳﺞ ﻟﻐﺮﻓﺘﻪ ﺍﺷﻮﻓﻲ ﻧﺎﻳﻢ ﻫﺴﻪ
ﻓﺎﺩﻳﻪ : ﻻ ﻻ ﺧﻠﻲ ﺑﺎﺟﺮ ﺍﺷﻮﻓﻪ ، ﺍﻧﻲ ﺭﺍﺡ ﺍﺯﺣﻤﺞ ﻭﺍﺿﻞ ﻳﻤﺞ ﻛﻢ ﻳﻮﻡ ﻣﺎﺑﻴﻦ ﺳﺠﺎﺩ ﻳﻠﻜﺎﻟﻲ ﺑﻴﺖ
ﺍﺯﻝ : ﻟﻴﺶ ﻳﻠﻜﺎﻟﺞ ﺑﻴﺖ ﻫﺬﺍ ﺑﻴﺘﺞ ﻭﺿﻠﻴﻦ ﻣﻌﺰﺯﻩ ﻣﻜﺮﻣﻪ ﻭﺑﻌﺪﻳﻦ ﺍﻧﻲ ﻣﺤﺘﺎﺟﺘﺞ ﻣﺎﻋﻨﺪﻱ ﺍﺣﺪ ﺍﺳﺘﻨﺪ ﻋﻠﻴﻪ
ﻓﺎﺩﻳﻪ : ﺯﻭﺟﺞ ؟؟
ﺍﺯﻝ : ﺯﻭﺟﻲ ﻳﻮﻡ ﺯﻳﻦ ﻭﻳﺎﻳﻪ ﻭﻳﻮﻡ ﻻ ، ﺍﺭﺗﺎﺣﻲ ﻫﺴﻪ ﻭﺍﺳﻮﻟﻔﻠﺞ ﺑﺎﺟﺮ ﻛﻠﺸﻲ
( ﻳﻮﻡ ﺍﻻﻋﻼﻥ )
ﺍﻟﺘﺤﻀﻴﺮﺍﺕ ﺑﺪﺃﺕ ﻟﻺﻋﻼﻥ ﺣﻀﻮﺭ ﺍﻟﺼﺤﻔﻴﻴﻦ ﻭﺭﺟﺎﻝ ﺍﻷﻋﻤﺎﻝ ﻭﺷﺎﻛﺮ ﻭﺷﺬﻯ ﻭﻣﻨﻴﺮ ﻳﺠﻠﺴﻮﻥ ﺍﻣﺎ ﺳﺠﺎﺩ ﻓﻠﻢ ﻳﺤﻀﺮ ﺍﻟﻰ ﺍﻻﻥ ﺍﺯﻝ ﻣﺘﺎﻧﻘﻪ ﻛﻌﺎﺩﺗﻬﺎ ﺗﺮﺗﺪﻱ ﻟﺒﺲ ﺳﻴﺎﺩﺍﺕ ﺍﻻﻋﻤﺎﻝ ﻭﺗﺴﺮﻕ ﺍﻻﺿﻮﺍﺀ ﻣﻦ ﺍﻟﺠﻤﻴﻊ ﻓﻲ ﺍﻟﻘﺎﻋﺔ ﺗﺼﻌﺪ ﺍﻟﻰ ﺍﻟﻤﻨﺼﺔ ﻟﻸﻟﻘﺎﺀ ﺍﻟﺨﻄﺎﺏ
ﺍﺯﻝ : ﺳﻴﺎﺩﺗﻲ ﺁﻧﺴﺎﺗﻲ ﺳﺎﺩﺗﻲ ﺍﻟﺴﻼﻡ ﻋﻠﻴﻜﻢ ﺟﻤﻴﻌﺎً ، ﺍﻭﻝ ﺷﻲ ﻧﻘﻒ ﺩﻗﻴﻘﺔ ﺻﻤﺖ ﻋﻠﻰ ﺭﻭﺡ ﻭﺍﻟﺪﻱ ﻟﻘﺮﺍﺀﺓ ﺳﻮﺭﻩ ﺍﻟﻔﺎﺗﺤﺔ
ﺑﻌﺪ ﺍﻻﻧﺘﻬﺎﺀ : ﺷﻜﺮﺍ ﺟﺰﻳﻼ ﺍﺗﻔﻀﻠﻮﺍ ، ﺍﺣﺐ ﺍﺷﻜﺮ ﺍﻻﺳﺘﺎﺫ ﺷﺎﻛﺮ ﻋﻠﻰ ﺩﺧﻮﻝ ﺍﻟﺸﺮﺍﻛﺔ ﻣﻊ ﺷﺮﻛﺘﻨﻪ ﺍﻟﻤﺆﻗﺮﻩ ﻭﻛﺬﻟﻚ ﻟﻤﺴﺎﻫﻤﺘﻪ ﻓﻲ ﺩﻋﻢ ﺍﻻﻧﺘﺎﺝ ﺍﻟﻮﻃﻨﻲ ﻭﺗﻮﻓﻴﺮ ﻓﺮﺹ ﻋﻤﻞ ﻟﺸﺒﺎﺏ ﻭﻣﻦ ﻫﺬﺍ ﺍﻟﻤﻜﺎﻥ ﺍﻋﻠﻦ ﻗﺒﻮﻝ ﺷﺮﺍﻛﺘﻲ ﻣﻊ ﺷﺮﻛﻪ ﺍﻻﻣﻞ ﻭﻣﻦ ﺍﻟﻠﻪ ﺍﻟﺘﻮﻓﻴﻖ ﺷﻜﺮﺍ
( ﺗﺼﻔﻴﻖ ﺣﺎﺭ )
ﻳﺼﻌﺪ ﺷﺎﻛﺮ ﻋﻠﻰ ﺍﻟﻤﻨﺼﺔ ﻟﻸﻟﻘﺎﺀ ﻛﻠﻤﺘﻪ ﻗﺎﺋﻼ : ﺍﺣﺐ ﺍﺷﻜﺮ ﺍﻟﺴﻴﺪﻩ ﺍﺯﻝ ﻋﻠﻰ ﻛﻠﻤﺎﺗﻬﺎ ﺍﻟﺠﻤﻴﻠﺔ ﻛﺠﻤﺎﻝ ﻃﻠﺘﻬﺎ ﻭﻣﻦ ﻫﺬﺍ ﺍﻟﻤﻜﺎﻥ ﺍﻋﻠﻦ ﻗﺒﻮﻝ ﺷﺮﺍﻛﺘﻲ ﻣﻊ ﺷﺮﻛﻪ ﺍﻻﺯﻝ
( ﺗﺼﻔﻴﻖ ﺣﺎﺭ )
ﻟﻜﻦ ﻗﺒﻞ ﺍﻥ ﺍﻧﺰﻝ ﻣﻦ ﺍﻟﻤﻨﺼﺔ ﺍﺣﺐ ﺍﻫﺪﺋﻲ ﺷﻜﺮ ﻭﺗﻘﺪﻳﺮ ﻟﻼﻧﺴﺎﻥ ﺍﻟﻲ ﺳﺎﻫﻢ ﺑﺪﻋﻤﻲ ﻭﺑﺪﻋﻢ ﺍﻟﻤﺼﻨﻊ ﻭﺑﺪﻋﻢ ﺍﻟﺸﺒﺎﺏ ﺍﻳﻀﺎ ﻭﻫﻮ ﺍﻳﻀﺎ ﺷﺎﺏ ﺍﻻﺳﺘﺎﺫ ﺳﺠﺎﺩ ﻋﻠﻲ ﻓﻠﻴﺘﻔﻀﻞ ﻋﻠﻰ ﺍﻟﻤﻨﺼﻪ ﻣﺸﻜﻮﺭﺍ
ﻳﻀﻬﺮ ﺳﺠﺎﺩ ﺑﻜﺎﻣﻞ ﺍﻧﺎﻗﺘﻪ ﻭﻳﺪﻫﺶ ﺍﻟﺤﺎﺿﺮﻳﻦ ﺍﺯﻝ ﺗﻨﺪﻫﺶ ﻟﺮﺅﻳﺘﻪ ﻭﺯﻭﺟﻬﺎ ﻳﻨﺼﺪﻡ ﺑﺮﺅﻳﺘﻪ ﻓﻬﻮ ﺣﺒﻴﺐ ﺯﻭﺟﺘﻪ ﺍﻟﺴﺎﺑﻖ ﻭﻳﻨﻈﺮ ﺍﻟﻰ ﺍﺯﻝ ﺑﻨﻈﺮﺍﺕ ﺷﻚ ﻭﺣﻴﺮﻩ ﻳﺼﻌﺪ ﺳﺠﺎﺩ ﻋﻠﻰ ﺍﻟﻤﻨﺼﺔ ﻟﻸﻟﻘﺎﺀ ﻛﻠﻤﺘﻪ ﻗﺎﺋﻼ : ﺍﻟﺴﻼﻡ ﻋﻠﻴﻜﻢ ﺟﻤﻴﻌﺎ ، ﺍﻧﻲ ﻣﺎﻣﺤﻀﺮ ﺷﻲ ﺍﻛﻮﻟﻪ ﻭﺍﺗﻔﺎﺟﺎﺕ ﻣﻦ ﺩﻋﺎﻧﻲ ﺍﻟﺴﻴﺪ ﺷﺎﻛﺮ ﺍﻟﻰ ﺍﻟﻤﻨﺼﺔ ﻟﺬﻟﻚ ﺭﺍﺡ ﺍﺭﺗﺠﻞ ﺑﺎﻟﺒﺪﺍﻳﺔ ﺍﺣﺐ ﺍﻫﻨﺊ ﺍﻟﺸﺮﻛﺘﻴﻦ ﺍﻻﻣﻞ ﻭﺍﻻﺯﻝ ﻭﺍﺗﻤﻨﻰ ﺍﻟﻬﻢ ﺍﻟﺘﻮﻓﻴﻖ ﻛﻞ ﺷﺎﺏ ﺣﺎﻟﻴﺎ ﻳﺤﻠﻢ ﻳﻜﻮﻥ ﻣﺜﻞ ﻣﺎﻳﺮﻳﺪ ﻣﺜﻼ ﺍﻧﻲ ﺟﻨﺖ ﺍﺗﻤﻨﻰ ﺍﻛﻮﻥ ﺭﺟﻞ ﺍﻋﻤﺎﻝ ﻭﺍﺧﻠﺺ ﻣﻦ ﺍﻟﻌﻴﺸﻪ ﺍﻟﻲ ﻋﺸﺘﻬﺎ ﻓﻲ ﺍﻟﻔﻘﺮ ﻻﺯﻡ ﺍﻃﻠﻊ ﻟﻴﻜﺪﺍﻡ ﻭﺍﺑﻨﻲ ﻃﺮﻳﻘﻲ ﻋﺸﺖ ﺧﻴﺒﺎﺕ ﻣﻦ ﺍﻻﻣﻞ ﻓﻘﺪﺕ ﻭﺍﻟﺪﺗﻲ ﻭﻣﺤﻠﻲ ﺑﺎﻧﻔﺠﺎﺭ ﻭﻓﻘﺪﺕ ﺣﺒﻴﺒﺘﻲ ﻻﻥ ﺟﺎﻥ ﻣﺎﻋﻨﺪﻱ ﻓﻠﻮﺱ ﻭﺍﺑﻮﻫﺎ ﺭﻓﺾ ﺣﺎﻭﻟﺖ ﺍﻧﺘﺤﺮ ﺑﺲ ﻣﺎﻛﺪﺭﺕ ﺑﺪﺍﻝ ﻣﺎﺍﻧﺘﺤﺮ ﻧﻘﺬﺕ ﺍﻧﺴﺎﻧﻪ ﻣﻦ ﺍﻟﻤﻮﺕ ﻭﻫﺎﻱ ﺍﻹﻧﺴﺎﻥ ﻓﻴﻤﺎ ﺑﻌﺪ ﺍﺻﺒﺤﺖ ﺯﻭﺟﺘﻲ ﻭﺷﺮﻳﻜﻪ ﺣﻴﺎﺗﻲ ﻭﺍﻡ ﻟﺒﻨﺘﻲ ﺑﻌﺪﻫﺎ ﺑﺪﻳﺖ ﻣﻦ ﺍﻟﺼﻔﺮ ﻭﺑﻨﻴﺖ ﻧﻔﺴﻲ ﺑﻨﻔﺴﻲ ﻃﺒﻌﺎ ﺑﻤﺴﺎﻋﺪﺓ ﺯﻭﺟﺘﻲ ﺍﻟﻲ ﻣﺎﺗﺨﻠﺖ ﻋﻨﻲ ﺍﺑﺪ ﺍﻟﻲ ﺍﺭﻳﺪ ﺍﻭﺻﻠﻪ ﻣﻬﻤﺎ ﺗﻌﺒﺖ ﺑﺤﻴﺎﺗﻚ ﻭﺗﺎﺧﺮﺕ ﺑﺤﻴﺎﺗﻚ ﻓﺘﺎﻛﺪ ﺍﻥ ﺍﻟﻠﻪ ﺿﺎﻣﻠﻚ ﺷﻲ ﺑﺎﻟﻤﺴﺘﻘﺒﻞ ﺭﺍﺡ ﻳﻔﺮﺣﻚ ﻭﻳﻌﻠﻲ ﻣﺮﺍﺗﺒﻚ ﻓﻼ ﺗﻴﺎﺱ ﻭﺧﻠﻲ ﺛﻘﺘﻚ ﺑﺎﻟﻠﻪ ﻋﺰ ﻭﺟﻞ ﻭﺍﺳﻒ ﻟﻼﻃﺎﻟﻪ ﺷﻜﺮﺍ .
ﺑﻌﺪ ﻫﺬﺍ ﺍﻟﻜﻼﻡ ﻭﺍﻟﺨﻄﺒﺔ ﺍﻟﺘﻲ ﺃﻟﻘﺎﻫﺎ ﺍﺯﻝ ﻋﻴﻨﺎﻫﺎ ﺗﺪﻣﻊ ﻭﺗﺨﺮﺝ ﻣﻦ ﺍﻟﻘﺎﻋﺔ
ﺯﻭﺟﻬﺎ ﺍﺣﻤﺪ ﻳﻠﺘﻘﻲ ﺑﺴﺠﺎﺩ ﻗﺎﺋﻼ : ﺷﺠﺎﺑﻚ ﺍﻟﻰ ﻫﻨﺎ ﻭﺩﺧﻠﻚ ﺑﻴﻨﻪ
ﺳﺠﺎﺩ : ﻣﺎﺳﻤﻌﺖ ﺍﺳﺘﺎﺫ ﺷﺎﻛﺮ ﺷﻜﺎﻝ ﺍﻧﻲ ﺍﻟﻤﻤﻮﻝ ﺍﻟﺮﺳﻤﻲ ﻟﻠﻤﺼﻨﻊ ﻳﻌﻨﻲ ﺍﻧﻲ ﺍﻟﻲ ﺍﺩﻓﻊ ﻭﺍﻧﺘﻮﺍ ﺍﻟﻲ ﺗﺴﺘﻔﺎﺩﻭﻥ
ﺍﺣﻤﺪ : ﺍﺳﻤﻊ ﺍﺭﺟﻊ ﻣﻨﻴﻦ ﻣﺎﺟﻴﺖ ﻭﺍﻻ ... ( ﻳﺮﻓﻊ ﺍﺻﺒﻌﻪ ﻓﻲ ﻭﺟﻪ ﺳﺠﺎﺩ )
ﺳﺠﺎﺩ : ﻫﺬﺍ ﺍﺻﺒﻌﻚ ﻧﺰﻟﻪ ﺍﻧﺘﻪ ﺍﻧﺴﺎﻥ ﻭﺍﻋﻲ ﻭﻣﺜﻘﻒ ﻭﻣﻴﺼﻴﺮ ﺗﻬﺪﺩ ﻭﻻﺯﻡ ﺗﻌﺮﻑ ﺣﺠﻤﻚ ﻭﺍﻧﻲ ﻣﺠﺎﻱ ﺍﺳﺒﺐ ﺿﺮﺭ ﻻ ﺍﻟﻚ ﻭﻻ ﻻﻱ ﻭﺍﺣﺪ
ﺷﺎﻛﺮ ﻳﺘﻘﺪﻡ ﻧﺤﻮﻫﻢ ﻗﺎﺋﻼ : ﻫﺎ ﺍﺳﺘﺎﺫ ﺳﺠﺎﺩ ﺗﻌﺮﻓﺖ ﻋﻠﻰ ﺍﺳﺘﺎﺫ ﺍﺣﻤﺪ
ﺳﺠﺎﺩ : ﺍﻱ ﺗﻌﺮﻓﺖ ﻭﺣﺒﻴﺘﻪ ﺭﺍﺡ ﻧﻠﺘﻘﻲ ﻫﻮﺍﻱ ﻋﻦ ﻗﺮﻳﺐ ﺍﺳﺘﺎﺫ ﺍﺣﻤﺪ
ﺍﻟﺸﺮﺍﺭﻩ ﺍﻻﻭﻟﻰ ﻟﻺﻋﻼﻥ ﺍﻟﺤﺮﺏ ﻟﻜﻦ ﻫﺬﻩ ﺍﻟﺤﺮﺏ ﻻﺗﺴﺘﺨﺪﻡ ﻓﻴﻬﺎ ﺍﻷﺳﻠﺤﺔ ﻭﺧﺎﻟﻴﻪ ﻣﻦ ﺍﻟﺪﻣﺎﺀ ﻫﺬﻩ ﺍﻟﺤﺮﺏ ﻫﻲ ﺣﺮﺏ ﺍﻟﻤﺸﺎﻋﺮ ﻭﺣﺮﺏ ﺍﻟﺬﻛﺮﻳﺎﺕ ﻭﺣﺮﺏ ﺍﻟﺤﺐ ﻭﺣﺮﺏ ﺍﻟﻤﺎﺿﻲ ﻳﺎﺗﺮﻯ ﻟﻤﻦ ﺳﺘﻜﻮﻥ ﺍﻟﻐﻠﺒﺔ ﻭﻫﻞ ﻧﺎﺭ ﺍﻻﻧﺘﻘﺎﻡ ﺗﺤﺮﻕ ﺻﺎﺣﺒﻬﺎ ﻓﻌﻼ ﺳﻨﺮﻯ ﺫﻟﻚ ﻓﻲ ﺍﻟﺒﺎﺭﺗﺎﺕ ﺍﻟﻘﺎﺩﻣﺔ
.
ﺑﻌﺪ ﺍﻧﺘﻬﺎﺀ ﺍﻟﺤﻔﻞ ﻭﻣﻐﺎﺩﺭﺓ ﺟﻤﻴﻊ ﺍﻷﺷﺨﺎﺹ ﻭﺍﻟﻜﻞ ﻋﺎﺩ ﺍﻟﻰ ﺑﻴﺘﻪ ﺳﺠﺎﺩ ﺍﺣﺘﻔﻠﻪ ﺑﻨﺼﺮﻩ ﺍﻟﺜﺎﻟﺚ ﻣﻊ ﻣﻮﻇﻔﻴﻪ ﻛﺎﻟﻌﺎﺩﺓ ﻣﻨﻴﺮ ﺍﺥ ﺯﻭﺟﻪ ﺳﺠﺎﺩ ﻳﺸﻴﺮ ﺍﻟﻰ ﺳﺠﺎﺩ ﻟﺘﻜﻠﻢ ﻋﻠﻰ ﺍﻧﻔﺮﺍﺩ ﻓﻴﺪﺧﻠﻮﻥ ﺍﻟﻰ ﺍﻟﻤﻜﺘﺐ ﻭﻳﻐﻠﻖ ﺍﻟﺒﺎﺏ
ﻣﻨﻴﺮ : ﺳﺠﺎﺩ ﺳﻮﻟﻔﻠﻲ ﺷﻨﻮ ﺍﻟﻤﻮﺿﻮﻉ
ﺳﺠﺎﺩ : ﻳﺎﻣﻮﺿﻮﻉ ؟
ﻣﻨﻴﺮ : ﻣﻮﺿﻮﻉ ﺍﻟﺸﺮﺍﻛﺔ ﻭﺫﻭﻟﻪ ﺍﻟﻨﺎﺱ ﻣﻨﻴﻦ ﺗﻌﺮﻓﻬﻢ ﻭﺍﻟﺒﻨﻴﻪ ﺻﺎﺣﺒﺔ ﺍﻟﺸﺮﻛﺔ ﻟﻴﺶ ﻃﻠﻌﺖ ﺗﺒﺠﻲ
ﺳﺠﺎﺩ : ﺷﻲ ﻣﺎﺿﻲ ﻭﻣﺎﺍﺣﺒﻪ ﺍﺫﻛﺮﻩ ﺧﻠﻴﻨﻪ ﺑﺎﻟﺤﺎﺿﺮ ﺍﻓﻀﻞ
ﻣﻨﻴﺮ : ﺳﺠﺎﺩ ﺍﺣﺠﻲ ﺍﺭﻳﺪ ﺍﻋﺮﻑ ﺷﻨﻮ ﺍﻟﻲ ﺩﻳﺼﻴﺮ ﻻﻥ ﺑﺪﻳﺖ ﺍﺧﺎﻑ ﻣﻨﻚ
ﺳﺠﺎﺩ : ﻻ ﻻﺗﺨﺎﻑ ﻣﻨﻲ ﺍﻧﻲ ﻣﺎﺍﺫﻱ ﺍﺣﺒﺎﺑﻲ
ﻣﻨﻴﺮ : ﺍﻱ ﻣﻌﻨﺎﻫﺎ ﺍﻧﻲ ﺭﺍﺡ ﺍﺣﺠﻲ ﻛﻞ ﺍﻟﺼﺎﺭ ﻟﻠﻤﻠﻚ ﻭﻫﻲ ﺗﺘﻔﺎﻫﻢ ﻭﻳﺎﻙ ﻻﻥ ﻣﺜﻞ ﻣﺎﺍﻧﺘﻪ ﻋﻨﺪﻙ ﺣﺼﻪ ﺑﻬﺎﻱ ﺍﻟﺸﺮﻛﺔ ﺍﻧﻲ ﻭﻳﺎﻫﺎ ﻫﻢ ﻋﺪﻧﻪ ﺣﺼﻪ ﺑﻴﻬﺎ ﻭﻻﺯﻡ ﻧﻌﺮﻑ ﺷﺪﻳﺼﻴﺮ
ﺳﺠﺎﺩ : ﺩﻳﺮﺑﺎﻟﻚ ﻳﻮﺻﻞ ﺍﻟﺤﺠﻲ ﻟﻠﻤﻠﻚ ﻭﺍﻻ ...
ﻣﻨﻴﺮ ﻳﻘﺘﺮﺏ ﻣﻨﻪ ﻟﻴﻘﻒ ﺑﻮﺟﻬﻪ ﻗﺎﺋﻼ : ﻭﺍﻻ ﺷﻨﻮ
ﺳﺠﺎﺩ : ﻣﻨﻴﺮ ﺍﻧﺘﻪ ﻣﺜﻞ ﺍﺧﻮﻳﻪ ﺍﻟﻜﺒﻴﺮ ﻭﻣﺴﺘﻤﺪ ﻗﻮﺗﻲ ﻣﻨﻚ ﻟﺘﺤﺎﻭﻝ ﺗﺨﺮﺏ ﻋﻼﻗﺘﻨﻪ ﺑﺸﻐﻼﺕ ﻣﻦ ﻣﺎﺿﻲ ﺣﻴﺎﺗﻲ
ﻣﻨﻴﺮ : ﺍﻭﻙ ﺑﺲ ﺩﻳﺮﺑﺎﻟﻚ ﺳﺒﺐ ﺿﺮﺭ ﻟﺨﺘﻲ ﻭﺍﺑﻌﺪﻫﺎ ﻋﻦ ﺍﻟﻠﻌﺎﺑﻚ ﺍﻟﻘﺬﺭﻩ
ﺳﺠﺎﺩ : ﺍﻭﺯﻥ ﻛﻼﻣﻚ ﻣﻨﻴﺮ ﺗﺮﻯ ﺍﻧﺘﻪ ﻭﺍﺧﺘﻚ ﻋﺎﻳﺸﻴﻦ ﺑﻔﻀﻠﻲ ﺍﻧﻲ ﺍﻟﻲ ﻭﺻﻠﺖ ﺍﻟﺸﺮﻛﺔ ﻟﻬﺎﻱ ﺍﻟﺤﺎﻟﺔ ﻣﻦ ﺍﻟﺘﻄﻮﺭ ﻭﻟﻮ ﺑﺎﻗﻴﺔ ﻋﻠﻴﻚ ﻛﺎﻥ ﻣﻦ ﺯﻣﺎﻥ ﻓﻠﺴﺘﻬﺎ ﻭﻓﺎﺗﺢ ﺟﻨﺒﺮ ﺟﻜﺎﻳﺮ ﻭﻋﻠﺞ ﺗﺒﻴﻊ
ﻣﻨﻴﺮ : ﻣﺎﺷﺎﺀﺍﻟﻠﻪ ﺍﺳﺘﺎﺫ ﺳﺠﺎﺩ ﺑﺪﻳﺖ ﺗﻌﻴﺮ ﺷﻲ ﺣﻠﻮ ﺍﻧﺘﻪ ﻓﺘﺤﺖ ﻋﻠﻰ ﺭﻭﺣﻚ ﺑﺎﺏ ﻣﺮﺍﺡ ﻳﻨﺴﺪ ﺍﺑﺪ
ﺳﺠﺎﺩ : ﺷﺮﺍﺡ ﺍﺳﻮﻱ ﻳﻌﻨﻲ
ﻣﻨﻴﺮ : ﺭﺍﺡ ﺍﺷﻮﻑ ﺑﻌﻴﻨﻚ ﺷﺮﺍﺡ ﺍﺳﻮﻱ
ﻳﺨﺮﺝ ﻣﻨﻴﺮ ﻣﻦ ﺍﻟﺸﺮﻛﺔ ﻭﺳﺠﺎﺩ ﻳﺠﻠﺲ ﻓﻲ ﻛﺮﺳﻴﻪ ﺣﺎﺋﺮﺍ ﻣﺘﺄﻓﻔﺎ
( ﺑﻴﺖ ﺍﺯﻝ )
ﺍﺣﻤﺪ ﻳﺘﺤﺪﺙ ﻣﻊ ﺍﺯﻝ ﻗﺎﺋﻼ : ﺟﺎﻥ ﻋﻨﺪﺝ ﻋﻠﻢ ﺑﻲ
ﺍﺯﻝ : ﻻ ﺑﺎﻷﺳﺎﺱ ﺍﻟﻤﻔﺮﻭﺽ ﺍﻧﻲ ﺍﺳﺎﻟﻚ ﻫﺬﺍ ﺍﻟﺴﺆﺍﻝ ﻣﻮ ﺍﻧﺘﻪ ﻭﺍﺷﻠﻮﻥ ﻛﺪﺭ ﻳﻄﺐ ﺑﻴﻨﺎﺗﻜﻢ ﻭﻳﺪﺧﻞ ﻟﻌﺪ ﺟﻨﺖ ﺍﺳﻮﻭﻥ ﺍﻧﺎﻩ ﻭﺑﺎﺑﺎ ﺍﻟﻠﻪ ﻳﺮﺣﻤﻪ
ﺍﺣﻤﺪ : ﺍﺑﻮﺝ ﺟﺎﻥ ﺷﺎﻙ ﺍﻛﻮ ﻭﺍﺣﺪ ﺑﻈﻬﺮﻩ ﻳﺪﻋﻤﻪ ﻭﺣﻨﻪ ﻣﺘﻮﻗﻌﻴﻦ ﺭﺍﺡ ﻳﻈﻬﺮ ﺑﻴﻮﻡ ﺍﻻﻋﻼﻥ ﺑﺲ ﻣﺎﺟﻨﺖ ﻣﺘﻮﻗﻊ ﻫﻮ ﺣﺒﻴﺒﺞ ﺍﻟﺴﺎﺑﻖ
ﺍﺯﻝ : ﻻ ﺗﻜﻮﻝ ﺣﺒﻴﺒﻲ ﺍﻟﺴﺎﺑﻖ ﺍﻓﺘﻬﻤﺖ ﺩﻳﺮﺑﺎﻟﻚ
ﺍﺣﻤﺪ ( ﻣﺘﻌﺼﺒﺎ ) : ﻟﻌﺪ ﻟﻴﺶ ﻃﻠﻌﺘﻲ ﻣﻦ ﺍﻟﻘﺎﻋﺔ ﺗﺒﺠﻴﻦ ﻫﺎ ﻟﻴﺶ ﺍﻛﻴﺪ ﺣﻨﻴﺘﻲ ﻭﺭﺟﻌﺘﻠﺞ ﺍﻳﺎﻡ ﺍﻟﺤﺐ ﻭﺍﻟﺬﻛﺮﻳﺎﺕ
ﺍﺯﻝ : ﺍﺣﻤﺪ ﻛﺎﻓﻲ ﺍﻟﻰ ﻫﻨﺎ ﻭﺑﺲ ﺑﺪﻳﺖ ﺗﺤﺠﻲ ﺣﺠﻲ ﻣﺎﻟﻪ ﻃﻌﻢ ﺗﻠﻔﺖ ﺍﻋﺼﺎﺑﻲ ﻭﻣﺘﺤﻤﻠﺖ ﻭﺑﺠﻴﺖ ﻭﻃﻠﻌﺖ ﻻﺷﻚ ﺑﻴﻪ ﺩﻳﺮﺑﺎﻟﻚ ﻛﻠﺸﻲ ﻭﻻ ﺍﻟﺸﻚ ﺷﻲ ﻣﺎﺿﻲ ﻣﻦ ﺣﻴﺎﺗﻲ ﻭﺍﻧﺘﻬﻰ ﻭﻛﻠﻤﻦ ﻣﺸﻰ ﺑﺪﺭﺑﻪ ﻣﺜﻞ ﻣﺎﺍﻧﺘﻪ ﻋﻨﺪﻙ ﻣﺎﺿﻲ ﺍﻧﻲ ﻫﻢ ﻋﻨﺪﻱ ﻣﺎﺿﻲ ﺍﻟﻰ ﻫﻨﺎ ﻭﺧﻠﺺ
ﺃﺣﻤﺪ : ﻭﻳﻤﻜﻦ ﻫﻮ ﺍﻟﻲ ﻗﺘﻞ ﻭﺍﻟﺪﺝ ﻣﻮ ﺑﻌﻴﺪﻩ ﻳﻌﻨﻲ
ﺍﺯﻝ : ﻻ ﻣﺴﺘﺤﻴﻞ ﺳﺠﺎﺩ ﺍﻳﺴﻮﻱ ﻫﻴﺞ ﺷﻲ ﻻﻥ ﺍﻋﺮﻓﻪ ﺷﻨﻮ
ﺍﺣﻤﺪ : ﺷﻔﺘﻲ ﻣﻮ ﻛﺘﻠﺞ ﺭﺟﻌﻠﺞ ﺍﻟﺤﻨﻴﻦ ﺍﻟﻪ
ﺍﺯﻝ : ﺍﻫﻮﻭﻭﻭﻭ ﻳﻌﻨﻲ ﺍﻧﺘﻪ ﺭﺍﺡ ﺍﺗﺤﺎﺳﺒﻨﻲ ﻋﻠﻰ ﻛﻞ ﻛﻠﻤﻪ ﺍﻛﻮﻟﻪ ﺑﺤﻘﻪ ﻳﺎﺑﺸﺮ ﺍﻧﻲ ﻋﺸﺖ ﻭﻳﺎ ﺍﺭﺑﻊ ﺳﻨﻮﺍﺕ ﻭﺍﻋﺮﻓﻪ ﺷﻨﻮ ﻭﺍﻋﺮﻑ ﺑﻴﻤﻦ ﻳﻔﻜﺮ ﻭﺿﻬﻮﺭﻩ ﺑﻴﻮﻡ ﺍﻻﻋﻼﻥ ﺟﺎﻥ ﻟﻴﻔﻠﺖ ﺍﻟﻨﻈﺮ ﻭﺣﺘﻰ ﺍﻧﺘﻪ ﺣﻀﺮﺕ ﺟﻨﺎﺑﻚ ﺯﻭﺟﻲ ﺍﻟﻤﺒﺠﻞ ﺗﺘﻌﺎﺭﻙ ﻭﻳﺎﻱ ﻋﻠﻤﻮﺩﻩ ﻭﻳﺼﻴﺮ ﻣﺸﺎﻛﻞ ﺑﻴﻨﻪ ﻭﻫﻮ ﻫﺬﺍ ﺍﻟﻲ ﻳﺮﻳﺪﻩ ﻓﺎﺍﺣﻨﻪ ﻟﻴﺶ ﻧﻄﻲ ﻧﻘﻄﺔ ﺿﻌﻒ ﻳﺨﻠﻲ ﻳﻬﺎﺟﻤﻨﻪ ﻫﻮ ﺳﻮﺍ ﻛﻞ ﻫﺬﺍ ﺣﺘﻰ ﺑﺲ ﻳﻨﺘﻘﻢ ﻭﻳﻮﺻﻠﻲ ﺑﺲ ﻣﺮﺍﺡ ﺍﺧﻠﻴﻪ ﻳﺤﺼﻞ ﻣﺮﺍﺩﻩ ﻭﻫﺴﻪ ﺍﺷﻮﻑ
( ﺑﻴﺖ ﺳﺠﺎﺩ )
ﻳﺪﺧﻞ ﺳﺠﺎﺩ ﺍﻟﻰ ﺍﻟﺒﻴﺖ ﺗﺘﻠﻘﺎﻩ ﺍﺑﻨﺘﻪ ﻗﺎﺋﻠﻪ : ﺑﺎﺑﺎ ﺣﺒﻴﺒﻲ
ﻟﻴﺤﻀﻨﻬﺎ ﻭﻳﻘﺒﻠﻬﺎ ﻭﻳﺤﻤﻠﻬﺎ ، ﺯﻭﺟﺘﻪ ﺟﺎﻟﺴﻪ ﻣﺘﺠﻬﻤﻪ ﺍﻟﻮﺟﻪ ﺗﻨﻈﺮ ﺍﻟﻴﻪ ( ﻣﺘﺠﻬﻤﻪ = ﻣﻄﻨﻜﺮﻩ )
ﺳﺠﺎﺩ ﻳﻨﻈﺮ ﺍﻟﻴﻬﺎ ﻗﺎﺋﻼ : ﺍﻟﻴﻮﻡ ﺍﻟﺠﻮ ﻣﻐﻴﻢ ﺧﻴﺮ ﺍﻥ ﺷﺎﺀ ﺍﻟﻠﻪ
ﺯﻭﺟﺘﻪ : ﻣﺎﻣﺎ ﺭﻫﻒ ﺭﻭﺣﻲ ﻟﻐﺮﻓﺘﺞ ﺍﻟﻌﺒﻲ
ﺭﻫﻒ : ﺧﻠﻴﻨﻲ ﻭﻱ ﺑﺎﺑﺎ ﺷﻮﻳﻪ
ﺯﻭﺟﺘﻪ : ﻋﻨﺪﻱ ﻣﻮﺿﻮﻉ ﻭﻱ ﺑﺎﺑﺎ ﺍﺭﺩ ﺍﺣﺠﻲ ﻭﻳﺎ ﻣﺎﻝ ﻛﺒﺎﺭ
ﺭﻫﻒ : ﺍﻭﻭﻭﻑ ﺷﻮﻛﺖ ﺍﻛﺒﺮ
ﺳﺠﺎﺩ ﻳﺒﺘﺴﻢ ﻭﻳﻘﺒﻠﻬﺎ ﻗﺎﺋﻼ : ﻳﺎﻟﻠﻪ ﺑﺎﺑﺎ ﺭﻭﺣﻲ ﻟﻐﺮﻓﺘﺞ ﺍﺷﻮﻳﻪ ﻭﺍﺟﻲ ﺍﻟﻌﺐ ﻭﻳﺎﺝ
ﺗﺬﻫﺐ ﺍﺑﻨﺘﻪ ﺍﻟﻰ ﻏﺮﻓﺘﻬﺎ ﻳﺠﻠﺲ ﻓﻲ ﻣﻘﺎﺑﻞ ﺯﻭﺟﺘﻪ ﻗﺎﺋﻼ : ﺍﻱ ﺷﻨﻮ ﺍﻟﻤﻮﺿﻮﻉ
ﺯﻭﺟﺘﻪ : ﻣﻨﻮ ﺍﺯﻝ ﻫﺎﻱ ؟
ﺳﺠﺎﺩ : ﺍﺑﻨﻴﻪ ﺟﺎﻧﺖ ﻭﻳﺎﻳﻪ ﺑﺎﻟﺠﺎﻣﻌﺔ ﻭﺩﺭﺳﻨﻪ ﺑﻨﻔﺲ ﺍﻟﻜﻠﻴﻪ ﻭﺗﺨﺮﺟﻨﻪ ﺑﻨﻔﺲ ﺍﻟﺴﻨﻪ
ﺯﻭﺟﺘﻪ : ﺑﺲ ﻫﻴﺞ
ﺳﺠﺎﺩ : ﻟﻮﻳﻦ ﺗﺮﺩﻳﻦ ﺗﻮﺻﻠﻴﻦ ﺑﺎﻟﻈﺒﻂ
ﺯﻭﺟﺘﻪ : ﻫﻮ ﺍﻧﻲ ﻟﻮ ﺍﻧﺘﻪ ﻟﻮﻳﻦ ﺗﺮﻳﺪ ﺗﻮﺻﻞ ﺩﺍﺧﻞ ﺷﺮﺍﻛﺔ ﻭﻱ ﺣﺒﻴﺒﺘﻚ ﺍﻟﺴﺎﺑﻘﺔ ﻻﺯﻡ ﺣﻨﻴﺖ ﻻﻳﺎﻣﻚ ﻭﻳﺎﻫﺎ
ﺳﺠﺎﺩ ( ﻣﺘﻌﺼﺒﺎ ) : ﻣﻠﻚ ﺍﻟﺰﻣﻲ ﻟﺴﺎﻧﺞ ﻭﻋﺮﻓﻲ ﺍﺷﻠﻮﻥ ﺗﺤﺠﻴﻦ ﺷﻲ ﻣﺎﺿﻲ ﺑﺎﻟﻨﺴﺒﺔ ﺍﻟﻴﻪ ﻭﺍﻧﺘﻬﻰ ﻭﺍﻧﻲ ﻣﺎﺍﻓﺘﺢ ﺩﻓﺎﺗﺮ ﻗﺪﻳﻤﻪ ﻭﻻ ﺍﺩﻭﺭ ﺑﺎﻟﻤﺎﺿﻲ ﻋﻨﺪﻱ ﺯﻭﺟﻪ ﻭﺑﻨﺖ ﻭﺣﺎﻣﺪ ﺍﻟﻠﻪ ﻭﺷﺎﻛﺮﻩ ﻭﺍﻻﻓﻜﺎﺭ ﺍﻟﻲ ﺑﺎﻟﺞ ﻣﺴﺘﺤﻴﻠﺔ ﺍﺻﻴﺮ ﺍﻓﺘﻬﻤﺘﻲ
ﺯﻭﺟﺘﻪ : ﺣﻠﻮ ﺧﻮﺵ ﺣﺠﻲ ﻟﺤﺪ ﺍﻻﻥ ﻟﻴﺶ ﺩﺧﻠﺖ ﺷﺮﻛﺔ ﻭﻳﺎﻫﻢ ﺑﺪﻭﻥ ﻣﻴﺪﺭﻭﻥ
ﺳﺠﺎﺩ : ﺣﺘﻰ ﺍﻭﺳﻊ ﻧﻔﻮﺫﻧﻪ ﻭﺍﺳﻢ ﺍﻟﺸﺮﻛﺔ ﺗﻜﺒﺮ ﻭﻛﻠﻤﺎ ﺻﺎﺭﻭﺍ ﺷﺮﻛﺎﺋﻨﻪ ﻫﻮﺍﻱ ﻛﻠﻤﺎ ﺯﺍﺩ ﺍﻟﺮﺑﺢ ﻭﻫﺎﻱ ﻛﻞ ﺍﻟﻤﺴﺌﻠﻪ
ﺯﻭﺟﺘﻪ : ﻻ ﻣﻮ ﻛﻠﻬﺎ ﻭﺟﻮﺍﺑﻚ ﺑﻲ ﻧﻘﺺ ﻣﺎﻛﺘﻠﻲ ﻟﻴﺶ ﺩﺧﻠﺖ ﺑﺪﻭﻥ ﻋﻠﻤﻬﻢ ﻭﺍﺳﺘﺨﺪﻣﺖ ﺷﺨﺺ ﻏﻴﺮﻙ
ﺳﺠﺎﺩ : ﻻﻥ ﻟﻮ ﺩﺭﻭﺍ ﺑﻴﻪ ﺍﻧﻲ ﻣﺮﺍﺡ ﻳﻘﺒﻠﻮﻥ ﻋﺮﺽ ﺍﻟﺸﺮﺍﻛﺔ ﻻﻥ ﻣﺜﻞ ﻣﺎﺗﻌﺮﻓﻴﻦ ﻋﺪﻱ ﻣﺎﺿﻲ ﻭﻳﺎﻫﻢ ﻭﺍﻻ ﺍﻧﻲ ﻣﺎﺍﺳﺒﺒﻠﻬﻢ ﺍﻱ ﺿﺮﺭ
ﺯﻭﺟﺘﻪ : ﻭﺣﺠﻴﻚ ﺑﺎﻻﻋﻼﻥ ﻭﺍﺯﻝ ﺍﻟﻲ ﻃﻠﻌﺖ ﺗﺒﺠﻲ ﻣﻦ ﺍﻟﻘﺎﻋﻪ ﺷﺘﻔﺴﺮﻩ ﻫﺬﺍ
ﺳﺠﺎﺩ : ﻋﺎﺩﻱ ﺫﻛﺮﺕ ﺟﺰﺀ ﻣﻦ ﺣﻴﺎﺗﻲ ﻭﻣﻌﺎﻧﺎﺗﻲ ﻭﻫﻠﻲ ﺭﺳﺎﻟﻪ ﻭﺻﻠﺘﻬﺎ ﻟﻠﺤﺎﺿﺮﻳﻦ
ﺯﻭﺟﺘﻪ : ﻗﺼﺪﻙ ﻟﻼﺯﻝ ﻣﻮ ﺍﻟﺤﺎﺿﺮﻳﻦ
ﺳﺠﺎﺩ : ﺍﻧﺘﻲ ﺷﻠﺰﻛﺘﻲ ﺑﺎﺯﻝ ﺍﺯﻝ ﺍﺯﻝ ﻛﺎﻓﻲ ﻛﺘﻠﺞ ﺍﻟﻲ ﺑﺎﻟﺞ ﻣﺴﺘﺤﻴﻞ ﻳﺼﻴﺮ
ﺯﻭﺟﺘﻪ : ﺍﻧﻲ ﺍﻟﻲ ﺑﺎﻟﻲ ﻣﻮ ﺗﺮﺟﻊ ﻋﻼﻗﺘﻜﻢ ﺳﻮﺍ ﺍﻧﻲ ﺍﻟﻲ ﺑﺎﻟﻲ ﺭﺍﺡ ﺗﻨﺘﻘﻢ ﻋﻠﻰ ﺍﻟﻲ ﺳﻮﻭ ﺑﻴﻚ ﻫﺬﺍ ﺣﺠﻴﻚ ﻛﻠﻪ ﻣﺎﻣﻘﺘﻨﻌﻪ ﺑﻲ ﻻﻥ ﺍﻧﺎﻱ ﺭﺟﻠﻲ ﻭﺍﻋﺮﻓﻚ ﺑﺸﻨﻮ ﺗﻔﻜﺮ ﻭﻣﻦ ﺑﺎﺟﺮ ﺍﻧﺰﻝ ﻭﻳﺎﻙ ﻭﺍﺩﺍﻭﻡ ﺑﺸﺮﻛﺔ
ﺳﺠﺎﺩ : ﻧﺰﻟﻲ ﻋﻴﻨﻲ ﻧﺰﻟﻲ ﻭﺍﻧﻲ ﺍﻛﻌﺪ ﺑﺎﻟﺒﻴﺖ ﻭﺍﻟﻪ ﺍﻛﻠﺞ ﺍﺭﻭﺡ ﺍﻋﺮﺽ ﺧﺪﻣﺎﺗﻲ ﻋﻠﻰ ﺣﻀﺎﻧﻪ ﻣﺎﻝ ﺍﻃﻔﺎﻝ ﻭﺍﺭﺿﻌﻬﻢ ﻣﻦ ﻳﺒﺠﻮﻥ ﺍﻧﻲ ﺷﻨﻮ ﻭﺟﻮﺩﻱ ﻟﻌﺪ ﺍﺧﻮﺝ ﺷﻨﻮ ﻭﺟﻮﺩﻩ
ﺯﻭﺟﺘﻪ ( ﺗﻨﻬﺾ ﻣﻦ ﻣﻜﺎﻧﻬﺎ ﻗﺎﺋﻠﻪ ) : ﺷﻜﻮ ﺑﻴﻬﺎ ﺭﻭﺡ ﺭﺿﻊ ﺍﻟﺸﻐﻞ ﻣﻮ ﻋﻴﺐ ﻭﺍﻧﻲ ﺍﻟﻲ ﺣﺼﻪ ﺑﺎﻟﺸﺮﻛﻪ ﻣﺜﻞ ﻣﺎ ﺍﻟﻚ ﺍﻧﺘﻪ ﻭﻻ ﺗﻨﺴﻪ ﺍﻫﻠﻲ ﺍﻟﻲ ﻟﻤﻮﻙ ﻣﻦ ﺍﻟﺸﺎﺭﻉ ﻭﺻﺮﺕ ﻫﺴﻪ ﺻﺎﺣﺐ ﺍﻣﻼﻙ ﺑﻔﻀﻠﻬﻢ
ﺳﺠﺎﺩ ﻳﻨﻬﺾ ﻣﻦ ﻣﻜﺎﻧﻪ ﻭﻳﻀﺮﺏ ﺯﻭﺟﺘﻪ ﻛﻒ ( ﺭﺍﺷﺪﻱ )
ﺯﻭﺟﺘﻪ : ﺗﻀﺮﺑﻨﻲ ﺳﺠﺎﺩ
ﺳﺠﺎﺩ : ﻭﺍﻛﺺ ﻟﺴﺎﻧﺞ ﻛﻠﺸﻲ ﻭﻻ ﺩﻭﺳﻴﻦ ﻋﻠﻰ ﻛﺮﺍﻣﺘﻲ ﺑﻔﻀﻠﻲ ﻫﺴﻪ ﺍﻧﺘﻮﺍ ﻋﺎﻳﺸﻴﻦ ﺑﻬﺬﺍ ﺍﻟﻌﺰ ﻭﻟﻮ ﻣﺎ ﺍﻧﻲ ﺟﺎﻥ ﻫﺴﻪ ﺍﻧﺘﻮﺍ ﻣﺎﻟﻜﻢ ﺍﻱ ﻭﺟﻮﺩ ﺑﺎﻟﻤﺠﺘﻤﻊ ﺍﻟﺮﺍﻗﻲ ﺑﻔﻀﻠﻲ ﺍﻧﻲ ﺍﻟﻲ ﻭﺻﻠﺘﻜﻢ ﻭﺍﻧﻲ ﺍﻟﻲ ﺗﻌﺒﺖ ﻭﺍﺷﺘﻐﻠﺖ ﻭﺍﻛﺪﺭ ﻫﺴﻪ ﺍﺷﺘﺮﻱ ﺣﺼﺼﻜﻢ ﺍﻧﺘﻲ ﻭﺍﺧﻮﺝ ﻭﺍﺷﻤﺮﻛﻢ ﺑﺸﺎﺭﻉ ﻫﺬﺍ ﺍﻟﺤﺠﻲ ﺧﻠﻲ ﺗﺮﺟﻴﻪ ﺑﺎﺫﻧﺞ ﻭﻛﻠﻴﻠﻪ ﻟﺨﻮﺝ ﻫﻢ ﻫﺬﺍ ﺍﻟﻜﻼﻡ ﻭﻣﻤﻨﻮﻉ ﺗﻮﺻﻠﻴﻦ ﻟﺸﺮﻛﻪ ﺍﻓﺘﻬﻤﺘﻲ
ﻳﻐﺎﺩﺭ ﺍﻟﺒﻴﺖ ﻏﺎﺿﺒﺎ
( ﺑﻴﺖ ﺍﺯﻝ )
ﺍﺯﻝ ﺗﺘﺤﺪﺙ ﻣﻊ ﻓﺎﺩﻳﻪ ﻗﺎﺋﻠﻪ : ﻣﻌﻘﻮﻟﺔ ﺳﺠﺎﺩ ﻫﻮ ﺍﻟﻲ ﻗﺘﻞ ﺑﺎﺑﺎ ؟
ﻓﺎﺩﻳﻪ : ﺳﺠﺎﺩ ﻣﻴﻜﺪﺭ ﻳﺎﺫﻱ ﻧﻤﻠﻪ ﺍﻧﻮﺏ ﻳﻘﺘﻞ ﺑﺸﺮ ﻻ ﻣﺴﺘﺤﻴﻞ ﻭﺑﻌﺪﻳﻦ ﺍﺑﻮﺝ ﻣﻮ ﻋﻨﺪ ﺍﻋﺪﺍﺀ ﻫﻮﺍﻱ ﺍﻛﻴﺪ ﻭﺍﺣﺪ ﻣﻨﻬﻢ ﻭﻣﻨﻮ ﺧﻠﻪ ﻋﺎﻱ ﺍﻟﻔﻜﺮﺓ ﺑﻌﻘﻠﺞ
ﺍﺯﻝ : ﺍﺣﻤﺪ ﻫﻮ ﺍﻟﻲ ﻛﺎﻝ
ﻓﺎﺩﻳﻪ : ﻣﻦ ﺍﻟﻐﻴﺮﻩ ﻛﺎﻝ ﻫﻴﺞ ﻟﺘﻔﻜﺮﻳﻦ ﺑﺸﻲ ﺳﻠﺒﻲ ﺑﺎﺟﺮ ﺭﻭﺣﻴﻠﻪ ﻟﺴﺠﺎﺩ ﺍﻧﻬﻲ ﺍﻟﺸﺮﺍﻛﺔ ﻭﺍﺷﺘﺮﻱ ﺭﺍﺣﻪ ﺑﺎﻟﺞ
( ﻗﺒﻞ ﻳﻮﻣﻴﻦ )
ﺳﺠﺎﺩ ﻳﺘﺤﺪﺙ ﻣﻊ ﻓﺎﺩﻳﻪ ﻗﺎﺋﻼ : ﻫﺴﻪ ﺑﺪﺕ ﻣﻬﻤﺘﺞ ﺍﻟﺠﺪﻳﺪﻩ
ﻓﺎﺩﻳﻪ : ﻭﻫﻲ ؟
ﺳﺠﺎﺩ : ﺗﺮﺣﻴﻦ ﻟﻼﺯﻝ ﻭﺿﻠﻴﻦ ﻳﻤﻬﺎ ﺑﺎﻟﺒﻴﺖ ﻣﺜﻞ ﺿﻠﻬﺎ ﻻﻥ ﺑﻴﻮﻡ ﺍﻟﻲ ﺍﺿﻬﺮ ﻛﺪﺍﻣﻬﺎ ﻭﻛﺪﺍﻡ ﺯﻭﺟﻬﺎ ﺭﺍﺡ ﺯﻭﺟﻬﺎ ﻳﻜﻠﻬﺎ ﻫﻮ ﺍﻟﻲ ﻗﺘﻞ ﺍﺑﻮﺝ ﻭﻳﺨﻠﻲ ﻫﺎﻱ ﺍﻟﻔﻜﺮﻩ ﺑﺮﺍﺳﻬﺎ ﻟﺬﻟﻚ ﺍﻧﺘﻲ ﻣﻨﻌﻴﻬﺎ ﻭﻛﻠﻴﻠﻲ ﺑﺎﻻﺣﺪﺍﺙ ﺍﻭﻝ ﺑﺎﻭﻝ ﺷﻨﻮ ﺍﻟﻲ ﻳﺼﻴﺮ ﺑﺎﻟﺒﻴﺖ
ﻓﺎﺩﻳﻪ : ﻳﻌﻨﻲ ﺟﺎﺳﻮﺳﺔ ﺗﺮﻳﺪﻧﻲ
ﺳﺠﺎﺩ : ﻟﻴﺶ ﻣﻮ ﻣﺴﺎﻋﺪﻩ ﺣﺘﻰ ﻣﻨﻨﻜﺸﻒ ﻭﻧﺒﻌﺪ ﺍﻟﺸﺒﻬﺎﺕ ﻋﻨﻪ
ﻓﺎﺩﻳﻪ : ﺣﺎﺿﺮ
( ﺍﻟﺤﺎﺿﺮ )
ﺍﺯﻝ ﺗﺪﺧﻞ ﺍﻟﻰ ﺷﺮﻛﺔ ﺳﺠﺎﺩ ﺗﻘﻮﻡ ﺑﻔﺘﺢ ﺑﺎﺏ ﻣﻜﺘﺒﻪ ﺍﻟﺨﺎﺹ ﺩﻭﻥ ﺍﻥ ﺗﺎﺧﺬ ﺍﺫﻥ ﻣﻦ ﺍﻟﺴﻜﺮﺗﻴﺮﻩ ﺷﺬﻯ
ﺷﺬﻯ : ﺳﺖ ﻟﺤﻈﻪ ﻣﻴﺼﻴﺮ ﺍﺩﺧﻠﻴﻦ ﺑﺪﻭﻥ ﻣﻮﻋﺪ
ﺳﺠﺎﺩ ﻳﻨﻬﺾ ﻣﻦ ﻛﺮﺳﻴﻪ ﻗﺎﺋﻼ : ﺍﺗﺮﻛﻴﻪ ﺧﻠﺺ ﻭﺍﻃﻠﻌﻲ ﻭﺳﺪﻱ ﺍﻟﺒﺎﺏ ، ﺗﻔﻀﻠﻲ ﺳﺖ ﺍﺯﻝ
ﺍﺯﻝ : ﺍﺳﻤﻊ ﺍﻧﻲ ﻣﺠﺎﻱ ﺍﻛﻌﺪ ﻭﺍﺷﺮﺏ ﻛﻬﻮﻩ ﻭﻳﺎﻙ ﺍﻻﺗﻔﺎﻕ ﻣﻦ ﻫﺴﻪ ﺍﻋﺘﺒﺮﻩ ﻣﻠﻐﻲ
ﺳﺠﺎﺩ : ﺍﻭﻙ ﻟﻴﺶ ﻣﺘﻌﺼﺒﻪ ﻟﻌﺪ ﺑﺲ ﻻﺯﻡ ﺍﺩﻓﻌﻴﻦ ﺛﻼﺛﻪ ﻣﻠﻴﻮﻥ ﺩﻭﻻﺭ ﻻﻥ ﻗﻴﻤﻪ ﻓﺴﺦ ﺍﻟﻌﻘﺪ ﻫﺬﺍ ﺷﺮﻃﻪ ﻋﻨﺪﺝ ﺍﺩﻓﻌﻲ ﻣﺎﻋﻨﺪﺝ ﺭﺍﺡ ﺗﺴﺘﻤﺮ ﺍﻟﺸﺮﺍﻛﺔ
ﺍﺯﻝ : ﺍﻧﺘﻪ ﺷﻐﻴﺮﻙ ﻫﻴﺞ ﻫﺎ
ﺳﺠﺎﺩ : ﻳﻌﻨﻲ ﺍﻟﻮﺍﺣﺪ ﻣﻴﺘﻐﻴﺮ ﻟﻼﻓﻀﻞ ﻟﺸﻮﻛﺖ ﺍﻟﺸﺨﺺ ﻳﺒﻘﻰ ﺑﻤﻜﺎﻧﻪ ﻳﺮﺍﻭﺡ ﻻﺯﻡ ﻳﺠﻲ ﻳﻮﻡ ﻭﻳﻄﻮﺭ ﻣﻦ ﻧﻔﺴﻪ ﻭﺍﻧﻲ ﻃﻮﺭﺕ ﻧﻔﺴﻲ ﺧﺎﻑ ﺗﻐﺎﺭﻳﻦ ﻣﻨﻲ
ﺍﺯﻝ : ﻻ ﻭﺍﻟﻠﻪ ﻣﻮ ﺍﻏﺎﺭ ﻣﻨﻚ ﺑﺲ ﺍﻛﻮﻝ ﺧﻄﻴﻪ ﺗﻌﺐ ﻭﺍﺷﺘﻐﻞ ﺣﺘﻰ ﺑﺲ ﻳﺮﻳﺪ ﻳﻮﺻﻠﻨﻲ ﻭﻳﺘﻘﺮﺏ ﻣﻨﻲ ﻭﻫﺎﻱ ﻣﺴﺮﺣﻴﺘﻚ ﻛﻠﻬﺎ ﺳﻮﻳﺘﻬﺎ ﻋﻠﻤﻮﺩﻱ
ﺳﺠﺎﺩ : ﻻ ﻏﻠﻄﺎﻧﻪ ﺑﺲ ﺍﻟﻲ ﻋﺪﻫﺎ ﻧﻘﺺ ﺑﻨﻔﺴﻬﺎ ﺗﻜﻮﻝ ﻫﻴﻚ ﺣﺠﻲ ﻭﺍﻧﺘﻲ ﻣﺤﺸﻮﻣﻪ ﻣﻦ ﺍﻟﻨﻘﺺ , ﻭﻫﺬﺍ ﺷﻴﻚ ﻋﺮﺑﻮﻥ ﺑﻌﺸﺮﻩ ﻣﻠﻴﻮﻥ ﺩﻳﻨﺎﺭ ﺗﻨﻄﻮﻥ ﺭﻭﺍﺗﺐ ﺍﻟﻤﻮﻇﻔﻴﻦ ﺧﻄﻴﻪ ﺍﺻﺤﺎﺏ ﻋﻮﺍﺋﻞ
ﺗﻤﺴﻚ ﺍﺯﻝ ﺍﻟﺸﻴﻚ ﺗﻤﺰﻗﻪ ﻭﺗﺮﻣﻴﻪ ﺑﻮﺟﻪ ﺳﺠﺎﺩ ﻗﺎﺋﻠﻪ : ﺧﻠﻲ ﻋﻠﻰ ﺭﻭﺣﻚ ﺭﺍﺡ ﻧﻠﺘﻘﻲ ﻣﻦ ﺟﺪﻳﺪ ، ﺳﻼﻡ
ﺳﺠﺎﺩ : ﻭﺍﻧﻲ ﻣﻨﺘﻈﺮ ﻟﻘﺎﺀﻧﻪ
ﺑﻌﺪ ﺧﺮﻭﺟﻬﺎ ﻣﻦ ﺍﻟﻤﻜﺘﺐ ﺳﺠﺎﺩ ﻳﻘﻮﻡ ﺑﺮﺩ ﻓﻌﻞ ﺑﺮﻣﻲ ﺍﻟﻤﺰﻫﺮﻳﻪ ﻋﻠﻰ ﺍﻻﺭﺽ ﻣﺘﻌﺼﺒﺎ ﻣﻦ ﻛﻼﻣﻬﺎ ﻭﺭﺩﻩ ﻓﻌﻠﻬﺎ
( ﻓﻲ ﺍﻟﺴﺠﻦ )
ﺍﺣﻤﺪ ﺯﻭﺝ ﺍﺯﻝ ﻳﺰﻭﺭ ﺍﺣﺪ ﺍﻷﺷﺨﺎﺹ ﻓﻲ ﺍﻟﺴﺠﻦ ﻗﺎﺋﻼ : ﺑﻌﺪﻙ ﻋﻠﻰ ﺷﻐﻠﻚ ﻟﻮ ﺑﻄﻠﺖ
ﺍﻟﺸﺨﺺ : ﺍﻟﺸﻐﻞ ﺷﻐﻞ ﻣﻨﺒﻄﻠﻪ ﻟﻤﻦ ﺍﻟﻠﻪ ﻳﺎﺧﺬ ﻫﻠﺮﻭﺡ ﻛﻮﻝ ﻣﻨﻮ ﺍﻟﺸﺨﺺ ﺍﻟﻲ ﺗﺮﻳﺪ ﻳﻘﺎﺑﻞ ﺭﺑﻪ
ﺍﺣﻤﺪ ﻳﺨﺮﺝ ﺻﻮﺭﻩ ﺳﺠﺎﺩ ﻣﻦ ﺟﻴﺒﻪ ﻗﺎﺋﻼ : ﻫﺬﺍ
ﺍﻟﺸﺨﺺ : ﻣﺎﺷﺎﺀﺍﻟﻠﻪ ﻣﺘﻐﻴﺮ ﻋﻦ ﻗﺒﻞ ﺳﺖ ﺳﻨﻮﺍﺕ
ﺍﺣﻤﺪ : ﻫﺬﺍ ﺷﻐﻠﻚ ﺍﻟﻲ ﻣﺎﻛﻤﻠﺘﻪ ﻭﺑﻘﻪ ﻧﺎﻗﺺ
ﺍﻟﺸﺨﺺ : ﻛﺘﻠﻚ ﺗﺮﻳﺪ ﺍﺧﻠﺺ ﻋﻠﻴﻪ ﺑﺲ ﺍﻧﺘﻪ ﺭﻓﻀﺖ ﻳﻌﻨﻲ ﺍﻟﺬﻧﺐ ﻣﻮ ﺫﻧﺒﻲ
ﺍﺣﻤﺪ : ﺷﻔﺘﻪ ﺍﺧﺘﻔﻰ ﻭﺍﺑﺘﻌﺪ ﻋﻦ ﺍﻟﻨﺎﺱ ﺍﻟﻲ ﺍﺣﺒﻬﻢ ﻭﺑﺘﺎﻟﻲ ﺧﺴﺮ ﻭﺍﻟﺪﺗﻪ ﺍﺗﻠﻘﻰ ﺍﻗﻮﻩ ﺻﺪﻣﻪ ﺑﺤﻴﺎﺗﻪ
ﺍﻟﺸﺨﺺ : ﻫﻠﻤﺮﻩ ﻫﻢ ﺗﺮﻳﺪﻩ ﺑﺎﻧﻔﺠﺎﺭ ﻟﻮ ﺍﻏﺘﻴﺎﻝ ﻟﻮ ﻋﺒﻮﻩ
ﺍﺣﻤﺪ : ﺍﻏﺘﻴﺎﻝ ﺍﺭﻳﺪ ﺟﺴﻤﻪ ﻣﻄﺮﺯ ﺑﺮﺻﺎﺹ ﺍﻃﺮﺯ ﺑﺤﻴﺚ ﻳﺼﺮﻓﻮﻥ ﻋﻠﻴﻪ ﺧﻴﻮﻁ ﺑﻜﺪ ﺍﻟﺪﻧﻴﺎ
ﺍﻟﺸﺨﺺ : ﻳﻌﻨﻲ ﺑﻬﺬﺍ ﻛﻼﻣﻚ ﺩﺍﺱ ﻋﻠﻰ ﻃﺮﻓﻚ
ﺍﺣﻤﺪ : ﻣﻮ ﺍﻱ ﻃﺮﻑ ، ﻃﺮﻑ ﺍﻟﻤﻔﺮﻭﺽ ﻳﺒﻘﻰ ﺑﻌﻴﺪ ﻋﻨﻪ ﻣﻦ ﺯﻣﺎﻥ
ﺍﻟﺸﺨﺺ : ﻫﺎﻱ ﺍﻟﻌﻤﻠﻴﺔ ﺗﻜﻠﻔﻚ ﻫﻮﺍﻱ
ﺍﺣﻤﺪ : ﺣﺪﺩ ﺍﻟﺴﻌﺮ ﻭﺍﻧﻲ ﻣﻮﺍﻓﻖ
ﺍﻟﺸﺨﺺ : ﻣﻠﻴﻮﻧﻴﻦ ﺩﻳﻨﺎﺭ ﻭﺍﺭﻳﺪﻫﻦ ﺑﺤﺴﺎﺑﻲ ﺑﺎﻟﻤﺼﺮﻑ ﻭﺑﻮﻛﺖ ﻣﺎﺍﺷﻮﻑ ﺍﻟﺤﺴﺎﺏ ﺍﻧﻀﺎﻑ ﺭﺍﺡ ﺍﺑﺪﻱ ﺍﻟﻌﻤﻠﻴﻪ
ﺍﺣﻤﺪ : ﻫﺎﻱ ﻫﻲ ﻣﺘﻔﻘﻴﻦ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق