رواية غرام وانتقام ج2 الجزء الأول
للكاتب كرار الكرادي
.
ﺑﻌﻨﻮﺍﻥ : ﺍﻻﻧﺘﻘﺎﻡ
ﺑﻌﺪ ﻣﺮﻭﺭ ( ٦ ﺳﻨﻮﺍﺕ )
ﺗﻘﺘﺮﺏ ﺭﻫﻒ ﻣﻦ ﻭﺍﻟﺪﻫﺎ ﺳﺠﺎﺩ ﻭﻫﻮ ﻧﺎﺋﻢ ﻟﺘﺼﻌﺪ ﻋﻠﻰ ﺍﻟﺴﺮﻳﺮ ﻭﺗﺒﺪﺍ ﺑﺈﻳﻘﺎﻅ ﺳﺠﺎﺩ ﻗﺎﺋﻠﻪ : ﺑﺎﺑﺎ ﺑﺎﺑﺎ ﺑﺎﺑﺎ ﻳﺎﻟﻠﻪ ﻛﻮﻡ ﺻﺎﺭ ﺍﻟﺼﺒﺢ ﺣﺘﻰ ﺗﻮﺻﻠﻨﻲ ﻟﺮﻭﺿﻪ
ﻳﺴﺘﻴﻘﻆ ﻣﻦ ﻧﻮﻣﻪ ﻳﺘﺜﺎﻭﺏ ﻭﻳﻘﻮﻡ ﺑﺈﻣﺴﺎﻙ ﺍﺑﻨﺘﻪ ﺭﻫﻒ ﻭﻳﻘﺒﻠﻬﺎ ﻗﺎﺋﻼ : ﻳﻌﻨﻲ ﺍﺷﻠﻮﻥ ﺑﻴﺞ ﻳﻮﻣﻴﻪ ﻣﻜﻌﺪﺗﻨﻲ ﻣﻦ ﺍﻟﻨﻮﻡ ﻭﻳﻦ ﺣﻘﻮﻕ ﺍﻹﻧﺴﺎﻥ ﺑﻬﺬﺍ ﺍﻟﻤﻮﺿﻮﻉ ﻟﻴﺶ ﻣﻴﻨﺎﻗﺸﻮﺍ
ﺗﺪﺧﻞ ﺯﻭﺟﺘﻪ ﻣﻠﻚ ﺍﻟﻰ ﺍﻟﻐﺮﻓﻪ ﻗﺎﺋﻠﻪ : ﺭﻫﻮﻓﻪ ﻳﺎﻟﻠﻪ ﻣﺎﻣﺎ ﺗﻌﺎﻱ ﺗﺮﻳﻜﻲ ﻭﻫﺴﻪ ﻳﺠﻲ ﺑﺎﺑﺎ
ﺗﺬﻫﺐ ﺭﻫﻒ ﺍﻟﻰ ﺍﻟﻤﻄﺒﺦ
ﻣﻠﻚ : ﺻﺒﺎﺡ ﺍﻟﺨﻴﺮ ﻳﺎﻣﻨﻘﺬﻱ
ﺳﺠﺎﺩ : ﺻﺒﺎﺡ ﺍﻟﻨﻮﺭ ﻳﺎﺍﺳﻴﺮﻩ
ﻣﻠﻚ ( ﺗﻀﺤﻚ ) : ﻳﺎﻟﻠﻪ ﻛﻮﻡ ﺗﺮﻳﻚ
ﺳﺠﺎﺩ : ﺍﻛﻠﺞ ﻫﺎﻱ ﻣﺪﺭﻱ ﺷﻨﻮ ﺑﺎﻟﻔﺮﺍﺵ
ﻣﻠﻚ : ﺷﻨﻮ ﺣﺒﻴﺒﻲ
ﺳﺠﺎﺩ : ﺷﻮ ﺗﻌﺎﻱ ﺷﻮﻓﻲ
ﺗﻘﺘﺮﺏ ﺯﻭﺟﺘﻪ ﻣﻦ ﺍﻟﺴﺮﻳﺮ ﻓﺎﺫﺍ ﺑﺴﺠﺎﺩ ﻳﻨﻘﺾ ﻋﻠﻴﻬﺎ ﻟﻴﺮﻣﻴﻬﺎ ﺑﺠﺎﻧﺒﻪ ﻋﻠﻰ ﺍﻟﻔﺮﺍﺵ ﻛﻤﺎ ﻳﻨﻘﺾ ﺍﻻﺳﺪ ﻋﻠﻰ ﻓﺮﻳﺴﺘﻪ
ﻣﻠﻚ : ﻳﺎ ﺳﺠﺎﺩ ﺍﻟﺒﻨﻴﻪ ﻛﺎﻋﺪﻩ ﻭﺭﺍﺡ ﺗﺘﺎﺧﺮ ﻋﻦ ﺍﻟﺮﻭﺿﻪ
ﺳﺠﺎﺩ : ﻫﺎﻱ ﺷﺒﻴﺞ ﺍﻟﺒﺎﺭﺣﺔ ﺟﻴﺖ ﺗﻌﺒﺎﻥ ﻭﻧﻤﺖ ﻭﻣﺎﺳﻮﻟﻔﺘﻠﺞ ﻗﺼﻪ ﻟﻴﻠﻰ ﻭﺍﻟﺬﺋﺐ ﻭﺍﺭﺩ ﺍﺳﻮﻟﻔﻪ ﻫﺴﻪ
ﺭﻫﻒ ﺗﻨﺎﺩﻱ ﻭﺍﻟﺪﺗﻬﺎ : ﻣﺎﻣﺎ
ﻣﻠﻚ : ﺷﻔﺖ ﺻﺎﺣﺘﻨﻲ ﻳﺎﻟﻠﻪ ﻛﻮﻡ ﻛﺎﻓﻲ ﻛﺴﻞ
ﺳﺠﺎﺩ : ﻫﺎﻱ ﺍﻟﺒﻨﻴﻪ ﺩﺍﺋﻤﺎ ﺗﻘﻄﻊ ﺍﻟﻠﺤﻈﺎﺕ ﺍﻟﺤﻠﻮﻩ ﻣﺪﺭﻱ ﻋﻠﻴﻤﻦ ﻃﺎﻟﻌﻪ
( ﻓﻲ ﺧﻼﻝ ﺍﻟﺴﺖ ﺳﻨﻮﺍﺕ ﺳﺠﺎﺩ ﺗﺰﻭﺝ ﺑﺎﻟﻔﺘﺎﻩ ﺍﻟﺘﻲ ﺍﻧﻘﺬﻫﺎ ﻣﻦ ﺍﻻﺧﺘﻄﺎﻑ ﻭﺍﻧﺠﺒﺖ ﻟﻪ ﺭﻫﻒ ﻭﺍﺻﺒﺢ ﻟﺪﻯ ﺳﺠﺎﺩ ﺷﺮﻛﻪ ﺧﺎﺻﻪ ﻟﻪ ﻭﻫﻮ ﻣﺪﻳﺮﻫﺎ ﻭﺍﺻﺒﺢ ﻣﻦ ﺭﺟﺎﻝ ﺍﻷﻋﻤﺎﻝ ﺍﻟﻨﺎﺟﺤﻴﻦ ﻭﻟﻪ ﺍﺳﻤﻪ ﺑﻴﻦ ﺍﻟﺘﺠﺎﺭ )
ﻳﻨﻬﺾ ﻣﻦ ﻓﺮﺍﺷﻪ ﻭﻳﺠﻠﺲ ﻋﻠﻰ ﻣﺎﺋﺪﺓ ﺍﻹﻓﻄﺎﺭ ﻣﻊ ﺯﻭﺟﺘﻪ ﻭﺍﺑﻨﺘﻪ ﺍﻟﻌﺎﺋﻠﺔ ﺍﻟﺼﻐﻴﺮﺓ ﺍﻟﺘﻲ ﻛﺎﻥ ﻳﺘﻤﻨﺎﻫﺎ ﻭﺍﻟﺤﻴﺎﺓ ﺍﻟﻜﺮﻳﻤﺔ ﻭﺍﻟﻐﻨﻴﺔ ﺍﻟﺘﻲ ﻛﺎﻥ ﻳﺮﻳﺪﻫﺎ ﻓﺤﺼﻞ ﻋﻠﻴﻬﺎ ﺑﺘﻌﺒﻪ ﻭﺑﻌﺮﻕ ﺟﺒﻴﻨﻪ
( ﺍﻋﻤﻞ ﺟﺎﻫﺪﺍ ﻓﻲ ﺣﻴﺎﺗﻚ ﺍﻟﺒﺎﺋﺴﺔ ﻟﺘﻨﺎﻝ ﻋﻴﺸﺘﻚ ﺍﻟﺘﻲ ﺗﺘﻤﻨﺎﻫﺎ )
ﻳﺨﺮﺝ ﻣﻦ ﺑﻴﺘﻪ ﻣﻊ ﺍﺑﻨﺘﻪ ﻳﻘﻮﻡ ﺑﻔﺘﺢ ﺑﺎﺏ ﺍﻟﺴﻴﺎﺭﺓ ﻗﺎﺋﻼ : ﺗﻔﻀﻠﻲ ﻳﺎﺍﻣﻴﺮﺗﻲ ﺍﻟﺠﻤﻴﻠﺔ
ﺗﺼﻌﺪ ﺑﺠﺎﻧﺒﻪ ﻭﺗﺮﺑﻂ ﺣﺰﺍﻡ ﺍﻻﻣﺎﻥ ﻭﻳﺴﻴﺮ ﺑﻬﺎ ﻧﺤﻮ ﺍﻟﺮﻭﺿﺔ
ﺍﻣﺎ ﺯﻭﺟﺘﻪ ﻣﻠﻚ ﻭﺑﻌﺪ ﺧﺮﻭﺝ ﺳﺠﺎﺩ ﻭﺭﻫﻒ ﻗﺪ ﻭﺿﺒﺖ ﺍﻭﺍﻧﻲ ﺍﻻﻛﻞ ﻗﺎﺋﻠﻪ : ﻫﺴﻪ ﺍﺭﻭﺡ ﺍﻛﻤﻞ ﻧﻮﻣﺘﻲ ﻭﺑﻌﺪﻳﻦ ﺍﺷﺘﻐﻞ ﻭﺍﺣﻀﺮ ﻏﺪﻩ
ﻳﻘﻒ ﺳﺠﺎﺩ ﺑﺴﻴﺎﺭﺗﻪ ﺍﻣﺎﻡ ﺍﻟﺮﻭﺿﺔ ﻭﻳﻘﻮﻡ ﺑﺄﻧﺰﺍﻝ ﺭﻫﻒ ﻭﻳﺬﻫﺐ ﻣﻌﻬﺎ ﺍﻟﻰ ﺭﻭﺿﻪ ﻟﺘﺴﻠﻴﻤﻬﺎ ﺍﻟﻰ ﺍﻟﻤﻌﻠﻤﺔ
ﺳﺠﺎﺩ : ﺻﻴﺮﻱ ﻋﺎﻗﻠﻪ ﻭﺷﺎﻃﺮﻩ ﻭﻟﺘﻌﺬﺑﻴﻦ ﻣﻌﻠﻤﺘﺞ ﺍﻭﻙ ﺑﺎﺑﺎ
ﺭﻫﻒ : ﺍﻭﻙ ﺑﺎﺑﺎ
.
ﺳﺠﺎﺩ : ﻳﺎﻟﻠﻪ ﻭﻳﻦ ﺑﻮﺳﺘﻲ
ﺗﻘﻮﻡ ﺭﻫﻒ ﺑﺘﻘﺒﻴﻠﻪ ﻭﺗﻠﻮﺡ ﻟﻪ ﺑﻴﺪﻫﺎ ﺍﺷﺎﺭﻩ ﻟﺘﻮﺩﻳﻌﻪ
ﺑﻌﺪ ﺫﻟﻚ ﻳﺼﻌﺪ ﺳﻴﺎﺭﺗﻪ ﻭﻳﻐﺎﺩﺭ ﺍﻟﻰ ﺷﺮﻛﺘﻪ
( ﻓﻲ ﺍﻟﺸﺮﻛﺔ )
ﻳﺘﺮﺟﻞ ﺳﺠﺎﺩ ﻣﻦ ﺳﻴﺎﺭﺗﻪ ﺑﻜﺎﻣﻞ ﺍﻧﺎﻗﺘﻪ ﻭﺯﻳﻪ ﺍﻟﺮﺳﻤﻲ ﻳﺎﺗﻲ ﻋﺎﻣﻞ ﺍﻟﺨﺪﻣﻪ ﻗﺎﺋﻼ : ﺻﺒﺎﺡ ﺍﻟﺨﻴﺮ ﺍﺳﺘﺎﺫ
ﺳﺠﺎﺩ ( ﺑﻜﻞ ﺗﻮﺍﺿﻊ ) ﻗﺎﺋﻼ : ﺻﺒﺎﺡ ﺍﻟﻨﻮﺭ ﺍﻫﻼ ﺍﺑﻮ ﺷﺎﻛﺮ ﻗﻬﻮﺗﻲ ﺟﺎﻫﺰﻩ
ﺍﺑﻮ ﺷﺎﻛﺮ : ﺍﻱ ﺍﺳﺘﺎﺫ ﺟﺎﻫﺰﻩ ﺩﻗﺎﻳﻖ ﻭﺗﻜﻮﻥ ﻳﻤﻚ
ﻳﺪﺧﻞ ﺍﻟﻰ ﺩﺍﺧﻞ ﺍﻟﺒﻨﺎﻳﻪ ﻳﺘﻠﻘﻮﻩ ﺍﻟﻤﻮﻇﻔﻴﻦ ﻭﺍﻟﺒﺎﻟﻎ ﻋﺪﺩﻫﻢ ﻋﺸﺮﻭﻥ ﻣﻮﻇﻒ ﻳﻘﻔﻮﻥ ﻓﻲ ﻃﺎﺑﻮﺭ ﻣﻨﻈﻢ ﺗﺘﻮﺳﻄﻬﻢ ﺳﻜﺮﺗﻴﺮﺗﻪ ﺍﻟﺠﻤﻴﻠﺔ ﺷﺬﻯ ﻳﻠﻘﻲ ﺗﺤﻴﻪ ﺍﻟﺼﺒﺎﺡ ﻋﻠﻴﻬﻢ ﻭﺑﻌﺪﻫﺎ ﻳﺮﺟﻌﻮﻥ ﺍﻟﻰ ﻋﻤﻠﻬﻢ
ﻳﺪﺧﻞ ﻏﺮﻓﺘﻪ ﺍﻟﺨﺎﺻﺔ ﻭﺗﺎﺗﻲ ﺧﻠﻔﻪ ﺳﻜﺮﺗﻴﺮﺗﻪ ﺷﺬﻯ
ﺷﺬﻯ : ﺍﺳﺘﺎﺫ ﺍﺗﻔﻀﻞ ﻫﺬﺍ ﺍﻟﺒﺮﻳﺪ
ﺳﺠﺎﺩ : ﺷﻜﺮﺍ ، ﺍﺻﺎﺭ ﻋﻠﻰ ﻣﻮﺿﻮﻉ ﺍﻟﻤﺰﺍﺩ
ﺷﺬﻯ : ﺍﺗﺼﻠﺖ ﺑﺎﺳﺘﺎﺫ ﺣﺎﻣﺪ ﻣﺪﻳﺮ ﺍﻟﻤﺰﺍﺩ ﻭﺳﺠﻞ ﺍﺳﻤﻚ ﻣﻦ ﺿﻤﻦ ﺍﻟﻤﺸﺘﺮﻳﻦ
ﺳﺠﺎﺩ : ﺍﺗﺼﻠﻲ ﺑﺎﻟﺒﻨﻚ ﺧﻠﻲ ﻳﺠﻬﺰﻭﻥ ﺷﻴﻚ ﺏ 80 ﻣﻠﻴﻮﻥ
ﺷﺬﻯ : ﺣﺎﺿﺮ ﺍﺳﺘﺎﺫ
ﺗﺨﺮﺝ ﺷﺬﻯ ﻣﻦ ﻣﻜﺘﺒﻪ ﻭﻳﺪﺧﻞ ﺍﺑﻮ ﺷﺎﻛﺮ ﺣﺎﻣﻼ ﻗﻬﻮﻩ ﺍﻟﺼﺒﺎﺡ
ﺍﺑﻮ ﺷﺎﻛﺮ : ﺍﺗﻔﻀﻞ ﺍﺳﺘﺎﺫ ﻫﺎﻱ ﻗﻬﻮﺗﻚ
ﺳﺠﺎﺩ : ﻋﺎﺷﺖ ﺍﻻﻳﺎﺩﻱ ، ﻋﺴﺎﺱ ﺍﺑﻨﻚ ﻳﺠﻲ ﻳﺸﺘﻐﻞ ﺑﺎﻟﺸﺮﻛﺔ ﺷﻮ ﻣﺎ ﺍﺟﻪ
ﺍﺑﻮ ﺷﺎﻛﺮ ( ﻣﺘﻠﻜﺌﺎ ) : ﻣﺎﺍﻋﺮﻑ ﺷﻜﻠﻚ ﺍﺳﺘﺎﺫ ﺑﺲ ﻛﻠﻲ ﻣﺎﺍﻛﺪﺭ ﺍﺷﺘﻐﻞ ﺷﻐﻠﻪ ﺍﻋﻠﻰ ﻣﻨﻚ ﻳﻌﻨﻲ ﻣﻴﻜﺪﺭ ﻳﺸﻮﻓﻨﻲ ﺍﺳﻮﻱ ﻛﻬﻮﻩ ﻭﺟﺎﻱ ﻭﻫﻮ ﻣﻮﺟﻮﺩ ﺑﻨﻔﺲ ﻣﻜﺎﻥ ﻋﻤﻠﻲ
ﺳﺠﺎﺩ : ﺍﻭﻙ ، ﺍﻟﻴﻮﻡ ﺑﺎﻟﻴﻞ ﺍﻣﺮﻟﻜﻢ ﻟﻠﺒﻴﺖ ﻭﺍﺣﺠﻲ ﻭﻳﺎ
ﺍﺑﻮ ﺷﺎﻛﺮ : ﺍﺳﺘﻐﻔﺮ ﺍﻟﻠﻪ ﺍﺳﺘﺎﺫ ﺍﺟﺮ ﻣﻦ ﺍﺫﻧﻪ ﻭﺍﺟﻴﺒﻪ ﺍﻟﻚ
ﺳﺠﺎﺩ : ﺍﺑﻮ ﺷﺎﻛﺮ ﻣﺎﻛﻮ ﺩﺍﻋﻲ ﺗﺴﺘﻐﻔﺮ ﺗﺮﻯ ﺍﻧﻲ ﺑﺸﺮ ﺣﺎﻟﻲ ﺣﺎﻟﻚ ﻭﻣﺨﻠﻮﻕ ﻣﻦ ﻃﻴﻦ ﻭﺍﻟﻨﺎﺱ ﻟﺒﻌﻀﻬﺎ
ﺍﺑﻮ ﺷﺎﻛﺮ : ﻣﺎﺷﻲ ﺍﺳﺘﺎﺫ ﻛﻞ ﺍﻟﻬﻼ ﺑﻴﻚ ﺗﺸﺮﻓﻨﻲ ﺑﺎﻱ ﻭﻗﺖ
( ﺩﺍﺋﺮﺓ ﺍﻟﻤﺰﺍﺩ )
ﺍﻻﺳﺘﺎﺫ ﺣﺎﻣﺪ ﻣﺪﻳﺮ ﺍﻟﻤﺰﺍﺩ ﻳﺘﻜﻠﻢ ﻣﻊ ﺍﺣﺪ ﺭﺟﺎﻝ ﺍﻷﻋﻤﺎﻝ ﻗﺎﺋﻼ : ﺩﺧﻞ ﺷﺨﺺ ﺟﺪﻳﺪ ﻣﻦ ﺿﻤﻦ ﺍﻟﻤﺸﺘﺮﻳﻦ ﻭﺍﻭﻝ ﻣﺮﻩ ﻳﺪﺧﻞ ﺑﺎﻟﻤﺰﺍﺩ ﺻﺎﺣﺐ ﺷﺮﻛﻪ ﺍﻟﺮﻫﻒ ﻟﻠﻤﻘﺎﻭﻻﺕ ﻭﻋﻨﺪﻩ ﺍﻳﻀﺎ ﺷﺮﻛﻪ ﺻﻐﻴﺮﻩ ﻻﺳﺘﻴﺮﺍﺩ ﻣﻮﺍﺩ ﺍﻟﺘﺠﻤﻴﻞ
ﺭﺟﻞ ﺍﻷﻋﻤﺎﻝ : ﺷﻨﻮ ﻋﻼﻗﻪ ﺍﻟﻤﻘﺎﻭﻻﺕ ﻭﻱ ﺍﻟﺘﺠﻤﻴﻞ ﻭﺷﻨﻮ ﻓﺎﺋﺪﺗﻪ ﻣﻦ ﺩﺧﻮﻝ ﺍﻟﻤﺰﺍﺩ ﻋﻠﻰ ﻣﺼﻨﻊ ﻟﺼﻨﺎﻋﺎﺕ ﺍﻟﻜﻴﻤﻴﺎﺋﻴﺔ
ﺍﻻﺳﺘﺎﺫ ﺣﺎﻣﺪ : ﻣﺪﺍﻡ ﺭﺟﻞ ﺍﻋﻤﺎﻝ ﻳﺤﺐ ﻳﺪﺧﻞ ﺑﺎﻱ ﻋﻤﻞ ﻳﺠﻠﺒﻠﻪ ﺍﺭﺑﺎﺡ ﻭﺑﻌﺪﻳﻦ ﻻﺗﺨﺎﻑ ﺍﻟﺴﻌﺮ ﺍﻟﻲ ﺍﻧﻄﻴﺘﻪ ﻫﺬﺍ ﺍﻟﻤﺰﺍﺩ ﺍﻟﻚ ﻣﺎ ﺍﻋﺘﻘﺪ ﺍﻛﻮ ﻭﺍﺣﺪ ﻳﺪﻓﻊ ﺍﻛﺜﺮ ﻣﻨﻚ
ﺭﺟﻞ ﺍﻷﻋﻤﺎﻝ : ﻃﻴﺐ ﺷﻨﻮ ﺍﺳﻢ ﻫﺬﺍ ﺍﻟﺸﺨﺺ ؟
ﺍﻻﺳﺘﺎﺫ ﺣﺎﻣﺪ : ﺍﺳﻤﻪ ﺷﺎﻛﺮ
.
ﺭﺟﻞ ﺍﻷﻋﻤﺎﻝ : ﺍﻭﻝ ﻣﺮﻩ ﺍﺳﻤﻊ ﺑﻬﻴﺞ ﺍﺳﻢ
ﺍﻻﺳﺘﺎﺫ ﺣﺎﻣﺪ : ﺑﺎﺟﺮ ﻳﺠﻲ ﻭﻧﺘﻌﺮﻑ ﻋﻠﻴﻪ
ﺑﻌﺪ ﺍﻧﺘﻬﺎﺀ ﺩﻭﺍﻡ ﺳﺠﺎﺩ ﻓﻲ ﺍﻟﺸﺮﻛﺔ ﻳﺨﺮﺝ ﻣﺘﻮﺟﻬﺎ ﺍﻟﻰ ﺍﻟﺮﻭﺿﻪ ﻟﺠﻠﺐ ﺍﺑﻨﺘﻪ ﺭﻫﻒ
( ﻓﻲ ﺑﻴﺖ ﺳﺠﺎﺩ )
ﺯﻭﺟﺘﻪ ﻣﻠﻚ ﻓﻲ ﺍﻟﻤﻄﺒﺦ ﺗﺤﻀﺮ ﺍﻟﻄﻌﺎﻡ ﻋﻠﻰ ﺍﻧﻐﺎﻡ ﺷﻴﺮﻳﻦ ﻭﺍﻏﻨﻴﺘﻬﺎ ( ﺍﻧﺎ ﻛﻠﻲ ﻣﻠﻜﻚ ) ﻭﺗﺮﺩﺩﻫﺎ ﻳﺮﻥ ﺟﺮﺱ ﺍﻟﺒﺎﺏ ﺗﺬﻫﺐ ﻟﺘﺮﻯ ﻣﻦ ﻓﻲ ﺍﻟﺒﺎﺏ ﻣﻦ ﺧﻼﻝ ﻛﺎﻣﻴﺮﺍ ﺍﻟﻤﺮﺍﻗﺒﺔ ﻟﺘﺮﻯ ﺍﺧﻴﻬﺎ ﻗﺪ ﺟﺎﺀ ﺗﺬﻫﺐ ﻟﻔﺘﺢ ﺍﻟﺒﺎﺏ ﻗﺎﺋﻠﻪ : ﻫﺎﻱ ﺍﻟﻴﻮﻡ ﻣﻨﻴﻦ ﻃﻠﻌﺖ ﺍﻟﺸﻤﺲ ﻫﻤﺰﻳﻦ ﺍﺫﻛﺮﺕ ﻋﺪﻙ ﺍﺧﺖ
ﻣﻨﻴﺮ ( ﺍﺧﻮﻫﺎ ) ﻳﻘﺒﻠﻬﺎ ﻗﺎﺋﻼ : ﻣﻮ ﺗﺪﺭﻳﻦ ﺑﻴﻪ ﻣﻠﺘﻬﻲ ﺑﺸﻐﻞ ﺭﺟﻠﺞ ﻟﻴﺶ ﻳﺨﻠﻲ ﻭﺍﺣﺪ ﻳﺤﻚ ﺭﺍﺳﻪ ﻣﻦ ﺍﻟﺸﻐﻞ ﻭﻫﺎﻱ ﺟﻴﺘﻲ ﻣﻦ ﺍﺭﺑﻴﻞ
ﻣﻠﻚ : ﺗﻔﻀﻞ ﺗﻔﻀﻞ ﺯﻳﻦ ﺍﺟﻴﺖ ﺣﺘﻰ ﻧﺘﻐﺪﺍ ﺳﻮﺍ
ﻳﺪﺧﻼﻥ ﺍﻟﻰ ﺩﺍﺧﻞ ﺍﻟﺒﻴﺖ ﻣﻨﻴﺮ ﻗﺎﺋﻼ : ﺳﺠﺎﺩ ﺷﻮﻛﺖ ﻳﺠﻲ
ﻣﻠﻚ : ﻫﺴﻪ ﻋﻠﻰ ﺟﻴﻪ ﻳﺠﻴﺐ ﺭﻫﻒ ﻣﻦ ﺍﻟﺮﻭﺿﺔ
ﻣﻨﻴﺮ : ﻣﺸﺘﺎﻗﻠﻬﺎ ﻫﻠﻌﻨﻮﺩﻳﻪ ﻫﺎﻱ
ﻣﻠﻚ : ﻣﻦ ﺷﺎﺑﻪَ ﺍﺑﺎﻩ ﻓﻤﺎ ﻇﻠﻢ ( ﻣﺜﻞ ﻋﺮﺑﻲ ﻣﺸﻬﻮﺭ )
ﻣﻨﻴﺮ : ﺍﻛﻠﺞ ﺍﺭﺩ ﺍﻃﺐ ﻟﺤﻤﺎﻡ ﻟﻌﺪ ﻗﺒﻞ ﻣﻴﺠﻮﻥ
ﻣﻠﻚ : ﺍﻭﻙ ﺧﻠﻲ ﺍﺟﻴﺒﻠﻚ ﻣﻼﺑﺲ ﻣﻦ ﻣﺎﻻﺕ ﺳﺠﺎﺩ ﻭﺍﻧﻄﻴﻨﻲ ﻣﻼﺑﺴﻚ ﺍﻏﺴﻠﻬﻦ ﺍﻟﻚ
ﻣﻨﻴﺮ ﻳﻘﻮﻡ ﺑﺘﻘﺒﻴﻞ ﺍﺧﺘﻪ ﻣﻦ ﺭﺍﺳﻬﺎ ﻗﺎﺋﻼ : ﺭﺑﻲ ﻻ ﻳﺤﺮﻣﻨﻲ ﻣﻨﺞ ﺍﻡ ﻗﻠﺐ ﺍﻟﻄﻴﺐ
ﺳﺠﺎﺩ ﻣﻊ ﺍﺑﻨﺘﻪ ﻓﻲ ﺍﻟﺴﻴﺎﺭﺓ ﺫﺍﻫﺒﺎ ﺍﻟﻰ ﺍﻟﺒﻴﺖ ﻳﺘﺤﺪﺙ ﻣﻊ ﺍﺑﻨﺘﻪ ﻗﺎﺋﻼ : ﺍﻱ ﺑﺎﺑﺎ ﺷﻠﻮﻧﺞ ﺍﻟﻴﻮﻡ ﺻﺎﺭ ﻣﺎﺻﺎﺭ ﻭﻳﺎﺝ
ﺭﻫﻒ : ﺍﺧﺬﺕ ١٠ ﺑﺎﻹﻣﻼﺀ ﻭﺍﺧﺬﻧﻪ ﺍﻧﻜﻠﻴﺰﻱ ﺣﺮﻑ T
ﺳﺠﺎﺩ ﻳﻨﻈﺮ ﺍﻟﻰ ﺍﺑﻨﺘﻪ ﻓﻲ ﺣﻴﻠﻪ ﻗﺎﺋﻼ : ﺭﻫﻒ ﻫﺬﻧﻲ ﻣﺎﻻﺗﻲ ﺍﻟﺴﻮﺍﻟﻒ ﻛﻠﻴﻠﻲ ﺻﺎﺭ ﻭﻱ ﺻﺪﻳﻘﺞ ﻣﺠﻮﺩﻱ
ﺭﻫﻒ : ﺑﺎﺑﺎ ﻣﻮ ﺻﺪﻳﻘﻲ ﺯﻣﻴﻠﻲ
ﺳﺠﺎﺩ : ﺍﻫﺎﺍ ﻫﺴﻪ ﺻﺎﺭ ﺯﻣﻴﻠﺞ ﺍﻟﺒﺎﺭﺣﺔ ﺻﺪﻳﻘﺞ ﻭﺑﺎﺳﺞ ﻭﺍﻧﺘﻲ ﻣﺎﻗﺒﻠﺘﻲ
ﺭﻫﻒ : ﺍﻱ ﺷﻜﻮ ﻳﺒﻮﺳﻨﻲ ﻗﺎﺑﻞ ﺍﻧﻲ ﺯﻭﺟﺘﻪ
ﺳﺠﺎﺩ ( ﻳﻀﺤﻚ ) ﻗﺎﺋﻼ : ﻓﺪﻳﺖ ﺑﻨﺘﻲ ﺍﻻﻣﻮﺭﻩ ﺍﻟﻌﺎﻗﻠﻪ ﻭﻳﻘﺒﻠﻬﺎ ﻣﻦ ﺭﺍﺳﻬﺎ
( ﻓﻲ ﺑﻴﺖ ﺳﺠﺎﺩ )
ﻳﺪﺧﻞ ﺳﺠﺎﺩ ﻭﺍﺑﻨﺘﻪ ﺍﻟﻰ ﺍﻟﺒﻴﺖ ﺭﻫﻒ ﺗﺮﻯ ﺧﺎﻟﻬﺎ ﺟﺎﻟﺲ ﻋﻠﻰ ﺍﻟﻜﺮﺳﻲ ﻓﺘﺬﻫﺐ ﺭﺍﻛﻀﻪ ﺑﺎﺗﺠﺎﻫﻪ ﻗﺎﺋﻠﻪ : ﺧﺎﺍﺍﺍﻟﻮﻭﻭﻭ ﻭﺗﻘﻮﻡ ﺑﺎﺣﺘﻀﺎﻧﻪ
ﻣﻨﻴﺮ : ﻫﻠﻪ ﺑﺤﺒﻴﺒﻪ ﺧﺎﻟﻬﺎ ( ﻭﻳﻘﺒﻠﻬﺎ )
ﺭﻫﻒ : ﺟﺒﺘﻠﻲ ﻭﻳﺎﻙ
ﻣﻨﻴﺮ : ﻭﺍﻟﻠﻪ ﻋﺮﻓﺘﺞ ﻫﺎﻱ ﺍﻟﺤﻀﻨﺔ ﻭﺍﻟﺒﻮﺳﻪ ﻣﺎﻝ ﻣﺼﻠﺤﻪ ﺭﻭﺣﻲ ﺑﺪﻟﻲ ﻣﻼﺑﺴﺞ ﻭﺍﻧﻲ ﺍﻃﻠﻌﻠﺞ ﺍﻟﻬﺪﺍﻳﺎ ﻛﻠﻬﻦ
ﺳﺠﺎﺩ : ﺣﻤﺪﺍﻟﻠﻪ ﻋﻠﻰ ﺳﻼﻣﻪ ﻋﺴﺎﺱ ﺑﺎﺟﺮ ﺗﺠﻲ
ﻣﻨﻴﺮ : ﺍﻟﻠﻪ ﻳﺴﻠﻤﻚ ﻛﻤﻠﺖ ﺷﻐﻠﻲ ﻭﺍﺟﻴﺖ
ﺳﺠﺎﺩ : ﺍﻱ ﻭﺻﺎﺭ
ﻣﻨﻴﺮ : ﺗﻢ ﺍﻟﺸﺮﺍﺀ ﺍﻟﻒ ﻣﺒﺮﻭﻭﻭﻙ
ﺳﺠﺎﺩ ﻳﻘﻮﻡ ﺑﺎﺣﺘﻀﺎﻥ ﻣﻨﻴﺮ
.
ﻣﻨﻴﺮ : ﺑﺲ ﺍﻟﻤﻌﻤﻞ ﻣﻨﻴﻠﻚ
ﺳﺠﺎﺩ : ﺟﺎﻱ ﺑﻄﺮﻳﻖ ( ﻳﺒﺘﺴﻢ )
ﻋﻠﻰ ﻣﺎﺋﺪﺓ ﺍﻟﻄﻌﺎﻡ ﻳﺎﻛﻠﻮﻥ ﻭﻳﺘﺤﺪﺛﻮﻥ
ﻣﻨﻴﺮ : ﻳﻌﻨﻲ ﺭﺍﺡ ﺗﺪﺧﻞ ﺑﻤﺰﺍﺩ
ﺳﺠﺎﺩ : ﺍﻱ ﻭﺟﻬﺰﺕ ﺍﻟﻤﺒﻠﻎ ﺍﻟﻤﻨﺎﺳﺐ ﻻﻥ ﻫﺎﻱ ﻓﺮﺻﻪ ﻭﻻﺯﻡ ﻣﺎﺍﺿﻴﻌﻬﺎ
ﻣﻨﻴﺮ : ﺳﺠﺎﺩ ﺑﺲ ﻫﻴﺞ ﺩﺗﺨﺎﻃﺮ ﺍﻧﺘﻪ ﻭﺗﺪﺭﻱ ﺍﻟﺼﻨﺎﻋﺔ ﺍﻟﻤﺤﻠﻴﻪ ﺑﺴﻮﻕ ﻣﺎﻣﺮﻭﻏﺒﻪ ﻭﺍﻏﻠﺒﻬﺎ ﺍﺳﺘﻴﺮﺍﺩ
ﺳﺠﺎﺩ : ﺻﺢ ﺑﺲ ﺍﺫﺍ ﻏﻄﻴﺖ ﺍﻟﺴﻮﻕ ﺑﺎ ﺍﻟﺼﻨﺎﻋﺔ ﺍﻟﻤﺤﻠﻴﺔ ﻭﺑﻜﻤﻴﺎﺕ ﺍﻛﺜﺮ ﻣﻦ ﺍﻻﺳﺘﻴﺮﺍﺩ ﻭﺑﺴﻌﺮ ﻣﻨﺎﺳﺐ ﺭﺍﺡ ﺗﻤﺸﻲ
ﻣﻨﻴﺮ : ﻧﻜﻮﻝ ﺳﻬﻠﻪ ﺗﻜﺪﺭﻟﻬﺎ ﻫﺎﻱ ﻭﺍﻟﺮﻗﺎﺑﺔ ﺍﻟﺼﻨﺎﻋﻴﺔ ﻭﺗﺪﺭﻱ ﺑﻴﻬﻢ ﻳﺤﺎﺭﺑﻮﻥ ﺍﻟﻤﻨﺘﺞ ﺍﻟﻮﻃﻨﻲ ﻻﻥ ﻣﺎﺑﻲ ﻓﺎﻳﺪﻩ ﺍﻟﻬﻢ
ﺳﺠﺎﺩ : ﻣﻨﺎ ﻟﺬﺍﻙ ﺍﻟﻮﻛﺖ ﺗﺪﺑﺮ
ﻣﻠﻚ : ﻳﻌﻨﻲ ﻛﻠﻤﺎ ﺗﻜﻌﺪﻭﻥ ﺳﻮﺍ ﻻﺯﻡ ﺗﺤﺠﻮﻥ ﺑﺸﻐﻞ ﺍﺭﺗﺎﺣﻮﺍ ﺍﺷﻮﻳﻪ
ﻣﻨﻴﺮ : ﻻﺯﻡ ﻛﻤﺖ ﺗﻐﺎﺭﻳﻦ ﻻﻥ ﺗﺮﻛﺘﻲ ﺍﻟﺸﻐﻞ ﻭﻛﻌﺘﻲ ﺑﺎﻟﺒﻴﺖ
ﻣﻠﻚ : ﺑﻴﺘﻲ ﻭﺯﻭﺟﻲ ﻭﺑﻨﺘﻲ ﺍﻫﻢ ﻣﻦ ﺍﻟﺸﻐﻞ
ﺳﺠﺎﺩ : ﺷﻔﺖ ﺍﺷﻠﻮﻥ ﺭﺩ
ﻣﻨﻴﺮ : ﺍﻱ ﻣﻦ ﻳﻮﻡ ﻳﻮﻣﻬﺎ ﺭﺩﻫﺎ ﺑﺎﻟﻜﺼﻪ ( ﻳﻀﺤﻜﻮﻥ )
( ﺑﻴﺖ ﺍﺑﻮ ﺷﺎﻛﺮ )
ﻳﺠﻠﺲ ﺳﺠﺎﺩ ﻣﻊ ﻋﺎﺋﻠﻪ ﺍﺑﻮ ﺷﺎﻛﺮ ﻭﺑﻮﺟﻮﺩ ﺍﺑﻨﻪ ﺷﺎﻛﺮ
ﺍﺑﻮ ﺷﺎﻛﺮ : ﺯﺍﺭﺗﻨﻪ ﺍﻟﺒﺮﻛﻪ ﺍﺳﺘﺎﺫ ﺍﺗﻔﻀﻞ ( ﻳﻘﺪﻡ ﻟﻪ ﺍﻟﻌﺼﻴﺮ )
ﺳﺠﺎﺩ : ﺷﻜﺮﺍ ، ﺍﻱ ﺷﺎﻛﺮ ﻟﻴﺶ ﻣﺎﺟﻴﺖ ﺍﻟﻴﻮﻡ ﻭﻱ ﻭﺍﻟﺪﻙ ﺣﺘﻰ ﺗﺴﺘﻠﻢ ﺷﻐﻞ ﺑﺸﺮﻛﺔ
ﺷﺎﻛﺮ : ﺍﻧﻲ ﻣﺎﺍﺭﻳﺪ ﺍﻟﺸﻐﻞ ﻭﻱ ﻭﺍﻟﺪﻱ ﻻﻥ ﺍﻗﻞ ﻣﻨﻲ ﻣﻜﺎﻧﻪ ﻭﺍﻧﻲ ﺍﻋﻠﻰ ﻭﺯﺣﻤﻪ ﺍﺷﻮﻓﻪ ﻳﻘﺪﻡ ﺟﺎﻱ ﻭﻛﻬﻮﻩ ﻭﻳﻨﻈﻒ ﻗﻠﺒﻲ ﻳﻨﻤﺮﺩ ﻭﺍﻟﻠﻪ
ﺳﺠﺎﺩ : ﺑﺲ ﺩﻳﺸﺘﻐﻞ ﺑﺘﻌﺒﻪ ﻭﻫﺬﺍ ﺗﻌﺒﻪ ﺍﻟﻲ ﺧﻼﻙ ﺗﺪﺭﺱ ﻭﺗﺘﺨﺮﺝ ﻭﺻﺮﻑ ﻋﻠﻴﻚ ﻣﻨﺎ ﻟﻤﻦ ﺻﺮﺕ ﺭﺟﺎﻝ ﻃﻮﻝ ﺑﻌﺮﺽ ﻭﺍﻟﺸﻐﻞ ﻣﻮ ﻋﻴﺐ
ﺷﺎﻛﺮ : ﺍﺳﺘﺎﺫ ﺍﻧﻲ ﻣﻮ ﺷﻐﻠﻪ ﺍﻧﺘﻘﺎﺹ ﻣﻦ ﺷﻐﻞ ﻭﺍﻟﺪﻱ ﻻ ﺑﺲ ﻳﻌﻨﻲ ﻣﺎﺍﺗﺤﻤﻞ ﺍﺷﻮﻓﻪ ﺑﻬﻴﺞ ﻋﻤﻞ ﻭﺍﻧﻲ ﻣﻮﺟﻮﺩ ﻛﺪﺍﻣﻪ
ﺳﺠﺎﺩ : ﻃﻴﺐ ﺍﻧﺘﻪ ﻣﻮ ﻗﺪﻣﺖ ﻋﻠﻰ ﺩﺭﺍﺳﺎﺕ ﺍﻟﻌﻠﻴﺎ ﻭﺍﻧﺮﻓﻀﺖ
ﺷﺎﻛﺮ : ﻻ ﺍﻧﻲ ﻣﺎ ﻧﺮﻓﻀﺖ ﺑﺲ ﺍﺧﺬﻭﺍ ﻣﻘﻌﺪﻱ ﻭﺍﻧﻄﻮﺍ ﻟﻮﺍﺣﺪ ﺍﺑﻦ ﻣﺴﺌﻮﻝ ﻭﺣﺘﻰ ﺑﺤﺚ ﺗﺨﺮﺟﻲ ﻣﺤﺼﻞ ﻋﻠﻴﻪ ﻋﻼﻣﻪ ﻛﺎﻣﻠﻪ ﻭﻗﺪﻣﺖ ﻣﺸﺮﻭﻋﻲ ﻟﻠﺤﻜﻮﻣﻪ ﻓﻲ ﺳﺒﻴﻠﻲ ﺍﻃﻮﺭﻩ ﻟﻜﻦ ﺭﻓﻀﻮﻩ ﺑﺴﺒﺐ ﺍﻣﻜﺎﻧﻴﻪ ﻣﺎﻟﻴﻪ ﻣﺎﻛﻮ
ﺳﺠﺎﺩ : ﺍﻧﻲ ﻣﺤﺘﺎﺟﻚ ﻻﻥ ﺍﻧﺘﻪ ﺷﺎﻃﺮ ﻭﺫﻛﻲ ﻭﺍﺧﺘﺼﺎﺻﻚ ﻛﻴﻤﻴﺎﺀ ﻳﻌﻨﻲ ﺗﻌﺮﻑ ﺑﺎﻟﻤﺤﺎﻟﻴﻞ ﻭﺍﻟﺬﺭﺍﺕ ﻭﻏﻴﺮﻫﺎ ﻣﺎﺍﺧﻔﻲ ﻋﻠﻴﻚ ﺍﻧﻲ ﺩﺧﻠﺖ ﺑﻤﺰﺍﺩ ﺑﺎﺍﺳﻤﻚ ﻻﻥ ﺣﺸﺘﺮﻱ ﻣﺼﻨﻊ ﻟﻠﺼﻨﺎﻋﺎﺕ ﺍﻟﻜﻴﻤﺎﻭﻳﺔ ﺑﺎﻹﺿﺎﻓﺔ ﻣﺤﺘﺎﺝ ﻋﻤﺎﻝ ﻭﺍﻧﺘﻪ ﺍﻟﻲ ﺭﺍﺡ ﺗﺘﺮﺍﺳﻪ
ﺷﺎﻛﺮ ( ﻣﻠﺒﻜﺎ ) : ﺑﺲ ﺍﺷﻠﻮﻥ ﺍﻧﻲ ﻣﺎﺍﻛﺪﺭ ﻭﺣﺪﻱ ﻭﺑﻌﺪﻳﻦ ﺷﺮﺍﺡ ﺗﺼﻨﻊ
ﺳﺠﺎﺩ : ﺍﺻﺒﺎﻍ ﻭﻭﺍﻟﻮﺍﻥ ﻭﻛﺬﻟﻚ ﺳﻤﻨﺖ ﻣﻘﺎﻭﻡ ﺷﻜﻮ ﺷﻲ ﺗﺤﺘﺎﺟﻪ ﺭﺍﺡ ﻳﺘﻮﻓﺮﻟﻚ ﻛﻞ ﺍﻟﻲ ﻋﻠﻴﻚ ﺗﺨﺘﺎﺭ ﺍﻟﻨﺎﺱ ﺍﻟﻜﻔﻮﺀﻩ ﺍﻟﻲ ﺭﺍﺡ ﺗﺸﺘﻐﻞ ﻭﻳﺎﻙ ﻭﺑﺎﺟﺮ ﻣﻦ ﺍﻟﺼﺒﺢ ﺗﺠﻲ ﻭﻱ ﻭﺍﻟﺪﻙ ﻟﺸﺮﻛﻪ ﺣﺘﻰ ﺗﺤﻀﺮ ﺍﻟﻤﺰﺍﺩ ﻧﻴﺎﺑﺔ ﻋﻨﻲ.
.
ﺷﺎﻛﺮ : ﺍﺳﺘﺎﺫ ﻫﺬﺍ ﺍﻟﺸﻲ ﻛﻠﺶ ﻛﺒﻴﺮ ﻋﻠﻴﻪ ﻭﻣﺴﺌﻮﻟﻴﺔ ﺻﻌﺒﻪ ﻳﻌﻨﻲ ﺑﻬﺬﺍ ﻓﻀﻠﻚ ﻣﺎﺍﻛﺪﺭ ﺍﻭﻓﻲ ﺍﻟﻚ
ﺳﺠﺎﺩ : ﺍﺫﺍ ﺗﺮﻳﺪ ﺗﻮﻓﻲ ﻫﺬﺍ ﺍﻟﻔﻀﻞ ﺍﻋﺘﻨﻲ ﺑﻌﻤﻠﻚ
ﺷﺎﻛﺮ : ﺯﻳﻦ ﻣﻤﻜﻦ ﺳﺆﺍﻝ
ﺳﺠﺎﺩ : ﺟﻮﺍﺏ
ﺷﺎﻛﺮ : ﺷﻤﻌﻨﻰ ﺍﻧﻲ ﺍﺧﺘﺎﺭﻳﺘﻨﻲ ﺑﺬﺍﺕ
ﺳﺠﺎﺩ : ﻭﺍﻟﺪﻙ ﺣﺠﺎﻟﻲ ﻋﻨﻚ ﻭﻋﻦ ﺍﻟﻈﻠﻢ ﺍﻟﻲ ﺗﻌﺮﺿﺘﻠﻪ ﻭﺍﻧﻲ ﻣﺎﺍﺣﺐ ﺍﻟﻈﻠﻢ ﻻﻥ ﻗﺒﻠﻚ ﺍﻧﻈﻠﻤﺖ ﻭﻋﺸﺖ ﻣﻌﺎﻧﺎﺓ ﻭﺣﺘﻰ ﺭﺩﺩﺕ ﺍﻧﺘﺤﺮ ﺑﺲ ﺍﻟﻠﻪ ﻋﻮﺿﻨﻲ ﺑﺎﻻﻓﻀﻞ ﻭﻫﺎﻱ ﻓﺮﺻﺘﻚ ﺑﺎﻟﺤﻴﺎﺓ ﺍﺳﺘﻐﻠﻬﺎ ﺯﻳﻦ
ﺷﺎﻛﺮ : ﺍﻧﻲ ﺍﺷﻜﺮﻙ ﺍﺳﺘﺎﺫ ﻭﺍﻥ ﺷﺎﺀﺍﻟﻠﻪ ﻣﺎﺍﺧﻴﺐ ﺿﻨﻚ
ﺳﺠﺎﺩ : ﺍﻥ ﺷﺎﺀ ﺍﻟﻠﻪ
( ﻓﻲ ﺍﻟﺸﺮﻛﺔ )
ﻳﺠﻠﺲ ﺳﺠﺎﺩ ﻣﻊ ﺷﺎﻛﺮ ﻭﺍﻟﺴﻜﺮﺗﻴﺮﺓ ﺷﺬﻯ ﻓﻲ ﻣﻜﺘﺒﻪ
ﺳﺠﺎﺩ : ﺷﺎﻛﺮ ﻣﺜﻞ ﻣﺎﺍﺗﻔﻘﻨﻪ ﺍﻧﺘﻪ ﺻﺎﺣﺐ ﺍﻟﺸﺮﻛﺔ ﻭﺷﺬﻯ ﺳﻜﺮﺗﻴﺮﺓ ﻣﻜﺘﺒﻚ ﻭﺍﻟﻔﻠﻮﺱ ﻛﺪﺍﻣﻚ 80 ﻣﻠﻴﻮﻥ ﻭﻛﻠﻤﺎ ﻳﺮﺩﻭﻥ ﻳﺰﻳﺪﻭﻥ ﺑﺴﻌﺮ ﺍﻧﺘﻪ ﺯﻳﺪ ﺍﻛﺜﺮ ﻭﺷﺬﻯ ﻭﻳﺎﻙ ﺗﻌﻠﻤﻚ
ﺷﺎﻛﺮ : ﻃﻴﺐ ﻭﺍﺫﺍ ﺻﺎﺭ ﺍﻟﻤﺰﺍﺩ ﺍﻛﺜﺮ ﻣﻦ ﺍﻝ 80 ﺷﻠﻮﻥ
ﺳﺠﺎﺩ : ﺍﻧﻲ ﺍﺻﺮﻑ ﻛﻞ ﺍﻟﻲ ﺍﺭﻳﺪﻩ ﻫﺬﺍ ﺍﻟﻤﺼﻨﻊ
( ﻓﻲ ﺍﻟﻤﺰﺍﺩ )
ﺟﻤﻴﻊ ﺭﺟﺎﻝ ﺍﻷﻋﻤﺎﻝ ﺟﺎﻟﺴﻴﻦ ﻋﻠﻰ ﻣﻘﺎﻋﺪﻫﻢ ﻭﻣﻦ ﺿﻤﻨﻬﻢ ﺷﺎﻛﺮ ﻭﺷﺬﻯ
ﻳﺪﺧﻞ ﻣﺪﻳﺮ ﺍﻟﻤﺰﺍﺩ ﻭﻳﺠﻠﺲ ﻓﻲ ﻣﻜﺎﻧﻪ ﺍﻟﻤﺨﺼﺺ
ﻣﺪﻳﺮ ﺍﻟﻤﺰﺍﺩ : ﺍﻟﺴﻼﻡ ﻋﻠﻴﻜﻢ ﻭﺭﺣﻤﻪ ﺍﻟﻠﻪ ﻭﺑﺮﻛﺎﺗﻪ ﻧﺒﺪﻱ ﻣﺰﺍﺩﻧﻪ ﻟﻬﺬﺍ ﺍﻟﻴﻮﻡ ﻭﻫﻮ ﻋﺒﺎﺭﺓ ﻋﻦ ﻣﺼﻨﻊ ﻟﻠﺼﻨﺎﻋﺔ ﺍﻟﻤﻮﺍﺩ ﺍﻟﻜﻴﻤﻴﺎﺋﻴﺔ ﻣﻊ ﻭﺟﻮﺩ ﺑﻌﺾ ﺍﺟﻬﺰﺗﻪ ﺍﻟﺼﺎﻟﺤﺔ ﻟﻠﻌﻤﻞ ﻧﺒﺪﻱ ﻭﻳﺎﻛﻢ ﺍﻟﻤﺰﺍﺩ ﺏ ٤٠ ﻣﻠﻴﻮﻥ
ﺍﺣﺪ ﺭﺟﺎﻝ : ٤٥
ﻣﺪﻳﺮ ﺍﻟﻤﺰﺍﺩ : ﻣﻨﻮ ﻳﺰﻭﺩ
ﺍﺣﺪ ﺍﻟﺮﺟﺎﻝ : ٥٥
ﻣﺪﻳﺮ ﺍﻟﻤﺰﺍﺩ : ﻣﻨﻮ ﻳﺰﻭﺩ
ﺷﺎﻛﺮ : ٦٠
ﺍﺣﺪ ﺍﻟﺮﺟﺎﻝ : ٦٥
ﺷﺬﻯ ﺗﺘﺮﺍﺳﻞ ﻣﻊ ﺳﺠﺎﺩ ﻋﺒﺮ ﺍﻟﻬﺎﺗﻒ ﺑﻮﺍﺳﻄﻪ ﺍﺣﺪ ﺍﻟﺒﺮﺍﻣﺞ ﻟﺘﻮﺍﺻﻞ ﺍﻻﺟﺘﻤﺎﻋﻲ ﺗﺨﺒﺮﻩ ﻋﻦ ﻣﺎ ﻳﺠﺮﻱ ﻓﻲ ﺍﻟﻤﺰﺍﺩ
ﻣﺪﻳﺮ ﺍﻟﻤﺰﺍﺩ : ﻣﻨﻮ ﻳﺰﻭﺩ
ﺍﺣﺪ ﺍﻟﺮﺟﺎﻝ 80 :
ﺷﺎﻛﺮ : ﻛﺎﻝ ٨٠
ﺷﺬﻯ : ﺍﺳﺘﺎﺫ ﺳﺠﺎﺩ ﻛﺎﻝ 90
ﺷﺎﻛﺮ : ٩٠
ﻳﻨﺴﺤﺐ ﺑﻌﺾ ﺭﺟﺎﻝ ﺍﻷﻋﻤﺎﻝ ﻣﻦ ﺍﻟﻤﺰﺍﺩ ﻭﻳﺒﻘﻰ ﺷﺎﻛﺮ ﻭ ﺍﻟﺮﺟﻞ ﺍﻟﺬﻱ ﻳﺮﻳﺪ ﺍﻟﻤﺼﻨﻊ
ﻣﺪﻳﺮ ﺍﻟﻤﺼﻨﻊ : ﻣﻨﻮ ﻳﺰﻭﺩ
ﺍﻟﺮﺟﻞ : ١٠٠
ﺷﺬﻯ : ﺃﺳﺘﺎﺫ ﺳﺠﺎﺩ ﻛﺎﻝ ١٢٠ﻣﻠﻴﻮﻥ
ﺷﺎﻛﺮ : ﺑﺲ ﻣﺎﻋﺪﻧﻪ ﻫﻠﻜﺪ
ﺷﺬﻯ : ﻣﺎﺍﻋﺮﻑ ﺑﻌﺪ
ﺷﺎﻛﺮ : ١٢٠
ﺟﻤﻴﻊ ﺭﺟﺎﻝ ﺍﻷﻋﻤﺎﻝ ﻳﻨﻈﺮﻭﻥ ﺍﻟﻰ ﺷﺎﻛﺮ
ﺍﻟﺮﺟﻞ : ١٥٠ ﻣﻠﻴﻮﻥ
ﺷﺬﻯ ﺗﻨﺼﺪﻡ ﻣﻦ ﺭﺳﺎﻟﻪ ﺳﺠﺎﺩ ﺍﻟﺘﻲ ﺑﻌﺜﻬﺎ ﻭﺍﻟﻤﻜﺘﻮﺏ ﻓﻴﻬﺎ 200 ﻣﻠﻴﻮﻥ ﻭﺗﺮﻳﻬﺎ ﺍﻟﻰ ﺷﺎﻛﺮ
ﺷﺎﻛﺮ : 200 ﻣﻠﻴﻮﻥ
ﻳﻨﺪﻫﺶ ﺟﻤﻴﻊ ﺍﻟﺤﻀﻮﺭ ﺑﻤﺎ ﻓﻴﻬﻢ ﻣﺪﻳﺮ ﺍﻟﻤﺰﺍﺩ ﻭﺍﻟﺮﺟﻞ
ﻣﺪﻳﺮ ﺍﻟﻤﺰﺍﺩ : ﻣﻨﻮ ﻳﺰﻭﺩ ( ﻭﻳﻨﻈﺮ ﺍﻟﻰ ﺍﻟﺮﺟﻞ )
ﺍﻟﺮﺟﻞ ﻳﻬﺰ ﺑﺮﺍﺳﻪ ﻋﻠﻰ ﻋﺪﻡ ﺍﻻﻛﻤﺎﻝ
ﻣﺪﻳﺮ ﺍﻟﻤﺰﺍﺩ : ﻭﺍﺣﺪ ﺍﺛﻨﻴﻦ ﺛﻼﺛﺔ ﺑﻴﻊ ﺍﻟﻤﺼﻨﻊ ﺍﻟﻰ ﺍﻟﺴﻴﺪ ﺷﺎﻛﺮ ﺍﻟﻒ ﻣﺒﺮﻭﻙ
ﻳﺘﻘﺪﻡ ﺍﻟﺮﺟﻞ ﺑﺎﺗﺠﺎﻩ ﺷﺎﻛﺮ
ﺍﻟﺮﺟﻞ : ﺍﻟﻒ ﻣﺒﺮﻭﻙ ﺷﺎﻳﻒ ﻛﻞ ﺍﻟﺨﻴﺮ
ﺷﺎﻛﺮ : ﺷﻜﺮﺍ ﺧﻴﺮ ﺍﻟﻲ ﻳﺼﻴﺒﻚ
ﺷﺬﻯ ﺗﺘﺤﺪﺙ ﻓﻲ ﺍﻟﻬﺎﺗﻒ ﻣﻊ ﺳﺠﺎﺩ ﻗﺎﺋﻠﻪ : ﻫﺬﺍ ﺍﺟﻪ ﺍﻟﺮﺟﻞ ﺍﻟﻲ ﺭﺍﻭﺗﻠﻲ ﺻﻮﺭﺗﻪ ﻭﺍﻛﻒ ﻭﻱ ﺷﺎﻛﺮ
ﺳﺠﺎﺩ : ﺭﻭﺣﻲ ﻳﻤﻬﻢ ﻭﺧﻠﻲ ﺍﻟﺨﻂ ﻣﻔﺘﻮﺡ
ﺗﻘﻒ ﻣﻌﻬﻢ ﻭﺗﻠﻘﻲ ﺍﻟﺴﻼﻡ
ﺷﺎﻛﺮ : ﺳﻜﺮﺗﻴﺮﺗﻲ ﺷﺬﻯ
ﺍﻟﺮﺟﻞ : ﺍﻫﻼ ﻭﺳﻬﻼ
ﺷﺎﻛﺮ : ﻣﺎﺗﻌﺮﻓﺖ ﺑﺎﺳﻢ ﺣﻈﺮﺗﻚ
ﺍﻟﺮﺟﻞ : ﺍﺳﻤﻲ ﺍﺣﻤﺪ ﻳﺎﻟﻠﻪ ﺍﺗﺮﺧﺺ ﺍﻧﻲ ﻭﺍﺗﻤﻨﺎﻟﻚ ﺍﻟﻤﻮﻓﻘﻴﺔ ﺑﺤﻴﺎﺗﻚ
( ﺍﺣﻤﺪ : ﻫﻮ ﺯﻭﺝ ﺍﺯﻝ )
ﺳﺠﺎﺩ ﻓﻲ ﻣﻜﺘﺒﻪ ﻭﺑﻌﺪ ﺳﻤﺎﻉ ﻧﺒﺮﻩ ﺻﻮﺕ ﺍﺣﻤﺪ ﺍﻟﻤﻨﻬﺰﻣﺔ ﻳﺒﺘﺴﻢ ﺑﺴﻤﻪ ﺍﻻﻧﺘﺼﺎﺭ ﻗﺎﺋﻼ : ﻟﺴﻪ ﻣﺎﺷﻔﺘﻮﺍ ﺷﻲ ﺍﻻﻧﺘﻘﺎﻡ ﺑﺄﻭﻟﻪ !!!!!!
.
.
ﻳﺤﺘﻔﻞ ﺳﺠﺎﺩ ﺑﺎﻧﺘﺼﺎﺭﻩ ﻣﻊ ﻣﻮﻇﻔﻴﻪ ﻓﻲ ﺍﻟﺸﺮﻛﺔ ﺑﺘﻘﺪﻳﻢ ﺍﻟﺘﻬﺎﻧﻲ ﻭﺍﻟﺘﺒﺮﻳﻜﺎﺕ ﻭﺗﻮﺯﻳﻊ ﺍﻟﻌﺼﺎﺋﺮ ﻭﺍﻟﺤﻠﻮﻳﺎﺕ ﻭﺍﻟﻔﺮﺡ ﻳﺴﻮﺩ ﻛﻞ ﻣﻦ ﻓﻲ ﺍﻟﺸﺮﻛﺔ
ﺍﻣﺎ ﻓﻲ ﺍﻟﺠﺎﻧﺐ ﺍﻟﻤﻘﺎﺑﻞ ﻣﻦ ﺷﺮﻛﺔ ﺍﺣﻤﺪ ﺯﻭﺝ ﺍﺯﻝ ﻳﺴﻮﺩﻫﺎ ﺟﻮ ﻣﻦ ﺍﻟﺤﺰﻥ ﻭﺍﻻﻛﺘﺌﺎﺏ ﺗﺪﺧﻞ ﺍﺯﻝ ﺫﺍﺕ ﺍﻟﻰ ﺯﻭﺟﻬﺎ ﻓﻲ ﻣﻜﺘﺒﻪ ﺍﻟﺨﺎﺹ ﻭﻫﻮ ﻭﺍﺿﻊ ﻛﻠﺘﺎ ﻳﺪﻳﻪ ﻋﻠﻰ ﺭﺍﺳﻪ ﻭﻣﻨﺤﻨﻰ ﺭﺍﺳﻪ ﺍﻟﻰ ﺍﻻﺳﻔﻞ ﺑﺴﺒﺐ ﺧﺴﺎﺭﺗﻪ ﻓﻲ ﺍﻟﻤﺰﺍﺩ
ﺍﺯﻝ : ﻭﻻ ﻳﻬﻤﻚ ﺣﺒﻴﺒﻲ ﺍﻥ ﺷﺎﺀﺍﻟﻠﻪ ﺗﻌﻮﺿﻪ ﺑﻐﻴﺮ ﻣﺰﺍﺩ ( ﺗﻘﻮﻟﻬﺎ ﻟﺘﻄﻴﺐ ﺧﺎﻃﺮ ﺯﻭﺟﻬﺎ )
ﺍﺣﻤﺪ ( ﺭﺍﻓﻌﺎ ﺭﺍﺳﻪ ﺍﺗﺠﺎﻫﻬﺎ ) ﻗﺎﺋﻼ : ﺍﻟﺪﻳﻮﻥ ﺻﺎﺭﺕ ﻫﻮﺍﻱ ﻋﻠﻴﻨﻪ ﻭﻻﺯﻡ ﻧﺴﺪﺩ ﺑﻌﺪ ﺷﻬﺮﻳﻦ ﻣﻨﻴﻦ ﺍﺟﻴﺐ
ﺍﺯﻝ : ﺭﺍﺡ ﺍﻟﺘﻘﻲ ﻭﻱ ﻣﺠﻤﻮﻋﺔ ﻣﻦ ﺍﻟﺸﺮﻛﺎﺕ ﻭﻧﺪﺧﻞ ﺷﺮﻛﻪ ﺑﻴﻨﻬﻢ ﻭﻣﺎﺭﺍﺡ ﺍﺗﻮﻗﻒ ﺍﺑﺪ ﻋﻦ ﺍﻟﻤﺤﺎﻭﻟﺔ
ﺍﺣﻤﺪ : ﺍﺑﻮﺝ ﺷﻜﺎﻝ
ﺍﺯﻝ : ﻣﺎ ﻛﺘﻠﻪ ﻟﺴﻪ ﻻﻥ ﺍﺧﺎﻑ ﻣﻦ ﺭﺩﻩ ﻓﻌﻠﻪ ﻟﻴﺼﻴﺮ ﺑﻲ ﺷﻲ ﺍﻟﺨﺴﺎﺋﺮ ﺍﺟﺘﻨﻪ ﻭﺣﺪﻩ ﻭﺭﺍ ﺍﻟﺜﺎﻧﻴﺔ
ﺍﺣﻤﺪ : ﺍﺣﺲ ﺍﻛﻮ ﻟﻌﺒﻪ ﺑﺎﻟﻤﻮﺿﻮﻉ ﻭﺍﻟﺸﺎﺏ ﺍﻟﻲ ﺍﻟﺘﻘﻴﺖ ﺑﻲ ﺍﻟﻴﻮﻡ ﺍﻟﻲ ﻓﺎﺯ ﺑﺎﻟﻤﺰﺍﺩ ﻣﺎﻋﺎﺟﺒﻨﻲ ﻻﻥ ﺻﻐﻴﺮ ﺑﺎﻟﻌﻤﺮ ﻭﺍﻛﻴﺪ ﺍﻛﻮ ﺍﺣﺪ ﻭﺭﺍ
ﺍﺯﻝ : ﺍﻧﺘﻪ ﺍﻧﻄﻴﻨﻲ ﺍﺳﻤﻪ ﻭﻋﻨﻮﺍﻥ ﺍﻟﺸﺮﻛﺔ ﻭﺍﻧﻲ ﺍﺑﺤﺚ ﻋﻨﻪ ﻭﻧﺸﻮﻑ ﻫﻮ ﻟﻮ ﺍﻛﻮ ﻭﺍﺣﺪ ﻭﺭﺍ
( ﺍﺯﻝ ﻟﻢ ﺗﺘﻐﻴﺮ ﻛﺜﻴﺮﺍ ﻓﻤﺎ ﺯﺍﻟﺖ ﺗﻠﻚ ﺍﻟﻔﺘﺎﺓ ﺍﻟﺠﺬﺍﺑﺔ ﻭﺍﻟﺠﻤﻴﻠﺔ ﻭﺍﻟﺬﻛﻴﺔ )
( ﻓﻲ ﺑﻴﺖ ﺳﺠﺎﺩ )
ﺳﺠﺎﺩ ﻳﻘﻮﻡ ﺑﺤﻤﻞ ﺍﺑﻨﺘﻪ ﻭﻫﻲ ﻧﺎﺋﻤﺔ ﻭﻳﺬﻫﺐ ﺑﻬﺎ ﺍﻟﻰ ﻏﺮﻓﺘﻬﺎ ﻟﻜﻲ ﺗﻨﺎﻡ ﻋﻠﻰ ﺳﺮﻳﺮﻫﺎ ﻳﻘﺒﻠﻬﺎ ﻣﻦ ﺭﺍﺳﻬﺎ ﻭﻳﻘﻮﻡ ﺑﻮﺿﻊ ﺍﻟﻐﻄﺎﺀ ﻋﻠﻴﻬﺎ
ﺑﻌﺪ ﺫﻟﻚ ﻳﺠﻠﺲ ﻣﻊ ﺯﻭﺟﺘﻪ ﻟﻴﺸﺎﻫﺪ ﺍﻟﺘﻠﻔﺎﺯ ﺯﻭﺟﺘﻪ ﺗﻀﻊ ﺭﺍﺳﻬﺎ ﻋﻠﻰ ﺻﺪﺭﻩ ﻗﺎﺋﻠﻪ : ﺣﺒﻴﺒﻲ
ﺳﺠﺎﺩ : ﻳﺎﻋﻴﻮﻥ ﺣﺒﻴﺒﺞ
ﺯﻭﺟﺘﻪ : ﺭﺍﺡ ﺗﺠﻲ ﻋﻄﻠﺔ ﻧﺼﻒ ﺍﻟﺴﻨﻪ ﺧﻠﻲ ﻧﺴﺎﻓﺮ ﻭﻧﻐﻴﺮ ﺟﻮ ﻭﺍﺗﺮﻙ ﺍﻟﺸﻐﻞ ﺷﻮﻳﻪ ﺗﺮﻯ ﻛﻤﺖ ﻣﺎﺍﺷﻮﻓﻚ ﺑﺲ ﺑﺎﻟﻠﻴﻞ ﻭﻣﺮﺍﺕ ﻣﻦ ﺗﺠﻲ ﺗﻠﻜﻴﻨﻲ ﻧﺎﻳﻤﻪ
ﺳﺠﺎﺩ : ﺑﺲ ﺧﻠﻲ ﺍﺧﻠﺺ ﻫﻠﻜﻢ ﺷﻐﻠﻪ ﺍﻟﻲ ﻋﺪﻱ ﻭﻭﻋﺪ ﻋﻠﻴﻪ ﻧﺴﺎﻓﺮ ﺳﻮﺍ ﻭﺑﺎﻱ ﺩﻭﻟﻪ ﺗﻌﺠﺒﺞ ﻧﺮﻭﺡ
ﺯﻭﺟﺘﻪ : ﺑﺲ ﺑﺸﺮﻁ
ﺳﺠﺎﺩ : ﺷﻨﻮ
ﺯﻭﺟﺘﻪ : ﺑﺪﻭﻥ ﻣﺘﺎﺧﺬ ﻣﻮﺑﺎﻳﻠﻚ ﻻﻥ ﺍﺫﺍ ﺍﺧﺬﺗﻪ ﻻ ﺭﺍﺡ ﻧﺘﻮﻧﺲ ﻭﻻ ﺭﺍﺡ ﺗﻜﺪﺭ ﺍﺿﻞ ﻭﻳﺎﻧﻪ ﻫﻢ ﺗﻌﻮﻓﻨﻪ ﻭﺗﺮﺟﻊ ﻧﻔﺲ ﺫﻳﺞ ﺍﻟﺴﻔﺮﻩ
ﺳﺠﺎﺩ ( ﺿﺎﺣﻜﺎ ) : ﺍﻭﻙ ﺣﺎﺿﺮ ﻳﺎﺍﺳﻠﻄﺎﻧﻪ ﻗﻠﺒﻲ
ﺯﻭﺟﺘﻪ : ﺍﺷﻮ ﺻﺮﺕ ﺳﻠﻄﺎﻧﻪ ﻣﻮ ﺟﻨﺖ ﺍﻣﻴﺮﻩ ﻭﻣﻠﻜﻪ
ﺳﺠﺎﺩ : ﺍﻻﻣﻴﺮﻩ ﻭﺍﻟﻤﻠﻜﻪ ﻫﻲ ﺭﻫﻮﻓﻪ
ﺯﻭﺟﺘﻪ : ﺗﺮﻳﺪ ﺍﻟﺼﺪﻙ ﺻﺤﻴﺢ ﺭﻫﻒ ﺑﻨﺘﻲ ﻭﺍﻧﻲ ﺟﺒﺘﻬﺎ ﻟﻬﺪﻧﻴﺎ ﺑﺲ ﻣﺮﺍﺕ ﺍﻏﺎﺭ ﻣﻨﻬﺎ ﻣﺎﺧﺬﻩ ﻛﻞ ﻭﻗﺘﻚ ﻳﻌﻨﻲ ﻭﻗﺘﻬﺎ ﺍﻛﺜﺮ ﻣﻦ ﻭﻗﺘﻲ ﻭﻳﻦ ﺍﻟﻌﺪﻝ ﻭﻳﻦ ﺍﻟﻤﺴﺎﻭﺍﺓ ﻭﻳﻦ ﻣﻨﻈﻤﺎﺕ ﺣﻘﻮﻕ ﺍﻟﻤﺮﺃﺓ ﺑﻬﺬﺍ ﺍﻟﻤﻮﺿﻮﻉ ﻟﻴﺶ ﻣﺘﺪﺧﻞ
ﺳﺠﺎﺩ ( ﺿﺎﺣﻜﺎ ) : ﻫﺎﻱ ﻣﻨﺎﺷﺪﺍﺕ ﻣﺎﻻﺗﻲ ﻭﺑﻌﺪﻳﻦ ﻫﺴﻪ ﺍﻧﺘﻲ ﻣﻮ ﻧﺎﻳﻤﻪ ﻋﻠﻰ ﺻﺪﺭﻱ ﻭﺗﺴﻤﻌﻴﻦ ﺩﻗﺎﺕ ﻗﻠﺒﻲ ﺑﻌﺪ ﺷﺘﺮﺩﻳﻦ
ﺯﻭﺟﺘﻪ : ﻻ ﻋﻤﻲ ﻻ ﺧﻠﻔﺎﻟﻠﻪ ﻋﻠﻴﻚ ﻭﺭﺣﻤﻪ ﻭﺍﻟﺪﻳﻚ ﺍﺣﺴﻦ ﻣﻦ ﻣﺎﻛﻮ
ﺳﺠﺎﺩ ﻳﻘﺒﻠﻬﺎ ﻣﻦ ﺭﺍﺳﻬﺎ ﻗﺎﺋﻼ : ﺍﺣﺒﺞ ﻭﺣﻖ ﺭﺏ ﺍﻟﻜﻮﻥ
( ﺑﻴﺖ ﺍﺯﻝ )
ﺗﺠﻠﺲ ﺍﺯﻝ ﻭﺣﺪﻫﺎ ﻓﻲ ﻏﺮﻓﺔ ﺍﻟﻨﻮﻡ ﺗﺸﺮﺏ ﻓﻨﺠﺎﻥ ﻗﻬﻮﻩ ﻭﺗﻘﺮﺍ ﻛﺘﺎﺏ ﻭﺯﻭﺟﻬﺎ ﺍﺣﻤﺪ ﺧﺎﺭﺝ ﺍﻟﻤﻨﺰﻝ ﻛﻌﺎﺩﺗﻪ ﻳﺴﻬﺮ ﻣﻊ ﺍﺻﺪﻗﺎﺋﻪ
ﻳﺮﻥ ﻫﺎﺗﻔﻬﺎ .....
ﺗﺮﺩ ﻗﺎﺋﻠﻪ : ﻧﻌﻢ
ﺻﻮﺕ ﺍﻣﺮﺍﻩ ﻓﻲ ﺍﻟﻬﺎﺗﻒ ﺗﻘﻮﻝ : ﺭﺍﺡ ﺍﺩﻓﻌﻮﻥ ﺛﻤﻦ ﺍﻟﻲ ﺳﻮﺍ ﺍﺑﻮﺝ ﺑﻴﻪ ﻣﺎﺑﻘﻪ ﺷﻲ ﻋﻠﻰ ﻧﻬﺎﻳﺘﻜﻢ ( ﻭﺗﻐﻠﻖ ﺍﻟﻬﺎﺗﻒ )
ﺍﺯﻝ ﻣﺮﺗﻌﺒﺔ ﻗﺎﺋﻠﻪ : ﺍﻧﺘﻲ ﻣﻨﻮ ﻭﺳﻮﺍ ﺑﺎﺑﺎ ﺍﻟﺞ ، ﺍﻟﻮ ﺍﻟﻮ
ﺗﺤﺎﻭﻝ ﺍﻻﺗﺼﺎﻝ ﺑﺰﻭﺟﻬﺎ ﻭﻫﻲ ﺗﺮﺗﺠﻒ ﻣﻦ ﺍﻟﺨﻮﻑ ﻟﻜﻦ ﺩﻭﻥ ﺟﺪﻭﻯ ﻓﻬﻮ ﻻ ﻳﺠﻴﺐ ﻋﻠﻰ ﺍﻟﻬﺎﺗﻒ
( ﻓﻲ ﺷﺮﻛﺔ ﺳﺠﺎﺩ )
ﺗﺪﺧﻞ ﺍﻟﺴﻜﺮﺗﻴﺮﺓ ﺷﺬﻯ ﺍﻟﻰ ﻣﻜﺘﺒﻪ ﻗﺎﺋﻠﻪ : ﺻﺒﺎﺡ ﺍﻟﺨﻴﺮ ﺍﺳﺘﺎﺫ
ﺳﺠﺎﺩ : ﺻﺒﺎﺡ ﺍﻟﻨﻮﺭ
ﺷﺬﻯ : ﺍﺳﺘﺎﺫ ﻣﺜﻞ ﻣﺘﻮﻗﻌﺖ ﺑﺪﻭﺍ ﻳﺴﺌﻠﻮﻥ ﻋﻠﻰ ﺷﺎﻛﺮ ﻭﻳﺮﺩﻭﻥ ﻳﺤﺼﻠﻮﻥ ﻣﻌﻠﻮﻣﻪ ﻣﻨﻮ ﻭﺍﻛﻒ ﺑﻈﻬﺮﻩ
ﺳﺠﺎﺩ : ﺍﻱ ﺧﻠﻲ ﻳﺴﺌﻠﻮﻥ ﻣﺎ ﻭﺭﺍﻧﻪ ﺷﻲ ، ﺍﺍﺍ ﺷﺬﻯ ﺧﺒﺮﻱ ﺍﻟﻤﻮﻇﻔﻴﻦ ﺭﺍﺡ ﻳﻜﻮﻥ ﻋﺪﻧﻪ ﺍﺟﺘﻤﺎﻉ ﺑﻌﺪ ﻧﺺ ﺳﺎﻋﻪ ﻭﺭﺍ ﻣﻴﻨﺘﻬﻲ ﺭﺍﺡ ﺍﻃﻠﻊ ﺍﺷﻮﻑ ﺻﺪﻳﻖ ﺍﻟﻴﻪ ﻭﺍﺧﺬ ﺑﻨﺘﻲ ﻣﻦ ﺍﻟﺮﻭﺿﻪ
ﺷﺬﻯ : ﺣﺎﺿﺮ ﺍﺳﺘﺎﺫ
( ﺑﻴﺖ ﺍﺯﻝ )
ﻳﺪﺧﻞ ﺍﺣﻤﺪ ﺍﻟﻰ ﺍﻟﺒﻴﺖ ﻭﺍﺯﻝ ﺗﻨﺘﻈﺮﻩ ﻭﻋﻼﻣﺎﺕ ﺍﻟﻐﻀﺐ ﻋﻠﻰ ﻭﺟﻬﻬﺎ
ﺍﺣﻤﺪ : ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ
ﺍﺯﻝ : ﺻﺒﺎﺡ ﺍﻟﻨﻮﺭ ﺣﺒﻴﺒﻲ ﺗﻜﺪﺭ ﺗﻜﻠﻲ ﻭﻳﻦ ﺟﻨﺖ ﺑﺎﻳﺖ ﺑﺮﺍ ﺍﻟﺒﻴﺖ
ﺍﺣﻤﺪ : ﻳﻢ ﺻﺪﻳﻘﻲ ﺍﻟﺒﺎﺭﺣﻪ ﺍﻟﻌﺮﺱ ﻣﺎﻟﺘﻪ ﺍﻣﺠﺪ ﺭﺍﺡ ﻟﻠﺮﻭﺿﻪ
ﺍﺯﻝ : ﺍﻱ ﻭﺩﻳﺘﻪ ﺍﻧﻲ
ﺍﺣﻤﺪ : ﺟﻴﺪ ﺍﺭﻭﺡ ﺍﺳﺒﺢ ﻭﺍﻃﻠﻊ ﻟﺸﺮﻛﻪ
ﺍﺯﻝ : ﺍﻭﻛﻒ ، ﺷﻮﻑ ﺟﻬﺎﺯﻙ ﻛﻢ ﻣﺮﻩ ﻣﺘﺼﻠﻪ ﺑﻴﻚ ﺍﻧﻲ
ﺍﺣﻤﺪ : ﺍﺯﻝ ﻣﺎﺑﻴﻪ ﺣﻴﻞ ﻟﻠﻤﺸﺎﻛﻞ ﻣﻦ ﺍﻟﺼﺒﺢ ﻭﺑﻌﺪﻳﻦ ﻛﺘﻠﺞ ﻋﺮﺱ ﻭﻫﻮﺳﻪ ﻳﻌﻨﻲ ﻃﺒﻴﻌﻲ ﻣﺎﺍﺳﻤﻊ
ﺍﺯﻝ : ﺻﺪﻛﺘﻚ ﻭﺍﻟﻠﻪ ﺍﺻﻼ ﺍﻧﻲ ﻧﺪﻣﺎﻧﻪ ﻋﻠﻰ ﺷﻲ ﻭﺍﺣﺪ ﺑﺲ ﺑﺤﻴﺎﺗﻲ ﻭﻫﻮ ﺯﻭﺟﺘﻚ ﻭﻟﻮ ﻣﺎ ﺍﺑﻨﻪ ﺍﻣﺠﺪ ﺟﺎﻥ ﻣﻦ ﺯﻣﺎﻥ ﻃﻠﻜﺘﻚ ﻭﺍﻧﺘﻪ ﺭﻭﺡ ﺍﻟﺘﻬﻲ ﻭﻱ ﻧﺴﻮﺍﻧﻚ ﺍﻟﻲ ﺗﺴﻬﺮ ﻭﻳﺎﻫﻦ ﻳﻮﻣﻴﻪ
ﺍﺣﻤﺪ ( ﺻﺎﺭﺧﺎ ) : ﺍﺯﻝ ... ﺍﻟﺰﻣﻲ ﺣﺪﺝ ﻭﻻ ﺗﺤﺠﻴﻦ ﺣﺠﻲ ﺗﻨﺪﻣﻴﻦ ﻋﻠﻴﻪ ﺍﻓﺘﻬﻤﺘﻲ
ﺍﺯﻝ : ﺍﻭﻙ ﺣﺎﺿﺮ ﺍﻧﻲ ﺭﺍﺡ ﺍﺭﻭﺡ ﻳﻢ ﺑﺎﺑﺎ ﻭﺍﺣﺴﻠﻚ ﻻ ﺗﺠﻴﻨﻲ ﻭﻻ ﺗﻮﺻﻠﻨﻲ ﻭﺍﺫﺍ ﺗﺮﻳﺪ ﺍﺷﻮﻑ ﺍﺑﻨﻚ ﺷﻮﻓﻪ ﺑﻌﻴﺪ ﻋﻨﻲ
ﺍﺣﻤﺪ : ﺍﻫﻮﻭﻭﻭﻭ ﻭﻳﻜﻠﻚ ﻟﻴﺶ ﺗﺒﺎﺕ ﺑﺮﺍ ﺍﻟﺒﻴﺖ ﻣﻦ ﻭﺭﺍ ﻫﻠﻜﻼﻡ ﺍﻟﻤﺎﺻﺦ ﻭﻻ ﺍﻛﻠﺞ ﻋﻠﻴﻤﻦ ﻣﺪﻭﺥ ﻧﻔﺴﻲ ﺗﺮﺩﻳﻦ ﺗﺮﺣﻴﻦ ﺭﻭﺣﻲ ﺑﺲ ﺧﻠﺼﻴﻨﻲ ﻣﻨﺞ
( ﺑﻌﺪ ﻣﺎﻛﺎﻧﺖ ﺍﻣﻴﺮﻩ ﺳﺠﺎﺩ ﻭﻣﻠﻜﻪ ﻗﻠﺒﻪ ﺍﺻﺒﺤﺖ ﺫﻟﻴﻠﻪ ﺍﺣﻤﺪ ﻭﻣﺴﺠﻮﻧﺘﻪ )
ﺗﻘﻮﻡ ﺑﺤﺰﻡ ﺣﻘﺎﺋﺒﻬﺎ ﻭﺗﺨﺮﺝ ﻣﻦ ﺑﻴﺖ ﺯﻭﺟﻬﺎ ﺍﻟﻰ ﺑﻴﺖ ﺍﺑﻴﻬﺎ
( ﻓﻲ ﻣﻜﺎﻥ ﻣﺎ )
ﺳﺠﺎﺩ ﻳﺪﺧﻞ ﺍﻟﻰ ﺍﺣﺪ ﺍﻟﺒﻴﻮﺕ ﻳﺘﻤﺸﻰ ﻓﻲ ﺍﻟﺒﻴﺖ ﺣﺘﻰ ﻳﺼﻞ ﺍﻟﻰ ﻏﺮﻓﻪ ﺍﻟﻨﻮﻡ ﺍﻟﻤﻐﻠﻘﺔ ﻳﻄﺮﻕ ﺍﻟﺒﺎﺏ
ﺻﻮﺕ ﺍﻟﻤﺮﺃﺓ ﻣﻦ ﺩﺍﺧﻞ ﺍﻟﻐﺮﻓﺔ : ﺍﺗﻔﻀﻞ
ﻳﺪﺧﻞ ﺳﺠﺎﺩ ﺍﻟﻰ ﺍﻟﻐﺮﻓﺔ ﻳﺮﻯ ﺍﻟﻤﺮﺃﺓ ﺟﺎﻟﺴﻪ ﻋﻠﻰ ﺍﻟﻜﺮﺍﺳﻲ ﻭﺗﻨﻈﺮ ﻋﺒﺮ ﺯﺟﺎﺝ ﺍﻟﺸﺒﺎﻙ
ﺳﺠﺎﺩ : ﺷﻠﻮﻧﺞ ﻓﺎﺩﻳﻪ !!!!!!
ﺗﻠﺘﻔﺖ ﺍﻟﻴﻪ ﻓﺎﺩﻳﻪ ﻗﺎﺋﻠﻪ : ﺍﻫﻼ ﻭﺳﻬﻼ ﺑﻴﻚ ﺍﺗﻔﻀﻞ ﺍﺳﺘﺮﻳﺢ
( ﻗﺒﻞ ٦ ﺳﻨﻮﺍﺕ )
( ﻓﻲ ﺑﻴﺖ ﺳﺠﺎﺩ )
ﻣﻨﻴﺮ : ﺍﻧﻲ ﺭﺍﺡ ﺍﺩﺧﻞ ﺑﺎﻟﻤﻮﺿﻮﻉ ﻋﻠﻰ ﻃﻮﻝ ﺍﻧﻲ ﻣﺤﺘﺎﺟﻚ ﻭﻳﺎﻳﻪ ﺑﺎﻟﺸﺮﻛﻪ ﻭﺧﺼﻮﺻﺎ ﺳﻤﻌﺖ ﺍﻥ ﺍﻧﺘﻪ ﺷﺨﺺ ﻧﺎﺟﺢ ﻭﺫﻛﻲ ﺑﺎﻟﺘﺠﺎﺭﻩ ﻭﻃﺎﻟﻊ ﻣﻦ ﺍﻻﻭﺍﺋﻞ ﺑﺎﻟﻜﻠﻴﻪ ﻭﺍﻧﻲ ﺣﺎﻟﻴﺎ ﻻﺯﻡ ﺍﻟﺸﺮﻛﻪ ﻻﻥ ﺍﺑﻮﻳﻪ ﻛﺒﺮ ﻭﺑﻌﺪ ﻣﺎﺑﻲ ﺣﻴﻞ ﻭﺍﻟﺸﺮﻛﻪ ﻳﻮﻡ ﻋﻦ ﻳﻮﻡ ﺩﺗﺨﺴﺮ ﻭﻣﺎﺑﻴﺪﻱ ﺷﻲ ﺍﺳﻮﻱ
ﺳﺠﺎﺩ : ﺷﺮﻛﻪ ﻣﺎﻝ ﺷﻨﻮ ؟
ﻣﻨﻴﺮ : ﺷﺮﻛﻪ ﻣﻘﺎﻭﻻﺕ ﻳﻌﻨﻲ ﻧﻠﺰﻡ ﻣﺸﺎﺭﻳﻊ ﺑﻨﺎﺀ ﻭﻫﻼﻳﺎﻡ ﺩﺗﺠﻲ ﺷﺮﻛﺎﺕ ﺍﺟﻨﺒﻴﻪ ﺩﺗﻨﺎﻓﺴﻨﻪ ﻭﺩﻳﺮﺑﺤﻮﻥ ﺍﻟﻤﺰﺍﺩﺍﺕ ﻣﻊ ﺍﻟﻌﻠﻢ ﻣﻴﺘﻤﺘﻌﻮﻥ ﺑﺎﻟﺮﺻﺎﻧﻪ ﻣﺜﻞ ﺍﻟﻲ ﻋﺪﻧﻪ
ﺳﺠﺎﺩ : ﻳﻌﻨﻲ ﺗﺮﻳﺪﻳﻦ ﺍﺳﺎﻋﺪﻙ ﺍﺩﻳﺮ ﺍﻟﺸﺮﻛﻪ ﻭﻳﺎﻙ
ﻣﻨﻴﺮ : ﺑﺎﻟﻀﺒﻂ ﺷﻜﻠﺖ
ﺳﺠﺎﺩ : ﺍﻧﻲ ﻣﻮﺍﻓﻖ ﺑﺲ ﺑﺸﺮﻁ ؟
ﻣﻨﻴﺮ : ﻭﻫﻮ
ﺳﺠﺎﺩ : ﻋﻨﺪﻱ ﺷﺨﺺ ﻋﺰﻳﺰ ﻋﻠﻴﻪ ﻣﺤﺘﺎﺝ ﻣﺴﺎﻋﺪﻩ ﻭﺭﻋﺎﻳﻪ ﺧﺎﺻﻪ ﻻﻥ ﻣﺮﻳﺾ ﻳﻌﻨﻲ ﺍﺫﺍ ﺗﻜﺪﺭﻭﻥ ﺗﺴﻔﺮﻭ ﺧﺎﺭﺝ ﺍﻟﺒﻠﺪ ﻟﻠﻌﻼﺝ
ﻣﻨﻴﺮ : ﻣﻮﺍﻓﻖ
( ﻓﻲ ﺍﻟﻤﺸﻔﻰ )
ﻳﺪﺧﻞ ﺳﺠﺎﺩ ﺍﻟﻰ ﺍﻟﻐﺮﻓﺔ ﺍﻟﺨﺎﺻﺔ ﻟﻔﺎﺩﻳﻪ ﺣﻴﺚ ﺗﺮﻗﺪ ﻓﻲ ﻣﺴﺘﺸﻔﻰ ﺍﻻﻣﺮﺍﺽ ﺍﻟﻌﻘﻠﻴﺔ
ﺳﺠﺎﺩ : ﺍﺷﻠﻮﻧﺞ ﻓﺎﺩﻳﻪ ﺍﻧﻲ ﺟﻴﺖ ﻭﺭﺍﺡ ﺍﻃﻠﻌﺞ ﻣﻨﺎ
ﺗﻨﻬﺾ ﻓﺎﺩﻳﻪ ﻓﺮﺣﻪ ﻗﺎﺋﻠﻪ : ﺻﺪﻙ ﺭﺍﺡ ﺍﻃﻠﻌﻨﻲ ﻣﻨﺎ ﻭﺍﺷﻮﻑ ﺣﺒﻴﺒﻲ ﻋﺎﺩﻝ
ﺳﺠﺎﺩ : ﺍﻱ ﺭﺍﺡ ﺍﻃﻠﻌﻴﻦ ﺑﺲ ﺍﻭﻝ ﺷﻲ ﻻﺯﻡ ﺗﺘﻌﺎﻟﺠﻴﻦ ﺯﻳﻦ ﺣﺘﻰ ﺗﺸﻮﻓﻲ ﻻﻥ ﺍﺫﺍ ﺷﺎﻓﺞ ﺑﻬﺎﻱ ﺍﻟﺤﺎﻟﻪ ﻳﻨﻘﻬﺮ
ﻓﺎﺩﻳﻪ : ﻻ ﻻ ﻣﺎﺍﺭﻳﺪﻩ ﻳﺸﻮﻓﻨﻲ ﻫﻴﺞ ﻳﻨﻘﻬﺮ ﻣﺎﺷﻲ ﺭﺍﺡ ﺍﻃﻴﺐ ﺣﺘﻰ ﻳﺸﻮﻓﻨﻲ ﻣﺜﻞ ﻗﺒﻞ ﺣﻠﻮﻩ ﻭﺍﻣﻴﺮﺗﻪ
( ﺍﻟﺤﺎﺿﺮ )
ﺳﺠﺎﺩ ﻳﺠﻠﺲ ﻋﻠﻰ ﺍﻟﺴﺮﻳﺮ ﻭﻓﺎﺩﻳﻪ ﺗﺠﻠﺲ ﻋﻠﻰ ﺍﻟﻜﺮﺳﻲ ﺍﻣﺎﻣﻪ
ﻓﺎﺩﻳﻪ : ﺍﻟﺒﺎﺭﺣﺔ ﺑﺎﻟﻠﻴﻞ ﺍﺗﺼﻠﺖ ﻋﻠﻰ ﺍﺯﻝ ﻭﻫﺪﺩﺗﻪ ﻭﺍﻛﻴﺪ ﺭﺍﺡ ﺗﻮﺻﻞ ﺍﻟﺤﺠﻲ ﻻﺑﻮﻫﺎ ﺻﺤﻴﺢ ﺑﺎﻟﺒﺪﺍﻳﺔ ﻗﻠﺒﻲ ﻣﺎﻃﺎﻭﻋﻨﻲ ﺑﺲ ﻧﺎﺭ ﺍﻻﻧﺘﻘﺎﻡ ﺍﻟﻲ ﺑﻘﻠﺒﻲ ﻣﺎﻧﻄﻔﺖ ﻟﺴﻪ
ﺳﺠﺎﺩ : ﻣﻮ ﺑﺲ ﻧﺎﺭ ﺍﻧﺘﻘﺎﻣﺞ ﺑﻌﺪ ﻣﺸﺘﻌﻞ ﻧﺎﺭﻱ ﻫﻤﺎﺕ ﻭﺗﺘﺤﺮﻙ ﺑﻘﻠﺒﻲ ﻳﻮﻣﻴﻪ ﻣﺮﺍﺡ ﺍﺧﻠﻲ ﻳﺘﻬﻨﻰ ﺑﻌﻴﺸﺘﻪ ﺍﺑﺪ
ﻓﺎﺩﻳﻪ : ﺑﺲ ﺩﻳﺮﺑﺎﻟﻚ ﺗﺴﺒﺐ ﺿﺮﺭ ﻟﻼﺯﻝ ﻣﺎﺍﺳﻤﺤﻠﻚ ﺳﺠﺎﺩ
ﺳﺠﺎﺩ : ﺍﻧﻲ ﺍﺯﻝ ﻭﻋﺪﺗﺞ ﻣﺎﺗﻘﺮﺑﻠﻬﺎ ﻭﻣﺎﺍﺣﺮﻛﻬﺎ ﺑﻨﺎﺭﻱ ﺍﻧﻲ ﺍﻟﻲ ﻋﻨﺪﻱ ﺍﺑﻮﻫﺎ ﻭﺑﺲ ﻭﺍﻧﺘﻘﺎﻣﻨﻪ ﻭﺍﺣﺪ
( ﺑﻴﺖ ﺍﺏ ﺍﺯﻝ )
ﺑﻌﺪ ﺍﻥ ﺗﺤﺪﺛﺖ ﺍﺯﻝ ﻻﺑﻴﻬﺎ ﻋﻤﺎ ﺟﺮﻯ ﻟﻬﺎ ﻣﻦ ﺍﺣﺪﺍﺙ ﻟﻴﻠﻪ ﺍﻣﺲ ﺭﺩ ﻋﻠﻴﻬﺎ ﺍﺑﻴﻬﺎ ﻗﺎﺋﻼ : ﺍﻛﻴﺪ ﺍﺣﺪ ﻣﻦ ﺍﻋﺪﺍﺋﻲ ﻭﺣﺎﻭﻝ ﻳﻬﺪﺩﻧﻲ ﻋﻦ ﻃﺮﻳﻘﺞ ﻻﻥ ﺍﻧﺘﻲ ﻧﻘﻄﻪ ﺿﻌﻔﻲ ﺑﻬﻠﺪﻧﻴﺎ ﺑﺲ ﺍﻭﻋﺪﺝ ﻳﺎﺑﻨﺘﻲ ﺭﺍﺡ ﺍﻛﺘﺸﻒ ﻫﺬﺍ ﺍﻟﺸﻲ ﻭﺍﻋﺮﻑ ﻣﻨﻮ ﻭﺭﺍ
ﺍﺯﻝ : ﺑﺎﺑﺎ ﺍﻧﻲ ﺧﺎﻳﻔﺔ ﻋﻠﻴﻚ ﻟﻴﺼﻴﺮ ﺑﻴﻚ ﺷﻲ
ﺍﺏ ﺍﺯﻝ : ﻻ ﺗﺨﺎﻓﻴﻦ ﺑﻨﺘﻲ ﺍﻧﻲ ﺻﺎﺣﺐ ﻧﻔﻮﺫ ﻭﺳﻠﻄﻪ ﻡ ﻳﻜﺪﺭ ﻳﺘﻘﺮﺑﻠﻲ ، ﻭﺑﻌﺪﻳﻦ ﺑﺲ ﻻ ﺟﺎﻳﺒﻪ ﺟﻨﻄﻪ ﻣﻼﺑﺴﺞ ﺣﺘﻰ ﺗﻀﻠﻴﻦ ﻳﻤﻲ ﻋﻠﻤﻮﺩ ﺗﻬﺪﻳﺪ
ﺍﺯﻝ : ﻻ ﺑﺎﺑﺎ ﺗﻌﺎﺭﻛﺖ ﻭﻱ ﺍﺣﻤﺪ
ﺍﺏ ﺍﺯﻝ : ﺷﻨﻮ ﺍﻟﺴﺒﺐ
ﺍﺯﻝ : ﻣﺘﻐﻴﺮ ﻋﻠﻴﻪ ﻛﻠﺶ ﻳﺒﻘﻰ ﺑﺮﺍ ﻳﺴﻬﺮ ﻭﻳﺮﺟﻊ ﻣﺮﺍﺕ ﻣﺘﺎﺧﺮ ﻭﺳﻜﺮﺍﻥ ﻭﻣﺮﺍﺕ ﺍﺻﻼ ﻣﻴﺮﺟﻊ ﻭﻳﺨﻠﻴﻨﻲ ﺑﺲ ﺍﻧﻲ ﻭﺍﻣﺠﺪ ﺑﺎﻟﺒﻴﺖ ﺣﺘﻰ ﺍﺑﻨﻪ ﻣﻴﺴﺌﻞ ﻋﻨﻪ ﻏﻴﺮ ﺑﺲ ﺍﻟﺼﺒﺢ ﻫﺎ ﺭﺍﺡ ﻟﻠﺮﻭﺿﻪ ﻫﺎﺍ ﺭﺟﻊ ﻭﻣﻦ ﻳﺴﺌﻠﻨﻲ ﺑﺎﺑﺎ ﻭﻳﻦ ﻣﻌﺮﻑ ﺷﺠﺎﻭﺑﻪ ( ﺗﺒﻜﻲ )
ﺍﺏ ﺍﺯﻝ ﻳﺤﺘﻀﻦ ﺍﺑﻨﺘﻪ ﻗﺎﺋﻼ : ﺑﺲ ﻻ ﺗﺒﺠﻴﻦ ﺍﻧﻲ ﺍﺷﻮﻓﻪ ﺍﻟﻴﻮﻡ ﻭﺍﺣﺠﻲ ﻭﻳﺎ ( ﻳﻘﺒﻠﻬﺎ ﻣﻦ ﺭﺍﺳﻬﺎ )
( ﺑﻴﺖ ﻓﺎﺩﻳﺔ )
ﻓﺎﺩﻳﺔ : ﻣﺮﺗﻚ ﻭﺑﻨﺘﻚ ﺍﺷﻠﻮﻧﻬﻢ
ﺳﺠﺎﺩ : ﺯﻳﻨﻴﻦ
ﻓﺎﺩﻳﺔ : ﺍﻟﻠﻪ ﻳﺨﻠﻴﻚ ﺍﻟﻬﻢ ﺍﻟﻠﻪ ﻋﻮﺿﻚ ﺑﻌﺎﺋﻠﺔ ﻋﺒﺎﺭﻩ ﻋﻦ ﻣﻼﺋﻜﺔ
ﺳﺠﺎﺩ : ﺍﻟﺤﻤﺪﻟﻠﻪ ﺧﻠﻴﺖ ﺛﻘﺘﻲ ﻭﺭﺍ ﺍﻟﻠﻪ ﻋﺰ ﻭﺟﻞ ﻭﻣﺎﺍﺧﻴﺐ ﻇﻨﻲ
ﻓﺎﺩﻳﻪ : ﺳﺠﺎﺩ ﺍﺭﻳﺪ ﻃﻠﺐ ﻣﻨﻚ ﻣﻤﻜﻦ ؟
ﺳﺠﺎﺩ : ﻛﻮﻟﻲ ﺍﻧﻲ ﺣﺎﺿﺮ
ﻓﺎﺩﻳﻪ : ﺍﺫﺍ ﻟﺰﻣﺖ ﺍﺑﻮ ﺍﺯﻝ ﻭﺟﺒﺘﻪ ﺍﻟﻴﻪ ﺧﻠﻴﻨﻲ ﺍﻧﻲ ﺍﻗﺘﻠﻪ
ﺳﺠﺎﺩ : ﺑﺲ ﺍﻧﻲ ﻭﻋﺪﺕ ﻧﻔﺴﻲ ﺍﻧﻲ ﺍﻟﻲ ﺍﻗﺘﻠﻪ ﻭﺍﺧﺬ ﺣﻘﻲ ﻣﻨﻪ
ﻓﺎﺩﻳﻪ : ﺍﻧﺘﻪ ﻋﻨﺪﻙ ﻋﺎﺋﻠﻪ ﺧﺎﻑ ﻋﻠﻴﻬﻢ ﺑﺎﺟﺮ ﺩﺭﻭ ﺍﻧﻮ ﺍﻧﺘﻪ ﻗﺎﺗﻞ ﺷﻨﻮ ﺭﺍﺡ ﻳﻜﻮﻥ ﻣﻮﻗﻔﻚ ﻣﻦ ﻋﺎﺋﻠﺘﻚ ﺧﻠﻴﻨﻲ ﺍﻧﻲ ﺍﺧﺬ ﺑﺜﺎﺭﻱ ﻭﺛﺎﺭﻙ ﻭﺑﻌﺪﻳﻦ ﻻﺗﻨﺴﻪ ﺍﻧﺘﻘﺎﻣﻨﻪ ﻭﺍﺣﺪ
ﺳﺠﺎﺩ : ﻣﻦ ﻳﺠﻲ ﺫﺍﻙ ﺍﻟﻴﻮﻡ ﻋﻮﺩ ﺍﻟﻠﻪ ﻛﺮﻳﻢ ، ﻳﺎﻟﻠﻪ ﺍﺗﺮﺧﺺ ﺍﻧﻲ ﺍﺭﻭﺡ ﺍﺟﻴﺐ ﺭﻫﻒ ﻣﻦ ﺍﻟﺮﻭﺿﻪ
ﻓﺎﺩﻳﻪ : ﺍﻟﻠﻪ ﻭﻳﺎﻙ
ﺳﺠﺎﺩ ﻳﻨﺘﻈﺮ ﺍﺑﻨﺘﻪ ﺍﻣﺎﻡ ﺍﻟﺮﻭﺿﺔ ﺗﺨﺮﺝ ﻣﻊ ﺻﺪﻳﻘﻬﺎ ﻣﺠﻮﺩﻱ ﺗﺎﺗﻲ ﺍﻟﻰ ﺍﺑﻴﻬﺎ ﻗﺎﺋﻼ : ﺑﺎﺑﺎ ﻫﺬﺍ ﺻﺪﻳﻘﻲ ﻣﺠﻮﺩﻱ
ﺳﺠﺎﺩ : ﻫﻠﻮ ﻋﻤﻮ ﺍﺷﻠﻮﻧﻚ ( ﻭﻳﻘﺒﻠﻪ ﻣﻦ ﺧﺪﻩ )
ﻣﺠﻮﺩﻱ : ﺯﻳﻦ
ﺭﻫﻒ : ﺍﻣﻪ ﻟﺴﻪ ﻣﺎﺟﺖ ﺑﺎﺑﺎ ﺧﻠﻴﻨﻪ ﻧﻨﺘﻈﺮﻫﺎ
ﺳﺠﺎﺩ : ﺍﻭﻙ ﺑﺎﺑﺎ ﻧﺘﻈﺮﻫﺎ ( ﻳﻠﺘﻔﺖ ﺍﻟﻰ ﺍﺑﻨﺘﻪ ﻭﻳﺮﺍﻫﺎ ﻣﺎﺳﻜﻪ ﺑﻴﺪ ﺻﺪﻳﻘﻬﺎ ) ﻣﻮ ﻋﻠﺴﺎﺱ ﺑﺲ ﺯﻣﻴﻠﺞ ﻛﺘﻴﻠﻲ
ﺭﻫﻒ : ﺍﻭﻑ ﺑﺎﺑﺎ ﻋﻴﺐ ﺍﺳﻜﺖ ﻟﺘﺨﺠﻠﻨﻲ ﻛﺪﺍﻣﻪ
ﺳﺠﺎﺩ : ﻭﻟﺞ ﺍﻛﻠﻪ ﻟﺨﺠﻠﺞ ﺍﻛﻠﻪ ﺍﻛﻞ
ﺻﻮﺕ ﻣﺮﺍﻩ ﻗﺎﺋﻠﻪ : ﺍﻣﺠﺪ
ﺳﺠﺎﺩ ﺗﻠﻤﻊ ﻋﻴﻨﺎﻫﺎ ﻭﻳﻘﻒ ﺟﺎﻣﺪ ﻓﻲ ﻣﻜﺎﻧﻪ ﻭﻧﺒﻀﺎﺕ ﻗﻠﺒﻪ ﺗﺘﺴﺎﺭﻉ ﺍﻧﻪ ﺻﻮﺕ ﻣﻌﺮﻭﻑ ﻫﻞ ﻫﻮ ﺻﻮﺕ ﻣﻦ ﺍﺣﺒﺒﻬﺎ ﻳﻠﺘﻔﺖ ﻧﺤﻮﻫﺎ ﻟﻴﺮﻯ ﻓﺘﺎﺗﻪ ﻭﺣﺒﻴﺒﺘﻪ ﻭﻋﺸﻴﻘﺘﻪ ﻭﺭﻓﻴﻘﻪ ﺩﺭﺑﻪ ﺍﻟﺪﺭﺍﺳﻲ ﺍﺯﻝ ﻧﻌﻢ ﻫﻲ ﺍﺯﻝ ﻭﺍﻟﺪﻩ ﺍﻟﻄﻔﻞ ﺍﻟﺘﻲ ﺗﺮﺍﻓﻘﻪ ﺍﺑﻨﺘﻪ ، ﻳﻨﻈﺮ ﺍﻟﻰ ﺍﻟﻄﻔﻞ ﻣﺮﻩ ﺍﺧﺮﻯ ﻳﺮﻯ ﺍﺣﻼﻣﻪ ﺍﻟﺘﻲ ﻟﻢ ﺗﺘﺤﻘﻖ ﻭﻳﺮﻯ ﺣﺒﻪ ﺍﻟﺬﻱ ﻟﻢ ﻳﺠﺘﻤﻊ ﻭﻳﺮﻯ ﻧﺴﻠﻪ ﺍﻟﺬﻱ ﻟﻢ ﻳﺨﻠﻖ
ﺍﺯﻝ ﻭﻋﻨﺪ ﺭﺅﻳﻪ ﺳﺠﺎﺩ ﺗﻘﺘﺮﺏ ﺑﻤﺸﺎﻋﺮ ﺗﻔﻮﻕ ﻣﺸﺎﻋﺮ ﺳﺠﺎﺩ ﺑﻤﻼﻳﻴﻦ ﺍﻟﻤﺮﺍﺕ ﻓﺬﻟﻚ ﺍﻟﺸﺎﺏ ﺍﻟﻤﺸﺎﻏﺐ ﺍﻟﺬﻱ ﺍﺳﺘﻄﺎﻉ ﺍﻥ ﻳﻤﻠﻚ ﻗﻠﺒﻬﺎ ﻭﺍﺳﺘﻄﺎﻋﺖ ﺍﻥ ﺗﻌﻴﺶ ﻣﻌﻪ ﺍﺟﻤﻞ ﺍﻳﺎﻡ ﺣﻴﺎﺗﻬﺎ ﺫﻟﻚ ﺍﻟﺸﺎﺏ ﺍﻟﺬﻱ ﻛﺎﻥ ﻳﻮﻣﺎ ﺣﺒﻴﺒﺎ ﻭﻋﺸﻴﻘﺎ ﻋﻴﻨﺎﻫﺎ ﺗﻐﺮﻕ ﺑﻠﺪﻣﻮﻉ ﻋﻨﺪ ﺭﻭﻳﺘﻬﺎ ﻟﻪ
ﺍﻣﺠﺪ ﻳﻤﺴﻚ ﺑﻴﺪ ﺍﻣﻪ ﻗﺎﺋﻼً : ﻣﺎﻣﺎ ﻣﺎﻣﺎ ﻫﺎﻱ ﺻﺪﻳﻘﺘﻲ ﺭﻫﻒ ﻭﺍﺑﻮﻫﺎ
ﺗﻨﻈﺮ ﺍﻟﻰ ﺍﺑﻨﺘﻪ ﻭﺗﺮﻯ ﻓﻴﻬﺎ ﻃﺒﺎﻉ ﻭﺍﻟﺪﻫﺎ ﺍﻟﺤﺎﺩﻩ ﻭﻋﻴﻨﺎﻥ ﻭﺍﻟﺪﻫﺎ ﻛﻞ ﻫﺬﺍ ﺍﻟﺤﺪﺙ ﻋﺒﺎﺭﻩ ﻋﻦ ﺻﺪﻓﻪ ﺑﻌﻨﻮﺍﻥ ﺍﻟﻘﺪﺭ
ﻳﻘﺘﺮﺏ ﺳﺠﺎﺩ ﻣﻊ ﺍﺑﻨﺘﻪ ﻧﺤﻮﻫﺎ ﺑﻌﺪ ﺍﻥ ﺗﻤﺎﻟﻚ ﻧﻔﺴﻪ ﻛﺎﻧﺖ ﺛﻮﺍﻧﻲ ﺻﻌﺒﻪ ﻋﻠﻰ ﻛﻼﻫﻤﺎ ﻻﻥ ﺷﺮﻳﻂ ﻣﺎﺿﻴﻬﻢ ﺗﻢ ﺍﻋﺎﺩﺗﻪ ﻋﻦ ﻃﺮﻳﻖ ﺍﻭﻻﺩﻫﻤﺎ
ﺳﺠﺎﺩ : ﺍﻟﺴﻼﻡ ﻋﻠﻴﻜﻢ ، ﺍﺷﻠﻮﻧﺞ ﺍﻡ ﺍﻣﺠﺪ ( ﻳﻤﺪ ﻳﺪﻩ ﻟﻠﺴﻼﻡ )
ﺍﺯﻝ : ﻭﻋﻠﻴﻜﻢ ﺍﻟﺴﻼﻡ ، ﺍﺑﻮ ﺭﻫﻒ ( ﺗﺼﺎﻓﺤﻪ )
ﺭﻫﻒ : ﺍﻧﺘﻲ ﻟﻴﺶ ﺗﺎﺧﺮﺗﻲ ﻋﻠﻰ ﻣﺠﻮﺩﻱ ﻫﺎ
ﺳﺠﺎﺩ : ﺑﺲ ﺑﺎﺑﺎ ﻋﻴﺐ ﺗﺤﺠﻴﻦ ﻭﻱ ﺍﻟﻜﺒﺎﺭ ﻫﻴﺞ
ﺍﺯﻝ ( ﺗﺒﺘﺴﻢ ﺍﺑﺘﺴﺎﻣﻪ ﻛﺎﺫﺑﻪ ) ﻗﺎﺋﻠﻪ : ﻻ ﻋﺎﺩﻱ ﺣﻘﺞ ﻋﻠﻴﻪ ﺑﺲ ﺻﺎﺭ ﻋﻨﺪﻱ ﺿﺮﻑ ﻭﺗﺎﺧﺮﺕ ﻛﻞ ﻣﺮﻩ ﻣﻮ ﺍﺟﻲ ﻣﻦ ﻭﻛﺖ ﺍﺧﺬ ﻭﺍﻃﻠﻊ ﺣﺘﻰ ﻗﺒﻞ ﻣﻴﺠﻲ ﺍﺑﻮﺝ ﺍﻧﻲ ﺍﺟﻲ
ﺳﺠﺎﺩ : ﺍﻟﺤﻤﺪﻟﻠﻪ ﻣﻦ ﺗﻌﺮﻓﺖ ﻋﻠﻰ ﻋﻤﻪ ﺑﻨﺘﻲ ﺍﻟﻤﺴﺘﻘﺒﻠﻴﺔ ( ﻳﺒﺘﺴﻢ ﺍﺑﺘﺴﺎﻣﻪ ﺑﺎﻟﻒ ﺟﺮﺡ )
ﺍﺯﻝ : ﺷﻜﺮﺍ ، ﺍﺗﺸﺮﻓﺖ ﺑﻤﻌﺮﻓﺘﻚ ﺍﺑﻮ ﺭﻫﻒ ﻋﻦ ﺍﺫﻧﻚ
ﺳﺠﺎﺩ : ﺍﻟﻴﻪ ﺍﻟﺸﺮﻑ
ﻓﻲ ﺗﻠﻚ ﺍﻟﻠﻴﻠﺔ ﻟﻢ ﻳﺴﺘﻄﻴﻌﺎ ﺍﻥ ﻳﻨﺎﻣﺎ ﻓﺬﻛﺮﻳﺎﺕ ﻣﺎﺿﻴﻬﻢ ﻗﺪ ﻋﺎﺩﺕ ﻭﺭﺑﻤﺎ ﻳﺘﺠﺪﺩ ﻟﻘﺎﺋﻬﻤﺎ ﻭﺭﺑﻤﺎ ﻳﺘﺠﺪﺩ ﺣﺒﻬﻤﺎ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق