رواية غرام وانتقام ج1 الجزء السادس
للكاتب كرار الكرادي
.
ﺍﺯﻝ ( ﻣﻨﺼﺪﻣﻪ ) : ﺷﻨﻮ ؟
ﺳﺠﺎﺩ : ﺍﺣﺒﺞ
ﺗﻨﻈﺮ ﺍﻟﻴﻪ ﻭﻗﺪ ﻏﺮﻏﺮ ﺍﻟﺪﻣﻊ ﻓﻲ ﻋﻴﻨﻴﻪ ﻛﻌﻴﻮﻥ ﻋﺎﺷﻖ ﻓﻘﺪ ﺣﺒﻴﺒﺘﻪ ﺛﻢ ﺭﺍﻫﺎ ﺑﻌﺪ ﻋﺪﻩ ﺳﻨﻴﻦ
ﺗﻐﺎﺩﺭ ﺍﺯﻝ ﺍﻟﻘﺎﻋﻪ ﺍﻟﺪﺭﺍﺳﻴﺔ ﺩﻭﻥ ﻛﻼﻡ ﻭﻳﺒﻘﻰ ﺳﺠﺎﺩ ﻭﺍﻗﻔﺎ ﺧﺎﺋﻔﺎ ﻣﻦ ﺭﺩﺕ ﻓﻌﻠﻬﺎ ﻫﺬﺍ
ﻫﻞ ﺧﺴﺮﻫﺎ ﺑﺎﻋﺘﺮﺍﻓﻪ ﻟﺤﺒﻬﺎ ﺍﻡ ﺧﺠﻠﺖ ﻭﺫﻫﺒﺖ ﻭﻻ ﺗﻌﺮﻑ ﻣﺎﺫﺍ ﺗﻘﻮﻝ
( ﺑﻴﺖ ﺍﺯﻝ )
ﻓﺎﺩﻳﻪ ﺗﺘﺤﺪﺙ ﻓﻲ ﺍﻟﻬﺎﺗﻒ ﻣﻊ ﻋﺎﺩﻝ ﻗﺎﺋﻠﻪ : ﺍﻟﻴﻮﻡ ﺭﺍﺡ ﺍﻓﺘﺢ ﺍﻟﻤﻮﺿﻮﻉ ﻭﻱ ﺍﺑﻮ ﺍﺯﻝ
ﻋﺎﺩﻝ : ﺧﺎﻑ ﻣﻴﻮﺍﻓﻖ
ﻓﺎﺩﻳﻪ : ﻟﻴﺶ ﺣﺘﻰ ﻣﻴﻮﺍﻓﻖ ﻣﻮ ﻭﺻﻲ ﻋﻠﻴﻪ ﺣﺘﻰ ﻳﻮﺍﻓﻖ ﺍﻭ ﻻ ﺍﻟﺮﺍﻱ ﺍﻻﻭﻝ ﻭﺍﻻﺧﻴﺮ ﻳﺮﺟﻊ ﺍﻟﻴﻪ ﺑﺲ ﺍﻟﻲ ﻭﺍﺟﻊ ﺍﻳﺪﻱ ﻫﻲ ﺍﺯﻝ
ﻋﺎﺩﻝ : ﺍﻟﻠﻪ ﻛﺮﻳﻢ ﺣﺒﻴﺒﺘﻲ ﻳﺎﻟﻠﻪ ﻫﺴﻪ ﺍﻧﻲ ﺍﺭﻭﺡ ﻋﻨﺪﻱ ﺷﻐﻞ ﺑﻠﻴﻞ ﻧﺘﺨﺎﺑﺮ
ﻓﺎﺩﻳﻪ : ﻣﺎﺷﻲ ﺣﺒﻴﺒﻲ ﺍﻟﻠﻪ ﻭﻳﺎﻙ
( ﻓﻲ ﺍﻟﺴﻮﻕ )
ﻳﺬﻫﺐ ﺳﺠﺎﺩ ﺍﻟﻰ ﺍﻟﻌﻤﻞ ﻟﻜﻨﻪ ﺷﺎﺭﺩ ﺍﻟﺒﺎﻝ ﻓﺒﻌﺪ ﺍﻟﻤﺤﺎﺩﺛﻪ ﺍﻟﺘﻲ ﺟﺮﺕ ﺑﻴﻨﻪ ﻭﺑﻴﻦ ﺍﺯﻝ ﺑﻘﻲ ﻗﻠﻘﺎ ﻟﺮﺩﻩ ﺍﻟﻔﻌﻞ ﺍﻟﺘﻲ ﺍﺗﺨﺬﺗﻬﺎ ﺍﺯﻝ ﺩﻭﻥ ﺍﻥ ﺗﻨﻄﻖ ﺑﻜﻠﻤﻪ ﻭﺍﺣﺪﻩ
ﻳﺪﻕ ﺍﻟﺒﺎﺏ ﻋﻠﻰ ﺍﺣﺪ ﺍﻟﺒﻴﻮﺕ ﺗﺨﺮﺝ ﻟﻪ ﺍﻣﺮﺍﻩ ﻓﻲ ﺍﻟﺜﻼﺛﻴﻨﺎﺕ ﻣﻦ ﺍﻟﻌﻤﺮ ﺗﺮﺗﺪﻱ ﺗﺸﻴﺮﺕ ﻭﺑﺠﺎﻣﻪ
ﺳﺠﺎﺩ : ﺍﻟﺴﻼﻡ ﻋﻠﻴﻜﻢ
ﺍﻟﻤﺮﺍﻩ : ﻭﻋﻠﻴﻜﻢ ﺍﻟﺴﻼﻡ ﺍﺗﻔﻀﻞ
ﺳﺠﺎﺩ : ﺍﻧﻲ ﻣﻨﺪﻭﺏ ﻣﺒﻴﻌﺎﺕ ﻣﻮﺍﺩ ﺗﺠﻤﻴﻞ ﻭﻋﻄﻮﺭ ﺗﺤﺘﺎﺟﻮﻥ ﻟﻮ ﻻ
ﺍﻟﻤﺮﺍﻩ : ﺷﻨﻮ ﻋﻨﺪﻙ ﻣﻦ ﻣﻜﻴﺎﺝ
ﻳﻘﻮﻡ ﺑﺎﻧﺰﺍﻝ ﺣﻘﻴﺒﺘﻪ ﻋﻠﻰ ﺍﻻﺭﺽ ﻭﻳﺨﺮﺝ ﺑﻀﺎﻋﺘﻪ ﻭﻳﺒﺪﺍ ﺑﻌﺮﺿﻬﺎ
ﺍﻟﻤﺮﺍﻩ : ﺍﺟﻤﻌﻬﻦ ﻭﺗﻌﺎﻝ ﺗﻔﻀﻞ ﺟﻮﺍ ﺣﺘﻰ ﻧﺘﻔﺎﻫﻢ ﻋﻠﻰ ﺍﻷﺳﻌﺎﺭ ﻻﻥ ﺍﺭﻳﺪ ﺍﺧﺬ ﻣﻨﻚ ﻛﻤﻴﻪ
ﻳﺪﺧﻞ ﺳﺠﺎﺩ ﺍﻟﻰ ﺍﻟﺒﻴﺖ ﻭﻳﻘﻒ ﻋﻨﺪ ﺍﺣﺪ ﺍﺑﻮﺍﺏ ﺍﻟﺒﻴﺖ ﻳﺴﻤﻊ ﺻﻮﺕ ﺳﻌﺎﻝ ﺭﺟﻞ ﻛﺒﻴﺮ ﻓﻲ ﺍﻟﺴﻦ ﻭﺍﻟﻤﺮﺍﻩ ﺗﺘﺤﺪﺙ ﻣﻊ ﺍﻟﺮﺟﻞ ﻗﺎﺋﻠﻪ : ﻫﺎﻙ ﻳﺎﺑﺎ ﺍﺷﺮﺏ ﺩﻭﺍﻙ
ﺗﻘﻮﻡ ﺍﻟﻤﺮﺍﻩ ﺑﻔﺘﺢ ﺑﺎﺏ ﺍﻻﺳﺘﻘﺒﺎﻝ ﻗﺎﺋﻠﻪ : ﺍﺗﻔﻀﻞ
ﻳﺪﺧﻞ ﺳﺠﺎﺩ ﻭﻳﺠﻠﺲ ﻋﻠﻰ ﺍﻷﺭﻳﻜﺔ
ﺍﻟﻤﺮﺍﻩ : ﻗﺒﻞ ﻣﻨﺘﻌﺎﻣﻞ ﻋﻠﻰ ﺍﻟﺴﻌﺮ ﺍﻧﻲ ﺻﺎﺣﺒﺔ ﺻﺎﻟﻮﻥ ﺣﻼﻗﺔ ﻧﺴﺎﺋﻴﻪ ﻗﺒﻞ ﺟﻨﺖ ﺍﺷﺘﺮﻱ ﻣﻦ ﺷﺨﺺ ﻭﻫﺬﺍ ﺍﻟﺸﺨﺺ ﺳﺎﻓﺮ ﻭﺿﻠﻴﺖ ﺍﺷﺘﺮﻱ ﻣﻨﺎ ﻭﻣﻨﺎ ﺑﺲ ﺍﺧﺬﻫﻦ ﺑﺴﻌﺮ ﻏﺎﻟﻲ ﻭﻣﻴﺼﺮﻓﻠﻲ ﻟﺬﻟﻚ ﻋﻠﻰ ﻛﻞ ﻗﻄﻌﻪ ﺍﺧﺬﻫﺎ ﻣﻨﻚ ﺗﻨﺰﻟﻲ ﻣﻦ ﺣﻘﻬﺎ
ﺳﺠﺎﺩ : ﻳﻌﻨﻲ ﺷﻜﺪ ﺗﺮﻳﺪﻳﻦ ﺍﻧﺰﻟﺞ
ﺍﻟﻤﺮﺍﻩ : ﻳﻌﻨﻲ ﺍﻡ ﺧﻤﺴﻪ ﺍﻻﻑ ﺗﺒﻴﻌﻠﻴﻬﺎ ﺏ ﺍﺭﺑﻌﻪ ﺍﻻﻑ
ﺳﺠﺎﺩ : ﻳﻌﻨﻲ ﺍﻟﻒ ﺍﻧﺰﻝ ﻣﻦ ﻛﻞ ﻗﻄﻌﻪ
ﺍﻟﻤﺮﺍﻩ : ﺑﺎﻟﻀﺒﻂ ﻭﺍﺩﺭﻱ ﺍﻧﺘﻪ ﻫﻤﺎﺕ ﺍﻟﻚ ﻧﺴﺒﻪ ﻣﻦ ﺻﺎﺣﺐ ﺍﻟﻤﺤﻞ ﻣﻦ ﺗﺒﻴﻊ ﺍﻟﻘﻄﻊ ﻻﻥ ﻫﻮ ﻫﺬﺍ ﺷﻐﻠﻜﻢ
ﺳﺠﺎﺩ ( ﺑﺎﺑﺘﺴﺎﻣﻪ ) ﻗﺎﺋﻼ : ﻣﺎﺷﻲ ﺍﺗﻔﻘﻨﻪ
ﺍﻟﻤﺮﺍﻩ : ﻣﺎﺗﻌﺮﻓﻨﻪ ﺑﺎﺳﻤﻚ
ﺳﺠﺎﺩ : ﺳﺠﺎﺩ
ﺍﻟﻤﺮﺍﻩ : ﻋﺎﺷﺖ ﺍﻻﺳﺎﻣﻲ ﻭﺍﻧﻲ ﺍﺳﻤﻲ ﺳﻌﺎﺩ
ﺳﺠﺎﺩ : ﺗﺸﺮﻓﻨﺎ
ﺗﺒﺪﺍ ﺳﻌﺎﺩ ﺑﺎﺧﺬ ﺍﻟﺒﻀﺎﻋﺔ ﺍﻟﺘﻲ ﺗﺤﺘﺎﺟﻬﺎ ﻭﺗﻘﺪﻡ ﺛﻤﻨﻬﺎ ﺍﻟﻰ ﺳﺠﺎﺩ ﻭﻗﺪ ﺑﺎﻉ ﻧﺼﻒ ﺍﻟﺒﻀﺎﻋﺔ ﺍﻟﻤﻮﺟﻮﺩﻩ ﻟﺪﻳﻪ ﻫﻨﺎ ﻗﺪ ﻋﺮﻑ ﺍﻳﻦ ﻳﻘﻮﻡ ﺑﺘﺼﺮﻳﻒ ﺑﻀﺎﻋﺘﻪ ﻓﺎﺧﺬ ﻳﺴﺌﻞ ﺍﻟﻤﺎﺭﻩ ﻋﻦ ﻣﻜﺎﻥ ﻣﺤﺎﻝ ﺍﻟﺼﺎﻟﻮﻧﺎﺕ ﺍﻟﻨﺴﺎﺋﻴﺔ ﻓﻮﺟﺪ ﺍﻣﺮﺍﻩ ﺍﺧﺮﻯ ﺗﺴﻜﻦ ﻓﻲ ﺍﺣﺪ ﺍﻟﻌﻤﺎﺭﺍﺕ ﺍﻟﻤﻮﺟﻮﺩﺓ ﺿﻤﻦ ﻣﻜﺎﻧﻪ ﺍﻟﺠﻐﺮﺍﻓﻲ ﻭﺍﻳﻀﺎ ﻟﺪﻳﻬﺎ ﺻﺎﻟﻮﻥ ﻧﺴﺎﺋﻲ ﻭﺍﺗﻔﻖ ﻣﻌﻬﺎ ﻋﻠﻰ ﺍﻥ ﻳﻘﻮﻡ ﺑﺠﻠﺐ ﺍﻟﺒﻀﺎﻋﺔ ﻟﻬﺎ ﺣﻴﻨﻤﺎ ﺗﺤﺘﺎﺝ
ﻋﺎﺩ ﺳﺠﺎﺩ ﺍﻟﻰ ﺍﻟﻤﺤﻞ ﻓﻲ ﻭﻗﺖ ﻣﺒﻜﺮ ﻣﻦ ﺍﻟﻠﻴﻞ ﻋﻜﺲ ﺍﻻﻳﺎﻡ ﺍﻟﺴﺎﺑﻘﺔ ﺍﻟﺘﻲ ﻳﻌﻮﺩ ﺑﻬﺎ ﻣﺘﺎﺧﺮﺍ ﺗﻔﺎﺟﻰ ﺑﻮﺟﻮﺩﻩ ﺍﺑﻮ ﺯﻳﺪﻭﻥ ﻗﺎﺋﻼ : ﺍﻟﻴﻮﻡ ﻣﻦ ﻭﻛﺖ ﺳﺠﺎﺩ
ﺳﺠﺎﺩ ( ﻓﺮﺣﺎ ) ﻳﻘﻮﻡ ﺑﻔﺘﺢ ﺍﻟﺤﻘﻴﺒﺔ ﻗﺎﺋﻼ : ﺑﻌﺖ ﻛﻞ ﺍﻟﻤﻮﺍﺩ
ﻭﻳﻘﻮﻡ ﺑﺎﺧﺮﺍﺝ ﺛﻤﻨﻬﺎ ﻭﻳﻌﻄﻴﻬﺎ ﺍﻟﻰ ﺍﺑﻮ ﺯﻳﺪﻭﻥ
ﺍﺑﻮ ﺯﻳﺪﻭﻥ : ﻭﻳﻦ ﺻﺮﻓﺘﻬﺎ ﺍﻟﺒﻀﺎﻋﺔ
ﺳﺠﺎﺩ ( ﺑﻜﻞ ﺛﻘﻪ ) : ﻫﺎﻱ ﺳﺮ ﺍﻟﻤﻬﻨﻪ ﺍﺫﺍ ﻛﻠﺖ ﺍﺣﺘﻤﺎﻝ ﻳﺠﻲ ﻏﻴﺮﻱ ﻳﺎﺧﺬﻫﺎ ﻣﻨﻲ
ﺍﺑﻮ ﺯﻳﺪﻭﻥ ( ﻳﺒﺘﺴﻢ ) ﻗﺎﺋﻼ : ﻋﻔﻴﻪ ﻋﻠﻴﻚ ﺷﺎﻃﺮ
ﺛﻢ ﻳﺨﺮﺝ ﻟﻪ ﻣﺒﻠﻎ ﻣﻦ ﺍﻟﻤﺎﻝ ﻭﻳﻌﻄﻴﻪ ﺍﻟﻰ ﺳﺠﺎﺩ
ﺳﺠﺎﺩ : ﻫﺎﻱ ﺷﻨﻮ
ﺍﺑﻮ ﺯﻳﺪﻭﻥ : ﻫﺎﻱ ﺍﻛﺮﺍﻣﻴﻪ ﻣﻦ ﻏﻴﺮ ﺣﺴﺎﺑﻚ ﻳﻌﻨﻲ ﻣﺎﻟﻬﺎ ﻋﻼﻗﻪ ﺑﺤﺴﺎﺑﻚ
ﺳﺠﺎﺩ : ﺷﻜﺮﺍ ﻋﻤﻲ ، ﺗﺤﺘﺎﺝ ﺑﻌﺪ ﻣﻨﻲ ﺷﻲ
ﺍﺑﻮ ﺯﻳﺪﻭﻥ : ﻻ ﺳﻼﻣﺘﻚ
ﺳﺠﺎﺩ : ﻳﺎﻟﻠﻪ ﻓﻲ ﺍﻣﺎﻥ ﺍﻟﻠﻪ
( ﺑﻴﺖ ﺍﺯﻝ )
ﻓﺎﺩﻳﻪ ﺗﺘﻜﻠﻢ ﻣﻊ ﺍﺏ ﺍﺯﻝ ﺣﻮﻝ ﻣﻮﺿﻮﻉ ﺧﻄﻮﺑﺘﻬﺎ ﻣﻦ ﻋﺎﺩﻝ ﻭﺑﻌﺪ ﺍﻥ ﺍﻛﻤﻠﺖ ﻛﻼﻣﻬﺎ ﻛﺎﻥ ﻫﻨﺎﻙ ﺭﺩ ﻓﻌﻞ ﻗﻮﻱ ﻣﻦ ﻗﺒﻞ ﺍﺏ ﺍﺯﻝ
ﺍﺏ ﺍﺯﻝ : ﺍﻧﻲ ﻣﺎﻣﻮﺍﻓﻖ ﻭﻣﺴﺘﺤﻴﻞ ﺗﺰﻭﺟﻲ
ﻓﺎﺩﻳﻪ : ﻟﻴﺶ
ﺍﺏ ﺍﺯﻝ : ﺍﺯﻝ ﺗﻀﻞ ﻭﺣﺪﻫﺎ ﻣﻨﻮ ﻳﻤﻬﺎ ﻭﺍﻧﺘﻲ ﻧﻔﺴﺞ ﻛﻠﺘﻲ ﻣﺎﺍﺭﺍﺡ ﺍﺗﺮﻛﻬﺎ ﻟﻮ ﺷﻴﺼﻴﺮ
ﻓﺎﺩﻳﻪ : ﺍﻧﻲ ﻛﺘﻠﻬﺎ ﻭﻗﺒﻠﺖ ﻭﺑﻌﺪﻳﻦ ﺍﺟﻪ ﺍﻟﻮﻗﺖ ﺍﻟﻲ ﺍﺯﻝ ﺑﻲ ﺗﻨﻀﺞ ﻭﺗﻌﺘﻤﺪ ﻋﻠﻰ ﻧﻔﺴﻬﺎ
ﺍﺏ ﺍﺯﻝ : ﻛﻠﺖ ﻻ ﻳﻌﻨﻲ ﻻ
ﻓﺎﺩﻳﻪ : ﺍﺳﻤﻊ ﺍﻧﻲ ﺍﻛﺪﺭ ﺍﺯﻭﺝ ﺑﺪﻭﻥ ﻣﺎﺍﺧﺬ ﺭﺍﺋﻴﻚ ﻻﻥ ﺍﻭﻝ ﻭﺍﻻﺧﻴﺮ ﻫﻮ ﺭﺍﻱ ﻟﻜﻦ ﻛﻠﺖ ﺧﻠﻲ ﺍﻧﻄﻲ ﻋﻠﻢ ﺧﺎﻑ ﻳﺰﻋﻞ ﻭﻗﺪﺭﺗﻚ
ﺍﺏ ﺍﺯﻝ : ﻏﺼﺒﺎ ﻋﻠﻴﺞ ﻭﻟﻲ ﻧﻌﻤﺘﺞ ﺍﻧﻲ ﻟﻮ ﻧﺴﻴﺘﻲ ﻭﺍﻛﺪﺭ ﺍﺭﺟﻌﺞ ﺧﺪﺍﻣﻪ ﻣﻦ ﺟﺪﻳﺪ
ﻓﺎﺩﻳﻪ : ﺫﺍﻙ ﺍﻟﺰﻣﻦ ﺭﺍﺡ ﻭﻭﻟﻰ ﺍﺟﻪ ﺯﻣﻦ ﺟﺪﻳﺪ ﺷﻌﺮ ﻭﺣﺪﻩ ﻣﻦ ﺭﺍﺳﻲ ﻣﺘﻜﺪﺭ ﺗﺤﺮﻛﻬﺎ ﺍﻧﻲ ﺭﺍﺡ ﺍﺧﺎﺑﺮﻩ ﻟﻌﺎﺩﻝ ﻭﻧﺤﺪﺩ ﺯﻭﺍﺟﻨﻪ ﺍﺳﺒﻮﻉ ﺍﻟﺠﺎﻱ ﺍﺫﺍ ﺗﺮﻳﺪ ﺗﺤﻀﺮ ﺗﻌﺎﻝ ﻭﺍﺫﺍ ﻣﺎﺭﺩﺕ ﻓﻤﻌﺬﻭﺭ
ﺍﺏ ﺍﺯﻝ : ﻓﺎﺩﻳﻪ ﻻ ﺗﺘﺤﺪﻳﻨﻲ
ﻓﺎﺩﻳﻪ : ﺍﻧﻲ ﻣﺎﺗﺤﺪﺍﻙ ﻻﻥ ﻫﺬﺍ ﺣﻘﻲ ، ﺗﺼﺒﺢ ﻋﻠﻰ ﺧﻴﺮ
( ﺑﻴﺖ ﺳﺠﺎﺩ )
ﺳﺠﺎﺩ ﻣﺎﺳﻚ ﻫﺎﺗﻔﻪ ﻭﺑﻴﻦ ﻓﺘﺮﻩ ﻭﺍﺧﺮﻯ ﻳﺘﻔﻘﺪﻩ ﺍﻣﻼ ﻻﺗﺼﺎﻝ ﺍﺯﻝ ﺍﻭ ﺗﺒﻌﺚ ﻟﻪ ﺑﺮﺳﺎﻟﺔ
ﺍﻻﻡ : ﻫﺎ ﻳﻤﻪ ﺷﻮ ﻛﻠﺴﺎﻉ ﻓﺎﺗﺢ ﺗﻠﻴﻔﻮﻧﻚ ﻻﺯﻡ ﻣﻨﺘﻈﺮ ﺍﺗﺼﺎﻝ ﻣﻬﻢ
ﺳﺠﺎﺩ : ﻫﺎﺍﺍ ﻻ ﻫﻴﺞ ﻣﺎﻛﻮ ﺷﻲ ﻣﻬﻢ
ﺍﻻﻡ : ﺍﺷﻮﻓﻚ ﻋﺸﻜﺖ ﻳﺎ ﺍﺑﻦ ﺑﻄﻨﻲ
ﺳﺠﺎﺩ : ﻳﻤﻪ ﻻ ﻋﺸﻜﺖ ﻭﻻ ﺷﻲ ﺍﺭﻭﺡ ﺍﻧﺎﻡ ﺗﻌﺒﺎﻥ ﺑﺎﺟﺮ ﻭﺭﺍﻱ ﺩﻭﺍﻡ ﻭﺷﻐﻞ
( ﺑﻴﺖ ﺍﺯﻝ )
ﻓﺎﺩﻳﻪ ﺗﺪﺧﻞ ﺍﻟﻰ ﻏﺮﻓﻪ ﺍﺯﻝ ﻗﺎﺋﻠﻪ : ﻫﻤﺰﻳﻦ ﺑﻌﺪﺝ ﻛﺎﻋﺪﻩ
ﺍﺯﻝ : ﺍﻱ ﺍﻧﺘﻈﺮﺗﺞ ﺑﺸﺮﻱ ﺷﻜﺎﻝ ﺑﺎﺑﺎ
ﻓﺎﺩﻳﻪ : ﻣﺎﻗﺒﻞ ﻛﺎﻝ ﺍﺯﻝ ﺍﺿﻞ ﻭﺣﺪﻫﺎ ﻭﻣﻨﻮ ﺍﻟﻬﺎ
ﺍﺯﻝ : ﻟﻴﺶ ﻭﺣﺪﻱ ﻫﺎﻱ ﻛﻮﻣﻪ ﺑﺸﺮ ﺑﻠﺒﻴﺖ ﻭﺑﻌﺪﻳﻦ ﺍﻧﻲ ﻛﺒﺮﺕ ﻣﻮ ﺻﻐﻴﺮﻩ
ﻓﺎﺩﻳﻪ : ﻫﺬﺍ ﻛﻼﻡ ﻛﻮﻟﻲ ﻟﺒﻮﺝ ﻣﻮ ﺍﻟﻴﻪ
ﺍﺯﻝ : ﻭﻫﺴﻪ ﺷﺮﺍﺡ ﺍﺳﻮﻳﻦ
ﻓﺎﺩﻳﻪ : ﺍﻧﻲ ﻋﻨﺪﻱ ﻗﺮﺍﺭﻱ ﻭﺍﺳﺒﻮﻉ ﺍﻟﺠﺎﻱ ﺍﺯﻭﺝ ﺍﻥ ﺷﺎﺀﺍﻟﻠﻪ
ﺍﺯﻝ : ﺍﻭﻭﻭﻭ ﻣﺴﺘﻌﺠﻠﻪ ﻳﻌﻨﻲ
ﻓﺎﺩﻳﻪ : ﻫﻮ ﺍﻟﻌﻤﺮ ﺷﻀﺎﻝ ﺑﻲ ﺣﺘﻰ ﻣﺎﺍﺳﺘﻌﺠﻞ ﻫﺴﻪ ﻣﻦ ﺗﺤﺒﻴﻦ ﺗﻔﻬﻤﻴﻦ ﺷﻨﻮ ﻣﻌﻨﻰ ﺗﺰﻭﺟﻴﻦ ﺍﻟﻲ ﺗﺤﺒﻲ ﻭﺍﺷﻠﻮﻥ ﺗﺎﺧﺬﺝ ﺍﻟﻠﻬﻔﻪ ﻭﺑﺲ ﺗﺘﻤﻨﻴﻦ ﺍﺗﺼﻴﺮﻳﻦ ﺍﻟﻪ ﺍﻟﻴﻮﻡ ﻗﺒﻞ ﺑﺎﺟﺮ
ﺍﺯﻝ : ﺍﻱ ﺍﻟﻠﻪ ﻛﺮﻳﻢ
ﻓﺎﺩﻳﻪ : ﻳﺎﻟﻠﻪ ﺍﻧﻲ ﺍﺭﻭﺡ ﺍﺧﺎﺑﺮ ﻋﺎﺩﻝ ﻭﺍﻧﺘﻲ ﻧﺎﻣﻲ ﻻﺳﻬﺮﻳﻦ ﻋﻨﺪﺝ ﺩﻭﺍﻡ ﺑﺎﺟﺮ
ﺍﺯﻝ : ﺍﻭﻙ ﺗﺼﺒﻴﺤﻴﻦ ﻋﻠﻰ ﺧﻴﺮ
( ﻓﻲ ﺍﻟﺠﺎﻣﻌﺔ )
ﺍﺯﻝ ﻭﺳﺠﺎﺩ ﻳﺠﻠﺴﺎﻥ ﻋﻠﻰ ﺣﺪﺍ ﺳﺠﺎﺩ ﻳﻨﻈﺮ ﺍﻟﻰ ﺍﺯﻝ ﺑﻴﻦ ﺍﻟﺤﻴﻦ ﻭﺍﻵﺧﺮ ﻟﻜﻨﻬﺎ ﻻ ﺗﻠﺘﻒ ﻭﻻ ﺗﻌﻴﺮﻩ ﺍﻱ ﺍﻫﺘﻤﺎﻡ
( ﺑﻴﺖ ﻧﺪﻯ )
( ﺍﻟﺒﺎﺏ ﻳﺪﻕ )
ﺗﺨﺮﺝ ﻧﺪﻯ ﻟﺘﻔﺘﺢ ﺍﻟﺒﺎﺏ ﻟﺘﺮﻯ ﺧﻄﻴﺒﻬﺎ ﺑﻼﻝ ﻣﻨﺤﻨﻰ ﺭﺍﺳﻪ ﺍﻟﻰ ﺍﻻﺭﺽ
ﻧﺪﻯ : ﺑﻼﻝ ﺧﻴﺮ ﺷﻮ ﻭﺣﺪﻙ ﻣﻬﺪﻱ ﻭﻳﻦ
ﺑﻼﻝ ﻳﺮﻓﻊ ﺭﺍﺳﻪ ﻭﻋﻴﻮﻧﻪ ﻣﻐﺮﻗﻪ ﺑﺎﻟﺪﻣﻮﻉ ﻗﺎﺋﻼ : ﻣﻬﺪﻱ ﺍﺳﺘﺸﻬﺪ
ﻧﺪﻯ ( ﻓﻲ ﺣﺎﻟﺔ ﺻﺪﻣﻪ ) : ﺷﻨﻮ ؟
ﺑﻼﻝ ﻳﺒﻜﻲ ﺑﺤﺮﻗﻪ ﻭﻧﺪﻯ ﺗﺪﺧﻞ ﺍﻟﺒﻴﺖ ﻻ ﺗﻌﻲ ﻣﺎﺫﺍ ﺣﺪﺙ ﺗﺘﻠﻘﺎﻫﺎ ﻭﺍﻟﺪﺗﻬﺎ
ﺍﻡ ﻧﺪﻯ : ﻫﺎ ﺑﻨﺘﻲ ﺷﺒﻴﺞ ﻣﻨﻮ ﻋﻠﻰ ﺍﻟﺒﺎﺏ
ﻧﺪﻯ ( ﻓﻲ ﺣﺎﻟﺔ ﺻﺪﻣﻪ ) : ﻳﻤﻪ ﺍﺟﻪ ﺑﻼﻝ ﻳﻜﻮﻝ ﻣﻬﺪﻱ ﺍﺳﺘﺸﻬﺪ
ﺍﻡ ﻧﺪﻯ : ﺷﻨﻮ
ﺗﺨﺮﺝ ﺍﻡ ﻧﺪﻯ ﻟﺘﺮﻯ ﺑﻼﻝ ﺟﺎﻟﺴﺎ ﻳﺒﻜﻲ ﻋﻠﻰ ﺍﻻﺭﺽ
ﺍﻡ ﻧﺪﻯ : ﻳﻤﻪ ﺑﻼﻝ ﻣﻬﺪﻱ ﺷﺒﻲ
ﺑﻼﻝ ( ﺑﺎﻛﻴﺎ ) : ﺧﺎﻟﻪ ﺟﻨﺎ ﻃﺎﻟﻌﻴﻦ ﺑﻮﺍﺟﺐ ﺑﻠﻴﻞ ﺑﻤﻨﻄﻘﺔ ﻭﺍﺟﻪ ﺍﻧﺘﺤﺎﺭﻱ ﺭﺍﺩ ﻳﻔﺠﺮ ﻧﻔﺴﻪ ﺑﺲ ﻣﻬﺪﻱ ﺣﻀﻨﻪ ﻭﺗﻔﺠﺮ ( ﻳﺒﻜﻲ )
ﺍﻡ ﻧﺪﻯ ﺗﻠﻄﻢ ﻋﻠﻰ ﺍﻟﺨﺪ ﻭﻋﻠﻰ ﺍﻟﺮﺍﺱ ﻭﺗﺼﺮﺥ ﺻﺮﺍﺥ ﺳﻤﻌﻪ ﻛﻞ ﺟﻴﺮﺍﻥ ﺍﻟﻤﻨﻄﻘﺔ ﻭﺑﺠﺎﻧﺒﻬﺎ ﺑﻼﻝ ﻳﺒﻜﻲ
ﺍﻣﺎ ﻧﺪﻯ ﻓﺬﻫﺒﺖ ﺍﻟﻰ ﻏﺮﻓﺘﻬﺎ ﻭﻫﻲ ﻓﻲ ﺣﺎﻟﺔ ﺻﺪﻣﻪ ﻧﺎﺋﻤﻪ ﻋﻠﻰ ﺳﺮﻳﺮﻫﺎ ﻭﺻﺮﺍﺥ ﻭﺑﻜﺎﺀ ﻭﺍﻟﺪﺗﻬﺎ ﻓﻲ ﺍﺫﻧﻬﺎ ﻟﺘﻘﻮﻡ ﺑﺴﺪ ﺍﺫﻧﻬﺎ ﺑﻴﺪﻫﺎ ﻭﺗﺒﻜﻲ
( ﺍﻻﺭﻫﺎﺏ ﻋﻨﺪﻣﺎ ﻳﻘﺘﻞ ﺭﻭﺡ ﻓﺎﻧﻪ ﻻ ﻳﻘﺘﻞ ﺭﻭﺡ ﻭﺍﺣﺪﻩ ﺑﻞ ﺍﺭﻭﺍﺡ ﻋﺎﺋﻠﺘﻪ ﺍﻳﻀﺎ ﺿﺤﻜﺘﻬﻢ ﻭﺣﺰﻧﻬﻢ ﻭﺫﻛﺮﻳﺎﺗﻬﻢ ﻭﻣﻮﺍﻗﻔﻬﻢ ﺍﻟﻄﺮﻳﻔﺔ ﻓﻘﺪﺍﻥ ﺍﻻﺣﺒﻪ ﺍﺻﻌﺐ ﻣﻦ ﺍﻟﻤﻮﺕ ﻓﻌﻨﺪﻣﺎ ﺗﻤﻮﺕ ﻻ ﺗﺒﻘﻰ ﻟﻚ ﻓﻲ ﻋﻘﻠﻚ ﺫﻛﺮﻯ ﻟﻜﻦ ﻋﻨﺪﻣﺎ ﺗﻌﻴﺶ ﻭﺗﻔﻘﺪ ﻣﻦ ﺗﺤﺐ ﻓﺎﺍﻧﻚ ﺗﺘﺬﻛﺮ ﻛﻞ ﻣﺎﺿﻴﻪ ﻭﻛﻞ ﻣﻮﺍﻗﻔﻪ ﻭﻳﺰﺍﺩ ﺣﺰﻧﻚ ﻭﺍﻟﻤﻚ ﻋﻠﻴﻪ )
( ﻓﻲ ﺍﻟﺠﺎﻣﻌﺔ )
ﺍﺯﻝ ﺗﻤﺮ ﺑﺠﺎﻧﺐ ﺳﺠﺎﺩ ﻛﺎﻧﻪ ﻏﺮﻳﺐ ﻻ ﺗﺘﻜﻠﻢ ﻣﻌﻪ ﺍﻭ ﺣﺘﻰ ﺗﺴﻠﻢ ﻋﻠﻴﻪ ﻟﻤﺎﺫﺍ ﺍﺧﺬﺕ ﻣﻮﻗﻒ ﻫﻜﺬﺍ ﺗﺴﺘﻄﻴﻊ ﺍﻥ ﺗﺮﻓﺾ ﺑﺴﻬﻮﻟﻪ ﻻ ﺍﻥ ﺗﺬﻫﺐ ﺩﻭﻥ ﻗﻮﻝ ﻛﻠﻤﻪ ﻭﺍﺣﺪﻩ ﺳﺠﺎﺩ ﻳﺼﺎﺏ ﺑﻼﺣﺒﺎﻁ ﻭﺍﻟﻜﺌﺎﺑﻪ ﻓﻘﻠﺒﻪ ﻟﻢ ﻳﻌﺪ ﻳﺘﺤﻤﻞ ﻓﻘﺮﺭ ﺍﻥ ﻳﻨﺴﻰ ﻛﻞ ﺷﻲ
( ﻓﻲ ﺍﻟﺸﺮﻛﻪ )
ﻳﺎﺗﻲ ﻋﺎﺩﻝ ﺍﻟﻰ ﺍﺏ ﺍﺯﻝ
ﻋﺎﺩﻝ ﻳﺘﻜﻠﻢ ﻣﻊ ﺍﻟﺴﻜﺮﺗﻴﺮﺓ ﻗﺎﺋﻼ : ﺍﻟﺴﻼﻡ ﻋﻠﻴﻜﻢ ﺍﺳﺘﺎﺫ ﻣﺆﻳﺪ ﻣﻮﺟﻮﺩ
ﺍﻟﺴﻜﺮﺗﻴﺮﺓ : ﻧﻌﻢ ﻣﻨﻮ ﺣﻀﺮﺗﻚ
ﻋﺎﺩﻝ : ﺍﻧﻲ ﻋﺎﺩﻝ ﺍﺣﺪ ﻣﻌﺎﺭﻓﻪ
ﺍﻟﺴﻜﺮﺗﻴﺮﺓ : ﻳﺎﺍﻫﻼ ﻭﺳﻬﻼ ﺍﺳﺘﺎﺫ ﺍﺗﻔﻀﻞ
ﺗﻘﻮﻡ ﺑﻼﺗﺼﺎﻝ ﺑﻪ
ﺍﻟﺴﻜﺮﺗﻴﺮﺓ : ﺍﺳﺘﺎﺫ ﺍﻛﻮ ﺷﺨﺺ ﺍﺳﻤﻪ ﻋﺎﺩﻝ ﻳﻜﻮﻝ ﺍﺣﺪ ﻣﻌﺎﺭﻓﻚ ﻳﺘﻔﻀﻞ ﺍﻟﻚ ﻟﻮ ﻻ
ﺍﺏ ﺍﺯﻝ : ﻋﺎﺩﻝ ؟؟ ﻫﺎﺍﺍ ﺍﻱ ﺧﻠﻲ ﻳﺘﻔﻀﻞ
ﺍﻟﺴﻜﺮﺗﻴﺮﺓ : ﺍﺗﻔﻀﻞ ﺍﺳﺘﺎﺫ
ﻳﺪﺧﻞ ﺍﻟﻰ ﻣﻜﺘﺐ ﺍﺏ ﺍﺯﻝ ﻳﺘﻠﻘﺎﻩ ﺑﺎﻟﺴﻼﻡ
ﺍﺏ ﺍﺯﻝ : ﺍﺗﻔﻀﻞ ﺍﺳﺘﺮﻳﺢ ، ﺷﺘﺸﺮﺏ
ﻋﺎﺩﻝ : ﺍﻧﻲ ﻣﺠﺎﻱ ﺍﺷﺮﺏ ﺍﺭﻳﺪ ﺍﻃﺐ ﺑﻠﻤﻮﺿﻮﻉ ﻛﺒﻞ ﻛﻠﺘﻠﻪ ﺍﻻﻧﺴﻪ ﻓﺎﺩﻳﻪ ﻋﻦ ﻋﻼﻗﺘﻨﻪ
ﺍﺏ ﺍﺯﻝ : ﺍﻱ ﻧﻌﻢ
ﻋﺎﺩﻝ : ﻣﻤﻜﻦ ﺍﻋﺮﻑ ﻟﻴﺶ ﻣﻌﺎﺭﺽ ﻓﻜﺮﻩ ﺍﻟﺰﻭﺍﺝ
ﺍﺏ ﺍﺯﻝ : ﺍﻧﻲ ﻣﺎﻋﻨﺪﻱ ﺍﺣﺪ ﺑﺎﻟﺒﻴﺖ ﻭﺑﻨﺘﻲ ﺍﺯﻝ ﻫﻲ ﺍﻟﻮﺣﻴﺪﺓ ﺍﻟﻲ ﻃﻠﻌﺖ ﺑﻴﻬﺎ ﻣﻦ ﺍﻟﺪﻧﻴﺎ ﻭﻛﺬﻟﻚ ﻫﻲ ﺑﻤﺜﺎﺑﺔ ﺍﻣﻬﺎ ﻓﺎ ﻣﺎﺍﺭﻳﺪ ﺗﺘﺮﻙ ﺍﻟﺒﻴﺖ ﻭﺗﺒﻘﻰ ﺑﻨﺘﻲ ﻟﻮﺣﺪﻫﺎ
ﻋﺎﺩﻝ : ﺍﻋﺘﻘﺪ ﺑﻨﺘﻚ ﺑﺎﻟﻐﻪ ﻗﺎﻧﻮﻧﻴﺎ ﻭﻛﺬﻟﻚ ﺗﺪﺭﺱ ﺟﺎﻣﻌﺔ ﻳﻌﻨﻲ ﻣﻮ ﻋﻤﺮﻫﺎ ﺻﻐﻴﺮ
ﺍﺏ ﺍﺯﻝ : ﺍﻧﻲ ﻓﺎﺩﻳﻪ ﻣﺤﺘﺎﺟﻪ ﻣﺎﻣﻤﻜﻦ ﺍﺳﺘﻐﻨﻰ ﻋﻨﻬﺎ
ﻋﺎﺩﻝ : ﺷﻮﻑ ﺍﺑﻮ ﺍﺯﻝ ﺍﻧﺘﻪ ﻣﺘﻌﺮﻓﻨﻲ ﻣﻨﻴﻦ ﺍﻧﻲ ﻋﻀﻮ ﺑﺎﻟﺤﺰﺏ ****
ﻭﺍﺣﺪ ﺍﻟﻤﺴﺆﻭﻟﻴﻦ ﻫﻤﻴﻦ ﻭﺟﻴﺘﻚ ﻟﻠﻌﺮﺍﻕ ﻭﺍﺳﺘﺜﻤﺎﺭﻙ ﺑﻲ ﺗﺮﻯ ﺑﻔﻀﻠﻨﻪ
ﻟﻮ ﻣﺎﺍﺣﻨﻪ ﺟﺎﻥ ﺍﺟﻴﻨﻪ ﻭﺣﺮﺭﻧﻪ ﺍﻟﻌﺮﺍﻕ ﺟﺎﻥ ﺑﻌﺪ ﺍﻟﻨﻈﺎﻡ ﻭﻣﺎﻛﺪﺭﺕ ﺗﻔﺘﺢ ﻣﺸﺎﺭﻳﻌﻚ
ﺍﺏ ﺍﺯﻝ ( ﺿﺎﺣﻜﺎ ) : ﺣﻠﻮﻩ ﻣﺎﻝ ﺍﺣﻨﻪ ﻭﺗﺤﺮﻳﺮ ﻗﺼﺪﻙ ﺍﻟﻲ ﺍﺟﻴﺘﻮﺍ ﻭﻱ ﺍﻟﺪﺑﺎﺑﺎﺕ
ﻋﺎﺩﻝ : ﻣﺎﺑﻴﻪ ﺷﻲ ﻣﺴﺎﻋﺪﻩ ، ﻋﻠﻤﻮﻡ ﻫﺬﺍ ﻣﻮ ﻣﻮﺿﻮﻋﻨﻪ ﺍﻧﻲ ﺟﺎﻱ ﺍﻋﺰﻣﻚ ﻋﻠﻰ ﺯﻭﺍﺟﻲ ﻣﻦ ﻓﺎﺩﻳﻪ ﺍﺳﺒﻮﻉ ﺍﻟﻘﺎﺩﻡ ﻭﺍﺟﻲ ﺍﺧﺬﻫﺎ ﻣﻦ ﺑﻴﺘﻚ ﻟﺬﻟﻚ ﺩﻳﺮﺑﺎﻟﻚ ﻋﻠﻴﻬﺎ ، ﻳﺎﻟﻠﻪ ﺳﻼﻡ
ﺍﺏ ﺍﺯﻝ ﻳﻘﻮﻡ ﺑﻜﺴﺮ ﺍﻟﻘﻠﻢ ﺑﻌﺪ ﺍﻥ ﺍﺳﺘﻔﺰﻩ ﻋﺎﺩﻝ ﺑﻜﻼﻣﻪ
( ﻓﻲ ﺍﻟﺴﻮﻕ )
ﺍﺻﺒﺢ ﻟﺪﻯ ﺳﺠﺎﺩ ﺍﻟﻜﺜﻴﺮ ﻣﻦ ﺍﻟﺰﺑﺎﺋﻦ ﻟﺴﻠﻮﺑﻪ ﺍﻟﺠﻤﻴﻞ ﻓﻲ ﺍﻟﺘﻌﺎﻣﻞ ﻭﻛﺬﻟﻚ ﻟﺸﺎﻃﺮﺗﻪ ﻓﻲ ﻛﺴﺐ ﺍﻻﺷﺨﺎﺹ ﻭﺑﻴﻊ ﻣﻨﺘﻮﺟﺎﺗﻪ ﻳﺬﻫﺐ ﺍﻟﻰ ﺑﻴﺖ ﺳﻌﺎﺩ ﻟﺘﻮﺻﻴﻞ ﺑﻌﺾ ﺍﻟﻤﻨﺘﻮﺟﺎﺕ ﻳﺪﻕ ﺍﻟﺒﺎﺏ ﺗﺨﺮﺝ ﻟﻪ ﺳﻌﺎﺩ ﻗﺎﺋﻠﻪ : ﻫﻠﻮ ﺳﺠﺎﺩ ﺗﻌﺎﻝ ﻭﻳﺎﻳﻪ ﻟﺼﺎﻟﻮﻥ
ﺳﺠﺎﺩ : ﺧﻴﺮ ؟
ﺳﻌﺎﺩ : ﻻ ﺑﺲ ﺣﺘﻰ ﺍﺩﻟﻴﻚ ﻋﻠﻰ ﻣﻜﺎﻥ ﺍﻟﻤﺤﻞ ﺧﺎﻑ ﺍﺣﺘﺎﺝ ﻣﻨﻚ ﺷﻲ ﺗﺠﻴﺒﻪ ﻟﻬﻨﺎﻙ
ﺳﺠﺎﺩ : ﻣﺎﺷﻲ ، ﻭﺩﺭﺍﺟﻪ ﺍﺷﻠﻮﻥ
ﺳﻌﺎﺩ : ﺿﻤﻪ ﺑﻠﺒﻴﺖ ﻭﺍﻧﻲ ﺍﻛﻞ ﻟﺴﺎﻳﻖ ﻳﺮﺟﻌﻚ
ﻳﺬﻫﺐ ﻣﻌﻬﺎ ﺍﻟﻰ ﺍﻟﻤﺤﻞ
( ﺑﻴﺖ ﺳﺠﺎﺩ )
ﺑﻴﻨﻤﺎ ﻳﺎﺗﻲ ﺳﺠﺎﺩ ﺍﻟﻰ ﺑﻴﺘﻪ ﻳﺮﻯ ﺑﻜﺎﺀ ﻭﻧﻮﺍﺡ ﻓﻲ ﺑﻴﺖ ﻧﺪﻯ ﻳﺪﺧﻞ ﺍﻟﻰ ﺑﻴﺘﻪ ﻗﺎﺋﻼ : ﻳﻤﻪ ﻳﻤﻪ
ﺍﻣﻪ ﻏﻴﺮ ﻣﻮﺟﻮﺩﺓ ﻓﻴﺨﺮﺝ ﻣﻦ ﺍﻟﺒﻴﺖ ﻭﻳﺬﻫﺐ ﺑﺎﺗﺠﺎﻩ ﺑﻴﺖ ﻧﺪﻯ ﻳﺮﻯ ﺍﺏ ﻧﺪﻯ ﻳﺒﻜﻲ ﻭﻣﻠﺜﻢ ﺑﻐﺘﺮﺗﻪ ( ﺷﻤﺎﻍ )
ﺳﺠﺎﺩ : ﺍﻟﺴﻼﻡ ﻋﻠﻴﻜﻢ ﺧﻴﺮ ﻋﻤﻲ
ﺍﺏ ﻧﺪﻯ : ﻣﻬﺪﻱ ﺍﺑﻨﻲ ﺍﺳﺘﺸﻬﺪ
ﺳﺠﺎﺩ : ﺍﻟﻰ ﺭﺣﻤﻪ ﺍﻟﻠﻪ ، ﺍﻟﺒﻘﺎﺀ ﻟﻠﻪ ﻋﻤﻲ ﻣﺜﻮﺍﻩ ﺍﻟﺠﻨﻪ ﺍﻥ ﺷﺎﺀﺍﻟﻠﻪ
ﻳﻘﻖ ﺳﺠﺎﺩ ﺑﺠﺎﻧﺒﻪ ﻭﻳﺤﺎﻭﻝ ﺗﺼﺒﻴﺮﻩ ﻓﺎ ﺣﻖ ﺍﻟﺠﺎﺭ ﻋﻠﻰ ﺟﺎﺭ
( ﺑﻌﺪ ﻣﺮﻭﺭ ﺍﺳﺒﻮﻉ )
( ﺑﻴﺖ ﺍﺯﻝ )
ﺍﺻﻮﺍﺕ ﺍﻏﺎﻧﻲ ﻓﻘﺪ ﺣﺎﻥ ﻭﻗﺖ ﺯﻭﺍﺝ ﻓﺎﺩﻳﻪ ﺑﻤﻌﺸﻮﻗﻬﺎ ﻋﺎﺩﻝ ﺑﻌﺪ ﺍﻟﺼﺒﺮ ﺍﻟﻄﻮﻳﻞ ﻭﺍﻻﻧﺘﻈﺎﺭ ﻫﺎ ﻗﺪ ﺟﺎﺀ ﻫﺬﺍ ﺍﻟﻴﻮﻡ ﻟﻴﻌﻴﺸﺎ ﻣﻌﺎ ﺍﻟﻴﻮﻡ ﺍﻟﺬﻱ ﻃﺎﻝ ﺍﻧﺘﻈﺎﺭﻩ ﺍﻟﻜﻞ ﻓﺮﺡ ﻓﺎﺩﻳﻪ ﻣﺘﺰﻳﻨﻪ ﻭﺗﺼﻔﻖ ﻭﺍﺯﻝ ﻣﺘﺰﻳﻨﻪ ﻭﺗﺮﺗﺪﻱ ﺍﺟﻤﻞ ﻓﺴﺘﺎﻥ ﻭﻛﺎﻧﻬﺎ ﺍﻟﻌﺮﻭﺱ ﻟﻜﻦ ﻫﻨﺎﻙ ﺷﺨﺺ ﻭﺍﺣﺪ ﻟﻢ ﻳﻔﺮﺡ ﻓﻲ ﻫﺬﺍ ﺍﻟﻴﻮﻡ ﻭﻫﻮ ﺍﺏ ﺍﺯﻝ ﺣﻴﺚ ﻳﺠﻠﺲ ﻓﻲ ﻏﺮﻓﺘﻪ ﻭﻋﻠﻰ ﻛﺮﺳﻴﻪ ﻳﺪﺧﻦ ﺳﻴﺠﺎﺭﻩ
ﺗﻨﻬﺾ ﻓﺎﺩﻳﻪ ﻣﻦ ﻣﻜﺎﻧﻬﺎ ﻟﺘﺘﺼﻞ ﺑﻌﺎﺩﻝ ﻟﺘﻌﻠﻦ ﺍﺳﺘﻌﺪﺍﺩﻫﺎ ﻟﻠﻴﻠﻪ ﺍﻟﻜﺒﻴﺮﻩ ﺗﻤﺮ ﺑﺠﺎﻧﺐ ﻏﺮﻓﻪ ﺍﺏ ﺍﺯﻝ ﺗﺮﺍﻩ ﺟﺎﻟﺲ ﻭﺣﻴﺪﺍ ﻭﻳﺪﺧﻦ ﺗﺪﺧﻞ ﺍﻟﻴﻪ
ﻓﺎﺩﻳﻪ : ﺍﺷﻮﻓﻚ ﺣﺰﻳﻦ ﺑﺲ ﻻ ﻋﻠﻰ ﻓﺮﺍﻛﻲ
ﺍﺏ ﺍﺯﻝ ﻳﻨﻬﺾ ﻣﻦ ﻛﺮﺳﻴﻪ ﻗﺎﺋﻼ : ﻻ ﺑﺲ ﻻﻥ ﺗﻬﺪﺩﺕ ﻭﺭﺍﺡ ﻳﺎﺧﺬﺝ ﻏﺼﺒﺎ ﻋﻨﻲ
ﻓﺎﺩﻳﻪ : ﺍﻧﺘﻪ ﺍﻟﻲ ﺭﺩﺕ ﻫﻴﺞ ﻟﻮ ﺗﺮﻳﺪﻧﻲ ﺍﺿﻞ ﻣﻨﺎ ﻟﻤﻦ ﺗﻤﻮﺗﻨﻲ ﻋﻠﻰ ﺍﻳﺪﻙ
ﺍﺏ ﺍﺯﻝ : ﻓﺎﺩﻳﻪ ﺍﻧﺘﻲ ﻣﺘﻌﻠﻤﻪ ﺷﻜﻮ ﺷﻲ ﺣﻠﻮ ﺑﺤﻴﺎﺗﺞ ﻣﻴﻜﻤﻞ ﻭﻫﺬﺍ ﺍﻟﺰﻭﺍﺝ ﻭﺍﻟﻔﺮﺣﻪ ﻫﻢ ﻣﺮﺍﺡ ﺗﻜﻤﻞ
ﻓﺎﺩﻳﻪ : ﺷﺘﻘﺼﺪ ؟
ﺍﺏ ﺍﺯﻝ : ﻣﻮ ﺍﺷﻮﻑ ﺍﻟﻌﺮﻳﺲ ﺍﺗﺎﺧﺮ ﻋﻠﻴﺞ
ﻓﺎﺩﻳﻪ ﺗﺮﺗﺒﻚ ﻭﺗﺘﺼﻞ ﺑﻌﺎﺩﻝ ......
( ﺍﻟﺠﻬﺎﺯ ﻣﻐﻠﻖ ﺍﻭ ﺧﺎﺭﺝ ﻣﻨﻄﻘﺔ ﺍﻟﺘﻐﻄﻴﺔ ﻳﺮﺟﻰ ﺍﻻﺗﺼﺎﻝ ﻓﻲ ﻭﻗﺖ ﻻﺣﻖ )
.
ﻓﺎﺩﻳﻪ ﺗﺘﺼﻞ ﻣﺮﻩ ﺍﺧﺮﻯ ﻟﻜﻦ ﺩﻭﻥ ﺟﺪﻭﻯ ﺗﻨﻈﺮ ﺍﻟﻰ ﺍﺏ ﺍﺯﻝ ﻗﺎﺋﻠﻪ : ﺷﻮ ﻣﻴﺠﺎﻭﺏ ﺟﻬﺎﺯﻩ ﻣﻐﻠﻖ
ﺍﺏ ﺍﺯﻝ : ﻫﻮ ﺯﻭﺟﺞ ﻟﻮ ﺯﻭﺟﻲ
ﺗﺬﻫﺐ ﻧﺤﻮﻩ ﺑﻜﻞ ﻋﺼﺒﻴﻪ ﺻﺎﺭﺧﻪ ﻗﺎﺋﻠﻪ : ﺍﺣﺠﻲ ﺍﺳﻮﻳﺖ ﻟﻌﺎﺩﻝ
ﺗﺼﻌﺪ ﺍﺯﻝ ﺍﻟﻰ ﺍﻟﻐﺮﻓﺔ ﻟﺘﺮﻯ ﻟﻤﺎﺫﺍ ﺗﺎﺧﺮﺕ ﻓﺎﺩﻳﻪ ﻟﺘﺼﺎﺩﻓﻬﺎ ﺻﻮﺕ ﻓﺎﺩﻳﻪ ﺍﻟﻌﺎﻟﻲ
ﺍﺯﻝ : ﻫﺎﻱ ﺷﻜﻮ ﺻﺎﻳﺮ
ﻓﺎﺩﻳﻪ ( ﺑﺎﻛﻴﻪ ) : ﻋﺎﺩﻝ ﺍﺗﺼﻞ ﻋﻠﻴﻪ ﺟﻬﺎﺯﻩ ﻣﻐﻠﻖ
ﺍﺏ ﺍﺯﻝ : ﺍﻫﺪﺋﻲ ﻫﺴﻪ ﻳﺠﻲ ﻣﺎﻛﻮ ﺷﻲ
ﻓﺎﺩﻳﻪ ( ﺻﺎﺭﺧﻪ ) : ﺍﻧﺘﻪ ﻣﻌﻠﻴﻚ ﻻﺗﺪﺧﻞ ﺍﺫﺍ ﻃﻠﻊ ﺻﺎﻳﺮ ﺑﻲ ﺷﻲ ﺍﻧﺘﻪ ﺍﻟﺴﺒﺐ ﻭﻣﻮﺗﻚ ﻋﻠﻰ ﻋﻠﻰ ﺍﻳﺪﻱ ﺍﺗﺼﻴﺮ
ﺍﺯﻝ : ﺷﻨﻮ ﻫﻠﺤﺠﻲ ﻓﺎﺩﻳﻪ ﻟﻴﺶ ﺗﺤﺠﻴﻦ ﻫﻴﺞ ﻭﻱ ﺑﺎﺑﺎ
ﻓﺎﺩﻳﻪ : ﻫﺬﺍ ﺍﺑﻮﺝ ﺍﻟﻲ ﻣﻌﺘﺒﺮﺗﻪ ﻣﻼﻙ ﻭﺍﺣﺪ ﻗﺎﺗﻞ ﻭﺑﺴﺒﺐ ﺍﻣﺞ ﻣﺎﺗﺖ ﺟﺬﺏ ﻣﺎ ﻣﺎﺗﺖ ﺑﻤﺮﺿﻬﺎ ﺍﻧﻘﺘﻠﺖ
ﺍﺯﻝ : ﺑﺎﺑﺎ ﺻﺪﻙ ﻫﻠﺤﺠﻲ
ﺍﺏ ﺍﺯﻝ : ﻻ ﺑﻨﺘﻲ ﻓﺎﺩﻳﻪ ﻓﻘﺪﺕ ﺍﻋﺼﺎﺑﻬﺎ ﺑﺲ
ﻳﺮﻥ ﻫﺎﺗﻒ ﻓﺎﺩﻳﻪ ... ﺗﺠﻴﺐ
ﻓﺎﺩﻳﻪ : ﺍﻟﻮ ، ﻧﻌﻢ ﺍﻧﻲ ، ﺷﻨﻮﻭﻭ؟ ﻻ ﻣﺎﺻﺪﻙ ﺍﻛﻴﺪ ﺗﺸﺎﻗﻪ ( ﺗﻀﺤﻚ ﺑﻬﺴﺘﺮﻳﻪ )
ﺍﺯﻝ : ﺷﺒﻴﺞ ﻓﺎﺩﻳﻪ ؟
ﻓﺎﺩﻳﻪ ( ﺗﻀﺤﻚ ) : ﻋﺎﺩﻝ ( ﺗﻀﺤﻚ ﻭﺑﻌﺪﻫﺎ ﺗﺒﻜﻲ ﺛﻢ ﻳﻐﻤﻰ ﻋﻠﻴﻬﺎ )
ﺗﺴﺮﻉ ﺍﺯﻝ ﻟﻴﻘﺎﺿﻬﺎ ﻗﺎﺋﻠﻪ : ﻓﺎﺩﻳﻪ ﻓﺎﺩﻳﻪ
ﺍﺏ ﺍﺯﻝ : ﺍﺭﻭﺡ ﺍﺻﻴﺢ ﺗﻮﻓﻴﻖ ﻭﻧﺎﺧﺬﻫﺎ ﻟﻤﺴﺘﺸﻔﻰ
( ﻓﻲ ﺍﻟﺴﻮﻕ )
ﺳﺠﺎﺩ ﺍﺻﺒﺢ ﻣﺴﺌﻮﻝ ﻋﻦ ﻋﻤﻠﻪ ﻓﻘﺪ ﺗﺮﻙ ﺍﻟﺒﻴﻊ ﻭﺟﻠﺲ ﻓﻲ ﺍﻟﻤﺤﻞ ﻓﻘﺪ ﻗﺎﻡ ﺍﺑﻮ ﺯﻳﺪﻭﻥ ﺑﺘﺮﻗﻴﺘﻪ ﻭﺍﻣﻮﺭﻩ ﺍﻟﻤﺎﺩﻳﺔ ﺍﺻﺒﺤﺖ ﺟﻴﺪﻩ ﻭﺍﻟﺤﻴﺎﺓ ﺑﺪﺍﺕ ﺗﻀﺤﻚ ﻟﻪ ﺍﺧﻴﺮﺍ
ﺳﺠﺎﺩ ( ﻣﺨﺎﻃﺐ ﺍﺑﻮ ﺯﻳﺪﻭﻥ ) : ﻋﻤﻲ ﺍﻧﻲ ﺧﻠﺼﺖ ﺷﻐﻠﻲ ﻫﻨﺎ ﻭﺟﻤﻌﺘﻠﻚ ﺍﻟﺤﺴﺎﺑﺎﺕ ﻛﻠﻬﻦ ﺭﺍﺡ ﺍﺭﻭﺡ ﻟﺰﺑﻮﻧﻪ ﺍﻭﺩﻳﻠﻬﺎ ﺍﻻﻏﺮﺍﺽ
ﺍﺑﻮ ﺯﻳﺪﻭﻥ : ﺧﻠﻲ ﻭﺍﺣﺪ ﻳﻮﺩﻟﻬﻴﺎ ﻟﻴﺶ ﺍﻧﺘﻪ
ﺳﺠﺎﺩ : ﻣﻮ ﻣﺘﻌﻮﺩﻩ ﻋﻠﻴﻪ ﻭﺑﻌﺪﻳﻦ ﻣﺘﻘﺒﻞ ﺍﺣﺪ ﻳﺠﻴﺒﻠﻬﺎ ﻏﻴﺮﻱ
ﺍﺑﻮ ﺯﻳﺪﻭﻥ : ﻣﺎﺷﻲ ﻋﻤﻲ ﻋﻠﻰ ﺭﺍﺣﺘﻚ ﺑﺲ ﻻ ﺗﺘﺎﺧﺮ ﻻﻥ ﺍﺭﺩ ﺍﺭﻭﺡ ﻟﻠﺒﻴﺖ
ﺳﺠﺎﺩ : ﺣﺎﺿﺮ ﻋﻤﻲ
( ﻓﻲ ﺍﻟﻤﺸﻔﻰ )
ﺗﺴﺘﻴﻘﻆ ﻓﺎﺩﻳﻪ ﻭﻫﻲ ﺗﻨﻄﻖ ﺑﺎﺳﻢ ﻋﺎﺩﻝ ﻗﺎﺋﻠﻪ : ﻋﺎﺩﻝ ﻋﺎﺩﻝ
ﺍﺯﻝ ﺗﺠﻠﺲ ﺑﺠﺎﻧﺒﻬﺎ : ﺍﻫﺪﻱ ﻓﺎﺩﻳﻪ
ﻓﺎﺩﻳﻪ : ﺍﺷﻠﻮﻥ ﺍﻫﺪﺀ ﻋﺎﺩﻝ ﻣﺎﺕ ﺍﺭﻳﺪ ﺍﺷﻮﻓﻪ
ﺍﺯﻝ : ﺑﺎﺑﺎ ﺩﻳﺴﺌﻞ ﻣﻜﺎﻥ ﺍﻟﻤﺴﺘﺸﻔﻰ ﺑﺲ ﻳﺤﺼﻞ ﺧﺒﺮ ﻧﺮﻭﺡ
ﻓﺎﺩﻳﻪ : ﺑﻌﺪ ﺳﻨﻴﻦ ﻳﺮﺟﻌﻠﻲ ﻭﺑﻴﻮﻡ ﻋﺮﺳﻨﻪ ﻫﻢ ﻳﺮﻭﺡ ﻭﻳﺨﺘﻔﻲ ﻭﻫﻠﻤﺮﻩ ﺑﻼ ﺭﺟﻌﻪ ﺍﻭﻭﻭﻭﻑ ﻗﻠﺒﻲ ( ﺗﺒﻜﻲ )
ﺍﺯﻝ ( ﺗﻘﺒﻠﻬﺎ ﻣﻦ ﺭﺍﺳﻬﺎ ﻭﺗﺒﻜﻲ )
ﻓﺎﺩﻳﻪ : ﺍﺑﻮﺝ ﻫﻮ ﺍﻟﺴﺒﺐ ﻭﻫﻮ ﻭﺭﺍ ﻣﻮﺗﻪ
ﺍﺯﻝ : ﺍﻱ ﺑﺎﺑﺎ ﺷﻌﻠﻲ ﻟﻴﺶ ﺗﺘﻬﻤﻲ
ﻓﺎﺩﻳﻪ : ﺍﺑﻮﺝ ﻣﺎﻗﺒﻞ ﻭﻋﺎﺩﻝ ﺭﺍﺣﻠﻪ ﻟﺸﺮﻛﻪ ﻭﻫﺪﺩﻩ
ﺍﺯﻝ : ﺑﺎﺑﺎ ﻣﻴﺴﻮﻱ ﻫﻴﺞ ﻭﺑﻌﺪﻳﻦ ﻫﻮ ﻣﺎﺕ ﺑﻌﺒﻮﻩ ﻧﺎﺳﻔﻪ ﺟﻮﻩ ﺳﻴﺎﺭﺗﻪ ﻳﻌﻨﻲ ﻧﺎﺱ ﺍﺭﻫﺎﺑﻴﻴﻦ ﻭﻫﻮ ﻣﺴﺌﻮﻝ ﺑﺤﺰﺏ ﻳﻌﻨﻲ ﺷﻐﻠﻪ ﺍﺣﺰﺍﺏ ﻫﺎﻱ
ﻓﺎﺩﻳﻪ : ﻭﻟﺞ ﻭﺍﻟﻠﻪ ﺍﺑﻮﺝ ﻫﺬﺍ ﻣﺎﺗﻌﺮﻓﻲ ﻟﺸﻮﻓﻴﻦ ﺗﻌﺎﻣﻠﻪ ﻭﻳﺎﺝ ﺣﻠﻮ ﻻﻥ ﺍﻧﺘﻲ ﺑﻨﺘﻪ ﺍﻣﺎ ﻭﻱ ﻏﻴﺮ ﻧﺎﺱ ﺷﺨﺺ ﻇﺎﻟﻢ ﻭﻣﻴﺮﺣﻢ
ﺍﺯﻝ ﺗﻨﻬﺾ ﻣﻦ ﻣﻜﺎﻧﻬﺎ ﻣﺘﻌﺼﺒﻪ ﻗﺎﺋﻠﻪ : ﻓﺎﺩﻳﻪ ﺭﺟﺎﺀﺍ ﻻ ﺗﺤﺠﻴﻦ ﻋﻠﻰ ﺑﺎﺑﺎ ﻫﻴﺞ ﺣﺠﻲ ﺍﻓﺘﻬﻤﺘﻲ
ﻓﺎﺩﻳﻪ ( ﺑﺎﻛﻴﻪ ) : ﺣﺘﻰ ﺍﻧﺘﻲ ﻣﺼﺪﻛﻴﻦ ﺑﻴﻪ
ﺍﺯﻝ : ﺍﺷﻠﻮﻥ ﺍﺻﺪﻙ ﺑﻴﺞ ﻭﺍﻧﺘﻲ ﺗﺤﺠﻴﻦ ﻋﻠﻰ ﺑﺎﺑﺎ ﺑﺴﻮﺀ ﻭﺑﻌﺪﻳﻦ ﺷﻨﻮ ﺗﻜﻮﻟﻴﻦ ﺍﻣﺞ ﻣﺎﺗﺖ ﻣﻦ ﻭﺭﺍ ﻭﻣﺎﻣﺎ ﻣﺎﺕ ﺑﻤﺮﺽ ﺧﺒﻴﺚ ﻭﻛﻠﻨﻪ ﻧﺪﺭﻱ ﺑﻲ
ﻓﺎﺩﻳﻪ : ﻫﻲ ﺻﺢ ﻣﺮﻳﻀﻪ ﺟﺎﻧﺖ ﻭﺑﺪﺍﺕ ﺗﺘﻌﺎﻟﺞ ﻭﺣﺎﻟﺘﻬﺎ ﺑﺪﺕ ﺍﺻﻴﺮ ﺯﻳﻨﻪ ﺑﺲ ﺍﻛﺘﺸﻔﺖ ﺍﺑﻮﺝ ﻧﺎﻳﻢ ﻭﻱ ﻭﺣﺪﻩ ﻭﻣﻦ ﺷﺎﻓﺘﻬﻢ ﺷﺮﺩﺕ ﻭﺍﺗﺼﻠﺖ ﺑﻴﻪ ﻗﺒﻞ ﻣﺘﻤﻮﺕ ﻭﻛﻠﺘﻠﻲ ﻭﺍﻟﻲ ﻗﺘﻠﻬﺎ ﻣﺠﻤﻮﻋﻪ ﻟﺼﻮﺹ ﺑﻠﻨﺪﻥ ﺍﺧﺬﻭ ﺟﻨﻄﺘﻬﺎ ﻭﻣﻦ ﻗﺎﻭﻣﺖ ﻗﺘﻠﻮﻫﺎ ﻭﺷﺮﺩﻭ
ﺍﺯﻝ ( ﻣﻨﺼﺪﻣﻪ ) : ﺑﺲ ﻛﺎﻓﻲ ﻣﺎﺍﺗﺤﻤﻞ ﻫﻴﺞ ﺣﺠﻲ ﻭﻻ ﺍﺭﻳﺪ ﺍﺻﺪﻙ
ﻓﺎﺩﻳﻪ : ﺍﻱ ﻻﻥ ﻫﺎﻱ ﺍﻟﺤﻘﻴﻘﺔ ﺍﻟﻤﺮﻩ ﺍﻟﻲ ﺿﺎﻣﻴﻪ ﻋﻠﻴﺞ ﺍﻧﻲ ﻭﺍﺑﻮﺝ
ﺍﺯﻝ ( ﺻﺎﺭﺧﻪ ) : ﻓﺎﺩﻳﻪ ﻛﺎﻓﻲ ﺍﻧﺘﻲ ﺍﻛﻴﺪ ﺻﺎﺭ ﺑﻌﻘﻠﺞ ﺷﻲ
ﻭﺗﺨﺮﺝ ﺧﺎﺭﺝ ﺍﻟﻐﺮﻓﺔ ﺗﺎﺭﻛﻪ ﻓﺎﺩﻳﻪ ﻭﺣﺪﻫﺎ.
.
ﻓﻲ ﺍﻟﺴﻮﻕ )
ﺳﺠﺎﺩ ﻓﻲ ﺑﻴﺖ ﺳﻌﺎﺩ
ﺳﻌﺎﺩ : ﺍﺳﻔﻪ ﺍﺗﺎﺧﺮﺕ ﻋﻠﻴﻚ ﺑﺪﻓﻊ ﻭﻫﺬﺍ ﺍﻟﻤﺒﻠﻎ ﻛﺎﻣﻞ
ﺳﺠﺎﺩ : ﻻ ﻋﺎﺩﻱ ﻣﻘﺪﺭ ﺿﺮﻓﺞ ﺑﺲ ﻟﻴﺶ ﺻﺎﺭﻟﺞ ﻳﻮﻣﻴﻦ ﺳﺎﺩﻩ ﺍﻟﺼﺎﻟﻮﻥ
ﺳﻌﺎﺩ : ﻣﺸﺎﻛﻞ ﻭﻱ ﻃﻠﻴﻘﻲ ﻳﺮﻳﺪ ﻳﺮﺟﻌﻠﻲ ﻭﺍﻧﻲ ﻣﺎﺍﺭﻳﺪﻩ ﺑﺲ ﺍﺭﺟﻊ ﻳﺬﻟﻨﻲ ﻭﻳﻀﺮﺑﻨﻲ ﻭﻫﻮ ﻣﻦ ﻧﻮﻉ ﺍﻟﻲ ﻳﺸﺮﺏ
ﺳﺠﺎﺩ : ﻳﻌﻨﻲ ﻣﺎﺟﻨﺘﻲ ﺗﻌﺮﻓﻲ ﺑﻠﺒﺪﺍﻳﻪ ﻭﺯﻭﺟﺘﻲ
ﺳﻌﺎﺩ : ﻻ ﺟﺎﻥ ﻣﻮ ﻫﻴﺞ ﺑﺲ ﺧﺴﺮ ﻛﻞ ﻓﻠﻮﺳﻪ ﺟﺎﻥ ﻣﺸﻐﻠﻬﻦ ﻋﺪ ﻭﺍﺣﺪ ﻭﻫﺬﺍ ﻭﺍﺣﺪ ﻃﻠﻊ ﻧﺼﺎﺏ ﻭﺍﺧﺬ ﻛﻞ ﺍﻟﻔﻠﻮﺱ ﻭﺷﺮﺩ ﺑﻌﺪﻫﺎ ﺗﻐﻴﺮ ﻭﻛﺎﻡ ﻳﺸﺮﺏ ﻭﺻﺎﻟﻮﻥ ﺟﺎﻥ ﻋﻨﺪﻱ ﺍﻓﺨﻢ ﻣﻦ ﻫﺬﺍ ﺍﻟﻲ ﻋﺪﻱ ﻫﺴﻪ ﻭﺭﺍﻫﺎ ﻣﺘﺤﻤﻠﺖ ﻓﻄﻠﻘﺘﻪ ﻭﺭﺟﻌﺖ ﺑﺪﻳﺖ ﻣﻦ ﺍﻟﺼﻔﺮ ﻭﺑﻨﻴﺖ ﻧﻔﺴﻲ
ﺳﺠﺎﺩ : ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
( ﻓﻲ ﺍﻟﻤﺸﻔﻰ )
ﻓﺎﺩﻳﻪ ﻭﺍﻗﻔﻪ ﺑﺠﺎﻧﺐ ﺟﺜﻪ ﻋﺎﺩﻝ ﺍﻭ ﻣﺎﺗﺒﻘﻰ ﻣﻦ ﺍﺟﺰﺍﺀ ﺟﺜﺘﻪ ﻋﺒﺎﺭﻩ ﻋﻦ ﻗﻄﻊ ﻣﻦ ﺟﺴﻤﻪ ﺗﺼﺎﺏ ﺑﺼﺪﻣﻪ ﻭﻫﺴﺘﺮﻳﻪ ﺻﺎﺭﺧﻪ ﻓﻲ ﺍﻋﻠﻰ ﺻﻮﺗﻬﺎ ﻗﺎﺋﻠﻪ : ﻻ ﻣﻮ ﻫﺬﺍ ﻋﺎﺩﻝ ﻣﻮ ﻫﺬﺍ ﺣﺒﻴﺒﻲ ﻣﻮ ﻫﺬﺍ ﺣﺐ ﺍﻟﺴﻨﻴﻦ ﺍﻛﻴﺪ ﺗﻀﺤﻜﻮﻥ ﻋﻠﻴﻪ
ﻟﻜﻦ ﻓﻲ ﺍﻟﺤﻘﻴﻘﺔ ﻫﻮ ﻋﺎﺩﻝ ﻓﻮﺟﻮﺩ ﻛﻒ ﻳﺪﻩ ﻭﺣﻠﻘﺘﻪ ﻓﻲ ﺍﺻﺒﻌﻪ ﻓﻌﻨﺪ ﺭﺅﻭﻳﺘﻬﺎ ﻟﻬﺎ ﺗﺨﺮﺝ ﺭﺍﻛﻀﻪ ﻓﻲ ﺃﺭﻭﻗﺔ ﺍﻟﻤﺸﻔﻰ ﺗﺼﺮﺥ : ﻣﻮ ﻋﺎﺩﻝ ﻫﺬﺍ ﻣﻮ ﺣﺒﻴﺒﻲ ﻫﺬﺍ
ﻓﻴﺤﺎﻭﻝ ﺗﻮﻓﻴﻖ ﺍﻻﻣﺴﺎﻙ ﺑﻬﺎ ﻭﻫﻲ ﺗﺮﻛﺾ ﻭﺍﻟﻨﺎﺱ ﻳﻨﻈﺮﻭﻥ ﻟﻬﺎ ﻭﻏﻴﺮ ﻣﺘﺄﺛﺮﻳﻦ ﻻﻧﻬﻢ ﺗﻌﻮﺩﻭﺍ ﻋﻠﻰ ﻫﻜﺬﺍ ﺣﺎﻟﻪ ﻓﺎﺻﺒﺢ ﺍﻟﻨﺎﺱ ﻣﺠﺮﺩﻳﻦ ﻣﻦ ﺍﻟﻤﺸﺎﻋﺮ ﻭﺍﻷﺣﺎﺳﻴﺲ ﻓﺎ ﻓﻲ ﺍﻟﺼﺒﺎﺡ ﻳﺪﻓﻨﻮﻥ ﺍﺣﺒﺘﻬﻢ ﻭﻓﻲ ﺍﻟﻤﺴﺎﺀ ﻳﻨﺴﻮﻥ
ﻳﻤﺴﻚ ﺑﻬﺎ ﺗﻮﻓﻴﻖ ﻭﻫﻲ ﺗﺤﺎﻭﻝ ﻣﻘﺎﻭﻣﺘﻪ ﻗﺎﺋﻠﻪ : ﺗﻮﻓﻴﻖ ﻋﻮﻓﻨﻲ ﻣﻮ ﻋﺎﺩﻝ ﻫﺬﺍ ( ﺗﺼﺮﺥ )
ﺣﺘﻰ ﻳﺎﺗﻲ ﺍﺣﺪ ﺍﻷﻃﺒﺎﺀ ﻟﻴﺤﻘﻨﻬﺎ ﺑﺎﺑﺮﻩ ﻣﻬﺪﺋﻪ ﻟﺘﻨﺎﻡ
( ﺑﻌﺪ ﻣﺮﻭﺭ ﺍﺭﺑﻌﻪ ﺍﻳﺎﻡ )
ﻓﺎﺩﻳﻪ ﺗﻠﺒﺲ ﺍﻟﺰﻱ ﺍﻻﺑﻴﺾ ﻭﺗﺤﻤﻞ ﺻﻮﺭﻩ ﻋﺎﺩﻝ ﻭﺷﻌﺮﻫﺎ ﻣﻨﻔﻮﺵ ( ﻣﻜﻔﺶ )
ﻗﺎﺋﻠﻪ : ﻋﺪﻭﻟﺘﻲ ﺍﺷﻠﻮﻧﻚ ﺍﻟﻴﻮﻡ
ﺗﻀﻊ ﺍﺫﻧﻬﺎ ﻋﻠﻰ ﺍﻟﺼﻮﺭﻩ ﻗﺎﺋﻠﻪ : ﺍﻧﻲ ﻫﻢ ﺯﻳﻨﻪ ﻋﺪﻭﻟﺘﻲ ﺷﻮﻛﺖ ﺗﺠﻲ ﺍﻃﻠﻌﻨﻲ ﻣﻨﺎ ﺿﺠﺖ ﻳﻜﻮﻟﻮﻥ ﻋﻠﻴﻪ ﻣﺨﺒﻠﻪ ( ﺗﻀﺤﻚ ) ﻣﻴﺪﺭﻭﻥ ﻫﻢ ﺍﻟﻲ ﻣﺨﺎﺑﻴﻞ
ﻧﻌﻢ ﻓﺎﺩﻳﻪ ﻓﻲ ﻣﺸﻔﻰ ﺍﻷﻣﺮﺍﺽ ﺍﻟﻌﻘﻠﻴﺔ ﻭﺍﻟﻨﻔﺴﻴﺔ ( ﺍﻥ ﺗﻌﺸﻖ ﺍﻧﺴﺎﻥ ﺑﻜﻞ ﺣﻮﺍﺳﻚ ﻭﺑﻤﺠﺮﺩ ﺍﻥ ﺗﻔﻘﺪﻩ ﻓﺴﺘﺼﺎﺏ ﺣﺘﻤﺎ ﺑﺠﻨﻮﻥ ﺍﻟﻌﻘﻞ ﻟﻜﻦ ﻳﺒﻘﻰ ﺍﻟﻘﻠﺐ ﻣﺘﻤﺴﻜﺎ ﺑﻪ ﻟﻴﻌﻄﻲ ﺍﻳﻌﺎﺯ ﻟﻚ ﻛﻞ ﻳﻮﻡ ﺑﺎﻥ ﺣﺒﻚ ﺑﺎﻗﻲ ﻟﻪ )
( ﻓﻲ ﺍﻟﺠﺎﻣﻌﺔ )
ﺣﺎﻥ ﻭﻗﺖ ﺍﻣﺘﺤﺎﻧﺎﺕ ﺍﻟﻔﺼﻞ ﺍﻻﻭﻝ ﺍﻟﻜﻞ ﻳﺴﺘﻌﺪ ﻟﺪﺭﺍﺳﻪ ﻟﻜﻦ ﺳﺠﺎﺩ ﻳﺒﺤﺚ ﻋﻦ ﺷﺨﺺ ﻟﺘﻌﻠﻴﻤﻪ ﻣﻮﺿﻮﻉ ﻓﻲ ﻣﺎﺩﻩ ﻣﺎ ﻟﻜﻨﻪ ﻻﻳﻮﺟﺪ ﺍﺣﺪ ﻳﻌﺮﻑ ﺣﺘﻰ ﺗﻘﻮﻝ ﻟﻪ ﺍﺣﺪﻯ ﺯﻣﻴﻼﺗﻪ : ﺍﺯﻝ ﺗﻌﺮﻑ ﺗﺸﺮﺡ ﺍﻟﻤﻮﺿﻮﻉ
ﺳﺠﺎﺩ : ﺍﻫﺎ ﺷﻜﺮﺍ
ﻟﻜﻦ ﻻ ﻳﺴﺘﻄﻴﻊ ﺍﻟﺬﻫﺎﺏ ﺍﻟﻴﻬﺎ ﻭﺑﻴﻨﻤﺎ ﻫﻮ ﺟﺎﻟﺲ ﻭﺣﺎﺋﺮ ﻳﻘﻠﺐ ﻓﻲ ﺍﻭﺭﺍﻕ ﺍﻟﻜﺘﺎﺏ ﺗﺎﺗﻲ ﺍﺯﻝ ﺍﻟﻴﻪ ﻗﺎﺋﻠﻪ : ﺻﺒﺎﺡ ﺍﻟﺨﻴﺮ
ﺳﺠﺎﺩ ﻳﺮﺗﺒﻚ ﻋﻨﺪ ﺭﺅﻳﺘﻬﺎ : ﺍﺍﺍ ﺻﺒﺎﺡ ﺍﻟﻨﻮﺭ
ﺍﺯﻝ : ﺍﺑﻨﻴﻪ ﻛﻠﺘﻠﻲ ﺍﻛﻮ ﻣﻮﺿﻮﻉ ﺑﺎﻟﻤﺎﺩﻩ ﻣﺘﻌﺮﻓﻪ
ﺳﺠﺎﺩ : ﻻ ﻋﺮﻓﺘﻪ
ﺍﺯﻝ : ﻣﺘﺎﻛﺪ ؟
ﺳﺠﺎﺩ : ﻻ
ﺍﺯﻝ : ﻟﻌﺪ ﺍﻣﺸﻲ ﻟﻠﻘﺴﻢ ﺧﻠﻲ ﺍﺷﺮﺣﻠﻜﻴﺎ
ﺳﺠﺎﺩ : ﻣﺎﺷﻲ
ﻳﺬﻫﺒﺎﻥ ﺍﻟﻰ ﺍﻟﻘﺴﻢ ﻣﻌﺎ
ﻳﺠﻠﺴﺎﻥ ﻣﻌﺎ ﻣﺘﻘﺎﺑﻼﻥ ﻭﺗﺒﺪﺍ ﺍﺯﻝ ﺑﺸﺮﺡ ﺍﻟﻤﻮﺿﻮﻉ ﻟﻜﻦ ﻓﻲ ﻭﺟﻮﺩ ﺍﻟﺠﻤﺎﻝ ﻻ ﻳﻮﺟﺪ ﺍﻧﺘﺒﺎﻩ ﻭﺗﺮﻛﻴﺰ ﻛﻞ ﺗﺮﻛﻴﺰﻩ ﻳﺼﺐ ﻓﻲ ﻋﻴﻨﻴﺎﻫﺎ ﻭﺷﻔﺘﻴﻬﺎ ﺍﻟﻮﺭﺩﻳﺘﻴﻦ
ﺍﺯﻝ : ﻫﺴﻪ ﺍﻓﺘﻬﻤﺖ ﺍﺷﻠﻮﻥ ﺻﺎﺭﺕ
ﺳﺠﺎﺩ : ﻫﺎﺍﺍ ﺍﻱ ﺍﻓﺘﻬﻤﺖ
ﺍﺯﻝ : ﺷﻮ ﺑﺎﻟﻠﻪ ﻋﻴﺪ ﺍﻟﻲ ﺷﺮﺣﺘﻪ
ﺳﺠﺎﺩ : ﺍﺍﺍﺍﺍ ؟
ﺍﺯﻝ : ﺗﺮﻯ ﺍﻟﻜﺘﺎﺏ ﻣﻮﺟﻮﺩ ﻋﻠﻰ ﺍﻻﺳﺘﻮﻝ ﻣﻮ ﺑﻮﺟﻬﻲ ﺍﻧﺘﺒﻪ ﻣﺴﺘﻘﺒﻠﻚ ﺑﻠﻜﺘﺎﺏ ﻣﻮﺟﻮﺩ ﻣﻮ ﺑﻮﺟﻬﻲ
ﺳﺠﺎﺩ ﻳﺸﻌﺮ ﺑﻼﺣﺮﺍﺝ ﻭﻳﺘﻌﺮﻕ ﻗﺎﺋﻼ : ﺍﺳﻒ ، ﻋﻴﺪﻱ ﻣﻦ ﺟﺪﻳﺪ
ﻛﺎﻥ ﻫﺬﺍ ﺍﻟﺤﻮﺍﺭ ﺍﻭﻝ ﺣﻮﺍﺭ ﺑﻌﺪ ﻓﺘﺮﻩ ﻣﻦ ﺍﻟﻘﻄﻴﻌﻪ ﺑﻴﻨﻬﻤﺎ ﻟﻜﻦ ﻫﻞ ﻳﺴﺘﻤﺮ ﺍﻣﺎ ﻳﻨﺘﻬﻲ ؟
( ﺑﻴﺖ ﺳﺠﺎﺩ )
ﺗﺪﺧﻞ ﻧﺪﻯ ﺍﻟﻰ ﺍﻟﺒﻴﺖ ﻗﺎﺋﻠﻪ : ﺍﺷﻠﻮﻧﺞ ﺧﺎﻟﻪ
ﺍﻡ ﺳﺠﺎﺩ : ﻫﻠﻪ ﺑﻨﻴﺘﻲ
ﻧﺪﻯ : ﺧﺎﻟﻪ ﻫﺬﺍ ﻗﻤﺎﺵ ﺍﺳﻮﺩ ﺧﻴﻄﻲ ﻋﻠﻰ ﻗﻴﺎﺳﻲ ﻭﻗﻴﺎﺱ ﺍﻣﻲ
ﺍﻡ ﺳﺠﺎﺩ : ﺍﻥ ﺷﺎﺀﺍﻟﻠﻪ ﺑﻨﺘﻲ ﺍﻣﺞ ﺍﺷﻠﻮﻥ ﺻﺎﺭﺕ
ﻧﺪﻯ : ﻛﺎﻋﺪﻩ ﺑﻐﺮﻓﺘﻪ ﺑﺲ ﺗﺒﺠﻲ ﻭﺍﻛﻠﻬﺎ ﻗﻠﻴﻞ ﻭﺍﺑﻮﻳﻪ ﻣﻦ ﻳﺴﻤﻌﻬﺎ ﺗﺒﺠﻲ ﻫﻢ ﻳﺒﺠﻲ ﻭﻳﺎﻫﺎ ﻭﺍﻧﻲ ﺣﺘﻰ ﺩﻣﻮﻋﻲ ﺧﻠﺼﺖ ﻭﻣﺎﺍﺗﺤﻤﻞ ﺑﻌﺪ ﺭﺍﺡ ﺍﺗﺨﺒﻞ
ﺍﻡ ﺳﺠﺎﺩ : ﺣﻘﻬﻢ ﺑﻨﻴﺘﻲ ﺍﻟﻀﻨﻪ ﻋﺰﻳﺰ ﺣﻤﻞ ﺗﺴﻌﻪ ﺍﺷﻬﺮ ﻭﺗﺮﺑﻴﻪ ﻭﻛﺒﺮ ﻭﺩﺧﻞ ﺳﻦ ﺍﻟﺰﻭﺍﺝ ﺑﺪﺍﻝ ﻣﺸﻮﻓﻪ ﺑﺪﻟﻪ ﻋﺮﺱ ﺷﺎﻓﺘﻪ ﻭﺻﻠﻪ ﻭﺻﻠﻪ
ﻧﺪﻯ : ﻫﺬﺍ ﺍﻣﺮ ﺍﻟﻠﻪ ﻭﺑﻌﺪﻳﻦ ﺭﺍﺡ ﺷﻬﻴﺪ ﻭﺍﻟﺸﻬﺪﺍﺀ ﺍﻛﺮﻡ ﻣﻨﺎ ﺟﻤﻴﻌﺎ
ﺍﻡ ﺳﺠﺎﺩ : ﺍﻟﻠﻪ ﻳﺼﺒﺮﻛﻢ ﺑﻨﺘﻲ
ﻧﺪﻯ : ﺗﺮﻳﺪﻳﻦ ﺷﻲ ﻣﻨﻲ
ﺍﻡ ﺳﺠﺎﺩ : ﻻ ﺑﻨﺘﻲ ﺭﻭﺣﻲ ﺍﻟﻠﻪ ﻭﻳﺎﺝ
( ﻓﻲ ﻣﻜﺎﻥ ﻣﺎ )
ﻳﻘﻒ ﺍﺏ ﺍﺯﻝ ﻓﻲ ﻣﻜﺎﻥ ﻣﺎ ﻓﻲ ﺍﻟﺴﻴﺎﺭﻩ ﻣﻊ ﺳﺎﺋﻘﻪ ﺍﻟﺸﺨﺼﻲ ﻳﻨﺘﻈﺮ ﻭﺻﻮﻝ ﺷﺨﺺ
ﻳﺎﺗﻲ ﺍﻟﺸﺨﺺ ﻓﻲ ﺳﻴﺎﺭﺗﻪ ﻭﻳﻨﺰﻝ ﻭﻳﺼﻌﺪ ﻓﻲ ﺳﻴﺎﺭﻩ ﺍﺏ ﺍﺯﻝ ﻭﺍﻟﺴﺎﺋﻖ ﻳﺨﺮﺝ
ﺍﻟﺸﺨﺺ : ﺍﺷﻠﻮﻧﻚ ﺍﺳﺘﺎﺫ
ﺍﺏ ﺍﺯﻝ : ﺍﻫﻼ
ﻳﻘﻮﻡ ﺍﺏ ﺍﺯﻝ ﺑﺎﺧﺮﺍﺝ ﻣﺒﻠﻎ ﻣﻦ ﺍﻟﻤﺎﻝ ﻭﻳﻌﻄﻴﻪ ﺍﻟﻴﻪ ﻗﺎﺋﻼ : ﻫﺬﺍ ﺑﺎﻗﻲ ﺍﻟﺤﺴﺎﺏ ﺍﻟﻲ ﺍﺗﻔﻘﻨﻪ ﻋﻠﻴﻪ
ﺍﻟﺸﺨﺺ : ﻭﺻﻞ ، ﻭﺍﻱ ﺷﻲ ﺗﺤﺘﺎﺝ ﻣﻦ ﻋﻤﻠﻴﻪ ﻗﺘﻞ ﺑﺲ ﺍﺗﺼﻞ ﻭﺍﺣﻨﻪ ﺟﺎﻫﺰﻳﻦ
ﺍﺏ ﺍﺯﻝ : ﺍﻥ ﺷﺎﺀﺍﻟﻠﻪ ﻣﺎﺍﺣﺘﺎﺝ
ﺍﻟﺸﺨﺺ : ﺑﺲ ﺳﺆﺍﻝ ﻣﻤﻜﻦ ؟
ﺍﺏ ﺍﺯﻝ : ﺍﺗﻔﻀﻞ
ﺍﻟﺸﺨﺺ : ﺍﻟﺸﺨﺺ ﺍﻟﻲ ﺧﻠﻴﻨﻪ ﻋﺒﻮﻩ ﻧﺎﺳﻔﺔ ﺟﻮﺍ ﺳﻴﺎﺭﺗﻪ ﻃﻠﻊ ﻣﺴﺆﻭﻝ ﺑﺎﻟﺤﺰﺏ **** ﻳﺎﺗﺮﻯ ﺍﺳﻮﺍﻟﻚ
ﺍﺏ ﺍﺯﻝ : ﻫﺪﺩﻧﻲ ﻭﺭﺍﺩ ﻳﺎﺧﺬ ﺷﻲ ﻣﻮ ﻣﻦ ﺣﻘﻪ
ﺍﻟﺸﺨﺺ : ﺍﻫﺎﺍ، ﻳﺎﻟﻠﻪ ﺍﺗﺮﺧﺺ ﺍﻧﻲ ﺍﺳﺘﺎﺫ
ﺍﺏ ﺍﺯﻝ : ﺳﻼﻡ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق