رواية غرام وانتقام ج1 الجزء الأول
للكاتب كرار الكرادي
.
ﻳﻤﺸﻲ ﺳﺠﺎﺩ ﻓﻲ ﺍﻟﻠﻴﻞ ﻓﻲ ﻣﻨﻄﻘﻪ ﻣﻠﻴﺌﻪ ﺑﻼﺷﺠﺎﺭ ﻭﺍﻟﻨﺨﻴﻞ ﻭﻓﻲ ﺣﺎﻟﻪ ﻳﺮﺛﻰ ﻟﻬﺎ ﻣﺎﺳﻜﺎ ﺳﻼﺡ ﺑﻴﺪﻩ ( ﻣﺴﺪﺱ ) ﺣﺘﻰ ﻭﺻﻞ ﺍﻟﻰ ﻭﺳﻂ ﺍﻟﺒﺴﺘﺎﻥ ﻳﺠﺜﻮﺍ ﻋﻠﻰ ﺭﻛﺒﺘﻴﻪ ﻭﻳﺒﻜﻲ ﻗﺎﺋﻼ : ﺳﺎﻣﺤﻨﻲ ﻳﺎﺭﺑﻲ ﺻﺤﻴﺢ ﻫﺬﺍ ﺍﻟﺸﻲ ﺧﻄﺎ ﻭﺣﺮﺍﻡ ﺑﺲ ﺑﻌﺪ ﻣﺎﺍﻛﺪﺭ ﺍﻋﻴﺶ ﺑﻬﻠﺪﻧﻴﺎ ﺗﻌﺒﺖ ﻭﺍﺩﻣﺮﺕ ﺭﺑﻲ ﺍﻧﻲ ﺍﻧﺘﻬﻴﺖ
ﻳﻘﻮﻡ ﺑﻮﺿﻊ ﺍﻟﻤﺴﺪﺱ ﻓﻲ ﻓﻤﻪ ﻭﻳﻐﻠﻖ ﻋﻴﻨﻴﻪ
( ﻗﺒﻞ ﺍﺭﺑﻊ ﺳﻨﻮﺍﺕ )
( ﺍﻟﻐﺮﺍﻡ )
ﺳﺠﺎﺩ ﻳﻨﺎﻡ ﻓﻲ ﻏﺮﻓﺘﻪ ﻭﻋﻠﻰ ﺳﺮﻳﺮﻩ ﺗﻘﺘﺮﺏ ﻣﻨﻪ ﻭﺍﻟﺪﺗﻪ ﻭﻫﻮ ﻧﺎﺋﻢ ﺗﻨﻈﺮ ﺍﻟﻰ ﻭﺟﻬﻪ ﻭﺗﺴﺘﻤﻊ ﺍﻟﻰ ﺍﻧﻔﺎﺳﻪ ﺗﻘﺘﺮﺏ ﺍﻟﻴﻪ ﺍﻛﺜﺮ ﻭﺗﻨﻈﺮ ﺍﻟﻰ ﻋﻴﻨﻴﻪ ﻭﻫﻮ ﻧﺎﺋﻢ ﻓﺠﺄﺓ ﻳﺴﺘﻴﻘﻆ ﻭﻳﺒﺪﺍ ﺑﺼﺮﺍﺥ ﻗﺎﺋﻼ : ﻳﻴﻴﻴﻴﻴﻴﻤﻪ
ﻭﻳﺴﻘﻂ ﻋﻠﻰ ﺍﻻﺭﺽ
ﺍﻻﻡ : ﺍﺳﻢ ﺍﻟﻠﻪ ﻭﻟﻴﺪﻱ ﺷﺠﺎﻙ
ﺳﺠﺎﺩ : ﻳﻌﻨﻲ ﺍﺷﻠﻮﻥ ﺑﻴﺞ ﺍﻧﻲ ﻛﻠﻤﺎ ﺍﺷﻮﻓﻴﻨﻲ ﻧﺎﻳﻢ ﺗﺠﻴﻦ ﺗﺨﺮﻋﻴﻨﻲ
ﺍﻻﻡ ) ﻣﻤﺘﻌﻀﻪ ( : ﻫﻴﺞ ﺻﺮﺕ ﺍﻧﻲ ﺍﺧﺮﻉ ﺭﻭﺡ ﺑﻌﺪ ﻣﺎﺍﺣﺠﻲ ﻭﻳﺎﻙ
ﺳﺠﺎﺩ ﻳﻘﺘﺮﺏ ﻣﻨﻬﺎ ﻭﻳﻀﻊ ﻳﺪﻳﻪ ﻋﻠﻰ ﻛﺘﻔﻬﺎ ﻗﺎﺋﻼ : ﻳﻤﻪ ﻗﺼﺪﻱ ﺍﻧﻲ ﻧﺎﻳﻢ ﻭﺍﻧﺘﻲ ﺻﺎﻓﻨﻪ ﺑﻮﺟﻬﻲ ﺍﺷﻠﻮﻥ ﺍﺧﺘﺮﻉ ﻣﻨﺞ ﻏﻴﺮ ﺍﻧﺘﻲ ﺷﻤﻌﻪ ﺍﻟﺒﻴﺖ ( ﻳﻘﻮﻡ ﺑﺘﻘﺒﻴﻠﻬﺎ ﻣﻦ ﻳﺪﻳﻬﺎ ﻭﺭﺍﺳﻬﺎ )
ﺍﻻﻡ : ﻣﻮﺍﻧﻲ ﺍﺧﺎﻑ ﻋﻠﻴﻚ ﻭﺍﺟﻲ ﺍﺗﻔﻘﺪﻙ ﺧﺎﻑ ﺑﻴﻚ ﺷﻲ ﻳﻮﺟﻌﻚ ﺷﻲ
ﺳﺠﺎﺩ : ﻻ ﻳﻤﻪ ﻧﺎﻳﻢ ﺑﻄﻤﺌﻨﻴﻨﻪ ﻭﻋﺰ ﻭﻭﻗﺎﺭ
ﺍﻻﻡ : ﺻﺪﻙ ﻫﻮ ﺍﻟﻴﻮﻡ ﻣﻮ ﺍﻟﻘﺒﻮﻻﺕ ﻳﻄﻠﻌﻦ ﻣﺎﻝ ﺍﻟﺠﺎﻣﻌﺔ
ﺳﺠﺎﺩ : ﺍﻱ ﺍﻟﻴﻮﻡ ﺑﺲ ﻳﺘﺎﺧﺮﻥ ﺍﺣﺘﻤﺎﻝ ﻟﻠﻌﺼﺮ
ﺍﻻﻡ : ﺍﻥ ﺷﺎﺀﺍﻟﻠﻪ ﺧﻴﺮ ﻭﻳﻄﻠﻊ ﻗﺒﻮﻟﻚ ﺯﻳﻦ ﺣﻀﺮﺗﻠﻚ ﺍﻟﺮﻳﻮﻙ ﻭﺍﻧﻲ ﺍﺭﻭﺡ ﺍﺷﺘﻐﻞ ﻋﻨﺪﻱ ﻛﻮﻣﻪ ﻣﻼﺑﺲ ﻻﺯﻡ ﺍﺧﻴﻄﻬﻦ
ﺳﺠﺎﺩ ﻳﻘﺒﻞ ﻳﺪﻩ ﺍﻣﻪ ﻗﺎﺋﻼ : ﺍﻥ ﺷﺎﺀﺍﻟﻠﻪ ﺍﻋﻴﻨﺞ ﻭﺍﺭﺩﻟﺞ ﺍﻟﺘﻌﺐ ﻛﻠﻪ ﻭﻧﻌﻴﺶ ﺑﻴﺖ ﻣﺜﻞ ﺍﻟﻘﺼﺮ ﻭﺍﻧﺘﻲ ﺍﻟﻤﻠﻜﻪ ﻋﻠﻰ ﻋﺮﺵ ﺍﻟﺒﻴﺖ
ﺍﻻﻡ : ﺍﻟﻠﻪ ﻛﺮﻳﻢ ﺳﺠﻮﺩﻱ ﻛﻠﺸﻲ ﻣﺎﺍﺭﻳﺪ ﻣﻦ ﺍﻟﻠﻪ ﻏﻴﺮ ﺑﺲ ﻳﺤﻔﻈﻚ ﺍﻟﻴﻪ ﻭﺍﺷﻮﻓﻚ ﻋﺮﻳﺲ ﻭﺟﻬﺎﻟﻚ ﻳﻠﻌﺒﻮﻥ ﻛﺪﺍﻣﻲ
ﺳﺠﺎﺩ : ﺍﻥ ﺷﺎﺀﺍﻟﻠﻪ
ﺍﻻﻡ : ﻳﺎﻟﻠﻪ ﺍﻛﻮﻡ ﺍﺷﺘﻐﻞ ﺍﻧﻲ
( ﺳﺠﺎﺩ : ﺷﺎﺏ ﻳﺘﻴﻢ ﺍﻻﺏ ﻳﺒﻠﻎ ﻣﻦ ﺍﻟﻌﻤﺮ ٢٤ ﺳﻨﻪ ﻣﺘﺎﺧﺮ ﻓﻲ ﺍﻟﺪﺭﺍﺳﻪ ﻟﺼﻌﻮﺑﻪ ﺿﺮﻭﻓﻪ ﺍﻟﻤﻌﻴﺸﻴﻪ ﻳﻌﻤﻞ ﻓﻲ ﺍﻳﺎﻡ ﺍﻟﻌﻄﻞ ﻓﻲ ﺍﻟﺒﻨﺎﺀ ﺍﻭ ﺗﺤﻤﻴﻞ ﺍﻟﺒﻀﺎﺋﻊ ﻣﻦ ﺍﻟﺴﻴﺎﺭﺍﺕ ( ﺣﻤﺎﻝ ) ﻟﻴﻌﻴﻦ ﻭﺍﻟﺪﺗﻪ ﺍﻟﺘﻲ ﺗﻌﻤﻞ ﺧﻴﺎﻃﻪ ﻓﻲ ﺍﻟﺒﻴﺖ
ﺑﻴﺘﻬﻢ ﺻﻐﻴﺮ ﺟﺪﺍ ﻭﺟﺪﺭﺍﻧﻪ ﻫﺎﻟﻜﻪ ﻭﻫﻮ ﻣﺎﺑﻘﻰ ﻣﻦ ﺗﺮﻛﻪ ﻭﺍﻟﺪﻩ ﻟﻪ ﻭﻻﻣﻪ )
( ﺍﻟﺒﺎﺏ ﺗﺪﻕ )
ﺍﻻﻡ : ﺳﺠﻮﺩﻱ ﺷﻮﻑ ﻣﻨﻮ ﺑﻠﺒﺎﺏ
ﺳﺠﺎﺩ : ﺍﻱ ﻳﻤﻪ ﺟﺎﻱ
ﻳﺬﻫﺐ ﻟﻔﺘﺢ ﺍﻟﺒﺎﺏ
ﻧﺪﻯ : ﺻﺒﺎﺡ ﺍﻟﺨﻴﺮ ﺳﺠﻮﺩﻱ
ﺳﺠﺎﺩ ﻳﻨﻈﺮ ﺍﻟﻴﻬﺎ ﻗﺎﺋﻼ : ﻳﺎﺭﻳﺘﻨﻲ ﻣﺎﻛﻤﺖ ﻭﻓﺘﺤﺖ ﺍﻟﺒﺎﺏ
ﻧﺪﻯ : ﺧﻠﻒ ﺍﻟﻠﻪ ﻋﻠﻴﻚ ﺷﻔﺘﻨﻲ ﺑﻌﺒﻊ
ﺍﻻﻡ : ﻣﻨﻮ ﺑﻠﺒﺎﺏ
ﻧﺪﻯ : ﺍﻧﻲ ﺧﺎﻟﻪ ﺍﻣﻲ ﺩﺯﺗﻨﻲ ﺍﺳﺎﻋﺪﺝ
ﺳﺠﺎﺩ : ﺍﺗﺴﺎﻋﺪﻳﻬﺎ ﻣﻮ ﻫﻤﺰﻳﻦ ﺭﺍﺡ ﺍﻃﻠﻊ
ﻧﺪﻯ : ﺿﻞ ﺿﻞ ﺍﺷﺮﺩ ﻣﻨﻲ ﺗﺎﻟﻴﺘﻚ ﺻﻴﺮ ﺭﺟﻠﻲ ﻭﺍﺑﻮ ﺑﻴﺘﻲ
ﺳﺠﺎﺩ : ﺿﻠﻲ ﺣﻠﻤﻲ ﻭﻟﺞ ﺑﺎﺑﺎ ﺍﻧﺘﻲ ﻣﺜﻞ ﺍﺧﺘﻲ ﺗﻔﻬﻤﻴﻦ ﺷﻨﻮ ﻳﻌﻨﻲ ﺍﺧﺘﻲ
ﻧﺪﻯ : ﻭﺍﻧﺘﻪ ﻣﻮ ﻣﺜﻞ ﺍﺧﻮﻳﻪ ﺍﻧﺘﻪ aşkım
ﺳﺠﺎﺩ : ﻫﺎﻱ ﺷﻨﻮ ﻋﻮﺩ ؟
ﻧﺪﻯ : ﻫﺎﻱ ﺑﺘﺮﻛﻲ ﻣﻌﻨﺎﻫﺎ ﺣﺒﻴﺒﻲ
ﺳﺠﺎﺩ : ﻏﻴﺮ ﺗﻜﻌﺪ ﺭﺍﺣﻪ ﻟﻤﻴﺲ ﺍﺑﻮ ﺷﻌﺮ ، ﻳﻤﻪ ﺍﻧﻲ ﻃﺎﻟﻊ ﺭﺍﺡ ﺍﺭﻭﺡ ﺍﺷﻮﻑ ﻟﻄﻴﻒ ﺍﺑﻮ ﺍﻟﺤﺎﺳﺒﻪ
ﺗﺪﺧﻞ ﻧﺪﻯ ﺍﻟﻰ ﺍﻟﺒﻴﺖ ﺗﻘﺒﻞ ﺭﺍﺱ ﺍﻡ ﺳﺠﺎﺩ
ﺍﻡ ﺳﺠﺎﺩ : ﺍﻟﻠﻪ ﻳﺤﻔﻈﺞ ﺑﻨﻴﺘﻲ
ﻧﺪﻯ : ﻟﻌﺪ ﺳﺠﺎﺩ ﺷﻌﺪﻩ ﻳﻢ ﻟﻄﻴﻒ ؟
ﺍﻡ ﺳﺠﺎﺩ : ﺭﺍﺡ ﻳﺸﻮﻑ ﺍﻟﻘﺒﻮﻻﺕ ﻣﺎﻝ ﺍﻟﺠﺎﻣﻌﺔ ﻃﻠﻌﻦ
ﻧﺪﻯ : ﻳﺎﺭﺏ ﻳﻄﻠﻊ ﻗﺒﻮﻟﻪ ﺯﻳﻦ ﻭﺍﻟﻠﻪ ﺍﻟﻪ ﺍﺳﻮﻱ ﺛﻮﺍﺏ ﻻﻡ ﺍﻟﺒﻨﻴﻦ ( ﻉ )
ﺍﻡ ﺳﺠﺎﺩ : ﺍﺷﻮﻓﺞ ﺗﺤﻤﺴﺘﻲ ﻭﻟﺞ
ﻧﺪﻯ ( ﺗﻨﺰﻝ ﺭﺍﺳﻪ ﻭﻋﻼﻣﺎﺕ ﺍﻟﺨﺠﻞ ﻋﻠﻰ ﻭﺟﻬﻬﺎ ) ﻗﺎﺋﻠﻪ : ﺍﻱ ﻳﺎﺍﺧﺎﻟﻪ ﺍﻧﺘﻲ ﺗﻌﺮﻓﻴﻦ ﺍﻟﻘﻠﺐ ﺷﺒﻲ ﻣﺎﺑﻲ
ﺍﻡ ﺳﺠﺎﺩ : ﺍﻱ ﺍﻋﺮﻑ ﺍﻋﺮﻑ ﻭﺍﺗﻤﻨﻰ ﺗﺼﻴﺮﻳﻦ ﺍﻟﻪ ﻳﻮﻡ ﻗﺒﻞ ﺑﺎﺟﺮ ﺑﺲ ﻫﻮ ﺭﺍﻛﺐ ﺭﺍﺳﻪ ﻳﻜﻮﻝ ﻧﺪﻯ ﻣﺜﻞ ﺍﺧﺘﻲ
ﻧﺪﻯ : ﺍﺩﺭﻱ ﻗﺎﺑﻞ ﺭﺍﺿﻌﻴﻦ ﺳﻮﺍ
ﺍﻡ ﺳﺠﺎﺩ : ﻫﺎﻱ ﺑﻌﺪ ﺑﻠﻜﻲ ﺍﻟﻠﻪ ﻳﻬﺪﻱ ﻋﻠﻴﺞ
ﻧﺪﻯ : ﺍﻥ ﺷﺎﺀﺍﻟﻠﻪ
( ﻧﺪﻯ : ﻓﺘﺎﻩ ﺟﻤﻴﻠﻪ ﺗﺒﻠﻎ ﻣﻦ ﺍﻟﻌﻤﺮ ٢٢ ﻋﺎﻣﺎ ﺭﺑﻪ ﺑﻴﺖ ﻭﺟﻴﺮﺍﻥ ﺑﻴﺖ ﺳﺠﺎﺩ ﺗﺤﺐ ﺳﺠﺎﺩ ﻛﺜﻴﺮﺍ ﻭﺗﺘﻤﻨﻰ ﺍﻥ ﻳﻜﻮﻥ ﺯﻭﺟﻬﺎ ﻭﺗﺎﺗﻲ ﺑﻴﻦ ﻓﺘﺮﻩ ﻭﺍﺧﺮﻯ ﺗﺴﺎﻋﺪ ﻭﺍﻟﺪﺗﻪ ﻓﻲ ﺍﻋﻤﺎﻝ ﺍﻟﻤﻨﺰﻝ
ﺍﻣﺎ ﻋﺎﺋﻠﺘﻬﺎ : ﺗﺘﻜﻮﻥ ﻣﻦ ﺍﻻﺏ ﻭﺍﻻﻡ ﻭﺍﺥ ﺟﻨﺪﻱ ﻓﻲ ﺍﻟﺠﻴﺶ ﺍﻟﻌﺮﺍﻗﻲ )
ﻳﺠﻠﺲ ﺳﺠﺎﺩ ﻣﻊ ﻟﻄﻴﻒ ﺻﺎﺣﺐ ﻣﺤﻞ ﻟﻠﺨﺪﻣﺎﺕ ﺍﻻﻧﺘﺮﻧﺖ
ﺳﺠﺎﺩ : ﻫﺎﺍ ﻟﻄﻴﻒ ﺑﺸﺮ
ﻟﻄﻴﻒ : ﺩﺧﻠﺖ ﻋﻠﻰ ﻣﻮﻗﻊ ﻣﺎﻝ ﺍﻟﻮﺯﺍﺭﻩ ﺑﻌﺪ ﻛﻠﺸﻲ ﻣﺎﻛﻮ
ﺳﺠﺎﺩ ﻣﺎﺷﻲ ﺍﺫﺍ ﻃﻠﻌﻦ ﺍﺧﻴﻚ ﺧﺎﺑﺮﻧﻲ
ﻟﻄﻴﻒ : ﺗﺪﻟﻞ ﻣﻦ ﻋﻴﻮﻧﻲ ﺳﻮﺟﻲ
ﻳﻐﺎﺩﺭ ﺍﻟﻤﺤﻞ ﻣﺘﻮﺟﻬﺎ ﺍﻟﻰ ﺍﻟﺤﺎﺝ ﻋﻤﺮ ﺻﺎﺣﺐ ﻣﺤﻞ ﺍﺩﻭﺍﺕ ﺍﺣﺘﻴﺎﻃﻴﻪ
ﺳﺠﺎﺩ : ﺍﻟﺴﻼﻡ ﻋﻠﻴﻜﻢ ﺍﺷﻠﻮﻧﻚ ﺣﺠﻲ ﻋﻤﺮ ( ﻳﻨﺤﻨﻲ ﻟﻴﻘﺒﻞ ﻳﺪ ﺍﻟﺤﺎﺝ ﻋﻤﺮ )
ﺍﻟﺤﺎﺝ ﻋﻤﺮ : ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﺳﺠﺎﺩ ﺑﺸﺮﻧﻲ ﻳﺎﺍﺑﻨﻲ ﻣﺎﻃﻠﻊ ﻗﺒﻮﻟﻚ
ﺳﺠﺎﺩ : ﺑﻌﺪ ﻟﺴﻪ ﻣﺎﻧﺸﺮﻭﻫﻦ
ﺍﻟﺤﺎﺝ ﻋﻤﺮ : ﺍﻛﻌﺪ ﺧﻠﻲ ﺍﺻﺒﻠﻚ ﺟﺎﻱ ﻭﺍﺣﺠﻲ ﻭﻳﺎﻙ ﺑﻤﻮﺿﻮﻉ
ﺳﺠﺎﺩ : ﺧﻴﺮ ﺍﻥ ﺷﺎﺀ ﺍﻟﻠﻪ
ﻳﻘﻮﻡ ﺑﺼﺐ ﺍﻟﺸﺎﻱ ﻳﻨﻬﺾ ﺳﺠﺎﺩ ﻟﻴﺎﺧﺬ ﻛﺎﺱ ﺍﻟﺸﺎﻱ ﻣﻦ ﻳﺪﻩ
ﺳﺠﺎﺩ : ﺍﻱ ﺣﺠﻲ ﻧﻮﺭﻧﻲ ﺍﻟﻠﻪ ﻳﻨﻮﺭﻙ ﺩﻧﻴﺎ ﻭﺍﺧﺮﻩ
ﺍﻟﺤﺎﺝ ﻋﻤﺮ : ﺍﺳﻤﻊ ﺍﺟﺎﻧﻲ ﺍﺑﻮ ﺍﻧﻮﺭ ﺻﺎﺣﺒﻲ ﻭﻋﺸﺮﻩ ﻋﻤﺮ ﺍﻧﻲ ﻭﻳﺎ
ﺳﺠﺎﺩ : ﺍﻱ
ﺍﻟﺤﺎﺝ ﻋﻤﺮ : ﻳﺮﻳﺪ ﻭﺍﺣﺪ ﻭﻳﺎ ﻳﺸﺘﻐﻞ ﻋﻠﻰ ﺍﻟﺤﺴﺎﺑﺎﺕ ﻻﻥ ﺍﻟﻮﻟﺪ ﺍﻟﻲ ﺟﺎﻥ ﻣﺸﻐﻠﻪ ﻳﺒﻮﻙ ﺑﺪﺧﻞ ﻭﻳﺮﻳﺪ ﻭﺍﺣﺪ ﺍﻣﻴﻦ
ﺳﺠﺎﺩ : ﻭﺍﻛﻴﺪ ﺍﻧﻲ ﺍﻟﻤﻨﺸﻮﺩ
ﺍﻟﺤﺎﺝ ﻋﻤﺮ : ﺍﻱ ﺍﻧﺘﻪ ﺍﻟﻤﻨﺸﻮﺩ ﺑﺲ ﺳﺠﺎﺩ ﻣﻮ ﻣﺜﻞ ﻛﻞ ﻣﺮﻩ ﺗﺘﻌﺎﺭﻙ ﻭﺗﺴﻮﻳﻠﻚ ﻣﺸﻜﻠﻪ ﻭﺗﺒﻄﻞ ﻭﺭﺍﻙ ﺟﺎﻣﻌﻪ ﻭﻣﺼﺎﺭﻳﻔﻬﺎ ﻫﻮﺍﻱ
ﺳﺠﺎﺩ : ﺣﺠﻲ ﺍﻧﺘﻪ ﺗﻌﺮﻓﻨﻲ ﺯﻳﻦ ﺍﻧﻲ ﺭﻭﺣﻲ ﺻﻐﻴﺮﻩ ﻭﻣﺎﺍﺗﺤﻤﻞ ﻭﺍﺣﺪ ﻳﺼﻴﺢ ﻋﻠﻴﻪ ﺍﻭ ﻳﻬﻴﻨﻲ ﻋﻠﻤﻮﺩ ﺷﻐﻠﻪ ﺍﻫﻢ ﺷﻲ ﻛﺮﺍﻣﺘﻲ
ﺍﻟﺤﺎﺝ ﻋﻤﺮ : ﻣﺪﺍﻡ ﺍﻧﺘﻪ ﺍﺟﻴﺮ ﺗﺸﺘﻐﻞ ﻭﺗﺮﻳﺪ ﺗﻌﻴﺶ ﻻﺯﻡ ﺗﺘﺤﻤﻞ ﻛﻠﺸﻲ ﺍﺫﺍ ﺿﻞ ﻫﻴﺞ ﻣﺮﺍﺡ ﺗﻜﺪﺭ ﺗﻌﻴﺶ ﺍﻧﻲ ﻟﻮ ﻋﻨﺪﻱ ﺷﻐﻞ ﻗﻮﻱ ﺑﻠﻤﺤﻞ ﻭﻋﻠﻴﻪ ﺳﺤﺐ ﺟﺎﻥ ﺷﻐﻠﺘﻚ ﻭﻳﺎﻳﻪ ﺑﺲ ﻫﻠﺸﻮﻑ ﺑﻠﻴﻮﻡ ﺍﺑﻴﻌﻠﻲ ﻗﻄﻌﺘﻴﻦ ﺛﻼﺛﻪ
ﺳﺠﺎﺩ : ﺍﻟﻠﻪ ﻳﺮﺯﻗﻚ ﺣﺠﻲ
ﺍﻟﺤﺎﺝ ﻋﻤﺮ : ﺑﻠﻴﻞ ﺗﻌﺎﻝ ﻣﺮ ﻋﻠﻴﻪ ﻟﻠﺒﻴﺖ ﻭﻣﻨﺎﻙ ﻧﺮﻭﺡ ﻟﻠﺮﺟﺎﻝ
ﺳﺠﺎﺩ : ﺍﻥ ﺷﺎﺀﺍﻟﻠﻪ ﺣﺠﻲ ، ﻳﺎﻟﻠﻪ ﺍﻧﻲ ﺍﺭﻭﺡ ﺍﺭﺟﻊ ﻟﻠﺒﻴﺖ
ﺍﻟﺤﺎﺝ ﻋﻤﺮ : ﺍﻟﻠﻪ ﻭﻳﺎﻙ ﺍﺑﻨﻲ
ﻧﺪﻯ ﻓﻲ ﺍﻟﺒﻴﺖ ﺗﻄﺒﺦ ﺍﻟﻐﺪﺍﺀ ﻭﺍﻟﺪﺗﻪ ﻣﺎﺯﺍﻟﺖ ﺗﻌﻤﻞ ﻋﻠﻰ ﻣﻜﻴﻨﻪ ﺍﻟﺨﻴﺎﻃﻪ ﻣﺮﺗﺪﻳﺎ ﺍﻟﻨﻈﺎﺭﺍﺕ ﺍﻟﻄﺒﻴﻪ
ﻳﺪﺧﻞ ﺳﺠﺎﺩ ﺍﻟﻰ ﺍﻟﺒﻴﺖ
ﺍﻻﻡ : ﻫﺎﺍ ﻳﻤﻪ ﺻﺎﺭ ﻭﻳﺎﻙ
ﺳﺠﺎﺩ : ﺑﻌﺪ ﻣﺎﻛﻮ ﺷﻲ ﻟﺤﺪ ﺍﻻﻥ ، ﻧﺪﻯ ﺭﺍﺣﺖ
ﺍﻻﻡ : ﻻ ﺑﻠﻤﻄﺒﺦ ﺩﺳﻮﻱ ﺍﻛﻞ
ﺳﺠﺎﺩ : ﻣﺒﺮﻭﻙ ﻋﻠﻴﻨﻪ ﻏﺴﻞ ﺍﻟﻤﻌﺪﻩ ﻣﻘﺪﻣﺎ
ﻧﺪﻯ ﻣﻦ ﺍﻟﻤﻄﺒﺦ ﻗﺎﺋﻠﻪ : ﺳﻤﻌﺘﻚ ﺳﻤﻌﺘﻚ ﻟﺘﺎﻛﻞ ﻟﻌﺪ ﺭﻭﺡ ﺍﻛﻞ ﻣﻦ ﺑﺮﺍ
ﺳﺠﺎﺩ : ﻫﺎﻱ ﻣﻮ ﺍﻧﻲ ﺍﻟﻲ ﺣﺠﻴﺖ ﻫﻴﺞ ﻭﺍﺣﺪ ﺣﺠﻪ ﻭﺷﺮﺩ
( ﺗﺪﻕ ﺍﻟﺒﺎﺏ )
ﻳﺬﻫﺐ ﺳﺠﺎﺩ ﻟﻔﺘﺤﻬﺎ ، ﻳﻈﻬﺮ ﺭﺟﻞ ﺣﺎﻣﻼ ﺣﻘﻴﺒﻪ ﺻﻐﻴﺮﻩ ﻭﺩﻓﺘﺮ ﻭﺻﻮﻻﺕ
ﺍﻟﺮﺟﻞ : ﻫﺬﺍ ﺑﻴﺖ ﻋﻠﻲ ﺣﻴﺪﺭ
ﺳﺠﺎﺩ ﺍﻱ
ﺍﻟﺮﺟﻞ : ﺍﻧﻲ ﺍﺑﻮ ﺍﻟﻜﻬﺮﺑﺎﺀ ﻭﻋﻠﻴﻜﻢ ٢٥ ﺍﻟﻒ
ﺳﺠﺎﺩ : ﻣﻤﻜﻦ ﺗﺪﺧﻞ ﺟﻮﺍ ﺍﺭﻳﺪ ﺍﺷﻮﻓﻚ ﺷﻲ
ﺍﻟﺮﺟﻞ : ﺷﻨﻮ ﺷﻜﻮ
ﺳﺠﺎﺩ : ﻻ ﺗﺨﺎﻑ ﺑﺲ ﺗﻌﺎﻝ ﻃﺐ
ﻳﺪﺧﻞ ﺍﻟﺮﺟﻞ ﺍﻟﻰ ﺍﻟﺒﻴﺖ
ﺳﺠﺎﺩ : ﻳﻤﻪ ﻫﺬﺍ ﺍﺑﻮ ﺍﻟﻜﻬﺮﺑﺎﺀ
ﺍﻻﻡ : ﻳﺎﻳﻤﻪ ﻫﻲ ﻭﻳﻨﻬﺎ ﺍﻟﻜﻬﺮﺑﺎﺀ ﻣﺸﻮﻑ ﺍﻟﺒﻴﺖ ﻣﺎﺑﻲ ﻛﻬﺮﺑﺎﺀ
ﺍﻟﺮﺟﻞ : ﻳﻤﻪ ﺍﻧﻲ ﻣﻮﻇﻒ ﻗﺎﺑﻞ ﻣﻮﻟﺪ ﻣﺎﻝ ﻛﻬﺮﺑﺎﺀ ﻟﻮ ﻭﺯﻳﺮ
ﺗﺨﺮﺝ ﻧﺪﻯ ﻣﻦ ﺍﻟﻤﻄﺒﺦ ﻗﺎﺋﻠﻪ : ﺷﺪﻋﻮﻩ ﻋﻴﻨﻲ ﻫﻴﺞ ﻋﺼﺒﺖ ﻭﺍﺗﻨﺮﻓﺰﺕ ﻫﺬﺍ ﺍﻟﺒﻴﺖ ﻛﺪﺍﻣﻚ ﻭﻳﻦ ﺍﻟﻜﻬﺮﺑﺎﺀ
ﺳﺠﺎﺩ : ﺍﺣﺐ ﺍﻋﺮﻓﻚ ( ﻳﺸﻴﺮ ﺑﻴﺪﻩ ﺍﻟﻰ ﻧﺪﻯ ) ﺍﻟﻤﺤﺎﻣﻴﻪ ﻣﺎﻝ ﺍﻟﻌﺎﺋﻠﻪ
ﻧﺪﻯ : ﺷﻜﺮﺍ ﺳﻮﺟﻲ
ﺍﻟﺮﺟﻞ : ﺍﻧﺘﻮﺍ ﻋﺎﺋﻠﻪ ﻣﺨﺒﻠﻪ ﻟﻮﻧﺎﺻﺒﻴﻦ ﻋﻠﻴﻪ ﻫﺎﻙ ﻫﺬﺍ ﺍﻟﻮﺻﻞ ﻭﺭﻭﺡ ﻟﺪﺍﺋﺮﻩ ﺍﻟﻜﻬﺮﺑﺎﺀ ﺳﺪﺩ ﻋﻮﺩ
ﻳﻐﺎﺩﺭ ﺍﻟﺮﺟﻞ ﺍﻟﺒﻴﺖ
ﻧﺪﻯ : ﻭﺍﻧﻲ ﻫﻢ ﻃﺎﻟﻌﻪ ﺭﺍﺡ ﺍﺭﺟﻊ ﻟﻠﺒﻴﺖ ﻭﺍﻟﻐﺪﺍ ﺻﺒﻴﺘﻪ ﻭﺧﻠﻴﺘﻪ ﻋﻠﻰ ﺍﻟﻤﻴﺰ
ﺍﻻﻡ : ﺷﻜﺮﺍ ﺑﻨﻴﺘﻲ ﺑﺎﺟﺮ ﺗﺠﻴﻦ ﻟﻮ ﻻ
ﻧﺪﻯ : ﻭﺍﻟﻠﻪ ﺧﺎﻟﻪ ﻣﺎﺍﻋﺮﻑ ﺑﻌﺪ ﺍﻟﻴﻮﻡ ﺑﺘﻮﺍﺳﻴﻞ ﻳﺎﻟﻠﻪ ﺧﻼﻧﻲ ﺍﺑﻮﻳﻪ ﺍﻃﻠﻊ
ﺳﺠﺎﺩ : ﺣﻘﻪ ﺍﻟﺮﺟﺎﻝ ﻳﺨﺎﻑ ﻋﻠﻰ ﺍﻣﻴﺮﻩ ﺍﻟﻘﺼﺮ
ﺍﻻﻡ : ﺑﺲ ﻭﻟﻚ ﻋﻴﺐ
ﻧﺪﻯ : ﻻ ﺧﺎﻟﻪ ﺧﻠﻲ ﻫﻮ ﻣﻦ ﻳﺤﺠﻲ ﻫﻴﺞ ﺑﺪﺍﻓﻊ ﺍﻟﺤﺐ ﺍﺩﺭﻱ ﺑﻲ ، ﻳﺎﻟﻠﻪ ﻣﻊ ﺳﻼﻣﻪ
ﺍﻻﻡ : ﺍﻟﻠﻪ ﻭﻳﺎﺝ ﺑﻨﻴﺘﻲ ، ﺳﺠﺎﺩ ﻳﺎﻟﻠﻪ ﻳﻤﻪ ﺧﻞ ﻧﺘﻐﺪﻩ
ﻧﺪﻯ ﺗﺠﻠﺲ ﻣﻊ ﻭﺍﻟﺪﺗﻬﺎ
ﺍﻡ ﻧﺪﻯ : ﻫﺎ ﻭﻟﺞ ﺷﺴﻮﻳﺘﻲ
ﻧﺪﻯ : ﻣﺜﻞ ﻣﺎﻛﻠﺘﻲ ﺣﻄﻴﺘﻪ ﺑﻤﺮﻛﻪ ﻭﻗﺮﻳﺖ ﻋﻠﻴﻪ
ﺍﻡ ﻧﺪﻯ : ﺑﻌﺪ ﻫﺬﺍ ﺍﻟﻌﻤﻞ ﺭﺍﺡ ﻳﺮﻛﺾ ﻭﺭﺍﺝ ﻫﺴﻪ ﺷﻮﻓﻴﻦ
ﻧﺪﻯ : ﻳﻤﻪ ﻛﻞ ﻣﺮﻩ ﺗﻜﻮﻟﻴﻦ ﻧﻔﺲ ﺍﻟﺤﺠﻲ ﻭﻣﺎﻛﻮ ﺍﻧﻮﺏ ﻳﺒﺘﻌﺪ ﻋﻨﻲ ﺍﻛﺜﺮ
ﺍﻡ ﻧﺪﻯ : ﻻ ﻫﻠﻤﺮﻩ ﺍﺗﺼﻴﺐ ﺍﻡ ﻓﺮﺍﺱ ﺧﻮﺵ ﺍﺳﻮﻱ ﺍﻋﻤﺎﻝ
ﻳﺪﺧﻞ ﺍﻻﺏ ﻗﺎﺋﻼ : ﻫﺎﺍ ﺷﻮ ﻛﺎﻋﺪﺍﺕ ﺍﺗﺒﺴﺒﺴﻦ ﺧﻴﺮ
ﺍﻡ ﻧﺪﻯ : ﻻ ﻣﺎﻛﻮ ﺷﻲ
ﺍﻻﺏ : ﺍﺷﻠﻮﻧﻬﺎ ﺍﻡ ﺳﺠﺎﺩ
ﻧﺪﻯ : ﺯﻳﻨﻪ ﻭﺳﻠﻢ ﻋﻠﻴﻚ ﻫﻮﺍﻱ
ﺍﻻﺏ ﻭﻋﻠﻴﻜﻢ ﺍﻟﺴﻼﻡ ، ﻭﺳﺠﺎﺩ ﻣﻮﺟﻮﺩ
ﻧﺪﻯ : ﺍﻱ ﻗﺒﻞ ﺷﻮﻳﻪ ﺭﺟﻊ ﺧﻄﻴﻪ ﺍﻟﻴﻮﻡ ﺍﻟﻘﺒﻮﻻﺕ ﻣﺎﻝ ﺍﻟﺠﺎﻣﻌﺔ ﻭﻟﺴﻪ ﻣﺎﻃﻠﻌﻦ ﻭﺩﻳﻨﺘﻈﺮ
ﺍﻻﺏ : ﺍﻟﻠﻪ ﻳﺴﻬﻠﻪ ﺍﻥ ﺷﺎﺀﺍﻟﻠﻪ ، ﻳﺎﻟﻠﻪ ﻛﻮﻣﻦ ﺣﻀﺮﻥ ﺍﻟﻐﺪﺍ
( ﻓﻲ ﺑﻴﺖ ﺳﺠﺎﺩ )
ﻳﺠﻠﺲ ﺳﺠﺎﺩ ﻣﻊ ﻭﺍﻟﺪﺗﻪ ﻳﺎﻛﻠﻮﻥ ﻭﺟﺒﻪ ﺍﻟﻐﺪﺍﺀ
ﺳﺠﺎﺩ : ﻳﻤﻪ ﺍﻟﻤﺮﻛﻪ ﻣﻮ ﺑﻴﻬﺎ ﻣﺮﻭﺭﻩ
ﺍﻻﻡ : ﻳﻌﻨﻲ ﺧﻴﻂ ﻣﺮﻭﺭﻩ ﺍﻛﻮ
ﺳﺠﺎﺩ : ﺍﻭﻝ ﻣﺮﻩ ﺍﻛﻞ ﻓﺎﺻﻮﻟﻴﺎ ﻣﺮﻩ
ﺍﻻﻡ : ﺍﻛﻞ ﻳﻤﻪ ﺍﻛﻞ ﻣﺎﺑﻴﻬﺎ ﺷﻲ ﻭﺃﺣﻤﺪ ﺍﻟﻠﻪ ﻋﻠﻰ ﺍﻟﻨﻌﻤﻪ
ﺳﺠﺎﺩ : ﺍﻟﺤﻤﺪﻟﻠﻪ
( ﺑﻌﺪ ﻣﺮﻭﺭ ﺳﺎﻋﺎﺕ )
ﺑﻴﻨﻤﺎ ﺳﺠﺎﺩ ﻧﺎﺋﻢ ﻭﻭﺍﻟﺪﺗﻪ ﻣﺎﺯﺍﻟﺖ ﺗﻌﻤﻞ ﻋﻠﻰ ﻣﺎﻛﻨﻪ ﺍﻟﺨﻴﺎﻃﻪ ﻳﺮﻥ ﻫﺎﺗﻒ ﺳﺠﺎﺩ ﻳﺴﺘﻴﻘﻆ ﻭﻳﺠﻴﺐ
ﺳﺠﺎﺩ : ﺍﻟﻮﻭ ﻫﺎ ﻟﻄﻴﻒ _ ﺻﺪﻙ _ ﻳﺎﻟﻠﻪ ﺟﺎﻳﻚ ﺟﺎﻳﻚ ، ﻳﻤﻪ ﻳﻤﻪ ﻃﻠﻌﻦ ﺍﻟﻘﺒﻮﻻﺕ ﺭﺍﺡ ﺍﺭﻭﺡ ﺍﺷﻮﻓﻬﻦ
ﺍﻻﻡ : ﺻﺪﻙ ﻳﻤﻪ ﺷﻄﻠﻌﻠﻚ
ﺳﺠﺎﺩ : ﻣﺎﺍﺩﺭﻱ ﻫﺴﻪ ﺍﺭﻭﺡ ﺍﺷﻮﻑ ﻻﻥ ﺻﺎﻳﺮﻩ ﻫﻮﺳﻪ ﻳﻢ ﻟﻄﻴﻒ ﻛﻞ ﺍﻟﻄﻼﺏ ﻣﻠﺘﻤﻴﻦ ﻳﻤﻪ
ﺍﻻﻡ : ﺭﻭﺡ ﺍﺑﻨﻲ ﻭﺍﻥ ﺷﺎﺀﺍﻟﻠﻪ ﺍﻟﻠﻪ ﻳﻔﺮﺡ ﻗﻠﺒﻚ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق