رواية ليلى و الفصلية اختي ج2 الجزء الأول
للكاتبة انوو
.
.
ﺣﻤﺰﻩ : ﺍﻧﻲ ﻟﻴﻠﻰ
ﺻﺪﻣﻨﻲ ﺑﺠﻴﺘﻪ ﻭﻣﺎﺍﻋﺮﻑ ﺷﻌﻮﺭﻱ ﻭﻓﺮﺣﺘﻲ ﻭﺭﺟﻔﺖ ﻛﻠﺒﻲ
ﻭﺑﻼ ﻭﻋﻲ ﻭﺑﻼ ﺗﻔﻜﻴﺮ ﺣﻀﻨﺘﻪ ﺑﻜﻞ ﻗﻮﺗﻲ
ﺣﻤﺰﻩ : ﻟﻴﻠﻰ
ﺍﻧﻲ : ﺍﺣﺒﻚ
ﻭﻧﺰﻟﺖ ﺩﻣﻌﺘﻲ ﻭﻣﺎﺍﻫﺘﻤﻴﺖ ﻻ ﻣﻄﺮ ﻭﻻ ﻫﺎﻟﻪ ﻭﻻ ﺍﻱ ﺍﺣﺪ ﻭﺍﺷﻤﻪ ﻭﺑﺴﺘﻪ ﺑﺸﻔﺎﻳﻔﻪ ﺑﻜﻞ ﻗﻮﺗﻲ ﻫﺬﺍ ﺣﻤﺰﻩ ﺟﺘﺎﻟﻲ ﻭﺭﻭﺣﻲ ﻭﻋﻤﺮﻱ
ﺣﻤﺰﻩ : ﻟﻴﻠﻰ
ﺍﻧﻲ : ﺍﺷﺸﺸﺸﺶ
ﻭﺑﺴﺘﻪ ﺑﻜﻞ ﻟﻬﻔﻪ ﻭﻣﺎﺍﻋﺮﻑ ﻟﻴﺶ ﻣﺎﻓﻜﺮﺕ ﺑﺎﺣﺪ ﺍﺷﺘﻴﺎﻗﻲ ﺍﻟﻪ ﻓﺎﺿﺢ
ﻭﺍﻻﺣﻠﻰ ﻫﻮﻩ ﺣﻀﻨﻲ ﻭﺑﺎﺳﻨﻲ ﺑﺮﺍﺳﻲ ﻭﺩﻣﻮﻋﻨﺎ ﺗﺠﺮﻱ
ﺍﻧﻲ : ﻟﻴﺶ ﻋﻔﺘﻨﻲ ﺣﻤﺰﻩ ﻟﻴﺶ ﺗﺮﻛﺖ ﻧﺎﺳﻚ ﻭﺍﻫﻠﻚ ﻟﻴﺶ ﻫﻴﺞ ﻋﺎﻗﺒﺖ ﺣﺒﻨﺎ ﻟﻴﺎﻟﻲ ﺍﻧﺘﻈﺮﻙ ﻭﻳﻮﻣﻴﻪ ﺍﻛﻮﻝ ﺑﺎﺟﺮ ﻭﺍﻟﻠﻪ ﺑﻌﺜﻚ ﺍﻟﻲ ﺗﻌﺮﻑ ﺷﺴﻮﻳﺖ ﺍﻧﺖ
ﺍﻧﻲ ﺍﺑﺠﻲ ﻭﻣﻬﻤﻮﻣﻪ ﻭﺍﺣﺠﻲ ﻭﻳﺎﻩ ﺑﺤﺮﻛﻪ
ﻭﺫﻛﺮﺕ ﺧﺎﻟﻪ ﺍﻡ ﺣﻤﺰﻩ
# ﻗﺼﺺ _ Ano_Ano
ﻣﻦ ﺑﺸﺮﻯ ﺟﺎﺑﺖ ﻭﻟﺪ ﺧﺎﻟﺘﻲ ﺣﺰﻧﺖ ﻭﺍﻧﻜﺴﺮﺕ ﻭﻣﻬﻤﻮﻣﻪ ﺍﻛﺜﺮ ﻭﺑﺸﺮﻯ ﺭﺟﻌﺖ ﻻﻫﻠﻬﺎ ﺍﻃﻠﻜﺖ ﻭﺧﻠﺖ ﺍﻳﻤﻦ ﻳﻢ ﺧﺎﻟﺘﻲ ﻭﺍﻧﻲ ﻭﻳﻪ ﺧﺎﻟﻪ ﺗﻘﺮﻳﺒﺎ ﺳﻜﻨﺖ ﻳﻤﻬﺎ
ﺍﻧﻲ : ﺧﺎﻟﻪ ﻫﻢ ﺯﻋﻼﻧﻪ ﻣﻨﻲ ﺍﻭ ﻣﺤﻤﻠﻪ ﻣﺴﺌﻮﻟﻴﺔ ﺳﻔﺮ ﺣﻤﺰﻩ ﺑﺴﺒﺒﻲ
ﺧﺎﻟﻪ : ﻳﺎﻳﻤﻪ ﻋﻤﺮﻱ ﻣﺎﺍﺯﻋﻞ ﻣﻨﺞ ﺍﻧﺘﻲ ﻣﻮ ﺳﺒﺐ ﺍﻧﺘﻲ ﺗﺤﺒﻲ ﻭﺗﺼﺮﻓﺞ ﺻﺢ ﺍﺑﻨﻲ ﻣﺎﺑﻲ ﺧﻴﺮ ﻭﺗﺮﻙ ﺍﻣﻪ ﺍﻟﻲ ﻓﻨﺖ ﻋﻤﺮﻫﺎ ﻛﻠﻪ ﺍﻟﻪ ﻭﺗﺮﻙ ﻣﺮﺗﻪ ﻭﻫﻮﻩ ﻃﻠﺐ ﺍﺧﻄﺒﻠﻪ ﻭﺍﺯﻭﺟﻪ ﻭﺗﺮﻙ ﻫﺬﺍ ﺍﺑﻨﻪ ﻭﺗﻴﺘﻢ ﺑﻼ ﺍﻡ ﻭﻻ ﺍﺏ ﻳﺎﺧﺎﻟﻪ ﺍﻣﻪ ﺗﺰﻭﺟﺔ ﻭﺍﺑﻮ ﻣﺎﻧﻌﺮﻑ ﻭﻳﻨﻪ ﻭﺍﻟﻴﻮﻡ ﻳﻤﻲ ﻭﻣﻦ ﺍﻏﻤﺾ ﻋﻴﻮﻧﻲ ﺍﻟﻠﻪ ﻳﻌﻠﻢ ﻭﻳﻦ ﻳﺮﻭﺡ
ﺍﻧﻲ : ﺧﺎﻟﻪ ﻻﺗﺼﻮﺭﻳﻦ ﺍﺗﺮﻙ ﺍﻳﻤﻦ ﺑﻌﻴﻮﻧﻲ ﺍﺧﻠﻲ ﻭﺍﻧﺘﻲ ﺑﻠﻮﺟﻮﺩ ﻭﺍﻥ ﺷﺎﺀ ﺍﻟﻠﻪ ﻳﺮﺟﻊ ﺣﻤﺰﻩ ﺧﺎﻟﻪ ﻭﻳﺮﺑﻲ ﺍﺑﻨﻪ
ﺧﺎﻟﻪ : ﻟﻴﻠﻰ ﺍﺫﺍ ﻣﺎﺍﺷﻮﻑ ﺍﺑﻨﻲ ﻭﺗﻐﻤﺾ ﻋﻴﻨﻲ ﺍﺑﺪ ﻻﺗﻌﻮﻓﻴﻦ ﺍﻳﻤﻦ ﻭﻣﻦ ﻳﺮﺟﻊ ﺣﻤﺰﻩ ﻛﺎﻓﻲ ﺍﺗﺰﻭﺟﻮﺍ ﺍﻟﻠﻪ ﺧﺎﻟﻘﻜﻢ ﻟﺒﻌﺾ ﻭﻛﻠﺒﻜﻢ ﻭﺣﺒﻜﻢ ﺻﺎﻓﻲ
ﺍﻧﻲ ﻣﺎﺗﺤﻤﻠﺖ ﻛﻼﻣﻬﺎ ﻭﺣﻀﻨﺘﻬﺎ ﻭﻛﻤﺖ ﺍﺑﺠﻲ
ﺍﻧﻲ : ﺧﺎﻟﻪ ﻣﺸﺘﺎﻗﺘﻠﻪ ﻭﻣﺎﺍﻛﺪﺭ ﻋﻠﻰ ﻓﺮﺍﻛﻪ ﻛﻠﺒﻲ ﻃﻚ ﻋﻠﻴﻪ ﺷﺴﻮﻱ ﻭﺳﺎﻛﺘﻪ ﺳﺎﻛﺘﻪ ﻭﻣﺎﺍﺭﻳﺪ ﺍﺷﻜﻲ ﻫﻤﻮﻣﻲ ﻭﻛﻠﺒﻲ ﺑﻌﺪ ﻣﺎﻳﺼﺒﺮ ﻋﻠﻰ ﺍﻟﺴﻜﺘﻪ ﻭﻟﺞ ﺧﺎﻟﻪ ﺗﺮﻛﻨﻲ ﻭﺍﻧﻲ ﻋﻄﺮﻩ ﻳﻜﻔﻴﻨﻲ
ﻭﺑﻘﻴﺖ ﺍﺑﺠﻲ ﻭﻫﻴﻪ ﺗﺴﻜﺘﻨﻲ ﻭﺩﻣﻮﻋﻬﺎ ﻭﻳﺎﻱ
ﺧﺎﻟﻪ : ﺍﺥ ﻣﻨﻚ ﺣﻤﺰﻩ ﻭﻣﻦ ﺳﻮﺍﻟﻔﻚ ﻛﺎﻓﻲ ﻟﻴﻠﻰ ﻳﺎﻳﻤﻪ ﻛﻞ ﻫﺬﺍ ﺣﺒﺞ ﻭﺳﺎﻛﺘﻪ
ﺍﻧﻲ : ﻳﺎﺧﺎﻟﻪ ﻋﻔﺘﻪ ﻣﺎﺍﺭﻳﺪ ﺍﻛﺘﻞ ﺣﺒﻨﺎ ﻭﺍﻋﺮﻓﻪ ﻳﺮﻳﺪ ﺑﺰﺭ ﻣﻨﻲ ﺍﻭﻝ ﻳﻮﻡ ﺑﻠﻘﺎﺋﻨﺎ ﻭﺭﺍﺩ ﺑﺰﺭ ﻣﻨﻲ ﺣﻤﺰﻩ ﺣﺎﻓﻈﺘﻪ ﻳﺤﺒﻨﻲ ﺻﺢ ﺑﺲ ﻳﺠﻲ ﻭﻛﺖ ﻳﻜﻠﻲ ﺍﺭﻳﺪ ﺑﺰﺭﻩ ﻭﻣﺎﺍﺗﺤﻤﻞ ﺍﻧﺠﺮﺡ ﻣﻨﺎ ﺑﻴﻮﻡ ﻣﻦ ﺍﻻﻳﺎﻡ ﺍﺗﺤﻤﻞ ﺍﻧﺠﺮﺡ ﻣﻦ ﻛﻞ ﺍﻟﺒﺸﺮ ﺍﻟﻪ ﺣﻤﺰﻩ ﻣﺎﺍﺗﺤﻤﻞ
ﻭﺑﻘﻴﺖ ﺍﺑﺠﻲ ﻣﺜﻞ ﺍﻟﻄﻔﻞ ﻭﺧﺎﻟﺘﻲ ﺗﺴﻜﺘﻨﻲ
ﻭﻣﺮﺕ ﺍﻳﺎﻡ ﻭﺣﻴﺎﺗﻲ ﻋﺎﺩﻳﻪ ﺑﺲ ﺑﺪﻳﺖ ﺍﻧﻜﺴﺮ ﻭﺭﻭﺣﻲ ﻭﻗﻮﺗﻲ ﺗﻀﻌﻒ ﺍﻟﺤﺐ ﻭﺍﻟﻔﺮﺍﻙ ﺿﻌﻔﻨﻲ
ﻭﺑﻴﻮﻡ ﻣﻄﺮ ﺧﺎﺑﺮﻧﻲ ﺍﻧﻲ ﺑﻴﺖ ﺧﺎﻟﺘﻲ ﻭﻃﻠﺐ ﺍﺟﻴﻬﻢ ﺑﺴﺮﻋﻪ ﻭﺭﺣﺖ ﺭﻛﺾ ﺗﻮﻗﻌﺖ ﻫﺎﻟﻪ ﻣﺮﻳﻀﻪ ﻭﻣﺎﺗﻜﺪﺭ ﻋﻠﻰ ﺍﺑﻨﻬﺎ ﻋﻤﺎﺭ ﻭﻣﻦ ﻭﺻﻠﺖ ﻟﻜﻴﺖ ﻫﺎﻟﻪ ﺗﺒﺠﻲ
ﺍﻧﻲ : ﺍﺷﺒﻴﺞ ﻭﻟﺞ
ﻫﺎﻟﻪ : ﻟﻴﻠﻰ ﺍﻡ ﺟﻤﺰﻩ ﺗﺨﺮﺑﻄﺖ ﻋﺪﻧﺎ ﻭﻣﺎﻧﻌﺮﻑ ﺷﻨﺴﻮﻱ ﻭﻫﺴﻪ ﺍﺧﺬﻫﺎ ﻟﻠﻤﺴﺘﺸﻔﻰ ﻣﻄﺮ ﻭﺟﻴﺮﺍﻧﻪ ﺑﻴﺖ ﺍﺑﻮ ﺑﻬﺎﺀ ﻭﻋﺎﻓﻮﺍ ﺍﻳﻤﻦ ﻳﻤﻲ
ﻳﻤﻪ ﻛﻠﺒﻲ ﻛﻤﺸﻨﻲ ﻋﺒﺎﻟﻚ ﺍﻣﻲ ﻣﻮ ﺍﻡ ﺣﻤﺰﻩ ﺍﻭﻭﻑ ﺣﻤﺰﻩ ﺣﺘﻰ ﺍﻣﻚ ﺍﺣﺒﻬﺎ ﻭﺍﻋﺸﻘﻬﺎ ﻋﻠﻰ ﺣﺒﻚ ﻭﺭﺩﺕ ﺍﻣﺸﻲ ﻭﻣﺎﺑﻘﺎﻟﻲ ﺣﻴﻞ ﻋﻠﻰ ﺧﺎﻟﺘﻲ
ﻫﺎﻟﻪ : ﻭﻳﻦ ﻟﻴﻠﻰ
ﺍﻧﻲ : ﻻﻣﻲ ﻳﺎﻫﺎﻟﻪ ﺍﻣﻲ ﺍﻟﻲ ﺧﻠﻴﺖ ﺍﺑﻨﻬﺎ ﻳﺘﺮﻛﻬﺎ ﺑﺴﺒﺒﻲ
ﻭﺩﻣﻮﻋﻲ ﺗﻨﺰﻝ ﻭﻃﻠﻌﺖ ﻭﺍﻧﻲ ﻭﺣﺪﻱ ﻭﺭﺣﺖ ﻟﻠﻤﺴﺘﺸﻔﻰ ﻭﺍﺩﻭﺭ ﻋﻠﻴﻬﻢ ﺑﻠﺮﺩﻫﺎﺕ ﺍﻟﻰ ﺍﻥ ﺷﻔﺖ ﻣﻄﺮ
ﺍﻧﻲ : ﻭﻳﻦ ﺧﺎﻟﻪ ﻣﻄﺮ
ﻣﻄﺮ ﻳﺒﺠﻲ
ﻣﻄﺮ : ﻣﺎﻟﺤﻜﺘﻲ ﻋﻠﻴﻬﺎ
ﺍﻧﻲ : ﻻ ﻣﻄﺮ ﻻ ﻻﺗﻤﻮﺕ ﻭﺗﻌﻮﻓﻨﺎ ﻣﻄﺮ ﻻﺗﻤﻮﺕ ﻭﺣﻴﺪﻩ ﻭﻻﺍﺑﻨﻬﺎ ﻭﻻ ﺑﺘﻬﺎ ﺑﺤﻀﻨﻬﺎ ﻳﻤﻪ ﺧﺎﻟﻪ ﻻ
ﻭﺭﻛﻀﺖ ﻟﻜﻴﺘﻬﻢ ﻣﻠﻔﻠﻔﻴﻬﺎ ﻭﺑﻨﺎﺗﻬﺎ ﻳﺼﺎﺭﺧﻦ ﻋﻠﻰ ﺍﻣﻬﻦ ﻭﺧﺮﺕ ﺍﻟﻐﻄﻪ ﻋﻨﻬﺎ ﻭﺍﺑﺎﻭﻉ ﻋﻠﻰ ﻭﺟﻬﺎ ﻣﻀﻮﻱ
ﺍﻧﻲ : ﺧﺎﻟﻪ ﺍﻛﻌﺪﻱ ﺧﺎﻟﻪ ﻻﺗﻌﻮﻓﻴﻨﻲ ﻭﺍﻧﺘﻲ ﺭﻳﺤﺘﻪ ﻭﻛﻞ ﺍﻣﻠﻲ ﻭﻛﻞ ﺍﻧﻔﺎﺳﻪ ﺍﺷﺘﻤﻬﺎ ﺑﻴﺞ ﻭﻟﺞ ﺧﺎﻟﻪ ﺍﻧﺘﻲ ﺣﻤﺰﺗﻲ ﺧﺎﻟﻪ ﺍﻳﻤﻦ ﺷﻠﻮﻥ ﺗﻌﻮﻓﻲ ﻭﺷﻠﻮﻥ ﺗﻐﻤﻀﻴﻦ ﻋﻴﻮﻧﺞ ﻭﻣﺎﻣﻠﻴﺘﻴﻬﻦ ﺑﺸﻮﻓﺔ ﺍﺑﻨﺞ ﻳﺎﺧﺎﻟﻪ ﺣﻤﺰﻩ ﻳﻤﻮﺕ ﻛﻮﻣﻲ ﺍﻛﻌﺪﻱ ﻻﺗﻤﻮﺗﻴﻦ ﻳﺎﺧﺎﻟﻪ ﻛﻮﻣﻲ
ﻭﺳﺤﺒﻮﻧﻲ ﻣﻨﻬﺎ ﺑﻠﻜﻮﻩ ﻭﻣﺎﺗﻤﻨﻴﺖ ﺍﺗﺮﻛﻬﺎ
ﻭﻛﻤﻠﻨﺎ ﺍﻟﻔﺎﺗﺤﻪ ﻭﺩﻣﻮﻋﻲ ﻭﺍﻧﻲ ﻭﺍﻳﻤﻦ ﺑﺤﻀﻨﻲ ﻭﻣﺎﻓﺎﺭﻛﺘﻪ ﻭﺍﺷﺘﻤﻪ ﻭﺍﺑﺠﻲ ﻋﻠﻴﻪ ﺑﻌﺪ ﻣﺎﺍﺷﻮﻓﻪ ﻭﻣﺎﻧﻌﺮﻑ ﻭﻳﻦ ﻳﺮﻭﺡ ﺣﺴﻴﺖ ﺍﻟﺪﻧﻴﺎ ﺍﻧﺘﻬﺖ ﻭﻣﺎﻛﻮ ﺍﻣﻞ ﺍﻋﻴﺶ ﻭﺣﻴﺎﺗﻲ ﺻﺎﺭﺕ ﺳﻮﺩﻩ
ﻭﻣﻄﺮ ﺍﺟﺎﻧﻲ ﻭﺑﺎﻳﺪﻩ ﺭﺳﺎﻟﺘﻴﻦ
ﺍﻧﻲ : ﻫﺎﻱ ﺷﻨﻮ
ﻣﻄﺮ : ﺧﺎﻟﺘﻲ ﻗﺒﻞ ﻣﺎﺗﻤﻮﺕ ﺑﺸﻬﺮﻳﻦ ﺍﻧﻄﺘﻨﻴﺎﻫﻦ ﻛﻠﺘﻠﻲ ﺧﺎﻑ ﺍﻣﻮﺕ ﺗﻨﻄﻴﻬﻦ ﻝ ﻟﻴﻠﻰ ﻭﺣﺪﻩ ﺍﻟﺞ ﻭﻭﺣﺪﻩ ﻟﺤﻤﺰﻩ ﻭﻣﺎﺗﻔﺘﺤﻴﻬﺎ ﺭﺳﺎﻟﺔ ﺣﻤﺰﻩ ﻣﻦ ﻳﺮﺟﻊ ﺗﻨﻄﻴﻬﺎ ﺍﻟﻪ
ﺍﻧﻲ : ﻳﻤﻪ ﺧﺎﻟﻪ ﺗﺪﺭﻱ ﺑﻨﻔﺴﻬﺎ ﺭﺍﺡ ﺗﻤﻮﺕ ﺭﺑﻲ ﻟﻴﺶ ﻫﻴﺞ ﺗﻌﺎﻗﺒﻨﻲ ﺍﻧﻲ ﻋﺒﺪﻙ ﺍﻟﻔﻘﻴﺮ ﻛﺎﻓﻲ ﺍﺭﺣﻤﻨﻲ ﻣﺎﺍﺗﺤﻤﻞ ﺑﻌﺪ ﺻﺪﻣﺎﺕ
ﻫﺎﻟﻪ : ﺑﺲ ﻟﻴﻠﻰ ﻛﺎﻓﻲ ﺑﻮﺍﺟﻲ ﻭﺍﻟﻠﻪ ﺭﺍﺡ ﺗﻤﻮﺗﻴﻦ
ﻭﺑﻠﻴﻞ ﻳﺎﻟﻪ ﻓﺘﺤﺖ ﺭﺳﺎﻟﺘﻬﺎ ﻭﻗﺮﻳﺘﻬﺎ ﻭﻳﺎﺭﻳﺖ ﻣﺎﻗﺮﻳﺘﻬﺎ
( ﻳﻤﻪ ﻟﻴﻠﻰ ﺍﻳﻤﻦ ﺑﺮﻛﺒﺘﺞ ﻭﺑﺸﺮﻯ ﻣﺎﺗﺮﻳﺪﻩ ﻭﺗﻌﺮﻑ ﻭﺑﺮﺿﺎﺗﻬﺎ ﺍﻧﺘﻲ ﺗﺮﺍﻋﻴﻨﺎ ﺧﻠﻲ ﺍﻟﻠﻪ ﺑﻴﻦ ﻋﻴﻮﻧﺞ ﻭﻳﺎﻩ ﻭﻻﺗﺄﺫﻱ ﻭﺭﺑﻴﻪ ﻭﺣﺒﻲ ﻣﺜﻞ ﺍﺑﻨﺞ ﻭﺍﻋﺘﺒﺮﻱ ﺍﻧﺘﻲ ﺍﻣﻪ ﻭﺍﻧﺘﻲ ﺍﻡ ﺍﻳﻤﻦ ﻭﺣﻤﺰﻩ ﺯﻋﻼﻧﻪ ﻋﻠﻴﻪ ﻣﺘﺖ ﻭﺍﻧﻲ ﺯﻋﻼﻧﻪ ﻋﻠﻰ ﺍﺑﻨﻲ ﺗﺮﻙ ﺍﺑﻨﻪ ﻭﺣﻴﺪ ﺑﻬﺎﻱ ﺍﻟﺪﻧﻴﺎ ﻭﻻﺗﺼﻴﺮﻳﻦ ﻣﺜﻠﻪ ﻭﺗﺮﻛﻴﻦ ﺍﺑﻨﺞ ﻭﻋﻔﺘﻠﻪ ﺍﻟﺒﻴﺖ ﻭﺻﺮﻣﺎﻳﺘﻲ ﺑﻠﻤﺼﺮﻑ ﻭﺩﻓﺘﺮ ﺍﻟﺤﺴﺎﺏ ﺑﻠﻈﺮﻑ ﻭﺑﺎﺳﻤﺞ ﻭﺭﺑﻴﻪ ﺍﻳﻤﻦ ﻭﺍﻟﺒﻴﺖ ﻣﻄﺮ ﻳﺴﺎﻋﺪﺝ ﻭﻣﻔﻬﻤﺘﻪ ﻭﻳﺎﻳﻤﻪ ﺍﺩﺭﻱ ﺭﺍﺡ ﺗﻨﺘﻈﺮﻳﻦ ﺣﻤﺰﻩ ﻭﺳﻠﻤﺘﻠﺞ ﺍﻳﻤﻦ ﺍﻣﺎﻧﻪ ﺑﺮﻛﺒﺘﺞ ﻣﻮ ﻟﺤﻤﺰﻩ ﺍﻳﻤﻦ ﺍﻟﺞ ﻭﻳﺎﻳﻤﻪ ﺣﻴﺎﺗﺞ ﺍﺑﻨﺞ ﺍﻳﻤﻦ )
ﺍﺻﻌﺐ ﺭﺳﺎﻟﻪ ﺍﻗﺮﺍﻫﺎ ﻭﺍﺻﻌﺐ ﺷﻌﻮﺭ ﻭﻣﺎﺍﻋﺮﻑ ﺷﻜﻮﻝ ﻭﺷﺤﺠﻲ ﻭﺷﺼﺮﻑ ﻭﻣﺴﺌﻮﻟﻴﻪ ﺻﻌﺒﻪ ﻭﻣﺎﺗﻮﻗﻌﺘﻬﺎ ﻭﺑﻘﻴﺖ ﻳﻮﻣﻴﻦ ﺍﻓﻜﺮ ﻭﺩﺍﻳﺨﻪ ﻭﺍﺟﺘﻲ ﺑﺸﺮﻯ ﻋﻠﻴﻪ ﺗﻌﺰﻳﻨﻲ ﺑﺨﺎﻟﺘﻲ ﻭﺣﺠﺖ ﻭﻳﺎﻱ
ﺑﺸﺮﻯ : ﻟﻴﻠﻰ ﺍﻧﻲ ﻭﺧﺎﻟﺘﻲ ﻣﺘﻔﻘﻴﻦ
ﺍﻧﻲ : ﻻﺗﻜﻤﻠﻴﻦ ﺍﻋﺮﻑ ﻭﺍﺩﺭﻱ ﻭﻛﻠﺘﻠﻲ ﺑﺲ ﻫﺬﺍ ﺍﺑﻨﺞ
ﺑﺸﺮﻯ : ﺯﻭﺟﻲ ﻣﺎﻳﺮﻳﺪﻩ ﻭﻣﺎﻳﻘﺒﻞ ﺑﻲ ﻭﺍﻧﻲ ﺣﺎﻣﻞ ﻭﺣﻤﺰﻩ ﺧﻄﺄ ﻭﺷﺮﺩ ﻭﻣﺎﺍﻛﺪﺭ ﺍﺗﺤﻤﻞ ﺧﻄﺄ ﻛﺎﻓﻲ
ﺍﻧﻲ : ﺍﺑﻨﺞ ﻣﻮ ﺧﻄﺄ ﺑﺸﺮﻯ ﻫﺬﺍ ﺿﻨﻪ
ﺑﺸﺮﻯ : ﺍﻋﺮﻑ ﺑﺲ ﺭﺟﻠﻲ ﻣﺎﻳﺮﻳﺪﻩ ﺷﺴﻮﻱ ﻭﺍﻫﻠﻲ ﻣﺎﻳﺮﺩﻭﻧﻪ ﻭﺍﻫﻞ ﺣﻤﺰﻩ ﻧﺎﺱ ﻫﻤﺞ ﻭﺧﺎﻟﺘﻲ ﻭﺻﺘﻨﻲ ﻣﺎﺍﺩﺯﻩ ﺍﻟﻬﻢ ﻭﻳﻌﻴﺶ ﻭﻳﺎﺝ ﻭﻭﻳﻪ ﻣﻄﺮ ﻋﻤﻪ
ﺍﻧﻲ : ﻣﺴﺌﻮﻟﻴﻪ ﺻﻌﺒﻪ ﻣﻮ ﻫﻴﻨﻪ ﻭﻟﻌﻴﻮﻥ ﺧﺎﻟﻪ ﻭﺍﻳﻤﻦ
ﺑﺸﺮﻯ : ﺍﻳﻤﻦ ﻣﺎﻳﻠﻜﻪ ﺣﻀﻦ ﺩﺍﻓﻲ ﻣﺜﻞ ﺣﻀﻨﺞ ﻭﺣﺒﺞ ﻭﺣﻨﺎﻧﺞ
ﺑﺸﺮﻯ ﺣﺠﺖ ﻛﻼﻣﻬﺎ ﻭﻃﻠﻌﺖ ﻭﻋﺎﻓﺘﻨﻲ ﺍﻧﻲ ﺑﻤﺼﻴﺒﺘﻲ
ﻭﺣﻤﻠﺘﻨﻲ ﺍﻟﺴﺒﺐ ﺳﻔﺮ ﺣﻤﺰﻩ ﻭﺣﻤﺰﻩ ﺳﺎﻓﺮ ﻭﺧﻼﻧﻲ ﺍﻋﻴﺶ ﺑﺬﻧﺐ ﻭﺭﺑﻴﺖ ﺍﻳﻤﻦ ﻭﺧﻠﻴﺘﻪ ﺑﻌﻴﻮﻧﻲ ﻭﻛﺒﺮﺗﻪ ﻭﺻﺮﻓﺖ ﻋﻠﻴﻪ ﻣﻦ ﻣﺎﻟﻲ ﻭﻓﻠﻮﺳﻪ ﻛﻠﻪ ﺑﻠﻤﺼﺮﻑ ﻭﻣﺎﺍﺗﺼﺮﻓﺖ ﺑﻴﻬﻦ ﻭﻭﺍﺟﻬﺖ ﺍﻟﻤﺠﺘﻤﻊ ﻭﻛﻠﻬﺎ ﺭﻓﻀﺖ ﻭﺟﻮﺩﻩ ﺑﺲ ﺍﻧﻲ ﻣﺎﺭﻓﻀﺘﻪ ﻭﺗﻤﺴﻜﺖ ﺑﻲ ﻭﻛﻞ ﺣﻴﺎﺗﻲ ﺻﺎﺭ ﻭﺍﺑﻨﻲ
# ﻗﺼﺺ _ Ano_Ano
ﺣﻤﺰﻩ : ﻟﻴﻠﻰ
ﺍﻳﻤﻦ : ﻣﺎﻣﺎ 😭😭😭😭
ﺍﻧﻲ ﺍﻟﺘﻔﺘﺖ ﻋﻠﻰ ﺍﻳﻤﻦ ﻳﺒﺠﻲ ﻭﺧﺎﻳﻒ ﻛﻠﺒﻪ ﻳﻌﻠﻤﻪ ﻫﺬﺍ ﺍﺑﻮﻩ ﻭﻣﺎﺍﻋﺮﻑ ﺷﻠﻮﻥ ﺍﺷﺮﺣﻠﻪ
ﻣﻄﺮ : ﺣﻤﺰﻩ ﻫﺬﺍ ﺍﻳﻤﻦ
ﺣﻤﺰﻩ : ﻳﺎﺍﻳﻤﻦ
ﻫﺎﻟﻪ : ﺍﺑﻨﻚ
ﺣﻤﺰﻩ : ﺷﻨﻮﻭﻭﻭﻭ
ﺍﻧﻲ : ﻫﺬﺍ ﺍﻳﻤﻦ ﺍﺑﻦ ﺑﺸﺮﻯ ﻭﺍﺑﻨﻚ
ﺍﻧﺼﺪﻡ ﺣﻤﺰﻩ ﺏ ﺍﻳﻤﻦ ﻭﻳﺒﺎﻭﻋﻠﻪ ﻣﺴﺘﻐﺮﺏ
ﺍﻧﻲ : ﺍﻳﻤﻦ ﺗﻌﺎﻝ ﻣﺎﻣﺎ ﺳﻠﻢ ﻋﻠﻰ ﺑﺎﺑﺎ
ﺍﻳﻤﻦ ﺧﺎﻳﻒ ﻣﻦ ﺣﻤﺰﻩ ﻭﺣﻤﺰﻩ ﺻﺎﻓﻦ ﻋﻠﻰ ﺍﻟﺴﺎﻟﻔﻪ ﻭﺍﻟﻘﺼﻪ ﻛﻠﻬﺎ
ﻭﺷﻠﺖ ﺍﻳﻤﻦ ﻭﺍﺧﺬﺗﻪ ﻳﻢ ﺣﻤﺰﻩ ﻭﺣﻀﻨﺘﻪ ﻭﺣﻤﺰﻩ ﻣﺘﺮﺩﺩ ﻳﺸﻴﻞ ﺍﻳﻤﻦ
؟؟؟؟؟ : ﺣﻤﺰﻩ ﻫﺎﻱ ﺷﻨﻮ 😡
ﺍﺑﺎﻭﻉ ﻭﺣﺪﻩ ﺣﻠﻮﻩ ﻭﻃﻮﻳﻠﻪ ﻭﺟﺴﻢ ﻭﺟﻤﺎﻝ ﻭﺳﻤﺎﺭ ﻭﻛﻠﺒﻲ ﻋﺼﺮﻧﻲ
ﺍﻧﻲ : ﻫﺎﻱ ﻣﻨﻮ
؟؟؟؟؟ : ﺣﺒﻴﺒﺘﻲ ﺍﻧﺘﻲ ﻣﻨﻮ
ﺍﻧﻲ ﻣﺎﺍﻫﺘﻤﻴﺖ ﺍﻟﻬﺎ ﻭﻋﻴﻮﻧﻲ ﺑﻌﻴﻮﻥ ﺣﻤﺰﻩ
ﺍﻧﻲ : ﺣﻤﺰﻩ ﻫﺎﻱ ﻣﻨﻮ ﺍﺣﺠﻲ
ﺣﻤﺰﻩ : ﺍﻡ ﻣﺮﻳﻢ
ﺍﻧﻲ : ﻣﻨﻮ ﺍﻡ ﻣﺮﻳﻢ
ﻣﻄﺮ : ﻟﻴﻠﻰ ﻣﻮ ﻭﻛﺘﻬﺎ ﻫﺴﻪ
ﺍﻧﻲ : ﺣﻤﺰﻩ ﻣﻨﻮ ﺍﻡ ﻣﺮﻳﻢ
ﺣﻤﺰﻩ : ﺯﻭﺟﺘﻲ
ﺍﻧﻲ : 😱😱😱😱
.
.
ﺍﻧﻲ : ﺣﻤﺰﻩ ﺍﻧﺖ ﻣﺰﻭﺝ
ﺣﻤﺰﻩ : ﻟﻴﻠﻰ ﺍﻓﻬﻤﻲ
ﺍﻧﻲ : ﺗﻌﺮﻑ ﺍﻧﺖ ﻣﻦ ﺭﺣﺖ ﺷﺼﺎﺭ ﺑﻴﻪ ﺗﻌﺮﻑ ﻟﻮ ﻻ
ﺍﻳﻤﻦ ﻛﺎﻡ ﻳﺒﺠﻲ ﻭﻳﺼﺮﺥ ﻭﺍﺑﺎﻭﻋﻠﻪ ﻣﺎﺍﻋﺮﻑ ﺍﻧﻘﻬﺮ ﻋﻠﻴﻪ ﺍﺣﺒﻪ ﺍﻛﺮﻩ ﺗﺬﻛﺮﺕ ﺷﻠﻮﻥ ﻭﺍﺟﻬﺖ ﺍﻟﻤﺠﺘﻤﻊ ﻣﻦ ﻣﺎﺗﺖ ﺧﺎﻟﺘﻲ ﺍﻡ ﺣﻤﺰﻩ ﻭﺑﺸﺮﻯ ﺳﻠﻤﺘﻠﻲ ﺍﺑﻨﻬﺎ
ﺑﻌﺪ ﻣﺎﺗﻮﻓﺖ ﺧﺎﻟﺘﻲ ﺻﺎﺭ ﺍﻳﻤﻦ ﻛﻞ ﺣﻴﺎﺗﻲ ﻭﺍﺧﺬﻩ ﻭﻳﺎﻱ ﻟﺪﻳﻮﺍﻧﻴﻪ ﻭﺍﺑﻮﻱ ﻣﺎﻗﺒﻞ ﺑﻲ
ﺍﺑﻮﻱ : ﻟﻴﻠﻰ ﺍﻧﻲ ﻣﺎﺍﻗﺒﻞ ﻫﺬﺍ ﺍﻟﻔﺮﺥ ﺗﺮﺑﻲ ﺑﻮﻳﻪ ﺗﻀﺤﻜﻴﻦ ﺍﻟﻌﺎﻟﻢ ﻋﻠﻴﻨﺎ
ﺍﻧﻲ : ﺑﻮﻳﻪ ﺷﻨﻮ ﻗﺼﺘﻚ ﺍﻟﻠﻪ ﻫﺪﺍﻩ ﺍﻟﻲ ﺍﺭﺑﻲ ﻭﻫﻮﻩ ﻣﺎﻋﻨﺪﻩ ﺍﻫﻞ ﻭﺍﻧﻲ ﻣﺎﻋﻨﺪﻱ ﻃﻔﻞ ﻭﺧﻠﻴﻨﻲ ﺍﺭﺑﻲ
ﺍﺑﻮﻱ : ﻟﻴﻠﻰ ﻣﺎﻳﺼﻴﺮ
ﺍﻧﻲ : ﺑﻮﻳﻪ ﺍﻟﻠﻪ ﻳﺨﻠﻴﻜﻚ ﺧﻠﻲ ﻳﻌﻴﺶ ﻭﻳﺎﻱ ﺍﻧﻲ ﻣﺤﺘﺎﺟﻪ ﺍﻟﻀﻨﻰ
ﺍﺑﻮﻱ : ﻛﻮﻟﻲ ﻫﺬﺍ ﺍﺑﻦ ﺣﻤﺰﻩ ﻟﻬﺬﺍ ﺗﺮﻳﺪﻳﻨﻪ ﻟﻴﻠﻰ ﺣﻴﺎﺗﺞ ﺑﻌﺪﻫﺎ ﻭﺍﻟﻒ ﻭﺍﺣﺪ ﻳﺘﻤﻨﺎﺝ ﻳﺎﺑﻮﻳﻪ ﺣﺘﻰ ﺍﺫﺍ ﻣﺎﻳﺼﻴﺮ ﻋﻨﺪﺝ ﻓﺮﺥ ﺍﻟﺪﻧﻴﺎ ﺑﺨﻴﺮ ﻭﺍﻟﻔﺮﺥ ﻣﺶ ﻛﻠﺸﻲ ﺑﻠﺤﻴﺎﺓ ﻳﺎﻟﻴﻠﻰ ﺍﻟﻄﺮﻳﻖ ﻛﺪﺍﻣﺞ ﻭﻫﺬﺍ ﻳﻘﻴﺪﺝ ﻭﺗﺘﻨﺪﻣﻴﻦ ﺑﻌﺪﻳﻦ
ﺍﻧﻲ : ﻣﺎﺍﺗﻨﺪﻡ ﺑﻮﻳﻪ
ﻭﺍﺣﻨﻪ ﻧﺤﺠﻲ ﺩﺧﻞ ﻋﻤﻲ ﻭﻳﺼﻴﺢ
ﻋﻤﻲ : ﺍﺭﻳﺪ ﻓﻠﻮﺳﻲ ﺍﺑﻨﻚ ﺗﻠﺘﻠﻨﻲ ﺩﻳﻮﻥ ﻭﻭﺭﻃﻨﻲ
ﺗﻔﺎﺟﺄﻧﻪ ﺑﻜﻼﻣﻪ ﺷﻨﻮ ﺩﻳﻮﻥ
ﺍﺑﻮﻱ : ﺷﻨﻮ ﻗﺼﺘﻚ ﻳﺎﺧﻮﻳﻪ
ﻋﻤﻲ : ﺍﺑﻨﻚ ﻧﻄﻠﺒﻪ ﻓﻠﻮﺱ ﻭﺍﺭﻳﺪ ﻓﻠﻮﺳﻲ
ﺍﺑﻮﻱ : ﻭﻟﻚ ﻣﺨﺒﻞ ﻭﺍﻧﻲ ﻣﻦ ﻭﻳﻦ ﻛﻞ ﻫﺬﺍ ﺍﻟﻤﺒﻠﻎ
ﺍﻧﻲ : ﻋﻤﻲ ﻣﺤﺪ ﻛﻠﻚ ﺗﻨﻄﻲ ﻟﻤﺤﻤﻮﺩ
ﻭﺍﻧﺨﺒﺼﻨﺎ ﺑﻘﺼﺔ ﻣﺤﻤﻮﺩ ﻭﺍﺑﻮﻱ ﺗﺨﺒﻞ ﻭﺣﻤﺪﻳﻪ ﺗﺨﺒﻠﺖ ﻭﺻﺮﺕ ﺑﻤﻮﻗﻒ ﺍﺳﺘﺤﻲ ﻣﻦ ﻭﺟﻮﺩ ﺍﻳﻤﻦ ﺑﺲ ﺻﺎﺑﺮﻩ ﻟﺨﺎﻃﺮ ﺟﺘﺎﻟﻲ ﻭﺍﺑﻮﻱ ﻳﺨﺘﻨﻚ ﺑﺲ ﻣﺎﺍﻛﺪﺭ ﺍﺗﺮﻛﻪ ﻭﻫﺬﺍ ﺍﺑﻦ ﺣﻤﺰﻩ
ﻭﻣﺮﺕ ﻋﻠﻴﻨﺎ ﻳﻮﻣﻴﻦ ﻭﺍﺟﻮﻧﺎ ﺯﻟﻢ ﻫﺪﺕ ﻋﻠﻴﻨﺎ ﻭﻳﺮﺩﻭﻥ ﻓﻠﻮﺳﻬﻢ ﻭﻋﻤﻲ ﺩﺯﻫﻢ ﻋﻠﻴﻨﺎ ﻭﺍﺑﻮﻱ ﻳﻘﻬﺮ ﺣﺎﻟﻪ ﻭﺧﺎﺑﺮﻧﺎ ﻣﺤﻤﻮﺩ ﻭﻳﺎﺭﻳﺖ ﺍﺑﻮﻱ ﻣﺎﺧﺎﺑﺮﻩ
ﺍﺑﻮﻱ : ﻣﺤﻤﻮﺩ ﺷﻨﻬﻲ ﺍﻟﻘﻀﻴﻪ
ﻣﺤﻤﻮﺩ : ﺑﻮﻳﻪ ﻭﻓﻲ ﺍﻟﻌﺎﻟﻢ ﺑﺪﺍﻝ ﻣﺎﺗﻮﺯﻉ ﻟﺒﻨﺎﺕ ﺑﻨﻴﻪ ﻭﺗﺴﺠﻞ ﺍﻻﻣﻼﻙ ﺗﺮﻩ ﻣﺎﺻﺎﺭ ﺷﻲ ﻫﺎﻟﻪ ﺗﺰﻭﺟﺖ ﻭﻟﻴﻠﻰ ﻣﺴﺘﻘﺮﻩ ﻭﺧﺒﺼﺘﻮﻧﻲ ﺧﺒﺺ ﻭﻣﻌﺎﻗﺐ ﺍﺑﻨﻚ ﻋﻠﻰ ﺑﻨﺎﺕ ﺑﻨﻴﻪ ﺟﺎﺑﻠﻚ ﺍﻟﻌﺎﺭ ﻭﺍﻧﻲ ﺍﻟﻲ ﺗﻔﺘﺨﺮ ﺑﻴﻪ ﻣﺎﺗﺮﻳﺪﻧﻲ ﻭﻣﺘﺒﺮﻱ ﻣﻨﻲ ﺍﻧﻲ ﺍﻟﺪﻛﺘﻮﺭ ﺍﻟﻨﺎﺱ ﻛﻠﻬﺎ ﺗﺤﺠﻲ ﺑﻴﻪ ﻭﺍﻧﺘﻪ ﻳﺎﺟﺒﺎﺭ ﺻﺎﻳﺮ ﻛﺮﻥ ﺑﺴﺒﺐ ﺑﻨﺎﺗﻚ
ﺍﺑﻮﻱ : ﺍﻧﺠﺐ ﻭﻟﻚ ﺷﻠﻮﻥ ﻫﺠﻲ ﺗﺤﺠﻲ ﻋﻠﻰ ﺍﺑﻮﻙ ﻭﻟﻚ ﺍﻧﻲ ﺍﺑﻮﻙ ﺗﻌﺮﻑ ﺷﻨﻮ ﺍﺑﻮﻙ ﻭﺍﺧﻮﺍﺗﻚ ﺍﻟﻲ ﻭﻛﻔﻠﻚ
ﺍﺑﻮﻱ ﺩﻳﺤﺠﻲ ﻭﻭﻛﻊ ﻋﻠﻴﻨﺎ ﻭﻛﻤﻨﺎ ﻧﺘﺼﺎﺭﺥ ﻭﻧﺼﻴﺢ ﻭﺍﺧﺬﻧﺎﻩ ﻟﻠﻤﺴﺘﺸﻔﻰ ﻭﺍﺑﻮﻱ ﺣﻠﻜﻪ ﺍﻧﻌﻮﺝ
ﻭﺧﻄﻴﻪ ﺑﻌﺪ ﺭﻭﺣﻲ ﺍﺑﻮﻱ ﻃﻠﺒﻨﻲ ﻭﻳﺤﺠﻲ ﻭﻳﺎﻱ ﺑﻠﻜﻮﻩ
ﺍﺑﻮﻱ : ﺳﺎﻣﺤﻴﻨﻲ ﻳﺎﻟﻴﻠﻰ ﺍﻧﻲ ﺍﻋﺮﻑ ﻫﺎﻟﻪ ﺭﺍﺣﺖ ﺑﻴﻮﻡ ﺍﻟﻔﺼﻠﻴﻪ ﻣﺶ ﺍﻧﺘﻲ ﻭﺳﻜﺘﺖ ﻭﺧﻠﻴﺘﻬﺎ ﺗﺮﻭﺡ ﺑﺪﺍﻟﺞ ﻣﺎﻛﻮ ﺍﺏ ﻣﺎﻳﻌﺮﻑ ﺭﻳﺤﺔ ﺍﺑﻨﻪ ﻳﺎﺑﻮﻳﻪ ﺳﺎﻣﺤﻴﻨﻲ
ﻭﻏﻤﻀﺖ ﻋﻴﻦ ﺍﺑﻮﻱ ﻋﻴﻦ ﺍﺑﻮﻱ ﻭﺍﻫﻠﻲ ﻭﻃﻮﺍﻳﻔﻲ ﻭﺳﻨﺪﻧﺎ ﻭﺭﻳﺤﺘﻪ
ﺍﻧﻲ : ﻳﺎﺑﻮﻳﻪ ﻳﻠﺤﺒﻴﺐ ﻳﺎﺑﻮﻳﻪ ﻭﻟﻚ ﺍﻧﺘﻪ ﻣﻦ ﺭﻳﺤﺔ ﺍﻣﻨﺎ ﻭﺧﻴﻤﺘﻨﺎ ﻭﻟﻚ ﻳﺎﻳﺎﺑﻪ ﺗﺮﻭﺡ ﻭﺗﻌﻮﻓﻨﺎ ﺍﻟﻤﻦ ﻭﺍﺣﻨﻪ ﺑﻨﺎﺕ ﺑﻮﻳﻪ ﺗﻮﻓﻴﺖ ﻭﻣﺎﻛﻮ ﻭﻟﺪ ﺍﻟﻲ ﻳﺪﻓﻨﻚ ﺍﺥ ﻳﺎﺑﻮﻳﻪ ﻣﺘﺖ ﻭﺍﻟﺤﺼﺮﻩ ﺑﻜﻠﺒﻚ
ﻭﺍﻧﻌﻲ ﻭﺍﺣﺠﻲ ﻭﻳﺎﻩ
ﺟﺎﺳﻢ : ﻛﺎﻓﻲ ﻟﻴﻠﻰ ﻛﻮﻣﻲ
ﻭﻣﺎﺍﻗﺒﻞ ﺍﻋﻮﻑ ﺍﺑﻮﻱ ﻭﺣﺎﺿﻨﺘﻪ ﻭﺍﺟﺘﻲ ﺳﻬﺎﻡ ﺗﺮﻛﺾ ﺷﺎﻓﺖ ﺍﺑﻮﻱ ﻭﺗﺒﺠﻲ ﻭﺗﺒﻮﺱ ﺑﺮﺟﻠﻴﻪ
ﺳﻬﺎﻡ : ﻳﻤﻪ ﻻﺑﻮﻳﻪ ﻻ ﻻﺩﻛﻠﻲ ﺗﺮﻭﺡ ﻣﺎﺷﻔﺘﻚ ﻭﻣﺎﻟﺤﻜﺖ ﻋﻠﻴﻚ ﺑﻮﻳﻪ ﻛﻮﻡ ﺗﺮﻭﺡ ﻭﻣﺎﺗﻮﺩﻉ ﺑﻨﻴﺘﻚ ﺑﻮﻳﻪ ﻻﺗﻔﺎﺭﻛﻨﺎ ﻭﺍﺣﻨﻪ ﻣﺎﺍﻟﻨﺎ ﻏﻴﺮﻙ ﺑﻮﻳﻪ ﻫﺎﻱ ﺭﺟﻠﻚ ﺑﻮﻳﻪ ﺑﻌﺪ ﻣﺎﺍﺑﻮﺳﻬﺎ ﻳﺎﺑﻮﻳﻪ ﺍﻛﻌﺪ ﺑﻮﻳﻪ ﺍﺧﺬ ﻋﻤﺮﻧﺎ ﻭﻻﺗﺮﻭﺡ
ﺍﻧﻲ : ﻓﺎﺭﻛﻴﻨﻪ ﻳﺨﻴﻪ ﻭﻓﺎﺭﻛﻨﺎ ﻭﻳﻤﻪ ﻳﺎﺑﻮﻳﻪ ﺭﺣﺖ ﻭﻣﺎﻭﺩﻋﺘﻨﺎ ﻭﻣﺎﻭﺩﻋﺖ ﺑﻨﺎﺗﻚ ﺑﻮﻳﻪ ﺍﻛﻌﺪ ﻭﺍﺷﺘﻢ ﺍﻟﻬﻮﻯ ﺑﻮﻳﻪ ﺍﻟﻤﻦ ﺍﺷﻜﻴﻠﻪ ﻫﻤﻲ ﺑﻮﻳﻪ ﻣﺘﺖ ﺑﺤﺼﺮﺗﻚ ﻋﻠﻴﻪ ﺑﻮﻳﻪ ﺍﺣﺠﻴﻠﻚ ﻫﻤﻲ ﻭﺍﻧﺖ ﺗﻠﻮﻡ ﺑﻨﻔﺴﻚ ﻳﺎﺑﻮﻳﻪ ﺣﺎﻣﻞ ﺟﺒﻞ ﻋﻠﻰ ﺻﺪﺭﻙ ﻭﺍﻧﻲ ﺍﺯﻳﺪ ﻫﻤﻚ ﺍﺥ ﻳﻤﻪ ﺍﺧﺬﺗﻲ ﻣﻨﺎ ﻳﺎﻳﻤﻪ ﻫﻮﻩ ﻫﺬﺍ ﺣﺒﺞ ﺍﻟﻨﺎ ﻳﺎﻳﻤﻪ ﺗﺮﻛﺘﻴﻨﺎ ﻭﺗﺴﺤﺒﻴﻦ ﺍﺑﻮﻧﺎ ﻣﻨﺎ ﻭﻟﺞ ﻳﻤﻪ ﻣﻨﺎ ﺍﻟﻨﺎ
ﻣﺎﺕ ﻭﺭﺍﺡ ﺍﺑﻮﻧﺎ ﻭﺗﺮﻛﻨﺎ ﻭﺗﻌﺬﺑﻨﺎ ﻋﻠﻰ ﻓﺮﺍﻛﻪ ﻭﺣﻘﺪﻧﺎ ﻋﻠﻰ ﻣﺤﻤﻮﺩ ﻭﻣﺤﺪ ﻳﻌﺮﻑ ﺑﻜﻼﻡ ﻣﺤﻤﻮﺩ ﻭﻳﻪ ﺍﺑﻮﻱ ﺑﺲ ﺍﻧﻲ ﻭﺳﻬﺎﻡ ﻭﻣﺤﺪ ﻳﻌﺮﻑ ﺑﻜﻼﻡ ﺍﺑﻮﻱ ﺍﻟﻲ ﻣﻦ ﺍﻋﺘﺮﻓﻠﻲ ﻫﻢ ﺑﺲ ﺍﻧﻲ ﻭﺳﻬﺎﻡ ﻭﺳﻜﺘﻨﺎ ﻭﻣﺎﺣﺠﻴﻨﺎ ﻭﻣﺮﺕ ﺍﻳﺎﻡ ﻭﺍﺷﻬﺮ ﻭﺍﺣﻨﻪ ﺣﺰﻧﺎ ﺗﺎﺭﺱ ﺑﻴﺘﻨﺎ ﻭﺗﻤﻨﻴﺖ ﺣﻤﺰﻩ ﻳﻤﻲ ﻳﺼﺒﺮﻧﻲ ﻭﺟﻨﺖ ﺍﺧﺘﻨﻚ ﺍﺷﺘﺎﻕ ﻻﺑﻮﻱ ﻭﺣﻤﺰﻩ ﻭﻣﺎﺍﻟﻲ ﺑﺲ ﺍﻳﻤﻦ ﺍﺣﻀﻨﻪ ﻭﺍﺷﻜﻲ ﻫﻤﻲ ﺍﻟﻪ ﻭﺍﺻﺮﺥ ﻭﻳﺎﻩ ﻣﺜﻞ ﺍﻟﻄﻔﻞ ﻋﻠﻰ ﺣﺒﻲ ﻻﺑﻮﻩ
ﻭﺣﻘﺪﻱ ﻭﻏﻠﻲ ﻟﻤﺤﻤﻮﺩ ﻧﺎﺭ ﺑﻜﻠﺒﻲ ﻭﻣﺮﺕ ﺳﻨﻴﻦ ﻭﻣﺤﻤﻮﺩ ﻳﺮﻳﺪ ﻳﺠﻲ ﻭﺍﻧﻲ ﻣﺎﺍﻗﺒﻞ ﺍﻭﻓﻲ ﺩﻳﻮﻧﻪ ﻭﻣﺎﺍﻗﺒﻞ ﺍﺳﺎﻋﺪﻩ ﻭﺍﻟﺠﻠﺐ ﺧﻠﻪ ﻣﺤﺎﻣﻲ ﻭﻳﺮﻳﺪ ﻳﺒﻴﻊ ﺑﻴﺖ ﺍﺑﻮﻧﺎ ﻭﺍﻧﻲ ﺗﺨﺮﺟﺖ ﻭﺑﻴﺖ ﺍﺑﻮﻧﺎ ﺳﺪﻳﻨﺎﻩ ﻭﺣﻤﺪﻳﻪ ﺭﺍﺣﺖ ﻋﺪ ﺑﻨﺎﺗﻬﺎ ﻭﺍﻣﻞ ﻭﺳﻤﻴﺮﻩ ﻣﻴﺮﺩﻭﻧﺎ ﺑﻌﺪ ﺑﺲ ﻫﻴﺒﺖ ﻭﻳﺎﻧﺎ ﻋﻼﻗﺘﻬﺎ ﻭﺍﻧﻲ ﺍﺳﺘﻘﺮﻳﺖ ﺑﻐﺪﺍﺩ ﻭﺍﺷﺘﺮﻳﺖ ﺑﻴﺖ ﻭﺳﺠﻠﺘﻪ ﺑﺎﺳﻢ ﺍﻳﻤﻦ ﻭﺍﻣﻼﻙ ﺍﺧﻮﺍﺗﻲ ﺣﻮﻟﺘﻬﻦ ﻭﺻﻴﻪ ﻭﻣﻮﺛﻘﻪ ﻭﻣﺤﺪ ﻳﺪﺭﻱ ﺑﺲ ﺍﻧﻲ ﻭﺳﻬﺎﻡ ﻭﻛﻌﺪﻧﺎ ﺑﻐﺪﺍﺩ ﺍﻧﻲ ﻭﺍﻳﻤﻦ ﻭﻫﺎﻟﻪ ﻭﻣﻄﺮ ﻭﺍﻭﻻﺩﻫﻢ
ﻭﺍﻧﻲ ﻣﺎﻧﺴﻴﺖ ﺣﻤﺰﻩ ﻭﻻﻳﻮﻡ ﻭﺣﺒﻲ ﺍﻟﻪ ﻳﻮﻡ ﺑﻌﺪ ﻳﻮﻡ ﻳﻜﺒﺮ ﻭﺍﺷﺘﺎﻗﻠﻪ ﻭﺍﺷﺘﻬﻲ ﻭﻫﻮﻩ ﻣﺎﻛﻮ ﻭﺍﻳﻤﻦ ﻳﺼﺒﺮﻧﻲ ﻋﻠﻰ ﻓﺮﺍﻙ ﺍﺑﻮﻩ
.
.
ﻣﻄﺮ : ﻟﻴﻠﻰ ﺷﺒﻴﺞ
ﻫﺎﻟﻪ ﻟﻴﻠﻰ ﻻﺗﺼﻔﻨﻴﻦ ﻳﻤﻪ ﺍﺧﺘﻲ ﺷﺒﻴﺞ
ﺍﻧﻲ ﺍﺑﺎﻭﻉ ﻋﻠﻰ ﺣﻤﺰﻩ ﻭﺣﺎﻗﺪﻩ ﻋﻠﻴﻪ ﻭﻣﺎﺍﻋﺮﻑ ﺍﻧﻘﻬﺮ ﻋﻠﻴﻪ ﺍﻧﻘﻬﺮ ﻣﻨﺎ ﺍﺯﻋﻞ ﺍﺭﺍﺿﻲ ﺍﻓﺮﺡ ﺍﺣﺰﻥ ﺑﺲ ﻣﺎﺍﻛﺪﺭ ﻏﻴﺮ ﻛﻠﻤﻪ ﺑﺎﻟﻲ ﻳﺎﻭﺳﻔﻪ
ﺣﻤﺰﻩ : ﻟﻴﻠﻰ
ﺍﻡ ﻣﺮﻳﻢ : ﺣﻤﺰﻩ ﻣﻨﻮ ﻫﺬﻱ ﺑﺸﺮﻯ
ﻣﻄﺮ : ﻟﻴﻠﻰ
ﺍﻡ ﻣﺮﻳﻢ : ﻣﻨﻮ ﻟﻴﻠﻰ
ﻗﻬﺮﺗﻨﻲ ﺗﻌﺮﻑ ﺑﺸﺮﻯ ﻭﻣﺎﻣﺴﻮﻟﻔﻠﻬﺎ ﻋﻠﻴﻪ ﻭﻻﺗﻌﺮﻓﻨﻲ ﻭﻻ ﻣﻌﺘﺮﻓﻠﻬﺎ ﺑﺤﺒﻪ ﺍﻟﻲ ﻳﺎﺭﻳﺖ ﻣﺘﺖ ﻭﻣﺎﺍﺷﻮﻑ ﻫﺬﺍ ﺍﻟﻤﻮﻗﻒ ﺑﻠﺤﻈﻪ ﻻﺍﺳﻤﻊ ﻭﻻﺍﻛﺪﺭ ﺍﻧﻄﻖ ﻭﻻ ﺍﻛﺪﺭ ﺍﺗﺤﺮﻙ
ﻫﺎﻟﻪ : ﻟﻴﻠﻰ ﺑﻴﺞ ﺷﻲ
ﺍﻧﻲ ﺑﺲ ﺻﺎﻓﻨﻪ ﻋﻠﻰ ﺣﻤﺰﻩ ﻭﻋﻴﻮﻧﻲ ﺑﻌﻴﻮﻧﻪ ﻭﺩﻣﻮﻋﻲ ﺗﺠﺮﻱ ﺍﻋﺎﺗﺒﻪ ﺍﻱ ﺍﻋﺎﺗﺒﻪ ﻭﺍﻃﻠﻊ ﺍﻟﻲ ﺑﻜﻠﺒﻲ
ﺍﻧﻲ : ﺷﻌﺎﺗﺒﻚ ﻋﻠﻰ ﺍﻟﻔﺮﺍﻙ ﻟﻮ ﺍﻋﺎﺗﺐ ﻋﻠﻰ ﺍﻟﺨﻴﺎﻧﻪ ﻟﻮ ﺍﻋﺎﺗﺐ ﺗﺮﻛﺘﻨﻲ ﻟﻮ ﺍﻋﺎﺗﺐ ﻣﺎﺗﺖ ﺍﻣﻚ ﺑﺤﺼﺮﺗﻬﺎ ﻋﻠﻴﻚ ﻟﻮ ﺍﻋﺎﺗﺐ ﺗﺮﻛﺖ ﺍﻟﺪﻧﻴﺎ ﻟﺨﺎﻃﺮﻱ ﻭﺭﺟﻌﺖ ﻭﺯﻭﺟﺘﻚ ﺑﺄﻳﺪﻙ ﺯﻳﻦ ﻭﺍﻧﻲ ﺍﻟﻲ ﺍﻧﺘﻈﺮﺗﻚ ﻭﺍﻟﻲ ﺭﺑﻴﺖ ﺍﺑﻨﻚ ﻭﺍﻟﻲ ﻓﺪﻳﺘﻪ ﺑﺮﻭﺣﻲ ﻭﺍﻟﻲ ﺍﺣﺲ ﺑﻠﺬﻧﺐ ﻭﺍﻟﻲ ﺿﻤﻴﺮﻱ ﻣﻌﺬﺑﻨﻲ ﺑﺤﺐ ﺣﻤﺰﻩ ﻭﻟﻴﺎﻟﻲ ﺍﻟﻲ ﺍﺷﺘﺎﻗﻴﺘﻠﻚ ﻭﺍﻟﻲ ﺑﺠﻴﺖ ﻋﻠﻴﻪ ﻭﺍﻟﻲ ﺍﺣﺘﺎﺟﻴﺘﻚ ﻭﻛﻞ ﻫﺬﺍ ﻭﺍﻛﻮﻝ ﻳﺮﺟﻊ ﻭﺭﺟﻌﺖ ﻭﻣﻦ ﺷﻔﺘﻚ ﺿﺤﻜﻠﻲ ﻛﻠﺒﻲ ﻭﻛﻠﻲ ﻫﺬﺍ ﺟﺘﺎﻟﻲ ﻫﺴﻪ ﻋﺮﻓﺖ ﺷﻨﻮ ﺟﺘﺎﻟﻲ ﻳﻌﻨﻲ ﺍﻧﺖ ﺫﺍﺑﺤﻨﻲ ﻭﺧﺎﻳﻨﻲ ﻭﺗﻄﻌﻨﻲ ﺑﻜﻠﺒﻲ ﺳﺠﻴﻨﻪ ﻭﺍﻟﻒ ﻣﺮﻩ ﺗﻄﻌﻦ ﺑﻴﻪ ﻭﺑﻌﺪﻙ ﻣﺎﺷﺒﻌﺖ ﻣﻦ ﻃﻌﻨﺎﺗﻚ ﺍﻟﻴﻪ ﻫﺬﺍ ﺣﺒﻚ ﻳﺎﺣﻤﺰﻩ ﻫﻮﻩ ﻫﺬﺍ
ﺣﻤﺰﻩ : ﻟﻴﻠﻰ ﺍﺳﻤﻌﻴﻨﻲ
ﺍﻡ ﻣﺮﻳﻢ : ﺣﻤﺰﻩ ﺷﺴﺎﻟﻔﻪ ﻳﺎﻋﻴﻨﻲ ﺷﻨﻮ ﻣﻌﻨﻰ ﻛﻼﻣﻬﺎ
ﺣﻤﺰﻩ : ﻟﻴﻠﻰ
ﻭﺗﻘﺮﺏ ﻋﻠﻴﻪ
ﺍﻳﻤﻦ : ﻣﺎﻣﺎ 😭
ﻣﻄﺮ : ﻫﺎﻟﻪ ﺍﺧﺬﻱ ﺍﻟﺠﻬﺎﻝ ﻭﺩﺧﻠﻴﻬﻢ
ﺣﻤﺰﻩ : ﻟﻴﻠﻰ
ﺑﻼ ﻭﻋﻲ ﻭﺑﻼ ﺗﻔﻜﻴﺮ ﻭﻣﺎﺳﻴﻄﺮﺕ ﻋﻠﻴﻪ ﻻ ﺍﻳﺪﻱ ﻭﻻ ﻣﺸﺎﻋﺮﻱ ﺗﻤﻨﻴﺖ ﻟﻮ ﺳﺎﻣﻌﻪ ﺧﺒﺮ ﻣﻮﺗﻪ ﻭﻻ ﻃﻌﻨﺘﻪ
ﺣﻤﺰﻩ : ﻟﻴﻠﻰ
ﺑﻜﻞ ﻗﻮﺗﻲ ﻭﺑﻜﻞ ﺍﻟﻢ ﻭﺣﺰﻥ ﻭﻗﻬﺮ ﻭﻧﺪﻡ ﺿﺮﺑﺘﻪ ﺑﻮﺟﻬﺎ
ﻫﺎﻟﻪ : ﻋﺰﻩ ﻟﻴﻠﻰ 😱
ﺣﻤﺰﻩ 😡:
ﺿﺮﺑﺘﻪ ﻭﻓﻘﺪﺕ ﺗﻮﺍﺯﻧﻲ ﻭﻭﻛﻌﺖ ﻣﺎﺍﻛﺪﺭ ﺍﻭﻛﻒ ﻭﺣﻠﻜﻲ ﻳﺒﺲ ﻭﺍﻳﺪﻱ ﺗﺮﺟﻒ
ﻫﺎﻟﻪ : ﻳﻤﻪ ﻟﻴﻠﻰ ﺧﻴﺘﻲ
ﻭﺭﻓﻌﻮﻧﻲ ﻫﺎﻟﻪ ﻭﻣﻄﺮ ﻭﺣﻤﺰﻩ ﺗﻘﺮﺏ ﻭﻭﺧﺮﺗﻪ ﺑﻠﻜﻮﻩ ﺍﺗﺤﺮﻙ
ﻫﺎﻟﻪ : ﻋﻮﻓﻬﺎ ﺑﺤﺎﻟﻬﺎ ﺍﻟﻠﻪ ﻻﻳﻮﻓﻘﻚ ﻋﻴﺸﺘﻬﺎ ﺑﻠﻈﻴﻢ ﻭﺗﻨﺘﻈﺮﻙ ﻭﺍﻧﺖ ﻃﻠﻌﺖ ﻏﺪﺍﺭ ﻭﺍﻟﻨﺎﺱ ﻛﻠﻬﺎ ﻻﻣﻮﻫﺎ
ﻣﻄﺮ : ﻫﺎﻟﻪ ﺍﺳﻜﺘﻲ ﻻﺗﺪﺧﻠﻴﻦ
ﻫﺎﻟﻪ : ﺍﻃﻠﻊ ﺣﻤﺰﻩ ﻣﻦ ﺑﻴﺘﻨﺎ ﻭﺍﺗﺮﻛﻨﺎ ﺑﺤﺎﻟﻨﺎ ﻳﺎﺭﻳﺘﻚ ﻣﺎﺭﺟﻌﺖ
ﺣﻤﺰﻩ : ﻫﺎﻟﻪ ﻻﺗﺪﺧﻠﻴﻦ
ﻫﺎﻟﻪ : ﻫﻢ ﺍﻟﻚ ﻋﻴﻦ ﺗﺤﺠﻲ
ﻣﻄﺮ : ﻫﺎﻟﻪ ﺍﺳﻜﺘﻲ ﻛﺎﻓﻲ ﺑﻌﺪﻧﺎ ﻣﺎﻓﻬﻤﻨﺎ ﻭﻻﺳﻤﻌﻨﺎ ﻭﺍﺧﻮﻱ ﻳﺒﻘﻰ ﺑﻴﺘﻲ ﻭﻣﺎﻳﻄﻠﻊ ﻣﻨﺎ ﻣﻬﻤﺎ ﻳﻜﻮﻥ ﺍﺧﻮﻱ ﻭﺻﺎﺭ 5 ﺳﻨﻮﺍﺕ ﻣﺴﺎﻓﺮ ﻭﻣﻦ ﺍﺟﻪ ﺗﺮﻳﺪﻳﻦ ﻣﺎﺍﺳﺘﻘﺒﻠﻪ
ﻫﺎﻟﻪ : ﺍﺧﻮﻙ ﻣﻮ ﻛﻔﻮ ﻧﺴﺘﻘﺒﻠﻪ
ﻣﻄﺮ : ﻻﺗﺨﻠﻴﻨﻲ ﺍﺗﺨﺒﻞ ﻋﻠﻴﺞ ﺻﻴﺮﻱ ﻣﺄﺩﺑﻪ ﻻﺍﻛﻔﺨﺞ
ﺣﻤﺰﻩ ﻣﺎﺍﻫﺘﻤﻠﻬﻢ ﻭﺗﻘﺮﺑﻠﻲ
ﺣﻤﺰﻩ : ﻟﻴﻠﻰ ﻣﺎﺭﺍﺡ ﺍﺯﻋﻞ ﻣﻦ ﺿﺮﺑﺘﺞ ﺣﻘﺞ ﻭﻓﻬﻤﺘﻴﻨﻲ ﻏﻠﻂ
ﺍﻧﻲ : ﺍﻃﻠﻊ ﺑﺮﻩ ﺣﻤﺰﻩ
ﺍﻡ ﻣﺮﻳﻢ : ﺣﻤﺰﻩ ﺷﻨﻮ ﺍﻟﻘﺼﻪ ﻓﻬﻤﻨﻲ
ﺣﻤﺰﻩ : ﺍﻡ ﻣﺮﻳﻢ ﺍﻃﻤﺄﻧﻲ ﻣﺎﻛﻮ ﺷﻲ
ﻭﻳﺒﺎﻭﻋﻠﻲ ﻭﻳﺤﺠﻲ
ﺣﻤﺰﻩ : ﺑﺲ ﻟﻴﻠﻰ ﺑﻌﺪﻫﺎ ﺗﺤﺒﻨﻲ ﻭﺗﻐﺎﺭ ﻋﻠﻴﻪ ﻭﻣﺎﺗﻮﻗﻌﺖ ﻣﻨﺘﻈﺮﺗﻨﻲ
ﺍﻧﻲ : ﻣﻨﺘﻈﺮﻩ ﺍﻧﺴﺎﻥ ﺟﺒﺎﻥ ﻣﺜﻠﻚ
ﺍﻡ ﻣﺮﻳﻢ : ﺗﺮﻩ ﻣﺎﺍﺳﻤﺤﻠﺞ
ﻫﺎﻟﻪ : ﻭﻟﺞ ﻭﻳﺎﻣﻦ ﺗﺤﺠﻴﻦ ﻣﻨﻮ ﺍﻟﻲ ﻣﺎﺗﺴﻤﺤﻴﻠﻪ ﻫﺎ
ﻭﻫﺠﻤﺖ ﻋﻠﻴﻬﺎ ﻫﺎﻟﻪ ﻭﺑﺴﻄﺖ ﺍﻡ ﻣﺮﻳﻢ ﻭﻧﺎﻣﺖ ﻋﻠﻴﻬﺎ ﻭﺧﻨﻜﺘﻬﺎ ﻭﺗﻤﻠﺸﻬﺎ ﻭﺗﻀﺮﺑﻬﺎ ﻭﻣﻄﺮ ﻭﺣﻤﺰﻩ ﻳﺮﺩﻭﻥ ﻳﻔﻜﻮﻫﺎ ﻣﺎﻳﻜﺪﺭﻭﻥ ﻭﺟﺮﺕ ﺣﻤﺰﻩ ﻣﻦ ﺑﻜﻠﺘﻪ ﺑﺸﻌﺮﻩ ﻣﻠﺸﺘﻪ ﻭﺿﺮﺑﺘﻬﻢ ﻭﻣﻄﺮ ﻳﻮﺧﺮﻫﺎ ﻭﻟﺰﻣﻬﺎ ﺑﻜﻞ ﻗﻮﺗﻪ ﻭﺩﻓﻌﻬﺎ
ﻣﻄﺮ : ﻛﺎﻓﻲ ﻫﺎﻟﻪ
ﻫﺎﻟﻪ : ﺍﻃﻠﻊ ﻣﻦ ﺑﻴﺘﻨﺎ ﺣﻤﺰﻩ
ﺗﺨﺒﻞ ﺣﻤﺰﻩ ﻣﻦ ﺿﺮﺑﺘﻬﻢ ﻫﺎﻟﻪ ﻭﺍﻡ ﻣﺮﻳﻢ ﻣﻠﺨﻪ ﻭﺧﺸﻤﻬﺎ ﺩﻡ ﻭﺣﻤﺰﻩ ﺧﺎﻳﻒ ﻋﻠﻴﻬﺎ ﻭﻣﻘﻬﻮﺭ
ﺣﻤﺰﻩ : ﺍﺩﺑﺴﻴﺰ ﻫﻴﺞ ﺍﺿﺮﺑﻴﻬﺎ
ﻣﻄﺮ : ﺣﻤﺰﻩ ﻻﺗﻐﻠﻂ ﻋﻠﻰ ﻣﺮﺗﻲ
ﺣﻤﺰﻩ : ﻣﺮﺗﻚ ﺍﺭﺩﻋﻬﺎ
ﺍﻧﻲ : ﺍﺧﺬ ﻣﺮﺗﻚ ﻭﺍﻃﻠﻊ ﻛﺎﻓﻲ ﺣﻤﺰﻩ
ﻫﺎﻟﻪ : ﻭﻟﻲ ﺍﻧﺘﻪ ﻭﺳﻌﻠﻮﺗﻚ ﻭﺍﻃﻔﺎﻟﻚ
ﺍﻧﻲ : ﺍﻳﻤﻦ ﻳﺒﻘﻰ ﻳﻤﻨﺎ
ﻫﺎﻟﻪ : ﻗﺼﺪﺕ ﻭﻟﺪ ﺍﻟﺴﻌﻠﻮﻩ
ﺗﺨﺒﻠﺖ ﺍﺑﺎﻭﻉ ﻃﻠﻊ ﻋﻨﺪﻩ 3 ﺍﻃﻔﺎﻝ ﻭﻛﺒﺎﺭ ﺑﻌﻤﺮ ﺍﻳﻤﻦ ﻳﻌﻨﻲ ﻣﻦ ﺳﺎﻓﺮ ﺍﺗﺰﻭﺝ ﺑﺴﺮﻋﻪ
ﻣﻄﺮ : ﻫﺎﻟﻪ ﺡ ﺍﻛﺴﺮ ﺭﺍﺳﺞ ﻛﺎﻓﻲ
ﺍﻡ ﻣﺮﻳﻢ : ﺣﻤﺰﻩ ﻃﻠﻌﻨﺎ ﺍﻟﻠﻪ ﻳﺨﻠﻴﻚ ﻭﻋﺪﺗﻨﺎ ﺑﺤﻤﺎﻳﺘﻚ
ﺣﻤﺰﻩ : ﺍﺳﻒ ﻭﺍﻟﻠﻪ ﺍﻡ ﻣﺮﻳﻢ ﻭﻣﻄﺮ ﺍﺧﺬﻫﻢ ﺑﻐﺮﻓﻪ ﻣﺤﺪ ﻳﻮﺻﻠﻠﻬﻢ ﺑﺲ ﺍﺭﻳﺪ ﺍﺣﺠﻲ ﻭﻳﻪ ﻟﻴﻠﻰ
ﻫﺎﻟﻪ : ﻳﺎﻏﺮﻓﻪ ﻣﻨﻮ ﻛﻠﻚ ﻧﺨﻠﻴﻚ ﺑﻴﺘﻨﺎ
ﻟﻴﻠﻰ : ﻣﺎﺍﺭﻳﺪ ﺍﺳﻤﻊ ﻣﻨﻚ ﺷﻲ ﺍﻧﺴﺎﻥ ﺟﺒﺎﻥ
ﺍﻡ ﻣﺮﻳﻢ : ﺣﻤﺰﻩ ﺧﻠﻴﻨﺎ ﻧﻄﻠﻊ
ﻫﺎﻟﻪ : ﻫﺪﻭﻧﻲ ﻋﻠﻴﻬﺎ ﺳﻤﻴﺤﻪ ﺍﻡ ﺍﻟﻜﺮﻓﺲ ﻭﺧﺮ ﻣﻄﺮ ﻋﻨﻲ
ﻣﻄﺮ : ﻭﻟﺞ ﻫﺎﻟﻪ ﺍﺳﻜﺘﻲ ﺡ ﺍﺭﻛﻌﺞ ﺑﻠﺤﺎﻳﻂ ﻟﻴﻠﻰ ﻣﺎﺳﻮﺕ ﻣﺜﻠﺞ ﻓﻀﺤﺘﻴﻨﺎ
ﺣﻤﺰﻩ : ﻛﺎﻓﻲ ﻃﻠﻌﺘﻮﺍ ﺭﻭﺣﻲ ﺍﺳﻤﻌﻴﻨﻲ ﻟﻴﻠﻰ ﻭﻻﺗﺨﻠﻴﻨﻲ ﺍﺗﺼﺮﻑ ﺑﺨﺒﺎﻝ ﺍﻡ ﻣﺮﻳﻢ ﺯﻭﺟﺘﻲ ﺻﺢ ﺑﺲ ﻭﺍﻟﻠﻪ ﻋﻠﻰ ﻭﺭﻕ ﻋﻘﺪﻧﺎ ﺻﺪﻳﻘﻲ ﺍﺑﻮ ﻣﺮﻳﻢ ﺗﻮﻓﻰ ﻭﻻﺯﻡ ﻳﺮﺟﻌﻮﻥ ﻟﻠﻌﺮﺍﻕ ﻭ ﻣﺎﻧﻜﺪﺭ ﺑﻌﺪ ﻧﺒﻘﻰ ﻭﻫﻴﻪ ﻣﺎﺗﻜﺪﺭ ﻭﺍﺑﻮ ﻣﺮﻳﻢ ﺧﻼﻫﻢ ﺍﻣﺎﻧﻪ ﺑﺮﻛﺒﺘﻲ ﻭﺣﺘﻰ ﻧﻜﺪﺭ ﻧﺪﺧﻞ ﻟﻠﻌﺮﺍﻕ ﺗﺰﻭﺟﻨﺎ ﻭﺑﺲ ﻳﺴﺘﻘﺮﻭﻥ ﻭﻭﺻﻠﻬﻢ ﻻﻫﻞ ﺍﺑﻮ ﻣﺮﻳﻢ ﺍﻃﻠﻜﻬﺎ ﻟﻴﻠﻰ ﺍﻧﻲ ﻣﺎﺧﺎﻳﻦ ﻭﻋﺪﻧﺎ ﻭﻻ ﻧﺴﻴﺘﺞ ﻭﻻﻋﻔﺘﺞ ﻭﻻ ﻟﺤﻈﻪ ﻧﺎﺳﻴﺞ ﻭﻻ ﺍﻱ ﻣﺮﻩ ﺑﻌﻴﻨﻲ ﻏﻴﺮﺝ ﻣﻊ ﺍﻻﺳﻒ ﻟﺤﺪ ﺍﻻﻥ ﻣﺎﺗﻌﺮﻓﻴﻦ ﺣﺒﻲ ﺷﻨﻮ ﺍﻟﺞ ﺷﻜﺪ ﺗﻌﺬﺑﺖ ﻭﺗﺎﺫﻳﺖ ﻭﺣﻨﻴﺖ ﻭﻣﺠﺒﻮﺭ ﺍﺑﻘﻰ ﻭﻣﺎﺍﺭﺟﻊ ﻭﻣﺎﺗﻤﻨﻴﺖ ﺍﺭﺟﻊ ﺑﻲ ﻭﺻﻴﺖ ﺍﺑﻮ ﻣﺮﻳﻢ ﺧﻠﺘﻨﻲ ﺍﺭﺟﻊ ﺗﺼﻮﺭﻳﻦ ﺍﺣﺐ ﺍﻭ ﺍﺯﻭﺝ ﻭﺣﺪﻩ ﻏﻴﺮ ﻟﻴﻠﺘﻲ ﻣﺎﺍﺩﺭﻱ ﺑﺸﺮﻯ ﺣﺎﻣﻞ ﻭﻻﺍﺩﺭﻱ ﺍﻣﻲ ﺗﻮﻓﺖ ﻭﻓﻘﺪﺗﻬﺎ ﻣﻄﺮ ﻛﻠﻲ ﻣﻦ ﺷﺎﻓﻨﻲ ﻗﺒﻞ ﺟﻢ ﺳﺎﻋﻪ ﻋﺮﻓﺖ ﺑﺎﻣﻲ ﺍﻟﻠﻪ ﻳﺮﺣﻤﻬﺎ ﻭﻣﺎﺍﺩﺭﻱ ﻋﻨﺪﻱ ﻃﻔﻞ ﻫﺴﻪ ﻣﻦ ﺷﻔﺘﻪ ﺻﺪﻣﺘﻮﻧﻲ ﻭﺳﺎﻓﺮﺕ ﻭﺗﺮﻛﺖ ﻛﻠﺸﻲ ﻭﺭﺍﻱ ﻭﻣﺎﺳﺎﻟﺖ ﺣﺘﻰ ﻣﺎﺍﺿﻌﻒ ﻭﺍﺳﺄﻝ ﻋﻠﻴﺞ ﻭﺍﻋﺮﻑ ﺯﻋﻠﺖ ﺍﻣﻲ ﻭﺯﻋﻠﺘﺞ
ﺍﻧﻲ : ﺯﻳﻦ ﺷﻠﻮﻥ ﻫﺠﻲ ﺗﺼﺮﻑ ﺷﻠﻮﻥ ﻭﻟﻚ ﺗﻌﻮﻑ ﺍﻣﻚ ﺷﻠﻮﻥ ﺗﻌﻮﻓﻨﻲ ﺷﻠﻮﻥ ﺗﻌﻮﻑ ﺍﺑﻨﻚ ﺷﻠﻮﻥ ﺗﺘﺮﻛﻨﺎ ﻓﻬﻤﻨﻲ ﻛﻞ ﻫﺬﺍ ﺷﻠﻮﻥ
ﻭﺍﺣﺠﻲ ﻭﻳﺎﻩ ﻭﺍﺑﺠﻲ ﻭﺣﻀﻨﻲ
ﺣﻤﺰﻩ : ﺍﺳﻒ ﻭﺍﻋﺮﻑ ﻣﺎﻳﻔﻴﺪ ﺍﻻﻋﺘﺬﺍﺭ ﻭﺍﻻﺳﻒ ﺍﻧﺘﻲ ﻋﺎﻗﺒﺘﻴﻨﻲ ﻭﻋﺎﻗﺒﺘﺞ ﻭﻋﺎﻗﺒﺖ ﻧﻔﺴﻲ ﻭﻣﺎﺗﻮﻗﻌﺖ ﻫﺠﻲ ﻳﺼﻴﺮ ﻭﺍﻣﻲ ﺗﻔﺎﺭﻕ ﺍﻟﺤﻴﺎﺓ
ﻭﻛﻌﺪﻧﺎ ﻧﺒﺠﻲ ﻭﻫﺎﻟﻪ ﻭﻣﻄﺮ ﻳﺒﺠﻮﻥ ﻭﺍﻡ ﻣﺮﻳﻢ ﺻﺎﻓﻨﻪ ﻋﻠﻴﻨﺎ ﻭﺫﻛﺮﻧﺎ ﺍﻣﻪ
ﺍﻧﻲ : ﻭﻟﻚ ﻣﺎﺗﺖ ﻭﺗﺘﺤﺼﺮ ﻋﻠﻴﻚ ﻭﺗﺮﻳﺪ ﺗﺸﻤﻚ ﻭﻣﺎﺗﺖ ﻭﻣﺎﺭﺍﺿﻴﻪ ﻋﻠﻴﻚ ﻳﺎﺣﻤﺰﻩ ﻣﺎﺭﺍﺿﻴﻪ ﻫﺬﺍ ﻣﻮ ﺣﺐ ﻫﺬﺍ ﻋﻘﺎﺏ ﺍﻟﻬﺎ ﻳﺎﺭﻳﺖ ﻣﺎﺣﺒﻴﺘﻨﻲ ﻭﻻﺗﺨﻠﻴﻬﺎ ﺗﻤﻮﺕ ﺑﺤﺼﺮﺗﻬﺎ ﻋﻠﻴﻚ
ﺍﻡ ﻣﺮﻳﻢ : ﺣﻤﺰﻩ ﻫﺴﻪ ﻭﻳﻦ ﻧﺮﻭﺡ
ﺍﻧﻲ ﺍﺑﺎﻭﻋﻠﻬﺎ ﺿﺎﻳﺠﻪ ﻣﻨﻬﺎ
ﻭﻫﺎﻟﻪ ﺑﺎﻭﻋﺘﻠﻬﺎ ﺍﺷﻮ ﻣﻦ ﺍﻟﻜﺘﻠﻪ ﺭﺍﺣﺖ ﺣﻀﻨﺘﻬﺎ ﺍﻟﻤﺨﺒﻠﻪ
ﻫﺎﻟﻪ : ﻳﺎﺑﻌﺪ ﻛﻠﺒﻲ ﻭﺍﻟﻠﻪ ﻣﺎﺍﺩﺭﻱ ﺑﻴﺞ ﺍﻋﺬﺭﻳﻨﺎ ﺣﺒﻴﺒﺘﻲ ﺳﻮﺩﻩ ﺑﻮﺟﻬﻲ ﺍﻣﺴﺤﻴﻬﺎ ﺑﻴﻪ ﺍﻧﺘﻲ ﻫﻢ ﺷﺪﻋﻮﻩ ﺧﻔﺘﻲ ﻋﻠﻰ ﺣﻤﺰﻩ
ﻭﺍﺧﺬﺗﻬﺎ ﺣﺎﺻﻞ ﻓﺎﺻﻞ ﻭﻣﻄﺮ ﻣﺨﺘﻨﻚ ﻳﺮﻳﺪ ﻳﻀﺤﻚ ﻭﺣﻤﺰﻩ ﺻﺎﻓﻦ ﻋﻠﻰ ﻫﺎﻟﻪ
ﺍﻡ ﻣﺮﻳﻢ : ﺍﻧﺘﻦ ﺍﺧﻮﺍﺕ ﺗﺆﺍﻡ
ﻫﺎﻟﻪ : ﺍﻱ ﺣﺒﻴﺒﺘﻲ ﺗﻌﺎﻱ ﺍﺿﻤﺪ ﺧﺸﻤﺞ
ﺍﺧﺬﺗﻬﺎ ﻭﺭﺍﺣﺖ ﻭﻣﻄﺮ ﺍﺧﺬ ﺍﻟﺠﻬﺎﻝ ﻛﻠﻬﻢ ﻭﺭﺍﺩ ﻳﻌﻮﻓﻨﺎ ﻭﺣﺪﻧﺎ
ﺍﻧﻲ : ﺍﻳﻤﻦ ﺗﻌﺎﻝ
ﻣﻄﺮ : ﻟﻴﻠﻰ ﺗﻌﺐ ﺍﻳﻤﻦ ﻣﻦ ﺍﻟﻤﻨﻈﺮ ﺧﻠﻲ ﺑﻌﺪﻳﻦ
ﺍﻧﻲ : ﻫﺴﻪ ﻭﻛﺘﻪ ﻳﺘﻌﺮﻑ ﻋﻠﻰ ﺍﺑﻮﻩ
ﺣﻤﺰﻩ : ﺗﻌﺎﻝ ﺍﻳﻤﻦ
ﺣﻤﺰﻩ ﻳﺒﺎﻭﻋﻠﻪ ﻭﺣﻀﻨﻪ ﻭﺍﺷﺘﻤﺎﻩ ﺧﻄﻴﻪ ﻭﻛﺎﻡ ﻳﺒﺠﻲ ﻗﻬﺮﻧﻲ ﺍﻋﺮﻓﻪ ﻳﺒﺠﻲ ﻋﻠﻰ ﺍﻣﻪ ﻭﺍﻳﻤﻦ ﺧﺎﻳﻒ
ﺍﻧﻲ : ﻫﺬﺍ ﺑﺎﺑﺎ ﺍﻳﻤﻦ ﺑﺎﺑﺎ
ﺍﻳﻤﻦ : ﺑﺎﺑﺎ ﺣﻤﺰﻩ
ﺍﻧﻲ : ﺍﻱ ﻋﻔﻴﻪ ﻫﺬﺍ ﺑﺎﺑﺎ ﺣﻤﺰﻩ
ﺣﻤﺰﻩ : ﺷﻠﻮﻥ ﻳﻌﺮﻓﻨﻲ
ﺍﻧﻲ : ﺍﻧﻲ ﻭﻣﻄﺮ ﻣﻌﻠﻤﻴﻨﻪ ﺍﺑﻮﻩ ﺣﻤﺰﻩ ﻭﻣﻄﺮ ﺑﺎﺑﺎ ﻻﻥ ﻳﺸﻮﻑ ﻭﻟﺪ ﻫﺎﻟﻪ ﻳﺼﻴﺤﻮﻥ ﻟﻤﻄﺮ ﺑﺎﺑﺎ ﻭﻭﻫﻮﻩ ﻣﺜﻠﻬﻢ
ﺣﻤﺰﻩ ﻧﻘﻬﺮ ﻭﺣﻀﻨﻪ ﻭﺍﺑﺎﻭﻋﻠﻬﻢ ﻭﻟﺰﻡ ﺃﻳﺪﻱ ﻭﻳﺒﺎﻭﻋﻠﻲ ﻣﺎﺗﺤﻤﻠﺖ ﻭﻛﻌﺪﺕ ﺑﻠﻜﺎﻉ ﻭﺣﻀﻨﺘﻪ ﺑﻜﻞ ﻗﻮﺗﻲ ﺣﻀﻨﺘﻪ ﻭﺍﻳﻤﻦ ﺑﻴﻨﺎ
ﺍﻧﻲ : ﺍﻟﺤﻤﺪ ﻟﻠﻪ ﺭﺟﻌﺘﻠﻨﺎ ﻭﺍﻟﺤﻤﺪ ﻟﻠﻪ ﻣﺎﻣﺘﺰﻭﺝ
ﺣﻤﺰﻩ : ﻭﺍﻟﺤﻤﺪ ﻟﻠﻪ ﺣﺼﻠﺘﻠﻲ ﺭﺍﺟﺪﻱ ﻭﺑﺴﻄﻪ ﻣﻦ ﻫﺎﻟﻪ
ﺍﻧﻲ : ﻫﻬﻬﻬﻬﻬﻬﻬﻬﻪ
ﻭﺣﻀﻨﻲ ﺑﻜﻞ ﻗﻮﺗﻪ
ﺣﻤﺰﻩ : ﻟﻴﻠﻰ ﺻﺪﻙ ﻣﻨﺘﻈﺮﺗﻨﻲ ﺑﻌﺪﺝ ﺗﺤﺒﻴﻨﻲ
ﺍﻧﻲ : ﺍﻛﻴﺪ ﺍﺣﺒﻚ ﻭﺍﻟﻌﻤﺮ ﻛﻠﻪ ﺍﺑﻘﻰ ﺍﺣﺒﻚ ﻭﻣﻨﺘﻈﺮﺗﻚ ﺍﻧﻲ ﻭﺍﻳﻤﻦ
ﺣﻤﺰﻩ : ﺍﻳﻤﻦ ﻟﻴﺶ ﻋﻨﺪﺝ
ﺍﻧﻲ : ﻗﺼﻪ ﻃﻮﻳﻠﻪ ﺑﺲ ﺍﻣﻪ ﻣﺘﺰﻭﺟﻪ ﻭﺍﻧﻄﺘﻨﻴﺎﻩ ﻭﺻﻴﺔ ﺧﺎﻟﻪ
ﺣﻤﺰﻩ : ﺷﻜﺪ ﻋﻤﺮﻩ ﻣﻦ ﻫﻮﻩ ﻳﻤﺞ
ﺍﻧﻲ : ﻣﻦ ﻋﻤﺮﻩ ﻳﻮﻡ ﺍﻭﻝ ﻭﺣﺪﻩ ﺷﺎﻓﺘﻪ ﻻﻳﻤﻦ ﺍﻧﻲ
ﻭﺍﺟﻪ ﻣﻄﺮ ﺩﺧﻠﻠﻨﺎ
ﻣﻄﺮ : ﻛﻮﻡ ﺍﺭﺗﺎﺡ ﻭﻟﻴﺶ ﻛﺎﻋﺪﻳﻦ ﺑﻠﻤﻄﺒﺦ
ﺣﻤﺰﻩ : ﺍﻡ ﻣﺮﻳﻢ ﻋﻴﺐ ﻣﻨﻬﺎ
ﻣﻄﺮ : ﻫﻬﻪ ﺷﺴﺎﻟﻔﻪ ﻫﺎﻟﻪ ﺣﺒﺖ ﺗﺴﺘﻘﺒﻠﻬﺎ ﺑﻄﺮﻳﻘﺘﻬﺎ ﺍﻟﺨﺎﺻﻪ ﻭﻫﺴﻪ ﺩﺍﻭﻳﻬﺎ ﻭﺗﻜﺮﻛﺮ ﻭﻳﺎﻫﺎ
ﺣﻤﺰﻩ : ﻫﻬﻪ ﺑﻌﺪﻫﺎ ﻓﻄﻴﺮﻩ
ﻣﻄﺮ : ﻛﻮﻡ ﻳﺎﺧﻮﻳﻪ ﺍﻧﺘﻪ ﺍﻟﻔﻄﻴﺮ ﻫﺎﻟﻪ ﻓﻄﻴﺮﻩ
ﻭﻛﻤﻨﺎ ﻭﻛﻌﺪﻧﺎ ﺑﻠﻬﻮﻝ ﻭﺍﻡ ﻣﺮﻳﻢ ﺧﺎﻳﻔﻪ ﻣﻨﻲ ﻭﻣﺎﻣﺴﺘﻮﻋﺒﺘﻬﺎ ﺑﺲ ﺣﺴﻴﺘﻬﺎ ﻓﻘﻴﺮﻩ ﻭﻫﺎﻟﻪ ﺍﻛﻠﺘﻬﺎ ﻭﺷﺮﺑﺘﻬﺎ ﻭﻻ ﺫﻳﺞ ﻫﺎﻟﻪ ﺍﻟﺒﺴﻄﺘﻬﺎ ﻭﻣﻠﺨﺘﻬﺎ ﻭﻫﺎﻟﻪ ﺗﺒﺎﻭﻋﻠﻲ ﻭﺗﻐﻤﺰ
ﻫﺎﻟﻪ : ﻟﻴﻠﻰ ﻛﻮﻣﻲ ﺑﺪﻟﻲ ﻭﺍﺭﺗﺎﺣﻲ
ﻓﻬﻤﺖ ﺗﺮﻳﺪ ﺍﻛﻮﻡ ﻭﺣﻤﺰﻩ ﻋﻴﻮﻧﻪ ﻋﻠﻴﻪ ﻭﻣﺎﻧﺰﻝ ﻋﻴﻮﻧﻪ ﻣﻨﻲ ﻭﺣﺘﻰ ﻣﺎﻣﻬﺘﻢ ﻻﻳﻤﻦ ﺑﺲ ﻳﺒﺎﻭﻋﻠﻲ ﻭﺍﻧﻲ ﺍﺑﺎﻭﻋﻠﻪ ﺻﺎﻳﺮ ﺍﺣﻠﻰ ﻣﻦ ﻗﺒﻞ ﻭﺟﺴﻤﻪ ﺍﺳﻤﻦ ﻭﺍﺭﺗﺐ ﻭﺷﻌﺮﻩ ﺣﻠﻮ ﻭﺷﻮﺍﺭﺑﻪ ﻛﺒﺮﺍﻥ ﻭﺍﻛﺜﺮ ﺭﺟﻮﻟﻪ ﺻﺎﻳﺮ
ﻛﻤﺖ ﻻﻥ ﻫﺎﻟﻪ ﺧﺒﺼﺘﻨﻲ ﻭﺭﺣﺖ ﻟﻠﻐﺮﻓﻪ ﺩﺧﻠﺖ ﺍﺑﺪﻝ ﻭﺩﺧﻠﺖ ﻫﺎﻟﻪ ﻭﺭﺍﻱ
ﻫﺎﻟﻪ : ﻛﺮﺕ ﻋﻴﻨﺞ ﻟﻴﻠﻰ ﺑﺮﺟﻌﺖ ﺣﻤﺰﻩ
ﺍﻧﻲ ﺣﻀﻨﺘﻬﺎ ﻭﺑﺠﻴﺖ ﻣﺎﻣﺼﺪﻛﻪ ﺑﺮﺟﻮﻋﻪ ﻭﺍﺣﺴﺎﺱ ﻳﻔﺮﺡ ﺑﺲ ﻳﺒﺠﻴﻨﻲ ﺑﻨﻔﺲ ﺍﻟﻮﻗﺖ
ﻫﺎﻟﻪ : ﻟﻴﺶ ﺗﺒﺠﻴﻦ
ﺍﻧﻲ : ﻣﻤﺼﺪﻛﻪ ﻫﺎﻟﻪ ﻣﻌﻘﻮﻟﻪ ﺣﻤﺰﻩ ﻣﻤﺼﺪﻛﻪ ﺑﻮﺟﻮﺩﻩ
ﻫﺎﻟﻪ : ﻭﻟﺞ ﺷﻔﺘﻲ ﺷﻜﺪ ﻋﻴﺐ ﺿﺮﺑﺘﻬﻢ ﻭﺟﺮﻳﺖ ﻫﻬﻬﻬﻬﻬﻬﻬﻬﻬﻬﻪ ﺣﻤﺰﻩ ﻣﻦ ﺷﻌﺮﻩ ﺫﻛﺮﻧﻲ ﺑﺄﻳﺎﻡ ﺯﻣﺎﻥ ﺗﺨﻴﻠﺖ ﺑﻜﻠﺘﻪ
ﺍﻧﻲ : ﻫﻬﻬﻬﻬﻬﻬﻬﻬﻪ ﻭﻟﺞ ﻻﻳﺴﻤﻌﻨﺎ ﻋﻴﺐ
ﻫﺎﻟﻪ : ﻫﺬﺍ ﺩﺍﺋﻤﺎ ﺑﻠﻌﺮﻛﺎﺕ ﻋﻴﻨﻲ ﺗﻮﻛﻊ ﻋﻠﻰ ﺑﻜﻠﺘﻪ ﻭﺍﺭﺍﻗﺒﻬﺎ ﻭﻋﺎﻳﻔﻪ ﺍﻟﻤﺮﻩ ﻭﻣﺮﺍﻗﺒﻪ ﺑﻜﻠﺔ ﺣﻤﺰﻩ ﻭﻛﻌﺖ ﻋﻠﻰ ﻭﺟﻬﺎ ﻭﺍﻧﻲ ﻛﻠﺖ ﻭﻛﺘﻬﺎ ﺍﺳﺤﺒﻬﺎ ﻭﺍﻣﻠﺨﻪ ﻓﺘﺖ ﻛﻠﺒﻲ ﺗﺪﺭﻳﻦ ﺷﻜﺪ ﻣﺮﺗﺎﺣﻪ ﻭﺍﺧﻴﺮﺍ ﻟﺰﻣﺖ ﺑﻜﻠﺔ ﺣﻤﺰﻩ ﺻﺎﺭ 7 ﺳﻨﻮﺍﺕ ﻣﻔﺮﻓﺤﻪ ﻭﺑﻌﺪ ﺍﻧﺘﻈﺎﺭ ﻟﺰﻣﺘﻬﺎ
ﺍﻧﻲ : ﻫﻬﻬﻬﻬﻬﻬﻬﻬﻬﻬﻬﻪ ﺍﺳﻜﺘﻲ ﻭﻟﺞ ﻛﺎﻓﻲ
ﻫﺎﻟﻪ : ﻭﻟﺞ ﺑﺤﺎﻝ ﺍﻟﻤﺮﻩ ﺍﻟﻀﺮﺑﺘﻬﺎ ﺧﻄﻴﻪ ﻭﻛﺴﺮﺕ ﺧﺸﻤﻬﺎ ﻓﻮﻙ ﺿﻴﻤﻬﺎ
ﺍﻧﻲ : ﻫﻬﻬﻬﻬﻪ ﻭﺍﻧﺘﻲ ﺷﺪﻋﻮﻩ ﻫﺠﻤﺘﻲ
ﻫﺎﻟﻪ : ﻛﻞ ﻫﺪﻓﻲ ﺑﻜﻠﺔ ﺣﻤﺰﻩ ﺍﺟﺮﻫﺎ
ﺍﻧﻲ : ﻫﻬﻬﻬﻬﻬﻬﻪ ﻭﻟﺞ ﺍﺳﻜﺘﻲ
ﺍﻧﺪﻛﺖ ﺍﻟﺒﺎﺏ ﻭﻫﺎﻟﻪ ﺭﺍﺣﺖ ﻓﺘﺤﺘﻬﺎ
ﺣﻤﺰﻩ : ﻟﻴﻠﻰ ﺍﺭﻳﺪ ﺍﺣﺠﻲ ﻭﻳﺎﺝ
ﻫﺎﻟﻪ : ﺍﺩﺧﻞ ﺣﻤﺰﻩ ﻭﺍﻋﺬﺭﻧﻲ
ﻃﺒﻌﺎ ﺍﻧﻲ ﺍﺿﺤﻚ ﻋﻠﻴﻬﺎ ﻫﻴﻪ ﺳﺎﻋﻪ ﻧﺎﺻﺒﻪ ﻋﻠﻴﻪ ﻭﺩﻛﻠﻪ ﺍﻋﺬﺭﻧﻲ
ﺍﻧﻲ : ﺗﻌﺎﻝ ﺣﻤﺰﻩ ﺍﻧﻲ ﻫﻢ ﺍﺭﻳﺪ ﺍﺣﺠﻲ ﻭﻳﺎﻙ ﻭﺍﺭﻳﺪ ﺍﻋﺮﻑ ﻭﻳﻦ ﺟﻨﺖ ﻭﻭﻳﻦ ﺳﺎﻓﺮﺕ
ﻣﻄﺮ : ﺣﻤﺰﻩ ﻛﻠﻨﺎ ﻧﺮﻳﺪ ﻧﻌﺮﻑ ﻣﻮ ﺑﺲ ﻟﻴﻠﻰ
.
ﻣﻄﺮ ﺩﺧﻞ ﻭﻳﺎﻧﺎ ﻟﻠﻐﺮﻓﻪ ﻭﻳﻪ ﺣﻤﺰﻩ ﻭﺍﻧﻲ ﻭﻫﺎﻟﻪ ﻛﺎﻋﺪﺍﺕ
ﺣﻤﺰﻩ : ﺳﺎﻓﺮﺕ ﻟﻼﺭﺩﻥ ﻭﻫﻨﺎﻙ ﺑﻘﻴﺖ ﻭﺍﺷﺘﻐﻠﺖ ﺑﻠﻤﻄﺎﻋﻢ ﺍﻟﻰ ﺍﻥ ﺗﻌﺮﻓﺖ ﻋﻠﻰ ﺍﺑﻮ ﻣﺮﻳﻢ ﻭﻋﻨﺪﻩ ﻣﻄﻌﻢ ﻫﻮﻩ ﻭﺯﻭﺟﺘﻪ ﻳﺸﺘﻐﻠﻮﻥ ﺑﻲ ﻭﺍﻧﻲ ﻭﻳﺎﻫﻢ ﺍﺷﺘﻐﻠﺖ ﻭﺳﺎﻋﺪﻧﻲ ﻭﻋﺸﺖ ﺣﻴﺎﺗﻲ ﻭﺑﺼﻌﻮﺑﻪ ﺍﺳﺘﻘﺮﻳﺖ ﻭﺻﺎﺭﻭﺍ ﻋﺎﺋﻠﺘﻲ ﻭﺍﻫﻠﻲ ﻭﺍﻣﻮﺭﻩ ﺧﻴﺮ ﻣﻦ ﺍﻟﻠﻪ ﺍﺑﻮ ﻣﺮﻳﻢ ﻭﻓﺘﺢ ﻣﻄﻌﻤﻴﻦ ﻭﺻﺎﺭﺕ ﺍﻟﻌﻴﻦ ﻋﻠﻴﻪ ﻭﺍﻏﺘﺎﻟﻮﺍ ﻭﺑﺎﻛﻮﻧﺎ ﻭﻭﺻﺎﻧﻲ ﻋﻠﻴﻬﻢ ﻭﻻﺯﻡ ﻧﺸﺮﺩ ﻭﻧﺮﺟﻊ ﻟﻠﻌﺮﺍﻕ ﻭﺑﻌﻨﺎ ﻛﻠﺸﻲ ﻭﺗﺰﻭﺟﺘﻬﺎ ﺣﺘﻰ ﺗﻜﺪﺭ ﺗﺮﺟﻊ ﻟﻠﻌﺮﺍﻕ ﻻﻫﻞ ﺍﺑﻮ ﻣﺮﻳﻢ ﻫﻴﻪ ﻳﺘﻴﻤﻪ ﻭﺍﺑﻮ ﻣﺮﻳﻢ ﻫﻨﺎ ﺍﻫﻠﻪ ﻭ ﻣﺎﺗﻨﺪﻟﻬﻢ ﻭﻣﺎﺗﻌﺮﻑ ﺷﻲ ﻋﻨﻬﻢ ﻭﻋﻦ ﻃﺮﻳﻖ ﺭﺳﺎﺋﻠﻪ ﺳﺎﺑﻘﺎ ﺍﺑﻮ ﻣﺮﻳﻢ ﻭ ﺍﻫﻠﻪ ﺍﺭﻳﺪ ﺍﻭﺻﻠﻠﻬﻢ ﻭﺍﻭﺻﻞ ﺍﻻﻣﺎﻧﻪ ﻻﻫﻠﻪ ﻭﻣﻄﺮ ﺍﺭﻳﺪﻙ ﻭﻳﺎﻱ ﺗﺴﺎﻋﺪﻧﻲ ﺑﻬﺬﻩ ﺍﻟﻘﺼﻪ ﺍﻧﺘﻪ ﻭﺟﻤﺎﻋﺘﻚ ﺍﺻﺪﻗﺎﺋﻚ ﻣﻌﺎﺭﻓﻚ
ﻣﻄﺮ : ﻟﻴﻠﻰ ﻋﻠﻲ ﻳﻜﺪﺭ ﻳﺴﺎﻋﺪﻧﺎ
ﺍﻧﻲ : ﺍﻛﻠﻪ ﻭﻧﺸﻮﻑ ﺯﻭﺝ ﺍﺧﺘﻪ ﺑﻠﻜﻪ ﻳﺴﺎﻋﺪﻧﺎ ﺑﻠﻌﻨﻮﺍﻥ
ﺣﻤﺰﻩ : ﻣﻨﻮ ﻋﻠﻲ
ﻫﺎﻟﻪ : ﺧﻄﻴﺐ ﺯﻳﻨﺐ ﺑﻨﺖ ﺍﺧﺘﻲ ﺳﻬﺎﻡ
ﻣﻄﺮ : ﺧﻄﺒﺘﻲ ﻭﺯﻭﺟﺘﻲ ﺑﺮﺍﺣﺘﺞ ﻫﺎﻟﻪ
ﺍﻧﻲ : ﻫﻬﻬﻬﻬﻬﻪ ﺻﺪﻙ ﺷﻮﻛﺖ ﺗﺰﻭﺝ ﻭﺧﻄﺐ ﺯﻳﻨﺐ
ﻫﺎﻟﻪ : ﻳﻮﻭﻭ ﺷﻜﺪ ﺗﻠﺤﻮﻥ ﺍﻟﻤﻬﻢ ﻧﺴﻴﺒﻨﺎ
ﺣﻤﺰﻩ : ﻣﻄﺮ ﺍﺭﻳﺪ ﺍﺣﺠﻲ ﻭﻳﻪ ﻟﻴﻠﻰ ﺷﻮﻳﻪ ﻭﺑﻌﺪﻳﻦ ﺍﻛﻤﻞ ﻛﻼﻣﻲ ﺍﻟﻜﻢ
ﻣﻄﺮ : ﻫﺎﻟﻪ ﺗﻌﺎﻱ
ﻭﻃﻠﻌﻮﺍ ﻭﺳﺪﻭﺍ ﺍﻟﺒﺎﺏ ﻭﺣﻤﺰﻩ ﺣﻀﻨﻲ ﺑﻜﻞ ﻗﻮﺗﻪ ﻭﺑﻼ ﻭﻋﻲ ﻭﻻ ﺗﻔﻜﻴﺮ
ﺍﻧﻲ : ﺣﻤﺰﻩ ﺷﺒﻴﻚ
ﺣﻤﺰﻩ : ﻟﻴﻠﻰ ﺗﻘﺒﻠﻴﻦ ﻧﻄﻠﻊ ﻫﺴﻪ
ﺍﻧﻲ : ﻭﻳﻦ
ﺣﻤﺰﻩ : ﻧﺰﻭﺝ
ﺍﻧﻲ : ﺣﻤﺰﻩ ﺻﺪﻙ ﺗﺤﺠﻲ
ﺣﻤﺰﻩ : ﻣﻮ ﻛﺎﻓﻲ ﺍﻫﻮﺍﻱ ﺍﻧﺘﻈﺮﻧﺎ ﻭﺗﺤﻤﻠﻨﺎ
ﺍﻧﻲ : ﻟﻴﺶ ﻣﺎﺣﺎﻭﻟﺖ ﺗﺮﺍﺳﻠﻨﻲ
ﺣﻤﺰﻩ : ﺭﺳﺎﻟﺘﺞ ﻭﺻﻠﺘﻨﻲ
ﺍﻧﻲ : ﻳﺎﺭﺳﺎﻟﻪ
ﻃﻠﻊ ﺣﻤﺰﻩ ﻭﺭﻗﻪ ﻣﻦ ﺟﻴﺒﻪ ﻭﺻﺪﻣﻨﻲ ﺭﺳﺎﻟﺘﻲ ﺍﻟﻲ ﺩﺯﻳﺘﻬﺎ ﻟﺼﺪﻳﻘﻪ ﺑﻼﺭﺩﻥ ﻋﻨﺪ ﺣﻤﺰﻩ
ﺍﻧﻲ : ﻣﻦ ﺷﻮﻛﺖ ﺍﻟﺮﺳﺎﻟﻪ ﻋﻨﺪﻙ
ﺣﻤﺰﻩ ﻣﻦ ﻭﺻﻠﺖ ﺑﻌﺪ ﺷﻬﺮ ﺧﺎﺑﺮﻧﻲ ﻭﺭﺣﺘﻠﻪ ﺍﻧﻄﺎﻧﻲ ﺍﻟﺮﺳﺎﻟﻪ ﻭﻗﺮﻳﺘﻬﺎ ﻭﻳﻮﻣﻴﻪ ﺍﻗﺮﺍﻫﺎ ﻭﻣﻦ ﺗﻀﻴﻖ ﺑﻴﻪ ﻭﻣﻦ ﺍﺷﺘﺎﻗﻠﺞ ﺍﻃﻠﻌﻬﺎ ﺍﺷﺘﻤﻬﺎ ﻭﺍﻗﺮﺍﻫﺎ
ﺍﻧﻲ : ﺣﻤﺰﻩ ﻟﻴﺶ ﺗﺮﻛﺘﻨﻲ
ﺣﻤﺰﻩ : ﺍﺗﺮﻛﻲ ﻛﻞ ﺍﻟﻜﻼﻡ ﻭﻛﺎﻓﻲ ﻟﻴﻠﻰ ﺧﻠﻴﻨﺎ ﻧﺘﺰﻭﺝ ﻭﺍﺧﻄﺒﺞ ﻣﻦ ﺍﺑﻮﺝ ﺍﺫﺍ ﺗﺮﻳﺪﻳﻦ ﻫﺴﻪ
ﺍﻧﻲ : ﺍﺑﻮﻱ ﺍﺗﻮﻓﻰ
ﻭﺑﻘﻴﺖ ﺍﺳﻮﻟﻔﻠﻪ ﻋﻦ ﺍﻭﺿﺎﻋﻨﺎ ﻭﻋﻦ ﺍﺧﺒﺎﺭﻧﺎ ﻭﺣﻴﺎﺗﻨﺎ ﻭﺷﻠﻮﻥ ﺍﻳﻤﻦ ﻭﻳﺎﻱ ﻭﺭﺑﻴﺘﻪ ﻭﺑﺸﺮﻯ ﺗﺰﻭﺟﺖ ﻭﻣﺸﺎﻛﻠﻨﺎ ﺑﻐﺪﺍﺩ ﻭﺩﺭﺍﺳﺘﻲ ﻭﻓﺠﺄﻩ ﺳﻜﺘﻨﻲ ﺑﺄﻳﺪﻩ ﻣﺜﻞ ﻛﻞ ﻣﺮﻩ
ﺣﻤﺰﻩ : ﻟﻴﻠﻰ ﻛﺎﻓﻲ ﺧﻠﻴﻨﺎ ﻧﺮﻭﺡ ﻧﺰﻭﺝ ﺗﻘﺒﻠﻴﻦ ﺑﻴﻪ ﺯﻭﺝ ﻭﺣﺒﻴﺐ ﻭﺍﺏ ﻭﺍﺥ ﻭﺻﺪﻳﻖ ﻭﻛﻞ ﺣﻴﺎﺗﺞ
ﺍﻧﻲ : ﺍﺣﺒﻚ
ﺣﻤﺰﻩ : ﻣﺎﺗﺤﻤﻞ ﺑﻌﺪ ﻛﺎﻓﻲ ﺍﻣﺸﻴﻨﺎ
ﺍﻧﻲ : ﺧﻠﻴﻬﺎ ﺑﺎﺟﺮ ﺣﻤﺰﻩ
ﺣﻤﺰﻩ : ﻻ ﻫﺴﻪ ﻫﺬﻱ ﺍﻟﻴﻠﻪ ﻣﺎﺍﺗﺤﻤﻞ ﺍﺫﺍ ﻣﻮ ﺑﺤﻀﻨﺞ ﺍﺭﺣﻤﻴﻨﻲ ﻭﺍﺭﺣﻤﻲ ﻧﻔﺴﺞ
ﻭﻣﺎﻗﺒﻠﺖ ﻭﻗﻨﻌﺘﻪ ﺍﺳﺒﻮﻉ ﻳﺎﻟﻪ ﻭﺑﻌﺪﻫﺎ ﻧﺎﻡ ﺑﻠﻬﻮﻝ ﻭﺭﻭﺣﻪ ﻳﻤﻲ ﻭﻳﺘﺤﺼﺮ ﻭﻧﻈﺮﺍﺗﻪ ﻋﻠﻴﻪ ﻭﺍﻳﻤﻦ ﻣﺎﺍﺳﺘﻘﺒﻠﻪ ﻭﻻ ﺭﻏﺒﻠﻪ ﻳﺴﺘﺤﻲ ﻣﻨﺎ ﻭﺍﻡ ﻣﺮﻳﻢ ﻭﺍﻃﻔﺎﻟﻬﺎ ﻧﺎﻣﺖ ﻳﻤﻨﺎ ﺍﻧﻲ ﻭﺍﻳﻤﻦ ﺑﻐﺮﻓﺘﻨﺎ ﻭﺑﺪﻳﺖ ﺍﺣﺒﻬﺎ ﻭﺍﺳﺘﻠﻄﻔﻬﺎ ﻭﺗﺴﻮﻟﻒ ﻭﻳﺎﻱ
ﺍﻡ ﻣﺮﻳﻢ : ﺣﻤﺰﻩ ﺩﻭﻡ ﻧﺸﻮﻓﻪ ﺣﺰﻳﻦ ﻭﻣﺎﻧﻌﺮﻑ ﻗﺼﺘﻪ ﻭﺍﻟﻴﻮﻡ ﻋﺮﻓﺖ ﻗﺼﺘﻪ ﻭﻗﺒﻞ ﻣﺎﻧﺮﺟﻊ ﻋﺮﻓﺖ ﻣﺘﺰﻭﺝ ﻭﻣﺎﻗﺒﻠﺖ ﺍﺗﺰﻭﺟﻪ ﻛﻠﺖ ﺍﺳﺒﺒﻠﻪ ﻣﺸﺎﻛﻞ ﻫﻮﻩ ﻭﺯﻭﺟﺘﻪ ﻭ ﺍﻧﺼﺪﻣﺖ ﺑﻜﻞ ﻗﺼﺘﻜﻢ ﻭﺣﺒﻜﻢ ﻭﺣﺒﻪ ﺍﻟﺞ ﻭﻗﺼﻪ ﻏﺮﻳﺒﻪ ﺑﺲ ﻻﺗﺰﻋﻠﻴﻦ ﻣﻨﻲ ﺍﻧﺘﻲ ﺧﻄﺎ ﻭﻫﻮﻩ ﺧﻄﺄ ﻭﺍﺛﻨﻴﻨﻜﻢ ﺧﻄﺄﺗﻮﺍ ﺑﺤﺒﻜﻢ
ﺍﻧﻲ : ﺍﻧﻲ ﻣﺎﺧﻄﺄﺕ ﻭﻣﺎﻣﺘﻨﺪﻣﻪ ﺣﻤﺰﻩ ﺭﺟﺎﻝ ﻭﻣﻦ ﺣﻘﻪ ﻭﺍﻟﺤﻤﺪ ﻟﻠﻪ ﺍﻟﻠﻪ ﻧﻌﻢ ﻋﻠﻴﻪ ﺏ ﺃﻳﻤﻦ ﻭﻣﺎﺣﺮﻣﻪ ﻣﻦ ﺍﻟﺒﺰﺭ
ﺍﻡ ﻣﺮﻳﻢ : ﺍﻟﻠﻪ ﻳﺨﻠﻲ ﺍﻟﻜﻢ
ﻭﻧﻤﺖ ﻭﺣﺎﺿﻨﻪ ﺍﻳﻤﻦ ﺑﺤﻀﻨﻲ ﻭﻓﺮﺣﺎﻧﻪ ﺭﺟﻊ ﺍﺑﻮ ﺃﻳﻤﻦ ﺍﻟﻨﺎ
ﻭﺑﻠﺶ ﺣﻤﺰﻩ ﺛﺎﻧﻲ ﻳﻮﻡ ﻳﺮﻳﺪ ﻳﻄﻠﻊ ﻳﺪﻭﺭ ﻋﻠﻰ ﺍﻫﻞ ﺍﺑﻮ ﻣﺮﻳﻢ ﻭﺍﻧﻲ ﻣﻦ ﺻﺒﺢ ﺧﺎﺑﺮﺕ ﻋﻠﻲ
ﺍﻧﻲ : ﻫﻠﻮ ﻋﻠﻲ
ﻋﻠﻲ : ﻫﻠﻮ ﻟﻴﻠﻰ ﺷﻠﻮﻧﺞ
ﺍﻧﻲ : ﻋﻨﺪﻱ ﺍﻟﻚ ﺧﺒﺮ ﻣﺎﺗﺘﻮﻗﻌﻪ
ﺣﻤﺰﻩ ﻳﺒﺎﻭﻋﻠﻲ ﻭﺿﺎﻳﺞ ﻭﻫﺎﻟﻪ ﺗﺒﺎﻭﻋﻠﻲ ﻭﺗﺄﺷﺮ ﻣﺎﺍﻓﻬﻤﻬﺎ ﻭﻛﺎﻣﺖ ﻫﺎﻟﻪ ﻭﺧﻠﺖ ﺍﺫﺍﻧﻬﺎ ﻳﻢ ﺍﻟﺴﻤﺎﻋﻪ
ﻫﺎﻟﻪ : ﺷﻠﻮﻧﻚ ﻧﺴﻴﺒﻨﺎ ﺯﻭﺝ ﺑﻨﺖ ﺍﺧﺘﻲ
ﻋﻠﻲ : ﻫﻬﻬﻪ ﻫﺎﻟﻪ ﻟﺰﻛﺘﻬﺎ ﺑﻴﻪ
ﺍﻧﻲ : ﺑﻌﺪ ﻣﺎﺗﺨﻠﺺ ﻣﻨﻬﺎ ﺷﻌﺒﺎﻟﻚ ﻭﺭﻃﻪ
ﻋﻠﻲ : ﻫﻬﻬﻬﻪ ﺷﻨﻮ ﺍﻟﺨﺒﺮ
ﺍﻧﻲ : ﺣﻤﺰﻩ
ﻋﻠﻲ : ﺷﺒﻲ ﺑﻄﻞ ﺍﻟﻘﺼﻪ
ﺍﻧﻲ : ﻫﻬﻬﻬﻬﻪ ﺑﻠﻌﺮﺍﻕ ﻭﻋﺪﻧﺎ
ﻋﻠﻲ : ﻻﻭﺍﻟﻠﻪ ﺻﺪﻙ ﺗﺤﺠﻴﻦ
ﻭﺑﻘﻴﻨﺎ ﻧﺤﺠﻲ ﺍﻧﻲ ﻭﻋﻠﻲ ﻭﻓﻬﻤﺘﻪ ﻋﻠﻰ ﺍﻫﻞ ﺍﺑﻮ ﻣﺮﻳﻢ ﻭﺍﻟﺮﺳﺎﻳﻞ ﻭﻋﻦ ﻃﺮﻳﻘﻬﻢ ﻭﻭﺍﻓﻖ ﻳﺴﺎﻋﺪﻧﺎ
ﺣﻤﺰﻩ : ﻟﻴﻠﻰ ﻫﺬﺍ ﻣﻨﻮ ﻋﻠﻲ
ﺍﻧﻲ : ﺳﺆﺍﻝ ﻋﺎﺩﻱ ﻟﻮ ﺍﻧﺖ ﺗﻐﺎﺭ ﺍﻃﻤﺄﻥ ﻣﺠﺮﺩ ﺻﺪﻳﻖ ﺍﻟﻌﺎﺋﻠﻪ
ﺣﻤﺰﻩ : ﻭﺍﻧﺘﻲ ﺷﻨﻮ ﻭﻳﺎﻩ ﻋﻼﻗﺘﺞ
ﺍﻧﻲ : ﺣﻤﺰﻩ ﻣﻮ ﻛﻞ ﻫﻠﺴﻨﻴﻦ ﻋﺎﻳﻔﻨﻲ ﻭﺟﺎﻱ ﻫﺴﻪ ﺗﺸﻜﻜﻨﻲ ﻟﻮ ﺍﺭﻳﺪﻩ ﺗﻠﻜﺎﻧﻲ ﺣﻼﻟﻪ ﻭﺍﻟﻮﻟﺪ ﻫﻢ ﻣﺎﻳﻔﻜﺮ ﺑﻴﻪ ﻏﻴﺮ ﺍﻻﺧﻮﻩ ﻭﻻﺗﻜﺒﺮ ﺍﻟﺴﺎﻟﻔﻪ
ﻭﺍﺳﺒﻮﻉ ﻭﻟﻜﻴﻨﺎ ﺍﻫﻞ ﺍﺑﻮ ﻣﺮﻳﻢ ﻭﻭﺻﻠﻬﻢ ﺣﻤﺰﻩ ﻭﻗﺒﻠﻬﺎ ﺣﻤﺰﻩ ﻃﻠﻜﻬﺎ ﻻﻡ ﻣﺮﻳﻢ ﻭﺣﻤﺰﻩ ﺳﻠﻢ ﺍﻻﻣﺎﻧﻪ ﻻﻫﻞ ﺍﺑﻮ ﻣﺮﻳﻢ
ﻭﺣﺪﺩﻧﺎ ﺯﻭﺍﺟﻨﺎ ﻭﺧﻄﻮﺑﺘﻨﺎ ﺍﻧﻲ ﻭﺣﻤﺰﻩ
ﺣﻤﺰﻩ : ﻫﻠﻤﺮﻩ ﻣﺎﻛﻮ ﺍﺣﺪ ﻳﻮﻛﻒ ﺑﻄﺮﻳﻘﻨﺎ ﻣﺜﻞ ﻛﻞ ﻣﺮﻩ ﻭﻣﺘﺎﻛﺪ ﻣﺎﺗﺨﺮﺏ ﺧﻄﻮﺑﺘﻨﺎ ﻭﺯﻭﺍﺟﻨﺎ
ﺍﻧﻲ : ﻫﻬﻬﻬﻬﻪ ﺗﺬﻛﺮ ﺍﻭﻝ ﻣﺮﻩ ﻣﻦ ﺭﺩﺕ ﺗﺨﻄﺒﻨﻲ
ﺣﻤﺰﻩ : ﻭﺑﻌﺪﻫﺎ ﺑﺪﻩ ﺍﻟﻌﺬﺍﺏ ﻭﺍﻟﻔﺮﺍﻕ ﺍﻟﻠﻪ ﻻ ﻳﺮﺟﻊ ﻫﺬﻳﺞ ﺍﻻﻳﺎﻡ
ﺍﻧﻲ : ﻫﻠﻤﺮﻩ ﻣﺎﻛﻮ ﺷﻲ ﻭﺍﻟﻠﻪ ﻛﺎﺗﺒﻠﻨﺎ ﻗﺴﻤﺘﻨﺎ ﻻﺑﻜﻴﻔﻚ ﻭﻻ ﺑﻜﻴﻒ ﺍﺣﺪ
ﺍﺳﺒﻮﻋﻴﻦ ﻭﻛﻠﻨﺎ ﻣﻠﺘﻤﻴﻦ ﻭﺍﺧﺘﻲ ﺳﻬﺎﻡ ﻭﺍﺧﺘﻲ ﻫﻴﺒﺖ ﻭﻫﺎﻟﻪ ﻭﺑﻴﺖ ﺧﺎﻟﺘﻲ ﻭﺍﺣﻠﻰ ﻳﻮﻡ ﺑﺤﻴﺎﺗﻲ ﻭﻓﺮﺣﻪ ﻣﻦ ﻓﺮﺣﻪ ﻭﻣﻌﺎﺭﻓﻨﺎ ﻭﺧﻄﺒﻨﻲ ﺣﻤﺰﻩ ﻭﻣﻘﺮﺭﻳﻦ ﺛﺎﻧﻲ ﻳﻮﻡ ﻧﻌﻘﺪ ﻣﺤﻜﻤﻪ ﻭﺳﻴﺪ ﻭﻧﺘﺰﻭﺝ ﻭﺣﻀﺮﻧﺎ ﺍﻟﻐﺮﻓﻪ ﻭﺭﺗﺒﻨﺎ ﺍﻣﻮﺭﻧﺎ
ﻭ ﻋﻠﻲ ﻋﺮﻓﻨﺎﻩ ﻋﻠﻰ ﺯﻳﻨﺐ ﺑﻨﺖ ﺍﺧﺘﻲ ﺑﺲ ﻋﻠﻲ ﻣﺘﻐﻴﺮ ﻣﻮ ﻣﺜﻞ ﻗﺒﻞ ﻳﻀﺤﻚ ﻭﻳﺴﻮﻟﻒ
ﺍﻧﻲ : ﻋﻠﻲ ﺗﻌﺎﻝ ﺑﻠﺤﺪﻳﻘﻪ ﺷﻮﻳﻪ ﺧﻠﻴﻨﺎ ﻧﺤﺠﻲ
ﻭﻛﻌﺪﻧﺎ ﺑﻠﺤﺪﻳﻘﻪ ﺭﺩﺕ ﺍﻋﺮﻑ ﺷﺒﻲ
ﺍﻧﻲ : ﻋﻠﻲ ﺷﺒﻴﻚ ﺯﻳﻨﺐ ﻣﺎﻋﺎﺟﺒﺘﻚ ﻳﻨﺘﻬﻲ ﻛﻞ ﺍﻟﻤﻮﺿﻮﻉ ﻭﻧﺒﻘﻰ ﺍﺻﺪﻗﺎﺀ ﻭﻣﻌﻠﻴﻚ ﺑﻜﻼﻡ ﻫﺎﻟﻪ ﻻﺗﺘﻮﻗﻊ ﺗﺨﺮﺏ ﻋﻼﻗﺘﻨﺎ
ﻋﻠﻲ : ﺷﻲ ﺍﻛﻴﺪ ﻭﺍﻋﺮﻑ ﺍﺧﻼﻗﻜﻢ
ﺍﻧﻲ : ﻟﻌﺪ ﻻﺗﺘﻘﻴﺪ ﺑﻠﻤﻮﺿﻮﻉ
ﻋﻠﻲ : ﺻﻌﺒﻪ ﻋﻠﻴﻪ ﺍﺗﺰﻭﺝ ﺑﻨﺖ ﺍﺧﺖ ﺍﻻﻧﺴﺎﻧﻪ ﺍﻟﻲ ﺍﺣﺒﻬﺎ
ﺍﻧﻲ : ﻋﻠﻲ ﺷﻨﻮ ﻗﺼﺪﻙ
ﻋﻠﻲ : ﻟﻴﻠﻰ ﺗﻌﺮﻓﻴﻦ ﻗﺼﺪﻱ ﻭﺍﻋﺘﻘﺪ ﻓﺎﻫﻤﺘﻨﻲ ﺑﺲ ﺣﺐ ﺣﻤﺰﻩ ﻣﻐﻄﻲ ﻋﻠﻰ ﻛﻠﺒﺞ ﻭﺗﺠﺬﺏ ﻋﻴﻮﻧﺞ
ﺍﻧﻲ : ﻋﻠﻲ ﺍﺗﺮﺟﺎﻙ ﺍﺳﻜﺖ ﻻ ﻋﻔﻴﻪ ﺍﻧﻲ ﺍﺣﺒﻚ ﻭﺍﺣﺘﺮﻣﻚ ﻛﺼﺪﻳﻖ ﻣﻮ ﺣﺒﻴﺐ ﺍﻟﻠﻪ ﻳﺨﻠﻴﻚ ﻻﺗﺨﺮﺏ ﻋﻼﻗﺘﻨﺎ ﻭﺍﻧﻲ ﻣﺤﺘﺎﺟﺘﻚ
ﻋﻠﻲ : ﻋﻤﺮﻱ ﻣﺎﺍﺗﺨﻠﻰ ﻋﻨﺞ ﻻﺗﺘﻮﻗﻌﻴﻦ ﺍﺗﺮﻛﺞ ﻭﺭﺍﺿﻲ ﺑﻘﺪﺭﻱ ﻭﺍﺣﺘﺮﻡ ﺣﺒﺞ ﻭﻭﻓﺎﺋﺞ
ﺍﻧﻲ : ﻋﻠﻲ ﻣﺎﺍﻋﺮﻑ ﺷﻜﻮﻝ
ﻋﻠﻲ : ﺍﻧﻲ ﺍﺳﻒ ﻟﻴﻠﻰ ﺑﺲ ﻟﺴﺎﻧﻲ ﻓﻠﺖ ﻣﻨﻲ
ﺍﻧﻲ : ﻳﺎﺭﻳﺖ ﻟﺴﺎﻧﻚ ﻣﺎﻳﻔﻠﺖ ﺑﻌﺪ ﻭﻻ ﺗﻬﺪﻡ ﻋﻼﻗﺘﻨﺎ
ﻋﻠﻲ : ﻣﺴﺘﺤﻴﻞ ﺗﻨﻬﺪﻡ ﻭﻣﺎﺍﺳﻤﺢ ﺗﻬﺪﻣﻴﻬﺎ ﻟﻌﻼﻗﺘﻨﺎ ﻟﻴﻠﻰ
ﺍﻧﻲ : ﻋﻠﻲ ﺷﻠﻮﻥ ﺗﻔﻜﺮ ﺗﺰﻭﺝ ﺑﻨﺖ ﺍﺧﺘﻲ ﺻﻌﺒﻪ
ﻋﻠﻲ : ﻳﻜﻔﻲ ﻫﻴﻪ ﻣﻦ ﻋﻄﺮﻙ ﻭﺍﺧﻼﻗﺞ ﻭﻗﻮﺗﺞ ﻭﻛﻠﺒﺞ
ﺍﻧﻲ : ﺍﻧﻲ ﺍﻋﺘﺮﺽ ﻫﺬﺍ ﺯﻭﺍﺟﻜﻢ ﻭﻣﺎﺍﻭﺍﻓﻘﻚ
ﻋﻠﻲ : ﻭﻣﻨﻮ ﻛﻠﺞ ﺍﻧﻲ ﻣﻮﺍﻓﻖ
ﺍﻧﻲ ﺍﻧﺼﺪﻣﺖ ﻭﺍﺭﻳﺪ ﺍﺣﺠﻲ ﻭﺍﺟﻪ ﺣﻤﺰﻩ
ﺣﻤﺰﻩ : ﻛﺎﻋﺪﻳﻦ ﻫﻨﺎ
ﺍﻧﻲ : ﺍﻱ ﻧﺤﺠﻲ ﻋﻠﻰ ﺯﻭﺟﺔ ﺍﻟﻤﺴﺘﻘﺒﻞ
ﻭﻫﺎﻟﻪ ﻃﻠﻌﺖ ﻟﻠﺤﺪﻳﻘﻪ ﺗﺼﻴﺤﻨﻲ
ﻫﺎﻟﻪ : ﻟﻴﻠﻰ ﺗﻠﻔﻮﻥ ﻋﻠﻴﺞ
ﺍﻧﻲ : ﻣﻨﻮ
ﻫﺎﻟﻪ : ﻣﺎﺍﻋﺮﻑ ﻃﻠﺒﺞ
ﺣﻤﺰﻩ : ﻣﻨﻮ ﻫﺬﺍ
ﺍﻧﻲ : ﻫﺴﻪ ﺍﺷﻮﻑ
ﻭﻛﻤﺖ ﺍﺭﻳﺪ ﺍﺭﻭﺡ ﻟﻠﻬﻮﻝ ﺍﺭﺩ ﻋﻠﻰ ﺗﻠﻔﻮﻥ ﻭﺑﺎﻟﻲ ﻳﻢ ﻛﻼﻡ ﻋﻠﻲ
ﻋﻠﻲ : ﺍﻧﻲ ﺍﺗﺮﺧﺺ ﻃﺎﻟﻊ
ﺍﻧﻲ ﻣﺎﺍﻋﺮﻑ ﺷﻨﻮ ﺍﺭﺩ ﻋﻠﻴﻪ ﻭﻃﻠﻊ
ﻋﻠﻲ : ﻣﻊ ﺍﻟﺴﻼﻣﻪ ﻟﻴﻠﻰ ﻭﺳﻠﻤﻴﻠﻲ ﻋﻠﻰ ﺯﻳﻨﺐ
ﺍﻧﻲ : ﺍﻥ ﺷﺎﺀ ﺍﻟﻠﻪ
ﻭﻓﺘﺢ ﺍﻟﺒﺎﺏ ﺍﻟﻪ ﺣﻤﺰﻩ ﻭﺑﻠﺒﺎﺏ ﺷﻔﻨﺎ ﺑﺸﺮﻯ
ﺑﺸﺮﻯ : ﺷﻠﻮﻧﻚ ﺣﻤﺰﻩ
ﻫﺎﻟﻪ : ﻟﻴﻠﻰ ﺗﻠﻔﻮﻥ ﻳﻤﻌﻮﺩﻩ
ﺍﻧﻲ ﺑﻘﻴﺖ ﺑﺎﻫﺘﻪ ﺑﻴﻦ ﺑﺸﺮﻯ ﻭﺣﻤﺰﻩ ﻭﻋﻠﻲ ﻳﺒﺎﻭﻋﻠﻲ ﻭﻳﺒﺎﻭﻋﻠﻬﻢ
ﻫﺎﻟﻪ : ﻟﻴﻠﻰ
ﺍﻧﻲ ﺩﺧﻠﺖ ﻭﺭﺩﻳﺖ ﻋﻠﻰ ﺍﻟﻤﻜﺎﻟﻤﻪ
ﺍﻧﻲ : ﺍﻟﻮ
؟؟؟ : ﺷﻠﻮﻧﺞ ﻟﻴﻠﻰ
ﻭﺍﺳﻤﻊ ﺍﺻﻴﺎﺡ ﺑﺸﺮﻯ ﻋﻠﻰ ﺣﻤﺰﻩ ﻋﻔﺖ ﺍﻟﻤﻜﺎﻟﻤﻪ ﻭﻃﻠﻌﺖ
ﺑﺸﺮﻯ : ﻋﻔﺘﻨﻲ ﻭﻋﻔﺖ ﺍﻣﻚ ﻭﺗﺒﻬﺬﻟﺖ ﻭﻧﻬﺎﻧﻴﺖ ﻭﺍﻟﻨﺎﺱ ﻇﻠﻤﺘﻨﻲ ﻭﺍﻫﻠﻲ ﻛﺮﻫﻮﻧﻲ ﻭﺍﺗﺰﻭﺟﺖ ﺍﻧﺴﺎﻥ ﻳﻮﻣﻴﻪ ﻳﻌﺮﻧﻲ ﺑﻜﻠﻤﺔ ﻣﻄﻠﻜﻪ ﻭﻫﺠﺮﺝ ﻭﺍﻧﺖ ﻋﺎﻳﺶ ﺣﻴﺎﺗﻚ ﺑﻼﺭﺩﻥ ﻭﺍﺑﻨﻚ ﺍﻧﻲ ﺣﻤﻠﺘﻪ ﺑﻄﻨﻲ ﻭﺷﺮﺩﺕ ﻭﻋﻔﺘﻨﻲ ﻭﺍﻧﻲ ﻗﺒﻠﻬﺎ ﺑﻠﻴﻠﻪ ﻛﻠﺘﻠﻚ ﺣﻤﺰﻩ ﺍﺷﻚ ﺑﻨﻔﺴﻲ ﺣﺎﻣﻞ ﻭﻣﺎﺣﺠﻴﺖ ﻻﺣﺪ ﺣﺘﻰ ﻣﺎﻳﻜﺮﻫﻮﻙ ﻭﺍﻧﺖ ﺑﺴﻬﻮﻟﻪ ﺳﺎﻓﺮﺕ ﻭﺗﺮﻛﺘﻨﺎ ﻭﺍﻟﻠﻪ ﺷﻨﻮ ﺗﺤﺐ ﻭﺍﻟﻠﻪ ﺷﻨﻮ ﻣﺎﺗﺮﻳﺪﻧﻲ ﻳﺎﺍﺧﻲ ﺷﻜﻮ ﺗﺰﻭﺟﺘﻨﻲ ﺷﻜﻮ ﻛﺴﺮﺕ ﺭﻛﺒﺘﻲ ﺷﻜﻮ ﻭﺷﻜﻮ ﻭﺷﻜﻮ
ﺍﻧﻲ : ﻟﺤﻈﻪ ﺑﺸﺮﻯ ﺣﻤﺰﻩ ﻳﻌﺮﻑ ﺍﻧﺘﻲ ﺣﺎﻣﻞ ﻗﺒﻞ ﻣﺎﻳﺴﺎﻓﺮ ﻟﻴﺶ ﻣﺎﻛﻠﺘﻲ
ﺑﺸﺮﻯ : ﺣﺠﻴﺖ ﻭﺷﻨﻮ ﺍﻟﻔﺎﻳﺪﻩ ﺍﺫﺍ ﺍﺣﺠﻲ ﺣﻤﺰﻩ ﺳﺎﻓﺮ ﻻﻳﻘﺪﻡ ﻭﻻﻳﺎﺧﺮ ﻛﻼﻣﻲ ﻭﺣﺘﻰ ﻣﺎﺍﻗﻬﺮ ﺍﻣﻪ
ﺣﻤﺰﻩ : ﻭﺍﻧﺘﻲ ﻭﻳﻨﺞ ﺑﺸﺮﻯ ﺷﻮﻓﻲ ﺍﺑﻨﺞ ﻭﻳﻦ ﻋﺎﻳﺶ ﻭﺟﺎﻳﻪ ﺗﻌﺎﺗﺒﻴﻨﻲ ﻭﺗﺤﺠﻴﻦ ﺍﻧﻲ ﺷﺮﺩﺕ ﻣﻨﺞ ﻭﺍﻧﺘﻲ ﻫﻢ ﺫﺑﻴﺘﻲ ﺍﺑﻨﺞ ﻭﺍﻧﺘﻲ ﺍﻣﻪ ﻳﻌﻨﻲ ﺃﻡ ﺗﻔﻬﻤﻴﻦ ﺷﻨﻮ ﺍﻡ ﻟﻴﻠﻰ ﺣﻨﺖ ﻋﻠﻰ ﺍﺑﻨﺞ ﻭﺍﻧﺘﻲ ﻣﺎﺣﻨﻴﺘﻲ
ﺑﺸﺮﻯ : ﻣﺎﻋﻨﺪﻙ ﻋﺬﺭ ﻻﻓﻌﺎﻟﻚ ﺍﻟﻘﺒﻴﺤﻪ ﻭﺟﺎﻱ ﺗﻌﺎﺗﺐ ﻭﺗﻠﻮﻡ
ﺣﻤﺰﻩ : ﻭﺍﻧﺘﻲ ﻫﻢ ﻻﺗﻌﺎﺗﺒﻴﻦ ﻣﺎﺍﻟﺞ ﺣﻖ ﺗﺤﺠﻴﻦ ﻭﺍﺑﻨﺞ ﻣﺎﻣﺤﺘﻀﻨﺘﻪ
ﺍﻧﻲ؛ ﺣﻤﺰﻩ ﺗﻌﺮﻑ ﺑﺸﺮﻯ ﺣﺎﻣﻞ ﻭﺳﺎﻓﺮﺕ ﺟﺎﻭﺏ
ﺑﺸﺮﻯ : ﺣﻤﺰﻩ ﺭﺟﻌﺖ ﻫﺴﻪ
ﻭﺗﺮﻳﺪ ﺗﻌﻴﺶ ﺣﻴﺎﺗﻚ ﻭﺗﺴﺘﻘﺮ ﻣﻮ ﻭﺗﺤﺘﻀﻦ ﺍﺑﻨﻚ ﻭﺗﺎﺧﺬ ﺍﻟﻲ ﺗﺤﺒﻬﺎ ﻭﺍﻧﻲ ﺷﻨﻮ ﻭﺿﻌﻲ
ﺍﻧﻲ : ﺑﺸﺮﻯ ﺍﻧﺘﻲ ﺷﺒﻴﺞ ﻟﻴﺶ ﻫﻴﺞ
ﺑﺸﺮﻯ : ﻟﻴﻠﻰ ﻛﻼﻣﻲ ﻭﻳﻪ ﺣﻤﺰﻩ ﺍﻧﻲ ﻣﺎﺍﻗﺼﺪﺝ ﻻﺗﻠﻮﻣﻴﻦ ﻧﻔﺴﺞ ﻣﻦ ﺣﻤﺰﻩ ﺳﺎﻓﺮ
ﺍﻧﻲ : ﺑﺸﺮﻯ ﻟﻴﺶ ﻫﻴﺞ ﺗﺤﺠﻴﻦ
ﺑﺸﺮﻯ : ﺍﻧﻲ ﺣﻤﺰﻩ ﺷﻨﻮ ﻭﺿﻌﻲ ﺟﺎﻭﺏ
ﺣﻤﺰﻩ : ﺍﻧﺘﻲ ﻣﺰﻭﺟﻪ ﻭﻣﺴﺘﻘﺮﻩ
ﺑﺸﺮﻯ : ﺍﺭﻳﺪ ﺍﺑﻨﻲ ﺍﻧﻲ ﻳﻌﻴﺶ ﻭﻳﺎﻱ
ﻣﻄﺮ : ﻟﻴﻠﻰ ﺗﻠﻔﻮﻥ ﻭﺧﺒﺼﻮﻧﺎ ﻋﻠﻴﺞ
ﺍﻧﻲ : ﻣﻨﻮ ﻫﺬﺍ ﻟﺰﻙ ﻫﻠﺰﻛﻪ
ﺩﺧﻠﺖ ﻟﻠﻤﻄﺒﺦ ﻭﻣﻘﻬﻮﺭﻩ ﻭﺗﻠﻜﺘﻨﻲ ﻫﺎﻟﻪ
ﻫﺎﻟﻪ : ﺣﻠﻰ ﺑﻌﻴﻨﻬﺎ ﺍﻳﻤﻦ ﺑﺸﺮﻯ ﺧﺎﺗﻮﻥ
ﺍﻧﻲ : ﺡ ﺍﻭﻛﻊ ﻣﻦ ﻃﻮﻟﻲ
ﻫﺎﻟﻪ : ﻫﺴﻪ ﺑﻠﻪ ﺍﻃﻠﻊ ﺍﺑﺴﻄﻬﺎ ﺣﻚ ﺍﻟﺠﺰﻩ ﺭﺑﻴﺘﻴﻠﻬﺎ ﺍﺑﻨﻬﺎ
ﺍﻧﻲ : ﻻﻃﻠﻌﻴﻦ ﻣﻌﻠﻴﺞ ﻭ ﺻﺪﻙ ﻣﺎﺩﻛﻠﻴﻠﻲ ﻣﻨﻮ ﻳﺘﺼﻞ ﺧﺒﺼﻨﻲ
ﻫﺎﻟﻪ : ﻣﺎﻧﺪﺭﻱ ﺧﺒﺼﻨﺎ ﻭﺿﺮﻭﺭﻱ
ﺭﺣﺖ ﺍﺭﺩ ﻋﻠﻰ ﺍﻟﻤﻜﺎﻟﻤﻪ
ﺍﻧﻲ : ﺍﻟﻮ
؟؟ : ﺷﻠﻮﻧﺞ ﻟﻴﻠﻰ
ﺍﻧﻲ : ﺍﻫﻼ ﻣﻨﻮ ﻭﻳﺎﻱ
😱😱😱😱.
.
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق