رواية ليلى و الفصلية اختي ج1 الجزء الأول
للكاتبة انوو
.
.
ﻗﺼﺘﻲ ﺗﺘﺤﺪﺙ ﻋﻦ ﺍﻳﺎﻡ ﺯﻣﺎﻥ ﺍﻳﺎﻡ ﺍﻟﺤﺐ ﺍﻻﺻﻴﻞ ﻭﺭﻳﺤﺔ ﺍﻫﻠﻨﺎ ﺍﻟﻄﻴﺒﻴﻦ ﻣﻦ ﺍﻟﺪﻧﻴﺎ ﺟﺎﻧﺖ ﺑﺨﻴﺮ ﺍﻳﺎﻡ ﺣﻠﻮﻩ
ﻟﻴﻠﻰ
ﺍﻧﻲ ﻟﻴﻠﻰ ﺍﻛﺘﺒﻠﻜﻢ ﻗﺼﺘﻲ ﻣﻮﺍﻟﻴﺪﻱ 65 ﻣﻦ ﺍﻫﻞ ﺍﻟﺪﻳﻮﺍﻧﻴﻪ ﻋﻨﺪﻱ 5 ﺧﻮﺍﺕ ﻭﻋﻨﺪﻱ ﺍﺧﺖ ﺗﺆﺍﻣﻲ ﺍﺳﻤﻬﺎ ﻫﺎﻟﻪ
ﺍﺑﻮﻱ ﺍﻛﺒﺮ ﻣﻦ ﺍﻣﻲ ﺏ 20 ﺳﻨﻪ ﻭﺍﺯﻭﺝ ﺍﻣﻲ ﻋﻠﻰ ﺿﺮﻩ ﻭﻣﺎﻋﻨﺪﻩ ﺑﺲ ﻭﻟﺪ ﻣﻦ ﻣﺮﺗﻪ ﺍﻻﻭﻟﻰ ﻭﺣﺐ ﺍﻣﻲ ﺣﻠﻮﻩ ﻭﺗﻄﻠﻊ ﻣﻦ ﺍﻟﺼﺒﺢ ﻭﺷﺎﺩﻩ ﺍﻟﻌﺒﺎﻳﻪ ﻭﺗﻠﺒﺲ ﺍﻟﺤﺠﻞ ﺗﻄﻠﻊ ﻇﻔﻴﺮﺗﻬﺎ ﻣﻦ ﺷﻴﻠﺘﻬﺎ ﻭﺷﺤﻼﺗﻬﺎ ﻭﺷﺜﺨﻨﻬﺎ ﻭﻫﻴﻪ ﺑﻴﻀﻪ ﻭﺣﻠﻮﻩ ﻣﻦ ﺣﻠﻮﻩ ﻭﺍﺳﻤﻬﺎ ﺑﻨﻴﻪ
ﻭﺗﺮﻭﺡ ﺗﺤﻤﻞ ﻣﺎﻱ ﻭﺍﺑﻮﻱ ﺑﻨﻰ ﻳﺸﺘﻐﻞ ﻭﻳﻨﺘﻈﺮ ﺑﻨﻴﻪ ﻳﻮﻣﻴﻪ ﻭﻳﺒﺎﻭﻋﻠﻬﺎ ﻣﻦ ﺗﻤﺸﻲ ﻫﻴﻪ ﻭﺍﺧﻮﻫﺎ ﺍﻟﺼﻐﻴﺮ
ﺍﺑﻮﻱ ﻛﺼﻴﺮ ﻣﺪﺣﺪﺡ ﻭﺍﺳﻤﺮﺍﻧﻲ ﻭﺍﻟﻠﻪ ﻻﻳﺠﺬﺑﻨﻲ ﻋﻨﺪﻩ ﺟﻢ ﺷﻌﺮﻩ ﺑﺮﺍﺳﻪ ﺑﺲ ﺍﺑﻦ ﺧﻴﺮ ﻭﻋﻨﺪﻩ ﻛﻬﻮﻩ ﻣﻠﻜﻪ ﻋﺎﺍﺍﺍ ﻋﺠﻴﺒﻪ ﺍﻟﻲ ﻋﻨﺪﻩ ﻛﺤﻮﻩ ﻭﻳﺒﻨﻲ ﻳﻠﺰﻡ ﺑﻴﻮﺕ ﻭﻋﻨﺪﻩ ﻛﻮﺭﻩ
ﺍﻣﻲ ﻛﺎﻣﺖ ﺗﺸﻮﻓﻪ ﻭﺗﺒﺘﺴﻤﻠﻪ ﺑﻨﻴﻪ ﻭﺗﻤﺸﻲ ﺳﻮﺩﻧﺖ ﺍﺑﻮﻱ ﻭﺗﺨﺒﻞ ﺍﺑﻮﻱ ﻭﻣﺎﺗﺤﻤﻞ ﻭﺧﻄﺒﻬﺎ ﻣﻦ ﺍﻫﻠﻬﺎ ﻭﺟﺪﻱ ﺍﻟﻠﻪ ﻳﺮﺣﻤﻪ ﻣﺎﻳﻘﺒﻞ ﻳﺰﻭﺟﻪ ﺑﻨﻴﻪ ﺍﺣﻠﻰ ﺑﻨﺎﺗﻪ ﻭﺍﻟﻨﺎﺩﺭﻩ ﻭﺍﺑﻮﻱ ﻣﺰﻭﺝ ﻭﻣﺪﺣﺪﺡ ﻭﻣﻮ ﺣﻠﻮ ﻭﺟﺪﻱ ﻋﺎﻧﺪ ﻣﺎﻳﻨﻄﻲ ﻭﻣﺎﺧﻠﻪ ﻧﺎﺱ ﻭﺯﻟﻢ ﻣﺎﺩﺯﻫﻢ ﺍﺑﻮﻱ ﻭﻛﺪﺭ ﺑﺎﺳﻤﻚ ﻳﺎﻋﻠﻲ ﻳﺎﺧﺬ ﺑﻨﻴﻪ ﻭﺗﺼﻴﺮ ﻣﺮﻳﺘﻪ ﻭﺣﻼﻟﻪ
ﻣﺮﺗﻪ ﻣﺎﻗﺒﻠﺖ ﺑﺰﻭﺍﺟﻪ ﻭﺯﻋﻠﺖ ﻋﻠﻴﻪ ﻭﺭﺍﺩﺕ ﺗﻄﻠﻚ ﺑﺲ ﻋﻴﺐ ﺑﺬﺍﻙ ﺍﻟﻮﻛﺖ ﻭﻫﻢ ﺍﺑﻮﻱ ﺑﻠﻜﻮﻩ ﻗﻨﻊ ﻣﺮﻳﺘﻪ ﺣﻤﺪﻳﻪ ﻣﺎﺗﻌﻮﻓﻪ ﻟﺨﺎﻃﺮ ﺍﺑﻨﻪ ﻭﺑﻨﻴﺎﺗﻪ ﻭﺍﺑﻮﻱ ﻣﺪﻟﻠﻬﻦ ﺍﺛﻨﻴﻨﻬﻢ ﺑﺲ ﻳﻤﻮﺕ ﻋﻠﻰ ﺍﻣﻲ ﻻﻥ ﺻﻐﻴﺮﻩ ﻭﺍﺣﻠﻰ ﻣﻦ ﺣﻤﺪﻳﻪ ﻭﻧﺎﺩﺭﻩ ﻭﻧﻈﻴﻔﻪ ﻭﻃﺒﺨﻬﺎ ﻃﻴﺐ ﻭﻟﻤﺖ ﺍﺑﻮﻱ ﻭﺯﺍﺩ ﺧﻴﺮﻩ ﺑﻔﻀﻞ ﺍﻣﻲ ﺑﺲ ﻣﺸﺎﻛﻞ ﺍﻣﻲ ﻭﺣﻤﺪﻳﻪ ﻣﺎﺗﺨﻠﺺ ﻭ ﺳﻨﻪ ﻣﻦ ﺯﻭﺍﺝ ﺍﻣﻲ ﻳﺎﻟﻪ ﻛﺪﺭﺕ ﺗﺤﺒﻞ ﺻﻐﻴﺮﻩ ﺍﺧﺬﻫﺎ ﻭﻫﺴﺘﻮﻫﺎ ﻏﺴﻠﺖ ﻭﺗﺠﻴﻬﺎ ﻣﻦ ﺗﺰﻭﺟﺖ
ﺑﻨﻴﻪ ﺣﺒﻠﺖ ﺍﺑﻮﻱ ﺗﺨﺒﻞ ﻋﻠﻰ ﺍﻣﻲ ﻭﻣﻨﺘﻈﺮ ﺍﻟﻮﻟﺪ ﺑﺲ ﻣﺎﺻﺎﺭ ﻭﺍﺟﺘﻪ ﺍﺧﺘﻲ ﺍﻟﺠﺒﻴﺮﻩ ﺳﻬﺎﻡ ﺳﻤﺎﻫﺎ ﺳﻬﺎﻡ ﻻﻥ ﺳﻬﻢ ﺑﻜﻠﺐ ﺍﺑﻮﻱ ﻣﻦ ﺳﻤﻊ ﺑﻨﻴﻪ ﺑﺲ ﺍﺑﻮﻱ ﺧﻄﻴﻪ ﻳﺤﺐ ﺑﺰﺭﻩ ﻭﻣﺎﻳﻔﺮﻕ ﻭﻳﻤﻮﺕ ﻋﻠﻰ ﺑﻨﺎﺗﻪ ﺑﺲ ﺻﺎﺭﺕ ﺣﺼﺮﻩ ﺑﻜﻠﺒﻪ ﺍﻟﻮﻟﺪ ﻭﻣﺎﻳﺒﻴﻦ ﻋﻠﻰ ﺍﻣﻲ ﻫﻮﻩ ﻳﺮﻳﺪ ﺍﻟﻮﻟﺪ ﻭﺷﺎﻑ ﺳﻬﺎﻡ ﺣﻠﻮﻩ ﻋﻠﻰ ﺍﻣﻲ ﺩﻟﻠﻬﺎ ﻭ 6 ﺳﻨﻮﺍﺕ ﻭﺍﻣﻲ ﻣﺎﻳﺼﻴﺮ ﻋﺪﻫﺎ ﺣﻤﻞ ﻭﺑﻌﺪ 6 ﺳﻨﻮﺍﺕ ﺣﺒﻠﺖ ﺑﻴﻨﺎ ﺍﻧﻲ ﻭﺍﺧﺘﻲ ﺍﻟﺘﺆﺍﻡ ﻭﺑﻴﻀﻪ ﻭﺣﺪﻩ ﻭﺍﺟﻴﻨﺎ ﻟﺪﻧﻴﺎ ﻭﻫﻢ ﺍﺛﻨﻴﻦ ﺑﻨﺎﺕ ﺑﺲ ﺍﻣﻲ ﻛﻠﺘﻠﻪ ﻋﻮﻓﻨﻲ ﺍﻧﻲ ﺍﺳﻤﻴﻬﻦ ﺍﺑﻮﻱ ﻣﺎﺍﻋﺘﺮﺽ ﻭ ﺳﻤﺘﻨﻲ ﻟﻴﻠﻰ ﻭﺍﺧﺘﻲ ﺧﺎﻟﻪ
ﻭﺑﻌﺪ ﻣﺎﻋﻨﺪﻩ ﺍﺑﻮﻱ ﺑﺰﺭ ﻣﺎﻳﺼﻴﺮ ﻋﻨﺪ ﺍﻣﻲ ﻭﻻﻣﺮﺗﻪ ﺑﺲ ﺣﻤﺪ ﺍﻟﻠﻪ ﺍﺑﻮﻱ ﻭﺍﻗﺘﻨﻊ ﺑﻨﺼﻴﺒﻪ ﻭﻛﺒﺮﻧﺎ ﻭﺍﺑﻮﻱ ﻳﺤﺒﻨﺎ ﻭﻣﺪﻟﻠﻨﺎ ﻭﻳﻤﻮﺕ ﻋﻠﻴﻨﺎ ﺍﻧﻲ ﻭﻫﺎﻟﻪ
ﺍﺧﻮﻱ ﺫﻛﻲ ﻭﺷﺎﻃﺮ ﻭﻃﻠﻊ ﻃﺒﻴﻪ ﺑﺬﺍﻙ ﺍﻟﻮﻛﺖ ﻋﺠﻴﺒﻪ ﺑﺲ ﺍﺧﻮﻱ ﻣﺤﻤﻮﺩ ﺧﺒﻴﺚ ﺍﻧﺎﻧﻲ ﻳﻔﻜﺮ ﺑﻨﻔﺴﻪ ﻭﺏ ﺍﻣﻪ ﺍﺑﺪ ﻣﺎﻧﺸﻮﻓﻪ ﻳﻄﻠﻊ ﻳﺴﺎﻋﺪ ﺍﺑﻮﻱ ﺍﻭ ﻳﺼﺨﺮﻟﻪ ﻭ ﺍﺣﻨﻪ ﻗﺒﻞ ﻧﻮﺩﻱ ﺍﻻﻛﻞ ﻻﺑﻮﻧﺎ ﺍﻟﻈﻬﺮﻳﻪ ﺍﻧﻲ ﻭﺍﺧﻮﺍﺗﻲ ﺍﺧﻮﺍﺗﻲ ﻣﻦ ﺣﻤﺪﻳﻪ ﺍﻣﻞ ﻭ ﻫﻴﺒﺖ ﺳﻤﻴﺮﻩ ﻳﺤﺒﻮﻧﺎ ﻭﻳﺤﺒﻦ ﺍﻣﻨﺎ ﻭﺍﺧﻮﺍﺗﻲ ﺗﺰﻭﺟﻦ ﻋﻠﻰ ﺻﻐﺮ ﻭﺣﺪﻩ ﺍﺧﺬﺕ ﺍﺑﻦ ﺧﺎﻟﻬﺎ ﻭﻭﺣﺪﻩ ﺍﺧﺬﺕ ﻏﺮﻳﺐ ﺻﺪﻳﻖ ﺍﺑﻦ ﺻﺪﻳﻖ ﺍﺑﻮﻱ ﻭﺣﺪﻩ ﻣﺘﺰﻭﺟﻪ ﺑﻠﻌﻤﺎﺭﻩ ﻋﻦ ﻃﺮﻳﻖ ﺟﻴﺮﺍﻧﺎ ﻭﺍﺧﺘﻲ ﺳﻬﺎﻡ ﻋﻤﻲ ﻗﻔﻞ ﺍﻟﻪ ﻳﺎﺧﺬﻫﺎ ﻻﺑﻨﻪ ﺍﻟﻤﺪﺭﺱ ﻋﺠﻴﺒﻪ ﻣﻜﻤﻞ ﻭﻣﺪﺭﺱ ﺑﺲ ﺍﺑﻮﻱ ﻣﺎﻗﺒﻞ ﺍﻟﻪ ﺗﺼﻴﺮ ﺷﻬﺎﺩﻩ ﻻﺧﺘﻲ ﻭﺩﺧﻠﺖ ﻣﻌﻬﺪ ﻣﻌﻠﻤﺎﺕ ﻭﺗﺰﻭﺟﺖ ﺍﺑﻦ ﻋﻤﻲ ﺟﺎﺳﻢ
ﻋﺎﺍﺍﺍﺍﺍ ﺟﺎﺳﻢ ﺍﻣﻮﺕ ﻣﻨﺎ ﺧﺒﻴﺚ ﻭﺣﻘﻴﺮ ﻭﺧﺒﻴﺚ ﻭﺑﻠﻜﻮﻩ ﺍﺧﺘﻲ ﻣﺘﺤﻤﻠﺘﻪ ﻭﺍﻣﻲ ﺗﺼﺒﺮﻫﺎ ﺍﻧﻲ ﻭﺣﺎﻟﻪ ﻋﻤﺮﻧﺎ 15 ﺳﻨﻪ ﻭﺍﻣﻲ ﺗﻮﻓﺖ ﺑﻴﻮﻡ ﻭﻟﻴﻠﻪ ﺍﺧﻄﻔﺖ ﻣﻨﺎ ﻭﻣﺎﺗﺖ ﺭﺍﺣﺖ ﺍﻣﻲ ﺿﺎﻋﺖ ﻣﻦ ﺍﻳﺪﻧﺎ ﻭﺍﺑﻮﻱ ﺍﻧﻜﺴﺮ ﻋﻠﻰ ﻣﻮﺗﺘﻬﺎ ﻭﺍﺣﻨﻪ ﺗﻴﺘﻤﻨﺎ ﺑﺪﻭﻧﻬﺎ ﻭﺑﻘﻴﻨﺎ ﻳﻢ ﺣﻤﺪﻳﻪ ﻭ ﺍﻟﻐﺼﻪ ﺑﻜﻠﻮﺑﻨﺎ ﻋﻠﻰ ﺍﻣﻨﺎ ﺍﺧﻮﺍﺗﻨﺎ ﺍﻣﻞ ﻭﻫﻴﺒﺖ ﻣﺎﻋﺎﻓﻮﻧﺎ ﻭﻳﺮﺣﻦ ﻭﻳﺠﻦ ﻋﻠﻴﻨﺎ ﻭﻳﺼﺒﺮﻧﺎ ﻭﻳﺘﻌﺎﺭﻛﻦ ﻭﻳﻪ ﺍﻣﻬﻦ ﻣﻦ ﺗﺄﺫﻳﻨﺎ ﻭﻣﺎﻧﺸﻜﻲ ﻻﺑﻮﻧﺎ ﻋﻠﻴﻬﺎ ﻫﻮﻩ ﻣﻘﻬﻮﺭ ﻭﻣﻜﺴﻮﺭ ﻋﻠﻰ ﺍﻣﻨﺎ
ﻭﻛﺒﺮﻧﺎ ﻭﺍﺧﻮﺍﺗﻨﺎ ﻣﺎﻋﺎﻓﻮﻧﺎ ﻭﺍﺑﻮﻱ ﻫﻢ ﻣﺎﻗﺒﻞ ﺍﻟﻪ ﻧﻜﻤﻞ ﺩﺭﺍﺳﺘﻨﺎ ﻭﻫﺎﻟﻪ ﻣﺎﺗﺤﺐ ﺍﻟﺪﺭﺍﺳﻪ ﻭﺑﻄﻠﺖ ﻭﺍﻧﻲ ﻭﺍﺧﻮﺍﺗﻲ ﺗﻌﺎﺭﻛﻨﺎ ﻭﻳﺎﻫﺎ ﻭﻣﺎﺗﻘﺒﻞ ﺗﻜﻤﻞ ﻭﻛﻌﺪﺕ ﺑﻠﺒﻴﺖ ﻧﺎﺩﺭﻩ ﻋﻠﻰ ﺍﻣﻲ ﺗﻌﻠﻤﺖ ﺗﻄﺒﺦ ﺗﺴﻮﻱ ﻛﻴﻚ ﺗﻌﻠﻤﺖ ﺣﺘﻰ ﺗﺨﺒﺰ ﺑﺘﻨﻮﺭ ﺍﻟﻄﻴﻦ ﻭﺍﻧﻲ ﻭﻳﺎﻫﺎ ﺭﻭﺡ ﻭﺣﺪﻩ ﻭﻣﺤﺪ ﻳﻌﺮﻑ ﻳﻔﺮﻗﻨﺎ ﺧﻄﻴﻪ ﺍﺑﻮﻱ ﻳﺘﺒﻬﺬﻝ ﻣﺎﻳﻌﺮﻑ ﻣﻨﻮ ﻫﺎﻟﻪ ﻭﻣﻨﻮ ﻟﻴﻠﻰ ﺑﻌﺪﻳﻦ ﻛﺎﻡ ﻳﺴﻤﻴﻨﺎ ﺍﺛﻨﻴﻨﺎ ﺑﻨﻴﻪ ﻻﻥ ﻧﺸﺒﻪ ﺍﻣﻨﺎ ﻭ ﺑﻘﻰ ﻣﺎﻳﻌﺮﻑ ﻳﻔﺮﻗﻨﺎ ﻭﻧﻀﺤﻚ ﻋﻠﻴﻪ ﻭﻃﺒﻌﺎ ﺷﻜﺪ ﻧﺼﺒﻨﺎ ﻋﻠﻰ ﺣﻤﺪﻳﻪ ﺍﻧﻲ ﻭﺍﺧﺘﻲ ﺳﻮﻳﻨﺎ ﺑﻴﻬﺎ ﻣﻘﺎﻟﺐ ﻳﺎﺑﻮ ﻣﻘﺎﻟﺐ ﻭﺗﺮﻳﺪ ﺣﻤﺪﻳﻪ ﻫﺎﻟﻪ ﻻﺧﻮﻫﺎ ﻭﻫﺎﻟﻪ ﻭﺍﺑﻮﻱ ﻣﺎﻳﻘﺒﻠﻮﻥ ﻭﻻﻥ ﺭﻓﻀﺖ ﻫﺎﻟﻪ ﺣﻤﺪﻳﻪ ﺷﺪﺕ ﻭﻳﺎﻫﺎ ﻭﻫﺎﻟﻪ ﻣﺎﺗﻜﻌﺪ ﺭﺍﺣﻪ ﺗﺮﻳﺪ ﺗﺘﻌﻠﻢ ﻛﻴﻚ ﻭﻛﺎﻣﺖ ﻳﻮﻣﻴﻪ ﺗﺴﻮﻱ ﻛﻴﻚ ﺍﻟﻈﻬﺮ ﻭﺗﺨﺮﺑﻪ ﻭﺗﺠﺮﺑﻨﻲ ﺍﻛﻠﻬﺎ ﻋﺎﺍﺍﺍ ﺟﺎﻧﺖ ﻣﻮﻃﻴﺒﻪ ﻭﺍﻣﻮﺕ ﻣﻦ ﻛﻴﻚ ﻫﺎﻟﻪ ﺑﻌﺪﻳﻦ ﻟﻜﻴﺘﻠﻲ ﺣﻞ ﻣﻦ ﺗﺨﺮﺏ ﻧﺬﺑﻪ ﺑﻠﺘﻨﻮﺭ ﺍﻟﻄﻴﻦ ﻭﻭﻧﺨﻠﻲ ﻓﻮﻛﺎﻩ ﺣﻄﺐ ﻭﺛﺎﻧﻲ ﻳﻮﻡ ﻣﻦ ﺗﺨﺒﺰ ﻫﺎﻟﻪ ﻳﺤﺘﺮﻙ ﻭﻳﻀﻴﻊ ﻭﺍﺧﻴﺮﺍ ﺗﺨﻠﺼﺖ ﻣﻦ ﻛﻴﻜﺎﺕ ﻫﺎﻟﻪ ﻭﺍﻟﻰ ﺍﻥ ﺗﻌﻠﻤﺖ ﻭﺻﺎﺭﺕ ﻓﻨﺎﻧﻪ ﺑﻠﻜﻴﻚ ﺑﺲ ﺍﻟﻠﻪ ﻭﻛﻴﻠﻜﻢ ﺑﺤﻠﻜﻲ ﺗﻌﻠﻤﺖ ﻗﺼﺘﻲ ﻭﻳﻪ ﻛﻴﻚ ﻫﺎﻟﻪ ﻣﺄﺳﺎﺕ
ﻭﻃﻠﻌﺘﻠﻲ ﺑﺴﺎﻟﻔﺔ ﻛﻠﻴﺠﻪ ﺗﺮﻳﺪ ﺗﺘﻌﻠﻢ ﻣﻦ ﻛﻠﺘﻠﻲ ﺍﻧﻲ ﺭﺩﺕ ﺍﻧﺘﺤﺮ ﺑﻌﺪ ﻣﻌﺪﺗﻲ ﻣﺎﺗﺘﺤﻤﻞ ﺍﻛﻼﺗﻬﺎ ﻭﺳﻮﺗﻬﺎ ﻭﻟﺰﻣﺘﻬﺎ ﺣﻤﺪﻳﻪ ﻭﻟﻜﺘﻬﺎ ﻣﺨﺮﺑﺘﻬﺎ ﻭﻣﻮ ﻃﻴﺒﻪ ﻭﺿﺮﺑﺘﻬﺎ ﻫﺎﻟﻪ ﺑﺲ ﻟﺴﺎﻥ ﺑﺲ ﻣﺎﺩﺍﻓﻊ ﻋﻦ ﻧﻔﺴﻬﺎ ﺭﺟﻌﺖ ﻟﻜﻴﺖ ﻫﺎﻟﻪ ﻣﻀﺮﻭﺑﻪ ﺗﺨﺒﻠﺖ ﻋﻠﻴﻬﺎ ﻭﺍﻧﻘﻬﺮﺕ ﻭﻗﺮﺭﺕ ﺍﻧﺘﻘﻢ ﻣﻨﻬﺎ ﺑﺄﻳﺪﻱ ﺍﺿﺤﻚ ﻋﻠﻴﻬﺎ ﻭﺑﻌﺪﻳﻦ ﺍﺑﺴﻄﻬﺎ ﻭﺍﺩﺑﻬﺎ
ﺑﻘﻴﺖ ﺍﻓﻜﺮ ﺍﻟﻰ ﺍﻥ ﺷﻔﺘﻠﻲ ﻓﻜﺮﻩ ﺟﻬﻨﻤﻴﻪ ﻭﺧﻄﻄﻨﺎ ﺍﻧﻲ ﻭﻫﺎﻟﻪ ﻋﻠﻴﻬﺎ
ﻛﻌﺪﺕ ﺍﻟﺼﺒﺢ ﻭﺑﺪﻟﺖ ﻣﺜﻞ ﻛﻞ ﻳﻮﻡ ﻭﺍﺑﻮﻱ ﻳﻮﺻﻠﻨﻲ ﺑﻄﺮﻳﻘﻪ ﻧﺮﻭﺡ ﻣﺸﻲ ﺍﻧﻲ ﻭﻳﺎﻩ ﻟﻤﺪﺭﺳﺘﻲ ﻭﻣﻦ ﻭﺻﻠﻨﻲ ﻭﺩﺧﻠﺖ ﺷﻔﺘﻪ ﺭﺍﺡ ﺍﻧﻲ ﻃﻠﻌﺖ ﻭﺭﺟﻌﺖ ﻟﻠﺒﻴﺖ ﻭﺑﺴﻜﻮﺕ ﻣﻦ ﺍﻟﺴﻄﺢ ﻫﺎﻟﻪ ﺍﺷﺮﺗﻠﻲ ﺍﺩﺧﻠﻲ ﻳﻌﻨﻲ ﺣﻤﺪﻳﻪ ﻣﺎﻣﻮﺟﻮﺩﻩ ﺑﻠﻤﻄﺒﺦ ﻭﺩﺧﻠﺖ ﺧﺘﻠﺖ ﺑﻠﺒﻴﺖ ﻭﻟﺒﺴﺖ ﺩﺷﺪﺍﺷﻪ ﻧﻔﺲ ﺩﺷﺪﺍﺷﺔ ﻫﺎﻟﻪ ﻭﺳﻮﻳﺖ ﻛﺼﻴﺒﻪ ﻣﺜﻞ ﻛﺼﻴﺒﺘﻬﺎ ﻭﻛﺎﻋﺪﻩ ﺑﻠﻤﻄﺒﺦ ﻧﺰﻟﺖ ﺣﻤﺪﻳﻪ ﺗﺨﺒﻠﺖ ﺷﺎﻓﺘﻨﻲ
ﺣﻤﺪﻳﻪ : ﺟﺎ ﺍﻧﺘﻲ ﺭﺟﻌﺘﻲ
ﺍﻧﻲ : ﻣﻨﻴﻦ ﺍﺭﺟﻊ
ﺣﻤﺪﻳﻪ : ﻣﻦ ﺍﻟﻤﺪﺭﺳﻪ
ﺍﻧﻲ : ﻳﺎ ﺷﺒﻴﺞ ﻳﻤﻪ ﻳﺎﻣﺪﺭﺳﻪ ﺍﻧﻲ ﻫﺎﻟﻪ
ﺣﻤﺪﻳﻪ : ﻳﺎ ﻭﻟﺞ ﺍﻧﺘﻲ ﻫﺴﻪ ﻋﻔﺘﺞ ﻓﻮﻙ
ﺑﻬﺬﺍ ﺍﻟﻮﻗﺖ ﻧﺰﻟﺖ ﻫﺎﻟﻪ ﻣﻦ ﻓﻮﻙ ﻭﺩﺧﻠﺖ ﺍﻟﻐﺮﻓﻪ ﻭ ﺍﺟﺘﻲ ﻫﻴﺒﺖ ﺗﺮﻳﺪ ﺗﺎﺧﺬ ﻫﺎﻟﻪ ﻟﺴﻮﻙ ﺳﻠﻤﺖ ﻋﻠﻴﻬﺎ ﺑﺤﺠﺔ ﺍﻧﻲ ﻫﺎﻟﻪ ﻭ ﺻﻌﺪﺕ ﻓﻮﻙ ﺑﺴﻜﻮﺕ ﻟﺴﻄﺢ ﻭﺻﻌﺪﺕ ﺣﻤﺪﻳﻪ ﺷﺎﻓﺘﻨﻲ
ﺣﻤﺪﻳﻪ؛ ﻭﻟﺞ ﺧﺒﻠﺘﻴﻨﻲ ﺍﻧﺘﻲ ﻣﻮ ﺟﻮﻩ
ﺍﻧﻲ : ﺷﻤﺎﻟﺞ ﺍﻟﻴﻮﻡ ﻳﻤﻪ
ﺑﺲ ﺍﻟﻠﻪ ﻛﻔﻴﻠﻜﻢ ﺍﻟﻀﺤﻜﻪ ﺧﺎﻧﻜﺘﻨﻲ ﻭﻧﺰﻟﺖ ﻟﻜﺖ ﻫﺎﻟﻪ ﺟﻮﻩ ﻳﻢ ﻫﻴﺒﺖ ﺗﺨﺒﻠﺖ
ﺣﻤﺪﻳﻪ : ﻭﻟﺞ ﺗﺮﻳﺪﻳﻦ ﺗﺨﺒﻠﻴﻨﻲ ﺍﻧﺘﻲ ﻭﺍﺧﺘﺞ
ﻫﺎﻟﻪ : ﻳﻤﻪ ﺷﻜﻮ
ﺍﺟﺖ ﺣﻤﺪﻳﻪ ﺭﺍﺩﺕ ﺗﻀﺮﺏ ﻫﺎﻟﻪ ﻭﻫﻴﺒﺖ ﻣﻨﻌﺖ ﺍﻣﻬﺎ
ﻫﻴﺒﺖ : ﻳﻤﻪ ﺷﺠﺮﺍﻟﺞ ﺍﻟﺒﻨﻴﻪ ﻛﺎﻋﺪﻩ ﻳﻤﻲ
ﺣﻤﺪﻳﻪ : ﺗﻌﺎﻟﻦ ﺍﺻﻌﺪﻥ ﻭﻳﺎﻱ ﻫﺬﻱ ﻭﺷﻮﻓﻴﻬﺎ ﻫﺴﻪ ﺗﻄﻠﻊ ﻟﻴﻠﻰ ﻓﻮﻙ ﻟﻮ ﻫﺎﻟﻪ ﻭﺍﻧﺘﻲ ﻟﻴﻠﻰ
ﺻﻌﺪﻥ ﺣﻤﺪﻳﻪ ﻭﻫﺎﻟﻪ ﻭﻫﻴﺒﺖ ﻓﻮﻙ ﻭﺍﻧﻲ ﻃﻔﺮﺕ ﻋﻠﻰ ﺳﻄﺢ ﺟﻴﺮﺍﻧﺎ ﻭﺷﺎﻓﺖ ﻫﻴﺒﺖ ﻣﺎﻛﻮ ﺍﺣﺪ ﻭﺣﻤﺪﻳﻪ ﺍﻟﺴﻄﺢ ﻛﻠﻪ ﻓﺘﺸﺘﻪ ﺣﺘﻰ ﺍﻟﺰﻋﺎﺑﻴﻞ ﺻﺎﺭﻟﻬﺎ ﺳﻨﻴﻦ ﻣﺎﻣﻨﻈﻔﻴﻬﺎ ﺑﻴﻮﻣﻬﺎ ﻋﺰﻟﺘﻬﺎ ﻭﻧﻈﻔﺘﻬﺎ ﻭﻣﺎﻟﻜﺘﻨﻲ ﻭﻫﻴﺒﺖ ﺻﻴﺤﺖ ﻋﻠﻰ ﺍﻣﻬﺎ ﻭﻃﻠﻌﺖ ﺍﺧﺬﺕ ﻫﺎﻟﻪ ﻭﺍﺑﺎﻭﻉ ﻣﻦ ﺍﻟﺴﻄﺢ ﻃﻠﻌﻦ ﺍﻧﻲ ﻃﻔﺮﺕ ﻟﺴﻄﺤﻨﺎ ﻭﻧﺰﻟﺖ ﻭﺧﻠﻴﺖ ﺷﻌﺮﻱ ﻋﻠﻰ ﻭﺟﻬﻲ ﻭﻟﺒﺴﺖ ﻋﺒﺎﻳﺔ ﺍﻣﻲ ﻭﺩﺧﻠﺖ ﻟﻐﺮﻓﺔ ﺣﻤﺪﻳﻪ ﻭﺍﺣﺠﻲ ﻭﻳﺎﻫﺎ ﻋﻮﺩ ﺍﻧﻲ ﺍﻣﻲ
ﺍﻧﻲ : ﺣﻤﺪﻳﻪ ﺗﺘﻘﺮﺑﻴﻦ ﻋﻠﻰ ﺑﻨﺎﺗﻲ ﺍﺫﺑﺤﺞ ﻭﺍﺳﺤﺒﺞ ﻭﻳﺎﻱ ﻟﻠﻜﺒﺮ ﻋﻮﻓﻲ ﺑﻨﺎﺗﻲ ﺑﺤﺎﻟﻬﻦ
ﻭﻏﻴﺮﺕ ﺻﻮﺗﻲ 180 ﺩﺭﺟﻪ ﻭﺧﻨﻜﺘﻬﺎ ﻭﻫﻴﻪ ﺗﺼﻴﺢ ﻭﺗﺒﺠﻲ ﻭﻃﻠﻌﺖ ﻛﺒﻞ ﺍﺧﺬﺕ ﺟﻨﻄﺘﻲ ﺟﻨﺖ ﻋﺎﻳﻔﺘﻬﺎ ﺑﻠﺤﺪﻳﻘﻪ ﻭﻣﻼﺑﺴﻲ ﻭﺭﺣﺖ ﻟﺒﻴﺖ ﺍﻡ ﻋﺎﺩﻝ ﺟﺎﺭﺗﻨﺎ ﻭﺷﺎﻓﺘﻨﻲ ﺗﺨﺒﻠﺖ ﻫﺬﻱ ﺍﻡ ﻋﺎﺩﻝ ﺻﺪﻳﻘﺔ ﺍﻣﻲ ﻭﺗﺤﺒﻨﺎ ﻭﺳﻮﻟﻔﺘﻠﻬﺎ ﺳﺴﻮﻳﺖ ﻟﺤﻤﺪﻳﻪ ﻭﻟﺒﺴﺖ ﻫﺪﻭﻣﻲ ﻭﻛﻌﺪﺕ ﺗﻌﻠﻌﻠﺖ ﻳﻤﻬﺎ ﺍﻛﻠﺖ ﺟﺘﻲ ﻭﺧﺒﺰ ﻭﻗﺮﻳﺐ ﻧﻬﺎﻳﺔ ﺍﻟﺪﻭﺍﻡ ﺭﺟﻌﺖ ﻟﻠﻤﺪﺭﺳﻪ ﻭﺷﺎﻓﻨﻲ ﺻﺪﻳﻘﺎﺗﻲ ﻭﻭﺣﺪﻩ ﻣﻨﻬﻦ ﺍﺳﻤﻬﺎ ﻓﺎﺋﺰﻩ ﻫﺬﻱ ﺻﺪﻳﻘﺘﻲ ﺍﻟﻤﻘﺮﺑﻪ
ﻓﺎﺋﺰﻩ : ﻭﻳﻦ ﺟﻨﺘﻲ ﻳﺎﺧﺎﻳﺒﻪ ﺷﻨﻮ ﻫﺴﻪ ﺩﺍﻭﻣﺘﻲ ﺗﺬﻛﺮﺗﻲ
ﺍﻧﻲ : ﺑﻌﺪﻳﻦ ﺍﻓﻬﻤﺞ ﺑﺲ ﻫﺴﻪ ﻣﻦ ﺍﻃﻠﻊ ﺳﻠﻤﻲ ﻋﻠﻴﻪ ﻛﺪﺍﻡ ﺍﺑﻮﻱ
ﻭﻃﻠﻌﺖ ﻭﺷﻔﺖ ﺍﺑﻮﻱ ﻭﺳﻠﻤﺖ ﻋﻠﻰ ﺍﻟﺒﻨﺎﺕ ﻭﻃﻠﻌﺖ ﻭﺭﺟﻌﻨﺎ ﻣﺸﻲ ﺍﻧﻲ ﻭﺍﺑﻮﻱ ﻭﻭﺻﻠﻨﺎ ﻟﻜﻴﻨﺎ ﺍﻟﺒﻴﺖ ﻣﺨﺒﻮﺹ ﻫﻴﺒﺖ ﻭﺍﻣﻞ ﻭﻫﺎﻟﻪ ﻭﺣﻤﺪﻳﻪ ﻣﺘﺨﺮﺑﻄﻪ ﻭﺗﺤﺠﻲ ﻭﺗﺒﺠﻲ ﻭﻫﺎﻟﻪ ﺑﻠﻐﺮﻓﻪ ﺗﻀﺤﻚ ﻭﻣﺎﺗﻜﺪﺭ ﺗﻄﻠﻊ ﺑﺲ ﺳﻬﺎﻡ ﻛﺸﻔﺘﻨﺎ ﻭﺭﺯﻟﺘﻨﺎ ﻭﺗﺪﺭﻱ ﺑﻴﻨﺎ ﻣﺎﻧﻜﻌﺪ ﺭﺍﺣﻪ ﻭﻣﻦ ﺫﺍﻙ ﺍﻟﻮﻛﺖ ﺍﺭﺗﺎﺣﻴﻨﺎ ﻣﻦ ﺣﻤﺪﻳﻪ ﺍﻟﻠﻪ ﻳﺮﺣﻤﺞ ﻳﺎﻳﻤﻪ
ﻭﻛﺒﺮﻧﺎ ﺍﻧﻲ ﻭﻫﺎﻟﻪ ﻭﺻﺮﺗﻨﺎ ﺣﻠﻮﺍﺕ ﻭﻧﺸﺒﻪ ﺍﻣﻨﺎ ﻭﻋﻤﺮﻧﺎ 17 ﺳﻨﻪ ﻭﻃﻮﻳﻼﺕ ﻋﻠﻰ ﺍﻣﻲ ﻭﺍﻧﻲ ﺍﻧﻴﻘﻪ ﺑﻠﺒﺴﻲ ﺑﺬﺍﻙ ﺍﻟﻮﻛﺖ ﺍﻟﺒﺲ ﺍﻟﺘﻨﻮﺭﻩ ﺍﻟﻘﺼﻴﺮﻩ ﻭﺍﻟﻘﻤﻴﺺ ﻭﺍﻓﺘﺢ ﺷﻌﺮﻱ ﻭﻳﻮﻣﻴﻪ ﺍﻟﻔﻪ ﻭﺍﻋﺘﻨﻲ ﺑﻨﻔﺴﻲ ﻋﻜﺲ ﻫﺎﻟﻪ ﻣﻬﻤﻠﻪ ﺑﺲ ﺍﻧﻲ ﻓﻮﻙ ﺭﺍﺳﻬﺎ ﻣﺎﺍﺧﻠﻴﻬﺎ ﺗﻬﻤﻞ ﻧﻔﺴﻬﺎ ﻭﺷﺸﺘﺮﻱ ﺍﺷﺘﺮﻳﻠﻬﺎ ﻏﺼﺐ ﻋﻨﻬﺎ
ﻭﺑﻴﻮﻡ ﻃﻠﻌﺖ ﻣﻦ ﺍﻟﺒﻴﺖ ﻭﺑﺮﺍﺱ ﻓﺮﻋﻨﺎ ﺍﺑﺎﻭﻉ ﻋﻠﻰ ﻭﺍﺣﺪ ﺣﻠﻮ ﺑﻜﻠﺘﻪ ﺷﻜﺒﺮﻫﺎ ﺣﻠﻮ ﺟﺴﻤﻪ ﻭﺍﺳﻤﺮﺍﻧﻲ ﺍﻟﻠﻪ ﺷﻔﺘﻪ ﻳﺸﺒﻪ ﺍﺣﻤﺪ ﺭﻣﺰﻱ ﺑﺲ ﺑﻜﻠﺘﻪ ﺍﻛﺒﺮ ﻣﻦ ﻭﺟﻬﺎ ﺟﺎﻥ ﻣﻮﺩﻳﻠﻬﺎ ﻭﺑﻄﺮﻭﻧﺎ ﺍﻟﺠﺎﺭﻟﺲ ﻭﻭﺍﻛﻒ ﻳﺒﺎﻭﻋﻠﻲ ﻭﻳﻀﺤﻚ ﺑﻮﺟﻬﻲ ﻭﺍﻧﻲ ﺍﻣﺸﻲ ﻭﻳﻪ ﺍﺑﻮﻱ ﻭﻣﺪﻧﻜﻪ ﺑﺲ ﻋﺠﺒﻨﻲ ﺍﺑﻮ ﺑﻜﻠﻪ
ﻭﻳﺎﺑﻮﻳﻪ ﻳﺎﻳﺎﺑﻪ ﻧﻈﺮﺍﺗﻪ ﺟﺘﺎﻟﻪ
.
ﻭﻓﺘﺖ ﻣﻦ ﻳﻤﺎ ﺭﻭﺣﻲ ﺧﻔﺘﺘﻠﻪ ﺩﺧﻞ ﻋﻘﻠﻲ ﻭﺍﻇﻦ ﺩﺧﻞ ﻛﻠﺒﻲ
ﻭﺛﺎﻧﻲ ﻳﻮﻡ ﻫﻢ ﺷﻔﺘﻪ ﻭﻳﺒﺎﻭﻋﻠﻲ ﻭﺍﺑﺎﻭﻋﻠﻪ ﻭﺑﻜﻠﺘﻪ ﺟﺘﻠﺘﻨﻲ ﺑﻮﻳﺎ ﺳﻬﻢ ﺑﻜﻠﺒﻲ ﻣﻮ ﻧﻈﺮﺍﺕ
ﻳﻮﻣﻴﻪ ﺍﻟﺒﺲ ﻭﺍﺑﺪﻝ ﻭﺍﻟﻒ ﺷﻌﺮﻱ ﻭﺍﻋﺪﻝ ﺑﻨﻔﺴﻲ ﺣﺘﻰ ﺍﺷﻮﻓﻪ ﻭﻋﺒﺎﻟﻚ ﻋﻴﺪ ﻋﻨﺪﻱ ﻣﻮ ﻣﺪﺭﺳﻪ ﻭﻳﻮﻣﻴﻪ ﺑﺲ ﺍﺑﺎﻭﻋﻠﻪ ﻭﻳﺒﺎﻭﻋﻠﻲ ﻭﺍﺑﻮﻱ ﻭﻳﺎﻱ ﻣﺎﺍﻛﺪﺭ ﺍﺷﻮﻓﻪ ﺑﺮﺍﺣﺘﻲ ﻭﻛﻠﺖ ﺍﺫﺍ ﺍﺑﻮﻱ ﻣﻮ ﻭﻳﺎﻱ ﻳﻜﺪﺭ ﻳﺤﺠﻲ ﻭﻳﺎﻱ
ﻓﻜﺮﺕ ﺍﺑﻮﻱ ﻣﻴﺨﻠﻴﻨﻲ ﺍﻣﺸﻲ ﻭﺣﺪﻱ ﺍﻣﺸﻲ ﻓﺎﺋﺰﻩ ﻭﺍﺑﺘﺴﺎﻡ ﺻﺪﻳﻘﺎﺗﻲ
ﻫﺎﻟﻪ : ﺷﺒﻴﺞ ﺻﺎﺭ ﺳﺎﻋﻪ ﺗﺼﻔﻨﻴﻦ
ﺍﻧﻲ : ﻣﺎﻛﻮ ﺷﻲ ﺑﺲ ﻣﺎﺍﺭﻳﺪ ﺍﺭﻭﺡ ﺑﻌﺪ ﻭﻳﻪ ﺍﺑﻮﻳﻪ ﺷﻠﻮﻥ ﺍﻗﻨﻌﻪ ﺗﻌﺎﻝ ﻱ ﺍﻟﻒ ﻋﻠﻲ ﻭﻋﻠﻲ ﺍﻟﻲ ﻳﻘﻨﻌﻪ
ﻫﺎﻟﻪ : ﻫﺎ ﻟﻴﻠﻮ ﺑﺪﻳﻨﺎ ﻧﺪﻭﺭ ﺯﺍﻏﻮﻻﺕ ﻧﻄﻠﻊ ﻭﺣﺪﻧﺎ ﻛﻞ ﻫﺬﺍ ﻋﻠﻰ ﺍﺑﻮ ﺑﻜﻠﻪ
ﺍﻧﻲ : ﺧﺎﻳﺒﻪ ﻣﺎﺗﻔﺘﻬﻤﻴﻦ ﺧﻠﻴﺞ ﺑﻜﻠﻴﺠﺎﺗﺞ ﺍﻟﻤﻌﻄﺒﻪ
ﻫﺎﻟﻪ : ﻣﺎﺍﻓﺘﻬﻢ ﻓﻬﻤﻴﻨﻲ ﺗﺤﺒﻴﻦ ﻭﺍﺣﺪ ﺑﺲ ﻣﻜﺸﺮ ﻓﺠﻮﺟﻪ ﺍﻟﺞ
ﺍﻧﻲ : ﻟﻴﺶ ﻣﺎﺩﻛﻮﻣﻴﻦ ﻣﻨﻲ ﻻﺍﺭﻛﻌﺞ ﺑﻠﻔﺎﻧﻮﺱ
ﻫﺎﻟﻪ : ﺗﺴﻮﺩﻧﺘﻲ
ﺍﻧﻲ : ﻭﻟﺞ ﻟﻜﻴﺘﻬﺎ ﺍﻛﻠﻪ ﻻﺑﻮﻱ ﺍﻃﻠﻊ ﻭﻳﻪ ﻓﺎﺋﺰﻩ ﻭﺍﺑﺘﺴﺎﻡ ﻳﻤﺮﻥ ﻋﻠﻴﻪ ﻭﺍﺗﻮﻧﺲ ﻭﻣﺎﻳﺤﺠﻲ ﺍﺑﻮﻱ ﻓﻜﻴﺮ
ﻫﺎﻟﻪ : ﺟﺎﻏﻴﺮ ﻳﺒﻮﻛﻨﺎ ﻣﻨﺞ ﺑﺲ ﻳﺸﻮﻓﻦ ﺍﺑﻮ ﻓﺠﻮﺝ
ﺍﻧﻲ : ﺍﻱ ﺻﺢ ﻳﺒﻮﻛﻨﺎ ﺧﺎﺻﺘﻦ ﻫﺎﻱ ﻫﺎﻱ ﺍﺑﺘﺴﺎﻣﻮ ﺍﻟﻤﺸﻌﻮﻃﻪ ﻋﻠﻰ ﺯﻟﻤﻪ
ﺑﻘﻴﺖ ﺻﺎﻓﻨﻪ ﺻﺪﻙ ﻳﺒﻮﻛﻦ ﺟﺘﺎﻟﻲ ﻭﺍﻧﺘﺒﻬﺖ ﻋﻠﻰ ﻛﻼﻡ ﻫﺎﻟﻪ
ﺍﻧﻲ : ﻣﻨﻮ ﺍﺑﻮ ﻓﺠﻮﺝ ﺍﻧﺘﻲ ﺩﻭﺍﺝ ﺣﻤﻴﺪﻭ ﺗﻌﺎﻱ ﻭﻟﺞ
ﻭﺿﺮﺑﺘﻬﺎ ﻭﺿﺮﺑﺘﻨﻲ ﻭﻣﻮﺗﺘﻬﺎ ﺗﺤﺠﻲ ﻋﻠﻰ ﺟﺘﺎﻟﻲ ﻣﺎﺍﺗﺤﻤﻞ ﺍﺣﺒﻨﺎ ﻛﻤﺖ
ﻭﻟﻠﻴﻞ ﻭﺍﺟﻪ ﺍﺑﻮﻱ ﻭﺍﺧﺬﺗﻠﻪ ﻣﻦ ﻛﻠﻴﺠﺎﺕ ﻫﺎﻟﻪ ﻭﺑﻴﻮﻣﻬﺎ ﻃﻴﺒﻪ ﻛﻠﻴﺠﺘﻬﺎ
ﺍﻧﻲ : ﻫﺎ ﺑﻮﻳﻪ ﻛﻮﺍﻙ ﺍﻟﻠﻪ
ﺍﺑﻮﻱ ﻳﺎﺧﺬﻟﻪ ﺻﻔﻨﻪ ﺑﻮﺟﻬﻲ ﻭﻣﺜﻞ ﻛﻞ ﻣﺮﻩ ﻣﺎﻳﻌﺮﻓﻨﻲ ﺍﻧﻲ ﻫﺎﻟﻪ ﻟﻮ ﻟﻴﻠﻰ
ﺍﺑﻮﻱ : ﻫﻼ ﺑﻮﻳﻪ ﺍﻟﻠﻪ ﻳﻜﻮﻳﺞ
ﺍﻧﻲ : ﺑﻮﻳﻪ ﺍﻧﻲ ﻟﻴﻠﻰ ﻻﺗﺎﺧﺬﻟﻚ ﺩﺍﻟﻐﻪ
ﺍﺑﻮﻱ : ﻫﻬﻪ ﺍﻱ ﺑﻮﻳﻪ ﻋﺮﻓﺘﺞ ﺍﻣﺞ ﺍﻟﻠﻪ ﻳﺮﺣﻤﺎ ﺑﺲ ﻫﻴﻪ ﺗﻌﺮﻓﺠﻦ ﻭﺗﻔﺮﻕ ﺑﻴﻨﺠﻦ
ﺍﻧﻲ : ﺍﻟﻠﻪ ﻳﺮﺣﻤﻬﺎ ﻳﺎﻳﻤﻪ
ﺑﻮﻳﻪ : ﻛﻞ ﻳﻮﻡ ﻫﺎﻟﻪ ﺟﻴﺒﻠﻲ ﺷﻨﻮ ﺍﻟﻴﻮﻡ ﺣﺎﺭﻛﺘﻬﻦ ﻛﻠﻴﺠﺎﺗﻬﺎ
ﺍﻧﻲ : ﺑﻮﻳﻪ ﻣﻨﻮ ﻏﻴﺮﻱ ﻭﻏﻴﺮﻙ ﻳﺼﺮﻑ ﺍﻛﻠﻬﺎ ﻭﺗﻤﺸﻲ ﻋﻠﻴﻨﺎ ﺑﺲ ﺍﻟﻴﻮﻡ ﻃﻴﺒﻪ ﻭﺍﻧﻲ ﺍﺷﺘﻬﻴﺘﻬﺎ ﺍﻟﻚ
ﺑﻮﻳﻪ : ﺍﻱ ﺍﻱ
ﻭﺧﻄﻴﻪ ﺗﺤﺼﺮ ﻣﺎﻓﺪ ﻳﻮﻡ ﻧﺴﻰ ﺍﻣﻲ ﻭﻣﻦ ﻳﺸﻮﻓﻨﺎ ﻳﺘﺬﻛﺮﻫﺎ
ﺍﻧﻲ : ﺑﻮﻳﻪ ﺍﻧﻲ ﺍﺭﻳﺪ ﺍﻃﻠﻊ ﻭﻳﻪ ﺻﺪﻳﻘﺎﺗﻲ ﺍﺗﻮﻧﺲ ﻭﻳﺎﻫﻦ ﻭﺑﻠﻄﺮﻳﻖ ﻧﻤﺸﻲ ﺳﻮﻩ ﻭﺑﺮﻭﺡ ﺍﻣﻲ ﻻﺗﺮﻓﺾ
ﺍﺑﻮﻳﻪ : ﻣﺎﺷﻲ ﺑﻮﻳﻪ ﺍﻋﺮﻓﺞ ﺑﻤﻴﺔ ﺭﺟﺎﻝ
ﺍﻧﻲ : ﺍﺩﻋﻴﻨﺎﻙ ﺑﻮﻳﻪ ﺍﻧﻲ ﺑﺘﻚ ﺑﺖ ﺟﺒﺎﺭ ﻣﻮﺵ ﺍﻱ ﺟﺒﺎﺭ ﻻ ﺟﺒﺎﺭ ﺍﻟﻜﻮﺭﻩ
ﺍﺑﻮﻱ : ﻫﻬﻬﻬﻪ ﺍﺿﺤﻜﻦ ﻋﻠﻴﻪ ﺍﻧﺘﻲ ﻭﺍﺧﺘﺞ ﺑﻬﺬﻱ ﺳﻮﺍﻟﻔﺠﻦ
ﺍﻧﻲ : ﻣﺎﻋﺎﺵ ﻳﻀﺤﻚ ﻋﻠﻴﻚ ﺑﻮﻳﻪ
ﻭﻓﺮﺣﺖ ﻗﻨﻌﺖ ﺍﺑﻮﻱ ﺑﺲ ﺑﻘﺖ ﻣﺸﻜﻠﺔ ﺍﺑﺘﺴﺎﻡ ﻓﺎﺋﺰﻩ ﻓﻜﻴﺮﻩ ﻭﺗﺤﺒﻨﻲ ﺑﺲ ﺍﺑﺘﺴﺎﻡ ﺍﻭﻳﻠﻲ ﻋﻠﻴﺞ ﺍﺑﺘﺴﺎﻣﻮﺍ
ﻫﺎﻟﻪ : ﻫﺎ ﺣﺠﻴﺘﻲ ﻭﻳﺎﻩ
ﺍﻧﻲ : ﻣﺎﺍﺣﺠﻲ ﻭﻳﺎﺝ ﻭﻟﻲ
ﻫﺎﻟﻪ : ﻫﻬﻬﻬﻬﻪ ﻛﻠﻪ ﻋﻠﻰ ﺍﺑﻮ ﻓﺠﻮﺝ ﻋﺎﺍﺍﺍﺍﺍ ﻣﺘﺨﻴﻠﻪ ﺣﻠﻜﻪ ﺷﻜﺒﺮﻩ ﻭﺳﻨﻮﻧﻪ ﻛﺪﺍﻡ ﻭﺟﻬﺎ ﺷﺒﺮ
ﺍﻧﻲ : ﺷﻮﻓﻲ ﺍﻧﺘﻲ ﺗﺮﻳﺪﻳﻦ ﺗﻨﻀﺮﺑﻴﻦ ﻭ ﺑﺴﻄﺎﻝ ﺍﺑﻮﻱ ﻭﻋﻠﻰ ﺍﺭﺍﺳﺞ ﺧﺎﻳﺒﻪ ﺍﺣﻠﻰ ﻣﻦ ﻭﺟﻬﺞ ﺗﻐﺎﺭﻳﻦ ﻣﻨﺎ ﻳﺎﺧﺬﻧﻲ ﻣﻨﺞ
ﻫﺎﻟﻪ : ﻋﺎﺍﺍﺍ ﻭﺻﻠﻨﺎ ﻟﻠﻌﺮﺱ
ﺍﻧﻲ : ﻫﻴﺞ ﻭﺍﻟﻠﻪ ﻳﺰﻭﺟﻨﺎ ﻭﻧﻌﺮﺱ ﺍﺳﻤﻲ ﺍﺑﻨﻲ ﺭﺷﺪﻱ ﺍﺑﺎﻇﻪ
ﻫﺎﻟﻪ : ﻋﺎﺍﺍ ﺍﺑﻮ ﻓﺠﻮﺝ ﺍﺳﻢ ﺍﺑﻨﻪ ﺭﺷﺪﻱ ﺍﺑﺎﻇﻪ
ﻓﺮﻓﺤﺘﻨﻲ ﻣﻦ ﺍﻟﻘﻬﺮ ﺍﻧﻲ ﺍﺣﻠﻢ ﻭﻫﻴﻪ ﻛﺘﻠﺘﻨﻲ ﺍﺑﻮ ﻓﺠﻮﺝ ﻭﺍﺑﻮ ﻓﺠﻮﺝ ﺧﻠﺘﻨﻲ ﺍﺗﺨﻴﻠﻪ ﺍﺑﻮ ﻓﺠﻮﺝ ﻭﻫﻮﻩ ﻳﺨﺒﻞ ﺟﺘﺎﻟﻲ ﺍﺑﻮ ﻋﻴﻮﻥ ﻛﻮﻳﻪ ﻭﺣﻄﻴﺖ ﻭﺿﺮﺑﺘﻬﺎ ﻭﻋﻀﻴﺘﻬﺎ ﺗﻮﺏ ﺗﺤﺠﻲ ﻋﻠﻰ ﺟﺘﺎﻟﻲ
ﻭﻛﻤﺖ ﺍﻃﻠﻊ ﻭﻳﻪ ﺍﻟﺒﻨﺎﺕ ﻳﻮﻣﻴﻪ ﻭﺍﺑﺎﻭﻋﻠﻪ ﻭﻳﺒﺎﻭﻋﻠﻲ ﻭﻳﺒﺘﺴﻢ ﻭﺍﻧﻲ ﻫﻢ ﺍﺑﺘﺴﻤﻠﻪ ﺻﺎﺭ ﻋﻨﺪﻱ ﻓﻀﻮﻝ ﺍﻋﺮﻑ ﺍﺳﻤﻪ ﻭﺍﺭﻳﺪﻩ ﻳﻌﺮﻑ ﺍﺳﻤﻲ ﻓﻜﺮﺕ ﻭﻟﻜﻴﺖ ﻓﻜﺮﻩ ﺗﺨﺒﻞ ﻣﺜﻞ ﺟﺘﺎﻟﻲ
ﻣﺸﻴﺖ ﻭﻳﻪ ﺍﻟﺒﻨﺎﺕ ﻭﺍﺣﺠﻲ ﻭﻳﺎﻫﻦ ﻭﻣﻦ ﺻﺮﺕ ﻳﻤﻪ ﺻﺤﺖ ﺑﺼﻮﺕ ﻋﺎﻟﻲ ﺍﺳﻤﻌﻪ ﺍﺳﻤﻲ
ﺍﻧﻲ : ﺍﻧﻲ ﻟﻴﻠﻰ ﺟﺒﺎﺭ ﺍﻧﻲ ﺍﺣﺠﻲ ﻭﻳﻪ ﺳﺖ ﻛﺎﻓﻴﻪ ﺍﻟﻴﻮﻡ ﺍﻣﺸﻦ
ﻫﻮﻩ ﺿﺤﻚ ﻭﺍﻧﻲ ﺭﻭﻳﺤﺘﻲ ﺳﺎﺣﺖ ﻣﻦ ﺿﺤﻚ ﻭﺳﻤﻊ ﺍﺳﻤﻲ
ﻓﺎﺋﺰﻩ : ﺷﺘﺤﺠﻴﻦ ﺍﻧﺘﻲ
ﻧﺴﻴﺖ ﻧﻔﺴﻲ ﻭﺍﻋﺮﻑ ﺧﺮﺑﻄﺖ ﺑﻠﺤﺠﻲ ﻭﻳﻪ ﺍﻟﺒﻨﺎﺕ ﻭﺑﻠﻜﻮﻩ ﻗﻨﻌﺘﻬﻦ ﻭﺩﻳﺘﻬﻦ ﻣﻨﺎ ﻭﻣﻨﺎ ﻣﺎﺍﺭﻳﺪ ﻳﻌﺮﻓﻨﻪ ﺑﺠﺘﺎﻟﻲ ﻟﻮ ﺑﺲ ﺍﻋﺮﻑ ﺍﺳﻤﻪ ﻭ ﺩﻭﺍﻣﻲ ﺑﺲ ﺍﻓﻜﺮ ﺑﻲ ﻭﺭﻭﺣﻲ ﺳﺎﻳﺤﻪ ﻋﻠﻴﻪ ﻭﺛﺎﻧﻲ ﻳﻮﻡ ﺷﻔﺘﻪ ﻭﻣﺸﻴﺖ ﻗﺮﻳﺐ ﻋﻨﺎ ﻭ ﻭﺻﺎﺡ ﻋﻠﻰ ﺻﺪﻳﻘﻪ ﺍﻧﻲ ﺣﻤﺰﻩ ﺗﻌﺮﻑ ﻣﻨﻮ ﺣﻤﺰﻩ ﺍﻧﻲ ﺍﺳﻤﻲ ﺣﻤﺰﻩ
ﻳﻤﻪ ﺣﻤﺰﻩ ﺍﺳﻤﻪ ﺑﻮﻳﺎﻱ ﺧﻮﻳﺎﻱ ﺍﺳﻤﻪ ﺣﻤﺰﻩ ( ﻫﺬﺍ ﺣﻤﺰﻩ ﻛﻤﺰ ﻛﻤﺰﻩ ﻛﺘﻞ ﺧﻤﺴﻪ ) ﻳﻤﺎﻱ ﻋﻠﻴﻪ ﻭﻋﻠﻰ ﺣﻤﺰﻩ
ﻭﻓﻬﻤﻨﻲ ﻣﻌﺠﺐ ﺑﻴﻪ ﻭﺍﻧﻲ ﻣﻌﺠﺒﻪ ﺑﻲ ﻭﺑﺪﻳﻨﺎ ﺑﺤﺐ ﺑﻴﻨﺎﺗﻨﺎ ﺑﺲ ﻧﻈﺮﺍﺕ ﻭﺣﻤﺰﻩ ﻣﺎﻛﻮ ﻃﺮﻳﻘﻪ ﻳﺤﺠﻲ ﻭﻳﺎﻱ ﺑﻴﻬﺎ ﻭﺍﻧﻲ ﻫﻢ ﺍﻣﺸﻲ ﻭﻳﻪ ﺻﺪﻳﻘﺎﺗﻲ ﻭﻣﺎﺍﻛﺪﺭ ﺍﻛﻠﻬﻦ ﻳﺮﺣﻦ ﻳﺒﻮﻛﻨﺎ ﻣﻨﻲ ﻭﻳﻮﻣﻴﻪ ﻳﻨﺘﻈﺮﻧﻲ ﻭﺍﻧﺘﻈﺮﻩ ﻭﺑﻴﻮﻡ ﻣﺸﻴﻨﺎ ﻭﺻﺪﻳﻘﻪ ﻳﻤﻪ ﻭﻳﺤﺠﻲ ﺑﺼﻮﺕ ﻋﺎﻟﻲ
ﺣﻤﺰﻩ : ﻓﻮﺯﻱ ﺗﺪﺭﻱ ﻟﻴﻠﻰ ﻣﻮﺗﺘﻪ ﻟﻘﻴﺲ ﻣﻦ ﺣﺒﻪ ﺍﻟﻬﺎ
ﺍﻧﻲ ﻛﻠﺒﻲ ﻋﺎﺍﺍﺍﺍﺍﺍﺍﺍ ﺭﺍﺩ ﻳﻮﻛﻊ ﻣﻦ ﺻﺠﻤﻨﻲ ﻳﻤﺎﻱ ﻭﺩﻭﻧﻲ ﻻﻫﻠﻲ ﺑﻌﺪ ﻣﺎﺍﻛﺪﺭ ﺍﻣﺸﻲ
ﺍﻟﻜﺎﺭﺛﻪ ﺍﺑﺘﺴﺎﻡ ﻭﻓﺎﺋﺰﻩ ﺍﻧﺘﺒﻬﻦ ﻋﻠﻰ ﻛﻠﻤﺎﺗﻪ ﻭﺍﻫﻮﻭﻭﻭ ﺑﻠﺸﺖ ﺍﺑﺘﺴﺎﻡ ﺗﺒﺎﻭﻋﻠﻪ ﻳﻮﻣﻴﻪ ﺑﺲ ﺣﻤﺰﻩ ﻧﻈﺮﺍﺗﻪ ﻛﻠﻬﺎ ﺍﻟﻲ ﻭﺍﻧﻲ ﻫﻢ
ﻭﺑﻴﻮﻡ ﺑﺖ ﺍﺑﻮ ﻓﻮﺯﻱ ﻭﻳﺎﻧﺎ ﻭﻃﻠﺒﺖ ﺗﺮﺟﻊ ﻭﻳﺎﻧﺎ ﻭﻓﺮﺣﺖ ﺗﺮﺟﻊ ﻭﻳﺎﻧﺎ ﺭﻏﻢ ﻣﺎﺍﺣﺒﻬﺎ ﺑﺲ ﺭﺩﺗﻬﺎ ﻭﻳﺎﻧﺎ ﻭﺍﻟﺒﻨﺎﺕ ﺻﺎﻓﻨﺎﺕ ﻋﻠﻴﻪ
ﺍﻧﻲ : ﻣﻴﺴﻮﻥ ﺍﻟﺼﺒﺢ ﻧﻤﺮ ﻋﻠﻴﺞ ﻧﺎﺧﺬﺝ ﻭﻳﺎﻧﺎ ﺑﻄﺮﻳﻘﻨﺎ
ﻣﻴﺴﻮﻥ : ﻳﺎﺭﻳﺖ
ﺍﻧﻲ ﺑﻜﻠﺒﻲ ﺍﺣﺠﻲ ﻣﻴﺴﻮﻥ ﻣﺎﻣﻴﺘﻪ ﻋﻠﻴﺞ ﺑﺲ ﺣﻤﺰﻩ ﻭﺍﻛﻒ ﺑﻄﺮﻳﻘﻲ ﺍﺭﻳﺪ ﺍﻭﻛﻒ ﻳﻢ ﺟﺘﺎﻟﻲ ﺍﺑﻮ ﻃﻮﻝ ﺟﺘﺎﻟﻪ
ﻭﺛﺎﻧﻲ ﻳﻮﻡ ﺍﻟﺼﺒﺢ ﻃﻠﻌﺖ ﻭﻣﺎﺍﻧﺘﻈﺮﺕ ﺍﻟﺒﻨﺎﺕ ﻋﻔﺘﻬﻦ ﻭﺭﺣﺖ ﻟﻤﻴﺴﻮﻥ ﻭﺷﻔﺘﻪ ﺑﻌﺪ ﻣﺎﺍﻋﺮﻑ ﺍﻣﺸﻲ ﺭﺟﻠﻲ ﻣﺎﺗﻦ ﻭﺍﺭﻳﺪ ﺍﻭﺻﻞ ﻟﺒﻴﺘﻬﻢ ﻭﺍﻭﻛﻒ ﻣﺎﺍﻛﺪﺭ ﻛﻠﺒﻲ ﻳﺪﻙ ﺍﻳﺪﻱ ﺗﺮﺟﻒ ﺍﻣﺸﻲ ﻭﺍﺗﻌﺜﺮ ﻣﺎﺍﻓﻬﻢ ﻃﺮﻳﻘﻲ ﻭﻭﺻﻠﺖ ﻳﻤﻪ ﻭﻣﺎﺍﺷﻮﻑ ﺩﺭﺑﻲ ﺍﻧﺸﺪﻫﺖ ﻭﻭﻛﻔﺖ ﻳﻤﻪ ﻭﻛﻠﺒﻲ ﻣﺎﺍﻋﺮﻑ ﺷﺒﻲ ﻳﺮﻳﺪ ﻳﻄﻠﻊ ﻣﻦ ﺍﻟﺨﻮﻑ ﻣﻦ ﺍﻟﺮﻫﺒﻪ ﻣﻦ ﺍﻟﻌﺸﻚ ﻣﺎﺍﻓﻬﻢ ﺍﻟﻘﺼﻪ ﻭﻭﺻﻠﺖ ﻟﻠﺒﺎﺏ ﻭﺍﺭﻳﺪ ﺍﺩﻙ ﺍﻟﺒﺎﺏ ﻭﺍﺑﺎﻭﻋﻠﻪ ﻭﻳﺒﺎﻭﻋﻠﻲ ﻭﺗﻘﺮﺏ ﻣﻨﻲ ﻭﺍﻧﻲ ﻣﺎﺍﻋﺮﻑ ﺷﺴﻮﻱ ﺗﺒﻬﺬﻟﺖ ﻭﻣﺎﺍﻋﺮﻑ ﺷﺴﻮﻱ ﺍﻣﺸﻲ ﺍﺑﻘﻰ
ﺣﻤﺰﻩ : ﻣﻨﻮ ﺗﺮﻳﺪﻳﻦ
ﺍﻧﻲ ﺻﻔﻨﺖ ﺑﻮﺟﻬﺎ ﻭﻣﺎﺍﻋﺮﻑ ﺷﺴﻮﻱ ﺗﺒﻬﺬﻟﺖ ﻭﺍﻳﺪﻱ ﺗﺮﺟﻒ ﻭﺳﺎﺣﺖ ﺭﻭﺣﻲ ﻭﻋﻔﺘﻪ ﻭﻣﺸﻴﺖ ﻭﺣﺘﻰ ﻣﻴﺴﻮﻥ ﻣﺎﺍﻧﺘﻈﺮﺗﻬﺎ ﻭﻟﺰﻣﻨﻲ ﻣﻦ ﺍﻳﺪﻱ ﺣﻤﺰﻩ ﻣﺎﺧﻼﻧﻲ ﺍﻣﺸﻲ
ﺍﻧﻲ : ﻫﺎﻱ ﺍﻧﺘﻪ ﺷﺴﻮﻱ
ﺣﻤﺰﻩ : ﺍﺣﺒﺞ
ﻳﻤﻪ ﻛﻠﺒﻲ ﻳﻤﻪ ﻳﻤﻪ ﻳﻤﻪ ﻳﻤﻪ ﺍﺭﻳﺪ ﺍﻣﺸﻲ ﻣﺎﺍﻛﺪﺭ ﺍﺭﻳﺪ ﺍﻓﺘﺢ ﺣﻠﻜﻲ ﻣﺎﺍﻛﺪﺭ ﺍﺭﻳﺪ ﺍﺑﺎﻭﻉ ﺑﻌﺪ ﻣﺎﺍﺷﻮﻑ ﺑﺲ ﺷﺮﺩﺕ ﻭﺭﻛﻀﺖ ﻭﺍﻟﻤﺴﺘﺤﻪ ﻭﺍﻟﻔﺮﺣﻪ ﻣﺎﻭﺍﺳﻌﺘﻨﻲ ﻭﻟﺴﺎﻧﻲ ﺛﻜﻞ ﺑﻌﺪ ﻣﺎﺍﻛﺪﺭ ﺍﺣﺠﻲ ﺣﺘﻰ ﺑﻠﺪﻭﺍﻡ ﻣﺎﺍﻛﺪﺭ ﺍﺣﺠﻲ ﺍﺭﻳﺪ ﺍﻓﺘﺢ ﺣﻠﻜﻲ ﻣﺎﺍﻛﺪﺭ
ﻭﺍﺟﺘﻲ ﻣﻴﺴﻮﻥ ﻭﺍﻟﺒﻨﺎﺕ ﻭﺷﺎﻓﻮﻧﻲ ﺑﻠﻤﺪﺭﺳﻪ
ﻓﺎﺋﺰﻩ ؛ : ﻟﻴﺶ ﻃﺎﻟﻌﻪ ﻭﻣﺎﺍﻧﺘﻈﺮﺗﻴﻨﺎ
ﻣﻴﺴﻮﻥ : ﺻﺪﻳﻖ ﻓﻮﺯﻱ ﻛﻠﻲ ﺍﺟﺘﺞ ﻭﺭﺍﺣﺖ
ﻳﻤﻪ ﺻﺪﻳﻖ ﻓﻮﺯﻱ ﻫﻮﻩ ﺍﻟﻲ ﺧﻼﻧﻲ ﺍﻓﻘﺪ ﻭﺍﺷﺮﺩ ﻭﺑﻬﺬﻝ ﺍﺣﻮﺍﻟﻲ ﻭﻣﺎﺍﺟﺎﻭﺑﻬﻦ ﻣﺎﺍﻛﺪﺭ ﻟﺴﺎﻧﻲ ﺛﻜﻴﻞ
ﻭﺭﺟﻌﺖ ﻣﻦ ﺍﻟﺪﻭﺍﻡ ﻭﺩﺧﻠﺖ ﻟﻐﺮﻓﺘﻲ ﻭﻣﺎﺭﺩﺕ ﺍﺗﻐﺪﻯ ﻭﻓﺘﺤﺖ ﺍﻟﻤﺴﺠﻞ ﻭﺧﻠﻴﺖ ﻛﺎﺳﻴﺖ ﺍﻡ ﻛﻠﺜﻮﻡ ﺍﻧﺖ ﻋﻤﺮﻱ ﻭﺳﺎﻋﺘﻴﻦ ﻣﻨﻄﺮﺑﻪ ﻭﻳﺎﻫﺎ ﻭﺩﺧﻠﺖ ﻫﺎﻟﻪ ﻟﻐﺮﻓﺘﻨﺎ
ﻫﺎﻟﻪ : ﻟﻴﺶ ﻣﺎﺗﻐﺪﻳﺘﻲ ﻭﻳﺎﻧﺎ
ﻭﺍﻧﻲ ﺑﺲ ﺍﺳﻤﻊ ﻭﻋﻴﻮﻧﻲ ﺗﺪﻣﻊ ﻣﻦ ﺍﻟﻔﺮﺣﻪ
ﻫﺎﻟﻪ : ﺧﺎﻳﺒﻪ ﻣﺎﺗﺤﺠﻴﻦ ﺷﺒﻴﺞ
ﺍﻧﻲ ﻣﺎﺍﺟﺎﻭﺑﻬﺎ ﻟﺴﺎﻧﻲ ﻣﺎﻳﻜﺪﺭ ﻳﺤﺠﻲ
ﻫﺎﻟﻪ : ﺷﺒﻴﺞ ﻟﻴﻠﻰ
ﺍﻧﻲ ﺍﺷﺮﺗﻠﻬﺎ ﻣﺎﺍﻛﺪﺭ ﺍﺣﺠﻲ ﻭﺍﺷﺮﻟﻬﺎ ﺍﻛﻠﻬﺎ ﺍﺳﻜﺘﻲ ﺧﻠﻲ ﺍﺳﻤﻊ
ﻫﺎﻟﻪ : ﺍﻟﺤﻤﺪ ﻟﻠﻪ ﻭﺷﻜﺮ ﺭﺑﻲ
ﻭﺻﺎﺭ ﺍﻟﺼﺒﺢ ﻭﻣﺎﺍﻛﺪﺭ ﺍﻃﻠﻊ ﺑﺲ ﺍﺭﻳﺪ ﺍﺷﻮﻓﻪ ﻭﻻﺯﻡ ﺍﺻﻴﺮ ﻗﻮﻳﻪ ﻭﺍﺷﻮﻓﻪ ﻭﻟﺒﺴﺖ ﻭﺑﺪﻟﺖ ﻭﻛﺸﺨﺖ ﻭﻃﻠﻌﺖ ﺑﺲ ﻣﺎﻳﻌﺠﺒﻨﻲ ﺍﺣﺠﻲ ﻭﻳﻪ ﺍﻱ ﺍﺣﺪ
ﺍﺑﻮﻳﻪ : ﺍﻟﻴﻮﻡ ﻟﻴﻠﻰ ﻣﺎﺗﺤﺠﻴﻦ ﻣﻮ ﻣﻦ ﻋﻮﺍﻳﺪﺝ
ﻫﺎﻟﻪ : ﻋﻮﻓﻬﺎ ﺑﻮﻳﻪ ﺍﻟﻴﻮﻡ ﺧﺮﺳﻪ ﻻﺗﺤﺠﻲ ﻭﻳﺎﻫﺎ
ﺍﻧﻲ ﻣﺎﺍﺷﻮﻓﻬﻢ ﻭﻣﺎﺍﺳﻤﻌﻬﻢ ﻭﻃﻠﻌﺖ ﺍﻟﺒﻨﺎﺕ ﻣﺮﻥ ﻋﻠﻴﻪ ﻭﻃﻠﻌﺖ ﻭﻭﺻﻠﺖ ﻟﻤﻴﺴﻮﻥ ﻭﻟﻜﻴﺘﻬﺎ ﺑﻠﺒﺎﺏ ﻣﻨﺘﻈﺮﺗﻨﺎ ﻭﻫﻮﻩ ﻫﻢ ﻭﺍﻛﻒ ﺑﻠﺒﺎﺏ ﻣﻨﺘﻈﺮﻧﻲ ﻭﺍﻧﻲ ﻭﺻﻠﺖ ﻳﻤﻪ ﺑﻌﺪ ﻣﺎﺍﻋﺮﻑ ﺍﻣﺸﻲ ﻭﻋﺜﺮﺕ ﻳﻤﻪ ﻭﺭﺩﺕ ﺍﻭﻛﻊ ﻭﺭﺍﺩ ﻳﻠﺰﻡ ﺍﻳﺪﻱ ﺑﺲ ﻣﺎﻟﺰﻣﺖ ﺍﻳﺪﻩ ﻭﺑﻠﻜﻮﻩ ﺳﻴﻄﺮﺕ ﻋﻠﻰ ﻧﻔﺴﻲ ﻭﻣﺎﻭﻛﻌﺖ
ﺣﻤﺰﻩ : ﺍﻟﻠﻪ ﺑﻴﻪ ﻭﻻﺑﻴﺞ
ﻭﺍﻟﺒﻨﺎﺕ ﻭﻓﻮﺯﻱ ﺻﻔﻨﻮﺍ ﻋﻠﻴﻪ ﻭﺍﻧﻲ ﺑﺎﻭﻋﺘﻠﻪ ﺻﺎﻓﻨﻪ ﻭﻫﻮﻩ ﺻﺎﻓﻦ ﻋﻠﻴﻪ ﻭﻣﺎﺍﻋﺮﻑ ﺷﻨﻮ ﺍﺗﺼﺮﻑ ﻭﺍﻟﺒﻨﺎﺕ ﺳﺤﺒﻨﻲ ﻭﻣﺸﻮﻧﻲ ﻭﻣﺎﺍﻋﺮﻑ ﻃﺮﻳﻘﻲ ﻭﻣﺎﺍﻋﺮﻑ ﺷﻨﻮ ﻳﺤﺤﻦ ﻭﻳﺎﻱ
ﺑﺲ ﺑﺨﻴﺎﻟﻲ ﺍﺗﺬﻛﺮ ﺣﻤﺰﻩ
ﺍﺣﺒﺞ ﺍﺣﺒﺞ ﺍﺣﺒﺞ ﺍﺣﺒﺞ ﺍﺣﺒﺞ
ﺳﻄﺮﺗﻨﻲ ﻫﺬﻱ ﺍﻟﻜﻠﻤﻪ ﻭﺳﻄﺮﺗﻨﻲ ﺍﻟﻠﻪ ﺑﻴﻪ ﻭﻻﺑﻴﺞ
ﺍﻭﻭﻭﻑ ﺟﺘﺎﻟﻲ ﺫﺑﺤﻨﻲ ﻳﺎﻳﻤﻪ ﻣﺎﺍﻛﺪﺭ ﻋﻠﻰ ﺍﺑﻮ ﻟﺴﺎﻥ ﺟﺘﺎﻟﻪ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق