كــوالـيس نهاية الرواية (حكاية سمر ) 🌹
ﻣﺴﺎﺀﻛﻢ + صباحكم ﺣﺐ ﺣﺒﺎﻳﺒﻲ ..
ﻟﻠﻲ ﻳﺴﺄﻟﻮﻥ
ﻭﺍﺧﻴﻴﻴﻴﻴﺮﺍ ﺍﺗﺰﻭﺟﻮ 😍 ﺳﻤﺮ ﻭ ﺑﻜﺮ ❤❤❤
ﺍﺩﻋﻮﻟﻬﻢ ﺍﻟﻠﻪ ﻳﺴﻌﺪﻫﻢ ﻭﻻ ﻳﻔﺮﻗﻬﻢ ﻃﻮﻝ ﺍﻟﻌﻤﺮ
🌿
🌱
❤️
💖💖💖💖💖💖
ﻭﺻﻮﻝ ﺍﻟﻘﺼﻪ
ﺣﻜﺎﻳﺘﻲ _ ﻣﻊ _ ﺳﻤﺮ ..
ﻛﻨﺖ ﻭﻗﺘﻬﺎ ﺩﺍ ﺍﻛﺘﺐ ﺑﻘﺼﺔ ﺳﺤﺮ ﺍﻟﻤﻘﺎﺑﺮ .. ﻓﺄﺟﺘﻨﻲ ﻓﻴﻨﻮﺱ ﻛﺎﻟﺘﻠﻲ ﺯﻳﻨﺐ ﺍﻛﻮ ﻗﺼﻪ ﻟﺒﻨﻴﻪ ﻓﺮﺓ ﺭﺍﺳﻲ ﺩﻭﺧﺘﻨﻲ ﻣﺠﺎﻱ ﺍﻋﺮﻑ ﺷﻨﻮ ﺗﻔﺎﺻﻴﻠﻬﺎ ..
ﻛﺘﻠﻬﺎ ﺷﺒﻴﻬﺎ .. ﻛﺎﻟﺖ ﻣﺎ ﺍﻋﺮﻑ ﺭﻭﺣﻲ ﺍﻗﺮﻳﻬﺎ ﺍﻧﺘﻲ ﻭﺷﻮﻓﻴﻬﺎ .. ﻛﺘﻠﻬﺎ ﺍﻧﺴﺨﻴﻠﻴﺎﻫﺎ ﻫﻨﺎ ﻻﻥ ﻣﺠﺎﻧﻲ ﻣﺎ ﺍﻛﺪﺭ ﺍﻓﺘﺢ ﺭﺳﺎﺋﻞ ﺍﻟﺒﻴﺞ ..
ﻛﺎﻟﺖ .. ﺍﻭﻙ .. ﺑﻌﺜﺘﻠﻴﺎﻫﺎ .. ﺑﺪﻳﺖ ﺍﻗﺮﻩ ﺑﻴﻬﺎ ﻭﺻﻠﺖ ﻟﺤﺪ ﺯﻭﺍﺟﻬﺎ ﻣﻦ ﻋﺎﺩﻝ ﻭﺑﻜﺮ ﺣﻤﺎﻫﺎ ﺑﻠﻴﻠﺔ ﻋﺮﺳﻬﺎ .. ﺻﺮﺍﺣﻪ ﺍﻧﺨﺒﻄﺖ ﺷﻨﻮ ﻫﻠﻘﺼﻪ ﻫﺎﻱ .. ﺷﻨﻮ ﺗﺮﻛﺖ ﺣﺒﻴﺒﻬﺎ ﺍﻟﺠﺎﻧﺖ ﺗﺤﺒﻪ ﻭﻟﻴﺶ ﺍﺗﺰﻭﺟﺖ ﺍﺑﻦ ﻋﻤﺘﻬﺎ ﺍﻟﻠﻲ ﻣﺎ ﺗﺤﺒﻪ ﻭﺷﻨﻮ ﺣﻤﺎﻫﺎ ﺍﻧﻘﺬﻫﺎ ﻭﻣﺒﻴﻦ ﺭﺍﺡ ﻳﺒﺪﻱ ﻭﻳﺎﻫﺎ ﻗﺼﺔ ﺣﺐ ﻋﺎﻭﻳﻪ .
ﻭﺍﻟﻠﻪ ﻫﻴﺞ ﻛﻠﺖ ﺑﻨﻔﺴﻲ .. ﻓﺮﺟﻌﺖ ﻟﻔﻴﻨﻮﺱ ﻛﺘﻠﻬﺎ ﺑﺮﺑﺞ ﺷﻨﻮ ﻫﻠﻘﺼﻪ ﻫﺎﻱ ﺍﻟﻤﺎ ﻣﻌﺮﻭﻓﻪ ﺍﺻﻠﻬﺎ ﻣﻨﻴﻦ .. ﻛﺎﻟﺖ ﻣﻮ ﻛﺘﻠﺞ ﺩﻭﺧﺘﻨﻲ ..
ﻣﺎ ﺍﻋﺮﻑ ﻓﻀﻮﻝ ﺧﻼﻧﻲ ﺍﻛﻤﻞ ﺍﻟﻘﺼﻪ ﻓﻜﻤﻠﺖ ﻗﺮﺍﺀﻩ .. ﻗﺮﻳﺖ ﻛﻤﻴﺔ ﻣﻌﺎﻧﺎﺕ ﻋﺠﻴﺒﻪ .. ﻭﺍﻟﻠﻲ ﺍﺳﻤﻪ ...... ﺑﻜﺮ ﻫﻬﻬﻪ ﺍﻟﻠﻲ ﺍﻋﺘﻘﺪﺕ ﺭﺍﺡ ﺗﺒﺪﻱ ﻭﻳﻪ ﻗﺼﺔ ﺣﺐ ﻋﺎﻭﻳﻪ ﺍﻭ ﺣﺮﺍﻡ ..
ﺷﻔﺘﻪ ﺣﺐ ﻣﺤﺘﺮﻡ .. ﻛﻴﻒ ﺣﻤﺎﻫﺎ ﻭﻛﺎﻥ ﺍﻟﻬﺎ ﺳﻨﺪ ﻭﺍﻧﻮﺏ ﺑﻴﻨﺖ ﺍﻥ ﻫﻮ ﻳﺤﺒﻬﺎ ﻣﻦ ﻫﻮﻩ ﻭﺻﻐﻴﺮ .. ﻻﻥ ﻫﻲ ﺻﺎﺣﺒﺔ ﺍﻟﻘﺼﻪ ﺟﺎﻧﺖ ﺧﺎﺑﻄﺘﻬﺎ ﻣﻤﻮﺿﺤﻪ ﻛﻮﻟﺸﻲ ﻋﺒﺎﺭﻩ ﻋﻦ ﻗﺼﺔ ﺷﻴﻔﺮﻩ ﻭﺗﻌﺎﻝ ﺣﻞ ﻟﻴﺶ ﻫﻴﺞ ﺻﺎﺭ ..
ﻣﺒﻴﻨﺖ ﻣﻦ ﺍﻟﺒﺪﺍﻳﻪ ﺍﻥ ﺑﻜﺮ ﻳﺤﺒﻬﺎ ﻣﻦ ﺍﻟﺼﻐﺮ ﻭﻟﻴﺶ ﺗﺰﻭﺟﺖ ﻏﻴﺮ ﺍﺭﻛﺎﻥ ... ﻭﺻﻠﺖ ﻟﺤﺪ ﺯﻭﺍﺝ ﺍﻟﻠﻲ ﺳﻤﻴﺘﻪ ﺑﻜﺮ .. ﺻﺮﺍﺣﻪ ﺍﻧﻘﻬﺮﺕ ﻋﻠﻰ ﻛﻤﻴﺔ ﺍﻟﻘﻬﺮ ﺍﻟﻠﻲ ﻫﻲ ﻛﺎﺗﺒﺘﻪ ..
ﻭﻛﺎﺗﺒﻪ ﺑﻨﺺ ﺍﻟﻘﺼﻪ ﺻﺪﻛﻲ ﺩﺍ ﺍﺗﺬﻛﺮ ﺍﻟﺼﺎﺭ ﻭﺩﻣﻮﻋﻲ ﻧﺰﻟﺖ .. ﻫﺬﺍ ﺍﻟﺸﻲ ﻟﺨﻼﻧﻲ ﺍﺣﺲ ﺑﺤﺰﻧﻬﺎ ﺍﻛﺜﺮ ..
ﻓﺮﺟﻌﺖ ﻟﻔﻴﻨﻮﺱ ﻛﺘﻠﻬﺎ ﺑﻌﺜﻴﻠﻲ ﺻﺎﺣﺒﺔ ﺍﻟﻘﺼﻪ .. ﺩﺯﺗﻠﻲ ﻓﻴﻨﻮﺱ ﺭﺍﺑﻂ ﺣﺴﺎﺑﻬﺎ .. ﺭﺩﺕ ﺍﺭﺍﺳﻠﻬﺎ ﻟﻜﻴﺘﻬﺎ ﻣﺮﺍﺳﻠﺘﻨﻲ ..
ﻓﻜﺘﻠﻬﺎ ﻓﻬﻤﻴﻨﻲ ﺷﻐﻠﻪ ﻭﺣﺪﻩ ﺯﻭﺟﺞ ﻋﺎﺩﻝ . ﻟﻴﺶ ﺭﻓﻀﺞ ﺑﻴﻮﻡ ﻋﺮﺳﺞ .. ﻭﻟﻴﺶ ﻃﻠﻌﺘﻲ ﻣﻮ ﺑﺎﻛﺮ ﻭﻟﻴﺶ ﻋﻔﺘﻲ ﺍﻟﺸﺨﺺ ﺍﻟﻠﻲ ﺗﺤﺒﻲ ﻭﺗﺰﻭﺟﺘﻲ ﺍﻧﺴﺎﻥ ﻣﺎ ﻋﻨﺪﺝ ﻭﻳﺎﻩ ﻣﺸﺎﻋﺮ ..
ﻛﺎﻟﺖ ﺳﺖ ﺯﻳﻨﺐ ﺍﻟﻤﻮﺿﻮﻉ ﻫﻮ ﺍﻥ ﺍﻧﻲ ﻓﻘﺪﺕ ﻋﺬﺭﻳﺘﻲ ﺑﻨﻔﺴﻲ .. ﻛﺘﻠﻬﺎ ﻳﻌﻨﻲ ﺷﻠﻮﻥ ﺧﻨﺘﻲ ﺣﺒﻴﺒﺞ ﻟﻮ ﺷﻠﻮﻥ .. ﻛﺎﻟﺖ ﻻ ﻣﻦ ﻛﻨﺖ ﺻﻐﻴﺮﻩ ﺻﺪﻳﻘﺘﻲ ﻋﻠﻤﺘﻨﻲ ﻋﻠﻰ ﻫﻴﺞ ﺩﺭﺏ ﻭﻣﺸﻴﺖ ﺑﻲ ..
ﺑﺲ ﻭﺍﻟﻠﻪ ﻣﺎ ﺟﻨﺖ ﺍﻋﺮﻑ ﺑﻲ ﺣﺮﺍﻡ ﻟﻮ ﺧﻄﺮ ﻋﻠﻰ ﺣﻴﺎﺗﻲ ﻟﻤﺎ ﺍﻛﺘﺸﻔﺖ .. ﺗﺨﺮﺑﻄﺖ ﺍﺣﻮﺍﻟﻲ ﺍﻋﺮﻑ ﺍﻻﺣﺒﻪ ﺭﺟﻞ ﻣﺘﻌﺼﺐ ﺟﺪﺍ ﻭﺧﻮﺍﻟﻲ ﻧﺎﺱ ﺳﺎﺩﻩ ﻣﺘﻌﺼﺒﻴﻦ ﻓﻤﺎ ﻛﺪﺭﺕ ﺍﻓﻀﺢ ﻧﻔﺴﻲ ﻛﺪﺍﻣﻪ ﺧﻔﺖ ..
ﻫﻨﺎ ﻧﻔﻜﺖ ﺷﻴﻔﺮﺓ ﺍﻟﻘﺼﻪ ﻋﻨﺪﻱ ﻭﻋﺮﻓﺖ ﺍﻻﺣﺪﺍﺙ ﻟﻴﺶ ﺻﺎﺭﺕ .. ﻛﺘﻠﻬﺎ ﻃﻴﺐ ﺍﻣﺞ ﻟﻴﺶ ﻣﺎ ﺻﺎﺭﺣﺘﻴﻬﺎ .. ﻛﺎﻟﺖ ﺳﺖ ﺯﻳﻨﺐ ﺍﻧﻲ ﻣﻮ ﻣﺜﻞ ﻗﺒﻞ ﻛﻢ ﺳﻨﻪ .. ﻫﺴﻪ ﻣﻦ ﺍﻟﻘﻬﺮ ﺗﻌﻠﻤﺖ ﺟﻨﺖ ﺍﻧﺴﺎﻧﻪ ﺟﺒﺎﻧﻪ ﻭﺍﻣﻲ ﺑﺎﻟﻨﺴﺒﻪ ﺍﻟﻴﻪ ﺭﻋﺐ ﺍﺧﺎﻑ ﺍﺻﺎﺭﺣﻬﺎ ..
ﻛﺘﻠﻬﺎ ﺣﺘﻰ ﻟﻮ ﺿﺮﺑﺘﺞ ﺍﺫﺗﺞ ﺑﺲ ﻣﺮﺍﺡ ﺗﻔﻀﺤﺞ .. ﻛﺎﻟﺖ ﻣﺎ ﺍﻋﺮﻑ ﺑﻮﻗﺘﻬﺎ ﻋﻘﻠﻲ ﻛﺎﻥ ﻣﺸﻮﺵ ﻭﻣﻦ ﺍﻟﺨﻮﻑ ﻣﺎ ﻋﺮﻓﺖ ﺍﺗﺼﺮﻑ ..
ﻓﺎﺑﻦ ﻋﻤﺘﻲ ﻭﺍﺣﺪ ﻛﻮﻟﺶ ﺳﺒﻮﺭﺕ ﻭﻓﺮﻓﺸﻪ ﻭﺩﻭﻡ ﻳﻐﻠﻂ ﻭﻳﺤﺸﺶ ﻭﻳﻔﺸﺮ ﺳﻮﺍﻟﻔﻪ ﺗﺸﺒﻊ ﺿﺤﻚ .. ﻋﻜﺲ ﺍﺧﻮﻩ ﺟﻨﺖ ﺍﺷﻮﻓﻪ ﻣﻌﻘﺪ ﻭﺍﺳﻤﺮ ﻣﺤﻠﻮ ﻭﻣﻐﺮﻭﺭ ﺑﻔﻠﻮﺳﻪ ﻭ ﺳﻴﺎﺭﺍﺗﻪ
...
ﻓﻜﻠﺖ ﺍﺑﻦ ﻋﻤﺘﻲ ﻋﺎﺩﻝ ﺍﻧﺴﺎﻥ ﻣﻨﻔﺘﺢ ﻭﻣﺘﻔﻬﻢ ﺭﺍﺡ ﻳﻔﻬﻤﻨﻲ .. ﻛﺘﻠﻬﺎ ﻃﻴﺐ ﻟﻴﺶ ﻣﺎ ﺣﺠﻴﺘﻴﻠﻪ ﻋﻦ ﻭﺿﻌﺞ .. ﻛﺎﻟﺖ ﻣﺎ ﺍﻋﺮﻑ ﺍﺷﻮ ﺑﻤﺠﺮﺩ ﻣﺎ ﺍﻧﺨﻄﺒﻨﻪ ﻫﻮ ﺗﻐﻴﺮ ﺣﺎﻟﻪ ﻻ ﺍﺟﺎﻧﻲ ﻭﻻ ﻣﺮ ﺑﻴﻪ ..
ﺍﺟﻪ ﻣﺮﻩ ﻭﻣﺎ ﻋﺮﻓﺖ ﺷﻠﻮﻥ ﺍﻓﺎﺗﺤﻪ .. ﺍﻭ ﻣﺎ ﺻﺎﺭﺕ ﻓﺮﺻﻪ .. ﻓﺴﻜﺘﺖ ..
ﻛﺘﻠﻬﺎ ﺍﻧﺘﻲ ﺗﻌﺮﻓﻴﻦ ﻛﻤﻴﺔ ﺍﻟﺤﻤﺎﻗﻪ ﺍﻟﻌﻨﺪﺝ .. ﻟﺞ ﻛﻨﺘﻲ ﺭﺍﺡ ﺗﻨﻘﺘﻠﻴﻦ ﺷﻠﻮﻥ ﺗﺴﻜﺘﻴﻦ ..
ﻛﺎﻟﺖ ﻣﺎ ﺍﻋﺮﻑ ﺳﻜﺘﺖ ﺑﻌﺪ .. ﻓﻜﺘﻠﻬﺎ ﻛﻤﻠﻴﻠﻲ ﺍﻟﻘﺼﻪ ﺩﺍ ﺍﺷﻮﻑ ﻭﻳﻦ ﻧﻬﺎﻳﺘﻬﺎ .. ﻛﺎﻟﺖ ﻭﻳﻦ ﻭﺻﻠﺖ ﻣﺎ ﺍﺗﺬﻛﺮ .. ﻛﺘﻠﻬﺎ ﻟﺤﺪ ﺍﺧﻮﺝ ﻛﺘﻠﺞ ﻭ ....... ﺑﻜﺮ ﺍﺗﺰﻭﺝ ..
ﻓﻜﻤﻠﺘﻠﻲ .. ﻣﻦ ﻛﻤﻠﺖ ﻻ ﺍﻟﻘﺼﻪ ﺗﻐﻴﺮﺕ ﻣﺴﺎﺭﻫﺎ ﻋﻨﺪﻱ ﺳﻤﺮ ﺍﻟﺠﻨﺖ ﺍﺷﻮﻓﻬﺎ ﺍﻧﺴﺎﻧﻪ ﻏﺒﻴﻪ .. ﺍﺗﻀﺢ ﻳﻤﻲ ﺍﻥ ﻫﻲ ﺍﻧﺴﺎﻧﻪ ﺿﻌﻴﻔﻪ ﻭﻋﺎﻧﺖ ﻣﺎ ﻋﺎﻧﺖ ﻣﻦ ﺍﻟﻘﻬﺮ ﻭﻳﺴﺘﺎﻫﻠﻮﻥ ﺻﺮﺍﺣﻪ ﻳﻨﺠﻤﻌﻮﻥ ﻻﻥ ﺗﻌﺒﻮ ..
ﻻ ﻫﻮ ﺳﻮﻩ ﺍﻟﺤﺮﺍﻡ .. ﻭﻻ ﻫﻲ .. ﻛﻞ ﺍﻟﻜﺎﻧﺖ ﻋﺪﻫﻢ ﻣﺸﺎﻋﺮ ﻣﻮ ﺑﻴﺪﻫﻢ ﺗﺤﻄﻤﻮ ﺑﺴﺒﺒﻬﺎ ﺑﺸﻜﻞ ﻣﻮ ﻣﻌﻘﻮﻝ ..
ﻫﻨﺎ ﺩﺧﻠﺖ ﺩﻭﺍﻣﻪ ﻛﻴﻒ ﺍﻃﺮﺡ ﻫﺎﻱ ﺍﻟﻘﺼﻪ .. ﻭﻣﻨﻮ ﺭﺍﺡ ﻳﺘﻘﺒﻠﻬﺎ ؟؟
ﺗﻌﺘﺒﺮ ﻣﻦ ﺍﺟﺮﺀ ﺍﻟﻘﺼﺺ ﺍﻟﻤﻄﺮﻭﺡ ﻣﻦ ﺣﻴﺚ ﺍﻟﻤﻮﺿﻮﻉ ﻭﺍﻟﺤﺐ ﺍﻟﻤﻤﻨﻮﻉ .. ﺑﻘﻴﺖ ﺷﻬﺮ ﺍﻧﻲ ﺍﻓﻜﺮ ﺑﻘﺼﺘﻬﺎ ..
ﻗﺮﺭﺕ ﺍﺳﻤﻴﻬﺎ ﻋﺎﺩﻩ ﺍﻋﺪﻣﺖ ﺣﻴﺎﺗﻲ .. ﻟﻜﻦ ﺍﻟﻌﺎﺩﻩ ﻣﻮ ﻛﻮﻟﺸﻲ ﺑﺤﻴﺎﺗﻬﺎ .. ﺑﺴﺒﺐ ﺗﺼﺮﻓﺎﺗﻬﺎ ﺍﻟﻐﻠﻂ .. ﺧﺴﺮﺕ ﻫﻮﺍﻱ ﻭﺗﻌﺬﺑﺖ .. ﺧﺎﺻﻪ ﺯﻭﺍﺟﻬﺎ ﻣﻦ ﻋﻤﺎﺭ ﻏﺒﺎﺀ ﺑﻼ ﺣﺪﻭﺩ ..
ﻓﺮﺣﺖ ﺍﺧﺘﺎﺭ ﺍﺳﻢ ﻟﻠﻘﺼﻪ ﺗﺘﻨﺎﺳﺐ ﻣﻊ ﺍﺣﺪﺍﺙ ﻫﺬﻩ ﺍﻟﻘﺼﻪ ﺍﻟﻤﻌﻘﺪﻩ ﻭﺍﻟﻄﻮﻳﻠﻪ .. ﻛﺘﻠﻬﺎ ﻣﻮﺍﺻﻔﺎﺗﺞ .. ﻛﺎﻟﺖ ﺿﻌﻴﻔﻪ ﺷﻌﺮﻱ ﻣﺘﻮﺳﻂ ﺣﻨﻄﻴﻪ ﻋﻴﻮﻧﻲ ﺳﻮﺩ
ﻓﻜﻠﺖ ﻻﺯﻡ ﺍﺧﺘﺎﺭ ﺍﺳﻢ ﻳﺘﻨﺎﺳﻖ ﻣﻊ ﻫﻴﺞ ﺷﺨﺼﻴﻪ ﻣﺘﻘﻠﺒﻪ ﺍﻟﺮﺃﻱ ﻭﺿﻌﻴﻔﻪ .. ﻣﺜﻞ ﺷﺨﺼﻴﺘﻬﺎ ﻓﺮﺣﺖ ﺍﺑﺤﺚ ﺑﻴﻦ ﺍﻻﺳﻤﺎﺀ ..
ﻋﺮﺽ ﻛﺪﺍﻣﻲ ﺍﺳﻢ ﺳﻤﺮ .. ﻛﻠﺖ ﻧﻌﻢ ﻳﺘﻨﺎﺳﺐ ﻣﻊ ﻣﻮﺍﺻﻔﺎﺗﻬﺎ .. ﻓﺴﻤﻴﺖ ﺍﻟﻘﺼﻪ ﺣﻜﺎﻳﺔ ﺳﻤﺮ ﺑﺠﻬﻞ ﺍﻥ ﺍﻛﻮ ﻫﻴﺞ ﺗﺴﻤﻴﻪ ﻟﻤﺴﻠﺴﻞ ﻟﺒﻴﺮﻳﻦ ﺳﺎﺕ ..
ﺍﺧﺘﺎﺭﻳﺖ ﺍﻻﺳﻤﺎﺀ ﻛﻠﻬﺎ .. ﻭﺭﺗﺒﺖ ﺍﻟﻘﺼﻪ ﺑﻌﻘﻠﻲ ﻣﺎ ﺑﻘﻰ ﻏﻴﺮ ﺍﻟﻜﺘﺎﺑﻪ ﻭﺍﻟﺴﺮﺩ ..
ﻫﻨﺎ ﻛﺎﻥ ﺍﻟﺨﻮﻑ .. ﺷﻠﻮﻥ ﺭﺍﺡ ﺍﻋﺮﺽ ﻗﺼﻪ ﻣﺜﻞ ﻗﺼﺔ ﺳﻤﺮ .. ﻭﻫﻞ ﺍﻟﻨﺎﺱ ﺭﺍﺡ ﺗﺘﻘﺒﻠﻬﺎ ..
ﺗﺨﻴﻠﺖ ﻧﻔﺴﻲ ﻗﺎﺭﺉ ﻣﻮ ﻛﺎﺗﺐ ﻭﻋﺮﺿﺖ ﻋﻠﻰ ﻧﻔﺴﻲ ﻗﺼﺘﻬﺎ .. ﻛﻠﺖ ﺍﻱ ﺭﺍﺡ ﺍﺗﻘﺒﻠﻬﺎ ﻻﻥ ﺣﺒﻬﻢ ﻭﺍﻥ ﻛﺎﻥ ﻏﻠﻂ .. ﻑ ﻣﻮ ﺑﺴﺒﺒﻬﻢ .. ﺍﻧﺠﺒﺮﻭ ﺍﻥ ﻳﻜﻮﻧﻮﻥ ﺑﻬﺬﺍ ﺍﻟﻤﻮﻗﻒ .. ﻭﺳﻤﺮ ﺍﻧﺴﺎﻧﻪ ﺗﺴﺘﺤﻖ ﺍﻻﺣﺘﺮﺍﻡ ..
ﻻﻥ ﻟﻮ ﻫﻮﺍﻱ ﺑﻨﺎﺕ ﺑﻤﻜﺎﻧﻬﺎ ﻣﻜﺎﻥ ﺗﺤﻤﻠﻮ ﺍﻟﻠﻲ ﺗﺤﻤﻠﺘﻪ ﻭﻳﺨﺘﺼﺮﻭﻥ ﺍﻟﻄﺮﻳﻖ ﺑﻬﺮﻭﺑﻬﻢ ﻣﻊ ﺑﻜﺮ ﻭﻳﻀﺮﺑﻮﻥ ﺍﻟﻌﺎﺩﺍﺕ ﻭﺍﻻﻫﻞ ﺑﻌﺮﺽ ﺍﻟﺤﺎﺋﻂ ﻭﻳﻜﻮﻟﻮﻥ ﻳﺎﻧﻔﺴﻲ ..
ﻻﻥ ﺻﺮﺍﺣﻪ ﺷﺎﻓﺖ ﺿﻠﻢ ﻣﻮ ﻣﻌﻘﻮﻝ ﺑﺲ ﺍﻟﻠﻲ ﺍﺣﺘﺮﻣﺘﻪ ﺑﻴﻬﺎ ﺭﻏﻢ ﻛﻞ ﺍﻟﺴﻮﻩ ﻛﺎﻧﺖ ﺗﺮﺑﻴﺔ ﺍﻫﻠﻬﺎ ﻭﺳﻤﻌﺘﻬﻢ ﺑﻴﻦ ﻋﻴﻨﻬﺎ ..
ﺭﻏﻢ ﻣﺤﺒﺘﻬﺎ ﺍﻟﺒﻜﺮ .. ﺑﺲ ﻣﺎ ﺧﻠﺖ ﻋﻮﺍﻃﻔﻬﺎ ﺗﻐﻠﺐ ﻋﻠﻰ ﻋﻘﻠﻬﺎ ﻭﺗﺨﻀﻊ ﻟﺤﺘﻰ ﺗﺮﻳﺢ ﻧﻔﺴﻬﺎ ﻋﺎﻧﺖ ﻭﺗﺤﻤﻠﺖ ﻓﻲ ﺳﺒﻴﻞ ﺍﺑﻮﻫﺎ ﻳﺒﻘﻰ ﺭﺍﺿﻲ ﻋﻨﻬﺎ ..
ﻛﺜﻴﺮ ﻋﺒﺮ ﺷﻔﺖ ﺑﻘﺼﺘﻬﺎ .. ﻓﻬﺬﺍ ﺍﻟﻠﻲ ﺣﻔﺰﻧﻲ ﺍﻧﺰﻝ ﺍﻟﻘﺼﻪ ﺑﺲ ﺧﻮﻓﻲ ﻛﺎﻥ ﺍﻟﻤﻌﺎﺭﺿﻪ ﺍﻟﻠﻲ ﺍﻭﺟﻬﺎ ..
ﻫﺴﻪ ﻫﻲ ﻣﻦ ﻧﺎﺣﻴﺔ ﺍﻟﺪﻳﻦ ﺍﻭﻙ ﻣﺎﻛﻮ ﻣﺨﺎﻟﻔﻪ ﺍﻟﻠﻪ ﻣﺤﻠﻞ ﻫﻠﺸﻲ .. ﺑﺲ ﺑﻌﺎﺩﺍﺗﻨﺎ ﻋﻴﺐ ..
ﻓﻜﻠﺖ ﻋﺎﺩﺍﺕ ﺷﻨﻮ ﻭﺗﻮﻛﻒ ﺑﻌﻴﻨﻲ ﺍﻣﺮﺃﻩ ﻋﺎﻧﺖ ﺍﻟﻘﻬﺮ ﺍﻟﻤﺎ ﻋﺎﻧﺎﻩ ﺍﺣﺪ .. ﻻﺯﻡ ﻣﻌﺎﻧﺎﺗﻬﺎ ﻳﺸﻮﻓﻬﺎ ﺍﻟﻜﺜﻴﺮﻳﻦ ﻭﻳﺘﻌﻠﻢ ﻣﻨﻬﺎ ..
ﻭﺑﺘﺎﻟﻲ ﺍﻧﻲ ﻣﻤﺴﻮﻳﻪ ﺷﻲ ﺣﺮﺍﻡ ﺍﻭ ﻣﺎﻛﻮ ﺷﻲ ﻳﻐﻀﺐ ﺍﻟﻠﻪ ﺣﺒﻬﻢ ﻭﺍﻥ ﻛﺎﻥ ﻏﻠﻂ ﻭﺍﻧﺠﺒﺮﺕ ﻋﻠﻴﻪ ﻟﻜﻦ ﺑﻄﻼﻗﻬﺎ ﺻﺎﺭ ﻣﺤﻠﻞ ..
ﻓﻨﺰﻟﺖ ﺍﻋﻼﻥ .. ﻛﻠﺖ ﺭﺍﺡ ﺍﻃﺮﺡ ﻗﺼﻪ ﺍﺳﻤﻬﺎ ﺣﻜﺎﻳﺔ ﺳﻤﺮ ﻭﺍﻟﻘﺼﻪ ﻣﻮﺿﻮﻋﻬﺎ ﺧﻄﺮ ﺭﺟﺎﺀﺍ ﺍﻟﻠﻲ ﻣﻴﻌﺠﺒﻪ ﻭﻳﺸﻮﻓﻬﺎ ﻣﺘﻨﺎﺳﺒﻪ ﻻ ﻳﻘﺮﺍﻫﺎ ..
ﻭﻛﻨﺖ ﺣﺪﻳﻪ ﺑﺎﻟﻜﻼﻡ .. ﻻﻥ ﺍﻋﺮﻑ ﺍﻟﻘﺼﻪ ﺍﻟﻠﻲ ﺭﺍﺡ ﺍﻃﺮﺣﻬﺎ ﺧﻄﺮﻩ ﺟﺪﺍ ﺑﺲ ﻻﺯﻡ ﺍﻟﻨﺎﺱ ﺗﺎﺧﺬ ﻋﺒﺮﻩ ﻣﻦ ﺧﻄﻮﺭﺗﻬﺎ .. ﻭﺗﺸﻮﻑ ﻣﺪﻯ ﺍﻟﻤﻌﺎﻧﺎﺕ ﺍﻟﻠﻲ ﻋﺎﻧﺘﻪ .. ﻫﺬﻩ ﺍﻟﺒﻨﺖ ..
ﻓﺒﺘﺪﻳﺖ ﺑﻜﺘﺎﺑﺘﻬﺎ ﻭﻃﺮﺣﺘﻬﺎ ﺍﻟﻜﻢ .. ﻭﻣﺜﻞ ﻣﺘﻮﻗﻌﺖ ﺍﻟﻨﺎﺱ ﺷﺎﻓﺖ ﺳﻤﺮ ﻣﻀﻠﻮﻣﻪ ﻣﺜﻞ ﻣﺎ ﺍﻧﻲ ﺷﻔﺘﻬﺎ .. ﻣﺤﺪ ﺫﻡ ﺳﻤﺮ ﺍﻻ ﺍﻟﻘﻠﻴﻴﻴﻴﻴﻴﻴﻞ ﺟﺪﺍ ..
ﻭﻫﺬﺍ ﺍﻟﻘﻠﻴﻞ ﻣﻜﺎﻥ ﻣﻌﺎﺭﺽ ﺍﻟﻘﺼﻪ ﻻ ﻣﻌﺎﺭﺿﻨﻲ ﺍﻧﻲ ﻛﻜﺎﺗﺒﻪ . . ﻓﻤﺎ ﺍﻫﺘﻤﻴﺖ ﻭﺍﻋﺘﺒﺮﺗﻬﻢ ﻻ ﺷﻲﺀ ﻭﻗﻮﻳﺖ ﺑﻴﻜﻢ ﻭﻛﻤﻠﺖ .. 🙈☺
( ﻛﺘﺒﺖ ﺍﻻﺣﺪﺍﺙ ﻫﺬﻱ ﻻﻥ ﺍﻏﻠﺒﻜﻢ ﻳﺤﺐ ﻳﻌﺮﻑ ﺣﻘﻴﻘﺔ ﻫﻠﻘﺼﻪ ﻭﻳﺤﺐ ﻳﻌﺮﻑ ﺍﺣﺪﺍﺙ ﻋﻨﻬﺎ .. ) ﻓﻴﻤﺎ ﺑﻌﺪ ﺍﺧﺒﺮﻛﻢ ﺷﻨﻮ ﺻﺎﺩﻓﺖ ﺑﻜﺘﺎﺑﺘﻬﺎ ﻭﺷﻨﻮ ﺍﻻﺳﺒﺎﺏ ﺍﻟﺨﻠﺘﻨﻲ ﺍﺳﻮﻳﻬﺎ ﺟﺰﺋﻴﻦ ﻭﻣﻌﺮﻓﺔ ﺑﻜﺮ ﻭﺍﻧﺰﻋﺎﺟﻪ ﻣﻦ ﺍﻟﻘﺼﻪ ...
... .
🌿🌿🌿🌿🌿
ﺍﻧﺰﻋﺎﺝ ﺑﻜﺮ ﻣﻦ ﺍﻟﻨﺸﺮ
ﺣﻜﺎﻳﺘﻲ _ ﻣﻊ _ ﺳﻤﺮ
# ﺑﻜﺮ
# ﻛﻮﺍﻟﻴﺲ
ﻟﻤﺎ ﻧﺸﺮﺕ ﻗﺼﺔ ﺳﻤﺮ .. ﺭﺍﺳﻠﺘﻬﺎ ﻛﺘﻠﻬﺎ ﻧﺸﺮﺕ ﺍﻭﻝ ﺑﺎﺭﺕ ﻣﻦ ﻗﺼﺘﺞ .. ﻣﺎ ﻛﺎﻧﺖ ﻣﻮﺟﻮﺩﻩ ..
ﺍﺳﺘﻤﺮﻳﺖ ﺑﻨﺸﺮ ﺍﻟﻘﺼﻪ ﻭﺍﻟﻤﺘﺎﺑﻌﻴﻦ ﻓﺮﺣﻮ ﻭﻟﻄﻤﻮ ﻭﻱ ﺳﻤﺮ ﻭﺳﻤﺮ ﻟﻼﻥ ﻣﺘﺪﺭﻱ ﺑﻘﺼﺘﻬﺎ ﺍﻧﺘﺸﺮﺕ ﺍﻻ ﺑﻌﺪ ﺑﺎﺭﺕ 19 ﺍﻭ 20 ﻣﺎ ﺍﺗﺬﻛﺮ ﺑﺎﻟﻀﺒﻂ ..
ﺑﺲ ﺑﻬﻠﺤﺪﻭﺩ .. ﻭﻓﺮﺣﺖ ﺭﺍﺣﺖ ﺗﻘﺮﻩ ﺍﻟﺒﺎﺭﺗﺎﺕ ﻛﻠﻬﺎ .. ﻛﺘﻠﻬﺎ ﺷﻨﻮ ﺭﺃﻳﺞ .. ﻛﺎﻟﺖ ﻋﺎﺷﺖ ﺍﻳﺪﺝ ﺭﻭﻋﻪ ..
ﻛﺘﻠﻬﺎ ﺑﻜﺮ ﻳﻌﺮﻑ ﺑﺎﻟﻘﺼﻪ .. ( ﻃﺒﻌﺎ ﻫﻮ ﻣﻮ ﺍﺳﻤﻪ ﺑﻜﺮ ﺑﺲ ﺭﺍﺡ ﺍﺣﺠﻲ ﺑﺼﻐﻴﺔ ﺍﻻﺳﻤﺎﺀ ﺍﻟﺬﻛﺮﺗﻬﺎ ) ..
ﻛﺎﻟﺖ ﻻ .. ﻛﺘﻠﻬﺎ ﺍﺣﺴﻦ ﺧﺎﻑ ﻣﻴﺘﻘﺒﻞ ﻻﻥ ﻗﺼﺘﺞ ﺑﻴﻬﺎ ﺗﻔﺎﺻﻴﻞ ﻣﻤﻜﻦ ﺗﺄﺫﻱ ..
ﺑﻌﺪﻫﺎ ﺻﺎﺭ ﻋﻠﻴﻪ ﺿﻐﻂ ﻛﻮﻟﺶ ﻗﻮﻱ ﻭﺻﻠﺔ ﻟﻤﺮﺣﻠﻪ ﻋﻘﻠﻲ ﺧﻼﺹ ﺑﻨﺪ ﻣﺎ ﺍﻛﺪﺭ ﺍﺳﺘﻤﺮ .. ﻓﻘﻄﻌﺖ ﺍﻟﻘﺼﻪ ..
ﻛﺎﻥ ﺩﻭﺭ ﻓﻴﻨﻮﺱ ﻭﻣﻦ ﺑﻌﺪﻫﺎ ﺑﺪﺕ ﻣﺮﻳﻢ .. ﻓﻠﻤﺘﺎﺑﻌﻴﻦ ﺿﻐﻄﻮ ﻋﻠﻴﻪ ﺍﻻ ﺍﻛﻤﻠﻬﺎ ﻻﻥ ﺑﻘﺖ ﺍﻟﻘﺼﻪ ﺍﺑﺎﻟﻬﻢ ﻭﺍﺗﺼﺎﻻﺕ ﻭﺣﻠﻔﺎﻥ ﻳﻮﻣﻴﻪ ﻭﻭﻭﻭﻭﻭﻭ ﻟﺤﺪ ﻣﺎ ﻗﺮﺭﺕ ﺍﻛﻤﻞ ..
ﻛﻠﺖ ﺍﺳﻮﻱ ﺑﻴﺞ ﺛﺎﻧﻲ ﻭﺍﺧﻠﻲ ﺍﻟﻜﺎﺗﺒﺎﺕ ﻳﺎﺧﺬﻭﻥ ﺩﻭﺭﻫﻢ ﻋﻠﻰ ﺭﺍﺣﺘﻬﻢ .. ﺍﻋﻠﻨﺖ ﻋﻦ ﺍﻟﻘﺼﻪ ﻭﻛﻠﺖ ﻳﻮﻡ 16 ﻧﻮﻓﻤﺒﺮ
ﻭﺧﻼﺹ ﺳﺎﺭ ﺍﻻﻋﻼﻥ ﻭﺍﻟﻜﻞ ﻋﺮﻑ ﺍﻥ ﺍﻟﺠﺰﺀ ﺍﻟﺜﺎﻧﻲ ﺭﺍﺡ ﻳﻨﺰﻝ .. ﻫﻨﺎ ﺳﻤﺮ ﻛﺎﻟﺖ ﻟﺒﻜﺮ ﻋﻠﻰ ﺍﻟﻘﺼﻪ .. 😑
ﺍﺟﺘﻲ ﻛﺎﻟﺖ ﺯﻧﻮﺑﻪ ﻓﺪﻭﻩ ﺑﻜﺮ ﻋﺮﻑ ﻗﺼﺘﻲ ﻧﺸﺮﺗﻬﺎ ﻭﺗﺨﺒﻞ ﺷﺴﻮﻳﻠﻪ ﻛﺎﻡ ﻳﺼﻴﺢ ..
ﻛﺘﻠﻬﺎ ﻳﻌﻨﻲ ﺷﻨﻮ .. ﻛﺎﻟﺖ ﻣﺎ ﺍﻋﺮﻑ ﻳﺮﻳﺪ ﻳﺤﺠﻲ ﻭﻳﺎﺝ .. ﻛﺘﻠﻬﺎ ﺍﻭﻙ .. ﺟﻤﻌﺘﻨﻲ ﺑﻲ ﻛﺮﻭﺏ ﻫﻲ ﻭﺍﻧﻲ ﻭﻫﻮﻩ ..
ﻓﺴﻠﻤﺖ ﻛﺎﻥ ﺳﻼﻣﻪ ﺛﻜﻴﻞ .. ﺍﻧﻮﺏ ﻛﺎﻝ ﺍﺧﺘﻲ ﺭﺟﺎﺀﺍ ﺍﺣﺬﻓﻲ ﺍﻟﻘﺼﻪ ﻧﻬﺎﺋﻴﺎ .. ﻛﺘﻠﻪ ﻟﺤﻈﻪ ﺍﺧﻮﻳﻪ ﺍﻫﺪﺀ ..
ﺗﺮﻩ ﻣﺤﺪ ﻳﻌﺮﻑ ﺍﺑﻄﺎﻝ ﺍﻟﻘﺼﻪ ﻏﻴﺮﻱ .. ﻭﺻﻮﺭﻛﻢ ﺍﻟﻠﻪ ﺷﺎﻫﺪ ﺣﺬﻓﺘﻬﺎ .. ﺍﻧﻲ ﻛﻠﺖ ﺻﻮﺭﻛﻢ ﻟﻮ ﻫﺬﺍ ﺍﻟﻮﻟﺪ ﺗﺨﺒﻞ 😯
ﻛﺎﻝ ﺷﻨﻮ ﻳﻌﻨﻲ ﺻﻮﺭﻧﻪ .. ﻃﻠﻊ ﻣﻴﻌﺮﻑ ﺍﻥ ﻫﻲ ﺑﺎﻋﺜﺘﻠﻲ ﺻﻮﺭﺗﻪ ﻭﺻﻮﺭﺓ ﺍﺧﻮ ﻋﺎﺩﻝ .. ﻫﻲ ﺑﻘﺖ ﺗﺤﺠﻲ ﻭﺗﺒﺮﺭ ﺍﻟﻪ ..
ﻫﻮﻩ ﺻﺎﺭ ﺑﺮﻛﺎﻥ ﻣﻦ ﺍﻟﻨﺎﺭ ﻛﺎﻡ ﻳﺤﺠﻲ ﺍﻧﺘﻦ ﺷﺪﺗﺨﺮﺑﻄﻦ ﻫﻮﻩ ﺑﻜﻴﻔﺠﻦ ﺍﻧﺘﻦ ﺗﻠﻌﺒﻦ ﺑﺸﻮﺍﺭﺑﻨﻪ .. ﻫﻬﻬﻬﻪ
ﻛﺘﻠﻪ ﺻﺪﻗﻨﻲ ﻣﺤﺪ ﻳﻌﺮﻑ .. ﻛﺎﻝ ﺷﻨﻮ ﻣﺤﺪ ﻳﻌﺮﻑ ﻗﺼﺘﻲ ﻭﻗﺼﺔ ﻋﺎﺋﻠﺘﻲ ﻧﺎﺷﺮﻳﻨﻬﺎ ﻋﻠﻰ ﺍﻟﻔﻴﺴﺒﻮﻙ ﺷﻨﻮ ..
ﻛﺘﻠﻪ ﻣﻮ ﻗﺼﺘﻚ ﻭﺍﻟﻠﻪ ﻗﺼﺔ ﺳﻤﺮ .. ﻛﺎﻝ ﻭﺳﻤﺮ ﻣﻨﻮ ﻏﻴﺮ ﻣﺮﺗﻲ ﻏﻴﺮ ﺟﺎﻧﺖ ﻋﺎﻳﺸﻪ ﺍﺑﻴﺘﻨﺎ ﺍﻓﺘﺢ ﺍﻟﻔﻴﺲ ﻭﺍﻟﻜﻪ ﺍﻟﻨﺎﺱ ﺗﺤﺠﻲ ﻋﻠﻰ ﺍﻣﻲ ﻭﺍﺧﺘﻲ ﺷﻨﻮ
ﻛﺘﻠﻪ ﺍﻻﺳﻤﺎﺀ ﻣﺴﺘﻌﺎﺭﻩ .. ﻛﺎﻝ ﺷﻨﻮ ﻣﺴﺘﻌﺎﺭﻩ ﺷﻨﻮ ﺑﻄﻴﺦ ﺍﻧﺘﻲ ﺣﺘﻰ ﺗﻔﺼﻴﻞ ﺣﻴﺎﺓ ﺍﺧﻮﻱ ﻭﻣﺮﺗﻪ ﺣﺎﺟﻴﺘﻬﺎ
ﺭﺩﺕ ﺍﺣﺎﻭﻝ ﺍﻗﻨﻌﻪ ﻛﺎﻥ ﺑﻮﻛﺘﻬﺎ ﻧﺎﺭ ﺑﻘﻴﺖ ﺻﺎﻓﻨﻪ ﻭﻫﻮ ﻳﺤﺠﻲ .. ﻭﺳﻤﺮ ﺗﺒﺮﺭﻟﻪ .. ﻛﺘﻠﻪ ﺍﺧﻲ ﺍﻟﻤﻄﻠﻮﺏ ﻛﺎﻝ ﺗﻤﺴﺤﻴﻦ ﺍﻟﻘﺼﻪ ﻣﻦ ﺍﻟﻔﻴﺲ ﻧﻬﺎﺋﻲ ..
ﻛﺘﻠﻪ ﻣﺴﺘﺤﻴﻞ ﺍﺫﺍ ﺣﺬﻓﺘﻬﺎ ﻣﻦ ﺍﻟﺒﻴﺞ ﺍﻟﻒ ﺑﻴﺞ ﻭﻛﺮﻭﺏ ﺍﺧﺬ ﺍﻟﻘﺼﻪ ﻣﺎ ﺍﻛﺪﺭ .. ﻛﺎﻝ ﻣﻮ ﻣﺸﻜﻠﺘﻲ ﻫﺎﻱ ..
ﺳﻤﺮ ﺟﺎﻧﺖ ﺗﺤﺠﻲ ﻭﻳﺎﻩ ﻭﻫﻮﻩ ﻋﺼﺒﻲ .. ﻑ ﺳﻤﺮ ﺩﺯﺗﻬﺎ ﻣﻌﻠﻴﻚ ﺍﻧﺘﻪ ﻟﺘﺒﻘﻰ ﺗﺘﺄﻣﺮ ﻋﻠﻴﻪ ﺍﻟﺒﻴﻪ ﻛﺎﻓﻴﻨﻲ
... .
ﻫﻮ ﻏﻠﻂ ﻋﻠﻴﻬﺎ ﻏﻠﻄﻪ ﺻﻌﺒﻪ .. ﻓﺎﻧﻲ ﻏﺎﺩﺭﺕ ﺍﻟﻤﺠﻤﻮﻋﻪ ﻓﻮﺭﺍ .. ﻛﻠﺖ ﻳﺤﻠﻮﻥ ﻣﺸﺎﻛﻠﻬﻢ ﺑﻴﻨﻬﻢ ..
ﺭﺣﺖ ﻟﺴﻤﺮ ﻛﺘﻠﻬﺎ ﻣﺴﺘﺤﻴﻞ ﺍﺣﺬﻑ ﺍﻟﻘﺼﻪ ﻭﺍﺫﺍ ﺍﺿﻄﺮ ﺍﻻﻣﺮ ﺍﺣﻈﺮﻩ .. ﻛﺎﻟﺖ ﻻ ﺻﺪﻗﻴﻨﻲ ﻗﻠﺒﻪ ﻃﻴﺐ ﻭﺑﺴﺎﻉ ﻳﺮﺿﻪ ﺑﺲ ﻫﺴﻪ ﻻﻥ ﻋﺼﺒﻲ ..
ﻛﺘﻠﻬﺎ ﻣﺎ ﺍﻋﺮﻑ ﺍﻧﻲ ﻧﺰﻟﺖ ﺍﻋﻼﻥ ﺑﻌﺪ ﺍﺳﺒﻮﻉ ﻳﻨﺰﻝ ﺍﻟﺠﺰﺀ ﺍﻟﺜﺎﻧﻲ ﺗﻌﺮﻓﻴﻦ ﺍﺫﺍ ﺍﻋﺘﺬﺭﺕ ﻳﻌﻨﻲ ﺷﻨﻮ ..
ﻳﻌﻨﻲ ﺭﺍﺡ ﻳﻬﺠﻤﻮﻥ ﻋﻠﻴﻪ ﻳﻌﻨﻲ ﺭﺍﺡ ﺗﺴﺒﺒﻴﻠﻲ ﻣﺸﻜﻠﻪ ﻭﺍﻧﻲ ﻣﻮ ﻣﺴﺆﻟﻪ ﺍﻧﺘﻲ ﺍﻧﻄﻴﺘﻴﻨﻲ ﻗﺼﺘﺞ ﻭﻛﺘﻴﻠﻲ ﻧﺸﺮﻳﻬﺎ ..
ﻓﻜﺎﻟﺖ ﺍﻭﻙ ﺑﺲ ﺍﻧﻄﻴﻨﻲ ﺍﻳﺎﻡ ﺍﻧﻲ ﺍﺧﻠﻴﻪ ﺍﻳﻮﺍﻓﻖ .. ﺑﻮﻗﺘﻬﺎ ﺣﺮﺕ ﻭﺑﻘﺖ ﺍﺑﺎﻟﻲ ﺭﺩﺓ ﻓﻌﻠﻪ .. ﻭﺍﻋﺼﺎﺑﻪ ﻭﺗﻬﺠﻤﻪ ..
ﺷﻜﺪ ﻋﻨﺪﻱ ﻗﺪﺭﻩ ﺍﻗﻨﻊ ﺍﻟﺸﺨﺺ ﻟﻜﻦ ﺑﻜﺮ ﺍﺑﺪ ﻣﻜﺎﻥ ﻋﻨﺪﻱ ﺍﻟﻤﻘﺪﺭﻩ ﺣﺘﻰ ﺍﻓﻬﻤﻪ ﺍﺧﺬﻫﻪ ﺣﺎﺻﻞ ﻓﺎﺻﻞ ﻭﻣﻮ ﻫﻴﺞ ﻓﻮﻳﺲ ﻣﺴﺞ ﻳﺼﺮﺥ ..
ﻣﺮﺕ ﻳﻤﻜﻦ 3 ﺍﻳﺎﻡ .. ﻓﺘﺤﺖ ﻃﻠﺒﺎﺕ ﺍﻟﺮﺳﺎﺋﻞ ﻟﻜﻴﺖ ﺑﻜﺮ ﻣﺮﺍﺳﻠﻨﻲ .. ﺻﺎﺭ 3 ﺳﺎﻋﺎﺕ ..
ﻛﺎﺗﺐ ﺍﻟﺴﻼﻡ ﻋﻠﻴﻜﻢ ﺳﺖ ﺯﻳﻨﺐ ﻣﻤﻜﻦ ﻧﺘﻜﻠﻢ
ﻓﻘﺒﻠﺖ ﺍﻟﻄﻠﺐ .. ﻛﺘﻠﻪ ﻭﻋﻠﻴﻜﻢ ﺍﻟﺴﻼﻡ ﺗﻔﻀﻞ ..
ﻛﺎﻝ ﺍﻧﻲ ﻗﺮﻳﺖ ﺍﻟﻘﺼﻪ ﻛﺎﻣﻠﻪ ﺍﻟﺠﺰﺀ ﺍﻻﻭﻝ ..
ﻭﺍﻛﻮ ﺍﺧﺘﻼﻑ ﻧﻮﻋﺎ ﻣﺎ ﻋﻦ ﻗﺼﺘﻬﺎ ﺑﺎﻟﺤﻘﻴﻘﻪ .. ﻭﺍﻧﺘﻲ ﻣﺘﻼﻋﺒﻪ ﺑﺎﻻﺳﻤﺎﺀ ﻭﺍﻻﻣﺎﻛﻦ ﻭﻣﻘﺪﻣﻪ ﻭﻣﺄﺧﺮﻩ ﻳﻌﻨﻲ ﻣﻤﺒﻴﻨﻪ ﻗﺼﺘﻬﺎ ..
ﻛﺘﻠﻪ ﻃﺒﻌﺎ ﻫﺬﺍ ﺷﻐﻠﻲ ﻻﺯﻡ ﺍﺗﻼﻋﺐ ﻟﺤﺘﻰ ﻣﻴﻨﻌﺮﻑ ﺻﺎﺣﺐ ﺍﻟﻘﺼﻪ .. ﻛﺎﻝ ﺍﻧﺘﻲ ﺷﻜﺪ ﻋﻤﺮﺝ .. ﻛﺘﻠﻪ 22 ﻛﺎﻝ ﻳﻌﻨﻲ ﺍﺻﻐﺮ ﻣﻦ ﺳﻤﺮ ..
ﺭﺍﺡ ﺍﻋﺘﺒﺮﺝ ﺍﺧﺘﻲ ﺍﻟﺼﻐﻴﺮﻩ ﻭﺍﺣﺠﻲ ﻭﻳﺎﺝ ..
ﺯﻧﻮﺑﻪ ﻗﺼﺔ ﺳﻤﺮ ﺟﺪﺍ ﺻﻌﺐ ﺗﻨﻌﺮﺽ ﻟﻮ ﺗﻨﻜﺘﺐ ﻟﻠﻌﺎﻟﻢ ﻭﻣﺤﺪ ﺭﺍﺡ ﻳﻔﻬﻢ ﺳﻤﺮ ﺷﻨﻮ ﻭﻻ ﺍﺣﺪ ﺭﺍﺡ ﻳﺒﺎﻭﻉ ﻟﺤﺰﻧﻬﺎ ﺑﻜﺪ ﻣﺎ ﺭﺍﺡ ﻳﻌﺪﻭﻥ ﻋﻠﻴﻬﺎ ﺍﺯﻭﺍﺝ .. ﻭﺍﺷﺨﺎﺹ ..
ﺍﻧﻲ ﺍﻋﺮﻑ ﺷﻨﻮ ﺳﻤﺮ ﻭﺷﻨﻮﻭﺿﻌﻔﻬﺎ ﻭﺷﺨﺼﻴﺘﻬﺎ .. ﻭﻳﻤﻜﻦ ﺍﻧﺘﻲ ﺍﺗﻀﺤﻠﺞ ﻭﻋﺮﻓﺘﻲ ﺟﺰﺀ ﻣﻨﻬﺎ ..
ﻟﻜﻦ ﺍﻟﻘﺎﺭﺉ ﻣﺎ ﺭﺍﺡ ﻳﻔﻬﻢ .. ﺭﺍﺡ ﻳﻌﺘﺒﺮ ﺳﻤﺮ ﺍﻧﺴﺎﻧﻪ ﻫﺎﻭﻳﻪ ﻭﻣﺮﺍﺡ ﻳﻌﺬﺭ ﺣﺰﻧﻬﺎ ﻭﻗﻬﺮﻫﺎ ﻭﺭﺍﺡ ﺗﻨﻜﺴﺮ ﺍﻛﺜﺮ ﺻﺪﻛﻴﻨﻲ ..
ﻛﺘﻠﻪ ﺑﺎﻟﻌﻜﺲ ﺍﻟﻤﺘﺎﺑﻌﻴﻦ ﻣﺘﻌﺎﻃﻔﻴﻦ ﻣﻌﺎﻫﺎ ﺟﺪﺍ .. ﻭﺍﻧﻘﻬﺮﻭ ﻋﻠﻴﻬﺎ .. ﻛﺎﻝ ﺍﻋﺮﻑ ﺷﻔﺖ ﺍﻟﺮﺩﻭﺩ ..
ﻟﻜﻦ ﺍﻛﻮ ﺍﺣﺪﺍﺙ ﺭﺍﺡ ﺗﺬﻛﺮﻳﻬﺎ .. ﻣﺮﺍﺡ ﻳﻔﻬﻤﻮﻫﺎ .. ﻛﺘﻠﻪ ﺷﻮﻑ ﺍﺧﻮﻳﻪ ﻟﺤﺘﻰ ﺍﻛﻮﻥ ﺻﺮﻳﺤﻪ ﻭﻳﺎﻙ ﻣﺎ ﺍﻛﺪﺭ ﺍﻭﻗﻒ ﻗﺼﺘﻬﺎ ﻻﻥ ﺍﻟﻤﺘﺎﺑﻊ ﻳﻠﺢ ﻋﻠﻴﻪ ﻳﻮﻣﻴﺎ ﻳﺮﻳﺪ ﺍﻟﺘﻜﻤﻠﻪ ..
ﻛﺎﻝ ﺍﻭﻙ .. ﻫﺴﻪ ﺍﺭﻳﺪ ﻣﻨﺞ ﺷﻐﻠﻪ .. ﻛﺘﻠﻪ ﺷﻨﻮ .. ﻛﺎﻝ ﺟﺎﻱ ﺍﺧﺎﺑﺮﻫﺎ ﻭﻣﺘﺮﺩ .. ﻭﺭﺣﺖ ﻟﺒﻴﺘﻬﻢ ﻃﺎﻟﻌﻪ ﻭﻳﻢ ﺍﻣﻬﺎ ﺯﻳﺎﺭﻩ ﻭﺧﺎﺑﺮﺕ ﺍﻣﻬﺎ ﻣﺎ ﺭﺩﺕ ..
ﻭﺍﻋﺮﻑ ﻫﻲ ﻣﺘﻀﺎﻳﻘﻪ .. ﻛﺘﻠﻪ ﻣﻦ ﺷﻨﻮ ﻣﺘﻀﺎﻳﻘﻪ .. ﻛﺎﻝ ﻻﻥ ﻏﻠﻄﺖ ﻋﻠﻴﻬﺎ ﻛﺪﺍﻣﺞ ﺍﻋﺘﺒﺮﺗﻬﺎ ﺍﻫﺎﻧﻪ ﺑﺲ ﺍﻧﻲ ﻃﻠﻌﺖ ﻣﻨﻲ ﺑﻮﻗﺖ ﻋﺼﺒﻴﻪ ..
ﻛﺘﻠﻪ ﺍﻭﻙ ﺍﺭﺍﺳﻠﻬﺎ ﻭﺍﺷﻮﻑ .. ﺭﺍﺳﻠﺘﻬﺎ ﻛﺘﻠﻬﺎ ﺷﻮﻛﺖ ﻣﺘﺘﻮﺍﺟﺪﻳﻦ ﺭﺍﺳﻠﻴﻨﻲ .. ﻭﺭﻩ ﺳﺎﻋﻪ ﺟﺎﻭﺑﺘﻨﻲ ﻫﻴﻪ ..
ﻛﺘﻠﻬﺎ ﻭﻟﺞ ﺯﻋﻼﻧﻪ ﻭﻳﺎﻩ 😠 ﻛﺎﻟﺖ ﻳﻐﻠﻂ ﻋﻠﻴﻪ ..😪 ﻛﺘﻠﻬﺎ ﻭﺍﻟﻠﻪ ﻣﺎﻝ ﺍﺷﻤﺮﺝ ﺑﻨﺺ ﻣﺘﺎﺑﻌﺎﺕ ﺑﻜﺮ ﺟﺎﻥ ﺍﻛﻠﻨﺞ ﺍﻛﻞ ..😠😠😤
ﻓﻜﺘﻠﻬﺎ ﺧﻄﻴﻪ ﺭﻭﺣﻲ ﺭﺍﺳﻠﻴﻪ ﻭﺍﺗﺼﺎﻟﺤﻮ .. ﻛﺎﻟﺖ ﻳﻌﻨﻲ ﻗﺒﻞ ﻋﻠﻘﺼﻪ .. ﻛﺘﻠﻬﺎ ﺍﻱ . ﻛﺎﻝ ﺍﻱ ﻭﻫﻮﻩ ﻫﺬﺍ ﺍﻟﻤﻄﻠﻮﺏ ..
ﺍﻟﻤﻬﻢ ﺗﺼﺎﻟﺤﻮ ﻭﺑﻌﺪ ﻣﺮﺍﺳﻠﺘﻬﻢ ﺍﻻ ﻗﻠﻴﻴﻴﻞ ﺍﺷﻮﻑ ﺗﻌﻠﻴﻘﺎﺗﻬﻢ ﻭﺭﺩﻫﻢ ﻭﺩﻓﺎﻋﻬﻢ ﻋﻠﻰ ﺑﻌﺾ ﺍﻟﺘﻌﻠﻴﻘﺎﺕ ﻭﺍﺳﻜﺖ ..
ﺑﺪﺍﻳﺔ ﺍﻟﻘﺼﻪ ﺟﺎﻥ ﺑﻜﺮ ﺍﻭﻙ ﺭﺍﺿﻲ ﻋﻠﻰ ﺍﻟﻘﺼﻪ ﻭﻣﻨﺪﻣﺞ ﻭﻣﺮﺍﺕ ﻳﺘﺬﻛﺮﻭﻥ ﺣﺒﻬﻢ ﻭﻳﻀﺤﻜﻮﻥ .. ﻟﺤﺪ ﻣﺎ ﻭﺻﻠﺖ ﻟﻤﻮﺍﻓﻘﺘﻬﺎ ﻋﻠﻰ ﺯﻭﺍﺝ ﻋﻤﺎﺭ ..
ﻫﻨﺎ ﻧﻘﻠﺒﺖ ﺍﻟﺘﻌﻠﻴﻘﺎﺕ ﻋﻠﻰ ﺳﻤﺮ .. ﺭﻏﻢ ﻫﻲ ﻣﻤﻬﺘﻤﻪ .. ﻭﻋﺎﺩﻱ ﺗﻘﺮﻩ .. ﺑﺲ ﺑﻜﺮ ﺗﻀﺎﻳﻖ .. ﺑﻮﻗﺘﻬﺎ ﺭﺍﺳﻠﻨﻲ
ﻭﻧﺰﻟﺘﻠﻜﻢ ﺑﺎﻟﺘﻌﻠﻴﻘﺎﺕ ﺍﺫﺍ ﺗﺮﺟﻌﻮﻥ ﻛﺘﻠﻜﻢ ﻟﺘﺘﺠﺎﻭﺯﻭﻥ ﺭﺟﺎﺀﺍ ﺍﺑﻄﺎﻝ ﺍﻟﻘﺼﻪ ﺩﻳﺘﺎﺑﻌﻮﻥ ..
ﺑﻴﻮﻡ ﺍﻟﻨﺰﻟﺖ ﺍﻟﻔﻴﺪﻳﻮ .. ﺍﻟﻮﻟﺪ ﺍﻟﻴﺒﺠﻲ ﻭﺷﺒﻬﺘﻪ ﺍﺑﻜﺮ ..
ﻫﻨﺎ ﺣﺴﻴﺘﻪ ﺻﺎﺭ ﺍﻧﻘﻼﺏ .. ﻛﻠﻬﺎ ﺗﺒﺠﻲ ﻭﻳﺘﻮﺳﻠﻮﻥ ﺍﻧﺮﻳﺪ ﻧﺤﺠﻲ ﻭﻳﺎﻩ .. ﻓﻜﺘﻠﻪ ﺑﻜﺮ ﺍﺻﻌﺪ ﺑﺚ ﺻﻮﺗﻲ ﺿﺤﻚ ﻛﺎﻝ ﻣﺴﺘﺤﻴﻞ ..
ﻛﺘﻠﻪ ﺑﺲ ﻳﻄﻤﻨﻮﻥ ﻋﻠﻴﻚ ﻭﺍﻟﻠﻪ ﺍﻛﻮ ﺑﻨﺎﺕ ﻳﺨﺎﺑﺮﻭﻧﻲ ﻳﺒﺠﻮﻥ ﺷﻨﻮ ﺍﺧﺒﺎﺭﻩ .. ﻳﻌﻨﻲ ﻭﺍﻟﻠﻪ ﺑﻮﻗﺘﻬﺎ ﻧﻌﻢ ﺍﻋﺮﻑ ﺍﺛﺮﺕ ﺑﺲ ﺭﺩﺓ ﺍﻟﻔﻌﻞ ﻛﺎﻧﺖ ﺻﺎﺩﻣﻪ ..
ﻭﻣﻦ ﻛﺪ ﺿﻐﻂ ﺍﻟﻤﺘﺎﺑﻌﺎﺕ .. ﻛﺘﻠﻬﻢ ﺭﺍﺡ ﺍﺣﺎﻭﻝ ﺍﺧﻠﻴﻜﻢ ﺗﺘﻮﺍﺻﻠﻮﻥ ﻭﻳﺎﻩ .. ﻓﺮﺣﺖ ﻛﺘﻠﻪ ﺑﺲ ﺻﻮﺕ ﺍﺣﺠﻲ ﻭﻳﺎﻫﻢ ﻋﺎﺩﻱ ﻣﺘﻨﻌﺮﻑ ﻭﺍﻟﻠﻪ .. ﺭﻓﺾ ..
ﻛﺘﻠﻪ ﻳﺒﺠﻮﻥ ﻋﻠﻴﻚ .. ﻳﻜﻮﻟﻲ ﺍﻱ ﺫﻭﻟﻪ ﻳﺒﺠﻮﻥ ﻋﻠﻰ ﺑﻜﺮ ﻭﺍﻧﻲ ﻣﻮ ﺍﺳﻤﻲ ﺑﻜﺮ ..
ﻛﺘﻠﻪ ﺯﻳﻦ ﺳﻮﻱ ﺣﺴﺎﺏ ﻭﻫﻤﻲ ﻭﺗﻌﺎﻝ ﺍﻗﺪﻣﻚ ﺍﻟﻬﻢ ﻭﺭﺩ ﻋﻠﻴﻬﻢ .. ﺳﻤﺮ ﺳﺎﻧﺪﺗﻨﻲ .. ﺭﻏﻢ ﺍﻟﺘﻌﻠﻴﻘﺎﺕ ﻭﺍﻛﻌﻪ ﺩﻙ ﺑﻴﻬﺎ ﺧﻄﻴﻪ 😅
ﻛﺎﻝ ﻣﺎ ﺍﻋﺮﻑ ﻣﺎ ﺍﺣﺴﻬﺎ ﺗﻨﺎﺳﺒﻨﻲ .. ﻛﺘﻠﻪ ﺍﺩﺭﻱ ﺟﺎﻳﺒﺘﻠﻚ ﻫﺪﻭﻡ ﻭﺗﻜﻠﻲ ﻣﺘﻨﺎﺳﺒﻨﻲ .. ﺩﺣﺠﻲ ﻭﻳﺎﻫﻢ ﻣﻮ ﺣﺘﻰ ﺗﻬﻤﻮﻧﻲ ﺍﻟﻘﺼﻪ ﻛﺬﺏ ..😑
ﻛﺎﻝ ﺯﻧﻮﺑﻪ ﺍﻧﻲ ﻋﻠﻰ ﺍﻋﺼﺎﺑﻲ ﻣﺘﺤﻤﻞ ﺍﻟﻘﺼﻪ .. ﻛﻤﻠﻲ .. ﻭﻻ ﺗﻠﺤﻴﻦ ﺑﺴﺎﻟﻔﺔ ﻋﻤﺎﺭ ﻭﺳﻤﺮ ﺍﺧﺘﺼﺮﻳﻬﺎ ﻣﺎﻛﻮ ﺩﺍﻋﻲ ﺗﺬﻛﺮﻳﻬﺎ ..
ﺍﻟﻘﺎﺭﺉ ﻳﻨﺘﻀﺮ ﺗﻔﺎﺻﻴﻞ ﺑﻜﺮ ﻣﻮ ﻋﻤﺎﺭ .. ﻛﺘﻠﻪ ﻏﻴﺮ ﻗﺼﺘﻬﺎ ﻻﺯﻡ ﺍﺫﻛﺮ ﺷﻨﻮ ﺟﺎﻥ ﺑﻴﻨﻬﻢ .. ﻛﺎﻝ ﺩﺍ ﺍﻛﻮﻟﺞ ﺍﺧﺘﺼﺮﻱ ..
ﻓﻤﺨﺬﻳﺖ ﺑﻜﻼﻣﻪ .. ﻭﺑﻘﻴﺖ ﺍﻛﺘﺐ ﻭﻫﻮﻩ ﻳﺘﻀﺎﻳﻖ ﺍﻛﺜﺮ ﻣﻦ ﺗﻌﻠﻴﻘﺎﺗﻜﻢ ﻭﻳﺠﻲ ﻳﻠﺢ ﻳﻠﺢ ﻳﻠﺢ . ﻣﺘﺖ ﻭﺍﻟﻠﻪ ..
ﺍﺧﺮ ﺷﻲ ﻛﺎﻝ ﻻ ﺗﺬﻛﺮﻳﻦ ﻣﻮﺕ ﺍﺑﻨﻬﺎ .. ﻛﺘﻠﻪ ﺷﻠﻮﻭﻥ ﻣﻴﺼﻴﺮ ﻛﺎﻝ ﺍﻧﻲ ﺍﻛﻠﺞ ﻻ ﺗﺬﻛﺮﻳﻦ .. ﺗﺮﺩﻳﻬﺎ ﻫﻢ ﺗﺮﺟﻊ ﻟﺤﺎﻟﺘﻬﺎ ..
ﻛﺘﻠﻪ ﻫﻲ ﺳﻮﻟﻔﺘﻠﻲ ﻗﺼﺘﻬﺎ ﻭﻗﺼﺔ ﻣﻮﺕ ﺍﺑﻨﻬﺎ ﺧﻠﻴﻨﻲ ﺍﻛﻤﻞ .. ﺑﻘﻰ ﻳﻠﺢ ﻟﺢ ﻣﻮ ﻃﺒﻴﻌﻲ 😑😑😑 ﺑﻬﺬﺍ ﺍﻟﻮﻛﺖ ﺍﻻﻓﻨﺪﻳﻪ ﺳﻤﻮﺭﻩ ﻣﻤﻮﺟﻮﺩﻩ
ﺑﺲ ﻫﻮﻩ ﻣﺘﺎﺑﻊ ﻭﺣﺎﺭﻙ ﻛﻠﺒﻪ .. ﻭﻣﻮﺗﻨﻲ ﻣﻮﺗﻨﻲ ﺑﺎﻟﺘﻌﻠﻴﻘﺎﺕ ﻫﺬﺍ ﻫﻴﺞ ﻳﺴﺐ ﺣﻈﺮﻱ ﻫﺬﺍ ﻫﻴﺞ ﺣﺠﻪ .. ﺣﺬﻓﻲ ..
ﻛﺘﻠﻪ ﻳﺎﺑﻪ ﻭﻳﻦ ﺍﻟﻜﺎﻫﻢ ﻓﻮﻙ ﺍﻝ 5000 ﺗﻌﻠﻴﻖ . ﻭﻳﻦ ﺍﺩﻭﺭ .. ﻛﺎﻝ ﺍﻧﻬﻴﻬﺎ ﻟﺨﺎﻃﺮ ﻣﺤﻤﺪ ﺍﻧﻬﻴﻬﺎ ﺍﻛﻠﺞ ﻣﻠﻴﺖ ..
ﻣﻦ ﻛﺪ ﺍﻟﻤﻠﺤﻪ ﻓﻌﻼ ﺍﺧﺘﺼﺮﺗﻬﺎ ﺍﺧﺘﺼﺎﺭ ﻋﺠﻴﺐ ﺧﺎﺻﻪ ﻣﻮﺕ ﺯﻭﺟﻬﺎ ﻭﺍﺑﻨﻬﺎ .. ﻫﻲ ﻣﻘﺒﻠﺖ ﻭﻛﺎﻟﺘﻠﻲ ﻛﻤﻠﻲ ﻭﺍﺧﺬﺕ ﺍﻟﻜﻠﻤﻪ ﻣﻨﻬﺎ ﺑﺎﻟﺘﻌﺪﻳﻞ ..
ﺑﺲ ﻫﻮﻩ ﻛﺎﻝ ﻻ ﺗﺘﺄﺫﻯ .. ﻋﻮﻓﻲ ﻣﺎﻛﻮ ﺗﻌﺪﻳﻞ .. ﻓﻜﻠﺖ ﻟﺴﻤﺮ ﺍﺣﺘﻤﺎﻝ ﺍﻧﺰﻝ ﺍﻟﺘﻌﺪﻳﻞ ﻓﻘﻂ ﻋﻠﻰ ﺍﻟﻮﺍﺗﺒﺎﺩ .. ﺣﺘﻰ ﻟﻴﺘﻀﺎﻳﻖ
ﻭﻫﺬﻩ ﺳﺒﺐ ﺍﻟﺨﻼﻧﻲ ﺍﺧﺘﺼﺮ ﺍﻟﻘﺼﻪ 😑 ﻳﺎﺭﺏ ﻓﻬﻤﺘﻮ ﻣﻌﺎﻧﺎﺗﻲ .. ﺍﻧﺘﻮ ﺗﺘﻬﺠﻤﻮﻥ ﻭﻫﻮ ﻳﺘﻬﺠﻢ ﻭﺍﻧﻲ ﺻﺎﻳﺮﻩ ﺑﻴﻨﻜﻢ ﻭﺍﻟﻠﻪ ﺧﻄﻴﻪ ﺍﻧﻲ
.
كلمة فريق قصص عراقية
طبعاً القصة مشوقة وحلوة بس من تقرأها وما تقيم تطبيقنا المتواضع ب5نجوم راح يكون ظعيف واقل تبليغ من النفوس الظعيفة ينغلق التطبيق لذالك نتمنى منكم دعم تطبيقنا قيموه بـ 5 نجوم على جوجل بلي
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق