رواية حكاية سمر ج2 الجزء التاسع
للكاتبة زينب ماجد
🌿
ﺍﺟﻪ ﺍﺣﻤﺪ ﺑﻠﻴﻞ ﻭﻛﺎﻟﺘﻠﻪ ﺍﻣﻲ .. ﻳﻜﻠﻠﻬﺎ ﺍﻧﻄﻴﻬﺎ ﻟﻠﻜﻼﺏ ﻭﻣﺎ ﺍﻧﻄﻴﻬﺎ ﺍﻟﻬﻢ .. ﻛﺎﻟﺘﻪ ﻭﺷﺒﻴﻬﻢ ﻏﻴﺮ ﻧﺴﺄﻝ ﻋﻠﻴﻬﻢ ﺍﻟﻮﻟﺪ ﺍﺭﻳﺪ ﺑﺘﻨﻪ ﻭﻫﻴﻪ ﺭﺍﻳﺪﺗﻪ ﻟﻴﺶ ﻧﻮﻛﻔﻒ ﺑﻄﺮﻳﻘﻬﻢ ..
ﻛﺎﻟﻠﻬﺎ ﻫﺎﻱ ﺑﺘﺞ ﺍﻟﺴﺠﻨﺘﻨﻲ ﻣﺎ ﺍﺯﻭﺟﻬﺎ ﻟﻠﻲ ﺗﺮﻳﺪﻩ .. ﻭﺍﻋﺘﺒﺮﻱ ﻣﻦ ﺑﺎﺟﺮ ﺟﺎﻳﻴﻦ ﺍﻫﻞ ﺻﺎﺣﺒﻲ ﻟﺨﻄﺒﺘﻬﺎ ..
ﺍﻣﻲ ﻛﺎﻣﺖ ﺗﺤﺠﻲ ﻭﺗﺼﻴﺢ ﻋﻠﻴﻪ .. ﺭﺍﺡ ﻳﻢ ﺍﺑﻮﻱ ﻳﻜﻠﻪ ﻳﺎﺑﻪ ﺻﺪﻳﻘﻲ ﺣﺎﺯﻡ ﺍﻧﺘﻪ ﺗﻌﺮﻓﻪ ﻭﺗﻌﺮﻑ ﺍﺧﻼﻗﻪ ﺭﺍﺩ ﻧﺠﻮﻯ ﻣﻨﻲ ..
ﻭﺍﻧﻲ ﺑﻌﺘﺒﺎﺭﻱ ﺍﻟﻤﺴﺆﻭﻝ ﻫﻨﺎ ﺑﻌﺪﻙ .. ﺭﺍﺡ ﺍﻭﺍﻓﻖ ﻋﻠﻰ ﺯﻭﺍﺝ ﻧﺠﻮﻯ .. ﺍﺑﻮﻳﻪ ﻛﺎﻟﻪ ﺍﻱ ﻫﺎﻫﻴﻪ ﻋﻔﻴﻪ ..
ﺑﻘﻴﺖ ﺻﺎﻓﻨﻪ .. ﻳﺎﺑﻪ ﻳﺎ ﺧﻴﺮ ﻫﺬﺍ ﺍﻟﻮﻟﺪ ﺷﺎﺭﻳﻬﺎ ﻻﺧﺘﻲ ﻭﺟﺎﻳﻬﺎ ﻣﻦ ﺍﻟﺒﺎﺏ ﺷﺘﺮﺩﻭﻥ ﺍﻛﺜﺮ ..
ﻛﺎﻡ ﺍﺣﻤﺪ .. ﻭﻳﻜﻠﻲ ﻭﻟﺞ ﺍﻧﺘﻲ ﻣﺘﺤﻤﻞ ﻋﻠﻴﺞ ﻫﻮﻭﻭﻭﺍﻱ .. ﻓﻮﻙ ﻣﺎ ﻧﺸﻤﺮﺗﻲ ﻋﺪﻧﻪ ﻣﻄﻠﻜﻪ ﻳﻨﺴﻤﻌﻠﺞ ﺻﻮﺕ ..
ﻭﻛﺎﻡ ﻋﻠﻴﻪ ﻳﻀﺮﺑﻨﻲ .. ﺩﻓﻌﺘﻪ ﺣﻴﻞ ﻭﻛﻤﺖ ﺍﺗﻌﺮﻙ ﻭﻳﺎﻩ .. ﻟﻚ ﺍﻧﺘﻪ ﻭﺍﺣﺪ ﻋﺎﺭ ﻛﺪﺭﺗﻚ ﺑﺲ ﻋﻠﻴﻨﻪ .. ﻭﺍﻟﻠﻪ ﻡ ﺍﺑﻴﻚ ﺧﻴﺮ .
ﻛﺎﻓﻲ ﺗﻌﺒﻨﻪ ﻛﺎﺍﺍﺍﻓﻲ .. ﻫﻮﻩ ﻳﻀﺮﺏ ﻭﺍﻧﻲ ﺍﺩﻓﻊ ﻭﺍﺯﻟﻎ ﺑﻴﻪ .. ﻭﺍﻣﻲ ﻭﺍﻣﺤﻤﺪ ﻳﻔﺮﻏﻮﻥ ﺑﻴﻨﺎﺗﻨﺎ ..
ﺟﺮﺗﻨﻲ ﺍﻣﻲ ﻣﻨﻪ ﻛﻮﻭﻩ .. ﻭﺻﻌﺪﺗﻨﻲ ..
- ﻭﺝ ﺍﻧﺘﻲ ﻣﺎ ﺗﺴﺘﺤﻴﻦ ﺗﻮﻛﻔﻴﻦ ﺑﻮﺟﻪ ﺍﺧﻮﺝ .. ﺍﻧﺘﻲ ﺑﻜﺪﻩ ..
- ﻛﺎﻓﻲ ﻣﻠﻴﺖ ﻣﻨﻜﻢ ﻛﺎﺍﺍﻓﻲ ﺗﻌﺒﺖ ﻣﺎ ﺗﺴﺘﺤﻴﻦ ﻣﺎ ﺗﺴﺘﺤﻴﻦ ﻣﺎ ﺗﺴﺘﺤﻴﻦ ..
ﻛﻮﻟﺸﻲ ﺍﺳﻮﻳﻪ ﻛﻠﺘﻮ ﻣﺎ ﺗﺴﺘﺤﻲ .. ﺑﺲ ﻻﻧﻲ ﺑﻨﻴﻪ .. ﻭﻫﻮﻩ ﻛﻮﻟﺸﻲ ﻳﺴﻮﻱ ﻣﺤﺪ ﻳﻜﻠﻪ ﻋﻴﺐ ..
ﻫﺬﺍ ﺩﻻﻟﺞ ﺑﻴﻪ ﺧﺮﺑﻪ ﺍﺑﻨﻲ ﻭﺍﺑﻨﻲ ﻭﺳﻠﻄﺘﻴﻪ ﻓﻮﻙ ﺭﻭﺳﻨﻪ .. ﻭﺍﺣﻨﻪ ﻣﺨﻠﺼﺘﻪ ﻭﻳﺎﻧﻪ ﺗﻜﻔﺦ ..
ﺷﻄﻴﺢ ﺣﻈﻲ ﻏﻴﺮﺝ .. ﻣﻦ ﺟﺒﺮﺗﻴﻨﻲ ﺍﺗﺰﻭﺝ ﻭﺍﻟﻤﺮﻩ ﻣﺎ ﺍﻟﻬﺎ ﻏﻴﺮ ﺑﻴﺖ ﺭﺟﻠﻬﺎ .. ﻫﺪﻣﺘﻮ ﺣﻴﺎﺗﻲ ﺑﻬﻤﺠﻴﺘﻜﻢ ..
ﻭﻫﺴﻪ ﺟﺎﻳﻴﻦ ﻋﻠﻰ ﺍﺧﺘﻲ .. ﻛﺎﻓﻲ ﺗﻌﺒﻨﻪ ﻛﺎﻓﻲ .. ﻭﺍﻟﻠﻪ ﻣﺎ ﺍﺳﻜﺖ .. ﻟﻮ ﺍﻋﺮﻑ ﺍﻛﻠﺐ ﺍﻟﺪﻧﻴﺎ ﻋﻠﻰ ﺭﻭﺳﻜﻢ ﻣﺎ ﺍﺳﻜﺖ ..
- ﺍﻟﻠﻪ ﻳﺎﺧﺬﺝ ﺍﻧﺸﺎﻟﻠﻪ ﻭﻧﺨﻠﺺ ﻣﻨﺞ .. ﻳﻼﻡ ﺑﻴﺞ ﻣﻦ ﻳﺮﻳﺪ ﻳﺬﺑﺤﺞ ..
- ﻭﺍﻟﻠﻪ ﻣﺎ ﺷﺮﺩﺕ ﻭﻳﻪ ﺍﻻﺭﻳﺪﻩ ﻭﻛﺴﺮﺕ ﻭﺟﻮﻩ ﺍﻫﻠﻲ ﻋﻠﻤﻤﻮﺩ ﻳﺬﺑﺤﻨﻲ ..
- ﻭﻟﺞ ﺍﻧﺘﻲ ﺷﻮ ﻣﺎ ﺗﺴﺘﺤﻴﻦ ..
- ﺭﺍﺩﺕ ﺗﻜﻮﻡ ﺗﻀﺮﺑﻨﻲ .. ﺩﻓﻌﺘﻬﺎ ﺍﻱ ﻣﺎ ﺍﺳﺘﺤﻲ ﻭﻻ ﺭﺍﺡ ﺍﺳﺘﺤﻲ ﺑﻌﺪ .. ﻛﺎﻓﻲ ﻧﺴﺘﺤﻲ ﻧﺴﺘﺤﻲ ﻭﻣﺎﻛﻠﻴﻦ ﺗﺒﻦ ..
ﻧﺘﺤﻤﻞ ﺍﻟﻤﺮ ﻋﻠﻤﻮﺩ ﻣﺎ ﺍﻧﺰﻝ ﺭﻭﺳﻜﻢ .. ﻭﺍﻧﺘﻮ ﻣﻜﺴﺮﻳﻦ ﺭﻭﺳﻨﻪ ﻛﺎﺍﺍﻓﻲ ﻣﻠﻴﺖ ﻛﺎﻓﻲ .. ﺍﺭﻳﺪ ﺻﺪﻙ ﻣﺎ ﺍﺳﺘﺤﻲ ﺑﻌﺪ ﻭﺍﺭﺩ ﺍﺷﻮﻑ ﺣﻈﻲ ﺷﻠﻮﻥ ﻳﻜﻌﺪ ..
ﺻﻌﺪ ﺍﺣﻤﺪ ﻭﺭﺍﺩ ﻳﺪﺧﻞ ﺍﻟﻐﺮﻓﻪ ﻭﻳﺼﻴﺢ ﻭﺍﻣﻲ ﻗﺎﻓﻠﻪ ﺍﻟﺒﺎﺏ . ﻭﻳﻜﻮﻝ ﺍﺫﺑﺤﺞ ﻭﺍﻟﻠﻪ ﻛﺢ ****
ﻛﺘﻠﻬﺎ ﺍﺷﻮ ﻓﺘﺤﻲ ﺍﻟﺒﺎﺏ ﻓﺘﺤﻲ .. ﻏﺮﻛﺎﻧﻪ ﺍﻧﻲ ﻣﻄﺮ ﺻﻴﻔﻪ ﻣﺎ ﻳﺄﺛﺮ ﺑﻴﻪ ﺍﺷﻮ ﻓﺘﺤﻲ
🌿
ﻭﻟﺞ ﻭﺧﺮﺭﺭﻱ ﻃﻠﻌﺘﻲ ﺭﻭﺣﻲ ﻭﺧﺮﻱ ..
- ﺍﻧﻲ ﺍﻟﻄﻠﻌﺖ ﺭﻭﺣﻲ ﺍﻧﻲ ﺍﻧﻲ ﺍﻧﻴﻴﻴﻴﻴﻴﻴﻲ ﻣﺎ ﻋﻨﺪﻱ ﺷﻲ ﺍﺧﺴﺮﻩ ﺑﺲ ﻫﻠﺮﻭﺡ ﺧﻞ ﻳﺎﺧﺬﻫﺎ ﻭﺍﺧﻠﺺ ﻭﺧﺮﻱ ..
ﺩﻓﻌﺘﻨﻲ ﺣﻴﻞ .. ﻛﻌﺪﺕ ﺍﺑﺠﻲ ﺑﺤﺮﻛﻪ .. ﻭﻧﺠﻮﻯ ﻛﺎﻋﺪﻩ ﺑﺎﻟﺰﺍﻭﻳﻪ ﺗﺒﺠﻲ .. ﻛﻤﺖ ﻳﻤﻬﺎ ..
ﻛﺘﻠﻬﺎ ﻛﺎﺍﻓﻲ .. ﻣﺎ ﺍﺭﻳﺪﺝ ﺗﺒﺠﻴﻦ .. ﻭﻋﺪ ﻣﻨﻲ ﻣﺎ ﺍﺧﻠﻲ ﻏﻴﺮ ﻣﺎﺯﻥ ﻳﺎﺧﺬﺝ ﻟﻮ ﺍﻋﺮﻑ ﺍﻛﻠﺐ ﺍﻟﺪﻧﻴﺎ ﻋﺎﻟﻴﻬﺎ ﻭﺍﻃﻴﻬﺎ ..
ﺧﻠﺖ ﺭﺍﺳﻬﺎ ﺑﺤﻈﻨﻲ ﻭﻛﺎﻣﺖ ﺗﺒﺠﻲ .. ﺧﻈﻨﺘﻬﺎ ﻭﺍﺑﺠﻲ ﻭﺍﻣﻲ ﻭﺍﺣﻤﺪ ﻳﺘﺼﺎﻳﺤﻮﻥ ..
ﻟﺸﻮﻱ ﺭﺍﺡ ﺍﺣﻤﺪ ﻭﻧﺰﻟﺖ ﺍﻣﻲ .. ﺧﺎﺑﺮﺕ ﺑﻜﺮ ﺍﺑﺠﻲ ﻭﺍﻛﻮﻟﻪ ﺗﻌﺒﺖ .. ﻛﺎﻝ ﺧﻠﻴﺞ ﻗﻮﻳﻪ .. ﺍﻟﻀﻌﻴﻒ ﻳﻨﻮﻛﻞ .
ﻧﺠﻮﻯ ﻣﺎ ﺍﻟﻬﺎ ﻏﻴﺮﺝ .. ﻟﻮ ﺿﻌﻔﺘﻲ ﺗﻀﻌﻒ ﻭﻫﺬﺍ ﺍﻟﻜﻠﺐ ﻳﺰﻭﺟﻬﺎ ..
- ﻛﺘﻠﻪ ﻭﺍﺫﺍ ﻣﺎ ﻛﺪﺭﺕ ﺍﺣﻤﻴﻬﺎ ﺑﻜﺮ ﺷﻠﻮﻥ ..
- ﻧﺰﻟﻲ ﻻﺑﻮﺝ ﻭﺍﺣﺠﻲ ﻭﻳﺎﻩ ..
- ﺷﺤﺠﻲ ..
- ﻛﻮﻟﻴﻠﻪ ﺍﺫﺍ ﺻﺪﻙ ﻭﺍﻓﻘﺖ ﻋﻠﻰ ﺯﻭﺍﺝ ﻧﺠﻮﻯ ﻣﻦ ﺻﺪﻳﻖ ﺍﺣﻤﺪ .. ﻻ ﺗﻠﻮﻣﻬﺎ ﺑﺎﻟﻠﻲ ﺗﺴﻮﻳﻪ ﻭﺗﻜﻮﻝ ﻛﺴﺮﺕ ﻭﺟﻬﻲ ..
- ﺍﺧﺎﻑ ﻋﻠﻴﻪ ﻳﻮﻛﻊ ﻭﻳﻤﻮﺕ ..
- ﻭﻟﻮ ﻣﺎ ﺣﺠﻴﺘﻲ ﺍﺣﺘﻤﺎﻝ ﻧﺠﻮﻯ ﺍﻟﺘﻤﻮﺕ .. ﺍﺣﺠﻲ ﻭﻳﺎﻩ ﺑﻄﺮﻳﻘﻪ ﻣﺎ ﺗﻐﻀﺒﻪ ﻭﺗﻮﻛﻌﻪ ﺍﻟﻤﻬﻢ ﻧﻘﺬﻳﻬﺎ .
- ﻛﺘﻠﻪ ﻣﺎﺷﻲ .. ﺳﺪﻳﺘﻪ ﻣﻦ ﺑﻜﺮ .. ﻧﺰﻟﺖ ﺟﻮﻩ ﺳﻤﻌﺖ ﺍﻣﻲ ﺗﻘﻨﻊ ﺑﺎﺑﻮﻳﻪ ﻭﺗﻜﻠﻪ ﻻ ﺗﻮﺍﻓﻖ ﻋﻠﻰ ﺧﻄﺒﺘﻬﺎ ﻣﻦ ﺣﺎﺯﻡ ..
ﻭﻫﻮﻩ ﻳﻜﻮﻟﻬﺎ .. ﺍﻟﻮﻟﺪ ﻧﻌﺮﻓﻪ ﻭﻧﻌﺮﻑ ﺍﺧﻼﻗﻪ .. ﻭﺍﻟﺘﻌﺮﻓﻪ ﺍﺣﺴﻦ ﻣﻦ ﺍﻟﻤﺎﺗﻌﺮﻓﻪ ..
ﺩﺧﻠﺖ ﻋﻠﻴﻬﻢ .. ﺍﺿﺤﻚ ﻫﻬﻬﻬﻬﻬﻬﻬﻬﻬﻬﻪ .. ﺍﻟﺘﻌﺮﻓﻪ ﺍﺣﺴﻦ ﻣﻦ ﺍﻟﻤﺎﺗﻌﺮﻓﻪ ﻣﻮﻭﻭﻭ .. ﺍﻧﻄﻴﺘﻨﻲ ﻻﺧﺘﻚ .. ﺑﺎﻭﻋﻬﺎ ﺷﺴﻮﺕ ﺑﻴﻪ ..
ﺍﻧﻄﻴﺘﻨﻲ ﻻﺑﻦ ﺍﺧﺘﻚ .. ﻭﺷﻮﻑ ﺷﻠﻮﻥ ﻇﻤﺮﻧﻲ .. ﻭﺍﺧﻼﻗﻪ ﺯﻓﺖ ﻳﻄﻔﺮ ﻋﺒﻴﻮﺕ ﺍﻟﺠﻴﺮﺍﻥ ﻭﻳﻨﺎﻡ ﻭﻳﻨﺎﻡ ﻭﻳﻪ ﻣﺮﺕ ﺟﺎﺭﻩ ..
ﻫﺎﻱ ﺍﻻﺧﻼﻕ ﺍﻟﺘﻌﺮﻓﻬﺎ .. ﻳﺸﺮﺏ ﻋﺮﺭﻙ 24 ﺳﺎﻋﻪ ﻭﺳﻜﺮﺍﻥ .. ﻫﺎﻱ ﺍﻻﺧﻼﻕ ﺍﻟﻠﻲ ﺗﺮﻳﺪﻫﺎ ..
ﻣﺎﻟﻜﻢ ﻛﻴﻒ ﺗﺤﻜﻤﻮﻭﻭﻥ .. ﻳﺎﺑﻪ ﻛﺎﻓﻲ ﺍﺭﺣﻤﻮﻧﻪ ﺩﺧﻴﻠﻜﻢ ..
- ﺍﻧﺘﻲ ﻫﻮﺍﻱ ﺻﺎﻳﺮﻩ ﺍﻟﺴﺎﻥ .. ﻭﺣﻴﻞ ﺿﺎﻳﺞ ﻣﻨﺞ ..
- ﻳﺎﺑﻪ ﺿﻠﻤﻜﻢ ﻫﻮﻩ ﺍﻟﻄﻠﻊ ﺍﻟﺴﺎﻧﻲ .. ﻋﺠﺰﺕ ﻋﺠﺰﺕ ﻋﺠﺰﺕ .. ﻭﻣﺎ ﺷﻔﺖ ﺧﻴﺮ ﻣﻦ ﻋﺠﺰﻱ ﻛﺪﺍﻣﻜﻢ .. ﻏﻴﺮ ﺍﻟﺬﻝ
ﻣﺎ ﺿﻞ ﻋﻨﺪﻱ ﺷﻲ ﻭﺍﺧﺎﻑ ﺍﺧﺴﺮﻩ .. ﺍﺗﻤﻨﻰ ﺍﻟﻤﻮﺕ ﺑﻜﻞ ﻟﺤﻈﻪ ﻓﻠﻴﺶ ﺍﺧﺎﻑ ﺑﻌﺪ ﻭﺍﻧﻲ ﻋﻨﺪﻱ ﺑﺲ ﺭﻭﺣﻲ ﺍﺩﻓﻌﻬﺎ ﻭﺍﺧﻠﺺ ..
- ﻛﺎﻝ ﺍﺑﻦ ﻋﻤﺘﺞ ﻫﺠﺮﺝ ﻣﻦ ﻭﺭﻩ ﺳﻮﺍﻟﻔﺞ ﺍﻟﻤﻜﺴﺮﻩ ﻻ ﺗﺸﻤﺮﻳﻦ ﺍﻟﺼﻮﺝ ﺑﻴﻪ ..
- ﺍﻱ ﺳﻮﺍﻟﻒ ﺑﺎﺑﺎ .. ﻫﻮﻩ ﻣﺎﺧﺬ ﻣﺮﺗﻪ ﻗﺒﻞ ﺍﻟﺰﻭﺍﺝ ﻭﻳﺴﺘﺸﺮﻑ ﺑﺮﺍﺳﻲ ..
- ﺍﻟﺮﺟﺎﻝ ﻣﺎ ﻋﻠﻴﻪ ﻋﻴﺐ ..
- ﻟﻤﺎ ﻣﺎﻳﻜﻮﻥ ﻋﺪﻛﻢ ﺗﺒﺮﻳﺮ ﻣﻘﻨﻊ ﻟﻠﻘﺬﺍﺭ ﺍﻟﻠﻲ ﻳﺴﻮﻭﻫﺎ ﺍﻟﺮﻳﺎﺟﻴﻞ .. ﺗﻜﻮﻟﻮﻥ ﺍﻟﺮﺟﺎﻝ ﻣﺎ ﻋﻠﻴﻪ ﻋﻴﺐ ..
ﻭﺍﺣﻨﻪ ﺍﻟﻤﺘﺤﻤﻠﻴﻦ ﻋﺬﺍﺏ ﺍﻟﻤﺮ .. ﺗﻜﻮﻟﻮﻥ ﻋﻠﻴﻨﻪ ﺳﻮﺍﻟﻔﻨﻪ ﻣﻜﺴﺮﻩ ..
- ﺑﺎﺑﺎ ﺍﺧﺮ ﻛﻼﻡ ﻭﻳﺎﻙ ﻭﺍﻛﻮﻟﻬﺎ ﺍﻟﻚ .. ﻟﻮ ﻣﺎ ﻭﺍﻓﻘﺖ ﻋﻠﻰ ﺯﻭﺍﺝ ﻧﺠﻮﻯ ﺍﺗﻮﻗﻊ ﻳﺼﻴﺮ ﺑﻴﻚ ﻣﺜﻞ ﻣﺎ ﺳﻮﻳﺖ ﺑﺠﺪﻭ
🌿
ﻭﻟﺠﻦ ﺗﻬﺪﺩﻧﻲ ﺑﻨﺎﺕ ﺍﻟﻜﻠﺐ .. ﺍﺳﺘﻐﻠﻴﺘﻲ ﻧﻮﻣﺘﻲ ﻭﻣﺮﺿﻲ ﻭﺻﺮﺗﻲ ﺗﺘﺠﺎﺳﺮﻳﻦ ﺳﻤﺮﺭ ..
- ﺣﺸﺎﻙ ﺑﺎﺑﺎ ﻻ ﺍﺗﺠﺎﺳﺮ ﻭﻻ ﺍﺑﺪ .. ﺑﺲ ﻫﻴﻪ ﺍﻟﺪﻧﻴﺎ ﺩﻭﺍﺭﻩ ﻭﺍﻧﺘﻪ ﺣﻠﻠﺖ ﻟﻨﻔﺴﻚ ﻇﻦ ﺗﻨﻬﺰﻣﺖ ﻭﻱ ﻣﺎﻣﺎ ﻭﺗﺤﺮﻡ ﻋﻠﻴﻨﻪ ..
ﻣﺎ ﻋﺮﻓﺖ ﻣﻦ ﺍﺧﺬﺕ ﺍﻣﻲ ﻭﺍﻧﻬﺰﻣﺖ .. ﺍﻧﺘﻪ ﺣﻠﻠﺖ ﻋﻠﻴﻨﻪ ﻫﺬﺍ ﺍﻟﺸﻲ ﺍﺫﺍ ﺍﻧﺘﻮ ﻗﺪﻭﺗﻨﺎ ﺳﻮﻳﺘﻮ ﻫﺸﻜﻞ ﻟﻴﺶ ﺗﻤﻨﻌﻮﻧﻪ ..
ﺣﺠﻴﺖ ﻫﻴﺞ ﺷﻲ . ﺍﻫﺮﻑ ﺍﺫﻳﺘﻪ .. ﺑﺲ ﻫﺬﺍ ﺍﻟﻤﻮﺿﻮﻉ ﻛﻮﻟﺶ ﺣﺴﺎﺱ ﻋﺪ ﺑﺎﺑﺎ ﻭﺍﺩﺭﻱ ﺭﺍﺡ ﻳﻔﻜﺮ ﺑﻴﻬﺎ ﺍﻟﻒ ﻣﺮﻩ ﻭﻳﺨﺎﻑ .. ﻻ ﻧﺠﻮﻯ ﺗﻜﺴﺮ ﻭﺟﻬﻪ ﻭﺗﻨﻬﺰﻡ ..
ﺭﺣﺖ ﺻﻌﺪﺕ ﻳﻤﻬﺎ .. ﺗﺒﺠﻲ ﻭﺗﻜﻮﻟﻲ ﻳﺎ ﻓﺮﺣﻪ ﻣﺎ ﺗﻤﺖ .
- ﺍﺗﻢ ﻭﺭﺑﺞ ﺍﺗﻢ ﺑﺲ ﺍﺻﺒﺮﻱ .. ﺑﻘﻴﺖ ﺍﻫﺪﻱ ﺑﺴﻬﺎ ﻭﺍﻣﺴﺢ ﻋﻠﻰ ﺭﺍﺳﻬﺎ ﻭﻫﻴﻪ ﻧﺎﻳﻤﻪ .. ﻛﻌﺪﺕ ﺛﺎﻧﻲ ﻳﻮﻡ ﺭﺣﺖ ﻟﻠﺪﻭﺍﻡ ..
ﺩﺧﻠﺖ ﻟﻐﺮﻓﺪ ﺍﻟﻤﺪﺭﺳﺎﺕ ﻓﺘﺤﺖ ﺧﺎﻧﺘﻲ .. ﺧﻠﻴﺖ ﺟﻨﻄﺘﻨﻲ .. ﻭﺷﻔﺖ ﺟﺪﻭﻟﻲ . ﻭﺭﺣﺖ ﻟﻼﺻﻄﻔﺎﻑ ..
ﻛﻤﻠﻨﻪ . ﺍﺟﺘﻲ ﺍﻟﺒﻨﻴﻪ ﺍﻻﺳﻤﻬﺎ ﺍﻣﻨﻪ .. ﻭﻛﺎﻟﺘﻠﻲ ﺳﺖ ﻓﺪﻭﻩ ﺍﻧﻘﺬﻳﻨﻲ .. ﻛﺘﻠﻬﺎ ﻭﺍﻟﻠﻪ ﻳﺎ ﺍﻣﻨﻪ ﻣﺸﺎﻛﻞ ﻓﻮﻙ ﺭﺍﺳﻲ ﺗﻬﺪ ﺍﻟﺤﻴﻞ .. ﺷﺒﻴﺪﻱ ..
ﺍﺗﺬﻛﺮﺕ ﺍﻟﻨﻘﻴﺐ ﻛﻤﺎﻝ .. ﻛﺘﻠﻬﺎ ﻟﺤﻈﻪ .. ﺍﻧﻲ ﺑﺎﺟﺮ ﺍﺭﺩﻟﺞ ﺟﻮﺍﺏ ﻣﺎﺷﻲ .. ﻛﺎﻟﺖ ﻣﺎﺷﻲ .. ﺭﺣﺖ ﺣﻈﺮﺕ ﺩﺭﻭﺳﻲ ..
ﻟﻞ 11 ﺧﺎﺑﺮﺕ ﻧﺴﺮﻳﻦ .. ﻛﺘﻠﻬﺎ ﺍﺭﻳﺪ ﺭﻗﻢ ﻛﻤﺎﻝ .. ﻛﺎﻟﺖ ﻟﻴﺶ .. ﻛﺘﻠﻬﺎ ﻣﺤﺘﺎﺟﺘﻪ ﺑﺸﻐﻠﻪ ﺍﻣﻨﻴﻪ ..
ﺍﻧﻄﺘﻨﻴﺎﻩ .. ﺩﻛﻴﺖ ﻋﻠﻴﻪ .. ﺍﻟﻮﻭﻭ
- ﺍﻟﻮﻭﻭ ﺗﻔﻀﻠﻮ ..
- ﺷﻠﻮﻧﻚ ﻛﻤﺎﻝ ..
- ﻣﻨﻮ ..
- ﺍﻧﻲ ﺳﻤﺮ
- ﺍﻫﺎﺍﺍﺍ ﻫﻼ ﺳﻤﺮ ﻳﺎﺑﻪ ﺷﻠﻮﻧﺞ ﺷﻠﻮﻥ ﺍﻟﺼﺤﻪ
- ﻭﺍﻟﻠﻪ ﺗﻤﺎﻡ ..
- ﺍﺧﻮﺝ ﺍﺷﻠﻮﻧﻪ ﻭﻳﺎﺝ .
- ﺫﻳﻞ ﺍﻟﻜﻠﺐ ﻣﺎ ﻳﻨﻌﺪﻝ .. ﺷﻨﺴﻮﻱ .. ﻣﻮ ﻫﺬﺍ ﻣﻮﺿﻮﻉ .. ﺧﺎﺑﺮﺗﻚ ﻋﻠﻰ ﻣﻮﺿﻮﻉ ﺛﺎﻧﻲ .
- ﺍﻱ ﺑﺎﻟﺨﺪﻣﻪ .. ﻃﺒﻌﺎ ﺗﻔﻀﻠﻲ ..
- ﺍﻛﺪﺭ ﺍﺷﻮﻓﻚ ﻭﺍﺗﻔﻖ ﻭﻳﺎﻙ ..
- ﻋﺎﺩﻱ ﻭﺭﻩ 12 ﺍﺟﻲ ﻋﻠﻴﺞ ﻧﺮﻭﺡ ﻧﺘﻐﺪﻩ ﻭﻣﻨﻬﺎ ﻧﺴﻮﻟﻒ ﺑﻤﻮﺿﻮﻋﺞ ..
- ﺍﻭﻭﻙ .. ﺍﻧﺘﻀﺮﻙ .. ﻛﻤﻠﺖ ﺩﻭﺍﻣﻲ ﻟﻞ 12 ﻭﻧﺺ .. ﺭﻣﺶ ﻛﻤﺎﻝ ﻃﻠﻌﺘﻠﻪ .. ﺭﺣﺖ ﻭﻳﺎﻩ ﻛﻌﺪﻧﻪ ﺑﻤﻄﻌﻢ ..
ﻧﺰﻟﻨﻪ ﻏﺪﺍ .. ﻛﺺ ﺩﺟﺎﺝ .. ﺍﻛﻠﻨﻪ .. ﻛﺘﻠﻪ ﻛﻤﺎﻝ ﺍﺭﻳﺪﻙ ﺗﺴﺎﻋﺪﻧﻲ ﺑﻤﻮﺿﻮﻉ ..
- ﺍﻱ ﻛﻮﻟﻲ ..
- ﻋﻨﺪﻱ ﺑﻨﺖ ﻛﻦ ﻃﺎﻟﺒﺎﺗﻲ . ﻫﻴﺞ ﻭﻫﻴﺞ ﻭﻟﺪ ﻻﻋﺐ ﻋﻠﻴﻬﺎ .. ﻭﻳﺴﺘﻐﻠﻬﺎ ﻳﻮﻣﻴﻪ ﻟﻨﺰﻭﺍﺗﻪ ﻭﺍﻟﺒﻨﺖ ﺟﺪﺍ ﺧﺎﻳﻔﻪ ..
- ﺍﻓﺘﻬﻤﺖ .. ﺗﺘﻔﻘﻴﻦ ﻭﻳﻪ ﺍﻟﺒﻨﻴﻪ .. ﺗﺨﺎﺑﺮﻩ ﻭﺗﺴﺠﻞ ﻣﻜﺎﻟﻤﺘﻪ ﺑﻠﻴﻞ ﻭﻫﻮﻩ ﻳﻬﺪﺩﻫﺎ .. ﺍﻭ ﺗﺨﻠﻴﻪ ﻳﺸﺮﺣﻠﻬﺎ ﻟﻴﺶ ﻫﻴﺞ ﻳﺴﻮﻱ ﺑﻴﻬﺎ ..
ﻋﻠﻤﻮﺩ ﻳﺜﺒﺖ ﻋﻠﻰ ﻧﻔﺴﻪ .. ﻭﺗﺘﻔﻖ ﻭﻳﺎﻩ ﻭﺗﺮﻭﺡ ﺑﺎﺟﺮ ﺍﻟﻪ ﻟﻠﺸﻘﻪ .. ﻭﺍﻧﻲ ﻭﺍﻟﺤﻤﺎﻳﻪ ﻣﺎﻟﺘﻲ ﻧﻜﻮﻥ ﻣﺘﺮﻗﺒﻴﻬﺎ ﻭﻧﻜﻤﺸﻪ ﻭﻧﺘﺼﺮﻑ ﻭﻳﺎﻩ ..
- ﺍﻫﺎﺍﺍﺍ ﺟﻴﺪ ﻣﻤﻨﻮﻧﻪ ﻣﻨﻚ ..
- ﺍﺍﺍﺍ ﻧﺴﺮﻳﻦ ﺣﺎﺟﺘﺞ ﺑﺎﻟﻤﻮﺿﻮﻉ ..
- ﻋﻘﺠﺖ ﺣﺎﺟﺒﻲ .. ﺍﻱ ﻣﻮﺿﻮﻉ ...
🌿
ﻣﻮﺿﻮﻉ ﺍﻟﺰﻭﺍﺝ .. ﻫﻴﻪ ﻋﺮﺿﺖ ﻋﻠﻴﻪ ﺍﺗﻘﺪﻣﻠﺞ ﻭﺍﻧﻲ ﺣﺒﻴﺖ ﺍﻟﻔﻜﺮﻩ ..
- ﻻﺍﺍ ﺍﻋﺘﺬﺭ ﻃﺒﻌﺎ .. ﻣﺜﻞ ﻣﺘﻌﺮﻑ ﺍﻧﻲ ﻣﺮﺗﺒﻄﻪ ﻣﺎ ﺍﻛﺪﺭ
- ﻫﺎﺃﺍﺍ ﺑﺮﺍﺣﺘﺞ ﻋﻠﻌﻤﻮﻡ ﺧﻠﻲ ﺍﻟﺒﻨﻴﻪ ﺗﺘﻮﺍﺻﻞ ﻭﻳﺎﻱ ﻋﻠﻤﻮﺩ ﻧﺎﺧﺬ ﻣﻨﻬﺎ ﺍﻟﻤﻌﻠﻮﻣﺎﺕ ﺍﻟﻜﺎﻓﻴﻪ ..
- ﺍﻧﺸﺎﻟﻠﻪ .. ﻳﻠﻪ ﺗﺮﺧﺺ ﻻﺯﻡ ﺍﺭﺟﻊ .. ﺍﻟﺴﺎﻋﻪ 1 ﻭﻧﺺ ﻣﺎ ﺍﻛﺪﺭ ﺍﺗﺄﺧﺮ ..
- ﺍﻭﺻﻠﺞ ﻛﻮﻣﻲ ..
- ﺍﺷﻜﺮﻙ ﺟﺪﺍ .. ﺑﻴﺘﻨﺎ ﻗﺮﻳﺐ ﻣﻨﺎ ..
- ﻭﺍﻥ ﻳﻜﻦ .. ﺍﻭﺻﻠﺞ ﻣﻴﺼﻴﺮ ..
- ﺍﺷﻜﺮ ﺍﻫﺘﻤﺎﻣﻚ .. ﺑﺲ ﻣﺸﺎﻛﻞ ﻣﻊ ﺍﺧﻮﺍﻧﻲ .. ﻟﻮ ﺷﺎﻓﻮﻧﻲ ﻧﺎﺯﻟﻪ ﻣﻦ ﺳﻴﺎﺭﺗﻚ ﻣﻤﻜﻦ ﺍﻛﻮﻥ ﺑﺎﺣﺮﺍﺝ ..
- ﺍﻫﺎﺍﺍ ﺍﺫﺍ ﻫﻴﺞ ﺑﺮﺍﺣﺘﺞ ..
- ﺗﺮﺧﺼﺖ ﻣﻨﻪ ﻭﺭﺟﻌﺖ ﻟﻠﺒﻴﺖ .. ﺍﻭﻝ ﻣﺎ ﺩﺧﻠﺖ ﺣﻈﻨﺘﻨﻲ ﻧﺠﻮﻯ ﻭﺗﻜﻮﻟﻲ
- ﺳﻤﺮ ﺳﻤﺮ ﺑﺎﺑﺎ ﻭﺍﻓﻖ ﻋﻠﻰ ﺯﻭﺍﺟﻲ
- ﻭﻟﻠﻪ 😃😃😃 ﻳﺤﺒﻴﺒﺘﻲ ﻳﺮﻭﺣﻲ ﺍﻧﺘﻲ .. ﻋﺮﻓﺖ ﻛﻼﻡ ﺍﻟﺒﺎﺭﺣﻪ ﺍﺛﺮ ﺑﻴﻪ ..
- ﻛﺎﻝ ﺑﺲ ﻧﺮﻭﺡ ﻧﺴﺄﻝ ﻋﻠﻴﻪ ﺑﺎﻟﻤﻨﻄﻘﻪ ..
- ﺍﻱ ﻃﺒﻌﺎ ﻫﺬﺍ ﺍﻟﺸﻲ ﻣﻦ ﺣﻘﻪ ..
ﺩﺧﻠﺖ ﺑﺪﻟﺖ ﻭﻛﻤﻠﺖ .. ﻭﺗﻐﺪﻳﻨﻪ ﻓﺮﺣﺎﻧﻴﻦ .. ﺍﺟﻪ ﺍﺣﻤﺪ ﻳﺼﻴﺢ ﻭﻳﻌﻴﻂ ﻭﻳﻪ ﺑﺎﺑﺎ ﺷﻠﻮﻥ ﻳﻮﺍﻓﻖ ..
ﻛﺎﻟﻪ ﻫﺬﺍ ﺍﺧﺘﻴﺎﺭﻫﺎ .. ﺣﺮﺍﻡ ﺍﺟﺒﺮﻫﺎ .. ﻛﺎﻟﻪ ﺷﻨﻌﺮﻑ ﻋﻨﻪ .. ﻛﺎﻟﻪ ﻫﻴﻪ ﺗﺘﺤﻤﻞ ﻣﺴﺆﻟﻴﺔ ﺍﺧﺘﻴﺎﺭﻫﺎ ﺍﺣﻨﻪ ﻣﻌﻠﻴﻨﻪ ..
ﺍﻟﺤﻤﺪﻟﻠﻪ ﺣﻴﻴﻴﻞ ﻓﺮﺣﺖ ﺑﻬﻠﺨﺒﺮ .. ﻧﺮ ﺍﻟﻴﻮﻡ ﺑﺴﻌﺎﺩﻩ ﻭﻓﺮﺡ ﺍﻧﻲ ﻭﻧﺠﻮﻯ .. ﻛﻤﻠﺖ ﺗﺼﺤﻴﺤﺎﺕ ﺍﻟﺪﻓﺎﺗﺮ ﺍﻻﻣﺘﺤﺎﻧﻴﻪ ﻣﺎﻝ ﺑﻨﺎﺕ ﻭﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ ﺭﺣﺖ ﻟﺪﻭﺍﻣﻲ ﻛﻠﻌﺎﺩﻩ .. ﺑﻜﺮ ﻋﻼﻗﺘﻲ ﺑﻴﻪ ﺟﻴﺪﻩ ﻣﺎ ﺗﺘﻌﺪﻩ ﺍﻟﻜﻼﻡ ﺑﺎﻟﻤﻮﺑﺎﻳﻞ .. ﻣﺎ ﻣﺘﺠﺎﻭﺯﻳﻦ ﺍﻛﺜﺮ ..
ﻭﺭﻩ ﺍﻳﺎﺍﺍﻡ .. ﺧﺎﺑﺮﻧﻲ ﻛﻤﺎﻝ ﻛﺎﻝ ﺳﻤﺮ ﻛﻤﺸﻨﺎ ﺍﻟﻮﻟﺪ ﻭﺷﻤﺮﺗﻪ ﺑﺎﻟﺘﻮﻗﻴﻒ ﺑﺘﻬﻤﺔ ﺍﺑﺘﺰﺍﺯ ﺍﻟﺒﻨﺎﺕ ﻭﺍﺟﺒﺎﺭﻫﻢ ﻋﻠﻰ ﺍﻟﺮﺫﻳﻠﻪ
- ﻋﻔﻴﻪ ﻋﻠﻴﻚ ﻣﺸﻜﻮﺭ ﻭﺍﻟﻠﻪ ﻳﻜﺘﺒﻬﺎ ﻓﻲ ﻣﻴﺰﺍﻥ ﺣﺴﻨﺎﺗﻚ .. ﺑﺲ ﻫﺎﺍﺍ ﺩﻳﺮﺑﺎﻟﻚ ﺗﺠﻴﺐ ﺳﻴﺮﺗﻬﺎ ﺧﻄﻴﻪ ﺗﺮﻭﺡ ﺳﻤﻌﺘﻬﺎ ..
- ﻻﺍﺍ ﺑﺲ ﺑﺎﺟﺮ ﻟﺘﺰﻡ ﺗﺠﻲ ﺗﺜﺒﺖ ﺍﻗﻮﺍﻟﻬﺎ ..
- ﺷﻠﻮﻥ ﺗﺠﻲ .. ﺑﻨﻴﻪ ﻫﻴﻪ ﺷﻴﺪﺧﻠﻪ ﻣﺮﻛﺰ ..
- ﻛﺎﻝ ﺍﺟﺮﺍﺀﺍﺕ ﺿﺮﻭﺭﻳﻪ ﻣﻮ ﺑﻜﻴﻔﻲ ..
- ﻛﺘﻠﻪ ﻣﺎﺷﻲ ﺑﺎﺟﺮ ﺧﻼﻝ ﺍﻟﺪﻭﺍﻡ ﺍﺧﺬ ﺍﺟﺎﺯﻩ ﻭﺍﺟﻴﺒﻬﺎ .. ﻛﺎﻝ ﻣﺎﺷﻲ ..
ﺛﺎﻧﻲ ﻳﻮﻡ .. ﻛﻌﺪﺕ .. ﻧﺠﻮﻯ ﻫﻢ ﻛﻌﺪﺕ ﺗﺮﻭﺡ ﻟﺪﻭﺍﻣﻬﺎ .. ﻛﺎﻟﺖ ﺳﻤﺮ ﺍﻟﻴﻮﻡ ﺣﻴﺠﻮﻥ ﺍﻫﻞ ﻣﺎﺯﻥ ﻭﻳﻘﺮﺭﻭﻥ ﺍﻟﺤﺎﻇﺮ ﻭﺍﻟﻐﺎﻳﺐ ..
- ﺍﻧﺸﺎﻟﻠﻪ ﺑﻴﻬﺎ ﺍﻟﺨﻴﺮ .. ﺭﺣﺖ ﻻﻣﺪﺭﺳﻪ .. ﺷﺎﻓﺘﻨﻲ ﺍﻣﻨﻪ .. ﺑﻘﺖ ﺗﺒﺠﻲ ﺑﻮﺟﻬﻲ ﻭﺗﺨﺎﻑ .. ﻓﻬﻤﺖ ﺍﻟﻤﺪﻳﺮﻩ ﻋﻠﻰ ﺳﺎﻟﻔﺘﻬﺎ ..
ﺍﻭﻝ ﺑﺪﺍﻳﻪ ﻧﺰﻟﺖ ﺑﻴﻬﺎ ﺭﺯﺍﻟﻪ ﻏﺴﻞ ﻭﻟﺒﺲ .. ﺑﻌﺪﻳﻦ ﺍﺗﻌﺎﻃﻔﺖ ﻭﻳﺎﻫﺎ .. ﻭﺳﻤﺤﺘﻠﻲ ﺍﺧﺬﻫﺎ ﻭﻧﺮﻭﺡ ..
ﺭﺣﺖ ﺑﺲ ﺧﺎﻳﻔﻪ ﻛﻮﻟﺶ .. ﺻﻌﺒﻪ ﺍﺩﺧﻞ ﻣﺨﻔﺮ .. ﻭﺍﻧﻲ ﺑﻬﻠﻮﺿﻊ .. ﺍﻧﻮﺏ ﻣﻄﻠﻜﻪ ﻟﻮ ﺷﺎﻓﻨﻲ ﺍﺣﺪ .. ﻳﺴﻮﻳﻨﻲ ﻣﻠﻄﺸﻪ
🌿
ﺑﺲ ﺷﺴﻮﻱ ﻣﺠﺒﻮﺭﻩ . ﺭﺣﺖ ﻭﻳﺎﻫﺎ .. ﺩﺧﻠﻨﻪ ﺍﻟﻤﺨﻔﺮ .. ﻛﻠﻬﺎ ﺷﺮﻃﻪ ﻭﺭﻳﺎﺟﻴﻞ ... ﻭﻗﻠﺒﻲ ﻧﺒﻀﺎﺗﻪ ﻳﻘﺮﺀ ﺍﻟﻒ ﻣﻦ ﺍﻟﺨﻮﻑ ..
ﺧﺎﺑﺮﺕ ﻧﻘﻴﺐ ﻛﻤﺎﻝ .. ﺍﺟﺎﻧﻪ .. ﺍﺧﺬﻧﻪ ﻟﻠﻀﺎﺑﻂ ﺍﻟﻤﺘﻮﻟﻲ ﻗﻀﻴﺘﻬﺎ .. ﺍﺩﻟﺖ ﺑﺎﻗﻮﺍﻟﻬﺎ .. ﻭﻛﻤﻠﺖ .. ﺑﻌﺪ ﻣﺎ ﻧﺼﺒﺘﻬﺎ ﻣﻨﺎﺣﻪ ..
ﻛﻤﻠﻨﻪ .. ﻃﻠﻌﻨﻪ ﻭﻛﻤﺎﻝ ﻭﻳﺎﻧﻪ .. ﻭﺻﻠﻬﺎ ﻟﻠﺒﻴﺖ . ﻭﺭﺣﻨﻪ ﻛﺎﻝ ﻣﺎﻛﻮ ﻋﺬﺭ ﺍﻭﺻﻠﺞ ﻋﻠﺸﺎﺭﻉ ﻣﺎﻝ ﺑﻴﺘﻜﻢ ..
ﻛﺘﻠﻪ ﺍﻭﻙ .. ﻣﺸﻴﻨﻪ ﻭﻫﻮﻩ ﻳﺤﺠﻲ .. ﻛﺘﻠﻪ ﺷﺨﺒﺎﺭ ﻧﺴﺮﻳﻦ ..
ﻛﺎﻝ ﺯﻳﻨﻪ . ﻛﺘﻠﻪ ﺍﻧﺘﻪ ﻣﻮ ﺗﺤﺒﻬﺎ ﻟﻴﺶ ﺗﺮﻳﺪ ﺗﺘﺰﻭﺝ ﻋﻠﻴﻬﺎ ..
- ﺳﻤﺮ ﺍﻧﻲ ﺍﺣﺒﻬﺎ ﻟﻨﺴﺮﻳﻦ .. ﻭﻣﻮ ﺑﺲ ﺍﺣﺒﻬﺎ ﺍﻋﺸﻘﻬﺎ .. ﺑﺲ ﺻﺎﺭ 8 ﺳﻨﻮﺍﺕ . ﻭﻳﺎ ﺩﻛﺘﻮﺭ ﻧﺮﻭﺡ .. ﻣﻴﺴﻮﻳﻠﻬﺎ ﻋﻼﺝ ﻭﻳﻜﻮﻝ ﻋﻘﻢ %80
ﻭﺻﺎﺑﺮ ﻭﺍﻛﻮﻝ ﺍﺗﺤﻤﻞ ﺑﻠﻜﺖ ﺍﻟﻬﺎ ﻋﻼﺝ .. ﺑﺲ ﻣﻦ ﻋﺮﻓﺖ ﻫﺒﻪ ﻋﻘﻴﻤﻪ ﻧﻬﺎﺋﻲ . ﻛﺘﻠﻬﺎ ﺑﻤﻮﺿﻮﻉ ﺍﻟﺰﻭﺍﺝ ﺑﻄﺮﻳﻘﻪ ﺣﺎﻭﻟﺖ ﻣﺎ ﺍﺟﺮﺣﻬﺎ ..
- ﺑﺲ ﺍﻧﺠﺮﺣﺖ
- ﺍﻱ ﺷﻨﻮ ﺑﻴﺪﻱ ﻳﺎ ﺳﻤﺮ .. ﺭﺍ ﺍﺩﺧﻞ ﺍﻝ 40 ﻭﺍﻧﻲ ﺍﻟﻄﻔﻞ ﺣﺴﺮﻩ ﺑﻜﻠﺒﻲ
- ﺯﻳﻦ ﺍﺗﺒﻨﻮ ﻃﻔﻞ ..
- ﻻﺍﺍ ﻣﺎ ﺍﻛﺪﺭ ﺍﺭﻭﺡ ﺍﺟﻴﺐ ﻧﻐﻮﻟﻪ ﺍﺑﻴﺘﻲ ﻣﺎ ﺍﻛﺪﺭ
- ﻫﻮﻩ ﻃﻔﻞ ﺗﻜﺴﺐ ﺑﻴﻪ ﺛﻮﺍﺏ ﻟﻮ ﺍﻫﺬﺗﻪ .. ﺷﻌﻠﻴﻪ ﺑﺎﻫﻠﻪ ﺗﻌﺘﻤﺪ ﻋﻠﻰ ﺗﺮﺑﻴﺘﻚ
- ﺟﺞ ﻻ ﺳﻤﺮ ﻻ ﺍﻟﻌﺮﻕ ﺩﺳﺎﺱ .. ﺍﺫﺍ ﺟﺎﻥ ﺍﺑﻦ ﺣﺮﺍﻡ .. ﻭﺍﺧﻠﻴﻪ ﺍﺑﻴﺘﻲ . ﺍﻟﻠﻪ ﻳﻌﻠﻢ ﺷﻴﻄﻠﻊ ..
- ﺯﻳﻦ ﺍﻛﻮ ﺷﻐﻠﻪ
- ﻭﻫﻴﻪ ..
- ﻟﻴﺶ ﻣﺎ ﺗﺘﺰﻭﺝ ﺍﻣﻨﻪ .. ﻫﻴﻪ ﺧﻮﺵ ﺑﻨﻴﻪ .. ﺑﺲ ﻏﻠﻄﺔ ﻣﺮﺍﻫﻘﻪ ..
- ﺍﻧﺘﻪ ﺗﺮﻳﺪ ﻃﻔﻞ .. ﺍﺧﺬﻫﺎ ﻭﺍﺳﺘﺮ ﻋﻠﻴﻬﺎ ﻣﻦ ﺍﻟﻘﺘﻞ . ﻭﻣﻨﻬﺎ ﺗﺨﻠﻔﻠﻚ ﺍﻟﻄﻔﻞ .. ﺩﺍﺭ ﻭﺟﻪ ﻋﻠﻴﻪ ..
- ﺻﺪﻙ ﺗﺤﺠﻴﻦ
- ﺍﻱ ﻭﺍﻟﻠﻪ ﺷﺒﻴﻚ ..
- ﻟﺞ ﻋﻤﺮﻫﺎ 17 ﺳﻨﻪ ﻭﺍﻧﻲ ﺷﻜﺒﺮﻧﻲ ﺑﻜﺪ ﺑﻨﺘﻲ ﻫﻴﻪ ..
- ﺗﺮﻫﻢ ﻋﺎﺩﻱ ﻫﻴﻪ ﻣﻮ ﺑﺎﻻﻋﻤﺎﺭ ﺍﻧﺘﻪ ﻗﻠﺒﻚ ﻛﺒﻴﺮ ﻭﺭﺍﺡ ﺗﺘﻔﻬﻤﻬﺎ ..
- ﻭﺷﺤﻼﺗﻬﺎ ﺑﻨﻴﻪ ﺻﻐﻴﺮﻩ ﺗﺼﻴﺮﻟﻚ ﻣﺮﻩ . ﻳﺒﺨﺘﻚ ﻭﻳﻦ ﻣﺎﻛﻮ ﺣﺎﺗﻪ . ﻫﻬﻬﻬﻬﻪ
- ﻫﻬﻬﻬﻬﻬﻪ ﻣﺎ ﺍﻋﺮﻑ .. ﺻﺮﺍﺣﻪ ﺍﻧﻲ ﻣﻦ ﺷﻔﺘﻬﺎ ﺍﺳﺘﺨﻄﻴﺘﻬﺎ .. ﺑﺲ ﻣﺎ ﺧﻄﺮﺕ ﺍﺑﺎﻟﻲ ﺍﺗﺰﻭﺟﻬﺎ ..
- ﺍﻱ ﺍﺧﺬﻫﺎ ﻭﺍﺳﺘﺮ ﻋﻠﻴﻬﺎ .. ﺗﺮﻩ ﺍﺧﻮﻫﺎ ﻟﻮ ﻋﺮﻑ ﺑﺤﺎﻟﺘﻬﺎ ﻳﻤﻜﻦ ﻳﺬﺑﺤﻬﺎ ﻭﺗﻤﻮﺕ ﺧﻄﻴﻪ ..
- ﺍﻧﻲ ﺍﺧﺎﺑﺮﻫﺎ ﻭﺍﺗﻮﺍﺻﻞ ﻭﻳﺎﻫﺎ .. ﻟﻮ ﺷﻔﺘﻌﺎ ﺗﺮﻫﻤﻠﻲ ﻣﺮﻩ ﻟﻴﺶ ﻻ ..
- ﻭﺻﻠﺖ ﻟﻠﺒﻴﺖ .. ﺳﻠﻤﺖ ﻋﻠﻴﻪ ﻭ ﻧﺰﻟﺖ .. ﺷﻔﺖ ﺑﻜﺮ ﻭﺍﻛﻒ ﻋﻠﺸﺎﺭﻉ ...
ﻃﻠﻌﺖ ﻣﻮﺑﺎﻳﻠﻲ .. ﻭﺧﺎﺑﺮﺗﻪ .. ﻛﺎﻝ ﻭﻳﻦ ﺟﻨﺘﻲ .
- ﺑﺎﻟﻤﺪﺭﺳﻪ ﻏﻴﺮ ﻭﻳﻦ ﺟﻨﺖ ..
- ﺍﻭﻙ ﺳﻤﺮ ﺍﺧﺬﻱ ﺭﺍﺣﺘﺞ .. ﻓﺮ ﺻﻌﺪ ﺑﺴﻴﺎﺭﺗﻪ .. ﺍﻧﻮﺏ ﺭﺟﻊ ﺣﺠﻪ .. ﻛﺎﻝ ﻋﻔﻜﺮﻩ ﺭﺣﺘﺖ ﺑﻞ 10 ﻟﻠﻤﺪﺭﺳﻪ ﻛﺎﻟﻮ ﺍﺧﺬﺕ ﺍﺟﺎﺯﻩ ..
- ﻛﺘﻠﻪ ﺑﻜﺮ ﻣﻮ ﻫﻴﺞ .. ﺳﺪ ﺍﻟﺨﻂ ﺑﻮﺟﻬﻲ .. ﻭﻣﺸﻰ ..
ﺧﺎﺑﺮﺕ ﻋﻠﻴﻪ ﺍﺭﻳﺪ .. ﺍﺑﺪ ﻭﻻ ﺭﺩ .. ﻳﺎ ﺍﻟﻠﻪ ﺍﻧﻮﺏ ﺷﺎﻓﻨﻲ ﻧﺎﺯﻟﻪ ﻣﻦ ﺳﻴﺎﺭﺓ ﻛﻤﺎﻝ ﻭﻫﻮﻩ ﺷﻠﻮﻥ ﻳﺘﺨﺒﻞ ﻣﻨﻪ .
🌿
ﺭﺣﺖ ﻟﻠﺒﻴﺖ .. ﺍﺧﺬﺕ ﻣﻮﺑﺎﻳﻞ ﻧﺠﻮﻯ ﻫﻢ ﻣﻴﺮﺩ .. ﻛﻌﺪﺕ ﻃﺎﻟﻌﻪ ﺭﻭﺣﻲ ﻳﺎﻟﻠﻪ ﺷﺒﻴﻪ ﺟﺬﺑﺖ ﻋﻠﻴﻪ ﻫﻮﻩ ﺍﻛﺜﺮ ﻭﺍﺣﺪ ﻳﺘﻔﻬﻤﻨﻲ ..
ﺷﺒﻴﻪ ﻣﺎ ﻛﺘﻠﻪ .. ﻃﺒﺖ ﻧﺠﻮﻯ ﺗﺮﻛﺾ ..
- ﺳﻤﺮ ﺳﻤﺮ ﺳﻤﺮ
- ﻫﺎ ﻫﺎ ﺷﺒﻴﺞ ﻧﺠﻮﻯ ﻉ ﻛﻴﻔﺞ ..
- ﺳﻤﺮ ﺍﻫﻞ ﻣﺎﺯﻥ ﺭﺍﺡ ﻳﺠﻮﻥ ﺍﻟﻴﻮﻡ ﻭﻳﻌﻘﺪﻭﻟﻨﻪ ﺷﻴﺦ .. ﻭﻟﻤﺎ ﻧﺨﻠﺺ ﺍﻟﻔﺎﻳﻨﻞ .. ﻧﺘﺰﻭﺝ .
- ﻭﺷﻤﺪﺭﻳﺞ . ﻣﺎﺯﻥ ﻣﻠﻲ . ﻭﻫﺴﻪ ﺍﺑﻮﻩ ﺧﺎﺑﺮ ﺍﺑﻮﻳﻪ .. ﻭﺍﺗﻔﻖ ﻭﺍﺑﻮﻳﻪ ﻭﺍﻓﻖ ..
- ﺷﻨﻮ ﻳﻌﻨﻲ ﻣﺎﻛﻮ ﺧﻄﺒﻪ . ﻳﻤﻌﻮﺩﻩ ﻧﺮﻳﺪ ﻧﻔﺮﺡ
- ﻟﺞ ﻓﺮﺣﺘﻲ ﺑﻤﺎﺯﻥ ﺧﻄﺒﻪ ﺷﻜﻮ ﻳﻤﺎﺍﺍﺍﺍﺍﺍﺍﻱ ﺭﺍﺡ ﻳﻮﻛﻒ ﻛﻠﺒﻲ ..
- ﻫﻬﻬﻬﻪ ﺑﺎﻟﻌﺎﻓﻴﻪ ﺣﺒﻴﺒﺘﻲ ﻋﺴﺎﻫﺎ ﺩﻭﻡ ﻫﻠﻔﺮﺣﻪ .. ﺷﻜﺪ ﻣﺎ ﻓﺮﺣﺖ ﻻﺧﺘﻲ ﻭﺑﺰﻭﺍﺟﻬﺎ ..
ﺑﺲ ﺍﻛﻮ ﻫﻴﺞ ﺣﺰﻥ ﺑﺪﺍﺧﻠﻲ . . ﻣﻮ ﺣﺴﺪ ﻻﺍﺍ ﺍﺳﻢ ﺍﻟﻠﻪ ﺍﺣﺴﺪ ﺍﺧﺘﻲ . ﺍﺑﺪ ﺑﺲ ﻳﻌﻨﻲ ﻟﻴﺶ ﺩﻭﻡ ﺍﻟﻔﺮﺣﻪ ﻳﻤﻲ ﻣﺘﻮﺻﻞ ..
ﻣﻦ ﺍﺧﺎﺑﺮ ﺑﻜﺮ .. ﻭﻳﻨﻄﻴﻨﻲ ﻣﺸﻐﻮﻝ ﺍﺗﺨﺒﻞ .. ﺍﺣﺲ ﺧﺴﺮﺕ ﻛﻮﻟﺸﻲ .. ﻭﻳﻤﻜﻦ ﻳﺸﻮﻑ ﻏﻴﺮﻱ ﻭﻳﺮﻭﺡ ﻟﺰﻭﺟﺘﻪ
ﻣﻮ ﺍﻣﻨﻌﻪ ﻣﻦ ﺯﻭﺟﺘﻪ .. ﺑﺲ ﺍﺣﺴﻪ ﻫﻮﻩ ﻣﻦ ﺣﻘﻲ ﻭﺣﺪﻱ .. ﻭﺧﺎﻳﻔﻪ ﻣﻦ ﺗﺮﻛﻪ ﺍﻟﻴﻪ .. ﺩﺯﻳﺘﻠﻪ ﺭﺳﺎﻟﻪ ﺑﻜﺮ ﻏﺪﻭﻩ ﺍﻓﻬﻤﻨﻲ .. ﺍﺣﺠﻴﻠﻚ ﻛﻮﻟﺸﻲ ﺑﺲ ﺍﻓﺘﺢ ﺧﻂ ..
ﺧﺎﺑﺮ ﻋﻠﻴﻪ .. ﺍﻟﻮﻭﻭ
- ﺍﻟﻮﻭﻭﻭ ﺑﻜﺮ ﻓﺪﻭﻩ ﺑﺲ ﺍﺳﻤﻌﻨﻲ ..
- ﻣﺎ ﺍﺭﻳﺪ ﺍﺳﻤﻊ ﻛﻮﻟﺸﻲ .. ﺑﺲ ﺳﺆﺍﻝ ..
- ﺑﻜﺮ ﻣﻮ ﻗﺼﺪﻱ ﺍﻛﺬ .....
- ﻛﻠﻠﻠﻠﻠﻠﻠﻠﻠﻠﺖ ﺳﺆﺍﻝ
- ﺟﻮﺍﺏ ..
- ﻛﻤﺎﻝ ﻋﻨﺪﻩ ﻧﻴﺔ ﺯﻭﺍﺝ ﺑﻴﺞ .. ﻃﻠﺐ ﻫﻴﺞ ﺷﻲ ..
- ﺑﺎﻭﻭﻭﻭﻋﻠﻲ
- ﺍﺧﺘﺼﺮﻳﻠﻲ ﺑﺎﻱ ﻟﻮ ﻻﺍﺍ ﻻ ﺍﺩﻭﺧﻴﻨﻲ
- ﻣﻮ ﻫﻴﺞ ﺑﺲ ﺍﺳﻤﻌﻨﻲ
- ﺍﻱ ﻟﻮ ﻻﺍﺍﺍﺍﺍﺍﺍﺍﺍ
- ﺍﻱ ﺑﺲ ..... ﻗﺎﻃﻌﻨﻲ ﻭﺳﺪ ﺍﻟﺨﻂ .. ﺑﻘﻴﺖ ﺍﺑﺠﻲ .. ﻻ ﺑﻜﺮ ﻻﺍﺍ ﺍﻻ ﺍﻧﺘﻪ ﻻ ﺗﻌﻮﻓﻨﻲ ﻣﺎ ﺍﺗﺤﻤﻞ ﻭﺍﻟﻠﻪ ..
ﺑﻘﻴﺖ ﻣﻌﺘﻜﻔﻪ ﺑﻐﺮﻓﺘﻲ .. ﺍﺟﺖ ﻧﺠﻮﻯ ﺣﺎﺟﺘﻨﻲ .. ﻣﺎ ﺭﺩﺕ ﺍﺿﻮﺟﻬﺎ .. ﻛﺘﻠﻬﺎ ﻣﺮﻳﻀﻪ ﺷﻮﻱ ﺗﻌﺒﺎﻧﻪ ﺑﺲ ﺍﺭﺗﺎﺡ ..
ﻧﻮﻣﺘﻨﻲ ﻭﻏﻄﺘﻨﻲ ﻭﻛﺎﻟﺘﻠﻲ ﺍﺭﺗﺎﺣﻲ .. ﺑﻘﻴﺖ ﺍﺑﺠﻲ .. ﻟﺸﻮﻱ ﺳﻤﻌﺖ ﺍﻫﻞ ﻣﺎﺯﻥ ﺍﺟﻮ ..
ﻛﻠﺖ ﻻﺯﻡ ﺍﻭﻛﻒ ﻭﻳﻪ ﺍﺧﺘﻲ ﺑﻬﻠﻴﻮﻡ .. ﺭﻓﻌﺖ ﺷﻌﺮﻱ .. ﻭﺑﺪﻟﺖ ﺗﺮﺍﻙ ﺣﻠﻮ ﻭﻧﺰﻟﺖ ..
ﺩﺧﻠﺖ ﻋﻠﻨﺴﻮﺍﻥ .. ﺳﻠﻤﺖ .. ﺳﻠﻤﻦ ﻭﺳﻼﻣﻬﻦ ﺣﻠﻮ .. ﻛﻌﺪﺕ .. ﻛﺎﻟﻦ ﺍﻡ ﺍﺣﻤﺪ ﺑﻨﺎﺗﺞ ﻟﻮﺍﺕ ﻭﻧﺎﻋﻤﺎﺕ ..
ﺳﻤﺮ ﻣﺘﺰﻭﺟﻪ . . ﻛﻠﺖ ﺍﻫﻮﻭﻭ ﺭﺟﻌﻨﻪ ﻟﻠﺴﻮﺍﻟﻒ ﺍﻟﺘﻌﺒﺎﻧﻪ .. ﻛﺎﻟﺘﻠﻬﺎ ﺍﻣﻲ .. ﻭﺍﻟﻠﻪ ﺍﺗﺰﻭﺟﺖ .. ﺑﺲ ﺍﺷﻮﻥ ﺯﻭﺍﺟﻪ ﻛﺸﺮﻩ ..
ﺯﻭﺟﻨﺎﻫﺎ ﻻﺑﻦ ﻋﻤﺘﻬﺎ ﺑﺲ ﻃﻠﻊ ﻣﺎﺧﺬﻫﺎ ﻋﻠﻤﻮﺩ ﻳﺮﺿﻲ ﺍﻣﻪ .. ﻭﺍﺗﺰﻭﺝ ﻋﻠﻴﻬﺎ ﻭﻫﺠﺮﻫﺎ .. ﻭﻳﺘﺮﻳﺖ ﺑﺲ ﻫﻴﺞ ..
ﺷﺎﻳﻔﻪ ﻣﺮﺗﻪ ﺷﺴﻮﺕ ﺑﻴﻬﺎ ﺑﺎﻟﺴﺤﻮﺭﻩ ﻣﺎﻟﺘﻬﺎ .. ﻭﺳﻮﻟﻔﺘﻠﻬﻢ ﻣﻌﺰﻭﻓﺘﻲ ﺍﻟﺤﺰﻳﻨﻪ ..
ﻛﺎﻟﻦ ﻛﻤﻠﺖ ﻋﺪﺗﻬﺎ ﻟﻮ ﻻﺍﺍ ﻧﺮﻳﺪﻫﺎ ﻭﻳﻪ ﺍﺧﺘﻬﺎ ﻻﺑﻦ ﺧﺎﻟﺔ ﻣﺎﺯﻥ ﺍﺳﻤﻪ ﻋﻤﺎﺭ ﺷﻠﻮﻥ ﻭﻟﺪ ﺩﺭﻩ ﻣﺎﻝ ﺍﻟﻠﻪ ..
ﻛﺎﻟﺘﻠﻬﻦ ﺍﻣﻲ .. ﺍﻱ ﻛﻤﻠﺖ ﻋﺪﺗﻬﺎ ﺍﻟﺒﺎﺭﺣﻪ .. ﺑﺎﻭﻋﺘﻠﻲ .. ﺑﺎﻭﻋﺘﻠﻲ ﻛﺎﻟﺖ ﻫﻴﻪ 3 ﻏﺴﻼﺕ ﻣﻮ ﻫﻴﻪ .. ﻏﺴﻠﺘﻲ 3 ﻏﺴﻼﺕ ﻣﻮﻭﻭ ... ﻛﺘﻠﻬﺎ ﺍﻱ ..
ﺧﺮﺭﺭﺏ ﺷﻠﻮﻥ ﺑﺄﻣﻲ ﺗﻌﺰﻡ ﻋﻠﻴﻪ .. ﻛﻤﻠﻮ ﺍﻟﺮﻳﺎﺟﻴﻞ .. ﻭﻛﺎﻟﻮ ﺻﻴﺤﻮ ﺍﻟﺒﻨﺖ .. ﻏﻄﻴﻨﻪ ﻧﺠﻮﻯ ﻭﺭﺍﺣﺖ ﻋﻘﺪﻭﻟﻬﺎ ﻭﺍﺷﺘﻐﻠﺖ ﺍﻟﻬﻼﻫﻞ ..
ﻓﺮﺣﺖ ﺍﻓﺮﺣﺘﻬﺎ ﻭﺍﻧﻲ ﺍﺷﻮﻑ ﺍﻟﻀﺤﻜﻪ ﺑﻴﻦ ﻋﻴﻮﻧﻬﺎ ..
ﻛﻤﻨﻪ ﻧﺼﻒ ﻭﺍﻟﻨﺴﻮﺍﻥ ﺗﻬﻠﻬﻞ .. ﻛﻤﻠﻮ ﻭﺭﺍﺣﻮ ﻭﻧﺠﻮﻯ ﻛﻞ ﺷﻮﻱ ﺗﺤﻈﻨﻲ ﻣﻦ ﺍﻟﻔﺮﺣﻪ ..
ﻛﻤﻠﻨﻪ .. ﺻﻌﺪﺕ ﺍﺧﺎﺑﺮ ﺑﻜﺮ ﻣﻴﺮﺩ ﻳﺎ ﺍﻟﻠﻪ ﻣﻴﺮﺩ .. ﺗﺎﻟﻲ ﺍﻳﺴﺖ ﻭﻋﻔﺘﻪ ﻭﻧﻤﺖ .. ﻣﺮ ﺍﺳﺒﻮﻉ ﻭﻫﻮﻩ ﻣﻴﺮﺩ ..
ﺍﺧﺮ ﺷﻲ .. ﻛﺘﻠﻪ ﺑﻜﺮ ﺍﻧﻲ ﻣﺘﺎﻧﻴﺘﻚ ﺑﻤﻄﻌﻢ ﺍﻟﺴﺎﻋﻪ ﻟﻮ ﻣﺎ ﺍﺟﻴﺖ ﻭﺍﻟﻠﻪ ﺍﻛﺘﻞ ﺭﻭﺣﻲ .. ﻭﺭﺣﺖ ﺛﺎﻧﻲ ﻳﻮﻡ ﻭﺭﻩ ﺍﻟﺪﻭﺍﻡ ﻟﻠﻤﻄﻌﻢ ..
ﺍﻧﺘﻀﺮﺗﻪ ﺍﻧﺘﻀﺮﺗﻪ .. ﻣﺎ ﺍﺟﻪ .. ﻃﻠﻌﺖ ﺭﻭﺣﻲ . ﻋﻔﺖ ﺍﻟﻤﻄﻌﻢ ﻭﻃﻠﻌﺖ .. ﺑﺎﻭﻋﺖ ﺍﻟﺴﻴﺎﺭﺍﺕ ﺗﻤﺸﻲ ..
ﻓﻌﻼ ﺍﻳﺴﺖ ﻣﻦ ﺍﻟﺤﻴﺎﺓ ﺑﻴﻮﻣﻬﺎ ﻭﺭﺩﺕ ﺍﺷﻤﺮ ﺭﻭﺣﻲ ﺑﺎﻟﺸﺎﺭﻉ ﺟﻮﻩ ﺍﻟﺴﻴﺎﺭﺍﺕ .. ﺩﺧﻠﺖ ﺍﻟﺸﺎﺭﻉ ﻭﺍﻟﺴﻴﺎﺭﺍﺕ ﺳﺮﻳﻌﻪ ﺩﺧﻠﺖ ﺑﻴﺌﺲ ..
ﻭﺍﺳﻢ ﺻﺮﺍﺥ ﻣﻦ ﻭﺭﺍﻱ ﺳﻤﺮﺭﺭﺭﺭﺭ ﻻﺍﺍﺍ ... ﺩﺭﺕ ﻭﺟﻬﻲ ﻋﻠﻴﻪ .. ﻭﻣﺎ ﺍﺣﺲ ﺍﻻ ﺳﻴﺎﺭﻩ ﻛﺒﺎﻝ ﻭﺟﻲ ﻭﺍﻙ ﻫﻮﻭﻭﺭﻥ ﺣﻴﻴﻴﻞ ...
ﻳﺘﺒﻊ
🌺🌺🌺
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق