رواية حكاية سمر ج1 الجزء السابع
للكاتبة زينب ماجد
🌿🌿🌿🌿
ﺷﻔﺖ ﺑﺎﺑﺎ ﺩﻓﻊ ﺑﻜﺮ .. ﻭﺑﻘﻰ ﻳﺪﻙ ﺑﺎﻟﺒﺎﺏ .. ﻛﺘﻠﻨﻲ ﺍﻟﺨﻮﻑ .. ﺭﻛﻀﺖ ﻟﻤﻜﺎﻧﻲ .. ﺑﻴﻦ ﺍﻟﻜﻨﺘﻮﺭ ﻭﺍﻟﺰﺍﻭﻳﻪ ..
ﻭﺍﺳﻤﻊ ﺑﻜﺮ .. ﻳﻜﻠﻪ ﺧﺎﻟﻲ .. ﻣﺎ ﺍﻟﻚ ﺣﻖ ﺗﻜﺘﻠﻬﺎ .. ﺍﻟﺒﻨﻴﻪ ﺻﺎﺭﺕ ﺍﻟﻨﻪ ..
ﺑﻜﺮ .. ﺍﺣﺎﻭﻝ ﺍﺭﺩﻉ ﺧﺎﻟﻲ .. ﺑﻘﻰ ﻳﻐﻠﻂ ﻭﻳﺼﻴﺢ .. ﺻﺤﺖ ﻋﺎﺩﻝ .. ﻭﺧﺰﺭﺗﻪ .. ﻋﺮﻑ ﻧﻀﺮﺗﻲ .. ﻛﺎﻟﻪ ﺧﺎﻟﻲ ﻋﻮﻓﻬﺎ .. ﺍﻧﻲ ﺍﺗﺤﻤﻞ ﻏﻠﻄﺔ ﺳﻤﺮ ..
ﻭﺭﺍﺡ ﺍﺳﺘﺮ ﻋﻠﻴﻬﺎ .. ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﺎ .. ﻛﺎﻟﻪ ﺧﺎﻟﻲ . ﺷﻠﻮﻥ ﻳﻌﻨﻲ ﻳﻔﺮﺟﻬﺎ .. ﻛﺘﻠﻪ ﺧﺎﻟﻮ .. ﺍﻟﺒﻨﻴﻪ ﺑﺮﻳﺌﻪ .. ﻭﻣﺎ ﺍﻟﻬﺎ ﺫﻧﺐ ..
ﻭﻟﻮ ﻃﻠﻜﻬﺎ ﻫﺴﻪ ﻭﻛﺘﻠﺘﻬﺎ .. ﻣﺎ ﻧﺤﺼﻞ ﺷﻲ .. ﻭﺍﻧﺘﻪ ﻋﻨﺪﻙ ﺑﻨﻴﻪ ﺛﺎﻧﻴﻪ ﻻ ﺗﻜﺴﺮ ﺑﻴﻬﺎ .. ﺣﺘﻰ ﻟﻮ ﻛﺘﻠﺘﻬﺎ ﻭﻏﺴﻠﺖ ﻋﺎﺭﻙ .. ﺭﺍﺡ ﻳﻼﺣﻜﻚ
ﻭﺗﺨﻠﻲ ﺍﻟﻨﺎﺱ ﻛﻠﻬﺎ .. ﺗﻨﺘﺒﻪ ﻟﻠﻠﻲ ﺻﺎﺭ .. ﺍﺳﺘﺮ ﻋﻠﻤﻮﺿﻮﻉ .. ﻭﺍﻣﺸﻲ .. ﺑﻘﻰ ﻳﻀﺮﺏ ﻋﻠﺒﺎﺏ ..
ﻭﻳﺼﻴﺢ .. ﺳﻤﺮ ﻭﻳﻦ ﺗﺮﺣﻴﻦ ﻣﻨﻲ .. ﺍﻟﺰﻣﺞ ﺍﻟﺰﻡ .. ﺍﺻﻄﺒﺮﻳﻠﻲ .. ﻭﻣﻦ ﺍﻟﻴﻮﻡ ﻻ ﺍﻧﻪ ﺍﺑﻮﺝ .. ﻭﻻ ﺍﻧﺘﻲ ﺑﺘﻲ ..
ﺟﺮﺗﻪ ﺍﻣﻲ .. ﻭﻛﺎﻟﺘﻠﻪ .. ﺧﻮﻳﻪ ﻋﻠﺒﺨﺘﻚ .. ﻻ ﻳﺼﻌﺪ ﺍﻟﻀﻐﻂ ﻋﻨﺪﻙ .. ﻭﻳﺼﻴﺮ ﺑﻴﻚ ﺷﻲ .. ﺭﺑﺤﻨﻪ .. ﺑﻬﻠﺨﺎﻳﺴﺎﺕ ..
ﻛﻠﻬﻢ .. ﺗﻮﺟﻬﻮ ﻟﻠﺼﺎﻟﻪ .. ﻭﺍﺑﺘﻌﺪﻭ ﻋﻦ ﺍﻟﻐﺮﻑ .. ﺍﻧﻲ ﺭﺣﺖ ﻟﻠﻤﻄﺒﺦ ﺷﻮﻱ .. ﻭﺭﺟﻌﺖ ﺩﺧﻠﺖ ﻟﻠﻐﺮﻓﻪ ..
ﻟﻜﻴﺖ ﺳﻤﺮ .. ﺧﺎﺗﻠﻪ ﺑﻴﻦ ﺍﻟﻜﻨﺘﻮﺭ .. ﻭﺍﻟﺴﺮﻳﺮ .. ﺳﻮﻳﺖ ﺭﻭﺣﻲ .. ﻣﺎ ﻣﻬﺘﻢ .. ﻭﻛﻌﺪﺕ ﻋﻠﺴﺮﻳﺮ ..
ﺍﺗﻘﺮﺏ ﻳﻢ ﺭﺟﻠﻲ .. ﺑﺎﻭﻋﺘﻠﻬﺎ .. ﻛﺘﻠﻬﺎ ﺷﻔﺘﻲ ﻣﺼﺎﻳﺒﺞ ﻭﻳﻦ ﻭﺻﻠﺘﻨﻪ .. ﺷﻜﻠﺘﻲ ﻟﺮﻭﺣﺞ .. ﻣﻦ ﺳﻮﻳﺘﻲ ﻫﻠﺸﻜﻞ ..
ﺳﻤﺮ .. ﻭﺍﻟﻠﻪ ﻣﺎ ﺟﻨﺖ ﺍﻋﺮﻑ ﻭﺍﻟﻠﻪ .. ﺩﻧﻜﺖ ﺍﺑﺠﻲ .. ﺍﻧﻮﺏ ﺭﻓﻌﺖ ﻋﻴﻨﻲ .. ﻛﺘﻠﻪ ﺑﻜﺮ .. ﺍﻧﻄﻴﻨﻲ ﻻﺑﻮﻳﻪ .. ﺧﻞ ﻳﺬﺑﺤﻨﻲ ..
ﺍﻧﻲ ﺍﺭﻳﺪ ﺍﻣﻮﺕ .. ﺑﺎﻭﻋﻠﻲ .. ﺑﻨﻀﺮﻩ ﺟﺎﻣﺪﻩ .. ﻛﺎﻝ .. ﻣﻮ ﻧﻔﺴﺞ .. ﺍﻟﺰﻣﺘﻴﻨﻲ ﺍﻟﺼﺒﺢ . ﻭﻛﻠﺘﻲ ﺳﺎﻋﺪﻧﻲ .. ﻣﺎ ﺍﺭﻳﺪ ﺍﻣﻮﺕ ..
ﻛﺘﻠﻪ ﺍﻱ .. ﺑﺲ ﻣﺎ ﻋﺎﺩ ﺍﺭﻳﺪ ﺍﺻﻴﺮ ﺛﻘﻞ ﻋﻠﻰ ﺍﺣﺪ .. ﺧﻞ ﺍﻣﻮﺕ ﻭﺍﺭﻳﺤﻜﻢ ﻣﻦ ﺷﺮﻱ ..
ﺑﻜﺮ .. ﻛﺎﻋﺪ ﻋﻠﺴﺮﻳﺮ .. ﻭﻣﻨﺘﺠﻲ ﻋﻠﻰ ﺍﺩﻳﻪ ﻭﺷﺎﺑﻜﻬﺎ .. ﻭﻫﻴﻪ ﻛﺎﻋﺪﻩ ﻳﻤﻲ ﺑﺎﻟﻜﺎﻉ ﻭﺭﺍﻓﻌﻪ ﺭﺍﺳﻬﺎ ﻭﺗﺤﺠﻲ ﻭﻳﺎﻱ .. ﻭﺩﻣﻮﻋﻬﺎ ﺑﻌﻴﻨﻬﺎ ..
ﻛﺘﻠﻬﺎ ﺑﺎﻋﻲ ﺳﻤﺮ .. ﺍﻭﻝ ﺷﻲ .. ﺍﻧﻲ ﻣﺎ ﺣﻤﻴﺘﺞ .. ﻻﻥ ﺍﻧﺘﻲ ﺗﺴﺘﺎﻫﻠﻴﻦ .. ﺣﻤﻴﺘﺞ ﺧﻮﻑ ﻣﻦ ﺍﻟﻠﻪ .. ﻭﻣﺎ ﺍﺭﻳﺪ ﻳﻨﻬﺪﺭ ﺩﻡ ﺣﺮﺍﻡ ..
ﺛﺎﻧﻴﺎ .. ﻟﻮ ﺍﻧﻄﻴﺘﺞ ﻭﻣﺘﻲ .. ﻫﺬﺍ ﺷﻲ ﻣﺎ ﻳﺤﻞ ﺍﻟﻤﻮﺿﻮﻉ .. ﺭﺍﺡ ﺗﺒﻘﻲ ﺑﻘﻌﻪ ﺳﻮﺩﻩ ﻋﻠﻰ ﺍﻫﻠﺞ .. ﻭﻋﻨﺪﺝ ﺍﺧﻮﻩ ﻭﺍﺧﺖ .. ﺭﺍﺡ ﻳﺘﺄﺫﻭﻥ ﻭﻳﻼﺣﻜﻬﻢ ﺍﻟﻌﺎﺭ ﺣﺘﻲ ﻟﻮ ﻣﺘﻲ ..
ﻻ ﺑﻌﺪ ﺍﺣﺪ ﺭﺍﺡ ﻳﻘﺒﻞ ﻳﻨﻄﻴﻜﻢ .. ﻭﻻ ﺭﺍﺡ ﻳﺎﺧﺬ ﻣﻨﻜﻢ ..
ﺳﻤﺮ .. ﺑﺲ ﺍﻧﻲ ﻣﺎ ﺳﻮﻳﺖ ﺷﻲ ﻭﺍﻟﻠﻪ ..
ﺑﻜﺮ .. ﻫﺬﺍ ﺍﻟﻜﻼﻡ ﻗﻨﻌﻲ ﺑﻴﻪ ﻧﻔﺴﺞ .. ﻭﻗﻨﻌﻴﻨﻲ ﺑﻴﻪ .. ﻣﻮ ﺗﻘﻨﻌﻴﻦ ﺑﻴﻪ ﺍﻟﻌﺎﻟﻢ .. ﻟﻮ ﺭﺍﺩ ﺍﺑﻮﺝ ﻳﺬﺑﺤﺞ ..
ﺳﻤﺮ .. ﻭﻫﺴﻪ ﺷﺴﻮﻱ ..
ﺑﻜﺮ .. ﺭﺍﺡ ﺗﺒﻘﻴﻦ ﺯﻭﺟﻪ ﻟﻌﺎﺩﻝ ﻟﻜﻢ ﺷﻬﺮ .. ﻭﺑﻌﺪﻳﻦ ﺍﻳﻄﻠﻜﺞ .. ﻭﺍﻧﻜﻮﻝ ﻣﺘﺮﺍﻫﻤﻮ
. . ...
ﺳﻤﺮ .. ﺩﻧﻜﺖ .. ﺍﺑﺠﻲ .. ﻫﻮﻩ ﻛﺎﻡ ﺑﺴﺮﻋﻪ ﻣﻨﻲ .. ﻭﻃﻠﻊ ﻭﻗﻔﻞ ﺍﻟﺒﺎﺏ .. ﺍﻧﻲ ﺑﻘﻴﺖ ﺍﺑﺠﻲ .. ﻭﺍﻟﻄﻢ ﺧﺪﻱ ﻋﻠﻰ ﺣﻴﺎﺗﻲ ﺍﻟﻀﻴﻌﺘﻬﺎ .. ﺑﺴﺒﺐ ﻋﺎﺩﺍﺕ ﺗﺎﻓﻬﺎ ..
ﺭﺣﺖ ﻟﻠﺴﺮﻳﺮ .. ﺍﺗﻤﺪﺩﺕ .. ﻭﺧﻠﻴﺖ ﺍﺩﻳﻪ ﺑﻴﻦ ﺭﺟﻠﻴﻪ ﻭﺑﻘﻴﺖ ﺍﺑﺠﻲ ﻭﻣﻘﺮﻓﺼﻪ ﻧﻔﺴﻲ .. ﻟﺤﺪ ﻣﺎ ﻧﻤﺖ ..
ﺑﻜﺮ .. ﺷﻔﺘﻬﺎ ﻧﺰﻟﺖ ﺭﺍﺳﻬﺎ ﺗﺒﺠﻲ .. ﻛﻤﺖ ﺑﺴﺎﻉ .. ﻣﺎ ﺍﺭﻳﺪ ﺍﺿﻌﻒ ﺑﺪﻣﻮﻋﻬﺎ .. ﻃﻠﻌﺖ ﺍﻟﻐﺮﻓﻪ ﻭ ﺭﺣﺖ ﻻﻣﻲ ..
ﻛﺘﻠﻬﺎ ﻳﻤﻪ .. ﻓﻀﻲ ﺍﻟﺴﺎﻟﻔﻪ .. ﻭﺍﻟﻨﺎﺱ ﺍﻟﺘﺠﻲ ﺗﺒﺎﺭﻛﻠﻨﻪ .. ﺑﻴﻨﻴﻠﻬﻢ ﻣﺎﻛﻮ ﺷﻲ ..
ﻛﺎﻟﺖ ﺍﻱ ﻫﺎﻫﻴﻪ .. ﺑﺲ ﺷﻠﻮﻥ ﻟﻮ ﺳﺄﻟﻮ ﻋﻠﻌﺮﻭﺱ .. ﻛﺘﻠﻬﺎ .. ﻛﻮﻟﻴﻠﻬﻢ .. ﻣﺮﻳﻀﻪ .. ﻭﻣﺎ ﺗﻜﺪﺭ ﺗﻜﻮﻡ ﻓﺪ ﻣﺮﻩ .. ﺍﻱ ﺷﻲ ﻃﻠﻌﻴﻠﺞ ﺷﻐﻠﻪ .. ﻭﻣﺸﻲ ﺍﻟﺴﺎﻟﻔﻪ ..
ﻛﺎﻟﺖ ﻣﺎﺷﻲ .. ﻃﻠﻌﺖ ﺍﺧﺬﺕ ﺳﻴﺎﺭﺗﻲ ﻭﺭﺣﺖ ﻟﻠﻤﻜﺘﺐ ﻣﺎﻟﺘﻲ .. ﺍﺟﻮ ﻧﺎﺱ ﺍﺗﻌﺎﻣﻠﺖ ﻭﻳﺎﻫﻢ .. ﻭﺭﺣﻨﻪ ﻋﻠﻰ ﺑﻴﺖ ﺭﺍﺩﻭ ﺍﻳﺠﺎﺭ ..
ﺧﻠﺼﺖ ﻣﻨﻬﻢ .. ﻭﺭﺟﻌﺖ ﻟﻠﺒﻴﺖ .. ﺍﻟﺴﺎﻋﻪ 5 ﺍﻟﻌﺼﺮ .. ﺩﺧﻠﺖ ﺍﻟﺒﻴﺖ ﻫﻮﺳﻪ .. ﺧﺎﻟﺘﻲ ﺍﻳﻤﺎﻥ ﻣﻮﺟﻮﺩﻩ ﻭﺑﻨﺘﻬﺎ ﺣﻮﺭﺍﺀ ..
ﻭﺧﻮﺍﺗﻲ ﻛﻠﻬﺎ ﺟﺎﻳﻪ .. ﺣﺠﺖ ﺍﺧﺘﻲ ﺍﻣﻴﺮﻩ .. ﺷﻌﻨﺪﻙ ﺿﺎﻣﻬﺎ ﻟﺴﻤﺮ .. ﻓﻮﻙ ﺳﻮﺍﺩ ﻭﺟﻬﺎ .. ﺗﺤﺎﻣﻴﻠﻬﺎ ..
ﻛﺘﻠﻬﺎ .. ﺧﻮﻳﻪ ﺟﺎﻳﻪ ﺧﻄﺎﺭ .. ﺻﻴﺮﻱ ﺧﻔﻴﻔﺔ ﺩﻡ ﻭﻋﻮﻓﺞ ﻣﻦ ﺍﻟﻤﺸﺎﻛﻞ .. ﺍﺣﻨﻪ ﻧﺤﻠﻬﺎ .. ﻣﺤﺪ ﺍﻟﻪ ﺩﺧﻞ ﺑﻬﻠﻤﻮﺿﻮﻉ ..
ﻭﻟﻮ ﺳﻤﻌﺖ ﺍﺣﺪ ﺟﺎﺏ ﻫﻠﺴﻴﺮﻩ .. ﺍﺣﺴﺎﺑﻪ ﻭﻳﺎﻱ .. ﺍﻟﺘﻔﺘﺖ ﻻﻣﻲ .. ﺻﺎﺭ ﻣﻌﻠﻮﻭﻭﻡ . ﻛﺎﻟﺖ ﻫﺎﻫﻴﻪ ﻛﻠﻨﻪ ﺍﻱ .. ﺑﺲ ﻓﻜﻨﻪ ..
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ .. ﺍﻟﻐﺮﻓﻪ ﺑﺎﺭﺩﻩ .. ﻭﻫﻴﻪ ﻧﺎﻳﻤﻪ ﻭﻻﺑﺴﻪ ﻣﻦ ﻣﻼﺑﺴﻲ .. ﺍﺑﺘﺴﻤﺖ .. ﻭﺍﺗﻘﺮﺑﺖ ﻳﻤﻬﺎ ..
ﺷﻌﺮﻫﺎ .. ﻣﻐﻄﻲ ﻭﺟﻬﺎ .. ﻛﻌﺪﺕ ﻋﻠﻰ ﺭﺟﻠﻴﻪ .. ﺑﻌﺪﺗﻪ ﻋﻠﻰ ﻛﻴﻴﻴﻴﻴﻴﻴﻒ .. ﺍﺗﻘﺮﺑﺖ ﻳﻤﻬﺎ .. ﺍﺗﻨﻔﺲ ﺍﻧﻔﺎﺳﻬﺎ ..
ﺗﺸﻬﻚ ﻭﻫﻴﻪ ﻧﺎﻳﻤﻪ .. ﺍﻟﻀﺎﻫﺮ ﺑﺎﺟﻴﻪ ﻫﻮﺍﻳﻪ .. ﺍﺧﺬﺕ ﻧﻔﺲ .. ﺷﻴﺼﻴﺮ ﻟﻮ ﻋﺮﻭﺳﺘﻲ .. ﻣﻮ ﻋﺮﻭﺳﺔ ﻋﺎﺩﻝ ..
ﺟﺎﻥ ﻫﺴﻪ ﺍﻧﺘﻲ ﺑﺤﻈﻨﻲ ﺍﺳﻌﺪ ﻋﺮﻭﺱ ﺑﺎﻟﺪﻧﻴﺎ .. ﺑﺲ ﺷﻨﻜﻮﻝ ﻫﻴﻪ ﻗﺴﻤﻪ .. ﻭﻛﻠﻤﻦ ﻭﺣﻈﻪ .. ﻭﺍﻧﻲ ﻭﻳﺎﺝ ﺣﻆ ﻣﺎ ﻋﺪﻧﻪ ..
ﻻ ﺍﻧﻪ ﺍﻟﺤﻮﻳﺘﺞ .. ﻭﻻ ﺍﻧﺘﻲ ﺍﻟﻠﻲ ﺍﺧﺘﺎﺭﻳﺘﻲ ﺻﺢ .. ﻛﻤﺖ ﻣﻦ ﻳﻤﻬﺎ .. ﻃﻠﻌﺖ ﻟﺤﺎﻑ ﻣﻦ ﺍﻟﻜﻨﺘﻮﺭ .. ﻭﻏﻄﻴﺘﻬﺎ ..
ﻭﺭﺣﺖ ﻛﻌﺪﺕ ﻋﻠﻜﻤﺒﻴﻮﺗﺮ .. ﺍﺷﺘﻐﻞ ﻭﺍﺑﺤﺚ ﻋﻠﻴﻪ .. ﻃﻔﺖ ﺍﻟﻜﻬﺮﺑﺎﺀ .. ﺍﻟﺸﺎﺣﻦ ﻣﺎﻝ ﺍﻟﻜﻤﻤﺒﻴﻮﺗﺮ ﻛﺎﻡ ﻳﺼﻮﻓﺮ ..
ﺣﺴﻴﺖ ﺑﻴﻬﺎ ﺗﺤﺮﻛﺖ ﺑﺲ ﺍﻧﻲ ﻣﺎ ﺍﻟﺘﻔﺘﺖ ﺍﻟﻬﺎ .. ﻭﻛﺄﻧﻲ ﻣﺎ ﺍﻧﺘﺒﻬﺖ .. ﺳﻤﻌﺘﻬﺎ ﺍﺗﺄﻥّ ﻣﻦ ﺍﻻﻟﻢ ..
ﺗﻮﻗﻔﺖ ﻣﻦ ﺍﻟﺤﺎﺳﺒﻪ .. ﻭﺻﺎﺭ ﻛﻞ ﺗﺮﻛﻴﺰﻱ ﻳﻤﻬﺎ .. ﺑﺲ ﻣﺎ ﺩﺭﺗﻠﻬﺎ .. ﻟﺤﺪ ﻣﺎ ﻛﻌﺪﺕ .. ﺑﺎﻭﻋﺘﻠﻬﺎ .. ﺷﻔﺘﻬﺎ ﻻﺯﻡ ﺧﺎﺻﺮﺗﻬﺎ .. ﻭﺗﻮﻥ ..
ﻛﺘﻠﻬﺎ ﺷﺒﻴﺞ ..
ﺳﻤﺮ .. ﺍﻟﻢ ﺟﺴﻤﻲ ﻣﻮﺗﻨﻲ .. ﻣﻦ ﻛﻞ ﻣﻜﺎﻥ ﺩﻳﺼﻞ ﻋﻠﻴﻪ ..
ﺑﻜﺮ .. ﺑﺪﻟﻲ ﺧﻞ ﺍﻭﺩﻳﺞ ﻟﻠﺪﻛﺘﻮﺭ ..
ﺳﻤﺮ .. ﻫﺎ .. ﻻ ﻻ ﻣﻴﺤﺘﺎﺝ .. ﺑﺲ ﺍﺭﻳﺪ ﻣﺴﻜﻦ ﺍﻟﻢ ..
ﺑﻜﺮ .. ﻛﻤﺖ ﻟﻠﺠﺮﺍﺭﻩ .. ﻃﻠﻌﺘﻠﻬﺎ ﺑﺮﺍﺳﻴﺘﻤﻮﻝ ﻭﺍﻧﻄﻴﺘﻬﺎ .. ﻭﻃﻠﻌﺖ ﺑﻄﻞ ﻣﻲ ﻣﻦ ﺍﻟﺜﻼﺟﻪ ﻭﻣﺪﻳﺘﻪ ﺍﻟﻬﺎ.
. ... .
ﺍﺧﺬﺕ ﺣﺒﺎﻳﺘﻴﻦ .. ﻭﺟﺮﺕ ﺍﻟﻤﻲ ﻭﺷﺮﺑﺖ .. ﻛﺘﻠﻬﺎ ﻫﺎ ﺷﻠﻮﻧﺞ ﻫﺴﻪ .. ﺑﺎﻭﻋﺘﻠﻲ ﺑﺎﺑﺘﺴﺎﻣﻪ .. ﻭﻛﺎﻟﺖ ﻳﺎ ﺍﻟﻠﻪ ﺧﻞ ﻳﺪﺧﻞ ﻣﻌﺪﺗﻲ ﺑﺎﻻﻭﻝ ﻭﺑﻌﺪﻳﻦ ﻧﻜﻮﻝ ﺷﻠﻮﻧﻲ ..
ﻣﺎ ﺑﺘﺴﻤﺖ .. ﺩﺭﺕ ﻭﺟﻬﻲ .. ﻭﺍﻧﺮﺳﻤﺖ ﺍﻻﺑﺘﺴﺎﻣﻪ ﻋﻠﻰ ﻭﺟﻬﻲ .. ﺷﻜﺪ ﻛﻠﺒﻲ ﻓﺮﺣﺎﻥ ﺑﻴﻬﺎ ﻭﺍﻧﻲ ﺍﺷﻢ ﺍﻧﻔﺎﺳﻬﺎ ﻣﺎﻟﻴﻪ ﻏﺮﻓﺘﻲ ..
ﺍﺧﺬﺕ ﻧﻔﺲ ﺣﻴﻞ .. ﻭﺭﺟﻌﺖ ﺑﺎﻭﻋﺘﻠﻬﺎ .. ﻛﺘﻠﻬﺎ ﻧﺎﻣﻲ ..
ﺳﻤﺮ .. ﺩﺍﺭ ﻭﺟﻬﺎ ﻋﻨﻲ .. ﻛﻠﺖ ﺑﻜﻠﺒﻲ .. ﺻﺪﻭﻙ ﺳﺎﻋﺪﻧﻲ ﻭﺗﻔﻬﻤﻨﻲ ﺑﺲ ﺑﻌﺪﻩ ﻋﻘﺪﻩ .. ﻭﺟﻬﺎ ﻣﺎ ﻳﻜﺼﻪ ﺍﻟﺴﻴﻒ ..
ﻣﻼﻣﺤﻪ ﺟﺪﻳﻪ ﻣﺎ ﺑﻴﻬﺎ ﺍﺑﺘﺴﺎﻣﻪ .. ﻛﺎﻟﻲ ﻧﺎﻣﻲ .. ﻛﺘﻠﻪ ﻻ ﺍﺭﻳﺪ ﺍﻛﻮﻡ ..
ﺑﻜﺮ .. ﻭﻳﻴﻴﻦ .. ؟؟
ﺳﻤﺮ .. ﺷﻠﻮﻥ ﺭﺍﺡ ﺍﺿﻞ ﻧﺎﻳﻤﻪ ﺑﻐﺮﻓﺘﻚ .. ﺍﻧﺘﻪ ﻫﻢ ﺣﻘﻚ ﺗﺮﻳﺪ ﺗﺮﺗﺎﺡ .. ﻭﺍﻧﻲ ﺗﻌﺒﺘﻚ ﻭﻳﺎﻳﻪ .. ﺑﺎﻭﻋﺖ ﻟﻌﻴﻮﻧﻪ ﻛﺘﻠﻪ ﺍﺷﻜﺮﻙ ﻣﻦ ﻛﻞ ﻛﻠﺒﻲ .. ﺍﻟﺴﻮﻳﺘﻪ ﻣﺮﺍﺡ ﺍﻧﺴﺎﻟﻜﻴﺎﻩ ..
ﺑﻜﺮ .. ﺑﺎﻭﻋﺖ ﻟﻌﻴﻮﻧﻲ .. ﺻﻔﻨﺖ ﺑﻴﻬﺎ ﻭﻫﻴﻪ ﺗﺤﺠﻲ .. ﻭﺩﺭﺕ ﻣﻨﻬﺎ .. ﻛﺘﻠﻬﺎ ﻫﺬﺍ ﻭﺍﺟﺐ ﻣﺴﻮﻳﺖ ﺷﻲ ..
ﻭﺳﺒﻖ ﻭﻛﺘﻠﺞ .. ﻣﺎ ﺳﻮﻳﺘﻪ ﻟﺨﺎﻃﺮﺝ .. ﺍﻧﻲ ﺳﻮﻳﺖ ﻫﻴﺞ .. ﺣﺘﻰ ﻻ ﺍﻇﻠﻢ ﺑﺨﺖ .. ﻭﻳﻨﻬﺪﺭ ﺩﻡ ﺑﺎﻟﺤﺮﺍﻡ ..
ﺳﻤﺮ .. ﻭﺍﻥ ﻳﻜﻦ .. ﻓﺸﻜﺮﺍ .. ﺣﺠﻴﺖ ﻭﻛﻤﺖ .. ﻛﺎﻝ ﻭﻳﻦ ﺣﺘﺮﺣﻴﻦ .. ﻛﺘﻠﻪ ﻟﻐﺮﻓﺘﻲ ﻏﻴﺮ .. ﻛﺎﻝ ﻋﺎﺩﻝ ﻣﻮ ﻫﻨﺎ ..
ﻛﺘﻠﻪ ﺍﺣﺴﻦ .. ﺭﺩﺕ ﺍﻣﺸﻲ .. ﻭﺩﺭﺗﻠﻪ ﻛﺘﻠﻪ ﺍﺳﻔﻪ ﺍﺿﻄﺮﻳﺖ ﺍﺧﺬ ﻣﻦ ﻣﻼﺑﺴﻚ .. ﺍﺷﺮﻟﻲ ﺑﺮﺍﺳﻪ ﺑﻌﺪﻡ ﺍﻟﻤﺒﺎﻻﺓ .. ﻭﺑﻴﺪﻩ ﺍﻱ ﻳﻌﻨﻲ ﺭﻭﺣﻲ ..
ﻃﻠﻌﺖ ﻣﻦ ﻏﺮﻓﺘﻪ .. ﻣﺤﺪ ﻣﻮﺟﻮﺩ .. ﺩﺍ ﺍﻣﺸﻲ .. ﻃﻠﻌﺖ ﺭﻧﺎ .. ﻛﺎﻟﺖ ﻭﺍﺧﻴﺮﺍ ﺷﺮﻓﺖ ﺍﻟﺨﺎﻧﻢ .. ﺷﺒﻌﺘﻲ ﻧﻮﻡ ﻳﻠﻤﺴﻌﺪﻩ ..
ﺍﻟﻤﺜﻠﺞ ﻫﺴﻪ ﻛﺎﺗﻠﻴﻬﺎ ﻭﺷﺎﻣﺮﻳﻬﺎ ﺑﺎﻟﺰﺑﻞ .. ﺑﺲ ﺍﺣﻤﺪﻱ ﺭﺑﺞ ﻭﺍﺷﻜﺮﻱ .. ﺑﻜﺮ ﻭﻛﻔﻠﺞ ﻭﺳﻜﺘﻨﻪ .. ﻻ ﺟﺎﻥ ﻫﺴﻪ ﺍﻧﺘﻲ ﺑﻌﺪﺍﺩ ﺍﻟﻤﻮﺗﻰ ..
ﺑﺎﻭﻋﺘﻠﻬﺎ .. ﻭﻛﻠﺖ .. ﻗﻞ ﻟﻦ ﻳﺼﻴﺒﻨﺎ ﺍﻻ ﻣﺎ ﻛﺘﺐ ﺍﻟﻠﻪ ﻟﻨﺎ .. ﺿﺤﻜﺖ .. ﻛﺎﻟﺖ ﺍﻟﻤﺜﻠﺞ ﺗﻌﺮﻑ ﺍﻟﻠﻪ ﻭﻗﺮﺍﻧﻪ .. ﻭﻫﺰﺕ ﺑﺄﻳﺪﻫﺎ ..
ﻋﻔﺘﻬﺎ ﻭﻣﺸﻴﺖ ﻟﻠﻐﺮﻓﻪ .. ﺑﻌﺪﻫﺎ ﻋﻠﻰ ﺍﻟﻬﻮﺳﻪ ﺍﻟﺴﻮﺍﻫﺎ ﻋﺎﺩﻝ ﺍﻟﺒﺎﺭﺣﻪ ﻟﻤﺎ ﺿﺮﺑﻨﻲ .. ﻭﺑﻄﺎﻟﺔ ﺍﻟﺒﻴﺮﻩ .. ﺗﺎﺭﺳﻪ ﺍﻟﻤﻴﺰ ..
ﻭﺍﻟﺮﻳﺤﻪ ﻣﺎﻝ ﺍﻟﻐﺮﻓﻪ ﺗﻜﺘﻞ ﻣﻦ ﺍﻟﻤﺸﺮﻭﺏ .. ﻓﺘﺤﺖ ﺍﻟﺸﺒﺎﺑﻴﻚ .. ﺑﺲ ﺑﺼﺮﺍﺣﻪ .. ﺟﺴﻤﻲ ﻣﺎ ﺍﻟﻪ ﻗﻮﻩ ﻳﻜﻮﻡ ﻳﻨﻀﻒ ..
ﻛﻌﺪﺕ ﻋﻠﺴﺮﻳﺮ .. ﺍﻧﻮﺏ ﻛﻤﺖ ﺑﺪﻟﺖ ﻛﻠﺒﻴﻪ ﻭﺭﺩﻳﻪ .. ﻣﺸﻄﺖ ﺷﻌﺮﻱ ﻭﺭﻓﻌﺘﻪ .. ﻭﺭﺟﻌﺖ ﻛﻌﺪﺕ ..
ﺍﺧﺬﺕ ﻋﻼﻛﻪ .. ﻟﻤﻴﺖ ﺍﻟﺒﻄﺎﻟﻪ .. ﻭﻣﺴﺤﺖ ﺍﻟﻤﻴﺰ .. ﺑﺲ ﻛﻮﻩ ﺍﺗﺤﺮﻙ ﺍﻟﻢ ﺫﺍﺑﺤﻨﻲ .. ﻋﺪﻟﺖ ﺍﻟﺴﺮﻳﺮ ﻭﻧﻤﺖ ..
ﻣﺎ ﻧﺎﻳﻤﻪ ﺑﺲ ﻏﺎﻓﻴﻪ ﻣﻦ ﺍﻟﻮﺟﻊ .. ﻟﺸﻮﻱ ﺣﺴﻴﺖ ﺍﻟﺒﺎﺏ ﻧﻔﺘﺤﺖ .. ﺩﺧﻞ ﻋﺎﺩﻝ .. ﺣﺴﻴﺘﻪ ﺭﺍﺩ ﻳﺤﺠﻲ ﻭﺳﻜﺖ ..
ﻃﻠﻊ ﻓﺮﺍﺵ ﻭﻟﺤﺎﻑ ﻣﻦ ﺍﻟﻜﻨﺘﻮﺭ .. ﻭﻓﺮﺵ ﺑﺎﻟﻜﺎﻉ .. ﻛﺘﻠﻪ ﺍﻧﻲ ﺍﻧﺎﻡ ﺑﺎﻟﻜﺎﻉ .. ﻭﺍﻧﺘﻪ ﺍﺭﺗﺎﺡ ﻋﻠﺴﺮﻳﺮ ..
ﺩﺍﺭ ﻭﺟﻬﻪ ﺑﻌﺼﺒﻴﻪ ﻛﺎﻝ ﻳﺎﺭﻳﺖ ﻣﺘﺴﻤﻌﻴﻨﻲ ﺻﻮﺗﺞ ﺑﺎﻟﻐﺮﻓﻪ .. ﺳﻜﺘﺖ .. ﺟﺮﻳﺖ ﺍﻟﺘﻠﻴﻔﻮﻥ ﻣﺎﻟﺘﻲ .. ﺟﺎﻥ ﻧﻮﻉ ﺩﻣﻌﻪ ..
ﻓﺘﺤﺖ ﻟﻌﺒﻪ ﻭﻛﻌﺪﺕ ﺍﻟﻌﺐ .. ﺑﺎﻭﻋﺖ ﻟﻌﺎﺩﻝ .. ﻣﺨﻠﻲ ﺍﻳﺪﻩ ﻋﻠﻰ ﺭﺍﺳﻪ ﻭﻏﺎﻓﻲ .. ﺩﺍ ﺍﺑﺎﻭﻋﻠﻪ .. ﻭﺭﺝ ﺍﻟﺠﻬﺎﺯ ﺑﺄﻳﺪﻱ .
.....
ﻳﻤﻪ ﻛﻠﺒﻲ ﻭﻛﻊ ﻣﻦ ﺍﻟﺨﻮﻑ .. ﺍﺑﺎﻭﻉ ﺍﺭﻛﺎﻥ .. ﻳﺒﻮﻭﻭﻭ ﻫﺴﻪ ﻭﻗﺘﻪ ﺍﺭﻛﺎﻥ .. ﺳﻮﻳﺖ ﺍﻟﺠﻬﺎﺯ ﺻﺎﻣﺖ ﻭﻟﻐﻴﺖ ﻣﻴﺰﺕ ﺍﻟﺮﺝ ..
ﻻﻥ ﻣﻦ ﻳﺮﺝ ﺍﻟﺠﻬﺎﺯ .. ﻛﻠﺒﻲ ﻳﺮﺝ ﻭﻳﺎﻩ .. ﺩﺯﻳﺖ ﺭﺳﺎﻟﻪ ﻻﺭﻛﺎﻥ .. 💬ﺍﺭﻛﺎﻥ ﻻ ﺗﺘﺼﻞ ﺑﻌﺪ ﺍﻧﻲ ﺍﺗﺰﻭﺟﺖ ﺍﻧﺴﺎﻧﻲ .. ﺗﺴﺘﺎﻫﻞ ﺍﻻﺣﺴﻦ ﻣﻨﻲ ﺻﺪﻛﻨﻲ 💬
ﺭﺟﻌﻠﻲ ﺭﺳﺎﻟﻪ 💬 ﻣﺎ ﺍﺭﻳﺪ ﺷﻲ ﺑﺲ ﺍﺣﺠﻲ ﻭﻳﺎﺝ ﻭﺍﻓﺘﻬﻢ ﺷﻨﻮ ﺍﻟﻐﻠﻂ ﺍﻟﺴﻮﻳﺘﻪ ﻭﺗﺨﻮﻧﻴﻨﻲ ﻭﺗﺮﺣﻴﻦ ﺍﻟﻐﻴﺮﻱ 💬
ﻣﺎ ﺭﺩﻳﺖ .. ﺭﺟﻊ ﺩﺯ ﺭﺳﺎﻟﻪ .. 💬 ﻋﺎﺩﻝ !!.. ﻫﺎﻱ ﺗﺎﻟﻴﺘﺞ ﺗﺤﺒﻴﻦ ﻋﺎﺩﻝ ﺍﻟﻜﻞ ﻋﻤﺮﺝ ﺟﻨﺘﻲ ﺗﻘﻨﻌﻴﻨﻲ ﺍﻧﻮ ﻫﻮﻩ ﺍﺧﻮﺝ ﻭﻣﺴﺘﺤﻴﻞ ﺗﻔﻜﺮﻳﻦ ﺑﻐﻴﺮﻱ ﻣﻦ ﺟﻨﺖ ﺍﺿﻮﺝ ﻣﻦ ﺷﻘﺎﺝ ﻭﻳﺎﻩ 💬
ﺍﺑﺎﻭﻉ ﺍﻟﺮﺳﺎﻳﻞ ﻭﻣﺎ ﺍﺭﺩ .. ﻫﻢ ﺩﺯ ﺭﺳﺎﻟﻪ 💬 ﻭﻟﺞ ﺑﺲ ﺟﺎﻭﺑﻴﻨﻲ ﻭﺭﻳﺤﻴﻨﻲ ﻟﻴﺶ ﻫﻴﺞ ﺳﻮﻳﺘﻲ ﺑﻴﻪ ﺷﺒﺪﺭ ﻣﻨﻲ ﻭﻫﻴﺞ ﺟﺎﺯﻳﺘﻴﻨﻲ ﻫﺬﺍ ﺗﺎﻟﻲ ﺣﺒﻲ ﺍﻟﺞ " ﺧﻴﺎﻧﻪ "
ﺣﺬﻓﺖ ﺍﻟﺮﺳﺎﺋﻞ . ﻭﻗﻔﻠﺖ ﺍﻟﺠﻬﺎﺯ .. ﻭﺩﻣﻮﻋﻲ ﻛﺎﻣﺖ ﺗﺠﺮﻱ ﺑﺴﻜﻮﺕ .. ﺑﺪﻭﻥ ﺻﻮﺕ .. ﺳﺎﻋﻪ ﺍﻛﻮﻝ ﻟﻮ ﻣﺎﺧﺬﻩ ﺍﺭﻛﺎﻥ ﻣﻮ ﺍﺣﺴﻦ .
ﺳﺎﻋﻪ ﺍﻛﻮﻝ .. ﻭﻣﻨﻮ ﻛﺎﻝ ﺍﺭﻛﺎﻥ ﻳﺘﻔﻬﻤﻨﻲ .. ﻭﺍﺭﺟﻊ ﺍﻛﻮﻝ ﻻ ﻫﺎﻫﻴﻪ ﺑﻠﻜﺖ ﻋﺎﺩﻝ ﻳﻮﻡ ﻳﻮﻣﻴﻦ ﻭﻳﺘﻐﻴﺮ ﻭﻳﺎﻳﻪ ..
ﺍﻱ ﻋﺎﺩﻝ ﺧﻮﺵ ﻭﻟﺪ ﻭﻻﺯﻡ ﺍﻛﺴﺒﻪ .. ﻛﻤﺖ ﺍﺑﺎﻭﻋﻠﻪ .. ﻫﻮﻩ ﻏﺎﻓﻲ ﻭﻧﺎﻳﻢ ﺑﺎﻟﻜﺎﻉ ﻭﺍﻳﺪﻩ ﻣﺨﻠﻴﻬﺎ ﻋﻠﻰ ﻭﺟﻬﺎ ..
ﻛﻤﺖ .. ﺍﺧﺬﺕ ﻣﻼﺑﺲ ﺑﻜﺮ .. ﻭﻛﻠﺖ ﺧﻞ ﺍﻏﺴﻠﻬﺎ ﻭﺍﺭﺟﻌﻬﺎ ﺍﻟﻪ .. ﺍﺧﺬﺗﻬﻢ ﻭﺭﺣﺖ ﻟﻠﻤﻐﺴﻠﻪ .. ﻭﺍﻟﻤﻼﺑﺲ ﻣﺨﻠﻴﺘﻬﺎ ﻋﻠﻰ ﻛﺘﻔﻲ ..
ﺩﺍ ﺍﺷﻐﻞ ﺍﻟﻤﻲ .. ﻛﻤﺰﺕ ﻋﻠﻰ ﺻﻮﺕ ﺑﻜﺮ ﻭﻫﻮﻩ ﻳﻜﻮﻝ ﺷﺠﺎﻱ ﺗﺴﻮﻳﻦ .. ﻛﺘﻠﻪ ﺧﺮﺭﺏ ﺑﺒﻠﻴﺴﻚ ﻳﻤﻌﻮﺩ .. ﻛﺢ ﻣﺢ .. ﺷﻨﻮ ﺭﺍﺡ ﻛﻠﺒﻲ ﺍﺩﺭﻱ ﺧﻔﺎﺵ ..
ﺑﻌﺪﻩ ﻋﻠﻰ ﻧﻔﺲ ﺍﻟﻤﻼﻣﺢ ﻭﺍﻟﺠﺪﻳﻪ .. ﻭﻛﺎﻝ ﻛﻠﺖ ﺷﺠﺎﻱ ﺗﺴﻮﻳﻦ .. ﻛﺘﻠﻪ ﺩﺍﺭﻳﺪ ﺍﻏﺴﻞ ﻫﺎﻱ ﺍﻟﻤﻼﺑﺲ ..
ﺑﻜﺮ .. ﻣﺎﻛﻮ ﺩﺍﻋﻲ ﺍﻧﻄﻴﻨﻴﺎﻫﻢ ..
ﺳﻤﺮ .. ﻻ ﻣﺎ ﻋﻨﺪﻱ ﺷﻲ .. ﺍﻏﺴﻠﻬﻢ .. ﻻﻥ ﻟﺒﺴﺘﻬﻦ .. ﺑﺎﻭﻉ ﺑﻌﻴﻮﻧﻲ .. ﺑﻨﻀﺮﻩ ﺟﺎﻣﺪﻩ ﻭﻛﺎﻝ ﻣﺎ ﺍﺣﺐ ﺍﻛﺮﺭ ﻛﻼﻣﻲ .. ﺍﻓﺘﻬﻤﻲ ﻫﻠﺸﻲ ﺭﺟﺎﺀﺍً ..
ﻭﻣﺪ ﺍﻳﺪﻩ .. ﺍﻧﻄﻴﺘﻪ ﺍﻟﻤﻼﺑﺲ .. ﺍﺧﺬﻫﻢ ﻭﺭﺍﺡ .. ﺧﺮﺭﺏ ﺷﻠﻮﻥ ﻋﻘﺪﻩ ﻟﺨﺎﻃﺮ ﻣﺤﻤﺪ .. ﻃﻠﻊ ﺯﻭﺝ ﻋﻤﺘﻲ ﺧﻠﻴﻞ ﺗﻔﻞ ﺑﻮﺟﻬﻲ ﻭﺩﺧﻞ ﻟﻠﻐﺮﻓﻪ ..
ﻛﻠﺖ ﺑﻜﻠﺒﻲ ﻭﺛﻮﻝ .. ﺷﻠﻮﻥ ﺧﻠﻘﻪ ﻭﻳﺘﻔﻞ ﻋﻠﻴﻪ .. ﻃﺒﻌﺎ ﻋﻤﻲ ﺧﻠﻴﻞ ﺷﻜﻠﻪ ﺍﺳﻤﺮ ﻓﺪ ﻣﺮﻩ ﻭﺷﻌﺮﻩ ﻣﺠﻌﺪ .. ﻭﺧﺸﻤﻪ ﺑﻜﺪ ﺑﻐﺪﺍﺩ .. ﻻ ﻭﻫﻢ ﺷﻮﻳﻪ ﺍﻛﺒﺮ .. ﺧﺨﺨﺦ
ﺍﻧﻮﺏ ﻳﺘﻔﻞ ﻋﻠﻴﻪ ﻋﻴﻴﻴﻊ .. ﻋﺎﺩﻝ ﻃﺎﻟﻊ ﻋﻠﻰ ﻋﻤﺘﻲ ﺣﻠﻮﻩ ﻭﻋﻴﻮﻧﻬﺎ ﺻﻔﺮ .. ﻭ ﺑﻜﺮ ﻣﺎﺧﺬ ﻣﻦ ﺍﻻﺛﻨﻴﻦ .. ﺍﻟﺴﻤﺎﺭ ﻣﻦ ﺍﺑﻮﻩ ﻭﺍﻟﻤﻌﺎﻧﻲ ﻋﻠﻰ ﻋﻤﺘﻲ ..
ﻭﺻﺎﻳﺮﻳﻦ ﻣﺸﻜﻞ ﻳﺎ ﻟﻮﺯ .. ﻣﺸﻴﺖ ﻭﻛﻮﻩ ﺍﺟﺮ ﺑﺮﺟﻠﻲ ﻣﻦ ﺍﻻﻟﻢ .. ﺭﺣﺖ ﻟﻠﻤﻄﺒﺦ .. ﻓﺘﺤﺖ ﺍﻟﺜﻼﺟﻪ .. ﻟﻜﻴﺖ ﻛﺒﻪ ﺗﻤﻦ ﻣﻜﻼﻳﻪ .. ﻭﺑﺎﻗﻴﻪ ﺑﺜﻼﺟﻪ ..
ﺍﺧﺬﺕ ﻭﺣﺪﻩ .. ﻭﺩﺭﺕ ﻟﻠﻜﺎﻭﻧﺘﺮ .. ﺩﺍﺭﻳﺪ ﺍﻃﻠﻊ ﺻﻤﻮﻥ . ﻣﺎ ﺍﺣﺲ ﺍﻻ ﻭﺍﺣﺪ ﻭﺭﺍﻳﻪ .. ﻓﺘﺢ ﺍﻟﺜﻼﺟﻪ .. ﻫﻢ ﻛﻤﺰﺕ .. ﻛﻠﺒﻲ ﺭﺍﺡ .. ﻭﻫﻢ ﺑﻜﺮ ..
ﺍﺳﺘﻐﻔﺮ ﺍﻟﻠﻪ .. ﻛﺘﻠﻪ ﺍﻧﺘﻪ ﺻﺪﻭﻙ ﺧﻔﺎﺵ .. ﻳﻤﻌﻮﺩ ﺭﺍﺡ ﺗﺴﻮﻱ ﺑﻴﻪ ﺟﻠﻄﻪ .. ﺍﺩﺭﻱ ﻣﻦ ﺗﻤﺸﻲ ﻣﺎ ﺍﻃﻠﻊ ﺻﻮﺕ .. ﻧﻔﺲ ..
ﺑﻴﻨﺖ ﺍﻻﺑﺘﺴﺎﻣﻪ ﻋﻠﻰ ﻭﺟﻬﺎ .. ﻭﺍﻟﻠﻪ ﺍﻭﻝ ﻣﺮﻩ ﺍﻧﺘﺒﻪ ﺍﻛﻮ ﻏﻤﺎﺯﺍﺕ ﺑﻮﺟﻬﺎ .. ﻣﻦ ﺿﺤﻚ .. ﻋﻤﺮﻱ ﻣﺎ ﺷﻔﺘﻪ ﻓﺪ ﻳﻮﻡ ﺿﺤﻚ
....
ﻛﺎﻝ ﺷﺠﺎﻱ ﺗﺴﻮﻳﻦ .. ﻛﺘﻠﻪ ﺩﺍ ﺍﺳﻮﻱ ﻟﻔﻪ ﺟﻮﻋﺎﻧﻪ .. ﻛﺎﻝ .. ﻫﺎﺍ .. ﺻﺎﺡ ﺭﻧﺎﺍﺍﺍﺍﺍﺍ .. ﻛﺘﻠﻪ ﺷﺘﺮﻳﺪ .. ﻛﺎﻝ ﺍﺭﻳﺪ ﻋﺸﻰ ..
ﻛﺘﻠﻪ ﻫﺴﻪ ﺍﺳﻮﻳﻠﻚ .. ﻛﺎﻝ ﺷﻜﺮﺍ .. ﻣﺎ ﺍﺭﻳﺪ ﻭﺻﺎﺡ ﺭﻧﺎﺍﺍﺍﺍ .. ﻛﻠﺖ ﺑﻜﻠﺒﻲ ﻫﻢ ﺻﻮﺟﻲ ﻓﻮﻙ . ﻣﺠﺎﻱ ﺍﺗﻮﺟﻊ ﻭﺍﺭﻳﺪ ﺍﺧﺪﻣﻪ ﻳﺘﻜﺒﺮ ﻋﻠﻴﻪ ..
ﺳﻜﺘﺖ .. ﻭﺍﺧﺬﺕ ﻟﻔﻪ ﻭﻣﺸﻴﺖ .. ﺩﺍ ﺍﻃﻠﻊ ﺍﻧﺪﻛﺖ ﺍﻟﺒﺎﺏ .. ﺍﺟﻮﻱ ﻋﻤﺎﺕ ﻋﺎﺩﻝ .. ﺍﺧﻮﺍﺕ ﻋﻤﻮ ﺧﻠﻴﻞ .. ﻣﻦ ﺷﺎﻓﻨﻲ ﻫﻠﻬﻠﻦ ..
ﻭﺍﺟﻦ ﻳﺒﺎﺭﻛﻠﻲ ﻭﻳﺒﻮﺳﻦ ﺑﻴﻪ .. ﻃﻠﻊ ﻋﺎﺩﻝ ﻋﻠﻰ ﺻﻮﺕ ﻫﻼﻫﻴﻠﻬﻦ .. ﺑﺎﺳﻨﻪ ﻭﻫﻢ ﺑﺎﺭﻛﻠﻨﻪ .. ﻫﻮﻩ ﺍﺑﺘﺴﻤﻠﻬﻦ ..
ﻭﻛﻌﺪ ﻳﻀﺤﻚ ﻭﻳﺎﻫﻦ .. ﻛﻌﺪﺕ ﻳﻤﻬﻢ .. ﺑﺎﻭﻋﻠﻲ ﻭﻳﻐﻤﺰﻥ ﻟﻌﺎﺩﻝ ﻭﻳﻜﻮﻟﻮﻟﻪ ﻫﺎ ﻳﻨﭽﺮ ﺷﻤﺴﻮﻱ ﺑﻴﻬﺎ .. ﺍﻟﺤﻠﻚ ﻣﺪﻣﻪ ..
ﻫﻮﻩ ﺍﺑﺘﺴﻢ ﻭﺩﻧﻚ .. ﻛﻠﺖ ﺑﻜﻠﺒﻲ ﺧﺮﺏ ﺑﻬﺒﻞ .. ﺍﻧﻲ ﻣﺎﻛﻠﻪ ﻃﻦ ﻛﺘﻞ ﻭﺍﻟﻨﺎﺱ ﻋﺒﺎﻟﻬﺎ ﺷﺎﺑﻌﻪ 💏 ﺧﺨﺨﺨﺦ ..
ﺑﺎﻭﻋﺖ ﺍﻟﺒﻜﺮ .. ﻋﺎﻗﺪ ﺣﺎﺟﺒﻪ ﻣﺎ ﻋﺎﺟﺒﻪ ﺷﻲ ﺍﻟﺨﻔﺎﺵ .. ﺍﺟﺖ ﺭﻧﺎ .. ﻭﺟﺎﺑﺘﻠﻪ ﺍﻻﻛﻞ .. ﻛﺎﻟﻬﺎ ﻋﻤﻪ ﺗﻔﻀﻠﻲ .. ﻛﺎﻟﺘﻠﻪ ﻻ ﻭﺍﻟﻠﻪ ﻣﺘﻌﺸﻴﻦ ..
ﻛﺎﻟﺖ ﺭﻧﺎ .. ﺳﻤﺮ ﺑﺲ ﺟﻴﺒﻲ ﻣﻲ ﻟﺒﻜﺮ ﻧﺴﻴﺖ ﺍﺟﻴﺒﻠﻪ .. ﻛﺘﻠﻬﺎ ﺍﻱ . ﻭﻛﻤﺖ ﻛﻮﻩ ﻣﻦ ﺭﺟﻠﻲ .. ﺗﻮﺟﻌﻨﻲ .. ﻛﺎﻟﺖ ﻋﻤﺘﻪ ﻫﺎﺍﺍ ﺷﺒﻴﺞ ﺷﻮ ﺗﻌﺮﺟﻴﻦ ..
ﺟﺎﻱ ﺍﺣﺠﻲ .. ﺑﻜﺮ ﺳﺒﻘﻨﻲ .. ﻛﺎﻝ ﻫﺎﻱ ﺛﻮﻟﻪ .. ﻛﻞ ﺷﻮﻱ ﻣﺠﺒﻮﺣﻪ .. ﻭﻗﺒﻞ ﺷﻮﻱ ﻫﻢ ﺗﺰﺣﻠﻜﺖ ﺑﺎﻟﺤﻤﺎﻡ ..
ﻛﺎﻟﺖ ﺍﻱ ﻫﻴﻪ ﻫﺎﻱ ﻧﺘﺎﺋﺞ ﺍﻟﻴﺴﺒﺢ ﻫﻮﺍﻱ ﻻﺯﻡ ﻳﺘﺰﺣﻠﻚ .. ﺧﻒ ﻋﻠﻴﻬﺎ ﺍﺑﻮ ﺍﻟﻌﺪﺍﻟﻪ ﻻ ﻳﺮﻭﺡ ﺻﺒﻎ ﺍﻟﺒﻨﻴﻪ .. . ﻭﺗﻐﻤﺰ ﻟﻌﺎﺩﻝ .. ﻋﺎﺩﻝ ﺿﺤﻚ ﺑﺼﻮﺕ ﻋﺎﻟﻲ .. ﺑﻜﺮ ﻋﻘﺪ ﺣﺎﺟﺒﻪ ﻭﺿﺎﺝ ..
ﺭﺣﺖ ﺟﺒﺘﻠﻪ ﻣﻲ .. ﻭﺧﻠﻴﺘﻪ ﻳﻤﻪ .. ﻛﻌﺪﺕ .. ﻳﻢ ﻋﺎﺩﻝ .. ﻋﺎﺩﻝ ﺭﻓﻊ ﺭﺍﺳﻪ ﺑﺘﻜﺒﺮ .. ﻭﺧﻠﻪ ﺍﻟﻤﺨﺪﻩ ﺑﻴﻨﺎﺗﻨﻪ .. ﻭﺍﻧﺘﺠﻪ ﻋﻠﻴﻬﺎ ..
ﺑﻘﻮ ﻳﺴﻮﻟﻔﻮﻥ .. ﺍﻧﻲ ﻛﻞ ﻋﻴﻮﻧﻲ ﻋﻠﻰ ﻋﺎﺩﻝ .. ﺍﺗﻤﻨﻰ ﺍﻛﺴﺒﻪ ﺍﻟﻴﻪ ﻭﻧﺮﺟﻊ ﻭﻛﺄﻧﻮ ﻣﺼﺎﻳﺮ ﺷﻲ .. ﺑﺲ ﻫﻮﻩ ﻣﻮ ﻧﺎﻭﻱ ﻳﻨﺴﻰ ..
ﺍﻭ ﻻﻥ ﺍﻟﺤﺎﺩﺛﻪ ﺑﻌﺪﻫﺎ .. ﺟﺪﻳﺪﻩ .. ﻭﻳﺮﺍﺩﻟﻪ ﻭﻗﺖ .. ﻣﺎ ﺍﻋﺮﻑ .. ﺍﺻﺒﺮ ﺷﺴﻮﻱ .. ﻛﺎﻣﺖ ﻋﻤﺘﻪ ﺍﺗﺮﺧﺼﺖ .. ﺍﺗﻘﺮﺑﺖ ﻣﻨﻲ ﻭﺧﻠﺖ ﺑﻴﺪﻱ ﺿﺮﻑ ﻭﺻﻠﺔ ﺍﻟﻌﺮﺱ ..
ﻭﺑﺎﺭﻛﺘﻠﻨﻪ ﻣﺮﻩ ﺛﺎﻧﻴﻪ ﻭﻛﺎﻣﻮ ﻃﻠﻌﻮ .. ﺍﻧﻲ ﺭﺣﺖ ﻟﻠﻐﺮﻓﻪ ﻓﺘﺤﺖ ﺍﻟﻀﺮﻑ .. ﺟﺎﻧﺖ ﺑﻴﻪ ﻭﺭﻗﻪ ..$100
ﺿﻤﻴﺘﻬﺎ ﺑﺎﻟﻜﻨﺘﻮﺭ .. ﻭﻛﻌﺪﺕ .. ﺍﺟﻪ ﻋﺎﺩﻝ ﻛﺎﻝ ﻛﻮﻣﻲ ﺳﻮﻳﻠﻲ ﺟﺎﺟﻴﻚ .. ﻛﺘﻠﻪ ﺷﻨﻮ .. ﻛﺎﻝ ﺟﺎﺟﻴﻚ .. ﺧﻴﺎﺭ ﻭﻟﺒﻦ ﻣﺘﻌﺮﻓﻴﻦ ..
ﻛﺘﻠﻪ ﻫﺎﺍ .. ﺍﻱ .. ﻛﻤﺖ .. ﻟﻠﻤﻄﺒﺦ ﺛﺮﻣﺖ ﺍﻟﺨﻴﺎﺭ .. ﻭﺧﻠﻴﺖ ﺍﻟﻠﺒﻦ ﻋﻠﻴﻪ ﻭﺧﻠﻴﺘﻬﺎ ﺑﺼﻴﻨﻴﻪ ﺯﻏﻴﺮﻩ ﻭﺍﺧﺬﺗﻬﺎ .. .. ﻭﻭﺩﻳﺘﻪ ﻟﻌﺎﺩﻝ .. ﻟﻜﻴﺘﻪ ﻣﻄﻠﻊ ﺍﻟﻀﺮﻑ ﻣﺎﻝ ﺍﻟﻔﻠﻮﺱ ..
ﺷﺎﻓﻨﻲ .. ﺿﻢ ﺍﻟﻔﻠﻮﺱ ﺑﺠﻴﺒﻪ .. ﻣﻬﺘﻤﻴﺖ .. ﺧﻠﻴﺖ ﺻﻴﻨﻴﺔ ﻋﻠﻤﻴﺰ .. ﻛﺎﻝ ﺷﻨﻮ ﻫﺎﻱ .. ﻛﺘﻠﻪ ﺷﻨﻮ .. ﻛﺎﻝ ﺣﻈﺮﻳﻠﻲ ﺍﻟﻄﺎﻭﻟﻪ .. ﺗﺤﻈﻴﺮ ﻣﺎﻝ ﺍﻭﺍﺩﻡ ﺍﺭﻳﺪ ﺍﺧﺬ ﺭﺍﺣﺘﻲ ..
ﻋﺮﻓﺘﻪ ﻳﺮﻳﺪ ﺍﺣﻈﺮﻟﻪ ﻣﻴﺰ ﺷﺮﺏ .. ﺭﻓﻌﺖ ﺭﺍﺳﻲ ﻟﻠﺴﻤﺎ .. ﻭﻛﺘﻠﻪ ﺭﺏ ﺳﺎﻣﺤﻨﻲ .. ﻣﺠﺒﻮﺭﻩ ﺍﺳﻮﻱ ﻫﻠﺸﻲ ..
ﺣﻈﺮﺗﻠﻪ ﺍﻟﻤﻴﺰ .. ﻛﺎﻝ ﻃﻠﻌﻲ ﺍﻟﺸﺮﺏ ﻣﻦ ﺍﻟﺜﻼﺟﻪ ﻭﺍﻟﺜﻠﺞ .. ﻃﻠﻌﺖ .. ﻭﺧﻠﻴﺘﻬﺎ .. ﻛﻮﻩ ﺍﺟﺮ ﺑﺮﺟﻠﻲ ..
ﻛﻌﺪ ﻫﻮﻩ ﻛﺎﻡ ﻳﺸﺮﺏ .. ﻭﻳﺒﺎﻭﻉ ﻟﻠﺘﻠﻔﺰﻳﻮﻥ .. ﻭﻣﻄﻠﻊ ﺍﻏﺎﻧﻲ .. ﻋﻔﺘﻪ ﻭﺍﻧﺘﺒﻬﺖ ﻟﻠﻤﻮﺑﺎﻳﻞ .. ﻛﻤﺖ ﺍﻟﻌﺐ ..
.
ﺍﻛﻮ ﻟﻌﺒﻪ ﺑﺎﻟﺠﻮﺍﻝ ﺟﺎﻧﺖ .. ﺍﻟﺒﺤﺚ ﻋﻦ ﺍﻟﺠﻮﺍﻫﺮ .. ﺑﻴﻬﺎ ﻣﺮﺍﺣﻞ ﻣﺘﻌﺪﺩﻩ . ﺻﺎﺭ ﺍﺷﻬﺮ ﺑﻴﻬﺎ ﻭﻣﻤﻜﻤﻠﺘﻬﺎ .. ﺍﻟﺘﻬﻴﺖ ﺍﺧﻠﺺ ﻭﻗﺖ ﺑﻴﻬﺎ ..
ﻣﺎ ﺍﺣﺲ ﺍﻻ ﻋﺎﺩﻝ .. ﺿﺮﺑﻨﻲ ﺑﺤﺰﺍﻣﻪ ﺣﻴﻞ ﻋﻠﻰ ﺭﺟﻠﻴﻪ ﻛﻤﺰﺕ .. ﻛﻤﺘﺖ ﺍﺑﺎﻭﻋﻠﻪ ﺍﻟﻌﻴﻮﻥ ﺣﻤﺮ .. ﺧﻔﺖ ﻣﻨﻪ ..
ﻛﺎﻡ ﻳﺤﺠﻲ ﻭﻛﻼﻣﻪ ﺛﻜﻴﻞ .. ﻛﺎﻝ ﻭﻳﺎﻣﻦ ﺧﺮﺑﻄﺘﻲ .. ﻭﺑﻘﻰ ﻳﻔﺸﺮ .. ﺍﻧﻲ ﺑﺲ ﺍﻟﺨﻮﻑ ﺑﻜﻠﺒﻲ .. ﻛﺘﻠﻪ ﻭﺍﻟﻠﻪ ﻣﺤﺪ ﻟﺰﻣﻨﻲ ﺑﺤﻴﺎﺗﻲ ﻏﻴﺮﻙ ..
ﻛﺎﻝ ﻫﺬﺍ ﺍﻟﻜﻼﻡ ﻣﺸﻲ ﻋﻠﻰ ﺑﻜﺮ ﻣﻮ ﻋﻠﻴﻪ .. ﺍﺫﺍ ﻫﻮﻩ ﺻﺪﻙ ﺍﻧﻲ ﻣﻮ ﻃﻨﻄﻞ ﻣﺜﻠﻪ ﻭﺍﺻﺪﻙ .. ﻳﺤﺠﻲ ﻭﻛﻮﻩ ﻳﻄﻠﻊ ﺍﻟﻜﻠﻤﻪ ..
ﻛﺘﻠﻪ ﻋﺎﺩﻝ ﺑﺲ ﺍﻫﺪﺉ .. ﺿﺮﺑﻨﻲ ﺣﺰﺍﻡ .. ﻋﻠﻰ ﺯﻧﺪﻱ .. ﺍﺗﻘﺮﺑﺖ ﻣﻨﻪ .. ﻟﺰﻣﺘﻪ ﻣﻦ ﺍﻛﺘﺎﻓﻪ ﻓﺪﻭﻩ ﻋﺎﺩﻝ ﺑﺲ ﺍﺳﻤﻌﻨﻲ ..
ﺻﺎﺡ ﻭﺧﺮﻱ ﻣﻨﻲ ﻟﺞ .. ﻭﺩﻓﻌﻨﻲ ﻋﻠﺴﺮﻳﺮ ﻭﺻﻌﺪ ﻓﻮﻛﺎﻱ .. ﻟﺰﻣﻨﻲ ﻣﻦ ﺭﻛﺒﺘﻲ ﻭﻳﺨﻨﻚ ﺑﻴﻪ ..
ﻭﻳﺼﺮﺥ .. ﻣﺎ ﺍﺣﺒﺞ ﺍﻧﺘﻲ ﺑﻠﻮﻩ ﻭﻭﻛﻌﺘﻲ ﻓﻮﻙ ﺭﺍﺳﻲ .. ﻣﺎﺍﺍﺍﺍﺍﺍﺍ ﺍﺭﻳﺪﺝ ﻣﻮﺗﻲ ﺧﻠﺼﻴﻨﻲ ﻣﻮﺗﻲ .. ﺍﺧﺘﻨﻜﺖ ﻭﺍﻧﻲ ﺍﺣﺎﻭﻝ ﺍﻭﺧﺮ ﺍﺩﻳﻪ ﻣﻨﻲ ..
ﺑﻘﻴﺖ ﺑﺲ ﺍﺭﻓﺲ ﺟﻮﺍﻩ .. ﻣﺜﻞ ﺳﻤﻜﻪ ﻣﻄﻠﻌﻴﻬﺎ ﻣﻦ ﺍﻟﻤﻲ .. ﺑﺲ ﺍﺭﻳﺪ ﺍﺷﺘﻢ ﺍﻟﻬﻮﻱ .. ﻭﻛﻮﻩ ﺍﺗﻠﻔﻆ ﻋﺎﺍﺍﺍ ﻋﺎﺩﺩﺩﻝ ..
ﺑﻘﻴﺖ ﺍﺯﻟﻎ ﺑﻜﺘﻔﻪ ﺣﻴﻞ .. ﻭﺧﺮ ﻭﺑﻘﻰ ﻳﻀﺮﺑﻨﻲ ﺭﺍﺷﺪﻳﺎﺕ .. ﻭﺍﻧﻲ ﺑﺲ ﺍﺭﻳﺪ ﺍﺗﻨﻔﺲ .. ﺍﻧﻮﺏ ﻫﻢ ﻛﺎﻡ ﻋﻠﻴﻪ ﺿﺮﺏ ﻭﺩﻓﺮﺍﺕ .. ﺑﺮﺟﻠﻪ ..
ﺍﻧﻮﺏ ﻛﺎﻡ ﻧﺰﻉ ﻗﻤﻴﺼﻪ .. ﻭ ﻳﻌﺾ ﺑﺠﺴﻤﻲ .. ﺍﺣﺲ ﺭﻭﺣﻲ ﺷﺎﻃﺖ ﻣﻦ ﺍﻻﻟﻢ .. ﺣﺎﻭﻝ ﻳﺘﻘﺮﺑﻠﻲ .. ﻭﺍﻧﻲ ﺍﺑﻌﺪ ﺑﻴﻪ .. ﻭﻫﻮﻩ ﻳﻀﺮﺏ ..
ﻭﻻﺯﻣﻨﻲ ﻣﻦ ﺷﻌﺮﻱ .. ﺩﻓﻌﺘﻪ ﻛﻮﻩ .. ﻭﻛﻊ ﻋﻠﺴﺮﻳﺮ ﻭﻣﺸﺎﻝ ﻧﻔﺴﻪ .. ﺷﺮﺩﺕ ﺑﺮﻩ ﺍﻟﻐﺮﻓﻪ .. ﻛﻌﺪﺕ ﻋﻠﺪﺭﺝ ﺍﻇﻠﻢ .. ﺑﻘﻴﺖ ﺍﺑﺠﻲ ﺑﺨﻨﻜﻪ .. ﻭﺑﺪﻭﻥ ﺻﻮﺕ ..
ﺍﻧﻲ ﺍﻟﻠﻲ ﺧﻠﻴﺖ ﻧﻔﺴﻲ ﺑﻬﻠﻤﻮﻗﻒ .. ﺍﻧﻲ ﺍﻟﻠﻲ ﺳﻮﻳﺖ ﺑﺮﻭﺣﻲ ﻫﺸﻜﻞ .. ﺍﻧﻲ ﺍﻟﻠﻲ ﺩﻣﺮﺕ ﻧﻔﺴﻲ ﺑﻨﻔﺴﻲ ..
ﺍﻟﻠﻪ ﻳﻤﻮﺗﻨﻲ ﻭﺍﺧﻠﺺ .. ﺍﻟﻠﻪ ﻳﺎﺧﺬﻧﻲ ﻭﺍﺭﺗﺎﺡ .. ﺍﺧﺨﺨﺨﺦ ﺭﺑﻲ ﺍﺧﺦ ﻭﺍﻟﻠﻪ ﺑﻌﺪ ﻣﺎﺑﻴﻪ ﺍﺗﺤﻤﻞ ﻣﻠﻴﺖ ﺍﺧﺬﻧﻲ ﻭﺧﻠﺼﻨﻲ ..
ﺍﺣﺠﻲ ﻫﻤﺲ .. ﻭﺍﻧﻲ ﺭﺍﻓﻌﻪ ﺭﺍﺳﻲ .. ﻟﻠﺴﻤﻪ .. ﺩﺍ ﺍﻋﺎﺗﺐ ﺑﺮﺑﻲ .. ﺻﺎﺭ ﺑﻜﺮ ﻓﻮﻙ ﺭﺍﺳﻲ ..
ﺑﻜﺮ .. ﺭﺩﺕ ﺍﻃﻠﻊ ﺑﺮﺍ ﻋﻠﻤﻮﺩ ﺍﻻﺗﺼﺎﻝ ﻛﻮﻩ ﺍﺳﻤﻊ ﺑﺎﻟﻐﺮﻓﻪ .. ﺧﻠﺼﺖ .. ﺍﺳﻤﻊ ﺻﻮﺕ ﺷﻬﻜﺎﺕ ..
ﺍﺗﻘﺮﺑﺖ ﻳﻢ ﺍﻟﺪﺭﺝ .. ﺍﻟﺪﺭﺝ ﻣﺎﺑﻴﻪ ﺿﻮﻩ ﺍﺿﻠﻢ .. ﺑﺲ ﺍﻋﺮﻓﺖ ﻫﺎﻱ ﺳﻤﺮ .. ﻛﺘﻠﻬﺎ ﺷﺠﺎﻱ ﺗﺴﻮﻳﻦ ﻫﻨﺎ ..
ﺳﻤﻌﺖ ﺷﻬﻜﺎﺗﻬﺎ ﻭﻫﻴﻪ ﺗﻄﻠﻊ ﻣﻨﻬﺎ .. ﻭﺗﺤﺎﻭﻝ ﺗﻜﺘﻢ .. ﺩﻣﻮﻋﻬﺎ .. ﺗﺨﺒﻠﺖ .. ﺟﺮﻳﺘﻬﺎ ﺑﺴﺎﻉ .. ﻛﺘﻠﻬﺎ ﺷﺒﻴﻴﻴﻴﺞ ..
ﻫﻴﻪ ﺗﺸﻬﻚ ﻭﻛﻮﻩ ﺗﻄﻠﻊ ﺍﻟﻜﻠﻤﻪ ﻣﺎﺑﻴﻪ ﺷﻲ .. ﺟﺮﻳﺘﻬﺎ ﻟﻠﻐﺮﻓﻪ .. ﻛﺎﻣﺖ ﺗﺴﺘﺮ ﺑﺜﻮﺑﻬﺎ ﻣﻨﻲ .. ﻣﺸﻜﻮﻙ ..
ﺍﺑﻮﻉ ﻟﺮﻛﺒﺘﻬﺎ ﻭﺷﻔﺎﻳﻔﻬﺎ .. ﺗﺠﺮﻱ ﺩﻡ .. ﻛﺘﻠﻬﺎ ﻫﺬﺍ ﻋﺎﺩﻝ ﻣﺴﻮﻱ ﺑﻴﺞ ﻫﺸﻜﻞ .. ﺩﻧﻜﺖ ﺗﺒﺠﻲ .. ﻛﺘﻠﻬﺎ ﺑﺴﻴﻄﻪ ..
ﻛﻤﺖ ﻟﺰﻣﺖ ﺍﻳﺪﻱ .. ﻛﺎﻟﺖ ﺑﻜﺮ ﻻ ﺗﺄﺫﻱ .. ﺳﻜﺮﺍﻥ ﻣﺎﻳﻌﺮﻑ ﺷﺪﻳﺴﻮﻱ ﻋﻮﻓﻪ .. ﺳﺤﺒﺖ ﺍﻳﺪﻱ ﺑﻌﺼﺒﻴﻪ ﻭﻃﻠﻌﺖ ..
ﻟﻜﻴﺘﻪ ﻣﺘﻤﺪﺩ ﻋﻠﺴﺮﻳﺮ .. ﻭﻓﺎﺗﺢ ﺍﺩﻳﻪ .. ﺿﺮﺑﺘﻪ ﺭﺟﻞ .. ﻛﻤﺰ .. ﻟﺰﻣﺘﻪ ﻭﺟﺮﻳﺘﻪ .. ﻛﺎﻡ ﻳﺪﻓﻊ ﻭﻳﻐﻠﻂ ﻭﻳﻜﻮﻝ ﻋﻮﻓﻨﻴﻴﻴﻲ ..
ﺿﺮﺑﺘﻪ ﺭﺍﺷﺪﻱ ﻭﺩﺧﻠﺘﻪ ﻟﻠﺤﻤﺎﻡ .. ﻭﺷﻐﻠﺖ ﺍﻟﺪﻭﺵ ﻓﻮﻛﺎﻩ .. ﻭﺷﻠﺖ ﺳﻄﻞ ﻣﻲ ﻭﺷﻤﺮﺗﻪ .. ﺑﻘﻰ ﻳﺼﻴﺢ ..
ﺿﺮﺑﺘﻪ .. ﺭﺟﻊ ﺿﺮﺑﻨﻲ .. ﻛﺘﻠﻪ ﻛﻠﺐ ﻭﺑﻴﻚ ﺧﻴﺮ ﺗﻤﺪ ﺍﻳﺪﻙ ﻋﻠﻴﻪ .. ﻟﺰﻣﺘﻪ ﺑﻮﻛﺴﻴﺎﺕ .. ﺑﺎﻟﺤﻤﺎﻡ ..
ﺍﺟﺖ ﺍﻣﻲ ﺗﺮﻛﺾ ﻭﺗﺼﻴﺢ ﻳﻤﻪ ﻭﻟﺪﻱ ﺗﺬﺍﺑﺤﻮ ﻳﻤﻪ .. ﺍﻟﻠﻪ ﻻ ﻳﻨﻄﻴﺞ ﺳﻤﺮ .. ﻭﺗﺪﻋﻲ ﻭﺗﺒﻌﺪ ﺑﻴﻨﺎﺗﻨﺎ .. ﺍﺑﺘﻌﺪ ﻭﺍﻧﻲ ﺍﺻﻴﺢ ﻋﻠﻴﻪ .. ﺳﺴﺴﺴﺴﺴﻜﻂ .. ﻧﻌﻠﻠﻠﻠﻞ ..
ﻭﺍﻟﻠﻪ ﺍﺫﺍ ﺣﺴﻴﺖ ﺑﻴﻚ ﺗﺸﺮﺏ ﺑﺎﻟﺒﻴﺖ .. ﻋﺘﺒﺖ ﺍﻟﺒﺎﺏ ﻣﻄﺨﻬﺎ ﻓﻬﻤﺘﺘﺘﺖ .. ﻭﻫﺎﻱ ﺳﻤﺮ .. ﻟﻮ ﻟﺰﻣﺖ ﺷﻌﺮﻩ ﻣﻨﻬﺎ ﺍﺣﺮﻛﻚ ﺍﻧﺘﻪ ﻭﺍﻟﺠﺎﺑﻚ ﺍﻓﺘﻬﻤﺘﺘﺖ .. ﻛﻤﺖ ﺍﺻﺮﺥ
ﺑﻘﻰ ﻳﻐﻠﻂ ﻭﻳﺒﺠﻲ .. ﻭﺍﻣﻲ ﻭﺍﻛﻔﻪ ﺳﺪ ﺑﻴﻨﺎﺗﻨﺎ .. ﻃﻠﻌﺖ ﻟﻜﻴﺖ ﺳﻤﺮ .. ﻭﺍﻛﻔﻪ ﻭﺗﺒﺠﻲ .. ﺍﺧﺬﺕ ﺍﻳﺪﻫﺎ .. ﺑﻌﺪﺕ ﺍﻳﺪﻫﺎ ﻣﻨﻲ ..
ﺳﻤﺮ .. ﻛﺘﻠﻚ ﻟﺘﺄﺫﻱ .. ﺷﺴﻮﻳﺖ ﺑﻴﻪ ﻟﻴﺶ ﻫﺸﻜﻞ ﺻﻴﺤﺖ ﻋﻠﻴﻪ .. ﺟﺮ ﺍﻳﺪﻱ ﺣﻴﻞ ﻭﺩﺧﻠﻨﻲ ﻟﻐﺮﻓﺘﻪ .. ﻭﻭﻛﻒ ﻛﺒﺎﻟﻲ ﻭﻛﺎﻝ ﻣﺎ ﺍﺗﺤﻤﻞ ﻳﺄﺫﻳﺞ ﻓﻬﻤﺘﻲ ..
ﻣﺎ ﺍﺗﺤﻤﻞ ﻳﺘﻘﺮﺏ ﻣﻨﺞ .. ﺍﺣﺮﻛﻪ ﺣﺮﻙ ﺍﻧﺘﻲ ﻭﻳﺎﻩ .. ﺑﻘﻴﺖ ﺻﺎﻓﻨﻪ ﺑﻮﺟﻬﺎ .. ﻭﻫﻮﻩ ﻳﺤﺠﻲ ﺑﻌﺼﺒﻴﻪ … ﻳﺘﺒﻊ
🌺🌺🌺🌺
ﺷﺮﺍﻳﻜﻢ ﺍﺑﻜﺮ .. ﻭﺷﺮﺍﻳﻜﻢ ﺑﺤﺒﻪ .. ﻭﺷﺘﻌﺘﻘﺪﻭﻥ .. ﻫﻞ ﻟﻠﺤﺐ ﻫﺬﺍ ﺳﺒﻴﻞ .. ﻣﻤﻜﻦ ﻳﻨﺸﻖ ﻃﺮﻳﻘﻪ ..
ﻣﺘﺎﺑﻌﻪ ﺷﻴﻘﻪ ..
ﺗﻘﻴﻴﻢ التطبيق ﻓﻀﻼ ﻭﻟﻴﺲ ﺍﻣﺮﺍ .. ﻟﺤﺘﻰ ﻳﻘﻮﻩ ﻭﻧﺴﺘﻤﺮ ﻭﻳﺎﻛﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء