رواية حكاية سمر ج1 الجزء السابع عشر
للكاتبة زينب ماجد
🌿🌿🌿🌿
ﻣﺪﻳﺖ ﻣﻮﺑﺎﻳﻠﻲ .. ﺩﺍ ﺍﺧﺎﺑﺮ ﺑﻜﺮ .. ﻣﺎ ﺍﺣﺲ ﺍﻻ ﺍﻧﺠﺮﺕ ﺍﻳﺪﻱ .. ﺍﺑﺎﻭﻉ ﻋﺎﺩﻝ .. ﺍﺧﺬ ﺍﻟﻤﻮﺑﺎﻳﻞ ﻣﻨﻲ ..
ﺍﺣﺲ ﺩﻣﻲ ﻧﺸﻒ .. ﻛﺎﻟﺘﻠﻪ ﺍﻧﻤﺎﺭ ﺭﺍﺡ ﻧﻮﺻﻠﻬﺎ ﺑﻄﺮﻳﻘﻨﺎ .. ﻛﺎﻟﻠﻬﺎ ﺍﻧﻲ ﺯﻭﺟﻬﺎ ﺍﻧﻲ ﺍﻭﺻﻠﻬﺎ .. ﻭﺟﺮﻧﻲ ﻣﻦ ﺍﻳﺪﻱ ﻭﻣﺸﺎ ..
ﻛﺘﻠﻪ ﻋﺎﺩﻝ ﺍﻭﻛﻒ ﻋﺎﺩﻝ .. ﻟﺤﻈﻪ ﺷﺒﻴﻚ .. ﺩﺍﺭ ﻋﻠﻴﻪ ﻭﺟﻬﺎ .. ﻭﺻﺮﺥ ﺍﻣﺸﻲ ﺷﺒﻴﺞ .. ﻛﺘﻠﻪ ﻣﻨﺎ ﺍﻟﻄﻼﺏ ﻭﺍﻟﻨﺎﺱ ..
ﺍﺧﺬ ﺍﻳﺪﻱ ﻭﺻﻌﺪﻧﻲ ﺍﻟﺴﻴﺎﺭﻩ ﻟﻬﻨﺎﻙ ﻭﻧﺰﻝ .. ﻛﺘﻠﻪ ﻭﻳﻦ ﺭﺍﻳﺢ .. ﻛﺎﻝ ﺷﺒﻴﺞ ﻣﺎ ﺍﺫﻳﺞ ﺑﺲ ﺍﺣﺠﻲ ﻭﻳﺎﺝ ..
ﻛﺘﻠﻪ ﺍﻭﻙ .. ﻣﺸﻴﻨﻪ ﺩﺧﻠﻨﻪ ﻣﻄﻌﻢ .. ﻛﻌﺪ ﻛﺒﺎﻟﻲ .. ﻭﺍﻧﻲ ﺍﻳﺪﻱ ﺗﺮﺟﻒ .. ﻭﺟﻬﻲ ﺍﺻﻔﺮ ﺻﺎﺭ ﻣﻦ ﺍﻟﺨﻮﻑ ..
ﻛﻌﺪ ﻛﺒﺎﻟﻲ .. ﻛﺎﻝ ﺷﺒﻴﺞ ﻛﺘﻠﺞ ﺑﺲ ﺍﺭﻳﺪ ﺍﺣﺠﻲ ﻭﻳﺎﺝ ﻣﺮﺍﺡ ﺍﺋﺬﻳﺞ .. ﻣﺪ ﺍﺩﻳﻪ ﻭﻟﺰﻡ ﺍﺩﻳﻪ .. ﺟﺮﻳﺖ ﺍﻳﺪﻱ ﻣﻨﻪ ﺑﺨﻮﻑ ..
ﻛﺘﻠﻪ ﺷﺮﺍﻳﺪ .. ﻛﺎﻝ ﺳﻤﺮ ﺗﻌﺒﺖ ﻭﺍﻟﻠﻪ ﺗﻌﺒﺖ .. ﻭﺧﻠﻪ ﺍﺩﻳﻪ ﻋﻠﻰ ﺭﺍﺳﻪ ﻭﻳﺤﻚ ﻭﻳﻤﺴﺢ ﺑﻮﺟﻬﺎ ..
ﻛﺘﻠﻪ ﻟﻴﺶ ﺷﺒﻴﻚ .. ﻛﺎﻝ ﺣﺎﻟﻲ ﻣﻦ ﺍﺳﻮﺀ ﺍﻟﻰ ﺍﺳﻮﺀ .. ﺣﻨﻴﻦ ﻋﺪ ﺍﻫﻠﻬﺎ ﺻﺎﺭ ﺷﻬﺮ ﻭﺍﻧﻲ ﻣﺘﺸﺮﺩ ﺍﺑﻴﺖ ﻋﻤﻲ ..
ﻭﺷﻐﻠﻲ ﻓﺼﻠﻮﻧﻲ ﻣﻨﻪ .. ﺗﻌﺮﻓﻴﻦ ﻛﻮﻩ ﺟﺎﻱ ﺍﻃﻠﻊ ﻓﻠﻮﺱ ﺑﺎﻛﻴﺖ ﺟﻜﺎﻳﺮﻱ ﻭﺍﻟﻠﻪ .. ﺗﻌﺒﺖ ﺣﻴﻞ ..
ﺍﺣﺮﻙ ﺭﻭﺣﻲ ﻭ ﺍﻃﻠﻊ ﺣﻤﺎﻝ ﺑﺎﻟﻌﻠﻮﻩ ﺑﻠﻜﺖ ﺍﺣﺼﻞ ﻛﻢ ﻓﻠﺲ ﺍﻋﻴﺶ ﺑﻴﻪ ﻳﻮﻣﻲ .. ﺗﻌﺒﺖ ﻭﺑﻜﺮ ﻣﻮ ﺭﺍﺿﻲ ﺍﺭﺟﻊ ﻟﻠﺒﻴﺖ ..
ﻛﺘﻠﻪ ﻭﻟﻴﺶ ﻣﺎ ﺣﺠﻴﺖ ﻭﻳﻪ ﻋﻤﺘﻲ ﻟﻴﺶ ﻭﻳﺎﻳﻪ .. ﻛﺎﻝ ﺣﺠﺖ ﻭﻳﻪ ﺍﻣﻲ ﻣﻘﺎﺑﻞ ﺍﺭﺟﻊ ﺍﻻ ﺍﺭﺟﻊ ﺍﻝ 10 ﻣﻼﻳﻴﻦ ﺍﻟﻠﻲ ﺍﻧﻄﺎﻧﻴﺎﻫﻦ ..
ﻛﺘﻠﻪ ﺯﻳﻦ ﺍﻧﻲ ﺷﻠﻮﻥ ﺍﻛﺪﺭ ﺍﻗﻨﻌﻪ ﻫﻮﺍﻱ ﺣﺠﻴﺖ ﻭﻳﺎﻩ ﻭﻣﺎ ﻗﻨﻊ .. ﻛﺎﻝ ﺣﺎﻭﻟﻲ ﺭﺍﺡ ﻳﻘﻨﻊ ﻣﻨﺞ ﻭﺍﻟﻠﻪ ..
ﻛﺘﻠﻪ ﻭﻟﻴﺶ ﻳﻘﻨﻊ ﻣﻨﻲ .. ﺷﻌﻨﺪﻱ ﻭﻳﻪ ﺑﻜﺮ ﺍﻧﻲ .. ﻋﺎﺩﻝ ﺍﻟﻜﻼﻡ ﺍﻟﻄﻠﻌﺘﻪ ﻋﻠﻴﻪ ﻋﻴﺐ .. ﻛﺎﻝ ﺍﺩﺭﻱ ﻭﺍﻟﻠﻪ ﺍﺩﺭﻱ ﺑﻴﺞ ﻣﺎ ﻋﻨﺪﺝ ﺷﻲ ﻭﻳﺎﻩ ..
ﺑﺲ ﺍﻫﺘﻤﺎﻣﻪ ﺑﻴﺞ ﻭﻣﺪﺍﻓﻌﺘﻪ ﻋﻨﺞ ﺗﻀﺎﻳﻘﻨﻲ .. ﻛﺘﻠﻪ ﻻﻥ ﻳﺸﻮﻓﻨﻲ ﻣﺎ ﺍﻟﻲ ﺍﺣﺪ ﻭﺍﻧﺘﻪ ﻣﺴﺘﻀﻌﻔﻨﻲ ﻭﺗﻌﺮﻑ ﺑﻜﺮ ﻣﺎ ﻳﻘﺒﻞ ﺑﺎﻟﻈﻠﻢ .. ﻭﺍﻧﺖ ﻇﺎﻟﻢ ﻳﺎ ﻋﺎﺩﻝ ..
ﻋﺎﺩﻝ .. ﻋﻮﻓﻴﻨﻪ ﻣﻦ ﻫﻠﻜﻼﻡ ﻫﺴﻪ .. ﻛﻮﻟﻴﻠﻲ ﺷﻠﻮﻥ ﺩﺑﺮﻳﻨﻲ ..
ﺳﻤﺮ .. ﻟﻴﺶ ﺑﻄﻠﺖ ﻣﻦ ﺩﻭﺍﻣﻚ ..
ﻋﺎﺩﻝ .. ﺍﺗﻌﺎﺭﻛﺖ ﻭﻳﻪ ﻣﺪﻳﺮ ﺍﻟﺸﻐﻞ ﻭﻓﺼﻠﻮﻧﻲ ..
ﺳﻤﺮ .. ﻋﺎﺩﻝ ﻭﺗﺎﻟﻲ .. ﺗﺮﻩ ﺍﻟﺸﺮﺏ ﺍﺫﺍﻙ .. ﺑﻠﻴﻞ ﻣﺘﻌﺮﻑ ﻧﺎﺳﻚ .. ﻭﺑﺎﻟﻨﻬﺎﺭ ﻣﺴﻄﻮﺭ ﺭﺍﺳﻚ ..
ﻣﺎ ﺗﻌﺮﻑ ﺍﺭﺿﻚ ﻣﻦ ﺳﻤﺎﻙ ﻭﺗﺘﻌﺎﺭﻙ ﻭﻳﻪ ﺍﻟﺮﺍﻳﺢ ﻭﺍﻟﺠﺎﻱ ﺷﻠﻮﻥ ﺑﻴﻚ ..
ﻋﺎﺩﻝ .. ﻭﺍﻟﻠﻪ ﺻﺎﺭ ﺍﺳﺒﻮﻉ ﻣﺸﺎﺭﺏ .. ﻗﻄﺮﻩ ﻣﻤﺨﻠﻲ ﺑﺤﻠﻜﻲ ..
ﺳﻤﺮ .. ﻻﻥ ﻣﺎ ﻋﻨﺪﻙ ﻓﻠﻮﺱ ﻏﻴﻴﺮ ..
ﻋﺎﺩﻝ .. ﺗﻜﺪﺭﻳﻦ ﺗﺴﺎﻋﺪﻳﻨﻲ ﻟﻮ ﻻ ﺳﻤﺮ .. ﺗﺮﻩ ﻭﺍﻟﻠﻪ ﺗﻌﺒﺎﻥ .. ﻭﺍﻟﻠﻪ ﺷﺎﻳﻔﻪ ﻫﺬﺍ ﺍﻟﺮﺑﻊ .. ﺍﻟﺮﺑﻊ ﻣﺎ ﺍﻣﻠﻜﻪ ..
ﺳﻤﺮ .. ﻛﺘﻠﻪ ﻫﻼ ﻫﻼ ﻛﻮﻝ ﻓﻠﻮﺱ ﺍﻟﻤﻄﻌﻢ ﻋﻠﻴﻪ ..
ﺿﺤﻚ ﻛﺎﻝ ﺧﺮﺏ ﺑﻌﻘﻠﺞ ﻭﻳﻦ ﺗﻔﻜﺮﻳﻦ .. ﻃﺒﻄﺒﺖ ﻋﻠﻰ ﺍﻳﺪﻩ .. ﻛﺘﻠﻪ ﻟﺘﺨﺎﻑ ﻣﺤﻠﻮﻟﻪ ﺍﻧﺸﺎﻟﻠﻪ .. ﺑﺲ ﺍﻧﻄﻴﻨﻲ ﻣﻮﺑﺎﻳﻠﻲ
.....
ﻃﻠﻌﻪ ﻣﻦ ﺟﻴﺒﻪ .. ﻭﺍﻧﻄﺎﻧﻴﺎﻩ ﻣﻘﻔﻮﻝ .. ﻓﺘﺤﺘﻪ .. ﻭﺧﺎﺑﺮﺕ ﺑﻜﺮ .. ﺍﻟﻮﻭﻭ ﻫﺎ ﺑﻜﺮ .. ﺍﻭﻝ ﻣﺎ ﺣﺠﻴﺖ ﺻﺮﺥ ﺑﻮﺟﻬﻲ .
ﻟﻜﺮ .. ﺧﺮﻩ ﺑﻴﺞ ﻟﺞ ﺻﺪﻙ ﺗﺤﺠﻴﻦ .. ﻭﺍﻟﻠﻪ ﺩﻣﻲ ﻓﺎﺭ ﺻﺎﺭ ﺳﺎﻋﻪ ﺍﺧﺎﺑﺮ ﻭﻣﻮﺑﺎﻳﻠﺞ ﻣﻐﻠﻖ .. ﻭﺍﻧﻔﺠﺎﺭ ﺛﺎﻧﻲ ﻣﺘﺖ ﺧﻮﻑ .. ﻻ ﺍﻧﺘﻲ ﺑﻴﻪ ..
ﻛﺘﻠﻪ ﺍﻫﺪﺉ ﻳﻤﻌﻮﺩ ﺍﻫﺪﻯ .. ﺷﺒﻴﻚ . ﻛﺎﻝ ﺍﺟﻴﺖ ﻣﻴﺖ ﺍﻣﺔ ﺍﻟﺜﻘﻠﻴﻦ ﻣﻜﻠﻮﺑﻪ ﻭﺗﺎﻟﻲ ﺍﺟﻲ ﻳﻜﻠﻲ ﺍﻟﺤﺎﺭﺱ ﻃﺎﻟﻌﻪ ..
ﻭﺍﻧﻔﺠﺎﺭ ﺛﺎﻧﻲ ﺻﺎﻳﺮ .. ﻭﻃﻼﺏ ﺭﺍﺣﺖ ﺑﻴﻬﺎ .. ﻛﻠﺖ ﺭﺍﺣﺖ ﺳﻤﺮ ﻭﺍﻟﻠﻪ .. ﺿﺤﻜﺖ ﻭﻛﺘﻠﻪ ﻻ ﺍﻧﻲ ﺑﺎﻟﻤﻄﻌﻢ ..
ﻛﺎﻝ ﺑﺎﻉ ﺷﻮﻑ ﻣﻦ ﺍﻛﻮﻝ ﻓﺎﻫﻴﻪ ﻫﻠﺒﻨﻴﻪ ﻣﺤﺪ ﻳﺼﺪﻛﻨﻲ .. ﻣﺎﻝ ﺣﺮﻛﺔ ﺩﻣﻲ ﻛﻠﻬﺎ ﺍﻃﻠﻌﻬﺎ ﺑﻴﺞ ﻭﺍﻟﻠﻪ .. ﺍﺣﺮﻛﺞ ﺣﺮﻙ ..
ﺿﺤﻜﺖ ﻛﺘﻠﻪ ﺩﺗﻌﺎﻝ ﺗﻌﺎﻝ ﻣﺘﺎﻧﻴﺘﻚ ﺑﻤﻄﻌﻢ ﺍﻟﻮﺭﺩ .. ﻛﺎﻝ ﺟﺎﻱ .. ﻣﻮ ﺍﻃﻠﻌﻴﻦ ﻭﻣﺤﻤﺪ ﺍﺫﺑﺤﺞ .. ﻛﺘﻠﻪ ﻻﺍﺍ ﻣﺎ ﺍﻃﻠﻊ ﻭﺍﻟﻠﻪ ﺍﻧﺘﻀﺮﻙ ..
ﺍﺧﺬﻟﻪ ﺑﺜﻠﺚ ﺳﺎﻋﻪ ﻳﻠﻪ ﻭﺻﻞ .. ﺷﺎﻑ ﻋﺎﺩﻝ ﻛﺎﻋﺪ .. ﻛﺎﻝ ﺷﺠﺎﻱ ﻳﺼﻴﺮ ﻫﻨﺎ .. ﻛﺘﻠﻪ ﺑﻜﺮ ﺍﻛﻌﺪ ﺩﺍ ﺍﻓﻬﻤﻚ ..
ﻛﺎﻝ ﻣﺎ ﺍﺭﻳﺪ ﺍﻓﺘﻬﻢ ﺷﻲ ﺍﻣﺸﻲ .. ﻛﺘﻠﻪ ﺑﻜﺮ ﻋﺎﺩﻝ ﻧﺪﻣﺎﻥ ﻭﺟﺎﻱ ﻳﻌﺘﺬﺭ ﻣﻨﻚ .. ﻛﺎﻝ ﻳﺮﺟﻌﻠﻲ ﺍﻝ 10 ﻣﻼﻳﻴﻦ ..
ﻭﺑﻌﺪﻫﺎ ﻳﺮﺟﻊ ﻟﻠﺒﻴﺖ ﻏﻴﺮ ﻫﻴﺞ ﻟﻮ ﺍﻟﻜﻼﺏ ﺗﻨﺤﺶ ﺑﻠﺤﻤﻪ ﻣﺎ ﺍﻛﻠﺒﻪ .. ﻛﺘﻠﻪ ﺑﻜﺮ ﺑﺲ ﺍﻭﻛﻒ .. ﺍﺷﺮﺕ ﻟﻌﺎﺩﻝ ﻛﻮﻡ ..
ﻛﺎﻡ ﻋﺎﺩﻝ ﻭﻛﻒ ﻛﺪﺍﻣﻪ ﺭﺍﺩ ﻳﺤﺠﻲ ﻣﺘﺤﻤﻞ ﺍﺧﺘﻨﻚ ﺑﻌﺒﺮﺗﻪ ﻭ ﺣﻈﻦ ﺑﻜﺮ ﻭﺑﺠﻰ .. ﺑﻜﺮ ﺑﻘﻰ ﻣﺘﺠﻤﺪ .. ﻛﺎﻟﻪ ﻭﺍﻟﻠﻪ ﺍﻋﺘﺬﺭ ﺍﺫﻳﺘﻚ ﺍﺿﺮﺑﻨﻲ ﺍﺫﺑﺤﻨﻲ ﺷﺘﺮﻳﺪ ﺗﺴﻮﻱ ﺳﻮﻱ ..
ﻭﺍﻟﻠﻪ ﺗﻌﺒﺖ ﺑﻜﺮ .. ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ .. ﺷﻐﻠﻲ ﻓﺼﻠﻮﻧﻲ .. ﻣﺸﺮﺩ ﺑﺎﻟﺸﻮﺍﺭﻉ .. ﻧﺴﺎﺑﺘﻲ ﻳﺘﻌﺎﺭﻛﻮﻥ ﻭﻳﺎﻱ ﻻﻥ ﻣﺎ ﺍﻭﺩﻱ ﻟﻤﺮﺗﻲ ﻣﺼﺮﻑ
ﻭﺧﺮ ﺑﻜﺮ ﻣﻦ ﻋﻨﺪﻩ . ﻛﺎﻟﻪ ﺍﻧﺸﺎﻟﻠﻪ ﺣﻔﻈﺖ ﺍﻟﺪﺭﺱ ﺯﻳﻦ .. ﺩﻧﻚ ﺭﺍﺳﻪ ﻋﺎﺩﻝ ﻭﻣﺎ ﺣﺠﻪ .. ﺍﺧﺬ ﻧﻔﺲ ..
ﻭﻛﺎﻟﻪ ﺍﻣﺸﻲ .. ﻛﺎﻟﻪ ﻭﻳﻦ .. ﻛﺎﻝ ﻏﻴﺮ ﻟﻠﺒﻴﺖ ﻳﻌﻨﻲ ﻭﻳﻦ .. ﺍﻣﺸﻮﻭ ﻃﻠﻌﺖ ﺭﻭﺣﻲ ﺑﺎﻟﺒﺮﺩ ﻭﺍﻧﺘﻮ ﻛﺎﻋﺪﻳﻦ ﻫﻨﺎ ﺗﺎﻛﻠﻮﻥ ..
ﺿﺤﻜﺖ .. ﻭﻣﺸﻴﺖ ﻣﻨﻪ .. ﺻﻌﺪ ﻋﺎﺩﻝ ﻭﺻﻌﺪﺕ ﻭﺭﻩ .. ﻭﻣﺸﺎ ﺑﻜﺮ ﻣﺎ ﺣﺠﻪ ﺍﻱ ﺷﻲ .. ﺑﺲ ﻣﺸﻐﻞ ﻗﺮﺍﻥ ..
ﻛﺘﻠﻪ ﺍﻟﻴﻮﻡ ﻗﺮﺍﻥ .. ﻛﺎﻝ ﺧﺮﺭﺏ ﻏﻴﺮ ﺷﻔﺖ ﺍﻟﺠﺜﺚ ﻛﺒﺎﻟﻲ ﺭﺍﺣﺖ ﺭﻭﺣﻲ ﻭﺍﻟﻠﻪ ﺍﺩﻭﺭ ﻋﻠﻴﺞ ﺑﻴﻨﻬﻢ ..
ﺩﻡ ﻣﺎﺑﻘﻰ ﺑﺠﺴﻤﻲ ﻭﺍﺗﺼﻞ ﻭﺣﻈﺮﺗﺞ ﻣﺎﻛﻮ .. ﻛﺘﻠﻪ ﻭﻗﺮﺭﺕ ﺍﺗﻮﺏ ﻭﺗﺴﻤﻊ ﻗﺮﺍﻥ .. ﻛﺎﻝ ﻻ ﺑﺲ ﻫﻴﺞ ﺣﺪﺍﺩ ﻋﻠﻰ ﺭﻭﺡ ﺍﻟﺸﻬﺪﺍﺀ ..
ﻛﺘﻠﻪ ﻫﺎﺍﺍ ﺟﻴﺪ .. ﻧﺤﺠﻲ ﻭﻋﺎﺩﻝ ﺩﺍﻳﺮ ﻭﺟﻪ ﻣﺎ ﺣﺠﻪ ﻭﻳﺎﻧﻪ ﺍﺑﺪ .. ﻭﺻﻠﻨﻪ ﻟﻠﺒﻴﺖ ﺻﻒ ﺍﻟﺴﻴﺎﺭﻩ ﻭﻧﺰﻟﻨﻪ .. ﺩﺧﻠﻨﻪ ﺍﻧﻲ ﻭﻋﺎﺩﻝ ..
ﻋﻤﺘﻲ ﺷﺎﻓﺖ ﻋﺎﺩﻝ .. ﺭﻛﻀﺘﻠﻪ ﻣﻦ ﺑﺎﺏ ﺍﻟﻤﻄﺒﺦ ﻟﻠﺒﺎﺏ ﺍﻟﺼﺎﻟﻪ ﻭﺗﺤﻈﻦ ﺑﻴﻪ ﻭﺗﺒﻮﺱ .. ﻭﻫﻮﻩ ﻋﻴﻮﻧﻪ ﺍﺩﻣﻊ .. ﻭﻳﺒﻮﺱ ﺑﺮﺍﺳﻬﺎ ..
ﻛﺎﻟﺘﻠﻪ ﻫﺴﻪ ﺍﺭﺗﺎﺡ ﻛﻠﺒﻲ .. ﺩﺧﻞ ﺑﻜﺮ .. ﻛﺎﻟﻠﻬﺎ ﺧﻮ ﺑﺲ ﻫﺬﺍ ﻳﺮﻳﺢ ﻛﻠﺒﺞ ﺍﻧﻲ ﻛﺨﻪ .. ﻛﺎﻟﺘﻠﻪ ﻭﺍﻟﻠﻪ ﻳﻤﻪ ﻛﻠﻜﻢ ﻭﻟﺪﻱ
ﻣﺎ ﺍﻓﺮﻕ .. ﺑﺲ ﻏﺎﺋﺒﻬﻢ ﺣﺘﻰ ﻳﻌﻮﺩ .. ﻛﺎﻟﻠﻬﺎ ﻭﻫﺎﻱ ﻋﺎﺩ .. ﺍﺷﺒﻌﻲ ﺑﻴﻪ .. ﺣﺠﻪ ﻭﺭﺍﺡ ﻟﻐﺮﻓﺘﻪ .. ﻭﺻﺎﺡ ﺳﻤﺮ ﺻﺒﻴﻠﻲ ﺍﻛﻞ ﻣﻴﺖ ﺟﻮﻭﻉ ..
ﻛﺘﻠﻪ ﺗﺪﻟﻞ .. ﺭﺣﺖ ﺑﻤﻼﺑﺴﻲ ﺻﺒﻴﺘﻠﻪ ﻭﺭﺣﺖ ﺑﺪﻟﺖ ﻭﻧﻤﺖ .. ﻛﻌﺪﺕ ﺍﻟﻌﺼﺮ .. ﺑﻜﺮ ﻛﺎﻋﺪ ﻋﻠﺘﻠﻔﺰﻳﻮﻥ ..
ﻭﻋﺎﺩﻝ ﻳﻌﻤﺮ ﺑﻨﺮﻛﻴﻠﺘﻪ ﺑﺎﻟﻤﻄﺒﺦ .. ﺭﺣﺖ ﻟﻤﻐﺴﻠﻪ ﺍﻏﺴﻞ .. ﺍﻧﻮﺏ ﺗﻮﺟﻬﺖ ﻟﻠﻤﻄﺒﺦ .. ﻋﺎﺩﻝ .. ﻭﺍﻛﻒ ﻳﺴﻮﻱ ﺑﺎﻟﻔﻨﺠﺎﻥ
...
ﺍﺟﻪ ﺑﻜﺮ .. ﺻﺎﺡ ﻋﺎﺩﻝ .. ﺑﺎﻭﻋﻨﻪ ﺛﻨﻴﻨﻪ .. ﻛﺎﻟﻪ ﻫﺎﻙ .. ﻫﺎﻱ 500 ﺍﻟﻒ .. ﺭﺗّﺐ ﺣﺎﻟﻚ ﻭﺭﻭﺡ ﺟﻴﺐ ﻣﺮﺗﻚ ﻣﻦ ﺍﻫﻠﻬﺎ ..
ﻛﺎﻟﻪ ﻣﺸﻜﻮﺭ .. ﻣﺎ ﺍﺭﻳﺪ ﺍﻛﻠﻔﻚ ﺍﻧﻲ ﺟﺎﻱ ﺍﺩﻭﺭ ﺷﻐﻞ .. ﻛﺎﻟﻪ ﻋﻮﺩ ﺍﺳﺘﺸﺮﻓﺖ ﺑﻌﺪﻳﻦ .. ﺩﺧﺬ ﺍﺧﺬ .. ﻣﺪ ﺍﻳﺪﻩ ﻋﺎﺩﻝ .
ﺑﻜﺮ ﺿﺮﺏ ﺍﻟﻔﻠﻮﺱ ﺑﻮﺟﻪ .. ﺿﺤﻚ .. ﻭﺣﻈﻨﻪ .. ﻭﻛﺎﻟﻪ ﺳﻜﻂ ﺷﻌﻨﺪﻱ ﻏﻴﺮﻙ ﻋﺸﺮﻩ .. ﺑﺲ ﻏﻴﺮ ﺗﺤﺘﺮﻡ ﻧﻔﺴﻚ ..
ﻟﻚ ﻫﺎﻱ ﺍﺫﺍ ﻣﻮ ﻣﺮﺗﻚ ﺑﺖ ﺧﺎﻟﻚ .. ﺻﺪﻳﻘﺔ ﻃﻔﻮﻟﺘﻚ ﺷﻠﻮﻥ ﻳﻄﺎﻭﻋﻚ ﻛﻠﺒﻚ ﻫﻴﺞ ﺗﻌﺎﻣﻠﻬﺎ .. ﻛﺎﻟﻪ ﻻ ﻭﺍﻟﻠﻪ ﺑﻌﺪ ﻣﻨﺎ ﻭﺟﺎﻱ ﻣﺎ ﺍﻟﻲ ﺷﻐﻞ ﺑﻴﻬﺎ .. ﻫﻴﻪ ﺣﺮﻩ ..
ﻛﺎﻟﻪ ﻏﺼﺒﺎ ﻋﻠﻴﻚ .. ﻭﺍﻛﻮﻟﻬﺎ ﺍﻟﻚ ﺳﻤﺮ ﻣﺎ ﺍﻟﻚ ﻋﻠﻴﻬﺎ ﺍﻱ ﺣﻜﻢ .. ﺍﻣﺮﻫﺎ ﺑﺄﻳﺪﻱ ﻣﻔﻬﻮﻡ .. ﻫﺰ ﺭﺍﺳﻪ ﻭﺩﻧﻚ ..
ﻛﺎﻟﻪ ﻳﻠﻪ ﻫﺎﻙ ﻫﺬﺍ ﻣﻔﺎﺗﻴﺢ ﺍﻟﺴﻴﺎﺭﻩ ﻭﺭﻭﺡ ﺟﻴﺐ ﻣﺮﺗﻚ .. ﻛﺎﻟﻪ ﺑﺲ ﺍﺧﺬ ﺍﺭﻛﻴﻠﺘﻲ .. ﻛﺎﻟﻪ ﺍﻧﻄﻴﻨﻴﺎﻫﺎ ﺍﻟﻲ .. ﺗﻠﺤﻚ ﻋﻞ ﺍﻻﺭﻛﻴﻠﻪ ..
ﻋﺎﺩﻝ ﺍﺑﺘﺴﻢ ﻭﻛﺎﻟﻪ ﻣﺎﺷﻲ .. ﻣﺸﺎ ﻛﺎﻝ ﺷﻠﻮﻥ ﻳﻘﻬﺮﻧﻲ ﺍﻧﻜﺴﺎﺭﻩ ﺷﺼﺎﻳﺮ ﺑﻴﻪ .. ﻛﺘﻠﻪ ﺍﺣﻢ ﺍﺣﻢ ﻣﻨﻮ ﺍﻟﻜﺎﻝ ﻟﻮ ﺍﺷﻮﻑ ﺍﻟﻜﻼﺏ ﺗﻨﺤﺶ ﺑﻠﺤﻤﻪ ﻣﺎ ﺍﻛﻠﺒﻪ ..
ﺷﻮ ﻫﺴﻪ ﺍﺩﻣﻊ ﻋﻴﻮﻧﻚ ﻋﻠﻤﻮﺩﻩ .. ﺑﺎﻭﻋﻠﻲ .. ﻭﻛﺎﻝ ﺩﻧﺠﺒﻲ ﺍﻧﺠﺒﻲ .. ﺿﻠﻲ ﻧﺎﻳﻤﻪ ﺑﺜﻼﺟﻪ ﺗﺎﻛﻠﻴﻦ ﻟﺤﺪ ﻣﺘﺼﻴﺮﻳﻦ ﺩﺑﻪ ..
ﻛﺘﻠﻪ ﻫﺎﻱ ﺍﻧﻲ .. ﻟﻚ ﻻﺍﺍ ﻭﺍﻟﻠﻪ ﺟﺎﻱ ﺍﺩﻭﺭ ﺷﺎﻛﻞ ﻛﻠﺴﺎﻉ ﺍﻓﺘﺢ ﺍﻟﺜﻼﺟﻪ ﻭﺍﺳﺪﻫﺎ .. ﻋﺎﻓﻨﻲ ﻭﺭﺍﺡ ..
ﺧﺮﺏ ﺍﻧﻮﺏ ﻳﻜﻠﻲ ﺗﺼﻴﺮﻳﻦ ﺩﺑﻪ .. ﺣﺘﻰ ﺑﻌﺪ ﻣﺎ ﺍﻛﻞ .. ﻭﺳﺪﻳﺖ ﺍﻟﺜﻼﺟﻪ ﺣﻴﻞ ﺭﺟﻊ ﻛﺎﻝ ﺍﺟﺬﺏ ﻋﻠﻴﺞ ﻭﺍﻟﻠﻪ ﺍﻛﻠﻲ ﻻ ﻫﻢ ﺍﻧﻮﺏ ﺗﺘﺨﺮﺑﻄﻴﻦ ﻓﻮﻙ ﺭﺍﺳﻲ ﻣﺎﺑﻴﻪ ﺣﻴﻞ ﺍﺭﻛﺾ ..
ﺭﺣﺖ ﻳﻤﻪ ﻛﺘﻠﻪ ﻳﻌﻨﻲ ﻣﺨﺎﻳﻒ ﻋﻠﻴﻪ .. ﻻ ﻣﺎﺑﻴﻚ ﺣﻴﻞ ﺗﺮﻛﺾ .. ﺍﺑﺘﺴﻢ ﻣﺎ ﺣﺠﻪ .. ﻛﻌﺪ ﻳﻌﺪﻝ ﺑﻔﺤﻢ ﺍﻻﺭﻛﻴﻠﻪ ﻭﻳﺒﺘﺴﻢ ﻭﻳﺸﺮﺏ ..
ﺩﺍ ﻧﺤﺠﻲ ﻃﺒﺖ ﺭﻧﺎ .. ﻛﻠﺖ ﺍﻫﻮﻭﻭ ﻻ ﺣﻠﺖ ﺑﺮﻛﻪ .. ﺍﻟﻴﻮﻡ ﻳﻠﺘﻤﻦ ﻋﻠﻰ ﺭﺍﺳﻲ ﻭﻳﻨﻬﺎ ﻭﻳﻨﻬﺎ .. ﺣﻨﻴﻦ ﻭﺭﻧﺎ ..
ﺩﺭﺕ ﻭﻛﺘﻠﻬﺎ ﻫﻼ ﺣﺒﻴﺒﺘﻲ ﺷﻠﻮﻧﺞ .. ﻣﺎ ﺳﻠﻤﺖ ﻋﻠﻴﻪ .. ﻭﻳﻄﺒﺞ ﻣﺮﺽ .. ﻋﻔﺘﻬﺎ ﻭﻣﺸﻴﺖ .. ﻭﺍﻛﻒ ﻋﺎﺩﻝ ﻳﺰﻳﻦ ﻟﺤﻴﺘﻪ ..
ﺍﺗﻘﺮﺑﺖ ﻳﻤﻪ ﻭﻛﺮﺻﺘﻪ ﻣﻦ ﺿﻬﺮﻩ ﻭﺳﻮﻳﺖ ﺻﻮﺕ ﺑﺎﻟﺒﻮﺳﻪ ﻭﻛﺘﻠﻪ ﺍﻳﻮﻭﻭﻭﻭ ﻛﺪﺍ ﺍﺳﺘﻤﺮﺭﺭﺭﻱ ..
ﻭﺍﺣﺮﻛﻠﻪ ﺑﺎﺻﺒﻌﻲ ﻭﺍﻏﻤﺰﻟﻪ .. ﺿﺤﻚ ﻛﺎﻝ ﺟﺎﻱ ﺗﺘﺤﺎﺭﺷﻴﻦ ﺑﻴﻪ .. ﻣﻮ ﻋﻴﺐ . ﺍﻫﻠﺞ ﻣﺎ ﻋﻠﻤﻮﺝ ﺷﻠﻮﻥ ﺗﺘﺄﺩﺑﻴﻦ .. ﻭﻟﺪ ﺍﻟﻌﺎﻟﻢ ﻣﻮ ﻟﻌﺒﻪ ﻋﻨﺪﺝ . .
ﺭﻭﺣﻲ ﻋﺴﺎﻫﺎ ﺗﻄﻠﻊ ﺑﺎﺧﻮﺍﻧﺞ ﺍﻧﺸﺎﻟﻠﻪ ﻭﻳﺘﺤﺎﺭﺷﻮﻥ ﺑﻴﻬﻢ ﻣﺜﻞ ﻣﺘﺘﺤﺎﺭﺷﻴﻦ ﺑﻴﻪ ﻭﻳﻄﻠﻊ ﺣﻮﺑﺘﻲ ..
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻊ ﺿﺤﻜﺖ ﻣﻦ ﻛﻞ ﻛﻠﺒﻲ .. ﺟﺎﻥ ﻳﺼﻴﺢ ﺑﻜﺮ ﻫﺎﻱ ﺷﻜﻮﻭﻭ ﻫﻢ ﺭﺟﻌﻨﻪ ﻟﻬﻀﺤﻜﻪ ﺍﻟﻔﺎﻛﺴﻪ .. ﺍﻟﺠﻴﺮﺍﻥ ﺍﺷﺘﻬﺮﻧﻪ ﻳﻤﻌﻮﺩﻩ ..
ﺑﺎﻭﻋﻠﻲ ﻋﺎﺩﻝ ﺑﺘﻚ ﻋﻴﻦ ﻭﻫﻮﻩ ﻳﺰﻳﻦ ﻭﻛﺎﻝ ﺣﻠﻠﻞ ﻃﻠﻌﺖ ﺣﻮﺑﺘﻲ .. ﻛﺘﻠﻪ ﻻ ﻭﺍﻟﻠﻪ ﻫﻬﻬﻬﻬﻪ .. ﺍﺟﻪ ﺑﻜﺮ .. ﻛﺎﻝ ﺳﻤﺮ ﺷﺒﻴﺞ .. ﺗﺮﻩ ﺿﺤﻜﺘﺞ ﻣﻮ ﺭﺍﻫﻤﻪ .. ﻓﻀﻴﺤﻪ ..
ﻛﺘﻠﻪ ﺷﺴﻮﻱ ﻫﺎﻱ ﺿﺤﻜﺘﻲ ﻣﺎ ﺍﻋﺮﻑ .. ﻋﻔﺘﻬﻢ ﻭﺭﺣﺖ .. ﻏﺴﻠﺖ ﺍﻟﻤﻮﺍﻋﻴﻦ ﺍﻟﺒﺎﻗﻴﻪ ﻋﺴﻨﻚ .. ﻭﻃﻠﻌﺖ ..
ﻟﻜﻴﺖ ﻋﺎﺩﻝ ﻣﺒﺪﻝ ﻛﺎﻣﻞ .. ﻭﻳﻜﻮﻝ ﻫﺎ ﺷﻠﻮﻧﻲ .. ﻛﺘﻠﻪ ﺍﺷﻄﻪ ﻳﻌﺴﻞ .. ﺣﺘﺠﻴﺐ ﺣﻨﻴﻦ .. ﻛﺎﻝ ﺍﻱ .. ﺍﺗﻘﺮﺑﺖ ﻳﻤﻪ ..
.... .
ﺍﺧﺬﺕ ﻭﺟﻬﺎ .. ﺑﻴﻦ ﺍﺩﻳﻪ .. ﻋﺎﺩﻝ ﺍﻧﺘﻪ ﻃﻴﺐ ﻭﺻﺪﻳﻘﻲ ﻭﺍﺧﻮﻳﻪ ﻣﻦ ﺯﻣﺎﻥ ﻣﻮ ﺍﻟﻴﻮﻡ . ﺍﻭ ﺍﻟﺒﺎﺭﺣﻪ .. ﻻ ﺗﺘﻐﻴﺮ ﻋﻠﻴﻪ ﻓﺪﻭﻩ ..
ﻫﺰ ﺭﺍﺳﻪ .. ﻛﺘﻠﻪ ﺣﻨﻴﻦ ﺗﻌﺘﺒﺮﻧﻲ ﺿﺮﺗﻬﺎ ﻭﺧﻄﺮ ﻋﻠﻴﻬﺎ .. ﺗﺨﺎﻑ ﻻ ﺍﺧﺬﻙ .. ﻓﺎﻛﻴﺪ ﺭﺍﺡ ﺗﺸﻮﻩ ﺻﻮﺭﺗﻲ ﻛﺪﺍﻣﻚ ﺣﺘﻰ ﻻ ﺗﺘﻘﺮﺑﻠﻲ ..
ﻓﻤﻌﻠﻴﻚ ﺑﻴﻬﺎ .. ﻻ ﺗﺴﻤﻊ ﺍﻟﺤﺠﻴﻬﺎ .. ﻭﻟﻮ ﺳﻤﻌﺖ ﻣﻨﻬﺎ ﺗﻌﺎﻝ ﻭﺍﺳﻤﻊ ﻣﻨﻲ ﻫﻢ ﻭﺣﻞ ﺍﻟﻘﻀﻴﻪ ﺑﻼﻫﺎ ﺍﻟﻌﺼﺒﻴﻪ ﻭﺍﻟﻜﻔﺮﺍﻥ ﻭﺍﻟﻐﻠﻂ .. ﺗﺮﻩ ﺩﺿﻴﻊ ﺷﺒﺎﺏ ..
ﻭﻛﻠﻪ ﻣﻦ ﻭﺭﻩ ﻫﻠﻤﺸﺮﻭﺏ .. ﻛﻒ ﻋﻨﻪ ﻋﺎﺩ .. ﻟﺰﻡ ﺍﺩﻳﻪ ﺍﺛﻨﻴﻨﻬﻢ .. ﻛﺎﻝ ﺳﻤﺮ ﻣﺎ ﻋﻨﺪﻱ ﺷﻲ ﻭﻳﺎﺝ ﻭﺍﻟﻠﻪ ..
ﺍﻋﺮﻑ ﺍﺫﻳﺘﺞ ﻫﻮﺍﻱ .. ﻭﺍﻧﻲ ﺍﺳﻒ ﺟﺮﻧﻲ ﺍﻟﺤﻈﻨﻪ ﻭﺣﻈﻨﻲ ﺣﻴﻞ .. ﺍﻧﻲ ﻫﻢ ﺣﻈﻨﺘﻪ ﻭﺿﺤﻜﺖ .. ﺍﺣﺲ ﺭﻭﺣﻲ ﺿﻌﺖ ﺑﻴﻦ ﺍﺩﻳﻪ ..
ﻭﻫﻮﻩ ﻃﻮﻳﻞ ﻭﺿﺨﻢ .. ﺷﻌﻮﺭ ﻛﺰﺑﺮ ﺟﺴﻤﻲ .. ﺍﺑﺘﻌﺪﺕ ﻋﻨﻪ .. ﺍﺑﺘﺴﻢ ﻭﻃﻠﻊ .. ﺩﺭﺕ ﺷﻔﺖ ﺑﻜﺮ .. ﻳﺒﺎﻭﻉ ﺷﺎﻓﻨﻲ ﺩﺭﺗﻠﻪ ﺩﺍﺭ ﻭﺟﻬﺎ ..
ﻣﺸﺎﻋﺮﻱ ﻣﻠﺨﺒﻄﻪ .. ﻋﺎﺩﻝ ﺍﺣﺴﻪ ﺍﺧﻮﻳﻪ ﻭﻣﺎ ﺍﺣﺲ ﺑﺤﺐ ﺍﺗﺠﺎﻫﺎ .. ﺑﺲ ﻳﻌﺠﺒﻨﻲ ﻗﺮﺑﻪ .. ﻭﺑﻜﺮ ﻋﻨﺪﻱ ﺍﻟﻪ ﻣﺸﺎﻋﺮ .. ﻭﺻﺮﺕ ﺍﺣﺒﻪ .. ﺑﺲ ﻣﺎ ﺍﺣﺐ ﺍﺗﻘﺮﺏ ﻳﻤﻪ ..
ﻳﺎﺭﺑﻲ ﺍﻧﻘﺬﻧﻲ ﻣﻦ ﻫﻠﺸﻌﻮﺭ .. ﺣﺮﺍﻡ ﻣﺎ ﺍﻛﺪﺭ ﺍﺗﺨﻄﻴﻪ .. ﻻ ﺍﻛﺪﺭ ﺍﺗﻘﺒﻞ ﻋﺎﺩﻝ ﻭﻳﺘﻘﺒﻠﻨﻲ .. ﻭﻻ ﺍﻛﺪﺭ ﺍﺻﻴﺮ ﻟﺒﻜﺮ ..
ﺩﺍ ﺍﻣﺸﻲ ﻭﻃﺒﺖ ﺍﻣﻴﺮﻩ .. ﻛﺘﻠﻬﺎ ﻫﻼﺍﺍﺍ ﺣﺒﻴﺒﻲ .. ﺑﺎﻭﺳﺘﻨﻲ .. ﺑﺲ ﻣﺜﻜﻠﻪ ﻭﺟﻬﺎ ﻋﻠﻴﻪ .. ﻻﻥ ﻋﺮﻛﺔ ﻋﺎﺩﻝ ﻭﻃﺮﺩﺗﻪ ﻣﻦ ﻭﺭﺍﻱ ..
ﻛﻠﺖ ﺷﻜﻮ ﺷﻮ ﺍﻟﻴﻮﻡ ﺍﻟﺘﻤﻦ ﻛﻠﻬﻦ .. ﻛﻌﺪﺕ ﻳﻤﻬﻢ .. ﺍﻟﻌﺮﻓﺘﻪ ﻋﻠﻤﻮﺩ ﺍﻟﻌﻴﺪ ﺟﺎﻳﺎﺕ ﻳﺘﺴﻮﻛﻦ ﻋﺪ ﻋﻴﺎﻟﻬﻦ ﺻﻌﺒﻪ ﻃﻠﻌﺘﻬﻦ ..
.. ﻛﺎﻟﺖ ﻋﻤﺘﻲ ﺳﻤﺮ ﻛﻮﻣﻲ ﻟﻠﻌﺸﺎ .. ﻛﺘﻠﻬﺎ ﺍﻱ ﻋﻤﻪ .. ﻛﻤﺖ ﺩﺍ ﺍﺳﻮﻱ ﺑﺎﻻﻛﻞ .. ﺍﺟﻪ ﺑﻜﺮ ﻣﻦ ﻳﻤﻲ .. ﺍﺧﺬ ﺻﻤﻮﻥ .. ﻭﺳﻮﺍﻟﻪ ﻟﻔﻪ ..
ﺻﺎﺣﺖ ﻋﻤﺘﻲ ﻣﻦ ﻭﺭﺍﻧﻪ . ﺑﻜﺮ .. ﺍﻟﺘﻔﺘﻨﻪ ﺍﺛﻨﻴﻨﻪ .. ﻛﺎﻟﻬﺎ ﻫﺎ ﻳﻤﻪ .. ﺍﺗﻘﺮﺑﺖ ﻳﻤﻪ .. ﻛﺎﻟﺘﻠﻪ ﻳﻤﻪ ﺍﻣﻴﺮ ﺭﺟﻠﻬﺎ ﺻﺎﺭﻟﻪ ﺷﻬﺮ ﻛﺎﻋﺪ ﻣﺎ ﻋﻨﺪﻩ ﻓﻠﺲ ..
ﻭﻫﻴﻪ ﺣﺎﻝ ﺍﻟﻀﻴﻢ ﺣﺎﻟﻬﺎ .. ﻭﺟﺎﻳﻨﻪ ﻋﻴﺪ ﻭﺟﻬﺎﻟﻬﺎ 4 ﻣﺎ ﻋﺪﻫﺎ ﺗﺸﺘﺮﻳﻠﻬﻢ .. ﻛﺎﻟﻠﻬﺎ ﺳﻬﻠﻪ ﻳﻤﻪ .. ﻛﺎﻟﺘﻠﻪ ﻋﻔﻴﻪ ﻭﻟﻴﺪﻱ ﻣﺎ ﺍﻭﺻﻴﻚ ﺍﺧﺘﻚ ﻫﺎﻱ ..
ﻫﺰ ﺭﺍﺳﻪ ﻭﻫﻮﻩ ﻳﺎﻛﻞ ﺍﻟﻠﻔﻪ .. ﺍﻧﻮﺏ ﺩﺧﻞ ﻋﺎﺩﻝ ﻭﺣﻨﻴﻦ ﻣﻦ ﺑﺎﺑﺎ ﺍﻟﻤﻄﺒﺦ .. ﺑﻜﺮ ﻫﻤﺴﻠﻲ .. ﺍﺳﺘﻠﻤﻲ ﺍﺟﺖ ﺍﻟﻌﺮﻭﺱ ..
ﺳﻠﻤﺖ ﺣﻨﻴﻦ ﻋﻠﻰ ﻋﻤﺘﻲ ﻭﺑﺎﺳﺖ ﺭﺍﺳﻬﺎ .. ﻭﻛﺎﻟﺘﻠﻬﺎ ﻋﻤﻪ ﺍﺗﻌﺬﺭ ﻣﻨﺞ ﻭﻭ ﺍﻟﻠﻪ ﺍﻧﻪ ﺍﺣﺒﻜﻢ ﻭﻣﻮ ﻗﺼﺪﻱ ﺍﺳﻮﻱ ﻣﺸﺎﻛﻞ ..
ﻛﺎﻟﺘﻠﻬﺎ .. ﺷﻌﺪﻱ ﻭﻳﺎﺝ .. ﻫﻴﻪ ﺍﻟﺠﻨﻪ ﻣﻦ ﺗﺨﻠﺺ ﺷﻐﻠﻬﺎ ﻋﻠﺴﺎﻛﺖ ﻭﻣﺎ ﺗﺤﺠﻲ ﺍﻛﻮ ﺍﺣﺪ ﻳﺪﻧﺎﻟﻬﺎ .. ﺑﺲ ﺍﺫﺍ ﺑﻘﺖ ﺗﺒﺤﻮﺵ ﻣﺸﺎﻛﻞ ﻭﺗﺨﺮﺏ ﻭﻟﺪﻱ .. ﺍﺣﺮﻛﻬﺎ ..
ﻛﺎﻟﺘﻠﻬﺎ ﻻ ﺍﺑﺪ ﻭﺍﻟﻠﻪ ﺑﻌﺪ ﻣﺎﻛﻮ .. ﻭﻭﻭﻭﻭﻭﻣﻦ ﻫﺴﻮﺍﻟﻒ ﺍﻟﻠﻲ ﺍﺣﺴﻬﺎ ﻟﻮﺍﻛﻪ .. ﺍﻧﻮﺏ ﻋﺎﺩﻝ ﺷﻔﺘﻪ ﻳﺄﺷﺮﻟﻬﺎ ﺑﺤﺎﺟﺒﻪ ﻋﻠﻴﻪ ..
ﺍﺟﺖ ﺗﻘﺮﺑﺖ ﻣﻨﻲ .. ﻭﻛﺎﻟﺖ ﺳﻤﺮ ﺍﻧﻲ ﺍﺗﻌﺬﺭ ﻣﻨﺞ ﻭﺍﺭﻳﺪ ﺍﺑﺪﻱ ﺻﻔﺤﻪ ﺟﺪﻳﺪﻩ ﻭﻳﺎﺝ .. ﻛﺘﻠﻬﺎ ﺍﻫﻼ ﻭﺳﻬﻼ ﺣﻨﻴﻦ .. ﺷﻌﻨﺪﻱ ﻭﻳﺎﺝ ﺍﻧﻲ .. ﻳﺎﺭﻳﺖ ﺗﺼﻔﻴﻦ ﻭﺗﻘﻠﺒﻴﻦ ﺻﻔﺤﻪ ..
ﺣﺠﺖ ﻫﻴﺞ ﻭﺭﺍﺣﺖ ﻟﻠﺼﺎﻟﻪ .. ﻋﺎﺩﻝ ﺍﺗﻘﺮﺏ ﺍﺧﺬ ﺻﻤﻮﻧﻪ .. ﻭﻳﺴﻮﻱ ﻟﻔﻪ .. ﻛﺘﻠﻪ ﻣﺎ ﻃﻠﻌﺖ ﻫﺎﺍﻱ ﺍﻛﻠﻲ ﻭﺍﻧﺘﻪ ﻭﺑﻜﺮ ﺗﺎﻛﻠﻮﻥ ﺗﺮﺍﻛﻢ ﺷﻠﻌﺘﻮ ﻛﻠﺒﻲ
.. .
ﻛﺎﻝ ﻋﺎﺩﻝ .. ﺍﺣﻨﻪ ﻣﻮ ﺍﻟﻨﻪ ﺣﺼﻪ ﻭﻳﺎﻛﻢ ﺑﺎﻟﻜﻞ ﻋﻤﻲ ﻣﻨﺮﻳﺪ ﻧﺎﻛﻞ .. ﺍﻧﻄﻴﻨﻪ ﻫﺬﺍ ﺍﻟﻤﺎﻋﻮﻥ ﻭﻛﻠﻲ ﺍﻟﺒﺎﻗﻲ ﺍﻟﻜﻢ ..
ﻛﺘﻠﻪ ﻋﺎﺍﺍﺍﺩﻝ .. ﺷﻨﻮ ﻭﺍﻟﻠﻪ ﺗﻌﺒﺖ .. ﺑﻜﺮ ﻳﻜﻠﻪ ﺟﻴﺒﻪ ﺟﻴﺒﻪ .. ﻭﺧﻠﻮ ﺍﻟﻤﺎﻋﻮﻥ ﻣﺎﻝ ﺍﻟﻜﺒﻪ ﻋﻠﻜﺎﻭﻧﺘﺮ ﻭﻭﻛﻔﻮ ﻳﺎﻛﻠﻮﻥ ..
ﻛﺘﻠﻬﻢ ﻭﺍﻟﻠﻪ ﺍﻟﻴﺘﻘﺮﺏ ﺑﻌﺪ .. ﺑﻬﻠﺨﺎﺷﻮﻛﻪ ﺍﻟﻜﻠﻬﺎ ﺩﻫﻦ ﺣﺎﺭ ﺍﺳﻤﻄﻪ .. ﻋﺎﺩﻝ ﻛﺎﻝ ﺑﻜﻮﺭﻱ ﺑﻌﺪﻙ ﺟﻮﻋﺎﻥ ﺗﺮﻳﺪ ﺑﻌﺪ ..
ﻛﺎﻟﻪ ﻭﺍﻟﻠﻪ ﺍﻟﻜﺒﻪ ﻣﻴﻨﺸﺒﻊ ﻣﻨﻬﺎ .. ﺟﻴﺐ ﺑﻌﺪ .. ﻛﺘﻠﻬﻢ ﺣﺪﺩﺩﺩﺩﺩﺩﺩﻛﻢ ﻭﺍﻟﻠﻪ ﺍﺫﺑﺤﻜﻢ ﻭﺻﺤﺖ ﻋﻤﻤﻤﻤﻪ .. ﺍﺟﺖ ﻋﻤﺘﻲ ﻣﻦ ﻭﺭﺍﻱ .. ﻛﺎﻝ ﺷﻜﻮ ﺷﺒﻴﺞ ﺗﺼﻴﺤﻴﻦ ..
ﻛﺘﻠﻬﺎ ﻋﻤﻪ ﻣﺴﻠﻮﻙ ﺟﺪﻱ ﻭﺍﻛﻠﻲ ﻭﻋﺎﺩﻝ ﻭﺑﻜﺮ ﻳﺎﻛﻠﻮﻥ ﺻﻴﺤﻲ ﺑﻴﻬﻢ ﻓﺪﻭﻩ .. ﻛﺎﻟﺘﻠﻬﻢ ﻣﻮ ﺣﺘﻰ ﺍﻟﺒﺮﻛﻪ ﺍﻟﻄﻴﺮ ..
ﻛﺎﻟﻠﻬﺎ ﻋﺎﺩﻝ ﻳﻤﻪ ﺍﻟﺒﺮﻛﻪ ﺑﻴﺞ ﻣﻮ ﺑﺎﻟﻜﺒﻪ ﺭﻭﺣﻲ ﺧﻞ ﻧﺎﻛﻞ .. ﻛﺎﻟﺘﻠﻪ ﺑﻜﺮ ﺭﻭﺡ ﺟﻴﺐ ﻓﺪ ﻛﻴﻠﻮ ﻛﺒﺎﺏ ﻭﻳﻪ ﺍﻟﻌﺸﺎ ﻣﺎ ﻳﻜﻔﻲ ..
ﻛﺎﻟﻠﻬﺎ ﻋﺎﺩﻝ .. ﻛﺎﻟﻪ ﻋﺎﺩﻝ ﺷﻨﻮ ﺍﻧﻲ .. ﻣﺎﺑﻴﻪ ﺣﻴﻞ ﻭﺍﻟﻠﻪ ﻫﺎﻱ ﺟﻴﺘﻲ ﻣﻦ ﺍﻟﺜﻮﺭﻩ ﻭﺍﻻﺯﺩﺣﺎﻣﺎﺕ .. ﺩﻙ ﻣﻼﻃﻢ ﻣﺎ ﺑﻴﻪ ﺣﻴﻞ ..
ﻛﺎﻟﻪ ﺑﻜﺮ .. ﺧﻮﺍﺗﻚ ﺧﻮﺍﺗﻚ ﻋﻴﺐ ﺟﺎﻳﺎﺕ .. ﺷﺎﻝ ﺍﻝ 25 ﺍﻟﻒ ﻭﺧﻼﻫﺎ ﺑﺠﻴﺒﻪ ﻭﻃﻠﻊ .. ﺻﺎﺡ ﻋﺎﺩﻝ ﻫﺎﻱ ﺷﻠﻮﻥ ﺑﻠﻮﻩ .. ﺑﺎﻭﻋﺘﻠﻪ ﺣﻠﻞ ﻫﺎﻱ ﺣﻮﺑﺘﻲ ..
ﻛﺎﻝ ﻭﺍﻟﻠﻪ ﺑﻴﺞ ﺟﻼﻕ .. ﺩﻃﻴﺮﻱ ﺣﻤﺪﻳﻪ .. ﻋﺎﻓﻨﻲ ﻭﻃﻠﻊ .. ﻛﻤﻠﺖ ﺍﻟﻌﺸﺎ ﻭﺣﻈﺮﺗﻪ .. ﻭﺑﻘﻴﻨﻪ ﻣﺘﺎﻧﻴﻦ ﻋﺎﺩﻝ ﻋﻠﻜﺒﺎﺏ ..
ﻃﺒﻦ ﺧﻮﺍﺕ ﻋﺎﺩﻝ ﺍﻟﺒﻘﻴﻪ .. ﺭﻏﺪ ﻭﺟﻨﺎﻥ .. ﺍﻫﻮﻭﻭ ﻫﺎﻱ ﺷﻠﻮﻥ ﺳﺎﻟﻔﻪ ﻣﺎ ﺗﺨﻠﺺ .. ﺍﺩﺭﻱ ﻣﺎﻛﻮ ﺳﻮﺍﻛﻪ ﻳﻤﻜﻢ ..
ﻃﺒﻌﺎ ﺗﻐﺮﻳﺪ ﻭﺟﻨﺎﻥ ﻣﺎﺧﺬﺍﺕ ﺍﺧﻮﻩ .. ﻏﺮﺏ ﻣﻮ ﺩﻟﻴﻢ .. ﻛﺎﻟﺖ ﻋﻤﺘﻲ ﻳﻜﻔﻲ ﻫﻠﻌﺸﺎ ﻟﻮ ﺷﻠﻮﻥ .. ﻛﻠﺘﻠﻬﺎ ﻭﺍﻟﻠﻪ ﻳﺎ ﻋﻤﻪ ﻣﺎ ﺍﺩﺭﻱ ..
ﻛﺎﻟﺖ ﻃﻠﻌﻲ ﻛﻠﻲ ﺑﻌﺪ ﺍﻭ ﺍﻛﻠﺞ ﻻﺍﺍ ﺍﻛﻌﺪﻱ ﺧﻞ ﺍﺻﻴﺢ ﺣﻨﻴﻦ .. ﺻﺎﺣﺖ ﺣﻨﻴﻦ .. ﻛﺎﻟﺘﻠﻬﺎ ﻃﻠﻌﻲ ﺑﻌﺪ ﻛﺒﻪ ﻭﻛﻠﻲ .. ﻭﺑﻴﺬﻧﺠﺎﻥ ﻫﻢ ..
ﺍﺟﻪ ﻋﺎﺩﻝ ﻭﻛﻤﻠﻨﻪ ﺍﻟﻌﺸﺎ .. ﻭﻛﻌﺪﻧﻪ .. ﻭﺧﻮﺍﺗﻪ ﻳﺘﻠﻮﻛﻦ ﻟﺒﻜﺮ ﻭﻛﺎﻋﺪﺍﺕ ﺣﻮﺍﻟﻴﻪ ﻭﻳﻀﺤﻜﻦ .. ﻫﻮﻩ ﻓﺎﻫﻢ ﺍﻟﺮﻧﻪ ..
ﻛﺎﻟﻠﻬﻦ ﻣﻦ ﺍﻻﺧﻴﺮ ﺷﺮﺍﻳﺪﺍﺕ .. ﺩﻭﺧﺘﻨﻲ ﺍﻧﺘﻦ ﻭﺟﻬﺎﻟﺞ ﺯﻧﻨﻨﻨﻨﻦ ﺍﻧﺴﻄﺮ ﺭﺍﺳﻲ .. ﻛﺎﻟﺘﻠﻪ ﺭﻧﺎ .. ﺑﻜﺮ ﺍﺑﻮ ﻛﻠﺐ ﺍﻟﻄﻴﺐ ﺑﺤﺒﺤﻬﺎ ﻭﻳﺎﻧﻪ ..
ﺿﺤﻚ ﻛﺎﻝ ﻫﻨﺎ ﺍﻟﺤﺠﻲ .. ﺗﺮﺩﻥ ﻓﻠﻮﺱ .. ﻛﺎﻟﺘﻠﻪ ﺍﻣﻴﺮﻩ ﺷﻌﺪﻧﻪ ﻏﻴﺮﻙ ﻳﺎ ﺧﻮﻳﻪ .. ﻭﺟﺎﻳﻨﻪ ﻋﻴﺪ ﻭﺑﺎﺟﺮ ﺣﻨﺮﻭﺡ ﻟﻠﺴﻮﻙ ﻧﺮﻳﺪ ﻧﺘﺴﻮﻙ ..
ﻃﻠﻊ ﻣﺤﻔﻈﺘﻪ .. ﺍﺧﺬ 200 ﺍﻟﻒ .. ﻭﺍﻧﻄﺎﻫﻦ ﻛﻞ ﻭﺣﺪﻩ ..50 ﻓﺮﺣﻦ ﻭﺑﻮﺳﻨﻪ ﻭﻛﺎﻣﻦ .. ﻛﺎﻝ ﺍﻧﻬﺠﻢ ﺑﻴﺖ ﺍﻟﻤﺼﻠﺤﻪ .. ﺍﺳﺘﻠﻤﻦ ﻛﺎﻣﻦ ﻣﻨﻲ ..
ﻛﻠﻬﺎ ﺿﺤﻜﺖ .. ﺻﺎﺡ ﺍﻣﻴﺮﻩ .. ﻛﺎﻟﺘﻠﻪ ﻫﺎ ﻋﻴﻮﻧﻲ .. ﻛﺎﻟﻠﻬﺎ ﺍﻝ 50 ﺍﺷﺘﺮﻱ ﺑﻴﻬﺎ ﺍﻟﻨﻔﺴﺞ .. ﻣﻼﺑﺲ ﺟﻬﺎﻟﺞ ﺍﻧﻲ ﺍﺷﺘﺮﻳﻬﻢ ..
ﺍﺟﺖ ﺑﻮﺳﺘﻪ ﻭﻛﺎﻟﺘﻠﻪ ﻳﺪﻳﻤﻚ ﻓﻮﻙ ﺭﻭﺳﻨﻪ ﺧﻮﻳﻪ .. ﻛﺎﻟﺘﻠﻪ ﺍﻣﻪ .. ﺍﻧﻄﻴﻬﺎ ﺍﻟﻬﺎ ﻫﻴﻪ ﺗﺸﺘﺮﻳﻠﻬﻢ ﻋﻠﻰ ﺫﻭﻗﻬﺎ .. ﻛﺎﻝ ﺑﻜﻴﻔﻬﺎ ..
ﺷﺎﻝ 150 ﻭﺍﻧﻄﺎﻫﺎ .. ﺍﻧﻲ ﺑﺲ ﺍﺑﺎﻭﻉ .. ﺑﺎﻭﻋﻠﻲ .. ﻛﺎﻝ ﻣﺎ ﻧﺎﺳﻴﺞ ﻟﺘﺨﺎﻓﻴﻦ .. ﺭﺍﺗﺒﺞ ﻳﻤﻲ ﻭﻋﻠﻴﻪ ﻋﻴﺪﻳﺔ ﺍﻟﻌﻴﺪ ﺿﺤﻜﺖ ..
ﻛﺘﻠﻪ ﻻ ﻣﻴﺤﺘﺎﺝ ﻛﻮﻣﻪ ﻋﻨﺪﻱ ﻣﻼﺑﺲ ﻭﺍﻟﻠﻪ .. ﻣﺎ ﺭﺩ ﻛﺎﻡ ﻭﻣﺸﻪ .. ﺧﻄﻴﻪ ﻣﺨﺼﺼﻠﻲ ﺭﺍﺗﺐ ﺑﺎﻟﺸﻬﺮ 300 ﺍﻟﻒ ..
ﺑﺎﻭﻋﺘﻪ . ﻫﻮﻩ ﻳﻤﺸﻲ ﻭﻛﻠﺖ ﺑﺪﺍﺧﻠﻲ ﺍﻟﻠﻪ ﻳﺤﻔﻈﻪ ﻭﻳﺨﻠﻴﻪ ..
. . .. .
ﻣﺮﺕ ﺍﻻﻳﺎﻡ ﻫﺎﺩﻳﻪ ﻣﺎ ﺑﻴﻬﺎ ﻣﺸﺎﻛﻞ ﻧﺴﺒﻴﺎ .. ﺍﺟﻪ ﺍﻟﻌﻴﺪ .. ﻭﺟﺎﻧﺖ ﺍﻣﻨﻴﺘﻲ ﻟﻴﻠﺔ ﺍﻟﻌﻴﺪ ﺍﻫﻠﻲ ﻳﺮﺿﻮﻥ ﻋﻠﻴﻪ .. ﻭﺗﺘﺼﻠﺢ ﺍﻻﻣﻮﺭ ﺑﻴﻨﺎﺗﻨﺎ ..
ﺭﺣﺖ ﻟﻴﻠﺔ ﺍﻟﻌﻴﺪ ﺩﻛﻴﺖ ﺍﻟﺒﺎﺏ ﻋﻠﻰ ﻋﺎﺩﻝ .. ﻛﺎﻝ ﻫﺎ ﺳﻤﺮ .. ﻛﺘﻠﻪ ﺍﻛﺪﺭ ﺍﺣﺠﻲ ﻭﻳﺎﻙ .. ﻛﺎﻝ ﺍﻱ ﻃﺒﻌﺎ .. ﺗﻌﺎﻱ ..
ﻛﺘﻠﻪ ﻻ ﺑﻐﺮﻓﺘﻲ ﺍﺫﺍ ﻣﻴﻀﺎﻳﻘﻚ ﻫﻠﺸﻲ .. ﻛﺎﻝ ﺍﻱ ﻟﺤﻈﺎﺕ ﻭﺟﺎﻱ ﻭﺭﺍﺝ ﻛﺘﻠﻪ ﭐפﮔـﻴﮧ .. ﻣﺸﻴﺖ ﻟﻐﺮﻓﺘﻲ ..
ﺍﺟﻪ ﺩﺧﻞ ﻭﺭﺍﻱ .. ﻭﻻﺑﺲ ﺟﺎﻛﻴﺖ ﺻﻮﻑ ﻭﻣﺨﻠﻲ ﺍﺩﻳﻪ ﺑﺠﻴﻮﺑﻪ ﻭﻳﺼﻴﺢ ﺍﺷﺸﺸﺎﻩ .. ﺷﻜﺪ ﺑﺎﺭﺩﻩ .. ﻛﺘﻠﻪ ﺗﻌﺎﻝ ﻫﺎﻱ ﺻﻮﺑﻪ ..
ﻛﻌﺪ .. ﻛﺎﻝ ﻛﻮﻟﻲ .. ﻛﺘﻠﻪ ﻋﺎﺩﻝ ﺍﺭﻳﺪ ﺍﺭﻭﺡ ﺍﺻﺎﻟﺢ ﺍﻫﻠﻲ ﻭﺍﻗﻠﺐ ﺻﻔﺤﻪ ﻭﻳﺎﻫﻢ .. ﻛﺎﻝ ﺍﻱ ﺯﻳﻦ .. ﻛﺘﻠﻪ ﻭﻫﻠﺸﻲ ﻣﻴﺼﻴﺮ ﺍﻻ ﺑﻮﺟﻮﺩﻙ ..
ﺍﻫﻠﻲ ﺭﺍﺡ ﻳﻄﻤﻨﻮﻥ ﺑﻌﻼﻗﺘﻨﻪ ﻭﺑﻠﻜﻲ ﻳﺴﺎﻣﺤﻮﻧﻲ .. ﻛﺎﻝ ﺷﻮﻛﺖ .. ﻛﺘﻠﻪ ﺑﺎﺟﺮ .. ﻛﺎﻝ ﺍﻧﻲ ﺍﻟﻌﺼﺮ ﺍﻭﺩﻱ ﺣﻨﻴﻦ ﻻﻫﻠﻬﺎ ..
ﻛﺘﻠﻪ ﺣﺘﻰ ﻟﻮ ﺑﻠﻴﻞ ﻋﺎﺩﻱ .. ﻛﺎﻝ ﻫﺎﻱ ﺻﺎﺭ ﺑﻌﻴﻨﻲ .. ﻛﺘﻠﻪ ﺳﺎﻟﻤﻪ ﻋﻴﻨﻚ .. ﺗﻤﺪﺩ ﻋﻠﺴﺮﻳﺮ .. ﻭﻛﺎﻝ ﻏﺮﻓﺘﺞ ﺩﺍﻓﻴﻪ ﻣﺎﻝ ﻧﻮﻭﻡ ..
ﻛﺘﻠﻪ ﻧﺎﻡ .. ﻛﺎﻡ ﻛﺎﻝ ﻋﻠﻤﻮﺩ ﺍﺑﺘﻠﻲ ﺿﺤﻜﺖ .. ﻛﺮﺻﻨﻲ ﻣﻦ ﺧﺪﻱ ﻭﻃﻠﻊ .. ﺭﻓﻌﺖ ﺭﺍﺳﻲ ﻟﻠﺴﻤﻪ .. ﻭﻛﻠﺖ ﻳﺎﺭﺏ ﺳﺎﻋﺪﻧﻲ ﻫﻴﺞ ﻭﺗﺮﺟﻊ ﻋﻼﻗﺘﻲ ﺑﺎﻫﻠﻲ ﻭﺍﻟﻠﻪ ﺍﺷﺘﺎﻗﻴﺘﻠﻬﻢ ..
ﻧﻤﺖ ﻭﻛﻌﺪﺕ ﺻﺒﺎﺣﻴﺔ ﺍﻟﻌﻴﺪ .. ﺍﻟﺴﺎﻋﻪ 6 ﻃﻠﻌﺖ ﻣﻦ ﻏﺮﻓﺘﻲ .. ﻃﻠﻊ ﺑﻜﺮ .. ﺭﺣﺖ ﻋﻠﻴﻪ ﻋﺎﻳﺪﺗﻪ .. ﻭﻛﺘﻠﻪ ﺍﻧﺸﺎﻟﻠﻪ ﺗﺤﻘﻴﻖ ﺍﻻﻣﺎﻧﻲ ..
ﺑﺎﻭﻋﻠﻲ ﻭﻛﺎﻝ ﺍﻣﻨﻴﻪ ﻭﻃﺎﻟﺒﻬﺎ ﻣﻦ ﺍﻟﺒﺎﺭﻱ ﻳﺤﻘﻘﻬﺎ ﻭﺭﻓﻊ ﺭﺍﺳﻪ ﻟﻠﺴﻤﻪ .. ﺿﺤﻜﺖ .. ﻛﺘﻠﻪ ﻣﻦ ﺍﻟﺼﺒﺢ ﻛﺎﻋﺪ ﺣﺘﻰ ﺍﻟﺸﻤﺲ ﺑﻌﺪﻫﺎ ﻣﻄﺎﻟﻌﻪ
ﻛﺎﻝ ﺟﻨﺖ ﻣﺘﺎﻧﻴﺞ ﺍﻃﻠﻌﻴﻦ .. ﻋﻠﻤﻮﺩ ﺍﻋﺎﻳﺪﺝ .. ﻫﻬﻬﻪ .. ﻛﺎﻝ ﻳﻠﻪ ﺭﺍﻳﺢ .. ﻛﺘﻠﻪ ﻭﻳﻴﻦ .. ﻛﺎﻝ ﺍﺩﺭﻙ ﺻﻼﺓ ﺍﻟﻌﻴﺪ ﺑﺎﻟﻤﺴﺠﺪ ﻏﻴﺮ ..
ﻃﻠﻊ ﻋﻤﻮ ﺧﻠﻴﻞ ﻋﺎﻳﺪﻧﻪ ﻭﻛﺎﻟﻪ ﻟﺒﻜﺮ ﻫﺎﺍﺍ ﺗﺮﻭﺡ ﻧﺼﻠﻲ ﺍﻟﻌﻴﺪ .. ﻛﺎﻟﻪ ﻳﻠﻪ .. ﻣﺸﻮ .. ﻭﺍﻧﻲ ﺍﺑﺎﻭﻉ ﻟﻠﺤﻤﺎﻡ .. ﺍﺳﺒﺢ ﻟﻮ ﻻ ..
ﺍﻭﻭﻑ ﻭﺍﻟﻠﻪ ﺑﺎﺭﺩﻩ ﻳﻌﻨﻲ ﺿﺮﻭﺭﻱ ﻧﺴﺒﺢ ﺑﺎﻟﻌﻴﺪ ﺍﺧﺨﺦ .. ﻏﻴﺮ ﻻﺯﻡ ﻧﻄﻠﻊ ﻏﻴﺮ ﻭﺟﻪ .. ﺷﻐﻠﺖ ﺍﻟﻬﻴﺘﺮ ﺑﺎﻟﺤﻤﺎﻡ ..
ﻭﺭﺣﺖ ﺣﻈﺮﺕ ﻣﻼﺑﺴﻲ ﻭﺩﺧﻠﺖ .. ﺳﺒﺤﺖ ﻭﺭﻛﻀﺖ ﻟﻐﺮﻓﺘﻲ .. ﺿﻠﻴﺖ ﻛﺎﻋﺪﻩ ﺳﺎﻋﻪ ﻳﻢ ﺍﻟﺼﻮﺑﻪ ﻭﺍﺑﺎﻭﻉ ﻟﻠﺘﻠﻔﺰﻳﻮﻥ ﻭﺑﺮﺍﻣﺞ ﻋﻴﺪ ﺍﻻﺿﺤﻰ ..
ﻟﺤﺪ ﻣﻨﺪﻛﺖ ﺍﻟﺒﺎﺏ .. ﻃﻠﻌﺖ .. ﺑﻜﺮ ﻛﺎﻝ ﻳﻠﻪ .. ﻛﺎﻫﻲ ﻭﻛﻴﻤﺮ ﻭﻋﺴﻞ .. ﺗﺘﺮﻳﻜﻴﻦ .. ﻛﺘﻠﻪ ﻃﺒﻌﺎ ﻫﻌﻊ .. ﻃﻠﻌﺖ ﻋﺎﻳﺪﺕ ﻋﻤﺘﻲ ..
ﻭﻛﻌﺪﻧﻪ .. ﺻﺎﺡ ﺑﻜﺮ ﻟﻴﺶ ﻣﻜﻌﺪﺗﻮ ﻋﺎﺩﻝ .. ﻛﺎﻟﺖ ﺍﻣﻪ ﻣﺎ ﻧﺎﻳﻤﻴﻦ ﺧﺎﻑ ﻣﻦ ﺍﻟﻌﺮﻛﻪ .. ﻛﺎﻟﻠﻬﺎ ﻳﺎ ﻋﺮﻛﻪ .. ﻛﺎﻟﺘﻠﻪ ﻏﻴﺮ ﺍﻟﻴﻞ ﻛﻠﻪ ﺻﻴﺎﺡ ﻭﻳﻄﺎﺑﺨﻮﻥ ..
ﻳﻤﻜﻦ ﻛﺎﺗﻞ ﺣﻨﻴﻦ ﻻﻥ ﺳﻤﻌﺖ ﺻﻮﺕ ﺻﺮﻳﺨﻬﺎ .. ﻛﺘﻠﻬﺎ ﻋﻤﻪ ﻋﻠﻴﻤﻦ ﻛﺎﻟﺖ ﻭﺍﻟﻠﻪ ﻣﺎ ﺍﺩﺭﻱ ﺍﻛﻴﺪ ﻣﻀﻮﺟﺘﻪ ﻭﻛﺎﺗﻠﻬﺎ ﺗﺴﺘﺎﻫﻞ ..
ﺑﻜﺮ ﻛﺎﻝ ﻣﻌﻠﻴﻜﻢ .. ﺣﻴﺎﺗﻬﻢ ﺗﺨﺼﻬﻢ .. ﺍﺗﺮﻛﻮ ﻭﺍﻛﻠﻮ .. ﻛﻌﺪﻧﻪ ﻧﺎﻛﻞ .. ﺩﺧﻠﺖ ﺣﻨﻴﻦ .. ﻋﻴﻨﻬﺎ ﻣﻮﺭﻣﻪ ﻳﻤﻜﻦ ﺿﺎﺭﺑﻬﺎ ..
ﺻﺒﺤﺖ ﺣﺘﻰ ﻣﺎ ﻋﺎﻳﺪﺕ .. ﻛﺎﻟﺘﻠﻬﺎ ﻋﻤﺘﻲ ﻣﺘﻌﺮﻓﻴﻦ ﺗﻌﺎﻳﺪﻳﻦ ﺍﻫﻠﺞ ﻣﺎ ﻋﻠﻤﻮﺝ .. ﺻﺎﺡ ﺑﻜﺮ ﻳﻤﻤﻤﻤﻤﻪ ..
ﻛﺎﻟﺘﻠﻪ ﻭﻏﻤﻪ .. ﻫﺴﻪ ﺍﺣﻨﻪ ﺷﻜﻠﻨﻪ .. ﻛﺎﻟﻠﻬﺎ ﺍﻛﻠﻲ .. ﺳﻤﺮ ﺭﺍﺡ ﺗﺨﻠﺺ ﺍﻟﻜﺎﻫﻲ ﻭﺍﻧﺘﻲ ﺗﺒﺎﻭﻋﻴﻦ ﻟﺤﻨﻴﻦ
.... .
ﺿﺤﻜﺖ .. ﻛﺎﻟﺖ ﺻﺪﻙ ﺷﻨﻮ ﺷﻮ ﺍﻧﺘﻲ ﺟﻨﺞ ﻣﺸﺎﻳﻔﻪ ﺑﻠﻌﺘﻲ ﺍﻟﻜﺎﻫﻲ ﻛﻠﻪ .. ﻛﺘﻠﻬﺎ ﻋﻤﻪ ﻭﺍﻟﻠﻪ ﺑﺲ 2 ﺍﻭﻭﻑ ﻣﻨﻚ ﺑﻜﺮ .. ﺿﺤﻚ ..
ﺩﺧﻞ ﻋﺎﺩﻝ ﻓﺮﺣﺎﻥ ﻭﻳﺼﺒﺢ ﻭﻳﻌﺎﻳﺪ ﻭﺧﺒﺺ ﺍﻟﺪﻧﻴﺎ ﺑﺨﺒﺎﻟﻪ ﻣﻦ ﺍﻟﺼﺒﺢ ﻭﻛﻞ ﺷﻮﻱ ﻳﻀﺮﺑﻨﻲ ﻋﻠﻰ ﺭﻛﺒﺘﻲ ﻣﻦ ﻭﺭﻩ ..
ﻭﻳﺼﻴﺢ ﺍﺫﺍ ﻭﺟﺪﺕ ﻋﻠﺒﺔ ﻣﻔﺘﻮﺣﻬﺎ ﺍﺿﺮﺑﻬﺎ ﻭﻻ ﺗﺨﻒ ﻣﻦ ﺻﺎﺣﺒﻬﺎ .. ﻭﺍﻧﻲ ﺍﺗﺼﺎﻳﺢ ﻭﻳﺎﻩ ﻭﺍﺻﻴﺢ ﺑﻌﻤﻪ ﻋﻠﻴﻪ ..
ﻭﺣﻨﻴﻦ ﺑﺪﻫﺎ ﺗﺎﻛﻠﻨﻲ ﺑﻌﻴﻮﻧﻬﺎ .. ﻃﻠﻊ ﺑﻜﺮ ﻭﻋﺎﺩﻝ ﻭﻋﻤﻮ ﺧﻠﻴﻞ ﻳﻌﺎﻳﺪﻭﻥ ﺍﻗﺮﺑﺎﺋﻬﻢ ﻭﺍﺻﺪﻗﺎﺀﻫﻢ .. ﺍﺷﻮ ﻫﺎﻱ ﻫﺠﻤﺖ ﻋﻠﻴﻪ .. ﻭﺗﻐﻠﻂ ﻭﺗﺼﻴﺢ ..
ﻭﺍﻟﻠﻪ ﻻ ﻳﻨﻄﻴﺞ ﻭﻭﺟﻪ ﺍﻟﻔﻜﺮ .. ﻛﺘﻠﻪ ﻫﻴﻲ ﻫﻴﻲ ﺷﺒﻴﺞ ﻣﻦ ﻳﻤﺞ ﺍﻧﺘﻲ .. ﻛﺎﻟﺖ ﺍﻡ ﺍﻟﺮﺟﻮﻟﻪ .. ﻣﺨﻠﻴﻪ ﺑﻜﺮ ﻣﺤﺒﺲ ﺑﺄﻳﺪﺝ ..
ﻭﺗﺮﺩﻳﻦ ﻋﺎﺩﻝ ﻫﻢ .. ﻭﺍﻟﻠﻪ ﺍﺫﺍ ﺗﻘﺮﺑﺘﻲ ﻳﻤﻪ ﺷﻌﺮﺝ ﺍﻛﻄﻌﻪ .. ﻛﺘﻠﻬﺎ ﻻ ﻭﺍﻟﻠﻪ ﻛﻴﻔﻲ .. ﻋﺎﺩﻝ ﺯﻭﺟﻲ ﻭﺑﻜﺮ ﺍﺑﻦ ﻋﻤﺘﻲ ﻭﺣﻤﺎﻳﻪ .. ﺍﻧﺘﻲ ﺷﻜﻮ ..
ﺍﺟﺖ ﻋﻤﺘﻲ ﻛﺎﻟﺘﻠﻬﺎ ﺍﻧﺘﻲ ﺷﻮ ﻫﻮﺍﻱ ﺗﻠﻐﻴﻦ .. ﻛﺎﻟﺘﻠﻬﺎ ﻋﻤﻪ ﺍﻟﺒﺎﺭﺣﻪ ﻣﻦ ﻭﺭﺍﻫﺎ ﻳﻀﺮﺑﻨﻲ ﻭﻳﻜﻠﻲ ﺗﺮﺣﻴﻦ ﻓﺪﻭﻩ ﻟﺤﺬﺍﺋﻬﺎ ..
ﺑﻠﻠﻪ ﻫﺎﻱ ﺍﻧﻲ ﺍﺭﻭﺣﻠﻬﺎ ﻓﺪﻭﻩ .. ﻟﻮ ﺑﻴﻬﺎ ﺧﻴﺮ ﻣﺎ ﺗﺎﺧﺬ ﻧﻔﺴﻬﺎ .. ﻛﺘﻠﻬﺎ ﻫﻮﻭﻭﺏ ﻫﻮﺏ ﺷﻮ ﺍﻧﺘﻲ ﻣﺎ ﺗﻌﺮﻓﻴﻦ ﺗﺤﺠﻴﻦ ..
ﺍﻏﻠﻂ ﻭﻳﻪ ﻧﻔﺴﻲ ﻭﻻ ﺍﻏﻠﻂ ﻭﻳﻪ ﻭﺍﺣﺪ ﺑﺎﻟﺤﺮﺍﻡ .. ﺑﺲ ﺍﻟﺴﺎﻗﻄﻪ ﺗﺴﻮﻱ ﻫﻠﺸﻲ .. ﻭﺍﻟﺤﻠﻴﻢ ﺗﻜﻔﻴﻪ ﺍﻻﺷﺎﺭﻩ ..
ﻋﻤﺘﻲ ﺻﺎﺡ ﺍﺍﺍﺍﺍﺍﺍﺍﺍﺍﺍﺍﻟﻠﻪ ﺍﻛﺒﺮ ﻋﻠﻰ ﺭﻭﺳﺠﻦ 24 ﺳﺎﻋﻪ ﻣﻨﺎﻛﺮ ﺣﺘﻰ ﺑﺎﻟﻌﻴﺪ ﻣﻌﺎﺭﻙ .. ﺍﻧﻄﻨﻲ ﻋﺒﺎﺗﻲ ﺍﺭﻭﺡ ﺍﻋﺎﻳﺪ ﺍﻟﻨﺎﺱ .. ﺍﺣﺴﻦ ﻣﻤﻜﺎﺑﻠﺘﺠﻦ ..
ﻃﻠﻌﺖ ﻋﻤﺘﻲ .. ﺍﻧﻲ ﻋﻔﺖ ﺣﻨﻴﻦ ﺗﺤﺠﻲ ﻭﺩﺧﻠﺖ ﻟﻐﺮﻓﺘﻲ ﺍﺟﺖ ﻭﺭﺍﻱ ﻭﺩﺧﻠﺖ .. ﻭﻛﺎﻟﺖ ﺑﺎﻋﻴﻠﻲ ﻣﻮ ﻋﺒﺎﻟﺞ ﻣﺎ ﺍﻋﺮﻑ ﺑﺴﻮﺍﻟﻔﺞ ..
ﻋﺒﺎﻟﺞ ﻣﺎ ﺍﺩﺭﻱ ﺑﺬﻳﺞ ﺍﻟﻠﻴﻠﻪ ﺷﺴﻮﻳﺘﻲ .. ﺑﺎﻭﻋﺘﻠﻬﺎ ﺑﺎﺳﺘﺤﻘﺎﺭ ﺷﺴﻮﻳﺖ .. ﻛﺎﻟﺖ ﺷﻔﺘﺞ ﻟﻤﺎ ﻃﻠﻌﺘﻲ ﺑﻨﺺ ﺍﻟﻠﻴﻞ ﻭﻃﺎﻓﻴﻪ ﺍﻟﻜﻬﺮﺑﺎﺀ ..
ﻭﺭﺣﺘﻲ ﺍﻟﻐﺮﻓﺔ ﺑﻜﺮ .. ﺷﻔﺖ ﻭﺟﻬﺞ ﺑﻀﻮﻩ ﻣﻮﺑﺎﻳﻠﺞ .. ﻫﻢ ﺯﻳﻦ ﺍﻟﻠﻪ ﻃﻠﻌﻨﻲ ﻟﻠﺤﻤﺎﻡ ﺑﻮﻛﺘﻬﺎ .. ﺟﺎﻥ ﻫﺮﻣﺘﻲ ﺑﺮﺍﺣﺘﺞ ﺟﻮﻩ ﺳﺘﺮ ﺍﻟﻠﻴﻞ ..
ﻛﺘﻠﻬﺎ ﺍﻱ ﻭﺷﺮﺍﻳﺪﻩ .. ﻛﺎﻟﺖ ﻻ ﻋﺒﺎﻟﺞ ﻭﺍﻟﻠﻪ ﺳﻤﻌﺖ ﻛﻠﺸﻲ ﻭﺳﻤﻌﺖ ﺑﻜﺮ ﺷﻠﻮﻥ ﻳﻌﺘﺮﻓﻠﺞ ﺑﺤﺒﻪ .. ﺑﺲ ﻣﺘﺎﻧﻴﻪ ﻓﺮﺻﻪ ﺍﻭﻛﻌﺞ ﻭﺍﻟﻠﻪ ﻭﻣﺤﺪ ﻳﺨﻠﺼﺞ ﻣﻦ ﺍﻳﺪﻱ ..
ﻛﺘﻠﻬﺎ ﻫﺎﺍﺍﺍﺍ ﻭﺍﻟﻠﻪ ﺩﻃﻠﻌﻲ ﻟﻌﺪ ﻭﺩﻭﺭﻳﻠﺞ ﻋﻠﻰ ﻓﺮﺻﻪ ﺣﺒﺎﺑﻪ .. ﻳﻠﻪ ﺑﺮﺍ ﻭﺳﺪﻱ ﺍﻟﺒﺎﺏ ﻭﺭﺍﺝ .. ﻛﺎﻟﺖ ﺗﻬﻮﻥ ﻳﺴﻤّﻴﺮﻩ ..
ﺳﺪﺕ ﺍﻟﺒﺎﺏ ﻭﻃﻠﻌﺖ .. ﺻﻔﻨﺖ ﻫﺎﻱ ﺧﺎﻑ ﺻﺪﻙ ﺗﺤﺠﻲ .. ﺍﻱ ﻭﺗﺤﺠﻲ ﺷﺴﻮﻳﻠﻬﺎ .. ﺍﻧﻲ ﻣﺎ ﻋﻨﺪﻱ ﺷﻲ ﻭﻳﻪ ﺑﻜﺮ ..
ﻭﺣﺘﻰ ﻟﻮ ﺣﺠﺖ ﺑﻜﺮ ﻣﻮﺟﻮﺩ ﻭﻫﻮﻩ ﻳﻌﺮﻑ ﻳﺤﻠﻬﺎ .. ﻣﺎ ﻫﺘﻤﻴﺖ ﻟﻠﻤﻮﺿﻮﻉ .. ﻭﺑﻘﻴﺖ ﺑﻐﺮﻓﺘﻲ .. ﻟﻠﻀﻬﺮ .. ﻃﻠﻌﺖ ﺍﻛﻠﻲ ﺳﻤﺞ ﻟﻠﻐﺪﺍ ..
ﺍﺟﺖ ﻋﻤﺘﻲ .. ﻛﺎﻟﺖ ﺫﻭﻟﻪ ﺷﺒﻴﻬﻢ ﻋﺎﺩﻝ ﻭﻣﺮﺗﻪ ﻳﻄﺎﺑﺨﻮﻥ .. ﺷﺠﺎﻫﻢ ﺍﻟﻴﻮﻡ .. ﻛﺘﻠﻬﺎ ﻳﻄﺒﻬﺎ ﻣﺮﺽ ﺗﺴﺘﺎﻫﻞ ﺍﻟﺴﺎﻧﻬﺎ ﻳﻨﻜﻂ ﺳﻢ ..
ﻛﺎﻟﺖ ﺍﻱ ﻭﺍﻟﻠﻪ ﻫﻴﺞ ﻭﻳﻜﺘﻠﻬﺎ ﻭﻳﻄﻠﻜﻬﺎ ﺍﺧﺨﺦ ﻳﺮﺍﺩﻟﻬﺎ ﺑﺨﺖ .. ﻛﺘﻠﻬﺎ ﺷﻌﻠﻴﻨﻪ .. ﺩﻧﺤﺠﻲ ﻃﺐ ﻋﺎﺩﻝ .. ﻛﺎﻟﺘﻠﻪ ﻋﻤﺘﻲ ﺷﺒﻴﻜﻢ ﻣﺘﺴﺘﺤﻮﻥ ﺍﺻﻮﺍﺗﻜﻢ ﻃﺎﻟﻌﻪ ..
. ....
ﻛﺎﻟﻠﻬﺎ ﻳﻤﻪ ﺧﺒﻠﺘﻨﻲ ﻣﻦ ﺍﻟﺒﺎﺭﺣﻪ ﺍﺗﺰﻥ ﻭﺗﺮﻥ ﺑﺮﺍﺳﻲ ﺷﻌﻨﺪﻙ ﺭﺣﺖ ﺍﻟﺴﻤﺮ .. ﻛﺘﻠﻬﺎ ﻭﺝ ﻣﺎﻛﻮ ﺷﻲ ﺑﺲ ﺗﺮﻳﺪ ﺍﻭﺩﻳﻬﺎ ﻻﻫﻠﻬﺎ .. ﻣﺎﻛﻮ ﺑﺲ ﺗﺼﺮﻛﻊ ﺑﺮﺍﺳﻲ ..
ﻛﺘﻠﻬﺎ ﺩﺗﻌﺎﻱ ﺧﻞ ﺍﻃﻠﻊ ﻗﻬﺮﻱ ﺑﻴﺞ ﻭﺍﺧﺬﺕ ﺍﻟﻤﻘﺴﻮﻡ ﻭﻣﺎ ﺗﺎﺑﺖ ﻭﻫﺴﻪ ﻫﻢ ﺭﺩﺕ ﻧﻔﺲ ﺍﻻﺳﻄﻮﺍﻧﻪ …
ﻛﺎﻟﺖ ﻋﻤﺘﻲ ﺷﻨﻮ ﺗﺮﺩﻳﻦ ﺗﺮﺣﻴﻦ ﻻﻫﻠﺞ . ﻛﺘﻠﻬﺎ ﺍﻱ .. ﺍﺭﻳﺪ ﺍﺭﻭﺡ ﺍﻃﻠﺐ ﺍﻟﻌﺬﺭ ﻣﻦ ﺍﺑﻮﻳﻪ ﻭﺍﻛﻄﻊ ﺍﻟﺰﻋﻞ .. ﺑﻠﻜﺖ ﻳﺮﺿﻮﻥ ﻋﻠﻴﻪ ..
ﻛﺎﻟﺖ .. ﺍﻧﻲ ﺍﺭﻭﺡ ﻭﻳﺎﺝ ﻣﺸﺘﺎﻗﻪ ﻻﺑﻮﺝ ﺍﺭﻳﺪ ﺍﺷﻮﻓﻪ .. ﻛﺘﻠﻬﺎ ﻋﻠﻮﻭﺍ ﺑﻌﺪ ﺍﺣﺴﻦ .. ﺩﻧﺤﺠﻲ ﻭﻃﺒﺖ ﺣﻨﻴﻦ ﺗﺤﺠﻲ ﻭﻳﻪ ﻋﺎﺩﻝ ..
ﻛﺎﻟﺖ ﻋﻤﺘﻲ ﺍﻭﻱ ﻻ ﻫﻠﻪ ﺍﺭﻭﺡ ﺍﺣﺴﻦ ﻣﻦ ﺻﻮﺗﻬﺎ .. ﻭﻃﻠﻌﺖ .. ﺍﻧﻲ ﻭﺍﻛﻔﻪ ﺍﻛﻠﻲ ﻭﻫﺎﻱ ﺗﺘﻌﺎﺭﻙ ﻭﻳﺎﻩ ﺗﻜﻠﻪ ﺷﻌﻨﺪﻙ ﻭﺍﻛﻒ ﻳﻤﻬﺎ ..
ﻳﻜﻠﻬﺎ ﺑﻜﻴﻔﻲ ﻣﺮﺗﻲ ﻭﻋﺎﺟﺒﻨﻲ ﺍﻭﻛﻒ ﻳﻤﻬﺎ ﺍﺣﻈﻨﻬﺎ ﺍﻧﺘﻲ ﺷﻜﻮ .. ﻭﺍﺟﻪ ﺣﻈﻨﻲ ﺣﻴﻞ ﻣﻦ ﻭﺭﻩ ﻭﻳﺸﻢ ﺑﺮﻛﺒﺘﻲ ﻛﺪﺍﻣﻪ ..
ﻛﺘﻠﻪ ﻋﺎﺩﻝ ﺩﻭﻭﺧﺮ ﻳﻤﻌﻮﻭﻭﺩ .. ﻫﻤﺲ ﺑﺮﺑﺞ ﻏﻠﺴﻲ ﺧﻞ ﺍﺣﺮﻙ ﺩﻣﻬﺎ .. ﻛﺘﻠﻪ ﻳﻤﻌﻮﺩ ﺟﺎﻱ ﺍﻛﻠﻲ ﺍﻟﺴﻤﺞ ﺭﺍﺡ ﻳﺤﺘﺮﺭﺭﺭﻙ ..
ﺍﻣﻴﻞ ﺑﺠﺴﻤﻲ ﻣﻨﺎ ﻭﻣﻨﺎ ﻭﺍﺣﺎﻭﻝ ﺍﻭﺧﺮ ﻣﻨﻪ .. ﻭﻫﻮﻩ ﻛﺎﻣﺸﻨﻲ ﻭﻳﺒﻮﺱ .. ﻭﻫﺎﻱ ﺗﺸﻴﻞ ﺭﻭﺣﻬﺎ ﻭﺗﺮﻛﻌﻬﺎ ﻭﺗﺠﺮ ﺑﻴﻪ ..
ﻭﺍﻧﻲ ﻻﺯﻣﻪ ﺍﻟﺨﺎﺷﻮﻛﻪ ﺍﻃﻠﻊ ﺳﻤﺞ ﻭﻫﻤﻪ ﻳﺘﻌﺎﺭﻛﻮ ﻭﻋﺎﺩﻝ ﻻﺯﻣﻨﻲ .. ﻃﻠﻌﺖ ﺍﻟﺴﻤﺞ ﻛﻮﻫﻮﺧﻠﻴﺖ ﻭﺟﺒﻪ ﺟﺪﻳﺪﻩ …
ﻭﺩﺭﺕ ﺟﺴﻤﻲ .. ﻭﺧﺮﺕ ﻣﻦ ﻋﺎﺩﻝ .. ﻛﺘﻠﻪ ﻳﻤﻌﻮﺩ ﻣﺎ ﺍﻟﻨﻪ ﺧﻠﻜﻬﺎ ﻫﺎﻱ ﺩﻋﻮﻓﻬﺎ .. ﺑﻘﺖ ﺗﻐﻠﻂ ﻭﺗﻔﺸﺮ ﻋﻠﻴﻪ ..
ﺑﺎﻭﻋﺖ ﻟﻌﺎﺩﻝ .. ﻛﺘﻠﻪ ﻫﺎﻱ ﺷﺒﻴﻬﺎ ﺗﺨﺒﻠﺖ .. ﺍﺣﺠﻲ ﻭﻣﺨﻠﻴﻪ ﺍﺩﻳﻪ ﻋﻠﻜﺎﻭﻧﺘﺮ ﻭﻣﻨﺘﺠﻴﻪ ﻋﻠﻴﻪ ..
ﺟﺎﻥ ﻳﺠﻲ ﻋﺎﺩﻝ ﻭﻳﻜﻠﻲ ﻣﻌﻠﻴﺞ ﺑﻴﻬﺎ ﺗﺮﻭﺣﻠﺞ ﻓﺪﻭﻩ ﺣﻴﺎﺗﻲ .. ﻭﻳﺒﻮﺳﻨﻲ ﻣﻦ ﺷﻔﺘﻲ .. ﺑﻘﻴﺖ ﻣﺠﻤﺪﻩ ﺑﺄﻳﺪﻩ ..
ﻭﺧﺮﺕ ﻣﻨﻪ ﺑﺴﺎﻉ .. ﻭﺣﻨﻴﻦ ﺷﺎﻓﺖ ﺍﻟﺼﺎﺭ ﻛﺪﺍﻣﻬﺎ .. ﻛﺎﻟﺖ ﻭﺍﻟﻠﻪ ﻟﻮ ﺗﺼﻴﺮ ﺫﻫﺐ ﺑﻌﺪ ﻣﺎ ﺍﺭﻳﺪﻙ .. ﺩﺍﺭﺕ ﻭﺟﻬﺎ ﻭﺭﺍﺣﺖ .. ﻭﻫﻮﻩ ﻳﺼﻴﺢ ﺩﺭﺏ ﺍﻟﺴﺪ ﻋﺴﺎﻩ ﻻ ﺭﺩ ..
ﻫﻮﻩ ﺭﺍﺡ .. ﻭﺍﻧﻲ ﺿﻠﻴﺖ ﺻﺎﻓﻨﻪ ﻟﻴﺶ ﻫﻴﺞ ﻋﺎﺩﻝ ﻳﻌﺎﻣﻠﻨﻲ .. ﻣﻌﻘﻮﻟﻪ ﺗﻘﺒﻠﻨﻲ .. ﻭﺩﻳﻮﺣﻴﻠﻲ ﺍﻧﻮ ﻳﺮﻳﺪﻧﻲ ..
ﺍﻭﻑ ﻳﺎ ﻋﺎﺩﻝ ﺍﻧﻲ ﻣﻮ ﻟﻌﺒﻪ ﻭﺗﻠﻌﺐ ﺑﻤﺸﺎﻋﺮﻱ .. ﺷﻮﻛﺖ ﻣﻴﻌﺠﺒﻚ ﺗﺘﻘﺮﺏ ﻭﺷﻮﻛﺖ ﻣﻴﻌﺠﺒﻚ ﺗﺘﺮﻛﻨﻲ ..
ﻛﻤﻠﺖ ﺍﻟﻐﺪﺍ .. ﺣﻨﻴﻦ ﻟﻤﺖ ﻣﻼﺑﺴﻬﺎ .. ﻭﻃﻠﻌﺖ ﻭﻋﺎﺩﻝ ﻃﻠﻊ ﻳﺎﺧﺬﻫﺎ .. ﺧﻠﻴﺘﻪ ﻭﻛﻌﺪﻧﻪ ﺍﻧﻲ ﻭﻋﻤﺘﻲ ﻧﺘﻐﺪﻩ ..
ﺩﺧﻞ ﺑﻜﺮ .. ﺳﻠﻢ ﻭﻛﻌﺪ ﻳﺎﻛﻞ ﻭﻳﺎﻧﻪ .. ﺳﻮﻟﻔﺘﻠﻪ ﻋﻤﺘﻲ ﻋﻠﻰ ﻣﺮﺕ ﻋﺎﺩﻝ ﺑﺲ ﻣﺎ ﺗﺪﺭﻱ ﻻﻥ ﺑﺎﺳﻨﻲ ﻛﺪﺍﻣﻬﺎ .. ﻛﺎﻟﺘﻠﻪ ﻏﻴﺮﺍﻧﻪ ﻣﻦ ﺳﻤﺮ ..
ﻛﺎﻝ ﺷﻌﻨﺪﺝ ﺗﺮﺣﻴﻦ ﻻﻫﻠﺞ .. ﻛﺘﻠﻪ ﺍﺭﻳﺪ ﺍﺗﺼﺎﻟﺢ ﻭﻳﺎﻫﻢ ﺑﻠﻜﺖ ﻣﻦ ﻭﻳﺎﻳﻪ ﻋﺎﺩﻝ ﻳﺨﻀﻌﻮﻥ ﻭﺍﻟﻴﻮﻡ ﻋﻴﺪ .. ﺑﻠﻜﺖ ﺍﻟﻠﻪ ﻭﻳﻘﻠﺒﻮﻥ ﺻﻔﺤﻪ ﻭﻳﺎﻳﻪ ..
ﻛﺎﻝ ﻫﺎﺍ ﺧﻴﺮ ﺍﻧﺸﺎﻟﻠﻪ .. ﺑﻘﻴﺖ ﺍﻓﻜﺮ ﺑﺎﻟﻠﻲ ﺳﻮﺍﻩ ﻋﺎﺩﻝ .. ﻭﻛﻠﻤﺎ ﺍﺗﺬﻛﺮ ﺍﻟﺴﻮﺍﻩ ﻳﻜﺰﺑﺮ ﺟﺴﻤﻲ ..
ﻗﺮﺭﺕ ﺍﻧﻄﻲ ﻋﺎﺩﻝ ﻓﺮﺻﻪ .. ﻭﺍﺭﺿﻲ ﺿﻤﻴﺮﻱ .. ﻣﻴﺼﻴﺮ ﻫﻴﺞ ﺍﻧﻲ ﻣﻌﻠﻜﻪ .. ﻛﻠﺒﻲ ﻟﺒﻜﺮ .. ﻭﻋﻘﻠﻲ ﻟﻌﺎﺩﻝ ..
ﻟﻮ ﻋﺎﺩﻝ ﺗﻘﺒﻠﻨﻲ .. ﺍﺷﻴﻞ ﻓﻜﺮﺓ ﺑﻜﺮ ﺍﺳﺎﺳﺎ ﻭﺍﻛﻤﻞ ﺣﻴﺎﺗﻲ ﻭﻳﻪ ﻋﺎﺩﻝ ﻭﻟﻮ ﻋﺎﺩﻝ ﻣﺎ ﻗﺒﻞ ﺧﻠﺺ ﺍﻣﺤﻴﻪ ﻣﻦ ﺣﻴﺎﺗﻲ ﻭﻓﻌﻼ ﺍﻋﺘﺒﺮﻩ ﺍﺥ ﻭﻣﺎ ﻳﺮﺑﻄﻨﻲ ﺑﻴﻪ ﺍﻱ ﺷﻲ ..
ﺗﺎﻧﻴﺖ ﻋﺎﺩﻝ ﻳﺠﻲ ﻳﺎﺧﺬﻧﻲ ﻻﻫﻠﻲ ﻫﺴﻪ ﻳﺠﻲ ﻫﺴﻪ ﻳﺠﻲ .. ﻣﺎﻛﻮ ﺻﺎﺭﺕ ﺍﻝ 10 ﺑﻠﻴﻞ ﻭﻫﻮﻩ ﻣﺎﻛﻮ ..
ﻟﺤﺪ ﻣﺎ ﺍﺟﻪ ﺍﻟﺴﺎﻋﻪ 11 ﺑﻠﻴﻞ ﻧﺺ ﺳﻜﺮﺍﻥ .. ﻃﻠﻌﺘﻠﻪ ﻛﺎﻝ ﺳﻤﺮ ﺍﺳﻒ ﻭﺍﻟﻠﻪ ﻧﺴﻴﺖ .. ﻛﺘﻠﻪ ﻋﺎﺩﻱ ﺑﺎﺟﺮ ..
ﺭﺣﺖ ﻟﻠﻐﺮﻓﻪ .. ﻟﺒﺴﺖ ﻣﻼﺑﺲ ﺧﻔﻴﻔﻪ ﺛﻮﺏ ﻓﺎﻧﻴﻠﻪ ﺭﺑﻊ ﺍﺭﺩﺍﻥ ﻭﺩﻟﻌﻪ .. ﻟﻮﻥ ﺍﺻﻔﺮ .. ﻭﺟﻮﻩ ﺍﻟﺮﻛﺒﻪ .. ﺻﻴﻔﻲ ﺭﻏﻢ ﺍﻟﺒﺮﺩ
ﻗﺮﺭﺕ ﺍﺧﺘﺒﺮ ﻋﺎﺩﻝ ﻟﻮ ﺭﺍﺩﻧﻲ ﺍﻟﻪ ﺍﻟﻴﻮﻡ ﺯﻭﺟﻪ ﺭﺍﺡ ﺍﻋﺘﺒﺮﻩ ﺯﻭﺟﻲ ﻭﺍﻧﺴﻰ ﻛﻮﻟﺸﻲ ﻏﻴﺮﻩ ﻟﺤﺘﻰ ﺍﺑﺮﻱ ﺫﻣﺘﻲ ﻛﺪﺍﻡ ﺍﻟﻠﻪ .. ﻭﺍﺭﺿﻪ ﺑﻘﺴﻤﺘﻲ ﺷﺴﻮﻱ
ﺧﺎﺑﺮﺕ ﻋﻠﻰ ﻋﺎﺩﻝ .. ﻛﺘﻠﻪ ﻋﻨﺪﻙ ﺷﻲ .. ﻛﺎﻝ ﻻ ﻟﻴﺶ .. ﻛﺘﻠﻪ ﺿﺎﻳﺠﻪ ﺗﻌﺎﻝ ﻳﻤﻲ ﻧﺴﻮﻟﻒ .. ﻛﺎﻝ ﺍﻱ ﻋﺎﺩﻱ ﺟﻴﺖ ..
ﻗﻔﻠﻪ .. ﺍﻧﻲ ﺭﻛﻀﺖ ﻟﻠﻤﺮﺍﻳﺎ ﻧﺜﺮﺕ ﺷﻌﺮﻱ ﻭﺗﻌﻄﺮﺕ .. ﺍﻧﺪﻛﺖ ﺍﻟﺒﺎﺏ .. ﻓﺘﺤﺘﻠﻪ ﻣﺒﺘﺴﻤﻪ .. ﻭﺍﻧﺼﺪﻡ ﺍﺑﻜﺮ ﺩﻳﻔﺘﺢ ﺍﺑﺎﺏ ﻏﺮﻓﺘﻪ ..
ﺩﺍﺭ ﻭﺟﻬﺎ ﻋﻠﻴﻪ .. ﺑﻘﻰ ﺻﺎﻓﻦ ﻭﻓﺎﺗﺢ ﻋﻴﻮﻧﻪ .. ﻋﺎﺩﻝ ﺩﺧﻞ ﻭﺳﺪ ﺍﻟﺒﺎﺏ ﻭﺭﺍﻩ … ﻳﺘﺒﻊ
🌺🌺🌺🌺🌺
ﻣـﺎ ﺭﺩﺕ ﻏـﻴﺮڪ ,, ﻭﺍﻧﺘـﻪ ﻏـﻴﺮﻱ ﺗــﺮﻳﺪ ✋💔😔
ﺍﻟﻠﻪ ﻳﻌﻴﻦ ﺍﻟﻴﺤﺐ ﻣﻦ ﻃﺮﻑ ﻭﺍﺣﺪ .. ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﻣﻤﺘﻌﻪ ..
# ﺯﻳﻨﺐ _ ﻣﺎﺟﺪ ..
.
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق