رواية حكاية سمر ج1 الجزء الرابع عشر
للكاتبة زينب ماجد
🌿🌿🌿🌿🌿
ﺳﻤﺮ .. ﻛﻤﻠﺖ ﺭﻗﺺ ﺍﻟﺠﻮﺑﻲ .. ﺩﺍ ﺍﻣﺸﻲ .. ﺟﺎﻥ ﻳﻠﺰﻣﻨﻲ ﻋﺎﺩﻝ ﻣﻦ ﺍﻳﺪﻱ ﺑﻘﻮﻩ ﻭﺩﺧﻠﻨﻲ ﻟﻠﻐﺮﻓﻪ ﻣﺎﻟﺘﻲ .. ﻭﻋﺼﺮﻧﻲ ﻭﻳﻪ ﺍﻟﺤﺎﻳﻂ ..
ﻭﻭﻛﻒ ﻛﺒﺎﻟﻲ .. ﻭﻫﻮﻩ ﻻﺯﻡ ﺍﺩﻳﻪ ﺑﻘﻮﻩ .. ﻭﻳﻜﻮﻝ ﺷﻌﻨﺪﺝ ﻻﻃﺸﻪ ﺍﺑﻜﺮ ﻫﺎﺍﺍ ﻻ ﻭ ﺗﺮﻗﺼﻴﻦ ﻭﻻ ﺍﺑﺎﻟﺞ ..
ﻛﺘﻠﻪ ﻫﺎﻱ ﺷﺒﻴﻚ ﻋﺎﺩﻝ ﺗﺨﺒﻠﺖ ﺩﻭﻭﺧﺮ .. ﻟﺰﻣﻨﻲ ﻣﻦ ﻓﻜﻲ .. ﻛﺎﻝ ﺍﺣﺠﻲ .. ﻛﺘﻠﻪ ﺷﺘﺮﻳﺪ ﺍﺣﺠﻲ ..
ﻛﺎﻝ ﻣﺘﺴﺘﺤﻴﻦ ﻭﺍﻛﻔﻪ ﺗﺮﻛﺼﻴﻦ ﻭﻳﺎﻫﻢ ﺟﻮﺑﻲ .. ﻛﺘﻠﻪ ﻣﻮ ﺑﺲ ﺍﻧﻲ .. ﺍﻟﺒﻨﺎﺕ ﻛﻠﻬﻢ ﻭﻳﺎﻳﻪ .. ﻭﻣﺤﺪ ﻏﺮﻳﺐ ﻛﻠﻬﻢ ﺍﻗﺎﺭﺑﻨﻪ .
ﻛﺎﻝ ﻟﺞ ﻻﺯﻣﻪ ﺑﻜﺮ ﻭﺟﺘﻒ ﺑﺠﺘﻒ ﻭﻳﺎﻩ ﺷﻨﻮ ﺿﺎﻋﺖ ﺍﻟﻤﺴﺘﺤﻪ .. ﺍﺑﺎﻭﻋﻠﻪ ﻭﻫﻮﻩ ﻳﺤﺠﻲ ﺑﻌﺼﺒﻴﻪ .. ﻭﻭﺍﻛﻒ ﻛﺪﺍﻣﻲ ﻭﻗﺮﻳﺐ ﻋﻠﻴﻪ ..
ﺍﺑﺘﺴﻤﺖ .. ﻭﺧﻠﻴﺖ ﺍﻳﺪﻱ ﻋﻠﻰ ﺍﻛﺘﺎﻓﻪ ﻭﻛﺘﻠﻪ ﻏﻴﺮﺍﻥ ﻳﺎ ﺣﻠﻮ .. ﻛﺎﻝ ﻣﺎ ﺍﺭﻳﺪﺝ ﺗﻮﻛﻔﻴﻦ ﻭﻳﻪ ﺍﺣﺪ ..
ﻛﺘﻠﻪ ﺑﻜﺮ ﻣﻮ ﺍﻱ . ﺍﺣﺪ .. ﻛﺎﻝ ﺍﺷﻮﻓﺞ ﻫﻮﺍﻱ ﻣﻬﺘﻤﻪ ﻟﺒﻜﺮ ﺷﻨﻮ ﺍﻟﻘﺼﻪ .. ﻛﺘﻠﻪ ﻛﻞ ﺍﻟﻘﺼﻪ .. ﺍﻧﻮ ﺑﻜﺮ ﺭﺟﻞ ﻳﺨﺘﺼﺮ ﻛﻞ ﺍﻟﺮﺟﺎﻝ ﺑﻌﻴﻨﻲ ..
ﺭﻓﻊ ﺣﺎﺟﺒﻪ ﺑﺘﻌﺠﺐ ﻭﻛﺎﻝ ﻭﺍﻟﻠﻬﻲ .. ﻛﺘﻠﻪ ﺍﻱ ﻃﺒﻌﺎ ﻣﺎﻛﻮ ﺍﺣﺪ ﻳﺘﻘﺎﺭﻥ ﺑﻴﻪ .. ﻛﺎﻝ ﻳﻌﻨﻲ ﺍﺣﺴﻦ ﻣﻨﻲ ﻣﻮ ..
ﻛﺘﻠﻪ ﻭﻭﻭﻭ ﺑﻬﻮﺍﺍﺍﻱ .. ﺑﻘﻰ ﻳﺮﻓﻊ ﺑﺤﺎﺟﺒﻪ .. ﻛﺘﻠﻪ ﺑﺎﻭﻋﻠﻲ ﻋﺪﻭﻟﻪ .. ﻳﻜﻮﻟﻮﻥ ﺗﻌﺮﻑ ﻧﺎﺳﻚ ﻭﻗﺖ ﺍﻟﻀﻴﻖ ..
ﻭﺍﻧﻲ ﻟﻤﺎ ﻭﻛﻌﺖ ﻛﻠﻜﻢ ﻛﺴﺮﺗﻮﻧﻲ .. ﻭﻣﺤﺪ ﺳﻨﺪﻧﻲ ﻭﻗﻮﺍﻧﻲ ﻏﻴﺮ ﺑﻜﺮ .. ﺳﺎﻋﺪﻧﻲ ﻭﺣﻤﺎﻧﻲ ﻣﻨﻚ ﻭ ﻣﻦ ﺍﻫﻠﻚ ﻭ ﻣﻦ ﺍﻫﻠﻲ ﻫﻢ ﻭ ﻣﻦ ﺍﻟﻌﺎﻟﻢ ﺍﺟﻤﻊ ..
ﻣﺎ ﺳﻤﺢ ﻻﻱ ﺍﺣﺪ .. ﻳﺠﻴﺐ ﺳﻴﺮﺗﻲ ﺑﺎﻟﻤﻮﺯﻳﻦ .. ﺷﻨﻮ ﺍﻟﻠﻲ ﺳﻮﻳﺘﻪ ﺍﻧﺘﻪ ﻭﺗﺘﻘﺎﺭﻥ ﺍﺑﻜﺮ .. ﻏﻴﺮ ﺍﻧﻚ ﺷﻬﺮﺕ ﺑﻴﻪ ﻛﺪﺍﻡ ﺣﻨﻴﻦ ﻭﺍﻫﻠﻬﺎ ..
ﻫﺎﻱ ﺍﺧﺬﺗﻬﺎ ﻭﻫﻴﻪ ﻣﻮ ﺑﺎﻛﺮ ﻭﻋﺎﺩﻱ ﺳﺘﺮﺕ ﻋﻠﻴﻬﺎ .. ﻭﻣﺎ ﺣﺠﻴﺖ ﺍﻧﻲ ﺷﺴﻮﻳﺘﻠﻲ .. ﻫﺎﺍ .. ﻛﺎﻝ ﺣﻨﻴﻦ ﺍﻧﻲ ﺍﺧﺬﺕ ﺑﻜﺎﺭﺗﻬﺎ ﻭﻣﺘﺄﻛﺪ ﻣﻦ ﺷﺮﻓﻬﺎ ..
ﻛﺘﻠﻪ ﻭﺍﻧﻲ ﻣﻤﺘﺄﻛﺪ ﻣﻨﻲ ﺗﺸﻚ ﺑﻴﻪ .. ﺑﻘﻰ ﻳﺒﺎﻭﻉ ﺑﻮﺟﻬﻲ .. ﻛﺘﻠﻪ ﺷﻮﻑ ﻫﺬﺍ ﺍﻟﻔﺮﻕ ﺑﻴﻨﻚ ﻭﺑﻴﻦ ﺑﻜﺮ .. ﻫﻮﻩ ﻣﺸﻜﻚ ﺑﻴﻪ ﻭﻻ ﻟﺤﻈﻪ ..
ﻭﺩﺍﻓﻊ ﻋﻨﻲ ﻭﻫﻮﻩ ﻭﺍﺛﻖ ﺍﻧﻮ ﺍﻧﻲ ﻣﺎ ﻏﻠﻄﺎﻧﻪ .. ﻭﺍﻟﻔﻀﻞ ﺍﻟﻪ ﺍﻟﻴﻮﻡ ﺍﻧﻲ ﻋﺎﻳﺸﻪ ﻭﺍﺷﺘﻢ ﺍﻟﻬﻮﻯ .. ﻻ ﺟﺎﻥ ﻗﺘﻠﺘﻮﻧﻲ ﺯﻭﺭ ﻭﺑﺪﻭﻥ ﺫﻧﺐ ..
ﺷﻮﻑ ﻋﺎﺩﻝ .. ﺍﻻﻧﺴﺎﻥ ﺍﻟﻠﻲ ﻭﻛﻒ ﻭﻳﺎﻳﻪ ﻫﻠﻮﻛﻔﻪ ﻭﺳﺎﻧﺪﻧﻲ .. ﺛﻖ ﻟﻮ ﺭﺍﺩ ﺭﻭﺣﻲ ﺗﺮﺧﺼﻠﻪ ..
ﻛﺎﻝ ﻳﻌﻨﻲ ﺷﻨﻮ .. ﻛﺘﻠﻪ ﻋﺎﺩﻝ ﻣﻮ ﻣﺜﻞ ﻣﻴﺪﻭﺭ ﺍﺑﺎﻟﻚ .. ﺑﻜﺮ ﺑﺎﻟﻨﺴﺒﻪ ﺍﻟﻴﻪ ﺍﺧﻮﻳﻪ ﺣﺎﻟﻪ ﺣﺎﻟﻚ .. ﻛﺎﻝ ﺷﻨﻮ ﺣﺎﻟﻪ ﺣﺎﻟﻲ ﺍﻧﻲ ﺯﻭﺟﺞ
ﻛﺘﻠﻪ ﺍﻧﺘﻪ ﺍﻟﻜﺘﻠﻲ ﺍﻧﻲ ﺍﺧﻮﺝ ﻭﻣﺎ ﻋﻨﺪﻱ ﻏﻴﺮ ﻫﻠﻤﺸﺎﻋﺮ ﺍﺗﺠﺎﻫﺞ .. ﻛﺎﻝ ﺍﻱ ﺑﺲ ﻫﺬﺍ ﻣﻴﻐﻴﺮ ﺍﻟﺤﻘﻴﻘﻪ .. ﺍﻧﻮ ﺍﻧﺘﻲ ﺯﻭﺟﺘﻲ ﻭ ﺑﺬﻣﺘﻲ ..
ﻛﺘﻠﻪ ﻻ ﻭﺍﻟﻠﻪ ﺗﺬﻛﺮﺕ ﻫﺴﻪ ﺍﺗﺬﻛﺮﺕ ﺍﻧﻲ ﺯﻭﺟﺘﻚ ﻭﺑﺬﻣﺘﻚ ﻭﺗﺨﺼﺮﺕ .. ﺭﻓﻊ ﺣﺎﺟﺒﻪ ﺑﺘﻜﺒﺮ ﻭ ﻛﺎﻝ ﺑﻜﻴﻔﻲ ..
ﻛﺘﻠﻪ ﻫﺴﻪ ﺍﻟﻤﻄﻠﻮﺏ ﺟﺎﺭﻧﻲ ﻟﻠﻐﺮﻓﻪ ﻭﺍﻛﻒ ﻛﺪﺍﻣﻲ .. ﺷﻨﻮ ﺗﺮﻳﺪ .. ﺍﺑﺘﺴﻢ .. ﻛﺎﻝ ﻫﻴﺞ ﺿﺎﻳﻘﻨﻲ ﺭﻗﺼﺞ ﺑﻨﺺ ﺍﻟﺸﺒﺎﺏ ﻭﺑﻌﺪﻳﻦ ﺗﻌﺎﻱ
. .....
ﺷﻨﻮ ﻣﺎ ﻋﻨﺪﺝ ﻏﻴﺮ ﻫﻠﻤﻼﺑﺲ ﺗﻠﺒﺴﻴﻬﺎ .. ﻛﺘﻠﻬﺎ ﺷﺒﻴﻬﺎ ﻋﺎﺩﻳﻪ .. ﺷﺎﻝ ﺍﺩﻳﻪ ﻭﺧﻼﻫﺎ ﻋﻠﻰ ﻛﺘﻔﻲ ﻛﺎﻝ ﺑﺴﺴﺲ ﺗﻔﺎﺻﻴﻠﺞ ﻣﻮ ﻋﺎﺩﻳﻪ .. ﻭﻋﺾ ﻋﻠﻰ ﺷﻔﺘﻪ ﻭﺍﺑﺘﺴﻢ .. ﻛﺘﻠﻪ ﺍﻧﺘﻪ ﻋﻴﻨﻚ ﻭﺻﺨﻪ ﻭﺗﻀﻞ ﻭﺻﺨﻪ ﺩﻭﺧﺮ .. ﻫﻬﻬﻪ
ﺩﻧﻀﺤﻚ ﺑﻬﻠﻮﺿﻊ ﻓﺠﺄﻩ ﺩﺧﻞ ﺑﻜﺮ .. ﺳﻤﺮﺭ ﻭﻳﻦ ﺍﻟﺮﺍﻡ .. ﺷﺎﻓﻨﻪ ﺍﻧﺼﺪﻡ ﻭﻭﻛﻒ ﻳﺒﺎﻭﻉ ﻋﻠﻴﻨﻪ .. ﻋﺎﺩﻝ ﻭﺧﺮ ﻣﻨﻲ ..
ﻛﺎﻟﻪ ﻏﻴﺮ ﺍﺩﻙ ﺍﻟﺒﺎﺏ ﻣﻦ ﺗﺪﺧﻞ .. ﻛﺘﻠﻪ ﻣﺎ ﺍﺩﺭﻱ ﺑﺎﻟﺮﺍﻡ ﺑﻜﺮ ﺍﻧﻄﻴﺘﻪ ﻟﺮﻧﺎ .. ﺑﻘﻰ ﻣﺼﺪﻭﻡ ﻭﻫﻮﻩ ﻳﺒﺎﻭﻋﻠﻨﻪ .. ﻛﺎﻝ ﺍﺳﻒ ﺩﺧﻠﺖ ﺑﺪﻭﻥ ﻗﺼﺪ ..
ﻭﻃﻠﻊ .. ﻋﺎﺩﻝ ﻛﺎﻝ ﻳﻠﻪ ﺍﺭﻭﺡ .. ﻛﺘﻠﻪ ﻣﺎﺷﻲ ﺍﻟﻠﻪ ﻭﻳﺎﻙ .. ﻃﻠﻌﺖ ﻭﺭﻩ ﻋﺎﺩﻝ .. ﺷﻔﺖ ﺑﻜﺮ ﺭﺍﺡ ﺍﻟﻐﺮﻓﺘﻪ ﺑﺴﺮﻋﻪ ﻭﺳﺪ ﺍﻟﺒﺎﺏ ..
ﻋﺮﻓﺘﻪ ﺗﻀﺎﻳﻖ ﻣﻦ ﻣﻨﻈﺮﻧﻪ .. ﺩﺍ ﺍﻣﺸﻲ ﺷﻔﺖ ﺍﻣﻲ ﻛﺒﺎﻟﻲ .. ﻓﺮﺣﺖ ﺣﻴﻞ ﺣﻈﻨﺘﻬﺎ ﻭﻛﺘﻠﻬﺎ ﻫﺎﻱ ﺷﻮﻛﺖ ﺍﺟﻴﺘﻲ .. ﻛﺎﻟﺖ ﻫﺴﻪ ..
ﻛﺘﻠﻬﺎ ﻣﻨﻮ ﺟﺎﺑﺞ ﻛﺎﻟﺖ ﺍﺣﻤﺪ ﺍﺧﻮﺝ .. ﻛﺘﻠﻬﺎ ﺷﺒﻴﺞ ﻣﻮ ﻋﻠﻰ ﺑﻌﻈﺞ .. ﻛﺎﻟﺖ ﺍﺭﻳﺪ ﺍﺣﺠﻲ ﻭﻳﺎﺝ .. ﻛﺘﻠﻬﺎ ﺗﻌﺎﻟﻲ ﺍﻟﻐﺮﻓﺘﻲ ..
ﺩﺧﻠﺖ ﻛﺎﻟﺖ ﺷﻨﻮ ﻏﻴﺮﻭﻫﺎ ﻏﺮﻓﺘﺞ .. ﻛﺘﻠﻬﺎ ﻏﺮﻓﺘﻲ ﺍﻟﺴﺎﺑﻘﻪ ﺍﺧﺬﻫﺎ ﻋﺎﺩﻝ ﻳﺘﺰﻭﺝ ﺑﻴﻬﺎ ﻭﻫﺎﻱ ﺑﻜﺮ ﺟﺎﺑﻠﻴﺎﻫﺎ ﺣﺘﻰ ﻣﺎ ﺍﻧﻘﻬﺮ ﻋﻠﻰ ﻏﺮﻓﺘﻲ ..
ﻛﺎﻟﺖ ﺑﺲ ﻫﺎﻱ ﺍﺣﻠﻰ .. ﻛﺘﻠﻬﺎ ﻋﻮﻓﻴﻨﻪ ﻣﻦ ﺍﻟﻐﺮﻓﻪ ﻭﺳﻮﻟﻔﻴﻠﻲ ﺷﻜﻮ .. ﻛﺎﻟﺖ ﻟﻴﺶ ﻋﺎﺩﻝ ﺍﺗﺰﻭﺝ ﻋﻠﻴﺞ ..
ﺿﺤﻜﺖ ﺑﺎﺳﺘﻬﺰﺍﺀ .. ﻛﺘﻠﻬﺎ ﻳﺮﻳﺪ ﻣﺮﻩ ﻏﻴﺮ .. ﻭﺍﻧﻲ ﻟﻠﻴﻮﻡ ﻳﻌﺘﺒﺮﻧﻲ ﺍﺧﺘﻪ ﻭﻣﻴﺮﻳﺪﻧﻲ .. ﻛﺎﻟﺖ ﺷﻨﻮ ﻣﻌﺘﺒﺮﺝ ﺍﺧﺘﻪ ..
ﻛﺘﻠﻬﺎ ﻳﻮﻡ ﻋﺎﺩﻝ ﺟﺎﻥ ﻣﺠﺒﻮﺭ ﻋﻠﻴﻪ ﻣﺮﺍﻳﺪﻧﻲ .. ﻭﺳﺎﻟﻔﺘﻲ ﺟﺎﻧﺖ ﺣﺠﻪ ﺣﺘﻰ ﻳﺘﺨﻠﺺ ﻣﻨﻲ ﻭﻳﺘﺰﻭﺝ ﺍﻟﻠﻲ ﻳﺤﺒﻬﺎ ..
ﻛﺎﻟﺖ ﺍﻟﻠﻲ ﻳﺤﺒﻬﺎ .. ﻛﺘﻠﻬﺎ ﺍﻳﻲ ﻳﺤﺐ ﻭﺣﺪﻩ ﺳﺎﻋﺪﻳﻪ .. ﻭﻋﻤﺘﻲ ﻣﺠﺎﻧﺖ ﻗﺎﺑﻠﻪ ﻭﺧﻄﺒﺘﻨﻲ ﺍﻟﻪ ﺑﺎﻟﻐﺼﺐ .. ﻣﻦ ﺻﺎﺭ ﻭﻳﺎﻳﻪ ﻫﻴﺞ ..
ﺍﺗﻔﻖ ﻭﻳﻪ ﺑﻜﺮ ﻳﺴﺘﺮ ﻋﻠﻴﻪ ﻓﻲ ﺳﺒﻴﻞ ﺑﻜﺮ ﻳﺰﻭﺟﻪ .. ﻛﺎﻟﺖ ﻭﻫﺴﻪ ﻛﺘﻠﻬﺎ ﺷﻨﻮ ﻫﺴﻪ ﻫﺬﺍ ﺣﺎﻟﻲ ..
ﻛﺎﻟﺖ ﺑﺎﻋﻲ ﻳﻤﻪ .. ﺍﺑﻮﺝ ﻣﻦ ﺳﻤﻊ ﺑﻌﺎﺩﻝ ﺭﺍﺡ ﻳﺘﺰﻭﺝ .. ﺿﻞ ﺑﺘﻌﺎﺭﻙ ﻭﻳﺎﻱ .. ﻭﻛﺎﻝ ﻛﻮﻟﻲ ﻟﺒﻨﺘﺞ ﻟﺘﻔﻜﺮ ﺑﻄﻼﻙ .. ﻟﻮ ﺭﺟﻌﺘﻠﻲ ﻣﻄﻠﻜﻪ ﺍﺫﺑﺤﻬﺎ ﻭﺍﺷﻤﺮﻫﺎ ﻟﻠﺠﻼﺏ ..
ﻛﺘﻠﻬﺎ ﻳﻤﻪ ﻭﺗﺎﻟﻲ ﺍﺑﻘﻰ ﻛﻞ ﻋﻤﺮﻱ ﻫﻴﺞ .. ﻫﻢ ﺍﺭﻳﺪ ﺍﺷﻮﻑ ﺣﻴﺎﺗﻲ .. ﻛﺎﻟﺖ ﻭﺍﻟﻠﻪ ﻳﻤﻪ ﺷﻮ ﻋﺎﻳﺸﻪ ﻭﻋﻴﺸﺔ ﺧﻴﺮ ..
ﻣﻼﺑﺴﺞ ﻭﺍﻧﺎﻗﺘﺞ ﻭﻏﺮﻓﻪ ﺗﺨﺒﻞ ﻣﺪﻟﻠﻪ .. ﺷﺘﺮﺩﻳﻦ ﺍﻛﺜﺮ ﺑﻌﺪ .. ﻛﺘﻠﻬﺎ ﻳﻤﻪ ﺗﺤﺠﻴﻦ ﺻﺪﻭﻙ .. ﺍﻧﻲ ﺷﺎﻳﻒ ﺍﻻﻡ ﺗﻔﻬﻢ ﺑﻨﺘﻬﺎ ﻣﻦ ﻧﻈﺮﻩ .. ﻭﺍﻧﺘﻲ ﺗﺤﻜﻤﻴﻦ ﻋﻠﻰ ﺣﻴﺎﺗﻲ ﻣﻦ ﺷﻜﻠﻲ ..
ﻛﺎﻟﺖ ﻟﻌﺪ ﺷﺒﻴﺞ ﻟﻴﺶ ﻣﻤﺮﺗﺎﺣﻪ .. ﺻﻔﻨﺖ ﺑﻮﺟﻬﺎ .. ﻧﺰﻟﺖ ﺩﻣﻮﻋﻲ ﺑﺴﺎﻉ .. ﻛﺘﻠﻬﺎ ﺑﺲ ﻓﻜﺮﻱ ﺑﻮﺿﻌﻲ ﺩﻗﺎﻳﻖ .. ﻋﺮﻭﺱ ﻣﺼﺎﺭﻟﻲ 3 ﺍﺷﻬﺮ ﻣﻦ ﺗﺰﻭﺟﺖ ..
ﻭﺯﻭﺟﻲ ﺍﻟﻴﻮﻡ ﻳﺘﺰﻭﺝ ﻋﻠﻴﻪ .. ﺗﺸﻮﻓﻴﻦ ﺍﻛﻮ ﺳﻌﺎﺩﻩ ﺑﺎﻟﻤﻮﺿﻮﻉ .. ﻳﻤﻪ ﺍﺑﻴﻦ ﺍﻧﻲ ﻗﻮﻳﻪ ﻭﻣﺎ ﻣﻬﺘﻤﻪ ﺑﺲ ﻣﺎﻣﺎ ﻣﻦ ﺩﺍﺧﻠﻲ ﻏﻴﺮﺭ ..
ﻭﺍﻟﻠﻪ ﺩﺍ ﺗﻌﺬﺏ ﻭﺍﻟﻠﻪ .. ﺩﻧﻜﺖ ﺍﺑﺠﻲ .. ﺧﻠﺖ ﺍﻳﺪﻫﺎ ﻋﻠﻰ ﻛﺘﻔﻲ ﻭﺑﻘﺖ ﺍﻃﺒﻄﺐ ﻭﺗﻜﻠﻲ ﻳﻤﻪ ﺍﻧﻲ ﺷﺒﻴﺪﻱ ..
ﺗﻌﺮﻓﻴﻦ ﺍﺑﻮﺝ ﻭﻋﻘﻠﻴﺘﻪ ﺍﻟﻤﺮﻩ ﻳﺤﺮﻛﻬﺎ ﻭﻻ ﺗﺮﺟﻌﻠﻪ ﻣﻄﻠﻜﻪ .. ﻋﻴﺐ ﻋﺪﻧﻪ ﺍﻟﻤﺮﻩ ﺗﻄﻠﻚ .. ﺍﺗﺤﻤﻠﻲ ﺷﺘﺴﻮﻳﻦ .. ﻭﺍﻟﻠﻪ ﻳﻤﻪ ﻫﻨﺎ ﺍﺭﺣﻤﻠﺞ
. .....
ﻟﻮ ﺍﻃﻠﻜﺘﻲ ﻭﺭﺟﻌﺘﻲ ﻳﺬﺑﺤﺞ ﻭﺍﻟﻠﻪ .. ﻭﺍﺣﻤﺪ ﺑﻌﺪ ﺍﻣﺮ ﻣﻨﻪ ﻳﻮﻣﻴﻪ ﻳﺘﺤﻠﻔﻠﺞ .. ﻭﻋﻤﺞ ﺧﻠﻴﻞ ﻣﻤﻘﺼﺮ ﻳﻮﻣﻴﻪ ﺟﺎﻱ ﻻﺑﻮﺝ ﻭﻣﻌﻴﺮﻩ ﺑﺴﺎﻟﻔﺘﺞ ..
ﻭﻳﻮﻣﻴﻪ ﺟﺎﻱ ﺑﺸﻐﻠﻪ ﻳﺘﻮﺳﻄﻠﻪ ﻭﻳﻜﻠﻪ ﻻ ﺗﻨﺴﻰ ﻓﻀﻠﻨﻪ ﻋﻠﻴﻜﻢ ﺳﺘﺮﻧﻪ ﺑﺘﻜﻢ .. ﻭﻣﺎ ﺧﻠﻴﻨﻪ ﺍﻟﻌﺎﺭ ﻳﺮﻛﺒﻚ ..
ﻛﺘﻠﻬﺎ ﻳﻮﻡ ﻣﺎ ﻏﻠﻄﺖ ﻭﻳﻪ ﺍﺣﺪ ﻭﺍﻟﻠﻪ .. ﻛﺎﻟﺖ ﻫﺬﺍ ﺍﻟﺤﺠﻲ ﻣﻴﻤﺸﻲ ﻋﺪ ﺍﺑﻮﺝ ﺗﻌﺮﻓﻴﻨﻪ ﻣﺘﻌﺼﺐ ﻭﻣﺎ ﻳﺘﻔﻬﻢ ﻫﻠﻜﻼﻡ ﻭﻣﺘﺤﻠﻔﻠﺞ ..
ﻟﻮ ﺭﺟﻌﺘﻲ ﺍﻟﻪ ﻳﺬﺑﺤﺞ ﻭﻳﺘﺨﻠﺺ ﻣﻨﺞ .. ﻭﻫﻮﻩ ﺳﺎﻛﺖ ﻫﺴﻪ .. ﻻﻥ ﺑﻜﺮ ﺗﻌﺎﺭﻙ ﻭﻳﻪ ﺍﺑﻮﺝ ﻭﻛﺎﻳﻠﻪ ﺷﻌﺮﻩ ﻣﺘﻤﺲ ﻣﻦ ﺳﻤﺮ .. ﻣﺪﺍﻣﻬﺎ ﺟﻨﺘﻨﻪ ..
ﻣﻦ ﺗﺼﻴﺮ ﻋﺪﻙ ﻭﺗﺮﺟﻌﻠﻚ ﻋﻮﺩ ﺍﺗﺼﺮﻑ .. ﺍﻻ ﻫﻮﻩ ﻟﻠﻴﻮﻡ ﻣﺎ ﻧﺎﺳﻲ ﺍﻟﺴﻮﻳﺘﻴﻪ .. ﺍﺳﺘﺮﻱ ﻋﻠﻴﻨﻪ ﻳﻤﻪ ﻭﺍﺗﺤﻤﻠﻲ ..
ﻛﺘﻠﻬﺎ ﺍﻟﻨﺎﺱ ﺍﺭﺣﻢ ﻣﻨﻜﻢ ﻭﺍﻟﻠﻪ .. ﺍﻟﻐﺮﺑﻪ ﺳﺎﻣﺤﻮﻧﻲ ﻭﺍﻧﺘﻮ ﻟﻠﻴﻮﻡ ﺗﺘﻮﻋﺪﻭﻟﻲ .. ﺷﻨﻮ ﺍﻟﺴﻮﻳﺘﻪ .. ﻭﻫﻴﺞ ﻣﻘﺎﻃﻌﻴﻨﻲ ..
ﻳﻤﻪ ﺍﻧﻲ ﺑﺘﻜﻢ ﻧﺴﻴﺘﻮﻧﻲ ﺷﻨﻮ .. ﻋﻮﻓﻴﻨﻲ ﻣﻦ ﺍﻟﻄﻼﻙ .. ﻻ ﻓﺪ ﻳﻮﻡ ﺧﺎﺑﺮﺗﻮﻧﻲ ﻻ ﺳﺄﻟﺘﻮ ﻋﻠﻴﻪ ﻣﻮ ﻛﺄﻧﻲ ﺑﺘﻜﻢ ﻭﻛﺄﻧﻮ ﺑﺲ ﺭﺩﺗﻮ ﺗﺘﺨﻠﺼﻮﻥ ﻣﻨﻲ ..
ﻛﺎﻟﺖ ﺍﺑﻮﺝ ﻣﻴﻘﺒﻞ ﺍﺧﺎﺑﺮﺝ ﻣﺬﻣﻤﻨﻲ .. ﻳﻜﻮﻝ ﻋﻮﻓﻴﻬﺎ ﺗﻌﺮﻑ ﻏﻠﻄﻬﺎ ﻭﺗﺪﻓﻊ ﺛﻤﻦ ﺍﺧﻄﺎﺀﻫﺎ .. ﻻ ﺗﺴﺎﻧﺪﻳﻬﺎ ﻋﻠﻐﻠﻂ ..
ﻛﺘﻠﻬﺎ ﻳﻤﻪ ﻫﺬﺍ ﺍﺏ ﻟﻮ ﻋﺪﻭ .. ﻛﺎﻟﺖ ﺷﺴﻮﻱ ﺑﺲ ﺍﻧﻲ ﻣﻌﻠﻴﻪ ﺑﻴﻪ ﻭﺍﺣﺎﻭﻟﺖ ﺍﺗﺼﻞ ﺑﻴﺞ ﺑﺪﻭﻥ ﻋﻠﻤﻪ ﻭﺭﻗﻤﺞ ﺧﺎﺭﺝ ﺍﻟﺘﻐﻄﻴﻪ .. ﺑﻌﺪ ﺷﺴﻮﻳﻠﺞ
ﻛﺘﻠﻬﺎ ﺍﻱ ﺻﺢ ﻏﻴﺮﺕ ﺳﻴﻤﻜﺎﺭﺗﻲ .. ﻛﺎﻟﺖ ﺍﻧﻄﻴﻨﻴﺎﻩ .. ﻃﻠﻌﺖ ﻓﻮﻧﻴﻮ ﺣﻮﻟﺘﻠﻬﺎ ﺭﻗﻤﻲ .. ﻭﻛﺎﻟﺖ ﺍﻧﺸﺎﻟﻠﻪ ﺍﺧﺎﺑﺮﺝ ﺻﻴﺮﻱ ﻗﻮﻳﻪ ﻳﻤﻪ .. ﻭﺍﺗﺤﻤﻠﻲ ﻭﺟﺎﺭﻱ ﺍﻻﻣﻮﺭ
ﻫﺰﻳﺖ ﺭﺍﺳﻲ ﺑﻴﺌﺲ .. ﻛﺎﻟﺖ ﻳﻠﻪ ﺍﻧﻲ ﺍﺭﻭﺡ .. ﻛﺘﻠﻬﺎ ﻭﻳﻦ ﺑﻌﺪ .. ﻛﺎﻟﺖ ﻻ ﺍﺟﻴﺖ ﺑﺲ ﺍﺣﺎﺟﻴﺞ ﻭﺍﺭﻭﺡ .. ﺑﺎﻭﺳﺘﻨﻲ ﻭﺭﺍﺣﺖ ..
ﺍﺟﺖ ﻟﺤﻈﺎﺕ .. ﺑﺲ ﺍﺣﺲ ﺑﺤﻨﺎﻧﻬﺎ ﻣﻦ ﺩﺧﻠﺖ ﺑﻴﺖ ﻋﻴﺎﻟﻲ .. ﺭﻏﻢ ﺍﻟﻜﻼﻡ ﺍﻟﻨﻘﻠﺘﻪ ﺍﻟﻴﻪ ﻛﺄﻧﻪ ﺳﻢ .. ﺑﺲ ﺑﻤﺠﺮﺩ ﻣﺎ ﻃﻠﻌﺖ ﺣﺴﻴﺖ ﺑﻔﺮﺍﻍ ﺍﻛﺜﺮ ..
ﺭﺟﻌﺖ ﻟﻠﺼﺎﻟﻪ .. ﻟﻜﻴﺘﻬﻢ ﻳﺘﺤﻈﺮﻭﻥ .. ﻛﺘﻠﻬﻢ ﻫﺎﺍ .. ﻛﺎﻟﻮ ﻳﻠﻪ ﻏﻴﺮ ﻧﺰﻓﻬﻢ ﻟﻠﻔﻨﺪﻕ ﺗﺮﺣﻴﻦ .. ﻛﺘﻠﻬﻢ ﻣﺎ ﺍﻋﺮﻑ .. ﻛﺎﻟﺖ ﺍﻣﻴﺮﻩ ﻭﺝ ﺷﻨﻮ ﻣﺎ ﺍﻋﺮﻑ .
ﺩﺭﻭﺣﻲ ﺣﻈﺮﻱ ﻧﻔﺴﺞ ﺑﺴﺎﻉ ﺭﺍﺡ ﻧﺼﻌﺪ ﺳﻴﺎﺭﺍﺗﻨﻪ .. ﻛﺎﻟﺖ ﺑﻜﺮ ﻭﻳﻦ .. ﻛﺎﻟﺖ ﺭﻧﺎ ﺑﻜﺮ ﺑﻐﺮﻓﺘﻪ ﻗﺎﻓﻞ ﺍﻟﺒﺎﺏ ﻭﻳﻜﻮﻝ ﺭﻭﺣﻮ ﺍﻧﻲ ﻣﺎ ﺍﺭﻭﺡ ..
ﺻﺎﺡ ﻋﺎﺩﻝ .. ﻏﻴﺮ ﻋﺴﺎﺱ ﻫﻮﻩ ﻳﺰﻓﻨﻲ ﺑﺴﻴﺎﺭﺗﻪ .. ﻛﺎﻟﺘﻠﻪ ﻣﺎ ﺍﻋﺮﻑ ﻋﺼﺒﻲ ﻭﻳﻜﻮﻝ ﻣﺎ ﺍﺭﻭﺡ ﺭﻭﺣﻮ .. ﻛﺎﻝ ﻋﺎﺩ ﺑﺲ ﺧﻞ ﻳﻨﻄﻴﻨﻪ ﺳﻮﻳﺞ ﺳﻴﺎﺭﺗﻪ ..
ﺍﻧﻲ ﻣﻦ ﺳﻤﻌﺖ ﻫﻴﺞ .. ﻗﺮﺭﺕ ﻣﺎ ﺍﺭﻭﺡ ﻟﻠﺰﻓﻪ ﻭﺍﺷﻮﻑ ﺑﻜﺮ ﺷﺒﻴﻪ .. ﺩﻛﺖ ﺍﻟﺒﺎﺏ ﻋﻠﻴﻪ ﺍﻣﻴﺮﻩ ..
ﻛﺎﻟﺘﻠﻪ ﺑﻜﺮ ﺑﺲ ﺍﻧﻄﻴﻨﻪ ﺳﻮﻳﺞ ﺳﻴﺎﺭﺗﻚ .. ﻓﺘﺢ ﺍﻟﺒﺎﺏ ﺍﻧﻄﺎﻫﺎ ﺍﻟﻤﻔﺎﺗﻴﺢ .. ﻛﺎﻟﺘﻠﻪ ﺷﺒﻴﻚ ﺧﻮﻳﻪ .. ﻛﺎﻟﻠﻬﺎ ﻣﺎﻛﻮ ﺷﻲ ﺑﺲ ﻟﺰﻣﻨﻲ ﺻﺪﺍﻉ ﻗﻮﻱ ..
ﻛﺎﻟﺘﻠﻪ ﺧﺎﻑ ﻣﻦ ﺍﻟﺘﻌﺐ .. ﻫﺰ ﺭﺍﺳﻪ .. ﻛﺎﻟﺘﻠﻪ ﻧﺎﻡ ﺍﺭﺗﺎﺡ .. ﺳﺪ ﺍﻟﺒﺎﺏ .. ﺩﺍﺭﺕ ﻛﺎﻟﺖ ﻫﺎ ﺳﻤﺮ ﻣﺘﺮﺣﻴﻦ ..
ﻛﺘﻠﻬﺎ ﻻ .. ﻛﺎﻟﺖ ﻋﻤﺘﻲ ﺍﻱ ﺍﺣﺴﻦ ﺍﺑﻘﻲ ﺑﺎﻟﺒﻴﺖ ﻻﻥ ﻋﻤﺞ ﺧﻠﻴﻞ ﻫﻢ ﺭﺍﻳﺢ ﻭﻳﺎﻧﻪ .. ﻭﺑﻜﺮ ﻧﺎﻡ .. ﺍﻛﻌﺪﻱ ﺑﺼﺎﻟﻪ ﻟﺤﺪ ﻣﻨﺮﺟﻊ ..
.....
ﻣﻴﺼﻴﺮ ﻧﻌﻮﻑ ﺍﻟﺒﻴﺖ ﺧﺎﻟﻲ .. ﻛﺘﻠﻬﺎ ﺍﻧﺸﺎﻟﻠﻪ ﺭﻭﺣﻮ .. ﺭﺍﺣﻮ .. ﻣﺸﻴﺖ ﻟﻐﺮﻓﺔ ﺑﻜﺮ .. ﺩﻛﻴﺖ ﺍﻟﺒﺎﺏ ﻣﺮﻩ ﻣﺮﺗﻴﻦ ﻣﺎ ﺭﺩ ..
ﻓﺘﺤﺘﻪ .. ﻟﻜﻴﺘﻪ ﻛﺎﻋﺪ ؏ﺳﺮﻳﺮ ﻭﻳﺸﺮﺏ ﺟﻜﺎﻳﺮ .. ﻛﺘﻠﻪ ﺻﺎﺭ ﺳﺎﻋﻪ ﺍﺩﻙ ﺍﻟﺒﺎﺏ ﻋﺒﺎﻟﻲ ﻧﺎﻳﻢ .. ﺑﺎﻭﻋﻠﻲ ﺍﻧﻮﺏ ﺩﺍﺭ ﻭﺟﻬﺎ ..
ﺍﺗﻘﺮﺏ ﻳﻤﻪ .. ﻋﻴﻮﻧﻪ ﺣﻤﺮﺭﺭ .. ﻭﻣﺪﻣﻌﺎﺕ .. ﺧﻠﻴﺖ ﺍﻳﺪﻱ ﻋﻠﻰ ﺭﻛﺒﺔ ﺭﺟﻠﻪ ﻭﻫﻮﻩ ﻛﺎﻋﺪ .. ﻛﺘﻠﻪ ﺷﺒﻴﻚ ﺑﻜﺮ ..
ﻛﺎﻝ ﻣﺎﻛﻮ ﺷﻲ .. ﻛﺘﻠﻪ ﺗﻀﺎﻳﻘﺖ ﻣﻦ ﻭﻛﻔﺖ ﻋﺎﺩﻝ ﻭﻳﺎﻱ .. ﺑﺎﻭﻉ ﻋﻠﻴﻪ ﺑﻌﺼﺒﻴﻪ .. ﺍﻧﻮﺏ ﺭﺟﻊ ﺩﺍﺭ ﻭﺟﻬﺎ ﻣﻨﻲ ﻭﻳﻬﺰ ﺑﺮﺍﺳﻪ ..
ﻭﻛﺎﻝ ﺑﺲ ﺍﺭﻳﺪ ﻋﺎﻗﻞ ﻳﻔﻬﻤﻨﻲ ﻭﻳﻔﻬﻢ ﺍﻟﺒﻴﻪ ﻣﺎﻛﻮ .. ﻭﻳﻀﺮﺏ ﺑﺄﻳﺪﻩ ﻭﻳﻬﺰ ﺑﺮﺟﻠﻪ ﺑﻨﺮﻓﺰﻩ ..
ﻛﺘﻠﻪ ﺑﻜﺮ ﻓﻬﻤﻨﻲ ﺍﻧﺘﻪ ﻣﻦ ﺷﻨﻮ ﻣﻐﺜﻮﺙ ﺑﺎﻟﻀﺒﻂ ﻳﻌﻨﻲ ﻣﺘﻌﺮﻑ ﻋﺎﺩﻝ ﺯﻭﺟﻲ .. ﻟﻮ ﻣﺘﻨﺎﺳﻲ ﺍﻟﺸﻐﻠﻪ ﻭﻣﻔﻜﺮ ﺍﻧﻲ ﺍﻟﻚ ..
ﺻﺮﺥ ﺑﻮﺟﻬﻲ ﻭﻛﺎﻝ ﺍﻧﺘﻲ ﻟﻴﺶ ﻣﺘﻔﻬﻤﻴﻦ ﻋﻠﻴﻪ .. ﻋﺎﺩﻝ ﻣﻮ ﺭﺟﻠﺞ ﺍﻓﺘﻬﻤﻲ ﻣﻮ ﺭﺟﻠﺞ ﺍﻧﺘﻲ ﺍﻟﻲ .. ﺍﻧﻲ ﺍﺣﻖ ﻭﺍﺣﺪ ﺑﻴﺞ ..
ﻭﻟﺞ ﺣﺴﻲ ﺑﻨﺎﺭ ﻛﻠﺒﻲ ﺷﻮﻳﻪ ﻭﻟﺞ ﺟﺎﻱ ﺍﺣﺘﺮﺭﺭﺭﺭﻙ ﺗﻔﺘﻬﻤﻴﻦ ﻟﻮ ﻻ .. ﺟﺎﻱ ﺍﻣﻮﻭﻭﺕ .. ﺍﺩﺧﻞ ﺍﻟﻜﺎﻩ ﻭﺍﻛﻒ ﻭﻳﺎﺝ ﻭﻋﺎﺻﺮﺝ ﺑﺎﻟﺤﺎﻳﻂ ..
ﻻ ﺍﻛﺪﺭ ﺍﺻﺮﺥ ﻭﺍﻛﻮﻟﻪ ﻭﺧﺮ ﻣﻨﻬﺎ ﻫﺎﻱ ﺍﻟﻲ .. ﻭﻻ ﺍﻛﺪﺭ ﺍﺳﻜﺘﺘﺘﺘﺖ .. ﺑﻘﺖ ﺑﺲ ﻧﺎﺭ ﺗﻔﻮﺭ ﺟﻮﺍﻱ .. ﻭﻳﺪﻙ ﻋﻠﻰ ﻛﻠﺒﻪ ﺑﻘﻮﻩ ﺑﺄﻳﺪﻩ .. ﻭﻳﻜﻮﻟﻲ ﺍﻓﻬﻤﻴﻨﻲ ﻟﺨﺎﻃﺮ ﻣﺤﻤﺪ ﻣﻮ ﺗﻌﺒﺖ ..
ﻛﺘﻠﻪ ﺑﻜﺮ ﻟﻴﺶ ﺍﻛﻮﻟﻚ ﻣﺸﺎﻋﺮﻙ ﻏﻠﻂ ﻭﻣﻮ ﻻﺯﻡ ﺗﻨﺠﺮﻑ ﻭﺭﺍﻫﺎ .. ﺑﻜﺮ ﺍﻧﻲ ﻣﻮ ﺍﻟﻚ .. ﻭﻻ ﺍﻛﺪﺭ ﺑﻴﻮﻡ ﺍﺻﻴﺮ ﺍﻟﻚ ..
ﻛﺎﻝ ﺍﻧﺘﻲ ﺑﺲ ﺳﺎﻧﺪﻳﻨﻲ ﺑﺲ ﻛﻮﻟﻴﻠﻲ ﺍﺭﻳﺪﻙ ﻭﺷﻮﻓﻲ ﺷﻠﻮﻥ ﺍﺟﺮﺝ ﻣﻦ ﺣﻠﻚ ﺍﻟﺬﻳﺐ .. ﻭﺍﺧﺬﺝ ..
ﻛﺘﻠﻪ ﺑﻜﺮ ﻟﺨﺎﻃﺮ ﺍﻟﻠﻪ ﺍﺻﺤﻰ ﺍﻧﻲ ﻣﺮﺕ ﻋﺎﺩﻝ ﺍﺧﻮﻙ ﻣﻦ ﺩﻣﻚ ﻭﻟﺤﻤﻚ ﺻﻌﺐ ﺻﻌﺐ ﺷﺒﻴﻚ ..
ﻛﺎﻝ ﻭﺍﻟﻠﻪ ﻟﻮ ﺍﻋﺮﻑ ﺍﻧﺘﻲ ﺯﻭﺟﺔ ﻋﺎﺩﻝ ﻟﻮ ﻋﺎﺩﻝ ﻣﻤﻜﻦ ﻳﺼﻴﺮﻟﺞ ﺯﻭﺝ ﻓﻼ ﺍﺣﺠﻲ .. ﺟﺎﻥ ﺧﻠﻴﺖ ﻫﻠﻨﺎﺭ ﺑﺪﺍﺧﻠﻲ ﻭﺳﻜﺘﺖ ..
ﺳﻤﺮ ﺍﻧﺘﻲ ﻣﺎ ﻳﺮﺑﻄﺞ ﺑﻌﺎﺩﻝ ﻏﻴﺮ ﻭﺭﻗﻪ .. ﺑﺲ ﺍﺳﻤﺤﻴﻠﻲ ﺍﺣﺮﻙ ﻫﻠﻮﺭﻗﻪ ﻭﺻﻴﺮﻱ ﺍﻟﻲ ..
ﻛﺘﻠﻪ ﺑﻜﺮ ﻭﺍﻟﻨﺎﺱ ﺻﺮﺥ ﺧﺮﻩ ﺑﺎﻟﻨﺎﺍﺍﺍﺍﺱ ﻭﻟﺞ ﻣﻌﻠﻴﺞ ﺑﺎﻟﺪﻧﻴﺎ ﺑﺲ ﺑﺎﻭﻋﻴﻠﻲ ﺗﻌﺒﺘﺘﺘﺘﺖ ..
ﻛﺘﻠﻪ ﺑﻜﺮ ﺍﻧﺘﻪ ﻛﻮﻟﺸﻲ ﺑﺎﻟﻨﺴﺒﻪ ﺍﻟﻴﻪ ﺑﺲ ﺍﺣﺠﻴﻬﺎ ﻭﻳﺎﻙ ﺑﺼﺮﺍﺣﻪ ﻣﺎ ﻋﻨﺪﻱ ﻣﺸﺎﻋﺮ ﺣﺐ ﺍﻟﻚ ﻭﻻ ﺍﺭﻳﺪ ﺗﺼﻴﺮ ﻋﻨﺪﻱ ﻫﻴﺞ ﻣﺸﺎﻋﺮ ﺍﺗﺠﺎﻫﻚ ..
ﻻﻥ ﻫﻠﺸﻲ ﻏﻠﻂ ﻭﺍﻟﻄﺮﻳﻖ ﻣﺴﺘﺤﻴﻞ .. ﺍﻧﺴﻰ ﺑﻜﺮ ﺍﻧﺴﻰ ﻟﺨﺎﻃﺮﻱ ﻭﺍﻟﻠﻪ ﺗﺘﻌﺐ ﻟﻮ ﺑﻘﻴﺖ ﺗﻔﻜﺮ ﺑﻬﺸﻜﻞ ..
ﻣﺤﺪ ﺭﺍﺡ ﻳﻘﺒﻞ ﺑﻌﻼﻗﺘﻨﻪ .. ﺣﺘﻰ ﻟﻮ ﺍﻃﻠﻘﺖ .. ﻣﻦ ﻋﺎﺩﻝ .. ﺗﺘﻮﻗﻊ ﺍﻣﻚ ﻟﻮ ﺍﺑﻮﻙ ﻳﻘﺒﻠﻮﻥ ﺗﺘﺰﻭﺟﻨﻲ .. ﻟﻮ ﺗﺘﻮﻗﻊ ﺍﺑﻮﻳﻪ ﻳﻘﺒﻠﻬﺎ ..
ﻳﺬﺑﺤﻮﻧﻲ ﻣﻦ ﺻﺪﻙ ﺻﺪﻛﻨﻲ .. ﺩﺍﺭ ﻭﺟﻬﺎ .. ﻛﺎﻝ ﻭﻟﺞ ﺑﺲ ﺑﺲ ﺣﺴﻲ ﺑﻴﻪ ﻭﺳﺎﻧﺪﻳﻨﻲ ﺍﺣﺎﺭﺏ ﺍﻟﺪﻧﻴﺎ ﻭﺍﺧﺬﺝ .. ﺣﺘﻰ ﻟﻮ ﻣﺤﺪ ﻳﻘﺒﻞ ﻣﺎ ﺍﻫﺘﻢ ﻻﻛﺒﺮ ﺭﺍﺱ
ﺍﺧﺬﺝ ﻭﺍﻋﻴﺶ ﻭﻳﺎﺝ ﺑﻐﻴﺮ ﺩﻳﺮﻩ .. ﺍﻃﻠﻌﺞ ﺑﺮﺍ ﻣﺎ ﺍﺧﻠﻲ ﺍﻱ ﺍﺣﺪ ﻳﻮﺻﻠﺞ ﺑﺲ ﺍﻭﻛﻔﻲ ﻭﻳﺎﻱ ﺳﻤﺮ ﻣﻮ ﺗﻌﺒﺖ ﻭﺍﻟﻠﻪ ..
ﻛﺘﻠﻪ ﻫﻬﻪ ﺍﺷﺮﺭﺭﺩ ﻭﻳﺎﻙ ﺗﺮﻳﺪﻧﻲ .. ﺑﻜﺮ ﺍﻧﻲ ﻣﺎ ﻏﻠﻄﺖ ﻭﺭﺍﺩﻭ ﻳﺬﺑﺤﻮﻥ ﻭﺍﻋﺘﺒﺮﻭﻧﻲ ﻋﺎﺭ ﻟﻮ ﺷﺮﺩﺕ ﻭﻳﻪ ﺍﺧﻮ ﺯﻭﺟﻲ ﺷﻴﻜﻮﻟﻮﻥ ﻋﻠﻴﻪ
. ...
ﻭﺍﻟﻠﻪ ﺍﻟﻠﻲ ﺑﻠﻤﻼﻫﻲ ﻳﻄﻠﻌﻮﻫﺎ ﺍﺣﺴﻦ ﻣﻨﻲ .. ﻛﺎﻝ ﻣﻌﻠﻴﺞ ﺑﺎﻟﻌﺎﻟﻢ ﺑﺲ ﻓﻜﺮﻱ ﺑﻴﻪ ..
ﻛﻤﺖ ﻣﻨﻪ .. ﻛﺘﻠﻪ ﺑﻜﺮ ﺍﺧﺎﻑ ﻭﺍﻟﻠﻪ ﺍﺧﺎﻑ .. ﻣﺎ ﺍﻛﺪﺭ ﺍﻓﺘﻬﻢ ﺍﻋﺘﺒﺮﻙ ﺍﺧﻮﻳﻪ .. ﻭﻻ ﺗﻠﺢ ﺑﻬﻠﺴﺎﻟﻔﻪ .. ﻻﻥ . ﻭﺍﻟﻠﻪ ﻣﺎ ﺍﻣﻠﻜﻠﻚ ﻣﺸﺎﻋﺮ .. ﺍﻧﺴﻰ ﺍﻟﻤﺸﺎﻋﺮ ﺍﻟﺒﺪﺍﺧﻠﻚ ﺍﻧﺴﺎﻫﺎ .. ﺍﻣﺤﻴﻬﺎ ﻻﻥ ﻏﻠﻂ
ﺑﺎﻭﻋﻠﻲ ﺑﻨﻈﺮﻩ ﻳﺎﺋﺴﻪ .. ﻭﻛﺎﻝ ﺣﺎﺭﺑﺖ ﺍﻟﻌﺎﻟﻢ ﻛﻠﻪ ﻭﻛﻔﺖ ﺑﻮﺟﻬﺎ ﺍﻟﺨﺎﻃﺮﺝ .. ﻭﻣﺴﺘﻌﺪ ﺍﺿﺤﻲ ﻭﺍﺿﺤﻲ ﻭﺍﻧﺘﻲ ﻣﻮ ﻣﺴﺘﻌﺪﻩ ﺣﺘﻰ ﺗﻌﺘﺮﻓﻴﻦ ﺑﺤﺒﻲ .. ﺟﺮ ﻧﻔﺲ ﺣﻴﻞ ﻭﺩﺍﺭ ﻭﺟﻬﺎ ..
ﻛﺘﻠﻪ ﻻﻥ ﻣﺎ ﺍﻋﺘﺒﺮﻙ ﻏﻴﺮ ﺍﺥ ﻳﺎﺭﻳﺖ ﺗﻔﻬﻤﻨﻲ .. ﺩﺍﺭ ﻭﺟﻬﺎ ﻋﻠﻴﻪ ﻭﻫﺰ ﺭﺍﺳﻪ .. ﻭﺍﻟﺪﻣﻮﻉ ﺗﺠﻤﻌﺖ ﺑﻌﻴﻨﻪ ..
ﻛﺎﻝ ﺗﺸﻮﻓﻴﻦ ﻫﻠﻜﻠﺐ .. ﻭﻳﺪﻙ ﻋﻠﻰ ﻋﻠﻰ ﺻﺪﺭﻩ . ﻳﺎﻣﺎ ﻭﻳﺎﻣﺎ ﺗﻌﺬﺏ ﺑﺤﺒﺞ .. ﺟﻨﺖ ﺍﺣﺘﺮﻙ ﻣﻦ ﺍﺷﻮﻑ ﻟﻬﻔﺘﺞ ﻻﺭﻛﺎﻥ ﻭﺿﺤﻜﺘﺞ ﻭﻳﺎﻩ ..
ﻭﻳﺒﻘﻰ ﻛﻠﺒﻲ ﻳﻔﻮﺭ ﺑﺴﻜﻮﺕ .. ﻭﺍﻃﺤﻦ ﺑﺮﻭﺣﻲ ﻃﺤﻦ .. ﺗﺪﺭﻳﻦ ﻳﺎﻣﺎ ﺍﺷﻮﻓﺞ ﺗﻀﺤﻜﻴﻦ ﻭﻳﻪ ﻋﺎﺩﻝ ﻭﻏﻴﺮﺗﻲ ﻋﻠﻴﺞ ﺗﺬﺑﺤﻨﻲ ..
ﻣﺮﺍﺕ ﺍﻛﺮﻩ ﺣﺘﻰ ﺍﺧﻮﻱ ﻭﺑﺪﻱ ﺍﻛﺘﻠﻪ .. . ﻻﻥ ﺟﻨﺘﻲ ﺗﻀﺤﻜﻴﻠﻪ ﻭﺗﺘﺤﺴﺴﻴﻦ ﻣﻨﻲ ﻭﻣﺎ ﺗﻀﺤﻜﻴﻦ ﻭﻳﺎﻱ .. ﺗﺪﺭﺭﺭﺭﺭﺭﻳﻦ ﺷﺼﺎﺭ ﺑﻴﻪ ﻣﻦ ﻛﺎﻟﻮﻟﻲ ﺭﺍﺡ ﻧﺨﻄﺐ ﺳﻤﺮ ﻟﻌﺎﺩﻝ ..
ﺗﺪﺭﻳﻦ ﺷﻠﻮﻥ ﻣﺘﺖ ﺑﻴﻮﻡ ﺯﻭﺍﺟﺞ ﻭﺣﺮﻛﺖ ﺭﻭﺣﻲ ﻭﺍﺷﺮﺏ ﺑﻬﻠﻌﺮﻙ ﺑﻠﻜﻲ ﺍﻧﺴﺎﺝ ﻭﻣﺎ ﻧﺴﻴﺖ ..
ﺗﺪﺭﻳﻦ ﺷﻜﻢ ﻣﺮﻩ ﺍﻧﻲ ﺗﻠﻮﻋﺖ ﺑﺤﺒﺞ .. ﻭﺍﻧﺘﻲ ﻫﺴﻪ ﺟﺎﻳﻪ ﺍﺗﻜﻠﻴﻠﻲ ﺍﻧﺴﺴﺴﺴﺴﺴﻰ ﺍﻧﻲ ﺍﻋﺘﺒﺮﻙ ﺍﺧﻮﻱ ﻫﻪ ..
ﻭﻟﺞ ﺣﺒﺞ ﺑﻜﻠﺒﻲ ﺻﺎﺭﻟﻪ 10 ﺍﺳﻨﻴﻦ ﺭﺑﻰ ﺑﺪﺍﺧﻠﻲ ﻣﺜﻞ ﺍﻟﻄﻔﻞ ﻭﻻ ﻓﺪ ﻳﻮﻡ ﻗﻞ ﺿﻞ ﻳﺰﻳﺪ ﻭﻳﺰﻳﺪ .. ﻭﺝ ﺭﻭﺣﻲ ﺍﺳﺌﻠﻲ ﺷﻨﻮ ﻋﺬﺍﺏ ﺣﺐ ﻣﻦ ﻃﺮﻑ ﻭﺍﺣﺪ 10 ﺍﺳﻨﻴﻦ ..
ﻳﺤﺠﻲ ﻭﺍﻟﺪﻣﻮﻉ ﻛﺎﻣﺖ ﺗﻨﺰﻝ ﻣﻦ ﻋﻴﻨﻪ ﺑﺤﺮﻛﻪ ﺑﺤﻴﺚ ﻣﺘﻨﺰﻝ ﻋﻠﻰ ﺧﺪﻩ ﻣﻦ ﻋﻴﻨﻪ ﻟﻠﻜﺎﻉ .. ﻭﻳﺄﺷﺮ ﺑﺄﻳﺪﻩ ﺑﺤﺮﻛﻪ
ﻭﺝ ﻭﺍﻟﻠﻪ ﻟﻮ ﻣﻴﺖ ﺍﺭﺣﻤﻠﻲ ﻣﻦ ﻫﻠﻌﺬﺍﺏ ﻭﺍﻧﺘﻲ ﺗﻜﻮﻟﻴﻠﻲ ﺍﻧﺴﻰ ﺭﻭﻭﻭﻭﺣﻲ ﻻﻱ ﺍﻡ ﺑﺎﻟﻌﺎﻟﻢ ﻭﻛﻮﻟﻴﻠﻬﺎ ﺍﺷﻤﺮﻱ ﺍﺑﻨﺞ ﺍﻟﻌﻤﺮﻩ 10 ﺍﺳﻨﻴﻦ ﺑﺎﻟﺸﺎﺭﻉ ﻭﺍﻧﺴﻴﻪ ..
ﺷﻮﻓﻴﻪ ﺗﻜﺪﺭ .. ﻭﻟﺞ ﺣﺒﺞ ﺑﻜﻠﺒﻲ ﻃﻔﻞ ﻳﻜﺒﺮ ﻳﻮﻡ ﻭﺭﻩ ﻳﻮﻡ ﻭﺍﻧﺘﻲ ﺍﺗﻜﻮﻟﻲ ﺍﻧﺴﻰ ﺍﻋﺘﺒﺮﻧﻲ ﺍﺧﺘﻚ ..
ﻣﺴﺢ ﺩﻣﻮﻋﻪ ﺑﺤﺮﻛﻪ .. ﻭﻛﺎﻝ ﺭﻭﺣﻲ ﺳﻤﺮ .. ﻭﻳﺠﺮﺍﻟﺞ ﺍﻟﺘﺮﺩﻳﻪ ﺍﺧﺘﻲ ﺍﺧﺘﻲ .. ﻛﺎﻡ ﻣﻦ ﻣﻜﺎﻧﻪ .. ﻭﻓﺘﺢ ﺍﻟﺒﺎﺏ ..
ﻭﻛﺎﻝ ﺍﺧﺘﻲ ﻟﻮ ﺳﻤﺤﺘﻲ ﺍﺭﻳﺪ ﺍﻧﺎﻡ .. ﺍﻧﻲ ﺩﻣﻮﻋﻲ ﺗﺼﺐ ﻛﻤﺖ ﻣﻦ ﻣﻜﺎﻧﻲ ﻛﺘﻠﻪ ﺑﻜﺮ ﻛﺎﻝ ﻫﺸﺸﺸﺶ ﻛﺘﻠﺞ ﺍﺧﺘﻲ ﻟﻮ ﺳﻤﺤﺘﻲ ﺍﺭﻳﺪ ﺍﻧﺎﻡ ..
ﻃﻠﻌﺖ ﻣﻦ ﻏﺮﻓﺘﻪ ﺳﺪ ﺍﻟﺒﺎﺏ ﻭﺭﺍﻱ ﺑﻘﻮﻩ .. ﺭﺣﺖ ﺍﻟﻐﺮﻓﺘﻲ ﺍﻧﻬﺎﺭﻳﺖ ﺑﺎﻟﺒﻴﺠﻲ .. ﺯﻳﻦ ﻟﻴﺶ ﺍﺑﺠﻲ .. ﺍﻧﻲ ﻣﻮ ﻣﺎ ﺍﺭﻳﺪﻩ .. ﻣﻮ ﺍﻛﻮﻟﻪ ﺍﻧﺴﻰ ﻭﺍﻋﺘﺒﺮﻧﻲ ﺍﺧﺘﻚ ﺯﻳﻦ ﻟﻴﺶ ﺍﺑﺠﻲ ..
ﻭﻛﻔﺖ ﻛﺪﺍﻡ ﺍﻟﻤﺮﺍﻳﺎ .. ﺍﺑﺎﻭﻉ ﻟﺮﻭﺣﻲ ﻭﺧﻠﻴﺖ ﺍﻳﺪﻱ ﻋﻠﻤﻴﺰ ﻭﺍﺑﺠﻲ ﺑﺤﺮﻛﻪ ﻭﻣﺎ ﺍﻋﺮﻑ ﻟﻴﺶ ﺍﺑﺠﻲ ..
ﺍﺣﺲ ﺧﺴﺮﺕ ﺷﻲ ﺟﺒﻴﺮ ﺑﺤﻴﺎﺗﻲ .. ﺑﻘﻴﺖ ﺍﺑﺠﻲ ﻭﻣﻮﻛﻔﺖ ﺩﻣﻮﻋﻲ ﻟﺤﺪ ﻣﺎ ﺳﻤﻌﺖ ﺍﻟﺒﺎﺏ ﺍﻟﺨﺎﺭﺟﻴﻪ ﺍﻧﻔﺘﺤﺖ ..
ﻳﻌﻨﻲ ﺍﺟﻮ .. ﻛﻤﺖ ﻋﺪﻟﺖ ﻭﺟﻬﻲ ﻭﻣﺴﺤﺖ ﺍﻟﻤﻜﻴﺎﺝ ﻻﻥ ﻛﻠﻪ ﺳﺎﻝ ﺑﺪﻣﻮﻋﻲ .. ﻃﻠﻌﺖ ﺍﻟﻬﻢ .. ﻛﺎﻟﺖ ﻋﻤﺘﻲ ﻫﺎﺍﺍ ﺷﺒﻴﺞ ..
ﻛﺘﻠﻬﺎ ﻛﻮﻟﺸﻲ ﻣﺎﺑﻴﻪ .. ﻛﺎﻟﺖ ﺷﻮ ﻋﻴﻮﻧﺞ ﺣﻤﺮ .. ﻛﺘﻠﻬﺎ ﻻ ﺑﺲ ﺍﻟﻤﺴﻜﺎﺭﻩ ﺍﺫﺗﻨﻲ ﺩﺧﻠﺖ ﺫﺭﺍﺕ ﻣﻨﻬﺎ ﻟﻌﻴﻨﻲ ﻭﺍﺗﺄﺫﺕ ..
.. ...
ﻛﺎﻟﺖ ﺭﻧﺎ ﻫﻬﻪ ﺑﺎﻉ ﺍﻟﻌﻴﺎﺭﻩ ﺗﺸﻤﺮ ﺣﺠﺘﻬﺎ ﺑﺎﻟﻤﺴﻜﺎﺭﻩ .. ﻛﻮﻟﻴﻬﺎ ﺷﻨﻮ ﻣﺴﺘﺤﻴﻪ .. ﻋﺎﺩﻱ ﺗﺮﻩ ﻭﺍﺫﺍ ﺍﺗﺰﻭﺝ ﻋﻠﻴﺞ ﻻ ﺍﻭﻝ ﻭﻻ ﺍﺧﺮ ﻭﺣﺪﻩ ..
ﻛﺘﻠﻬﺎ ﻣﻨﻮ ﻗﺼﺪﺝ ﻋﺎﺩﻝ .. ﻛﺎﻟﺖ ﻏﺸﻤﻲ ﺭﻭﺣﺞ .. ﻛﺘﻠﻬﺎ ﻻ ﻭﺍﻟﻠﻪ ﺍﺻﻼ ﻋﺎﺩﻝ ﻣﺜﻞ ﺍﺧﻮﻳﻪ ﻣﺎ ﻣﻌﺘﺒﺮﺗﻪ ﺯﻭﺝ ﺧﻮ ﺍﻧﻲ ﺭﺣﺖ ﺧﻄﺒﺘﻠﻪ ﻭﺭﻛﺼﺘﻠﻪ ﺑﻌﺮﺳﻪ ﻋﻠﻰ ﺷﻨﻮ ﺍﺑﺠﻲ ..
ﻛﺎﻟﺖ ﻋﻤﺘﻲ ﻃﺎﻳﺢ ﺣﻆ .. ﻭﺍﻧﺘﻲ ﺍﻛﺜﺮ ﻣﻨﻪ ﻣﺎ ﻋﺮﻓﺘﻲ ﺷﻠﻮﻥ ﺗﻜﺴﺒﻴﻦ ﻋﺎﺩﻝ ﺧﻠﻴﺘﻲ ﻫﺎﻱ ﺍﻟﺰﺑﺎﻟﻪ ﺗﺎﺧﺬﻩ ..
ﻛﺘﻠﻬﺎ ﻏﻴﺮ ﻳﺮﻳﺪﻫﺎ ﻳﺎ ﻋﻤﻪ ﺷﺴﻮﻱ .. ﻣﻌﺘﺒﺮﻧﻲ ﺍﺧﺘﻪ ﺷﻨﻮ ﺑﻴﺪﻱ .. ﻛﺎﻟﺖ ﻳﻐﺒﺮﻩ ﻫﻮﻩ ﺭﺟﺎﻝ ﻭﺩﻭﻣﻪ ﻳﺴﻜﺮ ﺍﺩﻟﻊ ﻋﻠﻴﻪ ﻭﺍﺻﻴﺮ ﻣﺮﺗﻪ ﻟﻮ ﻣﺎ ﺍﺩﺑﺮﻳﻬﺎ ..
ﻛﺘﻠﻬﺎ ﻋﺸﻨﻮ .. ﻟﻴﺶ ﺍﺭﻳﺪ ﺍﻟﻤﻴﺮﻳﺪﻧﻲ ﺧﻠﻴﻪ ﺑﺮﺍﺣﺘﻪ .. ﻛﺎﻟﺖ ﺍﻫﻤﺪﺍﺝ ﻳﻠﻐﺒﺮﻩ ﻣﺎ ﺑﻴﺞ . ﺧﻴﺮ .. ﺩﺭﺕ ﻭﺟﻬﻲ ﺟﺎﻱ ﺍﺭﻭﺡ .. ﻛﺎﻟﺖ ﺑﻜﺮ ﺑﻌﺪﻩ ﻧﺎﻳﻢ .. ﻛﺘﻠﻬﺎ ﻣﺎ ﺍﻋﺮﻑ ﻣﺎﺷﻔﺘﻪ ﻃﻠﻊ ﻣﻦ ﻏﺮﻓﺘﻪ ..
ﻛﺎﻟﺖ ﺍﻣﻴﺮﻩ ﺳﻤﺮ ﻭﻟﻮ ﺍﺗﻌﺒﺞ ﻧﻜﻠﻲ ﺍﻟﻔﺮﺍﺷﺎﺕ ﺗﻌﺒﻨﻪ ﻧﺮﻳﺪ ﺍﻧﺎﻡ .. ﻛﺘﻠﻬﺎ ﺍﻱ .. ﺍﻧﻮﺏ ﻛﺘﻠﻬﺎ ﺻﺪﻙ ﻟﻌﺪ ﻋﻤﺎﺗﻲ ﺍﻟﺒﻘﻴﻪ ﻭﻳﻦ ﺷﻮ ﺭﺟﻌﺘﻮ ﻭﺣﺪﻛﻢ ..
ﻛﺎﻟﺖ ﻣﻦ ﺯﻓﻴﻨﺎﻫﻢ ﻟﻠﻔﻨﺪﻕ .. ﻛﻠﻬﺎ ﻃﺸﺖ ﺭﺍﺣﺖ ﻟﺒﻴﻮﺗﻬﺎ .. ﺻﺎﺭ ﺍﻟﻴﻞ ﺑﻌﺪ ﻣﻮ ﻣﺎﻝ ﻳﺮﺟﻌﻮ ﻭﻳﺎﻧﻪ ﻭﺗﻌﺒﻨﻪ ﻣﻦ ﺍﻟﺼﺒﺢ ﻟﺤﺪ ﺍﻻﻥ ﺑﺲ ﺭﻛﺾ ﻫﻮﻩ ﻋﺮﺱ ﻫﻮﻩ ﺣﻨﻪ ..
ﻛﺘﻠﻬﺎ ﻫﺎﺍ ﺍﻱ ﺯﻳﻦ .. ﺭﺣﺖ ﺷﻠﺖ ﺍﻟﻔﺮﺍﺷﺎﺕ ﻭﻓﺮﺷﺖ ﻟﻠﺒﻨﺎﺕ ﻭﻟﻌﻤﺘﻲ .. ﻛﺘﻠﻬﺎ ﻋﻤﻪ ﻟﻌﺪ ﻋﻤﻮ ﺧﻠﻴﻞ ﻭﻳﻨﻪ ... ﺍﻓﺮﺷﻠﻪ ﻟﻮ ﻻ
ﻛﺎﻟﺖ ﻻ ﺭﺍﺡ ﻟﺒﻴﺖ ﺍﺧﻮﻩ ﻣﺆﻳﺪ ﻋﺎﺯﻣﻪ ﻋﻠﻰ ﻣﺸﻮﻳﺎﺕ ﻭﻳﺮﺩﻭﻥ ﻳﺴﻬﺮﻭﻥ .. ﻛﺘﻠﻬﺎ ﻫﺎﺍﺍ ﺯﻳﻦ .. ﻋﻔﺘﻬﻢ . ﻭﺭﺣﺖ ﻟﻐﺮﻓﺘﻲ ..
ﺑﻠﻴﻠﺘﻬﺎ ﻣﺎ ﻧﻤﺖ ﻭﻛﻠﻤﺎ ﺍﺗﺬﻛﺮ ﺩﻣﻮﻉ ﺑﻜﺮ ﺩﻣﻮﻋﻲ ﺗﻨﺰﻝ .. ﻧﺴﻴﺖ ﻋﺎﺩﻝ ﺍﺻﻼ ﺑﻬﺎﻱ ﺍﻟﻠﻴﻠﻪ ﻭﻻ ﻛﺄﻧﻮ ﺯﻭﺟﻲ ﺍﻟﻠﻲ ﻣﺘﺰﻭﺝ ﻋﻠﻴﻪ .. ﻛﻞ ﻓﻜﺮﻱ ﻛﺎﻥ ﺑﻜﺮ ﻭﻛﻼﻣﻪ
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺿﺤﻜﺎﺕ ﻋﺎﺩﻝ ﺍﻟﻌﺎﻟﻴﻪ .. ﻃﻠﻌﺖ .. ﺻﺤﺖ ﻣﺒﺮﻭﻙ ﻳﺎ ﻋﺮﻳﺲ ..
ﻛﺎﻝ ﺍﻟﻠﻪ ﻳﺒﺎﺭﻙ ﺑﻴﺞ ﻋﻴﻮﻧﻲ .. ﺍﺗﻘﺪﻣﺖ ﻳﻤﻪ .. ﻛﺘﻠﻪ ﺷﻠﻮﻧﻪ ﺍﻟﺰﻭﺍﺝ .. ﻭﻏﻤﺰﺗﻠﻪ .. ﻛﺎﻝ ﻳﺨﺒﻞ .. ﻛﺘﻠﻪ ﻳﻮﻡ ﺍﻻﻟﻲ ﻭﺍﺫﺑﺢ ﻃﻠﻲ ..
ﺿﺤﻚ ﻭ ﻛﺎﻝ ﻟﺘﺨﻠﻴﻨﻲ ﺍﻓﺸﺮ ﻫﻬﻬﻬﻪ .. ﻛﺘﻠﻪ ﺧﺒﻞ ﻣﻮ ﺑﻴﺪﻙ .. ﻭﻟﻌﺒﺖ ﺑﺸﻌﺮﻩ ..
ﻓﻌﻼ ﻛﻤﺖ ﺍﺣﺲ ﻋﺎﺩﻝ ﺍﺧﻮﻳﻪ ﻭﻣﺎ ﺍﺣﺲ ﺑﺄﻱ ﻣﺸﺎﻋﺮ ﺍﺗﺠﺎﻫﺎ .. ﻭﺍﺻﻼ ﺯﻭﺍﺟﻨﻪ ﻏﻠﻄﻪ ﻏﺒﻴﻪ
ﻣﻦ ﻟﻌﺒﺖ ﺑﺸﻌﺮﻩ ﺣﻨﻴﻦ ﻛﺎﻣﺖ ﺑﺴﺎﻉ .. ﺩﺭﺕ ﺍﻟﻌﺎﺩﻝ ﻭﻏﻤﺰﺗﻠﻪ ﻛﺘﻠﻪ ﺍﺳﺘﻠﻢ ﺍﻟﻐﻴﺮﻩ ﻣﻦ ﺍﻟﺨﻨﺰﻳﺮﻩ .. ﺿﺤﻚ ﻭﺭﺍﺡ ﻭﺭﺍﻫﺎ ..
ﺩﺧﻞ ﺑﻜﺮ ﻣﻦ ﺑﺮﻩ .. ﺑﺪﻭﻥ ﺳﻼﻡ ﻭﻻ ﻛﻼﻡ ﻛﻌﺪ .. ﻛﺎﻟﺘﻠﻪ ﺍﻣﻪ ﻭﻳﻦ ﺟﻨﺖ .. ﺷﺎﻝ ﺭﺍﺳﻪ .. ﺑﺎﻭﻋﻠﻬﺎ .. ﺭﺣﺖ ﺑﺸﻐﻞ ..
ﻛﺎﻟﺘﻠﻪ ﺍﺟﻪ ﺍﻻﻓﻨﺪﻱ ﻣﺎ ﺑﺎﺭﻛﺘﻠﻪ . ﻣﺎ ﺭﺩ ﻋﻠﻴﻬﺎ .. ﻭﺩﺍﺭ ﻭﺟﻬﺎ ﻟﺮﻧﺎ .. ﻛﺎﻟﻠﻬﺎ ﺭﻧﺎ ﺭﻳﻮﻙ ﺑﺴﺮﻋﻪ ﻭﺟﻴﺒﻴﻠﻴﺎﻩ ﻟﻠﻐﺮﻓﻪ .. ﻭﻛﺎﻡ
ﻛﺎﻟﺘﻠﻪ ﺍﻱ ﺗﺪﻟﻞ .. ﻛﻤﺖ ﺍﻧﻲ ﺩﺍ ﺍﻏﺴﻞ .. ﻛﺎﻟﺖ ﺭﻧﺎ ﺳﻮﻱ ﺍﻟﺮﻳﻮﻙ ﻟﺒﻜﺮ ﻭﺻﻴﺤﻴﻨﻲ ﺍﺧﺬ ﺍﻟﺼﻴﻨﻴﻪ ﺑﺴﺎﻉ .. ﺑﺼﻴﻐﺔ ﺍﻣﺮ ..
ﺑﺎﻭﻋﺘﻠﻬﺎﺍ ﺍﺳﺘﻐﻔﺮ ﺍﻟﻠﻪ ﻭﺍﻟﻪ ﻣﺎﻝ ﺩﻓﺮﻩ ﻫﻠﺒﻨﻴﻪ .. ﻋﻔﺘﻬﺎ ﻭﻣﺸﻴﺖ ﺳﻮﻳﺘﻠﻪ ﺭﻳﻮﻙ ﺷﻔﺖ ﺭﻧﺎ ﺑﺎﻟﺼﺎﻟﻪ .. ﺍﺧﺬﺕ ﺍﻟﺼﻴﻨﻴﻪ ﻭﺭﺣﺖ ﻟﻐﺮﻓﺘﻪ ..
ﺩﺧﻠﺖ ﺑﺎﻭﻉ ﻭﺭﺟﻊ ﺩﺍﺭ ﻭﺟﻬﺎ ﻟﻠﻜﻤﺒﻴﻮﺗﺮ ﺑﻌﺪﻡ ﻣﺒﺎﻻﺓ .. ﻭﻛﺎﻝ ﺧﻠﻴﻪ ﻳﻤﺞ .. ﺧﻠﻴﺘﻪ ﻭﺗﻘﺮﺑﺖ ﻳﻤﻪ .. ﻛﺎﻝ ﺟﺎﻱ ﺍﺷﺘﻐﻞ ﻋﻠﻰ ﻣﺸﺮﻭﻉ ﻣﻬﻢ .. ﻳﺎﺭﻳﺖ ﺗﺘﺮﻛﻴﻨﻲ ﻟﻮﺣﺪﻱ ..
ﻛﺘﻠﻪ ﺑﻜﺮ ﻫﺎﻱ ﺷﺒﻲ .… ﻗﺎﻃﻌﻨﻲ ﺭﺟﺎﺀﺍ ﻛﻠﺖ .. ﻟﻮﻭﻭﻭ ﺳﻤﺤﺘﻲ .. ﺍﺧﺬﺕ ﻧﻔﺲ ﻭﻛﺘﻠﻪ ﺑﺮﺍﺣﺘﻚ ..
ﻃﻠﻌﺖ .. ﻛﺎﻟﺖ ﺭﻧﺎ ﻟﻴﺶ ﺍﺧﺬﺗﻴﻠﻪ ﺍﻟﺼﻴﻨﻴﻪ .. ﻛﺘﻠﻬﺎ ﻣﺎ ﻟﻜﻴﺘﺞ .. ﺑﻘﺖ ﺗﺤﺠﻲ ﻛﻠﻌﺎﺩﻩ .. ﻋﻔﺘﻬﺎ ﻭﺭﺣﺖ .. ﻃﻠﻌﺖ ﻛﺒﺎﻟﻲ ﻣﺮﺕ ﻋﺎﺩﻝ ..
ﻟﺰﻣﺘﻨﻲ .. ﻭﺗﺤﺠﻲ ﺑﺼﻮﺕ ﻧﺎﺻﻲ .. ﻭﺗﻜﻠﻲ ﺷﺎﻳﻔﻪ ﻟﻮ ﺣﺎﻭﻟﺘﻲ ﺗﻮﺻﻠﻴﻦ ﻳﻢ ﻋﺎﺩﻝ ﺷﺴﻮﻱ ﺑﻴﺞ ﻭﺍﻟﻌﺒﺎﺱ ﺍﺫﺑﺤﺞ ..
ﻛﺘﻠﻬﺎ ﻋﻮﻓﻲ ﺍﻳﺪﻱ ﻭﻭﻟﻲ ﻣﻨﻲ ﻭﻟﻲ .. ﻧﺎﻗﺼﺘﺞ ﺍﻧﻲ .. ﻋﻔﺘﻬﺎ ﻭﺭﺣﺖ ﺍﻛﻠﺖ ﻟﻔﻪ ﻭﺑﻌﺪﻫﺎ ﺭﺣﺖ ﻧﻀﻔﺖ ﻭﺭﺣﺖ ﻟﻐﺮﻓﺘﻲ ﺍﻗﺮﻩ ..
ﻟﻠﻀﻬﺮ ﺻﺎﺣﺘﻨﻲ ﺍﻣﻴﺮﻩ .. ﻟﻠﻐﺪﻩ ﻛﻤﺖ ﺍﻛﻠﺖ ﻭﻳﺎﻫﻢ ﻭﺑﻜﺮ ﺍﺑﺪ ﻣﺎ ﻃﻠﻊ ﻭﻻ ﻛﻌﺪ ﻭﻳﺎﻧﻪ .. ﻛﺎﻟﺖ ﻋﻤﺘﻲ ﺷﺒﻴﻪ ﺑﻜﺮ ﻟﻴﺶ ﻫﻴﺞ ﻣﻬﻤﻮﻡ ﻭﺿﺎﻳﺞ ..
ﻣﺎ ﺣﺠﻴﺖ .. ﺩﺍﺭﺗﻠﻲ .. ﻛﺎﻟﺖ ﺳﻤﺮ ﺍﺣﺠﻲ ﻭﻳﻪ ﺑﻜﺮ ﻭﺷﻮﻓﻴﻪ ﺷﺒﻴﻪ .. ﻫﻮﻩ ﻳﺮﺗﺎﺣﻠﺞ ﻭﻳﻌﺘﺒﺮﺝ ﺻﺪﻳﻘﺘﻪ ﻳﺴﻮﻟﻔﻠﺞ ..
ﺟﺎﻱ ﺍﺣﺠﻲ .. ﺣﺠﻪ ﻋﺎﺩﻝ ﻣﻦ ﻭﺭﺍﻱ .. ﻭﻟﻴﺶ ﺳﻤﺮ ﺍﻟﺘﺤﺠﻲ ﻭﻳﺎﻩ ﻳﻠﻪ ﻳﻘﻨﻊ .. ﺍﺗﺮﻛﻴﻪ ﻳﻤﻜﻦ ﻋﻨﺪﻩ ﺷﻐﻞ ﺷﻲ ..
ﻛﺘﻠﻪ ﻫﻮﻩ ﻓﻌﻼ ﻋﻨﺪﻩ ﻣﺸﺮﻭﻉ ﺩﺍﺧﻞ ﺑﻴﻪ ﺷﺎﻏﻞ ﺑﺎﻟﻪ .. ﻛﻤﺖ ﻋﺎﺩﻝ ﺟﺮ ﺍﻳﺪﻱ ﻭﻭﻛﻔﻨﻪ ﺑﺮﻩ .. ﻛﺎﻝ ﺳﻤﺮ ﺍﺣﺬﺭﺝ ﻣﺎ ﺍﻟﺞ ﻋﻼﻗﻪ ﺍﺑﻜﺮ
ﺗﺮﻩ ﻛﻤﺖ ﺍﺿﻮﺝ ﻣﻦ ﻋﻼﻗﺘﻜﻢ .. ﻛﺘﻠﻪ ﺷﺒﻴﻚ ﻋﺎﺩﻝ .. ﻛﺎﻝ ﻟﺘﻜﻠﻴﻠﻲ ﺍﺧﻮﻱ .. ﻫﺬﺍ ﺍﻟﻜﻼﻡ ﻣﺎ ﺍﻋﺘﺮﻑ ﺑﻴﻪ ..
ﺟﺎﻱ ﺍﺣﺲ ﺑﻜﺮ ﺭﺟﻠﺞ ﻣﻮ ﺍﺧﻮﺝ . ﻣﻦ ﻛﺪ ﺍﻻﺣﺘﻜﺎﻙ ﺍﻟﺒﻴﻨﻜﻢ .. ﻛﺘﻠﻪ ﺑﺴﺒﺒﻚ .. ﺍﻧﺘﻪ ﺍﻟﻌﻔﺘﻪ ﻳﺎﺧﺬ ﺩﻭﺭﻙ ..
ﻛﺎﻝ ﺍﻛﻠﻲ ﺗﺒﻦ ﻻ ﺍﺳﻄﺮﺝ .. ﺍﺫﺑﺤﺞ ﻭﺍﻟﻠﻪ ﻭﺍﺷﻤﺮﺝ ﻟﻠﻜﻼﺏ ﻟﻮ ﺣﺴﻴﺖ ﺍﻛﻮ ﻫﻴﺞ ﺷﻲ ﻭﺧﻠﻲ ﺍﺑﺎﻟﺞ ﻃﻼﻙ ﻣﺎﻛﻮ ﻭ ﺣﺘﻰ ﺍﺧﻮﺝ ﺍﻟﺒﺎﺭﺣﻪ ﺍﺟﻪ ﻭﺣﺠﻪ ﻭﻳﺎﻱ
ﻛﺎﻝ ﺍﺣﺮﻛﻬﺎ ﻭﻻ ﺗﺮﺟﻌﻠﻨﻴﺎﻫﺎ ﻣﻄﻠﻜﻪ .. ﻛﺘﻠﻪ ﺍﺣﻤﺪ ﻛﺎﻟﻚ ﻫﻴﺞ .. ﻛﺎﻝ ﺍﻱ .. ﺍﻟﺒﺎﺭﺣﻪ ﻣﻦ ﺟﺎﺏ ﺍﻣﺞ ﺷﻔﺘﻪ ﺑﺎﻟﺒﺎﺏ ..
ﺩﻣﻌﺖ ﻋﻴﻮﻧﻲ .. ﻣﻦ ﺳﻤﻌﺖ ﺍﺧﻮﻱ ﻫﻴﺞ ﻛﺎﻳﻞ ﻟﻌﺎﺩﻝ ﻋﻨﻲ .. ﺍﺟﺖ ﺣﻨﻴﻦ ﻛﺎﻟﺘﻠﻪ ﺷﻌﻨﺪﻙ ﻫﻨﺎ ﺣﺒﻴﺒﻲ ..
ﻛﺎﻟﻠﻬﺎ ﻫﻴﺞ ﺣﻴﺎﺗﻲ ﻣﺎﻛﻮ ﺷﻲ .. ﻭﺍﺧﺬﻫﺎ ﺑﺤﻈﻨﻬﺎ ﻭﻳﺒﻮﺳﻬﺎ ﻣﻦ ﺧﺪﻫﺎ ﻭﺭﺍﺡ ﻟﻠﻐﺮﻓﻪ .. ﺻﺪﻙ ﻛﺮﻫﺖ ﺭﻭﺣﻲ ﺑﻬﻠﺴﺎﻋﻪ ..
ﺍﺣﺲ ﺭﻭﺣﻲ ﺧﺴﺮﺕ ﻛﻮﻟﺸﻲ ﺯﻭﺝ ﻭﺍﻫﻞ ﻭﺣﺘﻰ ﺍﻟﺴﻨﺪ ﺍﻟﺠﺎﻥ ﺳﺎﻧﺪﻧﻲ ﺑﻜﺮ ﺧﺴﺮﺗﻪ .. ﻧﺰﻟﺖ ﺩﻣﻮﻋﻲ ﺑﺤﺮﻛﻪ .. ﻃﻠﻊ ﺑﻜﺮ .. ﻣﺴﺤﺘﻬﺎ ﺑﺴﺎﻉ ﻭﺩﺭﺕ ﻭﺟﻬﻲ ... ﻳﺘﺒﻊ
🌺🌺🌺🌺🌺
ﺷﺘﺸﻮﻓﻮﻥ ﺗﺼﺮﻑ ﺳﻤﺮ .. ﻏﺒﺎﺀ ﻟﻮ ﺿﻌﻒ .. ﻭﺭﺃﻳﻜﻢ ﺑﺤﺐ ﺑﻜﺮ ﻏﻠﻂ ﻟﻮ ﺻﺢ .. ﺷﺎﺭﻛﻮﻧﻲ ﺗﻮﻗﻌﺎﺗﻜﻢ
ﻣﺘﺎﺑﻌﻪ ﻣﻤﺘﻌﻪ ..
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق