رواية لاتتركني وترحل الجزء السادس
للكاتبة تبارك حسن
.
.
ﻣﻴﻨﺎ : ﻣﺴﺎﺀ ﺍﻟﺨﻴﺮ
ﺯﻳﻨﻪ : ﻣﺴﺎﺀ ﺍﻟﻨﻮﺭ
ﻣﻴﻨﺎ : ﺍﺳﻔﻪ ﻋﻨﺪﺝ ﺿﻴﻔﻪ ﻭﻟﻮ ﺭﺍﺡ ﺍﺧﺬ ﻣﻦ ﻭﻗﺘﺞ ﺷﻮﻳﻪ
ﺭﺑﺎﺏ : ﻻ ﻋﺎﺩﻱ ﺑﻨﺘﻲ ﺍﺣﺠﻲ ﻣﺎﻋﺪﻧﻪ ﺷﻲ
ﻣﻴﻨﺎ : ﺷﻜﺮﺍ ﺧﺎﻟﻪ
ﺯﻳﻨﻪ : ﺍﻳﻲ ﻣﺎﻣﺎ ﺍﺣﺠﻲ ﺷﻨﻮ ﺗﺮﻳﺪﻳﻦ
ﻣﻴﻨﺎ : ﻣﺜﻞ ﻣﺘﻌﺮﻓﻴﻦ ﺍﻧﻲ ﺭﺣﺖ ﺳﺎﺩﺱ ﻭﺻﻌﺐ ﻋﻠﻴﻪ ﻭﺍﺭﻳﺪ ﺍﻃﻠﻊ ﻣﻌﺪﻝ ﻋﺎﻟﻲ ﻭﺍﺩﺧﻞ ﻛﻠﻴﻪ ﻃﺐ ﻓﺎﺍﺭﻳﺪ ﻣﻨﺞ ﺗﺨﻠﻴﻨﻲ ﻋﻨﺪ ﻣﺪﺭﺳﻪ ﺧﺼﻮﺻﻴﻪ ﺣﺘﻪ ﺳﺎﻋﺪﻧﻲ
ﺯﻳﻨﻪ : ﺻﺎﺭ ﺑﺲ ﺧﻠﻲ ﺗﺠﻲ ﺍﻟﻤﺪﺍﺭﺱ ﻭﺍﻟﻲ ﺗﺮﻳﺪﻱ ﻳﺘﻨﻔﺬ
ﻣﻴﻨﺎ : ﺷﻜﺮﺍ ﻣﺘﻘﺼﺮﻳﻦ ﻳﻠﻪ ﺍﻧﻲ ﺍﺗﺮﺧﺺ
ﺯﻳﻨﻪ : ﻣﺮﺧﻮﺻﻪ ﺣﺒﻴﺒﺘﻲ
ﻣﻴﻨﺎ : ﻃﻠﻌﺖ ﻣﻦ ﻋﺪﻫﻪ ﺭﺣﺖ ﻟﻠﺤﺪﻳﻘﻪ ﺍﺗﻤﺸﻪ ﺍﻟﺠﻮ ﺷﻮﻳﻪ ﺑﻲ ﺑﺮﻭﺩﻩ ﻭﻫﻮﻩ ﻣﻨﻌﺶ ﻭﺭﻳﺤﻪ ﺍﻟﻮﺭﺩ ﻛﻌﺪﺕ ﻉ ﺍﻟﻤﺮﺟﻮﺣﻪ ﺧﺎﻟﻴﻬﻪ ﺍﻻﻧﻪ ﻭﺍﻛﻠﺐ ﺑﻞ ﺟﻬﺎﺯ ﺍﻏﻴﺮ ﺟﻮ ﺷﻮﻳﻪ ﻃﻠﻌﺖ ﺣﺴﺎﺏ ﺳﻴﻒ ﻭﺿﻠﻴﺖ ﺍﺑﺎﻭﻉ ﻉ ﺍﻟﺼﻮﺭﻩ ﻭﺍﻟﻔﻴﺪﻳﻮﺍﺕ ﻭﺍﺫﻛﺮ ﺍﻟﻴﻮﻡ ﺍﻟﻮﻋﺪﻧﻲ ﺑﻲ ﻣﻴﻌﻮﻓﻨﻲ ﺗﻤﺪﺩﺕ ﻉ ﺍﻟﻤﺮﺟﻮﺣﻪ ﺟﺎﻧﺖ ﻣﻔﺮﻭﺷﻪ ﻭﺷﻐﻠﺖ ﺍﻏﻨﻴﻪ ﺗﺮﻛﻴﻪ ﺍﺳﻤﻌﻬﻪ ﻣﻦ ﺍﻧﻜﻄﻌﺖ ﺍﺧﺒﺎﺭ ﺳﻴﻒ ﺍﻻﺣﺪ ﺍﻻﻥ ﺧﻠﻴﺖ ﻫﺘﻔﻮﻥ ﺑﺄﺫﻧﻲ ﻭﺧﻠﻴﺖ ﺍﺩﻳﻪ ﻉ ﻋﻴﻮﻧﻲ ﻭﺍﺷﻐﻠﺘﻬﻪ ﻭﺑﺪﻳﺖ ﺍﺫﻛﺮ ﺍﻳﺎﻣﻲ ﻭﻳﺎﻩ ﻭﻋﻴﻮﻧﻲ ﺻﺎﺭ ﺷﻼﻝ ﻣﻦ ﺩﻣﻮﻉ
. ﺍﺷﺘﺎﻕ ﺍﻟﻴﻚ ﺑﺸﺪﺓ
ﻭﺍﻧﺘﻈﺮﻙ ﻓﻲ ﺍﻟﻄﺮﻗﺎﺕ
ﻟﻢ ﺃﺭﻩ ﻋﻴﻮﻧﻚ ﻫﺬﻩ ﻣﻦ ﻭﻗﺖ ﻃﻮﻳﻞ
ﻭﺍﻧﺘﻈﺮﻙ ﻛﺎﻟﻤﺠﻨﻮﻥ
ﺍﺑﺤﺚ ﻓﻼ ﺃﺟﺪ
ﻭﺳﺄﻟﺖ ﻭﻋﺎﻧﻴﺖ
ﺃﺧﺘﻨﻘﺖ ﻭﻧﺰﻓﺖ
ﺑﺪﻭﻧﻚ
ﻻﺗﺘﺮﻛﻨﻲ ﻭﺗﺮﺣﻞ
ﺃﻣﺴﻲ ﻭﻏﺪﻱ ﻭﺭﻭﺣﻴﻲ ﻓﺪﺍﺀ ﻟﻚ
ﻻﺗﻤﺤﻨﻲ .. ﻭﺗﻌﺎﻝ ﺍﻣﺤﻲ ﺩﻣﻌﻲ
ﺗﻌﺎﻝ ﺍﻣﺤﻲ ﺩﻣﻌﻲ
ﺣﺒﻚ ﺍﺧﺮﺳﻨﻲ
ﻋﻮﺩﻧﻲ ﻟﻰ ﻋﻤﻰ ﻗﻠﺒﻲ
ﺗﻌﺎﻝ ﺍﻧﻈﺮ ﻛﻴﻒ ﺻﺎﺭ ﺣﺎﻟﻲ
ﻗﻠﺒﻲ ﺍﻟﻨﺎﺯﻑ
ﺍﻟﺤﺪﻣﺎ ﻫﻴﺴﺖ ﺷﺨﺺ ﺟﺮ ﺳﻤﺎﻋﻪ ﻣﻦ ﺍﺫﻧﻲ ﻓﺘﺤﺖ ﻋﻴﻮﻧﻲ ﻭﻣﺴﺤﺖ ﺩﻣﻮﻋﻲ ﻭﻛﻌﺪﺕ ﻋﺪﻝ ﻃﻠﻌﺖ ﻧﻔﺲ ﺍﻟﻤﺮﻳﻪ ﺍﻟﺸﻔﺘﻬﻪ ﺟﻮﻩ
ﺭﺑﺎﺏ : ﻟﻴﺶ ﺗﺒﺠﻴﻦ ﺣﺒﻴﺒﺘﻲ
ﻣﻴﻨﺎ : ﻣﺎﻛﻮ ﺷﻲ ﻫﻴﺞ ﺿﺎﻳﺠﻪ
ﺭﺑﺎﺏ : ﻭﺷﻨﻮ ﺍﻟﻤﻀﻮﺟﺞ
ﻣﻴﻨﺎ : ﻫﻴﺞ ﺷﻐﻠﻪ
ﺭﺑﺎﺏ : ﺑﻨﻴﺘﻲ ﻣﺎﻛﻮ ﺷﻲ ﻣﻬﻢ ﺑﻬﺎﻱ ﺍﻟﺤﻴﺎﻩ ﺣﺘﻪ ﺗﺒﺠﻴﻦ ﻋﻠﻴﻪ ﺍﻧﺘﺒﻬﻲ ﺍﻟﺪﺭﺍﺳﺘﺞ ﻭﺣﻘﻖ ﻫﺪﻓﺞ ﻭﺑﻌﺪﻳﻦ ﻟﻴﺶ ﺫﺑﻠﻴﻦ ﻫﻞ ﻋﻴﻮﻥ ﺍﻟﺤﻠﻮﻩ
ﻣﻴﻨﺎ : ﺻﺤﻴﺢ ﺑﺲ ﻣﺮﺍﺕ ﺍﻛﻮ ﺷﻐﻼﺕ ﺻﻴﺮ ﻭﻳﺎﻧﻪ ﻧﻜﺒﺪﻫﻪ ﺑﻜﻠﺒﻨﻪ ﻭﻣﻦ ﻧﺘﻌﺐ ﻧﻄﻠﻌﻬﻪ ﻉ ﺷﻜﻞ ﺩﻣﻮﻉ
ﺭﺑﺎﺏ : ﺻﺤﻴﺢ ﺑﻨﺘﻲ ﺑﺲ ﺍﻧﺘﺒﻬﻲ ﺍﻟﻨﻔﺴﺞ ﻭﺍﻳﻲ ﺷﻲ ﺗﺤﺘﺎﺟﻴﻦ ﺍﻧﻲ ﻣﻮﺟﻮﺩﻩ
ﻣﻴﻨﺎ : ﺗﺴﻠﻤﻴﻦ ﺧﺎﻟﻪ ﻣﺘﻘﺼﺮﻳﻦ
ﺭﺑﺎﺏ : ﻳﻠﻪ ﺍﻧﻲ ﺍﺭﻭﺡ ﺑﺮﺍﻳﻪ ﺷﻐﻞ
ﻣﻴﻨﺎ : ﺍﻟﻠﻪ ﻭﻳﺎﺝ ﺭﺍﺣﺖ ﺍﻟﻤﺮﻩ ﻭﺍﻧﻲ ﺿﻠﻴﺖ ﻛﺎﻋﺪﻩ ﺷﻮﻳﻪ ﻭﻧﻮﺑﻪ ﺩﺧﻠﺖ ﻟﺠﻮﻩ ﻭﻣﺮﺕ ﺍﻻﻳﺎﻡ ﻭﺍﺟﻪ ﺷﻬﺮ ﺟﺪﻳﺪ ﻭﺍﻟﺠﻮ ﺑﺮﺩ ﻭﻋﻄﻠﻪ ﻋﻨﺪﻱ ﻓﺤﺒﻴﺖ ﺍﺳﺘﻐﻠﻬﻪ ﻓﺪﺧﻞ ﺩﺭﻭﺱ ﺗﻌﻠﻴﻢ ﺍﻟﺮﺳﻢ ﻭﺗﻌﻠﻴﻢ ﺍﻟﻤﺪﺍﻓﻌﻪ ﻋﻦ ﺍﻟﻨﻔﺲ ﻭﺑﺎﻟﻲ ﻭﺗﻌﻠﻴﻢ ﺍﻟﻠﻐﻪ ﺍﻟﺘﺮﻛﻴﻪ ﻓﻨﻀﻤﺖ ﻭﻗﺘﻲ ﻉ ﻫﺎﺫﻩ ﺍﻻﺳﺎﺱ ﻭﺑﺘﻐﻴﺮ ﺍﻟﻄﻘﺲ ﻛﻤﺖ ﺍﺗﻤﺮﺽ ﻭﺍﺗﻌﺐ ﻭﻧﺤﻮﻝ ﻳﺼﻴﺮ ﺑﺠﺴﻤﻲ ﻭﺣﺮﺍﺭﺗﻲ ﺗﺮﺗﻔﻊ ﻭﺗﻌﺐ ﺑﺠﺴﻤﻲ ﻣﻮﻃﺒﻴﻌﻲ ﻓﺎﺟﺎﻧﺖ ﺩﻧﻴﺎ ﺍﻟﺼﺒﺢ ﺗﻘﺮﻳﺒﻦ ﺳﺎﻋﻪ 10 ﻗﺮﺭﺕ ﺍﺭﻭﺡ ﺍﺷﻮﻑ ﺳﻴﻒ ﺑﻤﻜﺎﻥ ﺷﻐﻠﻪ ﻭﺍﻋﺮﻑ ﺳﺒﺐ ﻏﻴﺎﺑﻪ ﻋﻨﻲ ﺟﺎﻥ ﺑﻮﻗﺘﻬﻪ ﺩﻧﻴﺎ ﺑﺎﺭﺩﻩ ﻓﺎﻩ ﻟﺒﺴﺖ ﻣﻼﺑﺲ ﺩﻓﻴﻨﻲ ﻟﺌﻦ ﺑﻮﻗﺘﻬﻪ ﻣﺮﻳﻀﻪ ﻭﺍﺧﺬﺕ ﻭﻳﺎﻱ ﺳﺮﻯ
ﺳﺮﻯ : ﻣﺘﺄﻛﺪﻩ ﺗﺮﻳﺪﻳﻦ ﺷﻮﻓﻴﻨﻪ
ﻣﻴﻨﺎ : ﺍﻳﻲ ﺻﺎﺭ ﻭﻗﺖ ﺍﻋﺮﻑ ﺷﻨﻮ ﺳﺒﺐ ﺍﻟﺨﻠﻰ ﻣﻴﺴﺌﻞ ﻋﻠﻴﻪ
ﺳﺮﻯ : ﻳﻠﻪ ﻟﻌﺪ ﺍﺧﺬﻱ ﺍﺫﻥ ﻭﺧﻠﻲ ﻧﻄﻠﻊ
ﻣﻴﻨﺎ : ﺩﺧﻠﺖ ﻉ ﺯﻳﻨﻪ
ﺻﺒﺎﺡ ﺍﻟﺨﻴﺮ
ﺯﻳﻨﻪ : ﺻﺒﺎﺡ ﺍﻟﻨﻮﺭ
ﻣﻴﻨﺎ : ﺍﻛﺪﺭ ﺍﻃﻠﻊ ﺍﻏﻴﺮ ﺟﻮ ﻟﺌﻦ ﺍﺧﺘﻨﻜﺖ
ﺯﻳﻨﻪ : ﻟﺘﺘﺌﺨﺮﻳﻦ ﻟﺌﻦ ﻣﺮﻳﻀﻪ
ﻣﻴﻨﺎ : ﻻ ﺷﻮﻳﻪ ﻭﺍﺭﺟﻊ
ﺯﻳﻨﻪ : ﻣﺎﺷﻲ
ﻣﻴﻨﺎ : ﺍﺧﺬﺕ ﺳﺮﻯ ﻭﻃﻠﻌﻨﻪ ﺍﺧﺬﻧﻪ ﺗﻜﺴﻲ ﻭﺩﻟﻴﺘﻪ ﻉ ﻣﻜﺎﻥ ﻭﺍﻟﻄﺮﻳﻖ ﻛﻠﻪ ﻛﻠﺒﻲ ﻳﺪﻙ ﺳﺮﻳﻊ ﻳﻜﻠﻚ ﺭﺍﻳﺤﻪ ﻟﻠﻤﻮﺕ ﻭﺻﻠﻨﻪ ﻟﻠﻤﻜﺎﻥ ﺍﻟﻤﻄﻠﻮﺏ ﺩﻓﻌﺖ ﺍﻟﻌﻠﻴﻪ ﻭﻧﺰﻟﺖ ﺩﺧﻠﺖ ﻟﻠﺪﺍﺋﺮﻩ ﺍﻭﻝ ﻣﺎﻓﺘﺖ ﺳﺌﻠﺖ ﺷﺮﻃﻲ
ﻣﻴﻨﺎ : ﻋﻔﻴﻪ ﻣﻤﻜﻦ ﺩﻟﻴﻨﻲ ﻉ ﻣﻜﺘﺐ ﺍﻟﻤﻼﺯﻡ ﺳﻴﻒ ...
ﺷﺮﻃﻲ : ﺍﻳﻲ ﺗﻌﺎﻱ ﻭﻳﺎﻱ
ﻣﻴﻨﺎ : ﺍﺧﺬﻧﻲ ﻟﻠﻤﻜﺘﺐ ﺩﻛﻴﺖ ﺍﻟﺒﺎﺏ ﻣﺤﺪ ﺭﺩ ﺭﺟﻌﺖ ﺩﻛﻴﺖ ﻫﻢ ﻣﺤﺪ ﺭﺩ ﺭﺩﺕ ﺍﻓﺘﺤﻪ ﻟﻜﻴﺘﻪ ﻣﻘﻔﻮﻝ ﺍﺟﺎﻧﻲ ﻏﻴﺮ ﺷﺮﻃﻲ
ﺷﺮﻃﻲ : ﺍﻟﻤﻼﺯﻡ ﺳﻴﻒ ﻣﻤﻮﺟﻮﺩ ﺑﻌﺪﻩ ﻣﺠﺎﻱ
ﻣﻴﻨﺎ : ﻟﻌﺪ ﺷﻮﻛﺖ ﻳﺠﻲ
ﺷﺮﻃﻲ : ﻓﺪ ﻧﺺ ﺳﺎﻋﻪ
ﻣﻴﻨﺎ : ﺍﻫﺎ ﺯﻳﻦ ﻭﻳﻦ ﺍﻛﺪﺭ ﺍﻧﺘﻀﺮﻩ
ﺷﺮﻃﻲ : ﺍﻛﻮ ﻫﻨﺎ ﻛﺮﺍﺳﻲ ﺗﻌﺎﻱ ﻛﻌﺪﻱ ﺍﻧﺘﻀﺮﻱ ﻋﻠﻤﺎ ﻳﺠﻲ
ﻣﻴﻨﺎ : ﺭﺣﻨﻪ ﺍﻧﻲ ﻭﺳﺮﻯ ﻛﻌﺪﻧﻪ ﻧﻨﺘﻀﺮ ﺳﻴﻒ
ﺳﺮﻯ : ﺍﻧﻲ ﺍﻃﻠﻊ ﺍﺷﻮﻳﻪ ﺍﻓﺘﺮ ﻣﻦ ﺗﺮﻳﺪﻳﻦ ﻃﻠﻌﻴﻦ ﺩﻛﻲ ﻋﻠﻴﻪ
ﻣﻴﻨﺎ : ﺍﻭﻙ ﺭﺍﺣﺖ ﺳﺮﻯ ﺿﻠﻴﺖ ﻣﻨﺘﻈﺮﻩ ﺣﺪﻣﺎ ﺻﺎﺭﺕ ﻧﺺ ﺳﺎﻋﻪ ﻭﻣﺎﻛﻮ ﺳﻴﻒ ﺍﻧﺘﻀﺮﺕ ﺷﻮﻳﻪ ﻫﻢ ﻣﺎﻛﻮ ﺟﺰﻋﺖ ﻭﻛﻤﺖ ﺭﺩﺕ ﺍﻃﻠﻊ ﺟﺎﻥ ﺍﺷﻮﻓﻪ ﻣﻦ ﺑﻌﻴﺪ ﺟﺎﻱ ﻟﺒﺲ ﺯﻱ ﻋﺴﻜﺮﻱ ﺑﻄﻮﻟﻪ ﻭﻣﺤﻠﻖ ﻟﺤﻴﺘﻪ ﻭﺑﺲ ﺷﺎﺭﺏ ﻭﺍﻟﺒﻴﺎﺽ ﺍﻧﻲ ﺷﻔﺘﻪ ﻭﻋﻴﻮﻧﻲ ﻏﻮﺭﻛﻦ ﺑﺪﻣﻊ ﺭﺩﺕ ﺍﺗﻘﺪﻡ ﻭﺑﻌﺪ ﻣﺎﺍﻫﻴﺲ ﻉ ﻧﻔﺴﻲ ﺍﻟﻪ ﻳﺮﺷﻮﻥ ﻉ ﻭﺟﻬﻲ ﻣﻲ ﻭﺍﻳﺪ ﺿﺮﺏ ﻉ ﺧﺪﻱ ﻓﺘﺤﺖ ﻋﻴﻮﻧﻲ ﺷﻮﻳﻪ ﺷﻔﺖ ﻭﺟﻪ ﺳﻴﻒ ﻛﺒﺎﻟﻲ ﻳﺼﻴﺢ
ﺳﻴﻒ : ﻣﻴﻨﺎ ﺍﺻﺤﻲ ﺷﺒﻴﺞ ﻣﻴﻨﺎ
ﻣﻴﻨﺎ : ﺍﺭﻳﺪ ﻣﻲ ﻋﻄﺸﺎﻧﻪ ﺷﺮﺑﻲ ﻣﻲ ﻭﺭﻓﻌﺖ ﻧﻔﺴﻲ ﻭﻛﻤﺖ
ﺳﻴﻒ : ﺗﻌﺎﻱ ﺩﺧﻠﻲ ﻟﻠﻤﻜﺘﺐ ﺍﺭﺗﺎﺣﻲ
ﻣﻴﻨﺎ : ﺩﺧﻠﺖ ﻟﻠﻤﻜﺘﺐ ﻭﻛﻌﺪﺕ ﻉ ﻛﺮﺳﻲ ﻭﻫﻮﻩ ﻛﺒﺎﻟﻲ
ﺳﻴﻒ : ﻣﻴﻨﺎ ﻭﻳﻦ ﺟﻨﺘﻲ ﺍﻧﺸﻠﻊ ﻛﻠﺒﻲ ﻭﺍﻧﻲ ﺍﺩﻭﺭ ﻋﻠﻴﺞ ﺣﺘﻪ ﺭﺣﺖ ﻟﻠﻤﻴﺘﻢ ﻭﻣﺎﻟﻜﻴﺘﺞ ﻟﻴﺶ ﻫﻴﺞ ﻛﻄﻌﺘﻲ ﻭﻳﺎﻳﻪ ﻋﺒﺎﻟﻲ ﺻﺎﺭ ﺑﻴﺞ ﺷﻲ ﺍﻭ ﻻﺳﺎﻣﺢ ﺍﻟﻠﻪ ﻣﺘﻲ ﻭﺍﻟﻠﻪ ﺍﺩﻭﺭ ﻋﻠﻴﺞ ﻭﻣﺎﻟﻜﻴﺘﺞ ﻻﻟﻴﻠﻲ ﻟﻴﻞ ﻭﻻﻧﻬﺎﺭﻱ ﻧﻬﺎﺭ ﻣﻦ ﺩﻭﻧﺞ ﻟﻴﺶ ﻫﻴﺞ ﺗﻌﺬﺑﻴﻦ ﻛﻠﺒﻲ ﺍﺩﻙ ﻋﻠﻴﺞ ﻣﻐﻠﻖ ﺍﺩﺯ ﻉ ﺣﺴﺎﺑﺎﺗﺞ ﻣﺎﻛﻮ ﺍﺩﻙ ﻉ ﺻﺎﺣﺒﻪ ﺍﻟﻤﻴﺘﻢ ﻣﺘﺮﺩ ﻭﺍﻟﻠﻪ ﺍﻻﺣﺪ ﺍﻟﻴﻮﻡ ﺍﻧﻲ ﺍﺩﻭﺭ ﻋﻠﻴﺞ ﻭﺻﻴﺖ ﻛﻞ ﻣﻌﺎﺭﻓﻲ ﻭﻣﺎﻟﻜﻴﺘﺞ ﻭﻳﻦ ﺟﻨﺘﻲ
ﻣﻴﻨﺎ : ﺳﻮﻟﻔﺘﻠﻪ ﺷﻨﻮ ﺍﻟﻲ ﻣﺮﻳﺖ ﺑﻲ
ﺳﻴﻒ : ﺍﻧﻲ ﺧﻄﻲ ﺍﺣﺘﺮﻙ ﺷﻤﺮﺕ ﺍﻟﺠﻬﺎﺯ ﺑﻨﺖ ﺍﺧﻮﻳﻪ ﺑﻠﻤﻲ ﻭﻏﻴﺮﺕ ﺍﻟﺮﻗﻢ
ﻣﻴﻨﺎ : ﺍﻳﻲ ﺑﺲ ﺍﻧﻲ ﺩﺯﻳﺘﻠﻚ ﻣﻦ ﻏﻴﺮ ﺣﺴﺎﺏ ﻣﺮﺩﻳﺖ
.
ﺳﻴﻒ : ﻭﺩﺍﻋﻦ ﻋﻴﻮﻧﺞ ﻣﺎﺍﻓﺘﺢ ﺍﻟﺮﺳﺎﺋﻞ ﻭﻻﺍﺷﻮﻓﻬﻦ
ﻣﻴﻨﺎ : ﻣﺮﻩ ﺛﺎﻧﻴﻪ ﺍﻓﺘﺤﻬﻦ ﻟﺌﻦ ﺍﻧﻬﺪ ﺣﻴﻠﻲ ﺑﻐﻴﺎﺑﻚ
ﺳﻴﻒ : ﻣﺎﺍﺍﺧﻠﻴﺞ ﺗﺮﻭﺣﻴﻦ ﺑﻌﺪ ﺭﺍﺡ ﺍﺣﺎﺟﻲ ﺍﻫﻠﻲ ﻳﺠﻴﺒﻮﺝ ﻳﻤﻨﻪ ﻭﻛﺪﺍﻡ ﻋﻴﻨﻲ
ﻣﻴﻨﺎ : ﺍﻟﻠﻪ ﻛﺮﻳﻢ ﺷﺒﻜﺘﻪ ﻭﺑﺠﻴﺖ ﺗﺪﺭﻱ ﻋﺒﺎﻟﻲ ﻋﻔﺘﻨﻲ
ﺳﻴﻒ : ﺍﻧﻲ ﺍﻋﻮﻑ ﺭﻭﺣﻲ
ﻣﻴﻨﺎ : ﺭﺑﻲ ﻻﻳﺤﺮﻣﻨﻲ ﻣﻨﻚ
ﺳﻴﻒ : ﻭﻻﻳﺤﺮﻣﻨﻲ ﻣﻨﺞ ﺣﺒﻴﺒﺘﻲ
ﻣﻴﻨﺎ : ﺳﻴﻒ ﺷﻮﻑ ﺟﻬﺎﺯﻙ ﻭﺍﺩﺧﻞ ﻉ ﺭﺳﺎﺋﻞ
ﺳﻴﻒ : ﻳﺎﺑﺮﻧﺎﻣﺞ
ﻣﻴﻨﺎ : ﺍﻧﺴﺘﻪ
ﺳﻴﻒ : ﺻﺎﺭ
ﻣﻴﻨﺎ : ﻃﻠﻊ ﺟﻬﺎﺯﻩ ﻛﺪﺍﻣﻲ ﻭﻓﺘﺤﻪ ﻭﺩﺧﻞ ﻉ ﺭﺳﺎﺋﻞ ﺑﻞ 1000 ﺭﺳﺎﻟﻪ ﻋﻨﺪﻩ ﻣﻦ ﺍﻟﺒﻨﺎﺕ ﻭﺍﻟﻮﻟﺪ ﺳﻴﻒ ﺷﻨﻮ ﺫﻥ ﺍﻟﺒﻨﺎﺕ
ﺳﻴﻒ : ﻫﻨﻪ ﻳﺤﺠﻦ ﻭﻳﺎﻳﻪ ﻭﺍﻧﻲ ﻣﺎﺍﺭﺩ ﻋﻠﻴﻬﻦ
ﻣﻴﻨﺎ : ﺧﻮﺵ
ﺳﻴﻒ : ﻣﻨﻮ ﺣﺴﺎﺑﺞ ﻃﻠﻌﻲ
ﻣﻴﻨﺎ : ﺍﺧﺬﺕ ﺍﻟﺠﻬﺎﺯ ﻭﺑﺪﻳﺖ ﺍﺩﻭﺭ ﻉ ﺣﺴﺎﺏ ﻃﻠﻌﺘﻪ ﻫﺎﺫﻩ ﺣﺴﺎﺑﻲ
ﺳﻴﻒ : ﺍﻧﻄﻴﻨﻲ ﻓﻮﻧﺞ ﺧﻠﻲ ﺍﺩﻛﻠﺞ ﺭﻗﻤﻲ
ﻣﻴﻨﺎ : ﺍﻧﻄﻴﺘﻬﻴﺎ ﻭﺳﺠﻞ ﺭﻗﻤﻪ ﻭﺿﻠﻴﺖ ﻛﺎﻋﺪﻩ ﺷﻮﻳﻪ ﻭﻛﻤﺖ ﻳﻠﻪ ﺳﻴﻒ ﺍﺗﺮﺧﺺ ﺑﺮﺍﻙ ﺷﻐﻞ
ﺳﻴﻒ : ﻻ ﺣﺒﻴﺒﺘﻲ ﻣﺎﻋﻨﺪﻱ ﺷﻲ ﻫﺴﻪ
ﻣﻴﻨﺎ : ﻻ ﺻﺎﺭ ﻟﺰﻡ ﺍﺭﻭﺡ ﺍﺧﺬﺕ ﺍﺫﻥ ﻭﻟﺰﻡ ﻣﺎﺍﺗﺌﺨﺮ ﻭﺍﻧﻲ ﻣﺮﻳﻀﻪ ﻟﺰﻡ ﺍﺭﺗﺎﺡ
ﺳﻴﻒ : ﺻﺎﺭ ﺑﺲ ﺭﺣﺘﻲ ﻟﺪﻛﺘﻮﺭ
ﻣﻴﻨﺎ : ﺍﻳﻲ ﺭﺣﺖ ﻭﺟﺎﻱ ﺍﺧﺬ ﻋﻼﺟﻲ
ﺳﻴﻒ : ﻟﺘﻬﻤﻠﻴﻦ ﻧﻔﺴﺞ ﻭﻋﻨﺪﺝ ﺍﻟﻌﺎﻓﻴﻪ
ﻣﻴﻨﺎ : ﺍﻟﻠﻪ ﻳﻌﺎﻓﻴﻚ ﻃﻠﻌﺖ ﻭﻫﻮﻩ ﻭﻳﺎﻱ ﺩﻛﺖ ﻉ ﺳﺮﻯ ﺑﺮﻩ ﺷﻮﻳﻪ ﺍﺟﺘﻲ ﺳﻠﻤﺖ ﻉ ﺳﻴﻒ ﻭﺭﺩﻧﻪ ﺭﻭﺡ
ﺳﻴﻒ : ﻭﻳﻦ ﺻﻌﺪﻱ ﺍﻭﺻﻠﺞ
ﻣﻴﻨﺎ : ﻻ ﺍﺣﻨﻪ ﺭﻭﺡ ﻣﻨﺎ ﺗﻜﺴﻲ
ﺳﻴﻒ : ﻻ ﻣﻴﺼﻴﺮ ﺻﻌﺪﻱ
ﻣﻴﻨﺎ : ﺻﻌﺪﺕ ﻭﻳﺎ ﻭﻃﺮﻳﻖ ﻛﻠﻪ ﺍﺑﺎﻭﻉ ﻋﻠﻴﻪ ﺣﻠﻴﺎﻥ ﻭﺷﻜﻠﻪ ﻣﺘﻐﻴﺮ ﻋﻴﻮﻧﻲ ﻣﺎﻧﺰﻟﺘﻬﻦ ﻋﻨﻪ ﻃﺮﻳﻖ ﻛﻠﻪ ﺣﺪﻣﺎ ﻭﺻﻠﻨﻪ ﻭﻛﻒ ﻛﺒﺎﻝ ﺍﻟﻤﻴﺘﻢ ﺳﺮﻯ ﻧﺰﻟﺖ ﻭﺍﻧﻲ ﺭﺩﺕ ﺍﻧﺰﻝ ﺣﺎﺟﺎﻧﻲ ﺳﻴﻒ
ﺳﻴﻒ : ﻣﻴﻨﺎ ﺍﻧﻲ ﺟﻢ ﻳﻮﻡ ﻭﺍﺟﻲ ﺍﺧﺬﺝ ﺗﻌﻴﺸﻴﻦ ﻳﻤﻨﻪ ﺑﻠﺒﻴﺖ
ﻣﻴﻨﺎ : ﻭﺍﻫﻠﻚ ﺷﻨﻮ ﺭﺃﻳﻬﻢ
ﺳﻴﻒ : ﻗﺎﺑﻠﻴﻦ ﻣﻴﺤﺠﻮﻥ
ﻣﻴﻨﺎ : ﺍﻟﻲ ﺷﻮﻓﻪ ﻣﻨﺎﺳﺐ ﺳﻮﻱ
ﺳﻴﻒ : ﻣﺎﺷﻲ
ﻣﻴﻨﺎ : ﻭﺻﺎﺣﺒﻪ ﺍﻟﻤﻴﺘﻢ ﺷﻴﻘﻨﻌﻬﻪ
ﺳﻴﻒ : ﺍﻧﻲ ﺍﺣﻠﻬﻪ
ﻣﻴﻨﺎ : ﻣﺎﺷﻲ ﺑﺴﺘﻪ ﺑﺨﺪﻩ ﻭﻧﺰﻟﺖ ﻓﺘﺖ ﻟﻜﻴﺖ ﺯﻳﻨﻪ ﻛﺒﺎﻟﻲ ﺧﻔﺖ ﺧﺎﻑ ﺷﺎﻓﺘﻨﻲ
ﺯﻳﻨﻪ : ﺗﻌﺎﻱ ﻟﻠﻤﻜﺘﺐ ﺍﺭﻳﺪ ﺍﺣﺠﻲ ﻭﻳﺎﺝ
ﻣﻴﻨﺎ : ﺍﻧﻲ ﻫﻨﺎ ﺯﺍﺩ ﺧﻮﻓﻲ ﻭﻛﻠﺖ ﺍﻛﻴﺪ ﺷﺎﻓﺘﻨﻲ ﺭﺣﺖ ﺑﺮﺍﻫﻪ ﻓﺘﻨﻪ ﺍﻟﻤﻜﺘﺒﻬﻪ ﻛﻌﺪﺕ
ﺯﻳﻨﻪ : ﻛﻌﺪﻱ ﻟﻴﺶ ﻭﺍﻛﻔﻪ
ﻣﻴﻨﺎ : ﺭﺣﺖ ﻛﻌﺪﺕ ﻛﺘﻠﻬﻪ ﺗﻔﻈﻠﻲ ﺷﻨﻮ ﺭﺍﻳﺪﻩ ﻣﻨﻲ
ﺯﻳﻨﻪ : ﺗﺬﻛﺮﻳﻦ ﺍﻟﻤﺮﻩ ﺍﻟﻲ ﺍﺟﺘﻲ ﺫﺍﻙ ﺍﻟﻴﻮﻡ
ﻣﻴﻨﺎ : ﺍﻟﻲ ﺍﺳﻤﻬﻪ ﺭﺑﺎﺏ
ﺯﻳﻨﻪ : ﺍﻳﻲ ﻫﻴﻪ
ﻣﻴﻨﺎ : ﺷﺒﻴﻬﻦ
ﺯﻳﻨﻪ : ﺗﺒﻨﺘﺞ ﺗﺮﻳﺪ ﺗﺮﺑﻴﺞ ﺑﻴﺘﻬﻪ ﻭﺳﺠﻠﺞ ﺑﺄﺳﻤﻬﻪ ﻟﺌﻦ ﻫﻴﻪ ﻣﺎﻋﺪﻫﻪ ﺍﻭﻻﺩ ﻭﻻﺑﻨﺎﺕ
ﻣﻴﻨﺎ : ﺑﺲ ﺍﻧﻲ ﻣﺎﺍﻛﺪﺭ ﺍﻋﻮﻑ ﺍﺧﺘﻲ ﻭﺳﺮﻯ
ﺯﻳﻨﻪ : ﺗﻜﺪﺭﻳﻦ ﺗﺎﺧﺬﻳﻬﻦ ﻭﻳﺎﺝ ﻭﺗﻌﻴﺸﻴﻦ ﺍﺣﺴﻦ ﻋﻴﺸﻪ
ﻣﻴﻨﺎ : ﻟﻴﺶ ﺍﻧﻲ ﺑﺬﺍﺕ ﺍﺧﺘﺎﺭﺗﻨﻲ
ﺯﻳﻨﻪ : ﺗﻜﻮﻝ ﺣﺒﻴﺘﻬﻪ
ﻣﻴﻨﺎ : ﻣﺎﺍﺩﺭﻱ
ﺯﻳﻨﻪ : ﻓﻜﺮﻱ ﺯﻳﻦ ﻭﺭﺟﻌﻲ ﺟﻮﺍﺏ
ﻣﻴﻨﺎ : ﺍﻥ ﺷﺎﺀ ﺍﻟﻠﻪ ﻫﺴﻪ ﺍﻛﺪﺭ ﺍﺭﻭﺡ
ﺯﻳﻨﻪ : ﺍﻳﻲ ﺭﻭﺣﻲ
ﻣﻴﻨﺎ : ﻋﻔﺘﻬﻪ ﻭﺩﺧﻠﺖ ﻳﻢ ﺍﻟﺒﻨﺎﺕ ﻟﻜﻴﺘﻬﻦ ﻣﻨﺘﻈﺮﺍﺗﻨﻲ
ﻟﻴﺎﻥ : ﻭﻳﻦ ﺟﻨﺘﻲ
ﻣﻴﻨﺎ : ﺭﺣﺖ ﺍﺷﻮﻑ ﺳﻴﻒ
ﻋﻠﻴﺎﺀ : ﻭﺍﺧﻴﺮﺍ ﺳﻤﻌﺘﻲ ﻛﻠﻤﺘﻲ
ﻣﻴﻨﺎ : ﺍﻳﻲ ﺻﺎﺭ ﻭﻗﺖ ﺍﻟﻲ ﺍﻋﺮﻑ ﺍﻟﺤﻘﻴﻘﻪ ﻭﻋﺮﻓﺘﻬﻪ
ﺑﺘﻮﻝ : ﻭﻫﺴﻪ ﺍﺭﺗﺎﺣﻴﺘﻲ
ﻣﻴﻨﺎ : ﺍﻳﻲ ﻫﻢ ﻭﻧﺰﺍﺡ ﻋﻦ ﻛﻠﺒﻲ
ﻟﻴﺎﻥ : ﺻﺎﻟﺤﺘﻮ
ﻣﻴﻨﺎ : ﺍﻳﻲ
ﺳﺮﻯ : ﺍﻛﻠﺞ ﺯﻳﻨﻪ ﺳﺌﻠﺖ ﻋﻠﻴﺞ ﺷﻔﺘﻲ ﺷﺘﺮﻳﺪ ﻣﻨﺞ
ﻣﻴﻨﺎ : ﺍﻳﻲ ﺷﻔﺘﻬﻪ ﻭﺣﺠﻴﺖ ﻭﻳﺎﻫﻪ
ﻟﻴﺎﻥ : ﺷﻨﻮ ﺗﺮﻳﺪ ﻣﻨﺞ
ﻣﻴﻨﺎ : ﻋﻠﻤﻮﺩ ﻭﺣﺪﻩ ﺭﺍﻳﺪﻩ ﺗﺘﺒﻨﺎﻧﻲ
ﺳﺮﻯ : ﻭﺷﻨﻮ ﺭﺩﺝ
ﻣﻴﻨﺎ : ﻛﺘﻠﻬﻪ ﺍﻓﻜﺮ
ﻟﻴﺎﻥ : ﻫﻴﻪ ﻣﻨﻴﻪ
ﻣﻴﻨﺎ : ﻣﺮﻩ ﺍﺳﻤﻬﻪ ﺭﺑﺎﺏ
ﻋﻠﻴﺎﺀ : ﺍﻫﺎ ﻫﺎﻱ ﺍﻋﺮﻓﻬﻪ ﺍﻟﻤﺮﻩ ﻛﻠﺶ ﺣﺒﺎﺑﻪ ﻭﻛﻠﺒﻬﻪ ﻃﻴﺐ
ﺑﺘﻮﻝ : ﺍﻳﻲ ﻭﺷﺒﻌﺎﻧﻪ ﺧﻴﺮ ﻣﻦ ﺍﻟﻠﻪ ﻋﺪﻫﻪ
ﻣﻴﻨﺎ : ﺍﺩﺭﻱ ﺍﻋﺮﻓﻬﻪ
ﻟﻴﺎﻥ : ﻭﻳﻦ ﺷﺎﻓﺘﺞ
ﻣﻴﻨﺎ : ﻣﺮﻩ ﺷﺎﻓﺘﻨﻲ ﻣﻦ ﺩﺧﻠﺖ ﺍﻟﺰﻳﻨﻪ
ﺳﺮﻯ : ﺯﻳﻦ ﺍﺫﺍ ﻗﺒﻠﺘﻲ ﺍﺣﻨﻪ ﻭﻳﻦ ﺭﻭﺡ
ﻣﻴﻨﺎ : ﺑﺬﺍﻙ ﺍﻟﻮﻛﺖ ﻣﻦ ﺍﺭﻭﺡ ﺍﺧﺬﺟﻦ ﻭﻳﺎﻱ
ﻟﻴﺎﻥ : ﻟﻌﺪ ﻟﻴﺶ ﻣﺘﻘﺒﻠﻴﻦ ﻧﺸﻮﻑ ﻭﺟﻪ ﺍﻟﻠﻪ
ﺳﺮﻯ : ﺍﻳﻲ ﻭﺍﻟﻠﻪ ﻛﺒﺮﻧﻪ ﻭﺍﺣﻨﻪ ﻛﻠﺸﻲ ﻣﺸﺎﻳﻔﻴﻦ
ﻣﻴﻨﺎ : ﻣﺎﺍﻛﺪﺭ ﻟﺌﻦ ﺳﻴﻒ ﻫﻢ ﻃﻠﺐ ﻣﻦ ﻋﺪﻱ ﻧﺴﻜﻦ ﺑﻴﺘﻪ
ﻟﻴﺎﻥ : ﺻﺪﻙ ﻭﻗﺒﻠﺘﻲ
ﻣﻴﻨﺎ : ﺍﻳﻲ ﻗﺒﻠﺘﻲ
ﺳﺮﻯ : ﻭﺷﻮﻛﺖ ﻳﺎﺧﺬﺝ
ﻣﻴﻨﺎ : ﻗﺼﺪﻙ ﻳﺎﺧﺬﻧﻪ ﻟﺌﻦ ﺗﻼﺛﺘﻨﻪ
ﺳﺮﻯ : ﻭﺍﻫﻠﻪ ﻳﻘﺒﻠﻮﻥ
ﻣﻴﻨﺎ : ﻛﺎﻝ ﻗﺎﺑﻠﻴﻦ ﺑﻌﺪ ﻣﺎﺍﺩﺭﻱ
ﻟﻴﺎﻥ : ﻭﺷﻮﻛﺖ ﻳﺠﻲ
ﻣﻴﻨﺎ : ﺑﻌﺪ ﺟﻢ ﻳﻮﻡ
ﻟﻴﺎﻥ : ﺧﻮﺵ
ﺳﻴﻒ : ﻣﻦ ﺍﻧﻜﻄﻌﺖ ﺍﺧﺒﺎﺭ ﻣﻴﻨﺎ ﻭﺍﻧﻲ ﺍﺩﻙ ﺟﻬﺎﺯﻫﻪ ﻣﻐﻠﻖ ﺑﺎﻟﻲ ﺿﻞ ﻳﻤﻬﻪ ﻃﻮﻟﺖ ﺍﺳﺒﻮﻉ ﻣﺎﻛﻮ ﻭﺍﻻﻭﺿﺎﻉ ﻳﻤﻬﻢ ﻣﻄﻤﻦ ﻭﺑﺎﻟﻲ ﺿﻞ ﻳﻤﻬﻪ ﺧﺎﻑ ﺻﺎﺭ ﺷﻲ ﺍﻟﻬﻪ ﻭﻧﻔﺬ ﺻﺒﺮﻱ ﻓﺎﺍﺧﺬﺕ ﻣﺠﻤﻮﻋﻪ ﻣﻦ ﺷﺒﺎﺏ ﻭﺭﺣﻨﻪ ﻟﻠﻤﻴﺘﻢ ﻣﺎﻟﻜﻴﺖ ﺍﻳﻲ ﺑﺸﺮ ﺧﻮﻓﻲ ﺯﺍﺩ ﻋﻠﻴﻪ ﻭﺍﻧﻄﻴﺖ ﺍﻭﺍﻣﺮ ﺑﺄﻥ ﻳﺒﺤﺜﻮﻥ ﻋﻠﻴﻬﻪ ﻣﺎﻟﻜﻴﺘﻠﻬﻪ ﺍﻳﻲ ﺍﺛﺮ ﺍﺩﻫﻮﺭ ﻭﺿﻌﻲ ﺑﻐﻴﺎﺑﻬﻪ ﻭﺟﺎﻥ ﺧﻮﻓﻲ ﺍﻟﻮﺣﻴﺪ ﻋﺼﺎﺑﺎﺕ ﺩﺍﻋﺶ ﻣﺎﺧﺬﻳﻨﻬﻪ ﺍﻣﻮﺭ ﻫﻮﺍﻱ ﺍﺟﺘﻲ ﺑﺎﻟﻲ ﻭﻣﺎﺑﻄﻠﺖ ﺑﺤﺚ ﻋﻠﻴﻬﻪ ﺣﺪﻣﺎ ﺭﺣﺖ ﺍﻟﻤﻜﺎﻥ ﻋﻤﻠﻲ ﻭﺷﻔﺘﻬﻪ ﺗﺮﻳﺪ ﺗﺠﻴﻨﻲ ﻭﻧﻐﻤﻪ ﻋﻠﻴﻬﻪ ﻭﻛﻌﺖ ﺭﻛﻀﺖ ﺍﻟﻬﻪ ﻭﻏﺴﻠﺘﻠﻬﻪ ﺣﺘﻪ ﺗﺼﺤﻪ ﻣﻤﺼﺪﻙ ﻟﻜﻴﺘﻬﻪ ﻭﺍﺧﻴﺮﺍ ﺷﻔﺘﻬﻪ ﺳﺎﻟﻤﻪ ﻭﻛﺪﺍﻡ ﻋﻴﻮﻧﻲ ﺟﻨﺖ ﻛﺎﻃﻊ ﻭﻋﺪ ﻉ ﻧﻔﺴﻲ ﺍﺫﺍ ﻟﻜﻴﺘﻬﻪ ﺍﺧﻠﻴﻬﻪ ﺗﻌﻴﺶ ﺑﻴﺘﻲ ﻭﺭﺍﺡ ﺍﻧﻔﺬ ﻫﺎﺫﻩ ﺍﻟﻮﻋﺪ ﻣﻦ ﻛﻌﺪﺕ ﺍﺧﺬﺗﻬﻪ ﺍﻟﻤﻜﺘﺒﻲ ﻭﺷﺮﺣﺘﻠﻬﻪ ﺻﺎﺭ ﻭﻳﺎﻱ ﻭﺣﺎﻟﺘﻬﻪ ﺻﺤﻴﻪ ﻣﻮﺯﻳﻨﻪ ﻣﺮﻳﻀﻪ ﻭﺻﻠﺘﻬﻪ ﻟﻠﺒﻴﺖ ﻭﺭﺟﻌﺖ ﺍﻟﺸﻐﻠﻲ ﻟﻀﻬﺮ ﺣﻠﻴﺖ ﺭﺟﻌﺖ ﻟﻠﺒﻴﺖ ﻟﻜﻴﺖ ﺍﻫﻠﻲ ﻳﺘﻐﺪﻭﻥ ﺻﻌﺪﺕ ﺍﻟﻐﺮﻓﺘﻲ ﺍﺧﺬﺕ ﺩﻭﺵ ﻭﻏﻴﺮﺕ ﻣﻼﺑﺴﻲ ﻧﺰﻟﺖ ﺍﺗﻐﺪﻩ ﺍﺗﻐﺪﻳﺖ ﻭﺧﻠﺺ
ﺳﻴﻒ : ﺍﺭﻳﺪ ﺍﻟﻜﻞ ﻳﺴﻤﻌﻨﻲ
ﺍﻡ ﺳﻴﻒ : ﺍﻳﻲ ﻳﻤﻪ ﺍﺣﺠﻲ
ﺳﻴﻒ : ﺍﻧﻲ ﺍﺣﺐ ﺑﻨﻴﻪ ﻳﺘﻴﻤﻪ ﻭﻧﺰﺣﺖ ﻣﻦ ﻣﺤﺎﻓﻈﺘﻬﻪ ﻭﺍﺟﺘﻲ ﺍﻟﺒﻐﺪﺍﺩ ﻭﺍﻧﻲ ﺧﺎﻳﻒ ﻋﻠﻴﻬﻪ
ﺍﻡ ﺳﻴﻒ : ﻭﻫﺎﻱ ﻣﻦ ﺷﻮﻛﺖ ﺣﺒﻴﺘﻬﻪ ﻭﺗﻌﺮﻓﺖ ﻋﻠﻴﻬﻪ ﻭﺑﻌﺪﻳﻦ ﻟﻴﺶ ﻣﺎﺣﺠﻴﺖ
ﺳﻴﻒ : ﺍﻻﺑﻨﻴﻪ ﻣﻴﻨﺎ ﻭﺍﻧﻲ ﺍﺣﺒﻬﻪ ﻭﻧﻴﺘﻲ ﺯﻭﺍﺝ ﻭﻳﺎﻫﻪ
ﺍﺑﻮ ﺳﻴﻒ : ﻭﺑﻨﺖ ﻋﻤﻚ ﻭﻳﻦ ﺭﺍﺣﺖ ﺍﺣﻨﻪ ﻣﻮﺍﻋﺪﻳﻦ ﻋﻤﻚ ﺑﻠﺰﻭﺍﺝ
ﺳﻴﻒ : ﺍﻧﻲ ﻣﺎﻟﻲ ﻧﻔﺲ ﺑﻴﻬﻪ ﻭﺑﻌﺪﻳﻦ ﻣﺎﻭﻋﺪﺗﻬﻪ ﻭﻻﻭﻋﺪﺕ ﻋﻤﻲ ﺍﻧﺘﻢ ﺑﻜﻴﻔﻜﻢ ﺗﺤﺠﻮﻥ
ﺍﺑﻮ ﺳﻴﻒ : ﻳﻌﻨﻲ ﺍﻧﺘﻪ ﻣﺎﻟﻚ ﻧﻔﺲ ﺑﻴﻬﻪ
ﺳﻴﻒ : ﻻ ﺑﻮﻳﻪ ﻣﺎﺭﻳﺪﻫﻪ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء