رواية حب عبر الإنترنت الجزء الأول
للكاتبة دانيا
.
ﺭﻧﺎ ﻃﺎﻟﺒﻪ ﻫﺎﻟﺴﻨﻪ ﺧﻠﺼﺖ ﺳﺎﺩﺱ ﺍﺑﻮﻫﻪ ﺍﺷﺘﺮﺍﻟﻬﻪ ﻻﺑﺘﻮﺏ
ﻭﻣﻮﺑﺎﻳﻞ ﻫﺪﻳﻪ ﻧﺠﺎﺣﻬﻪ ... ﭼﺎﻧﺖ ﺗﺴﻤﻊ ﻫﻮﺍﻱ ﻋﻦ ﺍﻟﻔﻴﺲ ﺑﻮﻙ
ﻣﻦ ﺻﺪﻳﻘﺎﺗﻬﻪ ﻗﺮﺭﺕ ﺗﺴﻮﻱ ﻭﺍﺣﺪ
ﺳﻮﺕ ﻓﻴﺲ ﻭﺿﺎﻓﺖ ﺻﺪﻳﻘﺎﺗﻬﻪ ﻣﻦ ﺍﻟﻤﺪﺭﺳﻪ ﻣﭽﺎﻧﺖ ﺗﻌﺮﻑ
ﺗﺴﺘﺨﺪﻣﻪ ﺑﺲ ﭼﺎﻥ ﺗﺴﺄﻝ ﻋﻦ ﺍﻱ ﺷﻲ ﻣﺘﻌﺮﻓﻪ ﻭﻧﺸﺮﺕ ﺻﻮﺭ
ﻣﻦ ﭼﺎﻧﺖ ﻣﺴﺎﻓﺮﻩ ﺍﻟﻌﺎﻡ ﻳﻢ ﻋﻤﺘﻬﻪ ﺑﺎﻟﻤﺎﻧﻴﺎ ﻭﻇﻠﺖ ﺗﻌﻠﻖ ﻫﻲ
ﻭﺻﺪﻳﻘﺎﺗﻬﻪ ﻭﺗﻌﻠﻖ ﺑﻠﺒﻴﺠﺎﺕ ﻭﺗﻘﻀﻲ ﻣﻌﻈﻢ ﻭﻗﺘﻬﻪ ﺑﺎﻟﻔﻴﺲ
ﻓﺪ ﻳﻮﻡ ﺍﺟﺘﻬﻪ ﺭﺳﺎﻟﻪ ﻣﻦ ﻭﻟﺪ ﻣﺘﻌﺮﻓﻪ ﭼﺎﻥ ﺍﺳﻤﻪ ﻣﺼﻄﻔﻰ
.
ﻓﺘﺤﺖ ﺍﻟﺮﺳﺎﻟﻪ ﭼﺎﻧﺖ ﺍﻟﺮﺳﺎﻟﻪ ﻛﻮﻟﺶ ﻃﻮﻳﻠﻪ .... ﭼﺎﻥ ﻣﻜﺘﻮﺏ ﺑﻴﻬﻪ : )) ﻋﻴﻨﻲ ﺍﺧﺘﻨﻪ ﺍﻟﻌﺮﺍﻗﻴﻪ ﻣﻮ ﺍﻟﻪ ﺍﻣﺔ ﻣﺤﻤﺪ ﻛﻠﻬﻪ ﺗﻌﺮﻑ ﺍﻧﻮ ﺍﻧﺘﻲ ﻣﺴﺎﻓﺮﻩ ﻻﻟﻤﺎﻧﻴﺎ ﻭﻫﻨﺎﻙ ﻋﻤﺘﭻ ﺗﺮﺓ ﺗﮕﺪﺭﻳﻦ ﺗﺴﻮﻳﻬﻪ ﺗﺨﺼﻴﺺ ﻟﻠﺼﻮﺭ ﻋﻼﻗﻞ ﻟﻼﺻﺪﻗﺎﺀ ﻣﻮ ﻫﻴﭻ ﻳﺎﻫﻮ ﺍﻟﭽﺎﻥ ﻳﺪﺧﻞ ﺑﺼﻔﺤﺘﭻ ﻭﻳﺸﻮﻓﻬﻦ ﻭﻳﮕﺪﺭ ﻳﺎﺧﺬﻫﻦ ﺍﻓﺘﻬﻤﻨﻪ ﺍﻧﺘﻲ ﻣﺴﺎﻓﺮﻩ ﺗﮕﺪﺭﻳﻦ ﺗﻐﻴﺮﻳﻦ ﺍﻟﺨﺼﻮﺻﻴﻪ (( ﻭﭼﺎﻥ ﻳﻌﻴﺪ ﻭﻳﻜﺮﺭ ﺑﺎﻟﻤﻮﺿﻮﻉ ﻓﻬﻲ ﮔﺎﻟﺖ ﺍﻛﻴﺪ ﻫﺬﺍ ﻭﺍﺣﺪ ﭼﺒﻴﺮ ﻭﻳﺠﻮﺯ ﻭﺍﺣﺪ ﻣﻦ ﺍﺻﺪﻗﺎﺀ ﺑﺎﺑﺎ ﻻﻥ ﺩﺍﺋﻤﺎ ﻳﻄﻠﻌﻮﻟﻬﻪ ﺑﻼﺻﺪﻗﺎﺀ ﺍﻟﻤﻘﺘﺮﺣﻴﻦ ﻗﺮﺭﺕ ﺗﺪﺧﻞ ﻟﺼﻔﺤﺘﻪ ﻭﺗﺸﻮﻑ ﻣﻨﻮ
.
ﺩﺧﻠﺖ ﻟﺼﻔﺤﺘﻪ ﻣﻠﮕﺖ ﺍﻱ ﺻﻮﺭﺓ ﻭﭼﺎﻧﺖ ﺻﻔﺤﺘﻪ ﻣﻐﻠﻘﻪ ﻛﻠﻬﻪ ﻟﻼﺻﺪﻗﺎﺀ ﻓﺠﺎﻭﺑﺘﻪ )): ﻭﺍﻟﻠﻪ ﻣﺎﻋﺮﻑ ﺷﺄﮔﻮﻟﻚ ﻳﺎ ﺍﺧﻮﻳﻪ ﺑﺲ ﺍﻧﻲ ﻭﺍﻟﻠﻪ ﺟﺪﻳﺪﻩ ﺑﺎﻟﻔﻴﺲ ﻭﻛﻮﻟﺸﻲ ﻣﺎ ﺍﻋﺮﻑ . ﺍﺻﻼ ﻣﺎ ﺍﻋﺮﻑ ﺷﻠﻮﻥ ﺍﺳﻮﻱ ﻟﻼﺻﺪﻗﺎﺀ ! ﻭﺗﮕﺪﺭ ﺗﺪﺧﻞ ﻭﺗﺘﺄﻛﺪ ﻭﺗﺸﻮﻑ ﺗﺎﺭﻳﺦ ﺍﻧﻀﻤﺎﻣﻲ ﻟﻠﻔﻴﺲ ﺑﻼﺯﺣﻤﻪ ﻋﻠﻤﻨﻲ ﺷﻠﻮﻥ ﺍﺳﻮﻱ ﺻﻔﺤﺘﻲ ﺧﺎﺻﻪ ؟ (( ﻋﻠﻤﻬﻪ ﺍﻟﻮﻟﺪ ﻭﻫﻲ ﺗﺸﻜﺮﺗﻪ ﻭﻗﺒﻞ ﻟﻴﺮﻭﺡ ﺳﺄﻟﺘﻪ )): ﺑﺲ ﺑﻼ ﺯﺣﻤﻪ ﻣﮕﺘﻠﻲ ﻭﻳﻦ ﻟﮕﻴﺘﻨﻲ ﺍﻧﺖ ؟ ((
- ﻟﮕﻴﺘﭻ ﻣﻌﻠﻘﻪ ﺑﻔﺪ ﺑﻴﺞ ﻭﻋﺠﺒﻨﻲ ﺍﺳﻠﻮﺑﭻ ﺑﻠﺘﻌﻠﻴﻖ ﻭﺩﺧﻠﺖ ﻟﺼﻔﺤﺘﭻ ﻋﺮﻓﺘﭻ ﺟﺪﻳﺪﻩ ﻭﻣﺒﻴﻨﻪ ﻣﻦ ﻣﻨﺸﻮﺭﺍﺗﭻ ﺍﻟﺒﺮﻳﺌﻪ ﻛﻮﻟﺸﻲ ﻣﺘﻌﺮﻓﻴﻦ ﻓﺤﺒﻴﺖ ﺍﻧﺒﻬﭻ
.
ﺍﻫﺎ ﺍﻱ ﻣﻮ ﻣﻦ ﺍﺳﻠﻮﺑﻚ ﻋﺒﺎﻟﻲ ﺍﻧﺖ ﻭﺍﺣﺪ ﻣﻦ ﺍﺻﺪﻗﺎﺀ ﺑﺎﺑﺎ
- ﻫﻬﻬﻬﻬﻬﻬﻬﻬﻪ ﻳﺎ ﺍﺻﺪﻗﺎﺀ ﺍﺑﻮﭺ ﺍﻧﻲ ﻋﻤﺮﻱ 20 ....
- ﻣﺎ ﺍﻋﺮﻑ : )
- ﻳﺠﻮﺯ ﻻﻥ ﻣﻌﺎﻳﺶ ﺑﻠﻌﺮﺍﻕ
- ﻟﻴﺶ ﻭﻳﻦ ﻋﺎﻳﺶ ؟
- ﻧﻔﺲ ﺍﻟﻤﻜﺎﻥ ﺍﻟﻲ ﻣﺎﺧﺬﻩ ﺑﻲ ﺻﻮﺭ
- ﻭﻳﻦ ﺑﺎﻟﻤﺎﻧﻴﺎ o:
- ﺍﻱ : )
- ﺷﻌﺠﺐ ؟
- ﻭﺭﺓ ﺍﺣﺪﺍﺙ ﺳﻮﺭﻳﺎ ﺭﺟﻌﻮﺍ ﺍﻫﻠﻲ ﻟﻠﻌﺮﺍﻕ ﺳﻜﻨﻮﺍ ﺑﺎﺭﺑﻴﻞ ﻭﺍﻧﻲ ﻣﺤﺒﻴﺖ ﺍﺭﺟﻊ ﻣﺎﺣﺐ ﺍﻟﻌﺮﺍﻕ ﻗﺮﺭﺕ ﺍﺳﻜﻦ ﺑﺎﻟﻤﺎﻧﻴﺎ ﻋﻠﻤﺎ ﺗﻨﺮﺳﻞ ﺍﻭﺭﺍﻗﻲ ﻭﺍﺭﻭﺡ ﻻﻣﺮﻳﻜﺎ ﺍﺩﺭﺱ ﺻﻴﺪﻟﻪ
- ﺍﻫﺎ ﺍﻧﻲ ﻫﺎﻟﺴﻨﻪ ﺗﺨﺮﺟﺖ ﻣﻦ ﺍﻟﺴﺎﺩﺱ ﺑﺲ ﺍﺭﻳﺪ ﻃﺐ ﺍﺳﻨﺎﻥ
- ﺍﻥ ﺷﺎﺀ ﺍﻟﻠﻪ ﺗﻨﻘﺒﻠﻴﻦ ﺻﻴﺪﻟﻪ
.
ﺍﺳﻢ ﺍﻟﻠﻪ ... ﺍﻟﻠﻪ ﻻ ﻳﮕﻮﻟﻬﻪ ﺍﻥ ﺷﺎﺀ ﺍﻟﻠﻪ ﺍﻧﻘﺒﻞ ﻃﺐ ﺍﺳﻨﺎﻥ ﻭﺍﻓﺮﺡ ﺑﺎﺑﺎ
ﺑﻴﻮﻣﻬﻪ ﻇﻞ ﻳﺴﻮﻟﻔﻮﻥ ﻭﻳﺘﻌﺮﻑ ﻋﻠﻴﻬﻪ ﻭﺍﺗﻌﺮﻓﺖ ﻋﻠﻴﻪ ﺑﻞ 12 ﺑﻠﻴﻞ ﮔﻠﺘﻠﻪ ﻋﻦ ﺍﺫﻧﻚ ﺑﺎﺑﺎ ﻣﻴﻘﺒﻞ ﺍﺳﻬﺮ .. ﻭﺍﺗﻔﺎﺟﺄ ﻫﻮ ﺑﺲ ﮔﻠﻬﻪ ﻗﺒﻞ ﻟﺘﺮﺣﻴﻦ ﺍﻧﺘﻲ ﺻﺢ ﻣﻀﺎﻳﻔﻪ ﻭﻟﺪ ﻋﺎﺩﻱ ﺍﺿﻴﻔﭻ ؟
- ﻻ ﺍﺳﻔﻪ ﻣﺎ ﺍﮔﺪﺭ
- ﺯﻳﻦ ﻋﻨﺪﭺ ﻭﺍﺗﺲ ﻓﺎﻳﺒﺮ ﺳﻜﺎﻳﺐ ؟
- ﻫﻬﻬﻬﻬﻬﻪ ﻛﻮﻟﺸﻲ ﻣﻌﻨﺪﻱ ﺑﺲ ﻳﺎﻫﻮ ﺳﻮﻳﺖ ﻋﻠﻴﻪ ﺍﻟﻔﻴﺲ
- ﺍﻭﻙ ﺍﻧﻄﻴﻨﻲ ﺍﻣﻴﻠﭻ ﺭﺡ ﺍﺿﻴﻔﭻ
ﺿﺎﻓﻬﻪ ﻋﻠﻴﺎﻫﻮ ﻭﺍﺗﻮﺍﺩﻋﻮﺍ
ﺛﺎﻧﻲ ﻳﻮﻡ ﺑﻞ 8 ﺍﻟﺼﺒﺢ ﺭﺳﻠﺘﻠﻪ ﻋﻠﻴﺎﻫﻮ ﺻﺒﺎﺡ ﺍﻟﺨﻴﺮﺭﺭﺭ
.
ﻣﺠﺎﻭﺑﻬﻪ ﻇﻠﺖ ﺗﻨﺘﻈﺮ ﺷﮕﺪ ﻭﻣﮕﺪﺭﺕ ﺗﺮﺳﻞ ﻣﺴﺞ ﺛﺎﻧﻲ ﻟﺤﺪ ﺍﻝ 3 ﺍﻟﻈﻬﺮ ﺟﺎﻭﺑﻬﻪ ﻭﮔﻠﻬﻪ ﺍﻧﻲ ﺍﺳﻒ .. ﺑﺲ ﺍﺳﻬﺮ ﺑﻠﻴﻞ ﻋﻠﻨﺖ ﻭﺍﮔﻌﺪ ﺍﻟﻈﻬﺮ
ﻇﻠﻮﺍ ﻳﺴﻮﻟﻔﻮﻥ ﻭﻳﺤﭽﻴﻠﻬﻪ ﻋﻦ ﺍﻣﻨﻴﺎﺗﻪ ﻭﺷﻠﻮﻥ ﻋﺎﺟﺒﻪ ﻳﺴﺎﻓﺮ ﻻﻣﺮﻳﻜﺎ ﻭﻳﺪﺭﺱ ﻫﻨﺎﻙ ﻭﻳﺸﺘﻐﻞ ﻭﻳﻜﻮّﻥ ﻧﻔﺴﻪ
- ﺍﺫﺍ ﺭﺣﺖ ﻻﻣﺮﻳﻜﺎ ﺭﺡ ﺍﺩﺯ ﻭﺭﺍﭺ
- ﻫﻬﻬﻬﻪ ﺷﻌﺪﻱ ﺟﺎﻳﻪ
- ﻟﻌﺪ ﻣﻨﻮ ﻳﺴﻮﻳﻠﻲ ﺍﻻﻛﻞ ؟
ﻓﺠﺄﻩ ﺩﺧﻠﺖ ﻋﻠﻴﻬﻪ ﺍﺧﺘﻬﻪ ﻟﻠﻐﺮﻓﻪ ﻭﮔﻠﺘﻠﻬﻪ ﺍﻟﻴﻮﻡ ﺍﻟﻈﻬﺮ ﺍﻟﻘﺒﻮﻻﺕ .... ﺧﺎﻓﺖ ﻛﻮﻟﺶ ﻭﻛﺘﺒﺖ ﺍﻟﻪ
- ﻣﺼﻄﻔﻰ ﺍﻟﻴﻮﻡ ﺍﻟﻘﺒﻮﻻﺕ ﺍﺭﺟﻮﻙ ﺍﻧﺪﻋﻴﻠﻲ ﺍﻧﻘﺒﻞ ﻃﺐ ﺍﺳﻨﺎﻥ
- ﺍﻥ ﺷﺎﺀ ﺍﻟﻠﻪ ﻳﺎﺭﺭﺏ ﺗﻔﺮﺡ ﻫﺎﻱ ﺍﻟﺒﻨﻴﻪ ﻣﺜﻞ ﻣﻔﺮﺣﺘﻨﻲ ﺑﻴﻬﻪ ﻭﺗﻨﻘﺒﻞ ﺻﻴﺪﻟﻪ
.
ﺍﺳﻢ ﺍﻟﻠﻪ ﺍﻧﺖ ﺷﺘﮕﻮﻝ
ﻭﺭﺓ ﺳﺎﻋﻪ ﻭﻣﺼﻄﻔﻰ ﺩﻳﻬﺪﺃ ﺑﻴﻬﻪ ﻃﻠﻌﺖ ﺍﻟﻘﺒﻮﻻﺕ ﻭﻫﻲ ﻣﻨﻘﺒﻠﻪ ﺻﻴﺪﻟﻪ !!! ﻇﻠﺖ ﺗﺒﭽﻲ ﻻﺯﻣﻪ ﺍﻟﻤﻮﺑﺎﻳﻞ ﻭﺗﺸﻮﻑ ﺍﻟﺼﻴﺪﻟﻪ 3 ﻣﺮﺍﺕ ﻭﺍﻟﺪﻣﻮﻉ ﺗﺎﺭﺳﻪ ﻋﻴﻮﻧﻬﻪ ﻛﺘﺒﺖ ﻟﻤﺼﻄﻔﻰ
- ﻣﺼﻄﻔﻰ ﺍﻧﻘﺒﻠﺖ ﺻﻴﺪﻟﻪ
- ﺍﻱ ﺍﻟﻒ ﻣﺒﺮﻭﻙ
- ﻣﻘﻬﻮﺭﺓ ﻭﺿﺎﻳﺠﻪ ﻣﺼﻄﻔﻰ ﻛﻮﻟﺶ 😢
- ﻟﺘﻜﻮﻟﻴﻦ ﻫﻴﺞ ﻏﻴﺮﭺ ﻳﺘﻤﻨﻰ ﻫﺴﻪ ﻫﻮ ﺑﻤﻜﺎﻧﭻ ﻭﺍﻧﻲ ﺍﻭﻝ ﻭﺍﺣﺪ 😡 .. ﻳﻠﺔ ﺿﺤﻜﻲ 😉
- ﻣﺎ ﺍﻋﺮﻑ ﺍﻟﻠﻪ ﻛﺮﻳﻢ 😔 ﺣﺴﻴﺖ ﻧﻔﺴﻲ ﺧﻴﺒﺖ ﺍﻣﺎﻝ ﺑﺎﺑﺎ
- ﻻ ﻟﺘﻜﻮﻟﻴﻦ ﻫﻴﺞ ﺍﺻﻼ ﺍﻧﺘﻲ ﺭﻓﻌﺘﻲ ﺭﺍﺳﻪ 😊
- ﺷﻮﻓﻲ ﺍﻧﻲ ﻭﻋﺪﺗﭻ ﺭﺡ ﺍﺣﻘﻘﻠﭻ ﻛﻞ ﺍﺣﻼﻣﭻ ﻭﺍﻧﻲ ﻋﻨﺪ ﻭﻋﺪﻱ ﺑﺲ ﺍﺭﻭﺡ ﻻﻣﺮﻳﻜﺎ ﺭﺡ ﺍﺧﺬﭺ ﻭﻳﺎﻳﻪ ﻭﻫﻨﺎﻙ ﺭﺡ ﺍﺩﺭﺳﭻ ﻃﺐ ﺍﺳﻨﺎﻥ
- ﻫﻬﻬﻬﻬﻬﻪ ﺍﻭﻭﻙ ﻭﺍﻧﻲ ﺭﺡ ﺍﺟﻲ ﻣﻮ ؟
- ﺍﻱ ﺍﻛﻴﺪ ﺗﺠﻴﻦ ﻭﻧﮕﻌﺪ ﻧﺪﺭﺱ ﻳﻮﻣﻴﻪ ﺳﻮﺓ
- ﺍﻭﻭﻙ ﺍﻧﻲ ﻏﺮﻓﺘﻲ ﺍﺭﻳﺪﻫﻪ ﻭﺭﺩﻳﻪ ﻭﺑﻴﻬﻪ ﺩﺑﺎﺩﻳﺐ ﻛﻮﻣﺔ
- ﻻﺑﻠﻪ ﻣﻮ ﻫﻮ ﺑﻜﻴﻔﭻ
- ﻻ ﺑﻜﻴﻔﻚ ... ﻫﻲ ﻏﺮﻓﺘﻲ ﻣﻮ ﻏﺮﻓﺘﻚ ... ﺍﻧﺖ ﻏﺮﻓﺘﻚ ﻧﺴﻮﻳﻬﻪ ﺯﺭﮔﺔ ﻫﻬﻬﻬﻬﻬﻪ
- ﺭﻧﺎ ﺳﻮﻳﺘﻠﭻ ﺣﺴﺎﺏ ﺑﻠﺴﻜﺎﻳﺐ ﺣﻤﻤﻠﻲ ﺍﻟﺒﺮﻧﺎﻣﺞ
- ﺍﻭﻙ ﻣﻴﺨﺨﺎﻟﻒ
ﻧﺼﺒﺖ ﺭﻧﺎ ﺍﻟﺒﺮﻧﺎﻣﺞ ﻭﺍﺗﺼﻞ ﻋﻠﻴﻬﻪ ﻣﺼﻄﻔﻰ ﺑﻠﺒﺪﺍﻳﻪ ﺗﺮﺩﺩﺕ ﻭﺭﺍﻫﻪ ﺗﺸﺠﻌﺖ ﻭﺭﻓﻌﺖ ﺧﻂ ... ﻫﻮ ﮔﺎﻝ ﺍﻟﻮ
ﻫﻲ ﻭﺭﺓ ﻛﻮﻣﺔ ﮔﺎﻟﺖ ... - ﺍﻟﻮ ﻣﺼﻄﻔﻰ
.
ﺷﻨﻮ ﻫﺎﻟﺼﻮﺕ ﺍﻟﺤﻠﻮ ؟ﻣﻼﻙ ﻭﺩﻳﺤﭽﻲ
ﻇﻠﻮﺍ ﻳﺴﻮﻟﻔﻮﻥ ﻋﺸﺮ ﺩﻗﺎﻳﻖ ﻭﺭﺍﻫﻪ ﮔﻠﺘﻠﻪ ﺭﻧﺎ ﻧﺤﭽﻲ ﺑﺮﺳﺎﺋﻞ ﻧﻜﻤﻞ
ﻇﻠﻮﺍ ﻟﻤﺪﺓ ﺷﻬﺮ ﺭﻧﺎ ﻭﻣﺼﻄﻔﻰ ﻳﺴﻮﻟﻔﻮﻥ ﻭﺍﺣﺪ ﺑﺪﺓ ﻳﺤﺐ ﺍﻟﺜﺎﻧﻲ ﺑﺲ ﺍﻟﻜﻞ ﻳﺤﭽﻲ ﺑﺼﻴﻐﻪ ﺻﺪﺍﻗﻪ
ﺍﻟﻴﺎﻯ ﺍﻥ ﻓﺪ ﻳﻮﻡ ﺍﺧﺮ ﻳﻮﻡ ﺑﺮﻣﻀﺎﻥ ﺍﺗﺼﻞ ﻣﺼﻄﻔﻰ ﺿﺒﻂ ﻭﻳﺔ ﺍﺫﺍﻥ ﺍﻟﻤﻐﺮﺏ ﺍﻋﺘﺬﺫﺭﺕ ﺍﻧﻮ ﻣﺘﮕﺪﺭ ﺗﺠﺎﻭﺑﻪ ﺍﺻﺮ ﻭﺑﺴﺮﻋﻪ
ﻗﺒﻞ ﺍﻟﺴﻼﻡ ﻣﺼﻄﻔﻰ ﺣﭽﻪ - ﺭﻧﺎ ﺍﺭﻳﺪ ﺍﻻﺫﺍﻥ ﺷﺎﻫﺪ ﺍﻧﻲ ﺍﺣﺒﭻ ﻭﺍﻟﻠﻪ ﺍﻟﻌﻈﻴﻢ ﺍﺣﺒﭻ ﺍﺣﺒﭻ ﻭﺍﺭﻳﺪﭺ ﺗﻜﻮﻧﻴﻦ ﻣﺮﺗﻲ ﻭﺗﺸﺎﺍﺭﻛﻴﻨﻲ ﺍﺣﻼﻣﻲ ﻭﻧﺤﻘﻘﻬﻦ ﺳﻮﺓ ﺍﻧﻲ ﻭﻳﺎﭺ ﺭﻧﺎ ﺍﺣﺒﭻ ﺍﺣﺒـــﭻ
- ﻋﻌﻦ ﺍﺫﻧﻚ ﻭﺭﺓ ﺍﻟﻔﻄﻮﺭ ﺍﺣﭽﻲ ﻭﻳﺎﻙ
.
ﻇﻠﺖ ﺗﺘﻔﺎﻫﻢ ﻭﻳﺎ ﻭﺷﻠﻮﻥ ﻭﻫﻤﻪ ﻛﻠﻤﻦ ﺳﺎﻛﻦ ﺑﻐﻴﺮ ﻣﻜﺎﻥ ﻭﺍﺗﻔﻘﻮﺍ ﻋﻠﻰ ﻛﻞ ﺷﻲ ﻭﺷﻠﻮﻥ ﻳﺠﻲ ﻳﺨﻄﺒﻬﻪ ﻭﻭﻳﻦ ﻳﺴﻜﻨﻮﻥ ﻭﺷﻠﻮﻥ ﻳﺪﺭﺳﻮﻥ ﺑﺎﻣﺮﻳﻴﻜﺎ ﻭﻭﺭﺍﻫﻪ ﻳﺮﺟﻌﻮﻥ ﺑﺒﻴﺘﻪ ﺍﻟﻲ ﺑﺎﻟﻤﺎﻧﻴﺎ ﻳﺴﺘﻘﺮﻭﻥ ﻫﻨﺎﻙ
ﻃﻠﺐ ﺍﻧﻮ ﻳﺸﻮﻑ ﺻﺼﻮﺭﺗﻬﻪ ﻭﻭﺭﺓ ﻛﻮﻣﺔ ﻣﻦ ﺍﻟﺘﺮﺩﺩ ﻭﻓﻜﺮﺕ ﺍﻧﻮ ﻫﻲ ﻣﺘﺜﻖ ﺑﺎﻧﺴﺎﻥ ﺍﻛﺜﺮ ﻣﻨﺔ ﻭﺭﺳﻠﺖ ﺑﻼﺧﻴﺮ ﺻﻮﺭﺗﻬﻪ
ﺭﺳﻠﻠﻬﻪ ﻣﻤﺴﺞ ﻛﻌﺎﺩﺗﻪ ﻃﻮﻳﻞ
- ﻣﺎ ﺍﮔﺪﺭ ﺍﻋﺒﺮ ﻋﻦ ﺍﻟﻲ ﺑﺪﺍﺧﻠﻲ ﻣﻦ ﺷﻔﺖ ﺻﻮﺭﺗﭻ ﺍﻧﺘﻲ ﺗﺸﺒﻬﻴﻦ ﺍﻋﻴﺎﺩ ﺍﻟﻤﻴﻼﺩ ﺗﺸﺒﻬﻴﻦ ﺍﻟﻜﺮﻳﺴﻤﺲ ﺷﻠﻮﻧﻦ ﻣﻦ ﻳﺠﻴﺐ ﺍﻟﻔﺮﺣﻪ ﻟﻠﻨﺎﺱ ﺍﻧﺘﻲ ﻓﺮﺣﻪ ﻭﺍﻛﺒﺮ ﻫﺪﻳﻪ ﻟﻠﻨﺎﺱ ﻭﺍﻧﻲ ﻣﺤﻈﻮﻅ ﺍﻧﻮ ﺣﺼﻠﺖ ﻋﻠﻴﭻ ﺍﺣﺲ ﺑﻔﺮﺣﻪ ﺍﻟﻄﻔﻞ ﻣﻦ ﻳﺘﺨﻴﻞ ﺍﻧﻮ ﺑﺎﺑﺎ ﻧﻮﻳﻞ ﺟﺎﺑﺒﻠﻪ ﻫﺪﻳﻪ ﻭﻫﻮ ﻓﺘﺤﻬﻪ ﻭﻃﻠﻌﺖ ﻟﻌﺒﻪ ﺣﻠﻮﺓ ﻭﻧﺎﻋﻤﻪ ﻣﺜﻞ ﻫﺎﻱ
ﺧﺠﻠﺖ ﺭﻧﺎ ﻭﻣﻌﺮﻓﺖ ﺷﺘﺠﺎﻭﺑﻪ ﻋﻠﻮﺻﻔﻪ ﺍﻛﺘﻔﺖ ﺍﻧﻮ ﺗﮕﻮﻟﻪ
- ﺷﻜﺮﺍ ﺍﻧﺖ ﻓﺮﺣﺘﻲ ﻭﺍﻧﺖ ﻫﺪﻳﺘﻲ ﻣﻦ ﺍﻟﻠﻪ ﺍﺣﺒﻚ
ﻭﺭﺓ ﻓﺘﺮﺓ ﮔﺎﻣﺖ ﺭﻧﺎ ﺗﻐﺎﺭ ﻋﻠﻴﻪ ﺑﺤﻴﺚ ﺍﺫﺍ ﺗﺘﺼﻞ ﻭﺗﺴﻤﻊ ﺻﻮﺕ ﺣﺒﻴﺒﺔ ﺻﺪﻳﻘﻪ ﺗﺼﻴﺢ ﻋﻠﻴﻪ ﻭﺗﮕﻮﻟﻪ ﮔﻮﻡ ﻭﺍﺯﺩﺍﺩﺕ ﺍﻟﻤﺸﺎﻛﻞ ﻣﻦ ﻭﺭﺍﻫﻢ ﻭﺍﺗﻔﻘﺖ ﻭﻳﺎ ﺍﻧﻮ ﻳﺮﺟﻊ ﻟﻠﻌﺮﺍﻕ ﻭﻳﮕﻞ ﻻﻣﻪ ﻋﻠﻰ ﻗﺮﺍﺭﺓ ﻻﻥ ﺑﺪﺕ ﺗﺸﻚ ﺑﺎﻟﻮﺿﻌﻴﻪ ﻭﻣﺮﺍﺍﺡ ﺗﺤﭽﻲ ﻭﻳﺎ ﺍﻟﻪ ﻳﺮﺟﻊ ﻟﻠﻌﺮﺍﻕ ﻭﻫﻮ ﻣﻘﺒﻞ ﻭﻇﻞ ﻳﻮﻣﻴﻪ ﻳﺘﻮﺳﻞ ﺑﻴﻬﻪ ﻭﻳﺮﺳﻠﻞ ﺍﻟﻬﻪ ﻋﺸﺮﺍﺕ ﺍﻟﺮﺳﺎﺋﻞ ﻋﻠﻴﺎﻫﻮ ﻭﻣﺘﺠﺎﻭﺏ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء