رواية خطوات نحو الجحيم ج2 الجزء الرابع عشر
للكاتبة زينب ماجد
⭐⭐
ﻟﺠﻴﻦ -: ﻛﻤﻠﺖ ﻣﻦ ﺍﻟﺤﻤﺎﻡ .. ﻃﻠﻌﺖ ﻟﻠﺒﺎﺭ .. ﺻﻮﺕ ﻋﺎﻟﻲ ﺟﺪﺍ ﻏﻨﺎﺀ ﻏﺮﺑﻲ ﻭﺭﻗﺺ ﻗﻮﻱ .. ﺍﻣﺸﻲ ﻋﻠﻰ ﺣﺬﺭ ﻣﻨﻬﻢ ﺍﺭﻳﺪ ﺍﻭﺻﻞ ﻟﻠﺨﻤﺎﺭﻩ
ﺣﺘﻰ ﺍﻛﻌﺪ ﺍﺭﺍﻗﺐ ﺍﻟﻠﻲ ﺍﺳﻤﻪ ﻳﻮﺳﻒ ﺍﻟﺤﺎﺝ .. ﺩﺍ ﺍﺭﻳﺪ ﺍﻃﻠﻊ ﻣﻦ ﺍﻟﻬﻮﺳﻪ .. ﺟﺎﻥ ﻭﺍﺣﺪ . ﺟﺎﻱ ﻳﺮﻛﺺ ﻣﺎ ﻳﺪﺭﻱ .. ﻭﺩﻓﻌﻨﻲ ..
ﻭﻛﻌﺖ ﻋﻠﻰ ﺍﻟﻜﺪﺍﻣﻲ .. ﺍﻧﺪﺍﺭ ﺍﻟﻌﺼﻴﺮ ﻋﻠﻴّﻪ ﻭﻋﻠﻴﻪ .. ﺻﺎﺡ ﺍﻟﻮﻟﺪ .. ﻣﻌﻠﺶ ﺣﺼﻞ ﺧﻴﺮ ... ﻭﺍﻧﻲ ﻣﭽﻠﺒﻪ ﺑﺎﻟﻮﻟﺪ .. ﻭﻫﻮ ﻳﺘﻠﺰﻡ ﻳﺮﺩ ﻳﺴﺘﻘﻴﻢ .. ﻭﻳﺒﻌﺪﻧﻲ ﻣﻨﻪ
ﺍﺭﻳﺪ ﺍﺟﺮ ﻧﻔﺴﻲ ﺍﻟﺮﻛﺺ ﻗﻮﻱ .. ﻓﻘﺪ ﺳﻴﻄﺮﺗﻪ ﻫﻮ ﻭﻭﻛﻊ ﻭﺭﻩ .. ﻭﻭﻛﻊ ﺍﻟﻜﻼﺹ ﺍﻧﻜﺴﺮ .. ﻭﺍﻧﻲ ﻓﻮﻛﺎﻩ ..
ﺻﺎﺭﺕ ﺭﻛﺒﺔ ﺭﺟﻞ ﺍﻟﻮﻟﺪ ﺑﻀﻠﻌﻲ .. ﻭﺭﺟﻠﻲ ﺍﺟﺖ ﻋﻠﻰ ﺍﻟﻜﺰﺍﺯ .. ﻛﻤﺰﺕ .. ﺍﻭﺧﺮ .. ﺍﺳﺘﻐﻔﺮ ﺍﻟﻠﻪ ﻳﺎ ﺍﻟﻠﻪ ..
- ﺍﺗﺄﺯﻳﺘﻲ ..
- ﻻ ﻣﺎ ﺑﻴﻪ ﺷﻲ .. ﺑﺲ ﻛﻮﻣﻨﻲ ..
- ﻻ ﻳﺎ ﻋﻴﻨﻲ ﺍﺟﻠﻚ ﻋﻢ ﺗﻨﺰﻑ ﺩﻡ ..
- ﺑﺎﻭﻋﺖ ﻟﺮﺟﻠﻲ .. ﺻﺪﻙ ﺗﻨﺰﻑ .. ﻃﻠﻌﺖ ﺍﻟﻤﻨﺪﻳﻞ .. ﺍﺧﺬﻫﺎ ﺍﻟﻮﻟﺪ .. ﺑﺴﺮﻋﻪ .. ﻭﺷﺎﻟﻨﻲ ﻛﻌﺪﻧﻲ .. ﻭﻳﻨﻀﻒ ﺭﺟﻠﻲ ..
ﺑﺲ ﺍﻟﻤﻜﺎﻥ ﻣﻮ ﻣﻨﺎﺳﺐ ﻛﻠﻬﺎ ﻫﺮﺝ ﻭﺭﻗﺺ .. ﻛﺘﻠﻪ ﺍﺗﺮﻛﻨﻲ ﺍﺧﻮﻳﻪ ﺧﻞ ﺍﺭﻭﺡ ..
- ﺍﺳﺘﻨﻲ ﻟﺪﺍﻭﻳﻜﻲ .. ﺩﻳﺤﺠﻲ ﺻﺎﺡ .. ﺟﻴﺎﺍﺍﺍﺩ ﺑﺪﻧﺎ ﻧﺎﺧﺬﻫﺎ ﻋﻠﻰ ﺍﻟﻤﺸﻔﻰ ﺍﺟﻼ ﻋﻢ ﺗﻨﺰﻑ ﻛﺘﻴﺮ ..
- ﺍﻧﻲ ﺍﻻﻟﻢ ﺫﺑﺤﻨﻲ ﻣﺎﻝ ﺭﺟﻠﻲ .. ﻣﺪﻟﻲ ﺍﻳﺪﻩ .. ﻭﻛﺎﻝ
- ﺗﻌﻲ ﻟﻨﺮﻭﺡ ﻣﺸﻔﻰ
- ﻣﺎﻓﻲ ﺩﺍﻋﻲ
- ﻻ ﻓﻲ ﻭﻧﺺ ﻣﺒﺮﺗﺎﺡ ﻭﺍﺟﻠﻚ ﻫﻴﻚ .. ﻋﻢ ﺗﻨﺰﻑ ﻛﺘﻴﺮ ﺣﺮﺍﻡ ..
- ﺳﺎﻋﺪﻧﻲ ﻣﺸﺎﻧﻲ ﺩﻧﻄﻠﻊ ﻣﻦ ﺍﻟﻬﻮﺳﻪ ﻣﺎ ﺍﻋﺮﻑ ﺷﺼﺎﺭ .. ﺩﺍﺭﺕ ﺍﻟﺪﻧﻴﺎ ﻋﻨﺪﻱ ﻓﺠﺄﻩ .. ﻭﺗﺨﺮﺑﻄﺖ ..
- ﻓﺘﺤﺖ ﻋﻴﻨﻲ .. ﻋﻠﻰ ﺷﻴﻠﺔ ﺍﻟﻮﻟﺪ ﺍﻟﻴﻪ ﻣﻦ ﺍﻟﺴﻴﺎﺭﻩ ﻟﻠﻤﺴﺘﺸﻔﻰ .. ﺍﺣﺴﻪ ﻳﺮﻛﺾ ﺑﻴﻪ .. ﺧﻼﻧﻲ ﻋﻠﻰ ﺳﺪﻳﺎ ..
ﺻﺤﺖ ﻭﻳﻦ ﺍﻧﻲ .. ﻭﻻﺯﻣﻪ ﺭﺍﺳﻲ .. ﺩﺧﻠﻮﻧﻲ ﻏﺮﻓﻪ .. ﻭﺩﺧﻞ ﻃﺒﻴﺐ ﻭﻣﻤﺮﺽ .. ﻗﺎﺱ ﺿﻐﻄﻲ .. ﺣﺠﻪ ﺑﺎﻻﻧﻜﻠﻴﺰﻱ ﺑﻤﻌﻨﻰ ﺿﻐﻄﻬﺎ ﻧﺎﺯﻝ ﺍﻋﻄﻮﻫﺎ ﻣﻐﺬﻱ ..
ﺭﻛﺒﻮﻟﻲ ﻣﻐﺬﻱ .. ﻭﺍﺛﻨﻴﻦ ﻭﻟﺪ ﻣﺎ ﺍﻋﺮﻓﻬﻢ ﻭﺍﻛﻔﻴﻦ ﻋﻠﻰ ﺭﺍﺳﻲ .. ﺍﻟﻤﻤﺮﺽ ﻛﺎﻡ ﻳﺪﺍﻭﻱ ﺭﺟﻠﻲ ﻋﺎﻟﺠﻬﺎ ﻭﻟﻔﻬﺎ ..
ﻛﺎﻟﻮﻟﻬﻢ ﻣﺎ ﻓﻴﻬﺎ ﺷﻲ ﺑﻴﺨﻠﺺ ﺍﻟﺴﻴﺮﻭﻡ ﻭﺗﻄﻠﻊ .. ﻋﻨﺪﺍ ﺍﻟﻌﺎﻓﻴﻪ ..
- ﻛﻴﻒ ﺑﺘﺤﺴﻲ ﺣﺎﻟﻚ ﻫﻼﺀ
- ﺯﻳﻨﻪ
- ﺍﻧﺎ ﺍﺳﻤﻲ ﻓﺆﺍﺩ .. ﻭﻫﻴﺪﺍ ﺭﻓﻴﺌﻲ ﺟﻴﺎﺩ .. ﻣﺎ ﺗﻮﺍﺧﺰﻳﻨﺎ .. ﻣﺎ ﺑﻌﺮﻑ ﻛﻴﻒ ﻫﻴﻚ ﻓﺌﺪﺕ ﺍﻟﺴﻴﻄﺮﻩ ﻭﻭﻗﻌﺖ ﻭﻭﻗﻌﺘﻚ ﻣﻌﻲ ..
- ﻋﺎﺩﻱ ﺗﺼﻴﺮ .. ﺑﺲ ﺍﻟﺠﻴﺰﺩﺍﻥ ﻣﺎﻟﺘﻲ ﻭﻳﻨﻮ ..
ﻓﺆﺍﺩ -: ﺟﻴﺎﺩ ﻋﻨﺪﻙ ﻣﺎ
ﺟﻴﺎﺩ -: ﻣﺎ ﺑﻌﺮﻑ ﻳﻤﻜﻦ ﺗﺮﻛﻨﺎ ﺑﺎﻟﺴﻴﺎﺭﻩ ..
- ﻻ ﻻﺯﻡ ﺍﺷﻮﻓﻪ .. ﺑﻴﻪ ﻫﻮﻳﺘﻲ ﻭﻣﻮﺑﺎﻳﻠﻲ ..
ﻓﺆﺍﺩ -: ﻣﻨﻼﺋﻲ ﻣﺘﺨﺎﻓﻲ ﻫﻼﺀ ﺑﺪﻙ ﺗﺨﻠﺼﻲ ﺍﻟﺴﻴﺮﻭﻡ ﻟﺤﺘﻰ ﻧﻄﻠﻊ ..
- ﻻ ﻻﺯﻡ ﺍﻃﻠﻊ
⭐⭐
ﺟﻴﺎﺩ -: ﻳﺎ ﺑﻨﺖ ﻗﻠﻨﺎﻟﻚ ﺧﻠﺼﻲ ﺍﻟﺴﻴﺮﻭﻡ ﻭﺭﻭﺣﻲ ﻣﺎ ﺑﺪﻧﺎ ﻧﻌﻠﺊ ﻣﻌﻚ ..
- ﻭﻟﻴﺶ ﺗﻌﻠﻖ ﻣﻌﻲ .. ﻣﺎ ﻋﻨﺪﻱ ﺷﻲ ﺍﺷﻜﺮﻛﻢ .. ﻓﻴﻜﻢ ﺗﺮﻭﺣﻮ ..
ﺟﻴﺎﺩ -: ﺍﻣﺸﻲ ﻓﺆﺍﺩ ﺑﺪﻧﺎ ﻧﺮﻭﺡ
ﻓﺆﺍﺩ -: ﺑﻨﻄﻤﻦ ﻋﻠﻰ ﺍﻟﺒﻨﺖ ﻭﻧﺮﻭﺡ ﺷﻮ ﺑﻨﺎ ..
- ﺻﺪﻗﻨﻲ ﺍﻧﻲ ﺑﺨﻴﺮ .. ﺍﺷﻜﺮﻙ ﺟﺪﺍ ..
- ﺍﻭﻙ ﺍﺯﺍ ﻫﻴﻚ ﺍﻧﺎ ﺑﺪﻓﻊ ﻣﺼﺎﺭﻳﻒ ﺍﻟﻤﺸﻔﻰ ﻭﺑﻨﻄﻠﻊ ..
- ﻣﺎ ﻳﺤﺘﺎﺝ ﺍﻧﻲ ﺍﺩﻓﻊ
- ﻻ ﻭﻟﻮ .. ﺍﺻﻞ ﺟﻴﺰﺩﺍﻧﻚ ﻋﻨﺎ ﻓﻲ ﺍﻟﺴﻴﺎﺭﻩ ﻓﻤﺎ ﻓﻲ ﺣﺠﻪ ..
- ﻛﺜﻴﺮ ﺍﺷﻜﺮﻛﻢ ﻋﻠﻰ ﺍﻟﻤﺴﺎﻋﺪﻩ .. ﺍﺳﺘﺮﺧﺼﻮ ﻭ ﺭﺍﺣﻮ .. ﺑﻘﻴﺖ ﻣﺘﻤﺪﺩﻩ ﻟﻨﺺ ﺳﺎﻋﻪ ﻟﺤﺪ ﻣﺎ ﺧﻠﺺ ﺍﻟﻤﻐﺬﻱ .. ﺍﺟﻪ ﺍﻟﻤﻤﺮﺽ .. ﺩﻳﺸﻴﻠﻪ ﻣﻦ ﺍﻳﺪﻱ ..
ﺩﺧﻞ ﻣﺎﻟﻚ .. ﻫﺎ ﻟﺠﻴﻦ ﺷﻨﻮ ﺍﻟﻘﺼﻪ ..
- ﺷﺠﺎﺑﻚ ﺍﻧﺖ
- ﻣﻴﺸﻴﻞ ﺍﺗﺼﻞ ﺑﻴﻪ ﻛﺎﻝ ﺗﻌﺮﺿﺖ ﻟﺤﺎﺩﺙ ﺑﺎﻟﺒﺎﺭ .. ﺭﺣﺖ ﺍﺧﺬﺕ ﺳﻴﺎﺭﺗﺞ .. ﻭﺍﺗﺼﻞ ﻋﻠﻴﺞ ﻣﺎﻛﻮ ﺗﺎﻟﻲ ﻃﻠﻌﻠﻲ ﻭﻟﺪ ﻟﺒﻨﺎﻧﻲ ﺍﻧﻄﺎﻧﻲ ﺍﻟﻌﻨﻮﺍﻥ .. ﺍﺟﻴﺖ ﺍﻧﻄﻮﻧﻲ ﺟﻴﺰﺩﺍﻧﺞ ﻫﺬﺍ
- ﺍﻧﻄﻴﻨﻲ ﺟﻴﺰﺩﺍﻧﻲ ﻭﻭﻟﻲ ﻣﻦ ﻭﺟﻬﻲ ..
- ﻟﺤﻈﻪ .. ﻋﻠﻰ ﻛﻴﻔﺞ .. ﻟﺰﻣﻨﻲ
- ﻭﺧﺮ ﻣﺎ ﺍﺭﻳﺪ ﺭﻭﺡ ﻭﻟﻲ .. ﺍﺧﺬﻧﻲ ﻣﻦ ﺍﻳﺪﻱ ﻭﻃﻠﻊ ﻳﺮﻳﺪ ﻳﺪﻓﻊ ﺍﻟﻤﺼﺎﺭﻳﻒ ﻛﺎﻟﻮﻟﻪ ﺍﻧﺪﻓﻌﺖ ..
ﺍﺧﺬﻧﻲ ﻭﺭﺣﻨﺎ ﻟﻠﺴﻴﺎﺭﻩ .. ﺻﻌﺪﻧﻲ ﻭﻭﺻﻠﻨﻲ ﻟﺒﻴﺖ .. ﺻﻒ ﺍﻟﺴﻴﺎﺭﻩ .. ﻭﻛﺎﻝ ﺗﻜﺪﺭﻳﻦ ﺗﻤﺸﻴﻦ ..
- ﺗﺮﻛﺘﻪ ﻭﻧﺰﻟﺖ .. ﺍﺟﻪ ﻭﺭﺍﻱ ﻫﻮ .. ﺻﻌﺪﻧﺎ ﺍﻟﻤﺼﻌﺪ .. ﺩﺍﺱ ﺩﻛﻤﻪ .. ﺍﻧﺴﺪ .. ﺍﻧﺪﺍﺭﻟﻲ ..
- ﻣﺘﻌﺮﻓﻴﻦ ﺷﻜﺪ ﺿﻞ ﺑﺎﻟﻲ ﻋﻠﻴﺞ ﺟﻨﻴﺖ ..
- ﻟﻌﺒﺖ ﺭﻭﺣﻲ ﻣﻨﻚ ﻭﺧﺮﺭﺭ .. ﺣﺎﻭﻝ ﻳﺒﻮﺳﻨﻲ ﺑﺎﻟﻤﺼﻌﺪ .. ﺻﺤﺖ ﺍﻧﺖ ﺗﺨﺒﻠﺖ ﺭﺳﻤﻲ ﺩﻭﺧﺮﺭﺭﺭﺭﺭ .. ﺍﻧﻔﺘﺢ ﺍﻟﻤﺼﻌﺪ .. ﻭﺭﺟﺎﻝ ﺟﺎﺭﻧﺎ ﻛﺎﻥ ﻭﺍﻛﻒ ..
ﺳﻠﻤﻨﺎ ﻭﻣﺸﻴﻨﺎ ﻟﻠﺸﻘﻪ ﻣﺎﻟﺘﻨﺎ .. ﺩﺧﻠﺖ ﻟﻠﻐﺮﻓﻪ .. ﺍﺧﺬﺕ ﻣﻼﺑﺲ ﻭﻃﻠﻌﺖ ﺳﺒﺤﺖ ﻭﺭﺣﺖ ﻟﻐﺮﻓﺔ ﺑﻴﻼ ..
ﺟﺴﻤﻲ ﻣﺎ ﻣﺮﺗﺎﺡ .. ﻛﻠﻪ ﻳﺮﺟﻒ .. ﺭﺣﺖ ﻟﻠﻐﺮﻓﻪ .. ﺩﺍ ﺍﺭﻳﺪ ﺍﺧﺬ ﻋﻼﺝ ﺍﻻﺩﻣﺎﻥ ﻣﺎ ﻟﻜﻴﺘﻪ .. ﺩﻭﺭﺕ ﺍﻟﻐﺮﻓﻪ ﻭﻣﺎﻟﻚ ﻛﺎﻋﺪ ﻳﺒﺎﻭﻉ .. ﻣﺴﺄﻟﻨﻲ .
ﺍﺧﺮ ﺷﻲ .. ﺻﺎﺡ ﺩﺩﻭﺭﻳﻦ ﻋﻠﻰ ﻫﺬﺍ .. ﺷﻔﺖ ﺍﻟﻌﻼﺝ ﺑﻴﺪﻩ ﺭﻛﻀﺖ ﺩﺍ ﺍﺧﺬﻩ .. ﺷﻔﺘﻪ ﺑﺲ ﻏﻼﻑ ﺍﻟﺤﺒﻮﺏ ﺍﻟﺒﻴﻪ ﻛﻠﻬﺎ ﻣﺎﻛﻮ ..
ﺻﺮﺧﺖ ﻭﻳﻦ ﺍﻟﺤﺒﻮﺏ .. ؟ !
- ﻣﺎ ﺍﻋﺮﻑ
- ﻻ ﺗﻌﺮﻑ ﻛﻠﺶ ﺯﻳﻦ ... ﻛﻮﻭﻭﻝ ﻭﻳﻨﻪ .. ﺻﺮﺧﺖ ﻭﺑﺠﻴﺖ .. ﻛﺎﻡ ﺭﺍﺡ ﺟﺎﺑﻠﻲ ﺣﺒﺔ ﻣﺨﺪﺭﺍﺕ ﻭﻛﺎﻝ ﺍﺧﺬﻱ ..
- ﻣﺎ ﺍﺭﻳﺪ .. ﺍﺭﻳﺪ ﻫﺬﺍ ﺍﻟﺤﺒﻮﺏ ..
- ﺑﻜﻴﻔﺞ .. ﺍﺑﺘﻌﺪ ﻭﻋﻘﺪ ﺣﻮﺍﺟﺒﻪ ﻭﻛﻌﺪ .. ﺑﻘﻴﺖ ﺍﻟﻮﺏ .. ﺍﺷﺮﺏ ﺟﻜﺎﻳﺮ ﻭﺍﺭﺩ ﻟﻴﻮﺭﻩ .. ﻣﺎ ﺍﺭﻳﺪ ﺍﺧﺬ ﺍﻟﻤﺨﺪﺭﺍﺕ ..
ﺧﻠﺺ ﺑﺎﻛﻴﺘﻴﻦ ﻋﻨﺪﻱ .. ﻭﺑﻌﺪﻧﻲ ﺍﻓﺘﺮ ﻭﺍﺣﻚ ﺑﺠﺴﻤﻲ ﻭﺑﺮﺍﺳﻲ .. ﺍﺣﺲ ﺭﺡ ﺍﺗﺨﺒﻞ .. ﻳﺮﺑﻲ ﺷﺴﻮﻱ ﻣﺎ ﺍﻛﺪﺭ ﺍﻧﺎﻡ .. ﺗﻌﺒﺖ ..
ﺭﺣﺖ ﺍﺧﺬﺕ ﺑﺎﻛﻴﺘﻪ ﻣﻦ ﻳﻢ ﺭﺍﺳﻪ .. ﻭﻫﻢ ﺷﺮﺑﺖ .. ﺍﻧﺴﻄﺮﺕ ﺳﻄﺮ ﻳﻠﻪ ﻧﻤﺖ ﺑﻐﺮﻓﺔ ﺑﻴﻼ ..
ﻣﺎ ﻃﻮﻟﺖ 3 ﺳﺎﻋﺎﺕ ﻭﻛﻌﺪﺕ .. ﻟﻜﻴﺖ ﻣﺴﻮﻳﻦ ﺭﻳﻮﻙ ﻭﻣﺎﻟﻚ ﻛﺎﻋﺪ .. ﻃﻠﺒﺖ ﺟﺎﻱ .. ﻛﻠﺖ ﺍﺧﻠﺺ ﻭﺍﺭﻭﺡ ﺍﺟﻴﺐ ﻋﻼﺝ
⭐⭐
ﺻﺒﺘﻠﻲ ﺍﻟﺠﺎﻱ .. ﻭﻛﻤﺖ ﺍﺷﺮﺏ ﺣﻴﻞ ﺍﺭﻳﺪ ﺍﺧﻠﺺ ﻣﻦ ﻭﺟﻌﻲ .. ﺷﻔﺖ ﻣﺎﻟﻚ ﻳﺒﺎﻭﻋﻠﻲ ﺑﻄﺮﻑ ﻋﻴﻨﻪ ﻻﻥ ﺍﺷﺮﺏ ﺻﺤﺖ ﺷﻜﻮﻭﻭ
- ﺳﻼﻣﺘﺞ .. ﻭﻻ ﺗﺼﻴﺤﻴﻦ .. ﻛﻤﻠﺖ ﺍﻟﺮﻳﻮﻙ ﻭﻃﻠﻌﺖ ﺑﺎﻟﻤﻮﺕ ﻳﻼ ﺩﺑﺮﺕ ﺍﻟﻌﻼﺝ ﻣﻴﻨﻄﻮﻩ ﺑﺪﻭﻥ ﻭﺻﻔﺔ ﺩﻛﺘﻮﺭ .. ﻻﻥ ﺍﻟﻤﻬﺪﺉ ﻣﺎﻟﺘﻪ ﻛﻮﻟﺶ ﻗﻮﻱ ..
ﺑﺲ ﺍﺣﺲ ﻧﻔﺴﻲ ﺻﺮﺕ ﺍﺣﺴﻦ .. ﻗﺒﻞ ﻻ ﺍﺧﺬ ﺍﻟﻌﻼﺝ ﻭﺟﻊ ﺭﺍﺳﻲ ﺭﺍﺡ .. ﻛﻠﺖ ﺍﻟﺤﻤﺪﻟﻠﻪ ﺑﺲ ﻟﻠﻄﻤﺌﻨﺎﻥ ﺍﺧﺬ ﺍﻟﻌﻼﺝ .
ﻭﺭﺣﺖ ﺿﻤﻴﺖ ﺍﻟﻌﻼﺝ ﺑﻐﺮﺍﺽ ﺑﻴﻼ .. ﺑﻴﻼ ﺩﺗﻤﺸﻲ ﻟﻠﻐﺮﻓﻪ ﻭﺗﺮﻛﺾ .. ﻭﻛﻌﺖ ﺍﺑﺎﺏ ﺍﻟﻐﺮﻓﻪ ﻭﻛﺎﻣﺖ ﺗﺼﺮﺥ ..
ﺭﻛﻀﺖ ﺷﻠﺘﻬﺎ ﺍﺟﻪ ﻣﺎﻟﻚ ﻭﺍﻟﻤﺮﺑﻴﻪ .. ﻣﺎ ﺍﻫﺘﻤﻴﺘﻠﻬﻢ ﺍﻧﺪﺍﺭﻳﺖ ﺍﺳﻜﺘﻬﺎ ﻭﺳﺪﻳﺖ ﺍﻟﺒﺎﺏ .. ﺧﻄﻴﻪ ﺗﺄﺫﺕ ..
ﺍﺧﺬﺕ ﺍﻟﻤﻮﺑﺎﻳﻞ ﺍﻛﻠﺐ ﺑﻲ ﺣﺘﻰ ﺗﺴﻜﺖ .. ﻭﺍﻛﻠﻬﺎ ﺑﺎﻋﻲ ﺑﺎﻋﻲ .. ﺩﺍ ﺍﻛﻠﺐ ﺑﻲ .. ﺷﻔﺖ ﺍﺑﻦ ﻣﺨﻠﺪ . ﻧﺎﺷﺮ ﺻﻮﺭﺗﻪ ﺻﻐﻴﺮ .. ﺍﺻﻐﺮ ﻣﻦ ﺑﻴﻼ ..
ﻫﻲ ﺑﻘﺖ ﺗﺒﺎﻭﻉ ﺑﻴﻪ .. ﺳﺒﺤﺎﻥ ﺍﻟﻠﻪ ﻳﺸﺒﻪ ﺍﺑﻮﻩ .. ﻛﺘﺒﺘﻠﻪ ﻫﻠﺸﺒﻞ ﻣﻦ ﺫﺍﻙ ﺍﻻﺳﺪ .. ﻳﺤﻔﻈﻠﻜﻴﺎﻩ ﻳﺎ ﺭﺏ ﺍﺑﻮ ﺣﻤﻮﺩﻱ ..
ﻓﻮﺭﺍ ﺟﺎﻭﺑﻨﻲ .. ﻭﻳﺤﻔﻈﻠﺞ ﺑﻨﻴﺘﺞ .. ﺷﻠﻮﻧﺞ ﺷﻨﻮ ﺍﻻﺧﺒﺎﺭ ..
ﺭﺩﻳﺘﻪ .. ﺍﺯﻫﻮ ﺑﺎﻟﻨﺼﺮ ..
ﺭﺩ .. ﻗﺼﺪﻛﺞ ﺑﺎﻟﻄﻴﺤﺎﻥ ﺣﻆ ..
ﺭﺩﻳﺖ ... ﻫﻬﻬﻬﻬﻬﻪ ﻣﺘﻮﺏ ﻣﻦ ﺳﻮﺍﻟﻔﻚ ﻭﻣﻔﺮﺩﺍﺗﻚ .. ﺭﺩ ﺧﺎﺑﺮﻧﻲ ﻋﻠﻰ ﺍﻟﺸﺮﻳﺤﻪ ..
ﺭﺩﻳﺖ ... ﺍﻟﻮ
- ﻫﻼ ﻟﺠﻴﻦ ﺷﻠﻮﻧﺞ
- ﺍﻟﺤﻤﺪﻟﻠﻪ ﺍﺑﻮ ﺣﻤﻮﺩﻱ ﺷﻠﻮﻧﻚ .. ﺍﻟﻌﺎﺋﻠﻪ ﺷﻠﻮﻧﻬﺎ
- ﻭﺍﻟﻠﻪ ﺍﻟﺤﻤﺪﻟﻠﻪ ﺑﺨﻴﺮ .. ﺷﻮ ﻣﺎﻛﻮ ﺧﻴﺮ ﺻﺎﺭ ﺷﻬﺮ ﺍﺭﺍﺳﻠﺞ .. ﺣﺘﻰ ﺑﺮﻧﺎﻣﺠﺞ ﺍﻧﮕﻄﻊ ..
- ﺍﺧﺬﺕ ﻧﻔﺲ .. ﻭﻛﺘﻠﻪ ﺷﻐﻞ
- ﻫﺎﺍﺍ ﻣﻮ ﺣﺘﻰ ﺑﻴﺖ ﻋﻤﻲ ﻛﺎﻟﻮ ﺻﺎﺭ ﺷﻬﺮ ﻣﺎﻛﻮ .. ﺿﻞ ﺑﺎﻟﻨﺎ
- ﻻ ﺧﺎﺑﺮﺕ ﻣﺎﻣﺎ ﻃﻤﻨﺘﻬﺎ ﺑﺨﻴﺮ ..
- ﻟﺞ ﺍﻃﻠﻌﻴﻦ ﺑﺎﻟﺘﻠﻔﺰﻳﻮﻥ ﺍﻛﻠﻪ ﺣﻤﻮﺩﻱ ﺑﺎﺑﺎ ﺷﺎﻳﻒ ﻫﺎﻱ ﺍﻟﺠﺎﻱ ﺗﺘﻔﺴﺘﻖ ﻋﺴﻪ ﺑﺎﻟﺘﻠﻔﺰﻳﻮﻥ .. ﺟﺎﻧﺖ ﺑﺲ ﺗﺤﺠﻲ ﺍﺳﻄﺮﻫﺎ ﺭﺍﺷﺪﻱ .
- ﻫﻬﻬﻬﻬﻬﻬﻪ ﻋﺎﺑﺘﻠﻚ ﺧﻮﺵ ﺳﻤﻌﻪ .. ﺗﺪﺭﻱ ﻣﺨﻠﺪ ﻋﻠﻮﺍ ﻋﻠﻰ ﺫﻳﺞ ﺍﻻﻳﺎﻡ .. ﺩﺍ ﺍﺳﺘﻔﻘﺪﻫﺎ ..
- ﺍﻱ ﻫﻬﻬﻪ ﺟﺎﻧﺖ ﺍﻣﺞ ﺧﻄﻴﻪ ﺑﺲ ﺍﺿﺮﺑﺞ ﺗﻜﻤﺰ ﻋﻠﻰ ﺭﺍﺳﻲ ﺷﻨﻮ ﺗﺤﺎﺳﺒﻬﺎ ﺷﻨﻮ ﺗﻀﺮﺑﻬﺎ .. ﺍﻭﻭﻩ ﺗﻜﻠﺐ ﺍﻟﺪﻧﻴﺎ ..
- ﺩﻣﻌﺖ ﻋﻴﻮﻧﻲ ﻣﻦ ﺣﺠﻪ ﻫﻴﺞ ..
- ﺍﻟﻮﻭ ﺷﺒﻴﺞ
- ﻻ ﻣﺎ ﺑﻴﻪ ﺷﻲ .. ﺑﺲ ﻣﺨﻠﺪ ﺧﺴﺮﺕ ..
- ﻟﻴﺶ ﻣﻮ ﻛﻠﺘﻲ ﻣﺎﻟﻚ ﺯﻳﻦ ﻭﺗﺎﺏ ﻣﻦ ﺷﻐﻠﻪ ﻭﺳﺎﻓﺮﺗﻮ ﺑﻌﺪ ﺷﻜﻮ ..
- ﻻ ﺯﻳﻦ .. ﻫﺎﻫﻴﻪ ﺍﻟﻠﻪ ﻛﺮﻳﻢ .. ﺍﻟﻠﻪ ﻣﻮﺟﻮﺩ ..
- ﺻﺎﻳﺮ ﺷﻲ ..
- ﺑﻌﺪﺕ ﺍﻟﺴﻤﺎﻋﻪ ﻣﻦ ﻭﺟﻬﻲ .. ﻛﺎﻣﺖ ﺩﻣﻮﻋﻲ ﺗﻨﺰﻝ ﺑﻐﺰﺍﺭﻩ .. ﺳﻤﻌﺘﻪ ﻳﺼﻴﺢ . ﺭﺟﻌﺘﻪ ..
- ﺩﺗﺒﺠﻴﻦ
- ﻣﺨﻠﺪ ﺟﺎﻥ ﻟﻮ ﻭﺍﺣﺪ ﻳﺄﺫﻳﻨﻲ ﺍﻫﻠﻲ ﻳﻜﻠﺒﻮﻥ ﺍﻟﺪﻧﻴﺎ .. ﺍﻣﻲ ﻭﺍﺑﻮﻳﻪ ﻣﻴﺮﺗﺎﺣﻮﻥ ﺍﺫﺍ ﻣﺎ ﺍﻧﺎﻡ ﻣﺮﺗﺎﺣﻪ .. ﻫﺴﻪ ﺍﺣﺲ ﺣﺎﻟﻲ ﻭﺣﻴﺪﻩ ﺑﺲ ﺍﻧﻲ ﻭﺭﺣﻤﺔ ﺍﻟﻠﻪ .
⭐⭐
ﺻﺎﻳﺮ ﺷﻲ ﻛﻮﻟﻲ
- ﻻ ﻣﺎ ﺻﺎﻳﺮ
- ﻟﺠﻴﻦ ﻫﻲ ﻫﺎﻱ ﺍﻟﻐﺮﺑﻪ ﺷﺘﺴﻮﻳﻦ .. ﻭﻋﻨﺪﺝ ﺑﻨﻴﻪ ﻭﺗﻜﻮﻟﻴﻦ ﻣﺎﻟﻚ ﺗﻐﻴﺮ ﻣﻮ ﻣﺜﻞ ﺍﻭﻝ ﻫﺎﻫﻴﻪ ﺑﻌﺪ ﺷﺘﺴﻮﻳﻦ .. ﺍﺻﺒﺮﻱ ..
ﻟﺒﻨﺎﻥ ﻫﻮﺍﻱ ﺍﺣﺴﻦ ﻣﻦ ﻫﻠﻮﺿﻊ ﻫﻨﺎ ﻓﺪ ﻣﺮﻩ ﺗﻌﺒﺖ ﺍﻟﻮﺿﻌﻴﻪ ﺻﺎﺭﺕ ﻻ ﺗﻄﺎﻕ .. ﺍﻓﻜﺮ ﺍﺧﺬ ﺍﻟﻌﺎﺋﻠﻪ ﻭﺍﺳﺘﻘﻴﻞ ﻭﺍﻫﺎﺟﺮ ..
- ﻭﻳﻦ ﺗﻬﺎﺟﺮ ..
- ﻟﻠﺴﻮﻳﺪ ﺍﺭﻭﺡ ﻳﻢ ﻋﻤﺎﻣﻲ ﻗﺎﺑﻞ ﻭﻳﻦ ﺍﺭﻭﺡ ..
- ﺍﻥ ﺷﺎﺀﺍﻟﻠﻪ ﻳﻠﻠﻪ ﺍﺗﺮﺧﺺ .. ﺑﻴﻼ ﺩﺗﻠﻌﺐ ﺑﺎﻟﻐﺮﺍﺽ ..
- ﺑﻮﺳﻴﻠﻴﺎﻫﺎ ﺍﻟﺤﻠﻮﻩ
- ﺍﻥ ﺷﺎﺀﺍﻟﻠﻪ .. ﻳﻼ ﺑﺎﻱ ..
ﺳﺪﻳﺘﻪ ﻣﻨﻪ .. ﻭﻛﻌﺪﺕ ﺍﺻﻔﻦ ﺷﻠﻮﻥ ﺭﺍﺡ ﺍﺧﻠﺺ ﻣﻦ ﻫﻠﻮﺿﻊ .. ﻣﺎ ﻛﺪﺭﺕ ﺍﺟﻴﺐ ﺍﻟﻤﻬﻤﺎﺕ ﻣﻦ ﻳﻮﺳﻒ ﺍﻟﺤﺎﺝ . ﺷﻴﺼﻴﺮ ﺑﻴﻪ .. ؟ !
ﻻ ﺍﻛﺪﺭ ﺍﺳﺎﻓﺮ ﺟﻮﺍﺯﻱ ﻣﺤﺠﻮﺯ .. ﻭﻻ ﺍﻛﺪﺭ ﺍﺷﺘﻜﻲ ﻋﺪﻫﻢ ﻓﻴﺪﻳﻮﻫﺎﺕ ﺿﺪﻱ ﻭﻫﺴﻪ ﻳﺘﻬﻤﻮﻧﻲ ﺍﻧﻲ ﻭﻳﺎﻫﻢ ﻭﺍﺭﻭﺡ ﺑﻴﻬﺎ ﻭﻫﻢ ﻛﻠﺸﻲ ﻣﺎ ﻋﻠﻴﻬﻢ ﻭﺗﻀﻴﻊ ﺑﻨﺘﻲ ..
ﻭﻫﻠﻜﻠﺐ ﻻ ﻗﺎﺑﻞ ﻳﺘﺮﻛﻨﻲ .. ﻭﻻ ﻳﺴﺎﻋﺪﻧﻲ .. ﻫﻮ ﻭﺍﻟﺪﻧﻴﺎ ﻋﻠﻴﺎ .. ﺍﻟﻠﻬﻲ ﺩﺧﻴﻠﻚ ﺳﺎﻋﺪﻧﻲ ..
ﻛﻤﺖ ﻣﻦ ﻣﻜﺎﻧﻲ .. ﺭﺣﺖ ﻭﻛﻠﺖ ﺑﻴﻼ ﻭﺍﻛﻠﺖ .. ﺍﺣﺲ ﺑﺪﻭﺧﻪ ﻗﻮﻳﻪ .. ﻣﺎ ﺍﻋﺮﻑ ﺷﺒﻴﻪ .. ﺍﺭﻳﺪ ﺍﻟﺰﻡ ﺍﻟﺨﺎﺷﻮﻛﻪ ﻣﺎ ﺍﻛﺪﺭ ..
ﻣﺎ ﺍﻋﺮﻑ ﺷﺼﺎﺭ ﺑﻌﺪﻳﻦ .. ﺣﺘﻰ ﻣﺎ ﺍﺗﺬﻛﺮ ﺍﻥ ﺍﻏﻤﻰ ﻋﻠﻴﻪ .. ﻓﺰﻳﺖ ﺑﺎﻟﻠﻴﻞ .. ﻣﺎﻟﻚ ﻧﺎﻳﻢ ﻳﻤﻲ .. ﻭﺍﻟﻐﺮﻓﻪ ﺑﺲ ﻛﻠﻮﺏ ﺍﺣﻤﺮ ﺻﻐﻴﺮ ﻣﺸﺘﻐﻞ ..
ﺭﺩﺕ ﺍﻛﻮﻡ .. ﻟﻜﻴﺖ ﻧﻔﺴﻲ ﺑﻼ ﻣﻼﺑﺲ .. ﻫﺎﻱ ﺷﺪﻳﺼﻴﺮ ﺑﻴﻪ ... ﺑﺎﻭﻋﺖ ﺍﻟﻤﺎﻟﻚ .. ﻣﺘﻐﻄﻲ .. ﺑﺲ ﺍﺩﻳﻪ ﻃﺎﻟﻌﻪ ﻭﺭﺍﺳﻪ ﻭﻫﻢ ﻣﺎﻛﻮ ﻣﻼﺑﺲ ..
ﺩﻓﻌﺘﻪ ﺣﻴﻞ .. ﺷﺪﻳﺼﻴﺮ ﺍﻧﻲ ﻭﻳﻦ .. ﻭﺷﻮﻛﺖ ﺻﺎﺭ ﺍﻟﻠﻴﻞ ﻭﻟﻴﺶ ﺍﻧﻲ ﻫﻴﺞ ﻓﻬﻤﻨﻲ ..
- ﺷﺒﻴﺞ ﺣﻴﺎﺗﻲ ﻏﻴﺮ ﺯﻭﺟﺘﻲ ..
- ﻭﺧﺮ ﻣﻨﻲ .. ﻛﻮﻭﻭﻭﻭﻭﻭﻡ .. ﺍﻧﻲ ﻭﻳﻦ ... ﺷﺪﻳﺼﻴﺮ .. ﺩﺍ ﺍﻧﺰﻝ ﻣﻦ ﺍﻟﺴﺮﻳﺮ .. ﻣﻼﺑﺲ ﺑﺎﻟﻜﺎﻉ ﻓﺴﺘﺎﻥ ﻭﺣﺬﺍﺀ ﻋﺎﻟﻲ ..
ﺩﺭﺗﻠﻪ ﺍﻧﻲ ﺷﻮﻛﺖ ﻃﻠﻌﺖ .
- ﺷﺒﻴﺞ ﻟﺠﻴﻦ ﺭﺣﻨﺎ ﺳﻬﺮﻧﺎ ﺍﻧﻲ ﻭﻳﺎﺝ
- ﻻ ﺍﻧﻲ ﺟﻨﺖ ﻧﺎﻳﻤﻪ ﺍﻧﺘﻢ ﺷﺴﻮﻳﺘﻮﻟﻲ .. ﻫﻮ ﻟﺒﺲ ﻣﻼﺑﺴﻪ ﻭﻃﻠﻊ ﺑﻘﻴﺖ ﺑﺲ ﺍﻧﻲ ﺑﺎﻟﻐﺮﻓﻪ ﺍﺑﺠﻲ ﻭﺍﺿﺮﺏ ﺑﺎﻟﺴﺮﻳﺮ ﻭﺍﺭﻳﺪ ﺷﺪﻳﺼﻴﺮ ﺑﻴﻪ ..
ﺍﻟﺴﺎﻋﻪ 5 ﺍﻟﻔﺠﺮ .. ﺍﺧﺮ ﺷﻲ ﺍﺗﺬﻛﺮﻩ ﺍﻧﻲ ﺩﺍ ﺍﻭﻛﻞ ﺑﻴﻼ .. ﺻﺪﻙ ﻛﻤﺖ ﺍﺑﺠﻲ ﺣﻴﻞ ﻋﻠﻰ ﺣﺎﻟﻲ ﺗﻌﺒﺖ ﻣﻦ ﺣﻴﺎﺗﻲ ﻛﻠﺶ .. ﻻ ﺍﻛﺪﺭ ﺍﺧﻠﺺ ﻭﻻ ﺍﻛﺪﺭ ﺍﻣﻮﺕ ..
ﺍﻟﺼﺒﺢ .. ﺧﺎﺑﺮ ﻣﻴﺸﻴﻞ .. ﻛﺎﻝ ﺑﺪﻳﺎﻛﻲ ﻓﻮﺭﺍ .. ﺭﺣﺘﻠﻪ ... ﻛﺎﻝ ﻋﻢ ﺗﺘﺄﺧﺮﻱ ﺑﺸﻐﻠﻚ .. ﻟﻬﻼﺀ ﺍﻧﺘﻲ ﻣﺎ ﺣﻜﻴﺘﻲ ﻭﻻ ﺗﺄﺭﺑﺘﻲ ﻟﻴﻮﺳﻒ ﺍﻟﺤﺎﺝ ﻗﺪﺍﻣﻚ ﺷﻬﺮ ﺑﺲ ﺗﺨﻠﺼﻲ ﺍﻟﻤﻬﻤﻪ .
ﻭﺍﺯﺍ ﻣﺎ ﻧﻔﺬﺗﻲ ﺑﻀﻄﺮ ﺧﻠﻴﻜﻲ ﺗﺸﺘﻐﻠﻲ ﺑﻨﺖ ﻟﻴﻞ ..
- ﻛﺘﻠﻪ ﺍﺣﺎﻭﻝ .. ﻭﺍﺷﻮﻑ ..
ﺭﺟﻌﺖ ﺑﻠﻴﻞ ﺭﺣﺖ ﻟﻠﺒﺎﺭ .. ﻫﻮ ﻛﺎﻥ ﻭﻣﻮﺟﻮﺩ .. ﻛﻌﺪﺕ ﻗﺮﻳﺐ ﻣﻨﻪ .. ﻋﺜﺮﺕ ﻳﻤﻲ .. ﺍﺑﺪ ﻣﻨﺘﺒﻪ .. ﺷﻜﺪ ﺍﺳﺘﺮﺧﺼﺖ ﺭﻭﺣﻲ .. ﺑﺲ ﻣﺎﺑﻴﺪﻱ ﻏﻴﺮ ﺣﻞ ..
ﺑﻘﻴﺖ ﻳﻮﻣﻴﻪ ﺍﺭﻭﺡ ﻭﺍﺭﺟﻊ ﻋﻠﻰ ﻣﺪﺍﺭ ﺍﺳﺒﻮﻉ .. ﻣﺤﺼﻠﺖ ﺍﻱ ﻧﺘﻴﺠﻪ .. ﺍﻧﻄﺎﻧﻲ ﺧﺒﺮ ﻣﻴﺸﻴﻞ ﺍﻥ ﻫﻮ ﺑﺼﺎﻟﺔ ﺍﻻﻗﻤﺎﺭ
⭐⭐
ﺭﺣﺖ .. ﺍﻭﻝ ﺷﻲ . ﻛﻌﺪﺕ ﺍﺷﺮﺏ ﻋﺼﻴﺮ ﻭﺍﺑﺎﻭﻋﻠﻪ .. ﻫﻮ ﻭﻣﻴﺸﻴﻞ ﻛﺎﻋﺪ .. ﻧﺜﺮﺕ ﺷﻌﺮﻱ ﻭﺷﻤﺮﺗﻪ ﺻﻔﺢ ﻭﺭﺣﺖ ﺍﻣﺸﻲ ﺍﺗﻤﺎﻳﻞ ﻛﺄﻱ ﻋﺎﺭﺿﺔ ﺍﺯﻳﺎﺀ ..
ﻭﺻﻠﺖ ﻟﻤﻴﺸﻴﻞ .. ﻛﺎﻧﺖ ﻭﺍﻛﻔﻪ ﻳﻤﻪ ﻭﺣﺪﻩ .. ﻭﻛﻔﺖ ﺍﻧﻲ ﻫﻢ .. ﻭﺑﻘﻴﺖ ﺍﺑﺎﻭﻉ ﺑﺎﻭﺭﺍﻕ ﻣﻴﺸﻴﻞ .. ﻭﺑﻌﻴﻮﻥ ﻳﻮﺳﻒ ﺍﻟﺤﺎﺝ ..
ﺍﻧﺘﺒﻬﻠﻲ ﺭﻛﺰ ﻋﻴﻮﻧﻪ ﺭﻓﻌﺘﻠﻪ ﺣﺎﺟﺐ .. ﺑﻘﻰ ﻧﻀﺮﻩ ﻣﺮﻛﺰ ﺑﻴﻦ ﻣﻴﺸﻴﻞ ﻭﺑﻴﻨﻲ .. ﻏﺸﺸﺘﻪ ﺑﺎﻟﻠﻌﺐ ﻭﺍﻧﻄﻴﺘﻪ ﺣﺮﻛﻪ ﺍﻥ ﺍﻛﺸﻒ ﺍﻭﺭﺍﻗﻚ ..
ﻫﻮ ﻛﺸﻔﻬﺎ .. ﺧﺴﺮ ﻣﻴﺸﻴﻞ .. ﺍﺑﺘﺴﻤﺖ ﻭﺭﻛﺰﺕ ﺑﻌﻴﻮﻧﻪ ﻭﻏﻤﺰﺕ .. ﻫﻮ ﺑﻴﻦ ﻓﺮﺣﺘﻪ ﺑﺎﻟﻔﻮﺯ .. ﻭﺑﻴﻦ ﻳﺒﺎﻭﻋﻠﻲ .. ﻋﻔﺘﻬﻢ ﻭﻃﻠﻌﺖ .. ﻛﺎﺭﻫﻪ ﺭﻭﺣﻲ
ﺭﺣﺖ ﻟﻴﻢ ﺍﻟﺨﻤﺎﺭ .. ﻃﻠﺒﺖ ﻋﺼﻴﺮ ﺑﺎﺭﺩ .. ﺍﺑﺪ ﻣﻜﻨﺖ ﺍﺗﻮﻗﻊ ﻓﻲ ﻳﻮﻡ ﺍﻧﺰﻝ ﻟﻬﻠﻤﺴﺘﻮﺍ .. ﻣﻦ ﻛﺪ ﺿﻴﻘﻲ ﺍﺣﺲ ﺍﺣﺲ ﺍﺧﺘﻨﻜﺖ ﻃﻠﻌﺖ ﺟﻜﺎﺭﻩ ﺍﺩﺧﻦ ﻭ ﻛﻤﺖ ﺍﻫﻔﻲ ﻋﻠﻰ ﻭﺟﻬﻲ ..
ﻭﺩﻣﻮﻋﻲ ﺍﻣﺴﺢ ﻭﺗﺮﺩ ﺗﺮﺟﻊ .. ﻭﻗﻒ ﻳﻤﻲ ﺷﺎﺏ .. ﻣﺎ ﺍﻫﺘﻤﻴﺖ .. ﺑﻘﻴﺖ ﻋﻠﻰ ﺍﻟﻌﺼﻴﺮ ﻭﺍﺷﺮﺏ ﺟﻜﺎﻳﺮ ﺑﺤﺮﻛﻪ .
ﺟﻴﺎﺩ -: ﻣﺎ ﻋﻢ ﺍﻗﺪﺭ ﺍﻧﺴﻰ .. ﻭﻻ ﻋﻢ ﺍﻗﺪﺭ ﻃﻠﻌﻚ ﻣﻦ ﺑﺎﻟﻲ
- ﺍﻟﺘﻔﺘﺘﻠﻪ ﻧﻌﻢ ..
- ﺍﺳﺒﻮﻉ ﻭﺍﻧﺎ ﻋﻢ ﺭﺍﺋﺒﻚ .. ﻟﻴﺶ ﻣﺒﻌﺮﻑ .. ﻣﺒﻘﺪﺭ ﺷﻴﻞ ﻋﻴﻮﻧﻲ ﻋﻨﻚ ..
- ﻣﻨﻮ ﺍﻧﺘﻪ ..
- ﻟﻤﺎ ﺍﺧﺪﻟﻲ ﻧﺰﺭﺍ ﻋﻠﻴﻜﻲ .. ﺑﻼﺋﻴﻜﻲ ﻣﺮﺍ ﻗﻮﻳﻪ ﻭﺍﺩ ﺣﺎﻟﻬﺎ ﻭﻣﺒﻴﻨﺨﺎﻑ ﻋﻠﻴﻬﺎ .. ﻭﺗﺘﻼﺷﻰ ﻫﻠﻨﻈﺮﻩ ﻟﻤﺎ ﺍﺗﺰﻛﺮ ﺻﻮﺗﻚ ﻭﺍﻧﺘﻲ ﻋﻢ ﺗﺒﻜﻲ ﺑﺎﻟﺤﻤﺎﻡ ..
ﺻﺮﺧﺎﺗﻚ ﻛﺎﻧﻮ ﻳﻄﻠﻌﻮ ﻣﻦ ﺟﻮﺍﺓ ﺋﻠﺒﻚ .. ﺑﺘﺪﺧﻠﻲ ﺑﺎﺭ ﻭﻟﻤﺎ ﻳﺼﻴﺮ ﻣﻌﻚ ﺣﺎﺩﺙ ﺑﺘﺮﺩﺩﻱ ﺍﻻﺳﺘﻐﻔﺎﺭ .. ﺑﺘﺴﻬﺮ ﻭﻣﺎ ﺗﺮﻗﺼﻲ ﻭﻻ ﻋﻢ ﺗﻔﺮﺣﻲ .. ﺑﺘﻘﻌﺪﻱ ﻋﻠﻰ ﺍﻟﺨﻤﺎﺭﻩ ﻭﻣﺒﺘﺸﺮﺑﻲ ﺍﺑﺪﺍ ﻏﻴﺮ ﺍﻧﻚ ﺑﺪﺧﻨﻲ ﺳﻴﻜﺎﻳﺮ ..
ﺑﺪﻱ ﺍﻓﻬﻢ ﺍﻧﺎ ﻟﻴﺶ ﻣﻬﺘﻢ ﺑﻬﺎﻟﺘﻔﺎﺻﻴﻞ ..
- ﻣﺠﻨﻮﻥ ..
- ﻫﻴﻚ ﺑﺘﺸﻮﻓﻴﻨﻲ
- ﺗﺮﻩ ﻣﺎﻟﻲ ﺧﻠﻚ ..
- ﻭﻻ ﺍﻧﺎ ﺑﺪﻱ ﺍﻋﺘﻨﻲ ﻓﻴﻜﻲ ﻭﻻ ﺣﺎﺑﺐ ﺍﺗﺌﺮﺏ ﻣﻨﻚ ﺳﺪﺋﻴﻨﻲ .. ﺑﺲ ﻣﺎ ﻋﻢ ﺗﻄﻠﻌﻲ ﻣﻦ ﺑﺎﻟﻲ ﻭﺍﻟﻠﻪ ..
ﻳﺎ ﻟﻴﻞ ﺍﻟﻴﻤﺮ ﻭﺍﻧﺎ ﺑﺘﺰﻛﺮ ﺑﻜﻴﻚ ﻭﺩﻣﻮﻋﻚ ﻛﻴﻒ ﻛﻨﺘﻲ ﻋﻢ ﺗﺘﺄﻟﻤﻲ .. ﻃﻴﺐ ﺷﻮ ﺩﺧﻠﻨﻲ ﻟﻴﺶ ﻋﻢ ﺍﻫﺘﻢ .. ﺍﻧﺎ ﻣﻮ ﺣﺎﺑﺐ .. ﺑﺲ ﻟﻴﺶ ..
- ﺷﻨﻮ ﻗﺼﺘﻚ .. ﺗﺮﻩ ﻣﻮ ﻧﺎﻗﺼﺘﻚ .
- ﺣﺘﻰ ﻃﺮﻳﺌﺔ ﻛﻼﻣﻚ ﺑﺘﺤﻴﺮ ﻻ ﺧﻠﻴﺠﻲ ﻭﻻ ﺟﺰﺍﻳﺮ ﻭﻻ ﻣﻐﺮﺏ ﻭﻻ ﻣﺼﺮ ..
- ﻣﻌﻠﻴﻚ ﻭﻭﺧﺮ ﻣﻨﺎ ..
- ﻋﺮﺍﻗﻴﻪ ﺷﻲ؟ !
- ﻭﺍﻧﺘﻪ ﺷﺪﺧﻠﻚ ..
- ﻃﻠﻊ ﺑﻴﻨﺎ ﺭﺍﺑﻂ ﻭﺍﻧﺎ ﻣﺒﻌﺮﻑ .. ﺍﻧﺎ ﻛﻤﺎﻥ ﻋﺮﺍﻗﻲ .. ﻳﻌﻨﻲ ﻗﺼﺪﻱ ﺍﺻﻠﻲ ﻋﺮﺍﻗﻲ .. ﺑﺲ ﻣﻦ ﺯﻣﻦ ﺟﺪﻱ ﺍﺑﻮ ﺑﻴﻲ ﻛﺎﻥ ﻣﺘﺠﻮﺯ ﻟﺒﻨﺎﻧﻴﻪ ﻭﺟﺎ ﻟﻬﻮﻥ .. ﻭﺍﺧﺬﻧﺎ ﻋﻠﻰ ﻟﺒﻨﺎﻥ ..
- ﻉ ﻓﻜﺮﻩ ﻛﺮﻫﺘﻚ ﺍﻛﺜﺮ ..
- ﻳﻌﻨﻲ ﺑﻌﺮﻑ ﻣﻦ ﻛﻼﻣﻚ .. ﺳﺒﺐ ﺗﻌﺎﺳﺘﻚ ﻋﺮﺍﻗﻲ ..
- ﻛﻞ ﻳﻠﻲ ﺿﻠﻤﻮﻧﻲ ﻋﺮﺍﻗﻴﻴﻦ ..
- ﺍﻭ ﻳﻤﻜﻦ ﺍﻧﺘﻲ ﻇﺎﻟﻤﻪ ﺣﺎﻟﻚ ..
- ﻟﻴﺶ .. ﺑﺎﻭﻋﺘﻠﻪ ﻭﺍﻧﻲ ﺍﻣﺴﺢ ﺍﻟﺪﻣﻌﻪ ﻣﻦ ﻋﻴﻨﻲ ..
⭐⭐
ﻣﺒﻌﺮﻑ ﻳﻤﻜﻦ ﺳﻮﺀ ﺗﺼﺮﻑ ﺍﻭ ﻫﻴﻚ ﺷﻲ .. ﺑﺘﻔﻜﺮﻱ ﺍﻟﻨﺎﺱ ﺑﻴﻀﻠﻤﻮﻛﻲ ﻭﻣﺎ ﺑﺘﺮﺍﺟﻌﻲ ﺣﺎﻟﻚ ﺍﻭ ﺑﺘﺴﺄﻟﻲ ﺍﻧﺘﻲ ﺷﻮ ﻋﻢ ﺗﻌﻤﻠﻲ
- ﻳﻤﻜﻦ .. ﺍﻭ ﻫﻮ ﺫﻧﺐ ﻭﺍﺣﺪ .. ﺻﺪﻗﺖ ﺑﻴﻪ ﺍﻧﺴﺎﻥ .. ﺧﺴﺮﺕ ﺑﺴﺒﺒﻪ ﻛﻞ ﺍﻟﻨﺎﺱ .. ﺗﺎﻟﻴﺘﻪ ﺧﺬﻟﻨﻲ .. ﻭﺍﻟﻠﻪ ﻣﺴﻮﻳﺖ ﺷﻲ .. ﺣﺘﻰ ﻳﺒﻴﻌﻨﻲ ..
ﻫﻮ ﺑﺎﻋﻨﻲ ﺑﺲ .. ﻫﻮ ﺑﺎﻉ ﺍﺣﺴﺎﺳﻲ ﻭﺛﻘﺘﻲ ﺑﺎﻟﻌﺎﻟﻢ .. ﺑﺎﻉ ﻃﻌﻢ ﺍﻟﺤﻴﺎﺓ ﻋﻨﺪﻱ ﺻﺮﺕ ﻋﺎﻳﺸﻪ ﺑﺲ ﺟﺴﺪ .. ﻫﻢ ﻳﺘﺤﻜﻤﻮﻥ ﺑﻲ ..
ﺣﺠﻴﺖ ... ﻭﺧﻠﻴﺖ ﺍﻳﺪﻱ ﻋﻠﻰ ﻋﻴﻮﻧﻲ ﻭﺑﺠﻴﺖ ..
- ﺍﺑﻜﻲ ﻣﻌﻠﺶ ﺑﺘﺮﺗﺎﺣﻲ ..
- ﺩﺍ ﺍﺑﺠﻲ .. ﺷﻔﺖ ﻳﻮﺳﻒ ﺍﻟﺤﺎﺝ .. ﻛﺘﻠﻪ .. ﺍﺑﺘﻌﺪ ﺭﺟﺎﺀﺍ .. ﻭﻋﺪﻟﺖ ﻛﻌﺪﺗﻲ .. ﻭﺩﺭﺕ ﻭﺟﻬﻲ .. ﻭﻛﻠﺒﺖ ﺷﻌﺮﻱ ..
ﺍﺟﻪ ﻛﻌﺪ ﻳﻤﻲ ..
- ﺷﻮ ﻫﻴﺪﺍ ﺍﻟﺠﻤﺎﻝ ..
- ﻣﺎ ﺣﺠﻴﺖ .. ﺳﻮﻳﺖ ﺭﻭﺣﻲ ﺍﺷﺮﺏ ﺟﻜﺎﻳﺮ ..
- ﺗﺴﺌﻞ ﺣﺎﻟﻚ ﻭﻻ ﺷﻮ ..
- ﻋﻔﻮﺍ ﻣﻌﻲ
- ﺗﻌﻤﻠﻲ ﺣﺎﻟﻚ ﻣﺒﺘﻌﺮﻓﻴﻨﻲ
- ﻻ ﻣﺒﻠﻰ ﺍﻋﺮﻓﻚ ...
- ﺍﺩﻳﺶ ﻗﻴﻤﺘﻮ ﻫﻠﺠﻤﺎﻝ ..
2- ﻣﻠﻴﻮﻥ ﺩﻭﻻﺭ ..
- ﺷﻮﻭﻭﻭ
- ﻫﻬﻬﻬﻪ ﺍﻧﺘﻪ ﺷﻨﻮ ﺍﻟﻠﻲ ﺗﺮﻳﺪﻩ ..
- ﺑﺪﻳﺎﻛﻲ ..
- ﻋﻨﻮﺍﻧﻚ ﻏﻠﻂ .. ﺍﻧﻲ ﻣﻮ ﻫﻴﺞ
- ﻳﻌﻨﻲ ﻋﻢ ﺗﺒﻴﻨﻴﻠﻲ ﺍﻥ ﻣﺶ ﺣﺒﻪ ﺗﻄﻠﻌﻲ ﻣﻌﻲ
- ﻻ ﻃﺒﻌﺎ ﻣﻮ
- ﻟﻜﻦ ﺷﻮ
- ﺍﻧﺖ ﻗﺼﺪﻙ ﺍﻟﻤﺴﺎﻋﺪﻩ ﻣﻮ .. ﻋﻔﻮﺍ ﺗﺮﻩ ﻛﺎﻧﺖ ﻣﺴﺎﻋﺪﻩ ﻫﻴﺞ ﻓﻘﻂ ﻻﻧﻲ ﺍﻛﺮﻩ ﻣﻴﺸﻴﻞ ﺣﺒﻴﺐ ﺍﺧﺴﺮﻩ ..
- ﻭﻟﻴﺶ ﺑﺘﻜﺮﻫﻲ ..
- ﻻﻧﻮ ﺯﻭﺟﻲ ﺑﺎﻋﻨﻲ ﺍﻟﻪ ﻭﻫﻮ ﻳﺮﻳﺪ ﻳﺤﻜﻤﻨﻲ .. ﻓﺪﺍ ﺍﺭﻳﺪ ﺍﻧﺘﻘﻢ ﻣﻨﻪ .. ﺑﺲ ... ﻭﻻ ﺍﻛﻮﻟﻚ ﺍﺳﻔﻪ .. ﻭﻻ ﺷﻲ ﻋﻨﺠﺪ ﺍﺳﻔﻪ ﻣﻮ ﻻﺯﻡ ﺍﻛﻠﻚ ﻫﻠﻜﻼﻡ ..
- ﺍﻧﺘﻲ ﺑﺘﻜﺮﻫﻲ ﻟﻤﻴﺸﻴﻞ ..
- ﻣﻮ ﻣﻬﻢ .. ﺍﺗﺮﺧﺺ .
- ﻻ ﻟﺤﻈﻪ .. ﺍﻧﺎ ﻳﻬﻤﻨﻲ .. ﺍﻧﺎ ﻛﻤﺎﻥ ﺑﻜﺮﻫﻮ ﻟﻮ ﺣﺎﺑﻪ ﺍﻧﻲ ﺳﺎﻋﺪﻙ .. ﺍﻧﺎ ﻣﺴﺘﻌﺪ ..
- ﺗﻘﺪﺭ ﺗﻘﺘﻠﻪ .. ؟ !
- ﻟﻮ ﺳﺎﻋﺪﻳﺘﻲ ﺑﻘﺪﺭ ﻟﻴﺶ ﻻ .. ﻫﻴﻚ ﺑﻨﺖ ﺣﻠﻮﻱ ﻣﺶ ﻻﺯﻡ ﺣﺪﻥ ﻳﺄﺯﻳﻬﺎ .. ﻫﻴﺪﺍ ﻛﺮﺗﻲ .. ﺑﻨﻄﺮﻙ ﺑﻜﺮﺍ ﺑﺒﻴﺘﻲ ﻟﻨﺘﻔﺊ .. ﺍﻭﻙ ..
- ﺍﻭﻙ .. ﺍﺧﺬﺕ ﺍﻟﻜﺎﺭﺕ ﻣﻨﻪ .. ﻭﺭﺍﺡ .. ﺍﺗﺼﻠﺖ ﺑﻤﻴﺸﻴﻞ .. ﻭﻛﺘﻠﻪ ﺍﻟﺨﻄﻪ .. ﻋﻴﺞ ﺳﻮﻳﺘﻬﺎ ﺑﻘﻰ ﻳﺼﻴﺢ ﺑﺮﺍﻓﻮ ﻭﺍﻧﺘﻲ ﺭﺍﺋﻌﻪ ﻭﺣﺪﺧﻠﻲ ﺑﻴﺘﻪ ﺑﻴﻮﻡ ﻭﺍﺣﺪ ..
ﺳﺪﻳﺖ ﺍﻟﺨﻂ .. ﺩﺍ ﺍﻛﻮﻡ .. ﻟﺰﻡ ﺍﻳﺪﻱ ﺍﻟﻮﻟﺪ .. ﺩﺭﺕ ..
- ﺍﻧﺘﻲ ﺷﻮ ﻋﻢ ﺗﻌﻤﻠﻲ
- ﻭﺍﻧﺎﻩ ﺷﺪﺧﻠﻚ ﻭﺑﻌﺪﻳﺎ ﻋﻴﺐ ﺍﻧﻚ ﺗﺘﺴﻤﻊ ..
- ﻫﻴﺪﺍ ﻳﻮﺳﻒ ﺍﻟﺤﺎﺝ ﻣﺶ ﺍﻱ ﺣﺪﻥ .. ﺍﻧﺘﻲ ﻋﻢ ﺗﻠﻌﺒﻲ ﺑﺎﻟﻨﺎﺭ ..
- ﻣﻮ ﻓﺎﺭﻗﻪ .. ﺩﺍ ﺍﻛﻮﻡ ﻟﺰﻡ ﺍﻳﺪﻱ ..
- ﻳﺒﻨﺖ ﻫﺪﻭﻝ ﺑﻴﺪﻣﺮﻭﻛﻲ .. ﺍﻧﺘﻲ ﻏﺒﻴﻪ ﺷﻲ ..
- ﺍﻱ ﻏﺒﻴﻪ .. ﻭﺗﺎﻓﻬﻪ ﻭﻣﻨﺤﻄﻪ .. ﺍﺗﺮﻛﻨﻲ .. ﻭﺑﺠﻴﺖ
- ﺍﻧﺘﻲ ﻣﺶ ﻫﻴﻚ ﺍﻧﺎ ﻣﺘﺄﻛﺪ .
- ﻣﻊ ﺍﻟﺴﻼﻣﻪ ..
- ﻣﻔﻴﻜﻲ ﺗﺮﻭﺣﻲ .. ﺑﺪﻙ ﺗﺆﻟﻴﻠﻲ ﺷﻮ ﻳﻠﻲ ﻋﻢ ﺑﻴﺼﻴﺮ
- ﺗﺮﻩ ﻟﺤﻴﺖ .. ﻭﺧﺮ ﻣﻦ ﻃﺮﻳﻘﻲ ..
- ﺍﻧﺎ ﺑﻌﺮﻑ ﻟﻴﺶ ﻣﻬﺘﻢ ﻓﻴﻜﻲ . ﺍﻧﺘﻲ ﻋﻦ ﺟﺪ ﺑﻼ ﺯﻭﻕ .. ﻭﺑﺘﺴﺘﺎﻫﻠﻲ ﺗﻤﻮﺗﻲ ..
- ﺍﻧﺪﺍﺭﻳﺘﻠﻪ .. ﺍﻧﻲ ﻣﻮ ﺑﻼ ﺫﻭﻕ .. ﺍﻧﻲ ﻣﺜﻞ ﺍﻟﻐﺮﻛﺎﻥ . ﻣﺎ ﻳﻬﻤﻪ ﻟﻮ ﺗﺒﻠﻞ ..
- ﺧﻠﻴﻨﻲ ﺍﻓﻬﻢ ﺷﻮ ﻗﺼﺘﻚ ..
- ﻭﺷﺘﺴﺘﻔﺎﺩ .. ؟ !
- ﺑﺲ ﺗﻄﻠﻌﻲ ﻣﻦ ﺑﺎﻟﻲ ﺳﺪﺋﻴﻨﻲ ﻛﺘﻴﺮ ﻋﻢ ﻓﻜﺮ ﻓﻴﻜﻲ ﻭﻣﺒﻌﺮﻑ ﻟﻴﺶ .. ﺍﻧﺎ ﻣﺘﺄﻛﺪ ﺍﻧﺘﻲ ﻣﻌﻨﺪﻙ ﺭﻓﺌﺘﺎﺕ .. ﺍﻧﺎ ﻣﻤﻜﻦ ﺻﻴﺮ ﺻﺪﻳﻖ ﻣﻨﻴﺢ .
- ﺍﺑﺘﺴﻤﺖ .. ﻭﻟﻴﺶ ﺍﺻﺎﺩﻗﻚ ..
- ﻋﻘﻠﻴﻦ ﺑﻴﻔﻜﺮﻭ ﺍﺣﺴﻦ ﻣﻦ ﻭﺍﺣﺪ .. ﺳﺎﺩﺋﻴﻨﻲ .
- ﺍﻧﺖ ﻏﺮﻳﺐ ..
- ﺍﻧﺎ ﻣﺶ ﻏﺮﻳﺐ .. ﺍﻧﺎ ﺟﻴﺎﺩ ﺍﻟﻌﺎﻣﺮ ﺷﻐﻠﻲ ﻋﺎﺭﺽ ﺍﺯﻳﺎﺀ ﻣﺘﺠﻮﺯ ﻭﻋﻨﺪﻱ ﻭﻟﺪ .. ﻭﺍﻧﺘﻲ .... ﻭﻣﺪ ﺍﻳﺪﻩ ﻟﻠﻤﺼﺎﻓﺤﻪ ...
- ﺑﻘﻴﺖ ﺻﺎﻓﻨﻪ ﺑﻮﺟﻪ .. ﻫﺬﺍ ﺑﻲ ﺷﻲ ......
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء