رواية خطوات نحو الجحيم ج2 الجزء الخامس
للكاتبة زينب ماجد
⭐⭐
ﻟﺠﻴﻦ -: ﻣﺎﻟﻚ ﻟﺤﻈﻪ ﺑﺲ ﺍﺳﻤﻌﻨﻲ .. ﻭﺍﻟﻠﻪ ﻣﺎ ﺷﺮﺩﺕ ﻭﻻ ﺍﺑﺪ .. ﺑﺲ ﺻﺎﺭ ﻋﻨﺪﻱ ﻧﺰﻳﻒ ﻭﺍﻧﺖ ﺷﻔﺘﻨﻲ ﺑﻌﻴﻨﻚ ..
ﺭﺣﺖ ﻟﻠﺪﻛﺘﻮﺭﻩ ﻭﺣﺎﻟﺘﻲ ﺧﻄﺮﻩ .. ﻣﻦ ﺿﺮﺑﻚ ﺍﻟﺒﺎﺭﺣﻪ ﺗﺄﺫﻳﺖ ﻭﺍﻻ ﺷﻮﻳﻪ ﻛﺎﻥ ﺍﻧﻔﺠﺮ ﺍﻟﺮﺣﻢ ﻣﺎﻟﺘﻲ .. ﺣﺮﺍﻡ ﻋﻠﻴﻚ ﺍﺗﺮﻛﻨﻲ ﺍﺭﺗﺎﺡ .. ﻓﺪﻭﻩ
- ﺍﺧﺬ ﻧﻔﺲ .. ﻧﺸﻮﻑ .. ﻛﺪﺍﻣﺞ ﺍﺳﺒﻮﻉ ﻭﺗﺮﺟﻌﻴﻦ ﺍﻭﻙِ .. ﻭﻫﺎﺍﺍ ﻛﻮﻟﺸﻲ ﺷﻔﺘﻲ ﺑﺎﻟﺨﺰﻧﻪ .. ﺗﻨﺴﻲ ﻭﻻ ﺗﺠﺒﺮﻳﻨﻲ ﺍﻧﺴﻴﺞ ﺑﻄﺮﻳﻘﺘﻲ
- ﺍﻧﺴﻰ ﺷﻨﻮ ﺍﻧﻲ ﻣﺸﻔﺖ ﻏﻴﺮ ﺻﻮﺭﻙ ﺍﻧﺖ ﻭ ﻫﺎﻳﻪ ..
- ﺗﻔﻬﻤﻴﻨﻲ ﺷﺄﺣﺠﻲ .. ﻣﺎ ﺍﻋﻴﺪ .. ...... ﻗﻔﻞ ﺍﻟﺠﻬﺎﺯ ..
- ﺩﻧﻜﺖ ﺭﺍﺳﻲ ﻳﺮﺑﻲ ﺍﺷﻮﻥ ﺭﺍﺡ ﺍﺧﻠﺺ ﻣﻨﻪ ﺷﻮﺭﻃﺖ ﺭﻭﺣﻲ ﻭﻳﺎﻩ .. ﺷﻠﻮﻥ ﻛﺪﺭﺕ ﺍﺗﻌﻠﻖ ﺑﻴﻪ ﻭﺍﻧﻌﻤﻲ ﺑﻬﺸﻜﻞ ﻋﻦ ﻛﻞ ﺍﻓﻌﺎﻟﻪ ..
ﺍﻟﻠﻬﻲ ﺍﻧﻘﺬﻧﻲ ﺍﺭﺟﻮﻭﻭﻭﻭﻭﻙ ..
ﺑﺎﻭﻋﺖ ﺍﻟﺴﺎﻋﻪ .. ﻛﺎﻧﺖ 4 ﻭﻧﺺ ﺍﻟﻌﺼﺮ .. ﺧﻞ ﺍﻛﻮﻡ ﺍﺭﻭﺡ ﺩﻛﺘﻮﺭ ﺟﻠﺪﻳﻪ ﻟﻮﺟﻬﻲ ﻟﻴﻀﻞ ﻫﻴﺞ ﻣﻮﺭﻡ ..
ﻛﻤﺖ ﻟﻤﺎﻣﺎ .. ﻛﺎﻟﺖ ﺳﻮﻳﺘﻠﺞ ﺷﻮﺭﺑﻪ .. ﺍﻛﻌﺪﻱ ﻟﺘﻤﺸﻴﻦ ﻫﻮﺍﻳﻪ ﻣﻮ ﺯﻳﻦ ﻋﻠﻴﺞ ..
- ﻣﺎﻣﺎ ﺍﻧﻲ ﺍﺭﻳﺪﻩ ﻳﻮﻛﻊ ﺧﻠﻴﻨﻲ .. ﺍﻟﻤﻦ ﺍﺟﻴﺒﻪ ﺑﺎﻟﻠﻪ ﻟﻴﺎ ﺿﻴﻢ .. ﺧﻞ ﺍﺧﻠﺺ ﺭﻭﺣﻲ ﻭﺑﻌﺪﻳﻦ ﺍﺧﻠﺼﻪ ..
- ﻭﻳﻦ ﺗﺮﺩﻳﻦ
- ﺍﺭﻭﺡ ﺩﻛﺘﻮﺭ ﺟﻠﺪﻳﻪ ﻉ ﻭﺟﻬﻲ .. ﺍﻟﺠﻤﻌﻪ ﻋﻨﺪﻱ ﺑﺮﻧﺎﻣﺞ .. ﻻﺯﻡ ﺻﺎﻓﻲ ﻣﺎ ﺍﻛﺪﺭ ﺍﺧﺬ ﺍﺟﺎﺯﻩ .. ﻣﻴﻘﺒﻠﻮﻥ ..
- ﺍﺟﻲ ﻭﻳﺎﺝ
- ﺑﻜﻴﻔﺞ .. ﺭﺣﺖ ﺣﻈﺮﺕ ﻧﻔﺴﻲ .. ﻭﻃﻠﻌﺖ ﻭﻱ ﻣﺎﻣﺎ .. ﺳﻘﺖ ﻟﺪﻛﺘﻮﺭ ﺍﺑﻐﺪﺍﺩ ﺍﻟﺠﺪﻳﺪﻩ .. ﺩﺧﻠﺖ ﻋﻠﻴﻪ .. ﺍﻧﻄﺎﻧﻲ ﻋﻼﺝ ﻭﺍﺑﺮ ﺿﺮﺑﻨﻲ ﺑﺎﻟﺠﻠﺪ .. ﻟﺘﺨﻔﻴﻒ ﺍﻟﻮﺭﻡ ﻭﺍﺧﺘﻔﺎﺀ ﺍﻟﻜﺪﻣﺎﺕ ..
ﻛﻤﻠﻨﺎ .. ﻭﻃﻠﻌﺖ .. ﻛﺘﻠﻬﺎ ﻣﺎﻣﺎ ﺍﺭﻳﺪ ﺍﻣﺮ ﻉ ﺳﺮﻯ ﺍﺷﻮﻓﻬﺎ ... ﻛﺎﻟﺖ ﻻ ﺍﺭﺟﻌﻲ ﻣﻮ ﺯﻳﻦ ﻋﻠﻴﺞ ﺍﻟﺴﻴﺎﻗﻪ ﻫﻮﺍﻳﻪ ..
ﻓﺮﺟﻌﻨﺎ ﻭﺧﺎﺑﺮﺗﻬﺎ ﻛﺘﻠﻬﺎ ﺍﺭﻳﺪﺝ ﺿﺮﻭﺭﻱ .. ﺧﻄﻴﻪ ﺳﺎﻋﻪ ﻭﻫﻲ ﻳﻤﻲ .. ﺍﻭﻝ ﻣﻄﺒﺖ ﺩﺗﺤﻀﻨﻲ ﻧﺸﻐﺖ .. ﻳﺎﺍﺍﺍﺍﺍ ﻫﺎﻱ ﺷﺒﻴﺞ ..
ﺑﻮﺳﺘﻬﺎ ﻭﻛﺘﻠﻬﺎ ﻛﻌﺪﻱ
- ﺳﻮﻟﻔﻴﻠﻲ ﺷﺼﺎﻳﺮ ﻣﻨﻮ ﻣﺴﻮﻱ ﺑﻴﺞ ﻫﻴﺞ ..
- ﺳﺮﻯ ﻣﺎ ﺍﻋﺮﻑ ﺷﻠﻮﻥ ﺍﻛﻮﻟﺞ ﺷﻜﺪ ﻛﻨﺖ ﻏﺒﻴﻪ ﻧﺼﺤﺘﻴﻨﻲ ﻭﻣﺎ ﺍﺧﺬﺕ ..
ﺳﺮﻯ -: ﻟﺠﻴﻦ ﻭﺍﻟﻠﻪ ﺧﺎﻳﻔﻪ ﻋﻠﻴﺞ ﻣﻦ ﻣﺎﻟﻚ ﻫﻮ ﺍﻛﻴﺪ ﻣﻮﻭﻭ
- ﻫﺰﻳﺖ ﺭﺍﺳﻲ ﻭﻧﺰﻟﺖ ﺩﻣﻮﻋﻲ ..
- ﺣﺒﻴﺒﺘﻲ ﺍﻭﻭﻭﻭﻱ ﺣﻴﺎﺍﺍﺍﺗﻲ ﻟﺘﺒﺠﻴﻦ ﻛﺴﺮ ﺑﺄﻳﺪﻩ ﺍﻥ ﺷﺎﺀﺍﻟﻠﻪ .. ﻟﺞ ﻭﺍﻟﻠﻪ ﺧﻔﺖ ﻋﻠﻴﺞ ﻣﻨﻪ ﻭﺣﺬﺭﺗﺞ ﻭﻛﺘﻠﺞ ﻣﺠﺮﻡ .. ﻣﺎ ﻓﺎﺩ ﺟﻨﺘﻲ ﻣﻌﻤﻴﻪ ﺑﻲ
ﻭﻣﺎ ﺍﻟﻮﻣﺞ .. ﻫﻮ ﺛﻌﻠﺐ ﻭﻣﺜﻞ ﺍﻟﺴﺤﻠﻴﻪ ﻳﺘﻠﻮﻥ .. ﺍﺫﺍ ﻏﻴﺮ ﺍﺳﻠﻮﺑﻪ .. ﻟﻮ ﺗﻜﺘﻠﻴﻦ ﻧﻔﺴﺞ ﻣﺘﻌﺮﻓﻲ ﺑﺲ ﺑﺴﺎﻋﺔ ﺍﻟﻐﻀﺐ ﻳﺒﻴﻦ ﻋﻠﻰ ﺣﻘﻴﻘﺘﻪ ..
ﻟﺞ ﺷﻬﺮ ﻭﻫﻮ ﻳﻬﺪﺩ ﺑﻴﻪ ﺑﺎﻟﺼﻮﺭ ﻋﻠﻰ ﻣﻮﺩ ﻣﻌﻠﻮﻣﺎﺗﺞ ..
- ﺣﺮﻛﺘﻬﻢ ﺻﻮﺭﺝ
- ﺻﺪﻙ ﻭﺍﻟﻠﻪ
- ﺍﻱ ﻭﺍﻟﻠﻪ ﻭﻣﻮ ﺑﺲ ﺍﻧﺘﻲ .. ﻛﻮﻣﻪ ﺑﻨﺎﺕ ﺑﻨﻔﺲ ﺍﻟﻮﺿﻊ
⭐⭐
ﺍﻟﻠﻪ ﻳﺎﺧﺬﻫﻢ ﺍﻥ ﺷﺎﺀﺍﻟﻠﻪ ..
- ﻟﺞ ﻣﻮ ﺑﺲ ﻣﺠﺮﻡ . ﻣﺘﻌﺮﻓﻴﻦ ﺷﻜﺪ ﺟﺬﺏ ﻋﻠﻴﻪ .. ﺑﻴﻮﻡ ﻟﻴﻠﺔ ﺍﻟﻌﻘﺪ ﺍﺗﺼﻠﺖ ﻋﻠﻴﻪ ﻭﺣﺪﻩ ﻭﻛﺎﻟﺖ ﺍﻧﻲ ﻣﺮﺗﻪ ..
ﻭﻛﺬﺑﺘﻬﺎ ﻭﺩﺯﺗﻠﻲ ﺻﻮﺭﻩ ﻭﺍﺟﻪ ﻫﻮ ﻧﻜﺮ ﻭ ﺍﺧﺬﻧﻲ ﺣﺎﺻﻞ ﻓﺎﺻﻞ ﻭﻃﻠﻌﻨﻲ ﺍﻧﻲ ﺍﻟﻤﻘﺼﺮﻩ ﻭﻳﺎﻩ ﻭﺍﻧﻲ ﺍﻻﺷﻚ ﺑﻲ ﻭﻫﻮ ﺍﻟﻤﺘﻔﻀﻞ ..
ﻭﻫﺴﻪ ﻃﻠﻌﺖ ﻣﺎ ﻣﻄﻠﻘﻬﺎ ﻭﻭﻳﺎﻩ ﻭﺟﺎﻳﺒﻬﺎ ﻋﻠﻰ ﻓﺮﺍﺷﻲ ﻟﻤﺎ ﺳﺎﻓﺮﺕ ﻉ ﺑﻴﺮﻭﺕ ... ﻭﻟﻮ ﺑﺲ ﻋﻠﻴﻬﻢ ﺯﻳﻦ . ﻭﻫﺬﺍ ﺻﺪﻳﻘﻪ ﺍﻟﺨﺴﻴﺲ ﺗﻌﺮﺿﻠﻲ ﺑﻨﺺ ﺍﻟﺸﻘﻪ ﻭﺍﻟﻤﺸﻜﻠﻪ ﻣﺎﻟﻚ ﻣﺼﺪﻙ ﺻﺪﻳﻘﻪ ﻣﻤﺼﺪﻛﻨﻲ
- ﻋﺰﺍ ﺍﻟﻌﺰﺍﺝ ﺫﻭﻟﻪ ﺷﻨﻮ .. ﻳﻤﻪ .. ﻭﺷﺤﺘﺴﻮﻳﻦ ﻟﺠﻴﻦ ..
- ﻟﺞ ﺩﻳﻬﺪﺩﻧﻲ ﻳﻘﺘﻞ ﺍﻫﻠﻲ ﺷﺴﻮﻱ
- ﻳﺎﺍﺍﺍﺍ .. ﻫﺬﺍ ﺷﺴﻮﻳﻦ ﻭﻳﺎﻩ .. ﺍﺩﻭﺭ ﺣﺘﻰ ﻣﺘﻜﺪﺭﻳﻦ ﺗﺸﺘﻜﻴﻦ ﺍﻟﺤﻜﻮﻣﻪ ﻓﺎﻛﺴﻪ ﻭﺍﻟﻴﺤﻜﻤﻬﺎ ﺍﻣﺜﺎﻟﻪ .
ﻭﻳﻦ ﺗﻨﻄﻴﻦ ﻭﺟﻬﺞ ..
- ﺗﻜﻮﻟﻴﻦ ﺍﺳﺎﻓﺮ ﻭﺍﺧﻠﺺ ﻣﻨﻪ
- ﻭﺍﻫﻠﺞ . ؟ !
- ﻫﻮ ﻫﻨﺎ ﺍﻟﻤﺸﻜﻠﻪ .. ﺍﻋﺮﻓﻪ .. ﻟﻮ ﻣﺎ ﻟﺰﻣﻨﻲ ﺍﻟﻲ .. ﺣﻴﻠﺰﻡ ﺍﻫﻠﻲ ﻟﻮ ﺍﻗﺎﺭﺑﻲ ﻭﻳﺒﺘﺰﻧﻲ ﺑﻴﻬﻢ ﻭﻳﻠﺰﻣﻨﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ
- ﻃﻴﺐ ﺷﻠﻮﻥ
- ﻣﺎ ﺍﻋﺮﻑ ﺳﺮﻯ ﺭﺍﺳﻲ ﻣﺨﺮﺑﻂ ..
- ﻭﺍﻟﻠﻪ ﻳﺎ ﻟﺠﻴﻦ ﺣﻴﺮﻩ .. ﺑﺲ ﻣﺎ ﻋﻨﺪﺝ ﻏﻴﺮ ﺣﻞ ﺟﺮﺑﻲ ﺗﺴﺎﻓﺮﻳﻦ ﻭﺍﺗﺮﻛﻴﻪ ...
- ﻣﺎ ﺍﻋﺮﻑ .. ﺍﺷﻮﻑ ﻣﻨﺎ ﻻﻳﺎﻡ ﺑﻠﻜﺖ ﺍﻛﺪﺭ ﺍﻫﺮﺏ ﺍﻧﻲ ﻭﺍﻫﻠﻲ ﺣﺘﻰ ﻟﻮ ﺍﺧﻠﻲ ﺑﺎﺑﺎ ﻳﺼﻔﻲ ﻣﺤﻠﻪ ﺑﺎﺳﺮﻉ ﻭﻗﺖ ﻭﻧﻄﻠﻊ ..
ﺑﻘﻴﻨﺎ ﻧﺪﺭﺩﺵ .. ﻟﺴﺎﻋﻪ ﺳﻠﻤﺖ ﻭﻃﻠﻌﺖ ﻣﻦ ﻋﻨﺪﻱ ..
ﺑﻘﻴﺖ ﻳﻮﻣﻴﻦ ﻋﻨﺪ ﺍﻫﻠﻲ .. ﺷﻮﻱ ﺗﺤﺴﻦ ﻭﺟﻬﻲ ﻉ ﺍﻟﻌﻼﺝ .. ﺭﺍﺡ ﺍﻟﻮﺭﻡ . ﺑﺲ ﺍﻟﺰﺭﺍﻙ ﺍﻟﺠﻮﻩ ﺍﻟﻌﻴﻦ ﺑﻌﺪﻩ ﻭﺷﻔﺘﻲ ﺍﻟﻤﺠﺮﺣﻪ ﺑﻌﺪﻫﺎ .
ﺑﻠﻴﻞ ﺟﻨﺖ ﻧﺎﻳﻤﻪ .. ﺍﺟﻪ ﻣﺎﻟﻚ ﺍﻟﺒﻴﺖ ﺍﻫﻠﻲ .. ﺩﻙ ﺍﻟﺒﺎﺏ .. ﻃﻠﻌﻠﻪ ﺍﺑﻮﻳﻪ ﺷﺎﻓﻪ ﻟﻮ ﺍﺗﺨﺒﻞ ﻣﻨﺎ .. ﻃﺮﺩﻩ ﺑﺴﺮﻋﻪ .
ﻣﺎﻟﻚ ﻳﻜﻠﻪ ﺍﺭﻳﺪﻫﺎ ﻣﺮﺗﻲ .. ﻭﺍﺑﻮﻱ ﻳﮕﻠﻪ ﻣﺎ ﺍﻟﻚ ﻋﻨﺪﻱ ﺍﺑﻨﻴﻪ .. ﺍﻃﻠﮕﻬﺎ ﻏﺼﺐ ﻋﻨﻚ ..
ﺣﺠﺎﻳﻪ ﻣﻦ ﻣﺎﻟﻚ . ﺍﺣﺠﺎﻳﻪ ﻣﻦ ﺍﺑﻮﻳﻪ ﺗﻌﺎﺭﻛﻮ ﺑﺎﻟﺒﺎﺏ ﺍﺛﻨﻴﻨﻬﻢ .. ﺍﻧﺘﻬﺖ ﺑﻤﺎﻟﻚ ﺍﺧﺬ ﺳﻴﺎﺭﺗﻪ ﻭﻣﺸﻰ ..
ﺛﺎﻧﻲ ﻳﻮﻡ .. ﺍﺑﻮﻱ ﺭﺍﺡ ﻋﻠﻰ ﺍﻫﻠﻪ .. ﻫﻮ ﺳﺄﻝ ﻋﻨﻬﻢ ﺳﺎﺑﻘﺎ .. ﺩﻻﻩ ﺍﻟﺸﻴﺦ ﺍﻟﻠﻲ ﺟﺎﺑﻪ ﻣﺎﻟﻚ ﻗﺒﻞ .. ﻭﺳﺄﻝ ﺍﺑﻮﻳﻪ ﻋﻦ ﺍﺑﻮﻩ . ﻛﺎﻟﻮ ﺧﻮﺵ ﺭﺟﺎﻝ ﺷﻐﻠﻪ ﻣﺪﻳﺮ ﺑﻮﺯﺍﺭﺓ ﺍﻟﺪﻓﺎﻉ
ﺑﺲ ﻣﺘﺒﺮﻱ ﻣﻦ ﻣﺎﻟﻚ .. ﻭﻣﺎﻟﻚ ﻳﻜﻮﻝ ﻻﻥ ﺍﻧﻲ ﻃﻠﺒﺖ ﺍﺗﺰﻭﺟﺞ ﺍﺑﻮﻱ ﻣﺎ ﻭﺍﻓﻖ .. ﻭﻫﺬﺍ ﺍﻟﻜﻠﺘﻪ ﻻﻧﻲ ﻭﺍﻣﻲ ﻛﺎﻟﺘﻪ ﻻﺑﻮﻱ ﻟﻬﻴﺞ ﺟﺎﻥ ﺭﺍﻓﺾ ﻣﺎﻟﻚ ﺑﺸﺪﻩ .
ﺍﻟﻤﻬﻢ .. ﺭﺍﺡ ﻋﻠﻰ ﺍﻫﻠﻪ .. ﻛﺎﻟﻪ ﺍﺑﻮﻩ ﺍﻧﻲ ﻣﻌﻠﻴﻪ ﺑﻤﺎﻟﻚ ﻟﻮ ﺍﺭﻳﺪ ﺍﺣﻤﻞ ﻣﺴﺆﻟﻴﺘﻪ .. ﺟﺎﻥ ﺍﺟﻴﺖ ﺧﻄﺒﺘﻠﻪ ﺑﺲ ﻻ ﻫﻮ ﺍﺑﻨﻲ ﻭﻻ ﺍﻧﻲ ﺍﻋﺮﻓﻪ ..
ﻣﺎ ﻗﺎﺑﻞ ﻳﺘﺠﺎﻭﺏ ﻭﻱ ﺍﺑﻮﻳﻪ ﺑﺎﻟﻜﻼﻡ .. ﺳﺎﺩ ﺍﻟﺒﺎﺏ ﺑﻤﺠﺮﺩ ﻣﺎ ﺳﺎﺋﻠﻪ ﻋﻦ ﻣﺎﻟﻚ ﻭﻋﻦ ﺑﻼﻭﻳﻪ ..
ﺍﺩﻭﺭ ﺭﺍﺡ ﻟﻠﺸﻴﺦ ﺍﻟﻠﻲ ﺗﻜﻔﻠﻪ .. ﺍﻟﺸﻴﺦ ﺗﺒﺮﻩ ﻣﻨﻪ ﻛﺎﻟﻪ ﺍﻧﻲ ﻣﻌﻠﻴﻪ ﺑﻴﻪ .. ﺍﺟﻴﺖ ﻭﻳﺎﻩ ﻃﺒﺎﺏ ﺧﻴﺮ ﻭﺭﺩﺕ ﺍﺟﻤﻊ ﺭﺍﺳﻴﻦ ﺑﺎﻟﺤﻼﻝ
⭐⭐
ﺑﻌﺪﻳﻦ ﻋﺮﻓﻨﺎ ﺍﻥ ﺍﻟﺸﻴﺦ ﺭﺍﺷﻴﻲ ﻣﺎﻟﻚ ﺑﻔﻠﻮﺱ ﻭﺟﺎﻳﺒﻪ .. ﺩﻭﺧﻪ ﻭﻣﻄﺒﺎﺕ ﻣﺎﻟﻚ ﺍﺩﻭﺥ ﺍﺷﻠﻮﻥ ﺻﺪﻛﺘﻪ ﻣﺎ ﺍﻋﺮﻑ ﻋﻘﻠﻲ ﺭﺍﺡ ﻳﻮﻛﻒ ..
ﻭﺍﺣﺪ ﺗﻌﺮﺿﻠﻲ ﻭﺭﺍﺩ ﻳﻐﺘﺼﺒﻨﻲ ﻭﻃﻠﺒﻨﻲ ﻟﺸﻘﺘﻪ .. ﺯﻳﻦ ﺍﻧﻲ ﺷﻠﻮﻥ ﺍﻣﻨﺖ ﺑﻴﻪ ﻭﺣﺒﻴﺘﻪ . ﺷﻠﻮﻥ ﺣﺒﻴﺖ ﻭﺍﺣﺪ ﻃﻠﺒﻨﻲ ﻟﺸﻘﺘﻪ .
ﻣﻦ ﺍﺗﺬﻛﺮ ﻏﺒﺎﺀﻱ ﺍﻛﻮﻡ ﺍﺿﺮﺏ ﻋﻠﻰ ﺭﺍﺳﻲ ﻭﺍﻟﻌﻦ ﻧﻔﺴﻲ ﺍﻟﻒ ﻣﺮﻩ ﻋﻠﻰ ﺳﺎﻋﻪ ﺍﻟﺤﺒﻴﺘﻪ ﺑﻴﻬﺎ ﻭﺍﻧﻌﻤﻴﺖ ﺑﻴﻪ .. ﻣﻮ ﺣﺐ ﺍﺑﺘﻼﺀ ﻫﺬﺍ ..
ﻓﻌﻼ ﺍﺣﺲ ﻛﺎﻧﺖ ﻏﺸﺎﻭﻩ ﻋﻠﻰ ﻋﻴﻨﻲ ﻣﺎ ﺍﺷﻮﻑ ﺍﺧﻄﺎﺀﻩ .. ﻭﻛﻠﺒﻲ ﺍﻟﻐﺒﻲ ﻣﺼﺪﻙ ﻫﻮ ﻣﺴﺘﻘﺘﻞ ﻋﻠﻴﻪ ﻭﺟﻨﺘﻠﻤﺎﻥ ﻭﻳﺤﺒﻨﻲ ..
ﻧﺴﻴﺖ ﺍﻻﻫﻞ ﻣﻦ ﻳﻜﻮﻟﻮﻥ ﺍﻟﺮﺟﺎﻝ ﻳﻨﻘﺎﺱ ﺑﺎﺧﻼﻗﻪ .. ﺍﺫﺍ ﻣﺎ ﻛﺎﻥ ﺻﺎﺣﺐ ﺍﺧﻼﻕ ﻓﻤﺎ ﻳﺴﻮﻯ ﻓﻠﺲ .. ﻻﺑﺪ ﻳﺸﻞ ﺍﻟﺤﺎﻝ ..
ﺍﻟﻤﻬﻢ ﻭﺭﻩ 3 ﺍﻳﺎﻡ .. ﻣﻦ ﻋﺮﻛﺔ ﺑﺎﺑﺎ ﻭﻣﺎﻟﻚ .. ﺟﻨﺖ ﻧﺎﻳﻤﻪ ﺑﻠﻴﻞ ﺟﻮﻩ .. ﺗﻘﺮﻳﺒﺎ ﺍﻟﺴﺎﻋﻪ 3 ﺑﻠﻴﻞ ..
ﻭﻣﺎ ﺍﺣﺲ ﺍﻻ ﺻﻮﺕ ﺍﻧﻔﺠﺎﺭ ﻗﻮﻱ .. ﻓﺠﺮ ﺍﻟﺠﺎﻡ ﻣﺎﻝ ﺍﻟﻐﺮﻓﻪ ﺣﺘﻰ ﺍﻟﻤﺮﻭﺣﻪ ﺍﻫﺘﺰﺕ .. ﻣﻦ ﻗﻮﺓ ﺍﻟﺼﻮﺕ ..
ﻣﻦ ﻫﻮﻝ ﺍﻟﺼﻮﺕ .. ﻣﺎ ﻋﺮﻓﺖ ﻫﻲ ﻓﺰﻩ ﻫﻲ ﻭﻛﻔﻪ ﻫﻲ ﺭﻛﻀﻪ ﻟﻠﺒﺎﺏ ﻭﺍﺻﺮﺥ ﺷﻨﻮ ﻫﺎﺍﺍﺍﺍﺍﺍﺍﺍﻱ ﻣﺎﺍﺍﺍﺍﺍﺍﻣﺎ ﺑﺎﺍﺍﺍﺑﺎ ..
ﺑﺎﺑﺎ ﻧﺰﻝ ﻳﺮﻛﺾ ﻭﺍﻣﻲ ﻭﺭﺍﻩ .. ﺟﺎﻡ ﺍﻟﺒﻴﺖ ﻛﻠﻪ ﺗﻔﻠﺶ .. ﺭﺍﺩ ﻳﻄﻠﻊ ﺍﺑﻮﻱ ﻟﺰﻣﺘﻪ ﺍﻣﻲ ...
- ﻻﺍﺍﺍﺍﺍﺍﺍﺍ ﺗﻄﻠﻊ ﺷﺎﻛﺮ ﻳﻤﻜﻦ ﺍﺭﻫﺎﺑﻴﻴﻦ ﻳﻘﺘﻠﻮﻧﻚ ..
ﺍﻻﺏ - ﻭﻟﺞ ﺧﻞ ﺍﺷﻮﻭﻭﻭﻭﻑ ﺷﻨﻮ ﻫﺬﺍ ﺍﻻﻧﻔﺠﺎﺭ ..
- ﺍﻧﻲ ﺑﻴﻦ ﺍﻟﺼﺪﻣﻪ ﻭﺍﻟﺮﻋﺐ ﻭﺍﻟﺨﻮﻑ ﻭﺍﻟﻬﺒﻄﻪ . ﺍﺭﻳﺪ ﺍﻟﺰﻡ ﻛﻠﺒﻲ .. ﻛﺎﻡ ﻳﺨﻔﮓ ﺑﺴﺮﻋﻪ ﺷﻠﻨﻲ ﺷﻞ ..
ﺍﻣﻲ ﻭﺍﺑﻮﻱ ﻳﺼﻴﺤﻮﻥ .. ﺍﻧﺪﻛﺖ ﺑﺎﺏ ﺑﻴﺘﻨﺎ ﺍﻟﺠﻴﺮﺍﻥ ﻭﻳﺼﻴﺤﻮﻥ ﺍﺑﻮ ﻟﺠﻴﻴﻴﻴﻴﻴﻴﻴﻦ ﺧﻴﺮ ﻳﺎ ﺳﺘﺎﺭ ﺷﺼﺎﻳﺮ ﺍﺑﻮ ﻟﺠﻴﻴﻴﻴﻴﻦ ..
ﺍﺑﻮﻱ ﻣﻦ ﺳﻤﻊ ﺍﻟﺠﻴﺮﺍﻥ ﻃﻠﻌﺖ .. ﻃﻠﻊ ﻭﺍﺣﻨﻪ ﻭﺭﺍﻩ . ﻓﺘﺢ ﺍﻟﺒﺎﺏ ﻭﻛﻠﻬﻢ ﺩﺧﻠﻮ ﻧﺴﻮﺍﻥ ﻭﺭﻳﺎﺟﻴﻞ .. ﺑﻤﻼﺑﺲ ﻧﻮﻣﻬﻢ ﻭﺍﻟﻨﺴﻮﺍﻥ ﺍﻟﺤﺠﺎﺏ ﻣﺨﺮﺑﻂ
ﻛﻠﻬﺎ ﺗﺼﻴﺢ ﺧﻴﺮ ﺧﻴﺮ ﺷﺼﺎﻳﺮ ﺍﻻﻧﻔﺠﺎﺭ ﺻﺎﺭ ﻋﺪﻛﻢ ... ﺻﺎﺣﺖ ﺍﻣﻲ ﺍﺑﻮ ﻟﺠﻴﻦ ﺷﻮﻑ ﺍﻟﺤﺪﻳﻘﻪ ﺍﺑﻮ ﻟﺠﻴﻴﻴﻦ ..
ﺍﻧﺒﺎﻭﻉ ﻟﻠﺤﺪﻳﻘﻪ ﻣﻨﻈﺮﻫﺎ ﻣﺮﻋﺐ ﺍﻻﺷﺠﺎﺭ ﻣﻜﺴﺮﻩ ﻭﺍﻟﺠﺎﻡ ﻣﺎﻝ ﺍﻻﺳﺘﻘﺒﺎﻝ ﺍﻟﻄﺎﻝ ﻉ ﺍﻟﺤﺪﻳﻘﻪ ﻣﻌﻘﻮﺝ ﻋﻘﺞ ﻭﻻ ﺯﺟﺎﺟﻪ ﺑﺎﻗﻴﻪ ﺑﻴﻪ .
ﻛﻠﻬﻢ ﺍﻟﺘﻤﻮ .. ﺍﻟﺸﺮﻃﻪ ﺍﺟﺖ ﺩﺧﻠﻮ ﺍﻟﺤﺮﺱ .. ﺻﺎﺭﺕ ﻫﻮﺳﻪ ﻭﺩﻭﺭﻳﺎﺕ ... ﻣﺎ ﻓﻜﺮﺕ ﻟﻠﺤﻈﻪ ﻣﻨﻮﻭﺍﻟﺴﺒﺐ ﻃﺎﺭ ﻣﻦ ﺑﺎﻟﻲ ﻣﺎﻟﻚ ﺍﺑﺪﺍ .
ﻭﺍﻟﻠﻪ ﻣﺎ ﻛﻨﺖ ﻣﺘﻮﻗﻌﻪ ﺍﻥ ﻳﺴﻮﻱ ﻫﻴﺞ ﺷﻲ ... ﻏﻴﺮ ﻟﻤﺎ ﺩﺧﻠﺖ ﺍﺟﻴﺐ ﻣﻲ ﻟﻠﺠﻴﺮﺍﻥ .. ﻭﺍﻟﻨﺴﻮﺍﻥ ﺍﺑﻴﺘﻨﺎ ﻭﺍﻟﺮﻳﺎﺟﻴﻞ ﻳﺒﺎﻭﻋﻮﻥ ﺍﻟﺒﻴﺖ ﺷﻠﻮﻥ ﻭﻭﺍﻛﻌﻪ ﺛﺮﻳﺎﺗﻪ ﻭﻣﻜﺴﺮﻩ ﺷﺒﺎﺑﻴﻜﻪ ..
ﻭﺍﻟﻠﻲ ﺗﺄﻛﺪﻭ ﻣﻨﻪ .. ﻫﻮ ﻗﻨﺒﻠﻪ ﺻﻮﺗﻴﻪ ﻋﻠﻰ ﺑﻴﺘﻨﺎ .. ﺍﺑﻮﻱ ﻛﺎﻥ ﻗﺒﻞ ﻓﺘﺮﻩ .. ﻣﺸﻜﻞ ﻛﺎﻣﻴﺮﺍﺕ ﻣﺮﺍﻗﺒﻪ ﻉ ﺍﻟﺒﻴﺖ ..
ﻓﻄﻠﺒﺖ ﺍﻟﺸﺮﻃﻪ ﺗﺸﻮﻑ ﺍﻟﻜﺎﻣﻴﺮﺍﺕ . ﻓﺎﻧﻲ ﺟﻨﺖ ﺩﺍ ﺍﻭﺯﻋﻠﻬﻢ ﻣﻲ .. ﺍﺟﻴﺖ .. ﺩﺍ ﺍﺑﺎﻭﻉ ﻭﻳﺎﻫﻢ ﻛﻠﻬﺎ ﻣﻠﺘﻤﻪ ﺗﺒﺎﻭﻉ ﻟﻼﺑﺘﻮﺏ ..
ﻓﺎﺑﺘﻌﺪﺕ .. ﺻﺎﺣﻮ ﻫﺬﺍ ﻫﺬﺍ ﺑﺎﺍﺍﺍﻭﻉ ﻋﻴﺪ ﺍﻟﻠﻘﻄﻪ .. ﺍﻱ ﺷﻮﻑ ﻭﻗﻒ ﺑﺴﺮﻋﻪ .. ﺍﻧﻲ ﻣﻦ ﻛﺎﻟﻮ ﻫﺬﺍ ﻫﺬﺍ .. ﺑﺴﺎﻉ ﺭﻥ ﺑﺮﺍﺳﻲ ﻣﺎﻟﻚ .
⭐⭐
ﺍﺗﺬﻛﺮﺗﻪ ﻟﻮ ﺟﺴﻤﻲ ﻛﻠﻪ ﻗﺸﻌﺮ ﻭﻛﻠﺒﻲ ﺍﻧﻘﺒﺾ ... ﺩﺍ ﺍﺭﻳﺪ ﺍﻣﺸﻲ ﺗﻌﺜﺮﺕ ﺍﻧﻲ ﻭﺳﺮﺍﺣﻴﺔ ﺍﻟﻤﻲ ﻛﺰﺍﺯ .. ﺍﻃﺸﺮﺕ ﻛﺪﺍﻣﻲ ..
ﺻﺮﺧﺖ ﻻﺍﺍﺍﺍﺍﺍﺍﺍ .. ﻛﻠﻬﺎ ﺑﺎﻭﻋﺘﻠﻲ .. ﺍﺟﺖ ﺍﻣﻲ ﻣﻦ ﺑﻴﻦ ﺍﻟﻨﺴﻮﺍﻥ ﺭﻛﻀﺘﻠﻲ ﺷﺒﻴﺞ ﻣﺎﻣﺎ ﺍﺑﻨﻴﺘﻲ ﺍﺳﻢ ﺍﻟﻠﻪ ﺍﻟﺮﺣﻤﻦ ﺩﺍﺩﻩ ﻣﻲ ﺍﻟﻬﺎ ﻓﺪﻭﺗﺞ ﺍﺑﻨﻴﺘﻲ ﺷﺒﻴﺞ ﻟﺠﻴﻦ ..
ﻻﺍﺍﺍﺍ ﻣﺎﻣﺎ ﻻ ﻣﺴﺘﺤﻴﻞ .. ﻻ ﻻ ﺍﺍﺍﺍﺍﺍﺍﺃﺍﺍﺍﺍﺍ . ﺧﻠﻴﺖ ﺭﺍﺳﻲ ﺑﺤﻈﻨﻬﺎ ﻭﻛﻤﺖ ﺍﺭﺟﻒ ﻭﺍﺑﺠﻲ ..
ﻃﺒﻮ ﺑﻴﺖ ﻋﻤﻲ .. ﻣﺎﺯﻥ ﻭﻣﺨﻠﺪ ﻭﻋﻤﻲ ﻋﻤﺮﺍﻥ .. ﺻﺮﺥ ﻋﻤﻲ ﻫﺎﺍﺍﺍ ﺷﺎﻛﺮ ﺷﺼﺎﻳﺮ ﺍﺣﺠﻴﻠﻨﺎ . ﻣﺨﻠﺪ ﻳﺼﻴﺢ ﻋﻤﻲ ﺷﻜﻮ ﻭﻣﺎﺯﻥ ﻳﺼﻴﺢ ﻭﻳﺎﻫﻢ ..
ﻭﺍﻧﻲ ﺍﺑﺠﻲ ﺑﺤﻈﻦ ﺍﻣﻲ .. ﺍﻧﺪﺍﺭ ﻣﺨﻠﺪ .. ﺻﺎﺡ ﻫﺎﻱ ﺷﺒﻴﻬﺎ ..
ﺍﻻﻡ -: ﻣﺎ ﺍﺩﺭﻱ ﺷﺒﻴﻬﺎ ﻭﻛﻌﺖ ﻫﻲ ﻭﺍﻟﺴﺮﺍﺣﻴﻪ ﻭﺍﺧﺘﺮﻋﺖ ﻭﺍﺻﻄﻜﺖ .. ﻭﺗﺮﻳﺪ ﺗﺸﺮﺑﻨﻲ ﻣﻲ
ﺍﻧﻲ ﺑﺲ ﺍﺑﺠﻲ ﺑﺪﻣﻮﻉ ﻭﺍﺭﺟﻒ ﻋﺮﻓﺘﻪ ﻣﺎﻟﻚ .. ﻋﻔﺖ ﺍﻣﻲ ﺑﺴﺮﻋﻪ .. ﻭﻛﻤﺖ ﻣﻨﻬﺎ ﺭﻛﺾ .. ﻟﻠﻐﺮﻓﻪ ﺍﻟﺼﻐﻴﺮﻩ ..
ﺍﺧﺬﺕ ﻣﻮﺑﺎﻳﻠﻲ .. ﺩﺍ ﺍﻓﺘﺤﻪ ﺍﺭﻳﺪ ﺍﺧﺎﺑﺮ .. ﺷﻔﺖ ﺭﺳﺎﻟﻪ .. ﻛﺒﺎﻟﻲ .. ﻓﺘﺤﺘﻬﺎ .. ﻣﺎﻟﻚ ..
( ﺍﻟﻴﻮﻡ ﺻﻮﺗﻴﻪ ﻭﺗﺤﺬﻳﺮ ﺑﺎﺟﺮ ﺭﻣﺎﻧﻪ ﺑﺴﻴﺎﺭﺓ ﺍﺑﻮﺝ ﺍﺫﺍ ﻣﺎ ﻟﻜﻴﺘﺞ ﺑﺎﻟﺒﻴﺖ .. ﻭﻟﻮ ﻓﻜﺮﺗﻲ ﺗﺨﺒﺮﻳﻦ ﺍﻟﺸﺮﻃﻪ ﻓﺘﺬﻛﺮﻱ ﺍﻧﻲ ﻣﺎﻟﻚ )
ﺍﺭﻳﺪ ﺍﺑﺎﻭﻉ ﻣﻦ ﺍﻟﺪﻣﻮﻉ ﻣﺎ ﺍﻛﺪﺭ . ﺍﻧﻲ ﺑﻴﺎ ﺟﺤﻴﻢ ﺷﻤﺮﺕ ﻧﻔﺴﻲ .. ﻋﺰﺍ ﺑﻌﻴﻨﻲ ﻫﺎﻱ ﺷﺴﻮﻳﺖ ﺑﺮﻭﺣﻲ . ﺍﺑﺠﻲ ﻭﺍﺣﺎﻭﻝ ﺍﻛﺘﻢ ﺩﻣﻌﺎﺗﻲ ..
ﺩﺧﻠﻮ ﺍﺑﻮﻱ ﻭﻋﻤﻲ ﻭﺍﻟﺸﺮﻃﻪ ﻭﺭﺍﻫﻢ .. ﺻﺎﺡ ﺑﺎﺑﺎ .... ﺑﻨﺘﻲ ﺍﻟﺸﺒﺎﺏ ﻳﺮﺩﻭﻥ ﻳﻔﻮﺗﻮﻥ ﻳﺘﻔﻘﺪﻭﻥ ﺍﺿﺮﺍﺭ ﺍﻟﻐﺮﻓﻪ
ﻣﺴﺤﺖ ﺩﻣﻮﻋﻲ ﺑﺴﺮﻋﻪ .. ﻭﺩﺍ ﺍﻃﻠﻊ ... ﺳﻮﻭﻟﻲ ﻃﺮﻳﻖ ﺍﻟﺸﺮﻃﻪ ﻭﺍﺗﻨﺤﻮ .. ﺍﺭﻳﺪ ﺍﻓﻮﺕ ﻟﻠﻤﻤﺮ ﺍﻧﻀﺮﺑﺖ ﺑﻤﺨﻠﺪ ...
ﺑﻘﻴﺖ ﺍﺑﺎﻭﻉ ﺑﻮﺟﻪ .. ﺍﻟﺪﻣﻮﻉ ﺗﺠﺮﻱ .. ﻫﻮ ﺻﻔﻦ ﺑﻮﺟﻬﻲ ..
- ﺭﺩﺕ ﺍﻧﻄﻖ ﻭﺍﺣﺠﻴﻠﻪ ﻭﺍﻧﻔﺠﺮ ... ﻣﺎ ﻛﺪﺭﺕ ﻏﻴﺮ ﺭﻓﻌﺖ ﺍﺩﻳﻪ ﻭﻋﺠﺰﺕ ﻋﻦ ﺍﻟﻜﻼﻡ ﻭﻣﺸﻴﺖ .. ﺻﺎﺡ ﻭﺭﺍﻱ ﺷﺒﻴﺞ ﺗﻌﺎﺍﺍﺍﻱ ..
ﻋﻔﺘﻬﻢ ﻭﺻﻌﺪﺕ ﺭﻛﺾ ﻟﻔﻮﻙ .. ﻻ ﻟﻐﺮﻓﻪ ﻭﻻ ﻣﺮﺭ ﻟﻠﺴﻄﺢ ... ﻓﺘﺤﺖ ﺑﺎﺏ ﺍﻟﺴﻄﺢ .. ﻛﻤﺖ ﺍﺗﻨﻔﺲ ﺣﻴﻞ ﻭﺍﺑﺠﻲ ﺑﻘﻮﻩ ..
ﺍﻟﻠﻬﻲ ﺍﻧﻘﺬﻳﻨﻴﻴﻴﻴﻲ ﺩﺧﻴﻠﻚ ﺍﺩﻣﺮﺕ ﺍﻧﻲ ﺍﺩﻣﺮﺭﺭﺭﺕ ﺍﺍﺍﺍﺍﺍﺍﺍﺍﺍﺍﺍﺍﺍﻩ .. ﺭﺑﻲ ﺑﺎﻭﻋﻠﻲ ﺩﺧﻴﻠﻚ ﺍﺭﺣﻤﻨﻴﻴﻴﻴﻲ ... ﻣﺎ ﺍﻟﻲ ﻏﻴﺮﻙ ﺗﻌﺒﺖ
ﻣﺨﻠﺪ -: ﺷﺠﺎﻱ ﻳﺼﻴﺮ ﻫﻨﺎ ..
- ﺳﻤﻌﺘﻪ ﻭﺭﺍﻱ .. ﻛﻄﻌﺖ ﺍﻟﺒﺠﻲ ﻭﻣﺴﺤﺖ ﺩﻣﻮﻋﻲ ﻭﺩﺭﺗﻠﻪ ..
- ﻣﺎﻟﻚ ﻭﺭﻩ ﻭﺍﻟﺤﺎﺩﺙ ﺻﺤﻴﺢ
- ﻣﺎ ﺣﺠﻴﺖ .. ﻛﻌﺪﺕ ﻋﻠﻰ ﺭﻛﺒﻲ ﻭﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﻛﻤﺖ ﺍﺑﺠﻲ ﺣﻴﻞ ..
ﺗﻘﺮﺏ ﻳﻤﻲ .. ﻛﻮﻣﻲ ﺧﻞ ﺍﻓﺘﻬﻢ ﻻ ﺗﺘﺒﺠﺒﺠﻴﻦ ﻭﺍﻟﺪﻧﻴﺎ ﻣﮕﻠﻮﺑﻪ .. ﺍﺫﺍ ﻫﻮ ﺍﺣﺠﻲ ..
- ﻣﻮ ﻫﻮ ﻻ ﻻ ﻣﻮ ﻫﻮ .. ﻭﺩﻧﻜﺖ ﺍﺑﺠﻲ ..
- ﺷﺎﻟﻨﻲ ﻣﻦ ﺍﻳﺪﻱ ﻭﺭﻓﻌﻨﻲ ﺍﻟﻪ ..
- ﺷﻤﺴﻮﻳﻠﺞ ﻫﺬﺍ
- ﻣﻤﺴﻮﻳﻠﻲ ﺷﻲ ﺍﺣﺠﻲ ﻭﺍﺷﻬﻚ
- ﺍﺣﺠﻴﻴﻴﻲ
- ﻛﻮﻟﺸﻲ ﻣﺎ ﺳﻮﺍﻟﻲ .. ﺍﺻﻼ ﻣﻌﻠﻴﻪ .. ﺣﺠﻴﺘﻬﺎ ﻭﺷﻬﻜﺖ ﺍﺑﺠﻲ .. ﺩﻓﻌﻨﻲ ﺑﺎﻳﺪﻩ ﻋﻠﻰ ﺭﺍﺳﻲ
⭐⭐
ﻫﺴﻪ ﻏﻴﺮ ﺗﺤﺠﻲ ﻣﻮ ﻭﻛﺖ ﻧﻌﻮﺻﺘﺞ ﺍﺣﺠﻴﻠﻲ ﺷﻨﻮ ﺍﻟﻤﻮﺿﻮﻉ ﻭﺷﻤﺴﻮﻱ ﻫﺬﺍ ..
- ﻛﺘﻠﻚ ﻣﻮ ﻫﻮ .. ﻣﻮ ﻫﻮ .. ﺍﺗﺮﻛﻨﻲ ﺍﻟﻠﻪ ﻳﺨﻠﻴﻚ .. ﺩﻓﻌﺘﻪ ﻭﻧﺰﻟﺖ .. ﺍﺟﻪ ﻭﺭﺍﻱ .. ﺟﺎﻧﺖ ﻓﻮﻙ ﺿﻠﻤﻪ .
ﻣﻦ ﻧﺰﻟﺖ ﻉ ﺍﻟﺪﺭﺝ .. ﻟﺰﻣﻨﻲ .. ﻣﻦ ﺍﻳﺪﻱ .. ﺟﺎﻧﺖ ﺯﺭﻛﻪ ﻣﻦ ﺿﺮﺑﺔ ﻣﺎﻟﻚ .. ﻭﻣﻮ ﺯﺭﻛﻪ ﻭﺍﻧﻤﺎ ﻫﻴﺞ ﻟﻮﻧﻬﺎ ﻣﺜﻞ ﺍﻟﺒﻨﻔﺴﺠﻲ .
- ﻭﺍﺿﺢ ﻣﻮ ﻫﻮ ﺍﻟﺴﺒﺐ ﺿﺮﺑﺞ ﻣﻮﻭﻭﻭ .. ﻋﺮﻓﺘﻲ ﻋﻠﻰ ﺣﻘﻴﻘﺘﻪ ﺍﻥ ﺷﺎﺀﺍﻟﻠﻪ .. ﺍﻟﺜﻮﻝ ﻭﺍﻟﻌﻘﻞ ﺍﻟﺒﺮﺍﺳﺞ ﺍﻧﻔﺘﺢ ﻟﻮ ﻻ ..
- ﻣﻮ ﻧﺎﻗﺼﻪ ﻭﺍﻟﻠﻪ .. ﺍﺗﺮﻛﻨﻲ ..
- ﻣﺎ ﺍﻋﻮﻓﺞ ﺍﻻ ﺗﻜﻮﻟﻴﻦ ﺷﺴﻮﻩ ..
- ﺑﺲ ﺣﺠﻲ .. ﻳﺮﻭﺡ ﻳﺒﺘﻠﺶ ﻣﺎﻟﻚ ﻭﻣﺨﻠﺪ ﻭﺗﺼﻴﺮ ﻗﺎﺗﻞ ﻭﻣﻘﺘﻮﻝ .. ﻭﺩﻡ ﻟﻠﺮﻛﺐ .. ﺷﺤﺠﻲ ﺍﻛﻠﻪ ﺻﺢ ﺍﻛﺘﺸﻔﺘﻪ ﻣﺠﺮﻡ ﻭﺻﺪﻳﻘﻪ ﺣﺎﻭﻝ ﻳﻐﺘﺼﺒﻨﻲ ﻭﻣﺎ ﺻﺪﻛﻨﻲ ﻭﻣﻠﻔﺎﺕ ﺍﻻﺟﺮﺍﻡ ﻟﻠﺴﺘﺎﺭ ..
ﺷﺤﺠﻲ ﻭ ﺷﻜﻮﻝ ﻟﻮ ﻧﻄﻘﺖ ﻛﻠﻤﻪ ﻭﺣﺪﻩ .. ﺻﺎﺭ ﺍﻟﺪﻡ ﻣﺎ ﺍﻟﻪ ﻭﺍﻟﻲ ..
- ﺍﺧﺮﺳﻴﺘﻴﻴﻴﻲ ﺷﻠﻮﻥ ﻭﻳﺎﺝ .. ﺍﺣﺠﻲ ..
- ﺷﺤﺠﻲ .. ﻫﻮ ﺍﻟﻠﻲ ﺍﺣﺘﺮﻙ ﺑﻌﺪ ﻋﻨﺪﻩ ﻃﺎﻗﻪ ﻳﺤﺠﻲ .. ﺍﻧﻲ ﺍﺣﺘﺮﻛﺖ .. ﺍﺗﺮﻛﻨﻲ ﺑﻨﺎﺭﻱ ﺍﻟﻮﺣﺪﻱ ﺍﺣﺘﺮﻙ ﻻ ﺗﻘﺘﺮﺏ ﻓﺪﻭﻩ ..
- ﺍﺫﺍﺝ ﻫﺪﺩﺝ ﺍﺣﺠﻲ . ﻫﺴﻪ ﺍﻫﺪ ﻋﻠﻴﻪ ﻭﺍﻟﻠﻪ ﺍﻧﻌﻞ ﻭﺍﻟﺪﻳﻪ ﺍﺑﻦ ﺍﻟﻜﻠﺐ
- ﻻﺍﺍﺍ ﻻﺍﺍﺍﺍ ﻣﺎ ﻫﺪﺩﻧﻲ .. ﺍﺑﺪ ﺑﺲ ﺍﻧﻲ ﺷﻮﻱ ﻣﺘﺄﺯﻣﻪ ﻧﻔﺴﻴﺘﻲ ... ﺣﺎﻭﻟﺖ ﺍﺿﻴﻌﻬﺎ . ﺑﺲ ﺍﻟﺪﻣﻮﻉ ﺗﺸﺮﺡ ﻭﺣﺪﻫﺎ
- ﻟﺨﺎﻃﺮ ﺍﻟﻠﻪ ﺷﻜﺪ ﻣﺄﺫﻳﺞ ﻟﺪﺭﺟﺔ ﻟﺠﻴﻦ ﺍﻡ ﺍﻟﺴﺎﻥ ﺗﺨﺎﻑ ﺍﻃﻠﻊ ﺍﻟﺴﺎﻧﻬﺎ ﻭﺗﺤﺠﻲ
- ﺣﺠﺎﻫﺎ .. ﻭﻛﻌﺖ ﺑﺴﺮﻋﻪ ﻛﻌﺪﺕ ﺍﺑﺠﻲ ﺣﻴﻴﻴﻞ .. ﻭﺍﺷﻬﻚ ﺑﺼﻮﺕ ﻋﺎﻟﻲ .. ﺳﺤﺒﻨﻲ ﻣﻦ ﺷﻌﺮﻱ ﺣﻈﻨﻲ ﻭﺑﻘﻲ ﻳﻄﺒﻄﺐ ﻋﻠﻰ ﺿﻬﺮﻱ ..
- ﺍﺍﺍﺍﺍﺥ ﺍﺥ ﻣﻨﺞ ﻭﻣﻦ ﻋﻨﺎﺩﺗﺞ ﻭﻟﺞ ﺣﺠﻴﺖ ﺿﺮﺑﺖ ﺧﺒﺼﺖ ﺍﻟﺪﻧﻴﺎ ﻃﻠﻊ ﻋﻠﻰ ﺍﻟﺴﺎﻧﻲ ﺷﻌﺮ ﻭﺍﻧﻲ ﺍﺻﺮﺥ ﻭﺍﻣﻨﻌﺞ ﻣﻨﻪ ﻭﺍﻣﻠﺞ ﻣﻮ ﺯﻳﻦ
ﺑﺲ ﺭﺩﺕ ﻋﻘﻠﺞ ﻳﻔﺘﺢ ﻭﻳﺴﺘﻮﻋﺐ .. ﻭﻣﺎ ﺍﺳﺘﻮﻋﺒﺘﻲ ﺧﻄﺮ ﻫﻠﻤﺠﺮﻡ ﻟﺤﺪ ﻣﺎ ﺷﻤﺮﺗﻲ ﺭﻭﺣﺞ ﺑﻨﺎﺭﻩ ..
- ﻣﺎ ﺍﺭﺩ .. ﺑﺲ ﺍﺑﺠﻲ ﻭﺍﻟﺸﻬﻜﻪ ﺫﺑﺤﺘﻨﻲ .. ﺷﺎﻳﻔﻴﻦ ﻣﻦ ﺗﺘﻌﺐ ﻣﻦ ﺍﻟﺒﺠﻲ ﺗﻠﺰﻣﻚ ﺷﻬﻜﻪ .. ﻛﻞ ﺷﻬﻜﻪ ﺗﻬﺪ ﺣﻴﻠﻚ ﺑﻴﻬﺎ ﻭﺗﺤﺲ ﺟﺴﻤﻚ ﻛﻠﻪ ﻳﺘﺤﺮﻙ ﻭﻳﺎﻩ ...
ﺍﻧﻲ ﻫﺎﻱ ﻛﺎﻧﺖ ﺣﺎﻟﺘﻲ .. ﻣﺎ ﺗﻌﺒﺮ ﻋﻨﻲ ﻏﻴﺮ ﺍﻟﺪﻣﻮﻉ ﻻ ﺍﻛﺪﺭ ﺍﻧﻄﻖ ﻭﺍﺣﺠﻲ ﻭﺍﺭﺗﺎﺡ ﻭﻻ ﺍﻛﺪﺭ ﺍﺗﺤﻤﻞ ﻭﺍﺻﺒﺮ ﺍﻟﻤﻮﻗﻒ ﺍﻻﻧﻲ ﺑﻲ ..
ﺭﺍﻳﺪﻩ ﺍﻧﻔﺠﺮ ﻟﻜﻦ ﻟﻮ ﺍﻧﻔﺠﺮﺕ ﺍﺋﺬﻱ ﻛﻞ ﺍﻟﻴﺤﺒﻮﻧﻲ .. ﻣﺠﺒﻮﺭﻩ ﺍﺗﺤﻤﻞ ﺍﻟﻄﺮﻳﻖ ﺍﻻﺧﺘﺎﺭﻳﺘﻪ ﺍﻟﻨﻔﺴﻲ ..
ﻣﻮ ﻣﻦ ﺣﻘﻲ ﺍﻭﺭﻁ ﺍﻧﺴﺎﻥ ﻣﺎ ﺍﻟﻪ ﺫﻧﺐ ﻭﻳﻨﻘﺘﻞ ﺑﺴﺒﺒﻲ .. ﻣﺎ ﺍﻛﺪﺭ ﺍﺩﺧﻞ ﻣﺨﻠﺪ ﺍﺑﺪ ..
ﻭﺧﺮﺕ ﻣﻦ ﻣﺨﻠﺪ ..
- ﻻﺯﻡ ﺍﻧﺰﻝ ﻣﺎﻣﺎ ﺗﻠﻜﺎﻫﺎ ﺿﺎﻝ ﺑﺎﻟﻬﺎ ..
- ﺑﺲ ﺍﺣﺠﻲ ﻭﻳﺎﺝ ﻓﻬﻤﻴﻨﻲ .......... ﺗﺮﻛﺘﻪ ﻣﺎ ﺭﺩﻳﺖ ﻭﻧﺰﻟﺖ ﺑﺴﺮﻋﻪ ﺍﻭﻝ ﻣﺎ ﺩﺍ ﺍﺭﻳﺪ ﺍﺭﻭﺡ ﻻﻣﻲ .. ﺧﺎﺑﺮ ﻣﺎﻟﻚ .. ﺟﻨﺖ ﻛﺎﺗﺒﻪ ﻉ ﺭﻗﻤﻪ ﻧﺒﻀﺎﺗﻲ
ﺩﺍ ﺍﺭﻳﺪ ﺍﻟﺘﻔﺖ .. ﺿﺮﺑﺖ ﺑﻤﺨﻠﺪ .. ﻫﻮ ﺍﻧﺘﺒﻪ ﺑﺴﺎﻉ ﺷﺎﻑ ﺍﻟﺠﻬﺎﺯ ﻳﺮﻥ ﺑﺨﻔﻪ ﺳﺤﺒﻪ ﻣﻦ ﺍﻳﺪﻱ .. ﺻﺮﺧﺖ ﻻﺍﺍﺍ ﻻ ﺍﻟﻠﻪ ﻳﺨﻠﻴﻚ ﻻﺍﺍﺍﺍﺍ ﻓﺪﻭﻩ ..
⭐⭐
ﻟﻴﺶ ﻫﻠﻜﺪ ﺧﺎﻳﻔﻪ ﻣﻨﻪ ﺷﺒﻴﺞ ..
- ﻣﺎ ﺧﺎﻳﻔﻪ ..
- ﻫﺬﺍ ﺍﻟﺤﻘﻴﺮ ﻧﺒﻀﺎﺗﺞ .. ﻟﺞ ﺷﺒﻴﺞ ﺗﺨﺒﻠﺘﻲ
- ﻣﺎ ﺑﻴﻪ ﺷﻲ .. ﺑﺲ ﺍﻧﻄﻨﻴﻨﻲ ﻣﺨﻠﺪ ﻣﻌﻠﻴﻴﻴﻴﻚ .
- ﺍﻫﺎﺍﺍﺍ ﺍﺳﻒ .. ﻣﻌﻠﻴﻪ ﺻﺤﻴﺢ .. ﺗﻔﻀﻠﻲ
- ﺍﺧﺬﺗﻪ ﻣﻨﻪ .. ﻭﺭﻛﻀﺖ ﻟﻠﻤﻄﺒﺦ .. ﺍﻧﻘﻄﻊ ﺍﻟﺨﻂ .. ﺧﺎﺑﺮﺗﻪ ﺍﻧﻲ .. ﺭﺩ ..
- ﺗﺮﺟﻌﻴﻦ ﻟﻮ ﻻ ..
- ﺍﺭﺟﻊ ﺍﻟﺼﺒﺢ ...
- ﺟﻴﺪ .. ﺗﺮﻩ ﻣﺸﺘﺎﻗﻠﺞ ﺣﻴﻞ .. ﻟﻴﺶ ﺗﺨﻠﻴﻨﻲ ﻫﻴﺞ ﺍﻧﺠﻦ ﺑﻔﺮﺍﻛﺞ ﻭﺍﺳﻮﻱ ﺷﻐﻼﺕ ﺗﺄﺫﻳﺞ .. ﻟﺞ ﺍﻟﻒ ﻣﺮﻩ ﻛﺘﻠﺞ ﺍﺣﺒﺞ ﻻ ﺗﺒﺘﻌﺪﻳﻦ ﻋﻨﻲ ﺍﺟﻦ ﻣﺎ ﺍﺗﺤﻤﻞ .
- ﻫﺬﺍ ﻣﻮ ﺣﺐ ﻫﺬﺍ ﺍﻧﺘﻘﺎﻡ ﻣﺎﻟﻚ .. ﺍﻧﺖ ﻣﺘﺤﺒﻨﻲ ﻛﺬﺍﺏ
- ﻣﻮ ﺻﺤﻴﺢ . ﻟﻮ ﻣﺎ ﺍﺣﺒﺞ ﺟﺎﻥ ﺗﺮﻛﺘﺞ ﺗﻮﻟﻴﻦ . ﺑﺲ ﺍﻧﻲ ﻫﺎﻳﻢ ﺑﻴﺞ ﺻﺎﺭ 4 ﺍﻳﺎﻡ ﻣﺸﺎﻡ ﻋﻄﺮﺝ ﺍﺣﺲ ﺭﻭﺣﻲ ﻣﺜﻞ ﻭﺍﺣﺪ ﻣﺪﻣﻦ ﻭﻳﺮﻳﺪ ﻣﺨﺪﺭﺍﺗﻪ
- ﺍﺧﺬﺕ ﻧﻔﺲ ... ﺍﺳﻤﻌﻨﻲ ﻣﺎﻟﻚ .. ﺭﺍﺡ ﺍﺭﺟﻊ ﺑﺲ ﺧﻞ ﻳﻜﻮﻥ ﺑﻌﻠﻤﻚ .. ﻣﺎ ﺭﺍﺡ ﺍﺭﺟﻌﻠﻚ ﻏﻴﺮ ﺟﺴﺪ .. ﻟﺘﻔﻜﺮ ﺍﺑﺎﺩﻟﻚ ﺍﻟﺤﺐ ﺍﻟﻠﻲ ﺟﻨﺖ ﺍﺑﺎﺩﻟﻪ ﺍﻟﻚ ﻣﻦ ﻗﺒﻞ .. ﺍﻧﺎ ﻗﺘﻠﺖ ﺍﻟﺤﺐ ﺍﻟﺒﺪﺍﺧﻠﻲ ..
- ﺍﺣﺒﺞ ﻟﺠﻴﻦ ﻣﻮ ﺑﻴﺪﻱ ﺍﻋﺸﻘﺞ .
- ﻗﻔﻠﺖ ﺍﻟﺨﻂ ﺑﻮﺟﻪ ... ﻭﻃﻠﻌﺖ ﻣﻦ ﺍﻟﻤﻄﺒﺦ .. ﻟﻜﻴﺖ ﻣﺨﻠﺪ ﻛﺎﻋﺪ ﻉ ﺍﻟﺪﺭﺝ ﻳﺪﺧﻦ .. ﻭﺍﻟﺸﺮﻃﻪ ﻭﺍﻛﻔﻴﻦ ﻳﺤﺠﻮﻥ ﻳﺮﺩﻭﻥ ﻳﻄﻠﻌﻮﻥ ﻭﺍﻟﻨﺎﺱ ﺧﺎﻓﻪ ﻛﻠﻬﺎ ﺭﺍﻳﺤﻪ ..
ﺑﺎﻗﻴﺎﺕ ﺑﺲ ﺟﺎﺭﺍﺗﻨﺎ ﺍﻟﻤﻘﺮﺑﺎﺕ ﻻﻣﻲ ﻛﺎﻋﺪﺍﺕ ﻳﻤﻬﺎ .. ﺭﻳﺤﺔ ﺍﻟﺤﺮﺱ ﻭﺍﻟﻮﺍﻛﻔﻴﻦ ﻣﺎ ﺍﻋﺮﻑ ﺷﺤﺮﻛﺔ ﺑﺪﺍﺧﻠﻲ ﺧﻠﺖ ﻧﻔﺴﻲ ﺗﻜﻠﺐ ..
ﺭﻛﻀﺖ ﻟﻠﺤﻤﺎﻡ ﺍﺳﺘﻔﺮﻏﺖ .. ﻣﺮ ﻋﻤﻲ ﻋﻨﺮﺍﻥ ﻣﻦ ﺍﻟﺤﻤﺎﻡ . ﻫﺎﺍﺍﺍ ﺷﺒﻴﺞ ..
- ﻣﺎﺑﻴﻪ ﺷﻲ .. ﺍﺣﺠﻲ ﻭﺍﻏﺴﻞ ﻭﺍﺭﺟﻊ ﺍﺳﺘﻔﺮﻍ
- ﺣﺎﺍﺍﺍﺍﻣﻞ ﺍﻧﺘﻲ
- ﻳﺎ ﻋﺰﺍ ﺷﻬﺮﻧﻲ .. ﻛﻠﻬﺎ ﺍﻧﺘﺒﻬﺖ ﻟﺤﺠﺎﻳﺘﻪ .. ﺻﺮﺕ ﺑﻨﺺ ﺍﻫﺪﻭﻣﻲ . ﺍﺍﺍﺍﺍﺍ ﻻ ﻋﻤﻮ ﺣﺎﻣﻞ ﺷﻨﻮ ﻻ ﻻ ﻟﻌﺒﺖ ﻧﻔﺴﻲ ..
ﻣﺨﻠﺪ ﻉ ﺍﻟﺪﺭﺝ ﺷﺎﺑﻚ ﺍﺩﻳﻪ .. ﻭﻣﻨﺰﻝ ﺭﺍﺳﻪ .. ﻟﻤﺎ ﻃﻠﻊ ﺑﺎﺑﺎ ﻭﻱ ﺍﻟﻨﺎﺱ ﻭﺍﻟﻨﺴﻮﺍﻥ ﺑﺎﻟﺼﺎﻟﻪ .. ﺗﻘﺮﺑﺖ ﺍﻟﻤﺨﻠﺪ ..
ﺍﻭﻝ ﺷﻲ ﺍﻧﺘﺒﻬﺘﻠﻪ .. ﺣﻠﻘﻪ ﺑﺄﻳﺪﻩ ﺍﻟﻴﻤﻴﻦ .. ﻧﻄﻘﺖ ﺍﺳﻔﻪ ..
ﺍﻟﺘﻔﺘﺖ .. -: ﻋﻠﻰ ﺷﻨﻮ
- ﻻﻧﻲ ﺻﺤﺖ ﺑﻮﺟﻬﻚ ﻣﻌﻠﻴﻚ .. ﺑﺲ ﻻﻥ ﺍﺗﺼﺎﻝ ﻣﺤﺮﺝ ﻛﺎﻥ ..
- ﻋﺎﺩﻱ ﻣﺘﻌﻮﺩ ﻣﻮ ﺍﻭﻝ ﻣﺮﻩ ﺗﺼﻴﺮ
- ﺷﻨﻮ ﺍﻟﻠﻲ ﻣﺘﻌﻮﺩ ﻋﻠﻴﻪ
- ﺻﻴﺎﺣﺞ ﺑﻤﻌﻠﻴﻚ ﻭﻻ ﺗﺪﺧﻞ .. ﻣﻮ ﺷﻲ ﺟﺪﻳﺪ .. ﻫﻮ ﺻﺢ .. ﺍﻟﻐﻠﻂ ﻣﻨﻲ ﺍﻧﻲ ﺍﺩﺧﻞ ﺭﻭﺣﻲ ﺑﺸﻐﻼﺕ ﻣﺎ ﺗﻌﻨﻴﻨﻲ ﺑﺲ ﺷﺴﻮﻱ ﻫﻮ ﺍﻧﻲ ﻭﺍﺣﺪ ﻛﻠﺐ ﻭﻣﺎ ﺑﻴﻪ ﺍﺧﻴﺮ ﺍﺣﺐ ﺍﺫﻝ ﺭﻭﺣﻲ
- ﻻ ﺣﺸﺎﻙ .. ﻫﺰ ﺭﺍﺳﻪ .. ﺍﻛﻮﻭﻭﻝ ﻣﺒﺮﻭﻙ .. ﻛﺎﻟﻮ ﺧﻄﺒﺖ
- ﺑﺎﻭﻉ ﻟﺤﻠﻘﺘﻪ ﻭﺿﺤﻚ ﻫﻪ ﺍﻱ ﺍﻟﻠﻪ ﻳﺒﺎﺭﻙ ﺑﻴﺞ ..
- ﺷﺒﻴﻚ ﻣﺎ ﻗﺎﺑﻞ ﺑﻴﻬﺎ
- ﻟﻴﺶ ﻣﺎ ﺍﻗﺒﻞ ﺑﻴﻬﺎ .. ﺧﻮﺵ ﺍﺑﻨﻴﻪ ﻭﺣﻠﻮﻩ ﻭﺷﻜﻮﻝ ﺗﻜﻠﻲ ﺣﺎﻇﺮ ﺷﺮﻳﺪ ﺍﻛﺜﺮ
⭐⭐
ﺍﻟﻠﻪ ﻳﺪﻳﻢ ﺍﻟﻤﺤﺒﻪ .. ﻋﻔﺘﻪ ﻭﻣﺸﻴﺖ ﻛﻌﺪﺕ ﻳﻢ ﺍﻣﻲ .. ﺟﺎﺭﺍﺗﻨﺎ ﺑﻘﻦ ﻳﺴﺄﻟﻦ ﺑﻴﻪ .. ﺍﻧﻲ ﺧﻠﻴﺖ ﺭﺍﺳﻲ ﻋﻠﻰ ﺭﺟﻞ ﺍﻣﻲ ﻭﺍﺟﺎﻭﺏ ..
ﺍﻣﻲ ﻛﺎﻟﺘﻠﻬﻢ ﺍﻋﺬﺭﻭﻫﺎ ﺗﻤﺪﺩﺕ ﻻﻥ ﺣﺎﻣﻞ ﻭﻃﻔﻠﻬﺎ ﻣﻬﺪﺩ ﺑﺎﻻﺳﻘﺎﻁ .. ﻭﺑﻘﻦ ﻳﺤﺠﻦ ﺍﻧﻲ ﻏﻔﻴﺖ ﻋﻠﻰ ﺳﻮﺍﻟﻔﻬﻦ ..
ﻛﻌﺪﺕ ﻋﻠﻰ ﮔﻮﻣﺔ ﺍﻣﻲ .. ﻭﺧﻠﺖ ﺭﺍﺳﻲ ﻋﻠﻰ ﻣﺨﺪﻩ .. ﺍﺳﻤﻊ ﺧﻮﺍﻟﻲ ﺍﺟﻮ ﻭﻋﻤﺎﻣﻲ ﻭﻛﻠﻬﺎ ﺍﻟﺘﻤﺖ ..
ﺧﺎﻻﺗﻲ ﻃﺒﻦ ﻛﺎﻟﻦ ﻳﺎﺍﺍ ﻫﺎﻱ ﻟﺠﻴﻦ ﻫﻨﺎ .. ﻃﻠﻌﻮ ﻃﻠﻌﻮ ﺧﻄﻴﻪ ﻧﺎﻳﻤﻪ ﺑﻌﺪﻳﻦ ﻧﺴﻠﻢ ﻋﻠﻴﻬﺎ .
ﺑﻘﻴﺖ ﺑﻔﺮﺍﺷﻲ ﺑﺲ ﻃﺒﻮ ﻋﻤﺎﻣﻲ ﻛﻌﺪﻭ ﻳﺤﺠﻮﻥ ﻭﻱ ﺍﺑﻮﻳﻪ ﻉ ﺍﻟﻤﻮﺿﻮﻉ .. ﻛﻌﺪﺕ ﻋﻠﻰ ﺻﻮﺗﻬﻢ ..
ﻛﻤﺖ ﻣﻦ ﻣﻜﺎﻧﻲ ﺳﻠﻤﺖ ﻋﻠﻰ ﻋﻤﻮ ﻋﺜﻤﺎﻥ .. ﻭﻭﻛﻔﺖ ﺍﺷﻮﻑ ﺗﺼﻮﻳﺮ ﺍﻟﻜﺎﻣﻴﺮﺍﺕ ﺍﺑﻮﻳﻪ ﺩﻳﺸﻮﻓﻪ ﻟﻌﻤﻲ ..
ﺑﺎﻭﻋﺘﻪ ﺍﻟﻮﻟﺪ ﻣﻮ ﻣﺎﻟﻚ .. ﻫﺬﺍ ﺿﻌﻴﻒ ﻭﺍﮔﺼﺮ ﻣﻦ ﻣﺎﻟﻚ .. ﺟﺎﻱ ﺭﻛﺾ ﻭﻻﻑ ﻭﺟﻬﻪ ﺑﻠﻔﺎﻑ ﻭﻛﺒﻮﺱ ﻣﺎﻝ ﺍﻟﺘﺮﺍﻛﺴﻮﺩ ﻋﻠﻰ ﺭﺍﺳﻪ ..
ﺷﺎﻣﺮﻩ ﺍﻟﺮﻣﺎﻧﻪ ﺍﻟﺼﻮﺗﻴﻪ ﺑﺎﻟﺒﻴﺖ ﻭﻣﻜﻤﻞ ﺭﻛﺾ .. ﻭﺭﻩ ﺛﻮﺍﻧﻲ ﺍﻧﻔﺠﺮﺕ ﺍﻟﺮﻣﺎﻧﻪ .. ﻣﺨﻠﺪ ﻭﺍﻛﻒ ﻳﺒﺎﻭﻉ ﻭﻳﺎﻫﻢ ..
ﻣﺨﻠﺪ -: ﻋﻤﻲ ﺗﺸﻚ ﺑﻤﺎﻟﻚ
ﺍﻻﺏ -: ﻭﺍﻟﻠﻪ ﻳﺎ ﺍﺑﻨﻲ ﻣﺎ ﺍﻋﺮﻑ ﺑﺲ ﻣﺎﻟﻚ ﻳﻔﺠﺮ ﺑﻴﺘﻨﺎ ﻭﻳﺸﻤﺮﻟﻲ ﻭﺭﻗﻪ ﻭﺑﻴﻬﺎ ﻃﻠﻘﻪ ﻭﻳﻜﻮﻝ ﺷﻴﻞ ﻣﻨﺎ
ﺍﻧﻲ ﻣﺎ ﺍﺷﻚ ﺑﻤﺎﻟﻚ . ﺍﻧﻲ ﺍﺷﻚ ﺑﺎﺑﻮ ﻣﻴﺜﺎﻕ ﺍﻭﺕ ﺍﻟﺒﺎﺭﺣﻪ ﺻﺎﺭﺕ ﻋﺮﻛﻪ ﺑﻴﻨﻲ ﻭﺑﻴﻨﻪ ﺍﺑﺎﺏ ﺍﻟﻤﺤﻞ ﻭﻫﺪﺩﻧﻲ .. ﻭﺭﺍﺡ
ﻣﺘﺄﻛﺪ ﻫﻮ .. ﻻﻥ ﺑﺎﻭﻉ ﺍﻟﺮﺟﺎﻝ ﺍﻟﺸﻤﺮ ﺍﻟﺮﻣﺎﻧﻪ ﺿﻌﻴﻒ ﻣﻮ ﻣﻮﺍﺻﻔﺎﺕ ﻣﺎﻟﻚ .. ﻧﻔﺲ ﻣﻮﺍﺻﻔﺎﺕ ﺍﺑﻦ ﺍﺑﻮ ﻣﻴﺜﺎﻕ ..
ﺷﻨﻮ ﻓﺎﻳﺪﺓ ﻣﺎﻟﻚ ﻳﻜﻠﻲ ﺷﻴﻞ ﻣﻦ ﺍﻟﺒﻴﺖ ... ﻫﺬﺍ ﺍﺑﻦ ﺍﺑﻮ ﻣﻴﺜﺎﻕ ﻭﺷﻴﻞ ﻣﻨﺎ ﻗﺼﺪﻩ ﺍﺷﻴﻞ ﻣﻦ ﺍﻟﻤﺤﻞ .. ﺍﺷﺘﻜﻴﺘﻪ ﻟﻠﺸﺮﻃﻪ ﺭﺍﺡ ﻳﺠﺮﺟﺮﻭﻩ
- ﺑﻘﻴﺖ ﺍﻧﻲ ﺳﺎﻛﺘﻪ .. ﺍﻟﺘﻔﺘﻠﻲ ﻋﻤﻮ ﻋﺜﻤﺎﻥ ﺣﺠﻪ .. ﺷﻨﻮ ﺧﻼﻓﺞ ﻭﻳﻪ ﻣﺎﻟﻚ ﺍﻧﺘﻲ . ﻟﻴﺶ ﺿﺎﺭﺑﺞ
- ﻃﻠﻊ ﻣﺘﺰﻭﺝ ﻋﻠﻴﻪ ﻭﺍﻛﺘﺸﻔﺖ ﺧﻴﺎﻧﺘﻪ .. ﻭﺗﻌﺎﺭﻛﻨﺎ .. ﻭﺣﺠﻴﻨﻪ ﺍﻟﺒﺎﺭﺣﻪ ﺗﺼﺎﻓﻴﻨﻪ ﻣﺎﻛﻮ ﺷﻲ ﺭﺍﺡ ﺍﺭﺟﻊ ..
ﺍﻻﺏ - ﺗﺮﺟﻌﻴﻦ ﻭﻳﻴﻴﻴﻴﻦ ﻣﺎﻛﻮ ﺭﻭﺣﻪ ﺧﻴﻮﻟﻲ ﻫﻠﻜﻠﺐ ..
- ﺑﺎﺑﺎ ﺍﻋﺘﺬﺭ ﻣﻨﻲ ﺍﻟﺒﺎﺭﺣﻪ ﻭﻛﺎﻝ ﺑﻌﺪ ﻣﺎ ﺍﻋﻴﺪﻫﺎ .. ﻻﺯﻡ ﺍﻧﻄﻲ ﻓﺮﺻﻪ ﺛﺎﻧﻴﻪ . ﻣﺎ ﺍﻛﺪﺭ ﺍﻃﻠﻖ
ﻣﺨﻠﺪ -: ﻫﺪﺩﺝ
- ﻻﺍﺍﺍﺍ ﻣﺎ ﻫﺪﺩﻧﻲ ﺑﺲ ﺧﺎﺑﺮﻧﻲ ﻳﻌﺘﺬﺭ
ﻣﺨﻠﺪ -: ﻫﻠﻜﻼﻡ ﻋﻠﻰ ﻣﻨﻮ ﺗﻤﺸﻲ ﺍﻟﺒﺎﺭﺣﻪ ﺑﻠﻴﻞ ﺗﺒﺠﻴﻦ ﻭﺗﺼﻴﺤﻴﻦ ﻳﺎﺭﺏ ﺍﻧﻘﺬﻧﻲ ﻭﻫﺴﻪ ﺍﺩﺍﻓﻌﻴﻠﻪ
- ﻣﺎ ﺟﻨﺖ ﺍﺑﺠﻲ ﻣﻦ ﻣﺎﻟﻚ .. ﺣﺎﻣﻞ ﻭﻃﻔﻠﻲ ﻣﻬﺪﺩ ﺑﺎﻻﺳﻘﺎﻁ ﻭﺭﺣﻤﻲ ﻣﺘﺄﺫﻱ .. ﻭﺍﻟﺪﻛﺘﻮﺭﻩ ﻣﻨﻌﺘﻨﻲ ﻣﻦ ﺍﻟﺤﺮﻛﻪ ﻭﻟﻤﺎ ﻭﻛﻌﺖ ﺍﻟﺒﺎﺭﺣﻪ ﺗﺄﺫﻳﺖ ﻭﺧﻔﺖ ﻳﺼﻴﺮ ﺑﺎﻟﻄﻔﻞ ﺷﻲ ..... ﺑﺲ
- ﺍﺑﻘﻲ ﺟﺬﺑﻲ ﻭﻃﻤﻄﻤﻴﻠﻪ .. ﺩﺍ ﺍﺭﻳﺪ ﺍﺷﻮﻑ ﻭﻳﻦ ﻳﻮﺻﻠﺞ .. ﺍﺫﺍ ﻣﻬﺪﺩﺝ ﺍﺣﺠﻲ ﺣﺘﻰ ﻧﻌﺮﻑ ﻧﺘﺼﺮﻑ ﻭﻳﺎﻩ .. ﻧﻄﻠﻌﺞ ﺑﺮﻩ .. ﻭﺍﻧﻌﻞ ﺍﻟﺨﻠﻔﻮﻩ
- ﻣﺎ ﻫﺪﺩﻧﻲ ﻛﺘﻠﻜﻢ ﻣﺎ ﻫﺪﺩﻧﻲ .. ﻭﺗﺼﺎﻓﻴﻨﻪ ﺍﻟﺒﺎﺭﺣﻪ ﻭﺭﺍﺡ ﺍﺭﺟﻊ
ﺍﻻﺏ -: ﻣﺎﻛﻮ ﺭﺟﻌﻪ ﺗﻄﻠﻜﻴﻦ ﻭﻧﻔﺘﻚ ﻣﻨﻪ
⭐⭐
ﻣﺎﻛﺪﺭ ﺑﺎﺑﺎ .. ﻣﺎ ﺍﺭﻳﺪ ﺍﻃﻠﻚ ﺍﺭﻳﺪ ﺍﺭﺟﻊ ﺍﻟﺒﻴﺘﻲ ..
- ﺷﻮﻓﻲ ﻟﺠﻴﻦ . ﺍﺳﺘﺨﻄﻴﺘﺞ ﻭﻓﺘﺤﺘﻠﺞ ﺑﻴﺘﻲ ﻫﻠﻤﺮﻩ ﻭﻭﻛﻔﺖ ﻭﻳﺎﺝ ﺿﺪﻩ .. ﺑﺲ ﻗﺴﻤﺎ ﻋﻈﻤﺎ ﻟﻮ ﺧﻄﻴﺘﻲ ﻋﺘﺒﺔ ﺍﻟﺒﺎﺏ ﺍﻗﺴﻢ ﺑﺎﻟﻠﻪ ﺍﺗﺒﺮﻩ ﻣﻨﺞ ﻣﻨﺎ ﻟﻴﻮﻡ ﺍﻟﺪﻳﻦ .. ﻭﻭﺍﻟﻠﻪ ﺑﻌﺪ ﺍﻟﺴﺎﻧﻲ ﻣﻴﻄﺦ ﺍﻟﺴﺎﻧﺞ
- ﺑﺲ ﺑﺎﺑﺎ ﻣﺎ ﺍﻛﺪﺭ ﺍﻋﻮﻓﻪ .. ﻃﻔﻠﻪ ﺍﺑﻄﻨﻲ .. ﻭﺍﻧﻲ ﺍﺭﻳﺪ ﺍﺭﺟﻊ ﺍﻟﺒﻴﺘﻲ .. ﺍﺣﺠﻲ ﻭﺍﻟﺪﻣﻮﻉ ﺗﺠﺮﻱ .. ﻻ ﺍﻛﺪﺭ ﺍﻧﻄﻖ ﻭﺍﻛﻮﻝ ﻣﻬﺪﺩﻧﻲ ﺭﺍﺡ ﻳﺘﻼﻭﻭﻥ ﻭﻳﺎﻩ .. ﻭﻻ ﺍﻛﺪﺭ ﺍﺣﺠﻲ ﺍﻛﺜﺮ ﻭﺍﺑﻮﻳﻪ ﺭﺍﻓﺾ ﺍﺭﺟﻌﻠﻪ ..
ﺑﻘﻰ ﺍﺑﻮﻳﻪ ﻳﺼﻴﺢ .. ﻭﻳﻌﻴﻂ ﻭﻣﺎ ﻳﻘﺒﻞ ﺍﺭﺟﻊ .. ﺻﺪﻙ ﻛﺮﻫﺖ ﺭﻭﺣﻲ ﺑﻴﻮﻣﻬﺎ .. ﺗﻤﻨﻴﺖ ﺍﻣﻮﺕ ﻭﻻ ﺍﻧﺤﻂ ﺑﻬﺬﺍ ﺍﻟﻤﻮﻗﻒ ..
ﻟﻮ ﺭﺣﺖ ﻟﻤﺎﻟﻚ .. ﺍﺑﻮﻳﻪ ﺭﺍﺡ ﻳﺘﺒﺮﻯ ﻣﻨﻲ ﻭﻟﻮ ﺑﻘﻴﺖ ﻋﻨﺪﻩ ﺣﻴﺎﺓ ﺍﺑﻮﻳﻪ ﺑﺨﻄﺮ ﺍﻟﻤﻦ ﺍﺣﺠﻲ ﻭﺍﻟﻤﻦ ﺍﺷﻜﻲ .. ﻧﺎﺭ ﺟﺤﻴﻢ ﺣﻄﻴﺖ ﺭﻭﺣﻲ ﺑﻴﻬﺎ ﻭﻣﺠﺒﻮﺭﻩ ﺍﺣﺘﺮﻙ ﺑﻴﻬﺎ ﻭﺣﺪﻱ .
ﻣﻦ ﺍﻻﻧﺎﻧﻴﻪ ﻟﻮ ﺷﻜﻴﺖ ﻷﺣﺪ ﻭﺩﺧﻠﺖ ﻏﻴﺮﻱ ﺑﻬﺎﻟﻨﺎﺭ .. ﺩﺧﻠﻮ ﺧﺎﻻﺗﻲ ﻭﺍﻣﻲ ﻉ ﺻﻴﺎﺡ ﺍﺑﻮﻳﻪ ﻋﻠﻴﻪ ..
ﺳﻠﻤﻦ ﻋﻠﻴﻪ ﺧﺎﻻﺗﻲ ﻭﺍﻧﻲ ﺍﺑﺠﻲ .. ﻛﺎﻟﻦ ﺷﻨﻮ ﺍﻟﻤﻮﺿﻮﻉ .. ﻛﺘﻠﻬﺎ ﺧﺎﻟﻪ ﺍﺭﻳﺪ ﺍﺭﺟﻊ ﻟﺒﻴﺘﻲ ﻭﺍﺑﻮﻳﻪ ﺭﺍﻓﺾ ..
ﺧﺎﻟﺘﻲ ﻭﻛﻔﺖ ﻭﻱ ﺍﺑﻮﻳﻪ ﺷﻨﻮ ﺗﺮﺟﻌﻴﻠﻪ ﻭﺿﺎﺭﺑﺞ .. ﺍﺑﻘﻲ ﻭﺍﻃﻠﻘﻲ ﻭﺧﻴﻮﻟﻲ ..
ﺷﺤﺠﻲ ﻣﻴﻌﺮﻓﻮﻥ ﻣﺪﻯ ﺧﻄﻮﺭﺗﻪ ﻭﺧﺒﺎﻟﻪ ..
ﻋﻔﺘﻬﻢ ﻭﻃﻠﻌﺖ ﻣﻦ ﺍﻟﺼﺎﻟﻪ ﺍﺑﺠﻲ .. ﺍﺧﺬﺕ ﺟﻬﺎﺯﻱ .. ﻣﺎﻟﻚ ﺩﺍﺯ ﺭﺳﺎﻟﻪ .. ﺑﻌﺪ ﺳﺎﻋﻪ ﺍﺫﺍ ﻣﺎ ﺷﻔﺘﺞ ﺑﺎﻟﺒﻴﺖ .. ﺳﺎﻋﺘﻴﻦ ﻭﺟﻨﺎﺯﺓ ﺍﺑﻮﺝ ﻛﺪﺍﻣﺞ .
ﻛﻌﺪﺕ ﺍﺑﺠﻲ ﺑﺎﻟﻜﺎﻉ ﻭﺭﺍﺳﻲ ﺑﻴﻦ ﺭﺟﻠﻴﻪ ﻭﺍﻧﺘﺠﻴﺖ ﻉ ﺍﻟﺤﺎﻳﻂ .. ﻳﺮﺑﻴﻯﺸﺴﻮﻱ ﻭﻳﻦ ﺍﻧﻄﻲ ﻭﺟﻬﻲ ﻭﺍﻟﻤﻦ ﺍﺷﻜﻲ ..
ﺑﻌﺪ ﺍﻟﺒﺠﻲ ﺻﻔﻴﺖ ﺭﺍﻳﻲ ﺍﺭﻭﺡ ﻭﺧﻠﻴﺘﺒﺮﻭﻥ ﻣﻨﻲ ﻭﻻ ﻳﺘﺄﺫﻭﻥ .. ﻣﺪﺍﻡ ﺍﻧﻲ ﺍﻻﺧﺘﺎﺭﻳﺖ ﻫﻠﻄﺮﻳﻖ ﻣﺠﺒﻮﺭﻩ ﺍﺗﺤﻤﻠﻪ ﻭﺣﺪﻱ ..
.. ﺍﺧﺬﺕ ﻏﺮﺍﺿﻲ .. ﻭﺩﺧﻠﺖ ﻟﻠﻤﻄﺒﺦ ﻛﻠﺖ ﺍﻟﻤﺎﻣﺎ ﺗﻌﺬﺭﻳﻠﻲ ﻣﻦ ﺑﺎﺑﺎ ﻻﺯﻡ ﺍﺭﺟﻊ
- ﻳﺎ ﺩﺍﺩﻩ ﻫﺴﻪ ﻭﻗﺘﺞ . ﻣﺘﺸﻮﻓﻴﻦ ﺍﻟﺪﻧﻴﺎ ﻣﻜﻠﻮﺑﻪ ﻋﻮﻓﻲ ﺭﺟﻌﺘﺞ ﻫﺴﻪ .
- ﻣﺎ ﺍﻛﺪﺭ ﻣﺎﻣﺎ ﻻﺯﻡ ﺍﺭﺟﻊ ﻫﻨﺎ ﺩﻭﺧﻪ . ﻭﻣﺎﻟﻚ ﻣﺤﺘﺎﺟﻨﻲ ﻻﺯﻡ ﺍﺭﺟﻊ
- ﻭﻟﺞ ﻣﺎﻣﺎ ﻻ ﺗﻀﺤﻴﻦ ﺑﺎﺑﻮﺝ ﻋﻠﻤﻮﺩ ﻣﺎﻟﻚ .. ﻋﻮﻓﻲ ﺧﻴﻮﻟﻲ ﺍﻃﻠﻜﻲ ﻣﻨﻪ
- ﻣﺎﻣﺎ ﺍﺭﺟﻮﺝ ﺍﺗﺮﻛﻴﻨﻲ ﺍﺭﻭﺡ .. ﺑﻮﺳﺘﻬﺎ ﻭﺍﻧﻲ ﺍﺑﺠﻲ ﻭﻃﻠﻌﺖ ﺍﺧﺬﺕ ﺳﻴﺎﺭﺗﻲ .. ﻃﻠﻊ ﺍﺑﻮﻳﻪ .. ﻫﺰ ﺭﺍﺳﻪ ﻭﺩﺧﻞ ﻣﺎ ﺣﺠﻪ ..
ﻫﺰﻩ ﺣﺴﻴﺖ ﺧﺴﺮﺗﻪ ﺑﻴﻬﺎ ﻟﻼﺑﺪ .. ﺧﺴﺮﺗﻪ ﻣﻮ ﺑﺲ ﻫﻮﻩ .. ﺧﺴﺮﺕ ﻛﻮﻟﺸﻲ ﻭﻳﺎﻩ .. ﻣﺠﺒﻮﺭﻩ ﺍﺧﺴﺮ ﻛﻮﻟﺸﻲ ﻫﺬﻩ ﺛﻤﻦ ﺧﻄﻮﺍﺗﻲ ﻧﺤﻮ ﺍﻟﺠﺤﻴﻢ
ﻣﺠﺒﻮﺭﻩ ﺍﻗﺒﻞ ﺑﺎﻟﻨﺎﺭ ﺍﻟﻮﺟﺮﺗﻬﺎ ﻓﻮﻙ ﺭﺍﺳﻲ ﺑﺄﻳﺪﻱ
ﺍﺧﺬﺕ ﺳﻴﺎﺭﺗﻲ ﻭﻃﻠﻌﺖ ﻟﻠﺸﻘﻪ .. ﻭﺻﻠﺖ ﺻﻔﻴﺖ ﺍﻟﺴﻴﺎﺭﻩ . ﻭﺻﻌﺪﺕ .. ﺩﻛﻴﺖ ﺍﻟﺒﺎﺏ .. ﻃﻠﻌﻠﻲ ﻣﺎﻟﻚ ..
ﻟﺰﻣﻨﻲ ﻣﻦ ﺍﻳﺪﻱ .. ﻭﺩﺧﻠﻨﻲ .. ﻟﻠﺒﻴﺖ ..
ﻣﺎﻟﻚ -: ﺗﺮﺩﻳﻦ ﺗﻄﻠﻘﻴﻦ ﻣﻨﻲ ﻣﻮﻭﻭ ..
- ﻫﻴﺎﻧﻲ ﺭﺟﻌﺘﻠﻚ .. ﺍﺑﺘﻌﺪ . ﻣﻨﻲ .. ﺩﺍ ﺍﺭﻳﺪ ﺍﻣﺸﻲ ﺟﺮﻧﻲ ﻣﻦ ﺍﻳﺪﻱ ﻟﺤﻈﻨﻪ .. ﺣﻈﻨﻲ ﺣﻴﻴﻴﻞ ﻭﻳﻬﻤﺲ
ﻟﺞ ﻟﻮﻻﻳﺘﻲ ﻳﻨﻄﻴﺞ ﻛﻠﺒﺞ ﺍﺗﻌﻮﻓﻴﻨﻲ ﻣﺸﺘﺎﻗﻠﺞ ﻻ ﺗﺒﺘﻌﺪﻳﻦ ﻣﻨﻲ ﺍﻣﻮﻭﻭﺕ ﺍﺗﺨﺒﻞ ﺑﺪﻭﻧﺞ ﻻ ﺗﻌﻮﻓﻴﻨﻲ
⭐⭐
ﻳﺤﻈﻨﻲ ﻭﺍﻧﻲ ﺍﺩﻳﻪ ﻣﻨﺰﻟﺘﻬﺎ .. ﻭﻛﺄﻧﻲ ﻟﻌﺎﺑﻪ ﺑﺪﻭﻥ ﺍﺣﺴﺎﺱ .. ﺍﺧﺬ ﻭﺟﻬﻲ ﺑﻴﻦ ﺍﺩﻳﻪ ﺍﻧﺘﻲ ﻣﻤﺸﺘﺎﻗﺘﻠﻲ .. ﻳﺒﻮﺳﻨﻲ ..
ﻣﺎﻟﻚ ﺍﺑﺘﻌﺪ ﺗﻌﺒﺎﻧﻪ .. ﻭﺧﺮﺭﺭ
ﺑﻴﻦ ﺍﺩﻳﻪ .. ﻭﺳﻤﻌﺖ ﺣﺮﻛﻪ ﻳﻤﻨﺎ .. ﺑﺎﻭﻋﺖ ﻧﺎﺩﻳﻪ .. ﺍﻧﺪﺍﺭﻳﺘﻠﻪ ﺑﺨﺰﺭﻩ ﻭﺩﻓﻌﺘﻪ ﻭﻣﺸﻴﺖ .. ﺍﺟﻪ ﻭﺭﺍﻱ .. ﺩﺧﻞ ﺍﻟﻐﺮﻓﻪ ﺟﺮﻧﻲ ﻣﻦ ﺍﻳﺪﻱ ..
- ﺍﺑﺘﻌﺪ ﻣﻨﻲ ﻣﺎ ﺍﺭﻳﺪﻙ ﻳﺎ ﺧﺴﻴﺲ .. ﻭﺧﺮ ..
- ﻣﻮﻭ ﻣﻦ ﺣﻘﺞ ﺗﻤﻨﻌﻴﻨﻲ ﺍﻧﺘﻲ ﻣﻠﻜﻲ ﺑﻜﻴﻴﻴﻴﻔﻲ ..
- ﻭﺍﺫﺍ ﺍﻧﺖ ﺗﺤﺒﻨﻲ ﺷﻜﻮ ﺗﺠﻴﺐ ﻭﺣﺪﻩ ﻣﺜﻞ ﻫﺎﻱ ﻟﻠﺒﻴﺖ .. ﻣﺎ ﻳﺠﺎﻭﺏ .. ﻫﺠﻢ ﻋﻠﻴﻪ ﻳﺮﻳﺪﻧﻲ .. ﻣﺎ ﻗﺒﻠﺖ ﺑﻴﻪ .. ﺍﺣﺎﻭﻝ ﺍﺑﻌﺪﻩ
ﻟﺰﻣﻨﻲ ﻣﻦ ﺷﻌﺮﻱ ﻭﻳﻜﻮﻟﻲ ﻣﺎ ﺧﺬﻳﺘﺞ ﺍﻻ ﻻﺗﺴﻠﻰ ﺑﻴﺞ .. ﻣﻦ ﺗﻤﻨﻌﻴﻨﻲ ﺍﺫﺑﺤﺞ ﻭﺍﺷﻤﺮﺝ ﻟﻠﻜﻼﺏ ﻓﺎﺍﺍﺍﻫﻤﻪ ... ﺑﻜﻞ ﻋﻨﻒ ﻭﻭﺣﺸﻴﻪ .. ﺍﺧﺬ ﻏﺎﻳﺘﻪ ﻭﺗﺮﻛﻨﻲ ..
ﺑﺲ ﺍﺑﺠﻲ ﺑﻔﺮﺍﺷﻲ ﻟﺤﺪ ﻣﺎ ﻧﻤﺖ ﻣﻦ ﺗﻌﺐ ﺍﻟﺒﺠﻲ .. ﻛﻌﺪﺕ ﺍﻟﻌﺼﺮ .. ﺳﻤﻌﺖ ﺻﻮﺗﻪ ﻫﻮ ﻭﺍﻳﻬﺎﺏ ﻭﻧﺎﺩﻳﻪ ﺑﺮﻩ . ﻛﺎﻋﺪﻳﻦ ﺑﺎﻟﺼﺎﻟﻪ .
ﺩﺧﻠﺖ ﺳﺒﺤﺖ ﻭﻃﻠﻌﺖ ... ﻛﻌﺪﺕ ﺑﻐﺮﻓﺘﻲ ﻣﺎ ﻃﻠﻌﺖ ﻳﻤﻬﻢ .. ﻟﺸﻮﻱ ﻣﺘﺖ ﺟﻮﻉ .. ﺍﺣﺲ ﺭﻭﺣﻲ ﻛﺎﻣﺖ ﺗﻜﻠﺐ ..
ﻃﻠﻌﺖ ﺭﻛﺾ ﺍﺳﺘﻔﺮﻏﺖ ﺑﺎﻟﺤﻤﺎﻡ .. ﺑﺎﻭﻋﺘﻠﻲ ﻧﺎﺩﻳﻪ .. ﺑﻘﺖ ﺻﺎﻓﻨﻪ ﻋﻠﻴﻪ ..
ﻧﺎﺩﻳﻪ -: ﺍﻧﺘﻲ ﺣﺎﻣﻞ
- ﻻ .. ﻭﻟﻲ ﻣﻦ ﻭﺟﻬﻲ .. ﺩﻓﻌﺘﻬﺎ ﻭﻣﺸﻴﺖ ﻟﻠﻐﺮﻓﻪ .. ﻣﻮﺑﺎﻳﻠﻲ ﻳﺪﻙ .. ﺷﻔﺘﻪ ﻣﺎﻣﺎ ﺟﺎﻭﺑﺘﻬﺎ ﻭﺣﺠﻴﺖ ﻭﻳﺎﻫﺎ ﺑﻘﺖ ﺗﻠﻮﻡ ﺑﻴﻪ ..
ﻭﺍﻧﻲ ﺭﻭﺣﻲ ﺗﻠﻌﺐ ﺍﺭﻳﺪ ﺍﺭﻭﺡ ﻟﻠﻤﻄﺒﺦ .. ﻧﻬﻴﺖ ﺍﻻﺗﺼﺎﻝ ﻣﻨﻬﺎ . ﻃﻠﻌﺖ ﻟﻠﻤﻄﺒﺦ .. ﻃﻠﻌﺖ ﺗﻮﻧﺎ ﺳﻮﻳﺘﻬﺎ ﺳﻠﻄﻪ ..
ﺣﺴﻴﺖ ﺑﺨﻄﻮﺍﺕ ﺩﺧﻠﺖ ﺍﻟﻤﻄﺒﺦ . ﺍﻟﺘﻔﺘﺖ ﺍﻳﻬﺎﺏ ..
- ﺗﺮﺩﻳﻦ ﺍﻟﻠﻲ ﻳﺨﻠﺼﺞ ﻣﻦ ﻣﺎﻟﻚ .. ﻳﺤﺠﻲ ﺑﺼﻮﺕ ﻣﻤﺴﻤﻮﻉ ﻭﻳﻔﺘﺢ ﺍﻟﺜﻼﺟﻪ ..
- ﺍﻧﺖ ﺷﻠﻮﻥ ﺗﺘﺠﺮﺀ ﺗﻔﻮﺕ ﻫﻨﺎ ..
- ﺍﻧﺘﻲ ﺍﺷﺮﻱ ﻭﺍﻧﻲ ﺍﺧﻠﺼﺞ ﻣﻨﻪ ﻭﺍﺳﻔﺮﺝ ﺣﺴﺎﻓﻪ ﻫﻠﺠﻤﺎﻝ ﻳﺤﻄﻤﻪ ﻭﺍﺣﺪ ﻣﺜﻞ ﻣﺎﻟﻚ ..
ﺩﺭﺕ ﻧﻔﺴﻲ .. ﻟﻠﺴﻠﻄﻪ ﺳﻮﻳﺖ ﻧﻔﺴﻲ ﻣﺎ ﺍﺭﺩ ﻋﻠﻴﻪ .. ﻋﻠﻴﻪ ﺟﺮﻳﺖ ﺍﻟﻤﻮﺑﺎﻳﻞ ﺑﺴﺮﻋﻪ .. ﺩﺳﺖ ﺗﺴﺠﻴﻞ .. ﻭﺑﺎﻭﻋﺘﻠﻪ .. ﺍﻃﻠﻊ ﻣﻨﺎ ﺑﺴﺮﻋﻪ ..
- ﺿﺤﻚ ﺑﻤﻜﺮ .. ﻭﺍﺟﻪ ﺗﻘﺮﺏ ﻳﻜﻮﻝ ﻟﻴﺶ ﻫﻴﺞ ﻟﺠﻴﻦ .. ﻻﻥ ﺍﺭﻳﺪ ﻣﺼﻠﺤﺘﺞ ﻋﻴﺐ ﺍﻟﻠﻲ ﺩﺗﺴﻮﻱ ﻣﺎﻟﻚ ﻳﺤﺒﺞ ... ﺣﺘﻰ ﻟﻮ ﺍﺫﺍﺝ ﺷﻮﻱ ﻣﻴﺼﻴﺮ ﺗﺨﻮﻧﻲ ..
ﻓﺘﺤﺖ ﻋﻴﻮﻧﻲ .. ﻣﺴﻚ ﺍﻟﻤﻮﺑﺎﻳﻞ ﺑﺴﺮﻋﻪ .. ﺍﻧﺖ ﺷﺪﺗﺤﺠﻲ ..
- ﺩﺍ ﺍﺣﺠﻲ ﻣﺼﻠﺤﺘﻜﻢ ﻣﻴﺼﻴﺮ ﺗﺨﻮﻧﻲ ﺍﻧﻲ ﺻﺪﻳﻘﻪ ﺍﺣﺘﺮﻣﻲ ﻧﻔﺴﺞ .. ﻳﺤﺠﻲ ﻭﻟﻮﻯ ﺍﻳﺪﻱ ﻭﺍﺧﺬ ﻣﻨﻬﺎ ﺍﻟﻤﻮﺑﺎﻳﻞ ..
ﺣﻔﻆ ﺍﻟﺘﺴﺠﻴﻞ .. ﻭﺩﺍﺱ ﺍﺭﺳﺎﻝ ﺑﻠﻮﺗﻮﺙ ﻟﺠﻬﺎﺯﻩ .. ﻭﻳﻜﻮﻟﻲ ﺩﺭﻭﺑﻨﺎ ﻫﺎﻱ ﻣﺘﻤﺸﻴﻬﻢ ﻋﻠﻴﻨﺎ .. ﺩﺍ ﺍﺭﻳﺪ ﺍﺣﺠﻲ ﻃﺐ ﻣﺎﻟﻚ ..
ﻣﺎﻟﻚ : ﻫﺎﻱ ﺷﻜﻮ
ﺍﻳﻬﺎﺏ - ﺧﻄﻴﻪ ﺩﺗﺸﻜﻴﻠﻲ ﻟﻴﺶ ﻫﻴﺞ ﻣﻠﻚ ﻣﻮ ﻫﺎﻱ ﺑﻨﻴﻪ .. ﻭﺍﺫﺍ ﻗﺴﻴﺖ ﻭﻳﺎﻫﺎ ﺗﺼﻴﺮ ﺍﺩﻭﺭ ﺣﻨﺎﻥ ﺑﻐﻴﺮ ﻣﻜﺎﻥ ﻭﺗﺨﻮﻧﻚ ..
ﻟﺠﻴﻦ : ﺍﻧﺖ ﻓﺪ ﻭﺍﺣﺪ ﺣﻤﺎﺍﺍﺍﺍﺭ ﻭﻛﻠﺐ .. ﺍﻃﻠﻠﻠﻠﻠﻠﻠﻠﻠﻊ
ﺍﻳﻬﺎﺏ -: ﻟﺠﻴﻦ ﺍﺣﺠﻲ ﻟﻤﺼﻠﺤﺘﺞ ﺍﻧﻲ ﻣﺎ ﺟﺎﻱ ﺍﻓﻀﺤﺞ ﺍﻋﺘﺒﺮﻳﻨﻲ ﺍﺧﻮﺝ ..
ﻣﺎﻟﻚ -: ﻟﺠﻴﻴﻴﻴﻦ .. ﺷﺪﻳﺼﻴﺮ
:- ﻃﻠﻌﻪ ﺑﺮﻩ ﺑﺴﺮﺭﺭﺭﺭﺭﻋﻪ ..
ﺍﻳﻬﺎﺏ -: ﺍﻟﻌﻔﻮ ﻣﻮ ﻗﺼﺪﻱ ﻣﺸﻜﻠﻪ ﺣﺒﻴﺒﻲ ﻣﺎﻟﻚ ﺍﺣﺴﺒﻬﺎ ﻋﻠﻴﻪ .. ﺍﻧﻲ ﺭﺩﺕ ﺍﺻﻠﺢ ﺑﻴﻨﻜﻢ ﻭﺍﻧﺼﺤﻬﺎ ..
- ﺣﺠﻪ ﻭﻣﺸﻰ .. ﺑﺎﻭﻋﻠﻲ ﻣﺎﻟﻚ ..
- ﺍﻧﺘﻲ ﺗﺸﻜﻴﻠﻪ ﻋﻨﻲ
- ﺍﻧﺖ ﺷﻨﻮ ﻣﺘﺨﺠﻞ ﺭﺟﺎﻝ ﻳﻔﺮﻓﺮ ﺍﺑﻴﺖ .. ﻣﺎﻛﻮ ﻏﻴﺮﻩ . ﺑﺲ ﻓﺎﻟﺢ ﺗﺸﻚ ﺑﻴﻪ ﻭﻳﺎﺍﺍﺍﻩ .. ﻋﻨﺪﻙ ﻏﻴﺮﻩ ﺻﺪﻙ ﺍﻣﻨﻌﻪ ﻣﻦ ﺍﻟﺒﻴﺖ ﻣﻮ ﺗﺠﻲ ﻋﻠﻴﻪ ﻳﺎ ﻣﻨﺤﻄﻴﻴﻴﻴﻴﻦ
ﺍﻟﻠﻪ ﻳﺎﺧﺬﻛﻢ ﻭﻳﺨﻠﺼﻨﻲ ﻣﻨﻜﻢ .. ﺩﻓﻌﺘﻪ ﻭﻣﺸﻴﺖ . ﻟﺰﻣﻨﻲ ﻣﻦ ﺭﮔﺒﺘﻲ ﻣﻦ ﻭﺭﻩ . ﻭﺟﺮﻧﻲ ﺍﻟﻪ .. ﺍﺣﺲ ﺷﻞ ﺣﺮﻛﺘﻲ ﻭﻳﻔﺸﺮ ﻋﻠﻴﻪ ..
ﺍﺧﺬﻧﻲ ﻟﻠﻐﺮﻓﻪ ﻭﻧﺎﺩﻳﻪ ﺗﺒﺎﻭﻉ ﻭﺗﻀﺤﻚ .. ﻭﺍﻃﻚ ﺑﻌﻠﺠﻬﺎ .
ﺷﻤﺮﻧﻲ ﺑﺎﻟﻐﺮﻓﻪ .. ﺩﺭﺗﻠﻪ .. ﺑﻌﺼﺒﻴﻪ ﺍﻧﺖ ﺷﺤﺎﺳﺐ ﻧﻔﺴﻚ .. ﻭﺑﺄﻱ ﺣﻖ ﺗﺸﻚ ﺑﻴﻪ .. ﺍﻧﻲ ﻣﺎ ﺷﻜﻴﺘﻚ ﻻﻫﻠﻲ ﺍﺭﻭﺡ ﺍﺷﻜﻴﻚ ﻟﻮﺍﺣﺪ ﺳﺎﻗﻂ ﻣﺜﻞ ﺍﻳﻬﺎﺍﺍﺍﺍﺍﺏ ..
ﺍﻧﻲ ﺍﻟﻠﻲ ﺭﻓﻀﺖ ﺍﺑﺎﻭﻉ ﻟﻐﻴﺮﻙ ﻭﺗﺮﻛﺖ ﻛﻞ ﺍﻫﻠﻲ ﻭﻧﺎﺳﻲ ﻭﺍﺟﻴﺘﻚ ﻭﺧﺴﺮﺕ ﻛﻠﺸﻲ ﻣﻦ ﻭﺭﺍﻙ ﻫﺴﻪ ﺍﺟﻲ ﺍﺧﻮﻧﻚ ﻭﻳﺎﺍﺍﺍﺍﺍﻩ .
ﺣﺮﺍﺍﺍﺍﺍﺍﻡ ﻭﺍﻟﻠﻪ ﺣﺮﺍﻡ ﻋﻠﻴﻚ ﺍﻟﻠﻲ ﺗﺴﻮﻱ ﺑﻴﻪ ﺍﺭﺣﻤﻨﻴﻴﻴﻴﻴﻴﻴﻲ ﺗﻌﺒﺖ ﻃﻠﮕﻨﻲ ﺍﺭﺣﻤﻨﻴﻴﻴﻴﻴﻴﻴﻴﻲ .
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء