رواية خطوات نحو الجحيم ج2 الجزء الثاني عشر
للكاتبة زينب ماجد
⭐⭐
ﻛﻨﺖ ﻫﺴﺘﻮﻧﻲ ﻧﺎﻳﻤﻪ ﺑﻌﺪ ﻣﺎ ﻭﻛﻠﺖ ﺑﻴﻼ ﻭﻧﻮﻣﺘﻬﺎ .. ﻏﺎﻓﻴﻪ .. ﻭﻣﺎﻟﻚ ﻳﻤﻲ ﻧﺎﻳﻢ .. ﺣﺴﻴﺖ ﺍﻟﺒﺎﺏ ﺗﻨﺪﻓﻊ ﺗﺮﻳﺪ ﺗﻔﺘﺢ ..
ﺍﻟﻰ ﺍﻥ ﻧﻔﺘﺤﺖ .. ﺍﺑﺘﺴﻤﺖ .. ﺍﺳﻤﻊ ﺍﻃﺮﺍﻓﻬﺎ ﺗﻤﺸﻲ ﻋﻠﻰ ﺍﻟﻜﺎﻉ .. ﺻﻌﺪﺕ ﻋﻠﻰ ﺍﻟﺴﺮﻳﺮ .. ﺗﺤﺮﻛﺖ ..
ﺗﻮﻗﻌﺖ ﺭﺍﺡ ﺗﺠﻲ ﺗﻨﺎﻡ ﺑﺤﻈﻨﻲ .. ﺑﺲ ﺗﺮﻛﺘﻨﻲ ﻭﺭﺍﺣﺖ ﻓﺘﺤﺖ ﺍﺩﻳﻨﺎﺕ ﺍﺑﻮﻫﺎ ﻭﻧﺎﻣﺖ ﻭﻫﻲ ﺣﺎﻇﻨﺘﻪ . ﺍﺑﺘﺴﻤﺖ ..
ﻏﻤﻀﺖ ﻋﻴﻮﻧﻲ ﻭﺭﺟﻌﺖ ﻟﻨﻮﻣﺘﻲ .. ﺣﺴﻴﺖ ﻋﻠﻴﻬﺎ ﻭﻫﻲ ﺗﺤﻮﺱ ﺑﻴﺪﻳﻦ ﺍﺑﻮﻫﺎ ﻟﺤﺪ ﻣﺎ ﻛﻌﺪﺗﻪ ﻏﺼﺐ ..
ﻛﻌﺪ ﺍﻟﻬﺎ .. ﻭﻛﺎﻡ ﺑﺪﻝ ﺩﻳﺮﻳﺪ ﻳﺎﺧﺬﻫﺎ .. ﺍﺟﺖ ﺗﻜﻌﺪﻧﻲ .. ﻛﺎﻟﻠﻬﺎ ﻻ ﺑﺎﺑﺎ ﻋﻮﻓﻲ ﻣﺎﻣﺎ ﺧﻄﻴﻪ ﺗﻌﺒﺎﻧﻪ ﺗﻌﺎﻟﻲ ﻧﻄﻠﻊ ﺑﺼﺎﻟﻪ ﺍﻧﻲ ﻭﻳﺎﺝ ﻧﻠﻌﺐ ..
ﻫﺎﻱ ﺟﺎﻧﺖ ﻧﻮﻣﺘﻪ ﻣﻦ ﺍﻟﺨﻤﺴﻪ ﺍﻟﻔﺠﺮ .. ﻭﺣﺎﻟﻴﺎ ﺍﻟﺴﺎﻋﻪ 3 ﺍﻟﻀﻬﺮ ﺭﺣﺖ ﻟﻠﻘﻨﺎﺓ ﻭﺭﺟﻌﺖ ﻭﻫﻮ ﻧﺎﻳﻢ .. ﻓﻤﺎ ﻛﻌﺪﻧﻲ ..
ﻧﻤﺖ ﺳﺎﻋﻪ ﻭﺳﻤﻌﺖ ﺻﻴﺎﺡ ﺑﻴﻼ ﻫﻲ ﻭﺍﺑﻮﻫﺎ ﺑﺮﻩ .. ﻛﻤﺖ ﻟﺒﺴﺖ ﺍﻟﺮﻭﺏ ﺍﻟﻄﻮﻳﻞ ﺷﺪﻳﺘﻪ ﻭﻃﻠﻌﺖ .. ﺗﻤﺸﻴﺖ ﺷﻔﺘﻬﻢ ﺑﺎﻟﺼﺎﻟﻪ ﺩﻳﻠﻌﺒﻮﻥ ..
ﺍﻧﺘﺠﻴﺖ ﻋﻠﻰ ﺍﻟﺤﺎﻳﻂ ﻭﻛﺘﻔﺖ ﺍﺩﻳﻪ ﻭ ﺍﺑﺎﻭﻋﻠﻬﻢ ﻭﺍﺑﺘﺴﻢ .. ﻣﻜﻌﺪﻫﺎ ﻋﻠﻰ ﺭﺍﺳﻪ ﻭﻳﻔﺘﺮ ﺑﻴﻬﺎ .. ﻭﻫﻲ ﺍﺻﻴﺢ ﻭﺗﻀﺤﻚ ..
ﺍﻧﺘﺒﻬﻠﻲ .. ﺻﺎﺡ ﻫﻼ ﺑﺎﻟﺤﻠﻮﻩ ﺍﻟﺠﺒﻴﺮﻩ .. ﺷﺎﻝ ﺑﻴﻼ ﺑﺎﻟﻬﻮﺍ ﻭﺍﻧﺸﻤﺮﺕ ﺍﻟﺼﺪﺭﻩ .. ﺣﻤﻠﻬﺎ ﻭﺍﺟﻪ ﻳﺘﻤﺸﻪ ﻳﻤﻲ .. ﺑﺎﺱ ﺧﺪﻱ .. ﻭﻫﻮ ﻳﻬﻤﺲ ﻳﺎﺑﻪ ﺷﮕﺪ ﺍﺣﺒﺞ ..
- ﺟﺎﻭﺑﺘﻪ ﺏ ﺍﻣﻤﻤﻤﻢ ﻭﺍﻫﺰ ﺑﺮﺍﺳﻲ .. ﺷﻜﺪ ﻣﺎ ﻳﻮﺻﻔﻠﻲ ﺣﺒﻪ .. ﺑﺲ ﻏﺴﻠﺖ ﻗﻠﺒﻲ ﻣﻨﻪ ﺑﺴﺒﺐ ﺧﻴﺎﻧﺎﺗﻪ ﺍﻟﻤﺘﻜﺮﺭﻩ ..
ﻭﻛﻠﻤﺎ ﺍﻛﺘﺸﻔﻪ .. ﻳﻜﻮﻝ ﻧﺰﻭﻩ ﻭﺍﻧﺘﻲ ﺍﻻﺻﻞ .. ﺭﻏﻢ ﻛﻼﻡ ﺍﻟﻤﻐﺮﻱ ﺍﻟﻠﻲ ﻣﺎ ﻛﺎﻡ ﻳﻨﻔﻊ ﻭﻳﺎﻱ ﺻﺮﺕ ﺍﺣﺴﻪ ﺯﻭﺝ ﻓﺎﺷﻞ
ﺍﻻ ﺍﻥ ﻫﻮ ﺍﺏ ﺑﻐﺎﻳﺔ ﺍﻟﺤﻨﻴﻪ ﻣﻊ ﺑﻨﺘﻪ .. ﻛﺄﻥ ﺍﻣﻴﺮﻩ ﻋﻨﺪﻩ ﻳﻨﺠﻦ ﻟﻮ ﺑﺠﺖ .. ﻣﺮﺍﺕ ﺍﺳﺄﻟﻪ ﺍﻛﻮﻟﻪ ﺍﻧﺖ ﻣﻮ ﻣﺎ ﻛﻨﺖ ﺗﺮﻳﺪﻫﺎ ..
ﻳﺠﺎﻭﺑﻨﻲ .. ﺍﻧﻲ ﻣﺎ ﺍﻛﺮﻩ ﺍﻻﻃﻔﺎﻝ ﺍﻧﻲ ﺧﻔﺖ ﺗﺼﻴﺮ ﻻﻥ ﻣﺎ ﺍﺣﺐ ﺗﺘﺄﺫﻯ ﻣﻦ ﻭﺭﺍﻱ .. ﺑﺲ ﺑﻌﺪ ﻣﺎ ﺗﺮﻛﺖ ﺍﻟﺸﻐﻞ ﻫﺴﻪ ﻣﺎ ﺍﻟﻲ ﻏﻴﺮﺝ ﺍﻧﺘﻲ ﻭﺑﻴﻼ ..
ﻫﺬﺍ ﺍﻟﻠﻲ ﻛﺎﻥ ﻣﺼﺒﺮﻧﻲ ﻭﻣﺎ ﺍﺗﺮﻛﻪ .. ﻻﻧﻪ ﺑﻠﻲ ﺯﻭﺝ ﻓﺎﺷﻞ ﻟﻜﻨﻪ ﺍﺏ ﻧﺎﺟﺢ . ﻓﻤﺎ ﺣﺒﻴﺖ ﺍﻛﻮﻥ ﺍﻧﺎﻧﻴﻪ ﻭﺍﻓﺼﻞ ﺑﻨﺘﻲ ﻋﻦ ﺍﺑﻮﻫﺎ .. ﻓﻘﻂ ﻟﺤﺘﻰ ﺍﻧﻲ ﺍﺭﺗﺎﺡ ..
ﺑﻌﺪ ﻣﺎ ﻟﻌﺐ ﻣﻊ ﺑﻨﺘﻪ .. ﻟﺒﺲ ﻣﻼﺑﺴﻪ ﻭﻛﺎﻝ ﻧﻄﻠﻊ .. ﻫﺰﻳﺖ ﺭﺍﺳﻲ ﺍﻱ .. ﺍﺧﺬﻧﺎ ﻭﻃﻠﻌﻨﺎ ﺑﺮﺍ ﻋﻠﻰ ﺍﻟﺒﺤﺮ .. ﺑﻴﻼ ﺗﻠﻌﺐ ﺑﻮﺳﻂ ﺍﻟﺤﻤﺎﻣﺎﺕ ﻭﺍﻟﻄﻴﻮﺭ
ﻭﺍﻧﻲ ﻛﺎﻋﺪﻩ ﺍﻛﻞ ﺍﻳﺲ ﻛﺮﻳﻢ .. ﻭﻫﻮ ﺣﺎﻇﻨﻲ ﻭﻳﻮﺻﻔﻨﻲ ﺑﻜﻠﻤﺎﺕ ﺍﻟﺤﺐ ﻭﺍﻟﻐﺰﻝ ..
ﻫﺬﺍ ﻛﺎﻥ ﺍﻟﻴﻮﻡ ﺍﻟﻠﻲ ﺍﺟﻪ ﺑﻴﻪ ﺑﻠﻴﻞ ﻭﻛﺎﻟﻲ ﻓﻴﻪ ﻋﻠﻰ ﻃﻠﺒﻪ ﺏ 2 ﻣﻠﻴﻮﻥ ﺩﻭﻻﺭ ..
ﻧﺎﻳﻤﻪ ﺑﻐﺮﻓﻪ ﻣﻈﻠﻤﻪ .. ﻣﺰﻧﺠﻠﻪ ﺍﻳﺪﻱ ﺑﺎﻟﺘﺎﺝ ﺍﻟﺤﺪﻳﺪ ﻣﺎﻝ ﺍﻟﺴﺮﻳﺮ .. ﻭﻛﻮﻩ ﺍﻓﺘﺢ ﻋﻴﻮﻧﻲ ﻭﺍﺑﺠﻲ ﻭﺍﻛﻮﻝ ﻣﻌﻘﻮﻟﻪ ﻣﺎﻟﻚ ﺑﺎﻋﻨﻲ .
ﻛﻞ ﺫﺍﻙ ﺍﻟﺤﺐ ﻭﺍﻟﻐﺰﻝ ﻭﺍﻟﻌﺸﻖ ﻛﺬﺏ .. ؟ ! ﺍﻻﻧﺴﺎﻥ ﺍﻟﻠﻲ ﺍﺳﺘﻘﺘﻞ ﻭﻛﻠﺐ ﺍﻟﺪﻧﻴﺎ ﺣﺘﻰ ﻳﺤﺼﻠﻨﻲ ﻭﺗﺎﺏ ﻭﺭﺟﻊ ﻟﺪﻳﻨﻪ ﻭﺗﺮﻙ ﺷﻐﻠﻪ ﺑﺲ ﻋﻠﻰ ﻣﻮﺩ ﻣﺎ ﻳﺨﺴﺮﻧﻲ ﻫﻴﺞ ﻳﺴﻮﻱ ﺑﻴﻪ
⭐⭐
ﻫﻮﺍﻱ ﺯﻭﺟﺎﺕ ﻳﺨﻮﻧﻮﻫﻢ ﺍﺯﻭﺍﺟﻬﻢ .. ﺑﺲ ﻣﺎ ﺳﻤﻌﺖ ﻓﺪ ﻳﻮﻡ ﻭﺣﺪﻩ ﺑﺎﻋﻬﺎ ﺯﻭﺟﻬﺎ ﻣﻌﻘﻮﻟﻪ ﻣﺎﻟﻚ ﻳﺒﻴﻌﻨﻲ . ﺷﻠﻮﻥ ﺍﻧﻄﺎﻩ ﮔﻠﺒﻪ ..
ﺳﺎﻋﺎﺕ ﺍﺑﺠﻲ ﻣﻨﻪ ﻭﺍﺩﻋﻲ ﻋﻠﻴﻪ ﻭﺳﺎﻋﺎﺕ ﻣﺎ ﺍﺻﺪﻙ ﻭﺍﻛﻮﻝ ﻣﻤﻜﻦ ﻣﺎﻟﻚ ﻣﺤﺠﻮﺯ ﻣﺜﻠﻲ ﻭﻫﻢ ﺩﻳﻜﺬﺑﻮﻥ ﻋﻠﻴﻪ ..
ﺍﺭﺟﻊ ﻟﻠﻴﻮﻡ ﺍﻟﻠﻲ ﻣﻴﺸﻴﻞ ﻭﺿﺤﻠﻲ ﺍﻟﻮﺿﻊ ﺍﻟﻜﻨﺖ ﺑﻴﻪ .. ﻭﺑﻌﺪ ﻛﻼﻣﻪ ﺑﻘﻴﺖ ﺍﺻﺮﺥ ﺍﺗﺮﻛﻮﻧﻲ ﺣﺮﺍﻡ ﻋﻠﻴﻜﻢ ﺍﻧﻲ ﻣﻌﻠﻴﻪ ..
ﺛﻮﺍﻧﻲ ﻭﻣﺎ ﺍﺣﺲ ﺍﻻ ﺍﺑﺮﻩ ﺑﺮﻛﺒﺘﻲ .. ﺷﻠﺘﻨﻲ ﻭﻭﻛﻌﺘﻨﻲ ﺑﺎﻟﻜﺎﻉ .. ﻓﺰﻳﺖ ... ﺍﻟﻐﺮﻓﻪ ﻧﻔﺴﻬﺎ ﺑﺲ ﻳﻜﺎﺩ ﻳﻮﺻﻠﻬﺎ ﺍﻟﻀﻮﻩ ﻣﻦ ﻭﺭﻩ ﺍﻟﺸﺒﺎﻙ ﺍﻟﺼﻐﻴﺮ ﺍﻟﻠﻲ ﻣﻐﻄﻰ ﺑﺎﻟﺒﺮﺩﺍﺕ ..
ﻛﻤﺖ ﻣﻦ ﻣﻜﺎﻧﻲ ﺍﺿﺮﺏ ﺍﻟﺒﺎﺏ ﻭﺍﺻﺮﺥ ﻳﺎ ﻣﺠﺮﻣﻴﻴﻴﻴﻴﻴﻴﻦ ﻃﻠﻌﻮﻧﻲ ﻣﻨﺎ ﻋﻨﺪﻱ ﺑﻨﻴﻪ ﺣﺮﺍﺍﺍﺍﺍﺍﺍﺍﻡ ﻋﻠﻴﻴﻴﻴﻜﻢ ..
ﻣﺎﺍﺍﺍﺍﺍﺍﺍﺍﺍﺍﺍﻟﻚ . ﺗﻌﺎﻝ ﺷﻮﻑ ﺷﺪﻳﻜﻮﻟﻮﻧﻚ ﻋﻨﻚ ﺍﻧﺖ ﺑﻌﺘﻨﻲ ﻣﺎﺍﺍﺍﺍﺍﺍﺍﺍﻟﻚ .. ﻃﻠﻌﻮﻧﻲ ﻣﻨﺎ ﻭﺍﻟﻠﻪ ﻣﺎ ﺍﻟﻲ ﺫﻧﺐ ﺍﻧﻲ ﻭﺍﻟﻠﻪ ..
ﺣﺴﻴﺖ ﺍﻛﻮ ﺣﺮﻛﻪ ﻭﺭﻩ ﺍﻟﺒﺎﺏ .. ﺍﺑﺘﻌﺪﺕ .. ﺩﺧﻞ ﺭﺟﺎﻝ ﺟﺒﻴﺮ ﻳﻘﺎﺭﺏ ﻋﻤﺮﻩ ﺍﻝ 50 ﺳﻨﻪ .. ﺻﺤﺖ ﻃﻠﻌﻮﻧﻲ ﻣﻨﺎﺍﺍﺍﺍﺍﺍ ..
- ﺍﻧﺴﻲ ﺍﻧﻚ ﺑﺘﻄﻠﻌﻲ ﻳﺤﻠﻮﻩ ﻭﺑﻄﻠﻲ ﺻﺮﻳﺦ .. ﻟﺤﺴﻦ ﻣﺎ ﺗﺠﺒﺮﻳﻨﻪ ﻧﺄﺫﻳﻜﻲ ..
- ﻳﺤﺠﻲ ﻭﻳﺘﻘﺮﺏ ﻣﻨﻲ ﻭﺍﻧﻲ ﺍﺗﺮﺍﺟﻊ .. ﺻﺮﺧﺖ ﻳﺎ ﻧﺎﺍﺍﺍﺍﺍﺍﺍﺍﺱ ﻳﺎ ﻋﺎﻟﻢ ﻟﺤﻜﻮﻭﻭﻭﻭﻭﻭﻭﻭﻧﻲ .. ﺑﺴﺎﻉ ﺗﻘﺮﺏ ﻭﺧﻠﻪ ﺍﻳﺪﻩ ﻋﻠﻰ ﺣﻠﻜﻲ .. ﻭﻟﻔﻨﻲ ﻟﻀﻬﺮﻱ
ﻭﻳﺤﺎﻭﻝ ﻳﻜﺘﻢ ﺻﺮﺧﺎﺗﻲ .. ﺍﺩﻓﻊ ﺑﻴﻪ ﻛﻮﻩ ﻣﺎ ﻳﻮﺧﺮ .. ﺗﻘﺮﺏ ﺭﺍﺩ ﻳﺒﻮﺱ ﻣﻦ ﺭﻛﺒﺘﻲ ﻛﻤﺖ ﺍﺷﻤﺮ ﺑﺠﺴﻤﻲ ﺣﻴﻞ ﻭﺍﺣﺎﻭﻝ ﺍﻓﻠﺖ ﻣﻨﺎ .. ﻭﺍﺭﻳﺪ ﺍﺻﺮﺥ ﻭﻣﺎﻧﻌﻨﻲ ..
ﻳﺤﺎﻭﻝ ﻳﻘﻴﺪ ﺍﺩﻳﻪ ﺑﺄﻳﺪﻱ ﺑﺲ ﻓﻘﺪ ﺍﻟﺴﻴﻄﺮﻩ ﺑﻴﻦ ﻣﺤﺎﻭﻻﺕ ﺑﺘﻘﻴﻴﺪ ﺍﻳﺪﻳﻪ ﻭﺣﻠﻜﻲ ﻣﻦ ﺍﻟﺼﻴﺎﺡ ..
ﺑﻤﺠﺮﺩ ﻣﺎ ﻓﻠﺘﺖ ﺍﻳﺪﻱ ﻣﻨﻪ ﺍﻧﺪﺍﺭﻳﺖ ﻋﻠﻴﻪ ﺿﺮﺑﺘﻪ ﺿﺮﺑﻪ ﺑﺮﻛﺒﺔ ﺭﺟﻠﻲ ﺑﻜﻞ ﻗﻮﺗﻲ ﺑﻤﻜﺎﻥ ﺍﻋﻀﺎﺀﻩ ﺍﻟﺘﻨﺎﺳﻠﻴﻪ .. ﻭﻭﻗﺒﻀﺖ ﻛﻔﻲ ﺣﻴﻞ ﻭﺑﻌﻀﻤﺔ ﺍﻳﺪﻱ ﺿﺮﺑﺘﻪ ﺑﻜﻞ ﻗﻮﺗﻲ ﻋﻠﻰ ﺧﺸﻤﻪ
ﺑﻘﻰ ﻻﺯﻡ ﻧﻔﺴﻪ ﻭﺧﺸﻤﻪ ﻭﻳﺼﺮﺥ .. ﺍﻧﻲ ﺗﺮﻛﺘﻪ ﺑﺴﺮﻋﻪ ﻭﺍﺭﻛﺾ .. ﻃﻠﻌﺖ ﻣﻦ ﺍﻟﻐﺮﻓﻪ .. ﻛﺎﻥ ﺍﻛﻮ ﻣﻤﺮ .. ﻧﻬﺎﻳﺔ ﺍﻟﻤﻤﺮ .. ﻏﺮﻓﺘﻴﻦ ﻣﻘﻔﻮﻻﺕ .. ﻭﺑﺎﺏ ﺧﺎﺭﺟﻲ ﺍﻳﻀﺎ ﻣﻘﻔﻮﻝ ..
ﺑﺎﻭﻉ ﻟﻠﺸﺮﻓﻪ ﻛﺎﻧﺖ ﻣﻘﻔﻠﻪ ﺑﺲ ﻗﻔﻞ ﺷﺒﺎﻙ ﻋﺎﺩﻱ ﻣﺎﻛﻮ ﻗﻔﻞ ﺣﺪﻳﺪﻱ ﻣﺠﺮﺩﻱ ﺳﺮﮔﻲ .. ﻓﺘﺤﺘﻬﺎ ﺑﺴﺮﻋﻪ ﻭﺗﺸﻠﺒﻜﺖ ﻋﻠﻰ ﺍﻟﻤﺤﺠﺮ ﻭﺍﻟﺨﻮﻑ ﻛﺎﺗﻠﻨﻲ ..
ﺍﻛﻮ ﻳﻢ ﺍﻟﻤﺤﺠﺮ .. ﺩﺭﺝ ﺟﺪﺍﺭﻱ ﻳﻨﺰﻝ ﺑﻴﻚ ﻟﻠﺸﺎﺭﻉ ..
ﻛﻤﺖ ﺍﻧﺰﻝ ﻋﻠﻴﻪ ﺑﺴﺮﻋﻪ .. ﺷﻔﺖ ﺭﺟﺎﻝ ﺍﺟﻪ ﻭﺭﺍﻳﻪ .. ﻣﻦ ﺣﺴﻴﺘﻪ ﻳﻨﺰﻝ ﻋﻠﻰ ﺍﻟﺪﺭﺝ ... ﻣﻦ ﺍﻟﺨﻮﻑ ﺷﻤﺮﺕ ﺭﻭﺣﻲ ﻟﻠﻜﺎﻉ ﺑﺴﺮﻋﻪ ..
ﺻﺢ ﻧﻠﻮﺕ ﺭﺟﻠﻲ ﺑﺲ ﺍﻟﻤﻮﻗﻒ ﺍﻟﺠﻨﺖ ﺑﻴﻪ ﻣﻮ ﻣﺎﻝ ﺍﺗﻮﻗﻒ ﻟﺤﺘﻰ ﺍﺗﻠﻮﻯ ﻣﻦ ﺍﻻﻟﻢ . ﺭﻛﻀﺖ ﻟﻠﺸﺎﺭﻉ ..
ﻛﺎﻥ ﻣﻐﺮﺏ ﻣﺎ ﺍﻋﺮﻑ ﻓﺠﺮ .. ﻣﻦ ﺍﻟﻬﻮﺳﻪ ﺍﻧﺸﺪﻩ ﺑﺎﻟﻲ .. ﺩﺳﺖ ﻋﻠﻰ ﺭﺟﻠﻲ ﻭﺍﺭﻛﺾ ..
ﻭﺍﻟﻮﻟﺪ ﻳﺮﻛﺾ ﻭﺭﺍﻳﻪ .. ﻣﺎ ﺍﻋﺮﻑ ﺷﻨﻮ ﺍﻟﻄﺮﻕ ﺍﻟﻤﺮﻳﺘﻪ ﺑﻴﻬﺎ ﺷﻠﻮﻥ ﺷﻨﻮ ﺑﻴﻮﺗﻬﺎ ﻣﻦ ﻛﺪ ﺳﺮﻋﺘﻲ ﻭﺧﻮﻓﻲ ﺍﺑﺪ ﻣﻨﺘﺒﻬﺖ ﻟﻔﺪ ﺗﻔﺼﻴﻞ ..
ﺍﺭﻛﺾ ﻭﺍﻟﺮﺟﺎﻝ ﻳﺮﻛﺾ .. ﺩﺍ ﺍﻟﻒ ﻟﻠﺸﺎﺭﻉ ﺍﻟﺮﺋﻴﺴﻲ .. ﺻﻔﺖ ﺳﻴﺎﺭﻩ ﻛﺒﺎﻟﻲ .. ﻭﺗﻔﺘﺤﺖ ﺑﻴﺒﺎﻧﻬﺎ .. 3 ﺭﺟﺎﻝ ﺑﻴﻬﺎ
⭐⭐
ﻣﻠﺖ ﺑﺴﺮﻋﻪ ﻭﺣﺎﻭﻟﺖ ﺍﺭﻛﺾ ﻋﻨﻬﻢ .. ﻟﻜﻦ ﻓﺸﻠﺖ ﺑﺎﻟﺴﺮﻋﻪ .. ﺑﺴﺒﺐ ﺍﻟﻢ ﺭﺟﻠﻲ ﻫﻢ ﻛﺎﻧﻮ ﺍﺳﺮﻉ ﻣﻨﻲ .. ﻟﺰﻣﻮﻧﻲ ...
ﻛﻤﺖ ﺍﺻﺮﺥ ﻻﺍﺍﺍﺍﺍﺍﺍﺍﺍ ﺍﺗﺮﻛﻮﻭﻭﻭﻭﻭﻭﻭﻭﻭﻭﻧﻲ ﻳﺎ ﻛﻼﺏ ﻳﺎ ﺣﻘﺮﺍﺍﺍﺍﺍﺍﺍﺍﺍﺍﺍﺍﺍﺍﺀ .. ﻳﺎﺍﺍﺍﺍﺍﺍ ﻧﺎﺱ ﻳﺎ ﻋﺎﺍﺍﺍﺍﺍﺍﻟﻢ ﺍﻃﻠﻌﻮﻭﻭﻭﻭﻭﻭ
ﺻﻤﻮ ﺣﻠﻜﻲ ﻭﺷﻤﺮﻭﻧﻲ ﺑﺎﻟﺴﻴﺎﺭﻩ ﻭﺧﺪﺭﻭﻧﻲ ﺑﻤﻨﺪﻳﻞ .. ﻧﻤﺖ ... ﺑﺲ ﻛﺎﻥ ﺍﻟﻤﺨﺪﺭ ﻣﻮ ﻗﻮﻱ ﺑﺤﻴﺚ ﺍﻭﻝ ﻣﺎ ﺷﻤﺮﻭﻧﻲ ﻟﻠﺴﺮﻳﺮ ﻛﻌﺪﺕ ..
ﻛﺎﻧﻮ 3 ﺭﻳﺎﺟﻴﻞ .. ﻭﺍﺣﺪ ﻻﺯﻡ ﺭﺟﻠﻴﻪ .. ﻭﺍﻟﺜﺎﻧﻲ ﻣﺜﺒﺖ ﺧﺼﺮﻱ ﺣﺘﻰ ﻣﺎ ﺍﺗﺤﺮﻙ ﻭﺍﻟﺜﺎﻟﺚ ﻳﺰﻧﺠﻞ ﺑﺄﺩﻳﻪ
ﻛﻤﺖ ﺍﺻﺮﺥ ﻭﺍﺣﺎﻭﻝ ﺍﺗﺤﺮﺭ ﻣﻨﻬﻢ ﺑﺲ ﻣﺎ ﻛﺪﺭﺕ ﻗﻴﺪﻭﻧﻲ ﺍﻧﻄﻮﻧﻲ ﺍﺑﺮﻩ ﺑﺎﻟﻮﺭﻳﺪ .. ﺧﻠﺘﻨﻲ ﺍﺷﻴﻞ ﺭﻭﺣﻲ ﻭﺍﺭﻛﻌﻬﺎ ..
ﻭﺍﺻﺮﺥ ﻻ ﺍﺭﺣﻤﻮﻧﻲ ﻓﺪﻭﻩ ﻻ ﺗﻌﺒﺖ ﻻﺍﺍﺍﺍﺍ .. ﻛﺎﻓﻲ ﺍﺗﺮﻛﻮﻧﻲ .. ﺍﻧﻄﻮﻧﻲ ﺍﻻﺑﺮﻩ ﻭﻃﻠﻌﻮ . ﻭﺑﻘﻴﺖ ﺑﻤﻜﺎﻧﻲ ﺍﺑﺠﻲ ﺣﻴﻞ ﻭﺍﻧﺪﺏ ﺣﻈﻲ
ﺍﺗﺬﻛﺮ ﺑﺎﺑﺎ ﻭﺩﻻﻟﻪ ﻭﺍﺻﻴﺢ ﺑﺎﺑﺎ ﺗﻌﺎﻝ ﺷﻮﻑ ﻣﺪﻟﻠﺘﻚ ﻟﺠﻴﻦ ﺷﺼﺎﺭ ﺑﻴﻬﺎ ﺑﺎﺑﺎ .. ﺑﺎﺑﺎ ﺍﻟﺤﻜﻮﻟﻲ ﺗﻌﺒﺖ ﻣﺎ ﺑﻴﻪ ﻗﻮﻩ ﺑﻌﺪ ﻭﺍﺗﺤﻤﻞ ﻭﺍﻟﻠﻪ ﺑﺎﺑﺎ .. ﻣﺎﻣﺎ ﻭﻳﻴﻴﻴﻴﻴﻴﻨﺞ ﺗﻌﺎﻟﻮﻟﻲ ..
ﺍﺻﻴﺢ ﻭﺍﺑﺠﻲ ﺣﻴﻞ .. ﻟﺤﺪ ﻣﺎ ﺗﻌﺒﺖ ﻭﻧﻤﺖ .. ﻣﺎ ﺻﺤﻴﺖ ﻏﻴﺮ ﻋﻠﻴﻬﻢ ﻭﻫﻢ ﻳﺤﻄﻮﻟﻲ ﻣﻐﺬﻱ ﺑﻮﺭﻳﺪﻱ .. ﻭﻳﻀﺮﺑﻮﻥ ﺍﺑﺮ ﺑﺎﻟﻤﻤﻐﺬﻱ ﻣﺎ ﺍﻋﺮﻑ ﺷﻨﻮ ﻫﻲ ..
ﺍﺭﺟﻊ ﺍﺻﺮﺥ ﻭﺍﺑﺠﻲ .. ﻭﻣﺤﺪ ﺑﺤﺎﻟﻲ .. ﺍﺳﺒﻮﻋﻴﻦ ﻋﻠﻰ ﻫﺎﻟﺤﺎﻟﻪ .. ﻃﺎﻗﺘﻲ ﺍﻧﺘﻬﺖ .. ﻣﺮﺍﺕ ﺍﻓﻘﺪ ﻋﻦ ﺍﻟﻌﺎﻟﻢ ﺍﺣﺲ ﺑﻐﻴﺮ ﻋﺎﻟﻢ ﺍﻭ ﺣﻠﻢ ﻟﻜﻦ ﺣﻠﻢ ﺑﻴﻦ ﺍﻟﺤﻘﻴﻘﻪ ﻭﺍﻟﻮﺍﻗﻊ ﻣﺎ ﺍﻋﺮﻑ ﺷﻜﺎﻥ ﻳﺼﻴﺮ ﻭﻳﺎﻳﻪ ..
ﻣﻦ ﺍﺻﺤﻰ ﺍﺑﻘﻰ ﺑﺲ ﺍﺗﺬﻛﺮ ﺑﻤﺎﻟﻚ ﻭﺑﺤﻴﺎﺗﻨﻪ ﻭﺍﻛﻮﻝ ﻣﻌﻘﻮﻝ ﻛﻞ ﻛﻼﻣﻪ ﻛﺬﺏ .. ﺣﺒﻪ ﻭﻛﻼﻣﻪ ﻭﺧﻮﻓﻪ ﻋﻠﻴﻪ ﻭﺣﻨﻴﺘﻪ .. ﻛﻞ ﺫﺍﻙ ﻛﺎﻥ ﻛﺬﺏ ..
ﺍﻛﻮ ﻫﻴﺞ ﺍﻧﺴﺎﻥ ﻋﻨﺪﻩ ﺍﻟﻘﺪﺭﻩ ﺑﺎﻟﻬﻜﻤﻴﻪ ﻳﻜﺪﺭ ﻳﻜﺬﺏ ﺑﻴﻬﺎ ؟ !!!
ﺑﻘﻴﺖ ﺑﺲ ﺍﻧﻲ ﻭﺍﻓﻜﺎﺭﻱ ﻻ ﺑﻴﻪ ﺍﺣﺮﻙ ﺭﺟﻞ ﻭﻻ ﺑﻴﻪ ﺍﺣﺮﻙ ﺍﻳﺪ .. ﺑﻌﺪﻫﺎ ﺍﻧﻄﻮﻧﻲ ﻣﻐﺬﻱ ﺑﺲ ﻣﺎ ﺧﻠﻮﻟﻲ ﺑﻴﻪ ﺍﺑﺮ ..
ﺍﻭﻝ ﺑﺪﺍﻳﻪ ﻓﺮﺣﺖ .. ﺑﺲ ﻣﺮﺕ ﺳﺎﻋﺎﺕ .. ﺻﺎﺭ ﺟﺴﻤﻲ ﻳﺮﺟﻒ .. ﺍﻃﺮﺍﻓﻲ ﺗﺒﺮﺩ .. ﻧﺎﺭ ﺑﺎﻻﻭﺭﺩﻩ ﻣﺎﻟﺘﻲ ﻛﻤﺖ ﺍﺻﺮﺥ ﻣﻦ ﺍﻟﻮﺟﻊ ﺑﻜﻞ ﻗﻮﺗﻲ ..
ﺍﺣﺲ ﻣﺜﻞ ﺍﻟﻤﻮﺕ ﻳﺎﻛﻞ ﺑﺠﺴﻤﻲ .. ﻋﺮﻓﺖ ﺍﻥ ﻫﻢ ﺳﻮﻧﻲ ﻣﺪﻣﻨﺔ ﻣﺨﺪﺭﺍﺕ .. ﻭﻫﺬﺍ ﺍﻟﻲ ﻛﻨﺖ ﺍﺧﺎﻑ ﻣﻨﻪ .
ﻋﻠﻰ ﺻﺮﻳﺨﻲ .. ﺩﺧﻞ ﺭﺟﺎﻝ .. ﻓﺘﺢ ﺍﺩﻳﻪ .. ﻭﺭﺟﻠﻴﻪ ﻭﺗﺮﻛﻨﻲ ﻭﻃﻠﻊ .. ﻛﻤﺖ ﺍﺻﺮﺥ ﻭﺍﻓﺘﺮ ﺑﺎﻟﻐﺮﻓﻪ ..
ﺍﺿﺮﺏ ﺑﺮﺍﺳﻲ ﺑﺎﻟﺤﺎﻳﻂ ﻣﻦ ﺷﺪﺓ ﺍﻟﻮﺟﻊ .. ﺍﺭﺟﻒ ﺣﻴﻞ ﺷﻔﺘﻲ ﻃﺒﻜﺖ .. ﺍﻟﻨﺎﺭ ﺍﺷﺘﻌﻠﺖ ﺑﺮﺍﺳﻲ ..
ﻻ ﺍﻛﺪﺭ ﺍﻧﺎﻡ ﻭﺍﺭﺗﺎﺡ ﻭﻻ ﺍﻛﺪﺭ ﺍﺗﺤﻤﻞ ﺍﻟﻮﺟﻊ ﺍﺗﻤﻨﻰ ﺍﻣﻮﺕ ﺑﺲ ﻫﺬﺍ ﺍﻟﻮﺟﻊ ﻣﺪﺍ ﻳﻤﻮﺗﻨﻲ .. ﺑﻘﻴﺖ ﺑﻬﺬﺍ ﺍﻟﻮﺟﻊ ﻳﻮﻡ ﻳﻤﻜﻦ ﺍﻛﺜﺮ ﻣﺎ ﺍﻋﺮﻑ ..
ﺍﻧﺘﻬﻴﺖ ﺻﺪﻗﺎ ... ﺻﺮﺕ ﺍﻧﻲ ﻭﺍﻟﻜﺎﻉ ﺍﺑﺠﻲ ﻭﺍﻻﻟﻢ ﺑﺠﺴﻤﻲ .. ﻭﺍﺭﺟﻒ .. ﺩﺧﻞ ﻣﻴﺸﻴﻞ .. ﺩﻧﻚ .. ﺭﻓﻌﺖ ﻋﻴﻨﻲ ﺍﻟﻪ ﺑﺘﻌﺐ ﻭﻫﻠﻜﺎﻥ ..
- ﻛﻴﻔﻚ ﺳﺖ ﻟﺠﻴﻦ ﺍﻧﺸﺎﺀﺍﻟﻠﻪ ﺗﻜﻮﻧﻲ ﻣﻨﻴﺤﻪ .
- ﻟﻮ ﺗﻤﻮﺗﻮﻧﻲ ﻟﻮ ﺗﻨﻄﻮﻧﻲ ﺍﻟﻌﻼﺝ .. ﺩﺍ ﺍﻣﻮﺕ
- ﻻﺀ ﻻﺀ ﻣﺎ ﺑﺌﺒﻞ ﺍﻧّﻲ ﻣّﻮﺕ ﻭﺍﺣﺪﻩ ﺣﻠﻮﻱ ﻣﺘﻠﻚ .. ﺑﺘﺮﻳﺪﻱ ﻋﻼﺝ ..
- ﻫﺰﻳﺖ ﺭﺍﺳﻲ .. ﻃﻠﻊ ﺣﺒﺎﻳﻪ ﻭﺧﻼﻫﺎ ﺑﺄﻳﺪﻱ .. ﺍﺧﺬﺗﻬﺎ ﺑﺴﺮﻋﻪ ﻭﺧﻠﻴﺘﻬﺎ ﺑﺤﻠﻜﻲ .. ﺍﻧﻄﺎﻧﻲ ﻣﻲ ﺭﻓﻀﺖ ﺍﺧﺬ ﻻﻥ ﺑﻠﻌﺘﻬﺎ ﺑﺴﺮﻋﻪ ﺑﺪﻭﻥ ﻣﻲ .. .
⭐⭐
ﻭﺑﻘﺖ ﺑﻤﻜﺎﻧﻲ ﺍﻓﺮﻙ ﺑﺮﺟﻠﻲ ﻣﻦ ﺍﻟﻮﺟﻊ .. ﻭﻫﻮ ﻳﻔﺘﺮ ﺑﺎﻟﻐﺮﻓﻪ ﻭﻳﻄﻖ ﺑﺤﺬﺍﺀﻩ ..
ﺩﻗﺎﻳﻖ ﻭ ﺑﺪﺕ ﺍﻋﺼﺎﺑﻲ ﺗﺮﺗﺨﻲ .. ﻓﺘﺤﺖ ﻋﻴﻮﻧﻲ .. ﺑﺲ ﺑﻌﺪﻧﻲ ﻣﺘﻤﺪﺩﻩ ..
ﺭﺑﻊ ﺳﺎﻋﻪ ﻣﺎ ﺍﻋﺮﻑ ﺍﻛﺜﺮ .. ﺷﺎﻟﻨﻲ ﻣﻴﺸﻴﻞ ﻣﻦ ﺍﻛﺘﺎﻓﻲ ﻭﻛﻌﺪﻧﻲ ﻭﻛﺮﻓﺺ ﻭﻛﻌﺪ ﺑﻤﺴﺘﻮﺍﻱ ..
- ﺑﺪﻙ ﺗﺸﺘﻐﻠﻲ ﻣﻌﻨﺎ ..
- ﻭﺍﺫﺍ ﻣﺎ ﺭﺩﺕ
- ﺍﻧﺘﻲ ﻭﺑﻨﺘﻚ ﺍﻟﻀﺤﻴﻪ ..
- ﺑﻨﺘﻲ ﺷﺪﺧﻠﻬﺎ ..
- ﻫﻴﺪﺍ ﺍﻟﺤﻜﻲ ﻣﺎ ﺧﺼﻚ ﻓﻴﻪ .. ﻗﻠﺖ ﺑﺪﻙ ﺗﺸﺘﻐﻠﻲ ﻣﻌﻨﺎ .. ﻭﺍﻻ ﺑﺘﻨﺘﻬﻲ ..
- ﺷﻠﻮﻥ ﻳﻌﻨﻲ ﺍﻧﺘﻬﻲ .. ﺍﻣﻮﺕ ﻗﺼﺪﻙ ﺑﺴﺒﺐ ﺍﻟﻤﺨﺪﺭﺍﺕ ﺍﻟﻠﻲ ﺩﺗﻨﻄﻮﻧﻴﺎﻫﺎ ..
- ﻻﺀ .. ﺍﻧﺘﻲ ﻣﺘﻌﺮﻓﻲ ﻟﻤﺎ ﻛﻨﺎ ﻧﻌﻄﻴﻜﻲ ﺍﻟﻤﺨﺪﺭﺍﺕ ﺷﻮ ﻛﻨﺘﻲ ﺗﻌﻤﻠﻠﻲ ﻭﻛﻴﻒ ﻛﻨﺎ ﺑﻨﻌﻤﻞ ﻓﻴﻜﻲ .. ﻛﻞ ﻫﻴﺪﺍ ﻓﻴﺪﻳﻮﻫﺎﺕ ﻋﻠﻴﻜﻲ .. ﺑﺘﺎﺧﺪﻙ ﻭﺭﺍ ﺍﻟﺸﻤﺲ ..
ﻻ ﺍﻫﻠﻚ .. ﻭﻻ ﺍﻱ ﺣﺪﻥ ﺭﺡ ﻳﺌﺒﻠﻚ .. ﺣﺘﻰ ﺑﻨﺘﻚ ﺑﺰﺍﺗﻬﺎ ..
- ﺧﺴﻴﺲ ﻧﺬﻝ ﺣﻘﻴﺮ ﺍﻧﻲ ﺷﻌﻠﻴﻪ ﺍﻧﺘﻮ ﻟﻴﺶ ﻣﺘﺨﺎﻓﻮﻥ ﺍﻟﻠﻪ ﺣﺮﺍﻡ ﺍﻟﻠﻲ ﺟﺎﻱ ﺗﺴﻮﻭﻩ ﻭﻳﺎﻳﻪ ﻭﺍﻟﻠﻪ ..
- ﻫﻼﺀ ﺍﺗﺮﻛﻚ ﻣﻦ ﻛﻞ ﻫﻴﺪﺍ ﺍﻟﺤﻜﻲ ﻭﺍﺳﻤﻌﻲ ﻟﻠﻲ ﺭﺍﺡ ﻗﻮﻟﻮ ﺃﻟﻚ ..
- ﺳﻜﺘﺖ ﻭﺑﻘﻴﺖ ﺍﺳﺘﻤﻊ ﻭﺣﻴﻠﻲ ﻣﻬﺪﻭﺩ ..
- ﻻﻧﻚ ﻋﺮﺍﻗﻴﻪ .. ﺭﺡ ﺧﻠﻴﻜﻲ ﺗﺸﺘﻐﻠﻲ ﺑﺒﻠﺪﻙ ..
- ﻣﺎ ﺍﺷﺘﻐﻞ ﺑﺎﻟﻌﺮﺍﻕ
- ﻣﻮ ﻉ ﻛﻴﻔﻚ .. ﺑﺪﻙ ﻣﺎ ﺗﻘﺎﻃﻌﻴﻨﻲ ﻭ ﺗﺴﻤﻌﻴﻨﻲ ﻉ ﺍﻻﺧﺮ .. ﺑﻨﺒﻌﺘﻚ ﻉ ﺍﺭﺑﻴﻞ .. ﻭﺑﻨﻌﻄﻴﻜﻲ ﺷﻘﻪ ﻫﻮﻧﻴﻚ .. ﻭﺑﺪﻙ ﺗﺸﺘﻐﻠﻲ ﺷﻐﻠﻚ ﻋﺎﺩﻱ .. ﻣﺎ ﻓﻲ ﻣﺸﻜﻞ ..
ﺑﺲ ﺑﺎﻟﻠﻴﻞ ﺑﺪﻙ ﺗﺪﺧﻠﻲ ﺍﻟﻨﺎﺩﻱ .. ﻭﺑﺘﻐﺮﻱ ﺯﻟﻤﻪ ﻣﺎ ﻳﻜﻮﻧﻠﻪ ﻣﻜﺎﻧﻪ ﻛﺒﻴﺮﻩ ﻻﺀ .. ﺳﺎﺋﺢ ﺍﻭ ﺍﻱ ﺣﺪﻥ ﺑﺪﻭ ﻳﺠﻲ ﻉ ﺍﻟﻨﺎﺩﻱ ﻟﺤﺘﻰ ﻳﺘﻤﺘﻊ ..
ﺑﺪﻙ ﺗﻐﺮﻱ ﻫﻴﺪﺍ ﺍﻟﺮﺟﻞ ﻭﺗﺎﺧﺪﻳﻪ ﻟﻌﻨﺪ ﺣﻲ ﺍﻟﻠﻪ ﺗﺨﺖ ﻭﺑﻌﺪ ﺍﻟﻨﻮﻡ ﺑﺘﻌﻄﻴﻪ ﺍﺑﺮﻩ ﻭﺑﺘﺨﺒﺮﻱ ﺟﻤﺎﻋﻪ ﻣﻨﺎ ﺗﺠﻲ ﺗﺎﺧﺪﻭ ﻟﺤﺘﻰ ﻳﻜﻮﻥ ﻋﻨﺎ ..
ﻟﻮ ﺟﺒﺘﻴﻠﻲ 30 ﺷﺨﺺ .. ﺍﻧﺎ ﺑﻀﻤﻨﻠﻚ ﺍﻧﻲ ﺍﺣﺮﺭﻙ ﻭﺍﻣﺤﻲ ﻛﻠﺸﻲ ﺳﺠﻠﺘﻮ ﻋﻨﻚ ..
- ﺍﺟﻴﺒﻠﻚ 30 ﺷﺨﺺ ﺑﺮﻱﺀ ﻓﻘﻂ ﺣﺘﻰ ﺍﻧﻘﺬ ﻧﻔﺴﻲ ﺍﻭ ﺍﻧﻘﺬ ﺑﻨﺘﻲ .. ﻫﻪ ﺍﻧﺖ ﻣﺠﻨﻮﻥ .. ﺗﺤﻠﻢ ﻭﺍﻟﻠﻪ
- ﻣﻮﻭﻭﻭﻭ ﻋﻜﻴﻴﻴﻴﻴﻴﻔﻚ ..
- ﻻ ﻋﻠﻰ ﻛﻴﻔﻲ ﻭﻧﺺ ﺷﺘﺮﻳﺪ ﺗﺴﻮﻱ ﺗﻘﺘﻠﻨﺎ .. ﺍﻗﺘﻠﻨﻲ .. ﻣﻮ ﺍﻧﻲ ﺍﻟﻠﻲ ﺍﺑﻴﻊ ﺑﺸﺮ ﺍﺑﺮﻳﺎﺀ ﺣﺘﻰ ﺍﻧﻘﺬ ﻧﻔﺴﻲ ﻭﺑﻨﺘﻲ ..
- ﻣﺎ ﺑﻘﺘﻠﻚ ﺑﻌﺰﺑﻚ ﺍﻧﺘﻲ ﻭﺑﻨﺘﻚ ﻭﺍﻟﻠﻪ ..
- ﺍﻟﻠﻪ ﻳﺎﺧﺬﻙ ﻭﻳﺨﻠﺼﻨﻲ ﻣﻨﻨﻨﻨﻨﻨﻨﻨﻚ ﻳﺎ ﻛﻠﺐ
- ﻫﺸﺎﺍﺍﺍﺍﺍﺍﺍﺍﺍﺍﺍﺍﺍﻡ .. ﺑﺪﻙ ﺗﻌﺰﺑﻬﺎ ﻭﻣﺎ ﺗﺮﺣﻤﻬﺎ ﻭﺗﺨﻠﻴﻬﺎ ﺑﺘﺘﻤﻨﻰ ﺍﻟﻤﻮﺕ ﻭﻣﺘﻼﺋﻲ ..
ﻛﻤﺖ ﺍﺻﺮﺥ ﻳﺎ ﻣﺴﺘﺨﻨﺚ ﻳﺎ ﻛﻠﺐ ﮔﺪﺭﺗﻜﻢ ﻋﻠﻰ ﺍﻟﻨﺴﻮﺍﻥ ﺣﻘﺮﺍﺍﺍﺍﺍﺍﺍﺍﺍﺍﺀ ﺳﻔﻠﻪ .. ﺍﺧﺬﻧﻲ ﺍﻟﺮﺟﺎﻝ ﻭﺯﻧﺠﻠﻨﻲ ... ﻣﺎ ﺑﻴﻪ ﺣﻴﻞ ﺍﺩﺍﻓﻊ ﻭﻳﺎﻩ ..
ﺑﻌﺪ ﻣﺤﺎﻭﻻﺕ ﺑﺴﻴﻄﻪ ﺍﺳﺘﺴﻠﻤﺖ ﻟﻠﺘﻘﻴﻴﺪ .. ﻛﻤﺖ ﺍﺑﺠﻲ ﺣﻴﻞ ﻭﺍﺩﻋﻲ ﺍﻟﻠﻪ ﻳﺎﺧﺬﻧﻲ ﻭﻳﻤﻮﺗﻨﻲ ﺑﻬﺎﻟﺤﻈﻪ .. ﻟﺤﺘﻰ ﺍﺧﻠﺺ ﻣﻦ ﺍﻟﻠﻲ ﺍﻧﻲ ﺑﻴﻪ
⭐⭐
ﺑﻘﻴﺖ ﺑﻬﺬﻩ ﺍﻟﻐﺮﻓﻪ ﺍﺳﺒﻮﻉ ﻳﻤﻜﻦ ﻛﻞ ﻳﻮﻣﻴﻦ ﻳﻨﻄﻮﻧﻲ ﺍﻟﻤﺨﺪﺭﺍﺕ ﻳﺨﻠﻮﻧﻲ ﺍﻛﻤﺰ .. ﻭﺍﺗﻮﺳﻞ ﺑﻴﻬﻢ ﺗﻮﺍﺳﻴﻞ ﻣﻦ ﺍﻟﻮﺟﻊ ﻭﻟﺤﺪ ﻣﻴﻄﻠﻌﻮﻥ ﺭﻭﺣﻲ ﻳﻨﻄﻮﻧﻲ ﺍﻟﺤﺒﺎﻳﻪ ﻭﺍﺳﻜﻦ ..
ﺭﺟﻌﻠﻲ ﻣﻴﺸﻴﻞ ﺑﻌﺪ . ﺍﺳﺒﻮﻉ ... ﻓﺘﺢ ﻭﻳﺎﻱ ﺍﻟﻤﻮﺿﻮﻉ ﻧﻔﺴﻪ ﻭﻛﺎﻥ ﺭﺩﻱ ﻧﻔﺴﻪ ﺍﻟﺮﻓﺾ ﻭﺍﻟﺮﺿﻰ ﺑﺎﻟﻤﻮﺕ ﻋﻠﻰ ﺍﻥ ﺍﻋﺬﺏ ﺑﺸﺮ ﺍﺑﺮﻳﺎﺀ ﺣﺘﻰ ﺍﺧﻠﺺ ﻧﻔﺴﻲ ..
ﺍﺧﺮ ﺷﻲ ﻋﺮﺽ ﻋﻠﻴﻪ ﺍﻧﻮ ﺍﺷﺘﻐﻞ ﻭﻳﺎﻩ ﺑﺎﻟﻨﺎﺩﻱ ﺍﻟﻠﻴﻠﻲ ﻣﺎﻟﺘﻪ .. ﺑﻌﺪ ﺍﻟﺘﻌﺬﻳﺐ ﻗﺒﻠﺖ ﺍﻟﺸﻐﻞ ..
ﺑﺲ ﺧﻞ ﺍﻃﻠﻊ ﻣﻨﺎ .. ﻛﺎﻝ ﻣﺎ ﺭﺡ ﺍﺧﻠﻴﻜﻲ ﺗﻜﻮﻧﻴﻦ ﺑﻨﺖ ﻟﻴﻞ ﺑﺲ ﻣﻬﻤﻪ ﻋﻨﺪﻙ ﻟﻮ ﻗﺪﺭﺗﻲ ﺗﺴﺎﻭﻳﻬﺎ ﺭﺍﺡ ﺗﺸﻔﻊ ﺑﺘﺤﺮﻳﺮﻙ ﻣﻦ ﻫﻮﻥ ..
ﻭﺍﻓﻘﺖ ﻭﺍﻧﻲ ﻣﺎ ﺍﻋﺮﻑ ﺍﻟﻤﻬﻤﻪ ﺷﻨﻮ ﻫﻲ .. ﺑﻌﺪ ﺷﻬﺮ ﻣﻦ ﺍﻟﻌﺬﺍﺏ ﻃﻠﻌﻨﻲ ﻣﻦ ﺍﻟﻤﻜﺎﻥ ﺍﻟﻜﻨﺖ ﺑﻴﻪ .. ﺑﺲ ﻃﻠﻌﺖ ﺟﺜﻪ ﻫﺎﻣﺪﻩ .. ﻳﺎ ﺩﻭﺏ ﺍﻣﺸﻲ ..
ﻃﻠﻌﻨﻲ ﺍﻭﻝ ﻳﻮﻡ ﻟﻠﻔﻴﻼ .. ﺍﻟﻠﻲ ﺍﺟﻴﻨﺎ ﺍﻟﻬﺎ ﺍﻧﻲ ﻭﻣﺎﻟﻚ .. ﻫﻮ ﻳﻤﺸﻲ ﻭﺍﻧﻲ ﻭﺭﺍﻩ .. ﻃﻠﻌﺖ ﻛﺪﺍﻣﻲ ﻣﺮﻩ ﺍﺗﺬﻛﺮ ﺷﺎﻳﻔﺘﻬﺎ ﻣﻦ ﻗﺒﻞ ..
.. ﻛﺎﻟﻠﻬﺎ .. ﻣﺮﻳﺎﻧﺎ ﺑﺪﻙ ﺗﻌﺘﻨﻲ ﻓﻴﻬﺎ ﻛﺘﻴﺮ ﻣﻨﻴﺢ ﺭﺡ ﺗﻔﻴﺪﻧﺎ ﻛﺘﻴﺮ
ﺟﺎﻭﺑﺘﻪ ﻉ ﺭﺍﺳﻲ ﺑﺘﺆﻣﺮ ﺣﻴﺎﺗﻲ ..
ﺍﺧﺬﺗﻨﻲ .. ﻭﻳﺎﻫﺎ .. ﻟﻠﻤﻄﺒﺦ .. ﺍﻭﻝ ﺷﻲ ﻗﺪﻣﺘﻠﻲ ﺍﻛﻞ ﻭﻛﻌﺪﺗﻨﻲ ﻟﻠﻄﺎﻭﻟﻪ .. ﺳﻜﻴﻦ ﻭﺷﻮﻛﻪ ﻭﻣﻠﻌﻘﻪ ﻭﻣﻨﺪﻳﻞ .. ﻛﺎﻟﺖ ﺍﻛﻠﻲ ﺣﺴﺐ ﺍﻻﺗﻜﻴﺖ ﻟﺸﻮﻑ ..
ﺍﻛﻠﺖ ﺑﺴﺮﻋﻪ .. ﻛﺎﻥ ﻗﻄﻌﺔ ﻟﺤﻢ ﺷﻮﻱ ﻭﺷﻮﻳﻪ ﺗﻤﻦ ﻭﺳﻠﻄﻪ .. ﻓﺮﺷﺖ ﺍﻟﻤﻨﺪﻳﻞ ﻋﻠﻰ ﺭﺟﻠﻴﻪ ﻭ ﺍﺧﺬﺕ ﻭﺧﻠﻴﺖ ﺑﺎﻟﻤﺎﻋﻮﻥ .. ﻭﺑﺪﻳﺖ ﺑﺎﻻﻛﻞ ..
ﻛﺎﻟﺖ ﻣﻨﻴﺢ ﺑﺘﻌﺮﻓﻲ ﺍﻻﺗﻜﻴﺖ .. ﺍﺧﺬﺗﻨﻲ ﻏﺴﻠﺖ ﻭﺑﻌﺪﻫﺎ ﻭﺩﺗﻨﻲ ﻣﺴﺎﺝ ﻭﺣﻤﺎﻡ ﻭﺗﻨﻀﻴﻒ ﻟﻮﺟﻬﻲ ﻭﻟﺠﺴﻤﻲ ..
ﺩﺍ ﺍﻃﻠﻊ .. ﻭﻛﻔﺘﻬﺎ .. ﻟﻮ ﺳﻤﺤﺘﻲ ﺍﺭﻳﺪ ﺍﺭﻭﺡ ﺍﺷﻮﻑ ﺑﻨﺘﻲ ﻓﺪﻭﻩ .. ﺧﻠﺼﻴﻨﻲ ﻣﻨﺎ
- ﻫﻴﺪﺍ ﻣﺶ ﺳﺠﻦ ﻟﺤﺘﻰ ﺑﺪﻙ ﺗﺘﺨﻠﺼﻲ ﻣﻨﻮ .. ﻭﻣﺘﺨﺎﻓﻲ ﺑﺘﺮﻭﺣﻲ ﺗﺸﻮﻓﻴﺎ ﻟﺒﻨﺘﻚ ﻟﻤﺎ ﺑﺘﺨﻠﺼﻲ ﻣﻌﻨﺎ ﺍﻟﺤﻔﻠﻪ .. ﻭﺷﻐﻠﻪ ﺗﺎﻧﻴﻪ ﺑﺪﻱ ﻗﻠﻚ ﻳﺎﻫﺎ ﺍﻥ ﺟﻮﺍﺯﻙ ﺍﻧﺤﺠﺰ ﺑﺴﺒﺐ ﺩﻳﻦ ﺟﻮﺯﻙ ..
ﺍﻧﺘﻲ ﻟﻤﺎ ﻛﻨﺘﻲ ﺑﺎﻟﺤﻔﻠﻪ ﺑﺎﻟﻤﺮﻩ ﺍﻟﻤﺎﺿﻴﻪ ﻭﻗﻌﺘﻲ ﻋﻠﻰ ﺍﻻﻭﺭﺍﻕ ﻭﺗﺤﻤﻠﺘﻲ ﻣﺴﺆﻟﻴﺔ ﺩﻓﻊ ﺩﻳﻦ ﺟﻮﺯﻙ ..
ﺳﻮ ﻣﻴﺸﻴﻞ ﺣﺠﺰ ﻉ ﺟﻮﺍﺯﻙ ﻟﺤﺪ ﻟﻤﺎ ﺑﺘﺪﻓﻌﻲ ﺍﻟﺪﻳﻦ ﻳﻠﻲ ﻋﻠﻴﻜﻲ ..
- ﺑﺲ ﺍﻧﻲ ﻣﺎ ﻛﻨﺖ ﺻﺎﺣﻴﻪ ﻭﻗﺖ ﺍﻟﺘﻮﻗﻴﻊ ..
- ﻫﻴﺪﺍ ﻣﺶ ﺷﻐﻠﻲ .. ﺍﻧﺎ ﻳﻠﻲ ﻋﻠﻴﺎ ﺧﺒﺮﺗﻚ .
- ﮔﻤﺖ ﺍﺩﻋﻲ ﻋﻠﻰ ﻣﺎﻟﻚ ﺍﻟﻠﻪ ﻻ ﻳﻮﻓﻘﻚ ﺍﻧﺖ ﺗﻠﻌﺐ ﺍﻗﻤﺎﺭ ﻭﺍﻧﻲ ﺍﻭﻛﻊ ﺑﻴﻬﺎ ﻭﺿﺤﻴﺘﻨﺎ ﺑﻨﺘﻲ ..
ﺭﺣﺖ ﻟﻠﻐﺮﻓﻪ ﻃﻠﻌﺘﻠﻲ ﻓﺴﺎﺗﻴﻦ .. ﻛﺎﻥ ﺍﻟﺘﻌﺐ ﻫﺎﺩ ﺟﺴﻤﻲ ﻛﻠﺶ ﺗﻌﺒﺎﻧﻪ .. ﺍﻟﻤﺨﺪﺭﺍﺕ ﺩﻣﺮﺗﻨﻲ ﺧﻠﺖ ﺟﺴﻤﻲ ﺑﺎﻳﺪ ..
ﻟﺒﺴﺖ ﻭﺟﻬﺰﺕ ﻧﻔﺴﻲ .. ﺻﺎﺭﺕ ﺍﻝ 9 ﺑﺎﻟﻴﻞ ﻛﺎﻣﺖ ﺍﻟﻀﻴﻮﻑ ﺗﺘﻮﺍﻓﺪ ﻟﻠﻔﻴﻼ .. ﺍﻧﻲ ﻓﻮﻙ .. ﺩﺧﻞ ﻋﻠﻴﻪ ﻣﻴﺸﻴﻞ ..
ﻛﻮﻩ ﻛﺎﻋﺪﻩ ﻣﻦ ﺍﻟﺘﻌﺐ ﺣﻴﻠﻲ ﻣﻬﺪﻭﺩ .. ﺗﻘﺮﺏ .. ﻭﺣﺠﻪ ..
- ﻫﻼﺀ ﺑﺪﻙ ﺗﻨﺰﻟﻲ ﻣﻌﻲ ﻟﻠﺤﻔﻠﻪ ﺑﺘﺘﻌﺮﻓﻲ ﻉ ﻳﻠﻲ ﻓﻴﻬﺎ ﻭﻳﺘﻌﺮﻓﻮ ﻋﻠﻴﻜﻲ .. ﻣﺘﺤﻜﻲ ﺍﻱ ﻛﻠﻤﻪ ﻃﺎﻟﻊ ﻧﺎﺯﻝ ﻭﺍﻻ ﺑﺘﻨﺪﻣﻲ ﺻﺪﻗﻴﻨﻲ
⭐⭐
ﺷﻨﻮ ﺍﻟﺸﻐﻞ ﺍﻟﻠﻲ ﻃﺎﻟﺒﻪ ﻣﻨﻲ
- ﺑﺘﻌﺮﻓﻲ ﺑﻌﺪﻳﻦ .. ﻳﻼ ﺍﻧﺰﻟﻲ ﻣﻌﻲ
- ﻣﺪﻟﻲ ﺍﻳﺪﻩ .. ﺑﻘﻴﺖ ﻛﺎﻋﺪﻩ ﺑﻤﻜﺎﻧﻲ ..
- ﻳﻠﻪ
- ﺳﺤﺒﻨﻲ ﻣﻦ ﺍﻳﺪﻱ .. ﻭﻋﺪﻝ ﺍﻳﺪﻱ ﻭﻟﻔﻬﺎ ﻋﻠﻰ ﻋﻜﺲ ﺍﻳﺪﻩ .. ﻭﻧﺰﻟﻨﺎ ﺍﻧﻲ ﻭﻳﺎﻩ .. ﻧﺰﻟﺖ ﻋﻠﻰ ﺍﻟﺪﺭﺝ ..
ﻟﻠﻄﺎﺑﻖ ﺍﻻﺭﺿﻲ .. ﻛﻠﻬﺎ ﺟﺖ ﺳﻠﻤﺖ ﻋﻠﻰ ﻣﻴﺸﻴﻞ ﻭﻳﻌﺮﻓﻬﻢ ﻋﻠﻴﻪ ﻭﻳﺮﺣﺒﻮﻥ ﻭﻳﺴﻠﻤﻮﻥ ﻭﺑﻌﺾ ﺍﺧﺬﻭ ﺍﻳﺪﻱ ﻭﻳﺒﻮﺳﻮﻫﺎ ..
ﻣﻮ ﺑﺸﺮ ﺍﺣﺲ ﻋﺎﻳﺸﻪ ﻣﻊ ﺫﻳﺎﺑﻪ .. ﻳﺎﺭﺏ ﺻﺒﺮﻧﻲ ﻭﺍﻧﺼﺮﻧﻲ ..
ﻛﻤﻠﺖ ﻣﻦ ﺍﻟﺴﻼﻡ .. ﻛﻌﺪﺕ ﻗﺪﻣﻮﻟﻲ ﺷﺮﺍﺏ ﺭﻓﻀﺖ .. ﺟﺎﺑﻮﻟﻲ ﻋﺼﻴﺮ .. ﺍﺧﺬﺕ ﻭﮔﻤﺖ ﺍﺷﺮﺏ
ﻟﺸﻮﻳﻪ ﻛﻤﺖ ﺍﺣﺲ ﺑﻐﻮﺍﺵ ﻭﺟﺴﻤﻲ ﻳﻐﻠﻲ ﻭﺍﻃﺮﺍﻓﻲ ﺗﺒﺮﺩ .. ﻣﻴﺸﻴﻞ ﻳﺤﺠﻲ ﻋﻠﻰ ﺍﺳﻤﺎﺀ ﺍﻟﻠﻲ ﻛﺎﻋﺪﻳﻦ ﻭﺷﻐﻠﻬﻢ ﻭﻳﺎ ﺩﻭﺏ ﺍﻛﺪﺭ ﺍﺳﻤﻊ .
- ﺍﺧﺮ ﺷﻲ ﺗﻌﺒﺖ ﺣﻴﻞ .. ﻛﻤﺖ ﺭﺩﺕ ﺍﺭﻭﺡ ﻟﺰﻣﻨﻲ ﻣﻦ ﺍﻳﺪﻱ ..
- ﻉ ﻭﻳﻦ ﺑﺪﻙ
- ﺗﻌﺒﺎﻧﻪ ﻣﺎ ﺍﻛﺪﺭ ﺍﺳﺘﻤﺮ ﺍﺣﺲ ﺭﺍﺡ ﻳﻐﻤﻰ ﻋﻠﻴﻪ ..
- ﻣﻌﻠﺶ ﻗﻌﺪﻱ
- ﻣﺎ ﺍﻛﺪﺭ .....
- ﻗﻠﺘﻠﻚ ﻗﻌﺪﻱ ..
- ﺟﺮ ﺍﻳﺪﻱ ﺭﺟﻌﻨﻲ ﻛﻌﺪﻧﻲ .. ﻭﻃﻠﻊ ﺣﺒﺎﻳﻪ ﻭﻛﺎﻝ ﺍﺷﺮﺑﻴﺎ ﺑﺘﺘﺤﺴﻦ ﺣﺎﻟﺘﻚ ﻓﻮﺭﺍ ..
- ﻣﺎ ﻛﺎﻥ ﻛﺪﺍﻣﻲ ﻏﻴﺮ ﺍﻧﻲ ﺍﺷﺮﺑﻬﺎ ﻻﻥ ﻟﻮ ﻣﺎ ﺷﺮﺑﺘﻬﺎ ﺍﺟﻦ ..
ﺧﻠﺼﺖ ﺍﻟﺤﻔﻠﻪ .. ﻛﺘﻠﻪ ﺍﺭﻳﺪ ﺍﺭﻭﺡ ﻟﺒﻴﺘﻲ ..
ﻣﻴﺸﻴﻞ -: ﻳﺎﺧﺪﻙ ﺍﻟﺸﻮﻓﻴﺮ ﺑﺲ ﺍﺗﺬﻛﺮﻱ ﺍﻧﻚ ﻟﻮ ﻋﻤﻠﺘﻲ ﺍﻱ ﺣﺎﺟﻪ ﺑﻨﺘﻚ ﺣﺘﻜﻮﻥ ﺿﺤﻴﺘﻚ .. ﻓﻬﻤﺘﻲ ﻭﻻ ﺍﻋﻴﺪ ..
ﻫﻼﺀ ﺍﻧﺘﻲ ﺻﺮﺗﻲ ﻭﺍﺣﺪﻩ ﻣﻦ ﻋﻨﺎ ﻳﺎﺭﻳﺖ ﺑﺘﺎﺧﺪﻱ ﻉ ﻫﺎﺩ ﺍﻟﻮﺿﻊ ﺑﻴﻜﻮﻥ ﺍﻓﻀﻞ ..
- ﺩﺭﺕ ﻭﺟﻬﻲ ﻣﺎ ﺭﺩﻳﺖ ﻋﻠﻴﻪ .. ﺍﻭﻝ ﻣﺎ ﻃﻠﻌﺖ ﺑﺮﺍ ﺍﻟﻔﻴﻼ .. ﺻﻔﺖ ﻛﺪﺍﻣﻲ ﺳﻴﺎﺭﻩ .. ﺻﻌﺪﺕ ﻟﻠﺒﻴﺖ ..
ﻭﺻﻠﻨﻲ ﻟﻠﻌﻤﺎﺭﻩ .. ﻧﺰﻟﺖ ﻭﺗﻤﺸﻴﺖ .. ﻓﺘﺤﺖ ﺑﺎﺏ ﺍﻟﻌﻤﺎﺭﻩ ﻭﺗﻤﺸﻴﺖ ﻟﻠﻤﺼﻌﺪ .. ﻟﺸﻘﺘﻨﺎ .. ﺩﺳﺖ ﻋﻠﻰ ﺍﻟﺠﺮﺱ ﻭﺩﻛﻴﺖ ﻋﻠﻰ ﺍﻟﺒﺎﺏ ﺣﻴﻞ ..
ﺍﻧﻔﺘﺢ ﺍﻟﺒﺎﺏ ﺍﻟﻤﺮﺑﻴﻪ ﻛﺪﺍﻣﻲ .. ﺩﻓﻌﺘﻬﺎ ﻭﻓﺘﺖ .. ﻣﺎﻟﻚ ﻭﻳﻨﻪ .
- ﺑﻐﺮﻓﺘﻮ ﻧﺎﻳﻢ ..
- ﺩﺍ ﺍﺭﻳﺪ ﺍﻣﺸﻲ ﻟﻠﻐﺮﻓﻪ ﻃﻠﻊ ﻫﻮ ﻭﻳﻠﺒﺲ ﺑﺘﻴﺸﻴﺮﺗﻪ ... ﺩﻓﻌﺘﻪ ﺣﻴﻞ ﻳﺎﺍﺍﺍﺍﺍﺍﻛﻠﺐ ﻳﺎﺍﺍﺍﺍﺍﺣﻘﻴﺮ ﺍﻛﻮ ﺭﺟﺎﻝ ﻳﺒﻴﻊ ﻣﺮﺗﻪ ..
ﺷﻨﻮﻭﻭﻭﻭﻭ ﻣﻦ ﺑﺸﺮ ﺍﻧﺖ .. ﻓﻬﻤﻨﻲ ﺷﻨﻮﻭﻭﻭﻭﻭ ﻟﻚ ﺗﺒﻴﻌﻨﻲ ﻭﻣﺎ ﺗﺴﺄﻝ ﺑﻴﻪ .. ﺣﻘﻴﻴﻴﻴﻴﻴﺮ
ﻣﺎﻟﻚ : ﺣﺒﻴﺒﺘﻲ ﺑﺲ ﺍﻫﺪﻱ
- ﻻ ﺗﻜﻠﻲ ﺣﺒﻴﺒﺘﻲ ﻻ ﺗﺤﺠﻲ ﻫﺬﺍ ﺍﻟﻜﻼﺍﺍﺍﺍﺍﺍﺍﺍﻡ ﻛﺎﺍﺍﺍﺍﺍﺍﻓﻲ ﻟﻌﺒﺖ ﻧﻔﺴﻲ ﻣﻨﻚ .. ﺍﻧﺖ ﺍﻛﺒﺮ ﺟﺬﺍﺏ ﻓﺪ ﻭﺍﺣﺪ ﻣﻜﺮﻥ ﻣﺨﻨﺚ ﺑﻼ ﺍﺻﻞ ..
ﺑﺲ ﻛﻠﻲ ﺷﻠﻮﻥ ﻫﻨﺖ ﻭﺑﻌﺘﻲ ﻟﻚ ﻋﺮﺿﻚ ﺍﻧﻲ ﻣﺮﺗﻚ . ﻻ ﺩﻳﻦ ﻭﻻ ﺍﺧﻼﻕ ﺗﺮﺿﻰ ﺑﺎﻟﻠﻲ ﺳﻮﻳﺘﻪ ..
ﻟﺰﻡ ﺍﺩﻳﻪ ﻭﻳﻜﻠﻲ ﺧﻞ ﻧﺘﻔﺎﻫﻢ ﺑﺲ .. ﺩﻓﻌﺘﻪ ﺣﻴﻞ ﻧﺘﻔﺎﻫﻢ ﻋﻠﻰ ﺷﻨﻮ ﻋﻠﻰ ﺗﻮﻗﻴﻌﻲ ﺑﻜﻔﻠﻲ ﺍﻟﺪﻳﻦ ﻣﺎﻟﺘﻚ ﻟﻮ ﺑﻴﻌﻲ ﺍﻟﻬﻢ ﻟﻮ ﻋﻠﻰ ﺍﻟﻤﺨﺪﺭﺍﺕ ﺍﻟﻠﻲ ﺩﻳﻨﻄﻮﻫﺎ ﺍﻟﻴﻪ
ﻭﺧﺮ ﻣﻨﻲ ﻣﻮ ﻣﺘﺤﻤﻠﺘﻚ ﺍﻃﻠﻊ ﺑﺮﺍ ﻣﺎ ﺍﺭﻳﺪﻙ .. ﺍﻃﻠﻊ ﻣﻦ ﺍﻟﺸﻘﻪ ﺍﺍﺍﺍﺍﺍﺍﺍﺍﻃﻠﻊ
- ﻟﺠﻴﻦ ﻛﺘﻠﺞ ﺍﻫﺪﻱ ﺧﻞ ﻧﺘﻔﺎﻫﻢ .. ﺍﻧﻲ ﻣﺎ ﺗﺎﺭﻛﺞ ﻭﻫﺬﺍ ﺍﻟﻮﺿﻊ ﻣﺆﻗﺖ ﺗﻜﺪﺭﻳﻦ ﺗﺤﻠﻴﻦ ﺍﻟﺪﻳﻦ ﺍﻟﻌﻠﻴﺞ ﺑﺨﺪﻣﻪ ﻫﻢ ﻳﻄﻠﺒﻮﻫﺎ ﻣﻨﺞ ﻭﻧﺨﻠﺺ ..
- ﻟﻚ ﺍﻧﺖ ﺷﻨﻮ ﻣﻦ ﺑﺸﺮ .. ﺍﻧﺖ ﺭﺟﺎﻝ ﺍﻧﺖ .. ﺗﻘﺒﻞ ﻣﺮﺗﻚ ﺗﻌﺎﺷﺮ ﺭﻳﺎﺟﻴﻞ ﻏﻴﺮﻙ .. ﻭﻟﻚ .. ﻟﻚ ﻻ . ﺩﻳﻦ ﻭﻻ ﺍﺧﻼﻕ ﺷﻨﻮ ﻣﻦ ﺑﺸﺮ ﺍﻧﺘﻪ ﺍﺑﻠﻴﺲ ﻣﻴﺴﻮﻱ ﺳﻮﺍﻳﺘﻚ ﺑﻴﻪ ﺣﻘﻴﻴﻴﻴﻴﻴﺮ
- ﻻ ﺗﻐﻠﻄﻴﻴﻴﻴﻦ .. ﻛﺘﻠﺞ ﺍﻟﻮﺿﻊ ﻣﺆﻗﺖ .. ﻭﺍﺗﺮﻛﺞ ﺍﻣﻦ ﺍﻟﺪﻳﻦ ﻭﻫﺴﻮﺍﻟﻒ ﺍﻟﺘﻌﺒﺎﻧﻪ ﺍﻟﻠﻲ ﻳﻠﻌﺒﻮﻥ ﻋﻠﻰ ﻋﻘﻮﻟﻜﻢ ﺑﺎﻟﺤﻼﻝ ﻭﺍﻟﺤﺮﺍﻡ ..
ﻣﺎﻛﻮ ﻫﻴﺞ ﺷﻲ .. ﻋﺎﺩﻱ ﺍﻧﻲ ﻣﻮ ﺩﺍ ﺍﻣﺎﺭﺱ ﻣﻊ ﻏﻴﺮﺝ .. ﻣﺎﻛﻮ ﻣﺸﻜﻠﻪ .. ﺍﻧﺘﻲ ﺣﺴﺒﻴﻬﺎ ﻣﺜﻞ ﺍﻟﻤﻼﺑﺲ ﻣﻮ ﻳﻮﻣﻴﻪ ﺗﻐﻴﺮﻳﻦ ﻣﻠﺒﺲ .
- ﻟﻚ ﺍﻧﺖ ﺳﺮﺳﺮﻱ .. ﻋﻤﺮﻱ ﻣﺎ ﺷﻔﺖ ﻭﺍﺣﺪ ﻣﻨﺤﻂ ﻣﺜﻠﻚ .. ﻟﻚ ﺍﻋﺸﺮ ﺭﺟﺎﻝ ﻣﺜﻞ ﻣﺎ ﺍﻟﺒﺲ ﺍﻟﻤﻼﺑﺲ .. ﻟﻚ ﻛﺢ .. ﺍﻧﻲ ﺍﺷﺎﻳﻔﻨﻲ ﺳﺎﻗﻄﻪ ﻣﺜﻠﻚ ..
ﻟﻚ ﻭﻳﻦ ﺭﺟﻮﻟﺘﻚ .. ﺧﻠﻴﺘﻨﻲ ﺍﺻﺪﻙ ﺍﻧﺖ ﺭﺟﻌﺖ ﻟﻼﺳﻼﻡ ﻭﺭﺣﻨﺎ ﻋﻤﺮﻧﺎ ﺍﺑﻴﺖ ﺍﻟﻠﻪ ﻭﻛﻞ ﻫﺬﺍ ﻭﺑﻌﺪﻙ ﻣﻠﺤﺪ .. ﺗﻔﻮ ﻋﻠﻴﻚ
ﺷﻨﻮ ﻣﻦ ﺑﺸﺮ ﺍﻧﺖ ﻓﻬﻤﻨﻲ .. ﺍﻟﻠﻪ ﻻ ﻳﻨﻄﻲ ﺍﻟﻠﻪ ﻻ ﻳﻮﻓﻘﻚ ﺍﻃﻠﻊ ﻣﻨﺎ ﻣﺎ ﺍﺗﺤﻤﻞ ﺍﺷﻮﻓﻚ ﺍﻃﻠﻊ ﺑﺮﺍﺍﺍﺍﺍﺍﺍﺍﺍﺍ
- ﻣﻮ ﻋﻠﻰ ﻛﻴﻔﺞ ﻣﺠﺒﺮﻩ ﺗﺘﺤﻤﻠﻴﻦ ﺍﻟﻮﺿﻊ ﻭﻳﺎﻱ ﻫﻨﺎ ..
- ﺍﺗﺤﻤﻞ ﻭﻳﺎﻙ . ﺷﻨﻮ ﺍﻟﻠﻲ ﺍﺗﺤﻤﻠﺘﻪ ﺍﻧﺖ ﻭﺗﻜﻠﻲ ﺍﺗﺤﻤﻞ ﻭﻳﺎﻙ .. ﻟﻌﺐ ﺍﻗﻤﺎﺭﻙ ﺩﻓﻌﺖ ﺛﻤﻨﻬﺎ ﺷﺮﻓﻲ ﻭﺣﻴﺎﺗﻲ ﺍﻟﻠﻪ ﻻ ﻳﻨﻄﻴﻚ ﺍﻟﻠﻪ ﻻ ﻳﻮﻓﻘﻚ ..
- ﻟﺠﻴﻦ ﺭﻭﺣﻲ ﻋﻤﺮﻱ ﺍﻧﺘﻲ ﺑﺲ ﺍﻫﺪﺋﻲ ﻭﺣﺎﻭﻟﻲ ﺗﺘﻘﺒﻠﻴﻦ ﺍﻟﻤﻮﺿﻮﻉ ﻓﺘﺮﻩ ﻭﻧﺮﺟﻊ ﺍﻟﺤﻴﺎﺗﻨﺎ ﺻﺪﻛﻴﻨﻲ .. ﺍﻋﺮﻑ ﻏﻠﻄﺖ ﺑﺲ ﻣﺠﺒﻮﺭ ﻭﻋﻴﻮﻧﺞ ﻣﺠﺒﻮﺭ ..
- ﺍﺑﺘﻌﺪ ﻋﻨﻲ ﻻ ﻭﺍﻟﻘﺮﺍﻥ ﺍﺫﺑﺤﻚ .. ﻭﻭﻭﻭﻭﻭﻭﻭﻭﻭﺧﺮ .. ﻭﺳﺦ ﻗﺬﺭﺭﺭﺭﺭﺭﺭ .. ﻛﻠﺐ ﻣﺨﻨﺚ ..
- ﺗﺮﻩ ﺗﺤﻤﻠﺘﺞ ﺑﻤﺎ ﻓﻴﻪ ﺍﻟﻜﻔﺎﻳﻪ ﻻ ﺗﺘﺠﺎﻭﺯﻳﻦ ..
- ﻻ ﻭﺍﻟﻠﻪ .. ﻣﺎ ﺍﺗﺠﺎﻭﺯ ﻣﻮﻭﻭ .. ﺗﻔﻮ ﻋﻠﻰ ﻭﺟﻬﻚ ﺍﺫﺍ ﺍﻧﺖ ﺭﺟﺎﻝ .. ﻟﻚ ﺍﻧﺖ ﺍﻧﺖ ﻗﻨﺪﺭﻩ ﺣﺮﺍﻡ ﺍﺳﺎﻭﻳﻚ ﺑﻴﻬﺎ .. ﺍﻟﻘﻨﺪﺭﻩ ﺑﻴﻬﺎ ﻣﻨﺎﻓﻊ ﺍﻧﺘﻪ ﻻ ﻧﻔﻊ ﻭﻻ ﺩﻓﻊ .. ﺩﺛﻮ ..
ﺣﺠﻴﺖ ﻫﻴﺞ .. ﻭﻫﻮ ﻟﺰﻣﻨﻲ ﻣﻦ ﺷﻌﺮﻱ ﻣﻨﻮ ﺍﻟﻘﻨﺪﺭﻩ ﻭﻣﻨﻮ ﺍﻟﺪﺛﻮ .. ﺑﻨﺖ ﺍﻟﻜﻮ ..... ﻟﺞ ﺍﺫﺑﺤﺞ ﻭﻣﺤﺪ ﻳﺪﺭﻱ ﺑﻴﺞ ﺍﻓﺘﻬﻤﺘﻲ ﺣﺮ ﺍﻧﻲ ﺑﻴﺞ ﺍﺷﺘﺮﻳﺘﺞ ﺑﻔﻠﻮﺳﻲ ﻓﻬﻤﺘﻴﻴﻴﻴﻴﻴﻲ
ﺍﺑﻴﻌﺞ ﺍﺷﺘﻐﻞ ﺑﻴﺞ ﻫﺬﺍ ﺷﻲ ﺭﺍﺟﻌﻠﻲ ﺍﻧﺘﻲ ﻣﺎ ﻳﺨﺼﺞ ﺍﻧﻲ ﺷﻨﻮ ﺍﺳﻮﻱ ﻋﻠﻴﺞ ﺗﻨﻔﺬﻳﻦ ﻭﺑﺲ ..
- ﻻﺯﻡ ﺷﻌﺮﻱ ﻭﻳﺤﺠﻲ ﻭﻳﺼﺮﺥ ﺑﻮﺟﻬﻲ ﺗﻔﻠﺖ ﺑﻮﺟﻬﻪ ﻣﻦ ﻛﺪ ﻣﺎ ﻗﺮﻓﺖ ﻣﻨﺎ ..
ﻣﻦ ﺗﻔﻠﺖ ﺩﻓﻌﻨﻲ ﻟﻠﻜﺎﻉ .. ﻣﺴﺢ ﻭﺟﻪ ﻭﻧﺰﻝ ﻋﻠﻴﻪ ﺑﻮﻛﺴﻴﺎﺕ ﻭﺿﺮﺏ ﻭﺍﻧﻲ ﺗﻌﺒﺎﻧﻪ ﻭﻫﻠﻜﺎﻧﻪ ..
ﺍﻧﻬﺪ ﺣﻴﻠﻲ ﻣﺎ ﻛﺪﺭﺕ ﺍﺭﻓﻊ ﻻ ﺍﻳﺪ ﻭﻻ ﺭﺟﻞ ﺑﺲ ﻫﻮ ﻳﺼﺮﺥ ﻭﻳﻌﻴﻂ ﻭﻳﻀﺮﺏ .. ﺑﻘﻴﺖ ﻫﺎﻣﺪﻩ ﺟﻮﻩ ﺭﺟﻠﻴﻪ ..
ﺍﺧﺮ ﺿﺮﺑﻪ ﻛﺎﻧﺖ ﺩﻓﺮﻩ ﻣﻦ ﺭﺟﻠﻪ .. ﺑﻨﻬﺎﻳﺔ ﺿﻬﺮﻱ .. ﻋﻠﻰ ﺍﻟﺤﻮﺽ ﻣﺎﻟﺘﻲ ﺷﻠﺘﻨﻲ ﺷﻞ .. ﺣﺘﻰ ﻣﺎ ﻛﺪﺭﺕ ﺍﺻﺮﺥ ﻓﻘﺪﺕ ﺍﻟﻮﻋﻲ ﻓﻮﺭﺍ .... ﻳﺘﺒﻊ
☆
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء