رواية خطوات نحو الجحيم ج2 الجزء التاسع عشر
للكاتبة زينب ماجد
⭐⭐
ﻣﺨﻠﺪ -: ﻟﺤﻈﻪ ﺍﻛﻔﻴﻠﻲ ﺩﻗﻴﻘﻪ ﺷﻨﻮ ﻳﻌﻨﻲ ﻣﻮ ﻭﺍﻋﻴﻪ .. ﺷﻤﺴﻮﻳﻠﺞ ﻫﺬﺍ ﺍﻟﻐﻴﺮﻩ ﺳﺰ .. ﻣﺸﺮﺑﺞ ﻋﺮﻙ ﻟﻮ ﻣﻜﺒﺴﻠﺞ ..
- ﺻﻔﻨﺖ ﺑﻮﺟﻬﻪ ﻭ ﺑﻘﻴﺖ ﺣﺎﻳﺮﻩ ﺷﻠﻮﻥ ﺍﺩﺍﺭﻱ ﺍﻟﺠﻮﺍﺏ ....
- ﺷﻮ ﺻﻔﻨﺘﻲ .
- ﻣﺨﻠﺪ ﺗﻌﺒﺎﻧﻪ ﻭﺍﻟﻠﻪ .. ﻳﻌﻨﻲ ﺷﻮﻗﻌﻨﻲ ﺟﻨﺖ ﻣﺮﻳﻀﻪ ﻭﺍﻟﻜﻠﺐ ﺍﺳﺘﻐﻞ ﻣﺮﺿﻲ ﻭﻭﻗﻌﻨﻲ ﻋﻠﻰ ﺍﻻﻭﺭﺍﻕ ..
ﺷﻌﺮﻓﻨﻲ ﻳﻄﻠﻊ ﻫﻴﺞ ﻧﺬﻝ ..
- ﻫﺴﻪ ﻋﺮﻓﺘﻲ ﻧﺬﻝ ﻟﺠﻴﻦ ..
- ﺍﺧﺬﺕ ﻧﻔﺲ ﻭﺩﺭﺕ ﻭﺟﻬﻲ .. ﻣﺎ ﺭﺩﻳﺖ ..
- ﺯﻳﻦ ﻭﺷﺴﻮﻳﺘﻲ ..
- ﺭﻓﻌﺖ ﻋﻠﻴﻪ ﻗﻀﻴﻪ ﺍﻥ ﻫﻮ ﻭﻗﻌﻨﻲ ﻋﻠﻰ ﺍﻻﻭﺭﺍﻕ ﺑﺎﻟﺨﺪﻋﻪ .. ﻭﻫﻮ ﻣﻨﻬﺰﻡ ﻭﺩﻳﻼﺣﻘﻮ ..
- ﺍﻟﺸﺮﻃﻪ ﻻ ﺗﺤﻤﻲ ﺍﻟﻤﻐﻔﻠﻴﻦ ﻣﺎ ﺍﻋﺮﻑ .. ﺍﺣﺲ ﺍﻟﺸﻐﻠﻪ ﻣﻮ ﻣﻔﻬﻮﻣﻪ ..
ﺣﺠﺖ ﻋﻤﺘﻲ .. ﺧﺎﻑ ﺍﻟﻘﻮﺍﻧﻴﻦ ﻫﻨﺎﻙ ﺑﻠﺒﻨﺎﻥ ﺗﺨﺘﻠﻒ ﻋﻦ ﻫﻨﺎ ..
ﻣﺨﻠﺪ -: ﻣﺎ ﺍﻋﺮﻑ ﻭﺍﻟﻠﻪ .. ﻫﻨﺎﻙ ﺷﻠﻮﻧﻬﺎ ﺍﻟﻘﻮﺍﻧﻴﻦ
- ﻣﺎ ﺭﺩﻳﺖ ﻋﻠﻴﻪ .. ﻣﺪﺩﺕ ﻋﻠﻰ ﺭﺟﻞ ﺍﻣﻲ .. ﺑﺎﺱ ﺍﺑﻨﻪ ﻭﻛﺎﻟﻪ ﺣﻤﻮﺩﻱ ﺳﻠﻤﺖ ﻋﻠﻰ ﻋﻤﻪ ﻟﻮ ﻻ ..
ﺭﻭﺡ ﺑﻮﺳﻬﺎ .. ﺍﺟﻪ ﺑﺎﺳﻨﻲ ﺑﺨﺪﻱ .. ﺍﺑﺘﺴﻤﺘﻠﻪ .. ﻭﻣﺴﺤﺖ ﻋﻠﻰ ﺧﺪﻩ ﻓﺪﻭﻩ ﺣﺒﻴﺒﻲ ﺍﻟﻠﻪ ﻳﺤﻔﻈﻚ ..
ﺯﻣﻦ ﻣﺮﺕ ﻣﺨﻠﺪ ﺟﺎﻧﺖ ﻭﺍﻛﻔﻪ ﺑﺎﻟﺒﺎﺏ .. ﻛﺘﻠﻬﺎ ﻣﻮ ﺳﻤﻌﺖ ﺻﺎﺭ ﻋﻨﺪﺝ ﺑﻌﺪ ﻭﻟﺪ ﻻﺥ ..
ﻛﺎﻟﺖ ﺍﻱ .. ﻣﺤﻤﺪ .. ﻋﻤﺮﻩ 6 ﺍﺷﻬﺮ ..
ﺣﺎﺟﺘﻬﺎ ﺍﻣﻲ .. ﺻﺪﻙ ﻫﺴﻪ ﺍﻧﺘﻲ ﺣﺎﻣﻞ ..
ﺯﻣﻦ -: ﺍﻱ ﻋﻠﻴﻪ 3 ﺍﺷﻬﺮ ..
ﺍﻻﻡ -: ﻳﺎ ﺩﺍﺩﻩ ﺍﺑﻨﺞ ﺑﻌﺪﻩ ﺻﻐﻴﺮ ﺷﻠﺞ ﺑﻲ ﺣﺒﻠﺘﻲ
ﺯﻣﻦ -: ﺍﻧﻲ .. ﻏﻴﺮ ﻣﺨﻠﺪ .. ﻣﺬﻣﻤﻨﻲ ﻣﺎ ﺍﺳﺘﺨﺪﻡ ﺷﻲ
ﻫﻮ ﻣﻐﻠﺲ ﻉ ﺍﻟﺤﺠﻲ ﻣﺴﻮﻱ ﻧﻔﺴﻪ ﻳﻠﻌﺐ ﻭﻳﻪ ﺍﺑﻨﻪ ﻭﻳﺤﺠﻲ ﻭﻳﺎﻩ .. ﻣﻦ ﺳﻤﻊ ﻣﺮﺗﻪ ﺣﺠﺖ ﻫﻴﺞ ..
ﻣﺨﻠﺪ -: ﻫﻮ ﻣﻮ ﺻﻮﺟﻜﻢ .. ﺻﻮﺝ ﺍﻟﻜﺎﻋﺪ ﻳﻤﻜﻢ ﺍﻻ ﺍﻟﻴﻜﻌﺪ ﻳﻢ ﺍﻟﻨﺴﻮﺍﻥ ﺷﻴﺤﺼﻞ ﻏﻴﺮ ﺍﻟﺴﻮﺍﻟﻒ ﺍﻟﺒﺎﻳﺨﻪ .
ﺻﺎﺣﺖ ﻋﻤﺘﻲ .. ﻳﺎ ﺑﺎﻳﺨﻪ ﻭﻟﻚ ﺍﻧﻄﻲ ﻟﻠﺒﻨﻴﻪ ﻓﻨﺘﻚ .. ﺷﻠﻬﺎ ﺑﺎﻟﺠﻬﺎﻝ .. ﻫﺰ ﺍﻳﺪﻩ ﻭﻃﻠﻊ ﻣﺎ ﺭﺩ ..
ﺭﺩﺕ ﻋﻠﻴﻬﺎ ﻋﻤﺘﻲ ﺷﻠﺞ ﺑﻲ ﺑﺮﻩ .. ﺷﻨﻮ ﺗﺠﻴﺒﻴﻦ ﻭﺗﻜﻮﻣﻴﻦ ..
ﺯﻣﻦ -: ﻋﻤﻪ ﻣﺎ ﻳﻘﺒﻞ ﻳﻜﻮﻝ ﺍﺣﻨﻪ ﺍﻟﻤﻦ ﻣﺘﺰﻭﺟﻴﻦ ﻏﻴﺮ ﻧﺨﻠﻒ ﻫﻲ ﻫﺎﻱ ﺍﻟﺤﻴﺎﺓ ﺍﻟﺰﻭﺟﻴﻪ ..
ﻛﺮﺟﻴﻪ -: ﺷﺒﻴﺞ ﻳﺎ ﺻﺒﻴﺤﻪ ﺭﺟﺎﻝ ﻣﺘﻤﻜﻦ ﻭﻋﻨﺪﻩ ﺧﻴﺮ ﻟﻴﺶ ﻣﺎ ﻳﺨﻠﻒ .. ﻋﺴﻰ ﻣﺎ ﻳﺠﻴﺐ ..10 ﻫﻮ ﺍﻻﺣﺴﻦ ..
ﺍﻣﻲ -: ﻳﺎ ﻛﺮﺟﻴﻪ ﻫﻲ ﺑﺲ ﺧﻠﻔﻪ .. ﺩﺗﺨﻠﻒ ﺑﺸﺮ ﻣﻮ ﺣﻴﻮﺍﻧﺎﺕ .. ﻳﺤﺘﺎﺟﻠﻬﻢ ﺗﺮﺑﻴﻪ ﺍﻋﺘﻨﺎﺀ ﻣﻮ ﺑﺲ ﺟﻴﺐ ﻭﺧﻠﻲ ﺑﺤﻠﻜﻬﻢ .. ﻣﺤﺪ ﻣﺎﺕ ﺟﻮﻉ .. ﻭﺍﻟﻌﺮﺍﻕ ﻭﺿﻌﻪ ﻟﻼﺳﻮﺀ ..
ﺻﺎﺭ ﺷﻲ ﻻ ﺳﺎﻣﺢ ﺍﻟﻠﻪ .. ﻳﺒﻘﻮﻥ ﻳﺠﺮﺟﺮﻭﻥ ..
ﮔﺮﺟﻴﻪ -: ﻫﻲ ﻫﺎﻱ ﺑﻌﺪ ﺳﻨﺔ ﺍﻟﺤﻴﺎﺓ ﺍﻟﺨﻠﻘﻬﻢ ﻫﻮ ﻳﺤﻤﻴﻬﻢ
⭐⭐
ﺍﻻﻡ -: ﻳﺎ ﺷﻨﻮ ﺳﻨﺔ ﺍﻟﺤﻴﺎﺓ .. ﺑﺸﺮ ﺍﺣﻨﻪ ﻟﻮ ﺑﺰﺍﺯﻳﻦ .. ﺧﺎﻟﻪ ﻧﺼﻴﺤﻪ ﺧﻠﻔﻲ ﻫﺬﺍ ﻭﺭﻭﺣﻲ ﺩﻛﺘﻮﺭﻩ ﺷﻲ ﺗﻤﻨﻊ ﺣﻤﻠﺞ
ﺍﺫﺍ ﺗﺒﻘﻰ ﻉ ﺍﻟﺮﻳﺎﺟﻴﻞ ﻣﺎ ﻋﻠﻴﻬﻢ ﺷﻲ .. ﺍﺳﻤﻪ ﻣﺒﺮﻭﻙ ﺟﺎﻟﻚ ﻃﻔﻞ .. ﻭ ﺍﻟﻮﻛﻌﻪ ﺑﺮﺍﺳﺞ ..
ﻛﺮﺟﻴﻪ -: ﻳﺎ ﺷﻨﻮ ﺗﻜﻄﻊ ﺧﻠﻔﺔ ﻭﻟﻴﺪﻱ ﺷﺤﺪﻫﺎ .. ﺍﻟﻤﻦ ﻣﺎﺧﺬﻫﺎ ﻳﺒﺎﻭﻋﻠﻬﺎ ..
ﺷﻮ ﻻ ﻣﻘﺼﺮ ﻋﻠﻴﻬﺎ ﻭﻻ ﻋﻠﻰ ﻭﻟﻴﺪﺍﺗﻬﺎ ﺷﻴﺮﺩﻭﻥ ﻳﺪﻟﻠﻮﻥ ﻳﺠﻴﺐ ﻭﻳﺤﻂ ﺑﺤﻠﻮﻛﻬﻢ .. ﺷﺘﺮﻳﺪ ﺑﻌﺪ ..
ﺍﻟﻐﻴﺮﻫﺎ ﺗﺘﺤﺼﺮ ﻋﻠﻰ ﻣﺨﻠﺪ .. ﻓﺪﻭﻩ ﺍﻟﻄﻮﻟﻪ ﻛﻤﺮﻩ ﺑﻴﻦ ﺍﻟﺮﻳﺎﺟﻴﻞ .. ﺍﻟﻌﺎﻓﻨﻪ ﺗﺤﺴﺮﻥ ﻋﻠﻴﻪ ..
ﺣﺠﺖ ﻋﻤﺘﻲ ﻫﺎ ﻛﺮﺟﻴﻪ ﺧﻴﺮﺝ . ﺷﻮﺻﻴﻨﺎ ..
ﻛﺮﺟﻴﻪ -: ﻫﺴﻪ ﺍﻧﻲ ﺣﺎﺟﻴﻪ ﺑﺲ ﻭﺍﺣﺪ ﻳﺤﺠﻲ ﺑﺨﺘﻪ ﻟﺠﻴﻦ ﻣﺎ ﺗﺤﺴﺮﺕ ﻋﻠﻰ ﻣﺨﻠﺪ ﻣﻦ ﻋﺎﻓﺘﻪ .. ﻟﻮ ﻣﺎ ﺧﺬﻫﺎ ﻫﺬﺍ ﺣﺎﻟﻬﺎ
ﺑﺲ ﻫﻲ ﺗﻌﺎﻓﺖ ... ﺗﺴﺘﺎﻫﻞ ﻣﻦ ﻭﻛﺎﺣﺘﻬﺎ ﻭﻋﺮﺍﻣﺘﻬﺎ ﺍﻧﺘﺤﺮﺕ ﻭﺗﺼﻴﺢ ﻣﺎ ﺭﻳﺪﻩ ﺗﺎﻟﻲ ﺣﻮﺑﺔ ﻭﻟﻴﺪﻱ ﻃﻠﻌﺖ ﺑﻴﻬﺎ ..
ﻋﻤﺘﻲ -: ﻳﺎ ﻛﺮﺟﻴﻪ ﺷﻨﻮ ﻫﻠﺤﺠﻲ ﺍﻟﻤﺎﺻﺦ .. ﺩﺳﻜﺘﻲ ..
ﺍﻣﻲ ﺩﻧﻜﺖ ﺭﺍﺳﻬﺎ ﻣﻨﻬﺎ ﻣﺎ ﺣﺠﺖ ﻭﻻ ﺭﺩﺕ ﻋﻠﻴﻬﺎ ..
ﻛﺮﺟﻴﻪ -: ﺷﺤﺠﻴﻨﻪ ﻳﺎ ﺻﺒﻴﺤﻪ .. ﻛﻠﻤﺔ ﺍﻟﺤﻚ ﻣﺎ ﺗﻨﺮﺍﺩ .. ﺗﻜﺒﺮﺕ ﻋﻠﻴﻪ ﺗﺎﻟﻲ ﺍﻟﻠﻪ ﻛﺎﻟﻠﻬﺎ ﺍﺻﺒﺮﻱ .. ﻭﻫﺴﻪ ﻫﻲ ﺗﺘﻤﻨﻰ ﻣﺨﻠﺪ ﺑﺪﺍﺧﻠﻬﺎ ﻭﻣﺘﻨﺪﻣﻪ ﺟﻲ ﻣﺎ ﺧﺬﺗﻪ ..
ﺍﻧﻲ ﺍﺫﺍ ﺍﻟﺤﺎﻳﻂ ﺭﺩ .. ﺍﻧﻲ ﺭﺩﻳﺖ .. ﺷﺤﺠﻲ .. ﺣﻴﻞ ﻭﻳﺎﻱ ﺍﺳﺘﺎﻫﻞ ﺍﻟﺸﻤﺎﺗﻪ .. ﺍﻟﺰﺍﻣﻄﺖ ﺑﻴﻪ ﺑﺎﻋﻨﻲ ﺷﺮﻳﺪ ﺍﺣﺠﻲ ﺑﻘﻴﺖ ﺑﺲ ﻣﺪﻧﻜﻪ ﺭﺍﺳﻲ ..
ﺑﺲ ﻋﺰﺓ ﺍﻟﺪﻣﻌﻪ ﺑﻌﻴﻮﻧﻲ .. ﻣﺎ ﻧﺰﻟﺘﻬﺎ ﺑﺲ ﺍﺧﺘﻨﻜﺖ ﺑﺎﻟﻌﺒﺮﻩ ... ﻣﻦ ﻛﻼﻣﻬﺎ ..
ﺣﺠﺖ ﻭﻳﺎﻫﺎ ﺑﻨﺘﻬﺎ .. ﻳﻤﻪ ﺷﺠﺎﺝ ﻣﺮﺗﻪ ﻣﻨﺎ ﻛﺎﻓﻲ ﻗﺒﻞ ﻳﻮﻣﻴﻦ ﺍﺟﺖ ﻫﻢ ﺗﺮﺩﻳﻠﻬﻢ ﻣﺸﻜﻠﻪ ..
ﺯﻣﻦ -: ﻻ ﻋﻮﻓﻴﻬﺎ ﺗﻌﻮﺩﺕ ﻋﻠﻰ ﺣﺠﻲ ﻋﻤﺘﻲ ﺑﻌﺪ .. ﻣﻦ ﺟﺎﻧﺖ ﻟﺠﻴﻦ ﻣﻮ ﻫﻨﺎ ﺗﻘﺎﺭﻧﻲ ﺑﻴﻬﺎ ﻭﺍﻃﻠﻌﻨﻲ ﺍﻧﻲ ﻭﺍﻟﻘﺮﺩﻩ ﺳﻮﻩ ..
ﻭﻫﺴﻪ ﺗﻜﻠﻬﺎ ﻫﺎﻱ ﺣﻮﺑﺘﻬﺎ .. ﻭﺍﻟﻠﻪ ﻟﻮ ﻣﺎ ﻋﻨﺪﻱ ﺟﻬﺎﻝ ﻭﺣﻖ ﺍﻟﻠﻪ ﺑﻜﺒﺮﻩ ﺍﺷﺮﺩ ﻣﺜﻞ ﻣﺎ ﺷﺮﺩﺕ ﻟﺠﻴﻦ ﻭﺍﺧﻠﺺ ﻣﻦ ﻣﺨﻠﺪ ﻭﻫﻠﻌﻴﺸﻪ ﺍﻟﺴﻮﺩﻩ ..
ﺣﺠﺖ ﻭﺑﺠﺖ .. ﺭﺩﻭﻫﺎ ﻳﺎﺍﺍﺍ ﺷﺠﺎﺝ ﺍﻧﺘﻲ ﺍﻟﺜﺎﻧﻴﻪ .. ﺗﻬﺪﻭ ﺑﺎﻟﺮﺣﻤﻦ ..
ﺯﻣﻦ -: ﻫﻮ ﻣﺨﻠﺪ ﺑﺸﺮ ﻳﻨﻌﺎﺵ ﻭﻳﺎﻩ .. ﻣﺎ ﻟﺰﻣﻴﻨﻲ ﻏﻴﺮ ﻫﻠﺠﻬﺎﻝ ﺫﻭﻟﻪ ﻭﺍﻟﻠﻪ ﻳﺎ ﺧﺎﻟﻪ ﺭﻭﺣﻲ ﻃﻠﻌﺖ ..
ﻳﻜﻌﺪ ﻫﻴﺞ ﻫﻴﺞ ﻣﻦ ﺍﻫﻠﺞ ﻭﻳﻨﺎﻡ ﻭﻫﻮ ﻳﺴﺐ ﺑﻴﻬﻢ .. ﻭﻣﻦ ﺍﺣﺠﻲ ﺍﻛﻠﻪ ﻻ ﺗﺴﺒﻬﻢ ﻳﺼﻴﺢ ﺗﺮﺩﻳﻦ ﺑﻮﺟﻬﻲ ﻭﻳﻜﺘﻠﻨﻲ
ﻣﻦ ﺍﺩﺍﻓﻊ ﻋﻦ ﻧﻔﺴﻲ ﻭﺍﺭﻓﻊ ﺍﻳﺪﻱ ﻟﻮ ﺍﺩﻓﻌﻪ ﻣﻨﻲ ﺍﺫﺍ ﻳﻀﺮﺑﻨﻲ ﻳﻜﻮﻝ ﺍﺗﻌﺪﺕ ﻋﻠﻴﻪ ﻭﺭﻓﻌﺖ ﺍﻳﺪﻫﺎ ﺑﻮﺟﻬﻲ ﻭﻳﻜﻠﺐ ﺍﻟﺪﻧﻴﺎ ﻓﻮﻙ ﺭﺍﺳﻲ ..
ﻻ ﺧﻠﺼﺎﻧﻪ ﻣﻦ ﺍﻟﺴﺎﻥ ﻣﺨﻠﺪ ﻭﻻ ﻣﻦ ﺍﻟﺴﺎﻥ ﻋﻤﺘﻲ ﻭﺍﻟﻠﻪ ﻭﺍﺣﺮﻙ ﺭﻭﺣﻲ ﻭﺍﻣﻮﺕ ..
ﻛﺮﺟﻴﻪ -: ﺗﺮﺣﻴﻠﻪ ﻓﺪﻭﻩ ﺑﻨﺖ ﺍﻟﻔﻜﺮ .. ﻟﻮ ﻣﺎ ﻳﺒﺎﻭﻉ ﻟﺤﻠﻜﺞ .. ﺷﻜﻴﺘﻴﻠﻪ ﻣﺮﻩ ﺧﻠﻴﺘﻲ ﻳﻨﺰﻝ ﻳﺘﺨﺒﻞ ﻋﻠﻴﻨﺎ ﺷﻠﻮﻥ ﻧﺤﺠﻲ ﻋﻠﻴﺞ
ﻭﺭﺍﺡ ﺑﻴﻮﻣﻬﺎ ﻋﺰﻟﺞ ﻓﻮﻙ ﻭﺳﻮﺍﻟﺞ ﻣﻄﺒﺦ ﻭﻫﻮﻝ .. ﻣﻦ ﺳﻮﺍﻫﻦ ﺍﻟﺞ ﺍﻟﺨﻠﻔﺞ ...
ﺯﻣﻦ -: ﻻ ﺍﺭﻳﺪ ﺑﻴﺖ ﻭﻻ ﺍﺭﻳﺪ ﺍﻓﻠﻮﺱ ﻭﻻ ﺍﺭﻳﺪ ﺍﻱ ﺷﻲ .. ﻣﺘﺖ ﺍﺭﻳﺪﻩ ﺑﺲ ﻳﺤﺘﺮﻣﻨﻲ .. ﻳﻐﻠﻂ ﻭﻳﺴﺐ 24 ﺳﺎﻋﻪ
⭐⭐
ﻣﻤﺨﻠﻴﻠﻲ ﺍﻱ ﺭﺃﻱ ﺍﻋﻴﺶ ﻭﺍﻧﻲ ﺳﺎﻛﺘﻪ ﺷﻴﻜﻮﻝ ﻻﺯﻡ ﺍﻛﻮﻝ ﺍﻱ ﺣﺘﻰ ﻟﻮﻭﻣﺎ ﻳﻌﺠﺒﻨﻲ ﻭﺍﺫﺍ ﺣﺠﻴﺖ ﺗﺼﻴﺮ ﻣﺸﻜﻠﻪ ﺍﻟﻬﺎ ﺍﻭﻝ ﻣﺎ ﺍﻟﻬﺎ ﺗﺎﻟﻲ ..
ﻭﻟﻮ ﺭﺍﺩ ﺷﻐﻠﻪ ﻳﺤﺴﺒﻠﻲ ﻝ 3 ﺍﺫﺍ ﻣﺎ ﻧﻔﺬﺕ ﻳﻜﺘﻠﻨﻲ .. ﻳﺎ ﻓﻠﻮﺱ ﻳﺎ ﻣﻼﺑﺲ ﺍﻋﺼﺎﺑﻪ ﻧﺎﺭ ﻣﺎ ﺗﻨﺤﻤﻞ ﻋﻴﺸﺘﻴﺶ ﻫﺎﻱ ..
ﺍﻧﻬﺪﺕ ﺗﺤﺠﻲ ﻭﺗﺒﺠﻲ ﻭﻳﻬﺪﻭﻥ ﺑﻴﻬﺎ ﻭﻣﺎ ﺗﺴﻜﺖ ﻣﺜﻞ ﻭﺍﺣﺪ ﻭﺍﻧﻔﺠﺮ .. ﺍﻧﻲ ﻣﻨﺘﺠﻴﻪ ﻉ ﺍﻟﺤﺎﻳﻂ ﻭﻻﻣﻪ ﺭﺟﻠﻴﻪ ﻟﺼﺪﺭﻱ ﻭﺍﺳﺘﻤﻊ ﻟﻠﻮﺿﻌﻴﻪ ..
ﻛﺎﻣﺘﻠﻬﺎ ﺍﻣﻲ ﻭﻋﻤﺘﻲ ﻳﻬﺪﻭﻥ ﺑﻴﻬﺎ .. ﺍﻣﻲ ﻣﺴﺤﺖ ﺩﻣﻮﻋﻬﺎ ﻭﻛﺎﻟﺘﻠﻬﺎ ﻣﺤﺪ ﻳﺴﺘﺎﻫﻞ ﺩﻣﻮﻋﺞ ﻭﺍﻟﻠﻪ . ﺻﻴﺮﻱ ﻗﻮﻳﻪ ﺍﺷﻜﺎﻝ ﺷﻔﻨﺎ ﻭﺗﺤﻤﻠﻨﺎ .. ﺗﺼﻴﺮ ﺳﻮﺍﻟﻒ ..
ﺧﻄﻴﻪ ﻛﺴﺮﺕ ﺧﺎﻃﺮﻱ .. ﺗﻤﺴﺢ ﺑﺪﻣﻮﻋﻬﺎ ﻭﺗﺠﺮﻱ ﻭﺍﺑﻨﻬﺎ ﺣﻤﻮﺩﻱ ﻭﻛﻒ ﻛﺒﺎﻟﻬﺎ ﻳﺒﺎﻭﻋﻠﻬﺎ ﻻﻥ ﺗﺒﺠﻲ ﻭﺩﻣﻮﻋﻪ ﻳﺠﺮﻥ ..
ﻣﺪﻳﺖ ﻧﻔﺴﻲ ﻭﺳﺤﺒﺖ ﺍﻳﺪﻩ ﻭﻛﻌﺪﺗﻪ ﺑﺤﻈﻨﻲ .. ﻟﻴﺶ ﺣﻤﻮﺩﻱ ﺍﻟﺤﻠﻮ ﻳﺒﺠﻲ .. ﻣﺎ ﻳﺤﺠﻲ ﺑﺲ ﻳﺒﺎﻭﻉ ﻻﻣﻪ .. ﻭﻳﻤﺴﺢ ﺑﺪﻣﻮﻋﻪ
ﻛﺎﻋﺪﻩ ﻳﻤﻲ ﻃﻴﺒﻪ .. ﻛﺎﻟﺖ ﺧﻄﻲ ﻭﺍﻟﻠﻪ ﺷﺎﻳﻔﻪ ﺍﻟﻀﻴﻢ ﻭﻳﺎﻩ .. ﺍﺷﺎﻓﺖ ﻳﻨﻄﻴﻬﺎ ﻓﻠﻮﺱ ﻭﻃﻠﻌﻪ ﻣﺎﻛﻮ ﻭﺑﺲ ﻟﻠﺠﻬﺎﻝ ﻋﻴﺸﺘﻬﺎ ﺗﺴﻜﺖ ﺑﻬﺬﺍ ﻭ ﺗﻨﻮﻡ ﺑﻬﺬﺍ ﻭﻟﻮ ﺭﺍﺿﻲ
- ﺍﺧﺬﺕ ﻧﻔﺲ .. ﻫﻮ ﻫﺬﺍ ﻣﺨﻠﺪ ﻣﺎ ﺍﺳﺘﻐﺮﺏ ﻣﻦ ﺍﻟﻜﻼﻡ ﺿﺮﺏ ﻭﻏﻠﻂ ﻭﺳﺐ ﺭﻏﻢ ﻃﻴﺒﺔ ﮔﻠﺒﻪ ﺑﺲ ﻫﻠﺼﺎﻓﺖ ﻋﺎﻣﻪ ﻋﻠﻴﻪ .
ﻃﻴﺒﻪ -: ﻟﺞ ﻗﺒﻞ ﻓﺎﺗﺤﺔ ﻋﻤﻲ ﺑﻴﻮﻣﻴﻦ ﺟﺎﺑﻮﻫﺎ ﻣﻦ ﺍﻫﻠﻬﺎ ﺭﺍﺩﺕ ﺍﻟﻄﻼﻙ .. ﺑﺲ ﻛﻠﻬﺎ ﻭﻛﻔﺖ ﺿﺪﻫﺎ .. ﻣﺎ ﻗﺒﻠﻮ ﻋﻠﻰ ﻣﻮﺩ ﺍﻟﺠﻬﺎﻝ
ﻟﻴﺶ .. ﺩﺍ ﺍﺳﺌﻞ ﺑﻄﻴﺒﻪ .. ﺍﻧﺘﺒﻬﺖ ﻋﻠﻰ ﺯﻣﻦ ﻟﻤﺎ ﺟﺎﺑﺖ ﺍﺳﻤﻲ ﻭﻫﻲ ﺗﻜﻮﻝ ..
ﻭﺍﻟﻠﻪ ﺍﺑﺎﻭﻉ ﺍﻟﻠﺠﻴﻦ ﺑﺎﻟﺘﻠﻔﺰﻳﻮﻥ ﺷﻠﻮﻥ ﺣﻠﻮﻩ ﺗﺨﺒﻞ ﻭﻋﺎﻳﺸﻪ ﺣﻴﺎﺗﻬﺎ ﻭﻣﺴﺘﻤﺘﻌﻪ ﺍﻛﻮﻝ ﺣﻘﻬﺎ ﻣﻦ ﺷﺮﺩﺕ ﻣﻦ ﻣﺨﻠﺪ ﻫﻲ ﻭﻳﻦ ﻭﻣﺨﻠﺪ ﻭﻳﻦ ..
ﺍﻣﻲ -: ﻻ ﺧﺎﻟﻪ ﻣﺨﻠﺪ ﺻﺪﻙ ﻳﻀﺮﺏ ﻭﻳﻐﻠﻂ ﺑﺲ ﺭﻳﺖ ﺍﻟﻨﺎﺱ ﻛﻠﻬﺎ ﻣﺜﻞ ﻛﻠﺒﻪ ..
ﺯﻣﻦ -: ﺧﺎﻟﻪ ﺍﻣﻨﺖ ﺑﺎﻟﻠﻪ .. ﺍﻟﺸﻬﺎﺩﻩ ﻟﻠﻪ ﻻ ﻳﻘﺼﺮ ﺑﻤﺼﺮﻓﻲ ﻻ ﺑﻤﺼﺮﻑ ﺟﻬﺎﻝ ﻻ ﺑﺄﻛﻠﻨﺎ ﻻ ﺑﻤﻠﺒﺴﻨﺎ .. ﺑﺲ ﺧﺎﻟﻪ ﻣﺎ ﻳﺤﺘﺮﻡ ..
ﻭﺍﺣﺪ ﻳﻜﻮﻡ ﻳﻜﻌﺪ ﻳﺴﺐ ﺍﻫﻠﺞ ﻉ ﺍﻟﺼﻐﻴﺮﻩ ﻭﺍﻟﺠﺒﻴﺮﻩ ﻭﺗﺒﺘﻠﻲ ﻟﻮ ﻃﻠﻌﺖ ﺍﺣﺠﺎﻳﻪ .. ﺍﻗﻞ ﺷﻲ ﺫﺍﻙ ﺍﻟﻴﻮﻡ ..
ﺍﺟﻪ ﺍﻟﻀﻬﺮ ﺗﻌﺒﺎﻥ .. ﻣﺤﻤﺪ ﻣﺮﻳﺾ ﻳﺒﺠﻲ .. ﺻﺎﺡ ﻃﻠﻌﻲ ﺑﺮﻩ ﺍﺭﻳﺪ ﺍﻧﺎﻡ .. ﻛﺘﻠﻪ ﺍﻟﺪﻧﻴﺎ ﺑﺎﺭﺩﻩ ﻭﻳﻦ ﺍﺧﺬﻩ ﻫﻨﺎ ﻣﺪﻓﻴﺘﻪ ﺑﺎﻟﻐﺮﻓﻪ .
ﺷﻠﻮﻥ ﺗﻜﻮﻟﻴﻦ ﻫﻴﺞ ﻭﺗﺮﺩﻳﻦ ﺑﻮﺟﻬﻲ ﻛﺘﻠﺞ ﻛﻠﻤﻪ ﺗﻜﻮﻟﻴﻦ ﺍﻱ ﺻﻠﻔﻪ .... ﺷﺎﻟﻨﻲ ﺍﻧﻲ ﻭﺟﻬﺎﻟﻲ ﻭﺷﻤﺮﻧﻲ ﺑﺮﻩ ﺍﻟﻐﺮﻓﻪ ﻭﻳﺼﻴﺢ ﺑﻨﺖ ﺍﻟﻜﻠﺐ ﻣﺎ ﺗﻜﻮﻝ ﺗﻌﺒﺎﻥ ﻳﺮﻳﺪ ﻳﺮﺗﺎﺡ
ﻭﺍﻧﻲ ﻭﺍﻟﻠﻪ ﺧﺎﻟﻪ ﺍﻳﺎﻡ ﻣﺎ ﺷﺎﻳﻔﻪ ﺍﻟﻨﻮﻡ ﻣﻦ ﻫﻠﻄﻔﻞ ﻭﺗﺤﻤﻠﺖ ﻭﻧﺰﻟﺖ ﻟﻠﻤﻐﺮﺏ ﻳﻠﻪ ﻧﺰﻝ ﻣﺒﺪﻝ ﻭﻃﻠﻊ ..
ﺍﺧﺬﺕ ﺍﻟﺠﻬﺎﻝ ﻭﺻﻌﺪﺗﻬﻢ .. ﻟﻠﻌﺸﺮﻩ ﺍﺟﻪ .. ﺷﻠﻮﻥ ﻣﻤﻨﻮﻣﻪ ﺍﻟﺠﻬﺎﻝ .. ﻭﺳﺐ ﻭﻏﻠﻂ ﻭﺻﻴﺎﺡ .. ﺍﻛﻠﻪ ﻣﺤﻤﺪ ﻣﺮﻳﺾ ﻳﺒﺠﻲ ﻭﺍﺣﻤﺪ ﻳﻜﻌﺪ ﻋﻠﻰ ﺻﻴﺎﺣﻪ ...
ﻣﺎ ﻳﻔﻬﻢ . ﻻﺯﻡ ﺍﺳﻜﺘﻬﻢ ﻭﺍﻧﻮﻣﻬﻢ .. ﺣﺘﻰ ﻳﻨﺎﻡ ﻭﺭﺍﻩ ﺩﻭﺍﻡ .. ﻧﻮﻣﺖ ﺍﺣﻤﺪ ﻛﻮﻩ ﻭﻧﺰﻟﺖ ﺟﻮﻩ ﻣﻨﻪ ﺍﻧﻮﻡ ﻣﺤﻤﺪ ﻝ 3 ﻛﻮﻩ ﻳﻠﻪ ﻏﻔﻪ ..
ﺻﻌﺪﺕ ﺍﻭﻝ ﻣﺎ ﺧﻠﻴﺘﻪ ﺑﻜﺎﺭﻭﻛﻪ ﻓﺰ .. ﻣﻦ ﺍﻟﺘﻌﺐ ﺻﺮﺧﺖ ﺑﻮﺟﻪ ﺍﻟﻄﻔﻞ .. ﺷﻠﻮﻥ ﺗﺼﺮﺧﻴﻦ ﺑﻮﺟﻬﻪ ﻟﺰﻣﻨﻲ ﻣﻦ ﺷﻌﺮﻱ ﻭﺍﻟﻠﻪ ﻣﺎ ﺧﻠﻪ ﻋﻈﻢ ﺻﺎﺣﻲ ..
⭐⭐
ﻛﺘﻠﻬﻢ ﺍﺭﻳﺪ ﺍﻃﻠﻚ ﻣﺎ ﺍﺭﻳﺪﻩ .. ﻛﻠﻬﺎ ﻭﻛﻔﺖ ﺿﺪﻱ ﻭﺗﺼﻴﺢ ﻋﻨﺪﺝ ﺟﻬﺎﻝ .. ﻣﺎ ﻳﻨﺤﻤﻞ ﻭﺍﻟﻠﻪ ﺧﺎﻟﻪ ﻣﻴﻨﺤﻤﻞ ..
ﻫﻲ ﺗﺤﺠﻲ ﻭﺗﺒﺠﻲ ﻭﺍﻣﻲ ﻭﻋﻤﺘﻲ ﻳﻬﺪﻥ ﺑﻴﻬﺎ ﻭﻛﺮﺟﻴﻪ ﻛﻮﻣﻮﻫﺎ ﻣﻨﻬﺎ ﺑﻨﺎﺗﻬﺎ ﻛﺎﻟﻠﻬﺎ ﻋﻮﻓﻴﻬﺎ ﻣﺎﺑﻴﻨﺎ ﺣﻴﻞ ﻣﺸﻜﻠﻪ .. ﻫﺴﻪ ﻳﺠﻲ ﻭﻳﺘﺨﺒﻞ ﻭﻳﺴﻮﻳﻬﺎ ﻫﻮﺳﻪ ﺳﺘﺮﻱ ﻋﻠﻴﻨﺎ ..
ﻟﺤﺪ . ﻣﺎ ﻛﺎﻣﺖ ﺯﻣﻦ ﺍﺧﺬﺕ ﺟﻬﺎﻟﻬﺎ ﻭﺻﻌﺪﺕ .. ﺩﺍﺭﺗﻠﻲ ﺍﻣﻲ .. ﺗﻬﺰ ﺑﺮﺍﺳﻬﺎ .. ﻭﺗﻜﻠﻲ ﺷﻔﺘﻲ ..
- ﻫﺰﻳﺖ ﺭﺍﺳﻲ ﻣﻮ ﻏﺮﻳﺒﻪ ﻣﺎﻣﺎ .. ﻫﺬﺍ ﻣﺨﻠﺪ .. ﻣﻨﻌﺮﻓﻪ ﻗﺎﺑﻞ ﺍﻧﻲ ﺑﺲ ﺑﻨﺖ ﻋﻤﻪ ﻣﻮ ﻣﺮﺗﻪ ﺟﺎﻥ ﺍﻳﺪﻩ ﻭﺍﻟﻀﺮﺏ ﻭﻳﺎﻱ ﻭﺍﻟﻐﻠﻂ ﻣﺸﻬﻮﺩﻟﻪ .. ﺑﻨﺖ ﺍﻟﻜﻠﺐ ﻣﺎ ﺗﻮﻛﻊ ﻣﻦ ﺣﻠﻜﻪ ..
- ﻭﺍﻟﻠﻪ ﻳﺎ ﺩﺍﺩﺍ ﻣﺎ ﺍﺩﺭﻱ ﻛﺴﺮﺓ ﺧﺎﻃﺮﻱ .. ﺑﺲ ﺧﻮﺵ ﺍﻧﻄﺘﻬﺎ ﺑﻮﺟﻪ ﻛﺮﺟﻴﻪ ﻭﺭﺩﺗﻬﺎ ﺍﻟﻌﻮﺑﻪ ﺟﺎﻳﻪ ﺗﺘﺸﻤﺖ ﺑﻴﺞ ﻋﻠﻰ ﺣﻮﺭ ﺍﺑﻨﻬﺎ ﻗﺤﻂ ﺭﻳﺎﺟﻴﻞ ﻭﺗﺘﻤﻨﻴﻦ ﻣﺨﻠﺪ
- ﻣﺎﻣﺎ ﺍﺗﺮﻛﻲ ﻫﺴﻮﺍﻟﻒ .. ﻋﻠﻰ ﻛﺪ ﻋﻘﻠﻬﺎ .. ﻣﻮ ﺑﺤﺎﻟﻬﺎ .. ﺑﺲ ﻣﺼﺎﺏ ﺑﺎﺑﺎ ﺷﺎﻝ ﺭﺍﺳﻲ .. ﻣﺎ ﺑﻴﻪ ﺣﻴﻞ ﺍﻓﻜﺮ ﺑﻴﻬﺎ ..
ﺩﻧﺤﺠﻲ ﻃﺒﻮ ﻧﺴﻮﺍﻥ .. ﻛﻌﺪﻭ ﺑﺠﻮ ﺑﻘﻴﺖ ﺍﺑﺠﻲ ﻭﻳﺎﻫﻢ .. ﺷﻮﻳﻪ ﻭﺍﺟﺘﻲ ﻣﺮﺕ ﻣﺎﺯﻥ ﻛﺎﻟﺖ ﻛﻮﻣﻲ
ﻛﻤﺖ ﻣﻦ ﻳﻤﻬﻢ ﺭﺣﺖ ﻟﻠﻤﻄﺒﺦ .. ﺻﺎﺑﻴﻦ ﺍﻛﻞ .. ﻛﺎﻟﺖ ﻛﻌﺪﻱ ﺍﻛﻠﻲ .. ﻛﺘﻠﻬﺎ ﻣﺎ ﺍﺭﻳﺪ ﻣﺸﻜﻮﺭﻩ ..
- ﺩﻛﻌﺪﻱ ﻳﻤﻌﻮﺩﻩ ﺣﺘﻰ ﻟﻮ ﺑﺲ ﺳﻮﺏ ﺍﺷﺮﺑﻲ ﻳﻔﺘﺢ ﺻﻮﺗﺞ .. ﺟﺒﺮﺗﻨﻲ ﺍﻛﻌﺪ ﺍﻛﻞ .. ﺍﻟﺼﻴﻨﻴﻪ ﺑﻴﻬﺎ ﺻﺤﻦ ﺛﺮﻳﺪ ﻭﻋﻠﻴﻪ ﻟﺤﻢ ..
ﻭﺗﻤﻦ ﻋﻠﻴﻪ ﺣﺸﻮ ﻭﺷﻌﺮﻳﻪ ﻭﻟﺤﻢ .. ﻭﻛﺎﺳﺔ ﺳﻮﺏ ﻭﺯﻻﻃﻪ .. ﺍﺑﺘﺴﻤﺖ ﺷﻜﺪ ﻣﺸﺘﺎﻗﻪ ﻟﻬﻴﺞ ﻛﻌﺪﻩ ﻋﺮﺍﻗﻴﻪ ﻭﺻﻴﻨﻴﻪ ﻭﺑﺎﻟﻜﺎﻉ ..
ﻭﺭﻳﺤﺔ ﺍﻻﻛﻞ ﺍﻟﻌﺮﺍﻗﻲ ﻭﺍﻟﺘﺸﺮﻳﺐ ﺗﻤﻮﺕ ﺭﻏﻢ ﻣﺎ ﺍﺣﺐ ﺍﻟﻠﺤﻮﻡ .. ﻭﻣﺎ ﺍﻟﻲ ﻧﻔﺲ ﺑﺎﻻﻛﻞ .. ﻟﺰﻣﺖ ﺍﻟﺨﺎﺷﻮﻛﻪ ﻭﻛﻤﺖ ﺍﺷﺮﺏ ﺑﺎﻟﺴﻮﺏ ﻣﺎﻝ ﺍﻟﻠﺤﻢ .
ﺣﺎﺭ ﻳﺮﻳﺢ ﺑﻼﻋﻴﻤﻲ .. ﺩﺍ ﺍﺷﺮﺏ .. ﺍﻧﻌﺼﺮﺕ ﺍﻣﺘﻮﻧﻲ ﺻﺤﺖ ﺍﺍﺍﺍﺥ .. ﻛﻌﺪ ﻣﺎﺯﻥ ﻳﻤﻲ .. ﺍﻱ ﺷﻠﻮﻧﺞ ..
- ﺍﻟﺤﻤﺪﻟﻠﻪ .
- ﺍﻛﻠﺞ ﺷﻮ ﺑﺎﻟﻘﻨﺎﺓ ﺍﻃﻠﻌﻴﻦ ﺟﻨﺞ ﻧﺎﻧﺴﻲ ﻋﺠﺮﻡ ﻫﻨﺎ ﻣﺪﺭﻱ ﺷﻠﻮﻧﺞ ﺷﻮ ﻣﺘﻐﻴﺮﻩ ..
- ﻳﺎ ﺧﻴﻲ ﻣﻦ ﺍﻟﺨﻴﺮ .. ﻳﻜﻠﻪ ﺍﻟﻤﺮﺽ ﺑﻴﻚ ﻟﻮ ﺑﺎﻟﺤﺎﻳﻂ .
- ﺍﻟﺴﻼﻣﻪ ﺍﻥ ﺷﺎﺀﺍﻟﻠﻪ .. ﻭﻫﺬﺍ ﺍﻟﻮﻟﺪ .. ﺷﻨﻮ ﻋﻼﻗﺘﺞ ﺑﻴﻪ ..
- ﺻﺪﻳﻖ ﺧﻄﻴﻪ ﻭﻛﻒ ﻭﻳﺎﻳﻪ ﻭﻛﻔﺔ ﺍﺥ .. ﻣﻦ ﺗﺮﻛﻨﻲ ﺍﻟﻜﻠﺐ ﻭﺣﺪﻱ ﺣﺎﻳﺮﻩ ..
- ﻣﺒﻴﻦ ﺧﻮﺵ ﻭﻟﺪ .. ﺑﺲ ﻋﻔﻴﻪ ﺷﻜﺪ ﻣﺮﺗﺐ .. ﺷﻜﻠﻪ ﺍﺭﺗﺐ ﻣﻦ ﺣﻴﺎﺗﻲ ..
- ﺍﺑﺘﺴﻤﺖ .. ﻛﻌﺪ ﻣﺨﻠﺪ .. ﻭﻟﻚ ﻏﻴﺮ ﻳﻠﻤﻊ .. ﻳﻤﻜﻦ ﺍﻣﻪ ﻣﺨﻠﻔﺘﻪ ﺑﻜﻠﻨﺲ ﻣﺜﻞ ﺣﺎﻟﻨﺎ ﺑﺠﻴﺲ ﺯﺑﺎﻟﻪ ﻟﻔﻮﻧﺎ .. ﺑﺲ ﻭﻻ ﺣﺒﻴﺘﻪ ﺍﺣﺴﻪ ﻣﻠﻌﺐ ﻭﻳﺪﻭﺭ ﻧﺴﻮﺍﻥ
- ﺷﻠﻘﻀﻴﻪ .. ﺑﺎﻟﻌﻜﺲ ﺧﻮﺵ ﻭﻟﺪ
- ﻫﻮ ﺷﻴﺸﺘﻐﻞ
- ﻋﺎﺭﺽ ﺍﺯﻳﺎﺀ
ﻣﺎﺯﻥ -: ﻣﻦ ﻫﺎﺍﺍﺍﺍﺍﺍﺍﻱ ﻣﺮﺗﺐ ﺣﻴﻞ
ﻣﺨﻠﺪ -: ﻣﻮ ﻛﺘﻠﻜﻢ ﻣﻠﻌﺐ ﻫﻠﻄﻠﻊ ﻋﺎﺭﺽ ﺍﺯﻳﺎﺀ ﺭﺏ ﺍﻟﻠﻌﺐ ..
- ﻣﺨﻠﺪﺩﺩﺩ ﺷﺒﻴﻚ ﺑﻄﻞ ﻧﻈﺮﺗﻚ ﺍﻟﺴﻴﺌﻪ ﺍﺗﺠﺎﻩ ﺍﻟﻨﺎﺱ ﺍﻥ ﺑﻌﺾ ﺍﺿﻦ ﺍﺛﻢ
- ﻭﺍﻧﺘﻲ ﺿﻠﻲ ﺑﺜﻮﻟﺞ ﻭﺍﺑﻘﻲ ﺻﺪﻛﻲ ﺑﺎﻟﻌﺎﻟﻢ ﻭﺧﻞ ﻳﻄﻴﺢ ﺣﻈﺞ
⭐⭐
ﻣﺎ ﺭﺩﻳﺖ ﻋﻠﻴﻪ .. ﻧﺰﻟﺖ ﺭﺍﺳﻲ ﻣﻨﻪ ... ﻣﺪ ﺍﻳﺪﻩ ﻳﺎﻛﻞ ﻫﻮ ﻭﻣﺎﺯﻥ ﻭﻃﻴﺒﻪ ﻳﺎﻛﻠﻮﻥ .. ﻭﺍﺟﻮ ﺟﻬﺎﻝ ﻣﺎﺯﻥ .. ﺻﺎﺡ ﻣﺨﻠﺪ ﻛﻮﻣﻮ ﻣﻨﺎ ﺧﻠﻲ ﻳﺼﺒﻮﻟﻜﻢ .. ﻛﻮﻭﻭﻭﻣﻮ
- ﻫﺎﻱ ﺷﺒﻴﻚ .. ﻗﺎﺑﻞ ﻫﻢ ﻣﻨﻴﻦ .. ﻛﻌﺪﻭ ﺣﺒﺎﻳﺒﻲ ﺧﻞ ﻳﺎﻛﻠﻮﻥ ..
- ﻭﻟﺞ ﻳﺒﻘﻮﻥ ﻳﻠﻮﻃﻮﻥ ﺑﺎﻻﻛﻞ ..
- ﺧﻞ ﻳﺎﻛﻠﻮﻥ ﺑﺎﻟﻌﺎﻓﻴﻪ .. ﺩﺍ ﺍﻛﻞ ﻭﺍﺑﻦ ﻣﺎﺯﻥ ﺻﻔﻦ ﺑﻮﺟﻬﻲ .. ﺍﺑﺘﺴﻤﺘﻠﻪ .. ﺟﺎﻥ ﻳﻜﻮﻝ ﺍﻧﺘﻲ ﺣﻠﻮﻩ .. ﺻﺤﺖ ﻳﺤﺒﻴﺒﻲ ﻣﻮ ﺑﺤﻼﺗﻚ .
ﺿﺮﺑﻪ ﻣﺨﻠﺪ ﻋﻠﻰ ﻋﻠﺒﺎﺗﻪ .. ﻛﻮﻡ ﺍﺑﻦ ﺍﻟﻤﻄﻲ ﻣﻦ ﻫﺴﻪ ﻳﺪﻭﺭ ﺣﻠﻮﻩ ﻭﻣﻮ ﺣﻠﻮﻩ ..
ﻣﺎﺯﻥ -: ﺷﺮﺍﻳﺪ ﻣﻨﻪ .. ﺍﻧﻌﺠﺒﺖ ﺑﻴﻬﺎ ﺑﺎﺑﺎ ﺗﺮﻩ ﺗﺤﻞ ﻋﻠﻴﻚ ﻭﺑﻼﻳﺎ ﺭﺟﻞ ﻫﺴﻪ ﺗﺮﻳﺪﻫﺎ ﻛﺪﺍﻣﻚ ..
ﻟﺠﻴﻦ -: ﻟﻚ ﻻ ﻣﺎﺯﻥ ﻟﺘﺰﺭﻉ ﺑﻌﻘﻠﻪ ﻫﻴﺞ ﺳﻮﺍﻟﻒ .. ﻫﻮ ﻳﺎ ﺻﻒ ..
ﻋﻠﻲ - ﺍﻧﻲ ﺻﻒ ﺍﻭﻝ ﺍﺑﺘﺪﺍﺋﻲ ..
- ﻳﻔﺪﻭﻩ .. ﺷﺘﺼﻴﺮ ﻣﻦ ﺗﻜﺒﺮ
- ﺍﺻﻴﺮ ﻣﻌﻠﻢ
- ﻳﺤﻴﺎﺍﺍﺗﻲ ﻓﺪﻭﻩ ﺷﻠﻮﻥ ﻳﺤﺠﻲ .. ﺩﺍ ﺍﺣﺠﻲ ﻫﻴﺞ ﺟﺎﻥ ﻳﻨﻄﻴﻨﻴﺎﻫﺎ ﺑﻮﺟﻬﻲ ﻭﺍﻟﻠﻪ ﺍﻧﺘﻲ ﺣﻠﻮﻩ ﺍﻧﻲ ﺍﺣﺒﺞ ..
ﻣﺎﺯﻥ ﻭﻃﻴﺒﻪ ﺧﺮﺑﻮ ﺿﺤﻚ .. ﻃﻴﺒﻪ ﺍﺷﺮﺗﻠﻪ ﻭﻫﻲ ﺗﻀﺤﻚ .. ﻭﺗﻜﻠﻪ ﻟﻤﺎﺯﻥ ﺣﺐ ﻣﻦ ﺍﻟﻄﻔﻮﻟﻪ ﺑﻴﻤﻦ ﻳﺬﻛﺮﻙ .
ﻣﺎﺯﻥ -: ﻫﻬﻬﻬﻬﻬﻬﻬﻬﻬﻪ ﻳﺬﻛﺮﻧﻲ ﺑﺎﻟﻠﻲ ﺍﻧﻀﺮﺏ ﺑﻮﺭﻱ ..
ﻣﺨﻠﺪ -: ﻫﺰ ﺭﺍﺳﻪ ﻭﺍﺑﺘﺴﻢ ..
- ﺍﻧﻲ ﻣﻨﻄﻴﺖ ﺍﻱ ﺗﻌﺒﻴﺮ ﻏﻠﺴﺖ .. ﺑﻘﻴﺖ ﺍﺷﺮﺏ ..
ﻣﺎﺯﻥ -: ﺧﺮﺏ ﻳﻮﻣﺞ ﻃﻴﺒﻪ ﺧﺠﻠﺘﻴﻬﻢ ..
ﻣﺨﻠﺪ -: ﺧﺮﺏ ﺑﺄﻋﺮﺍﺿﻜﻢ ﺍﺫﺍ ﻋﺪﻛﻢ ﺷﺮﻑ ﺟﺎﻱ ﻧﺎﻛﻞ ﻟﻴﺶ ﺗﺨﻠﻮﻧﻲ ﺍﻫﻴﻨﻜﻢ ..
ﻃﻴﺒﻪ -: ﻫﺎ ﻣﺨﻠﺪ ﺷﺒﻴﻚ ﻣﻨﻮ ﻳﻤﻚ ﺩﻧﻘﺼﺪ ﻋﻠﻰ ﻋﻼﻭﻱ ﻭﻟﺠﻴﻦ ﻫﻮ ﻣﻮ ﻳﺤﺒﻬﺎ ..
- ﻟﺰﻣﺖ ﺧﺸﻤﻪ ﻟﻌﻼﻭﻱ ﻭﻛﺘﻠﻪ ﻓﺪﻳﺘﻪ ﻟﻠﻲ ﻳﺤﺒﻨﻲ .
ﻣﺨﻠﺪ -: ﻃﺎﺡ ﺣﻈﻚ ﻋﻤﻮ .. ﺍﻟﻠﻪ ﻳﻜﻮﻥ ﺑﻌﻮﻧﻚ ..
ﺣﺠﺎﻫﺎ ﻭﻛﺎﻡ .. ﻭﻫﻢ ﻳﻀﺤﻜﻮﻥ .. ﺩﻙ ﺟﻬﺎﺯﻱ .. ﺣﺠﻪ ﻣﺎﺯﻥ ﺷﻨﻮ ﻋﻨﺪﺝ ﺧﻂ ﻋﺮﺍﻗﻲ ..
- ﺍﻱ ﻣﻦ ﻳﻢ ﺍﻟﻤﻄﺎﺭ ﺍﺷﺘﺮﻯ ﺟﻴﺎﺩ .. ﻛﻤﺖ ﻣﻦ ﻳﻤﻪ .. ﻭﺭﺣﺖ ﻟﻠﺘﺮﻙ .. ﻛﻌﺪﺕ ﻋﻠﻰ ﻗﻨﻴﻨﺔ ﺍﻟﻐﺎﺯ ﻭﺟﺎﻭﺑﺖ ﺟﻴﺎﺩ ..
ﺟﻴﺎﺩ -: ﺷﻮ ﻛﻴﻔﻚ ..
- ﺍﻟﺤﻤﺪﻟﻠﻪ ﺯﻳﻨﻪ ..
- ﺻﺎﺭ ﺍﻟﻤﻐﺮﺏ ﺑﺪﻱ ﺭﻭﺡ ﺑﺲ ﻣﺎ ﻓﻴﻨﻲ ﺍﺗﺮﻛﻚ ﺿﻞ ﺑﺎﻟﻲ ﻳﻤﻚ .. ﺍﺧﺬﺗﻲ ﻋﻼﺟﻚ ..
- ﻫﺴﻪ ﺭﺍﺡ ﺍﺧﺬ .. ﻟﻴﺶ ﺗﺮﻭﺡ ..
- ﺧﻄﻲ ﻗﺎﻟﻮﻟﻲ ﺍﻟﻠﻴﻠﻪ ﺑﺘﻀﻞ ﻋﻨﺎ .. ﺑﺲ ﻣﺒﻌﺮﻑ ﻣﺒﺤﺲ ﺑﺎﻟﺮﺍﺣﻪ ..
- ﺍﻫﺎﺍ .. ﺷﻜﺪ ﺍﺟﺎﺯﺗﻨﺎ
- ﻟﺒﻌﺪ ﺑﻜﺮﺍ ..
- ﻣﺎ ﺑﻴﻬﺎ ﺗﻤﺪﻳﺪ ..
- ﻣﺎ ﻓﻴﻨﺎ ﺍﻟﻘﻀﻴﻪ ﺑﺘﺤﻜﻤﻚ ﻻﺯﻡ ﺗﻜﻮﻧﻲ ﺷﺎﻫﺪﻩ ﻓﻴﺎ .. ﻭﺩﻟﻲ ﺑﺎﻗﻮﺍﻟﻚ .. ﻭﻣﺘﻨﺴﻲ ﺑﻨﺘﻚ ..
- ﺍﺧﺬﺕ ﻧﻔﺲ .. ﺍﻥ ﺷﺎﺀﺍﻟﻠﻪ ..
- ﻟﺠﻴﻦ ﻣﺘﻌﺒﻲ ﺣﺎﻟﻚ ﻛﺮﻣﺎﻟﻲ .. ﺍﺭﺗﺎﺣﻲ ﺍﺩ ﻣﺎ ﺑﺪﻙ ..
- ﺗﺴﻠﻤﻠﻲ .. ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﻙ .. ﻳﻌﺠﺰ ﺍﻟﺴﺎﻧﻲ ﺻﺪﻛﻨﻲ .
⭐⭐
ﻣﺎ ﺑﻴﻨﺎﺗﻨﺎ ﺷﻜﺮ ﻭﻟﻮ .. ﺍﺧﺪﻱ ﺭﺍﺣﺘﻚ ﻭﻣﺘﻨﺴﻲ ﻋﻼﺟﻚ .. ﻟﻤﺎ ﺑﺪﻱ ﺭﻭﺡ ﺍﻧﺎ ﺑﺨﺒﺮﻙ ..
- ﺍﻥ ﺷﺎﺀﺍﻟﻠﻪ ... ﻗﻔﻠﺖ ﻣﻨﺎ .. ﻭﺑﻘﻴﺖ ﺍﺑﺎﻭﻉ ﺑﺎﻟﻤﻮﺑﺎﻳﻞ .. ﺍﺟﻪ ﻋﻤﻲ ﻋﺜﻤﺎﻥ .. ﺣﻈﻨﻲ .. ﻫﺎ ﺑﻨﺘﻲ ﺷﻠﻮﻥ ﺻﺮﺗﻲ ..
- ﻫﺰﻳﺖ ﺭﺍﺳﻲ ..
- ﻻ ﺗﺰﻋﻠﻴﻦ ﻭﻻ ﺗﻬﺘﻤﻴﻦ ﻣﻦ ﺍﻟﺼﺒﺢ ﺑﺎﺟﺮ ﺍﺧﺬﺝ ﻟﻜﺒﺮﻩ ..
- ﻋﻤﻮ ﺟﻨﺖ ﺍﺗﻤﻨﻰ ﺍﺷﻮﻓﻪ ﻭﺍﺣﻈﻨﻪ ﻭﺍﻟﻠﻪ ﻣﺸﺘﺎﻗﺘﻠﻪ .. ﺑﺠﻴﺖ
- ﺣﻈﻨﻲ ﻟﺼﺪﺭﻩ ﻭﺑﺎﺱ ﺭﺍﺳﻲ .. ﺑﻨﻴﺘﻲ ﺣﺒﻴﺒﺘﻲ ﺗﺮﺣﻤﻴﻠﻪ ﻛﻠﻨﺎ ﻋﻠﻰ ﻫﻠﻄﺮﻳﻖ .. ﻻ ﺗﺒﺠﻴﻦ .. ﺑﺲ ﻋﻤﻮ ﻟﻴﺶ ﻫﻴﺞ ﺿﻌﻔﺎﻧﻪ ﺷﺒﻴﺞ ..
ﻋﻀﻤﺎﺗﺞ ﻃﺎﻟﻌﺎﺕ ..
- ﻣﻦ ﺍﻟﻤﺮﺽ ﻋﻤﻮ ..
- ﺷﺒﻴﺞ ﺧﻴﺮ ..
- ﺍﻟﺘﻬﺎﺏ ﺍﻟﻜﺒﺪ ﻭﺍﻟﻜﻠﻰ ﻋﻨﺪﻱ ﻣﺘﺄﺫﺍﻳﻪ ..
- ﻣﺘﺴﺘﺎﻫﻠﻴﻦ ﻋﺎﺩ ﺍﻧﺘﻲ ﻭﺭﺩﻩ ..
- ﺗﺴﻠﻤﻠﻲ ﻋﻤﻮ ..
- ﺗﺮﺣﻴﻦ ﻭﻳﺎﻱ ﻟﺒﻴﺘﻲ ..
- ﻭﻳﻦ ﻣﺘﺒﻘﻰ ﻣﺎﻣﺎ ﺍﺑﻘﻰ ﻭﻳﺎﻫﺎ ..
- ﺍﻣﺞ ﻫﻨﺎ ﺗﺒﻘﻰ ﻋﻠﻤﻮﺩ ﺳﺒﻌﺔ ﺍﺑﻮﺝ ﺑﺎﺟﺮ .. ﺗﻌﺎﻱ ﺍﻧﺘﻲ ﺍﺭﺗﺎﺣﻲ ﺣﻠﻠﻲ ..
- ﻋﺴﺎﻙ ﺳﺎﻟﻢ ﻋﻤﻮ ﺍﻟﻠﻪ ﻳﺤﻔﻈﻚ ﻭﻳﺨﻠﻴﻚ ..
- ﺣﺒﻴﺒﺘﻲ ﻭﺍﻟﻠﻪ ﻳﺎ ﻋﻤﻮ ﺷﻜﺜﺮ ﻭﺻﺎﻧﻲ ﺑﻴﺞ ﺍﻟﻤﺮﺣﻮﻡ ﺑﺎﻟﻤﺴﺘﺸﻔﻰ ﻭﺍﺧﺮ ﻛﻠﻤﺎﺗﻪ ﻳﺼﻴﺢ ﺑﻨﻴﺘﻲ ﺩﻳﺮ ﺑﺎﻟﻚ ﻋﻠﻴﻬﺎ ﺑﻨﻴﺘﻲ ..
ﺩﻧﻜﺖ ﺭﺍﺳﻲ ﻭﻧﺰﻟﺖ ﺩﻣﻮﻋﻲ .. ﻃﻠﻌﺖ ﺍﻣﻲ .. ﺍﺧﺬﺗﻨﻲ ﺑﺤﻈﻨﻬﺎ .. ﻻ ﺗﺒﺠﻴﻦ ﺣﺒﻴﺒﺔ ﻗﻠﺒﻲ .. ﻭﺍﻟﻠﻪ ﺩﻣﻮﻋﺞ ﻳﻴﻤﻪ ﻣﺜﻞ ﺍﻟﻨﺎﺭ ﺍﺣﺴﻬﺎ ﻋﻠﻰ ﻛﻠﺒﻲ ..
ﺣﻈﻨﺘﻬﺎ ﺣﻴﻞ ﻭﺯﺩﺕ ﺑﺎﻟﺒﺠﻲ .. ﻣﺎ ﺍﻛﺪﺭ ﺍﻛﻠﻬﺎ ﻟﻮ ﺗﺸﻮﻓﻴﻦ ﺣﺎﻟﻲ ﻫﻨﺎﻙ ﺑﺎﻟﻐﺮﺑﻪ ﺷﻠﻮﻧﻪ .. ﺩﻣﻮﻋﻲ ﻭﺍﻟﻤﻄﺮ ﻳﺠﺮﻭﻥ ﺳﻮﻩ
ﺑﻘﻴﺖ ﺣﺎﺍﻇﻨﺘﻬﺎ ﻭﺍﺑﺠﻲ .. ﺍﺟﺖ ﻋﻤﺘﻲ ﺑﺎﺳﺘﻨﻲ ﻭﻋﻤﻲ ﻋﻤﺮﺍﻥ ﻫﻢ ﻛﺎﻝ .. ﻫﺎﻫﻴﻪ ﻋﻤﻮ ﻛﻮﻟﻲ ﺍﻟﺤﻤﺪﻟﻠﻪ .. ﻭﺍﺭﺿﻲ ﺑﻘﺪﺭﻩ .. ﺍﻟﻠﻪ ﻳﺼﺒﺮﺝ ..
ﺣﺠﻪ ﻫﻴﺞ .. ﺍﻧﻔﺠﺮﺕ ﺑﺎﻟﺒﺠﻲ ﻭﺣﺠﻴﺖ ﻭﺍﻟﻠﻪ ﻋﻤﻮ ﺭﺍﺿﻴﻪ ﺑﻘﺪﺭﻩ ﺑﺲ ﺗﻌﺒﺖ .. ﺍﺭﻳﺪ ﺑﻨﺘﻲ .. ﻭﺍﻟﻠﻪ ﻣﺸﺘﺎﻗﻪ ﻟﺒﻨﺘﻲ ..
ﻣﺎﻣﺎ ﺑﺲ ﺍﺭﻳﺪ ﺍﺧﺬﻫﺎ ﺑﺤﻈﻨﻲ ﻭﺍﺷﻤﻬﺎ ﻭﺍﺭﺗﺎﺡ .. ﺻﺎﺭ ﺷﻬﺮ ﻭﻓﻮﻙ ﻛﻠﺒﻲ ﻧﺎﺭ ﻋﻠﻴﻬﺎ .. ﻣﺎ ﺍﻋﺮﻑ ﻭﻳﻨﻬﺎ ﺍﺭﻳﺪﻫﺎ ﻣﺎﻣﺎ ﺍﺭﻳﺪ ﺑﻨﺘﻲ
ﺩﻣﻌﺖ ﻋﻴﻮﻧﻬﻢ ﻋﻤﺎﻣﻲ ﻭﻛﺎﻣﻮ ﻳﻐﻠﻄﻮﻥ ﻭﻳﺪﻋﻮﻥ ﻋﻠﻰ ﻣﺎﻟﻚ .. ﻭﺍﻣﻲ ﺩﻣﻮﻋﻬﺎ ﻭﻱ ﺩﻣﻮﻋﻲ ﻭﺗﻤﺴﺢ ﺑﻮﺟﻬﻲ
ﻭﻋﻤﺘﻲ ﺗﻤﺴﺢ ﻋﻠﻰ ﺭﺍﺳﻲ ﻭﻫﻢ ﺗﺒﺠﻲ ﻭﻳﺎﻱ ..
ﺑﻬﻠﻤﻮﻗﻒ ﻭﺻﺎﺣﻮ ﻣﻦ ﺑﺮﺍ .. ﺍﺟﻮ ﺭﻳﺎﺟﻴﻞ ﻭﻧﺴﻮﺍﻥ .. ﻛﻠﻬﻢ ﻣﺸﻮ .. ﺍﺧﺬﺗﻨﻲ ﺍﻣﻲ ﻏﺴﻠﺘﻠﻲ ﻭﺟﻬﻲ .. ﻭﻧﺸﻔﺘﻪ ﻭﻋﺪﻟﺖ ﺷﻌﺮﻱ ﻭﺍﻟﺸﺎﻝ ﻭﻛﺎﻟﺖ ﺗﻌﺎﻱ ﻧﻄﺐ .
ﻛﻌﺪﺕ ﻭﻳﻪ ﺍﻟﻨﺴﻮﺍﻥ ﺑﺠﻲ ﻭﻧﻌﻲ ﻭﺍﺩﻭﺭ ﺻﺒﻮ ﻋﺸﺎ .. ﺑﻘﻴﻨﺎ ﻟﻞ 10 ﺑﻠﻴﻞ .. ﻧﺎﺱ ﻃﺸﺖ ﻭﻧﺎﺱ ﻧﺎﻣﺖ ﺑﺎﻳﺘﻪ ﻋﺪﻧﺎ ..
ﻃﺐ ﻣﺎﺯﻥ .. ﻛﺘﻠﻪ ﺟﻴﺎﺩ ﺭﺍﺡ ... ﻛﺎﻝ ﻻ ﻓﺮﺷﻨﺎﻟﻪ ﺑﺎﻟﻐﺮﻓﻪ ﺭﺍﺡ ﻳﻨﺎﻡ ..
- ﻫﺎﺍﺍ .. ﺗﺎﻧﻴﺖ ﻫﺪﺀ ﺍﻟﺒﻴﺖ .. ﻭﺭﺣﺖ ﻟﺠﻴﺎﺩ .. ﻟﻜﻴﺘﻪ ﻭﺣﺪﻩ ﻛﺎﻋﺪ ﺑﺎﻟﻐﺮﻓﻪ ﻭﺣﺪﻩ .. ﻭﻳﺒﺎﻭﻉ ﺑﻤﻮﺑﺎﻳﻠﻪ .. ﻫﺎﺍﺍ
⭐⭐
ﺍﻫﻠﻴﻦ ﻭﺍﺧﻴﺮﺍ ﺷﻔﻨﺎﻛﻲ ..
- ﺍﻟﺘﻬﻴﺖ ﻭﻳﺎﻫﻢ .. ﻧﺎﺱ ﻫﻮﺍﻱ ﺗﻌﺮﻑ ..
- ﺑﻌﺮﻑ ﺑﻌﺮﻑ .. ﻣﺎ ﺗﺮﻛﻮﻧﻲ ﺭﻭﺡ .. ﺑﺌﻴﺖ ﻫﻮﻥ .. ﺷﻜﻠﻚ ﺻﺎﻳﺮ ﺣﻠﻮ ﺑﺎﻟﺤﺠﺎﺏ ﻭﺍﻟﺜﻮﺏ ﺍﻟﻄﻮﻳﻞ ..
- ﺍﺑﺘﺴﻤﺘﻠﻪ .. ﻫﺎﻱ ﻋﺎﺩﺍﺗﻨﺎ ﺑﺎﻟﻌﺰﺍﺀ ﻻﺯﻡ ﺛﻮﺏ ﻭﺣﺠﺎﺏ ..
- ﻋﺎﺩﺍﺕ ﺣﻠﻮﻩ .. ﺑﺲ ﺧﺒﺮﻳﻨﻲ .. ﻣﺎ ﺣﻜﻮ ﻣﻌﻚ ..
- ﺣﺠﻪ ﻣﺨﻠﺪ .. ﻭﻛﺘﻠﻪ ﺍﻟﻤﺨﺘﺼﺮ ﻭﺧﻠﺺ ﺑﻌﺪ ﻣﺎ ﺳﺌﻠﻮﻧﻲ ﻳﻤﻜﻦ ﻣﺨﻠﺪ ﺷﺮﺣﻠﻬﻢ ..
- ﻣﺨﻠﺪ ﺍﺑﺪﺍ ﻣﺎ ﺣﺒﻴﺘﻮ ﺑﻌﺘﺬﺭ ﺑﺲ ﻣﺎ ﺑﻌﺮﻑ .. ﻣﺎ ﺣﺒﻴﺖ ﺍﺳﻠﻮﺑﻮ ...
- ﺷﻠﻮﻥ ﻳﻌﻨﻲ ..
- ﺑﻴﻐﻠﻂ ﻛﺘﻴﺮ .. ﻭﻛﻼﻣﻮ ﺑﻼ ﺯﻭﺀ ﻟﻚ ﺑﻴﻨﺎﺩﻱ ﻻﺑﻦ ﺧﻴﻮ ﺍﺑﻦ ﺍﻟﻜﻠﺐ ..
- ﺍﺑﺘﺴﻤﺖ ﻻ ﺧﻮﺵ ﻭﻟﺪ ﺑﺲ ﻫﻮ ﺍﻟﺴﺎﻧﻪ ﻣﺘﺒﺮﻱ ﻣﻨﻪ . ﺑﺲ ﻣﻦ ﺗﻌﺎﺷﺮﻩ ﺗﺤﺒﻪ .. ﺩﺍ ﺍﺣﺠﻲ ﻃﺐ ﻣﺨﻠﺪ ..
- ﺍﻧﺘﻲ ﺷﻌﻨﺪﺝ ﻛﺎﻋﺪﻩ ﻫﻨﺎ ..
- ﺻﺎﺭﺕ ﺻﺮﺧﺘﻪ ﻭﻃﺒﺘﻪ ﺑﻨﻔﺲ ﺍﻟﻠﺤﻈﻪ . ﺑﻘﻴﻨﺎ ﺍﺛﻨﻴﻨﺎ ﻧﺒﺎﻭﻉ ﻋﻠﻴﻪ .. ﺟﻴﺖ ﺍﺣﺠﻲ ﺷﻮﻱ ﻭﻱ ﺟﻴﺎﺩ ﻗﺒﻞ ﻻ ﺍﻧﺎﻡ ..
- ﺍﻛﻠﺞ ﺗﺮﻩ ﻫﻨﺎ ﺍﻟﻌﺮﺍﻕ ﺑﻮﻳﻪ ﻣﻮ ﺗﻜﺴﺎﺱ ..
- ﺍﻱ ﻛﺎﻳﻤﻪ ﺷﺒﻴﻚ
- ﻓﻴﻚ ﻣﺎ ﺗﺼﺮﺥ ﻟﻮ ﺳﻤﺤﺖ .. ﻭﺍﻧﺎ ﻭﻳﺎﻫﺎ ﺭﻓﺌﺎﺕ ﻋﻢ ﺑﻄﻤﻦ ﻋﻠﻴﻬﺎ ﻣﺶ ﻣﺴﺘﺎﻫﻠﻪ ﻛﻞ ﻫﻠﻌﺠﺌﺎ
ﻣﺨﻠﺪ -: ﺍﻟﺤﺠﻲ ﻣﻮ ﻭﻳﺎﻙ ﻻ ﺗﺪﺧﻞ ﻭﻫﺎﻱ ﺭﻓﺌﺎﺕ ﻧﻜﻌﻬﺎ ﻭﺍﺷﺮﺏ ﻣﻴﻬﺎ ﻣﺎ ﺗﻤﺸﻲ ﻳﻤﻲ
- ﻣﺨﻠﺪ ﺷﺒﻴﻚ .. ﻋﻴﺐ .. ﺣﺠﻴﺖ .. ﺩﻓﻌﻨﻲ ﺑﺜﻨﻴﻦ ﺍﺩﻳﻪ ﻟﻠﺒﺎﺏ ﻭﻛﺎﻝ ﺍﻣﺸﻲ ﻟﺞ ﺗﻌﻠﻤﻴﻨﻲ ﺍﻟﻌﻴﺐ ﺍﻧﺘﻲ . ﻃﺒﻲ ﺟﻮﻩ .. ﻛﺎﻋﺪﻩ ﺑﺘﺎﻟﻲ ﺍﻟﻠﻴﻞ ﻭﻳﻪ ﺭﺟﺎﻝ ﻏﺮﻳﺐ
ﻛﺎﻡ ﺟﻴﺎﺩ ﺑﺴﺮﻋﻪ ﻭﺍﺟﻪ ﻭﻛﻒ ﻛﺪﺍﻣﻪ
- ﻣﺎ ﺑﺴﻤﺤﻠﻚ ﺗﺄﺯﻳﻬﺎ ﺑﻬﻴﺪﺍ ﺍﻟﺸﻜﻞ .. ﺑﺌﻰ ﻳﺎﺭﻳﺖ ﺗﺤﺘﺮﻡ ﺣﺎﻟﻚ ..
- ﻟﻚ ﺍﻧﺘﻪ ﻣﻨﻮ ﻭﻣﺎ ﺗﺴﻤﺤﻠﻲ ﻫﺎﺍﺍﺍﺍ ﺍﺣﺘﺮﻡ ﻧﻔﺴﻚ ﻭﺍﻛﻌﺪ ﻭﺧﻠﻴﻨﻲ ﻣﺤﺘﺮﻣﻚ ﺗﺮﻩ ﻛﻮﻩ ﻣﺘﺠﺮﻋﻚ
- ﻋﻦ ﺟﺪ ﺑﻼ ﺯﻭﺀ .. ﻣﺎ ﻓﻴﻨﻲ ﺍﺑﺌﻰ ..
- ﺭﺍﺩ ﻳﻄﻠﻊ ﺻﺤﺖ ﺟﻴﺎﺩ .. ﺍﻋﺘﺬﺭ ﺟﺪﺍ ﻋﻦ ﺗﺼﺮﻓﻪ .. ﻳﺎﺭﻳﺖ ﻣﺘﺰﻋﻞ ..
ﻣﺨﻠﺪ -: ﻭﻟﺞ ﺷﻨﻮ ﺍﻧﺘﻲ ﻭﺗﺼﻴﺤﻴﻦ ﻭﺭﻩ ﺍﻟﺮﺟﺎﻝ ﺷﻮ ﻃﺎﻟﻌﻪ ﻋﻴﻨﺞ ﺷﺎﻟﻨﻲ ﻣﻦ ﺍﻳﺪﻱ ﺣﻴﻞ .. ﻭﻳﺮﻳﺪ ﻳﻤﺸﻲ .. ﺩﺍﺭﻟﻪ ﺟﻴﺎﺩ ﻭﺩﻓﻌﻪ ﻋﻨﻲ
ﻣﺨﻠﺪ .. ﺍﻧﺪﺍﺭﻟﻪ ﻭﺗﻼﺯﻡ ﻭﻳﺎﻩ ﻣﻦ ﻳﺎﺧﺘﻪ ﻭﻳﺼﻴﺢ ﺍﺑﻦ ﺍﻟﻜﻠﺐ ﺗﺪﻓﻌﻨﻴﻴﻲ .. ﺟﻴﺎﺩ .. ﺍﺿﺮﺑﻠﻪ ﺭﺟﻞ ﻭﻭﻛﻌﻪ ﻟﻠﻜﺎﻩ . ﻭﺧﻠﻪ ﺭﻛﺒﺔ ﺭﺟﻠﻪ ﻋﻠﻰ ﺻﺪﺭ ﻣﺨﻠﺪ ﻭﺣﺠﻪ
- ﻣﺶ ﺍﻧﺎ ﻳﻠﻲ ﺑﻴﻨﺌﺎﻟﻲ ﺍﺑﻦ ﺍﻟﻜﻠﺐ ﺑﺌﻰ ﻳﺎﺭﻳﺖ ﺗﺤﺘﺮﻡ ﺣﺎﻟﻚ .. ﺍﻟﺒﻨﺖ ﻓﺎﻫﻤﻪ ﻭﻭﺍﻋﻴﻪ ﻣﺒﻴﺤﺘﺎﺝ ﻟﺤﺪﺍ ﻣﺘﻠﻚ ﺑﻴﻌﻠﻤﻬﺎ ﻛﻴﻒ ﺑﻴﻜﻮﻥ ﺍﻟﻌﻴﺐ ﻭﺍﻟﺰﻭﺀ .. ﻭﻣﺨﻠﺪ . ﻳﺘﻼﻭﻩ ﻭﻳﺎﻩ
ﺩﻓﻌﻪ ﻣﻦ ﺻﺪﺭﻩ ﻭﻳﺮﻳﺪ ﻳﻬﺪ ﻋﻠﻴﻪ .. ﻭﻛﻔﺖ ﻛﺒﺎﻟﻪ ﻣﺨﻠﺪ ﻭﺍﻟﻠﻪ ﻋﻴﺐ ﺷﺒﻴﻚ ﺗﺨﺒﻠﺖ ﺩﻭﺧﺮ .. ﺧﻠﻲ ﻳﺮﻭﺡ ﺧﺠﻠﺘﻨﻲ ﻛﺪﺍﻣﻪ ..
ﺑﺮﺍﺷﺪﻱ ﻭﻭﺧﺮﻧﻲ ﻣﻦ ﻛﺪﺍﻣﻪ .. ﻃﺐ ﻣﺎﺯﻥ ﺑﺴﺮﻋﻪ . ﻟﺰﻡ ﻣﺨﻠﺪ ﻭﻃﺐ ﻋﻤﻲ ﻋﺜﻤﺎﻥ ﻭﺭﺍﻩ ... ﻭﻳﺼﻴﺤﻮﻥ ﻋﻠﻴﻪ .. ﻻﻥ ﺍﺗﻌﺪﻯ ﻋﻠﻰ ﺿﻴﻔﻪ ..
ﻳﻜﻠﻬﻢ ﻣﻦ ﺍﻭﻝ ﻣﺎ ﺷﻔﺘﻪ ﻭﺍﻟﻠﻪ ﻣﺎ ﺍﺭﺗﺎﺣﻴﺘﻠﻪ ﺣﺎﻁ ﻋﻴﻨﻪ ﻋﻠﻴﻬﺎ ﻭﺍﻟﻠﻪ .. ﺍﻛﺒﺮ ﻧﺴﻮﻧﺠﻲ ﻭﻳﺮﻳﺪ ﻳﺴﺘﻐﻠﻬﺎ ﺷﺎﻓﻬﺎ ﺑﻠﻴﻪ ﺭﺟﺎﻟﻪ ﻭﺍﻟﺜﻮﻟﻪ ﻣﺼﺪﻛﻪ ﻫﺬﺍ ﺻﺪﻳﻖ ..
⭐⭐
ﻫﻮ ﻳﺼﻴﺢ ﻭﻳﺴﻜﺘﻮﻥ ﺑﻲ .. ﺟﻴﺎﺩ ﻃﻠﻊ ﻓﻮﺭﺍ ﺑﻤﺠﺮﺩ ﺩﺧﻮﻝ ﻣﺎﺯﻥ .. ﺗﺒﻌﻮﻩ ﻛﺎﻟﻠﻬﻢ ﺑﻌﺘﺰﺭ ﻛﺘﻴﺮ ﺻﺪﻗﻮﻧﻲ ﻣﻜﻨﺖ ﺣﺎﺑﺐ ﺍﻋﻤﻞ ﻣﺸِﻜﻠﻪ ﺑﺲ ﺍﻟﺒﻨﺖ ﻣﺮﻳﻀﻪ ﻭﻫﻮ ﻋﻢ ﻳﺄﺯﻳﻬﺎ ..
ﺍﻋﺘﺬﺭﻭ ﻣﻨﻪ ﻭﺳﻠﻤﻮ ﻋﻠﻴﻪ ﻟﻠﺒﺎﺏ ﺑﻌﺪ ﻣﺎ ﺭﻓﺾ ﺭﻓﺾ ﺗﺎﻡ ﺍﻥ ﻳﺒﻘﻰ .. ﺍﺧﺬﺗﻨﻲ ﺍﻣﻲ ﻭﺭﺍﺩﺕ ﺍﻃﺒﺒﻨﻲ ﺟﻮﻩ .. ﺍﻧﻲ ﺩﻣﻮﻋﻲ ﺗﺠﺮﻱ ﻛﻌﺪﺕ ﺑﺎﻟﻬﻮﻝ ﺍﺑﺠﻲ ..
ﺣﺘﻰ ﻟﻮ ﺻﺪﻳﻖ .. ﺑﺲ ﻋﻴﺐ ﻳﺸﻮﻑ ﺍﻫﻠﻲ ﺑﻬﻴﺞ ﻭﺿﻊ .. ﻃﺐ ﻋﻤﻮ ﻋﻤﺮﺍﻥ ﻭﺻﺎﺡ ﻛﻠﻪ ﺻﻮﺟﺞ ﺍﻧﺘﻲ ... ﺷﻌﻨﺪﺝ ﻛﺎﻋﺪﻩ ﻳﻢ ﺍﻟﺮﺟﺎﻝ ﻣﺎ ﺍﺣﺘﺮﻣﺘﻲ
ﻛﺘﻠﻪ ﻋﻤﻮ ﺍﻭﻙ ﺍﻧﻲ ﻏﻠﻄﺖ ﻭﺗﻨﺎﺳﻴﺖ ﺍﻟﻮﺿﻊ ﻫﻨﺎ . ﺍﻋﺘﺮﻑ ﺑﺲ ﻣﻮ ﺑﻬﻠﻄﺮﻳﻘﻪ ﻳﺪﺧﻞ ﻳﺮﺯﻟﻨﻲ ﻛﺪﺍﻣﻪ ..
ﺍﻛﻮ ﺷﻲ ﺍﺳﻤﻪ ﺍﺳﻠﻮﺏ ﻳﻄﺐ ﻳﺼﻴﺢ ﻟﺠﻴﻦ ﺗﻌﺎﻱ ﺍﺭﻳﺪﺝ . ﻭﻋﻠﻰ ﺍﻧﻔﺮﺍﺩ ﻳﻌﺎﺗﺒﻨﻲ ﻭﻳﻌﺮﻓﻨﻲ ﻏﻠﻄﻲ ﻣﻮ ﻳﺼﻴﺢ ﻋﻠﻴﻪ ﻛﺪﺍﻣﻪ ..
ﺍﻟﺮﺟﺎﻝ ﺍﻟﻪ ﻓﻀﻞ ﻋﻠﻴﻪ ﻭﺭﻓﺾ ﺍﺟﻲ ﻟﻠﻌﺮﺍﻕ ﻭﺣﺪﻱ ﻻﻥ ﺣﺎﻟﺘﻲ ﺗﻌﺒﺎﻧﻪ ﻭﺭﺍﻓﻘﻨﻲ ... ﻳﺮﻭﺡ ﻳﺴﻮﻱ ﺑﻴﻪ ﻫﻴﺞ
ﻃﺐ ﺻﺎﺡ ﺍﺳﻤﻌﻲ ﻟﺞ .. ﻃﻠﻌﻪ ﻣﻨﺎ ﻣﺎﻛﻮ .. ﻣﻮ ﻋﺒﺎﻟﺞ ﺍﻋﻮﻓﺞ ﺗﺮﺣﻴﻦ ﺍﻟﺒﻨﺎﻥ ﻭﺗﻠﻌﺒﻴﻦ ﻋﻠﻰ ﺣﻞ ﺷﻌﺮﺝ .. ﺭﺟﻠﺞ ﺍﻛﺴﺮﻫﺎ ﻭﺍﻟﻠﻪ .
- ﻣﺎ ﺍﻛﺪﺭ ﺍﺟﺎﺯﺗﻲ ﻳﻮﻣﻴﻦ ﻭﺭﺍﺟﻌﻪ ﻉ ﺑﻴﺮﻭﺕ .. ﻭﻣﺎ ﺍﺑﻘﻰ ﻫﻨﺎ ﻟﻮ ﺧﻠﺼﺖ ﻗﻀﻴﺘﻲ ﺍﻃﻠﻊ ﻟﻠﺴﻮﻳﺪ ﻣﺎ ﺍﺭﺟﻊ ﻟﻬﻨﺎ .
- ﺍﻛﺴﺮ ﺭﺟﻠﺞ ﻭﺍﻟﻠﻪ .. ﻻ ﺍﺏ ﻻ ﺭﺟﻞ ﺷﻨﻮ ﻣﺎ ﻋﺪﻧﺎ ﺷﻮﺍﺭﺏ ﻣﻄﻠﻜﻪ ﻭﺗﻔﺘﺮﻳﻦ ﺩﻭﻝ ﺑﺮﺍﺣﺘﺞ ..
- ﻣﺨﻠﺪ ﻣﻮ ﺑﻜﻴﻔﻚ ﺑﻨﺘﻲ ﻫﻨﺎﻙ ﻻﺯﻡ ﺍﺭﻭﺡ ﺍﺟﻴﺒﻬﺎ
- ﺍﻧﻌﻞ ﺍﺑﻮ ﺑﻨﺘﺞ .. ﺧﻠﻬﺎ ﺗﺮﻭﺡ ﻻﺑﻮﻫﺎ .. ﺷﻨﻮ ﺍﻭﻝ ﻣﻄﻠﻜﻪ ﺗﻨﻄﻲ ﺟﻬﺎﻟﻬﺎ .. ﺗﺮﺣﻴﻦ ﺗﺮﺑﻴﻦ ﺧﻠﻔﺖ ﻣﺎﻟﻚ ﺍﻟﺰﻓﺮﻩ ﻻ ﻧﺮﻳﺪﻩ ﻭﻻ ﻧﺮﻳﺪ ﺑﻨﺘﻪ .
ﺗﻄﻠﻊ ﻣﺜﻠﻪ ﻛﺢ ...... ﺑﻨﺖ ﺍﻟﻜﻮ ..... ﺍﻛﺴﺮ ﺭﺟﻠﺞ ﻭﺍﻟﻠﻪ ﺍﺫﺍ ﺍﻃﻠﻌﻴﻦ ﻣﻨﺎ
- ﺍﻧﺘﻪ ﻣﻦ ﺷﻨﻮ ﻣﺨﻠﻮﻕ ﺗﺮﻩ ﻣﻮ ﻧﺎﻗﺼﺘﻚ ﻭﺍﻟﻠﻪ ﺑﻨﺘﻲ ﻫﺎﻱ ﻣﻮ ﺑﻨﺖ ﻣﺎﻟﻚ .. ﻭﻣﺎ ﺍﻋﻮﻓﻬﺎ ﻭﺍﺭﻭﺡ ﻟﻮ ﻣﺪﺭﻱ ﺷﻴﺼﻴﺮ ..
- ﺩﺟﺮﺑﻲ ﻃﻠﻌﻲ ﺍﺫﺍ ﻣﺎ ﺭﺟﻠﺞ ﺍﻛﺴﺮﻫﺎ .. ﻭﻟﺞ ﻋﺒﺎﻟﺞ ﻃﺮﻥ . ﻣﻜﺮﺑﺲ ﺩﻳﻦ ﺑﺮﺍﺳﺞ ﻭﻓﺎﻟﺖ ﻭﻋﺎﻳﻔﺞ ﻟﻠﻜﻮﺍ ...... ﻳﺪ ﺗﺘﻤﻠﻌﺐ ﻋﻠﻰ ﺭﺍﺳﺞ ..
ﻳﺤﺠﻲ ﻭﺍﻧﻲ ﺍﺣﺠﻲ ﻭﻋﻤﺎﻣﻲ ﻳﺴﻜﺘﻮﻥ ﺑﻲ ﻭﻳﺠﺮﻭﻥ ﺑﻴﻪ ﺣﺘﻰ ﺩﺷﺪﺍﺷﺘﻪ ﻣﻦ ﺍﻟﺠﺮ ﺍﻧﺸﻜﺖ .. ﻳﺮﻳﺪ ﻳﺎﻛﻠﻨﻲ ﺍﻟﻨﺎﺭ ﺗﻜﺐ ﻣﻦ ﻋﻴﻮﻧﻪ ..
ﻛﺘﻠﻬﺎ ﻣﺎﻣﺎ .. ﻛﻮﻣﻲ ﺍﻣﺶ ﺧﻞ ﻧﺮﻭﺡ ﻟﺒﻴﺖ ﻋﻤﻲ ﻋﺜﻤﺎﻥ ﺩﺧﺖ ﻫﻨﺎ ﻭﺍﻟﻠﻪ ﻣﻮ ﻧﺎﻗﺼﻪ ﺑﺲ ﻫﻤﻲ ﺍﻟﺒﺮﺍﺳﻲ ﻛﺎﻓﻲ ..
ﻋﻤﺎﺗﻲ ﻛﺎﻣﻮ ﻳﺼﻴﺤﻮﻥ ﻭﻣﺎﺯﻥ ﻭﻋﻤﻲ ﻛﺎﻟﻮﻟﻪ ﻳﺘﻴﻤﻪ ﻭﻣﺼﺎﺏ ﺍﺑﻮﻫﺎ ﺍﺣﺘﺮﻡ .. ﻳﻜﻠﻬﻢ ﺳﻮﺗﻠﻬﺎ ﺯﻋﻠﻪ ﺣﺘﻰ ﺗﻔﻠﺖ . ﺍﻋﺮﻑ ﺳﻮﺍﻟﻔﻬﺎ ﻣﺎ ﺗﻄﻠﻊ ﻭﺍﻟﻠﻪ ..
- ﺩﺭﺗﻠﻪ .. ﺍﻛﻠﻚ ﺷﻨﻮ ﻣﺎﺕ ﺍﺑﻮﻳﻪ ﺣﺘﻰ ﺍﻧﺘﻪ ﺗﺘﺤﻜﻢ ﺑﻴﻪ .. ﻻ ﺗﺤﻠﻢ ﻭﺍﻟﻠﻪ ﻧﺠﻮﻡ ﺍﻟﺴﻤﺎ ﺍﻗﺮﺑﻠﻚ ﺍﻓﺘﻬﻤﺖ ﺍﺫﺍ ﺍﻧﻔﺼﻠﺖ ﻣﻮ ﻣﻌﻨﺎﻫﺎ ﻓﺮﺻﺘﻚ ..
ﻭﺍﻟﻠﻪ ﻟﻮ ﺗﺒﻘﻰ ﺍﺧﺮ ﺭﺟﻞ ﺑﺎﻟﻌﺎﻟﻢ ﻣﺎ ﺍﺩﻭﺭﻙ ﻭﻻ ﺍﺭﻳﺪﻙ ﻓﻚ ﻣﻨﻲ ﺗﻌﺒﺖ ﻭﺍﻟﻘﺮﺍﻥ ﺗﻌﺒﺖ ﻓﻚ ﻣﻠﻴﻴﻴﻴﻴﻴﺖ ﻣﻨﻴﻦ ﺍﻟﻜﺎﻫﺎ ﻛﻠﻮﻟﻲ ﻣﻨﻴﻦ ..
ﻣﻦ ﺭﺟﻠﻲ ﺍﻟﻌﺎﺭ ﻟﻮ ﻣﻦ ﻏﻴﺎﺏ ﺑﻨﺘﻲ ﻟﻮ ﻣﺼﺎﺏ ﺍﺑﻮﻳﻪ ﻟﻮ ﺍﻣﺮﺍﺿﻲ
ﻭﻳﻦ ﻣﺎ ﺍﺭﻭﺡ ﺍﻟﻤﺼﺎﻳﺐ ﻛﺒﺎﻟﻲ ﺷﻤﺴﻮﻳﻪ ﺑﺤﻴﺎﺗﻲ ﻭﻫﻠﻜﺪ ﻣﺘﻌﻮﺳﻪ .. ﻋﻮﻓﻮﻧﻲ ﻭﺍﻟﻠﻪ ﺗﻌﺒﺖ ﻣﻜﺎﻓﻲ ﻋﻠﻴﻪ ﻓﺮﺍﻙ ﺍﺑﻮﻳﻪ ﻭﺑﻨﺘﻲ .. ﻋﻮﻓﻮﻭﻭﻭﻧﻲ
⭐⭐
ﻻ ﺗﺤﻠﻢ ﺗﺤﻜﻤﻨﻲ ﻣﺎ ﺍﺭﻳﺪﻙ ﺍﻓﺘﻬﻤﺖ ﻣﺎ ﺍﻗﺒﻞ ﺗﺪﺧﻞ ﺑﻴﻪ ... ﺍﻓﺘﻬﻤﺘﺘﺘﺘﺘﺘﺘﺖ .. ﻣﻦ ﺑﻴﻨﻬﻢ ﻣﺪ ﺭﻭﺣﻪ ﻭﺿﺮﺑﻨﻲ ﺭﺍﺷﺪﻱ ..
ﻭﻳﻜﻠﻲ ﺍﻋﻠﻤﺞ ﻋﻠﻴﻤﻦ ﺗﻌﻠﻴﻦ ﺻﻮﺗﺞ ﺑﻨﺖ ﺍﻟﻜﻠﺐ .. ﻫﻮ ﻧﻄﻘﻬﺎ ﻭﺍﻧﻲ ﻛﻤﺖ ﻋﻠﻴﻪ ﺻﻴﺎﺡ ﺍﻧﺘﻪ ﺷﻨﻮ ﻭﺗﺴﺐ ﺍﺑﻮﻳﻪ ﺑﻜﺒﺮﻩ ..
ﺍﺻﻴﺢ ﻋﻠﻴﻪ ﻭﺍﺑﺠﻲ ﻭﻋﻤﺎﻣﻲ ﻭﻫﻮﺳﻪ ﻭﻳﺼﻴﺤﻮﻥ ﻋﻠﻴﻪ ﺷﻠﻮﻥ ﺳﺐ ﺍﺑﻮﻳﻪ .. ﻣﺘﺤﻤﻠﺖ ﺍﻟﻤﻮﻗﻒ ﻭﺍﻟﻬﻮﺳﻪ ﻧﻬﺪ ﺣﻴﻠﻲ ﺑﺴﺮﻋﻪ ﺗﺨﺮﺑﻄﺖ .. ﻳﻀﺮﺑﻮﻥ ﻳﺼﺤﻮﻥ ﻳﻜﻌﺪﻭﻥ ﺍﻧﻲ ﻭﺍﻟﻤﻴﺖ ﺳﻮﻩ ..
ﺍﻣﻲ ﻛﺎﻣﺖ ﺗﻠﻄﻢ ﻭﺗﺼﻴﺢ ﺭﺍﺣﺖ ﺑﻨﺘﻲ ﺍﻟﻠﻪ ﻻ ﻳﻨﻄﻴﻜﻢ ﺭﺍﺣﺖ ﺑﻨﺘﻴﻴﻴﻴﻴﻲ .. ﻭﺗﺸﻴﻞ ﺑﻴﻪ ﻭﻣﺎ ﺍﻛﻌﺪ ...
ﻧﻘﻠﻨﻲ ﻋﻤﻲ ﻋﻤﺮﺍﻥ ﺑﺴﻴﺎﺭﺗﻪ ﻟﻠﻤﺴﺘﺸﻔﻰ .. ﺻﺎﻳﺮ ﻋﻨﺪﻱ ﺍﻧﻬﻴﺎﺭ ﻋﺼﺒﻲ ﻭﺍﺭﺗﻔﺎﻉ ﺑﺎﻟﻀﻐﻂ ﻭﻣﻦ ﺍﻟﺘﻌﺐ ﻭﺍﻛﻌﻪ ..
ﺍﻧﻄﻮﻧﻲ ﻣﻐﺬﻱ . ﻭﻋﻼﺝ ﻭﻃﻠﻌﻮﻧﻲ ﺍﻣﻲ ﺭﻓﻀﺖ ﺗﺪﺧﻞ ﺑﻴﺖ ﻋﻤﻲ ﻛﺎﻟﺘﻠﻪ ﺍﺧﺬﻧﺎ ﻟﺒﻴﺖ ﻋﺜﻤﺎﻥ ﺑﻘﻰ ﻳﺤﺠﻲ ﻋﻤﻲ ﻭﻣﺎ ﻗﺒﻞ ..
ﺍﺧﺬﻧﺎ ﻟﺒﻴﺘﻪ .. ﺭﻓﻀﺖ ﺍﻣﻲ ﻭﺣﻠﻔﺖ ﻭﺍﻟﻠﻪ ﻣﺎ ﺗﺪﺧﻞ ﻭﺧﺎﺑﺮﺕ ﻋﻤﻲ ﻋﺜﻤﺎﻥ ﻛﺎﻟﺘﻠﻪ .. ﻣﺎ ﺍﺭﻳﺪ ﻣﺼﻴﺒﺘﻴﻦ ﺑﺄﻥ ﻭﺍﺣﺪ ﺭﺍﺡ ﺭﺟﻠﻲ ﺑﻨﺘﻲ ﺍﺭﻳﺪﻫﺎ ﺗﺠﻲ ﺗﺸﻮﻑ ﺍﺑﻦ ﺍﺧﻮﻙ ﻟﻮ ﺍﺧﺬﻫﺎ ﻭﺍﻫﺞ ﻭﺍﻟﻠﻪ
ﻛﺎﻟﻠﻬﺎ ﺟﺎﻱ ﻓﻮﺭﺍ .. ﺛﻮﺍﻧﻲ ﻭﺍﺟﻪ .. ﺍﻧﻲ ﺑﺎﻟﺴﻴﺎﺭﻩ ﻧﺎﻳﻤﻪ . ﻃﺐ ﻣﺘﻌﺎﺭﻙ ﻭﻱ ﻣﺨﻠﺪ ﻭﺷﺎﻳﻠﻴﻨﻲ ﻟﺴﻴﺎﺭﺓ ﻋﻤﻮ ﻋﺜﻤﺎﻥ ﻭﻣﺎﺧﺬﻳﻨﻲ ﻟﺒﻴﺘﻪ .
ﺍﻟﻠﻴﻞ ﻛﻠﻪ ﺍﻣﻲ ﺗﺒﺠﻲ ﻋﻠﻰ ﺭﺍﺳﻲ .. ﻭﺗﺼﻴﺢ ﺷﺎﻛﺮ ﺍﻃﻠﻊ ﺷﻮﻑ ﺑﻨﺘﻚ ﺷﺤﺎﻟﻬﺎ .. ﺷﺎﻛﺮ ﺑﺘﻨﺎ ﺭﺍﺡ ﺗﻤﻮﺕ .
ﺍﻧﻲ ﺿﻐﻄﻲ ﻣﻮﺗﻨﻲ ﻛﻮﻩ ﺍﺟﺮ ﺍﻳﺪﻫﺎ ﻭﺍﺣﺎﺟﻴﻬﺎ ﻭﺍﻛﻮﻟﻬﺎ ﺍﻧﻲ ﺯﻳﻨﻪ .. ﺑﻘﻴﺖ ﻧﺎﻳﻤﻪ ﺑﺤﻈﻨﻬﺎ ﻟﻞ 9 ﺍﻟﺼﺒﺢ ﻛﻌﺪﻧﺎ ﺯﻳﻨﻪ ﺻﺒﻮﻟﻲ ﺭﻳﻮﻙ ﺟﺒﺮﻧﻲ ﻋﻤﻲ ﻋﺜﻤﺎﻥ ﺍﺗﺮﻳﻚ ..
ﻭﻛﺎﻝ ﻣﻌﻠﻴﺞ ﺑﻤﺨﻠﺪ .. ﺭﻭﺣﻲ ﺧﻠﺼﻲ ﻗﻀﻴﺘﺞ .. ﺗﺤﺘﺎﺟﻴﻦ ﻭﺍﺣﺪ . ﻣﻨﺎ ﻳﺠﻲ ﻭﻳﺎﺝ ﻛﻮﻟﻲ .. ﺩﻭﺭﻱ ﺑﻨﺘﺞ ﻭﺗﻌﺎﻱ ..
ﻛﺎﻟﺘﻠﻪ ﺍﻣﻲ ﻣﺎ ﺗﺠﻲ ﻟﻬﻨﺎ ﺍﺭﻭﺡ ﻭﻳﺎﻫﺎ .. ﺗﺨﻠﺺ ﻗﻀﻴﺘﻬﺎ ﻭﺍﺧﺬﻫﺎ ﻟﻠﺴﻮﻳﺪ ﺗﻌﻴﺶ ﻭﻳﺎﻱ .. ﻛﺎﻟﻠﻬﺎ ﺑﻌﺪ ﺍﺣﺴﻦ ﺍﻫﻨﺎﻙ ﺍﺣﺴﻨﻠﻬﺎ ..
ﻛﻤﻠﻨﺎ ﺭﻳﻮﻙ ﻃﻠﻌﻨﺎ ﻋﻤﻮ ﻟﻜﺒﺮ ﺑﺎﺑﺎ ﺑﻌﺪﻩ ﺗﺮﺍﺏ .. ﺷﻤﺮﺕ ﺭﻭﺣﻲ ﻋﻠﻰ ﺗﺮﺍﺑﻪ ﻭﻛﻤﺖ ﺍﺻﺮﺥ ﻭﻟﻚ ﺑﺎﺑﺎﺍﺍ ﻟﻴﺶ ﻋﻔﺘﻨﻲ ﺑﺎﺍﺍﺍﺑﺎ ..
ﺻﺮﺧﺖ ﻭﺻﻴﺤﺖ ﻭﺑﺠﻴﺖ ﻟﺤﺪ ﻣﺎ ﺍﺧﺘﻔﻰ ﺻﻮﺗﻲ ﻭﻫﻠﻜﺖ .. ﻟﻠﻀﻬﺮ ﻳﻠﻪ ﺍﺧﺬﻧﺎ ﻣﻦ ﻛﺒﺮﻩ .
ﺭﺟﻌﻨﺎ ﻟﺒﻴﺖ ﻋﻤﻲ ﻋﻤﺮﺍﻥ .. ﺭﺍﺩﺕ ﺗﺮﻓﺾ ﺍﻣﻲ .. ﻛﺎﻟﻠﻬﺎ ﻭﺩﺍﺩ ﺍﻧﺘﻮ ﻳﻮﻣﻴﻦ ﻭﺭﺍﻳﺤﻴﻦ ﺻﻔﻮ ﺍﻟﻜﻠﻮﺏ .. ﻣﻌﻠﻴﻜﻢ ﺑﺨﺒﺎﻝ ﻣﺨﻠﺪ ..
ﺩﺧﻠﻨﺎ ﻟﻠﺒﻴﺖ .. ﻛﻌﺪﻧﺎ ﺑﺎﻟﻬﻮﻝ ﻭﻱ ﺍﻟﻨﺴﻮﺍﻥ .. ﻟﻠﻌﺼﺮ ﻭﺍﺣﻨﻪ ﻛﺎﻋﺪﻳﻦ ﻟﺤﺪ ﻣﺎ ﺩﻙ ﻣﻮﺑﺎﻳﻠﻲ ﺷﻔﺘﻪ ﺟﻴﺎﺩ ..
ﻛﻤﺖ ﻟﻠﻤﻤﺮ .. ﺭﺩﻳﺖ ﺍﻟﻮ ﺻﺎﺡ ﻟﺠﻴﻦ ﺑﺪﻱ ﺍﻟﺒﺸﺎﺭﻩ .. ﺻﺤﺖ ﺷﻜﻮ .. ﺻﺎﺡ ﺍﻧﻤﺴﻚ ﻣﻴﺸﻴﻞ ﻭﺍﻟﻠﻪ ﺍﻧﻤﺴﻚ ..
ﺻﺤﺖ ﻳﺎ ﺍﻟﻠﻪ .. ﺍﻭﻭﻭﻑ ﺭﺑﻲ ﺍﻟﺤﻤﺪﻟﻠﻪ .. ﺻﺪﻙ ﻭﺍﻟﻠﻪ ﺟﻴﺎﺩ ..
- ﻟﻚ ﻭﺍﻟﻠﻪ ﺑﻜﺮﺍ ﺭﺍﺟﻌﻴﻦ ﺍﻧﺎ ﻭﻳﺎﻛﻲ ﻉ ﺑﻴﺮﻭﺕ ﻟﺘﺜﺒﺘﻲ ﺍﻗﻮﺍﻟﻚ .. ﻋﻠﻴﻪ ﻭﻋﻠﻰ ﻳﻠﻲ ﺍﺳﻤﻮ ﺟﻮﺯﻙ ..
ﺍﻟﺤﻤﺪﻟﻠﻪ ﻳﺎﺍﺍﺭﺏ ﺍﻟﻒ ﺍﻟﺤﻤﺪﻟﻠﻪ ... ﺩﺍ ﺍﺣﺠﻲ ﻧﺰﻝ ﻣﺨﻠﺪ ﺻﺪﺕ ﻋﻴﻨﻲ ﺑﻌﻴﻨﻪ ﻏﻠﺲ ﻣﺎ ﻛﺄﻥ ﺷﺎﻓﺘﻲ ﺑﺲ ﻋﺎﻗﺪ ﺣﻮﺍﺟﺒﻪ ..
ﻳﺎﺭﺏ ﺍﻟﺤﻤﺪﻟﻠﻪ ﻣﻦ ﺍﻧﻤﺴﻚ ﺍﻟﻜﻠﺐ .. ﺍﻧﻲ ﺑﺨﻴﺮ ﺩﺍﻡ ﺍﻧﻤﺴﻚ .. ﻳﺎﺭﺏ ﺑﻘﺖ ﺑﺲ ﺑﻨﺘﻲ ..
- ﺑﻨﻼﺋﻴﻬﺎ ﻣﺘﻌﺘﻠﻲ ﻫﻢ ﺧﻠﺼﻨﺎ ﻣﻦ ﺍﻛﺒﺮ ﻫﻢ ﺑﻘﻰ ﺍﻟﻘﻠﻴﻞ
- ﺍﻟﺤﻤﺪﻟﻠﻪ ﻳﺎﺭﺏ
ﻗﻔﻠﺖ ﺍﻟﺨﻂ ﻭﺭﺣﺖ ﻛﻌﺪﺕ ﻳﻢ ﺍﻣﻲ .. ﻟﺤﺪ . ﻣﺎ ﺻﺒﻮ ﺍﻟﻌﺸﺎ ﺍﻧﻲ ﻛﻤﺖ ﺭﺣﺖ ﻟﻠﻤﻄﺒﺦ .. ﺍﻟﻌﺒﺎﻳﻪ ﻻﻓﺘﻬﺎ ﻋﻠﻰ ﺧﺼﺮﻱ ﻭﻣﺸﻤﺮﺗﻬﺎ ﻋﻠﻰ ﺍﺩﻳﻪ ..
ﻭﺣﺠﺎﺑﻲ ﻋﻠﻰ ﺭﺍﺳﻲ .. ﺭﺩﺕ ﺍﺳﺎﻋﺪﻫﻢ ﻣﺎ ﻗﺒﻠﻮ .. ﺑﻘﻴﺖ ﺍﺑﺤﺚ ﺑﺎﻟﻤﻮﺑﺎﻳﻞ ﻋﻠﻰ ﺧﺪﻣﺎﺕ ﺍﻻﻧﺘﺮﻧﺖ .
ﻓﻌﻠﺖ ﺧﺪﻣﺔ ﻧﺖ ﻻﻥ ﺑﺎﻟﻌﺮﺍﻕ ﻣﺎ ﻣﺘﻮﺍﺟﺪﻩ ﺍﻟﺸﺒﻜﺎﺕ ﺍﻟﻤﻔﺘﻮﺣﻪ ﺑﻜﺜﺮﻩ ... ﻗﻠﻪ .. ﻭﺑﻴﺖ ﻋﻤﻲ ﻣﺎ ﻋﺪﻫﻢ ..
ﺍﻭﻝ ﻣﺎ ﺗﻔﻌﻞ ﻧﺖ .. ﺍﺟﺖ ﺭﺳﺎﺋﻞ ﻉ ﺍﻟﻮﺍﺗﺴﺎﺏ .. ﺑﺎﻭﻋﺘﻬﻢ ﻣﺎﻟﻚ ﺍﻧﻬﺒﻂ ﻛﻠﺒﻲ .. ﻋﻔﺘﻬﻢ ﻭﻃﻠﻌﺖ ﺍﻟﻄﺮﻣﻪ .. ﻛﺎﺍﺗﺒﻠﻲ ﺍﺭﻳﺪ ﺍﺣﺠﻲ ﻭﻳﺎﺝ .
ﺍﺗﺼﻠﺖ ﺑﻴﻪ ﻣﻤﺘﺼﻞ ﻧﺖ .. ﺩﺯﻳﺘﻠﻪ ﺭﺳﺎﻟﻪ ﺍﻧﻄﻴﻨﻲ ﺑﻨﺘﻲ ﻳﺎ ﻛﻠﺐ ﺍﻟﻠﻪ ﻳﻨﺘﻘﻢ ﻣﻨﻚ .. ﻳﺎ ﺣﻘﻴﺮ .. ﺍﺭﻳﺪ ﺑﻨﺘﻲ ..
ﺑﻘﻴﺖ ﺍﺭﺍﺳﻠﻪ ﻣﺎﻛﻮ .. ﻛﻌﺪﺕ ﻋﻠﻰ ﻧﺎﺭ ﻳﺼﻴﺤﻮﻥ ﻣﺎ ﺍﺭﺩ ﻋﻠﻴﻬﻢ ﻋﻘﻠﻲ ﺍﻧﺸﻐﻞ ﺑﻤﺮﺍﺳﻠﺘﻪ .. ﺍﺗﺼﻠﺖ ﺑﺠﻴﺎﺩ . ﻛﺘﻠﻪ ﻫﻴﺞ ﻭﻫﻴﺞ ﺭﺍﺳﻞ ﻣﺎﻟﻚ ..
ﻛﺎﻝ ﺛﻌﻠﺐ ﺭﺍﺳﻠﻚ ﻣﻦ ﺍﻟﻮﺍﺗﺴﺎﺏ ﻛﺮﻣﺎﻝ ﻣﺎ ﻳﻨﻤﺴﻚ ﻉ ﺍﻟﺸﺮﻳﺤﻪ ﻻﻥ ﺷﺮﻳﺤﺘﻮ ﻣﺮﺍﻗﺒﻪ .. ﺑﺲ ﺗﻨﻔﺘﺢ ﻧﻌﺮﻑ ﻣﻜﺎﻧﻮ
ﻛﺘﻠﻪ ﻭﻫﺴﻪ .. ﻛﺎﻝ ﺭﺍﺳﻠﻲ ﻭﺍﻋﺮﻓﻲ ﺷﻮ ﺑﺪﻭ ﻣﻨﻚ ..
ﺑﻘﻴﺖ ﺑﺎﻟﺴﺎﻋﻪ ﻭﺍﻛﻔﻪ ﺑﺎﻟﻄﺮﻣﻪ ﺑﻌﻴﺪ ﻋﻦ ﺍﺳﺘﻘﺒﺎﻝ ﺍﻟﺨﻄﺎﺭ .. ﻃﻠﻌﺖ ﺍﻣﻲ ﻛﺘﻠﻬﺎ ﻣﺎﻟﻚ ﺭﺍﺳﻞ .. ﻛﺎﻟﺖ ﻳﺎ ﺍﻟﻠﻪ ﺑﻠﻜﻲ ﺍﻟﻜﻠﺐ ﻛﻠﺒﻪ ﺣﻦ ﻭﻳﻨﻄﻴﻬﺎ ﺍﻟﺞ
ﺍﻥ ﺷﺎﺀﺍﻟﻠﻪ ﻭﺍﻃﻠﻮ ﺍﻋﺮﻓﻪ ﻛﻠﺐ ﻋﻨﺪﻩ ﻣﺼﻠﺤﻪ ... ﻛﻠﺒﻲ ﺍﺣﺴﻪ ﻳﻨﺒﺾ ﻣﺎ ﻫﺪﺍ ﻏﻴﺮ ﻛﻮﻥ ﺍﻫﺪﺉ ﻭ ﻭﺍﺩﺧﻞ ﻳﻢ ﺍﻟﻨﺴﻮﺍﻥ ﺍﺑﺪ ﻟﺴﺎﻋﺘﻴﻦ ﻳﻼ ﺭﺩ ﻣﺎﻟﻚ ..
ﺍﺗﺼﻞ ﺑﻴﻪ .. ﺍﻭﻝ ﻣﻜﻠﺖ ﺍﻟﻮ .. ﻛﺎﻝ ﺍﺳﻤﻌﻲ ﺍﺧﺮ ﺣﺠﻲ ﺍﻟﻲ ﻭﻳﺎﺝ .. ﺑﻨﺘﺞ ﺍﺑﻌﺜﻠﺠﻴﺎﻫﺎ ﺑﺸﺮﻁ .. ﺗﺘﻨﺎﺯﻟﻴﻦ ﻋﻦ ﺍﻟﻘﻀﻴﻪ ﻭﺍﻃﻠﻌﻴﻨﻲ ﻣﻨﻬﺎ ﻭﻣﺎ ﺗﺼﻔﻴﻨﻲ ﻭﻳﻪ ﺟﻤﺎﻋﺔ ﻣﻴﺸﻴﻞ ..
ﻏﻴﺮ ﻫﻠﺤﺠﻲ .. ﺗﺤﻠﻤﻴﻦ ﺗﺸﻮﻓﻴﻦ ﺑﻨﺘﺞ ﺍﻫﺮﺑﻬﺎ ﻭﺍﺧﻠﻴﺞ ﺑﺤﺴﺮﺗﻬﺎ ﻭﺗﻌﺮﻓﻴﻦ ﺍﻧﻲ ﻛﺪ ﻛﻠﻤﺘﻲ .......
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء