رواية بنت العرب ج1 الجزء السادس
للكاتبة اسراء محمد
🌹
ﻃﻠﻊ ﻭﻋﺎﻓﻨﻲ
ﻭﻻﻛﺎﻧﻮ ﺍﻛﻮ ﺑﺸﺮ ﻛﺒﺎﻟﻪ ..
ﻟﻤﺖ ﺭﻭﺣﻲ ﻋﻠﺤﻀﻲ
ﺑﺲ ﻫﻨﺎ ﻗﺮﺭﺕ ﺍﻧﻮ ﻣﺎﻟﻲ
ﻋﻼﻗﻪ ﺑﻲ ﺑﻌﺪ ﻭﻧﻬﺎﺋﻴﺎ ..
ﻣﺎﺗﻘﺮﺏ ﺍﻟﻪ ..
ﺍﻟﻌﺼﺮ ﻧﺰﻟﺖ ﻓﺘﺤﺖ ﺍﻟﺜﻼﺟﻪ
ﺍﻧﻲ ﺍﺣﺐ ﺍﻟﺤﻠﻮﻳﺎﺕ
ﻣﻠﻜﻴﺖ ﺷﻲ ﺍﻛﻠﻪ
ﻓﻘﺮﺭﺕ ﺍﺳﻮﻱ ﺣﻼﻭﻩ ﺟﻜﻠﻴﺘﻴﻪ
ﺭﺣﺖ ﻟﺨﺎﻟﺘﻲ
ﺧﺎﻟﻪ ﺭﺍﺡ ﺍﺩﺯ ﻭﺍﺣﺪ ﻣﻦ ﻭﻟﺪ ﺍﻟﺸﺎﺭﻉ
ﻳﺠﻴﺐ ﻏﺮﺍﺽ ﺍﺳﻮﻱ ﺣﻼﻭﻩ
ﻛﺎﻟﺖ ﻭﻟﺞ ﻋﺮﻭﺱ ﺷﻠﻮﻥ ﺗﺸﺘﻐﻠﻴﻦ
ﺳﺒﻮﻉ ﻣﺼﺎﺭﻟﺞ .
ﻻﺧﺎﻟﻪ ﻋﻔﻴﻪ ﺿﻮﺟﻪ .. ﻭﻣﺎﻋﻨﺪﻱ ﺷﻲ
ﻛﻠﺖ ﺍﺳﻮﻱ ﺣﻠﻮﻳﺎﺕ
ﻛﺎﻟﺖ ﺑﻜﻴﻔﺞ ﺑﻨﻴﺘﻲ
ﻃﻠﻌﺖ ﻟﻠﺸﺎﺭﻉ ﻣﺪﻳﺖ ﺭﺍﺳﻲ
ﻣﺤﺪ ﺍﻛﻮ .
ﻟﺒﺴﺖ ﻋﺒﺎﻳﺘﻲ ﻭﻃﻠﻌﺖ
ﺗﻤﺸﻴﺖ ﻭﺍﻧﻲ ﺍﺑﺎﻭﻉ ﻋﻠﻨﺎﺱ
ﻭﺍﻻﺳﻮﺍﻕ ﻭﺍﻟﻤﺤﻼﺕ ﻣﻨﻄﻘﺘﻬﻢ
ﻣﺒﻠﻄﻪ ﻭﺣﻠﻮﻩ . ﻭﺳﻮﻙ ﻣﺘﺮﻭﺱ ﻣﻼﺑﺲ
ﻭﻣﺤﻼﺕ ﻫﻮﻭﺍﻱ
ﺗﻬﺖ ﺑﻴﻬﻦ . ﻭﺭﺟﻠﻴﻪ ﺍﺧﺬﺗﻨﻲ
ﺟﻨﺖ ﻣﺸﺪﻫﻪ ﺑﺲ ﺍﺑﺎﻭﻉ
ﻓﺘﺖ .. ﻟﻠﻤﺤﻞ
ﻧﻄﻴﺘﻪ ﻭﺭﻗﻪ ﻭ
ﻛﺘﻠﻪ ﺍﺭﻳﺪ ﺗﻨﻄﻴﻨﻲ ﺍﻟﻤﺴﺠﻼﺕ
ﺑﻠﻘﺎﺋﻤﻪ ..
ﺍﺧﺬﻫﺎ ﻣﻨﻲ
ﻭﻧﻄﺎﻧﻲ ﻳﺎﻫﻦ
ﺳﻤﻌﺖ ﺻﻮﺕ ﻣﻮ ﻏﺮﻳﺐ ﻟﺘﻔﺘﺖ
ﺷﻔﺘﻪ ﻋﻤﺮﺭ .. ﻓﻜﻴﺖ ﺣﻠﻜﻲ
ﻭﻛﻌﺖ ﻣﻨﻲ ﺍﻟﻐﺮﺍﺽ
ﻭﺍﺣﺪ ﻭﺍﻛﻒ ﺑﻠﻤﺤﻞ ﻛﺎﻝ ﻋﻠﻜﻴﻔﺞ
ﻭﻟﻤﻠﻲ ﻳﺎﻫﻦ ﻭﻧﻄﺎﻫﻦ ﺍﻟﻲ
ﺍﻟﺮﺟﻔﻪ ﻟﺰﻣﺘﻨﻲ
ﻭﻋﻤﺮ ﻭﺍﻛﻒ ﻳﻌﺎﻳﻦ
ﺭﺩﺕ ﺍﻃﻠﻊ ﻣﻦ ﺍﻟﻤﺤﻞ ﺑﺴﺮﻋﻪ
ﺗﻤﻨﻴﺖ ﺍﻃﻴﺮ . ﺑﺲ ﻳﺠﻲ ﺳﺠﺎﺩ
ﻭﻳﺸﻮﻓﻪ ﻛﺒﻞ ﻳﺸﻚ ﺑﻴﻪ
ﻃﻠﻌﺖ ﺑﺴﺮﻋﻪ
ﺑﺲ ﺍﺳﻤﻊ ﺧﻄﻮﺍﺕ ﻭﺭﺍﻳﻪ
ﺣﺴﻴﺖ ﺑﺪﺍﺧﻠﻲ ﺻﻮﺕ
ﻛﺎﻝ ﺍﺳﺮﺍﺭ ﺍﻭﻛﻔﻲ ﻭﺍﺟﻬﻲ ﺧﻮﻓﺞ
ﻭﻭﻛﻔﻲ ﻫﺬﺍ ﺍﻟﻘﺬﺭ ﻋﻨﺪ ﺣﺪﻩ
ﻭﻛﻔﺖ ﺭﺟﻠﻴﻪ
ﻭﻣﺘﺤﺮﻛﺖ ﺑﻌﺪ
ﻧﺪﺍﺭﻳﺖ ﻋﻠﻲ ﺻﺎﺭ ﻛﺒﺎﻟﻲ
ﻛﺎﻝ ﺍﺗﺰﻭﺟﺘﻲ
ﻭﻋﻔﺘﻴﻨﻲ ﻣﻴﺖ ﻭﺭﺍﺝ
ﺑﺎﻭﻋﺘﻠﻪ ﻣﻮ ﻫﻮ ﻋﻤﺮ ﻣﻮ ﻧﻔﺴﻪ
ﺿﻌﻔﺎﻥ .. ﻭﺟﻬﻪ ﺷﺎﺣﺐ
ﻭﺻﺎﻳﺮ ﺍﺳﻤﺮ ﺣﻴﻞ
ﻭﺷﻔﺎﻳﻔﻪ ﻣﺸﻜﻜﻪ
ﻛﺘﻠﻪ ﺷﺮﺍﻳﺪ
ﻛﺎﻝ ﺑﺲ ﺳﺎﻣﺤﻴﻨﻲ
ﺿﺤﻜﺖ ﻣﻦ ﻛﻞ ﻛﻠﺒﻲ
ﻛﺘﻠﻪ ﺗﻄﻠﺐ ﺍﺳﺎﻣﺤﻚ
ﺗﺪﺭﻱ ﻧﺘﻪ ﺷﻨﻮ ﺍﻟﺬﻧﺐ ﺍﻟﻲ ﺭﺗﻜﺒﺘﻪ
ﻫﺬﺍ ﻣﻮ ﺍﻱ ﺫﻧﺐ ﻟﻲ ﺳﻮﻳﺘﻪ ﺑﻴﻪ
ﺍﺫﺍ ﺍﺣﺪ ﻛﺸﻔﻨﻲ ﺍﺩﻓﻊ ﺍﻟﺜﻤﻦ ﺣﻴﺎﺗﻲ
ﺍﺗﺰﻭﺟﺞ ﺗﻌﺎﻱ ﺍﺗﺰﻭﺟﺞ
ﺍﺣﺴﻪ ﻳﺤﺠﻲ ﻫﻮ ﻣﻮ ﺑﻮﻋﻴﻪ
ﻻ ﻻ .. ﻣﺎﺭﻳﺪ ﺯﻭﺍﺝ
ﺍﻧﻲ ﻣﻔﻜﺮﻩ ﺍﻛﻤﻞ ﺩﺭﺍﺳﺘﻲ
ﻭﺍﻧﺴﻰ ﺍﻟﻤﺎﺿﻲ ﻭﺍﻧﺴﻰ ﺍﻟﺮﺍﺡ
ﺩﺧﻴﻠﺞ ﺑﺲ ﺳﺎﻣﺤﻴﻨﻲ ﺣﺘﻰ ﺿﻤﻴﺮﻱ ﻳﺮﺗﺎﺡ
ﻋﻤﺮﺭﺭ ﺷﻠﻮﻥ ﺍﺳﺎﻣﺤﻚ ﻛﺘﻠﻚ ﺍﻧﻲ ﺧﺴﺮﺕ
ﻛﻠﺸﻲ ﺑﺴﺒﺒﻚ ﺍﻧﻲ ﻣﺎﻛﺪﺭ ﻫﺴﻪ ﺍﻓﻜﺮ ﺑﺎﻱ ﺷﺨﺺ
ﻭﻻ ﺍﻟﻲ ﺣﻖ ﺍﺣﺐ ﻭﺍﻧﺤﺐ ﻭﻻﻣﺸﺎﻋﺮﻱ ﻣﻤﻜﻦ ﺍﻃﻠﻌﻬﺎ ﺗﺠﺎﻩ ﺍﺣﺪ
ﺗﻌﺮﻑ ﻟﻴﺶ
ﻻﻥ ﺍﻱ ﻋﻼﻗﻪ ﺣﺐ ﺗﻨﺘﻬﻲ ﺑﺎﻟﺰﻭﺍﺝ
ﺍﻛﻠﻚ ﺷﻐﻠﻪ
ﺍﻧﻲ ﻣﺘﺰﻭﺟﻪ ﺑﺲ ﻋﻠﻮﺭﻕ
ﻻﻥ ﺯﻭﺟﻲ ﻳﺤﺐ ﻏﻴﺮ ﻭﺣﺪﻩ
ﺍﺭﺗﺎﺣﻴﺖ ﻫﺴﻪ
ﻋﺮﻓﺖ ﺍﻟﺴﺒﺐ ﻟﻤﺨﻠﻴﻨﻲ ﻋﺎﻳﺸﻪ
ﻟﺤﺪ ﻫﺴﻪ
ﺻﺪﻛﻨﻲ ﻟﻮ ﻣﺎﻛﻮ ﻫﺬﺍ ﺍﻟﺴﺒﺐ
ﺟﺎﻥ ﺍﻧﻲ ﻫﺴﻪ ﺑﻌﺪﺍﺩ ﺍﻟﻤﻮﺗﻰ
ﻭﺍﻟﺴﺒﺐ ﺍﻧﺘﻪ .
ﺿﻞ ﻳﺒﺠﻲ ﻭﻳﺘﻮﺳﻞ
ﺍﻃﻠﻜﻲ ﻭﺍﺗﺰﻭﺟﺞ ﻭﺍﻋﻴﺶ ﺍﺣﻼ ﻋﻴﺸﻪ
ﺑﺲ ﺳﺎﻣﺤﻴﻨﻲ ﺍﻧﻲ ﺭﺍﺡ ﺍﻣﻮﺕ
ﺳﺤﺒﺖ ﺍﻳﺪﻳﻪ ﻣﻨﻪ
ﻛﺘﻠﻚ ﺍﻧﻲ ﻣﺎﻣﻔﻜﺮﻩ ﺑﺰﻭﺍﺝ ﻭﻻﺣﺐ
ﻭﻻﻋﻼﻗﻪ ﻭﻻﻣﺸﺎﻋﺮ ﻭﻻ ﺍﻱ ﺷﻲ
ﻣﻦ ﻫﺬﺍ ﺍﻟﻘﺒﻴﻞ
ﺗﺪﺭﺭﻱ ﻟﻴﺶ
ﻻﻥ ﺍﺭﻳﺪ ﺍﻛﻤﻞ ﺩﺭﺍﺳﻪ ﻭﺍﺗﻮﻧﺲ
ﻭﺍﺣﺎﻭﻝ ﺍﻧﺴﻰ ﺍﺳﻮﺀ ﻟﺤﻀﺎﺕ ﻋﺸﺘﻬﺎ
ﻭﺍﻟﻲ ﺳﺒﺒﻬﺔ ﺍﻧﺘﻪ
ﻭﺗﺮﻳﺪ ﺍﺳﺎﻣﺤﻚ
ﺑﻌﺪ ﺍﻟﺠﺮﺡ ﺍﻟﺠﺮﺣﺘﻪ ﺍﻟﻲ
ﺍﻧﻲ ﺍﺭﻳﺪ ﺍﺷﻮﻑ ﺭﺑﻲ ﺷﻮﻥ ﺭﺍﺡ ﻳﻌﺎﻗﺒﻚ
ﺣﻘﻲ ﻳﺎﺧﺬﻩ ﻣﻨﻚ ﻟﻮ ﻻ
ﻛﺎﺍﻓﻲ ﺍﺳﺮﺍﺭ
ﻭﺍﻟﻠﻪ ﺍﺧﻄﻔﺞ ﺍﺧﺬﺝ ﻭﺍﺭﻭﺡ
ﻫﻬﻬﻬﻪ ﺍﻱ ﻋﺎﺩﻱ ﻫﻲ ﻫﺎﻱ ﺳﻮﺍﻟﻔﻚ
ﻣﻮ ﺟﺪﻳﺪﻩ ﻋﻠﻴﻚ ﺳﻮﻳﺘﻬﺔ ﻗﺒﻞ ﺑﻤﺮﻩ
ﺑﺲ ﻣﺨﻠﻴﻚ ﺗﻌﻴﺪﻫﻪ .
ﺍﻟﻤﻬﻢ ﺍﺫﺍ ﺗﺮﻳﺪ ﺍﺭﺗﺎﺡ
ﺭﻭﺡ ﻣﻨﺎ ﻭﻻﺗﺮﺟﻊ ﻭﻻﺗﺮﺍﻭﻳﻨﻲ ﻭﺟﻬﻚ
ﻛﻠﻤﺎ ﺷﻮﻓﻚ ﺍﺫﻛﺮ ﺣﻴﺎﺗﻲ ﺍﻟﻤﺤﻄﻤﻪ
ﻟﻮ ﻣﺎﻣﺴﻮﻱ ﺍﻟﺴﻮﻳﺘﻪ ﺟﺎﻥ ﻣﺮﺿﻴﺖ
ﺑﻬﻴﺞ ﻗﺴﻤﻪ
ﺍﺳﺮﺭﺍﺭ ﺳﻤﻌﻴﻨﻲ ﺍﻧﻲ ﻣﺮﻳﺾ
ﻭﻳﻤﻜﻦ ﺍﻣﻮﺕ
ﺍﻟﻠﻪ ﻳﺸﺎﻓﻴﻚ ...
ﺗﺪﺭﻱ ﺍﻧﻲ ﻣﺮﺿﻲ ﻣﺎﻛﻮ ﻣﺜﻠﻪ
ﺗﺨﻴﻞ ﺯﻭﺟﻲ ﻛﺒﺎﻟﻲ ﻭﻗﻠﺒﻪ ﻣﻠﻚ
ﻟﻐﻴﺮ ﺍﻧﺴﺎﻧﻪ
ﺍﺳﺮﺍﺭ ﺗﺤﺒﻲ
ﺍﻱ ﺍﺣﺒﻪ ﻫﻮﻭﺍﻱ ﺑﺲ ﺍﻧﺘﻪ ﻭﺍﻛﻒ ﺑﻄﺮﻳﻘﻨﻪ
ﻟﻠﻴﻮﻡ ﻧﺘﻪ ﺍﻟﺴﺒﺐ ﺑﺎﺫﻳﺘﻲ
ﺣﺘﻰ ﻣﺎﻛﺪﺭ ﺍﺧﻠﻲ ﺭﺟﻠﻲ ﻳﺤﺒﻨﻲ
ﻣﺜﻞ ﺍﻟﻌﺎﻟﻢ
ﻻﻥ ﺍﺑﺪﺍﺧﻠﻲ ﻭﺻﺨﻚ
ﻛﺎﻓﻲ ﺍﺳﺮﺍﺭ ﺍﻧﻲ ﺭﺍﻳﺢ
ﺑﺲ ﺍﺣﺎﻭﻝ ﺍﺧﻠﻴﺞ ﺳﻌﻴﺪﻩ
ﺳﻮﻳﺘﻨﻲ ﺍﺗﻌﺲ ﺍﻧﺴﺎﻧﻪ ﻭﺧﻼﺹ
ﺑﻌﺪ ﻣﺎﻳﻔﻴﺪ ﺷﻲ
ﺩﻧﺞ ﻣﺤﺠﺎ ﺷﻲ ﻭﺭﺍﺣﺢ
ﺣﺴﻴﺖ ﻧﻔﺴﻲ ﺍﺣﺴﻦ
ﻭﺣﺘﻠﻮ ﺍﺣﺐ ﺳﺠﺎﺩ
ﻻﺯﻡ ﺍﻛﻮﻥ ﺍﻧﺴﺎﻧﻪ ﻧﺎﺟﺤﻪ
ﻭﺍﺩﻭﺱ ﻋﻠﻜﻠﺒﻲ
ﻟﻴﻮﻡ ﺑﺲ ﻳﺠﻲ ﺳﺠﺎﺩ
ﺍﻛﻮﻟﻪ ﺍﻧﻲ ﺍﺭﻳﺪ ﺍﺩﺭﺱ
ﻭﺻﻠﺖ ﻟﻠﺒﺎﺏ
ﺻﺎﺭﺕ ﺳﻴﺎﺭﻩ ﺳﺠﺎﺩ
ﺑﻮﺟﻬﻲ
ﻧﺰﻝ ﻣﻨﻬﺎ
ﻭﻳﻦ ﺟﻨﺘﻲ
ﻛﻤﺖ ﺍﺭﺟﻒ
ﺟﻨﺖ ﺍﺷﺘﺮﻱ ﻣﻦ ﺍﻟﻤﺤﻼﺕ
ﺷﻌﺪﺝ ﻃﺎﻟﻌﻪ
ﺷﺘﺮﻳﺖ ﻛﻢ ﺷﻐﻠﻪ ﺍﺭﻳﺪ
ﺍﺳﻮﻱ ﺍﻛﻞ
ﻣﺎﻛﻮ ﺍﻛﻞ ﺑﻠﺒﻴﺖ
ﻃﺒﻴﺖ ﺫﺑﻴﺖ ﻋﺒﺎﻳﺘﻲ
ﻛﺎﻝ ﺷﻨﻮ ﻃﻠﻌﻴﻦ ﻭﺣﺪﺝ ﺍﺳﺮﺍﺭ
ﻛﺘﻠﻪ ﻻﺗﺪﺧﻞ ﺳﻤﻌﺖ ﺍﻧﻲ ﺣﺮﻩ
ﺍﻧﻲ ﻣﻮ ﻣﺮﺗﻚ
ﻭﺗﺤﺎﺳﺒﻨﻲ
ﺳﻜﺖ ﺿﻞ ﻳﻔﺮﻙ ﺑﻠﺤﻴﺘﻪ
ﻋﻔﺘﻪ ﻭﻣﺸﻴﺖ
ﺳﺪﻳﺖ ﺑﺎﺏ ﺍﻟﻐﺮﻓﻪ
ﺍﺟﻪ ﻭﺭﺍﻳﺎ
ﻛﺎﻝ ﺍﺭﻳﺪ ﺗﺴﺎﻋﺪﻳﻨﻲ
ﺑﺸﻨﻮ ﺍﺳﺎﻋﺪﻙ
ﺍﺭﻳﺪ ﺍﺧﻄﺐ ﺳﺤﺮ ﻳﻮﻡ ﺍﻟﺨﻤﻴﺲ
ﻣﺜﻞ ﺳﺠﻴﻦ ﻧﻐﺮﺯ ﺑﻜﻠﺒﻲ
ﺑﺎﻭﻋﺘﻠﻪ ﻭﺩﻣﻮﻋﻲ ﻏﺮﻛﺖ
ﻛﺎﻝ ﺍﺳﺮﺍﺭ
ﺍﺩﺭﻱ ﺑﻴﺞ ﺗﻌﺒﺘﻲ
ﺑﺲ ﻣﻀﻞ ﺷﻲ
ﻛﺘﻠﻪ ﺳﺠﺎﺩ
ﻛﺎﻝ ﻫﺎ
ﻛﺘﻠﻪ ﺗﺪﺭﻱ
ﺍﻟﻴﻞ ﻛﻠﻪ ﺗﺒﻘﻰ ﺣﺎﺿﻨﻲ
ﻭﻣﻜﺪﺭ ﺍﻭﺧﺮ ﻣﻨﻚ
ﻭﺍﺳﻤﻊ ﺍﺳﻤﻬﺎ ﺑﻜﻞ ﻟﺤﻀﻪ
ﺍﻧﻲ ﻭﺍﻋﺪﺗﻚ ﺍﺳﺎﻋﺪﻙ
ﺑﺲ ﻣﻮﻋﺪﺗﻨﻲ ﺗﻜﺴﺮ ﻛﻠﺒﻲ
ﻛﺎﻝ ﺍﺳﻒ ﺑﺲ
ﻻﺗﺨﺎﻑ ﺳﺠﺎﺩ ﺳﺤﺮ ﺍﻟﻚ
ﺷﻨﻮ ﺍﻟﻤﻄﻠﻮﺏ ﻣﻨﻲ ﻛﻠﻲ
ﺑﺲ ﺍﻭﻋﺪﻧﻲ ﻭﺭﺍﻫﺎ ﻛﺒﻞ ﺗﺨﻠﻴﻨﻲ
ﺍﺳﺎﻓﺮ ﺑﻠﻤﻘﺎﺑﻞ ﺣﺎﻟﻴﺎ ﺍﺭﻳﺪ ﻣﻨﻚ
ﺗﺮﺟﻌﻨﻲ ﺍﺩﺭﺱ .
ﺍﻱ ﺩﻟﻠﻲ
ﺭﺣﺖ ﻧﺰﻟﺖ ﺟﺒﺖ ﺍﻟﺤﻼﻭﻩ ﺍﻟﺴﻮﻳﺘﻬﺎ
ﻭﺧﻠﻴﺘﻬﺎ ﻛﺒﺎﻟﻪ ﻛﺘﻠﻪ ﺍﻛﻞ ﻃﻴﺒﻪ
ﻛﺎﻝ ﺻﺪﻙ ﻣﻨﺴﻴﺖ
ﻣﻤﻨﻮﻉ ﺗﻄﻠﻌﻴﻦ ﻭﺣﺪﺝ
ﺍﻱ ﺷﻲ ﺗﺮﺩﻱ ﻛﻠﻴﻠﻲ ﺍﺟﻴﺒﻪ ﻳﻤﺞ
ﻻ ﺳﺠﺎﺩ ﺣﺒﻴﺖ ﺍﻏﻴﺮ ﺟﻮ
ﺧﻨﻜﻪ ﺍﻟﺒﻴﺖ
ﺍﻧﻲ ﺍﻃﻠﻌﺞ ﺑﺲ ﻣﺘﻄﻠﻌﻴﻦ ﻭﺣﺪﺝ
ﺻﺢ ﺍﻧﻲ ﻣﻮ ﺍﻟﺞ ﺑﺲ ﺍﻟﻌﺎﻟﻢ ﺗﺤﺠﻲ
ﻻﻧﺞ ﻣﺮﺗﻲ
ﺧﻴﺮ ﻧﺸﺎﻟﻠﻪ ﻳﺼﻴﺮ ﺳﺠﺎﺩ
ﺍﻧﺸﺎﻟﻠﻪ
ﻛﻌﺪ ﻭﻛﺎﻡ ﻳﺎﻛﻞ
ﻛﺎﻝ
ﻭﺍﻟﻠﻪ ﺍﻛﻠﺞ ﻃﻴﺐ
ﺿﺤﻜﺖ ﻓﺘﺤﺖ ﺍﻟﺘﻠﻔﺰﻳﻮﻥ
ﻛﺎﻝ ﻫﻢ ﺣﺒﻴﺘﻲ ﺑﺤﻴﺎﺗﺞ
ﻛﺘﻠﻪ ﺍﻱ ﺣﺒﻴﺖ
ﻛﺎﻝ ﻫﺎ
ﻛﺘﻠﻪ ﺍﻱ
ﻛﺎﻝ ﻭﻳﻨﻪ
ﻛﺘﻠﻪ ﻳﺤﺐ ﻭﺣﺪﻩ ﻏﻴﺮﻱ
ﻛﺎﻝ ﻏﻠﻄﺎﻥ ﻻﻥ ﻧﺘﻲ
ﺣﺒﺎﺑﻪ ﻭﺗﺴﺘﺎﻫﻠﻴﻦ ﻛﻞ ﺍﻟﺤﺐ
ﺑﺘﺴﻤﺖ ﺑﻮﺟﻬﺎ
ﻣﻜﺪﺭﺕ ﺍﺗﺤﻤﻞ ﺧﻨﻜﺘﻨﻲ ﺍﻟﻌﺒﺮﻩ
ﻛﺘﻠﻪ ﺭﺍﻳﺤﻪ ﻟﻠﺤﻤﺎﻡ
ﻛﺎﻝ ﺍﻱ
ﺩﺧﻠﺖ ﻓﺘﺤﺖ ﺍﻟﺪﻭﺵ
ﻭﻧﻜﻌﺖ ﻧﻔﺴﻲ
ﻛﻤﺖ ﺍﺷﻬﻚ ﺑﺠﻲ
ﺑﻘﻴﺖ ﺟﻮﺍ ﺍﻟﻤﻲ ﻫﻮﺍﻱ
ﺩﻙ ﺍﻟﺒﺎﺏ ﻭﺻﺎﺡ
ﺍﺳﺮﺍﺭ ﺍﻧﻲ ﻛﻠﺒﻲ ﺭﺍﺡ
ﻭﻳﺎ ﺍﻟﺪﻛﻪ
ﻭﺻﺎﺭﺕ ﺍﻟﺪﻧﻴﺎ ﺿﻠﻤﻪ ﺑﻌﻴﻨﻲ
ﺿﻞ ﻳﺼﻴﺢ ﻭﻣﻜﺪﺭﺕ ﺍﺟﺎﻭﺏ
ﻛﺴﺮ ﺍﻟﺒﺎﺏ ﻭﺩﺧﻞ ﻋﻠﻴﻪ
ﺟﺎﻥ ﻣﻐﻤﻰ ﻋﻠﻴﻪ
ﺷﺎﻟﻨﻲ ﻭﻧﺰﻝ ﺑﻴﻪ ﺟﻮﺍ
ﻳﻤﻪ ﻟﺤﻜﻴﻠﻲ
ﺍﺧﺬ ﺳﻮﻳﺞ ﺍﻟﺴﻴﺎﺭﻩ
ﻭﺻﻌﺪﻧﻲ ﻟﻴﻮﺭﻩ
ﺍﻧﻲ ﺍﺳﻤﻊ ﺍﻟﺼﻮﺕ ﺑﺲ
ﻣﺎﻛﺪﺭ ﺍﺣﺮﻙ ..
ﺍﻱ ﺷﻲ ﺑﺠﺴﻤﻲ
ﻭﻋﻴﻮﻧﻲ ﻣﺘﻔﺘﺢ
ﻛﻠﺒﻲ ﺿﻌﻴﻒ ﺍﺣﺴﻪ
....
ﻓﺘﺤﺖ ﻋﻴﻨﻲ
ﺳﺠﺎﺩ ﻳﺤﺠﻲ ﻭﻳﻪ ﺍﻣﻪ
ﻛﺎﻟﺘﻠﻪ ﺭﺍﺡ ﺗﻤﻮﺕ ﺍﻟﺒﻨﻴﻪ
ﺑﻴﻦ ﺍﻳﺪﻳﻨﻪ ﺣﺮﺍﻡ ﻋﻠﻴﻚ
ﻫﻴﺞ ﺗﻘﻬﺮﻫﺎ
ﻫﻮﺿﺎﺝ ﻭﺭﺍﺩ ﻳﻄﻠﻊ
ﺍﻧﻲ ﺻﺤﺘﻪ
ﺳﺠﺎﺍﺍﺩ
ﺗﻌﺎﻝ
ﻭﻛﻒ ﺑﺼﻔﻲ ﻛﺎﻝ
ﻛﻮﻟﻲ ﻣﺤﺘﺎﺟﻪ ﺷﻲ
ﻛﺘﻠﻪ ﺧﺎﺑﺮﻟﻲ ﺳﺤﺮ
ﺍﻣﻪ ﻛﺎﻟﺖ ﻳﻤﻪ ﺭﺗﺎﺣﻲ .
ﺷﻨﻮ ﻫﻠﺤﺠﻲ
ﻛﺘﻠﻬﺎ ﺧﺎﻟﻪ ﺍﺫﺍ ﻣﺰﻭﺟﺘﻲ
ﺳﺠﺎﺩ ﺍﻟﻴﺤﺒﻬﺎ
ﺍﻧﻲ ﺍﺧﺬ ﻏﺮﺍﺿﻲ ﻭﺍﺭﺟﻊ
ﻻﻫﻠﻲ
ﻛﺎﻟﺖ ﻟﻴﺶ ﺧﺎﻟﻪ
ﻟﻴﺶ ﻫﻴﺞ ﺍﺗﺴﻮﻳﻦ
ﻣﻨﻮ ﺗﺮﺿﻰ ﺭﺟﻠﻬﺎ ﻳﺰﻭﺝ ﻋﻠﻴﻬﺎ
ﺧﺎﻟﻪ ﺍﺑﻨﺞ ﻳﺤﺒﻬﺎ ﻭﺣﺎﻭﻟﺖ ﻭﻳﺎ
ﺻﺎﺭ ﺳﺒﻮﻋﻴﻦ ﻭﻫﻮ ﻋﻠﺤﺎﻟﻪ
ﻻﺯﻡ ﺗﺼﺒﺮﻳﻦ
ﻣﺎﺭﻳﺪ ﺍﺻﺒﺮ
ﺍﺫﺍ ﻣﻴﺘﺰﻭﺝ ﺍﻧﻲ ﺭﺍﺟﻌﻪ
ﻛﺎﻟﺖ ﻳﺠﺮﺍﻟﺞ ﺧﺎﻟﻪ ﻳﺠﺮﺍﻟﺞ
ﺍﻧﻲ ﻟﻮ ﻣﺎﺣﺒﺞ ﻣﺎﺯﻭﺟﻪ ﻫﺎﺫﻱ
ﻛﺘﻠﻬﺎ ﻟﻴﺶ ﺧﺎﻟﻪ ﺧﻮﺵ ﺑﻨﻴﻪ
ﺳﻜﺘﻲ ﺑﻨﺘﻲ ﻭﺭﺗﺎﺣﻲ
ﻟﻴﺼﻴﺮ ﺑﻴﺞ ﺷﻲ
ﺩﺭﺕ ﻭﺟﻬﻲ ﻭﻫﻢ ﺑﺠﻴﺖ
ﺣﺘﻰ ﺩﻣﻮﻭﻭﻋﻲ ﺧﻠﺼﺖ ﻳﺎﺩﻧﻴﺎﺍﺍﺍ
ﺳﺎﻋﻪ ﻭﻃﻠﻌﺖ
ﺳﺠﺎﺩ ﻟﺰﻡ ﻳﺪﻱ ﻛﺎﻝ ﺗﻌﺎﻱ ﺍﺻﻌﺪﺝ
ﺑﻌﺪﺗﻪ ﻋﻨﻲ
ﺳﺠﺎﺍﺍﺍﺩ ﻋﻮﻓﻨﻲ ﻣﺎﺭﻳﺪ ﺍﺣﺎﺟﻴﻚ
ﻻﺗﺤﺠﻲ ﻭﻳﺎﻳﻪ ﺭﺟﺎﺀﺍ
ﺍﺭﻳﺪ ﺍﺗﻌﻮﺩ ﻋﻠﻐﻴﺎﺑﻚ
ﺳﻜﺖ ﻭﻣﺤﺠﻪ ﻛﻠﻤﻪ
ﺭﺟﻌﺖ ﻟﻠﺒﻴﺖ
ﺍﺧﺬﺕ ﺍﺩﻭﻳﻪ
ﻣﻦ ﺍﻟﺪﻭﺧﻪ ﻧﻤﺖ
ﻓﺰﻳﺖ ﺍﻟﺼﺒﺢ
ﻭﺣﺎﺟﻴﺖ ﺧﺎﻟﺘﻲ ﺍﻧﻮ
ﺍﺑﺪﻱ ﺍﺷﺘﻐﻞ ﺑﻌﺪ
ﻭﺧﻠﻴﺖ ﺍﻟﺘﻨﻀﻴﻒ ﻭﺍﻟﻐﺴﻞ ﻋﻠﻴﻪ
ﻭﺍﻟﺨﺒﺰ ﺍﻧﻲ ﺍﻋﺮﻑ ﺍﺧﺒﺰ
ﺟﻨﺖ ﺍﺧﺒﺰﻟﻬﻢ ﺧﺒﺰ ﺑﻴﺖ
ﻟﺘﻬﻴﺖ ﻭﻟﻬﻴﺖ ﻧﻔﺴﻲ
ﻃﻮﻝ ﺍﻟﻴﻮﻡ
ﺑﻠﺸﻐﻞ
ﺑﻴﻦ ﺗﻨﻀﻴﻒ ﻭﻃﺒﺦ
ﻭﻣﻮﺍﻋﻴﻦ ﺍﻟﻌﺼﺮ ﺧﺒﺰﺗﻠﻢ
ﻛﻢ ﻛﺮﺻﻪ
ﻋﻤﻲ ﻳﺒﻮﺳﻨﻲ ﻣﻦ ﺭﺍﺳﻲ
ﻣﻦ ﺍﺟﻴﺒﻠﻪ ﺍﻻﻛﻞ ﻳﻤﻪ
ﻭﻳﻮﺻﻲ ﺳﺠﺎﺩ ﻋﻠﻴﻪ
ﺑﺲ ﻣﻴﺪﺭﻱ ﺑﻠﺠﺎﻱ ﺷﻨﻮ
ﺷﺮﺍﺡ ﻳﺸﻮﻓﻨﻲ ﺳﺠﺎﺩ
ﺧﻠﺼﺖ ﻛﻠﺸﻲ
ﺳﻮﻳﺖ ﺣﻠﻮﻳﺎﺕ ﻭﺻﻌﺪﺕ
ﺍﺧﺬﺗﻬﻦ ﻭﻳﺎﻱ
ﺷﻔﺖ ﻋﻠﻤﻴﺰ ﻛﺎﺭﺗﻮﻧﻪ
ﻓﺘﺤﺘﻬﺎ ﺑﻴﻬﺎ ﻣﺒﺎﻳﻞ
ﻃﻠﻊ ﺳﺠﺎﺩ ﺟﺎﻥ ﻳﺴﺒﺢ
ﻛﺘﻠﻪ ﺷﻨﻮ ﻫﺎﻱ
ﻛﺎﻝ ﻣﺒﺎﻳﻞ
ﺍﻫﺎ ﺍﺳﻔﻪ ﻟﻌﺒﺖ ﺑﻐﺮﺍﺿﻚ
ﻻ ﻋﺎﺩﻱ
ﻫﺬﺍ ﻣﻮ ﺍﻟﻴﻪ
ﺑﺘﺴﻤﺖ ﻭﺭﺟﻌﺘﻪ ﻟﻤﻜﺎﻥ
ﻟﺴﺤﻮﺭﻩ ﻣﻌﻨﺎﻫﺎ
ﻻ ﻣﻮ ﺍﻟﻬﺎ
ﻫﻬﻬﻪ ﻟﻌﺪ ﺍﻟﻤﻦ ﻋﻨﺪﻙ ﺻﺎﺣﺒﺎﺕ
ﻻ ﻣﺎﻋﻨﺪﻱ
ﻫﺬﺍ ﺍﻟﺘﻠﻔﻮﻥ ﺍﻟﺞ ﺍﻧﺘﻲ
ﺍﻧﻴﻴﻴﻲ
ﺍﻱ ﻧﺘﻲ
ﺷﺴﻮﻱ ﺑﻲ
ﺧﺎﺑﺮﻱ ﺍﻫﻠﺞ . ﻭﺗﻮﻧﺴﻲ ﺑﻲ
ﺍﺣﺠﻲ ﺑﻲ ﺗﺼﻔﺤﻲ
ﻛﻀﻲ ﻭﻗﺘﺞ
ﺿﺤﻜﺖ ﻫﻬﻬﻪ
ﺟﺎﻳﺒﻪ ﺗﻘﺸﻤﺮﻧﻲ ﺑﻲ
ﻻ ﻭﺍﻟﻠﻪ
ﺍﺳﺮﺍﺭ ﺍﻧﻲ ﻛﺘﻠﺞ ﺑﻜﻠﺸﻲ ﻛﺒﻞ ﻣﺎﻧﺘﺰﻭﺝ
ﻭﻧﺘﻲ ﺭﺿﻴﺘﻲ ﺷﻨﻮ ﺍﻟﺤﺠﻲ ﺍﻟﺰﺍﻳﺪ ﻫﺬﺍ
ﻟﻴﺶ ﺗﻀﻮﺟﻴﻨﻲ
ﻓﻮﻛﺎﻫﺎ ﺣﺠﻲ ﺯﺍﻳﺪ
ﺍﺷﻜﺮﻙ
ﺍﺳﻒ ﺍﻧﻲ
ﺗﺠﺎﻭﺯﺕ ﺑﺲ ﺻﺪﻛﻴﻨﻲ ﺍﻧﻲ ﺍﺣﺐ ﺳﺤﺮ
ﻣﺎﻛﺪﺭ ﺍﺳﺮﺍﺭ ﻭﺍﻟﻠﻪ
ﺍﺷﻮﻑ ﻏﻴﺮﻫﺎ
ﻣﻄﻠﺒﺖ ﻣﻨﻚ ﺷﻲ ﻣﻮﺻﺢ
ﺍﻣﻚ ﻭﺭﺍﺡ ﺗﺨﻄﺒﻬﺎ ﺍﻟﻚ
ﺑﻌﺪ ﺍﻧﻲ ﺷﻜﻮ ﻫﻨﺎ
ﺍﺧﺬﺕ ﻓﺮﺍﺷﻲ
ﻭﻧﺰﻟﺖ ﺟﻮﺍ ﻓﺮﺷﺖ ﺑﻠﺼﺎﻟﻪ
ﻧﺘﻀﺮﺗﻪ ﻳﻨﺰﻝ ﻣﻨﺰﻝ
ﺍﻛﺜﺮ ﻣﻦ ﺳﺎﻋﻪ
ﺍﻧﻲ ﻣﺎﺍﻋﻨﻴﻠﻪ ﺍﻱ ﺷﻲ
ﻭﻻﻳﻬﻤﻪ ﺍﻣﺮﻱ
ﺍﺧﺨﺨﺨﺦ ﺍﻟﻠﻪ ﺍﺧﺦ ﺭﺑﻲ ﺍﺧﺨﺦ
ﺍﺳﺮﺍﺭ ﻟﻴﺶ
ﻫﻴﺞ ﺩﺳﻮﻳﻦ ﻻﺯﻡ ﺍﻛﻮﻥ ﻗﻮﻳﻪ
ﻟﻴﺶ ﺍﺣﺴﺴﻪ ﺍﻧﻮ ﺍﺣﺒﻪ
ﺍﻭﻭﻭﻑ ﺑﺲ ﺣﻀﻨﺎﺗﻪ ﻭﺑﻮﺳﻪ ﺍﻟﻲ
ﺑﻨﺺ ﺍﻟﻴﻞ ﻫﻮ ﺍﻟﺨﻼﻧﻲ ﺍﺗﻌﻠﻖ ﺑﻲ
ﻣﺼﺎﺭ ﺍﻗﻞ ﻣﻦ ﺷﻬﺮ ﻭﺍﻧﻲ ﺍﺣﺲ
ﺑﻮﻭﺟﻊ ﺑﻮﺟﻊ ﻳﺎﻛﻠﻨﻲ ﺍﻛﻞ
ﻟﻮ ﻣﻄﻴﻪ ﻧﻔﺴﻲ ﻻﺑﻮﻳﻪ
ﻭﺫﺍﺑﺤﻨﻲ ﺑﺴﺎﻋﺘﻬﺎ
ﻭﻻﻫﺎﻱ ﺍﻟﻌﻴﺸﻪ
ﺍﺭﻳﺪ ﺍﺧﻠﺺ ﻣﻦ ﺳﺠﺎﺩ
ﺍﺷﻠﻮﻭﻥ ﺍﺧﻠﺺ
ﻣﺎﺭﻳﺪ ﺍﺷﻮﻓﻪ
ﺍﺟﻪ ﻭﺭﺍﻳﻪ
ﻛﺎﻝ ﺍﺳﺮﺍﺭ ﺿﺠﺖ ﻭﺣﺪﻱ
ﺍﻣﺸﻲ ﻫﻨﺎﻙ ﻧﺴﻮﻟﻒ ﺣﺒﺎﺑﻪ
ﺳﺠﺎﺩ ﻋﻮﻓﻨﻲ ﻧﻌﺴﺎﻧﻪ
ﻻ ﺍﻻ ﺗﺼﻌﺪﻳﻦ ﻳﻤﻲ
ﺿﺠﺖ ﻭﺣﺪﻱ
ﺧﺎﺑﺮ ﺧﻄﻴﺒﺘﻚ
ﺍﻫﻮﻭﻭﻭﻭ
ﺗﺠﻴﻦ ﻟﻮ ﻻ
ﻻ ﻣﺎﺍﺟﻲ
ﺑﺮﺍﺣﺘﺞ
ﺻﻌﺪ ﻭﻋﺎﻓﻨﻲ
ﺧﻄﻮﺗﻴﻦ ﻭﺭﺟﻊ
ﺍﻟﻲ ﺩﺗﺴﻮﻱ ﻣﻮﺯﻳﻦ ﺍﻟﺞ
ﻧﺘﻲ ﻣﺮﻳﻀﻪ ﻛﻮﻣﻲ ﺻﻌﺪﻱ ﻓﻮﻙ
ﻣﺎﺭﻳﺪ ﺍﺻﻌﺪ ﻛﺘﻠﻚ
ﻋﻮﻓﻨﻲ
ﺍﺟﻪ ﻋﻠﻴﻪ ﻭﺧﺮ ﺍﻟﻐﻄﻪ
ﻛﺎﻝ ﺗﻜﻮﻣﻴﻦ ﻟﻮ ﻻ
ﺷﻴﺤﺠﻮﻥ ﺍﺧﻮﺗﻲ ﺍﻣﻲ
ﺍﺫﺍ ﺷﺎﻓﻮﺝ ﻫﻨﺎﻧﻪ ﻧﺎﻳﻤﻪ
ﺟﻨﺖ ﺧﺎﻟﻪ ﺍﻳﺪﻱ ﻋﻠﻌﻴﻨﻲ
ﻭﻣﺘﻤﺪﺩﻩ
ﺑﻜﻞ ﺑﺮﻭﺩ ﻛﺘﻠﻪ ﺷﻴﺤﺠﻮﻥ
ﺧﻠﻴﻬﻢ ﻳﺤﺠﻮﻥ
ﺑﻌﺪ ﻣﺤﺪ ﻳﻬﻤﻨﻲ
ﻓﺠﺎﺍﺍﺍﻩ
ﺟﺮﺭﺭ ﺍﻳﺪﻱ ﺣﻴﻞ
ﺍﻧﻲ ﻋﻄﺖ ﻣﻦ ﺍﻻﻟﻢ
ﻭﻏﻮﺭﻛﺖ ﻋﻴﻨﻲ
ﻣﺘﻜﻮﻣﻴﻦ ﻳﻌﻨﻲ ﻣﻮ
ﻛﻮﻣﻨﻲ ﻋﻠﺤﻴﻠﻲ
ﺑﻘﻴﺖ ﺍﺑﺠﻲ
ﻫﻮ ﺻﻌﺪﻧﻲ ﻓﻮﻙ
ﻭﺳﺪ ﺍﻟﺒﺎﺏ
ﻛﺎﻝ ﻻﺗﺒﺠﻴﻦ ﺍﺳﻒ
ﺭﺣﺖ ﻟﻠﺤﻤﺎﻡ
ﺳﺪﻳﺖ ﺍﻟﺒﺎﺏ
ﻛﺎﻡ ﻳﺼﻴﺢ ﺍﻃﻠﻌﻲ
ﺍﻃﻠﻌﻲ ﻭﺍﻟﻠﻪ ﻣﺠﺎﻥ ﻗﺼﺪﻱ ﻃﻠﻌﻲ
ﻛﻤﺖ ﺍﺻﻴﺤﺤﺢ ﺑﻌﻠﻮ ﺣﺴﻲ
ﺍﻧﺘﻪ ﻣﺎﻋﻨﺪﺩﺩﺩﺩﻙ ﺍﺣﺴﺎﺍﺍﺱ
ﻣﺎﻋﻨﺪﻛﻜﻚ
ﻭﻟﻚ ﺍﻧﻲ ﺣﺒﻴﺘﻚ
ﻟﻴﺶ ﺧﻠﻴﺘﻨﻲ ﺍﺣﺒﻚ
ﻟﻴﻴﻴﺶ
ﻟﻴﺶ ﺗﺠﻲ ﺗﺤﻀﻨﻲ
ﻭﺗﺴﻤﻌﻨﻲ ﻛﻼﻡ ﺣﻠﻮ
ﻣﻦ ﺍﺭﻳﺪ ﺍﻭﺧﺮ ﻣﺘﺨﻠﻴﻨﻲ
ﺍﻧﻲ ﺿﺤﻴﺘﻚ ﺍﻧﻲ ﺣﻴﻮﻭﺍﻧﻪ
ﻛﺎﻝ ﺍﻫﺪﺋﻲ ﺧﻞ ﺍﺣﺠﻲ ﻭﻳﺎﺝ
ﺩﻓﻊ ﺍﻟﺒﺎﺏ ﻭﺩﺧﻞ
ﻛﻤﺖ ﺍﺿﺮﺏ ﻋﻠﺼﺪﺭﻩ
ﻫﻮ ﺣﻀﻨﻲ ﻛﺎﻝ ﺍﺳﺮﺍﺭ ﻛﺎﻓﻲ
ﻣﺎﺭﻳﺪﻙ ﺍﺭﻳﺪ ﺍﺧﻠﺺ ﻣﻨﻚ
ﻧﺘﻪ ﻣﺜﻞ ﺍﻟﻲ ﺍﻋﺮﻓﻬﻢ ﺑﺤﻴﺎﺗﻲ
ﺍﻧﺘﻪ ﺑﺲ ﺣﺼﻠﺖ ﻣﻨﻚ ﻗﻬﺮ ﺣﺰﻥ ﻭﺑﺲ
ﺣﻀﻦ ﻭﺍﻧﻲ ﺍﺑﺠﻲ
ﺟﺎﻥ ﻳﻮﺧﺮ ﺷﻌﺮﻱ
ﻛﺎﻝ ﺗﺘﻮﻗﻌﻴﻦ ﻣﺘﻌﻠﻘﺖ ﺑﻴﺞ
ﺍﺣﺒﺠﺞ ﺑﺎﺳﻨﻲ ﺑﺸﻔﺘﻲ
ﺍﻧﻲ ﻧﺼﺪﻣﺖ ﻭﺿﻠﻴﺖ ﻣﺼﻜﻜﻪ ﺍﺑﻤﻜﺎﻧﻲ
ﻛﺎﻝ ﺍﻧﻲ ﺍﺣﺒﺞ
ﺑﺲ ﺍﺣﺐ ﺳﺤﺮ ﻧﻔﺲ ﺍﻟﻮﻗﺖ
ﻭﻭﺍﻋﺪﻫﺎ ﺍﺗﺰﻭﺟﻬﺎ
ﻣﺎﻛﺪﺭ ﺍﺧﻠﻒ ﻭﻋﺪﻱ
ﻫﻲ ﻧﺘﻀﺮﻧﻲ ﺳﻨﻴﻦ
ﻭﺍﻧﻲ ﻣﺎﺍﺗﺮﻛﻬﺎ ﺑﻨﺺ ﺍﻟﺪﺭﺏ
ﺗﺘﺪﺭﻳﻦ ﺗﻌﻮﺩﺕ ﻋﻠﻌﻄﺮﺝ ﺑﻠﻴﻞ
ﻣﻦ ﻧﺰﻟﺘﻲ ﺗﺨﺒﻠﺖ
ﻣﺘﻌﻮﺩ ﺍﺣﻀﻨﺞ ﻭﺍﻧﺎﻡ
ﺍﻟﺤﺠﻲ ﺣﻠﻮﻭ ﺟﺎﻥ
ﺑﺲ ﻣﻦ ﺍﺳﻢ ﺳﺤﺮ ﻛﻠﺒﻲ ﻳﻨﺘﻔﺾ
ﻛﺎﻝ ﺳﻤﻌﻲ
ﺍﻧﺘﻲ ﻣﺮﺗﻲ ﻭﻫﻲ ﻣﺮﺗﻲ ﺭﺍﺡ ﺗﺼﻴﺮ
ﺑﺲ ﺍﻧﻲ ﺍﺭﻳﺪ ﻳﻜﻮﻥ ﻋﻨﺪﻫﺎ ﻩ
ﻋﻠﻢ ﺑﻠﻤﻮﺿﻮﻉ ﺍﺟﻴﺒﻬﺎ ﻫﻨﺎ ﻭﺗﺼﻴﺮ ﻣﺮﺗﻲ
ﻳﻠﻪ ﺍﻛﺪﺭ ﺍﺗﻘﺮﺑﻠﺞ
ﺑﺲ ﻫﺴﻪ ﺍﺭﻳﺪﺝ ﻳﻤﻲ
ﻻﺗﻌﻮﻓﻴﻨﻲ ﺍﺳﺮﺍﺭ
ﺩﻓﻌﺘﻪ ﺣﻴﻞ
ﻻ ﺣﻴﺎﺍﺍﺗﻲ ﺧﻠﻴﻚ ﺍﻧﺘﻪ ﻭﺣﺒﻴﺒﺘﻚ ﺍﺗﻮﻧﺴﻮ
ﺍﻧﻲ ﻣﺠﺮﺩ ﻧﺰﻭﻩ ﺑﻠﻴﻞ
ﺗﺤﻀﻦ ﻭﺗﺒﻮﺱ
ﻭﻫﺎﻳﻬﻴﻪ ﺑﺲ ﻣﺘﻜﺪﺭ ﺗﺘﻘﺮﺏ
ﺷﺸﺸﺶ ﺍﺳﺮﺍﺭ ﺷﺸﺶ
ﺍﺗﺤﺴﺴﻴﻨﻲ ﺍﻧﻲ ﻣﻮ ﺭﺟﺎﻝ
ﻻ ﻣﻮ ﻫﻴﺠﻲ
ﺑﺲ ﺍﻧﻲ ﻫﺬﺍ ﺣﺪﻱ ﻭﻳﺎﻙ
ﻣﺎﺗﺤﻤﻞ ﺑﻌﺪ
ﺍﻧﺘﻪ ﺭﺩﺕ ﺳﺤﺮ ﻭﻫﺬﺍ ﺍﺧﺘﻴﺎﺭﻙ ﻣﻦ ﺍﻻﻭﻝ
ﻭﺍﺻﻼ ﻭﺟﻮﺩﻱ ﺑﻌﺪ ﻣﺎﻟﻪ ﺩﺍﻋﻲ
ﺍﻣﻚ ﺑﺲ ﺗﺨﻄﺐ ﻭﺗﻌﻘﺪﻭﻥ ﻋﻠﺒﻨﻴﻪ
ﺍﻧﻲ ﺍﺳﺎﻓﺮﺭﺭﺭ
ﻣﺎﺭﻳﺪ ﺷﻲ ﻣﻨﻚ ﺑﻌﺪ
ﺣﺎﻭﻝ ﻳﺤﺠﻲ
ﻏﻄﻴﺖ ﻧﻔﺴﻲ ﻭﻧﻤﺖ
ﺑﻠﻴﻞ ﺗﻘﺮﺏ ﻭﺣﻀﻨﻲ
ﺑﺎﺳﻨﻲ ﻗﻮﻭﻭﻱ ﺑﺲ ﺩﻣﻮﻋﻲ ﺗﺠﺮﺭﻱ
ﺑﺤﺮﺍﺭﻩ
ﻛﻤﺖ ﻏﺴﻠﺖ ﻭﻧﻤﺖ ﺑﻠﻜﺎﻉ
ﻛﺘﻠﻪ ﺳﺠﺎﺍﺩ ﻫﻠﻤﺮﻩ ﺍﺷﺮﺩ ﺑﺸﺎﺭﻉ ﻭﺍﻟﻠﻪ
ﻻﺗﺘﻘﺮﺏ ﻋﻠﻴﻪ
ﻻﺗﺨﻠﻴﻨﻲ ﺍﻛﺮﻫﻚ ..
ﻓﺰﻳﺖ ﺍﻟﺼﺒﺢ
ﻣﺎﻟﻜﻴﺘﻪ ﻣﻮﺟﻮﺩ
ﺩﻭﺭﺕ ﺍﻟﺒﻴﺖ ﻣﺎﻛﻮ ﺳﺠﺎﺩ
ﻋﻤﺘﻲ ﺟﺎﻧﺖ ﺗﺴﻮﻱ ﺭﻳﻮﻙ
ﻛﺘﻠﻬﺎ ﻭﻳﻦ ﺳﺠﺎﺩ
ﻛﺎﻟﺖ ﺷﻔﺘﻲ ﻛﻠﻪ ﻣﻦ ﻭﺭﺍﺝ
ﺣﻨﻲ ﺍﻳﺪﺝ ﻳﻠﻤﺼﺨﻤﻪ
ﺍﺧﺬ ﺍﺑﻮ ﻭﻋﻤﺎﻣﻪ ﻭﺭﺍﺡ ﻳﺨﻄﺐ
ﺳﺖ ﺳﺤﻮﺭﻩ
ﻭﻛﻌﺖ ﻣﻦ ﻃﻮﻭﻟﻲ ﺍﻧﻲ
ﻧﺘﺠﻴﺖ ﻋﻠﻘﻨﻔﻪ
ﻛﺘﻠﻬﺎ ﻣﻮ ﻛﺎﻝ ﺍﻟﺨﻤﻴﺲ
ﻛﺎﻟﺖ ﻣﻴﺘﺤﻤﻞ ﻩ
ﻋﻴﻨﻲ ﻣﻴﺘﺤﻤﻞ
ﺷﻮﻓﻲ ﺑﺲ ﺗﺘﺮﺍﺟﻌﻴﻦ ﻋﻦ ﻫﺬﺍ
ﻗﺮﺍﺭﺝ
ﻭﺍﻟﻠﻪ ﻫﺴﻪ ﺍﺧﺮﺏ ﻛﻠﺸﻲ
ﺿﺤﻜﺖ
ﻛﺘﻠﻬﺎ ﻻﺧﺎﻟﻪ
ﺍﻟﻠﻪ ﻳﺴﻌﺪﻩ
ﻭﻳﻬﻨﻲ ..
.
ﻟﻠﺤﻜﺎﻳﻪ ﺑﻘﻴﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء