رواية خطوات نحو الجحيم ج2 الجزء الأول
للكاتبة زينب ماجد
🌹
ﻧﺎﺩﻳﻪ -: ﻳﺎﺭﻳﺖ ﺗﺤﺴﻴﻦ ﻋﻠﻰ ﻧﻔﺴﺞ ﻭﺍﺗﺮﻛﻲ .. ﺗﺮﻩ ﻫﻮ ﺩﻳﻠﻌﺐ ﻋﻠﻴﺞ ﻭﺍﻧﺘﻲ ﻣﺼﺪﮔﺘﻪ ..
ﺭﺍﺡ ﻳﺒﻴﻨﻠﺞ ﺍﻥ ﻫﻮ ﺭﻭﻣﺎﻧﺴﻲ ﻭﺭﺟﻞ ﺗﺤﻠﻢ ﻓﻴﻪ ﻛﻞ ﺑﻨﺖ .. ﺑﺲ ﻫﻮ ﻋﻜﺲ ﻫﻴﺞ ﺗﻤﺎﻣﺎ .. ﺍﻻﻓﻀﻞ ﺗﺘﺮﻛﻴﻪ
- ﺍﻧﺘﻲ ﻫﺴﻪ ﺩﺗﻜﻮﻟﻴﻦ ﻫﻮ ﺯﻭﺟﺞ . ﻭﺍﻧﻲ ﻣﺎﺧﺬﺗﻪ ﻣﻨﺞ ﻣﻮ
- ﺍﻱ
- ﺍﻧﻲ ﻣﻮ ﻃﺒﻌﻲ ﺍﺧﺬ ﺷﻲ ﻣﻦ ﺣﻖ ﺍﺣﺪ ﺍﺑﺪﺍ .. ﻭﺍﺫﺍ ﻛﺎﻥ ﻫﻮ ﺯﻭﺟﺞ ﻓﻌﻼ ﻭﻛﻼﻣﺞ ﺻﺤﻴﺢ .. ﻑ ﺍﻛﻴﺪ ﻋﻨﺪﺝ ﺩﻟﻴﻞ ﻳﺜﺒﺖ ﺍﻥ ﻫﻮ ﺯﻭﺟﺞ ﺻﺢ ..
- ﺣﺎﻟﻴﺎ ﻣﺎ ﻋﻨﺪﻱ ﻻﻥ ﻣﺎ ﻣﺘﻮﺍﺟﺪﻩ ﺑﺎﻟﺒﻴﺖ ﺍﺳﺒﻮﻉ ﻭﺍﺩﺯﻟﺞ .
- ﺯﻭﺍﺟﻲ ﺑﻌﺪ ﺍﻳﺎﻡ .. ﺍﺳﺒﻮﻉ ﻛﺜﻴﻴﻴﺮ ﻟﻮ ﻣﺎ ﺑﻌﺜﺘﻴﻠﻲ ﻫﺴﻪ ﺭﺍﺡ ﺍﻋﺘﺒﺮﺝ ﻭﺣﺪﻩ ﻏﻴﺮﺍﻧﻪ ﻭﺍﻗﻔﻞ ﺍﻟﺨﻂ ..
- ﺷﻮﻓﻲ ﺍﻧﻲ ﺣﺠﻴﺖ ﻭﺑﻌﺪ ﺑﻜﻴﻔﺞ .. ﻣﺤﺪ ﻳﻨﻀﺮ ﻏﻴﺮﺝ ..
- ﺣﺠﺘﺞ ﺿﻌﻴﻔﻪ ﻟﻼﺳﻒ ﻣﺎ ﺍﻛﺪﺭ ﺍﺻﺪﮔﺞ .. ﻣﻊ ﺍﻟﺴﻼﻣﻪ ..
- ﺍﻧﺘﻀﺮﻱ ............
- ﻗﻔﻠﺘﻪ ﺑﻮﺟﻬﻪ ﺑﺲ ﺟﺴﻤﻲ ﻛﻠﻪ ﻳﺮﺟﻒ .. ﻣﻌﻘﻮﻝ ﻣﺘﺰﻭﺝ ﺻﺪﻙ .. ﻃﻴﺐ ﺍﺫﺍ ﻋﻨﺪﻩ ﻋﻼﻗﻪ ﺑﻬﺬﻩ ﺍﻟﺒﻨﺖ ﻟﻴﺶ ﻣﺎ ﺣﺠﻪ
ﻧﺎﺩﻳﻪ ﻭﻳﻦ ﺳﺎﻣﻌﻪ ﻫﺬﺍ ﺍﻻﺳﻢ .. ﻣﺪﺍ ﺍﺗﺬﻛﺮ ... ﺩﺍ ﺍﻓﻜﺮ ﺩﻙ ﺟﻬﺎﺯﻱ ﺑﺮﺳﺎﻟﻪ ﻣﺼﻮﺭﻩ MMS .. ﻓﺘﺤﺖ ﺍﻟﺮﺳﺎﻟﻪ ..
ﺻﻮﺭﺓ ﺍﻟﺒﻨﺖ ﻫﻲ ﻭﻣﺎﻟﻚ ﻛﺎﻋﺪ ﻳﻤﻬﺎ ﻭﻣﺨﻠﻲ ﺍﻳﺪﻩ ﻋﻠﻰ ﻛﺘﻔﻬﺎ ﻭﺛﻨﻴﻨﻬﻢ ﻳﻀﺤﻜﻮﻥ .. ﻓﺘﺤﺖ ﻋﻴﻮﻧﻲ ﺣﻴﻞ .. ﺍﺣﺲ ﺍﻟﺤﺮﺍﺭﻩ ﺻﻌﺪﺕ ﺍﻟﺮﺍﺳﻲ ..
ﻣﻌﻘﻮﻟﻪ ﻣﺎﻟﻚ ﻛﺬﺍﺏ .. ﻣﺘﺰﻭﻭﻭﻭﻭﺝ؟ !! ﻳﻀﺤﻚ ﻋﻠﻴﻪ ﻣﻌﻘﻮﻭﻝ
ﺳﻮﻳﺖ ﺍﻋﺎﺩﺓ ﺍﺭﺳﺎﻝ ﺍﻟﺮﺳﺎﻟﻪ ﻭﺑﻌﺜﺘﻬﺎ ﻟﻤﺎﻟﻚ ﻭﻛﺘﻠﻪ ﻣﺘﻮﻗﻌﺘﻚ ﻫﻠﻜﺪ ﺣﻴﻮﺍﻥ ﻭﺑﻼ ﺍﺧﻼﻕ .. ﻭﺍﻧﻲ ﺻﻮﺟﻲ ﺻﺪﮔﺖ ﻭﺍﺣﺪ ﻣﺜﻠﻚ .. ﻣﻦ ﺑﺎﺟﺮ ﺍﻗﺪﻡ ﻃﻠﺐ ﻃﻼﻕ ﻭﺍﻧﻬﻲ ﺍﻟﻤﻬﺰﻟﻪ ﺍﻟﺴﻮﻳﺘﻬﺎ ﺍﻟﻴﻮﻡ ..
ﺑﻤﺠﺮﺩ ﻣﺎ ﻭﺻﻠﺖ ﺍﻟﺼﻮﺭﻩ ﻫﻮ ﺑﻘﻰ ﻳﺪﻙ .. ﻣﺎ ﺭﺩﻳﺖ ﻋﻠﻴﻪ ﺑﻘﻴﺖ ﺑﺲ ﺍﺑﺠﻲ .. ﻛﺎﻡ ﻳﺪﺯ ﺭﺳﺎﻟﻪ ﺻﺪﻛﻴﻨﻲ ﻣﻮ ﻫﻴﺞ ﻟﺠﻴﻦ ﺑﺲ ﻓﺘﺤﻲ ﺍﻓﻬﻤﺞ .. ﻗﻔﻠﺖ ﺍﻟﺠﻬﺎﺯ ...
ﻳﺎ ﺣﻘﻴﺮ ﻳﺎ ﻛﻠﺐ .. ﺍﻧﻲ ﺍﻟﻠﻲ ﺻﺪﻛﺘﻚ ﺗﺎﻟﻲ ﺗﻄﻠﻊ ﻣﺘﺰﻭﺝ ﺍﻟﻠﻪ ﻟﻴﻮﻓﻘﻚ .. ﺍﻟﻠﻪ ﻳﻨﺘﻘﻢ ﻣﻨﻚ .. ﺑﻘﻴﺖ ﺍﻣﺸﻲ ﺑﺎﻟﻐﺮﻓﻪ ﻭﺍﺑﺠﻲ ..
ﺻﻌﺐ ﻟﻤﺎ ﺗﺤﺐ ﺷﺨﺺ ﻟﺪﺭﺟﻪ ﻛﺒﻴﺮﻩ ﻭﺗﺜﻖ ﺑﻴﻪ ﻭﺍﻟﻤﺸﻜﻠﻪ ﺗﺎﺭﻙ ﻛﻞ ﺍﻫﻠﻚ ﻋﻠﻰ ﻣﻮﺩﻩ .. ﺗﺎﻟﻲ ﻳﻄﻠﻊ ﺧﺎﻳﻨﻚ ..
ﺃﺣﺴﺎﺱ ﻣﺆﻟﻢ ..
ﻭﺍﻧﻲ ﺑﺎﻟﻐﺮﻓﻪ ﺑﻬﻠﺤﺎﻟﻪ ﺩﺧﻠﺖ ﺍﻣﻲ .. ﺷﺎﻓﺘﻨﻲ ﺍﺑﺠﻲ .. ﺻﺎﺣﺖ
- ﻫﺎﻱ ﺷﺒﻴﺞ ﺑﻨﺘﻲ ﺷﺼﺎﻳﺮ
- ﻣﺎﻣﺎ ﻣﺎﻟﻚ ﻃﻠﻊ ﻣﺘﺰﻭﺝ .. ﻃﻠﻊ ﻳﻜﺬﺏ ﻋﻠﻴﻪ ﻃﻮﻝ ﻫﺎﻟﻤﺪﻩ .. ﺍﻟﻜﻠﺐ ﺍﻟﺤﻘﻴﺮ ﺍﻟﻠﻪ ﻳﺎﺧﺬﻩ ..
- ﻟﺤﻈﻪ ﻣﺎﻣﺎ ﺍﻫﺪﺋﻲ .. ﻭﻛﻮﻟﻴﻠﻲ ﺷﻠﻮﻥ ﻋﺮﻓﺘﻲ ..
- ﺧﺎﺑﺮﺗﻨﻲ ﺯﻭﺟﺘﻪ .. ﻭﺗﻜﻮﻟﻲ ﻫﻮ ﺯﻭﺟﻲ ﻭﺍﻧﺘﻲ ﺿﺤﻴﻪ ﻟﻤﺎﻟﻚ .. ﻭﺣﺬﺭﺗﻨﻲ ﺍﺭﺗﺒﻂ ﺑﻴﻪ ..
- ﺑﺲ
- ﻭﺑﻌﺜﺘﻠﻲ ﺻﻮﺭﻩ ﻫﻲ ﻭﻳﺎﻩ ﻛﺎﻋﺪﻳﻦ ﻳﻀﺤﻜﻮﻥ ﻫﺎﻱ .. ﺍﻧﻲ ﺷﻠﻮﻥ ﺻﺪﻛﺘﻪ ﻛﻮﻟﻴﻠﻲ
.
ﺍﻭﻛﻔﻲ ﻟﺠﻴﻦ ﺑﺲ ﺍﻫﺪﺋﻲ ﻭﺍﻛﻌﺪﻱ ﻭﺧﻞ ﻧﻔﻜﺮ ﺑﻴﻬﺎ .. ﺍﻧﻲ ﺻﺢ ﻣﺎﻟﻚ ﻣﻤﺮﺗﺎﺣﺘﻠﻪ .. ﻭﻣﺎ ﺍﺳﺘﻐﺮﺏ ﻣﻨﻪ ﻫﻴﺞ ﺗﺼﺮﻑ ﺍﺑﺪﺍ ..
ﺑﺲ ﺍﻟﻮﺍﺣﺪ ﻫﻢ ﻻﺯﻡ ﻳﻔﻜﺮ .. ﻳﺎ ﺑﻨﺘﻲ ﺍﻟﻠﻪ ﺷﻔﻨﺎﻩ ﺑﺎﻟﻌﻴﻦ ﻟﻮ ﺑﺎﻟﻌﻘﻞ .. ﺑﻄﻠﻲ ﻗﺮﺍﺭﺍﺕ ﺑﻘﻠﺒﺞ ﻭﺍﻓﺘﺠﻲ ﻋﻘﻠﺞ ﻓﻜﺮﻱ ﺑﻴﻪ ﻭﺍﺣﻜﻤﻲ ..
ﺍﻧﺘﻲ ﺍﻃﻠﻌﺘﻲ ﻣﻦ ﻗﺒﻞ ﻋﻠﻰ ﺟﻨﺴﻴﺘﻪ ﺍﻟﺸﺨﺼﻴﻪ ﻣﻮ ﺻﺢ . ؟ !
- ﺍﻱ ﺻﺢ
- ﺷﻨﻮ ﻛﺎﻧﺖ ﺣﺎﻟﺘﻪ ﺍﻻﺟﺘﻤﺎﻋﻴﻪ
- ﺍﻋﺰﺏ
- ﺍﺍﺍﺍﺍﻫﺎ .. ﺍﻋﺰﺏ ﻳﻌﻨﻲ ﻻ ﺍﺭﻣﻞ ﻭﻻ ﻣﻄﻠﻖ .. ﻣﻮ ﺻﺢ .. ﻫﺎﻱ ﺍﻭﻻ .. ﺛﺎﻧﻴﺎ ﺍﻟﻘﺎﻧﻮﻥ ﺍﻟﻌﺮﺍﻗﻲ ﻓﻲ ﺍﻟﻌﺮﺍﻕ ﻳﻨﺺ ﻋﻠﻰ ﺍﻥ ﻻ ﻳﺤﻖ ﻟﻠﺰﻭﺝ ﺑﺎﻟﺰﻭﺍﺝ ﻣﻦ ﺍﻣﺮﺃﻩ ﺛﺎﻧﻴﻪ ﺍﻻ ﺑﻤﻮﺍﻓﻘﺔ ﺍﻟﺰﻭﺟﻪ ﺍﻻﻭﻟﻰ
ﻣﻮ ﻫﻴﺞ ﺍﻟﻘﺎﻧﻮﻥ ﺻﺢ ﻟﻮ ﻣﻮ ﺻﺢ ..
- ﺍﻱ ﺻﺤﻴﺢ
- ﺍﺫﺍ ﺻﺤﻴﺢ ﻟﻴﺶ ﻣﺎ ﻃﻠﺒﻮ ﻣﻮﺍﻓﻘﺘﻬﺎ ﻋﻠﻰ ﺯﻭﺍﺟﻜﻢ ﻭﻻ ﺍﻧﺬﻛﺮ ﻫﻴﺞ ﺷﺮﻁ ﺑﺎﻟﻌﻘﺪ ﻭﻻ ﺍﻧﻮﺟﺪ .. ﻭﻫﻴﺎﺗﻪ ﻋﻘﺪﺝ ﺑﺄﻳﺪﻱ .. ﻣﺎﻛﻮ ﺍﻱ ﺷﻲ ﺑﻬﺎﻟﺨﺼﻮﺹ ..
- ﻣﺎ ﺍﻋﺮﻑ ﻣﺎﻣﺎ .. ﻃﻴﺐ ﻟﻴﺶ ﺗﻜﺬﺏ .. ﻣﻌﻘﻮﻟﻪ ﺍﻟﺤﺠﺘﻪ ﻛﺬﺏ ﻭﺍﻟﺼﻮﺭﻩ ﺍﺩﻝ ﻋﻠﻰ ﺍﻥ ﻓﻲ ﺷﻲ ﺑﻴﻨﻬﻢ ..
- ﻣﺎﻣﺎﺗﻲ ﺣﺒﻴﺒﺘﻲ ﺑﻄﻠﻲ ﻋﺎﺩﺓ ﻛﻞ ﺍﻧﺴﺎﻥ ﻳﺤﺠﻲ ﺗﺼﺪﻛﻲ ﺑﺴﺮﻋﻪ .. ﺍﻧﺘﻲ ﻋﺎﻃﻔﻴﻪ ﻟﺪﺭﺟﻪ ﻛﺒﻴﺮﻩ ..
ﻭﺍﻟﻌﺎﻃﻔﻪ ﻭﺍﻟﻌﻘﻞ ﻣﺎﻣﺎ ﻣﺎ ﻳﻠﺘﻘﻮﻥ ﺑﻄﺮﻳﻖ ﻭﺍﺣﺪ .. ﻻﺯﻡ ﺗﺤﻜﻤﻴﻦ ﻋﻘﻠﺞ ﻣﻮ ﻋﺎﻃﻔﺘﺞ ..
ﺷﻐﻠﻪ ﺛﺎﻧﻴﻪ ﻣﺎﻟﻚ ﺍﻟﻴﻮﻡ ﺑﻌﺪ ﻋﻘﺪ ﺍﻟﺰﻭﺍﺝ ﺳﻠﻢ ﻣﻬﺮﺝ 100 ﻣﻠﻴﻮﻥ ﻋﺮﺍﻗﻲ .. ﻭﺍﻧﻄﻴﺘﻪ ﻻﺑﻮﺝ ﻗﺒﻞ ﺷﻮﻳﻪ ﺣﺘﻰ ﻳﺴﺠﻠﻪ ﺍﻟﺞ ﺑﺎﻟﺒﻨﻚ ﺭﺻﻴﺪ ﺍﻟﺞ .. ﻭﻛﻞ ﻓﻠﻮﺳﺞ ﺍﻟﻌﺪﻧﺎ ﺗﻨﺘﻘﻞ ﺑﻲ
ﻃﻴﺐ ﻳﺎ ﺑﻨﺘﻲ ﺍﻛﻮ ﺭﺟﺎﻝ ﻳﻠﻌﺐ ﻋﻠﻰ ﺍﺑﻨﻴﻪ ﻳﻘﺪﻣﻠﻬﺎ ﻫﻴﺞ ﻣﻬﺮ ؟ ! 100 ﻣﻠﻴﻮﻥ ﻣﻮ ﺷﻲ ﻗﻠﻴﻞ ﺍﻭ ﻣﺒﻠﻎ ﺑﺎﻟﺴﻬﻮﻟﻪ ﻳﻨﻌﻄﻲ ..
ﺍﺿﺎﻓﻪ ﺍﻟﻰ ﺍﺳﺘﻘﺘﺎﻟﻪ ﻋﻠﻴﺞ ﻭﺗﻌﺮﺿﻪ ﻟﻠﺨﻄﺮ ﻭﺍﻟﻤﻮﺕ ﺍﻛﺜﺮ ﻣﻦ ﻣﺮﻩ .. ﻭﺭﻏﻢ ﻣﺨﻠﺪ ﻗﺘﻠﻪ ﻭﺍﺣﻨﻪ ﺍﻟﺴﻤﻌﻨﻪ ﻋﻨﻪ ﻫﻮ ﻣﺠﺮﻡ ..
- ﻣﺎﻣﺎ ﻫﻮ ﻣﻮ ﻣﺠﺮﻡ ..
- ﻫﺬﺍ ﺍﻟﻠﻲ ﻋﺮﻓﻨﺎﻩ ﺑﻌﺪ ﺍﻟﻠﻪ ﻋﺎﻟﻢ .. ﺑﺲ ﺑﻨﺘﻲ ﺭﻏﻢ ﻗﺘﻞ ﻣﺨﻠﺪ .. ﻣﺎﻟﻚ ﺗﺮﻙ ﺍﻟﻤﻮﺿﻮﻉ ﻭﻣﺎ ﺣﺎﻭﻝ ﻳﻨﺘﻘﻢ ﻣﻦ ﻣﺨﻠﺪ .. ﻓﻘﻂ ﺣﺘﻰ ﺍﻧﺘﻲ ﻣﺎ ﺗﺰﻋﻠﻴﻦ ﻭﻫﺬﺍ ﻛﺎﻥ ﻃﻠﺒﺞ ﻣﻨﻪ ﻣﻮ
ﺯﻳﻦ ﺍﻛﻮ ﺭﺟﻞ ﻳﺴﻮﻱ ﻛﻞ ﻫﻼﺷﻴﺎﺀ ﻭﻳﺴﺘﻘﺘﻞ ﺑﺪﻭﻥ ﻣﻠﻞ ﺍﻭ ﻛﻠﻞ .. ﻓﻲ ﺳﺒﻴﻞ ﺷﻲ ﻫﻮ ﻣﻴﺤﺒﻪ ﺑﺲ ﺩﻳﻠﻌﺐ ﻋﻠﻴﻪ .. ؟ !
ﺍﻧﻲ ﻣﺎ ﺍﺷﻚ ﺑﺤﺒﻪ ﺍﻟﺞ ﺑﻨﺘﻲ .. ﺍﻧﻲ ﺍﺷﻚ ﺑﻲ ﻫﻮ .. ﻫﻮ ﺍﻧﺴﺎﻥ ﻣﺎ ﻳﺮﺗﺎﺣﻠﻪ ﺍﻟﻘﻠﺐ .. ﺍﺳﻠﻮﺑﻪ ﻭﻛﻼﻣﻪ ﻭﺷﺨﺼﻴﺘﻪ .. ﻣﺎﻝ ﻭﺍﺣﺪ ﻋﺼﺎﺑﺠﻲ ..
ﻟﻬﻴﺞ ﺍﺣﻨﻪ ﻭﻛﻔﻨﺎ ﺑﻄﺮﻳﻘﺞ ﻭﻛﻨﺎﻟﺞ ﻣﻨﻘﺒﻞ ﺗﺘﺰﻭﺟﻲ ﻟﻜﻦ ﻣﻊ ﺍﺻﺮﺍﺭﺝ ﻋﻠﻴﻪ ﺗﺮﻛﻨﺎ ﺍﻟﻘﺮﺍﺭ ﺍﻟﺞ ﺍﻧﺘﻲ ﺗﺘﺤﻤﻠﻴﻦ ﻣﺴﺆﻟﻴﺘﻪ .. ﺑﻌﺪ ﻣﺎ ﺍﺑﻮﺝ ﺍﺗﺨﻠﻰ ﻋﻨﺞ .
- ﻣﺎﻣﺎ ﺍﻧﻲ ﻣﺎ ﺩﺍ ﺍﺷﻮﻑ ﺑﻲ ﺍﻟﻠﻲ ﺍﻧﺘﻮ ﺩﺗﺸﻮﻓﻮﻩ .. ﺩﺗﻜﻮﻟﻮﻥ ﻫﻮ ﻣﺠﺮﻡ .. ﺑﺲ ﻫﻮ ﻣﻮ ﻣﺠﺮﻡ ... ﻫﻮ ﻗﻮﻱ ﻻﻧﻪ ﻳﺸﺘﻐﻞ ﺑﺎﻟﺨﻀﺮﺍﺀ ﻭﺍﻛﻴﺪ ﺍﻟﻪ ﺿﻬﺮ ﻣﺘﻘﻮﻱ ﺑﻲ
ﺗﺘﺬﻛﺮﻳﻦ ﻟﻤﺎ ﺳﺠﻨﻪ ﻣﺨﻠﺪ ﻭﻃﻠﻊ ﺑﻴﻮﻡ ﻭﺍﺣﺪ .. ﻟﻮ ﻣﺠﺮﻡ ﻣﺎ ﺍﻋﺘﻘﺪ ﻳﻄﻠﻊ .. ﺑﺲ ﻫﻮ ﺍﻛﻴﺪ ﺍﻟﻪ ﺍﻳﺪ ﺑﺎﻟﺤﻜﻮﻣﻪ ﺍﻟﻌﺮﺍﻗﻴﻪ ﻟﻬﻴﺞ ﺣﺘﻰ ﻣﺨﻠﺪ ﻣﺎ ﻛﺪﺭ ﻳﺴﺠﻨﻪ
.
ﻣﺎ ﺩﺍ ﺍﺷﻮﻑ ﺑﻴﻪ ﻣﺠﺮﻡ .. ﻟﻮ ﻓﻌﻼ ﻣﺠﺮﻡ ﻛﺎﻥ ﻗﺘﻞ ﻣﺨﻠﺪ ﻣﻦ ﺯﻣﺎﺍﺍﻥ .. ﻭﺍﺧﺬﻧﻲ ﻣﻨﻪ .. ﺑﺲ ﻫﻮ ﻛﺎﻥ ﻳﺴﻤﻊ ﻟﻠﻲ ﺍﻛﻮﻟﻪ .. ﻟﻮ ﻛﺘﻠﻪ ﺍﻭﻋﺪﻧﻲ ﻭﻓﻰ ﺑﻮﻋﺪﻩ ..
ﻃﻴﺐ ﺍﻧﻲ ﺷﻠﻮﻥ ﺍﻛﺬﺏ ﺍﻧﺴﺎﻥ ﺻﺎﺩﻕ ﺑﻮﻋﺪﻩ ﻭﻳﺎﻳﻪ .. ﻭﻳﺤﺒﻨﻲ ﻟﻬﺪﺭﺟﻪ ..
- ﻭﺍﻟﻠﻪ ﻳﺎ ﺑﻨﺘﻲ ﺍﻧﻲ ﻣﺮﺗﺎﺣﻴﺘﻠﻪ ﻭﻻ ﺭﺍﺡ ﺍﺭﺗﺎﺣﻠﻪ .. ﺣﺘﻰ ﻟﻮ ﻳﺤﺒﺞ ﺍﺧﺬﻱ ﺣﺬﺭﺝ ﻣﻨﻪ .. ﺍﻟﺮﺟﺎﻝ ﻣﺎ ﻳﺘﺄﻣﻦ ﺑﻨﺘﻲ .. ﻭﻣﺜﻞ ﻣﺼﺮﻱ ﻳﻜﻮﻝ .. ﻳﻤﺄﻣﻨﻪ ﺍﻟﺮﺟﺎﻝ ﻳﻤﺄﻣﻨﻪ ﺍﻟﻤﻲ ﻓﻲ ﺍﻟﻐﺮﺑﺎﻝ
ﺍﻟﺮﺟﺎﻝ ﻣﺎﻣﺎ ﻋﻨﺪﻩ ﻗﺪﺭﻩ ﻋﻠﻰ ﺍﻟﻜﺬﺏ ﻭﺗﻼﻋﺐ ﺑﻤﺸﺎﻋﺮ ﺍﻟﺒﻨﺖ ﻭﺧﺎﺻﻪ ﺍﻟﻌﻄﻮﻓﻪ ﻣﺜﻠﺞ .. ﻣﻴﺘﺄﻣﻨﻮﻥ ﻭﻏﺒﻴﻪ ﺍﻟﺘﺄﻣﻨﻠﻬﻢ ..
- ﻳﻌﻨﻲ ﻫﺴﻪ ﻫﺬﻩ ﺍﻟﻠﻲ ﺍﺗﺼﻠﺖ ﺷﺘﺮﻳﺪ ﻣﻌﻘﻮﻟﻪ ﻛﺬﺍﺑﻪ
- ﻃﺒﻌﺎ ﻣﺒﻴﻨﻪ ﻛﺬﺍﺑﻪ .. ﺍﻻ ﻣﺎ ﻧﺼﺤﺘﺞ ﻣﻦ ﻗﺒﻞ ﺍﻻ ﺍﻟﻴﻮﻡ ﺑﻌﺪ ﻣﺎ ﻋﻘﺪﺗﻮ
- ﺯﻳﻦ ﻭﺍﻟﺼﻮﺭﻩ ..
- ﺍﻟﺼﻮﺭﻩ ﻣﺎﺑﻴﻬﺎ ﺷﻲ ﻣﺠﺮﺩ ﺩﻳﻀﺤﻜﻮﻥ ﻭﻳﻤﻜﻦ ﺑﻴﻨﻬﻢ ﻋﻼﻗﻪ ﺳﺎﺑﻘﻪ .. ﺍﻟﺮﺟﻞ ﻳﺤﺐ ﻋﺸﺮﻩ ﻭﻳﺘﺰﻭﺝ ﻭﺣﺪﻩ ﻏﻴﺮ ﺍﻟﻌﺸﺮﻩ ﺍﻟﻠﻲ ﺣﺒﻬﻦ ..
- ﻭﺍﻧﻲ ﺭﺯﻟﺘﻪ ﻭﺩﺯﻳﺘﻠﻪ ﺭﺳﺎﻟﻪ ﺍﻏﻠﻂ ﻋﻠﻴﻪ ..
- ﺩﻳﺮﻱ ﺑﺎﻟﺞ ﺍﻣﻲ .. ﺍﺫﺍ ﻫﺴﻪ ﻋﺪﺍﻫﺎ ﺍﻟﺞ ﻣﻦ ﺗﺘﺰﻭﺟﻴﻦ ﻳﻘﺺ ﺭﺍﺳﺞ .. ﺍﻟﺮﺟﻞ ﺍﻟﻌﺮﺍﻗﻲ ﻟﻮ ﺷﻤﻴﻜﻮﻥ ﻣﺎ ﻳﻘﺒﻞ ﻣﺮﻩ ﺗﻐﻠﻂ ﻋﻠﻴﻪ .. ﻳﻜﻮﻡ ﻳﻨﺘﻘﻢ ﻣﻨﺞ ..
- ﻳﻌﻨﻲ ﺍﺗﺼﻞ ﺑﻲ
- ﻻ ﺍﺗﺮﻛﻲ ﺣﺎﻳﺮ ﻫﺴﻪ ﻭﺧﻞ ﻳﻌﺮﻑ ﺯﻋﻠﺞ ﻭﻗﻴﻤﺘﺞ .. ﻭﺍﻟﺼﺒﺎﺡ ﺭﺑﺎﺡ ﺍﺫﺍ ﻳﺤﺒﺞ ﻳﺼﺒﺢ ﻋﺪﻧﺎ .. ﻗﻔﻠﻲ ﺍﻟﺠﻬﺎﺯ ﻭﻧﺎﻣﻲ ..
ﻳﻼ ﺣﺒﻴﺒﺘﻲ ﻟﺘﺒﻴﻘﻴﻦ ﺗﻔﻜﺮﻳﻦ ﻭﻟﺘﺴﻬﺮﻳﻦ ﻭﺟﻬﺞ ﻳﺘﻌﺐ ﻭﻳﺼﻴﺮ ﺳﻮﺍﺩ ﺟﻮﻩ ﻋﻴﻮﻧﺞ .. ﻭﺭﺍﺝ ﻋﺮﺱ ..
- ﺍﻭﻙ ﻣﺎﻣﺎ .. ﻃﻠﻌﺖ ﻣﻨﻲ ﻭﺍﻧﻲ ﺑﻘﻴﺖ ﺑﺎﻟﻐﺮﻓﻪ .. ﺑﻘﻴﺖ ﺍﻓﻜﺮ ﺑﻜﻼﻡ ﺍﻣﻲ .. ﻳﻤﻜﻦ ﻓﻌﻼ ﺍﻟﺒﻨﺖ ﺗﻜﺬﺏ .. ﺑﺲ ﻳﺠﻲ ﺑﺎﺟﺮ ﻭﺍﻋﺮﻑ ﺷﻨﻮ ﺳﺎﻟﻔﺘﻬﺎ ..
ﺩﺍ ﺍﺭﻳﺪ ﺍﻧﺎﻡ .. ﺍﻧﻀﺮﺑﺖ ﺟﺎﻡ ﻏﺮﻓﺘﻲ ﺑﺤﺼﻮﻳﻪ ﺍﻻ ﺷﻮﻳﻪ ﺭﺍﺩﺕ ﺗﻨﻜﺴﺮ .. ﺑﺎﻭﻋﺖ ﻣﻦ ﺍﻟﺸﺒﺎﻙ ﻣﺎﻟﻚ .. ﺍﺷﺮ ﻧﺰﻟﻲ .
ﺳﺪﻳﺖ ﺍﻟﺒﺮﺩﻩ ﻭﺿﺤﻜﺖ .. ﻣﺎﻣﺎ ﺗﻜﻮﻝ ﺍﺫﺍ ﻳﺤﺒﺞ ﻓﺮﺍﺡ ﻳﺼﺒﺢ ﻋﺪﻧﺎ ﻭﻫﻠﺨﺒﻞ ﻣﺎ ﺍﻧﺘﻀﺮ ﺍﻟﺼﺒﺢ ﻳﺼﻴﺮ ..
ﻃﻠﻌﺖ ﻣﻦ ﺍﻟﻐﺮﻓﻪ .. ﻣﺎﻣﺎ ﺗﺮﻳﺪ ﺍﻃﺐ ﻟﻐﺮﻓﺘﻬﺎ .. ﺻﺤﺖ ﻣﺎﻣﺎﺍﺍﺍﺍ ..
- ﻫﺎ ﺑﻨﺘﻲ
- ﺑﺎﺑﺎ ﻭﻳﻦ؟
- ﻧﺎﻡ ﻟﻴﺶ؟ !
- ﻣﺎﻟﻚ ﺟﻮﻩ ﻭﺩﻳﻄﻠﺐ ﻣﻨﻲ ﺍﻧﺰﻟﻪ .. ﺍﺑﺘﺴﻤﺘﻠﻲ
- ﻫﻠﺨﺒﻞ ﻣﻨﺘﻀﺮ ﻳﺼﻴﺮ ﺍﻟﺼﺒﺢ ﺍﺟﻪ ﻫﺴﻪ ..
- ﺷﺴﻮﻱ .. ﺑﺎﺑﺎ ﻧﺎﻳﻢ ﻣﻮﻭ
- ﺍﻱ ﺑﻨﺘﻲ ﻧﺎﻳﻢ .. ﻓﺘﺤﻴﻠﻪ ﺍﻟﺒﺎﺏ ﻭﺍﻛﻌﺪﻭ ﺑﺎﻟﺤﺪﻳﻘﻪ .. ﺍﻭ ﺑﺎﻟﺼﺎﻟﻪ ﺑﻜﻴﻔﻜﻢ .. ﻫﻮ ﺯﻭﺟﺞ ﺑﻌﺪ .. ﻣﻮ ﺣﺮﺍﻡ
- ﻣﺎﺷﻲ ﻣﺎﺷﻲ .. ﺷﻌﺮﻱ ﺣﻠﻮ ﻟﻮ ﻣﺨﺮﺑﻂ .. ﺍﺣﺠﻲ ﻭﺍﻋﺪﻝ ﺑﺸﻌﺮﻱ ..
- ﺣﻠﻮﻩ ﺣﻠﻮﻩ ﺗﺨﺒﻠﻴﻦ ﺑﺲ ﻧﺰﻟﻲ ﻻ ﻳﻜﺴﺮ ﺍﻟﺒﺎﺏ ﻭﻳﺼﻌﺪﻟﻨﻪ
- ﻫﻬﻬﻬﻪ ﻧﺎﺯﻟﻪ .. ﻧﺰﻟﺖ ﻉ ﺍﻟﺪﺭﺝ ﺍﺭﻛﺾ .. ﻓﺘﺤﺖ ﺑﺎﺏ ﺍﻟﻜﺮﺍﺝ ﻭﺍﻧﻲ ﻻﺑﺴﻪ ﺻﻴﻔﻲ ﺑﺎﻟﺒﻴﺖ ﻳﻤﺎﺍﺍﺍﺍﻱ ﺟﺮﺷﺖ
.
ﺭﺟﻌﺖ ﺍﺧﺬﺕ ﻣﻌﻄﻒ ﻣﺎﻝ ﺑﺎﺑﺎ ﻭﻃﻠﻌﺖ .. ﺍﻟﻢ ﺑﻲ ﻣﻨﺎ ﻭﻣﻨﺎ .. ﻓﺘﺤﺖ ﺍﻟﻘﻔﻞ ﻫﻮ ﻭﺍﻛﻒ .. ﺟﺮﻳﺖ ﺍﻟﺒﺎﺏ .. ﺻﺎﺡ
- ﻣﻮ ﺻﺎﺭ ﺳﺎﻋﻪ ﺍﺧﺎﺑﺮ ﻟﻴﺶ ﻣﺘﺮﺩﻳﻦ ..
- ﻃﺐ ﺟﻮﻩ ﻧﺤﺠﻲ
- ﻃﺐ ﺑﻜﻞ ﺑﺮﻭﺩ ﻣﻮ .... ﺩﻣﻲ ﺍﺣﺘﺮﻙ ﺑﺠﺴﻤﻲ ﻭﺍﻧﻲ ﺍﺧﺎﺑﺮﺝ ﻭﺑﻌﺪﻳﻦ ﺷﻨﻮ ﺍﺩﺯﻳﻦ ﺭﺳﺎﻟﻪ ﺗﻐﻠﻄﻴﻦ ﻗﺒﻞ ﻻ ﺗﻌﺮﻓﻴﻦ ﺷﻨﻮ ﺍﻟﻤﻮﺿﻮﻉ ..
- ﻟﺘﺼﻴﺢ ﺍﻟﺠﻴﺮﺍﻥ ﻣﻨﺎ .. ﺩﻧﻴﺎ ﻟﻴﻞ .. ﻭﺛﺎﻧﻴﺎ ﻣﻨﻮ ﻫﺎﻱ ﺍﻟﻠﻲ ﺑﺎﻟﺼﻮﺭﻩ ﺯﻭﺟﺘﻚ ﺻﺢ .. ؟ ! ﺧﺼﺮﺗﻠﻪ ﺍﺩﻳﻪ
- ﻧﺤﺠﻲ ﺟﻮﻩ ﺑﺎﺭﺩﻩ ﺟﺮﺷﺖ ﻣﻦ ﻭﺭﺍﺝ
- ﺑﺎﺑﺎ ﻣﻮﺟﻮﺩ ..
- ﺍﻱ ﻭﺷﺮﺍﺡ ﺍﺳﻮﻳﻠﻪ ﻻﺑﻮﺝ ﺍﻛﻠﻪ .. ﻋﺎﻗﺪ ﻋﻠﻴﺞ ﻭﺟﺎﻱ ﺍﺣﺠﻲ ﻭﻳﺎﺝ ﺧﻮﻣﺎ ﺍﺗﺰﻭﺟﺞ ﺍﺑﻴﺘﻪ
ﺣﺠﻪ ﻭﺩﺍﺭ ﻭﺟﻬﻪ ﻭ ﻣﺸﻰ ﻛﺒﺎﻟﻲ .. ﻭﺍﻛﺘﺎﻓﻪ ﺗﺘﻤﺎﻳﻞ ﻭﻫﻮ ﻳﻤﺸﻲ .. ﻫﺰﻳﺖ ﺭﺍﺳﻲ .. ﻗﻔﻠﺖ ﺍﻟﺒﺎﺏ .. ﻭﺗﺒﻌﺘﻪ ..
ﺩﺧﻠﻨﺎ ﺍﻟﺒﻴﺖ ﺩﺍﻓﻲ .. ﻛﺘﻠﻪ ﺍﺩﺧﻞ ﺍﻟﺼﺎﻟﻪ .. ﺩﺧﻞ .. ﻧﺰﻋﺖ ﺍﻟﺠﺎﻛﻴﺖ .. ﻻﺑﺴﻪ ﺛﻮﺏ ﻗﺼﻴﺮ ﻭﺭﺩﻱ ﺭﺑﻊ ﺭﺩﻥ ..
ﺩﺧﻠﺖ .. ﺍﺑﺘﺴﻢ ﻭﻛﺎﻡ ﻋﻠﻰ ﺣﻴﻠﻪ ﻭﺍﺟﻪ ﺭﺍﺩ ﻳﺤﻈﻨﻲ .. ﻛﺘﻠﻪ ﺍﺑﺘﻌﺪ .. ﻭﺍﺣﺠﻴﻠﻲ ﺷﻨﻮ ﺍﻟﻤﻮﺿﻮﻉ ..
- ﻟﺞ ﺷﺒﻴﺞ ﺧﺒﻠﻪ ﺍﻧﻲ ﻣﻠﻮﻛﻲ ﺣﺒﻴﺒﺞ ﻟﻴﺶ ﻫﻴﺞ ﻭﻳﺎﻱ ..
- ﻟﻒ ﺍﻳﺪﻩ ﻋﻠﻰ ﺧﺼﺮﻱ .. ﺍﺣﺠﻲ ﻣﺎﻟﻚ ﻣﻨﻮ ﻧﺎﺩﻳﻪ ..
- ﺑﻨﺖ ﺍﺗﺰﻭﺟﺘﻬﺎ ﻋﺮﻓﻲ ﻣﻦ ﺯﻣﺎﻥ ﺑﺲ ﻃﻠﻘﺘﻬﺎ ﻟﻜﻦ ﻟﻼﻣﺎﻧﻪ ﻟﻼﻥ ﻣﻘﺎﻃﻊ ﻋﻼﻗﺘﻲ ﺑﻴﻬﺎ ﻻﻥ ﻳﺮﺑﻄﻨﻲ ﺑﻴﻬﺎ ﻋﻤﻞ ﻭﻫﺎﺍﺍ ﻋﻼﻗﻪ ﻋﻤﻠﻴﻪ ﻭﺻﺪﺍﻗﻪ ﻣﻮ ﺯﻭﺍﺝ ..
- ﺷﻨﻮ ﺯﻭﺟﺘﻚ ﺷﻨﻮ ﻋﻼﻗﻪ ﻋﻤﻠﻴﻪ .. ﻓﻬﻤﻨﻲ ﺷﺪﺗﻠﻌﺐ ..
- ﺣﺒﻴﺒﺘﻲ ﻧﺎﺩﻳﻪ ﺍﻣﺮﺃﻩ ﺑﺎﻝ 42 ﺳﻨﻪ ﺍﻛﺒﺮ ﻣﻨﻲ ﻭﻣﻨﺞ ﻣﺪﻳﺮﺓ ﺩﺍﺭ ﺍﻳﺘﺎﻡ ﺍﺭﻣﻠﻪ ﻭﻋﻨﺪﻫﺎ 2.. ﻭﻟﺪ ﻭﺍﺑﻨﻴﻪ ﻭﺣﺪﻩ
ﺑﻨﺘﻬﺎ ﻭﺍﺑﻨﻬﺎ ﻃﻼﺏ ﺟﺎﻣﻌﻪ .. ﻭﺍﻟﺜﺎﻧﻲ ﻃﺎﻟﺐ ﺍﻋﺪﺍﺩﻳﻪ . ﻣﻦ ﺯﻣﺎﺍﻥ ﺍﻭﻝ ﻣﺎ ﺑﺪﻳﺖ ﺷﻐﻞ ﻭﻳﺎﻫﺎ .. ﺭﺍﺩﺕ ﻣﻨﻲ ﻋﻼﻗﻪ .. ﻣﺎ ﺗﺘﻌﺪﻯ ﺍﻟﻔﺮﺍﺵ
ﻻﻥ ﻣﺘﻜﺪﺭ ﺗﺘﺰﻭﺝ ﻭﻟﺪﻫﺎ ﻣﻴﻘﺒﻠﻮﻥ .. ﻓﺘﺰﻭﺟﻨﺎ ﺑﺎﻟﺴﺮ ﻋﺮﻓﻲ .. ﻓﻘﻂ ﻋﻘﺪ ﺷﻴﺦ .. ﻭﻫﺬﺍ ﺍﻟﻜﻼﻡ ﻗﺒﻞ 4 ﺍﺳﻨﻴﻦ ..
ﻭﺣﺎﻟﻴﺎ ﻣﻄﻠﻘﻴﻦ ﺑﺲ ﻫﻲ ﺑﻌﺪﻫﺎ ﺗﺮﻛﺾ ﻭﺭﺍﻱ .. ﻭﻣﻦ ﺳﻤﻌﺎ ﺑﺰﻭﺍﺟﻲ ﺗﺨﺒﻠﺖ ﻭﺍﺟﺖ ﺗﺤﺠﻲ ﻭﻳﺎﻱ ﺣﺘﻰ ﺍﺭﺟﻌﻠﻬﺎ .. ﻭ ﺻﺪﻳﺘﻬﺎ ..
ﻫﺪﺩﺗﻨﻲ ﺑﻴﺞ ﻭﻛﺘﻠﻬﺎ ﺭﻭﺣﻲ ﺍﺣﺠﻲ ﻣﺨﺎﻳﻒ .. ﻻﻥ ﻣﺎ ﻋﻨﺪﻱ ﺷﻲ ﺍﺧﺎﻑ ﻣﻨﻪ .
ﻭﺍﺛﻖ ﻣﻦ ﺍﻟﻠﻲ ﺍﻛﻮﻟﻪ ﻭﻭﺍﺛﻖ ﺣﺒﻴﺒﺘﻲ ﺗﺼﺪﻗﻨﻲ ﻣﺘﺼﺪﻕ ﻭﺣﺪﻩ ﻣﺜﻠﻬﺎ ... ﻭﺍﻧﺘﻲ ﻫﺴﻪ ﺍﻋﺮﻑ ﺑﺪﺍﺧﻠﺞ ﺍﻛﻮ ﺷﻚ .. ﺑﺲ ﺍﺳﻤﻌﻲ ﺑﻨﻔﺴﺞ ﻭﺗﺄﻛﺪﻱ ..
ﻃﻠﻊ ﺍﻟﻤﻮﺑﺎﻳﻞ ﻣﻦ ﺟﻴﺒﻪ ﻭﺍﺗﺼﻞ .. ﺭﺩﺕ ﺍﻟﻮ ..
ﻣﺎﻟﻚ -: ﺍﻟﻮ ﻧﺎﺩﻳﻪ .. ﺍﻧﺘﻲ ﺧﺎﺑﺮﺗﻲ ﻟﺠﻴﻦ ﻣﻮﻭ
ﻧﺎﺩﻳﻪ -: ﻣﺎﻟﻚ ﺍﺳﻤﻌﻨﻲ ﺑﺲ .. ﺍﻧﻲ ﻣﺎ ﺍﻛﺪﺭ ﺍﺗﺮﻛﻚ ﺍﺣﺒﻚ ﺍﻓﻬﻤﻨﻲ ﺍﺭﺟﻮﻙ ..
- ﻭﺍﻧﻲ ﻛﺘﻠﺞ ﺭﺍﺡ ﺍﺗﺰﻭﺝ .. ﻣﺘﺴﺘﺤﻴﻦ ﺍﻧﺘﻲ ﺗﻜﻠﻴﻠﻬﺎ ﺍﻧﻲ ﺯﻭﺟﺞ .. ﺷﻜﺪ ﺭﺧﻴﺼﻪ ﺍﻧﺘﻲ ..
ﻣﻮ ﺍﻧﺘﻲ ﺍﻟﻠﻲ ﻃﻠﺒﺘﻲ ﻣﻨﻲ ﺯﻭﺍﺝ ﻋﺮﻓﻲ ﻓﺪ ﻳﻮﻡ ..
ﻭﻗﺒﻠﺘﻠﺞ ﻭﻃﻠﻘﺖ ﻭﺣﺎﻟﻴﺎ ﺍﺭﻳﺪ ﺍﺷﻮﻑ ﺣﻴﺎﺗﻲ ﺑﺎﻱ ﺣﻖ ﺗﺨﺎﺑﺮﻳﻦ ﺯﻭﺟﺘﻲ ﻭﺗﻜﻠﻴﻠﻬﺎ ﺍﻧﻲ ﺯﻭﺟﺘﻪ
.
ﻻﻥ ﺍﻧﻲ ﻓﻌﻼ ﺍﻋﺘﺒﺮﻙ ﺯﻭﺟﻲ ﻟﻠﻴﻮﻡ ﻟﺘﻜﻠﻲ ﻃﻠﻘﺘﺞ ﻣﺎ ﺍﻗﺒﻞ ﺑﻬﺎﻟﻜﻼﻡ .. ﻣﺎﻟﻚ ﻻ ﺗﻌﻮﻓﻨﻲ
- ﺷﻮﻓﻲ ﺍﺣﺬﺭﺝ ﺗﻮﺻﻠﻴﻦ ﻟﺰﻭﺟﺘﻲ ﻭﺍﻻ ﻛﻞ ﺷﻐﻞ ﺑﻴﻨﻲ ﻭﺑﻴﻨﺞ ﻳﻨﻘﻄﻊ ﻭﺍﺧﺒﺎﺭﺝ ﺗﻮﺻﻞ ﻻﺑﻨﺞ ﻭﺍﺩﻣﺮ ﺣﺘﻰ ﻋﺎﺋﻠﺘﺞ .. ﻑ ﺍﺣﺘﺮﻣﻲ ﻧﻔﺴﺞ ﻭﺍﺑﺘﻌﺪﻱ ﻋﻦ ﺣﻴﺎﺗﻲ ﻭﺯﻭﺟﺘﻲ ﻣﻔﻬﻮﻭﻭﻡ ..
ﻗﻔﻞ ﺍﻟﺨﻂ ..
- ﺻﺪﻛﺘﻲ
- ﻃﻴﺐ ﻟﻴﺶ ﺗﺸﺘﻐﻞ ﻭﻳﺎﻫﺎ ﺍﺗﺮﻛﻬﺎ ..
- ﻣﻮ ﺑﻬﺎﻟﺴﻬﻮﻟﻪ ﺍﺗﺮﻙ ﺍﻟﺸﻐﻞ .. ﻭ ﻣﻮ ﻭﺣﺪﻱ ﺑﺎﻟﺸﻐﻞ ﺍﺣﻨﻪ ﻣﺠﻤﻮﻋﻪ .. ﻑ ﻣﺎ ﺍﻛﺪﺭ
ﻟﺠﻴﻦ -: ﺷﻨﻮ ﺷﻐﻠﻚ ﻭﻳﺎﻫﺎ .. ﻫﻲ ﻣﺪﻳﺮﺓ ﺩﺍﺭ ﺍﻳﺘﺎﻡ . ﺷﻴﺮﻳﺪ ﻳﻜﻮﻥ ﺍﻟﺸﻐﻞ ..
ﻣﺎﻟﻚ -: ﻫﺴﻪ ﺍﻧﺘﻲ ﺗﺄﻛﺪﺗﻲ ﻣﻦ ﻛﻼﻣﻲ ﺑﻴﻬﺎ ﺑﺪﺍ ﺷﻜﺞ ﻉ ﺍﻟﺸﻐﻞ .. ﺍﻧﻲ ﺍﺣﺠﻴﻠﺞ ﻋﻨﻪ ﺑﻌﺪﻳﻦ .. ﻭﺭﺟﺎﺀﺍ ﻟﺠﻴﻦ .. ﺍﻱ ﻛﻼﻡ ﻳﻜﻮﻟﻮﻩ ﻋﻨﻲ ﻣﺎ ﺍﻗﺒﻞ ﺗﺼﺪﻛﻲ ..
ﺗﺠﻴﻦ ﺍﻟﻴﻪ ﺗﺴﺘﻔﺴﺮﻳﻦ ﻭﺍﻧﻲ ﺍﺟﺎﻭﺑﺞ ﻭﺍﻧﻄﻴﺞ ﺩﻟﻴﻞ ﻋﻠﻰ ﻛﻼﻣﻲ ﻻﻧﻲ ﻭﺍﺛﻖ ﻣﻦ ﺍﻟﻠﻲ ﺍﺳﻮﻱ .. ﻭﻟﻮ ﻋﺪﺗﻴﻬﺎ ﻣﺮﺕ ﺍﻟﻠﺦ . ﺭﺍﺡ ﺗﺸﻮﻓﻴﻦ ﻣﻨﻲ ﺷﻲ ﻣﻴﻌﺠﺒﺞ .
ﻟﻠﻴﻮﻡ ﺗﺸﻜﻴﻦ ﺑﺤﺒﻲ ﺍﻟﺞ .. ﻟﺞ ﻋﺸﺘﻲ ﻭﻱ ﺭﺟﺎﻝ ﺷﻬﺮﻳﻦ ﻭﻛﺬﺑﺘﻲ ﻋﻠﻴﻪ ﺑﺎﻟﻌﻨﻮﺍﻥ ﻭﺭﺣﺘﻲ ﻭﻳﺎﻩ ﻭﻣﺎ ﺍﻋﺮﻑ ﺷﺼﺎﺭ ﺑﻴﻨﺞ ﻭﺑﻴﻨﻪ ﺑﻬﻠﻔﺘﺮﻩ ..
ﻭﻛﻞ ﻫﺬﺍ ﺛﻘﺘﻲ ﺑﻴﺞ ﻣﺎ ﺍﻫﺘﺰﺕ .. ﻭﻛﻨﺖ ﻭﺍﺛﻖ ﺍﻧﺘﻲ ﻣﻨﻄﻴﺘﻲ ﺑﻜﺎﺭﺗﺞ ﺍﻟﻪ ﻻﻥ ﻗﻠﺒﺞ ﻳﻤﻲ ﻭﻣﺎ ﺷﻜﻴﺖ ﺑﻴﺞ ﻭﻟﻮ ﻟﻠﺤﻈﻪ .
ﻭﺍﻧﺘﻈﺮﺕ ﺍﻟﺘﺒﺮﻳﺮ ﻣﻨﺞ ﻭﺭﻏﻢ ﻛﺬﺑﺞ ﺳﺎﻣﺤﺘﺞ ﻻﻥ ﺍﺣﺒﺞ .. ﻫﺴﻪ ﺟﺎﻱ ﺗﺸﻜﻴﻦ ﺑﻴﻪ ﻋﻠﻰ ﻋﻼﻗﻪ ﻋﺎﺑﺮﻩ ﻭﺍﻣﺮﺃﻩ ﻣﺎ ﺗﺘﻘﺎﺭﻥ ﺑﻴﺞ ﺑﺬﺭﻩ ..
ﻣﺎ ﺍﻗﺒﻞ ﻟﺠﻴﻦ . ﻭﺑﺪﻳﺖ ﺍﺗﻌﺐ ﻣﻦ ﺗﺴﺎﺅﻻﺗﺞ ﻭﺷﻜﻮﻛﺞ ﺑﻴﻪ .. ﺷﻨﻮ ﺍﻟﻠﻲ ﺳﺄﻟﺘﻲ ﻋﻨﻲ ﻭﻣﺠﺎﻭﺑﺘﻪ .. ﺩﺍ ﺍﺟﺎﻭﺏ ﻭﺩﺍ ﺍﻛﺪ ﻛﻼﻣﻲ ﺑﺪﻟﻴﻞ ﻭﺍﻧﺘﻲ ﺑﻌﺪ ﺷﻜﻮﻛﺞ ﺍﺩﻭﺭ ﺑﺮﺍﺳﺞ
ﺗﺮﺩﻳﻦ ﺍﻫﻠﻲ ﻣﻦ ﺑﺎﺟﺮ ﺍﺧﺬﺝ ﺍﻋﺮﻓﺞ ﻋﻠﻴﻬﻢ . ﺑﺲ ﺍﻧﻲ ﻭﺍﺛﻖ ﻣﺎ ﺭﺍﺡ ﻳﺘﻘﺒﻠﻮﺝ .. ﻣﺜﻞ ﻣﺎ ﺍﺑﻮﺝ ﻣﻮ ﺭﺍﺿﻲ ﻳﺘﻘﺒﻠﻨﻲ ﻭﺭﻏﻢ ﻫﻠﺸﻲ ﻣﺘﻀﺎﻳﻘﺖ ﺍﻟﻤﻬﻢ ﺍﻧﺘﻲ ﻭﻳﺎﻱ ..
ﻋﻨﺪﺝ ﺑﻌﺪ ﺷﻚ ﺍﺣﺠﻲ ﺭﺍﺡ ﺍﺟﺎﻭﺏ ﺑﺲ ﺍﺣﺠﻲ ﻭﺑﻄﻠﻲ ﺷﻚ .. ﻻﻥ ﺗﻌﺒﺖ ﺻﺪﻙ .. ﺭﺩﺗﺞ ﺭﺍﺣﻪ ﺍﻟﻴﻪ ﺑﺲ ﺗﺸﻮﻓﻴﻦ ﺧﺒﻠﺘﻴﻨﻲ ﺑﻬﻠﻴﻞ ﻭﺧﻠﻴﺘﻴﻨﻲ ﺍﺟﻲ ﻋﻠﻰ ﻋﻤﻰ ﻋﻴﻨﻲ ﻻﻥ ﻣﺎ ﺍﺗﺤﻤﻞ ﺗﻨﺎﻣﻴﻦ ﻭﺍﻧﺘﻲ ﺯﻋﻼﻧﻪ ﻣﻨﻲ ..
ﺷﺴﻮﻱ ﺍﻛﺜﺮ .. ﺍﺣﺠﻲ .. ؟ !
- ﺍﺳﻔﻪ ﺣﺒﻴﺒﻲ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﻣﻦ ﺩﺯﺗﻠﻲ ﺍﻟﺼﻮﺭﻩ ﺍﻧﺠﻨﻴﺖ ﻭﺍﻧﺖ ﻣﺤﺎﺟﻴﻠﻲ ﻋﻨﻬﺎ ﺧﻔﺖ ﻓﻌﻼ ﺍﻛﻮ ﺷﻲ ..
- ﻣﺎ ﺣﺠﻴﺖ ﻻﻥ ﻣﺎﺿﻲ .. ﻭﻣﻮ ﻃﺒﻌﻲ ﺍﻫﺘﻢ ﻟﻤﺎﺿﻲ ﺍﺣﺪ .. ﻭﺍﻟﺼﻮﺭﻩ ﻣﺎﺑﻴﻬﺎ ﺷﻲ .. ﺩﻧﻀﺤﻚ ﻭﺍﻧﻲ ﺣﺘﻰ ﻣﻊ ﺻﺪﻳﻘﺎﺗﻲ ﻫﻴﺞ ﺍﺧﻠﻲ ﺍﻳﺪﻱ ﻋﻠﻰ ﻛﺘﻔﻬﻢ ﻭﺍﺗﺤﺎﺿﻦ ﻭﻳﺎﻫﻢ .. ﻭﻧﻀﺤﻚ ﻭﻳﻦ ﺍﻟﻤﺸﻜﻠﻪ
ﺍﻧﻲ ﻋﻘﻠﻲ ﺣﺮ ﻣﺎ ﻣﺘﻘﻴﺪ ﺑﻀﻮﺍﺑﻂ ﺩﻳﻨﻴﻪ ﺍﻭ ﺍﺟﺘﻤﺎﻋﻴﻪ .. ﻋﻘﻠﻲ ﺍﻛﺒﺮ ﻣﻦ ﻫﻴﺞ ﻗﻴﻮﺩ .. ﺣﺒﻴﺒﺘﻲ ﻳﺎﺭﻳﺖ ﻣﺘﻌﻴﺪﻳﻦ ﻫﻠﺘﺼﺮﻑ ﻣﺮﻩ ﻟﺦ ﺍﻭﻙ ..
ﺍﺧﺬﻧﻲ ﻟﺤﻈﻨﻪ ﺑﺎﺳﻨﻲ ﺑﻜﺼﺘﻲ ﻭﺧﻠﻪ ﺭﺍﺳﻲ ﻋﻠﻰ ﺻﺪﺭﻩ ﻭﺣﻈﻨﻲ .. ﺍﺧﺬﺕ ﻧﻔﺲ .. ﺭﻓﻌﺘﻠﻪ ﻋﻴﻨﻲ .. ﺍﺳﻔﻪ .. .
- ﻋﺎﺩﻱ ﺣﻴﺎﺗﻲ .. ﺍﻧﻲ ﺍﺣﺒﺞ ﻣﺎ ﺍﻛﺪﺭ ﺍﺯﻋﻞ ﻣﻨﺞ . ﺍﻧﺘﻲ ﺭﻭﺣﻲ ﻭﻗﻠﺒﻲ ﻭﻧﺒﻀﻲ ﻭﺍﻣﻲ ﻭﺍﺑﻮﻳﻪ ﻭﻛﻞ ﺩﻧﻴﺘﻲ ﺻﺪﻛﻴﻨﻲ .
.
ﺍﻧﻲ ﻣﺎ ﺍﻣﻠﻚ ﻣﻦ ﺍﻟﺪﻧﻴﺎ ﻏﻴﺮﺝ .. ﺗﺒﺮﻳﺖ ﻣﻦ ﺍﻟﻜﻞ ﻭﻗﺒﻠﺖ ﺑﻴﺞ ﻭﺣﺪﺝ .. ﺣﺎﺏ ﻧﺘﺰﻭﺝ ﺑﺄﺳﺮﻉ ﻭﻗﺖ ﺣﺘﻰ ﻧﺒﻘﻰ ﺳﻮﻩ ﻭﻣﻨﻔﺘﺮﻕ .
ﺍﻧﻲ ﺍﺣﺘﺎﺟﺞ ﻭﺍﻋﺮﻑ ﺍﻧﺘﻲ ﺗﺤﺘﺎﺟﻴﻨﻲ ﻣﺜﻠﻲ ..
- ﺭﻓﻌﺖ ﻧﻔﺴﻲ ﺑﺴﺘﻪ ﺑﺨﺪﻩ . ﻭﺭﺟﻌﺖ ﺭﺍﺳﻲ ﻟﺤﻈﻨﻪ .. ﻗﻴﺪﻧﻲ ﺑﺄﺩﻳﻪ ﺣﻴﻞ ﻭﺍﺧﺬ ﻧﻔﺲ ﻭﺍﺣﺲ ﻧﻔﺴﻲ ﺍﺭﺗﻔﻊ ﻋﻠﻰ ﺻﺪﺭﻩ ﻣﻊ ﺍﻟﻨﻔﺲ ﺍﻟﻴﺎﺧﺬﻩ ..
ﺭﻓﻌﺘﻠﻪ ﻋﻴﻨﻲ .. ﺍﺣﺒﻚ .. ﻣﺎ ﺣﺠﻪ ﺑﺲ ﺑﻮﺳﻨﻲ ..........
ﺍﺑﺘﻌﺪ .... ﻭﺣﺠﻰ .. -: ﻟﺠﻴﻦ
- ﻋﻴﻮﻧﻬﺎ
- ﻓﺪﻭﻩ ﻟﻌﻴﻮﻧﻬﺎ .. ﻫﻬﻬﻪ ﺣﺒﻴﺒﺘﻲ ﺟﻨﺖ ﺩﺍ ﺍﻓﻜﺮ ﺍﻟﻐﻲ ﺍﻟﻌﺮﺱ ﻭﺍﻛﺘﻔﻲ ﺑﺸﻬﺮ ﺍﻟﻌﺴﻞ ﺑﺎﻱ ﺩﻭﻟﻪ ﺍﻧﺘﻲ ﺗﺨﺘﺎﺭﻳﻬﺎ .
- ﻣﺎ ﺍﻋﺮﻑ ﺑﻜﻴﻔﻚ ..
- ﻣﺎ ﻋﻨﺪﻱ ﺍﺷﻜﺎﻝ ﺍﻧﺘﻲ ﺳﻮﻱ ﺣﻔﻠﻪ ﻭﺭﻭﺣﻲ ﺻﺎﻟﻮﻥ ﻭﻓﺴﺘﺎﻥ ﺍﺑﻴﺾ ﻭﺑﻴﻨﺞ ﻭﺑﻴﻦ ﺻﺪﻳﻘﺎﺗﺞ . ﻭﺍﻧﻲ ﺍﺣﺠﺰ ﺑﻔﻨﺪﻕ
- ﻭﻟﻴﺶ ﻓﻨﺪﻕ ﺷﻘﺘﻚ ﺣﻠﻮﻩ ﺑﺲ ﺗﺮﺗﻴﺐ ..
- ﺑﺮﺍﺣﺘﺞ .. ﻳﻌﻨﻲ ﻣﺎ ﺍﺳﻮﻱ ﻋﺮﺱ ﻭﺯﻓﻪ ﺑﺲ ﺍﻧﻲ ﻭﻳﺎﺝ ﺍﺧﺬﺝ ﺑﺎﻟﺴﻴﺎﺭﻩ ﻭﻧﻄﻠﻊ
- ﺍﻟﻠﻲ ﺗﺸﻮﻓﻪ ﺣﻴﺎﺗﻲ
- ﻭ ﺷﻬﺮ ﺍﻟﻌﺴﻞ ﺍﻱ ﺩﻭﻟﻪ ﺣﺎﺑﻪ ﻧﻘﻀﻲ ﺑﻴﻬﺎ ..
- ﻣﺎ ﺍﻋﺮﻑ ﺍﻟﻠﻲ ﺗﺤﺒﻬﺎ
- ﺍﻧﻲ ﺯﺍﻳﺮ ﻫﻮﺍﻱ ﺩﻭﻝ ﻑ ﻣﺎ ﺍﻋﺮﻑ ﻛﻠﺖ ﺍﺷﻮﻑ ﺷﻨﻮ ﺍﺑﺎﻟﺞ ﺍﻭ ﺗﺘﻤﻨﻴﻦ ﻧﺸﻮﻓﻬﺎ
- ﺗﺮﻛﻴﺎ
- ﺗﺮﻛﻴﺎ .. ؟ ! ﻣﺘﺄﻛﺪﻩ .. ﻣﺎﻟﻴﺰﻳﺎ ﻓﺮﻧﺴﺎ ﺑﻴﻬﻢ ﺍﻣﺎﻛﻦ ﺳﻴﺎﺣﻴﻪ ﺣﻠﻮﻩ .
- ﻣﻦ ﺧﻠﺼﺖ ﺟﺎﻣﻌﻪ ﺳﺎﻓﺮﺕ ﻫﻮﺍﻱ ﺩﻭﻝ ﺑﺴﻔﺮﺍﺕ ﺟﻤﺎﻋﻴﻪ ﻣﻊ ﺻﺪﻳﻘﺎﺗﻲ .. ﻟﺒﻨﺎﻥ ﺍﻣﺎﺭﺍﺕ ﻓﺮﻧﺴﺎ ﺍﻣﺮﻳﻜﺎ ﻣﺎﻟﻴﺰﻳﺎ ﺍﺫﺑﻴﺠﺎﻥ .. ﻭﺣﺘﻰ ﺑﺮﻳﻄﺎﻧﻴﺎ ..
ﺑﺲ ﺗﺮﻛﻴﺎ ﻛﺎﻥ ﺑﻨﻔﺴﻲ ﺍﺯﻭﺭﻫﺎ ﻭﺍﻃﻠﻊ ﺭﺣﻠﻪ ﺑﺎﻟﺒﺴﻔﻮﺭ ..
- ﺍﻧﺘﻲ ﺑﻨﻔﺴﺞ ﺗﺮﻛﻴﺎ ﻟﻮ ﺍﻟﻠﻲ ﻋﺎﻳﺸﻴﻦ ﺑﺘﺮﻛﻴﺎ .. ﻭﻳﻐﻤﺰﻟﻲ
- ﻫﻬﻬﻬﻬﻬﻬﻪ ﺗﻔﻬﻤﻨﻲ .. ﻫﻴﺞ ﻭﺍﺷﻮﻑ ﺍﺳﻤﺮ ﻟﻮ ﻛﻮﺳﻮﻓﻲ ﻳﻤﺎﺍﺍﻱ ﺍﻓﺮﺵ ﻭﺍﻧﺎﻡ ﻛﺒﺎﻟﻬﻢ ﻭﺍﺷﺒﻊ ﺷﻮﻑ ﺑﻮﺟﻬﻢ ﺍﻟﺤﻠﻮﻩ
- ﻫﻬﻬﻬﻬﻬﻬﻪ ﻳﻠﻌﻦ ﻋﻘﻠﺞ ... ﻳﻼ ﺍﺭﻭﺡ ﻻ ﻳﻜﻌﺪ ﺷﺎﻛﺮ ﻳﺸﻄﺤﻨﺎ ﺑﻬﻠﻴﻞ .. ﻧﻄﻠﻊ ﺑﻜﺮﺍﻣﺘﻨﺎ ﺍﺣﺴﻦ ﻣﻮ
- ﻫﻬﻬﻬﻬﻬﻬﻬﻬﻬﻪ ﺑﺎﺳﻨﻲ ﺑﺨﺪﻱ . ﻭﻣﺸﻰ .. ﺭﺣﺖ ﻭﺭﺍﻩ ..
- ﻃﺒﻲ ﻟﻄﻠﻌﻴﻦ ﺑﺎﺭﺩﻩ ..
- ﻻ ﻫﺬﺍ ﺍﻟﻤﻌﻄﻒ ﻣﺎﻝ ﺑﺎﺑﺎ ﺍﻟﺒﺴﻪ .. ﻻﺯﻡ ﺍﻗﻔﻞ ﺍﻟﺒﺎﺏ ﻭﺭﺍﻙ ..
- ﺍﻫﺎﺍﺍ .. ﺑﺲ ﺗﻐﻄﻲ ﺯﻳﻦ ﻣﺎﺑﻴﻪ ﺗﺘﻤﺮﺿﻴﻦ ﻭﻳﺘﺄﺟﻞ ﺍﻟﻌﺮﺱ ﺗﺮﻩ ﻣﺴﺘﻌﺠﻞ .. ﻳﻐﻤﺰﻟﻲ ﻫﻬﻬﻬﻪ
- ﻃﻠﻌﺖ ﻭﺭﺍﻩ .. ﻓﺘﺤﺖ ﺍﻟﺒﺎﺏ ..
- ﺗﺼﺒﻴﺮﻩ ﻗﺒﻞ ﻻ ﺍﺭﻭﺡ
- ﻟﻚ ﻭﻗﺢ ﻣﻨﺎ ﺍﻟﻨﺎﺱ ﻟﺘﺸﻮﻑ
- ﺍﻱ ﻫﺴﻪ ﻏﻴﺮ ﻣﺮﺗﻲ ﺷﻌﻠﻴﻬﻢ .. ﻟﺰﻣﻨﻲ ﻣﻦ ﻭﺟﻬﻲ ﺑﺎﺳﻨﻲ ﻭﻣﺸﻰ ﻭﻫﻮ ﻳﻠﻮﺡ ﺑﺄﻳﺪﻩ .. ﻗﻔﻠﺖ ﺍﻟﺒﺎﺏ ﻭﺭﺟﻌﺖ ﺍﻧﺘﺠﻴﺖ ﻋﻠﻴﻪ ﻳﺎﺭﺑﻲ ﺷﻜﺪ ﺍﺣﺒﻪ ..
ﻗﻠﺒﻲ ﻳﻤﻪ ﺗﻜﻮﻝ ﻓﺮﺍﺷﻪ ﺍﺟﻨﺤﺘﻪ ﺗﻜﻮﻡ ﺗﺮﻑ ﺑﺪﻭﻥ ﺗﻮﻗﻒ .. ﻭﻧﺒﻀﺎﺗﻪ 100 .. 100 .. ﺍﺣﺒﻪ ﺣﻴﻴﻴﻴﻞ ﺍﻣﻮﺕ ﻋﻠﻴﻪ .. ﻫﻬﻬﻪ ﺗﺮﻛﺖ ﺍﻟﺒﺎﺏ ﻭﺩﺧﻠﺖ ﺟﻮﻩ
.
ﺑﻌﺪ 5 ﺍﻳﺎﻡ .. ﻛﻤﻠﻨﺎ ﺍﺟﺮﺍﺀﺍﺕ ﺍﻟﺴﻔﺮ ﺍﻟﺘﺮﻛﻴﺎ ﻭﺣﻈﺮﻧﺎ ﺷﻐﻼﺕ ﺍﻟﻌﺮﺱ ﻓﺴﺘﺎﻥ ﻭﻣﻼﺑﺲ ﻣﺎ ﻛﺜﺮﺕ ﻻﻥ ﺍﺑﺎﻟﻲ ﺍﺗﺴﻮﻕ ﻣﻦ ﺗﺮﻛﻴﺎ ﻣﻮ ﻣﻨﺎ ..
ﺭﺗﺒﻨﺎ ﺍﻟﺸﻘﻪ ﺑﻐﺮﻓﻪ ﺟﺪﻳﺪﻩ ﻭﺍﺛﺎﺙ ﺟﺪﻳﺪ .. ﻭﻓﺮﺵ ﻭﺑﺮﺩﺍﺕ ﺍﻧﻲ ﻭﻳﺎﻩ ﺍﺧﺘﺎﺭﻳﻨﺎ ﻛﻮﻟﺸﻲ ﻭﻫﻮ ﻣﺎ ﻗﻴﺪﻧﻲ ﺍﺑﺪ ﻛﻞ ﺍﻟﻲ ﺍﻛﻮﻟﻪ ﻳﻜﻮﻟﻲ ﺑﻜﻴﻔﺞ ﺍﻟﺘﺤﺒﻲ ﺣﻴﺎﺗﻲ ..
ﺧﻠﺼﻨﺎ ﻭﺣﺠﺰﺕ ﺻﺎﻟﻮﻥ ﻭﻫﻮ ﺍﺷﺘﺮﻯ ﺑﺪﻟﻪ ﺭﺳﻤﻴﻪ ﺳﻮﺩﻩ .. ﻭﻛﻤﻠﻨﺎ ﻛﻮﻟﺸﻲ ﻟﺤﺪ ﻳﻮﻡ ﺍﻟﻌﺮﺱ ..
ﻣﺎﻣﺎ ﻋﺰﻣﺖ ﺧﺎﻻﺗﻲ ﻭﺍﻗﺮﺑﺎﺋﻨﺎ ﻭﺍﻧﻲ ﻋﺰﻣﺖ ﺻﺪﻳﻘﺎﺗﻲ ﻭﺳﻮﻳﻨﺎ ﺣﻔﻠﻪ ﺻﻐﻴﺮﻩ ﺑﺎﻟﺒﻴﺖ .. ﻛﻨﺖ ﺑﺎﻟﺼﺎﻟﻮﻥ ﺍﻧﻲ ﻭﺳﺎﺭﻩ ﻭﻧﺪﻯ ﺑﻨﺎﺕ ﺧﺎﻟﺘﻲ ..
ﺑﺪﻟﺘﻲ ﻛﺎﻧﺖ ﻛﺒﻴﺮﻩ .. ﻭﻣﻨﻔﻮﺷﻪ .. ﻭﺷﻌﺮﻱ ﻣﺎ ﺳﻮﻳﺘﻪ ﺗﺴﺮﻳﺤﻪ ﻓﻨﻴﻪ .. ﺍﻛﺘﻔﻴﺖ ﺑﺎﻟﺒﺮﻡ .. ﻭﺭﻓﻌﻪ ﺧﻔﻴﻔﻪ ﺑﺎﻟﺘﺎﺝ ﻭﺍﻟﺒﺮﻗﻊ .. ﻭﻣﺴﻜﺔ ﺍﻟﻮﺭﺩ ﺑﺄﻳﺪﻱ ..
ﺑﻴﻮﻣﻬﺎ ﺍﺟﺖ ﺳﺮﻯ ﻟﺒﻴﺘﻨﺎ ﻭﺣﻈﻨﺘﻨﻲ ﻭﻃﻠﺒﺖ ﻣﻨﻲ ﺍﻟﺴﻤﺎﺡ ﻭﺍﻋﺘﺬﺭﺕ .. ﺳﺎﻣﺤﺘﻬﺎ ﻭﻛﻤﻠﺖ ﺍﻟﺤﻔﻞ ﻭﻳﺎﻳﻪ .
ﻟﻠﻴﻞ .. ﺍﺟﻪ ﻣﺎﻟﻚ .. ﺧﺎﻟﻮ ﻛﺎﻥ ﻣﻮﺟﻮﺩ ﺑﺎﺑﺎ ﻣﺎ ﻗﺒﻞ ﻫﻮ ﻳﻌﻄﻴﻨﻲ ﻟﻤﺎﻟﻚ .. ﺧﺎﻟﻮ ﺳﻠﻢ ﺍﻳﺪﻱ ﺑﺄﻳﺪ ﻣﺎﻟﻚ ..
ﻗﺒﻞ ﻻ ﺍﻃﻠﻊ ﺣﻈﻨﺖ ﻣﺎﻣﺎ ﻭﺑﺠﻴﺖ ﺣﻴﻞ .. ﻭﻫﻲ ﻛﺎﻣﺖ ﺗﺒﺠﻲ ﺍﻛﺜﺮ ﻣﻨﻲ .. ﻛﺘﻠﻬﺎ ﺳﺎﻣﺤﻴﻨﻲ ﻋﻠﻰ ﻛﻞ ﺧﻄﺄ ﺳﻮﻳﺘﻪ ﻭﻳﺎﺝ ﻭﻭﻳﻪ ﺑﺎﺑﺎ ﺑﺪﻭﻥ ﻗﺼﺪ
ﻛﻞ ﻋﻤﺮﻱ ﻣﺎ ﻛﺎﻧﺖ ﻧﻴﺘﻲ ﺍﺫﻳﻜﻢ ﻭﺍﻟﻠﻪ ﻭﺍﻧﺘﻮ ﺍﻏﻠﻰ ﺍﺛﻨﻴﻦ ﺑﺤﻴﺎﺗﻲ .. ﺑﻮﺳﺘﻬﺎ ﻭﻛﺘﻴﻠﻬﺎ ﺍﻋﺘﺬﺭﻳﻠﻲ ﻣﻦ ﺑﺎﺑﺎ ﺣﺎﻭﻟﺖ ﺍﻋﺘﺬﺭ ﻭﻣﺎ ﻗﺒﻞ .. ﺳﻠﻤﺖ ﻭﻣﺎ ﻭﻗﻔﺖ ﺑﺠﻲ ﻭﻛﺎﻟﺖ ﺍﻟﻠﻪ ﻳﻮﻓﻘﺞ ﺍﺑﻨﻴﺘﻲ ..
ﻋﻤﺘﻲ ﻣﺮﺕ ﻋﺜﻤﺎﻥ ﻛﺎﻟﺖ ﺑﺲ ﻛﻮﻥ ﻳﺴﺘﺎﻫﻞ ﻳﺼﻴﺮ ﺑﺪﻳﻞ ﻟﻤﺨﻠﺪ .. ﻭﺗﺮﺗﺎﺣﻴﻦ ﻭﻳﺎﻩ .. ﺳﻠﻤﺖ ﻋﻠﻴﻬﻢ ﻭﻃﻠﻌﺖ .....
ﻛﺎﻧﺖ ﺍﻛﻮ ﺍﻏﻨﻴﻪ ﺍﺳﻤﻬﺎ ﺛﻮﺏ ﺍﻟﻔﺮﺡ .. ﺍﻟﻠﻲ ﻭﺻﻠﻨﻲ ﻛﺎﻥ ﻣﺨﻠﺪ ﺑﻬﺬﺍ ﺍﻟﻴﻮﻡ ﻣﻌﺘﺰﻝ ﺍﻟﻨﺎﺱ ﺑﻐﺮﻓﺘﻪ ﻭﻗﺎﻓﻠﻬﺎ ﻭﻫﺬﻩ ﺍﻻﻏﻨﻴﻪ ﺗﺸﺘﻐﻞ ﺑﻐﺮﻓﺘﻪ ....
ﺻﻌﺪﺕ ﺑﺴﻴﺎﺭﺓ ﻣﺎﻟﻚ .. ﻭﺗﻮﺟﻬﺖ ﻭﻳﺎﻩ ﻟﺸﻘﺘﻨﺎ .. ﻛﺎﻥ ﻣﺸﻐﻞ ﺍﻏﻨﻴﺔ ﺑﻌﻴﻮﻧﻲ ﺍﺿﻤﻚ ﺑﺎﻟﺴﻴﺎﺭﻩ .. ﺑﺲ ﺍﻟﻤﺸﻜﻠﻪ ﻫﺬﺍ ﺍﻟﻠﻲ ﻗﺘﻠﺖ ﺭﻭﺣﻲ ﻋﻠﻴﻪ .. ﻣﺎ ﻓﺮﺣﺖ ﺑﻬﺬﺍ ﺍﻟﻴﻮﻡ
ﺍﻛﻮ ﻛﺎﻥ ﻭﺟﻊ ﺑﻘﻠﺒﻲ ﻣﺎ ﺍﻋﺮﻑ ﺷﻨﻮ ﻫﻮ .. ﺍﻟﻢ ﻭﻧﻐﺼﻪ ﻣﻮ ﻃﺒﻴﻌﻴﻪ .. ﺍﻛﻮ ﺷﻲ ﻣﺎ ﻣﻄﻤﻨﻪ ﺍﻟﻪ ﺷﻨﻮ ﻫﻮ ﻣﺎ ﺍﻋﺮﻑ ..
ﻛﻨﺖ ﺍﻋﺘﻘﺪ ﺍﻥ ﻫﺬﺍ ﺍﻻﻟﻢ ﺑﺴﺒﺐ ﺧﺮﻭﺟﻲ ﻣﻦ ﺑﻴﺖ ﺍﻫﻠﻲ ﻭﺯﻭﺍﺟﻲ ﺑﺪﻭﻥ ﻣﻮﺍﻓﻘﺔ ﺍﺑﻮﻳﻪ ﻑ ﻣﺘﻀﺎﻳﻘﻪ ﺑﺴﺒﺐ ﻫﻠﺸﻲ ..
ﻟﻜﻦ ﻣﺎ ﻛﻨﺖ ﺍﻋﺮﻑ ﺍﻥ ﻛﻞ ﺍﻧﺴﺎﻥ ﻋﻨﺪﻩ ﺍﻟﺤﺎﺳﻪ ﺍﻟﺴﺎﺩﺳﻪ .. ﻭﻫﻲ ﺍﻟﺸﻌﻮﺭ ﺑﺎﻟﺸﻲ ﻗﺒﻞ ﺣﺪﻭﺛﻪ ﻣﻦ ﺧﻼﻝ ﻧﻐﺼﺔ ﺑﺎﻟﻘﻠﺐ ﻭﻋﺪﻡ ﺍﺭﺗﻴﺎﺡ ﻟﺴﺒﺐ ﺍﻧﺖ ﻣﺘﻌﺮﻑ ﺑﻮﻗﺘﻬﺎ ﻟﻴﺶ ﻣﻤﺮﺗﺎﺡ ..
ﻟﻜﻦ ﺍﻟﻌﻘﻞ ﻫﻮ ﻣﺮﻛﺰ ﺍﻻﺣﺴﺎﺱ ﺑﺎﻟﺠﺴﻢ .. ﻟﻤﺎ ﻳﺤﺲ ﺍﻥ ﻫﻮ ﻓﻲ ﺧﻄﺮ ﻳﺒﻌﺚ ﺍﻳﻌﺎﺯ .. ﻟﻠﻘﻠﺐ ﻋﺒﺮ ﻧﻐﺰﻩ .. ﺣﺘﻰ ﻳﺤﺴﺲ ﺍﻟﻘﻠﺐ ﺑﺎﻟﺨﻄﺮ ﺍﻟﻠﻲ ﺭﺍﺡ ﻧﻮﺍﺟﻬﻪ ..
ﻟﻜﻦ ﺍﻟﻘﻠﺐ ﻭﻟﻐﺒﺎﺀﻩ ﻭﻋﺎﻃﻔﺘﻪ ﻳﺘﺨﻴﻞ ﻫﻠﺸﻲ ﻭﺟﻊ ﻋﺎﺩﻱ ﺍﻭ ﺑﺴﺒﺐ ﺍﺿﻄﺮﺍﺏ ﻧﻔﺴﻲ ﺍﻭ ﻋﺪﻡ ﺍﻟﺮﺍﺣﻪ ﺍﻟﺠﺴﺪﻳﻪ ﻳﺤﺪﺙ ﻫﻜﺬﺍ ﻧﻐﺰﺍﺕ ..
ﺍﺣﻴﺎﻧﺎ ﺍﻻﻧﺴﺎﻥ ﻳﺸﻌﺮ ﺑﺸﻌﻮﺭ ﻏﺮﻳﺐ .. ﻭﻳﻜﻮﻝ ﻗﻠﺒﻲ ﻳﻌﺼﺮﻧﻲ ﺍﻭ ﻳﺸﻌﺮ ﺑﻌﺪﻡ ﺍﺭﺗﻴﺎﺡ .. ﻑ ﻧﻨﺼﺪﻡ ﺑﻌﺪ ﻓﺘﺮﻩ ﻗﻠﻴﻠﻪ ﻣﺎﺕ ..
ﺍﻭ ﺍﻻﻡ ﻟﻤﺎ ﻳﻨﻐﺰﻫﺎ ﻗﻠﺒﻬﺎ ﻭﺗﺼﻴﺢ ﻣﺪﺭﻱ ﺷﺒﻴﻪ ﮔﻠﺒﻲ ﻣﺎ ﺟﺎﻱ ﺍﺭﺗﺎﺡ .. ﻑ ﺑﻌﺪ ﻓﺘﺮﻩ ﻗﻠﻴﻠﻪ ﺗﻌﺮﻑ ﺍﻥ ﺍﺣﺪ ﺍﺑﻨﺎﺀﻫﺎ ﺗﻌﺮﺽ ﻟﺨﻄﺮ
ﻫﺬﺍ ﻣﺎ ﻳﺴﻤﻰ ﺑﺎﻟﺤﺎﺳﻪ ﺍﻟﺴﺎﺩﺳﻪ .. ﺍﻟﻠﻲ ﻛﻨﺖ ﺍﺟﻬﻠﻬﺎ ﺑﻮﻗﺘﻬﺎ ..
ﺩﺧﻠﺖ ﺍﻟﺸﻘﻪ .. ﺍﺧﺬﺕ ﻧﻔﺲ .. ﻭﺑﻘﻴﺖ ﺍﺑﺎﻭﻉ ﻟﺠﺪﺭﺍﻧﻬﺎ ﻭﺍﻻﻟﻢ ﺑﻘﻠﺒﻲ ﻣﺴﺘﻤﺮ .. ﺍﻋﺘﻘﺪﺕ ﺗﻮﺗﺮ ﻣﻦ ﺍﻟﻌﺮﺱ ﻭﻛﺬﺍ ..
ﺍﺑﺎﻭﻉ ﻷﺭﺟﺎﺀ ﺍﻟﺸﻘﻪ ﻛﻨﺖ ﺍﺷﻮﻓﻬﺎ ﺣﻴﻄﺎﻥ ﻓﻘﻂ ﻣﺎ ﺗﻌﺒﺮ ﻋﻦ ﺷﻲ ﺍﺧﺮ .. ﻟﻜﻦ ﺍﻟﻤﺸﻜﻠﻪ ﺍﻟﻤﺠﻬﻮﻝ ﺷﻀﺎﻣﻠﻚ ﺑﻴﻦ ﻫﺬﻩ ﺍﻟﺠﺪﺭﺍﻥ ﺍﻟﻠﻪ ﻭﺣﺪﻩ ﻳﻌﻠﻢ ..
ﺍﻧﻀﺮﺑﺖ ﺍﻟﺒﺎﺏ ﻭﺭﺍﻱ .. ﺍﻟﺘﻔﺘﺖ .. ﻛﺎﻥ ﺻﻮﺕ ﺍﻟﺒﺎﺏ ﻟﻤﺎ ﻣﺎﻟﻚ ﻗﻔﻞ ﺑﺎﺑﺎ ﺍﻟﺸﻘﻪ .. ﻭﻭﺍﮔﻒ ﻳﺒﺘﺴﻤﻠﻲ ﻭﻳﻜﻮﻝ ﻧﻮﺭﺗﻲ ﺑﻴﺘﺞ ..
ﻣﺎ ﺍﻋﺮﻑ ﻟﻴﺶ ﻣﺎ ﻛﻨﺖ ﻣﺮﺗﺎﺣﻪ .. ﺑﺲ ﺍﻟﻠﻲ ﻋﺮﻓﺘﻪ ﻓﻲ ﻣﺎ ﺑﻌﺪ ﺍﻥ ﻟﻬﻨﺎ ﺍﻧﺘﻬﺖ ﺧﻄﻮﺍﺗﻲ ﻧﺤﻮ ﺍﻟﺠﺤﻴﻢ ..
ﻣﻮ ﻷﻥ ﺍﻧﺘﻬﺖ ﻗﺼﺘﻲ ﻻﺍﺍﺍﺍ .. ﻻﻥ ﺍﻧﻲ ﺧﻠﺺ ﺩﺧﻠﺖ ﺍﻟﺠﺤﻴﻢ ...... ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء