رواية خطوات نحو الجحيم ج1 الجزء الرابع
للكاتبة زينب ماجد
🌹
ﻇﻠﻤﻪ ﺭﺩﺕ ﺍﺗﻠﻤﺲ ﺧﺪﻱ .. ﺩﺍ ﺍﺭﻳﺪ ﺍﺷﻮﻑ ﺍﻧﻲ ﺑﻮﺍﻗﻊ ﻟﻮ ﺣﻠﻢ ... ﻣﺎ ﺍﺣﺲ ﺍﻻ ﺍﻳﺪ ﺍﻧﺨﻠﺖ ﻋﻠﻰ ﺣﻠﻜﻲ ﻭﺍﺗﻠﻔﺖ ﺍﻷﻳﺪ ﺍﻟﺜﺎﻧﻴﻪ ﻋﻠﻰ ﺟﺴﻤﻲ .. ﻗﻴﺪﻧﻲ ..
ﺍﺣﺲ ﻋﻴﻮﻧﻲ ﻃﻠﻌﺖ ﻟﻴﺒﺮﻩ .. ﺍﺣﺎﻭﻝ ﺍﺻﺮﺥ ﺍﻭﺧﺮ ﻣﺎﻛﻮ .. ﺍﺣﺴﺎﺱ ﺑﻴﻦ ﺍﻟﺮﻋﺐ ﻭﺍﻟﺨﻮﻑ ﺍﻟﻤﺮﻫﺐ
ﻟﻠﺤﻈﻪ ﺍﻧﺴﺤﺒﺖ ﺑﺨﻔﻪ ﻟﻠﻐﺮﻓﻪ .. ﻭﺍﻧﻀﺮﺑﺖ ﻟﻠﺤﺎﻳﻂ ... ﻛﻮﻟﺸﻲ ﻣﺎ ﺍﺷﻮﻑ ﻏﻴﺮ ﺧﻴﺎﻝ ﺷﻲ ﺿﺨﻢ .. ﻭﺍﺳﻨﺎﻧﻲ ﺗﻀﺮﺏ ﺳﻦ ﺑﺴﻦ ﺗﺤﺖ ﺍﻻﻳﺪ ﺍﻟﻠﻲ ﻣﻘﻴﺪﻩ ﺣﻠﻜﻲ ..
ﻟﻮ ﺍﻧﺬﺑﺢ ﻣﺎ ﻳﻄﻠﻊ ﻣﻨﻲ ﻗﻄﺮﺓ ﺩﻡ .. ﻉ ﺍﻟﺨﻮﻑ ﺍﻟﺒﻴﻪ .. ﺟﺴﻤﻲ ﻣﻦ ﻓﻮﻙ ﻟﺠﻮﻩ ﻳﺮﺟﻒ .. ﻗﻠﺒﻲ ﺩﻛﺎﺗﻪ 10 10/ ..
ﻣﺎﻟﻚ -: ﺗﺘﻮﻗﻌﻴﻦ ﺍﺗﺮﻛﺞ ﺑﻬﺎﻟﺴﻬﻮﻟﻪ .. ﻛﺘﻠﺞ ﻟﺘﺤﺎﻭﻟﻴﻦ ﺗﻠﻌﺒﻴﻦ ﻭﻳﺎﻱ .. ﺍﻛﺒﺮ ﻭﺍﺣﺪ ﻣﺎ ﻳﻜﺪﺭ ﻳﺴﺠﻨﻲ .. ﺍﻓﺘﻬﻤﺘﻴﻴﻲ .....
ﻟﺠﻴﻦ -: ﺍﻧﻲ ﺳﻤﻌﺘﻪ ﻣﺎﻟﻚ ﻟﻮ ﺭﺍﺩ ﻳﻮﻛﻒ ﻛﻠﺒﻲ .. ﺷﻬﻜﺖ ﻣﻦ ﻛﻞ ﮔﻠﺒﻲ ﻭﻣﻦ ﺍﻟﺼﺪﻣﻪ ﻭﺍﻟﺨﻮﻑ ﺍﻧﺴﺤﻨﺖ ﺭﻭﺣﻲ ﻭﺗﺨﺮﺑﻄﺖ .. ﻭﻣﺎ ﺣﺴﻴﺖ ﺑﻌﺪ ﺷﻨﻮ ﺻﺎﺭ
ﻟﺤﻈﺎﺕ ﻟﻮ ﺷﻜﺪ ﻣﺎ ﺍﺷﺮﺡ ﺭﻋﺒﻬﺎ .. ﻣﺴﺘﺤﻴﻞ ﺍﻭﺻﻔﻬﺎ .. ﺍﺻﻌﺐ ﺷﻌﻮﺭ ﻋﻨﺪ ﺍﻻﻧﺴﺎﻥ .. ﻟﻤﺎ ﻳﻔﻘﺪ ﺍﻣﺎﻥ ﺍﻻﻣﺎﻥ ..
ﻟﻤﺎ ﺻﺤﻴﺖ ﻛﺎﻥ ﻃﺎﻟﻊ ﺍﻟﻔﺠﺮ .. ﺍﺧﺬﺕ ﻟﻔﻪ ﺑﻌﻴﻮﻧﻲ ﻋﻠﻰ ﺳﻘﻒ ﺍﻟﻐﺮﻓﻪ ﻟﺤﺘﻰ ﺍﺗﺬﻛﺮ ﺷﻨﻮ ﺻﺎﺭ ﺑﻴﻪ .. ﻭﺍﺳﺘﺮﺩ ﺫﺍﻛﺮﺗﻲ ﻣﻦ ﻧﻮﻣﻲ
ﺍﺗﺬﻛﺮﺕ ﻣﺎﻟﻚ .. ﻓﺰﻳﺖ ﻣﻦ ﻣﻜﺎﻧﻲ ﻓﻮﺭ ﺗﺬﻛﺮﻱ ﻟﻬﺬﺍ ﺍﻻﺳﻢ .. ﺑﺎﻭﻋﺖ ... ﺍﻧﻲ ﻓﻮﻙ ﺍﻟﺴﺮﻳﺮ ..
ﻋﻠﻰ ﺍﻟﺠﺎﻧﺐ ﺍﻟﻠﻲ ﻛﻨﺖ ﻧﺎﻳﻤﻪ ﻋﻠﻴﻪ ﺍﻟﺒﺎﺭﺣﻪ .. ﺑﺎﻟﻀﺒﻂ ..
ﺷﺠﺎﺑﻨﻲ ﻫﻨﺎ ﻛﻨﺖ ﻭﺍﻛﻔﻪ ﻳﻢ ﺍﻟﺒﺎﺏ ..
.. ﺑﺎﻭﻋﺖ ﻛﺘﺎﺏ ﺍﻟﺠﺤﻴﻢ ﺑﺎﻟﻜﺎﻉ .. ﺍﺧﺬﺗﻪ ﮔﻠﺒﺘﻪ ﻳﻤﻨﻪ ﻳﺴﺮﻩ ..
ﺭﺟﻌﺖ ﺍﻧﻈﺮ ﻟﻠﻐﺮﻓﻪ .. ﺷﺠﺎﺑﻨﻲ ﻟﻠﺴﺮﻳﺮ .. ؟
ﺍﺧﺮ ﺷﻲ ﻣﻤﻜﻦ ﺍﺗﺬﻛﺮﻩ ﻫﻮ ﺳﺤﺒﻨﻲ ﻭﻭﻛﻔﻨﻲ ﻳﻢ ﺑﺎﺏ ﺍﻟﻐﺮﻓﻪ .. ﺍﻟﻠﻲ ﻳﺒﻌﺪ ﻋﻦ ﺳﺮﻳﺮﻱ ﺗﻘﺮﻳﺒﺎ ﻣﺘﺮ ﻭﻧﺺ ..
ﺑﺎﻭﻋﺖ ﺍﻟﻐﻄﺎ ﻣﻠﺘﻒ ﻋﻠﻰ ﺭﺟﻠﻴﻪ .. ﻟﻤﺎ ﻣﻨﺰﻟﻪ ﺍﻗﺪﺍﻣﻲ ﻣﻦ ﺍﻟﺴﺮﻳﺮ .. ﺍﻧﻲ ﻛﻨﺖ ﺍﺣﻠﻢ ﻟﻮ ﺷﻨﻮ .. ﺍﻧﻲ ﻣﺘﺄﻛﺪﻩ ﺷﻔﺖ ﻣﺎﻟﻚ ..
ﺑﺲ ﻭﻳﻨﻪ ؟؟
ﻭﺧﺮﺕ ﺍﻟﻐﻄﺎ ﻣﻦ ﺭﺟﻠﻴﻪ ﻭﻛﻤﺖ ﺍﺑﺤﺚ ﻋﻦ ﻣﻮﺑﺎﻳﻠﻲ .. ﻳﺎ ﺍﺍﺍﺍﺍﺍﺍﺍﺍﺍﺍﻟﻠﻠﻪ ﻭﻳﻨﻪ ..
ﺍﺑﺤﺚ ﺑﻐﺮﻓﺘﻲ ﻣﺎﻛﻮ .. ﻭﻛﻔﺖ ﻣﺘﺨﺼﺮﻩ .. ﺍﻧﻮﺏ ﺷﻠﺖ ﺷﻌﺮﻱ ﻛﻠﺒﺘﻪ ﻟﻴﻮﺭﺍ .. ﻭﺑﻘﻴﺖ ﺍﻓﻜﺮ ﻳﺎ ﺍﻟﻠﻪ ﻣﻌﻘﻮﻟﻪ ﻣﺎﻟﻚ ﺍﺟﻪ ﻟﻬﻨﺎ ..
ﺯﻳﻦ ﻭﺍﻟﺒﺎﺭﺣﻪ ﺍﻟﻠﻲ ﺷﻔﺘﻪ ﺍﺧﺬﻭﻩ ﺑﺎﻟﺴﻴﺎﺭﻩ .. ﺍﻧﻲ ﻣﺘﺄﻛﺪﻩ ﻫﻮ .. ﻣﺴﺘﺤﻴﻞ ﻳﻜﺪﺭ ﻳﻄﻠﻊ .. ﻣﺨﻠﺪ ﻗﺒﻞ ﻻ ﺍﻧﺎﻡ ﻛﺎﻝ ﻫﻮ ﺑﺎﻟﺴﺠﻦ ..
ﺭﺟﻌﺖ ﺍﺩﻭﺭ ﻣﻮﺑﺎﻳﻠﻲ ﻛﻠﺒﺖ ﻓﺮﺍﺳﻲ ﻣﺎﻛﻮ ... ﺍﻧﺰﻝ ﺍﺧﺬ ﻣﻮﺑﺎﻳﻞ ﺍﻣﻲ ﻭﺍﺧﺎﺑﺮ ﻣﺨﻠﺪ ﺑﺴﺮﻋﻪ .. ﻧﺰﻟﺖ ﺭﻛﺾ ﻉ ﺍﻟﺪﺭﺝ ﺣﺎﻓﻴﻪ ﺍﻣﻲ .. ﻭﺍﻛﻔﻪ ﺗﺴﻮﻱ ﺭﻳﻮﻙ ﻟﺒﺎﺑﺎ .. ﻭﺑﺎﺑﺎ ﻛﺎﻋﺪ ﻳﺤﺠﻲ ﻭﻳﺎﻫﺎ ..
ﺑﺴﺎﻉ ﺣﺠﻴﺖ ﻣﺎﻣﺎ ﻭﻳﻦ ﻣﻮﺑﺎﻳﻠﺞ .. ﻓﺰﻭ ﺛﻨﻴﻨﻬﻢ ﻭﺑﻘﻮ ﻳﺒﺎﻭﻋﻮﻥ ﻋﻠﻴﻪ ..
ﺍﻻﻡ ... ﺷﺒﻴﺞ ﻣﺎﻣﺎ ﻳﺎ ﺳﺘﺎﺭ ﺧﻴﺮ
.
ﺍﻻﺏ .. ﺑﻴﺞ ﺷﻲ ﺑﺎﺑﺎﺗﻲ .. ﺷﺒﻴﺞ ﻣﻦ ﺍﻟﺼﺒﺎﺣﻴﺎﺕ ﻣﺮﻋﻮﺑﻪ
- ﺍﻧﺘﻮ ﻣﺎ ﺳﻤﻌﺘﻮ ﺻﻮﺕ ﻗﻮﻱ ﻣﺜﻞ ﺍﻻﻧﻔﺠﺎﺭ ﺍﻟﺒﺎﺭﺣﻪ ﻭﺍﻟﺼﻮﺕ ﺍﻟﻠﻲ ﺑﺎﻟﺒﻴﺖ .
ﺍﻻﻡ ... ﻳﺎ ﺍﻧﻔﺠﺎﺭ ﻳﺎ ﺳﺘﺎﺭ .. ﻛﻠﺸﻲ ﻣﺎ ﺳﻤﻌﻨﺎ
- ﺷﻨﻮ ﻳﻌﻨﻲ ﻣﺎ ﺳﻤﻌﺘﻮ ﺍﻟﺒﺎﺭﺣﻪ ﻣﺎﻟﻚ ﺩﺧﻞ ﻟﻠﺒﻴﺖ ﻭﺍﻧﻲ ﺳﻤﻌﺘﻪ .. ﻳﺤﺠﻲ
ﺍﻻﺏ ... ﻳﺎ ﻣﺎﻟﻚ ﻫﺬﺍ
- ﺍﻭﻭﻭﻭﻭﻩ ﺑﺎﺑﺎ ﻣﺎﻟﻚ ﺍﻟﻠﻲ ﺍﺷﺘﻜﻴﺖ ﻋﻠﻴﻪ ﻟﺘﺨﺒﻠﻮﻧﻲ ﺍﻧﻲ ﺍﻟﺒﺎﺭﺣﻪ ﺳﻤﻌﺖ ﺻﻮﺕ ﻣﺮﻋﺐ ﻣﺜﻞ ﺍﻻﻧﻔﺠﺎﺭ ﺑﺎﻟﺒﻴﺖ ﻭﻓﺰﻳﺖ .. ﻭﺑﻌﺪﻫﺎ ﻣﺎﻟﻚ ﺻﻌﺪﻟﻲ ﻟﻠﻐﺮﻓﻪ .. ﻭﺳﻤﻌﺖ ﺻﻮﺗﻪ ﻭﺍﻟﻠﻪ ﺳﻤﻌﺘﻪ
ﺍﻻﺏ ... ﺑﺲ ﺍﻫﺪﺋﻲ ﺑﺎﺏ ﻛﻮﻟﻲ ﻳﺎ ﺍﻟﻠﻪ .. ﻭﺩﺍﺩ ﺍﻧﻄﻴﻬﺎ ﻣﻲ .. ﻫﺴﻪ ﺍﺧﺎﺑﺮ ﻣﺨﻠﺪ ﻭﺍﻓﺘﻬﻢ ﻣﻨﻪ ..
- ﻣﺴﺤﺖ ﻋﻠﻰ ﻭﺟﻬﻲ ﻭﺍﻧﻲ ﺍﺣﺎﻭﻝ ﺍﺷﻴﻞ ﺑﺸﻌﺮﻱ ﻭﺍﺷﻤﺮﻩ .. ﻭﺍﻣﺸﻲ ﻣﻨﺎ ﻭﻣﻨﺎ ... ﺑﺎﺑﺎ ﺍﻓﺘﺢ ﺳﺒﻴﻜﺮ ﺩﺍ ﺍﺳﻤﻊ ﻭﻳﺎﻙ ..
ﻓﺘﺤﻪ .. ﺩﻳﺮﻥ .. ﺭﺩ ﻣﺨﻠﺪ .
ﻣﺨﻠﺪ -: ﺍﻟﻮ ﻫﺎﺍﺍ ﻋﻤﻲ ..
ﺍﻻﺏ -: ﺻﺒﺎﺡ ﺍﻟﺨﻴﺮ ﺍﺑﻨﻲ .
ﻣﺨﻠﺪ -: ﺻﺒﺎﺡ ﺍﻟﻨﻮﺭ
ﻣﺎ ﺗﺤﻤﻠﺖ ﻫﻠﺮﺳﻤﻴﺎﺕ ﻭﺍﻧﻲ ﺩﻣﻲ ﻣﺤﺘﺮﻙ ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺍﻳﺪ ﺑﺎﺑﺎ ﻭﻛﺘﻠﻪ ﻣﻦ ﺭﺧﺼﺘﻚ ... ﺍﻟﻮﻭﻭ ﻣﺨﻠﺪ ..
- ﻫﻼ ﻟﺠﻴﻦ ﺻﺒﺎﺡ ﺍﻟﺨﻴﺮ
- ﺍﻛﻮﻟﻚ ﻫﺬﺍ ﺍﺷﻮﻭﻥ ﻃﻠﻊ
- ﻣﻨﻮ ؟
- ﻳﻌﻨﻲ ﻣﻨﻮ ﻏﻴﺮ ﻣﺎﻟﻚ .. ﺍﻧﺘﻪ ﻣﻮ ﺳﺠﻨﺘﻪ ﺍﻟﺒﺎﺭﺣﻪ ﺷﻠﻮﻥ ﻃﻠﻊ ..
- ﻣﺤﺪ ﻣﻄﻠﻌﻪ ﻭﻣﻮﺟﻮﺩ ﺑﺎﻟﺴﺠﻦ ..
- ﻣﺴﺘﺤﻴﻞ ﺍﻧﻲ ﻣﺘﺄﻛﺪﻩ ﺷﻔﺘﻪ . ﻭﺍﻟﻠﻪ ﺷﻔﺘﻪ ﻭﺳﻤﻌﺘﻪ ﻫﻢ ﻣﻮ ﺑﺲ ﺷﻔﺘﻪ
- ﻟﺠﻴﻦ ﺳﻬﺮﺍﻧﻪ ﺍﻟﺒﺎﺭﺣﻪ .
- ﺍﻱ ﻟﻴﺶ ..
- ﺍﻱ ﻳﺎ ﻋﻴﻨﻲ ﻫﺎﻱ ﻣﻦ ﻭﺭﻩ ﺍﻟﺴﻬﺮ ﻭﺍﻟﺘﻌﺐ ﻭﺍﻟﺘﻔﻜﻴﺮ ﺑﻬﺎﻟﺤﻘﻴﺮ ﺗﺤﻠﻤﺘﻲ ﺑﻲ
- ﻣﻮ ﺣﻠﻢ ﻭﺍﻟﻘﺮﺍﻥ ﻣﻮ ﺣﻠﻢ ﺍﻛﻮﻟﻚ ﻣﺘﺄﻛﺪﻩ ﺳﻤﻌﺘﻪ ﺑﺎﺫﻧﻲ ﻫﺎﻱ ﻣﺨﻠﺪ ﻭﺍﻟﻠﻪ ﺻﺪﻛﻨﻲ
- ﻟﺞ ﺑﺎﺑﺎ ﺷﺘﺤﺠﻴﻦ ﺍﻟﺮﺟﺎﻝ ﻣﺴﺠﻮﻥ ... ﺍﻧﺠﻨﻴﺘﻲ ﺍﻧﺘﻲ ﻭﻟﻪ ﺷﻨﻮ
- ﺍﻩ ﻭﺍﻟﻠﻪ ﺍﻧﺠﻨﻴﺖ .. ﺍﻭﻙ ﻣﺨﻠﺪ ﺑﺎﻱ ..
- ﻟﺞ ﻻﺍ ﻣﻮﻭﻭﻭ ﻗﺼﺪﻱ ﻫﻴﺞ ﻟﺠﻴﻴﻴﻴﻲ ....... ﻗﻄﻌﺖ ﺍﻟﺨﻂ ﺑﻮﺟﻬﺎ ﻭﺍﻧﻄﻴﺘﻪ ﻟﺒﺎﺑﺎ ..
- ﺗﺄﻛﺪﺗﻲ ؟
- ﻻ .. ﻣﺘﺄﻛﺪﻩ ﺍﻟﺸﻔﺘﻪ ﻣﻮ ﺣﻠﻢ ﻭﺍﻟﻠﻪ ﻣﻮ ﺣﻠﻢ ﺻﺪﻛﻮﻧﻲ ﺑﺎﺑﺎ ﻭﺍﻟﻠﻪ ﺷﻔﺘﻪ .. ﺧﻠﻴﺖ ﺍﺩﻳﻪ ﻋﻠﻰ ﻋﻴﻮﻥ ﻭﻛﺮﻓﺼﺖ ﺍﺑﺠﻲ ﻭﺍﻧﺘﺠﻴﺖ ﻉ ﺍﻟﻜﺎﻭﻧﺘﺮ ..
ﺩﻧﻜﺖ ﻣﺎﻣﺎ ﺗﺴﻜﺖ ﺑﻴﻪ .. ﻭﺑﺎﺑﺎ ﺻﺎﺡ ﺳﻤﻲ ﺑﺴﻢ ﺍﻟﻠﻪ ﻳﺎ ﺑﻨﺘﻲ ﺷﺒﻴﺞ ﺗﻌﻮﺫﻱ ﻣﻦ ﺍﺑﻠﻴﺲ ﻭﻛﻮﻣﻲ ﺻﻠﻲ ﻭﺍﺗﺮﻛﺞ ﻣﻦ ﺍﻟﺘﻔﻜﻴﺮ ﺑﻬﺬﺍ ﺍﻟﻮﺳﺦ .
ﺭﻓﻌﺖ ﺭﺍﺳﻲ .. ﻳﻌﻨﻲ ﻟﻼﻥ ﺍﻧﺘﻮ ﻣﻤﺼﺪﻛﻴﻨﻲ .. ﻭﺗﻌﺘﻘﺪﻭﻥ ﺗﻔﻜﻴﺮ ﻣﻮ ﺣﻘﻴﻘﻪ؟ !!!
- ﻣﺎﻣﺎ ﺣﺒﻴﺒﺘﻲ ﺷﻠﻮﻥ ﻳﻔﻮﺕ ﻟﻠﺒﻴﺖ ﺑﺪﻭﻥ ﻣﺎ ﻧﺤﺲ ﻋﻠﻴﻪ .. ﻭﺑﻌﺪﻳﻦ ﺍﻻﻧﻔﺠﺎﺭ ﺍﻟﺴﻤﻌﺘﻲ ﻟﻮ ﺻﺪﻙ ﺟﺎﻥ ﺍﺣﻨﻪ ﻫﻢ ﺳﻤﻌﻨﻪ ﺷﻲ ﺑﺲ ﻛﻮﻟﺸﻲ ﻣﺎ ﺳﻤﻌﻨﻪ
.
ﺑﻘﻴﺖ ﺍﺑﺎﻭﻋﻠﻬﺎ .. ﻭﻛﻤﺖ ﻣﻦ ﻳﻤﻬﺎ ﺑﺪﻭﻥ ﻣﺎ ﺍﺣﺎﺟﻴﻬﺎ .. ﺭﺣﺖ ﻟﺒﺎﺏ ﺍﻟﻜﻠﻴﺪﻭﺭ ﺩﺍ ﺍﺷﻮﻓﻪ ﻣﻜﺴﻮﺭ .. ﺑﺎﻭﻋﺘﻪ ﻛﻮﻟﺸﻲ ﻣﺒﻴﻪ ..
ﺭﺣﺖ ﻟﺒﺎﺏ ﺍﻟﺴﻄﺢ ﻛﺬﻟﻚ .. ﺭﺣﺖ ﻟﺒﺎﺏ ﺑﻠﻜﻮﻧﺔ ﻏﺮﻓﺘﻲ .. ﻏﺮﻓﺔ ﻣﺎﻣﺎ ﻭﺑﺎﺑﺎ ﺍﻟﺒﻴﺒﺎﻥ ﺍﻟﻠﻲ ﺑﺎﻟﺒﻴﺖ ﻛﻠﻬﺎ ﺍﻗﻔﺎﻟﻬﺎ ﻣﻤﻜﺴﻮﺭﺍﺕ ﻭﺳﻠﻴﻤﺎﺕ ..
ﺍﺫﻥ ﺷﻠﻮﻥ ﺩﺧﻞ ﻣﺎﻟﻚ .. ﻭﻣﻨﻴﻦ .. ﻃﻴﺐ ﺍﻟﺼﻮﺕ ﺍﻟﻘﻮﻱ ﺍﻟﺴﻤﻌﺘﻪ ﺷﻨﻮ ؟؟ ﺭﺟﻌﺖ ﺍﻟﻐﺮﻓﺘﻲ ﺍﺑﺎﻭﻉ ﺍﺗﻠﻔﺖ ﺑﻴﻬﺎ ..
ﺯﻳﻦ ﺷﺠﺎﺑﻨﻲ ﺑﻤﻜﺎﻧﻲ ﻣﻨﻮﻣﻨﻲ .. ﻣﻌﻘﻮﻟﻪ ﻣﺎﻟﻚ ﺷﺎﻟﻨﻲ ﻭﺭﺟﻌﻨﻲ ﻟﻔﺮﺍﺷﻲ ﻭﻏﻄﺎﻧﻲ . ﭼﭻ ﭼﭻ ﭼﭻ ﻣﺴﺘﺤﻴﻞ
ﻫﺬﺍ ﻟﻮ ﺻﺪﻙ ﻻﺯﻣﻨﻲ ﻛﺎﻥ ﺍﻗﻞ ﺷﻲ ﻳﺴﻮﻳﻪ ﻳﻌﺘﺪﻱ ﻋﻠﻴﻪ .. ﻧﺎﻗﺺ ﻫﺬﺍ ﺍﻋﺮﻓﻪ .. ﺑﺲ ﻣﻼﺑﺴﻲ ﻫﻴﻪ ﻫﻴﻪ ﻭﻟﻮ ﺻﺎﻳﺮﻟﻲ ﺷﻲ ﻛﺎﻥ ﺣﺴﻴﺖ ..
ﻣﻌﻘﻮﻟﻪ ﻧﻤﺖ ﻟﻤﺎ ﺟﻨﺖ ﺍﻗﺮﻯ ﺍﻟﺮﻭﺍﻳﻪ .. ﻭﻛﻤﺖ ﺍﺗﺨﻴﻞ ﻣﺎﻟﻚ ﺍﺟﻪ ﻣﺜﻞ ﺍﻟﺠﺤﻴﻢ ﺑﺎﻟﺮﻭﺍﻳﻪ .. ؟ !!
ﺑﺲ ﺍﻧﻲ ﻣﺘﺄﻛﺪﻩ ﺳﻤﻌﺘﻪ ﻳﺎ ﺍﻟﻠﻪ ﺷﺪﻳﺼﻴﺮ ﻭﻳﺎﻳﻪ .. ﺩﺍ ﺍﺣﺠﻲ .. ﺩﻙ ﺟﻬﺎﺯﻱ .. ﺑﺎﻭﻋﺘﻪ ﺑﺎﻟﻜﺎﻉ ﺟﻮ ﺍﻟﺠﺮﺑﺎﻳﻪ ﻭﺍﻛﻊ ..
ﻫﺬﺍ ﺍﻟﻤﻮﺑﺎﻳﻞ ﺷﻮﺩﺍﻩ ﺟﻮﻩ ﺍﻟﺴﺮﻳﺮ .. ﺟﺮﻳﺘﻪ ﺧﻠﺼﺖ ﺍﻟﺮﻧﻪ ... ﻣﺨﻠﺪ ... ﺻﺪﻙ ﺍﺗﺬﻛﺮﺕ ﺍﺧﺮ ﻣﻜﺎﻟﻤﻪ ﺍﻟﺒﺎﺭﺣﻪ ﻣﺨﻠﺪ ﺧﺎﺑﺮﻧﻲ ﺑﻠﻴﻞ ﻭﺭﺟﻌﺖ ﺧﻠﻴﺘﻪ ﻋﻠﻰ ﺍﻟﻤﻴﺰ ..
ﻃﻴﺐ ﺍﻟﺒﺎﺭﺣﻪ ﻣﻦ ﺩﻭﺭﺗﻪ ﺑﺎﻟﻈﻠﻤﻪ ﻟﻴﺶ ﻣﺎ ﻟﻜﻴﺘﻪ .. ﻣﻌﻘﻮﻟﻪ ﺟﻨﺖ ﺍﺣﻠﻢ ﺻﺪﻙ .. ﺭﻥ ﺍﻟﺠﻬﺎﺯ ﻣﺮﻩ ﻟﺦ .
ﻫﻢ ﻣﺨﻠﺪ .. ﺭﺩﻳﺖ .. ﺍﻟﻮﻭﻭ
- ﺷﺒﻴﺞ ﻟﺠﻴﻦ ﺷﺼﺎﻳﺮﻟﺞ ﻣﻦ ﺻﺒﺎﺡ ﺍﻟﻠﻪ
- ﻣﺎ ﺍﻋﺮﻑ ﻣﺨﻠﺪ ﺩﺍﻳﺨﻪ ﻓﺪ ﻣﺮﻩ .. ﻣﺘﺄﻛﺪﻩ ﺍﻧﻲ ﺷﻔﺖ ﻣﺎﻟﻚ ﺍﻟﺒﺎﺭﺣﻪ ..
- ﻭﻳﻦ ﺷﻔﺘﻲ ﺑﻐﺮﻓﺘﺞ ..
- ﺍﻱ
- ﻟﺠﻴﻦ ﺛﻘﻲ ﺑﺎﻟﻠﻪ ﺍﻟﻌﻈﻴﻢ ﻣﺎﻟﻚ ﺑﺎﻟﺘﻮﻗﻴﻒ .. ﺧﺎﺑﺮﺕ ﺍﻟﺸﺮﻃﻪ ﻭﺗﺄﻛﺪﺕ ﻣﻨﻬﻢ ﻛﺎﻟﻮﻟﻲ ﺳﻴﺪﻱ ﻣﻮﺟﻮﺩ ﺑﺎﻟﺘﻮﻗﻴﻒ ..
- ﺯﻳﻦ ﻭﺍﻟﻠﻲ ﺷﻔﺘﻪ ..
- ﺗﻌﺐ ﻭﺍﺭﻫﺎﻕ ﻭﺗﻔﻜﻴﺮ .. ﺍﻟﻀﺎﻫﺮ ﻛﻨﺘﻲ ﺗﻔﻜﺮﻳﻦ ﺑﻲ ﻫﻮﺍﻳﻪ .. ﻭﺧﺎﻳﻔﻪ ﻟﻬﺬﺍ ﺣﻠﻤﺘﻲ ﺑﻴﻪ ..
- ﻣﺎ ﺍﻋﺮﻑ ﻭﺍﻟﻠﻪ ﻣﺎ ﺍﻋﺮﻑ ﻣﺨﻠﺪ .. ﺩﺧﺖ ..
- ﺍﺭﺗﺎﺣﻲ ﻭﺍﻟﻴﻮﻡ ﺟﻤﻌﻪ ﻣﺎ ﻋﻨﺪﺝ ﺷﻐﻞ .. ﺍﺳﺘﺮﺧﻲ ﻭﻟﺘﻄﻠﻌﻴﻦ ﻭﺭﻳﺤﻲ ﺍﻋﺼﺎﺑﺞ ..
- ﺍﻭﻙ ﺍﻥ ﺷﺎﺀﺍﻟﻠﻪ ..
- ﻳﻼ ﺍﺧﺬﻱ ﺭﺍﺣﺘﺞ ..
- ﻣﻊ ﺍﻟﺴﻼﻣﻪ ... ﻗﻔﻠﺖ ﺍﻟﺨﻂ .. ﺍﺧﺬﺕ ﻧﻔﺲ .. ﺳﻤﻌﺖ ﻣﺎﻣﺎ ﺗﺼﻴﺢ ﻣﻦ ﺟﻮﻩ ﻟﺠﻴﻦ ﻣﺎﻣﺎ ﻣﺘﻨﺰﻟﻴﻦ ..
ﺻﺤﺖ ﺍﻱ ﺣﺒﻴﺒﺘﻲ ﻧﺰﻟﺖ ﻫﻴﺎﺗﻨﻲ .. ﻛﻤﺖ ﻣﻦ ﻓﺮﺍﺷﻲ ﻧﻔﻀﺘﻪ ﻭﻋﺪﻟﺖ ﺍﻟﻔﺮﺍﺵ ﻭﻃﻠﻌﺖ .. ﻭﻛﻔﺖ ﺍﺑﺎﺏ ﺍﻟﻐﺮﻓﻪ ..
ﻏﻤﻀﺖ ﻭﺍﺳﺘﺮﺟﻌﺖ ﺫﺍﻛﺮﺗﻲ .. ﻭﻛﺄﻥ ﺍﺳﻤﻊ ﺍﻟﺨﻄﻮﺍﺕ ﺍﻟﻠﻲ ﻣﺮﺕ ﻣﻨﻲ .. ﺍﺗﺬﻛﺮﺕ ﻟﻤﺎ ﻗﻴﺪﻧﻲ ﻭﺳﺤﺒﻨﻲ ﻟﻠﻐﺮﻓﻪ
ﺑﻘﻴﺖ ﺍﺳﺘﺬﻛﺮ .. ﺿﺮﺑﺎﺕ ﺍﺳﻨﺎﻧﻲ ﻉ ﺑﻌﺾ ﻭﺍﻟﻌﻄﺮ ﺍﻟﻠﻲ ﺑﺄﻳﺪﻩ .. ﻋﻄﺮ ﺭﺟﺎﻟﻲ ﻣﺨﻠﻮﻁ ﻣﻊ ﺭﻳﺤﺔ ﺟﻜﺎﻳﺮ ﺑﺄﻳﺪﻩ ..
ﻟﻤﺎ ﺍﺗﺬﻛﺮﺕ ﺭﻳﺤﺘﻪ ﻭﻣﻠﻤﺲ ﺍﻳﺪﻩ ﻉ ﺷﻔﺎﻳﻔﻲ ﻗﺸﻌﺮ ﺟﺴﻤﻲ ﻭ ﻓﺘﺤﺖ ﻋﻴﻮﻧﻲ .. ﺩﻣﻮﻋﻲ ﻧﺰﻟﻦ ..
ﻳﺮﺑﻲ ﻛﻞ ﻫﺬﺍ ﺍﻟﻠﻲ ﺍﺗﺬﻛﺮﻩ ﺣﻠﻢ .. ﺣﺘﻰ ﻋﻄﺮﻩ ﺩﺍ ﺍﺗﺬﻛﺮﻩ .. ﺍﺫﺍ ﻫﺬﺍﺣﻠﻢ ﻟﻌﺪ ﺍﻟﺤﻘﻴﻘﻪ ﺷﻠﻮﻥ ﺗﺼﻴﺮ .. ؟ !!!
.
ﻣﺴﺤﺖ ﺩﻣﻮﻋﻲ ﻭﺍﺳﺘﻨﺸﻘﺖ ﻧﻔﺲ .. ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﻣﺸﻄﺖ ﺷﻌﺮﻱ ﻭﻏﺴﻠﺖ ﺍﺳﻨﺎﻧﻲ ﻭﻧﺰﻟﺖ ..
ﻣﺸﻴﺖ ﻻﻣﻲ ﻛﺎﻋﺪﻩ ﺑﺎﻟﻬﻮﻝ ..
ﺍﻻﻡ .... ﻋﺎﺷﺖ ﺍﻳﺪﺝ ﺣﺒﻴﺒﺘﻲ ﻣﻨﻈﻔﻪ ﺍﻟﺒﻴﺖ ﺍﻟﺒﺎﺭﺣﻪ .. ﻧﺰﻟﺖ ﻟﻜﻴﺘﻪ ﻳﻠﻬﺚ ..
- ﺍﺑﺘﺴﻤﺖ ﻭﺭﺣﺖ ﻟﺤﻈﻨﻬﺎ ﺍﺧﺬﺕ ﺍﺩﻳﻬﺎ ﻭﺑﺴﺘﻬﻢ ﻭﺗﻤﺪﺩﺕ ﻋﻠﻰ ﺭﺟﻠﻴﻬﺎ ﻭﺍﻟﻠﻪ ﻣﺎﻣﺎ ﺍﻧﻲ ﻣﻘﺼﺮﻩ ﻭﻳﺎﺝ
ﺍﻟﻤﻔﺮﻭﺽ ﻋﻨﺪﺝ ﺑﻨﻴﻪ ﻭﺗﺮﺗﺎﺣﻴﻦ ﺑﺠﺎﻟﻲ ﻭﺍﻧﻲ ﺍﻟﻠﻲ ﺍﺷﺘﻐﻞ ﺑﻤﻜﺎﻧﺞ ﺑﺲ ﺷﺴﻮﻱ ﺍﺗﻌﺐ ﻭﺍﺟﻲ ﺍﻟﻜﺎﺝ ﻣﺨﻠﺼﻪ ﺍﻟﺸﻐﻞ ﻛﻠﻪ ..
- ﻳﺪﺍﺩﻩ ﻫﻬﻬﻬﻬﻪ ﺗﻔﻜﺮ ﺑﻴﻪ ﺍﻟﺤﻠﻮﻩ .. ﺍﻧﺘﻲ ﺑﺲ ﺍﺭﺗﺎﺣﻲ ﺍﻧﻲ ﺍﺭﺗﺎﺡ ﻭﻗﺎﺑﻞ ﺷﻌﻨﺪﻱ ﻭﺍﺗﻌﺐ ﻳﺎ ﻣﺎﻣﺎ ..
ﺍﺷﻮ ﺍﻟﻨﻬﺎﺭ ﻛﻠﻪ ﻋﻠﻰ ﺍﻟﺘﻠﻔﺰﻳﻮﻥ ﻭﺍﻟﺒﻴﺖ ﻣﺎ ﻳﺘﻮﺻﺦ ﻏﻴﺮ ﻣﻦ ﺗﺮﺍﺏ ﺍﻟﺠﻮ .. ﻻ ﻋﺪﻧﺎ ﺍﻟﻄﻔﻞ ﺍﻟﻠﻲ ﻳﻮﺻﺨﻪ ﻭﻻ ﺍﺑﻨﺎﺀ ﻫﻮﺍﻳﻪ ﻭﻳﻬﻮﺳﻮﻥ ..
ﺍﻣﻞ ﻭﺍﻛﺴﺮ ﺍﻟﻤﻠﻞ ﺍﻛﻮﻡ ﺍﺗﻠﻬﻰ ﺑﺎﻟﻄﺒﺦ . ﻭﺍﺗﻔﻨﻨﻠﻜﻢ ﺑﺎﻟﻄﺒﺦ .. ﺷﺴﻮﻱ ﻭﻳﻦ ﺍﺭﻭﺡ ..
- ﺷﻠﺖ ﺭﺍﺳﻲ ﺍﻟﻬﺎ .. ﻃﻴﺐ ﺷﺮﺍﻳﺞ ﺍﻟﻜﺎﻟﺞ ﺷﻐﻞ
- ﻻ ﻳﺪﺍﺩﻩ ﺷﺸﺘﻐﻞ .. ﺍﺑﻮﺝ ﺧﻄﻴﻪ ﻳﺠﻲ ﺗﻌﺒﺎﻥ ﻳﺮﻳﺪ ﻟﻜﻤﻪ ﻃﻴﺒﻪ ﻓﺮﺍﺵ ﻧﻀﻴﻒ ﻣﻼﺑﺲ ﻣﻌﻄﺮﻩ ..
ﺍﺫﺍ ﺍﺷﺘﻐﻠﺖ ﻣﻨﻮ ﻳﺨﺪﻣﻪ ..
- ﻳﻮﻡ ﻣﺎ ﺗﻤﻠﻴﻦ ﻭﺍﻧﺘﻲ ﺗﺨﺪﻣﻴﻨﻪ ﻻﺑﻮﻳﻪ . ﻣﺘﺤﺴﻴﻦ ﺑﻴﻬﺎ ﺫﻟﻪ ﻫﻮ ﻳﻄﻠﻊ ﻭﻳﺸﻮﻑ ﺍﻟﺪﻧﻴﺎ ﻭﺍﻧﺘﻲ ﻫﻨﺎ .. ﻣﺮﺍﺕ ﺍﺣﺴﺪﺝ ﻋﻠﻰ ﺍﻟﻄﺎﻗﻪ ﺍﻟﻌﻨﺪﺝ ﺍﻟﻠﻲ ﺗﺨﺪﻣﻴﻦ ﺑﻴﻬﺎ ﺑﺎﺑﺎ ..
- ﻻ ﻳﻤﺎﻣﺎ ﻗﺎﺑﻞ ﻫﻮ ﻣﻦ ﻳﻄﻠﻊ ﻭﻳﻦ ﻳﺮﻭﺡ ﻏﻴﺮ ﻫﻢ ﻳﺸﺘﻐﻞ ﺣﺘﻰ ﻳﻌﻴﺸﻨﻪ ﻋﻴﺸﻪ ﺯﻳﻨﻪ ﻭﻣﻴﺨﻠﻴﻨﻪ ﺑﻌﺎﺯﻩ ..
ﺣﻘﻪ ﻋﻠﻴﻪ ﻣﻦ ﻳﺸﺘﻐﻞ ﺑﺮﻩ ﺍﻧﻲ ﺍﺷﺘﻐﻞ ﺍﺑﻴﺘﻪ ﻫﻮ ﻳﺄﻣﻦ ﺭﺍﺣﺘﻲ ﻭﺍﻧﻲ ﺍﻣﻨﻠﻪ ﺭﺍﺣﺘﻪ ﺍﺣﺘﺮﺍﻡ ﻣﺘﺒﺎﺩﻝ .. ﻭﻟﻮ ﺍﺑﻮﺝ ﻟﻮ ﺍﺧﺪﻣﻪ ﺑﻤﺎﻱ ﻋﻴﻮﻧﻲ ﻫﻢ ﻣﺎ ﺍﺟﺎﺯﻱ ..
ﺍﻟﺮﺟﺎﻝ ﺍﻟﻐﻴﺮﻩ ﺟﺎﻥ ﺗﺰﻭﺝ ﻋﻠﻴﻪ ﻣﻦ ﺯﻣﺎﻥ ﻓﻲ ﺳﺒﻴﻞ ﺍﻟﺨﻠﻔﻪ ..
ﻭﺍﻧﻲ ﺑﻨﻔﺴﻲ ﻟﺤﻴﺖ ﻋﻠﻴﻪ ﻳﺘﺰﻭﺝ .. ﻭﻣﺎ ﻗﺒﻞ ﻳﻜﻠﻲ ﺍﻧﻲ ﺍﻗﻬﺮﺝ ﻋﻠﻰ ﻣﻮﺩ ﺧﻠﻔﻪ .. ﻭﻫﺎﻱ ﻳﺎ ﺧﻠﻔﻪ ﺗﺴﺘﺎﻫﻞ ﺍﻗﻬﺮﺝ ﻋﻠﻴﻬﺎ .
ﻋﺪﻧﺎ ﻟﺠﻴﻦ ﻣﺜﻞ ﺍﻟﻮﺭﺩﻩ ﻧﺸﺘﻢ ﺑﻴﻬﺎ ﺗﺴﻮﻩ ﺍﻟﺪﻧﻴﺎ ..
- ﻫﻬﻬﻬﻬﻬﻬﻬﻪ ﻫﻠﻜﺪ ﺗﺤﺒﻮﻥ ﺑﻌﺾ ..
- ﻫﻮ ﺍﻟﻬﻮﻯ ﺍﻻﺷﺘﻤﻪ ﺷﺒﻌﺖ ﺍﻃﻨﺎﻥ ﻛﺘﻞ ﻳﻠﻪ ﺍﺧﺬﺗﻪ
- ﻣﻦ ﺟﺪﻭ
- ﻻ ﻣﻦ ﺧﻮﺍﻟﺞ ﻣﻴﻘﺒﻠﻮﻥ ﺑﻴﻪ .. ﻻﻥ ﺟﺎﻧﻮ ﻳﻌﺮﻓﻮﻥ ﺑﻴﻪ ﻳﺴﻜﺮ ﻭﻳﻤﺸﻲ ﻭﻱ ﺷﻘﺎﻭﺍﺕ ﺑﺎﻟﻤﺤﻠﻪ ..
- ﻭﺑﻌﺪﻳﻦ ﺷﻠﻮﻥ ﻭﺍﻓﻘﻮ
- ﻫﻮ ﺳﻌﻰ ﻭﺍﺧﺬ ﻣﺨﺘﺎﺭ ﺍﻟﻤﻨﻄﻘﻪ ﻭﻧﺎﺱ ﺧﻴﺮﻩ ﻭﻭﻛﻌﻮ ﻋﻠﻰ ﺍﻟﺤﺠﻲ ﺟﺪﺝ .. ﻭﺍﻧﺤﺮﺝ ﻭﻗﺒﻞ ﺑﺎﻟﺰﻭﺍﺝ ﺑﻌﺪ ﻣﺎ ﺷﺎﻓﻮﻧﻲ ﺍﻧﻲ ﺭﺍﻳﺪﺗﻪ ..
- ﺗﺪﺭﻳﻦ ﺷﻜﺪ ﺍﺗﻤﻨﻰ ﺍﻋﻴﺶ ﺣﺎﻟﺔ ﺣﺐ ﻭﺍﻟﻜﻰ ﺍﻟﻴﺤﺒﻨﻲ ﻧﻔﺲ ﺑﺎﺑﺎ ..
- ﻣﻮ ﺍﻻ ﺣﺐ ﻳﺎ ﺑﻨﺘﻲ .. ﻣﻮ ﻛﻞ ﺣﺐ ﻳﻨﺠﺢ .. ﻣﺮﺍﺕ ﺍﻟﺤﺐ ﻳﺘﺤﻮﻝ ﺟﺤﻴﻢ .. ﺑﻌﺪ ﺍﻟﺰﻭﺍﺝ
- ﻟﻴﺶ
- ﻟﻤﺎ ﻃﺮﻑ ﻳﺨﻔﻲ ﺣﻘﻴﻘﺘﻪ ﻭﻳﻀﻬﺮ ﻓﻘﻂ ﺍﻟﺠﻮﺍﻧﺐ ﺍﻟﺠﻤﻴﻠﻪ ﻣﻦ ﺷﺨﺼﻴﺘﻪ ﺑﻌﺪ ﺍﻻﺯﻭﺍﺝ ﻳﻨﺼﺪﻡ ﺑﺎﻟﻄﺮﻑ ﺍﻻﺧﺮ ﺑﺸﺨﺼﻴﺔ ﺍﻟﺸﺨﺺ ﺍﻟﻠﻲ ﺣﺒﻪ
.
ﺍﻭ ﺍﺣﻴﺎﻧﺎ ﺍﻟﺤﺐ ﻳﺴﺒﺐ ﻋﻤﻰ .. ﻓﻴﻜﻮﻥ ﺍﻟﻮﺍﺣﺪ ﺍﻋﻤﻰ ﻋﻦ ﺻﻔﺎﺕ ﺍﻟﺴﻴﺌﻪ ﺑﺎﻟﺸﺨﺺ ﺍﻟﻠﻲ ﻳﺤﺒﻪ ﻭﻫﺬﺍ ﺍﻗﺴﻰ ﺷﻲ ﻣﻤﻜﻦ ﻳﺘﻌﺮﺿﻠﻪ ﺍﻻﻧﺴﺎﻥ .. ﻳﺒﻘﻰ ﻳﻌﻴﺶ ﺣﻴﺎﺗﻪ ﺑﻠﻮﻡ
....... ﺑﻌﺪﻳﻦ ﻧﻔﻀﺘﻨﻲ ﻣﻨﻬﺎ ﻭﻛﺎﻟﺖ ﻛﻮﻣﻲ ﺍﻛﻠﻴﻠﺞ ﻟﻜﻤﻪ ﺣﺒﻴﺒﺘﻲ ﻟﺘﺒﻘﻴﻦ ﻫﻴﺞ ..
ﻛﻤﺖ ﻣﻨﻬﺎ ﻭﺭﺣﺖ ﻟﻠﻤﻄﺒﺦ ﻃﻠﻌﺖ ﺟﺒﻦ ﻧﺎﺷﻒ ﻗﻄﻌﺖ ﻣﻨﻪ ﺷﺮﺍﺋﺢ ﺧﻠﻴﺖ ﺑﺼﻤﻮﻧﻪ ﻭﻗﻄﻌﺖ ﻧﺺ ﺧﻴﺎﺭﻩ ﻫﻢ ..
ﻭﻭﻛﻔﺖ ﺍﻛﻞ ..
- ﻻ ﺗﺎﻛﻠﻴﻦ ﻭﺍﻧﺘﻲ ﻭﺍﻛﻔﻪ ﺑﻨﻴﺘﻲ ﺣﺮﺍﻡ .. ﺍﻛﻌﺪﻱ
- ﺟﺮﻳﺖ ﺍﻟﻜﺮﺳﻲ ﻭﻛﻌﺪﺕ .. ﺷﻔﺘﻬﺎ ﺍﺧﺬﺕ ﺍﻟﺨﻴﺎﺭﻩ ﻭﻗﻄﻌﺘﻬﺎ ﺷﺮﺍﺋﺢ ﺭﻗﻴﻘﻪ ..
ﻫﺎﻱ ﺷﺪﺳﻮﻳﻴﻦ؟
- ﺍﺭﻳﺪ ﺍﺑﻠﻞ ﻭﺟﻬﻲ ﺑﻤﻲ ﻭﺭﺩ ﻭﺍﺧﻠﻲ ﺍﻟﺨﻴﺎﺭ ﻋﻠﻰ ﻋﻴﻮﻧﻲ ﺍﺣﺲ ﺑﺸﺮﺗﻲ ﺗﻌﺒﺎﻧﻪ .. ﻭﺳﻮﺍﺩ ﺟﻮﻩ ﻋﻴﻮﻧﻲ ﺻﺎﻳﺮ ﻗﻮﻱ
- ﺍﻳﻴﻴﻴﻴﻴﻮﻥ ﻫﻬﻬﻬﻬﻪ ﻭﺧﺮﺕ ﺍﻟﻠﻔﻪ ﺧﻠﻴﺘﻬﺎ ﻋﻠﻰ ﺍﻟﻤﻴﺰ .. ﻭﻛﺘﻠﻬﺎ ﻣﺎﻣﺎ ﺍﻧﻲ ﻫﻢ ﺍﺳﻮﻱ ..
ﻛﺎﻟﺖ ﻛﻌﺪﻱ .. ﺟﺎﺑﺖ ﻗﻄﻦ .. ﻭﻣﻲ ﻭﺭﺩ .. ﺑﻠﺖ ﻭﻣﺴﺤﺖ ﻭﺟﻬﻲ ﺑﺨﻔﻪ ﻭﺭﺟﻌﺖ ﺭﺍﺳﻲ ﻟﻮﺭﻩ ﻭﺧﻠﺖ ﺧﻴﺎﺭ ﻋﻠﻰ ﻛﻞ ﻭﺟﻬﻲ ..
ﺗﺤﻨﻄﺖ ﻫﻬﻬﻬﻬﻊ .. ﻃﻴﺐ ﻳﺎ ﻣﺎﻣﺎ ﺷﻐﻠﻴﻨﻪ ﺷﻲ ﻋﻠﻰ ﺍﻻﻗﻞ ﻧﻨﻄﺮﺏ ﻭ ﻧﺴﻤﻊ ﻣﻮ ﺑﺲ ﻣﺘﺤﻨﻄﻴﻦ ..
ﺍﻱ ﺍﻱ ﻣﺎﺷﻲ .. ﺷﻐﻠﺖ ﻣﻮﺑﺎﻳﻠﻬﺎ ﻭﺭﺑﻄﺘﻪ ﺑﺄﻡ ﺑﻲ ﺛﺮﻱ .. ﺻﻐﻴﺮ ﻣﺜﻞ ﺍﻟﺼﻨﺪﻭﻕ ﻣﺨﻠﻴﻪ ﻳﻢ ﺍﻷﻭﻓﻦ ..
ﺷﻐﻠﺖ ﻳﻢ ﺩﺍﺭﻛﻢ .. ﻭﻛﺎﻣﺖ ﺗﻐﻨﻲ ﻭﻳﺎﻫﺎ ﺑﺼﻮﺕ ﻣﺴﻤﻮﻉ .. ﻭﺳﺪﺕ ﺑﺎﺏ ﺍﻟﻤﻄﺒﺦ ﺣﺘﻰ ﻻ ﻳﻄﻠﻊ ﺻﻮﺗﻨﺎ ﻟﻴﺒﺮﻩ ..
ﻭﺗﻨﺸﺪ ﺑﺼﻮﺗﻬﺎ .. ﻭﺍﻟﺘﻤﺖ ﺑﺮﻭﺣﻲ ﺍﻟﻤﺤﻨﻪ ﻭﺍﺷﺘﻬﻴﺖ ﺍﺧﺒﺎﺭﻛﻢ ... ﻭﺍﻧﻲ ﺍﺻﻴﺢ ﺍﻟﻠﻪ ﺍﻟﻠﻪ ..
ﺑﻘﺖ ﺗﻘﺮﻗﻞ ﻳﻤﻲ ﻭﺩﻧﺪﻥ ﻭﻱ ﺍﻻﻏﻨﻴﻪ ﻭﺍﻧﻲ ﻣﺮﺟﻌﻪ ﺭﺍﺳﻲ ﻭﺍﻟﺨﻴﺎﺭ ﺑﻮﺟﻬﻲ .... ﻳﻮﻡ ﺷﻜﺪ ﺍﺑﻘﻲ ﻋﻠﻰ ﻭﺟﻬﻲ
- ﻓﺪ ﺛﻠﺚ ﺳﺎﻋﻪ
- ﺑﻘﻴﺖ ﻧﺎﻳﻤﻪ ﺑﻤﻜﺎﻧﻲ ﻭﺍﺗﻨﻔﺲ ﺑﺄﺭﻳﺤﻴﻪ ﺣﺘﻰ ﺗﺮﺗﺎﺡ ﺑﺸﺮﺗﻲ .. ﻣﺎ ﺍﻋﺮﻑ ﻭﺍﻧﻲ ﻋﻠﻰ ﻛﻌﺪﺗﻲ ﻏﻔﻴﺖ ..
ﺍﺣﺪﺍﺙ ﻗﺼﺔ ﺍﻟﺠﺤﻴﻢ ﺑﺬﻫﻨﻲ ﺻﺮﺕ ﺍﺗﺤﻠﻢ ﺑﻴﻬﺎ ﻣﺜﻞ ﺍﻟﻄﻴﻒ ﺍﺗﺨﻴﻞ ﺍﺣﺪﺍﺙ ﺍﻟﺮﻭﺍﻳﻪ .. ﻟﻠﺤﻈﻪ ﺗﺨﻴﻠﺖ ﻭﺟﻪ ﻣﺎﻟﻚ ﺑﺎﻟﺠﺤﻴﻢ ..
ﺍﻧﺘﻔﻀﺖ ﻣﻦ ﻣﻜﺎﻧﻲ ﺑﺴﺮﻋﻪ ﻭﻓﺰﻳﺖ .. ﻭﻛﻊ ﺍﻟﺨﻴﺎﺭ ﻣﻦ ﻭﺟﻬﻲ ﻋﻠﻰ ﺣﻈﻨﻲ ﻭﺑﺎﻟﻜﺎﻉ .. ﺑﻘﻴﺖ ﺍﺗﻠﻔﺖ ﻳﻤﻨﻰ ﻭﻳﺴﺮﻯ ..
ﻣﺎﻣﺎ ﻋﻠﻰ ﺍﻟﻜﺮﺳﻲ ﺍﻟﺜﺎﻧﻲ ﻣﺨﻠﻴﻪ ﺧﻴﺎﺭ ﻭﻣﺮﺟﻌﻪ ﺭﺍﺳﻬﺎ .. ﻭﺩﻧﺪﻥ .. ﺧﻠﻴﺖ ﺍﻳﺪﻱ ﻋﻠﻰ ﻗﻠﺒﻲ ﻳﺪﻙ ﺑﺴﺮﻋﻪ .. ﺳﻼﻡ ﻗﻮﻻ ﻣﻦ ﺭﺏ ﺭﺣﻴﻢ ..
ﻫﺎﻱ ﻟﻴﺶ ﻫﻴﺞ ﺍﺗﺨﻴﻞ ﻣﺎﻟﻚ ﺑﺎﻟﺠﺤﻴﻢ ... ﻭﻟﻴﺶ ﻫﻮ ﺍﺑﺎﻟﻲ ﻭﺍﺗﺤﻠﻢ ﺑﻴﻪ ﻛﻠﻤﺎ ﻏﻔﻴﺖ .. ﻳﻌﻨﻲ ﺍﻟﺒﺎﺭﺣﻪ ﺍﻟﺸﻔﺘﻪ ﺍﻛﻴﺪ ﻛﺎﻥ ﺣﻠﻢ ..
ﻳﺎ ﺍﻟﻠﻪ ﻟﻴﺶ ﺍﺗﺤﻠﻢ ﺑﻴﻪ .. ﺍﺣﺴﻪ ﻛﺎﺑﻮﺱ ﻳﻤﻠﻲ ﻋﻴﻮﻧﻲ ﻛﻠﻤﺎ ﻏﻔﻴﺖ .. ﻣﺮﺍﺡ ﺍﺧﻠﺺ ﻣﻨﻪ .. ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ ﻳﻮﺟﻌﻨﻲ ﺣﻴﻞ ..
ﺳﺤﺒﺖ ﺷﺮﺍﺋﺢ ﺍﻟﺨﻴﺎﺭ ﺍﻟﺒﻘﻴﻪ ﺍﻟﻼﻃﺸﻪ ﻭﺗﻮﺟﻬﺖ ﻟﻠﺤﻤﺎﻡ .. ﻏﺴﻠﺖ ﻭﺟﻬﻲ .. ﺻﺎﺣﺖ ﺍﻣﻲ ﺑﻤﻲ ﻭﺭﺩ ﻏﺴﻠﻲ ﻣﻮ ﻋﺎﺩﻱ ﻟﺠﻴﻴﻴﻦ ..
ﻣﻬﺘﻤﻴﺖ .. ﺑﻘﻴﺖ ﺍﻏﺴﻞ ﻣﻦ ﺍﻟﺤﻨﻔﻴﻪ .. ﺭﻓﻌﺖ ﺭﺍﺳﻲ ﻟﻠﻤﺮﺍﻳﺎ .. ﻭﺍﻧﻲ ﺍﺭﻓﻊ ﺷﻌﺮﻱ .. ﻳﺮﺑﻲ ﺷﺪﻳﺼﻴﺮ ﺑﻴﻪ ..
.
ﺑﻘﻴﺖ ﺍﺭﻛﺰ ﺑﻮﺟﻬﻲ .. ﻋﻴﻮﻧﻲ ﺫﺍﺑﻼﺕ .. ﺑﻘﻴﺖ ﺍﻓﺮﻙ ﺑﻴﻬﻦ .. ﺳﺤﺒﺖ ﺍﻟﺨﺎﻭﻟﻲ .. ﻧﺸﻔﺖ ﻭﻃﻠﻌﺖ .. ﻣﺎﻣﺎ ﺑﻌﺪﻫﺎ ﺑﻤﻜﺎﻧﻬﺎ ..
ﺣﺠﻴﺖ .. ﻣﺎﻣﺎ ﺍﻧﻲ ﺡ ﺍﺻﻌﺪ ﻟﻐﺮﻓﺘﻲ ﺍﺭﺗﺎﺡ ﺷﻮﻱ ..
- ﻣﺎ ﺍﺗﺮﻳﻜﺘﻲ ﻟﺠﻴﻦ ﺍﻟﻠﻔﻪ ﻣﺎﻟﺘﺞ ﻋﻠﻰ ﺍﻟﻤﻴﺰ ..
- ﺍﻛﻠﺖ ﻟﻜﻤﺘﻴﻦ ﻣﺎ ﺍﺷﺘﻬﻲ ﺍﻛﺜﺮ .. ﻋﻔﺘﻬﺎ ﻭﺻﻌﺪﺕ .. ﺍﺧﺬﺕ ﻣﻮﺑﺎﻳﻠﻲ .. ﻭﺧﺎﺑﺮﺕ ﻋﻠﻰ ﺳﺮﻯ .. ﺩﻙ
- ﺍﻟﻮﻭﻭﻭ
- ﺍﻟﻮ ﻫﻼ ﺳﺮﻯ
- ﻫﻼ ﺣﺒﻴﺒﺘﻲ ﻟﺠﻴﻦ ..
- ﺑﺎﻟﺒﻴﺖ ﺍﻧﺘﻲ
- ﺑﻠﻲ ﺑﺎﻟﺒﻴﺖ ﻟﻴﺶ؟
- ﺍﻭﻙ ﺡ ﺍﺟﻴﺞ ..
- ﺍﻟﺘﻘﻴﺞ ﺑﺎﻟﻤﻄﻌﻢ ﻋﺎﺩﻱ .. ﺑﺎﻟﺒﻴﺖ ﺻﺎﻳﺮﻳﻦ ﻫﻮﺳﻪ ﺗﻌﺮﻓﻴﻦ ﺍﺧﻮﻳﻪ ﺟﺎﻱ ﻣﻦ ﺍﻟﺴﻔﺮ ﻭﺧﻮﺍﺗﻲ ﻣﻠﺘﻤﺎﺕ ..
- ﺍﻭﻙ .. ﺍﺍﺍ ﺯﻳﻦ ﻟﺤﻈﻪ .. ﺗﻌﺎﻟﻲ ﺍﻧﺘﻲ ﻟﺒﻴﺘﻨﺎ ..
- ﻻ ﻣﺎ ﺍﻛﺪﺭ ﻭﺍﻟﻠﻪ ﻟﻮﻟﻪ ..
- ﺍﻭﻙ ﺣﺒﻲ .. ﻗﻔﻠﺖ ﺍﻟﺨﻂ ﻣﻨﻬﺎ .. ﻟﺒﺴﺖ ﺑﻨﻄﺮﻭﻥ ﺛﻠﺠﻲ ﻭﺗﻴﺸﻴﺮﺕ ﺍﺳﻮﺩ ﻧﺺ ﺭﺩﻥ .. ﻭﻟﻤﻴﺖ ﺷﻌﺮﻱ ﻟﻔﻮﻙ ..
ﻭﺍﺧﺬﺕ ﺍﻟﻤﻮﺑﺎﻳﻞ ﻭﺍﻟﺠﻨﻄﻪ ﻭﻃﻠﻌﺖ ﺑﺎﻟﺴﻴﺎﺭﻩ ﻟﻠﻤﻄﻌﻢ .. ﺍﻟﺸﺎﺭﻉ ﺍﺯﺩﺣﺎﻡ ﻭﻭﻗﺖ ﺻﻼﺓ ﺍﻟﺠﻤﻌﻪ ..
ﻛﻮﻩ ﻃﻠﻌﺖ ﻭﻭﺻﻠﺖ ﻟﻠﻤﻄﻌﻢ .. ﺩﺧﻠﺖ ﺑﺤﺜﺖ ﻋﻦ ﺳﺮﻯ ﻟﻜﻴﺘﻬﺎ ﻛﺎﻋﺪﻩ ﺑﺰﺍﻭﻳﺔ ﺍﻟﻴﻤﻴﻦ .. ﺭﺣﺖ ﻳﻤﻬﺎ
ﺗﺒﺎﻭﺳﻨﻪ ﻭﻛﻌﺪﻧﻪ .. ﺷﻠﻮﻧﺞ
- ﻭﻟﻠﻪ ﺯﻳﻨﻪ ﺍﻧﺘﻲ ﺷﺨﺒﺎﺭﺝ ..
- ﺷﺨﺒﺎﺭﻱ ﻳﻤﻌﻮﺩﻩ .. ﻣﺒﺘﻠﻴﻪ ﺑﻬﺎﻟﺠﺤﻴﻢ ﺍﻟﻠﻲ ﻧﺰﻝ ﻋﻠﻰ ﺭﺍﺳﻲ ﺑﻠﻮﻩ ..
- ﻗﺼﺪﺝ ﻣﺎﻟﻚ ..
- ﺍﻱ ﺍﻟﻐﻀﺐ ﻣﺎﻟﻚ ..
- ﻣﻮ ﻛﻠﺘﻲ ﺍﻧﺴﺠﻦ ..
- ﻫﻮ ﺍﻧﺴﺠﻦ .. ﻭﻣﺨﻠﺪ ﻳﻜﻮﻟﻲ ﺑﺎﻟﺴﺠﻦ .. ﺑﺲ ...... ﺍﺧﺬﺕ ﻧﻔﺲ ﻋﻤﻴﻖ .. ﻓﺮﻛﺖ ﻭﺟﻬﻲ
- ﺑﺲ ﺷﻨﻮ ؟
- ﺳﺮﻯ ﺩﺍ ﺍﺷﻮﻓﻪ ﻭﻛﺄﻧﻪ ﺣﻘﻴﻘﻪ ..
- ﺷﻠﻮﻥ ﻳﻌﻨﻲ
- ﻣﺎ ﺍﻋﺮﻑ ﺷﻠﻮﻥ ﺍﻭﺻﻔﻠﺞ .. ﺍﻟﺒﺎﺭﺣﻪ ﻛﻨﺖ ﺍﻗﺮﻩ ﺭﻭﺍﻳﻪ ﻭﻃﻔﺖ ﺍﻟﻜﺮﺑﺎﺀ ﻭﺳﻤﻌﺖ ﺻﻮﺕ ﺑﺎﻟﺒﻴﺖ .. ﺍﻧﻲ ﺍﺗﺬﻛﺮ ﻫﺎﻷﻣﺮ ﻛﻠﺶ ﺯﻳﻦ ..
ﻭﺷﺨﺺ ﺿﺨﻢ ﻣﺴﻜﻨﻲ ﺣﻴﻞ ﻭﺻﻢ ﺣﻠﻜﻲ .. ﻭﺣﺠﻪ ﻭﺳﻤﻌﺘﻪ ﻭﺍﻟﻠﻪ ﻣﺎﻟﻚ ﺑﻨﻔﺴﻪ .. ﻣﺎ ﺍﺗﺬﻛﺮ ﺑﻌﺪﻫﺎ ﺷﺼﺎﺭ ..
ﺍﺗﻔﺎﺟﺊ ﺍﻛﻌﺪ ﺍﻟﺼﺒﺢ ﺍﻟﻜﻰ ﻧﻔﺴﻲ ﺑﻤﻜﺎﻧﻲ ﻋﻠﻰ ﺍﻟﺴﺮﻳﺮ ﻭ ﻭﻧﺎﻳﻤﻪ ﻭﻛﻠﺸﻲ ﻃﺒﻴﻌﻲ ﻭﻻ ﻛﺄﻥ ﺍﺣﺪ ﺩﺧﻞ .. ﻭﻛﺄﻥ ﺍﻟﺼﺎﺭ ﺣﻠﻢ ..
ﺑﺲ ﻣﺎ ﺍﻋﺮﻑ .. ﺍﻧﻲ ﻣﺘﺎﻛﺪﻩ ﺳﻤﻌﺘﻪ ﻭﺍﺗﺬﻛﺮ ﺍﻟﺼﺎﺭ ﻣﻮ ﻣﻌﻘﻮﻟﻪ ﺍﺣﻼﻡ ..
- ﺯﻳﻦ ﻫﺴﻪ ﻣﺎﻟﻚ ﻭﻳﻦ ؟
- ﺍﺧﺬﺕ ﻧﻔﺲ ﻋﻤﻴﻖ ﻭﺿﺮﺑﺖ ﻋﻠﻰ ﺍﻟﻄﺒﻠﻪ ﺧﻔﻴﻒ .... ﺑﺎﻟﺴﺠﻦ
- ﻃﻴﺐ ﺍﺫﺍ ﺑﺎﻟﺴﺠﻦ ﺷﻠﻮﻥ ﻣﺘﺄﻛﺪﻩ ﻣﻦ ﺍﻟﻠﻲ ﺷﻔﺘﻲ ﺣﻘﻴﻘﻪ .
- ﻭﻫﺬﺍ ﺍﻟﻠﻲ ﻣﺪﻭﺧﻨﻲ ﺳﺮﻯ .. ﺭﺟﻌﺖ ﻓﺮﻛﺖ ﻭﺟﻬﻲ ﺑﺜﻨﻴﻦ ﺍﺩﻳﻪ ﺑﺘﻌﺐ ..
ﺳﺮﻯ -: ﻟﺘﻬﺘﻤﻴﻦ ﻳﺮﻭﺣﻲ ﺍﻧﺘﻲ ﺗﻌﺒﺎﻧﻪ ﺍﻛﺜﺮ ﻣﻦ ﺍﻟﻼﺯﻡ .. ﻭﺻﺎﻳﺮ ﻋﻨﺪﺝ ﺿﻐﻂ ﻧﻔﺴﻲ ﻣﺴﺒﺒﺘﻠﺞ ﻛﻮﺍﺑﻴﺲ ﻣﺨﻴﻔﻪ ﻭﺗﻮﻫﻤﺞ ﺍﻥ ﻫﻲ ﺣﻘﻴﻘﻪ ..
.
ﺑﺲ ﻫﺬﺍ ﻛﻠﻪ ﻣﻦ ﺗﺨﻴﻼﺕ ﺍﻟﻌﻘﻞ ﺍﻟﺒﺎﻃﻦ ﻻ ﺍﻛﺜﺮ ﺑﺴﺒﺐ ﺍﻟﺘﻔﻜﻴﺮ ﺍﻟﻤﺴﺘﻤﺮ ﻭﺍﻻﺟﻬﺎﺩ ..
ﺍﺟﻪ ﺍﻟﻨﺎﺩﻝ ﻗﺪﻡ ﻋﺼﻴﺮ ﺛﻨﻴﻦ ﻛﻮﻛﺘﻴﻞ .. ﻗﺮﺑﺖ ﻋﺼﻴﺮﻱ .. ﻭﺭﺟﻌﺖ ﺍﺑﺎﻭﻉ ﻟﺴﺮﻯ ..
ﻟﺠﻴﻦ -: ﻭﺑﻌﺪﻳﻦ ﺳﺮﻯ ﺗﻌﺒﺖ ﻭﺍﻟﻠﻪ
- ﺍﺭﺗﺎﺣﻲ ..
ﺗﺤﺠﻲ ﻭﺗﺸﺮﺏ ﻭﺗﺒﺎﻭﻋﻠﻲ ﻣﻦ ﺍﻃﺮﺍﻑ ﻋﻴﻮﻧﻬﺎ ..
- ﻟﻴﺶ ﺍﻧﻲ ﺷﻨﻮ ﻣﺴﻮﻳﺘﻪ .. ﺍﻧﻲ ﻣﺮﺗﺎﺣﻪ ﺑﺤﻴﺎﺗﻲ ﺑﺲ ﻫﻞ ﻛﻠﺐ ﺩﺧﻞ ﻭﮔﻠﺐ ﺣﻴﺎﺗﻲ ﻓﻮﻙ ﺟﻮﻩ ﺍﻟﻠﻪ ﻻ ﻳﻨﻄﻲ ﻣﻨﻴﻦ ﻃﻠﻌﻠﻲ ..
- ﺍﺧﺬﻳﻠﺞ ﺍﺟﺎﺯﻩ ﻭﺍﺑﺘﻌﺪﻱ ﻣﻨﺎ ﺭﻭﺣﻲ ﺳﺎﻓﺮﻱ ﺗﻮﻧﺴﻲ ﻏﻴﺮﻱ ﺟﻮ .. ﻣﻄﺎﻳﺮ ﺍﻟﺸﻐﻞ .. ﺍﻃﻠﺒﻲ ﺍﺟﺎﺯﻩ ﻣﻦ ﻣﺤﻤﺪ ﻣﻴﻜﻮﻝ ﻻ .. ﻭ ﻣﺆﻳﺪ ﻫﻢ ﺧﻮﺵ ﻭﻟﺪ ..
- ﻻ ﺧﻄﻴﻪ ﻣﺤﻤﺪ .. ﻛﺎﻟﻲ ﺍﻟﺒﺎﺭﺣﻪ ﺍﺫﺍ ﺗﺮﺩﻳﻦ ﺍﺭﺗﺎﺣﻲ .. ﻭﺣﺘﻰ ﻣﺆﻳﺪ ﻣﺎ ﻋﻨﺪﻩ ﺍﺷﻜﺎﻝ .. ﺑﺲ ﻣﺎ ﺍﻋﺮﻑ .. ﺩﺍﻳﺨﻪ ﻣﻮ ﺑﻨﻔﺴﻲ ﺍﺳﺎﻓﺮ ﺍﺑﺪ ..
- ﻭﺍﻟﺤﻞ ..
- ﻓﺘﺤﺘﻠﻬﺎ ﺍﺩﻳﻬﺎ ﻭﻣﻠﺖ ﺭﺍﺳﻲ ﻭﺳﻮﻳﺖ ﺣﺮﻛﻪ ﺑﺤﻠﻜﻲ .. ﻣﺎ ﺍﻋﺮﻑ ..
- ﺷﻨﻮ ﺑﺮﻧﺎﻣﺠﺞ ﺍﻟﻴﻮﻡ .
- ﺟﻤﻌﻪ ﺍﻟﻴﻮﻡ ﻣﺎ ﻋﻨﺪﻱ ﺷﻲ .. ﺑﺲ ﻣﺤﻤﺪ ﻋﺎﺯﻣﻨﻲ ﻋﻠﻰ ﺣﻔﻠﺔ ﺍﻓﺘﺘﺎﺡ ﺍﻟﻘﻨﺎﺓ .. ﺍﻧﺘﻲ ﻣﻮﺟﻮﺩﻩ ﺑﻴﻬﺎ ﻣﻮ
- ﺍﻱ ﻣﻮﺟﻮﺩﻩ ﻣﻦ ﺿﻤﻦ ﺍﻟﻜﺎﺩﺭ ﺍﻥ ﺷﺎﺀﺍﻟﻠﻪ .. ﻳﻌﻨﻲ ﺡ ﺗﺠﻴﻦ ﻋﻠﻰ ﺍﻟﺤﻔﻞ ..
- ﻭﺍﻟﻠﻪ ﻫﻮ ﺍﻧﻲ ﺗﻌﺒﺎﻧﻪ ﻧﻔﺴﻴﻪ .. ﺑﺲ ﺍﻋﺘﻘﺪ ﺍﺣﻈﺮ ..
- ﺍﺫﺍ ﺗﺤﻈﺮﻳﻦ ﻫﻢ ﻳﻼ ﺗﺠﻬﺰﻳﻦ ﻧﻔﺴﺞ .. ﻣﻦ 8 ﺍﻟﺤﻔﻞ ﻳﺒﺪﻱ
- ﺧﻞ ﺍﺧﺎﺑﺮ ﻣﺤﻤﺪ .. ﻟﺤﻈﻪ .. ﺍﺧﺬﺕ ﺍﻟﻤﻮﺑﺎﻳﻞ ﻭﺧﺎﺑﺮﺕ ﺍﻟﻤﺨﺮﺝ .. ﻛﺎﻝ ﺍﻧﻲ ﺍﻣﺮ ﺍﺧﺬﺝ ﺑﺴﻴﺎﺭﺗﻲ ﻛﺘﻠﻪ ﺍﻭﻙ ..
ﻗﻔﻠﺘﻪ ﻭﺑﺎﻭﻋﺖ ﺍﻟﺴﺮﻯ ﻣﺎﻛﻮ .. ﻣﻨﺘﺒﻬﺖ ﻛﺎﻣﺖ ﻣﻦ ﻣﻜﺎﻧﻬﺎ ﻭﺍﻧﻲ ﺍﺧﺎﺑﺮ .. ﺑﻘﻴﺖ ﺍﻟﺘﻔﺖ .. ﺷﻔﺘﻬﺎ ﺍﺟﺖ ﻣﻦ ﺟﻬﺔ ﺍﻟﺤﻤﺎﻡ ﻭﺗﺨﻠﻲ ﻣﻮﺑﺎﻳﻠﻬﺎ ﺑﺠﻴﺐ ﺑﻨﻄﺮﻭﻧﻬﺎ ..
ﺗﻘﺮﺑﺖ ﻳﻤﻲ ﺣﺠﻴﺖ ...
ﻟﺠﻴﻦ -: ﻫﺎﺍﺍ
ﺳﺮﻯ -: ﺭﺣﺖ ﻟﻠﺤﻤﺎﻡ ﺷﻮﻯ ﻭﺧﺎﺑﺮﺕ ﺍﻣﻲ .. ﻻﺯﻡ ﺍﺭﻭﺡ .. ﺷﺎﻟﺖ ﺟﻨﻄﺘﻬﺎ
- ﺍﻭﻙ ﺣﻴﺎﺗﻲ .. ﺍﺫﻥ ﺍﺷﻮﻓﺞ ﺑﺎﻟﺤﻔﻠﻪ
- ﺍﻥ ﺷﺎﺀﺍﻟﻠﻪ ..
- ﺑﻮﺳﺘﻬﺎ ﻭﺭﺣﺖ ﻟﺴﻴﺎﺭﺗﻲ .. ﺷﻤﺮﺕ ﺟﻨﻄﺘﻲ .. ﻭﻓﺘﺤﺖ ﻣﻜﻴﻒ ﻭﺍﻟﺮﺍﺩﻳﻮ .. ﻃﻠﻌﺖ ﺍﻏﻨﻴﺔ ﺍﻟﺠﺴﻤﻲ .. ﻭﺍﻟﻠﻪ ﻣﺎ ﻳﺴﻮﻯ .. ﻋﻠﻴﺘﻬﺎ ﻭﺑﻘﻴﺖ ﺍﺳﻮﻕ ..
ﻭﺻﻠﺖ ﻟﻠﺒﻴﺖ .. ﺑﺎﺑﺎ ﺟﺎﻥ ﻣﻮﺟﻮﺩ .. ﺑﻮﺳﺘﻪ .. ﺳﻠﻢ ﻋﻠﻴﻪ ﻭﻛﺎﻝ ﺷﻠﻮﻥ ﺻﺮﺗﻲ ..
- ﺍﻟﺤﻤﺪﻟﻠﻪ ﺯﻳﻨﻪ ..
ﺍﻻﺏ -: ﻭﻳﻦ ﺟﻨﺘﻲ .. ﺳﺄﻟﺖ ﺍﻣﺞ ﻋﻠﻴﺞ .. ﺍﻟﻴﻮﻡ ﻣﻮ ﻣﺎ ﻋﻨﺪﺝ ﺷﻐﻞ ..
- ﺍﻱ ﻣﺎ ﻋﻨﺪﻱ ﻃﻠﻌﺖ ﺷﻔﺖ ﺳﺮﻯ ﺷﻮﻱ .. ﻭﺑﻠﻴﻞ ﻋﻨﺪﻱ ﺣﻔﻠﻪ .. ﻣﺪﻋﻮﻩ ﻋﻠﻰ ﺍﻓﺘﺘﺎﺡ ﻗﻨﺎﺓ ﺟﺪﻳﺪﻩ ..
- ﺧﻴﺮ ﺍﻥ ﺷﺎﺀﺍﻟﻠﻪ ﺑﻨﺘﻲ
- ﺍﻥ ﺷﺎﺀﺍﻟﻠﻪ .. ﻛﻤﺖ ﻣﻦ ﺍﻟﻜﺮﺳﻲ .. ﺻﺤﺖ .. ﻣﺎﻣﺎ ﺡ ﺍﺻﻌﺪ
ﺍﻧﺎﻡ ﻟﻞ 4 ﻛﻌﺪﻳﻨﻲ
ﺍﻻﻡ -: ﺗﻐﺪﻱ ﻭﺍﺻﻌﺪﻱ ﻳﺎ ﺑﻨﺘﻲ
- ﻣﺎﻣﺎ ﻟﺘﺨﺎﻓﻴﻦ ﻋﻠﻴﻪ ﺍﻧﻲ ﺳﻴﺎﺭﺗﻲ ﻣﻌﺒﻴﺘﻬﺎ ﺑﺴﻜﺖ ﺍﺳﻮﻕ ﻭﺍﻛﻞ .. ﻑ ﻟﺪﻳﺮﻳﻦ ﺑﺎﻝ
..
ﻳﺎ ﺍﻣﻲ ﺍﻟﺒﺴﻜﺖ ﺷﻴﺸﺒﻊ .. ﻣﺎ ﻳﻠﺰﻡ ﺿﻠﻌﺞ ..
- ﻫﻬﻬﻬﻪ ﻣﺎﻣﺎﺗﻲ ﺍﺫﺍ ﺑﻘﻴﺖ ﻋﻠﻴﺞ ﺍﺻﻴﺮ ﻫﻠﺴﻤﻨﻲ ﻭﺗﺎﻟﻲ ﺍﻧﻄﺮﺩ ﻣﻦ ﺍﻻﺫﺍﻋﻪ ﻫﻬﻬﻬﻬﻪ
- ﻭﻃﺮﺩﺗﻬﻢ ﻣﺤﺘﺎﺟﺘﻠﻬﻢ ﺍﻧﺘﻲ ﻳﺎ ﻣﺎﻣﺎ .. ﻭﺭﺍﺝ ﻃﻠﻮﻙ ﻭﺭﺍﺝ ﺿﻴﻢ ﻫﻠﻨﻤﻨﻤﺎﺕ ﻣﺘﻘﻮﻳﺞ ﻳﺎ ﺍﻣﻲ ..
- ﺷﻤﺮﺗﻠﻬﺎ ﺑﻮﺳﻪ ﺑﺎﻟﻬﻮﻯ ﻭﺻﻌﺪﺕ .. ﺩﺧﻠﺖ ﺳﺒﺤﺖ ﻭﺭﺟﻌﺖ ﻟﻠﻐﺮﻓﻪ ﻧﻤﺖ ..
ﻟﻞ 4 ﺩﺧﻠﺖ ﺍﻣﻲ ﺗﻜﻌﺪﻧﻲ .. ﻓﺰﻳﺖ ﻋﻠﻰ ﺍﻳﺪﻫﺎ .. ﻭﺍﺭﺗﺠﻴﺖ ﻋﻠﻰ ﺣﻴﻠﻲ ﻭﻛﻤﺖ ..
ﻓﺘﺤﺖ ﻛﻨﺘﻮﺭﻱ ﻫﺎﻱ ﺑﻴﺎ ﻓﺴﺘﺎﻥ ﺍﺭﻭﺡ .. ﺍﻛﻠﺐ ﺑﻴﻬﻦ ﻭﻋﺎﻗﺪﻩ ﺣﺎﺟﺒﻲ ﺗﻮﻧﻲ ﻛﺎﻋﺪﻩ ﻣﻦ ﺍﻟﻨﻮﻡ ﻭﻣﺎ ﻻﻛﻴﻪ ﺷﻲ ﺍﺭﻭﺡ ﺑﻴﻪ ..
ﻻ ﻳﺎ ﺍﻟﻠﻪ ﻳﻌﻨﻲ ﻻﺯﻡ ﺍﺭﻭﺡ ﻟﻠﺴﻮﻙ .. ﺍﻭﻭﻭﻭﻑ ﻣﻮ ﻭﻛﺘﻬﺎ ﻛﻠﺸﺶ ..
ﻣﺸﻄﺖ ﺷﻌﺮﻱ .. ﻭﻟﻔﻴﺘﻪ ﻭﻟﺒﺴﺖ ﺍﻱ ﺷﻲ .. ﻭﺩ ﺍﻃﻠﻊ .. ﻓﺘﺤﺖ ﺍﻟﺠﻨﻄﻪ ﺍﺗﺄﻛﺪ ﻣﻨﻬﺎ .. 7 ﺍﺗﺼﺎﻻﺕ ﻭﺭﺳﺎﻟﻪ ﻟﻤﺨﻠﺪ ..
ﻳﺎ ﺳﺘﺎﺭ ﻳﺎ ﺭﺑﻲ ﺷﻨﻮ ﺍﻟﺼﺎﻳﺮ .. ﻓﺘﺤﺖ ﺍﻟﺮﺳﺎﻟﻪ ( ﻟﺠﻴﻦ ﻓﺘﺤﻲ ﺧﻂ ﺿﺮﻭﺭﻱ )
ﺭﺟﻌﺖ ﺧﺎﺑﺮﺗﻪ ﻣﻐﻠﻖ .. ﺭﺟﻌﺖ ﺧﺎﺑﺮﺗﻪ ﻣﺮﺕ ﺍﻟﺦ . ﻣﻐﻠﻖ .. ﭼﭻ ﺷﺼﺎﻳﺮ ﻭﻫﻴﺞ ﻣﺨﻠﺪ ﻣﺨﺒﻮﺹ .. ﺍﺧﺮ ﺍﺗﺼﺎﻝ ﻣﻨﻪ ﺏ 3 ﺍﻻ ﺧﻤﺴﻪ .. ﺷﻠﻘﺼﻪ
ﺍﺧﺬﺕ ﺟﻨﻄﺘﻲ ﻭﻧﺰﻟﺖ .. ﺍﺣﺎﻭﻝ ﺍﺧﺎﺑﺮ ﻣﻐﻠﻖ .. ﺧﺎﺑﺮﺕ ﻋﻠﻰ ﻋﻤﺘﻲ ﮔﺮﺟﻴﻪ .. ﻛﺘﻠﻬﺎ ﻣﺨﻠﺪ ﺍﺟﻪ
ﻛﺎﻟﺖ ﺍﺷﻮ ﺗﺄﺧﺮ ﻣﺎ ﺍﻋﺮﻑ ﺍﻧﻲ ﻫﻢ ﺍﺧﺎﺑﺮ ﻋﻠﻴﻪ ﻣﻐﻠﻖ .. ﻳﻮﻣﻴﻪ ﺏ 3 ﻭﻋﺸﺮﻩ ﻫﻮ ﻳﺪﺧﻠﻠﻨﻪ .. ﺏ 3 ﻳﺤﻞ ﻣﻦ ﺩﻭﺍﻣﻪ ..
ﻟﺠﻴﻦ -: ﻋﻔﻴﻪ ﻋﻤﻪ ﺍﺫﺍ ﺍﺟﻪ ﺍﻭ ﺧﺎﺑﺮﺝ ﺧﻞ ﻳﺨﺎﺑﺮﻧﻲ .. ﻗﻔﻠﺘﻪ ﻣﻨﻬﺎ ﻭﺑﺎﻭﻋﺖ ﻻﻣﻲ ﺗﺒﺎﻭﻋﻠﻲ
ﺍﻻﻡ -: ﻫﺎﺍﺍ ..
- ﻣﺎ ﺍﻋﺮﻑ ﻣﺨﻠﺪ ﻣﺘﺼﻞ 7 ﻣﺮﺍﺕ ﻭﺍﻧﻲ ﻧﺎﻳﻤﻪ ﻭﺍﻟﻤﻮﺑﺎﻳﻞ ﺑﺎﻟﺠﻨﻄﻪ ﺍﺑﺪ ﻣﺴﺘﻔﻘﺪﺗﻪ ﻣﻦ ﺍﺟﻴﺖ ﻣﻦ ﺑﺮﻩ .. ﻭﺩﺍﺯ ﺭﺳﺎﻟﻪ ﻳﻜﻮﻟﻲ ﺭﺩﻱ ﺿﺮﻭﺭﻱ ﻭﺍﺗﺼﻞ ﻭﻣﻐﻠﻖ ..
- ﻟﺘﻬﺘﻤﻴﻦ ﺧﺎﻑ ﺧﻠﺺ ﺷﺤﻦ ﺷﻮﻱ ﻭﻳﺮﺟﻊ ﻳﺨﺎﺑﺮﺝ ﺧﻠﻲ ﺗﻠﻴﻔﻮﻧﺞ ﻗﺮﻳﺐ ﻣﻨﺞ ..
- ﺍﻥ ﺷﺎﺀﺍﻟﻠﻪ .. ﻳﻼ ﺑﺎﻱ .. ﺍﺧﺬﺕ ﺟﻨﻄﺘﻲ ﻭﺭﺣﺖ ﻟﻠﺴﻴﺎﺭﻩ ﻭﻣﻮﺑﺎﻳﻠﻲ ﺧﻠﻴﺘﻪ ﻳﻢ ﺍﻟﻜﻴﺮ ﺣﺘﻰ ﺍﺫﺍ ﺩﻙ ﺍﺷﻮﻓﻪ ..
ﺭﺣﺖ ﻟﻤﺮﻛﺰ ﺗﺠﻤﻴﻞ .. ﺻﻌﺪﺕ ﻟﻄﺎﺑﻖ ﺍﻻﺯﻳﺎﺀ .. ﺍﺧﺘﺎﺭﻳﺖ ﻓﺴﺘﺎﻥ ﺑﺎﺭﺑﻲ ﻟﻮﻥ ﺑﻴﺞ ﻭﻣﻄﺮﺯ ﺑﺨﺮﺯ ﻧﺎﻋﻢ .. ﻛﻮﻟﺶ ﻧﺎﺯﻙ ..
ﺍﺧﺬﺗﻪ ﺍﻟﺒﻨﺖ ﻭﺗﻮﺟﻬﺖ ﻟﻄﺎﺑﻖ ﺍﻟﺤﻼﻗﻪ ﻭﺍﻟﻤﻜﻴﺎﺝ .. ﺍﻭﻝ ﺷﻲ ﺳﻮﺗﻠﻲ ﺗﻨﻀﻴﻒ ﺑﺸﺮﻩ ﻭﺗﺮﻃﻴﺐ .. ﻭﺑﻌﺪﻳﻦ ﺭﺳﻤﺖ ﺍﻟﻤﻜﻴﺎﺝ ..
ﻣﻜﻴﺎﺝ ﺳﻬﺮﻩ ﺩﺧﺎﻧﻲ ﺑﻴﺞ .. ﻭﻋﻠﻴﻪ ﺭﻣﻮﺵ ﺻﻨﺎﻋﻴﻪ ﺧﻔﻴﻔﻪ .. ﻋﺮﺿﺖ ﻋﻠﻴﻪ ﻋﺪﺳﺎﺕ .. ﻛﺘﻠﻬﺎ ﻻ ﻷﻥ ﺍﺻﻼ ﻋﻴﻮﻧﻲ ﻣﻠﻮﻧﻪ ﻭﻓﺘﺤﺖ ﺍﻛﺜﺮ ﺑﺎﻟﻤﻜﻴﺎﺝ ..
ﻛﻞ ﺍﻟﻮﻗﺖ ﺑﺎﻟﻲ ﻳﻢ ﺍﻟﻤﻮﺑﺎﻳﻞ .. ﺍﺑﺪ ﻣﺘﺼﻞ ﻣﺨﻠﺪ .. ﺧﻔﺖ ﻻ ﺻﺎﻳﺮ ﺷﻲ ﻭﺩﻳﻨﺒﻬﻨﻲ ﻣﻨﻪ .. ﻣﻌﻘﻮﻟﻪ ﺷﻲ ﻳﺨﺺ ﻣﺎﻟﻚ؟؟
ﻓﻜﺮﺕ ﺍﺗﺮﺍﺟﻊ ﻋﻦ ﺍﻟﺤﻔﻠﻪ ﻻﻥ ﺣﻴﻞ ﺧﻔﺖ .. ﺑﺲ ﺍﺗﺼﺎﻻﺕ ﻣﺤﻤﺪ ﻋﻠﻴﻪ ﻭﻫﻮ ﻳﺴﺄﻟﻨﻲ ﺧﻠﺼﺖ ﻟﻮ ﻻ ﺍﻧﺤﺮﺟﺖ ..
ﻛﻠﺖ ﺍﺧﺎﺑﺮﻩ ﻳﺠﻲ ﻳﺎﺧﺬﻧﻲ ﻣﻦ ﺍﻟﺼﺎﻟﻮﻥ ﻭﻳﺮﺟﻌﻨﻲ ﻟﻠﺒﻴﺖ ﺑﺄﻳﺪﻩ ﺷﻴﺮﻳﺪ ﻳﺼﻴﺮ .. ﻋﻔﺘﻬﺎ ﻋﻠﻰ ﺍﻟﻠﻪ ..
ﺧﺎﺑﺮﺕ ﻣﺤﻤﺪ ﻛﺎﻝ ﺍﻭﻙ ﻧﺺ ﺳﺎﻋﻪ ﻭﺍﻧﻲ ﻳﻤﺞ .. ﺍﻟﻜﻮﺍﻓﻴﺮﻩ ﺧﻠﺼﺖ ﺗﺴﺮﻳﺤﺘﻲ .. ﺑﺮﻣﺘﻠﻲ ﺷﻌﺮﻱ ﻭﺭﻓﻌﺘﻪ ﺭﻓﻌﻪ ﻧﺎﺯﻛﻪ ﺑﺨﻔﻪ
.
ﻭﻧﺰﻟﺖ ﻛﻢ ﺧﺼﻠﻪ ﻋﻠﻰ ﻋﻴﻮﻧﻲ ﻭﻋﻠﻰ ﺍﺫﺍﻧﺎﺗﻲ .. ﻃﻠﻌﺖ ﻋﻄﺮ .. ﻭﺭﺷﻴﺖ .. ﺧﻠﺘﻠﻲ ﺳﻮﺍﺭﻩ ﺭﻓﻴﻌﻪ ﻛﺮﺳﺘﺎﻝ ﺑﺰﻧﺪﻱ
ﻟﺒﺴﺖ ﺣﺬﺍﺋﻲ ﻛﻌﺐ ﻋﺎﻟﻲ ﺑﻤﺴﺎﺭ ﺍﻧﻴﻖ .. ﻭﺍﻟﺴﺎﻋﻪ ﺍﻳﻀﺎ ﻛﺮﺳﺘﺎﻟﻴﻪ . ﻭﺧﻠﺼﺖ .. ﻃﻠﺒﺖ ﻣﻨﻲ ﺗﺨﻠﻴﻠﻲ ﻭﺷﻢ ﻟﺼﻖ ﻋﻠﻰ ﻛﺘﻔﻲ .. ﻛﺘﻠﻬﺎ ﺷﻜﺮﺍ ﻣﺎ ﺍﺣﺐ ﺍﻟﻮﺷﻢ
ﻟﺤﻈﺎﺕ ﻭﺍﺗﺼﻞ ﻣﺤﻤﺪ .. ﻛﺎﻝ ﺍﻧﻲ ﺟﻮﻩ .. ﻟﺒﺴﺖ ﺟﺎﻛﻴﺖ ﺗﺄﺟﻴﺮ ﻣﻦ ﻋﺪﻫﻢ .. ﻭﻧﺰﻟﺖ ﺑﻴﻪ ..
ﺷﻠﺖ ﺑﺪﺍﻳﺔ ﺍﻟﻔﺴﺘﺎﻥ ﻭﻧﺰﻟﺖ .. ﻃﻠﻌﺖ ﻟﻤﺤﻤﺪ .. ﺑﻘﻰ ﻣﺘﺼﻨﻢ ﺑﻤﻜﺎﻧﻪ ﻭﺍﻧﻲ ﺑﺎﻟﻲ ﻛﻠﻪ ﺑﻤﺨﻠﺪ ﻭﺍﺗﺼﺎﻻﺗﻪ .. ﺑﺴﺎﻉ ﻛﺘﻠﻪ ﻫﺎﻱ ﺷﺒﻴﻚ ﻳﻼ ..
ﻣﺤﻤﺪ -: ﺗﺪﺭﻳﻦ ﺍﻟﻴﺸﻮﻓﺞ ﺣﻼﻝ ﻋﻠﻴﻪ ﻳﻄﻠﻚ 10 ﻧﺴﻮﺍﻥ
ﻟﺠﻴﻦ -: ﻟﻴﺶ
- ﻭﺍﻟﻠﻪ ﻣﺎ ﺗﺨﻠﻴﻦ ﻋﻘﻞ ﺑﺮﺍﺱ ﺍﺣﺪ ﺍﻧﺘﻲ ..
- ﻫﺎﺍﺍ ﻫﻬﻬﻬﻬﻪ ﻋﺒﺎﻟﻲ ﻣﺪﺭﻱ ﺷﻜﻮ .. ﺩﻳﻠﻪ ﻳﻤﺤﻤﺪ .. ﻣﻦ ﻏﻴﺮ ﻫﻴﺞ ﺍﻧﻲ ﺧﺎﻳﻔﻪ ﻭﻣﺮﺗﺒﻜﻪ ..
ﺗﻘﺮﺏ ﻓﺘﺢ ﺍﻟﺴﻴﺎﺭﻩ ﻭﺍﺧﺬ ﺍﻳﺪﻱ ﻭﺳﺎﻋﺪﻧﻲ ﺍﺻﻌﺪ .. ﻭﺳﺪ ﺍﻟﺒﺎﺏ .. ﻭﺩﺍﺭ ﺻﻌﺪ ﻣﻦ ﻣﻜﺎﻧﻪ .. ﻭﻛﻌﺪ .. ﻭﺣﺠﻪ
ﻣﺤﻤﺪ -: ﻟﻴﺶ ﺧﺎﻳﻔﻪ .. ﻣﻦ ﺍﻟﺤﻔﻠﻪ ﻟﻮ ﻣﻦ ﺷﻨﻮ
ﻟﺠﻴﻦ -: ﻣﺎ ﺍﻋﺮﻑ ﺑﻮﺩﻱ ﺍﺭﺟﻊ ﻣﺎ ﺍﺣﺲ ﺍﻧﻲ ﺑﺤﺎﻟﻪ ﺍﻛﺪﺭ ﺍﺩﺧﻞ ﺣﻔﻠﻪ ﺣﻴﻞ ﻣﺘﻮﺗﺮﻩ ﻭﻣﻀﻄﺮﺑﻪ .. ﺍﺭﺟﻊ ﺍﺣﺴﻦ ﻣﻮ ..
ﺍﻟﺘﻔﺘﻠﻲ
- ﺗﺤﺠﻴﻦ ﻣﻦ ﻛﻞ ﻋﻘﻠﺞ .. ﻣﺘﺄﻧﻘﻪ ﺑﻬﺸﻜﻞ ﻭﻣﺎ ﺍﺟﻤﻠﺞ ﻭﺗﺮﺟﻌﻴﻦ ﻟﻠﺒﻴﺖ ﺗﻤﺴﺤﻴﻦ ﻛﻮﻟﺸﻲ ﻭﺗﻨﺎﻣﻴﻦ
- ﺑﻠﻌﺖ ﺷﻔﺎﻳﻔﻲ ﺣﻴﺮﻩ .. ﻭﺑﻘﻴﺖ ﺍﺑﺎﻭﻉ ﻋﻠﻰ ﺍﻟﺸﺎﺭﻉ .. ﻟﺤﺪ ﻣﺎ ﻭﺻﻠﻨﻪ ﻟﻘﺎﻋﺔ ﺍﻟﺤﻔﻠﻪ .. ﺻﻒ ﻣﺤﻤﺪ ﻭﻧﺰﻝ ﻓﺘﺤﻠﻲ ﺍﻟﺒﺎﺏ ﺍﺧﺬ ﺍﻳﺪﻱ ﻭﻧﺰﻟﺖ ..
ﺑﺎﺱ ﺍﻳﺪﻱ ﻭﺩﻧﻜﻠﻲ
- ﺍﻫﻼ ﺑﻚِ ﻳﺎ ﻣﻮﻻﺗﻲ ﺍﻷﻣﻴﺮﻩ ..
- ﻫﻬﻬﻪ ﻣﺤﻤﺪ ﺑﻄﻞ ﺳﻮﺍﻟﻔﻚ ﻋﺎﺩ .. ﻣﻦ ﻏﻴﺮ ﻏﺰﻟﻚ ﺍﻧﻲ ﻣﺘﻮﺗﺮﻩ ..
ﺍﻧﻄﻪ ﺳﻮﻳﺞ ﺍﻟﺴﻴﺎﺭﻩ ﻟﺸﺨﺺ ﺍﺧﺬ ﺍﻟﺴﻴﺎﺭﻩ .. ﻭﺧﻠﻪ ﺍﻳﺪﻱ ﺑﺄﻳﺪﻩ .. ﻭﺩﺧﻠﻨﻪ ﺍﻟﺤﻔﻞ .. ﻧﺰﻋﺖ ﺍﻟﺠﺎﻛﻴﺖ ﺍﻧﻄﻴﺘﻪ .. ﻭﺩﺧﻠﻨﻪ ..
ﺳﻠﻤﻨﺎ ﺍﻧﻲ ﻭﻳﺎﻩ ﻋﻠﻰ ﻣﺪﻳﺮ ﺍﻟﺤﻔﻞ ﻭﻣﺆﺳﺲ ﺍﻟﻘﻨﺎﺓ ﻭﺍﻟﻜﺎﺩﺭ .. ﺳﺮﻯ ﻛﺎﻧﺖ ﻣﻦ ﺑﻴﻨﻬﻢ ﻫﻢ ﺳﻠﻤﺖ ﻭﺿﺤﻜﺖ ﺑﻮﺟﻬﻲ ..
ﻭﻛﻔﻨﻪ ﺷﻮﻱ ﻭ ﺑﻌﺪﻫﺎ ﻛﻌﺪﻧﻪ ﺍﻧﻲ ﻭﻣﺤﻤﺪ ﻋﻠﻰ ﻃﺎﻭﻟﻪ ﻛﺎﻥ ﺍﻛﻮ ﻣﻄﺮﺏ ﻳﻐﻨﻲ ﻭﻣﺪﻳﺮ ﺍﻟﻤﺆﺳﺴﻪ ﻳﻘﺺ ﺑﺎﻟﻜﻴﻜﻪ ﻛﺒﻴﺮﻩ ﻛﻮﻟﺶ ﻋﻠﻰ ﻛﺪ ﺍﻟﻄﺎﻭﻟﻪ
ﻭﻣﻜﺘﻮﺏ ﻋﻠﻴﻬﺎ ﺍﺳﻢ ﺍﻟﻘﻨﺎﺓ ﻭﻗﻔﻮ ﻳﻘﺼﺼﻮﻥ ﻛﻴﻚ ﻭﺣﻔﻞ .. ﺍﻟﻤﺨﺮﺝ ﻣﺤﻤﺪ ﻛﺎﻡ ﻣﻦ ﻋﻨﺪﻱ ﻭﺭﺍﺡ ﻟﻤﺪﻳﺮ ﺍﻟﻤﺆﺳﺴﻪ ﻭﺑﻘﻮ ﻳﺤﺘﻔﻠﻮﻥ ﻭﻳﺘﻨﺎﻗﺸﻮﻥ ..
ﺍﺟﻪ ﺍﻟﻤﺼﻮﺭ ﻋﻠﻲ ﻛﻌﺪ ﻛﺒﺎﻟﻲ .. ﻛﺘﻠﻪ ﻫﺎ ﻋﻠﻲ ..
- ﮔﻠﻨﻪ ﻧﮕﻌﺪ ﻳﻤﺞ ﺍﺫﺍ ﻣﺎ ﺑﻴﻬﺎ ﺯﺣﻤﻪ ..
- ﻫﻬﻬﻪ ﻫﻼ ﺑﻴﻚ .. ﺩﺭﺕ ﻭﺟﻬﻲ ﻋﻠﻰ ﺍﻟﺤﻔﻞ ﻭﺍﻟﻠﻲ ﻳﺮﻗﺼﻮﻥ ﺍﺟﺖ ﺳﺮﻯ ﺷﺎﻭﺭﺕ ﻋﻠﻲ .. ﻛﺎﻡ ﺑﺴﺮﻋﻪ ﻭﺭﺍﺡ ..
ﺣﺠﻴﺖ ... ﺷﻜﻮ ..
ﺍﻻﺳﺘﺎﺫ ﻣﺤﻤﺪ ﻃﻠﺒﻪ .. ﺩﻳﺘﻔﻘﻠﻪ ﻋﻠﻰ ﺷﻐﻞ ﺑﺎﻟﻘﻨﺎﺓ ..
- ﻫﺎﺍﺍ ...
- ﺣﻠﻮ ﺍﻟﺤﻔﻞ ﻣﻮﻭﻭ
- ﻛﻮﻟﺶ ﺣﻠﻮ .. ﻭﺭﺍﻗﻲ ..
- ﻭﻳﻦ ﻣﻜﻴﺎﺟﺞ ﻳﺨﺒﻞ ..
- ﺍﻧﻄﻴﺘﻬﺎ ﺍﺳﻢ ﺍﻟﻤﺮﻛﺰ .. ﻭﺍﻧﻮﺏ ﺳﺄﻟﺘﻨﻲ ﻋﻠﻰ ﺍﻟﻔﺴﺘﺎﻥ ﻭﺑﻘﻴﻨﻪ ﻧﺤﺠﻲ ..
ﺳﺮﻯ -: ﺑﻌﺪﺝ ﻣﺘﻮﺗﺮﻩ
ﻟﺠﻴﻦ -: ﻗﺒﻞ ﻻ ﺍﺩﺧﻞ ﺍﻟﺤﻔﻞ ﺍﻱ .. ﺑﺲ ﻫﺴﻪ ﻻ ﺍﻻﺟﻮﺍﺀ ﺣﻠﻮﻩ .. ﺑﺲ ﺑﻌﺪﻧﻲ ﺑﺎﻟﻲ ﻋﻠﻰ ﻣﺨﻠﺪ .. ﻭﻭﻻﻥ ﺍﺗﺼﻞ ﺑﻴﻪ ﻣﻐﻠﻖ
- ﻣﺨﻠﺪ ﺷﻨﻮ ﻗﺼﺘﻪ ..
- ﻣﺎ ﺍﻋﺮﻑ ﺧﺎﺑﺮ ﺍﻟﻀﻬﺮ ﻭﺩﺯ ﺭﺳﺎﻟﻪ ﺭﺩﻱ ﺿﺮﻭﺭﻱ .. ﻭﺍﺧﺘﻔﻰ .. ﻭﺍﺗﺼﻞ ﻭﻣﺎﻛﻮ
- ﺧﺎﻑ ﺍﻧﺸﻐﻞ ﺗﻌﺮﻓﻴﻦ ﺷﻐﻠﻪ .. ﻫﻮﺳﻪ
- ﺍﻥ ﺷﺎﺀﺍﻟﻠﻪ ﻳﻜﻮﻥ ﻫﻴﺞ ﻗﻠﺒﻲ ﻣﻤﻄﻤﻦ ..
- ﻟﻴﺶ ... ﺩﻧﺤﺠﻲ .. ﺭﺝ ﺟﻬﺎﺯﻫﺎ .. ﺑﺎﻭﻋﺖ ﻟﻤﺤﻤﺪ .. ﻛﺎﻟﺖ ﺍﺭﻭﺡ ﺍﺷﻮﻓﻪ ﺷﺮﺍﻳﺪ .. ﻭﺍﺭﺟﻌﻠﺞ ..
ﺑﻘﻴﺖ ﻛﺎﻋﺪﻩ ﺑﻤﻜﺎﻧﻲ ﻣﺎﺑﻴﻪ ﺍﺭﻭﺡ ﻭﺍﺣﺘﻔﻞ ﻭﺍﺣﺠﻲ ﻭﻳﺎﻫﻢ ﺑﺎﻟﻲ ﻛﻠﻪ ﻋﻨﺪ ﻣﺨﻠﺪ ..
ﺑﻘﻴﺖ ﺩﺍﻳﺮﻩ ﻭﺟﻬﻲ ﻭ ﻣﺮﻛﺰﻩ ﺑﺎﻟﻤﻄﺮﺏ ﻭﺍﻟﻔﺮﻗﻪ ﻭﻫﻮ ﻳﻐﻨﻲ ﺍﺟﻴﺒﻚ ﻟﻠﺪﺭﺏ .. ﻭﺻﻞ ﻟﺠﻤﻠﺔ ﺍﻧﺎ ﺭﺍﺳﻲ ﻗﻔﻞ ﺍﻻ ﺍﺟﻴﺒﻚ ..
ﺳﻤﻌﺖ ﺷﺨﺺ ﻭﺭﺍﻱ ﺣﺠﻪ .....
ﻣﺎﻟﻚ -: ﺳﻤﻌﺘﻲ ﺍﻧﺎ ﺭﺍﺳﻲ ﻗﻔﻞ ﺍﻻ ﺍﺟﻴﺒﻚ ..
ﻟﺠﻴﻦ -: ﺍﻧﺪﺍﺭﻳﺖ ﺑﺴﺮﻋﻪ ﻭﺑﻘﻴﺖ ﻣﺮﻛﺰﻩ ﺑﻌﻴﻮﻧﻪ ﺑﺨﻮﻑ .. ﻭﻫﻮ ﻋﻴﻮﻧﻪ ﻣﻮ ﻋﻠﻴﻪ ﻋﻠﻰ ﺍﻟﻤﻄﺮﺏ ﻭﻣﺒﺘﺴﻢ .
ﺩﺍﺭﻟﻲ ﺑﻄﺮﻑ ﻋﻴﻨﻪ ﻭﻧﺰﻟﻠﻬﺎ .. ﻭﺿﺤﻚ ﺍﻫﻬﻬﻤﻢ ... ﻭﻫﺰ ﺭﺍﺳﻪ ..
- ﺍﺭﻳﺪ ﻛﻠﻤﻪ ﺗﻄﻠﻊ ﻣﻦ ﺣﻠﻜﻲ ﺍﻧﺸﻠﻴﺖ .. ﺑﺲ ﻣﺮﻛﺰﻩ ﺑﻮﺟﻬﺎ ﻭﻛﻞ ﻣﻌﺎﻧﻲ ﺍﻟﺨﻮﻑ ﻣﺒﻴﻨﻪ ﻋﻠﻰ ﻭﺟﻬﻲ ..
ﻛﺎﻋﺪ ﻛﺒﺎﻟﻲ ﺑﻜﺎﻣﻞ ﺍﻧﺎﻗﺘﻪ .. ﻣﻮ ﻣﺎﻝ ﻭﺍﺣﺪ ﻣﺴﺠﻮﻥ ﺍﺑﺪﺍ .. ﻳﺮﺑﻲ ﺷﻨﻮ ﺍﻟﻠﻲ ﺩﻳﺼﻴﺮ .. ﺭﺩﺕ ﺍﻛﻮﻡ ...
ﻟﺰﻡ ﺍﻳﺪﻱ .. ﻭﺭﻓﻌﻠﻲ ﻋﻴﻮﻧﻪ ﺑﺄﺑﺘﺴﺎﻣﻪ ... -: ﻟﻮ ﺳﻤﺤﺘﻲ ﻣﻤﻜﻦ ﺗﻜﻌﺪﻳﻦ ..
- ﻛﻌﺪﺕ .. ﺍﻳﺪﻱ ﺗﺮﺟﻒ ﺑﻴﺪﻩ .. ﺍﻟﻘﺎﻋﻪ ﺑﺎﺭﺩﻩ ﻭﻛﻠﻬﺎ ﻣﻜﻴﻔﺎﺕ ﻭﺍﻟﻌﺮﻙ ﻳﻨﺰﻝ ﻣﻦ ﻛﻞ ﺟﺴﻤﻲ ..
ﺍﺧﺬ ﺍﻳﺪﻱ ﻓﺘﺤﻬﺎ ﻭﺑﺎﺳﻬﺎ ﻭﻫﻮ ﻳﺸﻤﻬﺎ ﺑﺮﺍﺣﺘﻬﺎ ... ﻗﺸﻌﺮ ﺟﻠﺪﻱ ﻣﻦ ﺑﻮﺳﺘﻪ ﻻﻳﺪﻱ ... ﺧﻼﻫﺎ ﻋﻠﻰ ﺍﻟﻄﺎﻭﻟﻪ .. ﻭﺭﺟﻊ ﻋﺪﻝ ﺟﺎﻛﻴﺘﻪ .. ﻭﻳﻄﻖ ﺑﺮﻛﺒﺘﻪ ..
- ﺑﺲ ﻓﻬﻤﻨﻲ ﺷﺮﺍﻳﺪ ﻣﻨﻲ .. ﺍﺣﺠﻲ ﻭﻳﺎﻩ .. ﻭﻫﻮ ﻣﺒﺘﺴﻢ ﻭﻋﻴﻮﻧﻪ ﻋﻠﻰ ﺍﻟﻤﻄﺮﺏ .. ﻣﺪ ﺍﺧﺬ ﺍﻟﻌﺼﻴﺮ ﻣﻦ ﻛﺪﺍﻣﻲ ..
ﺷﺮﺏ .. ﻭﺭﺟﻌﻪ ﻋﻠﻰ ﺍﻟﻄﺎﻭﻟﻪ ﻭﻳﻤﺸﻲ ﺑﺎﺻﺒﻌﻪ ﻋﻠﻰ ﺩﺍﺋﺮﺓ ﺍﻟﻜﻼﺹ .. ﻭﺍﻧﻲ ﻋﻴﻮﻧﻲ ﺗﺮﺍﻗﺒﻪ ﺍﺑﺪ ﻣﺒﺎﻭﻋﻠﻲ .. ﺣﺠﻪ
ﻣﺎﻟﻚ ... ﻓﻲ ﻳﻮﻡ ﻛﻨﺖ ﻃﺎﻟﻊ .........
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء