رواية خطوات نحو الجحيم ج1 الجزء السادس
للكاتبة زينب ماجد
🌹
ﻟﺠﻴﻦ -: ﺑﻘﻴﺖ ﺍﻟﻠﻴﻞ ﻛﻠﻪ ﻋﺎﻳﺸﺘﻪ ﺑﺨﻮﻑ .. ﻗﺎﻓﻠﻪ ﺑﺎﺏ ﺍﻟﺒﻠﻜﻮﻥ ﻭﺑﺎﺏ ﺍﻟﻐﺮﻓﻪ ﻭﻛﺎﻋﺪﻩ .. ﻝ 3 ﺑﻠﻴﻞ ﻳﻼ ﻏﻔﻴﺖ ﻣﻦ ﺍﻟﺘﻌﺐ ..
ﻣﺎ ﻛﻌﺪﺕ .. ﻏﻴﺮ ﺏ 9 ﺍﻟﺼﺒﺢ .. ﻓﺰﻳﺖ ﻣﻦ ﻓﺮﺍﺷﻲ .. ﻣﺮﻋﻮﺑﻪ ﺭﺍﺡ ﺍﻟﻮﻗﺖ ﻭﻟﻼﻥ ﺍﻟﺼﻴﺪﻟﻴﻪ ﻣﺎ ﻓﺘﺤﺖ .. ﺭﻛﻀﺖ ﺑﺴﺮﻋﻪ ...
ﻏﺴﻠﺖ ﻭﺟﻬﻲ ﻭﻣﺸﻄﺖ ﺷﻌﺮﻱ ﻭﻟﺒﺴﺖ ﺷﻨﻮ ﻃﻠﻊ ﻛﺒﺎﻟﻲ ﻭﺭﻛﺾ ﻧﺰﻟﺖ ..
ﻟﺠﻴﻦ -: ﺻﺒﺎﺡ ﺍﻟﺨﻴﺮ ﻣﺎﻣﺎ .
ﺍﻷﻡ -:. ﻫﻼ ﻣﺎﻣﺎ ﺻﺒﺎﺡ ﺍﻟﻨﻮﺭ .. ﻣﺎ ﺧﺎﺑﺮﺝ ﻣﺨﻠﺪ
- ﻻ ﻭﺍﻟﻠﻪ ﻣﺨﺎﺑﺮﻧﻲ ..
- ﺍﻣﻪ ﺧﻄﻴﻪ ﺑﺎﻗﻲ ﺑﺎﻟﻬﺎ ﻋﻠﻴﻪ .. ﻭﻋﻤﺞ ﺍﺗﺼﻞ ﻋﻠﻰ ﺍﺑﻮﺝ ﺍﻟﺒﺎﺭﺣﻪ ﻭﻳﺤﺠﻲ ﻭﻳﺎﻩ ﺑﻬﻠﻤﻮﺿﻮﻉ ..
- ﻛﻮﻥ ﻛﻠﺘﻴﻠﻪ ﺷﻔﺖ ﻣﺎﻟﻚ ..
- ﻭﻟﻴﺶ ﻣﺎ ﺍﻛُﻠﻪ .. ؟
- ﻣﺎﻣﺎ ﻣﺎ ﺍﻋﺮﻑ ﻣﺎﻟﻚ ﻫﺬﺍ ﺷﻨﻮ .. ﺍﻟﻜﺪﺭ ﻳﻄﻠﻊ ﻣﻦ ﺍﻟﺴﺠﻦ ﻭﻳﺠﻲ ﺑﻠﻴﻞ .. ﻛﻮﻟﺸﻲ ﻳﺴﻮﻱ ﻭﺍﻟﻠﻪ ﻋﺎﻟﻢ ﺷﺴﻮﻩ ﺑﻤﺨﻠﺪ ﻳﻨﺨﺎﻑ ﻣﻨﻪ ﻫﺬﺍ ..
ﺧﻞ ﻧﺪﺭﺱ ﺍﻟﻮﺿﻊ ﺍﻭﻝ ﻭﺑﻌﺪﻳﻦ ﻧﺨﺒﺮﻩ ﻻ ﻧﺮﻭﺡ ﻧﻮﺭﻁ ﺑﺎﺑﺎ ﻫﻢ ..
- ﻋﻮﺩ ﺍﻧﻲ ﻧﺎﻭﻳﻪ ﻣﻦ ﻳﺮﺟﻊ ﺍﻛﻠﻪ ..
- ﻻ ﺍﺻﺒﺮﻱ .. ﺧﻞ ﻧﺸﻮﻑ ﺍﻻﻣﻮﺭ ﺷﻠﻮﻥ ﺗﺼﻴﺮ .. ﻳﻠﻪ ﺍﻧﻲ ﺍﺭﻭﺡ ﺗﺄﺧﺮﺕ ..
- ﺍﻟﻠﻪ ﻭﻳﺎﺝ ﺑﻨﻴﺘﻲ . ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ
- ﺍﻥ ﺷﺎﺀﺍﻟﻠﻪ ... ﻃﻠﻌﺖ ﺭﻛﺾ ﻟﻠﺴﻴﺎﺭﻩ .. ﺳﻘﺖ ﻭ ﻟﻠﺼﻴﺪﻟﻴﻪ ﻓﺘﺤﺘﻬﺎ ﻭﻛﻌﺪﺕ .. ﻓﺘﺤﺖ ﺍﻟﺘﻠﻔﺰﻳﻮﻥ ﻋﻠﻰ ﻗﺮﺍﻥ .. ﻣﺮ ﻋﻤﺮ ﺍﻟﻜﻬﻮﺟﻲ ..
ﻋﻤﺮ -: ﻫﻼ ﺳﺖ ﻟﺠﻴﻦ ..
- ﻫﻼ ﻋﻤﻮﺭﻱ ..
- ﻛﻬﻮﻩ ﻟﻮ ﺟﺎﻱ ..
- ﺟﺎﻱ .. ﻭﺍﺭﻳﺪ ﺗﺸﺘﺮﻳﻠﻲ ﻟﻔﻪ ﻣﻦ ﺣﻤﺰﻩ .. ﻻﻥ ﻣﻤﺘﺮﻳﻜﻪ ﻭﺍﻟﺼﺪﺍﻉ ﺫﺍﺑﺤﻨﻲ ﺑﺴﺒﺐ ﻗﻠﺔ ﺍﻻﻛﻞ ﻭﺍﻟﻨﻮﻡ ..
ﻋﻤﺮ -: ﺍﻱ ﺍﺩﻟﻠﻲ ﺳﺖ ..
ﺭﺍﺡ ﺍﺷﺘﺮﺍﻟﻲ ﻟﻔﻪ ﺟﺒﻦ ﻋﺮﺏ ﻭﺍﺟﻪ ... ﺍﻧﻄﻴﺘﻪ ﺍﻟﻔﻠﻮﺱ ﻭﻓﻮﻛﺎﻫﺎ ﺑﻘﺸﻴﺶ ﻭﺭﺍﺡ .. ﺗﻮﻧﻲ ﺩﺍ ﺍﻛﻞ ﺩﺧﻞ ﺭﺟﺎﻝ ..
ﺧﻠﻴﺖ ﺍﻻﻛﻞ .. ﻭﻛﻤﺖ ﻧﻔﻀﺖ ﺍﺩﻳﻪ ﻭﻋﺪﻟﺖ ﻗﻤﻴﺼﻲ .. ﻧﻌﻢ ﺗﻔﻀﻞ ..
ﻳﺒﺎﻭﻉ ﻟﻠﺼﻴﺪﻟﻴﻪ ﻭﻳﺪﻭﺭ ﺑﺮﺍﺳﻪ ﻭﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ .. ﺻﺤﺖ ﻧﻌﻢ ﺍﺧﻮﻳﻪ ﺗﻔﻀﻞ
-: ﺍﺳﻤﺞ ﻟﺠﻴﻦ
- ﻟﻴﺶ؟؟؟
- ﻫﻤﻤﻤﻢ ..
ﻟﺠﻴﻦ -: ﺷﻔﺘﻪ ﻳﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﻳﻌﺾ ﺷﻔﻪ .. ﺍﺣﻤﻤﻢ ﺍﺍﺍﺍ ﺍﺧﻮﻳﻪ ﺍﺫﺍ ﻣﻤﺤﺘﺎﺝ ﺷﻲ ﻣﻊ ﺍﻟﺴﻼﻣﻪ ..
- ﺟﺎﻱ ﺍﻃﺮﺩﻳﻨﻲ
- ﻻ ﺑﺲ ﺍﻧﺘﻪ ﻣﺠﺎﻱ ﺗﻄﻠﺐ ﺩﻭﺍ ....... ﺩﺍ ﺍﺣﺠﻲ ... ﺩﻙ ﻣﻮﺑﺎﻳﻠﻲ .. ﻃﻠﻌﺘﻪ ﻣﻦ ﺟﻴﺒﻲ .. ﺍﻟﺠﺤﻴﻢ ...
ﻫﻴﺞ ﻛﺘﺒﺖ ﻋﻠﻰ ﺭﻗﻢ ﻣﺎﻟﻚ ﺍﻟﺒﺎﺭﺣﻪ ﻟﻤﺎ ﺩﻭﻧﺘﻪ ﺑﺴﺠﻞ ﺍﻟﻬﺎﺗﻒ .. ﻻﻥ ﺍﺷﺒﻪ ﺑﺎﻟﺠﺤﻴﻢ ﺍﻟﻠﻲ ﻣﺠﺎﻱ ﺍﺧﻠﺺ ﻣﻨﻪ ..
ﺑﺎﻭﻋﺖ .. ﻳﺮﺑﻲ ﺍﺭﺩ ﻋﻠﻰ ﻫﺬﺍ ﺍﻟﻤﺴﻮﻱ ﺣﻴﺎﺗﻲ ﺟﺤﻴﻢ .. ﻟﻮ ﻫﺬﺍ ﺍﻟﻨﺤﻔﻪ ﺍﻟﻜﺪﺍﻣﻲ .. ﺷﻠﻮﻥ ﺑﻠﻮﻩ .. ﺗﺒﺘﻠﻲ ﺑﻨﻴﻪ ﺗﺸﺘﻐﻞ ﺑﻬﻠﺒﻠﺪ .. ﻛﻞ ﺷﻮﻱ ﻣﻠﻄﻠﻂ ﻧﺎﻁ ﺑﻄﺮﻳﻘﻬﺎ
🌹🌹
ﺭﺩﻳﺖ ﻋﻠﻰ ﺍﻻﺗﺼﺎﻝ ﻭﻛﻠﺖ ﺍﻟﻮﻭﻭ .. ﻣﺎﻟﻚ ..
ﺑﻤﺠﺮﺩ ﻣﺎ ﺣﺠﻴﺖ ﺍﻟﻜﻠﻤﻪ .. ﺍﻟﺮﺟﻞ ﺍﻟﻜﺪﺍﻣﻲ ﺑﺎﻭﻉ ﻟﻮﺟﻬﻲ .. ﺍﻧﺪﺍﺭ ﻭﻃﻠﻊ ﺑﺴﺮﻋﻪ ..
ﻋﻘﺪﺕ ﺣﺎﺟﺒﻲ ﺷﺒﻲ؟؟
ﻣﻌﻘﻮﻟﻪ ﻣﺎﻟﻚ ﺩﺍﺯﻩ ؟؟ ..
ﻻ ﺟﺎﻥ ﻣﺎ ﻛﻤﺰ ﻣﻦ ﺳﻤﻊ ﻣﺎﻟﻚ .. ﺑﺲ ﺧﺎﻑ ﻋﺒﺎﻟﻪ ﻭﺍﺣﺪ ﻣﻦ ﺍﻫﻠﻲ ﻭﺷﺮﺩ . ﻳﺨﺎﻑ ﺗﺼﻴﺮﻟﻪ ﻣﺸﻜﻠﻪ .
ﺳﻤﻌﺖ ﻣﺎﻟﻚ ﻳﺼﻴﺢ ﺍﻟﻮﻭ
ﺻﺤﺖ ﺍﻟﻮﻭﻭ .. ﺍﻟﺼﻮﺕ ﻣﻘﻄﻊ ... ﺳﻤﻌﺖ ﺻﻮﺕ ﻃﺎﺋﺮﻩ ﻋﺴﻜﺮﻳﻪ ﺑﺎﻟﺠﻮ .. ﻟﻬﻴﺞ ﺍﻟﺸﺒﻜﻪ ﺿﻌﻔﺖ ..
ﻗﻔﻠﺖ ﺍﻟﺨﻂ .. ﺑﻘﻴﺖ ﺻﺎﻓﻨﻪ .. ﻳﺎﺭﺏ ﺷﻨﻮ ﺍﻟﻠﻲ ﺩﻳﺼﻴﺮ .. ﺍﺭﺟﻊ ﺍﺧﺎﺑﺮ ﻣﺨﻠﺪ .. ﺑﻠﻜﺖ ﻓﺘﺢ ﺧﻂ ..
ﺍﺗﺼﻠﺖ .. ﻃﻠﻌﺘﻠﻲ ﻣﻮﺿﻔﺔ ﺍﻟﺨﺪﻣﻪ .. ﻋﺬﺭﺍ ﺍﻥ ﺍﻟﺠﻬﺎﺯ ﻣﻐﻠﻖ ﺍﻭ ﺧﺎﺭﺝ ﻧﻄﺎﻕ ﺍﻟﺘﻐﻄﻴﻪ .. ﻣﻦ ﺗﻄﻠﻊ ﺍﻳﺎﻟﻲ ﺑﺪﻱ ﺍﺷﻴﻞ ﺍﻟﺠﻬﺎﺯ ﻭﺍﻛﺴﺮﻩ ..
ﻣﺘﺘﺖ ﻫﺬﺍ ﻭﻳﻨﻪ .. ﺷﺼﺎﺭ ﺑﻴﻪ ﻳﺎ ﺭﺑﻲ .. ﺧﺎﺑﺮﺕ ﺍﻣﻲ .. ﻋﻤﺘﻲ ﮔﺮﺟﻴﻪ ﻳﻤﻬﻢ ... ﺗﺒﺠﻲ ﺗﻜﻮﻝ ﺧﺎﺑﺮﻧﻪ ﺍﻟﻤﺮﻛﺰ ﻣﺎﻟﻪ ﺍﻟﺒﺎﺭﺣﻪ .
ﻃﺎﻟﻊ ﺑﻌﺪ ﻣﻤﺨﻠﺺ ﺍﻟﺪﻭﺍﻡ .. ﻭﺑﻌﺪ ﻣﻤﺎﺭ ﻋﻠﻴﻬﻢ .. ﻭﺍﻟﻴﻮﻡ ﻏﻴﺎﺏ .. ﺣﺘﻰ ﻣﻤﺎﺧﺬ ﺍﺟﺎﺯﻩ ..
ﺳﺄﻟﺘﻨﻲ ﺍﻣﻲ ﺷﻮﻛﺖ ﺍﺟﻲ .. ﻛﺘﻠﻬﺎ ﺍﻟﻀﻬﺮ ﻛﺎﻟﺖ ﺍﺑﻮﺝ ﻳﻤﺮﻟﺞ ﻻ ﺗﺠﻴﻦ ﻭﺣﺪﺝ ..
ﺳﺪﻳﺘﻪ ﻣﻨﻬﺎ .. ﺩﺧﻞ ﺯﺑﻮﻥ .. ﻋﺎﻣﻠﺘﻪ ﻭﺭﺟﻌﺖ ﻛﻌﺪﺕ .. ﺧﺎﺑﺮﺕ ﻣﺎﻟﻚ ﻣﻐﻠﻖ .. ﺗﺮﻛﺘﻪ .. ﻟﻞ 12 ﻃﺐ ﺑﺎﺑﺎ ..
ﻛﻤﺖ ﻋﻠﻰ ﺣﻴﻠﻲ ﻭﺭﺣﺒﺖ ﺑﻲ .. ﺍﺑﺘﺴﻤﻠﻲ ﻭﺣﺠﻪ ﺍﺷﻠﻮﻧﻪ ﺍﻟﺸﻐﻞ ..
- ﺗﻤﺎﻡ ﺍﻟﺤﻤﺪﻟﻠﻪ .
ﺍﻻﺏ -: ﺍﻛﻮﻝ ﺑﻨﺘﻲ .. ﺍﺧﺘﻔﺎﺀ ﻣﺨﻠﺪ ﺍﻟﻪ ﻋﻼﻗﻪ ﺑﺎﻟﺮﺟﺎﻝ ﺍﻟﻠﻲ ﺗﻌﺮﺿﻠﺞ ..
- ﺍﺭﺗﺒﻜﺖ ﺷﮕُﻠﻪ .. ﺍﮔُﻠﻪ ﺍﻱ ﻣﺎﻟﻚ !!.. ﻭﺑﻌﺪﻳﻦ ... ؟
ﻻ ﺍﻋﺮﻑ ﺍﻫﻠﻪ ﻭﻻ ﻧﺎﺳﻪ .. ﻭﻫﻮ ﺍﻟﮕﺪﺭ ﻳﻄﻠﻊ ﺑﻴﻦ ﻟﻴﻠﻪ ﻭﻳﻮﻡ .. ﻳﻜﺪﺭ ﺍﺑﻮﻳﻪ ﻳﻮﺍﺟﻬﻪ ﻭﻫﻮ ﺣﺘﻰ ﻣﺨﻠﺪ ﻋﺴﻜﺮﻱ ﻭﻣﺪﺭﻱ ﻭﻳﻦ ﻭﺩﺍﻩ .
ﺍﺭﻭﺡ ﺍﺿﺤﻲ ﺑﺎﺑﻮﻳﻪ ﺻﻌﺐ .. ﻑ ﻛﺘﻠﻪ ﻣﺎ ﺍﻋﺮﻑ ﺑﺎﺑﺎ ﻣﺎ ﺍﻋﺘﻘﺪ .. ﺍﻟﻮﻟﺪ ﺍﻧﺴﺠﻦ .. ﺷﻴﻮﺩﻳﻪ ﻟﻤﺨﻠﺪ
ﺍﻻﺏ -: ﻻ ﺑﻨﺘﻲ ﻃﺎﻟﻊ .. ﺭﺣﻨﻪ ﺍﻧﻲ ﻭﻋﻤﺞ ﻟﻠﻤﺮﻛﺰ ﻋﻠﻰ ﻣﺨﻠﺪ ﻭﻗﻀﻴﺘﺞ .. ﺍﻟﺮﺟﻞ ﻃﺎﻟﻊ ﻭﻛﺄﻥ ﻣﺎﻛﻮ ﻗﻀﻴﻪ ﻣﺮﻓﻮﻋﻪ ﺣﺎﻭﻟﺖ ﺍﺣﺠﻲ ﺍﻟﻤﻼﺯﻡ
ﻳﻜﻠﻲ ﻳﺠﻲ ﻧﻘﻴﺐ ﻣﺨﻠﺪ ﻭﻳﺸﺮﺣﻠﻚ .. ﺍﻟﻘﻀﻴﻪ ﻳﻤﻪ ﻣﻮ ﻳﻤﻲ .. ﻭﻣﺨﻠﺪ ﻣﺨﺘﻔﻲ .. ﻭﻋﻤﺞ ﻭﻋﻤﺘﺞ ﻳﻜﺴﺮﻭﻥ ﺍﻟﺨﺎﻃﺮ .. ﺑﺎﻟﻬﻢ ﻣﺸﻐﻮﻝ ﻋﻠﻴﻪ ﻭﻟﻴﻠﻬﻢ ﻣﺎ ﻧﺎﻳﻤﻲ ..
ﻟﺠﻴﻦ -: ﻃﻴﺐ ﻭﺍﻟﺤﻞ ..
- ﺣﻠﻴﺶ ﻳﺎﺑﻪ .. ﻧﻨﺘﻈﺮ ﻭﺍﻟﻠﻪ ﻛﺮﻳﻢ .. ﻭﻳﻦ ﻧﺮﻭﺡ ﺑﻼﻍ ﻭﺑﻠﻐﻨﻪ .. ﻭﻫﻮ ﺍﻟﻮﺿﻊ ﺗﺎﻳﻪ ﻳﺎ ﺧﻮﻓﻨﻪ ﻛﺘﻠﻮﻩ ﺑﻘﻀﻴﺔ ﻃﻮﺍﺋﻒ
- ﻻ ﺍﺳﻢ ﺍﻟﻠﻪ ﺍﻥ ﺷﺎﺀﺍﻟﻠﻪ ﻳﺮﺟﻊ .. ﺍﺧﺬﺕ ﺟﻨﻄﺘﻲ ﻭﻗﻔﻠﺖ ﺍﻟﺼﻴﺪﻟﻴﻪ ﺍﻧﻲ ﻭﺑﺎﺑﺎ ﻭﻃﻠﻌﻨﺎ ﺳﻮﻩ ..
ﻭﺻﻠﻨﻪ ﻟﻠﺒﻴﺖ ﻋﻤﻲ ﻋﺜﻤﺎﻥ ﻭﻋﻤﺮﺍﻥ .. ﻣﻮﺟﻮﺩﻳﻦ ﻭﻧﺴﻮﺍﻧﻬﻢ ﻫﻢ .. ﺭﺣﺖ ﺳﻠﻤﺖ ﻋﻠﻴﻬﻢ ﺑﺎﻟﺼﺎﻟﻪ ﻭﻛﻌﺪﺕ .. ﻭﻫﻢ ﻳﺤﺠﻮﻥ ..
ﺣﺠﻪ ﻋﻤﻲ ﻋﻤﺮﺍﻥ ..
ﻋﻤﺮﺍﻥ -: ﻟﺠﻴﻦ ﺑﻨﺘﻲ ﻳﻜﻮﻝ ﺍﺑﻮﺝ ﻣﺨﻠﺪ ﻣﺮﺍﺳﻞ ﻟﺠﻴﻦ ﻭﻛﺎﻳﻞ ﺍﻟﻬﺎ ﺭﺩﻱ ﺿﺮﻭﺭﻱ .. ﺗﻌﺘﻘﺪﻳﻦ ﺷﻨﻮ ﻫﺬﺍ ﺍﻟﻀﺮﻭﺭﻱ ..
🌹🌹
ﻟﺠﻴﻦ -: ﻣﺎ ﺍﻋﺮﻑ ﻋﻤﻮ .. ﻫﻮ ﺍﻧﻲ ﻫﺬﺍ ﺍﻟﺸﻲ ﺍﻟﻠﻲ ﺍﺭﻳﺪ ﺍﻋﺮﻓﻪ .. ﺷﻨﻮ ﺍﻟﺸﻲ ﺍﻟﻀﺮﻭﺭﻱ
ﻋﻤﺮﺍﻥ -: ﺯﻳﻦ ﺷﻨﻮ ﻫﺬﺍ ﺍﻟﺮﺟﺎﻝ ﺍﻟﻤﺘﻌﺮﺿﻠﺞ ﺷﻤﺴﻮﻳﻠﺞ ..
ﻟﺠﻴﻦ -: ﺩﺍ ﺍﺭﻳﺪ ﺍﺣﺠﻲ ﺳﺒﻘﻨﻲ ﺑﺎﺑﺎ ..
ﺍﻻﺏ -: ﺍﻱ ﻣﻮ ﻛﺘﻠﻚ ﻳﺎ ﺍﺑﻮ ﻣﺨﻠﺪ ﺍﻟﺮﺟﺎﻝ ﻛﺎﺳﺮ ﻋﻠﻴﻬﺎ ﺑﺴﻴﺎﺭﺗﻪ ﺑﺎﻟﺸﺎﺭﻉ .. ﻭﺷﺎﻣﺮ ﺟﻢ ﻛﻠﻤﻪ ﻣﻮ ﺯﻳﻨﻪ ﻭﻣﺨﻠﺪ ﺍﺗﺼﺮﻑ ﻭﻳﺎﻩ ..
ﻋﻤﺮﺍﻥ -: ﻭﺍﻟﻮﻟﺪ ﻃﺎﻟﻊ .. ﻣﺎﻛﻮ ﻣﻤﻮﺟﻮﺩ .. ﻳﻌﻨﻲ ﻫﻮ ﺍﻟﻤﺘﻌﺮﺽ ﻟﻤﺨﻠﺪ ﺑﺴﺒﺐ ﻟﺠﻴﻦ ..
ﻟﺠﻴﻦ -: ﻋﻤﻮ ﻟﻼﻥ ﻣﻤﺒﻴﻦ ﻛﻮﻟﺸﻲ .. ﻟﻨﺴﺒﻖ ﺍﻻﺣﺪﺍﺙ .. ﻣﺨﻠﺪ ﻭﺣﺪﻩ ﻳﻌﺮﻑ ﺍﻟﺴﺒﺐ ﻭﻳﺎﺭﺏ ﻧﻠﻜﺎﻩ ﻭﻧﻌﺮﻑ ﻣﻨﻪ ﺍﻟﺤﻘﻴﻘﻪ ..
ﮔﺮﺟﻴﻪ -: ﻛﻠﻪ ﻣﻦ ﻭﺭﺍﺝ ﻣﺨﻠﻴﻪ ﺍﻟﺮﺟﺎﻝ ﻳﺮﻛﺾ ﻭﺭﺍﺝ ﻭﻭﺭﻩ ﺑﻼﻭﻳﺞ ﻭﺗﺎﻟﻲ ﺿﺎﻉ ﺍﺑﻨﻲ ﻭﺍﻟﻠﻪ ﺍﺫﺍ ﺻﺎﺭ ﺑﺎﺑﻨﻲ ﺷﻲ ﻳﺎ ﻟﺠﻴﻦ ﻣﺤﺪ ﻳﺨﻠﺼﺞ ﻣﻦ ﺍﺩﻳﻪ ..
- ﻣﺎ ﺭﺩﻳﺖ ﻋﻠﻴﻬﺎ ﺍﻣﻲ ﻭﺍﺑﻮﻳﻪ ﺭﺩﻭ .. ﻛﻠﺒﻬﺎ ﻋﻠﻰ ﺍﺑﻨﻬﺎ ﺣﻘﻬﺎ .. ﻋﻔﺘﻬﻢ .. ﻭﺻﻌﺪﺕ ﻟﻐﺮﻓﺘﻲ
ﻛﻌﺪﺕ ﻋﻠﻰ ﺍﻟﻜﺮﺳﻲ ﺍﻟﻜﺒﺎﻝ ﻣﺮﺍﻳﺘﻲ .. ﻭﺻﺎﻓﻨﻪ ﺍﻓﻜﺮ ﺑﻴﻪ .. ﻣﺎﻟﻚ ﺍﻛﻴﺪ ﻳﻌﺮﻑ ﺷﻲ ﻋﻦ ﻣﺨﻠﺪ .. ﻛﺎﻟﻲ ﻳﺪﻓﻊ ﺛﻤﻦ ﻏﺒﺎﺀﺝ .. ﺍﻭﻑ ﺭﺑﻲ ﺳﺎﻋﺪﻱ
ﺩﻧﻜﺖ ﻭﺛﺒﺘﺖ ﺍﺩﻳﻪ ﻉ ﺍﻟﻤﻴﺰ ﻭﺑﻘﻴﺖ ﺍﻓﺮﻙ ﺭﺍﺳﻲ ﺑﺘﻌﺐ .. ﺷﺴﻮﻱ ﻟﻬﺬﺍ ﻣﺎﻟﻚ ﻭﺍﺧﻠﺺ ﻣﻨﻪ ﻳﺎﺭﺑﻲ ..
ﻛﻤﺖ ﻣﻦ ﻣﻜﺎﻧﻲ ﻧﺰﻋﺖ ﻣﻼﺑﺴﻲ .. ﺷﻤﻴﺘﻬﻢ ﻋﺮﻛﺎﻧﻪ .. ﺍﺭﻭﺡ ﺍﺳﺒﺢ ﺣﺘﻰ ﺍﺭﺗﺎﺡ .. ﺍﺧﺬﺕ ﻣﻼﺑﺲ ﻭﺭﺣﺖ ﻟﻠﺤﻤﺎﻡ ..
ﻛﻤﻠﺖ ﻭﻃﻠﻌﺖ .. ﺗﺮﻛﺖ ﺷﻌﺮﻱ ﻣﻔﺘﻮﺡ ﻭﻧﻤﺖ .. ﺑﻌﺪﻧﻲ ﻫﺴﺘﻮﻧﻲ ﻏﻔﻴﺖ .. ﺩﻙ ﺟﻬﺎﺯﻱ .. ﺭﻓﻌﺘﻪ ﻣﺤﻤﺪ ..
- ﺍﻟﻮ ﻫﺎ ﻣﺤﻤﺪ ..
- ﻫﻼ ﻟﺠﻴﻦ ﺷﻠﻮﻧﺞ
- ﺗﻤﺎﻡ ﺍﻟﺤﻤﺪﻟﻠﻪ ..
- ﺿﻞ ﺑﺎﻟﻲ ﻋﻠﻴﺞ .. ﺍﻟﺒﺎﺭﺣﻪ ﻭﺿﻌﺞ ﻣﻌﺠﺒﻨﻲ ﺧﻴﺮ ﺧﻮﻣﺎ ﺻﺎﻳﺮ ﺷﻲ ..
- ﻻ ﺍﻟﺤﻤﺪﻟﻠﻪ ﺯﻳﻨﻪ ..
- ﺍﻱ ﺯﻳﻦ . ﺍﻛﻮﻝ ﺍﻟﻤﺆﺳﺴﻪ ﻃﺎﻟﺒﻪ ﻣﻮﺿﻔﺎﺕ .. ﺗﺸﺘﻐﻠﻴﻦ ﻣﻌﺎﻫﻢ ﺍﻧﻲ ﺳﻮﻟﻔﺖ ﻟﻤﺪﻳﺮ ﺍﻟﻘﻨﺎﺓ ﻋﻨﺞ .. ﻭﻛﺘﻠﻪ ﺗﻤﺘﻠﻚ ﻣﻀﻬﺮ ﺟﻤﻴﻞ ﺗﻄﻠﻊ ﺑﻴﻪ ﻟﻠﺸﺎﺷﻪ
- ﻣﻦ ﺫﻭﻗﻚ ﺗﺴﻠﻤﻠﻲ .. ﻣﺎ ﺍﻋﺮﻑ ﻫﺴﻪ .. ﻫﺴﺘﻮﻧﻲ ﺩﺧﻠﺖ ﻣﻦ ﺍﻟﺼﻴﺪﻟﻴﻪ .. ﻭﺗﻌﺒﺎﻧﻪ ﺑﺎﺟﺮ ﺍﻟﺘﻘﻴﻚ ﻭﻧﺤﺠﻲ .. ﻣﺎﺷﻲ
- ﻫﺎ ﺍﻭﻙ ﺑﺮﺍﺣﺘﺞ . ﻭﺷﻲ ﺛﺎﻧﻲ ﻋﻨﺪﻱ ﻣﻮﺿﻮﻉ ﺧﺎﺹ ﺍﺭﻳﺪ ﺍﺣﺠﻲ ..
- ﺷﻨﻮ ﻫﻮ؟؟
- ﺷﻲ ﻳﺨﺺ ﺣﻴﺎﺗﺞ .. ﺑﻌﺪﻳﻦ ﻣﻦ ﻧﻠﺘﻘﻲ .. ﻧﺤﺠﻲ ﻣﻊ ﺍﻟﺴﻼﻣﻪ ..
- ﺍﻟﻠﻪ ﻭﻳﺎﻙ .. ﺷﻤﺮﺕ ﺍﻟﺠﻬﺎﺯ ﻭﻧﻤﺖ .. ﻣﺎ ﺍﻋﺮﻑ ﺷﻜﺪ ﻧﺎﻳﻤﻪ ﻭﺳﻤﻌﺖ ﺻﻴﺎﺡ ﺟﻮﻩ .. ﻓﺰﻳﺖ ﺑﺴﺎﻉ .. ﻭﻧﺰﻟﺖ ..
ﻟﻜﻴﺖ ﻣﺎﻣﺎ ﻻﺑﺴﻪ ﻭﺗﺮﻳﺪ ﺗﻄﻠﻊ ﻭﺍﺑﻮﻱ ﻳﺼﻴﺢ ﺑﺴﺎﻉ ﻭﺩﺍﺍﺍﺍﺍﺩ .. ﻭﻋﻤﻲ ﻋﺜﻤﺎﻥ ﻳﻔﻮﺕ ﻣﻨﻲ ﻳﺼﺢ ﻛﻠﻪ ﻣﻨﺞ ﻳﻢ ﺍﻟﻘﻨﻮﺍﺕ .. ﺧﻠﻲ ﺗﻔﻴﺪﺝ ﺍﻟﻘﻨﻮﺍﺕ .. ﺿﻴﻌﺘﻲ ﺍﻟﻮﻟﺪ ﺍﻟﻠﻪ ﻻ ﻳﺒﺎﺭﻙ ﺑﻴﺞ
ﺭﻛﻀﺖ ﻭﺭﻩ ﻣﺎﻣﺎ ﺷﻜﻮ .. ﻃﻠﻌﺖ ﻟﻠﻜﺮﺍﺝ .. ﻟﻜﻴﺖ ﻋﻤﺘﻲ ﻛﺮﺟﻴﻪ ﻣﺘﺨﺮﺑﻄﻪ ﻓﺪ ﻣﺮﻩ .. ﺻﺤﺖ ﺑﺎﺑﺎ ﺷﻜﻮ ..
ﻛﺎﻝ ﺧﺎﺑﺮﻭﻧﻪ ﻋﻠﻰ ﺟﺜﻪ ﻧﻔﺲ ﻣﻮﺍﺻﻔﺎﺕ ﻣﺨﻠﺪ ... ﻭﺭﺍﻳﺤﻴﻦ ﻧﺸﻮﻓﻪ ﻭﻋﻤﺘﺞ ﺍﺗﺨﺮﺑﻄﺖ ﺩﻳﺮﻱ ﺑﺎﻟﺞ ﻉ ﺍﻟﺒﻴﺖ ﻭﻗﻔﻠﻲ ﺯﻳﻦ ﻟﺠﻴﻦ .
🌹🌹
ﻃﻠﻌﻮ ﻛﻠﻬﻢ ﺑﻠﺤﻈﻪ ﻭﻓﻀﻰ ﺍﻟﺒﻴﺖ .. ﺑﻘﺖ ﺗﻨﺰﻝ ﺩﻣﻮﻋﻲ ﻣﻌﻘﻮﻟﻪ ﻣﺨﻠﺪ ﻣﺎﺕ ﺑﺴﺒﺒﻲ .. ﺭﻛﻀﺖ ﻟﻠﺒﻴﺖ ﺻﻌﺪﺕ ﻭﻃﻠﻌﺖ ﺟﻬﺎﺯﻱ ..
ﺧﺎﺑﺮﺕ ﻣﺎﻟﻚ .. ﺭﻥ ﺭﻥ ... ﺭﺩﺕ ﻋﻠﻴﻪ ﺑﻨﻴﻪ ..
ﻟﺠﻴﻦ -: ﺍﻟﻮﻭ
-: ﺍﻟﻮ ﻣﻨﻮ
- ﻣﺎﻟﻚ ﻭﻳﻨﻪ
- ﻭﺍﻧﺘﻲ ﻣﻨﻮ
- ﺍﻧﻄﻲ ﺍﻟﺠﻬﺎﺯ ﺍﻟﻤﺎﻟﻚ ﻭﻛﻮﻟﻴﻠﻪ ﻟﺠﻴﻦ
- ﻟﺠﻴﻦ ﻣﻨﻮ ؟
- ﺩﺍ ﺍﻛﻮﻟﺞ ﺍﻧﻄﻲ ﺍﻟﺠﻬﺎﺯ ﻟﻤﺎﻟﻚ ﺍﺭﻳﺪ ﺍﺣﺠﻲ ﻭﻳﺎﻩ . ﻗﻔﻠﺖ ﺍﻟﺠﻬﺎﺯ ﺑﻮﺟﻬﻲ .. ﺑﺎﻟﻠﻪ ﻫﺎﻱ ﻣﻨﻮ ﺍﺩﻭﺭ
ﻳﺎ ﺍﻟﻠﻪ ﺷﺴﻮﻱ ﻫﺴﻪ .. ﻭﻳﻦ ﺍﺭﻭﺡ .. ﻳﺎ ﺭﺏ ﺑﺲ ﻛﻮﻥ ﻣﺨﻠﺪ ﻣﺎ ﺑﻲ ﺷﻲ .. ﻳﺎﺭﺏ ﺑﺠﺎﻫﻚ .. ﺍﺣﻔﻈﻪ .. ﻳﺎﺭﺏ ﻛﻮﻥ ﻣﻮ ﻫﻮ ..
ﻟﺴﺎﻋﻪ ﻛﺎﻣﻠﻪ ﻗﺎﻓﻠﻪ ﺍﻟﺒﻴﺖ ﻭﻛﺎﻋﺪﻩ ﻭﺣﺪﻱ .. ﻭﺍﺑﺠﻲ .. ﺧﺎﺑﺮﺕ ﺍﻣﻲ .. ﺭﻓﻌﺖ ﺧﻂ ﺑﺴﺎﻉ .. ﻭﺻﺤﺖ ﻫﺎﺍﺍﺍ ﺑﺸﺮﻱ ﻣﺨﻠﺪ ﻟﻮ ﻏﻴﺮﻩ
ﺍﻻﻡ -: ﺍﻟﺤﻤﺪﻟﻠﻪ ﻣﻮ ﻣﺨﻠﺪ .. ﺷﺨﺺ ﺛﺎﻧﻲ ..
- ﺩﻧﻜﺖ ﺍﺑﺠﻲ ﺑﺤﺮﮔﻪ .. ﺍﻟﺤﻤﺪﻟﻠﻪ ﺭﺑﻲ .. ﺍﺷﻜﺮﻙ ﻭﺍﺣﻤﺪﻙ ..
ﻛﻤﺖ ﻣﻦ ﻣﻜﺎﻧﻲ ﺑﺴﺎﻉ ﺑﺪﻟﺖ ﻭﺍﺧﺬﺕ ﻣﻔﺎﺗﻴﺢ ﺳﻴﺎﺭﺗﻲ ﻭﻃﻠﻌﺖ ﺑﺴﺎﻉ ﻣﻦ ﺍﻟﺒﻴﺖ ﻭﻗﻔﻠﺘﻪ ﻭﺍﻧﻄﻴﺖ ﺍﻟﻘﻔﻞ ﻟﺠﻴﺮﺍﻧﻪ .
ﻭﺧﺎﺑﺮﺕ ﻣﺎﻣﺎ ﻛﺘﻠﻬﺎ .. ﻛﺎﻟﺖ ﻭﻳﻦ ﺭﺍﻳﺤﻪ ..
- ﺍﺻﻔﻲ ﺍﻟﺤﺴﺎﺏ
- ﻭﺝ ﺩﺍﺩﻩ ﻳﺎ ﺣﺴﺎﺏ ﻟﺠﻴﻦ ﻛﻌﺪﻱ ﺭﺍﺣﻪ .
- ﻳﻮﻡ ﺷﻨﻨﺘﻀﺮ ﻳﻤﻮﺕ .. ﻟﻮ ﻧﺒﻘﻰ ﻋﺎﻳﺸﻴﻦ ﺑﻬﻠﺨﻮﻑ ﻃﻮﻝ ﻋﻤﺮﻧﺎ ..
- ﻭﺝ ﻣﺎﻣﺎ ﺍﺳﺘﺮﻱ ﻋﻠﻴﻨﻪ ﻛﻮﻟﺸﻲ ﻭﻻ ﺍﻟﻌﺎﺭ ..
- ﺍﻟﻌﺎﺭ ﻭﻻ ﺍﻟﻨﺎﺭ ﻳﻤﻪ .. ﺗﻌﺒﺖ ﻭﺍﻧﻲ ﺍﺧﺎﻑ ﻣﻨﻪ .. ﺍﺭﻭﺡ ﺍﻭﺍﺟﻪ ﻭﺍﺷﻮﻓﻪ ﺷﻴﺴﻮﻱ .. ﻳﻼ ﻣﻊ ﺍﻟﺴﻼﻣﻪ ﺍﺩﻋﻴﻠﻲ .. ﻭﻫﻲ ﺗﺤﺠﻲ ﻗﻔﻠﺖ ﺍﻟﺠﻬﺎﺯ ..
ﻣﺴﺤﺖ ﺩﻣﻮﻋﻲ .. ﺑﺎﻭﻋﺖ ﺑﻤﺮﺍﻳﺔ ﺍﻟﺴﻴﺎﺭﻩ ﺍﻻﻣﺎﻣﻴﻪ .. ﺷﻌﺮﻱ ﻣﺒﺮﻭﻡ ﻛﻠﻪ .. ﻻﻥ ﻣﺸﻄﺘﻪ ﻭﻋﻔﺘﻪ ﻣﻔﺘﻮﺡ ﻭﻧﻤﺖ .. ﺑﻼ ﻣﺎ ﺍﻟﻤﻪ .. ﺑﺲ ﺯﻳﻦ ﻧﺎﻋﻢ ..
ﺑﻘﺎﻳﺎ ﻛﺤﻞ ﺑﻌﻴﻮﻧﻲ ﻭﺟﻬﻲ ﻣﺒﻲ ﺍﻱ ﻣﻜﻴﺎﺝ .. ﻃﻠﻌﺖ ﺍﻟﺒﻄﺎﻗﻪ ﻣﻦ ﺟﻨﻄﺘﻲ .. ﻭﺑﺎﻭﻋﺖ ﻋﻨﻮﺍﻧﻪ ..
ﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ .. ﺍﺩﻳﻪ ﺗﺮﺟﻒ ﻣﺎ ﺍﻋﺮﻑ ﻣﺼﻴﺮﻱ ﺷﻨﻮ .. ﻣﻤﻜﻦ ﺍﻧﻄﻲ ﻧﻔﺴﻲ ﻣﻘﺎﺑﻞ ﺣﻴﺎﺓ ﻣﺨﻠﺪ .
ﺍﺣﺎﻭﻝ ﻣﺎ ﺍﺑﺠﻲ .. ﺑﺲ ﻋﻴﻮﻧﻲ ﻭﺣﺪﻫﻦ ﻳﺠﺮﻥ ﻣﻦ ﺍﻟﺨﻮﻑ .. ﻭﺻﻠﺖ ﻟﻠﻌﻤﺎﺭﻩ ﺍﻟﻠﻲ ﻫﻮ ﺳﺎﻛﻦ ﺑﻴﻬﺎ ..
ﺍﺧﺬﺕ ﻧﻔﺲ .. ﻓﺘﺤﺖ ﺍﻟﭽﻜﻤﭽﻪ .. ﺑﻴﻬﺎ ﺳﺠﻴﻦ ﺻﻐﻴﺮﻩ .. ﻣﺨﻠﻴﺘﻬﺎ ﺍﺣﺘﻴﺎﻁ ﺍﻣﻨﻲ .. ﺟﺮﻳﺘﻬﺎ ﻭﺧﻠﻴﺘﻬﺎ ﺍﺑﻨﻄﺮﻭﻧﻲ ﻣﻦ ﻭﺭﻩ ..
ﻭﺍﺧﺬﺕ ﻣﻮﺑﺎﻳﻠﻲ ﻭﻧﺰﻟﺖ .. ﺧﻠﻴﺘﻪ ﺑﺠﻴﺒﻲ ﻭﺻﻌﺪﺕ .. ﺍﻟﺒﻄﺎﻗﻪ ﺑﻴﺪﻱ .. ﺭﻗﻢ ﺷﻘﺘﻪ 12 .. ﺻﻌﺪﺕ ﺍﻟﺪﺭﺝ
ﻭﺻﻠﺖ ﻟﻠﺸﻘﻪ .. ﻫﻲ ﻟﻮ ﻻ .. ﺑﻘﻴﺖ ﺍﺑﺎﻭﻉ ﻋﻠﻤﻜﺎﻥ .. ﺩﺭﺝ ﻧﺎﺯﻝ ﻭﺩﺭﺝ ﺻﺎﻋﺪ .. ﻭ 3 ﺷﻘﻖ ﻣﻮﺟﻮﺩﻩ ﺑﻬﻠﻤﻜﺎﻥ ..
ﻫﺎﻱ ..12 ﻣﻌﻘﻮﻟﻪ ﻣﻜﺎﻧﻪ ﻣﻀﺒﻮﻁ .. ﺍﺩﻙ ﻭﺍﺷﻮﻑ .. ﺩﻛﻴﺖ ﺍﻟﺠﺮﺱ ... ﻭﺑﻌﺪﻳﻦ ﺩﻛﻴﺖ ﺍﻟﺒﺎﺏ ﻭﻳﺎﻫﺎ ..
ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﻫﻮ ﻧﻔﺴﻪ ﻣﺎﻟﻚ .. ﺗﻒ ﻻ ﻫﻠﻪ ﺑﻮﺟﻬﻚ ..
🌹🌹
ﻣﺎﻟﻚ -: ﺍﻫﻼﺍﺍﺍ ﺷﻨﻮ ﻫﺎﻟﻤﻔﺎﺟﺌﻪ ﺍﻟﺤﻠﻮﻩ ..
ﻟﺠﻴﻦ -: ﻣﺎﻟﻚ ﻭﻳﻦ ﻣﺨﻠﺪ .....
ﻗﻮﺱ ﻋﻴﻮﻧﻪ ﻭﺣﺠﻪ ..
- ﺷﻨﻮﻭﻭ
- ﺟﺎﻱ ﺍﻛﻮﻟﻚ ﻣﺨﻠﺪ ﺍﺑﻦ ﻋﻤﻲ ﻭﻳﻨﻪ .... ﻣﺘﺎﻛﺪﻩ ﺍﻧﺘﻪ ﺗﻌﺮﻑ ﻣﻜﺎﻧﻪ ﺍﻟﻠﻪ ﻳﺨﻠﻴﻚ ﻫﻮ ﻣﻌﻠﻴﻪ .. . ﻭﺍﻧﻲ ﺍﺣﺠﻲ ﺑﺠﻴﺖ
- ﻫﺶ ﻫﺸﺶ .. ﻓﻀﺤﺘﻴﻨﺎ ﺑﺎﻟﻌﻤﺎﺭﻩ ﺗﻌﺎﻟﻲ ﺍﺩﺧﻠﻲ ..
- ﺑﻘﻴﺖ ﻣﺘﺼﻨﻤﻪ ﺑﻤﻜﺎﻧﻲ ﺧﻔﺖ ﺍﺩﺧﻞ .. ﺟﺮ ﺍﻳﺪﻱ ﻭﻛﺎﻝ ﻟﺘﺨﺎﻓﻴﻦ ﺗﻌﺎﻟﻲ ..
ﻓﺘﺖ ﻭﺳﺪ ﺍﻟﺒﺎﺏ ﻭﺭﺍﻱ .. ﺑﺎﻭﻋﺖ ﻟﻠﺸﻘﻪ ﺍﻛﻮ ﺭﺟﺎﻝ ﻣﻮﺟﻮﺩ . ﺷﺎﻳﻔﺘﻪ ﺑﺲ ﻭﻳﻦ .. ﺑﻘﻴﺖ ﺍﺳﺘﻌﻴﺪ ﺫﺍﻛﺮﺗﻲ
ﻣﻮ ﻛﻠﺶ ﺍﺗﺬﻛﺮ ﺍﻟﻨﺎﺱ ﻟﻜﺜﺮﺓ ﺍﺧﺘﻼﻃﻲ ﻣﻊ ﺍﺷﺨﺎﺹ ﻛﺜﺮ ﻳﻤﺮﻭﻥ ﻟﻠﺼﻴﺪﻟﻴﻪ ﻭﺑﺸﺎﺭﻉ .. ﺍﺗﺬﻛﺮﺗﻪ ﺍﻟﻴﻮﻡ ﺍﺟﻪ ﻟﻠﺼﻴﺪﻟﻴﻪ ..
ﺷﻔﺘﻪ ﻛﺎﻡ ﺑﺄﺗﺠﺎﻫﻲ .. ﻛﻠﺒﻲ ﻭﻛﻊ ﻣﻦ ﺍﻟﺨﻮﻑ ﻣﻦ ﻛﺎﻡ .. ﺗﺮﺍﺟﻌﺖ .. ﺍﻧﻀﺮﺑﺖ ﺑﻤﺎﻟﻚ ﻭﺭﺍﻱ .. ﻳﺎ ﺍﻟﻠﻪ ﻫﺎﻱ ﺑﻴﺎ ﻣﺼﻴﺒﻪ ﺣﻄﻴﺖ ﻧﻔﺴﻲ ..
ﺑﻘﻴﺖ ﺍﺑﺎﻭﻉ ﻟﻤﺎﻟﻚ ﻭﻟﻠﻮﻟﺪ ﺑﺨﻮﻑ .. ﺣﺠﻪ
ﺍﻳﻬﺎﺏ -: ﺍﻫﻼ ﺳﺖ ﻟﺠﻴﻦ ﻧﻮﺭﺗﻲ ..
- ﻛﻤﺖ ﺍﺗﺮﺍﺟﻊ ﻭﺍﺗﻠﻤﺲ ﺑﻤﺎﻟﻚ ﻣﻦ ﺍﻟﺨﻮﻑ .. ﻭﻛﺄﻧﻲ ﺍﻫﺮﺏ ﻣﻦ ﻭﺣﺶ ﻭﺍﺗﺨﺒﻰ ﺧﻠﻒ ﻭﺣﺶ ﺍﺧﺮ ... ﺑﺪﻭﻥ ﺍﻣﻞ ﻟﻠﺴﺒﻴﻞ ﻣﻨﻪ ..
ﻣﺎﻟﻚ -: ﻟﺘﺨﺎﻓﻴﻦ ﻫﺬﺍ ﺻﺪﻳﻘﻲ ..
ﻟﺠﻴﻦ -: ﺑﮕﻠﺒﻲ ﮔﻠﺖ ﻫﻮ ﻻﻥ ﺻﺪﻳﻘﻚ ﻣﺜﻠﻚ ﻻﺯﻡ ﺍﺧﺎﻑ ﻣﻨﻪ . .. ﺑﺲ ﺍﻟﺘﺰﻣﺖ ﺑﺼﻤﺖ ﺑﺲ ﻋﻴﻮﻧﻲ ﺗﻌﺒﺮ ﻋﻦ ﺧﻮﻓﻲ ..
ﻟﺤﺪ ﻣﺎ ﻃﻠﻌﺖ ﻣﺮﻩ ﻣﻦ ﺍﻟﻐﺮﻓﻪ ﻣﺎ ﺍﻋﺮﻑ ﻣﻄﺒﺦ .. ﺣﺠﺖ ﻣﻨﻮ ﻫﺎﻳﻪ .. ﺑﺎﻭﻋﺘﻠﻬﺎ ﺑﺴﺎﻉ ..
ﻣﺎﻟﻚ -: ﻣﻴﺨﺼﻜﻢ .. ﺍﻧﺘﻬﺖ ﺯﻳﺎﺭﺗﻜﻢ ﻳﻼ ﻭﻟّﻮ ﺷﻮﻓﻮﻧﻲ ﺍﺟﺘﺎﻓﻜﻢ ..
- ﺩﻓﻌﻨﻲ ﻭﺭﻩ ﺿﻬﺮﻩ ﻭﻓﺘﺢ ﺍﻟﺒﺎﺏ ﻭﻭﻛﻒ ﺍﺷﺮﻟﻬﻢ ﺑﺮﻩ .. ﺍﻟﻤﺮﻩ ﺍﺧﺬﺕ ﺟﻨﻄﺘﻬﺎ ﺑﻌﺼﺒﻴﻪ ﻭﻃﻠﻌﺖ ﺑﺴﺎﻉ ..
ﻭﺍﻟﻮﻟﺪ ﺷﺎﻝ ﺑﺎﻛﻴﺖ ﺟﻜﺎﻳﺮﻩ ﻭﻣﻮﺑﺎﻳﻠﻪ ﻭﻗﺒﻞ ﻻ ﻳﻄﻠﻊ ﺻﺎﺭ ﻭﺟﻪ ﺑﻮﺟﻪ ﻭﻳﻪ ﻣﺎﻟﻚ ﻭﻏﻤﺰﻟﻪ ﻭﻛﺎﻟﻪ ﺑﺎﻟﻌﺎﻓﻴﻪ ﻳﺎﺍﺍﺍﺍ ﻣﻠﻚ .. ﻭﺑﺎﻭﻋﻠﻲ
ﻣﺘﺖ ﺧﻮﻑ ﻣﻦ ﻏﻤﺰﺗﻪ .. ﺑﺴﺮﻋﻪ ﻣﺪﻳﺖ ﺍﻳﺪﻱ ﻟﻠﺴﺠﻴﻨﻪ ﺑﻀﻬﺮﻱ .. ﺧﻠﻴﺖ ﺍﻳﺪﻱ ﻋﻠﻴﻬﺎ . ﻣﺎﻟﻚ ﻃﻠﻌﻬﻢ ﻭﺳﺪ ﺍﻟﺒﺎﺏ
ﺷﺎﻝ ﺭﺍﺳﻪ ﻭﺑﺎﻭﻋﻠﻲ .. ﺿﺤﻚ ﻭ ﺍﻧﺪﺍﺭ ﻣﺸﻰ ﻭﺣﺠﻪ
ﻣﺎﻟﻚ -: ﺷﻤﺮﻱ ﺳﺠﻴﻨﺘﺞ ﻳﺎ ﺣﻠﻮ ... ﻣﻮ ﻧﺎﻭﻱ ﺍﺋﺬﻳﺞ ..
ﻟﻮ ﺭﺩﺕ .. ﻣﺎ ﺗﻤﻨﻌﻨﻲ ﺳﺠﻴﻦ .. ﻛﺎﻥ ﻣﻦ ﺯﻣﺎﻥ ﺍﺧﺬﺕ ﺍﻻﺭﻳﺪﻩ ..
ﺍﺑﺎﻭﻋﻠﻪ ﻃﻮﻳﻞ ﺣﻴﻞ .. ﻭﺟﺴﻤﻪ ﺗﺎﺭﺱ ﻭﻣﻌﻀﻞ .. ﺑﺲ ﻋﻨﺪﻩ ﺑﻄﻦ ﺷﻮﻱ ... ﻻﺑﺲ ﺗﺸﻴﺮﺕ ﺍﺳﻮﺩ ﺭﺑﻊ ﺭﺩﻥ .. ﺍﺩﻳﻪ ﻛﻠﻬﺎ ﻭﺷﻢ .. ﺍﻟﻠﻲ ﻟﻔﺖ ﺍﻧﺘﺒﺎﻫﻲ ﺑﺎﻟﻮﺷﻢ ﻣﺎﻟﺘﻪ ﻋﻠﻰ ﺍﻳﺪﻩ ..
ﺣﺮﻑ A ﺣﻮﻟﻬﺎ ﺩﺍﺋﺮﻩ .. ﻣﺜﻞ ﺍﻵﺕ @ ﺑﺲ ﻛﺎﺑﺘﻞ .. ﻣﻔﺘﻬﻤﺖ ﺷﻨﻮ ﻫﺬﺍ ﺍﻟﺮﻣﺰ ﺑﻮﻗﺘﻬﺎ ..
ﺍﻧﺪﺍﺭ .. ﻭﺍﺑﺘﺴﻢ .. ﺗﻌﺎﻟﻲ ﻟﺘﺨﺎﻓﻴﻦ .. ﺍﺗﻔﻀﻠﻲ ﻛﻌﺪﻱ .. ﻭﺍﺷﺮﻟﻲ ﺍﻛﻌﺪ ..
- ﺗﺮﻛﺖ ﺍﻟﺴﺠﻴﻦ ﺑﻀﻬﺮﻱ ﻭﻧﺰﻟﺖ ﺍﻳﺪﻱ ....... ﺍﺑﻦ ﻋﻤﻲ ﻭﻳﻨﻪ
ﻛﻌﺪ ﻛﺒﺎﻟﻲ ﻭﺧﻠﻰ ﺭﺟﻞ ﻋﻠﻰ ﺭﺟﻞ ﻭﺭﺟﻊ ﺿﻬﺮﻩ ﻭﻳﺒﺎﻭﻋﻠﻲ ﺑﺎﺑﺘﺴﺎﻣﻪ ..
ﻣﺎﻟﻚ -: ﻣﺎ ﺍﻋﺮﻑ
- ﺗﻘﺮﺑﺖ ﺍﻛﺜﺮ .. ﺣﺴﺎﺑﻚ ﻭﻳﺎﻱ ﻣﻮﻭﻭ ﻃﻴﺐ ﺍﺗﺮﻙ ﺍﺑﻦ ﻋﻤﻲ ﻭﺻﻔﻲ ﺣﺴﺎﺑﻚ ﻭﻳﺎﻱ ﺍﻟﻠﻪ ﻳﺨﻠﻴﻚ ﻻ ﺗﻘﺘﻠﻮﻩ
🌹🌹
ﻣﺎﻟﻚ -: ﻫﻠﻜﺪ ﺗﺤﺒﻲ
- ﻛﻌﺪﺕ ... ﻻ ﺑﺲ ﻣﺎ ﺍﺣﺐ ﺍﺣﺪ ﻳﺘﺄﺫﻯ ﺑﺴﺒﺒﻲ ..
- ﻫﻤﻤﻢ .. ﺯﻳﻦ ﺷﻨﻮ ﺍﻟﻠﻲ ﺗﻜﺪﺭﻳﻦ ﺗﻘﺪﻣﻴﻪ ﻣﻘﺎﺑﻞ ﺣﻴﺎﺗﻪ .
- ﻫﻮ ﻋﺎﻳﺶ .. ﺑﻘﻰ ﻳﺒﺎﻭﻋﻠﻲ ﺑﺪﻭﻥ ﺟﻮﺍﺏ ..
- ﺟﺎﻭﺑﻲ ..
- ﺍﻧﺘﻪ ﺷﻨﻮ ﺍﻟﻠﻲ ﺗﺮﻳﺪﻩ ..
- ﺍﺑﺘﺴﻢ .. ﻟﻬﺪﺭﺟﻪ ﺿﻌﻔﺘﻲ ..
- ﻻ .. ﺑﺲ ﺩﺍ ﺍﺣﺎﻭﻝ ﺍﺣﻤﻲ ﺷﺨﺺ ﺑﺮﻳﺊ ..
- ﻧﺰﻝ ﺭﺟﻠﻴﻪ ﻭﺛﺒﺖ ﺍﺩﻳﻪ ﻋﻠﻴﻬﻢ ﻭﻗﺪﻡ ﺭﺍﺳﻪ ﻭﺣﺠﻪ .. ﻟﺠﻴﻦ ﺍﻧﻲ ﺍﺭﻳﺪﺝ ....... ﺍﺭﻳﺪﺝ ﺍﻧﺘﻲ
- ﺑﻠﻌﺖ ﺭﻳﮕﻲ ... ﺍﺭﻳﺪ ﺍﻛﻮﻟﻬﺎ .. ﺍﺧﺬ ﺍﻟﻠﻲ ﺗﺮﻳﺪﻩ ﺑﺲ ﻣﺎ ﺟﺎﻱ ﺗﻄﻠﻊ ﻣﻦ ﺣﻠﻜﻲ ..
ﺑﺲ ﺍﻧﻲ ﺑﻨﻴﻪ ﻭﻫﺎﻟﺸﻲ ﻣﻤﻜﻦ ﻳﺨﺴﺮﻧﻲ ﺣﻴﺎﺗﻲ ..
ﻣﺎﻟﻚ -: ﻗﺼﺪﺝ ﻋﺬﺭﺍﺀ
ﻟﺠﻴﻦ -: ﻣﺎ ﺭﺩﻳﺖ .. ﺍﻛﺘﻔﻴﺖ ﺑﺲ ﺍﺑﺎﻭﻋﻠﻪ ..
- ﻫﺬﺍ ﻣﻴﻤﻨﻊ .. ﺍﻓﺘﻬﻤﻲ ﻛﺘﻠﺞ ﺍﺭﻳﺪﺝ ﻣﻴﻬﻤﻨﻲ ﺍﻥ ﻛﻨﺘﻲ ﻋﺬﺭﺍﺀ ﺍﻭ ﻏﻴﺮﻩ ..
- ﻣﺎ ﺍﻛﺪﺭ ﺍﻓﺘﻬﻤﻨﻲ ﻣﺎ ﺍﻛﺪﺭ .. ﺍﻧﻲ ﻣﻮ ﻣﺜﻞ ﺍﻟﺘﻌﺮﻓﻬﻢ .. ﻣﻮ ﺭﺧﻴﺼﻪ ﺍﻧﻲ .. ﻣﺎ ﺍﻛﺪﺭ .. ﻧﺰﻟﺖ ﺩﻣﻮﻋﻲ ﻭﺍﻧﻲ ﺍﺣﺠﻲ
ﻛﺎﻡ ﻣﻦ ﻣﻜﺎﻧﻪ ﻛﻌﺪ ﻳﻤﻲ ... ﻛﻤﺰﺕ ﻣﻦ ﻳﻤﻪ ﻭﻭﻛﻔﺖ ﻋﻠﻰ ﺣﻴﻠﻲ ﻭﻛﻤﺖ ﺍﺗﺮﺍﺟﻊ ..
ﻛﺎﻡ ﻭﻳﻪ ﻛﻮﻣﺘﻲ ﻭﻣﺪ ﺍﺩﻳﻪ .. ﻟﺘﺨﺎﻓﻴﻦ ﺷﺒﻴﺞ ..
- ﺍﺑﺘﻌﺪ .. ﺍﺑﺘﻌﺪ ﺍﻟﻠﻪ ﻳﺨﻠﻴﻚ ﻭﺑﺠﻴﺖ .. ﻟﺰﻣﻨﻲ ﻣﻦ ﺯﻧﻮﺩﻱ ﺣﻴﻞ .. ﺭﻓﻌﺖ ﺍﺩﻳﻪ ﻭﺑﺤﺮﻛﺔ ﺩﻓﺎﻉ ﻧﺰﻟﺖ ﺭﺍﺳﻲ ﺑﺨﻮﻑ
- ﻟﺠﻴﻦ ﺍﻧﻲ ﺍﺣﺒﺞ ﺻﺪﻛﻴﻨﻲ ﺍﺣﺒﺞ ﻭ ﻣﻮ ﺍﺑﺎﻟﻲ ﺍﺫﻳﺞ ﺍﺑﺪ ..
- ﺣﺠﻪ ﻫﻴﺞ .. ﺑﺎﻭﻋﺖ ﺑﻮﺟﻪ ﻭﻫﻮ ﻻﺯﻣﻨﻲ .. ﺍﻧﻔﺠﺮﺕ ﺑﺎﻟﺒﺠﻲ .. ﺑﺲ ﻫﺬﺍ ﻣﻮ ﺣﺐ ﻭﺍﻟﻠﻪ ﻣﻮ ﺣﺐ ﺍﻧﻲ ﺟﺎﻱ ﺍﺧﺎﻑ ﺣﻴﻞ .. ﺍﻟﻠﻪ ﻳﺨﻠﻴﻚ ﺍﺗﺮﻛﻨﻲ
ﺟﺮﻧﻲ ﻭﺍﻧﻲ ﺍﺣﺠﻲ ﻭﺿﻤﻨﻲ ﻟﺼﺪﺭﻩ ﺣﻴﻞ .. ﻭﻟﻒ ﺍﺩﻳﻪ ﻋﻠﻴﻪ .. ﺍﻳﺪ ﻋﻠﻰ ﺿﻬﺮﻱ ﻭﺍﻳﺪ ﻋﻠﻰ ﺭﺍﺳﻲ .. ﻭﻳﻄﺒﻄﺐ ﻭﻳﻜﻮﻟﻲ
- ﻫﺸﺸﺶ ﺗﻨﻜﺴﺮ ﺍﻳﺪﻱ ﻟﻮ ﺍﺫﻳﺘﺞ .. ﻟﺘﺒﺠﻴﻦ .. ﻟﺠﻴﻦ ﺍﺣﺒﺞ ﺻﺪﻛﻴﻨﻲ ..
- ﺭﻓﻌﺖ ﺭﺍﺳﻲ ﻣﻦ ﺻﺪﺭﻩ .. ﺑﺲ ﺍﻟﺘﻄﻠﺒﻪ ﺻﻌﺐ ﻣﺎ ﺍﻛﺪﺭ
- ﻟﺞ ﺍﻓﺘﻬﻤﻲ ﺍﻧﻲ ﺭﺍﻳﺪﺝ ﺍﻟﺞ .. ﻣﺮﺍﻳﺪ ﺟﺴﻤﺞ .. ﻭﻻ ﺍﻟﻲ ﺭﻏﺒﻪ ﺍﺗﻘﺮﺏ .. ﻛﺎﻥ ﺳﻮﻳﺘﻬﺎ ﻣﻦ ﺯﻣﺎﻥ ﺑﺲ ﺍﻧﻲ ﺍﺭﻳﺪﺝ ﺍﻟﺞ ..
ﺍﺧﺬ ﺭﺍﺳﻲ ﺑﺄﺩﻳﻪ .. ﻭﺑﻘﻰ ﻳﻤﺴﺢ ﻋﻠﻰ ﺷﻌﺮﻱ ﻭﻳﺤﺠﻲ .. ﺍﺣﺒﺞ ﺻﺪﻛﻴﻨﻲ .. ﻭﺭﺟﻊ ﺣﻈﻨﻲ ﺣﻴﻞ ﻭﻳﺘﻨﻔﺲ ﻭﻳﺸﻢ ﻭﻛﺄﻧﻪ ﻳﺘﻨﻔﺴﻨﻲ ﻭﻳﺤﺠﻲ ..
ﻟﺠﻴﻦ ﺍﻧﻲ ﺗﻌﺒﺎﻥ .. ﻛﻠﺶ ﺗﻌﺒﺎﻥ .. ﺍﺧﺬﻳﻨﻲ ﺑﻌﻴﺪ .. ﺻﻮﺗﺞ ﺑﻠﺴﻢ ﻟﺠﺮﻭﺣﻲ ﻋﻄﺮﺝ ﻧﺴﻴﻢ ﺑﺎﺭﺩ ﺍﺭﺗﺎﺡ ﺑﻲ .. ﻟﺠﻴﻦ ﺍﺭﻳﺪ ﺍﺭﺗﺎﺡ ﻣﻦ ﺍﻟﻌﺎﻟﻢ ﻳﻤﺞ ﺍﺧﺬﻳﻨﻲ ..
ﻳﺤﺠﻲ ﻫﻤﺲ ﻭﻫﻮ ﻳﺸﺘﻢ ﺑﺸﻌﺮﻱ ﻭﺣﺎﻇﻨﻲ .. ﺭﻓﻌﺘﻠﻪ ﺭﺍﺳﻲ .. ﺑﺎﻭﻋﻠﻲ .. ﺍﺳﺘﻘﺮﺕ ﻋﻴﻮﻧﻲ ﺑﻌﻴﻮﻧﻪ ..
ﻭﻋﻴﻮﻧﻪ ﻟﺤﻈﻪ ﻋﻠﻰ ﻋﻴﻮﻧﻲ ﻭﻟﺤﻈﻪ ﻋﻠﻰ ﺷﻔﺎﻳﻔﻲ .. ﻟﺤﺪ ﻣﺘﻘﺮﺏ ﻭﺑﺎﺳﻨﻲ ..
ﺍﺣﺴﺎﺱ ﻣﺎ ﺍﻋﺮﻑ ﺷﻠﻮﻥ ﺍﻭﺻﻔﻪ ﻏﺮﻳﺐ .. ﻻﻭﻝ ﻣﺮﻩ ﺍﻛﻮﻥ ﻣﻊ ﺭﺟﻞ ﺑﻬﻠﻤﻮﻗﻒ .. ﺑﻌﻤﺮﻱ ﻣﺤﺪ ﻣﺒﻮﺳﻨﻲ ..
ﺍﺣﺴﺎﺱ ﺑﻴﻦ ﺍﻟﺪﻑﺀ ﻭ ﺍﻟﺨﻮﻑ ﻭﺍﻟﺮﻏﺒﻪ .. ﻟﻠﺤﻈﻪ ﻟﻜﻴﺖ ﺭﻭﺣﻲ ﻭﻗﻔﺖ ﻋﻠﻰ ﺭﺱ ﺍﻗﺪﺍﻣﻲ ﻭﺍﺩﻳﻪ ﺗﺤﺎﻭﻁ ﺧﺪﻳﻪ ﻟﺤﺘﻰ ﺍﻭﺻﻞ ﻟﻮﺟﻬﻪ ﻭﺍﺑﺎﺩﻟﻪ ﺍﻟﻤﺸﺎﻋﺮ ..
🌹🌹
ﺿﻌﺖ ﺑﺎﺣﺴﺎﺱ ﻏﺮﻳﺐ ... ﻛﺎﻥ ﺍﻟﻤﻔﺮﻭﺽ ﺍﺗﻀﺎﻳﻖ .. ﺑﺲ ﻣﺘﻀﺎﻳﻘﺖ ... ﻭﻛﺄﻧﻲ ﻣﺮﺗﺎﺣﻪ ﻟﻬﺎﻟﺸﻲ .. ﺻﺮﺍﻉ ﺑﻴﻦ ﻋﻘﻠﻲ ﻭﻗﻠﺒﻲ ﻭﺭﻏﺒﺎﺗﻲ ..
ﻋﻘﻠﻲ ﻳﻜﻮﻝ ﺍﺑﺘﻌﺪﻱ ﻫﺬﺍ ﺍﻟﺠﺤﻴﻢ ﻭﻣﻤﻜﻦ ﻳﺤﺮﻛﺞ .. ﻭﻛﻠﺒﻲ ﻳﻜﻮﻝ ﻫﺬﺍ ﻳﺤﺒﺞ ﻣﻦ ﺻﺪﻙ .. ﻟﺘﺒﺘﻌﺪﻳﻦ .. ﻭﺭﻏﺒﺎﺗﻲ ﺫﺍﺑﺖ ﺑﻴﻦ ﺍﺩﻳﻪ
ﻟﻜﻦ ﻛﺎﻥ ﺍﻟﻌﻘﻞ ﺳﻴﺪ ﺍﻟﻤﻮﻗﻒ .. ﻭﺍﺑﺘﻌﺪﺕ .. ﻣﺪﻳﺖ ﺍﻳﺪﻱ ﻭﺑﻌﺪﺗﻪ ﻣﻦ ﻋﻨﺪﻱ ﻭﻣﻨﺰﻟﻪ ﻋﻴﻮﻧﻲ ﺑﺎﻟﻜﺎﻉ .. ﺧﺠﻞ ﻭﺣﻴﺮﻩ ﻭﺻﺪﻣﻪ ﺑﺎﻟﻠﻲ ﺳﻮﻳﺘﻪ ..
ﻋﻴﻮﻧﻲ ﺑﺎﻟﻜﺎﻉ ﺍﺩﻭﺭ ﻭﻛﺄﻧﻲ ﺍﺑﺤﺚ ﻋﻦ ﻧﻔﺴﻲ .. ﺍﻟﻠﻲ ﻣﺎ ﺍﻋﺮﻑ ﺍﻣﺘﻠﻜﻬﺎ ﺑﻮﺟﻮﺩﻩ ..
ﺍﻧﻲ ﺍﺗﺒﺎﺩﻝ ﻣﺸﺎﻋﺮﻱ ﻣﻊ ﺭﺟﻞ .. ﻛﻞ ﺍﻟﻮﻗﺖ ﻋﺎﻳﺸﻪ ﻟﺤﻈﺎﺕ ﺍﻟﺠﺤﻴﻢ ﺑﺨﻮﻑ ﻣﻨﻪ
ﺭﻓﻌﺘﻠﻪ ﺭﺍﺳﻲ .. ﺍﻧﻲ ﻣﻮ ﻫﻴﺞ .. ﻫﻮ ﻳﺒﺎﻭﻋﻠﻲ ﻣﺒﺘﺴﻢ .. ﺍﺗﻘﺮﺏ .. ﺧﻠﻴﺖ ﺍﻳﺪﻱ ﻋﻠﻰ ﺻﺪﺭﻩ ﻭﺑﻌﺪﺗﻪ ﺣﺘﻰ ﻟﻴﺮﺟﻊ ﻳﺤﻈﻨﻲ ..
ﺻﺪﻗﻨﻲ ﺍﻧﻲ ﻣﻮ ﻫﻴﺞ ... ﻣﻮ ﺑﻬﺎﻟﺮﺧﺺ
ﻣﺎﻟﻚ -: ﺍﻋﺮﻑ
ﻟﺠﻴﻦ -: ﺷﺘﻌﺮﻑ ..
ﻣﺎﻟﻚ -: ﺍﻋﺮﻑ ﺍﻥ ﺍﻧﺘﻲ ﺍﺟﻤﻞ ﺍﻣﺮﺃﻩ ﺑﺎﻟﻌﺎﻟﻢ .. ﺑﺎﻟﺤﻈﻪ ﺍﺧﺬﺗﻴﻨﻲ ﻣﻦ ﻋﺎﻟﻢ ﻭﻧﺴﻴﺘﻴﻨﻲ ﺑﻴﺎ ﻛﻮﻛﺐ ﺍﻧﻲ ﻓﻲ
- ﺗﻌﺮﻑ ﺍﻻﻧﺴﺎﻥ ﺍﺣﻴﺎﻥ .. ﻣﻦ ﻳﺨﺎﻑ ﻣﻦ ﺷﻲ .. ﻭﻣﻴﺒﻘﻰ ﻛﺪﺍﻣﻪ ﻏﻴﺮﻩ .. ﻳﻠﺘﺠﺌﻠﻰ ..
ﻣﺎﻟﻚ -: ﻣﻔﺘﻬﻤﺖ
ﻟﺠﻴﻦ -: ﺍﻧﺘﻪ ﺍﻟﻠﻲ ﺍﺧﺎﻑ ﻣﻨﻚ ... ﻗﺮﺭﺕ ﺍﻟﺘﺠﺌﻠﻚ ﺣﺘﻰ ﺍﺣﻤﻲ ﻧﻔﺴﻲ ﻣﻨﻚ .. ﺣﺘﺤﻤﻴﻨﻲ ؟؟
ﺍﺗﻘﺮﺏ ﺑﺴﺮﻋﻪ ﻭﺍﺧﺬﻧﻲ ﻟﺤﻈﻨﻪ ﻣﺮﻩ ﻟﺦ .. ﺍﺣﻤﻴﺞ ﺻﺪﻗﻴﻨﻲ ﺍﺣﻤﻴﺞ .. ﺑﺮﻭﺣﻲ ﺑﻌﻴﻮﻧﻲ .. ﺍﻓﺘﺢ ﮔﻠﺒﻲ ﻭﺍﺣﻤﻴﺞ ﻣﻦ ﻛﻞ ﺭﻏﺒﺎﺗﻲ ﻭﻧﺰﻭﺍﺗﻲ ..
- ﺭﻓﻌﺘﻠﻪ ﺭﺍﺳﻲ ﻭﻫﻮ ﻳﺒﺎﻭﻋﻠﻲ .. ﺍﻭﻋﺪﻧﻲ
ﻣﺎﻟﻚ : ﻭﻋﺪ
ﻟﺠﻴﻦ -: ﺍﺑﺘﺴﻤﺘﻠﻪ .. ﺑﺎﺳﻨﻲ ﺑﮕﺼﺘﻲ .. ﻻﺯﻡ ﺍﺭﻭﺡ ﻣﺎ ﺍﻛﺪﺭ ﺍﺗﺄﺧﺮ ..
- ﻃﻴﺐ ﺍﻧﻲ ﺍﻭﺻﻠﺞ ..
ﻣﺸﻰ ﻣﻦ ﻋﻨﺪﻱ ﺑﺴﺮﻋﻪ .. ﺑﻘﻴﺖ ﺍﺑﺎﻭﻉ ﻟﺠﺴﻤﻲ ... ﻭﻫﻮ ﻳﺒﻌﺪ ﺟﺴﻤﻪ ﻋﻨﻲ ..
ﺍﺧﺬﺕ ﻧﻔﺲ .. ﻣﺎﻛﻮ ﺩﺍﻋﻲ ﺳﻴﺎﺭﺗﻲ ﻭﻳﺎﻳﻪ ..
- ﺍﻫﺎﺍﺍ .. ﺳﻴﺎﺭﺗﺞ ﻭﻳﺎﺝ .. ﺍﻭﻙ
- ﻫﺰﻳﺖ ﺭﺍﺳﻲ .. ﻭﺩﺭﺕ ﻟﻠﺒﺎﺏ ﺩﺍ ﺍﻓﺘﺤﻪ .. ﺻﺎﺡ ﻟﺠﻴﻦ ..
ﺩﺭﺕ ﻭﺟﻬﻲ .. ﻫﺎﺍﺍ
ﻣﺎﻟﻚ -: ﻫﺎﺝ ﺳﺠﻴﻨﺘﺞ ﺍﺧﺬﻳﻬﺎ ﻭﻳﺎﺝ ﻫﻬﻬﻪ ﻭﺍﻻﻓﻀﻞ ﻣﺮﻩ ﻟﺦ ﺗﺸﻴﻠﻴﻦ ﺳﻼﺡ .. ﻣﻮ ﺳﺠﻴﻦ ﺻﻐﻴﺮﻩ ﻟﻮ ﺧﻠﻴﺘﻴﻬﺔ ﺑﺠﺴﻤﻲ ﺗﻨﻌﻘﺞ ﻭﻣﺎ ﺗﺪﺧﻞ
ﻟﺠﻴﻦ -: ﺍﻧﺼﺪﻣﺖ ﻫﺎﻱ ﺷﺠﺎﺑﻬﺎ ﻻﻳﺪﻩ .. ﺑﺎﻭﻋﺘﻠﻪ ﻭﺷﻠﻮﻥ ﺍﺧﺬﺗﻬﺎ .. ﺍﻗﺘﺮﺏ ﻣﻨﻲ .. ﻭﻛﺮﺹ ﺧﺪﻱ ..
- ﻫﻬﻪ ﻭﺍﻧﻲ ﺍﺑﻮﺳﺞ .. ﺳﺤﺒﺘﻬﺎ ﻣﻦ ﺿﻬﺮﺝ . ﻣﻮ ﺍﻛﻮﻟﺞ ﻛﻠﺞ ﺍﺣﺴﺎﺱ ﺑﺴﺮﻋﻪ ﺗﺘﻔﺎﻋﻠﻴﻦ .. ﺧﻠﻴﺞ ﻧﺒﻴﻬﻪ ﺍﻛﺜﺮ ﺍﻟﻤﺮﻩ ﺍﻟﺠﺎﻳﻪ ..
- ﺷﻜﺪ ﺧﺠﻠﺖ ﻣﻦ ﺣﺠﻪ ﻫﻴﺞ . ﺍﻣﺪﺍﻳﻪ ﺍﻱ ﻭﺍﻟﻠﻪ ﺷﻠﻮﻥ ﻓﺸﻠﻪ ﺷﺎﻳﻠﻪ ﺳﺠﻴﻦ ﻭﻣﺴﻮﻳﻪ ﻧﻔﺴﻲ ﻓﺪ ﻭﺣﺪﻩ ﻣﺘﻨﻜﺪﺭ .. ﻭﺍﻧﻲ ﻣﺴﻠﺒﻪ ﻭﻣﺎ ﺍﺩﺭﻱ ..
ﺍﺧﺬﺗﻬﺎ ﻣﻦ ﺍﻳﺪﻩ .. ﻭﻧﺰﻟﺖ .. ﺿﻐﻄﺖ ﻣﻔﺘﺎﺡ ﺍﻟﺴﻴﺎﺭﻩ .. ﺿﻮﺕ ﺍﻟﺴﻴﺎﺭﻩ ﻭﺍﻧﻔﺘﺤﺖ .. ﺩﺍ ﺍﺭﻳﺪ ﺍﻓﺘﺢ ﺍﻟﺒﺎﺏ ..
🌹🌹
ﺟﺎﻥ ﻳﺨﻠﻲ ﺍﻳﺪﻩ ﻋﻠﺒﺎﺏ .. ﻭﻳﻜﻮﻟﻲ ﺍﻧﻲ ﺍﻭﺻﻠﺞ ﻣﻤﻜﻦ ..
- ﺑﻘﻴﺖ ﺍﺑﺎﻭﻋﻠﻪ .. ﻣﺪ ﺍﻳﺪﻩ ﻭﺍﺧﺬ ﺍﻟﺴﻮﻳﺞ ﻣﻦ ﻣﻦ ﺍﻳﺪﻱ .. ﻭﻏﻤﺰﻟﻲ ﻭﺍﺷﺮﻟﻲ ﺑﺮﺍﺳﻪ .. ﺍﻱ ﻳﻌﻨﻲ ﺍﺻﻌﺪﻱ ..
- ﺻﻌﺪﺕ ﺑﺎﻟﺴﻴﺎﺭﻩ .. ﻭﻣﺸﻰ .. ﻓﺘﺢ ﺍﻏﺎﻧﻲ ﻃﻠﻊ ﺑﺎﺳﻢ ﺍﻟﻌﻠﻲ ﻣﺸﺘﺎﻗﻠﻚ ﻣﻮﺕ ..
ﻳﻤﺸﻲ ﻭﻫﺪﻭﺀ ﺑﺎﻟﺴﻴﺎﺭﻩ ﻏﻴﺮ ﺍﻻﻏﻨﻴﻪ ﻭﻫﻮ ﻳﺪﻧﺪﻥ ﻭﻳﺎﻫﺎ .. ﺍﻟﺘﻔﺘﻠﻲ ﻭﻫﻮ ﻳﻐﻨﻲ ﻟﻮ ﺗﺸﻮﻭﻭﻑ ﺷﺼﺎﺭ ﺑﻴﻪ ﻭﺍﻟﻠﻪ ﺗﺒﺠﻲ ﺩﻡ ﻋﻠﻴﻪ ..
- ﺷﺼﺎﺭ ﺑﻴﻚ ..
ﺍﺧﺬ ﻧﻔﺲ ﻋﺎﻟﻲ ﻭﺯﻓﺮ .. ﻭﺣﺠﻪ ..
ﻣﺎﻟﻚ -: ﻟﻮ ﺑﺲ ﺗﺪﺭﻳﻦ ﺷﺼﺎﻳﺮ ﺑﻴﻪ ..
- ﺷﺼﺎﻳﺮ
ﺩﺍﺭ ﻭﺟﻬﻪ .. ﻭﻣﺪ ﺍﻳﺪﻩ ﻋﻠﻰ ﺟﻴﺒﻪ .. ﺍﺧﺬ ﺟﻜﺎﺭﻩ ﻭﺧﻼﻟﻬﺎ ﺑﺤﻠﻜﻪ ﻭﺷﻐﻠﻬﺎ ﻭﺳﺤﺐ ﻧﻔﺲ .. ﻭﺑﻘﻰ ﻳﺘﻨﻬﺪ .. ﻭﻣﺎ ﺣﺠﻪ
ﺷﺘﺸﺘﻐﻞ ﺍﻧﺘﻪ ؟؟
- ﻣﻮﺿﻒ ﺑﻤﻄﺎﺭ ﺑﻐﺪﺍﺩ ﺍﻟﺪﻭﻟﻲ
- ﻭﻏﻴﺮﻫﺎ
- ﺍﺑﺘﺴﻢ .. ﻭﺷﻨﻮ ﻏﻴﺮﻫﺎ
- ﺷﻐﻠﺔ ﺗﻄﻠﻊ ﻣﻦ ﺍﻟﺴﺠﻦ ﺑﻠﻴﻞ ﻭﺗﺮﺟﻊ .. ﻭﺍﻟﺼﺒﺢ ﻳﻄﻠﻘﻮﻥ ﺻﺮﺍﺣﻚ ﻭﺍﻟﻘﻀﻴﻪ ﺗﻨﺴﺪ ﻭﺍﻟﻨﻘﻴﺐ ﻳﺨﺘﻔﻲ ..
ﻫﺎﻟﺸﻲ ﻣﻌﻨﺎﻫﺎ ﻭﺭﺍﻙ ﻗﻮﻩ ﻭﺟﻤﺎﻋﻪ ﺳﺎﻧﺪﺗﻚ .. ﺍﻻ ﺷﻐﻠﺔ ﻣﻮﺿﻒ ﻃﻴﺮﺍﻥ ﻋﺎﺩﻱ ﻭﻳﺴﻮﻱ ﺍﻟﻠﻲ ﺗﺴﻮﻱ ﻟﺘﺤﺎﻭﻝ ﺗﻘﻨﻊ ﺍﺣﺪ ﺑﻴﻬﺎ .
- ﺍﺑﺘﺴﻢ .. ﻭﺍﻟﺘﻔﺖ .... ﺷﻜﺪ ﺣﻠﻮ ﺍﻟﺴﺎﻧﺞ ﻭﻫﻮ ﻳﺤﺠﻲ
- ﺍﺑﺘﺴﻤﺘﻠﻪ .. ﻭﺣﻠﻮ ﻟﻤﺎ ﺗﻐﻴﺮ ﺍﻟﻤﻮﺿﻮﻉ ﺑﻄﺮﻳﻘﻪ ﻏﺰﻟﻴﻪ
- ﻫﻬﻬﻬﻬﻬﻬﻬﻬﻬﻪ .. ﺣﻠﻮﻩ ﻭﺗﻔﻬﻤﻴﻨﻲ ﺑﺴﺎﻉ .. ﺩﺍﺭ ﺭﺍﺳﻪ ﻭﻏﻤﺰ ﺗﻌﺠﺒﻨﻲ ﺍﻟﺘﻔﺘﻬﻤﻨﻲ ..
- ﻣﺎ ﺭﺩﻳﺖ .. ﺳﻜﺘﺖ ... ﻭﺑﺪﻟﺖ ﺑﺴﺆﺍﻝ ﺍﺧﺮ ... ﻣﻨﻴﻦ ﺗﻌﺮﻓﻨﻲ ﺍﻧﺘﻪ .. ؟؟ ﻭﻣﺮﻩ ﺫﻛﺮﺕ ﺍﺳﻢ ﺍﻣﻲ .. ﺷﻤﺪﺭﻳﻚ ﺑﻬﻠﻤﻌﻠﻮﻣﺎﺕ .
- ﺍﻋﺮﻓﻜﻢ ﻭﺍﺣﺪ ﻭﺍﺣﺪ .. ﺍﺑﻮﺝ ﺍﻣﺞ .. ﻋﻤﺎﻣﺞ .. ﺣﺘﻰ ﺍﻗﺎﺭﺑﻜﻢ ﺍﻟﻠﻲ ﺑﺪﻳﺎﻟﻰ ﻭﺗﻜﺮﻳﺖ ﺍﻋﺮﻓﻬﻢ ..
- ﻋﻘﺪﺕ ﺣﺎﺟﺒﻲ ﻭﻣﻨﻴﻦ ﺗﻌﺮﻓﻬﻢ .. ﺭﻓﻌﻠﻲ ﺣﻮﺍﺟﺒﻪ ﻭﻳﻜﻮﻟﻲ ﺳﺮ ﺍﻟﻤﻬﻨﻪ ..
- ﺍﻧﺖ ﻋﺠﻴﺐ
- ﻟﻴﺶ
- ﻻﻥ ﻗﺒﻞ ﺳﺎﻋﺎﺕ ﺍﻧﻲ ﺍﺑﺠﻲ ﺧﻮﻑ ﻣﻨﻚ .. ﻭﺍﻛﻮﻝ ﻳﺎﺭﺏ ﺧﻠﺼﻨﻲ .. ﻭﺣﺎﻟﻴﺎ ﻛﺎﻋﺪﻩ ﻳﻤﻚ ﻻ ﻭﺗﺴﻮﻕ ﺳﻴﺎﺭﺗﻲ ..
ﺍﻧﺘﻪ ﺷﻠﻮﻥ ﺧﻠﻴﺘﻨﻲ ﺍﻃﻤﻨﻠﻚ ﺑﻬﺴﺮﻋﻪ
- ﺑﺒﺴﺎﻃﻪ ﺍﻟﺤﺐ .. ﻣﻤﻜﻦ ﻗﻠﺒﺞ ﺣﺲ ﺑﺎﻟﻠﻲ ﺍﺣﺴﻪ ﻭﺍﻃﻤﺌﻦ ..
- ﺍﻧﺖ ﺗﺤﺒﻨﻲ .. ﺍﺧﺬ ﺍﺩﻳﻪ ﺷﺒﻜﻬﺎ ﺑﺎﻳﺪﻩ .. ﺑﺎﺳﻬﺎ .. ﻭﺭﺟﻊ ﺣﺮﻙ ﺍﻟﮕﻴﺮ ﻭﻫﻲ ﺑﺄﻳﺪﻩ ..
ﺣﺮﻛﺎﺕ ﺑﺴﻴﻄﻪ .. ﺑﺲ ﺍﻟﻬﺎ ﻣﻌﺎﻧﻲ ﻛﺜﻴﺮﻩ . ﻭﺍﻧﻲ ﺍﺑﺎﻭﻋﻬﺎ ... ﺍﺣﺴﺎﺱ ﻏﺮﻳﺐ ﻣﻦ ﺍﻳﺪﻱ ﺑﺎﻳﺪﻩ .. ﻭﺍﻧﻲ ﻣﻤﻬﺘﻤﻪ ﻭﻛﺄﻧﻲ ﻣﻄﻤﻨﻪ ..
ﻭﻻ ﻛﺄﻧﻪ ﺫﺍﻙ ﺍﻟﻠﻲ ﻗﺒﻞ ﺳﺎﻋﻪ ﺍﺑﺠﻲ ﻣﻨﻪ .. ﻣﻌﻘﻮﻟﻪ ﻫﻠﻜﺪ ﺍﺭﺗﺎﺣﻴﺘﻠﻪ ﺑﻬﺴﺮﻋﻪ .. ﻓﺰﻳﺖ ﻣﻦ ﺗﻔﻜﻴﺮﻱ ﻋﻠﻰ ﺻﻮﺗﻪ ﻭﻫﻮ ﻳﺤﺠﻲ ..
ﻣﺎﻟﻚ -: ﻫﺬﺍ ﻓﺮﻋﻜﻢ .. ﺗﺮﺩﻳﻦ ﺍﻭﺻﻠﺞ ﻟﻠﺒﺎﺏ ﻟﻮ ﻫﻨﺎ ﻭﺍﻧﺘﻲ ﺗﻜﻤﻠﻴﻦ ..
- ﺗﺨﺎﻑ ﺗﺪﺧﻞ ﻭﻳﺎﻱ ﻟﻠﻔﺮﻉ .. ؟؟
🌹🌹
ﺍﺧﺎﻑ ؟ !!! ﻻ ﻃﺒﻌﺎ .. ﺑﺲ ﺍﻋﺘﻘﺪﺕ ﻫﻠﺸﻲ ﻣﻤﻜﻦ ﻳﺴﺒﺒﻠﺞ ﻣﺸﻜﻠﻪ ﺍﻭ ﺍﺣﺮﺍﺝ ..
ﺣﺮﻙ ﻭﺭﺍﺩ ﻳﻤﺸﻲ .. ﺻﺤﺖ ﻻ ﻻ ﺍﻭﻛﻒ ﻟﻬﻨﺎ ﺍﻧﻲ ﺍﻛﻤﻞ ..
ﻧﺰﻟﺖ .. ﻭﻫﻮ ﻧﺰﻝ .. ﺩﺭﺕ ﻟﻤﻜﺎﻥ ﺍﻟﻤﻘﻮﺩ .. ﺻﺎﺭ ﺑﻮﺟﻬﻲ ..
- ﺭﺍﺡ ﺍﺷﺘﺎﻗﻠﺞ ..
- ﺍﺑﻦ ﻋﻤﻲ ﻣﺎﻟﻚ .. ﺍﺗﺮﺟﺎﻙ ﺍﺗﺮﻛﻪ ﻭﺍﺫﺍ ﺗﻌﺮﻑ ﻋﻨﻪ ﺷﻲ ﺧﺒﺮﻧﻲ .. ﺍﺫﺍ ﺻﺪﻙ ﺗﺤﺒﻨﻲ ﺑﺲ ﺭﻳﺤﻨﻲ ﺑﻤﻜﺎﻧﻪ ..
ﻣﺪ ﺍﻳﺪﻩ ﻭﺑﺄﺑﻬﺎﻣﻪ ﻣﺴﺢ ﻋﻠﻰ ﺧﺪﻱ .. ﻭﻋﺪ ﺗﻜﻌﺪﻳﻦ ﺍﻟﺼﺒﺢ .. ﺗﺴﻤﻌﻴﻦ ﺍﺧﺒﺎﺭ ﺗﺴﺮﺝ .
- ﺍﺑﺘﺴﻤﺖ .. ﺍﻛﻮﻥ ﺷﺎﻛﺮﻩ ﺍﻟﻚ ..
- ﻣﺪ ﺍﺩﻳﻪ ﺑﺠﻴﻮﺑﻪ .. ﻭﺍﺧﺬ ﻧﻔﺲ ﻭﺗﻨﻬﺪ .. ﺍﺣﺒﺞ ..
- ﺑﺎﻧﺖ ﺍﺑﺘﺴﺎﻣﻪ ﻣﻦ ﻭﺟﻬﻲ ﻟﻮﺟﻬﻪ ﺭﻏﻢ ﻣﺤﺎﻭﻟﺘﻲ ﺑﻜﺘﻤﺎﻧﻬﺎ .. ﻣﺎ ﻃﻠﻌﺖ ﻭﻳﺎﻳﻪ ﻏﻴﺮ ﻛﻠﻤﺔ ﺑﺎﺍﺍﺍﺍﻱ ..
ﺍﺧﺬﺕ ﺳﻴﺎﺭﺗﻲ ﻭﺣﺮﻛﺘﻬﺎ .. ﻭﻣﺸﻴﺖ ﻟﻠﺒﻴﺖ .. ﺻﻔﻴﺖ ﺍﻟﺴﻴﺎﺭﻩ .. ﺍﻟﺒﻴﺖ ﺑﻌﺪﻩ ﻣﻘﻔﻮﻝ .. ﺩﻛﻴﺖ ﺍﻟﺒﺎﺏ ﻉ ﺍﻟﺠﻴﺮﺍﻥ ﺍﺧﺬﺕ ﺍﻟﻤﻔﺎﺗﻴﺢ ..
ﻭﺭﺣﺖ ﻓﺘﺤﺖ ﺍﻟﺒﻴﺖ ﻭﺩﺧﻠﺖ .. ﻟﻼﻥ ﻣﺠﺎﻳﻴﻦ .. ﺳﺪﻳﺖ ﺍﻟﺒﺎﺏ ﻭﺻﻌﺪﺕ ﻟﻐﺮﻓﺘﻲ .. ﺷﻤﺮﺕ ﺍﻟﺠﻨﻄﻪ ﻭﺍﻟﻤﻔﺎﺗﻴﺢ ﻭﺍﻟﻤﻮﺑﺎﻳﻞ ﻉ ﺍﻟﺴﺮﻳﺮ ..
ﻭﺷﻤﺮﺕ ﺭﻭﺣﻲ ﻭﻳﺎﻫﻢ ﻣﺘﻤﺪﺩﻩ .. ﺍﺧﺬﺕ ﻧﻔﺲ .. ﻭﺍﻧﻲ ﺍﺧﺬ ﺧﺼﻠﻪ ﻣﻦ ﺷﻌﺮﻱ ﻭﺍﻟﻌﺐ ﺑﻴﻬﺎ ﻭﻣﺒﺘﺴﻤﻪ .
ﻭﺍﻏﻨﻲ .. ﺍﻭﻝ ﻣﺮﻩ ﺗﺤﺐ ﻳﺎ ﺍﻟﺒﻲ ﻭﺍﻭﻝ ﻳﻮﻡ ﺍﺗﻬﻨﻰ ﻳﻤﺎ ﻋﻠﻰ ﻧﺎﺭ ﺍﻟﺤﺐ ﺋﻠﻮﻟﻲ ﻭﺍﻟﺌﻴﺘﻬﺎ ﻣﻦ ﺍﻟﮕﻨﻪ
ﻫﻬﻬﻪ ﻫﺬﺍ ﺍﻟﻠﻲ ﻛﻨﺖ ﺍﺗﻮﻗﻌﻪ ﻧﺎﺭ ﺍﻟﺠﺤﻴﻢ .. ﻣﻌﻘﻮﻟﻪ ﻳﺼﻴﺮ ﺟﻨﺔ ﻧﻌﻴﻢ ﺍﻟﻲ .. ﺣﺴﻴﺖ ﺑﺤﺒﻪ ﻣﻊ ﻛﻞ ﻛﻠﻤﻪ .
ﺑﺎﻭﻋﺖ ﻻﺩﻳﻪ .. ﻫﺎﻱ ﺍﻟﻠﻲ ﺟﺎﻧﺖ ﺑﻴﻦ ﺍﺩﻳﻪ .. ﻛﻤﺖ ﻟﻠﻤﺮﺍﻳﺎ ﻭﻭﻛﻔﺖ ﺍﺑﺎﻭﻉ ﻟﺮﻭﺣﻲ ﻭﺍﺗﻠﻤﺲ ﺷﻔﺎﻳﻔﻲ .. ﻭﺍﺗﺬﻛﺮﻩ ..
ﺍﻟﻌﺠﻴﺐ ﻣﺘﻀﺎﻳﻘﺖ ﻣﻨﻪ ﻟﻴﺶ .. ﻭﺍﺣﺴﺎﺳﻪ ﻋﺠﻴﺐ ﻭﻫﻮ ﻳﺒﻮﺳﻨﻲ .. ﻻ ﻟﻌﺒﺖ ﻧﻔﺴﻲ ﻭﻻ ﺍﺧﺘﻨﻜﺖ ﻭﻻ ﺗﻀﺎﻳﻘﺖ ..
ﻣﺎﻝ ﻭﺍﺣﺪ ﻣﺘﻤﺮﺱ ﻭﻳﻔﺘﻬﻢ .. ﻋﺰﺯﺯﻩ ﻳﻔﺘﻬﻢ .. ﻳﻌﻨﻲ ﺻﺎﻳﺮ ﺑﻨﻔﺲ ﺍﻟﻤﻮﻗﻒ ﻭﻳﻪ ﺑﻨﺎﺕ ﻏﻴﺮﻱ .. ﻭﻫﻴﺞ ﻳﺤﺒﻬﻢ ﻭﻳﺒﻮﺳﻬﻢ ..
ﻋﺎﺑﺖ ﺷﺪﺍ ﺍﺣﺲ .. ﺷﻨﻮ ﻏﻴﺮﻱ ﺷﻨﻮ ﺣﺐ .. ﺍﻧﻲ ﺗﺨﺒﻠﺖ ﻭﺍﻟﻠﻪ ﻟﻮ ﻫﺬﺍ ﺧﺒﻠﻨﻲ .. ﺭﺟﻌﺖ ﺍﺑﺎﻭﻉ ﻟﺸﻌﺮﻱ ..
ﻳﺒﻮﻩ ﻭﺍﻧﻲ ﺭﺣﺖ ﺍﻟﻪ ﺑﻬﻠﻜﻔﺸﻪ .. ﻭﺍﻟﻠﻪ ﺯﻳﻦ ﻭﻣﺎ ﺍﺧﺘﺮﻉ .. ﻻ ﻭﻳﻜﻠﻲ ﺣﻠﻮﻩ .. ﻭﻛﻔﺸﺘﻲ ﻫﻠﻜﺒﺮﻫﺎ ﺧﺮﺏ ﺑﺒﻠﻴﺲ ..
ﺷﻐﻠﺖ ﺍﻟﺘﻠﻔﺰﻳﻮﻥ .. ﻧﺎﻧﺴﻲ ﻋﺠﺮﻡ .. ﻋﻠﻴﺖ ﺍﻻﻏﻨﻴﻪ ﻭﻛﻤﺖ ﺍﻓﺘﺮ ﺑﺎﻟﻐﺮﻓﻪ ﻭﺍﻏﻨﻲ ﻭﻳﺎﻫﺔ
ﻳﺎﺍﺍﺍﻱ ﺳﺤﺮ ﻋﻴﻮﻧﻮ ﻭﻧﻈﺮﺍﺗﻮ .. ﺍﻭﻝ ﻣﺘﻼﺋﻴﻨﻪ ﻋﻴﻦ ﺑﻌﻴﻦ
ﻳﺎﺍﺍﻱ ﺷﻮ ﻣﻬﻈﻮﻣﻪ ﻛﻠﻤﺎﺗﻮ ..... ﻭﻛﻤﺖ ﺍﺭﻛﺺ .. ﻛﻠﻤﻪ ﻭﺻﺎﺭ ﺑﺴﻤﻪ ﻉ ﺑﺴﻤﻲ .. ﺍﻟﺒﻲ ﺍﺣﺘﺎﺭ ﻧﺴﺎﻧﻲ ﺍﺳﻤﻲ ﻣﺪﺭﻱ ﻛﻴﻒ ﻭﻭﻳﻦ
ﺳﻤﻌﺖ ﺍﻟﺒﺎﺏ ﺍﻟﺨﺎﺭﺟﻲ ﺍﻧﺴﺤﺐ ﻭﺍﻧﻔﺘﺤﺖ .. ﻓﺰﻳﺖ ﻃﻔﻴﺖ ﺍﻟﺘﻠﻔﺰﻳﻮﻥ ﺑﺴﺮﻋﻪ .. ﻭﻧﺰﻟﺖ ..
ﻓﺘﺤﺖ ﺑﺎﺏ ﺍﻟﺼﺎﻟﻪ ﺍﻟﻬﻢ .. ﺩﺧﻠﺖ ﺍﻣﻲ ﻭﺷﺎﻳﻠﻪ ﻋﻤﺘﻲ ﻭﻫﻲ ﺗﺼﻴﺢ ﺍﺑﻨﻲ ﻳﻤﻪ ﻭﻳﻨﻚ ﺣﺒﻴﺐ ﻛﻠﺒﻲ ..
ﺍﻣﻲ ﺗﺒﺎﻭﻋﻠﻲ ﻭﺗﺨﺰﺭﻧﻲ ﺗﺮﻳﺪ ﺗﻌﺮﻑ ﺷﺼﺎﺭ .. ﻃﺐ ﺑﺎﺑﺎ ﺍﻧﻄﺎﻧﻲ ﺍﺳﻮﻳﺞ ﺍﻟﺴﻴﺎﺭﻩ ﻭﺣﺠﻪ .
ﺍﻻﺏ -: ﺷﻨﻮ ﺟﻨﺘﻲ ﻃﺎﻟﻌﻪ ..
🌹🌹
ﺩﺍ ﺍﺭﻳﺪ ﺍﺣﺠﻲ ﺻﺎﺣﺖ ﺍﻣﻲ ﻟﺠﻴﻴﻴﻴﻴﻦ .. ﻭﺧﺮﺗﻨﻲ ﻭﺭﻓﻌﺖ ﺭﺍﺳﻬﺎ ﻋﻮﺩ ﻟﺘﺤﺠﻴﻦ .. ﻭﺣﺠﺖ .. ﺭﻭﺣﻲ ﺟﻴﺒﻲ ﻣﻲ ﻟﻌﻤﺘﺞ ﺑﺴﺎﻉ ..
- ﻫﺎﺍﺍﺍ ﺍﻱ ﺍﻱ ﻫﺴﻪ ﺍﺟﻴﺐ .. ﺭﻛﻀﺖ ﻟﻠﺜﻼﺟﻪ ﻃﻠﻌﺖ ﺛﻠﺞ .. ﻛﺴﺮﺗﻪ ﻭﺧﻠﻴﺖ ﺑﺪﻭﻟﻜﻪ . ﻭﺻﺒﻴﺖ ﻋﻠﻴﻪ ﻣﻲ ﻭﺟﺒﺘﻪ ﻫﻮ ﻭﺍﻟﻜﻼﺹ ..
ﺻﺒﻴﺘﻠﻬﻢ ﻛﻠﻬﻢ ﻣﻲ .. ﻭﺻﻠﺖ ﻟﺒﺎﺑﺎ ﺻﺒﻴﺖ ﻭﺍﻧﻄﻴﺘﻪ ..
ﺍﻻﺏ -: ﻣﻜﻠﺘﻴﻠﻲ ﺟﻨﺘﻲ ﻃﺎﻟﻌﻪ .. ﺍﺷﻮﻭ ﻣﺒﺪﻟﻪ ﻭﻻﺑﺴﻪ ﺑﻨﻄﺮﻭﻥ .. ﻭﺷﺮﺏ ﻣﻲ
ﻟﺠﻴﻦ -: ﻻ ﺑﺎﺑﺎ ﻣﻄﻠﻌﺖ ﺑﺲ ﺑﺪﻟﺖ ﻣﻼﺑﺲ ﺍﻟﺒﻴﺖ ﻛﻠﺖ ﺧﺎﻑ ﺍﺣﺪ ﻳﺠﻲ ..
ﻛﻤﻞ ﺷﺮﺏ ﻭﺣﻤﺪ ﺍﻟﻠﻪ ﻭﺍﻧﻄﺎﻧﻲ ﺍﻟﻜﻼﺹ ﻭﻛﺎﻝ ﺍﻟﻠﻪ ﻳﺮﺿﻰ ﻋﻠﻴﺞ ﺑﻨﻴﺘﻲ .. ﺭﺟﻠﻴﻪ ﺍﺫﺗﻨﻲ ﻣﻦ ﺍﻟﻔﺮﻩ ﺟﻴﺒﻠﻲ ﻣﻲ ﺣﺎﺭ ﻭﺩﻟﻜﻴﻠﻲ ﺭﺟﻠﻴﻪ ﺑﻌﺪ ﺍﺑﻮﺝ ..
- ﺍﻱ ﺍﺩﻟﻞ ﺣﺒﻴﺒﻲ .. ﺭﻛﻀﺖ ﻟﻠﻤﻄﺒﺦ .. ﻋﺒﻴﺖ ﺍﻟﻜﺘﻠﻲ ﻣﻲ ﻭﺧﻠﻴﺘﻪ ﻉ ﺍﻟﻨﺎﺭ ﻭﺭﺣﺖ ﺟﺒﺖ ﻃﺸﺖ ﺻﻐﻴﺮ .. ﻭﺻﺎﺑﻮﻧﻪ ..
ﻭﺍﺧﺬﺕ ﺍﻟﻜﺘﻠﻲ ﺻﺎﻳﺮ ﺩﺍﻓﻲ ﻋﻠﻰ ﺣﺎﺭ .. ﻭﻣﺸﻴﺖ ﻟﻠﺼﺎﻟﻪ ﻭﻛﻌﺪﺕ ﻳﻢ ﺭﺟﻠﻴﻦ ﺑﺎﺑﻪ ﺍﻏﺴﻞ ﻭﺍﺩﻟﻜﻠﻪ ﺭﺟﻠﻴﻪ ﺑﺎﻟﺼﺎﺑﻮﻥ ﺣﺘﻰ ﻳﺮﺗﺎﺡ
ﺑﻘﻰ ﻋﻤﻮ ﻋﺜﻤﺎﻥ ﻭﻋﻤﺮﺍﻥ ﻳﺤﺠﻮﻥ ﻭﻳﻪ ﺑﺎﺑﺎ ﻋﻠﻰ ﺷﻨﻮ ﺗﺎﺭﻙ ﺑﻨﺘﻚ ﺗﺸﺘﻐﻞ ﺑﺎﻻﺫﺍﻋﻪ ﻭﺫﻭﻟﻪ ﻧﺎﺱ ﻣﻮ ﺯﻳﻨﻴﻦ ﻭﻫﻲ ﺑﻨﻴﻪ ..
ﺍﻧﻲ ﻣﺎ ﺍﺣﺠﻲ ﺗﺎﺭﻛﻪ ﺍﻟﺤﺠﻲ ﻻﺑﻮﻳﻪ .. ﻛﺎﻟﻠﻬﻢ ﺍﻧﻲ ﻭﺍﺛﻖ ﺑﻴﻬﺎ .. ﺍﻋﺮﻓﻬﺎ ﻃﻴﺒﻪ ﻭﺧﻠﻮﻗﻪ ﻣﺴﺘﺤﻴﻞ ﺗﻨﺰﻝ ﺭﺍﺱ ﺍﺑﻮﻫﺎ ..
ﻭﻣﺴﺢ ﻋﻠﻰ ﺷﻌﺮﻱ .. ﺑﺎﻭﻋﺘﻠﻪ ﺍﺑﺘﺴﻤﺖ .. ﻭﺍﻧﻲ ﺍﺗﺬﻛﺮ ﺷﻠﻮﻥ ﺍﻟﻴﻮﻡ ﺭﺩﺕ ﺍﻧﻄﻲ ﺷﺮﻓﻲ ﻭﺍﻧﺰﻝ ﺭﺍﺳﻪ ﻋﻠﻤﻮﺩ ﺍﺣﻤﻲ ﻣﺨﻠﺪ ﺍﻟﺤﻤﺪﻟﻠﻪ ﺍﻟﻠﻪ ﻟﻄﻒ ﻭﻣﺎﻟﻚ ﺗﻔﻬﻢ ..
ﺑﺎﻭﻋﺖ ﻻﻣﻲ ﺑﻄﺮﻑ ﻋﻴﻮﻧﻲ ﻭﺍﻧﻲ ﺍﻏﺴﻞ . ﺗﺘﻨﻬﺪ ﻭﺗﺨﺰﺭ .. ﻭﺗﻬﺰ ﺑﺮﺍﺳﻬﺎ .. ﺩﻧﻜﺖ ﻣﻨﻬﺎ ﻭﺑﻘﻴﺖ ﺍﺩﻟﻚ ﻟﺒﺎﺑﺎ ..
ﻛﺎﻣﺖ ﺍﻣﻲ ﻭﺭﺍﺣﺖ ﻟﻠﻤﻄﺒﺦ ﻭﺻﺎﺣﺖ ﻟﺠﻴﻴﻴﻴﻦ .. ﻛﺎﻝ ﺑﺎﺏ ﺍﺗﺮﻛﻲ ﺭﺟﻠﻴﻪ ﺑﺎﻟﻤﻲ ﺍﻟﺪﺍﻓﻲ ﻭﺭﻭﺣﻲ ﺷﻮﻓﻲ ﺍﻣﺞ ﺷﺘﺮﻳﺪ ..
ﻛﻤﺖ ﻣﻦ ﻋﻨﺪﻩ .. ﺷﻄﻔﺖ ﺍﺩﻳﻪ . ﻭﺭﺣﺖ ﺍﻳﺎﻟﻬﺎ .. ﺍﻭﻝ ﻣﺪﺧﻠﺖ ﺍﻟﻤﻄﺒﺦ ﺟﺮﺗﻨﻲ ﺣﻴﻞ ﺗﻌﺎﻟﻲ ﻳﻮﻟﻲ ﻓﻬﻤﻴﻨﻲ ﺷﺼﺎﺭ ﻛﻠﺒﻲ ﻣﺜﻞ ﺍﻟﻨﺎﺭ
ﺑﻨﺖ ﺍﻻﻭﺍﺩﻡ ﺷﻠﻮﻥ ﺗﻘﻔﻠﻴﻦ ﺟﻬﺎﺯﺝ ﺑﻮﺟﻬﻲ .. ﺧﻠﻴﺘﻴﻨﻲ ﻛﺎﻋﺪﻩ ﻋﻠﻰ ﻧﺎﺭ .. ﺍﺣﺠﻲ ﺷﺒﻴﺞ .
- ﻣﺎﻣﺎ ﻣﺼﺎﺭ ﺷﻲ .
- ﻳﻌﻨﻲ ﺷﻨﻮ .. ﻣﺎ ﺭﺣﺘﻲ ﻟﻤﺎﻟﻚ ..
- ﻻ ﺑﻠﻲ ﺭﺣﺖ ﺑﺲ ﺍﻟﻮﻟﺪ ﻳﻜﻠﻲ ﺍﻧﻲ ﻣﺎ ﺍﺭﻳﺪ ﺟﺴﻤﺞ .. ﺍﻧﻲ ﺍﺭﻳﺪﺝ ﺍﻟﺞ ﺍﺭﻳﺪ ﻛﻠﺒﺞ ﻭﺍﺣﺒﺞ ﻭﻣﻦ ﻫﻠﻜﻼﻡ .
ﻭﻳﻜﻮﻝ ﻟﻮ ﺭﺍﻳﺪ ﺟﺴﻤﺞ ﺟﺎﻥ ﻣﻦ ﺯﻣﺎﻥ ﺍﺧﺬﺕ ﺍﻟﻠﻲ ﺍﺭﻳﺪﻩ ﻳﻘﺼﺪ ﺑﻴﻮﻡ ﺍﻟﻠﻲ ﺳﻄﻰ ﻋﻠﻰ ﺑﻴﺘﻨﺎ ..
ﺍﻻﻡ -: ﻭﺗﻌﺘﻘﺪﻱ ﺻﺎﺩﻕ ﺷﻌﺠﺒﺖ ﺍﺳﺘﺸﺮﻑ ..
ﻟﺠﻴﻦ -: ﻣﺎ ﺍﻋﺮﻑ ﻳﻜﻮﻝ ﺍﺣﺒﺞ .
ﺍﻻﻡ -: ﻛﻮﻥ ﺳﻮﺍﻟﺞ ﺷﻲ .
- ﻻ ﻣﻮ ﺩﺍ ﺍﻛﻮﻟﺞ ﻻ ﻳﺎ ﺍﻣﻲ .. ﺑﺲ ﻳﻜﻮﻝ ﺍﺣﺒﺞ ﻭﺍﺣﺒﺞ .. ﻫﺎﻫﻴﻪ .
- ﻭﺍﻧﺘﻲ ..
- ﺷﺒﻴﻪ ﺍﻧﻲ
- ﻭﺍﻟﻠﻪ ﻳﺪﺍﺩﻩ ﭼﻨﭻ ﺍﻧﺘﻲ ﻫﻢ ﻭﻛﻌﺘﻲ ..
- ﻻ ﻭﻛﻌﺖ ﻭﻻ ﺍﺑﺪ .. ﺑﺲ ﻣﻜﻤﺖ ﺍﺧﺎﻑ ﻣﻨﻪ .. ﻭﻫﻮ ﻳﻜﻮﻝ ﻳﺤﺒﻨﻲ ﻭﻋﻠﻰ ﻣﺨﻠﺪ ﻛﺎﻝ ﺑﺎﺟﺮ ﺍﻟﺼﺒﺢ ﺗﺴﻤﻌﻴﻦ ﺍﺧﺒﺎﺭ ﺗﺴﺮﺝ .
- ﻳﻌﻨﻲ ﺷﻨﻮ
- ﻳﻌﻨﻲ ﺍﺫﺍ ﻓﻌﻼ ﻳﺤﺒﻨﻲ ﻭﻣﺸﺎﻋﺮﻩ ﺻﺎﺩﻗﻪ .. ﻣﺨﻠﺪ ﺑﺎﺟﺮ ﻳﺒﻴﻦ . ﻭﺍﺫﺍ ﻛﺬﺍﺏ .. ﻳﺮﻭﺡ ﺑﻴﻬﺎ ﻣﺨﻠﺪ ..
ﺍﻻﻡ -: ﻧﻨﺘﻈﺮ ﻭﻧﺸﻮﻑ .. ﺑﺲ ﻫﺎ ﺍﺳﻤﻌﻲ ﺗﻌﺎﻱ ﻫﻨﺎ . ﻣﻮ ﺗﺮﺣﻴﻦ ﺗﻮﻛﻌﻴﻦ ﺑﺤﺐ ﻫﺬﺍ .. ﺗﺮﻩ ﻳﻨﺨﺎﻑ ﻣﻨﻪ .
ﻟﺠﻴﻦ - ﻫﺰﻳﺖ ﺭﺍﺳﻲ ﺍﻱ ..
- ﻋﻔﻴﻪ ﺑﻨﻴﺘﻲ .. ﻳﻼ ﺳﺎﻋﺪﻳﻨﻲ ﻧﺴﻮﻱ ﺍﻟﺴﻔﺮﻩ ﺍﻧﻲ ﻭﺍﺑﻮﺝ ﺟﺒﻨﻪ ﺍﻛﻞ ﻣﻦ ﺑﺮﻩ ﺑﺲ ﻧﻤﺪ ﺍﻟﺴﻔﺮﻩ ﻭﻧﮕﻌﺪ ..
- ﺍﻱ ﺍﻥ ﺷﺎﺀﺍﻟﻠﻪ .. ﺟﺮﻳﺖ ﺍﻟﺴﻔﺮﻩ ﻣﻦ ﺍﻟﻜﺎﻭﻧﺘﺮ ﻭﺭﺣﺖ ﻟﻠﺼﺎﻟﻪ ﻣﺪﻳﺘﻬﺎ .. ﺣﺠﻪ ﺑﺎﺑﺎ
- ﺍﻻﻛﻞ ﺑﺼﻨﺪﻭﻕ ﺍﻟﺴﻴﺎﺭﻩ ﺍﺧﺬﻱ ﺍﻟﺴﻮﻳﺞ ﻭﺭﻭﺣﻲ ﺟﻴﺒﻲ .
- ﺍﺧﺬﺕ ﺳﻮﻳﺠﻪ ﻭﺭﺣﺖ ﻧﺰﻟﺖ ﺍﻻﻛﻞ ﺍﻧﻲ ﻭﻣﺎﻣﺎ .. ﻭﻋﻘﻠﻲ ﻛﻠﻪ ﺿﺎﻳﻊ ﺑﻤﺎﻟﻚ .. ﺩﺍ ﺍﺭﻳﺪ ﺍﺷﻴﻞ ﺍﻻﻛﻞ ..
ﻓﻠﺘﺖ ﻣﻨﻲ ﻋﻠﺒﺔ ﺷﻮﺭﺑﻪ .. ﻭﻭﻛﻌﺖ ﺑﺎﻟﻜﺎﻉ ..
ﺍﻻﻡ -: ﺑﺎﻟﺞ ﻳﻮﻝ ﺑﺎﻟﺞ .. ﺧﻠﻲ ﺑﺮﺍﺳﺞ ﻟﺘﺨﻠﻴﻦ ﺍﻟﺤﺮﺍﻣﻴﻪ ﻳﺎﺧﺬﻭﻩ .. ﺗﺤﺠﻲ ﻭﻣﺒﺘﺴﻤﻪ .
- ﺿﺤﻜﺖ ﺍﻭﻭﻭﻭ ﻣﺎﻣﺎ ﻋﻔﻴﻪ ﻟﺘﺤﺠﻴﻦ ﻫﻴﺞ ﻭﺍﻟﻠﻪ ﺍﺧﺠﻞ ..
ﺍﻻﻡ -: ﻫﻬﻮ ﻫﻬﻮ .. ﻳﻤﻪ ﻣﻨﺞ ﺍﻣﺸﻲ ﻧﻌﺸﻲ ﺍﻟﻨﺎﺱ ﺍﻣﺸﻲ ..
ﻟﺠﻴﻦ -: ﻫﻬﻬﻬﻪ ﺍﻭﻙ ﻳﻮﻡ ﺍﻭﻙ ..
ﺩﺧﻠﻨﻪ ﻣﺪﻳﻨﻪ ﺍﻟﻌﺸﻰ ﻭﺍﻛﻠﻨﻪ ﻋﻤﺘﻲ ﻣﺎ ﺍﻛﻠﺖ .. ﺣﺎﻭﻟﺖ ﻣﺎﻣﺎ ﺗﻨﻄﻴﻬﺎ ﺻﺪﺭ ﺩﺟﺎﺝ ﻣﺎ ﻗﺒﻠﺖ ﺑﻘﺖ ﺗﺼﻴﺢ ﻛﻠﻪ ﻣﻦ ﻟﺠﻴﻦ ﺿﺎﻉ ﺍﺑﻨﻲ ..
ﻭﺍﻣﻲ ﺗﺒﺘﺴﻢ ﻣﻦ ﺟﻮﻩ ﻟﺠﻮﻩ ﺑﻮﺟﻬﻲ ﺣﺘﻰ ﻻ ﺍﺿﻮﺝ .. ﻭﺍﻧﻲ ﺗﺮﻛﺘﻬﺎ ﻋﻠﻰ ﻫﻮﺍﻫﺎ ﺍﺑﺪ ﻣﺮﺩﻳﺖ ..
ﻛﻤﻠﺖ ﻋﺸﻰ .. ﺭﺣﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺍﻟﻤﻄﺒﺦ . ﻭﻋﺰﻟﺖ ﺍﻟﺒﻴﺖ ﻭﻣﺴﺤﺘﻪ .. ﺑﻴﺖ ﻋﻤﻲ ﺭﺍﺣﻮ .. ﺩﺍ ﺍﺻﻌﺪ .
ﺻﺎﺣﻠﻲ ﺍﺑﻮﻳﻪ .. ﺗﻘﺮﺑﺖ ﺍﻟﻪ ﺑﺎﺱ ﺭﺍﺳﻲ ..
ﺍﻻﺏ - ﻛﻮﻥ ﺗﻀﺎﻳﻘﺘﻲ ﻣﻦ ﺣﺠﻲ ﻋﻤﺘﺞ
- ﻻ ﺣﺒﻴﺒﻲ ﻣﺘﻀﺎﻳﻘﺖ .. ﺍﺻﻼ ﻣﻘﻬﻮﺭﻩ ﻋﻠﻴﻬﺎ ﺧﻄﻴﻪ ﺍﺑﻨﻬﺎ ﺣﻘﻬﺎ ﺗﺤﺲ ﺍﻧﻲ ﺍﻟﺴﺒﺐ
ﺑﺎﺳﻨﻲ ﺑﻜﺼﺘﻲ .. ﺗﺬﻛﺮﺕ ﻣﺎﻟﻚ ﻣﻦ ﺑﺎﺳﻨﻲ ﺍﻟﻴﻮﻡ ﺑﻨﻔﺲ ﺍﻟﻤﻜﺎﻥ .. ﺍﺑﺘﺴﻤﺖ .. ﺑﺴﺖ ﺑﺎﺑﺎ ﺑﺨﺪﻩ ﻭﻛﺘﻠﻪ ﺗﺼﺒﺢ ﻋﻠﻰ ﺧﻴﺮ ..
ﺻﻌﺪﺕ .. ﻭﺍﻧﻲ ﺍﻣﺴﺢ ﻋﻠﻰ ﻛﺼﺘﻲ .. ﺑﻴﻦ ﺑﻮﺳﺔ ﺑﺎﺑﺎ ﻭﻣﺎﻟﻚ ﺍﺧﺘﻼﻑ ﺑﺎﻟﺸﻌﻮﺭ ..
ﻣﻦ ﻳﺒﻮﺳﻨﻲ ﺑﺎﺑﺎ ﺍﺣﺲ ﺑﺤﻨﺎﻧﻪ .. ﻭﻣﻦ ﺑﺎﺳﻨﻲ ﻣﺎﻟﻚ .. ﺣﺴﻴﺖ ﺑﺎﺣﺴﺎﺱ ﻣﺨﺘﻠﻒ ﺟﺪﺍ .. ﻣﺎ ﺍﻋﺮﻑ ﺍﻱ ﺗﺴﻤﻴﻪ ﺍﻃﻠﻖ ﻋﻠﻴﻪ .. ﻏﻴﺮ ﺍﻟﺮﺍﺣﻪ ﻭﺍﻟﺤﺐ ..
ﺣﺘﻰ ﻟﻮ ﻣﺎ ﻛﺎﻥ ﻳﻤﻜﻦ ﺑﻘﻠﺒﻪ ﺣﺐ ﺣﻘﻴﻘﻲ .. ﺑﺲ ﺍﻧﻲ ﺣﺴﻴﺖ ﺑﺤﺒﻪ ﻣﻦ ﺧﻼﻝ ﺑﻮﺳﺎﺗﻪ ﻭﻟﻬﻔﺘﻪ .. ﻭﻛﺄﻧﻪ ﺟﺎﻥ ﻳﺸﺮﺏ ﻣﻲ ﻣﻦ ﻋﻨﺪﻱ ﻭﻫﻮ ﻣﺪﻧﻚ ﻋﻠﻴﻪ ..
ﺑﻘﻴﺖ ﺍﻓﻜﺮ ﺑﻴﻪ ﻃﻮﻝ ﺍﻟﻮﻗﺖ .. ﺍﺻﻼ ﻣﺤﺴﻴﺖ ﺷﻮﻛﺖ ﻭﺻﻠﺖ ﺍﻟﻐﺮﻓﻪ ﻭﺑﺪﻟﺖ ﻣﻼﺑﺴﻲ ﻭﻃﻔﻴﺖ ﻭﻧﻤﺖ ﺑﻔﺮﺍﺷﻲ .
ﻛﻞ ﻫﺬﺍ ﺳﻮﻳﺘﻪ ﻭﺍﻧﻲ ﻣﻮ ﺣﺎﺳﻪ ﻣﻦ ﻛﺪ ﺍﻟﺘﻔﻜﻴﺮ .. ﻭﺑﻘﻴﺖ ﺿﺎﻳﻌﻪ ﺑﻲ ﻟﺤﺪ ﻣﺎ ﻧﻤﺖ .
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺍﻣﻲ ..
- ﻟﺠﻴﻦ ﻟﺠﻴﻦ ﺍﻛﻌﺪﻱ ﺑﺴﺎﻉ .
- ﻓﺰﻳﺖ ﻫﺎ ﻣﺎﻣﺎ ﺷﻜﻮ .. ﺭﺍﺡ ﺍﻟﻮﻗﺖ .. ﺍﻟﺼﻴﺪﻟﻴﻪ .
- ﻻ ﻣﺨﻠﺪ ﻫﺬﺍ ﺑﺎﺍﻟﺒﺎﺏ ﻳﺮﻳﺪ ﻳﺤﺠﻲ ﻭﻳﺎﺝ ..
ﻭﺳﻤﻌﺘﻪ ﻛﺢ ﻭﺩﻙ ﺍﻟﺒﺎﺏ ﻭﺻﺎﺡ .. ﻟﺠﻴﻦ ﻛﺎﻋﺪ .....
ﻳﺘﺒﻊ
♡♡♡♡♡♡♡♡♡
ﺭﻭﻣﺎﻧﺲ ﻋﺎﻟﻲ .. ﻣﻮ ﻛﻠﺘﻠﻜﻢ ﺣﻠﻘﻪ ﻻ ﻳﻨﺼﺢ ﺑﻬﺎ ﺍﻻﻃﺒﺎﺀ 😁
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء