رواية خطوات نحو الجحيم ج1 الجزء التاسع
للكاتبة زينب ماجد
🌹
ﻭﻛﻔﺖ ﻛﺒﺎﻟﻪ ﺳﺮﻯ ﺍﺗﺮﻛﻬﺎ ﻳﺎ ﻛﻠﺐ ﻛﺘﻠﻚ ﺍﺑﺘﻌﺪ ﻋﻨﻬﺎ ..
ﻟﺰﻣﻬﺎ ﻣﻦ ﺭﻛﺒﺘﻬﺎ ﻭﻃﻠﻊ ﺍﻟﻤﺴﺪﺱ ﻣﻦ ﺧﺼﺮﻩ ﻭﺧﻼﻩ ﺑﺮﺍﺳﻬﺎ ﻭﻳﻜﻮﻟﻬﺎ ﺣﺠﺎﻳﻪ ﺛﺎﻧﻴﻪ ﺍﻃﺸﺮ ﺭﺍﺳﺞ ..
ﺻﺮﺧﺖ ﻣﺎﺍﺍﺍﻟﻚ ﻻﺍﺍ .. ﺍﻛﻮ ﻧﺎﺱ ﻗﻠﻴﻠﻪ ﺧﺎﻓﺖ ﺗﺪﺧﻞ .. ﺟﺮﻧﻲ ﻣﻦ ﺍﻳﺪﻱ ﺣﻴﻞ .. ﻭﺷﻤﺮﻧﻲ ﺑﺴﻴﺎﺭﺗﻪ .. ﻭﺍﻧﻄﻠﻖ ...
- ﻣﺎﻟﻚ ﺷﺪﺳﻮﻱ .. ﺍﺭﺟﻮﻙ ﻭﺩﻳﻨﻲ ﻟﻠﺒﻴﺖ ..
- ﺍﺳﻜﺘﻴﻴﻴﻴﻴﻴﻴﻴﻴﻴﻴﻴﻴﻴﻲ
- ﻣﺎ ﺍﺳﻜﺖ .. ﺩﺍ ﺍﻛﻮﻟﻚ ﺍﺭﻳﺪ ﺍﺭﺟﻊ ﻟﻠﺒﻴﺖ .. ﻣﺎﻟﻚ ﺭﺟﻌﻨﻲ .. ﻣﺎ ﺣﺠﻪ ﻭﻻ ﺭﺩ .. ﻳﻤﺸﻲ .. ﻭﺟﺴﻤﻪ ﻳﺮﺟﻒ ﻣﻦ ﺍﻟﻌﺼﺒﻴﻪ .
ﻭﻳﻄﻠﻊ ﺍﻟﺠﻜﺎﺭﻩ ﻳﺪﺧﻦ ﻭﻳﺸﻤﺮ . ﻭﻳﺮﺟﻊ ﻳﻄﻠﻊ ﻏﻴﺮﻫﺎ .. ﻣﻴﻌﺮﻑ ﺷﻴﺴﻮﻱ .. ﺍﻻﻭﺭﺩﻩ ﻭﺍﻻﻋﺼﺎﺏ ﺑﺎﻳﻨﻪ ﺑﺮﮔﺒﺘﻪ ﻣﻦ ﻛﺪ ﺍﻟﻐﻀﺐ .
ﺩﻙ ﺟﻬﺎﺯﻩ .. ﺭﺩ .. ﺑﺲ ﻛﺎﻝ ﺍﻱ ﻧﻔﺬﺕ .. ﮔﻠﻪ ﺗﻢ .. ﻗﻔﻠﻪ .. ﻭﻫﻮ ﻳﻤﺴﺢ ﻋﻠﻰ ﻭﺟﻬﻪ .. ﺧﻔﺖ ﺍﺳﺌﻠﻪ ﻭﻫﻮ ﺑﻬﻠﺤﺎﻟﻪ
ﻭﺻﻠﻨﻲ ﻟﺒﺎﺏ ﺍﻟﻌﻤﺎﺭﻩ ﺍﻟﺒﻴﻬﺎ ﺷﻘﺘﻪ .. ﻭﻳﻜﻮﻟﻲ ﻧﺰﻟﻲ ..
- ﻣﺎ ﺍﻧﺰﻝ ..
- ﺍﻧﺰﻟﻴﻴﻴﻴﻴﻴﻴﻲ ﺍﻛﻠﺠﺠﺠﺠﺠﺞ ..
- ﻣﺎ ﺍﻧﺰﻝ ﻣﺎﻟﻚ ﺍﻓﻬﻢ ﺍﻧﻲ ﻻ ﺑﻨﺖ ﻟﻴﻞ ﻭﻻ ﺭﺧﻴﺼﻪ ﺣﺘﻰ ﺗﻄﻠﺐ ﻣﻨﻲ ﺍﻃﻠﻊ ﻭﻳﺎﻙ ﻟﺸﻘﺘﻚ ..
- ﺳﺤﺐ ﺍﻗﺴﺎﻡ ﻣﺴﺪﺳﻪ .. ﻭﻳﻜﻮﻟﻲ ﻟﺘﺨﻠﻴﻨﻲ ﺍﺗﻬﻮﺭ ﺑﻴﺞ ﺍﻧﺰﻟﻲ ﺑﺪﻭﻥ ﻛﻠﻤﻪ ﺍﻧﺰﻟﻴﻴﻴﻲ ..
- ﻧﺰﻟﺖ ﺩﻣﻮﻋﻲ ﻣﻦ ﺍﻟﺨﻮﻑ .. ﺑﺲ ﺷﻴﻔﻴﺪ ﺍﻟﺨﻮﻑ ﻟﻮ ﺍﺑﻘﻰ ﺍﺧﺎﻑ ﺭﺍﺡ ﺍﺧﺴﺮ ﻛﻮﻟﺸﻲ .. ﺭﻓﻌﺖ ﻋﻴﻨﻲ ﺑﻌﻴﻨﻪ ..
ﻭﻛﺘﻠﻪ ﺍﺭﻣﻲ .. ﻣﻮ ﻫﺬﺍ ﺍﻟﺤﺐ ﻭ ﺍﻻﻣﺎﻥ ﺍﻟﻠﻲ ﻭﻋﺪﺗﻨﻲ ﺑﻴﻬﻢ ﺍﺭﻣﻲ .. ﻭﺍﻟﻠﻪ ﺍﺭﻣﻲ .. ﺧﻠﻴﻨﻲ ﺍﺧﻠﺺ ﻋﺎﺩ ..
ﺍﺧﺬ ﺭﻭﺣﻲ ﻭﺧﻠﺼﻨﻲ .. ﻛﺎﻡ ﻳﺼﺮﺥ ﻭﻳﻀﺮﺏ ﻋﻠﻰ ﺍﻟﺴﺘﻴﺮﻥ ﺑﻐﻀﺐ .. ﺷﻤﺮ ﺍﻟﻤﺴﺪﺱ ﻭﻳﺼﻴﺢ ﻟﺞ ﺍﻧﻲ ﺗﻌﺒﺎﺍﺍﺍﺍﺍﺍﺍﺍﺍﻥ ..
ﺗﻌﺒﺒﺒﺒﺒﺒﺒﺒﺒﺖ .. ﻟﺠﻴﻦ ﺗﻌﺒﺒﺒﺒﺒﺒﺒﺖ .. ﻧﺰﻟﻦ ﺩﻣﻮﻋﻪ ﻭﻫﻮ ﻳﺼﺮﺥ .. ﺑﺴﺮﻋﻪ ﺩﻧﻚ ﻟﻠﺴﺘﻴﺮﻥ .. ﻭﻣﺎ ﺭﻓﻊ ﻭﺟﻬﻪ ..
ﻣﺪﻳﺖ ﺍﻳﺪﻱ ﻋﻠﻰ ﺷﻌﺮﻩ .. ﻭﻛﻤﺖ ﺍﺑﺠﻲ ﻭﻳﺎﻩ ﻭﻣﺘﻌﺠﺒﻪ .. ﻣﺎﻟﻚ ﻳﺒﺠﻲ .. ﺍﻟﻠﻲ ﻳﺸﻮﻓﻪ ﻳﺴﺘﻐﺮﺏ ﻫﻠﺸﻲ ﺟﺪﺍ ..
ﻣﺴﺤﺖ ﻋﻠﻰ ﺷﻌﺮﻩ .. ﺷﺒﻴﻚ ﻟﺘﺒﺠﻲ ﻣﺎﻟﻚ ﺍﺣﺠﻴﻠﻲ .. ﺭﻓﻊ ﺭﺍﺳﻪ .. ﻣﺪﺍ ﺍﺑﺠﻲ ﺑﺲ ﻋﻴﻮﻧﻲ ﻣﻠﺘﻬﺒﻪ ..
ﺣﺎﻟﺘﻪ ﻏﺮﻳﺒﻪ ... ﺧﺬﺕ ﺍﻳﺪﻩ .. ﺷﺒﻴﻚ ﺍﺣﺠﻴﻠﻲ .. ﻭﺍﻟﻠﻪ ﻣﺎ ﺍﻃﻠﻊ ﺳﺮﻙ .. ﺑﺲ ﺍﺭﺗﺎﺡ ..
- ﻟﺠﻴﻦ ﺗﻌﺒﺎﻥ ﺣﻴﻞ ﺗﻌﺒﺎﻥ .. ﺍﺧﺬﻳﻨﻲ ﻧﺴﻴﻨﻲ .. ﺻﻌﺪﻱ ﻭﻳﺎﻱ ﺑﺲ ﻫﺪﺋﻲ ﺍﻋﺼﺎﺑﻲ ﻣﺎ ﺍﺫﻳﺞ ﺻﺪﻛﻴﻨﻲ .
- ﻣﺎ ﺍﻛﺪﺭ ﺻﻌﺐ ﻭﺍﻟﻠﻪ ﻣﺎﻟﻚ .. ﺑﺲ ﺍﻭﻋﺪﻙ ﺍﺗﺼﻞ ﻭﻧﺤﺠﻲ ﻟﻠﺼﺒﺢ ﻭﺗﺸﻜﻴﻠﻲ ﻛﻞ ﺍﻟﻠﻲ ﺑﺪﺍﺧﻠﻚ ..
- ﺑﺲ ﺍﻧﻲ ﺭﺍﻳﺪﺝ ﻳﻤﻲ ﻟﺠﻴﻦ ...
- ﻣﺎﻟﻚ ﻣﺎ ﺍﻛﺪﺭ ﻭﺣﺘﻰ ﺗﺄﺧﺮﺕ ﻋﻠﻰ ﺍﻟﺒﻴﺖ .. ﺍﺭﺟﻮﻙ ﻭﺻﻠﻨﻲ ﻭﻭﻋﺪ .. ﺭﺍﺡ ﺍﺗﺼﻞ .. ﻭﻧﺒﻘﻰ ﻧﺤﺠﻲ ﻟﺤﺪ ﻣﺘﺮﺗﺎﺡ .
ﻫﺰ ﺭﺍﺳﻪ .. ﻭﺷﻐﻞ ﺍﻟﺴﻴﺎﺭﻩ .. ﺩﺍ ﻳﺴﺤﺐ ﮔﻴﺮ .. ﻟﺰﻣﺖ ﺍﻳﺪﻩ ﻭﺍﺧﺬﺗﻬﺎ .. ﺑﺴﺘﻬﺎ ﺑﺮﺍﺣﺘﻬﺎ .. ﻭﺧﻠﻴﺘﻬﺎ ﻋﻠﻰ ﺧﺪﻱ .. ﻟﺘﺰﻋﻞ ﺍﻭﻙ
🌹🌹
ﺟﺮ ﺍﻳﺪﻱ ﻭﺑﺎﺳﻬﺎ .. ﻭﻣﺪ ﺑﺎﺱ ﺭﺍﺳﻲ .. ﻭﺑﻌﺪﻩ ﻻﺯﻡ ﺍﻳﺪﻱ ..
- ﺗﺘﺰﻭﺟﻴﻨﻲ ..
- ﺻﻔﻨﺖ .. ﺷﻜﻮﻟﻪ ﺷﻤﻌﺮﻓﻨﻲ ﺑﻴﻚ .. ﺭﺩﺕ ﻛﻠﻤﻪ ﺍﻧﻄﻘﻬﺎ .. ﻣﺎﻛﻮ
- ﺻﺪﻛﻴﻨﻲ ﺍﺳﻌﺪﺝ ... ﺑﺲ ﺗﻌﺎﻟﻲ ﻟﺠﻴﻦ .. ﻣﺤﺘﺎﺝ ﺍﺧﺬﺝ ﻭﺍﻣﺸﻲ ﺑﻌﻴﺪ .. ﻭﺍﻛﻌﺪﺝ ﺑﻤﻜﺎﻥ ﺑﺲ ﺍﻧﺘﻲ ﻭﺍﻧﻲ .. ﻭﺗﺤﺖ ﻛﻤﺮﻩ .. ﻭﺭﺍﺳﺞ ﻋﻠﻰ ﺻﺪﺭﻱ ﻭﺍﺗﻨﻔﺴﺞ ﺑﻜﻞ ﺟﺮﺓ ﻫﻮﻯ .. ﻭﺍﺭﺗﺎﺡ ﻧﻔﺴﻴﺎ ..
- ﺍﻥ ﺷﺎﺀﺍﻟﻠﻪ ..
- ﻳﻌﻨﻲ ﺷﻨﻮ ..
- ﻣﺎﻟﻚ .. ﺍﻧﻲ ﻣﻄﺎﻟﻌﻪ ﻣﻦ ﺍﻟﺤﺎﻳﻂ . ﻋﻨﺪﻱ ﺍﺏ ﻭﺍﻡ .. ﻣﺎ ﺍﻛﺪﺭ ﺍﻗﺮﺭ ﻭﺍﺗﺮﻛﻬﻢ ﻭﺭﺍﻳﻪ .. ﺗﻘﺪﻡ ﻟﺒﺎﺑﺎ ﻟﻮ ﻭﻭﺍﻓﻖ .. ﺍﻧﻲ ﺡ ﻛﻮﻥ ﺳﻌﻴﺪﻩ ..
- ﺗﺤﺒﻴﻨﻲ ..
- ﻣﺎ ﺍﻋﺮﻑ ... ﻟﻼﻥ ﻣﺸﺎﻋﺮﻱ ﺍﺗﺠﺎﻫﻚ ﻣﻤﺤﺪﺩﺗﻬﺎ ﺳﺎﻋﻪ ﺧﻮﻑ ﺳﺎﻋﻪ ﺣﺐ .. ﻭﺍﺣﻴﺎﻧﺎ ﺭﻏﺒﻪ .. ﻟﻜﻦ ﻣﺎ ﻣﺘﺄﻛﺪﻩ ﻣﻦ ﺍﻟﻤﺸﺎﻋﺮ ﺍﻟﺤﻘﻴﻘﻴﻪ ..
- ﺑﺎﺱ ﺍﻳﺪﻱ . ﻭﺣﺮﻙ ﺍﻟﺴﻴﺎﺭﻩ ﻭﻣﺸﻰ .. ﺍﻟﻄﺮﻳﻖ ﻛﻠﻪ ﻣﺎ ﺗﺮﻙ ﺍﻳﺪﻱ .. ﻣﺮﺍﺕ ﺍﺧﺎﻑ ﻣﻦ ﺿﺨﺎﻣﺘﻪ ﻭﻏﻀﺒﻪ .. ﻭﻣﺮﺍﺕ ﺍﺣﺴﻪ ﻣﺜﻞ ﺍﻟﻄﻔﻞ ﻣﻦ ﻳﺘﺄﻟﻢ ﻳﺮﻳﺪ ﺍﻣﻪ ﺣﺘﻰ ﻳﺮﺗﺎﺡ ..
ﻣﺎﺳﻚ ﺍﻳﺪﻱ ﻭﻛﺄﻧﻪ ﻳﺨﺎﻑ ﺍﻣﺸﻲ ﻭﺍﺗﺮﻛﻪ .. ﻃﻮﻝ ﺍﻟﻄﺮﻳﻖ ﻻﺯﻣﻨﻲ .. ﺣﺘﻰ ﻣﻦ ﻳﺤﺮﻙ ﮔﻴﺮ ﻻﺯﻣﻬﺎ .. ﻭﺻﻠﻨﻲ ﻟﺮﺍﺱ ﺍﻟﻔﺮﻉ ...
ﺍﺧﺬﺕ ﺍﻟﺠﻨﻄﻪ .. ﻭﺳﺤﺒﺖ ﺍﻳﺪﻱ ﻣﻨﻪ .. ﻭﻧﺰﻟﺖ ..
ﻣﺎﻟﻚ -: ﺍﺣﺒﺞ
- ﺍﺑﺘﺴﻤﺘﻠﻪ ..
- ﻻ ﺗﻨﺴﻴﻦ ﺍﺧﺎﺑﺮﺝ ﻫﺴﻪ .. ﺑﺲ ﺍﻃﺒﻴﻦ ﻟﻠﺒﻴﺖ ﻣﺤﺘﺎﺝ ﺍﺣﺠﻲ ﻭﻳﺎﺝ .
- ﺍﻭﻙ .. ﺑﺎﺍﺍﻱ .. ﻧﺰﻟﺖ ﻭﺗﻤﺸﻴﺖ ﻟﻠﺒﻴﺖ .. ﺳﺎﻋﻪ 10 ﻭﻧﺺ ﺍﻟﻜﻪ ﺑﺎﺑﺎ ﻣﻌﺼﺐ ﻋﻠﻰ ﺍﻟﺘﺄﺧﻴﺮ .. ﺩﺧﻠﺖ .. ﻟﻜﻴﺖ ﻣﺎﻣﺎ ﻛﺎﻋﺪﻩ ..
ﺑﻮﺳﺘﻬﺎ ﻭﻳﻦ ﺑﺎﺑﺎ ..
- ﺭﺍﺡ ﻟﺠﺎﻋﺘﻪ ﻳﺸﺮﺏ ﺟﺎﻱ ﺑﺎﻟﻜﻬﻮﻩ .. ﺷﻮ ﺗﺄﺧﺮﺗﻲ ﻟﻴﺶ ..
- ﻭﺍﻟﻠﻪ ﻣﺎﻣﺎ ﺻﺮﺍﺣﻪ .. ﺍﺧﺬﺕ ﻧﻔﺲ ..
- ﺧﻴﺮ ﺑﻨﺘﻲ ﺷﻜﻮ
- ﺗﻤﺪﺩﺕ ﻳﻤﻬﺎ .. ﻣﺎﻣﺎ ﺍﻧﻲ ﺍﺣﺐ ﻣﺎﻟﻚ ..
- ﻳﺎﺍﺍ ﻋﺰﺍ ﺍﻟﻌﺰﺍﺝ .. ﻳﻮﻟﻲ ﻳﺎ ﺣﺐ ﻫﺬﺍ .. ﻭﺷﺤﺒﻴﺘﻲ ﺑﻲ ..
- ﻣﺎﻣﺎ ﺗﻌﺮﻓﻴﻦ ﺍﻧﺘﻲ ﺍﻗﺮﺏ ﺍﻧﺴﺎﻥ ﺍﻟﻴﻪ ﻭﻣﺎ ﺍﻓﺘﺢ ﻗﻠﺒﻲ ﺍﻻ ﻳﻤﺞ .. ﻟﺘﻜﻮﻟﻴﻠﻲ ﻛﻴﻒ ﻭﺷﻠﻮﻥ .. ﺍﻧﻲ ﻧﻔﺴﻲ ﻣﺎ ﺍﻋﺮﻑ ﺷﻠﻮﻥ ﻭﻟﻴﺶ ﺣﺒﻴﺘﻪ ..
- ﻟﺞ ﻳﻤﺎﻣﺎ ﻫﺬﺍ ﻳﺨﻮﻑ .. ﻭﻗﻮﻱ ﺷﺘﻌﺮﻓﻴﻦ ﻋﻨﻪ ..
- ﻣﺎ ﺍﻋﺮﻑ ﻣﺎﻣﺎ ﻳﺨﻮﻑ ﺻﺢ .. ﺑﺲ ﻛﻠﺒﻲ ﻳﻤﻪ ﺍﺣﺴﺎﺳﻪ ﻏﻴﺮ .. ﻣﺮﺍﺕ ﺍﺣﺴﻪ ﻃﻔﻠﻲ ﻣﻮ ﺭﺟﻞ ﻏﺮﻳﺐ ﻛﺒﺎﻟﻲ .
- ﻭﺍﻟﻠﻪ ﻣﺎﻣﺎ ﻣﻴﻔﻴﺪﺝ .. ﺍﺷﻮﻑ ﻟﻮ ﺍﺗﺮﻛﻲ ﺍﻓﻀﻞ .. ﺍﻧﺘﻲ ﻭﺍﻋﻴﻪ ﻭﻣﺜﻘﻔﻪ .. ﻫﺬﺍ ﺷﻨﻮ ﻭﺗﺮﺗﺒﻄﻴﻦ ﺑﻲ ..
- ﺑﺴﺖ ﺍﻳﺪﻫﺎ ﻭﻛﺘﻠﻬﺎ ﺍﺭﻭﺡ ﺍﻧﺎﻡ .. ﻫﺎﺍﺍ ﺻﺪﻭﻙ ﻗﺒﻞ ﻻ ﺍﺭﻭﺡ .. ﻣﺤﻤﺪ ﺍﻟﻤﺨﺮﺝ ﺍﻟﻴﻮﻡ ﻃﻠﺐ ﺍﻳﺪﻱ .
- ﻋﺸﺘﻮ ﻭﺷﻜﻠﺘﻴﻠﻪ ..
- ﺷﻜﺘﻠﻪ ﺭﻓﻀﺖ ﺍﻛﻴﺪ ..
- ﺍﺣﺴﻦ ﻣﺘﺰﻭﺝ ﺧﻴﻮﻟﻲ .. ﻣﺘﻌﺸﺎﻳﻪ ..
- ﺍﻱ ﺍﻛﻠﺖ ﺑﺎﻟﻜﻮﺭﻧﻴﺶ ..
- ﻫﻼﺍﺍﺍﺍﻭ .. ﺟﻨﺘﻲ ﺑﺎﻟﻜﻮﺭﻧﻴﺶ ﻋﻴﻨﻲ ..
🌹🌹
ﺍﻱ ﺟﻨﺖ ﺑﺎﻟﻜﻮﺭﻧﻴﺶ ﺍﻧﻲ ﻭﺳﺮﻯ ..
- ﺟﺎﻥ ﺧﺎﺑﺮﺗﻴﻨﻲ ﺍﺟﻲ ﻭﻳﺎﺝ .. ﻳﺪﺍﺩﻩ ﻣﻠﻴﺖ ﻣﻦ ﺍﻟﺒﻴﺖ .. ﻭﺍﺿﻮﺝ ﺍﻃﻠﻊ ﻭﺣﺪﻱ ﻣﺎ ﺍﺗﻮﻧﺲ ..
- ﻳﺮﻭﻭﻭﺣﻲ .. ﻭﺍﻟﻠﻪ ﻧﺮﻭﺡ ﺍﻥ ﺷﺎﺀﺍﻟﻠﻪ ﺑﺎﻗﺮﺏ ﻭﻗﺖ .. ﻭﻻ ﺍﻛﻮﻟﺞ .. ﺷﺮﺍﻳﺞ ﻧﻄﻠﻊ ﺍﻧﻲ ﻭﻳﺎﺝ ﻻﺭﺑﻴﻞ ﻧﻐﻴﺮ ﺟﻮ ﻭﻧﺮﺟﻊ ..
- ﻭﺍﺑﻮﺝ ..
- ﺧﻞ ﻳﺠﻲ ﻭﻳﺎﻧﻪ .. ﻭﺍﺫﺍ ﻣﻴﺠﻲ .. ﻋﺎﺩﻱ ﻳﺒﻘﻰ .. ﻫﻮ ﺍﺳﺒﻮﻉ ﺍﻧﺮﻭﺡ ﻭﻧﺮﺟﻊ
- ﻭﺍﻟﻠﻪ ﺧﻮﺵ ﻓﻜﺮﻩ .. ﺧﻞ ﺍﻛﻮﻝ ﻻﺑﻮﺝ ﺑﻠﻜﺖ ﻳﻘﺒﻞ .. ﻣﻠﻴﻨﺎ ..
- ﺍﻥ ﺷﺎﺀﺍﻟﻠﻪ .. ﻳﻼ ﺍﺻﻌﺪ ﺍﺑﺪﻝ ..
- ﻣﻮ ﺍﻃﻮﻟﻲ ﺑﺪﻟﻲ ﻭﺗﻌﺎﻱ ﺍﺣﺠﻴﻠﺞ ..
- ﺷﻜﻮ ..
- ﻋﻠﻰ ﺑﻴﺖ ﺧﺎﻟﺞ ﺍﻟﻴﻮﻡ . ﺍﺳﻮﻟﻔﻠﺞ .
- ﻫﺎﺍﺍ ﻋﺒﺎﻟﻲ ﻣﻮﺿﻮﻉ .. ﻳﻼ ﺷﻮﻱ ﻭﺍﻧﺰﻝ .. ﺻﻌﺪﺕ .. ﺩﻙ ﺟﻬﺎﺯﻱ .. ﺭﺩﺕ ﺍﺭﺩ ﺑﻼ ﻣﺎ ﺍﺷﻮﻑ ﻛﺄﻥ ﻣﺘﺄﻛﺪﻩ ﻣﺎﻟﻚ
ﺳﻤﻌﺖ ﺍﻟﻮﻭﻭ .. ﻭﺧﺮﺕ ﺍﻟﺠﻬﺎﺯ ﻣﻦ ﺍﺫﻧﻲ ﺑﺎﻭﻋﺘﻪ ﻣﺨﻠﺪ .. ﺭﺩﻳﺖ ﺍﻟﻮ ﻫﻼ ﻣﺨﻠﺪ ..
- ﻫﻼ ﻟﺠﻴﻦ ﺷﻠﻮﻧﺞ .
- ﺍﻟﺤﻤﺪﻟﻠﻪ ﺻﺤﺘﻚ .
- ﻟﻴﺶ ﺗﻬﻤﺞ ..
- ﻃﺒﻌﺎ .. ﻟﻴﺶ ﻣﺘﻬﻤﻨﻲ .
- ﺍﻱ ﻛﻠﺶ ﺍﺷﻮﻓﺞ ﺗﻌﺒﺘﻲ ﺍﻟﺪﺭﺏ ..
- ﺗﻌﺎﻝ ﻫﻨﺎ ﻳﺎ ﺣﻠﻮ .. ﻣﻮ ﺍﺟﻴﺖ ﻭﻛﺘﻠﻲ ﻟﺘﺠﻴﻦ ﻣﺎ ﺍﺭﻳﺪ ﺟﻤﺎﻋﺘﻲ ﻳﺸﻮﻓﻮﺝ .. ﺷﺴﻮﻱ ﺑﻌﺪ ..
- ﺍﻱ ﻣﺮﻱ ﺑﻠﻴﻞ ﻣﻦ ﺧﻔﻮ
- ﻭﺷﻌﺮﻓﻨﻲ ﺍﺷﻢ ﺍﻳﺪﻱ .. ﺧﻔﻮ
- ﻟﺠﻴﻦ ﺣﻴﻞ ﻣﺘﻮﺟﻊ ﻭﻣﺘﻜﺴﻒ ﻓﺪ ﻣﺮﻩ ..
- ﺍﻭﻭﻭﻱ ﺳﻮﺩﻩ ﻋﻠﻴﻪ .. ﻣﻨﻄﻮﻙ ﻣﺴﻜﻦ ..
- ﻟﺞ ﻳﺎ ﻣﺴﻜﻦ . ﻃﻠﻘﻪ ﻧﺎﺑﺘﻪ ﺑﺎﻟﻌﻈﻢ ﻳﺎ ﻣﺴﻜﻦ ﻫﺬﺍ ﻳﺴﻜﻦ ﺍﻟﻤﻬﺎ ..
- ﻃﻴﺐ ﺍﺷﻠﻮﻥ ..
- ﺍﻟﻠﻪ ﻛﺮﻳﻢ .. ﺍﺧﺬﻱ ﺭﺍﺣﺘﺞ
- ﻣﺘﻮﺟﻊ ﻫﺴﻪ ..
- ﺍﻛﻠﺞ ﺑﻄﻠﻲ ﻓﻬﺎﻭﻩ ﺭﺣﻤﻪ ﻟﻤﺤﻤﺪ ﻫﻢ ﺿﺎﺭﺑﻴﻨﻲ ﺍﺑﺮﺓ ﺷﻠﻞ ﺍﻃﻔﺎﻝ ﻟﻮ ﻃﻠﻘﻪ .. ﺍﻛﻠﻬﺎ ﺟﺪﻱ ﻣﺴﺘﻠﻚ ﺗﻜﻠﻲ ﻣﺘﻮﺟﻊ .
- ﻭﻫﺎﻱ ﻣﺘﻮﺟﻊ ﻭﻫﻠﻜﺪ ﺗﺤﺠﻲ ﻭﺗﺮﺯﻝ ﻟﻮ ﺻﺎﺣﻲ ﺷﺘﺴﻮﻱ ..
- ﻣﻴﺤﺘﺎﺝ ﺍﺣﺠﻲ .. ﺗﻌﺮﻓﻴﻦ ..
- ﺭﻓﻌﺖ ﺍﻳﺪﻱ ﺍﻟﻤﻔﺼﻮﺧﻪ ﻭﺿﺤﻜﺖ .. ﻫﻢ ﺻﺪﻙ .. ﻳﻼ ﺍﺧﺬ ﺭﺍﺣﺘﻚ ..
- ﻫﻬﻪ ﻣﻊ ﺍﻟﺴﻼﻣﻪ
- ﺍﻭﻝ ﻣﺎ ﺳﺪﻳﺘﻪ .. ﺍﺗﺼﻞ ﻣﺎﻟﻚ ... ﺭﺩﻳﺖ ..
ﻣﺎﻟﻚ 5-: ﻣﺮﺍﺕ ﺍﺗﺼﻞ ﻣﺸﻐﻮﻝ ﻭﻳﺎﻣﻦ
- ﺍﺫﺍ ﻛﺘﻠﻪ ﻣﺨﻠﺪ ﻳﺘﺨﺒﻞ .. ﺣﺠﻴﺖ .. ﻛﻨﺖ ﺍﺣﺠﻲ ﻣﻊ ﺯﻣﻼﺋﻲ ﺑﺨﺼﻮﺹ ﻣﻮﺿﻮﻉ ﺣﻠﻘﺔ ﺑﺎﺟﺮ ..
- ﺍﻫﺎﺍﺍ ... ﻟﺠﻴﻦ ﻓﺘﺤﻲ ﺍﺩﻳﺞ .
- ﻟﻴﺶ
- ﻛﻮﻟﻲ ﻓﺘﺤﺘﻬﻦ ..
- ﻓﺘﺤﺘﻬﻦ ..
- ﺍﺧﺬﻳﻨﻲ ﻭﺿﻤﻴﻨﻲ ﺑﺤﻈﻨﺞ .. ﺣﺎﺏ ﺍﺭﺗﺎﺡ .. ﺣﺎﺏ ﺍﺷﻢ ﻋﻄﺮﺝ ﻭﺍﻏﻔﻰ .. ﻟﺠﻴﻦ ..
- ﻫﻤﻤﻢ
🌹🌹
ﺍﺣﺒﺞ ..
- ﺿﺤﻜﺖ ﺑﻬﻤﺲ .. ﻣﻦ ﺷﻨﻮ ﺗﻌﺒﺎﻥ .
- ﻣﻦ ﺍﻟﺪﻧﻴﺎ ..
- ﻭﻟﻴﺶ ﻣﺘﻌﺒﺘﻚ ﺍﻟﺪﻧﻴﺎ ﻟﺪﺭﺟﺔ ﺍﻧﻚ ﺗﺒﺠﻲ ﻣﻦ ﺍﻻﻟﻢ ..
- ﺍﺧﺬ ﻧﻔﺲ .... ﻟﺠﻴﻦ ﻟﻮ ﺗﺰﻭﺟﺘﺞ ﺣﺘﺤﺒﻴﻨﻲ .. ﺗﻨﺴﻴﻨﻲ .. ؟
- ﻟﻴﺶ ﺗﻐﻴﺮ ﺍﻟﻤﻮﺿﻮﻉ ..
- ﻻﻥ ﻣﻮ ﺑﺼﺎﻟﺤﺞ ﺍﻥ ﺗﻌﺮﻓﻴﻦ ..
- ﻣﺮﻩ ﮔﻠﺘﻠﻲ ﻳﻘﺘﻠﻮﺝ .. ﻣﻨﻮ ﻳﻘﺘﻠﻨﻲ ..
- ﻻ ﺧﻠﺺ ﺻﻔﻴﺖ ﺍﻟﺤﺴﺎﺏ .. ﻭﻛﻠﺖ ﺍﻟﺒﻨﺖ ﺗﻬﻤﻨﻲ .
- ﻭﻣﻨﻮ ﺫﻭﻟﻪ ؟؟
- ﺍﻟﺠﻤﺎﻋﻪ ﺍﻟﻠﻲ ﺍﺷﺘﻐﻞ ﻣﻌﺎﻫﻢ .
- ﻣﺎﻟﻚ ﺣﺎﺑﻪ ﺍﻋﺮﻑ ﺷﻨﻮ ﺷﻐﻠﻚ .. ﺍﺫﺍ ﺗﺤﺒﻨﻲ ﻛﻮﻝ .
- ﺑﺎﻋﻲ ﻟﺠﻴﻦ .. ﺡ ﺍﻛﻠﺞ ﻋﻠﻰ ﺷﻐﻠﻪ .. ﻭﺍﺭﻳﺪﺝ ﺍﺗﺴﻤﻌﻴﻬﺎ ﻭﺗﻨﺴﻴﻬﺎ .. ﺷﻐﻠﻲ ﺍﻟﻀﺎﻫﺮﻱ ﻫﻮ ﻣﻮﺿﻒ ﺑﺎﻟﻤﻄﺎﺭ ..
ﺍﻣﺎ ﺷﻐﻠﻲ ﺍﻟﺤﻘﻴﻘﻲ ﻑ ﻫﻮ ﺑﺎﻟﻤﻨﻄﻘﻪ ﺍﻟﺨﻈﺮﺍﺀ ..
- ﻭﺷﻨﻮ ﺷﻐﻠﻚ ﺑﺎﻟﻤﻨﻄﻘﻪ ﺍﻟﺨﻀﺮﺍﺀ ..
- ﻣﻨﻈﻤﻴﻦ ﻟﺤﺰﺏ ..........
- ﻭﻟﻴﺶ ﺗﺨﺎﻑ ﺗﻜﻮﻝ ..
- ﻣﻮ ﻻﺯﻡ ﺍﺣﺠﻲ ﻫﻼﻣﺮ .. ﻛﻞ ﺍﻟﻠﻲ ﻳﺸﺘﻐﻞ ﺑﺎﻟﺨﻀﺮﺍﺀ .. ﻣﻴﻜﻮﻝ ﺍﻧﻲ ﺍﺷﺘﻐﻞ ﺑﻴﻬﺎ .
- ﻟﻬﻴﺞ ﺍﻧﺘﻪ ﺳﺎﻧﺪ ﺿﻬﺮﻙ .
- ﺍﻣﻤﻢ ﻫﺴﻪ ﻣﻜﻠﺘﻴﻠﻲ ﺍﺫﺍ ﺍﺟﻴﺘﻲ ﻳﻤﻲ ﺷﺘﺴﻮﻳﻠﻲ ..
- ﻉ ﻓﻜﺮﻩ ﺍﺣﺐ ﺍﻟﻜﻼﻡ ﻳﻜﻮﻥ ﺧﺎﺭﺝ ﻧﻄﺎﻕ ﺍﻻﺑﺎﺣﻪ .. ﺍﻟﻜﻼﻡ ﺍﻟﻐﻴﺮ ﻣﺮﻏﻮﺏ ﺍﺧﺠﻞ ﻭﺍﺭﻓﺾ ﺍﺗﻜﻠﻢ ﺑﻴﻪ ..
ﺍﻧﻲ ﺿﺪ ﺷﻐﻠﺔ ﺍﺗﺼﺎﻻﺕ ﺍﻟﻤﺸﺒﻮﻫﻪ ﺑﻠﻴﻞ ﻣﺎ ﺍﺣﺐ ﻫﺎﻟﺸﻲ ..
- ﺑﺲ ﺍﻧﺘﻲ ﻭﻋﺪﺗﻴﻨﻲ ﺗﺮﻳﺤﻴﻨﻲ .
- ﺍﺭﻳﺤﻚ ﺑﺎﻟﻜﻼﻡ ﺑﺎﻟﻔﻀﻔﻀﻪ .. ﻣﻮ ﺷﻲ ﺍﺧﺮ .. ﻳﺎﺭﻳﺖ ﺗﺤﺘﺮﻡ ﺍﻟﺨﻄﻮﻁ ﺍﻟﻠﻲ ﻣﻮ ﻻﺯﻡ ﻧﺘﺠﺎﻭﺯﻫﺎ
- ﺗﺨﺠﻠﻴﻦ ﺗﺤﺠﻴﻬﺎ .. ﺑﺲ ﻣﺘﺨﺠﻠﻴﻦ ﻟﻤﺎ ﺗﻜﻮﻧﻴﻦ ﻳﻤﻲ ﻭﺑﻴﻦ ﺍﺩﻳﻪ ..
- ﺍﺳﻤﻌﻨﻲ ﻣﺎﻟﻚ .. ﺍﻋﺘﻘﺪ ﻭﻻ ﻣﺮﻩ ﺣﺎﻭﻟﺖ ﺍﺗﻘﺮﺏ ﻣﻨﻚ . ﻣﺮﺗﻴﻦ .. ﻭﺍﻧﺘﻪ ﺟﺒﺮﺗﻨﻲ ..
- ﺑﺲ ﺗﻔﺎﻋﻠﺘﻲ
- ﺍﺗﻔﺎﻋﻞ ﻻﻥ ﺍﻧﻲ ﺑﻨﻴﻪ ﻭﻋﻨﺪﻱ ﺍﺣﺴﺎﺱ ﻭﻣﺸﺎﻋﺮ ﻭﺭﻏﺒﺎﺕ .. ﻭﻣﻤﺠﺮﺑﻪ ﻫﺎﻟﺸﻲ ﻣﻦ ﻗﺒﻞ ﺍﺑﺪﺍ ﻭﺍﻟﻠﻪ ..
ﺍﻧﺖ ﺍﻭﻝ ﺭﺟﻞ ﺑﺤﻴﺎﺗﻲ .. ﻟﻜﻦ ﻣﻊ ﻫﺬﺍ ﺍﺣﺎﻭﻝ ﺍﺳﺘﺮﺩ ﻋﻘﻠﻲ ﺍﻟﻠﻲ ﺗﺎﺧﺬﻩ ﺑﺎﺣﻈﺎﻧﻚ .. ﻭﺍﺭﺟﻊ ﺑﻴﻪ ﺍﻟﻰ ﺍﻟﻮﺍﻗﻊ ﻭﺍﺑﺘﻌﺪ .
- ﻭﺗﺎﻟﻲ ﺍﻧﻲ ﺍﺭﻳﺪﺝ ﻳﻤﻲ .. ﺭﺍﻳﺪ ﺍﺭﺗﺎﺡ ..
- ﻭﺷﺘﺮﻳﺪ ﺍﺳﻮﻱ ..
- ﻧﺘﺰﻭﺝ
- ﻃﻴﺐ ﺷﻌﺮﻓﺖ ﻋﻨﻚ ﻭﺷﻌﺮﻓﺖ ﻋﻨﻲ ﻭﺗﺘﺰﻭﺟﻨﻲ .. ﺍﻧﻄﻴﻨﺎ ﻓﺮﺻﻪ ﻧﺘﻌﺮﻑ ﻉ ﺑﻌﺾ ..
- ﺍﻟﺤﺐ ﻣﻴﻌﺮﻑ ﻫﺎﻱ ﺍﻟﻤﻔﺎﻫﻴﻢ ﻟﺠﻴﻦ ﺍﺭﻳﺪﺝ ..
- ﻫﻬﻬﻬﻪ ﻭﺷﻠﻮﻥ ..
- ﺍﺷﻠﻮﻥ .. ﺑﺎﺟﺮ ﺍﺟﻲ ﺍﺧﻄﺒﺞ ﻭﺍﻓﻀﻬﺎ ..
- ﻫﻬﻬﻬﻪ ﺗﺤﺠﻲ ﻣﻦ ﺻﺪﻭﻙ ..
🌹🌹
ﺍﻱ ﺻﺪﻛﻴﻨﻲ .
- ﻫﻬﻬﻪ ﻭﻣﻨﻮ ﻛﺎﻝ ﺑﺎﺑﺎ ﻳﻮﺍﻓﻖ ..
- ﺍﺑﻘﻰ ﺍﻟﺢ
- ﻫﻴﺞ ﺗﺮﻳﺪﻧﻲ ..
- ﻟﺞ ﻣﺘﻌﺮﻓﻴﻦ ﺷﮕﺪ ﺍﺣﺒﺞ .. ﻣﻴﺖ ﺑﻴﺞ ..
- ﺣﻴﺎﺍﺍﺍﺗﻲ .. ﻫﻬﻬﻪ
- ﺍﻣﻮﺕ ﻋﻠﻴﺞ .. ﺍﻭﻑ ﻟﻮ ﺑﺲ ﺗﺼﻴﺮﻳﻦ ﻳﻤﻲ .. ﺍﻓﺘﺢ ﻗﻠﺒﻲ ﻭﺍﺩﻓﻴﺞ ﺑﻴﻪ ..
- ﻋﻠﻰ ﻃﺎﺭﻱ ﺍﻟﺪﻓﻮ ... ﺷﺪﻓﻴﻨﻲ ﻣﻴﺘﻪ ﺣﺮ .. ﺍﻟﻤﻜﻴﻒ ﺍﻟﻴﻮﻡ ﺍﺑﺪ ﻣﺎﻛﻮ .. ﺍﻟﻐﺮﻓﻪ ﺟﻤﺮ .. ﺗﺨﻨﻚ ..
- ﻟﻴﺶ
- ﻣﺎ ﺍﻋﺮﻑ ﻳﻤﻜﻦ ﺍﻟﻮﻃﻨﻴﻪ ﻋﺎﻃﻠﻪ ..
- ﺧﻞ ﺍﻧﺰﻝ ﺍﺷﻮﻑ ﻣﺎﻣﺎ ..
- ﺍﻭﻙ ﺑﺮﺍﺣﺘﺞ .. ﺑﺎﻱ ..
- ﻗﻔﻠﺘﻪ ﻣﻨﻪ ﻭﺷﻤﺮﺕ ﺍﻟﻤﻮﺑﺎﻳﻞ ﻉ ﺍﻟﺴﺮﻳﺮ ﻭﻧﺰﻟﺖ .. ﺍﺻﻴﺢ ﻣﺎﻣﺎ ... ﻳﻮﻭﻭﻭﻡ ..
ﺍﻻﻡ -: ﻫﺎ ﺣﺒﻴﺒﺘﻲ ..
- ﺩﺧﻠﺖ ﺍﻟﺼﺎﻟﻪ .. ﻟﻜﻴﺖ ﺑﺎﺑﺎ ﺟﺎﻱ .. ﺗﻘﺮﺑﺖ ﻋﻠﻴﻪ ﻫﻠﻮ ﺑﺎﺑﺎ ﺣﺒﻴﺒﻲ ..
ﺍﻻﺏ -: ﻫﻼ ﺑﻨﻴﺘﻲ ..
- ﺑﺴﺖ ﺭﺍﺳﻪ .. ﻣﺪ ﺍﻳﺪﻩ ﻟﻮﺟﻬﻲ ﻭﻛﺎﻝ ﺍﻟﻠﻪ ﻳﺮﺿﻰ ﻋﻠﻴﺞ ﺑﺎﺑﺎﺗﻲ .. ﻛﻌﺪﺕ ﻳﻤﻪ .. ﺍﻛﻮﻟﺞ ﻳﻮﻡ ﺍﺷﻮ ﻣﻜﻴﻒ ﻣﺎﻛﻮ .. ﻏﺮﻓﺘﻲ ﺟﻤﺮ ..
ﺍﻻﻡ - ﻋﻄﻼﻧﻪ ﺍﻟﻮﻃﻨﻴﻪ ..
ﻟﺠﻴﻦ -: ﺍﻫﻮﻭﻭﻭﻭ ﺷﻠﻮﻥ ﺳﺎﻟﻔﻪ ﻫﺎﻱ .. ﺍﻛﻮﻡ ﺍﺳﺒﺢ ﺑﻤﻲ ﺑﺎﺭﺩ ﺍﺣﺴﻨﻠﻲ ..
ﺍﻻﺏ -: ﺑﺎﺑﺎﺗﻲ ﻧﺰﻟﻲ ﻧﺎﻣﻲ ﺑﺎﻟﻐﺮﻓﻪ ﺍﻟﺼﻐﻴﺮﻩ ﻉ ﺍﻟﻤﺒﺮﺩﻩ ﺑﺎﺭﺩﻩ ..
- ﻣﺎ ﺍﻋﺮﻑ ﻳﻤﻜﻦ ﻫﻮ ﻫﻢ ﻫﻴﺞ .. ﺭﺟﻌﺖ ﻟﻐﺮﻓﺘﻲ ﺩﺍ ﺍﺧﺬ ﻣﻼﺑﺲ .. ﻟﻜﻴﺖ ﻣﻮﺑﺎﻳﻠﻲ ﻳﺪﻙ ..
ﺟﺮﻳﺘﻪ .. ﺳﺮﻯ .. ﺍﻟﻮ ﻫﻼﻭ ﺳﺮﺍﻭﻱ ..
- ﺻﺪﻙ ﺗﺤﺠﻴﻦ .. ﻫﻠﻮ ﺳﺮﺍﻭﻱ ﻭﺍﻧﻲ ﻣﺘﺖ ﺍﻟﻒ ﻣﻮﺗﻪ ﺧﻔﺖ ﻫﺬﺍ ﻳﺴﻮﻱ ﺑﻴﺞ ﺷﻲ .. ﺷﻜﻢ ﻣﺮﻩ ﺍﺗﺼﻠﺖ ﻭﻣﺸﻐﻮﻝ ﻓﻮﻙ 10 ﻣﺮﺍﺕ ..
- ﺟﻨﺖ ﺍﺣﺠﻲ ﻭﻳﺎﻩ
- ﻟﺠﻴﻦ ﺷﺘﺤﺠﻴﻦ .. ﻭﺝ ﺍﺗﺮﻛﻲ ﻫﺬﺍ ﻳﺪﻣﺮﺝ . ﻣﻴﻨﺎﺳﺒﺞ ﻭﺍﻟﻠﻪ ..
- ﺻﺪﻭﻙ ﺍﻧﺘﻲ ﻣﻨﻴﻦ ﻋﺮﻓﺘﻲ ﻭﺿﺮﺑﺘﻲ ..
- ﻣﺎ ﺍﻋﺮﻓﻪ .. ﺑﺲ ﻣﻦ ﺷﺨﻂ ﺑﺴﻴﺎﺭﺗﻪ ﻛﺪﺍﻣﻨﻪ ﻭﺭﺍﺩ ﻳﻬﺪ ﻋﻠﻴﺞ .. ﺭﺩﺕ ﺍﻭﺧﺮﻩ ﻣﻨﺞ ﺑﺪﻭﻥ ﻣﺎ ﺍﻋﺮﻑ ﻫﺬﺍ ﻣﺎﻟﻚ
ﻟﺤﺪ ﻣﺼﺤﺘﻲ ﺍﻧﺘﻲ ﻣﺎﻟﻚ ﻻ .. ﻋﺮﻓﺘﻪ .. ﺍﻟﻠﻪ ﻳﺴﺎﻋﺪﺝ ﻋﻠﻴﻪ ﻟﺞ ﻭﺣﺶ ﻫﺬﺍ .
- ﺍﻱ ﺑﻠﻲ ﺍﺳﺪ ﻣﻔﺘﺮﺱ .. ﺑﺲ ﺳﺮﻯ ﻣﻮ ﺻﻌﺐ ﺗﺮﻭﻳﻀﻪ .. ﺍﺣﺲ ﺑﻴﻪ ﻃﻔﻞ ..
- ﻟﺞ ﻭﺣﺶ ﻫﺬﺍ ﻭﺣﺶ ﻃﻔﻞ ﺷﻨﻮ ..
- ﻳﻤﻜﻦ ﺍﻧﺘﻲ ﻣﺸﻔﺘﻲ ﻏﻴﺮ ﻭﺣﺸﻴﺘﻪ .. ﻟﺞ ﺳﺮﻯ ﺣﺘﻰ ﻛﻤﺖ ﺍﺣﺒﻪ ﻣﻦ ﺻﺪﻭﻙ ..
- ﺗﺤﺒﻴﻴﻴﻲ !!!!!!!
- ﺍﻱ ﻭﻟﻴﺶ ﻣﻴﻨﺤﺐ ... ﺗﻌﺠﺒﻨﻲ ﺟﺮﺋﺘﻪ ﻭﻗﻮﺗﻪ ﻭﺍﺻﺮﺍﺭﻩ ﻋﻠﻴﻪ .. ﻛﻮﻟﺸﻲ ﺑﻴﻪ ﻳﻌﺠﺒﻨﻲ ﺍﺟﺘﺎﻓﻪ .. ﺿﺨﺎﻣﺘﻪ .. ﻟﺤﻴﺘﻪ ﻫﻬﻬﻬﻬﻬﻬﻪ ..
- ﻏﺒﻴﻴﻴﻴﻴﻴﻴﻴﻪ ﻏﺒﻴﻴﻴﻴﻪ ...
- ﻗﻔﻠﺖ ﺍﻟﺨﻂ ﺑﻮﺟﻬﻲ .. ﻫﺎﻱ ﺷﺒﻴﻬﺎ .. ﺷﻨﻮ ﻋﻘﺪﺗﻬﺎ ﻭﻱ ﻣﺎﻟﻚ .. ﺧﻠﻴﺖ ﺍﻟﻤﻮﺑﺎﻳﻞ ﻋﻠﻰ ﺍﻟﺸﺤﻦ .. ﻭﺍﺧﺬﺕ ﻣﻼﺑﺲ ﻭﻃﺒﻴﺖ ﻟﻠﺤﻤﺎﻡ ..
🌹🌹
ﻃﻠﻌﺖ ﻣﺸﻄﺖ . ﺑﻘﻴﺖ ﺍﺑﺎﻭﻉ ﻟﺸﻌﺮﻱ .. ﻻ ﺧﻞ ﺍﻧﺰﻝ ﻻﻣﻲ ﺗﻀﻔﺮ ﻳﺎﻟﻲ ﻓﺮﻧﺴﻲ ﺍﺣﺴﻦ ..
ﺍﺧﺬﺕ ﺍﻟﻤﺸﻂ ﻭﻧﺰﻟﺖ .. ﻟﻜﻴﺖ ﺑﺎﺑﺎ ﺩﺍﻳﺮ ﺍﺧﺒﺎﺭ ﻭﺍﻣﻲ ﻛﺎﻋﺪﻩ ﻳﻤﻪ ﺗﺨﻮﻁ ﺑﺎﻟﺠﺎﻱ ..
- ﻣﺎﻣﺎ ﺿﻔﺮﻱ ﺷﻌﺮﻱ ﺿﻔﻴﺮﻩ ﻓﺮﻧﺴﻴﻪ ..
- ﺗﻌﺎﻱ ..
- ﺍﺗﻘﺮﺑﺖ .. ﻋﻜﺴﺖ ﺭﺟﻠﻬﺎ ﻭﻛﻌﺪﺕ ﺍﻧﺘﺠﻴﺖ ﻋﻠﻴﻬﺎ ﻭﺑﺪﺕ ﺗﻀﻔﺮﻟﻲ ﻣﻦ ﺑﺪﺍﻳﺔ ﺭﺍﺳﻲ .. ﺿﺒﺘﻪ ﺿﺐ ..
ﻛﻤﻠﺘﻠﻲ ﺍﺣﺲ ﺭﺍﺳﻲ ﻣﺸﻨﺞ .. ﻛﺎﻟﺖ ﺗﻌﺎﻱ ﺍﺭﺧﻴﻠﺠﻴﺎﻩ .. ﺭﺧﺘﻪ .. ﻭﻛﻤﺖ ﻣﻨﻬﺎ ﺭﺣﺖ ﻟﻠﻤﻜﺘﺒﻪ .. ﺍﺧﺬﻟﻲ ﺭﻭﺍﻳﻪ ﺍﺗﺴﻠﻰ ﺑﻴﻬﺎ ..
ﺍﻛﻠﺐ ﺑﺎﻟﻜﺘﺐ .. ﺷﻔﺖ ﻛﺘﺎﺏ ﺍﻟﺠﺤﻴﻢ .. ﺍﺑﺘﺴﻤﺖ .. ﻣﺎ ﺧﺬﺗﻪ ﻭﻟﻮ ﻣﻜﻤﻠﺖ ﺍﻟﺮﻭﺍﻳﻪ ﺑﺲ ﻣﺎ ﺍﺭﻳﺪﻩ .. ﻳﺨﻮﻑ
ﺍﺧﺬﺕ ﺭﻭﺍﻳﻪ ﺭﻭﻣﺎﻧﺲ .. ﻭﺭﺣﺖ ﻟﻠﻐﺮﻓﻪ .. ﻃﻠﻌﺖ ﺟﻮﺩﻟﻴﻪ ﻭﺑﻄﺎﻧﻴﻪ .. ﻭﺷﻐﻠﺖ ﺍﻟﻤﺒﺮﺩﻩ .. ﻭﻓﺮﺷﺖ ﻭﺗﻤﺪﺩﺕ .
ﺧﻠﻴﺖ ﺍﻟﻤﺨﺪﻩ ﺟﻮﻩ ﺻﺪﺭﻱ ﻭﻧﻤﺖ ﻋﻠﻰ ﺑﻄﻨﻲ ﻭﺗﻐﻄﻴﺖ ﻭﺍﻗﺮﻩ .. ﺑﺎﺑﺎ ﻭﻣﺎﻣﺎ ﻓﺮﺷﻮ ﻳﻤﻲ ﻭﺍﻧﻲ ﺑﺎﻟﻲ ﻛﻠﻪ ﻭﻳﻪ ﺍﻟﺮﻭﺍﻳﻪ ..
ﺍﺩﻭﺭ ﺭﻭﻣﺎﻧﺲ ﻟﺪﺭﺟﻪ ﺳﻮﺕ ﺑﻴﻪ ﺟﻔﺎﻑ ﻭﺍﺑﻮﻱ ﻛﺎﻋﺪ ﻳﺘﻐﺰﻝ ﺑﺎﻣﻲ ﻭﻳﻀﺤﻜﻮﻥ .. ﺧﺮﺏ ﺷﺴﺎﻟﻔﻪ ..
ﻋﻮﺩ ﺍﻧﻲ ﺷﻮﻛﺖ ﺍﺣﺐ ﻫﻴﺞ ﻭﺍﻃﻴﺮ ﺑﺎﻟﻬﻮﻯ ﻭﻳﺼﻴﺮ ﻋﻨﺪﻱ ﺣﺒﻴﺐ ﻫﻴﺞ ﻳﺨﺒﻞ ﻣﺜﻞ ﺍﻟﻘﺼﺺ ..
ﻭﻣﺎﻟﻚ ﻋﻴﻨﻲ ﺷﺒﻲ .. ﻳﺠﻨﻦ ﺍﺻﻼ ﺍﺣﻠﻰ ﻣﻦ ﺍﻟﻠﻲ ﺑﺎﻟﻘﺼﺺ .. ﺍﺣﺴﺎﺳﻪ ﻳﻀﻴﻌﻨﻲ .. ﻟﻮ ﻟﻤﺎ ﻳﺘﻘﺮﺏ ﻳﺒﻮﺳﻨﻲ ﻣﻦ ﺍﻟﺠﻔﺎﻑ ﻣﺜﻞ ﻗﻄﻌﺔ ﺛﻠﺞ ﻭﺍﺫﻭﺏ ﺑﺤﺮﺍﺭﺓ ﺍﺣﻈﺎﻧﻪ ..
ﺍﻭﻭﻭ ﻫﺎﻱ ﺍﻧﻲ ﻭﺍﺻﻠﻪ ﻣﺮﺣﻠﻪ ﺑﺎﻟﺠﻔﺎﻑ ﻣﺄﺳﺎﻭﻳﻪ .. ﺑﻘﻴﺖ ﺍﺑﺎﻭﻉ ﻟﻠﻜﺘﺎﺏ .. ﻭﺍﻓﻜﺮ ﺑﻤﺎﻟﻚ .. ﻳﺮﻳﺪ ﻳﺠﻲ ﻳﺨﻄﺒﻨﻲ ﻫﻬﻬﻬﻪ
ﺍﻭﻭﻭﻩ ﻭﺍﺿﻞ ﺍﻟﻨﻬﺎﺭ ﻛﻠﻪ ﻭﺍﻧﻲ ﺑﻴﻦ ﺍﺩﻳﻪ .. ﻭﻳﺘﻐﺰﻝ ﺑﻴﻪ .. ﻭﺍﺣﺒﻪ ﻭﻳﺤﺒﻨﻲ ... ﻳﻤﺎﺍﺍﺍﻱ .. ﺧﻞ ﺍﻛﻮﻡ ﺍﺧﺎﺑﺮﻩ ﺍﺷﺘﺎﻗﻴﺘﻠﻪ ﻣﻦ ﺍﻟﺘﺨﻴﻞ ..
ﺑﺎﻭﻋﺖ ﻟﻤﺎﻣﺎ ﻭﻟﺒﺎﺑﺎ .. ﻧﺎﻳﻤﻴﻦ .. ﻭﻓﺎﺗﺤﻴﻦ ﺍﻟﻀﻮﻩ ﻻﻥ ﺩﺍ ﺍﻗﺮﻩ .. ﺳﺪﻳﺖ ﺍﻟﻀﻮﻩ .. ﻭﺭﺩﻳﺖ ﺍﻟﺸﺒﺎﻙ ﻋﻠﻴﻬﻢ ﺣﺘﻰ ﻳﺠﻴﻬﻢ ﻫﻮﻯ ..
ﻭﺻﻌﺪﺕ ﺧﺎﺑﺮﺕ ﻣﺎﻟﻚ .. ﺭﺩ .. ﺍﻟﻮﻭ
ﻣﺎﻟﻚ -: ﻫﺎ ﺣﻴﺎﺗﻲ
- ﺍﻧﻲ ﺣﻴﺎﺗﻚ .
- ﺍﻧﺘﻲ ﻣﻮ ﺑﺲ ﺣﻴﺎﺗﻲ .. ﻟﺞ ﺳﻠﺒﺘﻲ ﻋﻘﻠﻲ ﻭﻗﻠﺒﻲ ﻭﺭﻭﺣﻲ ﻛﻞ ﺫﻧﻲ ﻣﻠﻜﺞ ..
- ﻫﻬﻬﻬﻪ
- ﺭﺩﺗﻲ ﺷﻲ ..
- ﻻ ﺑﺲ ﺍﺷﺘﺎﻗﻴﺖ ﻣﻴﺼﻴﺮ
- ﺑﺪﺍﻋﺘﻲ ﺍﺷﺘﺎﻗﻴﺘﻴﻠﻲ ..
- ﺍﻱ ﻭﺍﻟﻠﻪ ﺷﻨﻮ ﻣﻴﺼﻴﺮ
- ﺡ ﺗﺨﻠﻴﻨﻲ ﺍﺟﻴﺞ ﻫﺴﻪ ﻭﺍﺧﺬﺝ ﺍﻭﻭﻭﻭﻑ ..
- ﻻ ﻳﻤﻌﻮﺩ ﻟﺘﺘﺨﺒﻞ .. ﺍﻛُﻌﺪ ﺭﺍﺣﻪ ..
- ﻟﺞ ﻣﺎﺑﻴﻪ ﺍﻛﻌﺪ ﺍﺭﻳﺪﺝ ..
- ﻫﻬﻬﻬﻪ ﺍﻧﻲ ﻫﻢ ﺍﺭﻳﺪﻙ ..
- ﻫﻬﻪ ﻭﺷﻠﻮﻥ ﺗﺮﺩﻳﻨﻲ ﺍﺣﺠﻴﻠﻲ ..
- ﻣﻨﺤﺮﺭﺭﺭﻑ .. ﺑﺎﻱ
ﻣﺎﻟﻚ -: ﺍﻣﻮﺕ ﻋﻠﻰ ﺍﻧﺤﺮﺍﻓﻚ ..
- ﻫﻬﻬﻬﻬﻪ ﻗﻔﻠﺘﻪ ﻭﺧﻠﻴﺖ ﺍﻟﺠﻬﺎﺯ ﻋﻠﻰ ﺻﺪﺭﻱ .. ﻫﻮﻭﻭﻑ ﻛﻠﺸﻲ ﺑﻴﻪ ﻳﺘﻨﻔﺲ .. ﺍﺣﺴﺎﺱ ﻣﻌﺎﻳﺸﺘﻪ ﻣﻦ ﻗﺒﻞ
🌹🌹
ﺍﺣﺴﺎﺱ ﻣﺮﻳﺢ ﻭﻓﺮﺡ ﻻ ﻳﻮﺻﻒ .. ﺟﺮﻳﺖ ﺍﻟﺴﻤﺎﻋﺎﺕ .. ﻭﺧﻠﻴﺘﻬﺎ ﺑﺎﻟﻤﻮﺑﺎﻳﻞ ﻭﺷﻐﻠﺖ ﺍﻏﻨﻴﻪ ..
ﺍﺣﺲ ﻣﺤﺘﺎﺟﻪ ﺍﻏﻨﻴﻪ ﺍﻧﺘﻌﺶ ﺑﻴﻬﺎ .. ﻃﻠﻌﺖ ﺍﻏﻨﻴﺔ ﺳﻴﺮﻳﻦ .. ﻭﻛﻤﺖ ﺍﺳﺮﺡ ﻭﻳﺎﻫﺎ ﻭﺍﻏﻨﻲ ..
ﻟﻮ ﺑﺺ ﻑ ﻋﻴﻨﻲ ﻣﺮﻩ ﺑﺲ .. ﻫﻴﺤﺲ ﺃﻭﺍﻡ ﺑﺸﻮﻗﻲ ﻟﻴﻪ .. ﻟﻮ ﺑﺺ ﻑ ﻋﻴﻨﻲ ﻣﺮﻩ ﺑﺲ .. ﻫﻴﺤﺲ ﺑﺄﻧﻲ ﺩﺍﻳﺒﻪ ﻓﻴﻪ
ﻟﻮ ﻗﻠﻲ ﺗﻌﺎﻟﻲ ﺍﻟﺒﻲ ﺩﺍ .. ﺍﻧﺎ ﺍﺭﻭﺣﻠﻮ ﺍﻭﺍﻡ ﻣﺎ ﺍﺋﻮﻟﺶ ﻻﺀ ..
ﺑﻘﻴﺖ ﺍﺗﻤﺎﻳﻞ ﻭﻳﻪ ﺍﻻﻏﻨﻴﻪ ﻭﺳﺎﺭﺣﻪ .. ﻟﺸﻮﻱ ﺍﻧﺘﺒﻬﺖ .. ﺍﻟﺴﺎﻋﻪ 2 .. ﺍﺭﻭﺡ ﺍﻧﺎﻡ ﺍﻓﻀﻞ ..
ﺗﺮﻛﺖ ﺍﻟﻤﻮﺑﺎﻳﻞ ﻭﻧﺰﻟﺖ ﻧﻤﺖ ﺑﻤﻜﺎﻧﻲ .. ﺍﺗﻜﻠﺐ ﺍﻓﻜﺮ ﺑﻲ .. ﻟﻞ 3 ﻭﻧﺺ ﻭﻣﻨﺎﻳﻤﻪ .. ﻋﺎﺩ ﻛﻤﺖ ﺍﻗﺮﻯ ﻗﺮﺍﻥ ﺍﻟﺴﻮﺭ ﺍﻟﺼﻐﺎﺭ ﻭﺍﻟﻤﻌﻮﺫﺍﺕ ﺷﻔﻬﻲ ﺣﺘﻰ ﺍﺭﺗﺎﺡ ﻭﺍﻧﺎﻡ ﻭﻧﻤﺖ
ﻟﻞ 9 ﻛﻌﺪﺕ ﻋﻠﻰ ﺻﻮﺕ ﺍﻣﻲ ﻭﺍﺑﻮﻳﻪ ﺭﺍﺩ ﻳﻄﻠﻊ .. ﺻﺤﺖ ﻭﺭﺍﻩ ﺑﺎﺑﺎ ﻟﻮﻳﻦ ﺭﺍﻳﺢ ..
ﺍﻻﺏ -: ﻟﻠﻤﺤﻞ ..
- ﻫﺎﺍﺃ ﺭﻭﺡ ﺍﺫﺍ ﻟﻠﻤﺤﻞ ..
ﺍﻻﺏ -: ﺷﺘﺮﺩﻳﻦ ..
- ﺍﺭﻳﺪ ﺍﺭﻭﺡ ﺍﺯﻭﺭ ﻣﺨﻠﺪ .. ﺍﻟﺒﺎﺭﺣﻦ ﻛﻌﺪ ﻳﻌﺎﺗﺒﻨﻲ ..
ﺍﻻﻡ -: ﻫﻮ ﺑﻴﻪ ﺣﻴﻞ ﻭﻳﺤﺠﻲ ﻣﻮﺑﺎﻳﻞ
- ﺍﻱ ﺧﻄﻴﻪ ﻣﺘﺄﻟﻢ ..
ﺍﻻﺏ -: ﺍﺧﺬﺝ ﺍﻭﺻﻠﺞ
- ﻻ ﺭﻭﺡ ﺍﺧﺬ ﺭﺍﺣﺘﻚ ﺑﺎﺑﺎ ﺍﻧﻲ ﺍﺭﻭﺡ ﻋﻠﻰ ﺭﺍﺣﺘﻲ ..
ﺍﻻﺏ -: ﻳﻠﻪ ﻣﻊ ﺍﻟﺴﻼﻣﻪ
ﺍﻻﻡ -: ﻳﺪﺍﺩﻩ ﺷﻜﺪ ﺍﺗﺨﺒﻞ ﻣﻦ ﻣﺨﻠﺪ ..
- ﻫﻬﻬﻬﻬﻪ ﻣﺎﻣﺎ ﺻﺪﻙ ﻫﻮ ﻋﻨﺪﻩ ﺳﻮﺍﻟﻒ ﻣﺘﻨﺠﺮﻉ ﺑﺲ ﻛﻠﺒﻪ ﻃﻴﺐ ..
- ﺩﻛﻌﺪﻱ ﻛﻠﺒﻪ ﻃﻴﺐ .. ﻭﺻﻠﺘﻲ ﻟﻬﻞ ﻋﻤﺮ ﻭﻣﻤﺘﺰﻭﺟﻪ ﺑﺴﺒﺒﻪ ﻣﻨﻮ ﺍﻟﺠﺎﻱ ﻳﺘﻘﺪﻣﻠﺞ ﻣﻄﻠﻊ ﺑﻴﻪ ﺍﻟﻒ ﻋﻴﺐ ﻭﻃﺎﺭﺩﻩ .. ﺑﺲ ﻫﻮ ﺍﻟﺒﻴﻪ ﺧﻴﺮ ﺑﻨﻈﺮﻩ ﻛﻞ ﺍﻟﺮﻳﺎﺟﻴﻞ ﺍﻟﺒﺎﻗﻴﺎ ﻋﺎﺭ
- ﻭﻣﻨﻮ ﻛﻠﺞ ﺍﻧﻲ ﺍﺭﻳﺪ ﺍﺗﺰﻭﺝ ﻣﺎﻣﺎ . ﻫﻴﺞ ﻣﺮﺗﺎﺣﻪ . ﻣﺎﻛﻮ ﺭﺟﺎﻝ ﻳﺄﻣﻨﻠﻲ ﺍﻟﺮﺍﺣﻪ ﺍﻟﻠﻲ ﺩﺍ ﺍﺷﻮﻓﻬﺎ ﺍﺑﻴﺖ ﺍﺑﻮﻳﻪ ﻑ ﺑﻌﺪ ﺷﻌﻨﺪﻱ ﻃﺎﻟﻌﻪ .
- ﻭﺍﻟﻠﻪ ﻳﻤﺎﻣﺎ ﻟﻮ ﺗﺒﻘﻴﻦ ﻃﻮﻝ ﻋﻤﺮﺝ ﻫﻴﺞ .. ﻋﻠﻰ ﮔﻠﻴﺒﻲ ﺍﺣﻠﻰ ﻣﻦ ﺍﻟﺸﻬﺪ .. ﺑﺲ ﻳﺪﺍﺩﻩ ﺍﻧﺘﻲ ﻫﻢ ﺍﺑﻨﻴﻪ ﻭﺍﺭﻳﺪﺝ ﺗﺼﻴﺮﻳﻦ ﺍﻡ .. ﻭﺗﻔﺮﺣﻴﻦ ﺧﻮﻣﺎ ﺗﺒﻘﻴﻦ ﻋﺰﺑﻪ ﻃﻮﻝ ﻋﻤﺮﺝ .
- ﺍﺫﺍ ﻉ ﺍﻟﻄﻔﻞ ﻧﺠﻴﺒﻪ ﺑﻄﺮﻳﻘﻪ ﺍﺧﺮﻯ .. ﻭﻏﺰﺗﻠﻬﺎ
- ﻫﺎﺍﺍﺍﻩ ﻟﺞ ﻫﻴﺞ ﺗﺤﺠﻴﻬﺎ ﻛﺪﺍﻣﻲ ..
- ﻫﻬﻬﻬﻬﻬﻬﻬﻬﻪ ﺍﻱ ﺷﺴﻮﻱ ﻏﻴﺮ ﺗﺮﺩﻳﻦ ﺣﻔﻴﺪ .. ﻭﺑﻌﺪﻳﻦ ﺍﻧﺘﻲ ﻋﻘﻠﺞ ﻟﻴﺶ ﺷﻄﺢ .. ﻃﺮﻳﻘﻪ ﺍﺧﺮﻯ ﻗﺼﺪﻱ ﺍﻟﺘﺒﻨﻲ ﺣﺴﻨﻲ ﻧﻴﺘﺞ ﻣﺎﻣﺎ ﺗﺮﻩ ﺧﺮﺑﺎﻧﻪ .. ﻭﻏﻤﺰﺕ ..
- ﻭﺍﻟﻠﻪ ﻳﺪﺍﺩﻩ ﻻ ﺧﺮﺑﺎﻧﻪ ﻭﻻ ﺍﺑﺪ .. ﺍﻧﺘﻲ ﻃﺎﻟﻌﻪ ﻋﻴﻨﺞ .
- ﻫﻬﻬﻬﻬﻬﻬﻬﻬﻪ .. ﺍﻱ ﻃﺎﻟﻌﻪ ﻭ ﺍﺭﻳﺪ ﻭﺍﺣﺪ ﻳﻄﺒﺒﻬﺎ ﺧﺨﺨﺨﺦ
- ﻫﺎﺍﺍ ﺍﺫﺍ ﺗﺮﺩﻳﻦ ﻭﺍﺣﺪ ﻳﻄﺒﺐ ﻋﻴﻨﺞ ﺍﺧﺬﻱ ﻣﺨﻠﺪ .. ﺍﺑﻮﻛﺲ ﻭﺍﺣﺪ ﺗﻠﻜﻴﻦ ﻋﻴﻨﺞ ﻧﺎﻳﻤﻪ ﺑﺨﺸﻤﺞ ..
- ﻫﻬﻬﻬﻬﻬﻪ ﻫﺬﺍ ﺍﺫﺍ ﺍﺧﺬﻩ ﻳﻐﻴﺮ ﺧﺮﻳﻄﺔ ﻭﺟﻬﻲ ﻣﻦ ﺍﻟﺒﻮﻛﺴﻴﺎﺕ .. ﺗﻜﻮﻝ ﺍﺣﻨﻪ ﺷﺮﻃﻪ ﻋﻨﺪﻩ ﻭﺍﻟﻴﻌﺘﺪﻱ ﻣﺠﺮﻡ .. ﻭﻳﺠﺮﻡ ﺑﻲ
- ﺑﺮﻩ ﻣﻨﻪ
- ﻫﺎﺍﺍ ﺧﻮﺵ ﺣﺮﻭﺡ ﺍﻛﻮﻟﻪ ﻣﺎﻣﺎ ﺗﻜﻮﻝ ﻋﻠﻴﻚ ﺑﺮﻩ
- ﻋﺎﺩ ﺷﻠﻮﻥ ﺍﻫﺘﻢ .. ﻟﻮﺍﺣﺪ ﻫﻮ ﻭﺍﻝ
🌹🌹
ﻻ ﻻ ﻻ ﻣﺎﻣﺎ ﺍﺥ ﻣﺨﻠﺪ ﻫﻴﺞ . ﻫﻬﻬﻬﻬﻬﻬﻬﻪ
- ﻭﺍﻟﻠﻪ ﺑﺎﻟﻠﻪ ﻃﻠﻌﻬﺎ ﻟﺮﻭﺍﺣﻨﺎ .. ﻛﺎﻋﺪﻟﻨﻪ ﻛﻌﺪﻩ . ﺷﺤﺪﻩ ﺍﻟﻴﺨﻄﺐ ﻳﺒﺘﻠﻲ ﻋﻠﻰ ﻋﻤﺮﻩ ﻭﻭﺍﻟﻠﻪ ﻟﻮ ﻳﺒﻘﻰ ﺑﺲ ﻫﻮﻩ ﻋﻠﻰ ﺍﻻﺭﺽ ﻣﺎ ﺍﻧﻄﻴﺞ ﺍﻟﻪ ..
- ﻭﻻ ﺍﻧﻲ ﺍﺧﺬﻩ ﻫﻬﻬﻬﻬﻬﻬﻬﻪ ﺍﺫﺍ ﺧﻠﺼﻮ ﺍﻟﺮﻳﺎﺟﻴﻞ ﻭﺑﻘﻰ ﺑﺲ ﻣﺨﻠﺪ ﺍﺑﻘﻰ ﻳﻤﺞ ﻫﻮﺍﻱ ﺍﺣﺴﻦ ﻫﻬﻬﻪ .. ﺍﺭﻭﺡ ﺍﺻﻌﺪ ﺍﺑﺪﻝ ﺍﺭﻭﺣﻠﻪ ..
- ﻋﺎﺩ ﺗﺮﻳﻜﻲ ..
- ﻻ ﻣﺎ ﺍﺭﻳﺪ ﻣﻤﺸﺘﻬﻴﻪ .. ﺍﻛﻮﻝ ﻣﺎﻣﺎ ﺍﻟﻀﻔﻴﺮﻩ ﺑﻴﻬﺎ ﺷﻲ ﻟﻮ ﺭﺣﺖ ﺑﻴﻬﺎ
- ﻻ ﻻ ﺣﻠﻮﻩ ﻣﺮﺗﺒﻪ
- ﺍﻭﻙ .. ﺻﻌﺪﺕ ﻟﺒﺴﺖ ﺗﻴﺸﻴﺮﺕ ﺍﺣﻤﺮ ﻭﺟﻴﻨﺰ ﻛﻮﺑﻮﻱ ﻭﺑﻮﺕ ﺭﻳﺎﺿﻲ ﻭﻧﺰﻟﺖ ﺍﺧﺬﺕ ﺧﻴﺎﺭ ﻭﺍﻛﻠﺘﻬﺎ ﻭﻃﻠﻌﺖ ..
ﺭﺣﺖ ﺍﻣﺸﻲ ﺑﺎﻟﻤﺴﺘﺸﻔﻰ . ﺣﺠﻴﺖ ﻭﻳﻪ ﺍﻻﺳﺘﻌﻼﻣﺎﺕ .. ﺩﻟﻨﻲ ﻋﻠﻰ ﺍﻟﺮﺩﻫﺎ .. ﻭﻣﺸﻴﺖ .
ﺑﺎﻭﻋﺖ ﺍﻟﻤﻤﺮﺍﺕ .. ﺍﺗﺬﻛﺮﺕ ﻣﺎﻟﻚ .. ﻗﺸﻌﺮ ﺟﺴﻤﻲ .. ﻣﻮ ﻧﻔﺲ ﺍﻟﻤﻤﺮ ﺑﺲ ﻳﺸﺒﻬﻪ .. ﺑﻘﻴﺖ ﺍﻓﻜﺮ ﺑﻤﺎﻟﻚ ﻭﺍﺗﺬﻛﺮﻩ ﻭﺻﻌﺪﺕ ..
ﺩﺧﻠﺖ ﺍﻟﺮﺩﻫﺎ .. ﻟﻜﻴﺖ ﻣﺠﻤﻮﻋﺔ ﺿﺒﺎﻁ ﻭﺷﺮﻃﻪ .. ﻳﻤﻪ ﻳﺨﻮﻓﻮﻥ ﻛﻞ ﺷﺎﺭﺏ ﺷﻜﺒﺮﻩ ..
ﺍﻭﻝ ﻣﺎ ﻃﺒﻴﺖ .. ﻣﺨﻠﺪ .. ﺧﺰﺭﻧﻲ .. ﺭﺟﻌﺖ ﺑﺴﺮﻋﻪ .. ﻣﺮ ﻣﺎﺯﻥ .. ﺑﺎﻭﻋﻠﻲ ﻣﻦ ﻓﻮﻙ ﻟﺠﻮﻩ .. ﻛﺒﺮ ﺷﻜﺪ ﻋﻴﻨﻪ ﺯﻓﺮﻩ .. ﻭﻻ ﺗﻜﻮﻝ ﺍﺑﻦ ﻋﻤﻲ
ﺩﺧﻞ .. ﺑﺎﻭﻋﺖ ﻣﺮﺕ ﻋﻤﻲ ﺍﻭ ﻋﻤﺘﻲ ﺍﺳﻤﻴﻬﺎ .. ( ﻛﺮﺟﻴﻪ ) ﻫﻢ ﻛﺎﻋﺪﻩ .. ﺩﺍﻳﺮﻩ ﻭﺟﻬﻪ .. ﻛﻌﺪﺕ ﺑﻌﻴﺪ ﻋﻨﻬﺎ ﻭﺍﻧﺘﻈﺮ ﻳﻄﻠﻌﻮﻥ .
ﻃﻠﻌﺖ ﻣﻮﺑﺎﻳﻠﻲ .. ﺿﺮﺑﺖ ﺍﻟﻀﻮﻩ ﺑﻴﻬﺎ ﻛﻤﺖ ﺍﺑﺎﻭﻉ ﻟﺮﻭﺣﻲ .. ﺭﺍﺟﻌﻪ ﻛﺄﻧﻲ ﻃﻔﻠﻪ ﺑﺎﻟﻀﻔﻴﺮﻩ .. ﺑﻘﻴﺖ ﺍﻋﺪﻝ ﺑﺸﻌﺮﻱ ﻋﻠﻰ ﺻﻮﺭﺗﻲ ﺍﻟﻌﺎﻛﺴﻪ ﺑﻤﻮﺑﺎﻳﻠﻲ ﺑﺎﻟﺸﻤﺲ ..
ﻃﻠﻌﻮ ﺍﻟﻀﺒﺎﻁ .. ﻧﺰﻟﺖ ﺭﺟﻠﻲ ﻻﻥ ﺟﻨﺖ ﺭﺟﻞ ﻋﻠﻰ ﺭﺟﻞ .. ﻭﻧﺰﻟﺖ ﻋﻴﻨﻲ ﻣﻨﻬﻢ .. ﻣﺸﻮﻭ ﻭﻛﻔﻮ ﻳﻤﻲ ..
ﺭﻓﻌﺖ ﻋﻴﻨﻲ ﺩﻳﺤﺠﻮﻥ .. ﻭﺍﺣﺪ ﻣﻨﻬﻢ ﻳﺤﺠﻲ ﻭﻣﺮﻛﺰ ﺑﻌﻴﻮﻧﻪ ﻋﻠﻴﻪ ﻭﻳﻌﺪﻝ ﺑﺸﺎﺭﺑﻪ .. ﺑﺴﺮﻋﻪ ﻛﻤﺖ ﻭﺭﺣﺖ ﻟﻠﺮﺩﻫﺎ ﺩﺧﻠﺖ ..
ﻫﻢ ﺑﻌﺪ ﺍﻛﻮ ﺛﻨﻴﻦ .. ﻃﻠﻌﺖ ﻭﻛﻔﺖ ﺍﺑﺎﺏ ﺍﻟﺮﺩﻫﺎ ﻟﺤﺪ ﻣﺎ ﻃﻠﻌﻮ .. ﺩﺧﻠﺖ .. ﻫﻠﻮ ﻣﺨﻠﺪ ..
ﻣﺨﻠﺪ -: ﻫﻼ ﻟﺠﻴﻦ ﺑﻌﺪ ﻭﻛﺖ .. ﻟﻮ ﺿﺎﻣﻪ ﺟﻴﺘﺞ ﻟﻄﻠﻌﺘﻲ ﻓﺪ ﻣﺮﻩ .
- ﺑﻼ ﺣﺠﻴﻚ .. ﺍﻧﻲ ﺍﺟﻴﺖ ﻭﻛﺘﻠﻲ ﻟﺘﺠﻴﻦ ﻣﻨﺎ ﺟﻤﺎﻋﺘﻲ ﻭﺍﺟﻴﺖ ﻭﻫﻢ ﻳﻤﻚ ﺷﺴﻮﻱ ..
- ﻭﺷﻠﻮﻥ ﺍﻃﺒﻴﻦ ﻛﺒﺎﻟﻬﻢ ﻫﻴﺞ .
- ﻭﺷﻌﺮﻓﻨﻲ ﻣﻮﺟﻮﺩﻳﻦ ﺍﺷﻢ ﺍﻳﺪﻱ .. ﻭﺑﻌﺪﻳﻦ ﺷﻨﻮ ﻫﻴﺞ ﺗﺤﺴﺴﻨﻲ ﻣﻌﺮﻳﻪ .. ﻟﺒﺴﻲ ﻣﺒﻲ ﺷﻲ ﻭﺍﺟﻴﺖ ﺑﻲ ﺑﺎﻟﺸﺎﺭﻉ .. ﺗﺤﺎﺳﺒﻨﻲ ﺷﻜﻮ ..
- ﺍﺑﺘﺴﻢ ... ﻻﻳﻜﺘﻠﺞ ﺍﻟﻀﻔﻴﺮﻩ ..
- ﻫﻬﻬﻪ ﺷﻜﺮﺍ .. ﻛﺎﻟﻮ ﻣﺘﺎﻛﻞ ﺻﺪﻭﻙ ... ﻓﺘﺤﺖ ﺍﻟﺨﺎﻧﻪ .. ﺩﺧﻠﺖ ﻋﻤﺘﻲ ﻭﻭﺭﺍﻫﺎ ﻣﺎﺯﻥ ..
ﻃﻠﻌﺖ ﺟﺪﺭ ﺷﻮﺭﺑﻪ .. ﺧﻠﻴﺖ ﺑﻤﺎﻋﻮﻥ ..
ﻛﺮﺟﻴﻪ -: ﻭﺍﻟﺞ ﻋﻴﻦ ﺗﺠﻴﻦ ﻫﻨﺎ ﻳﺎ ﺻﻠﻔﻪ
ﻣﺨﻠﺪ -: ﻫﺎﻱ ﺷﻜﻮ ﻳﻤﻪ ﺷﻨﻮ ﻫﻠﺤﺠﻲ .. ﻋﻴﺐ ..
ﻛﺮﺟﻴﻪ -: ﻛﻮﻝ ﺍﻟﻌﻴﺐ ﻟﻬﺎﻱ ﺍﻟﻤﺎﺗﺴﺘﺤﻲ ﺍﻟﺸﻤﺮﺕ ﺍﻟﺤﺬﺍﺀ ﺑﻨﺺ ﻭﺟﻪ ﺍﺧﻮﻙ ﺑﻴﻮﻡ ﻭﻛﻌﺘﻚ ..
ﺑﺎﻭﻋﻠﻲ ﺑﺴﺎﻉ ... ﺷﻨﻮ ﻫﻠﺤﺠﻲ ﻟﺠﻴﻦ .. ﺻﺪﻙ ﺗﺤﺠﻲ ﺍﻣﻲ ..
- ﺍﻫﺪﺉ ﻣﻮ ﺯﻳﻦ ﻋﻠﻴﻚ ﺑﻌﺪﻳﻦ ﻧﺤﺠﻲ ..
🌹🌹
ﺍﺣﺠﻴﻴﻴﻲ .. ﺻﺮﺥ .. ﻭﻟﺰﻡ ﻛﺘﻔﻪ .. ﻣﻦ ﺍﻟﻮﺟﻊ .
- ﺍﻱ ﺻﺢ ﺗﺠﺎﻭﺯﺕ ﻣﺨﻠﺪ .. ﺑﺲ ﻫﻮ ﺍﻟﺒﺪﻩ .. ﺍﻧﻲ ﺟﻨﺖ ﻭﺍﻛﻔﻪ ﻋﻠﻰ ﺑﺎﺏ ﺍﻟﻌﻤﻠﻴﻪ ﺍﺑﺠﻲ ﻭﺻﻮﺕ ﺍﻟﺮﻣﻲ ﺑﺮﺍﺳﻲ ﻭﻣﻨﻈﺮﻙ ﻭﺍﻧﺘﻪ ﺗﺘﺼﻮﺏ ﻭﺗﻨﺰﻑ ﺑﺤﻈﻨﻲ ..
ﻛﻨﺖ ﻣﺘﻬﺴﺘﺮﻩ ﻭﻫﺬﺍ ﻳﺠﻲ ﻳﻐﻠﻂ ﻭﻳﻔﺸﺮ ﻋﻠﻴﻪ ﻭﻳﻜﻮﻝ ﺻﻮﺝ ﻣﺨﻠﺪ ﻳﻤﺸﻲ ﻭﺭﻩ ﻭﺣﺪﻩ ﺳﺰﺯ .. ﺻﻴﺢ ﻋﻠﻴﻪ ﺑﺎﺑﺎ ..
ﻛﺎﻡ ﻳﻐﻠﻂ ﻭﻳﻔﺸﺮ ﻋﻠﻴﻪ ﻫﻴﺞ ﺩﺍﻳﺤﻪ ﻭﻫﻴﺞ ﻳﺴﻮﻭﻥ ﺑﻴﻬﺎ ﺑﺎﻟﺸﻮﺍﺭﻉ ﻭﻓﺸﺎﺭ ﻳﻜﺶ ﺍﻟﺒﺪﻥ ﻣﻨﻪ ﺑﻨﺺ ﺍﻟﻤﺴﺘﺸﻔﻰ ﻭﺍﻟﻤﻮﺿﻔﻴﻦ ﻳﺴﻜﺘﻮﻥ ﺑﻲ .. ﻣﺤﺴﻴﺖ ﺍﻻ ﻧﺰﻋﺖ ﺧﺬﺍﺋﻲ ﻭﺿﺮﺑﺘﻪ ..
ﻣﺨﻠﺪ -: ﻟﻚ ﺍﻧﺘﻪ ﺷﻮﻛﺖ ﺗﺼﻴﺮ ﺍﺩﻣﻲ . ﺍﻛﻮﻡ ﻫﺴﻪ ﺍﺧﺮﺑﻂ ﻭﺟﻬﻚ .. ﺗﻔﺸﺮ ﻋﻠﻰ ﺑﻨﻴﻪ ﻻ ﻭﺑﺖ ﻋﻤﻚ ﺑﻨﺺ ﺍﻟﻤﺴﺘﺸﻔﻰ .. ﺍﻧﺘﻪ ﻋﺎﺭ ﻟﻮ ﺷﻨﻮ
ﻣﺎﺯﻥ -: ﺗﺴﺘﺎﻫﻞ ﺍﻟﺴﺎﻗﻄﻪ ﺩﺑﺎﻉ ﻟﺒﺴﻬﺎ ..
ﻣﺨﻠﺪ -: ﺍﻛﻞ ﺥ ....... ﻟﻚ ... ﺳﺎﻗﻂ . ﺍﻃﻠﻊ ﺑﺮﻩ .. ﻭﺍﻧﻲ ﺍﻟﻚ ﺍﻛﻮﻡ ﺍﻻ ﺍﺿﺮﺑﻚ ﺟﺎﻣﻌﻪ ﻭﺍﻛﺴﻒ ﺍﺣﻮﺍﻟﻚ ﻭﺍﻟﻠﻪ ..
ﻣﺎﺯﻥ -: ﺍﺑﻘﻰ ﻭﺭﻩ ﻫﺎﻱ ﺍﻟﺴﺎﻗﻄﻪ ﺍﻧﺘﻪ ﺍﺑﻘﻰ .. ﻟﺤﺪ ﻣﺎ ﺍﻃﻠﻌﻠﻚ ﻛﺮﻭﻥ ..
ﺣﺠﻪ ﻫﻴﺞ .. ﻣﺨﻠﺪ ﻛﻤﺰ ﻣﻦ ﺳﺮﻳﺮﻩ .. ﻣﺎﺯﻥ ﺑﺴﺎﻉ ﻃﻠﻊ .. ﻭﻣﺨﻠﺪ ﻳﺼﺮﺥ ﺍﺷﺮﻑ ﻣﻨﻚ ﻛﻠﺐ .. ﺍﺑﻮ ﺍﻟﻌﺮﻙ .. ﺍﺑﻮ ﺍﻟﻚ ...... ﺍﺏ ﻳﻮﻣﻴﻪ ﺟﺎﻳﺒﻠﻚ ﻭﺣﺪﻩ ﻟﺒﻴﺖ ﺍﺑﻮﻙ ﻭﺗﺠﻲ ﺗﺴﺘﺸﺮﻑ ﻫﻨﺎ ﺳﺎﺍﺍﻗﻂ ..
ﻧﺮﻳﺪ ﻧﻠﺰﻡ ﻣﺨﻠﺪ .. ﻳﺮﺟﻒ ﻭﻳﺪﻓﻊ ﺑﻴﻨﺎ ﻭﻻ ﻛﺄﻧﻪ ﻣﻀﺮﻭﺏ .. ﻭﻃﻠﻊ ﻣﻦ ﺍﻟﺮﺩﻫﻪ ﻭﻳﺼﻴﺢ ﻭﻛﻮﻩ ﻧﺠﺮ ﺑﻴﻪ ﺍﻧﻲ ﻭﻋﻤﺘﻲ ..
ﺩﺍ ﺍﺳﺤﺐ ﺑﻤﺨﻠﺪ ﻭﺍﺩﺧﻠﻪ ﻭﻫﻮ ﻳﺼﻴﺢ .. ﺟﺎﻥ ﻋﻤﺘﻲ ﺗﺸﻴﻞ ﺍﻳﺪﻫﺎ ﻭﺗﻀﺮﺑﻨﻲ ﻋﻠﻰ ﺿﻬﺮﻱ ﺣﻴﻞ ﻭﺗﻜﻮﻝ ﻛﻠﻪ ﻣﻨﺞ ﻳﺎ ﺍﺩﺏ ﺳﺰ ..
ﺑﻤﺠﺮﺩ ﻣﺎ ﺿﺮﺑﺘﻨﻲ .. ﺍﺧﺘﻨﻜﺖ ﺑﺎﻟﻌﺒﺮﻩ .. ﻭﺻﺤﺖ ﺑﻮﺟﻪ .. ﻻ ﻣﻨﺞ .. ﺍﻧﻲ ﻣﺠﺒﺖ ﻃﺎﺭﻱ ﻫﺴﺎﻟﻔﻪ ﻭﻛﺘﻠﻪ ﻣﻮ ﻭﻛﺘﻬﺎ ﺍﻧﺘﻲ ﻓﺘﺤﺘﻴﻬﺎ .. ﻭﺑﺠﻴﺖ ..
ﻭﻋﻔﺖ ﻣﺨﻠﺪ .. ﻭﺭﺩﺕ ﺍﻃﻠﻊ .. ﻟﺰﻡ ﺍﻳﺪﻱ .. ﻭﺩﺍﺭ ﻻﻣﻪ .. ﻳﻤﻪ ﺷﺒﻴﺞ .. ﻟﺨﺎﻃﺮ ﺍﻟﻠﻪ ﻭﻛﺎﺋﻨﺎﺗﻪ ﺷﺒﻴﻴﻴﻴﻴﺞ .. ﻧﺎﻭﻳﻦ ﺗﺨﺒﻠﻮﻧﻲ ﺍﻧﺘﻢ
ﻛﺮﺟﻴﻪ -: ﻣﺎﻳﺼﻴﺮ ﺑﺮﺍﺳﻚ ﺧﻴﺮ ﻣﺪﺍﻡ ﺗﺮﻛﺾ ﻭﺭﻩ ﻫﺎﻱ
- ﻳﻤﻤﻤﻤﻤﻤﻤﻤﻪ .. ﺗﻌﺒﺎﺍﺍﺍﻥ ﻣﺎﺑﻴﻪ ﺍﺣﺠﻲ ﻭﻣﺤﻤﺪ ﻓﻜﻴﻨﻲ ﺍﻧﺘﻲ ﻭﺍﺑﻨﺞ ﻓﻮﻙ ﺿﻴﻤﻲ .. ﺿﻴﻤﻜﻢ
- ﻣﺨﻠﺪ ﺍﻧﻲ ﺍﺭﻭﺡ ..
- ﺍﻧﺘﻲ ﺷﻠﻮﻥ ﺗﻀﺮﺑﻴﻨﻪ .. ﻣﺼﺪﻭﻡ ﺑﻴﺞ ﻭﺍﻟﻠﻪ .. ﺍﻧﺘﻲ ﻳﻄﻠﻊ ﻣﻨﺞ ﻫﻴﺞ ﺗﺼﺮﻑ ..
- ﻣﺨﻠﺪ ﻛﺎﻓﻲ ﻋﺎﺩ ﺫﺑﺤﺘﻮﻧﻲ ﻭﺍﻟﻠﻪ .. ﻛﺘﻠﻚ ﺟﻨﺖ ﻣﺘﻬﺴﺘﺮﻩ ﻭﻫﻮ ﻳﻔﺸﺮ ﻋﻠﻴﻪ ﻛﺪﺍﻡ ﺍﻟﻨﺎﺱ .. ﺍﻧﻲ ﻻ ﻗﺘﻠﻚ ﻭﻻ ﻛﺘﻠﻚ ﺍﻣﺶ ﻭﺭﺍﻱ ﻓﻜﻮﻧﻲ ﻣﻠﻴﺖ ..
ﻋﻔﺘﻪ ﻭﻃﻠﻌﺖ .. ﺻﺎﺡ ﻭﺭﺍﻱ ﻣﺮﺩﻳﺖ .. ﺩﺍ ﺍﻧﺰﻝ .. ﺩﻙ ﻣﻮﺑﺎﻳﻠﻲ .. ﻭﺍﻧﻲ ﺍﺑﺠﻲ .. ﺭﺩﻳﺖ
- ﺍﻟﻮﻭ
ﻣﺎﻟﻚ -: ﻫﺎﻱ ﺷﺒﻴﺞ ﺷﻜﻮﻭ .. ﻟﻴﺶ ﺗﺒﺠﻴﻦ ..
- ﻣﺎﻛﻮ ﺷﻲ ..
- ﺩﻛﻮﻟﻲ
- ﺻﺪﻗﻨﻲ ﻣﺎ ﺑﻴﻪ ﺷﻲ .. ﺍﻭﺻﻞ ﻟﻠﺒﻴﺖ ﻭﺍﺧﺎﺑﺮﻙ . ﺣﺎﻟﻴﺎ ﺑﺮﻩ .. ﺳﺪﻳﺘﻪ ﻭﺭﺟﻌﺖ ﻟﻠﺒﻴﺖ .. ﻃﺒﻴﺖ ﻭﺻﻌﺪﺕ ﻟﻐﺮﻓﺘﻲ ﻛﺒﻞ ..
ﺍﺟﺖ ﻣﺎﻣﺎ ﺷﺒﻴﺞ ..
- ﻣﺎ ﺑﻴﻪ ﺷﻲ ..
- ﻟﺞ ﻳﻮﻝ ﺍﺣﺠﻲ
🌹🌹
ﻣﺎﻣﺎ ﻳﻌﻨﻲ ﺷﻜﻮ ﻏﻴﺮ ﺑﻴﺖ ﻋﻤﻲ ﻭﺑﻼﻭﻳﻬﻢ ﻣﻠﻴﺖ ﻣﻨﻬﻢ ﻭﺍﻟﻠﻪ ..
- ﺷﺴﻮﻭﻟﺞ
- ﻋﻤﺘﻲ ﻛﺮﺟﻴﻪ ﺿﺮﺑﺘﻨﻲ ﻋﻠﻰ ﺿﻬﺮﻱ .. ﻛﻤﺖ ﻟﻠﻤﺮﺍﻳﺎ ﺭﻓﻌﺖ ﺍﻟﺘﻴﺸﻴﺮﺕ ﻭﺑﺎﻭﻋﺖ ﺿﻬﺮﻱ .. ﺷﻬﻜﺖ ﺍﻣﻲ
-: ﻋﺰﻩ ﺑﻌﻴﻨﻬﺎ ﺍﻟﻠﻪ ﻻ ﻳﻨﻄﻴﻬﺎ ﺍﻥ ﺷﺎﺀﺍﻟﻠﻪ .. ﺷﻨﻮ ﻋﺒﺎﻟﻬﺎ ﻣﺎ ﺍﻟﻬﺎ ﺭﺩﺍﺩ ﻟﻮ ﺑﺘﻨﺎ ﻣﻜﻔﺨﻪ ﺍﻟﻬﺎ ﻣﻨﻮ ﻫﻲ ﻭﺗﻀﺮﺏ ﺑﺘﻲ ..
ﺍﻻ ﺍﻛﻠﺐ ﺍﻟﺪﻧﻴﺎ ﻋﻠﻴﻬﻢ ﻭﺍﻟﻠﻪ .. ﺷﺎﻟﺖ ﺍﻟﻤﻮﺑﺎﻳﻞ .. ﻛﺘﻠﻬﺎ ﻣﺎﻣﺎ ﺍﺗﺮﻛﻴﻬﻢ ﺍﻟﻠﻪ ﻳﺒﺎﻭﻉ ..
- ﺩﻋﻮﻓﻴﻨﻲ ﺍﻟﻠﻪ ﻋﻠﻌﻴﻦ ﻭﺍﻟﺮﺍﺱ ﺗﻀﺮﺑﺞ ﺑﺎﻟﻤﺴﺘﺸﻔﻰ ﺷﻨﻮ .. ﻳﺘﻴﻤﻪ ﻣﺎ ﺍﻟﺞ ﺍﺣﺪ .. ﻣﺎ ﺻﺮﻧﺎ ﺑﻌﻴﻨﻬﺎ ..
ﺭﺩ ﺍﺑﻮﻱ .. ﺑﺴﺎﻉ ﺻﺮﺧﺖ ﺑﻴﻪ .. ﺷﺎﻛﺮ ﺗﺠﻲ ﻫﺴﻪ ﻻ ﻭﺍﻟﺨﻠﻖ ﻣﺤﻤﺪ ﻳﺎ ﺷﺎﻛﺮ ﺳﺎﻋﻪ ﻭﺣﺪﻩ ﻣﺎ ﺍﺑﻘﺎﻟﻚ ﺑﺎﻟﺒﻴﺖ ..
.... ﺗﻌﺎﻝ ﺷﻮﻑ ﺗﻌﺎﻝ ﻛﺮﺟﻴﻪ ﺿﺎﺭﺑﻪ ﻟﺠﻴﻦ ﺑﺎﻟﻤﺴﺘﺸﻔﻰ ﻭﺻﺎﻟﺨﻪ ﺟﻠﺪﻫﺎ ﺍﺣﻤﺮ ﺷﻨﻮ ﺑﻨﺘﻲ ﻣﻜﻔﺨﻪ ﻋﺪ ﺑﻴﺖ ﺍﺧﻮﻙ ..
ﻣﺎﻟﻜﻴﻬﺎ ﻣﺸﺘﺮﻳﻬﺎ ﺷﻨﻮ ﻣﺎ ﺍﻟﻬﻢ ﺭﺩﺍﺩ .. ﻭﺍﻟﻠﻪ ﻻﻛﻠﺐ ﺍﻟﺪﻧﻴﺎ ﻓﻮﻙ ﺭﻭﺳﻬﻢ ﻫﻠﻤﺘﺨﻠﻔﻴﻦ .. ﺷﻌﻠﻴﻬﻢ ﺍﺑﻨﺘﻲ ﺗﻠﺒﺲ ﺗﻄﻠﻊ ﻣﺎ ﻫﺮﻣﻪ ﻫﻴﻪ ..
ﻳﺠﻴﺒﻮﻥ ﻭﻳﺸﻤﺮﻭﻥ ﻋﻠﻴﻬﺎ ﺑﻬﻠﺘﻬﺎﻳﻢ ﻳﺎ ﻛﺢ ... ﻳﺎ ﺩﺍﻳﺤﻪ ﻳﺎ ﺑﻨﺖ ﺷﻮﺍﺭﻉ ﺷﻨﻮ ﺗﺎﻳﻬﺘﻠﻬﻢ .. ﺷﺎﻳﻒ ﺍﺫﺍ ﺳﻜﺘﺖ ﻋﻠﻴﻬﻢ ﺍﻟﻴﻮﻡ ﺷﺴﻮﻱ ..
ﺧﻮﺍﻟﻬﺎ ﻛﻠﻬﻢ ﺍﺣﺸﻤﻬﻢ ﻋﻠﻴﻚ ﻭﻋﻠﻴﻬﻢ ﻭﺍﻟﻠﻪ .. ﻫﺴﻪ ﺗﺠﻲ .. ﻭﻗﻔﻠﺖ ﺍﻟﻤﻮﺑﺎﻳﻞ ..
- ﻣﺎﻣﺎ ﻣﺎﻛﻮ ﺩﺍﻋﻲ ﺗﻜﺒﺮﻳﻬﺎ ﻭﺍﻟﻠﻪ ..
- ﻫﺴﺴﺴﺲ ﻛﻠﻤﻪ ﻣﺎ ﺍﺳﻤﻊ .. ﺍﻓﺘﻬﻤﺘﻲ .. ﻣﺎ ﺻﺮﺗﻲ ﺟﻨﻪ ﻋﺪﻫﻢ ﻭﻫﻴﺞ ﻳﻌﺎﻣﻠﻮﺝ ﻟﻌﺪ ﻟﻮ ﺍﻧﻄﻴﺞ ﺍﻟﻬﻢ ﺷﻴﺴﻮﻭﻥ ﺑﻴﺞ ..
ﻳﺠﻮﻋﻮﻥ ﻳﻜﺼﻮﻥ ﻣﻨﺞ ﻭﻳﺎﻛﻠﻮﻥ ﻣﻮﻭﻭ .. ﻃﻠﻌﺖ ﻟﺠﻴﻦ ﻟﺒﺴﺖ ﻟﺠﻴﻦ ﺻﺨﻤﺖ ﻟﺠﻴﻦ ﺷﻌﻠﻴﻬﻢ .. ﺑﺘﻨﺎ ﻣﻮ ﺑﺘﻬﻢ ﻳﺤﺎﺳﺒﻮﺝ ﺷﻜﻮ ..
ﺍﺑﻨﻬﻢ ﻳﻮﻣﻴﻪ ﺑﻄﻞ ﺍﻟﻌﺮﻙ ﻣﺎﻟﺘﻪ ﻭﻓﺎﺿﺤﻬﻢ ﺑﺎﻟﻤﻨﻄﻘﻪ ﻭﻛﺢ ... ﺗﺮﻭﺡ ﻭﻟﺦ ﺗﺠﻲ .. ﻭﻳﻮﻣﻴﻪ ﻛﺎﺗﻞ ﻣﺮﺗﻪ ﻭﻃﺎﺭﺩﻩ ﻭ ﻣﺤﺪ ﻳﺤﺎﺳﺒﻪ .. ﻳﺠﻮﻥ ﻋﻠﻴﻨﺎ ﺑﺘﻜﻢ ﺗﻄﻠﻊ .. ﺩﻧﻌﻞ ﺍﺑﻮﻫﻢ ﻻﺑﻮ ﻣﻨﻴﻦ ﻣﺎ ﻃﻠﻌﻮﻟﻲ ﻫﻠﻌﺎﺭﺍﺕ .
- ﻣﺎﻣﺎ ﺍﻋﺼﺎﺑﺞ ﺍﻟﻠﻪ ﻳﺨﻠﻴﺞ .. ﻳﺠﻲ ﺑﺎﺑﺎ ﻭﻳﺘﻔﺎﻫﻢ ﻭﻳﺎﻫﻢ ..
- ﻟﺞ ﺫﺑﺤﻮﻧﻲ ﺍﻟﻠﻪ ﻣﻴﺨﻠﺼﻨﻲ ﻣﻨﻬﻢ .. ﻭﻟﺞ ﺧﺎﻃﺒﺞ ﺍﻟﺪﻛﺘﻮﺭ ﻣﺨﻠﺪ ﻣﺎ ﻳﻘﺒﻞ .. ﺧﺎﻃﺒﺞ ﻣﺪﻳﺮ ﻣﺨﻠﺪ ﻣﺎﻳﻘﺒﻞ ..
ﻳﺎ ﺧﺎﻃﺐ ﺟﺎﻱ ﻣﺨﻠﺪ ﻳﻄﻠﻊ ﺍﻟﻒ ﻋﻴﺐ ﻭﺍﺫﺍ ﻣﺎ ﺑﻲ ﻋﻴﺐ ﻳﺴﻮﻱ ﻋﺮﻛﻪ ﻭﻳﻜﻠﺒﻬﺎ ﻭﻳﺨﻠﻲ ﺍﻟﻨﺎﺱ ﺗﺸﺮﺩ .. ﻣﻮﻛﻔﻴﻦ ﻗﺴﻤﺔ ﺑﻨﺘﻲ ﻭﻓﻮﻛﺎﻫﺎ ﻳﻀﺮﺑﻮﻫﺎ
ﻭﻛﻠﻪ ﻣﻦ ﺍﺑﻮﺝ ﺍﺧﺨﺨﺨﺨﺦ .. ﻭﻋﻀﺖ ﻋﻠﻰ ﺍﻳﺪﻫﺎ .. ﺍﺻﻴﺢ ﻭﻟﻚ ﺷﺎﻛﺮ ﺍﺗﺼﺮﻑ ﺍﻟﺒﻨﻴﻪ ﺻﺎﺭ ﻋﻤﺮﻫﺎ 28 ﺳﻨﻪ ﻭﺍﺑﻦ ﺍﺧﻮﻙ ﻋﻜﺮﻩ ﺑﻄﺮﻳﻘﻬﺎ ..
ﺷﺎﻛﺮ ﻳﺮﺩ .. ﻋﻨﺪﻩ ﻣﺨﻠﺪ ﻫﻮ ﻭﺑﺲ ﻣﻨﺘﻈﺮ ﻟﺠﻴﻦ ﺷﻮﻛﺖ ﺍﻟﻠﻪ ﻳﻬﺪﻳﻬﺎ ﻭﺗﻮﺍﻓﻖ ﻋﻠﻰ ﺍﺑﻦ ﺍﺧﻮﻩ ﺍﻟﻄﺎﻳﺢ ﺣﻈﻪ ﻭ ﺍﻟﻠﻪ ﺷﻨﻮ ﺿﺎﺑﻂ ..
ﻣﻦ ﺍﻟﻠﻪ ﻳﺎﺧﺬﻫﻢ ﻭﻳﺨﻠﺼﻨﺎ ﺑﺠﺎﻩ ﻫﻮ ﺍﻟﻨﺒﻲ ..
ﻓﺮﻓﺢ ﻛﻠﺒﻬﺎ ﺑﺬﺍﻙ ﺍﻟﻴﻮﻡ ﺳﻮﺩﻩ ﻋﻠﻴﻪ .. ﺗﻨﺪﻣﺖ ﻃﻠﻌﺖ ﺿﻬﺮﻱ ﻛﺪﺍﻣﻬﺎ .. ﻟﻮ ﻣﺘﺤﻤﻠﻪ ﺍﻻﻟﻢ ﻭﻻ ﻓﺮﻓﺤﺔ ﻛﻠﺒﻬﺎ .
ﻧﺰﻟﺘﻬﺎ ﻭﻫﻲ ﺗﺤﺠﻲ ﻭﺗﺼﻴﺢ .. ﺷﺮﺑﺘﻬﺎ ﻣﻲ .. ﻭﻏﺴﻠﺖ ﻭﺟﻬﻪ ﻭﺭﺍﺣﺖ ﺗﺼﻠﻲ .. ﻃﺐ ﺑﺎﺑﺎ .. ﻳﺼﻴﺢ ﺷﻜﻮ ﺑﻨﺘﻲ ﺷﺼﺎﻳﺮ ﺧﺒﺼﺘﻨﻲ ﺍﻣﺞ ﻭﻣﻔﺘﻬﻤﺖ ..
🌹🌹
ﻗﺒﻞ ﻻ ﺍﺣﺠﻲ .. ﻃﻠﻌﺖ ﺑﻠﺒﺎﺱ ﺍﻟﺼﻼﻩ .. ﺩﺍﺭﺗﻨﻲ ﻭﺷﺎﻟﺖ ﺍﻟﺘﻴﺸﻴﺮﺕ .. ﻭﻛﺎﻟﺘﻪ ﺷﻮﻑ ﺑﻴﺖ ﺍﺧﻮﻙ ﺷﻤﺴﻮﻳﻦ ﺑﺎﻟﺒﻨﻴﻪ ﺷﻮﻑ ..
ﺍﻧﻲ ﺑﻜﻠﻨﺲ ﻣﺎ ﺍﺿﺮﺑﻬﺎ .. ﺗﺠﻲ ﻣﺮﺕ ﺍﺧﻮﻙ ﺍﻟﻌﺮﻣﻪ ﺗﻀﺮﺏ ﺑﻨﺘﻲ .. ﻻ ﻭﺗﺮﻳﺪﻫﺎ ﺟﻨﻪ ﻻﺑﻨﻬﺎ .. ﺍﻧﻄﻴﻬﺎ ﻋﺰﻩ ﺑﻌﻴﻨﻬﺎ ﻭﺑﻌﻴﻦ ﺍﺧﻮﻙ .
ﺍﺑﻮﻱ ﻛﺎﻡ ﻳﺼﻴﺢ ﻭﻳﻐﻠﻂ ﻭﻛﻞ ﺷﻮﻱ ﻳﺠﻲ .. ﺿﺮﺑﻮﺝ ﺍﻧﻲ ﺍﻋﻠﻤﻬﻢ .. ﻭﻳﻤﺸﻲ ﻳﺨﺎﺑﺮ ﻭﻣﻴﺮﺩﻭﻥ ﻋﻠﻴﻪ .. ﻭﻳﺮﺟﻌﻠﻲ . ﻣﺘﻮﺟﻌﻪ ﻣﻮﻭﻭ .. ﺩﻧﻌﻞ ﻳﻮﻣﻬﻢ ﻭﺍﻟﻠﻪ ..
ﻋﺎﻓﻨﻪ ﻭﻃﻠﻌﺖ .. ﻳﺎﺭﺏ ﺍﺳﺘﺮ .. ﻟﻮ ﺍﺩﺭﻱ ﻫﻴﺞ ﺗﺼﻴﺮ ﻭﺍﻟﻠﻪ ﻣﺎ ﺍﺣﺠﻲ .. ﺍﻟﻠﻬﻢ ﺍﺟﻌﻠﻬﺎ ﺑﺮﺩﺍ ﻭﺳﻼﻣﺎ ﻭﻫﺪﻱ ﺍﻟﻘﻠﻮﺏ
- ﺍﻣﻲ ﺗﻔﺘﺮ ﻭﺗﺪﻋﻲ ﻋﻠﻴﻬﻢ ﺑﻌﺪﻳﻦ ﺭﺟﻌﺖ ﻟﺼﻼﺗﻬﺎ .. ﺻﺒﻴﺖ ﻏﺪﺍ .. ﻭﺧﻠﻴﺖ ﺍﻟﺼﻴﻨﻴﻪ ﺷﻮﻳﻪ ﻋﻨﻬﺎ . ﺗﻌﺎﻟﻲ ﺍﺗﻐﺪﻱ ﻣﺎﻣﺎ ..
ﺍﻻﻡ -: ﺍﻛﻠﻲ ﺑﻨﺘﻲ ﺍﻛﻠﻲ ﺣﺘﻰ ﺭﻳﻮﻙ ﻣﻤﺘﺮﻳﻜﻪ ﺳﻮﺩﻩ ﻋﻠﻴﻪ ﻃﻠﻌﺖ ﺑﻠﻴﻪ ﺭﻳﻮﻙ ﺗﺸﻮﻑ ﻫﻠﻌﺎﺭ ﺍﻻﺳﻤﻪ ﻣﺨﻠﺪ ﺗﺎﻟﻲ ﻳﻀﺮﺑﻮﻫﺎ ..
- ﺩﺗﻌﺎﻟﻲ ﻣﺎ ﺍﺷﺘﻬﻲ ﻭﺣﺪﻱ .. ﻟﻔﺖ ﺳﺠﺎﺩﺗﻬﺎ ﻭﻛﻌﺪﺕ ﻛﺒﺎﻟﻲ . ﻛﺼﺖ ﺩﺟﺎﺝ ﺑﺨﺒﺰﻩ ﻭﻏﻤﺴﺘﻬﺎ .. ﻭﺷﻤﺮﺗﻬﺎ .. ﻭﻧﺸﻐﺖ ﻭﻓﺘﺤﺖ ﺻﺪﺭﻫﺎ . ﻭﺗﺪﻋﻲ
ﻓﺮﻓﺤﺘﻲ ﻛﻠﺒﻲ ﻳﻜﺮﺟﻴﻪ ﺑﻬﻠﻀﻬﺮﻳﻪ ﻋﺴﻰ ﺍﻟﻠﻪ ﻳﻔﺮﻓﺢ ﻛﻠﺒﺞ ﺑﺠﺎﻩ ﺍﻟﻨﺒﻲ ..
- ﺍﺳﻢ ﺍﻟﻠﻪ ﻳﺎ ﺍﻣﻲ ﺩﻛﻠﻲ ..
- ﻟﺞ ﻋﻴﻨﻲ ﻣﺎ ﺍﻟﻲ ﻧﻔﺲ ﺣﺘﻰ ﺍﻛﻞ .. ﻓﺮﻓﺤﻮ ﻛﻠﺒﻲ ﻭﺍﻟﻠﻪ
- ﺍﻱ ﻳﺎ ﻣﺎﻣﺎ ﻫﺴﻪ ﺍﻧﻲ ﺍﻟﻤﻀﺮﻭﺑﻪ ﻣﻤﺘﺄﺫﻳﻪ ﺑﻜﺪﻛﻢ .. ﺍﻫﺪﻭ
- ﻭﻟﺞ ﻫﻈﻴﻤﻪ ﻳﻤﻪ ﻫﻈﻴﻤﻪ .. ﺷﻤﺴﻮﻳﻪ ﺍﻧﺘﻲ ﻭﺩﺍﻛﻴﻠﺞ ﺍﻃﺒﻮﻝ .. ﻭﻳﺤﺠﻮﻥ ﻋﻠﻴﺞ ﻛﺪﺍﻡ ﺍﻟﺮﺍﻳﺢ ﻭﺍﻟﺮﺍﺩ .. ﻭﻳﻔﺸﺮﻭﻥ
ﺗﺮﺣﻴﻦ ﺑﻄﺮﻳﻘﺞ ﻭﺗﺠﻴﻦ ﻻ ﻓﺪ ﻳﻮﻡ ﻃﻠﻊ ﺻﻮﺗﺞ ﺑﺸﺎﺭﻉ ﻭﻻ ﺳﻮﻳﺘﻠﺞ ﻣﻜﺴﻮﺭﻩ .. ﻳﺤﺠﻮﻥ ﻟﻴﺶ ..
ﺑﻨﺎﺕ ﺍﻟﻌﺎﻟﻢ ﻛﻠﻬﺎ ﺗﻠﺒﺲ ﺍﺷﻜﺎﻝ ﻭﺍﻟﻮﺍﻥ ﻭ ﺗﻄﻠﻊ ﻭﺗﺘﻮﻧﺲ ﻭﺗﺸﺘﻐﻞ ﻣﺤﺪ ﻳﻜﻠﻬﻦ ﻋﻠﻰ ﻋﻴﻨﺠﻦ ﺣﺎﺟﺐ .. ﻭﺍﻧﺘﻲ ﻫﺎﺟﻤﻴﻦ ﺣﻴﺎﺗﺞ ﻫﺠﻢ ..
ﻣﻦ ﺧﺮﺏ ﺣﻈﺞ ﺍﺭﺩ ﺍﺷﻮﻑ ﻫﻠﺤﻆ ﻫﺬﺍ ﻭﻳﻦ ﻧﺎﻳﻢ ﻳﺎ ﺍﻣﻲ ..
ﺍﻟﺒﺸﺎﺭﻉ ﻳﺠﻴﻲ ﻳﻤﺪﺡ ﺑﻴﺞ ﻭﻳﺼﻴﺢ ﻋﻔﻴﻪ ﺑﻨﻴﻪ ﺣﺴﻦ ﻭﺍﺧﻼﻕ ﺗﺮﻭﺡ ﻭﺗﺠﻲ ﻳﻮﻣﻴﻪ ﻣﺎ ﻓﺪ ﻳﻮﻡ ﺷﺎﻟﺖ ﻋﻴﻨﻬﺎ ﻟﻮ ﻣﺮﺕ .. ﺗﻤﺮ ﻣﺪﻧﻜﻪ ﻭﺗﺮﺟﻊ ﻣﺪﻧﻜﻪ .. ﺷﺤﻼﺗﻬﺎ ..
ﺍﻟﺠﻴﺮﺍﻥ ﻛﻠﻬﺎ ﺗﺠﻲ ﺗﺘﺨﻄﺒﺞ ﻭﺗﻜﻠﻲ ﻋﻔﻴﻪ ﻋﻠﻴﺞ ﻋﻠﻰ ﻫﻠﺘﺮﺑﻴﻪ ﻭﺍﻟﺜﻘﺎﻓﻪ ... ﻛﻠﻴﻠﻲ ﺍﻛﻮ ﻭﺍﺣﺪ ﺑﺎﻟﻤﻨﻄﻘﻪ ﻣﺎ ﺭﺍﺩﺝ ..
ﻭﻣﺨﻠﺪ ﺍﺧﺨﺨﺨﺦ ﻳﺎ ﻣﺨﻠﺪ .. ﻋﺴﻰ ﺣﺮﻛﺔ ﻛﻠﺒﻲ ﺑﻜﻠﺒﻪ ﺍﻥ ﺷﺎﺀﺍﻟﻠﻪ ..
- ﺷﺴﻮﻱ ﻣﺎﻣﺎ .. ﺍﻫﺪﺋﻲ ﻫﺬﺍ ﺣﻈﻲ ﺑﻌﺪ .. ﺭﺩﺕ ﻧﻔﺴﻬﺎ ﻭﻣﺎ ﺍﻛﻠﺖ ﻭﻻ ﺍﻧﻲ .. ﺍﻧﺴﺪﺕ ﻧﻔﺴﻲ .. ﻓﺘﺤﺖ ﺍﻟﺘﻠﻔﺰﻳﻮﻥ ﻭﻛﻌﺪﺕ .. ﺻﺎﻓﻨﻪ ﺑﻲ ﺑﺲ ﺑﺎﻟﻲ ﻣﻮ ﻳﻤﻪ
ﻃﺐ ﺍﺑﻮﻳﻪ ﻭﻋﻤﻲ ﻋﺜﻤﺎﻥ .. ﺍﺑﻮﻱ ﻳﺤﺠﻲ ﻭﻋﻤﻲ ﻳﻜﻠﻪ ﺍﻫﺪﺉ ﺍﻥ ﺷﺎﺀﺍﻟﻠﻪ ﻛﻠﺸﻲ ﻳﻨﺤﻞ ..
ﺟﺎﺑﻪ ﺍﺑﻮﻱ ﻭﻳﻜﻠﻪ ﺗﻌﺎﻝ ﺷﻮﻑ ﺷﻤﺴﻮﻱ ﺑﻴﻬﺎ ﺗﻌﺎﻝ .. ﻭﻳﺮﻳﺪ ﻳﺸﻮﻓﻪ ﺿﻬﺮﻱ
- ﻭﺧﺮﺗﻪ ﻣﻨﻲ ﺷﻨﻮﻭﻭﻭ ﺑﺎﺑﺎ ﺍﺳﺘﺤﻲ ﻣﺎﻛﻮ ﺩﺍﻋﻲ ﻋﻤﻮ ﻣﺼﺎﺭ ﺷﻲ
- ﺷﻮﻓﻲ ﺑﺎﺑﺎ ﺧﻞ ﻳﺸﻮﻑ ﺷﻤﺴﻮﻳﻦ ﺑﻴﺞ ﺍﻟﻜﻼﺏ .. ﻋﻤﺞ ﻫﺬﺍ ﻣﻮ ﻏﺮﻳﺐ ..
🌹🌹
ﺑﺎﺑﺎ ﺍﻫﺪﺋﻮﺍ ﻭﺍﻟﻠﻪ ﻣﺼﺎﺭ ﺷﻲ .. ﺍﻧﻲ ﻋﻔﻴﺖ ﻋﻨﻬﺎ ﺍﻟﻠﻪ ﻳﺴﺎﻣﺤﻬﺎ ..
ﺍﻻﺏ -: ﺑﻨﺘﻲ ﺧﻞ ﻳﺸﻮﻑ ﻫﺎﻱ ﻣﻮ ﺷﻐﻠﺔ ﻋﻔﻮ ﺫﻭﻟﻪ ﻣﺎ ﺍﺣﺘﺮﻣﻮ ﺷﻨﻮ ﺗﺎﻳﻬﺘﻠﻬﻢ ﻳﺎ ﺑﻨﺘﻲ ﻭﻳﻀﺮﺑﻮﺝ ﻋﻠﻰ ﺍﻱ ﺍﺳﺎﺱ .. ﺍﻧﻲ ﺍﺑﻮﺝ ﻣﺎ ﺿﺎﺭﺑﺞ ﻓﺪ ﻳﻮﻡ . ﻫﻢ ﻳﺠﻮﻥ ﻳﻀﺮﺑﻮﺝ .
ﻋﺜﻤﺎﻥ -: ﻟﺠﻴﻦ ﻣﺴﻤﻌﺘﻬﺎ ﻻﻡ ﻣﺨﻠﺪ ﻛﻠﻤﻪ ﺍﻧﺘﻲ
- ﻻ ﻭﺍﻟﻠﻪ ﻋﻤﻮ ﻣﺎ ﺳﻤﻌﺘﻬﺎ ﺑﺲ ﺭﺣﺖ ﺍﺷﻮﻑ ﻣﺨﻠﺪ ﺧﺎﺑﺮﻧﻲ ﺑﻠﻴﻞ ﻳﻌﺎﺗﺒﻨﻲ .. ﺭﺣﺖ ﺍﻟﻪ ﺍﻟﺼﺒﺢ .. ﻭﻫﻲ ﺗﻜﻠﻲ ﻫﻢ ﺍﻟﺞ ﻋﻴﻦ ﺻﻠﻔﻪ ﻭﺗﺠﻴﻦ .
ﺍﻻﺏ -: ﺳﻤﻌﺖ ﻓﻮﻙ ﻣﺎ ﺭﺍﻳﺤﻪ ﺗﺸﻮﻓﻪ ﻭﺗﻄﻤﻦ ﻋﻠﻴﻪ .. ﻫﻴﺞ ﻳﺴﻮﻭﻥ ﺑﻴﻬﺎ ..
ﻋﺜﻤﺎﻥ -: ﺯﻳﻦ ﻋﻤﻮ ﺍﻧﺘﻲ ﻟﻴﺶ ﻣﺘﻮﺍﻓﻘﻴﻦ ﻋﻠﻰ ﻣﺨﻠﺪ ﻭﺗﺴﺪﻳﻦ ﺍﻟﺴﺎﻟﻔﻪ . ﻭﺍﺫﺍ ﻋﻠﻰ ﺍﻫﻠﻪ .. ﻫﻮ ﻛﺎﻝ ﻣﺴﺘﻌﺪ ﺍﻓﺘﺤﻠﻬﺎ ﺍﻛﺒﺮ ﺑﻴﺖ ﺣﺘﻰ ﻟﻮ ﻳﻢ ﺍﻫﻠﻬﺎ ﺑﺲ ﺗﻮﺍﻓﻖ ..
ﻟﺠﻴﻦ -: ﻋﻤﻮ ﻫﻲ ﮔﻮﻩ ﺧﻮﻣﺎ ﮔﻮﻩ .. ﻣﺨﻠﺪ ﺍﺣﺒﻪ ﻭﺍﺣﺘﺮﻣﻪ ﻛﺄﺥ .. ﺯﻭﺝ ﻣﻴﺼﻠﺤﻠﻲ .. ﻫﻮ ﺍﺷﻜﻮﻛﻲ ﻭﺍﻧﻲ ﺍﻧﺴﺎﻧﻪ ﺍﺣﺐ ﺍﻟﺤﺮﻳﻪ ﺍﺣﺐ ﺍﺗﻤﺘﻊ ﺑﻜﻞ ﻟﺤﻈﻪ ﺍﻋﻴﺸﻬﺎ ﺑﺎﻟﺤﻴﺎﺓ ..
ﻭﻫﻠﺸﻲ ﻣﻦ ﺣﻘﻲ ﻭﻫﻮ ﻣﻴﻌﺠﺒﻪ ﻛﻞ ﻫﻼﻣﻮﺭ .. ﺍﺿﺎﻓﻪ ﺍﻟﻰ ﻫﺬﺍ ﻫﻮ ﺍﻧﺴﺎﻥ ﻣﺘﻬﻮﺭ ﻭﻋﺼﺒﻲ ﺍﻟﻰ ﺩﺭﺟﻪ ﻻ ﺗﻄﺎﻕ ..
ﻭﻫﺎﻙ ﺍﺳﺘﻠﻢ .. ﺍﻭﺕ ﺍﻟﺒﺎﺭﺣﻪ ﻓﺼﺦ ﺍﻳﺪﻱ ﻭﺑﻮﺟﻮﺩ ﺍﻣﻲ ﻫﻢ .. ﺯﻳﻦ ﺍﺫﺍ ﺍﺻﻴﺮ ﻋﻨﺪﻩ ﺷﻴﺴﻮﻟﻲ .. ﻳﺬﺑﺤﻨﻲ ..
ﻋﺜﻤﺎﻥ -: ﻫﻮ ﺻﺤﻴﺢ ﺍﻋﺼﺎﺑﻪ ﻣﺘﻨﺤﻤﻞ .. ﺑﺲ ﺷﺘﺴﻮﻳﻦ ﻋﻤﻮ ﺍﺑﻦ ﻋﻤﺞ ﻫﻮ ﺍﻭﻟﻰ ﺑﻴﻂ ﻣﻦ ﺍﻟﻐﺮﻳﺐ ﻭﻳﺤﺒﺞ ﻭﻳﺨﺎﻑ ﻋﻠﻴﺞ ..
ﻟﺠﻴﻦ -: ﻋﻤﻮ ﺗﻔﻬﻤﻨﻲ ﺍﻧﻲ ﻣﺎ ﻋﻨﺪﻱ ﻣﺸﺎﻋﺮ ﻭﻳﺎﻩ ﻭﻋﻘﻠﻴﺘﻲ ﻏﻴﺮ ﻋﻘﻠﻴﺘﻪ .. ﻭﺍﻫﻠﻪ ﺑﺎﻟﻄﺎﻟﻌﻪ ﻭﺍﻟﻨﺎﺯﻟﻪ ﻳﺤﺠﻮﻥ ﻋﻠﻴﻪ ﻭﻋﻠﻰ ﻟﺒﺴﻲ
ﻳﺮﺩﻭﻧﻲ ﻣﺜﻞ ﻣﺮﺕ ﻭﺳﺎﻡ ﺣﺠﺎﺏ ﻭﺟﺒﻪ .. ﻭﺍﻧﻲ ﻣﻮ ﻫﺬﺍ ﺍﺳﺘﺎﻳﻠﻲ ﻋﻤﻮ ﻉ ﺷﻨﻮ ﺟﺎﺑﺮﻩ ﻧﻔﺴﻲ ﻋﻠﻴﻪ ﻭﻫﻮ ﻣﺎ ﺑﻲ ﺻﻔﻪ ﻭﺣﺪﻩ ﺗﺨﻠﻴﻨﻲ ﺍﻭﺍﻓﻖ ﻋﻠﻴﻪ
ﺍﻣﻲ ﻭﺍﻛﻔﻪ ﻣﺘﻄﻠﻊ ﺻﻮﺗﻬﺎ ﺑﻮﺟﻮﺩ ﻋﻤﺎﻣﻲ .. ﺗﺤﺘﺮﻣﻬﻢ .. ﺗﺨﻠﻲ ﺍﻟﻜﻼﻡ ﺍﻟﻲ ﻭﻻﺑﻮﻳﻪ .. ﺑﺲ ﺗﻬﺰﻟﻲ ﺍﺫﺍ ﺣﺠﻴﺖ ﺻﺢ .. ﻭﺍﺫﺍ ﺍﻧﺠﺮﻓﺖ ﺑﺎﻟﻜﻼﻡ ﻟﻮ ﻋﻠﻴﺖ ﺻﻮﺗﻲ ﺑﺪﻭﻥ ﻣﺎ ﺍﺩﺭﻱ
ﺗﺨﺰﺭ ﻭﺗﺄﺷﺮ ﺑﻴﺪﻫﺎ ﻋﻠﻰ ﻛﻴﻔﺞ
ﻋﺜﻤﺎﻥ -: ﻭﺍﻟﻠﻪ ﻳﺎ ﻋﻤﻮ ﺍﺣﺘﺎﺭﻳﻨﺎ ﻭﻳﺎﻛﻢ .. ﻫﻮ ﺻﺎﺭ ﻋﻤﺮﻩ 36 ﺳﻨﻪ ﻭﺭﺍﻓﺾ ﻳﺘﺰﻭﺝ .. ﻭﺍﻧﺘﻲ ﻫﻢ ﻛﺒﺮﺗﻲ ﻳﺎ ﻋﻤﻮ .. ﺍﻟﺤﻞ ﻭﻳﺎﻛﻢ ﺷﻠﻮﻥ ..
- ﻋﻤﻮ ﺍﻟﺤﻞ ﻣﻮ ﻳﻤﻲ ﺭﻭﺣﻮﺍ ﺍﻟﻤﺨﻠﺪ ﺣﺎﺟﻮﻩ ﺧﻞ ﻳﺘﺮﻛﻨﻲ ﺑﺤﺎﻝ ﺳﺒﻴﻠﻲ ﻣﺎ ﺍﺭﻳﺪﻩ ﻭﺍﻟﺰﻭﺍﺝ ﻣﻮ ﺟﺒﺮ ..
ﻋﺜﻤﺎﻥ -: ﻳﺎ ﻋﻤﻮ ﺍﺗﺮﻛﻲ ﺍﻻﺫﺍﻋﻪ ﺗﺮﻩ ﻭﺍﻟﻠﻪ ﺧﺮﺑﺖ ﻋﻘﻠﺞ ﻫﻠﻤﻮﺍﺿﻴﻊ ..
ﺍﻻﻡ -: ﻣﻦ ﺭﺧﺼﺘﻚ ﺍﺑﻮ ﻭﻟﻴﺪ ﺍﺭﻳﺪ ﺍﺳﺌﻠﻚ .. ﻛﻠﻤﺎ ﺣﺠﻴﺘﻮ ﻭﻛﻠﺘﻮ ﺍﺫﺍﻋﻪ ﻭﺗﻔﺘﺮ ﻭﺗﻠﺒﺲ ..
ﺍﻧﺘﻮ ﺳﺎﻣﻌﻴﻦ ﻋﻠﻴﻬﺎ ﺷﻲ .. ﺷﻔﺘﻮﻫﺎ ﺑﻮﺿﻊ ﻣﻮ ﺯﻳﻦ ﻭﻱ ﻭﺍﺣﺪ .. ﺷﻔﺘﻮﻫﺎ ﻣﺸﺖ ﺑﺎﻟﺪﺭﺏ ﺍﻻﻋﻮﺝ ﻓﺪ ﻳﻮﻡ ﺍﺣﺪ ﻣﻮﺻﻠﻠﻜﻢ ﻛﻼﻡ ﻋﻨﻬﺎ ..
ﻋﺜﻤﺎﻥ -: ﻻ ﻭﺍﻟﻠﻪ ﻣﻮ ﻛﺪﺍﻣﻜﻢ ﻟﺠﻴﻦ ﺍﺑﻨﻴﻪ ﺧﻠﻮﻗﻪ ﻭﺣﺒﺎﺑﻪ ﻣﺎ ﻓﺪ ﻳﻮﻡ ﺳﻤﻌﻨﺎ ﺻﻮﺗﻬﺎ ﻟﻮ ﺗﺠﺎﻭﺯﺕ ﻋﻠﻰ ﺍﺣﺪ .. ﻭﺣﺘﻰ ﻣﻦ ﻭﺍﺣﺪ ﻳﺤﺠﻲ ﻋﻠﻴﻬﺎ ﺗﺴﻜﺖ ﻭﻣﺘﺮﺩ
ﺑﺲ ﻳﺎ ﺍﺧﺘﻲ ﺗﻌﺮﻓﻴﻦ ﻣﺨﻠﺪ ﻭﺧﺒﺎﻟﻪ ﻳﺼﻴﺢ ﻭﻳﺴﺘﺮﻳﺢ ﺑﻄﻠﻮﻫﺎ ..
ﺍﻻﻡ -: ﺍﻛﻠﻚ ﻋﻴﻨﻲ ﺍﺑﻮ ﻭﻟﻴﺪ ﻓﺪﻭﻩ ﺍﻟﻌﻴﻨﻚ ﻣﻠﻴﻨﺎ ﺗﺮﻩ ﻭﺍﻟﻠﻪ ﻣﻠﻴﻨﺎ ﻣﻦ ﺳﻮﺍﻟﻒ ﻣﺨﻠﺪ ﻭﺑﻼﻭﻳﻪ ﻫﻲ ﻣﺘﺮﻳﺪﻩ ﺧﻮﻣﺎ ﻛﻮﻩ
🌹🌹
ﻭﺍﻟﺒﻨﻴﻪ ﺧﻮﺍﻃﻴﺒﻬﺎ ﻫﻮﺍﻱ ﻭﻟﻮ ﻛﺜﺮﻧﺎ ﺍﻟﺮﻓﺾ ﻭﺍﻝ ﻻ ﻻ ﻻ ﺑﺎﺍﺭﺕ ﻭﺧﻄﻴﺘﻬﺎ ﺑﺮﻛﺒﺘﻜﻢ ﻣﺘﺮﻳﺪﻩ ﻳﻌﻨﻲ ﺍﺷﻠﻮﻥ
ﻛﻠﻤﺎ ﺣﺠﻴﺘﻮ ﻭﻛﻠﺘﻮ ﺍﺫﺍﻋﻪ ﻭﻟﺒﺲ .. ﻳﺎ ﺑﻨﻴﻪ ﻣﺎ ﺗﻠﺒﺲ ﻣﺜﻠﻬﺎ ﺭﻭﺡ ﺷﻮﻑ ﺍﻟﺸﺎﺭﻉ ﺍﺷﻜﺎﻝ ﻭﺍﻟﻮﺍﻥ .. ﻭﺍﻧﺘﻮ ﺗﺒﺎﻭﻋﻮﻥ ﺑﺲ ﻋﻠﻴﻬﺎ ..
ﻟﺒﺴﻬﺎ ﻻ ﺣﺼﺮ ﻭﻻ ﻣﻔﻀﻮﺡ .. ﺗﻠﺒﺲ ﻣﻌﻘﻮﻝ ﺑﺲ ﻣﺎ ﺗﺮﻳﺪ ﺍﻟﺤﺠﺎﺏ ﻭﻫﺎﻱ ﻗﻨﺎﻋﺘﻬﺎ .. ﻭﺍﻧﻲ ﻭﺭﺍﻫﺎ ﻣﺎﻣﺎ ﻫﺬﺍ ﺑﺎﺭﺯ ﺟﺴﻤﺞ ﻏﻴﺮﻱ ﻫﺬﺍ ﻣﻴﺼﻴﺮ ﻫﺬﺍ ﺍﺗﺮﻛﻲ ﻭﻣﺎ ﻋﺎﻳﻔﻴﻬﺎ ﺑﺲ ﻣﺎ ﻧﺨﻨﻜﻬﺎ
ﺑﻨﻴﻪ ﺷﺎﺑﻪ ﻭﻣﻦ ﺣﻘﻬﺎ ﺗﺘﻤﺘﻊ ﻭﺗﺸﻮﻑ ﻭﺗﺴﺎﻓﺮ ﻫﺬﺍ ﺷﺒﺎﺑﻬﺎ ﺣﺮﺍﻡ ﻋﻠﻴﻨﺎ ﻧﻤﻨﻌﻬﺎ ﻭﺍﺣﻨﻪ ﻧﻌﺮﻑ ﺷﻨﻮ ﺍﺧﻼﻗﻬﺎ ﻭﺷﻨﻮ ﺗﺮﺑﻴﺘﻬﺎ ..
ﻃﺒﺖ ﺟﺎﻣﻌﻪ ﻭﺩﺭﺳﺖ ﻭﺗﺨﺮﺟﺖ ﻭﻣﺎﻓﺪﻳﻮﻡ ﻛﺎﺩﺗﻠﻬﺎ ﻭﺍﺣﺪ ﻟﻮ ﺗﻤﻌﺸﻜﺖ ﺑﺎﻟﺸﺎﺭﻉ .. ﻣﺤﺘﺮﻣﻪ ﻧﻔﺴﻬﺎ ﻟﻴﺶ ﻣﺎ ﺍﺛﻖ ﺑﻴﻬﺎ .. ﻭﻟﻴﺶ ﻣﺎ ﺍﻧﻄﻴﻬﺎ ﺣﺮﻳﺘﻬﺎ ﻭﻟﻴﺶ ﺍﺣﺮﻣﻬﺎ .
ﻭﺍﻧﻲ ﻣﺎ ﺍﺩﺭﻱ ﺑﻴﺎ ﻗﺴﻤﻪ ﺭﺍﺡ ﺗﻮﻛﻊ ﻭﻳﻤﻜﻦ ﺗﻨﺤﺮﻡ ﻭﻳﺴﻮﺩ ﻋﻴﺸﺘﻬﺎ ﻭﺗﺎﻟﻲ ﺍﻟﺒﻨﻴﻪ ﺗﻌﻴﺶ ﻣﺤﺮﻭﻣﻪ ﻛﻞ ﺣﻴﺎﺗﻬﺎ ..
ﺭﻭﺡ ﺷﻮﻑ ﺍﻟﻌﺎﻟﻢ ﺑﻨﺎﺗﻬﻢ ﻛﺎﻣﻮ ﻳﺮﻭﺣﻦ ﺳﻔﺮﺍﺕ ﻟﻠﻘﻤﺮ ﻭﻣﻐﺎﻣﺮﺍﺕ .. ﻭﺍﺣﻨﻪ ﻟﻮ ﺍﻓﺘﺮﺕ ﺑﺴﻴﺎﺭﺗﻬﺎ ﺷﻮﻳﻪ ﻛﻠﺘﻮ ﺩﺍﻳﺤﻪ ﺗﺮﻩ ﻋﻴﺐ ..
ﻭﺷﻐﻠﺔ ﺍﻡ ﻣﺨﻠﺪ ﺻﺎﺭﺕ ﺗﺠﺎﻭﺯ ﻭﺗﺒﻘﻰ ﻳﻢ ﺍﺑﻮ ﻟﺠﻴﻦ .. ﺍﺣﺠﻲ ﻳﺎ ﺑﻮ ﻟﺠﻴﻦ ﻟﻴﺶ ﺳﺎﻛﺖ ..
ﺷﺎﻛﺮ -: ﺷﺤﺠﻲ ﻳﺎ ﻭﺩﺍﺩ ﻛﻞ ﻫﻠﺤﺠﻲ ﺍﻧﻲ ﺣﺠﻴﺘﻪ ﻭﻳﻪ ﻋﺜﻤﺎﻥ ﺑﺮﻩ ﻭﻛﻠﺖ ﺧﻞ ﻳﺴﻤﻊ ﻣﻨﻬﻢ ﻭﻳﺤﻜﻢ ..
ﻋﺜﻤﺎﻥ -: ﻻ ﻻ ﺍﻥ ﺷﺎﺀﺍﻟﻠﻪ ﻧﺤﻠﻬﺎ ﻭﻟﺠﻴﻦ ﺑﻨﻴﺘﻨﺎ ﻭﻣﺨﻠﺪ ﺍﺑﻨﺎ ﻭﻣﺮﺕ ﻋﻤﺮﺍﻥ ﺍﻥ ﺷﺎﺀﺍﻟﻠﻪ ﻧﺤﺠﻲ ﻭﻳﺎﻫﺎ ﻭﺗﺠﻲ ﺗﻌﺘﺬﺭ ﻣﻨﻜﻢ ﻭﻣﺎ ﻳﺼﻴﺮ ﺧﺎﻃﺮﻛﻢ ﺍﻻ ﻃﻴﺐ ..
ﻟﺠﻴﻦ -: ﺑﻘﻮ ﻳﺤﺠﻮﻥ ﺍﻧﻲ ﺭﺣﺖ ﺳﻮﻳﺖ ﺟﺎﻱ ﻟﻌﻤﻮ ﻭﻭﺩﻳﺘﻪ ﻭﺻﻌﺪﺕ ﻟﻐﺮﻓﺘﻲ .. ﻟﻬﻨﺎﻙ ﻧﺰﻟﺖ ..
ﻋﻤﻮ ﺭﺍﻳﺢ .. ﻭﺍﺑﻮﻱ ﻭﺍﻣﻲ ﻳﺤﺠﻮﻥ ﺑﻤﻮﺿﻮﻋﻲ .. ﺍﻧﺪﻛﺖ ﺍﻟﺒﺎﺏ .. ﺍﺑﻮﻳﻪ ﻃﻠﻊ ﺍﺟﺖ ﺍﻣﻲ ﻟﻠﻤﻄﺒﺦ ..
ﺳﺄﻟﺘﻬﺎ ﻫﺎﺍﺍ ﺷﺼﺎﺭ ..
ﺍﻻﻡ -: ﺷﺼﺎﺭ ﻳﻜﻮﻟﻮﻥ ﺗﺠﻲ ﺑﻠﻴﻞ ﻭﺗﻌﺘﺬﺭ ﺍﺫﺍ ﻣﻮ ﻫﻲ ﻋﻤﺞ ﻭﺍﺑﻨﻪ ﻣﺎﺯﻥ ﻳﻌﺘﺬﺭﻭﻥ ﻣﻦ ﺍﺑﻮﺝ ﻭﺗﻨﺤﻞ ..
- ﺍﻥ ﺷﺎﺀﺍﻟﻠﻪ .. ﺭﺍﺣﺖ ﺍﻣﻲ ﻟﻠﺒﺮﺩﻩ ﻣﺎﻝ ﺍﻟﻤﻄﺒﺦ ﺗﺒﺎﻭﻉ ﻣﻨﻮ ﺍﺟﻪ .. ﻭﺍﻧﻲ ﻭﻛﻔﺖ ﺍﻛﻞ ..
ﺍﻻﻡ -: ﻟﺠﻴﻦ
- ﻫﺎ ﻳﻮﻡ
- ﺑﺎﻟﻠﻪ ﺗﻌﺎﻟﻲ ﺷﻮﻓﻲ ﻣﻨﻮ ﻫﺬﺍ ﺗﻌﺮﻓﻲ
- ﻣﻨﻮ ﺗﻘﺮﺑﺖ
- ﻫﺬﺍ ﺍﻟﺨﻄﺎﺭ ﺍﻟﻄﺐ ﺷﻮ ﻣﺸﺎﻳﻔﺘﻪ ..
- ﺍﺟﻴﺖ ﻳﻤﻬﺎ ﺑﻌﺪﺕ ﺍﻟﺒﺮﺩﻩ ﻭﺷﻔﺘﻪ ﻣﺎﻟﻚ . .. ﺿﺮﺑﺖ ﻋﻠﻰ ﺧﺪﻱ ﻋﺰﺍﺍﺍﺍﺍﺍﺍﺍﺍﺍ
ﺍﻻﻡ -: ﻫﺎﺍﺍﺍ ﻣﻨﻮ ﻭﻟﺞ
- ﻳﻮﻡ ﻫﺬﺍ ﻣﺎﻟﻚ
- ﻻ ﺑﺮﺑﺞ ﺧﻞ ﺍﺷﻮﻑ .. ﻻ ﺧﺮﺭﺭﺏ ﻃﺐ .. ﺗﻌﺎﻟﻲ ﻣﻦ ﺍﻻﺳﺘﻘﺒﺎﻝ ﻧﺒﺎﻭﻋﻠﻪ .
- ﺭﻛﻀﻨﺎ ﺍﻧﻲ ﻭﺍﻣﻲ ﻟﻼﺳﺘﻘﺒﺎﻝ .. ﺩﻧﻤﺪ ﺭﺍﺳﻨﻪ ﻃﻠﻊ ﺍﺑﻮﻳﻪ ﺗﺮﺍﺟﻌﻨﺎ ﺍﺛﻨﻴﻨﺎ ..
ﺍﻻﺏ -: ﻫﺎ ﺷﻜﻮ ﺷﺒﻴﺠﻦ
ﺍﻻﻡ -: ﻣﻨﻮ ﻫﺬﺍ
ﺍﻻﺏ -: ﺍﺗﺬﻛﺮ ﺷﺎﻳﻔﻪ ﺑﺲ ﻣﺎ ﺍﺗﺬﻛﺮ ﻣﻨﻮ ﻣﺎ ﺍﻋﺮﻓﻪ ﻋﻠﻌﻤﻮﻡ ﺍﺟﻪ ﻳﻜﻠﻲ ﻋﻨﺪﻱ ﺣﺎﺟﻪ ﻳﻤﻚ .. ﺳﻮﻥ ﺟﺎﻱ ﺧﻞ ﻧﺸﻮﻑ ﺷﺮﺍﻳﺪ ..
ﻟﺠﻴﻦ -: ﻋﺮﻓﺘﻪ ﺟﺎﻱ ﻳﻄﻠﺐ ﺍﻳﺪﻱ ﻣﻦ ﺑﺎﺑﺎ .. ﺍﺣﺲ ﺩﻛﺎﺕ ﻛﻠﺒﻲ ﻗﻮﻳﻪ ﻭﻛﻞ ﺍﻟﺒﻴﺖ ﻳﺴﻤﻌﻬﺎ ﺭﻳﻜﻲ ﻧﺸﻒ ..
ﻣﺎ ﺍﻋﺮﻑ ﺭﻫﺒﻪ ﻓﺮﺣﻪ ﺑﺪﺧﻮﻟﻪ ﺍﻟﺒﻴﺖ ﻭﺧﻄﺒﺘﻪ ﻣﺎ ﺍﻋﺮﻑ ﺗﻮﺗﺮ ..
ﻣﺎﻣﺎ ﻛﺎﻟﺘﻠﻪ ﻓﻮﺕ ﻭﺍﺣﻨﻪ ﻧﺼﻴﺤﻚ ﻟﻠﺠﺎﻱ .. ﻓﺎﺕ ﺑﺎﺑﺎ ﻭﺭﺩ ﺍﻟﺒﺎﺏ ﻭﺭﺍﻩ .. ﻣﺪﺕ ﺭﺍﺳﻬﺎ ﺍﻣﻲ ﻗﻠﻴﻴﻴﻞ
ﻭﺍﻧﻲ ﻣﻦ ﺟﻮﺍﻫﺎ ﺍﺑﺎﻭﻉ ..
ﺍﻻﻡ -: ﻟﺞ ﺩﺍﺩﻩ ﻋﺰﺯﺯﺯﻩ .. ﺻﺨﺎﻡ ﺍﻟﺼﺨﻤﺞ ﻟﺠﻴﻦ ﻫﺬﺍ ﻭﻳﻦ ﻟﻜﻴﺘﻴﻪ ﺷﻜﻠﻪ ﻣﺎﻝ ﻋﺼﺎﺑﺠﻲ ..
- ﻃﺎﻟﻌﻪ ﻋﻠﻰ ﺍﻣﻲ ﺍﺩﻭﺭ ﺷﻘﺎﻭﺍﺕ ﻫﻬﻬﻬﻪ ﺿﺤﻜﺖ ﺑﺼﻮﺕ ﻧﺎﺻﻲ .. ﺿﺮﺑﺘﻨﻲ ﻋﻠﻰ ﺭﺍﺳﻲ ﺧﻔﻴﻒ ﻋﺎﺑﺘﻠﺞ ﺩﻣﺎﻍ ﺳﺰ
ﺑﻘﻴﺖ ﻛﺎﻋﺪﻩ ﻋﻠﻰ ﺭﻛﺒﻴﻪ ﻭﺍﺑﺎﻭﻋﻠﻪ ﻣﻦ ﺍﻟﺒﺎﺏ .. ﻛﺎﻟﻪ ﺍﺑﻮﻳﻪ ﺍﻟﻠﻪ ﺑﺎﻟﺨﻴﺮ ﺭﺩ ﻋﻠﻴﻪ ﻣﺎﻟﻚ ﻫﻼ ﺑﻴﻚ .. ﻫﻬﻬﻬﻬﻬﻬﻬﻬﻪ ﻳﺎﺍﺍ ﺍﻟﻠﻪ ﺷﻜﺪ ﺣﻠﻮ ﻭﻫﻮ ﻣﺆﺩﺏ
ﻳﺘﺒﻊ
☆☆☆☆☆☆☆☆
ﺷﻜﻠﻪ ﺍﻟﻤﻠﻚ ﻣﺎ ﻳﻤﺎﻃﻞ ﺷﻐﻠﻪ ﺣﺎﺭ ﺑﺤﺎﺭ ﻫﻬﻬﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء