رواية اهات الم من وجع ادم الجزء الثالث عشر
للكاتبة زينب ماجد
🌿🌿
ﺑﺮﺍﺀ ﻧﻤﻨﺎ ﺳﻮﺍ ﻟﻠﺼﺒﺢ ﻛﻌﺪﺕ ﻋﻠﻰ ﺻﻮﺕ ﻣﻨﺒﻪ ﻣﻮﺑﺎﻳﻠﻪ .. ﻛﻌﺪﺗﻪ ﻛﺎﻝ ﺍﻱ ﺷﻮﻱ ﺑﺲ ﺧﻤﺲ ﺩﻗﺎﻳﻖ ..
ﻛﻤﺖ .. ﻟﻤﻴﺖ ﺷﻌﺮﻱ ﻭﻃﻠﻌﺖ ﻏﺴﻠﺖ ﻭﺟﻬﻲ ﻭﻧﺰﻟﺖ .. ﻣﺤﺪ ﻣﻮﺟﻮﺩ .. ﺍﻟﺴﺎﻋﻪ 8 ﻭﻣﺤﺪ ﻛﺎﻋﺪ .. ﺣﻠﻮ ﻳﻨﺎﻣﻮﻥ ﻟﻠﻀﻬﺮ ﻳﻌﻨﻲ
ﺭﺟﻌﺖ ﺻﻌﺪﺕ .. ﺑﻌﺪﻩ ﻧﺎﻳﻢ ﻛﺘﻠﻪ ﺣﺒﻴﺒﻲ ﻣﺘﻜﻌﺪ .. ﺍﻟﺴﺎﻋﻪ 8 ﻭﻋﺸﺮﻩ .. ﻛﺎﻝ ﺍﻱ ﻛﻌﺪﺕ .. ﻛﻌﺪ ﻋﻠﻰ ﺣﻴﻠﻪ .. ﻛﺎﻝ ﺻﺒﺎﺡ ﺍﻟﺨﻴﺮ ﻭﻛﺮﺹ ﺧﺪﻱ
ﺿﺤﻜﺖ ﻛﺘﻠﻪ ﺻﺒﺎﺡ ﺍﻻﻧﻮﺍﺭ .. ﻛﺎﻝ ﺣﺎﺏ ﺍﺑﻘﻰ ﻭﻳﺎﺝ ﺑﺲ ﺍﻋﺮﻑ ﻣﺎ ﻣﻦ ﻭﺭﺍﺝ ﻓﺎﻳﺪﻩ .. ﻛﺘﻠﻪ ﻣﻮ ﻋﻠﻰ ﺍﺳﺎﺱ ﺗﻌﻘﺪ ﻳﻠﻪ ﻫﻬﻬﻪ
ﻛﺎﻝ ﻭﻟﺞ ﺧﻠﺺ ﺻﺒﺮﻱ ﺗﺮﻩ ﻣﻮ ﺣﺠﺎﺭﻩ ﺍﻧﻲ ﻭﻋﻨﺪﻱ ﺍﺣﺴﺎﺱ ﻭﺍﻟﺴﺮﻳﺮ ﻧﻔﺮ ﺣﺮﺍﻡ ﻋﻠﻴﺞ ..
ﺑﺮﺍﺀ .. ﻫﻬﻬﻬﻪ ﺍﻧﺸﺎﻟﻠﻪ .. ﺣﺘﺮﻭﺡ ﻟﻠﻤﺤﻞ ..
ﻳﺤﻴﻰ .. ﻻ ﺭﺍﺡ ﺍﺭﻭﺡ ﻟﻠﻤﺤﻜﻤﻪ ﺍﻗﺪﻡ ﺍﻻﻭﺭﺍﻕ ﺑﺲ ﺟﻨﺴﻴﺘﺞ ﻭﻣﺴﺘﻤﺴﻜﺎﺗﺞ ﻭﻳﻦ ..
ﺑﺮﺍﺀ .. ﺍﺑﻴﺖ ﺟﺪﻱ ﺣﺘﻰ ﻣﻼﺑﺴﻲ ﻭﻏﺮﺍﺿﻲ ..
ﻳﺤﻴﻰ .. ﻛﻮﻣﻲ ﻧﺮﻭﺡ ﻧﺠﻴﺒﻬﺎ ..
ﺑﺮﺍﺀ .. ﻫﺴﻪ ﺩﻧﻴﺎ ﺍﻟﺼﺒﺢ ..
ﻳﺤﻴﻰ .. ﺍﻱ ﻛﻮﻣﻲ ﻧﻜﻠﻬﻢ ﺭﺍﻳﺪﻳﻦ ﺍﻟﻤﺴﺘﻤﺴﻜﺎﺕ ﻟﻌﺪ ﺷﻠﻮﻥ ..
ﻛﻤﺖ ﻟﺒﺴﺖ ﺍﻟﻌﺒﺎﻳﻪ ﻭﻣﺸﻴﺖ ﺿﻞ ﻳﻀﺤﻚ .. ﻛﺘﻠﻪ ﺷﻜﻮ ﻛﺎﻝ ﺻﺎﻳﺮﻩ ﺗﻠﺒﺴﻴﻦ ﻋﺒﺎﻳﻪ .. ﻛﺘﻠﻪ ﻻ ﻭﺍﻟﻠﻪ ﻣﺎ ﺍﻟﺒﺴﻬﺎ ﺑﺲ ﺟﺪﻱ ﻣﻌﻘﺪ ﻣﻴﻤﺸﻲ ﻋﻨﺪﻩ ﺍﻟﺒﻨﻄﺮﻭﻥ
ﻭﻣﻘﺒﺮﻩ ﻭﺍﺭﺑﻌﻴﻦ ﺍﻣﻲ ﻗﺎﺑﻞ ﺍﺩﺧﻞ ﺍﺑﻨﻄﺮﻭﻥ ﻣﻴﺼﻴﺮ .. ﻟﻴﺶ ﺗﺮﻳﺪﻧﻲ ﺍﻟﺘﺰﻡ ﺑﺎﻟﻌﺒﺎﻳﻪ ..
ﻳﺤﻴﻰ .. ﻻ ﺑﺮﺍﺣﺘﺞ ﻣﺎ ﻋﻨﺪﻱ ﺍﺷﻜﺎﻝ ﺑﺎﻟﺒﺲ ﺑﺲ ﻛﻮﻥ ﻣﻨﺎﺳﺐ ﻭﻣﻮ ﺿﻴﻖ ﻭﻣﺤﺘﺸﻢ .. ﺷﺘﺮﺩﻳﻦ ﺗﻠﺒﺴﻴﻦ ﺍﻟﺒﺴﻲ .. ﻳﻠﻪ ﺍﻣﺸﻲ ..
ﺍﺧﺬﺗﻬﺎ ﻭﺭﺣﻨﺎ ﻟﺒﻴﺖ ﺟﺪﻫﺎ .. ﺟﺪﻫﺎ ﻛﺎﻡ ﻳﺤﺠﻲ ﺷﻠﻮﻥ ﺗﺎﺧﺬﻫﺎ ﻭﺗﻤﺸﻲ ﻟﺒﻴﺘﻚ ﻓﺎﻟﺘﻮﻩ ﻫﻴﻪ .. ﻛﺘﻠﻪ ﺍﺭﻳﺪ ﺍﻟﻤﺴﺘﻤﺴﻜﺎﺕ ﻧﺰﻭﺝ ﺑﺎﻟﻤﺤﻜﻤﻪ ﺑﻌﺪ ﺷﻜﻮ
ﻛﺎﻝ ﻫﺎﻙ ﻫﺎﻱ ﺍﻟﻤﺴﺘﻤﺴﻜﺎﺕ ﻭﺭﻭﺡ ﻭﻋﻮﺩ ﻣﻦ ﺗﻌﻘﺪﻭﻥ ﺗﺠﻴﺐ ﺍﻫﻠﻚ ﻭﺗﺎﺧﺬﻫﺎ ﺣﺴﺐ ﺍﻻﺻﻮﻝ ﻣﻮ ﻫﻴﺞ ﻭﺗﻤﺸﻲ ﻭﻳﻦ ﻛﺎﻋﺪﻳﻦ ﺍﺣﻨﻪ ..
ﻛﺘﻠﻪ ﻣﺎﺷﻲ .. ﺑﺎﻭﻋﺘﻠﻬﺎ .. ﺗﻜﻮﻟﻲ ﻟﺘﻌﻮﻓﻨﻲ .. ﻛﺘﻠﻬﺎ ﺗﺤﻤﻠﻲ ﺑﺲ ﻫﻠﻴﻮﻣﻴﻦ ﺍﻛﻤﻞ ﻣﻌﺎﻣﻠﺔ ﺍﻟﻌﻘﺪ ﻭﺍﺭﺟﻊ ﺍﺧﺬﺝ
ﺍﻧﻄﻴﺘﻬﺎ ﺧﻤﺴﻴﻦ ﺍﻟﻒ ﻣﺼﺮﻑ ﻛﺎﻟﺖ ﻣﺎ ﺍﺣﺘﺎﺝ ﻋﻨﺪﻱ .. ﻛﺘﻠﻬﺎ ﻣﺎﺳﺌﻠﺘﺞ ﻋﻨﺪﺝ ﻟﻮ ﻻ .. ﻭ ﺭﻭﺣﻲ ﻟﻠﺪﻛﺘﻮﺭﻩ ﻻ ﺗﺒﻘﻴﻦ .. ﻛﺎﻟﺖ ﻣﺎﺷﻲ ..
ﺑﺮﺍﺀ .. ﺑﻘﻴﺖ ﺍﺑﻴﺖ ﺟﺪﻱ .. ﺍﺟﺖ ﻣﺮﺕ ﺧﺎﻟﻲ ﺗﻜﻮﻟﻲ ﺑﺎﻳﺘﻪ ﻳﻤﻪ .. ﻛﺘﻠﻬﺎ ﺍﻱ .. ﻛﺎﻝ ﺧﻮ ﻣﺎ ﻟﻌﺐ ﺑﻴﺞ .. ﻛﺘﻠﻬﺎ ﻻ
ﻣﺮﺕ ﺧﺎﻟﻲ ﺍﻟﺜﺎﻧﻴﻪ ﺗﻜﻠﻲ ﻭﻟﺞ ﻣﻨﻴﻦ ﻟﻜﻴﺘﻲ ﻫﺬﺍ ﺟﻨﻪ ﻛﻴﻜﻪ .. ﻏﻴﺮ ﺍﻟﺒﺎﺭﺣﻪ ﺑﺎﻻﺭﺑﻌﻴﻦ ﻛﻠﻬﻦ ﻳﺒﺎﻭﻋﻦ ﻋﻠﻴﻪ .. ﻻﺑﺲ ﺍﺳﻮﺩ ﻭﻳﺸﻊ .. ﻛﺘﻠﻪ ﺣﻠﻮ
ﻛﺎﻟﺖ ﺍﻳﻴﻲ ﺍﺣﻠﻪ ﻣﻨﺞ ﺑﻬﻮﺍﻱ .. ﻛﺘﻠﻬﺎ ﺍﻱ .. ﺍﻟﺜﺎﻧﻴﻪ ﺗﻜﻠﻬﺎ ﺍﻱ ﺻﺪﻙ ﻟﻮ ﻛﺎﻟﻮ ﺣﻆ ﺍﻟﺠﺎﻳﻒ ﻧﺎﻳﻒ .. ﺷﻠﻮﻧﻬﺎ ﻭﺣﻀﺘﻠﻬﺎ ﺑﻮﺍﺣﺪ ﻛﻤﺮ ..
ﻣﺎ ﺭﺩﻳﺖ ﻋﻠﻴﻬﺎ .. ﻋﻔﺘﻬﻦ ﻭﺩﺧﻠﺖ ﻟﻠﻐﺮﻓﻪ .. ﻛﺎﻣﻦ ﻳﻠﺤﻦ ﺍﺷﺘﻐﻞ ﻭﻳﺎﻫﻦ .. ﻣﺎ ﺍﺷﺘﻐﻠﺖ .. ﺑﻘﻴﺖ ﺣﺎﺑﺴﻪ ﻧﻔﺴﻲ ﺑﺎﻟﻐﺮﻓﻪ ﺑﺲ ﻣﻦ ﻳﺠﻮﻥ ﺧﻮﺍﻟﻲ ﺍﻛﻌﺪ ﻳﻤﻬﻢ
.
ﻻﻥ ﻣﺤﺒﻮﺑﻴﻦ ﻭﻳﺘﺸﺎﻗﻮﻥ ﻭﺍﺣﺒﻬﻢ ﺣﻴﻴﻞ .. ﺑﺲ ﻧﺴﻮﺍﻧﻬﻢ ﺣﻴﺎﻳﻪ ..
ﻟﺜﺎﻧﻲ ﻳﻮﻡ ﺍﻟﻌﺼﺮ ﺍﺟﺖ ﺍﻡ ﻳﺤﻴﻰ ﻛﺎﻟﺖ ﺍﺭﻳﺪ ﺍﺧﺬﺝ ﻟﻠﺴﻮﻙ .. ﻳﺤﻴﻰ ﺍﻧﻄﺎﻧﻲ ﻣﻠﻴﻮﻧﻴﻦ ﻛﺎﻝ ﺍﺷﺘﺮﻳﻠﻬﺎ ﺫﻫﺐ .. ﻭﻣﻼﺑﺲ
ﺭﺣﺖ ﻭﻳﺎﻫﺎ .. ﻭﻣﺎ ﺧﺘﺎﺭﻳﺖ ﻛﺘﻠﻬﺎ ﻋﻨﺪﻱ ﺫﻫﺐ ﻣﺎ ﺍﺭﻳﺪ .. ﻛﺎﻟﺖ ﺷﻌﻠﻴﻨﻪ ﺑﺎﻟﻌﻨﺪﺝ ﺍﺻﺮﻓﻲ ﻭﻣﻌﻠﻴﺞ ﺣﺘﻪ ﻟﻮ ﺗﻨﻘﺺ ﺍﻟﻤﻠﻴﻮﻧﻴﻦ ﺍﺯﻳﺪ ﻓﻮﻛﺎﻫﻦ
ﺍﺷﺘﺮﺗﻠﻲ ﺍﻟﺬﻫﺐ ﻓﻮﻙ ﺍﻟﻤﻠﻴﻮﻧﻴﻦ ﺧﻄﻴﻪ .. ﻛﺎﻟﺖ ﺧﺘﺎﺭﻱ ﻣﻼﺑﺲ .. ﻛﺘﻠﻬﺎ ﻳﻮﻡ ﻣﺎ ﺍﺭﻳﺪ ﺍﻟﺒﺲ ﺍﻟﻮﺍﻥ ﺣﺰﻳﻨﻪ ﻋﻠﻰ ﺍﻣﻲ
ﺍﻡ ﻳﺤﻴﻰ .. ﻳﻤﻪ ﻣﻴﺼﻴﺮ ﻫﺬﺍ ﺍﻟﺤﺠﻲ ﺍﻧﺘﻲ ﻋﺮﻭﺱ ﻭﺭﺟﻠﺞ ﺷﺎﺏ ﻭﺭﻭﺣﻪ ﺧﻀﺮﻩ ﻳﺮﻳﺪ .. ﻣﺎﻝ ﻧﺰﻓﺞ ﺍﻟﻪ ﺑﺤﻮﺍﺟﺒﺞ ﻭﺑﻬﺪﻭﺝ ﺍﻟﺴﻮﺩ ﺛﺎﻧﻲ ﻳﻮﻡ ﻳﺮﺟﻌﺞ ﻭﺍﻟﻠﻪ
ﻳﺤﻴﻰ ﻳﺤﺐ ﺍﻟﺒﻨﻴﻪ ﺍﻟﻠﻲ ﺗﻠﺒﺲ ﻭﺗﻌﺪﻝ ﻭﺗﻤﻜﻴﺞ .. ﺻﻴﺮﻱ ﻧﺎﺩﺭﻩ ﻭﺍﻛﺴﺒﻲ .. ﺧﺎﻳﺒﻪ ﻳﻤﻪ ﻣﺎ ﺍﺭﻳﺪ ﺍﻋﻴﺮﺝ ﺑﺲ ﻳﻤﻪ ﻣﺎ ﺑﻘﺎﻟﺞ ﻏﻴﺮﻩ ﺣﺎﻓﻀﻲ ﻋﻠﻴﻪ
ﺑﺮﺍﺀ .. ﻧﺰﻟﺖ ﺭﺍﺳﻲ ﻭﻛﺘﻠﻬﺎ ﺍﻧﺸﺎﻟﻠﻪ .. ﺍﺧﺘﺎﺭﺗﻠﻲ ﻛﻠﺒﻴﺎﺕ ﻭﺗﺮﺍﻛﺎﺕ .. ﻭﻣﻼﺑﺲ ﻧﻮﻡ .. ﻛﺘﻠﻬﺎ ﻣﺎﻣﺎ ﺍﻟﺒﺲ ﻫﻴﺞ ﻋﻴﺐ ..😐
ﻛﺎﻟﺖ ﻏﻴﺮ ﺭﺟﻠﺞ .. ﺗﻠﺒﺴﻴﻦ ﻛﻠﺸﻲ ﻛﺪﺍﻣﻪ ﻻ ﺗﺴﺘﺤﻴﻦ ﻣﺎﻛﻮ ﺣﺮﺍﻡ ﺑﻴﻨﻜﻢ .. ﻛﺘﻠﻬﺎ ﻳﻤﻪ ﻭﺍﻟﻠﻪ ﺍﺳﺘﺤﻲ ..
ﻛﺎﻟﺖ ﻻ ﺗﺨﺎﻓﻴﻦ .. ﻛﻠﻨﺎ ﻫﻴﺞ ﺑﺎﻟﺒﺪﺍﻳﻪ ﺑﻌﺪﻳﻦ ﻧﺘﻌﺮﻩ ﺑﺲ ﺧﻞ ﻳﺒﺎﻭﻋﻠﻨﻪ .. ﻋﺎﺩﻱ ﺗﺼﻴﺮ .. ﻛﺘﻠﻬﺎ .. ﻟﻴﺶ ﺑﻌﺪ ﺍﻟﺰﻭﺍﺝ ﻳﻤﻞ ﻣﻨﻲ
ﻛﺎﻟﺖ ﻃﺒﻴﻌﺔ ﺍﻟﺮﺟﺎﻝ ﻫﻴﺞ ﻳﻤﻪ .. ﻳﻄﻠﻊ ﻭﻳﺸﻮﻑ ﺍﻟﺤﻤﺮﻩ ﻭﺍﻟﺨﻀﺮﻩ .. ﻭﻣﺮﺗﻪ ﺑﺎﻟﺒﻴﺖ ﻣﻘﻔﻮﻝ ﻋﻠﻴﻬﺎ ﻭﻣﻠﺘﻬﻴﻪ ﺑﺎﻟﺠﻬﺎﻝ ﻭﺍﻟﺘﻨﻀﻴﻒ ﻳﺎﺩﻭﺏ ﺗﺒﺎﻭﻉ ﻟﺮﻭﺣﻬﺎ ﻭﺗﺘﺤﻤﺮ ﻭﺗﺘﻜﺤﻞ
ﻭﺭﺟﻠﺞ ﺣﻠﻮ ﻭﻳﺸﺘﻐﻞ ﺑﻬﺪﻭﻡ ﺍﻟﻨﺴﻮﺍﻥ ﺗﻮﻗﻌﻲ ﺣﺘﺸﻮﻓﻴﻦ ﻭﻳﺎﻩ ﺿﻴﻢ ﺑﺲ ﺍﺻﺒﺮﻱ .. ﻭﺻﻴﺮﻱ ﻣﺮﻩ ﻧﺎﺩﺭﻩ ﻭﺍﻛﺴﺒﻴﻪ .. ﺗﺮﻩ ﻛﻞ ﺣﻠﻮ ﻳﻠﺘﻢ ﻋﻠﻴﻪ ﺍﻟﺬﺑﺎﻥ
ﻣﺮﺗﻪ ﺍﻻﻭﻟﻰ ﻫﺠﺖ ﻣﻦ ﻭﺭﻩ ﺍﻟﻐﻴﺮﻩ .. ﻳﺨﺎﺑﺮﻧﻬﺎ ﻭﻳﻜﻠﻠﻬﺎ ﻧﺤﺒﻪ ﻭﻧﺎﺧﺬﻩ ﻣﻨﺞ .. ﻭﻫﻴﻪ ﺗﺘﺨﺒﻞ ﻭﺗﺘﻌﺎﺭﻙ ﻭﻳﺎﻩ .. ﻟﺤﺪ ﻣﻤﻞ ﻭﻃﻠﻜﻬﺎ
ﺻﺢ ﻧﺎﺭ ﺍﻟﻐﻴﺮﻩ ﺗﺬﺑﺢ ﺑﺲ ﺍﺗﺤﻤﻠﻲ ﺗﺮﻩ ﺍﻟﺮﺟﺎﻝ ﻟﻮ ﺑﻴﺘﻪ ﺻﺎﺭ ﻛﻠﻪ ﻣﺸﺎﻛﻞ ﻭﻣﺎ ﺑﻴﻪ ﺭﺍﺣﻪ .. ﻳﻜﻮﻡ ﻳﺪﻭﺭ ﺭﺍﺣﺘﻪ ﻳﻢ ﻏﻴﺮﻫﺎ .. ﺧﺎﺻﻪ ﻟﻮ ﻋﻨﺪﻩ ﻓﻮﺱ ﻳﻠﻌﺐ ﻟﻌﺐ
ﻛﺘﻠﻬﺎ ﻳﻮﻡ ﺧﻮﻓﺘﻴﻨﻲ .. ﻛﺎﻟﺖ ﻻ ﻳﻤﻪ ﻣﺎ ﺍﺭﻳﺪ ﺍﺧﻮﻓﺞ ﺍﺭﻳﺪ ﺍﻋﻠﻤﺞ ﺣﺎﺳﺒﺘﺞ ﻣﺜﻞ ﺑﻨﻴﺘﻲ ﻭﻣﺎ ﺍﺭﻳﺪﺝ ﺗﺒﻘﻴﻦ ﻋﻠﻲ ﻓﻄﺎﺭﻳﺘﺞ ﻭﺗﺨﺴﺮﻳﻦ
ﻛﻤﻠﻨﺎ ﺍﺧﺬﻧﻪ ﻣﻜﻴﺎﺝ ﻭﻣﻼﺑﺲ ﻭﻣﺮﻳﻨﻪ ﻋﻠﻰ ﻣﺤﻞ ﻳﺤﻴﻰ .. ﺟﺎﻥ ﺑﺲ ﺍﻟﻌﺎﻣﻞ ﺑﻴﻪ .. ﻛﺎﻟﺖ ﺍﺧﺘﺎﺭﻱ ﺍﻟﻠﻲ ﻳﻌﺠﺒﺞ
ﻣﺤﻞ ﺭﺟﻠﺞ ﺑﻠﻮﺷﻲ ﺍﺧﻤﻄﻲ ﻭﺍﺷﺮﺩﻱ ﻫﻬﻪ .. ﻋﺎﺩ ﻫﻮﻩ ﻛﺎﻝ ﻫﺎ ﻫﺎ ﺷﻜﻮ ﺣﺮﺍﻣﻴﻪ .. ﺩﺭﺕ ﻭﺟﻬﻲ .. ﺿﺤﻜﺖ .. ﻛﺎﻝ ﻛﻤﻠﺘﻮ ﻣﺸﺘﺮﻳﺎﺗﻜﻢ ..
ﻛﺘﻠﻪ ﺍﻱ .. ﻛﺎﻝ ﺩﺧﻠﻲ ﻗﻴﺴﻲ ﻭﺍﺧﺬﻱ ﺍﻟﻠﻲ ﻳﻌﺠﺒﺞ .. ﻛﺘﻠﻪ ﻣﻮ ﺑﺎﻟﻲ ﺷﻲ ﺻﺮﺍﺣﻪ .. ﻋﺎﺩ ﻫﻮﻩ ﺍﺧﺘﺎﺭ ﻛﻢ ﺑﺪﻱ ﻭﺑﻨﻄﺮﻭﻧﺎﺕ ﻭﻛﺎﻝ ﺩﺧﻠﻲ ﻗﻴﺴﻲ ﺩﺍ ﺍﺷﻮﻓﻬﻦ ﻋﻠﻴﺞ
ﻛﺘﻠﻪ ﻣﺎﻟﻲ ﺧﻠﻚ .. ﻛﺎﻝ ﺷﺒﻴﺞ ﺧﻠﻜﺞ ﺧﻠﻚ ﺷﺎﻳﺐ ﺩﻓﻮﺗﻲ .. ﺍﺧﺬﺕ ﻧﻔﺲ ﻭﺩﺧﻠﺖ .. ﻣﺤﺪ ﺣﺎﺱ ﺑﻴﻪ
ﺟﻨﺖ ﺍﺗﻤﻨﻰ ﻣﺎﻣﺎ ﻭﻳﺎﻳﻪ ﻟﻤﺎ ﺍﺧﺘﺎﺭ ﺟﻬﺎﺯ ﻋﺮﺳﻲ .. ﻭﻣﻦ ﺩﺧﻠﺖ ﻟﻠﺴﻮﻙ ﻭﻟﻬﺴﻪ ﺍﺗﺨﻴﻠﻬﺎ ﻛﺪﺍﻣﻲ ﺑﺲ ﺩﻣﻌﺘﻲ ﻭﺍﻛﻔﻪ ﺑﻌﻴﻨﻲ ﺍﺳﺘﺤﻲ ﺍﻧﺰﻟﻬﺎ
.
ﻟﺒﺴﺖ ﻭﻓﺘﺤﺖ ﺍﻟﺒﺎﺏ ﻫﻮﻩ ﻭﺍﻛﻒ ﻳﻢ ﺍﻟﺒﺎﺏ .. ﻛﺎﻝ ﻳﻜﺘﻞ .. ﺟﺮﺑﻲ ﺍﻻﺥ .. ﺟﺮﺑﺖ ﻭﻓﺘﺤﺖ ﺍﻟﺒﺎﺏ .. ﻛﺎﻝ ﺑﻌﺪ ﻟﺘﺠﺮﺑﻴﻦ ﺧﻠﺼﺖ ﺭﻭﺣﻲ ﻭﺍﻣﻲ ﻭﺍﻟﻌﺎﻣﻞ ﻣﻨﺎ ﻣﺎ ﺑﻴﻪ ﺣﻴﻞ ﻫﺠﻮﻡ
ﺍﺳﺘﻐﻔﺮ ﺍﻟﻠﻪ ﻫﻬﻬﻬﻬﻪ ﻭﻻ ﻳﺒﻄﻞ ﺳﻮﺍﻟﻔﻪ .. ﺍﺧﺬﺕ ﺍﻟﻤﻼﺑﺲ ﻭﻃﻠﻌﺖ .. ﻛﺎﻝ ﻳﻠﻪ ﺍﻣﺸﻲ .. ﻣﺸﻴﻨﺎ ﻣﺮﻳﻨﻪ ﻣﻦ ﻣﺤﻞ ﻋﻼﺀ ﻛﺘﻠﻪ ﺷﻮ ﺍﻟﻨﺬﻝ ﻣﻌﺰﻝ
ﻛﺎﻝ ﺍﺣﺘﺮﻙ ﻣﺤﻠﻪ ﻭﺧﺴﺮ ﺍﻧﻮﺏ ﻣﺎﺕ ﺍﺑﻨﻪ ﺍﻟﺠﺒﻴﺮ ﺻﺎﺭ ﺍﺳﺒﻮﻉ ﺑﻌﺪ ﻣﺎ ﻓﺘﺢ .. ﻛﺘﻠﻪ ﺣﻠﻠﻠﻞ ﺭﺑﻚ ﻣﺎ ﻳﻄﻚ ﺑﺤﺠﺎﺭ
ﻳﺤﻴﻰ .. ﻻ ﺗﺘﺸﻤﺘﻴﻦ ﺣﺮﺍﻡ
ﺑﺮﺍﺀ .. ﻧﺘﺸﻤﺖ ﺣﺮﺍﻡ ﺑﺲ ﻣﻦ ﺗﻤﻮﺕ ﺑﻨﻴﻪ ﺑﺴﺒﺒﻪ ﻭﺗﺨﺴﺮ ﺷﺒﺎﺑﻬﺎ ﺣﻼﻝ
ﻳﺤﻴﻰ .. ﺍﻟﺼﻮﺝ ﺑﻨﺖ ﺧﺎﻟﺘﺞ .. ﻫﻴﻪ ﺍﻟﺮﺧﺼﺖ ﻧﻔﺴﻬﺎ .. ﻫﺴﻪ ﺍﻧﻲ ﻭﻳﺎﺝ ﻣﺘﺰﻭﺟﻴﻦ ﻭﺻﺎﺭﻟﻨﻪ ﻫﻮﺍﻱ ﻭﻛﻮﻣﻪ ﻧﺤﺠﻲ ﻣﺎﺳﻨﺠﺮ ﻓﺪ ﻳﻮﻡ ﻓﺘﺤﺘﻴﻠﻲ ﻛﺎﻣﺮﻩ
ﻟﻮ ﻓﺪ ﻳﻮﻡ ﻗﺒﻠﺘﻲ ﺍﺗﻘﺮﺑﻠﺞ .. ﻫﻴﻪ ﺟﺎﻧﺖ ﺣﺘﻰ ﺣﺠﻲ ﻣﻮﺯﻳﻦ ﺗﺤﺠﻲ ﻭﻳﺎﻩ .. ﺧﻠﻴﻨﻲ ﺳﺎﻛﺖ ﺍﺣﺴﻦ
ﺑﺮﺍﺀ .. ﺍﻟﻠﻪ ﻳﺠﺎﺯﻳﻪ ﺑﺎﻟﺰﺍﻳﺪ ﻳﺎﺭﺏ ﻭﻣﺎ ﻳﻬﺪﺍﻟﻪ ﺑﺎﻝ ﻭﻻ ﻳﺮﺗﺎﺡ ﺍﻧﺸﺎﻟﻠﻪ ..
ﻳﺤﻴﻰ .. ﺩﺻﻌﺪﻱ ﺍﺻﻌﺪﻱ .. ﻭﻓﺘﺤﺘﻠﻬﺎ ﺑﺎﺏ ﺍﻟﺴﻴﺎﺭﻩ ﻭﻛﻌﺪﺗﻬﺎ ﻭﺭﻩ ﻭﺍﻣﻲ ﻛﺪﺍﻡ .. ﺷﻐﻠﺖ ﺍﻏﺎﻧﻲ .. ﻋﺎﻃﺖ ﺑﻴﻪ ﺍﻣﻲ .. ﺍﻟﺪﻧﻴﺎ ﻏﺮﻭﺏ ﺳﺪﻩ ﺭﺍﺡ ﺗﻜﻠﺒﻮﻥ ﺍﻟﺪﻧﻴﺎ ﺑﻴﻨﻪ ﺑﻬﺎﻱ ﺍﻏﺎﻧﻴﻜﻢ ﺍﻟﻄﺎﻳﺢ ﺣﻈﻬﺎ ..
ﺑﺎﻭﻋﺖ ﻟﺒﺮﺍﺀ ﺑﺎﻟﻤﺮﺍﻳﺎ ﺗﻀﺤﻚ .. ﻛﺘﻠﻬﺎ ﺗﺮﺯﻟﻴﻨﻲ ﻛﺪﺍﻡ ﻣﺮﺗﻲ .. ﻛﺎﻟﺖ ﻭﺍﺭﺯﻟﻬﺎ ﻭﻳﺎﻙ ﺍﺫﺍ ﺗﺮﻳﺪ .. ﺿﺤﻜﻨﻪ .. ﻛﺎﻟﺖ ﺧﺎﻓﻮ ﺍﻟﻠﻪ ﺍﺳﻤﻌﻮ ﻗﺮﺍﻥ ﻓﺎﻟﺤﻴﻦ ﺑﺎﻟﻬﺰ ﻭﻫﺎ ﻭﺍﻫﺎﺍ ﻭﻫﺎ
ﻫﻢ ﺟﺎﻧﺖ ﻋﺪﻧﻪ ﺍﻏﺎﻧﻲ ﺑﺲ ﻣﻮ ﻫﻴﺞ ﻛﻠﻬﺎ ﺭﺩﺡ .. ﺣﺘﻲ ﻣﻦ ﺗﺒﺠﻮﻥ ﺗﺮﺩﺣﻮﻥ .. ﺍﻧﻲ ﺍﻟﺤﺠﻴﻪ ﺍﻟﺠﺒﻴﺮﻩ ﻣﻦ ﺍﺳﻤﻌﻬﺎ .. ﺍﻛﻮﻡ ﺍﻫﺰ ﻭﻳﺎﻛﻢ
ﻳﺤﻴﻰ .. ﻣﻦ ﻫﺎﺍﺍﺍﺍﺍﺍﻱ ﻣﺎ ﺗﺮﺩﻳﻦ ﻧﺸﻐﻞ ﺧﺎﻑ ﺗﻬﺰﻳﻦ ﻛﺪﺍﻡ ﺍﻟﻌﺎﻟﻢ .. ﻟﻌﺪ ﺩﺳﻤﻌﻲ .. ﺷﻐﻠﺘﻠﻬﺎ ﻫﺎﭼﻨﻪ ﻭﻫﺎﭼﻨﻪ ﺍﻧﻄﻨﻲ ﺭﺑﺎﻱ ﻭﺍﺧﺬﻧﻪ ..
ﻭﺍﻏﻨﻲ ﻻﻣﻲ ﻭﻳﻪ ﺍﻻﻏﻨﻴﻪ .. ﺗﺎﻟﻲ ﺭﺑﺎﻱ ﻭﺩﻣﻮﻋﻲ ﺗﻌﺒﻲ ﻭﻛﺴﺮﺓ ﺿﻠﻮﻋﻲ ﻛﻠﻪ ﻳﺮﻭﺡ ﻟﻠﭽﻨﻪ .. ﻭﺍﺿﺤﻚ ﻋﻠﻴﻬﺎ ﻭﺍﺑﺎﻭﻉ ﻟﺒﺮﺍﺀ ﻣﺒﺘﺴﻤﻪ
ﺍﻻﻡ .. ﻻ ﺍﺭﻳﺪ ﻣﻨﻜﻢ ﺭﺑﺎﻱ ﻭﻻ ﺍﺭﻳﺪ ﻣﺠﺎﺯﺍﺕ ﺑﺲ ﻋﻴﺸﻮ ﻭﺍﻧﺴﻌﺪﻭ ﻭﻛﻠﺸﻲ ﻣﺎ ﺍﺭﻳﺪ ﺍﻧﻲ ﻭﺍﻟﺪﻩ ﻭﻣﺠﺎﺯﺍﺗﻲ ﻳﻢ ﺍﻟﻠﻪ ﻣﻦ ﺭﺑﻴﺖ ﻭﺗﻌﺒﺖ ﻣﺎ ﺭﺩﺕ ﻣﻦ ﺍﺣﺪ ﻳﻜﻠﻲ ﻋﻔﻴﻪ ﻭﻳﻨﻄﻴﻨﻲ ﺗﻌﺒﻲ
ﻳﺤﻴﻰ .. ﺍﻟﻠﻪ ﻳﺨﻠﻴﺞ ﻳﻮﻭﻡ ﺑﺲ ﻣﺮﺕ ﺭﺍﺋﺪ ﻣﻮ ﺍﺧﺪﺕ ﺭﺍﺋﺪ ﺣﺎﺻﻞ ﻓﺎﺻﻞ ﻭﻣﺎ ﺧﻠﺘﻠﺞ ﻛﻠﻤﻪ ﻋﻠﻴﻪ ..
ﺍﻻﻡ .. ﺧﻠﻴﻬﺎ .. ﺗﺼﻴﺮ ﺑﺎﺟﺮ ﻋﻤﻪ ﻭﺗﻀﻮﻙ ﻣﻦ ﻧﻔﺲ ﺍﻟﻤﺎﻋﻮﻥ ..
ﺑﺮﺍﺀ .. ﺍﻟﻠﻪ ﻳﺨﻠﻴﺞ ﻳﻮﻡ ﺍﻟﺒﺮﻛﻪ ﺑﻴﺞ ﺍﻟﻠﻪ ﻳﺤﻔﻈﺞ ﺍﻟﻨﻪ ..
ﻳﺤﻴﻰ .. ﺍﻧﺘﻲ ﺗﻠﻮﻛﻲ ﺗﻠﻮﻛﻲ ﺑﻌﺪﻳﻦ ﻣﺼﻴﺮﺝ ﻣﺼﻴﺮ ﻫﺪﻯ ﻣﺮﺕ ﺭﺍﺋﺪ
ﺍﻻﻡ .. ﻻ ﻫﺎﻱ ﺗﺨﺘﻠﻒ ﺫﻳﺞ ﻣﻦ ﻳﻮﻡ ﺍﻟﺨﻄﺒﻬﺎ ﻣﺎ ﻋﺎﺟﺒﺘﻨﻲ .. ﻭﻟﻠﻴﻮﻡ ﺗﺤﺠﻲ ﺑﺮﺍﺱ ﺭﺍﺋﺪ ﻋﻠﻴﻪ ﻭﺍﻧﻲ ﻋﺎﻳﻔﺘﻬﺎ ﻭﻋﺎﻳﻔﻪ ﺍﺑﻨﻲ ﺍﻟﻬﺎ
ﻭﺭﺑﻚ ﻣﺎ ﻳﻮﻓﻖ ﺭﺍﺋﺪ ﻭﻻ ﻳﻄﻠﻊ ﻭﻳﺴﺘﻘﺮ ﻭﻳﺼﻴﺮ ﺑﺮﺍﺳﻪ ﺧﻴﺮ ﻣﺎ ﻃﻮﻟﻪ ﻣﺎ ﻣﺮﺿﻴﻨﻲ .. ﻭﻳﻔﻀﻞ ﻣﺮﺗﻪ ﻋﻠﻴﻪ .. ﻳﻄﺐ ﺍﻟﻜﻠﺐ ﻣﺎ ﻳﻜﻠﻲ ﻫﺎ ﻳﻤﻪ ﺷﻠﻮﻧﺞ ..
ﻻﻥ ﺣﺎﺟﻴﺖ ﻣﺮﺗﻪ ﻭﻛﺘﻠﻬﺎ ﺍﻟﺠﺪﻭﺭﻩ ﻣﺼﺨﻤﻪ ﺷﺒﻴﺞ ﻣﺎ ﺗﺠﻠﻔﻴﻬﻦ .. ﻭﺭﺍﺣﺖ ﺣﺎﺭﺕ ﺷﺤﺠﺖ ﻳﻤﻪ ﻭﺻﺪﻛﻬﺎ
.
ﺑﺮﺍﺀ .. ﺑﺎﻭﻋﺖ ﻟﻌﻼﺀ ﻭﺧﺰﺭﺗﻪ ﻋﻮﺩ ﺍﺳﻜﺖ .. ﺧﻄﻴﻪ ﺍﻟﻀﺎﻫﺮ ﻣﻘﻬﻮﺭﻩ ﻣﻦ ﺍﺑﻨﻬﺎ ..
ﻭﺻﻠﻮﻧﻲ ﻟﺒﻴﺖ ﺟﺪﻱ ﻧﺰﻟﺖ ﺍﻟﻐﺮﺍﺽ ﺧﻮﺍﻟﻲ ﻃﻠﻌﻮ ﻝ ﻳﺤﻴﻰ ﻭﺭﺍﺩﻭ ﻳﻮﻛﻔﻮﻩ ﻋﻠﻰ ﻋﺸﺎ ﻣﺎ ﻗﺒﻞ ﺟﺮﻭﻩ ﺭﺍﺩﻭ ﻣﺎﻛﻮ ﻋﺎﻧﺪ
ﻛﺎﻝ ﻭﺍﻟﻠﻪ ﺗﻌﺒﺎﻥ ﻭﺍﻟﺤﺬﺍﺀ ﻣﻦ ﺍﻟﺼﺒﺢ ﺑﻴﻬﺎ ﻣﺎ ﺍﻛﺪﺭ ﺍﻧﺰﻉ ﺟﺎﻱ ﻣﻦ ﺍﻟﺸﻐﻞ ﺍﺭﻳﺪ ﺍﺭﺟﻊ ﻟﻠﺒﻴﺖ ﺍﺳﺒﺢ .. ﺳﻠﻢ ﻭﻃﻠﻊ
ﺩﺧﻠﺖ ﺍﻟﻐﺮﺍﺽ .. ﺍﺟﻦ ﻧﺴﻮﺍﻥ ﺧﻮﺍﻟﻲ ﺷﺠﺎﻳﺒﻠﺞ ﻭﺷﺠﺎﻳﺒﻠﺞ .. ﻓﺘﺸﻦ ﻭﻳﺤﺠﻦ ﻭﻳﺪﺭﺩﺷﻦ ﺑﻴﻨﻬﻦ ﻭﺍﻧﻲ ﻭﺍﻛﻔﻪ ﺍﺑﺎﻭﻋﻬﻦ
ﻟﺸﻮﻱ ﺩﺧﻞ ﺧﺎﻟﻮ ﺍﻟﺠﺒﻴﺮ ﺍﻧﻄﺎﻧﻲ ﺧﻤﺲ ﺍﻭﺭﺍﻕ ﻛﺎﻝ ﺧﺎﻟﻲ ﺧﺎﻑ ﺍﻣﺞ ﻣﻮ ﻫﻨﺎ ﻭﺗﺠﻬﺰﺝ ﻫﺎﻱ ﻓﻠﻮﺱ ﺷﺘﺤﺘﺎﺟﻴﻦ ﻭﺑﻨﻔﺴﺞ ﻭﺗﺴﺘﺤﻴﻦ ﺗﻜﻮﻟﻴﻠﻬﻢ ﻋﻠﻴﻪ ﺍﺷﺘﺮﻱ
ﻛﺘﻠﻪ ﻻ ﻭﺍﻟﻠﻪ ﺧﺎﻟﻮ ﻋﻨﺪﻱ ﻭﻣﺎ ﻗﺼﺮﻭ ﻫﻤﻪ ﻛﺎﻝ ﻭﺍﻥ ﻳﻜﻦ ﺧﻠﻴﻬﺎ ﻋﻨﺪﺝ ﺧﺎﻟﻲ ﺍﻧﺘﻲ ﺑﻨﺖ ﺍﻟﻌﺰﻳﺰﻩ ﻭﻣﺎ ﺍﻗﺒﻞ ﺍﻟﻤﺮﺣﻮﻣﻪ ﺗﻀﻞ ﻋﻴﻨﻬﺎ ﻋﻠﻴﺞ ﻭﻣﻘﻬﻮﺭﻩ ﺍﺭﻳﺪﺝ ﺗﻨﺴﻌﺪﻳﻦ .. ﺑﺎﺱ ﺭﺍﺳﻲ ﻭﻃﻠﻊ ..
ﺍﺑﺘﺴﻤﺖ ﻭﺍﻟﺪﻣﻌﻪ ﺑﻌﻴﻨﻲ .. ﻃﻠﻌﺖ ﺟﺎﻧﻮ ﻣﺴﻮﻳﻦ ﺛﻮﺍﺏ ﻟﺮﻭﺣﻬﺎ .. ﻛﻞ ﻳﻮﻡ ﺧﻤﻴﺲ .. ﺍﺭﻳﺪ ﺍﺑﺎﻭﻉ ﺑﺎﻻﻛﻞ ﻣﺎﻛﻮ ﻋﻴﻮﻧﻲ ﻏﺮﻛﺖ ﺑﺪﻣﻮﻋﻬﺎ .. ﺍﺷﺘﺎﻗﻴﺖ ﺍﺷﻮﻓﻬﺎ
ﺍﺷﺘﺎﻗﻴﺖ ﺍﺳﻤﻌﻬﺎ ﺗﺼﻴﺤﻨﻲ ﺑﺴﻤﻲ .. ﻭﺝ ﺑﺮﺍﺍﺍﺍﺍﺍﺀ .. ﺣﻴﻞ ﺍﺷﺘﺎﻗﻴﺘﻠﻬﺎ ﻭﻟﺼﻮﺗﻬﺎ ﻣﺤﺘﺎﺟﺘﻬﺎ ﺣﻴﻞ ..
ﺍﺟﻪ ﺧﺎﻟﻲ ﺷﺎﻓﻨﻲ ﺍﺑﺠﻲ ﻣﺴﺢ ﻋﻠﻰ ﺭﺍﺳﻲ ﻭﻛﺎﻝ ﺗﺮﺣﻴﻦ ﻭﻳﺎﻱ ﺑﺎﺟﺮ .. ﺭﺍﻳﺢ ﻟﻠﻨﺠﻒ ﺍﺯﻭﺭ ﻛﺒﺮﻫﺎ ..
ﻛﺘﻠﻪ ﺍﻱ ﺧﺎﻟﻮ ﺍﺭﻭﺡ ﻭﺍﻟﻠﻪ ﻣﺸﺘﺎﻗﺘﻠﻬﺎ .. ﻛﺎﻝ ﻧﺎﻣﻲ ﻭﺍﻟﺼﺒﺢ ﻧﻄﻠﻊ
ﺧﺎﺑﺮﺕ ﻳﺤﻴﻰ ﻛﺘﻠﻪ ﺣﺮﻭﺡ ﺍﺯﻭﺭ ﻗﺒﺮ ﻣﺎﻣﺎ ﻛﺎﻝ ﺭﻭﺣﻲ ..
ﻧﻤﺖ ﻭﻛﻌﺪﻧﻪ ﻭﻳﻪ ﺍﻟﺼﻼﺓ ﺻﻠﻴﻨﻪ ﻭﻃﻠﻌﻨﻪ ﺯﺭﻧﻪ ﺍﻭﻝ ﺷﻲ ﺍﻻﻣﺎﻡ ﻋﻠﻲ ﻭﺑﻌﺪﻫﺎ ﺭﺣﻨﻪ ﻟﻠﻤﻘﺒﺮﻩ .. ﺷﻔﺖ ﻛﺒﺮﻫﺎ ﻭﺩﻣﻮﻋﻲ ﻛﺎﻣﺖ ﺗﺰﺥ ..
ﻧﻤﺖ ﻋﻠﻰ ﻛﺒﺮﻫﺎ ﻭﻛﻤﺖ ﺍﺻﺮﺥ .. ﻭﺝ ﻳﻤﻪ ﻛﻌﺪﻱ ﻭﺍﻟﻠﻪ ﻫﺪﻳﺘﻲ ﺣﻴﻠﻲ
ﻳﻤﻪ ﻭﺍﻟﻠﻪ ﻣﺸﺘﺎﻗﺘﻠﺞ ﻳﻤﻪ ﻳﻌﻴﻮﻧﻲ ﻣﺤﺘﺎﺟﻪ ﺗﺸﻮﻑ ﻃﻮﻟﺞ .. ﺍﻣﺴﺢ ﻋﻠﻜﺒﺮ ﻭﺍﺣﺎﺟﻴﻬﺎ
ﮔﻮﻣﻴﻠﻲ ﻳﻴﻤﻪ ﺑﮕﻠﺒﻲ ﺗﺴﻌﺮ ﻧﺎﺭ
ﻣﺤﺘﺎﺟﻪ ﻟﺤﻨﺎﻧﭻ ﻓﺪﻭﻩ ﺿﻤﻴﻨﻲ
ﮔﻮﻣﻴﻠﻲ ﻳﻴﻤﻪ ﻋﻴﻮﻧﻲ ﺍﺟﺖ ﺧﻄﺎﺭ
ﺗﺸﻜﻴﻠﭻ ﻋﺬﺍﺑﻲ ﻭﻏﺮﺑﺔ ﺳﻨﻴﻨﻲ
ﺍﺳﻤﻌﻴﻨﻲ ﺍﺳﻤﻌﻴﻨﻲ ﺍﺳﻤﻌﻴﻨﻲ
ﺍﺭﻳﺪ ﺑﮕﺒﺮﺝ ﺍﻏﻔﻪ ،، ﻭﻳﺎﭺ ﺧﻠﻴﻨﻲ
****
ﻣﻦ ﻳﻮﻡ ﺍﻟﺪﻓﻨﺘﭻ ﻳﻤﻪ ﻣﺎﻣﺮﺗﺎﺡ
ﺷﻠﺖ ﺍﻟﻬﻢ ﻳﻴﻤﻪ ﻣﻨﻬﺪ ﻋﺸﺮﻳﻨﻲ
ﻭﻃﻠﮕﺖ ﺍﻟﻔﺮﺡ ﻳﺎﻳﻤﻪ ﺛﻠﺚ ﺍﻳﻤﺎﻥ
ﻭﺭﺑﻄﺖ ﺍﻟﺤﺰﻥ ﺷﺪﻳﺘﻪ ﺑﻴﻤﻴﻨﻲ
ﻻﻥ ﻣﺎﺃﮔﺪﺭ ﺍﻧﺴﻪ ﻭﺩﺍﻋﺘﭻ ﻣﻌﺬﻭﺭ
ﺍﺳﻤﭻ ﻫﻮ ﺩﻣﻲ ﻭﻛﻞ ﺷﺮﺍﻳﻴﻨﻲ
****
ﮔﻮﻣﻴﻠﻲ ﻳﻴﻤﻪ ﻭﺩﺍﻋﺘﭻ ﺗﻌﺒﺎﻥ
ﺑﺲ ﺑﺸﻮﻓﺘﭻ ﺍﺑﺮﻩ ﻭﺗﺒﺘﺴﻢ ﻋﻴﻨﻲ
ﺑﺲ ﺍﻧﺘﻲ ﺍﻟﻮﺣﻴﺪﻩ ﺍﻟﻘﺎﺩﺭﻩ ﺑﻬﺎﻟﻜﻮﻥ
ﺑﺘﺮﺍﺏ ﺍﻟﭽﻔﻦ ﻳﺤﺒﻴﺒﻪ ﺗﺸﺮﻳﻨﻲ
ﺍﺳﻤﻌﻴﻨﻲ ﻳﻴﻤﻪ ﻭﮔﻮﻣﻲ ﺍﺗﺮﺟﺎﭺ
ﻣﺎﻣﺮﺟﻴﻪ ﻣﻨﭻ ﻫﻴﭽﻲ ﺗﺎﺫﻳﻨﻲ
ﮔﻮﻣﻴﻠﻲ ﺁﻧﻪ ﺟﻴﺘﭻ ﻣﺎﺃﺭﻳﺪ ﺍﻋﺬﺍﺭ
ﻃﺸﺮﻧﻲ ﺍﻟﻮﻛﺖ ﻳﺎﻳﻤﻪ ﻟﻤﻴﻨﻲ
****
ﻃﺒﻌﭻ ﻭﺁﻧﻪ ﺍﻋﺮﻓﭻ ﻣﻠﮕﻪ ﻟﻠﺨﻄﺎﺭ
ﺧﻄﺎﺭﭺ ﻋﺰﻳﺰ ﻭﻣﺎﺗﻔﺸﻠﻴﻨﻲ
.
ﺍﻧﻔﻀﻲ ﺗﺮﺍﺏ ﮔﺒﺮﺝ ﻛﺴﺮﻱ ﺍﻟﺴﺮﺩﺍﺏ
ﻭﺑﻄﻴﺒﺖ ﻛﻼﻣﭻ ﻳﻤﻪ ﺣﺎﭼﻴﻨﻲ
ﻣﺤﺘﺎﺟﻪ ﺍﻟﻨﺼﻴﺤﻪ ﻭﺩﺍﻋﺘﭻ ﻣﺤﺘﺎﺭ
ﺷﻮﺭﻳﻨﻲ ﻳﺎﺃﻣﻲ ﺍﺭﺟﻮﭺ ﺍﻧﺼﺤﻴﻨﻲ
ﺍﻋﺮﻓﭻ ﺍﻧﺘﻲ ﺩﻭﻣﭻ ﻣﺎﻃﺒﮕﺘﻲ ﺍﻟﺒﺎﺏ
ﺷﻨﻬﻮ ﺍﻟﻐﻴﺮﭺ ﻳﺤﺒﻴﺒﻪ ﻓﻬﻤﻴﻨﻲ ؟
ﻣﻮ ﭼﻨﺖ ﺁﻧﻪ ﺃﺃﻣﺮ ﻭﺣﺪﻱ ﺑﻬﺎﻟﻜﻮﻥ
ﻭﻟﻮﺧﻠﺺ ﺣﻠﻴﺒﭻ ، ﺩﻡ ﺗﺮﺿﻌﻴﻨﻲ
ﻭﻟﻮ ﻣﺮﻧﻲ ﺍﻟﻜﺪﺭ ﻭﺍﻵﻩ ﻭﺍﻻﺣﺰﺍﻥ
ﺑﻌﻴﻮﻧﭻ ﻳﻴﻤﻪ ﺍﻧﺘﻲ ﺍﻟﺘﺸﺎﻓﻴﻨﻲ
ﺍﺳﻤﻌﻴﻨﻲ ﻳﺎﺃﻣﻲ ﺍﺭﺟﻮﭺ ﺍﺳﻤﻌﻴﻨﻲ
ﺍﺭﻳﺪ ﺍﻟﻴﻮﻡ ﺍﻭﻓﻲ ﺷﻮﻳﻪ ﻣﻦ ﺩﻳﻨﻲ
****
ﻣﻌﺬﻭﺭﻩ ﻳﺎﺍﻣﻲ ﻭﺍﺩﺭﻱ ﻣﻠﻚ ﺍﻟﻤﻮﺕ
ﻣﺎﻳﻌﺮﻑ ﺭﺣﻢ ﻭ ﻻﻓﺮﺻﻪ ﻳﻨﻄﻴﻨﻲ
ﺍﺧﺬ ﻣﻨﻲ ﺍﻟﺤﺒﻴﺒﻪ ﺍﻟﺤﺘﻰ ﺭﺏ ﺍﻟﻜﻮﻥ
ﺿﻞ ﻃﻮﻝ ﺍﻟﻌﻤﺮ ﺑﻴﻬﺎ ﻳﻮﺻﻴﻨﻲ
ﺍﻋﺬﺭﭺ ﻭﺍﻟﻠﻪ ﻳﻤﻪ ﻭﻣﺎﻋﻠﻴﭻ ﻗﺼﻮﺭ
ﻟﻮﻣﺎ ﺑﺎﻟﻠﺤﺪ ﭼﺎ ﻭﺍﻟﻠﻪ ﺷﻠﺘﻴﻨﻲ
ﺍﺣﺒﭻ ﻭﺍﺑﻘﻰ ﺍﺣﺒﭻ ﻵﺧﺮ ﺍﻻﻧﻔﺎﺱ
ﭼﻲ ﻣﻦ ﻧﻮﺭ ﻭﺟﻬﭻ ﻛﻤﻠﺖ ﺩﻳﻨﻲ
ﺍﺣﺎﺟﻴﻬﺎ ﻭﺍﺑﺠﻲ .. ﺑﺠﻴﺖ ﻋﻠﻴﻬﺎ ﻟﺤﺪ ﻣﺎ ﺗﻌﺒﺖ .. ﺻﺮﺧﺖ ﺑﺮﺍﺣﺘﻲ ﻋﻴﻄﺖ ﺣﺎﺟﻴﺘﻬﺎﺍ ﻋﺎﺗﺒﺘﻬﺎ .. ﻟﺤﺪ ﻣﺎ ﺧﺎﻟﻮ ﻛﺎﻝ ﻛﺎﻓﻲ ﺻﻮﺗﺞ ﻧﺒﺢ ﻭﺭﺍﺝ ﻋﺮﺱ
ﺷﺎﻟﻨﻲ ﻣﻨﻬﺎ ﻭﻋﻴﻮﻧﻲ ﻋﻠﻰ ﻛﺒﺮﻫﺎ ﺗﻠﻮﺡ .. ﻟﺤﺪ ﻣﺎ ﻃﻠﻌﻨﻪ ﺍﻟﻤﻘﺒﺮﻩ .. ﺭﺟﻌﺖ ﻟﻠﺒﻴﺖ ﺗﻌﺒﺎﻧﻪ ﺑﺴﺎﻉ ﻧﻤﺖ
ﺍﺟﺘﻨﻲ ﺑﺎﻟﺤﻠﻢ ﻭﺗﻤﺴﺢ ﻋﻠﻰ ﺷﻌﺮﻱ ﺑﺲ ﻣﺎ ﺣﺠﺖ ﺑﺲ ﺍﺷﻮﻑ ﺩﻣﻮﻋﻬﺎ ﺑﻌﻴﻮﻧﻬﺎ .. ﺑﻘﻴﺖ ﺍﺑﺠﻲ ﻭﺍﺣﺎﺟﻴﻬﺎ .. ﺍﺧﺘﻔﺖ
ﻛﻌﺪﺕ ﻛﺘﻠﻬﺎ ﻳﻤﻪ ﺗﺤﺴﻴﻦ ﺑﻴﻪ ﻳﻤﻪ ﺗﻌﺮﻓﻴﻦ ﺑﻴﻪ ﺍﺟﻴﺘﺞ ﺍﻟﻴﻮﻡ ﻭﺍﺟﻴﺘﻲ .. ﺑﻘﻴﺖ ﺍﺑﺠﻲ .. ﺩﻙ ﻋﻠﻴﻪ ﻳﺤﻴﻰ ..
ﺭﺩﻳﺖ .. ﻛﺘﻠﻪ ﻫﻼ ﻳﺤﻴﻰ .. ﻋﻔﻴﻴﻴﻴﻴﻪ ﺍﻟﺼﻮﺕ ﻣﺒﺤﻮﺡ .. ﻟﻴﺶ ﻫﻴﺞ ﻣﻮ ﻛﺎﻓﻲ .. ﻛﺘﻠﻪ ﻣﻮ ﺑﻴﺪﻱ ﻣﺎ ﺍﻛﺪﺭ ﺍﻧﺴﺎﻫﺎ ﻭﺻﺮﺕ ﺍﺑﺠﻲ
ﻛﺎﻝ ﻛﺎﻓﻲ ﻛﺎﻓﻲ .. ﺍﻧﻲ ﻣﺎ ﺧﺎﺑﺮﺗﺞ ﻻﻥ ﻛﻠﺖ ﺍﻛﻴﺪ ﺗﻌﺒﺖ ﻳﻢ ﻛﺒﺮ ﺍﻣﻬﺎ ﻭﻧﺎﻣﺖ .. ﻟﺬﻟﻚ ﺧﺎﺑﺮﺗﺞ ﻫﺴﻪ
ﻛﺘﻠﻪ ﺍﻱ ﻫﺴﻪ ﻛﻌﺪﺕ .. ﺍﻧﺘﻪ ﻭﻳﻦ .. ﻛﺎﻝ ﺑﺎﻟﻜﻮﻓﻲ .. ﻛﺘﻠﻪ ﻣﺨﺘﻠﻂ .. ﺿﺤﻚ .. ﻛﺎﻝ ﺧﺮﺏ ﺑﻜﻠﺒﺞ ﺑﻨﺺ ﺩﻣﻮﻋﺞ ﻭﻏﻴﺮﺗﺞ ﻛﺎﻳﻤﻪ .. ﻻ ﻣﻮ ﻣﺨﺘﻠﻂ .. ﺍﺭﺗﺎﺣﻴﺘﻲ
ﻛﺘﻠﻪ ﺍﻱ .. ﺿﺤﻚ .. ﻛﺎﻝ ﺍﻻﺛﻨﻴﻦ ﻫﺬﺍ ﺍﻟﻌﻘﺪ ﻣﺎﻟﺘﻨﻪ ﺑﺎﻟﻤﺤﻜﻤﻪ ﻭﺧﺒﺮﺕ ﺟﺪﺝ .. ﻭ ﻣﺮﺍﺡ ﺍﺳﻮﻱ ﺣﻔﻠﻪ ﺟﺒﻴﺮﻩ ﺍﺣﺘﺮﺍﻡ ﻟﺤﺰﻧﺞ ﺑﺲ ﺭﺍﺡ ﺍﺟﻲ ﺍﻧﻲ ﻭﻋﺎﺋﻠﺘﻲ ﻛﺎﻣﻠﻪ ﻭﺷﻮﻱ ﻣﻦ ﺍﻗﺮﺑﺎﺋﻲ ﻧﺎﺧﺬﺝ ﻧﺰﻓﺞ ﻟﺒﻴﺘﻨﺎ
ﻛﺘﻠﻪ ﻫﺎﻱ ﺑﺮﺍﺣﺘﻚ .. ﻛﺎﻝ .. ﻏﻴﺮﺕ ﺍﻟﻐﺮﻓﻪ ﺍﻟﻴﻮﻡ .. ﻛﺘﻠﻪ ﻣﺎ ﻳﺤﺘﺎﺝ ﺣﻠﻮﻩ .. ﻛﺎﻝ ﻟﺞ ﻧﻔﺮ ﻳﺎ ﺣﻠﻮﻩ ﻧﺮﻳﺪ ﻧﺎﺧﺬ ﺭﺍﺣﺘﻨﻪ .. ﻛﺘﻠﻪ ﺑﺲ ﻣﻮ ﻫﻮﺍﻱ ﻣﺼﺎﺭﻳﻒ ﺻﺎﺭﺕ ﻋﻠﻴﻚ ..
ﻛﺎﻝ ﻻ ﻭﺍﺻﻼ ﻣﺎﻛﻮ ﻣﺼﺎﺭﻳﻒ ﻋﺮﺱ ﻳﻌﻨﻲ ﺧﻠﺼﺖ ﻣﺎ ﻋﺪﻧﻪ ﺷﻲ .. ﻛﺘﻠﻪ ﻣﺎﺷﻲ .. ﻛﺎﻝ ﻣﺒﻴﻨﻪ ﻣﻦ ﺣﺠﻴﺞ ﺗﻌﺒﺎﻧﻪ ﺗﺤﺠﻴﻦ ﻭﻳﺎﻱ ﻣﺨﺘﺼﺮﺍﺕ ﺭﻭﺣﻲ ﻧﺎﻣﻲ
ﻛﺘﻠﻪ ﺍﻱ ﻭﺍﻟﻠﻪ ﻛﺎﻝ ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ ﻛﺘﻠﻪ ﺗﻼﻛﻴﻪ ﺣﺒﻴﺒﻲ .. ﺳﺪﻳﺖ ﺍﻟﺨﻂ ﻭﺭﺟﻌﺖ ﻧﻤﺖ .. ﻟﻠﺼﺒﺢ ﻛﻌﺪﺕ
.
ﺍﺟﺖ ﺍﺧﺘﻲ ﻟﺒﻴﺖ ﺟﺪﻱ ﺑﻮﺳﺘﻨﻲ ﻭﻛﻌﺪﺕ ﻭﻳﺎﻱ .. ﻛﺎﻟﺖ ﻫﺎﻫﻴﻪ ﺍﻧﺴﻌﺪﻱ ﻣﺪﺍﻡ ﺗﺤﺒﻴﻪ .. ﻛﻮﻣﻲ ﺧﻞ ﺍﺧﺬﺝ ﻟﻠﺼﺎﻟﻮﻥ ..
ﺭﺣﺖ ﻟﻠﺼﺎﻟﻮﻥ ﻭﻳﺎﻫﺎ ﺻﺒﻐﺖ ﺷﻌﺮﻱ ﻟﻮﻥ ﺑﻨﻲ ﻣﺨﻀﺮ ﻟﻮﻥ ﻋﺴﻜﺮﻱ ﺣﺴﺐ ﻃﻠﺐ ﻳﺤﻴﻰ ﻭﺳﺤﺒﺘﻪ ﻛﺮﻳﺎﺗﻴﻦ
ﻭﺣﻔﺘﻠﻲ ﻭﺟﻬﻲ .. ﻭﺳﻮﺗﻠﻲ ﻣﺴﺎﺝ ﺑﺨﺎﺭﻱ ﻭﺗﺪﻟﻴﻚ .. ﻭﺗﻨﻀﻴﻒ ﻟﺠﺴﻤﻲ .. ﺛﺎﻧﻲ ﻳﻮﻡ ﺍﺧﺬﺗﻨﻲ ﺍﺧﺘﻲ ﻟﻠﺴﻮﻕ ﺍﺧﺘﺎﺭﺗﻠﻲ ﻓﺴﺘﺎﻥ ﺍﺑﻴﺾ ﻣﻮ ﺑﺪﻟﻪ ﻧﻔﺶ ﻓﺴﺘﺎﻥ ﺑﺴﻴﻂ
ﻛﺘﻠﻬﺎ ﻣﺎ ﺍﺭﻳﺪ .. ﻛﺎﻟﺖ ﻻ ﺗﻌﺎﻧﺪﻳﻦ ﺍﺻﻼ ﻣﺎﻣﺎ ﻣﻦ ﺗﺸﻮﻓﺞ ﺑﺎﻻﺑﻴﺾ ﻋﺮﻭﺱ ﻭﺍﻧﺘﻲ ﻓﺮﺣﺎﻧﻪ ﺭﺍﺡ ﺗﻔﺮﺡ ﻣﺘﻜﻴﻔﻴﻦ ﺗﻔﺮﺣﻴﻬﺎ ﺑﻜﺒﺮﻫﺎ ..
ﻗﻨﻌﺖ ﻭﺍﺧﺬﺗﻪ ﺻﺎﺭ ﺛﺎﻧﻲ ﻳﻮﻡ ﺭﺣﺖ ﺍﻧﻲ ﻭﺟﺪﻭ ﻭﺧﺎﻟﻮ ﻟﻠﻤﺤﻜﻤﻪ ﻋﻘﺪﻭﻟﻨﻪ ﻗﺎﻧﻮﻧﻲ .. ﺑﺎﺭﻛﻮﻟﻨﻪ .. ﻭ ﺟﺪﻭ ﺍﻧﻄﺎﻧﻲ ﻭﺭﻗﻪ ﻛﺎﻝ ﻫﺎﻱ ﻫﺪﻳﺔ ﺯﻭﺍﺟﺞ ﻛﺘﻠﻪ ﺷﻜﺮﺍ
ﺭﺟﻌﺖ ﻟﻠﺒﻴﺖ .. ﺑﻨﺖ ﺧﺎﻟﺘﻲ ﺗﺸﺘﻐﻞ ﺑﺼﺎﻟﻮﻥ ﺣﻼﻗﻪ ﻫﻴﻪ ﺍﻟﺴﻮﺗﻠﻲ ﺍﻟﻤﻜﻴﺎﺝ ﻭﺍﻟﺘﺴﺮﻳﺤﻪ ﺑﺎﻟﺒﻴﺖ .. ﺑﺎﻭﻋﺖ ﺣﻠﻮ ﺍﻟﻤﻜﻴﺎﺝ ﻫﺎﺩﺉ ﻭﻧﺎﺯﻙ ﻭﺍﻟﺘﺴﺮﻳﺤﻪ ﺑﺴﻴﻄﻪ ﻭﺣﻠﻮﻩ
ﻟﻠﻌﺼﺮ ﺍﺟﻪ ﻳﺤﻴﻰ ﻭﺍﻣﻪ ﻭﻛﺮﺍﻳﺒﻪ ﺳﻴﺎﺭﺗﻴﻦ .. ﺍﺧﺬﻧﻲ ﻣﻦ ﺑﻴﺖ ﺟﺪﻱ .. ﺍﻟﺼﺮﺍﺣﻪ ﺷﻌﻮﺭ ﺑﻴﻦ ﺍﻟﻔﺮﺡ ﻭﺑﻴﻦ ﺍﻟﺤﺰﻥ
ﻓﺮﺣﺎﻧﻪ ﻻﻥ ﺻﺮﺕ ﻟﺤﺐ ﺣﻴﺎﺗﻲ ﺍﻟﻠﻲ ﺭﻏﻢ ﻛﻞ ﺍﻟﺸﻔﺘﻪ ﻣﻨﻪ ﻭﺍﻧﻲ ﺍﺣﺒﻪ ﺑﺜﻮﻝ ﻭﺧﺒﺎﻝ ﻭﻣﺠﻨﻮﻧﻪ ﺑﺤﺒﻪ ..
ﻭﺣﺰﻳﻨﻪ ﻻﻥ ﻣﺎﻣﺎ ﻣﺎ ﻣﻮﺟﻮﺩﻩ ﻭﺍﺗﺬﻛﺮ ﺑﺨﻄﺒﺘﻲ ﺷﻠﻮﻥ ﻓﺮﺣﺎﻧﻪ ﻭﺗﺼﻔﻜﻠﻲ .. ﻟﻮ ﻫﻴﻪ ﺍﻟﻴﻮﻡ ﻣﻮﺟﻮﺩﻩ ﻭﺗﺸﻮﻓﻨﻲ ﺍﻃﻠﻊ ﻭﺍﻋﻮﻓﻬﺎ ﻻ ﺟﺎﻥ ﺍﻧﺘﻬﺖ ﻣﻦ ﺍﻟﺒﺠﻲ
ﺑﺲ ﺍﻟﻴﻮﻡ ﻣﺤﺪ ﺭﺍﺡ ﻳﻔﺘﻘﺪﻧﻲ ﻛﻠﻬﺎ ﻓﺮﺣﺎﻧﻪ ﺑﺰﻭﺍﺟﻲ ..
ﺻﻌﺪﻧﻲ ﻳﺤﻴﻰ ﺑﺎﻟﺴﻴﺎﺭﻩ ﻭﺍﻓﺘﺮ ﻭﺍﻧﻲ ﺍﺑﺎﻭﻋﻠﻪ ﺗﻐﻴﺮﺕ ﻣﻼﻣﺤﻲ ﻟﻠﻀﺤﻜﻪ .. ﺭﺍﺡ ﺍﻧﺰﻑ ﻟﻬﻠﺤﻠﻮ ﻳﻤﻪ ﻛﻠﺒﻲ ﺷﻠﻮﻥ ﺻﺎﻙ ﻻﺑﺲ ﻗﺎﻁ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﺭﺑﺎﻁ ﺍﺣﻤﺮ ﻭﺍﻟﻮﺟﻪ ﻳﻀﻮﻱ
ﺗﻜﻮﻝ ﻛﻤﺮ ﺑﻠﻴﻠﺔ ﺍﻝ 15 ﻣﻦ ﺍﻟﺸﻬﺮ .. ﺻﻌﺪ ﻛﺎﻝ ﻭﺍﺧﻴﺮﺍ ﺿﺤﻜﺘﻲ .. ﻛﺘﻠﻪ ﻓﺮﺣﺎﻧﻪ ﺑﻴﻚ .. ﺑﺎﺳﻨﻲ ﺑﻜﺼﺘﻲ ﻭﻛﺎﻝ ﻳﺎﺭﺏ ﻳﻘﺪﺭﻧﻲ ﻭﺍﺳﻌﺪﺝ ﻷﻧﺞ ﺑﺮﻳﺌﻪ ﻭﺗﺴﺘﺎﻫﻠﻴﻦ
ﻣﺸﺎ ﻭﻫﻮﻩ . ﻣﺸﻐﻞ ﻋﺒﺎﻟﻲ ﺣﺒﻴﺒﻲ .. ﻭﻻﺯﻡ ﺍﻳﺪﻱ ﻭﻳﺒﻮﺱ ﺑﻴﻬﺎ .. ﺧﺮﺏ ﺍﺑﺎﻭﻉ ﻻﻳﺪﻱ ﻭﻻﻳﺪﻩ ﺑﺪﻱ ﺍﺟﺮﻫﺎ
ﺍﻳﺪﻱ ﺑﻠﻮﻥ ﺍﻟﺮﺍﺷﻲ ﻭﺍﻳﺪﻩ ﺑﻠﻮﻥ ﺍﻟﻜﻄﻦ ﻭﺗﺤﺴﻬﺎ ﺷﻔﺎﻓﻪ ﻳﺮﺑﻲ ﻣﺎﻛﻮ ﺧﺒﻄﻪ ﺍﺷﻤﺮ ﺭﻭﺣﻲ ﺑﻴﻬﺎ ﻭﺍﺻﻴﺮ ﺑﻴﻀﻪ ﻣﺜﻠﻪ ..😑
ﻭﺻﻠﻨﻪ ﺍﻟﺒﻴﺖ ﻛﺎﻣﻮ ﻳﺼﻔﻜﻮﻥ ﻭﺧﻮﺍﺗﻪ ﻳﺮﻛﺼﻦ ﻟﺸﻮﻱ ﻛﺎﻟﻠﻬﻢ ﻳﺤﻴﻰ ﻳﻠﻪ ﺧﻠﺼﺖ ﻓﻠﻮﺳﻜﻢ ﺍﻧﻲ ﺻﺎﻋﺪ
ﻛﺎﻟﻮﻟﻪ ﺗﻌﺎﻝ ﺗﻠﺤﻚ ﺧﻞ ﻧﻔﺮﺡ ﺑﻴﻚ ﺷﻮﻱ ﻭ ﻧﺮﻛﺺ .. ﻛﺎﻟﻬﻢ ﺍﻱ ﺍﻧﺘﻢ ﺗﺮﻛﺼﻮﻥ ﻭﺍﻧﻲ ﺻﻔﺤﺔ ﺟﺪﻱ ﻣﺸﺘﻌﻠﻪ .. ﻻﺯﻣﻜﻢ ﺍﺭﻛﺼﻮ ﺍﻻ ﺍﺣﻨﻪ ﻳﻤﻜﻢ
ﺿﻠﻮ ﻳﻀﺤﻜﻮﻥ .. ﻛﺎﻟﺘﻠﻪ ﺍﻟﺤﺠﻴﻪ ﺑﺎﻟﻌﺎﻓﻴﻪ ﻳﻤﻪ ﺍﺧﺬ ﻣﺮﻳﺘﻚ ﻭﺭﻭﺡ .. ﺻﻌﺪﻧﻪ ﻟﻠﻐﺮﻓﻪ ﺩﺧﻠﺖ ﻛﻮﻟﺶ ﻋﺠﺒﻨﻲ ﺗﺼﻤﻴﻤﻬﺎ ﻭﺍﻟﺴﺮﻳﺮ ﻣﺰﻳﻨﻪ ﻛﻠﻪ ﺍﻭﺭﺍﻕ ﻭﺭﺩ ﻃﺒﻴﻌﻲ ﺍﺣﻤﺮ
ﻭﺍﻟﻨﺰﻟﻪ ﺑﻴﻀﻪ ﻭﺍﻟﻐﺮﻓﻪ ﺑﻴﻀﻪ ﺑﺲ ﺍﻟﻀﻮﻩ ﺍﺣﻤﺮ .. ﻛﺎﻝ ﻫﺎﺍﺍﺍ ﺑﻌﺪ ﺍﻛﻮ ﺣﻼﻝ ﺣﺮﺍﻡ ﻋﻴﺐ ﺩﺭﻭﺑﺞ ﺫﻥ ﺍﻃﻠﻌﻴﻬﻦ ﻟﻮ ﺧﻠﺼﻦ
ﺿﺤﻜﺖ .. ﻛﺎﻝ ﻫﺎ ﻧﻜﻮﻝ ﻳﺎ ﺍﻟﻠﻪ .. ﻛﺘﻠﻪ ﻟﺤﻀﻪ ﺗﺮﺍ ﺍﻧﻲ ﻣﻮ ﻣﺴﺒﺢ ﻭﺗﺸﻤﺮ ﺭﻭﺣﻚ .. ﺍﻧﻄﻲ ﺻﺒﺮ ﻛﺎﻝ ﻭﺍﺻﺒﺮ ﻋﻠﻰ ﺷﻨﻮ
ﻛﺘﻠﻪ ﻣﺎ ﺍﺩﺭﻱ ﺑﺲ ﺍﻟﻤﻬﻢ ﺍﺻﺒﺮ ﻛﺎﻝ ﻻ ﺗﺨﻠﻴﻨﻲ ﺍﺳﺒﺞ ﺩﺗﻌﺎﺍﺍﺍﺍﺍﺍﻱ …
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء