رواية اهات الم من وجع ادم الجزء السابع عشر
للكاتبة زينب ماجد
🌿🌿
ﺩﻓﻌﺘﻪ ﻭﺿﺮﺑﺘﻪ ﻋﻠﻰ ﺻﺪﺭﻩ ﻳﺎ ﺍﺧﻲ ﺣﺲ ﻣﻮ ﻭﺍﻟﻠﻪ ﺩﻣﺮﺗﻨﻲ ﺣﺴﺴﺴﺴﺴﺲ ﻭﻟﻚ ﺗﻌﺒﺖ ﻭﺍﻟﻠﻪ ﺗﻌﺒﺘﺘﺘﺘﺘﺘﺖ ..
ﻳﺤﻴﻰ .. ﻟﺰﻣﺖ ﺍﺩﻳﻬﺎ .. ﻭﺻﻜﻴﺖ ﻋﻠﻰ ﺳﻨﻮﻧﻲ ﻻ ﺗﻀﺮﺑﻴﻦ ﻻ ﺗﻀﺮﺑﻴﻦ .. ﻭﺩﻓﻌﺘﻬﺎ
ﺑﺮﺍﺀ .. ﺍﺑﺠﻲ ﻭﺍﻛﻮﻟﻪ ﻟﻌﺪ ﻟﻴﺶ ﺗﺴﺤﻠﻨﻲ ﻣﻦ ﺷﻌﺮﻱ ﻛﺪﺍﻣﻬﻢ .. ﺣﺲ ﺑﻴﻪ ﻭﺍﻟﻠﻪ ﺗﻌﺒﺖ ﻣﻦ ﺍﻧﺎﻧﻴﺘﻚ ..
ﺗﻀﺤﻚ ﻟﻠﻜﺎﻭﻟﻴﻪ ﻭﻫﻴﻪ ﺑﺤﻈﻨﻚ ﻭﺍﻧﻲ ﺍﺑﺎﻭﻋﻠﻚ ﻭﻣﺤﺘﺮﻙ ﺩﻣﻲ ﻣﻦ ﻭﺭﺍﻙ .. ﻭﻣﺎ ﺣﺠﻴﺖ ﻭﺗﺤﻤﻠﺖ ﺑﺲ ﺍﻧﺘﻪ ﻣﻦ ﻏﺮﺕ ﻛﻠﺒﺖ ﺍﻟﺪﻧﻴﺎ ﻓﻮﻙ ﺭﺍﺳﻲ
ﻟﻴﺶ ﻫﺎ ﻟﻴﺶ ﺗﻀﺤﻜﻠﻬﺎ ﻭﻣﺎ ﺗﻮﺧﺮﻫﺎ ﻣﻦ ﺭﺟﻠﻚ ﻭﻛﺄﻧﻚ ﻓﺮﺣﺎﻥ ﺑﻴﻬﺎ .. ﺑﺸﻨﻮ ﻣﻘﺼﺮﻩ ﺍﻧﻲ ﻭﻳﺎﻙ ﻭﺗﺒﺎﻭﻉ ﻟﻐﻴﺮﻱ ﻭﺗﻀﺤﻚ
ﻳﺤﻴﻰ .. ﺻﻴﺮﻱ ﻣﺜﻠﻬﺎ ﺍﺩﻟﻌﻲ ﻋﻠﻰ ﻛﻠﺒﻲ ﺣﺎﻭﻟﻲ ﺗﺜﻴﺮﻳﻨﻲ ﻭﺗﺠﺬﺑﻴﻦ ﻧﻀﺮﻱ
ﺑﺮﺍﺀ .. ﺑﺲ ﺍﻧﻲ ﻣﻮ ﻛﺎﻭﻟﻴﻪ ﺣﺘﻰ ﺍﺻﻴﺮ ﻣﺜﻠﻬﺎ ..
ﻳﺤﻴﻰ .. ﻋﻤﻲ ﺻﻴﺮﻳﻠﻲ ﻛﺎﻭﻟﻴﻪ ﺑﺲ ﺍﻟﻴﻪ .. ﺗﻌﺮﻓﻴﻦ ﺗﻬﺰﻳﻦ ﺍﺣﺴﻦ ﻣﻨﻬﺎ ﺑﺲ ﻣﺎ ﺗﻌﺮﻓﻴﻦ ﺗﺪﻟﻌﻴﻦ ﻣﺜﻠﻬﺎ .. ﻭﺗﺴﺘﺸﺮﻓﻴﻦ ﺑﺮﺍﺳﻲ
ﺑﺮﺍﺀ .. ﺍﻟﺮﻛﺺ ﻣﺎ ﺍﻟﻪ ﺷﻐﻞ ﺑﺎﻟﺪﻟﻊ ﻫﺬﺍ ﻓﻦ ﺷﻠﻮﻥ ﺗﻌﺮﻑ ﺗﻨﺴﻖ ﺣﺮﻛﺎﺕ ﺟﺴﻤﻚ .. ﻣـ ℳO ــﻮ ﺍﻟﻪ ﺍﺩﻟﻊ
ﻳﺤﻴﻰ .. ﻣﺜﻞ ﻣﺘﻌﻠﻤﺘﻲ ﺍﻟﺮﻛﺺ ﺍﺗﻌﻠﻤﻲ ﺍﻟﺪﻟﻊ
ﺑﺮﺍﺀ .. ﺳﻜﺘﺖ ﺑﻘﻴﺖ ﺑﺲ ﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ ..
ﻳﺤﻴﻰ .. ﻳﻠﻪ ﻋﺪﻟﻲ ﻣﻜﻴﺎﺟﺞ ﻭﺍﻃﻠﻌﻲ ﻛﻤﻠﻲ ﺍﻟﺤﻔﻠﻪ ﺑﺲ ﻟﻮ ﺭﻛﺼﺘﻲ ﺍﺫﺑﺤﺞ ﻭﺍﻟﻠﻪ
ﺑﺮﺍﺀ .. ﻣﺎ ﺍﺭﻳﺪ ﺭﺟﻌﻨﻲ ﻟﻠﺒﻴﺖ ﻣﺎ ﺍﺭﻳﺪ ﺍﺑﻘﻰ ﻫﻨﺎ
ﻳﺤﻴﻰ .. ﻣﺎ ﺍﻛﺪﺭ ﺍﻟﺤﻔﻠﻪ ﺑﻌﺪﻫﺎ ﺑﻨﺼﻬﺎ ﻭﺍﻟﻄﺮﻳﻖ ﻃﻮﻳﻞ ﻭﺍﻟﺪﻧﻴﺎ ﻟﻴﻞ
ﺑﺮﺍﺀ .. ﻣﺎ . ﻣﺎ ﺍﺭﻳﺪ .. ﺍﺭﻳﺪ ﺍﺭﺟﻊ ﻟﺒﻴﺘﻲ .. ﺷﻠﻮﻥ ﺗﺮﻳﺪﻧﻲ ﺍﺭﺟﻊ ﺍﻛﻌﺪ ﻳﻤﻬﻢ ﻭﺍﻧﺘﻪ ﺳﺤﻠﺘﻨﻲ ﻛﺪﺍﻣﻬﻢ ﺑﺪﻭﻥ ﺍﺣﺘﺮﺍﻡ
ﻳﺤﻴﻰ .. ﻋﻤﻲ ﺍﺳﻒ ﻣﺎ ﺍﻋﻴﺪﻫﺎ ﻭﺍﻟﻠﻪ .. ﺗﻌﺮﻓﻴﻦ ﻣﺎ ﺍﺣﺐ ﺍﺿﺮﺑﺞ . ﻳﺲ ﺗﺠﺒﺮﻳﻨﻲ
ﺑﺮﺍﺀ .. ﻭﺧﺮ ﻣﺎ ﺍﺭﻳﺪﻙ ..
ﻳﺤﻴﻰ .. ﺍﻭﻳﻠﻲ ﺍﻟﻠﻪ ﺷﻠﻮﻥ ﺣﻠﻮﻩ ﻣﻦ ﺗﺒﺠﻲ .. ﺑﺎﻋﻲ ﺍﻟﻌﺪﺳﺎﺕ ﺷﺴﻮﺕ ﺑﻌﻴﻮﻧﺞ ﺭﻭﺣﻲ ﻧﺰﻋﻴﻬﻦ ﺗﺮﻩ ﻋﻴﻮﻧﺞ ﺍﺣﻠﻰ
ﺑﺮﺍﺀ .. ﻭﺧﺮ ﺍﺭﻳﺪ ﺍﺭﺟﻊ ﻟﻠﺒﻴﺖ ﻫﺴﻪ ﺍﺫﺍ ﻃﻠﻌﺖ ﻳﻌﻴﺒﻦ ﻋﻠﻴﻪ ﻭﻳﺘﺸﻤﺘﻦ ﻻﻥ ﺿﺮﺑﺘﻨﻲ .. ﺧﺎﺻﻪ ﻣﺮﺕ ﺭﺍﺋﺪ ﻟﻮ ﺍﻣﻮﺕ ﻣﺎ ﺍﻃﻠﻊ ﻛﺪﺍﻣﻬﻢ
ﻳﺤﻴﻰ .. ﺗﻌﺎﻟﻲ ﺟﺮﻳﺖ ﺑﺄﻳﺪﻫﺎ ﻭﻫﻴﻪ ﺗﻜﻠﻲ ﻭﺧﺮ ﻣﺎ ﺍﺭﻳﺪ ﺍﻃﻠﻊ .. ﺟﺮﻳﺘﻬﺎﺍ ﻣﻦ ﺍﻳﺪﻫﺎ ﺣﻴﻞ ﻭﻣﺸﻴﺖ ﺑﻴﻬﺎ ﻳﻤﻬﻢ
ﻛﺘﻠﻬﻢ ﻣﺮﺗﻲ ﻭﺍﻏﺎﺭ ﻋﻠﻴﻬﺎ ﺍﻛﻮ ﺍﺣﺪ ﻳﻠﻮﻣﻨﻲ .. ﺿﺤﻜﻮ ﻛﺎﻟﻮ ﻟــ NO ـﺎ .. ﻛﺘﻠﻬﻢ ﻫﻴﻪ ﺯﻋﻼﻧﻪ ﻻﻥ ﺿﺮﺑﺘﻬﺎ ﻛﺪﺍﻣﻜﻢ ..
ﺑﺲ ﻭﺍﻟﻠﻪ ﺍﺣﺒﻬﺎ ﻭﺍﺣﺘﺮﻙ ﺩﻣﻲ ﻣﻦ ﺷﻔﺘﻬﺎ ﺗﺮﻛﺺ ﻭﻫﺎﻱ ﺍﺑﻮﺳﻬﺎ ﻛﺪﺍﻣﻜﻢ ﻭﺍﻋﺘﺬﺭ ..
ﺑﺮﺍﺀ .. ﺑﺎﺳﻨﻲ ﻛﺪﺍﻣﻬﻢ .. ﺍﺿﺤﻚ ﻭﺍﻟﺪﻣﻮﻉ ﺍﺑﻌﻴﻨﻲ ﻭﺍﺑﻌﺪ ﺑﻴﻪ ﻭﺍﻛﻮﻟﻪ ﻭﺧﺮﺭﺭﺭ .. ﻣﺮﺕ ﻋﻤﻪ ﻛﺎﻟﺘﻠﻪ ﺩﻟﻊ ﺑﻨﺎﺕ ﻳﻤﻌﻮﺩ
ﻭﺍﺗﻘﺮﺑﺖ ﻣﻨﻲ ﻭﻛﺎﻟﺖ ﻳﺤﻠﻮﻩ ﺿﺮﺏ ﺍﻟﺤﺒﻴﺐ ﻣﺜﻞ ﺷﺮﺏ ﺍﻟﺰﺑﻴﺐ .. ﻳﺨﺒﻞ .. ﻭﺗﻐﻤﺰﻟﻲ .. ﻛﺎﻝ ﻫﺎ ﺭﺿﻴﺘﻲ .. ﻣﺎ ﺣﺠﻴﺖ
.
ﺩﺍﺭ ﻭﺟﻬﺎ ﻋﻠﻰ ﺍﻣﻪ ﻛﺎﻟﻬﺎ ﻳﻤﻪ ﻟﻮ ﺭﻛﺼﺖ ﺍﺭﺟﻊ ﻋﻠﻴﺞ ﺍﺣﺎﺳﺒﺞ .. ﻛﺎﻟﺘﻠﻪ ﺍﻧﻮﻭﻭﺏ ﻭﻟﻚ ﺍﻧﻲ ﺷﻌﻠﻴﻪ ..
ﺿﺤﻜﺖ ﻭﺭﺣﺖ ﺍﺧﺬﺕ ﻣﺮﻳﻢ ﻣﻦ ﺣﻈﻦ ﺍﻣﻪ ﻭﻛﻌﺪﺕ ﺍﺭﺿﻌﻬﺎ .. ﻭﻣﺮﺕ ﺭﺍﺋﺪ ﺗﺤﺠﻲ ﻭﻳﻪ ﻭﺣﺪﻩ ﺑﻨﺖ ﻋﻤﻪ ..
ﻭﺗﻜﻠﻬﺎ ﺻﺪﻙ ﻟﻮ ﻛﺎﻟﻮ ﺣﻆ ﺍﻟﺰﺭﻛﻪ ﻛﺎﻋﺪ .. ﻣﺎﺧﺬﺗﻠﻬﺎ ﻭﺍﺣﺪ ﺟﻨﻪ ﻛﻤﺮ ﻭﺗﺪﻟﻞ ﻋﻠﻴﻪ ﻭﻳﻌﺘﺬﺭﻟﻬﺎ ﻭﻳﺒﻮﺳﻬﺎ ﻛﺒﺎﻟﻨﻪ
ﺳﻮﻳﺖ ﻧﻔﺴﻲ ﻣﺎ ﺳﻤﻌﺖ .. ﺩﻧﻜﺖ ﺭﺍﺳﻲ ﻋﻠﻰ ﺑﻨﺘﻲ ﺍﻟﻌﺐ ﺑﺸﻌﺮﻫﺎ ﻭﺍﻧﻲ ﺍﺭﺿﻌﻬﺎ .. ﺍﺟﻪ ﻳﺤﻴﻰ ﻧﺎﻡ ﻋﻠﻰ ﺭﺟﻠﻲ ﻳﻢ ﺭﺍﺱ ﻣﺮﻳﻢ
ﻛﺎﻝ ﺑﻌﺪﺝ ﺯﻋﻼﻧﻪ .. ﻫﺰﻳﺖ ﺭﺍﺳﻲ .. ﺑﻤﻌﻨﻰ ﻟــ NO ـﺎ .. ﻛﺎﻝ ﻃﺎﻟﻌﻪ ﺗﺨﺒﻠﻴﻦ ﺍﻟﻴﻮﻡ .. ﺿﺤﻜﺖ
ﻛﺎﻝ ﻧﺎﻣﺖ ﻣﺮﻳﻢ ﻭﺩﻳﻬﺎ ﻟﻠﻐﺮﻓﻪ ﻧﻮﻣﻴﻬﺎ .. ﻛﺘﻠﻪ ﻳﺎ ﻏﺮﻓﻪ .. ﺍﺳﺘﺤﻲ .. ﻛﺎﻝ ﻋﺪﻫﻢ ﻏﺮﻑ ﻛﻮﻣﻪ .. ﺻﺎﺡ ﻋﻠﻰ ﺑﻨﺖ ﻋﻤﻪ .. ﻛﺎﻟﻬﺎ ﺣﻮﺭﺍﺀ .. ﻋﺎﺋﻠﺘﻲ ﻭﻳﻦ ﺗﻨﺎﻡ ..
ﻛﺎﻟﺘﻠﻪ ﺍﻛﻮ 4 ﻏﺮﻑ ﻓﺎﺭﻏﻪ ﺍﻟﻴﻌﺠﺒﻜﻢ ﺍﺧﺬﻫﺎ ﺗﺮﻩ ﻫﺬﻱ ﺍﻟﻨﺎﺱ ﺍﻛﺜﺮﻫﺎ ﻣﺘﺒﺎﺕ ﺍﺗﻮﻗﻊ ﺗﺮﻭﺡ .. ﺩﺍﺭﺕ ﻭﺟﻬﺎ ﻋﻠﻴﻪ ﻭﻛﺎﻟﺖ ﻛﻮﻣﻲ ﻧﻮﻣﻲ ﺑﻨﺘﺞ ﺑﻬﺎﻱ ﺍﻟﻐﺮﻓﻪ
ﻛﺘﻠﻬﺎ ﺍﻧﺸﺎﻟﻠﻪ .. ﺩﺧﻠﺖ .. ﻏﺮﻓﻪ ﻭﺩﺍ ﺍﻧﻮﻡ ﻣﺮﻳﻢ ﺍﺟﻪ ﻭﺭﺍﻳﻪ .. ﻛﺎﻝ ﻧﻌﺴﺎﻥ .. ﻛﺘﻠﻪ ﻧﺎﻡ ﻳﻢ ﻣﺮﻳﻢ .. ﻛﺎﻝ ﻳﻠﻌﻮﺑﻪ ﻣﺮﻳﻢ ﺷﺴﻮﻱ ﺑﻴﻬﺎ ..
ﺿﺤﻜﺖ .. ﻛﺘﻠﻪ ﺷﺒﻴﻚ ﻳﺤﻴﻰ ﺗﺨﺒﻠﺖ ﻗﺎﺑﻞ ﺍﺑﻴﺘﻨﻪ ﺍﺣﻨﻪ ﻧﺎﻡ ﻭﺍﺳﻜﺖ .. ﻛﺎﻝ ﻻ ﻭﺍﻟﻠﻪ .. ﻻ ﺗﺨﻠﻴﻨﻲ ﺍﺗﺨﺒﻞ ﺗﻌﺎﻱ ﻧﺎﻣﻲ ﻳﻤﻲ
ﻛﺘﻠﻪ ﺍﻟﺴﺎﻋﻪ 9 ﻳﺎ ﻧﻮﻡ ﻫﺬﺍ ﻭﺍﻟﺤﻔﻠﻪ ﻟﺴﻪ ﻣﺨﻠﺼﺎﻧﻪ ﺭﻭﺡ ﻣﻮ ﻋﺠﺒﺘﻚ ﺍﻟﻜﺎﻭﻟﻴﺎﺕ ﺍﻣﺸﻲ ﻳﻤﻬﻦ ..
ﻳﺤﻴﻰ .. ﻫﺎﺍﺍ ﻫﻴﺞ .. ﺧﻮﺵ ﻟﻌﺪ .. ﺭﺩﺕ ﺍﻛﻮﻡ ﻋﻠﻰ ﺣﻴﻠﻲ ﺭﺟﻌﺖ ﻛﻌﺪﺗﻨﻲ ﻭﺗﻜﻮﻟﻲ ﻻ ﻻ ﺟﺬﺏ ﻭﺍﻟﻠﻪ
ﺿﺤﻜﺖ ﻛﺘﻠﻬﺎ .. ﺍﻱ ﻟﻌﺪ ﺗﻌﺎﻱ .. ﻛﺎﻟﺖ ﻳﺤﻴﻰ ﺗﺮﻩ ﻭﺍﻟﻠﻪ ﻋﻴﺐ .. ﻛﺘﻠﻬﺎ ﺷﻜﺪ ﺗﺎﻛﻠﻴﻦ ﺗﺒﻦ ﺩﺗﻌﺎﺍﺍﻱ ﻟﺞ .. ﻭﻭﻭﻭﻭﻭﻭﻭ 💏
ﺑﺮﺍﺀ .. ﻛﻤﺖ ﺭﺣﺖ ﻟﻠﺼﺎﻟﻪ .. ﻛﻌﺪﺕ ﻳﻤﻬﻢ ﻛﺎﻝ ﻋﻤﺘﻲ ﻧﺎﻣﺖ ﻣﺮﻳﻢ ﻛﺘﻠﻬﺎ ﺍﻱ .. ﺩﺧﻞ ﺍﺑﻦ ﻋﻤﻪ ﺍﻟﻌﺮﻳﺲ .. ﻛﺎﻝ ﻟﻌﺪ ﻭﻳﻦ ﻳﺤﻴﻰ ..
ﻛﺘﻠﻪ ﻧﺎﻳﻢ .. ﻛﺎﻝ ﻫﺬﺍ ﺻﺎﻳﺮ ﻃﻠﻲ ﺷﻜﺪ ﻳﻨﺎﻡ .. ﺟﺎﻥ ﻳﺤﻴﻰ .. ﺿﺮﺑﻪ ﻋﻠﻲ ﺿﻬﺮﻩ ﻣﻦ ﻭﺭﻩ ﻭﻛﺎﻟﻪ ﺷﻮﻓﻨﺎ ﺷﻄﺎﺭﺗﻚ ﻳﺎﺳﺒﻊ ﻋﻮﺩ ﻣﻦ ﺗﺘﺰﻭﺝ ﺷﺘﺼﻴﺮ ﻃﻠﻲ ﻟﻮ ﺣﻤﺎﺭ
ﺿﺤﻚ ﺍﺑﻦ ﻋﻤﻪ ﻛﺎﻟﻪ ﻻ ﺗﺮﻩ ﻛﻠﻨﻪ ﺗﺎﻟﻴﺘﻨﻪ ﻧﺼﻴﺮ ﻃﻠﻴﺎﻥ … ﻛﻠﻬﺎ ﺿﺤﻜﺖ .. ﻭﻃﻠﻌﻮ ﺳﻮﻩ ..
ﺷﻜﺪ ﻧﺎﻗﺺ ﺍﺟﺎﻧﻲ ﻭﻳﻜﻮﻟﻲ ﻣﺎ ﺍﺭﻳﺪ ﺍﺭﻭﺡ ﻳﻤﻬﻢ ﻭﺍﺑﻘﻰ ﻳﻤﺞ ﺧﻠﺺ ﺍﻟﻠﻲ ﻳﺮﻳﺪﻩ ﻭﺭﺟﻊ ﻟﻠﺤﻔﻠﻪ .. ﺧﺮﺭﺭﺏ ﻩ̷̷َـَْـُﺬﺁ ﺷﻠﻮﻥ ﻭﻳﺎﻩ ..
ﻟﻠﻴﻞ ﺩﺧﻞ ﻛﺘﻠﻪ ﺷﺒﻌﺖ ﻣﻨﻬﻦ .. ﻛﺎﻝ ﺍﺫﺍ ﻣﺮﺗﻲ ﺗﺮﻛﺺ ﺍﺣﺴﻦ ﻣﻨﻬﻦ ﺷﺼﺨﻢ ﺑﻴﻬﻦ ﻭﻳﻐﻤﺰﻟﻲ ﺿﺤﻜﺖ ..
ﻛﻤﻠﺖ ﺍﻟﺤﻨﻪ ﻭﺍﻧﻲ ﺭﺣﺖ ﻧﻤﺖ ﻳﻢ ﻣﺮﻳﻢ .. ﻫﻮﻩ ﺑﻘﻰ ﺳﻬﺮﺍﻥ ﻭﻳﻪ ﻭﻟﺪ ﻋﻤﻪ ﺳﻮﺍﻟﻒ ﻭﺿﺤﻚ .. ﺑﺲ ﺣﻠﻔﺘﻪ ﻣﻴﺸﺮﺏ ﻛﺎﻝ ﻣﺎ ﺍﺷﺮﺏ ﻭﺍﻟﻠﻪ
ﻧﺎﻳﻤﻪ ﻟﺴﺎﻋﻪ 3 ﻳﻠﻪ ﺍﺟﻪ .. ﻭﺍﻣﻪ ﻧﺎﻳﻤﻪ ﻳﻤﻨﻪ ﻭﻣﺮﺕ ﺍﺧﻮﻩ ﻭﺍﺧﻮﻩ ﻫﻢ .. ﻻﻥ ﺍﻟﻨﺎﺱ ﻫﻮﺍﻳﻪ ﻭﺍﻛﺜﺮﻫﻢ ﺑﺎﺗﻮ ﻻﻥ ﺍﻟﻄﺮﻳﻖ ﻃﻮﻳﻞ
ﻓﻜﻞ ﻭﺍﺣﺪ ﺷﺎﻓﻠﻪ ﻣﻜﺎﻥ ﻭﻧﺎﻡ ﺻﺎﺭﺕ ﻫﻮﺳﻪ .. ﺍﻟﻐﺮﻓﻪ ﺍﻟﻮﺣﺪﻩ ﺗﻠﻜﻪ ﺑﻴﻬﺎ 10 .. ﻳﺤﻴﻰ .. ﺍﺟﻪ ﻧﺎﻡ ﻳﻤﻲ .. ﻭﺣﻈﻦ ﻣﺮﻳﻢ ﻭﻧﺎﻡ
.
ﺛﺎﻧﻲ ﻳﻮﻡ ﻣﺸﻴﻨﻪ ﺍﻟﻌﺮﺱ ﺟﺎﻥ ﻛﻮﻟﺶ ﺣﻠﻮ .. ﻭﺍﻟﻌﺮﺍﺭﻳﺲ ﻳﺨﺒﻠﻮﻥ .. ﻛﻤﻠﻨﺎ ﻭﺯﻓﻴﻨﺎﻫﻢ .. ﻛﺎﻝ ﻳﺤﻴﻰ ﻳﻠﻪ ﻛﻮﻣﻲ ﻧﺮﺟﻊ ﻟﺒﻴﺘﻨﻪ .. ﻟﻤﻴﺖ ﺍﻟﻐﺮﺍﺽ ﻭﺭﺟﻌﻨﻪ
……………
ﺿﻠﺖ ﺍﺑﺎﻟﻲ ﻛﻠﻤﺘﻪ ﻟﻤﺎ ﻛﻠﻲ ﺍﺗﻌﻠﻤﻲ ﺷﻠﻮﻥ ﺗﺪﻟﻌﻴﻦ .. ﻫﻮﻩ ﺟﺎﻥ ﻣﻤﻮﺟﻮﺩ ﺑﺎﻟﻜﻮﻓﻲ .. ﺩﺧﻠﺖ ﺍﻟﻨﺖ ﻛﺘﺒﺖ ﻛﻴﻒ ﺍﺛﻴﺮ ﺯﻭﺟﻲ .. ﻃﻠﻌﺖ ﺍﺷﻜﺎﻝ ﺍﻟﻮﺍﻥ
ﺗﻌﻠﻤﺘﻠﻲ ﻛﻢ ﺷﻐﻠﻪ ﻭﻛﻤﺖ ﺩﺍ ﺍﻃﺒﻖ .. ﺳﺒﺤﺖ ﻭﻟﻔﻴﺖ ﺷﻌﺮﻱ ﺑﺨﺎﻭﻟﻲ .. ﻋﻠﻤﻮﺩ ﻣﻴﻨﺸﻒ .. ﺷﻤﺪﺭﻳﻨﻲ ﻫﻮﻩ ﺑﺎﻟﻨﺖ ﻛﺎﺗﺐ ﺍﻟﺮﺟﺎﻝ ﻳﺤﺐ ﺍﻟﺸﻌﺮ ﺍﻟﺮﻃﺐ 😁
ﻣﻜﻴﺠﺖ ﻃﻮﺥ ﻭﺣﻠﻮ ﻭﻟﺒﺴﺖ ﺭﻭﺏ .. ﻭﺗﻌﻄﺮﺕ ﻭﻛﻌﺪﺕ ﺍﻧﺘﻀﺮﻩ .. ﺩﺧﻞ ﺍﻟﺴﺎﻋﻪ 1 ﺑﻠﻴﻞ .. ﻧﺰﻋﺖ ﺍﻟﺨﺎﻭﻟﻲ ﻣﻦ ﺭﺍﺳﻲ ﻭﺳﻮﻳﺖ ﺭﻭﺣﻲ ﺍﻣﺸﻂ
ﺍﺗﻘﺮﺏ ﻭﺩﺭﺗﻠﻪ ﻭﺟﻬﻲ .. ﻭﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻪ ﻭﻛﺘﻠﻪ ﻫﻼﻭ ﺣﺒﻴﺒﻲ .. ﻛﺎﻝ ﺷﻜﻮ ﺍﻟﻴﻮﻡ ﻛﺎﻟﺒﺘﻬﺎ .. ﻛﺘﻠﻪ ﻟﻴﺶ ﻣﺘﺮﻳﺪﻧﻲ .. ﺍﺣﺠﻲ ﻭﺍﺣﺎﻭﻝ ﺍﺩﻟﻊ 😑
ﺿﺤﻚ .. ﺟﺮﻳﺘﻪ ﻟﻠﺴﺮﻳﺮ ﻭﻛﻌﺪﺕ ﺍﺗﻤﻮﻉ ﻭﺍﺣﺠﻲ ﻭﻳﺎﻩ .. ﻛﺎﻝ ﻣﻨﻴﻦ ﻣﺘﻌﻠﻤﻪ ﻫﺴﻮﺍﻟﻒ ﺍﻟﻴﻮﻡ .. ﻛﺘﻠﻪ ﻟﻴﺶ ﻛﺎﻝ ﻻ ﺗﺮﻩ ﺑﻴﻨﻪ ﻣﺼﻄﻨﻌﻪ .. ﻃﺒﻴﻌﺘﺞ ﺍﺣﺴﻦ
ﻛﺘﻠﻪ ﺩﺍ ﺍﺣﺎﻭﻝ ﺍﺻﻴﺮ ﻣﺜﻞ ﻣﺘﺮﻳﺪ .. ﺷﺠﻌﻨﻲ .. ﻛﺎﻝ ﺑﺲ ﺩﺿﺤﻜﻴﻨﻲ ﻣﻮ ﺗﺜﻴﺮﻳﻨﻲ .. ﻛﺘﻠﻪ ﻟﻴﺶ .. ﻛﺎﻝ ﻣﻤﺘﻌﻠﻢ ﻫﻠﺸﻲ ﻣﻨﺞ ﻣﻮ ﻫﺎﻱ ﻃﺒﻴﻌﺘﺞ
ﻛﺘﻠﻪ ﻭﺗﺎﻟﻲ ﻳﺤﻴﻰ ﺗﻜﻠﻲ ﺍﺗﻌﻠﻤﻲ ﻭﻣﻦ ﺍﺣﺎﻭﻝ ﺍﺗﻌﻠﻢ ﺗﻜﻮﻟﻲ ﻣﻮ ﻫﺎﻱ ﻃﺒﻴﻌﺘﺞ .. ﺍﺫﺍ ﺩﺗﺸﻮﻑ ﺩﺍ ﺍﺣﺎﻭﻝ ﺍﻏﻴﺮ ﻧﻔﺴﻲ ﻋﻠﻤﻮﺩﻙ .. ﺷﺴﻮﻱ ﺍﻛﺜﺮ
ﻳﺤﻴﻰ .. ﺍﻧﺘﻲ ﺑﺎﺭﺩﻩ ﻭﻫﺎﻱ ﻃﺒﻴﻌﺘﺞ ﻭ
ﻣﻦ ﺩﺗﺪﻟﻌﻴﻦ ﻫﺴﻪ ﺩﺍ ﺍﺷﻮﻑ ﺗﺼﻨﻊ ﻣﻮ ﺩﻻﻝ ..
ﺑﺮﺍﺀ .. ﻟﻴﺶ ﺗﻜﻮﻝ ﻋﻠﻴﻪ ﺑﺎﺭﺩﻩ ﻭﺍﻟﻠﻪ ﺍﺣﺎﻭﻝ ﺍﺻﻴﺮ ﻣﺜﻞ ﻣﺘﺮﻳﺪ ﺑﺲ ﺍﻧﺘﻪ ﺧﺒﻠﺘﻨﻲ ﻣﺎ ﺍﻋﺮﻑ ﺷﻨﻮ ﺗﺮﻳﺪ ﺑﺎﻟﻀﺒﻂ ..
ﺯﻳﻦ ﻋﻠﻤﻨﻲ .. ﺍﻧﻲ ﺩﺧﻠﺖ ﻧﺖ ﻭﺗﻌﻠﻤﺖ ﺍﻟﻠﻲ ﺗﻌﻠﻤﺘﻪ .. ﻋﻠﻤﻨﻲ ﺍﻧﺘﻪ .. ﺩﺗﺸﻮﻑ ﺷﻜﺪ ﺍﺧﺠﻞ ﻭﺭﻏﻢ ﻫﺬﺍ ﻟﺒﺴﺖ ﺍﻟﻠﻲ ﺗﺮﻳﺪﻩ ﻭﻣﺪﻳﻌﺠﺒﻚ ﻟﻴﺶ
ﻳﺤﻴﻰ .. ﻣﺎ ﺍﻋﺮﻑ .. ﻳﻠﻪ ﻣﻮ ﻣﻬﻢ .. ﺑﻮﺳﺘﻬﺎ ﻭﺍﺧﺬﺕ ﺣﺎﺟﺘﻲ ﻭﻧﻤﺖ
ﺑﺮﺍﺀ .. ﺑﻘﻴﺖ ﺍﺑﺠﻲ ﻣﻠﻴﺖ ﻣﻦ ﻛﺪ ﻣﻴﻜﻠﻲ ﺍﻧﺘﻲ ﺑﺎﺭﺩﻩ .. ﺷﺴﻮﻱ .. ﻣﺎ ﺍﻋﺮﻑ ﻫﺎﻱ ﻃﺒﻴﻌﺘﻲ ﻭﻫﻮﻩ ﻣﺪﻳﺴﺎﻋﺪﻧﻲ ﺍﺗﻐﻴﺮ .. ﻧﺎﻡ ﻭﺍﻧﻲ ﺑﻘﻴﺖ ﺍﺑﺠﻲ
ﺍﺗﺄﺫﻩ ﻣﻦ ﻳﻜﻮﻟﻲ ﻣﺸﺎﻋﺮﺝ ﺑﺎﺭﺩﻩ .. ﻟﻮ ﻣﺸﺎﻋﺮﻱ ﺑﺎﺭﺩﻩ ﻳﻌﻠﻤﻨﻲ ﻫﻮﻩ ﻭﻳﺤﺮﻛﻠﻲ ﻣﺸﺎﻋﺮﻱ .. ﻳﺮﻳﺪ ﻣﻨﻲ ﻟﻜﻦ ﻣﺎ ﻳﻨﻄﻴﻨﻲ .. ﻳﺮﻳﺪ ﺍﺩﻟﻌﻪ ﻟﻜﻦ ﻣﻴﺪﻟﻌﻨﻲ ..
ﻣﺮﺕ ﺍﻻﻳﺎﻡ ﻭﺍﻧﻲ ﺍﺑﺤﺚ ﻭﺍﺗﻌﻠﻢ ﻛﻮﻟﺸﻲ ﻣﻤﻜﻦ ﻳﻌﺠﺒﻪ ﻟﻜﻦ ﻫﻮﻩ ﻣﻴﺤﺐ ﻟﻤﺎ ﺍﺗﻐﻴﺮ ﻳﻜﻮﻟﻲ ﺿﻠﻲ ﻋﻠﻰ ﻃﺒﻴﻌﺘﺞ ﻻ ﺗﺘﺼﻨﻌﻴﻦ ﻭﻣﻴﺴﺘﻘﺒﻞ ﻛﻞ ﺗﻐﻴﻴﺮ ﻣﻨﻲ ﻳﻀﺤﻚ ﻭﻳﻔﺸﻠﻨﻲ
ﻓﺪ ﻳﻮﻡ ﻛﺎﻝ ﺭﺍﺡ ﺍﺷﺘﻐﻞ ﺳﺎﻳﻖ ﺍﺑﻴﺖ ﺗﺎﺟﺮ ﻛﺘﻠﻪ ﻫﻮﻩ ﺍﻧﺘﻪ ﻣﻮ ﻋﻨﺪﻙ ﻣﺤﻞ .. ﻛﺎﻝ ﺍﻟﻤﺤﻞ ﺧﻠﻴﺘﻪ ﺑﻴﺪ ﺛﻨﻴﻦ ﻋﻤﺎﻝ ..
ﺍﺭﻳﺪ ﺍﻛﺜﺮ ﺷﻐﻠﻲ ﻋﻠﻤﻮﺩ ﺍﻫﻢ ﻧﻔﺴﻲ ﻭﺍﺷﺘﺮﻳﻠﻲ ﺑﻴﺖ .. ﻛﺘﻠﻪ ﻣﻮ ﻫﺬﺍ ﺑﻴﺘﻨﻪ .. ﻛﺎﻝ ﻫﺬﺍ ﺍﻟﺞ ﻣﻮ ﺍﻟﻲ ..
ﻛﺘﻠﻪ ﺑﺮﺍﺣﺘﻚ .. ﺍﺷﺘﻐﻞ ﻭﻋﺎﺩﻱ ﻛﻨﺎ ﻣﺮﺗﺎﺣﻴﻦ ﻳﺮﻭﺡ ﺍﻟﺼﺒﺢ ﻳﺮﺟﻊ ﺍﻟﻀﻬﺮ ﻭﻣﺮﺍﺕ ﻳﺮﻭﺡ ﻳﺸﻮﻑ ﺍﻟﻤﺤﻞ ﺷﻴﺤﺘﺎﺝ
ﻭﻛﻠﻤﺎ ﻳﺤﺘﺎﺝ ﻫﺬﺍ ﺍﻟﺘﺎﺟﺮ ﻳﺪﺯ ﻋﻠﻴﻪ .. ﻭﻳﺮﻭﺣﻠﻪ .. ﻣﺎ ﻋﻨﺪﻱ ﺍﺷﻜﺎﻝ ..
ﻓﺪ ﻳﻮﻡ ﻣﻦ ﺍﻻﻳﺎﻡ ﻭﺍﻛﻒ ﺩﻳﺼﻠﺢ ﺑﺎﻟﺪﻭﺵ ﻣﺎﻝ ﺍﻟﺤﻤﺎﻙ
.
ﻭﺍﻟﻤﻮﺑﺎﻳﻞ ﻣﺎﻟﺘﻪ ﺟﺎﻥ ﺑﺎﻟﺠﻴﺐ ﺍﻟﻮﺭﻩ ﻭﻃﺎﻟﻊ ﻧﺺ ﺍﻟﺠﺎﻫﺰ ﻣﻦ ﺍﻟﺠﻴﺐ .. ﻣﻦ ﺗﺤﺮﻙ ﻭﻛﻊ ﺍﻟﻤﻮﺑﺎﻳﻞ ﻭﻃﻜﺖ ﺍﻟﺸﺎﺷﻪ ﺍﺣﺘﺮﻛﺖ
ﺣﺎﻭﻝ ﻳﺸﻐﻠﻪ ﻣﻴﺸﺘﻐﻞ .. ﻛﺎﻝ ﻭﻳﻦ ﻣﻮﺑﺎﻳﻠﺞ .. ﻛﺘﻠﻪ ﻟﻴﺶ ﻛﺎﻝ ﺑﺲ ﺍﻓﺘﺢ ﺑﻴﻪ ﺣﺴﺎﺑﻲ ﻭﻟﺪ ﺧﺎﺑﺮﻧﻲ ﻋﻠﻰ ﺷﻐﻠﻪ ﻭﺟﻨﺖ ﺍﺣﺠﻲ ﻭﻳﺎﻩ ﻗﺒﻞ ﻻ ﻳﻨﻜﺴﺮ ﺍﻟﺠﻬﺎﺯ
ﻛﺘﻠﻪ ﻫﺎﻙ .. ﺍﺧﺬﻩ ﻭﺭﺍﺡ ﻟﻠﻜﻮﻓﻲ ﺑﻠﻴﻞ ﺭﺟﻊ ﻭﻧﺎﻡ ﻛﺒﻞ ﺣﺘﻰ ﻣﺎ ﺍﺟﻪ ﻳﻤﻲ ﺍﻭ ﺣﺘﻰ ﺑﺎﻭﻋﻠﻲ ﺍﺫﺍ ﻣﻜﻴﺠﻪ ﺍﻭ ﻻ
ﻋﻔﺘﻪ ﻛﻠﺖ ﻳﻤﻜﻦ ﺗﻌﺒﺎﻥ .. ﻏﻄﻴﺘﻪ .. ﻭﺟﺮﻳﺖ ﻣﻮﺑﺎﻳﻠﻲ ﺍﺗﺼﻔﺢ .. ﺟﺎﻥ ﻣﺴﺠﻞ ﺧﺮﻭﺝ ﻣﻦ ﺣﺴﺎﺑﻪ .. ﺑﺲ ﺑﻘﺖ ﺻﻔﺤﺘﻪ ﻣﺤﻔﻮﻇﻪ ﻳﻤﻲ .. ﻣﺠﺮﺩ ﻣﺎ ﺩﺧﻠﺖ ﻋﻠﻴﻬﺎ ﺍﻧﻔﺘﺤﺖ ﺑﺪﻭﻥ ﺑﺎﺳﻮﻭﺭﺩ
ﺑﻘﻴﺖ ﺍﻓﺘﺶ ﺑﻴﻬﺎ ﻣﺎﻛﻮ .. ﺍﻟﺼﻔﺤﻪ ﺍﻟﺸﺨﺼﻴﻪ ﻛﻮﻟﺸﻲ ﻣﺎﺑﻴﻬﺎ .. ﺭﺑﻄﺘﻬﺎ ﻣﺎﺳﻨﺠﺮ .. ﻭﻟﻜﻴﺖ ﺍﻟﺒﻼﻭﻱ ﻛﻮﻣﻪ ﻧﺴﻮﺍﻥ ﻳﺤﺠﻲ ﻭﻳﺎﻫﻦ ﻭﻳﺪﺯﻟﻪ ﺻﻮﺭ ﺍﺑﺎﺣﻴﻪ ﻭﻫﻮﻩ ﻳﻀﺤﻚ ﻭﻳﺤﺠﻲ ﻋﺎﺩﻱ ﻭﻳﺎﻫﻦ ﺑﻜﻞ ﻃﻼﻗﻪ
ﺳﺪﻳﺘﻪ ﻣﺎ ﺭﺩﺕ ﺍﻧﻘﻬﺮ ﺍﻛﺜﺮ .. ﻟﺜﺎﻧﻲ ﻳﻮﻡ ﺍﺧﺬ ﻓﻠﻮﺱ ﻭﺭﺍﺡ ﺟﺎﺏ ﺟﻬﺎﺯ ﺛﺎﻧﻲ .. ﻛﺎﻡ ﻛﻮﻟﺸﻲ ﻳﺮﺍﺳﻞ ﺍﻭ ﻳﺤﺠﻲ ﻳﻄﻠﻊ ﻳﻤﻲ ﺑﺼﻔﺤﺘﻪ .. ﻭﺍﺭﺍﻗﺒﻪ
ﺷﻔﺖ ﺍﻛﻮ ﺑﻨﻴﻪ ﻫﻮﺍﻱ ﺗﺮﺍﺳﻠﻪ ﻭﻳﺤﺠﻲ ﻭﻳﺎﻫﺎ ﺭﺳﻤﻲ .. ﺑﺲ ﻫﻴﻪ ﻭﻗﺤﻪ ﻭﺗﺘﻤﺎﻭﻉ ﺑﺎﻟﺤﺠﻲ ﻭﺩﺯﻟﻪ ﺑﺼﻤﻪ ﻭﻫﻮﻩ ﻳﺤﺎﻭﻝ ﻳﺤﺘﺮﻡ ﺑﻜﻼﻣﻪ ﻭﻳﺎﻫﺎ ﻭﻣﺎ ﺭﺍﺩﻫﺎ ﻭﻻ ﻣﺘﻘﺒﻠﻬﺎ
ﺣﺮﺕ ﺷﻠﻮﻥ ﺍﺳﺄﻝ ﻋﻠﻰ ﻫﺬﻱ ﺍﻟﺒﻨﻴﻪ .. ﺍﺟﻴﺘﻪ ﻛﺘﻠﻪ ﻛﺘﻠﻪ ﻣﻨﻮ ﻫﺬﻱ ﻭﺷﻮﻓﺘﻪ ﺻﻔﺤﺘﻬﺎ .. ﻛﺎﻡ ﻣﻦ ﻣﻜﺎﻧﻪ ﻋﺪﻝ ﻛﻌﺪﺗﻪ ..
ﻛﺎﻝ ﻟﻴﺶ ﺗﺴﺄﻟﻴﻦ .. ﻛﺘﻠﻪ ﻻ ﻫﻴﺞ ﻣﺴﻮﻳﺘﻠﻲ ﻣﺘﺎﺑﻌﻪ ﻭﻫﻴﻪ ﺻﺪﻳﻘﻪ ﻳﻤﻚ ﻋﻠﻔﻴﺴﺒﻮﻙ .. ﻟﺬﻟﻚ ﺭﺩﺕ ﺍﻋﺮﻑ ﻣﻨﻮ
ﻛﺎﻝ ﻣﺎ ﺍﻋﺮﻓﻬﺎ ﻳﻤﻜﻦ ﺯﺑﻮﻧﻪ .. ﻛﺘﻠﻪ ﺷﺒﻴﻚ .. ﻛﺎﻝ ﻣﺎﺑﻴﻪ ﺷﻲ .. ﻛﺘﻠﻪ ﻳﺤﻴﻰ .. ﺍﺫﺍ ﺍﻛﻮ ﺷﻲ ﺻﺎﺭﺣﻨﻲ .. ﺗﺮﻩ ﻭﺍﻟﻠﻪ ﺍﺣﺒﻚ ﻭﻣﺴﺘﻌﺪﻩ ﺍﺻﻴﺮ ﺍﻟﻠﻲ ﺗﺮﻳﺪﻩ ﻭﻋﻠﻤﻨﻲ ﻋﻠﻴﻪ ﻭﺍﻃﻴﻌﻚ ﻟﻴﺶ ﺍﺩﻭﺭ ﻏﻴﺮﻱ
ﻛﺎﻝ ﻣﺘﺘﻐﻴﺮﻳﻦ ﺍﻧﺘﻲ .. ﻛﺘﻠﻪ .. ﺣﺎﻭﻟﺖ ﻭﺍﻧﺘﻪ ﺗﻀﺤﻚ ﻋﻠﻴﻪ .. ﻳﻜﻮﻝ ﺍﻱ ﻣﺎ ﻣﺘﻌﻮﺩ ﻋﻠﻲ ﻫﻴﺞ ﺷﻲ ﻣﻨﺞ ﻟﺬﻟﻚ ﺍﺿﺤﻚ
ﻛﺘﻠﻪ ﻭﺗﺎﻟﻲ .. ﻛﺎﻝ ﺗﻌﺒﺎﻥ ﻋﻮﻓﻴﻨﻲ ﺍﻧﺎﻡ .. ﺭﺍﺡ ﻟﻐﺮﻓﺔ ﺍﻟﻨﻮﻡ ﻭﻧﺎﻡ .. ﻛﻌﺪﺕ ﻭﻓﺘﺤﺖ ﺍﻟﺘﻠﻔﺰﻳﻮﻥ .. ﻛﺎﻣﺖ ﺗﺠﻲ ﺍﻟﺮﺳﺎﺋﻞ ﻣﺎﻟﺘﻪ ﻋﻞ ﺍﻟﻤﺎﺳﻨﺠﺮ ﻳﻌﻨﻲ ﻣﻮ ﻧﺎﻳﻢ ﻛﺎﻋﺪ ﻳﺮﺍﺳﻞ
ﻟﻴﺶ ﻣﻦ ﺍﻛﻌﺪ ﻳﻤﻪ ﻭﺍﺣﺠﻲ ﻭﻳﺎﻩ ﻳﻀﻮﺝ ﺑﺲ ﻣﻴﻀﻮﺝ ﻟﻮ ﺧﻠﺺ ﻳﻮﻡ ﻛﺎﻣﻞ ﻭﻫﻮﻩ ﻳﺤﺠﻲ ﻭﻳﺎﻫﻦ .. ﺩﺧﻠﺖ ﺍﺗﺎﺑﻊ ﺍﻟﺪﺭﺩﺷﻪ .. ﻣﺎﻟﺘﻬﻢ ..
ﺍﻟﺒﻨﻴﻪ ﻭﻛﺤﻪ ﻓﺪ ﻣﺮﻩ ﻭﺗﺤﺠﻲ ﺳﺨﻴﻒ ﻭﺗﻜﻮﻟﻪ ﺍﻧﺘﻪ ﺗﺨﺒﻞ ﻭﺗﺠﻨﻦ ﻫﻨﻴﺎﻟﻬﺎ ﻟﻤﺮﺗﻚ ﻣﺨﻠﺼﻪ ﺍﻳﺎﻣﻬﺎ ﺑﺤﻈﻨﻚ
ﻭﻫﻮﻩ ﻳﻜﻮﻟﻬﺎ ﻳﻤﻌﻮﺩﻩ ﻳﺎ ﻣﺮﺗﻲ ﺑﺎﺍﺍﺍﺍﺍﺭﺩﻩ ﺗﻜﻮﻝ ﺍﺗﻘﺮﺏ ﻟﻤﻴﺘﻪ ﺍﺑﺪ ﻣﺘﺤﺲ ﺑﻴﻪ ﻭﻻ ﺗﺤﺎﻭﻝ ﺗﻐﻴﺮ ﻧﻔﺴﻬﺎ ﺗﻌﺒﺖ ﻣﻨﻬﺎ
ﺗﻜﻮﻟﻪ ﻣﺘﻌﻮﻓﻬﺎ ﻭﺗﺰﻭﺝ ﻋﻠﻴﻬﺎ ﻟﻌﺪ ﻟﻴﺶ ﺑﺎﻗﻲ ﻫﻴﺞ .. ﻛﺎﻟﻬﺎ ﻟــ NO ـﺎ ﻣﺎ ﺍﻛﺪﺭ ﺍﻛﺴﺮ ﺍﺑﻨﺘﻲ ﺧﻄﻴﻪ .. ﻛﺎﻟﺘﻠﻪ ﻋﻠﻤﻮﺩ ﺑﻨﺘﻚ ﺍﻣﺒﻘﻴﻬﺎ
ﻛﺎﻟﻠﻬﺎ ﻻ ﻣﺎﺍﻟﻬﺎ ﺍﺣﺪ ﻏﻴﺮﻱ ﻳﺘﻴﻤﻪ ﻭﻳﻦ ﺗﺮﻭﺡ .. ﻟﺬﻟﻚ ﻣﺎ ﻳﻨﻄﻴﻨﻲ ﻛﻠﺒﻲ ﺍﻋﻮﻓﻬﺎ .. ﻣﺎ ﺍﻛﺪﺭ ﺍﻛﺴﺮﻫﺎ ﺣﺮﺍﻡ .. ﺍﺧﺎﻑ ﺍﻟﻠﻪ ﺑﻴﻬﺎ
ﻛﺎﻟﺘﻠﻪ ﺍﻧﻲ ﻋﻜﺴﻚ .. ﻭﺍﻟﻠﻪ ﺯﻭﺟﻲ ﺻﺢ ﻳﻨﻄﻴﻨﻲ ﻓﻠﻮﺱ ﻭﺣﺮﻳﻪ ﺑﺲ ﻳﺴﺎﻓﺮ ﻫﻮﺍﻱ ﻭﺍﻧﻲ ﺍﺣﺘﺎﺟﻪ .. ﻭﻫﻮﻩ ﻣﻤﻘﺪﺭﻧﻲ
.
ﻛﺎﻟﻬﺎ ﻫﻤﻪ ﺫﻭﻟﻪ ﺍﻟﺘﺠﺎﺭ ﺗﻠﻜﻴﻨﻪ ﻳﻠﻌﺐ ﺑﺮﻩ ﻭﻋﺎﻳﻔﺞ ﺑﺎﻟﺒﻴﺖ ﻭﻳﻪ ﺍﺑﻮ ﺳﻠﻤﺎﻥ ﺣﺎﺭﺱ ﻫﻬﻬﻬﻬﻪ ..
ﻋﺮﻓﺖ ﻫﺬﻱ ﺍﻟﺒﻨﻴﻪ .. ﺯﻭﺟﺔ ﺍﻟﺘﺎﺟﺮ ﺍﻟﻠﻲ ﻳﺸﺘﻐﻞ ﻋﻨﺪﻩ
ﺍﻗﺮﻩ ﻛﻠﻤﺎﺗﻬﻢ ﻭﺩﻣﻮﻋﻲ ﺗﺠﺮﻱ .. ﻫﻴﺞ ﻣﺴﺘﺤﻘﺮﻧﻲ ﻭﻣﻴﺤﺒﻨﻲ ﻟﻴﺶ .. ﻟﻴﺶ ﻫﻴﺞ ﻳﺤﺠﻲ ﻋﻠﻴﻪ ﻛﺪﺍﻡ ﻫﺬﻱ ﺍﻟﺴﺎﻗﻄﻪ
ﻣﻮ ﺍﺭﻳﺪ ﺍﺗﻐﻴﺮ ﻭﻫﻮﻩ ﺭﻓﺾ ﻭﻳﻜﻮﻝ ﺍﺑﻘﻲ ﻫﻴﺞ ﻣﻴﻠﻮﻛﻠﺞ ﺗﺘﻐﻴﺮﻳﻦ .. ﻳﺨﺪﻋﻨﻲ ﺑﺤﺒﻪ ﻭﺍﻧﻲ ﺯﻭﺟﺘﻪ ..
ﺣﺮﺕ ﺷﺴﻮﻱ ﺷﻠﻮﻥ ﺍﺣﺎﺳﺒﻪ ﻋﻠﻰ ﺍﻟﻠﻲ ﺣﺠﺎﻩ
ﺍﺧﺎﻑ ﺍﺭﻭﺡ ﺍﻛﻠﻪ ﻓﺎﺗﺤﻪ ﺣﺴﺎﺑﻚ ﻭﻳﺴﺪﻩ ﻭﺑﻌﺪ ﻣﺎ ﺍﻋﺮﻑ ﻋﻤﺎﻳﻠﻪ .. ﺭﺣﺖ ﻟﻠﻐﺮﻓﻪ .. ﻣﻄﻔﻲ ﺍﻟﻀﻮﻩ ﺑﺲ ﻭﺟﻬﺎ ﺑﻤﻮﺑﺎﻳﻠﻪ ﻭﻳﺮﺍﺳﻞ
ﺳﺤﺒﺘﻪ ﻣﻨﻪ ﺑﺨﻔﻪ ﻭﺳﻮﻳﺘﻬﺎ ﺑﺪﻟﻊ ﻭﻛﺘﻠﻪ ﺩﺍ ﺍﺷﻮﻑ ؏ﺷﻨﻮ ﻣﺨﻠﻲ ﻭﺟﻬﻚ ﻭﺗﺮﺍﺳﻞ ﻭﻋﺎﻳﻔﻨﻲ ﻋﻠﻤﻮﺩﻩ ..
ﻫﻮﻩ ﻛﻤﺰ ﻭﻭﻛﻒ ﻋﻠﻰ ﺣﻴﻠﻪ ﻭﻳﺘﻼﻭﻩ ﻭﻳﺎﻱ ﻳﺮﻳﺪ ﻳﺎﺧﺬ ﺍﻟﺠﻬﺎﺯ .. ﺧﻠﻴﺘﻪ ﻭﺭﺍﻱ .. ﻭﻫﻮﻩ ﻳﺼﻴﺢ ﺍﻧﻄﻴﻨﻲ ﻛﺘﻠﻪ ﺻﻮﺗﻚ ﻣﺮﻳﻢ ﻧﺎﻳﻤﻪ
ﻛﺎﻝ ﺩﺍ ﺍﻛﻮﻟﺞ ﺍﻧﻄﻴﻨﻲ .. ﻛﺘﻠﻪ ﺑﺎﻻﻭﻝ ﺍﺷﻮﻑ ﺑﻘﻰ ﻳﺠﺮ ﺑﻴﻪ ﺑﻘﻮﻩ ﻭﻳﺤﺎﻭﻝ ﻳﺎﺧﺬﻩ .. ﻛﺘﻠﻪ ﻭﺍﻟﻠﻪ ﻣﺎ ﺍﻧﻄﻴﻜﻴﺎﻩ ..
ﺿﺮﺑﻨﻲ ﺭﺍﺷﺪﻱ ﻛﺎﻝ ﺩﺍ ﺍﻛﻮﻟﺞ ﺟﻴﺒﻲ .. ﺑﻘﺖ ﺩﻣﻮﻋﻲ ﺗﺠﺮﻱ .. ﻛﺘﻠﻪ ﺍﻻ ﺍﺷﻮﻑ ﻣﻨﻮ ﺍﻟﻠﻲ ﺗﺮﺍﺳﻠﻬﺎ ..
ﻛﺎﻝ ﺍﺫﺑﺤﺞ .. ﻛﺘﻠﻪ ﺷﻤﺨﺒﺺ ﺣﺘﻰ ﻣﺘﺮﻳﺪ ﺗﺸﻮﻓﻨﻲ ﻛﺎﻝ ﻣﻌﻠﻴﺞ .. ﻛﺘﻠﻪ ﻣﺎ ﺍﻧﻄﻴﻜﻴﺎﻩ ﻭﺍﻟﻠﻪ .. ﻛﺎﻝ ﺍﻃﻠﻜﺞ ﻭﺍﻟﻠﻪ
ﻓﺘﺤﺖ ﻋﻴﻮﻧﻲ ﻭﺻﻔﻨﺖ ﺑﻮﺟﻬﺎ .. ﻛﺘﻠﻪ ﻫﻠﻜﺪ ﺍﻧﻲ ﺭﺧﻴﺼﻪ ﻋﻨﺪﻙ .. ﺍﻧﻄﻴﺘﻪ ﺍﻟﺠﻬﺎﺯ ﻭﺭﺣﺖ ﻟﻠﻜﻨﺘﻮﺭ ﺍﻟﻢ ﻫﺪﻭﻣﻲ
ﻛﺎﻝ ﻭﻳﻦ .. ﻛﺘﻠﻪ ﻣﺎ ﺍﺭﻳﺪ ﺍﺑﻘﻰ ﻳﻤﻚ ﺍﺭﻭﺡ ﻷﻣﻚ ﺍﺷﻮﻑ ﺗﻘﺒﻞ ﺑﻬﺬﻱ ﺗﺼﺮﻓﺎﺗﻚ ﻭﻋﻤﺎﻳﻠﻚ .. ﻛﺎﻝ ﻻ ﺗﺘﺨﺒﻠﻴﻦ ﻛﻌﺪﻱ ..
ﻣﺎ ﺭﺩﻳﺖ ﻋﻠﻴﻪ .. ﻟﺒﺴﺖ ﺍﻱ ﺷﻲ ﻭﻟﻔﻴﺖ ﺍﻟﺤﺠﺎﺏ .. ﻭﺍﺧﺬﺕ ﻣﺮﻳﻢ .. ﻛﺎﻝ ﺍﻛﻌﺪﻱ .. ﺻﺮﺧﺖ .. ﻣﺎ ﺍﻛﻌﺪ ﻣﺎ ﺍﻛﻌﺪ ..
ﺭﺩﺕ ﺍﻃﻠﻊ ﻛﺎﻝ ﺻﻌﺪﻱ ﺍﻧﻲ ﺍﻭﺻﻠﺞ .. ﺻﻌﺪﺕ ﻭﺭﻩ ﻣﺎﻛﻌﺪﺕ ﻳﻤﻪ .. ﻛﺎﻝ ﺍﺷﺘﻐﻞ ﻋﻨﺪ ﺍﻟﺨﻠﻔﻮﺝ ﺗﻌﺎﻱ ﻛﻌﺪﻱ ﻳﻤﻲ .. ﻛﺘﻠﻪ ﺗﻤﺸﻲ ﻻ ﻭﺍﻟﻠﻪ ﺍﻫﺞ ﺑﻬﻠﻴﻠﻪ ﻫﺎﻱ ﻭﺑﻌﺪ ﻣﺘﺸﻮﻑ ﻭﺟﻬﻲ
ﺳﻜﺖ ﻭﺻﻌﺪ .. ﺳﺎﻕ ﺍﻟﺴﻴﺎﺭﻩ ﻭﻳﺒﺎﻭﻋﻠﻲ ﺑﺎﻟﻤﺮﺍﻳﺎ ﻭ ﻳﻜﻮﻟﻲ ﻣﺨﺒﻠﻪ ﻻ ﺗﺘﺨﺒﻠﻴﻦ ﺧﻞ ﻧﺮﺟﻊ .. ﻛﺘﻠﻪ ﺍﺭﺟﻊ ﺍﻧﺘﻪ ﺍﻧﻲ ﻣﺎ ﺍﻟﻲ ﻛﻌﺪﻩ ﻭﻳﺎﻙ ﺑﻌﺪ
ﻭﺻﻠﻨﻪ ﺍﻟﺒﻴﺖ ﺍﻫﻠﻪ .. ﺩﺧﻠﺖ ﺍﻣﻪ ﺟﺎﻧﺖ ﻛﺎﻋﺪﻩ ﺗﺼﻠﻲ ﻭﺗﺴﺒﺢ .. ﻣﻦ ﺷﺎﻓﺘﻨﻪ ﻛﺎﻣﺖ ﻭﻛﺎﻟﺖ ﻫﻼ ﻳﻤﻪ ﺧﻴﺮ ﺷﺒﻴﻜﻢ ﻣﺘﺤﻠﻤﻴﻦ ﺑﻴﻪ
ﻛﺘﻠﻬﺎ ﻳﻮﻡ ﻩ̷̷َـَْـُﺬﺁ ﺍﺑﻨﺞ ﺑﻌﺪ ﻣﺎ ﺍﺭﻳﺪ .. ﻫﻮﻩ ﺻﺮﺥ .. ﻛﺎﻝ ﻫﺬﺍ ﺷﻨﻮ ﺑﻨﺖ ﺍﻟﻜﻠﺐ ﻭﺭﺍﺩ ﻳﻀﺮﺑﻨﻲ .. ﻟﺰﻣﺖ ﺍﻳﺪﻩ ﺍﻟﺤﺠﻴﻪ .. ﻛﺎﻟﺘﻪ ﺍﻭﻛﻒ ﺧﻞ ﻧﻔﺘﻬﻢ ﺷﺒﻴﻜﻢ
ﺣﺠﻪ ﻗﺒﻠﻲ ﻳﻜﻮﻟﻬﺎ ﺗﻌﺒﺖ ﻣﻨﻬﺎ ﺑﻌﺪ ﻣﺎ ﺍﺭﻳﺪﻫﺎ .. ﻛﺘﻠﻪ ﻫﺎﺍﺍ ﻓﻮﻛﺎﻫﺎ .. ﻫﻴﻪ ﻛﺎﻟﺘﻠﻪ ﺍﻧﺠﺐ ﻭﺳﺪ ﺣﻠﻜﻚ ﺷﻮﻳﻪ ﺧﻞ ﻧﻔﺘﻬﻢ
ﻛﺎﻟﺖ ﺗﻌﺎﻱ ﺑﻨﻴﺘﻲ ﺷﺒﻴﺞ .. ﻛﺘﻠﻬﺎ ﻳﻮﻡ ﻭﺍﻟﻠﻪ ﺗﻌﺒﺖ ﻣﻨﻪ ﻭﻣﻦ ﺳﻮﺍﻟﻔﻪ ﺑﻌﺪ ﻣﺎ ﺍﺭﻳﺪ ﺍﻋﻴﺶ ﻭﻳﺎﻩ ..
ﺿﺤﻜﺖ ﻛﺎﻝ ﺍﻭﻝ ﻣﺮﻩ ﺍﺷﻮﻑ ﻭﺣﺪﻩ ﺗﻄﻠﻊ ﺯﻋﻼﻧﻪ ﻣﻦ ﺑﻴﺘﻬﺎ ﻟﺒﻴﺖ ﻋﻴﺎﻟﻬﺎ .. ﻫﻮﻩ ﻏﻴﺮ ﺑﻴﺘﺞ ﻳﻴﻤﻪ ﻭﻫﺬﺍ ﺑﻴﺖ ﺍﻫﻠﻪ
ﻛﺘﻠﻬﺎ ﺍﻧﻲ ﻣﺎ ﻓﺪ ﻳﻮﻡ ﺣﺴﺒﺖ ﺫﺍﻙ ﺑﻴﺘﻲ ﻟﻮ ﻫﻮﻩ ﻛﺎﻋﺪ ﺑﻴﺖ ﺍﻫﻠﻲ .. ﺫﺍﻙ ﺑﻴﺘﻨﻪ ﺍﺛﻨﻴﻨﻪ ﻭﺍﻧﺘﻲ ﺍﻣﻲ ﻭﺍﺟﻴﺖ ﻳﻤﺞ ﺍﺷﻜﻴﻠﺞ
ﻛﺎﻟﺖ ﻃﻴﺒﻪ ﻭﺑﻨﺖ ﺍﺻﻮﻝ ﺍﺣﺠﻲ ﻳﻤﻪ ﺷﺒﻴﺞ .. ﻛﻞ ﻣﺎ ﺍﺣﺠﻲ ﻭﻳﺤﻴﻰ ﻳﺴﺒﻘﻨﻲ ﺑﺎﻟﻜﻼﻡ ﻭﺍﻣﻪ ﺗﺴﻜﺘﻪ ..
ﻛﺘﻠﻬﺎ ﻳﻮﻡ 24 ﺳﺎﻋﻪ ﺭﺍﺳﻪ ﺑﻤﻮﺑﺎﻳﻠﻪ ﻳﺎ ﺷﻐﻞ ﻳﺎ ﻣﻮﺑﺎﻳﻞ ﻭﺍﻧﻲ ﻭﻻ ﻣﻮﺟﻮﺩﻩ ﺑﺤﻴﺎﺗﻪ ﻓﻘﻂ ﺑﺤﺎﺟﺘﻪ
ﺍﺟﻴﺖ ﺍﺗﺸﺎﻗﻪ ﻭﻳﺎﻩ ﻭﺳﺤﺒﺖ ﺍﻟﻤﻮﺑﺎﻳﻞ ﻛﺎﻝ ﺍﻧﻄﻴﻨﻴﺎﻩ ﻛﺘﻠﻪ ﻣﺎ ﺍﻧﻄﻴﻪ ﻭﺍﺿﺤﻚ ﻭﻳﺎﻩ .. ﺟﺎﻥ ﻫﻮﻩ ﻳﻀﺮﺑﻨﻲ ﻭﻳﻜﻮﻟﻲ ﺍﺫﺍ ﻣﺘﻨﻄﻴﻨﻴﺎﻩ ﺍﻃﻠﻜﺞ
ﺷﻨﻮ ﺍﻟﻠﻲ ﺿﺎﻣﻪ ﻋﻠﻴﻪ ﺑﺤﻴﺚ ﻳﻄﻠﻜﻨﻲ ﺍﻫﻮﻥ ﻋﻠﻴﻪ ﻣﻦ ﺍﺷﻮﻑ ﺷﻨﻮ ﻳﺴﻮﻱ ﻋﻠﻤﻮﺑﺎﻳﻞ
ﻫﻮﻩ ﻛﺎﻟﻬﺎ ﻳﻤﻪ ﻭﺍﻟﻠﻪ ﻣﺎ ﻋﻨﺪﻱ ﺷﻲ .. ﻋﻤﻲ ﻫﺎﺝ ﻫﺬﺍ ﺍﻟﻤﻮﺑﺎﻳﻞ ﻭﺷﻮﻓﻲ .. ﺍﻧﻄﺎﻧﻴﺎﻩ .. ﺑﺎﻭﻋﺖ ﺣﺎﺫﻑ ﺍﻟﻤﺤﺎﺩﺛﻪ ..
ﻛﺘﻠﻪ ﺟﺬﺍﺏ .. ﺣﺎﺫﻓﻬﺎ .. ﺍﺧﺮ ﻣﺤﺎﺩﺛﻪ ﻋﻨﺪﻙ ﺍﻟﻀﻬﺮ .. ﻭﺍﻧﺘﻪ ﺟﻨﺖ ﺗﺤﺠﻲ ﻗﺒﻞ ﺷﻮﻱ
ﻛﺎﻝ ﺷﻤﺪﺭﻳﺞ ﻣﺎﺳﻨﺠﺮ .. ﻛﺘﻠﻪ ﺍﻧﻲ ﺷﻔﺘﻚ .. ﻭﺳﺤﺒﺘﻪ ﺩﺍ ﺍﺷﻮﻑ ﺍﻟﻠﻲ ﺗﺤﺠﻲ ﻭﻳﺎﻫﺎ ..
ﺍﻣﻪ ﻛﺎﻟﺖ ﻛﺎﻓﻲ ﺍﻓﺘﻬﻤﺖ ﺍﻟﻤﺸﻜﻠﻪ .. ﻳﺤﻴﻰ .. ﺧﻠﻲ ﺑﺮﺍﺀ ﻭ ﻭﺍﻟﺒﻨﻴﻪ ﺍﻟﻴﻮﻡ ﻫﻨﺎ ﺗﺮﺗﺎﺡ ﻭﺗﻬﺪﺀ ﻧﻔﺴﻴﺘﻬﺎﺍ ..
ﺩﺍﺭﺕ ﻭﺟﻬﻪ ﻋﻠﻴﻪ ﻛﺎﻟﺖ ﻳﻤﻪ ﺭﻭﺣﻲ ﺍﺧﺬﻱ ﺑﻨﻴﺘﺞ ﻧﻮﻣﻴﻬﺎ ﺟﻮﻩ ﺑﺎﻟﻐﺮﻓﻪ .. ﻛﻤﺖ ﻭﻭﻛﻔﺖ ﻭﺍﻟﺒﺎﺏ .. ﺍﺳﻤﻌﻠﻬﻢ
ﻛﺎﻟﺘﻠﻪ ﺍﻧﺘﻪ ﻣﺘﺒﻄﻞ ﺳﻮﺍﻟﻔﻚ ﺷﻠﻮﻥ ﺑﻴﻚ ﺷﻠﻌﺖ ﻛﻠﺒﻲ .. ﻫﺎﻱ ﺛﺎﻧﻲ ﻣﺮﻩ ﺭﺍﺡ ﺗﻬﺞ ﻣﻦ ﺳﻮﺍﻟﻔﻚ .. ﻛﺎﻟﻬﺎ ﻳﻤﻪ ﻣﺎ ﻋﻨﺪﻱ ﺷﻲ ﻭﺍﻟﻠﻪ ﻛﺎﻟﺘﻠﻪ ﺍﻧﺠﺐ ﻭﻟﻚ
ﺍﻧﺘﻪ ﻣﻬﺪﺩﻫﺎ ﺑﺎﻟﻄﻼﻙ ﻟﻮ ﺷﺎﻓﺖ ﺍﻟﺤﺠﻲ ﻣﺎﻟﺘﻚ .. ﻟﻌﺪ ﺷﻤﺨﺮﺑﻂ ﻭﻫﻴﺞ ﺧﺎﻳﻒ .. ﻳﻜﻠﻬﺎ ﻳﻤﻪ ﺗﻌﺒﺖ ﻣﻨﻬﺎ ﺑﺎﺭﺩﻩ ﺗﻔﺘﻬﻤﻴﻦ ﺷﻨﻮ ﺑﺎﺭﺩﻩ
ﻛﺎﻟﺘﻠﻪ ﻻ ﻣﻮ ﺑﺎﺭﺩﻩ ﺑﺲ ﺍﻧﺘﻪ ﺗﻌﻮﺩﺕ ﻋﻠﻰ ﺍﻟﻚ .. ﺍﺏ ﻭﺍﻟﺴﺎﻗﻄﺎﺕ ﺍﻟﺸﺮﻳﻔﻪ ﺑﻌﺪ ﻣﺘﻨﺎﺳﺒﻚ ﻭﺗﻜﻮﻝ ﻋﻠﻴﻬﺎ ﺑﺎﺭﺩﻩ ..
ﺷﻮﻱ ﺧﻒ ﻳﻤﻪ ﻋﻠﻰ ﺑﻨﺖ ﺍﻟﻌﺎﻟﻢ ﻫﻠﻠﻪ ﻫﻠﻠﻪ ﺑﻴﻬﺎ ﻳﺘﻴﻤﻪ ﺧﺎﻑ ﺍﻟﻠﻪ .. ﻋﻠﻤﻬﺎ ﻣﻮ ﺗﻨﺘﻘﺪﻫﺎ .. ﻭﺣﺘﻰ ﻟﻮ ﺗﻌﻠﻤﺖ ﻣﺮﺍﺡ ﻳﻌﺠﺒﻚ
ﻻﻥ ﻋﻴﻨﻚ ﺍﺧﺬﺕ ﻋﻠﻤﻮﺯﻳﻨﺎﺕ ﻭﺍﻟﺴﺎﻗﻄﺎﺕ ﻭﺣﺮﻛﺎﺗﻬﻦ ﺍﻟﻠﻲ ﺗﻠﻌﺐ ﺍﻟﻨﻔﺲ ﻭﻣﺮﺗﻚ ﺑﻨﻴﻪ ﻣﺆﺩﺑﻪ ﻭﻣﻮ ﻳﻢ ﻫﺎﻱ ﺍﻟﺴﻮﺍﻟﻒ .. ﻻﺯﻡ ﺗﺸﻜﺮ ﺭﺑﻚ ﻋﻠﻴﻬﺎ
ﻳﻜﻠﻬﺎ ﻳﻤﻪ ﻻ ﺍﺷﻜﺮﻫﺎ ﻭﻻ ﺗﺸﻜﺮﻧﻲ ﻣﺎ ﺍﺭﻳﺪﻫﺎ ﻭﻣﺘﺤﻤﻞ ﻟﺨﺎﻃﺮ ﺍﻟﺒﻨﻴﻪ .. ﻛﺎﻟﺘﻪ ﺗﻨﺠﺐ ﺑﻨﺎﺕ ﺍﻟﻌﺎﻟﻢ ﻣﻮ ﻟﻌﺒﻪ ﻋﻨﺪﻙ ..
ﺗﺘﺰﻭﺟﻬﻦ ﻭﺗﺨﻮﻧﻬﻦ ﻭﺍﻃﻴﺢ ﺣﻈﻬﻦ ﻭﺑﻌﺪﻳﻦ ﺍﺫﺍ ﻏﺎﺭﺕ ﻭﺷﻜﺖ ﻣﻨﻚ ﻛﻠﺖ ﻣﺎ ﺍﺭﻳﺪﻫﺎ .. ﺗﻌﺒﺖ ﻣﻨﻚ ﻭﻟﻚ ﺗﺼﻴﺮ ﺍﺩﻣﻲ ﻻ ﺍﺭﺟﻊ ﺍﺭﺑﻴﻚ ﻣﻦ ﺟﺪﻳﺪ ﻭﺍﻟﻠﻪ
ﺑﺮﺍﺀ ﻓﻘﻴﺮﻩ ﻭﻟﻮ ﺣﺠﻴﺖ ﻭﻳﺎﻫﺎ ﻟﻮ ﺍﺫﻳﺘﻬﺎ ﻣﺎ ﺍﺭﺿﻰ ﻋﻠﻴﻚ ﻟﻴﻮﻡ ﺍﻟﺪﻳﻦ .. ﻋﺎﻓﻬﺎ ﻭﻛﺎﻡ ﺿﺮﺏ ﺍﻟﺒﺎﺏ ﻭﻃﻠﻊ
ﺩﺧﻠﺖ ﻟﻠﻐﺮﻓﻪ .. ﻧﻮﻣﺖ ﻣﺮﻳﻢ ﻭﻧﻤﺖ ﻳﻤﻬﺎ ﻭﺩﻣﻮﻋﻲ ﺗﺼﺐ .. ﻭﻳﻨﺞ ﻳﻤﻪ ﻭﻳﻦ ﺍﺭﻭﺡ ﻟﻮ ﺍﻧﺘﻲ ﻫﻨﺎ ﺍﻗﺒﻞ ﺍﺿﻞ ﺗﺤﺖ ﺭﺣﻤﺔ ﻭﺍﺣﺪ ﻣﻴﺮﻳﺪﻧﻲ ﻭﻳﺨﻮﻧﻲ ﻭﻳﺘﻜﺒﺮ ﻋﻠﻴﻪ
ﺑﻘﺖ ﺩﻣﻮﻋﻲ ﺗﺼﺐ ﻣﻦ ﺍﺫﻳﺘﻪ ﺍﻟﻴﻪ ﻭﻭﺟﻌﻪ ﻟﺤﺪ ﻣﺎ ﻧﻤﺖ …
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء