رواية ابواب وخفايا الجزء الثاني
للكاتبة سوزان المندلاوي
🌿🌿
ﺗﺮﻛﺖ ﺷﻐﻠﻪ ﺍﻟﺨﻴﺎﻃﺔ ..
ﻭﻛﻌﺪﺕ .. ﺑﻠﺒﻴﺖ ..
ﻣﺮﺕ ﺍﺑﻨﻲ ﺟﺎﺑﺖ ... ﺑﻨﻴﻪ .. ﻭﺭﺩﺕ ﺣﺒﻠﺖ ﻭﺟﺎﺑﺖ ..
ﻭﺟﺎﻧﺖ ﺗﺸﺘﻐﻞ .. ﺗﻜﻌﺪ ﻣﺪﺓ .. ﻭﺭﺍﻫﺎ ﺗﺮﺟﻊ ﻟﺸﻐﻠﻬﺎ ..
ﻭﺗﻌﻮﻑ ﺟﻬﺎﻟﻬﺎ ﻋﻠﻴﻪ ﺍﺩﺍﺭﻱ ﺑﻴﻬﻢ .. ﺍﻛﻠﻬﻢ ﺷﺮﺑﻬﻢ .. ﺍﺑﺪﻝ ﺍﻟﻬﻢ .
ﻳﻮﻡ ﻭﺭﺓ ﻳﻮﻡ ﺻﺤﺘﻲ ﻛﺎﻣﺖ ﺗﺘﻌﺐ ..
ﻳﺎﺩﻭﺏ ﺍﻛﻮﻡ .. ﻉ ﺍﻟﺠﻬﺎﻝ ..
ﻭﺍﺭﻛﺐ ﺍﻛﻞ ..
ﻣﺮﺗﻪ ﺗﺠﻲ ﺍﻟﻌﺼﺮ .. ﺗﺎﺧﺬ ﺟﻬﺎﻟﻬﺎ .
ﻭﻃﺐ ﻏﺮﻓﺘﻬﺎ ..
ﻣﺎﺗﻄﻠﻊ ﻟﻠﻴﻞ ..
ﻭﺍﺑﻨﻲ ﻧﻔﺲ ﺍﻟﺤﺎﻝ ..
ﻭﺍﻧﻲ ﻣﺸﻤﻮﺭﺓ ﺑﻠﻬﻮﻝ .. ﺍﻥ ﺣﺠﻴﺖ ﺍﺑﻨﻲ .. ﻳﺨﺮﺳﻨﻲ ..
ﻭﻣﺮﺗﻪ ﺗﻮﻛﻒ ﻭﻳﺎ .. ﺍﻟﺼﺤﻪ ﺭﺍﺣﺖ .. ﻭﺍﻟﻀﻐﻂ ﻭﺍﻟﺨﻴﺎﻁ .. ﺿﻌﻒ . ﻋﻴﻮﻧﻲ ..
ﻣﺎﺷﻮﻑ ﺯﻳﻦ ﺑﻴﻬﻦ ..
ﻳﻮﻣﻴﻪ ﺍﺣﺎﺟﻲ ﺍﺑﻨﻲ .. ﻳﻤﻪ ..
ﻋﻴﻮﻧﻲ .. ﻣﺪﺍﺷﻮﻑ ﺑﻴﻬﻦ ..
ﻭﺩﺑﻨﻲ ﻃﺒﻴﺐ ..
ﻭﻳﺎﺟﻠﻬﺎ ﻉ ﻳﻮﻡ ﺍﻻﺧﺮ ...
ﺍﺣﺎﺟﻲ ﻣﺮﺗﻪ ﺗﻜﻮﻟﻲ ﺭﻭﺣﻲ ﻉ ﺍﺑﻨﺞ ..
ﺍﺫﺍ ﻣﻮ ﻋﻠﻤﻮﺩﻱ .. ﻋﻠﻤﻮﺩ ﺟﻬﺎﻟﻜﻢ .. ﻣﺪﺍﺷﻮﻑ ﺑﻴﻬﻢ ..
ﻭﻻ ﺍﻛﺪﺭ ﺍﻭﻛﻒ ﻉ ﻃﺒﺎﺥ ﺍﺧﺎﻑ ﺍﺳﻮﻱ ﻗﺪﺭ ..
ﻣﺮﺗﻪ ﺗﺮﺟﻊ ﺿﻞ ﺗﺤﺠﻲ .. ﻋﻠﻤﻮﺩ ﻏﺪﺓ ﻣﺼﺎﻳﺮ ..
ﻭﺗﻜﻌﺪ ﺗﺮﻛﺐ .. ﻫﻴﻪ .. ﻭﺩﺭﺩﻡ ﻋﻠﻴﻪ ..
ﺍﺑﻨﻲ ﻳﺤﺎﺟﻴﻨﻲ ﻳﺸﻮﻓﻨﻲ ﺻﺪﻙ . ﺗﻌﺒﺖ ﻳﺴﻜﺖ ..
ﻣﻴﺤﺠﻲ ﻭﻱ ﻣﺮﺗﻪ ﺷﻲ ..
ﺑﻬﻠﻔﺘﺮﺓ . ﻛﻤﺖ ﺍﻃﺐ ﻉ ﺟﻴﺮﺍﻧﻪ ﺍﻟﻌﺼﺮ ..
ﻃﻚ ﺭﻭﺣﻲ ... ﺍﺭﻭﺡ ﻳﻤﻬﻢ ..
ﻫﻴﻪ ﺣﺮﻣﻪ .. ﺑﻮﺣﺪﻫﺎ ﻫﻴﻪ ﻭﺑﻨﺎﺗﻬﺎ ..2.. ﺣﺪﻳﺜﺎﺕ ..
ﺣﺠﻴﺖ ﺍﻟﻬﺎ ﻉ ﻋﻴﻮﻧﻲ
ﻓﻜﺎﻟﺖ ﺍﻡ ﻋﻼﻭﻱ ﺍﻧﻲ ﺍﻭﺩﻳﺞ ..
ﺍﻟﻤﺮﺓ ﻣﺎﻗﺼﺮﺕ .. ﺍﺧﺬﺗﻨﻲ
.. ﻟﻠﻄﺒﻴﺐ ..
ﻓﺤﺼﻬﺎ .. ﺑﺠﻬﺎﺯ ..
ﻛﻠﻲ ﺣﺠﻴﻪ .. ﻣﻲ ﺍﻻﺑﻴﺾ ﻧﺎﺯﻝ ﺑﻌﻴﻨﺞ .. ﻭﻻﺯﻡ ﺍﺳﻮﻳﻠﺞ ﻋﻤﻠﻴﺔ ....
ﻭﺍﻧﻄﺎﻧﻲ ﻋﻼﺝ ﻭﻳﺎﻫﻢ ..
ﺍﻟﻄﺮﻳﻖ ﻛﻠﻪ ﺍﻟﻤﺮﺓ ﺗﻜﻮﻟﻲ ﺧﺎﻟﻪ ..
ﺍﺑﻨﺞ ﻋﻨﺪﺓ ﻟﻴﺶ ﺷﺎﻳﻠﻪ ﻫﻢ ..
ﻣﺎﺷﺎﺀ ﺍﻟﻠﻪ ﻫﻮﺓ ﻭﻣﺮﺗﻪ .. ﻳﺸﺘﻐﻠﻮﻥ ..
ﻟﻴﺶ ﺣﻠﻴﺮﺓ ..
ﺍﻧﻲ ﺳﺎﻛﺘﻪ ﺷﻜﻮﻝ ﺍﻟﻬﺎ ..
ﺍﻛﻮﻟﻬﺎ ﻫﻴﻪ 10 ﺍﻻﻟﻒ .. ﻭﻳﻨﻄﻴﻬﺎ ﺍﻟﻲ ﺑﻼﺳﺒﻮﻉ ..
ﻭﺍﻧﻲ ﺍﻃﻠﻊ ﻣﻨﻬﺎ ﻓﻠﻮﺱ ﺍﻟﻄﺒﻴﺐ ﻭﺍﻟﺪﻭﺓ ...
ﺭﺟﻌﺖ ﻟﻠﺒﻴﺖ ..
ﺷﻔﺘﻬﻢ ﻃﺎﻟﻌﻴﻦ ..
ﺿﻠﻴﺖ .. ﻛﺎﻋﺪﺓ .. ﺍﻧﺘﻈﺮﻫﻢ ..
ﺍﻛﺜﺮ ﺍﻟﻤﺮﺍﺕ ..
ﻳﻄﻠﻌﻮﻥ ﻣﻴﺠﻮﻥ ﺍﻻ ﺗﺎﻟﻲ ﺍﻟﻠﻴﻞ ..
ﺻﺢ ﺍﻧﻘﻬﺮ ﺑﺲ ﺍﺳﻜﺖ .. ﺷﺮﻳﺪ .. ﺍﺣﺠﻲ ..
ﺍﻛﻮﻝ ﺷﺒﻘﻰ ﺑﻠﻌﻤﺮ .. ﺣﺘﻰ ﺍﺣﺠﻲ ﻟﻮ ﺍﻧﻘﻬﺮ ﻋﻠﻴﻪ ..
ﻛﺎﻓﻲ ﺍﻟﻘﻬﺮ ﺍﻛﻞ ﺻﺤﺘﻲ ..
ﻟﻠﻠﻴﻞ .. ﻳﻼ ﺟﻮﻱ ..
ﻓﺎﺕ ﻣﻦ ﻳﻤﻲ ﺳﻠﻢ ..
ﻛﺘﻠﻪ ﻳﻤﻪ ﻋﻼﻭﻱ ﺭﺣﺖ ﺩﻛﺘﻮﺭ ..
ﺭﺟﻊ ﻛﺎﻝ ﺍﻱ ..
ﻭﻳﺮﺍﺩ ﻋﻤﻠﻴﻪ ﻟﻌﻴﻮﻧﻲ ﻟﻮ ﺍﻋﻤﻪ ..
ﺍﻱ ...
ﺷﻨﻮ ﺗﻲ ﻳﺎﺍﺑﻨﻲ .. ﻻﺯﻡ ﻋﻤﻠﻴﻪ ..
ﻫﺎﺍﺍ . ﺍﻧﻲ ﻓﻮﻙ ﺍﻛﻠﺞ ﻭﺷﺮﺑﺞ .. ﻭﺩﻭﺍﺝ ..
ﺍﺳﻮﻳﻠﺞ ﻋﻤﻠﻴﻪ .. ﻣﻠﻤﻴﺘﻲ ﻣﻦ ﺍﻟﻤﺼﺮﻑ ﺍﻟﻲ ﺍﻧﻄﻲ .. ﺍﻟﺞ ..
ﻛﻠﺒﻲ ﺍﺣﺴﺔ .. ﺍﻧﺬﺑﺢ ..
ﻛﻤﺖ ﺍﺷﻬﻚ ..
ﻛﺘﻠﻪ ﺳﻨﻴﻦ ... ﺷﻮ ﻣﺎﻛﺘﻠﻚ ﻣﺎﻟﻤﻴﺖ ..
ﻫﺎ ﺭﺍﺡ ﺗﻌﻴﺮﻳﻦ ﺑﻴﻪ ..
ﺍﻱ ﺷﺘﺤﺴﺒﻬﺎ ﺍﺣﺴﺒﻬﺎ ..
ﻳﻤﻪ ﺍﻧﺖ ﺷﻨﻮ ﻣﻦ ﺑﺸﺮ ﺳﺎﻋﻪ ﺷﻴﻄﺎﻥ .. ﻭﺻﺮﺕ ..
ﺷﻮ ﻻ ﻏﺰﺭ ﺑﻴﻚ ﺗﺮﺑﺎﻩ ﻭﻻ ﺗﻌﺐ ..
ﻣﺎﺭﻳﺪ ﺷﻲ ﻣﻨﻚ ﺍﺭﻳﺪ ﺣﻚ .. ﺍﻟﺤﻠﻴﺐ ﺍﻟﻲ ﺭﺿﻌﺘﻪ .. ﻣﻨﻲ ..
ﺍﺭﻳﺪ ﺣﻚ ﺳﻬﺮ ﺍﻟﻠﻴﻞ ...
ﻣﺎﻋﻨﺪﻱ ﻓﻠﻮﺱ ﻋﻤﻠﻴﻪ ...
ﻭﻋﻴﻮﻧﻲ ﻳﻌﻤﻦ ..
ﻋﻮﻓﻴﻨﻪ ﻣﻦ ﻫﻠﺤﺠﻲ ..
ﻃﻠﻌﺖ ﻣﺮﺗﻪ ...
ﺷﺒﻴﻜﻢ ..
ﺣﺤﻴﺖ ﺍﻟﻬﺎ ..
ﻛﺎﻟﺖ ﺷﻠﺞ ﺑﻴﻬﺎ ﻋﻤﻪ ﻫﻠﺴﺎﻟﻔﻪ .. ﻣﻮ ﻋﺪﻧﻪ ﺳﻔﺮﺓ ﻟﺘﺮﻛﻴﺎ ..
ﺳﻮﻳﻬﺎ .. ﺑﺤﻜﻮﻣﻲ .. ﻫﺎﻱ ﻣﻮ ﻓﻼﻧﻪ ﺳﻮﺗﻬﺎ ﻣﺎﻋﻠﻴﺞ ﺷﻲ ...
ﻭﺷﻐﻠﻬﻢ ﻣﻀﺒﻮﻁ ..
ﺍﻧﺪﺍﺭ ﻋﻠﻴﻬﺎ .. ﻛﻠﻬﺎ ﺍﻱ ﻭﺍﻟﻠﻪ ﺍﺣﺴﻦ ﺷﻐﻠﻪ .. ﻫﺎﻱ .. ﺻﺢ ﻭﺍﻟﻠﻪ .. ﺣﻜﻮﻣﻲ .. ﻭﺷﻐﻠﻬﻢ ﻋﺪﻝ ..
ﺍﻧﻲ ﺿﻠﻴﺖ ﺻﺎﻓﻨﻪ ﻋﻠﻴﻬﻢ ..
ﺭﺑﻴﺖ ﻭﻣﺴﺤﺖ ﺍﻳﺪﻱ ﺑﺤﻴﺎﻃﻴﻦ ﻣﻮ ﺣﺎﻳﻂ ﻭﺍﺣﺪ ..
ﺗﻌﺒﺖ .. ﻭﺧﻮﺵ ﺟﺎﺯﺍﻧﻲ ...
ﺿﻠﻴﺖ ﺍﺑﺠﻲ .. ﻟﺤﺪ ﺍﻟﺼﺒﺢ ....
ﻛﻤﺖ ﺍﺗﻮﺟﻪ .. ﻉ ﺍﻟﻌﻜﺎﺯﺓ ...
ﻃﺒﻴﺖ ﻟﻠﻤﻄﺒﺦ ..
ﺑﻠﺒﺎﺏ .. ﺍﺳﻤﻊ ﻣﺮﺕ ﺍﺑﻨﻲ .. ﺗﻜﻮﻝ ﻟﻌﻠﻲ ..
ﺷﻮﻑ ﻋﻠﻲ ..
ﺍﻣﻚ ﻻ ﻧﻔﻊ ﻭﻻ ﺷﻲ ..
ﺟﺎﻧﺖ ﺷﺎﻳﻠﺔ ﺍﻟﺒﻴﺖ ﻭﺍﻟﺠﻬﺎﻝ ﻫﺴﺔ .. ﺗﺮﻳﺪ ﻭﺍﺣﺪ ﻳﺪﺍﺭﻳﻬﺎ ..
ﻭﺍﻧﻲ ﻣﺎﺑﻴﻪ ﺣﻴﻞ ﺭﻭﺣﻲ ..
ﺣﺎﻟﻲ ﻣﻦ ﺣﺎﻟﻚ ﺍﺷﺘﻐﻞ ﻭﺍﺭﺟﻊ ﺟﻬﺎﻝ .. ﻭﺑﻴﺖ
ﻣﺎﺑﻴﺔ ﺣﻴﻞ ﺍﻣﻚ . ﺷﻮﻓﻠﻚ ﺻﺮﻓﻪ ﻭﻳﺎﻫﺎ ..
ﺍﻧﻲ ﺧﻠﻴﺖ ﻭﺭﺟﻌﺖ ..
ﺍﺟﻪ ﺍﺑﻨﻲ .. ﻟﻤﻴﺖ ﻏﺮﺍﺿﻲ ﻛﻠﺖ ﺍﻃﻠﻊ ﻣﺎﺑﻘﻰ ﻫﻨﺎ ﺑﻌﺪ ..
ﺍﺭﻭﺡ ﺍﻧﺎﻡ ﺑﻠﻤﻜﺎﺑﺮ ..
ﻫﻠﺴﻨﻴﻦ ﺍﻟﻲ ﺧﺪﻣﺖ ﻭﺩﻟﻠﺖ ﺑﻴﻬﻦ ... ﺭﺍﺣﺖ ﺑﻠﻬﻮﻯ ﻟﻮ ﻣﺮﺑﻴﻪ ﺟﻠﺐ ﺍﺣﺴﻦ ..
ﻭﻳﺤﺎﺳﺒﻨﻲ ﻉ 10 ﺍﻻﻑ ...
ﺭﺑﻲ ﺍﺧﺬ ﺍﻣﺎﻧﺘﻚ .. ﻫﻴﺞ ﺣﻴﺎﺓ ﻣﺘﻨﺮﺍﺩ ﺑﺬﻟﺔ ..
ﻃﺐ ﻋﻠﻲ ﻋﻠﻴﻪ ﻫﺎ ﻳﻤﻪ ﻭﻳﻦ ..
ﻣﺎﺣﺎﺟﻴﺘﻪ .. ﻭﻳﻦ ﺭﺍﻳﺤﻪ ..
ﻣﻮ ﺍﺣﺎﺟﻴﺞ ..
ﻟﻠﻜﺒﻮﺭ ..
ﺷﻜﻮ ..
ﻣﺎﻛﻮ .. ﺑﺲ ﻟﻮ ﻣﺮﺑﻴﻪ ﺟﻠﺐ ﺟﺎﻥ ﻏﺰﺭ ﺑﻲ ..
ﻭﻟﻚ ﻟﻴﺶ ... ﻫﻴﺞ ..
ﻫﺎﻱ ﺗﺎﻟﻲ ﺗﻌﺒﻲ ..
ﺭﺩﺗﻚ .. ﻟﻬﻞ ﺷﻴﺒﺎﺕ ..
ﺳﻨﻴﻦ ﻛﺎﺳﺮﻫﻪ .. ﻇﻬﺮﻱ .. ﻉ ﻫﻠﻤﻜﻴﻨﻪ ..
ﻻ ﺣﺠﻴﺖ ﻭﻻ ﻛﻠﺖ ﺍﺣﻠﻰ ﻣﻦ ﺍﻟﻌﺴﻞ ﻃﺒﺘﻚ .. ﻋﻠﻴﻪ ..
ﻭﻟﻚ .. ﺍﻛﻮﻟﻚ ﻋﻴﻮﻧﻲ ﺭﺍﺡ ﻳﻌﻤﻦ ..
ﺗﻜﻮﻟﻲ ﺑﺤﻜﻮﻣﻲ ..
ﻣﺎﻛﻮﻝ ﺷﻲ .. ﺑﺲ ﺍﻟﻠﻪ ﻓﻮﻛﺎﻙ ..
ﻃﺒﺖ ﻣﺮﺗﻪ ﺗﻬﺪ ..
ﻋﻠﻴﻪ ..
ﺣﺎﺭ ﺑﻴﻨﻲ ﻭﺑﻴﻨﻬﺎ ..
ﻛﻠﺒﻲ ﻳﻜﻮﻝ .. ﺍﺣﺠﻲ ﻋﻼﻭﻱ ﺑﺮﺩ ﻛﻠﺐ ﺍﻣﻚ ..
ﻭﻟﻚ ﻳﻤﻪ .. ﻛﻮﻟﻲ ﺍﺑﻘﻲ ...
ﺑﺲ ﺿﻞ ﻳﺴﻜﺖ ﺑﻤﺮﺗﻪ ...
ﻋﻔﺘﻬﻢ .. ﻭﻃﻠﻌﺖ ..
ﺭﺣﺖ ﻳﻢ ﺍﻟﻤﺮﺓ ﺟﻴﺮﺍﻧﻪ ..
ﺍﻡ ﻧﻮﺭﺱ ..
ﺑﻘﻴﺖ ﻳﻤﻬﺎ ﻟﺤﺪ ﺩﻙ ﺑﺎﺑﻬﻢ ﻭﻟﺤﺪ ﺳﺎﻝ .. ﻋﻠﻴﺔ ...
ﻋﻴﻨﻲ ﻉ ﺍﻟﺒﺎﺏ .. ﻛﻠﻤﺎ ﺍﺩﻙ .. ﺍﻛﻮﻝ ﺍﺟﻪ ﻋﻼﻭﻱ ﺍﺭﻳﺪ ﺍﺷﻮﻓﻪ ..
ﺍﺷﻤﻪ .. ﻳﻤﻪ ﻫﺬﺍ ﻭﻟﻴﺪﻱ ... ﻫﺬﺍ ﺍﻟﻨﻔﺲ ﺍﻟﻲ ﺑﺮﻳﺘﻲ
🌿🌿
ﺍﻡ ﻧﻮﺭﺱ ﺍﻟﻤﺮﺓ ﻣﻘﺼﺮﺕ ﺑﺸﻲ ...
ﻻ ﺑﺎﻛﻞ ﻭﻻ ﺷﺮﺏ ﻭﻻ ﺷﻲ ..
ﺍﻟﻲ ﺍﺫﺍﻧﻲ ﻋﻴﻮﻧﻲ .. ﻭﺍﻟﺴﻮﻓﺎﻥ .. ﻟﻮﻣﺎ ﻫﻨﻪ ﺟﺎﻥ ﺑﻌﺪﻧﻲ ﺍﺧﻴﻂ ﻭﺍﻋﻴﺶ ﻣﻨﻬﺎ ..
ﺑﻘﻴﺖ ﻳﻤﻬﻢ ﻭﺍﺷﻢ ﺍﺧﺒﺎﺭﺍﺑﻨﻲ ..
ﺑﺲ ﻻﺍﺟﻪ ﻭﻻ ﺩﺯ ﺍﺣﺪ .. ﻭﻻ ﺧﺎﺑﺮ ..
ﺑﻘﻴﺖ .. ﻭﺣﺪﻱ ...
ﻟﺤﺪ ﻣﺎﺳﻤﻌﺖ .. ﻓﺪﻳﻮﻡ ..
ﺑﻴﺖ ﺍﺑﻨﺞ ﺍﺣﺘﺮﻙ ...
ﻃﻠﻌﺖ ﺣﺎﻓﻴﻪ ..
ﻳﻤﻪ ﻋﻼﻭﻱ ...
ﻭﺍﻟﻌﺎﻟﻢ ﻭﺍﻟﻤﻨﻄﻘﻪ ﻣﻠﺘﻤﻪ ﻋﻠﻴﻬﻢ ...
ﺿﻠﻴﺖ ﺍﺩﻙ .. ﻭﺍﻟﻄﻢ ..
ﻟﺤﺪ ﻭﺍﺣﺪ ﻣﻦ ﺍﻟﻮﻟﺪ ﻛﻠﻲ ﺧﺎﻟﻪ ..
ﺍﺑﻨﺞ ﻣﺴﺎﻓﺮ ﻫﻮﺓ ﻭﻋﺎﺋﻠﺘﻪ ﻣﺤﺪ ﺑﻠﺒﻴﺖ ... ﻻ ﺗﺨﺎﻓﻴﻦ
ﻋﻠﻤﺎ ﻃﻔﻮ ﺍﻟﺒﻴﺖ ...
ﺍﻟﺒﻴﺖ ﻏﺪﺓ ﺍﺳﻮﺩ .. ﺭﻣﺎﺩ ﻣﺎﺑﻘﻰ ﺷﻲ ﺑﻲ ..
ﻛﺎﻟﻮ ﺻﺎﺭ ﺍﻟﺘﻤﺎﺱ ﻛﻬﺮﺑﺎﺋﻲ ﻭﺍﻛﻞ ﺍﻻﻭﻝ ﻭﺍﻟﺘﺎﻟﻲ ...
ﻳﻮﻣﻴﻦ ﻭﺭﺟﻌﻮ ..
ﻣﻦ ﺭﺟﻌﻮ ﺭﺣﺖ ﺍﻟﻬﻢ ..
ﻃﺒﻴﺖ ﻣﺘﻠﻬﻔﻪ ﻉ ﻋﻠﻲ ..
ﻛﻠﺒﻲ ﻧﺎﺭ ﻋﻠﻴﻪ ..
ﻭﻣﻘﻬﻮﺭﺓ ..
ﻣﻦ ﺍﻟﺒﺎﺏ .. ﻣﺮﺗﻪ ﻛﺎﻣﺖ ﺗﻬﺪ ﻋﻠﻴﻪ ..
ﺍﻧﺘﻲ ﺣﺮﻛﺘﻲ ﺍﻟﺒﻴﺖ .. ﻭﺟﺎﻳﻪ ﺗﺸﻤﺘﻴﻦ ﺑﻴﻨﺎ ..
ﺍﻧﺘﻲ ﻣﻦ ﺩﻋﺎﺋﺞ ﻋﻠﻴﻨﻪ .. ﺍﻟﻠﻪ ﻻ ﻳﻮﻓﻘﺞ ..
ﺍﻟﻠﻪ ﻳﺎﺧﺬﺝ ..
ﻭﺿﻠﺖ ﺩﻋﻲ ﻋﻠﻴﻪ ..
ﺍﻟﻲ . ﺣﺮﻛﻨﻲ ﺍﺑﻨﻲ ﻟﺰﻣﻬﺎ ﻳﻮﺍﺳﻴﻬﺎ ..
ﺍﻧﻲ ..
ﺭﺟﻠﻲ ﺻﺎﺭﻥ ﺧﻴﻮﻁ .. ﻻ ﺑﻴﻪ ﺍﻭﻛﻒ ﻭﻻ ﺑﻴﻪ ﺍﻣﺸﻲ ...
ﺍﺟﻪ ﻳﻤﻲ ﻋﻠﻲ ..
ﻛﻠﻲ ﺷﺘﺮﺩﻳﻦ ﺑﻌﺪ ﻋﻴﻨﺞ ﻉ ﺍﻟﺒﻴﺖ ﻭﺍﻟﺒﻴﺖ ﺭﺍﺡ ..
ﺷﺘﺮﻳﺪﻳﻦ ﺟﺎﻳﻪ
ﺻﻔﻪ ﺧﺮﺍﺑﻪ ..
ﺍﺭﺗﺎﺣﻴﺘﻲ ﻫﺴﺔ ..
ﺟﺎﻳﻪ ﺗﺮﺟﻌﻴﻦ ﻟﻠﺒﻴﺖ .. ﻭﻳﻦ ﺍﻛﻌﺪﺝ .. ﺍﻧﻬﺠﻢ ﺍﻧﻬﺠﻢ ..
ﺍﺟﺖ ﻣﺮﺗﻪ ﺩﻓﻊ ﺑﻴﻪ ..
ﻃﻠﻌﻲ ﺍﻃﻠﻌﻲ ﻧﻬﺠﻢ ﺍﻟﺒﻴﺖ ﺍﻃﻠﻌﻲ ﻣﻦ ﻧﻔﺴﺞ ﻭﻧﻜﺞ . ﻭﻋﻴﻨﺞ ﻭﺭﺍﻧﻪ ..
ﻣﺎﺣﺠﻴﺖ ﺷﻲ .. ﺧﻠﻴﺖ ﻭﺭﺟﻌﺖ ..
ﺑﺲ ﺭﻓﻌﺖ ﺭﺍﺳﻲ .. ﻛﻠﺖ .. ﺣﺴﺒﻲ ﺍﻟﻠﻪ .. ﻋﻠﻴﻬﻢ ..
ﺍﻧﺖ ﺣﺴﺒﻲ .. ﻭﺍﻧﺖ ﻭﻛﻴﻠﻲ ...
ﻣﻦ ﺍﻟﺼﺎﺭ .. ﻭﺍﻟﺒﺠﻲ .. ﻋﻴﻮﻧﻲ ﺭﺍﺣﻦ .. ﺑﺲ ﻭﺣﺪﺓ ﺍﺷﻮﻑ ﺑﻴﻬﺎ . ﻣﻮ ﻫﻠﻜﺪ .. ﻭﺍﻟﻀﻐﻂ ﻛﺎﻡ ﻣﻴﻨﺰﻝ ﻳﻮﻣﻴﻪ .. ﺻﺎﻋﺪﻣﻴﻔﻴﺪ ﻻ ﻋﻼﺝ .. ﻭﻻ ﺩﻭﺓ
ﺿﻠﺖ ﺍﻡ ﻧﻮﺭﺱ .. ﺍﺩﺍﺭﻱ ﺑﻴﻪ ...
ﻟﺤﺪ ﻣﺎﻳﻮﻡ ..
ﻛﺎﻟﺖ ﺍﻡ ﻋﻠﻲ .. ﺗﻌﺮﻓﻴﻦ ﺍﺣﻨﻪ ﻧﺴﻮﺍﻥ ﻭﺑﻠﺒﻴﺖ ..
ﻱ
ﺍﻧﻲ ﺭﺍﺡ ﺍﺧﺬ ﺑﻨﺎﺗﻲ ﻭﺍﺳﺎﻓﺮ ... ﺍﺭﻳﺪ ﺍﻗﺪﻡ ﻟﺠﻮﺀ ..
ﻻﺯﻋﻠﻴﻦ ﻣﻨﻲ .. ﻭﻻ ﺗﻨﻘﻬﺮﻳﻦ .. ﺍﺑﻨﺞ ﻛﺎﻡ ﻳﻌﻤﺮ ﺑﻠﺒﻴﺖ ﻭﺻﺎﺭ ﺍﺣﺴﻦ ﺑﻌﺪ ﺑﻠﻜﻲ ﺍﻟﻠﻪ ﻫﺪﺍﻩ ﻋﻠﻴﺞ .. ﺭﺟﻌﻲ ﻳﻤﻪ ..
ﺍﻧﻲ ﻣﺪﻧﺠﻪ ﻭﺍﻫﺰ ﺑﺮﺍﺳﻲ .. ﺍﻱ ..
ﻛﺎﻣﺖ ﺑﻮﺳﺘﻨﻲ .. ﻭﻛﺎﻟﺖ ﻻ ﺯﻋﻠﻴﻦ ﻭﻻ ﺿﻮﺟﻴﻦ ﺑﺲ ﺩﺷﻮﻓﻴﻦ ﺣﺎﻟﻲ .. ﻫﻢ ﺗﻌﺒﺎﻧﻪ ..
ﺍﻡ ﻋﻠﻲ ﻟﻴﺶ ﻣﺘﺮﺣﻴﻦ ﻟﺪﺍﺭ ﺍﻟﻤﺴﻨﻴﻦ .. ﺍﺣﺴﻦ ﺍﻟﺞ ﻭﻳﺪﺍﺭﻭﺝ ..
ﻛﺘﻠﻬﺎ .. ﻭﻛﻔﺘﺞ ﻣﺎﻧﺴﻬﺎ ﺍﺑﺪ ﻭﻣﻌﺬﻭﺭﺓ ﺍﻧﺘﻲ .. ﻭﺭﺑﻲ ﻳﺴﻬﻞ ﺍﻟﺞ .. ﺍﻣﻮﺭﺝ .. ﺍﻟﻒ ﻣﺮﺓ ﺍﺗﺸﻜﺮ ﻣﻨﺞ ..
ﺍﻧﻪ ﺭﺩﺕ ﺍﻣﻮﺕ ﻣﻮ ﺍﺭﻭﺡ ..
ﺍﺟﺒﺎﻝ ﻉ ﺻﺪﺭﻱ ﺻﺎﺭﻥ ...
ﻭﺍﻟﺪﻧﻴﺎ ﺿﻠﻤﺖ ﺑﻌﻴﻨﻲ ﻭﺑﻜﻠﺒﻲ ...
ﻣﺎﺭﻳﺪ ﺍﺑﻨﻲ .. ﻣﺎﺭﻳﺪ ﺍﺳﻮﻳﻠﻪ ﻣﺸﺎﻛﻞ ...
ﺭﺿﻴﺖ .. ﺑﺎﻟﻠﻪ ﻛﺎﺗﺒﻪ ﺍﻟﻲ ..
ﻻ ﻏﺰﺭ ﺭﺑﻪ ﻭﻻﻏﺰﺭ ﺗﻌﺐ ..
ﻭﻻ ﻓﺎﺩ ﺳﻬﺮ . ﻭﺭﺟﻒ ..
ﻭﻻ ﻋﻤﺮ ﺍﻟﻲ ﺿﻴﻌﺘﻪ ..
ﻋﻠﻤﻮﺩ .. ﺍﻛﺒﺮﻩ ..
ﺍﻟﻲ ﺍﻟﻠﻪ .. ﻫﻮﺓ ﻳﺠﺎﺯﻱ ﺻﺒﺮﻱ ..
ﻛﻤﺖ ﺍﺭﻭﺡ ﺍﺳﺎﻝ ...
ﻉ ﺩﺍﺭ ﺍﻟﻤﺴﻨﻴﻦ ..
ﻻﺯﻡ ﻣﺴﺘﻤﺴﻜﺎﺕ ..
ﻭﻣﻦ ﺍﺭﻭﺡ ﻉ ﺍﺑﻨﻲ ﻳﻜﻮﻝ ﺍﺣﺘﺮﻛﻦ ..
ﺍﻧﻪ ﺍﻋﺮﻑ ﺷﺎﻳﻠﻬﻦ ﻣﺎﻣﺤﺮﻭﻛﺎﺕ ..
ﺑﺲ ﻳﺨﺎﻑ ﻻ ﺍﺩﺍﻋﻲ ﺑﻮﺭﺛﻲ .. ﻣﻦ ﺍﻟﺒﻴﺖ ..
ﻗﺎﻃﻌﺘﻬﺎ ...
ﻟﺤﻀﺔ ..
ﺣﺠﻴﻪ ..
ﺍﺭﻳﺪ ﺍﻓﺘﻬﻢ .. ﺍﻧﺘﻲ ﺩﻋﻮﺗﺞ ﺗﺮﻳﺪﻳﻦ ﺑﺪﻝ ﺿﺎﻳﻊ .. ﻟﻮ ﻋﻘﻮﻕ ﺍﺑﻨﺞ .. ﻟﻮ ﺳﺮﻗﻪ ﺛﺒﻮﺕ ﻫﻮﻳﻪ .. ﻟﻮ ﺳﺮﻗﻪ ﺍﻣﻼﻙ ..
ﻟﻮ ﺷﻨﻮ ..
ﻻﻳﻤﻪ ﺩﺧﻴﻠﺞ ﻻ ﺑﺎﻛﻨﻲ ﻭﻻ ﺷﻲ ..
ﺍﻓﺘﻬﻤﻴﺘﻲ ﺍﻣﻲ ﺍﻧﺘﻲ ..
ﻣﻦ ﻛﻼﻣﺞ ﺍﺑﻨﺞ ﺍﻟﻒ ﻗﻀﻴﻪ ﺗﺮﻛﺐ ﺭﺍﺳﻪ ﻻ ﺷﺮﻋﺎ ﻭﻻ ﻗﺎﻧﻮﻧﺎ ﻳﻘﺒﻞ ﺗﺼﻔﻴﻦ ﺑﺸﺎﺭﻉ ..
ﺍﺩﺯ ﻋﻠﻴﻪ .. ﻭﻏﺼﺒﺎ ﻣﺎﻋﻠﻴﻪ .. ﻳﺄﻣﻦ ﺍﻟﺞ . ﻣﺴﻜﻦ ..
ﻛﺎﻟﺖ
ﻓﺪﻭﺓ ﻟﻘﻠﺒﺞ .. ﻻﺩﺯﻳﻦ ﻭﻻ ﺗﺤﺎﺟﻲ ..
ﺑﺲ ﺍﺭﻳﺪ ﺍﻭﺭﺍﻗﻲ ﻣﻨﻪ ..
ﻟﻮ ﺍﺣﺪ ﻳﺘﻜﻔﻠﻨﻲ .. ﻫﻮﺓ ﻣﺮﺗﻪ ﺍﻱ ﺍﺣﺪ ..
ﻣﺎﻣﺎ ﺩﻋﻮﺗﺞ ﺗﻘﺮﻩ ﻏﻴﺮ ﺷﻲ ..
ﻳﻤﻪ ﻭﺍﻟﻠﻪ ﻻ ﺍﻧﻲ ﻣﻠﻴﺖ ﻭﻻ ﺍﻧﻲ ﻛﺘﺒﺖ ..
ﻛﻠﺖ ﻟﻠﻮﻟﺪ .. ﻭﺳﻮﺍﻫﺎ ..
ﺷﺘﻘﺮﻫﻪ ..
ﻣﺎﻟﺞ ﺩﺧﻞ ﺑﺎﻟﻲ ﺗﻘﺮﻩ .
ﺑﺲ .. ﺍﻟﻲ ﺗﺮﻳﺪﻱ ﻣﺪﺍﻋﺮﻓﺔ ..
ﻳﻌﻨﻲ ﻫﻠﺘﻌﺐ .. ﺍﻟﻲ ﺗﻌﺒﺘﻲ ﻭﺳﺎﻛﺘﻪ ..
ﺷﺴﻮﻱ ﻳﺎﻳﻤﻪ .. ﺍﻟﻲ ﻣﺎﻳﺴﻮﻛﻪ ﻣﺮﺿﻌﻪ ﺳﻮﻙ ﺍﻟﻌﺼﺎ ﻣﺎﻳﻨﻔﻌﻪ ..
ﻣﺎﺭﻳﺪ ﻣﻨﻪ ﺷﻲ ..
ﺣﺠﻴﻪ ﻣﻦ ﻛﻼﻣﺞ ﺍﺑﻨﺞ ﻳﻨﺤﺒﺲ ..
ﻻﺩﺧﻴﻞ ﺍﻟﻠﻪ ﻭﺩﺧﻴﻠﺞ .. ﻛﺎﻣﺖ .. ﺍﺑﻮﺱ ﺍﻳﺪﺝ ..
ﻫﺬﺍ ﻭﻟﻴﺪﻱ .. ﺑﺲ ﻫﻠﺪﻧﻴﺎ ﺯﻫﺖ ﺑﻌﻴﻨﻪ ﻭﻏﺮﺗﻪ ..
ﻫﻮﺓ ﻫﻢ ﺣﻘﻪ .. ﺍﻧﻲ ﻣﻨﻮ ﻳﺪﺍﺭﻱ ﺑﻴﻪ .. ﻛﺒﺮﺕ ﻭﺗﻤﺮﺿﺖ .. ﺧﻮﻣﺎ ﻳﻄﺮﺩ ﻣﺮﺗﻪ .. ﻭﺍﻧﻲ ﻣﺎﻛﺪﺭ ﺍﺳﻮﻱ ﻟﻜﻤﺘﻪ .. ﻓﺪﻭﺓ ﻟﻌﻴﻨﺞ .. ﻋﻮﻓﻲ
ﺍﺑﻨﻲ ﻳﺤﺒﻨﻲ .. ﻳﺎﻳﻤﻪ ﺑﺲ .. ﻣﺮﺗﻪ .. ﻣﺪﺭﻱ ﺩﻧﻴﺎ ﻏﻴﺮﺗﻪ ..
ﻳﺤﺒﻨﻲ .. ﺍﻧﻲ ﺍﻣﻪ .. ﻭﺍﻧﻪ ﻫﻢ ﺍﺣﺒﻪ .. ﻏﻴﺮ ﺍﺑﻨﻲ ﻫﻮﺓ .. ﻫﺬﺍ ﺍﻟﻲ ﻃﻠﻌﺘﺖ ﻣﻨﻪ ﺑﻠﺪﻧﻴﺎ ....
ﻫﺬﺍ ﻇﻠﻢ .. ﻭﺍﻧﻲ ﺷﻐﻠﻲ ﺍﺻﻠﺢ .. ﺑﻴﻨﺎﺗﻜﻢ ..
ﻳﺎﺑﻨﺘﻲ ﺍﺑﻨﻲ ﻫﺬﺍ ﻣﺎﺭﻳﺪ ﺍﺫﻳﺘﻪ ﺍﺫﺍ .. ﺍﻻﻭﺭﺍﻕ ﺗﻘﺮﻫﻪ ﺍﺫﻳﺘﻪ ﻣﺎﺭﻳﺪ ..
ﻛﺎﻣﺖ ﻛﺎﻟﺖ ﺟﻴﺒﻲ ﺍﻭﺭﺍﻗﻲ .. ﻣﺎﺭﻳﺪ ﺍﺫﻱ .. ﻫﻮﺓ ﺷﺒﻘﻰ ﺑﻌﻤﺮﻱ ..
ﺧﻠﻲ ﺍﻟﻠﻪ ﻣﻮﺟﻮﺩ .. ﻫﻮﺓ ﻳﺘﻜﻔﻠﻨﻲ ..
ﺟﺮﺕ ﺍﻻﻭﺭﺍﻕ .. ﻭﺗﺤﺠﻲ
ﺍﺑﻨﻲ .. ﻳﻤﻪ .. ﻳﺤﺒﻨﻲ .. ﻭﺍﻟﻠﻪ .. ﺍﺑﻨﻲ
ﻣﺎﻋﺮﻑ ﺷﺴﻮﻱ ...
ﻭﻻ ﻛﺪﺭﺕ ﺍﻛﻮﻡ ﻭﺭﺍﻫﺎ .. ﻭﻻ ﻛﺪﺭﺕ .. ﺍﺣﺠﻲ ﺷﻲ ..
ﻣﻌﻘﻮﻟﺔ ﺍﻛﻮ ﻫﻴﺞ .. ﺑﻌﺪ ﺍﻟﻲ ﺳﻮﺍﻩ ﺗﺼﻴﺢ ﺍﺑﻨﻲ ﻳﺤﺒﻨﻲ ..
ﺍﻧﻲ ﻋﺎﺟﺰﺓ .... ﺑﻜﺪ ﻫﻠﺘﻀﺤﻴﻪ ﻭﺍﻟﺤﺐ .. ﺍﻛﻮ ﻇﻠﻢ ..
ﺑﻴﻮﻣﻬﺎ ﻣﻜﺪﺭﺕ ﺍﺷﺘﻐﻞ ...
ﻣﺼﺪﻛﺖ ﻳﺨﻠﺺ ﺩﻭﺍﻣﻲ ﺣﺘﻰ ﺍﺭﺟﻊ ...
ﺍﻟﻄﺮﻳﻖ ﻛﻠﻪ ﻣﺨﻨﻮﻛﻪ ...
ﺍﻭﻝ ﻣﺎﻭﺻﻠﺖ ﺍﻟﺒﻴﺖ ..
ﺷﻔﺖ ﺍﻣﻲ ﺣﻀﻨﺘﻬﺎ .. ﻭﺑﻘﻴﺖ ﺍﺑﻮﺱ ﺑﻴﻬﺎ ﻭﺍﺑﺠﻲ ...
ﺍﻧﻲ ... ﻣﻨﺎﻝ .. ﺑﺎﺣﺜﻪ ﺍﺟﺘﻤﺎﻋﻴﻪ .. ﺑﻠﻤﺤﻜﻤﻪ ...
ﻋﻤﺮﻱ 35 ﺳﻨﻪ
🌿🌿
ﻛﻠﻌﺎﺩﺓ .. ﻳﻮﻡ ﻓﺎﺭﻍ .. ﺑﻴﻦ ﺩﻭﺍﻡ . ﺑﻴﺖ . ﻣﺎﻛﻮ ﺷﻲ ﺑﻲ ..
ﺍﻧﻲ ﻣﻤﺰﻭﺟﻪ .. ﻛﺪﺭﺕ ﺍﺣﻘﻖ ﺍﻟﺤﻴﺎﻩ ﺍﻟﻲ ﺍﺭﻳﺪﻫﺎ .. ﻭﻋﺎﻳﺸﺔ ﻭﻱ ﺍﻣﻲ ﺑﻴﺖ ..
ﻣﺮﺗﺎﺣﻪ ﻧﻮﻋﺎ ﻣﺎ .. ﺑﺲ .. ﺷﻐﻠﻲ ﻣﺘﻌﺐ ..
ﺍﺷﻮﻑ ﻭﺍﺳﻤﻊ ﺍﺷﻴﺎﺀ .. ﺗﻌﺒﺖ ﺍﻋﺼﺎﺑﻲ ..
ﺣﻜﻢ ﺷﻐﻠﻲ ﺍﺳﻮﻱ ﺑﺤﺚ ﻋﻦ ﺍﻟﻘﻀﻴﻪ ﻭﺍﺳﻤﻊ ﺍﻛﺜﺮ ﻣﻦ ﻃﺮﻑ .. ﻭﺍﺣﺎﻭﻝ ﺍﺻﻠﺢ ..
ﻓﺪﻳﻮﻡ ﺑﻠﺪﻭﺍﻡ ...
ﺍﺧﺮ ﻣﻠﻒ ﺍﻟﻲ ﺍﺳﺘﺪﻋﻴﺖ .. ﺻﺎﺣﺒﺔ ﺍﻟﺪﻋﻮﺓ ..
ﺑﻌﺪ ﻣﺎﻗﺮﻳﺖ .. ﺍﻟﻘﻀﻴﻪ ...
ﻃﺒﺖ ﺷﺎﺑﻪ .. ﺣﻠﻮﺓ .. ﺣﻨﻄﻴﻪ .. ﻭﻻﺑﺴﻪ ﺟﺎﻥ
ﺷﺎﻝ .. ﺍﺳﻮﺩ ﻭﻣﻼﻣﺤﻪ . ﻧﺎﺯﻛﻪ ..
ﻛﺘﻠﻬﺎ ﺍﺳﻤﻊ ﻣﻨﺞ ..
ﻛﺎﻟﺖ
ﺍﻧﻲ ﻧﻮﺭ .. ﻋﻤﺮﻱ 28 ﺳﻨﻪ ..
ﻣﺰﻭﺟﻪ ﻭﻋﻨﺪﻱ ﺍﻃﻔﺎﻝ 3 ﺻﻐﺎﺭ
ﺣﻴﺎﺗﻲ ﺣﻠﻮﺓ .. ﺑﻴﺖ ﻭﺍﻃﻔﺎﻝ .. ﻭﺭﺟﺎﻝ ..
ﺭﺟﻠﻲ ﺣﺎﻟﻪ ﺍﻟﻤﺎﺩﻳﻪ .. ﻣﻴﺴﻮﺭﺓ ..
ﻛﺎﻋﺪﺓ ﺑﻴﺖ ﻭﺣﺪﻱ ﺑﺲ ﻗﺮﻳﺐ ﻉ ﺍﻋﻴﺎﻟﻲ ..
. ﻳﺤﺒﻨﻲ ﻫﻮﺍﻳﺔ ﻭﺍﻧﻲ ﻫﻢ ﺍﺣﺒﻪ ..
ﺯﻭﺍﺟﻨﻪ ﺟﺎﻥ ﺗﻘﻠﻴﺪﻱ ..
ﺑﺲ ﺟﺎﻥ ﻧﺤﺲ ﻭﻳﻐﺎﺭ ﻋﻠﻴﻪ ﻫﻮﺍﻳﻪ ..
ﻣﻴﺨﻠﻴﻨﻲ ﺍﻃﻠﻊ ﻭﻻ ﺍﻃﺐ ﺣﺘﻰ ﻻﻫﻠﻲ ...
ﻗﻠﻴﻞ ﺍﺭﻭﺡ ﻭﻣﻦ ﺍﺭﻭﺡ ﻳﺒﻘﻰ ﻭﻳﺎﻳﻪ ﺳﺎﻋﺎﺕ ﻭﻧﺮﺟﻊ ..
ﺍﺑﺴﻂ ﺷﻲ ﺍﻟﻤﻼﺑﺲ .. ﻫﻮﺓ ﻳﺠﻴﺒﻬﺎ ﺍﻟﻲ .. ﻧﺎﺩﺭﺍ ﺍﻃﻠﻊ ..
ﻫﻮﺓ ﺷﻜﻠﻪ ﻣﻮ ﺣﻠﻮ .. ﻭﺍﻧﻲ ﺍﺣﻠﻰ ﻣﻨﻪ ﺑﻬﻮﺍﻳﻪ ..
ﻣﺎﻋﺮﻑ ﺟﺎﻥ .. ﻏﻴﺮﺓ .. ﻧﻘﺺ .. ﺧﻮﻑ .. ﻣﻌﺮﻓﺖ ﺍﻓﺴﺮﻩ ..
ﺛﺢ ﻣﻤﻘﺼﺮ ﺑﺸﻲ ﺑﺲ ﺍﺧﺘﻨﻚ ﻣﻦ ﻛﻌﺪﺓ ﺍﻟﺒﻴﺖ ﻭﺣﺪﻱ ..
ﻭﺩﻭﺍﻣﻪ ﻣﻦ ﺍﻟﺼﺒﺢ ﻟﻠﻴﻞ ..
ﺍﺑﻘﻰ ﺍﻧﻲ ﻭﺟﻬﺎﻟﻲ ..
ﺑﻨﺘﻲ ﺍﻟﺠﺒﻴﺮﺓ ﻣﺪﺭﺳﻪ ﻭﺍﻟﺒﺎﻗﻴﻦ ﻭﻟﺪ ﺻﻐﺎﺭ ..
ﺍﺣﺎﻭﻝ ﺍﻟﻠﺘﻬﻲ ﻭﻳﺎﻫﻢ ..
ﻭﻣﻦ ﻳﺮﺟﻊ ﺍﻟﻠﺘﻬﻲ .. ﻭﻳﺎ ..
ﻣﺮﺕ ﺍﻟﺴﻨﻴﻦ ..
ﻭﺷﺘﺮﻳﻨﻪ ﻏﻴﺮ ﺑﻴﺖ .. ﺑﻨﻔﺲ ﺍﻟﻤﻜﺎﻥ ﺑﺲ ﻏﻴﺮ ﻣﻨﻄﻘﻪ ..
ﺍﻟﺒﻴﺖ ﺟﺎﻥ ﺟﺪﻳﺪ ﻭﺣﻠﻮ .. ﻭﻗﺮﻳﺐ ﻉ ﺍﻟﺴﻮﻙ ..
ﻣﻦ ﻛﻌﺪﻧﻪ ﺑﻬﺬﺍ ﺍﻟﺒﻴﺖ ..
ﺷﻮﻳﻪ ﺍﺗﻐﻴﺮ .. ﺭﺟﻠﻲ .. ﻭﻛﺎﻣﻮ ﺍﻟﺠﻴﺮﺍﻥ ﻳﻄﺒﻮﻥ ﻋﻠﻴﻪ ..
ﺑﺲ ﺍﺑﺪ ﻻ ﺍﻃﻠﻊ ﻭﻻ ﺍﻃﺐ .. ﻉ ﺍﺣﺪ ﻣﻤﻨﻮﻉ ...
ﻓﻮﺣﺪﺓ ﻣﻦ ﺟﻴﺮﺍﻧﻪ ..
ﻛﺎﻟﺖ ﻧﻮﺭ ﺗﻌﺮﻓﻴﻦ ﺷﻨﻮ ﻧﺖ ..
ﻛﺘﻠﻬﺎ ﻻ ﻭﺍﻟﻠﻪ ..
ﻛﺎﻟﺖ ﻳﻤﻌﻮﺩﺓ ﻭﻳﻦ ﻋﺎﻳﺸﺔ ﺍﻧﺘﻲ .. ﻻ ﻃﻠﻌﻴﻦ ﻭﻻ ﻃﺒﻴﻦ .. ﺍﻻﻧﺘﺮﻧﻴﺖ ﻋﺎﻟﻢ ﻳﺨﺒﻞ .. ﺗﺨﻴﻠﻲ ﺗﺤﺤﻴﻦ .. ﻭﻱ ﺍﺣﺪ ﺑﻐﻴﺮ ﺩﻭﻟﻪ ..
ﺍﻧﻲ ﻓﺎﺗﺤﻪ ﺣﻠﻜﻲ
ﻭﻟﺞ ﺷﻠﻮﻥ ﺳﻮﻟﻔﻴﻠﻲ ..
ﻛﺎﻟﺖ ﺣﺎﺳﺒﻪ . ﻭﺑﻴﻬﺎ ﻛﺎﻣﺮﺓ ﻭﺗﻔﺘﺤﻴﻦ ﻭﺗﺤﺠﻴﻦ ﻭﻳﺎﻫﻢ ..
ﺑﺮﺑﺞ ..
ﺍﻱ ﻭﺍﻟﻠﻪ .. ﻭﺗﻜﻠﺒﻴﻦ ﺻﻮﺭ .. ﻭﺗﺒﺎﻋﻴﻦ ﻣﺴﻠﺴﻼﺕ .. ﺍﻧﻲ ﻣﻤﺼﺪﻛﻪ ﺍﻟﻲ ﺗﺤﺠﻲ ..
ﻛﺘﻠﻬﺎ ﻭﺍﻟﻠﻪ ﺍﻧﻲ ﺍﺧﺘﻲ ﺑﺴﻮﻳﺪ .. ﺍﺗﻤﻨﻰ ﺍﺷﻮﻓﻬﺎ ﻭﺍﺣﺎﺟﻴﻬﺎ . ﻛﺎﻟﺖ ﺟﻴﺒﻲ ﺍﻳﻤﻴﻠﻬﺎ ﻭﺗﻐﺎﻱ ﻳﻤﻲ .. ﺍﻧﻲ ﺍﺗﺼﻠﺞ ﺑﻴﻬﺎ ..
ﺍﻧﻲ ﻓﺮﻳﺘﻬﺎ ﺑﺮﺍﺳﻲ ﻛﻠﺖ ﺑﻠﻜﻲ ﻳﻘﺒﻞ ﺍﻳﺎﺩ .. ﻭﺍﻛﻮﻟﻪ .. ﻭﻳﺨﻠﻴﻨﻲ ﺍﺭﻭﺡ ﻳﻤﻬﻢ .. ﻭﺍﺣﺎﺟﻲ ﺍﺧﺘﻲ ..
ﺍﺟﺔ ﻣﻜﺘﻠﻪ ﻭﺍﻧﻲ ﺍﻟﺸﻐﻠﻪ ﻧﺴﻴﺘﻬﺎ ..
ﺟﻴﺮﺍﻧﻲ .. ﺍﻣﺎﻧﻲ .. ﻳﻮﻣﻴﻪ .. ﺗﺤﺤﻴﻠﻲ ﻉ ﺍﻟﻨﺖ .. ﻭﻛﻠﺒﻲ ﻳﻔﺮﻓﺢ ﻉ ﺳﻮﺍﻟﻔﻬﺎ .. ﺗﻜﻮﻟﻲ ﺷﻠﻮﻥ .. ﻃﻠﻊ ﺻﻮﺭ ﻏﺮﺍﺋﺐ ﻭﻋﺠﺎﺋﺐ .. ﻟﻮ ﻓﻀﺎﺋﺢ ﺍﻟﻤﻤﺜﻠﻴﻦ .. ﻭﺍﻧﻲ ﺍﻧﺪﻣﺞ ﻭﻳﺎﻫﺎ .. ﺑﺲ ﺍﺭﻳﺪ ﺍﺷﻮﻓﻪ ..
ﺟﺎﻥ ﻋﻨﺪﻱ ﻣﺒﺎﻳﻞ ﻋﺎﺩﻱ .. ﺑﻮﻛﺘﻬﺎ ..
ﻭﺍﻟﻠﻪ ﻣﺮﺕ ﺍﻻﻳﺎﻡ ﻭﻳﻮﻣﻴﻪ ﺍﻣﺎﻧﻲ ﺗﺴﻮﻟﻔﻠﻲ ﻉ ﺍﻟﻨﺖ ..
ﺧﻠﺼﺖ ﺍﻟﻤﺪﺍﺭﺱ .. ﻭﺻﺎﺭﺕ ﺍﻟﻌﻄﻠﺔ ..
ﻓﺪﻳﻮﻡ ﻏﺪﻳﺖ ﺍﻟﺠﻬﺎﻝ ﻭﻧﻮﻣﺘﻬﻢ ..
ﻭﺟﺘﻲ ﺍﻣﺎﻧﻲ ﻳﻤﻲ ..
ﻛﻮﺓ ﺍﺧﺬﺗﻨﻲ ﻟﺒﻴﺘﻬﻢ ..
ﻟﺒﺴﺖ ﻭﻗﻔﻠﺖ ﺍﻟﺒﺎﺏ ﻭﺭﺣﺖ ﻭﻳﺎﻫﺎ ..
ﻃﻠﻌﺖ ﻭﺍﺗﻠﻔﺖ ﺍﺧﺎﻑ .. ﻻ ﻳﺠﻲ ﻭﻳﺸﻮﻓﻨﻲ ﺑﺮﺓ ..
ﻃﺒﻴﺖ ﺑﻴﺘﻬﻢ .. ﺟﺎﻥ ﺭﺟﻠﻬﺎ ﻣﻤﻮﺟﻮﺩ . ﺑﺲ ﺟﻬﺎﻟﻬﺎ ...
ﻛﻌﺪﺕ .. ﺟﺎﺑﺖ ﻛﺒﺎﻟﻲ .. ﺍﻟﺤﺎﺳﺒﻪ ..
ﺍﻭﻝ ﻣﺮﺓ ﺍﺷﻮﻓﻬﺎ ﺑﻠﺤﻘﻴﻘﻪ ﺷﺎﻳﻔﺘﻬﺎ ﻣﺴﻠﺴﻞ ﻓﻠﻢ ..
ﻭﻓﺘﺤﺘﻠﻲ ﺍﻟﺼﻮﺭ ..
ﻭﺷﻮﻓﺘﺘﻲ ﺷﻠﻮﻥ . ﻧﺤﺠﻲ ﻭﻧﺘﺼﻞ ﺑﻲ ..
ﺳﺎﻋﻪ ﻳﻤﻬﺎ ﻭﻣﺤﺎﺳﺔ ﻉ ﺭﻭﺣﻲ ..
ﻣﺪﺭﻱ ﺷﻠﻮﻥ ﺍﺑﻨﻬﺎ ﻛﺎﻝ .. ﻳﻤﻪ ﺳﺎﻋﻪ ﺍﺭﺑﻌﻪ ..
ﻃﻠﻊ ﺍﻟﻜﺎﺭﺗﻮﻥ ﺍﻧﻲ ﻛﻤﺖ ﻓﺰﻳﺖ ..
ﻋﺰﺓ ﺍﻟﺠﻬﺎﻝ ﻭﺣﺪﻫﻢ .. ﺑﺴﺮﻋﻪ ﻃﻠﻌﺖ ﻣﻦ ﺍﻟﺒﻴﺖ ..
ﻭﺭﺣﺖ ﻃﺒﻴﺖ ﺭﻛﺾ ﺍﻟﺤﻤﺪﻟﻠﻪ ﺟﻬﺎﻟﻲ ﻧﺎﻳﻤﻴﻦ .. ﺑﻌﺪﻫﻢ ..
ﺍﻟﻴﻮﻡ ﻛﻠﻪ ﻭﺑﺎﻟﻲ ﻳﻢ ﺍﻟﺤﺎﺳﺒﻪ ﻭﺷﻜﺪ ﺣﻠﻮﺓ ..
ﺍﺟﻪ ﺍﻳﺎﺩ .. ﺑﻠﻴﻞ .. ﺍﻧﻲ ﺍﻋﺮﻑ ﺩﺭﻭﺑﻪ ..
ﺑﺪﻟﺖ ﻭﻣﻜﻴﺠﺖ .. ﻭﺗﻌﻄﺮﺕ ..
ﺳﻮﻳﺖ ﺍﻟﻌﺸﺎ .. ﻭﺗﻌﺸﻴﻨﻪ ﻭﻧﻮﻣﺖ ﺍﻟﺠﻬﺎﻝ ..
ﻃﺒﻴﻨﻪ ﻟﻠﻐﺮﻓﻪ ..
ﺳﻮﺍﻟﻒ ﻛﺘﻠﻪ ..
ﺍﻳﺎﺩ ﺍﻃﻠﺐ ﻣﻨﻚ ﻃﻠﺐ ..
ﺷﻨﻮ .. ﻋﻴﻮﻧﻲ ﺍﻟﺞ ..
ﻛﺘﻠﻪ ﺍﻧﺖ ﺣﺎﺭﻣﻨﻲ ﻣﻦ ﻃﻠﻌﻪ ﻭﺍﻟﻄﺒﻪ ﺍﺧﺘﻨﻚ ﻳﻠﺒﻴﺖ ﻭﻃﻚ ﺭﻭﺣﻲ ..
ﺷﺼﺎﻳﺮ ﻧﻮﺭ ﺍﺣﺠﻲ ..
ﻣﺎﻛﻮ . ﺑﺲ ﺍﺭﻳﺪ ﺷﻲ ﻭﺍﺗﻤﻨﻰ ﺗﻘﺒﻞ ﺑﻲ ..
ﺩﺣﺠﻲ ﻋﺎﺩ .. ﺍﺫﺍ ﻉ ﺍﻟﻄﻠﻌﻪ ﺍﺳﺒﻮﻉ ﺍﻟﺠﺎﻱ ﺍﺧﺬﻛﻢ ﺯﻳﺎﺭﺓ ..
ﺍﻧﻲ ﻫﻢ ﻣﻜﻠﺖ ﻻ ﻛﻴﻔﺖ ..
ﻛﺘﻠﻪ ﻫﺎﻱ ﻭﻏﻴﺮﻫﺎ .
ﺍﺣﺠﻲ ﺣﺒﻲ ..
ﺿﻠﻴﺖ ﺍﺑﻮﺱ ﺑﻲ ..
ﻭﻟﺞ ﺩﻛﻮﻟﻲ ..
ﺍﺭﻳﺪ ﺣﺎﺳﺒﻪ ﻭﺍﻧﺘﺮﻧﻴﺖ ..
ﺷﻮ ﻫﺬﺍ ﺍﻧﻔﺾ ﻣﻦ ﺍﻟﻔﺮﺍﺵ ..
ﻭﻫﺬﻧﻲ ﺷﻤﻐﺮﻓﺞ ﺑﻴﻬﻦ ﺑﻠﻪ ..
ﺷﻨﻮ ﺷﻤﻌﺮﻓﻨﻲ ﺣﺎﻟﻲ ﻣﻦ ﺣﺎﻝ ﺍﻟﻨﺴﻮﺍﻥ ﻛﻠﺸﻲ ﺍﺳﻤﻊ ﻭﺍﻋﺮﻑ ..
ﻣﻮ ﺩﻧﺸﻮﻑ ﺑﻠﺘﻠﻔﺰﻳﻮﻥ ..
ﺍﺭﻳﺪ ﻣﻨﻪ ﻉ ﺍﻻﻗﻞ ﺍﻟﻠﺘﻬﻲ ﺑﻲ ..
ﺍﻧﺖ ﺣﺎﺑﺴﻨﻲ ﻋﺒﺎﻟﻚ ﺟﺎﺭﻳﺔ ﻳﻤﻚ ..
ﻻ ﻳﻌﻨﻲ ﻻ ..
ﻓﺪﻭﺓ ﻟﻌﻴﻨﻚ . ﻛﻠﺒﻲ ..
ﺿﻠﻴﺖ ﺍﺣﻀﻦ ﻭﺍﺑﻮﺱ ﺑﻲ ..
ﻻ ﺗﻠﺤﻴﻦ .. ﻧﻮﺭ ﻣﺎﺟﻴﺐ ﺍﻧﺴﻲ ...
ﻓﺪﻭﺓ ﻟﻐﻴﻨﻚ ﻟﺨﺎﻃﺮﻱ ﺍﺫﺍ ﺗﺤﺒﻨﻲ ...
ﻻ ﺍﻧﺴﻲ ...
ﻣﻘﺒﻞ .. ﺍﺑﺪ ..
ﻛﺘﻠﻪ ﺧﻮﺵ ..
ﺟﺮﻳﺖ ﻣﺨﺪﺗﻲ ﻭﺭﺣﺖ ﻧﻤﺖ ﺑﻔﺮﺍﺵ ﺟﻬﺎﻟﻲ ..
ﺷﻮﻳﻪ ﻭﻓﺘﺢ ﺍﻟﺒﺎﺏ ﻋﻠﻴﻨﻪ ﺿﻞ ﻳﺒﺎﻭﻉ ﻭﺭﺍﺡ ..
ﺛﺎﻧﻲ ﻳﻮﻡ ﻧﻔﺲ ﺍﻟﺸﻲ ..
ﻭﺍﻣﺎﻧﻲ ﺗﺠﻲ ﻳﻤﻲ ..
ﻭﺗﺴﻮﻟﻔﻠﻲ ﻉ ﺍﻟﺤﺎﺳﺒﻪ . ﻭﺍﻻﻧﺘﺮﻧﻴﺖ ...
ﻭﺣﺠﻴﺖ ﺍﻟﻬﺎ ﻋﻦ ﺭﺟﻠﻲ ﻭﺍﻟﻲ ﺻﺎﺭ ..
ﻛﺎﻟﺖ ﻳﻮﻟﻲ ﺷﺒﻴﺞ ﻳﻮﻣﻴﻪ ﺑﺪﻟﻲ ﻭﺗﻌﻄﺮﻱ ﻭﻟﺒﺴﻲ ﻓﺪﺷﻲ ﺣﺼﺮ .. ﻭﻣﺪﻟﻊ .. ﻭﻋﻮﻓﻲ .. ﻻ ﺗﺤﺎﺟﻲ ﺍﺑﺪ ... ﺷﻮﻓﻲ ﺷﻠﻮﻥ ﺍﺫﺍ ﻣﺠﺎﺏ ﺍﻟﺞ ..
ﻭﻟﺞ ﺍﻟﻌﺎﻟﻢ ﻛﻠﻬﺎ ﺍﺧﺬﺕ ﺑﺲ ﺍﻧﺘﻲ ﺑﻘﻴﺘﻲ .. ﻣﺪﺭﻱ ﺷﻮﻥ ﺟﺎﺭﻋﻪ ﺭﺟﻠﺞ ﻻ ﻃﻠﻌﻪ ﻭﻻ ﻃﺒﻪ ﻣﺤﺒﻮﺳﺔ ..
ﺷﻨﻮ ﺷﺘﺮﺍﺝ ﺑﻔﻠﻮﺳﻪ ..
ﺍﻧﻲ .. ﺍﺳﻜﺖ ﺷﺮﻳﺪ ﺍﻛﻮﻟﻬﺎ ..
ﺑﺲ ﻣﻦ ﺗﺮﻭﺡ ﺍﺳﻮﻱ ﺍﻟﻲ ﻛﺎﻟﺘﻪ ...
ﺍﻟﺒﺲ ﺍﺣﻠﻰ ﺷﻲ ﻭﺍﺿﻞ ﺍﺿﺤﻚ ﻭﺍﺳﻮﻟﻒ ﻭﻱ ﺍﻟﺠﻬﺎﻝ ..
ﻣﻦ ﻣﻮﺟﻮﺩ ....
ﺷﻜﺪ ﺣﺎﻭﻝ ﻳﺼﺎﻟﺤﻨﻲ ﻣﻘﺒﻠﺖ ﺍﺑﺪ ... ﻫﺎﻱ ﺗﻮﺻﻴﺎﺕ ﺍﻣﺎﻧﻲ ﺍﻟﻲ .. ﻭﺍﺗﺒﻌﺘﻬﺎ ...
ﺟﺮﺕ ﺍﺳﺒﻮﻉ ﺍﻭﻝ ﻣﺮﺓ ﻳﻌﻮﻓﻨﻲ ﻫﻠﻜﺪ .. ﻣﺰﺍﻋﻠﻴﻦ ..
ﻓﺪﻳﻮﻡ .. ﺍﺟﻪ .. ﻣﻦ ﺷﻐﻠﻪ ..
ﺑﺲ ﺍﺗﻔﺎﺟﺌﺖ ﻣﻦ ﻃﺐ ﺑﻠﺒﻴﺖ .. ﻭﺟﺎﻳﺐ .. ﻭﻳﺎ ﻛﺎﺭﺗﻮﻧﻪ ...
ﻭﻓﺘﺤﻬﺎ .. ﻭﺻﺎﺡ ﻧﻮﺭ ﺗﻌﺎﻟﻲ ..
ﺭﺣﺖ ..
ﺷﻔﺖ ﺟﺎﻳﺐ ﺣﺎﺳﺒﻪ .. ﺣﺘﻰ ﻳﺼﺎﻟﺤﻨﻲ ... ﺑﻴﻬﺎ ..
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء