رواية اهات الم من وجع ادم الجزء السادس
للكاتبة زينب ماجد
🌿🌿
ﻋﻼﺀ .. ﺷﻠﻮﻧﻪ ﺍﻟﺸﻐﻞ ..
ﺑﺮﺍﺀ .. ﺣﻠﻮ ﻣﺎﺷﻲ ﻭﻣﻮ ﻣﺘﻌﺐ ..
ﻋﻼﺀ .. ﻛﺘﻠﻬﺎ ﺍﻟﺤﻤﺪﻟﻠﻪ ﺩﺭﺕ ﻭﺟﻬﻲ ﻟﻠﻤﺤﻞ ﺑﺎﻭﻋﺖ ﻧﻀﻴﻒ ﻛﺘﻠﻬﺎ ﺯﻳﻦ ﺷﻮﻱ ﻣﺠﺎﻝ ﺩﺍ ﺍﻓﻮﺕ ﻟﻠﺪﺧﻞّ
ﺑﺮﺍﺀ .. ﺍﻱ ﺗﻔﻀﻞ .. ﻃﻠﻌﺖ ﻣﻦ ﺍﻟﻤﻜﺎﻥ ﺍﻟﺼﻐﻴﺮ ﻭﻫﻮﻩ ﻛﻌﺪ ﻋﻠﻜﺮﺳﻲ ﻭﻓﺘﺤﻪ ﻭﺑﺪﺍ ﻳﺤﺴﺐ ﺑﺎﻟﻔﻠﻮﺱ ﺍﻧﻮﺏ ﺑﺎﻭﻋﻠﻲ
ﻛﺎﻝ ﺷﻜﺪ ﺑﺎﻳﻌﻪ ﻛﺘﻠﻪ ﻭﺍﻟﻠﻪ ﻛﻞ ﺍﻟﺒﻌﺘﻪ ﻫﺬﻱ ﻓﻠﻮﺳﻪ ﻛﺎﻣﻠﻪ 525 ﺍﻟﻒ
ﻋﻼﺀ .. ﺑﺎﻭﻋﺖ ﺍﻟﻴﺤﻴﻰ ﻭﺭﺟﻌﺘﻠﻬﺎ ﺭﺍﺳﻲ ﻣﺒﺘﺴﻢ ﻛﺘﻠﻬﺎ ﻭﻟﺞ ﻟﻮ ﺍﻃﻚ ﺭﺍﺳﻲ ﺑﺎﻟﺤﺎﻳﻂ ﺑﺎﻟﻴﻮﻡ ﻛﻠﻪ ﻣﺎ ﺗﺤﺼﻞ ﻋﻨﺪﻱ ﺍﻝ 400 ﺍﻟﻒ
ﻭﺍﻧﺘﻲ ﺑﺼﺒﺤﻴﻪ ﻭﺣﺪﻩ 500 ﻓﺪ ﻣﺮﻩ ﺷﺴﻮﻳﺘﻲ ﻭﻟﺞ
ﺑﺮﺍﺀ .. ﻳﻤﻌﻮﺩ ﺭﺍﺡ ﻛﻠﺒﻲ ﻋﺒﺎﻟﻲ ﻓﺪ ﺷﻲ .. ﻣﺎ ﺳﻮﻳﺖ ﺷﻲ ﺑﺲ ﺑﻌﺖ ﺛﻨﻴﻦ ﻣﻦ ﻫﺬﺍ ﺍﻟﺮﻭﺏ ﺍﺑﻮ ﺍﻝ 150
ﻳﺤﻴﻰ .. ﺑﺎﻭﻉ ﺣﺒﻴﺒﺘﻲ ﺣﻠﻮﻩ ﻭﻟﺒﻘﻪ ﻭﺍﻟﺰﺑﺎﺋﻦ ﺗﺮﺗﺎﺣﻠﻬﺎ ﻭﺭﺑﺤﺘﻚ .. ﺑﺎﺑﻪ ﻫﻴﻪ ﺭﺟﻠﻬﺎ ﺑﻴﻀﻪ ﻋﻠﻤﺤﻞ ﺧﻮ ﻣﻮ ﻣﺜﻞ ﺭﺟﻠﻚ ﺍﻟﻔﻜﺮﺕ ﺍﻟﻤﺤﻞ ﻓﺪ ﻣﺮﻩ ﻫﻬﻬﻬﻪ
ﻋﻼﺀ .. ﻭﺍﻟﻠﻪ ﻋﻔﻴﻪ ﻋﻠﻴﻬﺎ ﻣﻦ ﺍﻭﻝ ﻳﻮﻡ ﺍﺑﺪﻋﺖ .. ﺷﻠﺖ 20 ﻭﺍﻧﻄﻴﺘﻬﺎ ..
ﺑﺮﺍﺀ .. ﺑﺲ ﺑﻌﺪﻧﻲ ﻣﻤﻜﻤﻠﻪ ﺍﻟﻴﻮﻡ ﻏﻴﺮ ﻣﻦ ﺍﺧﻠﺺ ﺗﻨﻄﻴﻨﻲ ..
ﻋﻼﺀ .. ﻻ ﻫﺬﺍ ﻣﺒﻠﻎ ﺗﺸﺠﻴﻊ ﻋﻠﻤﻮﺩ ﺗﺒﻘﻴﻦ ﻋﻠﻰ ﻧﻔﺲ ﺍﻟﻬﻤﻪ .. ﺍﺷﻜﺮﺝ
ﺑﺮﺍﺀ .. ﻓﺮﺣﺖ ﻛﺘﻠﻪ ﺷﻜﺮﺍ ..
ﻋﻼﺀ .. ﺧﻠﺺ ﺍﻟﻮﻗﺖ ﺣﺎﻟﻴﺎ .. ﺑﺮﺍﺣﺘﺞ ﺗﺮﺣﻴﻦ ﻟﻠﺒﻴﺖ ﻟﻮ ﺗﺒﻘﻴﻦ ﻫﻨﺎ .. ﻟﺤﺪ ﺍﻟﺴﺎﻋﻪ 4 ﻧﻔﺘﺢ
ﺑﺮﺍﺀ .. ﻟــ NO ـﺎ ﺍﺭﺟﻊ ﻟﻠﺒﻴﺖ ﺍﺗﻐﺪﻩ ﻭﺍﺳﺒﺢ ﻭﺍﺭﺟﻊ
ﻋﻼﺀ .. ﺑﺮﺍﺣﺘﺞ ..
ﻳﺤﻴﻰ .. ﭐפﮔـﻴﮧ ﺗﻌﺎﻟﻲ ﺍﻭﺻﻠﺞ ..
ﺑﺮﺍﺀ .. ﻻ ﺷﻜﺮ ﺑﻴﺘﻨﺎ ﻗﺮﻳﺐ ﻣﻨﺎﻳﻪ ﻣﻴﺤﺘﺎﺝ .. ﺻﺮﺍﺣﻪ ﺧﻔﺖ ﺍﺻﻌﺪ ﻭﻳﻪ ﻳﺤﻴﻰ ﻭﻫﻢ ﻳﻔﻘﺪ ﻭﻳﺴﻮﻱ ﺷﻐﻼﺕ ﻣﻮ ﺣﻠﻮﻩ ﻭﺍﻧﻲ ﻭﺣﺪﻱ ﻭﻳﺎﻩ ﺑﺎﻟﺴﻴﺎﺭﻩ ﻓﻔﻀﻠﺖ ﺍﺭﺟﻊ ﻟﻮﺣﺪﻱ ﺍﺣﺴﻦ
ﻳﺤﻴﻰ .. ﻟﺤﻴﺖ ﻋﻠﻴﻬﺎ ﺭﺩﺕ ﺗﻘﻨﻊ ﺍﺑﺪ ﻫﺎﻱ ﺭﺍﺳﻬﺎ ﻳﺎﺑﺲ ﻳﺮﺍﺩﻟﻬﺎ ﺧﻠﻚ .. ﻳﻠﻪ ﺷﻌﺪﻧﻪ ﻧﻄﻮﻝ ﺧﻠﻜﻨﻪ .. ﻛﺘﻠﻬﺎ ﺑﺮﺍﺣﺘﺞ ﺣﺒﻴﺒﻲ
ﺑﺮﺍﺀ .. ﺍﺧﺬﺕ ﺍﻟﻔﻠﻮﺱ ﺍﻟﻠﻲ ﺍﻧﻄﺎﻧﻴﺎﻫﻦ ﻋﻼﺀ .. ﺭﺣﺖ ﺍﻟﻨﺺ ﺍﻟﺴﻮﻙ ﺍﺷﺘﺮﻳﺖ ﺑﻘﻼﻭﻩ ﻭﻛﻼﺑﻴﻪ ﻧﺎﺯﻛﻪ ﻷﻣﻲ ﻭﺭﺟﻌﺖ ..
ﺩﺧﻠﺖ ﺍﻣﻲ ﺍﺳﺘﻘﺒﻠﺘﻨﻲ ﻫﺎ ﺷﻠﻮﻧﻪ ﺍﻟﺸﻐﻞ ﺧﻮ ﻣﺎ ﺗﻌﺒﺘﻲ ﻛﺘﻠﻬﺎ ﻻ ﺍﺑﺪ ﻛﻮﻟﺶ ﻣﺮﻳﺢ ﻭﺍﺧﺬﺕ ﻣﻜﺎﻓﺌﻪ ﻷﻥ ﺷﻐﻠﻲ ﺯﻳﻦ
ﻭﻫﺎﻱ ﻫﺪﻳﺘﺞ ﻣﻦ ﺍﻭﻝ ﺗﻌﺐ ﺍﻟﻴﻪ ﻫﻬﻬﻪ ﺟﺒﺘﻠﺞ ﺑﻘﻼﻭﻩ ﺍﻋﺮﻓﺞ ﺗﺤﺒﻴﻬﺎ .. ﻭﺟﺒﺘﻠﺞ ﻫﺬﻱ ﺍﻟﻜﻠﺒﻴﻪ ﺧﻔﻴﻔﻪ ﺣﻠﻮﻩ ﺍﻟﺞ
ﺍﻻﻡ .. ﻳﻤﻪ ﻓﺪﻭﻩ ﻟﺒﻨﻴﺘﻲ ﺍﻟﺤﻠﻮﻩ ﺍﻟﻠﻲ ﺗﺬﻛﺮ ﺍﻣﻬﺎ ..
ﺍﺧﺬﺗﻬﺎ ﻭﻛﺪﺭﺕ ﺍﻟﻜﻠﺒﻴﻪ ﺻﺎﺭﺕ ﻋﻠﻴﻬﺎ ﺗﺒﺎﻭﻋﻠﻲ ﻣﺎﻣﺎ ﻭﺗﺎﻛﻞ ﺑﻘﻼﻭﻩ ﻭﻓﺮﺣﺮﻧﻪ ﺑﻴﻪ ..
ﺗﻘﺮﺑﺖ ﻛﺎﻟﺖ ﺧﻮﻣﺎ ﺍﻛﻮ ﻭﺍﺣﺪ ﻣﻮﺯﻳﻦ ﺍﺗﺤﺎﺭﺵ ﺑﻴﺞ ﺍﻭ ﺳﻤﻌﺞ ﻛﻼﻡ ﻛﺘﻠﻬﺎ ﻻ ﺍﺑﺪ ﻫﻮﻩ ﻣﺤﻞ ﻭﻣﺠﻮﻡ ﻭﻣﺤﺘﺮﻡ ﻣﻮ ﺑﺴﻄﻴﻪ ﻭﻛﺎﻋﺪﻩ ﻟﻠﺮﺍﻳﺢ ﻭﺍﻟﺠﺎﻱ
🌿🌿
ﻛﺎﻟﺖ ﻣﻊ ﻫﺬﺍ ﻳﻤﻪ ﺍﺧﺬﻱ ﺣﺬﺭﺝ ﻭﻻ ﺗﻀﺤﻜﻴﻦ ﻟﻴﺎﻫﻮ ﺍﻟﺠﺎﻥ ﺗﺮﻩ ﻭﻟﺪ ﺍﻟﺴﻮﻙ ﺩﺍﻫﻴﻪ ﺩﻳﺮﻱ ﺑﺎﻟﺞ ﻣﻨﻬﻢ ..
ﻛﺘﻠﻬﺎ ﺍﻋﺮﻑ ﻣﺎﻣﺎ .. ﺗﻐﺪﻳﺖ ﻭﺳﺒﺤﺖ ﻭﻧﻤﺖ ﺷﻮﻱ ﻭﺭﺟﻌﺖ ﻛﻌﺪﺕ ﺑﺪﻟﺖ ﻭﻃﻠﻌﺖ ﺍﻟﺴﺎﻋﻪ 4 ﺍﻟﻀﻬﺮ
ﺍﻟﺠﻮ ﻳﺨﻮﻑ ﺿﻬﺮ ﻭ ﻣﺎﻛﻮ ﻧﺎﺱ ﺑﺎﻟﺸﺎﺭﻉ ﻓﺠﺄﻩ ﻃﻠﻊ ﻛﺒﺎﻟﻲ ﻭﻟﺪ ﻛﺎﻡ ﻳﺤﺠﻲ ﺣﺠﻲ ﻣﻮ ﺣﻠﻮ ﻭﻳﻔﺸﺮ ﻭﻳﻐﺎﺯﻝ ﺑﻄﺮﻳﻘﻪ ﻣﻮ ﺣﻠﻮﻩ
ﺍﺣﺲ ﻛﻠﺒﻲ ﻣﺎﺕ ﻣﻦ ﺍﻟﺨﻮﻑ ﺑﺲ ﺭﺩﺕ ﺍﻭﺻﻞ ﺍﻟﺴﻮﻙ ﻓﺠٲﻩ ﻃﻠﻊ ﻋﻼﺀ ﺑﻮﺟﻬﻲ ﺑﺴﻴﺎﺭﺗﻪ .. ﺷﺎﻑ ﺍﻟﻮﻟﺪ ﻭﺭﺍﻱ ﻛﺎﻝ ﺍﺻﻌﺪﻱ
ﺻﻌﺪﺕ ﺑﺴﺮﻋﻪ .. ﻛﺎﻝ ﺑﺎﻋﻲ ﻟﻴﺶ ﻛﺘﻠﺞ ﺍﺑﻘﻲ ﺑﺎﻟﻤﺤﻞ ﻟﺘﺮﺟﻌﻴﻦ ﻟﻠﺒﻴﺖ ﺧﻄﺮ ﻋﻠﻴﺞ ﺗﺮﺟﻌﻦ ﻭﺗﺠﻴﻦ ﺍﻟﻀﻬﺮ ..
ﻣﻦ ﻳﺨﻠﺺ ﺍﻟﺸﻐﻞ ﻧﺰﻟﻲ ﺍﻟﺴﺘﺎﺭ ﻣﺎﻝ ﺍﻟﻤﺤﻞ ﻭﺍﻛﻌﺪﻱ ﺍﺧﺬﻱ ﺭﺍﺣﺘﺞ .. ﻟﺤﺪ 4 ﻭﻓﺘﺤﻲ ..
ﻛﺘﻠﻪ ﺍﻱ ﺍﺣﺴﻦ ﻣﻦ ﺑﺎﺟﺮ ﺍﻛﻮﻝ ﻟﻤﺎﻣﺎ ﻭﺍﺑﻘﻰ ﺑﺎﻟﻤﺤﻞ ﻣﺎ ﺍﺭﺟﻊ
ﺍﺣﺴﻨﻠﺞ ﺣﺘﻰ ﺍﻧﻲ ﺍﺫﺍ ﺍﺟﻴﺖ ﺭﺍﺡ ﺍﺩﻙ ﺍﻟﺴﺘﺎﺭ ﻋﻠﻴﺞ ﻣﺎ ﺍﻓﺘﺢ ﻭﺍﺩﺧﻞ ﻭﺍﺭﺗﺎﺣﻲ ﺍﻧﻄﻴﺞ ﺍﻟﺒﺎﺳﻮﻭﺭﺩ ﻣﺎﻝ ﺍﻟﻨﺖ ﻭﻛﻨﻜﻲ ﻭﺗﻤﺪﺩﻱ ﻟﺤﺪ ﻣﺎ ﺗﺼﻴﺮ ﺍﻝ 4
ﺑﺮﺍﺀ .. ﺷﻜﺮﺍ .. ﻭﺻﻠﻨﺎ ﻟﻠﺴﻮﻙ ﺍﻧﻄﺎﻧﻲ ﺍﻟﻤﻔﺎﺗﻴﺢ ﻭ ﻛﺎﻝ ﺍﻧﺰﻟﻲ ﺗﻤﺸﻲ ﻟﻠﻤﺤﻞ ﺍﻓﺘﺤﻴﻪ ﻭﺍﻛﻌﺪﻱ ﺍﻧﻲ ﺭﺍﻳﺢ ﺑﺸﻐﻠﻪ
ﺍﺧﺬﺕ ﺍﻟﻤﻔﺎﺗﻴﺢ ﻓﺘﺤﺖ ﺍﻟﻘﻔﻞ ﺍﺭﻳﺪ ﺍﺻﻌﺪ ﺍﻟﺴﺘﺎﺭ ﺍﻟﺤﺪﻳﺪ ﻣﺎﻛﻮ ﻣﺎ ﺍﻛﺪﺭ ﻗﺼﻴﺮﻩ ﻭﺍﻟﺒﺎﺏ ﺟﺒﻴﺮ
ﺷﻠﻮﻥ ﻳﺮﺑﻲ ﻫﺴـ NOW ــﮩﮧ ﻫﺬﺍ ﺷﻴﻔﺘﺤﻪ .. ﻣﺎ ﺍﺣﺲ ﺍﻟﻪ ﻳﺤﻴﻰ ﺭﻓﻌﻪ ﻭﻫﻮﻩ ﻳﻀﺤﻚ
ﻛﺎﻝ ﻫﺎ ﻭﻟﺞ ﺯﻗﺠﻪ ﻣﺎ ﻛﺪﺭﺗﻲ ﺗﻔﺘﺤﻴﻪ ﺿﺤﻜﺖ ﻛﺘﻠﻪ ﻻ ﻭﺍﻟﻠﻪ ﻣﻜﺪﺭﺕ ﺻﻌﺐ ..
ﺩﺧﻠﺖ .. ﻣﺴﺤﺖ ﺍﻟﻜﺎﻋﻴﻪ ﻭﺍﻟﻤﻴﺰ ﻭﺍﻟﺠﺎﻡ ﻭﻳﺤﻴﻰ ﻛﺎﻋﺪ ﻭﻳﺴﻮﻟﻒ ﻭﻳﺎﻳﻪ ..
ﻛﺘﻠﻪ ﺍﻧﺘﻪ ﻣﺎ ﻋﻨﺪﻙ ﻣﺤﻞ ﻣﻜﺎﺑﻠﻨﻲ ﻭﻛﺎﻋﺪ ..
ﻳﺤﻴﻰ .. ﻫﻴﺞ ﻣﻠﻴﺘﻲ ﻣﻨﻲ ﻭﻟﺞ ﺷﻨﻮ ﻣﻀﺎﻳﻘﺞ
ﺑﺮﺍﺀ .. ﻻ ﻭﺍﻟﻠﻪ ﺑﺎﻟﻌﻜﺲ ﻣﺘﻮﻧﺴﻪ ﻭﻳﺎﻙ ﺍﺧﻠﺺ ﻭﻗﺖ ﺑﺲ ﻣﻮ ﻋﻨﺪﻙ ﻣﺤﻞ ﺷﻠﻮﻥ
ﻳﺤﻴﻰ .. ﻣﻮ ﻣﺨﻠﻲ ﺑﻴﻪ ﻋﺎﻣﻞ ﻭﺍﻟﺸﻐﻞ ﻣﻮ ﻫﻠﻜﺪ ﺑﻌﺪ ﺍﻟﻌﻴﺪ ..
ﻛﺘﻠﻪ ﻟﻴﺶ ﻣﺘﺸﻮﻑ ﻛﻠﺴﺎﻉ ﻭﺣﺪﻩ ﺩﺍﺧﻠﻪ ﺗﺸﺘﺮﻱ ﻳﻌﻨﻲ ﺍﻛﻮ ﺷﻐﻞ
ﻳﺤﻴﻰ .. ﻣﻼﺑﺲ ﺍﻟﻨﻮﻡ ﻭﺍﻟﺪﺍﺧﻠﻴﻪ ﻣﺎ ﺍﻟﻬﺎ ﻣﻮﺳﻢ ﺍﻟﻨﺴﻮﺍﻥ ﻛﺎﺗﻠﻪ ﺭﻭﺣﻬﺎ ﻋﻠﺴﻮﺍﻟﻒ 24 ﺳﺎﻋﻪ ﻳﺸﺘﺮﻥ ﻭﻳﺘﺰﻳﻨﻦ
ﺑﺲ ﺍﻟﻤﻼﺑﺲ ﻟــ NO ـﺎ ﺗﺨﺘﻠﻒ ﺍﻟﻬﺎ ﻣﻮﺳﻢ ﻳﺼﻴﺮ ﺍﻻﻗﺒﺎﻝ ﻋﻠﻴﻬﺎ ﺑﻔﻠﺲ ﻭﺍﻛﻮ ﻣﻮﺳﻢ ﻟــ NO ـﺎ ﻣﻮ ﻫﻠﻜﺪ
ﻣﺜﻞ ﺑﻌﺪ ﻳﻮﻣﻴﻦ ﻧﻨﺰﻝ ﻣﻼﺑﺲ ﻣﺪﺭﺳﻪ ﺷﻮﻓﻲ ﺍﻟﻨﺎﺱ ﺷﻠﻮﻥ ﺭﺍﺡ ﺗﺼﻴﺮ .. ﺍﻟﺴﻮﻙ ﺣﻴﺰﺩﺣﻢ ﻭﻳﺼﻴﺮ ﺍﻟﻄﻠﺐ ﻋﻠﻤﻼﺑﺲ ﺑﻜﺜﺮﻩ ﻣﻨﻠﺤﻚ ﻧﺪﻭﺭ ﻭﺟﻬﻨﺎ
ﺑﺮﺍﺀ .. ﺍﺣﺠﻲ ﻭﻳﺎﻩ ﻭﺍﻣﺸﻲ ﺑﺎﻟﺰﺑﺎﺋﻦ .. ﺑﺲ ﺍﺣﺲ ﺍﻟﺰﺑﻮﻧﻪ ﺗﺨﺠﻞ ﺑﻮﺟﻮﺩﻩ ﺗﺎﺧﺬ ﺷﻐﻼﺕ ﺍﻛﺜﺮ
ﻓﻮﺣﺪﻩ ﻣﻦ ﺍﻟﺰﺑﻮﻧﺎﺕ ﻛﺎﻟﺘﻠﻪ ﺍﻧﺘﻪ ﺍﺑﻮ ﺍﻟﻤﺤﻞ ﻛﺎﻟﻬﺎ ﺗﻘﺮﻳﺒﺎ .. ﻛﺎﻟﺘﻠﻪ ﺍﺫﺍ ﺗﻘﺮﻳﺒﺎ ﺍﻃﻠﻊ ﺷﻮﻱ ﻫﻴﻪ ﻣﻼﺑﺲ ﻣﺎﻝ ﻧﺴﻮﺍﻥ ﻧﺮﻳﺪ ﻧﺨﺘﺎﺭ ﺑﺮﺍﺣﺘﻨﻪ
ﺿﺤﻚ ﻛﺎﻝ ﺍﺳﻒ ﻭﺭﺍﺩ ﻳﻄﻠﻊ ﺿﺮﺏ ﺑﻌﻼﺀ ..
ﻋﻼﺀ .. ﺳﻤﻌﺖ ﺍﻟﺰﺑﻮﻧﻪ ﺷﺤﺎﺟﺖ ﻳﺤﻴﻰ .. ﺑﺎﻭﻋﺖ ﺍﻟﺒﺮﺍﺀ ﻛﺘﻠﻬﺎ ﺍﺑﻘﻲ ﺍﺧﺬﻱ ﺭﺍﺣﺘﺞ ﺍﻧﻲ ﺭﺍﻳﺢ ﻭﻳﻪ ﻳﺤﻴﻰ ﻫﺰﺗﻠﻲ ﺭﺍﺳﻬﺎ ﺑﻤﻌﻨﻰ ﺃﻳٌـ YES.ـﮧٌَ
🌿🌿
ﺍﺧﺬﺕ ﻳﺤﻴﻰ ﻭﻃﻠﻌﻨﻪ ﻛﺘﻠﻪ ﻳﻤﻌﻮﺩ ﺍﺛﻨﺎﺀ ﺍﻟﺸﻐﻞ ﻻ ﺗﺪﺧﻞ ﺍﻟﻤﺤﻞ ﻻﻥ ﺗﻌﺮﻗﻞ ﺍﻟﺸﻐﻞ ﻣﻦ ﻳﺨﻠﺺ ﺍﻟﺸﻐﻞ ﻭﺍﺳﺘﻠﻤﻬﺎ ﻗﺎﺑﻞ ﻣﺎﻧﻌﻚ ﻣﻨﻬﺎ ﺍﻧﻲ .. ﺑﺲ ﻫﺬﺍ ﺷﻐﻠﻲ ﺧﻠﻲ ﻳﻤﺸﻲ
ﻳﺤﻴﻰ .. ﻭﺷﻮﻛﺖ ﺍﺳﺘﻠﻤﻬﺎ ﺍﻏﺎﺗﻲ ﺍﺫﺍ ﻳﺨﻠﺺ ﺍﻟﺸﻐﻞ ﺗﺮﺟﻊ ﻟﺒﻴﺘﻬﺎ
ﻋﻼﺀ .. ﻟﺘﺨﺎﻑ ﺑﻌﺪ ﻳﻮﻣﻴﻪ ﻣﻦ ﻳﺨﻠﺺ ﺍﻟﺸﻐﻞ ﺍﻟﻀﻬﺮ ﺗﻨﺰﻝ ﺍﻟﺴﺘﺎﺭ ﻭﺗﻜﻌﺪ ﺑﺎﻟﻤﺤﻞ ﻭﺣﺪﻫﺎ ﺑﻬﻠﻮﻗﺖ ﺍﻧﺘﻪ ﺍﺳﺘﻐﻞ ﺍﻟﻤﻮﻗﻒ ﻭﺍﺑﺪﻱ ﻭﻳﺎﻫﺎ ﻧﺎﻋﻢ
ﻳﺤﻴﻰ .. ﺍﻳﻴﻴﻲ ﻩ̷̷َـَْـُﺬﺁ ﺍﻟﺤﺠﻲ ﺍﻟﺰﻳﻦ ﺍﻧﺰﻝ ﺍﻟﺴﺘﺎﺭ ﻭﺍﻃﻔﻲ ﺿﻮﻩ ﺍﻟﻤﺤﻞ ﻭﺍﺷﺮﺭﺭﺭﺭﺩ
ﻋﻼﺀ .. ﻫﻬﻬﻬﻪ ﺑﺎﻟﻌﺎﻓﻴﻪ ﺑﺲ ﻫﺎ ﻣﻮ ﺗﻨﺴﺎﻧﻪ ﻭﻳﺎﻙ ﺯﺣﻠﻜﻠﻲ ﺑﻨﺖ ﺧﺎﻟﺘﻬﺎ ﺍﻧﺘﻪ ﻭﻋﺪﺗﻨﻲ
ﻳﺤﻴﻰ .. ﺍﻱ ﺣﺎﺟﻲ ﺑﺮﺍﺀ ﻋﻠﻴﻬﺎ ﺑﺤﺠﺔ ﺷﻐﻞ
ﻋﻼﺀ .. ﻭﺷﺸﻐﻠﻬﺎ ﺍﻧﻮﺏ .. ﻫﺎﻱ ﻭﺧﻠﻴﺘﻬﺎ ﻋﺎﻣﻠﻪ ﺍﺫﻳﺞ ﺷﻨﻮ ﺣﺎﺭﺱ
ﻳﺤﻴﻰ .. ﺍﻧﺘﻪ ﺷﻴﻞ ﺍﺑﻮ ﺻﺎﺑﺮ ﺍﻟﻤﺘﻤﺪﺩ ﺑﺼﻤﺎﺧﻚ ﻭﻓﻜﺮ ﺑﻴﻬﺎ ﻋﺪﻝ ﺫﻳﺞ ﺗﻔﻬﻢ ﺑﺎﻟﻔﻴﺴﺒﻮﻙ ﻭﺍﻟﺴﺎﻥ ﻭﺗﺘﻤﺎﻭﻉ ﺍﺳﺘﻔﺎﺩ ﻣﻨﻬﺎ
ﻋﻼﺀ .. ﻭﺷﺴﺘﻔﺎﺩ ﻣﻨﻬﺎ ﻳﻠﻔﻬﻴﻢ
ﻳﺤﻴﻰ .. ﺳﻮﻱ ﺑﻴﺞ ﻟﻤﺤﻠﻚ ﻭﺧﻠﻴﻪ ﻫﻴﻪ ﺍﺩﻳﺮﻩ ﻭﺗﻮﺯﻉ ﺑﻜﺮﻭﺑﺎﺕ ﺍﻟﻨﺴﻮﺍﻥ ﻭﺗﺴﻮﻕ ﻟﺒﻀﺎﻋﺘﻚ
ﻣﻨﻬﺎ ﺍﻧﺘﻪ ﺗﺴﺘﻔﺎﺩ ﺗﻤﺸﻲ ﺷﻐﻠﻚ ﺍﺣﺴﻦ ﻭﻣﻨﻬﺎ ﺗﻨﺴﻖ ﻭﻳﺎﻫﺎ ﻭﺍﻃﺒﻘﻬﺎ ﻋﻼ ﺍﺑﻮ ﺍﻧﺘﻪ ﻣﺪﻳﺮ ﺍﻟﺸﻐﻞ ﻣﺎﻟﺘﻬﺎ ﺣﺘﺤﺘﺮﻣﻚ ﻭﺗﺸﻮﻓﻚ ﺷﺨﺼﻴﻪ
ﻋﻼﺀ .. ﻭﺍﻟﻠﻪ ﻋﻤﻲ ﺗﻌﺮﻑ ﺗﻔﻜﺮ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ
ﻳﺤﻴﻰ .. ﺍﻱ ﻟﻌﺪ ﺷﻌﺒﺎﻟﻚ ﺑﺎﺑﺎ ﺗﻌﻠﻢ ﻣﻦ ﺧﺒﺮﺍﺗﻲ
… ..
ﺑﺮﺍﺀ .. ﺍﺷﺘﻐﻠﺖ ﻫﻮﺍﻳﻪ ﻭﺍﻟﺸﻐﻞ ﺣﻠﻮ ﻭﻣﻤﺘﻊ ﺗﺪﺧﻞ ﻛﻢ ﺯﺑﻮﻧﻪ ﻭﺗﺤﺠﻲ ﻋﻠﻲ ﺭﺟﻠﻬﺎ ﻭﺷﻨﻮ ﻳﺮﻳﺪ ﺗﻠﺒﺴﻠﻪ ﻭﺍﺿﻞ ﺍﻃﻠﻌﻠﻬﻦ ﻣﻮﺩﻳﻼﺕ
ﻭﻫﻨﻪ ﻳﺨﺘﺎﺭﻥ ﺍﺷﻜﺎﻝ ﺍﻟﻮﺍﻥ ﺍﻟﻤﻼﺑﺲ ﺗﺨﺠﻞ ﺗﻔﻀﺢ ﺍﻛﺜﺮ ﻣﻤﺎ ﺗﺴﺘﺮ ﺷﻠﻮﻥ ﻳﻠﺒﺴﻨﻬﺎ ﻣﺎ ﺍﻋﺮﻑ ﻭﺍﻟﻠﻪ ﻟﻮ ﺍﻣﻮﺕ ﻫﻢ ﺍﻟﺒﺴﻬﺎ ﺣﺘﻰ ﻟﻮ ﻟﺰﻭﺟﻲ ﻳﺒﻮﻭﻭ ﺍﺳﺘﺤﻲ
ﺻﺎﺭﺕ 6 ﻭﻧﺺ ﺍﺟﻪ ﻋﻼﺀ ﻛﺎﻝ ﻫﺎ ﺷﻠﻮﻧﻪ ﺍﻟﺸﻐﻞ ﻛﺘﻠﻪ ﻣﺎﺷﻲ ..
ﻋﻼﺀ .. ﻛﻌﺪﺕ ﻋﻠﻜﺮﺳﻲ ﻭﻛﺘﻠﻬﺎ ﺍﺭﻳﺪ ﻭﺣﺪﻩ ﺑﻨﻴﻪ ﺗﺸﺘﻐﻠﻲ ﻣﻨﺪﻭﺑﻪ ﻋﻠﻔﻴﺴﺒﻮﻙ ﻭﺗﺴﻮﻕ ﺍﻟﺒﻀﺎﻋﻪ ﻋﻨﺪﺝ ﻭﺣﺪﻩ .. ﺍﺧﺖ .. ﻛﺮﺍﻳﺐ
ﺑﺮﺍﺀ .. ﺍﺍﺍﺍ ﻋﻨﺪﻱ ﺑﻨﺖ ﺧﺎﻟﺘﻲ ﺑﺲ ﻣﺎ ﺍﻋﺮﻑ ﺍﺫﺍ ﺗﻌﺮﻑ ﺗﺸﺘﻐﻞ ﻫﻠﺸﻐﻠﻪ
ﻋﻼﺀ .. ﺑﺄﺟﺮﻫﺎ ﻗﺎﺑﻞ ﺑﻼﺵ ﺷﻜﺪ ﻣﺘﺸﺘﻐﻞ ﻭﺗﺒﻴﻊ ﺍﻟﻬﺎ ﻣﻨﻬﺎ .. ﻭﺧﺪﻣﺔ ﺗﻮﺻﻴﻞ ﺍﻧﻲ ﺍﺗﻜﻔﻠﻬﺎ ﺗﻨﻄﻴﻨﻲ ﻋﻨﻮﺍﻥ ﺍﻟﺰﺑﻮﻧﻪ ﻭﺍﻭﺩﻱ ﻭﻧﺸﺘﻐﻞ
ﺑﺮﺍﺀ .. ﺍﻧﺸﺎﻟﻠﻪ ﺍﻟﻴﻮﻡ ﺍﻛﻮﻟﻬﺎ
ﻋﻼﺀ .. ﺿﻴﻔﻴﻨﻲ ﻳﻤﺞ ﻋﻠﻔﻴﺴﺒﻮﻙ ﻭﺍﺫﺍ ﻗﺒﻠﺖ ﺧﻞ ﺗﺮﺍﺳﻠﻨﻲ ﻭﻧﺘﻜﻠﻢ ﺍﻛﺜﺮ ﺑﺎﻟﻤﻮﺿﻮﻉ .. ﻫﻴﻪ ﺑﻴﺘﻬﻢ ﻗﺮﻳﺐ ﻋﻠﻴﻜﻢ ﻟﻮ ﺗﺨﺎﺑﺮﻳﻬﺎ
ﺑﺮﺍﺀ . ﻻ ﻻ ﻋﺎﻳﺸﻪ ﻭﻳﺎﻧﻪ ﺑﺎﻟﺒﻴﺖ
ﻋﻼﺀ .. ﺣﻠﻮ .. ﺩﻧﺤﺠﻲ ﻭﺩﺧﻠﺖ ﺑﻨﻴﻪ ﻛﺘﻠﻬﺎ ﺍﺗﺮﺧﺺ ﺷﻮﻓﻲ ﺷﻐﻠﺞ
ﺑﻘﻴﺖ ﻭﺍﻛﻒ ﺍﺑﺎﺏ ﺍﻟﻤﺤﻞ ﻟﺤﺪ ﻣٲﺫﻥ ﺍﻟﺴﺎﻋﻪ 7 ﻭﺑﺪﺍ ﺍﻟﻨﺎﺱ ﺗﻘﻞ
ﺩﺧﻠﺖ ﻟﻠﺤﻤﻞ ﻛﺘﻠﻬﺎ ﻳﻠﻪ ﺑﺮﺍﺀ ﺧﻞ ﺍﻭﺻﻠﺞ ﻟﻠﺒﻴﺖ ﺧﻠﺺ ﺍﻟﺸﻐﻞ .. ﻟﻤﻴﺖ ﺍﻟﺪﺧﻞ ﺍﻧﻄﻴﺘﻬﺎ ﺍﺟﺮﺗﻬﺎ ﻭﻛﺘﻠﻬﺎ ﺗﻔﻀﻠﻲ ﻛﺪﺍﻣﻲ
🌿🌿
ﻃﻠﻌﺖ ﻃﻔﻴﺖ ﺍﻟﻤﺤﻞ ﻭﻗﻔﻠﺘﻪ ﻭﻛﺘﻠﻬﺎ ﻳﻠﻪ ﺍﻣﺸﻲ .. ﺩﻧﻤﺸﻲ ﺻﺎﺭ ﻳﺤﻴﻰ ﻛﺒﺎﻟﻨﻪ ﻛﺘﻠﻪ ﻫﺎ ﺍﻟﻴﻮﻡ ﺗﺮﻭﺡ . ﻏﻤﺰﺗﻠﻪ
ﺧﺰﺭﻧﻲ ﺍﺑﻦ ﺍﻟﺨﻮﺵ ﺍﺩﻣﻴﻪ ﻫﻬﻬﻬﻪ ﻗﺼﺪﻱ ﺟﺎﻥ ﻧﺮﻭﺡ ﻟﻠﺸﻘﻪ ﻣﺎﻝ ﺍﻟﺒﻨﺎﺕ ﻫﻨﺎﻙ ﻧﺘﻮﻧﺲ ﻟﻨﺺ ﺍﻟﻠﻴﻞ ﻭﻧﺮﺟﻊ
ﺑﺲ ﻫﻮﻩ ﺧﺎﻑ ﺍﺯﻟﻚ ﺑﻜﻠﻤﻪ ﻛﺪﺍﻡ ﺑﺮﺍﺀ .. ﻛﺘﻠﻪ ﺷﺒﻴﻚ ﺗﺮﻭﺡ ﻟﻠﻜﻮﻓﻲ ﺍﻟﻴﻮﻡ ﻟﻌﺒﺔ ﺑﺮﺷﻠﻮﻧﻪ ﻟﻴﺶ ﺗﻔﻬﻢ ﻗﺼﺪﻱ ﻏﻠﻂ ﻫﻬﻬﻪ
ﻳﺤﻴﻰ .. ﺧﻔﺖ ﻳﺰﻟﻚ ﺑﻜﻠﻤﻪ ﻛﺪﺍﻡ ﺑﺮﺍﺀ ﻭﻳﺨﺮﺑﻬﺎ ﺧﺰﺭﺗﻪ ﺑﺪّﻝ ﻋﻠﻰ ﺑﺮﺷﻠﻮﻧﻪ .. ﻛﺘﻠﻪ ﺍﻧﻌﻞ ﺍﺑﻮﻙ ﻻﺑﻮ ﺑﺮﺷﻠﻮﻧﻪ ﻛﻮﻟﺸﻲ ﻣﺎ ﺍﺭﻳﺪ ﺑﺲ ﺍﻛﺮﻣﻨﻲ ﺑﺴﻜﻮﺗﻚ ﻫﻬﻬﻬﻬﻪ
ﺑﺮﺍﺀ .. ﻳﺤﺠﻮﻥ ﺑﻠﻐﺰ ﻭﻳﻀﺤﻜﻮﻥ ﺛﻨﻴﻨﻬﻦ ﻭﺍﺣﺪ ﻳﺘﻐﻤﺰ ﻟﻼﺥ ﻭﺍﻧﻲ ﻣﻨﺰﻟﻪ ﺭﺍﺳﻲ ﻭﺍﻣﺸﻲ .. ﺻﻌﺪ ﻳﺤﻴﻰ ﺑﺴﻴﺎﺭﺗﻪ ﻭﻛﺎﻝ ﺗﻌﺎﻟﻲ
ﻛﺘﻠﻪ ﻟــ NO ـﺎ ﺍﺭﻭﺡ ﻭﻳﻪ ﻋﻼﺀ ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ ﺑﻐﻀﺐ .. ﻭ ﻛﺎﻝ ﺷﻨﻮ ﺭﺍﺡ ﺍﻛﻠﺞ ﻛﻠﺖ ﺍﺻﻌﺪﻱ .. ﻛﺘﻠﻪ ﻣﺎﺷﻲ ..
ﺻﻌﺪﺕ ﻭﻳﺎﻩ .. ﻛﺎﻝ ﺷﻠﻮﻧﺞ .. ﻛﺘﻠﻪ ﺍﺣﻤﺮ ..
ﻳﺤﻴﻰ .. ﺷﻨﻮ
ﺑﺮﺍﺀ .. ﺳﺌﻠﺖ ﻋﻠﻰ ﻟﻮﻧﻲ ﻛﺘﻠﻚ ﺍﺣﻤﺮ ﻫﻬﻬﻪ
ﻳﺤﻴﻰ .. ﻫﺎﺍ ﻫﻬﻬﻬﻬﻪ .. ﻟﻴﺶ ﺭﻓﻀﺘﻲ ﺗﺼﻌﺪﻳﻦ ﻭﻳﺎﻳﻪ ﺑﺎﻻﻭﻝ ﻣﻌﻘﻮﻟﻪ ﻣﺘﺄﻣﻨﻴﻦ ﺑﻴﻪ
ﺑﺮﺍﺀ .. ﺻﺮﺍﺣﻪ ﻣﻦ ﻳﻮﻡ ﺍﻟﻄﻠﻌﺖ ﻭﻳﺎﻙ ﻭﺳﻮﻳﺖ ﺍﻟﻠﻲ ﺳﻮﻳﺘﻪ ﺧﻔﺖ ﺗﻌﻴﺪﻫﺎ
ﻳﺤﻴﻰ .. ﺑﺮﺍﺀ ﻓﻜﻲ ﺍﻟﻌﻘﺪﻩ ﺷﻮﻱ ﻣﻮ ﺟﻨﺞ ﺯﻭﺩﺗﻴﻬﺎ ﺗﺮﻩ ﺍﻧﻲ ﻻﻥ ﺍﺣﺒﺞ ﺳﺎﻛﺖ ﺍﻻ ﺍﻛﺪﺭ ﺍﺷﻮﻑ ﻏﻴﺮﺝ ﻭﺍﺗﻤﺘﻊ ﻭﻳﺎﻫﻦ ﻭﺍﺧﺬ ﺍﻟﺸﻲ ﺍﻟﻠﻲ ﺍﻧﺘﻲ ﻣﺎ ﺍﻧﻄﻴﺘﻴﻨﻴﺎﻩ
ﺑﺲ ﺍﻧﻲ ﻣﺎ ﺍﺭﻳﺪ ﻏﻴﺮﺝ ﺍﺭﻳﺪﺝ ﺍﻧﺘﻲ
ﺑﺮﺍﺀ .. ﺗﺮﻳﺪ ﺷﻲ ﻣﻦ ﻋﻨﺪﻱ ﻋﺎﺩﻱ ﻫﺬﺍ ﻣﻦ ﺣﻘﻚ ﻛﺮﺟﻞ ﺑﺲ ﺑﺎﻟﺤﻼﻝ ﻣﻮ ﺑﺎﻟﺤﺮﺍﻡ
ﻳﺤﻴﻰ .. ﺷﻠﻮﻥ ﻳﻌﻨﻲ ﺑﺎﻟﺤﻼﻝ
ﺑﺮﺍﺀ .. ﻳﻌﻨﻲ ﺗﺘﻘﺪﻡ ﻟﺨﻄﺒﺘﻲ ﻭﻧﻌﻘﺪ ﻋﻘﺪ ﺷﺮﻋﻲ ﺑﻌﺪﻫﺎ ﺗﻜﺪﺭ ﺗﻠﻤﺴﻨﻲ ﺗﺒﻮﺳﻨﻲ ﺑﺲ ﻫﻴﺞ ﺑﺪﻭﻥ ﺍﻱ ﺷﻲ ﻣﺎ ﺍﻛﺪﺭ ﺣﺮﺍﻡ ﺍﻧﻲ ﻣﻮ ﺭﺧﻴﺼﻪ ﺣﺘﻰ ﺍﺳﻮﻱ ﻫﻴﺞ ﻳﻐﻀﺐ ﺍﻟﻠﻪ ﻭﺍﻫﻠﻲ
ﻳﺤﻴﻰ .. ﻟﻴﺶ ﺑﺲ ﺍﻟﺮﺧﻴﺼﻪ ﺗﺴﻮﻱ ﻫﻴﺞ .. ﺑﺮﺍﺀ ﺗﺮﻩ ﻋﻨﺪﺝ ﺗﻌﻘﻴﺪ ﻣﻮ ﻃﺒﻴﻌﻲ .. ﺍﻟﻴﻮﻡ ﻣﻨﻮ ﻳﻔﻜﺮ ﺗﻔﻜﻴﺮﺝ ﻋﺎﺩﻱ ﺍﻟﺒﻨﺖ ﺗﻨﻄﻲ ﻛﻮﻟﺸﻲ ﺍﻟﺤﺒﻴﺒﻬﺎ ﻏﻴﺮ ﻳﺤﺒﻮﻥ ﺑﻌﺾ ﺑﺲ ﺍﻧﺘﻲ ﻣﺘﺤﺒﻴﻨﻲ
ﺑﺮﺍﺀ .. ﻻ ﻃﺎﻋﺔ ﻟﻤﺨﻠﻮﻕ ﻓﻲ ﻣﻌﺼﻴﺔ ﺍﻟﺨﺎﻟﻖ .. ﺍﺣﺒﻚ ﺑﺲ ﺍﻟﻠﻪ ﺍﻛﺒﺮ ﻣﻨﻚ ﻣﺎ ﺍﻛﺪﺭ ﺍﻋﺼﻴﻪ ﻋﻠﻤﻮﺩ ﺍﺭﺿﻴﻚ
ﻳﺤﻴﻰ .. ﺍﺳﺘﻐﻔﺮ ﺍﻟﻠﻪ ﺻﺎﺭﺕ ﺷﻴﺦ .. ﻛﺘﻠﻬﺎ ﻭﻫﺴﻪ ﺷﻠﻮﻥ
ﺑﺮﺍﺀ .. ﺍﻛﻮﻟﻚ ﺍﻧﺘﻪ ﻋﻨﺪﻙ ﺍﻟﺤﺐ ﺑﺲ ﻟﻤﺴﻪ ﻭ ﺑﻮﺳﻪ ﺗﺮﻩ ﺍﻟﺤﺐ ﺍﻋﻈﻢ ﻣﻦ ﻫﻠﺸﻲ ﻫﺬﻱ ﺗﻌﺘﺒﺮ ﻏﺮﻳﺰﻩ ﻣﻮ ﺣﺐ
ﺭﻭﺡ ﺷﻮﻑ ﺍﻟﻲ ﺍﻧﻀﺮﺏ ﻣﺜﻞ ﺍﻟﺤﺐ ﺑﻴﻬﻢ ﻗﻴﺲ ﻭﻟﻴﻠﻰ ﺭﻭﻣﻴﻮ ﻭﺟﻮﻟﻴﺖ ﻋﻨﺘﺮ ﻭﻋﺒﻠﻪ ﺗﺮﻩ ﺫﻭﻟﻪ ﻣﻜﺪﺭﻭ ﻳﺎﺧﺬﻭﻥ ﺍﻟﻠﻲ ﻳﺤﺒﻮﻧﻬﻦ ﻭﻻ ﻟﻤﺴﻮﻫﻦ
ﺑﺲ ﺣﺒﻮﻫﻦ ﺑﺼﺪﻕ ﻭﺑﻤﺸﺎﻋﺮ ﺻﺎﺩﻗﻪ ﺧﺎﻟﻴﻪ ﻣﻦ ﺍﻟﻐﺮﻳﺰﻩ ﻭﺍﻟﺸﻐﻼﺕ ﺍﻟﺘﺎﻓﻪ ﺍﻟﻠﻲ ﺗﺤﺠﻲ ﻋﻠﻴﻬﺎ
ﺻﺮﺍﺣﻪ ﻳﺤﻴﻰ ﻛﻤﺖ ﺍﺿﻮﺝ ﻣﻦ ﻋﻨﺪﻙ ﺑﺴﺒﺐ ﻫﻠﺸﻲ ﻻﻥ ﺍﺣﺲ ﺗﺮﻳﺪ ﻣﻨﻲ ﺣﺎﺟﻪ ﻣﻮ ﺗﺮﻳﺪﻧﻲ ﻻﻥ ﺗﺤﺒﻨﻲ
ﻳﺤﻴﻰ .. ﻻ ﻭﺍﻟﻠﻪ ﻣﻮ ﻫﻴﺞ ﺍﺣﺒﺞ ﺑﺲ ﺍﻟﺤﺐ ﻛﻮﻟﺸﻲ ﻣﺒﺎﺡ ﺑﻴﻪ ﻭﺣﻼﺕ ﺍﻟﺤﺐ ﺑﻠﺘﻘﺎﺭﺏ
ﺑﺮﺍﺀ .. ﺍﻧﺘﻪ ﻏﻠﻄﺎﻥ ﺑﺎﺑﺎ ﺍﺻﺤﻰ ﺍﺣﻨﻪ ﺍﺳﻼﻡ ﺷﻨﻮ ﻛﻮﻟﺸﻲ ﻣﺒﺎﺡ .. ﺍﻟﺤﺐ ﺑﺎﻟﺘﻘﺎﺭﺏ ﻫﺬﻱ ﺗﺘﺴﻤﻪ ﻣﺮﺣﻠﻪ ﻣﺎ ﺑﻌﺪ ﺍﻟﺰﻭﺍﺝ
🌿🌿
ﺍﺧﻄﻲ ﺧﻄﻮﺓ ﻭﺍﺧﻄﺒﻨﻲ ﻭﺍﻋﻘﺪ ﻋﻘﺪ ﺷﺮﻋﻲ ﻭﺑﻌﺪﻫﺎ ﺍﻧﻲ ﺍﻛﻮﻟﻚ ﻛﻮﻟﺸﻲ ﻣﺒﺎﺡ ﺑﺎﻟﺤﻼﻝ
ﻳﺤﻴﻰ .. ﺍﺧﺬﺕ ﻧﻔﺲ ﻭﻛﺘﻠﻬﺎ ﺍﻧﺸﺎﻟﻠﻪ .. ﻭﻛﻔﺖ ﻳﻢ ﺑﺎﺏ ﺑﻴﺘﻬﻢ .. ﻛﺎﻟﺖ ﺑﺎﻱ ﻭﻧﺰﻟﺖ ﻭﺩﺧﻠﺖ ﻟﻠﺒﻴﺖ .. ﺑﺎﻭﻋﺖ ﻫﺎﻱ ﺷﻠﻮﻥ ﻭﺣﺪﻩ ﺻﻌﺒﻪ
ﻛﻠﺸﻲ ﺍﻛﺪﺭ ﺍﻗﻨﻊ ﺍﻻ ﺍﻟﻴﺤﺠﻲ ﺑﺎﻟﺤﻼﻝ ﻭﺍﻟﺤﺮﺍﻡ ﺻﻌﺐ ﺗﻐﻴﺮ ﺗﻔﻜﻴﺮﻩ .. ﻫﺎﻱ ﺍﺩﻭﺭ ﺣﻼﻝ ﻳﻌﻨﻲ ﻻﺯﻡ ﺍﺧﺬ ﺣﺎﺟﺘﻲ ﻣﻨﻬﺎ ﺑﺎﻟﺤﻼﻝ
ﺑﺲ ﺷﻠﻮﻥ ﺍﺧﻄﺒﻬﺎ .. ﺍﻱ ﻭﺷﻨﻮ ﻳﻌﻨﻲ ﺍﺧﻄﺒﻬﺎ ﻭﺍﻛﻮﻡ ﺍﻃﻠﻊ ﻭﺍﻃﺐ ﻭﺍﺧﺬ ﻣﻨﻬﺎ ﺑﻜﻴﻔﻲ
ﻭ ﺷﻮﻛﺖ ﻣﺎ ﺍﻣﻞ ﺍﻓﺴﺦ ﻭﺍﺗﺮﻙ ﻭﺍﻛﻮﻟﻬﻢ ﻣﺎ ﻋﺠﺒﺘﻨﻲ ﻣﺎ ﺍﺭﻳﺪﻫﺎ ﻳﻌﻨﻲ ﻓﺪ ﺷﻐﻠﻪ ﺑﺎﻟﻌﻜﺲ ﺍﻧﻲ ﺍﻟﻤﺴﺘﻔﺎﺩ ﻛﻮﻟﺸﻲ ﺍﺳﻮﻳﻪ ﺑﺎﻟﺤﻼﻝ ﻣﺤﺪ ﻳﻜﺪﺭ ﻳﺤﺎﺟﻴﻨﻲ
ﺍﻓﻜﺮ ﻭﺍﻧﻲ ﺍﻟﻌﺐ ﺑﻠﺤﻴﺘﻲ .. ﻳﺮﺍﺩﻟﻬﺎ ﺗﻔﻜﻴﺮ ﻭﺗﺨﻄﻴﻂ ..
ﺷﻐﻠﺖ ﺍﻟﺴﻴﺎﺭﻩ ﻭﻣﺸﻴﺖ ﻋﻮﺩ ﺍﻟﻠﻪ ﻳﺪﺑﺮﻫﺎ ..
ﺑﺮﺍﺀ .. ﺩﺧﻠﺖ ﺍﻟﺒﻴﺖ ﻟﻜﻴﺖ ﻣﺎﻣﺎ ﺗﺼﻠﻲ ﺑﺴﺖ ﻛﺘﻔﻬﺎ ﻭﻫﻴﻪ ﺗﺼﻠﻲ ﻭﻛﺘﻠﻬﺎ ﻳﺘﻘﺒﻞ ﺍﻧﺸﺎﻟﻠﻪ ﻭﺻﻌﺪﺕ ﻟﻐﺮﻓﺘﻲ
ﻟﻜﻴﺖ ﺭﺷﺎ ﻛﺎﻋﺪﻩ ﻋﻠﺴﺮﻳﺮ ﻭﺗﺘﺼﻔﺢ ﺑﺎﻻﺑﺘﻮﺏ .. ﻛﻠﺖ ﻫﻼﻭﻭﻭﻭﻭﻭ
ﺭﺷﺎ .. ﻫﻼ ﺷﻠﻮﻥ ﺍﻟﺸﻐﻞ ﺍﻟﺴﻮﻙ ﺷﻠﻮﻥ ﺍﻛﻴﺪ ﻛﻠﻪ ﺻﻮﺍﺭﻳﺦ
ﺑﺮﺍﺀ .. ﻳﻌﻨﻲ ﺷﻨﻮ
ﺭﺷﺎ .. ﻫﻬﻬﻬﻪ ﺻﺎﺭﻭﺥ ﻳﻌﻨﻲ ﻣﺰ .. ﻭﺍﻟﻤﺰ ﻳﻌﻨﻲ ﺷﺎﺏ ﺍﺷﺸﺸﺸﻄﺢ
ﺑﺮﺍﺀ .. ﻫﻬﻬﻬﻬﻪ ﺍﻱ ﺍﻛﻮ ﻛﻮﻣﻪ ﻣﻦ ﺫﻭﻟﻪ ﺍﻟﺼﻮﺍﺭﻳﺦ ﺍﺷﻜﺎﻝ ﺍﻟﻮﺍﻥ
ﺭﺷﺎ .. ﺑﺮﺑﺞ ﻣﺜﻞ ﻳﺤﻴﻰ ﻫﻴﺞ ﺍﺷﻜﺮ ﻭﺍﻟﻌﻴﻮﻥ ﻣﻠﻮﻧﻪ ﻭﻳﺨﺒﻞ
ﺑﺮﺍﺀ .. ﺷﺘﺤﺠﻴﻦ ﺍﻧﺘﻲ ﻟﻮ ﻣﺎ ﻋﻴﺐ ﻣﻦ ﺍﻟﻨﺎﺱ ﺟﺎﻥ ﻟﻄﻤﺖ ﺑﻨﺺ ﺍﻟﺴﻮﻙ ﺧﻮ ﻫﺬﺍ ﺍﺑﻮ ﺍﻟﺸﻐﻞ ﻳﻤﻪ ﻳﻤﻪ ﺷﻠﻮﻥ ﺣﻠﻮ ﺑﺲ ﺍﺳﺘﻐﻔﺮ ﺍﻟﻠﻪ ﺍﻧﻲ ﻣﺮﺗﺒﻄﻪ
ﺭﺷﺎ .. ﺷﺴﻤﻪ ﻫﺬﺍ ﺍﺑﻮ ﺍﻟﺸﻐﻞ
ﺑﺮﺍﺀ .. ﺍﺳﻤﻪ ﻋﻼﺀ ..
ﺭﺷﺎ .. ﻫﻮﻩ ﻣﻦ ﺍﺳﻤﻪ ﻣﺒﻴﻦ ﻳﻜﺘﻞ .. ﺷﻠﻮﻧﻪ ﺑﺮﺑﺞ ﺍﻭﺻﻔﻴﻠﻴﺎﻩ
ﺑﺮﺍﺀ .. ﻟﺤﻈﻪ ﻳﺮﺍﺩﻟﻬﺎ ﻛﻮﻣﻪ .. ﻛﻤﺖ ﻣﻦ ﻳﻤﻬﺎ ﻭﻭﻛﻔﺖ ﻋﻠﻜﺎﻉ ﻭﻛﺘﻠﻬﺎ ﻃﻮﻭﻭﻭﻭﻭﻭﻭﻳﻞ ﻛﻮﻟﺶ
ﻭﺍﻟﺸﻌﺮ ﺍﺳﻮﺩ ﻛﻔﺸﻪ ﻭﺷﺎﻣﺮﻩ ﻟﻴﻮﺭﻩ ﻭﺍﻟﻌﻴﻮﻥ ﺳﻮﺩ ﻭﻃﺒﺮﻩ ﺑﺤﺎﺟﺒﻪ ﻭﺍﻟﺠﺴﻢ ﻣﺎ ﺍﺣﺠﻴﻠﺞ ﺧﻠﻴﺘﻲ ﺳﺎﻛﺘﻪ
ﺭﺷﺎ .. ﻻ ﺑﺮﺑﺞ ﻫﻴﺞ ﺣﻠﻮ ﻭﻟﺞ ﻣﺎﻋﺖ ﺭﻭﺣﻲ
ﺑﺮﺍﺀ .. ﻟﺤﻈﻪ ﻟﺘﻤﻮﻋﻴﻦ ﺧﻞ ﺍﺷﻮﻓﻠﺠﻴﺎﻫﺎ ﻋﻠﻔﻴﺲ ﻛﺎﻝ ﺿﻴﻔﻴﻨﻲ .. ﺍﺧﺬﺕ ﺍﻟﻤﻮﺑﺎﻳﻞ ﻭﻛﺘﺒﺖ ﺍﺳﻤﻪ ﻋﻼﺀ ﺍﺣﻤﺪ
ﻃﻠﻊ ﺻﺪﻳﻖ ﻣﺸﺘﺮﻙ ﻳﺤﻴﻰ ﺍﻟﻜﺘﻠﻮﻧﻲ ﻛﺘﻠﻬﺎ ﺍﻱ ﻩ̷̷َـَْـُﺬﺁ
ﺟﺎﻥ ﻣﺨﻠﻲ ﺍﻟﺼﻮﺭﻩ ﻛﺮﻳﺴﺘﻴﺎﻧﻮ ﺭﻭﻧﺎﻟﺪﻭ .. ﻛﻤﻨﺎ ﻧﺒﺤﺚ ﺑﺼﻔﺤﺘﻪ ﻟﻜﻴﻨﻪ ﻣﺨﻠﻲ ﺍﻟﻪ ﺻﻮﺭﻩ
ﺭﺷﺎ .. ﻋﺰﺍ ﻋﺰﺍ ﻋﺰﺍ ﻳﻤﻪ ﻳﻤﻪ ﻭﻟﺞ ﺷﻨﻮ ﻫﺬﺍ ﺷﻜﺪ ﻧﺮﻭﺡ ﻟﻠﺴﻮﻙ ﺍﺷﻮ ﻣﺎ ﺍﺷﻮﻓﻪ
ﺑﺮﺍﺀ .. ﻟﺞ ﺑﺎﺑﺎ ﻫﻮﻩ ﺍﺣﻨﻪ ﻧﺮﻭﺡ ﻟﻠﺴﻮﻙ ﺍﻧﺪﻭﺥ ﺍﻧﺒﺎﻭﻉ ﻟﻠﻤﻼﺑﺲ ﺍﻟﺘﺎﺧﺬ ﺍﻟﺮﻭﺡ ﻟﻮ ﻧﺒﺎﻭﻉ ﻟﻠﻮﺟﻮﻩ ﺍﻟﺤﻠﻮﻩ ﺍﻟﺘﺮﺩ ﺍﻟﺮﻭﺡ ﻫﻬﻬﻬﻬﻬﻬﻪ
ﺭﺷﺎ .. ﺍﻱ ﻭﺍﻟﻨﺒﻲ ﺻﺤﻴﺢ ﻫﻬﻬﻬﻪ ﻟﺞ ﺑﺮﺑﺞ ﺍﺻﺒﻐﻴﻨﻲ ﻳﻤﻪ ﺑﻠﻜﺖ ﻧﺤﺼﻠﻪ
ﺑﺮﺍﺀ .. ﻻ ﺍﺻﺒﻐﺞ ﻭﻻ ﺍﺑﺪ ﻫﻮﻩ ﺭﺍﻳﺪﺝ ﺗﺸﺘﻐﻠﻴﻦ ﻭﻳﺎﻩ ﻣﻨﺪﻭﺑﻪ ﺗﺴﻮﻗﻴﻦ ﺍﻟﺒﻀﺎﻋﻪ ﻣﺎﻟﺘﻪ ﻋﻠﻔﻴﺴﺒﻮﻙ ﻭﻳﻨﻄﻴﺞ ﻣﻨﻬﺎ ﻧﺴﺒﻪ
ﺭﺷﺎ .. ﺟﺬﺫﺫﺫﺫﺫﺫﺫﺏ 😨 ﻟﺞ ﺍﻱ ﺍﻱ ﻛﻮﻟﻴﻠﻪ ﻣﻮﺍﻓﻘﻪ
ﺑﺮﺍﺀ .. ﻋﺎﺑﺖ ﺍﺛﻜﻠﻲ ﺷﻮﻳﻪ ﻻ ﺍﻧﻮﺏ ﻳﻌﺘﺒﺮﺝ ﺯﺍﺣﻔﻪ ﺛﻜﻠﻲ ﺭﻭﺣﺞ ﻳﻮﻝ ..
ﺭﺍﺡ ﺍﺩﺯﻟﻪ ﺭﺳﺎﻟﻪ ﻭﺍﻛﻮﻟﻪ ﻛﻠﺘﻠﻬﺎ ﻭﻛﺎﻟﺖ ﻣﺎ ﺍﻋﺮﻑ ﺍﻓﻜﺮ ﻭﺍﻧﻄﻴﻪ ﺣﺴﺎﺑﺞ ﻭﺍﻛﻮﻟﻪ ﺍﻧﺘﻪ ﺗﻔﺎﻫﻢ ﻭﻳﺎﻫﺎ ﻭﺑﻌﺪ ﺗﺒﻘﻰ ﻳﻤﺞ ...
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء