رواية اهات الم من وجع ادم الجزء الحادي عشر
للكاتبة زينب ماجد
🌿🌿
ﻛﺎﻝ ﺍﻟﻤﺮﻳﻀﻪ ﺗﻌﺮﺿﺖ ﻟﺴﻜﺘﻪ ﻗﻠﺒﻴﻪ ﺍﻧﻬﺖ ﺣﻴﺎﺗﻬﺎ ﺍﻟﺒﻘﻴﻪ ﺑﺤﻴﺎﺗﻜﻢ ..
ﻛﺘﻠﻪ ﻳﻌﻨﻲ ﻣﺎﻣﺎ ﻣﺎﺗﺖ ﻻ ﻣﺴﺘﺤﻴﻴﻴﻴﻴﻴﻴﻞ ﻣﺎﻣﺎ ﻣﺎ ﺗﻤﻮﺕ ﻣﺎﻣﺎ ﻣﺎﺗﺘﺮﻛﻨﻲ ﻻﺍﺍﺍﺍﺍﺍﺍﺍﺍﺍﺍﺍﺍﺍ ﻣﺘﻤﻮﺕ ﻣﺎﻣﺎ ﻣﺘﻤﻮﻭﻭﻭﻭﻭﺕ
ﻃﻠﻌﻮﻫﺎﺍﺍ ﻃﻠﻌﻮ ﺍﻣﻲ ﺍﺭﻳﺪ ﺍﺣﺠﻲ ﻭﻳﺎﻩ ﻃﻠﻌﻮﻫﺎﺍﺍﺍﺍﺍﺍ ﺗﺘﺮﻛﻨﻲ ﻫﺴـ now ــﮩﮧ ﻻ ﻣﺎﻣﺎ ﻻ ﻓﺪﻭﻩ ﻣﺎ ﺍﻛﺪﺭ ﺍﻋﻴﺶ ﻭﺍﻟﻠﻪ
ﻟﺞ ﻣﺎﻣﺎ ﺗﻌﺎﻟﻲ ﺍﻟﻠﻲ ﻳﺨﻠﻴﺞ ﻟﺘﻌﻮﻓﻴﻨﻲ ﻣﻨﻮ ﺍﻟﻲ ﻏﻴﺮﺝ ﻳﻮﻭﻭﻭﻭﻭﻭﻡ ﻋﺰﻩ ﺑﻌﻴﻨﻲ ﻛﺘﻠﺖ ﺍﻣﻲ ﺍﻭﻭﻭﻭﻭﻭﻭﻑ ﻳﻤﻪ
ﻟﺞ ﻣﺎﻣﺎ ﻟﺘﻌﻮﻓﻴﻨﻲ ﺍﻟﻠﻪ ﻋﻠﻴﺞ ﻭﺍﻟﻠﻪ ﺍﺿﻴﻴﻴﻴﻴﻴﻴﻊ ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺣﺮﺭﺭﺭﺍﻡ ..
ﻓﻘﺪﺕ ﻛﻤﺖ ﺍﺻﺮﺥ ﺑﻼ ﻭﺍﻧﻲ ﻛﺎﻋﺪﻩ ﺑﺎﻟﻜﺎﻉ ﻭﺍﻟﺸﺒﺎﺏ ﺗﻬﺪﺀ ﺑﻴﻪ ﻭﻳﻜﻠﻮﻟﻲ ﺫﻛﺮﻱ ﺍﻟﻠﻪ ﻫﺬﺍ ﻳﻮﻣﻬﺎ .. ﻛﺘﻠﻬﻢ ﻻ ﻣﻮ ﻳﻮﻣﻬﺎ ﺍﻧﻲ ﻣﻮﺗﺘﻬﺎ ﺍﻧﻴﻴﻴﻴﻴﻲ ﺍﻧﻲ ﻭﺍﻣﻠﺦ ﺑﺸﻌﺮﻱ
ﻓﻘﺪﺕ ﻟﺪﺭﺟﻪ ﺣﺴﻴﺖ ﺧﺴﺮﺕ ﻛﻮﻟﺸﻲ ﺑﺎﻟﺤﻴﺎﺓ ﻣﺎ ﺍﻟﻲ ﺳﻨﺪ ﻭﻳﻦ ﺍﺭﻭﺡ ﻭﻃﻔﻞ ﺍﺑﻄﻨﻲ ﻣﻨﻮ ﻳﺘﻘﺒﻠﻨﻲ ..
ﺧﺎﺑﺮﺕ ﺍﺧﺘﻲ ﺑﻘﺖ ﺗﺼﺮﺥ ﻭﺗﻜﻠﻲ ﻭﻟﺞ ﺍﻟﺼﺒﺢ ﺧﺎﺑﺮﺗﻬﺎ ﻛﻮﻟﺸﻲ ﻣﺎ ﺑﻴﻬﺎ ﺷﺴﻮﻳﺘﻴﻠﻬﺎ .. ﺑﻘﻴﺖ ﺍﺑﺠﻲ ﻭﺍﻋﻴﻂ ﻭﻳﻪ ﻋﻴﺎﻁ ﺍﺧﺘﻲ
ﺍﻧﻮﺏ ﺧﺎﺑﺮﺕ ﻋﻤﻲ ﺍﻟﺠﺒﻴﺮ ﻭﺧﺎﺑﺮﺕ ﺧﻮﺍﻟﻲ ﻭﻛﻌﺪﺕ ﺍﺑﺠﻲ ﺑﺤﺮﻛﻪ ﻟﺸﻮﻱ ﺍﺟﻪ ﻋﻤﻲ ﻭﻣﺮﺗﻪ ﺗﺼﺮﺥ ﻛﺎﻟﻮ ﺷﻠﻮﻥ ﻣﺎﺗﺖ ﻛﺘﻠﻬﻢ ﺳﻜﺘﻪ ﻗﻠﺒﻴﻪ
ﺍﻧﻮﺏ ﺍﺟﺖ ﺍﺧﺘﻲ ﻭﺗﺼﺮﺥ ﻭﺗﻠﻄﻢ ﻋﻠﻰ ﺧﺪﻭﺩﻫﺎ ﻛﻤﺖ ﺍﺻﺮﺥ ﻭﻳﺎﻫﺎ ﻛﺘﻠﻬﺎ ﻭﻟﺞ ﺛﺮﺍﺍﺍﺍﺍﺍﺍﺀ ﺍﻧﺘﻲ ﻫﻴﻨﻪ ﻭﻟﺞ ﺍﻧﻲ ﺍﺭﻭﺡ ﻣﻨﻮ ﺭﺍﺡ ﻳﺘﺤﻤﻠﻨﻲ ﻭﻟﺞ ﺭﺍﺡ ﺩﻻﻟﻲ
ﺍﻭﻭﻭﻑ ﻳﻤﻪ ﻋﻤﺖ ﻋﻴﻨﻲ ﻋﻠﻴﺞ ﻣﻮﺗﺞ ﺑﺴﻮﺍﻟﻔﻲ ﻳﻤﻪ .. ﺭﺑﻲ ﺍﺧﺬﻧﻲ ﻭﻻ ﺗﺎﺧﺬﻫﺎ .. ﺭﺑﻲ ﺗﺮﻳﺪ ﺗﺎﺧﺬﻫﺎ ﺍﺧﺬﻧﻲ ﻭﻳﺎﻫﺎ ﺷﻌﻨﺪﻙ ﻣﺒﻘﻴﻨﻲ ..
ﺑﻘﻴﺖ ﺍﺑﺠﻲ ﻋﻠﻴﻬﺎ ﻛﺎﻟﻮ ﻟﻠﺴﺎﻋﻪ 7 ﺍﻟﺼﺒﺢ ﻳﻠﻪ ﻳﺴﻠﻤﻮﻥ ﺍﻟﺠﺜﻪ ﻣﻴﻨﻄﻮﻫﺎ ﻫﺴـ NOW ــﮩﮧ .. ﻛﺎﻝ ﻋﻤﻲ ﺭﺟﻌﻦ ﻟﻠﺒﻴﺖ
ﻛﺘﻠﻪ ﻣﺎ ﺍﻋﻮﻑ ﺍﻣﻲ ﻫﻨﺎ .. ﻛﺎﻝ ﺍﻧﺠﺒﻲ ﺑﺎﻋﻲ ﻣﻼﺑﺴﺞ ﺟﺎﻳﻪ ﺑﺎﻟﺘﺮﺍﻛﺴﻮﺩ ﻭﺍﻟﻌﺎﻟﻢ ﺗﺒﺎﻭﻋﻠﺞ ﺳﺘﺮﻱ ﻧﻔﺴﺞ ..
ﺑﻘﻴﺖ ﺍﺗﻮﺳﻞ ﺑﻴﻬﻢ ﻭﺍﺑﺠﻲ ﻭﻣﺮﺕ ﻋﻤﻲ ﻭﺍﺑﻨﻬﺎ ﺟﺮﻭﻧﻲ ﻭﺍﺧﺬﻭﻧﻲ ﻏﺼﺐ ﻟﻠﺒﻴﺖ .. ﺍﻧﻲ ﺍﺻﻼ ﺟﻨﺖ ﻻﺑﺴﻪ ﺗﺮﺍﻙ ﺍﺳﻮﺩ ﻋﻠﻰ ﺍﻟﻤﺮﺣﻮﻣﻪ ﺭﺷﺎ
ﺑﺲ ﺭﺟﻌﺖ ﻏﻴﺮﺕ ﻟﺒﺴﺖ ﻛﻠﺒﻴﻪ ﻭﻛﻌﺪﺕ ﺑﺎﻟﺼﺎﻟﻪ ﺍﺑﺠﻲ ﻭﺍﻟﻨﺴﻮﺍﻥ ﻭﻛﺮﺍﻳﺒﻨﻪ ﺍﻟﺘﻤﻮ ﺍﺟﻮ ﺧﺎﻻﺗﻲ ﺍﻟﺒﻘﻴﺎﺕ ﻭﻋﻤﺎﺗﻲ ﻭﺍﻟﺪﻧﻴﺎ ﻛﻠﻬﺎ ﺍﻟﺘﻤﺖ ﺗﻠﻄﻢ
ﺑﻘﻴﺖ ﺍﺻﺮﺥ ﻭﺍﺑﺠﻲ ﻋﻠﻴﻬﺎ ﻣﺎ ﻫﺪﺍﻟﻲ ﺑﺎﻝ ﻭﻻ ﻧﺸﻔﺘﻠﻲ ﺩﻣﻌﻪ ﺷﻠﻮﻥ ﻣﺎ ﺍﺑﺎﻭﻉ ﻣﺎ ﺍﻛﺪﺭ ﺍﻋﻴﺶ ﺑﺪﻭﻧﻬﺎ ﻭﻳﻦ ﺍﺭﻭﺡ
ﺳﺎﻋﻪ ﺍﺗﺬﻛﺮﻫﺎ ﻭﺍﺑﺠﻲ ﺳﺎﻋﻪ ﺍﺗﺬﻛﺮ ﺭﻭﺣﻲ ﺑﺪﻭﻧﻬﺎ ﺳﺎﻋﻪ ﺍﺗﺬﻛﺮ ﺍﺑﻨﻲ ﺍﻟﺒﻄﻨﻲ ﻭﺳﺎﻋﻪ ﺍﺗﺬﻛﺮ ﺧﻴﺎﻧﺔ ﻳﺤﻴﻰ ﺑﻴﻪ ﻭﻳﻦ ﺍﺑﺎﻭﻉ ﻭﺍﻟﻤﻦ ﺍﻧﻄﻲ ﻭﺟﻬﻲ ﺍﻭﻭﻭﻑ ﻳﻤﻪ
ﻟﻠﺴﺎﻋﻪ 8 ﺍﻟﺼﺒﺢ ﻛﺎﻟﻮ ﺣﻴﺠﻴﺒﻮﻥ ﺍﻟﺘﺎﺑﻮﺕ ﻟﻠﺒﻴﺖ ﻛﻠﻨﺎ ﻭﻛﻔﻨﻪ ﺩﺧﻠﻮ ﺍﻟﺘﺎﺑﻮﺕ ﺑﻘﻴﺖ ﺍﺻﺮﺥ ﺑﻜﻞ ﺻﻮﺗﻲ ﻭﻟﺞ ﻳﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻪ ﻻ ﺗﺮﻛﻨﻲ ﺣﺮﺍﻡ ﻋﻠﻴﺞ ﻳﻤﻪ
.
ﺷﻠﻮﻥ ﺗﻐﻔﻰ ﻋﻴﻨﺞ ﻣﺎ ﻓﻜﺮﺗﻲ ﺑﻴﻪ ﻣﺎ ﻛﻠﺘﻲ ﻭﻳﻦ ﺗﺮﻭﺡ ﻳﻤﻪ ﻻ ﺍﺥ ﻭﻻ ﺍﺏ ﻳﻤﻪ ﻣﻨﻮ ﻳﺘﺤﻤﻠﻨﻲ ..
ﺑﻘﻴﺖ ﺍﺻﺮﺥ ﻭﺍﺿﺮﺏ ﻋﻠﻰ ﺍﻟﺘﺎﺑﻮﺕ ﻣﺜﻞ ﺍﻟﻤﺨﺒﻠﻪ .. ﺭﺩﺕ ﺍﻓﺘﺢ ﺗﺎﺑﻮﺗﻬﺎ ﻛﺎﻟﻮ ﻻ ﻣﻤﻨﻮﻉ ﻻ ﺗﻔﺘﺤﻴﻦ ﺍﻟﺘﺎﺑﻮﺕ ﺑﻘﻮ ﻳﺼﻴﺤﻮﻥ ..
ﺍﻧﻮﺏ ﺷﺎﻟﻮ ﻭﺷﺪﻭﻫﺎ ﻓﻮﻙ ﺍﻟﺴﻴﺎﺭﻩ ﻭﺍﺣﻨﻪ ﻧﺼﺮﺥ ﺍﻧﻲ ﻭﺍﺧﺘﻲ ﻭﺍﻟﻨﺴﻮﺍﻥ ﺗﺒﺠﻲ ﻭﻳﺎﻧﻪ .. ﺻﻌﺪﻧﻪ ﺑﻠﺴﻴﺎﺭﻩ ﺑﺲ ﻧﺒﺠﻲ
ﺩﺧﻠﺖ ﻭﻳﺎﻫﺎ ﻟﻠﻤﻐﻴﺴﻞ ﺍﺑﻮﻋﻬﺎ ﻭﺍﻛﻠﻬﺎ ﻳﻤﻪ ﺍ
ﻫﺎﻱ ﺍﺧﺮ ﺷﻮﻓﻪ ﻳﻤﻪ ﻣﻨﻮ ﺑﻌﺪ ﻳﺪﻟﻠﻨﻲ ﻣﻨﻮ ﻳﻐﻄﻴﻨﻲ ﺑﻠﻴﻞ ﻭﻳﺒﻮﺳﻨﻲ ..
ﻣﻨﻮ ﻳﺬﻛﺮﻧﻲ ﻟﻮ ﺟﻌﺖ ﻭﻳﺴﺄﻟﻨﻲ ﻟﻮ ﺑﺠﻴﺖ ﻭﻳﺤﺲ ﺑﻴﻪ ﻟﻮ ﺿﺠﺖ ﻳﻤﻪ ﻻ ﺗﻌﻮﻓﻴﻨﻲ ﻟﺨﺎﻃﺮﻱ ﺍﺭﺟﻌﻲ ..
ﻳﻤﻪ ﻣﻮ ﺗﺒﻮﺳﻴﻨﻲ ﻭﺗﻜﻮﻟﻴﻠﻲ ﻣﺎ ﻋﻨﺪﻱ ﻏﻴﺮﺝ ﻳﻤﻪ ﻭﻻ ﺍﻧﻲ ﺍﻟﻲ ﺍﺣﺪ ﺑﻌﺪﺝ ﻳﻠﺤﺒﻴﺒﻪ ﻳﻤﻪ ﺍﻓﺮﺍﻛﺞ ﻛﺴﺮ ﺿﻬﺮﻱ
ﻏﺴﻠﻮﻫﺎ ﻭﻛﻔﻨﻮﻫﺎ ﻭﻭﺩﻭﻫﺎ ﻓﺮﻭﻫﺎ ﺑﺎﻻﻣﺎﻡ ﻋﻠﻲ ﺑﻘﻴﺖ ﺍﺑﺎﻭﻉ ﻟﺸﺒﺎﻙ ﺍﻻﻣﺎﻡ ﻭﺍﻛﻮﻝ ﻫﺎ ﻳﺎ ﺍﺑﻮ ﺍﻟﻴﺘﺎﻣﻪ ﻳﺘﻴﻤﻪ ﺻﺮﺕ ﻭﺩﺧﻴﻠﺘﻚ ﻻ ﺗﻌﻮﻓﻨﻲ ﺿﻤﻨﻲ ﺟﻮﻩ ﺟﻨﺎﺣﻚ ﻭﺍﻧﻘﺬﻧﻲ
ﺍﻧﻮﺏ ﻭﺩﻭﻫﺎ ﻟﻠﻤﻘﺒﺮﻩ ﻳﺪﻓﻨﻮﻫﺎ ﺑﺎﻭﻋﺖ ﺍﻟﻜﺒﺮ ﻣﻔﺘﻮﺡ ﻭﺑﻘﻮ ﻳﻨﺰﻟﻮﻥ ﺑﻴﻬﺎ ﻓﻘﺪﺕ ﻓﻘﺪﺕ ﺑﻘﻴﺖ ﺍﺷﻴﻞ ﺍﻟﺘﺮﺍﺏ ﻭﺍﺷﻤﺮ ﻓﻮﻙ ﺭﺍﺳﻲ
ﻟﺤﺪ ﻣﺎ ﺧﻠﺼﻮ ﺩﻓﻨﻬﺎ ﻭﻃﻤﻮﻫﺎ .. ﺍﻟﺘﻤﻴﻨﺎ ﻋﻠﻴﻬﺎ ﻭﺑﺲ ﺍﺻﺮﺥ ﺍﻧﺒﺢ ﺻﻮﺗﻲ ﻛﻮﻟﺶ ﻣﻦ ﺍﻟﺼﻴﺎﺡ .. ﻟﺸﻮﻱ ﻛﺎﻟﻮ ﻳﻼ ﺭﺍﺡ ﺗﻀﻠﻢ ﺍﻟﺪﻧﻴﺎ ﻭﺍﻟﻄﺮﻳﻖ ﻃﻮﻳﻞ
ﻣﺸﻴﻨﺎ ﻭﻛﻮﻩ ﻳﺠﺮﻭﻧﻲ ﻣﻦ ﻛﺒﺮﻫﺎ ﻭﺷﻤﺮﻭﻧﻲ ﺑﺎﻟﺴﻴﺎﺭﻩ ﺑﻘﻴﺖ ﺍﺑﺠﻲ ﻭﺩﻣﻮﻋﻲ ﺗﺠﺮﻱ .. ﺍﻧﻮﺏ ﻧﺰﻟﻮ ﻳﻢ ﻣﻄﻌﻢ ﺍﻟﻠﻲ ﺟﺎﻳﻴﻦ ﻭﻳﺎﻧﻪ ﻟﻠﺪﻓﻦ ﺭﺍﺩﻭ ﻳﺎﻛﻠﻮﻥ
ﺭﺍﺩﻭﻧﻪ ﻧﻨﺰﻝ ﺑﺲ ﺍﻧﻲ ﻭﺍﺧﺘﻲ ﻓﺎﻗﺪﺍﺕ ﻳﺎ ﺍﻛﻞ ﻫﺬﺍ ﺍﻟﻠﻲ ﻧﺪﻭﺭﻩ ﻭﺍﻣﻨﻪ ﺩﻓﻨﺎﻫﺎ ﻭﺍﺟﻴﻨﻪ .. ﺑﻘﺖ ﺍﺧﺘﻲ ﺗﺴﺄﻟﻨﻲ ﻭﻫﻢ ﺻﻮﺗﻬﺎ ﻣﺒﺤﻮﺡ
ﺷﻠﻮﻥ ﻣﺎﺗﺖ ﺍﻟﺒﺎﺭﺣﻪ ﺍﻟﺼﺒﺢ ﺍﺣﺠﻲ ﻭﻳﺎﻫﺎ ﻭﺗﻀﺤﻚ ﻣﺎ ﺑﻴﻬﺎ ﺷﻲ ﻭﺳﺌﻠﺘﻨﻲ ﻋﻠﻰ ﺟﻬﺎﻟﻲ ﺷﻤﻮﺗﻬﺎ
ﺧﻔﺖ ﺍﻛﻮﻟﻬﺎ ﺍﻟﺴﺒﺐ ﻻﻥ ﺻﺮﺍﺣﻪ ﻣﻦ ﻣﺎﺕ ﺍﺑﻮﻳﻪ ﻣﺎ ﺣﺴﻴﺖ ﺍﻧﻲ ﻳﺘﻴﻤﻪ ﺑﻮﺟﻮﺩ ﺍﻣﻲ ﺑﺲ ﻫﺴﻪ ﺻﺪﻭﻙ ﺗﻴﺘﻤﺖ ﻛﻤﺖ ﺍﺧﺎﻑ ﺣﺘﻰ ﻣﻦ ﺍﺧﺘﻲ ﻻ ﺗﻜﺘﻠﻨﻲ ﺍﺫﺍ ﻋﺮﻓﺖ ﺳﺎﻟﻔﺘﻲ ﻭﺷﻠﻮﻥ ﺍﻣﻲ ﻋﺼﺒﺖ ﻭﻭﻛﻒ ﻛﻠﺒﻬﺎ
ﺑﻘﻴﺖ ﻛﺎﺗﻤﺘﻬﺎ ﺑﻜﻠﺒﻲ ﺑﺄﻟﻢ ﺑﻨﺪﻡ ﺑﺤﺴﺮﻩ ﺑﺘﺄﻧﻴﺐ ﺿﻤﻴﺮ ﻗﺎﺗﻞ .. ﻛﺘﻠﻬﺎ ﻣﺎ ﺍﻋﺮﻑ ﻫﻴﻪ ﻋﻠﻰ ﺧﺎﻟﺘﻲ ﻣﻦ ﺭﺍﺣﺖ ﻳﻮﻣﻴﻪ ﺗﺒﺠﻲ ﻋﻠﻰ ﻓﺮﺍﻛﻬﺎ
ﻭﻭﻛﻌﺖ ﻭﺟﺒﺘﻬﺎ ﻟﻠﻤﺴﺘﺸﻔﻰ ﺑﻘﺖ ﺗﺒﺠﻲ .. ﺑﻘﺖ ﺑﺲ ﺩﻣﻮﻋﻲ ﺗﺠﺮﻱ ﺭﺍﺡ ﺻﻮﺗﻲ ﻣﻦ ﺍﻟﺼﺮﺍﺥ ﻭﻣﺎ ﺍﻟﻲ ﻃﺎﻗﻪ ﺍﺑﺠﻲ
ﺧﻠﻴﺖ ﺭﺍﺳﻲ ﻭﺑﻘﻴﺖ ﺍﺗﺤﺴﺐ ﻋﻠﻲ ﻳﺤﻴﻰ ﻭﻋﻠﺴﻮﺍﻩ ﺑﻴﻪ .. ﻟﺤﻀﻪ ﻣﻦ ﻧﺰﻭﺍﺗﻪ ﻭﺷﻬﻮﺍﺗﻪ ﺿﻴﻌﺖ ﺍﻣﻲ ﻭﻋﻤﺮﻱ ﻭﻳﺎﻫﺎ ﺧﺴﺮﺕ ﻛﻮﻟﺸﻲ ﺑﺴﺒﺒﻪ
ﺭﺟﻌﻮﻧﺎ ﻟﻠﺒﻴﺖ ﺗﻠﻜﺘﻨﻪ ﺍﻟﻨﺴﻮﺍﻥ ﺑﺎﻟﻠﻄﻢ ﺍﻧﻲ ﻫﻢ ﻧﺰﻟﺖ ﺍﻟﻄﻢ ﺑﻼ . ﻭﻋﻲ ﻭﺍﺻﺮﺥ .. ﻳﺎﻳﻤﻪ ﻓﺮﺍﻛﺞ ﻫﺪ ﺣﻴﻠﻲ ..
ﺑﻘﻴﻨﻪ ﻧﻠﻄﻢ ﻟﺤﺪ ﻣﺎ ﺗﻌﺒﺖ ﻭﻛﻌﺪﻧﻪ ﻧﺒﺠﻲ ﻟﺸﻮﻱ ﺍﻧﻄﺮﺣﺖ ﻭﻧﻤﺖ .. ﻛﻌﺪﺕ ﺍﻟﻔﺠﺮ ﺑﻠﻴﻞ ﺍﺑﺠﻲ ﻋﻠﻴﻬﺎ ..
ﻣﺪﻳﺖ ﺍﻟﺴﺠﺎﺩﻩ ﻭﻛﻌﺪﺕ ﺍﺻﻠﻴﻠﻬﺎ ﺻﻼﺓ ﺍﻟﻮﺣﺸﻪ .. ﺷﺒﻌﺖ ﺑﺠﻲ ﻭﺍﻧﻲ ﺍﺻﻠﻲ ﻣﻮ ﺑﻴﺪﻱ ﺩﻣﻮﻋﻲ ﻣﺎ ﺗﻨﺸﻒ
ﺑﻘﻴﺖ ﺍﺑﺠﻲ ﻟﻠﺼﺒﺢ ﺍﻧﻮﺏ ﻟﻔﻴﺖ ﺣﺠﺎﺑﻲ ﻭﻛﻌﺪﺕ ﺑﻴﻦ ﺍﻟﻨﺴﻮﺍﻥ ﻭﺍﻟﻤﻌﺰﺍﻳﺎﺕ ﻭﺣﺪﻩ ﻃﺎﺑﻪ ﻭﺣﺪﻩ ﻃﺎﻟﻌﻪ
.
ﺍﺟﺖ ﺍﻡ ﻳﺤﻴﻰ ﻛﺎﺑﻠﺘﻨﻲ ﻭﺑﺠﺖ ﺷﺎﻓﺘﻨﻲ ﺍﻧﻬﺪﻳﺖ ﺑﺎﻟﺒﺠﻲ ﺍﺧﺬﺗﻨﻲ ﺑﺤﻀﻨﻬﺎ ﻭﺗﺼﻴﺢ ﺍﻟﻠﻪ ﻻ ﻳﻨﻄﻴﻚ ﻳﺤﻴﻰ ﺍﻟﻠﻪ ﻻ ﻳﻮﻓﻘﻚ
ﺍﺳﻜﺘﻲ ﺑﻨﻴﺘﻲ ﺍﺳﻜﺘﻲ ﻛﺘﻠﻬﺎ ﺧﺎﻟﻪ ﻳﺤﻴﻰ ﺫﺑﺤﻨﻲ ﺧﺴﺮﻧﻲ ﻛﻮﻟﺸﻲ ﺑﺤﻴﺎﺗﻲ ﺍﻣﻲ ﻭﻧﻔﺴﻲ ﻭﺣﻴﺎﺗﻲ ﻛﻠﻬﺎ ﺧﺴﺮﺗﻬﺎ
ﻛﺎﻟﺖ ﺍﻟﻠﻪ ﻣﻮﺟﻮﺩ ﻟﺘﺨﺎﻓﻴﻦ ﻭﺍﻟﻠﻪ ﺍﺗﺒﺮﻩ ﻣﻨﻪ ﻟﻮ ﻋﺎﻓﺞ ﺍﻧﻲ ﻫﺴﻪ ﺍﻛﺴﺮ ﺭﺍﺳﻪ ﻭﺍﺧﻠﻴﻪ ﻳﺎﺧﺬﺝ ..
ﻫﻤﺰﻳﻦ ﺍﺧﺘﻲ ﺟﺎﻧﺖ ﻣﻤﻮﺟﻮﺩﻩ ﻣﻦ ﺣﺠﺖ ﻭﻳﺎﻳﻪ ﺍﻡ ﻳﺤﻴﻰ ﺟﺎﻥ ﺫﺑﺤﺘﻨﻲ ﻟﻮ ﻋﺮﻓﺖ ﺑﺴﺎﻟﻔﻪ
ﺍﺧﺘﻲ ﺟﺎﻧﺖ ﺳﺒﻮﺭﺕ ﻭﺍﺿﺤﻮﻛﻴﻪ ﺑﺲ ﺯﻭﺟﻬﺎ ﻋﻘﺪﻩ ﻧﻔﺴﻴﻪ ﻭﻣﻦ ﺗﺰﻭﺟﺘﻪ ﺻﺎﺭﺕ ﻣﺜﻠﻪ ﻣﺘﺸﺪﺩﻩ ﻭﻣﻮ ﻣﺘﻔﺎﻫﻤﻪ ﻭﺍﺣﺠﻲ ﻭﻳﺎﻫﺎ ﻭﺗﻔﻬﻤﻨﻲ ﺍﻋﺮﻓﻬﺎ ﺗﺸﻬﺮﻧﻲ
ﻛﻤﻠﺖ ﺍﻟﻔﺎﺗﺤﻪ ﻭﺍﻟﺴﺎﺑﻊ ﻃﺸﺖ ﺍﻟﻨﺎﺱ ﻭﻛﻠﻤﻦ ﺭﺍﺡ ﻟﺒﻴﺘﻪ .. ﺷﻔﺖ ﺍﺧﺘﻲ ﺩﺗﻠﻢ ﻏﺮﺍﺿﻬﺎ ﻛﺘﻠﻬﺎ ﺛﺮﺍﺀ ﻭﻳﻦ
ﻛﺎﻟﺖ ﺍﺭﺟﻊ ﻟﺒﻴﺖ ﻋﻴﺎﻟﻲ ﻛﺘﻠﻬﺎ ﻭﺍﻧﻲ ﻛﺎﻟﺖ ﺷﺒﻴﺪﻱ ﻋﻠﻴﺞ ﻣﺎ ﺍﻛﺪﺭ ﻛﻮﻩ ﺧﻼﻧﻲ ﺍﺑﻘﻰ ﻋﺪﻛﻢ ﻟﻠﺴﺎﺑﻊ ﺣﺮﻛﻨﻲ ﺣﺮﻙ ﺑﺸﺎﺭ
ﻛﺘﻠﻬﺎ ﺛﺮﺍﺀ ﺍﻧﺘﻲ ﻣﻮ ﻣﺘﺄﺫﻳﻪ ﻣﻦ ﻋﻴﺎﻟﺞ ﺟﻴﺒﻲ ﺭﺟﻠﺞ ﻭﺗﻌﺎﻱ ﻋﻴﺸﻲ ﻫﻨﺎ .. ﻛﺎﻟﺖ ﻋﻠﻤﻮﺩ ﻋﻤﺘﻲ ﺗﺬﺑﺤﻲ ﻭﺗﻜﻮﻟﻲ ﺳﻮﻳﺘﻲ ﺍﺑﻨﻲ ﻛﻌﻴﺪﻱ
ﻛﺘﻠﻬﺎ ﻟﺞ ﺛﺮﺍﺀ ﻟﻌﺪ ﻭﻳﻦ ﺍﺭﻭﺡ ﻛﺎﻟﺖ ﺭﻭﺣﻲ ﻟﺒﻴﺖ ﻋﻤﻲ ﻛﺘﻠﻬﺎ ﻣﻴﺤﺒﻮﻧﻲ .. ﻛﺎﻟﺖ ﺑﺮﺍﺀ ﺑﺮﺑﺞ ﺷﻨﻮ ﻫﻠﺤﺠﻲ ﻳﺤﺒﻮﺝ ﻭﻣﻴﺤﺒﻮﺝ ﻟﻌﺪ ﻭﻳﻦ ﺗﺮﺣﻴﻦ ﻛﻠﻴﻠﻲ
ﺷﻔﺘﻬﺎ ﻣﻮ ﺿﻬﺮ ﻭﺍﺳﺘﻨﺪ ﻣﺜﻞ ﻛﻞ ﺍﺧﺖ ﻛﺘﻠﻬﺎ ﺭﻭﺣﻲ ﺧﻴﺘﻲ ﺭﻭﺣﻲ ﺍﻟﻠﻪ ﻳﻮﻓﻘﺞ .. ﻣﺎ ﻣﺘﺄﻣﻠﻪ ﻣﻦ ﺑﻌﺪ ﻋﻴﻦ ﺍﻣﻲ ﺍﺷﻮﻑ ﺍﻟﺮﺣﻤﻪ
ﻓﺮﻍ ﺍﻟﺒﻴﺖ ﻛﺎﻝ ﻋﻤﻲ ﻳﻠﻪ ﺍﻣﺸﻲ ﻭﻳﺎﻧﻪ ﻟﻤﻴﺖ ﻏﺮﺍﺿﻲ ﻭﺭﺣﺖ ﻟﺒﻴﺖ ﻋﻤﻲ ﻣﺮﺕ ﻋﻤﻲ ﻗﺎﺳﻴﻪ ﻓﺪ ﻣﺮﻩ
ﺣﺘﻪ ﻣﺎ ﺭﺣﻤﺖ ﺍﻧﻜﺴﺎﺭﻱ ﻋﻠﻲ ﺍﻣﻲ ﻭﻳﻪ ﻣﺎ ﺩﺧﻠﺖ ﺑﻴﺘﻬﺎ ﺩﻛﻠﻲ ﻫﺎﻱ ﻣﻮ ﻋﺒﺎﻟﺞ ﺧﻄﺎﺭ ﻭﺗﺨﻠﻴﻦ ﺭﺟﻞ ﻋﻠﻲ ﺭﺟﻞ ﻭﺍﻧﻲ ﺍﺷﺘﻐﻠﺞ
ﻧﺺ ﺷﻐﻞ ﺍﻟﺒﻴﺖ ﻋﻠﻴﺞ .. ﻭﺍﺑﺪﻱ ﻣﻦ ﻫﺴﻪ .. ﺍﺑﺎﻭﻉ ﺑﻴﺘﻬﻢ ﺻﺎﻳﺮ ﺧﺮﺍﺑﻪ ﻻﻥ ﺻﺎﺭ 7 ﺍﻳﺎﻡ ﻋﺎﻳﻔﻴﻪ ﺑﺲ ﺣﻴﺪﺭ ﻭﻋﻤﻲ ﻳﺠﻮﻥ ﺑﻴﻪ
ﺑﺪﻳﺖ ﺍﻧﻀﻒ .. ﻭﻳﺎﻫﺎ ﻟﺴﺎﻋﺘﻴﻦ ﻳﻠﻪ ﻛﻤﻠﺖ ﻫﻠﻜﺖ ﻣﻦ ﺍﻟﺘﻌﺐ .. ﺭﺩﺕ ﺍﺧﺬ ﺟﻨﻄﺘﻲ ﻭﺍﺭﻭﺡ ﻟﻐﺮﻓﺔ ﺑﻨﺎﺕ ﻋﻤﻲ
ﻭﻟﻦ ﺍﺷﻮﻑ ﺑﻨﺎﺕ ﻋﻤﻲ ﺍﻟﺼﻐﺎﺭ ﻻﺯﻣﺎﺕ ﻣﻮﺑﺎﻳﻠﻲ ﻭﻳﺘﻌﺎﺭﻛﻦ ﻋﻠﻴﻪ ﻭﺭﺍﻛﻌﺎﺗﻪ ﺑﺎﻟﻜﺎﻉ ﻭﻫﻮ ﺟﺪﻳﺪ ﺍﻳﻔﻮﻥ ﺳﻜﺲ ﺑﻼﺱ ﻛﺘﻠﺖ ﺭﻭﺣﻲ ﻋﻠﻴﻪ ﻟﺤﺪ ﻣﺎ ﺟﺎﺑﺘﻠﻴﺎﻩ ﺍﻣﻲ
ﺑﻘﻴﺖ ﺍﺻﻴﺢ ﻋﻠﻴﻬﻦ ﻟﻴﺶ ﺷﻠﺘﻪ ﺑﺎﻭﻋﺘﻪ ﺑﺲ ﺍﻟﺸﺎﺷﻪ ﻣﻔﻄﻮﺭﻩ ﻛﺘﻠﻬﻦ ﻣﻮ ﻋﻴﺐ ﺗﻤﺪﻥ ﺍﻳﺪﺟﻦ ﻋﻠﻰ ﺷﻲ ﻣﻮ ﺍﻟﺠﻦ
ﻭﺍﺟﺖ ﻣﺮﺕ ﻋﻤﻲ ﻭﺗﻠﻜﺘﻨﻲ ﺑﺎﻟﺮﺯﺍﻳﻞ ﻭﺍﻟﺤﺠﻲ ﻭﺍﻟﻐﻠﻂ ﻭﺍﻧﺘﻲ ﻛﺎﻋﺪﻩ ﺍﺑﻴﺘﻨﻪ ﻭﺗﺼﻴﺤﻴﻦ ﻭﻫﻮﻩ ﺷﻨﻮ ﺍﻟﻤﻮﺑﺎﻳﻞ
ﻛﺘﻠﻬﺎ ﻣﺎﻣﺎ ﺍﺷﺘﺮﺗﻠﻴﺎﻩ ﺏ 900 ﺍﻟﻒ ﺟﺪﻳﺪ ﻭﻛﺴﺮﻧﻪ .. ﻛﺎﻟﺖ ﻭﺍﻳﻄﺒﺞ ﻣﺮﺽ .. ﺣﺰﺕ ﺑﻜﻠﺒﻲ ﻭﺑﻘﺖ ﺑﺲ ﺩﻣﻮﻋﻬﺎ ﺗﺠﺮﻱ
ﺍﻧﻲ ﺑﺮﺍﺀ ﺍﻟﻠﻲ ﺑﻮﺟﻮﺩ ﺍﻣﻲ ﺭﺯﻟﺘﻬﻢ ﺑﻨﺺ ﺑﻴﺘﻬﻢ ﻭﻃﻠﻌﺖ ﻭ ﻫﺴﻪ ﺍﺗﺮﺯﻝ ﻭﻣﺎ ﺍﻛﺪﺭ ﺍﺭﺩ ﺑﺤﺮﻑ ﺍﺧﺎﻑ ﻳﺴﻮﻭﻟﻲ ﺷﻲ ..
ﻃﻠﻌﺖ ﺑﺮﺍ ﻟﻠﺤﻮﺵ ﻭﺍﻟﺪﻧﻴﺎ ﻣﻐﺮﺏ ﻛﺘﻠﻬﺎ ﻟﻴﺶ ﻳﻤﻪ ﻋﻔﺘﻴﻨﻲ ﻟﻴﺶ ﻫﻴﺞ ﻳﺘﻤﺘﻴﻨﻲ .. ﻣﺎ ﻛﻠﺘﻲ ﺑﻨﻴﺘﻲ ﺯﻏﻴﺮﻩ ﻭﺗﻨﻜﺴﺮ ﻣﻦ ﺑﻌﺪﻱ
.
ﻣﺎ ﻓﻜﺮﺗﻲ ﺍﻧﻲ ﻭﺍﻟﻠﻲ ﺍﺑﻄﻨﻲ ﻭﻳﻦ ﻧﺮﻭﺡ .. ﺍﺧﺬﺕ ﺍﻟﻤﻮﺑﺎﻳﻞ ﻭﺧﺎﺑﺮﺕ ﻋﻠﻲ ﺍﻡ ﻳﺤﻴﻰ ﻛﺎﻟﺘﻠﻲ ﺍﻧﻲ ﺍﺣﺠﻲ ﻭﻳﺎﻩ
...............
ﻳﺤﻴﻰ .. ﻳﻤﻪ ﻻ ﺗﻠﺤﻴﻦ ﻋﻠﻴﻪ ﻛﻠﺖ ﻣﺎ ﺍﺭﻳﺪﻫﺎ ﺫﻭﻟﻪ ﺻﺎﺭﻭ ﻋﺎﺭ ﻣﺎ ﺍﻛﺪﺭ
ﺍﻡ ﻳﺤﻴﻰ .. ﻭﻟﻚ ﻛﻠﺐ ﻣﻦ ﺍﺧﺬﺕ ﺍﻟﺒﻨﻴﻪ ﺍﺑﻴﺖ ﺍﻫﻠﻬﺎ ﻣﺎ ﻛﻠﺖ ﻋﺎﺭ ﻣﺎ ﺍﺳﺘﺤﻴﺖ ﻭﻟﻚ ﺍﻧﺘﻪ ﻫﻢ ﻳﺴﻤﻮﻧﻚ ﺭﺟﺎﻝ ﺍﻫﻤﺪﺍﻙ ﺍﻱ ﻭﺍﻟﻠﻪ ﻣﻦ ﺍﻣﺪﻩ ﺑﻄﻨﻲ ﺍﻟﻨﻜﻠﺘﻚ ﻭﺍﺣﺪ ﻧﻜﺲ ﻣﺜﻠﻚ ﻳﻠﻌﺐ ﻋﻠﻰ ﺑﻨﺎﺕ ﺍﻟﻌﺎﻟﻢ ﺍﻟﻠﻪ ﻳﺎﺧﺬﻙ
ﺭﺍﺋﺪ .. ﻳﻤﻪ ﻟﺤﻀﻪ ﻟﺤﻀﻪ ﻭﻟﻚ ﻳﺤﻴﻰ ﺍﺗﺰﻭﺟﻬﺎ ﻣﺎ ﻋﺪﻫﺎ ﻏﻴﺮﻙ ﻭﻳﻦ ﺗﺮﻭﺡ ﻭﺑﻌﺪﻳﻦ ﻓﻜﺮ ﺑﻴﻬﺎ ﺍﻧﺘﻪ ﺍﻟﻤﺴﺘﻔﺎﺩ
ﺑﻴﺘﻬﺎ ﺍﻟﻜﺎﻋﺪﻩ ﺑﻴﻪ ﺍﻟﻬﺎ ﺣﻼﻟﻬﺎ ﺻﺎﺭ ﻭﺍﻗﻞ ﺷﻲ ﻳﺠﻴﺐ 300 ﻣﻠﻴﻮﻥ ﺗﻌﺮﻑ ﺷﻨﻮ ﻳﻌﻨﻲ 300 ﻣﻠﻴﻮﻥ ﺣﻼﻟﻚ
ﻳﺤﻴﻰ .. ﻫﺎﻱ ﺷﺒﻴﻚ ﺭﺍﺋﺪ ﺗﺤﺠﻲ ﺻﺪﻭﻙ ﺷﻨﻮ ﻣﺎ ﺷﺎﻳﻒ ﻭﺍﻃﻤﻊ ﺑﻔﻠﻮﺱ ﺷﻨﻮ ﻫﻴﻠﻜﻴﻪ ﺍﺣﻨﻪ ﻣﺎﺷﻴﻔﻴﻦ ﻭﺍﺭﻛﺾ ﻋﻠﻰ ﺍﻟﻔﻠﻮﺱ ﻭﺍﺑﻴﻊ ﺷﺮﻓﻲ
ﺍﻻﻡ .. ﺑﺎﻭﻉ ﻭﻟﻚ ﻭﺍﻟﻠﻪ ﺍﺫﺍ ﻣﺎ ﺗﺰﻭﺟﺘﻬﺎ ﻻ ﺍﻧﻪ ﺍﻣﻚ ﻭﻻ ﺍﻧﺘﻪ ﺍﺑﻨﻲ ﺍﺗﺒﺮﻩ ﻣﻨﻚ ﻟﻴﻮﻡ ﺍﻟﺪﻳﻦ
ﻳﺤﻴﻰ .. ﻳﻤﻪ ﺗﺘﺒﺮﻳﻦ ﻣﻨﻲ ﻋﻠﻤﻮﺩ ﺑﺮﺍﺀ ﺷﻤﺴﻮﻳﺘﻠﺞ ﻫﺎﻱ
ﺍﻻﻡ .. ﺍﻱ ﺍﺗﺒﺮﻩ ﻣﻨﻚ ﻋﻠﻤﻮﺩﻫﺎ ﻫﺎﻱ ﻳﺘﻴﻤﻪ ﻭﺍﻧﺘﻪ ﻛﺴﺮﺕ ﻋﻮﺩﻫﺎ ﻭﻟﻚ ﺧﺎﻑ ﺍﻟﻠﻪ ﻳﻤﻪ ﻋﻨﺪﻙ ﺧﻮﺍﺕ ﻻ ﺍﻟﻠﻪ ﻳﻄﻠﻌﻬﺎ ﺑﻴﻬﻦ ﻭﺍﻧﻲ ﺍﻣﻮﺕ ﻣﺜﻞ ﻣﺎ ﻣﺎﺗﺖ ﺍﻣﻬﺎ ﺗﻘﺒﻠﻬﺎ
ﻳﺤﻴﻰ .. ﺍﻫﻮﻭﻭﻭ ﻳﻤﻪ ﺍﺳﻢ ﺍﻟﻠﻪ ﻋﻠﻴﺞ ﻛﺎﻓﻲ ﻭﺍﻟﻠﻪ ﻣﻠﻴﺖ ﻣﻦ ﻫﻠﺤﺠﻲ .. ﺭﺍﺩﺕ ﺗﺤﺠﻲ ﻋﻔﺘﻬﻢ ﻭﻃﻠﻌﺖ
…… ..
ﺑﺮﺍﺀ ﻋﺸﺖ ﻭﻳﻪ ﺑﻴﺖ ﻋﻤﻲ 3 ﺍﺳﺎﺑﻴﻊ ﺷﻔﺖ ﺍﻟﻮﻳﻞ ﺑﻴﻬﻦ ﺻﺪﻙ ﺿﻜﺖ ﻃﻌﻢ ﺍﻟﻴﺘﻢ ﻻ ﻣﻮ ﺑﺲ ﺿﻜﺘﻪ ﺍﻛﻠﺘﻪ ﻭﺷﺮﺑﺘﻪ ﻣﻦ ﻭﺭﺍﻫﻢ
ﺭﺍﻭﻭﻧﻲ ﻧﺠﻮﻡ ﺍﻟﻀﻬﺮ .. ﻟﺤﺪ ﻣﺎ ﻧﺰﻟﺖ ﺿﻬﺮﻳﻪ ﻓﺪ ﻳﻮﻡ .. ﺳﻤﻌﺖ ﺣﻴﺪﺭ ﺍﺑﻦ ﻋﻤﻲ ﻳﺤﺠﻲ ﻭﻱ ﺍﻣﻪ
ﺗﻜﻠﻪ ﺧﻄﻴﺒﻬﺎ ﻣﺎ ﻳﺴﺄﻝ ﻋﻠﻴﻬﺎ ﻭﻟﻚ ﺍﻧﺘﻪ ﺍﺑﻦ ﻋﻤﻬﺎ ﺳﻮﻱ ﺷﻲ ﻭﺍﺧﺬﻫﺎ .. ﺣﺘﻲ ﻟﻮ ﺗﻨﻬﻰ ﻋﻠﻴﻬﺎ ﻟﻴﺶ ﺗﺨﻠﻲ ﺍﻟﺒﻴﺖ ﻣﺎﻟﺘﻬﺎ ﻳﺮﻭﺡ ﻟﻠﻐﺮﻳﺐ
ﻭﻫﻮﻩ ﻳﻜﻮﻟﻬﺎ ﻳﻤﻪ ﺷﺴﻮﻱ ﺍﺟﻴﺖ ﻭﻳﺎﻫﺎ ﺑﻜﻞ ﺍﻟﻄﺮﻕ ﻣﺘﺘﺤﻤﻞ ﺗﻜﻌﺪ ﻳﻤﻲ ﺩﻗﻴﻘﻪ ﻭﻻ ﺗﺮﻳﺪﻧﻲ ﻭﺍﻧﻲ ﺣﺘﻰ ﻟﻮ ﻣﺨﻄﻮﺑﻪ ﻻﺯﻡ ﺍﻓﺴﺦ ﺧﻄﺒﺘﻬﺎ ﻭﺍﺧﺬﻫﺎ
ﺣﻼﻝ ﻋﻤﻲ ﻣﻮ ﻋﻴﺐ ﻳﺮﻭﺡ ﻟﻠﻐﺮﻳﺐ .. ﺗﻌﺐ ﻭﺍﺷﺘﻐﻞ ﻭﺗﺎﻟﻲ ﻳﺮﻭﺡ ﻻﺑﻦ ﺍﻟﺨﺎﻳﺒﺎﺕ ..
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ .. ﺫﻭﻟﻪ ﻃﺎﻣﻌﻴﻦ ﺑﺎﻟﺒﻴﺖ ﻭﻳﺮﺩﻭﻥ ﻳﺰﺣﻠﻜﻮﻧﻲ ﻭﻳﻘﻨﻌﻮﻧﻲ ﻭﻫﻴﺞ ﻳﻌﺎﻣﻠﻮﻧﻲ ..
ﻟﻌﺪ ﻟﻮ ﺗﺰﻭﺟﻨﻲ ﺷﻠﻮﻥ ﺣﻴﻌﻴﺸﻨﻲ .. ﻳﻤﻪ ﻭﺍﻟﻠﻪ ﺣﻴﺎﺗﻲ ﺗﻨﻜﻠﺐ ﻋﺬﺍﺏ ﺍﺑﺪ ﻭﻻ ﺍﻗﺒﻞ .. ﺧﺎﺑﺮﺕ ﻋﻠﻰ ﺧﺎﻟﻲ ﺍﻟﺠﺒﻴﺮ
ﻛﺎﻝ ﺍﻱ ﺧﺎﻟﻮ ﺟﺎﻳﺞ .. ﺣﻀﺮﺕ ﻭﻛﻤﻠﺖ ﻭﻣﺎ ﻛﻠﺖ ﻻﺣﺪ ﺍﻧﻲ ﺭﺍﻳﺤﻪ ﻟﻮ ﻟﺒﺴﺖ ﻛﺪﺍﻣﻬﻢ ﺧﺎﻑ ﻳﻤﻨﻌﻮﻧﻲ .. ﻟﺤﺪ ﻣﺎ ﺍﺟﻪ ﺧﺎﻟﻮ
ﻋﻤﻲ ﺭﻓﺾ ﺑﺲ ﺍﻧﻲ ﻛﺘﻠﻪ ﻻ ﺍﺭﻭﺡ ﻭﻳﻪ ﺧﺎﻟﻮ ﻣﺎ ﺍﺭﻳﺪ ﺍﺑﻘﻰ ﻭﺗﻤﺴﻜﺖ ﺑﺨﺎﻟﻮ .. ﻋﺎﺩ ﺧﺎﻟﻮ ﻭﻛﻒ ﻛﺒﺎﻟﻪ ﻭﻛﺎﻟﻪ ﺗﺮﻭﺡ ﻭﻳﺎﻱ ﻣﺎ ﺗﺒﻘﻰ
ﺭﺍﺩﻭ ﻳﺘﺤﺎﺟﻮﻥ ﻭﺑﻌﺪﻳﻦ ﻫﺪﻩ ﻋﻤﻲ ﻭﻛﺎﻟﻪ ﺧﻞ ﺗﺮﻭﺡ .. ﺭﺣﺖ ﻟﺒﻴﺖ ﺟﺪﻱ ﺍﺑﻮ ﺍﻣﻲ .. ﺩﺧﻠﺖ ﺟﻨﺎﻳﻦ ﻛﻮﻣﻪ ﺑﺎﻟﺒﻴﺖ
ﺧﺎﻟﻲ ﺍﻟﺼﻐﻴﺮ ﺻﺎﺭﻟﻪ ﺷﻬﺮ ﻣﻦ ﻣﺴﺎﻓﺮ ﻫﻢ ﻃﻠﻊ ﺧﺎﺭﺝ ﺍﻟﺒﻠﺪ ﻛﺎﻟﺘﻠﻲ ﻣﺮﺕ ﺧﺎﻟﻲ ﺍﻛﻌﺪﻱ ﺑﻐﺮﻓﺘﻪ ..
ﺩﺧﻠﺖ ﻧﻤﺖ ﻟﺸﻮﻱ ﺍﺟﻪ ﺟﺪﻱ ﻟﻠﺒﻴﺖ ﻛﻌﺪﺕ ﻋﻠﻰ ﺻﻮﺕ ﺻﺮﺍﺧﻪ ﺭﺟﺎﻝ ﻣﻌﻤﺮ ﻓﻮﻙ 100 ﺳﻨﻪ ﻭﻣﺎ ﻳﻨﺤﻤﻞ ﺑﺲ ﻳﺼﻴﺢ ﻭﻳﻀﺮﺏ
.
ﻛﺎﻝ ﺍﻧﺘﻲ ﺑﺖ ﺍﻣﻴﺮﻩ ﻛﺘﻠﻪ ﺍﻱ ﺟﺪﻭ ﻛﺎﻝ ﻭﺷﻨﻮ ﻫﺬﺍ ﺍﻻﺑﺴﺘﻪ ﻣﺎ ﺗﺴﺘﺤﻴﻦ ﻣﺎ ﻋﺪﺟﻦ ﺧﺠﻞ ﺍﻧﺘﻦ ﻟﻮ ﺗﺮﺩﻳﻦ ﺗﻠﺤﻜﻴﻦ ﺑﻨﺖ ﺧﺎﻟﺘﺞ
ﻛﺘﻠﻪ ﺟﺪﻭ ﺷﺒﻴﻬﺎ ﻣﻼﺑﺴﻲ ﺗﺮﺍﻙ ﻓﻀﻔﺎﺽ ﻋﺮﻳﺾ ﻋﺎﺩﻱ ﻛﺎﻝ ﻣﺎ ﻋﺪﻧﻪ ﻣﺮﻩ ﺗﻠﺒﺲ ﺑﺠﺎﻣﻪ ﻛﺘﻠﻪ ﻣﺎ ﻋﻨﺪﻱ ﻏﻴﺮ ﻛﻠﺒﻴﻪ ﻭﺣﺪﻩ ﺍﺷﺘﺮﻳﻠﻲ ﻭﺍﻟﺒﺲ
ﺑﻘﻰ ﻳﻐﻠﻂ ﻭﻳﺴﺐ ﻭﻳﻨﻌﻞ ﻭﻧﺴﻮﺍﻥ ﺧﻮﺍﻟﻲ ﻳﻀﺤﻜﻦ ﻣﺮﺕ ﺍﺳﺒﻮﻉ ﻋﺪ ﺧﻮﺍﻟﻲ ﺷﻔﺖ ﺍﻟﻮﻳﻞ ﻣﻦ ﺟﺪﻱ ﻭﻧﺴﻮﺍﻥ ﺧﻮﺍﻟﻲ ﺍﻟﻤﻴﺮﺣﻤﻦ
ﻓﺪ ﻳﻮﻡ ﺍﺟﻪ ﺟﺪﻱ ﻛﺎﻝ ﻭﻳﻦ ﺍﻟﺤﺬﺍﺀ ﻣﺎﻟﺘﻲ ﻫﻨﺎ ﺧﻠﻴﺘﻬﺎ .. ﻛﺎﻟﺘﻠﻪ ﻣﺮﺕ ﺧﺎﻟﻲ ﺑﺮﺍﺀ ﺷﺎﻟﺘﻬﺎ .. ﻛﺘﻠﻬﺎ ﻭﺍﻟﻠﻪ ﻣﻮ ﺍﻧﻲ
ﺟﺎﻥ ﻳﻠﺰﻣﻨﻲ ﺟﺪﻱ ﻳﻜﻄﻌﻨﻲ ﻣﻦ ﺍﻟﻜﺘﻞ ﺻﺪﻙ ﺍﻧﻬﻀﻤﺖ ﻭﺑﺠﻴﺖ ﺑﺤﺮﻛﻪ ﺑﻘﻴﺖ ﺑﺎﻟﻐﺮﻓﻪ ﺍﺷﻬﻚ ﻣﻦ ﺍﻟﺒﺠﻲ ..
ﻓﺘﺤﺖ ﺍﻟﺠﺮﺍﺭﻩ ﺟﺎﻧﺖ ﺍﻛﻮ ﻋﺪﺓ ﺣﻼﻗﻪ ﺑﺎﻟﻐﺮﺍﺽ ﻣﺎﻝ ﺧﺎﻟﻮ ﺟﺮﻳﺖ ﺍﻟﻤﻮﺱ .. ﻭﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﺎ
ﻛﻠﺖ ﻋﻠﺸﻨﻮ ﺑﺎﻗﻴﻪ ﺍﺷﻮ ﻻ ﺍﺏ ﻻ ﺍﻡ ﻻ ﺍﺥ ﻻ ﺍﺧﺖ ﻻ ﺳﻨﺪ ﺑﺲ ﺫﻳﺎﺑﻪ ﺗﻨﻬﺶ ﺑﻠﺤﻤﻲ ﺍﻣﻮﺕ ﺍﺣﺴﻦ .. ﺑﻘﺖ ﺩﻣﻮﻋﻲ ﺗﺠﺮﻱ ﻭﺍﻧﻲ ﺍﺑﺎﻭﻉ ﻟﻨﻔﺴﻲ ﺑﺎﻟﻤﺮﺍﻳﺎ
ﻭﻭﺟﻬﻲ ﺫﺑﻼﻥ ﻛﺘﻠﻬﺎ ﻣﺎﻣﺎ ﺍﺭﻳﺪ ﺍﺟﻲ ﻳﻤﺞ .. ﺧﻠﻴﺖ ﺍﻟﻤﻮﺱ ﻋﻠﻰ ﺍﻟﻮﺭﻳﺪ ﻣﺎﻝ ﺭﻛﺒﺘﻲ .. ﻭﺭﺩﺕ ﺍﺟﺮﻩ
ﺟﺎﻥ ﺍﻟﺘﻠﻔﺰﻳﻮﻥ ﻣﺸﺘﻐﻞ ﻓﺠﺄﻩ ﻃﻠﻌﺖ ﺍﻳﻪ ﺍﻗﺮﺍﻧﻴﻪ ﺑﺼﻮﺕ ﺳﻌﻮﺩﻱ ﺣﺰﻳﻦ ﻋﻠﻰ ﻗﻨﻮﺍﺕ ﺍﻻﻋﻼﻥ ﺗﻜﻮﻝ
} ﻭَﻣَﻦ ﻳَﺘَّﻖِ ﺍﻟﻠَّﻪَ ﻳَﺠْﻌَﻞ ﻟَّﻪُ ﻣَﺨْﺮَﺟًﺎ ﻭَﻳَﺮْﺯُﻗْﻪُ ﻣِﻦْ ﺣَﻴْﺚُ ﻟَﺎ ﻳَﺤْﺘَﺴِﺐُ ﻭَﻣَﻦ ﻳَﺘَﻮَﻛَّﻞْ ﻋَﻠَﻰ ﺍﻟﻠَّﻪِ ﻓَﻬُﻮَ ﺣَﺴْﺒُﻪُ ﺇِﻥَّ ﺍﻟﻠَّﻪَ ﺑَﺎﻟِﻎُ ﺃَﻣْﺮِﻩِ ﻗَﺪْ ﺟَﻌَﻞَ ﺍﻟﻠَّﻪُ ﻟِﻜُﻞِّ ﺷَﻲْﺀٍ ﻗَﺪْﺭًﺍ {
ﺳﻤﻌﺖ ﻫﺎﻱ ﺍﻻﻳﻪ ﻭﻛﺄﻥ ﺍﻟﻠﻪ ﻛﻠﻤﻨﻲ ﻭﺟﻪ ﺍﻟﻮﺟﻪ ﻭﻧﺒﻬﻨﻲ .. ﻧﺰﻟﺖ ﺍﻟﻤﻮﺱ ﻣﻦ ﺍﻳﺪﻱ ﻭﺑﺠﻴﺖ ﺑﺤﺮﻛﻪ ﻭﺍﻧﻲ ﺍﺻﺮﺥ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻓﻘﺪﺕ ﻭﺍﻧﻲ ﺍﺑﺠﻲ ﻭﺍﺩﻋﻲ ﺍﻟﻠﻪ ﻳﺸﻤﻠﻨﻲ ﺑﺮﺣﻤﺘﻪ ﻭﻳﻨﻘﺬﻧﻲ ﻣﻦ ﺍﻟﻠﻲ ﺍﻧﻲ ﺑﻴﻪ ﻻﻥ ﺗﻌﺒﺖ ﻣﺤﺪ ﺭﺣﻢ ﺿﻌﻔﻲ ﻣﺤﺪ ﻗﺪﺭ ﺍﻧﻜﺴﺎﺭﻱ ﻛﻠﻬﺎ ﺗﻨﻬﺶ ﺑﻠﺤﻤﻲ
ﺑﻘﻴﺖ ﻋﺪ ﺧﻮﺍﻟﻲ ﻟﺤﺪ ﻳﻮﻡ ﺍﻻﺭﺑﻌﻴﻦ .. ﺍﺧﺬﻧﺎ ﻛﻮﺳﺘﺮ ﻭﺳﻴﺎﺭﺍﺕ ﻋﻤﺎﻣﻲ ﻭﺧﻮﺍﻟﻲ ﺻﻐﺎﺭ ﻭﺭﺣﻨﺎ ﻟﻠﻤﻘﺒﺮﻩ
ﻧﺰﻟﺖ ﻟﻠﻜﺒﺮ ﻭﺟﻦ ﻣﻔﺎﺭﻛﺘﻬﺎ ﺳﻨﻴﻦ ﻧﺰﻟﺖ ﺍﺭﻛﺾ ﻟﻜﺒﺮﻫﺎ ﻭﺍﺑﺠﻲ ﻭﺍﺻﺮﺥ ﺑﺼﻮﺕ ﻋﺎﻟﻲ ﻭﺝ ﻳﻤﻪ ﻟﻴﺶ ﻋﻔﺘﻴﻨﻲ ﻳﻤﻪ ﻭﺍﻟﻠﻪ ﻣﺤﺪ ﺭﺣﻤﻨﻲ
ﻭﻟﺞ ﻳﻤﻪ ﻛﺴﺮﻭﻧﻲ ﻭﻟﺞ ﻳﻤﻪ ﺿﺮﺑﻮﻧﻲ ﻭﻣﺎ ﺍﻟﻲ ﻣﻜﺎﻥ ﺍﺭﻭﺡ ﻭﺍﻧﻘﺬ ﻧﻔﺴﻲ ﻭﻟﺞ ﻳﻤﻪ ﻛﻮﻣﻲ ﻻ ﺗﻌﻮﻓﻴﻨﻲ ﺗﻌﺮﻓﻴﻨﻲ ﺑﺤﺎﻟﻲ ﻭﺑﺴﺎﻟﻔﺘﻲ
ﻛﻮﻣﻲ ﻓﻬﻤﻴﻨﻲ ﻭﻳﻦ ﺍﺭﻭﺡ .. ﻳﻤﻲ ﺣﺠﻴﻪ ﻛﺎﻋﺪﻩ ﻳﻢ ﺍﻟﻜﺒﺮ ﻭﺷﺎﻓﺘﻨﻲ ﺍﺑﺠﻲ ﻭﺍﺣﺎﺟﻴﻬﺎ ﺑﻌﺘﺐ ﻭﺍﺻﺮﺥ .. ﺟﺎﻥ ﺗﺬﺏ ﻛﻠﻤﻪ ﻭﺗﻜﻮﻝ ﻳﻄﺮﺩﻭﻧﻪ ﻭﻧﺮﺩ ﻋﻠﻴﻬﻢ ﻭﻣﺜﻞ ﺍﻟﻌﻠﺞ ﻧﻠﺰﻙ ﺑﺪﻳﻬﻢ
ﺳﻤﻌﺖ ﻫﺎﻱ ﺍﻟﻜﻠﻤﻪ ﺻﺪﻭﻙ ﻋﻠﻪ ﺻﻮﺗﻲ ﺑﺎﻟﺼﺮﺍﺥ ﺍﻟﻠﻲ ﻭﻳﺎﻧﺎ ﺟﺎﻳﻴﻦ ﺑﺎﻻﺭﺑﻌﻴﻦ ﻛﻠﻬﺎ ﺻﺎﺭﺕ ﺗﺒﺠﻲ ﻋﻠﻰ ﺻﻮﺕ ﺍﻟﺒﺠﻲ ﻣﺎﻟﺘﻲ
ﻳﺤﻴﻰ .. ﺑﻌﺪ ﻣﺎ ﻋﺰﻣﻨﺎ ﻋﻢ ﺑﺮﺍﺀ ﻋﻼﺭﺑﻌﻴﻦ ﺟﺒﺮﺗﻨﻲ ﺍﻣﻲ ﺍﻻ ﺍﺭﻭﺡ ﻭﻳﺎﻫﺎ .. ﻛﺘﻠﻬﺎ ﻣﺎ ﺍﺭﻳﺪ ﻛﺎﻟﺖ ﻭﺍﻟﻠﻪ ﺍﺗﺒﺮﻩ ﻣﻨﻚ
ﺍﻧﺠﺒﺮﺕ ﺍﺭﻭﺡ ﺍﺧﺬﺕ ﺍﻣﻲ ﺑﺲ ﻣﺎ ﺻﻌﺪﺕ ﺑﺴﻴﺎﺭﺍﺗﻬﻢ ﺭﺣﺖ ﺍﻧﻲ ﻭﺍﻣﻲ ﺑﺴﻴﺎﺭﺗﻲ ﺗﺒﻌﺘﻬﻢ .. ﻧﺰﻟﺖ ﻟﻠﻤﻘﺒﺮﻩ ﻭﺷﻔﺖ ﺑﺮﺍﺀ ﺷﻠﻮﻥ ﺭﻛﻀﺖ ﻟﻜﺒﺮ ﺍﻣﻬﺎ
ﻭﺗﺒﺠﻲ ﻭﺗﻌﺎﺗﺒﻬﺎ ﺍﻟﻀﺎﻫﺮ ﺣﻴﻞ ﻣﺄﺫﻳﻬﺎ ﻻﻥ ﺗﻜﻮﻝ ﻻﻣﻬﺎ ﺿﺮﺑﻮﻧﻲ ﻣﺎ ﺭﺣﻤﻮﻧﻲ .. ﺑﻘﻴﺖ ﺍﺑﺎﻭﻋﻠﻬﺎ ﺧﻠﺼﺎﻧﻪ ﺣﺘﻰ ﻣﻦ ﻛﺪ ﺍﻟﻤﻬﺎ ﻣﺎ ﻧﺘﺒﻬﺖ ﻟﺴﻴﺎﺭﺗﻲ ﺑﻴﻦ ﺍﻟﺴﻴﺎﺭﺍﺕ
ﺑﻘﺖ ﺗﺸﻜﻲ ﺍﻧﻜﺴﺎﺭﻫﺎ ﺑﺲ ﻓﻌﻼ ﺍﺛﺮﺕ ﺑﻴﻪ
ﺑﻘﺖ ﺗﺼﺮﺥ ﺑﻄﺮﻳﻘﻪ ﺑﺠﺖ ﻛﻞ ﺍﻟﻤﻮﺟﻮﺩﻳﻦ .. ﻭﺍﻟﻐﺮﻳﺐ ﺣﺘﻰ ﺍﻧﻲ ﺩﻣﻮﻋﻲ ﻛﺎﻣﺖ ﺗﺠﺮﻱ ﻋﻠﻴﻬﺎ .. ﻣﻮ ﻣﻦ ﻋﺎﺩﺗﻲ ﺍﺑﺠﻲ ﺍﺑﺪﺍ ﺻﺎﺣﺐ ﻗﻠﺐ ﻗﺎﺳﻲ ﺑﺲ ﺣﻴﻞ ﻗﻬﺮﺗﻨﻲ
ﺷﻠﻮﻥ ﻫﺎﻧﺖ ﻋﻠﻴﻪ ﻭﻛﺴﺮﺗﻬﺎ .. ﺑﻠﺤﻀﺘﻬﺎ ﻓﻌﻼ ﺣﺴﻴﺖ ﺑﺎﻻﻧﺎﻧﻴﻪ ﻭﺍﻧﻮ ﺍﻧﻲ ﺳﺒﺐ ﻛﻞ ﺍﻟﻠﻲ ﻫﻴﻪ ﺑﻴﻪ .. ﻣﺎ ﺍﺣﺲ ﺍﻻ ﺭﺟﻠﻴﻪ ﺍﺗﻘﺮﺑﺖ ﻣﻨﻬﺎ ﻭﺍﺧﺬﺗﻬﺎ ﻟﺤﻈﻨﻲ
ﻫﻴﻪ ﺷﺎﻓﺘﻨﻲ ﻟﺰﻣﺖ ﺑﻘﻤﻴﺼﻲ ﺣﻴﻞ ﻭﺧﻠﺖ ﺭﺍﺳﻬﺎ ﺑﺼﺪﺭﻱ ﻭﻛﺎﻣﺖ ﺗﺼﺮﺥ ﺑﺤﺮﻛﻪ ﺧﻠﻴﺖ ﺭﺍﺳﻲ ﻋﻠﻰ ﺭﺍﺳﻬﺎ ﻭﺩﻣﻮﻋﻲ ﻛﺎﻣﺖ ﺗﺠﺮﻱ ﻭﻳﺎﻫﺎ …
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء