رواية انقذني ايها الغريب ج2 الجزء السادس
للكاتبة حنين حاتم
🔵🔵
ﻣﺎﺣﺠﺔ ﻭﻻ ﻛﻠﻤﺔ ﻧﺪﺍﺭ ﻋﻠﺼﻔﺤﺔ ﻟﺜﺎﻧﻴﺔ ﻭﻧﺎﻡ ﺷﻜﺪ ﻛﺮﻫﺘﺔ ﺑﻬﺎﻱ ﺍﻟﺤﻀﺔ ﻭﺷﻜﺪ ﻛﺮﻫﺖ ﺭﻭﺣﻲ ﻷﻥ ﺣﺒﻴﺘﺔ
ﻣﺸﻴﺖ ﻧﻀﺮﺑﺖ ﺑﺸﻲ ﺑﺮﺟﻠﻲ ﺩﻧﻜﺖ ﻟﺰﻣﺘﺔ ﺑﻄﻞ ﻛﺰﺍﺯ ﺭﻛﺰﺕ ﺑﻲ ﺑﻄﻞ ﺷﺮﺏ
ﻭﺍﻧﻲ ﺍﻛﻮﻝ ﺷﺒﻲ ﻣﺴﻄﻮﺭ ﻭﻧﺎﻳﻢ
ﺍﺗﺎﺭﻱ ﻳﺸﺮﺏ ﻟﻨﺬﻝ ﺷﻴﻔﺮﻕ ﻋﻦ ﻭﻟﻴﺪ ﺍﻭﻭﻭﻑ ﻳﺎﺭﺑﻲ ﺻﺪﻣﺘﻲ ﺑﻲ ﻣﺎﺗﻨﻮﺻﻒ
ﻧﺰﻟﺖ ﻋﻠﺔ ﻛﻴﻔﻲ
ﻛﻌﺪﺕ ﺑﻠﺤﺪﻳﻘﺔ ﺟﻨﻄﺘﻲ ﻋﻔﺘﻬﺔ ﺑﻠﻤﻄﺒﺦ ﺳﺎﻋﺔ ﺏ 12 ﺿﻠﻴﺖ ﻛﺎﻋﺪﺓ ﻭﺍﺑﺠﻲ ﺑﻠﺤﺪﻳﻘﺔ ﻟﻨﻮﻡ ﻣﺎﻣﺮ ﻋﻴﻨﻲ ﻟﺤﻀﺔ ﻭﻻﻧﻌﺴﺖ
ﺗﺎﻧﻴﺖ ﻟﻔﺠﺮ ﻃﻠﻊ ﻃﺒﻴﺖ ﻟﻠﻤﻄﺒﺦ
ﻓﺘﺤﺖ ﻟﻀﻮﺓ ﻋﻠﺔ ﻛﻴﻔﻲ ﺗﻮﺿﻴﺖ ﻭﺻﻠﻴﺖ ﻭﻧﺪﻋﻴﺖ ﺍﻟﻠﻪ ﻳﻮﻛﻒ ﻭﻳﺎﻱ
ﻟﺒﺴﺖ ﺟﺒﺘﻲ ﻭﻟﺸﺎﻝ ﺻﻌﺪﺕ ﻋﻠﻜﺮﺳﻲ ﻭﻧﺰﻟﺖ ﻟﻤﻔﺎﺗﻴﺢ ﻣﺎﻝ ﺑﺎﺏ ﻟﺸﺎﺭﻉ ﻟﺤﺠﻴﺔ ﺗﻌﻠﻜﻬﻦ ﺑﺒﺴﻤﺎﺭ ﻓﻮﻙ ﺑﺎﺏ ﺍﻟﻤﻄﺒﺦ
ﺍﺧﺬﺗﻬﻦ ﻓﺘﺤﺖ ﻟﺒﺎﺏ ﻭﺭﺟﻌﺘﻬﻦ ﻟﻤﻜﺎﻧﻬﻦ ﻟﺒﺴﺖ ﺟﻨﻄﺘﻲ ﻭﻃﻠﻌﺖ ﻭﺻﻠﺖ ﻟﻠﺸﺎﺭﻉ ﺍﺟﺮﺕ ﺗﻜﺴﻲ
ﻭﻳﻦ
ﻟﻠﻜﺮﺍﺝ
ﻟﻴﺶ ﺭﺍﻳﺤﺔ ﻟﻬﻨﺎﻙ ﻭﻳﻦ ﺭﺍﻳﺤﺔ ﻣﺎﺍﺩﺭﻱ ﺍﺭﻳﺪ ﺍﻃﻠﻊ ﻣﻦ ﺑﻐﺪﺍﺩ ﻭﻫﺎﺫﻫﻮ
ﻭﺻﻠﺖ ﻟﻠﻜﺮﺍﺝ ﻧﻄﻴﺘﺔ ﻓﻠﻮﺳﺔ ﻭﻧﺰﻟﺖ
ﻃﺒﻴﺖ ﻟﻠﻤﻜﺎﻥ ﻫﻮﻭﺳﺔ ﻭﻋﺎﻟﻢ ﻛﻮﻭﻣﺔ ﻭﺳﻴﺎﺭﺍﺕ ﻟﺴﻮﺍﻕ ﻳﺼﻴﺤﻮﻥ ﺑﺼﺮﺓ ﺳﻤﺎﻭﺓ ﻋﻤﺎﺭﺓ ﻛﺮﺑﻼﺀ
ﻧﺠﻒ ﻣﺠﻒ ﻧﺠﻒ
ﺍﻱ ﻧﺠﻒ
ﺍﺭﻳﺪ ﺍﺭﻭﺡ ﻟﻠﻨﺠﻖ ﺍﺭﻳﺪ ﺍﺭﻭﺡ ﺍﻷﻣﻴﺮ ﺍﻟﻤﺆﻣﻨﻴﻦ ﺍﺭﻳﺪ ﺍﺭﻭﺡ ﻻﺑﻮ ﻷﻳﺘﺎﻡ ﻻﺑﻮ ﻟﺤﺴﻦ ﺍﻟﻲ ﻣﺎﻳﺮﺩ ﺍﺣﺪ
ﺻﻌﺪﺕ ﻟﺴﻴﺎﺭﺓ ﻭﻛﻌﺪﺕ ﻳﻢ ﻣﺮﻳﺔ ﻻﺑﺴﺔ ﻋﺒﺎﻳﺔ
ﺿﻠﺖ ﺗﺴﺄﻝ ﺑﻴﺔ ﺍﻧﺘﻲ ﻣﻨﻴﻦ ﻭﻳﻦ ﺭﺍﻳﺤﺔ ﻭﻟﻴﺶ ﻟﻮﺣﺪﺝ ﻭﺍﻧﻲ ﻛﻮﺓ ﺍﺣﺠﻲ ﻭﺍﺟﺎﻭﺑﻬﺔ
ﻟﻬﻨﺎﻙ ﻧﺎﻣﺖ ﻭﺧﻠﺼﺖ ﻣﻨﻬﺔ
ﺍﺑﺎﻭﻉ ﻋﻠﻄﺮﻳﻖ ﻭﺍﺗﺬﻛﺮ ﻟﻤﻦ ﺍﺟﻴﺖ ﻟﻠﻨﺠﻒ ﺍﻭﻝ ﻣﺮﺓ ﻭﺟﻨﺖ ﻣﺘﺨﻴﻠﺘﻬﺔ ﺍﺧﺮ ﻣﺮﺓ ﺑﺤﻴﺎﺗﻲ ﻭﻳﺔ ﺍﻣﻲ ﺍﻟﻠﻪ ﻳﺮﺣﻤﻬﺔ ﻭﺧﺎﻟﺘﻲ ﺟﻨﺖ ﺻﻒ ﺛﺎﻟﺚ ﺍﺑﺘﺪﺍﺋﻲ ﺟﻨﺖ ﻃﻔﻠﺔ ﻭﻫﺴﺘﻮﻧﻲ ﺍﺳﺘﻜﺸﻒ ﺍﻟﺪﻧﻴﺔ ﺟﺎﻧﺖ ﻟﻄﻠﻌﺔ ﻋﺒﺎﺭﺓ ﻋﻦ ﻟﻔﺔ ﻓﻼﻓﻞ ﻭﺣﻼﻭﺓ ﺩﻫﻴﻨﺔ ﻭﺍﺿﻞ ﺍﺗﻮﺳﻞ ﺑﺎﻣﻲ ﺗﺸﺘﺮﻳﻠﻲ ﻟﻌﺎﺑﺔ ﻭﺍﺑﺠﻲ ﻭﺍﺧﺒﺼﻬﺔ ﻟﺤﺪ ﻣﺎﺗﺤﻄﻬﺔ ﺑﻴﺪﻱ ﻳﻠﻠﻪ ﺍﺭﺗﺎﺡ ﻭﺍﺳﻜﺖ
ﺗﻤﻨﻴﺖ ﺍﺭﺟﻊ ﻟﺬﺍﻙ ﻟﻴﻮﻡ ﺗﻤﻨﻴﺖ ﺍﻣﻲ ﺗﺮﺟﻊ ﻭﻛﻞ ﻫﺎﺫ ﻣﻴﺼﻴﺮ
ﻛﻞ ﺍﻟﻲ ﺷﻔﺘﺔ ﺑﺤﻴﺎﺗﻲ ﻛﻠﻬﺔ ﺑﻜﻮﻡ ﻭﺍﻟﻲ ﺷﻔﺘﺔ ﻟﺒﺎﺭﺣﺔ ﺑﻜﻮﻡ ﺛﺎﻧﻲ
ﺳﻴﻒ ﻣﻮﺑﺲ ﺍﻭﻝ ﺣﺐ ﺑﺤﻴﺎﺗﻲ
ﺳﻴﻒ ﺍﻭﻝ ﺍﻳﺪ ﺗﻄﺒﻄﺐ ﻋﻠﻴﺔ ﻭﺗﻜﻠﻲ ﺷﺒﻴﺞ ﺍﻭﻝ ﺍﻧﺴﺎﻥ ﻭﻛﻒ ﻭﻳﺎﻱ ﻭﺳﺎﻧﺪﻧﻲ
ﺍﻭﻝ ﺷﺨﺺ ﻣﻦ ﺍﺑﺎﻭﻉ ﺑﻌﻴﻨﺔ ﻣﺎﺷﻮﻑ ﻧﻀﺮﺓ ﻷﺷﻤﺌﺰﺍﺯ ﺍﻟﻲ ﺟﻨﺖ ﺍﺷﻮﻓﻬﺔ ﺑﻌﻴﻮﻥ ﻓﺎﻃﻤﺔ ﻭﻛﺮﺍﻳﺒﻬﺔ
ﺣﺒﻴﺘﺔ ﺣﻴﻴﻴﻞ ﺗﻤﺴﻜﺖ ﺑﻲ ﻭﻧﺰﻋﺖ ﺛﻮﺏ ﻟﺨﻮﻑ ﻋﻠﻤﻮﺩﺓ ﻭﺟﺎﺯﻓﺖ ﻻﻥ ﻣﺎﺭﺩﺕ ﺍﺧﺴﺮﺓ ﺗﺤﺪﻳﺖ ﺣﺘﻰ ﻓﺎﻃﻤﺔ ﺍﻟﻲ ﺑﺤﻴﺎﺗﻲ ﻣﺎﺗﺠﺮﺋﺖ ﺍﺣﻂ ﻋﻴﻨﻲ ﺑﻌﻴﻨﻬﺔ ﻭﺍﻛﻠﻠﻬﺔ ﻛﻠﻤﺔ ﻻ
ﺑﺲ ﻋﻠﻤﻮﺩﺓ ﺳﻮﻳﺘﻬﺔ
ﻧﺼﺪﻣﺖ ﺑﻲ ﺻﺪﻣﺔ ﻋﻤﺮﻱ
ﺍﻟﻲ ﻋﺸﺘﻰ ﻭﺷﻔﺔ ﻋﺪ ﻓﺎﻃﻤﺔ ﺍﺭﺣﻢ ﺑﻬﻮﺍﻱ ﻣﻦ ﺍﻟﻮﺟﻊ ﺍﻟﻲ ﺟﺎﻱ ﺍﺣﺴﺔ ﻫﺴﺔ
ﻟﻄﺮﻳﻖ ﻛﻠﺔ ﺑﺲ ﺍﺑﺠﻲ ﻛﻠﺒﻲ ﻧﻐﺰﺓ ﻣﻮﻃﺒﻴﻌﺔ ﺑﻲ
ﺣﺒﻴﺘﺔ ﺍﻱ ﻭﻣﻦ ﻛﻞ ﻛﻠﺒﻲ
ﻃﻔﻠﺔ ﻣﺤﺮﻭﻣﺔ ﻭﻟﻜﻴﺖ ﺑﺤﻀﻨﺔ ﺍﺑﻮ ﻭﺍﻡ ﻭﺣﺒﻴﺐ ﻭﺯﻭﺝ ﺟﺎﻥ ﺍﻟﻲ ﻛﻠﺸﻲ ﻭﻓﺠﺄﺓ ﻣﺎﺕ ﻛﻠﺸﻲ ﺑﻌﻴﻨﻲ ﺍﻟﻲ ﺑﺪﺍﺧﻠﻲ ﺷﻌﻮﺭ ﺷﺒﻴﻪ ﺑﺸﻌﻮﺭ ﻷﻡ ﻟﻤﻦ ﺗﻔﻘﺪ ﺿﻨﺎﻫﺔ
ﺑﺲ ﺍﻟﻔﺮﻕ ﺍﻧﻲ ﻣﻮﻓﺎﻗﺪﺓ ﺿﻨﺎﻱ ﺍﻧﻲ ﻓﺎﻗﺪﺓ ﺩﻧﻴﺘﻲ ﻓﺎﻗﺪﺓ ﺭﻭﺣﻲ ﺳﻨﺪﻱ ﺿﻬﺮﻱ ﻛﻠﺸﻲ ﻣﻤﻜﻦ ﺗﺤﺘﺎﺟﺔ ﺍﻟﺒﻨﻴﺔ ﻭﻓﻮﻙ ﻫﺎﺫ ﻛﻠﺔ ﺷﻌﻮﺭ ﻟﺼﺪﻣﺔ ﺷﻲ ﺻﻌﺐ ﻳﻨﻮﺻﻒ ﻛﻞ ﺍﻧﻮﺍﻉ ﻟﻮﺟﻊ ﺿﺎﻳﻜﺘﻬﺔ ﻭﺟﺮﺑﺘﻬﺔ
ﻭﺟﻊ ﻟﺤﺮﻣﺎﻥ
ﻭﺟﻊ ﻟﺨﻮﻑ ﻭﻋﺪﻡ ﻟﺸﻌﻮﺭ ﺑﻼﻣﺎﻥ
ﻭﺟﻊ ﻟﻀﺮﺏ ﺍﻟﻲ ﻟﺴﺔ ﺍﺛﺎﺭﺓ ﺑﺠﺴﻤﻲ
ﻭﺟﻊ ﻟﺬﻝ ﻭﻟﺘﻬﻢ ﻟﺒﺎﻃﻠﺔ ﻭﺟﻊ ﻟﻔﻘﺪ
ﺑﺲ ﺍﻟﻮﺟﻊ ﺍﻟﺒﻴﺔ ﻳﺨﺘﻠﻒ ﻋﻨﻬﻦ ﻛﻠﻬﻦ ﺍﻗﻮﺓ ﻣﻦ ﺍﻱ ﻭﺟﻊ ﺣﺴﻴﺘﺔ ﺑﺤﻴﺎﺗﻲ
ﻳﺼﻌﺐ ﻋﻠﻴﺔ ﺍﻭﺻﻔﺔ ﺑﻜﻠﻤﺎﺕ
ﻣﺮﺕ ﻟﺪﻗﺎﻳﻖ ﻃﻮﻳﻠﺔ ﻛﻠﺶ ﺩﻗﺎﻳﻖ ﻣﺘﻮﺟﻬﺔ ﺑﻴﻬﺔ ﻷﺑﻮ ﻷﻳﺘﺎﻡ ﺍﺯﻭﺭﺓ ﻭﺑﻌﺪﻫﺔ ﻭﻳﻦ ﺍﺭﻭﺡ ﻣﺎﺍﺩﺭﻱ
ﻭﺻﻠﻨﺔ ﻟﻠﻜﺮﺍﺝ ﻧﺰﻟﺖ ﻟﻨﺎﺱ ﻛﻠﻬﺔ ﺗﺒﺎﻭﻋﻠﻲ ﻷﻥ ﻻﺑﺴﺔ ﺟﺒﺔ ﺗﻮﺟﻬﺖ ﻟﻸﻣﺎﻡ ﻭﻣﻦ ﺍﻗﺮﺏ ﻣﺤﻞ ﻋﺒﻲ ﺷﺘﺮﻳﺖ ﻋﺒﺎﻳﺔ ﻭﻟﺒﺴﺘﻬﺔ
ﻭﺻﻠﺖ ﻟﻠﻤﻘﺎﻡ ﺍﻭﻝ ﻣﺎﻃﺒﻴﺖ ﻫﻠﻦ ﺩﻣﻮﻋﻲ ﺑﻌﺪﻧﻲ ﺑﺎﻭﻝ ﺗﻔﺘﻴﺶ
ﻭﺻﻠﺖ ﻟﻠﻘﺒﺮ ﻛﻌﺪﺕ ﺑﻠﻜﺎﻉ ﻳﻢ ﻟﻘﺒﺮ ﻭﺿﻠﻴﺖ ﺍﻧﺤﺐ ﻭﻻﺯﻣﺔ ﻟﺸﺒﺎﻙ ﺑﺪﻳﺔ ﻣﺎﻫﺪﻳﺘﺔ ﺍﺑﺪ ﻣﺜﻞ ﻟﻐﺮﻛﺎﻥ ﻭﻟﻜﺎﻟﺔ ﻛﺸﺎﻳﺔ ﻭﺗﻤﺴﻚ ﺑﻴﻬﺔ
ﻫﺎ ﻳﺎﺑﻮ ﻷﻳﺘﺎﻡ ﺍﻧﻲ ﺑﺤﻀﺮﺗﻚ ﻳﺎﻣﻮﻻﻱ ﻣﺤﺪ ﺭﺣﻢ ﺑﺤﺎﻟﻲ ﻳﺎﺍﻣﻴﺮ ﺍﻟﻤﺆﻣﻨﻴﻦ
ﺍﺟﻴﺖ ﺍﺳﺘﻨﺠﺪ ﺑﻴﻚ ﻷﻥ ﻛﻞ ﺍﻟﻲ ﺳﺘﻨﺠﺪﺕ ﺑﻴﻬﻢ ﺧﺬﻟﻮﻧﻲ
🔵🔵
ﺭﺑﻲ ﻣﻮﺕ ﻛﻞ ﻳﺘﻴﻢ 😭
ﺍﻟﺪﻧﻴﺔ ﻣﺎﺑﻴﻬﺔ ﻋﻠﻲ 😔
ﻭﺍﻧﺘﺔ ﻣﻌﺮﻭﻑ ﻣﺎﺗﺮﺩ ﺍﻟﻲ ﻳﺪﺧﻞ ﺣﻀﺮﺗﻚ
ﺍﺣﻠﻔﻚ ﺑﺴﺒﻲ ﺯﻳﻨﺐ ﻭﺩﻣﻮﻋﻬﺔ ﺍﺣﻠﻔﻚ ﺑﺠﻔﻮﻑ ﺍﺑﻮ ﻓﺎﺿﻞ ﻭﻋﻄﺶ ﺍﻃﻔﺎﻝ ﺍﻟﺤﺴﻴﻦ
ﺍﺣﻠﻔﻚ ﺑﺼﺪﺭ ﺍﻟﺤﺴﻴﻦ ﺍﻟﻲ ﺩﺍﺳﺘﺔ ﺍﻟﺨﻴﻞ
ﺍﺭﻳﺪ ﺍﺭﺗﺎﺡ ﺗﻌﺒﺖ ﻭﺣﻖ ﺭﺏ ﺍﻷﻛﻮﺍﻥ ﺗﻌﺒﺖ
ﺍﻧﺘﺔ ﻣﻮ ﻛﺎﻓﻞ ﻷﻳﺘﺎﻡ ﺍﻛﻔﻠﻨﻲ ﺑﻌﻄﻔﻚ ﻣﺤﺘﺎﺟﺔ ﺩﻋﺎﺋﻚ ﻣﻮﻻﻱ ﺩﻋﻴﻠﻲ ﻳﻢ ﺭﺑﻚ ﺍﺭﻳﺪ ﺍﺭﺗﺎﺡ
ﻣﺎﺷﻔﺖ ﺷﻲ ﻣﻦ ﺣﻴﺎﺗﻲ ﺑﺲ ﻟﻀﻠﻢ ﻭﻟﺠﻮﻉ ﻭﻟﺬﻝ ﻭﻟﺤﺮﻣﺎﻥ ﻭﺍﻧﺘﺔ ﻣﺎﺗﺮﺿﺔ ﺑﻠﻀﻠﻢ ﻫﺎ
ﻳﺎ ﺍﺳﺪ ﺍﻟﻠﻪ ﻫﺎ ﻳﺎﺑﻮ ﺗﺮﺍﺏ
ﺗﺮﺩﻧﻲ ﻭﺍﻧﻲ ﺑﺤﻀﺮﺗﻚ ﺗﺮﺩ ﺩﻣﻮﻋﻲ ﺍﻟﻲ ﺣﺘﺔ ﻋﺮﺵ ﺍﻟﻠﻪ ﻳﻬﺘﺰﻟﻬﻦ
ﺗﺘﺬﻛﺮ ﺷﻜﺪ ﺳﺘﻨﺠﺪﺕ ﺑﻴﻚ ﺑﻴﻮﻡ ﺍﻋﺘﺪﺓ ﻋﻠﻴﺔ ﻭﻟﻴﺪ ﻣﻮﻻﻱ ﻭﻟﻴﺪ ﻣﺎﺭﺣﻢ ﺑﺤﺎﻟﻲ ﺍﺑﺪ ﻭﻻ ﺍﺣﺪ ﻧﻘﺬﻧﻲ ﻣﻨﺔ
ﺷﺤﺠﻴﻠﻚ ﻳﺎﺑﻮ ﺍﻟﺤﺴﻦ ﻭﺍﻧﺘﺔ ﺍﻋﻠﻢ ﺑﺤﺎﻟﻲ ﻣﻨﻲ
ﻣﻦ ﻃﻔﻮﻟﺘﻲ ﻣﺎﻋﺮﻓﺖ ﻏﻴﺮﻛﻢ ﺳﻨﺪ ﻭﻟﺴﺎﻧﻲ ﻣﺎﻟﻬﺞ ﻏﻴﺮ ﺍﺳﻤﺎﺋﻜﻢ ﻛﻠﻬﺔ ﻋﺎﻓﺘﻨﻲ ﺍﻣﻲ ﻭﺍﺑﻮﻱ ﻻﺗﻌﻮﻓﻨﻲ ﻣﻮﻻﻱ ﻣﺎﻟﻲ ﻏﻴﺮﻛﻢ ﺍﺣﺴﺒﻨﻲ ﻭﺣﺪﺓ ﻣﻦ ﺍﻃﻔﺎﻝ ﻟﺤﺴﻴﻦ ﻭﺍﻧﻲ ﻣﺎﻋﺎﺻﻴﺔ ﺭﺑﻲ ﻭﺍﻟﻠﻪ ﻭﺣﺪﺓ ﻳﺸﻬﺪ ﻋﻠﻴﺔ
ﺿﻠﻴﺖ ﻣﺠﻠﺒﺔ ﺑﻠﺸﺒﺎﻙ ﻭﺍﺑﺠﻲ ﻭﺍﺷﻬﻚ ﻭﻟﻌﺒﺮﺓ ﺧﺎﻧﻜﺘﻨﻲ ﺑﺠﻴﺖ ﺑﺠﻲ ﻣﺎﻝ ﺳﻨﻴﻦ ﺍﻟﺪﻣﻌﺔ ﻣﻦ ﺗﻨﺰﻝ ﺗﻐﺮﻙ ﻭﺟﻬﻲ ﺩﻣﻌﺔ ﺿﻠﻢ ﻭﺗﻄﻠﺐ ﻷﻧﺼﺎﻑ ﻣﻦ ﺍﻣﺎﻡ ﻋﺎﺩﻝ ﻣﺎﻳﺮﺿﺔ ﺑﻠﻀﻠﻢ
ﻋﺒﺎﺗﻲ ﻭﻛﻌﺖ ﻭﺣﺠﺎﺑﻲ ﺗﺨﺮﺑﻂ ﻟﻨﺴﻮﺍﻥ ﻛﻠﺴﺎ ﻭﺣﺪﺓ ﺗﺪﻭﺳﻨﻲ ﺑﺮﺟﻠﻴﻬﺔ ﺑﺲ ﻣﺎﻫﺪﻳﺖ ﻟﺸﺒﺎﻙ ﺍﺣﺠﻲ ﻭﻳﺔ ﻷﻣﺎﻡ ﺑﺼﻮﺕ ﻋﺎﻟﻲ ﻭﺣﺴﻴﺖ ﺑﺸﻌﻮﺭ ﻛﻠﺶ ﻏﺮﻳﺐ ﺭﻫﺒﺔ ﺗﻤﻠﻜﺖ ﺟﺴﻤﻲ ﻛﻠﺔ ﻋﺮﻛﺖ ﻭﻛﻤﺖ ﺍﺭﺟﻒ ﺟﺴﻤﻲ ﺗﺒﻨﺞ ﺍﺭﻳﺪ ﺍﺣﺮﻙ ﻟﺴﺎﻧﻲ ﻣﺎﺍﻛﺪﺭ ﻭﻛﻌﺖ ﺑﻠﻜﺎﻉ ﻭﻏﻤﻀﺖ ﻋﻴﻨﻲ ﺍﺳﻤﻊ ﺍﺻﻮﺍﺕ ﻛﻮﻣﻲ ﻣﺎﻣﺎ ﺷﺒﻴﺞ
ﺟﻴﺒﻮ ﻣﺎﻱ
ﻛﺎﻣﺖ ﺗﺮﺟﻒ ﺧﺎﻑ ﺑﻴﻬﺔ ﺻﺮﻉ
ﻳﺎ ﺍﻣﻴﺮ ﺍﻟﻤﺆﻣﻨﻴﻦ ﺳﺎﻋﺪﻫﺔ
ﻣﺤﺪ ﻭﻳﺎﻫﺔ ﻭﻳﻦ ﺍﻫﻠﻬﺔ
ﻧﺴﻮﺍﻥ ﻳﺤﺠﻦ ﻭﻫﻮﺳﺔ ﻭﺿﺠﺔ ﻛﻠﺸﻲ ﻣﺎﺍﻓﺘﻬﻢ ﺑﺲ ﻣﺎﻛﺪﺭ ﺍﻓﺘﺢ ﻋﻴﻮﻧﻲ ﻭﻻ ﺍﻛﺪﺭ ﺍﻧﻄﻖ
ﺩﻗﺎﻳﻖ ﻭﻧﻔﺼﻠﺖ ﻋﻦ ﻛﻠﺸﻲ ﻛﺄﻧﻪ ﻧﻤﺖ ﺍﻭ ﺭﺣﺖ ﻟﻐﻴﺮ ﻋﺎﻟﻢ
ﻣﻜﺎﻥ ﺍﺑﻴﺾ ﻛﻠﺔ ﻧﻮﺭ ﻓﺎﺭﻍ ﻭﻣﺤﺪ ﺑﻲ ﻭﺍﻧﻲ ﻋﻠﺔ ﻧﻔﺲ ﺣﺎﻟﻲ ﻣﺘﻤﺪﺩﺓ ﺑﻠﻜﺎﻉ ﻭﻣﺎﺍﻛﺪﺭ ﺍﺗﺤﺮﻙ ﺍﺟﺘﻨﻲ ﻣﺮﻳﺔ ﻻﺑﺴﺔ ﻣﻼﺑﺲ ﺳﻮﺩ ﺑﺲ ﻛﺎﻧﻪ ﻣﻼﺑﺲ ﻭﺣﺪﺓ ﺑﺪﻭﻳﺔ ﻣﺎﻃﺎﻟﻊ ﺑﺲ ﻋﻴﻮﻧﻬﺔ ﺗﻘﺮﺑﺖ ﻳﻤﻲ ﻣﺴﺤﺖ ﻋﻠﺔ ﺭﺍﺳﻲ ﺟﺎﻥ ﺗﻜﻮﻟﻲ ﻫﺎﺝ ﻓﺘﺤﺖ ﺍﺩﻳﻬﺔ ﺑﻴﻬﻦ ﻣﺎﻱ
ﺗﺪﻧﺖ ﻋﻠﻴﺔ ﺫﺑﺘﺔ ﻋﻠﺔ ﻭﺟﻬﻲ
ﺑﻌﺪﻫﺔ ﺗﻤﺴﺢ ﺑﻮﺟﻬﻲ ﺟﺎﻥ ﺍﺟﺔ ﺭﺟﺎﻝ ﻣﺎﺷﻔﺖ ﻣﻨﺔ ﻛﻠﺸﻲ ﺑﺲ ﺍﺳﻤﻊ ﺻﻮﺗﺔ
ﻛﻠﻠﻬﺎ ﺍﻡ ﻟﺒﻨﻴﻦ ﻭﺻﻠﺘﻲ ﺍﻣﺎﻧﺔ ﺣﻴﺪﺭ ﻳﻠﻠﻪ ﻛﻮﻣﻲ ﺍﻧﻲ ﻛﻤﺖ ﺍﺭﺟﻒ ﻣﻦ ﺳﻤﻌﺖ ﺍﺳﻢ ﺍﻡ ﺍﻟﺒﻨﻴﻦ ﻳﻌﻨﻲ ﺍﺑﻮ ﺍﻟﺤﺴﻦ ﺳﻤﻊ ﻧﺪﺍﺋﻲ ﻳﻌﻨﻲ ﻣﻮﻻﻱ ﻟﺘﻔﺘﻠﻲ ﻭﺭﺍﺡ ﻳﺨﻠﺼﻨﻲ
ﺭﺍﺣﺖ ﺍﻟﻤﺮﻳﺔ ﻭﻳﺔ ﻟﺮﺟﺎﻝ ﻭﺍﻧﻲ ﻣﻦ ﺭﺍﺣﺖ ﻳﻠﻠﻪ ﻛﺪﺭﺕ ﺍﺣﺮﻙ ﺟﺴﻤﻲ ﻓﺘﺤﺖ ﻋﻴﻨﻲ ﻧﺴﻮﺍﻥ ﻭﺯﻟﻢ ﺩﺍﻳﺮ ﻣﺪﺍﻳﺮﻱ ﻭﺧﺪﺍﻡ ﺍﻟﻌﺘﺒﺔ
ﻛﻠﻬﺔ ﺗﺼﻴﺢ ﺍﻟﻬﻢ ﺻﻠﻲ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﻭﻧﺴﻮﺍﻥ ﻳﻤﺴﺤﻦ ﺑﻤﻼﺑﺴﻲ ﻳﺘﺒﺮﻛﻦ ﺑﻴﺔ
ﺍﺟﺎﻧﻲ ﺭﺟﺎﻝ ﻣﻌﻤﻢ ﻛﻠﻲ ﺑﻨﻴﺘﻲ ﺷﻨﻮ ﺷﻔﺘﻲ ﺍﺣﺠﻲ
ﻟﻴﺶ ﻋﻤﻮ ﺍﻧﺘﻮ ﺷﻔﺘﻮ ﺷﻲ
ﻛﻮﺓ ﺍﻧﻄﻖ ﻭﺣﻠﻜﻲ ﻳﺮﺟﻒ ﻭﻋﻴﻮﻧﻲ ﻳﺼﺒﻦ ﺩﻣﻮﻉ ﻭﺍﺩﻳﺔ ﻛﻮﺓ ﺍﺣﺮﻛﻬﻦ ﻋﺒﺎﻟﻚ ﺟﺎﻣﺪﺍﺕ
ﻻ ﺑﻨﻴﺘﻲ ﻣﺎﺷﻔﻨﺔ ﺷﻲ ﺑﺲ ﺍﻧﺘﻲ ﻋﺮﻛﺘﻲ ﻛﻠﻠﺶ ﻭﺗﺮﺟﻔﻴﻦ ﻭﻭﺟﻬﺞ ﻛﺎﻡ ﻳﻨﻮﺭ ﺷﻜﻠﺞ ﻛﻠﺔ ﻧﻜﻠﺐ ﻋﺒﺎﻟﻚ ﻣﻼﻙ ﺻﺮﺗﻲ ﻣﻮﺑﺸﺮ ﺷﻨﻮ ﺻﺎﺭ ﻭﻳﺎﺝ ﺷﻔﺘﻲ ﺷﻲ
ﺍﻱ ﺷﻔﺖ ﺍﻡ ﺍﻟﺒﻨﻴﻦ ﻭﻏﺴﻠﺖ ﻭﺟﻬﻲ
ﺍﻧﻲ ﻛﻠﺖ ﻫﻴﺞ ﻭﻛﻠﻬﺔ ﻛﺎﻣﺖ ﺗﻤﺴﺢ ﻋﻠﺔ ﺭﺍﺳﻲ ﻭﻣﻼﺑﺴﻲ ﻭﻳﺼﻠﻮﻥ ﻋﻠﻨﺒﻲ
ﺑﻌﺪﻳﻦ ﻛﻮﻣﻮﻧﻲ ﻟﺨﺎﺩﻣﺎﺕ ﻣﺎﻝ ﻷﻣﺎﻡ ﻧﻄﻨﻲ ﻣﺎﻱ ﻭﺍﺧﺬﻧﻲ ﺑﻤﻜﺎﻥ ﻓﺎﺭﻍ ﺑﻠﺼﺤﻦ ﺳﺄﻟﻮﻧﻲ ﺟﺎﻳﺔ ﻟﻮﺟﺪﺝ ﻛﻠﺘﻠﻬﻢ ﺍﻱ
ﺍﻧﺘﻲ ﻣﺮﻳﻀﺔ
ﻻ ﻣﺎﺑﻴﺔ ﺷﻲ
ﻟﻌﺪ ﻋﻨﺪﺝ ﻣﺸﻜﻠﺔ
ﺭﺩﺕ ﺍﺣﺠﻴﻠﻬﻢ ﺑﺲ ﺧﻔﺖ ﺍﻧﻲ ﺑﺪﻳﺮﺓ ﻏﺮﻳﺒﺔ ﻭﻣﺤﺪ ﻭﻳﺎﻱ ﺧﺎﻑ ﻳﺴﺘﻄﻤﻌﻮﻥ ﺑﻴﺔ ﻟﻮ ﻋﺮﻓﻮ ﻋﻨﻲ ﺷﻲ ﻋﺎﻓﻨﻲ ﻭﺭﺍﺣﻦ ﻛﻤﺖ ﺟﺒﺖ ﻗﺮﺍﻥ ﻗﺮﻳﺖ ﺑﻲ ﻭﺿﻠﻴﺖ ﺍﺗﺸﻜﺮ ﻣﻦ ﺍﻡ ﻟﺒﻨﻴﻦ ﻭﻣﻦ ﺍﻣﻴﺮ ﺍﻟﻤﺆﻣﻨﻴﻦ ﺑﺲ ﻟﺮﻫﺒﺔ ﺑﻌﺪﻫﺔ ﺑﻴﺔ ﻭﺩﻣﻮﻋﻲ ﻣﺎﺑﻄﻠﻦ ﺍﺑﺪ
ﻟﻬﻨﺎﻙ ﺣﺴﻴﺖ ﺭﻭﺣﻲ ﻧﻌﺴﺖ ﺣﻴﻴﻞ ﺧﻠﻴﺖ ﺟﻨﻄﺘﻲ ﺟﻮﺓ ﺭﺍﺳﻲ ﻭﻧﻤﺖ
ﻣﺎﺩﺭﻱ ﺷﻜﺪ ﻧﻤﺖ ﺑﺲ ﻛﻌﺪﺕ ﻟﻜﻴﺖ ﻟﺪﻧﻴﺔ ﻟﻴﻞ ﻋﺎﻳﻨﺖ ﻋﻠﺴﺎﻋﺔ ﺑﻞ 9
ﻃﻠﻌﺖ ﺑﺮﺓ ﺷﺘﺮﻳﺘﻠﻲ ﻟﻔﺔ ﺍﻛﻠﺘﻬﺔ ﻭﺭﺟﻌﺖ ﻃﺒﻴﺖ ﺿﻠﻴﺖ ﻛﺎﻋﺪﺓ ﺑﻠﺤﻀﺮﺓ ﻧﺎﺱ ﺗﺮﻭﺡ ﻭﻧﺎﺱ ﺗﺠﻲ ﻟﻤﻜﺎﻥ ﻛﻠﺶ ﺟﺒﻴﺮ ﺑﺲ ﻛﻌﺪﺕ ﻗﺮﻳﺐ ﻋﻠﻘﺒﺮ ﻭﺿﻠﻴﺖ ﺍﺻﻠﻲ ﻭﺍﻧﺪﻋﻲ ﺍﺑﺪ ﻣﺎﺗﺮﻛﺖ ﻟﺪﻋﺎﺀ
ﺻﺎﺭﺕ ﺏ 12 ﻧﻌﺴﺖ ﺧﻠﻴﺖ ﺟﻨﻄﺘﻲ ﺟﻮﺓ ﺭﺍﺳﻲ ﺭﺃﺳﻦ ﻏﻔﻴﺖ ﻣﺎﺻﺤﻴﺖ ﺍﻟﺔ ﻋﻠﺔ ﺍﺫﺍﻥ ﻟﻔﺠﺮ ﻃﻠﻌﺖ ﺑﺮﺓ ﺗﻮﺿﻴﺖ ﻭﺭﺟﻌﺖ
ﻣﺮ ﺷﻬﺮ ﻭﺍﻧﻲ ﺑﻼﻣﺎﻡ ﺗﻠﻔﻮﻧﻲ ﻣﺎﺟﺒﺘﺔ ﻭﻳﺎﻱ ﻭﻻ ﺍﺩﺭﻱ ﻋﻨﻬﻢ ﺷﻲ
ﻫﻮﺍﻱ ﺍﺷﻮﻑ ﻋﺎﻟﻢ ﺑﺲ ﺍﺑﺪ ﻣﺎﺣﺘﻜﻴﺖ ﺑﺎﺣﺪ ﺍﺧﺎﻑ ﻛﻠﺶ ﻣﻦ ﻟﻨﺎﺱ ﺍﺫﺍ ﻫﻤﺔ ﺩﻣﻲ ﻭﻟﺤﻤﻲ ﻣﺎﺭﺣﻤﻮ ﺑﻴﺔ ﻻﻥ ﻣﺎﻟﻲ ﺿﻬﺮ ﻣﻮ ﻫﺪﻭﺭ ﻟﻐﺮﺑﺔ
ﺿﻠﻴﺖ ﻫﻴﺞ ﻳﻮﻣﻴﺔ ﺍﻃﻠﻊ ﺍﻛﻠﻲ ﻟﻜﻤﺔ ﻭﺍﺳﺒﺢ ﺑﻠﺤﻤﺎﻣﺎﺕ ﻭﺍﺗﻮﺿﺔ ﻭﺍﻃﺐ ﺍﻛﻀﻲ ﻟﻨﻬﺎﺭ ﺻﻼ ﻭﺩﻋﺎﺀ ﻭﺍﺑﺪ ﻣﺎﺍﺣﺘﻚ ﺑﺄﺣﺪ ﻭﻛﺖ ﻟﻨﻮﻣﺔ ﺑﻠﻴﻞ ﺍﺷﻮﻓﻠﻲ ﻣﻜﺎﻥ ﺯﻭﻳﺔ ﻓﺎﺭﻍ ﻭﺍﻟﻒ ﺭﻭﺣﻲ ﻭﺍﺧﻠﻲ ﻓﻠﻮﺳﻲ ﺑﺼﺪﺭﻱ ﻭﺟﻨﻄﺘﻲ ﺟﻮﺓ ﺭﺍﺳﻲ ﻭﺍﻧﺎﻡ ﻣﺮﺍﺕ ﻳﺨﻠﻮﻧﺔ ﻟﻠﺼﺒﺢ ﻧﺎﻳﻤﻴﻦ ﻣﺮﺍﺕ ﻳﻜﻌﺪﻭﻧﺔ ﻣﺎﻳﺮﺿﻮﻥ
ﺍﺫﻛﺮ ﺳﻴﻒ ﻣﺮﺍﺕ ﻭﺍﻛﻌﺪ ﺍﺑﺠﻲ ﺍﺷﺘﺎﻗﻠﺔ ﻫﻮﺍﻱ ﺑﺲ ﻣﻦ ﺍﺫﻛﺮ ﺍﻟﺼﺎﺭ ﺍﻛﻮﻝ ﻛﺎﻓﻲ ﻃﻴﺒﺔ ﻛﻠﺐ ﻭﺍﻗﺸﻤﺮ ﺭﻭﺣﻲ ﻭﺍﻛﻮﻝ ﻧﺴﻴﺘﺔ ﻭﺍﻟﻬﻲ ﺭﻭﺣﻲ ﺑﻠﺼﻼ ﻭﻟﺰﻳﺎﺭﺓ ﻟﻮ ﺍﻃﻠﻊ ﺑﺮﺓ ﺍﻛﻞ
ﺍﺣﺎﻭﻝ ﺷﻜﺪ ﻣﺎﺍﻛﺪﺭ ﻣﺎﺍﺻﺮﻑ ﻫﻮﺍﻱ ﺻﺢ ﻫﻮﺍﻱ ﻓﻠﻮﺱ ﻋﻨﺪﻱ ﺑﺲ ﺑﻠﻴﻮﻡ ﻣﺎﺍﺻﺮﻑ ﺍﻛﺜﺮ ﻣﻦ 2000
ﺩﻳﻨﺎﺭ ﻭﻣﻊ ﺫﻟﻚ ﺑﺪﺍﺧﻠﻲ ﺧﻮﻑ ﻣﻮﻃﺒﻴﻌﻲ ﺍﻛﻮﻝ ﻟﻮ ﺧﻠﺼﻦ ﻓﻠﻮﺳﻲ ﻭﻳﻦ ﺍﺭﻭﺡ
ﻣﺮ ﻋﻠﻴﺔ 3 ﺍﺷﻬﺮ ﻭﺍﻧﻲ ﺑﻌﺪﻧﻲ ﺑﻸﻣﺎﻡ ﻣﺎﺍﻋﺮﻑ ﺍﻱ ﺷﻲ ﻻﻋﻦ ﺳﻴﻒ ﻭﻻ ﻋﻦ ﺧﺎﻟﺘﻲ ﻭﻻ ﻣﺮﺓ ﻓﻜﺮﺕ ﺍﺗﺼﻞ ﺑﺄﺣﺪ ﻫﻨﺎ ﺭﺍﺣﺘﻲ ﻳﻢ ﺍﺑﻮ ﻷﻳﺘﺎﻡ
ﻫﻨﺎ ﻣﺤﺪ ﻳﺄﺫﻳﻨﻲ ﻭﻻ ﺍﺣﺪ ﻳﻜﺪﺭ ﻳﻄﺮﺩﻧﻲ
ﻟﺨﺎﺩﻣﺎﺕ ﻣﺎﻝ ﻟﻀﺮﻳﺢ ﺗﻘﺮﻳﺒﺎ ﻛﻠﻬﻦ ﻛﺎﻣﻦ ﻳﻌﺮﻓﻨﻲ ﻭﻳﺴﺄﻟﻨﻲ ﺷﻌﺪﺝ ﻫﻨﺎ ﻟﻴﻞ ﻭﻧﻬﺎﺭ ﻧﺸﻮﻓﺞ ﺷﻨﻮ ﻣﺎﻋﺪﺝ ﺍﻫﻞ
ﻣﺮﺍﺕ ﺍﺿﻌﻒ ﻭﺍﺭﻳﺪ ﺍﺣﺠﻴﻠﻬﻦ ﺍﺭﻳﺪ ﺍﺷﻜﻲ ﻫﻢ ﺟﺒﺎﻝ ﻣﻜﻮﻡ ﻋﻠﺔ ﺻﺪﺭﻱ ﺑﺲ ﺍﻛﻮﻝ ﻻ ﻣﻬﻤﺎ ﻳﻜﻮﻥ ﺍﻧﻲ ﺑﻨﻴﺔ ﻭﻏﺮﻳﺒﺔ ﺍﻛﻴﺪ ﻳﻄﻤﻌﻮﻥ ﺑﻴﺔ
ﺿﻠﻴﺖ ﻛﻞ ﻭﺣﺪﺓ ﺍﻛﻠﻬﺔ ﺷﻲ
ﻣﺮﺍﺕ ﺍﻛﻠﻠﻬﻦ ﺍﻧﻲ ﺟﺎﻳﺔ ﺣﻤﻠﺔ ﻭﻣﺎﻋﺪﻱ ﻓﻠﻮﺱ ﺍﻧﺎﻡ ﺑﻔﻨﺪﻕ ﻭﻣﺮﺍﺕ ﺍﻛﻠﻠﻬﻦ ﻧﺎﺫﺭﺓ ﺑﺲ ﻣﺤﺪ ﻣﻨﻬﻦ ﺍﺫﺗﻨﻲ ﺍﺑﺪ ﻭﻟﻮ ﺣﺘﺔ ﺑﺤﺠﺎﻳﺔ
ﻭﺍﻧﻲ ﻟﻜﻴﺖ ﺭﻭﺣﻲ ﻭﺭﺍﺣﺘﻲ ﻳﻢ ﻷﻣﻴﺮ ﻛﻠﻤﺎ ﺍﺧﺘﻨﻚ ﺑﻠﻌﺒﺮﺓ ﻭﺗﻤﺮﻧﻲ ﻟﺬﻛﺮﻳﺎﺕ ﺍﺭﻭﺡ ﻳﻢ ﻟﻘﺒﺮ ﺍﻟﺰﻣﺔ ﻭﺍﺑﻘﺔ ﺑﻠﺴﺎﻋﺎﺕ ﺍﺑﺠﻲ ﻭﺍﻧﺨﺔ ﺑﻲ ﻟﺤﺪ ﻣﺎﺍﺧﻮﺓ ﻣﻦ ﻟﺒﺠﻲ ﻳﻠﻠﻪ ﺍﻫﺪﺓ
ﻣﺎﺍﺫﻛﺮ ﻣﺮ ﻋﻠﻴﺔ ﻳﻮﻡ ﺍﺫﺍ ﻣﺎﻟﺰﻣﺖ ﻟﺸﺒﺎﻙ ﻭﻓﺮﻓﺤﺖ ﻭﻟﻨﺴﻮﺍﻥ ﻛﻠﻬﺔ ﺗﻀﻞ ﺗﺒﺠﻲ ﻋﻠﺔ ﺑﺠﻴﻲ
ﻭﻟﺨﺎﺩﻣﺎﺕ ﻳﻜﺘﻠﻬﻦ ﻟﻔﻀﻮﻝ ﻳﻀﻠﻦ ﻳﺘﺴﺄﻟﻦ ﺑﻴﺔ ﻭﻳﺴﺘﻔﺴﺮﻥ ﻣﻨﻲ ﺑﺲ ﺍﻧﻲ ﻛﻠﻌﺎﺩﺓ ﺧﻮﻓﻲ ﻳﻤﻨﻌﻨﻲ ﺍﺣﺠﻴﻠﻬﻦ
ﺛﻘﺘﻲ ﺗﺰﻋﺰﺕ ﺑﻜﻞ ﻟﻨﺎﺱ ﻣﻦ ﻭﺭﺓ ﺍﻟﻲ ﺷﻔﺘﺔ ﺻﺮﺕ ﺻﻌﺐ ﺍﺛﻖ ﺑﺄﺣﺪ ﻭﻛﻤﺖ ﺍﺧﺎﻑ ﺍﺗﻌﺎﻣﻞ ﻭﻳﺔ ﻟﺒﺸﺮ ﻭﺍﺑﺘﻌﺪ ﻋﻨﻬﻢ ﻭﺍﻟﻬﻲ ﺭﻭﺣﻲ ﺑﻠﺰﻳﺎﺭﺓ
ﻣﺮﺕ ﺳﻨﺔ ﻭﺷﻬﺮﻳﻦ ﻋﻠﺔ ﺗﻮﺍﺟﺪﻱ ﺑﻠﻀﺮﻳﺢ ﻟﺨﺎﺩﻣﺎﺕ ﻋﺮﻓﻨﻲ ﻭﺑﻄﻠﻦ ﺣﺘﺔ ﻳﺴﺄﻟﻨﻲ ﺑﻌﺪﻧﻲ ﻋﻠﺔ ﻭﺿﻌﻲ ﺍﻛﻠﻲ ﻟﻜﻤﺔ ﻳﻮﻣﻴﺔ ﻭﺍﻛﻀﻴﻬﺔ ﺻﻼ ﻭﺯﻳﺎﺭﺓ ﻫﻮﺍﻱ ﺷﻔﺖ ﻧﺎﺱ ﺍﻋﺮﻓﻬﻢ ﺟﻮﺍﺭﻳﻦ ﻭﻛﺮﺍﻳﺐ ﻓﺎﻃﻤﺔ ﻭﻧﺎﺱ ﺷﻔﺘﻬﻢ ﺑﻠﻌﺮﺱ ﺑﺲ ﺩﺍﺋﻤﺎ ﻣﻦ ﺍﺷﻮﻓﻬﻢ ﺍﻟﻒ ﺭﻭﺣﻲ ﺑﻠﻌﺒﺎﻳﺔ ﻭﺍﺩﻭﺭ ﻭﺟﻬﻲ ﻋﻨﻬﻦ ﺣﺘﺔ ﻻﻳﺸﻮﻓﻨﻲ
ﻭﺑﺄﺧﺮ ﻓﺘﺮﺓ ﻛﻤﺖ ﺍﺻﻠﻲ ﻷﻣﻲ ﻗﻀﺎ ﻣﺎﻓﻲ ﺍﻟﺬﻣﺔ ﻭﺍﻟﻬﻲ ﺭﻭﺣﻲ ﻭﺍﺣﺎﻭﻝ ﺷﻜﺪ ﻣﺎﺍﻛﺪﺭ ﺍﻗﺘﺼﺪ ﺑﻠﻔﻠﻮﺱ ﻭﺑﺄﻳﺎﻡ ﺍﻟﻮﻓﻴﺎﺕ ﺍﻟﻢ ﺗﻮﺯﻳﻊ ﻭﺛﻮﺍﺑﺎﺕ ﺷﻜﺪ ﻣﺎﺍﻛﺪﺭ ﻓﺎﻛﻬﺔ ﻭﻋﺼﺎﻳﺮ ﻭﻛﻴﻚ ﻭﺑﺒﺴﻲ ﺍﺿﻤﻬﻦ ﻭﺍﺿﻞ ﺍﺳﺎﺑﻴﻊ ﺍﻛﻞ ﺑﻴﻬﻦ ﺣﺘﺔ ﺍﻭﻓﺮ ﻓﻠﻮﺱ ﺛﻴﺎﺑﻲ ﺑﺎﺩﻥ ﻭﺑﻠﺸﺘﺔ ﺻﺎﺭﻥ ﻣﺎﻳﺪﻓﻨﻲ ﻛﻤﺖ ﺷﺘﺮﻳﺘﻠﻲ ﺛﻮﺑﻴﻦ ﻗﺪﻳﻔﺔ ﻭﻣﻼﺑﺲ ﺩﺍﺧﻠﻴﺔ ﻭﺑﺠﺎﻳﻢ
2015 ﺷﻬﺮ 5 ﻳﻮﻡ 7
ﻓﻠﻮﺳﻲ ﺧﻠﺼﻦ ﻭﺑﻌﺖ ﻟﺘﺮﺍﺟﻲ ﻭﻟﻤﺤﺒﺲ ﻭﻣﺎﺑﺎﻗﻴﻠﻲ ﻣﻦ ﻓﻠﻮﺳﻬﻦ ﻏﻴﺮ 60 ﺍﻟﻒ ﻭﻟﺨﻮﻑ ﺗﻤﻠﻚ ﻛﻠﺒﻲ ﺧﺎﻳﻔﺔ ﺍﺫﺍ ﺧﻠﺼﻦ ﺷﻠﻮﻥ ﺑﻴﺔ ﺷﺎﻛﻞ ﻭﺷﺸﺮﺏ ﻭﻳﻦ ﺍﻧﻄﻲ ﻭﺟﻬﻲ ﻟﻠﻴﻮﻡ ﻣﺎﻋﺮﻓﺖ ﺍﻱ ﺧﺒﺮ ﻋﻨﻬﻢ ﻭﻻ ﻭﺻﻠﻨﻲ ﺷﻲ ﻣﻦ ﺑﻐﺪﺍﺩ ﻭﻻ ﺣﺎﻭﻟﺖ ﺍﺗﺼﻞ ﺑﻴﻬﻢ
ﺷﺮﺩﺕ ﻣﻦ ﻫﻤﻮﻣﻲ ﻣﻦ ﺿﻴﻤﻲ ﻣﻦ ﻟﻀﻠﻢ ﺍﻟﻲ ﻋﺸﺘﺔ ﺷﺮﺩﺕ ﺣﺘﺔ ﻣﻦ ﻧﻔﺴﻲ ﻭﺿﻌﻔﻲ ﻭﻗﻠﺔ ﺣﻴﻠﺘﻲ ﻭﻫﻨﺎ ﻣﺮﺗﺎﺣﺔ ﺣﻴﻴﻞ ﺻﺢ ﻟﻮﺣﺪﺓ ﺗﺄﺫﻱ ﺑﺲ ﺍﺭﺣﻢ ﻣﻦ ﺣﻴﺎﺗﻲ ﻗﺒﻞ
ﺟﺎﻥ ﻳﻮﻡ ﺧﻤﻴﺲ ﻭﻛﺎﻋﺪﺓ ﺍﺻﻠﻲ ﺍﺟﺖ ﻳﻤﻲ ﻣﺮﻳﺔ ﺗﺤﺠﻲ ﻛﻮﻳﺘﻲ ﺟﺒﻴﺮﺓ ﺑﻠﻌﻤﺮ ﻭﻭﻳﺎﻫﺔ 3 ﺟﻬﺎﻝ ﺑﻨﻴﺔ ﻭ 2 ﻭﻟﺪ ﻛﻠﺘﻠﻲ ﺍﻧﺘﻲ ﺑﺎﻗﻴﺔ ﻫﻨﺎ
ﺍﻱ ﺧﺎﻟﺔ ﺑﺎﻗﻴﺔ ﻫﻬﻬﻬﻪ ﻣﻘﻴﻤﺔ ﻣﻨﺬ ﺍﻷﺯﻝ
ﻋﺎﺩﻱ ﺍﻋﻮﻑ ﻋﻴﺎﻟﻲ ﻋﻨﺪﺝ ﺍﺯﻭﺭ ﻭﺍﺭﺩ ﺍﺧﺬﻫﻢ
ﺍﻱ ﺧﺎﻟﺘﻲ ﻋﺎﺩﻱ ﺧﻠﻴﻬﻢ
ﻳﺪﺓ ﺿﻠﻮ ﻫﻨﻲ ﻣﻮﺗﺘﺤﺮﻛﻮﻥ ﻣﻦ ﻣﻜﺎﻧﻜﻢ ﺍﺭﺩ ﺍﻟﻜﺎﻛﻢ ﺑﻤﻜﺎﻧﻜﻢ
ﻭﺻﺖ ﻟﺠﻬﺎﻝ ﻭﺭﺍﺣﺖ ﻛﻠﺴﺎ ﺗﻮﺻﻞ ﻟﺒﺎﺏ ﻟﻘﺒﺮ ﻭﺗﺮﺟﻊ ﺗﻜﻠﻲ ﻓﺪﻭﺓ ﺩﻳﺮﻱ ﺑﺎﻟﺞ ﻋﻠﻴﻬﻢ ﻣﺎﺍﻛﺪﺭ ﺍﺩﺧﻠﻬﻢ ﺍﺯﺩﺣﺎﻡ ﺧﺎﻑ ﻳﻀﻴﻌﻮﻥ
ﺯﺍﺭﺕ ﺍﻟﻤﺮﻳﺔ ﺑﺴﺮﻋﺔ ﻭﻃﻠﻌﺖ ﻭﺟﻬﺔ ﻣﺨﻄﻮﻑ ﻋﺒﺎﻟﻬﺔ ﺑﻜﺘﻬﻢ ﺷﻔﺘﻬﺔ ﻣﻦ ﺑﻌﻴﺪ ﻛﻠﺖ ﻟﻠﺠﻬﺎﻝ ﺫﻳﺞ ﺍﻣﻜﻢ ﺗﺪﻭﺭ ﺭﻭﺣﻮ ﺻﻴﺤﻮﻫﺔ
ﻭﺍﺣﺪ . ﻣﻦ ﻟﻮﻟﺪ ﻛﻠﻲ ﻫﺎﺫﻱ ﻣﻮ ﺍﻣﻨﺔ ﻫﺎﺫﻱ ﻳﺪﺗﻨﺔ ﺍﻣﻨﺔ ﻣﺘﻮﻓﻴﺔ
ﻛﻄﻊ ﻛﻠﺒﻲ ﻣﻦ ﻛﻠﻲ ﺍﻣﻬﻢ ﻣﺘﻮﻓﻴﺔ ﺍﻭﻭﻭﻑ ﺍﺣﺴﻦ ﻣﻦ ﺣﺎﻟﻲ ﻋﺎﺩ ﻋﺪﻫﻢ ﺟﺪﺓ ﺣﻨﻴﻨﺔ ﻭﻻﻣﺘﻬﻢ
ﺻﺎﺡ ﺍﻟﻮﻟﺪ ﻟﻠﻤﺮﻳﺔ ﻭﺍﺟﺖ ﻛﻌﺪﺕ ﻳﻤﻲ ﻭﺗﺘﺸﻜﺮ ﻣﻨﻲ ﻛﻤﻠﺖ ﺻﻼﺗﻬﺔ ﻭﺍﺧﺬﺗﻬﻢ ﻭﺭﺍﺣﺖ
ﺛﺎﻧﻲ ﻳﻮﻡ ﺑﻠﻴﻞ ﻫﻢ ﺷﻔﺘﻬﺔ ﺍﻭﻝ ﻣﺎﺷﺎﻓﺘﻨﻲ ﺍﺟﺖ ﻛﻌﺪﺕ ﺑﺼﻔﻲ ﺳﻠﻤﺖ ﻋﻠﻴﺔ ﻭﻫﻢ ﺧﻠﺖ ﻟﺠﻬﺎﻝ ﻳﻤﻲ ﺯﺍﺭﺕ ﻭﺭﺟﻌﺖ ﺍﺧﺬﺗﻬﻢ ﻭﺍﺣﺪ ﻭﺍﺣﺪ ﺗﺰﻭﺭﺓ ﻣﻦ ﺑﻌﻴﺪ ﻛﻌﺪﺕ ﻳﻤﻲ ﺻﻠﺖ ﻭﺿﻠﺖ ﺗﺴﺎﻟﻨﻲ
ﺍﻧﺘﻲ ﺷﺴﻤﺞ ﻭﻣﻨﻴﻦ ﻭﻟﻴﺶ ﻫﻨﺎ
ﺟﺎﻭﺑﺘﻬﺔ ﺑﺲ ﻣﺎﺗﻌﻤﻘﺖ
ﺷﻔﺘﻬﺔ ﺷﻠﻮﻥ ﺣﻨﻴﻨﺔ ﻋﻠﺔ ﺍﺣﻔﺎﺩﻫﺔ ﻭﺗﺨﺎﻑ ﻋﻠﻴﻬﻢ ﺿﻠﺖ ﺗﺤﺠﻴﻠﻲ ﻋﻦ ﺍﻣﻬﻢ ﺷﻠﻮﻥ ﻣﻴﺘﺔ ﺧﻄﻴﺔ ﻣﺤﺘﺮﻛﺔ ﺑﻠﻄﺒﺎﺥ ﻭﻣﻔﺤﻤﺔ ﻭﻫﺎﺫ ﻛﻠﺔ ﺻﺎﻳﺮ ﻛﺪﺍﻣﻬﻢ ﻭﻭﺍﺣﺪ ﻣﻦ ﻟﻮﻟﺪ ﻟﺰﻏﺎﺭ ﺻﺎﻳﺮ ﺑﻲ ﻣﺮﺽ ﻧﻔﺴﻲ ﻣﻦ ﺷﺎﻳﻔﻬﺔ
ﺗﻜﻠﻲ ﺍﻧﻲ ﻭﺍﺑﻮﻫﻢ ﻧﺤﺎﻭﻝ ﻗﺪﺭ ﻻﻣﻜﺎﻥ ﻧﻌﻮﺿﻬﻢ ﻋﻦ ﺍﻣﻬﻢ ﺷﻌﻮﺭ ﺍﻟﻴﺘﻢ ﺻﻌﺐ
ﺍﻭﻭﻭﻑ ﻳﺎﺧﺎﻟﺔ ﺍﻧﺘﻲ ﺗﺤﺤﺠﻴﻠﻲ ﻋﻦ ﺷﻌﻮﺭ ﺍﻟﻴﺘﻢ
ﺍﺫﺍ ﻫﻤﺔ ﺍﻣﻬﻢ ﻣﻴﺘﺔ ﺍﻧﻲ ﻳﺘﻴﻤﺔ ﺍﻡ ﻭﺍﺑﻮ
ﺿﻠﺖ ﺗﺴﺄﻝ ﺑﻴﺔ ﻭﺍﺻﺮﺕ ﺗﻌﺮﻑ ﻗﺼﺘﻲ
ﻭﺍﻧﻲ ﻓﻌﻼ ﺟﻨﺖ ﻣﺤﺘﺎﺟﺔ ﺍﺣﺠﻲ ﻫﻤﻮﻡ ﻛﻠﺒﻲ ﻭﺍﺷﻜﻲ ﺣﺠﻴﺘﻠﻬﺔ ﻛﻠﺸﻲ ﺿﻠﺖ ﻓﺎﻛﺔ ﺣﻠﻜﻬﺔ ﺗﺨﺒﻠﺖ ﻭﻛﻠﺴﺎ ﺗﻜﻠﻲ ﺣﻠﻔﻲ
ﺍﺧﺮ ﺷﻲ ﻣﻦ ﺣﺠﻴﺘﻠﻬﺔ ﻳﻮﻡ ﺣﻨﺘﻲ ﻓﺮﻓﺤﺖ ﻣﻦ ﻟﺒﺠﻲ ﺟﺮﺗﻨﻲ ﺣﻀﻨﺘﻨﻲ ﻭﻛﺎﻣﺖ ﺗﺒﺠﻲ ﻭﺗﺪﻋﻲ ﻋﻠﻴﻬﻢ ﻛﻠﻬﻢ
ﻋﺎﻓﺖ ﺍﺣﻔﺎﺩﻫﺔ ﻳﻤﻲ ﻭﻛﻠﺘﻠﻲ ﻫﺴﺔ ﺍﺟﻲ
ﻧﺺ ﺳﺎﻋﺔ ﻭﺭﺟﻌﺖ ﻭﻳﺎﻫﺔ .......
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء