رواية انقذني ايها الغريب ج1 الجزء الخامس عشر

رواية انقذني ايها الغريب ج1 الجزء الخامس عشر


رواية انقذني ايها الغريب ج1 الجزء الخامس عشر 

للكاتبة حنين حاتم 

♦️♦️

ﺭﺣﺖ ﻋﻠﺔ ﺧﻠﻴﻞ ﻃﺒﻴﺖ ﻋﻠﻲ
ﻟﻜﻴﺘﺔ ﻣﺪﻫﻦ ﻭﺟﺎﻱ ﻳﺸﺘﻐﻞ ﺑﻠﻤﻮﻟﺪﺓ ﻭﻛﻔﺖ ﺑﻠﺒﺎﺏ ﻛﺘﻠﺔ ﺧﻠﻴﻞ ﺍﻧﻲ ﻣﻨﻚ ﺍﻟﺒﺲ ﺭﺑﻄﺔ
ﺷﻨﻮﻭ ﺳﻴﻒ ﺷﺒﻴﻚ
ﺍﻧﺘﺔ ﻫﻢ ﺣﺎﺳﺐ ﺭﻭﺣﻚ ﺭﺟﺎﻝ
ﺷﻜﻮ ﺳﻴﻒ ﺷﺒﻴﻚ ﺷﻨﻮ ﻫﺎﺫ ﻟﺤﺠﻲ
ﺍﺫﺍ ﺍﻧﺘﺔ ﻣﻮﻛﺪ ﻟﻤﺴﺆﻟﻴﺔ ﻟﻴﺶ ﺗﻜﻔﻠﺖ ﺑﻴﻬﺔ
ﺷﺼﺎﻳﺮ ﻳﻤﻌﻮﺩ ﻋﻠﻴﻤﻦ ﺗﺤﺠﻲ
ﻋﻠﺔ ﻟﻴﻠﻰ
ﺷﺒﻴﻬﺔ
ﻻ ﺗﻐﺸﻢ ﺭﻭﺣﻚ ﺧﻠﻴﻞ ﺗﻌﺮﻑ ﻗﺼﺪﻱ ﺍﻟﺒﻨﻴﺔ ﺣﺎﻃﻴﻬﺔ ﺧﺪﺍﻣﺔ ﻟﻤﺮﺗﻚ ﻭﺟﻬﺎﻟﻚ ﺍﻣﻨﺖ ﺑﻠﻠﻪ ﻋﺎﺩ ﺭﺣﻤﻮ ﺑﺤﺎﻟﻬﺔ ﺧﺎﻓﻮ ﺍﻟﻠﻪ ﺑﻴﻬﺔ ﻟﻴﺶ ﺷﻮﻛﺖ ﻣﺎﺍﻃﺐ ﺍﻟﻜﺎﻫﺔ ﻣﻜﺘﻮﻟﺔ ﻭﻣﺰﻭﺭﻛﺔ
ﻭﺩﻳﻬﺔ ﻟﺨﺎﻟﺘﻬﺔ ﻫﺎﻱ ﻳﺘﻴﻤﺔ ﻭﺍﻟﻠﻪ ﺑﺎﺟﺮ ﻋﻜﺒﺔ ﻳﺤﺎﺳﺒﻚ ﻋﻠﻴﻬﺔ ﻣﺮﺗﻚ ﻣﺸﻮﻓﺘﻬﺔ ﺍﻟﻮﻳﻞ ﻭﺍﻧﺘﺔ ﺗﺸﻮﻑ ﺑﻌﻴﻨﻚ ﻭﺗﺴﻜﺖ
ﺷﺴﻮﻱ ﺳﻴﻒ ﺧﺎﻟﺘﻬﺔ ﺭﺟﻠﻬﺔ ﻏﺮﻳﺐ ﺍﻧﻲ ﻣﺎﺍﻛﺪﺭ ﺍﺧﻠﻲ ﺑﺘﻨﺔ ﺗﺒﻘﻰ ﻳﻤﺔ ﺷﺘﻜﻮﻝ ﻋﻠﻴﺔ ﻟﻌﺎﻟﻢ ﻳﺎﻛﻠﻮﻥ ﻭﺟﻬﻲ ﻭﺍﻟﻠﻪ
ﺍﻧﺘﺔ ﺗﺨﺎﻑ ﻣﻦ ﺣﺠﻲ ﻟﻌﺎﻟﻢ ﻭﻣﺘﺨﻠﻒ ﻣﻦ ﻋﻘﺎﺏ ﺭﺑﻚ
ﺳﻴﻒ ﻟﻮ ﺷﻜﺪ ﻣﺎﺍﺣﺠﻴﻠﻚ ﻣﺘﻔﻬﻤﻨﻲ
ﻻ ﺍﺣﺠﻲ ﺍﻓﻬﻤﻚ ﺍﻧﻲ ﻣﻮﺣﻴﻮﺍﻥ
ﻻ ﺣﺸﺎﻙ ﻣﻮﻫﻴﺞ ﻗﺼﺪﻱ ﺑﺲ ﺍﻧﺘﺔ ﻣﺎﺗﻌﺮﻑ ﻓﺎﻃﻤﺔ ﻭﺣﺪﺓ ﻣﻘﺘﺪﺭﺓ ﻭﻭﻟﺪ ﺧﺎﻟﺘﻚ ﺍﺧﻮﺗﻬﺔ ﺻﺎﺣﺒﻴﻦ ﻣﺸﺎﻛﻞ ﻭﺍﻧﻲ ﻣﺎﻋﺪﻱ ﻻ ﺧﻮﺍﻥ ﻭﻻ ﺍﻫﻞ ﻭﻫﻴﺔ ﻣﺴﺘﺰﻏﺮﺗﻨﻲ
ﻭﻻ ﺗﻨﺴﻰ ﻟﺒﻴﺖ ﺑﺄﺳﻤﻬﺔ ﺍﻧﻲ ﻳﺎﺩﻭﺏ ﺍﻃﻠﻊ ﻣﺼﺮﻑ ﻟﺒﻴﺖ ﺍﺫﺍ ﺍﺣﺠﻲ ﺗﻄﻠﻚ ﺭﻭﺣﻬﺔ ﻣﻨﻲ ﻭﺗﺎﺧﺬ ﺟﻬﺎﻟﻲ ﻭﺗﺪﻳﺤﻨﻲ ﺑﻴﺖ ﻭﻋﺪﻫﺔ ﻭﺧﻮﺗﻬﺔ ﻣﺎﻣﻘﺼﺮﻳﻦ ﻭﻳﺎﻫﺔ ﺑﻠﺸﻬﺮ ٥ ﻭﺭﻗﺎﺕ ﻳﺪﺯﻭﻟﻬﺔ
ﻳﻮﻣﻴﺔ ﻣﻬﺪﺩﺗﻨﻲ ﺍﺧﺬ ﺟﻬﺎﻟﻲ ﻭﺍﻋﻮﻓﻚ ﺍﻧﺘﺔ ﻭﺑﺖ ﺍﺧﻮﻙ
ﻛﻠﻲ ﺑﻬﻴﺞ ﺣﺎﻟﺔ ﺍﻧﻲ ﺷﺴﻮﻱ
ﻭﺍﻟﻠﻪ ﻳﺎﺧﻠﻴﻞ ﺍﻧﺘﺔ ﺻﻮﺟﻚ ﻣﺮﺗﻚ ﻣﺎﺗﺮﻳﺪﻙ ﻭﻣﺎﺗﺤﺘﺮﻣﻚ ﻳﻄﺒﻬﺔ ﻣﺮﺽ ﺍﻋﻮﻓﻬﺔ ﻣﺤﺪ ﻳﺨﺴﺮ ﻏﻴﺮﻫﺔ ﻭﺟﻬﺎﻟﻚ ﻛﺒﺎﺭ ﺷﻌﻠﻴﻬﻢ ﻣﻮﺑﺤﺎﺟﺘﻚ
ﺿﻠﻴﺖ ﺍﺣﺠﻲ ﻭﻳﺎ ﺑﺲ ﺑﺪﻭﻥ ﻛﻞ ﻓﺎﻳﺪﺓ ﻻﺥ ﻳﺨﺎﻑ ﻣﻦ ﻓﺎﻃﻤﺔ ﻭﻳﺮﺟﻒ ﻣﻦ ﺍﺧﻮﺗﻬﺔ ﻭﻣﺎ ﺍﻟﺔ ﻛﻞ ﻛﻠﻤﺔ ﻋﻠﻴﻬﺔ ﻋﻐﺘﺔ ﻭﺭﺟﻌﺖ ﻟﻠﺒﻴﺖ ﻛﺘﻠﺔ ﺧﻞ ﻭﻟﻴﺪ ﻳﺠﻴﺐ ﺳﻜﻴﻨﺔ ﺍﻧﻲ ﻣﺸﻐﻮﻝ
ﻃﻠﻌﻬﻦ ﻭﻟﻴﺪ ﻭﺿﻠﻴﺖ ﻭﺣﺪﻱ ﺑﻠﻤﻄﺒﺦ ﻟﻤﻮﺍﻋﻴﻦ ﺗﺎﺭﺳﺔ ﻟﻤﻜﺎﻥ ﺑﻴﺔ ﻣﺎﺑﻴﺔ ﻛﻤﺖ ﺍﻋﺰﻝ ﺑﻴﻬﻦ ﻭﺍﻏﺴﻞ ﺑﻠﻜﻮﺓ ﺍﺗﺤﺮﻙ ﻣﻨﺎ ﺭﺟﻠﻲ ﻭﻣﻨﺎ ﺿﺮﺑﺎﺕ ﻓﺎﻃﻤﺔ ﻣﺎﻝ ﻟﺒﺎﺭﺣﺔ ﺑﻠﺠﻔﺠﻴﺮ ﻭﻣﻨﺎ ﻟﻜﺘﻠﺔ ﻟﺠﻤﺎﻋﻴﺔ ﻻﻛﻠﺘﻬﺔ ﻣﺴﺎﻉ ﻳﻌﻨﻲ ﻧﺘﻬﻴﺖ
ﻋﺎﻳﻨﺖ ﻟﻠﺴﺎﻋﺔ ﺑﻞ 2 ﻭﺭﺑﻊ ﻭﻟﻌﺎﻟﻢ ﺏ 3 ﻳﺠﻮﻥ ﻓﺎﻃﻤﺔ ﺗﺮﻳﺪﻧﻲ ﺍﻛﻤﻞ ﻟﻤﻄﺒﺦ ﻭﺍﺭﺟﻊ ﻝﻻﺳﺘﻘﺒﺎﻝ ﺍﺳﻮﻱ
ﻟﺒﻴﺖ ﻣﻠﻴﺎﻥ ﺑﻨﺎﺕ ﺑﻜﻞ ﻻﻋﻤﺎﺭ ﻭﻻ ﻭﺣﺪﺓ ﻣﺪﺕ ﺍﻳﺪﻫﺔ ﻭﻛﻠﺘﻠﻲ ﺧﻞ ﺍﺳﺎﻋﺪﺝ ﻛﻠﻬﻦ ﻛﺎﻋﺪﺍﺕ ﺍﻟﻲ ﺗﺸﺴﻮﺭ ﻭﺍﻟﻲ ﺗﻤﻜﻴﺞ ﻭﺍﻟﻲ ﺗﺒﺪﻝ
ﻭﺍﻧﻲ ﺍﻭﻭﻑ ﻳﺎﺣﺎﻟﻲ
ﻋﻤﺮﻱ ﻣﺎﻋﺸﺖ ﻫﺎﻱ ﺍﻟﺤﻀﺔ ﻭﺑﺪﻟﺖ ﻭﺗﻤﻜﻴﺠﺖ ﻣﺜﺎ ﻟﺒﻨﺎﺕ ﻛﻀﻴﺖ ﻋﻤﺮﻱ ﺑﻠﻤﻨﺎﺳﺒﺎﺕ ﺳﺎﻛﻨﺔ ﻟﻤﻄﺒﺦ ﻋﺒﺎﻟﻚ ﻣﻜﺘﻮﺏ ﻋﻠﺔ ﻛﺼﺘﻲ ﻟﻠﺨﺪﻣﺔ ﻓﻘﻂ
ﺣﺘﺔ ﺑﺄﻋﺮﺍﺱ ﻛﺮﺍﻳﺐ ﻓﺎﻃﻤﺔ ﺍﺭﻭﺡ ﻟﻠﻌﺮﺱ ﺑﺼﻔﺘﻲ ﺧﺪﺍﻣﺔ ﻣﻮﻣﺪﻋﻮﺓ
ﺣﺘﺔ ﻟﺨﺪﺍﻣﺔ ﻫﻢ ﺍﺣﺴﻦ ﻣﻨﻲ ﻋﺎﺩ ﻳﻨﻄﻮﻫﺔ ﺍﺟﺮ ﻣﻘﺎﺑﻞ ﺗﻌﺒﻬﺔ ﺍﻧﻲ ﻫﻢ ﻳﻨﻄﻮﻧﻲ ﺍﺟﻮﻭﺭ ﻫﻮﺍﻳﺔ
ﺍﺟﻮﺭﻱ ﻫﻴﺔ ﻟﻀﺮﺏ ﻭﻻﻫﺎﻧﺔ ﻭﻟﻤﺬﻟﺔ ﺍﻟﻲ ﺍﺣﺼﻠﻬﻦ ﻣﻦ ﻓﺎﻃﻤﺔ
ﻃﺒﻌﺎ ﻟﺤﻔﻠﺔ ﻣﺨﺘﻠﻄﺔ ﻳﻌﻨﻲ ﻟﻌﺪﺩ ﺭﺍﺡ ﻳﻜﻮﻥ ﻣﻀﺎﻋﻒ ﻭﻟﺘﻌﺐ ﻫﻢ ﻣﻀﺎﻋﻒ
ﻫﻤﺔ ﻣﻨﺎﺳﺒﺎﺗﻬﻢ ﻛﻠﺔ ﻫﻴﺞ ﻻﻥ ﻣﻴﻠﺒﺴﻦ ﺣﺠﺎﺏ ﻣﻦ ﻛﺮﺍﻳﺒﻬﻢ ﻭﻳﻜﻀﻦ ﻟﺤﻔﻠﺔ ﺭﻛﺺ ﻭﺗﻤﻮﻉ ﻛﺪﺍﻡ ﻟﻮﻟﺪ ﻭﺗﻨﻜﻠﺐ ﻟﺤﻔﻠﺔ ﺍﻟﻰ ﻣﻠﻬﻰ
ﺷﻜﺪ ﻋﺸﺖ ﻭﻳﺎﻫﻢ ﺑﺲ ﻟﺤﻤﺪ ﻟﻠﻪ ﺍﺑﺪ ﻣﺎﺍﺧﺬﺕ ﻣﻦ ﺍﻃﺒﺎﻋﻬﻢ ﺑﻘﻴﺖ ﻣﺤﺎﻓﻀﺔ ﻋﻠﺔ ﺣﺠﺎﺑﻲ ﻫﻨﺔ ﻳﻠﺒﺴﻦ ﺣﺠﺎﺏ ﺑﺲ ﺷﻌﺮﻫﻦ ﻧﺼﺔ ﻃﺎﻟﻊ ﻭﻳﻠﺒﺴﻦ ﺗﻨﺎﻧﻴﺮ ﻗﺼﻴﺮﺓ ﻭﺑﻨﺎﻃﻴﺮ ﺿﻴﻘﺔ ﻳﻌﻨﻲ ﻟﺤﺠﺎﺏ ﻋﺪﻫﻦ ﻣﺠﺮﺩ ﺷﻜﻞ ﻻ ﺍﻛﺜﺮ ﻭﻻ ﺍﻗﻞ
ﺧﻠﺼﺖ ﻧﺺ ﻟﻤﻮﺍﻋﻴﻦ ﻭﻟﺴﺎﻋﺔ ﺑﻞ 2 ﻭﻧﺺ ﺷﻠﻮﻥ ﻳﺮﺑﻲ ﺷﻴﺨﻠﺼﻬﻦ ﺍﻟﻲ
ﻃﻠﻌﺖ ﻝﻻﺳﺘﻘﺒﺎﻝ ﺻﺤﺖ ﻋﻠﺔ ﺯﻫﺮﺍﺀ ﺑﺖ ﺟﻤﻴﻠﺔ ﻛﺮﺍﻳﺐ ﺍﻣﻲ ﻛﺘﻠﻬﺔ
ﻓﺪﻭﺓ ﺯﻫﻮﺭﺓ ﻟﻤﻄﺒﺦ ﺻﺎﻳﺮ ﻫﻮﺳﺔ ﻛﻠﺶ ﻭﺍﻧﻲ ﻟﻮﺣﺪﻱ ﻭﺧﺎﻑ ﻣﺎﻟﺤﻚ ﺍﻛﻤﻠﺔ ﻗﺒﻞ ﻝ 3 ﺏﻻ ﺯﺣﻤﺔ ﻋﻠﻴﺞ ﺑﺲ ﻛﻨﺴﻲ ﻻﺳﺘﻘﺒﺎﻝ ﻭﻋﺰﻟﻲ
ﺣﺒﻴﺒﺘﻲ ﻟﻴﻠﻮ ﺗﺪﻟﻠﻲ ﺑﺲ ﺍﻧﻮﻡ ﺍﺑﻨﻲ ﺩﻗﺎﻳﻖ ﻭﺍﺟﻲ
ﺑﻌﺪﻧﺔ ﻧﺤﺠﻲ ﺍﺟﺔ ﻭﻟﻴﺪ ﻭﻛﻒ ﺑﺼﻔﻨﺔ ﻭﺷﺎﺭﻛﻨﺔ ﻟﺤﺪﻳﺚ
ﻭﻟﻴﺪ : ﺯﻫﺮﺍﺀ ﺍﻧﺘﻲ ﺳﻮﻱ ﻻﺳﺘﻘﺒﺎﻝ ﻭﺍﻧﻲ ﻭﻟﻴﻠﻰ ﻧﻜﻤﻞ ﻟﻤﻄﺒﺦ ﺑﺴﺎﻉ ﻻﻥ ﻣﺎﺑﻘﺔ ﻭﻛﺖ ﻫﺴﺔ ﺍﻣﻲ ﺗﺴﻮﻳﻠﻬﺔ ﻣﺸﻜﻠﺔ ﻫﻴﺔ ﺗﺮﻳﺪﻟﻬﺔ ﺣﺠﺔ ﻋﻠﺔ ﻟﻴﻠﻰ
ﺍﻧﻲ ﻭﺯﻫﺮﺍﺀ ﻭﺣﺪﺓ ﺗﺒﺎﻭﻉ ﻋﻠﺜﺎﻧﻴﺔ
ﻳﻠﻠﻪ ﻟﺘﺼﻔﻨﻦ ﻣﺎﺿﻞ ﻭﻛﺖ
ﻃﺒﻴﻨﺔ ﻟﻠﻤﻄﺒﺦ ﺍﻧﻲ ﺍﺟﻠﻒ ﻭﻫﻮﺓ ﻳﺸﻄﻒ ﺳﻮﺍﻟﻲ ﻭﺍﻫﺲ ﺑﺴﺎﻉ ﻳﺸﺘﻐﻞ ﺧﻠﺼﻨﺔ ﻟﻤﻮﺍﻋﻴﻦ ﻭﺭﺣﺖ ﺍﻧﻲ ﺍﻣﺴﺢ ﻟﻜﺎﻭﻧﺘﺮ ﻭﻟﻄﺒﺎﺥ ﻭﻫﻮﺓ ﻟﺰﻡ ﻣﻜﻨﺎﺳﺔ ﻭﻳﻜﻨﺲ ﺑﻠﻜﺎﻉ ﺧﺮﺑﺖ ﺿﺤﻚ ﻣﻦ ﺷﻔﺘﺔ
ﻫﻬﻬﻬﻬﻬﻬﻪ ﻭﻟﻴﺪ ﺷﺘﺴﻮﻱ
ﻭﻭﺟﻊ ﻟﻴﺶ ﺗﻀﺤﻜﻴﻦ ﻓﻮﻙ ﻣﺎ ﺍﺳﺎﻋﺪﺝ
ﻻ ﺧﻠﺺ ﺑﻌﺪ ﻣﺎﺍﺣﺠﻲ ﻭﺍﻟﻠﻪ
ﺍﺑﺎﻭﻉ ﻋﻠﻲ ﻭﻫﻮﺓ ﻳﻜﻨﺲ ﺧﺮﺑﺎﻧﺔ ﺿﺤﻚ ﻣﻌﻘﻮﻟﺔ ﻫﺎﺫ ﻭﻟﻴﺪ ﺳﺒﺤﺎﻥ ﻣﻐﻴﺮ ﻻﺣﻮﺍﻝ ﺻﺪﻙ ﻟﺸﻴﺦ ﻭﻭﻟﺪﺓ ﻃﻠﻌﻮﻟﺔ ﻛﻠﺐ
ﻛﻤﻠﻨﺔ ﻛﻠﺸﻲ ﻭﻭﻟﻴﺪ ﺭﻛﺾ ﻟﻠﺤﻤﺎﻡ ﻳﺴﺒﺢ ﻃﺒﻌﺎ ﻫﻤﺔ ﻋﺪﻫﻢ ﻋﺎﺩﻱ ﻳﺤﻀﺮﻭﻥ ﺍﻋﺮﺍﺱ ﺧﻮﺍﺗﻬﻢ ﻭﻟﻌﻘﺪ
ﻣﺎﻣﺎ ﺍﻟﻠﻪ ﻳﺮﺣﻤﻬﺔ ﺟﺎﻧﺖ ﺗﻜﻮﻝ ﻋﻴﺐ ﻭﺣﺘﺔ ﺧﺎﻟﺘﻲ ﻫﻢ ﺗﺤﺠﻲ ﻋﻠﻴﻬﻢ ﺑﺲ ﻫﻤﺔ ﻫﺎﺫ ﻃﺒﻌﻬﻢ
ﺭﺣﺖ ﻝﻻﺳﺘﻘﺒﺎﻝ ﻟﻜﻴﺖ ﺯﻫﺮﺍﺀ ﺧﻄﻴﺔ ﻣﺴﻮﻳﺘﺔ ﻳﻠﻤﻊ ﻭﺭﺍﻳﺤﺔ ﺗﺒﺪﻝ ﻓﻮﻙ
ﻃﺒﻴﺖ ﻟﻠﻤﻄﺒﺦ ﺭﺩﺕ ﺍﻟﺒﺲ ﻣﻦ ﻟﻢﻻﺑﺲ ﺍﻟﻲ ﺟﺎﺑﻬﻦ ﺍﻟﻲ ﺳﻴﻒ ﺑﺲ ﺗﺮﺩﺩﺕ ﻭﺍﺳﺘﺤﻲ ﻳﺸﻮﻓﻨﻲ ﻻﺑﺴﺘﻬﻦ ﺍﺳﺘﺜﻜﻠﻬﺔ
ﻧﺪﻛﺖ ﻟﺒﺎﺏ ﻭﻃﺒﺖ ﺳﻜﻴﻨﺔ ﻭﺍﺑﻦ ﺧﺎﻟﺘﻬﺔ ﻭﺧﺎﻟﺘﻬﺔ ﺭﺍﺣﻮ ﺟﺎﺑﻮﻫﺔ ﻃﺒﺒﻮﻫﺔ ﻝﻻﺳﺘﻘﺒﺎﻝ ﻭﻧﺰﻟﻦ ﻛﺮﺍﻳﺒﻬﻢ ﻳﻬﻠﻬﻦ ﻭﺑﺪﺕ ﻟﻌﺎﻟﻢ ﺗﺠﻲ ﻧﺴﻮﺍﻥ ﻭﺯﻟﻢ ﻻﺳﺘﻘﺒﺎﻝ ﻣﺴﺎﺣﺘﺔ ﺟﺒﻴﺮﺓ 35 ﻣﺘﺮ ﻭﻓﺘﺤﻮ ﻋﻠﺼﺎﻟﺔ ﻭﻭﻟﻴﺪ ﺟﺎﻳﺐ ﺍﺭﺑﻊ ﺳﻤﺎﻋﺎﺕ ﻛﺒﺎﺭ ﻭﺷﻐﻠﻮ ﺍﻏﺎﻧﻲ ﻭﻳﻦ ﻣﺎﺭﻭﺡ ﺍﻟﻜﺔ ﻛﻞ ﺛﻨﻴﻦ ﻳﺮﻛﺼﻮﻥ ﺳﻮﺓ ﺑﻨﺎﺕ ﻭﻭﻟﺪ ﻟﺒﻴﺖ ﺑﺜﻮﺍﻧﻲ ﻧﻜﻠﺐ ﺍﻟﻰ ﻣﻠﻬﺎ ﺍﻟﺒﺲ ﻛﻠﺔ ﺻﻠﻮﺥ ﻭﻗﺼﻴﺮ ﻭﻟﺸﻌﺮ ﻣﻔﺘﻮﺡ ﻭﻣﺘﻤﻴﺰﻭﻥ ﻣﻨﻴﺔ ﻟﻌﺮﻭﺱ ﺑﻜﺪ ﻣﺎﺧﺎﻻﺕ ﻣﻜﻴﺎﺝ
ﻃﻠﻌﺖ ﻟﻜﻴﻚ ﻭﻟﻌﺼﻴﺮ ﻣﻦ ﻟﺚﻻﺟﺔ ﻭﺑﺪﻳﺖ ﺍﺧﻠﻲ ﺑﻠﺼﻮﺍﻧﻲ ﻭﺍﺭﺗﺒﺔ ﺣﺘﺔ ﻣﻦ ﺗﻜﻠﻲ ﻓﺎﻃﻤﺔ ﺍﺭﻭﺡ ﺍﻭﺩﻱ
ﺍﺟﻮ ﺍﻫﻞ ﺳﻴﻒ ﻭﻛﺮﺍﻳﺒﻬﻢ
ﺍﺟﺘﻨﻲ ﻓﺎﻃﻤﺔ
ﺑﺴﺎﻉ ﺟﻴﺒﻲ ﻟﻜﻴﻜﺔ
ﺻﻴﻨﻴﺔ ﻟﻤﻬﺮ ﺟﺎﺑﻮﻫﺔ ﺟﺎﻫﺰﺓ ﺑﺲ ﺷﻠﻮﻥ ﺍﻭﺩﻱ ﻟﻜﻴﻜﺔ ﻳﺮﺑﻲ ﺍﺳﺘﺤﻲ ﺍﻃﺐ ﺑﻬﺎﻱ ﺩﺷﺪﺍﺷﺘﻲ ﻭﺳﻴﻒ ﻭﻳﺎﻫﻢ ﻳﺒﻮﻭﻭ
ﺣﺘﺔ ﻣﺎﻛﻮ ﻭﻛﺖ ﺍﺑﺪﻝ
ﺭﻛﻀﺖ ﻋﺪﻟﺖ ﺷﺎﻟﻲ ﻭﻏﺴﻠﺖ ﻭﺟﻬﻲ ﺑﻠﺼﺎﺑﻮﻥ ﻭﺍﺧﺬﺕ ﻟﻜﻴﻜﺔ ﺑﺲ ﻣﻴﺘﺔ ﺧﺠﻞ ﻣﻦ ﻡﻻﺑﺴﻲ ﻋﺒﺎﻟﻚ ﺧﺪﺍﻣﺔ ﺑﻴﻨﺎﺗﻬﻢ ﻭﻫﻤﺔ ﻛﻠﻬﻢ ﻣﺒﺪﻟﻴﻦ ﻭﻛﻠﺔ ﻣﺎﺭﻛﺎﺕ ﺍﻟﺒﺲ
ﻃﺒﻴﺖ ﺧﻠﻴﺖ ﻟﻜﻴﻜﺔ ﻭﺭﺩﺕ ﺍﻃﻠﻊ ﺟﺮﺗﻨﻲ ﺍﻡ ﺳﻴﻒ ﺑﻮﺳﺘﻨﻲ
ﻫﺎ ﻟﻴﻠﻰ ﺷﻠﻮﻧﺞ ﺧﺎﻻﺗﻲ
ﻟﺤﻤﺪ ﻟﻠﻪ ﺑﺨﻴﺮ ﺍﻧﺘﻲ ﺷﻠﻮﻧﺞ
ﺣﻄﺖ ﺑﻴﺪﻱ ﻉﻻﻛﺔ ﻭﻛﻠﺘﻠﻲ ﺭﻭﺣﻲ ﻟﺒﺴﺒﻴﻬﻦ ﺑﺴﺎﻉ ﻭﺗﻌﺎﻱ
ﺧﺎﻟﺔ ﺍﻧﻲ ﻣﺸﻐﻮﻟﺔ ﻭﺭﺍﻱ ﻟﺘﻮﺯﻳﻊ ﻣﺎﻟﺤﻚ ﻫﺴﺔ ﻓﺎﻃﻤﺔ ﺗﺎﻛﻞ ﻛﻠﺒﻲ
ﻳﻠﻠﻪ ﺧﻠﺼﻲ ﻟﺒﻴﺪﺝ ﻭﺑﺪﻟﻲ ﺑﺴﺎﻉ
ﺭﺩﺕ ﺍﻃﻠﻊ ﺻﺎﺭ ﺑﻮﺟﻬﻲ ﺳﻴﻒ ﻃﺎﺏ ﻣﻦ ﻟﺼﺎﻟﺔ
ﻫﻠﻮ ﻟﻴﻠﻮ ﺷﻠﻮﻧﺞ
ﺯﻳﻨﺔ ﺯﻳﻨﺔ ﺑﺨﻴﺮ
ﻟﻴﺶ ﻣﻤﺒﺪﻟﺔ
ﻣﺎﻟﺤﻜﺖ
ﺍﻣﻲ ﻧﻄﺘﺞ ﻉﻻﻛﺔ
ﺍﻱ
ﺭﻭﺣﻲ ﻟﺒﺴﻲ ﻟﻢﻻﺑﺲ ﻟﺒﻴﻬﺔ ﺑﺴﺎﻉ
ﻣﺎﺍﻛﺪﺭ ﻣﺎﻛﻮ ﻭﻛﺖ ﻟﻌﺎﻟﻢ ﻛﻮﻭﻣﺔ ﻭﻻﺯﻡ ﺍﻭﺯﻉ ﻓﺎﻃﻤﺔ ﻣﺎﺗﺨﻠﻴﻨﻲ
ﺗﻌﺎﻱ
ﺟﺮﻧﻲ ﻣﻦ ﺍﻳﺪﻱ ﻃﺒﺒﻨﻲ ﻟﻠﻤﻄﺒﺦ
ﻭﻳﻦ ﻻﻛﻞ ﻛﻠﻴﻠﻲ ﺷﺎﺧﺬ
ﻫﺎﺫ ﻟﻜﻴﻚ ﻭﻫﺎﺫ ﻟﺸﺮﺑﺖ
ﺷﺎﻝ ﻟﺼﻴﻨﻴﺔ ﻭﻛﻠﻲ ﺭﻛﺾ ﺑﺪﻟﻲ ﻭﺗﻌﺎﻱ ﻋﻠﻤﺎ ﺍﻭﺯﻉ
ﻣﺎﺷﻲ
ﻃﻠﻌﺖ ﻣﻦ ﻟﻤﻄﺒﺦ ﻭﻃﺒﺖ ﻭﺭﺍﻱ ﺗﻘﻰ
ﻣﺸﻴﺖ ﺑﺲ ﻋﻴﻨﻲ ﻋﻠﻴﻬﺔ ﺍﺿﻮﻭﺝ ﺣﻴﻞ ﻣﻦ ﺍﺷﻮﻓﻬﺔ ﺗﺠﻲ ﻳﻢ ﺳﻴﻒ ﻋﺎﻓﺖ ﻛﻞ ﻟﻮﻟﺪ ﻭﺣﻄﺖ ﻋﻴﻨﻬﺔ ﻋﻠﻲ ﺍﻭﻭﻭﻑ ﻳﺤﻀﻲ
ﻃﺒﻴﺖ ﻟﻠﺤﻤﺎﻡ ﻃﻠﻌﺖ ﻟﻢﻻﺑﺲ
ﺛﻮﺏ ﺗﺮﻛﻮﺍﺯﺑﻲ ﺷﻴﻔﻮﻥ ﻃﻮﻳﺎ ﻭﺭﺩﺍﻥ ﻃﻮﻳﻠﺔ ﻣﺴﺘﻮﺭ ﺑﺲ ﻳﺨﺒﻞ ﻭﻗﻤﺎﺷﺔ ﺫﺍﺏ ﺭﻭﺣﺔ ﻭﺷﺎﻝ ﻟﻮﻥ ﺍﺑﻴﺾ ﻭﺑﻲ ﻭﺭﺩ ﺗﺮﻛﻮﺍﺯﻱ ﻧﺎﻋﻢ ﻭﺣﺬﺍﺀ ﺑﻴﻀﺔ ﻑﻻﺕ ﻭﺑﻴﻬﺔ ﺷﺬﺭ ﺗﺨﺒﻞ ﻣﺎﻝ ﺍﻣﻴﺮﺍﺕ ﻟﺒﺴﺘﻬﻦ ﻋﻠﺔ ﻛﺪﻱ ﻓﻴﺖ ﺣﺘﺔ ﻟﺤﺬﺍﺀ ﻫﻢ ﻗﻴﺎﺳﻲ ﻃﻠﻌﺖ ﻟﻔﻴﺖ ﻟﺸﺎﻝ ﻋﻠﺔ ﻣﺮﺍﻳﺔ ﺍﻟﻤﻐﺴﻠﺔ ﺑﺎﻭﻋﺖ ﺍﻛﻮ ﻗﻠﻢ ﻛﺤﻠﺔ ﻣﺤﻄﻮﻁ ﻋﻠﻤﺮﺍﻳﺔ ﻭﻳﺔ ﻟﻔﺮﺝ ﻣﺎﻝ ﻻﺳﻨﺎﻥ ﺍﺧﺬﺗﺔ ﻭﺣﻄﻴﺖ ﻛﺤﻞ ﻃﻠﻌﻦ ﻋﻴﻮﻧﻲ ﺣﻠﻮﺍﺕ ﺣﻴﻴﻞ
ﺭﻛﻀﺖ ﻟﻠﻤﻄﺒﺦ ﺍﺭﻳﺪ ﺍﺷﻮﻑ ﺳﻴﻒ ﺷﺴﻮﺓ ﻃﺒﻴﺖ ﻟﻜﻴﺖ ﻟﺼﻮﺍﻧﻲ ﻓﺎﺭﻏﺎﺕ ﻛﻠﻬﻦ ﻭﻻﻛﻞ ﻛﻠﺔ ﻣﺎﻛﻮ
ﺭﺣﺖ ﻝﻻﺳﺘﻘﺒﺎﻝ ﺑﺲ ﺧﺞﻻﻧﺔ ﺣﻴﻴﻞ ﻭﻣﺘﺮﺩﺩﺓ
ﺷﺎﻓﺘﻨﻲ ﺍﻡ ﺳﻴﻒ ﺭﺃﺳﻦ ﺻﺎﺣﺘﻨﻲ ﻋﺮﻓﺘﻨﻲ ﻋﻠﺔ ﺑﻨﺎﺕ ﻛﺮﺍﻳﺒﻬﻢ ﻭﺿﻠﻴﺖ ﺍﺳﻮﻟﻒ ﻭﻳﺎﻫﻦ ﻭﻧﺤﺠﻲ ﻭﺗﻌﺮﻓﺖ ﻋﻠﻴﻬﻦ ﻟﻌﺮﺳﺎﻥ ﻟﺒﺴﻮ ﻟﺤﻠﻘﺎﺕ ﻭﻋﻠﻜﻮﻟﻬﻢ ﻣﺴﻴﻘﺔ ﺳﻠﻮ ﻭﺑﺪﻭ ﻳﺮﻛﺼﻮﻥ ﺟﺎﻱ ﻧﺴﻮﻟﻒ ﺍﻧﻲ ﻭﻟﺒﻨﺎﺕ ﻛﺮﺍﻳﺐ ﺍﻡ ﺳﻴﻒ
ﺍﺟﺔ ﺳﻴﻒ ﻭﻛﻒ ﺑﺼﻔﻲ ﻃﺒﻌﺎ ﻟﻀﻮﺓ ﻃﺎﻓﻲ ﻭﻋﺎﻟﻜﻴﻦ ﺍﺿﺎﺋﺔ ﻣﻠﻮﻧﺔ ﻣﻦ ﻫﺎﻱ ﻣﺎﻝ ﺩﻳﺴﻜﻮﻭ ﻭﻣﺤﺪ ﻳﺸﻮﻑ ﻟﺜﺎﻧﻲ
ﺗﺪﻧﺔ ﻋﻠﻴﺔ ﺣﻴﻴﻞ ﺑﺤﺠﺔ ﻣﺎﻛﻮ ﻣﻜﺎﻥ ﺟﺎﻥ ﻳﻜﻞ ﻻﻣﺔ
ﺍﻭﻝ ﻣﺮﺓ ﺍﺷﻮﻑ ﻟﻜﻤﺮ ﺑﻠﻜﺎﻉ ﺣﺘﺔ ﻟﻌﺮﻭﺱ ﻃﻠﻌﺘﻴﻬﺔ ﻛﺴﺮ ﺑﺎﻭﻋﺖ ﻋﻠﻲ ﺍﻣﺔ ﺟﺎﻥ ﺗﻜﻠﺔ ﺷﻌﺒﺎﻟﻚ ﻟﻌﺪ ﻟﺤﻠﻮ ﺣﻠﻮ ﻟﻮ ﻳﻜﻌﺪ ﻣﻦ ﻟﻨﻮﻡ
ﺍﻱ ﻭﺍﻟﻠﻪ ﺑﺲ ﺭﺣﻤﺔ ﻻﻫﻠﺞ ﻟﺘﺒﺎﻋﻴﻠﻲ ﺑﺬﻧﻲ ﻋﻴﻮﻧﺞ ﺗﺮﺓ ﺩﺧﺖ ﻭﺭﺍﺡ ﺍﻭﻛﻊ ﺑﻠﻜﺎﻉ ﻋﻴﻮﻧﺞ ﻟﻴﻜﻮﻝ ﺑﺰﻭﻧﺔ
ﻟﻌﺪ ﺷﻨﻮ ﻋﻴﻨﻲ ﻋﺒﺎﻟﻚ ﻳﺎﻫﻮ ﻟﺘﺠﻲ ﺗﺤﻂ ﻟﻜﺤﻠﺔ
ﺍﻣﺔ ﺗﺤﺠﻲ ﻭﻳﺎ ﻭﺗﻀﺤﻚ ﻋﻮﺩ ﻳﺴﻤﻌﻮﻧﻲ ﺣﺒﻴﺖ ﻉﻻﻗﺘﺔ ﺑﺄﻣﺔ ﻛﻠﺶ ﻭﺣﺴﺪﺗﺔ ﻋﻠﻴﻬﺔ ﻳﺎﺭﻳﺖ ﻟﻮ ﻋﻨﺪﻱ ﺍﻡ ﻣﺜﻠﻬﺔ
ﺗﺪﻧﺔ ﺳﻴﻒ ﻋﻠﻴﺔ ﺟﺎﻥ ﻳﻜﻠﻲ ﻛﻮﻟﺶ ﺣﻠﻮﺍﺕ ﻋﻠﻴﺞ ﻟﻢﻻﺑﺲ
ﻧﺪﺍﺭﻳﺖ ﻋﻠﻲ ﺍﺭﻳﺪ ﺍﻛﻠﺔ ﺷﻜﺮﺍ
ﺍﺟﺖ ﺗﻘﻰ ﺟﺮﺗﺔ
ﺗﻌﺎﻝ ﺳﻴﻮﻓﻲ ﺧﻞ ﻧﺮﻛﺺ
ﺟﺮﺗﺔ ﺣﻴﻴﻞ ﻃﺒﺒﺘﺔ ﺑﻠﻨﺺ
ﻫﻮﺍﻱ ﻭﺍﻛﻔﻴﻦ ﻳﺮﻛﺼﻮﻥ ﻫﻤﺔ ﻭﺯﻭﺟﺎﺗﻬﻢ ﺻﺎﺭﻭ ﺑﻨﺼﻬﻢ
ﻫﻮﺓ ﻋﻴﻨﺔ ﻋﻠﻴﺔ ﻭﺍﻧﻲ ﻣﺎﺩﺭﻱ ﺷﺼﺎﺭ ﺑﻴﺔ ﺍﺑﺎﻭﻉ ﻋﻠﺔ ﺗﻘﻰ ﻟﺤﻘﻴﺮﺓ ﺫﺍﺑﺔ ﺭﻭﺣﻬﺔ ﻋﻠﻲ ﻭﺗﺘﻤﻮﻉ ﻭﺗﺘﻤﺎﻳﻞ ﻟﻴﻜﻮﻝ ﺳﻤﺠﺔ ﻭﺍﻧﻲ ﺣﺘﺔ ﺩﻟﻊ ﻣﺎﺍﻋﺮﻑ ﺍﺗﺪﻟﻊ ﻭﺍﺗﻌﺎﻳﺮ ﻣﺜﻞ ﻟﺒﻨﺎﺕ
ﻭﺍﻛﻔﺔ ﻭﺍﺣﻤﺲ ﺑﺮﻭﺣﻲ ﺭﺩﺕ ﺍﻣﻮﺕ ﻭﻫﻮﺓ ﻋﻴﻨﺔ ﻋﻠﻴﺔ ﺣﺘﺔ ﻣﻦ ﻳﺘﺤﺮﻛﻮﻥ ﻭﻳﺼﻴﺮ ﺿﻬﺮﺓ ﻋﻠﻴﻨﺔ ﻳﻨﺪﺍﺭ ﺑﺴﺎﻉ ﻭﻳﻌﺎﻳﻨﻠﻲ ﺑﺲ ﺍﻧﻲ ﻣﺘﺖ ﻣﻦ ﻟﻘﻬﺮ ﺣﻴﻴﻞ ﺣﺴﻴﺖ ﺑﻐﻴﺮﺓ ﻋﻠﻲ ﺣﺴﻴﺘﺔ ﻣﻠﻜﻲ ﻭﺍﺭﻳﺪ ﺍﺭﻭﺡ ﺍﺟﺮﺓ ﻣﻦ ﺍﻳﺪﻫﺔ ﻭﺍﻛﻠﻠﻬﺔ ﻋﻮﻓﻲ ﺣﺘﺔ ﻫﺎﺫ ﻟﺤﻜﺘﻮﻧﻲ ﻋﻠﻲ ﻫﻮﺓ ﺍﻧﻲ ﺷﻌﻨﺪﻱ ﺑﻬﻠﺪﻧﻴﺔ ﻻ ﺍﻫﻞ ﻻﻋﺰﻭﺓ ﻻﺣﺒﻴﺐ
ﻭﻛﻔﺖ ﻻﻏﻨﻴﺔ ﻭﻋﺘﻠﻚ ﻟﻀﻮﺓ ﺻﻔﻜﻮ ﻭﻛﻠﻤﻦ ﺭﺍﺡ ﻛﻌﺪ ﺑﻤﻜﺎﻧﺔ ﺍﻧﻲ ﺭﻛﻀﺖ ﻟﻠﻤﻄﺒﺦ ﻻﻥ ﺧﻔﺖ ﻟﻬﻮﺳﺔ ﻭﺭﺍﺡ ﺗﺸﻮﻓﻨﻲ ﻓﺎﻃﻤﺔ ﻭﺗﺴﺘﻠﻤﻨﻲ ﺗﺤﻘﻴﻖ ﻭﺭﺯﺍﻳﻞ
ﻟﻴﺶ ﺳﻴﻒ ﻳﻮﺯﻉ ﻭﺍﻧﺘﻲ ﻭﻳﻦ ﺭﺣﺘﻲ ﻭﺫﻧﻲ ﻣﻨﻴﻠﺞ ﻟﻢﻻﺑﺲ ﻭﻟﻴﺶ ﻭﻭﻭﻭﻭ
ﻃﺒﻴﺖ ﻟﻠﻤﻄﺒﺦ ﺍﻋﺰﻝ ﺑﻠﻐﺮﺍﺽ
ﻃﺐ ﻳﻤﻲ ﻭﻟﻴﺪ
ﻫﺎ ﻟﻴﻠﻰ ﻭﻳﻦ ﺟﻨﺘﻲ
ﻫﻨﺎ
ﺗﻘﺮﺏ ﻋﻠﻴﻰ ﺣﻴﻴﻞ
ﻟﺰﻣﻨﻲ ﻣﻦ ﺛﻮﺑﻲ ﻟﺘﺠﺬﺑﻴﻦ ﻭﻟﺞ ﻋﺒﻠﺞ ﻣﺎﺷﻔﺘﺔ ﺷﻠﻮﻥ ﻳﺘﺪﺣﺲ ﺑﻴﺞ ﻭﻋﻴﻨﺔ ﻋﻠﻴﺞ
ﻣﻨﻮﺓ ﺷﺒﻴﻚ ﻭﻟﻴﺪ
ﺑﺎﻭﻉ ﻋﻠﺔ ﻫﺪﻭﻣﻲ ﺟﺎﻥ ﻳﻜﻠﻲ ﺫﻧﻲ ﻣﻨﻴﻠﺞ
ﺍﻡ ﺳﺒﻒ ﺟﺎﺑﺘﻬﻦ ﺍﻟﻲ
ﻟﺰﻣﻨﻲ ﻣﻦ ﻓﻜﻲ ﺣﻴﻴﻞ ﻭﻋﺼﺮ ﻭﺟﻬﻲ
ﻻﺗﺠﺬﺑﻴﻦ ﻋﻠﻴﺔ ﻭﻟﺞ ﻟﻚﻻﺩﺓ ﺍﻟﻲ ﻧﻄﻴﺘﺘﺔ ﺍﻟﺞ ﺷﺎﻣﺮﺗﻬﺔ ﺑﻠﻜﺎﻭﻧﺘﺮ ﺗﻠﻌﺐ ﺭﻭﺣﺞ ﺗﻠﺒﺴﻴﻬﺔ ﻭﻟﻬﺪﻭﻡ ﺍﻟﻲ ﻳﺠﻴﺒﻬﻦ ﺍﻟﺞ ﺍﺳﺘﺎﺫ ﺳﻴﻮﻓﻲ ﺗﺮﻛﻀﻴﻦ ﺗﻠﺒﺴﻴﻬﻦ ﺑﻴﻬﻦ ﻣﻦ ﺭﻳﺤﺔ ﻟﻐﺎﻟﻲ ﻣﻮﻭ
ﻭﺍﻟﻠﻪ ﺍﻣﺔ ﻧﻄﺘﻬﻦ ﺍﻟﻴﺔ ﺷﺒﻴﻚ ﻭﻟﻴﺪ ﺍﻧﻲ ﺷﻌﻨﺪﻱ ﻭﻳﺔ ﺳﻴﻒ ﺗﺪﺭﻱ ﺑﻴﺔ ﺻﺎﻳﻤﺔ ﻭﻣﺼﻠﻴﺔ ﻭﻣﺎﺣﺐ ﺳﻮﺍﻟﻒ ﻟﺤﺐ ﻭﻟﻐﺮﺍﻣﻴﺎﺕ ﻟﻴﺶ ﻫﻴﺞ ﺗﺤﺠﻲ
ﻣﺎﺷﻲ ﻟﻴﻠﻰ ﺭﺍﺡ ﺍﺳﻮﻱ ﺭﻭﺣﻲ ﻏﺸﻴﻢ ﻭﺍﺻﺪﻛﺞ ﺑﺲ ﻭﺣﻖ ﺭﺑﺞ ﺍﺫﺍ ﻋﺮﻓﺖ ﺑﻴﻨﺞ ﻭﺑﻴﻦ ﺳﻴﻒ ﺍﻛﻮ ﺷﻲ ﻣﻨﻴﺘﺞ ﻋﻠﺔ ﺍﺩﻳﺔ ﺗﺼﻴﺮ
ﻃﻠﻊ ﻭﺥﻻﻧﻲ ﺍﺕﻻﻃﻢ
ﺍﻭﻭﻭﻑ ﻳﺮﺑﻲ ﻋﻮﺩ ﻛﻠﺖ ﺗﻐﻴﺮ ﻭﺻﺎﺭ ﺯﻳﻦ
ﻫﻮﺓ ﺍﻧﻲ ﻫﻢ ﺻﻮﺟﻲ ﻭﻳﻨﻲ ﻭﻭﻳﻦ ﻟﺤﺐ ﺍﻧﻲ ﻫﻮﺓ ﺍﻧﻲ ﻋﻴﺸﺔ ﻣﺜﻞ ﻟﺒﺸﺮ ﻣﺎﻋﺎﻳﺸﺔ ﻫﺪﻭﺭ ﺍﺣﺐ ﻭﺍﺗﻤﻌﺸﻚ
ﻃﺒﺖ ﺗﻘﻰ ﺑﻴﺪﻫﺔ ﻙﻻﺹ ﻋﺼﻴﺮ ﻭﺗﻄﻜﻄﻚ ﺑﻜﻌﺒﻬﺔ ﻭﺗﺘﻤﻮﻉ
ﻫﺎﻭﻟﺞ ﺷﻜﻮ ﺗﺘﺪﺣﺴﻴﻦ ﺑﺴﻴﻒ
ﺷﻨﻮﻭ
ﻟﺘﻐﺸﻤﻴﻦ ﺭﻭﺣﺞ ﺍﺩﺭﻱ ﺑﻴﺞ ﻣﻄﻲ ﺑﺲ ﻣﻮﻣﻌﻨﺎﻫﺔ ﺍﻋﺒﺮﻫﺔ ﺍﻟﺞ ﺗﺮﺓ ﺷﻔﺘﺔ ﺷﻠﻮﻥ ﻳﻬﻤﺲ ﺑﺄﺫﻧﺞ ﻭﻭﺍﻛﻒ ﻳﻤﺞ
ﺍﻧﺘﻲ ﻛﻠﺘﻴﻬﺔ ﻭﺍﻛﻒ ﻳﻤﻲ ﻳﻌﻨﻲ ﺍﻧﻲ ﻻﺗﺪﺣﺴﺖ ﺑﻲ ﻭﻻ ﺭﻛﻀﺖ ﻭﺭﺍ
ﺑﺎﻭﻋﺘﻠﻲ ﺟﺎﻥ ﺗﻌﻮﺝ ﺣﻠﻜﻬﺔ ﻭﺗﻜﻠﻲ
ﻭﺍﻟﻠﻪ ﻃﺎﻟﻌﻠﺞ ﻟﺴﺎﻥ ﺑﺖ ﻟﻜﺎﻭﻟﻲ ﺑﻴﻤﻦ ﻣﺴﺘﻘﻮﻳﺔ ﺣﻀﺮﺗﺞ ﺑﺴﻴﻒ
ﻋﺒﺎﻟﺞ ﻟﻴﻮﻡ ﺣﻤﺎﺝ ﻣﻦ ﺍﺩﻳﻨﺔ ﻣﻌﻨﺎﻫﺔ ﺭﺍﺡ ﻧﻌﻮﻓﺞ ﺩﺧﻞ ﺗﺨﻠﺺ ﻟﺤﻔﻠﺔ ﺍﻟﺔ ﺍﻃﻠﻊ ﻟﻘﻀﻰ ﻭﻟﻤﻀﻰ ﻛﻠﺔ ﺑﻴﺞ ﺧﺎﻟﺘﻲ ﻭﻟﺒﻨﻰ ﻭﺳﻜﻴﻨﺔ ﻣﺘﺤﻠﻔﺎﺕ ﺑﻴﺞ ﻭﺍﻧﻲ ﻫﻢ ﺍﺭﻳﺪ ﺍﻃﻠﻊ ﺿﻴﻢ ﻛﻠﺒﻲ ﺑﻴﺞ
ﻋﺎﻓﺘﻨﻲ ﻭﻃﻠﻌﺖ
ﺑﻌﺪ ﻣﻨﻮ ﻣﺎﺍﺟﺔ ﻫﺪﺩﻧﻲ ﻭﻃﻠﻊ ﻟﻴﻮﻡ ﻣﻦ ﻋﻴﻨﻲ
ﺩﺧﻴﻞ ﺍﺳﻤﻚ ﻳﺮﺑﻲ ﺍﻟﻴﻮﻡ ﻣﺘﻔﻘﻴﻦ ﻋﻠﻴﺔ ﻭﻳﻦ ﺍﻧﻄﻲ ﻭﺟﻬﻲ ﺍﻟﻬﻲ ﺑﺎﻭﻋﻠﻲ ﻛﺎﻓﻲ ﻏﺎﻓﻞ ﻋﻨﻲ ﺗﻌﺒﺖ ﺭﺑﻲ ﺗﻌﺒﺖ
ﺷﺴﻮﻱ ﺍﻟﻬﻲ ﺍﻧﺘﺔ ﻣﻮﺗﻜﻮﻝ ﺍﻧﻲ ﻗﺮﻳﺐ ﺍﺳﺘﺠﻴﺐ ﺩﻋﻮﺓ ﺍﻟﺪﺍﻋﻲ
ﻳﺮﺑﻲ ﺳﻨﻴﻦ ﺻﺎﺭﻟﻲ ﺍﺩﻋﻴﻠﻚ ﺣﺘﺔ ﺣﻠﻜﻲ ﺗﻌﺐ ﻣﻦ ﻟﺪﻋﺎﺀ ﺷﻮﻛﺖ ﺗﺴﺘﺠﺎﺏ ﺍﻟﻴﺔ ﺍﻧﻲ ﻣﺎﻳﺌﺴﺖ ﻣﻦ ﺭﺣﻤﺘﻚ
ﻻ ﺣﺎﺷﺎ ﻟﻠﻪ
ﺑﺲ ﺗﻌﺒﺖ ﺍﻟﻬﻲ ﺑﻌﺪ ﻣﺎﺑﻴﺔ ﺣﺘﺔ ﻟﺼﺒﺮ ﻣﻞ ﻣﻨﻲ
ﺭﺣﺖ ﻟﻠﺤﻤﺎﻡ ﻟﺒﺴﺖ ﺩﺷﺪﺍﺷﺘﻲ ﻭﺭﺟﻌﺖ ﺍﻧﻘﻞ ﺍﻟﻤﻮﺍﻋﻴﻦ ﻭﺍﻏﺴﻞ ﺑﻴﻬﻦ
ﺍﺟﺘﻨﻲ ﺍﻡ ﺳﺒﻒ
ﻫﺎ ﺧﺎﻻﺗﻲ ﻟﻴﺶ ﺑﺪﻟﺘﻲ ﺣﻠﻮﺍﺕ ﻋﻠﻴﺞ ﺍﻟﻬﺪﻭﻡ
ﺍﺭﻳﺪ ﺍﻧﻀﻒ ﻭﺧﺎﻑ ﻳﺘﻮﺻﺨﻦ
ﺧﺎﻟﺔ ﻻﺗﻀﻮﺟﻴﻦ ﺗﺮﺓ ﺳﻴﻒ ﻣﺎﻋﻨﺪﺓ ﺷﻲ ﻭﻳﺔ ﻫﺎﻱ ﺗﻘﻰ ﺑﺲ ﻫﻴﺔ ﻻﺯﻛﺘﻠﺔ ﻭﺩﺍﻋﺘﺞ
ﻻ ﺧﺎﻟﺔ ﻣﺎﺿﻮﺝ ﺍﻧﻲ ﺷﻌﻠﻴﺔ ﺑﻲ ﺣﻴﺎﺗﺔ ﻭﻫﻮﺓ ﺣﺮ ﺑﻴﻬﺔ
ﻳﻠﻠﺔ ﻧﻄﻴﻨﻲ ﺑﻮﺳﺔ ﺍﺣﻨﺔ ﺭﺍﺡ ﻧﺮﻭﺡ
ﺑﺎﺳﺘﻨﻲ ﻭﻃﻠﻌﺖ
ﺑﺪﻭ ﻟﻨﺎﺱ ﻳﻄﻠﻌﻮﻥ ﻭﺑﺪﺓ ﻛﻠﺒﻲ ﻳﺪﻙ ﻋﻠﺴﺮﻳﻊ ﻭﺟﺴﻤﻲ ﻛﻠﺔ ﻳﺮﺟﻒ ﻣﻦ ﻟﺨﻮﻑ
ﻟﺒﺎﺭﺣﺔ ﺍﻛﻠﺖ ﻛﺘﻠﺔ ﻣﻦ ﻓﺎﻃﻤﺔ ﻭﻟﻴﻮﻡ ﻟﺼﺒﺢ ﻫﻢ
ﻭﻫﺴﺔ ﻛﻠﻬﻢ ﻣﺘﺨﻠﻔﻴﻠﻲ ﺍﻟﻠﻪ ﻭﺣﺪﺓ ﻳﻌﻠﻢ ﻟﻴﻮﻡ ﺷﺮﺍﺡ ﻳﺠﺮﺍﻟﻲ
ﻋﻠﻤﺎ ﺧﻠﺼﺖ ﺍﻟﻤﻮﺍﻋﻴﻦ ﺭﺍﺣﻮ ﻟﻨﺎﺱ ﻛﻠﻬﻢ ﻭﺑﻘﺔ ﺑﺲ ﻋﻤﺎﺭ ﻳﻢ ﺳﻜﻴﻨﺔ ﻃﺒﻮ ﻟﻐﺮﻓﺘﻬﺔ
ﻛﻤﻠﺖ ﻛﻠﺸﻲ ﻭﻛﻌﺪﺕ ﺑﻠﻜﺎﻉ ﺭﺟﻠﻲ ﺗﺤﺮﻛﻨﻲ ﺣﻴﻴﻞ ﻓﺘﺤﺘﻬﺔ ﻟﻜﻴﺘﻬﺔ ﺟﺎﻱ ﺗﻨﺰﻑ
ﻛﻤﺖ ﺍﺭﻳﺪ ﺍﺟﻴﺐ ﺩﻳﺘﻮﻝ ﺍﻋﻘﻤﻬﺔ ﺟﺎﻥ 😱
..... 
ﻳﺘﺒﻊ

روايات - Novels

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

1 التعليقات:

إضغط هنا لـ التعليقات
غير معرف
المدير
8 سبتمبر 2018 في 7:29 م ×

يمت تنزلون عفيه ��

شكرا لتعليقكغير معرف على هذا الموضوع
رد
avatar

تحويل كودإخفاء محول الأكواد الإبتساماتإخفاء

:)
:(
=(
^_^
:D
=D
=)D
|o|
@@,
;)
:-bd
:-d
:p
:ng
:lv
شكرا لك ولمرورك
الاشتراك في: تعليقات الرسالة (Atom)