رواية انقذني ايها الغريب ج1 الجزء العاشر
للكاتبة حنين حاتم
♦️♦️
ﻓﺘﺤﺖ ﻟﺒﺎﺏ ﻭﻃﺒﻴﺖ
ﺟﺎﻥ ﺍﺷﻮﻑ 😲😱
ﺳﻜﻴﻨﺔ ﻛﺎﻋﺪﺓ ﻛﺒﺎﻝ ﺍﻟﺤﺎﺳﺒﺔ ﻭﺑﻢﻻﺑﺴﻬﺔ ﺍﻟﺪﺍﺧﻠﻴﺔ ﻭﺗﺤﺠﻲ ﻭﻳﺔ ﻭﻟﺪ ﺿﻬﺮﻫﺔ ﺻﺎﻳﺮ ﻋﻠﻴﺔ ﻭﺍﻟﻮﻟﺪ ﺷﻔﺖ ﺷﻜﻠﺔ ﻧﻔﺴﺔ ﺍﻟﻲ ﺍﺟﺎﻟﻬﺔ ﺑﻠﺒﺎﺏ ﺫﻳﺞ ﺍﻟﻤﺮﺓ
ﺍﻫﻠﻬﺔ ﻻﺯﻡ ﻳﻌﺮﻓﻮﻥ ﻛﻠﺸﻲ ﺍﻛﻠﻠﻬﻢ ﻭﺷﻴﺮﻳﺪ ﻳﺼﻴﺮ ﺧﻞ ﻳﺼﻴﺮ ﺍﺣﺴﻦ ﻣﺎﺗﺴﻮﻱ ﺍﻛﺜﺮ ﻣﻦ ﻫﻴﺞ
ﺭﻛﻀﺖ ﻟﻴﺠﻮﺓ ﺳﻮﻳﺖ ﻟﺪﺭﺝ ﺷﺒﺨﺘﻴﻦ
ﺩﻛﻴﺖ ﻟﺒﺎﺏ ﻃﻠﻌﻠﺘﻠﻲ ﻓﺎﻃﻤﺔ
ﻫﺎ ﻭﻟﺞ ﺷﻜﻮ ﺗﺪﻛﻴﻦ ﻟﺒﺎﺏ
ﻋﻤﺔ ﺗﻌﺎﻱ ﻭﻳﺎﻱ ﺑﺴﺮﻋﺔ ﻣﺼﻴﺒﺔ
ﻫﻮﺓ ﺍﻧﺘﻲ ﺷﻴﺠﻲ ﻣﻦ ﻭﺭﺍﺝ ﻏﻴﺮ ﺍﻟﻤﺼﺎﻳﺐ ﺑﺖ ﺍﻟﺴﻜﻴﺮ
ﻋﻤﺔ ﻣﻮﻭﻛﺖ ﻫﺎﺫ ﻟﺤﺠﻲ ﺗﻌﺎﻱ ﺑﺴﺎﻉ
ﺻﻌﺪﺕ ﻭﻳﺎﻱ ﻛﻮﺓ ﺗﺼﻌﺪ ﺍﻟﺪﺭﺝ ﻣﻔﺎﺻﻠﻬﺔ ﻣﺘﻜﺪﺭ
ﻭﺻﻠﻨﺔ ﻟﻠﻐﺮﻓﺔ ﺩﻓﻌﺖ ﻟﺒﺎﺏ
ﻳﺎﺍﺍﺍﺍ 😱
ﻛﻠﺸﻲ ﻣﺎﻛﻮ ﺳﻜﻴﻨﺔ ﻻﺑﺴﺔ ﻡﻻﺑﺴﻬﺔ ﻭﻣﺘﻤﺪﺓﺓ ﻋﻠﺠﺮﺑﺎﻳﺔ ﻭﺑﻴﺪﻫﺔ ﻛﺘﺎﺏ ﻭﺗﻘﺮﺓ
ﻧﺪﺍﺭﺕ ﻋﻠﻴﺔ ﻓﺎﻃﻤﺔ ﺟﺎﻥ ﺗﻜﻠﻲ ﻫﺎ ﻭﻳﻨﻬﺔ ﺍﻟﻤﺼﻴﺒﺔ
ﺿﻠﻴﺖ ﺟﺎﻣﺪﺓ ﺑﻤﻜﺎﻧﻲ ﻻﺍﺧﺬ ﻭﻻﺍﻧﻄﻲ
ﺿﺮﺑﺘﻨﻲ ﻓﺎﻃﻤﺔ ﺭﺍﺷﺪﻱ ﻭﻛﻠﺘﻠﻲ ﻣﺮﺓ ﺛﺎﻧﻴﺔ ﻻﺗﺠﺬﺑﻴﻦ ﻭﻧﺰﻟﺖ
ﺍﺟﻴﺖ ﺍﺭﻳﺪ ﺍﻧﺰﻝ ﻭﺭﺍﻫﺔ ﺟﺮﺗﻨﻲ ﺳﻜﻴﻨﺔ ﻣﻦ ﺷﻌﺮﻱ ﺣﻴﻴﻞ ﻃﺒﺒﺘﻨﻲ ﻟﻠﻐﺮﻓﺔ
ﺍﻭﻭﻭﻱ ﻫﺪﻱ ﺷﻌﺮﻱ ﺷﺒﻴﺞ
ﺑﺖ ﺍﻝ ..... ﺓ ﺟﺎﻳﺒﺔ ﺍﻣﻲ ﺗﺮﺩﻳﻦ ﺗﺮﺍﻭﻳﻬﺔ ﻣﻮﻭﻟﺞ ﻋﺒﺎﻟﺞ ﻣﺎﺷﻔﺘﺞ ﻣﻦ ﻃﺒﻴﺘﻲ
ﺷﻔﺘﺞ ﺑﺸﺎﺷﺔ ﻟﺤﺎﺳﺒﺔ ﻣﻮﻏﺸﻴﻤﺔ ﺍﻧﻲ
ﻻﺯﻣﺘﻨﻲ ﻣﻦ ﺷﻌﺮﻱ ﻭﺗﺤﺠﻲ ﻭﻳﺎﻱ
ﻫﺎﺫ ﺍﺧﺮ ﻧﺬﺍﺭ ﺍﻟﺞ ﺍﺫﺍ ﺑﻌﺪ ﺗﺪﺧﻠﺘﻲ ﺑﻴﺔ ﻭﺍﻟﻠﻪ ﻟﻌﻀﻴﻢ ﺍﺳﻮﻱ ﺑﻴﺞ ﺍﻟﻲ ﻣﺎﺻﺎﻳﺮ ﻭﺍﺧﻠﻴﺞ ﻋﻠﺞ ﺑﺤﻠﻚ ﺍﻟﻌﺎﻟﻢ ﻭﺍﺭﺍﻭﻳﺞ ﺳﻜﻴﻨﺔ ﻣﻨﻮ
ﻭﻟﻲ ﻣﻦ ﻭﺟﻬﻲ ﻳﻠﻠﻪ ﻛﺒﺮ ﻟﻬﻠﻮﺟﻪ ﺟﻨﺞ ﺻﺨﻠﺔ
ﻧﺰﻟﺖ ﺟﻮﺓ ﻛﻮﺓ ﺍﻣﺸﻲ ﻣﻦ ﻟﺼﺪﻣﺔ ﻭﺍﻟﻠﻪ ﻳﺎﺳﻜﻴﻨﺔ ﺯﻟﻢ ﻣﻴﻜﺪﺭﻭﻟﻬﺔ ﻭﺍﻧﻲ ﻣﻜﻴﻔﺔ ﻋﻮﺩ ﻛﺸﻔﺘﻬﺔ ﺍﻭﻭﻑ ﺭﺑﻲ ﻋﻘﻠﻬﺔ ﺑﺠﺎﻫﻚ ﻣﻮﻟﺴﻮﺍﺩ ﻋﻴﻮﻧﻬﺔ ﺑﺲ ﻋﻤﻲ ﺧﻄﻴﺔ ﻛﺎﻓﻲ ﻋﻠﻲ ﻣﺼﺎﻳﺐ ﻭﻟﻴﺪ
ﻧﺰﻟﺖ ﺟﻮﺓ ﻃﻠﻌﺖ ﻟﺤﻢ ﻭﻃﻤﺎﻃﺔ ﻭﻛﻌﺪﺕ ﺍﺳﻮﻱ ﻋﺸﺔ ﻛﻤﻠﺖ ﻭﻭﺩﻳﺖ ﻟﺼﻴﻨﻴﺔ ﻭﻛﻌﺪﺕ ﺍﺗﺎﻧﻴﻬﺔ ﺗﺮﺟﻊ ﺣﺘﺔ ﺍﻏﺴﻞ ﻣﻮﺍﻋﻴﻦ ﻭﺍﻛﻠﻲ ﻟﻜﻤﺔ ﻭﺍﻧﺎﻡ
ﻓﺎﻃﻤﺔ ﻛﺎﻋﺪﺓ ﻛﺒﺎﻟﻲ ﻋﻠﺼﻴﻨﻴﺔ ﻛﺎﻣﺖ ﺗﺒﺠﻲ ﺑﺎﻭﻋﺘﻠﻲ ﺟﺎﻥ ﺗﻜﻠﻲ
ﺍﻟﻠﻪ ﻻﻳﻮﻓﻘﺞ ﺑﺠﺎﻩ ﻛﻠﻤﻦ ﻋﺪﺓ ﺟﺎﻩ ﻫﺠﻮﻟﺘﻲ ﺍﻟﻮﻟﺪ ﺷﺢﻻﺗﺔ ﺟﺎﻥ ﺗﺎﺭﺱ ﻋﻠﻴﻨﺔ ﻟﺒﻴﺖ ﺑﻀﺤﻜﺘﺔ
ﺍﻧﻲ ﺑﺎﻭﻋﺘﻠﻬﺔ ﻭﺳﻜﺘﺖ
ﻭﺍﻟﻠﻪ ﻳﺎ ﺍﻟﻠﻪ ﺗﺎﺭﺱ ﻋﻠﻴﻨﺔ ﻟﺒﻴﺖ ﺑﻀﺤﻜﺘﺔ ﻟﻮ ﺗﺎﺭﺳﻠﻨﺔ ﻟﺒﻴﺖ ﺭﻳﺤﺔ ﺟﻜﺎﻳﺮ ﻭﺷﺮﺏ
ﻏﺴﻠﺖ ﺍﻟﻤﻮﺍﻋﻴﻦ ﻭﻧﻤﺖ ﻛﻌﺪﺕ ﻟﺼﺒﺢ ﻋﻠﺔ ﺭﻓﺴﺎﺕ ﻓﺎﻃﻤﺔ ﻋﺎﻳﻨﺖ ﻋﻠﺴﺎﻋﺔ ﺑﻞ 4 ﻟﻔﺠﺮ
ﻋﺮﻓﺘﻬﺔ ﺗﺮﻳﺪ ﺗﻄﻠﻊ ﺣﺮﻛﺘﻬﺔ ﺑﻴﺔ ﻛﻤﺖ ﻭﺍﻧﻲ ﺳﺎﻛﺘﺔ ﻧﻀﻔﺖ ﻟﺒﻴﺖ ﻣﺎﺧﻠﻴﺖ ﺷﻲ ﻣﺎﺳﻮﻳﺘﺔ
ﻃﺒﻴﺖ ﻟﻠﻤﻄﺒﺦ ﻃﻠﻌﺖ ﻟﻜﺪﻭﺭ ﺍﺭﻳﺪ ﺍﻃﺒﺦ ﻟﻐﺪﺓ ﺍﺟﺘﻨﻲ ﻓﺎﻃﻤﺔ
ﺳﺤﻠﺘﻨﻲ ﻣﻦ ﻡﻻﺑﺴﻲ ﺑﺪﻭﻥ ﻣﺘﺤﺠﻲ ﻛﻠﺸﻲ
ﻭﺩﺗﻨﻲ ﻟﻠﺤﺪﻳﻘﺔ ﺍﺑﺎﻭﻉ ﻟﻜﺎﻉ ﻣﻠﻴﺎﻧﺔ ﻓﺮﺍﺷﺎﺕ ﺍﻟﻨﻮﻡ ﻭﺯﻭﺍﻟﻲ ﻭﺑﻄﺎﻃﻴﻦ
ﻫﺬﻧﻲ ﺗﻐﺴﻠﻴﻬﻦ ﻭﺗﺴﻮﻳﻦ ﻟﻐﺪﺓ ﻗﺒﻞ ﻟﻮﺣﺪﺓ ﺍﻧﺘﻲ ﻣﻜﻤﻠﺔ ﻛﻠﺸﻲ
ﻋﻤﺔ ﺍﻟﻠﻪ ﻳﺨﻠﻴﺞ ﺫﻧﻲ ﻫﻮﺍﻱ ﺧﻞ ﺍﻃﺒﺦ ﻟﻐﺪﺓ ﻭﻭﺭﺓ ﻟﻐﺪﺓ ﺍﺳﻮﻳﻬﻦ
ﻋﺎﻓﺘﻨﻲ ﺍﺣﺠﻲ ﻭﻃﺒﺖ
ﺍﻭﻭﻭﻑ ﻳﺎﺭﺑﻲ
ﺷﻜﻠﺖ ﺛﻮﺑﻲ ﻭﻣﺪﻳﺖ ﻟﺼﻮﻧﺪﺓ ﻭﺑﺪﻳﺖ ﺑﻴﻬﻦ
ﻏﺴﻠﺖ ﺛﻨﻴﻦ ﻭﺣﺴﻴﺖ ﻟﻮﻗﺖ ﻣﺸﺔ ﻣﺪﻳﺖ ﺭﺍﺳﻲ ﻣﻦ ﺑﺎﺏ ﻟﻤﻄﺒﺦ ﻟﺴﺎﻋﺔ ﺑﻞ 10 ﻭﻧﺺ
ﻋﺰﺯﺓ ﺷﻮﻛﺖ ﺍﺳﻮﻱ ﻟﻐﺪﺓ ﻟﻌﺪ
ﻃﺒﻴﺖ ﺑﺴﺮﻋﺔ ﺫﺑﻴﺖ ﺍﻟﺤﻢ ﻭﻟﺒﺼﻞ ﻋﻠﻨﺎﺭ ﻭﺣﻄﻴﺘﻠﻬﻦ ﻣﻌﺠﻮﻥ ﻭﺭﺟﻌﺖ ﻋﻠﻔﺮﺍﺷﺎﺕ
ﺍﺟﻠﻒ ﻭﻣﺎﻳﺨﻠﺼﻦ
ﻣﺪﻧﻜﺔ ﺍﺟﻠﻒ ﻭﺷﻔﺖ ﺍﻳﺪ ﻭﺍﺣﺪ ﻧﻤﺪﺕ ﻣﻦ ﺟﻮﺓ ﻟﺒﺎﺏ
ﺧﻠﺔ ﺿﺮﻑ ﻭﺳﺤﺐ ﺍﻳﺪﺓ
ﻛﻤﺖ ﻋﻠﻀﺮﻑ ﻓﺘﺤﺘﺔ 😱
ﺻﻮﺭ ﺳﻜﻨﺔ ﺑﺪﻭﻥ ﻡﻻﺑﺲ ﻳﺒﻮﻭﻭﻭ
ﻭﻳﺎﻫﻦ ﺭﺳﺎﻟﺔ ﻓﺘﺤﺘﻬﺔ ﻣﻜﺘﻮﺏ
ﺗﺠﻴﻦ ﺍﻟﻴﻮﻡ ﻟﻠﺒﻴﺖ ﺍﺣﺮﻙ ﺑﻘﻴﺔ ﺍﻟﺼﻮﺭ
ﻣﺘﺠﻴﻦ ﺍﻧﺴﺨﻬﻦ ﻭﺍﻭﺯﻋﻬﻦ ﻋﻠﺔ ﺑﻴﻮﺕ ﻣﻨﻄﻘﺘﻜﻢ ﻛﻠﻬﺔ
ﻋﺰﺯﺯﺓ ﺑﻌﻴﻨﺞ ﻳﺎﺳﻜﻴﻨﺔ
ﻟﻔﻴﺖ ﻟﻀﺮﻑ ﻭﺧﻠﻴﺘﺔ ﺑﺼﺪﺭﻱ
ﺷﻠﻮﻥ ﺍﻧﻄﻲ ﺍﻟﻬﺔ ﺧﺎﻑ ﺗﺴﻮﻳﻬﺔ ﻭﺗﺮﻭﺣﻠﺔ ﺻﺪﻙ ﻟﻠﺒﻴﺖ ﺍﻧﻄﻴﻬﺔ ﺍﻟﻌﻤﻮ ﻋﺰﺯﺓ ﺍﺫﺍ ﺷﺎﻑ ﻫﺎﻱ ﻟﺼﻮﺭ ﻳﺮﻭﺡ ﺑﻴﻬﺔ ﺍﻟﺮﺟﺎﻝ
ﺍﺣﺴﻦ ﺣﻞ ﺍﻧﻄﻴﻬﻦ ﻟﻔﺎﻃﻤﺔ ﻭﻫﻴﺔ ﺗﻄﻤﻄﻢ ﻟﺴﺎﻟﻔﺔ ﻭﺗﺘﺼﺮﻑ
ﻛﻤﻠﺖ ﻧﺺ ﻟﻔﺮﺷﺎﺕ ﻭﻟﺴﺎﻋﺔ ﺏ 12 ﺭﻛﻀﺖ ﺫﺑﻴﺖ ﻟﺘﻤﻦ ﻋﻠﻨﺎﺭ ﻭﺭﺣﺖ ﻟﻐﺮﻓﺔ ﻓﺎﻃﻤﺔ ﺩﻛﻴﺖ ﻟﺒﺎﺏ
ﻓﺘﺤﺘﺔ
ﻫﺎ ﺧﻴﺮ ﺷﻜﻮ
ﻋﻤﺔ ﺍﺭﻳﺪ ﺍﺣﺠﻲ ﻭﻳﺎﺝ
ﻋﻤﺔ ﻟﻌﻤﺎﺝ ﻻﺗﻜﻮﻟﻴﻦ ﻋﻤﺔ
ﻟﻌﺪ ﺷﻜﻮﻝ
ﻛﻠﺸﻲ ﻟﺘﻜﻮﻟﻴﻦ ﺍﺹﻻ ﻟﺘﺤﺠﻴﻦ ﻭﻭﺟﻬﺞ ﻣﺎﺭﻳﺪ ﺍﺷﻮﻓﺔ ﻻﺗﺮﺍﻭﻳﻨﻴﺎ
ﺑﺎﻭﻋﺖ ﻋﻠﻴﻬﺔ ﺍﻭﻭﻭﻑ ﻳﺎﺭﺑﻲ ﺷﻨﻮ ﻣﻦ ﺑﺸﺮ ﻭﻻ ﺗﻨﻜﺴﺮ ﻋﻴﻨﻬﺔ
ﻧﻄﻴﺘﻬﺔ ﻟﻀﺮﻑ ﺑﺲ ﻣﺎﻛﺘﻠﻬﺔ ﻓﺘﺤﺘﺔ ﻻﻥ ﺭﺟﻌﺖ ﺍﻟﺰﻛﺔ ﻣﺎﻟﺘﺔ ﻣﺜﻞ ﻣﺎﺟﺎﻧﺖ
ﻫﺎﺝ ﻋﻤﺔ ﻫﺎﺫ ﻟﻜﻴﺘﺔ ﺑﻠﺤﺪﻳﻘﺔ ﻳﻢ ﻟﺒﺎﺏ ﻣﺪﺭﻱ ﻣﻨﻮ ﻣﺨﻠﻲ
ﻋﻔﺘﻬﺔ ﻭﺭﺣﺖ ﻟﻠﺤﺪﻳﻘﺔ ﺛﻮﺍﻧﻲ ﻭﺳﻤﻌﺖ ﺻﻮﺕ ﺻﺮﺧﺘﻬﺔ ﻭﺭﻛﻀﺘﻬﺔ ﻋﻠﺪﺭﺝ
ﻫﻬﻬﻬﻪ ﻟﻮ ﺭﺍﻛﻀﺔ ﻟﺒﺎﺭﺣﺔ ﻣﻦ ﺻﺤﺘﻠﻬﺔ ﻟﺒﺎﺭﺣﺔ ﻣﺎﺟﺎﻥ ﺻﺎﺭ ﻫﻠﺸﻲ ﻭﺟﻊ ﺭﺟﻠﻴﻬﺔ ﺷﻮﻛﺖ ﻣﻴﻌﺠﺒﻬﺔ ﻳﺠﻲ ﻭﺷﻮﻛﺖ ﻣﻴﻌﺠﺒﻬﺔ ﻳﺮﻭﺡ
ﺳﻤﻌﺖ ﺻﺮﺍﺥ ﺳﻜﻴﻨﺔ ﻣﺪﻳﺖ ﺭﺍﺳﻲ ﻣﻦ ﻟﻤﻄﺒﺦ ﻭﺍﺷﻮﻑ ﻓﺎﻃﻤﺔ ﺳﺤﻠﺘﻬﺔ ﺳﺤﻞ ﻣﻦ ﺷﻌﺮﻫﺔ ﻋﻠﺪﺭﺝ ﻭﺷﻤﺮﺗﻬﺔ ﺑﻠﺼﺎﻟﺔ
ﻧﺎﻣﺖ ﻓﻮﻛﺎﻫﺔ ﻭﻣﻮﺗﺘﻬﺔ ﻛﺘﻞ ﻣﻦ ﺷﻌﺮﻫﺔ ﻭﺗﺮﻛﻊ ﺭﺍﺳﻬﺔ ﺑﻠﻜﺎﻉ ﻭﺗﺴﺪ ﺑﺤﻠﻜﻬﺔ ﻋﻮﺩ ﻣﺎﺗﺮﻳﺪﻧﻲ ﺍﺳﻤﻊ
ﺍﺳﻤﻊ ﺳﻜﻴﻨﺔ ﻛﺎﻣﺖ ﺗﺼﻴﺢ
ﻟﻴﻠﻰ ﻟﺤﻜﻴﻨﻲ ﻓﺪﻭﺓ
ﻫﻬﻬﻬﻪ ﻣﺨﺒﻠﺔ ﻋﺎﻗﻠﺔ ﺍﺗﺪﺧﻞ ﺑﻴﻨﺎﺗﻬﻦ ﺍﻡ ﻭﺑﺘﻬﺔ 😂
ﻟﻴﻮﻡ ﺗﻤﺎﻟﺨﻦ ﺑﺎﺟﺮ ﻳﺼﻔﻦ
ﺍﺛﻨﺎﺀ ﺍﻟﻌﺮﻛﺔ ﻧﺪﻛﺖ ﻟﺒﺎﺏ ﺭﻛﻀﺖ ﻋﻠﻴﻬﻦ ﻛﺘﻠﻬﻦ ﻟﺒﺎﺏ ﺗﻨﺪﻙ ﺻﻮﺗﻜﻢ ﻋﺎﻟﻲ ﺧﺎﻑ ﺫﻭﻟﺔ ﻟﺠﻮﺍﺭﻳﻦ ﺍﺟﻮ
ﻓﺎﻃﻤﺔ ﺳﺤﻠﺖ ﺳﻜﻴﻨﺔ ﻃﺒﺒﺘﻬﺔ ﺑﻐﺮﻓﺘﻬﺔ ﻭﺳﺪﺕ ﻋﻠﻴﻬﺔ ﻟﺒﺎﺏ ﻭﻋﺪﻟﺖ ﻫﺪﻭﻣﻬﺔ ﻭﺭﺍﺣﺖ ﻓﺘﺤﺖ ﻟﺒﺎﺏ
ﺍﻧﻲ ﻭﺍﻛﻔﺔ ﺑﻠﻤﻄﺒﺦ ﺍﺳﻤﻌﻬﺔ ﺗﻜﻮﻝ
ﻫﻠﻮ ﻋﻴﻨﻲ ﺍﻡ ﺳﻴﻒ ﻣﻴﺖ ﻫﻠﺔ ﺗﻔﻀﻠﻲ
ﻣﺎﺩﺭﻱ ﺷﺼﺎﺭ ﺑﻴﺔ ﻣﻦ ﺳﻤﻌﺖ ﺍﺳﻢ ﺳﻴﻒ ﺟﺴﻤﻲ ﻛﻠﺔ ﺛﻠﺞ
ﻃﺒﺖ ﺍﻟﻤﺮﻳﺔ ﺑﺲ ﻫﻴﺔ ﻭﺣﺪﻫﺎ ﻟﻼﺳﺘﻘﺒﺎﻝ
ﻭﺍﺟﺘﻨﻲ ﻓﺎﻃﻤﺔ ﺗﺮﻛﺾ
ﺳﻮﻱ ﺟﺎﻱ ﺑﺴﺎﻉ
ﺧﻠﻴﺖ ﻟﻘﻮﺭﻱ ﻋﻠﻨﺎﺭ ﻭﺣﻀﺮﺕ ﺳﺘﻜﺎﻳﻦ
ﻛﻤﻠﺘﺔ ﻭﺻﺒﻴﺘﺔ ﺗﺎﻧﻴﺖ ﻓﺎﻃﻤﺔ ﺗﺠﻲ ﺗﺎﺧﺬﺓ ﻻﻥ ﻣﺘﻘﺒﻞ ﺍﻃﻠﻊ ﻛﺪﺍﻡ ﺍﻡ ﺳﻴﻒ ﻭﻭﻟﺪﻫﺔ
ﺷﻮﻳﺔ ﻭﺍﺟﺘﻨﻲ ﻓﺎﻃﻤﺔ ﻭﻳﻨﺞ ﺗﻌﺎﻱ ﻟﻤﺮﻳﺔ ﺗﺮﻳﺪﺝ ﺷﻠﺖ ﺻﻴﻨﻴﺔ ﻟﺠﺎﻱ ﻭﻃﺒﻴﺖ
ﻫﻠﺔ ﺑﻠﻴﻠﻮ ﻫﻠﺔ ﺑﻠﺤﻠﻮﺓ
ﺗﻌﺎﻱ ﻫﻨﺎ ﻫﻨﺎ ﻳﻤﻲ
ﺣﻄﻴﺖ ﻟﺠﺎﻱ ﻋﻠﻄﺒﻠﺔ ﻭﺳﻠﻤﺖ ﻋﻠﻴﻬﺔ ﻭﻛﻌﺪﺕ ﺑﺼﻔﻬﺔ
ﺟﺎﺑﺖ ﻋﻼﻟﻴﻚ ﻣﻦ ﺟﻬﺘﻬﺔ ﺍﻟﺜﺎﻧﻴﺔ ﻣﻦ ﻟﺘﺨﻢ ﻭﺣﻄﺘﻬﻦ ﺑﻴﺪﻱ ﻫﺬﻧﻲ ﺍﻟﺞ ﻫﺪﻳﺔ
ﺷﻠﻮﻥ ﺗﺪﺭﻳﻦ ﺍﻟﻬﺪﻳﺔ ﺍﻟﻨﺒﻲ ﻣﺤﻤﺪ ﻗﺒﻞ ﻟﻬﺪﻳﺔ ﻭﺍﻧﺘﻲ ﺗﺮﺩﻳﻬﺔ
ﺗﺤﺠﻲ ﻭﻳﺎﻱ ﻭﺗﻀﺤﻚ ﺍﻓﺘﻬﻤﺖ ﻗﺼﺪﻫﺎ ﺍﻧﻮ ﻟﻤﻼﺑﺲ ﺫﻧﻲ ﺍﻟﻲ ﺷﺘﺮﺍﻫﻦ ﺳﻴﻒ ﺍﻟﻲ ﻭﻣﺎﺧﺬﺗﻬﻦ
ﻓﺎﻃﻤﺔ ﻏﻤﺰﺗﻠﻲ ﻳﻌﻨﻲ ﻛﻮﻣﻲ
ﺗﺮﺧﺼﺖ ﻣﻦ ﺍﻟﻤﺮﺓ ﻭﻛﻤﺖ ﻟﻠﻤﻄﺒﺦ
ﻓﺘﺤﺖ ﺍﻟﻊﻻﻟﻴﻚ ﻳﺒﻮﻭﻭﻭﻭ
ﻡﻻﺑﺲ ﻳﺨﺒﻠﻦ ﺑﻨﺎﻃﻴﺮ ﺛﻨﻴﻦ ﻭﺍﺣﺪ ﺍﺣﻠﺔ ﻣﻦ ﻟﺜﺎﻧﻲ ﻭﺟﺒﺔ ﻛﻠﺶ ﺣﻠﻮﺓ ﺧﻠﻴﺠﻴﺔ ﻭﻭﻳﺎﻫﺔ ﺷﺎﻟﻬﺔ ﻭﺑﺪﻱ ﻭﺭﺩﻱ ﻭﻗﻤﻴﺺ ﻃﻮﻳﻞ ﻟﻮﻥ ﺑﺼﻠﻲ ﻭﺩﺷﺪﺍﺳﺔ ﺑﻨﻔﺴﺠﻲ ﻓﺎﺗﺢ ﺑﺲ ﺗﺠﻨﻦ ﻣﺸﻐﻮﻟﺔ ﻋﺒﺎﻟﻚ ﻣﺎﻝ ﺍﻣﻴﺮﺍﺕ
ﻓﺮﺣﺖ ﻛﻠﺶ ﺑﻴﻬﻦ ﺍﻭﻝ ﻣﺮﺓ ﺑﺤﻴﺎﺗﻲ ﺗﺠﻴﻨﻲ ﻫﻴﺞ ﻡﻻﺑﺲ ﺣﺘﺔ ﻣﻦ ﺟﺎﻧﺖ ﺍﻣﻲ ﻋﺎﻳﺸﺔ ﻭﺍﺑﻮﻱ ﻣﻮﺟﻮﺩ ﻣﺎﺟﻨﺖ ﺍﺷﺘﺮﻱ ﻡﻻﺑﺲ ﺣﻠﻮﺓ ﺟﺎﻧﺖ ﺧﺎﻟﺘﻲ ﺗﺠﻴﺒﻠﻲ ﻣﻦ ﻡﻻﺑﺲ ﻣﺮﻳﻢ ﻟﻘﺪﻳﻤﺎﺕ ﻭﺍﻟﺒﺲ ﺑﻴﻬﻦ
ﻟﻔﻴﺘﻬﻦ ﻭﺿﻤﻴﺘﻬﻦ ﺑﻤﻠﺤﻖ ﺍﻟﻜﺎﻭﻧﺘﺮ ﺧﺎﻑ ﺗﺸﻮﻓﻬﻦ ﺳﻜﻴﻨﺔ ﺗﺎﺧﺬﻫﻦ ﻣﻨﻲ
ﻭﺭﻯ ﻧﺺ ﺳﺎﻋﺔ ﺗﻘﺮﻳﺒﺎ ﻟﻤﺮﻳﺔ ﻃﻠﻌﺖ ﻓﺎﻃﻤﺔ ﺗﻮﺳﻠﺖ ﺑﻴﻬﺔ ﻋﻠﻐﺪﺓ ﻣﺎﻗﺒﻠﺖ ﺗﻀﻞ
ﻃﺒﺖ ﻓﺎﻃﻤﺔ ﻣﻦ ﻟﺤﺪﻳﻘﺔ ﻓﺮﺣﺎﻧﺔ ﻭﻭﺟﻬﺔ ﻳﻀﺤﻚ
ﺭﻛﻀﺖ ﻋﻠﺔ ﺳﻜﻴﻨﺔ ﻓﺘﺤﺖ ﺍﻟﺒﺎﺏ ﻭﻃﺒﺖ ﻳﻤﻬﺔ
ﻭﺭﺓ ﺭﺑﻊ ﺳﺎﻋﺔ ﻃﻠﻌﺖ ﺳﻜﻴﻨﺔ ﺻﻌﺪﺕ ﻟﻐﺮﻓﺘﻬﺔ ﺑﻌﺪ ﻣﺎﻧﺰﻟﺖ
ﺍﺟﺔ ﻋﻤﻮ ﻣﻦ ﺷﻐﻠﺔ ﺻﺒﻴﺖ ﻟﻐﺪﺓ ﻭﻛﻌﺪﺕ ﺑﻠﻤﻄﺒﺦ ﻛﺒﺎﻟﻬﻢ ﺍﺳﻤﻊ ﻓﺎﻃﻤﺔ ﺗﺤﺠﻲ ﻭﻳﺔ ﻋﻤﻮ ﺗﻜﻠﺔ
ﻟﻴﻮﻡ ﺍﺟﺘﻨﺔ ﺍﻡ ﺳﻴﻒ
ﺍﻱ ﻭﺷﺘﺮﻳﺪ
ﺗﺮﻳﺪ ﺗﺨﻄﺐ ﺳﻜﻴﻨﺔ
ﺍﻟﻤﻦ
ﻟﺴﻴﻒ
😱😱😱😱😱
ﺳﻴﻒ ﻳﺨﻄﺐ ﺳﻜﻴﻨﺔ ﻻ ﻣﺎﻳﺴﺘﺎﻫﻠﻬﺔ ﺍﻭﻭﻭﻭﻑ
ﺍﻛﻴﺪ ﺍﻣﺔ ﺧﻄﺒﺘﻬﺔ ﺍﻟﺔ ﺑﻠﺔ ﻣﺎﻳﺪﺭﻱ
😔
ﻧﻘﻬﺮﺕ ﺣﻴﻴﻴﻞ
ﺍﻱ ﻭﺷﻜﺎﻟﺖ ﺳﻜﻴﻨﺔ
ﺷﺘﻜﻮﻝ ﻳﻌﻨﻲ ﻭﻳﻦ ﺍﻛﻮ ﺍﺣﺴﻦ ﻣﻦ ﺳﻴﻒ
ﻣﺎﻧﻠﻜﺔ ﺍﺣﺴﻦ ﻣﻨﺔ
ﺑﺲ ﻻﺯﻡ ﻧﺴﺄﻟﻬﺔ
ﺍﻱ ﻋﻮﺩ ﻣﻴﺨﺎﻟﻒ ﺍﻧﻲ ﺍﺳﺄﻟﻬﺔ
ﻛﻤﻠﻮ ﻻﻛﻞ ﻭﺭﺣﺖ ﺷﻠﺖ ﻟﺼﻴﻨﻴﺔ
ﻋﻤﻮ ﺻﺎﺡ ﻋﻠﻴﺔ
ﻟﻴﻠﻮ
ﻫﺎ ﻋﻤﻮ
ﺻﺒﻲ ﺍﻟﺴﻜﻴﻨﺔ ﻭﺻﻌﺪﻱ ﺍﻟﻬﺔ ﺍﻟﻠﻪ ﻳﺮﺿﺔ ﻋﻠﻴﺞ ﺑﻨﻴﺘﻲ
ﺍﻧﺸﺎﺀ ﺍﻟﻠﻪ ﻋﻤﻮ
ﺻﺒﻴﺖ ﻻﻛﻞ ﻭﺻﻌﺪﺕ ﺍﻟﺴﻜﻴﻨﺔ ﺍﻟﺒﺎﺏ ﻣﻔﺘﻮﺣﺔ ﺩﻛﻴﺘﻬﺔ ﻋﻠﺔ ﻛﻴﻒ ﻭﻃﺒﻴﺖ
ﻟﻜﻴﺘﻬﺔ ﺣﺎﻃﺔ ﺳﻤﺎﻋﺎﺕ ﺍﻟﺘﻠﻔﻮﻥ ﺑﺄﺫﺍﻧﻬﺔ ﻭﺗﺴﻤﻊ ﺍﻏﺎﻧﻲ ﻭﻣﻔﺮﻓﺤﺔ ﺑﺠﻲ
ﺻﺤﺖ ﻋﻠﻴﻬﺔ ﻣﺎﺳﻤﻌﺘﻨﻲ
ﺗﻘﺮﺑﺖ ﻳﻤﻬﺔ ﻭﺣﻄﻴﺖ ﻻﻛﻞ ﻋﻠﺠﺮﺑﺎﻳﺔ
ﻭﺧﺮﺕ ﻟﻬﺘﻔﻮﻥ ﺟﺎﻥ ﺗﻜﻠﻲ
ﺷﻄﺒﺒﺞ ﻫﻨﺎ ﻃﻠﻌﻲ ﺑﺮﺓ ﻣﺎﺭﻳﺪ ﺍﺷﻮﻑ ﺍﺣﺪ ﺑﻴﻜﻢ ﻭﻟﻲ ﻣﻦ ﻭﺟﻬﻴﻴﻲ
ﻃﻠﻌﺖ
ﻭﺍﻟﻠﻪ ﻳﺎ ﺍﻟﻠﻪ ﺗﻴﺠﻲ ﻣﺎﺗﺮﻳﺪ ﺳﻴﻒ
ﻭﻳﻦ ﺗﻠﻜﺔ ﻣﺜﻠﺔ
ﺍﻭﻭﻭﻭﻑ ﻳﺎﺳﻴﻒ ﺣﻀﻚ ﻫﺎﺫ ﺗﺎﺧﺬ ﺳﻜﻴﻨﺔ
ﻣﺎﺗﺴﺘﺎﻫﻠﺔ ﺍﺑﺪ
ﻣﺮﺕ ﻳﻮﻣﻴﻦ ﻭﺳﻜﻴﻨﺔ ﺑﺲ ﺗﺒﺠﻲ ﻭﻣﺎﺗﺮﺿﺔ ﺗﺎﻛﻞ ﻭﺍﻣﻬﺔ ﺍﺧﺬﺕ ﻣﻨﻬﺔ ﺍﻟﻤﺒﺎﻳﻞ ﻭﻟﺤﺎﺳﺒﺔ
ﻭﺗﻄﻤﻄﻢ ﺑﻠﺴﺎﻟﻔﺔ ﻭ ﻣﺎﺗﺮﺿﺔ ﺗﻜﻞ ﻟﻌﻤﻮ ﻣﻦ ﻳﺴﺄﻟﻬﺔ ﺷﺒﻴﻬﺔ ﺳﻜﻴﻨﺔ
ﺗﻜﻠﺔ ﻣﺮﻳﻀﺔ
ﺷﺒﻴﻬﺔ ﻳﻌﻨﻲ
ﺳﻮﺍﻟﻒ ﺑﻨﺎﺕ ﻻﻳﻀﻞ ﺑﺎﻟﻚ ﻣﺎﺑﻴﻬﺔ ﺷﻲ
ﺑﻠﻴﻞ ﺧﺎﺑﺮﻫﻢ ﻭﻟﻴﺪ ﺍﻣﺔ ﻛﺎﻣﺖ ﺗﻬﻠﻬﻞ ﺍﺳﻤﻌﻬﺔ ﺗﺤﺠﻲ ﻭﻳﺎ
ﻫﺎ ﻳﻤﺔ ﺗﻮﻙ ﺗﺬﻛﺮﺕ ﻋﺪﻙ ﺍﻡ ﺗﺴﺄﻝ ﻋﻠﻴﻬﺔ
ﺷﻨﻮ
ﻫﺎ ﺷﻜﺪ ﺗﺮﻳﺪ
ﺷﺪﻋﻮﺓ ﻳﻤﺔ ﺷﻠﻚ ﺑﻴﻬﻦ
ﺧﻮﺵ ﺧﻮﺵ ﺍﺩﺯﻟﻜﻴﺎﻫﻦ ﺑﻴﺪ ﻣﺤﻤﺪ ﺑﺲ ﻻ ﺗﺼﻴﺢ
ﺛﺎﻧﻲ ﻳﻮﻡ ﺍﺟﺔ ﻣﺤﻤﺪ ﺍﺑﻦ ﺍﺧﺘﻬﺔ ﻧﻄﺘﺔ ﺍﻟﻔﻠﻮﺱ ﺑﺪﻭﻥ ﻣﺎﻋﻤﻮ ﻳﺪﺭﻱ
ﺍﻛﻴﺪ ﺭﺍﺡ ﻳﺸﺘﺮﻱ ﺑﻴﻬﻦ ﺷﺮﺏ ﻋﻮﺩ ﻋﻤﻮ ﺣﻠﻔﻬﺔ ﻣﺎﺗﺪﺯﻟﺔ ﻓﻠﻮﺱ ﺍﺑﺪ
ﻟﻀﻬﺮ ﺩﺯﺗﻨﻲ ﻓﺎﻃﻤﺔ ﺍﺻﻴﺢ ﺍﻟﺴﻜﻴﻨﺔ ﻣﺪﺭﻱ ﺷﻌﺪﻫﺔ ﻭﻳﺎﻫﺔ
ﺻﻌﺪﺕ ﻟﻐﺮﻓﺘﻬﺔ ﻣﺎﻟﻜﻴﺘﻬﺔ ﺑﺎﻟﻐﺮﻓﺔ
ﺭﺣﺖ ﻋﻠﺔ ﻏﺮﻓﺔ ﻭﻟﻴﺪ ﺑﻴﻬﺔ ﺯﺭﻑ ﺯﻏﻴﺮ ﻣﻦ ﻳﻢ ﺍﻟﻘﻔﻞ ﺑﺎﻭﻋﺖ ﻋﻠﻴﻬﺔ ﻣﻨﺔ
ﺑﻴﺪﻫﺔ ﻣﺒﺎﻳﻞ ﻭﺗﺤﺠﻲ ﺑﻲ
ﻋﺰﺯﺯﺓ ﺑﻌﻴﻨﺞ ﺳﻜﻴﻨﺔ ﻫﺎﺫ ﻣﻨﻴﻠﻬﺔ ﺍﻟﺘﻠﻔﻮﻥ
ﺧﻠﻴﺖ ﺍﺫﺍﻧﻲ ﻋﻠﺒﺎﺏ ﺍﺳﻤﻌﻬﺔ ﺗﺤﺠﻲ ﻭﻳﺔ ﻭﺍﺣﺪ ﺗﻜﻠﺔ
ﻻ ﻭﺍﻟﻠﻪ ﻣﺎﺍﻗﺒﻞ ﻟﻮ ﻫﺴﺔ ﻳﺬﺑﺤﻮﻧﻲ
ﻃﺒﻌﺎ ﺣﺒﻴﺒﻲ
ﻣﺎﺷﻲ
ﺍﻱ ﺍﻱ
ﺍﻭﻙ ﻫﺎﺫﻫﻮ ﺑﻠﻴﻞ
ﺧﺘﻤﺖ ﺍﻟﻤﻜﺎﻟﻤﺔ ﺭﺀﺳﻦ ﺭﻛﻀﺖ ﻟﻠﺪﺭﺝ ﻣﺎﺷﺎﻓﺘﻨﻲ ﻫﻤﺰﻳﻦ
ﺗﺎﻧﻴﺘﻬﺔ ﻃﺒﺖ ﻟﻐﺮﻓﺘﻬﺔ ﻭﺭﺣﺖ ﺩﻛﻴﺖ ﺍﻟﺒﺎﺏ
ﺧﻴﺮ ﺷﺘﺮﺩﻳﻦ
ﺍﻣﺞ ﺗﺮﻳﺪﺝ
ﺍﻣﺸﻲ ﻭﻟﻲ ﻛﻠﻴﻠﻬﺔ ﻣﺘﺠﻲ ﻭﻟﺤﺪ ﻳﺼﻌﺪ ﻟﻬﻨﺎ ﺑﻌﺪ ﻻ ﺍﻧﺘﻲ ﻭﻻ ﻫﻴﺔ ﺧﻮﻭﺵ
ﻧﺰﻟﺖ ﻛﻠﺖ ﻻﻣﻬﺔ
ﺭﺍﺣﺖ ﺻﻌﺪﺗﻠﻬﺔ
ﺗﻌﺎﺭﻛﻦ ﻭﺻﻴﺎﺣﻬﻦ ﻋﻠﺔ
ﺷﻮﻳﺔ ﻭﻧﺰﻟﺖ ﻓﺎﻃﻤﺔ ﺗﻌﺮﺑﺪ
ﻃﺒﺖ ﻟﻐﺮﻓﺘﻬﺔ ﺿﺮﺑﺖ ﻟﺒﺎﺏ ﺣﻴﻴﻞ
ﻟﻌﺼﺮﻳﺔ ﻃﻠﻌﺖ ﺍﺫﺏ ﻟﺰﺑﻞ ﺟﺎﻥ ﻗﺒﻞ ﻭﻟﻴﺪ ﻳﺬﺑﻬﻦ ﻫﺎﻱ ﺍﻟﻤﻨﻔﻌﺔ ﺍﻟﻮﺣﻴﺪﺓ ﺍﻟﻲ ﻣﺤﺼﻠﻴﻬﺔ ﻣﻦ ﻋﺪﺓ
ﺫﺑﻴﺘﻬﺔ ﻭﺭﺟﻌﺖ ﻟﻠﺒﻴﺖ ﺷﺎﻳﻠﺔ ﻟﺼﻄﻮﻟﺔ ﺑﻴﺪﻱ
ﻭﺻﻠﺖ ﻳﻢ ﻟﺒﺎﺏ ﺳﻴﺎﺭﺓ ﺳﻴﻒ ﻃﺎﺑﻜﺔ
ﺍﻭﻭﻭﻭﻑ ﺻﺎﺭ ﻟﺴﻜﻴﻨﺔ ﺍﻛﻴﺪ ﺭﺍﺡ ﻳﺼﻴﺮ ﻣﺜﻠﻬﺔ ﻭﻳﺘﻐﻴﺮ
ﺣﻄﻴﺖ ﻟﺴﻄﻮﻟﺔ ﺑﻠﻜﺎﻉ ﻭﻓﺘﺤﺖ ﻟﺒﺎﺏ ﻣﻦ ﺟﻮﺓ ﺩﻧﻜﺖ ﺍﺷﻴﻠﻬﻦ ﺭﻓﻌﺖ ﺭﺍﺳﻲ ﺻﺎﺭ ﺑﻮﺟﻬﻲ ﺳﻴﻒ ﻃﺎﻟﻊ ﻣﻦ ﺍﻟﺒﻴﺖ ﻭﺑﻴﺪﺓ ﺍﻟﺴﻮﻳﺞ
ﻻﺑﺲ ﺑﻨﻄﺮﻭﻥ ﺍﺳﻮﺩ ﻭﺳﺘﺘﺮﺓ ﻟﻮﻥ ﺭﻣﺎﻧﻲ ﻃﻮﻭﺥ ﻭﻣﻨﺎﺿﺮ ﺷﻤﺴﻴﺔ ﺷﻜﻠﺔ ﻛﻠﺶ ﺍﻧﻴﻖ ﻫﻮﺍﻱ ﻋﻠﺔ ﺳﻜﻴﻨﺔ ﺗﺎﺧﺬ ﻭﺍﺣﺪ ﻣﺜﻠﺔ
ﺗﺪﻧﺔ ﻋﻠﻴﺔ ﻭﻧﺰﻉ ﻧﻀﺎﺭﺗﺔ
ﺷﻠﻮﻧﺞ ﻟﻴﻠﻮ
ﻣﺪﻟﻲ ﺍﻳﺪﺓ ﻛﻔﺨﺘﻨﻲ ﺭﻳﺤﺔ ﻋﻄﺮﺓ ﺍﻭﻭﻭﻭﻑ ﺗﺠﻨﻦ ﻭﺍﻧﻲ ﻛﻠﻲ ﺭﻳﺤﺔ ﺯﺑﻞ ﻭﻟﺼﻄﻮﻟﺔ ﺑﻴﺪﻱ
ﺍﻧﻲ ﻣﺎﺻﺎﻓﺢ ﺑﻼﻳﺪ ﻫﻤﺔ ﻋﻨﺪﻫﻢ ﻋﺎﺩﻱ ﻛﺮﺍﻳﺐ ﻓﺎﻃﻤﺔ ﺑﺲ ﺍﻧﻲ ﻣﺎﺳﻮﻳﻬﺔ ﺍﺑﺪ
ﺑﺲ ﻣﺎﺭﺩﺕ ﺍﻓﺸﻠﺔ
ﺟﺮﻳﺖ ﺟﺒﺘﻲ ﺣﻴﻴﻞ ﻋﻠﺔ ﺍﻳﺪﻱ ﺑﺤﻴﺚ ﻏﻄﺘﻬﺔ
ﻭﺳﻠﻤﺖ ﻋﻠﻲ
ﻣﺪﺭﻱ ﺷﺒﻲ ﺿﻞ ﻻﺯﻡ ﺍﻳﺪﻱ
ﺟﺮﻳﺘﻬﺔ ﻣﻦ ﻋﺪﺓ ﻻ ﺗﻄﻠﻊ ﻓﺎﻃﻤﺔ ﻭﺗﺴﻮﻳﻨﻲ ﺧﻄﺎﻓﺔ ﺍﻟﺮﺟﻮﻟﺔ ﻫﺎ ﻃﺎﻟﻌﺔ ﺑﺮﺓ ﻟﻴﻮﻡ
ﺍﻱ ﺭﺣﺖ ﺍﺫﺏ ﻟﺰﺑﻞ
ﻭﻟﻴﺶ ﺍﻧﺘﻲ ﺗﺬﺑﻴﻬﺔ
ﻟﻌﺪ ﻣﻨﻮ ﻣﺎﻛﻮ ﻏﻴﺮﻱ
ﻣﻮ ﻣﺎﻛﻮ ﻏﻴﺮﺝ ﺑﺲ ﺑﺲ ﻛﻮﻟﻲ ﻻﻛﻴﻨﺞ ﻋﻠﺔ ﻛﺪ ﺍﻳﺪﻫﻢ
ﺩﻧﻜﺖ ﻭﺳﻜﺘﺖ ﻣﻬﻤﺎ ﻳﻜﻮﻥ ﻓﺎﻃﻤﺔ ﻛﺮﺍﻳﺒﺔ ﻣﺎﺭﻳﺪ ﺍﺣﺠﻲ ﻛﺪﺍﻣﺔ ﻋﻠﻴﻬﻢ
ﺍﻧﺸﺎﺀ ﺍﻟﻠﻪ ﻋﺠﺒﻨﺞ ﺍﻟﻢﻻﺑﺲ
ﺍﻱ ﺣﻠﻮﺍﺕ ﻋﺎﺷﺖ ﺍﻳﺪﻙ
ﺍﺗﻤﻨﺔ ﺍﺷﻮﻓﻬﻦ ﻋﻠﻴﺞ ﻓﺪ ﻳﻮﻡ
ﺍﻧﺸﺎﺀ ﺍﻟﻠﻪ
ﺳﻠﻢ ﻋﻠﻴﺔ ﻭﺭﺍﺡ ﺳﺪﻳﺖ ﻟﺒﺎﺏ ﻭﺭﺍ ﻭﻃﺒﻴﺖ
ﻏﺴﻠﺖ ﺍﺩﻳﺔ ﻭﻧﺰﻋﺖ ﻡﻻﺑﺴﻲ ﺑﺪﻟﺖ ﺩﺷﺪﺍﺷﺘﻲ ﺍﻟﻔﻴﺰﻭﻥ ﺍﻟﺴﻤﺎﺋﻴﺔ 😔 ﻣﺎﻋﺪﻱ ﺧﻴﺎﺭ ﺛﺎﻧﻲ
ﻭﺻﺒﻴﺖ ﺷﺮﺑﺖ ﻭﻭﺩﻳﺘﺔ ﻝﻻﺳﺘﻘﺒﺎﻝ
ﻃﺒﻴﺖ ﺳﻠﻤﺖ ﻋﻠﺔ ﺍﻡ ﺳﻴﻒ ﻭﺭﺩﺕ ﺍﻃﻠﻊ ﺻﺎﺣﺘﻨﻲ ﻣﺎﻗﺒﻠﺖ ﺍﻃﻠﻊ ﻛﻠﺘﻠﻲ
ﺷﻨﻮ ﻳﻤﺔ ﺍﻧﺘﻲ ﺧﺪﺍﻣﺔ ﺗﻘﺪﻣﻴﻦ ﻟﺸﺮﺑﺖ ﻭﺗﺮﺣﻴﺖ ﺩﻛﻌﺪﻱ ﺧﻞ ﻧﺸﻮﻓﺞ
ﺑﺘﺴﻤﺖ ﺷﻜﻠﻠﻬﺔ ﺍﺩﺭﻱ ﺑﻴﻬﺔ ﺗﺮﻳﺪ ﺗﺴﻤﻊ ﻓﺎﻃﻤﺔ
ﻧﺒﺖ ﻓﺎﻃﻤﺔ ﻣﻦ ﻳﻤﻬﺔ
ﺍﻱ ﻭﺍﻟﻠﻪ ﺧﺎﻟﺔ ﻣﻮﺍﻛﻠﻠﻬﺔ ﻋﻮﻓﻲ ﻟﺸﻐﻞ ﺍﻟﻲ ﻳﺸﻮﻓﻬﺔ ﻳﻜﻮﻝ ﺍﺣﻨﺔ ﻧﻜﺮﺏ ﻋﻠﻴﻬﺔ ﺑﺲ ﻫﻴﺔ ﻃﺎﻟﻌﺔ ﻋﻠﺔ ﺍﻣﻬﺔ ﻣﻮﺍﺟﺘﻤﺎﻋﻴﺔ
ﻭﻣﻦ ﻳﺠﻲ ﺍﺣﺪ ﺗﺘﺤﺠﺞ ﺑﻠﻤﻄﺒﺦ ﺣﺘﺔ ﻣﺘﻜﻌﺪ ﻳﻢ ﺍﻟﺨﻄﺎﺭ
ﻳﺎﺍ ﻟﻴﻠﻰ ﻣﻮﺍﺟﺘﻤﺎﻋﻴﺔ ﻻ ﺑﻠﻌﻜﺲ ﻛﻮﻭﻟﺶ ﺍﺟﺘﻤﺎﻋﻴﺔ ﻭﺗﺤﺐ ﺗﺴﻮﻟﻒ ﻭﺗﺠﺎﻣﻞ
ﻓﺎﻃﻤﺔ ﺍﺳﻮﺩﻧﺖ ﻣﻦ ﻓﺸﻠﺘﻬﺔ ﺍﻡ ﺳﻴﻒ
ﺑﺎﻭﻋﺖ ﻋﻠﺔ ﺳﻜﻴﻨﺔ ﺟﻨﻬﺔ ﺑﻮﻣﺔ ﻛﺎﻋﺪﺓ ﻣﺪﻟﻐﻤﺔ ﻭﻣﺎﻋﺎﺟﺒﻬﺔ ﺍﻟﻲ ﺑﻤﻜﺎﻧﻬﺔ ﺗﺤﻤﺪ ﺍﻟﻠﻪ ﻋﻠﺔ ﺳﻴﻒ ﺑﺲ ﻫﻴﺔ ﻣﺎﺗﺪﻭﺭ ﺳﺘﺮ ﺗﺪﻭﺭ ﻃﻴﺤﺎﻥ ﺍﻟﺤﺾ
ﺑﺎﻭﻋﺘﻠﻬﺔ ﺍﻡ ﺳﻴﻒ ﺟﺎﻥ ﺗﻜﻞ ﻟﻔﺎﻃﻤﺔ
ﺳﻜﻴﻨﺔ ﺷﺒﻴﻬﺔ ﻋﻴﻮﻧﻬﺔ ﺣﻤﺮ ﺍﺧﺎﻑ ﻣﺎﺭﺍﺿﻴﺔ ﻟﻮ ﻣﺎﻋﺎﺟﺒﻬﺔ ﻭﻟﻴﺪﻱ
ﻻ ﻳﺨﺘﻲ ﻣﻮﻫﻴﺞ ﺑﺲ ﻫﻴﺔ ﺭﺍﺳﺒﺔ ﺏﻻﻣﺘﺤﺎﻥ ﻭﺿﺎﻳﺠﺔ
ﺷﻠﻮﻥ ﻣﺎﻋﺎﺣﺒﻬﺔ ﻭﻳﻦ ﺗﻠﻜﺔ ﺍﺣﺴﻦ ﻣﻦ ﺳﻴﻮﻓﻲ
ﺑﺎﻭﻋﺖ ﻋﻠﻴﻬﺔ ﺍﻟﻤﺮﺓ ﻣﺎﻓﺎﺟﺌﺔ ﺑﺤﺠﻴﻬﺔ ﻭﻓﺎﻛﺔ ﺣﻠﻜﻬﺔ ﺟﺎﻥ ﺗﻜﻠﻠﻬﺔ : ﺷﻨﻮﻭﻭﻭ .....😱😱
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء