رواية انقذني ايها الغريب ج1 الجزء الثالث عشر
للكاتبة حنين حاتم
♦️♦️
ﺟﺎﻱ ﺍﺩﻳﺮ ﺍﻟﺘﻤﻦ ﺑﻠﻤﺼﻔﻲ ﺣﺘﺔ ﺍﺑﺰﻟﺔ
ﻣﺎﺳﻴﻄﺮﺕ ﻋﻠﻜﺪﺭ ﻭﻓﻠﺖ ﻣﻦ ﺍﻳﺪﻱ ﺣﺎﻭﻟﺖ ﺍﻟﺰﻣﺔ ﻋﺪﻝ ﻧﺠﻮﻳﺖ ﺑﻲ ﻭﺭﺃﺳﺎ ﻫﺪﻳﺘﺔ
ﻭﻳﺔ ﻣﺎﻫﺪﻳﺘﺔ ﺣﺴﻴﺖ ﻧﺎﺭ ﻭﺷﺘﻌﻠﺖ ﺑﺮﺟﻠﻲ
ﻋﺒﺎﻟﻚ ﻭﺍﺣﺪ ﺟﺎﺏ ﺗﻴﺰﺍﺏ ﻭﺩﺍﺭ ﻋﻠﻴﻬﺔ ﻣﺎﺗﺤﻤﻠﺖ ﻟﻮﺟﻊ ﺭﺃﺳﻦ ﺻﺮﺧﺖ ﻭﻟﺘﻤﻦ ﻧﺠﻔﺔ ﺑﻠﻜﺎﻉ ﻛﻠﺔ
ﻣﺪﻳﺖ ﺭﺟﻠﻲ ﻭﺭﻓﻌﺖ ﺛﻮﺑﻲ ﻋﻨﻬﺔ ﺷﻔﺘﻬﺔ ﺣﻤﺮﺓ ﺣﻴﻴﻞ ﻭﻟﺠﻠﺪ ﻣﺼﻠﻮﺥ ﺻﻠﺦ
ﺗﺪﻧﻴﺖ ﺍﺭﻳﺪ ﺍﻟﻢ ﺍﻟﺘﻤﻦ ﻭﺩﻣﻮﻋﻲ ﻳﺠﺮﻥ ﻣﻦ ﺍﻻﻟﻢ ﻻﻥ ﺍﺫﺍ ﺷﺎﻓﺘﺔ ﻓﺎﻃﻤﺔ ﺗﺴﻮﻳﻨﻲ ﺗﻤﻦ
ﺑﻌﺪﻧﻲ ﺍﻟﻢ ﺑﻲ ﻭﻣﺎﺣﺴﻴﺖ ﺍﻟﺔ ﺳﻴﻒ ﻭﻋﻤﻮ ﻓﻮﻙ ﺭﺍﺳﻲ
ﻳﺎﺍﺍ ﻟﻴﻠﻰ ﻫﺎﻱ ﺷﺒﻴﻬﺔ ﺭﺟﻠﺞ
ﺩﻧﻴﺖ ﺛﻮﺑﻲ ﺭﺃﺳﻦ ﻋﻠﻴﻬﺔ ﺍﺷﻮ ﻫﺎﺫ ﺳﻴﻒ ﻛﻌﺪ ﺑﻠﻜﺎﻉ ﻭﻟﺰﻡ ﺭﺟﻠﻲ ﺭﺃﺳﺎ ﻭﺭﻓﻊ ﺛﻮﺑﻲ ﻋﺰﺯﺯﺓ ﻫﺎﻱ ﺷﺼﺎﻳﺮ ﺑﻴﻬﺔ
ﺟﺎﺏ ﻟﺸﻜﺮﺩﺍﻥ ﻭﺩﺍﺭ ﻟﺸﻜﺮ ﻧﺼﺔ ﻋﻠﻴﻬﺔ ﻭﻛﻠﻲ ﻫﺴﺔ ﺗﺒﺮﺩ ﻟﺘﺨﺎﻓﻴﻦ
ﺍﻧﻲ ﺧﺤﻠﺖ ﻛﻠﺶ ﺭﺟﻠﻴﺔ ﺑﻴﻬﻦ ﺷﻌﺮ ﺻﺢ ﺍﺷﻜﺮ ﻭﺧﻐﻴﻒ ﺑﺲ ﻫﻢ ﻳﻔﺸﻞ ﻫﻮﺓ ﺍﻧﻲ ﺍﻟﺤﻚ ﺍﻣﺸﻂ ﺷﻌﺮﻱ ﻣﻦ ﻭﺭﺓ ﻓﺎﻃﻤﺔ ﺣﺘﺔ ﺍﺣﻒ ﺭﺟﻠﻴﺔ
ﺻﺎﺡ ﻋﻠﺔ ﻓﺎﻃﻤﺔ ﺭﺃﺳﻦ
ﻓﺎﻃﻤﺔ
ﻓﺎﻃﻤﺔ
ﺍﺟﺖ ﻓﺎﻃﻤﺔ ﻭﺍﻝ ﻣﺎﺷﺎﻓﺖ ﺍﻟﺘﻤﻦ ﺍﻟﻲ ﺑﻠﻜﺎﻉ ﺭﺃﺳﻦ ﺷﻬﻜﺖ
ﻳﺎﺍﺍﺍ ﻋﺰﺯﺓ ﺑﻌﻴﻨﺞ ﻭﻟﺞ ﻫﺎﻱ ﺷﻤﺴﻮﻳﺔ ﻣﺎﻛﺪﺭ ﺍﻋﻮﻓﺞ ﺩﻗﺎﻳﻖ ﺑﻠﻤﻄﺒﺦ
ﺑﺎﻭﻋﻠﻬﺔ ﺳﻴﻒ ﻛﻠﻠﻬﺔ ﻓﺎﻃﻤﺔ ﻣﻮﻭﻛﺘﺔ ﻫﺎﺫ ﻟﺤﺠﻲ ﺍﻟﺒﻨﻴﺔ ﻣﺎﻣﺘﻘﺼﺪﺓ ﻭﺭﺟﻠﻬﺔ ﺣﻴﻴﻞ ﺗﺄﺫﺕ ﺟﻴﺒﻴﻠﻲ ﻣﻌﺠﻮﻥ ﺍﺳﻨﺎﻥ ﻣﻌﺠﻮﻥ ﻃﺒﺦ ﺍﻱ ﺷﻲ ﺧﻞ ﺗﺒﺮﺩ ﺭﺟﻠﻬﺔ
ﻣﺎﻋﺪﻧﺔ
ﺟﻴﺒﻴﻠﻴﻬﺔ ﻡﻻﺑﺴﻬﺔ ﺧﻞ ﻧﻮﺩﻳﻬﺔ ﻟﻠﻤﺴﺘﺸﻔﻰ ﺟﻠﺪﻫﺔ ﻛﻠﺔ ﻧﺼﻠﺦ ﺧﻄﻴﺔ ﻣﺎﺗﻨﺎﻡ ﺍﻟﻴﻮﻡ ﺍﺫﺍ ﻣﻴﻨﻄﻮﻫﺔ ﻣﻬﺪﺀ ﺷﻲ
ﻳﻤﻌﻮﺩ ﻛﻠﺸﻲ ﻣﺎﺑﻴﻬﺔ ﻫﺴﺔ ﺩﻗﺎﻳﻖ ﻭﺗﻜﻮﻡ ﺗﻜﻤﺰ ﻣﺜﻞ ﻟﻘﺮﺩ
ﻓﺎﻃﻤﺔ ﺻﺪﻙ ﺗﺤﺠﻴﻦ ﺗﻌﺎﻱ ﺷﻮﻓﻲ ﺭﺟﻠﻬﺔ ﺟﻠﺪﻫﺔ ﻛﻠﺔ ﻧﺸﺎﻝ
ﺍﻱ ﻣﺎﺑﻴﻬﺔ ﺷﻲ ﺭﺟﻠﻬﺔ ﺧﻞ ﺗﺘﺤﻤﻞ ﻭﺟﻌﻬﺔ ﻭﺗﻜﻮﻡ ﺗﻜﻤﻞ ﻟﻌﺸﺔ ﻣﻮﺑﺲ ﻋﺮﻓﺖ ﺗﻮﻛﻊ ﻟﺘﻤﻦ ﻭﺗﺰﺭﻉ ﻟﻜﺎﻉ ﺑﻲ ﻫﺎﻱ ﻟﻌﺎﻟﻢ ﻫﺴﺔ ﺷﻨﻮﻛﻠﻬﻢ
ﻓﺎﻃﻤﺔ ﺻﺪﻙ ﻋﻮﺩ ﻭﻟﺞ ﺍﻧﺘﻲ ﺟﻜﺔ ﺩﻧﺒﻮﺱ ﻣﺎﺗﺘﺤﻤﻠﻴﻬﺔ ﻭﺗﺮﺩﻳﻨﻬﺔ ﺗﺘﺤﻤﻞ ﻫﺎﺫ ﻟﻮﺟﻊ ﻧﻄﻴﻨﻲ ﻡﻻﺑﺴﻬﺔ ﺑﺴﺎﻉ
ﻃﻠﻌﺖ ﻟﻢﻻﺑﺲ ﻣﻦ ﻟﻤﻠﺤﻖ ﺷﻤﺮﺗﻬﻦ ﺑﻮﺟﻬﻲ ﻭﺭﺍﺣﺖ ﻟﻐﺮﻓﺘﻬﺔ
ﺳﻴﻒ ﻛﺎﻡ ﻳﻬﺰ ﺑﻴﺪﺓ ﻭﻋﻤﻮ ﻭﺍﻛﻒ ﻓﺶﻻﻥ ﻣﻦ ﺗﺼﺮﻓﻬﺔ ﺑﺲ ﻣﻴﺤﺮﻙ ﺳﺎﻛﻦ ﻳﺨﺎﻑ ﻣﻦ ﻋﺪﻫﺔ
ﻛﻮﻣﻨﻲ ﻋﻤﻮ ﻭﻛﻤﺖ ﺑﺲ ﻣﻦ ﻛﻤﺖ ﺗﺄﺫﻳﺖ ﺣﻴﻴﻞ ﻟﺠﻠﺪ ﺗﻜﺮﻣﺶ ﻭﻟﺘﻢ ﻣﻦ ﻭﻛﻊ ﻋﻠﻲ ﻟﻔﻮﺡ ﻭﻣﻦ ﻛﻤﺖ ﺣﺴﻴﺘﺔ ﻧﺠﺮ ﻧﺘﻬﻴﺖ ﻣﻦ ﻟﻮﺟﻊ ﺣﺒﺴﺖ ﻻﻟﻢ ﺑﺪﺍﺧﻠﻲ ﺑﺲ ﺩﻣﻮﻋﻲ ﺭﺃﺳﻦ ﻧﺰﻟﻦ ﻣﺎﻛﺪﺭ ﺍﺣﺒﺴﻬﻦ ﻣﻦ ﻳﻮﻡ ﻳﻮﻣﻲ ﺍﻡ ﺩﻣﻴﻌﺔ
ﺳﻴﻒ : ﻛﺎﻋﺪﻳﻦ ﻧﺴﻮﻟﻒ ﻭﻧﻀﺤﻚ ﺏﻻﺳﺘﻘﺒﺎﻝ ﻭﺳﻤﻌﻨﺔ ﺻﻮﺕ ﺻﺮﺧﺔ ﻭﺣﺪﺓ ﺑﺎﻭﻋﺖ ﻭﻟﻴﺪ ﻣﺎﻛﻮ ﻛﻠﺖ ﺑﺲﻻ ﻫﺎﻱ ﻟﻴﻠﻰ ﺍﺫﺍﻫﺔ ﻭﻟﻴﺪ ﻭﺍﻧﻲ ﺍﺹﻻ ﻣﻦ ﻃﺒﻴﺘﻠﻬﻢ ﻭﺷﻔﺘﺔ ﻛﻠﺒﻲ ﻛﻠﺶ ﻧﻘﺒﺾ ﻭﺑﺎﻟﻲ ﻳﻤﻬﺔ ﻛﻠﻤﺎ ﺍﺷﻮﻓﺔ ﻳﻄﻠﻊ ﺍﺿﻞ ﺣﺎﻁ ﺑﺎﻟﻲ ﻳﻢ ﻟﺒﺎﺏ ﻭﻛﻌﺪﺕ ﺑﺼﻒ ﻟﺒﺎﺏ ﺧﺎﻑ ﻳﺼﻴﺮ ﺷﻲ ﻭﻳﺎﻫﺔ ﺣﺘﺔ ﺍﺳﻤﻊ ﺻﻮﺗﻬﺔ ﻭﺍﺕﻻﺣﻜﻬﺔ
ﻣﻦ ﺳﻤﻌﺖ ﺻﻮﺗﻬﺔ ﻣﺪﺭﻱ ﺷﺼﺎﺭ ﺑﻴﺔ ﺣﻴﻠﻲ ﻧﻬﺪ ﺳﻮﻳﺖ ﻟﺼﺎﻟﺔ ﺷﺒﺨﺘﻴﻦ ﻭﺭﻛﻀﺖ ﻝﻻﺳﺘﻘﺒﺎﻝ ﺍﺑﺎﻭﻉ ﻟﻴﻠﻰ ﺑﻠﻜﺎﻉ ﻭﻟﺘﻤﻦ ﻣﺘﺒﺪﻱ ﻭﻟﻜﺪﺭ ﺑﺼﻒ ﺭﺟﻠﻴﻬﺔ ﻭﻫﻴﺔ ﺩﻣﻮﻋﻬﺔ ﺗﺼﺐ ﻭﻭﺟﻬﺔ ﻣﺨﻄﻮﻑ ﻣﺎﺩﺭﻱ ﺷﺼﺎﺭ ﺑﻴﺔ ﻣﻦ ﺷﻔﺘﻬﺔ ﺍﺣﺲ ﻛﻠﺒﻲ ﻧﺨﻤﺶ
ﻭﻣﻦ ﺷﻔﺖ ﺩﻣﻮﻋﻬﺔ ﻭﻋﻴﻮﻧﻬﺔ ﻟﺤﻠﻮﺍﺕ ﺻﺎﻳﺮﺍﺕ ﺣﻤﺮ ﻓﺮﻓﺤﺖ ﻋﻠﻴﻬﺔ ﺑﺪﻱ ﺍﺷﻴﻠﻬﺔ ﻭﺍﻃﻴﺮ ﺑﻴﻬﺔ ﻟﻠﻤﺴﺘﺸﻔﻰ ﻣﺎﺭﻳﺪﻫﺔ ﺗﺘﻮﺟﻊ
ﻭﻛﺘﻬﺔ ﺑﺲ ﻋﺮﻓﺖ ﻭﺗﺄﻛﺪﺕ ﺍﻧﻮ ﻫﺎﻱ ﻟﺒﻨﻴﺔ ﺍﺧﺬﺕ ﻣﻜﺎﻥ ﺑﻜﻠﺒﻲ ﻭﺻﺎﺭﺕ ﺗﻌﻨﻴﻠﻲ
ﻣﻦ ﻛﻮﻣﻬﺔ ﻋﻤﻬﺔ ﻃﺒﻜﺖ ﺣﻮﺍﺟﺒﻬﺔ ﻭﻏﻤﻀﺖ ﻋﻴﻮﻧﻬﺔ ﻭﻧﺰﻟﻦ ﺩﻣﻮﻋﻬﺔ ﺭﺃﺳﻦ ﻋﺮﻓﺘﻬﺔ ﺗﺄﺫﺕ ﻧﻤﺮﺩﺕ ﻋﻠﻴﻬﺔ ﺣﻴﻴﻞ ﺗﻤﻨﻴﺖ ﺍﺷﻴﻠﻬﺔ ﻭﻣﺎﺧﻠﻴﻬﺔ ﺗﺘﻮﺟﻊ
ﻋﻤﻮ ﻛﻮﻣﻨﻲ ﻭﺻﺎﺡ ﻋﻠﺔ ﻓﺎﻃﻤﺔ
3 ﻣﺮﺍﺕ ﺻﺎﺡ ﻋﻠﻴﻬﺔ ﻭﻣﺎﺍﺟﺖ ﺑﻌﺪﻳﻦ ﻃﻠﻌﺖ ﻋﺎﻗﺠﺔ ﻭﺟﻬﺔ ﻭﻣﺎﻋﺎﺟﺒﻬﺔ
ﺍﻣﺸﻲ ﻭﻳﺎ ﻟﻴﻠﻰ ﺳﻴﻒ ﻳﻮﺩﻳﻜﻢ ﺧﻞ ﻳﻀﻤﺪﻭﻥ ﺭﺟﻠﻬﺔ ﻭﻳﻨﻄﻮﻛﻢ ﻉﻻﺝ
ﻭﺍﻟﻠﻪ ﺍﻧﻲ ﺭﺍﺳﻲ ﻳﻮﺟﻌﻨﻲ ﻭﻣﺎﻟﻲ ﺧﻠﻚ ﻫﻮﺳﺔ ﺍﻟﻤﺴﺘﺸﻔﻰ
ﻟﻌﺪ ﺷﻠﻮﻥ ﺍﻧﻲ ﻣﺎﻛﺪﺭ ﺍﻋﻮﻑ ﻟﻌﺎﻟﻢ ﻓﺸﻠﺔ ﻣﻨﻮ ﻳﺒﻘﺔ ﻳﻤﻬﻢ ﺍﺑﻨﺞ ﺍﺷﻮ ﻋﺎﻓﻨﺔ ﻭﻃﻠﻊ ﻣﻦ ﻟﻤﻐﺮﺏ ﻭﻟﺴﺎ ﻣﺎﺑﻴﻦ
ﻣﺎﺩﺭﻱ ﻭﺍﻟﻠﻪ ﺍﻧﻲ ﻣﺎﻣﺴﺆﻟﺔ ﻭﺑﻌﺪﻳﻦ ﻫﻴﺔ ﺷﻜﻮ ﻫﻴﺞ ﺗﺘﻌﺎﻳﺮ ﻭﻋﺎﻳﺸﺔ ﺍﻟﺤﻀﺔ ﺍﺷﻮ ﻫﻮﺓ ﺣﺮﻙ ﺑﺴﻴﻂ
ﻫﺴﺔ ﺷﻠﻮﻥ ﻓﺎﻃﻤﺔ ﻣﺎﺭﺍﺡ ﺗﻔﻀﻴﻦ ﻫﺎﻱ ﻟﺴﻴﺮﺓ ﺍﻣﺸﻲ ﺻﻴﺤﻴﻠﻲ ﺳﻜﻴﻨﺔ
ﺍﺟﺖ ﺳﻜﻴﻨﺔ ﻛﻠﻠﻬﺔ ﺭﻭﺣﻲ ﻭﻳﺔ ﻟﻴﻠﻰ ﻭﻫﻢ ﻣﺎﻗﺒﻠﺖ ﺗﻮﺳﻞ ﻋﻤﻮ ﺭﺍﺩ ﺍﺑﺪ ﻭﻻ ﺗﻨﻄﻲ ﻣﻦ ﺭﻭﺣﻬﺔ
ﺑﻌﺪﻳﻦ ﺳﻴﻒ ﻛﻞ ﻟﻌﻤﻮ
ﺧﻠﻴﻞ ﺍﻧﻲ ﺍﻭﺩﻳﻬﺔ
ﺷﻠﻮﻥ ﺗﺮﺣﻮﻥ ﻭﺣﺪﻛﻢ
ﺍﻱ ﻳﺎﺧﻮﻳﺔ ﺷﻨﻲ ﺍﻟﺴﺎﻟﻔﺔ ﻗﺎﺑﻞ ﺭﺍﺡ ﺍﻛﻠﻬﺔ ﻫﺴﺔ ﺩﻗﺎﻳﻖ ﻭﻧﺮﺟﻊ
ﻳﻠﻠﻪ ﺭﻭﺣﻮ ﺑﺲ ﺧﺎﺑﺮﻧﻲ ﻛﻠﺴﺎ ﻭﺳﻮﻕ ﻋﻠﺔ ﻛﻴﻔﻚ ﻓﺪﻭﺓ
ﺿﻠﻴﺖ ﻓﺶﻻﻧﺔ ﻣﻦ ﺍﻟﻮﻟﺪ ﻻﺑﻴﺔ ﺍﻛﻠﺔ ﻣﺎﺭﻭﺡ ﻭﻻﺑﻴﺔ ﺍﺗﺤﻤﻞ ﻭﺟﻊ ﺭﺟﻠﻲ ﺍﺣﺲ ﻧﺎﺭ ﺗﻄﻠﻊ ﻣﻨﻬﺔ
ﻃﻠﻌﺖ ﻭﻳﺔ ﻟﻮﻟﺪ ﻭﺻﻌﺪﺕ ﻟﻴﻮﺭﺓ ﻭﺣﺮﻙ
ﻟﻄﺮﻳﻖ ﻛﻠﺔ ﻛﻠﺴﺎ ﻳﻨﺪﺍﺭ ﻋﻠﻴﺔ ﻳﻜﻠﻲ
ﻫﺎ ﺗﻮﺟﻌﺞ
ﺷﻮﻳﻴﺔ
ﻭﺍﻟﻠﻪ ﻋﻨﺪﺝ ﺻﺒﺮ ﺍﻧﺘﻲ ﺍﻧﻲ ﻟﻮ ﺑﻤﻜﺎﻧﺞ ﺟﺎﻥ ﻛﻤﺖ ﺍﺻﺮﺥ
ﺿﺤﻜﺖ ﺍﻧﻲ
ﺑﺲ ﻣﻮﻏﺮﻳﺒﺔ ﻫﻴﺔ ﺍﻟﻲ ﺗﺠﺮﻉ ﻓﺎﻃﻤﺔ ﻣﺎﺗﻜﺪﺭ ﺗﺠﺮﻉ ﻫﺎﺫ ﻟﻮﺟﻊ ﻫﻨﻴﺎﻟﺞ ﻋﻠﺔ ﻫﺎﺫ ﻟﺼﺒﺮ
ﻣﺎﺣﺎﺟﻴﺔ ﻭﻳﺔ ﻭﻟﺪ ﻏﺮﻳﺐ ﻗﺒﻞ ﻣﻦ ﻳﺤﺠﻲ ﻭﻳﺎﻱ ﻣﺎﺩﺭﻱ ﺷﻴﺼﻴﺮ ﺑﻴﺔ ﺍﺭﺗﺒﻚ ﻭﻟﺤﺠﻲ ﻣﺪﺭﻱ ﻭﻳﻦ ﻳﺮﻭﺡ ﺿﻠﻴﺖ ﺑﺲ ﺍﺑﺘﺴﻢ ﺑﻮﺟﻬﺔ ﻭﻛﻠﺸﻲ ﻣﺎﺣﺠﻴﺖ
ﻭﻛﻠﻤﺎ ﻧﻔﻮﺕ ﺑﻄﺴﺔ ﺍﻧﻠﺠﻢ ﻭﺍﺗﺄﺫﺓ ﻋﻠﻤﺎ ﻭﺻﻠﻨﺔ ﻣﺘﺖ ﻣﻦ ﻟﻮﺟﻊ
ﻭﻛﻒ ﻟﺴﻴﺎﺭﺓ ﻭﻧﺰﻝ ﻗﺒﻠﻲ ﺭﻛﺾ ﺟﺎﺑﻠﻲ ﻋﺮﺑﺎﻧﺔ
ﻧﺰﻟﺖ ﻛﺘﻠﺔ ﻋﺎﺩﻱ ﺍﻣﺸﻲ ﺍﻛﺪﺭ
ﻣﺎﻗﺒﻞ
ﺻﻌﺪﺕ ﺑﻴﻬﺔ ﻭﺩﻓﻌﻨﻲ ﺑﺲ ﻛﻠﺶ ﻣﺴﺘﺤﻴﺔ ﻣﻦ ﻋﻨﺪﺓ
ﺍﻟﻤﺴﺘﺸﻔﻰ ﺍﻟﻲ ﺭﺣﻨﺎﻟﻬﺔ ﺍﻫﻠﻴﺔ ﻣﻮﺣﻜﻮﻣﻲ ﺩﻓﻌﻨﺔ ﻓﻠﻮﺱ ﻛﺸﻔﻴﺔ ﻭﻃﺒﻴﻨﺔ ﺑﻠﻐﺮﻓﺔ ﻧﻨﺘﻀﺮ ﺍﻧﻲ ﻛﻌﺪﻧﻲ ﺑﺼﻒ ﻧﺴﻮﺍﻥ ﺛﻨﻴﻦ ﻭﻫﻮﺓ ﻛﻌﺪ ﻋﻠﻤﺴﻄﺒﺔ ﺍﻟﻲ ﻛﺒﺎﻟﻲ ﻭﻳﻤﺔ ﻭﻟﺪ ﺛﻨﻴﻦ ﺯﻏﻴﺮﻭﻧﻴﻦ
ﻛﺎﻋﺪ ﻛﺒﺎﻟﻲ ﻳﺒﺎﻭﻉ ﻋﻠﺔ ﻫﺪﻭﻣﻲ ﻭﺑﺲ ﻳﺒﺘﺴﻢ ﻛﻠﺖ ﺷﺒﻴﺔ ﺍﻧﻲ ﻣﻌﻘﻮﻟﺔ ﻫﺪﻭﻣﻲ ﺑﻴﻬﻦ ﺷﻲ ﺑﻌﺪﻳﻦ ﺗﺬﻛﺮﺕ ﺍﻧﻲ ﻻﺑﺴﺔ ﺍﻟﺠﺒﺔ ﺍﻟﻲ ﺟﺎﺑﻬﺔ ﺍﻟﻲ ﺍﻛﻮﻝ ﻳﺒﺘﺴﻢ
ﺍﺟﺔ ﺩﻭﺭﻧﺔ ﻭﺻﺎﺣﻮ ﺍﺳﻤﻲ ﻛﻤﺖ ﻃﺒﻴﺖ ﻭﻫﻮﺓ ﻃﺐ ﻭﻳﺎﻱ ﻟﺮﺟﺎﻝ ﺍﺑﻮ ﻻﺳﺘﻌﺎﻻﻣﺎﺕ ﻛﻠﺔ ﺍﻧﺘﺔ ﻭﻳﺎﻫﺔ ﻛﻠﺔ ﺍﻱ ﺯﻭﺟﺘﻲ ﺍﻧﻲ ﺗﻔﺎﺟﺌﺖ ﻣﻦ ﻛﺎﻝ ﻫﻴﺞ ﻭﺳﺘﺤﻴﺖ ﻛﻠﺶ ﻣﻦ ﻋﺪﺓ
ﻃﺒﻴﺖ ﻟﻠﺪﻛﺘﻮﺭ ﻛﻠﻲ ﻃﻠﻌﻲ ﺭﺟﻠﺞ ﻃﻠﻌﺘﻬﺔ ﺑﺲ ﻣﻴﺘﺔ ﻣﻦ ﻟﻔﺸﻠﺔ ﺍﻭﻝ ﻣﺮﺓ ﺍﺳﻮﻳﻬﺔ ﻛﺪﺍﻡ ﻏﺮﻳﺐ
ﺭﺍﺡ ﻃﻠﻊ ﻏﺮﺍﺿﺔ ﺟﺎﺏ ﺩﻳﺘﻮﻝ ﻋﻘﻤﻬﺔ ﻭﺟﺎﺏ ﻣﻜﺺ ﻭﻛﻄﻦ ﻭﺷﺎﺵ ﻭﺑﺪﺓ ﻳﻜﺺ ﺑﺠﻠﺪ ﻟﻤﺤﺘﺮﻙ ﻭﻳﺴﺤﺒﺔ
ﻳﻤﺔ ﺷﺼﺎﺭ ﺑﻴﺔ ﺣﻄﻴﺖ ﺍﻳﺪﻱ ﻋﻠﺔ ﺣﻠﻜﻲ ﻭﻛﻮﺓ ﻛﺎﺗﻤﺔ ﻟﺼﺮﺧﺔ ﻧﺘﻬﻴﺖ ﻣﻦ ﺍﻟﻮﺟﻊ
ﻭﻫﻮﺓ ﻭﺍﻛﻒ ﻳﻢ ﻟﺪﻛﺘﻮﺭ ﻛﻠﺴﺎ ﻳﻜﻠﺔ ﻋﻔﻴﺔ ﻋﻠﺔ ﻛﻴﻔﻚ ﺟﺎﻱ ﺗﺄﺫﻳﻬﺔ
ﺿﻤﺪﻫﺔ ﻭﻛﻤﻞ ﻭﺍﻧﻲ ﻛﻤﺖ ﺍﺷﻬﻚ ﻭﺍﻧﺎﺷﻎ ﻣﺜﻞ ﻟﺠﻬﺎﻝ
ﻛﻤﻞ ﻭﺳﻴﻒ ﺩﻓﻊ ﺍﻟﺤﺴﺎﺏ ﻭﻃﻠﻌﻨﺔ
ﻭﺑﻠﻄﺮﻳﻖ ﻧﺰﻝ ﻳﻢ ﻣﺤﻞ ﻣﺎﻝ ﻣﻮﻃﺔ ﺟﺎﺏ ﻭﺣﺪﺓ ﺍﻟﻲ ﻭﻭﺣﺪﺓ ﺍﻟﺔ ﻛﻠﻲ ﻫﺎﺝ ﺑﺮﺩﻱ ﻛﻠﺒﺞ ﻓﺮﻓﺤﺘﻲ ﻣﻦ ﻟﻮﺟﻊ ﺍﻟﻠﻪ ﻳﺴﺎﻋﺪﺝ
ﻳﺒﺎﻭﻋﻠﻲ ﻭﻳﻀﺤﻚ ﻭﻳﻜﻠﻲ ﻭﺍﻧﻲ ﻫﻢ ﻓﺮﻓﺤﺖ ﻋﻠﻴﺞ ﺧﻞ ﺍﺑﺮﺩ ﻛﻠﺒﻲ
ﺍﻛﻠﺖ ﻟﻤﻮﻃﺎ ﻳﺒﻮﻭ ﻋﻠﺔ ﻃﻌﻤﻬﺔ ﺗﺠﻨﻦ ﺑﺤﻴﺎﺗﻲ ﻣﺎﺿﺎﻳﻜﺔ ﻣﺜﻠﻬﺔ
ﻭﺻﻠﻨﺔ ﻟﻠﺒﻴﺖ ﻫﻮﺓ ﻃﺐ ﻝﻻﺳﺘﻘﺒﺎﻝ ﻭﺍﻧﻲ ﻃﺒﻴﺖ ﻟﻠﻤﻄﺒﺦ ﻟﻜﻴﺖ ﻟﻤﻄﺒﺦ ﻛﻠﺔ ﻣﻮﺍﻋﻴﻦ ﻣﻠﻴﺎﻥ ﺑﻜﻞ ﻣﻜﺎﻥ ﻋﻠﺴﻨﻚ ﻭﻋﻠﻄﺒﺎﺥ ﻭﺑﻠﻜﺎﻉ ﻭﺍﻛﻞ ﺯﺍﻳﺪ ﺷﻲ ﻓﻮﻙ ﺷﻲ ﺣﺘﺔ ﻣﺎﻣﻌﺰﻻﺗﺔ
ﻧﺰﻋﺖ ﺟﺒﺘﻲ ﻭﺷﺮﺑﺖ ﻣﻲ ﻭﺍﺟﻴﺖ ﺍﺭﻳﺪ ﺍﻋﺰﻟﺔ ﺑﺎﻭﻋﺖ ﻻﻛﻞ ﻟﺒﺎﻗﻲ ﻛﺒﺎﺏ ﺷﻮﻱ ﻭﺩﺟﺎﺝ
ﻃﺒﻌﺎ ﻓﺎﻃﻤﺔ ﻟﻮﺗﻤﻮﺕ ﻣﺎﺗﻄﺒﺦ
ﻟﻤﻴﺖ ﺍﻟﻨﻌﻤﺔ ﺧﻠﻴﺘﻬﺔ ﺑﻠﺚﻻﺟﺔ ﻭﺑﺪﻳﺖ ﺍﻏﺴﻞ ﺑﻠﻤﻮﺍﻋﻴﻦ
ﺳﻤﻌﺖ ﺻﻮﺕ ﻟﺰﻟﻢ ﻃﻠﻌﻮ ﻫﻨﺎ ﻛﻠﺒﻲ ﻭﻛﻊ ﺑﻠﻜﺎﻉ ﻣﻦ ﻟﺨﻮﻑ ﻫﺎﻱ ﺛﺎﻧﻲ ﻣﻨﺎﺳﺒﺔ ﺍﺧﺮﺑﻬﺔ ﻟﻔﺎﻃﻤﺔ ﺍﻟﻴﻮﻡ ﺷﻴﺨﻠﺼﻨﻲ ﻣﻨﻬﺔ ﻭﺍﺫﺍ ﺧﻠﺼﺖ ﻣﻨﻬﺔ ﻣﺎﺭﺍﺡ ﺍﺧﻠﺺ ﻣﻦ ﻭﻟﻴﺪ
ﻃﻠﻌﻮ ﻟﺰﻟﻢ ﻭﻋﻤﻮ ﺳﺪ ﻟﺒﺎﺏ ﻭﻃﻠﻊ ﺭﺍﺡ ﻟﻠﻤﻮﻟﺪﺓ ﺑﻌﺪﻧﻲ ﻭﺍﻛﻔﺔ ﻋﻠﺴﻨﻚ ﺣﺴﻴﺖ ﺷﻲ ﺍﺟﺔ ﺑﻀﻬﺮﻱ ﻗﺴﻤﺔ ﺑﻠﻨﺺ ﻣﺘﺖ ﻣﻦ ﻟﻮﺟﻊ ﻧﺪﺍﺭﻳﺖ ﻓﺎﻃﻤﺔ ﺑﻴﺪﻫﺔ ﺟﻔﺤﻴﺮ ﻭﻳﺔ ﻣﺎﻧﺪﻟﺮﻳﺖ ﺿﺮﺑﺘﻨﻲ ﺑﻜﺼﺘﻲ ﺧﻠﻴﺖ ﺍﺩﻳﺔ ﻛﺪﺍﻡ ﻭﺟﻬﻲ ﻭﻛﺎﻣﺖ ﻟﻀﺮﺑﺎﺕ ﺗﺠﻴﻨﻲ ﺑﻜﻞ ﻣﻜﺎﻥ ﻛﻌﺪﺕ ﺑﻠﻜﺎﻉ ﻭﻛﻤﺖ ﺍﺻﺮﺥ ﻭﺍﺗﻮﺳﻞ ﺑﻴﻬﺔ
ﻋﻤﺔ ﺍﻧﻲ ﺷﺴﻮﻳﺖ ﻋﻮﻓﻴﻨﻲ ﻓﺪﻭﺓ ﺟﺎﻱ ﺗﻮﺟﻌﻴﻨﻲ ﻋﻤﺔ ﺍﻟﻠﻪ ﻳﺨﻠﻴﺞ ﺷﻤﺴﻮﻳﺔ ﺍﻧﻲ ﺣﺘﺔ ﺍﻟﻠﻪ ﻣﺎﻳﺮﺿﺔ
ﺗﻔﺸﺮ ﻋﻠﻴﺔ ﻭﻋﻠﺔ ﺍﺑﻮﻱ ﻭﻣﺴﺘﻤﺮﺓ ﺗﻀﺮﺏ ﺑﻴﺔ ﻛﻞ ﻗﻮﺗﻬﺔ ﻧﻬﺘﻨﻲ ﻣﻦ ﻟﻀﺮﺏ ﺑﻌﺪ ﺣﺘﺔ ﻣﺎﺑﻴﺔ ﺍﺭﻓﻊ ﺍﺩﻳﺔ ﻭﺍﺣﻤﻲ ﺭﻭﺣﻲ
ﻧﻔﺘﺤﺖ ﺑﺎﺏ ﻟﻤﻄﺒﺦ ﻭﺩﺧﻞ ﻭﻟﻴﺪ
ﺷﺎﻓﻨﺔ ﻛﺒﻞ ﺭﻛﺾ ﺻﺎﺭ ﻛﺪﺍﻣﻲ ﻭﻟﺰﻡ ﻟﺠﻔﺠﻴﺮ ﻣﻨﻬﻰ
ﻳﻤﺔ ﻋﻮﻓﻴﻬﺔ ﺷﺒﻴﺞ ﺷﺴﻮﺕ ﻫﻴﺔ
ﻫﻴﺔ ﺗﺪﻓﻊ ﺑﻲ ﻭﺗﻜﻠﻲ ﺍﺩﺑﺴﺰ ﺩﺍﻳﺤﺔ ﺗﺘﻌﺎﻳﺮﻳﻦ ﻛﺪﺍﻡ ﺍﻟﻮﻟﺪ ﺳﻮﻳﺘﻲ ﺭﻭﺣﺞ ﻛﻠﺶ ﻣﻴﺘﺔ ﺣﺘﺔ ﺗﺸﺮﺩﻳﻦ ﻣﻦ ﻟﻄﺒﺦ ﻣﻮ
ﻋﻮﻓﻴﻬﺔ ﻳﻤﺔ ﻗﺎﺑﻞ ﻣﺘﻌﻤﺪﺓ
ﺑﺴﻴﻄﺔ ﻟﻴﻠﻰ ﻫﺎﻱ ﺛﺎﻧﻲ ﻣﺮﺓ ﺧﻮ ﺍﻧﻲ ﺍﻋﻠﻤﺞ
ﺍﺧﺬﻫﺔ ﻭﻟﻴﺪ ﻛﻌﺪﻫﺔ ﺑﻠﺼﺎﻟﺔ ﻭﺳﺪ ﻋﻠﻴﺔ ﺑﺎﺏ ﻟﻤﻄﺒﺦ
ﺿﻠﻴﺖ ﺻﺎﻓﻨﺔ ﻭﻟﻴﺪ ﻳﺴﻮﻱ ﻫﻴﺞ ﻣﻌﻘﻮﻟﺔ ﺍﻭﻭﻭﻑ ﺣﺘﺔ ﺍﻟﻲ ﻳﺤﻤﻴﻨﻲ ﻭﻳﻮﻛﻒ ﻭﻳﺎﻱ ﺍﻟﺔ ﻏﺎﻳﺔ ﻣﻦ ﻫﻠﺸﻲ ﻣﻮ ﻟﺴﻮﺍﺩ ﻋﻴﻮﻧﻲ ﻭﻻ ﻳﺴﻮﻳﻬﺔ ﻟﻠﻪ
ﺍﺳﻤﻌﻬﺔ ﺗﻜﻠﺔ ﺧﻞ ﺗﻐﺴﻞ ﺍﻟﻤﻮﺍﻋﻴﻦ ﻻ ﺍﺟﻲ ﺍﻏﻂ ﺭﺍﺳﻬﺔ ﺑﻠﺒﻠﻮﻋﺔ
ﺍﺟﺎﻧﻲ ﻓﺘﺢ ﻟﺒﺎﺏ ﻛﻠﻲ ﻏﺴﻠﻲ ﻟﻤﻮﺍﻋﻴﻦ ﺷﻠﻮﻥ ﻣﺎﺟﺎﻥ ﺍﻣﻲ ﻟﻴﻮﻡ ﻣﺘﻌﻮﻓﺞ ﺣﺘﺔ ﻟﻮ ﻣﻮﺟﻮﻋﺔ ﻫﻴﺞ ﺷﻠﻮﻥ ﻣﺎﺟﺎﻥ
ﺍﺩﻳﺔ ﻭﺭﺟﻠﻴﺔ ﻛﺎﻣﻦ ﻳﺼﻠﻦ ﻋﻠﻴﺔ ﻣﻦ ﻟﻮﺟﻊ ﺍﺭﻳﺪ ﺍﻛﻤﻞ ﻟﻤﻮﺍﻋﻴﻦ ﻛﻮﺓ ﻭﺍﻛﻔﺔ ﻛﻤﻠﺘﻬﻦ ﺑﻂﻻﻉ ﻟﺮﻭﺡ
ﻃﻠﻌﺖ ﺑﻄﺎﻧﻴﺘﻲ ﻭﻟﻤﺨﺪﺓ ﻟﻔﻴﺖ ﺭﻭﺣﻲ ﻻﻥ ﺑﺮﺩﺕ ﺣﻴﻴﻴﻞ ﻣﺎﺩﺭﻱ ﺻﺨﻨﺖ ﻣﺪﺭﻱ ﻟﺠﻮ ﺑﺎﺭﺩ
ﺭﻓﻌﺖ ﺭﺍﺳﻲ ﻟﻠﺴﻤﺔ ﺍﺣﺎﺟﻲ ﺭﺑﻲ ﻋﺴﻰ ﻭﻟﻌﻞ ﻳﺴﻤﻌﻨﻲ ﻟﻴﻮﻡ ﺳﻨﻴﻦ ﺍﻟﻲ ﺍﺣﺎﺟﻲ ﻭﺣﻴﺎﺗﻲ ﻫﻴﺔ ﻫﻴﺔ ﻭﻟﻤﺼﺎﻳﺐ ﻳﻮﻡ ﻋﻦ ﻳﻮﻡ ﺗﺰﻳﺪ ﻣﺎﺗﻘﻞ
ﺍﻟﻬﻲ ﻛﺎﻓﻲ ﺗﻌﺒﺖ ﺳﺎﻋﺪﻧﻲ ﺭﺑﻲ ﺑﻌﺪ ﻣﺎﺑﻴﺔ ﺯﻏﻴﺮﺓ ﻋﻠﺔ ﻫﻠﻀﻴﻢ ﻭﺍﻟﻠﻪ ﺯﻏﻴﺮﺓ ﻭﺣﻤﻞ ﻟﺪﻧﻴﺔ ﻛﻠﻤﺎ ﺟﺎﻟﺔ ﻳﺰﻳﺪ ﻭﺍﻧﻲ ﺗﻌﺒﺖ ﺑﻌﺪ ﻣﺎﺑﻴﺔ ﺍﺗﺤﻤﻞ ﺿﺮﺏ ﻭﺍﻫﺎﻧﺎﺕ ﻣﺎﺑﻘﺔ ﻣﻜﺎﻥ ﺑﺠﺴﻤﻲ ﺳﺎﻟﻢ ﻳﺮﺑﻲ ﻛﻠﺸﻲ ﺑﻬﻠﺪﻧﻴﺔ ﺍﻟﺔ ﻧﻬﺎﻳﺔ ﺑﺲ ﺿﻴﻢ ﻟﻴﻠﻰ ﻳﺰﻳﺪ ﻣﺎﻳﻨﻘﺺ
ﺍﻭﻭﻭﻭﻑ ﺭﺑﻲ ﺍﺭﻳﺪﻙ ﺗﻄﻠﻊ ﺣﻮﺑﺘﻲ ﺑﻔﺎﻃﻤﺔ ﺍﺫﺍ ﺫﻧﻲ ﺩﻣﻮﻋﻲ ﺍﻟﻬﻦ ﺣﻮﺑﺔ ﺍﺭﻳﺪﻙ ﺗﻄﻠﻌﻬﻦ ﺑﻴﻬﺔ ﻋﺸﺘﻠﻬﺔ ﺧﺪﺍﻣﺔ ﻣﻦ ﺯﻏﺮﻱ ﻭﻋﻤﺮﻱ ﻣﺎﻛﻠﺖ ﻻ ﺷﺘﻜﻠﻲ ﺍﻛﻮﻝ ﺣﺎﺿﺮ ﻭﺍﺳﻮﻱ ﻛﻠﺸﻲ ﻟﺘﻜﻠﻲ ﻋﻠﻲ ﻭﻣﻦ ﺣﻠﻚ ﺳﺎﻛﺖ
ﺭﺑﻲ ﺩﻣﻮﻋﻲ ﺫﻧﻲ ﺭﺧﻴﺼﺎﺕ ﻋﺪﻙ ﻣﻮﻳﻜﻮﻟﻮﻥ ﺩﻣﻌﺔ ﻟﻴﺘﻴﻢ ﺗﻬﺰ ﻋﺮﺷﻚ ﺍﺷﻮ ﺍﻧﻲ ﺟﺒﺖ ﻋﻤﺮﻱ ﻛﻠﺔ ﺍﺑﺠﻲ ﺷﻮﻛﺖ ﻳﻬﺘﺰ ﻋﺮﺷﻚ ﻭﺗﻠﺘﻔﺘﻠﻲ ﺗﻌﺒﺖ ﺍﻟﻬﻲ ﺩﺧﻴﻞ ﺍﺳﻤﻚ ﺑﻌﺪ ﻣﺎﺑﻴﺔ
ﻣﺪﺩﺕ ﺑﻠﻜﺎﻉ ﻭﻟﻮﺟﻊ ﻫﺎﺝ ﻋﻠﻴﺔ ﻟﺤﺼﻴﺮﺓ ﺗﻜﺴﺮ ﻟﻀﻬﺮ ﻭﺍﻧﻲ ﻣﻨﺎ ﻋﻀﺎﻣﻲ ﻣﻜﺴﺮﺍﺕ
ﺭﺟﻌﺖ ﻛﻌﺪﺕ ﻛﻠﻬﻢ ﻃﺒﻮ ﻟﻐﺮﻓﻬﻢ ﻭﺑﻌﺪ ﻣﺎﺷﻔﺘﻬﻢ ﺗﺎﻧﻴﺖ ﻋﻤﻮ ﻳﺠﻲ ﻛﻠﻲ ﻟﻴﻮﻡ ﺭﺍﺡ ﻳﺠﻴﺐ ﻣﻔﺘﺎﺡ ﻭﻳﺎ
ﺏ 11 ﻭﺭﺑﻊ ﺍﺟﺔ ﻣﺎﺣﺠﻴﺘﻠﺔ ﻛﻠﺸﻲ ﻫﻮﺓ ﻻﻳﺤﻞ ﻭﻻﻳﺮﺑﻂ ﻋﻠﻴﻤﻦ ﺍﺗﻌﺐ ﺭﻭﺣﻲ ﻭﺍﺣﺠﻲ ﺑﺲ ﻛﺘﻠﺔ ﺍﻗﻔﻞ ﻋﻠﻴﺔ ﻟﺒﺎﺏ ﺍﺭﻳﺪ ﺍﻧﺎﻡ ﻗﻔﻠﺔ ﻭﻧﻤﺖ ﺑﻠﻜﻮﺓ ﻟﻠﺼﺒﺢ ﺍﺗﻜﻠﺐ ﻣﻦ ﻭﺟﻊ ﺟﺴﻤﻲ ﻭﻛﻠﻤﺎ ﻳﻮﺟﻌﻨﻲ ﺷﻲ ﺍﻛﻮﻝ ﺣﺴﺒﻲ ﺍﻟﻠﻪ ﻋﻠﻴﺞ ﻓﺎﻃﻤﺔ ﺍﺭﻳﺪ ﺍﻟﻠﻪ ﻳﺤﻂ ﻛﻞ ﻫﻠﻮﺟﻊ ﺑﻴﻬﺔ
ﺛﺎﻧﻲ ﻳﻮﻡ ﻟﺼﺒﺢ ﻣﺎﻛﻌﺪﺕ ﻣﻦ ﻭﻛﺖ ﺑﻞ 9 ﻓﺰﺯﺗﻨﻲ ﻓﺎﻃﻤﺔ
ﻳﻠﻠﻪ ﺧﺎﺗﻮﻥ ﺻﺢ ﻟﻨﻮﻡ ﻋﻴﻨﻲ ﻻﻣﻴﺮﺓ ﻟﻨﺎﺋﻤﺔ ﻛﻮﻣﻲ ﻟﻴﻮﻡ ﻳﻌﻘﺪﻭﻥ ﻟﺴﻜﻴﻨﺔ ﺭﺍﺡ ﻧﺮﻭﺡ ﻧﺸﺘﺮﻳﻠﻬﺔ ﺑﺪﻟﺔ ﺍﻧﻲ ﻭﻋﻤﺞ ﻭﻣﻨﺎﻙ ﻧﺬﺑﻬﺔ ﻟﻠﺼﺎﻟﻮﻥ ﻫﻴﺔ ﻭﺑﺖ ﺍﺧﺘﻲ ﻭﻧﺮﺟﻊ ﻫﺴﺔ ﺧﻮﺍﺗﻲ ﻋﻠﺔ ﺟﻴﺔ ﻛﻮﻣﻲ ﻧﻀﻔﻲ ﻃﺒﺨﻲ ﻳﻠﻠﻪ ﻣﻮﻛﻴﻔﺘﻲ ﻋﻔﺘﺞ ﻧﺎﻳﻤﺔ ﻟﻞ 9
ﻛﻤﺖ ﻋﻠﺔ ﺿﻴﻤﻲ ﺑﺪﻳﺖ ﺑﻠﺘﻨﻀﻴﻒ ﻫﻤﺰﻳﻦ ﻭﻟﻴﺪ ﺑﻠﺪﻭﺍﻡ ﻛﺎﻋﺪﺓ ﺍﻃﺒﺦ ﺑﻠﻤﺮﻛﺔ ﻭﻧﺪﻛﺖ ﻟﺒﺎﺏ ﺧﻠﻴﺖ ﺣﺠﺎﺏ ﻋﻠﺔ ﺭﺍﺳﻲ ﻭﻃﻠﻌﺖ ﻓﺘﺤﺘﺔ
ﻃﻠﻊ ﺳﻴﻒ
ﺱﻻﻡ ﻟﻴﻠﻰ ﺷﻠﻮﻧﺞ ﺷﻠﻮﻥ ﺻﺎﺭﺕ ﺭﺟﻠﺞ
ﻫﻠﻮ ﺳﻴﻒ ﻟﺤﻤﺪ ﻟﻠﻪ ﺑﺨﻴﺮ ﺟﺎﻥ ﻛﺘﻠﻚ ﺗﻔﻀﻞ ﺑﺲ ﻣﺤﺪ ﻣﺎﻛﻮ ﻋﺬﺭﻧﻲ
ﻻﺍﻧﻲ ﻣﺎﺟﻲ ﺍﻃﺐ ﺫﻧﻲ ﻏﺮﺍﺽ ﺟﺒﺘﻬﻦ ﻟﻠﺤﻔﻠﺔ ﺑﺲ ﻓﺘﺨﻴﻠﻲ ﺑﺎﺏ ﻟﻤﻄﺒﺦ ﺧﻞ ﺍﺩﺧﻠﻬﻦ
ﺩﺧﻞ ﻛﺮﺍﺗﻴﻦ ﻣﻲ ﻭﻋﺼﻴﺮ ﻭﻛﻴﻚ ﺍﻧﻲ ﺿﻠﻴﺖ ﻭﺍﻛﻔﺔ ﺑﻠﺤﺪﻳﻘﺔ ﻣﺎﻃﺒﻴﺖ ﻟﻠﻤﻄﺒﺦ ﺍﺧﺮ ﺷﻲ ﺟﺎﺏ ﻛﺎﺭﺗﻮﻧﺔ ﻭﺍﺟﺔ ﻳﻤﻲ
ﻟﻴﻠﻰ ﻫﺎﻱ ﻛﻴﻜﺔ ﺧﻠﻴﻬﺔ ﺑﻠﻤﺠﻤﺪﺓ ﻟﻮ ﺑﻠﺚﻻﺟﺔ
ﻣﺪﻳﺖ ﺍﻳﺪﻱ ﺍﺭﻳﺪ ﺍﺧﺬﻫﺔ ﻣﻦ ﻋﺪﺓ ﺍﻟﺪﺷﺪﺍﺷﺔ ﺍﻻﺑﺴﺘﻬﺔ ﺗﻠﺚ ﺍﺭﺑﺎﻉ ﻟﺮﺩﺍﻥ ﻭﻃﺎﻟﻌﺎﺕ ﺍﺛﺎﺭ ﻟﻀﺮﺏ ﻣﺎﻝ ﻟﺒﺎﺭﺣﺔ ﺻﺎﻳﺮ ﻟﻮﻧﻬﻢ ﺍﺯﺭﻙ ﻳﺨﻮﻓﻦ
ﺭﺀﺳﻦ ﺣﻂ ﻟﻜﻴﻜﺔ ﺑﻠﻜﺎﻉ ﻭﻟﺰﻡ ﺍﻳﺪﻱ ﻓﺎﺟﺄﻧﻲ
ﻟﻴﻠﻰ ﻫﺎﻱ ﺷﻨﻮ
ﻫﺎﻱ ﻋﻮﺭﺓ
ﻫﺎﻱ ﻋﻮﺭﺓ ﻭﻫﺎﻱ ﺷﻨﻮ ﻭﻫﺎﻱ ﺍﻟﺜﺎﻧﻴﺔ ﺷﻨﻮ
ﺳﻜﺘﺖ ﻣﺎﺭﻳﺪ ﺍﺣﺪ ﻳﻌﻄﻒ ﻋﻠﻴﺔ ﻭﻣﺎﺭﻳﺪ ﺍﺩﺧﻞ ﻟﻮﻟﺪ ﺑﻤﺸﺎﻛﻠﻲ
ﻓﺎﻃﻤﺔ ﻟﻮﺳﻜﻴﻨﺔ ﺍﺣﺠﻲ
ﺳﻴﻒ ﺳﺎﻟﻔﺔ ﻭﺭﺍﺣﺖ ﻋﻮﻓﻬﺔ ﺍﻟﻠﻪ ﻳﺨﻠﻴﻚ
ﻟﻴﻠﻰ ﻟﻴﺶ ﺗﺴﻜﺘﻴﻦ ﻭﻟﺞ ﻫﻴﺞ ﻳﺴﺘﻀﻌﻔﻮﺝ ﻭﻳﺘﻤﺎﺩﻭﻥ ﻭﻳﺰﻳﺪﻭﻥ ﻭﻳﺎﺝ
ﺳﻴﻒ ﻻﺯﻡ ﺍﺳﻜﺖ ﺍﻧﻲ ﻣﺎ ﻋﻨﺪﻱ ﺿﻬﺮ ﺍﺳﺘﻨﺪ ﻋﻠﻲ ﺧﻠﻴﻨﻲ ﻣﺘﺤﻤﻠﺔ ﻫﻠﻀﻴﻢ ﺍﺣﺴﻦ ﻣﺎﺍﺗﻬﺠﻮﻝ ﺑﻠﺸﺎﺭﻉ ﺑﻌﺪﺓ ﺍﻟﻮﻟﺪ ﻳﺤﺠﻲ ﻭﻳﺎﻱ ﻧﺪﻛﺖ ﻟﺒﺎﺏ
ﻳﺒﻮ ﺑﺴﻼ ﻭﻟﻴﺪ
ﺭﺣﺖ ﻟﻠﺒﺎﺏ ﻓﺘﺤﺘﺔ ﻭﺳﻴﻒ ﺷﺎﻝ ﻟﻜﻴﻜﻴﺔ ﺑﻴﺪﺓ ﺣﺘﺔ ﻟﺤﺪ ﻳﺸﻚ ﺑﻴﻨﺔ
ﻓﺘﺤﺖ ﻟﺒﺎﺏ ﺟﺎﻥ ﺗﻄﻠﻊ ....😳😳
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء