رواية انقذني ايها الغريب ج1 الجزء الأول
للكاتبة حنين حاتم
♦️♦️
ﻣﺎﻣﺎ ﺳﻮﻳﻠﻲ ﻛﺮﻭﻥ ﺣﺒﺎﺑﺔ ﻣﺎﺭﻳﺪ ﻛﺼﺎﻳﺐ
ﺍﻱ ﺣﺘﺔ ﺗﺮﺟﻌﻴﻨﻠﻲ ﺷﻌﺮﺝ ﺻﺎﻳﺮ ﺻﻮﻓﺔ ﻃﻠﻲ ﻣﻮﻭ
ﻻﻣﺎﻣﺎ ﻣﺎﻛﻔﺸﺔ ﻭﺍﻟﻠﻪ
ﻟﻴﻠﻰ ﺳﺪﻱ ﺣﻠﻜﺞ ﻭﻛﻮﻣﻲ ﺧﻞ ﺍﺭﻳﻜﺞ ﺑﺴﺮﻋﺔ ﻣﺎﺿﻞ ﻭﻛﺖ ﻫﺴﺔ ﺑﺪﺓ ﻻﺻﻄﻔﺎﻑ
ﺍﻱ
ﺳﻮﻳﻠﺞ ﻟﻔﺔ ﻭﺣﻄﻴﻬﺔ ﺑﺠﻨﻄﺘﺞ
ﺷﺒﻌﺖ ﻣﺎﻣﺎ ﻣﺎﺭﻳﺪ
ﻟﺒﺴﻲ ﻟﺤﺬﺍﺀ ﻋﺪﻝ ﻭﻟﺞ ﻣﻮﺗﻚ ﻭﺗﻚ
ﺍﻱ ﻣﺎﻣﺎ ﻟﻴﺶ ﺗﻀﺮﺑﻴﻨﻲ
ﻟﺘﺠﺎﻭﺑﻴﻦ ﻭﻟﺞ ﻟﺒﺴﻲ ﻭﺍﻣﺸﻲ ﺑﺴﺎﻉ
ﻣﺮﺣﺒﺎ ﺍﺳﻤﻲ ﻟﻴﻠﻰ ﺻﻒ ﺭﺍﺑﻊ ﺑﺘﺪﺍﺋﻲ ﻋﻤﺮﻱ ﻋﺸﺮ ﺳﻨﻴﻦ ﻧﺎﻋﻤﺔ ﻭﻛﻞ ﻟﻴﺸﻮﻓﻨﻲ ﻣﻴﺼﺪﻙ ﺍﻧﻲ ﺻﻒ ﺭﺍﺑﻊ ﺷﻌﺮﻱ ﺍﺻﻔﺮ ﻣﺎﻣﺎ ﺗﻜﻠﻲ ﺷﻌﺮﺝ ﺑﻠﻮﻥ ﺍﻟﺬﻫﺐ ﻭﻋﻴﻮﻧﻲ ﺧﻀﺮ ﺑﺲ ﻟﻮﻧﻬﻦ ﻓﺎﺗﺢ ﺍﺑﻮﻳﺔ ﻳﻜﻮﻝ ﺍﺷﺒﻪ ﺑﻴﺒﻴﺘﻲ ﺑﺲ ﺍﻧﻲ ﻣﺎﺷﺎﻳﻔﺘﻬﺔ ﻭﺣﻴﺪﺓ ﺍﻣﻲ ﻭﺍﺑﻮﻳﺔ
ﻋﺎﻳﺸﻴﻦ ﺑﺒﻌﺪﺍﺩ ﺑﻤﻨﻄﻘﺔ ﻟﻜﺮﺍﺩﺓ ﺑﺲ ﺑﻴﺘﻨﺔ ﻣﻮﻣﺜﻞ ﺑﻴﻮﺕ ﺍﻟﻤﻨﻄﻘﺔ ﺯﻏﻴﺮ ﻭﺑﻨﺎﺋﺔ ﻗﺪﻳﻢ
ﺑﺎﺑﺎ ﻳﻄﻠﻊ ﻟﺼﺒﺢ ﻳﺠﻲ ﻟﻠﺒﻴﺖ ﺑﻠﻴﻞ ﻡﻻﺑﺴﺔ ﻣﺒﻬﺬﻟﺔ ﻭﻣﺪﺭﻱ ﺷﻨﻮ ﻳﺤﺠﻲ ﻭﻣﻴﻜﺪﺭ ﻳﻤﺸﻲ
ﻳﻀﻞ ﻳﻐﻨﻲ ﻭﻳﻔﺸﺮ ﻣﺎﻣﺎ ﺗﺮﻛﺾ ﺗﺴﺪ ﺑﺤﻠﻜﺔ ﻭﺗﻜﻠﺔ ﺍﺳﻜﺖ ﻣﻨﺎ ﻟﺠﻮﺍﺭﻳﻦ ﻻﻳﺴﻤﻮﻋﻨﺔ ﻫﻮﺓ ﻳﻀﺮﺏ ﺍﻣﻲ ﻭﻳﻄﺮﺩﻫﺔ ﻻﻫﻠﻬﺔ ﻣﺮﺍﺕ
ﻭﻣﻦ ﻧﺮﻭﺡ ﺟﺪﻭ ﻗﺒﻞ ﻣﻴﻤﻮﺕ ﺟﺎﻥ ﻳﻜﻠﻠﻬﺔ ﺗﻄﻠﻜﻲ ﻭﻧﻄﻲ ﺑﺘﺔ ﺑﺲ ﻫﻴﺔ ﻣﺎﺗﻘﺒﻞ ﺗﻜﻠﺔ ﻣﺎﻛﺪﺭ ﺍﻋﻮﻑ ﺑﻨﻴﺘﻲ
ﻣﻦ ﺍﺳﺄﻟﻬﺔ ﺑﺎﺑﺎ ﺷﺒﻲ ﺗﻜﻮﻟﻲ ﻣﺮﻳﺾ
ﺑﻴﺖ ﺟﺪﻱ ﺍﻫﻞ ﺑﺎﺑﺎ ﺍﺑﺪ ﻣﺎﻳﺠﻮﻧﺔ ﻭﻻﻧﺮﻭﺣﻠﻬﻢ
ﺍﻣﻲ ﻋﺪﻫﺔ ﺍﺧﺖ ﻭﺣﺪﺓ ﻭﺍﻣﻬﺔ ﻣﻴﺘﺔ ﺍﻧﻲ ﻣﺎﺷﺎﻳﻔﺘﻬﺔ ﺑﺲ ﺟﺪﻭ ﺷﺎﻳﻔﺘﺔ ﻗﺒﻞ ﻣﺎﻳﻤﻮﺕ
ﻧﻄﻴﻨﻲ ﺍﻳﺪﺝ
ﻫﺎﻱ ﺍﻳﺪﻱ
ﺟﺎﻱ ﻧﻌﺒﺮ ﻟﺸﺎﺭﻉ ﻭﻣﺎﻣﺎ ﺩﻓﻌﺘﻨﻲ ﺣﻴﻴﻞ ﺗﻜﻮﻣﺖ ﺑﻠﻜﺎﻉ ﻋﻠﺔ ﻭﺟﻬﻲ
ﻛﻤﺖ ﺍﺭﻳﺪ ﺍﻛﻠﻠﻬﺔ ﻟﻴﺶ ﺩﻓﻌﺘﻴﻨﻲ ﻫﻴﺞ
ﻟﻜﻴﺘﻬﺔ ﻭﺍﻛﻌﺔ ﺑﻠﻜﺎﻉ ﻭﻣﻠﻔﻠﻔﺔ ﺑﻌﺒﺎﺗﻬﺔ ﻭﻳﻤﻬﺔ ﺩﻡ ﻛﻮﻭﻭﻣﺔ
ﺗﺬﻛﺮﺕ ﺩﺟﺎﺟﺘﻲ ﻣﻦ ﺫﺑﺤﻬﺔ ﺑﺎﺑﺎ ﻭﺿﻠﻴﺖ ﺍﺑﺠﻲ ﻋﻠﻴﻬﺔ
ﺍﺟﻴﺖ ﻳﻤﻬﺔ ﻟﺰﻣﺖ ﺭﺟﻠﻬﺔ
ﻣﺎﻣﺎ ﻻﺗﻤﻮﺗﻴﻦ ﻣﺜﻞ ﺩﺟﺎﺟﺘﻲ ﺣﺒﺎﺑﺔ
ﻟﺘﻤﻮ ﻋﺎﻟﻢ
ﺍﻛﻮﺑﻴﻬﻢ ﺟﻮﺍﺭﻳﻨﺔ ﻭﺍﻛﻮ ﻣﺎﻋﺮﻓﻬﻢ
ﺷﺎﻓﻨﻲ ﺍﺑﻮ ﺻﺪﻳﻘﺘﻲ
ﻫﺎ ﻟﻴﻠﻰ ﺗﻌﺎﻱ ﻋﻤﻮ ﺧﻞ ﺍﻭﺩﻳﺞ ﻟﺒﻴﺘﻜﻢ
ﻭﺍﻣﻲ
ﺍﻣﺞ ﺑﻌﺪﻳﻦ ﺗﺠﻲ ﻭﺭﺍﻧﺔ
ﻣﺸﻴﺖ ﻭﻳﺎ ﻧﺪﺍﺭﻳﺖ ﺷﻔﺘﻬﻢ ﺷﺎﻟﻮ ﺍﻣﻲ ﺑﺴﻴﺎﺭﺓ
ﺟﺮﻳﺖ ﺍﻳﺪﻱ ﻣﻦ ﺍﺑﻮ ﺻﺪﻳﻘﺘﻲ ﻭﺭﻛﻀﺖ ﻋﻠﻴﻬﺔ
ﻗﺒﻞ ﻣﺎﺍﻭﺻﻞ ﻣﺸﺖ ﻟﺴﻴﺎﺭﺓ
ﺍﺧﺬﻧﻲ ﻟﺮﺟﺎﻝ ﻛﻠﻲ ﺧﻞ ﺍﺭﺟﻌﺞ ﻟﻠﺒﻴﺖ ﺍﻣﺞ ﺑﻌﺪ ﺷﻮﻳﺔ ﺗﺠﻲ ﺍﺑﻮﺝ ﺑﻠﺒﻴﺖ
ﻻﻳﻄﻠﻊ
ﻭﺻﻠﻨﻲ ﻟﻠﺒﻴﺖ ﻭﻛﻠﻲ
ﻳﻠﻠﻪ ﻃﺒﻲ ﻟﻠﺒﻴﺖ ﻻﺗﻄﻠﻌﻴﻦ ﺑﺮﺓ ﻫﺴﺔ ﺗﺠﻲ ﺍﻣﺞ
ﻃﺒﻴﺖ ﻟﻠﺒﻴﺖ ﺑﺤﺪﻱ ﺧﺎﻳﻔﺔ
ﺭﺣﺖ ﻟﻐﺮﻓﺔ ﺍﻣﻲ ﺿﻠﻤﺔ ﻛﻬﺮﺑﺎﺀ ﻃﺎﻓﻴﺔ ﻛﺮﻓﺼﺖ ﺑﻴﻬﺔ ﻭﻛﻌﺪﺕ
ﺻﺎﺭ ﻟﻀﻬﺮ ﻭﻣﺎﻣﺎ ﻣﺎﺍﺟﺖ ﻭﺍﻧﻲ ﺟﻮﻋﺎﻧﺔ ﺣﻴﻴﻞ
ﺍﺟﺖ ﻟﻜﻬﺮﺑﺎﺀ ﺭﻛﻀﺖ ﻋﻠﺘﻠﻔﺰﻳﻮﻥ ﻋﻠﻜﺘﺔ ﻭﺩﺭﺗﺔ ﻋﻠﺔ ﺍﻡ ﺑﻲ ﺳﻲ 3
ﻛﻌﺪﺕ ﺍﺑﺎﻭﻉ ﻟﺠﺎﺳﻮﺳﺎﺕ
ﺧﻠﺺ ﻃﻠﻊ ﻣﻐﺎﻣﺮﺍﺕ ﻣﺎﺭﺗﻦ
ﺑﻌﺪﻳﻦ ﻃﻠﻊ ﻓﺘﻴﺎﺕ ﻟﻘﻮﺓ
ﻧﻌﺴﺖ
ﺣﻄﻴﺖ ﺭﺍﺳﻲ ﻋﻠﻜﺎﻉ ﻭﻧﻤﺖ
ﻛﻌﺪﺕ ﻋﻠﺔ ﺻﻮﺕ ﺻﻴﺎﺡ ﻭﻧﺎﺱ ﺗﺤﺠﻲ ﻭﻧﺎﺱ ﺗﺘﻌﺎﺭﻙ
ﺑﺎﻭﻋﺖ ﻳﻤﻲ 4 ﺟﻬﺎﻝ ﻣﺎﻋﺮﻓﻬﻢ ﻧﺎﻳﻤﻴﻦ
ﻃﻠﻌﺖ ﻣﻦ ﻟﻐﺮﻓﺔ ﻟﻤﻄﺒﺦ ﻛﺒﺎﻟﻲ ﺑﻲ ﻧﺴﻮﺍﻥ ﻳﻄﺒﺨﻦ ﻭﻳﻐﺴﻠﻦ ﻣﻮﺍﻋﻴﻦ
ﺑﺲ ﻋﺒﺎﻟﻚ ﻣﻴﺸﻮﻓﻨﻲ
ﺭﺣﺖ ﻟﻠﺼﺎﻟﺔ ﻟﻜﻴﺖ ﻧﺴﻮﺍﻥ ﻳﺒﺠﻦ ﻭﻳﺼﺮﺧﻦ
ﺧﻔﺖ ﻣﻨﻬﻦ ﻃﻠﻌﺖ ﺑﻠﺤﺪﻳﻘﺔ ﻟﻜﻴﺖ ﺑﻨﻴﺔ ﻻﺯﻣﺔ ﻟﻌﺎﺑﺘﻲ ﻭﺗﻠﻌﺐ ﺑﻴﻬﺔ ﺟﺮﻳﺘﻬﺔ ﻣﻨﻬﺔ ﻭﻛﺘﻠﻬﺔ ﻟﻴﺶ ﺗﺒﻮﻛﻴﻦ ﻟﻌﺎﺑﺘﻲ ﻛﺎﻣﺖ ﺗﺒﺠﻲ ﻭﻃﺒﺖ ﺟﻮﺓ
ﻭﺭﺓ ﺷﻮﻳﺔ ﺍﺟﺖ ﻭﺣﺪﺓ ﺿﺮﺑﺘﻨﻲ ﻭﺍﺧﺬﺕ ﻟﻌﺎﺑﺘﻲ ﻣﻨﻲ ﻧﻄﺘﻬﺔ ﻟﻠﺒﻨﻴﺔ
ﺿﻠﻴﺖ ﺍﺑﺠﻲ ﻋﻠﺔ ﻟﻌﺎﺑﺘﻲ ﻭﺍﺑﺠﻲ ﻻﻥ ﺟﻮﻋﺎﻧﺔ
ﺑﺎﺏ ﻟﺸﺎﺭﻉ ﻣﻔﺘﻮﺣﺔ ﻃﺐ ﻭﺍﺣﺪ ﺻﺎﺡ ﻋﻠﻨﺴﻮﺍﻥ ﻃﻠﻌﺘﻠﺔ ﻭﺣﺪﺓ ﻛﻠﻠﻬﺔ ﻫﺎﺫ ﻟﺨﺎﻳﺲ ﺭﺟﻠﻬﺔ ﻭﻳﻨﺔ ﺷﻮﻛﺖ ﻳﺠﻲ ﻣﻦ ﻧﺪﻓﻨﻬﺔ
ﻭﺧﻠﺔ ﻭﻃﻠﻊ
ﻃﺒﺖ ﺧﺎﻟﺘﻲ ﺭﻛﻀﺖ ﻋﻠﻴﻬﺔ ﺷﺎﻟﺘﻨﻲ ﻭﻛﺎﻣﺖ ﺗﺒﺠﻲ
ﻛﺘﻠﻬﺔ ﺧﺎﻟﺔ ﺫﻳﺞ ﺍﻟﺒﻨﻴﺔ ﺑﺎﻛﺖ ﻟﻌﺎﺑﺘﻲ
ﺗﺒﺎﻭﻉ ﻋﻠﻴﺔ ﻭﺗﺒﺠﻲ ﻧﺰﻟﺘﻨﻲ ﺑﻠﻜﺎﻉ ﻧﻄﺘﻨﻲ ﻓﻠﻮﺱ ﻭﻛﻠﺘﻠﻲ ﺭﻭﺣﻲ ﺷﺘﺮﻱ
ﻛﻴﻔﺖ ﺑﻴﻬﻦ ﻋﻤﺮﻱ ﻛﻠﺔ ﻣﺎﻻﺯﻣﺔ ﻓﻠﻮﺱ ﺑﻴﺪﻱ ﻭﻻﺭﺍﻳﺤﺔ ﻟﻠﻤﺤﻞ ﻣﻦ ﺍﺭﻭﺡ ﻟﻠﻤﺪﺭﺳﺔ ﺍﺧﺬ ﻟﻔﺔ ﻭﻳﺎﻱ ﻟﻮﺧﻴﺎﺭﺓ ﻭﻣﻦ ﺍﻛﻞ ﻻﻣﻲ ﻧﻄﻴﻨﻲ ﻓﻠﻮﺱ
ﺗﻜﻠﻲ ﻫﻴﺔ ﺍﻣﺞ ﻣﺎﻋﺪﻫﺔ ﻓﻠﻮﺱ ﺍﻧﺘﻲ ﺗﺮﺩﻳﻦ ﻓﻠﻮﺱ
ﺭﺣﺖ ﺷﺘﺮﻳﺖ ﺟﺒﺲ ﻭﻣﺸﻴﺖ ﺍﺭﻳﺪ ﺍﺭﻭﺡ ﻟﻠﺒﻴﺖ ﺻﺎﺡ ﻋﻠﻴﺔ ﺍﺑﻮ ﻟﻤﺤﻞ ﻛﻠﻲ ﺗﻌﺎﻱ ﺍﺧﺬﻱ ﻟﺒﺎﻗﻲ ﺭﺟﻌﺖ ﻧﻄﺎﻧﻲ 3 ﻭﺭﻗﺎﺕ ﻓﻠﻮﺱ
ﺍﺧﺬﺗﻬﻦ ﻭﺭﻛﻀﺖ ﻟﻠﺒﻴﺖ
ﻃﺒﻴﺖ ﻟﻠﻐﺮﻓﺔ ﺍﺭﻳﺪ ﺍﺑﺎﻭﻉ ﺗﻠﻔﺰﻳﻮﻥ ﻟﻜﻴﺖ ﻟﻐﺮﻓﺔ ﻣﻠﻴﺎﻧﺔ ﻧﺴﻮﺍﻥ ﻭﻣﻄﻔﻴﻦ ﻟﻀﻮﺓ ﻭﻧﺎﻳﻤﺎﺕ
ﻃﻠﻌﺖ ﻝﻻﺳﺘﻘﺒﺎﻝ ﻟﻜﻴﺖ ﺻﺎﺑﻴﻦ ﺍﻛﻞ ﺳﻔﺮﺓ ﻃﻮﻳﻠﺔ ﻛﻌﺪﺕ ﺍﻛﻞ ﺧﺎﺷﻮﻛﺔ ﻣﺎﻛﻮ ﺍﻛﻠﺖ ﺑﻴﺪﻱ
ﺍﺟﺖ ﻭﺣﺪﺓ ﻛﻮﻣﺘﻨﻲ ﻣﻦ ﻣﻜﺎﻧﻲ ﻭﻛﻌﺪﺕ ﺑﻤﻜﺎﻧﻲ ﺣﺠﻴﺔ ﺟﺒﻴﺮﺓ ﻛﻌﺪﺕ ﻭﺭﺓ ﻟﺤﺠﻴﺔ ﺍﻛﻠﻠﻬﺔ ﺗﺪﻧﻲ ﺑﻴﺒﻲ ﺗﺪﻧﻲ ﻣﺎﺗﺴﻤﻌﻨﻲ
ﺑﻌﺪﻳﻦ ﻣﺪﻳﺖ ﺍﻳﺪﻱ ﻣﻦ ﻭﺭﺓ ﻟﺤﺠﻴﺔ ﻋﻠﺴﻔﺮﺓ ﻭﺍﺧﺬﺕ ﺗﻤﻦ
ﺍﻛﻠﺘﺔ ﻭﺭﺟﻌﺖ ﻣﺪﻳﺖ ﺍﻳﺪﻱ ﺍﺭﻳﺪ ﺍﺧﺬ ﻟﺤﻤﺔ
ﺿﺮﺑﺘﻨﻲ ﻋﻠﺔ ﺍﻳﺪﻱ ﺣﻴﻴﻞ ﻭﻛﻠﺘﻠﻲ ﻭﻟﻲ ﻣﻨﺎ ﻣﻠﻄﻠﻄﺔ
ﻛﻤﺖ ﺍﺑﺠﻲ ﻭﺭﺣﺖ ﻟﻠﻐﺮﻓﺔ ﺷﺎﻓﺘﻨﻲ ﺧﺎﻟﺘﻲ ﺻﺎﺣﺘﻨﻲ ﻛﻠﺘﻠﻲ ﺷﺒﻴﺞ ﺣﺠﻴﺘﻠﻬﺔ ﺭﺍﺣﺖ ﺣﻄﺘﻠﻲ ﺗﻤﻦ ﻭﺧﺎﺷﻮﻛﺔ ﻭﻛﻠﺘﻠﻲ ﻛﻌﺪﻱ ﻋﻠﺪﺭﺝ ﺍﻛﻠﻲ ﺭﺩﺕ ﺍﻛﻠﻠﻬﺔ ﺍﺭﻳﺪ ﻟﺤﻤﺔ ﺑﺲ ﺳﺘﺤﻴﺖ ﺍﻛﻠﺖ ﻭﺭﺟﻌﺖ ﺍﻟﻤﺎﻋﻮﻥ ﺑﻠﻤﻄﺒﺦ
ﺣﺴﻴﺖ ﺑﻨﻌﺎﺱ ﺭﺣﺖ ﻟﻠﻐﺮﻓﺔ ﺍﻧﻲ ﺍﻧﺎﻡ ﻣﻦ ﻭﻛﺖ
ﻟﻜﻴﺖ ﻣﻜﺎﻥ ﺯﻏﻴﺮ ﻳﻢ ﻟﺒﺎﺏ
ﻧﻤﺖ ﺑﻲ ﺭﺃﺳﻦ ﻏﻔﻴﺖ
ﻛﻌﺪﺕ ﻟﻔﺠﺮ ﻋﻠﺔ ﺻﻮﺕ ﻟﻨﺴﻮﺍﻥ
ﻃﻠﻌﺖ ﻟﻜﻴﺖ ﺯﻟﻢ ﺑﻠﺤﺪﻳﻘﺔ ﻣﻠﺘﻤﻴﻦ ﻋﻠﺔ ﺍﺑﻮﻱ ﻳﻀﺮﺑﻮﻥ ﺑﻲ
ﻭﻭﻳﺎﻫﻢ ﻋﻤﻲ ﺧﻠﻴﻞ ﺟﺮﻳﺘﺔ ﻣﻦ ﻫﺪﻭﻣﺔ ﻛﺘﻠﺔ ﻟﻴﺶ ﺗﻀﺮﺑﻮﻥ ﺑﺎﺑﺎ ﺷﺎﻟﻨﻲ ﺑﺎﺳﻨﻲ ﻭﻛﻠﻲ ﻃﺒﻲ ﻧﺎﻣﻲ
ﻃﺒﻴﺖ ﻟﻠﻐﺮﻓﺔ ﺑﺲ ﻣﺎﻧﻤﺖ ﺧﺎﻳﻔﺔ ﻻﻳﻜﺘﻠﻮﻧﻲ ﻣﺜﻠﺔ
ﺿﻠﻴﺖ ﺍﺑﺠﻲ ﻭﺍﺻﻴﺢ ﺍﺭﻳﺪ ﺍﻣﻲ ﺟﻴﺒﻮﻟﻲ ﺍﻣﻲ
ﻃﻠﻊ ﻟﺼﺒﺢ ﻭﺍﻧﻲ ﺍﺑﺠﻲ ﻭﻣﺤﺪ ﺑﺤﺎﻟﻲ
ﺑﻌﺪﻳﻦ ﻛﻤﺖ ﺍﺻﺮﺥ ﺍﺭﻳﺪ ﺍﻣﻴﻴﻲ
ﺍﺟﺖ ﻣﺮﻳﺔ ﺷﺎﻳﻔﺘﻬﺔ ﺑﺲ ﻣﺎﻋﺮﻑ ﺍﺳﻤﻬﺔ
ﻃﻠﻌﺘﻨﻲ ﺑﺮﺓ ﻟﻜﻴﺖ ﻋﻤﻮ ﺧﻠﻴﻞ ﺷﺎﻟﻨﻲ ﺍﺧﺬﻧﻲ ﻟﻠﻤﺤﻞ ﺷﺘﺮﺍﻟﻲ ﻭﺍﻧﻲ ﻣﺴﺘﻤﺮﺓ ﺍﺑﺠﻲ ﺣﺎﻭﻝ ﻳﺴﻜﺘﻨﻲ ﻣﺎﻛﻮ
ﺭﺟﻌﻨﻲ ﻟﺒﺒﻴﺖ ﻃﺒﻴﺖ ﻟﻐﺮﻓﺔ ﺍﻣﻲ ﻭﻛﻌﺪﺕ ﺍﺑﺠﻲ
ﺍﻛﻮ ﻣﺮﻳﺔ ﺗﻨﻮﻡ ﺑﺄﺑﻨﻬﺔ ﻛﻠﺘﻠﻲ ﺳﻜﺘﻲ
ﺍﻧﻲ ﺧﺎﻳﻔﺔ ﻛﻠﺶ ﻣﻦ ﻟﻮﺿﻊ ﻭﺍﺭﻳﺪ ﺍﻣﻲ
ﻛﺎﻣﺖ ﺟﺮﺗﻨﻲ ﻣﻦ ﺍﺫﻧﻲ ﻛﻠﺘﻠﻲ ﻣﺎﺭﻳﺪ ﺍﺳﻤﻊ ﺻﻮﺗﺞ
ﺍﻧﻲ ﻛﻤﺖ ﺍﺑﺠﻲ ﺧﻨﻜﺔ ﺑﺪﻭﻥ ﺻﻮﺕ
ﻭﺭﺓ ﺷﻮﻳﺔ ﺳﻤﻌﺖ ﺻﻮﺕ ﺧﺎﻟﺘﻲ ﺯﻫﺮﺓ
ﻃﻠﻌﺖ ﻟﻜﻴﺘﻬﺔ ﻫﺴﺘﻮﻫﻲ ﺟﺎﻳﺔ ﻭﺟﺎﻱ ﺗﺴﻠﻢ ﻋﻠﻨﺴﻮﺍﻥ
ﺭﻛﻀﺖ ﻋﻠﻴﻬﺔ ﺟﺮﻳﺖ ﻋﺒﺎﺗﻬﺔ ﻭﻛﺘﻠﻬﺔ ﺧﺎﻟﺔ ﺍﺭﻳﺪ ﺍﺭﻭﺡ ﻭﻳﺎﺝ
ﺷﺒﻴﺞ ﺧﺎﻻﺗﻲ ﻣﻨﻮ ﻭﻳﺎﺝ
ﺍﺷﺮﺗﻠﻬﺔ ﻋﻠﻤﺮﺓ ﻛﺘﻠﻬﺔ ﻫﺎﻱ ﻛﺘﻠﺘﻨﻲ
ﺭﺍﺣﺖ ﻋﻠﻴﻬﺔ ﻛﺎﻣﻦ ﻳﺘﺼﺎﻳﺤﻦ ﺑﻌﺪﻳﻦ ﺗﻤﺎﻟﺨﻦ ﻣﻦ ﻟﺸﻌﺮ ﻭﻭﺣﺪﺓ ﺻﺎﺭﺕ ﻓﻮﻙ ﻟﺜﺎﻧﻴﺔ ﻭﻟﺘﻤﻦ ﻋﻠﻴﻬﻦ ﻟﻨﺴﻮﺍﻥ ﻭﺻﺎﺭﺕ ﻫﻮﺳﺔ ﺍﻧﻲ ﺧﻔﺖ ﻛﻠﺶ ﻃﻠﻌﺖ ﺑﺮﺓ ﺑﻠﺸﺎﺭﻉ
ﻭﺭﺓ ﺷﻮﻳﺔ ﻃﺐ ﻋﻤﻲ ﺧﻠﻴﻞ ﻭﻃﻠﻊ ﻭﻳﺎ ﺧﺎﻟﺘﻲ
ﺧﻮﻳﺔ ﺍﻟﻠﻪ ﻳﺨﻠﻴﺞ ﺍﺧﺘﺞ ﻭﻣﺎﺗﺖ ﺑﻌﺪ ﻻﺗﻮﺻﻠﻴﻦ ﻟﻬﻨﺎ
ﺍﻟﻠﻪ ﺍﻛﺒﺮ ﻋﻠﻴﻜﻢ ﺣﺘﺔ ﻓﺎﺗﺤﺘﻬﺔ ﻣﺎﺗﺨﻠﻮﻧﻲ ﺍﺣﻀﺮﻫﺔ
ﺧﻮﻳﺔ ﺍﻧﺘﻲ ﺻﺎﺣﺒﺔ ﻣﺸﺎﻛﻞ ﻭﺍﺣﻨﺔ ﻣﺎﻟﻨﺔ ﺧﻠﻚ
ﺍﻧﻲ ﺻﺎﺣﺒﺔ ﻣﺸﺎﻛﻞ ﻟﻮ ﻫﺎﻱ ﻣﺮﺗﻚ ﺍﻟﻤﺎﺗﺨﺎﻑ ﺍﻟﻠﻪ ﻻﺯﻣﺔ ﻟﻄﻔﻠﺔ ﻟﻴﺘﻴﻤﺔ ﻭﻛﺎﺗﻠﺘﻬﺔ ﻻﻥ ﺗﺒﺠﻲ ﻋﻠﺔ ﺍﻣﻬﺔ
ﺗﻌﺎﻱ ﻟﻴﻠﻰ ﺗﻌﺎﻱ ﺍﻣﺸﻲ ﻭﻳﺎﻱ
ﻭﻳﻦ ﻣﺎﺧﺬﺗﻬﺔ ﻫﺎﺫ ﺑﻴﺖ ﺍﺑﻮﻫﺔ ﻭﻋﻤﺎﻣﻬﺔ ﻭﺟﺪﻫﺔ ﻣﻮﺟﻮﺩﻳﻦ ﺗﻮﻛﻠﻲ ﻋﻠﺔ ﺍﻟﻠﻪ ﺧﻮﻳﺔ ﻭﺑﻌﺪ ﻻﺗﻮﺻﻠﻴﻦ ﻟﻬﻨﺎ
ﺩﻧﻜﺖ ﻋﻠﻴﺔ ﺧﺎﻟﺘﻲ ﺑﺎﺳﺘﻨﻲ ﻭﻛﻠﺘﻠﻲ ﻻﺗﺨﺎﻓﻴﻦ ﺧﺎﻟﺔ ﺍﻧﻲ ﻣﺎﺧﻠﻴﺞ ﻫﻨﺎ ﺍﺧﺬﺝ ﻳﻤﻲ ﺑﺲ ﻣﻮﻫﺴﺔ
ﺭﺍﺣﺖ ﺧﺎﻟﺘﻲ ﺿﻠﻴﺖ ﺍﺑﺎﻭﻉ ﻋﻠﻴﻬﺔ ﻭﺍﺑﺠﻲ ﺍﺧﺎﻑ ﺍﻃﺐ ﺟﻮﺓ ﺧﺎﻑ ﺍﻧﻜﺘﻞ ﻭﺑﻌﺪ ﻣﺎﻛﻮ ﺍﺣﺪ ﻳﺤﻤﻴﻨﻲ
ﺿﻠﻴﺖ ﺑﻠﺸﺎﺭﻉ ﺍﻟﻌﺐ ﻭﻳﺔ ﻟﻮﻟﺪ ﻟﺤﺪ ﻣﺎﺻﺎﺭ ﺍﻟﻴﻞ ﺻﺒﻮ ﺍﻛﻞ ﻟﻠﺰﻟﻢ ﺑﻠﺸﺎﺭﻉ ﻭﻛﻔﺖ ﻭﻳﺔ ﻟﺠﻬﺎﻝ ﺍﻛﻞ ﺷﺎﻓﻨﻲ ﻋﻤﻲ ﺧﻠﻴﻞ ﺍﺟﺔ ﻋﻠﻴﺔ ﻛﻠﻲ ﻭﻟﺞ ﺷﺘﺴﻮﻳﻦ ﻫﻨﺎ ﻭﺷﻨﻮ ﻫﺎﻱ ﻡﻻﺑﺴﺞ ﻛﻠﻬﺔ ﻃﻴﻦ ﺟﺮﻧﻲ ﻣﻦ ﺷﻌﺮﻱ ﻃﺒﺒﻨﻲ ﻟﻠﺒﻴﺖ ﻭﺍﻧﻲ ﺍﺳﺤﻮﻝ ﺑﺮﻭﺣﻲ ﻣﺎﺭﻳﺪ ﺍﻃﺐ ﺍﺧﺎﻑ ﻣﻦ ﻫﺎﻱ ﺍﻟﻤﺮﻳﺔ ﻟﻜﺘﻠﺘﻲ ﻭﻋﺎﺭﻛﺖ ﺧﺎﻟﺘﻲ
ﺿﻠﻴﺖ ﺑﻠﺤﺪﻳﻘﺔ ﺍﻟﻌﺐ ﺑﻠﻄﻴﻦ ﻟﺤﺪ ﻣﺎﺑﺪﻭ ﻟﺰﻟﻢ ﻳﻄﺒﻮﻥ ﻣﻦ ﺷﻐﺘﻬﻢ ﺭﻛﻀﺖ ﻟﻠﻐﺮﻓﺔ ﺍﻭﻝ ﻣﺎﻃﺒﻴﺖ ﺻﺎﺣﺖ ﻋﻠﻴﺔ ﻫﺎﻱ ﻟﻤﺮﺓ ﻟﺴﻤﻴﻨﺔ ﻟﻜﺘﻠﺘﻨﻲ
ﻫﺎﻱ ﺷﻨﻮ ﺭﺟﻠﻴﺞ ﻛﻠﻬﺔ ﻃﻴﻦ ﻭﻳﻦ ﺟﻨﺘﻲ ﺑﻴﺎ ﺯﺑﺎﻟﺔ ﺍﻣﺸﻲ ﻏﺴﻠﻲ ﺑﺴﺮﻋﺔ
ﺭﻛﻀﺖ ﻟﻠﺤﻤﺎﻡ ﺍﺭﻳﺪ ﺍﻏﺴﻞ ﺩﻓﻌﺖ ﻟﺒﺎﺏ ﻃﻠﻌﺖ ﺍﻛﻮ ﻣﺮﻳﺔ ﺟﺎﻱ ﺗﺴﺒﺢ ﺭﺃﺳﻦ ﺟﺮﺗﻨﻲ ﻣﻦ ﺷﻌﺮﻱ ﻭﺿﺮﺑﺘﻨﻲ ﺭﺍﺷﺪﻱ ﻭﺩﻓﻌﺘﻨﻲ ﻭﺳﺪﺕ ﻟﺒﺎﺏ
ﺿﻠﻴﺖ ﺍﺑﺠﻲ ﻭﻳﻦ ﻣﺎﺭﻭﺡ ﻳﻜﺘﻠﻮﻧﻲ
ﺍﺭﻳﺪ ﺍﻣﻲ ﺍﺧﺎﻑ ﻟﻮﺣﺪﻱ
ﺻﻌﺪﺕ ﺑﺴﻄﺢ ﻻﻥ ﻣﺎﻛﻮ ﻣﻜﺎﻥ ﺍﺧﺘﻞ ﺑﻲ ﻭﺭﺟﻠﻴﺔ ﻛﻠﻬﺔ ﻃﻴﻦ ﺍﺧﺎﻑ ﻣﻦ ﻫﺎﻱ ﻟﺴﻤﻴﻨﺔ ﺗﺸﻮﻓﻨﻲ
ﺿﻠﻴﺖ ﻛﺎﻋﺪﺓ ﺑﻠﺴﻄﺢ ﺑﺲ ﺑﺮﺩﺍﻧﺔ ﻛﻠﺶ ﻧﻌﺴﺖ ﻭﻣﺎﺑﻴﺔ ﺣﻴﻞ ﺍﻧﺰﻝ ﺟﻮﺓ ﺗﻤﺪﺩﺕ ﻭﻧﻤﺖ ﺑﻠﻜﺎﻉ ﺑﻠﺴﻄﺢ
ﻓﺰﻳﺖ ﻋﻠﺔ ﺻﻮﺕ ﻣﺮﻳﺔ ﺗﻜﻌﺪ ﺑﻴﺔ
ﻓﺘﺤﺖ ﻋﻴﻨﻲ ﻟﻜﻴﺖ ﻭﺣﺪﺓ ﺗﺸﺮ ﻫﺪﻭﻡ ﻭﻭﺣﺪﺓ ﺗﻜﻌﺪ ﺑﻴﺔ
ﻛﻠﺘﻠﻲ ﻛﻮﻣﻲ ﻧﺎﻣﻲ ﺟﻮﺓ ﺷﺘﺴﻮﻳﻦ ﻫﻨﺎ ﺑﻬﻠﺒﺮﺩ
ﻧﺰﻟﺖ ﺟﻮﺓ ﻋﺎﻟﻢ ﺟﺎﻱ ﻳﺼﻠﻮﻥ ﻭﻫﻮﺳﺔ
ﻃﺒﻴﺖ ﻟﺤﻤﺎﻡ ﻧﺰﻋﺖ ﻡﻻﺑﺴﻲ ﻭﺳﺒﺤﺖ ﻛﻤﻠﺖ ﺭﺩﺕ ﺍﺻﻴﺢ ﻋﻠﺔ ﺍﻣﻲ ﺗﺠﻴﺒﻠﻲ ﻫﺪﻭﻣﻲ ﺗﺬﻛﺮﺕ ﺍﻣﻲ ﻣﺎﺗﺖ ﻣﺜﻞ ﺩﺟﺎﺟﺘﻲ ﺍﺻﻴﺤﻤﻦ ﻫﺴﺔ ﻣﺎﻋﺮﻑ ﺍﺣﺪ
ﻟﻔﻴﺖ ﻟﺨﺎﻭﻟﻲ ﻋﻠﺔ ﺭﻭﺣﻲ ﻭﻃﻠﻌﺖ
ﺷﺎﻓﺘﻨﻲ ﻫﺎﻱ ﻟﺴﻤﻴﻨﺔ .....
.. ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء