..
رواية حب وانتقام الجزء الثاني
للكاتبة ❤️جيمن❤️
...
ﺿﺤﻰ _ ﺭﺟﻌﻨﺎ ﺍﻧﻲ ﻭﺳﺠﻰ ﻭﺩﺧﻠﻨﺎ ﻟﻠﺒﻴﺖ ﻟﻜﻴﻨﺎ ﻣﺤﻤﺪ ﺍﺧﻮﻧﺎ ﺍﻟﻮﺳﻂ ﺟﺎﻱ ﻛﺎﻟﺐ ﺧﻠﻘﺘﻪ ﻣﺘﻌﺎﺭﻙ ﻭﻱ ﺻﺎﺣﺒﻪ ﺍﻧﻲ ﻫﻢ ﺣﺴﻴﺖ ﻧﻔﺴﻲ ﻓﺮﺣﺎﻧﻪ ﻭﻣﺎﻟﻲ ﺧﻠﻚ ﺍﺿﻮﺝ ﻧﻔﺴﻲ ﻭﺍﺍﻋﻜﺮ ﻣﺰﺍﺟﻲ
ﻑ ﺍﺧﺬﺕ ﺍﻟﻤﻼﺑﺲ ﻭﺻﻌﺪﺕ ﺍﻧﻲ ﻭﺳﺠﻰ ﻓﻮﻙ ﺑﻌﺪ ﻣﺎﺳﻠﻤﻨﻰ ﻋﻠﻰ ﻣﺤﻤﺪ ،،،ﺩﺧﻠﻨﺎ ﻭﺿﻠﻴﻨﺎ ﻧﻘﻴﺲ ﺍﻟﻤﻼﺑﺲ ﻭﺍﻓﻜﺮ ﺏ ﻧﻮﺭ ﻭﻧﻀﺮﺍﺗﻪ ﻭﻧﺒﺮﻩ ﺻﻮﺗﻪ ﻭﺷﺮﺩ ﺑﺎﻟﻲ .
ﺳﺠﻰ : ﻫﺎ ﻳﺎ ﺣﻠﻮ ﺑﻴﻤﻦ ﺗﻔﻜﺮ
ﺿﺤﻰ : ﺩﺍﻓﻜﺮ ﺑﺎﻟﺪﺷﺪﺍﺷﻪ
ﺳﺠﻰ : ﻋﻠﻴﻨﺎ ﺑﺎﻟﺪﺷﺪﺍﺷﻪ،ﻟﺞ ﺍﻧﺘﻲ ﻣﻦ ﺷﻮﻛﺖ ﺟﻨﺘﻲ ﺗﺤﺒﻴﻦ ﺍﻟﺪﺷﺎﺩﻳﺶ،ﻟﻮ ﺑﺎﻟﻨﻮﺭ
ﺿﺤﻰ : ﻳﺎ ﻧﻮﺭ
ﺳﺠﻰ : ﺍﻟﻌﻠﻢ ﻧﻮﺭ ﻭﺍﻟﺠﻬﻞ ﺿﻼﻡ
ﺿﺤﻰ : ﻫﻪ ﺷﺒﻴﺞ
ﺳﺠﻰ : ﻏﺸﻤﻲ ﻧﻔﺴﺞ
ﺿﺤﻰ : ﺍﻫﻮﻭ ﺷﺒﻴﺞ
ﺍﻻﻡ : ﺻﺎﺣﺖ ﻭﻳﻨﻜﻢ ﺑﻨﺎﺕ
ﺿﺤﻰ : ﻫﺎ ﻭﻟﺞ ﺻﺎﺣﺘﻨﺎ ﻣﺎﻣﺎ ﺍﺭﺗﺎﺣﻴﺘﻲ
ﺳﺠﻰ : ﻫﻬﻬﻪ ﺩﻳﻼ ﺧﻞ ﻧﻨﺰﻝ
ﺿﺤﻰ : ﺗﻌﺎﻟﻲ ﺍﺧﺬﻳﻬﻦ ﺍﻟﻬﺪﻭﻡ ﻭﻳﺎﺝ
ﺳﺠﻰ : ﻭﺃﻧﻲ ﺷﻌﻠﻴﻬﻪ ﺍﻧﺘﻲ ﺻﻌﺪﺗﻴﻬﻢ ﻭﻳﺎﺝ ﻑ ﺍﻧﺘﻲ ﺗﻨﺰﻟﻴﻬﻢ
ﺿﺤﻰ : ﺧﺒﻴﺜﻪ
_____________
ﺿﺤﻰ / ﻧﺰﻟﻨﺎ ﻳﻢ ﺍﻣﻲ ﻭﻟﻜﻴﻨﺎ ﻣﺤﻤﺪ ﻃﺎﻟﻊ
ﺍﻻﻡ : ﻫﺎﻱ ﻭﻳﻨﻜﻢ؟
ﺿﺤﻰ : ﻫﻼ ﻳﻤﻪ ﺩﻧﺒﺪﻝ ﻣﻼﺑﺴﻨﺎ،،،
ﺍﻻﻡ : ﻫﺎﻱ ﺍﻟﻤﻼﺑﺲ ﺩﺟﻴﺒﻴﻬﺎ ﺧﻞ ﻧﺸﻮﻓﻬﺎ
ﺿﺤﻰ : ﻳﻤﻪ ﺍﺭﻳﺪ ﺍﺣﻼﻫﻢ
ﺍﻻﻡ : ﻻﺗﺼﻴﺮﻳﻦ ﺍﻧﺎﻧﻴﻪ ﺧﻞ ﻧﺸﻮﻑ ﺍﻟﺨﻮﺍﺗﺞ
ﺳﺠﻰ ﻏﻤﺰﺗﻠﻬﺎ ﺃﺿﺤﻰ ﻭﻛﺎﻟﺘﻬﺎ ﺍﺳﻜﺘﻲ
ﺍﺧﺮﺷﻲ ﺍﻻﻡ ﻣﺪﺗﻬﺎ ﻝ ﺿﺤﻰ ﻣﻼﺑﺲ ﺣﻠﻮﻩ
ﺍﻻﻡ : ﻫﺎﻋﺠﺒﺘﺞ
ﺿﺤﻰ : ﺍﻱ ﻳﻤﻪ ﻋﺎﺷﺖ ﺍﻳﺪﺝ ___ ﺳﺠﻰ ﻗﺎﻃﻌﺘﻬﺎ
ﺳﺠﻰ : ﻻﺑﻨﻪ ﻣﻌﺠﺒﺘﻬﺎ ﺑﺲ ﻫﻴﻪ ﻣﺘﺤﺐ ﺗﻜﺴﺮﻟﺞ ﻛﻠﻤﻪ
ﺧﻞ ﺗﺸﺘﺮﻱ ﺍﻟﻨﺎ ﻗﻤﺎﺵ ﻭﻧﻮﺩﻳﻪ ﻟﻠﺨﻴﺎﻃﻪ ﺍﻷﺣﺪ ﻣﻮﺟﻮﺩﻩ
ﺿﺤﻰ ( ﻓﺘﻬﻤﺖ ﺍﻟﺴﺎﻟﻔﻪ ﺗﺨﺺ ﺍﻟﺸﺎﺏ ﻧﻮﺭ ) ﻑ ﻛﺎﻟﺖ : ﺍﻱ ﻳﻤﻪ ﻋﻔﻴﻪ ﻧﻔﺲ ﻣﻜﺎﻟﺖ ﺳﺠﻰ ﻣﻌﺠﺒﺘﻨﻲ ﻫﺎﻟﻜﺪ
ﺍﻻﻡ : ﻳﻼ ﺑﻌﺪ ﺑﻜﻴﻔﻜﻢ ﺍﺫﺍ ﺭﺍﻳﺪﻳﻦ ﻃﻠﻌﻮﺍ ﺍﺷﺘﺮﻭ
ﺿﺤﻰ : ﺻﺎﺭ ﻳﻤﻪ
ﺍﻻﻡ : ﺩﻳﻼ ﺣﻀﺮﻭﺍ ﺍﻛﻞ ﺍﺑﻮﻛﻢ ﻫﺴﻪ ﻳﺠﻲ
ﺿﺤﻰ : ﺍﻱ ﻣﺎﻣﺎ ﺻﺎﺭ
______________
ﺿﺤﻰ : ﻟﺞ ﺷﻠﻮﻥ ﻓﻜﺮﻩ ﻋﻨﺪﺝ ﻋﺎﺑﺖ ﻣﻨﻴﻦ ﺟﺒﺘﻴﻬﺎ
ﺳﺠﻰ : ﻫﻬﻬﻬﻪ ﺃﻓﻜﺎﺭﻱ ﻣﺪﻣﺮﻩ
ﺿﺤﻰ : ﺷﺮﺍﺡ ﻳﺼﻴﺮ
ﺳﺠﻰ : ﻭﻳﻦ ﺩﻣﺎﻏﺞ ﻭﻟﺞ،،ﻟﺞ ﻫﺬﺍ ﻛﻠﻪ ﺣﺘﻰ ﻳﺸﻮﻓﺞ ﻧﻮﺭ
ﺿﺤﻰ : ﺍﻻﺳﺒﻮﻉ ﺍﻟﺠﺎﻱ ﺭﺍﺡ ﺍﺭﻭﺡ ،ﻭﺍﻧﺘﻲ ﻭﺑﺄﻱ
ﺳﺠﻰ : ﻣﺎﺷﻲ ﺍﺟﻲ
ﺿﺤﻰ : ﺩﻳﻼ ﺍﻣﺸﻲ ﺧﻞ ﻧﺴﻮﻱ ﺍﻛﻞ ﻗﺒﻞ ﻣﺎ ﻳﺠﻲ ﺍﺑﻮﻳﻪ
ﺳﺠﻰ : ﺍﻣﺸﻲ
_____________
ﺿﺤﻰ : ﺟﻨﺖ ﺍﻧﺘﻀﺮ ﻫﺎﻱ ﺍﻻﻳﺎﻡ ﺑﻔﺎﺭﻍ ﺍﻟﺼﺒﺮ ﻭﺍﺻﻌﺐ ﻣﺎ ﻓﻲ ﺍﻟﻜﻮﻥ ﻫﻮ ﺍﻻﻧﺘﻈﺎﺭ ﺷﻲﺀ ﺻﻌﺐ ﻣﻴﻨﻮﺻﻒ،ﻣﺮﺕ ﺍﻻﻳﺎﻡ ﺇﺟﻪ ﻳﻮﻡ ﺍﻻﺣﺪ ﺍﻟﺼﺒﺢ ﻛﻌﺪﺕ ﻭﻃﺒﻴﺖ ﺳﺒﺤﺖ ﺑﺎﻭﻋﺖ ﻟﻠﺴﺎﻋﻪ 10 ﺍﻟﺼﺒﺢ
ﻭﻭﻛﺖ ﻃﻠﻌﺘﻲ ﺏ 4 ﺍﻟﻌﺼﺮ ﺍﺷﻮﻛﺖ ﻳﺠﻲ ﻫﺎﻟﻮﻗﺖ
ﻣﻠﻴﺖ ﺍﻧﺘﻈﺮ ﻟﺤﺪ ﻣﺎﺍﺟﻪ ﺍﻟﻮﻗﺖ ﺍﺧﺬﺕ ﺳﺠﻰ ﻭ ﻃﻠﻌﻨﺎ ﻟﺒﻴﺖ ﺍﻟﺨﻴﺎﻃﻪ ﻃﻮﻝ ﺍﻟﻄﺮﻳﻖ ﺑﺲ ﺍﻓﻜﺮ ﺭﺍﺡ ﻳﺸﻮﻓﻨﻲ ﻳﺎ ﺗﺮﻯ ﺭﺍﺡ ﻳﺘﺬﻛﺮﻧﻲ ﻟﻮ ﻻ ،،،ﺍﺻﻼ ﺭﺍﺡ . ﺍﻟﻜﺎﻩ ﺟﺎﻱ ﻟﻮﻻ
ﻑ ﺑﻌﺪ ﻣﺎ ﻭﺻﻠﻨﺎ ﻟﻠﻔﺮﻉ ﺍﻧﻲ ﻭﺳﺠﻰ ﺷﻔﺖ ﺳﻴﺎﺭﺗﻪ ﺍﻃﻤﺌﻨﻴﺖ ﻗﻴﻞ ﻣﻨﺪﻙ ﺍﻟﺒﺎﺏ
ﻛﺘﻠﻬﺎ : ﻟﺞ ﺳﺠﻰ
ﺳﺠﻰ : ﻫﺎ ﺿﺤﻰ
ﺿﺤﻰ : ﻟﺒﺴﻲ ﻣﺮﺗﺐ
ﺳﺠﻰ : ﺍﻱ ﻋﻴﻨﻲ ﻣﺮﺗﺐ
ﺿﺤﻰ : ﻳﻠﻪ ﺧﻞ ﻧﺪﺧﻞ
ﺳﺠﻰ : ﺻﺎﺭ
ﺿﺤﻰ / ﻣﻦ ﺩﺧﻠﻨﺎ ﺳﻠﻤﻨﺎ ﻋﻠﻰ ﺍﻟﺨﻴﺎﻃﻪ ﺟﺎﻥ ﻧﻮﺭ ﻛﺎﻋﺪ ﻣﻦ ﺷﺎﻓﻨﻲ ﺩﺧﻠﺖ ﻭﻛﻒ
ﻛﻠﺖ : ﻣﺮﺣﺒﺎ
ﺟﺎﻭﺑﻨﻲ : ﺍﻫﻼﻭﺳﻬﻼ ﻧﻮﺭﺗﻮﺍ
ﺟﺎﻭﺑﺘﻪ : ﺗﺴﻠﻢ
ﺑﻌﺪﻫﺎ ﻛﻌﺪﺕ ﻑ ﺍﻟﺨﻴﺎﻃﻪ ﺻﺎﺣﺘﻬﺎ ﻝ ﺳﺠﻰ ﻋﻮﺩ ﺩﺗﺮﻳﺪ
ﺗﺸﻮﻑ ﻭﻳﺎﻫﺎ ﻓﺼﺎﻝ ﺍﻟﺪﺷﺎﺩﻳﺶ ﺍﻟﻲ ﺗﺮﻳﺪ ﺗﺨﻴﻄﻬﺎ
ﺍﻧﻲ ﻭﻧﻮﺭ ﺿﻠﻴﻨﺎ ﺑﺎﻟﺼﺎﻟﻪ ﺳﻮﻩ
ﻧﻮﺭ : ﺍﺣﻢ
ﺿﺤﻰ / ﻋﻴﻮﻧﻲ ﺍﻟﺘﻔﺘﺖ ﺍﻟﻪ ﺑﻌﺪﻫﺎ ﻧﺰﻟﺘﻬﺎ
ﻧﻮﺭ : ﺍﺣﻢ ﺍﺣﻢ
ﺿﺤﻰ ﺑﺎﻭﻋﺖ ﻋﻠﻰ ﺍﻟﻄﺎﻭﻟﻪ ﻟﻜﻴﺖ ﺑﻴﻬﺎ ﻣﻲ ﻛﺘﻠﻪ : ﺗﺤﺐ ﺗﺸﺮﺏ ﻣﻲ .
ﻧﻮﺭ : ﺍﻱ
ﺿﺤﻰ : ﺍﺗﻔﻀﻞ
ﻧﻮﺭ : ﻣﻤﻜﻦ ﺳﺆﺍﻝ
ﺿﺤﻰ : ﺍﺗﻔﻀﻞ
ﻧﻮﺭ : ﻣﺮﺗﺒﻂ
ﺿﺤﻰ : ﻣﻔﻬﻤﺖ
ﻧﻮﺭ : ﻣﺨﻄﻮﺑﻪ،ﻣﺰﻭﺟﻪ،ﺣﺎﺑﻪ
ﺿﺤﻰ : ﺍﻧﻲ ؟
ﻧﻮﺭ : ﺷﻜﻠﺞ ﻣﻤﺮﺗﺒﻄﻪ
ﺿﺤﻰ / ﺍﺑﺘﺴﻤﺖ
ﻧﻮﺭ : ﺭﺍﻳﺞ ﺑﻴﻪ
ﺿﺤﻰ / ﺿﻠﻴﺖ ﺻﺎﻓﻨﻪ ﺷﺎﺟﺎﻭﺏ
ﺑﻬﺎﻻﺛﻨﺎﺀ ﺇﺟﺘﻲ ﺍﻟﺨﻴﺎﻃﻪ ﻫﻴﻪ ﻭﺳﺠﻰ ،ﻭﻛﺎﻟﺘﻠﻨﺎ : ﺑﻌﺪ ﻳﻮﻣﻴﻦ ﻭﺗﻌﺎﻟﻮﺍ
ﺳﺠﻰ : ﺻﺎﺭ ﺧﺎﻟﻪ ، ﻳﻼ ﺿﺤﻰ ﺧﻞ ﻧﺮﺟﻊ ﻗﺒﻞ ﺍﻟﻐﺮﻭﺏ
ﺿﺤﻰ : ﻳﻠﻪ ﻣﻊ ﺍﻟﺴﻼﻣﻪ،،
ﻭﻃﻠﻌﻨﺎ ﺑﺲ ﺩﻣﻲ ﻣﺤﺘﺮﻙ ﻛﺘﻠﻬﺎ ﻝ ﺳﺠﻰ : ﻟﻴﺶ ﺍﺟﻴﺘﻮ ﺑﺴﺮﻋﻪ ﻣﻜﺪﺭﺗﻲ ﺗﺘﺎﺧﺮﻳﻦ
ﺳﺠﻰ : ﻟﻴﺶ ﺷﻜﻮ ﻭﻭﻟﺞ
ﺿﺤﻰ : ﻟﺞ ﺭﺍﺩ ﻳﺤﺠﻲ ﺷﻲ
ﺳﺠﻰ : ﺷﻨﻮ ﺭﺍﺩ
ﺿﺤﻰ : ﻛﻠﻲ ﺷﻨﻮ ﺍﻧﺘﻲ ﻣﺮﺗﺒﻄﻪ ،ﻭ ﺷﻨﻮ ﺭﺍﻳﺞ ﺑﻴﻪ
ﺳﺠﻰ : ﺍﻱ ﺍﻱ
ﺿﺤﻰ : ﺭﺩﺕ ﺍﺟﺎﻭﺑﻚ ﻭﺍﻧﺘﻲ ﺍﺟﻴﺘﻲ
ﺳﺠﻰ : ﺍﺧﺎﻑ ﻣﻌﺠﺐ ﺑﻴﺞ ﻭﻟﺞ
ﺿﺤﻰ : ﻫﺬﺍ ﺭﺍﻳﺞ
ﺳﺠﻰ : ﻳﺎﻭﻳﻠﻲ ﻋﻠﻰ ﺍﻟﺤﺐ
ﺿﺤﻰ : ﺍﺱ ﺍﺳﻜﺘﻲ ﺑﻴﺮﻭﺡ ﺍﺣﺪ ﻳﺴﻤﻌﺞ
ﺳﺠﻰ : ﺩﻳﻼ ﺭﺍﺡ ﻧﻮﺻﻞ
يتبع...
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء