رواية ذكريات عشق مؤلم الجزء الثالث
للكاتبة زينب ماجد
🔹🔸🔹🔸
ﺍﺩﻫﻢ : ﺍﻣﺸﻲ ﻳﻼ ﺍﻭﺻﻠﻜﻢ ﻟﻠﺒﻴﺖ ﻭﻣﻨﺎﻙ ﺍﻟﺨﺬ ﺍﻟﺠﻮﺍﺯ
ﺳﺎﺭﻩ : ﻳﻠﻪ ﻣﺎﺷﻲ
ﻭﺻﻠﻨﺎ ﻟﻜﻴﻨﺎ ﺍﻣﻲ ﻭﺍﺧﺘﻲ ﻭﺍﻛﻔﺎﺕ ﺍﻣﻲ ﻋﻴﻮﻧﻬﺎ ﺗﺠﺪﺡ ﻧﺎﺭ ﺑﺲ ﺍﺩﻫﻢ ﻋﺮﻑ ﺷﻠﻮﻥ ﻳﻬﺪﻳﻬﺎ ﺑﺎﺳﻠﻮﺑﻪ ﻭﻗﻨﻌﻬﺎ ﻳﻮﺻﻠﻨﺎ ﻟﻠﺒﻴﺖ ﻋﻠﻤﻮﺩ ﻳﺎﺧﺬ ﺍﻟﺠﻮﺍﺯ
ﻭﺻﻠﻨﺎ ﻭﺍﻧﻄﺘﻪ ﺍﻣﻲ ﺍﻟﺠﻮﺍﺯ ﻭﺭﺍﺡ ﺑﻘﻴﺖ ﺍﻟﻠﻴﻞ ﻛﻠﻪ ﺍﻓﻜﺮ ﺑﻴﻪ ﻭﻣﺮﺍﺡ ﻣﻦ ﺑﺎﻟﻲ ﻭﻋﺠﻴﺐ ﻻﻭﻝ ﻣﺮﻩ ﺗﻤﺮ ﻟﻴﻠﻪ ﻭﻣﺎ ﺍﺗﺬﻛﺮ ﺍﺑﻨﻲ ﻋﺒﺪﻟﻠﻪ ﺍﻭ ﺍﺑﺠﻲ ﻋﻠﻴﻪ
ﻧﻤﺖ ﻭﺍﻧﻲ ﻓﻘﻂ ﺍﺗﺨﻴﻞ ﻋﻴﻮﻥ ﺍﺩﻫﻢ ﻛﺪﺍﻣﻲ ﺑﻌﺪ ﺍﺳﺒﻮﻉ ﺻﺎﺭﺕ ﻣﺸﻜﻠﻪ ﺑﻴﻨﻲ ﻭﺑﻴﻦ ﺍﺧﺘﻲ
ﻃﺒﻌﺎ ﺍﺧﺘﻲ ﻣﻦ ﻟﻤﺎ ﺍﻃﻠﻘﺖ ﺿﺎﺟﺖ ﻻﻥ ﺷﺎﺭﻛﺘﻬﺎ ﺑﺎﻟﻐﺮﻓﻪ ﻭﺩﺍﺋﻤﺎ ﺗﺴﻤﻌﻨﻲ ﺣﺠﻲ ﺑﺲ ﺍﺗﻐﺎﺿﻰ ﻭﺍﺳﻜﺖ ﺍﻟﻰ ﺍﻥ ﺍﻧﻔﺠﺮﺕ ﻭﺗﻌﺎﺭﻛﺖ ﻭﻳﺎﻫﺎ
ﺟﺮﺗﻨﻲ ﺍﻣﻲ ﻭﻧﺰﻟﺘﻨﻲ ﺟﻮﻩ ﻭﻛٲﻧﻲ ﺍﻧﻲ ﺍﻟﻠﻲ ﻏﻠﻄﺎﻧﻪ ﺻﺢ ﻫﻢ ﻣﻴﺮﺩﻭﻥ ﻳﺤﺴﺴﻮﻧﻲ ﺍﻧﻲ ﻣﻄﻠﻘﻪ
ﺑﺲ ﺍﻧﻲ ﺍﺣﺲ ﺑﺘﺼﺮﻓﺎﺗﻬﻢ ﻭﻛﻼﻡ ﺍﻟﻨﺎﺱ ﺍﻟﻠﻲ ﻣﻴﺮﺣﻢ ﻭﺍﺗﻀﺎﻳﻖ ﻭﺍﺑﺠﻲ ﺑﺲ ﺷﺴﻮﻱ ﻣﺎ ﺍﻛﺪﺭ ﺍﺗﺰﻭﺝ ﺍﺧﺎﻑ ﻫﻢ ﻳﻄﻠﻊ ﻣﺜﻞ ﺯﻭﺟﻲ ﺍﻻﻭﻝ ﻭﺍﻓﺸﻞ ﻣﺮﻩ ﺛﺎﻧﻴﻪ
ﺑﺲ ﺿﻐﻂ ﺍﻣﻲ ﻋﻠﻴﻪ ﺑﺪﺍ ﻳﺰﻳﺪ ﻋﻠﻪ ﺍﺑﻮ ﺍﻟﻨﺎﺱ ﻛﺎﻣﺖ ﺗﺤﺠﻲ ﻭﺍﻧﺘﻲ ﺍﻟﻰ ﻣﺘﻰ ﺗﺒﻘﻴﻦ ﻭﺣﻴﺪﻩ ﻻﺯﻡ ﺗﺸﻮﻓﻴﻦ ﺣﻴﺎﺗﺞ
ﺍﻡ ﺳﺎﺭﻩ : ﻣﺎﻣﺎﺗﻲ ﺣﺒﻴﺘﻲ ﺍﻟﻰ ﻣﺘﻰ ﺗﺒﻘﻴﻦ ﻫﻴﺢ ﻳﻤﻪ ﺗﺮﻩ ﺍﻟﻨﺎﺱ ﻣﺘﺮﺣﻢ ﻭﺍﻧﺘﻲ ﺗﻌﺮﻓﻴﻦ ﺍﻟﺤﺠﻲ ﻳﻤﻪ ﻛﻞ ﻣﺮﻩ ﻳﺠﻮﺝ ﺧﻄﺎﺑﻪ ﻭﺍﻧﺘﻲ ﺗﺮﻓﻀﻴﻦ ﻛﻮﻟﻴﻠﻲ ﻟﺸﻮﻛﺖ
ﺳﺎﺭﻩ : ﺍﻧﻲ ﺍﻋﺮﻑ ﻣﻠﻴﺘﻮ ﻣﻨﻲ ﻭﻣﺘﺮﺩﻭﻧﻲ ﻳﻌﻨﻲ ﺷﺴﻮﻱ ﺍﻣﻮﺕ ﻋﻠﻤﻮﺩ ﺗﺨﻠﺼﻮﻥ ﻣﻨﻲ ﻭﻣﻦ ﻛﻼﻡ ﺍﻟﻨﺎﺱ ﻋﻠﻴﻪ
ﺍﻡ ﺳﺎﺭﻩ : ﻻ ﻳﻤﻪ ﺍﺳﻢ ﺍﻟﻠﻪ ﻋﻠﻴﺞ ﻟﺘﺤﺠﻴﻦ ﻫﻴﺞ ﺑﺲ ﻭﺍﻟﻠﻪ ﻳﻴﻤﻪ ﺍﻧﻲ ﺍﺣﺠﻲ ﻟﻤﺼﻠﺤﺘﺞ ﻭﺍﺫﺍ ﻓﺸﻠﺘﻲ ﻣﺮﻩ ﻣﻮ ﻣﻌﻨﺎﺗﻬﺎ ﺍﺧﺮ ﺍﻟﺪﻧﻴﺎ ﻫﻮﺍﻱ ﻧﺎﺱ ﺗﺰﻭﺟﻮ ﻣﺮﻩ ﺛﺎﻧﻴﻪ ﻭﺍﻧﺴﻌﺪﻭ
ﺳﺎﺭﻩ : ﺃﻭﮔﻴـ Ok ـٍﮧ ﺍﺫﺍ ﻫﻴﺞ ﺗﺮﺩﻳﻦ ﺗﺨﻠﺼﻴﻦ ﻣﻨﻲ ﺍﺫﺁ ﺍﻋﺘﺒﺮﻱ ﺍﻟﺠﻤﻌﻪ ﺍﻟﺠﺎﻳﻪ ﺧﻄﺒﺘﻲ ﻭﺷﻴﺼﻴﺮﻟﻲ ﺑﺬﻣﺘﻜﻢ
ﺍﻡ ﺳﺎﺭﻩ : ﺍﻟﺠﻤﻌﻪ ﺍﻟﺠﺎﻳﻪ !!.. ﻣﻨﻮ ﻫﺬﺍ ﺍﻟﻴﺨﻄﺒﺞ ﺍﻟﺠﻤﻌﻪ ﺍﻟﺠﺎﻳﻪ
ﺳﺎﺭﻩ : ﻧﻔﺴﻪ ﺍﺩﻫﻢ ﺍﻟﻠﻲ ﺷﻔﻨﺎ ﺑﺎﻟﺰﻭﺭﺍﺀ ﺍﻟﻠﻲ ﺍﺧﺬﺕ ﺟﻨﻄﺘﻪ ﺗﻘﺪﻣﻠﻲ ﻭﺍﻧﻲ ﺭﻓﻀﺖ ﻭﺍﻧﻄﺎﻧﻲ ﻣﻬﻠﻪ ﺍﻓﻜﺮ ﻭﺍﺭﺟﻌﻠﻪ ﺟﻮﺍﺏ
ﻭﺑﻤﺎ ﺍﻧﻮ ﺍﻧﺘﻮ ﻣﺴﺘﻌﺠﻠﻴﻦ ﺗﺰﻭﺟﻮﻧﻲ ﺍﻧﻲ ﺭﺍﺡ ﺍﺧﺎﺑﺮﻩ ﻭﺍﻧﻄﻴﻪ ﻣﻮﺍﻓﻘﻪ
ﺧﺎﺑﺮﺕ ﺍﺩﻫﻢ ﻭﻛﺘﻠﻪ ﻣﻮﺍﻓﻘﻪ ﺍﺳﺘﻐﺮﺏ ﺍﻭﻝ ﺑﺪﺍﻳﻪ ﺑﺲ ﻓﺮﺡ ﺑﺎﻟﺠﻮﺍﺏ ﻭﻛﺘﻠﻪ ﺍﺫﺍ ﻣﺘﺘﻘﺪﻣﻠﻲ ﻫﺬﻱ ﺍﻟﺠﻤﻌﻪ ﺍﻋﺘﺒﺮﻧﻲ ﻣﻤﻮﺍﻓﻘﻪ
ﺑﺲ ﻛﺎﻟﻲ ﻭﻻ ﻳﻬﻤﺞ ﺍﻟﺠﻤﻌﻪ ﺑﻠﻐﻲ ﺍﻫﻠﺞ ﺍﻧﻲ ﺟﺎﻱ ﺑﻠﻐﺖ ﺍﻣﻲ ﻭﺍﻣﻲ ﻛﺎﻟﺖ ﻻﺑﻮﻳﻪ ﻭﻓﻌﻼ ﺻﺎﺭﺓ ﺍﻟﺨﻄﺒﻪ
ﺑﻌﺪ ﻣﺎ ﺳٲﻟﻮ ﺍﻫﻠﻲ ﻋﻠﻴﻪ ﻭﻋﺮﻓﺖ ﺍﻧﻮ ﻫﻮﻩ ﺭﺟﻞ ﺍﻋﻤﺎﻝ ﻣﻌﺮﻭﻑ ﻭﺍﻟﻨﺎﺱ ﻛﻠﻬﺎ ﺗﺸﻬﺪ ﻻﺧﻼﻗﻪ ﺑﺲ ﺑﻌﺪ ﺍﻟﺨﻄﻮﺑﻪ ﺑﻴﻮﻣﻴﻦ ﺧﺎﺑﺮ ﻭﻛﺎﻝ ﺑﻌﺪ 3 ﺍﻻﻳﺎﻡ ﺍﻟﻌﺮﺱ
ﺍﺳﺘﻐﺮﺑﺖ ﻭﺭﻓﻀﺖ ﻟٲﻥ ﺍﻧﻲ ﻣﻠﺘﻘﻴﺖ ﺑﻴﻪ ﺍﻭ ﻛﻌﺪﺕ ﻭﻳﺎﻩ ﺍﺑﺪﺍ ﺑﻌﺪ ﺍﻟﺨﻄﻮﺑﻪ ﻭﺍﻧﻲ ﻣﺎ ﺍﻋﺮﻑ ﻋﻨﻪ ﺷﻲ ﺍﻭ ﻋﻦ ﻃﺒﻌﻪ ﺍﺫﺍ ﻳﻨﺎﺳﺐ ﺍﻃﺒﺎﻋﻲ
ﺍﺑﻮﻳﻪ ﺧﺒﺮﻫﻢ ﺍﻧﻮ ﺍﻧﻲ ﺭﻓﻀﺖ ﻭﺍﻗﻞ ﺷﻲ ﻻﺯﻡ ﻳﺼﻴﺮ ﺑﻌﺪ ﺷﻬﺮ ﻭﻫﻴﻪ ﻻﺯﻡ ﺗﺘﻌﺮﻑ ﻋﻠﻴﻪ ﻭﻳﻜﻌﺪﻭﻥ ﺳﻮﻩ ﻭﻳﺘﻌﺮﻓﻮﻥ ﻋﻠﻪ ﺍﻃﺒﺎﻉ ﺑﻌﺾ
ﺛﺎﻧﻲ ﻳﻮﻡ ﺍﺟﻪ ﻭﺟﺎﻳﺐ ﺍﻣﻪ ﻭﻋﻤﻪ ﻭﻳﺎﻩ ﻭﺍﺟﻪ ﻟﺒﻴﺘﻨﻪ ﺩﺧﻠﺖ ﻟﻜﻴﺘﻪ ﻛﺎﻋﺪ ﺭﻓﻊ ﻋﻴﻨﻪ ﻭﺧﺰﺭﻧﻲ ﺑﻄﺮﻑ ﻋﻴﻨﻪ ﻭﺩﺍﺭ ﻭﺟﻬﺎ ﻻﺑﻮﻳﻪ
ﺍﺩﻫﻢ : ﻋﻤﻲ ﺍﻧﺘﻪ ﻃﻠﺒﺖ ﻣﻨﻲ ﺍﻣﺪﺩ ﻓﺘﺮﺓ ﺍﻟﺨﻄﻮﺑﻪ ﻋﻠﻤﻮﺩ ﻧﺘﻌﺮﻑ ﻋﻠﻪ ﺑﻌﺾ ﺷﻮﻑ ﺍﻧﻲ ﺍﻟﺒﻨﻴﻪ ﺷﻔﺘﻬﺎ ﻭﺳٲﻟﺖ ﻋﻠﻴﻬﺎ ﻭﺍﻟﻨﺎﺱ ﻛﻠﻬﺎ ﻣﺪﺣﺘﻠﻲ ﺑﺎﺧﻼﻗﻬﺎ
ﻓﻤﻴﺤﺘﺎﺝ ﺍﻋﺮﻑ ﺍﻛﺜﺮ ﻭﺍﻟﻠﻲ ﺗﺮﻳﺪ ﺗﻌﺮﻓﻪ ﻋﻦ ﺍﻃﺒﺎﻋﻲ ﺭﺍﺡ ﺍﻛﻠﻜﻢ ﺑﻴﻪ ﺍﻧﻲ ﺭﺟﺎﻝ ﻣﺘﺰﻭﺝ 2 ﻭﺍﻟﻠﻲ ﻗﻮﺍﻧﻴﻨﻲ ﺑﺎﻟﺒﻴﺖ
ﺍﻭﻝ ﺷﻲ ﺍﻧﻲ ﺍﺣﺐ ﺍﻋﺪﻝ ﺑﻴﻨﺎﺗﻬﻦ ﻟﺬﻟﻚ ﺍﻗﻀﻲ ﻛﻞ ﻟﻴﻠﻪ ﻋﻨﺪ ﻭﺣﺪﻩ ﻣﻨﻬﻦ ﺍﻧﻲ ﻣﻦ ﺍﻟﻨﻮﻉ ﺍﻟﻠﻲ ﺍﺗﺤﻤﻞ ﺍﻟﻤﺮﺍ ﻻﺧﺮ ﺩﺭﺟﻪ ﻭﺍﻋﻠﻤﻬﺎ ﻋﻠﻰ ﻃﺒﻌﻲ ﻭﺍﺟﺒﺮﻫﺎ ﺗﻤﺸﻲ ﺑﻴﻪ
ﻭﻟﻮ ﺷﻤﺎ ﺗﺴﻮﻱ ﺍﺗﺤﻤﻠﻬﺎ ﻣﻘﺎﺑﻞ ﻫﺬﺍ ﺍﻋﺎﻗﺒﻬﺎ ﻭﺍﻋﻠﻤﻬﺎ ﻣﻦ ﻏﻠﻄﻬﺎ ﻭﺳﺒﻖ ﺍﻥ ﺯﻭﺟﺘﻲ ﺍﻻﻭﻟﻰ ﻏﻠﻄﺖ ﻭﻳﺎﻳﻪ ﻏﻠﻂ ﻣﺴﺘﺤﻴﻞ ﺍﻱ ﺭﺟﻞ ﻳﺘﺤﻤﻠﻪ ﻭﺷﺮﺩﺕ
ﻟﻜﻦ ﺍﻧﻲ ﻣﻮ ﻋﺎﺩﺗﻲ ﺍﻃﻠﻖ ﻣﺮﺗﻲ ﻣﻴﻔﺮﻗﻬﺎ ﻋﻨﻲ ﻏﻴﺮ ﺍﻟﻤﻮﺕ ﻭ ﻭﺗﺒﻌﺘﻬﺎ ﻭﺟﺒﺘﻬﺎ ﻏﺼﺐ ﻋﻦ ﺍﻫﻠﻬﺎ ﻭﺟﺒﺮﺗﻬﺎ ﺗﻌﻴﺶ ﺍﺑﻴﺘﻲ
ﺷﻐﻠﻪ ﺛﺎﻧﻴﻪ ﻣﻮﺑﺎﻳﻞ ﻣﻤﻨﻮﻉ ﺍﺧﻠﻲ ﺍﺑﻴﺪ ﻭﺣﺪﻩ ﻣﻦ ﻧﺴﻮﺍﻧﻲ ﻭﺍﻻﻧﺘﺮﻧﺖ ﻫﻢ ﻣﻤﻨﻮﻉ ﻭﻛﺜﺮﺓ ﺍﺗﺼﺎﻻﺕ ﻣﻤﻨﻮﻋﻪ ﻻﻥ ﻫﺬﺍ ﺍﻟﺸﻲ ﺣﻴﻔﺴﺪ ﻫﺪﻭﺀ ﺑﻴﺘﻲ
ﻟﺬﻟﻚ ﺍﺣﺮﺹ ﺍﺣﻔﻈﻪ ﻣﻦ ﻛﻠﺸﻲ ﻣﻤﻜﻦ ﻳﻬﺪﺩ ﻫﺪﻭﺀ ﻋﺎﺋﻠﺘﻲ ﻣﻮ ﻣﻌﻨﺎﻫﺎ ﺍﻧﻮ ﺍﻧﻲ ﻣﻌﻘﺪ ﻻ ﺍﻱ ﻭﺣﺪﻩ ﺗﻜﺪﺭ ﺗﺎﺧﺬ ﺍﻟﺤﺎﺳﻮﺏ ﻣﺎﻟﺘﻲ ﺍﻭ ﺍﻟﺘﺎﺑﻠﺖ ﺍﻭ ﺟﻬﺎﺯ ﻣﻮﺑﺎﻳﻠﻲ ﻭﺗﺒﺎﻭﻉ ﺗﺘﺼﻔﺢ ﺍﻟﻴﻌﺠﺒﻬﺎ ﻟﻜﻦ ﺑﺤﺪﻭﺩ
ﻭﺟﻬﺎﺯ ﻣﻮﺑﺎﻳﻞ ﺗﺎﺭﻙ ﺑﺎﻟﺒﻴﺖ ﺟﻬﺎﺯ ﻧﻮﻛﻴﺎ ﻋﺎﺩﻱ ﻭﻛﻞ ﺍﺳﺒﻮﻉ ﺍﺣﻮﻟﻪ ﻓﺌﻪ ﻣﻦ ﺍﻟﺮﺻﻴﺪ ﻟﻠﻲ ﺗﺮﻳﺪ ﺗﺘﺼﻞ ﺑﺎﻫﻠﻬﺎ ﺍﻭ ﺍﻱ ﺍﺣﺪ ﻣﻦ ﺍﻗﺎﺭﺑﻬﺎ ﺍﻭ ﺑﻴﻪ ﺍﺫﺍ ﻛﻨﺖ ﺧﺎﺭﺝ ﺍﻟﺒﻴﺖ
ﻫﺬﺍ ﻛﻞ ﺍﻟﻌﻨﺪﻱ ﻭﻫﺬﻱ ﺍﻃﺒﺎﻋﻲ ﻭﻣﻬﻤﺎ ﺗﻜﻮﻥ ﺍﻃﺒﺎﻋﻬﺎ ﺍﻧﻲ ﻗﺎﺑﻞ ﻭﺍﻛﺪﺭ ﺍﻏﻴﺮﻫﺎ ﻭ ﺍﻋﻠﻤﻬﺎ ﺗﺎﺧﺬ ﻃﺒﻌﻲ
ﺳﺎﺭﻩ : ﺍﻟﻠﻪ ﻳﺴﺎﻋﺪ ﺍﻟﺴﺎﻧﻚ ﻣﻮﻛﻊ ﻣﻦ ﻫﻠﺤﺠﻲ 😒
ﺍﺩﻫﻢ : ﻧﻌﻢ ﺷﻜﻠﺘﻲ
ﺳﺎﺭﻩ : ﺍﺍﺍﺍ ﻻ ﻣﻜﻠﺖ ﺷﻲ ﻛﻠﺖ ﻣﻊ ﻫﺬﺍ ﻻﺯﻡ ﺍﺗﻌﺮﻑ ﻋﻠﻴﻚ ﻋﻦ ﻗﺮﺏ
ﻋﻢ ﺍﺩﻫﻢ : ﺍﻧﻲ ﻭﻳﺎﺝ ﻋﻤﻮ ﻭﻫﺬﺍ ﻣﻦ ﺣﻘﺞ ﻫﺬﺍ ﺯﻭﺍﺝ ﻣﻮ ﻟﻌﺒﻪ ﺍﺑﻮ ﻣﺤﻤﺪ ﺍﺫﺍ ﻣﺎ ﻋﻨﺪﻙ ﻣﺎﻧﻊ ﺧﻠﻴﻬﻢ ﻟﻮﺣﺪﻫﻢ ﺧﻞ ﻳﺘﻨﺎﻗﺸﻮﻥ ﺑﻴﻨﺎﺗﻬﻢ
ﺍﺑﻮ ﺳﺎﺭﻩ : ﻻ ﻃﺒﻌﺎ ﺧﻠﻴﻬﻢ ﻳﺎﺧﺬﻭﻥ ﺭﺍﺣﺘﻬﻢ ﺗﻔﻀﻠﻮ ﻧﻜﻌﺪ ﺑﺎﻟﺼﺎﻟﻪ ﻭﺧﻠﻮﻫﻢ ﻭﺣﺪﻫﻢ
ﺑﻌﺪ ﻣﻄﻠﻌﻮ ﺍﺩﻫﻢ ﻛﺎﻋﺪ ﻋﻠﻘﻨﻔﻪ ﻛﺪﺍﻣﻲ ﻭﻧﻀﺮﻟﻲ ﺑﻨﻀﺮﻩ ﺣﺎﺩﻩ ﻭﺭﻓﻌﻠﻲ ﺣﺎﺟﺒﻪ ﺷﻨﻮ ﻣﺤﺘﺠﻴﻦ ﺗﻜﻌﺪﻳﻦ ﻳﻤﻲ ﻛﻤﺖ ﻭﻛﻌﺪﺕ ﺑﺼﻔﻪ ﻭﺳٲﻟﺘﻪ ﻟﻴﺶ ﺿﺎﻳﺞ
ﺍﺩﻫﻢ : ﻣﻨﻮ ﻛﻠﺞ ﺍﻧﻲ ﺿﺎﻳﺞ ﺍﻱ ﺳﻮﻟﻔﻴﻠﻲ ﻋﻦ ﺍﻃﺒﺎﻋﺞ ﺷﻮﻳﻪ ﺧﻞ ﻧﺘﻌﺮﻑ . ﻣﻮ ﻫﻴﺞ ﺗﺮﺩﻳﻦ
ﺳﺎﺭﻩ : ﺷﻮﻑ ﺍﻧﻲ ﻣﺸﻜﻠﺘﻲ ﻋﻨﻴﺪﻩ ﻛﻮﻟﺶ ﻭﺍﻋﺮﻑ ﻫﺬﺍ ﺧﻄٲ ﺑﺲ ﻣﻮ ﺑﻴﺪﻱ ﺳﺒﻖ ﻭﺍﻥ ﺧﺮﺑﺖ ﺣﻴﺎﺗﻲ ﺑﺴﺒﺐ ﺍﻋﻨﺎﺩﻱ
ﺍﺩﻫﻢ : ﺍﻭﻋﺪﺝ ﺍﺗﺮﻛﻴﻦ ﻫﺬﻱ ﺍﻟﺼﻔﻪ ﻭﺍﻧﻲ ﻣﺴﺘﻌﺪ ﺍﻋﻠﻤﺞ ﻋﻠﻪ ﻃﺒﻌﻲ ﻭﺗﺮﻩ ﺍﻧﻲ ﻣﻮ ﺻﻌﺐ ﻭﺍﺗﻔﺎﻫﻢ ﻭﺍﻧﺸﺎﻟﻠﻪ ﻧﻌﻴﺶ ﺣﻴﺎﺓ ﺣﻠـِﯜﯞﻭﮪّ
ﺍﺣﺠﻲ ﻭﺍﻧﻲ ﺍﺑﺎﻭﻉ ﻟﻮﺟﻬﺎ ﻭﻟﻤﻼﻣﺤﻬﺎ ﺷﻔﺎﻳﻔﻬﺎ ﺗﻜﻮﻝ ﻛﺮﺯ ﻛﺘﻠﻬﺎ ﺗﻌﺎﻟﻲ ﻛﻮﻟﻴﻠﻲ ﺍﻧﺘﻲ ﺗﺮﺩﻳﻦ ﺗﻌﺬﺑﻴﻨﻲ ﻟﻴﺶ
ﺳﺎﺭﻩ : ﺍﻋﺬﺑﻚ ﻟﻴﺶ .. ﺷﻤﺴﻮﻳﻪ
ﺍﺩﻫﻢ : ﺍﻟﻠﻪ ﻛﻠﻬﻠﺸﻔﺎﻳﻒ ﺍﻟﺤﻠﻮﻩ ﻭﺗﻜﻮﻟﻴﻠﻲ ﺷﻤﺴﻮﻳﻪ ﺯﻳﻦ ﺍﻛﺪﺭ ﺍﺿﻮﻛﻬﻦ
ﺳﺎﺭﻩ : ﺧﺎﻑ ﻣﺘﻘﺒﻞ 😒 ﺍﺳﺘﺤﻲ ﺷﻮﻱ
ﺍﺩﻫﻢ : ﻫﻬﻬﻪ ﺍﻭﻙ ﺍﺳﺘﺤﻴﺖ
🔸🔹🔸🔹
ﺳﺎﺭﻩ : ﺍﻱ ﺍﺩﻫﻢ ﺳﻮﻟﻔﻠﻲ ﺷﻨﻮ ﺍﻟﻐﻠﻂ ﺍﻟﺴﻮﺗﻪ ﻣﺮﺗﻚ ﺍﻻﻭﻟﻰ ﻭﻟﻴﺶ ﺷﺮﺩﺕ
ﺍﺩﻫﻢ : ﺍﻧﺘﻲ ﺷﻠﺞ ﻋﻼﻗﻪ ﻟﺘﺼﻴﺮﻳﻦ ﻓﻀﻮﻟﻴﻪ ﻭﺗﺪﺧﻠﻴﻦ ﺑﺸﻲ ﻣﻴﺨﺼﺞ
ﺳﺎﺭﻩ : ﺍﻭﻱ ﺩﻭﻟﻲ ﻋﺎﺑﺘﻠﻚ ﺍﻟﻠﻲ ﻳﺸﻮﻓﻨﻲ ﻣﻴﺘﻪ ﻋﻠﻴﻚ ﻟﻮ ﻋﻠﻰ ﻣﺮﺗﻚ 😏
ﺍﺩﻫﻢ : ﺷﻨﻮ ﻫﻪ ﻭﻟﻲ ﻭﻋﺎﺑﺘﻠﻚ ﺷﻨﻮ ﻫﻠﺘﺠﺎﻭﺯ ﺍﻋﺘﻘﺪ ﺍﺧﺬﺕ ﻓﻜﺮﻩ ﻋﻨﺞ ﻭﻋﻦ ﻃﺒﻌﺞ ﺍﺗﺮﺧﺺ … . ﻛﻤﺖ ﻋﻠﻤﻮﺩ ﺍﻋﻠﻤﻬﺎ ﻣﺮﻩ ﺛﺎﻧﻴﻪ ﻣﺘﻌﻴﺪﻩ ﻭﺗﺘﺠﺎﻭﺯ ﺑﺲ ﻫﻴﻪ ﻭﻛﻔﺘﻨﻲ
ﺳﺎﺭﻩ : ﻟﺤﻀﻪ ﻟﺤﻀﻪ ﺍﺫﺍ ﺍﻧﺘﻪ ﺍﻋﺘﺒﺮﺕ ﻣﻴﺎﻧﺘﻲ ﻭﻳﺎﻙ ﺗﺠﺎﻭﺯ ﺍﻧﻲ ﺍﺳﻔﻪ ﻭﺑﻌﺪﻳﻦ ﻟﻮ ﺍﻧﻲ ﻏﻠﻄﺖ ﺍﻟﻤﻔﺮﻭﺽ ﺗﻜﻮﻟﻲ ﺍﻧﺘﻲ ﻏﻠﻄﺘﻲ ﻭﺗﻌﻠﻤﻨﻲ ﻣﻮ ﺍﻧﺘﻪ ﻫﻴﺞ ﻛﻠﺘﻠﻲ
ﺍﻟﻀﺎﻫﺮ ﺍﻧﻲ ﻋﺮﻓﺘﻚ ﺍﻧﺘﻪ ﺷﻨﻮ ﻃﺒﻌﻚ ﻭﻣﻮ ﺍﻧﺘﻪ ﺍﻟﻠﻲ ﺗﺘﺮﺧﺺ ﺍﻧﻲ ﺍﻛﻮﻡ ﻭﻣﻴﻌﺠﺒﻨﻲ ﺍﻛﻌﺪ ﻳﻤﻚ . … ﻭﻃﻠﻌﺖ ﻭﻋﻔﺘﻪ
ﺍﺩﻫﻢ : ﺍﻭﻑ ﻳﺎﺭﺑﻲ ﺣﺘﻪ ﺑﺰﻋﻠﻬﺎ ﻋﺴﻞ ﻳﻠﻪ ﺧﻠﻴﻬﺎ ﺧﻞ ﺷﻮﻳﻪ ﺗﺘﻌﻠﻢ … .. ﺭﺣﺖ ﻃﻠﻌﺖ ﻭﺭﺍﻫﺎ ﻣﺒﺎﻭﻋﺘﻠﻲ ﺍﻧﻲ ﻫﻢ ﻣﺪﺭﺗﻠﻬﺎ ﺑﺎﻝ
ﻭﻛﻠﺖ ﻟﻌﻤﻲ ﻳﻠﻪ ﻋﻤﻲ ﻭﺭﺍﻳﻪ ﻫﻮﺍﻳﻪ ﺷﻐﻞ ﺻﺎﺭ ﻻﺯﻡ ﺍﺭﻭﺡ ﻋﻔﺘﻬﺎ ﻭﻃﻠﻌﺖ .. ﻣﺮ ﺳﺒﻮﻉ ﻭﻫﻴﻪ ﻣﻤﺨﺎﺑﺮﻩ ﻭﻻ ﺍﻧﻲ ﻣﺨﺎﺑﺮ ﺍﻟﺼﺮﺍﺣﻪ ﺍﺷﺘﺎﻗﻴﺘﻠﻬﺎ ﻣﺎ ﺍﻋﺮﻑ ﻟﻴﺶ ﺗﻌﻠﻘﺖ ﺑﻴﻬﺎ
ﻛﻠﺖ ﺍﺭﻭﺣﻠﻬﺎ ﺍﺷﻮﻓﻬﺎ .. ﺑﺪﻟﺖ ﻭﺭﺣﺘﻠﻬﻢ ﻭﺻﻠﺖ .. ﺩﻛﻴﺖ ﺑﺎﺑﻬﻢ …
ﺩﻕ ﺩﻕ ﺩﻕ ( ﻫﺎﻱ ﻳﻌﻨﻲ ﺩﻛﺔ ﺑﺎﺏ (😁
ﺳﺎﺭﻩ : ﻣﻨﻮ
ﺍﺩﻫﻢ : ﺍﻧﻲ ﺍﺩﻫﻢ
ﺳﺎﺭﻩ : ﻫﻠﻮ ﺍﺩﻫﻢ ﺷﺮﺍﻳﺪ
ﺍﺩﻫﻢ : ﺷﻨﻮ ﺷﺮﺍﻳﺪ .. ﺭﺍﺡ ﺍﺑﻮﻛﺞ ﺩﺍﻓﺘﺤﻲ ﺍﻟﺒﺎﺏ
ﺳﺎﺭﻩ : ﻣﺤﺪ ﻣﻮﺟﻮﺩ ﺭﻭﺡ ﻭﺑﻌﺪﻳﻦ ﺍﻧﺘﻪ ﻣﻮ ﻧﻬﻴﺖ ﻛﻮﻟﺸﻲ ؏ﺷﻨﻮ ﺟﺎﻱ
ﺍﺩﻫﻢ : ﺍﻛﻠﻲ ﺗﺒﻦ ﻭﻓﺘﺤﻲ ﺍﻟﺒﺎﺏ ﺍﻧﻲ ﺍﻋﺘﺒﺮ ﺯﻭﺟﺞ ﺷﺮﻋﻴﺎ ﻭﺑﻴﻨﺎﺗﻨﺎ ﻋﻘﺪ .. ﻭﺑﻌﺪﻳﻦ ﻣﻨﻮ ﻛﺎﻝ ﻧﻬﻴﺖ ﻛﻮﻟﺸﻲ
ﺳﺎﺭﻩ : ﻣﺤﺪ ﻣﻮﺟﻮﺩ ﺩﺍ ﺍﻛﻮﻟﻚ ﺭﻭﺡ
ﺍﺩﻫﻢ : ﺩﻓﻌﺖ ﺍﻟﺒﺎﺏ ﻭﻃﺒﻴﺖ ﻟﻜﻴﺘﻬﺎ ﻻﺑﺴﻪ ﺗﻴﺸﻴﺮﺕ ﺧﻔﻴﻒ ﻭﺭﺩﻱ ﻭﺑﺮﻣﻮﺩﻩ ﺑﻴﻀﻪ ﻭﺍﻟﺸﻌﺮ ﺍﺳﻮﺩ ﺗﻜﻮﻝ ﻣﻲ
ﺩﺧﺖ ﻟﻤﺎ ﺑﺎﻭﻋﺘﻠﻬﺎ ﺿﺤﻜﺖ ﻭﻛﻠﺖ ﻫﺎﻱ ﺷﺒﻴﺞ ﺧﺎﻳﻔﻪ ﻣﻨﻲ
ﺳﺎﺭﻩ : ﺍﺩﻫﻢ ﻋﻔﻴﻪ ﺭﻭﺡ … . ﻣﺎ ﺍﺣﺲ ﺍﻻ ﺩﻓﻌﻨﻲ ﻋﻠﺤﺎﻳﻂ ﻭﻳﺒﺎﻭﻋﻠﻲ ﻭﻳﻜﻮﻟﻲ ﺍﻳﻴﻲ ﻭﻳﻦ ﺍﺭﻭﺡ
ﻛﺘﻠﻪ ﻋﻔﻴﻪ ﻭﺧﺮ ﻻ ﺍﺣﺪ ﻣﻦ ﺍﻫﻠﻲ ﻳﺠﻲ
ﺍﺩﻫﻢ .. ﻭﺧﻞ ﻳﺠﻲ .. ﺧﺎﻳﻒ ﻣﻨﻬﻢ ﺍﻟﺒﺴﺞ ﻋﺒﺎﺗﺞ ﻭﺍﺧﺬﺝ ﻣﺮﺗﻲ ﻣﺤﺪ ﺍﻟﻪ ﺣﻖ ﻳﺤﺠﻲ
ﺳﺎﺭﻩ .. ﻫﺎﺍﺍﺍ ﺩﻭﺧﺮ ﻋﻔﻴﻪ ﻭﺧﺮ .. ﻣﺎ ﺍﺣﺲ ﺍﻻ ﺑﺎﺳﻨﻲ ﺣﺎﻭﻟﺖ ﺍﻭﺧﺮ ﺍﺩﻓﻊ ﺑﻴﻪ ﻣﻴﺘﺮﻛﻨﻲ .. ﺭﺧﻴﺖ ﺑﺄﻳﺪﻩ ﻭﺑﺎﺩﻟﺘﻪ
ﻣﺎ ﺍﻋﺮﻑ ﺷﻨﻮ ﺍﻟﺸﻌﻮﺭ .. ﺍﺭﺗﺎﺡ ﻟﻤﺎ ﻳﻜﻮﻥ ﻳﻤﻲ .. ﺩﻛﺎﺕ ﻛﻠﺒﻲ ﻳﻤﻜﻦ ﺍﻟﺪﻧﻴﺎ ﻛﻠﻬﺎ ﺳﻤﻌﺘﻬﺎ ﻭﺍﻧﻲ ﺑﻴﻦ ﺍﺩﻳﻪ
ﺭﻏﻢ ﺯﻋﻠﻲ ﻋﻠﻴﻪ .. ﺑﺲ ﺣﺒﻴﺖ ﻫﻠﺸﻌﻮﺭ ﻭﻳﺎﻩ .. ﺑﻘﻰ ﻳﺒﺎﺩﻟﻨﻲ ﺍﻟﺒﻮﺳﻪ ﺑﻜﻞ ﺣﺐ ﺍﻟﻰ ﺍﻥ ﻫﻮﻩ ﺍﺑﺘﻌﺪ ﻭﻋﺪﻝ ﻗﻤﻴﺼﻲ .. ﻭﺩﻙ ﻋﻠﻲ ﻛﺘﻐﻲ ﺑﺄﻳﺪﻱ
ﺍﺩﻫﻢ : ﻫﻬﻬﻪ ﺍﺫﺍ ﺑﻘﻴﺖ ﺍﻛﺜﺮ ﻳﻤﻜﻦ ﻫﻬﻬﻪ ﺑﺲ ﺗﺮﻩ ﺑﻮﺳﺘﺞ ﺣﻠﻮﻩ ﻣﺜﻠﺞ ﻫﻬﻬﻪ
ﺳﺎﺭﻩ : ﻋﻴﺐ ﺍﺳﺘﺤﻲ 😶
🔹🔸🔹🔸
ﺍﺩﻫﻢ : ﻫﻬﻬﻬﻬﻪ ﺍﻧﻲ ﻣﺎ ﺍﺳﺘﺤﻲ ﻣﻮﻭﻭﻭ ﻟﻌﺪ ﻟﻴﺶ ﺑﺎﺩﻟﺘﻴﻨﻲ ﻫﺎﺍ ﻫﺎﺍ
ﺳﺎﺭﻩ : 😶😶😶
ﺍﺩﻫﻢ : ﺍﻭﻱ ﻓﺪﻳﺖ ﺍﻟﻴﺨﺠﻞ ﻟﺞ ﺗﺮﻩ ﻭﺍﻟﻠﻪ ﺑﻌﺪ ﻣﺎ ﺍﺗﺤﻤﻞ ﺍﺭﻳﺪﺝ ﺧﻠﻲ ﻧﺘﺰﻭﺝ ﻭﻧﻔﻀﻬﺎ ﻟﻴﺶ ﺍﻃﻮﻟﻴﻬﺎ
ﺳﺎﺭﻩ : ﻫﺎ ﺍﺍﺍﺍﺍ ﺑﻜﻴﻔﻚ
ﺍﺩﻫﻢ : ﻳﻌﻨﻲ ﻣﺎ ﻋﻨﺪﺝ ﺍﺷﻜﺎﻝ ﻟﻮ ﻛﺘﻠﺞ ﺍﻻﺳﺒﻮﻉ ﺍﻟﺠﺎﻱ ﺯﻭﺍﺟﻨﻪ
ﺳﺎﺭﻩ : ﻣﻤﻢ ﺑﺮﺍﺣﺘﻚ
ﺑﻬﻞ ﺍﻻﺛﻨﺎﺀ ﻃﺐ ﺍﺑﻮﻳﻪ ﻭﺍﻣﻲ ﺟﺎﻧﻮ ﻃﺎﻟﻌﻴﻦ ﺍﻟﺤﻤﺪﻟﻠﻪ ﻣﺎ ﺍﺟﻮ ﻗﺒﻞ ﺧﻤﺲ ﺩﻗﺎﻳﻖ ﻻ ﺟﺎﻥ ﺭﺣﺖ ﺑﻴﻬﺎ 😐
ﺍﺩﻫﻢ ﻛﺎﻟﻬﻢ ﺍﻧﻮ ﺍﺟﻪ ﻋﻠﻤﻮﺩ ﻳﺤﺪﺩ ﻣﻮﻋﺪ ﺍﻟﻌﺮﺱ ﻭﺍﺗﻔﻖ ﻭﻳﻪ ﺍﻫﻠﻲ ﻋﻠﻰ ﺍﺣﺘﻴﺎﺟﺎﺕ ﺍﻟﻌﺮﺱ
ﺑﻌﺪ ﺍﺳﺒﻮﻉ ﺳﻮﻳﻨﻪ ﺍﻟﻌﺮﺱ ﺑﻴﻨﺎﺗﻨﻪ ﻋﺰﻣﺖ ﺻﺪﻳﻘﺎﺗﻲ ﻭﺍﻗﺎﺭﺑﻲ ﺑﺲ .. ﻭﺳﻮﻳﻨﻪ ﺣﻔﻠﻪ ﺻﻐﻴﺮﻩ ﻭﺑﻠﻴﻞ ﺍﺟﻪ ﺍﺩﻫﻢ ﻻﺑﺲ ﻃﻘﻢ ﺍﺳﻮﺩ( ﻗﺎﻁ )
ﺑﺲ ﺍﻭﻳﻠﻲ ﺷﻄﺎﻟﻊ ﻳﺬﺑﺢ ﻣﻦ ﺍﻟﺠﻤﺎﻝ ﺣﺴﻴﺖ ﺻﺪﻳﻘﺎﺗﻲ ﻛﻠﻬﻦ ﻋﻴﻨﻬﻦ ﻋﻠﻴﻪ ﺑﺪﻱ ﺍﻛﻮﻡ ﺍﻓﻜﺲ ﻋﻴﻮﻧﻬﻦ 😠
ﻫﻠﻮ ﻫﻠﻮ ﻫﺎﻱ ﻣﻦ ﺍﻟﺒﺪﺍﻳﻪ ﻫﻴﺞ ﺷﻠﻮﻥ ﻟﻮ ﺍﺷﻮﻓﻪ ﻭﻳﻪ ﻧﺴﻮﺍﻧﻪ ﺑﺎﻟﺒﻴﺖ 😑 ﻳﻤﻪ ﺍﻧﻲ ﺷﻮﺭﻃﺖ ﻧﻔﺴﻲ ..
ﺯﻓﻮﻧﺎ ﻟﻠﺴﻴﺎﺭﻩ ﻭﺩﻋﺖ ﺍﻫﻠﻲ ﻭﺻﻌﺪﺕ ﻳﻤﻪ ﻛﻌﺪﻧﻪ ﺑﺪﻭﻥ ﻛﻼﻡ ﺍﻧﻲ ﺧﺠﻼﻧﻪ ﺍﻭ ﺩﺍ ﺍﻓﻜﺮ ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ
ﻣﺎﻛﻮ ﻏﻴﺮ ﺻﻮﺕ ﻛﺎﻇﻢ ﺍﻟﺴﺎﻫﺮ ﺯﻳﺪﻳﻨﻲ ﻋﺸﻘﺎ ﻳﻌﻨﻲ ﻣﺎﻛﻮ ﻏﻴﺮ ﻫﻼﻏﻨﻴﻪ ﺍﻟﻤﻌﻘﺪﻩ ﻳﻄﻠﻌﻬﺎ ﺑﺲ ﺍﺳﺘﺤﻴﺖ ﺍﻛﻮﻟﻪ ﻏﻴﺮﻫﺎ
ﺑﻘﻴﺖ ﻟﺤﺪ ﻣﺎ ﻭﺻﻠﻨﺎ ﻟﻠﺒﻴﺖ ﺍﻭﻭﻭﻑ ﻣﻮ ﺑﻴﺖ ﺗﺼﻤﻴﻢ ﺭﺍﻗﻲ ﻭﻧﺎﺯﻙ ﺑﺎﻻﺣﺠﺎﺭ ﻭﺍﻻﺷﺠﺎﺭ ..
ﻧﺰﻟﻨﻲ ﻭﺍﺑﺘﺴﻤﻠﻲ ﻭﺑﺎﺳﻨﻲ ﻣﻦ ﺭﺍﺳﻲ ﻭﻛﺎﻝ ﺗﻨﻮﺭﻳﻦ ﺑﻴﺘﺞ ﺣﺒﻴﺒﻲ ﺍﺑﺘﺴﻤﺖ ﻭﻣﺤﺠﻴﺖ ﻋﻮﺩ ﻋﻠﻪ ﺍﺳﺎﺱ ﺧﺠﻼﻧﻪ 😶
ﺩﺧﻠﻨﺎ ﻟﻠﺒﻴﺖ ﻛﻮﻟﺶ ﺭﺍﻗﻲ ﻭﺍﻟﺪﻳﻜﻮﺭ ﻭﺍﻻﺛﺎﺙ ﻣﺮﺗﺐ ﻭﺣﻠﻮ ﺑﺲ ﻭﻻ ﺍﺣﺪ ﻣﻮﺟﻮﺩ ﺳٲﻟﺘﻪ
ﺳﺎﺭﻩ : ﻣﺎﻛﻮ ﺍﺣﺪ
ﺍﺩﻫﻢ : ﻻ ﻣﻮﺟﻮﺩﺍﺕ ﺑﺲ ﺑﻐﺮﻓﻬﻦ
ﺳﺎﺭﻩ : ﻫﻨﻪ ﻳﻌﺮﻓﻦ ﺍﻧﺘﻪ ﺗﺘﺰﻭﺝ ﺍﻟﻴﻮﻡ
ﺍﺩﻫﻢ : ﺍﻱ ﻃﺒﻌﺎ ﻣﺒﻠﻐﻬﻢ ﻣﻦ ﺯﻣﺎﻥ ﻟﺘﺒﻘﻴﻦ ﺗﻔﻜﺮﻳﻦ ﺑﻬﺸﻐﻼﺕ ﻓﻮﺗﻲ ﻫﺬﻱ ﻏﺮﻓﺘﻨﺎ
ﺩﺧﻠﻨﺎ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ ﻫﻴﻪ ﺑﻘﺖ ﺍﺩﻭﺭ ﺑﻌﻴﻮﻧﻬﺎ ﺑﺎﻟﻐﺮﻓﻪ ﺣﻀﻨﺘﻬﺎ ﻣﻦ ﻭﺭﻩ ﻭﻫﻤﺴﺖ ﺑٲﺫﻧﻬﺎ ﺍﻭﻭﻭﻭﻭﻑ ﻭﺍﺧﻴﺮﺍ ﺻﺮﺗﻲ ﺑﺤﻈﻨﻲ
ﻣﻦ ﻳﻮﻡ ﺍﻟﺸﻔﺘﺞ ﺑﺎﻟﺰﻭﺭﺍﺀ ﻭﻟﻠﻴﻮﻡ ﻛﻞ ﻟﻴﻠﻪ ﺍﻧﻲ ﺍﺗﺨﻴﻠﺞ ﻳﻤﻲ ﻭﺍﻟﻴﻮﻡ ﺻﺎﺭ ﺍﻟﺨﻴﺎﻝ ﺣﻘﻴﻘﻪ .. ﺍﺣﺠﻲ ﻭﻳﺎﻫﺎ ﻭﻫﻴﻪ ﺳﺎﻛﺘﻪ
ﻣﺎ ﺣﺠﺖ ﺍﻱ ﺷﻲ ﺑﺲ ﻧﻔﺴﻬﺎ ﺍﺭﺗﻔﻊ ﻭﺍﺣﺲ ﺑﺪﻛﺎﺕ ﻛﻠﺒﻬﺎ ﻫﻬﻬﻬﻪ ﺍﺑﺘﺴﻤﺖ ﻭﻛﻠﺘﻠﻬﺎ ﻟﺘﺨﺎﻓﻴﻦ ﻭﻃﺒﻌﺖ ﺑﻮﺳﻪ ﺧﻔﻴﻔﻪ ؏ﺷﻔﺎﻳﻔﻬﺎ ﻭﻭﻭﻭﻭﻭ
ﺳﺎﺭﻩ : ﻛﻌﺪﺕ ﺍﻟﺼﺒﺢ ﺑﺎﻭﻋﺖ ﺑﺎﻟﻔﺮﺍﺵ ﻫﻮﻩ ﻣﺎﻛﻮ ﺍﺑﺘﺴﻤﺖ ﺍﺗﺬﻛﺮﺕ ﺍﻟﻠﻲ ﺻﺎﺭ ﺍﻟﺒﺎﺭﺣﻪ ﻭﻳﺎﻩ
ﻛﻤﺖ ﻃﻠﻌﺖ ﺍﺩﻭﺭ ﻋﻠﻴﻪ ﺑﺎﻟﺒﻴﺖ ﻟﺒﺴﺖ ﺑﺲ ﺭﻭﺏ ﻧﻮﻡ ﻃﻮﻳﻞ ﺍﺑﻴﺾ ﻭﻃﻠﻌﺖ ﺩﺧﻠﺖ ﻟﻠﻤﻄﺒﺦ ﻟﻜﻴﺘﻪ ﻛﺎﻋﺪﻩ ﻋﻠﻄﺎﻭﻟﻪ
ﻭﺍﻛﻮ ﺛﻨﻴﻦ ﺑﻨﺎﺕ ﺑﺎﻟﻤﻄﺒﺦ ﻋﺮﻓﺖ ﺍﻧﻮ ﻫﺬﻭﻟﻲ ﺯﻭﺟﺎﺗﻪ ﻟﺤﺘﻪ ﺍﺛﻴﺮ ﺍﻟﻐﻴﺮﻩ ﺗﻘﺮﺑﺘﻠﻪ ﻭﺑﻮﺳﺘﻪ ﺑﺨﺪﻩ ﻭﻛﺘﻠﻪ
ﺳﺎﺭﻩ : ﺻﺒﺎﺡ ﺍﻟﺨﻴﺮ ﺣﺒﻴﺒﻲ
ﺍﺩﻫﻢ : ﺻﺒﺎﺡ ﺍﻟﻨﻮﺭ
ﺣﺴﻴﺖ ﻭﺣﺪﻩ ﻣﻨﻬﻦ ﺭﺍﺩﺕ ﺗﺎﻛﻠﻨﻲ ﺑﻌﻴﻮﻧﻬﺎ ﻭﺍﻟﺜﺎﻧﻴﻪ ﻭﻻ ﻳﻤﻬﺎ ﻣﻤﻬﺘﻤﻪ ﺑﺎﻟﻤﻮﺿﻮﻉ ﻛﻌﺪﺕ ﻭﺭﺩﺕ ﺍﺗﻌﺮﻑ ﻋﻠﻴﻬﻦ
ﺳﺎﺭﻩ : ﺍﻛﻴﺪ ﺍﻧﺘﻮ ﺍﺳﻴﻞ ﻭﺯﻫﺮﺍﺀ ﻣﻮ
ﺯﻫﺮﺍﺀ : ﺍﻱ ﺍﺣﻨﻪ 😏
ﺍﺩﻫﻢ : ﻫﺬﻱ ﺍﺳﻴﻞ ﺯﻭﺟﺘﻲ ﺍﻻﻭﻟﻰ ﻭﻫﺬﻱ ﺯﻫﺮﺍﺀ ﺯﻭﺟﺘﻲ ﺍﻟﺜﺎﻧﻴﻪ .. ﺑﺎﻋﻲ ﺑﻤﺎ ﺍﻧﻮ ﺍﺗﻌﺮﻓﺘﻲ ﻋﻠﻴﻬﻦ ﺣﺎﻭﻟﻲ ﺗﺘﻌﺎﻳﺸﻴﻦ ﻭﻳﺎﻫﻦ ﻭﺗﺤﺒﻴﻬﻦ
ﻭﻛﺬﻟﻚ ﺍﻟﺤﺠﻲ ﻣﻮﺟﻪ ﺍﻟﻬﻦ ﺍﻱ ﻭﺣﺪﻩ ﻣﻨﺠﻦ ﺗﺴﻮﻱ ﻣﺸﺎﻛﻞ ﺗﻌﺮﻑ ﺣﺴﺎﺑﻬﺎ ﻳﻤﻲ ﺷﻨﻮ ..
ﺍﻟﻤﺸﺎﻛﻞ ﺍﻟﻠﻲ ﺗﺼﻴﺮ ﺑﻴﻨﺎﺗﺠﻦ ﺍﻧﻲ ﻣﺎﻟﻲ ﺩﺧﻞ ﺑﻴﻬﺎ ﻟﻮ ﺗﺼﻴﺮ ﺑﻴﻨﺎﺗﻜﻢ ﺩﻡ ﺍﻧﻲ ﻣﺎ ﺍﺩﺧﻞ ﻳﻌﻨﻲ ﺣﻴﻠﻜﻢ ﺑﻴﻨﻜﻢ …
ﺳﺎﺭﻩ ﻫﺬﻱ ﺑﻨﺘﻲ ﺍﻟﺠﺒﻴﺮﻩ ﻣﻨﻰ ﻋﻤﺮﻫﺎ 6 ﺳﻨﻮﺍﺕ ﻭﻫﺬﻱ ﺑﻨﺘﻲ ﺍﻟﺼﻐﻴﺮﻩ ﺟﻨﻰ ﻋﻤﺮﻫﺎ 4 ﺳﻨﻮﺍﺕ
ﺳﺎﺭﻩ : ﻣﻨﻰ ﺩﻣﻬﺎ ﺟﺎﻣﺪ ﻣﺜﻞ ﺍﻣﻬﺎ ﻛﻄﻴﻌﻪ 😪 ﺑﺲ ﺟﻨﻰ ﺗﺨﺒﻞ ﺗﺸﺒﻪ ﺍﺩﻫﻢ ﻫﻮﺍﻳﻪ ﺣﺒﻴﺘﻬﺎ ﺑﺴﺮﻋﻪ ﻓﺪﺍﻋﺒﺘﻬﺎ ﻫﻼ ﺑﺠﻨﺎﻭﻱ ﺑﻠﻠﻪ ﺗﻌﺎﻟﻲ ﺍﺑﻮﺳﺞ
ﺟﻨﻰ : ﻫﻠﻮ ﺣﺎﻟﻪ ﺍﻧﻲ ﺍﺣﺒﺖ ( ﻫﻠﻮ ﺧﺎﻟﻪ ﺍﻧﻲ ﺍﺣﺒﺞ )
ﺳﺎﺭﻩ : ﺍﻭﻱ ﻓﺪﻳﺘﻬﺎ ﻟﻠﺤﺎﻟﻪ ﺍﻧـّ 'ℳέ' ـّﻲٌ
🔸🔹🔸🔹
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء