رواية نهوة حارث الجزء الثامن
للكاتبة زينب ماجد
🔹🔸🥇🔹🔸
ﺣﺎﺭﺙ .. ﻧﺎﻳﻤﻪ ﻭﻧﺪﺍﺭﺗﻠﻲ ﺿﺤﻜﺖ ﺧﻠﻴﺖ ﺍﻳﺪﻱ ﺟﻮﻩ ﺭﺍﺳﻬﺎ ﻭﺑﻌﺪﺕ ﺷﻌﺮﻫﺎ ﻧﺎﻳﻤﻪ .. ﺑﺴﺘﻬﺎ ﺑﻜﺼﺘﻬﺎ ﻭﺣﻈﻨﺘﻬﺎ ..
ﺭﺩﺕ ﺍﻧﺎﻡ ﻣﺎ ﺍﺟﺎﻧﻲ ﺍﻟﻨﻮﻡ .. ﺑﻘﻴﺖ ﺍﻓﻜﺮ ﺑﺎﻟﻜﺎﻟﺘﻪ ﻋﻠﻰ ﻓﺎﻃﻤﻪ .. ﻛﺎﻣﺖ ﺣﺴﺒﻪ ﺗﺠﻴﺒﻨﻲ ﻭﺍﻟﺜﺎﻧﻴﻪ ﺗﺎﺧﺬﻧﻲ ..
ﺍﻟﻰ ﺍﻥ ﺩﻙ ﺍﻟﺒﺎﺏ ﺍﻣﻲ ﻛﺎﻟﺖ ﻳﻤﻪ ﺑﻴﺖ ﻋﻤﻚ ﺣﻤﺪﺍﻥ ﻫﻨﺎ ﺟﺎﻳﻴﻦ ﻳﺒﺎﺭﻛﻮﻟﻚ .. ﻛﺘﻠﻬﺎ ﺍﻱ ﻳﻤﻪ ﺟﺎﻱ .. ﺑﺎﻭﻋﺘﻠﻬﺎ .. ﻓﺘﺤﺖ ﻋﻴﻮﻧﻬﺎﻭﺷﺎﻟﺖ ﺭﺍﺳﻬﺎ ﻣﻦ ﺍﻳﺪﻱ
ﻛﺘﻠﻬﺎ ﺍﺫﺍ ﺗﻌﺒﺎﻧﻪ ﺭﺟﻌﻲ ﻧﺎﻣﻲ .. ﻛﺎﻟﺖ ﻻ ﻛﻌﺪﺕ ﺑﻌﺪ ﻛﻀﻴﺘﻬﺎ ﻣﻦ ﺧﺪﻫﺎ ﻭﻛﺮﺻﺘﻬﺎ ﻭﺍﺑﺘﺴﻤﺘﻠﻬﺎ
ﻧﺰﻟﺖ ﻣﻦ ﺍﻟﺴﺮﻳﺮ ﻭﻫﻴﻪ ﺗﺒﺎﻭﻋﻠﻲ .. ﻟﺒﺴﺖ ﻫﺪﻭﻣﻲ ﻭﻛﻔﺖ ؏ﺍﻟﻤﺮﺍﻳﺎ ﺍﻣﺸﻂ .. ﻛﺎﻟﺖ ﺣﺎﺭﺙ .. ﺩﺭﺗﻠﻬﺎ ﻭﺟﻬﻲ ﻭﻛﺘﻠﻬﺎ ﺍﻣﺮﻱ ..
ﻛﺎﻣﺖ ﺗﻘﺮﺑﺖ ﻳﻤﻲ .. ﻛﺎﻟﺖ ؏ﺷﻨﻮ ﺗﺤﺒﻨﻲ .. ﺍﺑﺘﺴﻤﺖ ﻛﺘﻠﻬﺎ ﻣﺎ ﺍﻋﺮﻑ .. ﻛﺎﻟﺖ ﺑﺲ ﺍﻧﻲ ﻣﺎ ﺍﺣﺒﻚ .. ﺻﻔﻨﺖ ﺑﻮﺟﻬﺎ .. ﻭﻛﺘﻠﻬﺎ ﺍﻧﺸﺎﻟﻠﻪ ﻭﻃﻠﻌﺖ
ﺭﻓﻞ .. ﻃﻠﻊ ﻣﻦ ﺍﻟﻐﺮﻓﻪ .. ﺑﻘﻴﺖ ﺍﺑﺎﻭﻉ ﻭﺭﺍﻩ .. ﻋﺠﻴﺐ ﺗﺼﺮﻓﺎﺗﻪ ﻭﺣﻨﻴﺘﻪ ﻋﻜﺲ ﺍﻟﻠﻲ ﻳﺒﻴﻨﻪ ﻣﻦ ﻗﺴﺎﻭﺓ ﻭﻋﺼﺒﻴﻪ ..
ﺍﻟﻤﺸﻜﻠﻪ ﺷﻠﻮﻥ ﺍﻧﺪﻣﺞ ﻭﻳﺎﻩ ﻭﺍﻧﻲ ﻣﺤﺎﺑﺘﻪ .. ﺍﻭﻑ ﻫﻮﻩ ﺍﺍﻟﻲ ﺣﺒﻴﺘﻪ ﻃﻠﻊ ﺣﻘﻴﺮ ﻭﺍﻻﻛﺮﻫﻪ ﻃﻠﻊ ﺧﻮﺵ ﺍﺩﻣﻲ ﺯﻳﻦ ﻭﻳﻦ ﺍﻟﺼﺢ
ﺑﺪﻟﺖ ﻛﻠﺒﻴﻪ ﻭﻟﻤﻴﺖ ﺷﻌﺮﻱ ﻭﻟﻔﻴﺖ ﺍﻟﺤﺠﺎﺏ ﻫﻴﺞ ﺭﺍﺧﻲ ﻣﺠﺮﺩ ﻟﻔﻪ ﺑﺴﻴﻄﻪ ﻋﻠﻰ ﺷﻌﺮﻱ .. ﻭﻃﻠﻌﺖ ﻳﻤﻬﻢ ﺩﺧﻠﺖ ﺳﻠﻤﺖ ﻋﻠﻰ ﻋﻤﻮ ﺣﻤﺪﺍﻥ ﻭﻛﻌﺪﺕ
ﻭﺣﺎﺭﺙ ﻋﻴﻨﻪ ﻋﻠﻴﻪ ﻭﺍﻧﻲ ﻭﺍﻧﻲ ﺍﻛﻌﺪ ﻣﺎ ﺷﺎﻟﻬﺎ ﻭﻫﻮﻩ ﻳﺤﺠﻲ ﻭﻳﻪ ﻋﻤﻲ .. ﻛﻌﺪﺕ ﺍﺳﻮﻟﻒ ﻭﻳﻪ ﺑﻨﺎﺕ ﻋﻤﻲ
ﺍﻧﺪﺍﺭﻳﺖ ﻫﻴﺞ ﺑﺤﺮﻛﻪ ﻻ ﺍﺭﺍﺩﻳﻪ ﺍﺷﻮﻓﻪ ﻣﺨﻨﺰﺭ ﻋﻠﻴﻪ .. ﻫﺰﻳﺘﻠﻪ ﺑﺮﺍﺳﻲ ﺍﻱ ﺑﻤﻌﻨﻰ ﺷﻜﻮ ﺍﺷﺮﻟﻲ ﻋﻠﻰ ﺻﺪﺭﻱ ﺍﻟﻜﻠﺒﻴﻪ ﻧﺎﺯﻟﻪ ﻭﺍﻟﺤﺠﺎﺏ ﻭﺍﻛﻊ ﻣﻤﻨﺘﺒﻬﺘﻠﻪ
ﻫﻮﻩ ﺍﺻﻼ ﻣﺤﺪ ﻛﺎﻋﺪ ﺣﺘﻰ ﻋﻤﻮ ﻛﺎﻡ ﻟﻠﺤﻤﺎﻡ ﺑﺲ ﺍﻟﺒﻨﺎﺕ ﻛﺎﻋﺪﺍﺕ .. ﻓﺘﺤﺖ ﺍﻟﺤﺠﺎﺏ ﻭﻧﺰﻟﺖ ﺍﻟﻜﻠﺒﻴﻪ ﺑﺰﺍﻳﺪ ﻭﺭﻓﻌﺘﻠﻪ ﺣﺎﺟﺒﻲ . 😝
ﻫﻮﻩ ﻓﺘﺢ ﻋﻴﻨﻪ ﻳﺨﻨﺰﺭ ﺑﺄﺑﺘﺴﺎﻣﻪ .. ﻭﻛﺎﻡ ﺑﺴﺮﻋﻪ ﺭﺍﺡ ﻟﻠﻐﺮﻓﻪ ﺻﺎﺡ ﺭﻓﻠﻠﻠﻠﻠﻠﻞ ﻏﻠﺴﺖ ﻣﺎ ﺭﺩﻳﺖ .. ﺭﺟﻊ ﺻﺎﺡ ﺭﻓﻠﻠﻠﻠﻠﻠﻞ ﻋﺎﺩ ﻣﺮﺕ ﻋﻤﻲ ﻛﺎﻟﺖ ﻛﻮﻣﻲ ﻳﻤﻪ ﺭﺟﻠﺞ ﻳﺼﻴﺤﺞ
ﺧﺠﻠﺖ ﻛﻤﺖ ﺭﺩﺕ ﺍﻏﻠﺲ ﺍﺭﻭﺡ ﻟﻠﻤﻄﺒﺦ ﺟﺎﻥ ﺭﺳﺎﻟﻪ ﺗﺼﻴﺢ ﻳﺎ ﺭﻓﻞ ﺷﺒﻴﺞ ﻭﻳﻦ ﺭﺍﻳﺤﻪ ﺍﺛﻮﻟﻴﺘﻲ ﺻﺎﺭ ﺳﺎﻋﻪ ﺣﺎﺭﺙ ﻳﺼﻴﺢ ﻋﻠﻴﺞ
ﻛﺘﻠﻬﺎ ﺍﻱ ﺍﻧﺸﺎﻟﻠﻪ .. ﺧﺮﺭﺭﺏ ﺷﻨﻮ ﻻﺯﻣﻴﻦ ﺣﺮﺱ ﻋﻠﻴﻨﻪ ﻣﻴﻌﻮﻓﻮﻧﻲ ﺍﺋﺪﺏ ﺭﺟﻠﻲ ﺑﺮﺍﺣﺘﻲ ..
ﺩﺧﻠﺖ ﻟﻠﻐﺮﻓﻪ ﻛﺘﻠﻪ ﺷﻜﻮ ﺧﺒﺼﺖ ﺍﻟﺪﻧﻴﺎ .. ﻛﺎﻝ ﻣﻮ ﺻﺎﺭ ﺳﺎﻋﻪ ﺍﺻﻴﺢ ﻋﻠﻴﺞ .. ﻛﺘﻠﻪ ﻣﻨﺘﺒﻬﺖ .. ﻛﺎﻝ ﺍﺷﺮﺗﻠﺞ ﻋﻠﻰ ﺻﺪﺭﺝ ﺗﻀﻤﻴﻪ ﺗﺮﺟﻌﻴﻦ ﺗﺒﻴﻨﻴﻪ ﻋﻨﺎﺩ
ﺍﻧﻲ ﻭﺍﻛﻔﻪ ﻳﻢ ﺍﻟﻤﻴﺰ ﺗﻮﺍﻟﻴﺖ ﻭﻣﺨﺼﺮﻩ ﺍﻳﺪﻱ ﻭﺍﻻﻳﺪ ﺍﻟﺜﺎﻧﻴﻪ ﻋﻠﻤﻴﺰ .. ﺍﻱ ﻭﺷﺮﺍﻳﺪ ﻫﺴـ NOW ــﮩﮧ ..
ﺍﺗﻘﺮﺏ ﻣﻨﻲ ﻛﺎﻝ ﻻ ﺳﻼﻣﺘﺞ ﻣﺮﺍﻳﺪ ﺷﻲ ﻣﺪ ﺍﻳﺪﻩ ﻋﻠﻴﻪ ﺟﺎﻱ ﺍﺑﻌﺪ ﻧﻔﺴﻲ ﻋﻨﻪ ﻟﺰﻡ ﺍﻟﻜﻠﺒﻴﻪ ﻣﻦ ﻳﻢ ﺻﺪﺭﻱ ﻭﺷﻜﻬﺎ ﺑﺎﻟﻨﺺ
ﻟﻤﻴﺖ ﻧﻔﺴﻲ ﺑﺴﺎﻉ ﺻﺤﺖ ﺍﻧﺘﻪ ﺷﺒﻴﻚ ﺍﺗﺨﺒﻠﺖ ..
ﺣﺎﺭﺙ .. ﺍﺑﺘﺴﻤﺖ .. ﻛﺘﻠﻬﺎ ﺑﺪﻟﻴﻬﺎ ﻭﻣﺮﻩ ﺛﺎﻧﻴﻪ ﻣﻦ ﺍﻛﻮﻟﺞ ﺷﻲ ﻣﺘﻌﺎﻧﺪﻳﻦ .. ﻫﻠﻤﺮﻩ ﺻﺎﺭﺕ ﺑﺎﻟﺪﺷﺪﺍﺷﻪ ﺍﻟﻤﺮﻩ ﺍﻟﺜﺎﻧﻴﻪ ﺍﺷﻚ ﺭﺍﺳﺞ
🔹🔸🥇🔹🔸
ﺭﻓﻞ .. ﺍﻱ ﺩﻃﻠﻊ ﻳﻠﻪ ﺧﻞ ﺍﺑﺪﻝ
ﺣﺎﺭﺙ .. ﻫﺎﻱ ﻏﺮﻓﺘﻲ ﻋﺎﺟﺒﺞ ﺍﻧﺘﻲ ﺍﻃﻠﻌﻲ ﻭﻣﺒﺘﺴﻤﻠﻬﺎ ﺑﻤﻜﺮ ﻭﺍﻋﺎﻳﻦ ﻋﻠﻴﻬﺎ
ﺭﻓﻞ .. ﺍﻃﻠﻊ ﻫﻴﺞ ﺷﻨﻮ .. ﻣﻼﺑﺴﻲ ﻣﺸﻜﻜﻪ ﻭﺟﺴﻤﻲ ﻃﺎﻟﻊ ﺩﻭﻭﻭﻭﺧﺮ ﺍﻃﻠﻊ ﻳﻠﻪ .
ﺣﺎﺭﺙ .. ﺿﺤﻜﺖ ﻛﺘﻠﻬﺎ ﻣﺎ ﺍﻃﻠﻊ .. ﻭﺍﺗﻤﺪﺩﺕ ﻋﻞ ﺍﻟﺴﺮﻳﺮ ..
ﺭﻓﻞ .. ﺍﻭﻭﻭﻑ ﺩﻭﺭ ﻭﺟﻬﻚ ﻟﻌﺪ .. ﻃﻠﻌﺖ ﺍﻟﻜﻠﺒﻴﻪ ﻭﺭﺣﺖ ﺧﺘﻠﺖ ﻳﻢ ﺍﻟﺰﺍﻭﻳﻪ ﻭﺩﺭﺕ ﻭﺟﻬﻲ ﻭﺩﺍ ﺍﺑﺪﻝ .. ﻟﻜﻴﺘﻪ ﻭﺭﺍﻱ
ﻛﺘﻠﻪ ﺷﺒﻴﻚ ﻣﺘﺴﺘﺤﻲ ﻭﺧﺮ
ﺣﺎﺭﺙ .. ﻣﻨﻮ ﻳﻤﺞ ﻭﺍﻛﻒ ﻋﻠﻤﺮﺍﻳﺎ .. ﺩﺍﺭﺕ ﻭﺟﻬﺎ ﺍﺧﺬﺕ ﺍﻳﺪﻫﺎ ﺣﻴﻞ ﺳﺤﺒﺘﻬﺎ ﻭﺩﻓﻌﺘﻬﺎ ﻋﻞ ﺍﻟﻜﻨﺘﻮﺭ .. ﺧﻠﺴﺖ
ﺭﻓﻞ .. ﻭ ﻭ ﻭﻭﺧﺮ .. ﺑﻘﻰ ﻧﻔﺴﻲ ﻳﺼﻌﺪ ﻭﻳﻨﺰﻝ .. ﻛﺎﻝ ﺍﺣﺒﻨﺞ .. ﻛﺘﻠﻪ ﻣﺎ ﺍﺣﺐ .… ﻗﺎﻃﻌﻨﻲ ﻭﻫﻮﻩ ﻳﺒﻮﺳﻨﻲ
ﺩﺍ ﺍﺩﻓﻊ ﺑﻴﻪ ﻭﻫﻮﻩ ﻣﺴﺘﻤﺮ .. ﺍﻟﻰ ﺍﻥ ﺍﻧﺪﻛﺖ ﺍﻟﺒﺎﺏ ﺣﻴﻞ ﺻﺎﺣﻮ ﺗﻌﺎﻟﻮ ﺗﻐﺪﻭ .. ﻧﺘﺮ ﺍﻛﻔﺮ ﺑﻴﻬﻢ ﺫﻭﻝ ﺷﻮ ﻣﺼﺨﻮﻫﺎ
ﺍﻧﻲ ﺍﺳﺘﻐﻠﻴﺖ ﺩﻛﺔ ﺍﻟﺒﺎﺏ ﻓﻠﺘﺖ ﺑﺴﺮﻋﻪ ﻟﺒﺴﺖ ﻭﻃﻠﻌﺖ .. ﺿﺤﻚ .. ﻛﺎﻝ ﻭﻳﻦ ﺗﺮﺣﻴﻦ ﻫﻬﻬﻪ ..
ﻃﻠﻌﻨﻪ ﺍﺑﺎﻭﻉ ﻟﻼﻛﻞ ﺗﻤﻦ ﻭﻟﺤﻢ ﻭﺩﺟﺎﺝ .. ﺍﻭﻭﻭﻭﻑ ﺷﻜﺪ ﻳﺤﺒﻮﻥ ﺍﻟﺪﺳﻢ 😣 ﻛﻌﺪﺕ ﻭﻳﺎﻫﻢ ﻭ ﺟﺮﻳﺖ ﺻﺪﺭ ﺩﺟﺎﺝ ﻭﺑﻘﻴﺖ ﺍﻛﻞ ﺑﺪﻭﻥ ﺧﺒﺰ
ﻭﻫﻮﻩ ﻛﺎﻋﺪ ﻳﻤﻲ .. ﻛﻤﻠﺖ ﺍﻛﻞ ﺷﻠﺖ ﺍﻟﻤﻮﺍﻋﻴﻦ ﻭﻳﻪ ﺍﻟﺒﻨﺎﺕ ﻭﻭﻛﻔﺖ ﺍﻏﺴﻞ ﻣﻮﺍﻋﻴﻦ ﻭﻳﺎﻫﻢ ..
ﺩﺍ ﺍﻏﺴﻞ ﻭﻃﺐ ﺣﺎﺭﺙ ﺻﺮﺥ ﺑﻴﻪ ﻛﺎﻝ ﺍﻧﺘﻲ ﺷﻨﻮ ﻣﺘﻔﺘﻬﻤﻴﻦ .. ﻛﺘﻠﻪ ﺷﺒﻴﻚ ﻛﺎﻝ ﺑﺎﺏ ﺍﻟﺸﺎﺭﻉ ﻣﻔﺘﻮﺡ ﻭﺍﻧﺘﻲ ﺷﺎﻳﻠﻪ ﺍﻟﻜﻠﺒﻴﻪ ﻓﻮﻙ ﺍﻟﺮﻛﺒﻪ .. ﻧﺰﻟﻠﻠﻠﻠﻠﻲ
ﻛﺘﻠﻪ ﻻ ﺗﺼﻴﺢ ﺗﺮﻩ ﻣﻮ ﺭﺟﻮﻟﻪ ﺗﺼﻴﺢ ﻭﺗﺮﻓﻊ ﺻﻮﺗﻚ ﻋﻠﻰ ﻣﺮﻩ .. ﻛﺎﻝ ﺍﻧﺘﻲ ﺷﻨﻮ ﻣﺘﻔﺘﻬﻤﻴﻦ ﺩﺍ ﺍﻛﻮﻟﺞ ﻧﺰﻟﻲ ﻫﺪﻭﻣﺞ
ﻛﺘﻠﻪ ﻣﺎ ﺍﻧﺰﻝ ﻋﻨﺪﻙ ﻏﻴﺮﻩ ﺳﺪ ﺍﻟﺒﺎﺏ ..
ﺣﺎﺭﺙ .. ﺍﺑﻦ ﺍﺧﺘﻲ ﺻﻒ ﺳﺎﺩﺱ ﺍﻋﺪﺍﺩﻱ ﻟﻮ ﻣﺮ ﻭﺷﺎﻓﺞ ﺑﻬﻠﻤﻨﻀﺮ ﺷﻴﻜﻮﻭﻭﻭﻭﻭﻭﻝ
ﺭﻓﻞ .. ﺩﺍ ﺍﻛﻮﻟﻚ ﻟﺘﺼﻴﺢ ﻻ ﺗﺼﻴﺢ ﺷﻨﻮ ﺷﻮﻓﻮﻧﻲ ﺍﺻﻴﺢ ﻋﻠﻰ ﻣﺮﺗﻲ ﺗﺮﻩ ﻋﻨﺪﻱ ﺍﺣﺴﺎﺱ ﻣﺎ ﺍﻗﺒﻞ ﺗﻬﻴﻨﻲ ﻛﺪﺍﻡ ﺍﻫﻠﻚ
ﺩﺭﺕ ﻭﺟﻬﻲ ﺩﺍ ﺍﺭﻭﺡ ﺟﺮ ﺍﻳﺪﻱ ﺣﻴﻞ . ﻛﺎﻝ ﺗﻌﺎﻱ ﻟﺞ ﺑﻌﺪﻧﻲ ﻣﺎ ﻣﻜﻤﻞ ﻛﻼﻣﻲ .. ﻣﻦ ﺟﺮﺕ ﺍﻳﺪﻩ .. ﺻﺎﺭﺕ ﻋﻠﻰ ﺍﻟﻤﻮﺍﻋﻴﻦ .. ﻭﻛﻊ ﻣﺎﻋﻮﻥ ﺍﻧﻜﺴﺮ ﻭﺍﻧﺸﻜﺖ ﺭﺟﻠﻲ
ﺷﻔﺖ ﺍﻟﺪﻡ ﻳﺠﺮﻱ ﻣﻦ ﺭﺟﻠﻲ ﻣﺘﺖ ﻣﻦ ﺍﻟﺨﻮﻑ ﺑﻘﻴﺖ ﺍﺑﺠﻲ ﻭﺍﺿﺮﺏ ﺑﻴﻪ .. ﻭﻫﻮﻩ ﻳﻜﻮﻟﻲ ﺑﺲ ﺍﺷﻮﻑ
ﻛﺘﻠﻪ ﻭﺧﺮ ﻭﺧﺮ ﻛﻠﻪ ﻣﻨﻚ .. ﺍﻣﺸﻲ ﺭﺟﻠﻲ ﻛﺎﻣﺖ ﺗﺼﺐ ﺩﻡ ﻗﻮﻱ .. ﺍﺑﺎﻭﻉ ﺍﻟﻜﺎﻉ ﺻﺎﺭﺕ ﻛﻠﻬﺎ ﺩﻡ
ﻭﺍﻧﻲ ﺍﺗﺨﺒﻞ ﻣﻦ ﻣﻨﻀﺮ ﺍﻟﺪﻡ ﺍﻏﻤﻰ ﻋﻠﻴﻪ ﺑﺴﺮﻋﻪ ..
ﺣﺎﺭﺙ .. ﺍﺭﻳﺪ ﺍﻟﺰﻣﻬﺎ ﺑﺲ ﺍﺷﻮﻑ ﺭﺟﻠﻬﺎ ﻫﻴﻪ ﺑﻘﺖ ﺗﺒﺠﻲ ﻭﺍﺩﻓﻊ ﺑﻴﻪ .. ﺍﻟﻰ ﺍﻥ ﺧﺮﺕ ﻭﻭﻛﻌﺖ
ﺗﺨﺒﻠﺖ .. ﺷﻠﺘﻬﺎ ﻭﺩﻳﺘﻬﺎ ﻟﻠﻤﺴﺘﺸﻔﻰ ﺍﻧﻄﻮﻫﺎ ﻣﻐﺬﻱ ﻛﺎﻟﻮ ﻋﺪﻫﺎ ﺍﻧﺨﻔﺎﺽ ﺑﺎﻟﻀﻐﻂ ﻭﺿﻤﺪﻭﻫﺎ ..
ﻛﻤﻠﺖ ﺍﻟﻤﻐﺬﻱ ﻛﺎﻝ ﺍﺧﺬﻫﺎ ﻣﺎ ﻋﻠﻴﻬﺎ ﺷﻲ ﺑﺲ ﺧﻞ ﺗﻨﺘﺒﻪ ﻻﻛﻠﻬﺎ .. ﺭﺟﻌﺖ ﻟﻠﺒﻴﺖ ﻟﻜﻴﺖ ﺍﻣﻬﺎ ﻭﺍﺑﻮﻫﺎ ﻛﻠﺒﻬﻢ ﻧﺎﺭ
ﺍﺧﺬﻫﺎ ﻋﻤﻲ ﻣﻦ ﺍﻳﺪﻱ ﻛﺎﻝ ﺷﺒﻴﻬﺎ ﻛﺘﻠﻪ ﺍﻧﺠﺮﺣﺖ ﺭﺟﻠﻬﺎ ﻭﺗﺨﺮﺑﻄﺖ ﻣﻦ ﺷﺎﻓﺖ ﺍﻟﺪﻡ .. ﺍﺧﺬﻭﻫﺎ ﺑﻴﻦ ﺍﺣﻈﺎﻧﻬﻢ ﻭﻫﻴﻪ ﺗﺒﺠﻲ ﻭﺗﻜﻮﻝ ﻣﺎ ﺍﺭﻳﺪ ﺍﺑﻘﻰ ﻫﻨﺎ
🔹🔸🥇🔹🔸
ﺍﻣﻬﺎ ﻛﺎﻟﺘﻠﻬﺎ ﺍﻫﺪﻱ ﺑﺲ ﺍﻫﺪﻱ ﺗﻜﻠﻬﻢ ﻣﺎ ﺍﺭﻳﺪﻩ ﻣﺘﺨﻠﻒ ﻭﺑﺲ ﺍﺻﻴﺎﺡ ﻣﺎ ﺍﺭﻳﺪﻩ .. ﻛﺘﻠﻬﺎ ﺻﻮﺗﺞ ﻟﺞ ﻻ ﺗﻐﻠﻄﻴﻦ ﺗﺮﻩ ﺍﻋﺮﻑ ﺷﻠﻮﻥ ﺍﺗﺼﺮﻑ ﻭﻳﺎﺝ
ﺭﻓﻞ .. ﻭﺑﻌﺪﻙ ﺗﺼﻴﺢ ﻋﻠﻴﻪ .. ﺟﺎﻳﺒﻨﻲ ﻓﺼﻠﻴﻪ ﻋﻨﺪﻙ ﺗﻬﻴﻦ ﻭﺗﻐﻠﻂ ﻛﺪﺍﻡ ﺍﻟﻌﺎﻟﻢ ﻋﻠﻴﻪ .. ﻣﺎ ﺍﺭﻳﺪﻙ ﻣﺎ ﺍﺭﻳﺪﻙ ﻫﻴﻪ ﻛﻮﻩ
ﺣﺎﺭﺙ .. ﻭﻳﻄﺒﺞ ﻣﺮﺽ ﻻ ﺗﺮﺩﻳﻦ ﻫﺬﺍ ﺑﻴﺘﺞ ﻭﻛﺒﺮﺝ ﻣﻤﻨﻮﻉ ﺗﺮﺣﻴﻦ ﻣﻨﺎ
ﺍﺟﺖ ﺍﻣﻬﺎ ﻛﺎﻟﺘﻠﻪ ﺧﺎﻟﻪ ﺍﻟﺨﺎﻃﺮﻱ ﻋﻠﻜﻴﻔﻚ ﻭﻳﺎﻫﺎ ﻫﻴﻪ ﺗﺘﺨﺒﻞ ﻣﻦ ﺍﻟﺪﻡ ﻣﻮ ﺍﻧﻮﺏ ﺷﺎﻓﺖ ﻧﻔﺴﻬﺎ .. ﻛﺘﻠﻪ ﺧﺎﻟﻪ ﺍﻧﻪ ﻣﺎ ﻣﺴﻮﻳﻠﻬﺎ ﺷﻲ
ﻛﺘﻠﻬﺖ ﻧﺰﻟﻲ ﺍﻫﺪﻭﻣﺞ .. ﺗﺸﺘﻐﻞ ﻭﺍﻟﺜﻮﺏ ﻓﻮﻙ ﺍﻟﺮﻛﺒﻪ ﻭﺑﺎﺏ ﺍﻟﺸﺎﺭﻉ ﻣﻔﺘﻮﺡ ﻭﺍﺑﻦ ﺍﺧﺘﻲ ﻳﺘﺨﻄﻒ
ﺭﻓﻞ .. ﺍﺗﻘﺮﺑﺖ ﻣﻨﻪ ﻛﺘﻠﻪ ﺭﺩﺗﻨﻲ ﻭﺍﺧﺬﺗﻨﻲ ﺑﻌﺪ ﺷﺮﺍﻳﺪ ﻣﻨﻲ ﻋﻮﻓﻨﻲ ﺑﺤﺎﻟﻲ ﻣﺎ ﺍﺭﻳﺪﻙ ﻫﻴﻪ ﻛﻮﻭﻭﻭﻭﻩ
ﺣﺎﺭﺙ .. ﻻ ﺗﻌﻠﻴﻦ ﺻﻮﺗﺞ ﻻ ﺫﺑﺤﺞ ﻭﺍﻟﻠﻪ .. ﻣﺴﺎﻋﻪ ﻣﺴﻮﻳﻪ ﺭﻭﺣﺞ ﻣﻴﺘﻪ ﻭﻫﺴﻪ ﺍﻟﺴﺎﻧﺞ ﻫﻠﻄﻮﻟﻪ
ﺍﺑﻮﻫﺎ ﻭﺍﻣﻬﺎ ﻭﻛﻔﻮ ﺑﻮﺟﻬﻲ ﻋﻤﻮ ﻋﻮﻓﻬﺎ ﺗﺮﺗﺎﺡ ﻋﺪﻧﻪ ﻭﺍﺳﺒﻮﻉ ﻭﺍﺧﺬﻫﺎ .. ﻛﺘﻠﻪ ﻋﻤﻲ ﻋﺮﺳﺎﻥ ﺍﻟﺒﺎﺭﺣﻪ ﺍﺗﺰﻭﺟﻨﻪ ﺷﻌﻮﻓﻬﺎ
ﺭﻓﻞ .. ﺍﻧﺘﻪ ﻣﺼﺪﻙ ﺭﻭﺣﻚ ﻋﺮﻳﺲ ﻣﺎ ﺍﺭﻳﺪﻙ ﻣﺎ ﺍﺭﻳﺪﻙ ﺍﺩﺭﻱ ﻟﺰﻛﻪ ﺧﻮﻣﺎ ﻟﺰﻛﻪ
ﺣﺎﺭﺙ .. ﻣﻮ ﺍﻧﺪﻣﺞ ﻭﺍﻟﻠﻪ
ﺭﻓﻞ .. ﻫﻬﻬﻬﻬﻬﻪ ﺧﻮﻓﺘﻨﻲ ..
ﺣﺎﺭﺙ ﺑﺴﻴﻄﻪ ﺍﺧﺬﻭﻫﺎ .. ﻭﺧﻠﻲ ﻳﻜﻮﻥ ﺑﻌﻠﻤﺞ ﺍﺳﺒﻮﻉ ﻭﺗﺮﺟﻌﻴﻦ .. ﻋﻔﺘﻬﻢ ﻭﻃﻠﻌﺖ
ﺍﺣﺲ ﺍﻟﻨﺎﺭ ﺗﺸﺘﻌﻞ ﺑﺪﺍﺧﻠﻲ ﻣﻨﻬﺎ .. ﺷﺒﻴﻪ ﻫﻴﺞ ﻣﻔﺮﻓﺢ ﻋﻠﻴﻬﺎ ﻣﺘﺮﻳﺪﻧﻲ ﻳﺎﺭﻭﺣﻲ ﻛﺎﻓﻲ .. ﻣﺎ ﻣﻠﻴﺘﻲ ﻣﻨﻬﺎ ﻛﺎﻓﻲ ..
ﺭﺣﺖ ﻛﻌﺪﺕ ﺑﺴﻴﺎﺭﺗﻲ ﻗﻔﻠﺖ ﺍﻟﺠﺎﻣﺎﺕ ﻭﺧﻠﻴﺖ ﺍﺩﻳﻪ ﻋﻠﻰ ﺭﺍﺳﻲ ﻭﻛﻤﺖ ﺍﺑﺠﻲ ..
🍀🍁🍃
ﻭﻟﻚ ﻳﺎﻛﻠﺒﻲ ﺑﻄﻞ ﻭﺍﻗﻔﻞ ﺍﻟﺒﺎﺏ ﻻﺗﺎﺧﺬﻧﻲ ﻭﺗﻤﺮﻧﻲ ﻟـ ﺩﺭﺑﻬﺔ
ﻭﻟﻚ ﻳﺎﻛﻠﺒﻲ ﻛﻠﻲ ﺷﺒﻴﻚ ﻭﻳﺎﻱ ﺍﻧﺎ ﺍﻛﺮﻫﺔ ﻟﻴﺶ ﺍﻧﺘﺔ ﺗﺤﺒﻬﺔ
ﻭﺍﺫﺍ ﺗﺒﻘﺔ ﻋﻠﻰ ﻫﺬﺍ ﺍﻟﺤﺎﻝ .. ﻣﻮ ﻛﻠﺒﻲ ﺍﺫﻥ ﺍﻧﺘﺔ ﻛﻠﺒﻬﺔ
ﻭﻟﻚ ﻳﺎﻛﻠﺒﻲ ﺍﺻﺒﺮ ﻟﻤﻦ ﺗﻔﻮﺕ ﺩﻣﻌﻲ ﻛﺒﺎﻟﻬﺔ ﻣﺎﺍﺭﻳﺪ ﺗﻬﻠﺔ
ﻋﻠﻲ ﺗﻠﻌﺐ ﻟﻌﺐ ﺗﺘﺪﻟﻞ ﻫﻮﺍﻱ ﻭﺍﻧﺎ ﺍﻋﺸﻚ ﺻﺮﺕ ﺣﺘﺔ ﻟﻌﺒﻬﺔ
ﻋﻠﻲ ﺗﻌﺘﺐ ﻭﺗﺠﺮﺣﻨﻲ ﺑﺎﻟﻌﺘﺎﺏ ﻻﻥ ﺑﻌﻴﻮﻧﻬﺔ ﻳﺴﻮﻟﻒ ﻋﺘﺒﻬﺔ
ﺍﻏﺎﺭ ﻣﻦ ﺍﻟﻬﻮﻯ ﻟﻮ ﻣﺮﻫﺔ ﻓﺪﻳﻮﻡ .. ﺗﺠﻴﺐ ﺍﻟﻨﺎﺭ ﺑﻀﻠﻮﻋﻲ ﻭﺗﺸﺒﻬﺔ
🍀🍁🍃
ﺭﺟﻌﺖ ﺑﻠﻴﻞ ﻛﻮﻟﺶ ﺩﺧﻠﺖ ﻛﺘﻠﻬﺎ ﻳﻤﻪ ﺭﺍﺣﺖ ﻛﺎﻟﺘﻠﻲ ﺍﻱ .. ﻛﺘﻠﻬﺎ ﻋﺴﺎﻫﺎ ﻻ ﺗﺮﺟﻊ .. ﻛﺘﻠﻬﺎ ﻳﻤﻪ ﺑﺎﺟﺮ ﻧﺮﻭﺡ ﺍﻧﻲ ﻭﻳﺎﺝ ﺍﻧﺠﻴﺐ ﻓﺎﻃﻤﻪ
ﻛﺎﻟﺖ ﺻﺪﻙ ﻛﺘﻠﻬﺎ ﺍﻱ ﻭﺍﻟﻠﻪ .. ﻫﻴﻪ ﺑﻌﺪﻫﺎ ﻣﻤﺨﻠﺼﻪ ﻋﺪﻩ ﻣﺼﺎﺭ ﺍﻗﻞ ﻣﻦ ﺷﻬﺮ ﻣﻦ ﻃﻠﻜﺘﻬﺎ ﺍﻛﺴﺮ ﺍﻟﻌﺪﻩ ﻭﺍﺭﺟﻌﻬﺎ ﻋﻠﻰ ﺫﻣﺘﻲ
ﻛﺎﻟﺖ ﺍﺣﺴﻦ ﻗﺮﺍﺭ ﺍﺭﻭﺡ ﺍﺧﺎﺑﺮ ﺧﺎﻟﻚ ﻭﺍﻧﻄﻲ ﻋﻠﻢ .. ﻛﺘﻠﻬﺎ ﺑﺮﺍﺣﺘﺞ
ﻛﻤﺖ ﺩﺧﻠﺖ ﻟﻠﻐﺮﻓﻪ .. ﺍﻋﺎﻳﻨﻠﻬﺎ .. ﻳﻮﻡ ﺩﺧﻠﺘﻬﺎ ﻭﻛﺄﻧﻬﺎ ﻣﺜﻞ ﺍﻟﺤﻠﻢ .. ﺷﻜﺪ ﻣﺮﺗﺎﺡ ﻭﻳﺎﻫﺎ ﺟﻨﺖ .. ﺑﺲ ﻳﻮﻡ ﻫﺬﺍ ﺣﻈﻲ ﻭﻳﺎﻫﺎ ﺑﺲ ﻳﻮﻡ
ﺷﻔﺖ ﻛﻠﺒﻴﺘﻬﺎ ﺍﻟﺸﻜﻴﺘﻬﺎ ﺑﺎﻟﺰﺍﻭﻳﻪ .. ﺷﻠﺘﻬﺎ .. ﺻﻔﻄﺘﻬﺎ ﻭﺧﻠﻴﺘﻬﺎ ﻳﻤﻲ .. ﺻﺮﺕ ﺍﺷﻢ ﺑﻴﻬﺎ ﻭﺍﺟﺮ ﺣﺴﺮﺍﺕ ﺷﺒﻴﻪ ﻭﻳﺎﻫﺎ
🔹🔸🥇🔹🔸
ﻟﻴﺶ ﺍﺭﻳﺪﻫﺎ ﻣﺎ ﺗﺮﻳﺪﻧﻲ ﻟﻴﺶ ﻛﻠﺒﻲ ﻣﻌﺎﻧﺪ ﺍﻻ ﻫﻴﻪ .. ﻳﺎﺭﺑﻲ ﻋﻴﻨﻲ ﻭﻗﻮﻳﻨﻲ .. ﺩﺭﺕ ﻭﺟﻬﻲ ﻟﻠﻤﻜﻴﻒ ﻭﻧﻤﺖ
ﻛﻌﺪﺕ ﺍﻟﺼﺒﺢ ﻟﻜﻴﺖ ﺍﻣﻲ ﻻﺑﺴﻪ ﻭﻣﺤﻈﺮﻩ ﻛﺎﻟﺖ ﻫﺎ ﻳﻠﻪ .. ﻛﺘﻠﻬﺎ ﺷﻜﻮ .. ﻛﺎﻟﺖ ﻏﻴﺮ ﻧﺮﻭﺡ .. ﻛﺘﻠﻬﺎ ﻭﻳﻦ
ﻛﺎﻟﺖ ﻧﺠﻴﺐ ﻓﺎﻃﻤﻪ .. ﻛﺘﻠﻬﺎ ﻫﺎﺍﺍﺍﺍ ﺍﻱ ﻫﺴﻪ ﺍﺳﺒﺢ ﻭﺍﻃﻠﻊ ﻭﻳﺎﺝ .. ﺩﺧﻠﺖ ﺳﺒﺤﺖ ﻭﻃﻠﻌﺖ ..
ﺍﺧﺬﺕ ﺍﻣﻲ ﻭﺭﺣﺖ ﻟﺒﻴﺖ ﺧﺎﻟﻲ .. ﺍﺳﺘﻘﺒﻠﻨﻪ ﺧﺎﻟﻲ ﻭﺣﺘﻰ ﺿﺮﻏﺎﻡ ﺍﺑﻦ ﺧﺎﻟﻲ ﺍﻟﻐﻠﻂ ﻋﻠﻰ ﺭﻓﻞ ﻫﻢ ﺍﺳﺘﻘﺒﻠﻲ
ﻣﺎ ﺭﺩﻳﺖ ﺍﻳﺪﻩ ﺳﻠﻤﺖ ﻭﺩﺧﻠﺖ .. ﺍﺟﻮ ﺟﻬﺎﻟﻲ ﻳﺘﺮﺍﻛﻀﻮﻥ ﻋﻠﻴﻪ .. ﺩﻧﻜﺘﻠﻬﻢ ﺍﺧﺬﺗﻬﻢ ﺍﻟﺤﻈﻨﻲ ﻭﺍﺑﻮﺱ ﺑﻴﻬﻢ
ﻛﺘﻠﻬﻢ ﺷﻠﻮﻧﻜﻢ ﻣﺤﺪ ﻳﺮﺩ ﺑﺲ ﻳﻀﺤﻜﻮﻥ ﻭﻣﺮﺗﻀﻰ ﻳﺸﻤﺸﻢ ﺑﻴﻪ ﺧﻄﻴﻪ ﺑﺴﺘﻬﻢ .. ﻭﻧﺰﻟﺘﻬﻢ ﻭﺍﻧﻄﻴﺘﻬﻢ ﻓﻠﻮﺱ ﻛﺘﻠﻬﻢ ﺭﻭﺣﻮ ﺍﺷﺘﺮﻭ
ﺑﺎﺳﻮﻧﻲ ﺑﺨﺪﻱ ﻭﺭﻛﻀﻮ .. ﺩﺧﻠﺖ ﻛﻌﺪﺕ .. ﻃﺒﺖ ﻓﺎﻃﻤﻪ ﺟﺎﺑﺖ ﻣﻲ ﻭﺟﻬﺎ ﻣﺒﺘﺴﻢ ﻣﺎ ﺍﻋﺮﻑ ﻫﻴﻪ ﺣﻠﻮﻩ ﻟﻮ ﻫﺴﻪ ﺻﺎﻳﺮﻩ ﺣﻠﻮﻩ
ﻣﺘﻐﻴﺮ ﻭﺟﻬﺎ ﻭﻣﺨﻠﻴﻪ ﻣﻜﻴﺎﺝ .. ﻭﺻﺎﻳﺮﻩ ﺑﻴﻀﻪ ﺍﻛﺜﺮ .. ﺿﺤﻜﺘﻠﻬﺎ .. ﺿﻠﻴﻨﻪ ﻧﺴﻮﻟﻒ ﻭﻧﺤﺠﻲ .. ﻋﺎﺩ ﺩﺧﻠﺖ ﺑﺎﻟﻤﻮﺿﻮﻉ
ﻛﺘﻠﻪ ﺧﺎﻟﻲ ﺍﻧﻪ ﺟﺎﻳﻚ ﻭﻃﺎﻟﺒﻚ .. ﺻﺢ ﺻﺎﺭ ﺑﻴﻨﺎﺗﻨﺎ ﻏﻠﻂ ﻭﻓﺸﺎﺭ ﻭﺳﻼﺡ ﺑﺲ ﻣﺤﺪ ﺿﺤﻴﻪ ﻏﻴﺮ ﺍﻃﻔﺎﻟﻲ .. ﻭﻓﺎﻃﻤﻪ ﺻﺢ ﻏﻠﻄﺖ ﻭﻃﻠﻌﺖ ﺳﺮ ﺑﻴﺘﻲ
ﻭﻫﺬﺍ ﻳﻌﺘﺒﺮ ﺩﺭﺱ ﺍﻟﻬﺎ .. ﺑﺲ ﻫﻴﻪ ﺧﻮﺵ ﻣﺮﻩ ﻭﻣﺪﺍﺭﻳﺘﻨﻲ ﻭﻣﺎ ﺍﺭﻳﺪ ﺍﺧﺴﺮﻫﺎ .. ﻛﺎﻝ ﺧﺎﻟﻲ ﺍﻟﻤﺮﻩ ﻣﺮﺗﻚ ﻛﺒﻌﻬﺎ ﻭﺍﺧﺬﻫﺎ .. ﻛﺘﻠﻪ ﻛﻔﻮ ﻣﻨﻚ ﺧﺎﻟﻲ
ﺗﻐﺪﻳﻨﻪ ﻭﻛﻤﻠﻨﻪ . ﻛﺘﻠﻪ ﻣﺼﻄﻔﻰ ﻳﻠﻪ ﺑﺎﺑﺎ ﺻﻴﺢ ﺍﻣﻚ ﺧﻞ ﻧﺮﻭﺡ ﻃﻠﻌﺖ ﻻﺑﺴﻪ ﺍﻟﻌﺒﺎﻳﻪ ﻭﺍﻟﺠﻨﻂ ﺑﻴﺪﻫﺎ .. ﻛﺘﻠﻬﺎ ﺍﻧﻄﻴﻨﻴﺎﻫﻢ
ﺍﻧﻄﺘﻨﻴﺎﻫﻢ ﻭﻫﻴﻪ ﻣﺪﻧﻜﻪ .. ﺍﺧﺬﺗﻬﻦ ﻭﺻﻌﺪﺕ ﻛﺘﻠﻬﻢ ﻳﻠﻪ .. ﺻﻌﺪﺕ ﺍﻣﻲ ﻟﻴﻜﺪﺍﻡ ﻭﻓﺎﻃﻤﻪ ﻭﺭﻩ .. ﺩﺭﺕ ﻭﺟﻬﻲ ﻻﻣﻲ ﻛﺘﻠﻬﺎ ﺷﻨﻮ ﺭﺃﻳﻜﻢ ﺍﺧﺬﻛﻢ ﻟﻼﻣﺎﻡ ﻋﻠﻲ
ﺍﻣﻲ ﻛﺎﻟﺖ ﻋﻠﻮﺍﺍﺍ ﻫﻴﺞ ﻭﻧﺤﺼﻞ ﺯﻳﺎﺭﻩ .. ﺷﻠﺖ ﻋﻴﻨﻲ ﻟﻔﺎﻃﻤﻪ ﻭﻛﺘﻠﻬﺎ ﻫﺎﺍﺍ ﺗﺮﺣﻴﻦ ﻛﺎﻟﺖ ﺑﻜﻴﻔﻚ .. ﻛﺘﻠﻬﺎ ﺑﺲ ﻣﺴﺤﻲ ﻣﻜﻴﺎﺟﺞ ﺑﺎﻻﻭﻝ
ﻛﺎﻟﺖ ﺍﻭﺻﻞ ﻟﻼﻣﻴﺮ ﻭﺍﻏﺴﻞ ﻭﺟﻬﻲ .. ﺳﻜﺘﺖ .. ﻃﻠﻌﺖ ﺑﻴﻬﻢ ﻛﺒﻞ ﻟﻠﻨﺠﻒ ﻟﻬﻨﺎﻙ ﻭﺻﻠﻨﻪ ﺻﻔﻴﺖ ﺍﻟﺴﻴﺎﺭﻩ ﺑﺎﻟﻜﺮﺍﺝ
ﻫﻴﻪ ﺷﺎﻟﺖ ﻣﺮﺗﻀﻰ ﻭﺍﻧﻲ ﺷﻠﺖ ﻣﺼﻄﻔﻰ ﻋﻠﻰ ﻛﺘﻔﻲ .. ﻭﻣﺸﻴﻨﺎ ﺩﺧﻠﺖ ﺑﺲ ﺍﻧﻪ ﻭﻣﺼﻄﻔﻰ ﻭﺍﻣﻲ ﺍﺧﺬﺕ ﻓﺎﻃﻤﻪ ﻭﺩﺧﻠﺖ ﺯﺍﺭﻭ
ﻛﻤﻠﺖ ﻃﻠﻌﺖ ﻟﻠﺼﺤﻦ ﻛﻌﺪﺕ ﻭﻣﺼﻄﻔﻰ ﻳﻠﻌﺐ ﻛﺪﺍﻣﻲ ﻭﺍﻧﻲ ﺍﺗﺬﻛﺮ ﺭﻓﻞ ﺍﻟﺒﺎﺭﺣﻪ ﻫﻴﺞ ﻭﻛﺖ ﺍﻧﻲ ﻣﺎﺧﺬﻫﺎ ﻟﻠﻤﺴﺘﺸﻔﻰ
ﺍﻭﻭﻭﻑ ﺷﻮﻛﺖ ﺍﻭﺧﺮﻫﺎ ﻣﻦ ﺑﺎﻟﻲ ﻣﺘﺖ .. ﺩﺍ ﺍﻓﻜﺮ ﻭﺍﺟﺖ ﺍﻣﻲ ﻭﻓﺎﻃﻤﻪ ﻛﺘﻠﻬﻢ ﺯﻳﺎﺭﻩ ﻣﻘﺒﻮﻟﻪ .. ﻛﺎﻟﻮ ﺗﻘﺒﻞ ﺍﻋﻤﺎﻟﻚ
ﻛﺘﻠﻬﻢ ﻳﻠﻪ ﻛﻮﻣﻮ .. ﻛﻤﺖ ﺍﺧﺬﺗﻬﻢ ﻣﻄﻌﻢ ﻛﻌﺪﺗﻬﻢ . ﻧﺰﻟﺘﻠﻬﻢ ﻛﺒﺎﺏ ﻭﻛﺺ .. ﻛﻤﻠﻮ ﻛﺘﻠﻬﻢ ﻳﻠﻪ ﻛﻮﻣﻮ ..
ﻣﺸﻴﺖ .. ﻓﺎﻃﻤﻪ ﻟﺰﻣﺘﻨﻲ ﻣﻦ ﺍﻳﺪﻱ ﻛﺎﻟﺘﻠﻲ ﺷﺒﻴﻚ .. ﻛﺘﻠﻬﺎ ﺷﺒﻴﻪ .. ﻛﺎﻟﺖ ﻣﻮ ﻋﻠﻰ ﺑﻌﻀﻚ ﺍﺣﺴﻚ ﻣﻜﺴﻮﺭ ﻣﺨﻨﻮﻙ
ﻛﺘﻠﻬﺎ ﻻ ﻣﺎﻛﻮ ﺷﻲ ﺑﺲ ﺗﻌﺒﺎﻥ .. ﻛﺎﻟﺖ ﺍﻧﺘﻪ ﻣﻮ ﺻﺎﺭ 3 ﺍﻳﺎﻡ ﻋﺮﺳﻚ ﺟﺎ ﻭﻳﻨﻬﺎ ﺭﻓﻞ .. ﻛﺘﻠﻬﺎ ﺭﺍﺣﺖ ﻻﻫﻠﻬﺎ
ﻛﺎﻟﺖ ﺷﻨﻲ ﺷﺒﺴﺎﻉ .. ﻛﺘﻠﻬﺎ ﻭﻛﻌﺖ ﻭﺍﻧﺠﺮﺣﺖ ﺑﺮﺟﻠﻬﺎ ﻭﺍﻣﻬﺎ ﻭﺍﺑﻮﻫﺎ ﻛﺎﻟﻮ ﻧﻌﺎﻟﺠﻬﺎ ﺍﺑﻐﺪﺍﺩ ﺍﺳﺒﻮﻉ ﻭﺗﺮﺟﻊ ..
ﻛﺎﻟﺖ ﻳﻌﻨﻲ ﺗﺮﺟﻊ .. ﻛﺘﻠﻬﺎ ﺍﻱ .. ﻣﻦ ﻛﺘﻠﻬﺎ ﻫﻴﺞ ﺫﺑﺖ ﺍﻳﺪﻫﺎ ﻣﻦ ﺍﻳﺪﻱ .. ﻭﻣﺸﺖ ﺑﻌﻴﺪ ﻋﻨﻲ
ﻭﺻﻠﻨﻪ ﺍﻟﻜﺮﺍﺝ ﺻﻌﺪﺗﻬﻢ ﻭﺭﺟﻌﺖ ﻟﻠﺒﻴﺖ ﺩﻧﻴﺎ ﻟﻴﻞ .. ﻭﺻﻠﻨﻪ ﻛﺘﻠﻬﻢ ﻧﺰﻟﻮ ﺷﻮﻳﻪ ﻭﺍﺭﺟﻊ .. ﻧﺰﻟﺘﻬﻢ
ﻭﺍﺧﺬﺕ ﺍﻟﺴﻴﺎﺭﻩ ﻭﺭﺣﺖ ﻟﻤﻜﺎﻥ ﺟﻮﻝ ﺧﺎﻟﻲ ﻣﺎ ﺑﻴﻪ ﺍﺣﺪ .. ﺍﺣﺲ ﺍﻛﻮ ﻫﻢ ﻫﻠﻜﺒﺮﻩ ﻋﻠﻰ ﺻﺪﺭﻱ ﻛﻤﺖ ﺍﺻﻴﺦ ﺑﻜﻞ ﻋﻠﻮ ﺻﻮﺗﻲ ﻳﺎﺍﺍﺍﺍﺍﺍﺍﺍﺍﺍﺍﺍﺍﺍ ﺍﻟﻠﻪ ﺧﻠﺼﻨﻲ ﺗﻌﺒﺖ
ﺑﻘﻴﺖ ﺍﺻﻴﺢ ﻟﺤﺪ ﻣﺎ ﺍﺭﺗﺎﺣﻴﺖ .. ﺻﻌﺪﺕ ﻭﺭﺣﺖ ﻟﺒﻴﺘﻲ .. ﺩﺧﻠﺖ ﻟﻜﻴﺖ ﻓﺎﻃﻤﻪ ﻣﻨﻮﻣﻪ ﺍﻟﺠﻬﺎﻝ ﻭﻣﺤﻀﺮﺗﻠﻲ ﻧﻔﺴﻬﺎ ..
ﻣﺎ ﺍﻟﻲ ﺧﻠﻚ ﺍﻟﻬﺎ ﺑﺲ ﻣﺎ ﺭﺩﺕ ﺍﻓﺸﻠﻬﺎ ﺗﻘﺮﺑﺖ ﻳﻤﻬﺎ ﻭﻧﻤﺖ ..
ﻛﻌﺪﺕ ﺍﻟﺼﺒﺢ ﻟﻜﻴﺖ ﻣﻜﺎﻟﻤﻪ ﻟﻢ ﻳﺮﺩ ﻋﻠﻴﻬﺎ ﻣﻦ ﺭﻓﻞ ﻛﻤﺰﺕ ﻋﻠﻰ ﺣﻴﻠﻲ ﺑﻜﻞ ﻓﺮﺡ .. ﺍﺗﺼﻠﺖ ﻋﻠﻴﻬﺎ … ﻳﺘﺒﻊ
🌺🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء